Asianet News Telugu

Sachin vs Kohli: సచిన్, కోహ్లీ ఇద్దరిలో అత్యుత్తమ క్రికెటర్‌ ఎవరో తెలుసా? ఇదొక్కటి చదవండి చాలు!

Bala Raju Telika — Mon, 21 Apr 2025 23:53:59 +0530

Sachin vs Kohli: 'సచిన్ రమేష్ టెండూల్కర్' ఈ పేరు తెలియని వారు, వినని వారు ఉండరు. నేటి తరానికి సచిన్‌ గురించి, అతని ఆట గురించి పెద్దగా తెలియకపోవచ్చు కానీ.. 90వ దశకంలో పుట్టిన వారు, అంతకు ముందు పుట్టిన ప్రతి ఒక్కరూ క్రికెట్లో సచిన్‌ ఒక ట్రెండ్ సెట్టరని అంటారు. కొందరు గాడ్‌ ఆఫ్‌ క్రికెట్‌ అని ముద్దుగా పిలుస్తుంటారు. సచిన్‌ క్రికెట్‌ చూసి ఎంతోమంది ఆటగాళ్లు క్రికెట్‌పై ఆసక్తి చూపారు. అలాంటి వాళ్లలో విరాట్ కోహ్లీ కూడా ఒకరు. అయితే... కోహ్లీ బ్యాటింగ్‌ యావరేజ్ చూస్తే సచిన్‌ కంటే అధికంగా ఉంది. సచిన్‌కు 40 యావరేజ్‌ ఉంటే.. కోహ్లీకి 60 వరకు ఉంది. దీంతో సచిన్‌ కంటే కోహ్లీ గొప్ప ఆటగాడు అని కొందరు అంటుంటారు. అసలు సచిన్‌కి, కోహ్లీకి ఏమైనా పోలిక ఉందా?

సచిన్ ఆటను కొలిచేందుకు అతని గణాంకాలను కాదు చూడవలసినది. అతను ఆటను మొదలుపెట్టినప్పటి కాలంలోని పరిస్థితులు ఎలా వున్నాయి, ఇప్పుడు ఎలా మారిపోయాయి అన్నది ఒక్కసారి గమనిస్తే మీకే సమాధానం తెలిసిపోతుంది. సచిన్ 1989లో తన అంతర్జాతీయ క్రికెట్ కెరీర్ ని ప్రారంభించాడు. అప్పట్లో ఇప్పటిలా బ్యాట్స్‌మెన్ ఫేవర్ గా పరిస్థితులు ఉండేవి కాదు. వసీమ్ అక్రమ్, వకార్ యూనిస్ వంటి అరివీర భయంకర బౌలింగ్ దాడిని ఎదుర్కొంటూ ఒక పదహారేళ్ళ కుర్రవాడు బ్యాటింగ్ చెయ్యడం ఆషామాషీ విషయం ఏమీ కాదు.

అప్పట్లో హెల్మెట్ లు కూడా సరిగా ఉండేవి కాదు.. సచిన్‌ ఆడిన తొలి మ్యాచ్‌లోనే వకార్ వేసిన ఒక బౌన్సర్ బంతి అతని ముఖానికి బలంగా తగిలి ముక్కు పగిలి రక్తం చిందింది. ఐనా నొప్పిని పంటి బిగువున అదిమిపెడుతూ నిలబడి అర్ధ శతకం చేసి జట్టుని ఓటమి నుంచి కాపాడాడు. సచిన్ క్రికెట్ పుస్తకంలో ఉన్న అన్ని షాట్లనూ అవలీలగా ఆడగలడు. అలాగే స్ట్రీట్ క్రికెట్ షాట్లు ఆడటానికీ వెనుకాడడు. అతను ఆడే షాట్లలో ఎంతో కచ్చితత్వం వుంటుంది.

ఒకానొక సందర్భంలో తన ట్రేడ్‌మార్క్ షాట్ అయిన కవర్ డ్రైవ్ వల్లనే తాను ఆ ఏడాది ఆసీస్ లో తరచుగా అవుట్ అవ్వడం జరుగుతోందని గమనించిన సచిన్, ఒక ఇన్నింగ్స్ ఆసాంతం ఆ షాట్ ని అస్సలు ఆడకుండా పూర్తి నియంత్రణతో 436 బంతులని కాచుకుంటూ ఆస్ట్రేలియా మేటి బౌలర్లపై తన ఆధిపత్యాన్ని చూపెడుతూ సిడ్నీ మైదానంలో అజేయంగా నిలిచి టెస్టుల్లో తన అత్యధిక స్కోరు 241* పరుగులు నమోదు చేసాడు. దాంతో, అతని బ్యాటింగ్ విన్యాసాలను ప్రత్యర్థులే ఎంతగానో మెచ్చుకున్నారు.

వన్డేలు మొదలైన తర్వాత పదిహేనేళ్ళ పాటు ఒక బ్యాట్సమెన్ తన కెరీర్ మొత్తంలో ఒకట్రెండు వన్డే సెంచరీలు చేస్తేనే గొప్పగా భావించేవాళ్ళు. అప్పట్లో ఇప్పుడు ఉన్నంతగా బ్యాట్స్‌మెన్ కి అనుకూలంగా ఫీల్డింగ్ పరిమితులు, పవర్ ప్లే వంటివి ఉండేవి కాదు. టెస్ట్ మ్యాచ్ లో ఆడినట్లే వన్డేలలో కూడా చాలామంది ఆటగాళ్ళు ఆడేవారు. అలాంటి సమయంలో సచిన్ మంచి నీళ్లు తాగినంత సులువుగా వన్డేలలో సెంచరీల వరద పారించాడు. ఇప్పటి తరం ఆటగాళ్ళందరికీ (కోహ్లీతో కలిపి) సచిన్ ఆట ఒక బెంచి మార్క్ లాంటిది.

జూ.ఎన్డీఆర్‌ నటించిన జనతా గ్యారేజ్ సినిమాలో కూడా ఒక డైలాగ్ ఉంది. 'జట్టు బలహీనంగా ఉన్నప్పుడు సచిన్ క్రీజులో ఉన్నాడంటే ఒక ధైర్యం ఉండేది' అని. అందుకే, సచిన్ అవుటయితే టీవీలు కట్టేసిన సందర్భాలు కోకొల్లలు. ఒకసారి సచిన్ సెంచరీ చెయ్యడాన్ని చూడటం కోసం సిమ్లా నుంచి డిల్లీ వెళ్తున్న రైలుని కూడా ఒక హాల్ట్ దగ్గర కొంతసేపు ఆపడం జరిగింది.

తొంభైవ దశకంలో బ్యాటింగ్ చేసే జట్లు ఇప్పటిలా ప్రతి మ్యాచులో మూడొందలు పరుగులు కొట్టడం అనేది సాధ్యమయ్యేది కాదు. అన్నిచోట్లా బౌలింగ్ వికెట్లు ఎక్కువగా ఉండటం వల్ల, అప్పటికి టి20 ఇంకా రాకపోవడం వల్ల క్రీజులో నిలబడి బంతుల్ని కాచుకోవడానికే ఎక్కువగా ప్రాధాన్యత ఉండేది. అటువంటి సమయంలో సచిన్ తన వికెట్ కి 'వంద మార్కు' అనే విలువను ఏర్పరుచుకుని ఆడేవాడు. కేవలం బ్యాటింగ్ అనే కాక బౌలింగ్ లో, ఫీల్డింగ్ లో కూడా అద్భుత ప్రదర్శన కనబర్చేవాడు.

నిజానికి సచిన్, కోహ్లీ ఇద్దరినీ పోల్చుతూ గణాంకాలను చెయ్యడం సరైన పద్ధతి కాదు. ఇద్దరూ వేర్వేరు తరాలకి చెందినవారు. వారిద్దరూ కలిసి ఆడినది ఐదు సంవత్సరాలు మాత్రమే. ఒకవేళ ఆ కలిసి ఆడిన కాలంలో (అనగా , 2008 నుంచి 2012) వన్డే గణాంకాలని పరిశీలిస్తే సచిన్ 55 ఇన్నింగ్స్‌ లు ఆడి ఎనిమిది సెంచరీలు చేయగా కోహ్లీ 88 ఇన్నింగ్సుల్లో పదమూడు సెంచరీలు చేశాడు. ఇద్దరూ తమ కెరీర్ బెస్ట్ స్కోర్లను (సచిన్ 200 నాటౌట్, కోహ్లీ 183) ఈ ఐదేళ్ళ కాలంలోనే నమోదు చెయ్యడం గమనార్హం. ఈ ఐదేళ్ళ కాలం వరకే లెక్కిస్తే మాత్రం సచిన్ యావరేజు 60+ వుంటే కోహ్లీ బ్యాటింగ్ సగటు 40 ఉంటుంది.

అందరూ తాము పని చేసే రంగంలో బాగా పేరుని తెచ్చుకోవాలనుకుంటారు. ఐతే, కొందరు మాత్రమే తమ పనితీరు వల్ల ఆ రంగానికే వన్నె తెస్తారు. హాకీ మాంత్రికుడు ధ్యాన్ చంద్ వల్ల భారతదేశంలో హాకీ క్రీడ ఎంతో ప్రసిద్ధి చెందింది. తర్వాత హాకీలో దనరాజ్ పిల్లై వంటివారు పేరు తెచ్చుకున్నారు. అలాగే, క్రికెట్ వల్ల కోహ్లీ పాపులర్ అయితే సచిన్ క్రికెట్ నే పాపులర్ చేశాడు. అందుకే, సచిన్ క్రికెట్ ప్రపంచంలో అత్యుత్తమ క్రీడాకారుడయ్యాడు.

Rohit Sharma: కెప్టెన్సీకి గుడ్ బై చెప్ప‌బోతున్న‌ రోహిత్ శర్మ..? బీసీసీఐతో భేటీ అందుకేనా.. ?

Mahesh Rajamoni — Wed, 22 Nov 2023 18:35:20 +0530

Rohit Sharma: ప్రపంచకప్ ఫైనల్లో భారత్ ఓటమి నేప‌థ్యంలో భారత క్రికెట్ బోర్డు (బీసీసీఐ) కెప్టెన్ రోహిత్ శర్మ, చీఫ్ సెలెక్టర్ అజిత్ అగార్కార్ ల‌తో సమావేశమై వచ్చే నాలుగేళ్ల పాటు అన్ని ఫార్మాట్లలో పునఃసమీక్షించనుంది. భవిష్యత్ కోసం కెప్టెన్ ను తీర్చిదిద్దడంతో పాటు రోహిత్ వైట్ బాల్ భవితవ్యంపై స్పష్టత రావడమ‌నేది హాట్ టాపిక్ గా మారింది.

Hitman Rohit Sharma: 2023 ప్రపంచకప్ ఫైనల్లో ఆస్ట్రేలియా చేతిలో ఓడిన తర్వాత భారత జట్టులో నిరాశాపూరిత వాతావరణం నెలకొంది. మ్యాచ్ అనంతరం జరిగిన మీడియా సమావేశంలో జట్టు ప్రధాన కోచ్ రాహుల్ ద్రవిడ్ కూడా తాను కోచ్ గా కొనసాగే నిర్ణయం తీసుకోలేదని సంకేతాలిచ్చారు. దీంతో టీమిండియా కెప్టెన్ రోహిత్ శర్మ వన్డే, టీ20 కెప్టెన్సీ నుంచి తప్పుకుంటున్నట్లు ప్రచారం జరుగుతోంది. రోహిత్ శర్మ త్వరలో బీసీసీఐతో కీలక సమావేశం కానున్నారనీ, ఆ సమావేశంలో దీనిపై నిర్ణయం తీసుకుంటారని క్రికెట్ వ‌ర్గాలు పేర్కొంటున్నాయి.

పరిమిత ఓవర్ల క్రికెట్ పై చర్చిస్తారా?

పరిమిత ఓవర్లు అంటే వన్డే, టీ20 జట్టు భవిష్యత్తుపై రోహిత్ శర్మతో బీసీసీఐ అధికారులు చర్చిస్తారని సంబంధిత వ‌ర్గాలు పేర్కొంటున్నాయి. ఈ చర్చలో రోహిత్ శర్మ కెప్టెన్సీపై కూడా చర్చించే అవకాశం ఉంది. ప్రస్తుతం రోహిత్ శర్మ వయసు 36 ఏళ్లు కాగా, వచ్చే ప్రపంచకప్ నాటికి రోహిత్ శర్మ వయసు 40 ఏళ్లు. అప్పటి వరకు రోహిత్ శర్మ కెప్టెన్ గా కొనసాగుతాడా? లేదా అనే ప్ర‌శ్న‌. అప్పటి వరకు రోహిత్ శర్మ ఆ పదవిలో కొనసాగడం సాధ్యం కాకపోతే కెప్టెన్సీ కోసం కొత్త ఆటగాడిని సిద్ధం చేసే బాధ్యత రోహిత్ శర్మపై ఉంటుంది.

రోహిత్ శ‌ర్మకు టీ20 కెప్టెన్సీ..?

ప్రపంచకప్ కు ముందు టీ20 ఆడే విషయాన్ని రోహిత్ శర్మ బీసీసీఐకి తెలియజేసినట్లు క్రిక్ట్రాకర్ తెలిపింది. వచ్చే ఏడాది జూన్ లో జరిగే టీ20 వరల్డ్ క‌ప్ కు తనను పరిగణనలోకి తీసుకోకపోయినా తనకు అభ్యంతరం లేదని రోహిత్ చెప్పినట్లు కూడా వార్త‌లు వినిపిస్తున్నాయి. కాబట్టి ఇప్పుడు నాలుగేళ్లలో జరిగే వన్డే ప్రపంచకప్ కు కొత్త కెప్టెన్ పేరు చర్చకు వచ్చే అవకాశం ఉంది.

ప్రపంచ టెస్టు ఛాంపియన్ షిప్ పై ఫోకస్..

ఇదిలా ఉంటే 2025లో ప్రపంచ టెస్టు ఛాంపియన్ షిప్ ఫైనల్ జరగనుంది. అప్పటి వరకు కొనసాగే టెస్టు మ్యాచ్ లు, సిరీస్ ల‌పై రోహిత్ శర్మ ఇప్పుడు ఎక్కువ దృష్టి పెట్టనున్నట్లు క్రికెట్ వ‌ర్గాలు పేర్కొంటున్నాయి. అందువల్ల వన్డే, టీ20 జట్లకు వేరే కెప్టెన్ కోసం బీసీసీఐ అన్వేషించే అవకాశం ఉంది. గతేడాది టీ20 ప్రపంచకప్ లో భారత్ ఓటమి పాలైన సంగతి తెలిసిందే. అప్పటి నుంచి సెలక్టర్లు వచ్చే టీ20 టోర్నమెంట్లో యువ ఆటగాళ్లకు జట్టులో అవకాశం కల్పించే విధానాన్ని అవలంబిస్తున్నారు.

కెప్టెన్సీ ఎవరు తీసుకుంటారు?

రోహిత్ శర్మ తర్వాత కెప్టెన్సీ కోసం కొందరి పేర్లు చర్చకు వస్తున్నాయి. వారిలో హార్దిక్ పాండ్యా, అజింక్య రహానె, కేఎల్ రాహుల్, శ్రేయాస్ అయ్యర్ ముందు వ‌రుస‌లో ఉన్నారు. యువ ఆటగాళ్లకు ఎక్కువ అవకాశాలు ఇవ్వడంపై సెలెక్టర్లు దృష్టి సారించడంతో అజింక్య రహానేను ఎంపిక చేసే అవకాశాలు తక్కువగా ఉన్నాయని చెప్ప‌వ‌చ్చు. అంతేకాకుండా హార్దిక్ పాండ్యా కూడా గాయపడుతుండటంతో అతడికి చోటు కల్పించే అవకాశాల‌పై చ‌ర్చ సాగుతోంది. ఇక కేఎల్ రాహుల్ లేదా శ్రేయాస్ అయ్యర్ పేరును ప్రధానంగా పరిశీలించవచ్చు.

Sachin Tendulkar: ఆ బాధ ఎలా ఉంటుందో నాకు తెలుసు.. టీమిండియాను ఓదార్చిన సచిన్‌

Rajesh Karampoori — Mon, 20 Nov 2023 17:33:35 +0530

World Cup 2023 Final: భారత్‌ వేదికగా జరిగిన ప్రపంచ కప్ 2023 మహా టోర్నీలో టీమిండియా ఆద్యంతం అద్భుత ప్రదర్శన ఇచ్చింది. కానీ, ఫైనల్‌ మ్యాచ్‌లో మాత్రం నిరాశపరిచింది. ఆస్ట్రేలియా చేతిలో సొంత గడ్డపై టీమిండియా ఓటమి పాలుకావడంతో లక్షలాది మంది అభిమానులు తీవ్ర నిరాశకు గురయ్యారు. ఐసీసీ టోర్నీల్లో తమకు తామే సాటి తమకు తామే పోటీ అన్నట్టుగా కంగారు జట్టు వ్యవహరించింది. రికార్డు స్థాయిలో ఆరోసారి విజేతగా నిలవగా.. మూడోసారి కప్‌ను ముద్దాడాలని భావించిన టీమిండియా కల కలగా మారింది. నరేంద్ర మోదీ స్టేడియం వేదికగా జరిగిన తుది పోరులో ఆస్ట్రేలియా చేతితో టీమిండియా ఓడిపోవడంతో ఆటగాళ్లతో పాటు అభిమానులు కన్నీళ్లు ఆపుకోలేకపోయారు.

జట్టును ఓదార్చిన సచిన్‌

ఈ ఓటమి తర్వాత టీమిండియా మాజీ గ్రేట్ బ్యాట్స్‌మెన్ సచిన్ టెండూల్కర్ కెప్టెన్ రోహిత్ శర్మతో పాటు జట్టును ఓదార్చాడు. మ్యాచ్ ముగిసిన తర్వాత ఆటగాళ్లందరి దగ్గరికి వెళ్లి వారిని ఓదార్చారు. వారు నిరాశకు లోనుకాకుండా వారిలో ఆత్మస్థైర్యాన్ని నింపారు. వారి వెన్నుదడుతూ వారి స్పూర్తి నింపారు సచిన్ టెండూల్కర్. ఆటలో గెలుపోటములు సహజమంటూ రోహిత్‌ సేనకు అండగా నిలిచారు.

ఇందుకు సంబంధించిన ఫోటోలు నెట్టింట్లో తెగ వైరల్ అవుతున్నాయి. ఈ ఫోటోలు అభిమానులను విశేషంగా ఆకట్టుకుంటున్నాయి. టోర్నీ ఆద్యంతం అద్భుతంగా బ్యాటింగ్ చేసిన విరాట్ కోహ్లిని ప్రోత్సహిస్తూ కనిపించాడు. మ్యాచ్ ముగిసిన తర్వాత కెప్టెన్ రోహిత్ శర్మ చాలా బాధపడ్డాడు. ఈ క్రమంలలో సచిన్ టెండూల్కర్ స్వయంగా అతని వద్దకు వెళ్లి మాట్లాడి ఓదార్చారు. ఈ టోర్నీలో టీమిండియా తరఫున అద్భుతంగా బౌలింగ్ చేసిన మహ్మద్ షమీతో మాట్లాడి ధైర్యం చెప్పాడు.

అనంతరం సచిన్ టెండూల్కర్ ట్వీట్ చేస్తూ.. 'ఆరోసారి ప్రపంచకప్ గెలిచి విశ్వ విజేతగా నిలిచిన ఆస్ట్రేలియాకు అభినందనలు. వరల్డ్ కప్ వంటి అత్యున్నత వేదికపై ముఖ్యమైన రోజున మెరుగైన క్రికెట్ ను ప్రదర్శించారు ' అంటూ ప్రశంసించారు. ఈ మెగా టోర్నమెంట్‌లో అద్భుతమైన ప్రదర్శన ఇచ్చిన టీమిండియా.. చివరి రోజు కలిసి రాకపోవడం హృదయ విదారకంగా ఉంది. ఆటగాళ్ళు, అభిమానులు, శ్రేయోభిలాషుల ఆవేదనను నేను అర్థం చేసుకోగలను. వారు ఎంత బాధపడుతున్నారో నాకు తెలుసు. ఓటమి అనేది ఆటలో భాగం. ఈ విషయాన్ని మనం గుర్తించాలి. అని ట్వీట్ చేశారు.

2023 ప్రపంచకప్‌లో ఇన్విన్సిబుల్ టీమ్ ఇండియా ఫైనల్‌లో ఓడిపోయింది. ప్రపంచకప్ 2023లో తొలి మ్యాచ్ నుంచి సెమీఫైనల్ వరకు భారత జట్టు జైత్రయాత్ర కొనసాగించింది.గ్రూప్ దశలో ఆడిన మొత్తం 9 మ్యాచ్‌ల్లోనూ ఏకపక్షంగా విజయం సాధించి... పాయింట్ల జాబితాలో అగ్రస్థానంలో నిలిచింది. సెమీఫైనల్‌లోనూ రోహిత్ సేన సులువుగా గెలిచింది. కానీ, ఫైనల్‌లో మాత్రం టీమిండియా ఓటమి చవిచూడాల్సి వచ్చింది. ఈ మ్యాచ్‌లో తొలుత బ్యాటింగ్ చేసిన భారత్ 240 పరుగులు చేయగా.. ఆస్ట్రేలియా 43వ ఓవర్‌లోనే విజయం సాధించింది. ఆరోసారి విశ్వ విజేతగా నిలిచింది.

David Warner: డేవిడ్ వార్న‌ర్ రిటైర్ కాబోతున్నాడా? త‌న‌పై వ‌స్తున్న వార్త‌ల‌పై ఏం చెప్పాడంటే..?

Mahesh Rajamoni — Wed, 22 Nov 2023 03:30:31 +0530

ICC Cricket World Cup 2023: ఐసీసీ క్రికెట్ వ‌ర‌ల్డ్ క‌ప్ మ్యాచ్ ల‌లో ఆస్ట్రేలియా బ్యాట‌ర్ డేవిడ్ వార్న‌ర్ ఇప్ప‌టివ‌ర‌కు 56.55 యావ‌రేజ్, 101.46 స్ట్రైక్ రేటుతో 1527 ప‌రుగులు సాధించాడు. ఇందులో ఆరు సెంచ‌రీలు, ఐదు ఆఫ్ సెంచ‌రీలు ఉన్నాయి. వార్న‌ర్ ఇన్నింగ్స్ లో అత్య‌ధిక స్కోర్ 178 ప‌రుగులు.

David Warner: ఐసీసీ వన్డే వరల్డ్ కప్ 2023లో ఆస్ట్రేలియా ఓపెనర్ డేవిడ్ వార్నర్ ప్రదర్శన ప్రశంసనీయం. ఈ మెగా టోర్నమెంట్ లో క్లిష్ట పరిస్థితుల్లో జట్టుకు కీలక ఇన్నింగ్స్ లు అందించాడు. దీంతో కంగారూలు ఆరోసారి చారిత్రాత్మక విజ‌యాలు అందుకున్నారు.

ఐసీసీ క్రికెట్ వ‌ర‌ల్డ్ క‌ప్ 2023 మెగా టోర్నమెంట్ సమయంలో అతని వయసు 37 సంవ‌త్స‌రాలు అయిన‌ప్ప‌టికీ.. అలా క‌నిపించ‌లేదు. మైదానంలో పరిగెత్తే 27 ఏళ్ల కుర్రాడిలా కనిపించాడు. ఇప్పుడు ఈ ఆల్ రౌండ‌ర్ సోషల్ మీడియాలో పెట్టిన ఓ పోస్ట్ వైర‌ల్ గా మారింది.

మెగా టోర్నీకి ముందు తన వయసు గురించి మాట్లాడే వారికి మ్యాచ్ సందర్భంగా తన బ్యాట్ తో డేవిడ్ వార్న‌ర్ బదులిచ్చాడు. 2023 ప్రపంచకప్ లో కంగారూల తరఫున అత్యధిక పరుగులు చేసిన ఆటగాడిగా నిలిచాడు. అంతేకాదు టోర్నీలో అత్యధిక పరుగులు చేసిన ఆటగాళ్ల జాబితాలో ఆరో స్థానంలో నిలిచాడు. 2023 ప్రపంచకప్ లో వార్నర్ 48.63 సగటుతో మొత్తం 535 పరుగులు చేశాడు. ఆస్ట్రేలియా జట్టులో అగ్రశ్రేణి బ్యాట్స్ మన్ గా ఎదిగాడు.

ఇప్పుడు వన్డే వరల్డ్ కప్ ముగియడంతో తన క్రికెట్ కెరీర్, రిటైర్ మెంట్ గురించి వార్త‌లు రావ‌డంతో వార్న‌ర్ స్పందించాడు. ఎక్స్ లో ఒక పోస్ట్ ద్వారా త‌న కెరీర్ గురించి అప్డేట్ ఇచ్చాడు. త‌న పోస్టు తో క్రికెట్ అభిమానులకు సంతోషాన్ని అందించాడు. ప‌లు మీడియా సంస్థ‌లు ప్రపంచకప్ ముగిసిన తర్వాత తన ప్రత్యేక ప్రదర్శన‌తో.. "వార్నర్ వరల్డ్ కప్ కెరీర్ పెద్ద రికార్డుతో ముగిసింది" అంటూ ప‌లు క‌థ‌నాలు రాసుకొచ్చాయి.

ఇదే త‌ర‌హాలో ఈఎస్పీఎన్ క్రిక్ఇన్ఫో ఒక పోస్టు చేసింది. దీనిపై ఆస్ట్రేలియా బ్యాట్స్ మ‌న్ వార్న‌ర్ స్పందించాడు. "ఎవ‌రు చెప్పారు నేను నా కెరీర్ ను ముగించాన‌ని" అంటూ ప్ర‌శ్నించాడు. ఈ పోస్టుతో త‌న ఇప్ప‌ట్లో రిటైర్ కావ‌డం లేద‌నే సంకేతాలు పంపాడు.

కాగా, ఐసీసీ క్రికెట్ వ‌ర‌ల్డ్ క‌ప్ మ్యాచ్ ల‌లో ఆస్ట్రేలియా బ్యాట‌ర్ డేవిడ్ వార్న‌ర్ ఇప్ప‌టివ‌ర‌కు 56.55 యావ‌రేజ్, 101.46 స్ట్రైక్ రేటుతో 1527 ప‌రుగులు సాధించాడు. ఇందులో ఆరు సెంచ‌రీలు, ఐదు ఆఫ్ సెంచ‌రీలు ఉన్నాయి. వార్న‌ర్ ఇన్నింగ్స్ లో అత్య‌ధిక స్కోర్ 178 ప‌రుగులు.

IND vs AUS Final: ఫైనల్‌లో టీమిండియా ఓటమికి కారణాలు ఇవే!

Rajesh Karampoori — Mon, 20 Nov 2023 06:02:13 +0530

ICC World Cup 2023 Final: ప్రపంచకప్ ఫైనల్లో టీమిండియాపై ఆస్ట్రేలియా విజయం సాధించింది. తద్వారా మూడోసారి ప్రపంచ ఛాంపియన్‌గా నిలవాలన్న భారత జట్టు కల చెదిరిపోయింది. ఆస్ట్రేలియా ముందు భారత్ కేవలం 241 పరుగుల లక్ష్యం ఉంది. ఈ స్వల్ప లక్ష్యాన్ని ఆస్ట్రేలియా 43 ఓవర్లలో 4 వికెట్లు కోల్పోయి లక్ష్యాన్ని ఛేదించింది. ట్రావిస్ హెడ్ ఆస్ట్రేలియా విజయంలో కీలక పాత్ర పోషించారు. నిజానికి.. ఒకానొక సమయంలో ముగ్గురు ఆస్ట్రేలియన్ బ్యాట్స్‌మెన్ 48 పరుగులకే పెవిలియన్‌కు చేరుకున్నారు. అయితే ట్రావిస్ హెడ్ , మార్నస్ లాబుస్‌చాగ్నే టీమ్ ఇండియాకు ఎటువంటి అవకాశం ఇవ్వలేదు.

ట్రావిస్ హెడ్ 120 బంతుల్లో 137 పరుగులు చేసి నాటౌట్ గా వెనుదిరిగాడు. అతని ఇన్నింగ్స్‌లో 15 ఫోర్లు, 4 సిక్సర్లు బాదాడు. కాగా, మార్నస్ లాబుషాగ్నే 110 బంతుల్లో 58 పరుగులు చేశాడు. తన ఇన్నింగ్స్‌లో 4 ఫోర్లు కొట్టాడు. ట్రావిస్ హెడ్, మార్నస్ లాబుస్‌చాగ్నే లు 192 పరుగుల భాగస్వామ్యాన్ని నెలకొల్పారు. దీంతో ఆస్ట్రేలియా అలవొకగా విజయ తీరాలను చేరింది. అయితే, టీమ్ ఇండియా ఓటమికి ప్రధాన కారణాలుగా చెప్పవచ్చు.

పేలవమైన ఫీల్డింగ్

భారత బ్యాట్స్‌మెన్ 240 పరుగులు మాత్రమే చేయగలిగారు. అటువంటి పరిస్థితిలో ఫీల్డింగ్ పై సరైన ఫోకస్ చేసి ఉంటే.. ఫలితం మరోలా ఉండేది. కానీ, ఉత్కంఠ పోరులో టీమ్ ఇండియా ఫీల్డర్లు నిరాశపరిచారు. భారత ఫీల్డర్లు రనౌట్ అయ్యే పలు అవకాశాలను మిస్ చేశారు. దీంతో రోహిత్ శర్మ నేతృత్వంలోని భారత జట్టు ఓటమిని ఎదుర్కోవలసి వచ్చింది.

బౌలింగ్ లో వైఫల్యం

ఈ ప్రపంచకప్‌లో భారత బౌలర్లు ఎంతగానో ఆకట్టుకున్నారు, కానీ టైటిల్ మ్యాచ్‌లో ఆస్ట్రేలియా బ్యాట్స్‌మెన్‌ల ముందు ఫ్లాప్ అని నిరూపించారు. జస్ప్రీత్ బుమ్రాతో పాటు మహ్మద్ షమీ, రవీంద్ర జడేజా, మహ్మద్ సిరాజ్, కుల్దీప్ యాదవ్ నిరాశపరిచారు. టైటిల్ మ్యాచ్‌లో టీమిండియా బౌలర్లు పేలవంగా కనిపించారు.

నిరాశపరిచినా బ్యాట్స్ మెన్స్

టాస్ ఓడి బ్యాటింగ్ కు వచ్చిన టీమిండియా బ్యాట్స్ మెన్ నిర్ణీత వ్యవధిలో పెవిలియన్ బాట పట్టారు. ఆస్ట్రేలియన్ బౌలర్లు అద్భుతమైన బౌలింగ్ ప్రదర్శనను అందించారు, వాస్తవానికి టీమ్ ఇండియా బ్యాట్స్‌మెన్ చాలా అజాగ్రత్త షాట్లు ఆడుతూ తమ వికెట్లను వదులుకున్నారు. టీమ్ ఇండియా తరుపున విరాట్ కోహ్లీ, కేఎల్ రాహుల్ మాత్రమే యాభై పరుగుల మార్కును టచ్ చేయగలిగారు. ఇది కాకుండా మిగతా బ్యాట్స్‌మెన్ ఫ్లాప్ షోను ప్రదర్శించారు.

అదనపు పరుగులు

భారత బౌలర్లు చాలా అదనపు పరుగులు ఇచ్చారు. ముఖ్యంగా.. ప్రారంభ ఓవర్లలో మహ్మద్ షమీ తన లైన్ అండ్ లెంగ్త్ నుండి తప్పుకున్నట్లు కనిపించాడు. ఇది కాకుండా, ఇతర బౌలర్ల పరిస్థితి కూడా అలాగే ఉంది. టీమ్ ఇండియా బౌలర్లు పేలవమైన లెంగ్త్‌లలో బౌలింగ్ చేస్తూనే ఉన్నారు. ఉదాహరణకు కంగారూ బ్యాట్స్‌మెన్ సులభంగా పరుగులు సాధిస్తూనే ఉన్నారు. ఇది కాకుండా, వికెట్ కీపర్‌గా KL రాహుల్ చాలా మిస్ ఫీల్డ్‌లు చేశాడు. భారత బౌలర్లు 18 అదనపు పరుగులు ఇచ్చారు. ఇందులో 7 బైలు, 11 వైడ్‌లు ఉన్నాయి.

Mohammed Shami: షమీ ఎమోషనల్ పోస్టు..నెట్టింట్లో వైరల్..

Rajesh Karampoori — Thu, 23 Nov 2023 03:45:30 +0530

Mohammed Shami: ప్రపంచకప్ ఫైనల్‌కు ముందు భారత ఫాస్ట్ బౌలర్ మహ్మద్ షమీ తల్లి అంజుమ్ అరా ఆరోగ్యం క్షీణించింది. గ్రామంలోని స్థానిక ఆసుపత్రికి తీసుకెళ్లినట్లు వార్తలు వచ్చాయి. పరిస్థితి విషమించడంతో మెరుగైన వైద్య సదుపాయాల కోసం నగరానికి తీసుకెళ్లారు. ఇప్పుడు ఆమె పూర్తిగా కోలుకుంది.

ప్రపంచ కప్ ముగిసిన తర్వాత భారత జట్టు స్టార్ ఫాస్ట్ బౌలర్ మహ్మద్ షమీ ప్రపంచకప్ తర్వాత తన ఇంటికి తిరిగి వచ్చాడు. ఈ సందర్భంలో తన తల్లితో ఉన్న ఫోటోను సోషల్ మీడియాలో పంచుకున్నాడు. 'నువ్వు అంటే నాకు చాలా ఇష్టం. మీరు త్వరగా కోలుకోవాలని ఆశిస్తున్నాను ' అని ఎమోషనల్ కామెంట్ రాశారు. దీనితో పాటు హార్ట్ ఎమోజీని కూడా జోడించాడు.

చివరి రోజు విషమించిన ఆరోగ్యం

మహ్మద్ షమీ సోదరి షబీనా ఖాతూన్ తన తల్లి అంజుమ్ అరా ఆరోగ్యంపై అప్‌డేట్ ఇస్తూ.. రెండు రోజులుగా తేలికపాటి జ్వరంతో బాధపడుతున్న తనకు ఇప్పుడు మెరుగ్గా ఉందని చెప్పారు. ప్రపంచకప్ ఫైనల్ రోజు ఉదయం నుంచి జ్వరం పెరిగింది. తీవ్రమైన నొప్పి రావడంతో సమీపంలోని ఆసుపత్రికి తీసుకెళ్లారు. అక్కడి నుంచి మందులు తీసుకుని మధ్యాహ్నానికే ఇంటికి వచ్చింది. షమీ కుటుంబం పశ్చిమ ఉత్తరప్రదేశ్‌లోని అమ్రోహా జిల్లా సహస్‌పూర్ గ్రామంలో నివాసిస్తుంది.

మహమ్మద్ షమీ 2023 వన్డే ప్రపంచకప్‌లో అద్భుత ప్రదర్శన చేసి అత్యధికంగా 24 వికెట్లు తీసిన బౌలర్‌గా నిలిచాడు. అత్యంత ముఖ్యమైన విషయం ఏమిటంటే షమీకి తొలి నాలుగు మ్యాచ్‌ల్లో ఆడే అవకాశం రాలేదు. ఇదిలావుండగా, అందరినీ అధిగమించి వికెట్ల రేసులో ముందున్నాడు. భారత గడ్డపై ఫాస్ట్ బౌలర్ చేసిన ఈ ప్రదర్శన అపురూపం. ప్రపంచకప్‌లో భారత్ తరఫున అత్యధిక వికెట్లు తీసిన బౌలర్‌గా కూడా షమీ నిలిచాడు. ఫైనల్‌లో టీమిండియా ఓటమి చవిచూడాల్సి వచ్చినా షమీ ఆటతీరును అందరూ మెచ్చుకున్నారు. గత ప్రపంచకప్‌లో అంటే 2019లో నాలుగు మ్యాచ్‌ల్లో 14 వికెట్లు, 2015 ప్రపంచకప్‌లో ఏడు మ్యాచ్‌ల్లో 17 వికెట్లు తీశాడు.

You mean so much to me Mum. Hope you’re feeling better very soon. pic.twitter.com/zxa8Lp08aE

— (@MdShami11) November 22, 2023

ఐసీసీ అండర్-19 వరల్డ్ కప్ షురూ.. భారత్ మళ్లీ ట్రోఫీ సాధిస్తుందా? టీమ్, షెడ్యూల్ ఇదే..

Mahesh Rajamoni — Sat, 20 Jan 2024 12:18:19 +0530

ICC Under-19 World Cup 2024-India: ఐసీసీ పురుషుల అండర్-19 క్రికెట్ వరల్డ్ కప్ 2024 గురువారం (జనవరి 19) నుంచి ప్రారంభం కానుంది. 24 రోజుల్లో 16 దేశాలు 41 మ్యాచ్ లు ఆడనున్నాయి. డ‌ర్బ‌న్ లో షురూ కానున్న అండ‌ర్ 19 క్రికెట్ ప్ర‌పంచ క‌ప్ 2024 తొలి మ్యాచ్ లో ఐర్లాండ్ తో అమెరికా త‌ల‌ప‌డ‌నుంది. దక్షిణాఫ్రికాలో జరగనున్న అండర్-19 ప్రపంచకప్ షెడ్యూల్ గత నెలలో విడుదలైంది. తొలుత శ్రీలంకలో నిర్వహించాలని భావించినప్పటికీ ఐసీసీ క్రమశిక్షణా చర్యల కారణంగా చివరి నిమిషంలో దక్షిణాఫ్రికాకు మార్చారు. గ్రూప్-ఎలో ఐర్లాండ్, అమెరికా జట్ల మధ్య తొలి మ్యాచ్ జరగనుంది.

అండర్-19 క్రికెట్ వరల్డ్ కప్ 2024 బ‌రిలో మొత్తం 16 జ‌ట్లు

అండర్-19 క్రికెట్ వరల్డ్ కప్ 2024లో మొత్తం 16 జట్లు బ‌రిలో నిలిచాయి. శుక్ర‌వారం నుంచి ఫిబ్రవరి 11 వరకు అండర్-19 ప్రపంచకప్ పోటీలు జరగనున్నాయి. డిఫెండింగ్ ఛాంపియన్ భారత్ బ‌రిలోకి దిగుతుండ‌గా, జనవరి 20న బంగ్లాదేశ్ తో తన తొలి మ్యాచ్ ఆడ‌నుంది. టీమిండియాపై భారీ అంచ‌నాలే ఉన్నాయి. గ్రూప్-ఏ లో భారత్ తో పాటు బంగ్లాదేశ్, ఐర్లాండ్, బంగ్లాదేశ్, అమెరికా ఉన్నాయి. మ్యాచ్ లను 4 గ్రూపులుగా విభజించి ఒక్కో జట్టు మరో జట్టుతో ఒకసారి ఆడుతుంది.

మ‌రో సంచలనం.. ఒకేసారి నలుగురు ప్రపంచ ఛాంపియన్ క్రికెట‌ర్ల రిటైర్మెంట్.. !

లీగ్ మ్యాచ్ ల త‌ర్వాత సూప‌ర్ సిక్సు మ్యాచ్ లు..

నాలుగు గ్రూపుల నుంచి మూడు జట్లు సూపర్ 6 దశకు అర్హత సాధిస్తాయి. సూపర్ 6 దశ తర్వాత సెమీఫైనల్, ఫైనల్ జరుగుతాయి. సెమీఫైనల్స్ ఫిబ్రవరి 6, 8 తేదీల్లో, ఫైనల్ ఫిబ్రవరి 11న జరుగుతాయి. ఆ మూడు మ్యాచ్ లకు రిజర్వ్ డే ఉంటుందని ఐసీసీ ప్రకటించింది. జనవరి 20న బంగ్లాదేశ్ తో భారత జట్టు తలపడనుంది.

జనవరి 25న ఐర్లాండ్ తో, 28న యూఎస్ఏతో భార‌త్ తలపడనుంది. మొత్తం 41 మ్యాచ్ లు జరగనున్నాయి. ఇందుకోసం ఐదు మైదానాలను సిద్ధం చేశారు. భారత జట్టు ఇప్పటివరకు ఐదు సార్లు అండర్-19 ప్రపంచ కప్ ను గెలుచుకుంది. 2000, 2008, 2012, 2018, 2022 విజయం సాధించింది. గత ఏడాది ప్రపంచ కప్ లో యశ్ ధూల్ సారథ్యంలోని భారత అండర్-19 జట్టు విజయం సాధించింది. దీంతో భారత జట్టుపై అంచనాలు పెరిగాయి.

విరాట్ జంపింగ్.. బుమ్రా బౌలింగ్ ! మ్యాచ్‌ని మలుపు తిప్పిన కింగ్ కోహ్లీ.. !

ఈ ఏడాది భారత జట్టుకు ఉదయ్ సహారన్ సారథ్యం వహించనున్నాడు. ఇటీవల ముగిసిన ఐపీఎల్ వేలంలో భారత్ అండర్-19 ఆటగాడు అవనీష్ ను చెన్నై సూర్ కింగ్స్ కొనుగోలు చేసింది. దీంతో అతడు ఎలా రాణిస్తాడనే దానిపై సీఎస్కే అభిమానుల్లో అంచనాలు పెరిగాయి.

భారత అండ‌ర్-19 జ‌ట్టు: అర్షిన్ కులకర్ణి, ఆదర్శ్ సింగ్, రుద్ర మయూర్ పటేల్, సచిన్ దాస్, ప్రియాంషు మోలియా, ముషీర్ ఖాన్, ఉదయ్ సహారన్ (కెప్టెన్), అరవెల్లి అవనీష్ రావు, సౌమీ కుమార్ పాండే, మురుగన్ అభిషేక్, ఇన్నేష్ మహాజన్, ధనుష్ గౌడ, ఆరాధ్య శుక్లా, రాజ్ లింబాని, రాజ్ లింబాని నమన్ తివారీ.

మ్యాచ్‌లు జరిగే వేదిక‌లు ఇవే..

దక్షిణాఫ్రికా ఈ టోర్నమెంట్‌కు ఆతిథ్యం ఇస్తుండగా, పోట్‌చెఫ్‌స్ట్‌రూమ్, బ్లూమ్‌ఫోంటైన్, బెనోని, కింబర్లీ, ఈస్ట్ లండన్‌లలో మ్యాచ్ లు జరగనున్నాయి. సెమీ-ఫైనల్, ఫైనల్ అన్నీ బెనోనిలో జరుగుతాయి.

భార‌త్-పాకిస్తాన్ మ్యాచ్ కు వేదిక‌వుతున్న 'న్యూయార్క్ నాసావు కౌంటీ స్టేడియం' ఇదే.. ఫొటోలు ఇవిగో.. !

మొత్తం నాలుగు గ్రూపులు

గ్రూప్ ఏ: భారత్, బంగ్లాదేశ్, ఐర్లాండ్, యూఎస్ఏ గ్రూప్ బీ: ఇంగ్లాండ్, స్కాట్లాండ్, దక్షిణాఫ్రికా, వెస్టిండీస్ గ్రూప్ సీ: ఆస్ట్రేలియా, నమీబియా, శ్రీలంక, జింబాబ్వే గ్రూప్ డీ: ఆఫ్ఘ‌నిస్తాన్, నేపాల్, న్యూజిలాండ్, పాకిస్తాన్

టీమిండియా అండర్-19 మ్యాచ్ లు ఎప్పుడు?

జనవరి 20- బంగ్లాదేశ్ vs భారత్ జనవరి 25- భార‌త్ vs ఐర్లాండ్ జనవరి 28- భారత్ vs యూఎస్ఏ

విరాట్ కోహ్లీ కౌగిలితో జైలుకు.. బ‌య‌ట‌కువ‌చ్చిన అభిమానికి ఘనస్వాగతం.. వైర‌ల్ వీడియో !

Shubman Gill : శుభ్‌మన్ గిల్ భావోద్వేగ ట్వీట్ .. నెట్టింట వైరల్..

Rajesh Karampoori — Tue, 21 Nov 2023 00:43:46 +0530

Shubman Gill : భారత్ వేదికగా జరిగిన వన్డే ప్రపంచకప్ టైటిల్‌ను ఆస్ట్రేలియా ఎగరేసుకుపోయింది. ఈ టోర్నీలో ఆది నుంచే ఆధిపత్యం ప్రదర్శించిన టీమ్ ఇండియా ఫైనల్ మ్యాచ్ లో తడబడటంతో కప్ చేజారింది. భారత ఆటగాళ్లు పోరాడినప్పటికీ ఫలితం మాత్రం దక్కలేదు. దీంతో టీమిండియా ప్లేయర్లు సహా భారతీయ క్రికెట్ అభిమానులంతా ఈ ఓటమిని జీర్ణించుకోలేకపోతున్నారు. ప్రతి ఆటగాడు భావోద్వేగానికి గురవుతున్నారు. ఈ క్లిష్ట సమయంలో భారత జట్టు ఓపెనర్ శుభ్‌మన్ గిల్ ఇన్‌స్టాగ్రామ్‌లో ఓ పోస్ట్ చేశాడు. ఈ పోస్ట్‌లో ఓటమి తర్వాత తన బాధను వ్యక్తం చేశాడు.

ఆ బాధ ఇంకా తగ్గట్లలేదు

దాదాపు 16 గంటలు గడిచిపోయాయి. అయినా.. గత రాత్రి ఓటమి తీరని బాధను మిగిల్చింది. కొన్నిసార్లు 100 శాతం కష్టపడ్డా.. ఆశించిన ఫలితం రాదు. మేము మా అంతిమ లక్ష్యాన్ని చేరుకోవడంలో విఫలమయ్యాం. కానీ ఈ అద్భుతమైన ప్రయాణంలో టీమిండియా బృందం గొప్ప స్ఫూర్తిని, అంకితభావాన్ని ప్రదర్శించింది. కానీ, ఈ టోర్నీ ప్రయాణంలో ప్రతి అడుగు విలువైనదే.. ఆటలో గెలుపోటములు సహజం. ఈ తరుణంలో మా అభిమానులు మాకు చాలా మద్దతు ఇచ్చారు, మేము గెలిచినా లేదా ఓడిపోయినా, అభిమానుల మద్దతు మాకు చాలా ముఖ్యం. అది మాకు కొండంత ధైర్యాన్ని ఇస్తుంది. ఇది అంతం కాదు.. ఆరంభం.. ఈ పోరాటం గెలిచే వరకు సాగుతుంది. జై హింద్’ అని గిల్ ఇన్‌స్టాగ్రామ్‌లో పోస్ట్ చేశాడు.

ఈ పోస్ట్ సోషల్ మీడియాలో తెగ వైరల్ అవుతోంది. ఇది కాకుండా.. సోషల్ మీడియా వినియోగదారులు నిరంతరం వ్యాఖ్యానించడం ద్వారా వారి అభిప్రాయాన్ని తెలియజేస్తున్నారు. నిజానికి ఈ ప్రపంచకప్‌లో శుభ్‌మన్ గిల్ అద్భుత బ్యాటింగ్ ప్రదర్శన చేసినా ఫైనల్ మ్యాచ్‌లో 7 బంతుల్లో 4 పరుగులు చేసి మిచెల్ స్టార్క్ బంతికి పెవిలియన్‌కు చేరుకున్నాడు.

View this post on Instagram

A post shared by Ꮪhubman Gill (@shubmangill)

Kapil Dev: రోహిత్ శ‌ర్మ‌ పై అంద‌రి హృద‌యాల‌ను గెలుచుకున్న కపిల్ దేవ్ ఆసక్తికర పోస్ట్..

Mahesh Rajamoni — Tue, 21 Nov 2023 02:03:29 +0530

Rohit Sharma: ఐసీసీ క్రికెట్ వ‌ర‌ల్డ్ క‌ప్ 2023 ఫైన‌ల్ లో ఆస్ట్రేలియాతో జ‌రిగిన మ్యాచ్ లో ఓట‌మి తో నిరాశలోకి జారుకున్న ఇండియ‌న్ క్రికెట్ టీమ్ కు యావ‌త్ భార‌తావ‌ని అండ‌గా నిలుస్తోంది. ఈ క్ర‌మంలోనే ప్రపంచ క‌ప్ విజేత భారత జ‌ట్టు కెప్టెన్ కపిల్ దేవ్ స్పందిస్తూ కీల‌క వ్యాఖ్య‌లు చేశారు.

ICC Cricket World Cup 2023: ఐసీసీ మెగా ఈవెంట్ లో తాజా వైఫల్యం తర్వాత టీమ్ ఇండియా సమాధానాల కోసం వెతుకుతున్న నేపథ్యంలో.. 1983 ప్రపంచ కప్ విజేత కెప్టెన్ కపిల్ దేవ్ సోమవారం భారత కెప్టెన్ రోహిత్ శర్మకు తన మద్దతును అందించాడు.

ఐసీసీ క్రికెట్ వ‌ర‌ల్డ్ క‌ప్ 2023 ఎడిషన్‌లో భార‌త్ రాబిన్ రౌండ్ నుంచి సెమీ ఫైన‌ల్ వ‌ర‌కు తిరుగులేని విజ‌యాల‌తో ఫైన‌ల్ చేరుకుంది. మెగా టోర్నీలో వ‌రుసగా 10 మ్యాచ్ ల‌లో విజ‌యం సాధించి ఫైన‌ల్ చేరుకున్న భార‌త్ జ‌ట్టుకు చివ‌రి మ్యాచ్ లో అత్యంత బాధ‌క‌ర‌మైన ప‌రిస్థితి ఎదుర్కొంటూ.. పాట్ కమిన్స్ సార‌థ్యంలోని ఆస్ట్రేలియా టీమ్ చేతితో భారత్‌కు ఆరు వికెట్ల తేడాతో ఓటమిని చ‌విచూసింది.

ప్రపంచకప్ ఫైనల్లో ఓటమి తర్వాత టీమిండియా కెప్టెన్ రోహిత్ శర్మతో పాటు టీమ్ మొత్తం నిరాశకు గురైంది. రోహిత్ శ‌ర్మ ఏకంగా ఓటమి బాధ‌తో కన్నీళ్లు పెట్టుకున్నారు. అయితే, ఓట‌మితో వెనుక‌డుగు వేయ‌వ‌ద్ద‌నీ, మున్ముందు మ‌రిన్ని విజ‌యాలు సాధించాల‌ని అభిప్రాయ‌ప‌డుతూ భారత ప్రపంచ ఛాంపియన్ కెప్టెన్ క‌పిల్ దేవ్.. రోహిత్ శ‌ర్మ‌కు ఓ సలహా ఇచ్చి అందరి హృదయాలను గెలుచుకున్నారు.

రోహిత్ సారథ్యంలో భారత్ ప్రపంచకప్ లో వరుసగా 10 మ్యాచ్ లు గెలిచింది. ప్రపంచ ఛాంపియన్ కెప్టెన్లు కపిల్ దేవ్, మహేంద్ర సింగ్ ధోనీ ఇద్దరూ చేయలేని రికార్డును సృష్టించాడు. ఎందుకంటే భారత్ రెండుసార్లు వన్డే ప్రపంచకప్ గెలిచినప్పుడు గ్రూప్ దశలో ఓట‌ముల‌ను చ‌విచూసింది. కానీ రోహిత్ నాయకత్వంలో భారత్ చరిత్ర సృష్టించింది. కానీ భారత జట్టు ప్రపంచకప్ గెలవలేకపోయింది. దీంతో రోహిత్ కు నిరాశే ఎదురైంది. అయితే ఆ తర్వాత కపిల్ దేవ్ సోషల్ మీడియాలో చేసిన ఒక పోస్ట్ వైర‌ల్ గా మారింది.

ఈ ఓటమిని జీర్ణించుకోవడం చాలా కష్టమనీ, ఈ విషయం తనకు తెలుసునని కపిల్ దేవ్ తన పోస్ట్ లో పేర్కొన్నాడు. "కానీ మీలో స్ఫూర్తిని అలాగే ఉంచండి. ఎందుకంటే రోహిత్, ప్రపంచకప్ లో నువ్వు చేసినది అత్యుత్తమంగా ఉంది. నిరుత్సాహపడకండి, ఎందుకంటే మీరు ఇంకా సాధించాల్సింది చాలా ఉంది. యావత్ భారతావని నీ వెనుకే ఉందని" పేర్కొన్నారు. ప్రస్తుతం కపిల్ దేవ్ చేసిన పోస్ట్ వైరల్‌గా మారింది.

ఒక కెప్టెన్ మాత్రమే మరో కెప్టెన్ భావాలను అర్థం చేసుకోగలడు. కాబట్టి భారత్ ఓటమి తర్వాత రోహిత్ శర్మను ఉద్దేశించి కపిల్ చేసిన పోస్ట్ కచ్చితంగా స్ఫూర్తిదాయకం. 'రోహిత్, నిరాశ చెందకండి, మీరు ఇంకా చాలా విజయాలు సాధించాల్సి ఉంది' అని కపిల్ అన్నారు. ఈ భారీ ఓటమి తర్వాత ఆశలు రేకెత్తించే కపిల్ ప్రకటన ఇది. కాబట్టి రోహిత్ మళ్లీ ఎలా ఉంటాడనే దానిపైనే అందరి దృష్టి ఉంటుంది.

కాగా, ఐసీసీ ఈవెంట్ లో రోహిత్ మ‌రో రికార్డు సృష్టించాడు. ఐసీసీ వరల్డ్ కప్ రెండు ఎడిషన్లలో సచిన్ టెండూల్కర్ తర్వాత 500కు పైగా పరుగులు చేసిన రెండో భారత బ్యాట్స్ మన్ గా నిలిచాడు. ఐసీసీ వరల్డ్ కప్ 2023లో అత్యధిక పరుగులు చేసిన రెండో ఆటగాడిగా రోహిత్ నిలిచాడు. 54.27 యావరేజితో బరిలోకి దిగిన ఈ వెటరన్ ఓపెనర్ 11 మ్యాచ్ ల‌లో 597 పరుగులు చేశాడు.

అలాగే, ఐసీసీ వరల్డ్ కప్ జట్టుకు రోహిత్ కెప్టెన్ గా ఎంపికయ్యాడు. ప్లేయర్ ఆఫ్ ది టోర్నమెంట్ విరాట్ కోహ్లీతో సహా ఆరుగురు భారత ఆటగాళ్లు ఐసీసీ వరల్డ్ కప్ ఎలెవన్ లో చోటు దక్కించుకున్నారు. వారిలో కేఎల్ రాహుల్, బుమ్రా, ర‌వీంద్ర జ‌డేజాలు ఉన్నారు.

ICC World Cup 2023: విరాట్ కోహ్లీ, రోహిత్ శర్మ సహా ఆరుగురు భారతీయులకు ఐసీసీ జట్టులో చోటు

Mahesh Rajamoni — Tue, 21 Nov 2023 04:20:49 +0530

ICC World Cup Team: ఐసీసీ వరల్డ్ కప్ జట్టుకు రోహిత్ కెప్టెన్ గా ఎంపికయ్యాడు. ప్లేయర్ ఆఫ్ ది టోర్నమెంట్ విరాట్ కోహ్లీతో సహా ఆరుగురు భారత ఆటగాళ్లు ఐసీసీ వరల్డ్ కప్ ఎలెవన్ లో చోటు దక్కించుకున్నారు. వారిలో కేఎల్ రాహుల్, బుమ్రా, ర‌వీంద్ర జ‌డేజాలు ఉన్నారు.

ICC Cricket World Cup 2023: ఐసీసీ క్రికెట్ వ‌ర‌ల్డ్ క‌ప్ 2023 ఎడిషన్‌లో భార‌త్ రాబిన్ రౌండ్ నుంచి సెమీ ఫైన‌ల్ వ‌ర‌కు తిరుగులేని విజ‌యాల‌తో ఫైన‌ల్ చేరుకుంది. మెగా టోర్నీలో వ‌రుసగా 10 మ్యాచ్ ల‌లో విజ‌యం సాధించి ఫైన‌ల్ చేరుకున్న భార‌త్ జ‌ట్టుకు చివ‌రి మ్యాచ్ లో అత్యంత బాధ‌క‌ర‌మైన ప‌రిస్థితి ఎదుర్కొంటూ.. పాట్ కమిన్స్ సార‌థ్యంలోని ఆస్ట్రేలియా టీమ్ చేతితో భారత్‌కు ఆరు వికెట్ల తేడాతో ఓటమిని చ‌విచూసింది. అయితే, ఒక్క ఫైన‌ల్ తో త‌ప్ప భార‌త్ జ‌ట్టు మెగా టోర్నీలో ఆడిన ప్ర‌తి మ్యాచ్ లో విజయం సాధించింది. దాదాపు అంద‌రు ఆట‌గాళ్లు మెరుగైన ప్ర‌ద‌ర్శ‌న ఇచ్చారు.

ఈ టోర్నీలో భారత్ రన్నరప్ గా నిలిచింది. అహ్మదాబాద్ లో జరిగిన ఫైనల్లో ఆస్ట్రేలియా చేతిలో ఆరు వికెట్ల తేడాతో ఓటమి పాలవ్వడంతో 10 మ్యాచ్ ల‌ అజేయ విజయ పరంపర ముగిసింది. అయితే, జట్టులోని ఆరుగురు ఆటగాళ్లు ఐసీసీ ప్ర‌పంచ క‌ప్ టోర్నమెంట్ జట్టులో చోటు దక్కించుకోవ‌డం విశేషం. ఇందులో ప్ర‌పంచ క‌ప్ 2023 లో అత్యధిక పరుగులు చేసిన ఆటగాడు, ప్లేయర్ ఆఫ్ ది టోర్నమెంట్ కోహ్లీతో పాటు అత్యధిక వికెట్లు తీసిన షమీ కూడా ఉన్నాడు.

2023 వన్డే వరల్డ్ క‌ప్ కోసం అంతర్జాతీయ క్రికెట్ కౌన్సిల్ (ఐసీసీ) జట్టును ప్రకటించింది. టీమిండియా కెప్టెన్ రోహిత్ శర్మ, కెప్టెన్ విరాట్ కోహ్లీ, మహ్మద్ షమీ సహా ఆరుగురు భారత ఆటగాళ్లకు ఈ జట్టులో చోటు దక్కింది.

ఐసీసీ వన్డే ప్రపంచకప్‌లో వరుసగా రెండోసారి టోర్నమెంట్‌లో జట్టులోకి వచ్చిన రోహిత్ శర్మ, ఆర్డర్‌లో అగ్రస్థానంలో ఉన్న భారత్‌కు ముఖ్యమైన పాత్ర పోషించాడు. చెన్నైలో ఆస్ట్రేలియాపై సున్నాకి ఔట్ అయిన తర్వాత, ఆఫ్ఘనిస్తాన్‌తో జరిగిన మ్యాచ్‌లో 84 బంతుల్లో 131 ప‌రుగుల‌తో రాణించి రోహిత్ శర్మ ప్లేయర్ ఆఫ్ ది మ్యాచ్‌గా ఎంపికయ్యాడు.

ఈ టోర్నీలో అత్యధిక పరుగులు చేసిన ఆటగాడిగా విరాట్ కోహ్లీ నిలిచాడు. అలాగే, చెన్నైలో అజేయంగా 97 పరుగులు చేయడంతో పాటు బెంగళూరులోని తమ సొంత మైదానంలో నెదర్లాండ్స్ పై క్రమం తప్పకుండా విజయం సాధించడం వంటి అనేక ముఖ్యమైన ఇన్నింగ్స్ ల‌ను రాహుల్ టోర్నమెంట్ అంతటా ఆడాడు. ఫైనల్లో భారత్ తరఫున 66 పరుగులు చేశాడు. కానీ, ఈసారి తన జట్టును గెలిపించలేకపోయాడు.

జడేజా కూడా బంతితో ఆకట్టుకున్నాడు. ఇక‌ భారత ప్లేయింగ్-11లో షమీకి ఆలస్యంగా చోటు దక్కింది. మెరుగైన ప్ర‌ద‌ర్శ‌న‌తో స‌త్తా చాటాడు. న్యూజిలాండ్ తో జరిగిన సెమీఫైనల్లో ఏడు వికెట్లు పడగొట్టిన అతను ప్రపంచకప్ నాకౌట్ మ్యాచ్ లో అత్యుత్త‌మ గ‌ణాకాంల రికార్డు సాధించాడు. న్యూజిలాండ్ (5/54), శ్రీలంక (5/18)లపై అద్భుత ప్రదర్శనతో షమీ అత్య‌ధిక వికెట్లు తీసుకున్న వారి లిస్ట్ లో టాప్ లో నిలిచాడు.

రోహిత్ లాగే బుమ్రా కూడా వరుసగా రెండో ప్రపంచకప్ లో 20 వికెట్లు పడగొట్టి జట్టులో చోటు దక్కించుకున్నాడు. ఇది 2019లో వారి సంఖ్య కంటే రెండు ఎక్కువ. ఫైన‌ల్ లో బుమ్రా భారత్ తరఫున ఆస్ట్రేలియాకు చెందిన మిచెల్ మార్ష్, స్టీవ్ స్మిత్ ల తొలి వికెట్లను పడగొట్టాడు.

ఆస్ట్రేలియా ఆరో ప్రపంచకప్ టైటిల్ గెలవడంలో కీలక పాత్ర పోషించిన ఆల్ రౌండర్ గ్లెన్ మ్యాక్స్ వెల్, లెగ్ స్పిన్నర్ ఆడమ్ జంపా కూడా ఐసీసీ టీంలో చోటు దక్కించుకున్నారు. ఐసీసీ వరల్డ్ కప్ 2023 టీమ్ ఇలావుంది.. : క్వింటన్ డికాక్ (వికెట్ కీపర్), రోహిత్ శర్మ (కెప్టెన్), విరాట్ కోహ్లీ, డారిల్ మిచెల్, కేఎల్ రాహుల్, గ్లెన్ మాక్స్వెల్, జస్ప్రీత్ బుమ్రా, దిల్షాన్ మదుశంక, ఆడమ్ జంపా, రవీంద్ర జడేజా, మహ్మద్ షమీ.

Gold: ప్రపంచంలోనే అత్యధిక బంగారం ఉన్న దేశం ఏదో తెలుసా? ఆ నంబర్ చూస్తే షాకవుతారు !

Mahesh Rajamoni — Mon, 18 May 2026 20:55:18 +0530

India Gold Ranking: బంగారం ధరలు పెరుగుతూనే ఉన్నాయి. దేశ ఆర్థిక వ్యవస్థలొ కీలక పాత్ర పోషిస్తుంది కాబట్టి చాలా దేశాలు గోల్డ్ రిజర్వ్స్ పెంచుకుంటున్నాయి. మరి ప్రపంచంలోనే అత్యధిక గోల్డ్ రిజర్వ్స్ ఉన్న దేశం ఏది? ఇండియా ఏ స్థానంలో ఉంది?

బంగారాన్ని ఎప్పుడూ ఆస్తికి, ఆర్థిక భద్రతకు చిహ్నంగా భావిస్తారు. కేవలం నగలు లేదా పెట్టుబడి కోసమే కాకుండా, ప్రపంచ దేశాల కేంద్ర బ్యాంకులు కూడా భారీ మొత్తంలో బంగారాన్ని నిల్వ ఉంచుకుంటాయి. ఈ గోల్డ్ రిజర్వ్స్ అనేవి ఆర్థిక సంక్షోభం వచ్చినప్పుడు ఒక రక్షణ కవచంలా పనిచేస్తాయి. అంతేకాదు ఆయా దేశాల ఆర్థిక వ్యవస్థపై నమ్మకాన్ని పెంచుతాయి. మరి ఇంతకీ ప్రపంచంలోనే అత్యధికంగా బంగారం ఉన్న దేశం ఏదో మీకు తెలుసా?

ప్రపంచంలోని అన్ని సెంట్రల్ బ్యాంకులు తమ దగ్గర బంగారాన్ని ఉంచుకోవడానికి చాలా బలమైన కారణాలు ఉన్నాయి. ఇది ఫారెక్స్ రిజర్వ్స్ బ్యాలెన్స్ చేయడానికి ఉపయోగపడుతుంది. ఆర్థికంగా ఏదైనా కష్టం వచ్చినప్పుడు స్థిరత్వాన్ని ఇస్తుంది. ఇన్వెస్టర్లలో భరోసాను నింపుతుంది. పేపర్ కరెన్సీలాగా బంగారాన్ని నచ్చినట్లు ప్రింట్ చేయలేం కదా.. అందుకే దీన్ని సేఫ్ ఇన్వెస్ట్‌మెంట్ లేదా 'సేఫ్ హెవెన్ అసెట్' అని పిలుస్తారు. ఇప్పటివరకు భూమిపై నుంచి తీసిన మొత్తం బంగారం సుమారు 2,16,000 టన్నులకు పైగా ఉంటుందని అంచనా.

మన దేశానికి బంగారంతో ఉన్న సాంస్కృతిక, ఆర్థిక బంధం చాలా పాతది. అందుకే ఇందులో పెద్దగా ఆశ్చర్యపోవాల్సిన అవసరం లేదు. భారత దేశ అధికారిక గోల్డ్ రిజర్వ్స్ చూస్తే.. మన దగ్గర 800 టన్నుల కంటే ఎక్కువ బంగారం ఉంది. ఈ భారీ నిల్వలతో భారత్ ప్రపంచంలోనే అత్యధికంగా బంగారం కలిగిన టాప్ 10 దేశాల జాబితాలో చేరింది. ఈ లిస్టులో భారత్ 8వ స్థానంలో కొనసాగుతోంది.

ప్రపంచంలోనే అత్యధిక గోల్డ్ రిజర్వ్స్ ఉన్న దేశంగా అమెరికా రికార్డుల్లో నిలిచింది. వరల్డ్ గోల్డ్ కౌన్సిల్ డేటా ప్రకారం.. అమెరికా దగ్గర ఏకంగా 8,100 టన్నులకు పైగా బంగారం ఉంది. ఇందులో చాలా భాగాన్ని కెంటుకీలోని ప్రసిద్ధ ఫోర్ట్ నాక్స్ లో భద్రపరిచారు. మిగిలిన బంగారాన్ని డెన్వర్, వెస్ట్ పాయింట్ వంటి సూపర్ సెక్యూర్డ్ ప్లేస్‌లలో దాచారు. అమెరికా 20వ శతాబ్దంలోనే తన గోల్డ్ రిజర్వ్స్‌ను పెంచడం స్టార్ట్ చేసింది.

మరికొన్ని దేశాల విషయానికి వస్తే.. జర్మనీ 3,300 టన్నుల కంటే ఎక్కువ బంగారంతో రెండో స్థానంలో ఉంది. ఇటలీ, ఫ్రాన్స్ దేశాల దగ్గర 2,400 టన్నుల కంటే ఎక్కువ బంగారం ఉంది. ఆ తర్వాతి స్థానాల్లో ఉన్న రష్యా, చైనాలు కూడా ఇటీవల కాలంలో తమ గోల్డ్ రిజర్వ్స్‌ను బాగా పెంచుకుంటూ వస్తున్నాయి. వీటితో పాటు స్విట్జర్లాండ్, జపాన్ దేశాలు కూడా అత్యధిక బంగారం ఉన్న దేశాల లిస్ట్‌లో ముందంజలో ఉన్నాయి.

IND vs AUS T20 Series: ప్ర‌తీకారం తీర్చుకునేనా? ఇండియా vs ఆస్ట్రేలియా టీ20 సిరీస్.. ఫ్రీ 'లైవ్ స్ట్రీమింగ్'..

Mahesh Rajamoni — Wed, 22 Nov 2023 18:00:15 +0530

IND vs AUS 1st T20I Live Streaming: భారత్ vs ఆస్ట్రేలియా మ‌ధ్య మొదటి టీ20 మ్యాచ్ విశాఖపట్నంలోని డాక్ట‌ర్ వైఎస్ రాజశేఖర్ రెడ్డి క్రికెట్ స్టేడియంలో గురువారం జ‌ర‌గ‌నుంది. భారత్-ఆస్ట్రేలియా మధ్య జరగబోయే ద్వైపాక్షిక టీ20 కోసం ఇప్ప‌టికే ఇరు జ‌ట్లు వేదిక‌కు చేరుకున్నాయి.

India vs Australia 1st T20I Live: భార‌త్-ఆస్ట్రేలియాల మ‌ధ్య గురువారం నుంచి టీ20 సిరీస్ ప్రారంభం కానుంది. ఐసీసీ టీ20 వరల్డ్ క‌ప్ కు మరో ఆరు నెలల సమయం మాత్రమే ఉన్న నేపథ్యంలో నవంబర్ 23 నుంచి భారత్, ఆస్ట్రేలియా టీ20 ఐదు మ్యాచ్ ల‌ సిరీస్ లో తలపడనున్నాయి.

భారత్- ఆస్ట్రేలియా జట్ల మధ్య విశాఖపట్నం వేదికగా తొలి టీ20 జరగనుంది. వైఎస్ రాజశేఖరరెడ్డి క్రికెట్ స్టేడియంలో ఈ మ్యాచ్ జరగనుంది. ఐదు మ్యాచ్ ల సిరీస్ బెంగళూరులోని చిన్నస్వామి స్టేడియంలో ముగియనుంది.

ఐసీసీ వన్డే వరల్డ్ క‌ప్ లో పాల్గొంటున్న భారత ఆటగాళ్లలో చాలా మందికి ఈ టీ20 సిరీస్ కు విశ్రాంతినిచ్చారు. ప్రపంచ నంబర్ వన్ టీ20 బ్యాట్స్ మన్ సూర్యకుమార్ యాదవ్ టీం ఇండియాకు కెప్టెన్ గా వ్యవహరించనుండగా, మాథ్యూ వేడ్ కు ఆస్ట్రేలియాకు సారథ్యం వహించే అవకాశం లభించింది.

అంత‌కుముందు, 2023 సెప్టెంబర్ లో ఆస్ట్రేలియా భారత్ తో మూడు వన్డేల సిరీస్ ఆడింది. తొలి రెండు వన్డేల్లో భారత్ విజయం సాధించగా, మూడో మ్యాచ్ లో ఆస్ట్రేలియా విజయం సాధించింది.

2023 ప్రపంచ కప్ కోసం ఇరు జట్ల సన్నాహకాల్లో భాగంగా భారత్-ఆస్ట్రేలియా వన్డే సిరీస్ జరిగింది. భారత్- ఆస్ట్రేలియా మధ్య జరగబోయే ద్వైపాక్షిక టీ20 అంతర్జాతీయ సిరీస్ కు సంబంధించిన పూర్తి వివ‌రాలను ఇరు జ‌ట్లు ప్ర‌క‌టించాయి.

భారత్-ఆస్ట్రేలియా టీ20 వివ‌రాలు గ‌మ‌నిస్తే.. నవంబర్ 23న భారత్- ఆస్ట్రేలియా జట్ల మధ్య తొలి టీ20 జరగనుంది. ఇరు జట్ల మధ్య తొలి టీ20 గురువారం రాత్రి 7 గంటలకు ప్రారంభం కానుంది. దీనికి విశాఖపట్నంలోని డాక్ట‌ర్ వైఎస్ రాజశేఖరరెడ్డి ఏసీఏ-వీడీసీఏ క్రికెట్ స్టేడియం వేదిక కానుంది.

భారత్-ఆస్ట్రేలియా టీ20 సిరీస్ ను స్పోర్ట్స్ 18 నెట్వర్క్ లైవ్ ప్రసారం చేయనుంది. టీవీ 18, స్పోర్ట్స్ 18, కలర్స్, కలర్స్ సినీప్లెక్స్ సూపర్ హిట్స్ లో కూడా మ్యాచ్ ల‌ను వీక్షించవచ్చు.

ఇక భారత్-ఆస్ట్రేలియా టీ20 సిరీస్ లైవ్ స్ట్రీమింగ్ ఉచితంగా చూడాల‌నుకునే వారికి జియో నెట్ వ‌ర్క్ గుడ్ న్యూస్ చెప్పింది. ఈ సిరీస్ ను జియో సినిమాలో ఉచితంగా వీక్షించ‌వచ్చని తెలిపింది.

భారత్-ఆస్ట్రేలియా టీ20 సిరీస్ కు భార‌త్ జ‌ట్టు ఇదే.. : సూర్యకుమార్ యాదవ్ (కెప్టెన్), రుతురాజ్ గైక్వాడ్ (వైస్ కెప్టెన్), ఇషాన్ కిషన్, యశస్వి జైస్వాల్, తిలక్ వర్మ, రింకు సింగ్, జితేశ్ శర్మ (వికెట్ కీపర్), వాషింగ్టన్ సుందర్, అక్షర్ పటేల్, శివం దూబే, రవి బిష్ణోయ్, అర్ష్దీప్ సింగ్, ప్రసిద్ధ్ కృష్ణ, అవేశ్ ఖాన్, ముఖేష్ కుమార్.

Jay Shah: ఎప్ప‌టికీ చెరగని స్ఫూర్తిని.. టీమిండియా ఓట‌మిపై బీసీసీఐ కార్య‌ద‌ర్శి జై షా కీల‌క వ్యాఖ్య‌లు

Mahesh Rajamoni — Wed, 22 Nov 2023 03:06:24 +0530

ICC Cricket World Cup 2023: ఫైన‌ల్ లో భార‌త్ ఓట‌మిపై జైషా స్పందిస్తూ.. "విజయం నుంచి కష్టాల వరకు ప్రతి మ్యాచ్ మా జట్టు అచంచల స్ఫూర్తికి, సంకల్పానికి, నైపుణ్యానికి నిదర్శనంగా నిలిచింది. ఫైనల్స్ కు ముందు జరిగిన 10 మ్యాచ్ ల్లోనూ విజయం సాధించి, క్రికెట్ నిజమైన సారాన్ని ప్రదర్శించార‌ని" అన్నారు.

World Cup 2023: ఐసీసీ ఐసిసి పురుషుల క్రికెట్ ప్రపంచ కప్ 2023 ఫైనల్‌లో ఆస్ట్రేలియా చేతిలో భారత్ ఓడిపోయిన క్ర‌మంలో భారత క్రికెట్ కంట్రోల్ బోర్డు (బీసీసీఐ) కార్యదర్శి జై షా స్పందిస్తూ కీల‌క వ్యాఖ్య‌లు చేశారు. సోష‌ల్ మీడియా ప్లాట్ ఫామ్ ఎక్స్ వేదిక‌గా స్ప‌దించిన జై షా.. భారత జట్టు ట్రోఫీని గెలవడంలో విఫలమైనప్పటికీ, వారు చెరగని స్ఫూర్తిని మిగిల్చార‌నీ, ప్రపంచకప్‌ మొత్తంలో టీమిండియా ప్రబలమైన శక్తి నిలిచింద‌ని పేర్కొన్నారు.

అలాగే, ఆస్ట్రేలియాతో జరిగిన క్రికెట్ వరల్డ్ కప్ 2023 ఫైనల్స్ మెన్ ఇన్ బ్లూ విఫలమైనప్పటికీ, వారి ప్రయాణం చెరగని స్ఫూర్తిని మిగిల్చింది. విజయం నుంచి కష్టాల వరకు ప్రతి మ్యాచ్ మా జట్టు అచంచల స్ఫూర్తికి, సంకల్పానికి, నైపుణ్యానికి నిదర్శనంగా నిలిచింది. ఫైనల్స్ కు ముందు జరిగిన 10 మ్యాచ్ ల్లోనూ విజయం సాధించి.. క్రికెట్ నిజమైన సారాన్ని ప్రదర్శించింది. అలాగే, అంద‌మైన ఆట‌తో పాటు అస‌లు సిస‌లైన మ‌జాను అందించిన ఆట‌ను చూపించార‌ని కొనియాడారు.

యావత్ భార‌తావని మన కుర్రాళ్లకు అండగా నిలిచి, ఈ ప్రపంచ కప్ ను భారత్ లో క్రికెట్ కు దేశవ్యాప్త వేడుకగా మార్చిందన్నారు. మొత్తం ప్రజల శక్తి, అభిరుచి.. అలుపెరగని మద్దతు నిజంగా నమ్మశక్యం కానివని పేర్కొన్నారు.

అలాగే, టీమ్ఇండియాలోని ప్రతి ఒక్కరికీ హృదయపూర్వక కృతజ్ఞతలు. మీ అంకితభావం, కృషి, పట్టుదల ఈ టోర్నమెంట్ అంతటా స్వచ్ఛమైన ఆనంద క్షణాలను అందించాయి. మీరు మీ విజయాలతోనే కాకుండా, ఆటను ఆడిన విధానంతో - హృదయంతో.. గర్వంతో.. ఎన్నడూ మ‌ర్చిపోని దృక్పథంతో మమ్మల్ని గర్వపడేలా చేశారని జై షా వివ‌రించారు.

ఈ ప్రపంచకప్ కేవలం విజయాలకే పరిమితం కాలేదని పేర్కొన్న జై షా.. ఇది టీమిండియా భావోద్వేగాలు, స్నేహం, తిరుగులేని స్ఫూర్తిని ర‌గిల్చిన‌వని అన్నారు.

"ఆనందానికి, మరపురాని క్షణాలను మిగిల్చినందుకు ధన్యవాదాలు. ఇక్కడ మెన్ ఇన్ బ్లూ - అన్ని విధాలుగా నిజమైన ఛాంపియన్లు. ఈ ప్ర‌పంచ క‌ప్ ప్రయాణం ముగిసి ఉండవచ్చు, కానీ మా జట్టు పట్ల గర్వం.. ప్రేమ.. స్ఫూర్తి ఎప్పటికీ ప్రతిధ్వనిస్తాయ‌ని" అన్నారు.

క్రీడలను మించిన గురువు లేడు... గొప్ప పాఠాలు నేర్పిస్తాయి : టీమిండియా ఓటమిపై ఆనంద్ మహింద్రా

Arun Kumar P — Mon, 20 Nov 2023 11:19:10 +0530

ముంబై : ఈ ప్రపంచ కప్ ముగింపు బాగాలేకున్నా టోర్నీ మొత్తం టీమిండియా అద్భుతంగా ఆడింది. రోహిత్ సేన వరుస విజయాలకు బ్రేక్ వేస్తూ వరల్డ్ కప్ ట్రోఫీని ఎగరేసుకుపోయింది ఆస్ట్రేలియా. అయితే ఈ ఓటమి భారత క్రికెట్ ఫ్యాన్స్ ను బాధించినా టీమిండియాకు మద్దతుగా నిలుస్తున్నారు. ఈ వరల్డ్ కప్ గెలవలేకపోవచ్చు... కానీ టోర్నీ మొత్తం చాలా అద్భుతంగా ఆడి మా మనసులు గెచుకున్నారంటూ భారత ఆటగాళ్ళ ఓటమి బాధను తగ్గించే ప్రయత్నం చేస్తున్నారు ఫ్యాన్స్.

ఆటలో గెలుపు ఓటములు సహజం... గెలుపుతో పొంగిపోయి, ఓటమితో కుంగిపోవడం ఆటగాళ్ల లక్షణం కాదంటున్నారు భారతీయ క్రికెట్ ఫ్యాన్స్. తనదికాని రోజు ఎంతటి గొప్ప జట్టయినా ఓడిపోతుంది... అలాంటి రోజే నిన్న భారత్ కు ఎదురయ్యిందంటూ టీమిండియా ఆటగాళ్లలో ఆత్మస్థైర్యం నింపుతున్నారు అభిమానులు. ఈ క్రమంలో ప్రముఖ పారిశ్రామికవేత్త ఆనంద్ మహింద్రా కూడా టీమిండియాకు మద్దతుగా నిలిచారు.

అణకువగా వుండటం నేర్పించడంలో క్రీడను మించిన గురువు లేడని ఆనంద్ మహింద్రా అన్నారు. ఈ ప్రపంచకప్ లో టీమిండియా గొప్ప క్రికెట్ ఆడింది... ఏరకంగా చూసినా అద్భుతంగా రాణించిందని అన్నారు. ఎవరూ ఊహించని విధంగా ఆడింది. కానీ ఫైనల్ లో మాత్రం అనుకోకుండా ఓడిపోయింది... ఈ సమయంలోనే మనందరం రోహిత్ సేనకు మరింత మద్దతు ఇవ్వాల్సిన అవసరం వుందని ఆనంద్ మహింద్రా సూచించారు.

—Sport is the greatest teacher of humility. —Team India was amazing in every way and came much further than anyone had hoped for initially. ~~We need to support our men in blue now, more than ever. Yes all of the above is true. But I’ve also learned that, in life, one should… pic.twitter.com/E3o5D7Lr7y

— anand mahindra (@anandmahindra) November 19, 2023

వరల్డ్ కప్ ఫైనల్లో టీమిండియా ఓటమి ద్వారా తాను ఒకటి నేర్చకున్నానని ఆనంద్ మహింద్ర అన్నారు. ఒకరి బాధలో ఉన్నవారిని భావాలను అర్థంచేసుకోవాలి... వారి కాళ్లుపట్టి కిందకు లాగకుండా ముందుకు వెళ్లేలా సహకరించాలని అన్నారు. జీవితంలో ముందుకు సాగాలంటే కేవలం విజయాలనే కాదు ఓటమిని కూడా అంగీకరించాలని ఆనంద్ మహింద్రా అన్నారు.

Read More టీమిండియా కొంపముంచిన ఆ ఇద్దరి గాయాలు... కెఎల్ రాహుల్ పరమ జిడ్డు బ్యాటింగ్‌కి...

ట్విట్టర్ లో ఓ ఫోటోను షేర్ చేసిన ఆనంద్ మహింద్రా ప్రస్తుతం తన పరిస్థితి ఇలానే వుందంటూ ఓ ఫోటోను షేర్ చేసారు. ఇలా టీమిండియా గెలిచినప్పుడు అభినందించి... ఇప్పుడు ఓటమి బాధలో వున్న ఆటగాళ్లకు ఆనంద్ మహింద్రా మద్దతుగా నిలిచారు.

Top 10 Sports News: టీ20 జ‌ట్టులోకి కోహ్లీ, రోహిత్.. డేవిడ్ వార్న‌ర్ కొత్త అవ‌తారం.. నాద‌ల్ ఔట్

Mahesh Rajamoni — Mon, 08 Jan 2024 10:10:46 +0530

Top 10 Sports News:

భారత్-అఫ్గానిస్థాన్ టీ20 సిరీస్: జ‌ట్టులోకి రోహిత్, కోహ్లీ

భారత్-అఫ్గానిస్థాన్ టీ20 సిరీస్ కోసం బీసీసీఐ టీమిండియా జ‌ట్టును ప్ర‌క‌టించింది. భార‌త స్టార్ ప్లేయ‌ర్స్ రోహిత్ శ‌ర్మ‌, విరాట్ కోహ్లీలు జ‌ట్టులోకి తిరిగి వ‌చ్చారు. దాదాపు ఏడాది కాలం తర్వాత ఈ ఇద్ద‌రు ప్లేయ‌ర్లు భార‌త్ త‌ర‌ఫున టీ20 మ్యాచ్ లు ఆడ‌బోతున్నారు.

భార‌త జ‌ట్టుకు ఆసీస్ షాక్..

ఆసీస్ తో జ‌రుగుతున్న టీ20 సిరీస్ తొలి మ్యాచ్‌లో అద్భుత విజయాన్ని అందుకున్న టీమిండియా రెండో మ్యాచ్ లో ఘోర పరాజయాన్ని చవిచూసింది. ముంబైలోని డివై పాటిల్ స్టేడియంలో జరిగిన మ్యాచ్‌లో ఆస్ట్రేలియా 6 వికెట్ల తేడాతో టీమిండియాపై విజయం సాధించింది. దీంతో మూడు మ్యాచ్‌ల సిరీస్‌ను 1-1తో సమం చేసింది. దీంతో జనవరి 9న జరగనున్న మూడో మ్యాచ్ నిర్ణయాత్మకంగా మారింది.

అందుకే రాజ‌కీయాల‌కు దూరం..

భార‌త మాజీ స్టార్ క్రికెట‌ర్, చెన్నై సూప‌ర్ కింగ్స్ ప్లేయ‌ర్ అంబ‌టి రాయుడు రాజ‌కీయాల్లోకి ఎంట్రీ ఇచ్చిన కొన్ని రోజుల‌కే పాలిటిక్స్ కు గుడ్ బై చెప్పాడు. అధికార పార్టీ వైకాప నుంచి బ‌య‌ట‌కు రావ‌డంతో హాట్ టాపిక్ గా మారింది. దీనిపై క్లారిటీ ఇచ్చిన అంబ‌టి రాయుడు.. క్రికెట్ కోస‌మే రాజ‌కీయాల‌కు దూర‌మ‌వుతున్న‌ట్టు చెప్పాడు. దుబాయ్ లో జ‌రిగే ఐఎల్ టీ20 లీగ్ లో ముంబై ఫ్రాంఛైజీకి అడుతున్న‌ట్టు తెలిపాడు.

Shweta Sehrawat: టీమిండియా క్రికెటర్ సంచ‌ల‌న ఇన్నింగ్స్.. 150 బంతుల్లో 242 ప‌రుగులు

ఆస్ట్రేలియా ఓపెన్ నుంచి నాద‌ల్ ఔట్..

టెన్నిస్ దిగ్గ‌జం ర‌ఫెల్ నాద‌ల్ ఆస్ట్రేలియా ఓపెన్ నుంచి వైదొలిగాడు. బ్రిస్బేన్ ఇంట‌ర్నేష‌న‌ల్ క్వార్ట‌ర్ ఫైన‌ల్ స‌మ‌యంలో కండ‌రాల గాయ‌మైంద‌నీ, చికిత్స చేయించుకుని కోలుకునేందుకు విశ్రాంతి తీసుకుంటున్న‌ట్టు పేర్కొన్నాడు.

కోచ్ అవ‌తారంలో డేవిడ్ వార్న‌ర్..

ఆస్ట్రేలియా స్టార్ బ్యాట‌ర్ డేవిడ్ వార్న‌ర్ ఇటీవ‌లే టెస్టు, వ‌న్డే క్రికెట్ కు గుడ్ బై చెప్పిన సంగ‌తి తెలిసిందే. అయితే, టీ20, ఇత‌ర లీగ్ మ్యాచ్ ల‌లో ఆడ‌నున్నాడు. అయితే, తాను కోచ్ అవ‌తారం ఎత్త‌బోతున్న‌ట్టు చెప్పాడు. క్రికెట్ నుంచి పూర్తిగా త‌ప్పుకున్న త‌ర్వాత కోచ్ గా బాధ్య‌త‌లు చేప‌డ‌తాన‌ని చెప్పాడు.

క్రికెట్ లో స్టార్.. పాలిటిక్స్ ఎంట్రీతోనే ఎంపీ..

బంగ్లాదేశ్ మాజీ కెప్టెన్ ష‌కీబ్ అల్ హ‌స‌న్ ఆ దేశ సార్వ‌త్రిక ఎన్నిక‌ల్లో ఎంపీగా గెలిచారు. మ‌గురా స్థానం నుంచి పోటీ చేసిన ష‌కీబ్.. 1.50 ల‌క్ష‌ల ఓట్ల మెజారిటీతో గెలిచారు. అవామీ లీగ్ పార్టీ త‌ర‌ఫున ఆయ‌న బ‌రిలోకి దిగారు.

ఐపీఎల్ కు సూర్యకుమార్ దూరం.. !

ముంబై ఇండియ‌న్స్ కు బిగ్ షాక్ తగిలేలా ఉంది. ఆ జ‌ట్టు స్టార్ ప్లేయ‌ర్ సూర్య‌కుమార్ యాద‌వ్ గాయం నుంచి ఇంకా కోలుకోలేదు. దీంతో అత‌ను రాబోయే ఐపీఎల్ కొన్ని మ్యాచ్ ల‌కు దూరం కానున్నాడ‌ని టాక్ వినిపిస్తోంది. గాయం కార‌ణంగా ప్ర‌స్తుతం భార‌త్-ఆఫ్ఘ‌నిస్తాన్ సిరీస్ కు దూర‌మ‌య్యాడు.

MS Dhoni: హుక్కా పీలుస్తూ.. ధోనీ వీడియో వైర‌ల్.. కెప్టెన్ కూల్ పై విమ‌ర్శ‌లు

జూనియ‌ర్ హాకీ ఇండియా కోర్ ప్రాబబుల్ గ్రూప్ ప్ర‌క‌ట‌న‌

బెంగళూరులోని స్పోర్ట్స్ అథారిటీ ఆఫ్ ఇండియా (సాయ్)లో సోమవారం నుంచి ప్రారంభమయ్యే జూనియర్ ఉమెన్స్ నేషనల్ కోచింగ్ క్యాంప్ కోసం హాకీ ఇండియా (హెచ్‌ఐ) 41 మంది సభ్యుల కోర్ ప్రాబబుల్ గ్రూప్‌ను ప్రకటించింది. 2023లో జరగనున్న దేశీయ ఛాంపియన్‌షిప్‌లో వారి ప్రదర్శన ఆధారంగా కొత్త కోర్ ప్రాబబుల్ గ్రూప్ ఎంపిక చేసింది.

టెస్టులు, వన్డేల భవిష్యత్తుపై ఏబీ డివిలియర్స్ ఆందోళన..

సౌతాఫ్రికా టీ20ల‌ను ఉదహరిస్తూ న్యూజిలాండ్‌తో జరిగిన ప్రోటీస్ జట్టులో సీనియర్ ఆటగాళ్లు ఎవరూ లేరని ప్రతిస్పందిస్తూ.. టెస్ట్ క్రికెట్ భవిష్యత్తుపై టీ20 క్రికెట్ ప్రభావం గురించి ఏబీ డివిలియర్స్ ఆందోళ‌న వ్య‌క్తం చేశారు. టీ20లు క్రికెట్ వ‌న్డే, టెస్టు ఫార్మాట్‌లపై ఒత్తిడి తెస్తున్నాయని పేర్కొన్నాడు.

బాల్ ట్యాంపరింగ్.. పాక్ బౌల‌ర్ల‌పై ప్రవీణ్ కుమార్ సంచ‌ల‌న వ్యాఖ్య‌లు

టీంఇండియా మాజీ ఫాస్ట్ బౌలర్ ప్రవీణ్ కుమార్ లల్లాంటాప్ కు ఇచ్చిన ఇంటర్వ్యూలో ప్రతి ఒక్కరూ బంతిని కొద్దిగా టాంపరింగ్ చేసేవారనీ, పాక్ బౌలర్లు చాలా చేసేవారని సంచ‌ల‌న వ్యాఖ్య‌లు చేశారు. అయితే, 'ఇప్పుడు చాలా కెమెరాలు ఉన్నాయి. గతంలో బౌలర్లు బంతిని ఒక వైపు నుంచి స్క్రాచ్ చేసేవారని' పేర్కొన్నాడు.

వింటేజ్ రైడ్ లో ర‌వీంద్ర జ‌డేజా.. ఎద్దుల బండి నడుపుతున్న వీడియో వైరల్.. !

Rohit Sharma: రోహిత్ శర్మ అలా చేసి ఉండాల్సింది కాదు... హిట్‌మ్యాన్ పై సునీల్ గవాస్కర్ కామెంట్స్

Mahesh Rajamoni — Tue, 21 Nov 2023 01:06:14 +0530

ICC Cricket World Cup: ఐసీసీ క్రికెట్ వ‌ర‌ల్డ్ క‌ప్ 2023 ఫైన‌ల్ లో ఇండియా ఆస్ట్రేలియా చేతిలో చిత్తుకావ‌డంపై భార‌త మాజీ దిగ్గ‌జ క్రికెట‌ర్లు స్పందిస్తున్నారు. ఈ క్ర‌మంలోనే హిట్‌మ్యాన్ రోహిత్ శర్మ గురించి భారత మాజీ కెప్టెన్ సునీల్ గవాస్కర్ మాట్లాడుతూ.. ఫైనల్‌లో రోహిత్ చేయకూడని పనిని ఎత్తిచూపారు.

Sunil Gavaskar's comments on Rohit Sharma: ఐసీసీ క్రికెట్ వ‌ర‌ల్డ్ క‌ప్ లో ఇండియాను శక్తివంతమైన జ‌ట్టుగా ముందుకు నడిపించినా భారత్‌కు ప్రపంచకప్‌ను అందించలేకపోయాడు హిట్ మ్యాన్ రోహిత్ శ‌ర్మ‌. ఈ క్ర‌మంలోనే ఐసీసీ క్రికెట్ వ‌ర‌ల్డ్ క‌ప్ 2023 ఫైన‌ల్ మ్యాచ్, రోహిత్ శర్మపై టీమిండియా మాజీ కెప్టెన్ సునీల్ గవాస్కర్ కీల‌క వ్యాఖ్యలు చేశాడు. ఫైన‌ల్ మ్యాచ్ లో రోహిత్ కొన్నిపొర‌పాట్లు చేశాడ‌నీ, అవి చేసి ఉండాల్సింది కాదని పేర్కొన్నారు.

వ‌ర‌ల్డ్ క‌ప్ ఫైన‌ల్ లో రోహిత్ శర్మ భారత్ కు మంచి శుభారంభం అందించాడు. రోహిత్ దూకుడుగా ఓపెనింగ్ చేయడంతో టీమిండియా 300 పరుగులు ఈజీగానే సాధిస్తుంద‌ని అంద‌రూ అనుకున్నారు. కానీ రోహిత్ శర్మ భారీ షాట్ కొట్ట‌బోయి ఔటవ్వడంతో అతని ఇన్నింగ్స్ 47 పరుగుల వద్ద ముగిసింది. ఆస్ట్రేలియా జ‌ట్టుముందు భారీ ల‌క్ష్యాన్ని ఉంచ‌లేక పోయింది. 240 ప‌రుగుల ల‌క్ష్యాన్ని కాపాడుకోవ‌డానికి, ఆ తర్వాత రోహిత్ శర్మ మైదానాన్ని సమర్ధవంతంగా నడిపించాడు. కానీ ఆ రోజు భార‌త్ ది కాదు.. ఎందుకంటే రోహిత్ చేసిన ప్ర‌య‌త్నాలు ఫ‌లించ‌లేదు.

ఈ ఫైనల్ మ్యాచ్ గురించి సునీల్ గవాస్కర్ మాట్లాడుతూ రోహిత్ పై కీలక వ్యాఖ్యలు చేశాడు. "రోహిత్ శర్మ మంచి లయతో బ్యాటింగ్ చేస్తున్నాడు.. గ్లెన్ మ్యాక్స్ వెల్ వేసిన ఓవర్ లో రోహిత్ ఫోర్, ఒక సిక్సర్ కొట్టాడు. దీంతో రెండు బంతుల్లో 10 పరుగులు వచ్చాయి. ఆ తర్వాత రోహిత్ కు పెద్ద హిట్ కొట్టాల్సిన అవసరం లేదు. ఎందుకంటే ఆ సమయంలో చేయాల్సిన పరుగులు వచ్చాయి. కాబట్టి రోహిత్ గట్టిగా కొట్టాల్సిన అవసరం లేదు.. కానీ రోహిత్ మాత్రం పెద్ద హిట్ కోసం వెళ్లి పెద్ద తప్పు చేశాడు. ఎందుకంటే రోహిత్ వికెట్ కోల్పోయాడని" అన్నారు.

అలాగే, "రోహిత్ శ‌ర్మ ఈ షాట్ ను కరెక్ట్ గా కొట్టి ఉండి ఉంటే సిక్సర్ అయ్యేది. అందరూ చప్పట్లు కొట్టేవారు. కానీ అలా జరగలేదు. ఇంకా చాలా ఓవ‌ర్లు ఆడాల్సింది. రోహిత్ ఔటు కావ‌డంతో భార‌త జ‌ట్టుపై ప్ర‌భావం ప‌డింది. అప్పుడు రోహిత్ తన వికెట్ ను కాపాడుకుని ఉంటే మ్యాచ్ లో ఫ‌లితం ఇంకోలా ఉండేదని అనుకుంటున్నాను. కాబట్టి రోహిత్ శర్మ ఆ షాట్ కొట్టాల్సింది కాదు..." అని సునీల్ గ‌వాస్క‌ర్ అన్నారు.

కాగా, ఐసీసీ క్రికెట్ వ‌ర‌ల్డ్ క‌ప్ 2023 ఫైన‌ల్ మ్యాచ్ లో రోహిత్ శ‌ర్మ భార‌త్ కు మంచి శుభారంభం అందించాడు. అయితే, వ‌రుస బౌండ‌రీలు బాదిన‌ త‌ర్వాత‌.. గ్లెన్ మ్యాక్స్ వెల్ బౌలింగ్ లో భారీ హిట్ కొట్ట‌బోయే వికెట్ స‌మ‌ర్పించుకున్నాడు. ట్రావిస్ హెడ్ అద్భుతమైన క్యాచ్ అందుకోవ‌డంతో హిట్ మ్యాన్ ఔట్ అయ్యాడు. రోహిత్ ఆ టైమ్ లో ఔట్ కాకుంటే ఫ‌లితం వేరేలా ఉండేద‌ని క్రికెట్ ప్రియులు, విశ్లేష‌కులు అభిప్రాయ ప‌డుతున్నారు.

Ravindra Jadeja : "ఆ క్షణాన మమ్మల్ని ప్రేరేపించాడు. మాలో ఎంతో ఉత్తేజాన్ని నింపారు".. జడేజా భావోద్వేగ ట్వీట్‌

Rajesh Karampoori — Mon, 20 Nov 2023 16:08:00 +0530

World Cup 2023 Final: భారత్‌ వేదికగా జరిగిన వరల్డ్ కప్‌లో మొదటి నుంచి అత్యుత్తమ ఆటతీరును ప్రదర్శించిన టీమిండియా ఫైనల్‌ మ్యాచ్‌లో మాత్రం నిరాశపరిచింది. ఆస్ట్రేలియా చేతిలో సొంత గడ్డపై టీమిండియా ఓటమి పాలుకావడంతో లక్షలాది మంది అభిమానులు తీవ్ర నిరాశకు గురయ్యారు. నరేంద్ర మోదీ స్టేడియంలో ఆస్ట్రేలియా చేతితో టీమిండియా ఓడిపోవడంతో ఆటగాళ్లతో పాటు అభిమానుల కన్నీళ్లు ఆపుకోలేకపోయారు. చాలా మంది దిగ్బాంత్రికి లోనయ్యారు. భారత్-ఆస్ట్రేలియా మధ్య జరిగే ఫైనల్ మ్యాచ్‌ని వీక్షించేందుకు ప్రధాని నరేంద్ర మోదీ కూడా వచ్చారు.

టీమిండియా ఓటమి తరువాత ఆటగాళ్లను ప్రధాని మోడీ కలిసి వారికి ధైర్యాన్ని చెప్పారు. కీడ్రాకారుల ప్రతిభ, ఆట తీరు దేశానికి గర్వకారణమని, దేశం నేడు, ఎప్పటికీ మీ వెంటే ఉంటుందని టీమిండియా సభ్యులను ధైర్యం చెప్పారు. ఈ తరుణంలో టీమిండియా ఆల్ రౌండర్ రవీంద్ర జడేజా తన ట్విట్టర్ హ్యండిల్ లో ప్రధాని మోదీ భారత క్రికెట్ సభ్యులను కలిసి ఫోటోను పోస్టు చేశారు. ఇందులో ఆయన ప్రధాని మోదీతో కలిసి ఉండటం చూడవచ్చు. జడేజాతో పాటు టీమిండియా ఆటగాళ్లు కూడా కనిపిస్తారు.

జడేజా ప్రధాని మోడీ ఫోటోను షేర్ చేస్తూ.. ‘మేము ఈ ప్రపంచకప్‌ టోర్నీ మొత్తం మంచి ప్రతిభ కనబరిచాం. కానీ, చివరి ఫైనల్ మ్యాచ్‌ లో ఆశించిన ఫలితాన్ని పొందలేకపోయాము.ఇది హృదయ విదారక క్షణంలో దేశ ప్రజలు మద్ధతుగా నిలుస్తున్నారు. ఈ సమయంలో ప్రధాని నరేంద్ర మోదీ డ్రెస్సింగ్ రూమ్‌కు చేరుకున్నారు. వారు డ్రెస్సింగ్ రూం సందర్శించడం ప్రత్యేకంగా అనిపించింది, ప్రధాని మోడీ మమ్మల్ని ప్రేరేపించాడు. మాలో ఎంతో ఉత్తేజాన్ని నింపారు’ అని రాసుకొచ్చారు.

We had a great tournament but we ended up short yesterday. We are all heartbroken but the support of our people is keeping us going. PM @narendramodi’s visit to the dressing room yesterday was special and very motivating. pic.twitter.com/q0la2X5wfU

— Ravindrasinh jadeja (@imjadeja) November 20, 2023

అంతకుముందు.. ప్రపంచ కప్ ఫైనల్ మ్యాచ్ (World Cup 2023 Fianl)లో ఆస్ట్రేలియా చేతిలో టీమిండియా ఓడిపోవడంపై ప్రధాని నరేంద్ర మోడీ కూడా స్పందించారు. ప్రధాని మోదీ తన ఎక్స్ హ్యాండిల్‌లో టీమిండియా సభ్యులను ఉద్దేశిస్తూ ఓ పోస్టు చేశారు. “ప్రియమైన టీమ్ ఇండియా. ప్రపంచ కప్ టోర్నీలో మీ ప్రతిభ, సంకల్పం గొప్పది. మీరు గొప్ప స్ఫూర్తితో ఆడారు. దేశానికి గర్వకారణంగా నిలిచారు. మేమంతా ఈ రోజు, ఎల్లప్పుడూ మీతో ఉంటాం ’’. అని టీమిండియాకు ప్రధాని ధైర్యాన్ని ఇచ్చారు.

అదే సమయంలో విశ్వ విజేత నిలిచిన ఆస్ట్రేలియా జట్టుకు అభినందనలు తెలిపారు. ప్రపంచకప్‌లో అద్భుత విజయం సాధించిన ఆస్ట్రేలియాకు ప్రశంసించారు ప్రధాని మోదీ. టోర్నమెంట్ అంతటా మీ ప్రదర్శన ప్రశంసనీయం, ఈ టోర్నీ మీ అద్భుతమైన విజయంతో ముగిసింది. ట్రావిస్ హెడ్ అద్భుతమైన ఆటతీరు అభినందనీయమని పేర్కొన్నారు.

Rohit Sharma: " ఆ ఇద్దరి వల్లే పరాజయం.. ఇంకో 20-30 పరుగులు చేసి ఉంటే.. "

Rajesh Karampoori — Mon, 20 Nov 2023 05:14:41 +0530

ICC World Cup 2023: ప్రపంచకప్‌ ఫైనల్‌లో బ్యాటింగ్‌ రాణించలేదని, ఫలితం తనకు అనుకూలంగా రాలేదని, అయితే మొత్తం జట్టుకు గర్వకారణమని ఆస్ట్రేలియాతో ఆదివారం జరిగిన ఆరు వికెట్ల తేడాతో భారత కెప్టెన్‌ రోహిత్‌ శర్మ అన్నాడు. ప్రపంచకప్ ట్రోఫీని చేజార్చుకోవడంతో రోహిత్, ఆటగాళ్ల ముఖాలతో పాటు నరేంద్ర మోదీ స్టేడియంలో ఉన్న ప్రేక్షకుల ముఖాల్లో నిరాశ నెలకొంది.

మ్యాచ్ అనంతరం రోహిత్ మాట్లాడుతూ.. 'ఫలితం మాకు అనుకూలంగా లేకపోయినా, ఈరోజు మాకు మంచి రోజు కాదని మాకు తెలుసు. కానీ జట్టును చూసి గర్విస్తున్నాను. భారత జట్టు 240 పరుగుల స్కోరుకే పరిమితమై ఈ లక్ష్యాన్ని కాపాడుకోవడం కష్టమైందని అన్నారు.

భారత కెప్టెన్‌ రోహిత్‌ శర్మ ఓటమి గురించి మాట్లాడుతూ.. నిజం చెప్పాలంటే స్కోరుకు 20-30 పరుగులు జోడించి ఉంటే బాగుండేదని రోహిత్ అన్నాడు. కేఎల్ రాహుల్, విరాట్ బ్యాటింగ్ చేస్తున్నప్పుడు 270-280 పరుగుల స్కోరుకు చేరుకుంటామని అనిపించింది. కానీ, వరుసగా వికెట్లు కోల్పోయాం.' అని బాధపడ్డారు.

ఆస్ట్రేలియా ఆరోసారి ఛాంపియన్‌గా అవతరించడంపై భారత కెప్టెన్ మాట్లాడుతూ.. 'ఆస్ట్రేలియా మూడు వికెట్లు కోల్పోయిన తర్వాత పెద్ద భాగస్వామ్యం చేసింది. మేము త్వరగా వికెట్లు పడగొట్టాలనుకున్నాము. అయితే క్రెడిట్ ట్రావిస్ హెడ్ , మార్నస్ లాబుస్‌చాగ్నేలకు చెందుతుంది, వారిద్దరూ మా వ్యూహాలపై దెబ్బకొట్టారు. మమ్మల్ని పూర్తిగా టైటిల్ కు దూరం చేశారు.

టాస్‌ గురించి రోహిత్‌ మాట్లాడుతూ.. టాస్‌ గెలిచి ఉంటే బ్యాటింగ్‌ ఎంచుకునేవాడిని. డే టైంలో బ్యాటింగ్ చేయడానికి మంచిదని నేను అనుకున్నాను. కానీ, మేము దానిని సాకుగా ఉపయోగించాలనుకోలేదు. మేము సరిగ్గా బ్యాటింగ్ చేయలేదని ఓటమి కారణాలు తెలిపారు.

ఆస్ట్రేలియన్ కెప్టెన్ పాట్ కమిన్స్ మాట్లాడుతూ..'గత మ్యాచ్‌లో మేము మా అత్యుత్తమ ప్రదర్శనను కాపాడుకున్నాము. కొందరు ఆటగాళ్లు పెద్ద మ్యాచ్‌లలో మంచి ప్రదర్శన కనబరిచారు. లక్ష్యాన్ని ఛేదించడం మంచిదని, సులువుగా ఉంటుందని ఈరోజు అనుకున్నాం. పిచ్ చాలా నెమ్మదిగా ఉంది, స్పిన్ లేదు, మేము సరైన లెంగ్త్ బౌలింగ్ చేసామని తెలిపారు.

ప్లేయర్ ఆఫ్ ది మ్యాచ్' ట్రావిస్ హెడ్ మాట్లాడుతూ.. మాకు, మా జట్టుకు చాలా గొప్ప రోజు. అందులో నేను భాగమైనందుకు థ్రిల్‌గా ఉంది. నేను కొంచెం భయాందోళనకు గురయ్యాను, కానీ మార్నస్ అద్భుతంగా ఆడి ఒత్తిడిని దూరం చేశాడు. మిచెల్ మార్ష్ మ్యాచ్ టోన్ సెట్ చేశాడని అనుకుంటున్నాను. అని అన్నారు. టాస్ గెలిచి బౌలింగ్ చేయాలన్న కెప్టెన్ నిర్ణయాన్ని ప్రశంసిస్తూ..మొదట బౌలింగ్ నిర్ణయం అద్భుతంగా ఉందని, మ్యాచ్ సాగుతున్న కొద్దీ ప్రయోజనం పొందామని తెలిపారు.

58 పరుగులతో అజేయంగా ఇన్నింగ్స్ ఆడిన మార్నస్ లాబుషాగ్నే మాట్లాడుతూ.. 'ఈ రోజు తాము సాధించినది అపురూపమైనది. టోర్నీలో భారత్ అద్భుతమైన ఫామ్‌లో ఉంది. ఈ రోజు మా బౌలర్లు అద్భుతంగా రాణించగా, ట్రావిస్ ఆటతీరు అద్భుతం, ఆట తీరు అపురూపంగా ఉంది' అని అన్నారు.

డేవిడ్ వార్నర్ మాట్లాడుతూ.. 'భారత్‌కు మొదట్లో మంచి ఆరంభం లభించింది, అయితే క్రెడిట్ బౌలర్లకు ఇవ్వాలి. మా మూడు వికెట్లు కూడా ప్రారంభంలోనే పడిపోయాయి. అయితే హెడ్, లాబుస్‌చాగ్నే మంచి ఇన్నింగ్స్ ఆడారు. ముఖ్యంగా హెడ్ గాయపడిన తర్వాత తిరిగి వచ్చాడు కానీ చివరికి అంతా బాగానే జరిగిందని అన్నారు.

Disneyplus Hotstar: డిస్నీ హాట్‌స్టార్ సరికొత్త రికార్డు.. ఫైనల్ మ్యాచ్ లో ఎంతమంది చూశారో తెలుసా?

Rajesh Karampoori — Mon, 20 Nov 2023 07:13:22 +0530

Disneyplus Hotstar: ప్రముఖ ఓటీ ప్లాట్ ఫామ్ డిస్నీ ప్లస్ హాట్‌స్టార్‌ గత రికార్డులన్ని బద్దలయ్యాయి. భారత్-ఆస్ట్రేలియా మధ్య ఆదివారం జరిగిన వన్డే క్రికెట్ ప్రపంచకప్ 2023 ఫైనల్ మ్యాచ్ సమయంలో డిస్నీ-హాట్‌స్టార్‌లో రికార్డు స్థాయిలో వీక్షించారు. ఏకంగా 59 మిలియన్ల మంది వీక్షకులు వీక్షించారు. అంటే.. ఏకకాలంలో 5.9 కోట్ల మందికి పైగా డిస్నీ ప్లస్ హాట్‌స్టార్‌ లో ప్రత్యక్షంగా వీక్షించారు.

ఇప్పటివరకు ఏ క్రికెట్ మ్యాచ్ ను ఇంత పెద్ద సంఖ్యలో ఓ OTTలో ప్రత్యక్షంగా చూడలేదు. ఇదే హై రియల్ టైమ్ వ్యూస్. దీంతో గతంలో నమోదైన అన్ని రికార్డులు బద్దలయ్యాయి. అయితే మ్యాచ్ ప్రారంభంలో వీక్షకుల సంఖ్య పెరిగినా.. మ్యాచ్ క్రమంగా ఆస్ట్రేలియాకు అనుకూలంగా మారడంతో వీక్షకుల సంఖ్య తగ్గుతూ వచ్చింది.

డిస్నీప్లస్ హాట్‌స్టార్ లో వన్డే క్రికెట్ ప్రపంచకప్ 2023 ఫైనల్ మ్యాచ్ ప్రత్యక్ష ప్రసారం సందర్భంగా అత్యధికంగా 5.9 కోట్ల మంది వీక్షకులు నమోదయ్యారని OTT ప్లాట్‌ఫాం ఓ ప్రకటనలో తెలిపింది. ఈ రికార్డుతో భారత్ - న్యూజిలాండ్ మధ్య జరిగిన సెమీ-ఫైనల్ మ్యాచ్‌లో నమోదైన 5.3 కోట్ల మంది వీక్షకుల రికార్డు బద్దలైందని తెలిపింది. అలాగే.. ప్రపంచ కప్ పోటీ లీగ్ దశలో భారత్ vs పాకిస్తాన్ మ్యాచ్‌లో 3.5 కోట్ల మంది వీక్షకులు ప్రత్యక్ష ప్రసారం ద్వారా మ్యాచ్‌ను వీక్షించారు.

ఈ సందర్భంగా డిస్నీ-హాట్‌స్టార్ ఇండియా హెడ్ సజిత్ శివానందన్ మాట్లాడుతూ.. “డిస్నీప్లస్ హాట్‌స్టార్‌లో ఫైనల్ మ్యాచ్‌ను 5.9 కోట్ల మంది వీక్షకులు వీక్షించారు. దీంతో అన్ని రికార్డులు బద్దలయ్యాయి. భారత క్రికెట్ అభిమానుల తిరుగులేని మద్దతు లైవ్ స్పోర్ట్స్ స్ట్రీమింగ్‌లో తాము నూతన శిఖరాలను అధిరోహించడానికి మరింత స్ఫూర్తినిస్తోందని పేర్కొన్నారు.

ఇక ఫైనల్ మ్యాచ్ విషయానికి వస్తే..

ప్రపంచకప్‌లో భాగంగా అహ్మదాబాద్‌లోని నరేంద్ర మోదీ స్టేడియంలో భారత్, ఆస్ట్రేలియా మధ్య ఫైనల్ మ్యాచ్ జరిగింది. ఈ మ్యాచ్ లో భారత్‌ను ఓడించి ఆస్ట్రేలియా ఆరోసారి ప్రపంచకప్‌ను కైవసం చేసుకుంది. ఆస్ట్రేలియా కెప్టెన్ పాట్ కమిన్స్ టాస్ గెలిచి బౌలింగ్ ఎంచుకున్నాడు. దీంతో తొలుత బ్యాటింగ్ చేసిన టీమిండియాకు ఎదురుదెబ్బ తగిలింది. శుభ్‌మన్ గిల్‌ ముందుగానే అవుట్ అయినా.. రోహిత్ శర్మ అద్భుతమైన ఇన్నింగ్స్ ఆడాడు. కానీ అతడు ఎక్కువ సేపు మైదానం ఉండలేకపోయారు. 47 పరుగులు చేసి పెవిలియన్ కు చేరారు. ఆ తరువాత వచ్చిన కోహ్లీ(54), కేఎల్ రాహుల్ (66) చేసి అవుట్ అయ్యారు. కీలక మ్యాచ్‌లో గిల్, శ్రేయాస్, సూర్యకుమార్ లు చేతులెత్తేశారు. దీంతో టీమిండియా 240 పరుగులకే కుప్పకూలింది.

అనంతరం లక్ష్య చేధనకు వచ్చిన ఆసీస్ బ్యాటర్లు మొదట తడబడ్డారు. వార్నర్, స్మిత్, మార్ష్ వంటి కీలక ఆటగాళ్ల వికెట్లు వెనువెంటనే పడటంతో టీమిండియా అభిమానుల ఆశలు చిగురించాయి. ఈ సారి కప్ మనదే అని అందరూ ఫిక్స్ అయ్యారు. కానీ, ఆసీస్ బ్యాటర్లు హెడ్(141), లబుషేన్‌లు(58) పరుగులతో అద్భుతంగా రాణించారు. కేవలం 43 ఓవర్లలో నాలుగు వికెట్లు కోల్పోయి ఆసీస్ లక్ష్యాన్ని ఛేదించింది.

ఈ విజయంతో ఆస్ట్రేలియా ఆరోసారి ప్రపంచ ఛాంపియన్‌గా అవతరించింది. అదే సమయంలో మూడోసారి ట్రోఫీని చేజిక్కించుకోవాలన్న భారత్ కల చెదిరిపోయింది. టోర్నీలో వరుసగా 10 మ్యాచ్‌లు గెలిచినా రోహిత్ సేన 11వ మ్యాచ్‌లో వెనుకబడింది. ఆస్ట్రేలియాతో జరిగిన ఫైనల్లో భారత్ రెండోసారి ఓటమిని చవిచూసింది. రికీ పాంటింగ్ సారథ్యంలోని జట్టు చివరిసారిగా 2003లో ఓడిపోయింది.

Rohit Sharma: రోహిత్ శ‌ర్మ‌ గుడ్ బై.. భారత వ‌న్డే కెప్టెన్సీ రేసులోని ఐదుగురు ప్లేయ‌ర్లు వీరే..

Mahesh Rajamoni — Sat, 25 Nov 2023 11:55:20 +0530

Team India captain: తదుపరి ఐసీసీ వ‌న్డే క్రికెట్ వ‌రల్డ్ క‌ప్ మెగా టోర్న‌మెంట్ 2027 లో జ‌ర‌గ‌నుంది. అయితే, రాబోయే మెగా ఈవెంట్‌కు భార‌త క్రికెట్ జట్టు మేనేజ్‌మెంట్ కొత్త కెప్టెన్‌ని సిద్ధం చేసేందుకు ప్ర‌ణాళిక‌లు సిద్ధం చేస్తోంది.

Indian Cricket Team: ఇటీవల ముగిసిన ఐసీసీ వన్డే ప్రపంచకప్ 2023 ఫైనల్లో కెప్టెన్ రోహిత్ శర్మ నేతృత్వంలోని టీమిండియా ఆస్ట్రేలియా చేతిలో ఘోర పరాజయాన్ని చవిచూసింది. వచ్చే వన్డే వరల్డ్ క‌ప్ కు మరో నాలుగేళ్ల సమయం మాత్రమే ఉన్న నేపథ్యంలో జట్టు మేనేజ్‌మెంట్ రాబోయే మెగా టోర్నీకి కొత్త కెప్టెన్ ను ఎంపిక చేసే అవకాశం ఉంది. మెన్ ఇన్ బ్లూ జట్టు కెప్టెన్ గా రోహిత్ స్థానాన్ని భర్తీ చేసే ఐదుగురు కీ ప్లేయ‌ర్ల ఎవ‌ర‌నేది గ‌మ‌నిస్తే..

కేఎల్ రాహుల్

బ్యాటింగ్, వికెట్ కీపింగ్ సామర్థ్యాలతో కేఎల్ రాహుల్ ఇప్పుడు జట్టుకు కీ ప్లేయ‌ర్ గా మారాడు. ఒత్తిడికి గురికాకుండా కూల్ గా ఉండ‌టం అత‌ని సొంతం. ఇదివ‌ర‌కు ప‌లుమార్లు భార‌త క్రికెట్ జ‌ట్టుకు నాయ‌క‌త్వం వ‌హించిన అనుభ‌వం ఉంది. కొంతకాలం ఫామ్ కోల్పోయిన తర్వాత ఆసియా కప్ లో భారత జట్టులోకి బలంగా పునరాగమనం చేశాడు. అప్పటి నుంచి అతని పెర్ఫార్మెన్స్ గ్రాఫ్ పెరుగుతూ వచ్చింది. ఇటీవల ముగిసిన టీ20 ప్రపంచకప్ 2023లో జట్టులో కీలక సభ్యుడిగా ఉన్నాడు. రోహిత్ స్థానాన్ని భర్తీ చేసే బలమైన పోటీదారుల్లో కేఎల్ రాహుల్ ఒక‌రని చెప్ప‌డంలో సందేహం లేదు.

హార్దిక్ పాండ్యా

ఈ స్టార్ ఆల్ రౌండర్ గతంలో టీ20ల్లో భార‌త‌ కెప్టెన్ గా జట్టు పగ్గాలు చేపట్టాడు. రోహిత్ శర్మకు టీంలో వైస్ కెప్టెన్ గా కూడా ఆడాడు. కెప్టెన్సీ కోసం బీసీసీఐ చూసే ఆట‌గాళ్ల‌లో హ‌ర్దిక్ ముందువ‌రుస‌లో ఉంటాడ‌ని చెప్ప‌డంలో సందేహం లేదు. టీ20ల్లో అత‌ని రికార్డుల గురించి ప్ర‌త్యేకంగా చెప్పాల్సిన ప‌నిలేదు. అయితే, ఈ ఆల్ రౌండర్ వ‌రుస‌గా గాయ‌లకు గురికావ‌డం స‌మస్యగా మారింది. ఏదేమైనా భార‌త వ‌న్డే జ‌ట్టు కెప్టెన్సీ రేసులో బలమైన పోటీదారుగా హ‌ర్ధిక్ ను పరిగణిస్తున్నారు.

శ్రేయాస్ అయ్యర్

దూకుడుగా ఆడ‌గ‌లిగే కుడిచేతి వాటం ఆటగాడు.. ఇప్పటికే టాప్ మిడిలార్డర్ లో కీల‌క ప్లేయ‌ర్. భార‌త జ‌ట్టులో ధ‌నాధ‌న్ టాప్ ఇన్నింగ్స్ ల‌తో తన సత్తాను నిరూపించుకున్నాడు. ఇండియన్ ప్రీమియర్ లీగ్ (ఐపీఎల్)లో కెప్టెన్ గా కూడా మంచి ప్రదర్శన చేయ‌డం, కెప్టెన్సీ అనుభ‌వం అత‌నికి ప్ల‌స్ పాయింట్లుగా చెప్ప‌వ‌చ్చు. ఆట‌గాళ్ల వయసు, బీసీసీఐ దూరదృష్టితో చూస్తుండటంతో శ్రేయాస్ ను కెప్టెన్ గా నియమించడానికి మంచి ఆప్షన్ అని ప‌లువురు క్రికెట్ విశ్లేష‌కులు అభిప్రాయ‌ప‌డుతున్నారు.

జస్ప్రీత్ బుమ్రా

బుమ్రా భారత జట్టులో ప్రధాన పేసర్ మాత్రమే కాదు.. ప్రస్తుతం ప్రపంచ క్రికెట్ లో అత్యుత్తమ ఆటగాడు కూడా. సుదీర్ఘ కాలంగా భారత జట్టులో ఉన్న అనుభవజ్ఞుడైన ప్లేయ‌ర్. అంతకు ముందు భారత్-ఇంగ్లాండ్ టెస్టు సిరీస్ లో చారిత్రాత్మక ఐదో మ్యాచ్ లో జట్టుకు సారథ్యం వహించాడు. బుమ్రా ప్రశాంతమైన-దూకుడు వ్యక్తిత్వం, తన బౌలింగ్ తో జట్టును నడిపించే సామర్థ్యం అత‌న్ని కెప్టెన్సీ రేసులోకి తీసుకువ‌చ్చింది.

శుభ్ మన్ గిల్

కేవ‌లం భార‌త్ కు మాత్ర‌మే కాదు ప్ర‌పంచ క్రికెట్ లో శుభ్ మన్ గిల్ ప్ర‌స్తుతం కీ ప్లేయ‌ర్ గా కొన‌సాగుతున్నాడు. ప‌లువురు క్రికెట్ నిపుణులు కూడా అతన్ని తదుపరి సచిన్ టెండూల్కర్, విరాట్ కోహ్లీగా అభివర్ణిస్తుండ‌టం గ‌మ‌నార్హం. అతని అద్భుతమైన ప్రతిభ, ఆకట్టుకునే ప్రదర్శనలు ఇప్పటికే పలువురు అభిమానులను, క్రికెటర్లను మంత్రముగ్ధులను చేశాయి. మూడు ఫార్మాట్లలో భారత జట్టులో తన స్థానాన్ని సుస్థిరం చేసుకున్నాడు. ఇప్పటికే భారత్-ఏ జట్టును సమర్థవంతంగా నడిపించిన అనుభవం కూడా అతడికి ఉంది. బీసీసీఐకి దీర్ఘకాలిక ప్రణాళిక ఉన్నందున, గిల్ కు జట్టు కెప్టెన్ గా సుదీర్ఘ అవకాశం ఇవ్వవచ్చు.