Asianet News Telugu

AI Governance: మాటలతో కాదు.. కఠిన చట్టాలతోనే ఏఐకి నియంత్రణ

Narender Vaitla — Fri, 18 Sep 2026 20:45:48 +0530

Artificial Intelligence: ఆర్టిఫిషియల్ ఇంటెలిజెన్స్‌ సామర్థ్యాలు వేగంగా పెరుగుతున్న కొద్దీ.. వాటి దుర్వినియోగం కూడా కొత్త రూపాలు దాలుస్తోంది. తాజాగా ఆంత్రోపిక్‌ విడుదల చేసిన థ్రెట్‌ ఇంటెలిజెన్స్‌ రిపోర్టులో విస్తుపోయే విష‌యాలు వెలుగులోకి వ‌చ్చాయి.

గతంలో ఏఐను ప్రధానంగా ప్రశ్నలకు సమాధానాలు ఇవ్వడం, కంటెంట్‌ తయారు చేయడం లేదా కోడింగ్‌లో సహాయం చేసే టూల్‌గా చూశారు. అయితే ఇప్పుడు పరిస్థితి మారుతోంది. ఏఐని ఇతర సాఫ్ట్‌వేర్‌, క్లౌడ్‌ సర్వీసులు, సోషల్‌ మీడియా ప్లాట్‌ఫామ్‌లు వంటి వాటితో అనుసంధానం చేసి ఒక ఆపరేషన్‌లోని అనేక దశలను నిర్వహించేలా ఉపయోగిస్తున్నారు.

ఆంత్రోపిక్‌ రిపోర్టులోని కొన్ని కేసులు ఇదే విషయాన్ని చూపిస్తున్నాయి. ఉదాహరణకు బంగ్లాదేశ్‌కు సంబంధించిన ఒక ప్రచారంలో ఏఐ ద్వారా కంటెంట్‌ తయారు చేయడం, దాన్ని వీడియోలుగా మార్చడం, సోషల్‌ మీడియా ప్రచురణలను ముందుగానే షెడ్యూల్‌ చేయడం వంటి పనులు ఆటోమేట్‌ చేసినట్లు సంస్థ వివరించింది. తక్కువ మంది వ్యక్తులతో పెద్ద స్థాయిలో కార్యకలాపాలు నిర్వహించేందుకు ఏఐ సహాయపడుతున్నట్లు రిపోర్టు పేర్కొంది. దీంతో గతంలో ఎక్కువ నైపుణ్యం, ఎక్కువ మంది సిబ్బంది అవసరమైన కొన్ని పనులను ఇప్పుడు తక్కువ వనరులతో నిర్వహించే అవకాశం ఏర్పడుతోంది. దీనినే ఏఐ వల్ల కలిగే ‘అప్‌లిఫ్ట్‌’గా ఆంత్రోపిక్‌ వివరిస్తోంది.

ఏఐ ఆధారిత తప్పుడు సమాచార ప్రచారం ప్రజాస్వామ్య వ్యవస్థలపై ప్రభావం చూపే అవకాశం ఉంది. ఆంత్రోపిక్‌ రిపోర్టులో వివిధ దేశాలకు సంబంధించిన ప్రభావ కార్యకలాపాల్లో నకిలీ కంటెంట్‌, నకిలీ సోషల్‌ మీడియా ఖాతాలు, రాజకీయ కథనాలను విస్తృతంగా ప్రచారం చేయడం వంటి పద్ధతులను గుర్తించినట్లు తెలిపింది. కొన్ని కార్యకలాపాలు ఎన్నికలకు ముందు కూడా నిర్వహించినట్లు రిపోర్టులో పేర్కొంది. భారత్‌ వంటి భారీ, బహుభాషా ప్రజాస్వామ్య దేశానికి ఇది ప్రత్యేకంగా ప్రాధాన్యమున్న అంశం. ఒకే కంటెంట్‌ను అనేక భాషల్లోకి మార్చి పెద్ద సంఖ్యలో ప్రజలకు చేరవేయడం గతంతో పోలిస్తే చాలా సులభంగా మారింది. అందుకే రాజకీయ లేదా ప్రజా ప్రయోజనానికి సంబంధించిన ఏఐ కంటెంట్‌ విషయంలో దాని మూలాన్ని గుర్తించే విధానాలు, ప్లాట్‌ఫామ్‌ల బాధ్యత, తప్పుడు ప్రచారాన్ని గుర్తించే వ్యవస్థలు వంటి అంశాలపై చట్టపరమైన చర్చ అవసరమవుతోంది.

ఏఐ దుర్వినియోగం కేవలం ఫేక్‌ న్యూస్‌ లేదా సైబర్‌ దాడులకే పరిమితం కావడం లేదు. నిఘా వ్యవస్థలు, వ్యక్తుల సమాచారాన్ని విశ్లేషించడం, ఆయుధాల అభివృద్ధికి అవసరమైన సాఫ్ట్‌వేర్‌ తయారీ వంటి రంగాల్లో కూడా ఏఐను ఉపయోగించిన కేసులను ఆంత్రోపిక్‌ గుర్తించింది. ఆంత్రోపిక్‌ ఫ్రాంటియర్‌ రెడ్‌ టీమ్‌ నిర్వహించిన పరీక్షల్లో కొన్ని సైనిక, ఇంటెలిజెన్స్‌ పనులను గతంలో ప్రత్యేక శిక్షణ పొందిన నిపుణులు మాత్రమే చేయగలిగే స్థాయిలో ఉండగా.. కొన్ని ఏఐ మోడళ్లు ఇప్పుడు వాటిలో ఉపయోగకరమైన సామర్థ్యాలను చూపించాయని సంస్థ తెలిపింది. ఆయుధాల అభివృద్ధి, టార్గెటింగ్‌ వంటి రంగాల్లో ఏఐ సామర్థ్యాలు పెరుగుతున్నాయని కూడా పేర్కొంది. ఈ నేపథ్యంలో ఏఐని ఎవరు ఉపయోగిస్తున్నారు? ఏ ప్రయోజనం కోసం ఉపయోగిస్తున్నారు? ఏ డేటాకు యాక్సెస్‌ ఇస్తున్నారు? ఏ పనులను స్వయంగా చేయడానికి అనుమతిస్తున్నారు? అనే ప్రశ్నలకు స్పష్టమైన నియమాలు అవసరమవుతున్నాయి.

ఏఐ సంస్థలు తమ ప్లాట్‌ఫామ్‌లలో గుర్తించిన దుర్వినియోగాన్ని స్వయంగా వెల్లడించడం ఉపయోగకరమే. ఆంత్రోపిక్‌ కూడా తాను గుర్తించిన కార్యకలాపాలను అడ్డుకోవడంతో పాటు సంబంధిత సమాచారాన్ని అవసరమైన సందర్భాల్లో ప్రభుత్వాలు, ఇతర సంస్థలతో పంచుకున్నట్లు తెలిపింది. అయితే విమర్శకుల వాదన ప్రకారం.. సంస్థలు స్వచ్ఛందంగా వెల్లడించే సమాచారం మాత్రమే ఆధారంగా మొత్తం ఏఐ పాలనను నిర్మించడం సరిపోదు. పెద్ద స్థాయిలో పనిచేసే ఏఐ ప్లాట్‌ఫామ్‌లకు తప్పనిసరి రిపోర్టింగ్‌, స్వతంత్ర ఆడిట్‌, భద్రతా పరీక్షలు, దుర్వినియోగ ఘటనల వెల్లడింపు వంటి బాధ్యతలను చట్టంలో స్పష్టంగా పేర్కొనాల్సిన అవసరం ఉంది. అలాగే ఏఐ ఏజెంట్లు కేవలం సమాచారం అందించే స్థాయిని దాటి వాస్తవ ప్రపంచంలో చర్యలు తీసుకునే పరిస్థితి వస్తున్నందున.. వాటి బాధ్యతను కూడా ప్రస్తుత ప్లాట్‌ఫామ్‌ నియమాల్లో స్పష్టంగా చేర్చాల్సి ఉంటుంది.

భారత్‌లో ఇప్పటికే డిజిటల్‌ పబ్లిక్‌ ఇన్‌ఫ్రాస్ట్రక్చర్‌, యూపీఐ, ఆధార్‌, ఐటీ నియమాలు వంటి భారీ స్థాయి టెక్నాలజీ వ్యవస్థలు అమలులో ఉన్నాయి. ఈ నేపథ్యంలో ఏఐకి కూడా స్పష్టమైన చట్టపరమైన భద్రతా వ్యవస్థను రూపొందించాల్సిన అవసరం ఉందనే అభిప్రాయం వ్యక్తమవుతోంది. పెద్ద ఏఐ ప్లాట్‌ఫామ్‌లు గుర్తించిన తీవ్రమైన దుర్వినియోగాన్ని సంబంధిత సైబర్‌ భద్రతా సంస్థలకు నివేదించడం, ఏఐ ద్వారా తయారైన రాజకీయ లేదా ప్రజా ప్రయోజన కంటెంట్‌కు స్పష్టమైన గుర్తింపు ఇవ్వడం, ఏఐ ఏజెంట్ల కార్యకలాపాలపై బాధ్యతను నిర్ణయించడం వంటి అంశాలు ఇందులో భాగం కావచ్చు.

మొత్తంగా చూస్తే.. ఏఐ అభివృద్ధిని ఆపేయాలా అనే ప్రశ్న కంటే, దాని వేగానికి అనుగుణంగా పాలనా వ్యవస్థలను ఎంత త్వరగా రూపొందించాలనే ప్రశ్నే ముఖ్యంగా మారుతోంది. ఏఐ సామర్థ్యాలు పెరుగుతున్న కొద్దీ భద్రత, పారదర్శకత, బాధ్యత కూడా అదే స్థాయిలో పెరగాల్సిన అవసరం ఉంది. AI సంస్థల స్వచ్ఛంద చర్యలతో పాటు ప్రభుత్వాల చట్టపరమైన పర్యవేక్షణ కూడా కీలకంగా మారుతోంది.

POCO: పోకో నుంచి 3 మైండ్ బ్లోయింగ్ 5G కొత్త ఫోన్లు.. భారీ డిస్కౌంట్లు, అద్భుతమైన ఫీచర్ల వివరాలు ఇవే

Mahesh Rajamoni — Sun, 13 Sep 2026 15:34:18 +0530

POCO: పోకో అద్భుతమైన ఫీచర్లతో కొత్త ఫోన్లను తీసుకుచ్చింది. ఈ కొత్త 5G స్మార్ట్‌ఫోన్లపై రూ.3,000 వరకు డిస్కౌంట్స్ కూడా అందిస్తోంది. భారీ బ్యాటరీలు, సూపర్ అమోలెడ్ డిస్‌ప్లేలు, స్నాప్‌డ్రాగన్ ప్రాసెసర్లతో వచ్చిన వీటిపై అదిరిపోయే ఆఫర్లు అందిస్తోంది.

భారత మార్కెట్లో కొత్త 5G స్మార్ట్‌ఫోన్‌లు సందడి చేస్తున్నాయి. పోకో బ్రాండ్ నుంచి రీసెంట్‌గా విడుదలైన మోడల్స్ ఇవాళ్టి నుంచి సేల్‌కి అందుబాటులోకి వచ్చాయి. భారీ బ్యాటరీ, సూపర్ అమోలెడ్ స్క్రీన్, పవర్ ఫుల్ ప్రాసెసర్లతో వచ్చిన ఈ ఫోన్లపై బ్యాంక్ ఆఫర్లు, ఫ్లాట్ డిస్కౌంట్లు భారీగా లభిస్తున్నాయి.

ప్రస్తుతం కొత్త 5G మొబైల్ కొనాలని ప్లాన్ చేస్తున్న వారికి ఇవి మంచి ఛాయిస్. ముఖ్యంగా రూ.3,000 వరకు తగ్గింపు పొందే అవకాశం ఉంది. ఈ ఫోన్ల ధరలు, స్పెసిఫికేషన్లు, డిస్కౌంట్ ఆఫర్ల పూర్తి వివరాలు ఇప్పుడు చూద్దాం.

POCO X8 5G ఫోన్ ఇండియన్ మార్కెట్లో 3 వేరియంట్లలో అందుబాటులోకి వచ్చింది. దీని బేస్ వేరియంట్ 6GB RAM + 128GB స్టోరేజ్ ధర రూ.29,999 గా ఉంది. ఇక 8GB RAM + 128GB స్టోరేజ్ వేరియంట్ ధర రూ.32,999 కాగా, 8GB RAM + 256GB స్టోరేజ్ మోడల్ ధర రూ.35,999 గా ఉంది.

ఈ ఫోన్‌పై కంపెనీ రూ.3,000 వరకు డిస్కౌంట్ అందిస్తోంది. ఇందులో రూ.2,000 ఫ్లాట్ ఆఫర్ ఉండగా, ఐసీఐసీఐ, హెచ్డీఎఫ్సీ, లేదా ఎస్బీఐ కార్డ్స్ ఉపయోగించి కొనుగోలు చేస్తే రూ.1,000 అదనపు బెనిఫిట్ లభిస్తుంది. ఆఫర్ల తర్వాత ఈ ఫోన్ ప్రారంభ ధర రూ.26,999కే అందుబాటులో ఉంటుంది. ఫ్లిప్‌కార్ట్ ద్వారా బ్లాక్, ఫైరీ ఆరెంజ్, ఫ్రాస్ట్ వైట్ కలర్లలో దీన్ని సొంతం చేసుకోవచ్చు.

ఈ మొబైల్‌లో 6.83 అంగుళాల 1.5K AMOLED డిస్‌ప్లే ఇచ్చారు. ఇది 120Hz రీఫ్రెష్ రేట్, 3500nits పీక్ బ్రైట్‌నెస్‌తో వస్తుంది. వెట్ టచ్ 2.0 సపోర్ట్ వల్ల తడి చేతులతో కూడా స్క్రీన్‌ను ఈజీగా వాడవచ్చు. ఈ ఫోన్ ఆండ్రాయిడ్ 16 ఆధారిత HyperOS 3.0పై పనిచేస్తుంది. ఇందులో 4nm స్నాప్‌డ్రాగన్ 6s Gen 4 ఆక్టాకోర్ ప్రాసెసర్ వాడారు. కెమెరా విషయానికి వస్తే 50MP OIS మేన్ కెమెరా, 2MP డెప్త్ సెన్సార్ ఉన్నాయి. సెల్ఫీల కోసం 16MP ఫ్రంట్ కెమెరా ఇచ్చారు. 9000mAh భారీ బ్యాటరీ, 67W ఫాస్ట్ ఛార్జింగ్, 22.5W రివర్స్ ఛార్జింగ్ సపోర్ట్ ఈ ఫోన్ ప్రత్యేకత. MIL-STD-810H మిలిటరీ గ్రేడ్, IP69K రేటింగ్ కూడా ఇందులో ఉన్నాయి.

మీరు రూ.35,000 లోపు అత్యంత శక్తివంతమైన ఫోన్ కోసం చూస్తుంటే POCO X8 Power 5G మంచి ఆప్షన్. ఫ్లిప్‌కార్ట్‌లో బ్యాంక్ ఆఫర్లు లేకుండానే ఈ ఫోన్ ప్రారంభ ధర రూ.35,999గా ఉంది. 8GB RAM + 128GB స్టోరేజ్ వేరియంట్‌పై 55% వరకు, 8GB + 256GB వేరియంట్‌పై 54% వరకు డిస్కౌంట్ లభిస్తోంది.

కంపెనీ ఈ ఫోన్‌పై రూ.2,000 కూపన్ డిస్కౌంట్ అందిస్తోంది. ఇది అప్లై చేసిన తర్వాత ఫోన్ ధర రూ.32,299కి తగ్గుతుంది. పాత ఫోన్ ఎక్స్చేంజ్ చేయడం ద్వారా రూ.34,700 వరకు ఎక్స్చేంజ్ బోనస్ పొందే అవకాశం ఉంది. నెలవారీ రూ.2,833 చొప్పున 12 నెలల నో-కాస్ట్ EMI సౌకర్యం కూడా అందుబాటులో ఉంది. HDFC Bank, SBI, Flipkart Axis Bank కార్డ్స్ ద్వారా ఈ ఈఎమ్‌ఐ బెనిఫిట్స్ పొందవచ్చు.

ఈ ఫోన్‌లో 6.83 అంగుళాల 1.5K అమోలెడ్ డిస్‌ప్లే, 120Hz రీఫ్రెష్ రేట్, 3,500 నిట్స్ పీక్ బ్రైట్‌నెస్, గొరిల్లా గ్లాస్ విక్టస్ 2 ప్రొటెక్షన్ ఉన్నాయి. ఇందులో 10,000mAh బిగ్ సిలికాన్-కార్బన్ బ్యాటరీ ఇచ్చారు. దీనికి 100W హైపర్‌ఛార్జ్ ఫాస్ట్ వైర్డ్ ఛార్జింగ్, 27W వైర్డ్ రివర్స్ ఛార్జింగ్ సపోర్ట్ ఉంది. 4nm ప్రాసెసింగ్‌తో కూడిన స్నాప్‌డ్రాగన్ 6 Gen 5 చిప్‌సెట్, LPDDR5X RAM, UFS 4.1 స్టోరేజ్ ఉన్నాయి. కెమెరా విభాగంలో 50MP OIS ప్రైమరీ కెమెరా, 8MP ఆల్ట్రా వైడ్ లెన్స్, 32MP సెల్ఫీ కెమెరా అందించారు. ఇది ఆండ్రాయిడ్ 16 ఆధారిత షావోమీ హైపర్ ఓఎస్ 3పై నడుస్తుంది. దీనికి 4 ప్రధాన అప్‌డేట్లు ఇవ్వనున్నారు.

తక్కువ బడ్జెట్‌లో మంచి 5G ఫోన్ కావాలనుకునే వారి కోసం POCO M8x 5G వచ్చింది. 6GB RAM, భారీ బ్యాటరీ ఉన్న ఈ ఫోన్ ధర రూ.22,999గా నిర్ణయించారు. అయితే రూ.2,000 డిస్కౌంట్ ఆఫర్ తర్వాత దీని ధర రూ.21,000కు చేరుతుంది. బాక్స్‌లోనే ఛార్జర్, బ్యాక్ కవర్ కూడా వస్తాయి.

ఈ ఫోన్‌లో 6.9 అంగుళాల పెద్ద HD+ ఐపీఎస్ డిస్‌ప్లే ఉంది. ఇది 120Hz రీఫ్రెష్ రేట్‌కు సపోర్ట్ చేస్తుంది. స్క్రీన్‌కు గొరిల్లా గ్లాస్ 7i రక్షణ లభిస్తుంది. దీని లేదర్ గ్రీన్ బ్యాక్ ప్యానెల్ డిజైన్ లగ్జరీ లుక్‌ను ఇస్తుంది. క్వాల్కమ్ స్నాప్‌డ్రాగన్ 4 Gen 5 చిప్‌సెట్‌తో భారత్‌లో విడుదలైన తొలి డివైజ్ ఇది.

ఫోన్‌లో 7900mAh శక్తివంతమైన బ్యాటరీ ఉంది. సాధారణ వినియోగంలో ఇది హ్యాపీగా రెండు రోజుల పాటు వస్తుంది. దీనికి 45W ఛార్జర్ ఇస్తున్నారు. 22.5W రివర్స్ వైర్డ్ ఛార్జింగ్ సపోర్ట్ ఉండటం వల్ల అత్యవసర సమయాల్లో ఈ ఫోన్ పవర్ బ్యాంక్‌లా కూడా ఉపయోగపడుతుంది. ఇందులో డ్యూయల్ స్టీరియో స్పీకర్లు ఉన్నాయి. కెమెరా పరంగా ఇది వేగంగా ఫోటోలు తీస్తుంది. ఈ డివైజ్ ఆండ్రాయిడ్ 16 ఆధారిత షావోమీ హైపర్ ఓఎస్ పై పనిచేస్తుంది. కంపెనీ దీనికి 4 ఏళ్ల సాఫ్ట్‌వేర్ అప్‌డేట్లను ఆఫర్ చేస్తోంది.

ఈ మూడు కొత్త 5G స్మార్ట్‌ఫోన్లు వేర్వేరు బడ్జెట్, అవసరాలకు తగ్గట్టుగా మార్కెట్లోకి వచ్చాయి. మీ బడ్జెట్ రూ.20,000 ప్రాంతంలో ఉండి, పెద్ద స్క్రీన్, రెండు రోజులు వచ్చే బ్యాటరీ కావాలంటే POCO M8x 5G సరైన ఎంపిక.

ఒకవేళ మీ బడ్జెట్ రూ.30,000 దాకా ఉండి, అమోలెడ్ స్క్రీన్, మంచి కెమెరా, పవర్ ఫుల్ పర్ఫార్మెన్స్ కావాలంటే POCO X8 5G వైపు వెళ్లవచ్చు. ఇక అసలు బ్యాటరీ ఛార్జింగ్ అయిపోతుందనే భయం లేకూడదు, 100W ఫాస్ట్ ఛార్జింగ్, భారీ 10,000mAh బ్యాటరీ కావాలనుకునే గేమింగ్, మల్టీమీడియా లవర్స్ కోసం POCO X8 Power 5G బెస్ట్ ఆప్షన్‌గా నిలుస్తుంది.

ఆర్టిఫిషియల్‌ ఇంటెలిజెన్స్ మ‌నుషుల్ని అంతం చేయ‌నుందా.? ప్రపంచాన్ని భ‌య‌పెడుతోన్న అత‌ని రాజీనామా

Narender Vaitla — Thu, 10 Sep 2026 20:22:47 +0530

AI: ఆర్టిఫిషియ‌ల్ ఇంటెలిజెన్స్ ప్ర‌పంచాన్ని శాసిస్తోంది. మ‌నిషి చేయ‌లేని ఎన్నో ప‌నుల‌ను ఏఐ చేసేస్తోంది. అయితే రానున్న రోజుల్లో ఏఐ ఏకంగా మ‌నుషుల్ని అంతం చేయ‌నుందా.? అంటే అవున‌నే స‌మాధానం వ‌స్తోంది.

ప్రముఖ ఆర్టిఫిషియల్ ఇంటెలిజెన్స్ సంస్థ ఆంథ్రోపిక్‌లో పనిచేస్తున్న 27 ఏళ్ల AI పరిశోధకుడు జాక‌బ్ కాక్స‌న్‌ సంచలన నిర్ణయం తీసుకున్నారు. ఉద్యోగంలో చేరిన కేవలం నాలుగు నెలలకే ఆయన సంస్థను వీడారు. అత్యంత శక్తివంతమైన AI వ్యవస్థలను అభివృద్ధి చేసే పోటీలో ప్రముఖ AI కంపెనీలు చాలా వేగంగా ముందుకు వెళ్తున్నాయని, అయితే వాటి భద్రతకు సరైన ప్రాధాన్యం దక్కడం లేదని ఆయన ఆందోళన వ్యక్తం చేశారు.

కాక్స‌న్ తన రాజీనామా తర్వాత Xలో చేసిన పోస్టులతో పెద్ద చర్చకు తెరతీశారు. భవిష్యత్తులో మరింత శక్తివంతమైన AI వ్యవస్థలు స్వయంగా తమ సామర్థ్యాలను పెంచుకునే స్థాయికి చేరితే, వాటిని మనుషులు నియంత్రించడం కష్టమయ్యే ప్రమాదం ఉందని ఆయన హెచ్చరించారు. ఈ పోస్టుకు 125 మిలియన్లకు పైగా వ్యూస్ రావడం ఆయన వ్యాఖ్యలు ఎంతటి ప్రభావం చూపించాయో తెలియజేస్తోంది.

కాక్స‌న్ ప్ర‌కారం..ఓపెన్ ఏఐ, ఆంథ్రోపిక్ వంటి ప్రముఖ AI సంస్థలు మరింత అధునాతనమైన AI మోడళ్లను రూపొందించేందుకు తీవ్ర పోటీలో ఉన్నాయి. ఈ పోటీ కారణంగా భద్రతకు సంబంధించిన కొన్ని కీలక అంశాలు వెనుకబడే ప్రమాదం ఉందని ఆయన అభిప్రాయపడ్డారు. “రెండు కంపెనీలు బాధ్యతాయుతంగా వ్యవహరించడం లేదు. స్వయంగా అభివృద్ధి చెందగల సూపర్ ఇంటెలిజెంట్ AI వైపు పరుగులు తీస్తున్నాయి. ఇది మన జీవితాలను ప్రమాదంలోకి నెట్టే జూదంలాంటిది” అని కాక్స‌న్‌ వ్యాఖ్యానించారు.

మరింత శక్తివంతమైన AI భవిష్యత్తులో కంప్యూటర్ వ్యవస్థలను హ్యాక్ చేయడం, పరిశ్రమలను వేగంగా మార్చడం, వాస్తవ ప్రపంచంలోని వనరులు, శక్తిపై ప్రభావం చూపడం వంటి సామర్థ్యాలను పొందే అవకాశం ఉందని ఆయన ఆందోళన వ్యక్తం చేశారు. ఈ పరిస్థితి అదుపు తప్పితే ఈ దశాబ్దం ముగిసేలోపే AI మనుషుల ఉనికికే ముప్పుగా మారే అవకాశం ఉందని హెచ్చరించారు.

AI కంపెనీల మధ్య పోటీ పెరిగే కొద్దీ వేగంగా కొత్త మోడళ్లను విడుదల చేయాలనే ఒత్తిడి కూడా పెరుగుతుందని కాక్స‌న్‌ అన్నారు. “పరుగులో ముందుండాలనే ఒత్తిడి ఉంటే కొన్ని దశలను దాటేసే పరిస్థితి రావచ్చు. పర్యవేక్షణ ప్రక్రియలో కొన్ని చర్యలను కూడా పక్కన పెట్టే ప్రమాదం ఉంది” అని ఆయన పేర్కొన్నారు. మరోవైపు ఓపెన్ ఏఐ, చైనా ఏఐ కంపెనీలు ముందుకు వెళ్తున్నాయనే భయంతో మరింత వేగంగా AI అభివృద్ధి చేయాలనే ఆలోచన కూడా ప్రమాదకరం అని ఆయన అభిప్రాయపడ్డారు.

AI మోడళ్లు శక్తివంతమవుతున్న కొద్దీ వాటి ప్రవర్తనను పూర్తిగా అర్థం చేసుకోవడం, పర్యవేక్షించడం కూడా కష్టమవుతోందని కాక్స‌న్‌ చెప్పారు. ఒకప్పుడు సినిమాలు, సైన్స్ ఫిక్షన్ కథల్లో మాత్రమే కనిపించిన కొన్ని పరిస్థితులు ఇప్పుడు AI పరిశోధనలో నిజమైన సమస్యలుగా మారుతున్నాయని ఆయన పేర్కొన్నారు. ఉదాహరణకు ఒక AI మోడల్‌ను పరీక్షిస్తున్నారని గుర్తించడం వంటి సామర్థ్యాలు పరిశోధకుల దృష్టికి వస్తున్నాయని తెలిపారు.

ఆంథ్రోపిక్‌ను సాధారణంగా AI భద్రతకు ఎక్కువ ప్రాధాన్యం ఇచ్చే సంస్థగా భావిస్తారు. ఈ సంస్థను గతంలో ఓపెన్ఏఐలో పనిచేసిన కొందరు ఉద్యోగులు స్థాపించారు. AI అభివృద్ధిలో భద్రతకు వేగం కంటే ప్రాధాన్యం ఇవ్వాలని ఆంథ్రోపిక్‌ కూడా పలుమార్లు చెప్పింది. అయితే AI రంగంలో పెరుగుతున్న పోటీ కారణంగా ఆ విధానాన్ని దీర్ఘకాలం కొనసాగించడం కష్టమయ్యే అవకాశం ఉందని కాక్స‌న్‌ హెచ్చరిస్తున్నారు.

ప్రముఖ AI సంస్థల్లో భద్రతకు సంబంధించిన అభిప్రాయ భేదాల కారణంగా కొందరు పరిశోధకులు ఉద్యోగాలను వీడిన సందర్భాలు గతంలోనూ ఉన్నాయి. కొన్ని AI మోడళ్లు పరీక్షా పరిధి దాటి బయటకు వెళ్లడం లేదా వాస్తవ కంప్యూటర్ వ్యవస్థలకు అనుమతి లేని విధంగా యాక్సెస్ పొందడం వంటి ఘటనలు కూడా AI భద్రతపై ప్రశ్నలను పెంచాయి.

ఈ నేపథ్యంలో AI అభివృద్ధి కీలక దశకు చేరుకుంటోందని కాక్స‌న్‌ భావిస్తున్నారు. AI కంపెనీలు పరస్పరం పోటీ పడటం కంటే భద్రత విషయంలో కలిసి పనిచేయాలని ఆయన సూచించారు. అవసరమైతే AI సామర్థ్యాలను మరింత పెంచే ప్రక్రియను కొంతకాలం నిలిపివేసి, ముందుగా ఈ వ్యవస్థలను ఎలా సురక్షితంగా నియంత్రించాలో అర్థం చేసుకోవాలని కోరారు.

చివరగా AI పరిశోధకులను ఉద్దేశించి కాక్స‌న్‌ ఒక కీలక ప్రశ్న వేశారు: “AI మనస్సును పూర్తిగా అర్థం చేసుకోకుండానే సూపర్ ఇంటెలిజెంట్ AIని అభివృద్ధి చేసే ప్రక్రియను ప్రారంభించాలనుకుంటున్నారా?” ఆయన వ్యాఖ్యలు ప్రస్తుతం AI రంగంలో అభివృద్ధి వేగం, భద్రత మధ్య సమతుల్యతపై మరోసారి తీవ్ర చర్చకు కారణమయ్యాయి.

ఇంత త‌క్కువ ధ‌ర‌లో ఇలాంటి ఫోన్ ఏంటి భ‌య్యా.. మోడ‌ల్, ఫీచ‌ర్స్‌ చూస్తే ఫిదా అవ్వాల్సిందే

Narender Vaitla — Tue, 22 Sep 2026 14:34:23 +0530

Lava Virat Curve 5G: దేశీయ స్మార్ట్‌ఫోన్‌ తయారీ సంస్థ లావా తాజాగా లావా విరాట్ క‌ర్వ్ పేరుతో మరో కొత్త స్మార్ట్‌ఫోన్‌ను భారత్‌లో లాంచ్ చేసింది. ఈ ఫోన్‌కు ప్రధాన ఆకర్షణగా 3D కర్వ్డ్ అమోఎల్ఈడీ డిస్‌ప్లేతో పాటు వెనుక భాగంలో చిన్న డిస్‌ప్లే ఇచ్చారు.

లావా విరాట్ క‌ర్వ్ స్మార్ట్‌ఫోన్‌ను భారత్‌లో 6జీబీ ర్యామ్‌, 128 జీబీ స్టోరేజ్ వేరియంట్‌లో విడుద‌ల చేశారు. దీని ధర రూ.23,999గా నిర్ణయించారు. అయితే ఆఫ‌ర్ల‌తో ఈ ఫోన్‌ను రూ. 20 వేల‌కే సొంతం చేసుకోవ‌చ్చు. ఈ ఫోన్‌ను సెప్టెంబర్ 28న సాయంత్రం 7 గంటల నుంచి ఫ్లిప్‌కార్ట్‌ ద్వారా కొనుగోలు చేయవచ్చు. ఈ స్మార్ట్‌ఫోన్‌ను మూడు రంగుల్లో అందిస్తున్నారు. హెరిటేజ్ ఇండిగో, మ‌క్రానా ఐవోరీ, ఎల్లోరా స్లేట్ కలర్ ఆప్షన్లు ఉన్నాయి. త‌క్కువ ధ‌ర‌లో కర్వ్డ్ డిస్‌ప్లేను కోరుకునే యూజ‌ర్ల‌ను లక్ష్యంగా చేసుకుని లావా ఈ ఫోన్‌ను తీసుకొచ్చింది.

లావా విరాట్ క‌ర్వ్‌లో 6.67 అంగుళాల ఫుల్‌హెచ్‌డీ+ 3D కర్వ్డ్ అమోఎల్ఈడీ డిస్‌ప్లే ఉంది. ఇది 2400 × 1080 పిక్సెల్స్ రిజల్యూషన్‌తో వస్తుంది. స్క్రీన్‌కు 120Hz రిఫ్రెష్ రేట్, గరిష్ఠంగా 1,100 నిట్స్ బ్రైట్‌నెస్ ఉన్నాయి. కర్వ్డ్ డిజైన్ కారణంగా వీడియోలు చూడటం, సోషల్ మీడియా స్క్రోల్ చేయడం వంటి పనుల్లో స్క్రీన్ మరింత ఆకర్షణీయంగా కనిపిస్తుంది.

అయితే ఈ ఫోన్‌లో అందరి దృష్టిని ఆకర్షించే మరో ప్రత్యేక ఫీచర్ వెనుక భాగంలో ఉన్న మినీ డిస్‌ప్లే. కెమెరాల కింద చిన్న పిల్ ఆకారంలో ఈ స్క్రీన్‌ను ఇచ్చారు. ఇందులో టైమ్‌, నోటిఫికేషన్లు, బ్యాటరీ స్థాయి, వాల్యూమ్, ఎమోజీలు, కస్టమ్ మెసేజ్‌లు వంటి వివరాలను చూడొచ్చు. ఫోన్‌ను పూర్తిగా చేతిలోకి తీసుకోకుండానే కొన్ని సమాచారం తెలుసుకునే అవకాశం ఉంటుంది.

లావా విరాట్ క‌ర్వ్‌లో మీడియాటెక్ డైమెన్సిటీ 7100 చిప్‌సెట్‌ను ఉపయోగించారు. రోజువారీ పనులు, సోషల్ మీడియా, వీడియోలు, సాధారణ గేమింగ్ వంటి అవసరాలకు సరిపడే పనితీరు అందించేలా ఈ ప్రాసెసర్‌ను తీసుకొచ్చారు. దీనికి అదనంగా 6GB వర్చువల్ RAM సపోర్ట్ కూడా ఉంది. కెమెరాల విషయానికి వస్తే వెనుక భాగంలో 50MP Sony IMX752 ప్రైమరీ కెమెరా ఉంది. ఈ కెమెరాతో 2K రిజల్యూషన్‌లో 30fps వరకు వీడియో రికార్డింగ్ చేయవచ్చు. అలాగే 10x డిజిటల్ జూమ్ సపోర్ట్ ఉంది. సెల్ఫీలు, వీడియో కాల్స్ కోసం ముందు భాగంలో 13MP కెమెరా ఇచ్చారు.

ఈ స్మార్ట్‌ఫోన్‌లో 6,000mAh బ్యాటరీ ఉంది. ఇది 45W ఫాస్ట్ ఛార్జింగ్‌కు సపోర్ట్ చేస్తుంది. అయితే బాక్స్‌లో కంపెనీ 33W ఛార్జర్‌ను అందిస్తోంది. లావా ప్రకారం ఈ ఫోన్ 55 గంటల వరకు టాక్‌టైమ్, 11 గంటల వరకు నిరంతర యూట్యూబ్‌ ప్లేబ్యాక్, 720 గంటల వరకు స్టాండ్‌బై టైమ్ అందిస్తుంది. సాఫ్ట్‌వేర్ పరంగా ఈ ఫోన్ ఆండ్రాయిడ్‌ 16తో వస్తోంది. రెండు OS అప్‌గ్రేడ్‌లు, మూడేళ్ల సెక్యూరిటీ అప్‌డేట్స్ అందిస్తామని కంపెనీ తెలిపింది. భద్రత, మన్నిక కోసం MIL-STD 810H మిలిటరీ-గ్రేడ్ డ్యూరబిలిటీ, IP64 డస్ట్‌ అండ్ వాటర్ రెసిస్టెన్స్ ఉన్నాయి. వీటితో పాటు ఐఆర్ బ్లాస్ట‌ర్‌, డ్యూయల్ స్టీరియో స్పీకర్లు, డ్యూయల్ మైక్ నాయిస్ క్యాన్సిలేషన్ ఫీచర్లు కూడా ఉన్నాయి.

రూ.23,999 ధరలో లావా విరాట్ క‌ర్వ్ ప్రధానంగా కర్వ్డ్ AMOLED డిస్‌ప్లే, వెనుక మినీ డిస్‌ప్లే, 6,000mAh బ్యాటరీతో ప్రత్యేకంగా కనిపిస్తోంది. ముఖ్యంగా వెనుక చిన్న స్క్రీన్ ఈ ఫోన్‌కు ఇతర ఫోన్లతో పోలిస్తే భిన్నమైన రూపాన్ని ఇస్తుంది. మరోవైపు పెద్ద బ్యాటరీ, కెమెరా పనితీరు లేదా ఎక్కువ కాలం సాఫ్ట్‌వేర్ అప్‌డేట్స్ కోరుకునే వారు ఈ ధరలో అందుబాటులో ఉన్న ఇతర మోడళ్లను కూడా పరిశీలించవచ్చు. మొత్తంగా చూస్తే కర్వ్డ్ డిస్‌ప్లేతో పాటు కొత్త తరహా డిజైన్‌ను కోరుకునే వారికి లావా విరాట్ క‌ర్వ్ బెస్ట్ ఆప్ష‌న్‌గా చెప్పొచ్చు.

ఫోన్‌లో చూస్తూ చెవిలో గులిమిని క్లీన్ చేసుకోవ‌చ్చు.. అదిరిపోయే స్మార్ట్ గ్యాడ్జెట్

Narender Vaitla — Tue, 22 Sep 2026 20:43:00 +0530

Ear Cleaner: చెవిలో పేరుకుపోయిన గులిమిని బ‌య‌ట‌కు తీయ‌డానికి ఈయ‌ర్ బ‌డ్స్ మొద‌లు పిన్నీసుల‌కు వ‌ర‌కు ఉప‌యోగిస్తుంటాం. అయితే మారిన కాలానికి అనుగుణంగా చెవిలో గులిమి తీసే ప్రొడ‌క్ట్స్ కూడా స్మార్ట్‌గా మారిపోయాయి. అలాంటి ఓ ప్రొడక్ట్ వివరాలు.

అమెజాన్‌లో Portronics Xlife Smart Wireless Ear Otoscope Cleaner పేరుతో ఈ ప్రొడ‌క్ట్ అందుబాటులో ఉంది. ఇందులో కెమెరా ఉండటంతో చెవి లోపలి భాగాన్ని స్మార్ట్‌ఫోన్‌లో చూస్తూ గులిమిని శుభ్రం చేసుకునే అవకాశం ఉంటుంది. ధ‌ర విష‌యానికొస్తే ఈ ప్రొడ‌క్ట్ అస‌లు ధ‌ర రూ. 2499 కాగా 64 శాతం డిస్కౌంట్‌తో రూ. 890కి ల‌భిస్తోంది. ఫీచ‌ర్ల విష‌యానికొస్తే.. ఈ గ్యాడ్జెట్‌లో 1080p ఫుల్ HD కెమెరా ఉంది. దీంతో చెవి లోపలి భాగాన్ని ఫోన్ స్క్రీన్‌పై చూడొచ్చు. అలాగే ఇందులో 3MP కెమెరా, 6 LED లైట్లు ఉండటంతో చెవి లోపల కొంత మెరుగైన వెలుతురు లభిస్తుంది. చెవిలో గులిమి ఎక్కడ ఉందో గుర్తించడానికి ఇది ఉపయోగపడుతుంది.

ఈ గ్యాడ్జెట్‌ను స్మార్ట్‌ఫోన్‌కు 2.4GHz Wi-Fi ద్వారా కనెక్ట్ చేసుకోవచ్చు. ఇందుకోసం కంపెనీ అందించే Xlife యాప్‌ను ఆండ్రాయిడ్ లేదా ఐఫోన్‌లో ఇన్‌స్టాల్ చేసుకోవాలి. ఫోన్‌లో యాప్ ఓపెన్ చేసి గ్యాడ్జెట్ Wi-Fiకి కనెక్ట్ చేస్తే కెమెరా చూపించే దృశ్యాలను నేరుగా మొబైల్‌లో చూడొచ్చు. కెమెరా 20 FPS వేగంతో వీడియోను చూపిస్తుంది.

ఈ చెవి క్లీనింగ్ గ్యాడ్జెట్ బరువు కేవలం 11 గ్రాములు మాత్రమే. ఇందులో 3.5mm లెన్స్ ఉంటుంది. అలాగే 3-యాక్సిస్ గైరోస్కోప్ ఉండటంతో చెవి లోపలి భాగాన్ని వివిధ కోణాల్లో చూడటానికి ఉపయోగపడుతుంది. చిన్నగా ఉండటంతో ఇంట్లో ఉపయోగించుకోవడంతో పాటు అవసరమైనప్పుడు వెంట తీసుకెళ్లడం కూడా సులభమే.

ఈ గ్యాడ్జెట్‌తో చెవి లోపలి భాగాన్ని చూస్తూ అవసరమైతే వీడియోను క్యాప్చర్ చేసుకోవచ్చు. చెవిలో సాధారణంగా కనిపించని ఏదైనా సమస్య ఉన్నట్లు అనిపిస్తే ఆ వీడియోను డాక్టర్‌కు చూపించేందుకు ఉపయోగపడుతుంది. అయితే చెవి లోపల గ్యాడ్జెట్‌ను పెట్టి స్వయంగా గులిమి తీసే సమయంలో చాలా జాగ్రత్తగా ఉండాలి.

ఈ ప్రొడ‌క్ట్‌లో 1080p ఫుల్ HD కెమెరా, 3MP కెమెరా, 6 LED లైట్లు, 3.5mm లెన్స్, 3-యాక్సిస్ గైరోస్కోప్ వంటి ఫీచర్లు ఉన్నాయి. 11 గ్రాముల బరువు ఉండటం దీని మరో ప్రత్యేకత. స్మార్ట్‌ఫోన్ యాప్ ద్వారా కెమెరాను కంట్రోల్ చేస్తూ చెవి లోపలి భాగాన్ని చూసుకోవచ్చు. అయితే ఇది వైద్య పరికరానికి ప్రత్యామ్నాయం కాదు. చెవి నొప్పి, రక్తస్రావం, వినికిడి తగ్గడం లేదా గులిమి ఎక్కువగా పేరుకుపోయిన సందర్భాల్లో స్వయంగా క్లీనింగ్ చేయకుండా ENT వైద్యుడిని సంప్రదించడం సురక్షితం.

Aadhaar: గుడ్ న్యూస్.. ఆధార్‌ ఫేస్‌ వెరిఫికేషన్ ఇక చాలా ఈజీ.. కొత్త టూల్స్‌ లాంచ్ చేసిన UIDAI

Mahesh Rajamoni — Thu, 10 Sep 2026 21:54:03 +0530

Aadhaar: యాప్స్‌ మారే పనిలేకుండా బ్యాంకింగ్, ఇన్సూరెన్స్ యాప్‌లలోనే ఆధార్‌ ఫేస్ వెరిఫికేషన్ పూర్తి చేసే కొత్త ఫీచర్లని యూఐడీఏఐ లాంచ్ చేసింది. ఆ వివరాలు మీకోసం.

ప్రస్తుతం బ్యాంక్ అకౌంట్ తెరవాలన్నా, ఇన్సూరెన్స్ పాలసీ తీసుకోవాలన్నా కేవైసీ తప్పనిసరి. అయితే, ఇప్పటి వరకు ఆధార్ ఫేస్ వెరిఫికేషన్ కోసం ఒక యాప్ నుంచి మరో యాప్‌కి మారాల్సి వచ్చేది. కానీ ఇకపై ఆ తిప్పలు ఉండవు. ఆధార్ జారీ చేసే సంస్థ యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) ఈ ప్రక్రియను మరింత ఈజీ చేస్తూ కొత్త ఫేస్ ఆథెంటికేషన్ సిస్టమ్‌ను తీసుకొచ్చింది.

గ్లోబల్ ఫిన్‌టెక్ ఫెస్ట్ 2026లో యూఏడీఏఐ రెండు కీలకమైన టూల్స్‌ను ఆవిష్కరించింది. అందులో ఒకటి 'ఆధార్ ఫేస్ ఆథెంటికేషన్ SDK' కాగా, రెండోది 'ఆధార్ ఫేస్ ఆథెంటికేషన్ శాండ్‌బాక్స్'. ఈ కొత్త టూల్స్ ద్వారా బ్యాంకులు, ఇన్సూరెన్స్, బ్రోకింగ్, ఫిన్‌టెక్ సంస్థలు తమ సొంత మొబైల్ యాప్‌లలోనే ఫేస్ వెరిఫికేషన్ నేరుగా చేసుకోవచ్చు.

ఎలక్ట్రానిక్స్ అండ్ ఐటీ మంత్రిత్వ శాఖ తెలిపిన వివరాల ప్రకారం, ప్రస్తుతం ఉన్న విధానంలో ఫేస్ వెరిఫికేషన్ కోసం వినియోగదారులు FaceRD అనే ప్రత్యేకమైన యాప్‌ను ఉపయోగిస్తున్నారు. దీనివల్ల ప్రతిసారి ఒక యాప్ నుంచి ఇంకో యాప్‌కి స్విచ్ అవ్వాల్సి వచ్చేది. ఇది వినియోగదారులకు కాస్త విసుగు తెప్పించే విషయం.

అయితే, కొత్తగా వచ్చిన ఆండ్రాయిడ్, iOS సపోర్టు ఇచ్చే SDK సిస్టమ్ ద్వారా యూజర్లు తాము ఉపయోగిస్తున్న బ్యాంకింగ్ లేదా ఇన్సూరెన్స్ యాప్‌లోనే ఎలాంటి ఆటంకం లేకుండా నేరుగా వెరిఫికేషన్ పూర్తి చేసుకోవచ్చు. దీనివల్ల సింగిల్ యాప్ అనుభూతి లభిస్తుంది. డిజిటల్ కేవైసీతో పాటు వివిధ ప్రభుత్వ సంక్షేమ పథకాల్లో రిజిస్ట్రేషన్ ప్రాసెస్ చాలా వేగంగా పూర్తవుతుంది.

సరికొత్త సేవలను మార్కెట్లోకి తీసుకొచ్చే ముందే వాటిని పూర్తిస్థాయిలో పరీక్షించేందుకు యూఐడీఏఐ ఆధార్ ఫేస్ ఆథెంటికేషన్ శాండ్‌బాక్స్'ను కూడా ప్రారంభించింది. ఇది సురక్షితమైన ప్రయోగశాల లాంటిది. బ్యాంకులు, ఫైనాన్షియల్ సంస్థలు తమ కస్టమర్లకు సేవలు అందించడానికి ముందే ఈ ప్లాట్‌ఫామ్‌పై ఆయా ఫీచర్లను టెస్ట్ చేసుకోవచ్చు.

ఈ శాండ్‌బాక్స్ ద్వారా ఫేస్ క్యాప్చర్, యూజర్ సమ్మతి, వెరిఫికేషన్, ఎర్రర్ హ్యాండ్లింగ్ వంటి అంశాలను పరిశీలించవచ్చు. విశేషమేమిటంటే, దీని కోసం ఎలాంటి ఓపెన్ బయోమెట్రిక్ హార్డ్‌వేర్ అవసరం లేదు. నెట్‌వర్క్ సమస్యలు, టైమ్‌అవుట్, డిజిటల్ సిగ్నేచర్ ఫెయిల్యూర్ వంటి ప్రతికూల పరిస్థితుల్లో కూడా సిస్టమ్ ఎలా పనిచేస్తుందో ముందే చెక్ చేసుకోవచ్చు.

ఈ కొత్త SDK టూల్‌లో భద్రతకు అత్యధిక ప్రాధాన్యం ఇచ్చారు. ఇందులో ఆర్టిఫిషియల్ ఇంటెలిజెన్స్, మెషిన్ లెర్నింగ్ ఆధారిత లైవ్‌నెస్, యాంటీ-స్పూఫింగ్ ఫీచర్లు ఉన్నాయి. ఇవి నకిలీ ఫోటోలు లేదా వీడియోల ద్వారా జరిగే మోసాలను అడ్డుకుంటాయి.

డేటా సురక్షితంగా రవాణా అయ్యేందుకు ఎన్‌క్రిప్షన్ సపోర్ట్ కూడా ఉంది. అన్ని రకాల కస్టమర్ స్మార్ట్‌ఫోన్‌లలో ఇది సజావుగా పనిచేస్తుంది. దీనివల్ల ప్రభుత్వ శాఖలు, బ్యాంకింగ్ రంగం, ఇతర సంస్థలు తమ సేవలను మరింత వేగంగా, పారదర్శకంగా ప్రజలకు అందించే వీలు కలుగుతుంది.

Keyboard : కంప్యూటర్ కీబోర్డ్‌లో F,J కీస్‌పై గీతలు ఎందుకుంటాయి? ఇంతచిన్న గీతల్లో అంత మ్యాటర్ ఉందా..!

Arun Kumar P — Thu, 17 Sep 2026 11:05:12 +0530

చాలామంది రోజూ కీబోర్డ్ వాడుతుంటారు.. కానీ F, J అక్షరాల కింద ఉండే చిన్న గీతను పెద్దగా పట్టించుకోరు... చూసినా అవి కేవలం డిజైన్ కోసం పెట్టివుంటారని అనుకుంటారు. ఈ గీతల ఉపయోగం ఏంటో చాలామందికి తెలియదు... తెలిస్తే మాత్రం ఆశ్చర్యపోతారు.

Keyboard Tips : టాప్ సాప్ట్ వేర్ ఇంజనీర్ల నుండి స్కూల్, కాలేజీ విద్యార్థుల వరకు చాలామంది కంప్యూటర్ లేదా ల్యాప్ టాప్ వాడుతుంటారు. ఈ కాలంలో కంప్యూటర్ లేకుండా డేటా స్టోరేజ్ అసాధ్యమనే చెప్పాలి... అందుకే ప్రతి ఆఫీసులో పక్కా ఉండాల్సిందే. ఐటీ కంపెనీలు, ప్రభుత్వ కార్యాలయాలు, బ్యాంకులు, సూపర్ మార్కెట్లు, ఆటోమొబైల్ షోరూంలు, హోటళ్లు, రెస్టారెంట్స్... అక్కడ, ఇక్కడని కాదు ఎక్కడ చూసినా కంప్యూటర్లు లేదా ల్యాప్ టాప్ లు కనిపిస్తాయి. దానిముందు కూర్చుని టకటక కీబోర్డును వాయిస్తూ టైప్ చేసేవారికి చూస్తుంటాం.

ఇలా ఆఫీసులు, పని ప్రదేశాల్లో చాలామంది గంటల తరబడి టైప్ చేస్తుంటారు, విద్యార్థులు ఇంట్లో లేదా కాలేజీల్లో ల్యాప్ టాప్ లో నిత్యం ఏదోఒకటి సెర్చ్ చేస్తుంటారు, మెయిల్స్ పంపిస్తుంటారు… కంప్యూటర్ లేదా ల్యాప్ టాప్ లో ఏం చేయాలన్నా పక్కా కీబోర్డ్ వాడాల్సిందే. ఇలా మన జీవితంలో కీబోర్డ్‌ వాడకం ఒక భాగమైపోయింది. అయితే రోజూ వాడే కీబోర్డ్‌లో మనం పెద్దగా పట్టించుకోని ఒక చిన్న విషయం ఉంటుంది. అదే F, J కీస్‌పై కనిపించే చిన్న ఉబ్బెత్తు గీతలు.

కీబోర్డ్‌లోని మిగతా కీస్‌తో పోలిస్తే F, J కీస్‌పై ఈ చిన్న గీతలు లేదా బార్ ఎందుకు ఉంటాయనే అనుమానం ఎప్పుడైనా వచ్చిందా? ఇది కేవలం కీబోర్డ్‌కు మంచి లుక్ ఇవ్వడానికి పెట్టిన డిజైన్ కాదు. కీబోర్డ్ వైపు చూడకుండా టైప్ చేయడానికి, వేళ్లను సరైన స్థానంలో ఉంచుకోవడానికి ఉపయోగపడే ఒక చిన్న టైపింగ్ గైడ్‌. టచ్ టైపింగ్‌లో ఈ చిన్న గుర్తుకు చాలా ముఖ్యమైన పాత్ర ఉంది.

చాలా QWERTY కీబోర్డుల్లో F, J కీస్‌పై చిన్నగా ఉబ్బెత్తుగా ఉండే గీతలు కనిపిస్తాయి. దీన్ని సాధారణంగా Tactile Bar లేదా Tactile Marker అని అంటారు. వేళ్లతో తాకినప్పుడు స్పష్టంగా అనిపించేలా దీన్ని ప్రత్యేకంగా రూపొందించారు.

దీని ప్రధాన ఉద్దేశం.. కీబోర్డ్‌ను చూడకుండానే చేతులు సరైన స్థానంలో ఉన్నాయో తెలుసుకోవడం. ముఖ్యంగా టచ్ టైపింగ్ చేసేటప్పుడు ఇది ఎంతో ఉపయోగపడుతుంది. కళ్లను స్క్రీన్‌పైనే ఉంచి టైప్ చేస్తున్న సమయంలో చేతులు కాస్త పక్కకు జరిగిపోయినా, F లేదా J కీపై ఉన్న గీతను తాకడం ద్వారా వేళ్ల పొజిషన్‌ను మళ్లీ సరిచేసుకోవచ్చు.

QWERTY కీబోర్డ్‌లో అక్షరాలు మూడు ప్రధాన వరుసల్లో ఉంటాయి... వాటిలో మధ్య వరుసను అంటే ASDFG అక్షరాలు గలదాన్ని Home Row అంటారు. టైప్ చేసేటప్పుడు ఎడమ చేతి చూపుడు వేలు సాధారణంగా ఈ వరుసలోని F కీపై, కుడి చేతి చూపుడు వేలు J కీపై ఉంచుతారు. అంటే F, J కీస్‌ రెండు చేతులకు మధ్యలో ఉండే ముఖ్యమైన రిఫరెన్స్ పాయింట్లుగా పనిచేస్తాయి.

చూపుడు వేళ్లను ఈ రెండు కీస్‌పై ఉంచిన తర్వాత మిగతా వేళ్లను వాటి చుట్టూ సహజంగా అమర్చుకోవచ్చు. అందుకే ఈ రెండు కీస్‌పై స్పర్శ ద్వారా గుర్తించే చిన్న గుర్తును ఏర్పాటు చేశారు. కీబోర్డ్‌ను కళ్లతో చూడాల్సిన అవసరం లేకుండా చేతుల స్థానాన్ని గుర్తించడానికి ఇది సహాయపడుతుంది.

Touch Typing అంటే కీబోర్డ్‌ను చూస్తూ ఒక్కో అక్షరాన్ని వెతుక్కుంటూ టైప్ చేయకుండా, వేళ్లకు అలవాటైన స్థానాల ఆధారంగా టైప్ చేయడం. ఈ పద్ధతిలో ప్రతి కీ ఎక్కడ ఉందో కళ్లతో వెతకాల్సిన అవసరం ఉండదు.

ఉదాహరణకు మీరు టైప్ చేస్తూ ఉండగా చేతులు కొద్దిగా ఎడమవైపు లేదా కుడివైపు జరిగిపోయాయని అనుకుందాం. అప్పుడు వెంటనే కీబోర్డ్ వైపు చూడాల్సిన పనిలేదు. చూపుడు వేలితో F లేదా J కీని తాకితే చాలు. ఆ కీపై ఉన్న చిన్న గీత తగలగానే చేతులు సరైన స్థానంలో ఉన్నాయా లేదా అనే విషయం అర్థమవుతుంది. అలా F, J కీస్ మన వేళ్లకు ఒక రకమైన స్టార్టింగ్ పాయింట్‌లా పనిచేస్తాయి.

ఫాస్ట్‌గా టైప్ చేసేవాళ్లను గమనిస్తే, వారు ప్రతిసారీ కీబోర్డ్ వైపు చూడరు. వారి కళ్లంతా స్క్రీన్‌పైనే ఉంటాయి. అయినప్పటికీ వేళ్లు మాత్రం కరెక్ట్ కీస్‌పైనే పడుతుంటాయి. దీనికి ప్రధాన కారణాల్లో ఒకటి వేళ్లకు ఏర్పడే మసిల్ మెమరీ. అదే సమయంలో F, J కీస్‌పై ఉన్న చిన్న tactile marker కూడా చేతుల పొజిషన్‌ను గుర్తించడంలో సహాయపడుతుంది.

ఒకసారి వేళ్లు F, J కీస్‌ను గుర్తించగలిగితే, వాటిని ఆధారంగా చేసుకుని మిగతా వేళ్లను సరైన స్థానంలోకి తీసుకురావడం సులభమవుతుంది. అందువల్ల టచ్ టైపింగ్ నేర్చుకునే సమయంలో కూడా ఈ రెండు కీస్‌ను రిఫరెన్స్‌గా ఉపయోగిస్తారు.

A : ; కీస్‌పై గీత ఎందుకు ఉండదు?

ఇక్కడ మరో ఆసక్తికరమైన విషయం ఉంది. కీబోర్డ్‌లో A : ; (సెమీకోలన్) వంటి కీస్ కూడా Home Rowలోనే ఉంటాయి. అయినప్పటికీ సాధారణ కీబోర్డుల్లో వాటిపై F, J లాంటి tactile marker ఉండదు. దానికి కారణం F, J కీస్‌ రెండు చేతుల చూపుడు వేళ్లకు ప్రధాన రిఫరెన్స్ పాయింట్లు కావడమే. A : ; కీస్‌ చిటికెన వేళ్లకు సంబంధించిన స్థానాలను సూచిస్తాయి. కానీ రెండు చేతుల మొత్తం పొజిషన్‌ను త్వరగా గుర్తించడానికి మధ్యలో ఉన్న F, J కీస్‌ మరింత ఉపయోగకరంగా ఉంటాయి.

కీబోర్డ్‌ను చూస్తూ టైప్ చేస్తే మన దృష్టి స్క్రీన్, కీబోర్డ్ మధ్య పదేపదే మారుతుంది. దీనివల్ల టైప్ చేసే వేగం తగ్గడమే కాకుండా, టైపింగ్‌లో అంతరాయం కూడా ఏర్పడుతుంది. F, J కీస్‌ను రిఫరెన్స్‌గా ఉపయోగించడం అలవాటు చేసుకుంటే కీబోర్డ్ వైపు చూడాల్సిన అవసరం తగ్గుతుంది. చేతులు తప్పు స్థానానికి వెళ్లినప్పుడు వాటిని త్వరగా సరిచేసుకోవచ్చు. దీంతో టైపింగ్ మరింత సహజంగా మారుతుంది.

అయితే F, J కీస్‌పై ఉన్న గీత ఒక్కటే టైపింగ్ స్పీడ్‌ను పెంచదు. సరైన finger placement, నిరంతర ప్రాక్టీస్, touch typing అలవాటు.. ఇవన్నీ కలిసి టైపింగ్ వేగం, ఖచ్చితత్వాన్ని మెరుగుపరుస్తాయి.

కొత్తగా టైపింగ్ నేర్చుకునేవారికి చాలా ఉపయోగం

టచ్ టైపింగ్ కొత్తగా నేర్చుకునేవాళ్లకు మొదట్లో ప్రతి కీ ఎక్కడుందో గుర్తుపెట్టుకోవడం కాస్త కష్టంగా ఉంటుంది. ముఖ్యంగా కీబోర్డ్ వైపు చూడకుండా టైప్ చేయడం ప్రారంభించినప్పుడు చేతులు తమ స్థానాన్ని కోల్పోయే అవకాశం ఉంటుంది. అలాంటి సమయంలో F, J కీస్‌పై ఉన్న చిన్న గీత మంచి రిఫరెన్స్ పాయింట్‌గా పనిచేస్తుంది. చూపుడు వేళ్లతో ఆ గీతను గుర్తించి, మిగతా వేళ్లను Home Row స్థానంలో అమర్చుకోవచ్చు. అంటే.. కీబోర్డ్‌ను చూడకుండా చేతులకు దారి చూపించే చిన్న గుర్తు అన్నమాట.

చిన్న గీతలు.. పెద్ద ఉపయోగాలు

కీబోర్డ్‌లోని F, J కీస్‌పై ఉండే ఆ చిన్న గీతను ఇప్పటివరకు చాలామంది పెద్దగా పట్టించుకుని ఉండకపోవచ్చు. కానీ దాని వెనుక ఉన్న ఆలోచన మాత్రం చాలా ప్రాక్టికల్‌గా ఉంటుంది. కీబోర్డ్‌ను చూడకుండా టైప్ చేయాలంటే చేతులు ఎక్కడ ఉండాలో ముందుగా తెలుసుకోవాలి. ఆ స్థానాన్ని గుర్తించడానికి F, J కీస్‌పై ఉన్న tactile marker సహాయపడుతుంది. అక్కడి నుంచి వేళ్ల కదలికలు, టైపింగ్ అలవాటు, మసిల్ మెమరీ ద్వారా మిగతా కీస్‌ను గుర్తించడం సులభమవుతుంది.

అందుకే ఇకపై మీరు కంప్యూటర్ లేదా ల్యాప్‌టాప్‌లో టైప్ చేస్తున్నప్పుడు F, J కీస్‌పై ఉన్న ఆ చిన్న గీతను ఒకసారి గమనించండి. చూసేందుకు చిన్నదిగా కనిపించినా.. కీబోర్డ్‌ను చూడకుండా టైప్ చేసే విధానంలో అది ఒక ముఖ్యమైన రిఫరెన్స్ పాయింట్.

Trending Websites : 80s ఫోటోస్ ట్రెండ్ ఏముంది గురూ.. అంతకు మించిన కిక్కిచ్చే టాప్ 3 వెబ్‌సైట్స్, ట్రై చేయండి

Arun Kumar P — Fri, 11 Sep 2026 16:38:56 +0530

ఇంటర్నెట్‌లో కోట్లాది వెబ్‌సైట్లు ఉన్నాయి… కానీ వాటిలో కొన్ని మాత్రం చాలా భిన్నంగా ఉంటాయి. ఇలా మిమ్మల్ని చూస్తుండగానే మరో లోకంలోకి తీసుకెళ్ళే వెబ్ సైట్స్ గురించి తెలుసుకుందాం.

ఇప్పుడు సోషల్ మీడియాలో కొత్త ట్రెండ్ నడుస్తోంది. ఆర్టిఫిషియల్ ఇంటెలిజెన్స్ (చాట్‌జీపీటీ) సాయంతో 1980 నాటి వింటేజ్ స్టైల్ ఫోటోలను క్రియేట్ చేసి ఇన్‌స్టాగ్రామ్‌, ఫేస్ బుక్ వంటి సోషల్ మీడియా ప్లాట్ ఫామ్స్ లో పెడుతున్నారు. ఇలా 80s ఫోటోలను నెటిజన్లు తెగ ట్రెండ్ చేస్తున్నారు.

అయితే ఏఐ సాయంతోనే కాదు కొన్ని వెబ్ సైట్స్ తో కూడా ఇలాంటి అద్భుతాలు అనేకం చేయవచ్చు. ఓ వెబ్ సైట్ లో ఫొటో అప్‌లోడ్ చేస్తే దానికి ప్రాణం వచ్చినట్టు కనిపిస్తుంది… ఇంకో వెబ్‌సైట్‌లో కూర్చున్న చోటి నుంచే సముద్ర గర్భంలోకి వెళ్లొచ్చు… మరొకదాంట్లో ప్రపంచవ్యాప్తంగా ఎగిరే విమానాలను లైవ్‌లో చూడొచ్చు. ఇలాంటి స్పెషల్ వెబ్ సైట్స్ ఏవో తెలుసా?

పాత ఫొటోలు చూస్తే మన పాత జ్ఞాపకాలు గుర్తొస్తాయి కదా. కానీ ఆ ఫొటోలోని వ్యక్తి కళ్లు ఆర్పితే, నవ్వితే ఎలా ఉంటుంది? 'MyHeritage Deep Nostalgia' అనే AI టెక్నాలజీ దీన్నే సాధ్యం చేస్తుంది. ఇందులో పాత ఫొటో అప్‌లోడ్ చేస్తే AI దానికి కదలికలు ఇస్తుంది. ఫొటోలోని వ్యక్తి కళ్లు ఆర్పడం, నవ్వడం, తల తిప్పడం వంటివి చేస్తారు... దీంతో పాత ఫొటోలు కూడా వీడియోలా కనిపిస్తాయి. ఇది పాత కుటుంబ ఫొటోలను కొత్తగా చూసే అనుభూతినిస్తుంది… అలాగే చనిపోయినవారిని మన ముందే సజీవంగా ఉన్నట్లుగా చూపిస్తుంది.

విశాలమైన సముద్రంగర్భంలో ఏముందో తెలుసుకోవాలనే ఆసక్తి చాలామందికి ఉంటుంది. మీకు కూడా ఉందా? అయితే మీరు సముద్రం వద్దకు వెళ్లాల్సిన పనిలేదు… సముద్రమే మీ దగ్గరకు వస్తుంది… 'Neal.fun – The Deep Sea' వెబ్‌సైట్ ఈ పని చేస్తుంది.

ఈ వెబ్ సైట్‌ ఓపెన్ చేసి కిందకి స్క్రోల్ చేస్తూ వెళుతుంటే మీరు సముద్రంలోకి వెళుతున్న ఫీలింగ్ ఉంటుంది… పైనుంచి లోపలికి వెళ్ళేకొద్దీ వెలుతురు తగ్గిపోతుంది… వివిధ లోతుల్లో కనిపించే వింత జీవుల గురించి కూడా తెలుసుకోవచ్చు. అంటే ఇంట్లో కూర్చునే సముద్ర గర్భంలోని ప్రపంచాన్ని వర్చువల్‌గా చూడొచ్చన్నమాట.

ఆకాశంలో విమానం వెళ్తుంటే అది ఎక్కడి నుంచి వస్తోంది, ఎక్కడికి వెళ్తోంది? అని తెలుసుకోొవాలని ఉందా? అయితే 'Flightradar24' వెబ్ సైట్ మీ క్యూరియాసిటీకి సమాధానం ఇస్తుంది. ఇందులో ప్రపంచవ్యాప్తంగా ఎగిరే విమానాలను లైవ్ మ్యాప్‌లో చూడొచ్చు. మీ ఏరియాలో ఎగిరే విమానం ఏది, ఎక్కడికైనా బయల్దేరిందా లేక ఎక్కడినుండయినా వస్తోందా? అనే వివరాలు తెలుసుకోవచ్చు. విమానాల ప్రయాణాన్ని ఆసక్తిగా గమనించే వారికి ఇది మంచి అనుభూతినిస్తుంది.

మనం సాధారణంగా ఇంటర్నెట్ అంటే సోషల్ మీడియా, వీడియోలు, వార్తలు లేదా షాపింగ్ సైట్లు అనే అనుకుంటాం. కానీ కొత్త విషయాలు నేర్చుకోవడానికి, భిన్నమైన అనుభూతిని పొందడానికి ఇలాంటి వెబ్‌సైట్లు చాలా ఉన్నాయి. పాత ఫొటోలకు AIతో ప్రాణం పోయడం నుంచి సముద్రం లోతులను చూడటం, విమానాలను లైవ్ ట్రాక్ చేయడం వరకు.. ఈ మూడు వెబ్‌సైట్లు ఇంటర్నెట్ ఎంత వైవిధ్యంగా ఉంటుందో చెప్పడానికి మంచి ఉదాహరణలు.

iPhone 18 Pro Max: 45 గంటల బ్యాటరీ లైఫ్‌తో మైండ్ బ్లాకింగ్ ఫీచర్లు.. ఐఫోన్ 18 ప్రో మ్యాక్స్ ధరెంతో తెలుసా?

Mahesh Rajamoni — Thu, 10 Sep 2026 09:44:40 +0530

iPhone 18 Pro Max: ఆపిల్ ఐఫోన్ 18 ప్రో మ్యాక్స్ నెక్స్ట్ లెవెల్ ఫీచర్లతో ఎంట్రీ ఇచ్చింది. వేరియబుల్ ఎపర్చర్ కెమెరా, A20 ప్రో చిప్‌సెట్, మరింత స్పీడ్ గా పనిచేసే సిరి ఏఐ, 45 గంటల వీడియో ప్లేబ్యాక్ బ్యాటరీ లైఫ్‌తో వచ్చేసింది. మరి ఇండియాలో ధరెంతో తెలుసా?

ఆపిల్ తన మోస్ట్ అవైటెడ్ ఫ్లాగ్‌షిప్ స్మార్ట్‌ఫోన్ ఐఫోన్ 18 ప్రో మాక్స్ (iPhone 18 Pro Max) మోడల్‌ను కాలిఫోర్నియాలో అధికారికంగా విడుదల చేసింది. ఇప్పటివరకు వచ్చిన ఐఫోన్లలోకెల్లా అత్యంత అడ్వాన్స్డ్ ప్రో కెమెరా సిస్టమ్ ను ఇందులో తీసుకొచ్చారు. అలాగే, అత్యధిక బ్యాటరీ లైఫ్ ఇచ్చే స్పెక్స్ తో అందుబాటులోకి వచ్చిందది. ఇక కెమెరా అయితే నెక్స్ట్ లెవెల్ అని చెప్పాలి.

ఐఫోన్ 18 ప్రో మ్యాక్స్ A20 ప్రో చిప్‌సెట్, అప్‌గ్రేడెడ్ వేపర్ ఛాంబర్‌తో పనిచేస్తుంది. iOS 27, ఆపిల్ ఇంటెలిజెన్స్, సిరి ఏఐ కాంబినేషన్‌తో ఈ ఫోన్ రన్ అవుతుంది.

ఐఫోన్ 18 ప్రో మ్యాక్స్‌లో 48MP ఫ్యూజన్ మెయిన్ కెమెరాను ఏర్పాటు చేశారు. ఐఫోన్ చరిత్రలో తొలిసారిగా వేరియబుల్ ఎపర్చర్ టెక్నాలజీని ఇందులో చేర్చడం విశేషం. సిక్స్ లేజర్-కట్ బ్లేడ్స్ ద్వారా ఈ కెమెరా వెలుతురు, డెప్త్ ఆఫ్ ఫీల్డ్‌కు అనుగుణంగా ఎపర్చర్‌ను ఆటోమేటిక్‌గా అడ్జస్ట్ చేస్తుంది. దీనివల్ల తక్కువ వెలుతురు ఉన్న సమయంలో కూడా స్పష్టమైన ఫొటోలు వస్తాయి. ప్రో యూజర్లు తమకు కావాల్సినట్లు కెమెరా యాప్‌లో నాలుగు ఎపర్చర్ సెట్టింగ్స్‌ను మ్యాన్యువల్‌గా కూడా మార్చుకోవచ్చు.

ఫొటోల క్వాలిటీ పెంచడానికి కొత్త కంప్యూటేషనల్ ఇమేజింగ్ పైప్‌లైన్ ఉపయోగపడనుంది. ప్రో కంట్రోల్స్ ద్వారా లెన్స్ ఎపర్చర్, షట్టర్ స్పీడ్, వైట్ బ్యాలెన్స్, హిస్టోగ్రామ్ వంటి సెట్టింగ్స్‌ను సులభంగా యాక్సెస్ చేయవచ్చు. సినిమాటిక్ వీడియోలను 60 fps వద్ద రికార్డ్ చేసిన తర్వాత కూడా ఎఫెక్ట్స్ యాడ్ చేసుకోవచ్చు. టైమ్-లాప్స్ మోడ్‌లో 4K, అలాగే, పోస్ట్ డాల్బీ విజన్ హెచ్డీఆర్ వీడియోలు రికార్డ్ చేయవచ్చు.

ఫొటోల ప్రామాణికతను నిరూపించేందుకు యాపిల్ సంస్థ 'యాపిల్ రిఫరెన్స్ ఇమేజ్' అనే కొత్త ఫీచర్‌ను పరిచయం చేసింది. మెయిన్ కెమెరాలోని కొత్త సెన్సార్ ప్రతి పిక్సెల్‌ను సైన్ చేస్తుంది. దీనివల్ల ప్రైవేట్ క్లౌడ్ కంప్యూట్ ద్వారా మార్చడానికి వీలులేని ఓ రిఫరెన్స్ ఇమేజ్ తయారవుతుంది. ఒరిజినల్ ఫొటోతో దీనిని పోల్చి చూసి, ఎడిటింగ్ జరిగిందో లేదో ఫొటో జర్నలిస్టులు, ఫొటోగ్రాఫర్లు సులభంగా గుర్చించవచ్చు.

దీంతోపాటు ఏఐ సహాయంతో క్రియేట్ చేసిన లేదా ఎడిట్ చేసిన ఇమేజెస్ గుర్తించడానికి SynthID స్టాండర్డ్ సపోర్ట్ రానుంది. ఇక డిస్‌ప్లే విభాగంలో డైనమిక్ ఐలాండ్‌ను పునర్నిర్మించారు. పరిమాణంలో చిన్నదిగా మారిన ఈ డైనమిక్ ఐలాండ్, ఇప్పుడు ఒకేసారి మూడు 'లైవ్ యాక్టివిటీస్'ను చూపుతుంది. అలాగే ఫేస్ ఐడీ సపోర్ట్ కూడా ఇందులో కొనసాగుతుంది.

లేటెస్ట్ 2-నానోమీటర్ ప్రాసెస్ టెక్నాలజీతో A20 ప్రో చిప్‌ను డిజైన్ చేశారు. A19 ప్రోతో పోలిస్తే ఇది 50 శాతం ఎక్కువ మెమరీ బ్యాండ్‌విడ్త్‌ను కలిగి ఉంది. దీనిలోని 6-కోర్ CPU అత్యంత వేగంగా పనిచేస్తుంది. 7-కోర్ GPU ద్వారా గ్రాఫిక్స్ రెంజరింగ్ 40 శాతం వరకు వేగవంతమవుతుంది. డ్యూయల్ 16-కోర్ న్యూరల్ ఇంజిన్ వల్ల AI ప్రాసెసింగ్ పవర్ రెట్టింపు అయింది. వైఫై 7, బ్లూటూత్ 6 కోసం N1 వైర్‌లెస్ చిప్‌ను, మెరుగైన నెట్‌వర్క్ కనెక్షన్ కోసం C2 సెల్యులార్ మోడమ్‌ను ఉపయోగించారు.

గేమింగ్, హెవీ పనుల సమయంలో ఫోన్ వేడెక్కకుండా ఉండేందుకు వేపర్ ఛాంబర్ థర్మల్ మేనేజ్‌మెంట్ సిస్టమ్‌ను మెరుగుపరిచారు. మునుపటి ఐఫోన్ 17 ప్రో కంటే ఇది 3 రెట్లు పెద్ద సర్ఫేస్ ఏరియాను కలిగి ఉండి, 40 శాతం వరకు సస్టైన్డ్ పర్‌ఫార్మెన్స్‌ను ఇస్తుంది.

ఐఫోన్ 18 ప్రో మ్యాక్స్ మోడల్స్ బ్యాటరీ విషయంలో ఆపిల్ పెద్ద మార్పు చేసింది. eSIM-ఓన్లీ మోడల్స్ 45 గంటల వరకు వీడియో ప్లేబ్యాక్ సమయాన్ని ఇస్తాయి. కేవలం 5 నిమిషాల వైర్డ్ చార్జింగ్‌తో 7 గంటల వీడియో ప్లేబ్యాక్ వస్తుంది. పూర్తిగా చార్జ్ చేస్తే 30 గంటల వరకు వినియోగించుకోవచ్చు.

ఈ ఫోన్‌లు iOS 27 ఆపరేటింగ్ సిస్టమ్‌పై పనిచేస్తాయి. ఇందులో నెక్స్ట్ జనరేషన్ యాపిల్ ఇంటెలిజెన్స్, అప్‌గ్రేడెడ్ 'సిరి AI' అందుబాటులోకి వచ్చాయి. సిరి AI మన పర్సనల్ కాంటెక్స్ట్‌ను అర్థం చేసుకుని మెసేజ్‌లు, ఈమెయిల్‌లు, ఫొటోలలో కావాల్సిన విషయాలను త్వరగా వెతికి పెడుతుంది. కెమెరాలో సిరి మోడ్ ద్వారా మన ముందున్న వస్తువుల సమాచారాన్ని తెలుసుకోవచ్చు. భద్రత కోసం డేటా ప్రాసెసింగ్ అంతా ఆన్-డివైస్, ప్రైవేట్ క్లౌడ్ కంప్యూట్ ద్వారానే జరుగుతుంది.

పర్యావరణ హితంగా రూపొందించిన ఈ ఫోన్లలో 40 శాతం రీసైకిల్డ్ పదార్థాలను వాడారు. బ్యాటరీలో 100 శాతం రీసైకిల్డ్ కోబాల్ట్, ఎన్‌క్లోజర్‌లో 85 శాతం రీసైకిల్డ్ అల్యూమినియం ఉపయోగించారు. 2030 నాటికి కార్బన్ న్యూట్రల్ సాధించే లక్ష్యంతో ఆపిల్ ఈ అడుగులు వేసింది.

ఐఫోన్ 18 ప్రో మ్యాక్స్ 256GB, 512GB, 1TB, 2TB స్టోరేజ్ వేరియంట్లలో అందుబాటులో ఉంటుంది. అమెరికాలో దీని ప్రారంభ ధర $1,299 డాలర్లుగా నిర్ణయించారు. నెలకు $54.12 డాలర్ల చొప్పున 24 నెలల ఈఎంఐ ఆప్షన్ కూడా ఉంది. భారతదేశం సహా 65 కంటే ఎక్కువ దేశాల్లో సెప్టెంబర్ 12 నుండి ప్రీ-ఆర్డర్లు ప్రారంభమై, సెప్టెంబర్ 18 నుండి విక్రయాలు షురూ అవుతాయి. ఇండియాలో ఆపిల్ ఐఫోన్ ప్రో మ్యాక్స్ ప్రారంభ ధర రూ. 1,79,900 గా ఉంది.

భారత్ లో ఆపిల్ ఐఫోన్ ప్రో మ్యాక్స్ వివిధ వేరియంట్ల ధరలు

256GB: Rs 1,79,900

512GB: Rs 2,04,900

1TB: Rs 2,54,900

2TB: Rs 3,29,900

Smart TV: రూ. 15 వేల‌కే 43 ఇంచుల స్మార్ట్ టీవీ.. అదిరిపోయే ఫీచ‌ర్ల‌తో

Narender Vaitla — Thu, 17 Sep 2026 08:34:02 +0530

Smart TV: ప్ర‌స్తుతం స్మార్ట్ టీవీలు స‌ర్వ‌సాధార‌ణంగా మారాయి. ప్ర‌తీ ఒక్క‌రి ఇంట్లో స్మార్ట్ టీవీలు ద‌ర్శ‌న‌మిస్తున్నాయి. కాగా కంపెనీల మ‌ధ్య పెరిగిన పోటీ నేప‌థ్యంలో ధ‌ర‌లు త‌గ్గుముఖం ప‌డుతున్నాయి. అమెజాన్‌లో ఓ స్మార్ట్ టీవీపై మంచి ఆఫ‌ర్ ల‌భిస్తోంది.

విజియో వ‌ర‌ల్డ్ సంస్థకు చెందిన VW43AQ3 స్పెక్ట్రా సిరీస్ స్మార్ట్ టీవీలో 43 ఇంచుల స్క్రీన్ ఉంటుంది. ఇందులో 1920 × 1080 పిక్సెల్స్ Full HD రిజల్యూషన్ అందించారు. సినిమాలు, సీరియళ్లు, క్రికెట్, యూట్యూబ్ వీడియోలు వంటివి పెద్ద స్క్రీన్‌పై స్పష్టంగా చూడొచ్చు. స్క్రీన్ రిఫ్రెష్ రేట్ 60Hzగా ఉంది.

ఈ టీవీలో QLED డిస్‌ప్లే టెక్నాలజీ ఉంది. క్వాంట‌మ్ లుకెంట్‌, ట్రూ డిస్‌ప్లే, సినిమా జూమ్ వంటి ఫీచర్లు ఇందులో ఉన్నాయి. 16.7 మిలియన్ రంగులను సపోర్ట్ చేస్తుందని కంపెనీ పేర్కొంది. అలాగే HDR10 సపోర్ట్ కూడా ఉంది. దీంతో HDR కంటెంట్ చూసేటప్పుడు ప్రకాశవంతమైన ప్రాంతాలు, చీకటి ప్రాంతాల మధ్య తేడా మరింత స్పష్టంగా కనిపించే అవకాశం ఉంటుంది. ఐపీ టెక్నాలజీ కూడా అందించారు.

ఇది ఆండ్రాయిడ్ స్మార్ట్ టీవీ కావడంతో ఇంటర్నెట్‌కు కనెక్ట్ చేసి వివిధ ఆన్‌లైన్ కంటెంట్‌ను చూడొచ్చు. ఇందులో ప్రైమ్ వీడియో, నెట్‌ఫ్లిక్స్‌, జియోహాట్‌స్టార్‌, యూట్యూబ్‌, జీ5వంటి ప్రముఖ యాప్స్‌కు సపోర్ట్ ఉంది. ప్లెక్స్‌, య‌ప్‌టీవీ, ఈరోస్ నౌ, లైవ్ న్యూస్ వంటి ఇతర యాప్స్‌ కూడా సపోర్ట్ చేస్తుంది. స్క్రీన్ మిర్రరింగ్, మిరాకాస్ట్‌ సదుపాయం ఉండటంతో మొబైల్‌లోని కంటెంట్‌ను టీవీ స్క్రీన్‌పై చూడవచ్చు. ధ‌ర విష‌యానికొస్తే అమెజాన్‌లో ఈ స్మార్ట్ టీవీ అస‌లు ధ‌ర రూ. 29,999గా ఉండ‌గా, 48 శాతం డిస్కౌంట్‌తో రూ. 15,499కి ల‌భిస్తోంది. అద‌నంగా ప‌లు క్రెడిట్ కార్డుల‌తో కొనుగోలు చేస్తే అద‌నంగా రూ. 500 వ‌ర‌కు డిస్కౌంట్ ల‌భిస్తోంది.

ఈ టీవీలో 24 వాట్స్ అవుట్‌పుట్‌తో బిల్ట్-ఇన్ బాక్స్ స్పీకర్లు ఉన్నాయి. స్టీరియో స‌రౌండ్ సౌండ్‌తో పాటు ఐదు సౌండ్ మోడ్‌లు అందించారు. సెట్‌టాప్ బాక్స్, గేమింగ్ కన్సోల్, బ్లూ-రే ప్లేయర్ వంటి పరికరాలను కనెక్ట్ చేసుకోవడానికి 2 HDMI 2.0, 1 HDMI 2.1 పోర్టులు ఉన్నాయి. హార్డ్‌డిస్క్, పెన్‌డ్రైవ్ వంటి పరికరాల కోసం 2 USB 2.0 పోర్టులు ఉన్నాయి. ఇథ‌ర్‌నెట్‌, వైఫై కనెక్టివిటీ కూడా లభిస్తుంది.

VW43AQ3లో క్వాడ్ కోర్ ప్రాసెస‌ర్‌తో ఆండ్రాయిడ్ ఆప‌రేటింగ్ సిస్ట‌మ్‌ను అందించారు. టీవీ స్టోరేజ్ సామర్థ్యం 4GBగా పేర్కొన్నారు. PC కనెక్టివిటీ, స్క్రీన్ మిర్రరింగ్, ప్లేవాల్‌ వంటి ఫీచర్లు కూడా ఉన్నాయి. బాక్స్‌లో టీవీ యూనిట్, రిమోట్, పవర్ కార్డ్, యూజర్ మాన్యువల్, రెండు స్టాండ్లు, స్టాండ్ స్క్రూలు వస్తాయి. మొత్తం మీద 43 ఇంచుల స్క్రీన్, QLED డిస్‌ప్లే, HDR10, OTT యాప్స్, 24W సౌండ్, HDMI/USB పోర్టులు వంటి ఫీచర్లను ఒకే టీవీలో అందించారు.

Iphone 18: ఐఫోన్ 18 కొనాలని అనుకుంటున్నారా? ఈ దేశం లో కొంటే తక్కువ ధరకే మీ సొంతం అవుతుంది..!

ramya Sridhar — Thu, 10 Sep 2026 17:23:27 +0530

Iphone 18: యాపిల్ లాంచ్ చేసిన కొత్త ఐఫోన్ సిరీస్ 18 కొనుగోలు చేయాలని అనుకుంటున్నారా? మన దేశంలో కాకుండా.. ఏ దేశాల్లో ఈ ఫోన్ కొంటే.. తక్కువ ధరకు లభిస్తుందో తెలుసా?

యాపిల్ కంపెనీ ప్రతి సంవత్సరం కొత్త సిరీస్ ఐఫోన్ ని రిలీజ్ చేస్తూనే ఉంటుంది. అలా మార్కెట్లో కి కొత్త సిరీస్ రాగానే.. ఐఫోన్ ప్రియులు కొనుగోలు చేస్తూ ఉంటారు. కాగా, యాపిల్ లవర్స్ ఎంతగానో ఎదురు చూస్తున్న ఐఫోన్ 18 సిరీస్ తాజాగా ప్రపంచ వ్యాప్తంగా లాంచ్ చేశారు. ఈసారి ప్రో మోడల్స్ తో పాటు... యాపిల్ చరిత్రలోనే తొలిసారిగా.. Iphoe Duo పేరుతో ఫ్లిప్, ఫోల్డబుల్ ఫోన్ ను మార్కెట్లోకి తీసుకొచ్చి గట్టి షాకే ఇచ్చింది. కెమెరా ఫీచర్లు, డిజైన్ తో ఈ ఫోన్లు ఎంతలా ఆకట్టుకుంటున్నాయో.. వాటి ధరలు కూడా అంతే స్థాయిలో షాక్ ఇస్తున్నాయి. మన దేశంలో ఐఫోన్ కొనడం అంటే మామూలు విషయం కాదు. ఎందుకంటే.. ట్యాక్స్, ఇంపోర్ట్ ట్యాక్స్ పేరుతో ఐఫోన్ ధరలు ఆకాశాన్ని తాకుతున్నాయి. మన దేశంలో ధరలు ఎలా ఉన్నాయి..? ఏ దేశంలో ఈ ఫోన్ కొంటే.. మనుక తక్కువ ధరకు లభిస్తుందో ఇప్పుడు చూద్దాం....

iPhone 18 Pro (256GB): ₹1,64,900

iPhone 18 Pro Max (256GB): ₹1,79,900

iPhone Duo (Foldable): ₹2,99,900

అయితే, మనదేశంతో పోలిస్తే విదేశాల్లో ఈ ఫోన్లు చాలా తక్కువ ధరకే లభిస్తున్నాయి. మీరు లేదా మీ స్నేహితులు, బంధువులు విదేశాల నుండి వస్తున్నట్లయితే అక్కడ కొనుగోలు చేయడం వల్ల వేల రూపాయలు ఆదా చేసుకోవచ్చు.

అమెరికా (US) లో ఐఫోన్ 18 ప్రో ధర ఇండియన్ కరెన్సీలో సుమారు ₹1,14,000 మాత్రమే కాగా, దుబాయ్ (UAE) లో ₹1,32,075, జపాన్‌లో ₹1,37,000గా ఉంది. అంటే, మీరు ఈ ఫోన్‌ను అమెరికాలో కొనుగోలు చేస్తే భారత ధరతో పోలిస్తే ఏకంగా ₹50,900 వరకు ఆదా అవుతుంది.

ఇక Pro Max మోడల్‌పై US లో సుమారు ₹55,900 మిగులుతుండగా, ఖరీదైన iPhone Duoపై అమెరికాలో కొంటే ఏకంగా ₹1,09,900 కంటే ఎక్కువ డబ్బులు ఆదా చేసుకోవచ్చు. మొత్తంమీద, భారత్‌తో పోలిస్తే అమెరికా, దుబాయ్, జపాన్ దేశాల్లో కొత్త ఐఫోన్లు అత్యంత చౌకగా లభిస్తున్నాయి.

అన్ని దేశాలతో పోలిస్తే అమెరికా (US) లో ఐఫోన్ మోడల్స్ అత్యంత తక్కువ ధరకు లభిస్తున్నాయి. మన దేశంతో పోలిస్తే అమెరికాలో iPhone 18 Proపై దాదాపు ₹50,000 పైనే, ఫోల్డబుల్ మోడల్ iPhone Duoపై ఏకంగా ₹1,09,000 కంటే ఎక్కువ ఆదా అవుతుంది. అమెరికా తర్వాత దుబాయ్ (UAE), జపాన్‌లలో కూడా ఇండియా కంటే చాలా తక్కువ ధరకే ఐఫోన్‌లను సొంతం చేసుకోవచ్చు.

Mivi One 5G: రూ. 12 వేల‌కే అదిరిపోయే స్మార్ట్‌ఫోన్‌.. ఫీచ‌ర్ల విష‌యంలో త‌గ్గేదేలే

Narender Vaitla — Thu, 24 Sep 2026 21:45:21 +0530

Mivi One 5G: దేశీయ టెక్నాలజీ బ్రాండ్ మివి స్మార్ట్‌ఫోన్‌ మార్కెట్‌లోకి అడుగుపెట్టింది. కంపెనీ తన తొలి 5G మొబైల్‌ Mivi One 5Gని సెప్టెంబర్‌ 24, 2026న లాంచ్ చేసింది. బడ్జెట్‌ ధరలో తీసుకొచ్చిన ఈ ఫోన్‌లో అదిరిపోయే ఫీచ‌ర్ల‌ను అందించారు.

మివి వ‌న్ 5Gలో 6.75 అంగుళాల హెచ్‌డీ+ ఐపీఎస్ ఎల్‌సీడీ డిస్‌ప్లే ఉంటుంది. 90Hz రిఫ్రెష్‌ రేట్‌ అందించడంతో స్క్రోలింగ్‌, యాప్‌ నావిగేషన్‌ మరింత స్మూత్‌గా ఉండేలా రూపొందించారు. పనితీరు కోసం 4nm తయారీ ప్రక్రియపై రూపొందించిన క్వాల్క‌మ్ స్నాప్‌డ్రాగ‌న్ 4 జెన్‌ 2 5G మొబైల్‌ ప్లాట్‌ఫామ్‌ను ఉపయోగించారు. 5G నెట్‌వర్క్‌కు సపోర్ట్‌ ఉండటంతో వేగవంతమైన ఇంటర్నెట్‌ కనెక్టివిటీ పొందొచ్చు. ఫోన్ ప్యూర్ ఆండ్రాయిడ్ 16తో పనిచేస్తుంది. కంపెనీ రెండు సంవత్సరాల పాటు OS అప్‌డేట్లు అందించనున్నట్లు తెలిపింది.

ఫొటోగ్రఫీ కోసం మివి వ‌న్ 5G వెనుక భాగంలో 50MP సామ్‌సంగ్ ISOCELL ప్రైమరీ సెన్సర్‌తో డ్యుయల్‌ కెమెరా సెటప్‌ ఇచ్చారు. రోజువారీ ఫొటోలు, వీడియోల కోసం ఈ కెమెరా వ్యవస్థను ఉపయోగించుకోవచ్చు. సెల్ఫీలు, వీడియో కాల్స్‌ కోసం ముందువైపు 8MP కెమెరా ఉంటుంది. డిజైన్‌ విషయంలోనూ యువతను ఆకట్టుకునేలా పలు రంగుల్లో ఫోన్‌ను తీసుకొచ్చారు. బ్లూ, పింక్‌, గ్రీన్‌, బర్గండీ, నేవీ బ్లూ కలర్‌ ఆప్షన్లు అందుబాటులో ఉంటాయి.

బ్యాటరీ విషయంలో మివి వ‌న్ 5Gలో 6000mAh కెపాసిటీని అందించారు. దీంతో సాధారణ వినియోగంలో ఎక్కువ సమయం ఫోన్‌ను ఛార్జింగ్‌ అవసరం లేకుండా ఉపయోగించే అవకాశం ఉంటుంది. బ్యాటరీని త్వరగా నింపేందుకు 18W ఫాస్ట్‌ ఛార్జింగ్‌ సపోర్ట్‌ ఇచ్చారు. ముఖ్యంగా బడ్జెట్‌ ఫోన్‌ కొనుగోలు చేసే వారికి ఉపయోగపడేలా ఛార్జింగ్‌ అడాప్టర్‌ను బాక్స్‌లోనే అందిస్తున్నారు. ఎక్కువ బ్యాటరీ బ్యాకప్‌తో పాటు క్లీన్‌ సాఫ్ట్‌వేర్‌ అనుభవం ఈ ఫోన్‌లోని ప్రధాన ఆకర్షణల్లో ఒకటిగా నిలుస్తుంది.

Mivi One 5Gతో పాటు కంపెనీ Mivi Care+ పేరుతో ప్రత్యేక సర్వీస్‌ సదుపాయాన్ని అందిస్తోంది. ఫోన్‌లో సమస్య తలెత్తినప్పుడు కస్టమర్‌ సర్వీస్‌ సెంటర్‌కు వెళ్లాల్సిన అవసరం లేకుండా ఇంటి నుంచే సేవలు పొందే అవకాశం ఉంటుంది. కంపెనీ ఫోన్‌ను కస్టమర్‌ నుంచి పికప్‌ చేసుకుని మరమ్మతులు పూర్తయ్యాక తిరిగి డెలివరీ చేస్తుంది. ఏదైనా కారణంతో ఏడు రోజుల్లో రిపేర్‌ పూర్తి కాకపోతే కొత్త స్మార్ట్‌ఫోన్‌ను అందిస్తామని Mivi చెబుతోంది. దేశవ్యాప్తంగా కంపెనీకి సుమారు 500 సర్వీస్‌ సెంటర్లు ఉన్నాయని వెల్లడించింది.

మివి వ‌న్ 5Gను 4జీబీ+128 జీబీ స్టోరేజ్‌, 6 జీబీ ర్యామ్‌+128 జీబీ స్టోరేజ్‌, 8 జీబీ ర్యామ్‌+128 జీబీ స్టోరేజ్ వేరియంట్ల‌లో తీసుకొచ్చారు. సాధారణ ధరలు వరుసగా రూ.14,999, రూ.15,999, రూ.16,999గా ఉన్నాయి. అయితే ఫ్లిప్‌కార్ట్‌ బిగ్‌ బిలియన్‌ డేస్‌ సందర్భంగా నెట్‌ ఎఫెక్టివ్‌ ధరలు రూ.11,999, రూ.12,999, రూ.13,999 నుంచి ప్రారంభమవుతాయని కంపెనీ తెలిపింది. అక్టోబర్‌ 8, 2026 అర్థరాత్రి నుంచి ఫ్లిప్‌కార్ట్‌లో సేల్స్ ప్రారంభంకానున్నాయి. వీటితో పాటు అదనంగా ఎంపిక చేసిన యాక్సిస్ బ్యాంక్‌, హెచ్‌డీఎఫ్‌సీ బ్యాంక్‌, ఐసీఐసీఐ బ్యాంక్‌, ఎస్‌బీఐ క్రెడిట్ కార్డులతో కొనుగోలు చేస్తే రూ. 1000 వ‌ర‌కు ఇన్‌స్టాంట్ డిస్కౌంట్ పొందొచ్చు.

Recharge Price Drop : ఎయిర్‌టెల్, జియో రీఛార్జ్ రేట్లు తగ్గే ఛాన్స్... ఎందుకో తెలుసా?

Arun Kumar P — Sat, 19 Sep 2026 10:39:49 +0530

పెరిగిన రీఛార్జ్ రేట్లతో ఇబ్బంది పడుతున్న సామాన్యులకు కేంద్ర ప్రభుత్వం అదిరిపోయే శుభవార్త చెప్పబోతోంది. టెలికాం కంపెనీలు చెల్లించే పన్నులను తగ్గించాలని ప్రభుత్వం నిర్ణయించింది… దీంతో రీచార్జ్ ధరలు తగ్గనున్నాయి.

భారీగా పెరిగిన మొబైల్ రీఛార్జ్ రేట్లతో జేబులు ఖాళీ చేసుకుంటున్న ప్రజలకు ఊరటనిచ్చేలా కేంద్ర ప్రభుత్వం ఒక స్పెషల్ ప్లాన్ రెడీ చేసింది. రాబోయే రోజుల్లో జియో, ఎయిర్‌టెల్, వొడాఫోన్-ఐడియా యూజర్ల నెలవారీ రీఛార్జ్ ఖర్చు తగ్గించేలా చర్యలు తీసుకుంటోంది. ఈమేరకు టెలికాం కంపెనీలు ప్రభుత్వానికి కట్టే పన్నులను తగ్గించాలని సర్కార్ ఆలోచిస్తున్నట్లు సమాచారం.

టెలికాం కంపెనీలపై పన్ను భారం తగ్గడం వల్ల నేరుగా ప్రజలకే లాభం చేకూరుతుంది. కేంద్రం టెలికాం మంత్రిత్వ శాఖ, నీతి ఆయోగ్ సమాచారం ప్రకారం.. సామాన్యులకు మొబైల్ సేవలను చౌకగా అందించేందుకు ప్రభుత్వం అత్యంత కీలకమైన రెండు కీలక నిర్ణయాలు తీసుకోబోతోంది.

మొదటి విషయం ఏంటంటే... ప్రస్తుతం టెలికాం కంపెనీలు తమ మొత్తం ఆదాయంలో 8 శాతాన్ని లైసెన్స్ ఫీజు, స్పెక్ట్రమ్ వాడుక ఛార్జీల కింద ప్రభుత్వానికి కడుతున్నాయి. ఈ 8 శాతం పన్నును 3 నుంచి 4 శాతానికి తగ్గించాలని ప్రభుత్వం ప్లాన్ చేస్తున్నట్లు అధికారిక వర్గాల నుండి అందుతున్న సమాచారం. ప్రజలపై భారం తగ్గించేందుకే ఈ స్థాయిలో పన్నుల్లో కోత పెడుతున్నారు.

రెండో విషయం… టెలికాం కంపెనీలు కట్టే ఈ 8 శాతం పన్నులో 5 శాతం గ్రామీణ ఇంటర్నెట్ సదుపాయాల కోసం వెళ్తుంది. ఈ ఫండ్‌లో ఇప్పటికే చాలా డబ్బు జమైంది. అందుకే రాబోయే కొన్నేళ్ల పాటు ఈ 5 శాతం పన్ను వసూలును నిలిపివేయాలని ప్రభుత్వం నిర్ణయించింది.

గత జులై నెలలో టెలికాం కంపెనీలు రీఛార్జ్ రేట్లను 15 నుంచి 25 శాతం వరకు పెంచేశాయి. దీంతో 28, 56, 84 రోజుల వాలిడిటీ ఉండే పాపులర్ ప్లాన్లు చాలా కాస్ట్‌లీ అయిపోయాయి. ఈ ధరల పెంపు వల్ల గ్రామీణ ప్రజలు, పేదలు తీవ్రంగా నష్టపోతున్నారు. చాలామంది రీఛార్జ్ చేయడమే మానేశారు లేదా సిమ్ కార్డులు తీసి పక్కన పెట్టేశారు. దీంతో పార్లమెంట్ నుంచి సోషల్ మీడియా వరకు దీనిపై పెద్ద ఎత్తున వ్యతిరేకత వచ్చింది. అందుకే ఇప్పుడు ట్రాయ్, టెలికాం కంపెనీలతో మాట్లాడి ఒక మంచి నిర్ణయం తీసుకునేందుకు ప్రభుత్వం రంగంలోకి దిగింది.

ఒకవేళ ప్రభుత్వం పన్ను తగ్గిస్తే, టెలికాం కంపెనీలు ఇప్పుడున్న ప్లాన్ల ధరలను 10 నుంచి 15 శాతం వరకు తగ్గించే అవకాశం ఉంది. దీంతో ప్రస్తుతం 299 రూపాయలుగా ఉన్న నెలవారీ ప్లాన్ ధర 250 నుంచి 260 రూపాయలకు తగ్గొచ్చు. వార్షిక ప్లాన్లు వేసుకుంటే ప్రజలకు నేరుగా 300 నుంచి 400 రూపాయల వరకు ఆదా అవుతుంది. టెలికాం కంపెనీలకు పన్ను మినహాయింపు దొరికిన వెంటనే ఈ కొత్త రేట్లు అమల్లోకి వస్తాయని భావిస్తున్నారు. ఇది ప్రజల జేబులకు భారం తగ్గించనుంది.

Jio Offers Free Canva Pro: జియో యూజర్లకు సూపర్ ఆఫర్.. 4 వేలు ఫ్రీ.. ఇలా చేయండి

Mahesh Rajamoni — Wed, 16 Sep 2026 09:51:46 +0530

Jio Offers Free Canva Pro: రిలయన్స్ జియో తన యూజర్లకు సూపర్ గుడ్ న్యూస్ చెప్పింది. రూ. 4,000 విలువైన క్యాన్వా ప్రో, క్యాన్వా ప్రో లైట్ సబ్‌స్క్రిప్షన్‌ను 12 నెలల పాటు ఉచితంగా అందిస్తోంది. మైజియో యాప్ ద్వారా పొందే ఈ ఆఫర్ వివరాలు మీకోసం.

దేశంలోనే అతిపెద్ద ప్రైవేట్ టెలికామ్ దిగ్గజం రిలయన్స్ జియో తన వినియోగదారుల కోసం ఒక కిరాక్ ఆఫర్‌ను అనౌన్స్ చేసింది. ప్రముఖ విజువల్ కమ్యూనికేషన్ ప్లాట్‌ఫామ్ ‘క్యాన్వా’తో జియో వ్యూహాత్మక భాగస్వామ్యాన్ని కుదుర్చుకుంది. ఈ పార్టనర్‌షిప్ ద్వారా జియో యూజర్లకు రూ. 4,000 కంటే ఎక్కువ విలువైన క్యాన్వా ప్రో, క్యాన్వా ప్రో లైట్ సబ్‌స్క్రిప్షన్ ఉచితంగా లభించనుంది. మీరు గనుక సోషల్ మీడియా క్రియేటర్, స్టూడెంట్ లేదా డిజైనింగ్ యాప్స్ వాడకంలో ఉన్నవారైతే ఇది మీకు సూపర్ న్యూస్ అని చెప్పవచ్చు.

జియో యూజర్లకు వారు చేసుకునే రీఛార్జ్ ప్లాన్ ఆధారంగా క్యాన్వా సబ్‌స్క్రిప్షన్ అందుతుంది. కంపెనీ వివరాల ప్రకారం..

• రూ. 399 ప్లాన్: ఈ ప్లాన్‌తో రీఛార్జ్ చేసుకునే యూజర్లకు క్యాన్వా ప్రో (Canva Pro) సబ్‌స్క్రిప్షన్ ఉచితంగా లభిస్తుంది.

• రూ. 349 ప్లాన్, ఇతర ప్లాన్లు: రూ. 349 ప్లాన్, అలాగే రోజుకు 2GB డేటా ఇచ్చే రూ. 349 కంటే ఎక్కువ విలువైన సెలెక్టెడ్ ప్లాన్ల పై క్యాన్వా ప్రో లైట్ (Canva Pro Lite) సబ్‌స్క్రిప్షన్ ఉచితంగా అందుతుంది.

ఈ ఆఫర్ వల్ల యూజర్లు ఏకంగా 12 నెలల పాటు ప్రీమియం టూల్స్‌ను ఫ్రీగా ఎంజాయ్ చేయవచ్చు. ఎలాంటి హిడెన్ ఛార్జీలు లేవని జియో స్పష్టం చేసింది.

ఈ బంపర్ ఆఫర్‌ను పొందడం చాలా ఈజీ. యూజర్లు విడిగా ఎలాంటి డబ్బులు చెల్లించాల్సిన అవసరం లేదు.

1. మీ స్మార్ట్‌ఫోన్‌లో మైజియో (MyJio) యాప్‌ను ఓపెన్ చేయండి.

2. యాప్‌లోని క్యాన్వా (Canva) ఆఫర్ బ్యానర్‌పై టాప్ చేయండి.

3. ఆఫర్‌ను యాక్టివేట్ చేసుకుని డిజైనింగ్ స్టార్ట్ చేయండి.

ఈ ఆఫర్ 2026 సెప్టెంబర్ 16 నుంచి జియో రీఛార్జ్ ఛానెల్స్, మైజియో యాప్‌ ద్వారా అందుబాటులోకి వస్తుంది.

క్యాన్వా ప్రో సబ్‌స్క్రిప్షన్‌తో మిలియన్ల కొద్దీ ప్రీమియం టెంప్లేట్స్, ఫొటోలు, వీడియోలు, ఫాంట్స్ యాక్సెస్ లభిస్తుంది. అంతేకాకుండా ఒక్క టాప్‌తో బ్యాక్‌గ్రౌండ్ రిమూవల్, మ్యాజిక్ ఎరేజర్, మ్యాజిక్ రీసైజ్ వంటి అమేజింగ్ టూల్స్ వాడొచ్చు.

ప్రో ప్లాన్‌లో 5 అడ్వాన్స్‌డ్ బ్రాండ్ కిట్స్, కంటెంట్ ప్లానర్, క్యాన్వా ఏఐ చాట్‌బాట్, ఎక్కువ ఏఐ యూసేజ్ లిమిట్స్, 100GB క్లౌడ్ స్టోరేజ్ లభిస్తాయి. మరోవైపు ప్రో లైట్ ప్లాన్‌లో 3 బేసిక్ బ్రాండ్ కిట్స్, 50GB క్లౌడ్ స్టోరేజ్ మాత్రమే అందుతాయి.

ఈ పార్టనర్‌షిప్ వల్ల ఎక్స్‌పీరియన్స్ లేని కొత్తవాళ్ళు కూడా తమ ఫోన్ల నుంచే సోషల్ మీడియా పోస్టులు, ప్రెజెంటేషన్లు, గ్రీటింగ్ కార్డులు, మార్కెటింగ్ కంటెంట్ ఈజీగా క్రియేట్ చేయవచ్చు. భారతీయ యూజర్ల కోసం క్యాన్వా హిందీతో పాటు అనేక ప్రాంతీయ భాషల సపోర్ట్‌ను కూడా అందిస్తోంది. డిజిటల్ ఇండియాలో ప్రతి విద్యార్థి, క్రియేటర్, చిన్న వ్యాపారవేత్త తమ సొంత భాషలో కంటెంట్ క్రియేట్ చేసుకుని ఎదుగాలనే ఉద్దేశంతోనే ఈ ఆఫర్ తెచ్చినట్లు రిలయన్స్ జియో తెలిపింది.

WhatsApp Tips : మీ ఫోన్ ఇంటర్నెట్ ఆన్‌లో ఉన్నా వాట్సాప్ మాత్రమే ఆఫ్ చేయవచ్చు.. ఎలాగో తెలుసా?

Arun Kumar P — Sat, 12 Sep 2026 10:02:40 +0530

మీ ఫోన్ ఇంటర్నెట్ ఆన్‌లో ఉన్నప్పటికీ వాట్సాప్‌లో వచ్చే మెసేజ్‌లకు సింగిల్ టిక్ మాత్రమే కనిపించేలా చేసే ఒక సూపర్ ట్రిక్ ఉంది. దీని గురించి పూర్తి వివరాలు ఇక్కడ తెలుసుకోండి.

స్మార్ట్‌ఫోన్‌లో ఇంటర్నెట్ ఆన్‌లో ఉందంటే చాలు వాట్సాప్‌లోకి మెసేజ్‌లు వరుసగా వచ్చేస్తుంటాయి. ఫ్రెండ్స్, కుటుంబ సభ్యులు, ఆఫీస్ సహోద్యోగులు ఇలా ఎవరైనా మెసేజ్ పంపితే వెంటనే డెలివరీ అయిపోతుంది. కానీ కొన్నిసార్లు మనకు వాట్సాప్‌కు కొద్దిసేపు దూరంగా ఉండాలనిపిస్తుంది... . మెసేజ్‌లు చూడకూడదనిపిస్తుంది. అదే సమయంలో ఫోన్‌లో ఇంటర్నెట్‌ను పూర్తిగా ఆపేయడం కూడా ఇష్టం ఉండదు.

ఇలాంటి సందర్భాల్లో ఉపయోగపడే ఒక ఫీచర్ వాట్సాప్‌లో ఉంది... అదే Proxy. దీని సహాయంతో ఫోన్‌లోని మొత్తం ఇంటర్నెట్ కనెక్షన్‌ను నిలిపివేయకుండా, వాట్సాప్ కనెక్షన్‌ను మాత్రమే ప్రభావితం చేసేలా సెట్టింగ్స్ మార్చుకోవచ్చు. అయితే ఈ పద్ధతిని ఉపయోగించినంత మాత్రాన ప్రతిసారీ కచ్చితంగా సింగిల్ టిక్ మాత్రమే కనిపిస్తుందని చెప్పలేం. ప్రాక్సీ కనెక్షన్ పనిచేసే విధానంపై ఫలితం ఆధారపడి ఉంటుంది.

సింపుల్‌గా చెప్పాలంటే మీ ఫోన్ నుంచి వాట్సాప్ సర్వర్‌కు నేరుగా వెళ్లే కనెక్షన్‌కు బదులుగా మధ్యలో ఒక ప్రాక్సీ సర్వర్‌ను ఉపయోగించే విధానమే Proxy. అంటే వాట్సాప్ ట్రాఫిక్ నేరుగా కాకుండా ఆ ప్రాక్సీ ద్వారా వెళ్లేలా కనెక్షన్ ఏర్పాటు చేసుకోవచ్చు.

ఇక్కడ ముఖ్యమైన విషయం ఏమిటంటే.. ప్రాక్సీ సెట్టింగ్ మార్చడం వల్ల మీ ఫోన్‌లోని మొత్తం ఇంటర్నెట్ ఆగిపోదు. ఉదాహరణకు Chromeలో వెబ్‌సైట్లు ఓపెన్ చేసుకోవచ్చు. YouTubeలో వీడియోలు చూడవచ్చు. ఇతర యాప్స్ కూడా సాధారణంగానే పనిచేస్తాయి. ప్రభావం ప్రధానంగా వాట్సాప్ కనెక్షన్‌పైనే ఉంటుంది.

వాట్సాప్‌లో ఒక మెసేజ్ పంపినప్పుడు టిక్ మార్కుల ద్వారా దాని డెలివరీ స్థితి తెలుస్తుంది. మెసేజ్ పంపిన తర్వాత అది వాట్సాప్ సర్వర్‌కు చేరితే ఒక టిక్ కనిపిస్తుంది. అవతలి వ్యక్తి ఫోన్‌లో వాట్సాప్‌కు మెసేజ్ డెలివర్ అయితే సాధారణంగా రెండు టిక్స్ కనిపిస్తాయి.

మీ వాట్సాప్ సరిగ్గా ఇంటర్నెట్‌తో కనెక్ట్ కాకపోతే, కొత్త మెసేజ్ మీ పరికరానికి చేరకపోవచ్చు. అలాంటి సమయంలో మెసేజ్ పంపిన వ్యక్తికి రెండు టిక్స్ కాకుండా ఒక టిక్ మాత్రమే కనిపించే అవకాశం ఉంటుంది.

అందుకే ప్రాక్సీ కనెక్షన్‌ను ఉపయోగించి వాట్సాప్ కమ్యూనికేషన్‌కు అంతరాయం కలిగితే, బయటివారికి మీరు ఆఫ్‌లైన్‌లో ఉన్నట్లుగా అనిపించే పరిస్థితి రావచ్చు. అయితే ఇది సింగిల్ టిక్ కోసం ప్రత్యేకంగా రూపొందించిన ఫీచర్ కాదు. ప్రాక్సీ కనెక్షన్‌ను ఉపయోగించడమే దీని అసలు ఉద్దేశం.

ఈ ఫీచర్‌ను ఉపయోగించాలంటే ముందుగా వాట్సాప్‌ను ఓపెన్ చేయాలి. ఆ తర్వాత సెట్టింగ్స్‌లోకి వెళ్లి సంబంధిత ప్రాక్సీ ఆప్షన్‌ను ఎంచుకోవాలి.

WhatsApp > Settings > Storage and Data > Proxy

అక్కడ Use Proxy అనే ఆప్షన్ కనిపిస్తుంది. దాన్ని ఆన్ చేసిన తర్వాత ప్రాక్సీ అడ్రస్, పోర్ట్ వంటి వివరాలను నమోదు చేయాల్సి ఉంటుంది. ప్రాక్సీ వివరాలు సరైనవిగా ఉండి కనెక్షన్ విజయవంతమైతే, వాట్సాప్ ప్రాక్సీ ద్వారా కనెక్ట్ అయినట్లు స్టేటస్‌లో తెలుస్తుంది. కనెక్షన్ ఏర్పడకపోతే, మీరు ఇచ్చిన ప్రాక్సీ వివరాల్లో సమస్య ఉండవచ్చు లేదా ఆ సర్వర్ పనిచేయకపోవచ్చు.

ఇక్కడే చాలా జాగ్రత్త అవసరం. ఇంటర్నెట్‌లో లేదా సోషల్ మీడియాలో కనిపించే ఏదైనా ప్రాక్సీ అడ్రస్‌ను తీసుకుని వాట్సాప్‌లో నమోదు చేయడం మంచిది కాదు. ప్రాక్సీ సర్వర్‌ను ఎవరు నిర్వహిస్తున్నారు, అది నమ్మదగినదేనా అనే విషయాలు తెలుసుకోవడం ముఖ్యం.

థర్డ్ పార్టీ ప్రాక్సీని ఉపయోగించే సమయంలో మీ ఐపీ అడ్రస్ ఆ ప్రాక్సీ ప్రొవైడర్‌కు తెలిసే అవకాశం ఉందని వాట్సాప్ కూడా హెచ్చరిస్తోంది. కాబట్టి తెలియని వ్యక్తులు లేదా అనుమానాస్పద వెబ్‌సైట్లు అందించే ప్రాక్సీలను గుడ్డిగా ఉపయోగించకుండా ఉండటం మంచిది.

1.1.1.1 పెడితే WhatsApp ఆగిపోతుందా?

సోషల్ మీడియాలో తరచుగా కనిపించే మరో ప్రచారం 1.1.1.1 అనే అడ్రస్‌ను వాట్సాప్ ప్రాక్సీ సెట్టింగ్స్‌లో నమోదు చేస్తే వాట్సాప్ కనెక్షన్ నిలిచిపోతుందని. అయితే దీనిని వాట్సాప్ అధికారిక ప్రాక్సీ అడ్రస్‌గా భావించకూడదు.

ప్రాక్సీ సెట్టింగ్స్‌లో సాధారణంగా ప్రాక్సీ ప్రొవైడర్ అందించిన సరైన IP అడ్రస్, పోర్ట్ వంటి వివరాలనే ఉపయోగించాలి. కేవలం ఒక అడ్రస్‌ను నమోదు చేయడం వల్ల ప్రతి ఫోన్‌లో, ప్రతి నెట్‌వర్క్‌లో ఒకే విధమైన ఫలితం వస్తుందని చెప్పడం సరైంది కాదు.

ప్రాక్సీ ఉపయోగించిన తర్వాత మళ్లీ వాట్సాప్‌ను సాధారణ డైరెక్ట్ ఇంటర్నెట్ కనెక్షన్‌తో ఉపయోగించాలనుకుంటే పెద్దగా కష్టపడాల్సిన అవసరం లేదు. మళ్లీ WhatsApp > Settings > Storage and Data > Proxyలోకి వెళ్లి Use Proxy ఆప్షన్‌ను ఆఫ్ చేస్తే సరిపోతుంది. ఆ తర్వాత వాట్సాప్ సాధారణ ఇంటర్నెట్ కనెక్షన్‌ను ఉపయోగిస్తుంది.

వాట్సాప్‌లో సింగిల్ టిక్ కనిపించడానికి ప్రాక్సీ ఒక మార్గంగా సోషల్ మీడియాలో ప్రచారం అవుతున్నప్పటికీ, దీనిని 100 శాతం పనిచేసే సింగిల్ టిక్ ట్రిక్‌గా భావించకూడదు. ప్రాక్సీ సర్వర్ కనెక్ట్ అవుతుందా లేదా, దాని ద్వారా వాట్సాప్ ట్రాఫిక్ సరిగ్గా వెళ్తుందా వంటి అంశాలపై ఫలితం ఆధారపడి ఉంటుంది.

మొత్తానికి వాట్సాప్ నుంచి కొంతసేపు విరామం తీసుకోవాలనుకునే వారికి ఫోన్ మొత్తం మొబైల్ డేటా లేదా Wi-Fi ఆఫ్ చేయకుండా కొన్ని కనెక్షన్ సెట్టింగ్స్ మార్చుకునే అవకాశం ఉంది. అయితే తెలియని ప్రాక్సీలను ఉపయోగించకుండా, నమ్మదగిన ప్రాక్సీ వివరాలనే ఎంచుకోవడం చాలా ముఖ్యం. ముఖ్యంగా సింగిల్ టిక్ తప్పకుండా వస్తుందని భావించి ఈ ఫీచర్‌ను ఉపయోగించకూడదు.

Smartwatch : స్మార్ట్‌వాచ్ వెనక ఓ పచ్చ లైట్ ఎప్పుడూ బ్లింక్ అవుతుంటుంది.. ఎందుకో తెలుసా?

Arun Kumar P — Mon, 14 Sep 2026 20:49:36 +0530

మీరు స్మార్ట్‌వాచ్ వాడుతున్నారా..? అయితే దాని వెనకాల ఓ గ్రీన్ లైట్ తరచుగా బ్లింక్ అవ్వడం గమనించే ఉంటారు? అది కేవలం డిజైన్ కాదు, దాని వెనుక ఓ ముఖ్యమైన సైన్స్ టెక్నాలజీ ఉంది. అదేంటో ఇప్పుడు చూద్దాం.

స్మార్ట్‌వాచ్ వాడేవాళ్లు దీన్ని కచ్చితంగా గమనించి ఉంటారు. వాచ్‌ను చేయి నుంచి తీయగానే, దాని వెనుక భాగంలో ఓ పచ్చ లైట్ మిణుకుమిణుకు మంటుంది. చాలామంది దీన్ని ఏదో డిజైన్ లేదా ఛార్జింగ్ ఇండికేటర్ అనుకుంటారు. కానీ నిజానికి ఈ చిన్న పచ్చ లైటే మీ స్మార్ట్‌వాచ్‌లో అత్యంత కీలకమైన భాగం. మీ హార్ట్ రేట్, పల్స్, రక్తంలోని ఆక్సిజన్ స్థాయిలను లెక్కించేది ఈ లైటే.

ఈ టెక్నాలజీ పేరు పీపీజీ (PPG) సెన్సార్. దీని పూర్తి పేరు ఫోటోప్లెతిస్మోగ్రఫీ (Photoplethysmography). కాంతి ఎలా ప్రతిఫలిస్తుందనే దాని ఆధారంగా ఈ టెక్నాలజీ పనిచేస్తుంది. మన రక్తం ఎర్రగా ఉండటానికి కారణం అందులోని హిమోగ్లోబిన్. ఈ హిమోగ్లోబిన్, ఆకుపచ్చ రంగు కాంతిని బాగా గ్రహిస్తుంది. స్మార్ట్‌వాచ్ వెనుక ఉన్న గ్రీన్ ఎల్ఈడీ (LED) లైట్ వెలిగినప్పుడు, ఆ కాంతి మన చర్మాన్ని దాటి రక్తనాళాలపై పడుతుంది.

గుండె రక్తాన్ని పంప్ చేసినప్పుడు రక్త ప్రవాహం పెరిగి గ్రీన్ లైట్ ఎక్కువగా గ్రహించబడుతుంది. అదే సమయంలో గుండె రక్తాన్ని వెనక్కి తీసుకున్నప్పుడు కాంతి తక్కువగా గ్రహించబడి సెన్సార్‌కు తిరిగి వస్తుంది. ఇలా కాంతిని గ్రహించడం, తిరిగి పంపడం మధ్య ఉన్న తేడా ఆధారంగానే మీ వాచ్ హార్ట్ బీట్‌ను లెక్కిస్తుంది.

ఇప్పుడు ఓ ప్రశ్న రావచ్చు. ఎరుపు లేదా నీలం రంగు లైట్లను కాకుండా, పచ్చ లైట్‌నే ఎందుకు వాడుతున్నారు? దీనికి రెండు ముఖ్య కారణాలున్నాయి. మొదటిది ఆకుపచ్చ కాంతి తరంగదైర్ఘ్యం (wavelength) మన రక్తంలోని ఎరుపు రంగు వల్ల బాగా గ్రహించబడుతుంది. అందువల్ల, హార్ట్ రేట్‌ను కొలిచేటప్పుడు చాలా కచ్చితమైన ఫలితాలు వస్తాయి.

రెండో కారణం, పచ్చ లైట్ చర్మంలోకి మరీ లోతుగా వెళ్లదు. దీనివల్ల మనం నడుస్తున్నప్పుడు, చేతులు కదిపినప్పుడు సెన్సార్ డేటాను కోల్పోదు. కానీ ఎరుపు లేదా ఇన్‌ఫ్రారెడ్ కాంతి చర్మంలోకి చాలా లోతుగా వెళ్తుంది. దీనివల్ల కదలికల కారణంగా తప్పుడు ఫలితాలు వచ్చే అవకాశం ఉంది. అందుకే ఫిట్‌నెస్ ట్రాకింగ్‌కు గ్రీన్ లైటే ఉత్తమమైనది.

అయితే, ఈ లైట్ రోజంతా వెలుగుతూ ఉంటే మీ వాచ్‌లో ఏదో సమస్య ఉందని అర్థం కాదు. మీరు వాచ్‌ను చేతికి కట్టుకున్నప్పుడు, అది కొన్ని సెకన్లకు ఒకసారి మీ హార్ట్ రేట్‌ను చెక్ చేస్తూనే ఉంటుంది. మీరు వర్కవుట్ మోడ్ ఆన్ చేసినప్పుడు, ప్రతి హృదయ స్పందనను లెక్కించడానికి ఈ లైట్ మరింత వేగంగా వెలుగుతుంది. కాబట్టి, తర్వాతిసారి ఈ పచ్చ లైట్‌ను చూసినప్పుడు, మీ వాచ్ మీ గుండెను జాగ్రత్తగా చూసుకుంటోందని అర్థం చేసుకోండి.

Car Warranty Rules: కారు కొన్న వెంటనే ఇది చేస్తే వారంటీ పనికిరాదు..ఇది తెలుసా?

Nandini Arava — Fri, 18 Sep 2026 17:38:44 +0530

Car Warranty Rules: కొత్త కారు కొన్న వెంటనే నచ్చినట్లు మార్పులు చేస్తున్నారా? అయితే ఒక్క చిన్న మోడిఫికేషన్ మీ కారుకు ఉన్న వారంటీపై ప్రభావం పడొచ్చు. అసలు ఎప్పుడు ఈ సమస్య వస్తుంది? మోడిఫికేషన్ చేసే ముందు ఈ విషయం తెలుసుకోకపోతే ఏం జరుగుతుందో తెలుసా?

కొత్త కారు కొన్న వెంటనే నచ్చినట్లు మార్పులు చేస్తున్నారా? అయితే ఒక్క చిన్న మోడిఫికేషన్ మీ కారుకు ఉన్న వారంటీపై ప్రభావం పడొచ్చు. అసలు ఎప్పుడు ఈ సమస్య వస్తుంది? మోడిఫికేషన్ చేసే ముందు ఈ విషయం తెలుసుకోకపోతే ఏం జరుగుతుందో తెలుసా? కారులో చేసిన మార్పుల వల్ల ఒరిజినల్ పార్ట్‌కు డ్యామేజ్ జరిగితే కంపెనీ వారంటీ ఇవ్వకపోవచ్చు. అందుకే మోడిఫికేషన్‌కు ముందు రూల్స్ చెక్ చేసుకోవాలి.

స్పీడ్ కోసం ఇంజిన్‌లో మార్పులు చేస్తే కారు పెర్ఫార్మెన్స్‌పై ప్రభావం పడుతుంది. దీనివల్ల ప్రాబ్లమ్ వస్తే వారంటీ క్లెయిమ్ రిజెక్ట్ అయ్యే ఛాన్స్ ఉంది.కొత్త పరికరాలను సరిగ్గా బిగించకపోతే కారు వైరింగ్‌కు డ్యామేజ్ జరగొచ్చు. బయట బిగించిన పరికరం వల్లే ప్రాబ్లమ్ వస్తే వారంటీ క్లెయిమ్ రిజెక్ట్ అవుతుంది.కారులో చేసే ప్రతి మార్పు వల్ల మొత్తం వారంటీ క్యాన్సిల్ అవ్వదు. బయట బిగించిన పార్ట్ వల్ల ఒరిజినల్ పార్ట్‌కు డ్యామేజ్ జరిగితేనే వారంటీపై ప్రభావం పడుతుంది.కారుకు కొత్త పార్ట్స్ బిగించాలనుకుంటే ముందుగా ఆథరైజ్డ్ సర్వీస్ సెంటర్‌ను సంప్రదించి ఏయే మార్పుల వల్ల వారంటీ పోతుందో క్లియర్‌గా అడిగి తెలుసుకోవాలి.

వ‌ర్షాకాలం, చ‌లికాలం సోలార్ ప్యానెల్స్ ప‌నిచేయ‌వా.? అప్పుడు వాటి ప‌రిస్థితి ఏంటి?

Narender Vaitla — Thu, 17 Sep 2026 16:49:58 +0530

Solar Panels: సోలార్ ప్యానెల్స్ ఏర్పాటు చేసుకోవాలని చాలామంది అనుకుంటారు. అయితే వర్షాకాలం, చ‌లికాలం సోలార్ ప్యానెల్స్ పనిచేస్తాయా లేదా అనే సందేహం చాలా మందికి వ‌స్తుంది. దీనిని సమాధానం ఏంటో ఇప్పుడు తెలుసుకుందాం.?

సోలార్ ప్యానెల్స్ పనిచేయడానికి మండే ఎండ అవసరం అని చాలామంది భావిస్తారు. కానీ నిజానికి ప్యానెల్స్‌కు కావాల్సింది సూర్యరశ్మి. సూర్యుడి నుంచి వచ్చే కాంతి ప్యానెల్స్‌పై పడినప్పుడు వాటిలోని సోలార్ సెల్స్ విద్యుత్‌ను ఉత్పత్తి చేస్తాయి. ఈ ప్రక్రియలో సూర్యరశ్మి నుంచి వచ్చే కాంతి ముఖ్య పాత్ర పోషిస్తుంది. వేడి ఒక్కటే విద్యుత్ ఉత్పత్తికి కారణం కాదు.

ఆకాశం మేఘావృతమైనప్పుడు కూడా సూర్యరశ్మి పూర్తిగా ఆగిపోదు. మేఘాల నుంచి కొంత కాంతి భూమిపైకి చేరుతుంది. ఈ కాంతిని కూడా సోలార్ ప్యానెల్స్ ఉపయోగించుకొని విద్యుత్‌ను తయారు చేస్తాయి. అయితే మేఘాలు దట్టంగా ఉన్నప్పుడు ప్యానెల్స్‌పై పడే కాంతి తగ్గుతుంది. దీంతో విద్యుత్ ఉత్పత్తి కూడా తగ్గుతుంది.

ఉదాహరణకు, మబ్బులు కమ్ముకున్న రోజున మొక్కలు పూర్తిగా ఎండ లేకపోయినా కొంత సూర్యరశ్మిని పొందుతాయి. అదే విధంగా సోలార్ ప్యానెల్స్ కూడా మేఘాల మధ్య నుంచి వచ్చే కాంతితో పనిచేస్తాయి. అందుకే వర్షాకాలంలోనూ సోలార్ విద్యుత్ ఉత్పత్తి పూర్తిగా ఆగిపోదు.

సాధారణంగా ఎండ బాగా ఉన్న రోజులతో పోలిస్తే మేఘాలు కమ్ముకున్నప్పుడు సోలార్ ప్యానెల్స్ విద్యుత్ ఉత్పత్తి తగ్గుతుంది. అయితే ఎంత తగ్గుతుందనేది మేఘాల తీవ్రత, వాతావరణం, ప్యానెల్స్ సామర్థ్యం, ఏర్పాటు చేసిన విధానం వంటి అంశాలపై ఆధారపడి ఉంటుంది.

కొన్ని సందర్భాల్లో మేఘావృతమైన రోజున సాధారణ ఉత్పత్తిలో 10 నుంచి 30 శాతం వరకు మాత్రమే విద్యుత్ ఉత్పత్తి కావచ్చు. అయితే ఇది అన్ని ప్రాంతాలకు, అన్ని వాతావరణ పరిస్థితులకు వర్తించే స్థిరమైన లెక్క కాదు. మేఘాల మధ్య నుంచి కాంతి ఎక్కువగా వస్తే ఉత్పత్తి కూడా పెరుగుతుంది. భారీ వర్షం, దట్టమైన మేఘాలు ఉన్నప్పుడు ఉత్పత్తి మరింత తగ్గవచ్చు.

ఉదాహరణకు, 5 కిలోవాట్ల సోలార్ వ్యవస్థ సాధారణంగా రోజుకు 20 యూనిట్ల విద్యుత్ ఉత్పత్తి చేస్తుందని అనుకుందాం. మబ్బులు, వర్షాల కారణంగా ఉత్పత్తి తగ్గితే ఆ రోజు కొన్ని యూనిట్ల విద్యుత్ మాత్రమే రావచ్చు. ఎంత ఉత్పత్తి అవుతుందనేది ఆ రోజు వాతావరణ పరిస్థితులపై ఆధారపడి ఉంటుంది.

వర్షం పడితే సోలార్ ప్యానెల్స్ పాడైపోతాయని కొందరు భయపడుతుంటారు. అయితే సాధారణంగా నాణ్యమైన సోలార్ ప్యానెల్స్ వర్షం, తేమ వంటి వాతావరణ పరిస్థితులను తట్టుకునేలా తయారు చేస్తారు. సరైన నాణ్యత కలిగిన ప్యానెల్స్‌ను నిపుణుల చేత సరిగ్గా ఏర్పాటు చేస్తే సాధారణ వర్షాల వల్ల వాటికి నష్టం కలగదు.

అంతేకాదు, వర్షం వల్ల ఒక ఉపయోగం కూడా ఉంది. ప్యానెల్స్‌పై పేరుకుపోయిన దుమ్ము, చిన్నపాటి ధూళి వర్షపు నీటితో కొంతవరకు తొలగిపోతాయి. దీంతో ప్యానెల్స్‌పై సూర్యరశ్మి పడేందుకు వీలవుతుంది. వర్షం తగ్గి ఎండ వచ్చినప్పుడు విద్యుత్ ఉత్పత్తి మెరుగుపడే అవకాశం ఉంటుంది.

అయితే వర్షం పడితే ప్యానెల్స్ పూర్తిగా శుభ్రపడతాయని భావించకూడదు. పక్షుల వ్యర్థాలు, జిడ్డు, గట్టిగా పేరుకుపోయిన దుమ్ము వంటివి అలాగే ఉండవచ్చు. అవసరమైనప్పుడు సురక్షితంగా శుభ్రం చేయాలి. అలాగే భారీ వర్షాలు, ఈదురుగాలులు, పిడుగులు వచ్చే ప్రాంతాల్లో ప్యానెల్స్ ఏర్పాటు, వైరింగ్, ఎర్తింగ్ వంటి అంశాలపై ప్రత్యేక శ్రద్ధ పెట్టాలి.

వర్షం పడుతున్నప్పుడు సోలార్ ప్యానెల్స్ నుంచి విద్యుత్ ఉత్పత్తి తగ్గుతుంది. అలాంటి సమయంలో ఇంటికి అవసరమైన విద్యుత్‌ను ఎలా పొందాలనే సందేహం చాలామందికి ఉంటుంది. దీనికి సమాధానం మనం ఎలాంటి సోలార్ వ్యవస్థను ఏర్పాటు చేసుకున్నామనే దానిపై ఆధారపడి ఉంటుంది.

ఆన్‌గ్రిడ్ సోలార్ వ్యవస్థ: ఈ విధానంలో సోలార్ ప్యానెల్స్‌ను విద్యుత్ గ్రిడ్‌కు అనుసంధానం చేస్తారు. ప్యానెల్స్ నుంచి వచ్చే విద్యుత్ ఇంటి అవసరాలకు సరిపోకపోతే, నిబంధనలు, కనెక్షన్ ఏర్పాట్లకు అనుగుణంగా గ్రిడ్ నుంచి విద్యుత్ తీసుకోవచ్చు. దీనికి సాధారణంగా ప్రత్యేక బ్యాటరీ అవసరం ఉండదు. అయితే విద్యుత్ గ్రిడ్‌లో అంతరాయం ఏర్పడినప్పుడు భద్రతా కారణాలతో సాధారణ ఆన్‌గ్రిడ్ ఇన్వర్టర్ పనిచేయడం ఆగిపోతుంది. కాబట్టి విద్యుత్ కోతల సమయంలోనూ బ్యాకప్ కావాలంటే ప్రత్యేక ఏర్పాట్లు అవసరం.

ఆఫ్‌గ్రిడ్ సోలార్ వ్యవస్థ: ఈ విధానంలో బ్యాటరీలు ఉంటాయి. ఎండ ఉన్నప్పుడు ఉత్పత్తి అయిన విద్యుత్‌లో మిగిలిన భాగాన్ని బ్యాటరీల్లో నిల్వ చేసుకోవచ్చు. వర్షం లేదా మబ్బుల కారణంగా ఉత్పత్తి తగ్గినప్పుడు ఆ నిల్వ విద్యుత్‌ను ఉపయోగించుకోవచ్చు. అయితే బ్యాటరీలో ఎంత విద్యుత్ నిల్వ ఉంది, ఇంట్లో ఎంత వినియోగిస్తున్నారు అనే అంశాలపై బ్యాకప్ సమయం ఆధారపడి ఉంటుంది.

హైబ్రిడ్ సోలార్ వ్యవస్థ: ఈ విధానంలో సోలార్ ప్యానెల్స్‌తో పాటు బ్యాటరీలు, విద్యుత్ గ్రిడ్‌ను కూడా ఉపయోగించుకునే అవకాశం ఉంటుంది. సరైన సామర్థ్యంతో వ్యవస్థను ఏర్పాటు చేసుకుంటే వర్షాకాలంలోనూ విద్యుత్ అవసరాలను మెరుగ్గా నిర్వహించుకోవచ్చు. అయితే నిరంతర విద్యుత్ సరఫరాకు సరైన డిజైన్, తగిన బ్యాటరీ సామర్థ్యం అవసరం.

వర్షాకాలంలోనూ సోలార్ ప్యానెల్స్ నుంచి సాధ్యమైనంత ఎక్కువ విద్యుత్ పొందాలంటే కొన్ని విషయాలను ముందుగానే పరిశీలించాలి. ముందుగా మన ప్రాంతంలో ఏడాది పొడవునా ఎండ ఎంత వస్తుంది? వర్షాలు ఎన్ని రోజులు పడతాయి? ఇంటికి రోజుకు ఎన్ని యూనిట్ల విద్యుత్ అవసరం? అనే అంశాలను అంచనా వేసుకోవాలి.

అధిక సామర్థ్యం కలిగిన సోలార్ ప్యానెల్స్‌ను పరిశీలించవచ్చు. అయితే తక్కువ వెలుతురులో ఏ ప్యానెల్ ఎంత విద్యుత్ ఉత్పత్తి చేస్తుందనేది దాని టెక్నిక‌ల్ ఫీచ‌ర్స్‌, వాతావరణ పరిస్థితులపై ఆధారపడి ఉంటుంది. కేవలం ప్యానెల్ రకం ఆధారంగా ఎక్కువ విద్యుత్ వస్తుందని నిర్ణయించకూడదు.

ప్యానెల్స్‌ను సరైన కోణంలో ఏర్పాటు చేయడం కూడా ముఖ్యం. సూర్యరశ్మి ఎక్కువగా అందేలా, నీరు నిలిచిపోకుండా నిపుణుల సలహాతో సరైన వాలు ఉండేలా చూడాలి. అలాగే ప్యానెల్స్‌పై దుమ్ము, ఆకులు పేరుకుపోకుండా ఎప్పటికప్పుడు పరిశీలించాలి. వర్షం కొంతవరకు శుభ్రం చేసినా అవసరమైనప్పుడు సురక్షితంగా శుభ్రం చేయాలి. ఇంటికి ఎంత విద్యుత్ అవసరమో తెలుసుకొని దానికి తగిన సామర్థ్యంతో సోలార్ ప్యానెల్స్, ఇన్వర్టర్, అవసరమైతే బ్యాటరీలను ఎంపిక చేసుకోవాలి.

రూ.10 వేల బడ్జెట్‌లో కేక పుట్టించే ఫోన్లు.. 120Hz డిస్‌ప్లే, 50MP కెమెరా.. లిస్ట్ చూస్తే షాకే

Mahesh Rajamoni — Thu, 17 Sep 2026 18:34:37 +0530

Smartphones: రూ. 10 వేల కంటే తక్కువలోనే స్మార్ట్‌ఫోన్ కోసం చూస్తున్న వారికి చాలా ఆప్షన్లు ఉన్నాయి. బడ్జెట్ ధరలోనే 120Hz రిఫ్రెష్ రేట్ డిస్‌ప్లే, 50MP కెమెరా, 5000mAh బ్యాటరీ, ఫాస్ట్ 5G కనెక్టివిటీ అందించే బెస్ట్ స్మార్ట్‌ఫోన్ల లిస్ట్ మీకోసం.

ప్రస్తుతం తక్కువ బడ్జెట్‌లో మంచి ఫీచర్లు ఉన్న స్మార్ట్‌ఫోన్ కొనడం చాలా ఈజీ అయిపోయింది. మీ బడ్జెట్ ₹10,000 కంటే తక్కువగా ఉంటే, కొత్త స్మార్ట్‌ఫోన్ కొనడానికి మీ దగ్గర ఇప్పుడు చాలా ఆప్షన్లు అందుబాటులో ఉన్నాయి. ఈ ధరలోనే పెద్ద స్క్రీన్, 120Hz రిఫ్రెష్ రేట్, 5G కనెక్టివిటీ, పవర్‌ఫుల్ బ్యాటరీ, ఇంకా అద్భుతమైన కెమెరా ఉన్న ఫోన్లు లభిస్తున్నాయి. మార్కెట్‌లో అందుబాటులో ఉన్న ఆ టాప్ మోడల్స్ వివరాలు గమనిస్తే..

Boltt Evo: ఈ ఫోన్ 6.79 అంగుళాల 120Hz డిస్‌ప్లేతో వస్తుంది. ఇందులో Unisoc T7250 ప్రొసెసర్ ఇచ్చారు. ఫొటోగ్రఫీ కోసం 50MP కెమెరా ఉంది. రోజంతా ఛార్జింగ్ నిలిచేలా 6000mAh పెద్ద బ్యాటరీని అందించారు. దీని ధర ₹9,999 గా ఉంది.

POCO C71: పోకో నుంచి వచ్చిన ఈ మోడల్ 6.88 అంగుళాల 120Hz డిస్‌ప్లే కలిగి ఉంది. ఇందులో Unisoc T7250 చిప్ వాడారు. కెమెరా పరంగా 32MP ప్రైమరీ కెమెరా, 5200mAh బ్యాటరీ లభిస్తుంది. ఈ ఫోన్ ధర ₹8,999 మాత్రమే.

Lava Virat V1: లావా నుంచి వచ్చిన ఈ బడ్జెట్ ఫోన్ 6.75 అంగుళాల 90Hz డిస్‌ప్లేతో అందుబాటులో ఉంది. ఇందులో 13MP కెమెరా, 5000mAh బ్యాటరీ, 4GB RAM ఇచ్చారు. దీని ధర ₹9,999 గా ఉంది.

Itel Zeno 200: ఐటెల్ జెనో 200 మోడల్ 6.75 అంగుళాల 120Hz డిస్‌ప్లేతో వస్తుంది. ఇందులో Unisoc T7250 ప్రొసెసర్ ఉపయోగించారు. ఈ ఫోన్‌లో 13MP కెమెరా, 5000mAh బ్యాటరీ, 128GB భారీ స్టోరేజ్ అందుబాటులో ఉంది. దీని ధర ₹9,999.

Tecno Pop X: టెక్నో కంపెనీ నుంచి వచ్చిన ఈ డివైజ్ 6.75 అంగుళాల 120Hz డిస్‌ప్లే కలిగి ఉంది. ఇందులో Unisoc T7250 చిప్ సెట్ ఉంది. వెనుక వైపు 13MP కెమెరా, ముందు వైపు 8MP ఫ్రంట్ కెమెరా ఇచ్చారు. 5000mAh బ్యాటరీ ఉన్న ఈ ఫోన్ ధర ₹9,499.

Moto G05: మోటోరోలా నుంచి వచ్చిన మోటో G05 ఫోన్ 6.67 అంగుళాల 90Hz డిస్‌ప్లేతో లభిస్తుంది. ఇందులో Helio G81 Extreme ప్రొసెసర్ వాడారు. క్లారిటీ ఫొటోల కోసం 50MP కెమెరా, 5200mAh బ్యాటరీ ఇందులో ఉంది. దీని ధర ₹7,299.

Lava Storm Lite 5G: తక్కువ ధరలో 5G కోరుకునే వారికి ఇది మంచి ఆప్షన్. ఇందులో Dimensity 6400 ప్రొసెసర్ ఉంది. 6.74 అంగుళాల 120Hz డిస్‌ప్లే, 50MP కెమెరా, 5000mAh బ్యాటరీతో వస్తున్న ఈ 5G ఫోన్ ధర కేవలం ₹7,999 మాత్రమే.

Tecno Spark Go 2: ఈ స్మార్ట్‌ఫోన్ 6.67 అంగుళాల 120Hz డిస్‌ప్లేను కలిగి ఉంటుంది. ఇందులో Unisoc T7250 ప్రొసెసర్ ఉంది. 13MP కెమెరా, 5000mAh బ్యాటరీతో లభించే ఈ ఫోన్ ధర ₹7,499 గా నిర్ణయించారు.

Vivo Y19e: వివో బ్రాండ్ నుంచి వచ్చిన ఈ మోడల్ 6.74 అంగుళాల 90Hz డిస్‌ప్లేతో వస్తుంది. ఇందులో Unisoc T7225 ప్రొసెసర్ ఇచ్చారు. 13MP కెమెరా, 5500mAh పెద్ద బ్యాటరీ ఇందులో ఉంది. ఈ ఫోన్ ధర ₹8,999.

Lava Shark 2: లావా సంస్థ అందించే మరో సరికొత్త మోడల్ లావా షార్క్ 2. ఇది 6.75 అంగుళాల 120Hz డిస్‌ప్లేతో వస్తుంది. ఇందులో Unisoc T7250 ప్రొసెసర్, 50MP ప్రైమరీ కెమెరా, 5000mAh బ్యాటరీ ఇచ్చారు. వేగంగా ఛార్జింగ్ కావడానికి 18W ఛార్జింగ్ సపోర్ట్ కూడా ఉంది. ఈ ఫోన్ ధర ₹7,999 గా ఉంది.

ఇవే కాకుండా ₹10,000లకు దగ్గరలో యూజర్లకు అద్భుతమైన ఫీచర్లు, 5G కనెక్టివిటీ, పవర్‌ఫుల్ కెమెరాలు ఉన్న స్మార్ట్‌ఫోన్లు మార్కెట్‌లో లభిస్తున్నాయి.

iPhone Duo: శాంసంగ్‌కు గట్టి పోటీ.. ఆపిల్ ఫస్ట్ ఫోల్డబుల్ ఫోన్ ఐఫోన్ డ్యూయో వచ్చేసింది.. ఫీచర్లు చూస్తే షాకే

Mahesh Rajamoni — Thu, 10 Sep 2026 12:00:30 +0530

Apple iPhone Duo: ఆపిల్ తన మొట్టమొదటి ఫోల్డబుల్ ఐఫోన్ డ్యూయోను మార్కెట్ లోకి తీసుకొచ్చింది. రూ. 2,99,000 ప్రారంభ ధరతో ఐఫోన్ డ్యూయోను లాంచ్ చేసింది. శాంసంగ్ కు షాకిస్తూ కిల్లింగ్ ఫీచర్లతో వచ్చిన ఆపిల్ తొలి మడత ఫోన్ పూర్తి వివరాలు మీకోసం.

ఆపిల్ లవర్స్ కు గుడ్ న్యూస్. టెక్ దిగ్గజం ఆపిల్ తన మొట్టమొదటి ఫోల్డబుల్ స్మార్ట్‌ఫోన్ ‘ఐఫోన్ డ్యూయో’ (iPhone Duo)ను అధికారికంగా మార్కెట్‌లోకి గ్రాండ్‌గా లాంచ్ చేసింది. శాంసంగ్ గెలాక్సీ ఫోల్డ్ మార్కెట్‌లోకి వచ్చిన ఏడేళ్ల తర్వాత యాపిల్ ఈ ప్రయోగానికి తెరలేపింది. ఆపిల్ తన వార్షిక ఈవెంట్‌లో ఐఫోన్ డ్యూయోతో పాటు ఐఫోన్ 18 ప్రో, ఐఫోన్ 18 ప్రో మాక్స్, ఎయిర్‌పాడ్స్ 5, నయా యాపిల్ వాచ్ మోడళ్లను అన్‌వీల్ చేసింది. భారత మార్కెట్‌లో ఐఫోన్ డ్యూయో ప్రారంభ ధర రూ. 2,99,000గా కంపెనీ నిర్ణయించింది.

ఆపిల్ చరిత్రలోనే ఇది అత్యంత సన్నని ఐఫోన్ కావడం విశేషం. ఈ ఫోన్ మడతపెట్టినప్పుడు పాస్‌పోర్ట్ సైజులో 5.4 అంగుళాల డిస్‌ప్లేతో ఉంటుంది. పూర్తిగా తెరిచాక 7.6 అంగుళాల భారీ స్క్రీన్‌గా మారుతుంది. ఇది ఐఫోన్ 18 ప్రో మాక్స్ కంటే 50 శాతం పెద్దది. కెమెరా విభాగంలో వెనుక వైపు రెండు 48-మెగాపిక్సెల్ కెమెరాలను ఇచ్చారు. ఒకటి 48MP అల్ట్రా-వైడ్ కెమెరా, రెండోది 48MP మెయిన్ ఫ్యూజన్ కెమెరా. లోపలి వైపు, కవర్ స్క్రీన్ పైన ప్రత్యేక కెమెరాలు ఉన్నాయి. 12MP సెంటర్ స్టేజ్ కెమెరా ఇచ్చారు. మెగ్‌సేఫ్ వైర్‌లెస్ ఛార్జింగ్‌కు ఇది సపోర్ట్ చేస్తుంది.

ఐఫోన్ డ్యూయో సింగిల్ ఛార్జ్‌పై రోజంతా పనిచేసే ఆల్ డే బ్యాటరీ లైఫ్‌ను ఇస్తుందని ఆపిల్ వెల్లడించింది. ఔటర్ స్క్రీన్ వాడితే 44 గంటలు, ఇన్నర్ స్క్రీన్ వాడితే 31 గంటల వీడియో ప్లేబ్యాక్ వస్తుంది. రెండు స్క్రీన్‌లు కలిపి వాడితే 22 గంటల బ్యాటరీ బ్యాకప్ లభిస్తుంది. కేవలం 5 నిమిషాల ఛార్జింగ్‌తో 5 గంటల పాటు వీడియో ప్లేబ్యాక్ చూసేలా ఫాస్ట్ ఛార్జింగ్ ఫీచర్‌ను డిజైన్ చేశారు. ఆపిల్ పెన్సిల్ సపోర్ట్ ఇవ్వడం శాంసంగ్ గెలాక్సీ ఫోల్డ్‌ కు గట్టి పోటీ ఇస్తుందని మార్కెట్ వర్గాలు పేర్కొంటున్నాయి.

ఐఫోన్ డ్యూయో కోసం అక్టోబర్ 16 నుంచి ప్రీ-ఆర్డర్లు ప్రారంభమవుతాయి. అక్టోబర్ 23 నుంచి వినియోగదారులకు అందుబాటులోకి వస్తుంది. ఇది ఐఫోన్ 18 ప్రో మోడళ్ల కంటే ఒక నెల ఆలస్యంగా సేల్‌కు రానుంది. ఈ ఫోల్డబుల్ ఫోన్ 256 GB, 512 GB, 1 TB, 2 TB స్టోరేజ్ ఆప్షన్లలో లభిస్తుంది. పవర్‌ఫుల్ పర్ఫార్మెన్స్ కోసం TSMC 2nm ప్రాసెస్‌పై తయారైన యాపిల్ లేటెస్ట్ A20 ప్రో చిప్‌సెట్‌ను ఇందులో ఉపయోగించారు. ఇదే ప్రాసెసర్‌ను ఐఫోన్ 18 ప్రో, ప్రో మాక్స్ మోడళ్లలోనూ అందించారు.

స్టీవ్ జాబ్స్ థియేటర్‌లో జరిగిన ఈ గ్రాండ్ ఈవెంట్‌ను యాపిల్ కొత్త సీఈవో జాన్ టెర్నస్ నేతృత్వంలో నిర్వహించారు. మాజీ సీఈవో టిమ్ కుక్ వాయిస్ ఓవర్‌తో ప్రారంభమైన ఈవెంట్‌లో టెర్నస్ తన జీన్స్ వెనుక జేబులోంచి ఐఫోన్ డ్యూయోను తీసి మార్కెట్‌కు పరిచయం చేశారు. ఫోల్డబుల్ స్మార్ట్‌ఫోన్ల అనుభవాన్ని ఐఫోన్ డ్యూయో పూర్తిగా రీడిఫైన్ చేస్తుందని ఆయన ధీమా వ్యక్తం చేశారు.

ఈ ఈవెంట్‌లో యాపిల్ ఇంటిలిజెన్స్ ఫీచర్లతో ఐఫోన్ 18 ప్రో, ప్రో మాక్స్‌లను కూడా లాంచ్ చేశారు. ఐఫోన్ 18 ప్రో ప్రారంభ ధర రూ. 1,64,900 కాగా, ప్రో మాక్స్ ధర రూ. 1,79,900గా ఉంది. దీంతో పాటు సిరి ఏఐ సపోర్ట్‌తో పవర్ ఫుల్ ఎయిర్‌పాడ్స్ 5 ని తీసుకొచ్చారు. అలాగే కొత్త హెల్త్ సెన్సార్లు, ఏఐ ఫీచర్లతో కూడిన యాపిల్ వాచ్ సిరీస్ 12, యాపిల్ వాచ్ ఆల్ట్రా 4 లను యాపిల్ విడుదల చేసింది.