ప్రో కబడ్డి 2019: హర్యానా ఘన విజయం... తెలుగు టైటాన్స్ కు తప్పని ఓటమి
ప్రో కబడ్డి లీగ్ సీజన్ 7 లో హర్యానా స్టీలర్స్ మరో అద్బుత విజయాన్ని అందుకుంది. తెలుగు టైటాన్స్ తో జరిగిన మ్యాచ్ లో స్టీలర్స్ ఏకంగా 20 పాయింట్స్ తేడాతో ఘన విజయం సాధించింది.
ప్రో కబడ్డి సీజన్ 7లో హర్యానా స్టీలర్స్ ఘన విజయం సాధించింది. హోంగ్రౌండ్, సొంత ప్రేక్షకకుల ముందు హర్యానా ఆటగాళ్లు చెలరేగి ఆడి తెలుగె టైటాన్స్ ను చిత్తుగా ఓడించింది. హర్యానా ఆటగాళ్ల సమిష్టిగా పోరాడి ఈ విజయాన్ని అందించారు. ఇప్పటికే ప్లేఆఫ్ అవకాశాలను కోల్పోయిన టైటాన్స్ కనీసం గౌరవప్రదంగా అయినా టోర్నీనుండి వైదొలిగేలా కనిపించడం లేదు.
తెలుగు టైటాన్స్ రైడింగ్ లో 23, ట్యాకిల్స్ లో 8, ఎక్స్‌ట్రాల రూపంలో 1 మొత్తం 32 పాయింట్లు సాధించింది. సిద్దార్థ్ 12, ఫహాద్ 10, రాకేశ్ 4, ఆకాశ్ 3 పాయింట్లతో ఆకట్టుకున్న టైటాన్స్ విజయాన్ని మాత్రం అందుకోలేకపోయింది.
విజేత హర్యానా సొంత ప్రేక్షకుల మధ్యలో అద్భుతం ప్రదర్శన కనబర్చింది. రైడింగ్ లో 31, ట్యాకిల్స్ లో 12, ఆలౌట్ల ద్వారా 6, ఎక్స్‌ట్రాల రూపంలో 3 మొత్తం 52 పాయింట్లు సాధించిది. వికాస్ 13, వినయ్ 8, ప్రశాంత్ 7, రవి 7, సునీల్ 4 పాయింట్లతో హర్యానాకు విజయాన్ని అందించాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
