కడ్తాల్ బర్త్‌డే పార్టీ: వెలుగులోకి డ్రగ్స్ కోణం.. ఆరా తీస్తున్న పోలీసులు
కడ్తాల్ బర్త్ డే సెలబ్రేషన్స్‌కు సంబంధించి డ్రగ్స్ కోణంలో పోలీసులు దర్యాప్తు చేస్తున్నారు. ముగ్గురు నిర్వహకుల్లో ఒకరు డ్రగ్స్ సరఫరా చేసే వ్యక్తిగా పోలీసులు గుర్తించారు. జేషన్ అలీఖాన్ అలియాస్ జాక్ గతంలో డ్రగ్స్ సరఫరా చేసినట్లుగా తెలుస్తోంది
కడ్తాల్ బర్త్ డే సెలబ్రేషన్స్‌కు సంబంధించి డ్రగ్స్ కోణంలో పోలీసులు దర్యాప్తు చేస్తున్నారు. ముగ్గురు నిర్వహకుల్లో ఒకరు డ్రగ్స్ సరఫరా చేసే వ్యక్తిగా పోలీసులు గుర్తించారు. జేషన్ అలీఖాన్ అలియాస్ జాక్ గతంలో డ్రగ్స్ సరఫరా చేసినట్లుగా తెలుస్తోంది. గోవా, ముంబై, హైదరాబాద్‌లలో జేషన్ అలీఖాన్ పలు ఈవెంట్స్ నిర్వహించినట్లుగా తెలుస్తోంది. ఆదివారం పట్టుబడిన 64 మంది యువతి, యువకుల్లో కొందరు డ్రగ్స్ బానిసలుగా అనుమానం వ్యక్తం చేస్తున్నారు పోలీసులు.
కాగా, గత ఆదివారం హైదరాబాద్ శివారు కడ్తాల్‌లో అర్థరాత్రి బర్త్‌డే పార్టీ పేరిట రూల్స్ బ్రేక్ చేశారు. ఓ రిసార్ట్‌లో మద్యం మత్తులో చిందులేశారు యువతీ, యువకులు. దాదాపు 50 మంది ఈ విందులో పాల్గొన్నారు. లాక్‌డౌన్ నిబంధనలు ఉల్లంఘిస్తూ బర్త్ డే సెలబ్రేషన్స్ నిర్వహించడంపై రంగంలోకి దిగారు పోలీసులు. ముగ్గురు నిర్వాహకుల్ని అరెస్ట్ చేసి భారీగా మద్యం సీసాలను స్వాధీనం చేసుకున్నారు. అలాగే డీజేని సీజ్ చేశారు.
Also Read:బర్త్‌డే పేరుతో రేవ్ పార్టీ: లాక్‌డౌన్ ఆంక్షలు బేఖాతరు.. మద్యం మత్తులో యువతీ యువ‌కుల చిందులు
రంగారెడ్డి జిల్లా కడ్తాల్ లోని ఓ ఫామ్ హౌస్‌లో రేవ్ పార్టీ జరుగుతుందని పోలీసులకు సమాచారం అందింది. శివారు ప్రాంతంలో ఉన్న భరత్‌ పాం హౌస్‌లో సాయంత్రం సమయంలో సుమారు 70 మంది యువతి, యువకులు చేరుకున్నారు. బర్త్ డే పార్టీ పేరుతో విచ్చలవిడిగా నృత్యాలు చేస్తూ హంగామా చేశారు. హైదరాబాద్‌కు చెందిన వరుణ్‌… భరత్‌ ఫాం హౌస్‌లో బర్త్ డే పార్టీ నిర్వహించాడు. ఆర్గనైజర్లుగా జాశన్‌ఖాన్‌, అన్వేష్‌ అన్నీ తామై చూసుకున్నట్లుగా తెలుస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
