ట్రంప్  

అమెరికా అధ్యక్షుడు డొనాల్డ్ ట్రంప్‌పై మరోసారి అత్యాచారం ఆరోపణలు వచ్చాయి. తాజాగా ట్రంప్ తనపై అత్యాచారం చేశారంటూ ఓ రచయిత్రి సంచలన ఆరోపణలు చేశారు.

అగ్రరాజ్యం అమెరికా విధిస్తున్న వాణిజ్య దిగుమతి సుంకాల ప్రభావం ఆ దేశ పౌరులకే చుట్టుకుంటున్నది. ఏటా 12.2 బిలియన్ డాలర్ల మేరకు అమెరికన్లు నష్టపోవాల్సి వస్తుందని తెలుస్తోంది.

ఉరుము ఉరిమి మంగళం మీద పడినట్లు డేటా లోకలైజేషన్ చేయాలన్న భారత్ ఆదేశాలకు అమెరికా అధ్యక్షుడు డొనాల్డ్ ట్రంప్ ప్రతిగా హెచ్ 1 బీ వీసాల జారీపై 10-15 శాతం వరకూ కోత విధించాలని నిర్ణయించినట్లు సమాచారం. దీనిపై తమకు అధికారిక సమాచారం అందలేదని విదేశాంగశాఖ తెలిపింది. హెచ్ 1 బీ వీసాలపై పరిమితులు విధించడం వల్ల అమెరికాకే నష్టమని నాస్కామ్ హెచ్చరించింది. 

అమెరికా అధ్యక్షుడు డొనాల్డ్ ట్రంప్ విధించిన ఆంక్షల ప్రభావం చైనా స్మార్ట్ ఫోన్ల దిగ్గజం ‘హువావే’పై గణనీయంగానే పడింది. అంతర్జాతీయంగా 40 శాతం సేల్స్ తగ్గిపోయాయి. దీంతో వచ్చే రెండేళ్లలో 30 శాతం ఉత్పత్తిని తగ్గించాలని హువావే వ్యవస్థాపక సీఈఓ రెన్ జెంగ్ ఫై నిర్ణయించారు.

చైనా స్మార్ట్ ఫోన్ల తయారీ సంస్థ ‘హువావే’ కష్టాలు మొదలవుతున్నాయి. అమెరికా ఆంక్షల నేపథ్యంలో తన ఫోల్డబుల్ మ్యాట్ ఎక్స్ స్మార్ట్ ఫోన్‌ను మార్కెట్లోకి విడుదల చేసే విషయాన్ని సెప్టెంబర్ వరకు వాయిదా వేసింది. ముందుగా నిర్ణయించిన షెడ్యూల్ ప్రకారం జూన్ లో కస్టమర్లకు అందుబాటులోకి రావాలి. ట్రంప్ హుకుం వల్ల హువావే సంస్థ స్మార్ట్ ఫోన్లలో వాడే కీలక విడి భాగాలు అందించే అమెరికా టెక్ సంస్థలు దూరం జరుగుతున్నాయి. ఫలితంగా హువావే వీటికి ప్రత్యామ్నాయాలు వెతుక్కోవడంతోపాటు క్వాలిటీని కాపాడుకోగలిగితేనే మార్కెట్లో తన స్థానాన్ని కాపాడుకోగలదు. బట్ అది అంత తేలిక్కాదు.

ఆలింగనాలు చేసుకున్నా.. దాసోహం అన్నా అమెరికా అధ్యక్షుడు డొనాల్డ్ ట్రంప్ వైఖరిలో మార్పు లేదు. అమెరికాకు వాణిజ్య పరంగా లబ్ధి చేకూర్చడమే లక్ష్యంగా ముందుకు సాగుతున్నారు. తొలుత చైనా, తదుపరి యూరప్ దేశాలు.. ఆపై మిగతా దేశాల నుంచి దిగుమతి చేసుకుంటున్న ఉత్పత్తులపై సుంకాలు విధించిన ట్రంప్ సర్కార్.. గతేడాదే భారత్ నుంచి స్టీల్, అల్యూమినియం ఉత్పత్తుల దిగుమతిపై సుంకాలు విధించింది. ఈ నెల ఐదో తేదీ నుంచి భారత్ కు ఇచ్చిన జీఎస్పీ హోదాను ఉపసంహరించుకున్నది. అన్ని విధాల వేచి చూసిన మోదీ సర్కార్.. 29 అమెరికా ఉత్పత్తులపై భారీగా ప్రతీకార సుంకాలు విధించడానికి సిద్దమైంది. అంతా అనుకున్నట్లు సాగితే ఈ నెల 16 నుంచి ఆ సుంకాలు అమల్లోకి వస్తాయి.

చైనా ప్రముఖ టెక్‌ దిగ్గజం హువావేపై అమెరికా విదించిన నిషేధంతో లాభం కంటే తమకు నష్టమే ఎక్కువ అని సెర్చింజన్ గూగుల్ భావిస్తోంది. గూడచర్యం చేస్తుందన్న సాకుతో హువావేపై ఇటీవల అమెరికా అధ్యక్షుడు డొనాల్డ్ ట్రంప్.. ఆ తర్వాత నిషేధం 90 రోజుల పాటు సడలిస్తున్నట్లు ప్రకటించింది.

విదేశీ నిపుణులకు జారీ చేసే హెచ్-1 బీ వీసాల జారీపై అమెరికా అధ్యక్షుడు డొనాల్డ్ ట్రంప్‌ జారీ చేసిన ఆదేశాల ప్రభావం ప్రతికూలంగా మారింది. 2018లో హెచ్-‌1 బీ వీసాలు 10 శాతం తగ్గాయని నివేదికలు చెబుతున్నాయి. 

అమెరికా అధ్యక్షుడు డొనాల్డ్ ట్రంప్ మాటంటే శిలా శాసనమే. వచ్చే ఏడాది అమెరికా దేశాధ్యక్ష ఎన్నికల్లో తిరిగి గెలుపొందడమే లక్ష్యంగా ‘అమెరికన్ ఫస్ట్’ నినాదానికి భావోద్వేగాన్ని రంగరించేందుకు సిద్ధమయ్యారు. ఇప్పటివరకు ప్రపంచ దేశాలపై రకరకాల సుంకాలు విధించిన ట్రంప్.. తాజాగా ఈ నెల ఐదో తేదీ నుంచి భారతదేశానికి ఇచ్చిన ప్రాధాన్య వాణిజ్య హోదా (జీఎస్పీ)ని రద్దు చేస్తున్నట్లు ప్రకటించేశారు. కానీ దానివల్ల పెద్దగా ప్రతికూల ప్రభావమేమీ ఉండబోదని భారత్ పేర్కొంది.

అమెరికా అధ్యక్షుడు డొనాల్డ్ ట్రంప్ మాటంటే శిలా శాసనమే. వచ్చే ఏడాది అమెరికా దేశాధ్యక్ష ఎన్నికల్లో తిరిగి గెలుపొందడమే లక్ష్యంగా ‘అమెరికన్ ఫస్ట్’ నినాదానికి భావోద్వేగాన్ని రంగరించేందుకు సిద్ధమయ్యారు. 

సందట్లో సడేమియా అన్నట్లు సార్వత్రిక ఎన్నికల ముంగిట్లో జీఎస్పీ కింద భారతదేశానికి ప్రిఫరెన్షియల్ ట్రేడ్ స్టేటస్ రద్దు చేస్తున్నట్లు మార్చిలో ప్రకటించింది అమెరికా. అమెరికా కాంగ్రెస్ సభ్యులు.. భారత్ లో ఎన్నికలు జరుగుతున్నందున వాయిదా వేయాలన్నా.. తీరా గడువు ముగిసాక జీఎస్పీ పునరుద్ధరణ మాటే లేదని ట్రంప్ సర్కార్ బెదిరింపులకు దిగుతోంది. దీనివల్ల భారత ఎగుమతులపై ప్రభావం పడుతుందని అంచనా. 

అమెరికా అధ్యక్షుడు డొనాల్డ్ ట్రంప్ ‘అమెరికా ఫస్ట్’ నినాదం మనోళ్లకు కష్టాలు పెంచుతోంది. ఇంతకుముందు ప్రతిభా ఆధారంగా హెచ్1 బీ వీసా నిబంధనలు కఠినతరం చేస్తే.. తాజాగా జీవిత భాగస్వాములకు జారీ చేసే హెచ్ 4 వీసాపై నిషేధం విధించేందుకు చర్యలు ప్రారంభమయ్యాయి. ఈ చర్యలు అమలులోకి రావడానికి ఏడాది పట్టినా.. 1.2 లక్షల మంది భారతీయ మహిళలకు కష్టాలు తప్పకపోవచ్చు. మున్ముందు అమెరికాలో ఉద్యోగం అంటేనే తిరస్కరించే పరిస్థితి తలెత్తొచ్చు.

తమ సంస్థపై అమెరికా విధించిన నిషేధంపై చైనా స్మార్ట్ ఫోన్ల దిగ్గజం హువావే ఫౌండర్ రెన్ జెంగ్ ఫీ ఘాటుగానే స్పందించారు. తమ సామర్థ్యాన్ని తక్కువగా అంచనా వేయొద్దని హెచ్చరించారు. 5జీ నెట్ వర్క్ లో తమదే పై చేయి అని, తామేమీ ఏకాకులం కాదన్నారు. మరోవైపు అమెరికా తన నిషేధాన్ని 90 రోజులు సడలించింది. గూగుల్ సైతం తమ ఆండ్రాయిడ్ అప్లికేషన్స్ వాడుకోవచ్చునని పేర్కొంది. 

అమెరికా అధ్యక్షుడు డొనాల్డ్ ట్రంప్ విధించిన నిషేధం ప్రభావం చైనా స్మార్ట్ ఫోన్ల తయారీ సంస్థ ‘హువావే’పై గణనీయంగానే ఉండే అవకాశం ఉన్నది. ఇప్పటి వరకు హువావే ఫోన్లలో అన్ని సేవలు లభించినా.. ఇకముందు ఆ ఫోన్లు కొనుగోలు చేసేవారికి తమ ఆండ్రాయిడ్ సేవలు అందుబాటులో ఉండవని గూగుల్ తేల్చేసింది. ప్రపంచంలోనే రెండో అతిపెద్ద మార్కెట్ యూరప్ దేశాల్లో దీని ప్రభావం గణనీయంగానే ఉంటుందని నిపుణులు అంచనా వేస్తున్నారు.

దిగుమతి సుంకాల పెంపు పేరిట అతి చేయొద్దని అమెరికా అధ్యక్షుడు డొనాల్డ్ ట్రంప్‌కు చైనా హితవు పలికింది. పరస్పర సహకారంతో ముందుకెళ్దామని అమెరికా విదేశాంగశాఖ మంత్రి మైక్ పాంపియోకు చైనా రాయబారి వాంగ్ యీ ఫోన్‌లో చెప్పారు.