టీం ఇండియా కెప్టెన్ విరాట్ కోహ్లీకి మరో అరుదైన ఘనత దక్కింది. అంతర్జాతీయ అత్యుత్తమ క్రికెటర్ గా కోహ్లీ ఎన్నికయ్యారు. సియట్ సంస్థ ప్రతి సంవత్సరం అంతర్జాతీయ స్థాయి అవార్డులను ప్రకటిస్తుందన్న విషయం తెలిసిందే. కాగా... ఈ ఏడాది.. ఆ జాబితాలో కోహ్లీకి చోటు దక్కింది.

అంతర్జాతీయ అత్యుత్తమ క్రికెటర్, అత్యుత్తమ బ్యాట్స్ మెన్ గా కోహ్లీని, అంతర్జాతీయ అత్యుత్తమ బౌలర్ గా బుమ్రాని ఎంపిక చేశారు. ఈ మేరకు వారికి అవార్డులు కూడా అందజేశారు. వీరితో పాటు.. టీం ఇండియా క్రికెట్ దిగ్గజం మొయిందర్ అమర్‌నాథ్ జీవితసాఫల్య పురస్కారం లభించింది. తనకు అవార్డు లభించడం ఎంతో సంతోషంగా ఉందని ఈ సందర్భంగా అమర్‌నాథ్ తెలిపారు.
 
ఇక చతేశ్వర్ పుజారాగాకు టెస్ట్ క్రికెటర్ ఆఫ్ ఇయర్‌గా, రోహిత్ శర్మకు వన్డే క్రికెటర్‌ ఆఫ్ ద ఇయర్‌గా అవార్డులు లభించాయి. ఇక మహిళలలో స్మృతి మంధనకు వుమెన్ క్రికెటర్ ఆఫ్ ది ఇయర్ అవార్డు దక్కింది. ‘‘2018-19లో క్రికెట్ చాలా అభివృద్ధి చెందింది. ప్రపంచస్థాయిలో క్రికెటర్లు అద్భుతంగా రాణిస్తున్నారు’’ అని ఆర్‌పీజీ గ్రూప్ ఛైర్మన్ హర్ష గొనేకా అన్నారు.