ధోని ని చూసే నేర్చుకున్నా.. విరాట్ కోహ్లీ
స్లిప్లో చాలా సార్లు ధోనీకి దగ్గరగా నిల్చుని ఆయన ఆటతీరును నిశితంగా పరీక్షించేవాడిని’ అని కోహ్లీ ఓ ఇంటర్వ్యూలో చెప్పారు.
కెప్టెన్సీ బాధ్యతలు ఎలా నెరవేర్చాలో తాను టీం ఇండియా మాజీ కెప్టన్, సీనియర్ క్రికెటర్ మహేంద్ర సింగ్ ధోని ని చూసే నేర్చుకున్నానని విరాట్ కోహ్లీ తెలిపారు. ఇటీవల ఓ ప్రముఖ మీడియా సంస్థకు ఇచ్చిన ఇంటర్వ్యూలో కోహ్లీ పలు విషయాలు చర్చించారు.
‘కేవలం మహేంద్రసింగ్ ధోనీ నుంచే నేను నాయకత్వ లక్షణాలు నేర్చుకున్నా. ధోనీతో ఎప్పుడూ నేను ఆట గురించే మాట్లాడతా. నేను వైస్కెప్టెన్గా కాకముందే ఆయనతో నా సలహాలు, సూచనలు పంచుకునేవాడిని. ధోనీ నుంచి ఎంతో నేర్చుకున్నా. స్లిప్లో చాలా సార్లు ధోనీకి దగ్గరగా నిల్చుని ఆయన ఆటతీరును నిశితంగా పరీక్షించేవాడిని’ అని కోహ్లీ ఓ ఇంటర్వ్యూలో చెప్పారు.
‘నాకు ఆట గురించి ఆలోచించడం అంటే చాలా ఇష్టం. అందుకే కెప్టెన్సీని నేను ఎంతగానో ఆనందిస్తున్నా. ఆటలో నేను ఛేదననే ఇష్టపడుతుంటా. గేమ్ జరుగుతున్నంతసేపు నా మెదడుకు పనిపెడుతూనే ఉంటా’ అని కోహ్లీ చెప్పుకొచ్చారు.