Asianet News Telugu

Top 5 Smartphones Under 10K : రూ. 10 వేల లోపు బెస్ట్ 5G స్మార్ట్‌ఫోన్స్ ఇవే.. కెమెరా, బ్యాటరీ సూపర్ !

Mahesh Rajamoni — Tue, 27 Jan 2026 15:29:33 +0530

Top 5 Smartphones Under 10K : రూ. 10 వేల బడ్జెట్‌లో మంచి స్మార్ట్‌ఫోన్ కోసం చూస్తున్నారా? శాంసంగ్, రెడ్‌మి, పోకో, ఐటెల్ బ్రాండ్ల నుండి అద్భుతమైన ఫీచర్లతో లభించే బెస్ట్ ఫోన్ల పూర్తి వివరాలు, ధరలు ఇక్కడ తెలుసుకుందాం.

భారతదేశంలో స్మార్ట్‌ఫోన్ మార్కెట్ రోజురోజుకూ విస్తరిస్తోంది. ముఖ్యంగా బడ్జెట్ ఫ్రెండ్లీ ఫోన్లకు డిమాండ్ ఎప్పుడూ ఎక్కువగా ఉంటుంది. ప్రస్తుతం రూ. 10,000 లోపు ధరలో అనేక మంచి స్మార్ట్‌ఫోన్లు అందుబాటులో ఉన్నాయి. పనితీరు, ఫీచర్ల పరంగా ఇవి అద్భుతంగా ఉన్నాయి. కాలింగ్, బ్రౌజింగ్, బ్యాటరీ బ్యాకప్ వంటి విషయాలలో ఇవి ఖరీదైన ఫోన్లకు ఏమాత్రం తీసిపోవు. తక్కువ బడ్జెట్‌లో ఎక్కువ ఫీచర్లు కోరుకునే వారికి ఇవి మంచి ఎంపిక.

కేవలం మాట్లాడటానికే కాకుండా షాపింగ్, ఆన్‌లైన్ చదువులు, ఫోటోగ్రఫీ, వీడియోగ్రఫీ, బ్యాంకింగ్, ఆన్‌లైన్ పేమెంట్స్ వంటి ఎన్నో పనులు మొబైల్ ద్వారానే జరుగుతున్నాయి. అయితే, ప్రతి ఒక్కరికీ ఖరీదైన స్మార్ట్‌ఫోన్ కొనడం సాధ్యం కాదు. అందుకే, మీరు చాలా తక్కువ ధరలో మంచి స్మార్ట్‌ఫోన్ కొనాలని ఆలోచిస్తుంటే, మార్కెట్లో ఉన్న బెస్ట్ ఆప్షన్ల వివరాలు గమనిస్తే..

ప్రముఖ మొబైల్ తయారీ సంస్థ శాంసంగ్ నుంచి వచ్చిన ఈ మోడల్ 10 వేల రేంజ్‌లో అత్యుత్తమమైన ఫోన్‌గా నిలుస్తోంది. బ్రాండ్ వాల్యూతో పాటు మంచి స్పెక్స్ కోరుకునే వారికి ఇది సరైన ఎంపిక.

• ప్రాసెసర్: ఈ స్మార్ట్‌ఫోన్ 6300 ప్రాసెసర్‌తో పనిచేస్తుంది, ఇది రోజువారీ పనులకు చక్కగా సరిపోతుంది.

• కెమెరా: ఫోటోగ్రఫీ కోసం వెనుక వైపు 50MP డ్యుయల్ రియర్ కెమెరా సెటప్ ఉంది. సెల్ఫీల కోసం 8MP ఫ్రంట్ కెమెరాను అందించారు.

• బ్యాటరీ: ఇందులో 5000mAh సామర్థ్యం గల బ్యాటరీ ఉంది, రోజంతా ఫోన్ కు ఛార్జింగ్ పెట్టాల్సిన పనివుండదు.

• స్టోరేజ్, ధర: ఈ స్మార్ట్‌ఫోన్ 4GB RAM, 128GB స్టోరేజ్‌తో వస్తుంది. ఫ్లిప్‌కార్ట్‌లో దీని ధర రూ. 8,999 గా ఉండగా, అమెజాన్‌లో రూ. 9,999 కి కొనుగోలు చేయవచ్చు.

తక్కువ ధరలో 5G అనుభవాన్ని పొందాలనుకునే వారికి రెడ్‌మి 14C ఒక మంచి ఆప్షన్. ఇది లేటెస్ట్ ఫీచర్లతో వినియోగదారులను ఆకట్టుకుంటోంది.

• ప్రాసెసర్: ఈ ఫోన్ స్నాప్‌డ్రాగన్ 4 Gen 2 5G ప్రాసెసర్‌తో వస్తుంది, ఇది వేగవంతమైన పనితీరును అందిస్తుంది.

• కెమెరా: ఇందులో 50 MP రియర్ కెమెరా, 8 MP ఫ్రంట్ కెమెరా ఉన్నాయి, ఇవి స్పష్టమైన ఫోటోలను తీయగలవు.

• బ్యాటరీ: దీని బ్యాటరీ కెపాసిటీ 5160mAh, ఇది సాధారణ బ్యాటరీల కంటే కాస్త ఎక్కువ బ్యాకప్ ఇస్తుంది.

• స్టోరేజ్, ధర: ఈ ఫోన్ 4GB RAM + 64GB స్టోరేజ్ వేరియంట్‌లో లభిస్తుంది. అమెజాన్ సైట్‌లో ఈ మొబైల్ ధర రూ. 9,499 గా ఉంది.

పెద్ద డిస్‌ప్లే, స్టైలిష్ లుక్ కోరుకునే వారికి పోకో C75 ఒక అద్భుతమైన ఎంపిక. ముఖ్యంగా వీడియోలు చూసే వారికి ఇది బాగా నచ్చుతుంది.

• డిస్‌ప్లే: ఇందులో భారీ 6.88 అంగుళాల డిస్‌ప్లేను అందించారు.

• కెమెరా: వెనుక వైపు 50MP డ్యుయల్ రియర్ కెమెరా సెటప్, ముందు వైపు 5MP సెల్ఫీ కెమెరా ఉన్నాయి.

• బ్యాటరీ, ఛార్జింగ్: 5160mAh బ్యాటరీతో పాటు బాక్సులో 10 వాట్ల ఛార్జర్ లభిస్తుంది.

• ధర: అమెజాన్‌లో ఈ మొబైల్‌ను రూ. 8,149 కి కొనుగోలు చేయవచ్చు. ఫ్లిప్‌కార్ట్‌లో ఇది ఇంకాస్త తక్కువ ధరకు లభించే అవకాశం ఉంది.

బడ్జెట్ సెగ్మెంట్లో ఐటెల్ కంపెనీ కూడా పోటీపడుతూ A95 అనే 5G స్మార్ట్‌ఫోన్‌ను లాంచ్ చేసింది. ఇందులో ఆర్టిఫిషియల్ ఇంటెలిజెన్స్ ఫీచర్లు ఉండటం విశేషం.

• డిస్‌ప్లే: ఇందులో 6.6 అంగుళాల HD+ IPS LCD డిస్‌ప్లే ఉంది. ఇది మంచి విజువల్ ఎక్స్‌పీరియన్స్ ఇస్తుంది.

• AI ఫీచర్లు: ఈ ఫోన్‌లో AI అసిస్టెన్స్ Aivana పనిచేస్తుంది, ఇది యూజర్ ఎక్స్‌పీరియన్స్‌ను మెరుగుపరుస్తుంది.

• ధర: 4GB ర్యామ్ వేరియంట్ ధర రూ. 9,599 గా ఉండగా, 6GB ర్యామ్ వేరియంట్ రూ. 9,999 గా ఉంది.

రూ. 10 వేల బడ్జెట్‌లో మోటరోలా నుంచి వచ్చిన మరొక అద్భుతమైన స్మార్ట్‌ఫోన్ మోటో G35 5G. ఇందులో 5000mAh సామర్థ్యం గల భారీ బ్యాటరీని అందించారు. ఫోటోగ్రఫీ ప్రియుల కోసం వెనుక వైపు 50MP మెయిన్ కెమెరాతో పాటు 8MP సెకండరీ కెమెరా ఉంది. ఇక సెల్ఫీల కోసం 16MP ఫ్రంట్ కెమెరా ఇవ్వడం విశేషం. ఈ ఫోన్ 4GB ర్యామ్, 128GB ఇంటర్నల్ స్టోరేజ్‌తో వస్తుంది. ప్రస్తుతం ఈ స్మార్ట్‌ఫోన్ ప్రముఖ ఈ-కామర్స్ సైట్లైన అమెజాన్, ఫ్లిప్‌కార్ట్‌లలో కేవలం రూ. 9,999 ధరకే లభిస్తోంది. తక్కువ ధరలో మంచి 5G ఫోన్ కావాలనుకునే వారికి ఇది చక్కటి ఎంపిక.

బడ్జెట్ ఫోన్ల కొనుగోలులో గమనించాల్సిన అంశాలు ఇవే

పైన పేర్కొన్న స్మార్ట్‌ఫోన్లు అన్నీ రూ. 10,000 లోపు ధరలోనే లభిస్తాయి. మీరు ఆన్‌లైన్ క్లాసులు వినాలన్నా, సోషల్ మీడియా వాడాలన్నా లేదా సాధారణ గేమింగ్ ఆడాలన్నా ఈ ఫోన్లు సరిపోతాయి. ముఖ్యంగా శాంసంగ్, రెడ్‌మి, పోకో వంటి బ్రాండెడ్ కంపెనీల నుండి ఈ ధరలో 50MP కెమెరా, 5000mAh పైగా బ్యాటరీ లభించడం వినియోగదారులకు కలిసొచ్చే అంశం. మీ అవసరాలకు అనుగుణంగా, మీకు నచ్చిన బ్రాండ్, స్పెసిఫికేషన్లను బట్టి వీటిలో ఒకదానిని ఎంచుకోవచ్చు.

గమనిక: ఆన్‌లైన్ వెబ్‌సైట్లలో ఆఫర్లను బట్టి ధరలలో స్వల్ప మార్పులు ఉండవచ్చు. కొనుగోలు చేసే ముందు ప్రస్తుత ధరను సరిచూసుకోండి.

ఒకే యాప్ ! ఆపిల్-ఆండ్రాయిడ్ ధరల్లో ఇంత తేడా ఎందుకు?

Mahesh Rajamoni — Mon, 10 Nov 2025 16:28:46 +0530

Apple and Android Apps Price Gap : ఒకే యాప్‌కు ఆపిల్‌ యూజర్లు 13 రెట్లు ఎక్కువ చెల్లిస్తున్నారని మావెరిక్స్‌ సీఈఓ చేతన్ మహాజన్ తెలిపారు. ఆపిల్, ఆండ్రాయిడ్ యాప్ లతో ఆయన అనుభవం సోషల్ మీడియాలో వైరల్‌గా మారింది.

ఇటీవల ఆపిల్, ఆండ్రాయిడ్ ఫోన్లలో ఒకే యాప్ లో వివిధ రకాల ధరలు ఉండటం సోషల్ మీడియాలో వైరల్ గా మారాయి. తాజాగా ది మావెరిక్స్ సీఈఓ చేతన్ మహాజన్‌ ఐఫోన్‌ నుండి అండ్రాయిడ్‌ ఫోన్‌కు మారడం గురించి చేసిన ఒక పోస్టు కొత్త చర్చకు దారితీసింది.

ఈ మార్పు సులభంగా సాగుతుందని ఆయన అనుకున్నారు. కానీ అది 20 రోజుల సవాలుగా మారింది. వాట్సాప్‌ చాట్‌లను కొత్త ఫోన్‌కి మార్చే ప్రయత్నం చేస్తూ ఆయన పదిసార్లు విఫలమయ్యారు. అనేక సార్లు iCloud బ్యాకప్‌ చేసుకోవాల్సి వచ్చింది, ఫ్యాక్టరీ రీసెట్‌లు చేయాల్సి వచ్చింది.

చివరకు ఆయనకు జెనరేటివ్‌ AI సాయం చేసింది. ఇది “మొబైల్‌ట్రాన్స్ (MobileTrans)” అనే యాప్‌ను సూచించింది. ఆ యాప్‌ ద్వారా డేటా సక్సెస్‌ఫుల్‌గా ట్రాన్స్‌ఫర్‌ అయింది. కానీ ధర చూసి ఆయన ఆశ్చర్యపోయారు.. ఆపిల్‌ యాప్‌ స్టోర్‌లో నెలకు ₹2,499 కాగా, అదే యాప్‌ అండ్రాయిడ్‌లో కేవలం ₹186 మాత్రమే ఉంది. ఇదే విషయంపై “ఒకే యాప్, ఒకే అనుభవం, కానీ 13 రెట్లు ధర తేడా” అంటూ చేతన్ చేసిన పోస్టు కొత్త చర్చకు దారితీసింది.

చేతన్ మహాజన్‌ కేవలం ఈ ఒక్క యాప్ తో ఆగిపోలేదు. ఆయన ఆపిల్, ఆండ్రాయిడ్ ఇతర యాప్‌ల ధరలను కూడా పరిశీలించగా షాకింగ్ విషయాలు వెలుగుచూశాయి.

YouTube Premium — ఆపిల్‌లో ₹389, అండ్రాయిడ్‌లో ₹299.
Medium Membership — ఆపిల్‌లో ₹389, అండ్రాయిడ్‌లో ₹199.
Tinder Gold — ఆపిల్‌లో ₹520, అండ్రాయిడ్‌లో ₹420.
X Premium+ (Twitter) — ఆపిల్‌లో ₹4,999, అండ్రాయిడ్‌లో ₹3,000.

ఇంత తేడా ఎందుకు? అనేది ఆయనకు పెద్ద ప్రశ్నగా మారింది. ఒకే యాప్..ఒకే విధమైన ఫీచర్లు.. అయినప్పటికీ ఆపిల్‌ యూజర్లు 30% ఎక్కువ చెల్లించాల్సి వస్తుందని ఆయన గుర్తించారు.

ఆపిల్, ఆండ్రాయిడ్ ఫోన్ల యాప్ ధరల తేడాను గమనించిన తర్వాత చేతన్ మహాజన్‌ ను మరింత లోతైన ఆలోచనలో పడ్డారు. “టెక్‌, బిజినెస్‌, సంబంధాల్లోనూ నిజమైన నమ్మకం మనం ఏమి చెల్లిస్తున్నామో, దానికి ఎందుకు చెల్లిస్తున్నామో తెలిసినప్పుడు వస్తుంది” అని ఆయన లింక్డ్ఇన్ పోస్ట్‌లో రాశారు.

ఈ పోస్ట్‌ వైరల్‌ అవడంతో, వేలాది యూజర్లు స్పందించారు. చాలామంది ఆపిల్ ట్యాక్స్ అంటూ తమ అనుభవాలను పంచుకున్నారు. అంటే ఐఫోన్‌ యూజర్లు యాప్‌లకు అదనపు ధర చెల్లించాల్సి వస్తోందని పేర్కొన్నారు.

“అండ్రాయిడ్‌ వాడుతున్నప్పటికీ నేను ఒక యూజర్‌.. వినియోగదారు, ఎంపికలతో ఉన్న వ్యక్తిగా గుర్తింపును పొందుతున్నాననే అనిపించింది. ఫోన్‌ బ్రాండ్‌తో కాదు, విలువతో మనల్ని సమానంగా చూడాలి” అని అన్నారు.

ఆయన ఇంకా iPad, MacBook, AirPods వాడుతున్నప్పటికీ, ఆపిల్‌ ఉత్పత్తులపై ఉన్న భావోద్వేగ బంధం ఇప్పుడు తగ్గిపోయిందని చెప్పారు. “స్వేచ్ఛ అనేది మన చేతిలో ఉన్న ఫోన్‌పై ఆధారపడదు.. మన విలువకు తగ్గ న్యాయం పొందడంలో ఉంటుంది” అని ఆయన తన పోస్టును ముగించారు.

చేతన్ మహాజన్‌ పోస్ట్‌ ఇప్పుడు సోషల్‌ మీడియాలో పెద్ద చర్చగా మారింది. వేలాది యూజర్లు “ఒకే యాప్‌కు ఇంత తేడా ఎలా?” అని ప్రశ్నిస్తున్నారు. తాజా ఉదాహరణలతో చూస్తే ఆపిల్‌ ప్లాట్‌ఫామ్‌ ఫీజులు ఎక్కువగా ఉండటం వలన యూజర్లకు అధిక ధరలు వస్తున్నాయి.

ఈ అనుభవం టెక్‌ ప్రపంచంలో వినియోగదారుల అవగాహనను మరింత పెంచింది. “ఒకే యాప్‌, ఒకే అనుభవం.. కానీ ఆపిల్‌లో 13 రెట్లు ఖరీదు” అనే నిజం ఇప్పుడు మరో చర్చకు దారితీసింది.

Realme 16 Pro Series : రియల్‌మీ 16 ప్రో సిరీస్ వచ్చేసింది.. 200MP కెమెరా, 7000mAh బ్యాటరీ.. ధర ఎంత?

Mahesh Rajamoni — Wed, 07 Jan 2026 10:37:06 +0530

Realme 16 Pro Series : భారత మార్కెట్లో రియల్‌మీ 16 ప్రో, 16 ప్రో ప్లస్ స్మార్ట్‌ఫోన్‌లు విడుదలయ్యాయి. 200MP కెమెరా, 7000mAh భారీ బ్యాటరీ, స్నాప్‌డ్రాగన్ చిప్‌సెట్‌ వంటి ఆకర్షణీయమైన ఫీచర్లతో వచ్చిన ఈ ఫోన్ల ధర, ఆఫర్ల వివరాలు మీకోసం.

ప్రముఖ స్మార్ట్‌ఫోన్ తయారీ సంస్థ రియల్‌మీ (Realme) తన సరికొత్త రియల్‌మీ 16 ప్రో సిరీస్ ను అధికారికంగా ఇండియాలో విడుదల చేసింది. ఈ సిరీస్‌లో భాగంగా రియల్‌మీ 16 ప్రో (Realme 16 Pro), రియల్‌మీ 16 ప్రో ప్లస్ (Realme 16 Pro+) అనే రెండు స్మార్ట్‌ఫోన్‌లను మార్కెట్లోకి తీసుకొచ్చింది.

వీటితో పాటు కొత్త రియల్‌మీ బడ్స్ ఎయిర్ 8, రియల్‌మీ ప్యాడ్ 3 టాబ్లెట్‌ను కూడా కంపెనీ విడుదల చేసింది. ప్రధానంగా కెమెరా పనితీరు, బ్యాటరీ సామర్థ్యం, 5జీ పెర్ఫార్మెన్స్‌పై దృష్టి సారించి ఈ మిడ్ రేంజ్ స్మార్ట్‌ఫోన్లను తీసుకొచ్చారు. ఈ రెండు ఫోన్లు ఆన్‌లైన్ ప్లాట్‌ఫారమ్‌లు, ఆఫ్‌లైన్ రీటైల్ స్టోర్లలో ఈ నెల నుంచే అందుబాటులోకి రానున్నాయి.

ఈ సిరీస్ డిజైన్ కోసం రియల్‌మీ ప్రముఖ డిజైనర్ నవోటో ఫుకసావాతో చేతులు కలిపింది. రెండు స్మార్ట్‌ఫోన్‌లకు వెనుక వైపు బయో బేస్డ్ ఆర్గానిక్ సిలికాన్ బ్యాక్ కవర్‌ను అందించారు. ఇది మంచి గ్రిప్‌ను ఇవ్వడమే కాకుండా చూడటానికి ప్రీమియంగా కనిపిస్తుంది. గోధుమ గింజల నమూనాతో కూడిన ఈ ఆకృతి చేతికి మృదువైన అనుభూతిని ఇస్తుంది. రియల్‌మీ 16 ప్రో ప్లస్ మాస్టర్ గోల్డ్, మాస్టర్ గ్రే, కెమెలియా పింక్ రంగుల్లో లభిస్తుంది. రియల్‌మీ 16 ప్రో మాస్టర్ గోల్డ్, మాస్టర్ గ్రే, ఆర్కిడ్ పర్పుల్ రంగుల్లో వస్తుంది.

డిస్‌ప్లే విషయానికి వస్తే, రియల్‌మీ 16 ప్రో ప్లస్ 6.8-అంగుళాల 1.5K హైపర్‌గ్లో 4D కర్వ్డ్ డిస్‌ప్లేను కలిగి ఉంది. ఇది 144Hz రిఫ్రెష్ రేట్, 6500 నిట్స్ పీక్ బ్రైట్‌నెస్‌తో వస్తుంది, ఇది చీకటి ప్రదేశాల్లో కూడా కళ్లకు రక్షణ కల్పిస్తుంది. రియల్‌మీ 16 ప్రో 6.78-అంగుళాల ఫ్లాట్ అమోలెడ్ డిస్‌ప్లేతో వస్తుంది, ఇది కూడా 144Hz రిఫ్రెష్ రేట్‌ను కలిగి ఉంది. రెండు ఫోన్లు IP69 రేటెడ్ వాటర్, డస్ట్ రెసిస్టెన్స్‌ను కలిగి ఉండటం విశేషం.

పనితీరు పరంగా రియల్‌మీ 16 ప్రో ప్లస్ క్వాల్కమ్ స్నాప్‌డ్రాగన్ 7 జెన్ 4 చిప్‌సెట్‌తో పనిచేస్తుంది. ఈ ప్రాసెసర్ AnTuTu స్కోరులో 1.44 మిలియన్ పాయింట్లను సాధించిందని, 120FPS వద్ద కూడా లాగ్ ఫ్రీ గేమింగ్ అనుభవం లభిస్తుందని కంపెనీ పేర్కొంది. మరోవైపు, రియల్‌మీ 16 ప్రో మీడియాటెక్ డైమెన్సిటీ 7300-మ్యాక్స్ చిప్‌సెట్‌తో వస్తోంది.

రెండు స్మార్ట్‌ఫోన్‌లు ఆండ్రాయిడ్ 16 ఆధారిత రియల్‌మీ UI 7.0తో వస్తాయి. ఇందులో నెక్ట్స్ ఏఐ టూల్స్ అందుబాటులో ఉన్నాయి. ఏఐ ఫ్రేమింగ్ మాస్టర్, ఏఐ రికార్డింగ్, ఏఐ ట్రాన్స్‌లేషన్, ఏఐ గేమింగ్ కోచ్, గూగుల్ జెమిని లైవ్ వంటి ఫీచర్లు ఉన్నాయి. ఫ్లక్స్ ఇంజిన్ ద్వారా రోజువారీ రెస్పాన్స్ 15% వేగంగా ఉంటుందని కంపెనీ తెలిపింది.

ఈ సిరీస్ ప్రధాన ఆకర్షణ దీని కెమెరా విభాగం. రెండు ఫోన్లలోనూ వెనుక వైపు 200MP లూమాకలర్ కెమెరాను అమర్చారు. అయితే, రియల్‌మీ 16 ప్రో ప్లస్ అదనంగా 3.5x పెరిస్కోప్ టెలిఫోటో లెన్స్‌తో వస్తుంది. ఇది 7x క్లోజప్స్, 10x స్టేజ్ క్యాప్చర్స్, 120x సూపర్ జూమ్‌కు సపోర్ట్ చేస్తుంది. ఫుల్‌ఫోకల్ పోర్ట్రెయిట్ లెన్స్ కిట్, ప్రోడెప్త్ బోకే ఆల్గారిథమ్‌తో జుట్టు స్థాయి బ్లర్‌ను కూడా స్పష్టంగా తీయగలదని రియల్‌మీ పేర్కొంది. రియల్‌మీ 16 ప్రో కూడా 200MP కెమెరా, గోల్డెన్ పోర్ట్రెయిట్ లెన్స్ కిట్‌ను కలిగి ఉంటుంది.

వినియోగదారుల అవసరాలను దృష్టిలో ఉంచుకుని, రెండు స్మార్ట్‌ఫోన్‌లలోనూ భారీ 7000mAh బ్యాటరీని అందించారు. ఇది సులభంగా ఒక రోజంతా ఛార్జింగ్ వస్తుందని కంపెనీ తెలిపింది. అలాగే ఫాస్ట్ ఛార్జింగ్ సపోర్ట్ కూడా ఉంది. ఫోన్ వేడెక్కకుండా చూసేందుకు ఎయిర్‌ఫ్లో వీసీ కూలింగ్ సిస్టమ్ ఇందులో అమర్చారు.

రియల్‌మీ 16 ప్రో ప్లస్ 12GB వరకు ర్యామ్, 256GB వరకు ఇంటర్నల్ స్టోరేజ్‌తో వస్తుంది, అయితే ఇందులో మెమరీని పెంచుకునే ఆప్షన్ లేదు. రియల్‌మీ 16 ప్రో సిరీస్ ద్వారా వినియోగదారులకు ఫ్లాగ్‌షిప్ స్థాయి అనుభవాన్ని అందించడమే లక్ష్యంగా పెట్టుకున్నట్లు కంపెనీ వెల్లడించింది.

రియల్‌మీ 16 ప్రో సిరీస్ ధరలను కంపెనీ చాలా పోటీతత్వంతో నిర్ణయించింది. రియల్‌మీ 16 ప్రో ప్లస్ ప్రారంభ ధర రూ. 35,999 కాగా, రియల్‌మీ 16 ప్రో ప్రారంభ ధర రూ. 28,999 గా ఉంది. ఈ రెండు మోడళ్లు 8GB+128GB, 8GB+256GB, 12GB+256GB వేరియంట్లలో లభిస్తాయి. వినియోగదారులు రియల్ మీ అధికారికి వెబ్ సైట్, ఫ్లిప్ కార్ట్ లో, పలు ఆఫ్‌లైన్ స్టోర్ల ద్వారా వీటిని కొనుగోలు చేయవచ్చు.

రియల్‌మీ 16 ప్రో ప్లస్ వేరియంట్ల ధరలు

• 8GB + 128GB: రూ. 39,999 (ఆఫర్లతో రూ. 35,999)

• 8GB + 256GB: రూ. 41,999 (ఆఫర్లతో రూ. 37,999)

• 12GB + 256GB: రూ. 44,999 (ఆఫర్లతో రూ. 40,999)

రియల్‌మీ 16 ప్రో వేరియంట్ల ధరలు (ఎంఓపి):

• 8GB + 128GB: రూ. 31,999 (ఆఫర్లతో రూ. 28,999)

• 8GB + 256GB: రూ. 33,999 (ఆఫర్లతో రూ. 30,999)

• 12GB + 256GB: రూ. 36,999 (ఆఫర్లతో రూ. 33,999)

బ్యాంక్ ఆఫర్ల ద్వారా రూ. 3,000 నుండి రూ. 4,000 వరకు తగ్గింపు లభిస్తుంది. అలాగే ఎక్స్‌ఛేంజ్ బోనస్, రియల్‌మీ బడ్స్ బహుమతులు వంటి అదనపు ప్రయోజనాలు కూడా ఉన్నాయి.

ప్రతి స్మార్ట్‌ఫోన్‌లో సంచార్ సాథీ ఉండాల్సిందే.. అసలేంటిది? ఏం చేస్తుంది?

Mahesh Rajamoni — Mon, 01 Dec 2025 22:57:05 +0530

Sanchar Saathi : కొత్తగా భారత మార్కెట్ లోకి వచ్చే ప్రతి స్మార్ట్‌ఫోన్‌లో సంచార్ సాథీ యాప్‌ను తప్పనిసరిగా ఇన్‌స్టాల్ చేయాలని కేంద్రం ఆదేశించింది. దీనిని డిలీట్ చేయకుండా డిఫాల్ట్ గా ఉంచాలనీ, సైబర్ భద్రత బలోపేతమే దీని ప్రధాన లక్ష్యంగా పేర్కొంది.

భారతదేశంలో మొబైల్‌ వినియోగం విస్తృతంగా పెరుగుతోంది. ఇదే సమయంలో సైబర్ మోసాలు, ఫోన్ దొంగతనాల సంఖ్య ఆందోళనకరంగా మారింది. దేశ వ్యాప్తంగా 100 కోట్లకు పైగా మొబైల్ వినియోగదారులు ఉండటంతో, వారి భద్రతను పటిష్టం చేయడానికి కేంద్ర ప్రభుత్వం కీలక నిర్ణయం తీసుకుంది.

ఇకపై భారత మార్కెట్లో అమ్మకానికి వచ్చే ఏ కొత్త స్మార్ట్‌ఫోన్ అయినా సంచార్ సాథీ (Sanchar Saathi) అనే ప్రభుత్వ సైబర్ సెక్యూరిటీ యాప్‌ను తప్పనిసరిగా ముందే ఇన్‌స్టాల్ చేసి ఇవ్వాల్సిందేనని మొబైల్ తయారీ సంస్థలకు కేంద్రం ఆదేశాలు జారీ చేసింది.

ఈ యాప్‌ను వినియోగదారులు ఫోన్‌లోంచి తొలగించడం కూడా సాధ్యం కాని విధంగా ప్రభుత్వం నిర్దేశించింది. అంటే, ఇది ప్రతి యూజర్‌కి తప్పనిసరిగా ఉండే భద్రతా సాధనంగా మారనుంది.

సంచార్ సాథీ యాప్‌ను 2025 జనవరిలో టెలికమ్యూనికేషన్స్ విభాగం (DoT) అధికారికంగా విడుదల చేసింది. ఫోన్ చోరీలు, అక్రమ సిమ్ కనెక్షన్‌లు, ఐఎంఈఐ స్పూఫింగ్ వంటి అధిక స్థాయి సైబర్ మోసాలను అరికట్టడం దీని ప్రధాన ఉద్దేశం.

సంచార్ సాథీ యాప్‌లోని ముఖ్య ఫీచర్లు ఇవే

• పోయిన లేదా దొంగిలించిన ఫోన్లను దేశవ్యాప్తంగా బ్లాక్ చేయడం

• ఐఎంఈఐ నంబర్ మార్చిన ఫోన్లను గుర్తించడం

• వినియోగదారు పేరుతో నమోదైన అన్ని సిమ్ నంబర్లను చెక్ చేయడం

• మోసపూరిత కాల్‌లు లేదా సందేశాలను రిపోర్ట్ చేసే సేఫ్టీ ఫీచర్

• కేవైఎం (Know Your Mobile) ద్వారా ఫోన్ అసలు అయినదో కాదో తెలుసుకోవడం

ప్రభుత్వం వెల్లడించిన డేటా ప్రకారం, యాప్ లాంఛ్ తర్వాత ఇప్పటి వరకు 7 లక్షలకు పైగా చోరీ ఫోన్లను గుర్తించి బ్లాక్ చేసినట్లు పేర్కొంది.

ప్రభుత్వం జారీ చేసిన తాజా ఆదేశాల ప్రకారం.. యాపిల్, శాంసంగ్, ఒప్పో, వివో, షియోమీ వంటి ప్రతి మొబైల్ తయారీ సంస్థకూ ఈ యాప్‌ను కొత్త పరికరాల్లో ప్రీ-ఇన్‌స్టాల్ చేయడానికి 90 రోజుల గడువు ఇచ్చింది. ఈ మార్పు కొత్త ఫోన్లకే కాకుండా, ఇప్పటికే మార్కెట్లో ఉన్న స్మార్ట్‌ఫోన్లకూ సాఫ్ట్‌వేర్ అప్‌డేట్ ద్వారా వర్తించనుంది.

అయితే, యాపిల్ వంటి గ్లోబల్ బ్రాండ్లు తమ iOS ఆపరేటింగ్ సిస్టమ్‌లో ప్రభుత్వ యాప్‌లను ముందే చేర్చడానికి ఆసక్తి చూపకపోవడం వల్ల, ఈ నిర్ణయంపై వారి స్పందన ఎలా ఉంటుందన్నది పరిశ్రమలో చర్చనీయాంశంగా మారింది.

ప్రభుత్వం అందించిన గణాంకాల ప్రకారం.. సంచార్ సాథీ దేశవ్యాప్తంగా మొబైల్ భద్రతను గణనీయంగా పెంచింది. ఇప్పటి వరకు 5 మిలియన్లకుపైగా డౌన్‌లోడ్లు నమోదు అయ్యాయి. దొంగిలించిన 3.7 మిలియన్ మొబైల్‌లను బ్లాక్ చేయడంలో సహాయం చేసింది. 30 మిలియన్ మోసపూరిత సిమ్ కనెక్షన్‌లు రద్దు అయ్యాయి. సైబర్ నేరాల తీవ్రతను దృష్టిలో ఉంచుకుని, ఈ యాప్ తీసుకొచ్చిన తర్వాత సైబర్ మోసాల్లో 20% నుంచి 30% వరకూ తగ్గుదల నమోదుకానుందని నిపుణులు భావిస్తున్నారు.

యాప్ ద్వారా:

1. Google Play Store లో Sanchar Saathi యాప్ డౌన్‌లోడ్ చేయండి

2. మొబైల్ నంబర్‌తో రిజిస్టర్ అవ్వండి

3. “CEIR Services” → “Block Your Phone” సెలెక్ట్ చేయండి

4. IMEI నంబర్, ఫోన్ వివరాలు నమోదు చేయండి

5. పోలీస్ ఎఫ్ఐఆర్, ఐడీ ప్రూఫ్ అప్‌లోడ్ చేయండి

6. ఫోన్ దొరికితే “Unblock” ఆప్షన్ ద్వారా అన్‌బ్లాక్ చేసుకోవచ్చు

పోర్టల్ ద్వారా:

• sancharsaathi.gov.in వెబ్‌సైట్ ఓపెన్ చేయండి

• “Block Lost/Stolen Mobile Handset” సెలెక్ట్ చేయండి

• అవసరమైన వివరాలు, ఎఫ్ఐఆర్ అప్‌లోడ్ చేయండి

ఈ విధంగా, సంచార్ సాథీ యాప్ మొబైల్ భద్రతను కేవలం యాప్ స్థాయిలో కాదు, జాతీయ స్థాయిలో డిజిటల్ సెక్యూరిటీ వ్యవస్థలో కీలక భాగంగా నిలుస్తోంది.

Viral News: ‘మీరు చ‌నిపోయారా’.? యువత పెద్ద ఎత్తున ఈ యాప్‌ను ఎందుకు డౌన్‌లోడ్ చేస్తోంది

Narender Vaitla — Wed, 14 Jan 2026 11:42:54 +0530

Viral News: ప్ర‌స్తుతం చైనాలో ఓ యాప్ తెగ వైర‌ల్ అవుతోంది. ముఖ్యంగా ఒంటరిగా జీవించే యువత ఈ యాప్‌ను పెద్ద ఎత్తున డౌన్‌లోడ్ చేస్తున్నారు. Are You Dead పేరుతో తీసుకొచ్చిన ఈ యాప్‌కు సంబంధించిన పూర్తి వివ‌రాలు ఇప్పుడు తెలుసుకుందాం.

చైనాలో తాజాగా ఓ యాప్ విపరీతంగా ట్రెండ్ అవుతోంది. పేరు వినగానే షాక్ ఇచ్చేలా ఉన్న ఈ యాప్ పేరు “Are You Dead?”. దీని కాన్సెప్ట్ చాలా సింపుల్. యాప్‌ను ఉపయోగించే వ్యక్తి ప్రతి రెండు రోజులకు ఒకసారి బటన్ నొక్కి తాను సురక్షితంగా ఉన్నానని కన్ఫర్మ్ చేయాలి. అలా చేయకపోతే, ముందే ఎంపిక చేసిన ఎమర్జెన్సీ కాంటాక్ట్‌కి అలర్ట్ వెళ్తుంది.

యాప్ డౌన్‌లోడ్ చేసిన తర్వాత యూజర్ తనకు నమ్మకమైన ఒక వ్యక్తి ఫోన్ నంబర్ లేదా మెయిల్‌ను ఎమర్జెన్సీ కాంటాక్ట్‌గా సెట్ చేయాలి. ప్రతి 48 గంటలకు ఒక నోటిఫికేషన్ వస్తుంది. దానిపై క్లిక్ చేస్తే సరిపోతుంది. నిర్ణీత సమయంలో స్పందన లేకపోతే, “ఏదో సమస్య ఉండొచ్చు” అనే మెసేజ్ ఎమర్జెన్సీ కాంటాక్ట్‌కి పంపుతుంది. ఇందులో లాగిన్, ఎక్కువ పర్సనల్ డేటా అవసరం ఉండదు.

చైనాలో పెద్ద నగరాల్లో ఒంటరిగా జీవించే యువత సంఖ్య వేగంగా పెరుగుతోంది. ఉద్యోగం, చదువు కారణంగా కుటుంబానికి దూరంగా ఉంటున్నారు. ఏదైనా ఆరోగ్య సమస్య వచ్చినా, ప్రమాదం జరిగినా… రోజులు తరబడి ఎవరికీ తెలియకుండా ఉండిపోతామేమో అనే భయం చాలామందిలో ఉంది. ఈ యాప్ “ఎవరైనా ఒకరు నన్ను గమనిస్తారు” అనే భద్రత భావన ఇస్తోంది. అందుకే యువ ఉద్యోగులు, విద్యార్థులు ఎక్కువగా దీనిని వాడుతున్నారు.

కొంతమంది యాప్ పేరు చాలా నెగటివ్‌గా ఉందని విమర్శిస్తున్నారు. అశుభంగా ఉంటుందని, పేరు మార్చాలని సూచిస్తున్నారు. అయితే మరికొందరు మాత్రం “ఒంటరిగా జీవించే వారికి ఇది అవసరమే” అని స‌పోర్ట్‌ ఇస్తున్నారు. “ఒంటరిగా చనిపోతే ఎవరికీ తెలియకపోతే?” అనే ఆలోచన తమను భయపెడుతుందని పలువురు యూజర్లు సోషల్ మీడియాలో వెల్లడించారు.

ఈ యాప్‌ను Moonscape Technologies అనే చిన్న స్టార్టప్ రూపొందించింది. కేవలం వెయ్యి యువాన్ ఖర్చుతో తయారైన ఈ యాప్ ప్రస్తుతం కోట్ల విలువకు చేరింది. ఇప్పటికే చైనాలోనే కాకుండా అమెరికా, సింగపూర్, హాంగ్‌కాంగ్ లాంటి దేశాల్లోనూ డౌన్‌లోడ్స్ పెరుగుతున్నాయి. భవిష్యత్తులో వృద్ధుల కోసం ప్రత్యేకంగా మరో వెర్షన్ తీసుకురావాలని యాప్ సంస్థ ఆలోచిస్తోంది. ఒంటరిగా జీవించే వృద్ధులకు భద్రత కల్పించడమే లక్ష్యమని చెబుతోంది.

2026 AI Impact : ఎవరి ఉద్యోగం సేఫ్.. ఎవరిది డేంజర్? నిపుణుల విశ్లేషణ ఇదే !

Mahesh Rajamoni — Fri, 02 Jan 2026 23:24:05 +0530

Job Market 2026 AI Impact : 2026లో జాబ్ మార్కెట్ ఎలా ఉండబోతోంది? ఏఐ ప్రభావం, శాలరీ హైక్, ఏ రంగాల్లో ఉద్యోగాలు లభిస్తాయి? 2026లో ఎవరి ఉద్యోగం సేఫ్.. ఎవరిది డేంజర్? అనే విషయాల పై నిపుణుల విశ్లేషణలు ఏంటో ఇక్కడ తెలుసుకుందాం.

ప్రస్తుత రోజుల్లో చాలా మంది ఉద్యోగుల మనసులో మెదులుతున్న ప్రధాన ప్రశ్న ఒక్కటే.. ఏఐ కారణంగా నిజంగానే మార్కెట్లో ఉద్యోగాలు తగ్గిపోయాయా?. ఆర్టిఫిషియల్ ఇంటెలిజెన్స్ ప్రభావం, వేతనాల పెంపు నెమ్మదించడం, తరచూ ఉద్యోగాలు మారుతున్న జెన్ జీ ధోరణి.. ఇలా అనేక అంశాలు ఉద్యోగ ప్రపంచంలో గందరగోళాన్ని సృష్టిస్తున్నాయి.

ఈ నేపథ్యంలో 2026లో, ఆ తర్వాత జాబ్ మార్కెట్ పరిస్థితి ఎలా ఉండబోతోంది? ఉద్యోగులు ఎలాంటి మార్పులకు సిద్ధంగా ఉండాలి? అనే విషయాలపై పలువురు మార్కెట్ నిపుణులు పలు విషయాలను, మార్కెట్ పోకడలను విశ్లేషణ చేస్తూ కీలక అంశాలను ప్రస్తావించారు. భారతదేశంలో జాబ్ మార్కెట్ భవిష్యత్తు, ఉద్యోగ భద్రత, అవసరమైన నైపుణ్యాల గురించి వారు చెబుతున్న కీలక విషయాలు గమనిస్తే..

ప్రస్తుతం అందరూ అనుకుంటున్నట్లుగా భారతదేశంలో హైరింగ్ ప్రక్రియ పూర్తిగా ఆగిపోలేదు. అయితే, ఈ ప్రక్రియలో గణనీయమైన మార్పు వచ్చింది. విశ్లేషకుల ప్రకారం.. కంపెనీలు ఇప్పుడు ఉద్యోగాల ఎంపికలో చాలా నిశితంగా వ్యవహరిస్తున్నాయి.

2021-22 సంవత్సరాల్లో కంపెనీలు భారీ ఎత్తున ఉద్యోగులను నియమించుకున్నాయి. కానీ ఇప్పుడు పరిస్థితి మారింది. ఇప్పుడు కంపెనీల ఫోకస్ ఎక్కువ మందిని చేర్చుకోవడం మీద కాకుండా, సరైన నైపుణ్యాలు ఉన్న తక్కువ మందిని ఎంచుకోవడం మీద ఉంది. అంటే, మార్కెట్లో ఎన్ని ఉద్యోగాలు ఖాళీగా ఉన్నాయి అన్నది ప్రశ్న కాదు.. మీరు ఆ ఉద్యోగానికి ఎంత విలువను జోడించగలరు, మీకు ఉన్న స్కిల్స్ కంపెనీకి ఎంతవరకు ఉపయోగపడతాయి అనేదే అసలైన సవాలుగా ఉందని చెబుతున్నారు.

అన్ని రంగాల్లోనూ మాంద్యం లేదా నిరాశాజనక వాతావరణం లేదు. కొన్ని సెక్టార్లలో ఉద్యోగ అవకాశాలు వేగంగా పెరుగుతున్నాయి. ముఖ్యంగా మ్యానుఫ్యాక్చరింగ్, ఆటోమొబైల్, పునరుత్పాదక ఇంధన వనరులు, సప్లై చైన్ వంటి రంగాల్లో గణనీయమైన వృద్ధి కనిపిస్తోంది.

దీంతో పాటు గ్లోబల్ కేపబిలిటీ సెంటర్స్ (GCC) భారతదేశంలో తమ విస్తరణను వేగవంతం చేశాయి. కేవలం బెంగళూరులోనే కాకుండా హైదరాబాద్, పూణే, ఢిల్లీ ఎన్సీఆర్ వంటి నగరాల్లో కూడా ఇవి విస్తరిస్తున్నాయి. టెక్నాలజీ పరంగా చూస్తే.. ఏఐ, డేటా సైన్స్, ఫైనాన్స్, అనలిటిక్స్ విభాగాల్లో హై వాల్యూ ఉద్యోగాలు కొత్తగా వస్తూనే ఉన్నాయి. కాబట్టి సరైన డొమైన్ నాలెడ్జ్ ఉన్నవారికి అవకాశాలకు కొదవలేదు.

గత రెండేళ్లలో (2021-23) ఉద్యోగుల వేతనాల్లో భారీ పెరుగుదల కనిపించింది. అయితే, ఆ వేగవంతమైన వృద్ధి తరువాత కంపెనీలు ఇప్పుడు కాస్త విరామం తీసుకుంటున్నాయి. దీనిని మార్కెట్ కరెక్షన్‌గా భావించవచ్చు. అంతమాత్రాన మంచి నైపుణ్యాలు ఉన్నవారికి డిమాండ్ తగ్గిందని అర్థం కాదు. ఇదే సమయంలో ఐఏ ప్రభావం కూడా మొదలైంది.

ప్రస్తుతం మార్కెట్లో ఒక ట్రెండ్ నడుస్తోంది. ఉద్యోగి హోదా కంటే, అతనికి ఉన్న నైపుణ్యానికే ఎక్కువ ప్రాధాన్యం ఇస్తున్నారు. ఏఐ, డేటా అనలిటిక్స్, సైబర్ సెక్యూరిటీ, ఈఎస్‌జీ (ESG) వంటి స్కిల్స్ ఉన్నవారికి ఇప్పటికీ మంచి ప్యాకేజీలు లభిస్తున్నాయి. కాబట్టి జీతం అనేది ఇప్పుడు పూర్తిగా మీ స్కిల్ సెట్‌పై ఆధారపడి ఉంటుంది.

చాలా మంది భయపడుతున్నట్లుగా ఆర్టిఫిషియల్ ఇంటెలిజెన్స్ మీ ఉద్యోగాన్ని లాక్కోదు.. కానీ మీరు మారకపోతే ముప్పు తప్పదు. నిపుణుల విశ్లేషణ ప్రకారం, ఏఐ అనేది మనిషికి సహాయకారిగా ఉంటుంది తప్ప పూర్తిగా భర్తీ చేయదు. అయితే, ఒకే పనిని పదేపదే చేసే ఉద్యోగాలకు మాత్రం ముప్పు పొంచి ఉంది. ఉదాహరణకు డేటా ఎంట్రీ లేదా బేసిక్ రిపోర్టింగ్ వంటి పనులు ఏఐ సులభంగా చేయగలదు.

భవిష్యత్తు అంతా డొమైన్ నాలెడ్జ్, టెక్నాలజీ స్కిల్స్ రెండూ కలిపి పనిచేసే వారిదే. భారతదేశం ఇప్పుడు కేవలం బ్యాక్ ఆఫీస్ లేదా సపోర్ట్ సిస్టమ్ మాత్రమే కాదు. ప్రపంచానికి అవసరమైన ఏఐ డెవలప్‌మెంట్, ప్రొడక్ట్ ఇన్నోవేషన్, ఫైనాన్స్ లీడర్‌షిప్‌లో ఇండియా ఒక వ్యూహాత్మక కేంద్రంగా మారుతోంది. ఈ మార్పును అందిపుచ్చుకున్న వారికి అద్భుతమైన భవిష్యత్తు ఉంటుంది.

స్టార్టప్స్, కన్స్యూమర్ టెక్ వంటి కొన్ని రంగాల్లో లేఆఫ్స్ లేదా ఉద్యోగాల కోత కొనసాగవచ్చు. కానీ ఏఐ, క్లౌడ్ కంప్యూటింగ్, సైబర్ సెక్యూరిటీ, కంప్లయన్స్ వంటి విభాగాల్లో అవకాశాలు పుష్కలంగా ఉన్నాయి. జెన్ జీ (Gen Z) ఉద్యోగులు తరచూ జాబ్స్ మారుతున్నారని అంటుంటారు. అయితే వారు కేవలం జీతం కోసం మాత్రమే కాదు, నేర్చుకోవడానికి అవకాశం, స్పష్టమైన గ్రోత్, ఫ్లెక్సిబిలిటీ ఉన్న చోట నిలదొక్కుకుంటున్నారు.

2030 నాటికి లేదా భవిష్యత్తులో ఉద్యోగంలో రాణించాలంటే.. ఏఐ, డేటాపై అవగాహన ఉండాలి. అంటే డేటాను అర్థం చేసుకోవడం, ఏఐ టూల్స్ వాడటంలో నైపుణ్యాలు ఉండాలి. వ్యాపార నియమాలు, పర్యావరణ, సామాజిక అంశాలపై పట్టు ఉండాలి. టెక్నాలజీని, వ్యాపార అవసరాలను సమన్వయం చేస్తూ పని చేసే సామర్థ్యం కలిగి ఉండాలి. అంటే మొత్తంగా జాబ్ మార్కెట్ ఇప్పుడు అప్‌గ్రేడ్ కోరుకుంటోంది.

Motorola Edge 70 : మోటోరోలా ఎడ్జ్ 70 సేల్ షురూ.. ధర, ఆఫర్లు, ఫీచర్లు చూస్తే వావ్ అనాల్సిందే!

Mahesh Rajamoni — Tue, 23 Dec 2025 18:12:03 +0530

Motorola Edge 70 : భారత్‌లో మోటోరోలా ఎడ్జ్ 70 అమ్మకాలు మొదలయ్యాయి. కేవలం 5.99 మి.మీ మందంతో అత్యంత స్లిమ్ ఫోన్‌గా వచ్చిన దీని ధర రూ. 29,999. స్నాప్‌డ్రాగన్ 7 జెన్ 4 ప్రాసెసర్, 5000mAh బ్యాటరీ వంటి ఆకర్షణీయమైన ఫీచర్లు ఇందులో ఉన్నాయి.

డిసెంబర్ 15న ఇండియాలో లాంచ్ అయిన మోటోరోలా ఎడ్జ్ 70 స్మార్ట్‌ఫోన్ ఇప్పుడు కొనుగోలుకు అందుబాటులోకి వచ్చింది. ఈ ఫోన్ కంపెనీ అధికారిక వెబ్‌సైట్, ఈ-కామర్స్ ప్లాట్‌ఫామ్ ఫ్లిప్‌కార్ట్, ఎంపిక చేసిన రిటైల్ స్టోర్లలో లభిస్తుంది. ఈ స్మార్ట్‌ఫోన్ లిల్లీ ప్యాడ్, గాడ్జెట్ గ్రే, బ్రాంజ్ గ్రీన్ వంటి మూడు పాంటోన్ క్యూరేటెడ్ రంగులలో లభిస్తుంది.

ధర విషయానికి వస్తే, 8GB ర్యామ్, 256GB స్టోరేజ్ వేరియంట్ ధర రూ. 29,999గా ఉంది. ప్రారంభ ఆఫర్‌లో భాగంగా, వినియోగదారులు ఎంపిక చేసిన బ్యాంక్ కార్డులపై రూ. 1000 వరకు తగ్గింపు పొందవచ్చు. ఈ ఆఫర్ ద్వారా ఫోన్ మరింత తక్కువ ధరకే లభించే అవకాశం ఉంది.

మోటోరోలా ఎడ్జ్ 70 ప్రధాన ఆకర్షణ దాని డిజైన్. ఇది కేవలం 5.99mm మందంతో చాలా సన్నగా ఉంటుంది. 159 గ్రాముల బరువుతో చేతిలో తేలికగా అనిపిస్తుంది. మెటల్ ఫ్రేమ్, గొరిల్లా గ్లాస్ 7i ప్రొటెక్షన్‌తో ఈ ఫోన్ ప్రీమియమ్ లుక్‌ను కలిగి ఉంది. ఫోన్ వెనుక భాగం సాఫ్ట్ టచ్ ఫినిషింగ్‌తో ఉండి, గ్రిప్ బాగుంటుంది. వేలిముద్రలు పడకుండా ఉంటుంది. అయితే, అల్ట్రా థిన్ డిజైన్, కర్వ్డ్ ఫ్రేమ్ వల్ల డిస్‌ప్లేపై అప్పుడప్పుడు అనుకోని టచ్‌లు జరిగే అవకాశం ఉంది.

ఈ ఫోన్ 6.7-అంగుళాల 1.5K pOLED డిస్‌ప్లేను కలిగి ఉంది. ఇది 120Hz రిఫ్రెష్ రేట్, 4,500 నిట్స్ పీక్ బ్రైట్‌నెస్‌ను అందిస్తుంది. HDR10+ సపోర్ట్ ఉండటం వల్ల నెట్‌ఫ్లిక్స్, ప్రైమ్ వీడియో వంటి యాప్‌లలో వీడియో స్ట్రీమింగ్ అనుభవం బాగుంటుంది. ఎండలో కూడా స్క్రీన్ స్పష్టంగా కనిపిస్తుంది. డిస్‌ప్లే రంగులు సహజంగా ఉంటాయి. కళ్ళకు ఇబ్బంది కలిగించవు.

మోటోరోలా ఎడ్జ్ 70 వెనుక భాగంలో డ్యుయల్ కెమెరా సెటప్ ఉంది. ఇందులో 50MP ప్రైమరీ సెన్సార్, 50MP అల్ట్రా-వైడ్ లెన్స్ ఉన్నాయి. సెల్ఫీలు, వీడియో కాల్స్ కోసం ముందు భాగంలో 50MP కెమెరా ఉంది. పగటిపూట లైటింగ్ బాగున్నప్పుడు ప్రైమరీ కెమెరా ద్వారా తీసిన ఫోటోలు స్పష్టమైన వివరాలతో, సహజమైన రంగులతో వస్తాయి. అల్ట్రా-వైడ్ కెమెరా కూడా పగటిపూట మంచి పనితీరు చూపిస్తోంది.

తక్కువ లైటింగ్‌లో లేదా రాత్రి సమయంలో తీసిన ఫోటోలు కూడా మెరుగ్గానే ఉంటాయి. అనవసరమైన ప్రాసెసింగ్ లేకుండా, స్ట్రీట్ లైట్లు వంటి కాంతిలో కెమెరా బాగా బ్యాలెన్స్ చేస్తుంది. మూడు కెమెరాలు కూడా 4K రిజల్యూషన్‌లో 60fps వద్ద వీడియోలను రికార్డ్ చేయగలవు. MotoAI ఫీచర్లతో వీడియో ఎన్‌హాన్స్‌మెంట్, యాక్షన్ షాట్, అడాప్టివ్ స్టెబిలైజేషన్ వంటి అదనపు ప్రయోజనాలు ఉన్నాయి. గూగుల్ ఫోటోస్ AI టూల్స్ అయిన మ్యాజిక్ ఎరేజర్, మ్యాజిక్ ఎడిటర్ కూడా ఇందులో ఉన్నాయి.

మోటోరోలా ఎడ్జ్ 70 స్మార్ట్‌ఫోన్ క్వాల్‌కామ్ స్నాప్‌డ్రాగన్ 7 జెన్ 4 ప్రాసెసర్‌పై పనిచేస్తుంది. ఆండ్రాయిడ్ 16 ఆధారిత హలో UI తో ఈ ఫోన్ వస్తుంది. కంపెనీ దీనికి మూడు OS అప్‌గ్రేడ్‌లు, నాలుగు సంవత్సరాల సెక్యూరిటీ అప్‌డేట్‌లను అందించనుంది. స్టీరియో స్పీకర్లు డాల్బీ అట్మోస్, హైరెస్ ఆడియోను సపోర్ట్ చేస్తాయి.

ఇంత సన్నని ఫోన్ అయినప్పటికీ, ఇందులో 5000mAh బ్యాటరీని అమర్చడం విశేషం. ఇది సింగిల్ చార్జ్‌పై 40 గంటల వరకు వస్తుందని మొటొరోలా పేర్కొంది. రియల్ టైమ్ వాడకంలో కూడా ఇది రోజంతా బ్యాటరీ లైఫ్ ఇస్తుంది. బాక్స్‌లో 68W వైర్డ్ చార్జర్ వస్తుంది, ఇది వేగంగా చార్జింగ్ చేయడానికి ఉపయోగపడుతుంది. అంతేకాకుండా, 15W వైర్‌లెస్ చార్జింగ్ సపోర్ట్ కూడా ఉంది.

మోటోరోలా ఎడ్జ్ 70 దుమ్ము, నీటి నుండి రక్షణ కోసం IP68, IP69 రేటింగ్స్‌ను కలిగి ఉంది. అలాగే, మిలిటరీ గ్రేడ్ మన్నిక కోసం MIL-STD-810H సర్టిఫికేషన్ కూడా పొందింది. ఈ రేటింగ్స్ ఫోన్‌కు అదనపు భద్రతను ఇస్తాయి.

మొత్తంగా చూస్తే, మోటోరోలా ఎడ్జ్ 70 డిజైన్, పనితీరు మధ్య మంచి సమతుల్యతను పాటిస్తుంది. కేవలం స్పెసిఫికేషన్లే కాకుండా, నిజ జీవితంలో వాడకానికి అనుకూలంగా ఉండేలా దీనిని తీర్చిదిద్దారు. స్లిమ్ డిజైన్, మంచి బ్యాటరీ లైఫ్, క్లీన్ సాఫ్ట్‌వేర్ అనుభవం కోరుకునే వారికి ఇది ఒక మంచి ఎంపికగా నిలుస్తుంది. డిజైన్ పరంగా ఉన్న చిన్నపాటి ఇబ్బందులు పక్కన పెడితే, ఇది రోజువారీ అవసరాలకు చక్కగా సరిపోతుంది.

బిగ్ షాక్.. రిస్క్‌లో 350 కోట్ల వాట్సాప్ యూజర్ల డేటా

Mahesh Rajamoni — Wed, 19 Nov 2025 20:09:33 +0530

WhatsApp Security Flaw : వాట్సాప్‌లో భద్రతా లోపం కారణంగా ప్రపంచవ్యాప్తంగా 350 కోట్ల మంది వినియోగదారుల ఫోన్ నంబర్లు, ప్రొఫైల్ వివరాలు రిస్క్‌లో పడ్డాయి. ఈ లోపాన్ని 2017లోనే గుర్తించి మెటాకు తెలిపినా స్పందించలేదనే విమర్శలు వస్తున్నాయి.

ప్రపంచవ్యాప్తంగా అత్యధికంగా ఉపయోగించే మెసేజింగ్ ప్లాట్‌ఫారమ్ వాట్సాప్‌లో భారీ భద్రతా లోపం వెలుగులోకి వచ్చింది. ఈ లోపం కారణంగా ఏకంగా 350 కోట్ల మంది వినియోగదారుల ఫోన్ నంబర్లు, ఇతర ప్రొఫైల్ వివరాలు బహిర్గతమయ్యే ప్రమాదం ఏర్పడింది. ఈ విషయాన్ని యూనివర్సిటీ ఆఫ్ వియన్నా పరిశోధకులు కనుగొన్నారు. కేవలం కాంటాక్ట్ చెకింగ్ అనే ఒక సాధారణ పద్ధతిని ఉపయోగించి, ప్రపంచ స్థాయిలోనే యూజర్ల డేటాను సేకరించగలిగారని రిపోర్టులు పేర్కొంటున్నాయి.

యూనివర్సిటీ ఆఫ్ వియన్నా బృందం నిర్వహించిన అధ్యయనం ప్రకారం, వాట్సాప్‌లోని కాంటాక్ట్ డిస్కవరీ ఆప్షన్, పరిమితిలేని ఫోన్ నంబర్ల తనిఖీలను అనుమతిస్తుంది. దీని ద్వారా మునుపెన్నడూ లేని స్థాయిలో యూజర్ల డేటాను సేకరించడం సాధ్యమైంది.

ఈ టీమ్ కేవలం 30 నిమిషాల్లోనే 30 మిలియన్ (3 కోట్ల) యూఎస్ నంబర్లను, ఆ తర్వాత ప్రపంచవ్యాప్తంగా బిలియన్ల కొద్దీ నంబర్లను సంపాదించగలిగిందని 'వైర్డ్' పత్రిక నివేదించింది. ఇంత ప్రమాదకరమైన లోపం గురించి మెటా (వాట్సాప్ మాతృ సంస్థ)కు 2017లోనే తెలియజేసినప్పటికీ, కంపెనీ సమస్యను పరిష్కరించడానికి సంవత్సరాలు పట్టిందని విమర్శకులు ఎత్తిచూపుతున్నారు.

ఈ లోపానికి మూలం వాట్సాప్‌లోని సాధారణ కాంటాక్ట్ డిస్కవరీ మెకానిజం అనే ఫీచర్. యూజర్ తమ ఫోన్‌లో కొత్త నంబర్‌ను సేవ్ చేసినప్పుడు, ఆ వ్యక్తి వాట్సాప్‌లో ఉన్నారో లేదో త్వరగా తెలుసుకోవడానికి ఈ ఫీచర్ ఉపయోగపడుతుంది. వాట్సాప్ బ్యాక్‌గ్రౌండ్‌లో యూజర్ ఫోన్‌బుక్‌ను సర్వర్‌తో సింక్రనైజ్ చేయడం ద్వారా ఇది జరుగుతుంది.

వియన్నా పరిశోధకులు ఇదే మెకానిజంను ఉపయోగించి భారీ స్థాయిలో యూజర్ల వివరాలను సేకరించగలిగారు. నంబర్ల బిలియన్ల కొద్దీ కాంబినేషన్లపై ఆటోమేటిక్ వెరిఫికేషన్ చేయడం ద్వారా, వారు యూజర్లను మ్యాప్ చేసి, వారి ప్రొఫైల్ ఫోటోలు, అబౌట్ డిస్క్రిప్షన్లను ఏ భద్రతా అడ్డంకులు లేకుండా పొందగలిగారు. తనిఖీల సంఖ్యపై పరిమితులు (రేట్ కంట్రోల్స్) అమలు చేయకపోవడమే ఈ దాడి చవకగా, వేగంగా పెద్ద స్థాయిలో జరగడానికి కారణమైందని రిపోర్టులు పేర్కొన్నాయి.

పరిశోధకులు గంటకు 100 మిలియన్ల (10 కోట్ల) కంటే ఎక్కువ ఫోన్ నంబర్లను సర్వర్ నుండి నిరంతరంగా క్వెరీలు పొందారు. ఫలితంగా, ప్రపంచవ్యాప్తంగా 3.5 బిలియన్ల యాక్టివ్ ఖాతాలను గుర్తించగలిగారు. ఈ దాడి ద్వారా ఫోన్ నంబర్లు, ఎండ్-టు-ఎండ్ ఎన్‌క్రిప్షన్‌కు అవసరమైన పబ్లిక్ కీలు, టైమ్‌స్టాంప్‌లు, అందరికీ కనబడేలా సెట్ చేసి ఉంటే ప్రొఫైల్ ఫోటోలు, అబౌట్ టెక్స్ట్ వంటి డేటాను సేకరించారు.

ప్రపంచవ్యాప్తంగా 56.7 శాతం మంది యూజర్ల ప్రొఫైల్ చిత్రాలు, 29.3 శాతం మంది అబౌట్ టెక్స్ట్‌లు బహిర్గతమయ్యాయి. ఈ టెక్స్ట్‌లలో రాజకీయ అభిప్రాయాలు, మతం, ఇతర సోషల్ మీడియా లింక్‌లు కూడా ఉన్నాయి.

భారతదేశంలో అత్యధికంగా 749 మిలియన్ల (74.9 కోట్లు - 21.67%) వాట్సాప్ యూజర్లు ఈ రిస్క్‌లో ఉన్నారు. దీని తర్వాత ఇండోనేషియా (235 మిలియన్లు), బ్రెజిల్ (207 మిలియన్లు), అమెరికా (138 మిలియన్లు), రష్యా (133 మిలియన్లు) ఉన్నాయి. చైనా, ఇరాన్, మయన్మార్ వంటి వాట్సాప్ నిషేధిత దేశాలలో కూడా మిలియన్ల కొద్దీ యాక్టివ్ ఖాతాలను పరిశోధకులు గుర్తించారు.

2021 ఫేస్‌బుక్ డేటా లీక్‌లో ఉన్న ఫోన్ నంబర్లలో దాదాపు సగం ఇప్పటికీ వాట్సాప్‌లో యాక్టివ్‌గా ఉన్నాయని వారు కనుగొన్నారు. ఈ డేటా సైబర్ నేరగాళ్లకు, స్పామర్‌లకు, మోసగాళ్లకు ఒక పెద్ద అవకాశంగా మారుతుందని నిపుణులు హెచ్చరించారు.

పరిశోధకులు తమ పరిశోధనల ఫలితాలను మెటాకు నివేదించిన తర్వాత, కంపెనీ ఈ లోపాన్ని సరిచేసింది. వాట్సాప్ ఇంజనీరింగ్ వైస్ ప్రెసిడెంట్ నితిన్ గుప్తా స్పందిస్తూ, 'ఈ అధ్యయనం మా కొత్త యాంటీ-స్క్రాపింగ్ రక్షణలను పరీక్షించడంలో, వాటి సామర్థ్యాన్ని ధృవీకరించడంలో దోహదపడింది. డేటా చోరీ కోసం ఈ లోపాన్ని ఉపయోగించుకున్నట్లు ఇప్పటివరకు ఎలాంటి ఆధారాలు కనుగొనలేదు. వాట్సాప్ డిఫాల్ట్ ఎండ్-టు-ఎండ్ ఎన్‌క్రిప్షన్ కారణంగా యూజర్ల సందేశాలు ప్రైవేట్‌గా, సురక్షితంగా ఉన్నాయని గమనించాలి' అని తెలిపారు.

ప్రస్తుతం, వాట్సాప్ ఒక ఫోన్ నంబర్ ప్లాట్‌ఫారమ్‌లో రిజిస్టర్ అయి ఉందో లేదో తనిఖీ చేయడానికి చేసే ప్రశ్నల సంఖ్యపై రేట్ లిమిట్స్ ను ప్రవేశపెట్టింది. పరిశోధకులు సేకరించిన డేటాబేస్‌ను సురక్షితంగా నాశనం చేశారని కూడా కంపెనీ స్పష్టం చేసింది. సైబర్ సెక్యూరిటీ నిపుణులు యూజర్లు తమ ప్రొఫైల్స్, అబౌట్ వివరాలు, స్టేటస్‌లను ప్రైవేట్ గా సెట్ చేసుకోవాలని, వ్యక్తిగత వివరాలను అబౌట్ విభాగంలో ఉంచకుండా పరిమితం చేసుకోవాలని సూచిస్తున్నారు.

200MP ప్రో మోడల్ కెమెరాతో ఇండియాకు ఒప్పో Find X9 సిరీస్.. ధర ఎంతంటే?

Mahesh Rajamoni — Sat, 08 Nov 2025 22:56:22 +0530

Oppo Find X9 Series India : ఒప్పో ఫైండ్ ఎక్స్9 సిరీస్ నవంబర్ 18న భారత మార్కెట్ లోకి రానుంది. 200MP హాసెల్‌బ్లాడ్ కెమెరా సెటప్, 80W ఫాస్ట్ ఛార్జింగ్, డైమెన్సిటీ 9500 చిప్‌సెట్‌తో ప్రీమియం ఫ్లాగ్‌షిప్‌గా అద్భుతమైన ఫీచర్లతో వస్తోంది.

స్మార్ట్‌ఫోన్ దిగ్గజం ఒప్పో (Oppo) తన కొత్త ఫ్లాగ్‌షిప్ సిరీస్ Find X9 భారత మార్కెట్లో నవంబర్ 18న మధ్యాహ్నం 12 గంటలకు విడుదల చేయనుంది. కంపెనీ ఎక్స్ లో చేసిన పోస్ట్ ద్వారా లాంచ్ వివరాలు వెల్లడించింది. లాంచ్ ఈవెంట్‌ను ఒప్పో ఇండియా అధికారిక వెబ్‌సైట్, యూట్యూబ్ ఛానెల్, సోషల్ మీడియా హ్యాండిల్స్‌లో ప్రత్యక్ష ప్రసారం చేయనుంది.

ఈ సిరీస్‌లో Find X9, Find X9 Pro మోడళ్లు ఉండనున్నాయి, ఇవి ఇప్పటికే చైనాలో విడుదలయ్యాయి.

ఒప్పో Find X9 సిరీస్ కొనుగోలుదారుల కోసం కంపెనీ ప్రివిలేజ్ ప్యాక్ ను కూడా ప్రకటించింది. ఇది ₹99 ధరకు అందుబాటులో ఉంది. ఇందులో ₹1,000 విలువైన ఎక్స్చేంజ్ కూపన్, ఉచిత SUPERVOOC 80W అడాప్టర్, రెండు సంవత్సరాల బ్యాటరీ ప్రొటెక్షన్ ప్లాన్ ను అందిస్తున్నారు. ఈ ఆఫర్ Find X9 సిరీస్ యూనిట్‌తో పాటు అందిస్తారు.

Find X9 లో 6.59 అంగుళాల OLED డిస్‌ప్లే ఉండగా, ప్రో మోడల్‌లో 6.78 అంగుళాల ఫ్లాట్ OLED స్క్రీన్ ఉంటుంది. రెండు డిస్‌ప్లేలు కూడా 1.5K రిజల్యూషన్, 120Hz రిఫ్రెష్ రేట్ ను సపోర్ట్ చేస్తాయి. ఇవి ఆండ్రాయిడ్ 16 ఆధారిత కలర్ ఓఎస్ (ColorOS) 16 పై రన్ అవుతాయి.

మీడియాటెక్ డైమెన్సిటీ (MediaTek Dimensity) 9500 SoC, Arm G1-Ultra GPU చిప్ సెట్ కలిగి ఉన్నాయి. 16GB వరకు ర్యామ్, 1TB వరకు ఇంటర్నల్ స్టోరేజ్ వేరియంట్లు ఉన్నాయి.

ఒప్పో Find X9 సిరీస్‌లో కెమెరా ప్రధాన ఆకర్షణగా నిలుస్తుంది. హాసెల్‌బ్లాడ్‌తో భాగస్వామ్యంలో రూపొందించిన ఈ కెమెరా సెటప్‌లో Find X9 లో 50MP Sony LYT-828 ప్రైమరీ లెన్స్, 50MP Sony LYT-600 పెరిస్కోప్ టెలిఫోటో లెన్స్, 50MP శాంసంగ్ JN5 అల్ట్రా వైడ్ యాంగిల్ కెమెరా, 32MP ఫ్రంట్ కెమెరా ఉంటుంది.

ఇక Find X9 Proలో 50MP ప్రైమరీ, 50MP అల్ట్రా వైడ్ కెమెరాతో పాటు 200MP పెరిస్కోప్ టెలిఫోటో లెన్స్ 3x డిజిటల్ జూమ్‌తో సపోర్టు ఉంటుంది. ఇందులో 50MP సెల్ఫీ కెమెరా ఉంది.

Find X9 లో 7,025mAh, Find X9 Pro లో 7,500mAh బ్యాటరీలు ఉన్నాయి. రెండూ 80W వైర్డ్ ఫాస్ట్ చార్జింగ్ సపోర్ట్ చేస్తాయి. లీక్ అయిన ధరల ప్రకారం.. Find X9 (12GB RAM + 256GB) మోడల్ ధర సుమారు ₹74,999, Find X9 Pro ధర ₹99,999 వరకు ఉండవచ్చని సమాచారం.

ఈ ఫోన్లు శాంసంగ్ గెలక్సీ ఎస్ సిరీస్, వన్ ప్లస్, ఆపిల్ హైఎండ్ ఫ్లాగ్‌షిప్‌లకు పోటీగా వస్తున్నాయి. Find X9 సిరీస్ ప్రీమియం డిజైన్, పెద్ద బ్యాటరీ, హాసెల్‌బ్లాడ్ కెమెరా, కలర్ ఓఎస్ 16 వంటి ఫీచర్లతో మార్కెట్ లో తన వాటాను మరింత పెంచుకోవాలని చూస్తోంది. నవంబర్ 18న అధికారిక లాంచ్ ఈవెంట్ లో పూర్తి వివరాలు బయటకు రానున్నాయి.

A new chapter in ultra-clear imaging and smooth OS begins…Experience the #OPPOFindX9Series launch and see the power of AI and Hasselblad come alive.Click here to know more: https://t.co/RteSp59jUz#AIFlagshipCamera #HasselbladPocketCamera #OPPOColorOS16 pic.twitter.com/PbcSqayZrl

— OPPO India (@OPPOIndia) November 7, 2025

కేవలం రూ.45,900కే ఐఫోన్ 17 : క్రోమా బ్లాక్ ఫ్రైడే సేల్‌లో బిగ్ ఆఫర్

Mahesh Rajamoni — Fri, 28 Nov 2025 23:29:32 +0530

iPhone 17 available at 45900: క్రోమా బ్లాక్ ఫ్రైడే సేల్‌లో ఐఫోన్ 17 ధర భారీగా తగ్గింది. ఎక్స్ఛేంజ్, క్యాష్‌బ్యాక్‌తో ఫోన్‌ను కేవలం రూ.45,900కే పొందే అవకాశముంది. పూర్తి వివరాలు మీకోసం.

టెక్ ప్రేమికులు ఆసక్తిగా ఎదురుచూసే బ్లాక్ ఫ్రైడే సేల్ సీజన్‌ ప్రారంభమైంది. ఈ క్రమంలోనే ఆపిల్ ఫోన్ల పై ప్రముఖ ఎలక్ట్రానిక్స్ రిటైల్ చైన్ క్రోమా ఈ ఏడాది అతిపెద్ద స్మార్ట్‌ఫోన్ ఆఫర్‌ను ప్రకటించింది.

సాధారణంగా రూ.82,900 ధర గల ఆపిల్ ఐఫోన్ 17 (Apple iPhone 17)... ప్రత్యేక ఆఫర్లను క్లబ్ చేసుకున్నవారికి కేవలం రూ.45,900కే లభిస్తోంది. ఇది ఐఫోన్ కొనుగోలు చేయాలనుకునే వారికి అద్భుతమైన ఆఫర్.

ఈ డీల్ ఆన్‌లైన్‌లో అందుబాటులో లేదు. దేశవ్యాప్తంగా ఉన్న క్రోమా రిటైల్ స్టోర్లలో మాత్రమే ఉంది. నవంబర్ 30 వరకు ఈ ఆఫర్ కొనసాగుతుందని తెలిపింది.

క్రోమా ఈ ధరను మూడు వేర్వేరు ప్రయోజనాలను కలిపి అందిస్తుంది.

1. బ్యాంక్ క్యాష్‌బ్యాక్ – రూ.1,000

ఎంపిక చేసిన బ్యాంక్ కార్డులతో చెల్లింపు చేస్తే వెంటనే వర్తించే డిస్కౌంట్.

2. ఎక్స్ఛేంజ్ విలువ – రూ.29,000 వరకు

మీ పాత స్మార్ట్‌ఫోన్ మోడల్, వయస్సు, కండిషన్ ఆధారంగా ట్రేడ్-ఇన్ విలువ నిర్ణయిస్తారు.

3. ఎక్స్ఛేంజ్ బోనస్ – రూ.7,000

పాత ఫోన్ ఇచ్చిన ప్రతి ఒక్కరికి వర్తించే అదనపు ప్రోత్సాహకం ఇది.

ఈ మూడు కలిపి రూ.82,900 ఐఫోన్ 17 ధరను రూ.45,900 లకు తీసుకొచ్చింది.

ఆపిల్ ఈ సంవత్సరం విడుదల చేసిన iPhone 17 బేస్ మోడల్, డిజైన్ నుంచి అంతర్గత పనితీరుకు వరకు అనేక ప్రధాన అప్ గ్రేడ్ లను కలిగి ఉంది.

ఐఫోన్ 17 డిస్‌ప్లే, డిజైన్

• 6.3-అంగుళాల సూపర్ రెటినా XDR OLED

• 120Hz ప్రోమోషన్ రిఫ్రెష్ రేట్

• 3000 నిట్స్ పీక్ బ్రైట్‌నెస్

• సెరామిక్ షీల్డ్ 2 ప్రొటెక్షన్

• IP68 డస్ట్/వాటర్ రెసిస్టెన్స్

• రంగులు: లావెండర్, మిస్ట్ బ్లూ, సేజ్, బ్లాక్, వైట్

ఈ డిస్‌ప్లే మరింత సున్నితమైన స్క్రోలింగ్, స్పష్టమైన దృశ్యాలు, HDR10 & డాల్బీ విజన్ సపోర్ట్‌తో విజువల్ అనుభూతిని పూర్తిగా మార్చేస్తుంది.

ఐఫోన్ 17 A19 చిప్ సెట్, 3nm టెక్నాలజీతో రూపొందించారు.

• 6-కోర్ CPU

• 5-కోర్ GPU

• 8GB RAM

• 256GB & 512GB స్టోరేజ్ ఆప్షన్లు

• iOS 26

గేమింగ్, హై-ఎండ్ మల్టీటాస్కింగ్, వీడియో ఎడిటింగ్ వంటి పనులు మరింత వేగంగా, మెరుగ్గా చేసుకోవచ్చు.

ఐఫోన్ 17 కెమెరా సెటప్

• 48MP + 48MP డ్యూయల్ ఫ్యూజన్ సిస్టమ్

• 120° అల్ట్రా-వైడ్

• 4K డాల్బీ విజన్

• 8x ఆప్టికల్-క్వాలిటీ జూమ్

ఫ్రంట్ కెమెరా

• 18MP సెంటర్ స్టేజ్ సెల్ఫీ కెమెరా

వీడియో కాల్‌లలో మీ ముఖాన్ని ఆటోమేటిక్‌గా ఫ్రేమ్‌లో ఉంచే ఆపిల్ సెంటర్ స్టేజ్ టెక్నాలజీ ఇక్కడ కూడా అందుబాటులో ఉంది.

ఆపిల్ ఐఫోన్ 17 బ్యాటరీ & ఛార్జింగ్

• 3692mAh బ్యాటరీ – 30 గంటల వీడియో ప్లేబ్యాక్

• 40W ఫాస్ట్ ఛార్జింగ్ – 30 నిమిషాల్లో 50%

• 25W MagSafe వైర్‌లెస్ ఛార్జింగ్

రోజువారీ వాడకంలో బ్యాటరీ పనితీరు చాలా వరకు మెరుగుపడింది.

ఐఫోన్ 17లో కొత్తగా వచ్చిన Apple Intelligence ఫీచర్లు

• లైవ్ ట్రాన్స్ లేట్

• ఫోటో ప్లే గ్రౌండ్

• రైటింగ్ టూల్స్

• ఏఐ అసిస్టెంట్

ప్రతి పనిని మరింత స్మార్ట్‌గా చేయడానికి ప్రత్యేకంగా రూపొందించారు.

ఎవరికి ఈ ఆఫర్ బెస్ట్?

• కొత్త ఐఫోన్ కొనాలని ప్లాన్ చేస్తున్న వారికి

• మంచి కండిషన్‌లో పాత ఫోన్ ఉన్నవారికి

• డిసెంబర్ షాపింగ్‌లో భారీ సేవింగ్ కోరుకునే వినియోగదారులకు

• AI ఫీచర్లతో కూడిన కొత్త తరం డివైస్ అవసరం ఉన్నవారికి

ఈ బ్లాక్ ఫ్రైడే ఆఫర్ 2025లో అత్యధిక డిమాండ్ ఉన్న డీల్స్‌లో ఒకటిగా మారే అవకాశం ఉంది.

Best Smartphones : 2025లో టాప్ 5 స్మార్ట్‌ఫోన్‌లు ఇవే.. ఐఫోన్ నుంచి ఐక్యూ వరకు పూర్తి వివరాలు !

Mahesh Rajamoni — Fri, 26 Dec 2025 21:07:50 +0530

Best Smartphones of 2025 : భారతదేశంలో 2025లో చాలా ఫోన్లు విడుదల అయ్యాయి. అయితే, కొన్ని ఫోన్లు మాత్రం తమదైన ముద్ర వేశాయి. ఐక్యూ 13, ఐఫోన్ 17, శాంసంగ్ ఎస్25 వంటి ప్రీమియం ఫోన్‌లు ఈ ఏడాది ఐదు బెస్ట్ స్మార్ట్‌ఫోన్‌ల జాబితాలో చేరాయి.

భారతీయ స్మార్ట్‌ఫోన్ మార్కెట్ ఈ ఏడాది సరికొత్త పుంతలు తొక్కింది. ప్రతి సంవత్సరం వందలాది స్మార్ట్‌ఫోన్‌లు దేశంలో లాంచ్ అవుతున్నప్పటికీ, కేవలం కొన్ని మాత్రమే యూజర్ల ఆదరణను పొందుతాయి. ఈ ఏడాది ముఖ్యంగా ప్రీమియం మొబైల్స్ విభాగంలో తీవ్రమైన పోటీ నెలకొంది. తయారీదారులు ఇప్పుడు ప్రతి ధరల విభాగంలోనూ అత్యాధునిక ఫీచర్లను అందిస్తున్నారు. ప్రొఫెషనల్-గ్రేడ్ కెమెరాల నుంచి భారీ బ్యాటరీల వరకు వినియోగదారులకు చాలా ఆప్షన్లు అందుబాటులోకి వచ్చాయి.

ముఖ్యంగా ఈ ఏడాది దీపావళికి ముందు వచ్చిన పండుగ సీజన్‌లో ఐదు ప్రత్యేకమైన స్మార్ట్‌ఫోన్‌లు మార్కెట్లో సంచలనం సృష్టించాయి. వాటి పోటీ ధరలు, అత్యాధునిక టెక్నాలజీ కారణంగా హాట్ టాపిక్ గా నిలిచాయి. గేమింగ్ ప్రియుల కోసం రూపొందించిన ఐక్యూ 13 (iQOO 13) నుంచి అత్యంత ప్రీమియం ఐఫోన్ 17 (iPhone 17) వరకు, ఈ ఏడాది టాప్ లేపిన టాప్ 5 స్మార్ట్‌ఫోన్‌ల వివరాలు ఇప్పుడు తెలుసుకుందాం.

వివో (Vivo) సబ్-బ్రాండ్ నుంచి వచ్చిన పవర్-ప్యాక్డ్ స్మార్ట్‌ఫోన్ ఐక్యూ 13 (iQOO 13). ఇది ముఖ్యంగా గేమర్స్ అవసరాలను దృష్టిలో ఉంచుకుని రూపొందించారు. భారతదేశంలో స్నాప్‌డ్రాగన్ 8 ఎలైట్ (Snapdragon 8 Elite) ప్రాసెసర్‌తో లాంచ్ అయిన మొట్టమొదటి ఫోన్‌గా ఇది గుర్తింపు పొందింది.

పనితీరు : ఇందులో గరిష్ఠంగా 16GB RAM, 512GB స్టోరేజ్ సామర్థ్యం ఉంది. అంతేకాకుండా, గేమింగ్ పనితీరును మెరుగుపరచడానికి ప్రత్యేకమైన Q2 సూపర్ కంప్యూటింగ్ చిప్‌ను కూడా ఇందులో అమర్చారు.
కెమెరా: ఫోటోగ్రఫీ కోసం వెనుక వైపు మూడు 50MP కెమెరాల సెటప్ (మెయిన్, అల్ట్రా-వైడ్, టెలిఫోటో) ఉంది. సెల్ఫీల కోసం 32MP కెమెరాను అందించారు.
బ్యాటరీ: ఇందులో భారీ 6,000mAh బ్యాటరీ ఉంది. ఇది 120W అల్ట్రా-ఫాస్ట్ ఛార్జింగ్‌కు సపోర్ట్ చేస్తుంది.
ధర: దీని ధర రూ. 54,999 నుంచి ప్రారంభమవుతుంది.

ఫ్లాగ్‌షిప్ పవర్‌ను కోరుకుంటూనే, చేతిలో ఇమిడిపోయే కాంపాక్ట్ డిజైన్‌ను ఇష్టపడే వారికి వన్‌ప్లస్ 13s (OnePlus 13s) సరైన ఎంపిక.

పనితీరు : ఈ ఫోన్ కూడా శక్తివంతమైన స్నాప్‌డ్రాగన్ 8 ఎలైట్ ప్రాసెసర్‌తో పనిచేస్తుంది. ఇందులో 12GB RAM, 512GB స్టోరేజ్ ఆప్షన్లు ఉన్నాయి.
కెమెరా: వెనుక వైపు డ్యుయల్ 50MP కెమెరాలను అందించారు. ముందు భాగంలో వీడియో కాల్స్, సెల్ఫీల కోసం 32MP సెన్సార్ ఉంది.
బ్యాటరీ: రోజంతా బ్యాకప్ కోసం 5,850mAh బ్యాటరీని ఇచ్చారు. ఇది 80W ఫాస్ట్ ఛార్జింగ్‌కు సపోర్టు ఇస్తుంది.
ధర: ఈ ఫోన్ ధర రూ. 52,999గా ఉంది.

శాంసంగ్ తన ఫ్లాగ్‌షిప్ సంప్రదాయాన్ని కొనసాగిస్తూ, ప్రీమియం ఇంజనీరింగ్, స్లీక్ డిజైన్‌తో గెలాక్సీ S25 (Samsung Galaxy S25) ని తీసుకువచ్చింది.

పనితీరు: ఈ డివైజ్ స్నాప్‌డ్రాగన్ 8 ఎలైట్ చిప్‌సెట్‌తో పాటు 12GB RAM, 512GB స్టోరేజ్‌తో వస్తుంది.
కెమెరా: ఇందులో అధిక పనితీరు కనబరిచే 50MP మెయిన్ కెమెరా, 12MP సెల్ఫీ కెమెరా ఉన్నాయి.
బ్యాటరీ: 4,000mAh బ్యాటరీ సామర్థ్యం కలిగి ఉండి, వైర్డు, వైర్‌లెస్ ఛార్జింగ్ రెండింటికీ సపోర్ట్ చేస్తుంది.
ధర: దీని ధర రూ. 74,999.

గూగుల్ తన లేటెస్ట్ ఏఐ (AI) ఆవిష్కరణలను పిక్సెల్ 10 (Google Pixel 10) ద్వారా పరిచయం చేసింది. ఇది ప్రధానంగా సాఫ్ట్‌వేర్ ఇంటెలిజెన్స్, ఫోటోగ్రఫీపై దృష్టి సారించింది.

పనితీరు : గూగుల్ సొంతంగా తయారు చేసిన కస్టమ్ టెన్సర్ G5 (Tensor G5) ప్రాసెసర్‌తో ఇది పనిచేస్తుంది. ఇందులో 12GB RAM ఉంది.
కెమెరా: వెనుక వైపు 48MP మెయిన్ సెన్సార్ ఉంది. ముందు వైపు సహజమైన స్కిన్ టోన్‌ల కోసం ఆప్టిమైజ్ చేసిన 10.5MP కెమెరాను అందించారు.
బ్యాటరీ: 4,970mAh బ్యాటరీతో పాటు వైర్డు, వైర్‌లెస్ ఛార్జింగ్ సపోర్ట్ ఉంది.
ధర: పిక్సెల్ 10 ధర రూ. 79,999.

ఈ ఏడాది అత్యంత ఆసక్తిగా ఎదురుచూసిన డివైజ్‌లలో ఐఫోన్ 17 (Apple iPhone 17) ఒకటి. ఇది అనేక ముఖ్యమైన హార్డ్‌వేర్ మార్పులతో వచ్చింది.

పనితీరు: ఇందులో సరికొత్త A19 చిప్‌ను అమర్చారు. స్టోరేజ్ ఆప్షన్లు 1TB వరకు అందుబాటులో ఉన్నాయి.
ప్రత్యేక ఫీచర్లు: ఫోటోగ్రఫీ కోసం కొత్తగా డెడికేటెడ్ కెమెరా బటన్‌ను (Camera Button) ఇందులో తీసుకొచ్చారు.
కెమెరా: వెనుక వైపు 48MP కెమెరా ఉంది. ముందు వైపు గతంలో ఉన్న 18MPకి బదులుగా, అప్గ్రేడ్ చేసిన 24MP సెంటర్ స్టేజ్ సెల్ఫీ కెమెరాను అందించారు.
ధర: ఐఫోన్ 17 ధర రూ. 82,900 నుంచి ప్రారంభమవుతుంది.

ఈ ఐదు స్మార్ట్‌ఫోన్‌లు 2025లో తమకంటూ ప్రత్యేక స్థానాన్ని ఏర్పరచుకున్నాయి. పనితీరు, కెమెరా నాణ్యత, బ్యాటరీ లైఫ్ వంటి అంశాల్లో ఇవి వినియోగదారులకు హాట్ కేకుల్లా మారాయి.

ప్రపంచంలో అత్యధికంగా అమ్ముడైన 5 ఫోన్లు ఇవే

Mahesh Rajamoni — Sat, 15 Nov 2025 17:15:51 +0530

World Top Five Best Selling Phones: ప్రపంచంలో అత్యధికంగా అమ్ముడైన 5 ఫోన్ల జాబితా విడుదలైంది. నోకియా 1100 నుంచి ఐఫోన్ 11 వరకు కోట్ల యూనిట్లు అమ్ముడై రికార్డులు సృష్టించాయి. ఆ వివరాలు ఇక్కడ తెలుసుకుందాం.

ప్రపంచ మొబైల్ మార్కెట్‌లోకి ప్రతి రోజూ కొత్త ఫోన్లు వస్తూనే ఉన్నాయి. వందలాది మోడళ్లు వస్తుంటాయి. కానీ కొద్ది ఫోన్లు మాత్రమే చరిత్రలో నిలిచిపోతాయి. కోట్ల సంఖ్యలో అమ్ముడై ప్రపంచవ్యాప్తంగా ప్రత్యేకంగా నిలుస్తాయి.

HowStuffWorks నివేదికలో ప్రపంచంలో ఇప్పటివరకు అత్యధికంగా అమ్ముడైన ఐదు ఫోన్ల వివరాలు వెల్లడయ్యాయి. ఈ జాబితాలో ఉన్న తొలి ఫోన్‌ను Gen-Z తరానికి చెందిన చాలా మంది చూసి ఉండకపోవచ్చు. ఆ వివరాలు గమనిస్తే..

2003లో నోకియా 1100 మార్కెట్‌లోకి వచ్చింది. ఈ మోడల్ ప్రపంచంలో ఇప్పటివరకు అత్యధికంగా అమ్ముడైన ఫోన్‌గా నిలిచింది. ఈ ఫోన్ 25 కోట్లకు పైగా యూనిట్లు అమ్ముడైంది. దాని బలమైన నిర్మాణం ప్రధాన కారణం.

పడిపోయినా, నీళ్లు పడినా పనిచేయగల సామర్థ్యం ఉండేది. టార్చ్, మెసేజ్ పంపే ఆప్షన్ వంటి సింపుల్ ఫీచర్లతో ఇది ఆసియా, ఆఫ్రికా, లాటిన్ అమెరికా వంటి ప్రాంతాల్లో లక్షల మందికి తొలి మొబైల్‌గా నిలిచింది.

2014లో యాపిల్ తన ఐఫోన్ 6, ఐఫోన్ 6 ప్లస్ సిరీస్‌ను విడుదల చేసింది. ఆపిల్ ఈ సిరీస్ ను ప్రపంచవ్యాప్తంగా 22 కోట్లకుపైగా యూనిట్లు అమ్మింది.

యాపిల్ తొలిసారి పెద్ద స్క్రీన్‌తో ఫోన్‌ను మార్కెట్‌లోకి తీసుకువచ్చింది. దీంతో ముఖ్యంగా ధనిక దేశాల యువత ఈ మోడల్‌ను భారీగా కొనుగోలు చేసింది.

బడ్జెట్ మార్కెట్‌లో హిట్ పెంచిన ఫోన్. నోకియా 1110 కూడా అత్యధిక అమ్మకాలు సాధించిన మోడళ్లలో ఒకటి.

ఇది ప్రధానంగా చవకైన ఫోన్లు ఎక్కువగా కోరుకునే దేశాల్లో భారీగా అమ్ముడైంది. ఈ ఫోన్‌లో కెమెరా లేదా ఇంటర్నెట్ లేకపోయినా, దీర్ఘకాల బ్యాటరీ బ్యాకప్ దాన్ని రోజువారీ ఉపయోగానికి అనువుగా మార్చింది.

2019లో వచ్చిన ఐఫోన్ 11 ప్రపంచవ్యాప్తంగా మంచి విక్రయాలు సాధించింది. ఉత్తర అమెరికా, యూరప్, భారత్‌లో ఈ మోడల్‌కు విపరీతమైన డిమాండ్ వచ్చింది. ఫేస్ ఐడీ, శక్తివంతమైన చిప్, మెరుగైన కెమెరా వంటి ఫీచర్లతో ఈ ఫోన్‌ అత్యధిక అమ్మకాలు సాధించింది.

అలాగే, శాంసంగ్ గెలాక్సీ S4 మాత్రం ఇప్పటివరకు అత్యధికంగా అమ్ముడైన ఫ్లాగ్‌షిప్ ఆండ్రాయిడ్ ఫోన్‌గా రికార్డు సృష్టించింది. 2013లో మార్కెట్‌లోకి వచ్చిన ఈ ఫోన్ 8 కోట్ల యూనిట్లను శాంసంగ్ అమ్మింది. AMOLED డిస్‌ప్లే, కొత్త సాఫ్ట్‌వేర్ ఫీచర్లు సామ్‌సంగ్‌కు ప్రపంచ మార్కెట్‌లో బలాన్ని తెచ్చిపెట్టాయి.

సూపర్ ఫీచర్లతో Oppo Find X9 సిరీస్ లాంచ్ : స్పెక్స్, ధర, క్యాష్‌బ్యాక్ ఆఫర్లు ఇవే

Mahesh Rajamoni — Tue, 18 Nov 2025 15:01:46 +0530

Oppo Find X9 Series : ఒప్పో ఫైండ్ ఎక్స్9 సిరీస్ భారత్‌లో విడుదలైంది. హాసెల్‌బ్లాడ్ కెమెరా, 7,000mAh బ్యాటరీ, మీడియాటెక్ డైమెన్సిటీ 9500 చిప్‌తో అద్భుతమైన ఫీచర్లను కలిగివుంది. వీటి ధరలు, ఆఫర్లు, ఇతర స్పెక్స్ ఏంటో ఇక్కడ తెలుసుకుందాం.

ఒప్పో తన ప్రీమియం ఫ్లాగ్‌షిప్‌లైన ఫైండ్ ఎక్స్ 9 (Find X9), ఫైండ్ ఎక్స్ 9ప్రో (Find X9 Pro) స్మార్ట్‌ఫోన్లను భారత మార్కెట్లో అధికారికంగా విడుదల చేసింది. హాసెల్‌బ్లాడ్‌తో కలిసి రూపొందించిన కొత్త తరం కెమెరా సెటప్, అధిక బ్యాటరీ సామర్థ్యం, శక్తివంతమైన మీడియాటెక్ డైమెన్సిటీ 9500 (MediaTek Dimensity 9500) ప్రాసెసర్, అలాగే కలర్ ఓఎస్ 16 (ColorOS 16) వంటి ఫీచర్లు ఈ సిరీస్‌ను మరింత ప్రత్యేకంగా నిలిపాయి. ఇప్పటికే చైనా, గ్లోబల్ మార్కెట్లలో మంచి టాక్ తెచ్చుకున్న ఒప్పో ఫైండ్ ఎక్స్ 9 సిరీస్‌కు భారత్‌లో కూడా భారీ డిమాండ్ ఉంటుందని కంపెనీ అంచనా వేస్తోంది.

Oppo Find X9

• 12GB + 256GB: ₹74,999

• 16GB + 512GB: ₹84,999

• కలర్స్: స్పేస్ బ్లాక్, టైటానియమ్ గ్రే

Oppo Find X9 Pro

• 16GB + 512GB: ₹1,09,999

• కలర్స్: సిల్క్ వైట్, టైటానియమ్ చార్కోల్

రెండు ఫోన్లూ ఒప్పో ఆన్ లైన్ స్టోర్ (Oppo Online Store), ఫ్లిప్ కార్ట్ (Flipkart), అమెజాన్ (Amazon)లతో పాటు దేశవ్యాప్త రిటైల్ స్టోర్లలో నవంబర్ 21 నుంచి విక్రయానికి అందుబాటులో ఉండనున్నాయి.

ఫైండ్ ఎక్స్ 9 లో 6.59-ఇంచ్ AMOLED 1.5K డిస్‌ప్లే, 120Hz రిఫ్రెష్ రేట్, 3,600 నిట్స్ పీక్ బ్రైట్నెస్ సపోర్టును కలిగి ఉంది.

చిప్‌సెట్: మీడియాటెక్ డైమెన్సిటీ 9500 చిప్‌

కెమెరా సెటప్:

• 50MP ప్రధాన కెమెరా (OIS)

• 50MP అల్ట్రావైడ్

• 50MP టెలిఫోటో (3x ఆప్టికల్ జూమ్)

• 32MP సెల్ఫీ కెమెరా

బ్యాటరీ:

• 7,025mAh సామర్థ్యంతో 80W వైర్డ్, 50W వైర్‌లెస్, 10W రివర్స్ ఛార్జింగ్ సపోర్ట్ ఉంది

సాఫ్ట్‌వేర్:

• కలర్ ఓఎస్ 16 ఆధారంగా ఆండ్రాయిడ్ 16 పై నడుస్తుంది

• 5 సంవత్సరాల OS అప్‌డేట్స్ + 6 సంవత్సరాల సెక్యూరిటీ అప్‌డేట్స్ అందుతాయి

• IP66, IP68, IP69 డస్ట్/వాటర్ రెసిస్టెన్స్

• Wi-Fi 7, NFC, Bluetooth 6.0, USB Type-C వంటి ఫీచర్లు ఉన్నాయి

ఒప్పో ఫైండ్ ఎక్స్ 9ప్రో లో మరింత అప్‌గ్రేడ్ ఫీచర్లు అందుబాటులో ఉన్నాయి..

• 6.78-ఇంచ్ AMOLED, 120Hz రిఫ్రెష్ రేట్ డిస్‌ప్లే

• 200MP హాసెల్‌బ్లాడ్ ట్యూన్ చేసిన పెరిస్కోప్ టెలిఫోటో కెమెరా

• 50MP ప్రధాన కెమెరా

• 50MP అల్ట్రావైడ్

• 50MP ఫ్రంట్ కెమెరా

బ్యాటరీ:

• 7,500mAh పెద్ద బ్యాటరీ

• 80W వైర్డ్, 50W వైర్‌లెస్, రివర్స్ ఛార్జింగ్ సపోర్టు ఉంది

• మెరుగైన కూలింగ్ సిస్టం, ప్రీమియం బిల్డ్ క్వాలిటీ

ఫైండ్ ఎక్స్ 9ప్రో ను అత్యంత ప్రొఫెషనల్ ఫోటోగ్రఫీ కోసం అభివృద్ధి చేసినట్లు ఒప్పో చెబుతోంది.

ఒప్పో ఫైండ్ ఎక్స్ 9 సిరీస్‌పై భారీ ప్రారంభ ఆఫర్లను ప్రకటించింది. వాటిలో..

• SBI, HDFC, Kotak, IDFC First బ్యాంక్‌ల కార్డులతో 10% ఇన్‌స్టంట్ క్యాష్‌బ్యాక్

• 24 నెలల వరకు నో-కాస్ట్ ఈఎంఐ

• Cashify, Servify ద్వారా 10% ఎక్స్చేంజ్ బోనస్

• Bajaj Finserv, TVS Credit తదితర సంస్థలతో జీరో డౌన్ పేమెంట్ స్కీమ్స్

• నవంబర్ 20లోపు ప్రీ-ఆర్డర్ చేస్తే ₹5,198 విలువైన బ్లాక్ గోల్డ్ గిఫ్ట్ బాక్స్

• 180 రోజుల హార్డ్‌వేర్ రీప్లేస్‌మెంట్ పాలిసీ

• 3 నెలల గూగుల్ జెమినీ ప్రో సబ్‌స్క్రిప్షన్ ఉచితం

• పేటీఎం ట్రావెల్ ద్వారా ₹2,000 ఫ్లైట్ వోచర్

• జియో యూజర్లకు ₹2,250 విలువైన ప్రయోజనాలు, 18–25 సంవత్సరాల వారికి 18 నెలల జెమినీ ప్రో యాక్సెస్

ఈ ఆఫర్లు ప్రీమియం సెగ్మెంట్ కొనుగోలుదారుల కోసం ప్రత్యేకంగా ఆకర్షణీయంగా ఉన్నాయి.

BSNL New Year Plan : జియో, ఎయిర్‌టెల్ కు బిగ్ షాక్ ! బీఎస్ఎన్ఎల్ న్యూ ఇయర్ 2026 సూపర్ ప్లాన్

Mahesh Rajamoni — Fri, 26 Dec 2025 18:23:44 +0530

BSNL New Year Plan : బీఎస్ఎన్ఎల్ ఎయిర్ టెల్, జియో, వీఐలకు బిగ్ షాక్ ఇచ్చింది. న్యూ ఇయర్ 2026 కానుకగా రూ. 2,799తో కొత్త వార్షిక ప్లాన్‌ను లాంచ్ చేసింది. ఇందులో రోజుకు 3GB డేటా, అన్‌లిమిటెడ్ కాల్స్ లభిస్తాయి. పూర్తి వివరాలు ఇలా ఉన్నాయి..

కొత్త సంవత్సరం 2026 రాకముందే ప్రభుత్వ రంగ టెలికాం సంస్థ భారత్ సంచార్ నిగమ్ లిమిటెడ్ (BSNL) తన వినియోగదారులకు బంపర్ ఆఫర్ ఇచ్చింది. సూపర్ గుడ్ న్యూస్ చెబుతూ అదరిపోయే రీఛార్జ్ ప్లాన్ తీసుకొచ్చింది. వినియోగదారులను ఆకట్టుకునేందుకు శుక్రవారం ఒక సరికొత్త వార్షిక ప్రీపెయిడ్ ప్లాన్‌ను లాంచ్ చేసింది. ప్రైవేట్ టెలికాం సంస్థలైన జియో, ఎయిర్‌టెల్, వొడాఫోన్ ఐడియా (Vi) వంటి సంస్థలకు గట్టి పోటీనిస్తూ, తక్కువ ధరలో ఎక్కువ డేటాను కోరుకునే వారి కోసం ఈ ప్లాన్‌ను తీసుకొచ్చింది.

ఈ కొత్త ప్లాన్ ద్వారా వినియోగదారులు ఏడాది పొడవునా రీఛార్జ్ ఇబ్బంది లేకుండా హై-స్పీడ్ డేటా, అన్‌లిమిటెడ్ కాలింగ్ సౌకర్యాన్ని పొందవచ్చు. ముఖ్యంగా ఈ ప్లాన్ మొత్తం ఖర్చును రోజువారీగా లెక్కగడితే, వినియోగదారుడికి అయ్యే ఖర్చు కేవలం 8 రూపాయలు మాత్రమే కావడం గమనార్హం. ఈ ప్లాన్‌కు సంబంధించిన పూర్తి వివరాలు, ఇతర బెనిఫిట్స్, బోనస్ ఆఫర్లు గమనిస్తే..

బీఎస్ఎన్ఎల్ అధికారికంగా ప్రకటించిన ఈ కొత్త ప్రీపెయిడ్ ప్లాన్ ధర రూ. 2,799. ఇది ఈ ఏడాది డిసెంబర్ 26 నుంచి అందుబాటులోకి వచ్చింది. ఈ ప్లాన్ ప్రధాన ఆకర్షణ దీని వ్యాలిడిటీ, డేటా బెనిఫిట్స్. వాలిడిటీ విషయానికి వస్తే.. ఈ ప్లాన్ రీఛార్జ్ చేసుకున్న వారికి 365 రోజుల (ఒక సంవత్సరం) పాటు సేవలు అందుతాయి. రోజుకు ఏకంగా 3GB హై-స్పీడ్ డేటా లభిస్తుంది. అంటే ఏడాదికి మొత్తం 1095GB డేటా వినియోగదారులకు అందుబాటులో ఉంటుంది.

కాలింగ్ విషయానికి వస్తే.. దేశవ్యాప్తంగా ఏ నెట్‌వర్క్‌కైనా అన్‌లిమిటెడ్ వాయిస్ కాల్స్ చేసుకోవచ్చు. ఇందులో నేషనల్ రోమింగ్ కూడా ఉచితంగా లభిస్తుంది. అలాగే, రోజుకు 100 SMSలు ఉచితంగా లభిస్తాయి. వర్క్ ఫ్రమ్ హోమ్ చేసేవారికి, వీడియో స్ట్రీమింగ్ ఎక్కువగా చేసేవారికి ఈ ప్లాన్ ఒక గొప్ప వరంగా మారుతుందని చెప్పవచ్చు.

బీఎస్ఎన్ఎల్ ఇప్పటికే రూ. 2,399 వార్షిక ప్లాన్‌ను అందిస్తోంది. అయితే కొత్తగా వచ్చిన రూ. 2,799 ప్లాన్‌కు, పాత ప్లాన్‌కు మధ్య చిన్నపాటి తేడా ఉంది. రూ. 2,399 ప్లాన్ లో రోజుకు 2GB డేటా, అన్‌లిమిటెడ్ కాల్స్ 365 రోజుల పాటు లభిస్తాయి. ఇక రూ. 2,799 ప్లాన్ లో రోజుకు 3GB డేటా లభిస్తుంది. అంటే, మీరు అదనంగా రూ. 400 చెల్లించడం ద్వారా సంవత్సరం మొత్తం మీద 365GB అదనపు డేటాను పొందుతారు. దీనిని లెక్కగడితే, ప్రతి అదనపు 1GB డేటాకు మీరు చెల్లించేది కేవలం రూ. 1.10 మాత్రమే. కాబట్టి, ఎక్కువ డేటా అవసరం ఉన్నవారికి కొత్త ప్లాన్ చాలా లాభదాయకంగా ఉంటుంది.

కేవలం కొత్త ప్లాన్ మాత్రమే కాకుండా, న్యూ ఇయర్, క్రిస్మస్ సందర్బంగా బీఎస్ఎన్ఎల్ తన పాత ప్లాన్లపై కూడా అదనపు డేటా ఆఫర్లను ప్రకటించింది. రూ. 2,399 ప్లాన్ ఆఫర్ విషయానికి వస్తే.. డిసెంబర్ 15, 2025 నుండి జనవరి 31, 2026 మధ్యలో ఎవరైతే రూ. 2,399 ప్లాన్‌తో రీఛార్జ్ చేసుకుంటారో, వారికి సాధారణంగా వచ్చే 2GB బదులుగా రోజుకు 2.5GB డేటా లభిస్తుంది.

స్వల్పకాలిక ప్లాన్లపై కూడా ఆఫర్లు ఉన్నాయి. రూ. 225, రూ. 347, రూ. 485 ప్లాన్లపై రీఛార్జ్ చేసుకుంటే, రోజుకు అదనంగా 0.5GB డేటా ఉచితంగా లభిస్తుంది. ఈ ఆఫర్ పరిమిత కాలం పాటు మాత్రమే ఉంటుంది.

కొత్త కస్టమర్లను ఆకర్షించడానికి బీఎస్ఎన్ఎల్ మరొక అద్భుతమైన ఆఫర్ ప్రకటించింది, అదే క్రిస్మస్ బొనాంజా. దీని ద్వారా కొత్తగా బీఎస్ఎన్ఎల్ లో చేరేవారు కేవలం రూ. 1 చెల్లించి 30 రోజుల పాటు సేవలను పొందవచ్చు. ఇందులో మీకు ఉచిత సిమ్ కార్డు, అన్‌లిమిటెడ్ కాల్స్, రోజుకు 100 SMSలు, రోజుకు 2GB డేటా అభిస్తుంది. ఈ ఆఫర్ కేవలం ఈ ఏదాడి డిసెంబర్ 31 వరకు మాత్రమే అందుబాటులో ఉంటుంది. గ్రామీణ, సెమీ-అర్బన్ ప్రాంతాల్లోని వినియోగదారులకు ఇది ఎంతో ఉపయోగకరంగా ఉంటుంది.

ప్రస్తుతం టెలికాం రంగంలో టారిఫ్ ధరలు పెరుగుతున్న తరుణంలో, బీఎస్ఎన్ఎల్ అందిస్తున్న ఈ తక్కువ ధర ప్లాన్లు సామాన్యులకు ఊరటనిస్తున్నాయి. ఈ కొత్త రూ. 2,799 ప్లాన్, ఇతర ఆఫర్లు బీఎస్ఎన్ఎల్ అధికారిక వెబ్‌సైట్, 'బీఎస్ఎన్ఎల్ సెల్ఫ్ కేర్' యాప్ ద్వారా అందుబాటులో ఉన్నాయి. అలాగే పేటీయం (Paytm), గూగుల్ పే (Google Pay), ఫోన్ పే (PhonePe) వంటి ఇతర రీఛార్జ్ ప్లాట్‌ఫారమ్‌లలో కూడా ఇది త్వరలో అందుబాటులోకి రానుంది.

దేశవ్యాప్తంగా 4G సేవలను విస్తరిస్తున్న బీఎస్ఎన్ఎల్, 2026లో మరిన్ని అధునాతన సేవలతో వినియోగదారుల ముందుకు రానుందని ఈ ఆఫర్ల ద్వారా స్పష్టమవుతోంది. ఎక్కువ డేటా, తక్కువ ధర కోరుకునే వారు వెంటనే ఈ ప్లాన్లపై ఒక కన్నేయండి మరి !

YouTube : యూట్యూబ్ నుంచి లక్షలు సంపాదించవచ్చు ! ఈ 5 టిప్స్ పాటిస్తే సక్సెస్ పక్కా !

Mahesh Rajamoni — Fri, 02 Jan 2026 22:32:25 +0530

YouTube Monetization Tips and Tricks: యూట్యూబ్‌లో కెరీర్ మొదలుపెట్టాలనుకుంటున్నారా? ఛానల్ మానిటైజ్ కావడం లేదా? అయితే, సక్సెస్ కావడానికి, డబ్బు సంపాదించడానికి పాటించాల్సిన నియమాలు, టిప్స్ మీకోసం.

ప్రస్తుత డిజిటల్ యుగంలో యూట్యూబ్ (YouTube) అనేది కేవలం వినోద సాధనంగా మాత్రమే కాకుండా, ఆదాయ వనరుగా కూడా మారింది. యూట్యూబ్‌లో కెరీర్ మొదలుపెట్టాలని, తద్వారా మంచి గుర్తింపుతో పాటు డబ్బు సంపాదించాలని చాలా మంది కలలు కంటూ ఉంటారు. అయితే, అందరికీ ఆశించిన ఫలితాలు దక్కడం లేదు.

కొందరు యూట్యూబర్లు తమ వీడియోల ద్వారా కోట్లలో సంపాదిస్తుంటే, మరికొందరు ఏళ్ల తరబడి కష్టపడుతున్నా కనీసం ఒక్క రూపాయి కూడా సంపాదించలేకపోతున్నారు. ఎంతో శ్రమించి వీడియోలు చేస్తున్నా, చాలా మంది ఛానెల్స్ కనీసం మానిటైజ్ కూడా కావడం లేదు. అసలు ఈ వ్యత్యాసం ఎందుకు ఉంది? సక్సెస్ అయిన వారికి తెలిసిన ఆ సీక్రెట్ ఏంటి?

యూట్యూబ్ ద్వారా చాలా మంది భారీగా ఆర్జిస్తున్నారు. వీరిని చూసి స్ఫూర్తి పొందిన సామాన్యులు కూడా ఉత్సాహంగా ఛానల్ క్రియేట్ చేస్తున్నారు. కానీ, వీడియోలు అప్‌లోడ్ చేసిన తర్వాత వ్యూస్ రాక, సబ్‌స్క్రైబర్లు పెరగక నిరాశ చెందుతున్నారు. దీనికి ప్రధాన కారణం మీ కంటెంట్ ఎంపిక, ఛానల్ నిర్వహణలో చేసే చిన్న చిన్న పొరపాట్లే. మీరు కొత్తగా ఛానల్ పెట్టాలనుకున్నా, లేదా ఇప్పటికే ఛానల్ ఉన్నా.. ఈ కింద పేర్కొన్న అంశాలను కచ్చితంగా పరిగణనలోకి తీసుకోవాలి..

యూట్యూబ్‌లో సక్సెస్ కావడానికి అత్యంత ముఖ్యమైనది టాపిక్ సెలెక్షన్. మీకు ఏ కంటెంట్ చేయడం ఇష్టం అనే దానికంటే, ప్రేక్షకులు ప్రస్తుతం ఏది చూడటానికి ఆసక్తి చూపిస్తున్నారు అనేది చాలా ముఖ్యం.

మీరు ఎంచుకునే టాపిక్ ఎక్కువ మందిని ఆకర్షించేలా ఉండాలి. అలాగే దానికి యాడ్ వాల్యూ ఎక్కువగా ఉండాలి. ఉదాహరణకు, మన దేశంలో టెక్నాలజీ, ఫైనాన్స్, ఎడ్యుకేషన్, హెల్త్ వంటి అంశాలకు సంబంధించిన వీడియోలపై ఆదాయం ఎక్కువగా ఉంటుంది. మిగతా అంశాలతో పోలిస్తే ఈ కేటగిరీలలో యాడ్స్ ద్వారా వచ్చే రెవెన్యూ మెరుగ్గా ఉంటుంది. కాబట్టి ట్రెండింగ్, హై-వాల్యూ కంటెంట్‌పై దృష్టి పెట్టడం మంచిది.

ఛానల్ గ్రోత్ కోసం ఒకే నిష్‌లో కంటెంట్ చేయడం ముఖ్యం. ఒకే ఛానల్‌లో అనేక రకాల అంశాలను పోస్ట్ చేయడం వల్ల యూజర్లు కన్ఫ్యూజ్ అయ్యే అవకాశం ఉంది. ఇది ఛానల్ గ్రోత్‌ను దెబ్బతీస్తుంది. ఇక మానిటైజేషన్ విషయానికి వస్తే, యూట్యూబ్ కొన్ని నిర్దిష్టమైన షరతులను విధించింది.

మీ ఛానల్ ద్వారా డబ్బు సంపాదించాలంటే కనీసం 500 మంది సబ్‌స్క్రైబర్లు ఉండాలి. అలాగే, గత 12 నెలల్లో 3000 గంటల వాచ్ టైమ్ పూర్తి కావాలి. ఒకవేళ మీరు షార్ట్స్ వీడియోలు ఎక్కువగా చేస్తుంటే, గత 90 రోజుల్లో మీ షార్ట్స్ వీడియోలకు 30 లక్షల వ్యూస్ వచ్చి ఉండాలి. ఈ మైలురాళ్లను దాటితేనే మానిటైజేషన్ ఎనేబుల్ అవుతుంది.

కేవలం వ్యూస్ వస్తే డబ్బులు రావని గుర్తుంచుకోండి. మంచి ఆదాయం కోసం వాచ్ అవర్స్ చాలా కీలకం. అందుకే షార్ట్ వీడియోల కంటే లాంగ్ ఫార్మాట్ వీడియోలపై ఎక్కువ దృష్టి పెట్టాలి.

సాధారణంగా 6 నుంచి 10 నిమిషాల నిడివి గల వీడియోలు చేయడం వల్ల వాచ్ టైమ్ త్వరగా పెరుగుతుంది. యూట్యూబ్ ప్రధానంగా వాచ్ అవర్స్ ఆధారంగానే డబ్బులు చెల్లిస్తుంది, కేవలం వ్యూస్ ఆధారంగా కాదు. అయితే, షార్ట్స్ వీడియోలను పూర్తిగా పక్కన పెట్టకూడదు. కొత్తగా ఛానల్ రీచ్ పెరగడానికి, సబ్‌స్క్రైబర్లను వేగంగా పెంచుకోవడానికి షార్ట్స్ అద్భుతంగా ఉపయోగపడతాయి. కాబట్టి రెండింటినీ బ్యాలెన్స్ చేయడం ముఖ్యం.

వీడియో లోపల కంటెంట్ ఎంత బాగున్నా, ఆ వీడియోపై క్లిక్ చేయించేది మాత్రం థంబ్‌నెయిల్. ప్రేక్షకులు మీ వీడియోను క్లిక్ చేసి, ఎక్కువ సేపు చూసేలా చేయడం మీ లక్ష్యం కావాలి.

థంబ్‌నెయిల్ డిజైన్ చేసేటప్పుడు అందులో టెక్స్ట్ తక్కువగా ఉండేలా చూసుకోండి. కేవలం 3 నుండి 4 పదాలు మాత్రమే వాడాలి. అక్షరాల కంటే ఎమోషన్ ఎక్కువగా కనిపించాలి. అలాగే టైటిల్ పెట్టడంలో కూడా జాగ్రత్త వహించాలి. ఉదాహరణకు, మీరు ఒక ఫోన్ గురించి వీడియో చేస్తే.. 'iPhone 15 Review' అని సింపుల్‌గా పెట్టడం కంటే, '80,000 పెట్టి ఐఫోన్ కొంటున్నారా.. ఈ తప్పు అస్సలు చేయకండి' అని పెడితే జనం ఎక్కువగా క్లిక్ చేసే అవకాశం ఉంటుంది. క్యూరియాసిటీ పెంచేలా టైటిల్స్ ఉండాలి.

చాలా మందిలో ఉన్న ప్రధాన సమస్య నిలకడ లేకపోవడం. ఉత్సాహంగా ఒకటి రెండు వీడియోలు చేసి, ఆ తర్వాత గ్యాప్ ఇస్తుంటారు. యూట్యూబ్ అల్గారిథమ్ ప్రకారం కన్సిస్టెన్సీ చాలా ముఖ్యం.

వారానికి కనీసం 2 నుండి 3 వీడియోలు అప్‌లోడ్ చేయాలి. అంతేకాదు, ప్రతిసారీ ఒకే సమయానికి వీడియోను పబ్లిష్ చేయడం అలవాటు చేసుకోవాలి. కొత్త ఛానల్‌ని యూట్యూబ్ మొదట టెస్ట్ చేస్తుంది, ఆ తర్వాతే పుష్ చేస్తుంది. కాబట్టి 60 నుండి 90 రోజుల పాటు క్రమం తప్పకుండా వీడియోలు అప్‌లోడ్ చేస్తే మంచి ఫలితాలు కనిపిస్తాయి.

అలాగే సెర్చ్ ఇంజిన్ ఆప్టిమైజేషన్ పై దృష్టి పెట్టాలి. టైటిల్, డిస్క్రిప్షన్‌లలో సరైన కీవర్డ్స్ వాడాలి. షార్ట్ వీడియోల కామెంట్ సెక్షన్‌లో మీ లాంగ్ వీడియో లింక్ ఇవ్వడం ద్వారా ట్రాఫిక్ పెంచుకోవచ్చు. మొత్తంగా చెప్పాలంటే యూట్యూబ్ సక్సెస్‌కు ఎలాంటి షార్ట్‌కట్స్ లేవు. సరైన ప్లానింగ్‌తో, 3 నుండి 6 నెలల పాటు కష్టపడితే మీ ఛానల్ కచ్చితంగా మానిటైజ్ అవుతుంది. డబ్బులు వస్తాయి.

Samsung నుంచి అదిరిపోయే 2 కొత్త ఫోన్లు.. ఫీచర్లు చూస్తే మైండ్ బ్లాక్ అవ్వాల్సిందే !

Mahesh Rajamoni — Thu, 26 Mar 2026 19:07:12 +0530

Samsung Galaxy A57 Galaxy A37 : శాంసంగ్ తన పాపులర్ ఏ-సిరీస్‌లో గెలాక్సీ A57, A37 స్మార్ట్‌ఫోన్‌లను భారత్‌లో లాంచ్ చేసింది. ఎక్సినోస్ చిప్‌సెట్, 50MP కెమెరా, 6 ఏళ్ల సాఫ్ట్‌వేర్ అప్‌డేట్స్‌తో ఇవి లభించనున్నాయి.

ప్రముఖ స్మార్ట్‌ఫోన్ దిగ్గజం శాంసంగ్, భారత మార్కెట్లోకి తన గెలాక్సీ ఏ (Galaxy A) సిరీస్‌లో భాగంగా రెండు కొత్త స్మార్ట్‌ఫోన్‌లను విడుదల చేసింది. గెలాక్సీ A57 5G, గెలాక్సీ A37 5G మోడళ్లను శాంసంగ్ కంపెనీ గురువారం అధికారికంగా ప్రకటించింది. ఇవి గత ఏడాది విడుదలైన గెలాక్సీ A56, A36 మోడళ్లకు కొనసాగింపుగా వచ్చాయి. అధునాతన ఎక్సినోస్ చిప్‌సెట్‌లు, మెరుగైన కెమెరా హార్డ్‌వేర్, ప్రీమియం డిజైన్‌తో ఈ ఫోన్లు వినియోగదారులను ఆకట్టుకుంటున్నాయి.

భారతదేశంలో శాంసంగ్ గెలాక్సీ A57, A37 ఫోన్లు వివిధ వేరియంట్లలో అందుబాటులో ఉన్నాయి. గెలాక్సీ A57 8GB+256GB వేరియంట్ ధర రూ. 56,999 కాగా, 12GB+256GB వేరియంట్ ధర రూ. 62,499 గా నిర్ణయించారు. ఇది ఆసమ్ నేవీ, ఆసమ్ ఐసీ బ్లూ, ఆసమ్ లైలాక్ రంగుల్లో లభిస్తుంది.

మరోవైపు, గెలాక్సీ A37 మూడు వేరియంట్లలో లభిస్తుంది. 8GB+128GB మోడల్ ధర రూ. 41,999, 8GB+256GB మోడల్ రూ. 47,499, 12GB+256GB మోడల్ రూ. 52,999 గా ఉంది. ఈ ఫోన్ ఆసమ్ లావెండర్, ఆసమ్ చార్‌కోల్, ఆసమ్ గ్రే గ్రీన్ రంగుల్లో లభిస్తుంది. ఏప్రిల్ 10 నుంచి ఇవి శాంసంగ్ వెబ్‌సైట్, అమెజాన్, ఫ్లిప్ కార్ట్ రిటైల్ స్టోర్లలో కొనుగోలుకు అందుబాటులో ఉంటాయి. లాంచ్ ఆఫర్ కింద రూ. 3,000 బ్యాంక్ క్యాష్‌బ్యాక్ లేదా అప్‌గ్రేడ్ బోనస్ కూడా ఇస్తున్నారు.

రెండు స్మార్ట్‌ఫోన్‌లు 6.7 అంగుళాల FHD+ సూపర్ అమోలెడ్ డిస్‌ప్లేను కలిగి ఉన్నాయి. ఇది 120Hz రిఫ్రెష్ రేట్‌తో వస్తుంది, దీనివల్ల విజువల్స్ చాలా స్మూత్‌గా ఉంటాయి. ఎండలో కూడా స్క్రీన్ స్పష్టంగా కనిపించేలా విజన్ బూస్టర్ టెక్నాలజీని ఇందులో వాడారు. గెలాక్సీ A57 మోడల్ 6.9mm స్లిమ్ ప్రొఫైల్, అల్యూమినియం ఫ్రేమ్‌తో ప్రీమియం లుక్‌ను ఇస్తుంది. రక్షణ కోసం గొరిల్లా గ్లాస్ విక్టస్+, నీరు, ధూళి నుండి రక్షణ కోసం IP68 రేటింగ్‌ను అందించారు.

గెలాక్సీ A57 స్మార్ట్‌ఫోన్ ఎక్సినోస్ 1680 చిప్‌సెట్‌తో పనిచేస్తుండగా, గెలాక్సీ A37 ఎక్సినోస్ 1480 చిప్‌సెట్‌తో వస్తుంది. ఇవి రెండూ ఆండ్రాయిడ్ 16 ఆధారిత వన్ యూఐ 8.5 (One UI 8.5) సాఫ్ట్‌వేర్‌పై నడుస్తాయి. శాంసంగ్ ఈ ఫోన్లకు 6 జెన్ ఆండ్రాయిడ్ ఓఎస్ అప్‌డేట్స్, 6 ఏళ్ల సెక్యూరిటీ అప్‌డేట్స్‌ను ప్రామిస్ చేసింది. గేమింగ్ సమయంలో వేడి తగ్గించడానికి మునుపటి కంటే 13 శాతం పెద్ద వేపర్ ఛాంబర్ కూలింగ్ సిస్టమ్‌ను ఇందులో అమర్చారు.

ఈ ఫోన్లలో కెమెరాకు ప్రాధాన్యం ఇచ్చారు. రెండింటిలోనూ 50MP ప్రధాన కెమెరా (OIS), 5MP మాక్రో కెమెరా ఉన్నాయి. అయితే అల్ట్రా-వైడ్ లెన్స్ విషయానికి వస్తే A57లో 12MP లెన్స్ ఉండగా, A37లో 8MP లెన్స్ ఇచ్చారు. సెల్ఫీల కోసం 12MP ఫ్రంట్ కెమెరా ఉంది. ఇమేజ్ సిగ్నల్ ప్రాసెసర్ మెరుగుపరచడం వల్ల తక్కువ వెలుతురులో కూడా అద్భుతమైన ఫోటోలు వస్తాయి. ఇందులో ఆబ్జెక్ట్ ఎరేజర్, బెస్ట్ ఫేస్, వాయిస్ ట్రాన్స్‌క్రిప్షన్, సర్కిల్ టు సెర్చ్ వంటి ఏఐ ఫీచర్లు ఉన్నాయి.

గెలాక్సీ A57 5G, గెలాక్సీ A37 5G బ్యాటరీ, సెక్యూరిటీ అప్డేట్స్

రెండు ఫోన్లలో 5,000mAh భారీ బ్యాటరీని అందించారు. ఇది సాధారణ వాడకంతో రెండు రోజుల పాటు వస్తుందని కంపెనీ పేర్కొంది. ఇవి సూపర్ ఫాస్ట్ ఛార్జింగ్ 2.0 (45W) కి సపోర్ట్ చేస్తాయి, దీనివల్ల కేవలం 30 నిమిషాల్లో 60 శాతం బ్యాటరీ నిండుతుంది. భద్రత కోసం ఇందులో శాంసంగ్ నాక్స్ వాల్ట్ ఫీచర్ ఉంది, ఇది యూజర్ల సున్నితమైన డేటాను హార్డ్‌వేర్ స్థాయిలో సురక్షితంగా ఉంచుతుంది.

దేశంలో హైదరాబాద్ నెంబర్ వన్ ... ఐటీ సిటీ బెంగళూరునే వెనక్కినెట్టేసిందిగా..!

Arun Kumar P — Tue, 18 Nov 2025 14:50:19 +0530

Global Capability Centres (GCC) : ఐటీ సీటి బెంగళూరును మన నగరం హైదరాబాద్ వెనక్కి నెట్టేసింది. ఇప్పుడు GCC ల ఏర్పాటులో మన నగరమే అగ్రస్థానంలో నిలిచింది.

Global Capability Centres (GCC) : ప్రపంచం పూర్తిగా మారిపోయింది... గతంలో టాలెంట్ ఉన్నా ఉద్యోగాలు, ఉపాధిని వెతుక్కుంటూ వెళ్లేవారు. కానీ ఇప్పుడు టాలెంట్ ను వెతుక్కుంటూ కంపెనీలే వస్తున్నాయి. ఇందుకోసం మల్టీ నేషనల్ కంపెనీలు (MNC) వ్యూహాత్మకంగా స్థాపిస్తున్న యూనిట్సే ఈ GCC (గ్లోబల్ కేపబిలిటి సెంటర్).

ఈ జిసిసి సెంటర్ల ఏర్పాటులో భారతదేశంలో టాప్ లో నిలుస్తోంది హైదరాబాద్. ఐటీతో పాటు టెక్నాలజీ రంగాల్లో ముందుండే బెంగళూరుకు గట్టిపోటీ ఇస్తోంది హైదరాబాద్. దేశంలో GCC సెంటర్స్ కూ అడ్డాగా మారిపోతోంది మన నగరం. ఇక్కడ టెక్నాలజీ, ఇన్నోవేషన్, టాలెంటెడ్ మానవ వనరులతో పాటు ఫ్యూచర్ రెడీ మౌళిక సదుపాయాలు జిసిసిల ఏర్పాటులో కీలకపాత్ర పోషిస్తున్నాయి. ఇది హైదరాబాద్ లో అంతర్జాతీయ సంస్థలు ఎందుకు క్యూ కడుతున్నాయో తెలియజేస్తోంది.

ప్రముఖ సంస్థ అన్ఎర్త్ ఇన్సైట్ (UnearthInsight)ప్రకారం ఈ ఏడాది ఇప్పటివరకు (జనవరి నుండి నవంబర్) హైదరాబాద్ లో 41కి పైగా కొత్త జిసిసిల ఏర్పాటు జరిగింది. ఇది దేశంలో ఏర్పాటైన GCC లలో 41 శాతం. బెంగళూరులో కూడా ఈ ఏడాది ఇప్పటివరకు కేవలం 30కి పైగా జిసిసిలు మాత్రమే ఏర్పాటుచేశారు. దీన్నిబట్టి హైదరాబాద్ డిజిటల్, ఇంజనీరింగ్, ఏఐ, క్లౌడ్, సైబర్ సెక్యూరిటీ రంగాల్లో గ్లోబర్ పవర్ హౌస్ గా మారుతోందని అర్థమవుతోంది.

నగరంలో వైవిధ్యభరితమైన స్కిల్డ్ టాలెంట్ ఉంది... వరల్డ్ క్లాస్ యూనివర్సిటీలు, టెక్ సంస్థలు గ్లోబల్ స్థాయి టాలెంట్ ను ఉత్పత్తి చేస్తున్నాయి.

STEM (Science, Technology, Engineering, Mathematics) టాలెంట్ అందుబాటులో ఉంది. తద్వారా ఎలాంటి రంగాల్లో అయినా టెక్నాలజీ రోల్స్ నిర్వహించేందుకు వీలుంటుంది.

ఏఐ, డాటా, క్లౌడ్, బయోటెక్, ఫిన్ టెక్ రంగాల్లో అంతర్జాతీయ స్థాయి టాలెంట్ లభిస్తుంది.

స్టార్టప్స్ అనుకూలమైన ఎకో సిస్టమ్ ఇక్కడ ఏర్పడింది.

ఇలాంటి అనేక కారణాలు ఫార్చ్యూన్ 500 కంపెనీలను హైదరాబాద్ వైపు చూసేలా చేస్తున్నాయి. రీసెర్చ్, డిజైన్, డిజిటల్ ట్రాన్స్ఫర్మేషన్, ప్రోడక్ట్ ఇంజనీరిగ్, గ్లోబల్ ఆపరేషన్స్ కు నగరాన్ని ఎంచుకునేలా చేస్తున్నాయి.

ఇప్పటికే వ్యాన్ గార్డ్, స్టార్ రేజ్, మెక్ డొనాల్డ్స్, టి-మొబైల్, హెచ్సిఏ, హెల్త్ కేర్, సౌత్ వేస్ట్ ఎయిర్ లైన్స్, ఎలి లిల్లీ ఆండ్ కంపెనీ వంటివి హైదరాబాద్ లో మరింత విస్తరించేందుకు ప్రయత్నిస్తున్నాయి. దీంతో దేశంలో వేగంగా అభివృద్ది చెందుతున్న నగరాల్లోనూ టాప్ లో నిలుస్తోంది. ఇండియా GCC గ్రోత్ స్టోరీని మార్చేదిశగా హైదరాబాద్ పయనం సాగుతోంది.

క్లౌడ్‌ఫ్లేర్ డౌన్ ఎఫెక్ట్: ప్రపంచవ్యాప్తంగా X, ChatGPT సహా అనేక యాప్స్ బంద్

Mahesh Rajamoni — Tue, 18 Nov 2025 19:15:00 +0530

Cloudflare Outage : ప్రముఖ క్లౌడ్ సర్వీస్ ప్రొవైడర్ క్లౌడ్‌ఫ్లేర్‌లో ఏర్పడిన సాంకేతిక లోపం కారణంగా X , చాట్ జీపీటీ, ఓపెన్ ఏఐ, పేపాల్ వంటి అనేక అంతర్జాతీయ వెబ్‌సైట్ల సేవల్లో అంతరాయం ఏర్పడింది. అసలు ఏం జరిగిందో పూర్తి వివరాలు ఇక్కడ తెలుసుకుందాం.

ప్రపంచవ్యాప్తంగా లక్షలాది మంది వినియోగదారులను ఒక్కసారిగా ఆందోళనకు గురిచేస్తూ ప్రముఖ సోషల్ మీడియా ప్లాట్‌ఫామ్ X (గతంలో ట్విట్టర్), AI సేవలు అందించే ఓపెన్ఏఐ (OpenAI) సంస్థకు చెందిన చాట్ జీపీటీ సహా అనేక అంతర్జాతీయ వెబ్‌సైట్లు, యాప్‌ల సేవల్లో భారీ అంతరాయం ఏర్పడింది. అంతర్జాల మౌలిక సదుపాయాలను అందించే (Internet Infrastructure Service Provider) దిగ్గజ సంస్థ క్లౌడ్‌ఫ్లేర్ (Cloudflare) లో తలెత్తిన సాంకేతిక సమస్యే ఈ ప్రధాన కారణంగా తెలుస్తోంది.

మంగళవారం మధ్యాహ్నం నుంచి ప్రారంభమైన ఈ అంతరాయం ప్రపంచవ్యాప్తంగా విస్తరించి, ఇంటర్నెట్ ఆధారిత సేవలు అందించే అనేక సంస్థలను, కోట్లాది మంది వినియోగదారులను షాక్ కు గురిచేసింది.

క్లౌడ్‌ఫ్లేర్ అంతరాయం కారణంగా X, OpenAIతో పాటు, ఆన్‌లైన్ చెల్లింపుల దిగ్గజం పేపాల్ (PayPal), రవాణా సేవలు అందించే ఉబెర్ (Uber) వంటి సంస్థల డిజిటల్ సేవలు కూడా తీవ్రంగా ప్రభావితమయ్యాయి. వినియోగదారులు తమ వెబ్‌సైట్లు లేదా యాప్‌లను తెరవడానికి ప్రయత్నించగా, స్క్రీన్‌పై 'ఎర్రర్ కోడ్ 500' లేదా 'ఎర్రర్ 522' (కనెక్షన్ టైమ్డ్ అవుట్) వంటి సందేశాలు దర్శనమిచ్చాయి. ముఖ్యంగా X (ట్విట్టర్) వినియోగదారులకు ఫీడ్ లోడ్ కాకపోవడం, పోస్ట్‌లు చేయలేకపోవడం, స్క్రీన్ ఖాళీగా కనిపించడం వంటి సమస్యలు ఎదురయ్యాయి.

వేలాది మంది యూజర్లు తమ సమస్యలను, ఆందోళనను డౌన్‌డిటెక్టర్ వంటి ఔట్‌టేజ్ ట్రాకింగ్ వెబ్‌సైట్లలో నివేదించారు. ఈ అంతరాయం భారత కాలమానం ప్రకారం సాయంత్రం 4:37 గంటల ప్రాంతంలో మొదలైనట్లుగా డౌన్‌డిటెక్టర్ వెల్లడించింది. కొన్ని నివేదికల ప్రకారం, AWS (అమెజాన్ వెబ్ సర్వీసెస్) సేవలు కూడా కొంత మేర ప్రభావితమైనట్లు తెలుస్తోంది.

క్లౌడ్‌ఫ్లేర్ అనేది ఇంటర్నెట్ కు వెన్నెముక వంటిది. ఇది వెబ్‌సైట్లకు కంటెంట్ డెలివరీ నెట్‌వర్క్ (CDN), సెక్యూరిటీ రక్షణలు, పెర్ఫార్మెన్స్ టూల్స్ వంటి కీలకమైన మౌలిక సదుపాయాల సేవలను అందిస్తుంది. ప్రపంచవ్యాప్తంగా ఉన్న డేటా సెంటర్ల ద్వారా ఇది కంటెంట్‌ను వేగంగా యూజర్‌కు చేరుస్తుంది.

సైబర్ దాడులు జరిగినప్పుడు వెబ్‌సైట్లను రక్షించడంలోనూ, అధిక ట్రాఫిక్ ఉన్నప్పుడు కూడా సేవలు నిరంతరంగా కొనసాగేలా చేయడంలోనూ క్లౌడ్‌ఫ్లేర్ కీలక పాత్ర పోషిస్తుంది. అనేక పెద్ద పెద్ద వెబ్‌సైట్లు, ప్లాట్‌ఫామ్‌లు తమ సేవలను ఆన్‌లైన్‌లో ఉంచడానికి క్లౌడ్‌ఫ్లేర్ మౌలిక సదుపాయాలపై ఆధారపడతాయి. అందుకే ఈ సంస్థ వ్యవస్థల్లో చిన్నపాటి సాంకేతిక లోపం తలెత్తినా, దాని ప్రభావం కేవలం ఒకే సేవకు కాకుండా, ప్రపంచవ్యాప్తంగా వేలాది వెబ్‌సైట్‌లపై పడుతుంది.

ఈ భారీ అంతరాయంపై క్లౌడ్‌ఫ్లేర్ బృందం తక్షణమే స్పందించింది. "చాలా మంది కస్టమర్‌లపై ప్రభావం చూపే సమస్యను గుర్తించాం. ప్రస్తుతం మా బృందం సమస్యను పరిష్కరించే పనిలో నిమగ్నమై ఉంది" అని తమ అధికారిక స్టేటస్ పేజీలో ప్రకటించింది. ప్రారంభ విశ్లేషణ ప్రకారం, క్లౌడ్‌ఫ్లేర్ నెట్‌వర్క్‌లోని "మెష్ లేయర్" లోని రూటింగ్ (Routing) ప్రక్రియలో మార్పు (Change) కారణంగా ఈ సాంకేతిక లోపం తలెత్తినట్టుగా ప్రాథమికంగా భావిస్తున్నారు.

ఈ సమస్యపై X ప్లాట్‌ఫామ్ అధికారికంగా ఎలాంటి ప్రకటన విడుదల చేయనప్పటికీ, నెటిజన్లు మాత్రం తమ అభిప్రాయాలను ఇతర సోషల్ మీడియా వేదికల్లో పంచుకున్నారు. "X తో పాటు డౌన్‌డిటెక్టర్ కూడా పనిచేయడం లేదంటే క్లౌడ్‌ఫ్లేర్ సమస్య ఎంత పెద్దదో అర్థం చేసుకోవచ్చు" అని ఒక నెటిజన్ వ్యాఖ్యానించగా, మరొకరు "క్లౌడ్‌ఫ్లేర్ లోపం వల్లే X స్తంభించింది, ఇది ప్రధాన సర్వర్ సమస్య" అని పేర్కొన్నాడు.

ఈ సాంకేతిక అంతరాయం కేవలం కొద్ది గంటల్లోనే పరిష్కారమై, చాలా వరకు సేవలు తిరిగి పునరుద్ధరించినట్టు క్లౌడ్‌ఫ్లేర్ ఇంజనీర్లు తెలిపారు. తక్కువ సమయంలోనే నెట్‌వర్క్‌ను పునరుద్ధరించారు. అయితే, ఇది ఇంకా పూర్తిగా అన్ని ప్రాంతాల్లో పరిష్కారం కాలేదు.

ఇంటర్నెట్‌లో అత్యధిక ట్రాఫిక్‌ను నిర్వహించే క్లౌడ్‌ఫ్లేర్, AWS వంటి సంస్థల్లో లోపం తలెత్తితే, ప్రపంచం ఒక్కసారిగా స్తంభించిపోవచ్చని ఈ సంఘటన నిరూపించింది. భవిష్యత్తులో ఇలాంటి విస్తృత అంతరాయాలు తలెత్తకుండా, మౌలిక సదుపాయాల బహుళ ఆధారం, అత్యవసర ప్రణాళికలు ఎంత ముఖ్యమో ఈ సంఘటన టెక్ ప్రపంచానికి చూపించింది.

Starlink : ఎలన్ మస్క్ స్టార్‌లింక్ భారత్‌లో స్టార్ట్ : ప్లాన్‌లు, స్పీడ్, సైన్‌అప్.. ఫుల్ డిటెయిల్స్ ఇవే

Mahesh Rajamoni — Mon, 08 Dec 2025 17:52:49 +0530

Starlink India Plans : భారత్‌లో ఎలన్ మస్క్ స్టార్‌లింక్ ఇంటర్నెట్ సర్వీసులు అందించడానికి సిద్ధమైంది. ఈ క్రమంలోనే నెలవారీ ధరలు, హార్డ్‌వేర్ ఖర్చులు, స్పీడ్, కనెక్టివిటీ, సైన్‌అప్ వివరాలు వెల్లడించింది. పూర్తి వివరాలు ఇక్కడ తెలుసుకుందాం.

ఉపగ్రహ ఆధారిత హై-స్పీడ్ ఇంటర్నెట్‌ను అందించే ఎలన్ మస్క్‌ కంపెనీ స్టార్‌లింక్, భారత్‌లో కార్యకలాపాలు ప్రారంభించే దిశగా వేగంగా ముందుకు సాగుతోంది. ఇప్పటికే కేంద్ర ప్రభుత్వ నుండి ముఖ్య అనుమతులు పొందింది. ఈ సంస్థ, దేశవ్యాప్తంగా ఇంటర్నెట్ సమస్యలు ఎదుర్కొంటున్న ప్రాంతాలకు సేవలు అందించడమే లక్ష్యంగా పెట్టుకుంది. ముఖ్యంగా గ్రామాలు, కొండ ప్రాంతాలు, అడవులు వంటి నెట్‌వర్క్ లేని ప్రాంతాల్లో స్టార్‌లింక్ పెద్ద మార్పు తీసుకురావొచ్చని పరిశ్రమ వర్గాలు అంచనా వేస్తున్నాయి.

స్టార్‌లింక్ ఇండియా అధికారిక వెబ్‌సైట్ ప్రకారం.. నెలవారీ సబ్‌స్క్రిప్షన్ ధర ₹8,600 గా ఉంది. హార్డ్‌వేర్ కిట్ (డిష్, రౌటర్, కేబుల్స్) కోసం ₹34,000 ఒక్కసారి చెల్లించాల్సి ఉంటుంది.

ఈ ప్యాకేజీలో యూజర్లకు అన్‌లిమిటెడ్ డేటా, 30 రోజుల ఫ్రీ ట్రయల్, హై స్టెబిలిటీతో కూడిన కనెక్టివిటీ అందించనున్నట్లు స్టార్‌లింక్ వెల్లడించింది. అన్ని వాతావరణ పరిస్థితుల్లోనూ 99.9% అప్‌టైమ్ ఇవ్వగలమని స్టార్‌లింక్ హామీ ఇస్తోంది. అయితే, బిజినెస్ సబ్‌స్క్రిప్షన్ ధరలను మాత్రం ఇంకా ప్రకటించలేదు.

స్టార్‌లింక్ ఇంటర్నెట్‌కు ప్రధాన బలం లో ఎర్త్ ఆర్బిట్ (LEO) ఉపగ్రహాలు. ఇవి భూమికి కేవలం 550 కిలోమీటర్ల దూరంలో ఉండడంతో, లేటెన్సీ చాలా తక్కువగా ఉంటుంది. స్టార్‌లింక్ ఇంటర్నెట్ అంచనా వేగం 25 Mbps నుంచి 225 Mbps. అప్‌లోడ్ వేగం 40 Mbps వరకు ఉంటుందని అంచనా. ప్రీమియం ప్యాకేజీలలో 500 Mbps వరకు అందే అవకాశం ఉంది.

స్టార్‌లింక్ ఇప్పటికే హైదరాబాద్, ముంబై, లక్నో, నోయిడా, కోల్‌కతా, చండీగఢ్ వంటి కీలక నగరాల్లో గేట్‌వే ఎర్త్ స్టేషన్‌లను ఏర్పాటు చేయడానికి సన్నాహాలు చేస్తోంది. ఇవి ఉపగ్రహాలు, భూమిపై ఉన్న రిసీవర్లు మధ్య కనెక్టివిటీని నిర్వహించే రిలే స్టేషన్లుగా పనిచేస్తాయి.

స్టార్‌లింక్ సర్వీసులు అందుబాటులో ఉన్న ప్రాంతాల్లో నమోదు చేయడానికి ప్రక్రియ చాలాసులువు. దాని కోసం..

1. అధికారిక వెబ్‌సైట్ starlink.com లోకి వెళ్లాలి

2. Get Started పై క్లిక్ చేయాలి

3. మీ లొకేషన్ ఎంటర్ చేయాలి

4. అందుబాటులో ఉన్న ప్లాన్ ఎంపిక చేసి, చెల్లింపు చేయాలి

అయితే, స్టార్‌లింక్ సేవలు భారత్ లోని అన్ని రాష్ట్రాల్లో ప్రస్తుతం అందుబాటులో లేదు. దశలవారీగా యాక్సెస్‌ను విస్తరించనున్నట్టు తెలిపింది.

స్టార్‌లింక్ ప్రధానంగా సిగ్నల్ లేని అటవి ప్రాంతాలు, కొండలు, మారుమూల గ్రామాలకు ఎంతో ప్రయోజనం చేకూరుస్తుంది. ఫైబర్ లేని ప్రదేశాల్లో వర్క్ ఫ్రమ్ హోం చేసే ఉద్యోగులు, విద్యార్థుల కోసం ఆన్‌లైన్ క్లాసులు, రైతులు, అటవీ విభాగాలు వంటి నెట్‌వర్క్ లేనివారికి డిజిటల్ యాక్సెస్ అందిస్తుంది. నగరాల్లో టెలికాం టవర్లు, ఫైబర్ ఇప్పటికే బలంగా ఉండడం వల్ల, స్టార్‌లింక్ ప్రధానంగా గ్రామీణ డిజిటల్ కనెక్టివిటీ లక్ష్యంగా కొనసాగుతుంది.

స్టార్‌లింక్ భారతదేశంలో ఇంటర్నెట్ రంగానికి ఒక గేమ్ ఛేంజర్‌గా మారే అవకాశముంది. ధరలు కొంత ఎక్కువగా ఉన్నప్పటికీ, నెట్‌వర్క్ లేని ప్రాంతాల్లో ఇది కీలక అవకాశాలు అందిస్తుంది. వచ్చే నెలల్లో కమర్షియల్ సర్వీసులు అధికారికంగా ప్రారంభమయ్యే అవకాశముంది. పూర్తి స్థాయి సేవలు అందుబాటులోకి వచ్చిన తర్వాత, అలాగే, భారత మార్కెట్ పోటీ క్రమంలో ధరలు తగ్గించే అవకాశాలు ఉన్నాయని నిపుణులు పేర్కొంటున్నారు.

Best Camera Phones : 2025లో టాప్ 5 కెమెరా స్మార్ట్‌ఫోన్లు ఇవే

Mahesh Rajamoni — Wed, 10 Dec 2025 18:59:48 +0530

Top 5 Best Camera Smartphones : 2025 ఏడాదిలో బెస్ట్ కెమెరా స్మార్ట్‌ఫోన్ల జాబితాలో తాజాగా విడుదలైన వివో ఎక్స్‌300 ప్రో తో పాటు ఐఫోన్ 17 ప్రో, రియల్‌మీ జీటీ 8 ప్రో సహా పలు టాప్ బ్రాండ్ల ఫోన్లు ఉన్నాయ. వాటి ఫీచర్లు, ప్రత్యేకతలను ఇక్కడ తెలుసుకుందాం.

2025 సంవత్సరం ముగింపు దశకు చేరుకుంది. ఈ ఏడాది టెక్నాలజీ ప్రపంచంలో, ముఖ్యంగా స్మార్ట్‌ఫోన్ మార్కెట్‌లో అనేక కీలక పరిణామాలు చోటుచేసుకున్నాయి. పలు దిగ్గజ మొబైల్ కంపెనీలు తమ ఫ్లాగ్‌షిప్ ఫోన్లను మార్కెట్లోకి విడుదల చేశాయి. అయితే, ఈ ఏడాది విడుదలైన ఫోన్లలో చాలా వరకు ప్రాసెసర్ లేదా డిజైన్ కంటే కెమెరా పనితీరుకే అత్యధిక ప్రాధాన్యం ఇచ్చాయి.

ప్రస్తుతం మీరు ఒక కొత్త ఫ్లాగ్‌షిప్ ఫోన్‌ను కొనుగోలు చేయాలని ఆలోచిస్తున్నారా? అందులోనూ కెమెరా క్వాలిటీనే మీకు ప్రధానమా? అయితే ఈ స్టోరీ మీ కోసమే. 2025లో విడుదలైన అత్యుత్తమ కెమెరా స్మార్ట్‌ఫోన్ల జాబితాలో ఒప్పో ఫైండ్ ఎక్స్9 ప్రో, వివో ఎక్స్‌300 ప్రో, ఐఫోన్ 17 సిరీస్ వంటి టాప్ బ్రాండ్ల ఫోన్లు ఉన్నాయి. మీ అవసరాలకు తగ్గట్టుగా వీటిలో మీకు నచ్చిన ఫోన్‌ను ఎంచుకోవచ్చు. ఈ స్మార్ట్‌ఫోన్ల పూర్తి వివరాలు, వాటి కెమెరా ప్రత్యేకతలు గమనిస్తే..

వివో కంపెనీ తన కెమెరా ఆధిపత్యాన్ని 2025లోనూ కొనసాగిస్తోంది. గతంలో వచ్చిన వివో ఎక్స్‌200 ప్రో, ఎక్స్‌200 అల్ట్రా మోడళ్ల వారసత్వాన్ని కొనసాగిస్తూ వివో ఎక్స్‌300 ప్రో (Vivo X300 Pro) ను మార్కెట్ లోకి తీసుకొచ్చింది. ఈ ఫోన్ డిసెంబర్ లోనే ఇండియాలో లాంచ్ అయింది.

కెమెరా విషయానికి వస్తే, ఇందులో వెనుక వైపు శక్తివంతమైన ట్రిపుల్ కెమెరా సెటప్ ఉంది.

• ప్రధాన కెమెరా: 50 మెగాపిక్సెల్ మెయిన్ వైడ్ కెమెరా.

• టెలిఫోటో లెన్స్: 200 మెగాపిక్సెల్ సామర్థ్యంతో కూడిన 3.7x పెరిస్కోప్ టెలిఫోటో లెన్స్.

• అల్ట్రా-వైడ్: 50 మెగాపిక్సెల్ అల్ట్రా-వైడ్ కెమెరా.

ఈ ఫోన్ ప్రధాన ఆకర్షణ 'జైస్' (Zeiss) తో ఉన్న కొలాబరేషన్. ఇది అద్భుతమైన పోర్ట్రెయిట్ ఫోటోలను తీయడానికి, పోర్ట్రెయిట్ బోకే సిములేషన్ వంటి అధునాతన ఫీచర్లను అందించడానికి ఉపయోగపడుతుంది. ఈ ఏడాది మార్కెట్లో లభిస్తున్న బెస్ట్ కెమెరా ఫోన్లలో ఇది కచ్చితంగా ముందు వరుసలో ఉంటుంది. కెమెరాతో పాటు ఇతర హార్డ్‌వేర్ ఫీచర్లు కూడా ఇందులో టాప్ లో ఉండటం విశేషం.

కంటెంట్ క్రియేటర్లకు, ముఖ్యంగా వీడియోలు తీసేవారికి ఐఫోన్ ఎప్పుడూ ఫస్ట్ ఛాయిస్‌గా ఉంటుంది. ఈ ఏడాది వచ్చిన ఐఫోన్ 17 ప్రో, ఐఫోన్ 17 ప్రో మ్యాక్స్ మోడళ్లు (iPhone 17 Pro Series) వీడియో రికార్డింగ్‌లో సరికొత్త ప్రమాణాలను నెలకొల్పాయి. ఆపిల్ ఈసారి 'ప్రోరెస్ రా' (ProRes RAW) వీడియో షూటింగ్ సదుపాయాన్ని కల్పించింది.

• వీడియో క్వాలిటీ: ప్రోరెస్ రా ఫార్మాట్ వల్ల వీడియోలో భారీ మొత్తంలో డేటా రికార్డ్ అవుతుంది. ఇది పోస్ట్-ప్రొడక్షన్ సమయంలో ఎడిటర్లకు ఎంతో వెసులుబాటును ఇస్తుంది. ముఖ్యంగా 'డావిన్సీ రిసాల్వ్' (DaVinci Resolve) వంటి సాఫ్ట్‌వేర్లలో గ్రేడింగ్ చేయడానికి ఇది అద్భుతంగా ఉపయోగపడుతుంది.

• జూమ్ సామర్థ్యం: ఫోటోల విషయానికి వస్తే, ఇందులో కొత్తగా 50 మెగాపిక్సెల్ 4x టెలిఫోటో లెన్స్‌ను అమర్చారు. ఇది 8x వరకు లాస్‌లెస్ (lossless) క్వాలిటీతో జూమ్ చేయగలదు. మొబైల్ ఫ్లాగ్‌షిప్ ప్రపంచంలోనే అత్యుత్తమ వీడియో క్వాలిటీని ఈ ఫోన్లు అందిస్తున్నాయి.

వివో లాగానే ఒప్పో కూడా తన ఫ్లాగ్‌షిప్ ఫోన్‌లో అధునాతన కెమెరా సిస్టమ్‌ను తీసుకొచ్చింది. అయితే ఒప్పో దీనిని ప్రముఖ కెమెరా తయారీ సంస్థ 'హాసెల్‌బ్లాడ్' (Hasselblad) తో కలిసి ట్యూన్ చేసింది. అందుకే Oppo Find X9 Pro ఈ జాబితాలో చోటు సంపాదించింది.

• కెమెరా సెటప్: ఇందులో 200 మెగాపిక్సెల్ హాసెల్‌బ్లాడ్ టెలిఫోటో కెమెరా ఉంది, ఇది 3x ఆప్టికల్ జూమ్ క్వాలిటీని అందిస్తుంది. దీనితో పాటు 50 మెగాపిక్సెల్ మెయిన్ షూటర్, 50 మెగాపిక్సెల్ వైడ్-యాంగిల్ లెన్స్ ఉన్నాయి.

• ఇతర ఫీచర్లు: ఈ ఫోన్ కేవలం కెమెరాలోనే కాకుండా ఇతర విభాగాల్లోనూ రాణిస్తోంది. ముఖ్యంగా ఇందులో అమర్చిన భారీ 7,500 mAh బ్యాటరీ దీని ప్రత్యేకత. ప్రీమియం డిజైన్, గొప్ప హాప్టిక్స్ వంటి బేసిక్ ఫీచర్లను కూడా ఇది పర్ఫెక్ట్‌గా బ్యాలెన్స్ చేసింది.

శక్తివంతమైన కెమెరా స్మార్ట్‌ఫోన్ల గురించి చర్చ వచ్చినప్పుడల్లా గూగుల్ పిక్సెల్ పేరు కచ్చితంగా వినిపిస్తుంది. పిక్సెల్ 10 ప్రో ఎక్స్‌ఎల్ (Pixel 10 Pro XL) కూడా ఇందుకు మినహాయింపు కాదు. గూగుల్ తనదైన శైలిలో నమ్మకమైన కెమెరా అనుభవాన్ని ఇందులో అందించింది.

• కెమెరా వివరాలు: ఇందులో కూడా ట్రిపుల్ కెమెరా సెటప్ ఉంది. 50 మెగాపిక్సెల్ వైడ్ కెమెరా, 48 మెగాపిక్సెల్ అల్ట్రా-వైడ్ కెమెరా, 5x జూమ్ కలిగిన 48 మెగాపిక్సెల్ టెలిఫోటో లెన్స్ ఉన్నాయి.

• పనితీరు: మనం ఇప్పటివరకు చూసిన దాని ప్రకారం, ఇది అద్భుతమైన ఫోటోలను తీయగలదు. వీడియో క్వాలిటీ కూడా మునుపటి కంటే చాలా మెరుగుపడింది. ఓవరాల్‌గా కన్సిస్టెంట్ రిజల్ట్స్ కోరుకునే వారికి ఇది మంచి ఎంపిక.

ఈ ఏడాది టాప్ కెమెరా ఫోన్ల జాబితాలో అనూహ్యంగా చోటు దక్కించుకున్న వైల్డ్ కార్డ్ ఎంట్రీ రియల్‌మీ జీటీ 8 ప్రో (Realme GT 8 Pro). దీనికి ప్రధాన కారణం 'రికో' (Ricoh) కంపెనీతో ఉన్న కొలాబరేషన్. రికో అనేది ట్రావెల్ ఫోటోగ్రఫీకి, ఫిల్మ్ సిములేషన్‌కు పెట్టింది పేరు.

• ప్రత్యేకతలు: రికో జీఆర్ (Ricoh GR) కెమెరాల తరహాలోనే ఇందులో పాజిటివ్ ఫిల్మ్, నెగెటివ్ ఫిల్మ్, హై-కాంట్రాస్ట్ బ్లాక్ అండ్ వైట్ వంటి యూనీక్ లుక్స్ ఉన్నాయి.

• ఫోకల్ లెంగ్త్: ఇందులో 40mm, 28mm వంటి ఫోకల్ లెంగ్త్ ఆప్షన్లు ఉన్నాయి. ఇది ఫోటోలు తీయడానికి ఎంతో ఫన్ ఎక్స్‌పీరియన్స్‌ను ఇస్తుంది.

• వీడియో: వీడియో పరంగా కూడా ఇది లాగ్ (Log) వీడియో రికార్డింగ్‌కు సపోర్ట్ చేస్తుంది. ట్రిపుల్ కెమెరా సెటప్‌తో వస్తున్న ఈ ఫోన్, ఫోటోగ్రఫీలో వైవిధ్యాన్ని కోరుకునే వారికి అద్భుతమైన ఎంపిక.

ఇలా 2025లో స్మార్ట్‌ఫోన్ కెమెరాలు ప్రొఫెషనల్ కెమెరాలకు గట్టి పోటీనిచ్చే స్థాయికి చేరుకున్నాయి. మీరు వీడియోల కోసం చూస్తుంటే ఐఫోన్, పోర్ట్రెయిట్స్ కోసం అయితే వివో, విభిన్నమైన ఫిల్మ్ లుక్ కోసం అయితే రియల్‌మీ.. ఇలా మీ అభిరుచికి తగ్గట్టుగా ఎంచుకోవడానికి మార్కెట్లో అనేక ఆప్షన్లు అందుబాటులో ఉన్నాయి.