Extradition  

విజయ్ మాల్యా అప్పగింత కేసులో భారతదేశానికి ఎదురుదెబ్బ తగిలింది. భారత్‌కు మాల్యా అప్పగింతపై బ్రిటన్ హోంమంత్రి సాజిద్ జావిద్ జారీ చేసిన ఆదేశాలను సవాల్ చేస్తూ మాల్యా దాఖలు చేసిన పిటిషన్‌ను లండన్ హైకోర్టు విచారణకు స్వీకరించింది. మరోవైపు పంజాబ్ నేషనల్ బ్యాంక్ (పీఎన్బీ) కుంభకోణం కేసులో నిందితుడు మెహుల్ చౌక్సీ అప్పగింత విషయమై కేంద్రం సుప్రీంకోర్టును ఆశ్రయించింది. 

హువావే సీనియర్ ఎగ్జిక్యూటివ్ మెంగ్ వాంగ్ ఝూను అమెరికాకు అప్పగించాలన్న పిటిషన్ ను ఉపసంహరించాలని కెనడా మంత్రి డేవిడ్ లామిట్టెకు ఆమె తరఫు న్యాయవాదులు కోరారు. 

నీరవ్ మోదీ, విజయ్ మాల్య అప్పగింత ప్రక్రియ ఏ దశలో ఉన్నదో వెల్లడించడానికి విదేశాంగశాఖ నిరాకరించింది. వారిద్దరూ బ్రిటన్ కనుసన్నుల్లోనే ఉన్నందున అప్పగింత ప్రక్రియ వివరాలు వెల్లడిస్తే అసలుకే మోసం రావచ్చునని ఆందోళన వ్యక్తం చేసింది. 
 

స్వదేశంలో రూ.9వేలకోట్ల రుణాలను ఎగ్గొట్టి పారిపోయిన పారిశ్రామికవేత్త విజయ్ మాల్యాకు మరోసారి కోర్టులో చుక్కెదురైంది. భారత్‌కు రప్పించేందుకు దర్యాప్తు సంస్థలు ప్రయత్నాలు చేస్తుండగా.. ఇందుకు వ్యతిరేకంగా మాల్యా చేసిన అభ్యర్థనను అక్కడి హైకోర్టు కోర్టు తోసిపుచ్చింది. 

దాదాపు 15 నెలల క్రితం వెలుగు చూసిన పంజాబ్ నేషనల్ బ్యాంక్ (పీఎన్బీ) కుంభకోణం కేసులో నిందితుడు నీరవ్ మోదీని అప్పగించాలని కోరుతూ భారత్ చేస్తున్న ప్రయత్నాలు ఫలిస్తున్నట్లే ఉన్నాయి. ఇటీవల టెలిగ్రాఫ్ విలేకరికి లండన్ నగరంలో నీరవ్ మోదీ తారసపడిన సంగతి తెలిసిందే. తాజాగా లండన్ లోని వెస్ట్ మినిస్టర్ కోర్టు నీరవ్ మోదీని అరెస్ట్ చేయాలని ఆదేశాలు జారీ చేసింది. అయితే దీనిపై బ్రిటన్ ప్రభుత్వం, స్కాట్లాండ్ పోలీసులు ప్రతిస్పందించాల్సి ఉంది. అయితే నీరవ్ మోదీ బ్రిటన్ చట్టాల మాటున కొంత కాలం భారత్‌కు అప్పగించకుండా తప్పించుకోవచ్చునేమో గానీ.. సొంత దేశానికి రాకుండా ఉండలేరని తేలిపోయింది. 

నష్టాలతో మూలనబడ్డ కింగ్ ఫిషర్ ఎయిర్ లైన్స్ అధినేత, మద్యం వ్యాపారి విజయ్ మాల్యా అప్పగింతకు బ్రిటన్ ప్రభుత్వం రంగం సిద్ధం చేసింది. విజయ్ మాల్యాను భారతదేశానికి అప్పగించాలని డిసెంబర్ 10వ తేదీన వెస్ట్ మినిస్టర్ కోర్టు తీర్పు చెప్పడమే కాదు దీనిపై నిర్ణయం తీసుకోవాలని హోంశాఖకు సిఫారసు చేసింది. తాజాగా బ్రిటన్ హోంమంత్రి సాజిద్ జావిద్ ఆ అప్పగింత ఫైలుపై సంతకం చేశారు. కాకపోతే విజయ్ మాల్య మరోమారు బ్రిటన్ హైకోర్టు, సుప్రీంకోర్టుల తలుపు తట్టేందుకు అవకాశం ఉన్నది. ఇదంతా జరిగి భారత దేశానికి విజయ్ మాల్యను తీసుకు రావడానికి ఏడెనిమిది నెలలు పట్టొచ్చునని న్యాయ నిపుణులు అంటున్నారు.

నీరవ్ మోడీ, మాల్యా మీకు కావాలా.. ఐతే ఒక షరతు..!!