ఆ బాధలన్నింటినీ భరించా..యూవీ భార్య హాజిల్
పదేళ్ల క్రితం ఎలా ఉన్నాం, గతంతో పోలిస్తే ఇప్పుడు మనలో వచ్చిన మార్పులేంటి తదితర అంశాలను ఫొటోలతో సహా సోషల్ మీడియాలో పోస్ట్‌ చేయాలి.
పదేళ్ల క్రితం తాను ఎన్నో బాధలు అనుభవించానని బాలీవుడ్ సినీ నటి, క్రికెటర్ యువరాజ్ సింగ్ భార్య హాజిల్ కిచ్ చెప్పారు. ప్రస్తుతం సోషల్ మీడియాలో #10ఇయర్స్‌చాలెంజ్‌ పేరిట కొత్త సవాల్ సందడి చేస్తున్న సంగతి తెలిసిందే. పదేళ్ల క్రితం ఎలా ఉన్నాం, గతంతో పోలిస్తే ఇప్పుడు మనలో వచ్చిన మార్పులేంటి తదితర అంశాలను ఫొటోలతో సహా సోషల్ మీడియాలో పోస్ట్‌ చేయాలి.
ఇప్పటికే బాలీవుడ్ తారలు సోనమ్‌ కపూర్‌, బిపాసా బసు, శృతి హాసన్‌లు ఇప్పటికే ఈ చాలెంజ్‌ను స్వీకరించారు. నటి, క్రికెటర్ యువరాజ్ సింగ్ భార్య హాజిల్ కీచ్‌ కూడా ఈ జాబితాలో చేరారు. హాజిల్ తన ఫోటోతోపాటు.. ఆమె పెట్టిన పోస్టు చాలా భావోద్వేగంతో నిండి ఉంది.
‘22 నుంచి 32 ఏళ్లు.. ఇంత దూరం ప్రయాణించానా! అప్పుడు డిప్రెషన్‌ను జయించేందుకు యుద్ధం చేసేదాన్ని, ఉపవాసం ఉండేదాన్ని, జట్టుకు చిక్కగా రంగేసుకునేదాన్ని. నా చుట్టూ ఉన్నవాళ్లను ప్రసన్నం చేసుకునేందుకు ఇలాంటి పనులన్నీ చేసేదాన్ని. వారిని సంతోషంగా ఉంచేందుకు బాధలన్నీ పంటిబిగువనే భరించాను. కానీ ఈరోజు పూర్తి విశ్వాసంతో మాట్లాడగలను. ఎవరు ఏమనుకుంటారోనన్న భయం లేదు. ఇప్పుడు ధైర్యంగా జట్టు కత్తిరించుకుంటున్నా. నా సంతోషం కోసమే నేను బతుకుతున్నా. ఇంత ఆరోగ్యంగా, ప్రశాంతంగా ఉంటానని ఎప్పుడూ కనీసం ఊహించలేదు. 10ఇయర్స్‌చాలెంజ్‌ మొదలుపెట్టిన వారికి కృతఙ్ఞతలు’ అంటూ హాజిల్ కీచ్‌ ఇన్‌స్టాగ్రామ్‌లో భావోద్వేగ పోస్ట్‌ చేశారు.
కాగా,.. ఆమె పోస్టుకి నెటిజన్స్ నుంచి మంచి స్పందన వస్తోంది. మీలాంటివారు మాకు ఆదర్శం అంటూ.. నెటిజన్లు కామెంట్ల వర్షం కురిపిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
