మద్యం వ్యాపారి  

దేశీయ బ్యాంకుల వద్ద తీసుకున్న భారీ రుణాలు ఎగవేసి.. బ్రిటన్‌కు పారిపోయిన లిక్కర్ వ్యాపారి విజయ్ మాల్యను అప్పగించేందుకు రంగం సిద్ధమైంది. భారతదేశానికి అప్పగించేందుకు అనుమతినిస్తూ బ్రిటన్ హోంమంత్రి ప్రీతి పటేల్ ఆదేశాలు జారీ చేసినా.. కరోనా మహమ్మారి వ్యాపిస్తున్న ప్రస్తుత తరుణంలో విజయ్ మాల్యను మన దేశానికి తీసుకు రావడం ఆలస్యమయ్యేలా కనిపిస్తున్నది.
 

మద్యం వ్యాపారి విజయ్ మాల్యా తాను రుణాలు చెల్లించేందుకు సిద్ధమైనా బ్యాంకులు అంగీకరించలేదని వాదిస్తూ ఉంటారు. కానీ వాస్తవంగా వివిధ బ్యాంకులను మోసగించే రీతిలోనే ఆయన సారథ్యంలోని కింగ్ ఫిషర్ ఎయిర్ లైన్స్ వ్యవహరించింది.

నష్టాలతో మూలనబడ్డ కింగ్ ఫిషర్ ఎయిర్ లైన్స్ అధినేత, మద్యం వ్యాపారి విజయ్ మాల్యా అప్పగింతకు బ్రిటన్ ప్రభుత్వం రంగం సిద్ధం చేసింది. విజయ్ మాల్యాను భారతదేశానికి అప్పగించాలని డిసెంబర్ 10వ తేదీన వెస్ట్ మినిస్టర్ కోర్టు తీర్పు చెప్పడమే కాదు దీనిపై నిర్ణయం తీసుకోవాలని హోంశాఖకు సిఫారసు చేసింది. తాజాగా బ్రిటన్ హోంమంత్రి సాజిద్ జావిద్ ఆ అప్పగింత ఫైలుపై సంతకం చేశారు. కాకపోతే విజయ్ మాల్య మరోమారు బ్రిటన్ హైకోర్టు, సుప్రీంకోర్టుల తలుపు తట్టేందుకు అవకాశం ఉన్నది. ఇదంతా జరిగి భారత దేశానికి విజయ్ మాల్యను తీసుకు రావడానికి ఏడెనిమిది నెలలు పట్టొచ్చునని న్యాయ నిపుణులు అంటున్నారు.