Asianet News Telugu

జుట్టు రాలడం వెంటనే తగ్గాలంటే ఈ 7 ఫాలో అయితే చాలు!

Kavitha G — Fri, 29 Aug 2025 14:15:33 +0530

మనలో చాలామంది జుట్టు రాలే సమస్యతో బాధపడుతుంటారు. ఈ సమస్య నుంచి బయటపడేందుకు ఖరీదైన ప్రోడక్టులు వాడుతుంటారు. కానీ కొన్ని సింపుల్ చిట్కాలతో ఈ సమస్యకు చెక్ పెట్టవచ్చు. ఒత్తైన జుట్టును సొంతం చేసుకోవచ్చు. మరి ఆ చిట్కాలేంటో తెలుసుకుందామా…

జుట్టు మన అందానికి ప్రతిబింబం. కానీ గజిబిజి లైఫ్ స్టైల్, పోషకాహార లోపం, ఒత్తిడి ఇతర కారణాల వల్ల చాలామందిలో జుట్టు రాలే సమస్య ఎక్కువగా కనిపిస్తోంది. అయితే ఎలాంటి అదనపు ఖర్చు లేకుండా కొన్ని ఇంటి చిట్కాలతో ఈ సమస్యకు చెక్ పెట్టవచ్చు. అందుకోసం ఏం చేయాలో ఇక్కడ వివరంగా తెలుసుకుందాం.

కొబ్బరినూనెను కొద్దిగా వేడి చేసి.. దాన్ని తలపై కొంచెం కొంచెంగా వేస్తూ మృదువుగా మసాజ్ చేయాలి. దీనివల్ల రక్తప్రసరణ మెరుగవుతుంది. ఇది జుట్టు కుదుళ్లను బలపరచడంలో సహాయపడుతుంది. వారానికి కనీసం రెండు సార్లు ఇలా మసాజ్ చేయడం మంచిది.

ఆముదం..

ఆముదం నూనె జుట్టు పెరుగుదలకు చక్కగా ఉపయోగపడుతుంది. ఇందులో విటమిన్ E అధికంగా ఉంటుంది. కొబ్బరినూనెతో కలిపి ఆముదం నూనెను ఉపయోగిస్తే మంచి ఫలితం లభిస్తుంది.

గుడ్డు ప్రోటీన్లతో నిండి ఉంటుంది. ఒక గుడ్డును కొద్దిగా నిమ్మరసం లేదా పెరుగుతో కలిపి తలపై పట్టించి 30 నిమిషాల తర్వాత తలస్నానం చేయాలి. ఇది జుట్టు పటుత్వాన్ని పెంచుతుంది.

వేపాకు మరిగించిన నీరు

వేప ఆకులను నీటిలో మరగబెట్టి ఆ నీటిని తల స్నానానికి ఉపయోగించడం ద్వారా జుట్టు రాలడాన్ని నియంత్రించవచ్చు. ఇది తలపై ఉన్న బ్యాక్టీరియా, ఫంగస్‌ను తొలగిస్తుంది. చుండ్రు వంటి సమస్యలు కూడా తగ్గిపోతాయి.

తాజా అలోవెరా గుజ్జును తలకు పంట్టించి 30 నిమిషాల తర్వాత కడిగేయాలి. ఇది జుట్టు రాలడాన్ని తగ్గిస్తుంది. జుట్టును మృదువుగా చేస్తుంది. చుండ్రు సమస్య నుంచి ఉపశమనం కలిగిస్తుంది.

ఆరోగ్యకరమైన ఆహారం

జుట్టు రాలడం తగ్గాలంటే మంచి ఫుడ్ తీసుకోవడం కూడా ముఖ్యం. ప్రోటీన్, ఐరన్, జింక్, ఓమేగా-3 ఫ్యాటీ యాసిడ్స్ ఎక్కువగా ఉండే ఆహారాన్ని తీసుకోవాలి. పప్పులు, ధాన్యాలు, ఆకుకూరలు, గుడ్లు, చేపలు తీసుకోవడం ఉత్తమం.

మానసిక ఒత్తిడి కూడా జుట్టు రాలడానికి కారణం కావచ్చు. కాబట్టి.. ధ్యానం, యోగా వంటి అలవాట్ల ద్వారా ఒత్తిడిని తగ్గించుకోండి. రెగ్యులర్ గా తలస్నానం చేయడం, మంచి ఆహారం తీసుకోవడం, ఒత్తిడిని నియంత్రించుకోవడం ద్వారా జుట్టు రాలడాన్ని గణనీయంగా తగ్గించుకోవచ్చు.

Ink Stains Remove Tips: పిల్లల యూనిఫామ్‌పై ఇంక్ మరకలా? ఇలా తొలగించండి!

Kavitha G — Thu, 07 Aug 2025 15:17:02 +0530

పిల్లల స్కూల్ డ్రెస్ పై ఇంక్ మరకలు పడటం సహజం. అవి డ్రెస్ పై అలాగే ఉంటే చూడటానికి అస్సలు బాగుండదు. పిల్లలు కూడా ఆ దుస్తులను వేసుకోవడానికి ఇష్టపడరు. కాబట్టి వాటిని తొలగించడం ముఖ్యం. ఇంక్ మరకలను ఈజీగా ఎలా తొలగించాలో ఇక్కడ చూద్దాం.

పిల్లల స్కూల్ యూనిఫామ్‌పై పడిన మరకలను తొలగించడానికి చాలా కష్టపడాల్సి ఉంటుంది. ఎంత రుద్దినా కొన్నిసార్లు ఆ మరకలు పోవు. అయితే కొన్ని పదార్థాలతో వాటిని సులభంగా తొలగించవచ్చు. అవేంటో ఎలా ఉపయోగించాలో ఇక్కడ వివరంగా తెలుసుకుందాం.

యూనిఫామ్‌పై ఇంక్ మరకలను పూర్తిగా తొలగించడానికి నిమ్మకాయ, ఉప్పు సహాయపడతాయి. నిమ్మరసంలో కొద్దిగా ఉప్పు కలిపి మరకలపై రాసి 15 నిమిషాలు అలాగే ఉంచాలి. తర్వాత తేలికగా రుద్ది, ఉతకాలి. ఇలా చేస్తే ఇంక్ మరకలు పూర్తిగా పోతాయి. నిమ్మరసంలో సహజంగా బ్లీచింగ్ లక్షణాలు ఉండటం వల్ల అవి మరకలను సులభంగా శుభ్రం చేస్తాయి.

సాధారణంగా చాలామంది బట్టలపై మరకలను తొలగించడానికి బేకింగ్ సోడాను ఉపయోగిస్తారు. యూనిఫామ్‌పై ఇంక్ మరకలను తొలగించడానికి కూడా బేకింగ్ సోడాను వాడవచ్చు. మరకలపై బేకింగ్ సోడా రాసి 15-20 నిమిషాలు అలాగే ఉంచి, ఆ తర్వాత మెత్తటి బ్రష్‌తో రుద్ది ఉతకాలి. యూనిఫామ్‌పై ఇంక్ మరకలు పోతాయి.

వైట్ వెనిగర్‌లో ఆమ్ల గుణం ఉండటం వల్ల మరకలను తొలగించడానికి ఉపయోగించవచ్చు. యూనిఫామ్‌పై ఇంక్ మరకలను తొలగించడానికి 2 స్పూన్ల వెనిగర్‌ను 2 స్పూన్ల నీటిలో కలిపి మరకలపై బాగా రుద్దాలి. 15 నిమిషాల తర్వాత మెత్తటి బ్రష్‌తో రుద్ది ఉతకాలి. మరకలు పోతాయి.

టూత్ పేస్ట్ కేవలం పళ్లు శుభ్రం చేయడానికే కాదు.. మరకలను తొలగించడానికి కూడా ఉపయోగించవచ్చు. యూనిఫామ్‌పై ఇంక్ మరకలను తొలగించడానికి వాటిపై కొద్దిగా టూత్ పేస్ట్ రాసి, 15 నిమిషాల తర్వాత బ్రష్‌తో రుద్ది ఉతకితే సరిపోతుంది.

గోళ్లపై ఉన్న నెయిల్ పాలిష్‌ను నెయిల్ పాలిష్ రిమూవర్ ఎలా తొలగిస్తుందో, అదే విధంగా ఇంక్ మరకలను కూడా తొలగిస్తుంది. కాటన్‌ను నెయిల్ పాలిష్ రిమూవర్‌లో ముంచి మరకలపై అప్లై చేస్తే సరిపోతుంది.

పిల్లల యూనిఫామ్‌పై ఇంక్ మరకలను తొలగించడానికి సానిటైజర్‌ను నేరుగా వాడవచ్చు. సానిటైజర్ ని మరకలపై పోసి బాగా ఆ తర్వాత బ్రష్‌తో మెల్లగా రుద్ది శుభ్రం చేయాలి.

నాన్ స్టిక్ పాత్రను ఎంతకాలం వాడొచ్చు? వాడేటప్పుడు తీసుకోవాల్సిన జాగ్రత్తలేంటి?

Kavitha G — Mon, 27 Oct 2025 17:03:49 +0530

మనం చేసే వంటలు ఎంత రుచిగా ఉన్నా.. వాడే పాత్రలు సరిగ్గా లేకపోతే.. ఆరోగ్యానికి ముప్పు తప్పదు. ప్రస్తుతం చాలామంది కిచెన్ లో నాన్ స్టిక్ పాత్రలను ఉపయోగిస్తున్నారు. అయితే వీటిని వాడేటప్పుడు కొన్ని జాగ్రత్తలు కచ్చితంగా తీసుకోవాలి. అవేంటో చూద్దాం.

ప్రస్తుతం మన వంటగదిలో నాన్-స్టిక్ పాత్రలు భాగమైపోయాయి. తక్కువ నూనెతో వండుకోవచ్చని, శుభ్రం చేయడం ఈజీ అని లేదా వంట త్వరగా అయిపోతుందని చాలామంది వీటిని ఇష్టపడుతున్నారు. అయితే, నాన్-స్టిక్ పాత్రలు సరైన విధంగా ఉపయోగించకపోతే అవి మన ఆరోగ్యంపై తీవ్ర ప్రభావం చూపిస్తాయి. ముఖ్యంగా వాటి మీద ఉండే కోటింగ్ అధిక వేడి వద్ద కరిగి హానికర వాయువులను విడుదల చేస్తుంది. కాబట్టి నాన్-స్టిక్ పాత్రలు వాడేటప్పుడు కొన్ని జాగ్రత్తలు తప్పనిసరిగా పాటించాలి.

నాన్-స్టిక్ పాత్రల్లో వంట చేసేటప్పుడు హై ఫ్లేమ్ పై పెట్టకూడదు. దానివల్ల పాత్రపై ఉన్న కోటింగ్ వేడెక్కి క్రమంగా కరుగుతుంది. ఇది గాలిలోకి కొన్ని హానికర రసాయనాలను విడుదల చేస్తుంది. వీటిని పీల్చడం ఆరోగ్యానికి మంచిదికాదు. ముఖ్యంగా పక్షులకు, చిన్న పిల్లలకు ఇది హానికరమని పరిశోధనలు చెబుతున్నాయి. కాబట్టి నాన్ స్టిక్ పాత్రల్లో వంట చేసేటప్పుడు మీడియం లేదా లో ఫ్లేమ్ పై చేయడం మంచిది. అంతేకాదు నాన్-స్టిక్ పాత్రను ఖాళీగా వేడిచేయడం కూడా చాలా ప్రమాదకరం. ఆ కోటింగ్ చాలా వేగంగా వేడెక్కి రసాయన వాయువులను విడుదల చేస్తుంది. కాబట్టి ఎప్పుడూ ఖాళీ పాత్రను వేడిచేయకూడదు.

నాన్-స్టిక్ పాత్రలపై ఉన్న కోటింగ్ చాలా సున్నితమైంది. మెటల్ స్పూన్లు, ఫోర్కులు, కత్తుల వంటివి వాడితే కోటింగ్ చెదిరిపోతుంది. అవి ఆహారంలోకి చేరి ఆరోగ్యానికి హాని చేస్తాయి. కాబట్టి చెక్క లేదా సిలికాన్ స్పూన్లు వాడటం మంచిది. దాంతోపాటు పాత్ర కడిగేటప్పుడు వాటిని రఫ్ స్క్రబ్బర్లతో రుద్దకూడదు. అలా చేస్తే కోటింగ్ ఊడిపోతుంది. గోరువెచ్చని నీటిలో కొంచెం మైల్డ్ డిష్ లిక్విడ్ వేసి సాఫ్ట్ స్పాంజ్‌తో శుభ్రం చేయాలి.

కొన్ని సార్లు వంట చేసిన వెంటనే చల్లని నీటిలో పాత్రను ముంచుతారు. అలా అస్సలు చేయకూడదు. వేడి పాత్రను చల్లని నీటిలో వేసినప్పుడు కోటింగ్ దెబ్బతినచ్చు. కాబట్టి నాన్-స్టిక్ పాత్ర పూర్తిగా చల్లబడిన తర్వాతే కడగాలి. దానివల్ల పాత్ర ఎక్కువకాలం మన్నికగా ఉంటుంది.

సరైన మోతాదులో నూనె

నాన్-స్టిక్ పాత్రల్లో తక్కువ నూనెతో వంట చేయవచ్చు. కానీ పూర్తిగా నూనె లేకుండా వంట చేయడం కూడా మంచిది కాదు. సరైన మోతాదులో నూనె వాడటం వల్ల ఆహారం పాత్రకు అతుక్కుపోకుండా ఉండటంతో పాటు.. కోటింగ్ కూడా సురక్షితంగా ఉంటుంది.

నాన్ స్టిక్ పాత్రపై పగుళ్లు, కోటింగ్ ఊడిపోవడం లేదా బూడిద రంగు మచ్చలు కనబడితే ఆ పాత్రను వాడకూడదు. సాధారణంగా మంచి నాణ్యత కలిగిన నాన్-స్టిక్ పాత్రలను 2–3 సంవత్సరాల వరకు సురక్షితంగా ఉపయోగించవచ్చు. తర్వాత అవి కోటింగ్ కోల్పోతాయి. కాబట్టి వాటిని సకాలంలో మార్చడం ముఖ్యం.

పాలు, టీ పొంగిపోకుండా ఉండాలంటే ఈ సింపుల్ చిట్కాలు ఫాలో అయితే చాలు

Kavitha G — Sat, 25 Oct 2025 17:01:16 +0530

కిచెన్ లో మనం రెగ్యులర్ గా పాలు, టీ వేడి చేస్తూనే ఉంటాం. ఎంత జాగ్రత్తగా గమనించినా ఒక్కోసారి అవి పొంగిపోతుంటాయి. దానివల్ల పాలు, టీ వృథా కావడంతో పాటు శ్రమ కూడా పెరుగుతుంది. అయితే కొన్ని సింపుల్ చిట్కాలతో ఈ సమస్యకు చెక్ పెట్టవచ్చు. ఎలాగో చూడండి.

కిచెన్ లో చాలామంది మహిళలు ఎదుర్కొనే ప్రధాన సమస్యల్లో పాలు లేదా టీ పొంగిపోవడం ఒకటి. దానివల్ల పాలు, టీ వేస్ట్ అవుతాయి. ఆ పాత్ర పాడవుతుంది. గ్యాస్ పై కూడా మొండి మరకలు ఏర్పడుతాయి. వాటిని క్లీన్ చేయడానికి టైం పడుతుంది. శ్రమ పెరుగుతుంది. అయితే కొన్ని సులభమైన చిట్కాలను పాటించడం ద్వారా ఈ సమస్యను పూర్తిగా నివారించవచ్చు. అవేంటో చూద్దాం.

పాలు వేడి చేసేటప్పుడు పాత్రను జాగ్రత్తగా ఎంచుకోవాలి. పాలు పొంగిపోకుండా ఉండాలంటే పాలు మరిగే సమయంలో ఆవిరి పైకి సులభంగా వెళ్లేలా పెద్దపాత్ర, లేదా లోతైన పాత్ర తీసుకోవాలి. చిన్న పాత్రలో ఎక్కువ పాలు పోస్తే వెంటనే పొంగిపోయే అవకాశం ఉంటుంది. అదే పెద్ద పాత్రను ఉపయోగించడం వల్ల పాలు పైకి వచ్చినా ఆ పాత్ర అంచు దాటవు.

చల్లటి నీటితో

పాలు వేడిచేసే ముందు పాత్ర లోపలి భాగాన్ని కొంచెం నీటితో తడిపి లేదా చల్లటి నీటిని వేసి కొద్దిసేపు ఉంచాలి. ఇలా చేయడం వల్ల పాలు గిన్నెకు అంటుకునే అవకాశం తగ్గుతుంది. అలాగే వేడి సమానంగా వ్యాపిస్తుంది. దాంతో పాలు అకస్మాత్తుగా పొంగిపోకుండా క్రమంగా మరుగుతాయి.

పాలు మరిగే గిన్నెపై అడ్డంగా ఒక చెక్క స్పూన్ ఉంచితే, పాలు పైకి పొంగే సమయంలో చెక్క స్పూన్ తాకి తిరిగి కిందకు వస్తాయి. ఎందుకంటే కర్ర చల్లగా ఉండడం వల్ల పాల పై పొరలోని బుడగలు పగిలి ఆవిరి బయటకు పోతుంది.

తక్కువ మంటపై

పాలు మరిగేటప్పుడు మంట నియంత్రణ కూడా చాలా ముఖ్యం. హై ఫ్లేమ్ పై పెడితే పాలు త్వరగా మరిగి పొంగిపోతాయి. కాబట్టి పాలు మరిగే దశలో మంటను కొంచెం తగ్గించాలి. మొదట హై ఫ్లేమ్ పై పెట్టినా.. కాస్త వేడి కాగానే లో ఫ్లేమ్ లోకి మార్చడం మంచిది. దీనివల్ల పాలు పొంగే అవకాశం తగ్గుతుంది.

టీ విషయంలో కూడా ఇంతే. టీ పొంగిపోకుండా ఉండాలంటే నీరు, పాలు సరైన మోతాదులో కలపడం ముఖ్యం. ఎక్కువ పాలు వేసినప్పుడు టీ పొంగిపోవడం సాధారణం. కాబట్టి నీళ్లు సరైన మోతాదులో కలపాలి. అలాగే టీ పొంగకుండా ఉండాలంటే లో ఫ్లేమ్ పై మరిగించాలి. మరిగే సమయంలో స్పూన్ తో కలుపుతూ ఉండాలి.

నెయ్యి లేదా వెన్న

టీ పొంగిపోకుండా ఉండటానికి నెయ్యి లేదా వెన్న చుక్క వేసే చిట్కా కూడా చాలా ప్రసిద్ధి. టీ వేడెక్కే సమయంలో ఒక చుక్క నెయ్యి వేసి కలిపితే, అది పై పొర ఏర్పడకుండా చేస్తుంది. తద్వారా టీ పొంగిపోకుండా ఉంటుంది.

టీ పాత్రలో స్పూన్ వేయడం ద్వారా కూడా టీ పొంగకుండా చూసుకోవచ్చు. నిజానికి ఈ చిట్కాను చాలామంది మహిళలు పాటిస్తుంటారు. టీ మరిగేటప్పుడు ఈ స్పూన్ చిన్న శబ్దం చేస్తుంది. అది ఒక హెచ్చరికగా పనిచేస్తుంది.

పాలు లేదా టీ పొంగిపోకుండా ఉండటానికి ధ్యాస, సహనం కూడా చాలా అవసరం. చాలా మంది స్టవ్ పై పాలు పెట్టి ఇతర పనుల్లో నిమగ్నమవుతారు. అలాంటప్పుడు పాలు, టీ పొంగిపోవడం సహజం. కాబట్టి పాలు మరిగేటప్పుడు కొద్దిసేపు ఆ పాత్ర దగ్గర ఉండడం ఉత్తమం.

మిక్సీ ఎక్కువ కాలం చక్కగా పనిచేయాలంటే ఈ టిప్స్ ఫాలో అయితే చాలు

Kavitha G — Fri, 24 Oct 2025 16:46:36 +0530

కిచెన్ లో ఎక్కువగా ఉపయోగించే వస్తువుల్లో మిక్సీ ఒకటి. కూరలు, చట్నీలు, మసాలాల వంటి వాటిని నిమిషాల్లో సిద్ధం చేసి వంట పనిని ఈజీ చేస్తుంది మిక్సీ. కానీ చాలా మిక్సీలు త్వరగా చెడిపోతుంటాయి. మరి ఎక్కువ కాలం పనిచేయాలంటే ఏం చేయాలో ఇక్కడ చూద్దాం.

ప్రస్తుతం ప్రతి ఒక్కరి ఇంట్లో మిక్సీ ఉంటోంది. వంటగదిలో కూరలు, చట్నీలు, జ్యూస్‌లు, పిండివంటలు ఏం చేసినా మిక్సీ తప్పనిసరి. అయితే చాలామంది మహిళలు తమ మిక్సీ సరిగ్గా పనిచేయడం లేదని చెబుతుంటారు. నిజానికి మిక్సీ జీవితకాలం దాన్ని ఎంత జాగ్రత్తగా వాడుతున్నామనే దానిపై ఆధారపడి ఉంటుంది. మరి మిక్సీ ఎక్కువకాలం చక్కగా పనిచేయాలంటే ఏం చేయాలో ఇక్కడ వివరంగా తెలుసుకుందాం.

మిక్సీని ఎప్పుడూ సరైన ప్లగ్ పాయింట్‌లో కనెక్ట్ చేయాలి. ఇది పవర్ ఎక్కువగా వినియోగించే యంత్రం కాబట్టి.. ఓవర్‌లోడ్ లేదా లూజ్ కనెక్షన్ ఉంటే మోటార్ దెబ్బతినే అవకాశం ఉంటుంది. అంతేకాదు ఒకే ప్లగ్ బాక్స్ లో ఎక్కువ ఎలక్ట్రానిక్ వస్తువులు ఒకే సారి వాడటం కూడా మంచిది కాదు. అలాగే మిక్సీని ఎక్కువసేపు విరామం లేకుండా వాడకూడదు. దానివల్ల మోటార్ దెబ్బతింటుంది. కాబట్టి ప్రతి 30–40 సెకన్లకు ఒకసారి ఆపి, కొద్ది సేపు విశ్రాంతి ఇవ్వడం మంచిది.

మిక్సీ జార్‌లో పదార్థాలు వేసే విషయంలో జాగ్రత్తగా ఉండాలి. జార్‌ను పూర్తిగా నింపడం వల్ల బ్లేడ్ సరిగ్గా తిరగక, మోటార్‌పై ఒత్తిడి పడుతుంది. అందుకే జార్‌లో సగం నుంచి మూడొంతుల వరకు మాత్రమే పదార్థాలు వేసుకోవాలి. అలాగే గట్టిగా ఉన్న పదార్థాలను ముందుగా చిన్న ముక్కలుగా కట్ చేసి వేసుకుంటే మిక్సీకి తేలికగా ఉంటుంది. పొడి పదార్థాలు గ్రైండ్ చేసే సమయంలో కొద్దిగా నీరు వేసుకోవడం మంచిది.

మిక్సీని వాడిన తర్వాత జార్ లను వెంటనే శుభ్రం చేయాలి. వాడిన వెంటనే కడగకపోతే పదార్థాలు ఎండిపోయి బ్లేడ్ చుట్టూ పేరుకుపోతాయి. ఇది రుచిని మాత్రమే కాదు, పనితీరును కూడా ప్రభావితం చేస్తుంది. జార్ లను గోరువెచ్చని నీటిలో కొద్దిగా సబ్బు వేసి కడగడం మంచిది.

బ్లేడ్‌లు పదును తగ్గినా లేదా జార్ కింద ఉన్న రబ్బరు సీల్ పాడైనా మిక్సీ పనితీరు తగ్గిపోతుంది. నెలకోసారి ఈ భాగాలను చెక్ చేయడం మంచిది. అవసరమైతే కొత్త బ్లేడ్‌లు మార్చుకోవాలి. అలాగే మిక్సీని ఆన్ చేసే ముందు జార్ లో పదార్థాలు వేసి, మూత బిగించి, ప్లగ్ సరిగ్గా ఉందో చూసుకోవాలి. ఆపిన తర్వాతే ప్లగ్ తీయడం సురక్షితమైన పద్ధతి.

మిక్సీ మోటార్ బేస్ కూడా తరచూ శుభ్రం చేయాలి. దుమ్ము, ధూళీ లేదా మసాలా పొడి వెంట్స్‌లో పేరుకుపోతే గాలి ప్రసరణ తగ్గిపోతుంది. అప్పుడు మోటార్ వేడెక్కుతుంది. పొడి క్లాత్ తో లేదా చిన్న బ్రెష్‌తో తుడవడం ద్వారా ఈ సమస్యను నివారించవచ్చు. మిక్సీ నుంచి వింత శబ్దం వచ్చినా లేదా సరిగ్గా పనిచేయకపోయినా వెంటనే సర్వీస్ సెంటర్‌కి తీసుకెళ్లడం మంచిది. సంవత్సరానికి ఒకసారి ప్రొఫెషనల్ సర్వీసింగ్ చేయించుకుంటే మిక్సీ ఎక్కువ కాలం చక్కగా పనిచేస్తుంది.

Kitchen Hacks: కిచెన్ లో ఎక్కువరోజులు వాడకూడని వస్తువులు ఇవే!

Kavitha G — Sun, 05 Oct 2025 16:49:38 +0530

వంటగదిలో రోజూ వాడే వస్తువులను పడేయడానికి చాలామంది ఇష్టపడరు. కానీ అన్ని రకాల వస్తువులను ఎక్కువ కాలం వాడలేము. ఎప్పటికప్పుడు మార్చాల్సిన వంటగది సామాన్లు ఏంటో ఇక్కడ తెలుసుకుందాం.

ఈ ఒక్క పొడితో బాత్రూమ్ ని మెరిసేలా చేయవచ్చు!

Kavitha G — Mon, 01 Sep 2025 14:56:05 +0530

మనం ఆరోగ్యంగా ఉండాలంటే ఇల్లు, ఇంటి పరిసరాలు శుభ్రంగా ఉండాలి. ముఖ్యంగా బాత్రూమ్ క్లీన్ గా లేకపోతే.. ఇంట్లో కూర్చునే పరిస్థితి ఉండదు. అయితే ఈ ఒక్క పౌడర్ తో బాత్రూమ్ ని మెరిసేలా చేయవచ్చు. అదేంటో.. ఎలా వాడాలో ఇక్కడ తెలుసుకుందాం.

మనలో చాలామంది కాఫీ తాగిన తర్వాత.. వాడిన కాఫీ పొడిని పారేస్తుంటారు. కానీ కాఫీ పొడి.. మీ బాత్రూమ్‌ను శుభ్రంగా ఉంచడానికి సహాయపడుతుందనే విషయం మీకు తెలుసా? వినడానికి ఆశ్చర్యంగా ఉన్నా.. కాఫీ పొడి బాత్రూమ్ శుభ్రం చేయడానికి చక్కగా ఉపయోగపడుతుంది. దుర్వాసనను కూడా తొలగిస్తుంది. మరి కాఫీ పొడిని బాత్రూమ్ క్లీనింగ్ కి ఎలా వాడాలో ఇక్కడ తెలుసుకుందాం.

బాత్రూమ్‌ను శుభ్రం చేయడానికి రసాయన ఆధారిత ఉత్పత్తులను వాడే బదులు.. కాఫీ పొడిని వాడటం మంచిది. దీంట్లో ఎలాంటి హానికరమైన పదార్థాలు ఉండవు. కాఫీ పొడి సహజ స్క్రబ్బర్‌ లా పనిచేస్తుంది. బాత్రూమ్‌ను మెరిసేలా చేస్తుంది. బాత్రూమ్ లో ఒక చెంచా కాఫీ పొడి వేసి బ్రష్‌తో రుద్దితే చాలు.. మురికి, మరకలు, దుమ్ము సులభంగా పోతాయి.

కాఫీ పొడిలోని సహజ నూనెలు, బాక్టీరియా నిరోధక గుణాలు బాత్రూమ్‌ను శుభ్రపరచడమే కాకుండా, దుర్వాసనను కూడా తొలగిస్తాయి. సాధారణంగా రసాయన క్లీనర్లు కఠినమైన, ఘాటైన వాసనలను కలిగి ఉంటాయి. వీటిని ఉపయోగించిన తర్వాత బాత్రూమ్ నుంచి ఒక రకమైన వాసన వస్తుంటుంది. కానీ కాఫీపొడి వాడినప్పుడు దాని పరిమళం బాత్రూమ్‌ అంతా వ్యాపిస్తుంది.

మనం కొన్నిసార్లు ఎక్కువ రోజులు ఇతర ప్రాంతాలకు వెళ్లాల్సి వస్తుంది. అలాంటప్పుడు మీరు వెళ్లే ముందు బాత్రూమ్‌లో ఒక చెంచా కాఫీ పొడిని చల్లండి. ఇది బాత్రూమ్ నుంచి దుర్వాసనను తొలగించడంతో పాటు క్లీన్ గా నీట్ గా ఉంచుతుంది.

కాఫీ పొడి వాడకం సులభం మాత్రమే కాదు.. డబ్బును కూడా ఆదా చేస్తుంది. ఖరీదైన, కఠినమైన రసాయనాలకు డబ్బు ఖర్చు చేయాల్సిన అవసరం ఉండదు. వాడిన కాఫీ పొడిని పారేయకుండా, ఒక డబ్బాలో దాచి అవసరమైనప్పుడు వాడుకుంటే సరిపోతుంది.

వీటితో ఇల్లు తుడిస్తే చాలు.. బొద్దింకలు, బల్లులు పరార్

Kavitha G — Tue, 28 Oct 2025 11:13:03 +0530

ఇంటిని ఎంత శుభ్రంగా ఉంచినా బొద్దింకలు, బల్లులు వస్తూనే ఉంటాయి. అవి మనం వాడుకునే వస్తువులు, ఆహార పదార్థాలపై తిరగడం వల్ల రకరకాల వ్యాధులు వచ్చే ప్రమాదం ఉంది. అయితే బొద్దింకలు, బల్లులను తరిమికొట్టాలంటే ఇంటిని వీటితో శుభ్రం చేస్తే చాలు.

Tips and Tricks: వర్షాకాలంలో బట్టలు త్వరగా ఆరాలంటే ఇలా చేయండి!

Kavitha G — Thu, 07 Aug 2025 13:53:42 +0530

వర్షాకాలంలో బట్టలు తొందరగా ఆరవు. సరిగ్గా ఆరకపోవడం వల్ల వాటి నుంచి ఒక రకమైన వాసన వస్తుంటుంది. అయితే చిన్న చిన్న చిట్కాలతో వర్షాకాలంలోనూ బట్టలను తొందరగా ఆరబెట్టుకోవచ్చు. ఎలాగో ఇక్కడ చూద్దాం.

బియ్యం నీటిలో ఈ 2 కలిపి జుట్టుకు రాస్తే చాలు.. ఒక్క వెంట్రుక కూడా రాలదు!

Kavitha G — Tue, 02 Sep 2025 15:45:06 +0530

రైస్ వాటర్.. జుట్టు ఆరోగ్యానికి ఎంతమంచిదో మనకు తెలుసు. వీటిని రెగ్యులర్ గా జుట్టుకు పట్టించడం ద్వారా మంచి ఫలితాలు చూడవచ్చు. అయితే బియ్యం నీటిలో రెండు పదార్థాలు కలిపి వాడితే మరింత ప్రయోజనం ఉంటుందట. అవేంటో ఎలా ఉపయోగించాలో ఇక్కడ తెలుసుకుందాం.

ప్రస్తుతం చాలామంది రకరకాల జుట్టు సమస్యలను ఎదుర్కొంటున్నారు. వాటిలో ముఖ్యమైనవి జుట్టు రాలడం, తెగడం, తెల్లబడటం వంటివి. అయితే రైస్ వాటర్ ని ఉపయోగించడం ద్వారా జుట్టు సమస్యలకు చెక్ పెట్టవచ్చు. బియ్యం నీటిలో ఉండే విటమిన్లు, యాంటీఆక్సిడెంట్లు జుట్టు రాలడాన్ని తగ్గించి.. పెరుగుదలకు తోడ్పడుతాయి.

బియ్యం నీటిలో మెంతులు, కరివేపాకు వేసి వాడటం ద్వారా మెరుగైన ఫలితాలు చూడవచ్చు. తక్కువ టైంలో జుట్టు నల్లగా, పొడవుగా పెరుగుతుంది. మెంతులలో ఉండే ప్రోటీన్లు జుట్టు కుదుళ్లను బలోపేతం చేస్తాయి. జుట్టు రాలడాన్ని తగ్గిస్తాయి. అంతేకాదు మెంతుల్లోని యాంటీబ్యాక్టీరియల్ గుణాల వల్ల చుండ్రు సమస్య తగ్గుతుంది. కరివేపాకులో ఉన్న ఐరన్, బీటా కెరోటిన్ జుట్టు పెరుగుదలకి సహాయపడతాయి. జుట్టు తెల్లబడటాన్ని తగ్గిస్తాయి.

ఒక గ్లాస్ నీటిలో 2 టేబుల్ స్పూన్ల బియ్యం, 1 టేబుల్ స్పూన్ మెంతులు, 10–15 కరివేపాకులు వేసి రాత్రంతా నానబెట్టాలి. ఉదయం వాటిని మిక్సీలో వేసి మెత్తగా పేస్ట్ చేసుకోవాలి. ఈ మిశ్రమాన్ని జుట్టు కుదుళ్ల నుంచి చివరి వరకు అప్లై చేయాలి. అరగంట నుంచి గంట వరకు అలాగే ఉంచి.. ఆ తర్వాత గోరువెచ్చని నీటితో తలస్నానం చేస్తే సరిపోతుంది.

బియ్యం, మెంతులు, కరివేపాకు నానబెట్టిన నీటిని వారానికి రెండుసార్లు ఉపయోగించవచ్చు. అయితే వాడిన ప్రతీసారి ఫ్రెష్ గా తయారు చేసుకోవాలి. మొదటిసారి వాడే ముందు కచ్చితంగా ప్యాచ్ టెస్ట్ చేసుకోవాలి. ఎందుకంటే కొందరికీ వీటివల్ల దురద, మంట రావచ్చు. కాబట్టి చెక్ చేసుకొని వాడటం ఉత్తమం.

కిచెన్ సింక్ క్లీన్ గా, స్మెల్ రాకుండా ఉండాలంటే ఈ 6 ఫాలో అయితే చాలు!

Kavitha G — Fri, 29 Aug 2025 17:07:15 +0530

కిచెన్ క్లీన్ గా, నీట్ గా ఉంటేనే అక్కడ తయారు చేసే ఫుడ్ బాగుంటుంది. కానీ కిచెన్ లో ఎక్కువశాతం సింక్ నుంచి దుర్వాసన వస్తుంటుంది. ఆహార వ్యర్థాలు పేరుకుపోవడం, ఇతర కారణాల వల్ల ఈ సమస్య ఎదురవుతుంది. కొన్ని సింపుల్ చిట్కాలతో ఈ సమస్యకు చెక్ పెట్టవచ్చు.

కిచెన్ సింక్ ని శుభ్రంగా ఉంచుకోవడం చాలా అవసరం. మురికి, ఆహార వ్యర్థాలు పేరుకుపోవడం వల్ల సింక్ నుంచి దుర్వాసన వస్తుంటుంది. అయితే కొన్ని సింపుల్ చిట్కాలతో సింక్ ని మెరిసేలా చేయవచ్చు. దుర్వాసనకు చెక్ పెట్టవచ్చు. మరి ఆ చిట్కాలేంటో చూద్దామా..

బేకింగ్ సోడా, వెనిగర్

సింక్ లో పేరుకుపోయిన మురికిని తొలగించడానికి బేకింగ్ సోడా, వెనిగర్ చక్కటి పరిష్కారంగా చెప్పవచ్చు. ఒక కప్పు బేకింగ్ సోడాను సింక్ డ్రెయిన్‌లో పోయాలి. తర్వాత ఒక కప్పు వెనిగర్ జల్లాలి. 15–20 నిమిషాల తర్వాత వేడి నీటితో కడిగేయాలి. సింక్ శుభ్రం అవుతుంది. మంచి వాసన కూడా వస్తుంది.

సింక్ లో మనం వంటపాత్రలను రోజూ కడుగుతూనే ఉంటాం. వాటి నుంచే వచ్చే మురికి, జిడ్డు సింక్ లో పేరుకుపోతుంటాయి. కాబట్టి ప్రతిరోజు పాత్రలు శుభ్రం చేశాక.. సింక్ లో వేడి నీటిని పోయడం మంచిది. దీనివల్ల బ్యాక్టీరియా పెరగదు. సింక్ నీట్ గా ఉంటుంది. వాసన కూడా రాదు.

నిమ్మరసం లేదా నిమ్మ తొక్కలు

నిమ్మలోని సిట్రిక్ యాసిడ్ దుర్వాసనను తొలగించడంలో సహాయపడుతుంది. వాడిన నిమ్మ తొక్కలను సింక్ డ్రెయిన్‌లో వేసి వేడి నీటితో రుద్దితే మంచి ఫలితం కనిపిస్తుంది. లేదా నిమ్మరసం వేసి కొంతసేపు అలాగే వదిలేసినా సరిపోతుంది.

చిటికెడు ఉప్పును డ్రెయిన్‌లో వేసి తర్వాత వేడి నీరు పోస్తే మురికి తొలగిపోతుంది. వేడినీటిలో కొంచెం ఉప్పు, బేకింగ్ సోడా వేసి బాగా కలిపి... ఆ తర్వాత డ్రైన్‌లో పోయాలి. కొంత సేపు అలాగే ఉంచి నీళ్లతో శుభ్రం చేసినా మంచి ఫలితం ఉంటుంది.

సింక్ ట్రాప్

సింక్ కింద ఉన్న పైపులో నీరు నిల్వ ఉంటుంది. ఇది కూడా దుర్వాసనకు కారణం కావచ్చు. కాబట్టి వారానికి ఒకసారి దాన్ని తీసి శుభ్రం చేయాలి. వాడిన కాఫీ పొడిని డ్రెయిన్ లో వేసి.. కొన్ని వేడి నీళ్లు పోసినా దుర్వాసనకు చెక్ పెట్టవచ్చు.

ఆహార వ్యర్థాలను ప్లేటులో ఉంచి.. అలాగే సింక్‌లో వేయడం ద్వారా కూడా దుర్వాసన వస్తుంది. కాబట్టి ప్లేటు కడిగే ముందే ఆ మిగిలిన ఫుడ్ ని డస్ట్ బిన్ లో వేయండి. ప్రతిరోజు రాత్రి సింక్ ని శుభ్రం చేసి ఖాళీగా వదిలేయండి.

ప్రెషర్ కుక్కర్ రబ్బర్ లూజ్ అయిందా? పైసా ఖర్చు లేకుండా ఇలా సరిచేయండి!

Kavitha G — Mon, 22 Sep 2025 18:52:37 +0530

ప్రెషర్ కుక్కర్ ని మనం ఇంట్లో రెగ్యులర్ గా వాడుతూనే ఉంటాం. అయితే రోజూ వాడటం వల్ల కుక్కర్ రబ్బర్ లూజు అవుతుంటుంది. దానివల్ల అది సరిగ్గా పనిచేయదు. అయితే పైసా ఖర్చు లేకుండా ప్రెషర్ కుక్కర్ రబ్బరును సులభంగా ఫిక్స్ చేయవచ్చు. అదేలాగో ఇక్కడ చూద్దాం.

ఈ రోజుల్లో ప్రెషర్ కుక్కర్ లేని ఇల్లు లేదు. బియ్యం, పప్పు, కూరగాయల నుంచి మాంసం వరకు అన్ని వంటలు దానిలోనే చేస్తుంటాం. ప్రెషర్ కుక్కర్ లో వంట త్వరగా పూర్తవుతుంది. టైం సేవ్ అవుతుంది కాబట్టి.. ఎక్కువ మంది ప్రెషర్ కుక్కర్ ని వాడుతుంటారు. అయితే దాంట్లోనే రోజూ వంట చేయడం వల్ల అప్పుడప్పుడు కుక్కర్ రబ్బర్ లూజు అవుతుంటుంది.

ప్రెషర్ కుక్కర్ రబ్బర్ లూజ్ అయితే మూత సరిగ్గా పట్టదు. విజిల్ రాదు. కుక్కర్ లోని ఆహారం, నీళ్లు బయటకు లీక్ అవుతాయి. దానివల్ల గ్యాస్ పైనా, చుట్టు పక్కలా మరకలు పడిపోతాయి. అయితే ఈ సమస్యను పైసా ఖర్చు లేకుండా సులభంగా పరిష్కరించవచ్చు. అదెలాగో ఇప్పుడు చూద్దాం.

వంట చేయడానికి ముందు కుక్కర్ రబ్బర్‌ను 15 నిమిషాల పాటు ఫ్రిజ్‌లో పెట్టండి. ఇలా చేస్తే ఫ్రిజ్ లోని చల్లదనం వల్ల రబ్బర్ కుంచించుకుపోతుంది. కుక్కర్ మూతకు సులభంగా సరిపోతుంది.

మరో పద్ధతి ఏంటంటే.. ప్రెషర్ కుక్కర్ రబ్బర్‌పై కొద్దిగా గోధుమ పిండి లేదా ఏదైనా పొడి పిండిని రాసి మూతకు అమర్చితే సులభంగా సరిపోతుంది. వంట చేసేటప్పుడు విజిల్ కూడా వస్తుంది.

ఐస్ వాటర్‌లో కూడా కుక్కర్ రబ్బర్‌ను పెట్టవచ్చు. ఇది రబ్బర్‌ను కుంచించుకుపోయేలా చేస్తుంది. దీనివల్ల రబ్బర్.. కుక్కర్ మూతకు బాగా సరిపోతుంది. కుక్కర్ లోని పదార్థాలు బయటకు లీక్ కాకుండా ఉంటాయి.

కుక్కర్ రబ్బర్‌ను సరిగ్గా కడగకపోయినా త్వరగా లూజ్ అవుతుంది. కాబట్టి కుక్కర్‌ ఉపయోగించిన ప్రతిసారీ కుక్కర్ తోపాటు రబ్బర్ ను బాగా కడిగి ఆరబెట్టాలి.

బాత్రూమ్ లో ఎప్పుడూ మంచి వాసన రావాలంటే ఈ 4 ఫాలో అయితే చాలు!

Kavitha G — Thu, 28 Aug 2025 18:34:29 +0530

బాత్రూమ్ నుంచి దుర్వాసన రావడం సహజమే. కానీ ఎంత శుభ్రం చేసినా దుర్వాసన పోకపోతే మాత్రం ఇంటిల్లిపాది ఇబ్బందిపడాల్సి వస్తుంది. కాబట్టి బాత్రూమ్ క్లీన్ గా నీట్ గా ఉండటం అవసరం. కొన్ని సింపుల్ చిట్కాలతో ఈ దుర్వాసనను ఈజీగా పోగొట్టవచ్చు. ఎలాగో ఇక్కడ చూద్దాం.

ఇల్లు ఎప్పుడూ శుభ్రంగా ఉండాలని అందరూ కోరుకుంటారు. ముఖ్యంగా బాత్రూమ్. ఎందుకంటే ఉదయం లేచిన దగ్గరి నుంచి రాత్రి పడుకునే వరకు బాత్రూమ్‌ను మనం తరచుగా ఉపయోగిస్తుంటాం. దానివల్ల అక్కడ ఒక రకమైన వాసన వస్తుంది. కొన్ని సందర్భాల్లో భరించలేని దుర్వాసన వస్తుంది. అయితే ఈ సమస్యకు ఈజీగా చెక్ పెట్టవచ్చు. ఎలాగో ఇక్కడ తెలుసుకుందాం.

బాత్రూమ్ ఎప్పుడూ తేమగా ఉండటం వల్ల అక్కడ బ్యాక్టీరియా, ఫంగస్ త్వరగా పెరుగుతాయి. ఇవి దుర్వాసన రావడానికి ప్రధాన కారణం. బాత్రూమ్ మాత్రమే కాదు.. వాష్ బేసిన్ వంటి వాటిని కూడా శుభ్రంగా ఉంచుకోవాలి. లేకపోతే అక్కడ నుంచి కూడా దుర్వాసన వస్తుంది. అయితే కొన్ని చిట్కాలతో దుర్వాసనను నివారించవచ్చు. అవేంటో చూద్దాం.

బాత్రూమ్ శుభ్రం చేయడానికి బేకింగ్ సోడా, వెనిగర్ చక్కగా పనిచేస్తాయి. ముందుగా బేకింగ్ సోడాను బాత్రూమ్ లో చల్లి 15 నిమిషాలు అలాగే ఉంచాలి. ఆ తర్వాత వెనిగర్ చల్లి బాగా రుద్ది శుభ్రం చేయాలి. దానివల్ల దుర్వాసన కలిగించే బ్యాక్టీరియా నశిస్తుంది.

నిమ్మకాయను రెండు ముక్కలుగా కోసి, దానిలో కొంచెం ఉప్పు చల్లి బాత్రూంలో ఒక మూలన ఉంచండి. అవి దుర్వాసనను పీల్చుకొని మంచి వాసనను వెదజల్లుతాయి. ఇంకో మార్గం ఏమిటంటే.. నిమ్మ తొక్కలను చెత్తకుండీలో వేయకుండా బాత్రూంలో ఉంచితే అది కూడా సువానసను వెదజల్లుతుంది.

ఎసెన్షియల్ ఆయిల్ బాత్రూమ్‌కి ఒక స్ప్రే లాంటిది. దీనికోసం చిన్న క్లాత్ ని లేదా కాటన్‌ని ఆయిల్ లో ముంచి.. దాన్ని ఒక గిన్నెలో పెట్టి బాత్రూమ్ మూలన ఉంచండి. బాత్రూమ్ అంతా మంచి వాసన వస్తుంది. లేదా ఒక స్ప్రే బాటిల్‌లో నీళ్లు పోసి, దానిలో ఈ ఆయిల్ కలిపి బాత్రూమ్ అంతా స్ప్రే చేస్తే చాలు.. సువాసన వస్తుంది.

బాత్రూమ్ దుర్వాసన రాకుండా ఉండాలంటే వెంటిలేషన్ బాగుండాలి. అందుకోసం బాత్రూంలో చిన్న కిటికీ పెట్టుకోవచ్చు. లేదా ఎగ్జాస్ట్ ఫ్యాన్ సెట్ చేసుకోవచ్చు. ఇది తేమను పీల్చుకొని, దుర్వాసనను బయటకు పంపుతుంది.

Tips to Get Rid of Rats: ఇంట్లో ఒక్క ఎలుక కూడా ఉండకూడదంటే ఇలా చేయండి!

Kavitha G — Thu, 02 Oct 2025 12:43:37 +0530

ఇంట్లో ఎలుకల బెడద ఎక్కువగా ఉంటే ఆహార పదార్థాలతో పాటు వస్తువులను కూడా పాడుచేస్తుంటాయి. అంతేకాదు ఎలుకల వల్ల తీవ్రమైన వ్యాధులు వచ్చే ప్రమాదం ఉంది. కొన్ని సింపుల్ చిట్కాలతో ఇంట్లో ఒక్క ఎలుక కూడా లేకుండా తరిమికొట్టవచ్చు. అవేంటో చూద్దాం.

Kitchen Hacks: ఈ వస్తువులను ఫ్రిడ్జ్ పైన అస్సలు పెట్టకూడదు!

Kavitha G — Sun, 12 Oct 2025 15:22:19 +0530

వంటగదిలో ఎక్కువ ప్లేస్ లేనప్పుడు లేదా తీసుకోవడానికి ఈజీగా ఉంటుందని చాలామంది ఫ్రిడ్జ్ పైన రకరకాల వస్తువులు పెడుతుంటారు. కానీ కొన్ని వస్తువులను ఫ్రిడ్జ్ పైన అస్సలు పెట్టకూడదట. అవేంటో.. ఎందుకో ఇక్కడ చూద్దాం.

Teeth Whitening Remedies: వీటిలో ఏ ఒక్కటి చేసినా పళ్లు తెల్లగా మెరిసిపోవడం పక్కా!

Kavitha G — Wed, 06 Aug 2025 16:47:38 +0530

పళ్లు తెల్లగా, ముత్యాల్లా ఉండాలని అందరూ కోరుకుంటారు. కానీ రకరకాల కారణాల వల్ల పళ్లపై పచ్చటి చారలు వస్తుంటాయి. అయితే కొన్ని ఇంటి చిట్కాలతో పళ్లు తెల్లగా మెరిసేలా చేసుకోవచ్చు. అవేంటో ఇక్కడ చూద్దాం.

ముత్యాల్లాంటి తెల్లటి పళ్లు అందాన్ని, ఆత్మవిశ్వాసాన్ని పెంచుతాయనడంలో ఎలాంటి సందేహం లేదు. అయితే కొంతమందికి రకరకాల కారణాల వల్ల పళ్లు పచ్చగా మారుతుంటాయి. దానివల్ల వారు నలుగురిలో మాట్లాడడానికి కూడా ఇబ్బంది పడతారు. అయితే సరైన పద్ధతిలో పళ్లను శుభ్రం చేసుకోవడం ద్వారా వాటి ఆరోగ్యాన్ని మెరుగుపరుచుకోవచ్చు. మీ పళ్లు కూడా తెల్లగా మెరిసిపోవాలంటే ఈ ఇంటి చిట్కాలు పాటిస్తే సరిపోతుంది.

జామ ఆకులను శుభ్రంగా కడిగి నోట్లో వేసుకుని నమిలి ఉమ్మివేయాలి. ఇలా క్రమం తప్పకుండా చేస్తే పళ్లపై ఉన్న పసుపు మచ్చలు తొలగిపోయి తెల్లగా మారుతాయి. అంతేకాదు పంటినొప్పి, మురికి, క్రిములను కూడా జామాకు తొలగిస్తుంది.

కలబంద జెల్ కూడా పళ్లపై పసుపు మరకలను తొలగించడానికి సహాయపడుతుంది. అందుకోసం కలబంద జెల్ ను దంతాలపై రాసి పది నిమిషాల తర్వాత చల్లటి నీటితో శుభ్రం చేసుకోవాలి. వారానికి రెండు సార్లు ఇలా చేస్తే పళ్లు తెల్లగా మెరుస్తాయి. చిగుళ్లు కూడా దృఢంగా మారుతాయి.

రాత్రి పడుకునే ముందు ఆరెంజ్ తొక్కను పళ్లపై రుద్ది, తర్వాత సాధారణ నీటితో శుభ్రం చేసుకోవాలి. ఆరెంజ్ తొక్కలో ఉండే విటమిన్ సి దంతాలు, చిగుళ్లపై పేరుకుపోయిన బాక్టీరియా, క్రిములు, మచ్చలను తొలగిస్తుంది. పళ్లను తెల్లగా, దృఢంగా మారుస్తుంది.

దంత సమస్యలకు ఉప్పు చక్కగా పనిచేస్తుంది. ఉప్పును పళ్లపై రుద్దితే మచ్చలు తొలగిపోతాయి. కానీ ఉప్పును ఎక్కువగా వాడటం మంచిది కాదు. ఉప్పు ఎక్కువగా వేసి రుద్దితే పంటి ఎనామిల్, చిగుళ్లు దెబ్బతినే ప్రమాదం ఉంది.

ప్రతిరోజూ ఒక యాపిల్ తింటే పళ్లపై పేరుకుపోయిన పసుపు మచ్చలు తొలగిపోతాయి. ఆపిల్ మొత్తం ఆరోగ్యానికి కూడా మేలు చేస్తుంది.

చాక్లెట్, స్వీట్లు వంటివి తిన్న వెంటనే నోరు శుభ్రం చేసుకోవడం మంచిది. పిల్లలకు కూడా ఈ అలవాటు నేర్పించాలి. అప్పుడే పళ్లు తెల్లగా, ఆరోగ్యంగా ఉంటాయి.

Phone Charging Problem: మీ ఫోన్ త్వరగా పాడైపోవడానికి కారణమిదే

Nandini Arava — Sat, 07 Mar 2026 22:30:57 +0530

Phone Charging Problem: కొందరు గంటలకొద్దీ ఫోన్లు వాడతారు. ఛార్జింగ్‍లో ఉన్నా వదలరు. అదే పనిగా ఛార్జింగ్ పెడుతూ, తీస్తూ ఉంటారు. ఫోన్ ఎంత ముఖ్యమో..దాని సరిగ్గా చూసుకోవడమూ అంతే అవసరం. చాలా మంది ఫోన్లు త్వరగా దెబ్బతినడానికి కొన్ని చిన్న కారణాలున్నాయి.

ఒకప్పుడు కూడు, గూడు, బట్ట ఉంటే చాలనుకునేవాళ్లు. కానీ ఇప్పుడు అవేవీ లేకపోయినా పర్లేదు...చేతిలో సెల్‍ఫోన్ ఉంటే చాలు. ఈ రోజుల్లో ఫోన్ లేని వారు ఎవరున్నారు? కాసేపు చేతిలో లేకపోయినా విలవిలలాడిపోతారు. ఏదో పోగొట్టుకున్నట్లు ఫీలవుతారు. ఛార్జింగ్‍లో ఉన్నాసరే దానివంకే చూస్తారు. కొంతమంది ఆగలేక...ఛార్జింగ్‍ పెట్టినా కూడా వాడేస్తుంటారు. బాత్రూంకు వెళ్లినా, తింటున్నా, స్నానం చేస్తున్నా, ఇంట్లో పనులు చేస్తున్నా, ఎప్పుడైనా, ఎక్కడైనా ఫోన్ ఉండాల్సిందే. అది లేకపోతే మనిషి శరీరంలో ఒక పార్ట్ లేనట్టే భావిస్తారు. మనిషి జీవితంతో అలా అతుక్కుపోయింది మరి.

ఫోన్ ముఖ్యమే. పదే పదే వాడుతూ ఉంటే దాని త్వరగా పాడైపోదు మరి. ఫోన్ ఎంత ముఖ్యమో, దాన్ని ఆలనా, పాలనా కూడా అంతే ముఖ్యం. చాలా మంది ఫోన్లు ఏళ్ల తరబడి బాగానే పనిచేస్తాయి. అయితే కొందరి ఫోన్లు మాత్రం మొబైల్ చార్జింగ్ పోర్ట్ లేదా జాక్ త్వరగా పాడవుతుంది. దీనికి కారణమయ్యే కొన్ని తప్పులు ఉన్నాయి.

ఫోన్ పౌచ్ వల్ల కూడా చార్జింగ్ పోర్ట్ దెబ్బతింటుంది. పౌచ్ చార్జింగ్ పోర్ట్‌ను కొంతమేర కప్పేసినట్లు ఉంటే చార్జర్ పెట్టేటప్పుడు పిన్‌ను బలవంతంగా లోపలికి పెట్టాల్సి ఉంటుంది. ఇలా రోజూ చేయడం వల్ల చార్జింగ్ జాక్ లూజ్ అవుతుంది. దీంతో ఫోన్ సరిగా చార్జింగ్ ఎక్కకపోవచ్చు.

చాలా మంది ఫోన్ చార్జింగ్‌లో పెట్టినా రీల్స్ చూడటం, గేమ్స్ ఆడటం, మాట్లాడటం వంటివి చేస్తుంటారు. ఇలా చేయడం వల్ల చార్జింగ్ కేబుల్‌పై ప్రెజర్ పడుతుంది. దీని వల్ల చార్జింగ్ పోర్ట్ నెమ్మదిగా పాడైపోతుంది.

చాలామంది తమ ఫోన్‌కు అసలు చార్జర్ కాకుండా ఇతరుల చార్జర్లు వాడేస్తుంటారు. నాణ్యత లేని చార్లర్లైతే వేడెక్కే అవకాశం ఉంటుంది. దీనివల్ల ఛార్జింగ్ పోర్టు దెబ్బతింటుంది. అలాగే వేర్వేరు చార్జర్ పిన్లు కూడా పోర్ట్‌కు నష్టం కలిగించవచ్చు. కాబట్టి సాధ్యమైనంత వరకు మీ ఫోన్‌కు ఇచ్చిన అసలు చార్జర్‌ను ఉపయోగించడం మంచిది.

కొంతమంది ఫోన్‌ ఛార్జింగ్ ఎక్కేవరకూ ఆగలేరు.కొద్దిసేపు పెట్టి మళ్లీ తీసేస్తుంటారు. ఇలా తరచూ చార్జర్ పిన్‌ను పెట్టడం, తీసేయడం వల్ల చార్జింగ్ పోర్ట్ గ్రిప్ లూజ్ అవుతుంది. తర్వాత చార్జర్ సరిగా ఫిట్ కాకపోవచ్చు.

చార్జింగ్ సమయంలో కేబుల్‌ను గట్టిగా లాగడం

ఫోన్ తీసేటప్పుడు కేబుల్‌ను ఒక్కసారిగా లాగకూడదు. గట్టిగా లాగేస్తే చార్జింగ్ జాక్ లోపల నుంచి దెబ్బతింటుంది. కాబట్టి చార్జర్‌ను ఎప్పుడూ మెల్లగా తీయాలి. బలవంతంగా లాగడం వల్ల మొబైల్ పోర్ట్ త్వరగా దెబ్బతింటుంది. సో సెల్‍ఫోన్ ఎక్కువకాలం పనిచేయాలంటే చిన్నచిన్న జాగ్రత్తలు తీసుకోవాలి. జాగ్రత్తగా ఉపయోగిస్తే జీవితకాలం పెరుగుతుంది.

పాత కారు కూడా కొత్త దానిలా పనిచేయాలంటే ఈ టిప్స్ ఫాలో అయితే చాలు!

Kavitha G — Tue, 26 Aug 2025 16:37:27 +0530

ప్రస్తుత రోజుల్లో ప్రతి కుటుంబానికి కారు అవసరంగా మారిపోయింది. ఆర్థిక పరిస్థితికి అనుగుణంగా కొందరు కొత్త కారు, మరికొందరు సెంకడ్ హ్యాండ్ కారు కొనుగోలు చేసి వాడుతుంటారు. ఏ కారైనా సరే ఎక్కువ కాలం పనిచేయాలంటే కొన్ని జాగ్రత్తలు తీసుకోవాలి. అవేంటో చూద్దాం.

సాధారణంగా కార్ల ధరలు చాలా ఎక్కువగా ఉంటాయి. కాబట్టి పేద, మధ్య తరగతి వారు ఎక్కువగా సెకండ్ హ్యాండ్ కార్లు కొనుగోలు చేస్తుంటారు. ఆర్థికంగా కాస్త ఇబ్బంది లేనివారు కొత్త కారు కొంటుంటారు. అయితే ఏ కారు కొన్నా.. దాన్ని సరిగ్గా మెయింటైన్ చేయడం ముఖ్యం. అప్పుడే కారు లైఫ్ టైం పెరుగుతుంది. కొన్ని సింపుల్ చిట్కాలతో కారు లైఫ్ టైమ్ పెంచుకోవచ్చు. అవేంటో ఇక్కడ చూద్దాం.

పాత కారు కూడా కొత్తదానిలా పరుగులు తీయాలంటే ఫ్ల్యూయిడ్స్ ని రెగ్యులర్ గా చెక్ చేస్తూ ఉండాలి. ఇంజిన్‌ ఆయిల్‌, బ్రేక్‌ ఆయిల్‌, కూలెంట్‌లు సరిగ్గా ఉన్నాయో చూసుకోవాలి. అవసరమైతే మార్చుకోవాలి. లేదంటే కారు దెబ్బతినే అవకాశం ఉంటుంది.

కారు నిర్వహణలో టైర్లు కీలకపాత్ర పోషిస్తాయి. ముఖ్యంగా టైర్లలో గాలిని ఎప్పటికప్పుడు చెక్ చేసుకోవాలి. ఎందుకంటే టైర్ లో గాలి ఎక్కువగా ఉన్నా, తక్కువగా ఉన్నా ఇబ్బందే. అంతేకాదు అవి తిరిగిన దూరాన్ని బట్టి వాటిని మార్చుకోవడం కూడా అవసరం. లేకపోతే టైర్ల కు పగుళ్లు ఏర్పడి కొన్నిసార్లు ప్రమాదాలు కూడా జరగవచ్చు.

ఏ వాహనానికైనా బ్రేకులు చాలా ముఖ్యం. బ్రేక్ సిస్టమ్ బాగుంటేనే జర్నీ సాఫీగా, స్మూత్ గా సాగిపోతుంది. అవి సరిగ్గా లేకపోతే మనం సేఫ్ గా డ్రైవ్ చేయలేము. ప్రమాదాలు కూడా జరగవచ్చు. కాబట్టి బ్రేక్ ప్యాడ్‌లు, రోటర్‌లను రెగ్యులర్ గా చెక్ చేసుకోవాలి. అవసరమైతే వెంటనే మార్చేయాలి.

కారుకు బ్యాటరీ కూడా చాలా ముఖ్యం. బ్యాటరీలో కొన్ని సమస్యలు మనకు అర్థం కాకపోవచ్చు. కాబట్టి మెకానిక్ సహాయం తీసుకోవడం మంచిది. తుప్పు, లీకేజీ వంటి సమస్యలుంటే వెంటనే రిపేర్ చేయించాలి. దానివల్ల కారు లైఫ్ పెరుగుతుంది. బ్యాటరీతో పాటు వైపర్ బ్లేడ్లను కూడా అప్పుడప్పుడు చెక్ చేస్తూ ఉండాలి. వైపర్ బ్లేడ్‌లు సరిగ్గా పనిచేయాలంటే వాటిని రెగ్యులర్ గా క్లీన్ చేయాలి. ఒకవేళ వైపర్ పాడైతే.. వెంటనే మార్చేయడం మంచిది. లేకపోతే గ్లాస్ దెబ్బతినే అవకాశం ఉంటుంది.

Smartphone: ఫోన్ బ్యాట‌రీ ఎందుకు ఉబ్బుతుంది.? ఉబ్బితే ఏం చేయాలి.?

Narender Vaitla — Mon, 15 Sep 2025 10:05:27 +0530

Smartphone: స్మార్ట్‌ఫోన్ వాడకం పెరిగిన కొద్దీ బ్యాటరీ సమస్యలు కూడా ఎదురవుతుంటాయి. వాటిలో ఒకటి బ్యాటరీ ఉబ్బడం. చాలాసార్లు ఫోన్ సరిగ్గా పనిచేస్తున్నట్టే కనిపించినా, వెనుక భాగంలో బంప్ ఏర్పడుతుంది. ఇంత‌కీ ఫోన్ బ్యాట‌రీ ఎందుకు ఉబ్బుతుందో ఆలోచించారా?

నేటి ఫోన్లలో లిథియం-అయాన్ పాలిమర్ బ్యాటరీలు ఉపయోగిస్తారు. ఇవి లోపల రసాయన పూతతో నిండి ఉండే పలుచని లోహం, ప్లాస్టిక్ పొరలతో తయారవుతాయి. ఈ పొరలు ప్రత్యేకమైన ఎలక్ట్రోలైట్ జెల్‌లో ఉంటాయి. కాలక్రమంలో ఈ జెల్ క్షీణించి వాయువుగా మారుతుంది. ఆ వాయువు లోపల ఒత్తిడి పెంచి, బ్యాటరీ ప్యాక్ ఉబ్బేలా చేస్తుంది. దీనివల్లే ఫోన్ వెనుక భాగంలో వాపు కనిపిస్తుంది.

బ్యాటరీ వాపు చిన్న సమస్యలా అనిపించినా, ఇది పెద్ద ప్రమాదానికి దారితీస్తుంది. ఉబ్బిన బ్యాటరీ ఎక్కువ ఛార్జ్ అయితే, పేలిపోవడం లేదా మంటలు చెలరేగే అవకాశం ఉంటుంది. అందుకే ఇలా బ్యాట‌రీ ఉబ్బిన ఫోన్‌ను ఎట్టి ప‌రిస్థితుల్లో ఉప‌యోగించ‌కూడ‌దు.

* ఉబ్బిన బ్యాటరీని ఛార్జ్ చేయకండి.

* ఇంట్లో మీరే రిపేర్ చేయాల‌ని ప్ర‌య‌త్నించ‌కండి.

* గ్యాస్ బ‌య‌ట‌కు వ‌స్తుంద‌న్న ఉద్దేశంతో బ్యాట‌రీకి రంధ్రం చేయ‌డం లాంటివి చేయ‌కండి. ఇలా చేస్తే బ్యాటరీ పేలే ప్రమాదం చాలా ఎక్కువగా ఉంటుంది.

* బ్యాటరీ ఉబ్బినట్లు గమనించిన వెంటనే ఫోన్‌ను ఆఫ్ చేయండి.

* సురక్షితమైన, గాలి ప్రసరణ ఉండే ప్రదేశంలో ఉంచండి.

* వీలైనంత వరకు బ్యాటరీని డిశ్చార్జ్ అయ్యేలా వదిలేయండి.

* దగ్గరలోని అధికారిక సర్వీస్ సెంటర్ లేదా నిపుణుడి సహాయం తీసుకుని బ్యాటరీని మార్చించండి.

* బ్యాట‌రీ ఉబ్బ‌కుండా ఉండాలంటే ఎప్పుడూ ఒరిజినల్ ఛార్జర్ వాడాలి.

* ఫోన్‌ని ఎక్కువ సేపు ఛార్జింగ్‌లో పెట్టకూడదు.

* అధిక వేడి తాకకుండా జాగ్రత్తపడాలి.

* ఇలా చేస్తే ఫోన్ జీవితకాలం పెరగడమే కాకుండా, మీకు కూడా భ‌ద్ర‌త ల‌భిస్తుంది.

Bluetooth vs Wired Earphones.. వీటిలో ఏది బెటర్? డాక్టర్లు ఏం చెబుతున్నారు?

Kavitha G — Wed, 21 Jan 2026 17:50:11 +0530

మనలో చాలామంది రెగ్యులర్ గా ఇయర్ ఫోన్స్ వాడుతుంటారు. కొందరు వైర్డ్ ఇయర్ ఫోన్స్ వాడితే.. మరికొందరు బ్లూటూత్ ఇయర్ ఫోన్స్ వాడుతుంటారు. కానీ ఈ రెండింటిలో ఏది మంచిది? ఇయర్ ఫోన్స్ వాడటం వల్ల కలిగే లాభ నష్టాల గురించి డాక్టర్లు ఏం చెబుతున్నారో ఇక్కడ చూద్దాం.

స్మార్ట్‌ఫోన్ వాడకం పెరుగుతున్న కొద్దీ, ఇయర్‌ఫోన్స్ వాడకం కూడా పెరిగిపోతోంది. ఆఫీస్ కాల్స్, ఆన్‌లైన్ క్లాసులు, మ్యూజిక్, వీడియోలు ఇలా ప్రతిదానికి ఇయర్‌ఫోన్స్ తప్పనిసరి అయిపోయాయి. అయితే వైర్‌లెస్ సౌలభ్యం ఇచ్చే బ్లూటూత్ ఇయర్‌ఫోన్స్ మంచివా? లేక వైర్డ్ ఇయర్‌ఫోన్స్‌ సురక్షితమా? వేటి వల్ల ఆరోగ్యానికి ఇబ్బంది కలుగుతుంది? డాక్టర్లు ఏం చెబుతున్నారో ఇక్కడ చూద్దాం.

బ్లూటూత్ ఇయర్‌ఫోన్స్ వాడటానికి ఈజీగా ఉంటాయి. వైర్లు లేకపోవడం వల్ల జిమ్‌లో, నడుస్తూ, ప్రయాణాల్లో వీటిని ఉపయోగించవచ్చు. అయితే బ్లూటూత్ ఇయర్‌ఫోన్స్ రేడియో ఫ్రీక్వెన్సీ తరంగాల ద్వారా ఫోన్‌తో కనెక్ట్ అవుతాయి. ఇయర్ బర్డ్స్ ని చెవిలో పెట్టుకున్నప్పుడు అవి బ్రెయిన్ కు చాలా తక్కువ దూరంలో ఉంటాయి. కాబట్టి రేడియేషన్‌ ప్రభావం నేరుగా మెదడు ఆరోగ్యంపై పడుతుందని డాక్టర్లు చెబుతున్నారు.

వైర్డ్ ఇయర్‌ఫోన్స్ విషయానికి వస్తే, ఇవి బ్లూటూత్ లాంటి వైర్‌లెస్ రేడియేషన్‌ను ఉపయోగించవు. కాబట్టి ఈ ఇయర్‌ ఫోన్స్‌ సురక్షితమైన ఎంపికగా డాక్టర్లు చెబుతున్నారు. ముఖ్యంగా ఎక్కువసేపు కాల్స్ మాట్లాడే వారు లేదా స్టడీ, ఆఫీస్ పనుల కోసం గంటల తరబడి ఇయర్‌ఫోన్స్ వాడేవారికి వైర్డ్ ఇయర్‌ ఫోన్స్ మంచివని సూచిస్తున్నారు.

నిపుణుల ప్రకారం బ్లూటూత్ లేదా వైర్డ్ ఇయర్ ఫోన్స్, ఏవి వాడినా సరే... సౌండ్ ఎక్కువగా పెట్టుకొని ఎక్కువసేపు వినడం వల్ల వినికిడి లోపం వచ్చే ప్రమాదం ఉందని నిపుణులు చెబుతున్నారు. ముఖ్యంగా యువతలో ఈ సమస్య పెరుగుతోందని అంటున్నారు. చెవుల్లో గంటల తరబడి ఇయర్‌ఫోన్స్ పెట్టుకోవడం వల్ల చెవి లోపల తేమ పెరిగి, ఫంగల్ ఇన్ఫెక్షన్లు, నొప్పి, ఇయర్ బ్లాకేజ్ వంటి సమస్యలు వచ్చే అవకాశం ఉందని హెచ్చరిస్తున్నారు.

బ్లూటూత్ ఇయర్‌ఫోన్స్ ఎక్కువగా ఇయర్‌ క్యానల్‌లో లోతుగా ఉండే డిజైన్‌లో ఉంటాయి. దానివల్ల సౌండ్ నేరుగా చెవి లోపలికి వెళ్తుంది. అలాగే వైర్డ్ ఇయర్‌ఫోన్స్‌లో కూడా ఇన్-ఇయర్ మోడల్స్ ఉంటాయి. వాటిని వాడినా ప్రమాదం అదే స్థాయిలో ఉంటుంది. కాబట్టి డిజైన్, ఫిట్, వాల్యూమ్ లెవల్ వంటి వాటిపై కచ్చితంగా దృష్టి పెట్టాలని నిపుణులు సూచిస్తున్నారు.

డాక్టర్ల సూచనల ప్రకారం ఏ ఇయర్‌ఫోన్స్ వాడినా “60-60 రూల్” పాటించడం మంచిది. అంటే వాల్యూమ్‌ గరిష్ట స్థాయిలో 60 శాతం మించకూడదు. ఒకేసారి 60 నిమిషాల కంటే ఎక్కువ వినకూడదు. మధ్య మధ్యలో చెవులకు విశ్రాంతి ఇవ్వాలి. కాల్స్ మాట్లాడేటప్పుడు వీలైనంత వరకు స్పీకర్ మోడ్ ఉపయోగించడం మంచిది.