Asianet News Telugu

Planetary Parade: నక్షత్రాల వర్షం.. ఆకాశంలో అరుదైన అద్భుతం.. ఒకే రోజు 4 ఖగోళ వింతలు

Mahesh Rajamoni — Tue, 11 Aug 2026 11:07:46 +0530

Planetary Parade: ఆకాశంలో అరుదైన అద్భుతం జగరనుంది. చరిత్రలో నిలిచిపోయేలా 4 ఖగోళ వింతలు జరగబోతున్నాయి. ఆగస్టు 12న ఆకాశంలో ఒకే రోజు ప్లానెట్ పరేడ్, సంపూర్ణ సూర్యగ్రహణం, న్యూ మూన్, పెర్సీడ్ ఉల్కాపాతం రానున్నాయి. ఆ వివరాలు ఇక్కడ తెలుసుకుందాం.

ఆకాశంలో అరుదైన అద్భుతం జగరబోతోంది. ఖగోళ ప్రేమికులకు, అంతరిక్షంపై ఆసక్తి ఉన్నవారికి ఇది నిజంగా ఒక పండగ లాంటి వార్త. సాధారణంగా ఏడాదికి ఒకటి లేదా రెండు అరుదైన ఖగోళ సంఘటనలు జరుగుతుంటాయి. కానీ, ఒకే రోజు ఏకంగా నాలుగు వేర్వేరు ఖగోళ వింతలు జరగడం చాలా అరుదు. ఆగస్టు 12న సరిగ్గా 24 గంటల వ్యవధిలో నాలుగు అంతరిక్ష సంఘటనలు ఒకేసారి జరగనున్నాయి.

ఈ రోజున ఆకాశంలో సిక్స్ ప్లానెట్ పరేడ్, సంపూర్ణ సూర్యగ్రహణం, న్యూ మూన్ ఫేజ్, పెర్సీడ్ ఉల్కాపాతం ఒకదాని తర్వాత ఒకటి దర్శనమివ్వనున్నాయి. ప్రపంచవ్యాప్తంగా ఉన్న సైంటిస్టులు, స్కై వాచర్లు ఈ రోజు కోసం ఎంతో ఆసక్తిగా ఎదురుచూస్తున్నారు.

ఆగస్టు 12న సూర్యోదయానికి ముందే ఆకాశంలో ఒక అద్భుతమైన దృశ్యం ఆవిష్కృతం కానుంది. మన సౌరకుటుంబంలోని గురుడు (Jupiter), బుధుడు (Mercury), అంగారకుడు (Mars), శని (Saturn), యురేనస్ (Uranus), నెప్ట్యూన్ (Neptune) అనే ఆరు గ్రహాలు ఆకాశంలో తూర్పు నుండి పడమర వరకు ఒకే వరుసలో వరుసకట్టి కనిపిస్తాయి.

దీనినే ఖగోళ శాస్త్రంలో 'ప్లానెట్ పరేడ్' అని పిలుస్తారు. 'ఆస్ట్రోనామర్స్ వితౌట్ బోర్డర్స్' కమ్యూనికేషన్స్ మేనేజర్ ఆండ్రూ ఫజేకాస్ తెలిపిన వివరాల ప్రకారం, ప్లానెట్ పరేడ్ అనేది అధికారిక సైంటిఫిక్ టర్మ్ కాదు. గ్రహాలన్నీ ఆకాశంలో ఒకే ప్రాంతంలో దగ్గరగా కనిపించడాన్ని సాధారణంగా ఈ పేరుతో పిలుస్తారు. ఇందులో కుజుడు, శని, గురుడు, బుధుడు గ్రహాలను మనం సాధారణ కంటితోనే చూడవచ్చు. కానీ యురేనస్, నెప్ట్యూన్ వంటి దూరంలో ఉన్న గ్రహాలను చూడటానికి బైనాక్యులర్స్ లేదా టెలిస్కోప్ తప్పనిసరి.

ప్లానెట్ పరేడ్ ముగిసిన కాసేపటికే మరో భారీ అంతరిక్ష సంఘటన జరగనుంది. అదే సంపూర్ణ సూర్యగ్రహణం. చంద్రుడు భూమికి, సూర్యుడికి మధ్య సరిగ్గా అడ్డంగా రావడం వల్ల సూర్యకాంతి భూమిపై పడకుండా పూర్తిగా మారిపోతుంది. దీంతో గ్రీన్లాండ్, ఐస్లాండ్, స్పెయిన్, పోర్చుగల్, ఉత్తర రష్యా ప్రాంతాల్లో పగటిపూటే రాత్రి లాగా చీకటి కమ్ముకుంటుంది.

ఐరోపా, ఆఫ్రికా, ఉత్తర అమెరికాలోని మిలియన్ల మంది ప్రజలకు పాక్షిక సూర్యగ్రహణం కనిపిస్తుంది. అయితే, ఈ అరుదైన సంపూర్ణ సూర్యగ్రహణం మన భారతదేశంలో కనిపించదు. భారతీయ కాలమానం ప్రకారం ఈ గ్రహణం ఆగస్టు 12న రాత్రి 9:45 గంటలకు ప్రారంభమై, ఆగస్టు 13 తెల్లవారుజామున 2:15 గంటలకు ముగుస్తుంది. ఆ సమయంలో మన దేశంలో రాత్రి వేళ కావడం వల్ల సూర్యుడు ఎప్పటిలాగే ఉంటాడు. కాబట్టి భారతీయులు దీనిని ప్రత్యక్షంగా చూడలేరు.

సూర్యగ్రహణం జరగడానికి ప్రధాన కారణం చంద్రుడు తన 'న్యూ మూన్' దశకు చేరుకోవడమే. ఈ సమయంలో చంద్రుడి వెనుక భాగంపై మాత్రమే సూర్యకాంతి పడుతుంది. భూమి వైపు ఉన్న భాగం పూర్తిగా చీకటిగా ఉంటుంది. దీనివల్ల ఆకాశంలో చంద్రుని వెలుగు అస్సలు ఉండదు. రాత్రి వేళ ఆకాశం పూర్తి పిచ్-బ్లాక్ గా మారుతుంది. అయితే, ఈ కాంతి లేకపోవడమే ఆ తర్వాత జరగబోయే నాలుగో ఖగోళ వింతకు ఎంతో అనుకూలంగా మారనుంది.

అమావాస్య కావడం వల్ల ఏర్పడిన గాఢాంధకారం పెర్సీడ్ ఉల్కాపాతానికి అద్భుతమైన బ్యాక్‌డ్రాప్‌ను అందిస్తుంది. ప్రతి ఏటా వచ్చే ఈ ఉల్కాపాతం ఆగస్టు 12న తన పీక్ స్టేజ్ చేరుకుంటుంది. వెన్నెల కాంతి అడ్డంకి లేకపోవడం వల్ల గంటకు దాదాపు 100 వరకు ఉల్కలు ఆకాశంలో వేగంగా ప్రయాణిస్తూ మెరుస్తాయి.

క్యాంపెయిన్ స్విఫ్ట్-టటిల్ వదిలివెళ్లిన శిథిలాల వల్ల ఈ ఉల్కాపాతం ఏర్పడుతుంది. బిబిసి స్కై ఎట్ నైట్ మ్యాగజైన్ ప్రకారం, ఆగస్టు 12, 13, 14 తేదీల్లో సూర్యోదయానికి ముందు తెల్లవారుజామున ఇవి స్పష్టంగా కనిపిస్తాయి. విశేషమేమిటంటే, పెర్సీడ్ ఉల్కాపాతం పీక్ స్టేజ్, న్యూ మూన్ రాత్రి ఒకేసారి రావడం మళ్లీ 19 సంవత్సరాల తర్వాత, అంటే 2045లోనే జరుగుతుంది.

ఆగస్టు 12న రాబోతున్న ఈ ఖగోళ వింతల గురించి సోషల్ మీడియాలో కొన్ని ప్రచారాలు కూడా జరుగుతున్నాయి. గ్రహణం వల్ల భూమిపై కొద్దిసెకన్ల పాటు గురుత్వాకర్షణ శక్తి నశిస్తుందని, జీరో గ్రావిటీ ఏర్పడుతుందని వైరల్ అవుతున్న వార్తల్లో ఎలాంటి నిజం లేదు. ఇది కేవలం చంద్రుడి నీడ భూమిపై పడటం వల్ల జరిగే సహజమైన ప్రక్రియ మాత్రమే తప్ప, గ్రావిటీలో ఎలాంటి మార్పూ ఉండదని సైంటిస్టులు స్పష్టం చేశారు.

మొత్తానికి ఆగస్టు 12 అనేది ఆస్ట్రోనామీ లవర్స్‌కు ఒక మరపురాని రోజు కానుంది. ఉదయం గ్రహాల పరేడ్, పగలు సూర్యగ్రహణం, రాత్రి పెర్సీడ్ ఉల్కాపాతంతో ఆకాశం ఒక రేంజ్‌లో సందడిగా మారబోతోంది.

Flipkart Big Billion Days Sale: రచ్చ లేపుతున్న ఫ్లిప్‌కార్ట్ సేల్.. 65 ఇంచుల టీవీపై రూ. 22,000 తగ్గింపు

Mahesh Rajamoni — Mon, 05 Oct 2026 23:07:45 +0530

Flipkart Big Billion Days Sale: పండుగల సీజన్ వేళ ఈ-కామర్స్ దిగ్గజం ఫ్లిప్‌కార్ట్ బిగ్ బిలియన్ డేస్ సేల్ హోమ్ ఎలక్ట్రానిక్స్ ప్రియులకు అద్భుతమైన ఆఫర్లను అందిస్తోంది. ఇంట్లోనే థియేటర్ ఎక్స్‌పీరియన్స్ కోరుకునే వారి కోసం టీవీలై బంపర్ ఆఫర్లు ఉన్నాయి.

మీరు మీ ఇంటి కోసం ఒక కొత్త పెద్ద స్మార్ట్ టీవీ కొనాలని ప్లాన్ చేస్తున్నారా? అయితే మీకు ఒక సూపర్‌ గుడ్ న్యూస్ వచ్చేసింది. ప్రముఖ ఈ-కామర్స్ ప్లాట్‌ఫారమ్ ఫ్లిప్‌కార్ట్ త్వరలోనే తీసుకురాబోతున్న బిగ్ బిలియన్ డేస్ (BBD) సేల్ భారీగా డబ్బులు ఆదా చేసే అవకాశం ఇస్తోంది. ఈ సేల్ లో భాగంగా ఎలక్ట్రానిక్స్, హోమ్ అప్లయన్సెస్ ఉత్పత్తులపై దిమ్మతిరిగే డిస్కౌంట్లు లభించనున్నాయి. ఇందులో భాగంగా ఒక అద్భుతమైన టీవీ డీల్ వివరాలు బయటకు వచ్చాయి.

ఫ్లిప్‌కార్ట్ సంస్థ అక్టోబర్ 9వ తేదీ నుంచి బిగ్ బిలియన్ డేస్ సేల్‌ను అధికారికంగా ప్రారంభించబోతోంది. అయితే ఈ సేల్ ప్రారంభం కావడానికి ముందే చాలా రకాల ప్రొడక్ట్స్ డీల్స్, వాటి ఆఫర్ ధరలను కంపెనీ కస్టమర్ల కోసం రివీల్ చేస్తూ వస్తోంది. ఇందులో భాగంగా టీసీఎల్ (TCL) కంపెనీకి చెందిన 65 ఇంచుల భారీ స్మార్ట్ టీవీ ధరను కూడా వెల్లడించింది. సేల్ ప్రారంభానికి ముందు వరకు మార్కెట్‌లో ఈ టీవీ ధర ₹61,990 గా ఉంటే, సేల్‌లో భాగంగా ఈ భారీ టీవీని కేవలం ₹39,999 కే సొంతం చేసుకోవచ్చు. అంటే దాదాపు ₹22,000 మేర భారీ తగ్గింపు లభిస్తోంది.

ఈ టీవీకి సంబంధించిన ముఖ్యమైన ఫీచర్ల విషయానికి వస్తే, ఇందులో 65 ఇంచుల పెద్ద సైజ్ డిస్‌ప్లే స్క్రీన్ ఉంటుంది. ఇది సాధారణ ప్యానెల్ కాదు, క్వాలిటీ విజువల్స్ ఇచ్చే QLED ప్యానెల్‌తో పనిచేస్తుంది. QLED టెక్నాలజీ వల్ల పిక్చర్ క్వాలిటీ చాలా స్పష్టంగా, కలర్ ఫుల్‌గా కనిపిస్తుంది. అంతేకాకుండా, స్క్రీన్ స్క్రోలింగ్ లేదా కంటెంట్ చూసేటప్పుడు ఎక్కడా ఆటంకం లేకుండా చాలా స్మూత్ ఫీల్ ఇవ్వడానికి ఇందులో 60-120Hz రిఫ్రెష్ రేట్‌ను అందించారు. దీనివల్ల ప్రతి సీన్ చాలా క్లియర్‌గా కనిపిస్తుంది.

మంచి పిక్చర్ క్వాలిటీ ఉన్న టీవీకి మంచి ఆడియో కూడా తోడైతేనే ఆ మజా వేరుగా ఉంటుంది. ఈ టీసీఎల్ 65 ఇంచుల క్యూఎల్ఈడీ టీవీలో సరిగ్గా అదే అందించారు. ఈ స్మార్ట్ టీవీలో 2 స్పీకర్లను అమర్చారు. ఇవి మొత్తం 28W సౌండ్ అవుట్‌పుట్‌ను జనరేట్ చేస్తాయి. అంటే మీకు నాణ్యమైన విజువల్స్ లభించడమే కాకుండా, ఇంట్లోనే థియేటర్ అనుభూతిని ఇచ్చే విధంగా పవర్‌ఫుల్ సౌండ్ కూడా అందుతుంది. మూవీస్, స్పోర్ట్స్ చూసే వారికి ఇది బెస్ట్ ఆప్షన్.

సాధారణంగా స్మార్ట్ టీవీలు వాడేటప్పుడు చాలామంది ఎదుర్కొనే పెద్ద సమస్య హ్యాంగ్ కావడం లేదా ల్యాగ్ అవ్వడం. ఈ సమస్య లేకుండా చేసేందుకు టీసీఎల్ ఈ టీవీలో గూగుల్ టీవీ ఆపరేటింగ్ సిస్టమ్‌ను అందించింది. అప్లికేషన్‌లు వేగంగా పనిచేయడానికి, ఓపెన్ అవ్వడానికి 2జీబీ ర్యామ్ సపోర్ట్ ఉంది. దాంతో పాటు మీకు కావలసిన యాప్‌లు డౌన్‌లోడ్ చేసుకోవడానికి 16జీబీ ఇంటర్నల్ స్టోరేజ్ ఆప్షన్ కూడా ఇచ్చారు. దీనివల్ల టీవీలో కంటెంట్ స్క్రోల్ చేస్తున్నప్పుడు ఎలాంటి ల్యాగ్ లేదా డిలే ఉండదు.

ఇతర డివైజ్‌లను ఈ టీవీకి కనెక్ట్ చేసుకోవడానికి కంపెనీ పూర్తి సదుపాయాలు కల్పించింది. పోర్టుల విషయానికి వస్తే, ఇందులో 3 హెచ్డీఎంఐ పోర్టులు, 1 యూఎస్బీ పోర్ట్ లభిస్తాయి. వీటి సహాయంతో ల్యాప్‌టాప్, గేమింగ్ కన్సోల్, సెట్‌టాప్ బాక్స్, లేదా పెన్‌డ్రైవ్‌లను సులభంగా కనెక్ట్ చేసుకోవచ్చు. స్క్రీన్ షేరింగ్ చేసుకోవడానికి కూడా ఇవి ఎంతో ఉపయోగపడతాయి. ఈ ఫెస్టివ్ సీజన్‌లో తక్కువ ధరలో పెద్ద టీవీ కొని ఇల్లు మార్చాలని చూస్తున్న వారికి ఇది ఒక గోల్డెన్ ఆపర్చునిటీ అని చెప్పవచ్చు.

Amazon vs Flipkart Sale: పండుగ సేల్ రచ్చ షురూ.. అమెజాన్, ఫ్లిప్‌కార్ట్ సీక్రెట్ బ్యాంక్ ఆఫర్లు ఇవే !

Mahesh Rajamoni — Wed, 07 Oct 2026 11:00:10 +0530

Amazon vs Flipkart Sale: అక్టోబర్ 8 నుంచి అమెజాన్, ఫ్లిప్‌కార్ట్ భారీ పండుగ సేల్స్ ప్రారంభించనున్నాయి. స్మార్ట్‌ఫోన్లు, ఎలక్ట్రానిక్స్ కొనుగోళ్లపై బ్యాంక్ డిస్కౌంట్లు, క్యాష్‌బ్యాక్ ఆఫర్లు అందుబాటులో ఉన్నాయి. ఆ వివరాలు ఇక్కడ తెలుసుకుందాం.

దేశంలోనే అతిపెద్ద పండుగ సీజన్ షాపింగ్ సందడి షురూ కాబోతోంది. ప్రముఖ ఈ-కామర్స్ దిగ్గజాలైన అమెజాన్, ఫ్లిప్‌కార్ట్ తమ పండుగ సేల్స్‌ను ప్రారంభించేందుకు రంగం సిద్ధం చేశాయి. ఈ విక్రయాల్లో భాగంగా స్మార్ట్‌ఫోన్లు, ఎలక్ట్రానిక్స్, హోమ్ అప్లయెన్సెస్‌తో పాటు అనేక కేటగిరీలకు చెందిన ప్రొడక్టులపై భారీ తగ్గింపులు, ఇన్‌స్టంట్ డిస్కౌంట్లు, ప్రత్యేక క్యాష్‌బ్యాక్ ఆఫర్లను అందిస్తున్నాయి. కస్టమర్లను ఆకట్టుకునేందుకు ప్రధాన బ్యాంకింగ్ పార్ట్‌నర్లతో ఒప్పందాలు కుదుర్చుకున్నాయి.

అమెజాన్ నిర్వహిస్తున్న ‘అమెజాన్ గ్రేట్ ఇండియన్ ఫెస్టివల్ 2026’ సేల్ అక్టోబర్ 8న అధికారికంగా ప్రారంభం కానుంది. ఇకపోతే, ఫ్లిప్‌కార్ట్ ‘బిగ్ బిలియన్ డేస్ 2026’ సేల్ అక్టోబర్ 9 నుంచి అందరికీ అందుబాటులోకి వస్తుంది. అయితే, ఫ్లిప్‌కార్ట్ ప్లస్, బ్లాక్ సబ్‌స్క్రైబర్లు, అలాగే ఎంపిక చేసిన ఫ్లిప్‌కార్ట్ క్రెడిట్ కార్డ్ హోల్డర్లు అక్టోబర్ 8 నుంచే ముందస్తుగా అంటే 'ఎర్లీ యాక్సెస్' ద్వారా సేల్‌లోకి ఎంటర్ అయి ఉత్పత్తులను కొనుగోలు చేయవచ్చు.

ఫ్లిప్‌కార్ట్ బిగ్ బిలియన్ డేస్ సేల్‌లో కొనుగోలు చేసే కస్టమర్ల కోసం యాక్సిస్ బ్యాంక్ (Axis Bank), ఐసీఐసీఐ బ్యాంక్ (ICICI Bank) ప్రధాన భాగస్వాములుగా వ్యవహరిస్తున్నాయి. అర్హత కలిగిన కొనుగోళ్లపై వినియోగదారులు 10% వరకు ఇన్‌స్టంట్ డిస్కౌంట్ పొందవచ్చు. ఈ తగ్గింపు అనేది కొనుగోలు చేసే ప్రొడక్ట్, లావాదేవీ మొత్తం, ఉపయోగించే కార్డు వర్గంపై ఆధారపడి ఉంటుంది.

దీనితో పాటు, ఫ్లిప్‌కార్ట్ యాక్సిస్ బ్యాంక్ క్రెడిట్ కార్డుదారులకు ప్రత్యేకంగా 10% ఇన్‌స్టంట్ డిస్కౌంట్ లభిస్తుంది. అంతేకాకుండా, ఫ్లిప్‌కార్ట్‌కు చెందిన 'సూపర్ మనీ' సర్వీస్ ద్వారా చెల్లింపులు చేసేవారికి అదనంగా 10% క్యాష్‌బ్యాక్ లభిస్తుంది. కాకపోతే ఈ క్యాష్‌బ్యాక్ ఆఫర్ సదరు యూజర్ చేసే మొదటి అర్హత లావాదేవీకి మాత్రమే పరిమితం. ప్రతి ఆఫర్‌కు కనీస బిల్లు మొత్తం, గరిష్ఠ డిస్కౌంట్ పరిమితులు వర్తిస్తాయి.

అమెజాన్ పండుగ సేల్‌లో ప్రధానంగా స్టేట్ బ్యాంక్ ఆఫ్ ఇండియా కార్డ్ హోల్డర్లకు ఎక్కువ ప్రయోజనాలు దక్కనున్నాయి. ఎస్‌బీఐ డెబిట్, క్రెడిట్ కార్డ్‌ల ద్వారా కొనుగోలు చేసే వినియోగదారులు 10% తక్షణ తగ్గింపు పొందవచ్చు. ఈ ఆఫర్ ఎస్‌బీఐ క్రెడిట్ కార్డ్ ద్వారా చేసే ఈఎంఐ లావాదేవీలకు కూడా వర్తిస్తుంది.

అమెజాన్ తన ఇతర పేమెంట్ సర్వీసెస్ ద్వారా కూడా క్యాష్‌బ్యాక్ ఆఫర్లను ఇస్తోంది. 'అమెజాన్ పే లేటర్' ఉపయోగించే కొనుగోలుదారులు అర్హత కలిగిన లావాదేవీలపై 10% వరకు క్యాష్‌బ్యాక్ పొందవచ్చు. అదేవిధంగా, 'అమెజాన్ పే ఐసీఐసీఐ బ్యాంక్ క్రెడిట్ కార్డ్' ఉన్న వినియోగదారులు అమెజాన్‌లో చేసే కొనుగోళ్లపై 5% అపరిమిత క్యాష్‌బ్యాక్ ప్రయోజనాన్ని అందుకోవచ్చు. ఈ అపరిమిత క్యాష్‌బ్యాక్‌పై ఎలాంటి గరిష్ఠ పరిమితి ఉండదు, కానీ కార్డుకు సంబంధించిన అర్హత నిబంధనలు వర్తిస్తాయి.

ప్రకటనలలో చూపే “Up to 10%” డిస్కౌంట్ అంటే బిల్లు మొత్తంలో నేరుగా ఫ్లాట్ 10% తగ్గిపోతుందని అర్థం కాదని కస్టమర్లు గమనించాలి. మీరు చేసే అమౌంట్, బ్యాంక్ విధించిన గరిష్ఠ తగ్గింపు పరిమితి, కనీస కొనుగోలు నిబంధనలు, మీరు చేసే చెల్లింపు మోడ్ పై తుది తగ్గింపు ఆధారపడి ఉంటుంది.

ఈ-కామర్స్ ప్లాట్‌ఫారమ్‌లు కొన్ని రకాల కార్డ్‌లను, ప్రొడక్ట్‌లను లేదా లావాదేవీలను ఈ ఆఫర్ల నుంచి మినహాయించే అవకాశం కూడా ఉంటుంది. అందుకే కొనుగోలుదారులు చెక్అవుట్ చేసి పేమెంట్ పూర్తి చేసే ముందు తుది బిల్లుపై వర్తించిన అసలు డిస్కౌంట్‌ను క్షుణ్ణంగా సరిచూసుకోవడం మంచిది. పోటీ పోటీగా ఇస్తున్న ఈ బ్యాంక్ ఆఫర్లతో పండుగ వేళ మొబైల్స్, ల్యాప్‌టాప్‌లు, ఇతర గ్యాడ్జెట్లు కొనేవారికి మంచి సేవింగ్స్ దక్కనున్నాయి.

iPhone 18 Pro: ఐఫోన్ 18 ప్రో లాంచ్.. వేరియబుల్ అపెర్చర్ కెమెరా, ఏ20 ప్రో చిప్‌తో బిగ్ అప్‌గ్రేడ్స్

Mahesh Rajamoni — Tue, 08 Sep 2026 15:14:42 +0530

iPhone 18 Pro : ఆపిల్ ఐఫోన్ కొత్త సిరీస్ ఎంట్రీకి రంగం సిద్ధమైంది. సర్ ప్రైజ్ అండ్ షైన్ ఈవెంట్ తో ఐఫోన్ 18 ప్రో సిరీస్ లాంచ్ కానుంది. వేరియబుల్ అపెర్చర్ కెమెరా, ఏ20 ప్రో చిప్, భారీ బ్యాటరీతో కొత్త సిరీస్ వస్తోంది. ధరలు, ఇతర ఫీచర్ల వివరాలు మీకోసం.

ఆపిల్ లవర్స్ ఎంతగానో ఎదురుచూస్తున్న సమయం వచ్చేసింది. ఐఫోన్ 18 ప్రో సిరీస్ ప్రపంచవ్యాప్తంగా గ్రాండ్‌గా లాంచ్ కాబోతోంది. భారతీయ కాలమానం ప్రకారం సెప్టెంబర్ 9 రాత్రి 10:30 గంటలకు "సర్ ప్రైజ్ అండ్ షైన్" (Surprise and Shine) పేరుతో ఆపిల్ ఈవెంట్ ప్రారంభం కానుంది. ఈ లాంచ్ ఈవెంట్‌ను యాపిల్ అధికారిక వెబ్‌సైట్, యాపిల్ టీవీ యాప్ తో పాటు యూట్యూబ్ ఛానెల్‌లో ఫ్రీగా లైవ్ చూడొచ్చు. ఈసారి ఈవెంట్ చాలా స్పెషల్. టిమ్ కుక్ స్థానంలో జాన్ టెర్నస్ సఈఓగా బాధ్యతలు స్వీకరించాక జరుగుతున్న మొదటి బిగ్ ఐఫోన్ ఈవెంట్ ఇది. మరి ఈ ఐఫోన్ 18 ప్రో, ప్రో మ్యాక్స్ మోడల్స్‌లో రాబోతున్న ఆ టాప్ ఫీచర్లు, ఇండియాలో వీటి ధరలు ఎలా ఉండబోతున్నాయో చూద్దాం.

లుక్స్ పరంగా ఐఫోన్ 17 ప్రో మోడల్స్ మాదిరిగానే కొత్త ఐఫోన్ 18 ప్రో కూడా కనిపిస్తుంది. పెద్దగా బయటి డిజైన్‌లో మార్పులు చేయకుండా ఫోన్ లోపలి హార్డ్‌వేర్‌పై యాపిల్ ఎక్కువ దృష్టి పెట్టింది. అయితే, ప్రో మ్యాక్స్ బ్యాటరీ సైజ్ పెరగడం వల్ల కొద్దిగా బరువు, మందం పెరిగే ఛాన్స్ ఉంది. డిస్‌ప్లే విషయానికొస్తే 6.3 అంగుళాల స్క్రీన్ సైజ్ ఉంటుంది. ముందు భాగంలో ఉండే డైనమిక్ ఐలాండ్ సైజ్ కాస్త చిన్నదిగా కాబోతోంది. ఇక కలర్స్ విషయానికి వస్తే డార్క్ చెర్రీ, స్కై బ్లూ, సిల్వర్, డార్క్ గ్రే రంగుల్లో ఈ ఫోన్లు రానున్నాయి.

ఐఫోన్ 18 ప్రో సిరీస్‌లో అత్యంత శక్తివంతమైన ఏ20 ప్రో (A20 Pro) చిప్‌ను వాడబోతున్నారు. ఇది ప్రపంచంలోనే మొదటిసారిగా advanced 2nm టెక్నాలజీతో తయారైంది. దీనివల్ల ప్రాసెసింగ్ స్పీడ్ పెరగడమే కాకుండా, గేమింగ్, ఏఐ టాస్క్‌లు చాలా స్మూత్‌గా పనిచేస్తాయి. బ్యాటరీ వినియోగం కూడా చాలా తగ్గుతుంది. అలాగే యాపిల్ సొంతంగా తయారుచేసిన సీ2 మోడెమ్‌ను ఇందులో అందిస్తున్నారు. దీనివల్ల 5జీ కనెక్టివిటీ, నెట్‌వర్క్ స్పీడ్ మునుపటి కంటే చాలా మెరుగ్గా ఉంటుంది.

ఫోటోగ్రఫీ ప్రేమికులకు ఐఫోన్ 18 ప్రో ఒక మంచి గిఫ్ట్ అని చెప్పాలి. ఇందులో మెయిన్ కెమెరాకు 'వేరియబుల్ అపెర్చర్'టెక్నాలజీని ఇస్తున్నారు. అంటే వెలుతురు ఆధారంగా కెమెరా లెన్స్ కాంతిని సర్దుబాటు చేసుకుంటుంది. చీకటిలో కూడా సూపర్ ఫోటోలు వస్తాయి. నైట్ మోడ్, పోర్ట్రెయిట్ ఫోటోలు నెక్స్ట్ లెవెల్‌లో ఉంటాయి. ప్రో మ్యాక్స్ మోడల్‌లో ట్రిపుల్ 48MP కెమెరా సెటప్ రాబోతోంది. సైడ్‌లో ఉన్న కెమెరా కంట్రోల్ బటన్‌ను కూడా వాడుకకు సులువుగా ఉండేలా చిన్న చిన్న మార్పులు చేశారు.

ఫోన్ లవర్స్‌కు బ్యాటరీ లైఫ్ చాలా ముఖ్యం. ఐఫోన్ 18 ప్రో మ్యాక్స్‌లో ఏకంగా 5,200mAh కంటే పెద్ద బ్యాటరీని అమర్చనున్నట్లు వార్తలు వస్తున్నాయి. ఏ20 ప్రో చిప్ పవర్ సేవింగ్ వల్ల ఒకసారి చార్జ్ చేస్తే రోజంతా హ్యాపీగా వాడేయవచ్చు. హెవీ గేమింగ్, వీడియోగ్రఫీ చేసేవారికి ఇది సూపర్ అప్‌గ్రేడ్ కానుంది.

ఇండియాలో ధర ఎంత ఉండొచ్చు?

ఈసారి ర్యామ్, కాంపోనెంట్స్ ధరలు పెరగడం వల్ల ఐఫోన్ 18 ప్రో సిరీస్ ధర కాస్త పెరిగే అవకాశం ఉంది. గ్లోబల్ మార్కెట్‌లో బేస్ మోడల్ ధర $1,099 నుంచి $1,199 వరకు ఉండొచ్చు. ఇక ఇండియా విషయానికి వస్తే, మునుపటి ఐఫోన్ 17 ప్రో ప్రారంభ ధర రూ. 1,34,900గా ఉండేది. కానీ ఈసారి 10 నుంచి 20 శాతం వరకు ధరలు పెరిగే ఛాన్స్ ఉంది. ఫలితంగా ఐఫోన్ 18 ప్రో ప్రారంభ ధర రూ. 1,44,900 నుంచి రూ. 1,49,900 మధ్య ఉండే అవకాశం ఉంది. టాప్ వేరియంట్ ఐఫోన్ 18 ప్రో మ్యాక్స్ ధర రూ. 1.60 లక్షల మార్కును దాటే అవకాశం ఉందని రిపోర్టులు చెబుతున్నాయి.

Aadhaar: గుడ్ న్యూస్.. ఆధార్‌ ఫేస్‌ వెరిఫికేషన్ ఇక చాలా ఈజీ.. కొత్త టూల్స్‌ లాంచ్ చేసిన UIDAI

Mahesh Rajamoni — Thu, 10 Sep 2026 21:54:03 +0530

Aadhaar: యాప్స్‌ మారే పనిలేకుండా బ్యాంకింగ్, ఇన్సూరెన్స్ యాప్‌లలోనే ఆధార్‌ ఫేస్ వెరిఫికేషన్ పూర్తి చేసే కొత్త ఫీచర్లని యూఐడీఏఐ లాంచ్ చేసింది. ఆ వివరాలు మీకోసం.

ప్రస్తుతం బ్యాంక్ అకౌంట్ తెరవాలన్నా, ఇన్సూరెన్స్ పాలసీ తీసుకోవాలన్నా కేవైసీ తప్పనిసరి. అయితే, ఇప్పటి వరకు ఆధార్ ఫేస్ వెరిఫికేషన్ కోసం ఒక యాప్ నుంచి మరో యాప్‌కి మారాల్సి వచ్చేది. కానీ ఇకపై ఆ తిప్పలు ఉండవు. ఆధార్ జారీ చేసే సంస్థ యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) ఈ ప్రక్రియను మరింత ఈజీ చేస్తూ కొత్త ఫేస్ ఆథెంటికేషన్ సిస్టమ్‌ను తీసుకొచ్చింది.

గ్లోబల్ ఫిన్‌టెక్ ఫెస్ట్ 2026లో యూఏడీఏఐ రెండు కీలకమైన టూల్స్‌ను ఆవిష్కరించింది. అందులో ఒకటి 'ఆధార్ ఫేస్ ఆథెంటికేషన్ SDK' కాగా, రెండోది 'ఆధార్ ఫేస్ ఆథెంటికేషన్ శాండ్‌బాక్స్'. ఈ కొత్త టూల్స్ ద్వారా బ్యాంకులు, ఇన్సూరెన్స్, బ్రోకింగ్, ఫిన్‌టెక్ సంస్థలు తమ సొంత మొబైల్ యాప్‌లలోనే ఫేస్ వెరిఫికేషన్ నేరుగా చేసుకోవచ్చు.

ఎలక్ట్రానిక్స్ అండ్ ఐటీ మంత్రిత్వ శాఖ తెలిపిన వివరాల ప్రకారం, ప్రస్తుతం ఉన్న విధానంలో ఫేస్ వెరిఫికేషన్ కోసం వినియోగదారులు FaceRD అనే ప్రత్యేకమైన యాప్‌ను ఉపయోగిస్తున్నారు. దీనివల్ల ప్రతిసారి ఒక యాప్ నుంచి ఇంకో యాప్‌కి స్విచ్ అవ్వాల్సి వచ్చేది. ఇది వినియోగదారులకు కాస్త విసుగు తెప్పించే విషయం.

అయితే, కొత్తగా వచ్చిన ఆండ్రాయిడ్, iOS సపోర్టు ఇచ్చే SDK సిస్టమ్ ద్వారా యూజర్లు తాము ఉపయోగిస్తున్న బ్యాంకింగ్ లేదా ఇన్సూరెన్స్ యాప్‌లోనే ఎలాంటి ఆటంకం లేకుండా నేరుగా వెరిఫికేషన్ పూర్తి చేసుకోవచ్చు. దీనివల్ల సింగిల్ యాప్ అనుభూతి లభిస్తుంది. డిజిటల్ కేవైసీతో పాటు వివిధ ప్రభుత్వ సంక్షేమ పథకాల్లో రిజిస్ట్రేషన్ ప్రాసెస్ చాలా వేగంగా పూర్తవుతుంది.

సరికొత్త సేవలను మార్కెట్లోకి తీసుకొచ్చే ముందే వాటిని పూర్తిస్థాయిలో పరీక్షించేందుకు యూఐడీఏఐ ఆధార్ ఫేస్ ఆథెంటికేషన్ శాండ్‌బాక్స్'ను కూడా ప్రారంభించింది. ఇది సురక్షితమైన ప్రయోగశాల లాంటిది. బ్యాంకులు, ఫైనాన్షియల్ సంస్థలు తమ కస్టమర్లకు సేవలు అందించడానికి ముందే ఈ ప్లాట్‌ఫామ్‌పై ఆయా ఫీచర్లను టెస్ట్ చేసుకోవచ్చు.

ఈ శాండ్‌బాక్స్ ద్వారా ఫేస్ క్యాప్చర్, యూజర్ సమ్మతి, వెరిఫికేషన్, ఎర్రర్ హ్యాండ్లింగ్ వంటి అంశాలను పరిశీలించవచ్చు. విశేషమేమిటంటే, దీని కోసం ఎలాంటి ఓపెన్ బయోమెట్రిక్ హార్డ్‌వేర్ అవసరం లేదు. నెట్‌వర్క్ సమస్యలు, టైమ్‌అవుట్, డిజిటల్ సిగ్నేచర్ ఫెయిల్యూర్ వంటి ప్రతికూల పరిస్థితుల్లో కూడా సిస్టమ్ ఎలా పనిచేస్తుందో ముందే చెక్ చేసుకోవచ్చు.

ఈ కొత్త SDK టూల్‌లో భద్రతకు అత్యధిక ప్రాధాన్యం ఇచ్చారు. ఇందులో ఆర్టిఫిషియల్ ఇంటెలిజెన్స్, మెషిన్ లెర్నింగ్ ఆధారిత లైవ్‌నెస్, యాంటీ-స్పూఫింగ్ ఫీచర్లు ఉన్నాయి. ఇవి నకిలీ ఫోటోలు లేదా వీడియోల ద్వారా జరిగే మోసాలను అడ్డుకుంటాయి.

డేటా సురక్షితంగా రవాణా అయ్యేందుకు ఎన్‌క్రిప్షన్ సపోర్ట్ కూడా ఉంది. అన్ని రకాల కస్టమర్ స్మార్ట్‌ఫోన్‌లలో ఇది సజావుగా పనిచేస్తుంది. దీనివల్ల ప్రభుత్వ శాఖలు, బ్యాంకింగ్ రంగం, ఇతర సంస్థలు తమ సేవలను మరింత వేగంగా, పారదర్శకంగా ప్రజలకు అందించే వీలు కలుగుతుంది.

Apple iPhone 18 Pro: ఆపిల్ హిస్టరీలోనే బిగ్ ఛేంజ్.. ఐఫోన్ 18 ప్రోతో పాటు తొలి ఐఫోన్ ఆల్ట్రా.. కెమెరా చూస్తే మైండ్ బ్లాకే

Mahesh Rajamoni — Mon, 07 Sep 2026 07:09:34 +0530

Apple iPhone 18 Pro: ఆపిల్ 'సర్‌ప్రైజ్ అండ్ షైన్' ఈవెంట్‌లో ఐఫోన్ 18 ప్రో, ప్రో మాక్స్, తొలి ఫోల్డబుల్ ఐఫోన్ ఆల్ట్రాను లాంచ్ చేయనుంది. గూగుల్ జెమిని ఏఐ ఇంటిగ్రేషన్ ప్రధాన ఆకర్షణ నిలవనుంది. ఆ వివరాలు మీకోసం.

స్మార్ట్‌ఫోన్ ప్రపంచాన్ని శాసించే ఆపిల్ సంస్థ ఈసారి మైండ్ బ్లాక్ అయ్యే ప్లాన్‌తో ముందుకు వస్తోంది. సెప్టెంబర్ 9న జరగనున్న 'సర్‌ప్రైజ్ అండ్ షైన్' గ్రాండ్ ఈవెంట్‌లో ఆపిల్ కొత్త ఐఫోన్ 18 సిరీస్‌ను ఆవిష్కరించబోతోంది. పసిఫిక్ సమయం ప్రకారం ఉదయం 10 గంటలకు ఈ కార్యక్రమం ప్రారంభమవుతుంది. ప్రతిసారీ ఐఫోన్ లాంచ్ అయితే టెక్ మార్కెట్ ఊగిపోతుంది. కానీ ఈసారి సీన్ వేరేలా ఉంది.. ఆపిల్ సీఈఓ జాన్ టెర్నస్ నాయకత్వంలో జరుగుతున్న ఈ తొలి ఈవెంట్‌లో గూగుల్ జెమిని ఏఐ ని పరిచయం చేయడం, యాపిల్ చరిత్రలోనే మొదటిసారిగా ఫోల్డబుల్ ఐఫోన్‌ను తీసుకరావడం, అలాగే ఫోన్ల విడుదల వ్యూహాన్ని రెండుగా విభజించడం వంటి కీలక నిర్ణయాలు స్మార్ట్‌ఫోన్ ప్రపంచాన్ని మార్చబోతున్నాయి.

2011లో ఐఫోన్ 4ఎస్‌తో సిరిని పరిచయం చేసిన ఆపిల్, ఆ తర్వాత మొబైల్ ఏఐ రేసులో వెనుకబడిపోయింది. WWDC 2024లో 'ఆపిల్ ఇంటెలిజెన్స్' పేరుతో భారీ ప్రకటన చేసినప్పటికీ, ఆండ్రాయిడ్ పోటీదారుల స్థాయికి సరిపడా ఏఐ ఫీచర్లను అందించడంలో విఫలమైంది. దీన్ని అధిగమించడానికి ఆపిల్ ఒక విప్లవాత్మక నిర్ణయం తీసుకుంది. కొత్త ఐఫోన్ 18 ప్రో సిరీస్‌తో పాటు వస్తున్న ఐఓఎస్ 26 లో గూగుల్ జెమిని టెక్నాలజీని వాడుతోంది. ప్రైవసీకి పెద్దపీట వేస్తూనే గూగుల్ ఏఐ పవర్ ద్వారా ఆపిల్ ఇంటెలిజెన్స్ ఫీచర్లను అందించనుంది. గతంలో సెర్చ్ ఇంజిన్ కోసం గూగుల్‌పై ఆధారపడినట్లే, ఇప్పుడు ఆర్టిఫిషియల్ ఇంటెలిజెన్స్ కోసం కూడా గూగుల్ వైపే మొగ్గు చూపడం విశేషం.

2019లో శాంసంగ్ గెలాక్సీ ఫోల్డ్‌తో ప్రారంభమైన ఫోల్డబుల్ ట్రెండ్‌లోకి ఆపిల్ ఎట్టకేలకు అడుగుపెడుతోంది. 'ఐఫోన్ ఆల్ట్రా' (iPhone Ultra) పేరుతో రానున్న ఈ ప్రైమ్ మోడల్ బుక్-స్టైల్ డిజైన్‌తో ఉండనుంది. బయట 5.5 అంగుళాల ఓఎల్ఈడీ డిస్ప్లే, ఓపెన్ చేస్తే 7.8 అంగుళాల పెద్ద ట్యాబ్ లాంటి స్క్రీన్ కనిపిస్తాయి. ఓపెన్ చేసినప్పుడు కేవలం 4.5 మిమీ, మడిచినప్పుడు 9 మిమీ మందంతో చాలా స్లిమ్‌గా ఉంటుంది. ఫేస్ ఐడీ స్థానంలో సైడ్ బటన్‌లో టచ్ ఐడీ ఇవ్వనున్నారు. A20 ప్రో 2nm చిప్‌సెట్, 12GB రామ్, డ్యూయల్ రియర్ కెమెరాలు (వైడ్, అల్ట్రా వైడ్), 5,400mAh నుండి 5,800mAh వరకు భారీ బ్యాటరీ కెపాసిటీతో ఈ ఫోన్ రానుంది. దీని ప్రారంభ ధర సుమారు రూ. 1.75 లక్షలకు పైగా ఉండవచ్చని సమాచారం.

మిగతా ఫ్లాగ్‌షిప్ మోడల్స్ అయిన ఐఫోన్ 18 ప్రో, ఐఫోన్ 18 ప్రో మాక్స్ మోడల్స్ కూడా నెక్స్ట్ లెవెల్ ఫీచర్లతో వస్తున్నాయి. ఇందులో మొదటిసారిగా వేరియబుల్ ఎపర్చర్ కలిగిన మెయిన్ కెమెరాను అందిస్తున్నారు. దీనివల్ల వెలుతురు తక్కువగా ఉన్న సమయంలోనూ, బ్యాక్‌గ్రౌండ్ బ్లర్ షాట్స్ తీసేటప్పుడు ఫోటోలు క్రేజీగా వస్తాయి. డైనమిక్ ఐలాండ్ సైజును మరింత చిన్నదిగా చేస్తున్నారు. ఐఫోన్ 18 ప్రో మాక్స్‌లో ఏకంగా 5,567mAh బ్యాటరీతో పాటు ఎల్టీపీఓ+ డిస్ప్లే టెక్నాలజీని వాడుతున్నారు. దీనివల్ల బ్యాటరీ లైఫ్ చాలా సమయం వస్తుంది. కొత్త కలర్ ఆప్షన్లలో డార్క్ చెర్రీ, లైట్ బ్లూ, సిల్వర్ వేరియంట్లు వుండనున్నాయి.

ఈసారి సెప్టెంబర్ ఈవెంట్‌లో కేవలం ప్రో మోడల్స్ (18 Pro, 18 Pro Max, Ultra) మాత్రమే లాంచ్ కానున్నాయి. బేసిక్ మోడల్స్ అయిన ఐఫోన్ 18, ఐఫోన్ 18 ఎయిర్, ఐఫోన్ 18e ఫోన్లను 2027 మార్చి లేదా ఏప్రిల్ నాటికి వాయిదా వేశారు. సాధారణంగా సెప్టెంబర్‌లో ఫోన్ కొనాలనుకునే యూజర్లను ప్రో మోడల్స్ వైపు పుష్ చేసేలా యాపిల్ ప్లాన్ చేసింది. అంతేకాకుండా, ఏడాదికి రెండుసార్లు లాంచ్ ఈవెంట్లు పెట్టడం ద్వారా ఆండ్రాయిడ్ మిడ్-రేంజ్ ఫోన్లకు మీడియా కవరేజ్ తగ్గించి, మార్కెట్‌లో నిరంతరం తన ఆధిపత్యాన్ని నిలబెట్టుకోవడమే ఆపిల్ ప్రధాన వ్యూహం. ఇదే ఈవెంట్‌లో ఆపిల్ వాచ్ సిరీస్ 12, అల్ట్రా 4, ఎయిర్‌పాడ్స్ 5, కొత్త హోమ్ హబ్, అలాగే ఐఓఎస్ 27 (iOS 27) రిలీజ్ డేట్లను వెల్లడించనున్నారు.

Flipkart Big Billion Days Sale: ఫ్లిప్‌కార్ట్‌లో ఏసీలు సగం ధరకే.. బిగ్ బిలియన్ డేస్ సేల్‌లో అదిరిపోయే ఆఫర్లు

Mahesh Rajamoni — Sun, 11 Oct 2026 07:10:07 +0530

Flipkart Big Billion Days Sale: ఫ్లిప్‌కార్ట్ బిగ్ బిలియన్ డేస్ సేల్‌లో భాగంగా వస్తువుల పై అదిరిపోయే ఆఫర్లు ఉన్నాయి. మరీ ముఖ్యంగా ఏసీలపై భారీ డిస్కౌంట్లు ఇస్తున్నారు. టాప్ 5 ఏసీ మోడల్స్, వాటి ధరలు, ఆఫర్ల పూర్తి వివరాలు ఇక్కడ తెలుసుకుందాం.

మీ ఇంట్లో కొత్త ఏసీ కొనుగోలు చేయాలని చూస్తున్నారా? అయితే ఇది మీకు సరైన సమయం కావచ్చు. ఈ-కామర్స్ ప్లాట్‌ఫారమ్ ఫ్లిప్‌కార్ట్‌లో ఈ ఏడాది బిగ్ బిలియన్ డేస్ సేల్ అక్టోబర్ 9 నుంచి ప్రారంభమైంది. వీఐపీ మెంబర్లు, ఫ్లిప్‌కార్ట్ ప్లస్ సబ్‌స్క్రిప్షన్ ఉన్న యూజర్ల కోసం ఎర్లీ యాక్సెస్ తో పాటు ప్రస్తుతం అందరికీ సేల్ అందుబాటులోకి వచ్చింది. ఈ సేల్‌లో ఎయిర్ కండిషనర్ల (ఏసీలు) ధరలపై భారీ డిస్కౌంట్లు ఇస్తున్నారు. సేల్‌లో లభిస్తున్న టాప్ 5 బెస్ట్ ఏసీ డీల్స్ గురించి ఇప్పుడు వివరంగా తెలుసుకుందాం.

ఏసీల అవసరం సాధారణంగా ఎండాకాలంలోనే ఎక్కువగా ఉంటుంది. ఆ సమయంలో వాటి ధరలు కూడా చాలా ఎక్కువగా ఉంటాయి. అదే చలికాలం లేదా ఆఫ్‌ సీజన్‌లో ఏసీ ధరల్లో భారీ తగ్గుదల కనిపిస్తుంది. ఇలాంటి ఆఫ్‌ సీజన్ సమయంలో ఫ్లిప్‌కార్ట్ సేల్‌ను ఉపయోగించుకోవడం ద్వారా చాలా తక్కువ ధరకే ఏసీని కొనుగోలు చేసే అవకాశం దక్కుతుంది. బ్యాంక్, ఎక్స్ఛేంజ్ ఆఫర్లతో ఈ డీల్స్ మరింత లాభదాయకంగా మారుతాయి.

టీసీఎల్ బ్రాండ్ నుంచి వస్తున్న ఈ 1 టన్ కెపాసిటీ ఉన్న 3 స్టార్ స్ప్లిట్ ఇన్వర్టర్ ఏసీలో 7-ఇన్-1 మోడ్ ఫీచర్ ఉంది. ఇది మీ బెడ్‌రూమ్‌ను చాలా త్వరగా కూల్ చేస్తుంది. ఫ్లిప్‌కార్ట్ బిగ్ బిలియన్ డేస్ సేల్ సమయంలో దీనిపై ఏకంగా 47 శాతం డిస్కౌంట్ లభిస్తోంది. దీని అసలు ధర రూ. 48,991 కాగా, సేల్ సమయంలో ఇది కేవలం రూ. 25,990 ధరకే అందుబాటులో ఉంది. చిన్న గదుల కోసం ఏసీ కొనాలనుకునే వారికి ఇది పర్ఫెక్ట్ ఛాయిస్.

మీరు హెవీ డ్యూటీ, ఏఐ పవర్డ్ ఎయిర్ కండిషనర్ కోరుకుంటే గోద్రెజ్ బ్రాండ్ బెస్ట్ ఆప్షన్. ఇది 1 టన్ కెపాసిటీ, ఇన్వర్టర్ టెక్నాలజీతో వస్తుంది. ఇందులో 5-ఇన్-1 కన్వర్టబుల్ మోడ్ కూడా ఉంది. ఇందులో ఉన్న ఏఐ టెక్నాలజీ మీ రోజువారీ ఏసీ వాడకాన్ని బట్టి సరైన ఉష్ణోగ్రతను సెట్ చేయడానికి సహాయపడుతుంది. బిగ్ బిలియన్ డేస్ సేల్‌లో దీనిపై 33 శాతం డిస్కౌంట్ ఇస్తున్నారు. దీని ఎంఆర్‌పీ రూ. 42,990 ఉండగా, సేల్‌లో ఇది రూ. 27,990 కే లభిస్తోంది.

ఎయిర్ కండిషనర్ల విషయంలో నమ్మకానికి మారుపేరైన డైకిన్ 2026 మోడల్ 1 టన్ 3 స్టార్ స్ప్లిట్ ఇన్వర్టర్ ఏసీపై 33 శాతం డిస్కౌంట్ ఉంది. దీని ఎంఆర్‌పీ రూ. 48,500 కాగా, సేల్‌లో రూ. 32,490 కే కొనుగోలు చేయవచ్చు.

ఇక శామ్‌సంగ్ బెస్పోక్ ఏఐ 2026 మోడల్ 0.95 టన్ 3 స్టార్ స్ప్లిట్ ఏసీపై ఏకంగా 52 శాతం బంపర్ డిస్కౌంట్ లభిస్తోంది. దీని అసలు ధర రూ. 67,990 ఉండగా, సేల్ ఆఫర్‌లో రూ. 32,490 ధరకే మీ సొంతం చేసుకోవచ్చు.

పెద్ద గదుల కోసం ఎక్కువ కెపాసిటీ ఉన్న ఏసీ కావాలంటే బ్లూ స్టార్ 1.5 టన్ 3 స్టార్ స్ప్లిట్ ఇన్వర్టర్ ఏసీ మంచి ఛాయిస్. 5-ఇన్-1 కన్వర్టబుల్ మోడ్ కలిగిన ఈ ఏసీపై 41 శాతం భారీ డిస్కౌంట్ ఇస్తున్నారు. దీని ఎంఆర్‌పీ రూ. 61,000 కాగా, సేల్ సమయంలో రూ. 35,990 కే విక్రయిస్తున్నారు. అలాగే ఫ్లిప్‌కార్ట్ సేల్‌లో క్రెడిట్ లేదా డెబిట్ కార్డ్ ఆఫర్లను వాడి అదనపు తగ్గింపు పొందవచ్చు. ఎక్స్ఛేంజ్ ఆఫర్ ద్వారా రూ. 6,500 వరకు అదనపు ప్రయోజనం లభిస్తుంది.

iQOO Neo 11 Ultra: 9100mAh బ్యాటరీ, 2K డిస్‌ప్లేతో ఐక్యూ కొత్త స్మార్ట్‌ఫోన్.. అదిరిపోయే ఫీచర్లు ఇవే

Mahesh Rajamoni — Wed, 12 Aug 2026 15:57:22 +0530

iQOO Neo 11 Ultra: ఆగస్టు 18న లాంచ్ కానున్న ఐక్యూ నియో 11 ఆల్ట్రా స్పెక్స్ లీక్ అయ్యాయి. 9100mAh బ్యాటరీ, 2K డిస్‌ప్లే, డైమెంసిటీ 9500M చిప్‌సెట్‌తో ఈ ఫోన్ వస్తోంది. ఐక్యూ నియో 11 ఆల్ట్రా పూర్తి స్పెక్స్ ఏంటో ఇక్కడ తెలుసుకుందాం.

స్మార్ట్‌ఫోన్ లవర్స్ ఎంతగానో ఎదురుచూస్తున్న ఐక్యూ నియో 11 ఆల్ట్రా (iQOO Neo 11 Ultra) లాంచ్‌కు ముహూర్తం ఖరారైంది. ఈ కొత్త ఫోన్‌ను వచ్చే, అంటే ఆగస్టు 18న సాయంత్రం 7:00 గంటలకు చైనాలో అధికారికంగా విడుదల చేయనున్నారు. ఐక్యూ బ్రాండ్ తన నియో సిరీస్‌లో 'ప్రో' అనే పేరుకు బదులుగా మొదటిసారిగా 'ఆల్ట్రా' ట్యాగ్‌ను ఉపయోగిస్తుండటం విశేషం. ఈ లాంచ్ కంటే ముందే చైనా టెలికామ్ వెబ్‌సైట్‌లో మోడల్ నంబర్ V2573A తో ఈ ఫోన్ లిస్ట్ అయింది. దాంతో లాంచ్‌కు ముందే దీని పూర్తి స్పెసిఫికేషన్లు, ఫీచర్లు లీక్ అయి టెక్ ప్రపంచంలో వైరల్ అవుతున్నాయి. ప్రస్తుతం కంపెనీ సైట్‌లో ఈ ఫోన్ ప్రి-ఆర్డర్ల కోసం అందుబాటులో ఉంది.

ఐక్యూ నియో 11 ఆల్ట్రా ఫోన్‌లో ప్రధాన ఆకర్షణ దీని బ్యాటరీ కెపాసిటీనే అని చెప్పవచ్చు. ఐక్యూ నియో సిరీస్ చరిత్రలోనే అత్యంత పెద్దదైన 9,100mAh భారీ బ్యాటరీతో ఈ ఫోన్ రాబోతోంది. రోజంతా గేమింగ్ ఆడినా, ఎంత హెవీగా వాడినా బ్యాటరీ ఛార్జ్ అయిపోతుందనే భయం ఉండదు. దీనికి తోడు 100W వైర్డ్ ఫాస్ట్ ఛార్జింగ్ సపోర్ట్ కూడా అందిస్తున్నారు. దీనివల్ల ఇంత పెద్ద బ్యాటరీని కూడా చాలా వేగంగా ఛార్జ్ చేసుకోవచ్చు. అయితే ఈ ఫోన్‌లో వైర్‌లెస్ ఛార్జింగ్ సపోర్ట్ ఉండదు. ఫోన్ సైజు విషయానికి వస్తే 163.42 x 75.88 x 8.6 మిమీ కొలతలతో, 225 గ్రాముల బరువుంటుంది.

గేమింగ్, వీడియో కంటెంట్ లవర్స్ కోసం ఈ ఫోన్‌లో టాప్ నోచ్ డిస్‌ప్లేను ఇచ్చారు. ఇందులో 6.83-అంగుళాల ఫ్లాట్ విజనోక్స్ F2 OLED 2K రెసల్యూషన్ డిస్‌ప్లే ఉంటుంది. ఇది కళ్లకు ఎలాంటి హాని కలగకుండా ప్రత్యేక ప్రొటెక్షన్‌తో వస్తుంది. ప్రాసెసర్ విషయానికి వస్తే, ఇందులో మీడియాటెక్ డైమెన్సీటీ 9500ఎం ఆక్టా-కోర్ చిప్‌సెట్‌ను ఉపయోగించారు. ఇది ఫ్లాగ్‌షిప్ ప్రాసెసర్‌కు మోడిఫైడ్ వెర్షన్. ఇందులో 11-కోర్ మాలి G1-ఆల్ట్రా జీపీయూ ని అమర్చారు. ఫలితంగా మల్టీ టాస్కింగ్, హెవీ గేమ్స్ సూపర్ స్మూత్‌గా నడుస్తాయి.

ఫోటోగ్రఫీ విభాగంలో ఐక్యూ నియో 11 ఆల్ట్రా వెనుక వైపు డ్యూయల్ కెమెరా సెటప్‌ను కలిగి ఉంటుంది. ఇందులో OIS సపోర్ట్‌తో కూడిన 50-మెగాపిక్సెల్ ప్రైమరీ కెమెరా, 8-మెగాపిక్సెల్ సెకండరీ కెమెరా ఉంటాయి. సెల్ఫీలు, వీడియో కాల్స్ కోసం ముందు భాగంలో పంచ్-హోల్ కటౌట్‌లో 16-మెగాపిక్సెల్ కెమెరాను అందించారు.

ఈ ఫోన్ 5 రకాల స్టోరేజ్ ఆప్షన్లలో లభిస్తుంది

• 8GB RAM + 256GB స్టోరేజ్

• 12GB RAM + 256GB స్టోరేజ్

• 12GB RAM + 512GB స్టోరేజ్

• 16GB RAM + 256GB స్టోరేజ్

• 16GB RAM + 512GB స్టోరేజ్

ఈ ఫోన్ లైట్ వైట్, షాడో బ్లాక్, విండ్ ఛేజర్ అనే మూడు ఆకర్షణీయమైన రంగుల్లో లభిస్తుంది. వాటర్ అండ్ డస్ట్ రెసిస్టెన్స్ కోసం IP68, IP69 రేటింగ్స్ ఉన్నాయి. సెక్యూరిటీ కోసం 3D ఆల్ట్రాసోనిక్ ఇన్-డిస్‌ప్లే ఫింగర్‌ప్రింట్ సెన్సార్, లేటెస్ట్ ఆండ్రాయిడ్ 16 ఆధారిత ఆరిజిన్ OS 6 ఆపరేటింగ్ సిస్టమ్‌తో ఈ ఫోన్ పనిచేస్తుంది.

ఆగస్టు 18న జరిగే ఇదే ఈవెంట్‌లో ఐక్యూ నియో 11 ఆల్ట్రాతో పాటు ఐక్యూ Z11S (iQOO Z11S) అనే మరో పవర్ ఫుల్ స్మార్ట్‌ఫోన్‌ను కూడా కంపెనీ పరిచయం చేస్తోంది. ఐక్యూ చరిత్రలోనే మొదటిసారిగా ఏకంగా 10,000mAh బ్యాటరీతో రాబోతున్న తొలి ఫోన్ ఇదే కావడం విశేషం. ఇందులో 144Hz రిఫ్రెష్ రేట్, 2160Hz హై-ఫ్రీక్వెన్సీ PWM డిమ్మింగ్ ఫీచర్లు ఉన్న 6.83-అంగుళాల స్క్రీన్ ఉంటుంది. ఇది వైట్, బ్లాక్, పేల్ గ్రీన్ కలర్లలో రానుంది. ఈ రెండు ఫోన్లు ప్రస్తుతం చైనా మార్కెట్లోనే లాంచ్ అవుతున్నాయి.

Laptops: ఫెస్టివ్ సేల్‌లో ప్రైమ్‌బుక్ ధమాకా.. రూ. 24 వేల లోపే ల్యాప్‌టాప్.. ఆఫర్లు, ఫీచర్ల వివరాలు ఇవే

Mahesh Rajamoni — Tue, 06 Oct 2026 10:19:06 +0530

Laptops Under 24000: ప్రైమ్‌బుక్ ఫెస్టివ్ సేల్‌లో భాగంగా రూ. 23,990 కే ల్యాప్‌టాప్ లభిస్తోంది. అలాగే, రూ. 3,000 డిస్కౌంట్, బ్యాంక్ ఆఫర్లతో పాటు జెన్ 2, జెన్ 3 మోడల్స్ ఆఫర్ల పూర్తి వివరాలు ఇక్కడ తెలుసుకుందాం.

స్మార్ట్‌ఫోన్లు, ల్యాప్‌టాప్‌‌ల రేట్లు ఆకాశాన్ని తాకుతున్న ఈ రోజుల్లో తక్కువ ధరకే ల్యాప్‌టాప్ దొరికితే ఎలా ఉంటుంది? అది కూడా దసరా దీపావళి పండగ పూట బడ్జెట్ ధరలో లభిస్తే భలేగా ఉంటుంది కదా.. భారతీయ స్వదేశీ బ్రాండ్ ప్రైమ్‌బుక్ (Primebook) సరిగ్గా ఇదే ప్లాన్ చేసింది. పండగ సీజన్ సేల్స్ ప్రారంభం కాకముందే తన ల్యాప్‌టాప్‌‌లపై మైండ్ బ్లాకింగ్ ఆఫర్లను అనౌన్స్ చేసింది.

సాధారణంగా రూ. 50 వేల వరకు ఉండే ఫీచర్లను రూ. 25 వేల ఆఫర్ ధరకే అందిస్తున్నట్లు కంపెనీ చెప్తోంది. ఫ్లిప్‌కార్ట్ బిగ్ బిలియన్ డేస్, అమెజాన్ గ్రేట్ ఇండియన్ ఫెస్టివల్ సేల్స్‌లో ఈ డిస్కౌంట్లు అందుబాటులో ఉంటాయి. అయితే ఇవి హెవీ గేమింగ్ లేదా ఎడిటింగ్ కోసం కాకుండా, రోజూవారీ పనులకు, స్టూడెంట్స్‌కు పర్ఫెక్ట్‌గా సరిపోతాయి. ఈ ల్యాప్‌టాప్ ఆఫర్లు, ప్రాసెసర్లు, ఇతర వివరాలను ఇక్కడ తెలుసుకుందాం.

ఈ ఫెస్టివ్ సేల్‌లో అందరి దృష్టిని ఆకర్షిస్తున్న మోడల్ ప్రైమ్‌బుక్ 2 నియో (Primebook 2 Neo). ఫ్లిప్‌కార్ట్‌లో దీని ప్రారంభ ధరను రూ. 23,990 గా నిర్ణయించారు. ఈ మోడల్‌పై కంపెనీ డైరెక్ట్‌గా రూ. 3,000 డిస్కౌంట్ ఇస్తోంది. ఇది కాకుండా ఇన్స్టంట్ బ్యాంక్ కార్డ్ డిస్కౌంట్ ద్వారా మరో రూ. 1,500 నుంచి రూ. 2,000 వరకు అదనంగా ఆదా చేసుకోవచ్చు.

ఈ ప్రైమ్‌బుక్ 2 నియో ల్యాప్‌టాప్‌లో MediaTek Helio G99 ప్రాసెసర్ ఉపయోగించారు. ఇందులో 6 జీబీ ర్యామ్, 128 జీబీ స్టోరేజ్ అందుబాటులో ఉంది. ల్యాప్‌టాప్ బరువు కేవలం 990 గ్రాములు మాత్రమే ఉంటుంది. 11.6 ఇంచుల హెచ్ డీ ఐపీఎస్ డిస్‌ప్లే, 29.6Wh బ్యాటరీ దీని సొంతం. ఒక్కసారి ఛార్జ్ చేస్తే 7.5 గంటల పాటు వీడియో ప్లేబ్యాక్ వస్తుందని కంపెనీ క్లెయిమ్ చేస్తోంది.

బాగా పెద్ద స్క్రీన్, ఎక్కువ ప్రొడక్టివిటీ కావాలనుకునే వారి కోసం కంపెనీ ప్రైమ్‌బుక్ 2 ప్రో (Primebook 2 Pro), ప్రైమ్‌బుక్ 2 మ్యాక్స్ (Primebook 2 Max) మోడల్స్‌ను తెచ్చింది.

• Primebook 2 Pro: ఫ్లిప్‌కార్ట్ సేల్‌లో దీని ధర రూ. 26,990 గా ఉంది. రూ. 2,000 తగ్గింపు కూడా. ఇందులో MediaTek Helio G99 ప్రాసెసర్, 8జీబీ ర్యామ్ ఉంటాయి.

• Primebook 2 Max: ఈ మోడల్ 128GB వేరియంట్ రూ. 27,990 కి (రూ. 3,000 తగ్గింపుతో) లభిస్తుంది. అమెజాన్, ఫ్లిప్‌కార్ట్ రెండింటిలోనూ ఇది ఒకే ధరకు దొరుకుతుంది. ఇందులో 15.6 ఇంచుల ఫుల్ హెచ్ డీ ఐపీఎస్ డిస్‌ప్లే, 8 జీబీ ర్యామ్, 128 జీబీ స్టోరేజ్ ఉన్నాయి. దీనిలోని 60.3Wh బ్యాటరీ ఏకంగా 12 గంటల బ్యాటరీ లైఫ్ ఇస్తుందని కంపెనీ ప్రకటించింది.

ఈ రెండు మోడళ్లలో ఫుల్ హెచ్ డీ డిస్‌ప్లే, బ్యాక్‌లిట్ కీబోర్డ్, 1440p వెబ్‌క్యామ్ వంటి హై-ఎండ్ ఫీచర్లు ఉన్నాయి. ఆన్‌లైన్ క్లాసులు, ఆఫీస్ వర్క్, బ్రౌజింగ్ చేసే వారికి ఇవి చాలా హెల్ప్‌ఫుల్ గా ఉంటాయి.

కొత్త జనరేషన్ హార్డ్‌వేర్, ఏఐ ఫీచర్లు కోరుకునే వారి కోసం కంపెనీ 'ప్రైమ్‌బుక్ 3 మ్యాక్స్' (Primebook 3 Max) మోడల్‌ను పరిచయం చేసింది. సేల్‌లో దీని 128GB మోడల్ దాదాపు రూ. 33,490 నుండి రూ. 33,990 మధ్యలో లభిస్తుంది.

ఇది పాత మోడల్స్ కంటే డిఫరెంట్ ప్లాట్‌ఫామ్‌పై పనిచేస్తుంది. ఇందులో MediaTek Genio 720 ప్రాసెసర్, 8GB LPDDR5 RAM, 128GB UFS స్టోరేజ్ ఉన్నాయి. 8th Gen MediaTek NPU ద్వారా ఇది 9 TOPS వరకు ఏఐ కంప్యూటింగ్ సపోర్ట్ ఇస్తుంది. 5MP కెమెరా, వైఫై 6, బ్లూటూత్ 5.3 వంటి అడ్వాన్స్‌‌డ్ ఫీచర్లు ఉన్నాయి. దీని బరువు 1.59 కేజీలు కాగా, 60.3Wh బ్యాటరీతో 12 గంటల ప్లేబ్యాక్ ఇస్తుంది.

ఈ ల్యాప్‌టాప్‌ల ప్రత్యేకత ఏమిటంటే ఇవి రెగ్యులర్ విండోస్ ఆపరేటింగ్ సిస్టమ్‌పై నడవవు. ప్రైమ్‌బుక్ తన సొంత 'PrimeOS'ను ఉపయోగిస్తుంది. ప్రైమ్‌బుక్ 2 సిరీస్‌లోని PrimeOS 3.0 అనేది ఆండ్రాయిడ్ 15 ఆధారంగా రూపుదిద్దుకుంది. పెద్ద స్క్రీన్, కీబోర్డ్, ట్రాక్‌పాడ్ వాడకానికి అనుగుణంగా దీనిని డిజైన్ చేశారు.

దీనివల్ల మనం ఫోన్‌లో వాడే ఆండ్రాయిడ్ యాప్స్ అన్నీ డైరెక్ట్‌గా ల్యాప్‌టాప్‌లోనే రన్ అవుతాయి. సొంత యాప్ స్టోర్ ద్వారా 50,000 కి పైగా ఆండ్రాయిడ్ యాప్‌లను యాక్సెస్ చేయవచ్చు. ఒకవేళ విండోస్ సాఫ్ట్‌వేర్స్ వాడాలనుకుంటే 'Cloud PC' ఆప్షన్ కూడా ఉంది. క్లౌడ్ పిసి ద్వారా విండోస్, లైనక్స్ ఎన్విరాన్మెంట్‌ను ఉపయోగించవచ్చు. అయితే దీనికి విడిగా సబ్‌స్క్రిప్షన్ ఛార్జీలు, ఇంటర్నెట్ అవసరం పడతాయి.

ల్యాప్‌టాప్ కొనేముందు మీ అవసరాలు ఏంటో తెలుసుకోవడం చాలా ముఖ్యం. ఇది అందరికీ సెట్ అయ్యే సాధారణ విండోస్ ల్యాప్‌టాప్‌కు ప్రత్యామ్నాయం కాదు.

• ఎవరు కొనవచ్చు: ఆన్‌లైన్ క్లాసులు వినే విద్యార్థులు, డాక్యుమెంట్ వర్క్, యూట్యూబ్ లేదా ఓటీటీ వీడియోలు చూసేవారు, సాధారణ ఆఫీస్ పని, ఆండ్రాయిడ్ యాప్స్ వాడేవారికి ఇది బెస్ట్ ఆప్షన్.

• ఎవరు తీసుకోకూడదు: హెవీ విండోస్ సాఫ్ట్‌వేర్‌‌లు, ప్రోఫెషనల్ వీడియో ఎడిటింగ్, హెవీ గేమింగ్ లేదా కేవలం ఆండ్రాయిడ్‌‌లో లేని ప్రత్యేక యాప్‌లపై ఆధారపడేవారు ఈ ల్యాప్‌టాప్‌లకు దూరంగా ఉండటమే మంచిది.

పండగ సేల్‌లో తక్కువ బడ్జెట్‌లో ప్రాథమిక అవసరాల కోసం ల్యాప్‌టాప్ కావాలనుకుంటే ప్రైమ్‌బుక్ ఆఫర్లు మంచి ఎంపికగా నిలుస్తాయని చెప్పాలి.

WhatsApp: వాట్సాప్ యూజర్లకు బిగ్ అలర్ట్: ఈ 7 తప్పులు చేస్తే మీ అకౌంట్ క్లోజ్!

Mahesh Rajamoni — Thu, 01 Oct 2026 12:17:56 +0530

WhatsApp Ban 7 Mistakes: వాట్సాప్‌లో కొన్ని పొరపాట్లు చేస్తే మీ అకౌంట్ పర్మనెంట్ బ్యాన్ అయ్యే ప్రమాదం ఉంది. అకౌంట్ బ్లాక్ కాకుండా ఉండటానికి పాటించాల్సిన 7 ముఖ్యమైన విషయాలు ఇక్కడ తెలుసుకుందాం.

ప్రపంచవ్యాప్తంగా అత్యంత ప్రజాదరణ పొందిన మెసేజింగ్ యాప్‌‌లలో వాట్సాప్ ఒకటి. మెటా ప్లాట్‌ఫార్మ్స్ యాజమాన్యంలో నడుస్తున్న ఈ యాప్ ద్వారా మొబైల్, డెస్క్‌టాప్‌లలో ఇంటర్నెట్ సాయంతో సందేశాలు, సమాచారం పంచుకోవడం చాలా సులభం. అయితే, వాట్సాప్ ఉపయోగించేటప్పుడు సేవా నిబంధనలు పాటించడం చాలా అవసరం. కొన్ని రకాల పొరపాట్లు లేదా నిబంధనల ఉల్లంఘన వల్ల మీ ఖాతా పర్మనెంట్‌గా బ్యాన్ అయ్యే అవకాశం ఉంది. మీ వాట్సాప్ ఖాతా సురక్షితంగా ఉండటానికి మీరు చేయకూడని 7 ముఖ్యమైన విషయాలను ఇప్పుడు వివరంగా తెలుసుకుందాం.

వాట్సాప్‌లో ఇతరులకు అనవసరమైన లేదా కోరని సందేశాలు పంపడం వల్ల మీ అకౌంట్‌పై ఫిర్యాదులు వచ్చే అవకాశం ఉంది. ఇతరుల ప్రైవసీకి భంగం కలిగించేలా మెసేజ్‌లు పంపినప్పుడు అవతలి వ్యక్తులు మిమ్మల్ని బ్లాక్ చేయవచ్చు లేదా రిపోర్ట్ చేయవచ్చు.

• మీకు నచ్చని లేదా తెలియని అకౌంట్ల నుండి వచ్చే మెసేజ్‌లను ఆపడానికి సెండర్‌ను సులభంగా బ్లాక్ చేయవచ్చు.

• సదరు అకౌంట్‌పై వాట్సాప్‌కు రిపోర్ట్ చేసే సదుపాయం కూడా ఉంది.

• తెలియని నంబర్ల నుండి వచ్చే మెసేజ్‌లు, కాల్స్ వల్ల ఇబ్బంది కలగకుండా ఆటోమేటిక్ వాల్యూమ్ ఫిల్టర్లను ఎనేబుల్ చేసుకోవచ్చు.

వాట్సాప్‌లో బల్క్ మెసేజ్‌లు లేదా ఆటోమేటెడ్ మెసేజ్‌లు పంపడం ప్లాట్‌ఫార్మ్ నిబంధనలకు విరుద్ధం. థర్డ్ పార్టీ యాప్‌లు ఉపయోగించి ఒకేసారి వేలాది మందికి మెసేజ్‌లు పంపితే వాట్సాప్ సెక్యూరిటీ సిస్టమ్ దానిని స్పామ్‌గా గుర్తిస్తుంది.

• వ్యాపారాలు లేదా ప్రమోషన్ల కోసం ఆటోమేటెడ్ మెసేజ్‌లు పంపాలనుకుంటే అధికారిక వాట్సాప్ బిజినెస్ ప్లాట్‌ఫార్మ్ ఉపయోగించాలి.

• సరైన అధికారిక మార్గాలను కాదని సాధారణ అకౌంట్ల నుండి బల్క్ మెసేజ్‌లు పంపితే ఖాతా తక్షణమే బ్యాన్ అవుతుంది.

వేరొకరి అనుమతి లేకుండా వారి కాంటాక్ట్ లిస్ట్‌ను లేదా ఫోన్ నంబర్లను ఉపయోగించడం తీవ్రమైన నిబంధనల ఉల్లంఘన కిందకు వస్తుంది.

• అనుమతి లేకుండా ఇతరుల ఫోన్ నంబర్లను సేకరించడం లేదా షేర్ చేయడం వాట్సాప్ సేవా నిబంధనలను ఉల్లంఘించడమే.

• ప్రైవసీని కాపాడేందుకు వాట్సాప్ ఈ విషయంలో చాలా కఠినంగా వ్యవహరిస్తుంది. ఇలాంటి చర్యలకు పాల్పడితే ఖాతా పర్మనెంట్‌గా సస్పెండ్ అయ్యే ప్రమాదం ఉంది.

వాట్సాప్‌లో బ్రాడ్‌కాస్ట్ లిస్ట్ ద్వారా ఒకేసారి పలువురికి మెసేజ్ పంపే వెసులుబాటు ఉంది. అయితే దీనిని అతిగా వాడటం వల్ల సమస్యలు తలెత్తుతాయి.

• బ్రాడ్‌కాస్ట్ లిస్ట్‌లను అతిగా ఉపయోగించడం వల్ల మీ ఖాతా స్పామ్ కేటగిరీ కిందకు వచ్చే అవకాశం ఉంది.

• పరిమితికి మించి బ్రాడ్‌కాస్ట్ మెసేజ్‌లు పంపితే మీ అకౌంట్ తాత్కాలికంగా సస్పెండ్ కావడం లేదా శాశ్వతంగా బ్యాన్ కావడం జరుగుతుంది.

వాట్సాప్ యూజర్ల అనుమతి లేకుండా వారి వ్యక్తిగత సమాచారాన్ని సేకరించడం చట్టరీత్యా, ప్లాట్‌ఫార్మ్ నిబంధనల ప్రకారం నేరం.

• ఆటోమేటెడ్ టూల్స్ ఉపయోగించి లేదా అక్రమ మార్గాల్లో ఇతర యూజర్ల ప్రొఫైల్ వివరాలు, ఫోన్ నంబర్లు, సమాచారం సేకరిస్తే అకౌంట్ బ్యాన్ అవుతుంది.

• యూజర్ డేటాను సేకరించడం వాట్సాప్ నిబంధనలకు విరుద్ధం. నిబంధనల ప్రకారం మెటా కంపెనీ స్వంత డేటా షేరింగ్ విధానాలపై కూడా రెగ్యులేటర్ల నుండి కఠినమైన చట్టపరమైన పరిమితులు ఉన్నాయి.

వాట్సాప్ నిర్దేశించిన సేవా నిబంధనలను ప్రతీ యూజర్ తప్పనిసరిగా పాటించాలి. ఒకవేళ మీ అకౌంట్ పరిమితులకు గురైనా లేదా బ్యాన్ అయినా నిరాశచెందాల్సిన అవసరం లేదు.

• అధికారిక వివరాల కోసం లేదా బ్యాన్ అయిన అకౌంట్‌పై సమీక్ష అభ్యర్థించడానికి వాట్సాప్ హెల్ప్ సెంటర్ ద్వారా నేరుగా దరఖాస్తు చేసుకోవచ్చు.

• హెల్ప్ సెంటర్ ద్వారా మీ అకౌంట్‌పై ఉన్న ఆంక్షలను తనిఖీ చేసుకునే వెసులుబాటు ఉంటుంది.

iPhone 18 Pro: ల్యాప్‌టాప్‌ల కంటే స్పీడ్.. 2nm A20 ప్రో చిప్‌తో ఆపిల్ ఐఫోన్ 18 ప్రో వచ్చేసింది భయ్యా.. ధర, ఫీచర్లు ఇవే

Mahesh Rajamoni — Thu, 10 Sep 2026 08:49:08 +0530

Apple iPhone 18 Pro: ఆపిల్ ఐఫోన్ 18 ప్రో సిరీస్ విడుదలైంది. వేరియబుల్ ఎపర్చర్ కెమెరా, A20 ప్రో చిప్, సిరి ఏఐ, మైండ్ బ్లోయింగ్ బ్యాటరీ లైఫ్‌తో సరికొత్త ఫీచర్లను ఇందులో తీసుకొచ్చింది. ఆపిల్ ఐఫోన్ 18 ప్రో లో ఉన్న స్పెక్స్, ఫీచర్లు సహా ధర వివరాలు మీకోసం.

ఆపిల్ తన మోస్ట్ అవేటెడ్ స్మార్ట్‌ఫోన్లు ఐఫోన్ 18 ప్రో (iPhone 18 Pro), ఐఫోన్ 18 ప్రో మాక్స్ (iPhone 18 Pro Max) మోడళ్లను కాలిఫోర్నియాలోని కుపెర్టినోలో అధికారికంగా విడుదల చేసింది. ఇప్పటివరకు వచ్చిన ఐఫోన్లలోకెల్లా అత్యంత అడ్వాన్స్డ్ ప్రో కెమెరా సిస్టమ్, మునుపెన్నడూ లేనంత భారీ బ్యాటరీ లైఫ్, నెక్స్ట్ లెవెల్ పెర్ఫార్మెన్స్‌ను ఈ కొత్త ప్రో లైనప్‌లో తీసుకొచ్చారు.

ఈ రెండు ఫోన్లు సరికొత్త A20 ప్రో (A20 Pro) చిప్‌సెట్, అప్‌గ్రేడెడ్ వేపర్ ఛాంబర్‌తో పనిచేస్తాయి. iOS 27, ఆపిల్ ఇంటెలిజెన్స్, సిరి ఏఐ కాంబినేషన్‌తో ఈ ఫోన్లు పర్సనల్ ఏఐ హబ్‌లా మారనున్నాయి. బ్లాక్, సిల్వర్, గ్లేసియర్, సరికొత్త బర్గండి కలర్ ఆప్షన్లలో ఇవి అందుబాటులోకి రానున్నాయి.

ఐఫోన్ హిస్టరీలోనే మొదటిసారిగా ఐఫోన్ 18 ప్రో మోడళ్లలో వేరియబుల్ ఎపర్చర్ సపోర్ట్ ఇచ్చారు. ఇందులో ఉండే 48MP ఫ్యూజన్ మెయిన్ కెమెరా సిస్టమ్ లైటింగ్, డెప్త్ ఆఫ్ ఫీల్డ్‌కు అనుగుణంగా ఎపర్చర్‌ను ఆటోమేటిక్‌గా అడ్జస్ట్ చేస్తుంది. దీనివల్ల లో లైట్ ఫోటోగ్రఫీ చాలా క్లియర్‌గా వస్తుంది. ప్రో యూజర్లు తమకు కావాల్సిన విధంగా నాలుగు ఎపర్చర్ సెట్టింగ్స్‌ను మ్యాన్యువల్‌గా మార్చుకోవచ్చు.

కెమెరా యాప్‌లో ప్రో కంట్రోల్స్ ద్వారా లెన్స్ ఎపర్చర్, షట్టర్ స్పీడ్, వైట్ బ్యాలెన్స్, హిస్టోగ్రామ్‌లను నేరుగా యాక్సెస్ చేయవచ్చు. అంతేకాదు, 4K డోల్బీ విజన్ HDRలో టైమ్-ల్యాప్స్ వీడియోలు రికార్డ్ చేయవచ్చు. ఆడియో మిక్స్ ద్వారా బ్యాక్‌గ్రౌండ్ మ్యూజిక్‌ను ఐసోలేట్ చేసి వాయిస్ క్లారిటీని పెంచుకోవచ్చు.

ఐఫోన్ 18 ప్రో మోడళ్లలో ఆపిల్ రిఫరెన్స్ ఇమేజ్ అనే కొత్త ఫీచర్ పరిచయం చేశారు. కెమెరా క్యాప్చర్ చేసే ప్రతి పిక్సెల్‌ను సైన్ చేయడం ద్వారా ఫోటో ఒరిజినాలిటీని నిరూపించవచ్చు. ఏఐ ద్వారా ఎడిట్ చేసిన లేదా క్రియేట్ చేసిన ఫోటోలను గుర్తించడానికి ఇది సహాయపడుతుంది.

మరోవైపు, డైనమిక్ ఐలాండ్ డిజైన్‌ను మరింత పర్ఫెక్ట్‌గా మార్చారు. పరిమాణం తగ్గడమే కాకుండా, ఇప్పుడు ఒకేసారి మూడు లైవ్ యాక్టివిటీలను స్క్రీన్ పై చూపిస్తుంది. ఫేస్ ఐడీ, యాప్ అథెంటికేషన్, పేమెంట్స్ వంటి సెక్యూర్ ఫీచర్లు యథావిధిగా పనిచేస్తాయి.

మొబైల్ ప్రాసెసింగ్ రంగాన్నే మార్చేసేలా లేటెస్ట్ 2-నానోమీటర్ టెక్నాలజీతో A20 ప్రో చిప్‌ను తయారు చేశారు. ఇందులో 6-కోర్ సిపియు, 7-కోర్ జిపియు, 32-కోర్ ఏఐ ప్రాసెసింగ్ పవర్ ఉన్న డ్యూయల్ 16-కోర్ న్యూరల్ ఇంజిన్ ఉన్నాయి. కొత్త వేపర్ ఛాంబర్ కూలింగ్ సిస్టమ్ వల్ల ఫోన్ హీట్ అవ్వకుండా 40 శాతం మెరుగైన పెర్ఫార్మెన్స్ ఇస్తుంది. N1 వైర్‌లెస్ చిప్ ద్వారా వై-ఫై 7, బ్లూటూత్ 6 సపోర్ట్ లభిస్తుంది.

ఈసారి బ్యాటరీ విషయంలో ఆపిల్ పెద్ద జంప్ తీసేసుకుంది. ఈసిమ్ మాత్రమే ఉన్న ఐఫోన్ 18 ప్రో మోడల్‌లో 36 గంటలు, ఐఫోన్ 18 ప్రో మాక్స్‌లో ఏకంగా 45 గంటల వీడియో ప్లేబ్యాక్ బ్యాటరీ లైఫ్ లభిస్తుంది. కేవలం 15 నిమిషాల వైర్డ్ ఛార్జింగ్‌తో 50 శాతం ఛార్జింగ్ అవుతుంది. ఐఫోన్ 18 ప్రో మాక్స్‌ను 5 నిమిషాలు ఛార్జ్ చేస్తే 7 గంటల వీడియో ప్లేబ్యాక్ వస్తుంది.

iOS 27 లో భాగమైన సిరి ఏఐ మీ మెసేజ్‌లు, ఈమెయిల్స్, ఫోటోలను అర్థం చేసుకుని సరైన సమాచారం అందిస్తుంది. కెమెరా ముందు ఉన్న వస్తువులను చూపిస్తే వాటి వివరాలు చెప్తుంది. అలవాటైన టైపింగ్ లేదా వాయిస్ కమాండ్స్‌తో పనులు సులువుగా పూర్తవుతాయి.

ధరలు, లభ్యత:

• ఐఫోన్ 18 ప్రో: ప్రారంభ ధర ₹1,64,900

• ఐఫోన్ 18 ప్రో మాక్స్: ప్రారంభ ధర ₹1,79,900

• స్టోరేజ్ ఆప్షన్లు: 256GB, 512GB, 1TB, 2TB

ఈ ఫోన్ల ప్రీ-ఆర్డర్లు సెప్టెంబర్ 12 నుంచి ప్రారంభమవుతాయి. ఇండియా సహా 65 కి పైగా దేశాల్లో సెప్టెంబర్ 18 నుండి సేల్ మొదలవుతుంది. ఇతర 20 దేశాల్లో సెప్టెంబర్ 25 నుంచి అందుబాటులోకి వస్తుంది.

iPhone 18 Pro Max: 45 గంటల బ్యాటరీ లైఫ్‌తో మైండ్ బ్లాకింగ్ ఫీచర్లు.. ఐఫోన్ 18 ప్రో మ్యాక్స్ ధరెంతో తెలుసా?

Mahesh Rajamoni — Thu, 10 Sep 2026 09:44:40 +0530

iPhone 18 Pro Max: ఆపిల్ ఐఫోన్ 18 ప్రో మ్యాక్స్ నెక్స్ట్ లెవెల్ ఫీచర్లతో ఎంట్రీ ఇచ్చింది. వేరియబుల్ ఎపర్చర్ కెమెరా, A20 ప్రో చిప్‌సెట్, మరింత స్పీడ్ గా పనిచేసే సిరి ఏఐ, 45 గంటల వీడియో ప్లేబ్యాక్ బ్యాటరీ లైఫ్‌తో వచ్చేసింది. మరి ఇండియాలో ధరెంతో తెలుసా?

ఆపిల్ తన మోస్ట్ అవైటెడ్ ఫ్లాగ్‌షిప్ స్మార్ట్‌ఫోన్ ఐఫోన్ 18 ప్రో మాక్స్ (iPhone 18 Pro Max) మోడల్‌ను కాలిఫోర్నియాలో అధికారికంగా విడుదల చేసింది. ఇప్పటివరకు వచ్చిన ఐఫోన్లలోకెల్లా అత్యంత అడ్వాన్స్డ్ ప్రో కెమెరా సిస్టమ్ ను ఇందులో తీసుకొచ్చారు. అలాగే, అత్యధిక బ్యాటరీ లైఫ్ ఇచ్చే స్పెక్స్ తో అందుబాటులోకి వచ్చిందది. ఇక కెమెరా అయితే నెక్స్ట్ లెవెల్ అని చెప్పాలి.

ఐఫోన్ 18 ప్రో మ్యాక్స్ A20 ప్రో చిప్‌సెట్, అప్‌గ్రేడెడ్ వేపర్ ఛాంబర్‌తో పనిచేస్తుంది. iOS 27, ఆపిల్ ఇంటెలిజెన్స్, సిరి ఏఐ కాంబినేషన్‌తో ఈ ఫోన్ రన్ అవుతుంది.

ఐఫోన్ 18 ప్రో మ్యాక్స్‌లో 48MP ఫ్యూజన్ మెయిన్ కెమెరాను ఏర్పాటు చేశారు. ఐఫోన్ చరిత్రలో తొలిసారిగా వేరియబుల్ ఎపర్చర్ టెక్నాలజీని ఇందులో చేర్చడం విశేషం. సిక్స్ లేజర్-కట్ బ్లేడ్స్ ద్వారా ఈ కెమెరా వెలుతురు, డెప్త్ ఆఫ్ ఫీల్డ్‌కు అనుగుణంగా ఎపర్చర్‌ను ఆటోమేటిక్‌గా అడ్జస్ట్ చేస్తుంది. దీనివల్ల తక్కువ వెలుతురు ఉన్న సమయంలో కూడా స్పష్టమైన ఫొటోలు వస్తాయి. ప్రో యూజర్లు తమకు కావాల్సినట్లు కెమెరా యాప్‌లో నాలుగు ఎపర్చర్ సెట్టింగ్స్‌ను మ్యాన్యువల్‌గా కూడా మార్చుకోవచ్చు.

ఫొటోల క్వాలిటీ పెంచడానికి కొత్త కంప్యూటేషనల్ ఇమేజింగ్ పైప్‌లైన్ ఉపయోగపడనుంది. ప్రో కంట్రోల్స్ ద్వారా లెన్స్ ఎపర్చర్, షట్టర్ స్పీడ్, వైట్ బ్యాలెన్స్, హిస్టోగ్రామ్ వంటి సెట్టింగ్స్‌ను సులభంగా యాక్సెస్ చేయవచ్చు. సినిమాటిక్ వీడియోలను 60 fps వద్ద రికార్డ్ చేసిన తర్వాత కూడా ఎఫెక్ట్స్ యాడ్ చేసుకోవచ్చు. టైమ్-లాప్స్ మోడ్‌లో 4K, అలాగే, పోస్ట్ డాల్బీ విజన్ హెచ్డీఆర్ వీడియోలు రికార్డ్ చేయవచ్చు.

ఫొటోల ప్రామాణికతను నిరూపించేందుకు యాపిల్ సంస్థ 'యాపిల్ రిఫరెన్స్ ఇమేజ్' అనే కొత్త ఫీచర్‌ను పరిచయం చేసింది. మెయిన్ కెమెరాలోని కొత్త సెన్సార్ ప్రతి పిక్సెల్‌ను సైన్ చేస్తుంది. దీనివల్ల ప్రైవేట్ క్లౌడ్ కంప్యూట్ ద్వారా మార్చడానికి వీలులేని ఓ రిఫరెన్స్ ఇమేజ్ తయారవుతుంది. ఒరిజినల్ ఫొటోతో దీనిని పోల్చి చూసి, ఎడిటింగ్ జరిగిందో లేదో ఫొటో జర్నలిస్టులు, ఫొటోగ్రాఫర్లు సులభంగా గుర్చించవచ్చు.

దీంతోపాటు ఏఐ సహాయంతో క్రియేట్ చేసిన లేదా ఎడిట్ చేసిన ఇమేజెస్ గుర్తించడానికి SynthID స్టాండర్డ్ సపోర్ట్ రానుంది. ఇక డిస్‌ప్లే విభాగంలో డైనమిక్ ఐలాండ్‌ను పునర్నిర్మించారు. పరిమాణంలో చిన్నదిగా మారిన ఈ డైనమిక్ ఐలాండ్, ఇప్పుడు ఒకేసారి మూడు 'లైవ్ యాక్టివిటీస్'ను చూపుతుంది. అలాగే ఫేస్ ఐడీ సపోర్ట్ కూడా ఇందులో కొనసాగుతుంది.

లేటెస్ట్ 2-నానోమీటర్ ప్రాసెస్ టెక్నాలజీతో A20 ప్రో చిప్‌ను డిజైన్ చేశారు. A19 ప్రోతో పోలిస్తే ఇది 50 శాతం ఎక్కువ మెమరీ బ్యాండ్‌విడ్త్‌ను కలిగి ఉంది. దీనిలోని 6-కోర్ CPU అత్యంత వేగంగా పనిచేస్తుంది. 7-కోర్ GPU ద్వారా గ్రాఫిక్స్ రెంజరింగ్ 40 శాతం వరకు వేగవంతమవుతుంది. డ్యూయల్ 16-కోర్ న్యూరల్ ఇంజిన్ వల్ల AI ప్రాసెసింగ్ పవర్ రెట్టింపు అయింది. వైఫై 7, బ్లూటూత్ 6 కోసం N1 వైర్‌లెస్ చిప్‌ను, మెరుగైన నెట్‌వర్క్ కనెక్షన్ కోసం C2 సెల్యులార్ మోడమ్‌ను ఉపయోగించారు.

గేమింగ్, హెవీ పనుల సమయంలో ఫోన్ వేడెక్కకుండా ఉండేందుకు వేపర్ ఛాంబర్ థర్మల్ మేనేజ్‌మెంట్ సిస్టమ్‌ను మెరుగుపరిచారు. మునుపటి ఐఫోన్ 17 ప్రో కంటే ఇది 3 రెట్లు పెద్ద సర్ఫేస్ ఏరియాను కలిగి ఉండి, 40 శాతం వరకు సస్టైన్డ్ పర్‌ఫార్మెన్స్‌ను ఇస్తుంది.

ఐఫోన్ 18 ప్రో మ్యాక్స్ మోడల్స్ బ్యాటరీ విషయంలో ఆపిల్ పెద్ద మార్పు చేసింది. eSIM-ఓన్లీ మోడల్స్ 45 గంటల వరకు వీడియో ప్లేబ్యాక్ సమయాన్ని ఇస్తాయి. కేవలం 5 నిమిషాల వైర్డ్ చార్జింగ్‌తో 7 గంటల వీడియో ప్లేబ్యాక్ వస్తుంది. పూర్తిగా చార్జ్ చేస్తే 30 గంటల వరకు వినియోగించుకోవచ్చు.

ఈ ఫోన్‌లు iOS 27 ఆపరేటింగ్ సిస్టమ్‌పై పనిచేస్తాయి. ఇందులో నెక్స్ట్ జనరేషన్ యాపిల్ ఇంటెలిజెన్స్, అప్‌గ్రేడెడ్ 'సిరి AI' అందుబాటులోకి వచ్చాయి. సిరి AI మన పర్సనల్ కాంటెక్స్ట్‌ను అర్థం చేసుకుని మెసేజ్‌లు, ఈమెయిల్‌లు, ఫొటోలలో కావాల్సిన విషయాలను త్వరగా వెతికి పెడుతుంది. కెమెరాలో సిరి మోడ్ ద్వారా మన ముందున్న వస్తువుల సమాచారాన్ని తెలుసుకోవచ్చు. భద్రత కోసం డేటా ప్రాసెసింగ్ అంతా ఆన్-డివైస్, ప్రైవేట్ క్లౌడ్ కంప్యూట్ ద్వారానే జరుగుతుంది.

పర్యావరణ హితంగా రూపొందించిన ఈ ఫోన్లలో 40 శాతం రీసైకిల్డ్ పదార్థాలను వాడారు. బ్యాటరీలో 100 శాతం రీసైకిల్డ్ కోబాల్ట్, ఎన్‌క్లోజర్‌లో 85 శాతం రీసైకిల్డ్ అల్యూమినియం ఉపయోగించారు. 2030 నాటికి కార్బన్ న్యూట్రల్ సాధించే లక్ష్యంతో ఆపిల్ ఈ అడుగులు వేసింది.

ఐఫోన్ 18 ప్రో మ్యాక్స్ 256GB, 512GB, 1TB, 2TB స్టోరేజ్ వేరియంట్లలో అందుబాటులో ఉంటుంది. అమెరికాలో దీని ప్రారంభ ధర $1,299 డాలర్లుగా నిర్ణయించారు. నెలకు $54.12 డాలర్ల చొప్పున 24 నెలల ఈఎంఐ ఆప్షన్ కూడా ఉంది. భారతదేశం సహా 65 కంటే ఎక్కువ దేశాల్లో సెప్టెంబర్ 12 నుండి ప్రీ-ఆర్డర్లు ప్రారంభమై, సెప్టెంబర్ 18 నుండి విక్రయాలు షురూ అవుతాయి. ఇండియాలో ఆపిల్ ఐఫోన్ ప్రో మ్యాక్స్ ప్రారంభ ధర రూ. 1,79,900 గా ఉంది.

భారత్ లో ఆపిల్ ఐఫోన్ ప్రో మ్యాక్స్ వివిధ వేరియంట్ల ధరలు

256GB: Rs 1,79,900

512GB: Rs 2,04,900

1TB: Rs 2,54,900

2TB: Rs 3,29,900

Best Laptop Deals: రూ. 30 వేల నుంచి రూ. 50 వేల బడ్జెట్‌లో టాప్ 5 ల్యాప్‌టాప్ డీల్స్.. SBI కార్డ్‌పై భారీ ఆఫర్లు

Mahesh Rajamoni — Thu, 08 Oct 2026 14:03:47 +0530

Best Laptop Deals: అమెజాన్ లో ఫెస్టివ్ సేల్ 2026 లో భాగంగా కళ్లుచెదిరే ఆఫర్లు అందుబాటులోకి వచ్చాయి. రూ. 30వేల నుంచి రూ. 50వేల బడ్జెట్‌లో బెస్ట్ ల్యాప్‌టాప్స్ పై అమేజింగ్ డీల్స్ ఉన్నాయి.

ప్రస్తుత రోజుల్లో స్టూడెంట్స్ చదువుకోవాలన్నా, ఆఫీస్ వర్క్ చేసుకోవాలన్నా ప్రొఫెషనల్స్ కు ఒక మంచి ల్యాప్‌టాప్ చాలా అవసరం. కొత్త ల్యాప్‌టాప్ కొనాలని ప్లాన్ చేస్తున్నారా? మీ బడ్జెట్ రూ. 30,000 నుంచి రూ. 50,000 మధ్యలో ఉందా? అయితే మీకోసం మార్కెట్‌లో అందుబాటులో ఉన్న అత్యుత్తమ ల్యాప్‌టాప్ డీల్స్ ఇక్కడ ఉన్నాయి.

ఏసర్, ఆసస్, లెనోవో వంటి ప్రముఖ బ్రాండ్ల ల్యాప్‌టాప్‌లపై ప్రత్యేక ఆఫర్లు, బ్యాంక్ డిస్కౌంట్లు అందుబాటులో ఉన్నాయి. ఎస్‌బీఐ క్రెడిట్ కార్డ్, కూపన్ డిస్కౌంట్లను ఉపయోగించి ఈ మోడళ్లను అత్యంత తక్కువ ధరకు సొంతం చేసుకోవచ్చు. ఆ వివరాలు మీకోసం..

ఏసర్ బ్రాండ్ నుంచి వస్తున్న ఈ 'Acer Smartchoice Aspire One' ల్యాప్‌టాప్ రోజువారీ పనులు, ఆఫీస్ వర్క్, స్టడీస్ కోసం సరైన ఎంపిక. ఇందులో ఎఎండీ రైజన్ 5-40 ప్రాసెసర్‌ను అందించారు. దాంతో పాటు 8జీబీ ఎల్పీడీడీఆర్ 5 ర్యామ్, 512జీబీ ఎస్ఎస్డీ స్టోరేజ్ అందుబాటులో ఉంటుంది. ఇది ఫాస్ట్ పెర్ఫార్మెన్స్‌ను అందిస్తుంది. ఈ ల్యాప్‌టాప్ అసలు ధర కంటే తక్కువగా, కూపన్ డిస్కౌంట్, ఎస్బీఐ క్రెడిట్ కార్డ్ ఈఎంఐ ఆఫర్ ఉపయోగించడం ద్వారా కేవలం రూ. 34,990 ఎఫెక్టివ్ ధరకు లభిస్తోంది.

మీకు ల్యాప్‌టాప్‌తో పాటు మైక్రోసాఫ్ట్ ఆఫీస్ సాఫ్ట్‌వేర్ కూడా ముందే ఇన్‌స్టాల్ అయి కావాలనుకుంటే ఇది మీకు బెస్ట్ ఆప్షన్. 'Acer Smartchoice Aspire One' వేరియంట్‌లో AMD Ryzen 5-40 ప్రాసెసర్, 8GB LPDDR5 RAM, 512GB SSD స్టోరేజ్‌తో పాటు ఆఫీస్ 2024 కూడా లభిస్తుంది. ఆఫీస్ వర్క్ చేసేవారికి, స్టూడెంట్స్‌కు ఇది చాలా ఉపయోగపడుతుంది. కూపన్ డిస్కౌంట్, ఎస్బీఐ క్రెడిట్ కార్డ్ ఈఎంఐ ఉపయోగించి ఈ మోడల్‌ను రూ. 37,990 ఎఫెక్టివ్ ధరకు కొనుగోలు చేయవచ్చు.

ఆసస్ బ్రాండ్ నుంచి వస్తున్న సరికొత్త మోడల్ 'ASUS Vivobook 15 (2026)'. ఈ ల్యాప్‌టాప్‌లో Intel Core 3 304 ప్రాసెసర్‌ను ఉపయోగించారు. ఇందులో 8GB RAM, 512GB SSD స్టోరేజ్ సపోర్ట్ ఉంటుంది. ల్యాప్‌టాప్ స్క్రీన్ పరిమాణం, డిజైన్, డిస్‌ప్లే క్వాలిటీ చాలా బాగుంటాయి. ఈ ల్యాప్‌టాప్ కొనుగోలుపై ఎస్‌బీఐ క్రెడిట్ కార్డ్ ఉపయోగించడం ద్వారా ఏకంగా రూ. 9,350 ఇన్‌స్టంట్ డిస్కౌంట్ లభిస్తుంది. అన్ని డిస్కౌంట్లు పోను దీని ఎఫెక్టివ్ ధర రూ. 41,140 మాత్రమే.

కొంచెం మెరుగైన ప్రాసెసింగ్ స్పీడ్ కావాలనుకునే వారి కోసం 'ASUS Vivobook 15 (2026)' Core 3 100U (i3 14th Gen) మోడల్ అందుబాటులో ఉంది. ఈ ల్యాప్‌టాప్‌లో 8GB RAM, 512GB SSD స్టోరేజ్ అందించారు. లేటెస్ట్ జనరేషన్ ప్రాసెసర్ కావడంతో మల్టీటాస్కింగ్, స్పీడ్ పెర్ఫార్మెన్స్ చాలా బాగుంటుంది. ఎస్‌బీఐ క్రెడిట్ కార్డ్ ఇఎమ్‌ఐ ద్వారా రూ. 9,000 ఇన్‌స్టంట్ డిస్కౌంట్ లభిస్తుంది. దీంతో ఈ ల్యాప్‌టాప్‌ను రూ. 43,990 ఎఫెక్టివ్ ధరకు సొంతం చేసుకోవచ్చు.

మీ బడ్జెట్ రూ. 30,000 దగ్గరలోనే ఉంటే 'Acer Aspire One Smartchoice' మోడల్ చాలా మంచి ఛాయిస్. ఇందులో AMD Ryzen 3-7320U ప్రాసెసర్ ఉంది. దీనికి తోడు 8GB LPDDR5 RAM, 256GB SSD స్టోరేజ్ అందించారు. తక్కువ బడ్జెట్‌లో ఫాస్ట్ ర్యామ్, ప్రాసెసర్ పొందాలనుకునే వారికి ఇది పర్ఫెక్ట్. ఈ ల్యాప్‌టాప్‌పై రూ. 3,000 ఆఫ్‌ కూపన్‌ వర్తిస్తుంది. దాంతో పాటు ఎస్బీఐ క్రెడిట్ కార్డ్‌పై రూ. 3,750 ఇన్‌స్టంట్ డిస్కౌంట్ లభిస్తుంది. ఈ రెండు ఆఫర్లు కలిపి ఉపయోగిస్తే ఈ ల్యాప్‌టాప్ రూ. 30,740 ఎఫెక్టివ్ ధరకు లభిస్తుంది.

Festive Sale: అమెజాన్, ఫ్లిప్‌కార్ట్‌లలో ఐఫోన్, శామ్‌సంగ్, వన్‌ప్లస్ ఫోన్లపై ఊహించని డిస్కౌంట్లు

Mahesh Rajamoni — Wed, 07 Oct 2026 13:57:15 +0530

Festive Sale: ఫెస్టివ్ సేల్ 2026 లో భాగంగా కళ్లుచెదిరే ఆఫర్లు అందుబాటులోకి వచ్చాయి. మరీ ముఖ్యంగా ఈ కామర్స్ దిగ్గజాలు అమెజాన్, ఫ్లిప్‌కార్ట్‌లలో ఐఫోన్, శామ్‌సంగ్, వన్‌ప్లస్, రియల్‌మీ స్మార్ట్‌ఫోన్లపై భారీ ఆఫర్లు అందుబాటులోకి వచ్చాయి.

ఫెస్టివ్ సీజన్ వచ్చేసింది. మీరు కొత్త స్మార్ట్‌ఫోన్ తీసుకోవాలనుకుంటే ఇది పర్ఫెక్ట్ టైమ్. పండుగ సీజన్‌ను పురస్కరించుకుని ప్రముఖ ఈ-కామర్స్ దిగ్గజాలు అమెజాన్, ఫ్లిప్‌కార్ట్ భారీ ‘ఫెస్టివ్ సేల్ 2026’ను ప్రకటించాయి. ఈ సేల్‌లో ప్రీమియం ఫ్లాగ్‌షిప్ మోడల్స్ నుంచి బడ్జెట్ ఫోన్ల వరకు అన్నింటిపైనా అదిరిపోయే డిస్కౌంట్లు, బ్యాంక్ ఆఫర్లు, ఎక్స్చేంజ్ బోనస్‌లు అందుబాటులో ఉన్నాయి. ఐఫోన్, శామ్‌సంగ్, వన్‌ప్లస్, రియల్‌మీ వంటి టాప్ బ్రాండ్ల ఫోన్లపై లభిస్తున్న మోడల్ వైజ్ డీల్స్ ఏంటో ఇప్పుడు వివరంగా చూద్దాం.

అమెజాన్ ఫెస్టివ్ సేల్‌లో యాపిల్ ఐఫోన్‌లతో పాటు శామ్‌సంగ్ ప్రీమియం, మిడ్-రేంజ్ ఫోన్లపై మంచి ఆఫర్లు ఉన్నాయి.

• iPhone 18: యాపిల్ లేటెస్ట్ ఫ్లాగ్‌షిప్ ఐఫోన్ 18 ప్రారంభ ధర రూ. 1,64,900గా ఉంది.

• iPhone 17 Pro: ప్రీమియం మోడల్ ఐఫోన్ 17 ప్రొ ఈ సేల్‌లో రూ. 1,43,990కి అందుబాటులో ఉంది.

• iPhone Air (256 GB): దీని ఎమ్‌ఆర్‌పీ రూ. 1,49,900 కాగా, అమెజాన్ సేల్‌లో ఏకంగా డిస్కౌంట్‌తో రూ. 1,19,900 కే లభిస్తోంది.

• iPhone 16: బ్యాంక్ డిస్కౌంట్లతో కలిపి దీని బేస్ వేరియంట్ ప్రారంభ ధర రూ. 86,900గా నిర్ణయించారు.

• iPhone 17e: బడ్జెట్ కాన్షియస్ బయర్స్ కోసం ఐఫోన్ 17e ధర రూ. 79,900 నుంచి ప్రారంభమవుతుంది.

శామ్‌సంగ్ గెలాక్సీ లైనప్

• Galaxy Z Fold8, Z Fold7: ఫోల్డబుల్ ఫోన్లు రూ. 1,74,999 కి లభిస్తున్నాయి.

• Galaxy S25 Ultra: ప్రీమియం ఫ్లాగ్‌షిప్ ఎస్‌25 ఆల్ట్రా రూ. 99,999 ధరతో అందుబాటులో ఉంది.

• Galaxy A56, M47: మిడ్-రేంజ్ మోడల్స్ వరుసగా రూ. 36,999, రూ. 39,999 కి లభిస్తున్నాయి.

• Galaxy M17, M17e: పాకెట్ ఫ్రెండ్లీ ఆప్షన్లుగా ఎం17, ఎం17ఈ ఫోన్లు వరుసగా రూ. 21,999, రూ. 22,999 కే అందుబాటులో ఉన్నాయి.

అమెజాన్ సేల్‌లో వన్‌ప్లస్, రియల్‌మీ నార్జో సిరీస్ ఫోన్లపై కూడా అమేజింగ్ డీల్స్ ఉన్నాయి.

వన్‌ప్లస్ ఆఫర్లు

• OnePlus 15: రూ. 93,999.

• OnePlus 15R: ఫ్లాగ్‌షిప్ లెవెల్ పర్ఫార్మెన్స్ ఇచ్చే ఈ ఫోన్ రూ. 59,999 నుంచి ప్రారంభమవుతుంది.

• OnePlus 13s: ఆఫర్‌లో భాగంగా రూ. 54,999 కి లభిస్తోంది.

• Nord Series (Nord 6): రూ. 52,999 నుంచి ప్రారంభమవుతోంది.

• N-Series (N6): రూ. 26,999 కే అందుబాటులో ఉంది.

రియల్‌మీ (నార్జో సిరీస్)

• Realme Narzo Power 5G (10,001mAh): భారీ బ్యాటరీ కెపాసిటీతో వచ్చే ఈ ఫోన్ ధర రూ. 32,999.

• Realme Narzo 100x 5G: ఆల్‌రౌండర్ మోడల్ రూ. 25,999 కి లభిస్తోంది.

• Realme Narzo 100 Lite 5G: స్టోరేజ్ వేరియంట్‌ను బట్టి రూ. 18,999 నుంచి రూ. 20,999 మధ్య అందుబాటులో ఉంది.

• Realme Narzo 80, 80 Lite: బడ్జెట్ ఫోన్లు రూ. 15,000 లోపే అందుబాటులో ఉన్నాయి.

ఫ్లిప్‌కార్ట్ బిగ్ బిలియన్ డేస్: ఐఫోన్, శామ్‌సంగ్ ఎస్‌26 డీల్స్

ఫ్లిప్‌కార్ట్ బిగ్ బిలియన్ డేస్ సేల్‌లో కూడా స్మార్ట్‌ఫోన్లపై భారీ ప్రైస్ డ్రాప్స్ కనిపిస్తున్నాయి.

యాపిల్ డిస్కౌంట్లు:

• iPhone 17: ప్రారంభ ధర రూ. 79,999గా ఉంది.

• iPhone 17 Pro: బ్యాంక్ ఆఫర్లు, మాగ్జిమమ్ ఎక్స్చేంజ్ వాల్యూ కలిపి ఈ ఫోన్ ఎఫెక్టివ్ ప్రైస్ రూ. 80,143 కి తగ్గుతుంది.

• iPhone 15: ఐఫోన్ 15పై భారీ ధర తగ్గింపును టీజ్ చేశారు. ఎఫెక్టివ్‌గా ఇది రూ. 55,000 కంటే తక్కువ రేంజ్‌లోనే దక్కనుంది.

శామ్‌సంగ్ గెలాక్సీ మోడల్స్

• Galaxy S26: ఫ్లిప్‌కార్ట్‌లో రూ. 74,999 కి లిస్ట్ అయింది.

• Galaxy S25, S25 FE: వరుసగా రూ. 52,999, రూ. 42,999 ధరలతో లభిస్తున్నాయి.

• Galaxy A36: రూ. 25,999 నుంచి ప్రారంభమవుతోంది.

ఫ్లిప్‌కార్ట్‌లో వన్‌ప్లస్ టాప్ వేరియంట్‌తో పాటు రియల్‌మీ పి-సిరీస్ ఫోన్ల సేల్ జోరుగా సాగుతోంది.

వన్‌ప్లస్, ఎకోసిస్టమ్:

• OnePlus 15 (16GB + 512GB): అసలు ధర రూ. 80,999 కాగా, ఫ్లిప్‌కార్ట్ యాక్సిస్ లేదా ఎస్‌బీఐ బ్యాంక్ కార్డ్‌ ఆఫర్లతో రూ. 76,999 కే లభిస్తుంది.

• Audio, Ecosystem: నార్డ్ బడ్స్ లైనప్, ఇతర యాక్సెసరీస్‌పై కూడా మంచి ఆఫర్లు అందుబాటులో ఉన్నాయి.

రియల్‌మీ (పి-సిరీస్):

• P4s: ధర రూ. 31,999 నుంచి ప్రారంభం.

• P4 Power, P4 (Base): రూ. 29,999 నుంచి అందుబాటులో ఉన్నాయి.

• P4x, P4R: వరుసగా రూ. 22,999, రూ. 19,999 కే లభిస్తున్నాయి.

• P4 Lite 5G: ప్రారంభ ధర రూ. 16,499.

• P4s Lite 4G: రూ. 15,999 నుంచి లభిస్తుంది.

• P4 Lite 4G: బడ్జెట్ ధరలో రూ. 13,999 కే అందుబాటులో ఉంది.

కేవలం ఫ్లాట్ డిస్కౌంట్లే కాకుండా బ్యాంక్ ఆఫర్ల ద్వారా కొనుగోలుదారులు మరిన్ని నిధులు ఆదా చేసుకోవచ్చు.

• అమెజాన్: ఎస్‌బీఐ కార్డ్ వినియోగదారులకు ఇన్‌స్టంట్ డిస్కౌంట్ అందిస్తోంది. అలాగే అమెజాన్ పే ఐసీఐసీఐ కార్డ్ హోల్డర్లకు ప్రత్యేక క్యాష్‌బ్యాక్ లభిస్తుంది.

• ఫ్లిప్‌కార్ట్: హెచ్‌డీఎఫ్‌సీ, ఐసీఐసీఐ కార్డ్‌లపై ఇన్‌స్టంట్ డిస్కౌంట్లతో పాటు, యాక్సిస్ బ్యాంక్ ఫ్లిప్‌కార్ట్ క్రెడిట్ కార్డ్‌పై అదనపు బెనిఫిట్స్ అందిస్తోంది.

ప్రీమియం ఐఫోన్‌లు, గెలాక్సీ ఫ్లాగ్‌షిప్‌ల నుంచి వన్‌ప్లస్ నార్డ్, రియల్‌మీ బడ్జెట్ మోడళ్ల వరకు అన్ని రేంజ్‌లలోనూ ఆఫర్లు ఉండటంతో, ఈ ఏడాది ఫెస్టివ్ సేల్స్ కస్టమర్లకు మంచి ఆప్షన్లుగా నిలవనున్నాయి.

Flipkart Big Billion Days: ధమాకా ఆఫర్.. రూ. 5,799 కే స్మార్ట్ టీవీ.. ఫ్లిప్‌కార్ట్ సేల్‌లో బంపర్ ఛాన్స్

Mahesh Rajamoni — Thu, 08 Oct 2026 14:43:18 +0530

Flipkart Big Billion Days: ఫ్లిప్‌కార్ట్ బిగ్ బిలియన్ డేస్ 2026 సేల్ లో ధమాకా ఆఫర్లు ఉన్నాయి. ఫెస్టివ్ సీజన్ కోసం కేవలం రూ. 5,799 ఆరంభ ధరతో కొత్త స్మార్ట్ టీవీలు అందుబాటులోకి తెచ్చింది. ఆ వివరాలు మీకోసం.

దసరా, దివాళీ పండుగల వేళ కొత్త స్మార్ట్ టీవీ కొందామని చూస్తున్న వారికి థామ్సన్ అదిరిపోయే వార్త చెప్పింది. ఫ్లిప్‌కార్ట్ బిగ్ బిలియన్ డేస్ సేల్ కంటే ముందే తన కొత్త స్మార్ట్ టీవీల రేంజ్‌ను భారత మార్కెట్‌లో గ్రాండ్‌గా లాంచ్ చేసింది. ప్రతి ఒక్కరి బడ్జెట్, అవసరాలకు తగ్గట్లుగా వేర్వేరు స్క్రీన్ సైజుల్లో ఈ టీవీలను అందుబాటులోకి తెచ్చింది. హెచ్డీ రెడీ, ఫుల్ హెచ్డీ, క్యూఎల్ఈడీ, మినీ క్యూరీ 4కే మోడల్స్ ఇందులో ఉన్నాయి. వీటి ప్రారంభ ధర కేవలం ₹5,799 మాత్రమే కావడం విశేషం. అమెజాన్, ఫ్లిప్ కార్ట్ ప్రస్తుత సేల్ లో అందుబాటులో ఉన్నాయి.

ఈ కొత్త రేంజ్‌లో అత్యంత ప్రత్యేకమైనది 55 ఇంచుల మినీ క్యూడీ 4కే టీవీ. దీని ధరను ₹32,999 గా నిర్ణయించారు. ఈ టీవీలో Mini-QD డిస్‌ప్లే టెక్నాలజీ ఉపయోగించారు. ఇది 1.1 బిలియన్ కలర్స్, 550 నిట్స్ బ్రైట్‌నెస్, HDR10+, డాల్బీ విజన్ సపోర్ట్‌తో వస్తుంది. గేమర్స్, స్పోర్ట్స్ ప్రేమికుల కోసం 120Hz HSR, వీఆర్ఆర్, ఏఎల్ఎల్ఎం ఫీచర్లు ఇచ్చారు.

సౌండ్ విషయానికొస్తే, ఇందులో 80W డాల్బీ ఆడియో స్టీరియో బాక్స్ స్పీకర్ సిస్టమ్ తో 4 స్పీకర్లు, డాల్బీ అట్మోస్ సపోర్ట్ ఉంది. గూగుల్ టీవీ ప్లాట్‌ఫామ్‌పై పనిచేసే ఈ టీవీ ఎయిర్‌స్లిమ్ డిజైన్‌తో భలే స్టైలిష్‌గా కనిపిస్తుంది.

ఇంటిని థియేటర్‌లా మార్చాలనుకునే వారి కోసం థామ్సన్ 65 ఇంచుల క్యూఎల్ఈడీ టీవీని కూడా పరిచయం చేసింది. ఇది ప్రత్యేకంగా జియోటెలీ ఓఎస్ పై నడుస్తుంది. 4కే క్యూఎల్ఈడీ డిస్‌ప్లే, 1.1 బిలియన్ రంగులు, 450 నిట్స్ బ్రైట్‌నెస్‌తో విజువల్స్ చాలా స్పష్టంగా ఉంటాయి. జియో టెలీ ఓఎస్ ద్వారా యూజర్లు 300 కన్నా ఎక్కువ ఉచిత లైవ్ టీవీ ఛానెళ్లు, 300 పైగా జియో గేమ్స్, ప్రధాన ఓటీటీ యాప్‌లను నేరుగా చూడవచ్చు. ఇందులో 48W డాల్బీ ఆడియో, స్పోర్ట్స్ మోడ్, డ్యూయల్-బ్యాండ్ వైఫై, బ్లూటూత్ 5.0 ఉన్నాయి. అలాగే, థామ్సన్ లో తక్కువ ధరలోనే గూగుల్ టీవీని కూడా తీసుకొచ్చింది.

థామ్సన్ తన ఆల్ఫా క్యూఎల్ఈడీ పోర్ట్‌ఫోలియోలో కొత్తగా 50 ఇంచుల మోడల్‌ను చేర్చింది. ఫుల్ హెచ్డీ క్యూఎల్ఈడీ ప్యానెల్, 400 నిట్స్ బ్రైట్‌నెస్‌తో వచ్చే ఈ టీవీ ధర ₹21,999. ఇది కూలిటా 3.0 ప్లాట్‌ఫామ్‌పై పనిచేస్తుంది. ఇందులో 40 వాట్స్ సరౌండ్ సౌండ్, మిరాకాస్ట్ వంటి ఫీచర్లు ఉన్నాయి. దీంతో పాటు లైవ్ ఛానెళ్లు, స్ట్రీమింగ్ యాప్‌లు సులభంగా యాక్సెస్ చేయవచ్చు.

కేవలం పెద్ద స్క్రీన్లే కాకుండా 40 ఇంచ్, 43 ఇంచ్ ఫుల్ హెచ్డీ, 32, 22 ఇంచెస్ హెచ్డీ స్మార్ట్ టీవీలను కూడా కంపెనీ తీసుకొచ్చింది. వీటిలో A+ గ్రేడ్ ప్యానెల్, 300 నిట్స్ బ్రైట్‌నెస్, 178 డిగ్రీల వ్యూయింగ్ యాంగిల్, 36 వాట్స్ స్టీరియో సౌండ్ లభిస్తాయి. పరికరాలు కనెక్ట్ చేయడానికి హెచ్డీఎంఐ, యూఎస్బీ, వీజీఏ, ఏవీ పోర్టులు ఉన్నాయి. రూ. 5,799 ప్రారంభ ధరతో లభించే ఈ టీవీలు తక్కువ బడ్జెట్ ఉన్నవారికి బెస్ట్ ఆప్షన్‌గా నిలుస్తాయి. ఇవన్నీ ఫ్లిప్‌కార్ట్ బిగ్ బిలియన్ డేస్ సేల్‌లో కొనుగోలుకు అందుబాటులో ఉంటాయి.

Reels: రీల్స్ తెగ చూస్తుంటారా.? మీ జేబుకు చిల్లు ప‌డుతున్న‌ట్లే, ఎలాగంటే

Narender Vaitla — Wed, 12 Aug 2026 16:23:02 +0530

Reels: రీల్స్ చూడటం చాలా కామన్ గా మారింది. "ఒక్క రీల్ మాత్రమే చూస్తా" అనుకుని ఫోన్ తీసుకుంటే గంటలు గడిచిపోతున్నాయి. ఈ అలవాటు కేవలం సమయాన్ని మాత్రమే కాదు.. ఆరోగ్యం, మానసిక ప్రశాంతత, పనితీరు, ఆర్థిక పరిస్థితిపై కూడా ప్రతికూల ప్రభావం చూపుతోందని తెలుసా?

రీల్స్ అంటే మొబైల్‌లో నిలువుగా (Vertical) చూసే చిన్న వీడియోలు. ఈ కాన్సెప్ట్‌ను ప్రపంచానికి పరిచయం చేసిన ఘనత ప్రధానంగా టిక్‌టాక్‌కు దక్కుతుంది. 2017లో అంతర్జాతీయంగా ప్రారంభమైన ఈ యాప్.. 2018లో భారత్‌లో విపరీతమైన ఆదరణ పొందింది. తర్వాత 2020లో ఇన్‌స్టాగ్రామ్ కూడా రీల్స్ ఫీచర్‌ను తీసుకొచ్చింది. అనంతరం ఫేస్‌బుక్, యూట్యూబ్ వంటి ప్లాట్‌ఫామ్‌లూ షార్ట్ వీడియోల ఫీచర్‌ను అందుబాటులోకి తీసుకువచ్చాయి. ప్రస్తుతం ప్రపంచవ్యాప్తంగా కోట్లాది మంది ప్రతిరోజూ రీల్స్ చూస్తున్నారు.

రీల్స్‌కు ఆకర్షితులవడం వెనుక మన మెదడు పనితీరు కీలక పాత్ర పోషిస్తుంది. మనకు నచ్చిన లేదా ఆశ్చర్యపరిచే వీడియో కనిపించినప్పుడు మెదడులో డోపామిన్ అనే రసాయనం విడుదల అవుతుంది. దీంతో మనకు ఆనందంగా అనిపిస్తుంది. అదే అనుభూతిని మళ్లీ పొందాలనే ఉద్దేశంతో మరో రీల్, ఇంకో రీల్ చూస్తూ పోతాం. అలాగే తదుపరి వీడియో ఎలా ఉంటుందో తెలియకపోవడం కూడా ఆసక్తిని పెంచుతుంది. ఒక వీడియో పూర్తయ్యేలోపే మరో వీడియో ఆటోమేటిక్‌గా రావడం వల్ల ఆపాలనే ఆలోచన కూడా రాదు. దీంతో గంటల తరబడి రీల్స్ చూస్తూ సమయాన్ని వృథా చేస్తుంటారు.

పనిపై దృష్టి తగ్గుతుంది

ఎక్కువసేపు రీల్స్ చూడటం వల్ల ఏ పనిపైనా ఎక్కువసేపు ఏకాగ్రతతో ఉండటం కష్టమవుతుంది. ఆఫీసులో పనిచేసే సమయంలో కూడా చాలామంది మధ్యలో రీల్స్ చూస్తుంటారు. దీంతో పని నాణ్యత తగ్గడంతో పాటు ఉత్పాదకత కూడా తగ్గుతుంది. ఒక అధ్యయనం ప్రకారం భారతీయులు తమ స్మార్ట్‌ఫోన్ వినియోగ సమయంలో దాదాపు ఐదో వంతు షార్ట్ వీడియోలకే కేటాయిస్తున్నారు. అలాగే 64 శాతం మంది గతంతో పోలిస్తే ఇప్పుడు మరింత ఎక్కువగా రీల్స్ చూస్తున్నామని అంగీకరించారు.

అవసరం లేని ఖర్చులు, అప్పులు పెరిగే ప్రమాదం

సోషల్ మీడియా అల్గోరిథమ్ మనకు నచ్చే వస్తువుల ప్రకటనలు, వీడియోలను ఎక్కువగా చూపిస్తుంది. దీంతో అవసరం లేకపోయినా వెంటనే కొనాలనే కోరిక కలుగుతుంది. దీనినే ఇంపల్స్ బాయింగ్ అంటారు. ఫలితంగా పొదుపు తగ్గిపోవడం, క్రెడిట్ కార్డులు లేదా వ్యక్తిగత రుణాలపై ఆధారపడటం పెరిగే అవకాశం ఉంది. ఇది భవిష్యత్తులో ఆర్థిక ఒత్తిడికి దారితీస్తుంది.

యువతలో నైపుణ్యాల అభివృద్ధి దెబ్బతింటుంది

చదువు, కొత్త నైపుణ్యాలు నేర్చుకోవడం, కెరీర్ అభివృద్ధికి ఉపయోగపడే సమయాన్ని చాలామంది రీల్స్ చూస్తూ గడుపుతున్నారు. ఒక అధ్యయనం ప్రకారం Gen Z యువతలో 89 శాతం మంది ప్రతిరోజూ రీల్స్ చూస్తున్నారు. వీరిలో చాలామంది రోజుకు రెండు గంటలకు పైగా షార్ట్ వీడియోలు చూస్తున్నట్లు రిపోర్టులు చెబుతున్నాయి. ఇదే సమయాన్ని కొత్త నైపుణ్యాలు నేర్చుకోవడానికి వినియోగిస్తే వ్యక్తిగతంగానే కాకుండా దేశ ఆర్థికాభివృద్ధికీ ఉపయోగపడుతుంది.

గంటల తరబడి నిరంతరం రీల్స్ లేదా సోషల్ మీడియా స్క్రోల్ చేయడాన్ని డూమ్ స్క్రోలింగ్ అంటారు. దీని వల్ల నిద్రలేమి, ఆందోళన, డిప్రెషన్, మానసిక అలసట వంటి సమస్యలు పెరిగే అవకాశం ఉంది. మానసిక ఆరోగ్యం దెబ్బతింటే ఉద్యోగాల్లో గైర్హాజరు పెరుగుతుంది. పనితీరు తగ్గుతుంది. దీని ప్రభావం వ్యక్తిగత ఆదాయంపైనే కాకుండా దేశ ఆర్థిక వ్యవస్థపైనా పడుతుంది.

తప్పుదారి పట్టించే పెట్టుబడి సలహాలు

రీల్స్‌లో చాలామంది స్టాక్ మార్కెట్, క్రిప్టో, మ్యూచువల్ ఫండ్లు, వ్యాపార అవకాశాలపై తక్కువ సమయంలో పెద్ద లాభాలు వస్తాయని చెబుతుంటారు. అయితే అలాంటి వీడియోలు చేసే వారిలో చాలామందికి సరైన అర్హతలు లేదా అధికారిక అనుమతులు ఉండవు. కేవలం వ్యూస్, లైక్స్, స్పాన్సర్‌షిప్‌ల కోసం రీసెర్చ్‌ లేకుండా పెట్టుబడి సలహాలు ఇస్తుంటారు. వాటిని నమ్మి పెట్టుబడులు పెడితే డబ్బు నష్టపోయే ప్రమాదం ఎక్కువగా ఉంటుంది.

రీల్స్‌ను పూర్తిగా మానేయడం అందరికీ సాధ్యం కాకపోవచ్చు. కానీ కొన్ని అలవాట్లు మార్చుకుంటే ఈ సమస్య నుంచి బయటపడొచ్చు.

రోజుకు సమయం నిర్ణయించుకోండి: రీల్స్ చూడటానికి రోజుకు 15 నుంచి 20 నిమిషాల సమయం మాత్రమే కేటాయించండి.

నోటిఫికేషన్లు ఆఫ్ చేయండి: సోషల్ మీడియా నోటిఫికేషన్లు ఆఫ్ చేస్తే అవసరం లేకుండా యాప్ ఓపెన్ చేసే అలవాటు తగ్గుతుంది.

మంచి అలవాట్లు పెంచుకోండి: ఖాళీ సమయాల్లో పుస్తకాలు చదవడం, నడక, వ్యాయామం, సంగీతం వినడం, కుటుంబంతో గడపడం వంటి పనులు చేయండి.

డిజిటల్ డీటాక్స్ పాటించండి: వారానికి కనీసం ఒక రోజు సోషల్ మీడియాకు దూరంగా ఉండే ప్రయత్నం చేయండి.

మిమ్మల్ని మీరే ప్రశ్నించుకోండి: "ఇప్పుడు రీల్స్ చూడటం నిజంగా అవసరమా? ఈ సమయాన్ని చదువుకు లేదా పనికి ఉపయోగిస్తే బాగుండదా?" అని ఆలోచించే అలవాటు పెంచుకోండి.

Jio Offers Free Canva Pro: జియో యూజర్లకు సూపర్ ఆఫర్.. 4 వేలు ఫ్రీ.. ఇలా చేయండి

Mahesh Rajamoni — Wed, 16 Sep 2026 09:51:46 +0530

Jio Offers Free Canva Pro: రిలయన్స్ జియో తన యూజర్లకు సూపర్ గుడ్ న్యూస్ చెప్పింది. రూ. 4,000 విలువైన క్యాన్వా ప్రో, క్యాన్వా ప్రో లైట్ సబ్‌స్క్రిప్షన్‌ను 12 నెలల పాటు ఉచితంగా అందిస్తోంది. మైజియో యాప్ ద్వారా పొందే ఈ ఆఫర్ వివరాలు మీకోసం.

దేశంలోనే అతిపెద్ద ప్రైవేట్ టెలికామ్ దిగ్గజం రిలయన్స్ జియో తన వినియోగదారుల కోసం ఒక కిరాక్ ఆఫర్‌ను అనౌన్స్ చేసింది. ప్రముఖ విజువల్ కమ్యూనికేషన్ ప్లాట్‌ఫామ్ ‘క్యాన్వా’తో జియో వ్యూహాత్మక భాగస్వామ్యాన్ని కుదుర్చుకుంది. ఈ పార్టనర్‌షిప్ ద్వారా జియో యూజర్లకు రూ. 4,000 కంటే ఎక్కువ విలువైన క్యాన్వా ప్రో, క్యాన్వా ప్రో లైట్ సబ్‌స్క్రిప్షన్ ఉచితంగా లభించనుంది. మీరు గనుక సోషల్ మీడియా క్రియేటర్, స్టూడెంట్ లేదా డిజైనింగ్ యాప్స్ వాడకంలో ఉన్నవారైతే ఇది మీకు సూపర్ న్యూస్ అని చెప్పవచ్చు.

జియో యూజర్లకు వారు చేసుకునే రీఛార్జ్ ప్లాన్ ఆధారంగా క్యాన్వా సబ్‌స్క్రిప్షన్ అందుతుంది. కంపెనీ వివరాల ప్రకారం..

• రూ. 399 ప్లాన్: ఈ ప్లాన్‌తో రీఛార్జ్ చేసుకునే యూజర్లకు క్యాన్వా ప్రో (Canva Pro) సబ్‌స్క్రిప్షన్ ఉచితంగా లభిస్తుంది.

• రూ. 349 ప్లాన్, ఇతర ప్లాన్లు: రూ. 349 ప్లాన్, అలాగే రోజుకు 2GB డేటా ఇచ్చే రూ. 349 కంటే ఎక్కువ విలువైన సెలెక్టెడ్ ప్లాన్ల పై క్యాన్వా ప్రో లైట్ (Canva Pro Lite) సబ్‌స్క్రిప్షన్ ఉచితంగా అందుతుంది.

ఈ ఆఫర్ వల్ల యూజర్లు ఏకంగా 12 నెలల పాటు ప్రీమియం టూల్స్‌ను ఫ్రీగా ఎంజాయ్ చేయవచ్చు. ఎలాంటి హిడెన్ ఛార్జీలు లేవని జియో స్పష్టం చేసింది.

ఈ బంపర్ ఆఫర్‌ను పొందడం చాలా ఈజీ. యూజర్లు విడిగా ఎలాంటి డబ్బులు చెల్లించాల్సిన అవసరం లేదు.

1. మీ స్మార్ట్‌ఫోన్‌లో మైజియో (MyJio) యాప్‌ను ఓపెన్ చేయండి.

2. యాప్‌లోని క్యాన్వా (Canva) ఆఫర్ బ్యానర్‌పై టాప్ చేయండి.

3. ఆఫర్‌ను యాక్టివేట్ చేసుకుని డిజైనింగ్ స్టార్ట్ చేయండి.

ఈ ఆఫర్ 2026 సెప్టెంబర్ 16 నుంచి జియో రీఛార్జ్ ఛానెల్స్, మైజియో యాప్‌ ద్వారా అందుబాటులోకి వస్తుంది.

క్యాన్వా ప్రో సబ్‌స్క్రిప్షన్‌తో మిలియన్ల కొద్దీ ప్రీమియం టెంప్లేట్స్, ఫొటోలు, వీడియోలు, ఫాంట్స్ యాక్సెస్ లభిస్తుంది. అంతేకాకుండా ఒక్క టాప్‌తో బ్యాక్‌గ్రౌండ్ రిమూవల్, మ్యాజిక్ ఎరేజర్, మ్యాజిక్ రీసైజ్ వంటి అమేజింగ్ టూల్స్ వాడొచ్చు.

ప్రో ప్లాన్‌లో 5 అడ్వాన్స్‌డ్ బ్రాండ్ కిట్స్, కంటెంట్ ప్లానర్, క్యాన్వా ఏఐ చాట్‌బాట్, ఎక్కువ ఏఐ యూసేజ్ లిమిట్స్, 100GB క్లౌడ్ స్టోరేజ్ లభిస్తాయి. మరోవైపు ప్రో లైట్ ప్లాన్‌లో 3 బేసిక్ బ్రాండ్ కిట్స్, 50GB క్లౌడ్ స్టోరేజ్ మాత్రమే అందుతాయి.

ఈ పార్టనర్‌షిప్ వల్ల ఎక్స్‌పీరియన్స్ లేని కొత్తవాళ్ళు కూడా తమ ఫోన్ల నుంచే సోషల్ మీడియా పోస్టులు, ప్రెజెంటేషన్లు, గ్రీటింగ్ కార్డులు, మార్కెటింగ్ కంటెంట్ ఈజీగా క్రియేట్ చేయవచ్చు. భారతీయ యూజర్ల కోసం క్యాన్వా హిందీతో పాటు అనేక ప్రాంతీయ భాషల సపోర్ట్‌ను కూడా అందిస్తోంది. డిజిటల్ ఇండియాలో ప్రతి విద్యార్థి, క్రియేటర్, చిన్న వ్యాపారవేత్త తమ సొంత భాషలో కంటెంట్ క్రియేట్ చేసుకుని ఎదుగాలనే ఉద్దేశంతోనే ఈ ఆఫర్ తెచ్చినట్లు రిలయన్స్ జియో తెలిపింది.

Smartphone Deals: ఫ్లిప్‌కార్ట్ అమెజాన్ సేల్స్.. ఐఫోన్, శాంసంగ్ ఫోన్ల పై బిగ్ డిస్కౌంట్స్.. టాప్ 5 డీల్స్ ఇవే

Mahesh Rajamoni — Fri, 09 Oct 2026 11:54:21 +0530

Smartphone Deals: పండుగల సీజన్ వేళ ఈ-కామర్స్ దిగ్గజాలు అమెజాన్, ఫ్లిప్‌కార్ట్ కళ్లుచేదిరే ఫ్లాగ్‌షిప్ స్మార్ట్‌ఫోన్ డీల్స్‌ను అందుబాటులోకి తెచ్చాయి. ఐఫోన్, ఆండ్రాయిడ్ లవర్స్ ఎంతగానో ఎదురుచూస్తున్న సూపర్ 5 స్మార్ట్‌ఫోన్ డీల్స్ వచ్చాయి.

ఈ-కామర్స్ దిగ్గజాలైన ఫ్లిప్‌కార్ట్, అమెజాన్ పండుగ సేల్స్ అధికారికంగా ప్రారంభమయ్యాయి. ప్రస్తుతం అందరి వినియోగదారులకు ఈ ఆఫర్లు అందుబాటులోకి వచ్చేశాయి. స్మార్ట్‌ఫోన్‌ల నుంచి దుస్తుల వరకు అన్ని కేటగిరీలలోనూ బంపర్ ఆఫర్లు, భారీ డిస్కౌంట్లను కంపెనీలు అందిస్తున్నాయి. ముఖ్యంగా కొత్త స్మార్ట్‌ఫోన్ కొనుగోలు చేయాలనుకునే వారికి ఇది మంచి అవకాశం. ఈ సేల్‌లో వేల రూపాయలు ఆదా చేసుకునేలా అందుబాటులో ఉన్న 5 బెస్ట్ స్మార్ట్‌ఫోన్ డీల్స్ వివరాలను ఇప్పుడు తెలుసుకుందాం.

ఈసారి ఫ్లిప్‌కార్ట్ సేల్‌లో అత్యంత ఆకర్షణీయమైన డీల్ ఐఫోన్ 17 అని చెప్పవచ్చు. ఇటీవల ఈ పాపులర్ హ్యాండ్‌సెట్ అసలు ధరను రూ. 99,900 వరకు నిర్ణయించగా, ప్రస్తుత సేల్‌ సమయంలో దీనిని కేవలం రూ. 81,999 ల్యాండింగ్ ధరకు కొనుగోలు చేసే వెసులుబాటు కల్పించారు. దీనికి తోడు ఫ్లిప్‌కార్ట్ యాక్సిస్ బ్యాంక్ క్రెడిట్ కార్డు ఉపయోగించి కొనుగోలు చేస్తే ఈ ఫోన్‌ను రూ. 76,999 కే సొంతం చేసుకోవచ్చు.

ఐఫోన్ 17 విశేషాల విషయానికి వస్తే, ఇందులో డ్యూయల్ రియర్ కెమెరా సెటప్ ఉంది. ఇందులో ప్రత్యేకత ఏమిటంటే రెండు కెమెరా సెన్సార్లు 48MP + 48MP కావడం గమనార్హం. అలాగే ఇది 6.3 అంగుళాల డిస్‌ప్లే, 120Hz రిఫ్రెష్ రేట్‌తో వస్తుంది.

ఫ్లిప్‌కార్ట్ సేల్‌లో ప్రముఖ ఫ్లాగ్‌షిప్ స్మార్ట్‌ఫోన్ అయిన శాంసంగ్ గెలాక్సీ S25 5G ని కూడా చాలా తక్కువ ధరకు సొంతం చేసుకోవచ్చు. అద్భుతమైన ట్రిపుల్ రియర్ కెమెరా సెటప్‌తో వస్తున్న ఈ ఫోన్, రూ. 70,000 నుంచి రూ. 90,000 సెగ్మెంట్‌లో అత్యధికంగా అమ్ముడవుతున్న బెస్ట్ సెల్లింగ్ స్మార్ట్‌ఫోన్ అని కంపెనీ పేర్కొంది.

సాంకేతిక వివరాలు చూస్తే, ఈ ఫోన్‌లో 4000mAh బ్యాటరీ ఉంది. పవర్‌ఫుల్ పర్ఫార్మెన్స్ కోసం క్వాల్కమ్ స్నాప్‌డ్రాగన్ 8 ఎలైట్ 3nm చిప్‌సెట్‌ను ఉపయోగించారు. అలాగే గ్రాఫిక్స్ కోసం Adreno 830 GPU సపోర్ట్ దీనికి ఉంది.

అటు అమెజాన్ ఇండియాలో నడుస్తున్న సేల్‌లో ప్రీమియం ఫ్లాగ్‌షిప్ స్మార్ట్‌ఫోన్ శాంసంగ్ గెలాక్సీ S25 అల్ట్రా పై ఊహించని రేంజ్‌లో ఆఫర్లు లభిస్తున్నాయి. సేల్ సందర్భంగా ఈ ఫోన్ రూ. 94,999 ధరకు లిస్ట్ అయ్యింది. దీనిపై రూ. 1,000 కూపన్ డిస్కౌంట్‌తో పాటు రూ. 7,741 వరకు ఇన్‌స్టంట్ క్యాష్‌బ్యాక్ లభిస్తుంది.

ఈ ఫ్లాగ్‌షిప్ స్మార్ట్‌ఫోన్‌లో ఏకంగా 200MP ప్రైమరీ కెమెరాను అందించారు. దాంతో పాటు స్టైలస్ ఎస్‌ పెన్ సపోర్ట్ కూడా లభిస్తుంది. మెరుపు వేగం లాంటి పర్ఫార్మెన్స్ కోసం ఇందులో కూడా క్వాల్కమ్ స్నాప్‌డ్రాగన్ 8 ఎలైట్ 3nm చిప్‌సెట్‌ను అందించారు.

అమెజాన్ ఇండియా సేల్‌లో ఐఫోన్ 16 మోడల్ అన్ని ఆఫర్లు కలుపుకుని రూ. 72,249 ధరకు అందుబాటులోకి వచ్చింది. గత నెలలోనే యాపిల్ దీని ధరను రూ. 89,900 గా నిర్ణయించింది. ఈ ధర 128GB ఇంటర్నల్ స్టోరేజ్ వేరియంట్‌కు వర్తిస్తుంది.

ఐఫోన్ 16 లో డ్యూయల్ రియర్ కెమెరా సెటప్ ఉంది. ఇందులో 48MP ప్రైమరీ కెమెరా, 12MP సెకండరీ కెమెరా ఉన్నాయి. సెల్ఫీలు, వీడియో కాల్స్ కోసం ముందర 12 మెగాపిక్సెల్ ఫ్రంట్ కెమెరాను అమర్చారు.

శాంసంగ్ గెలాక్సీ S23 పై ఫ్లిప్‌కార్ట్ సేల్‌లో కిల్లింగ్ ఆఫర్ ఉంది. 80 వేలకు పైగా ప్రైస్ తో లాంచ్ అయిన ఈ ఫోన్ ఇప్పుడు కేవలం 26 వేలకే సేల్ లోకి వచ్చింది. అయితే, తక్కువ నెంబర్స్ లో అందుబాటులో ఉన్నాయి. ఈ ప్రైస్ లో ఇది బెస్ట్ డీల్ అని చెప్పాలి. స్టాక్ అందుబాటులో ఉంటే మీరు చెక్ చేయండి. ఈ ఫోన్ లో స్నాప్ డ్రాగన్ 8 జెన్ 2 ప్రాసెసర్ ఉపయోగించారు. 50+10+12 ఎంపీ ట్రిపుల్ కెమెరా సెటప్ ఉంటుంది. ఈ ఫోన్ తో అద్బుతమైన ఫోటోలో, వీడియోలు తీయవచ్చు.

iPhone Duo: శాంసంగ్‌కు గట్టి పోటీ.. ఆపిల్ ఫస్ట్ ఫోల్డబుల్ ఫోన్ ఐఫోన్ డ్యూయో వచ్చేసింది.. ఫీచర్లు చూస్తే షాకే

Mahesh Rajamoni — Thu, 10 Sep 2026 12:00:30 +0530

Apple iPhone Duo: ఆపిల్ తన మొట్టమొదటి ఫోల్డబుల్ ఐఫోన్ డ్యూయోను మార్కెట్ లోకి తీసుకొచ్చింది. రూ. 2,99,000 ప్రారంభ ధరతో ఐఫోన్ డ్యూయోను లాంచ్ చేసింది. శాంసంగ్ కు షాకిస్తూ కిల్లింగ్ ఫీచర్లతో వచ్చిన ఆపిల్ తొలి మడత ఫోన్ పూర్తి వివరాలు మీకోసం.

ఆపిల్ లవర్స్ కు గుడ్ న్యూస్. టెక్ దిగ్గజం ఆపిల్ తన మొట్టమొదటి ఫోల్డబుల్ స్మార్ట్‌ఫోన్ ‘ఐఫోన్ డ్యూయో’ (iPhone Duo)ను అధికారికంగా మార్కెట్‌లోకి గ్రాండ్‌గా లాంచ్ చేసింది. శాంసంగ్ గెలాక్సీ ఫోల్డ్ మార్కెట్‌లోకి వచ్చిన ఏడేళ్ల తర్వాత యాపిల్ ఈ ప్రయోగానికి తెరలేపింది. ఆపిల్ తన వార్షిక ఈవెంట్‌లో ఐఫోన్ డ్యూయోతో పాటు ఐఫోన్ 18 ప్రో, ఐఫోన్ 18 ప్రో మాక్స్, ఎయిర్‌పాడ్స్ 5, నయా యాపిల్ వాచ్ మోడళ్లను అన్‌వీల్ చేసింది. భారత మార్కెట్‌లో ఐఫోన్ డ్యూయో ప్రారంభ ధర రూ. 2,99,000గా కంపెనీ నిర్ణయించింది.

ఆపిల్ చరిత్రలోనే ఇది అత్యంత సన్నని ఐఫోన్ కావడం విశేషం. ఈ ఫోన్ మడతపెట్టినప్పుడు పాస్‌పోర్ట్ సైజులో 5.4 అంగుళాల డిస్‌ప్లేతో ఉంటుంది. పూర్తిగా తెరిచాక 7.6 అంగుళాల భారీ స్క్రీన్‌గా మారుతుంది. ఇది ఐఫోన్ 18 ప్రో మాక్స్ కంటే 50 శాతం పెద్దది. కెమెరా విభాగంలో వెనుక వైపు రెండు 48-మెగాపిక్సెల్ కెమెరాలను ఇచ్చారు. ఒకటి 48MP అల్ట్రా-వైడ్ కెమెరా, రెండోది 48MP మెయిన్ ఫ్యూజన్ కెమెరా. లోపలి వైపు, కవర్ స్క్రీన్ పైన ప్రత్యేక కెమెరాలు ఉన్నాయి. 12MP సెంటర్ స్టేజ్ కెమెరా ఇచ్చారు. మెగ్‌సేఫ్ వైర్‌లెస్ ఛార్జింగ్‌కు ఇది సపోర్ట్ చేస్తుంది.

ఐఫోన్ డ్యూయో సింగిల్ ఛార్జ్‌పై రోజంతా పనిచేసే ఆల్ డే బ్యాటరీ లైఫ్‌ను ఇస్తుందని ఆపిల్ వెల్లడించింది. ఔటర్ స్క్రీన్ వాడితే 44 గంటలు, ఇన్నర్ స్క్రీన్ వాడితే 31 గంటల వీడియో ప్లేబ్యాక్ వస్తుంది. రెండు స్క్రీన్‌లు కలిపి వాడితే 22 గంటల బ్యాటరీ బ్యాకప్ లభిస్తుంది. కేవలం 5 నిమిషాల ఛార్జింగ్‌తో 5 గంటల పాటు వీడియో ప్లేబ్యాక్ చూసేలా ఫాస్ట్ ఛార్జింగ్ ఫీచర్‌ను డిజైన్ చేశారు. ఆపిల్ పెన్సిల్ సపోర్ట్ ఇవ్వడం శాంసంగ్ గెలాక్సీ ఫోల్డ్‌ కు గట్టి పోటీ ఇస్తుందని మార్కెట్ వర్గాలు పేర్కొంటున్నాయి.

ఐఫోన్ డ్యూయో కోసం అక్టోబర్ 16 నుంచి ప్రీ-ఆర్డర్లు ప్రారంభమవుతాయి. అక్టోబర్ 23 నుంచి వినియోగదారులకు అందుబాటులోకి వస్తుంది. ఇది ఐఫోన్ 18 ప్రో మోడళ్ల కంటే ఒక నెల ఆలస్యంగా సేల్‌కు రానుంది. ఈ ఫోల్డబుల్ ఫోన్ 256 GB, 512 GB, 1 TB, 2 TB స్టోరేజ్ ఆప్షన్లలో లభిస్తుంది. పవర్‌ఫుల్ పర్ఫార్మెన్స్ కోసం TSMC 2nm ప్రాసెస్‌పై తయారైన యాపిల్ లేటెస్ట్ A20 ప్రో చిప్‌సెట్‌ను ఇందులో ఉపయోగించారు. ఇదే ప్రాసెసర్‌ను ఐఫోన్ 18 ప్రో, ప్రో మాక్స్ మోడళ్లలోనూ అందించారు.

స్టీవ్ జాబ్స్ థియేటర్‌లో జరిగిన ఈ గ్రాండ్ ఈవెంట్‌ను యాపిల్ కొత్త సీఈవో జాన్ టెర్నస్ నేతృత్వంలో నిర్వహించారు. మాజీ సీఈవో టిమ్ కుక్ వాయిస్ ఓవర్‌తో ప్రారంభమైన ఈవెంట్‌లో టెర్నస్ తన జీన్స్ వెనుక జేబులోంచి ఐఫోన్ డ్యూయోను తీసి మార్కెట్‌కు పరిచయం చేశారు. ఫోల్డబుల్ స్మార్ట్‌ఫోన్ల అనుభవాన్ని ఐఫోన్ డ్యూయో పూర్తిగా రీడిఫైన్ చేస్తుందని ఆయన ధీమా వ్యక్తం చేశారు.

ఈ ఈవెంట్‌లో యాపిల్ ఇంటిలిజెన్స్ ఫీచర్లతో ఐఫోన్ 18 ప్రో, ప్రో మాక్స్‌లను కూడా లాంచ్ చేశారు. ఐఫోన్ 18 ప్రో ప్రారంభ ధర రూ. 1,64,900 కాగా, ప్రో మాక్స్ ధర రూ. 1,79,900గా ఉంది. దీంతో పాటు సిరి ఏఐ సపోర్ట్‌తో పవర్ ఫుల్ ఎయిర్‌పాడ్స్ 5 ని తీసుకొచ్చారు. అలాగే కొత్త హెల్త్ సెన్సార్లు, ఏఐ ఫీచర్లతో కూడిన యాపిల్ వాచ్ సిరీస్ 12, యాపిల్ వాచ్ ఆల్ట్రా 4 లను యాపిల్ విడుదల చేసింది.

Amazon Sale: సినిమా థియేటర్ ఇక మీ ఇంట్లోనే.. రూ.6 వేలకే 200 ఇంచుల టీవీ స్పెషల్ ఆఫర్

Mahesh Rajamoni — Tue, 06 Oct 2026 07:06:18 +0530

Amazon Sale: పండగల నేపథ్యంలో ఈకామర్స్ సంస్థలు భారీ ఆఫర్లు ప్రకటిస్తున్నాయి. అమెజాన్ గ్రేట్ ఇండియన్ ఫెస్టివల్ సేల్‌లో ప్రొజెక్టర్లపై ఏకంగా 65% డిస్కౌంట్ అందిస్తోంది. 6 వేలకే 200 ఇంచుల స్మార్ట్ టీవీ స్క్రీన్ ఎక్స్‌పీరియన్స్ అందించే ప్రొజెక్టర్లున్నాయి.

దేశంలో పండుగల సీజన్ మొదలవుతుండటంతో ఈ-కామర్స్ దిగ్గజాలు అమెజాన్, ఫ్లిప్‌కార్ట్ భారీ సేల్స్ ప్రకటించాయి. అక్టోబర్ 8 నుంచి 'అమెజాన్ గ్రేట్ ఇండియన్ ఫెస్టివల్', 'ఫ్లిప్‌కార్ట్ బిగ్ బిలియన్ డేస్' సేల్స్ ప్రారంభం కానున్నాయి. ఈ సేల్స్‌లో స్మార్ట్‌ఫోన్ల నుంచి రకరకాల కన్స్యూమర్ ఎలక్ట్రానిక్స్ వస్తువుల వరకు ప్రతిదానిపై అదిరిపోయే ఆఫర్లు అందుబాటులోకి రానున్నాయి. కొత్త ఎలక్ట్రానిక్ గ్యాడ్జెట్స్ కొనాలనుకునే వారికి ఈ సేల్స్ మంచి అవకాశం అని చెప్పవచ్చు.

మీరు ఇంటి కోసం ఒక పెద్ద స్మార్ట్ టీవీ లేదా మిని ప్రొజెక్టర్ కొనాలని ప్లాన్ చేస్తున్నారా? అయితే ఈ సేల్ మీ కోసమే. అమెజాన్ ఇండియా సేల్ సమయంలో స్మార్ట్ టీవీలు, ప్రొజెక్టర్లపై ఏకంగా 65 శాతం వరకు డిస్కౌంట్ లభిస్తుంది. సాధారణంగా పెద్ద సైజ్ స్మార్ట్ టీవీ కొనాలంటే బడ్జెట్ పెద్ద సమస్యగా మారుతుంది. ఉదాహరణకు మార్కెట్లో 100 ఇంచుల స్మార్ట్ టీవీ కొనాలంటే రూ.1 లక్ష కంటే ఎక్కువ ఖర్చు చేయాల్సి వస్తుంది. అంత బడ్జెట్ లేని వారికి మిని ప్రొజెక్టర్ ఒక సూపర్ ఆల్టర్నేటివ్.

ఇంట్లో టీవీ పెట్టడానికి ఎక్కువ స్థలం లేదా? రూ.6 వేల బడ్జెట్‌లోనే పెద్ద స్క్రీన్ కావాలా? మార్కెట్లో ప్రస్తుతం అనేక రకాల మిని ప్రొజెక్టర్లు అందుబాటులో ఉన్నాయి. ఇవి చాలా కాంపాక్ట్ సైజ్‌‌లో ఉంటాయి. వీటి సహాయంతో మీ ఇంట్లోని ఏదైనా తెల్లటి గోడ లేదా తెల్లటి తెరపై స్మార్ట్ టీవీ స్క్రీన్‌ను క్రియేట్ చేయవచ్చు. ఈ పోర్టబుల్ మిని ప్రొజెక్టర్లని ఎక్కడికైనా ఈజీగా తీసుకెళ్లవచ్చు, ఎక్కడైనా సెట్ చేసి వాడుకోవచ్చు. ఇవి అధునాతన టెక్నాలజీ బ్రైట్‌నెస్‌తో వస్తాయి.

ఈ మిని ప్రొజెక్టర్ల ప్రత్యేకత ఏంటంటే.. మీ అవసరానికి తగినట్లు స్క్రీన్ సైజ్ మార్చుకోవచ్చు. ఇంట్లోని తెల్లటి గోడ లేదా స్క్రీన్ పైన 32 ఇంచుల నుంచి మొదలుకొని ఏకంగా 200 ఇంచుల వరకు పెద్ద స్క్రీన్ డిస్‌ప్లే క్రియేట్ చేయవచ్చు. అంటే థియేటర్ లాంటి ఫీలింగ్ మీ ఇంట్లోనే సొంతం చేసుకోవచ్చు. తక్కువ ఖర్చుతో పెద్ద డిస్‌ప్లే ఎక్స్‌పీరియన్స్ కోరుకునే వారికి, ఓటీటీ సిరీస్‌లు, మూవీస్ చూసే వారికి ఇది బెస్ట్ ఆప్షన్.

సేల్‌లో కొత్త మిని ప్రొజెక్టర్ కొనేటప్పుడు కొన్ని ముఖ్యమైన విషయాలను గమనించడం చాలా అవసరం. ప్రొజెక్టర్‌లో ఉన్న ఆపరేటింగ్ సిస్టమ్ ఏంటో చెక్ చేసుకోవాలి. అలాగే అందులో ముందే ఇన్‌స్టాల్ అయి ఉన్న ప్రీ-ఇన్‌స్టాల్డ్ యాప్స్ లిస్ట్ చూడాలి. వీటితో పాటు వైఫై కనెక్టివిటీ, బ్లూటూత్, హెచ్‌డీఎమ్‌‌ఐ పోర్ట్‌లు ఉన్నాయో లేదో సరిచూసుకోవాలి. ఈ కనెక్టివిటీ ఫీచర్లు ఉంటేనే ప్రొజెక్టర్ వాడకం సులువుగా ఉంటుంది, యూజర్ ఎక్స్‌పీరియన్స్ కూడా బాగుంటుంది.