Ssrajamouli  

ద‌ర్శ‌క‌ధీరుడు రాజ‌మౌళి...గౌత‌మీపుత్ర శాత‌క‌ర్ణి ద‌ర్శ‌కుడు క్రిష్ ను అభినందిస్తూ ఓ లేఖ రాసిన‌ట్టు ప్ర‌ముఖ దిన పత్రిక‌లో ప్ర‌చురించారు. ఆత‌ర్వాత రాజ‌మౌళి రాసిన లేఖ‌కు స్పంద‌న‌గా క్రిష్ మ‌రో లేఖ రాయ‌డం తెలిసిందే. ఇప్పుడు అంద‌రికీ షాక్ ఇస్తూ రాజ‌మౌళి ఆ లేఖ నేను రాయ‌లేదు అని ట్విట్ట‌ర్ ద్వారా తెలియ‌చేసారు.

ఇంత‌కీ జ‌రిగింది ఏమిటంటే....గౌత‌మీపుత్ర శాత‌క‌ర్ణి ప్ర‌మోష‌న్స్ లో భాగంగా రాజ‌మౌళి, క్రిష్ ని ఇంట‌ర్ వ్యూ చేసారు. ఈ ఇంట‌ర్ వ్యూ అనంత‌రం క్రిష్ ఇందులోని పాయింట్ తీసుకుని లెట‌ర్ రూపంలో చెప్పిన‌ట్టుగా రాస్తామ‌ని  రాజ‌మౌళికి చెప్పార‌ట‌. అయితే...గౌత‌మీపుత్ర శాత‌క‌ర్ణి టీమ్ అత్యుత్సాహంతో రాజ‌మౌళి రాసిన‌ట్టుగా రాసిన లేఖ నాట‌కీయంగా ఉంద‌ట‌. ఈ లేఖ చూసి ఆశ్చ‌ర్య‌పోయాను. వెంట‌నే క్రిష్ ని అడిగితే...మా టీమ్ అత్యుత్సాహం వ‌ల‌న అలా జ‌రిగింది. క్లారిఫికేష‌న్ ఇస్తాను అని క్రిష్ రాజ‌మౌళికి చెప్పార‌ట‌.అయితే... క్రిష్ టీమ్ నుంచి క్లారిఫికేష‌న్ రాక‌పోవ‌డంతో రాజ‌మౌళి ట్విట్ట‌ర్ ద్వారా అస‌లు విష‌యం బ‌య‌ట పెట్టారు.