Asianet News Telugu

Telangana: మిస్‌వరల్డ్ పోటీలకు ఆ నగరం రెడీ.. ఆ స్కిల్‌ ఉంటే.. మీరే నిర్వహించొచ్చు!

Bala Raju Telika — Tue, 29 Apr 2025 15:23:33 +0530

మిస్ వరల్డ్ పోటీలకు హైదరాబాద్‌ సిద్దమవుతోంది. ఈ ప్రతిష్టాత్మక ఈవెంట్‌ను మే 6 నుంచి జూన్‌ 2వరకు నిర్వహించనున్నారు. ఇక 72వ మిస్ వరల్డ్ పోటీలకు హైదరాబాద్‌ ఆతిథ్యం ఇవ్వనుంది. ఈ నేపథ్యంలో ఈ కార్యక్రమం నిర్వహణకు అనుభవం ఉన్న ఫ్రొఫెషనల్‌ ఈవెంట్‌ మ్యానేజ్‌మెంట్‌ ఏజెన్సీలను తెలంగాణ పర్యాటక శాఖ ఆహ్వానిస్తోంది.

తెలంగాణ రాజధాని హైదరాబాద్‌ ఈ సారి మిస్‌ వరల్డ్‌ వేడులకు ఆతిథ్యం ఇస్తోంది. ఈ పోటీలకు ప్రపంచ వ్యాప్తంగా సుమారు140 దేశాల నుంచి అందమైన భామలు.. లేతమెరుపు తీగలు పోటీల్లో పాల్గొనబోతున్నారు. ఇక ఈ కార్యక్రమాన్ని విజయవంతం చేయడానికి, తెలంగాణ టూరిజం శాఖ సన్నాహాలు చేస్తోంది. ఈ కార్యక్రమం ద్వారా ప్రపంచానికి తెలంగాణ సంస్కృతి, సాంప్రదాయాలు, ఇక్కడి పర్యాటక అందాలను చూపించేలా కార్యక్రమాలను రూపొందిస్తున్నారు. ఈ బాధ్యతలను ఈవెంట్‌ మ్యానేజ్‌మెంట్‌ ఏజెన్సీలకు అప్పగించాలని ప్రభుత్వం చూస్తోంది.

మిస్ వరల్డ్ పోటీలను తెలంగాణలోని వివిధ పర్యాటక ప్రాంతాల్లో నిర్వహించేందుకు వివిధ లొకేషన్లలో కార్యక్రమాలు జరిగేలా టూరిజం శాఖ ప్లాన్‌ చేస్తోంది. తద్వారా తెలంగాణలోని చారిత్రక కట్టడాలు.. వాటి నిర్మాణ అద్భుతాలు, ప్రాంతీయ కళలు, చేతిపనులు, చేనేత వస్త్రాలు, వంటలు తదితర అంశాలను హైలైట్ చేస్తూ రాష్ట్రంలోని ముఖ్యమైన పర్యాటక ప్రాంతాలలో మిస్‌ వరల్డ్‌ పోటీలు నిర్వహించనున్నారు.

మిస్‌ వరల్డ్‌ పోటీల ద్వారా ప్రధానంగా దేశ, అంతర్జాతీయ పర్యాటకులను ఆకట్టుకోవడమే లక్ష్యంగా ప్రభుత్వం ప్లాన్‌ చేస్తోంది. దీనికోసం ఆసక్తి ఉన్న అనుభవమున్న ఈవెంట్‌ మేనేజ్‌మెంట్‌ ఏజెన్సీలను ఆహ్వానించింది.

వేదిక వద్ద భారీ భద్రత.. ఇక ఈవెంట్‌ మేనేజ్‌మెంట్‌ ఏజెన్సీలు ముఖ్యంగా ఈవెంట్ కాన్సెప్ట్‌, విజువలైజేషన్‌, డిజైన్, లాజిస్టిక్స్, సాంస్కృతిక కార్యక్రమాలు, డిజిటల్ టెక్నాలజీ, సౌండ్ సిస్టమ్స్, లైటింగ్, ఇతర మౌలిక సదుపాయాలు, వేడుకలు, ప్రదర్శనలు, పోటీదారుల భద్రతా ఏర్పాట్లను సజావుగా అమలు జరిగేలా చూసుకోవాల్సి ఉంటుంది.

సీఎం ఇలాకాలో మంత్రిపై ప్రజల ఆగ్రహం.. కిలోమీటర్లు ఉరికిచ్చి కొట్టారుగా..

Rajesh K — Wed, 27 Aug 2025 15:07:12 +0530

Bihar minister attack: ప్రజాప్రతినిధులకు ఇదో హెచ్చరిక. ఓటర్లు తమ నాయకులకు ఓట్లు వేయడమే కాదు, అవసరమైతే తాట కూడా తీస్తారనే సంకేతం. ఓటరు ఆశ, కోపం, నాయకుల భయం అన్ని కలసి భయానక వాతావరణాన్ని సృష్టించాయి. నమ్మిన నేతలే అన్యాయం చేస్తుంటే.. ఆ గ్రామస్థులు ఊరుకోలేకపోయారు. తమను చిన్నచూపు చూస్తే.. కన్నేర్ర చేశారు. తమ సమస్యను పట్టించుకోవడం లేదని కార్చిచ్చులా ఎగసిపడ్డారు. మంత్రి, ఎమ్మెల్యేపై కర్రలతో, రాళ్లతో దాడికి దిగారు. ఓటు వేసి ఎన్నుకున్న నాయకులను 1 కి.మీ.కు పైగా తరిమికొట్టారు. ప్రస్తుతం ఈ ఘటన రాజకీయంగా చర్చనీయంగా మారింది. ఇంతకీ ప్రతిఘటన ఎక్కడ జరిగింది? ఇంతకీ ఏం జరిగిందంటే?

దేశవ్యాప్తంగా చర్చనీయంగా మారిన ఈ ఘటన బీహార్‌ సీఎం నితీష్ కుమార్ నియోజకవర్గం నలందలో చోటుచేసుకుంది. వివరాల్లోకెళ్తే.. నలందలోని మతంపుర్సి గ్రామంలో రెండు రోజుల క్రితం జరిగిన ఓ రోడ్డు ఘోర ప్రమాదం జరిగింది. ఈ ప్రమాదంలో 9 మంది మరణించగా, పలువురు తీవ్రంగా గాయపడ్డారు. సీఎం నియోజకవర్గంలో ఘటన జరిగిన ప్రభుత్వం నుంచి ఎలాంటి స్పందన, అధికారుల సంప్రదింపులు లేవు. ఈ నేపథ్యంలో ఆలస్యంగా బాధిత కుటుంబాలను కలవడానికి బుధవారం గ్రామీణాభివృద్ధి మంత్రి శ్రవణ్ కుమార్, హిల్సా ఎమ్మెల్యే కృష్ణ మురారి (ప్రేమ్ ముఖియా)లు ఆ గ్రామంలో పర్యటించారు.

బాధిత కుటుంబంతో మంత్రి, ఎమ్మెల్యే లు దాదాపు అరగంట పాటు మాట్లాడి, పరామర్శించారు. ఇక పర్యటన ముగిసిందిలే అనుకునే లోపు ఓ నిరసన సెగ ఎగిసిపడింది. అధికారులు సకాలంలో చర్యలు తీసుకోకపోవడం వల్లనే అనేకమంది ప్రాణాలు కోల్పోయినట్లు గ్రామస్థులు ఆగ్రహం వ్యక్తం చేశారు. బాధిత కుటుంబాలకు పరిహారం ఇవ్వాలని స్థానికులు పెద్ద ఎత్తున డిమాండ్ చేస్తారు. ఈ క్రమంలో నాయకులకు, ప్రజలకు మధ్య వాగ్వాదం చోటు చేసుకుంది. ఆ చిన్న గొడవ కాస్తా ఘర్షణకు దారి తీసింది.

ఈ క్రమంలో ఆగ్రహించిన గ్రామస్తులు కర్రలతో నేతలపై దాడికి దిగారు. గ్రామస్థులంతా ఏకం కావడంతో పోలీసుల పరిస్థితి చేయి దాటింది. దీంతో మంత్రి, ఎమ్మెల్యే తమ ప్రాణాలను కాపాడుకోవడానికి దాదాపు 1 కిలోమీటరు పరిగెత్తారు. దాడిలో వారి బాడీగార్డులు, స్థానిక నేతలు తీవ్రంగా గాయపడ్డారు. వాస్తవానికి నలందలోనే జరిగిన ఘర్షణకు ప్రధాన కారణం.. ముఖ్యమంత్రి నియోజకవర్గంలో పెద్ద ప్రమాదం జరిగినా.. 9 మంది చనిపోయినా ఏ ప్రభుత్వ ప్రతినిధి లేదా మంత్రి గాని వచ్చి, పరిస్థితిని పరిశీలించలేదు. కనీసం నష్టపరిహారం ప్రకటించలేదు.

बिहार: नालंदा में मंत्री श्रवण कुमार पर हमला ग्रामीणों ने दौड़ाया, 1 किमी तक पीछा कियाहमले में मंत्री के सुरक्षाकर्मी घायल।हादसा पीड़ितों से मिलने पहुंचे थे मंत्री।#Nalanda #BiharNews #BREAKING pic.twitter.com/UXH4MXA0kr

— सद्‌भावना आवाज़ / Sadbhavna Awaj (@sadbhavna_awaj) August 27, 2025

దీంతో గ్రామస్తులు ఆగ్రహం వ్యక్తం చేశారు. ఈ నిర్లక్ష్యం కారణంగా సంఘటన మరింత ఉధృతమైంది. పోలీసులు పెద్ద సంఖ్యలో మోహరించబడ్డారు. ఈ ఘటనపై పూర్తి దర్యాప్తు కొనసాగుతోంది.

Open to Marry: నన్ను పెళ్లి చేసుకుంటారా? లింక్డ్‌ఇన్ లో యువకుడి పెళ్లి ప్రపోజల్ వైరల్

Haritha Chappa — Thu, 30 Oct 2025 15:25:03 +0530

Open to Marry: లింక్డ్‌ఇన్ లో కేవలం వృత్తిగత విషయాలనే పంచుకుంటారు. కానీ ఒక యువకుడు పెళ్లి కాకపోవడంతో విసిగిపోయి లింక్డ్‌ఇన్ లోనే పెళ్లి ప్రపోజల్ పెట్టాడు. OpentoMarry హ్యాష్ ట్యాగ్ తో వైరల్ అయ్యాడు.

ఆ యువకుడి పేరు శుభమ్ గుణే. ఆయన ఒక సంస్థను స్థాపించాడు. సీఈఓగా మంచి ప్రొఫెషనల్ కెరీర్ ను కూడా కలిగి ఉన్నాడు. కానీ పెళ్లి మాత్రం కావడం లేదు. డేటింగ్ యాప్‌లు, పెళ్లి వెబ్ సైట్లలో ప్రయత్నించాడు. కానీ తన జీవిత భాగస్వామిని కనుగొనలేకపోయాడు. దీంతో చివరికి లింక్డ్‌ఇన్ ను ఉపయోగించుకునేందుకు సిద్ధపడ్డాడు. తన ఫోటోపై OpentoMarry హ్యాష్ ట్యాంగ్ క్రియేట్ చేసి తన బాధను లింక్డ్‌ఇన్ పోస్ట్ లో చెప్పుకున్నాడు.

శుభమ్ గుణే.. తన పోస్టులో మొదట ‘మీరు నన్ను పెళ్లి చేసుకుంటారా’ అని మొదలుపెట్టాడు. తర్వాత ‘నా గురించి జడ్జ్ చేసే ముందు పూర్తిగా నా మాట వినండి’ అని ఆరంభించాడు. ఇదే నా చివరి ప్రయత్నం.. డేటింగ్ యాప్ లు, మ్యాట్రిమోనీ యాప్ లు, స్నేహితులు, బంధువులు.. ఇలా అన్ని రకాలుగా ప్రయత్నించాను. కానీ ఇంతవరకు పెళ్లి కాలేదు. కేవలం నేను ఒక్కడినే కాదు ఎంతోమంది నాలా ఉన్నారు. లింక్డ్‌ఇన్ ఉద్యోగాలను, క్లయింట్లను, పెట్టుబడిదారులను వెతికి ఇస్తున్నప్పుడు జీవిత భాగస్వామిని మాత్రం ఎందుకు వెతికి ఇవ్వదు? అని ప్రశ్నించాడు. కాబట్టి Opentomarry హ్యాష్ ట్యాగ్ ప్రారంభించాలని పిలుపు ఇచ్చాడు. తాను నిజాయితీగా పెళ్లికి సిద్ధంగా ఉన్నానని, ఆసక్తి ఉన్న అమ్మాయిలు తమ ఉద్యోగం, వారు నివసిస్తున్న నగరం పేరును కామెంట్ల రూపంలో తెలియజేయమని కోరాడు. ఏ సిటీ పేరు ఎక్కువగా వస్తుందో ఆ సిటీలో ఒక ఈవెంట్ ను పెడతానని చెప్పుకొచ్చాడు. అంటే దాదాపు స్వయంవరమేనని చెప్పుకోవాలి.

వృత్తిగతంగా విజయవంతమైనా, భావోద్వేగపరంగా, పరిణితి చెందినా, ఆర్థికంగా స్థిరపడినా కూడా నిజమైన జీవిత భాగస్వామిని కనుగొనడంలో యువత వెనకపడుతోందని చెప్పడానికి శుభమ్ గుణే ఒక ఉదాహరణ అని చెప్పుకోవచ్చు. అతడు లింక్డ్‌ఇన్ లో చేసిన ఈ ప్రయోగం చాలా సాహసోపేతమైనదే. క్లయింట్లు, ఉద్యోగాలనే వెతికి పెడుతున్న లింక్డ్‌ఇన్ నిజంగానే జీవిత భాగస్వామిని కూడా వెతికి పెట్టగలదని నమ్మాలి.

శుభమ్ గుణే పోస్టు ఇప్పుడు లింక్డ్‌ఇన్ లో వైరల్ గా మారిపోయింది. OpentoMarry హ్యాష్ ట్యాగ్ కూడా అందరికీ నవ్వు తెప్పిస్తోంది. ఎంతోమంది అతని పోస్టుకు స్పందించారు. శుభమ్ గుణేలాగే పెళ్లికాక మిగిలిపోయిన ఒక యువకుడు ‘మా అమ్మ కూడా చెబుతోంది.. నేను కూడా ఇలాగే ప్రయత్నించాలి’ అంటూ మెసేజ్ పెట్టాడు. మరి కొందరు ‘షాదీ డాట్ కామ్ వారు వింటున్నారా’ అంటూ మెసేజ్ చేశారు.

మరికొందరు వినియోగదారులు మాత్రం లింక్డ్‌ఇన్ ఇప్పటికే ఫేస్ బుక్, ఇన్‌స్టాగ్రామ్‌గా మారుతోందని కామెంట్ చేస్తున్నారు. ఇప్పుడు డేటింగ్ యాప్, మ్యాట్రీమనీ యాప్ గా కూడా మారిపోయే అవకాశాలు అధికంగా ఉన్నాయని అంటున్నారు. ఇదంతా నాణానికి ఒకవైపు.. అయితే శుభమ్ గుణే పోస్టు వల్ల మన భారతీయ యువత.. జీవిత భాగస్వామి వెతుక్కోలేక ఎంత ఇబ్బంది పడుతోందో, ఎంతమంది ఇలా ఒంటరిగా మిగిలిపోతున్నారో అర్థం అయ్యేలా చేస్తోంది.

Viral Video: ఇదెక్క‌డి మాస్‌రా మామా.! పారాసెట్‌మాల్ ట్యాబ్లెట్‌ని ఇలా కూడా వాడొచ్చా.?

Narender Vaitla — Wed, 08 Oct 2025 14:51:56 +0530

Viral Video: జ్వరం వచ్చిన వెంటనే చాలా మంది పారాసెట్‌మాల్ ట్యాబ్లెట్ వేసుకుంటారు. అయితే ఈ ట్యాబ్లెట్‌ను అందుకు కాకుండా మరో ప‌నికి ఉప‌యోగించింది ఓ మ‌హిళ. దీనికి సంబంధించిన ఓ వీడియో సోష‌ల్ మీడియాలో తెగ వైర‌ల్ అవుతోంది. ఇంత‌కీ ఆ వీడియోలో ఏముందంటే.?

ఓ మహిళ సోషల్ మీడియాలో షేర్ చేసిన వీడియో ఇప్పుడు వైరల్‌గా మారింది. అందులో ఆమె, “పారాసెటమాల్ మాత్రతో బట్టలు ఉతికితే మరకలు సులభంగా పోతాయి” అని చెబుతోంది. సబ్బు లేదా డిటర్జెంట్ అవసరం లేకుండా, ఒక బకెట్ నీటిలో పారాసెటమాల్ మాత్ర వేస్తే, దుస్తులు తెల్లగా మెరుస్తాయని ఆమె సూచించింది. మురికిగా ఉన్న లేదా పసుపు రంగులోకి మారిన దుస్తులు కూడా అలా శుభ్రం అవుతాయని వీడియోలో పేర్కొంది.

ఈ వీడియోను @acharyaveda అనే ఎక్స్ యూజర్ పోస్ట్ చేశారు. కొద్దిగంటల్లోనే అది వైరల్‌గా మారింది. “తెల్లని దుస్తుల‌ నుంచి మురికిని తొలగించడానికి సులభమైన మార్గం” అంటూ షేర్ చేసిన ఆ క్లిప్‌ను ఇప్పటివరకు రెండు లక్షల మందికి పైగా చూశారు. వేల మంది లైక్స్, షేర్లు, కామెంట్లు చేయడంతో వీడియో సోషల్ మీడియాలో తెగ ట్రెండ్ అవుతోంది.

ఈ వీడియోపై నెటిజన్లు సరదాగా స్పందిస్తున్నారు. పారాసెట్‌మాల్‌తో దుస్తులు ఉతికితే, మ‌రి జ్వ‌రం వ‌స్తే డిట‌ర్జెంట్ తినాలా అంటూ ఓ యూజ‌ర్ రాసుకొచ్చాడు. మ‌రో యూజ‌ర్.. “ఇకపై మెడిసిన్ షాప్‌లో డిట‌ర్జెంట్‌కు బ‌దులు పారాసెట్‌మాల్ ట్యాబ్లెట్లు ఇస్తారా” అని ఫ‌న్నీగా కామెంట్ చేస్తున్నారు.

పారాసెట్‌మాల్ ట్యాబ్లెట్ నిజంగానే దుస్తుల్లోని మరకలను తొలగిస్తుందనడంలో నిజం లేదు. ఇందులో అలాంటి రసాయన గుణాలు ఏవీ ఉండవు. పారాసెట్‌మాల్ జ్వరం, నొప్పులు తగ్గించడానికి మాత్రమే ఉపయోగించే ఔషధం. కాబట్టి ఇది బట్టలు శుభ్రం చేయడంలో ఉపయోగపడుతుందన్న వాదనకు శాస్త్రీయ ఆధారం లేదు. అయితే, ఈ వీడియోలోని ఆలోచన వినూత్నంగా ఉందని, గృహిణుల సృజనాత్మకతను చూపుతోందని నెటిజన్లు అంటున్నారు.

నెట్టింట వైరల్ అవుతోన్న వీడియో ఇదే..

सफ़ेद कपडे से मैल हटाने का सबसे आसान तरीका... pic.twitter.com/vQn2Ijhq4T

— (@acharyaveda_) October 5, 2025

ఇలాంటి వీడియోలు కేవలం వినోదం కోసం మాత్రమే ఉప‌యోగ‌ప‌డ‌తాయని, వాటిని అమలు చేసే ముందు ఆలోచించాల్సిన అవసరం ఉందని నెటిజన్లు సూచిస్తున్నారు. పారాసెట్‌మాల్‌ను నేరుగా చేతుల‌తో ట‌చ్ చేయ‌డం వ‌ల్ల చర్మ సంబంధిత స‌మ‌స్య‌లు వ‌చ్చే అవ‌కాశం ఉంటుంద‌ని కూడా అంటున్నారు.

India-Pakistan Border: భారత్‌, పాకిస్థాన్‌ బోర్డర్లలో ఉద్రిక్తతలు.. ఆర్మీపై పాక్‌ సైన్యం కాల్పులు..!

Bala Raju Telika — Fri, 25 Apr 2025 12:10:59 +0530

పహల్గాం ఉగ్రదాడితో నేపథ్యంలో భారత్‌, పాకిస్థాన్‌ల మధ్య సంబంధాలు పూర్తిగా దెబ్బతిన్నాయి. ఇప్పటికే భారత్‌ పాకిస్తానీయులు దేశం విడిచి వెళ్లాలని ఆంక్షలు పెట్టింది. దీంతోపాటు సింధూ నదీ జలాల ఒప్పందాన్ని సస్పెండ్‌ చేసింది. దీనికి బదులుగా పాక్‌ కూడా భారత్‌ నుంచి విమానాలు తమ భూభాగం మీదుగా వెళ్లవదని ఆంక్షలు విధించింది. సిమ్లా ఒప్పందాన్ని రద్దు చేసుకుంది. దీంతోపాటు సరిహద్దుల్లో కవ్వింపు చర్యలకు పాల్పడుతోంది.

బోర్డర్‌లో కవ్వింపు చర్యల నేపథ్యంలో ఇండియన్‌ ఆర్మీ చీఫ్‌ ద్వివేది శ్రీనగర్ చేరుకుని పరిస్థితిని సమీక్షిస్తున్నారు. దీంతోపాటు పర్యాటకులపై దాడులకు పాల్పడిన తీవ్రవాదుల కోసం పోలీసులు, ఆర్మీ జల్లెడె పడుతోంది. దీనిపై కూడా ఆయన పలు కీలక వివరాలు తెలుసుకున్నారు. ఇక బోర్డర్‌ పాక్‌ సైన్యానికి ధీటుగా ఆర్మీ బదులిస్తోంది. ఇప్పటి వరకు ఎవరికీ ఏ గాయం కాలేదని.. పాక్‌ దాడులను సమర్థంగా ఎదుర్కోంటోంది భారత్‌ ఆర్మీ. గురువారం అర్దరాత్రి నుంచే కాల్పులు జరుగుతున్నట్లు అధికారులు తెలిపారు.

బందిపొరాలో కాల్పులు..

ఉగ్రవాదులు కశ్మీర్‌లోని బందిపొరాలో నక్కి ఉన్నారని గుర్తించిన ఇండియన్‌ ఆర్మీ.. ఆ ప్రాంతానికి చేరుకుంది. ఈక్రమంలో కుల్నార్‌ బజిపొరా ప్రాంతంలో ముష్కరులు ఉన్నట్లు నిఘావర్గాలు చెప్పడంతో వెంటనో బలగాలు అక్కడికి చేరుకున్నాయి. సైన్యాన్ని చూసిన తీవ్రవాదులు కాల్పులకు దిగారు. ఇక భద్రతా సిబ్బంది కూడా ఎదురుకాల్పులకు దిగారు. అక్కడ రెండు వర్గాల మధ్య కాల్పులు జరుగుతున్నాయి.

ఇటీవల వరకు ప్రశాంతంగా ఉన్న జమ్మూకశ్మీర్‌గా మరోసారి బాంబులు, గన్‌ల శబ్దాలతో అట్టుడుకుతోంది. ఇప్పటికే దాదాపు 3వేల మంది పర్యాటకులు జమ్మూని విడిచి స్వస్థలాలకు వెళ్లిపోయారు. పూర్తిగా జనజీవనం స్తంభించింది. ఎప్పుడు ఎక్కడ కాల్పులు జరుగుతాయో అని భయాందోళనలు నెలకొన్నాయి. అటు ముష్కరులు సైతం భద్రతా సిబ్బందిపై ఎదురుదాడికి దిగుతున్నారు. ఆర్మీని పక్కదారి పట్టించేందుకు కుట్రలు చేస్తున్నారు.

Viral News : ఇక జియో ఎయిర్ లైన్స్.. వన్ ఇయర్ ఫ్రీ..?

Arun Kumar P — Thu, 11 Dec 2025 13:39:11 +0530

Jio Airlines : రిలయన్స్ ఏమైనా విమానయాన రంగంలోకి అడుగుపెడుతోందా..? జియో ఎయిర్ లైన్స్ ప్రారంభిస్తోందా..? సోషల్ మీడియాలో జరుగుతున్న ఈ హంగామా నిజమేనా…? అసలేం జరుగుతోంది?

Jio Airline : ప్రస్తుతం భారతీయ విమానయాన రంగంలో తీవ్ర అలజడి నెలకొంది. ఇండిగో ఎయిర్ లైన్స్ సంక్షోభంతో విమానయాన వ్యవస్థ కుదేలయ్యింది. వేల సంఖ్యలో విమానాలు రద్దవడంతో మూన్నాలుగు రోజులు ప్రయాణికులు తీవ్ర ఇబ్బందులు పడ్డారు. ఇప్పుడు పరిస్థితి చక్కబడిందని ఇటు ఇండిగో, అటు కేంద్ర విమానయాన శాఖ ప్రకటించాయి. కానీ ప్రజల్లో మాత్రం ప్రస్తుత విమానయాన సంస్థలపై ఇంకా అనుమానం వ్యక్తం చేస్తున్నారు. ఈ క్రమంలో సోషల్ మీడియాలో ఆసక్తికర చర్చ సాగుతోంది... కొన్ని మీమ్స్ తెగ వైరల్ అవుతున్నాయి.

ఇండిగో సంక్షోభం నేపథ్యంలో భారతీయ ఎయిర్ లైన్స్ విభాగంలో మంచి అవకాశాలున్నాయనే విషయం బైటపడింది. కేవలం రెండుమూడు విమానయాన సంస్థలే ఈ రంగంలో గుత్తాధిపత్యం ప్రదర్శిస్తున్నాయనేది స్పష్టమయయ్యింది. ఇలాంటి సమయంలో భారతీయ కుభేరుడు ముఖేష్ అంబానీ రంగంలోకి దిగాల్సిన అవసరం ఉందంటూ ప్రజలు సరదాగా అభిప్రాయపడుతున్నారు. విమానయాన రంగంలో రిలయన్స్ అడుగుపెట్టాలని కోరుకుంటున్నారు.

#jioairlines commission don't worry #indigo pic.twitter.com/q8GI5YGwJt

— Satish Kumar JHA (@imsatish18ns) December 10, 2025

''రిలయన్స్ జియో ఎయిర్ లైన్స్ ఏర్పాటుకు ఇదే సరైన సమయం... అంబానీ మామా ఆలోచించు. జియో సిమ్ లాగే జియో ఎయిర్ లైన్స్ లో వన్ ఇయర్ ప్రయాణం ఫ్రీ అని ప్రకటించి చూడు. ఇండియాలోని విమానాశ్రయాలు బస్టాండుల్లా... ఎయిర్ బస్సులు కాస్త ఎర్ర బస్సులుగా మారిపోతాయి'' అంటూ సోషల్ మీడియాలో మీమ్స్ వైరల్ అవుతున్నాయి.

क्या इससे अच्छा मौका मिल सकता है ...#अंबानी #JioAirlines pic.twitter.com/w5EMxRQKYb

— Lokesh meena (@imlokesh_meena) December 8, 2025

Ambani fan me waiting for this #JioAirlines pic.twitter.com/ieCaOr3VfP

— Rowdy Rama Rao (RRR) (@Vamsi1813) December 6, 2025

ఇక కొందరు మరో అడుగు ముందుకేసి జియో విమానాలను సొంతంగా రెడీ చేసేస్తున్నారు. ఏఐ లేదా ఇతర ఎడిటింగ్ యాప్స్ ఉపయోగించి ''జియో ఎయిర్ లైన్స్'' పేరిట విమానాల ఫోటోలు క్రియేట్ చేశారు. వీటిని సోషల్ మీడియాలో పెట్టి నిజంగానే రిలయన్స్ ఎయిర్ లైన్స్ విభాగంలో అడుగుపెడుతోందని... ఇప్పుడున్న ఎయిర్ లైన్స్ పని అయిపోయినట్లే అంటూ కామెంట్స్ చేస్తున్నారు. దీని ఆధారంగా మరికొందరు కంటెంట్ క్రియేటర్స్ జియో ఎయిర్ లైన్స్ పై అనేక రకాలు ప్రచారాలు చేస్తున్నారు.

Which is the best airline service in India? Flying in India? ✈️ My vote goes to Jio Airlines — smooth, reliable, and hassle-free! #JioAirlines #BestAirline #TravelIndia #IndiGoCrisis pic.twitter.com/m9heeYUEw5

— DEEP PAIK (@deep_paik32) December 7, 2025

If Jio could revolutionize telecom, imagine what Jio could do to the Indian skies.A world where first-year travel is free, flights are cheaper than trains, and every Indian gets access to smart, affordable, tech-driven air travel. ✈️#JioAirlines #Ambani #JioRevolution pic.twitter.com/fGA40guNP3

— Rahul Kamya (@RahulKamya) December 8, 2025

అయితే ''జియో ఎయిర్ లైన్స్'' పేరిట జరుగుతున్న ప్రచారంపై రిలయన్స్ ఇప్పటివరకు స్పందించలేదు. ఈ ప్రచారాన్ని కొట్టిపారేసి క్లారిటీ ఇవ్వకపోవడంతో జియో ఎయిర్ లైన్స్ వార్తలు, ఫోటోలు మరింతగా సోషల్ మీడియాలో సర్క్యు లేట్ అవుతున్నాయి. ఇండిగో సంక్షోభం ఏమోగాని 'జియో ఎయిర్ లైన్స్' వైరల్ గా మారిపోయింది... 'Nation Wants Jio Airline' కామెంట్స్ తో సోషల్ మీడియా నిండిపోతోంది.

Viral Video: న‌లుగురూ ఉన్నార‌న్న బుద్ధి కూడా లేదా.? బ‌స్సులో స్కూలు పిల్ల‌ల రొమాన్స్

Narender Vaitla — Tue, 03 Jun 2025 13:04:38 +0530

Students romance in bus: స్వేచ్ఛ‌ను స‌రిగ్గా వినియోగించుకుంటేనే దానికి అర్థం ఉంటుంది. ప‌క్క‌వారికి ఇబ్బంది క‌లిగించేలా ఉంటే దానిని స‌మాజం అంగీక‌రించ‌దు. తాజాగా చోటు చేసుకున్న ఓ సంఘ‌ట‌న‌పై సోష‌ల్ మీడియాలో తీవ్ర వ్య‌తిరేక‌త వ‌స్తోంది.

సోష‌ల్‌ మీడియా వేదికగా ఓ వీడియో ప్రస్తుతం కలకలం రేపుతోంది. పబ్లిక్ ప్రదేశాల్లో వ్యక్తిగత స్వేచ్ఛను దుర్వినియోగం చేసినట్టుగా భావించే ఈ సంఘటనపై పెద్ద ఎత్తున విమర్శలు వెల్లువెత్తుతున్నాయి.

టీనేజ్‌లో ప్రేమ అనే భావన ఎలా వేగంగా మారుతోంది, దాని ప్రభావం ఎలా ఉంటోంది అనే అంశంపై ఇది మరో ఉదాహరణగా నిలుస్తోంది.

వైరల్ వీడియో ప్రకారం, ఆర్టీసీ బస్సులో వెనుక భాగంలోని సీట్లలో స్కూల్ యూనిఫాం ధరించిన ఇద్ద‌రు టీన్స్ (అమ్మాయి, ఒక అబ్బాయి( కూర్చొని ఉన్నారు. చుట్టూ ప్రయాణికులు ఉన్నా, వారి ప్రవర్తనలో ఎలాంటి జంకు లేదు.

ఇద్దరూ బహిరంగంగా హత్తుకుని, లిప్ లాక్ ముద్దుల్లో లీన‌మ‌య్యారు. దీనంత‌టినీ బ‌య‌ట ఉన్న ఓ వ్య‌క్తి ఫోన్‌లో రికార్డ్ చేసి సోష‌ల్ మీడియాలో పోస్ట్ చేశారు.

ఈ వీడియో సోషల్ మీడియాలో పోస్టవ్వగానే నెటిజ‌న్లు ఓ రేంజ్‌లో విరుచుకుప‌డుతున్నారు. న‌లుగురూ ఉన్నార‌న్న బుద్ధి కూడా లేదా అంటూ వారిపై మండిప‌డుతున్నారు. పబ్లిక్ స్పేస్‌లో ఇలాంటి ప్రవర్తన క్షమించరానిదని అంటున్నారు.

అందులోనూ చిన్న పిల్ల‌లు ఇలాంటి ప‌ని చేయ‌డం స‌మాజంలో వేగంగా మారుతోన్న ప‌రిణామాల‌కు, సోష‌ల్ మీడియా దుష్ప్ర‌భావానికి నిద‌ర్శ‌నం అంటూ మ‌రికొంద‌రు కామెంట్స్ చేస్తున్నారు.

ఈ ఘటన చూస్తే యూత్‌లో పెరుగుతున్న బాధ్య‌తారాహిత్యం స్ప‌ష్టంగా అర్థ‌మ‌వుతోంది. టీనేజ్ వయసులో ప్రేమ సాధార‌ణ‌మే అయినా. మ‌రీ స్కూల్ డ్ర‌స్‌లో అది కూడా బస్సులో రొమాన్స్ చేయడం వంటివి సమాజంలో త‌గ్గుతోన్న విలువ‌ల‌ను ప్ర‌శ్నిస్తున్నాయి. దీనికి స‌మాజంలో వ‌స్తున్న మార్పులు, సోష‌ల్ మీడియా, సినిమాల ప్ర‌భావమే కార‌ణ‌మ‌న్న వాద‌న‌లు వినిపిస్తున్నాయి.

నెట్టింట వైర‌ల్ అవుతోన్న వీడియో ఇదే.

View this post on Instagram

A post shared by your jan (@yours.jaans)

Viral Video: ఇదేందయ్య‌ ఇది.! సెక్యూరిటీకే సెక్యూరిటా.. వీడియో చూస్తే ప‌డి ప‌డి న‌వ్వాల్సిందే

Narender Vaitla — Tue, 14 Oct 2025 18:37:21 +0530

Viral Video: సోష‌ల్ మీడియాలో వింత‌లు, విశేషాల‌కు కొద‌వే ఉండ‌దు. నెట్టింట ర‌క‌ర‌కాల వీడియోలు వైర‌ల్ అవుతుంటాయి. తాజాగా ఇలాంటి ఓ ఆస‌క్తిక‌ర‌మైన వీడియో నెటిజ‌న్ల‌ను తెగ ఆక‌ట్టుకుంటోంది. ఇంత‌కీ ఆ వీడియోలో ఏముంద‌నేగా.?

ఇంటర్నెట్‌లో ఒక వీడియో బాగా వైరల్ అవుతోంది. ఏటీఎమ్ రూమ్‌కు సంబంధించిన వీడియో నెటిజ‌న్ల‌ను తెగ న‌వ్విస్తోంది. ఈ సంఘ‌ట‌న బిహార్‌లో జ‌రిగిన‌ట్లు వీడియోలో పేర్కొన్నారు. అయితే దీనిపై మాత్రం ఎలాంటి స్ప‌ష్ట‌త లేదు.

సాధార‌ణంగా ఏటీఎమ్ అంటేనే భ‌ద్ర‌త ఎక్కువ‌గా ఉంటుంది. బ‌య‌ట‌కు ఒక సెక్యూరిటీ గార్డు ఉంటాడు. లోప‌ల కూడా ప‌టిష్ట‌మైన భ‌ద్ర‌తా ఏర్పాట్లు చేస్తారు. అయితే ఈ వీడియోలో ఉన్న ఏటీఎమ్‌లో మాత్రం ప‌రిస్థితి పూర్తి భిన్నంగా క‌నిపిస్తోంది.

ఏటీఎమ్‌లో ఉన్న ఏసీని ఎవ‌రూ దొంగ‌లించ‌కుండా ఉండేందుకు ఒక గ్రిల్‌ను ఏర్పాటు చేశారు. అక్క‌డితో ఆగ‌కుండా ఆ గ్రిల్‌కు ఒక తాళం కూడా వేశారు. అంత‌టితో ఆగ‌కుండా ఏటీఎమ్‌లో ఉన్న సీసీటీవీకి కూడా తాళం వేయ‌డం గ‌మనార్హం. సెక్యూరిటీకి కూడా సెక్యూరిటీ కావాలంటూ క్యాప్ష‌న్ జోడించారు.

వీడియోని Instagram‌లో bihari_018_ అనే అకౌంట్‌లో షేర్ చేయ‌గా ల‌క్ష‌ల మంది వీక్షించారు. వేల సంఖ్యలో లైక్స్ వ‌చ్చాయి. ఇక లెక్క‌లేన‌ని కామెంట్స్ కూడా వ‌చ్చాయి. “భద్రత ఇచ్చే వ‌స్తువుకు కూడా భద్రత కావాలి.” “ఇది అవసరం అయితే, ఇది పూర్తిగా అవమానకరం.” అంటూ నెటిజ‌న్లు కామెంట్స్ చేస్తున్నారు. నెట్టింట ట్రెండ్ అవుతోన్న ఈ వీడియోపై మీరు కూడా ఓ లుక్కేయండి.

View this post on Instagram

A post shared by Sk_bihari (@bihari_018_)

Viral Video: పెళ్లి వేదికపై జంట చేసిన పనికి అంతా షాక్..

Narender Vaitla — Fri, 09 May 2025 10:07:49 +0530

పాత రోజుల్లో పెళ్లిళ్లో పెళ్లి కొడుకు, పెళ్లి కూతురు ఒకరినొకరు చూసుకోవడానికే సిగ్గుపడేవారు. కానీ ఇప్పుడు అన్నీ మారిపోయాయి. తమ పెళ్లిని ప్రత్యేకంగా చేసుకోవడానికి పెళ్లి కొడుకు, పెళ్లి కూతుర్లు ఎన్నో చేస్తున్నారు. అలాంటి వీడియో ఒకటి ఇప్పుడు సోషల్ మీడియాలో వైరల్ అవుతోంది. వేదికపై అబ్బాయి, అమ్మాయి పుష్-అప్స్ చేస్తున్న వీడియో ఇది.

@witty_wedding అనే ఇన్ స్టా ఐడీలో ఈ వీడియోని షేర్ చేశారు. ఈ వైరల్ వీడియోలో పెళ్లి కూతురు, పెళ్లి కొడుకు కలిసి పుషప్స్ చేయడం ప్రారంభించారు. ఇద్దరికీ ఒకరినొకరు ఓడించాలనే పోటీ పెట్టారు. ఇద్దరూ కలిసి పుష్-అప్స్ చేయడం ప్రారంభించారు. అక్కడున్నవాళ్ళు చప్పట్లు కొడుతూ వారిని ప్రోత్సహిస్తున్నారు.

పెళ్లి కూతురు ఆత్మవిశ్వాసం చూసి అందరూ ఆశ్చర్యపోయారు

పెళ్లి వేదికపై పెళ్లి కూతురు పుష్-అప్స్ చేస్తుండటం చూసి అందరూ ఆశ్చర్యపోయారు. ఆమె ఆత్మవిశ్వాసం, ఫిట్‌నెస్ చూసి అందరూ ముగ్ధులయ్యారు. పెళ్లి కొడుకులాగే ఆమె కూడా చాలా పుష్-అప్స్ చేసింది. తన భర్తకు గట్టి పోటీ ఇచ్చింది.

ఇన్‌స్టాగ్రామ్ లింక్ చూడండి View this post on Instagram

A post shared by Wedding Planning_witty Wedding (@witty_wedding)

ఎవరు ఓడిపోయారు, ఎవరు గెలిచారు?

పెళ్లి కొడుకు, పెళ్లి కూతురు తమ ఫిట్‌నెస్ చూపించారు. కానీ వీడియోలో ఎవరు ఓడిపోయారో చూపించలేదు. కొంతమంది వారి కెమిస్ట్రీని మెచ్చుకుంటుంటే, మరికొందరు దీన్ని డ్రామా అంటున్నారు. చాలామంది ఈ ఫిట్‌నెస్ ఛాలెంజ్ చాలా కొత్తగా ఉందని అన్నారు. కొంతమంది ఫేమస్ కావడానికి ఏమేం చేస్తున్నారో అని అంటున్నారు.

Viral Video : చేతిలో టీ గ్లాస్ పట్టుకుని పగలబడి నవ్వే... ఈ కుర్రాడు ఎవరో తెలుసా?

Arun Kumar P — Thu, 12 Feb 2026 14:28:12 +0530

Viral Smile : అమ్మాయిలు నవ్వితే బాగుంటుందని అందరూ చెబుతుంటారు. కానీ ఓ తెలుగబ్బాయి నవ్వు ఇప్పుడు సోషల్ మీడియానే షేక్ చేస్తోంది. ఇంతకూ ఇలా పగలబడి నవ్వుతున్న ఆ కుర్రాడు ఎవరు..?

Viral Video : సోషల్ మీడియా ద్వారా ఫేమ్ సంపాదిద్దామని చాలామంది భావిస్తుంటారు... అందుకే యూట్యూబ్ వీడియోలు, ఇన్స్టాగ్రామ్ రీల్స్ చేస్తుంటారు. అయితే ఇలా చేసిన అందరూ ఫేమస్ కాలేరు... లక్షల్లో ఏ ఒకరో ఇద్దరో అనుకున్నది సాధిస్తారు. కానీ కొంతమందికి అదృష్టం కలిసివస్తుంది... తమ ప్రమేయం లేకుండా సోషల్ మీడియాలో మెరుస్తుంటారు. ఇలా కుమారీ ఆంటీ, ప్రయాగరాజ్ లో పూసలమ్మే అమ్మాయి మోనాలీసా, ఇటీవల మేడారంలో పోలీస్ అధికారి వంటివారు... వీళ్ల వీడియోలు సోషల్ మీడియాను షేక్ చేసిన విషయం తెలిసిందే.

అయితే వీళ్లందరి వీడియోల కన్నా ఎక్కువగా ఓ కుర్రాడు మనకు సోషల్ మీడియాలో కనిపిస్తుంటాడు. చేతిలో ఛాయ్ గ్లాస్ పట్టుకుని, మనస్పూర్తిగా నవ్వుతూ కనిపించే ఆ బాలుడి వీడియోను మీమర్స్ విపరీతంగా వాడుతుంటారు. ఇక కామెడీ వీడియోలు, ఇతర సందర్భాల్లోనూ అతడి నవ్వును వాడుతుంటారు. కామెడీ వీడియో, మీమ్స్ చూస్తే నవ్వు వస్తుందో రాదో తెలీదుగానీ ఆ కుర్రాడి నవ్వు చూస్తే మాత్రం నవ్వకుండా ఉండలేరు. అతడి నవ్వు వీడియోకు మిలియన్స్ లో వ్యూస్ ఉన్నాయి... అతడి నవ్వుకు ఫ్యాన్ ఫాలోయింగ్ ఏ స్థాయిలో ఉందో అర్థంచేసుకోవచ్చు.

ఈ కుర్రాడి వీడియోను చూసి నవ్వుకోవడం తప్ప అతడు ఎవరో చాలామందికి తెలీదు. అతడు ఏ తమిళనాడో, కర్ణాటకనో లేక నార్త్ ఇండియాకు చెందినవాడో అని భావిస్తుంటారు… కానీ అచ్చ తెలుగబ్బాయి. ఒక్క నవ్వుతో ఫేమస్ అయిన ఈ తెలంగాణ కుర్రాడి గురించి, అతడి వీడియో గురించి ఇక్కడ తెలుసుకుందాం.

మీమ్స్, ట్రోల్స్ లో టీ గ్లాస్ పట్టుకుని పగలబడి నవ్వుతూ కనిపించే కుర్రాడిపేరు అరుణ్. అతడి స్వస్థలం జయశంకర్ భూపాలపల్లి జిల్లా మాలపల్లి (నల్లపుచ్చట పల్లి) గ్రామం. పేద కుటుంబంలో జన్మించిన అరుణ్ కు చదువు అబ్బకపోవడంతో చిన్నతనంలోనే లారీ క్లీనర్ గా మారాడు. నెహ్రూ అనే లారీ డ్రైవర్ వద్ద పనిచేస్తున్నాడు. ఇలా చాలాకాలంగా లారీ క్లీనర్ గా కష్టపడి పనిచేస్తూ కుటుంబానికి అండగా నిలుస్తున్నాడు.

రోజు మాదిరిగానే డ్రైవర్ నెహ్రూ, క్లీనర్ అరుణ్ లారీలో వెళుతూ ఓ చోట టీ కోసం ఆగారు. ఇద్దరూ టీ గ్లాస్ చేతబట్టుకుని తాగుతుండగా నెహ్రూ జోక్ వేశాడు... అది ఎంతలా నచ్చిందోగానీ అరుణ్ చేతిలో వేడివేడి టీ పట్టుకుని కూడా పగలబడి నవ్వాడు. టీ కాలుతున్నా అతడి ముఖంలో ఏమాత్రం బాధ కనిపించదు... చేతిని దులుపుకుంటూ నవ్వడం కొనసాగించాడు.

అరుణ్ నవ్వు చూసి డ్రైవర్ ఏమనుకున్నాడోగానీ వీడియో తీశాడు... ఈ వీడియోను సోషల్ మీడియాలో పెట్టాడు. మనస్పూర్తిగా పగలబడి నవ్వుతున్న ఈ కుర్రాడి వీడియో నెటిజన్స్ ని ఎంతగానో ఆకట్టుకుంది. దీంతో వైరల్ గా మారి మీమర్స్ కంటపడింది... ఇంకేముంది కామెడీ మీమ్స్ లో తెగ వాడేశారు. ఇలా ఒక్క నవ్వు అరుణ్ జీవితాన్నే మార్చసింది... సోషల్ మీడియా స్టార్ ని చేసింది.

View this post on Instagram

A post shared by Sanjay Verma (@snjyvrma227)

ఒక్క నవ్వుతో ఫేమస్ అయిన అరుణ్ ఇప్పుడు యూట్యూబ్ తో పాటు టీవీ ఛానల్స్ కి కూడా ఇంటర్వ్యూలు ఇస్తున్నాడు. ఈ క్రమంలో తన నవ్వు వెనకున్న కష్టాలను కూడా బైటపెట్టాడు. పేదరికం అతడిని చదువు మానేసేలా చేస్తే... ఒక్క నవ్వు తిరిగి చదువుకునేలా చేసింది. డ్రైవర్ నెహ్రూ సహకారంతో 4వ తరగతితో చదువు మానేసిన అరుణ్ పదో తరగతి పరీక్ష రాసి పాసయ్యాడు.

ప్రస్తుతం ఇన్స్టాగ్రామ్ అకౌంట్ ఓపెన్ చేసి సొంతంగా కామెడీ వీడియోలు చేస్తున్నాడు అరుణ్. అతడి వీడియోలు వర్కౌట్ అవుతున్నాయో లేదో తెలీదుగానీ ఇప్పటికీ ఆ నవ్వు వీడియో ఎక్కడచూసినా కనిపిస్తుంది. మీమర్స్ ఈ వీడియో లేకుండా కామెడీ మీమ్స్ చేయలేని పరిస్థితి ఉంది.

ఎన్‌ఎస్‌జీ 'బ్లాక్ క్యాట్' కమాండోలను ఎలా ఎంపిక చేస్తారో తెలుసా?

Rajesh K — Sat, 23 Aug 2025 14:48:51 +0530

NSG Commando: 'బ్లాక్ క్యాట్స్'గా పేరుగాంచిన ఎన్ఎస్జీ కమాండోలుగా మారడం ఎందరో యువతకు ఒక కల. అయితే, ఈ దళంలో చేరాలంటే కొన్ని ప్రత్యేక అర్హతలు, కఠినమైన ఎంపిక ప్రక్రియను దాటాల్సి ఉంటుంది. అవేంటో తెలుసుకుందాం.

దేశ భద్రతలో అత్యంత కీలక పాత్ర పోషించేది నేషనల్ సెక్యూరిటీ గార్డ్ (NSG). వీరినే "బ్లాక్ క్యాట్స్" కమాండోలుగా పిలుస్తారు. ఉగ్రవాద వ్యతిరేక చర్యల్లో ప్రత్యేక శిక్షణ పొందుతారు. ఈ దళం దేశంలోని అత్యంత ప్రతిష్టాత్మక భద్రతా దళాల్లో ఒకటిగా పని చేస్తాయి.

అత్యంత కీలకమైన భద్రతా విభాగాల్లో ఒకటైన ఎన్‌ఎస్‌జీ (NSG)లో కమాండోగా చేరాలనేది చాలా మంది యువత కోరిక. అయితే, ఈ దళంలో చేరాలంటే కొన్ని ప్రత్యేక అర్హతలు, కఠినమైన ఎంపిక ప్రక్రియను దాటాల్సి ఉంటుంది. అవేంటో ఓ లూక్కేయండి.

భారత రక్షణ దళాల్లో నేషనల్ సెక్యూరిటీ గార్డ్ (NSG) ఒక ప్రత్యేక స్పెషల్ ఫోర్స్. బ్రిటిష్ ఆర్మీ (Special Air Service), జర్మనీలోని బోర్డర్ గార్డ్ గ్రూప్ 9, ఇజ్రాయెల్‌లోని సయెరెట్ మత్కల్, యునైటెడ్ స్టేట్స్‌లోని డెల్టా ఫోర్స్ వంటి అత్యంత ప్రతిష్టాత్మక ప్రత్యేక దళాలను అధ్యయనం చేసిన తర్వాత, భారత్‌లో NSGని రూపొందించారు.

ఈ కమాండోలు ఎవరినైనా బంధించడం, ఉగ్రవాది దాడులను ఎదుర్కోవడం వంటి ప్రత్యేక మిషన్‌లకు శిక్షణ పొందుతారు. “జీరో ఎర్రర్” అనే లక్ష్యంతో సుమారు 7,000 మంది NSG కమాండోలు, అధికారులు దేశ భద్రత కోసం పని చేస్తున్నారు.

NSG (నేషనల్ సెక్యూరిటీ గార్డ్) ప్రపంచంలోని అత్యంత ప్రతిష్టాత్మక, కీలక భద్రతా దళాల్లో ఒకటి. ఈ దళం అత్యంత కఠినమైన పరిస్థితులను ఎదుర్కోవడానికి ప్రత్యేకంగా శిక్షణ పొందుతుంది.

NSGలో చేరాలంటే.. అభ్యర్థులు ముందుగా భారత సైన్యంలోని దళాలు (ఆర్మీ, నేవీ, ఎయిర్ ఫోర్స్) లేదా కేంద్ర సాయుధ పోలీసు బలగాల్లో (CAPF),బోర్డర్ సెక్యూరిటీ ఫోర్స్ (BSF), ITBP - ఇండో-టిబెటన్ బోర్డర్ పోలీస్, CISF- సెంట్రల్ ఇండస్ట్రియల్ సెక్యూరిటీ ఫోర్స్ వంటి ఏదైనా సెంట్రల్ సాయుధ పోలీసు దళంలో కనీసం మూడు సంవత్సరాల అనుభవం ఉన్న అభ్యర్థులు NSG కమాండో కావడానికి దరఖాస్తు చేసుకోవచ్చు.

వారి వయస్సు 35 సంవత్సరాలు మించకూడదు. గుర్తింపు పొందిన యూనివర్సిటీ నుండి డిగ్రీ, అలాగే శారీరక, మానసికంగా దృఢత్వం ఉండడం తప్పనిసరి.

ఎన్‌ఎస్‌జీలో నేరుగా నియామకాలు ఉండవు. కమాండోలను ప్రధానంగా సైన్యం లేదా CAPF దళాల నుండి డిప్యూటేషన్ ద్వారా ఎంపిక చేస్తారు. ఆసక్తి ఉన్న అభ్యర్థుల నుండి దరఖాస్తులు స్వీకరించి, కఠినమైన ఎంపిక ప్రక్రియను ప్రారంభిస్తారు. ఎంపిక ప్రక్రియ మూడు దశల్లో జరుగుతుంది.

మొదటదశ- ప్రాథమిక శిక్షణలో ఆయుధ వినియోగం, పోరాట పటిమ, మానసిక స్థైర్యం, శారీరక సామర్థ్యాన్ని పరీక్షిస్తారు.

రెండో దశ- ఉగ్రవాద వ్యతిరేక ఆపరేషన్లు, హోస్టేజ్ రిస్క్యూ, బాంబ్ డిస్పోజల్, స్నైపర్ షూటింగ్ వంటి ప్రత్యేక శిక్షణలు నిర్వహిస్తారు. అలాగే అభ్యర్థులను పట్టణ, గ్రామీణ ప్రాంతాల్లో ఆపరేషన్లకు సిద్ధం చేస్తారు.

మూడవ దశ- రెండు దశలను విజయవంతంగా పూర్తి చేసుకున్న అభ్యర్థులకు మాక్ ఆపరేషన్‌ నిర్వహిస్తారు. అన్ని దశలను విజయవంతంగా పూర్తి చేసినవారే "బ్లాక్ క్యాట్" కమాండోగా దేశ సేవలో అడుగుపెడతారు.

సాధారణంగా NSG కమాండోలు సెంట్రల్ ఆర్మ్డ్ పోలీస్ ఫోర్స్ (CAPF) లేదా భారత సైన్య నుండి డిప్యూటేషన్ ద్వారా ఎంపిక చేయబడతారు. మొదటి దశలో వారి బేసిక్ పే + డ్యూటీ అలవెన్స్ సుమారు ₹70,000 – ₹90,000 మధ్య ఉంటుంది. హై-రిస్క్ ఆపరేషన్లలో పనిచేస్తే అదనంగా ₹20,000 – ₹30,000 మిషన్ అలవెన్స్ కూడా అందుతుంది.

ఇంకా NSG కమాండోలకు హౌసింగ్, వైద్య సౌకర్యాలు, వాహన అలవెన్స్, పెన్షన్ వంటి ఇతర ప్రయోజనాలు కూడా లభిస్తాయి. సీనియర్, అనుభవజ్ఞులు, ప్రత్యేక మిషన్లలో పనిచేసే కమాండోలు నెలకు సుమారు ₹1,00,000 వరకు జీతం పొందగలరు.

ఈ విధంగా NSG బ్లాక్ క్యాట్ కమాండోగా చేరడం సాహసోపేతమైన విధానమే కాక, ఎన్నో ఆర్థిక లాభాలు పొందవచ్చు.

మానవత్వానికి మారుపేరు.. కోట్లాది మనసులు గెలిచిన ఆ న్యాయమూర్తి ఇకలేరు..

Rajesh K — Thu, 21 Aug 2025 11:50:50 +0530

Frank Caprio: అమెరికాలో ప్రఖ్యాత న్యాయమూర్తి, ‘ప్రపంచంలోనే దయగల జడ్జి’గా పేరుపొందిన ఫ్రాంక్ కాప్రియో (88) కన్నుమూశారు. ఆయన కుటుంబ సభ్యులు ఈ వార్తను ధృవీకరించారు. కాప్రియో కొంతకాలంగా ప్యాంక్రియాటిక్ క్యాన్సర్ తో పోరాడుతున్నారు. ఫ్రాంక్ కాప్రియో అమెరికాలోని మున్సిపల్ కోర్ట్ ఆఫ్ ప్రావిడెన్స్ మాజీ చీఫ్ జడ్జి. ఆయన తీర్పులు కరుణ, మానవీయత కలగలిపి ఉండేవి. జరిమానాలు చెల్లించడానికి డబ్బు లేని వారికి కాప్రియో చూపిన సహానుభూతి, సున్నితమైన తీర్పులు ఆయనను ప్రపంచవ్యాప్తంగా ప్రత్యేక గుర్తింపును తెచ్చిపెట్టాయి.

మరణానికి ముందు చివరి వీడియో

మరణానికి 24 గంటల ముందు న్యాయమూర్తి కాప్రియో తన ఇన్‌స్టాగ్రామ్‌లో ఒక భావోద్వేగపూరిత వీడియో పోస్ట్ చేశారు. “గత సంవత్సరం నేను మిమ్మల్ని నా కోసం ప్రార్థించమని అడిగాను, మీరు అలా చేసినందువల్లనే నేను ఈ కఠిన కాలాన్ని దాటాను. కానీ దురదృష్టవశాత్తు నాకు ఒక ఎదురుదెబ్బ తగిలింది. ఇప్పుడు నేను ఆసుపత్రిలో ఉన్నాను. దయచేసి మళ్లీ మీ ప్రార్థనల్లో నన్ను గుర్తుంచుకోండి,” అని కాప్రియో తన చివరి సందేశంలో పేర్కొన్నారు.

View this post on Instagram

A post shared by Judge Frank Caprio (@therealfrankcaprio)

కోట్లాది మంది మనసును గెలిచిన న్యాయమూర్తి

రోడ్‌ ఐలాండ్‌లోని ప్రావిడెన్స్ మునిసిపల్ కోర్ట్ లో జడ్జిగా పనిచేసిన కాప్రియో, “Caught in Providence” షో ద్వారా ప్రపంచవ్యాప్తంగా పేరు తెచ్చుకున్నారు. జరిమానాలు చెల్లించలేని పేదలకు కరుణ చూపుతూ మానవీయ తీర్పులు ఇచ్చేవారు. అందుకే ఆయనను “ప్రపంచంలోనే అత్యంత దయగల న్యాయమూర్తి” అని కొనియాడారు.

కాప్రియో తన వృత్తి జీవితాన్ని ఫ్రాంక్ ప్రావిడెన్స్‌లో ఉన్నత పాఠశాల ఉపాధ్యాయుడిగా ప్రారంభించారు. తరువాత న్యాయ విద్య పూర్తి చేసి కోర్టులో సేవలు అందించారు. మానవీయ విలువలకు ప్రాధాన్యతనిస్తూ ఇచ్చిన తీర్పులతో ఆయన న్యాయ చరిత్రలో చెరగని ముద్ర వేశారు. ఆయన వీడియోలు సోషల్ మీడియాలో వైరల్ అవుతుండేవి. కాప్రియో ఇన్‌స్టాగ్రామ్‌లో 3.2 మిలియన్ ఫాలోవర్లు ఉండేవారు. అలాగే, ఆయనకు TikTok లో కూడా 1.5 మిలియన్ మంది అనుచరులు ఉన్నారు.

కాప్రియో వారసత్వాన్ని కొనసాగిద్దాం..

ఆగస్టు 20న ఆయన కుటుంబం ఇన్‌స్టాగ్రామ్ ద్వారా ప్రకటన చేస్తూ, “న్యాయమూర్తి ఫ్రాంక్ కాప్రియో ప్యాంక్రియాటిక్ క్యాన్సర్‌తో దీర్ఘకాల పోరాటం తర్వాత ప్రశాంతంగా కన్నుమూశారు. ఆయన కరుణ, వినయం, ప్రజల పట్ల ఉన్న విశ్వాసం లక్షలాది మందికి ప్రేరణగా నిలిచాయి” అని పేర్కొంది.

ఆయనను కేవలం ఒక గౌరవనీయ న్యాయమూర్తిగానే కాకుండా, ఒక అంకితభావంతో కూడిన భర్త, తండ్రి, తాత, ముత్తాత, స్నేహితుడిగా కూడా గుర్తు చేసుకున్నారు. ఆయన వారసత్వాన్ని కొనసాగిస్తూ కరుణతో జీవిద్దామని ఆయన కుటుంబం పిలుపునిచ్చింది.

Dog in School: పెంపుడు కుక్కను కిండర్ గార్డెన్ స్కూల్ చేర్పించిన మహిళ, ఫీజు ఎంతో తెలుసా?

Haritha Chappa — Tue, 31 Mar 2026 16:33:23 +0530

Dog in School: ఓ మహిళ తన పెంపుడు కుక్కను తన పిల్లాడిలా పెంచుకుంటోంది. ఉద్యోగం కారణంగా కుక్క ఇంట్లో ఒంటరిగా ఉండకూడదనే ఉద్దేశంతో దాన్ని ఓ కిండర్‌గార్టెన్‌ స్కూల్‌లో చేర్పించింది. ఇందుకోసం ఫీజు కూడా భారీగానే కడుతోంది.

తల్లిదండ్రులిద్దరూ ఉద్యోగాల్లో బిజీగా ఉంటే పిల్లలను కిండర్ గార్డెన్ స్కూల్, డేకేర్ వంటి వాటిల్లో చేరుస్తారు. కానీ ఓ మహిళ తన పెంపుడు కుక్కను తాను ఆఫీసుకు వెళ్లిన తరువాత ఎవరు చూస్తారనే బెంగతో కిండర్‌గార్టెన్ స్కూల్‌లో చేర్పించింది. దీని కోసం ఏకంగా 1.6 లక్షల రూపాయలు ఖర్చు చేస్తోంది. ఇది ఒక స్కూల్ పిల్లాడి ఫీజుతో సమానం.

దక్షిణ చైనాకు చెందిన ఈ మహిళ తన 6 నెలల కుక్కను కిండర్‌గార్టెన్ స్కూల్‌లో చేర్పించింది. ఉద్యోగానికి వెళ్లడం వల్ల రోజుకు 8 నుంచి 10 గంటల పాటు కుక్క ఇంట్లో ఒంటరిగా ఉంటోంది. అందుకే ఇంటికి దగ్గర్లో ఉన్న ఈ స్కూల్‌ను ఎంచుకుంది.ఈ కిండర్‌గార్టెన్‌లో కుక్కలకు సరైన సమయానికి ఆహారం అందించడంతో పాటు అన్ని సౌకర్యాలు కల్పిస్తారు. రెండు రోజులకోసారి హెల్త్ చెకప్ కూడా చేస్తారు. స్నానం, ఆటలు, ఇతర కుక్కలతో ఆడుకునేందుకు సమయం కేటాయిస్తారు.

యజమానులు తమ పెంపుడు జంతువులను మొబైల్ ద్వారా రియల్ టైమ్‌లో చూసుకోవచ్చు. కుక్క ఏం చేస్తోంది, ఆహారం తిన్నదా, సిబ్బంది సరిగ్గా చూసుకుంటున్నారా అనే విషయాలన్నీ లైవ్‌లో గమనించవచ్చు. దీంతో తను ఆఫీసులో ప్రశాంతంగా పని చేసుకోగలుగుతున్నానని ఆ మహిళ చెప్పింది. ఈ కిండర్‌గార్టెన్‌కు కుక్కలను యజమానులే స్వయంగా తీసుకురావాలి, తిరిగి తీసుకెళ్లాలి. అందుకే ఈ మహిళ ఆఫీసుకు వెళ్లేటప్పుడు కుక్కను స్కూల్‌లో డ్రాప్ చేసి, తిరిగి వచ్చేటప్పుడు పికప్ చేసుకుంటుంది.

Viral News: ఆన్‌లైన్‌లో ల్యాప్‌టాప్ ఆర్డ‌ర్ చేసిన యువ‌కుడు.. పార్సిల్‌ ఓపెన్ చేసి చూడ‌గా షాకింగ్ సీన్

Narender Vaitla — Thu, 19 Feb 2026 11:28:55 +0530

Viral News: 15 ఏళ్ల‌ ఆన్‌లైన్ షాపింగ్ అంటే భ‌య‌ప‌డేవారు. స‌రైన వ‌స్తువులు వ‌స్తాయో రావో అని సంకోచించేవారు. కానీ ఇప్పుడు సాధారణ విషయం అయిపోయింది. అయితే కొన్నిసార్లు ఊహించని సంఘటనలు ఇప్ప‌టికీ ఆన్‌లైన్ షాపింగ్ అంటే ఆలోచించే ప‌రిస్థితి తీసుకొస్తున్నాయి.

కేరళ రాష్ట్రంలోని కోట్టాయం జిల్లా పాయక్‌ ప్రాంతానికి చెందిన డాన్‌ టోమ్‌ ప్రముఖ ఈ-కామర్స్‌ వెబ్‌సైట్‌ అయిన అమెజాన్‌లో ల్యాప్‌టాప్‌ ఆర్డర్‌ చేశాడు. ఆర్డర్‌ చేసిన కొన్ని రోజుల తర్వాత పార్సెల్‌ డెలివరీ అయ్యింది. ఎంతో ఆసక్తిగా బాక్స్‌ తెరిచిన అతడికి పెద్ద షాక్‌ ఎదురైంది.

డాన్‌ టోమ్‌ ఫిబ్రవరి 12న సుమారు రూ. 56,000 విలువైన లెనోవో ThinkPad E14 ల్యాప్‌టాప్‌ను ఆర్డర్‌ చేశాడు. ఫిబ్రవరి 18న మధ్యాహ్నం సమయంలో పార్సిల్‌ అతని ఇంటికి చేరింది. కార్డ్‌బోర్డ్‌ పెట్టె బాగా ప్యాక్‌ చేసి ఉంది. కానీ బాక్స్‌ తెరిచేసరికి అందులో ల్యాప్‌టాప్‌ స్థానంలో రాళ్లు, దుస్తుల ముక్క‌లు కనిపించాయి. దీనితో అతడు తీవ్ర నిరాశకు గురయ్యాడు.

ఈ ఘటనపై వెంటనే డాన్‌ టోమ్‌ అమెజాన్‌ అధికారులకు ఫిర్యాదు చేశాడు. పార్సెల్‌లో వచ్చిన రాళ్లు, దుస్తుల‌ ఫోటోలు కూడా జతచేశాడు. తాను లెనోవో ThinkPad E14 ల్యాప్‌టాప్‌ ఆర్డర్‌ చేసినట్లు స్పష్టంగా పేర్కొన్నాడు.

సంఘటనపై స్పందించిన అమెజాన్‌ ప్రతినిధులు విషయం పరిశీలిస్తున్నామని తెలిపారు. ఫిబ్రవరి 23న సంప్రదిస్తామని, రీఫండ్‌ గురించి అప్పుడు మాట్లాడుతామని చెప్పారు. ఇక డాన్‌ టోమ్‌ ఈ ఘటనపై పోలీస్ స్టేష‌న్‌లో కూడా ఫిర్యాదు చేశాడు.

ఈ ఘటన ఎక్కడ జరిగింది? మధ్యలో ఎవరు తారుమారు చేశారు? అనే విషయాలు ఇప్పటికీ స్పష్టంగా లేవు. అయితే ఈ సంఘటన ఆన్‌లైన్‌ షాపింగ్‌ చేసే వినియోగదారుల్లో ఆందోళన కలిగిస్తోంది. ఆన్‌లైన్‌లో ఖరీదైన వస్తువులు కొనుగోలు చేసే సమయంలో డెలివరీ సమయంలోనే పార్సిల్‌ చెక్‌ చేయడం, వీడియో తీయడం వంటి జాగ్రత్తలు తీసుకోవాలని నిపుణులు సూచిస్తున్నారు. ఈ ఘటనపై పూర్తి విచారణ తర్వాతే అసలు విషయం వెలుగులోకి రానుంది.

Viral Video: ఫ్లైట్‌లో ఇలాంటి చెత్త పనులు చేస్తే విమానం నుంచి దించేయక మరేం చేస్తారు?

Haritha Chappa — Fri, 13 Mar 2026 15:05:19 +0530

విమానంలో ప్రయాణం చేసేటప్పుడు ఎయిర్ లైన్స్ పెట్టే నియమాలను తప్పెకుండా పాటించాలి. ఇతరుకు ఏమాత్రం ఇబ్బంది కలిగించకూడదు. చిన్న ఇబ్బంది పెట్టినా కూడా దానికి శిక్ష పడుతుంది. విమానంలో ఒక మహిళ తాగేసి… ఫోనులో పాటలు, వీడియోలు పెట్టుకుంది. చుట్టు ఉన్నవారికి ఇబ్బందిగా ఉన్నా కూడా పట్టించుకోలేదు. ఎయిర్ లైన్స్ సిబ్బంది ఇయర్‌ఫోన్ పెట్టుకోమని చెప్పినా కూడా నిరాకరించించింది. ఫోన్‌లో పెద్దగా సౌండ్ పెట్టుకుని వీడియో చూస్తూ తోటి ప్రయాణికులను ఇబ్బంది పెట్టింది. ఎంత చెప్పిన ఆ మహిళ వినకపోవడం ఆమెను ఫ్లైట్ నుంచి కిందకు దించేశారు. అమెరికన్ ఎయిర్‌లైన్స్ విమానంలో ఈ ఘటన జరిగింది. ఘటన అమెరికాలో జరిగినా కూడా వీడియో మాత్రం ప్రపంచమంతా వైరల్ అవుతోంది.

పెద్ద సౌండ్‌తో వీడియో..

విమానంలో జరిగిన ఈ ఘటనను తోటి ప్రయాణికుడు ఒకరు తన మొబైల్‌లో వీడియో తీసి అమెరికాలో టిక్‌టాక్‌లో పోస్ట్ చేశారు. ఆ మహిళ ఫుల్లుగా తాగి ఉంది. వీడియో చూస్తున్నప్పుడు హెడ్‌సెట్ పెట్టుకోవాలని సిబ్బంది చెప్పినా కూడా ఆమె నిరాకరించి పెద్ద సౌండ్‌తో వీడియో ప్లే చేసింది. ఈ విషయాన్ని ఎక్స్ (ట్విట్టర్) యూజర్ కూడా పోస్టు చేస్తారు.

నిజానికి విమానం ఎక్కుతున్నప్పుడే ఆమె పెద్ద సౌండ్ తో ఫోన్ వాడుతోంది. గేట్ దగ్గర నుంచి కదలక ముందే సిబ్బంది ఆమెను హెడ్‌ఫోన్‌లు వాడమని చెప్పారు. కానీ ఆ మహిళ వెంటనే కోపంతో తిట్టడం ప్రవర్తించింది. అయితే అమెరికన్ ఎయిర్‌లైన్స్ ఉద్యోగులు ఈ పరిస్థితిని చాలా హుందాగా ఎదుర్కొన్నారు. వైరల్ అయిన వీడియోలో తనను కిందకు దించేస్తుండటంతో ఆ మహిళ సిబ్బందిపై ఆగ్రహం వ్యక్తం చేయడం చూడవచ్చు. కేవలం 30 సెకన్ల వీడియోను 50 శాతం సౌండ్‌తో చూస్తున్నాను. దీనికే నన్ను ఫ్లైట్ నుంచి బయటకు పంపిస్తారా?" అని ఆమె సిబ్బందితో గొడవపడింది. ఆ తర్వాత పోలీసులు, విమాన సిబ్బంది కలిసి ఆమెను విమానం నుంచి బయటకు తీసుకెళ్లారు.

హెడ్‌ఫోన్‌లు లేకుండా ఆడియో లేదా వీడియోను గట్టిగా ప్లే చేసే ప్రయాణికులను విమానం నుంచి దించివేయడం లేదా వారిపై నిషేధం విధించడం వంటి కఠిన చర్యలు తీసుకుంటామని యునైటెడ్ ఎయిర్‌లైన్స్ ఇప్పటికే హెచ్చరించింది. ఫిబ్రవరిలో యునైటెడ్ ఎయిర్‌లైన్స్ తమ refusal to transport పాలసీని అప్‌డేట్ చేసింది. ప్రయాణికులను విమానం ఎక్కనివ్వకుండా ఆపే కారణాలను ఇందులో వివరించింది.

Woman has meltdown as she is kicked off of an American Airlines flight for making everyone listen to her loud videos playing on her phone.The incident comes as airlines are starting to make people wear headphones or be banned from flying. “A drunk lady on an American Airlines… pic.twitter.com/TC8lxpDEFK

— Collin Rugg (@CollinRugg) March 8, 2026

Pahalgam Terror Attack: ఏ ఉగ్రవాదినీ వదిలిపెట్టం.. ప్రతికారం తీర్చుకుంటాం.. ప్రధాని మోదీ, అమిత్‌షా ఫైర్‌!

Bala Raju Telika — Tue, 22 Apr 2025 23:53:29 +0530

జమ్మూ కశ్మీర్‌లోని పహల్గామ్‌లో జరిగిన ఉగ్రదాడి యావత్తు దేశం ఉలిక్కిపడేలా చేసింది. ఈ ఘటనపై ప్రధాని మోదీ, హోం మంత్రి అమిత్‌ షా స్పందించారు. దాడి తమను కలిచివేసిందని అన్నారు. సౌదీ అరేబియా పర్యటనలో ఉన్న మోదీ ఉగ్రమూకల దాడి గురించి తెలిసిన వెంటనే కేంద్ర హోంమంత్రి అమిత్‌షాతో ఫోన్లో మాట్లాడారు. వెంటనే శ్రీనగర్‌ వెళ్లి పరిస్థితిని సమీక్షించాలని ఆదేశించారు. దీంతో షా ఇప్పటికే శ్రీనగర్‌ చేరుకుని అధికారులతో సమావేశమయ్యారు.

పహల్గామ్‌లో దాడులకు పాల్పడింది తామేనని లష్కరే తోయిబా అనుబంధ ఉగ్రసంస్థ ‘‘ది రెసిస్టెన్స్ ఫ్రంట్’’ ఇప్పటికే ప్రకటించింది. ఇది పక్కా ప్లానింగ్‌ ప్రకారమే జరిగిందని పోలీసులు అంచనా వేస్తున్నారు. అయితే.. దాడి గురించి సమగ్ర దర్యాప్తు చేపట్టాలని షా అధికారులకు ఆదేశించారు. ఇక ఘటనపై ట్విట్టర్‌ వేదికగా స్పందించిన ప్రధాని మోదీ పర్యాటకులపై దాడికి పాల్పడిన ఉగ్రమూకలను ఎవర్రినీ వదిలిపెట్టమని వార్నింగ్‌ ఇచ్చారు. వారి ఎజెండా ఎప్పటికీ విజయం కాదన్నారు. ఉగ్రవాదంపై పోరాడాలనే తమ సంకల్పం బలపడుతోందన్నారు.

ఇక ఘటనపై హోంమంత్రి అమిత్‌ షా కూడా స్పందించారు ఘటనకు పాల్పడిన వారిని వదిలిపెట్టే సమస్య లేదని అన్నారు. ఎంతటి వారినైనా కఠింగా శిక్షిస్తామన్నారు. ప్రతికారం తీర్చుకుంటామన్నారు. ఇక పర్యాటకులపై ఒక్కసారిగా ఉగ్రవాదులు కాల్పులకు దిగడంతో ఏం జరుగుతుందో కూడా అక్కడి వారికి అర్తం కాలేదు. తీవ్రవాదులు అందరూ ఆర్మీ దుస్తులు ధరించి ఉండటం... అత్యంత సమీపం నుంచి వారు కాల్పులు జరపడంతో అనేకమంది మృతి చెందారని అధికారిక వర్గాల సమాచారం.

ఉగ్రదాడిలో తమ బంధు, మిత్రులను కోల్పోయినవారికి ప్రధాని మోదీ తన సంతాపాన్ని తెలియజేశారు. గాయపడినవారు త్వరగా కోలుకోవాలని ఆకాంక్షించారు. బాధిత కుటుంబాలను ఆదుకుంటామని మోదీ హామీ ఇచ్చారు.

AP: లెక్చరర్‌ని చెప్పుతో కొట్టడంపై సీరియస్‌ యాక్షన్‌.. సస్పెండ్‌!

Bala Raju Telika — Sat, 26 Apr 2025 19:29:35 +0530

ఇటీవల విజయనగరం జిల్లాలోని ఓ ప్రభుత్వ పాఠశాలలో పనిచేస్తున్న ప్రధానోపాధ్యాయులు స్కూల్లో పిల్లలు మాట వినడం లేదనే ఆవేదనతో.. గుంజీలు తీసి, పొర్లుదండాలు పెట్టి.. మీకు మేము పాఠాలు చెప్పలేకపోతున్నాం క్షమించమని వేడుకున్నాడు. ఆ ఫోటోలు, వీడియోలు సామాజిక మాధ్యమాల్లో వైరల్ అయ్యాయి. దీనిపై ఉపాధ్యాయుల్లో పెద్దఎత్తున చర్చకూడా నడిచింది. ఘటనపై ఏకంగా విద్యాశాఖ మంత్రి నారా లోకేష్‌ స్పందించారు. ఈక్రమంలోనే విజయనగరం జిల్లాలో బీటెక్‌ చదివే విద్యార్థిని లెక్చరర్ని చెప్పుతో కొట్టింది. ఇది కూడా వైరల్‌ అయ్యింది. ఆ వివరాలు ఇలా ఉన్నాయి.

విజయనగరం జిల్లాలోని రఘు ఇంజనీరింగ్ కాలేజీలో ఓ విద్యార్థికి లెక్చరర్‌కి మధ్య తరగతి గదిలో వాగ్వాదం జరిగింది. క్లాస్‌ జరుగుతుండగా.. విద్యార్థిని ఫోన్‌లో ఎవరితోనో మాట్లాడుతోంది. దీన్ని గమనించిన లెక్చరర్‌ ఆ ఫోన్‌ను తీసుకున్నారు. తిరిగి ఇవ్వమన్నా ఇవ్వలేదు. దీంతో ఆగ్రహించిన విద్యార్థిని క్లాస్‌ అయిన తర్వాత మహిళా లెక్చరర్‌తో గొడవపడింది. లెక్చరర్‌పై బూతులు తిడుతూ ఫోన్‌ ఇచ్చేయాలని వార్నింగ్‌ ఇచ్చింది. చెప్పుతో కొడతా అని విద్యార్థిని అంటూ.. లెక్చరర్‌ చెంపపై చెప్పుతో కొట్టేసింది. ఈ దృశ్యాలను ఓ విద్యార్థి తన సెల్‌ఫోన్‌లో రికార్డ్‌చేసి సామాజిక మాధ్యమాల్లో విడుదల చేయడంతో అది కాస్త వైరల్‌గా మారింది. విద్యార్థినిది విశాఖపట్నం అని రోజూ కళాశాల బస్సులో వస్తుందని తొటి విద్యార్థులు చెబుతున్నారు. అసలు ఆమె అలా ప్రవర్తించిందో కూడా తమకు అర్థం కాలేదని అంటున్నారు.

ఘటన జరుగుతున్న సమయంలో చాలా మంది విద్యార్థులు ఉన్నాకూడా.. లెక్చరర్‌ పై దుర్బాషలాడింది ఆ విద్యార్థిని. సెల్ ఫోన్ ఖరీదు పన్నెండు వేలు, నా ఫోన్ ఎందుకు తీసుకుంటున్నావ్ అని లెక్చరర్‌కి వార్నింగ్‌ ఇచ్చింది. చివరికి మెరుపు వేగంతో లెక్చరర్‌ వద్దకు వెళ్లి చెప్పుతో కొట్టేసింది. హఠాత్తుగా జరిగిన పరిణామానికి లెక్చరర్‌కి తోటి విద్యార్థులకు ఏమి చేయాలో కూడా తెలియలేదు. చెప్పుతో కొట్టడంతోపాటు.. లెక్చరర్‌ జుట్టు పట్టుకుని కొట్టడానికి ప్రయత్నించింది. ఈలోపు విద్యార్థులు, తోటి లెక్చరర్లు అక్కడికి చేరుకుని ఇద్దరిని వారించి గొడవను అడ్డుకున్నారు.

లెక్చరర్‌పై దాడిని రఘు కాలేజి యాజమాన్యం సీరియస్‌గా తీసుకుంది. ఘటనపై సమగ్రంగా విచారించి చర్యలకు ఆదేశించింది. ఈ నేపథ్యంలో విద్యార్థిని కళాశాల నుంచి సస్పెండ్‌ చేస్తూ ఉత్తర్వులు ఇచ్చారు. దీనిపై విద్యార్థిని ఏవిధంగా స్పందిస్తుందో చూడాలి.

ఇది నిజంగా అద్భుతమే.. చనిపోయిందనుకున్న మహిళ ఎలా బ్రతికింది..!

Rajesh K — Thu, 07 Aug 2025 13:20:35 +0530

Organ Donation: ఆమె మూడేళ్లుగా కదలకుండా పడి ఉంది. శ్వాస మాత్రం ఉందో లేదో అనిపించేది. వైద్యులు కూడా ఆశలు వదిలేశారు. బ్రెయిన్‌డెడ్ అంటూ కుటుంబానికి సమాచారమిచ్చారు. ఇక ఆమె అవయవాలు ఇతరుల జీవితాల్లో వెలుగు ఇవ్వాలని భావించారు. అయితే.. శస్త్రచికిత్సకు క్షణాల ముందు ఒక అద్భుతం జరిగింది. ఆ మూగబోయిన శరీరం ఒక్కసారిగా స్పందించింది. ఆమె కన్ను రెప్పవేసింది! ఆ ఒక్క కదలిక.. వైద్యుల గుండెల్లో షాక్! వెంటనే సర్జరీ ఆపేశారు. నిశ్చలంగా కనిపించిన జీవితం.. మళ్లీ ఊపిరి పీల్చింది. ఈ అసాధారణ సంఘటన అమెరికాలో చోటుచేసుకుంది.

వివరాల్లోకి వెళితే.. న్యూమెక్సికోకు చెందిన 38 ఏళ్ల డానెల్లా గల్లెగోస్ అనే మహిళ అనారోగ్యం నేపథ్యంలో 2022లో కోమాలోకి వెళ్లిపోయింది. అప్పటినుంచి కోమాలోనే ఉంది. దీంతో డాక్టర్లు ఆమె మామూలు మనిషి అయ్యే అవకాశం లేదని తేల్చిచెప్పారు. ఈ నేపథ్యంలోనే న్యూ మెక్సికోకు చెందిన ఆర్గాన్ డోనేషన్ సర్వీస్.. డానెల్లా అవయవాలు డొనేట్ చేయాలని కుటుంబసభ్యులను కోరారు. దీంతో వారు అయిష్టంగానే ఆర్గాన్ డొనేషన్‌కు ఒప్పుకున్నారు.

డాక్టర్లు సర్జరీ చేస్తున్న సమయంలో డానెల్లా సడెన్ కళ్లు తెరిచింది. డాక్టర్లు షాక్ అయ్యారు. వెంటనే సర్జరీ ఆపేశారు. కుటుంబసభ్యులకు విషయం చెప్పారు. వారు ఎంతో సంతోషించారు. అయితే, డానెల్లా కంటిలో గాటు పడి ఉండటం కుటుంబసభ్యులు గమనించారు. దీనిపై డాక్టర్లతో గొడవపెట్టుకున్నారు. అది కత్తిగాటు కాదని, తడి కారణంగా రిఫ్లెక్షన్ అయి అలా కనిపిస్తోందని డాక్టర్లు వారికి సర్దిచెప్పారు.

డానెల్లా సోదరి ఆర్గాన్ డొనేషన్ సర్వీస్, డాక్టర్లపై దారుణమైన కామెంట్లు చేసింది. ఆమె మాట్లాడుతూ..‘డానెల్లాను సర్జరీకి తీసుకుపోతున్నపుడు ఆమె చేతిని పట్టుకున్నాను. ఆమెలో నాకు కదలిక కనిపించింది. డాక్టర్లకు కూడా ఈ విషయం తెలుసు. అయినా ఆర్గాన్ డొనేషన్ సర్వీస్ వాళ్ల ఒత్తిడితో ఆపరేషన్‌కు సిద్ధమయ్యారు’ అని అంది. డాక్టర్లు మాత్రం ఈ ఆరోపణల్ని ఖండించారు. ఆర్గాన్ డొనేషన్ సర్వీస్ సభ్యులే డానెల్లాకు సర్జరీ జరగకుండా ఆపారని తెలిపారు. మొత్తానికి డానెల్లా చావు నుంచి బయటపడింది.

డానియెల్లా గల్లెగోస్ ఏమి చెప్పారు?

"నేను చాలా అదృష్టవంతురాలిగా భావిస్తున్నాను కానీ, క్లిష్ట పరిస్థితులు ఎంత త్వరగా మారాయి. ఆ రోజు గురించి ఆలోచించడం వింతగా ఉంది" అని డానియెల్లా గల్లెగోస్ ది న్యూయార్క్ టైమ్స్‌తో తెలిపారు. తరువాత ఆమె ఆరోగ్య, మానవ సేవల విభాగానికి ఫిర్యాదు చేసింది, ఈ సంఘటనపై దర్యాప్తు ప్రారంభించింది. విరాళం ప్రక్రియకు న్యూ మెక్సికో డోనర్ సర్వీసెస్ బాధ్యత వహిస్తుందని ప్రెస్బిటేరియన్ హాస్పిటల్ తెలిపింది, అయితే వైద్య నిర్ణయాలలో జోక్యం చేసుకోలేదని సంస్థ ఖండించింది.

గతంలో కూడా ఇలాంటిదే.

అమెరికాలో ఇంతకు ముందు ఇలాంటి కేసులు వెలుగులోకి వచ్చాయి. అక్టోబర్ 2021లో థామస్ 'TJ' హూవర్ కు సంబంధించిన కేసు కూడా ఇలాంటిదే. హూవర్‌ను మందుల ఓవర్ డోస్ కారణంగా బ్రెయిన్ డెడ్‌గా ప్రకటించి, ఆయన అవయవాలను దానం చేయాలని నిర్ణయించారు. అయితే ఈ ఆపరేషన్‌కు ముందు ఆయన వణుకుతూ ఏడుస్తున్నట్లు గమనించారు. ఆ తర్వాత (కెంటకీ ఆర్గాన్ డోనర్ అఫిలియేట్స్) (KODA) ప్రక్రియను కొనసాగించమని ఒత్తిడి చేయబడింది. కానీ, వైద్యులు నిరాకరించారు. ఆ తర్వాత హూవర్ పూర్తిగా కోలుకుని తన కుటుంబంతో సంతోషంగా జీవిస్తున్నారు.

PTM: అద్దెకు తల్లిదండ్రులు కావాలి.. బెంగళూరు విద్యార్థి వింత ప్రకటన.. రూ. 15,000 ఆఫర్ !

Mahesh Rajamoni — Mon, 16 Mar 2026 21:29:10 +0530

Bengaluru : బెంగళూరులో ఒక కాలేజీ విద్యార్థి తన పేరెంట్ టీచర్ మీటింగ్ (PTM) కోసం అద్దెకు తల్లిదండ్రులు కావాలంటూ సోషల్ మీడియాలో పెట్టిన పోస్ట్ వైరల్‌గా మారింది. దీని కోసం అతను ఏకంగా రూ. 15,000 ఆఫర్ చేయడం విశేషం.

సాధారణంగా పాఠశాలల్లో లేదా కళాశాలల్లో జరిగే పేరెంట్ టీచర్ మీటింగ్ (PTM) అంటే విద్యార్థులకు కాస్త వణుకు పుట్టడం సహజం. మార్కుల గురించి, క్రమశిక్షణ గురించి లెక్చరర్లు తమ తల్లిదండ్రులకు ఏం చెప్తారో అని భయపడుతుంటారు. అయితే, బెంగళూరుకు చెందిన ఒక విద్యార్థి ఈ సమస్య నుంచి తప్పించుకోవడానికి ఒక వింత మార్గాన్ని ఎంచుకున్నాడు. తన తల్లిదండ్రులకు బదులుగా, నకిలీ తల్లిదండ్రులను అద్దెకు తీసుకోవాలని నిర్ణయించుకుని సోషల్ మీడియాలో ప్రకటన ఇచ్చాడు.

రెడ్డిట్ (Reddit) లో ఈ విద్యార్థి పెట్టిన పోస్ట్ ఇప్పుడు ఇంటర్నెట్‌ను ఊపేస్తోంది. తన కాలేజీలో జరగబోయే పీటీఎం కోసం ఎవరో ఒకరు తండ్రిగా లేదా తల్లిగా నటించడానికి రావాలని ఆ పోస్ట్‌లో కోరాడు. ఈ పని చేసినందుకు గాను ఏకంగా రూ. 15,000 చెల్లిస్తానని ఆఫర్ ఇచ్చాడు. అయితే దీనికి కొన్ని షరతులు కూడా పెట్టాడు. వచ్చే వ్యక్తి వయస్సు 40 ఏళ్లకు పైబడి ఉండాలని, ఇంగ్లీష్ ధారాళంగా మాట్లాడగలగాలని పేర్కొన్నాడు. ముఖ్యంగా కాలేజీ యాజమాన్యంతో మాట్లాడేటప్పుడు ఎక్కడా అనుమానం రాకుండా నిజమైన తండ్రిలాగే నమ్మించగలగాలని వివరించాడు. సదరు విద్యార్థి తన కాలేజీ జేపీ నగర్‌లో ఉందని, ఇందిరానగర్ పరిసరాల్లో ఉండేవారికి ప్రాధాన్యం ఇస్తానని తెలిపాడు.

ఈ వింత ప్రకటన చూసిన నెటిజన్లు రకరకాలుగా స్పందిస్తున్నారు. కొందరు నవ్వుకుంటే, మరికొందరు ఆ రోల్‌కు తాము సరిపోతామా అంటూ సెటైర్లు వేస్తున్నారు. ఒక యూజర్ స్పందిస్తూ.. "మా నాన్న రిటైర్ అయ్యారు, సైడ్ ఇన్కమ్ కోసం ఇలాంటి పని వెతుకుతున్నారు" అని సరదాగా కామెంట్ చేశారు. మరొకరు "నా వయసు 34, కానీ నా గడ్డం, మీసాల్లో తెల్ల వెంట్రుకలు ఉన్నాయి.. నేను తండ్రి పాత్రకు సెట్ అవుతానా?" అని అడిగారు. ఇంకొక యూజర్ అయితే.. "నేను 46 ఏళ్ల వాడిని, కేవలం ఆ కిక్కు కోసం నేను ఉచితంగా రావడానికి సిద్ధం" అని రాసుకొచ్చాడు.

ఈ పోస్ట్ వైరల్ అవ్వడంతో, ఒక నెటిజన్ 2003లో తన క్లాస్‌మేట్ చేసిన ఇలాంటి పనిని గుర్తు చేసుకున్నాడు. "నా స్నేహితుడు ఒకరు తన వంట మనిషికి రూ. 10,000 ఇచ్చి, తండ్రిగా నటించమని కాలేజీకి తీసుకెళ్లాడు. ఆ వంట మనిషి అద్భుతంగా నటించి అందరినీ నమ్మించాడు. అంతా సవ్యంగా సాగిపోతోంది అనుకున్న సమయంలో.. అతని అసలు తండ్రి కాలేజీకి వచ్చి ప్రిన్సిపాల్‌కు హలో చెప్పడంతో అసలు విషయం బయటపడింది" అని షేర్ చేశాడు.

A college classmate did this in 2003.Hired his good-looking, English-speaking cook to attend the PTM as his father. Paid him ₹10K. It was on a Saturday, and the cook gave an Oscar-level performance.Everything was perfect.Until the following Tuesday, when his real father… pic.twitter.com/FIqBZKQIUN

— Narayanan Hariharan (@narayananh) March 13, 2026

ఈ ఘటన సోషల్ మీడియాలో పెద్ద చర్చకు దారితీసింది. డిగ్రీ లేదా అంతకంటే పై చదువులు చదివే కాలేజీ విద్యార్థులకు కూడా పేరెంట్ టీచర్ మీటింగ్‌లు అవసరమా అని కొందరు ప్రశ్నిస్తున్నారు. విద్యార్థులపై పెరుగుతున్న ఒత్తిడి వల్లే ఇలాంటి వింత నిర్ణయాలు తీసుకుంటున్నారని అభిప్రాయపడుతున్నారు. ఏది ఏమైనా, 15 వేల రూపాయలు ఇచ్చి మరీ తండ్రిని అద్దెకు తెచ్చుకోవాలనుకున్న ఈ విద్యార్థి ఆలోచన ఇప్పుడు చర్చనీయాంశంగా మారింది.

Job : రోజూ 5 గంటలే పని.. నెలకు రూ.10 లక్షలు, ఏటా కోటి జీతం..: ఇది కదా జాబ్ అంటే

Arun Kumar P — Thu, 12 Mar 2026 09:57:32 +0530

రోజూ కేవలం 5 గంటలు మాత్రమే వర్కింగ్ అవర్స్... కానీ నెలకు దాదాపు రూ.10 లక్షలు, ఏటా కోటి రూపాయలకు పైగా శాలరీ వస్తే.. ఇంతకంటే గొప్ప జాబ్ ఇంకేం ఉంటుంది. ఇలాంటి ఉద్యోగమే చేస్తున్నానని ఓ యువకుడు చేసిన రెడ్డిట్ పోస్ట్ నేటితరం వేతనజీవులను ఆకట్టుకుంటోంది.

వారానికి 70 గంటలు అంటే రోజుకు 12-14 గంటలు పనిచేయాలి అని ఇన్ఫోసిస్ వ్యవస్థాపకులు నారాయణమూర్తి ఇటీవల యువతకు సలహా ఇచ్చిన విషయం తెలిసిందే. దీన్నిబట్టి స్పష్టంగా ఓ విషయం అర్థమవుతోంది... ఉద్యోగం అంటే టైమ్ తో పనిలేకుండా పనిచేయాలన్నమాట. రెక్కలుముక్కలు చేసుకుని కష్టపడి చేయాల్సిందేం ఉంటుంది... ఏసీ గదుల్లో దర్జాగా కంప్యూటర్ ముందు కూర్చుని చేసే ఉద్యోగాలే కదా... 12 గంటలు కాదు 24 గంటలైనా చేయవచ్చు... ఇది చాలామంది అభిప్రాయం. అయితే వర్క్ స్ట్రెస్ ఏ స్థాయిలో ఉంటుందో వారికి తెలియదు... ఇటీవల పనిఒత్తిడి తట్టుకోలేక ఓ మహిళా టెకీ సూసైడ్ చేసుకున్న ఘటన హైదరాబాద్ లో వెలుగుచూసింది.

అయితే చాలిచాలని జీతాలతో 12-15 గంటలు పనిచేసే ఉద్యోగులు ఏదైనా మంచి బిజినెస్ చేసుకుంటే బాగుండని భావిస్తుంటారు. అలాంటివారు వెంటనే జాబ్ కు రిజైన్ చేసి బిజినెస్ ప్రారంభించాలి అనిపించేలా ఓ రెడ్డిట్ యూజర్ పోస్ట్ పెట్టాడు. ఇది ప్రస్తుతం సోషల్ మీడియాలో వైరల్ గా మారింది.

''జాబ్ టైమింగ్స్ కేవలం ఐదుగంటలే... రోజూ ఉదయం 9:30 నుంచి మధ్యాహ్నం 2:30 వరకు మాత్రమే. ఇంటిదగ్గరే ఆఫీస్... వెళ్ళిరావడానికి ఐదు నిమిషాలే పడుతుంది... అంటే ప్రయాణ సమయం, ఖర్చులు ఆదా. ఇలా చాలా తక్కువ సమయం పనిచేస్తూ ఏడాదికి ఏకంగా రూ.1.1 కోట్లు సంపాదిస్తున్నా'' అంటూ ఓ రెడ్డిట్ యూజర్ పోస్ట్ చేశాడు. తన ఫ్యామిలీ బిజినెస్‌ను చూసుకుంటూ తనకు దొరికిన 'డ్రీమ్' వర్క్-లైఫ్ బ్యాలెన్స్ గురించి చెప్పి అందరిలో అసూయ, ఆసక్తిని రేకెత్తించాడు.

''ఇటీవల మా కుటుంబ వ్యాపారాన్ని నడపడంలో మా నాన్నకు సహాయం చేయడం ప్రారంభించాను. నేను ఉదయం 9:30కి ఆఫీస్‌కు వెళ్లి మధ్యాహ్నం 2:30కి వచ్చేస్తాను. మా నాన్న కూడా అంతే. ఆ తర్వాత మా పని పూర్తయినట్టే. మధ్యాహ్నం 2:30 తర్వాత నాకు నచ్చింది చేయడానికి పూర్తి స్వేచ్ఛ ఉంటుంది. ఫ్రెండ్స్‌ను కలవడం, సాయంత్రం డ్రైవ్‌కు వెళ్లడం లేదా కుటుంబంతో కలిసి బయట వెళ్లడం వంటివి చేస్తూ నా సమయాన్ని గడుపుతాను'' అని ఆ వ్యక్తి రెడ్డిట్ లో రాసుకొచ్చాడు. అంటే అతడు తండ్రి దగ్గర జాబ్ చేస్తున్నాడన్నమాట.

''ప్రస్తుతం తమ కుటుంబ వ్యాపారం ద్వారా ఏటా రూ.1.10 కోట్లు వస్తోంది.ఉద్యోగుల జీతాలు, ఇతర నిర్వహణ కోసం ప్రతి నెలా సుమారు రూ.4-4.5 లక్షలు ఖర్చవుతుంది. అంటే ఏడాదికి రూ.40-45 లక్షలు. మిగిలిన రూ.60-70 లక్షలు లాభమే... ఈ డబ్బులు సంవత్సరానికి ఒకసారి వస్తాయి. దీన్నే మేము మా వార్షిక పొదుపుగా భావిస్తాం’ అని చెప్పుకొచ్చాడు. అయితే ఈ జాబ్ లో తనకు పూర్తి స్వేచ్చ ఉంటుందని... పనిఒత్తిడి, మెంటల్ టెన్షన్ ఉండదని చెబుతున్నాడు. ఈ జాబ్ లో బాధ్యత ఉంటుంది... బరువు ఉండదని అంటున్నాడు.

ఈ రెడ్డిట్ పోస్ట్ పై నెటిజన్లు రకరకాలుగా స్పందించారు. ‘రోజుకు 5 గంటలు పనిచేస్తూ ఇంత సంపాదిస్తున్నారు. ఇది ఎవరికి ఇష్టం ఉండదు?’ అని ఒకరు కామెంట్ చేశారు. ‘ఫ్యామిలీ బిజినెస్ ఉండటం నిజంగా అదృష్టమే’ అని మరొకరు అన్నారు. ‘మీరు ఏ వ్యాపారంలో ఉన్నారో చెప్పగలరా?’ అని ఇంకో వ్యక్తి అడగ్గా ‘ఎడ్యుకేషన్’ అని పోస్ట్ పెట్టిన వ్యక్తి బదులిచ్చాడు. తమ సంస్థ ఎడ్యుకేషనల్ సెంటర్లను నడుపుతోందని చెప్పాడు.

‘మీరు చాలా అదృష్టవంతులు. మేమంతా రోజుకు 10 నుంచి 12 గంటలు కష్టపడినా అంత సంపాదించలేకపోవచ్చు. జీవితాన్ని ఆస్వాదించండి, పేదలకు కూడా కొంత పంచండి’ అని మరో వ్యక్తి సూచించాడు. ‘వర్క్-లైఫ్ బ్యాలెన్స్ అనేది వ్యక్తిగతం. నేను నా 20 ఏళ్లలో ఉన్నాను, రోజుకు 12 గంటలకు పైగా పనిచేస్తా. 50 ఏళ్లలో ఉండి రోజుకు 18 గంటలు పనిచేసే వాళ్లు కూడా నాకు తెలుసు. అదే వాళ్లకు కిక్ ఇస్తుంది’ అని మరోవ్యక్తి ఆసక్తికర కామెంట్ చేశాడు.