టాటాసన్స్, ఎతిహాద్, డెల్టా ఎయిర్ లైన్స్, ఖతార్ ఎయిర్ లైన్స్ ఇంకా క్యూ భారీగానే ఉంది. ఇదంతా ఏమిటంటే ఆర్థిక సంక్షోభంలో చిక్కుకుని కేంద్రం జోక్యంతో బ్యాంకులు టేకోవర్ చేసుకున్న ‘జెట్ ఎయిర్వేస్’ సంస్థను కైవసం చేసుకునేందుకు ఆసక్తిగా ఉన్న సంస్థలు. దాని నిర్వహణకు బ్యాంకర్ల కన్సార్టియం నుంచి వాటాలను కొనుగోలు చేయడంతోపాటు అదనంగా రూ.4500 కోట్ల పెట్టుబడి పెట్టాల్సి ఉంటుందని ఎస్బీఐ సీనియర్ అధికారి ఒకరు చెప్పారు. ఇక జెట్ ఎయిర్వేస్ విమానాలు టేకాఫ్ అయితే టికెట్ ధరలు తగ్గివస్తాయని అంచనా వేస్తున్నారు. 
 

ఇప్పటికే ఇంధనం, సుంకాల ధరలు పెరిగాయి. త్వరలో ప్రయాణికుల సేవా రుసుము బిల్లు టిక్కెట్లపై పడనున్నది. ఈ క్రమంలో వచ్చే వేసవి సెలవులను సద్వినియోగం చేసుకునేందుకు ముందస్తు ప్రణాళికతో పని చేస్తే తేలికవుతుంది.

ఆర్థిక సంక్షోభంతో జెట్ ఎయిర్వేస్, పైలట్ల కొరతతో ఇండిగో కలగలిపి 150-250 విమాన సర్వీసులను రద్దు చేయడం, ఇంధన ధరలు పెరగడంతో విమానయాన సంస్థలు టిక్కెట్ల ధరలు పెంచేశాయి. రమారమీ 60 శాతం ధరలు పెంచడంతోపాటు భవిష్యత్‌లో మరింత పెరిగే అవకాశాలు ఉన్నాయని సంకేతాలిచ్చాయి.