MTB Himachal Janjehli 2022 1st Edition : ముగిసిన స్టేజ్-2 రేస్.. 48మంది రైడర్లు, 37 కి.మీల మేర సాగిన పోటీ

ఎంటీబీ హిమాచల్ జంజెహ్లీ 2022 తొలి ఎడిషన్ స్టేజ్ 2లో దేశంలోని పలు ప్రాంతాల నుంచి వచ్చిన 48 మంది రైడర్‌లు పాల్గొన్నారు. తండపాని, చిండి, జంజెహ్లి వరకు సాగింది. ఇందులో రైడర్లు 37 కి.మీల మేర ప్రయాణించారు. కర్సోగ్ సమీపంలోని సనార్లీ నుంచి రాయ్‌ఘర్ వరకు అధిరోహించారు.

MTB Himachal Janjehli 2022 1st Edition: 48 riders cover 37 km in Stage 2 of mountain biking race

Siva Kodati

Simla, First Published Jun 25, 2022, 7:34 PM IST

శనివారం (జూన్ 25)న జరిగిన ఎంటీబీ హిమాచల్ జంజెహ్లీ 2022 మొదటి ఎడిషన్ స్టేజ్‌ 2లో దేశంలోని పలు ప్రాంతాల నుంచి వచ్చిన 48 మంది రైడర్‌లు పాల్గొన్నారు. ఈ రోజు తండపాని, చిండి, జంజెహ్లి వరకు సాగింది. ఇందులో రైడర్లు 37 కి.మీల మేర ప్రయాణించారు. కర్సోగ్ సమీపంలోని సనార్లీ నుంచి రాయ్‌ఘర్ వరకు అధిరోహించారు. ఈ రేసులో అత్యంత ఎత్తైన ప్రదేశం 2750 మీటర్ల షికారి మాత ఆలయం వద్ద వుంది.

స్టేజ్ 2 కూడా స్టేజ్ 1 మాదిరే శక్తివంతమైనదని నిర్వాహకులు అన్నారు. హిమాచల్‌ప్రదేశ్‌లో సైక్లింగ్ టూరిజాన్ని ప్రోత్సహించడం ఈ ఈవెంట్ ముఖ్యోద్దేశం. ముఖ్యంగా ఆ హిమాలయ రాష్ట్రం అందించే అందమైన ట్రాక్‌లు, ట్రయల్స్ మీదుగా సైక్లింగ్ చేయడం ఒక సవాల్ అని వారు పేర్కొన్నారు. హిమాచల్ టూరిజం, హిమాచల్ ప్రదేశ్ ప్రభుత్వం, హిమాలయన్ అడ్వెంచర్ స్పోర్ట్స్ అండ్ టూరిజం ప్రమోషన్ అసోసియేషన్ (హెచ్‌ఏఎస్‌టీపీఏ) ఈ ప్రత్యేకమైన మౌంటేన్ బైకింగ్ రేసును నిర్వహిస్తోంది.