Asianet News TeluguAsianet News Telugu

ఇంటిపై పిడుగు: ఎమ్మెల్యే రవీంద్రకుమార్ కు, ఫ్యామిలీకి తప్పిన ముప్పు

దేవరకొండ ఎమ్మెల్యే రవీంద్ర కుమార్, ఆయన కుటుంబ సభ్యులు పిడుగుపాటు నుంచి తప్పించుకున్నారు. ఆయన ఇంటిపై గురువారం సాయంత్రం పిడుగు పడింది. ఆ ప్రమాదం నుంచి ఆయన బయటపడ్డారు.

MLA Ravindra kumar and family escapes from lightening
Author
Devarakonda, First Published Apr 9, 2020, 4:59 PM IST

దేవరకొండ: నల్లగొండ జిల్లా దేవరకొండ ఎమ్మెల్యే రవీంద్ర కుమార్ కు, అతని కుటుంబానికి తృటిలో ప్రమాదం తప్పింది. ఆయన క్యాంప్ కార్యాలయంపై గురువారం పిడుగు పడింది. గురువారం సాయంత్రం తెలంగాణలోని పలు చోట్ల ఉరములు, మెరుపులతో కూడిన వర్షాలు పడ్డాయి.

పిడుగు రవీంద్ర కుమార్ కార్యాలయం పెంట్ హౌస్ ను తాకింది. అయితే, ఆ ప్రమాదం నుంచి ఎమ్మెల్యే కుటుంబం తప్పించుకుంది. ఈ రోజు, రేపు తెలంగాణలోని పలు ప్రాంతాల్లో వర్షాలు పడే అవకాశం ఉంది. 

హైదరాబాదులో భారీ వర్షాలు పడ్డాయి. ఉరుములు, మెరుపులతో కూడిన వర్షాలు పడ్డాయి. హైదరాబాదులోని మూసాపేట, కూకట్ పల్లి, నిజాంపేట ప్రాంతాల్లో వర్షాలు పడ్డాయి. అంబర్ పేట, నాంపల్లి ప్రాంతాల్లో కూడా వర్షాలు పడ్డాయి.

తెలంగాణ, రాయలసీమ మీదుగా ఉపరితల ఆవర్తనం ఏర్పడే అవకాశం ఉంది. తిరుమల తిరుపతిలో కూడా ఉరములు, మెరుపులతో కూడిన వర్షాలు పడ్డాయి. 

Follow Us:
Download App:
  • android
  • ios