Asianet News Telugu

Richest Cricket Boards : బిసిసిఐ సంపద ఎంతో తెలుసా? టాప్ 10 రిచెస్ట్ క్రికెట్ బోర్డ్స్ ఇవే

Arun Kumar P — Sat, 24 Oct 2026 13:02:53 +0530

భారత క్రికెట్ నియంత్రణ మండలి (BCCI) 2.2 బిలియన్ డాలర్ల సంపదతో ప్రపంచంలోనే అత్యంత ధనిక క్రికెట్ బోర్డుగా రికార్డు సృష్టించింది. ఆస్ట్రేలియా, ఇంగ్లండ్, పాకిస్థాన్ బోర్డుల మొత్తం ఆస్తి కంటే బీసీసీఐ సంపద ఎన్నో రెట్లు ఎక్కువ.

భారత క్రికెట్ నియంత్రణ మండలి (BCCI) ప్రపంచంలోనే అత్యంత ధనిక క్రికెట్ బోర్డు అనే విషయం అందరికీ తెలిసిందే. బీసీసీఐ మొత్తం సంపద సుమారు 2.2 బిలియన్ డాలర్లు... అంటే మన భారతీయ కరెన్సీలో అక్షరాలా 20,840 కోట్ల రూపాయలు. బీసీసీఐ ఎంత రిచ్ అంటే.. దీని తర్వాతి స్థానాల్లో ఉన్న మూడు క్రికెట్ బోర్డుల మొత్తం ఆస్తి కంటే బీసీసీఐ సంపద 11 రెట్లు ఎక్కువ. అందుకే ఇంటర్నేషనల్ క్రికెట్లో బిసిసిఐ ఆధిపత్యం కొనసాగుతుంది.

బిజినెస్ స్టాండర్డ్ రిపోర్ట్ ప్రకారం.. క్రికెట్ ఆస్ట్రేలియా 79 మిలియన్ డాలర్ల సంపదతో రెండో స్థానంలో ఉంది. ఇక క్రికెట్‌ను ప్రపంచానికి పరిచయం చేసిన ఇంగ్లండ్ అండ్ వేల్స్ క్రికెట్ బోర్డు దగ్గర 59 మిలియన్ డాలర్ల ఆస్తి ఉంది. మన పొరుగు దేశం పాకిస్థాన్ క్రికెట్ బోర్డు దగ్గర కేవలం 55 మిలియన్ డాలర్లు మాత్రమే ఉన్నాయి. ఈ మూడు క్రికెట్ బోర్డుల ఆస్తులు కలిపినా 193 మిలియన్ డాలర్లు మాత్రమే అవుతుంది. ఈ మూడు బోర్డుల మొత్తం ఆస్తి కంటే బీసీసీఐ దగ్గర 3 బిలియన్ డాలర్ల అదనపు సంపద ఉండటం విశేషం.

బీసీసీఐ ఎంత బలమైన ఆర్థిక శక్తి అనడానికి ఇదే నిదర్శనం. మిగతా క్రికెట్ బోర్డులు అంతర్జాతీయ మ్యాచ్‌లు, బ్రాడ్‌కాస్టింగ్ హక్కులు, స్పాన్సర్‌షిప్‌లు, దేశవాళీ టోర్నీలపై ఆధారపడతాయి. కానీ బీసీసీఐకి ఉన్న భారీ మార్కెట్, కోట్ల సంఖ్యలో ఉన్న ప్రేక్షకుల వల్ల కమర్షియల్ గా భారీ లాభాలు వస్తున్నాయి.

బిజినెస్ స్టాండర్డ్ రిపోర్ట్ ప్రకారం ప్రపంచంలోని టాప్ 10 ధనిక క్రికెట్ బోర్డుల జాబితా ఎలా ఉందో ఇక్కడ చూద్దాం.

1. బిసిసిఐ (BCCI) : ప్రపంచంలోనే అత్యంత ధనిక క్రికెట్ బోర్డు అయిన బీసీసీఐ మొత్తం సంపద 2.2 బిలియన్ డాలర్లు. భారతీయ కరెన్సీలో ఇది రూ. 20,840 కోట్లు. ఐపీఎల్, కమర్షియల్ పోర్ట్‌ఫోలియోల ద్వారా బీసీసీఐకి భారీగా ఆదాయం వస్తోంది.

2. క్రికెట్ ఆస్ట్రేలియా (CA) : సుమారు 79 మిలియన్ డాలర్ల (రూ. 674 కోట్లు) సంపదతో ఆస్ట్రేలియా క్రికెట్ రెండో స్థానంలో ఉంది. అంతర్జాతీయ క్రికెట్, బ్రాడ్‌కాస్ట్ పార్ట్‌నర్‌షిప్‌లు, బిగ్ బాష్ లీగ్ ద్వారా వీరికి ఆదాయం వస్తోంది.

3. ఇంగ్లండ్ అండ్ వేల్స్ క్రికెట్ బోర్డు (ECB) : క్రికెట్ పుట్టినిల్లు ఇంగ్లాండ్ వద్ద సుమారు 59 మిలియన్ డాలర్ల (రూ. 503 కోట్లు) ఆస్తి ఉంది. ప్రధానంగా అంతర్జాతీయ క్రికెట్, ది హండ్రెడ్ టోర్నీ, దేశవాళీ క్రికెట్ ద్వారా వీరు సంపాదిస్తున్నారు.

4. పాకిస్థాన్ క్రికెట్ బోర్డు (PCB) : మన దాయాదిదేశం పాకిస్థాన్ క్రికెట్ బోర్డ్ వద్ద సుమారు 55 మిలియన్ డాలర్ల (రూ. 469 కోట్లు) సంపద ఉంది. పాకిస్థాన్ సూపర్ లీగ్ ద్వారా వీరికి ఎక్కువ ఆదాయం వస్తోంది.

5. బంగ్లాదేశ్ క్రికెట్ బోర్డు (BCB) : సుమారు 51 మిలియన్ డాలర్ల (రూ. 469 కోట్లు) ఆస్తి బిసిబి వద్ద ఉంది. బంగ్లాదేశ్ ప్రీమియర్ లీగ్ ద్వారా వీరు ఎక్కువ ఆదాయం పొందుతున్నారు.

6. క్రికెట్ సౌతాఫ్రికా (CSA) : సౌతాఫ్రికా క్రికెట్ బోర్డు వద్ద సుమారు 47 మిలియన్ డాలర్ల (రూ. 401 కోట్లు) సంపద ఉంది.

7. జింబాబ్వే క్రికెట్ (ZC) : ఈ క్రికెట్ బోర్డ్ వద్ద సుమారు 38 మిలియన్ డాలర్ల (రూ. 324 కోట్లు) ఆస్తి ఉంది. శ్రీలంక, వెస్టిండీస్, న్యూజిలాండ్ కంటే ఈ క్రికెట్ బోర్డ్ వద్ద ఎక్కువ సంపద ఉండటం విశేషం.

8. శ్రీలంక క్రికెట్ (SL) : సుమారు 20 మిలియన్ డాలర్ల (రూ. 171 కోట్లు) సంపద శ్రీలంక క్రికెట్ బోర్డ్ వద్ద ఉంది. లంక ప్రీమియర్ లీగ్, అంతర్జాతీయ క్రికెట్ ద్వారా వీరికి ఆదాయం వస్తోంది.

9. వెస్టిండీస్ క్రికెట్ బోర్డు (CWI) : సుమారు 15 మిలియన్ డాలర్ల (రూ. 128 కోట్లు) ఆస్తిపాస్తులు వెస్టిండిస్ బోర్డ్ వద్ద ఉన్నాయి. కరీబియన్ ప్రీమియర్ లీగ్ ద్వారా ఈ బోర్డ్ అధిక ఆదాయం పొందుతోంది.

10. న్యూజిలాండ్ క్రికెట్ (NZC) : ఈ జాబితాలో 10వ స్థానంలో ఉన్న బోర్డు న్యూజిలాండ్. దీనికి కేవలం 9 మిలియన్ డాలర్ల (రూ. 77 కోట్లు) సంపద మాత్రమే ఉంది.

హోరా హోరీ మ్యాచ్‌లో దుమ్ము రేపిన టీమిండియా.. తిల‌క్, నితీశ్‌ అండ‌తో థ్రిల్లింగ్ విక్ట‌రీ

Narender Vaitla — Sat, 24 Oct 2026 16:39:21 +0530

ఒత్తిడిలోనూ లక్ష్యాన్ని ఛేదించిన టీమిండియా

న్యూజిలాండ్‌తో రెండో టీ20లో భారత జట్టు బ్యాటింగ్ సమయంలో ఎన్నో సవాళ్లను ఎదుర్కొంది. 181 పరుగుల లక్ష్యంతో బరిలోకి దిగిన టీమిండియాకు మధ్య ఓవర్లలో ఎదురుదెబ్బలు తగిలాయి. స్వల్ప వ్యవధిలోనే కీలక వికెట్లు కోల్పోవడంతో పరుగుల వేగం తగ్గింది. ఒక దశలో 14.5 ఓవర్లకు ఆరు వికెట్లు కోల్పోయి 112 పరుగులకే పరిమితమైంది. ఈ పరిస్థితుల్లో భారత్ విజయంపై సందేహాలు నెలకొన్నాయి. అయితే చివరి వరుస బ్యాటర్ల అద్భుత పోరాటంతో టీమిండియా లక్ష్యాన్ని ఛేదించి నాలుగు వికెట్ల తేడాతో గెలుపొందింది.

తిలక్ వర్మ బాధ్యతాయుత ఇన్నింగ్స్

భారత జట్టు కష్టాల్లో ఉన్న సమయంలో తిలక్ వర్మ కీలక బాధ్యత తీసుకున్నాడు. వికెట్లు పడుతున్నా ఒత్తిడికి లోనుకాకుండా బ్యాటింగ్ కొనసాగించాడు. అవసరమైన సమయంలో బౌండరీలు సాధిస్తూ స్కోరు బోర్డును ముందుకు నడిపించాడు. అతడి ఇన్నింగ్స్‌లో ఆరు ఫోర్లు, ఒక సిక్సర్ ఉన్నాయి. తక్కువ బంతుల్లోనే వేగంగా పరుగులు సాధించడంతో భారత్ విజయావకాశాలు మళ్లీ పెరిగాయి. కీలక సమయంలో తిలక్ చూపిన ఆత్మవిశ్వాసం భారత విజయానికి ప్రధాన కారణాల్లో ఒకటిగా నిలిచింది.

నితీశ్ కుమార్ రెడ్డి దూకుడు బ్యాటింగ్

తిలక్ వర్మకు మరోవైపు నితీశ్ కుమార్ రెడ్డి అండగా నిలిచాడు. పరిస్థితులకు తగ్గట్టుగా ఆడటంతో పాటు అవకాశం లభించినప్పుడల్లా బౌలర్లపై ఎదురుదాడికి దిగాడు. కేవలం 13 బంతుల్లోనే 26 పరుగులు సాధించి భారత స్కోరు వేగాన్ని పెంచాడు. తిలక్‌తో కలిసి ఏడో వికెట్‌కు కేవలం 30 బంతుల్లోనే 69 పరుగులు జోడించాడు. ఈ భాగస్వామ్యం మ్యాచ్ గమనాన్ని పూర్తిగా మార్చేసింది. వికెట్లు కోల్పోయి వెనుకబడిన భారత్‌ను విజయానికి చేరువ చేయడంలో నితీశ్ దూకుడు కీలకంగా మారింది.

ఏడో వికెట్ భాగస్వామ్యంతో మారిన మ్యాచ్

112 పరుగులకే ఆరు వికెట్లు కోల్పోయిన భారత్‌కు చివరి దశలో పరుగులు సాధించడం ఎంతో అవసరమైంది. ఈ సమయంలో తిలక్, నితీశ్ ఏమాత్రం తడబడకుండా పరుగులు రాబట్టారు. వీరి 69 పరుగుల భాగస్వామ్యం న్యూజిలాండ్ బౌలర్లపై ఒత్తిడిని పెంచింది. వికెట్లు తీసి భారత్‌ను మరింత ఇబ్బందుల్లోకి నెట్టాలనుకున్న ఆతిథ్య జట్టుకు ఈ జోడీ అడ్డుకట్ట వేసింది. వేగంగా పరుగులు సాధిస్తూ లక్ష్యానికి చేరువైన భారత బ్యాటర్లు చివరకు జట్టుకు విజయాన్ని అందించారు. రెండో టీ20లో సాధించిన విజయంతో టీమిండియా ఐదు మ్యాచ్‌ల సిరీస్‌లో 2-0 ఆధిక్యాన్ని సంపాదించింది. వరుసగా రెండు మ్యాచ్‌లు గెలవడంతో భారత జట్టులో ఆత్మవిశ్వాసం పెరిగింది.

Kapil Dev vs Sunil Gavaskar: కపిల్ దేవ్, సునీల్ గవాస్కర్ మధ్య 25 ఏళ్ల పగ.. అసలు ఏం జరిగింది?

Mahesh Rajamoni — Tue, 27 Oct 2026 15:03:22 +0530

Kapil Dev vs Sunil Gavaskar: భారత క్రికెట్ దిగ్గజాలు కపిల్ దేవ్, సునీల్ గవాస్కర్ మధ్య 25 ఏళ్ల పాటు సాగిన కోల్డ్ వార్ ఇప్పటికీ క్రికెట్ ప్రపంచంలో హాట్ టాపిక్. 1983 వరల్డ్ కప్ నుంచి మొదలైన ఈ వివాదం ఎలా ముగిసింది? ఆ వివరాలు ఇక్కడ తెలుసుకుందాం.

అమెరికా, సోవియట్ యూనియన్ మధ్య జరిగిన కోల్డ్ వార్ గురించి అందరికీ తెలుసు. అక్కడ ప్రత్యక్ష యుద్ధం జరగలేదు. కానీ, తామే గొప్ప అనే ఆధిపత్య పోరు సాగింది. సరిగ్గా ఇలాంటి కోల్డ్ వార్ భారత క్రికెట్‌లో కూడా జరిగింది. భారత క్రికెట్ రంగాన్ని శాసించిన ఇద్దరు గొప్ప ప్లేయర్లు కపిల్ దేవ్, సునీల్ గవాస్కర్.

వీరిద్దరి మధ్య దాదాపు పాతికేళ్ల పాటు ప్రచ్ఛన్న యుద్ధం నడిచింది. ఒకరినొకరు ఎదురుపడి తిట్టుకోలేదు. కానీ, అవకాశం వచ్చినప్పుడు ఒకరినొకరు టీమ్ నుంచి పక్కన పెట్టేసుకున్నారు. సరిగ్గా 25 సంవత్సరాల పాటు ఈ కోల్డ్ వార్ కొనసాగింది. అయితే ప్రతి పోరాటానికి ఒక అంతం ఉంటుంది. అలాగే వీరిద్దరి మధ్య ఉన్న కోల్డ్ వార్ కూడా 25 ఏళ్ల తర్వాత ముగిసింది.

ఈ వివాదానికి అసలు బీజం 1983 వన్డే వరల్డ్ కప్ సమయంలో పడింది. ఆ టోర్నమెంట్‌లో భారత జట్టుకు కపిల్ దేవ్ కెప్టెన్‌గా వ్యవహరించారు. టోర్నమెంట్ ఆరంభంలో టీమిండియా కొన్ని మ్యాచ్‌లలో ఓడిపోయింది. అదే సమయంలో దిగ్గజ బ్యాటర్ సునీల్ గవాస్కర్ అంచనాలను అందుకోలేకపోయారు. ఆ వరల్డ్ కప్‌లో ఆరు ఇన్నింగ్స్‌లాడిన గవాస్కర్ కేవలం 64 పరుగులు మాత్రమే చేయగలిగారు.

దేశం గర్వించదగ్గ మ్యాచ్ విన్నర్ ఇలా విఫలమవ్వడం జట్టు మేనేజ్‌మెంట్‌ను కలవరపెట్టింది. అప్పట్లో వెస్టిండీస్‌తో భారత్ తలపడాల్సి ఉంది. ఈ కీలక మ్యాచ్‌కు ముందు జట్టు ప్రత్యేకంగా మీటింగ్ పెట్టుకుంది. ఆ మీటింగ్‌లో కెప్టెన్ కపిల్ దేవ్.. గవాస్కర్ మొఖం మీదే నేరుగా మాట్లాడారు. ఇలాగైతే కుదరదని, మీరు పరుగులు చేయాల్సిందేనని స్పష్టం చేశారు. కపిల్ మాటలతో గవాస్కర్ తీవ్రంగా మనస్తాపం చెందారని, హర్ట్ అయ్యారని ప్రచారం జరిగింది. ఆ తర్వాత వచ్చిన మ్యాచ్ నుంచి గవాస్కర్‌ను ప్లేయింగ్ లెవెన్ నుంచి తప్పించారు. అయితే, సీనియర్ ఆటగాడు దిలీప్ వెంగ్‌సర్కార్ గాయపడటంతో గవాస్కర్ మళ్లీ జట్టులోకి వచ్చారు. ఇక్కడి నుంచే ఇద్దరి మధ్య మనస్పర్థలు ప్రారంభమయ్యాయి.

తనను జట్టు నుంచి తప్పించిన అవమానాన్ని గవాస్కర్ మర్చిపోలేదు. సరిగ్గా ఏడాది తర్వాత 1984లో ఆయన దానికి రివెంజ్ తీర్చుకున్నారు. ఆ సమయంలో భారత్, ఇంగ్లాండ్ మధ్య కోల్‌కతాలోని ఈడెన్ గార్డెన్స్‌లో మూడో టెస్ట్ మ్యాచ్ జరగాల్సి ఉంది.

ఆ టెస్ట్ సిరీస్‌కు సునీల్ గవాస్కర్ కెప్టెన్‌గా వ్యవహరిస్తున్నారు. ఆయన కెప్టెన్సీలోనే కపిల్ దేవ్, సందీప్ పాటిల్‌ను తుది జట్టు నుంచి డ్రాప్ చేశారు. ఈ నిర్ణయం భారత క్రికెట్‌లో పెద్ద కలకలమే రేపింది. స్టేడియంలో అభిమానులు 'నో కపిల్ - నో టెస్ట్ మ్యాచ్' అంటూ పెద్ద ఎత్తున బ్యానర్లు పట్టుకుని నిరసనకు దిగారు. ఎంత రచ్చ జరిగినా ఆ మ్యాచ్‌లో భారత జట్టే విజయం సాధించింది. అయితే, తనపై వచ్చిన విమర్శలపై గవాస్కర్ స్పందిస్తూ.. ఆ ఇద్దరినీ డ్రాప్ చేసింది తాను కాదని, సెలెక్టర్ల నిర్ణయమేనని వివరణ ఇచ్చారు.

కపిల్ దేవ్, సునీల్ గవాస్కర్ మధ్య మనస్పర్థలు ఏ స్థాయికి వెళ్లాయంటే.. ఇద్దరూ ఏకంగా 25 సంవత్సరాల పాటు పరస్పరం మాట్లాడుకోలేదు. మైదానంలో ఎదురుపడినా ఎవరి దారి వారు చూసుకున్నారు.

ఒకరినొకరు పలకరించుకునే సాహసం కూడా చేయలేదు. భారత క్రికెట్ చరిత్రలో రెండు దిగ్గజాలు ఇలా సుదీర్ఘకాలం మాట్లాడకపోవడం అప్పట్లో తీవ్ర చర్చనీయాంశమైంది. ఎంతో మంది సర్దిచెప్పే ప్రయత్నం చేసినా ఇద్దరూ తమ పట్టు వీడలేదు. పదేళ్లు, ఇరవై ఏళ్లు గడిచినా వారి మధ్య ఉన్న మంచు కరగలేదు.

ఎట్టకేలకు ఈ సుదీర్ఘ కోల్డ్ వార్‌కు 25 ఏళ్ల తర్వాత తెరపడింది. 1983లో భారత్ తొలిసారి ప్రపంచకప్ గెలిచి 25 ఏళ్లు పూర్తయిన సందర్భంగా ఒక ప్రత్యేక పార్టీని ఏర్పాటు చేశారు. ఆ వేడుకకు ఆనాటి వరల్డ్ కప్ విన్నింగ్ స్క్వాడ్ అంతా హాజరయ్యింది. అదే వేడుకకు కపిల్ దేవ్, సునీల్ గవాస్కర్ కూడా వచ్చారు.

అక్కడ మిగతా ఆటగాళ్లు ఇద్దరి మధ్య రాజీ కుదిర్చేందుకు చొరవ తీసుకున్నారు. తోటి ఆటగాళ్ల సూచనతో ఇద్దరూ తమ పాత మనస్పర్థలను, శత్రుత్వాన్ని పక్కన పెట్టారు. ఆ పార్టీలో ఒకరినొకరు ఆప్యాయంగా పలకరించుకుని, సుదీర్ఘ మౌనానికి ముగింపు పలికారు. అలా 25 సంవత్సరాల సుదీర్ఘ ప్రచ్ఛన్న యుద్ధానికి తెరపడింది.

Abhishek Sharma: సిక్సర్ల తుపాను.. కోహ్లీ, రోహిత్‌ల రికార్డులు బ్రేక్.. అభిషేక్ శర్మ నయా హిస్టరీ

Mahesh Rajamoni — Tue, 27 Oct 2026 16:00:36 +0530

Abhishek Sharma: న్యూజిలాండ్‌తో జరిగిన 3వ టీ20లో అభిషేక్ శర్మ 35 బంతుల్లో సెంచరీతో చెలరేగి కోహ్లీ రికార్డును బద్దలు కొట్టాడు. ఈ మ్యాచ్ లో భారత్ అత్యంత వేగవంతమైన వంద, అత్యధిక పవర్‌ప్లే స్కోరుతో ప్రపంచ రికార్డులను నమోదు చేసింది.

న్యూజిలాండ్‌తో వెల్లింగ్టన్‌లో మంగళవారం జరిగిన మూడో టీ20 మ్యాచ్‌లో భారత ఓపెనర్ అభిషేక్ శర్మ మైదానంలో పరుగుల సునామీ సృష్టించాడు. 199 పరుగుల భారీ లక్ష్యంతో బరిలోకి దిగిన టీమిండియాకు ఓపెనర్లు అభిషేక్ శర్మ, వైభవ్ సూర్యవంశీ ఊహించని రేంజ్‌లో స్టార్ట్ ఇచ్చారు.

తొలి ఓవర్ నుంచే కివీస్ బౌలర్లపై విరుచుకుపడిన ఈ జోడీ మ్యాచ్‌ను పూర్తిగా ఏకపక్షం చేసింది. కేవలం 35 బంతుల్లోనే అభిషేక్ శర్మ సెంచరీ పూర్తి చేసుకుని, అత్యధిక టీ20 శతకాలు సాధించిన భారతీయుడిగా విరాట్ కోహ్లీ రికార్డును బద్దలు కొట్టాడు.

ఈ మ్యాచులో సాధించిన సెంచరీ అభిషేక్ శర్మకు ఓవరాల్ టీ20 కెరీర్‌లో 11వ సెంచరీ. దీని ద్వారా ఓవరాల్ టీ20ల్లో అత్యధిక సెంచరీలు చేసిన భారత బ్యాటర్‌గా 10 సెంచరీలు ఉన్న విరాట్ కోహ్లీని అభిషేక్ దాటేశాడు. ప్రపంచ స్థాయిలో చూస్తే క్రిస్ గేల్ (22), బాబర్ ఆజమ్ (13) తర్వాత మూడో స్థానంలో నిలిచాడు.

అంతేకాకుండా, కేవలం 70 టీ20 అంతర్జాతీయ మ్యాచ్‌ల్లోనే ఇది అభిషేక్‌కు 4వ సెంచరీ. దీంతో అంతర్జాతీయ టీ20ల్లో అత్యధిక సెంచరీలు చేసిన రోహిత్ శర్మ, గ్లెన్ మ్యాక్స్‌వెల్ (చెరో 5 సెంచరీలు) తర్వాతి స్థానంలో నిలిచాడు.

భారత ఇన్నింగ్స్ ఆరంభం నుంచే సిక్సర్లు, ఫోర్లతో హోరెత్తింది. మొదటి ఓవర్లోనే 26 పరుగులు రాగా, పవర్‌ప్లే ముగిసేసరికి (6 ఓవర్లలో) భారత్ వికెట్ నష్టపోకుండా 118 పరుగులు చేసింది. అంతర్జాతీయ టీ20 క్రికెట్ చరిత్రలోనే పవర్‌ప్లేలో ఒక జట్టు చేసిన అత్యధిక స్కోరు ఇదే కావడం విశేషం. గతంలో రొమేనియా (116/0) పేరిట ఉన్న రికార్డును భారత్ తిరగరాసింది. టెస్టు హోదా కలిగిన దేశాల్లో ఈ పవర్‌ప్లే స్కోరు ఒక సంచలనం.

అభిషేక్ శర్మ కేవలం 15 బంతుల్లోనే హాఫ్ సెంచరీ బాదడంతో భారత్ 2.2 ఓవర్లలోనే జట్టు 50 పరుగుల మార్కును తాకింది. ప్రపంచంలోనే అతివేగవంతమైన టీ50 రికార్డును సమం చేసింది. ఆ తర్వాత మరింతగా విరుచుకుపడి కేవలం 5.0 ఓవర్లలోనే (30 బంతుల్లో) జట్టు స్కోరును 100 పరుగులకు చేర్చారు.

టీ20 అంతర్జాతీయ మ్యాచ్‌ల్లో అతివేగంగా 100 పరుగులు చేసిన ప్రపంచ రికార్డును టీమిండియా సొంతం చేసుకుంది. ఈ క్రమంలో రొమేనియా (5.2 ఓవర్లు), సౌతాఫ్రికా (5.3 ఓవర్లు) రికార్డులను భారత్ దాటేసింది.

ఈ సునామీ ఇన్నింగ్స్‌లో అభిషేక్ శర్మ 9 ఫోర్లు, 11 సిక్సర్ల సాయంతో 38 బంతుల్లో 113 పరుగులు చేసి అవుట్ అయ్యాడు. ఈ క్రమంలో అంతర్జాతీయ టీ20ల్లో 150 సిక్సర్ల మైలురాయిని కేవలం 69 ఇన్నింగ్స్‌ల్లోనే అందుకని, రోహిత్ శర్మ (205), సూర్యకుమార్ యాదవ్ (179) తర్వాత ఈ ఘనత సాధించిన మూడో భారతీయుడిగా నిలిచాడు.

దాంతోపాటు టీ20ఐల్లో 2200కి పైగా పరుగులు, 194 కంటే ఎక్కువ స్ట్రైక్ రేట్‌తో అత్యుత్తమ ప్రదర్శన కొనసాగిస్తున్నాడు.

టీ20ల్లో భారత్ సరికొత్త రికార్డు.. 226 పరుగుల లక్ష్యాన్ని ఛేదించి ఘన విజయం

Narender Vaitla — Thu, 22 Oct 2026 22:31:32 +0530

భారీ స్కోరు సాధించిన న్యూజిలాండ్

క్రైస్ట్‌చర్చ్‌లోని హాగ్లీ ఓవల్ వేదికగా జరిగిన ఈ మ్యాచ్‌లో టాస్ అనంతరం తొలుత బ్యాటింగ్ చేసిన న్యూజిలాండ్ నిర్ణీత 20 ఓవర్లలో నాలుగు వికెట్లు కోల్పోయి 225 పరుగులు చేసింది. కివీస్ బ్యాటర్లలో గ్లెన్ ఫిలిప్స్ అద్భుతంగా రాణించాడు. కేవలం 40 బంతుల్లోనే అజేయంగా 82 పరుగులు సాధించి భారత బౌలర్లపై ఒత్తిడి పెంచాడు. ఫిన్ అలెన్ 45 పరుగులతో రాణించగా, డారిల్ మిచెల్ 28 పరుగులు చేసి జట్టు స్కోరు పెరగడంలో తన వంతు పాత్ర పోషించాడు. దీంతో భారత్ ముందు 226 పరుగుల భారీ లక్ష్యం నిలిచింది.

ఆరంభంలోనే దూకుడు చూపించిన భారత బ్యాటర్లు

భారీ లక్ష్యంతో ఇన్నింగ్స్ ప్రారంభించిన భారత్‌కు సంజూ శాంసన్, అభిషేక్ శర్మ మెరుగైన ఆరంభాన్ని అందించారు. ప్రత్యర్థి బౌలర్లకు ఏమాత్రం అవకాశం ఇవ్వకుండా వేగంగా పరుగులు సాధించారు. సంజూ శాంసన్ కేవలం 33 బంతుల్లో 67 పరుగులు చేసి భారత ఛేజింగ్‌కు బలమైన పునాది వేశాడు. మరోవైపు అభిషేక్ శర్మ 12 బంతుల్లోనే 29 పరుగులు సాధించి స్కోరు వేగాన్ని పెంచాడు. తొలి వికెట్‌కు వీరిద్దరూ అందించిన సహకారం భారీ లక్ష్యాన్ని ఛేదించాలన్న భారత ఆశలను బలపరిచింది. పవర్‌ప్లేలోనే దూకుడు ప్రదర్శించడంతో మ్యాచ్‌పై భారత్ పట్టు సాధించే పరిస్థితి ఏర్పడింది.

మిడిల్ ఓవర్లలో ఒత్తిడి.. ఆదుకున్న శ్రేయస్ అయ్యర్

ఓపెనర్లు వేగంగా పరుగులు సాధించినప్పటికీ, మిడిల్‌ ఓవర్లలో వికెట్లు కోల్పోవడంతో భారత జట్టుపై ఒత్తిడి పెరిగింది. ఈ దశలో కెప్టెన్ శ్రేయస్ అయ్యర్ బాధ్యతాయుతమైన ఇన్నింగ్స్‌తో జట్టును ఆదుకున్నాడు. 28 బంతుల్లో 42 పరుగులు చేసి లక్ష్యానికి భారత్‌ను మరింత చేరువ చేశాడు. కీలక సమయంలో పరుగులు సాధిస్తూ ప్రత్యర్థి జట్టు మ్యాచ్‌పై పట్టు సాధించకుండా అడ్డుకున్నాడు. అయితే చివరి దశలో విజయానికి అవసరమైన పరుగులను సాధించాల్సిన బాధ్యత మిగతా బ్యాటర్లపై పడింది. ఈ సమయంలో నామన్ ధీర్ కీలక పాత్ర పోషించి మ్యాచ్ ఫలితాన్ని భారత్‌కు అనుకూలంగా మార్చాడు.

నామన్ ధీర్ మెరుపులు.. 19.4 ఓవర్లలోనే విజయం

చివరి దశలో నామన్ ధీర్ దూకుడుగా బ్యాటింగ్ చేసి భారత విజయాన్ని ఖాయం చేశాడు. కేవలం 15 బంతుల్లోనే అజేయంగా 42 పరుగులు సాధించి న్యూజిలాండ్ బౌలర్లపై విరుచుకుపడ్డాడు. తక్కువ బంతుల్లోనే వేగంగా పరుగులు సాధించడంతో లక్ష్యాన్ని చేరుకోవడం భారత్‌కు సులభమైంది. చివరకు భారత జట్టు 19.4 ఓవర్లలో ఆరు వికెట్ల నష్టానికి 230 పరుగులు చేసింది. దీంతో నాలుగు వికెట్ల తేడాతో ఘన విజయం అందుకుంది. సంజూ శాంసన్, శ్రేయస్ అయ్యర్, నామన్ ధీర్ కీలక ఇన్నింగ్స్‌లు ఆడగా, అభిషేక్ శర్మ అందించిన వేగవంతమైన ఆరంభం కూడా విజయానికి దోహదపడింది.

టీ20ల్లో భారత్ అత్యధిక ఛేజ్ రికార్డు

ఈ విజయంతో టీ20 అంతర్జాతీయ క్రికెట్‌లో భారత్ తన అత్యధిక విజయవంతమైన పరుగుల ఛేజ్ రికార్డును అధిగమించింది. ఇంతకుముందు 209 పరుగుల లక్ష్యాన్ని ఛేదించడం భారత జట్టుకు అత్యుత్తమ రికార్డుగా ఉండేది. 2023లో ఆస్ట్రేలియాపై, 2026లో న్యూజిలాండ్‌పై భారత్ 209 పరుగుల లక్ష్యాన్ని విజయవంతంగా అందుకుంది. అంతకుముందు 2019లో వెస్టిండీస్‌పై 208 పరుగులు, 2009లో శ్రీలంకపై 207 పరుగుల లక్ష్యాలను ఛేదించింది. ఇప్పుడు న్యూజిలాండ్‌పై 226 పరుగుల లక్ష్యాన్ని అందుకోవడంతో ఈ జాబితాలో భారత్ అగ్రస్థానానికి చేరింది.

Abhishek Sharma Weakness: అభిషేక్ శర్మ సీక్రెట్ లీక్? విండీస్ బౌలర్లు పట్టిన వీక్ పాయింట్ ఇదే

Mahesh Rajamoni — Sun, 18 Oct 2026 14:15:55 +0530

Abhishek Sharma Weakness: భారత యంగ్ ఓపెనర్ అభిషేక్ శర్మ అద్భుతమైన షాట్లతో అంతర్జాతీయ టీ20ల్లో తనదైన ముద్ర వేసినప్పటికీ, ప్రత్యర్థి జట్లు అతని వికెట్ తీసేందుకు సరికొత్త వ్యూహాలను అమలు చేస్తున్నాయి. ఈ క్రమంలోనే మరోసారి శర్మ వీక్ పాయింట్ బయటపడింది.

భారత తుఫాన్ ఓపెనర్ అభిషేక్ శర్మ స్ట్రెయిట్ డెలివరీలను ఎదుర్కోవడంలో పదేపదే తడబడుతున్న తీరు బెంగళూరులో జరిగిన కీలక సిరీస్ డిసైడర్ మ్యాచ్‌లో మరోసారి బయటపడింది. వెస్టిండీస్ బౌలర్లు అతడి బలహీనతను టార్గెట్ చేస్తూ అవుట్ చేయడంతో, అభిషేక్ శర్మ బ్యాటింగ్ కన్సిస్టెన్సీపై మరోసారి చర్చ మొదలైంది.

ఈ కీలక పోరులో భారత్‌కు మంచి ఆరంభం ఇవ్వాల్సిన అభిషేక్ శర్మ, కేవలం నాలుగు బంతులు మాత్రమే క్రీజులో నిలిచాడు. అందులో ఒక సిక్స్ బాదిన వెంటనే, తదుపరి బంతికి మళ్లీ పెద్ద షాట్ ఆడేందుకు ప్రయత్నించి అవుట్ అయ్యాడు. దీంతో అతని ఖాతాలో కేవలం ఆరు పరుగులు మాత్రమే చేరాయి.

గత టీ20 మ్యాచ్‌లో అభిషేక్‌ను అవుట్ చేసిన వెస్టిండీస్ బౌలర్ కీమో పాల్, ఈ మ్యాచ్‌లోనూ అతడిని పెవిలియన్ చేర్చాడు. సిక్స్ పడిన తదుపరి బంతికే పాల్ తన లెంగ్త్‌ను చాలా స్వల్పంగా మార్చి అభిషేక్ వికెట్ తీశాడు.

అభిషేక్ శర్మ చివరి 5 ఇన్నింగ్స్‌ల గణాంకాలు

1వ మ్యాచ్: 21 (11 బంతులు)

2వ మ్యాచ్: 20 (12 బంతులు)

3వ మ్యాచ్: 69 (30 బంతులు)

4వ మ్యాచ్: 29 (24 బంతులు)

5వ మ్యాచ్: 6 (4 బంతులు)

మొత్తం: 145 పరుగులు (సగటు: 29)

అభిషేక్ శర్మ అవుట్ అయిన తీరుపై విండీస్ దిగ్గజం, వ్యాఖ్యాత ఇయాన్ బిషప్ ఆసక్తికర వ్యాఖ్యలు చేశారు. "గత బంతి సిక్స్ పోయిన తర్వాత కీమో పాల్ చేసిన మార్పు అద్భుతం. విండీస్ బౌలర్లు అభిషేక్ బాడీకి నేరుగా వచ్చే స్ట్రెయిట్ బాల్స్‌ను లక్ష్యంగా చేసుకున్నారు. ఆఖరి బంతి ఫుల్‌గా పడటంతో పాల్ తన లెంగ్త్‌ను స్వల్పంగా మార్చుకున్నాడు, దానికి తగ్గ ఫలితం దక్కింది. అభిషేక్ శర్మలోని చిన్న బలహీనతను విండీస్ బౌలర్లు పక్కాగా వాడుకున్నారు. సిరీస్ డిసైడర్ మ్యాచ్‌లో అభిషేక్ విఫలమయ్యాడు" అని బిషప్ విశ్లేషించారు.

గత కొన్ని మ్యాచ్‌లుగా వెస్టిండీస్ బౌలర్లు అభిషేక్ బాడీకి స్ట్రెయిట్ డెలివరీలు వేస్తూ ఒత్తిడి పెంచుతున్నారు. ఈ రకమైన బౌలింగ్ తంత్రానికి అభిషేక్ వద్ద సరైన సమాధానం లేకుండా పోయింది. ఎలాంటి మ్యాచ్ నైనా కొద్ది ఓవర్లలోనే తిప్పేసే పవర్, భయం లేని ఆటతీరు అభిషేక్ సొంతం. అందుకే మేనేజ్‌మెంట్ అతనికి ఫుల్ సపోర్టు ఇస్తోంది. కానీ స్ట్రెయిట్ బాల్స్‌ను ఎదుర్కొనే మార్గం వెతుక్కుంటేనే అతనికి కన్సిస్టెన్సీ లభిస్తుంది.

2026 టీ20 ప్రపంచకప్‌లోనూ ఐసీసీ టీ20 నంబర్ 1 బ్యాటర్ అభిషేక్ శర్మ ఫామ్ లేమితో ఇబ్బంది పడ్డాడు. టోర్నీలో ఆడిన మ్యాచ్‌ల్లో అతను వరుసగా మూడు సార్లు డకౌట్ అయ్యాడు. కడుపులో ఇన్ఫెక్షన్ కావడం, బ్యాట్ స్వింగ్‌కు సహకరించని స్లో పిచ్‌లు అతడి ఆటతీరును దెబ్బతీశాయి. అప్పటికీ గడిచిన ఏడు టీ20 ఇన్నింగ్స్‌లలో అభిషేక్ వరుస సార్లు డకౌట్ కావడం టీమిండియా మేనేజ్‌మెంట్‌ను కలవరపెట్టింది.

2024 టీ20 వరల్డ్ కప్ తర్వాత భారత్ తరఫున అత్యధిక పరుగులు చేసిన బ్యాటర్‌గా, 192 పైగా స్ట్రైక్ రేట్‌తో మెరిసిన అభిషేక్ కేవలం ఒక మంచి ఇన్నింగ్స్‌కు దూరంగా ఉన్నాడని ఆ సమయంలో బ్యాటింగ్ కోచ్ సీతాంశు కొటక్ విశ్వాసం వ్యక్తం చేశారు.

అయితే ఆఫ్‌స్పిన్నర్ల మ్యాచ్‌అప్ అభిషేక్‌కు పెద్ద ప్రతిబంధకంగా మారింది. భారత్-పాకిస్తాన్ మ్యాచ్‌లో సల్మాన్ అలీ ఆగా తొలి ఓవర్లోనే అతడిని అవుట్ చేయగా, నెదర్లాండ్స్ మ్యాచ్‌లో ఆర్యన్ దత్ కూడా మొదటి ఓవర్లోనే పెవిలియన్ పంపాడు.

అభిషేక్ శర్మ బ్యాటింగ్ టెక్నిక్‌ను ప్రత్యర్థి జట్లు పూర్తిగా డికోడ్ చేశాయా అనే ప్రశ్నపై ఐపీఎల్ లో అనుభవం ఉన్న ఒక ఫ్రాంచైజీ బ్యాటింగ్ కోచ్ కీలక వివరణ ఇచ్చారు. జట్లు అభిషేక్‌ను డికోడ్ చేశాయనే వార్తలను ఆయన తీవ్రంగా ఖండించారు.

"అస్సలు లేదు. మొదటి మ్యాచ్‌లో డీప్ ఎక్స్ట్రా కవర్‌లో క్యాచ్ ఇచ్చి అవుట్ అయిన బంతి సిక్స్ పోవాల్సింది లేదా ఫీల్డర్‌కు అటూ ఇటూ పడితే ఫోర్ అయ్యేది. ఇక ఆఫ్‌స్పిన్నర్ లోపలికి వేసిన బంతికి బౌల్డ్ అవ్వడం పెద్ద బలహీనతేమీ కాదు. మిడ్-ఆన్‌లో క్యాచ్ ఇవ్వడం కూడా సాధారణ పరిణామమే" అని సదరు కోచ్ అభిప్రాయపడ్డారు.

డేటా ప్రకారం, ఆఫ్‌స్పిన్నర్లకు రెండుసార్లు అవుట్ అయినంత మాత్రాన అభిషేక్ వారిపై ఇబ్బంది పడుతున్నట్లు కాదని ఆయన స్పష్టం చేశారు. 2024 ప్రారంభం నుండి టీ20ల్లో స్పిన్‌పై కనీసం 100 బంతులు ఎదుర్కొన్న బ్యాటర్లలో అభిషేక్ శర్మ స్ట్రైక్ రేట్ 206.59గా ఉంది. ఇది టోర్నీలోనే అత్యుత్తమం. ప్రారంభ ఓవర్లలో కొద్దిగా నిలకడగా, ప్రశాంతంగా ఆడితే అభిషేక్ శర్మ తిరుగుండదని అన్నారు.

IND vs NZ: అభిషేక్ శర్మ విధ్వంసంతో న్యూజిలాండ్‌ చిత్తు.. భారత్ రికార్డు విజయం

Mahesh Rajamoni — Tue, 27 Oct 2026 16:15:32 +0530

India vs New Zealand: భారత్, న్యూజిలాండ్ మధ్య జరిగిన మూడో టీ20లో అభిషేక్ శర్మ (113) విధ్వంసకర సెంచరీతో చెలరేగడంతో భారత్ 6 వికెట్ల తేడాతో విజయం సాధించి, సిరీస్‌ను 3-0తో కైవసం చేసుకుంది. పలు రికార్డులను సాధించింది.

న్యూజిలాండ్‌తో వెల్లింగ్టన్‌లోని హన్రీ స్టేడియంలో జరిగిన మూడో టీ20 మ్యాచ్‌లో టీమిండియా అద్భుత విజయాన్ని నమోదు చేసింది. మొదట బ్యాటింగ్ చేసిన న్యూజిలాండ్ జట్టు నిర్ణీత 20 ఓవర్లలో 3 వికెట్ల నష్టానికి 198 పరుగులు చేసింది. అనంతరం బరిలోకి దిగిన భారత్ కేవలం 13.2 ఓవర్లలోనే 4 వికెట్లు కోల్పోయి 199 పరుగులు చేసి లక్ష్యాన్ని ఛేదించింది. ఈ విజయంతో భారత్ మూడు మ్యాచ్‌ల సిరీస్‌ను 3-0 తేడాతో కైవసం చేసుకుంది. మ్యాచ్ ప్రారంభం నుంచే భారత ఓపెనర్లు దూకుడుగా ఆడి ప్రత్యర్థి బౌలర్లపై తీవ్ర ఒత్తిడి తెచ్చారు.

ఈ మ్యాచ్‌లో యంగ్ ఓపెనర్ అభిషేక్ శర్మ కేవలం 38 బంతుల్లోనే 9 ఫోర్లు, 11 సిక్సర్లతో 113 పరుగులు చేసి అజేయంగా నిలిచాడు. కేవలం 15 బంతుల్లోనే అర్ధశతకం పూర్తి చేసుకున్న శర్మ.. ఆ తర్వాత మరింత వేగంగా ఆడి 35 బంతుల్లోనే తన సెంచరీని పూర్తి చేశాడు. కవర్ ఏరియాను లక్ష్యంగా చేసుకుంటూ అతను ఆడిన షాట్లు అద్భుతమని చెప్పాలి. న్యూజిలాండ్ బౌలర్లలో జేమిసన్ రెండు వికెట్లు తీసినప్పటికీ, భారత బ్యాటర్ల జోరును అడ్డుకోలేకపోయారు.

భారత జట్టు ఇన్నింగ్స్ ఆరంభం నుంచి విరుచుకుపడింది. కొత్త ఓపెనర్ వైభవ్ సూర్యవంశీతో కలిసి బరిలోకి దిగిన అభిషేక్ శర్మ మొదటి ఓవర్ నుంచే బాదడం మొదలుపెట్టాడు. జాకబ్ డఫీ వేసిన తొలి ఓవర్లోనే ఏకంగా 26 పరుగులు పిండుకున్నారు. పవర్‌ప్లే ముగిసేసరికి భారత్ వికెట్ నష్టపోకుండా ఏకంగా 118 పరుగులు సాధించింది. ఇది టీ20 చరిత్రలో పవర్‌ప్లేలో అత్యధిక పరుగులు కావడం విశేషం. వైభవ్ సూర్యవంశీ కూడా అద్భుతంగా ఆడి 19 బంతుల్లో 45 పరుగులు చేసి జట్టు విజయానికి గట్టి పునాది వేశారు.

ఈ మ్యాచ్‌లో భారత్ అనేక రికార్డులను తిరగరాసింది. 199 పరుగుల భారీ లక్ష్యాన్ని కేవలం 13.2 ఓవర్లలోనే అనగా 40 బంతులు మిగిలి ఉండగానే ఛేదించి సరికొత్త చరిత్ర సృష్టించింది. పూర్తి సభ్య దేశాల జాబితాలో అత్యధిక బంతులు మిగిలి ఉండగా 190కి పైగా లక్ష్యాన్ని ఛేదించిన రికార్డును భారత్ తన ఖాతాలో వేసుకుంది. అంతేకాకుండా, అభిషేక్ శర్మ అంతర్జాతీయ టీ20ల్లో భారత్ తరఫున అత్యధిక సిక్సర్లు బాదిన జాబితాలో తన స్థానాన్ని మరింత సుస్థిరం చేసుకున్నాడు.

మ్యాచ్ ముగిసినంతరం కివీస్ కెప్టెన్ మిచెల్ సాంట్నర్ మాట్లాడుతూ, భారత బ్యాటర్ల జోరును ఆపడం కష్టమని, వారు అద్భుతంగా బ్యాటింగ్ చేశారని కొనియాడాడు. మ్యాన్ ఆఫ్ ది మ్యాచ్ అవార్డు అందుకున్న అభిషేక్ శర్మ మాట్లాడుతూ, కోచింగ్ సిబ్బంది అందించిన సపోర్ట్, నెట్స్‌లో చేసిన కఠిన సాధన వల్లే ఈ ఇన్నింగ్స్ సాధ్యమైందని తెలిపాడు. చివరగా నామన్ ధీర్ కొట్టిన బౌండరీతో భారత్ ఘన విజయాన్ని పూర్తి చేసుకుని, సిరీస్‌ను క్లీన్‌స్వీప్ చేసింది.

Triple Century in T20: టీ20లో ట్రిపుల్ సెంచరీ.. 30 సిక్సర్లు, 27 ఫోర్లతో రికార్డుల మోత మోగించిన యంగ్ ప్లేయర్

Mahesh Rajamoni — Tue, 27 Oct 2026 14:12:09 +0530

Triple Century in T20: క్రికెట్ హిస్టరీలో మరో అరుదైన రికార్డు నమోదైంది. ఢిల్లీ స్కూల్ టీ20 లీగ్‌లో ఆర్యన్ శర్మ అనే యంగ్ ప్లేయర్ ట్రిపుల్ సెంచరీ బాదాడు. 93 బంతుల్లో 27 ఫోర్లు, 30 సిక్సర్లతో ఏకంగా 311 పరుగులు చేసి సంచలనం సృష్టించాడు.

క్రికెట్ ప్రపంచంలో టీ20 ఫార్మాట్ అంటేనే జోరు. కేవలం 20 ఓవర్ల ఆటలో పరుగులు రాబట్టడమే అందరి లక్ష్యం. ఒకప్పుడు ఈ ఫార్మాట్‌లో సెంచరీ చేయడమే పెద్ద రికార్డు. కానీ ఇప్పుడు కాలం మారింది. తాజాగా ఢిల్లీలో జరిగిన స్కూల్ క్రికెట్ మ్యాచ్‌లో ఓ యంగ్ ప్లేయర్ ఏకంగా టీ20 ఫార్మాట్‌లో ట్రిపుల్ సెంచరీ బాది అందరినీ ఆశ్చర్యపరిచాడు. ఈ అద్భుత ఇన్నింగ్స్ సోషల్ మీడియాలో ఇప్పుడు హాట్ టాపిక్ అయింది.

ఢిల్లీ స్కూల్ టీ20 లీగ్‌లో సుమేర్మల్ జైన్ స్కూల్ తరఫున ఆడుతున్న ఆర్యన్ శర్మ ఈ రికార్డు సృష్టించాడు. ఇంద్రప్రస్థ వరల్డ్ స్కూల్‌తో జరిగిన మ్యాచ్‌లో ఆర్యన్ మైదానంలో పరుగుల సునామీ సృష్టించాడు. అతను కేవలం 93 బంతులు మాత్రమే ఎదుర్కొని 27 ఫోర్లు, 30 భారీ సిక్సర్ల సాయంతో ఏకంగా 311 పరుగులు సాధించాడు. కేవలం బౌండరీల రూపంలోనే అతను 298 పరుగులు బాదడం విశేషం. దీనికి సంబంధించిన స్కోర్‌కార్డ్ స్క్రీన్‌షాట్లు నెట్టింట వైరల్ అవుతున్నాయి.

ఆర్యన్ శర్మ వీరవిహారం కారణంగా సుమేర్మల్ జైన్ పబ్లిక్ స్కూల్ జట్టు నిర్ణీత 20 ఓవర్లలో కేవలం 2 వికెట్లు కోల్పోయి ఏకంగా 389 పరుగుల భారీ స్కోరు సాధించింది. అంతటి భారీ లక్ష్యంతో బరిలోకి దిగిన ఇంద్రప్రస్థ స్కూల్ జట్టు ఒత్తిడికి గురైంది. ఆ జట్టు 19.5 ఓవర్లలో 195 పరుగులకే కుప్పకూలింది. దీంతో సుమేర్మల్ జైన్ స్కూల్ జట్టు భారీ తేడాతో విజయాన్ని నమోదు చేసుకుంది.

ఈ చిన్న వయసులోనే టీ20 ఫార్మాట్‌లో ట్రిపుల్ సెంచరీ కొట్టడం చిన్న విషయం కాదు. క్రికెట్ ప్రేమికులు ఈ రికార్డును సోషల్ మీడియాలో విపరీతంగా షేర్ చేస్తున్నారు. బౌలర్లకు చుక్కలు చూపిస్తూ ఈ కుర్రాడు ఆడిన తీరు భవిష్యత్తులో పెద్ద స్టేజ్‌పై రాణించగలడనే నమ్మకాన్ని ఇస్తోంది. ప్రస్తుతం ఈ రికార్డు క్రికెట్ సర్కిల్స్‌లో హాట్ టాపిక్ గా మారింది.

Meet Aaryan Sharma

311* Runs

⚡ 93 Balls

27 Fours

30 Sixes

334 Strike Rate

Sumermal Jain School’s Aaryan Sharma smashed an unbelievable 311* off just 93 balls against Indraprastha World School in the Delhi Schools T20 League

An Unbreakable Record https://t.co/HhLesD73J4

— Ajay Jadeja (@AjayJadeja171) October 26, 2026

TRIPLE CENTURY IN T20 CRICKET BY INDIAN BATTER

311* Runs

⚡ 93 Balls

27 Fours

30 Sixes

334 Strike Rate

Sumermal Jain School’s Aaryan Sharma smashed an unbelievable 311* off just 93 balls against Indraprastha World School in the Delhi Schools T20 League https://t.co/LUjA62ZtHl

— Richard Kettlebourogh Fans (@RichKettle07) October 26, 2026

Gen Z cricketers India: రోహిత్, కోహ్లీ తర్వాత వీళ్లే కింగ్స్.. వీళ్ల సంపాదన చూస్తే దిమ్మతిరిగిపోతుంది భయ్యా!

Mahesh Rajamoni — Tue, 20 Oct 2026 14:17:30 +0530

Gen Z cricketers India: రోహిత్, కోహ్లీల శకం తర్వాత ఆ స్థానాన్ని భర్తీ చేయడానికి యంగ్ టాలెంటెడ్ ఆటగాళ్లు సిద్ధమవుతున్నారు. ఈ ఆటగాళ్లు కేవలం తమ అద్భుతమైన ఆటతీరుతోనే కాకుండా, బ్రాండ్ ఎండార్స్‌మెంట్లు, ఐపీఎల్ కాంట్రాక్టులతో కోట్లు ఆర్జిస్తున్నారు.

మన దేశంలో క్రికెట్ అనేది కేవలం ఆట మాత్రమే కాదు, ఒక సెంటిమెంట్, ఒక ఎమోషన్. కాలం మారిన కొద్దీ మన దేశానికి ఎంతో మంది దిగ్గజ ఆటగాళ్ళు దొరికారు. రోహిత్ శర్మ, విరాట్ కోహ్లీ లాంటి స్టార్ ప్లేయర్లు మనందరి గుండెల్లో నిలిచారు.

కానీ ఇప్పుడు టైం మారింది. క్రికెట్ ప్రపంచాన్ని ఇప్పుడు జెన్ జీలు టేకోవర్ చేసేసారు. ప్రతి రంగంలోనూ సత్తా చాటుతున్న ఈ జనరేషన్, క్రికెట్ పిచ్‌ మీద కూడా దుమ్ము లేపుతోంది. ఇప్పడు మన ఇండియన్ క్రికెట్‌లో జెన్ జీ ప్లేయర్లదే హవా.

వన్డేలు, టెస్టుల్లో మన జాతీయ జట్టును లీడ్ చేస్తున్న శుభ్‌మన్ గిల్ నుంచి, అతి చిన్న వయసులోనే టీమిండియాలోకి ఎంట్రీ ఇచ్చిన వైభవ్ సూర్యవంశీ దాకా అంతా ఈ జనరేషనే. అభిషేక్ శర్మ, తిలక్ వర్మ, యశస్వి జైస్వాల్ కూడా ఇదే జాబితాలో టాప్‌లో ఉన్నారు.

ఈ జెన్ జీ క్రికెటర్ల లిస్టులో ముందుండే పేరు శుభ్‌మన్ గిల్. ఈయన వయసు 27 సంవత్సరాలు. పంజాబ్ లోని ఫాజిల్కాలో పుట్టారు. ఇంత చిన్న వయసులోనే టీమిండియాను లీడ్ చేయడం మామూలు విషయం కాదు. శుభ్‌మన్ ప్రస్తుతం టెస్టులు, వన్డే ఫార్మాట్లలో కెప్టెన్‌గా వ్యవహరిస్తున్నారు.

అయితే టీ20 ఇంటర్నేషనల్స్‌లో మాత్రం ఆయన కెప్టెన్ కాదు. ఈయనను అందరూ ముద్దుగా 'ప్రిన్స్ ఆఫ్ ఇండియన్ క్రికెట్' అంటారు. ఐపీఎల్‌లో గుజరాత్ టైటాన్స్ జట్టుకు కూడా ఇతనే కెప్టెన్.

ఆస్తుల విషయానికి వస్తే, శుభ్‌మన్ గిల్ అంచనా నెట్‌వర్త్ 80 కోట్ల నుంచి 100 కోట్ల రూపాయల మధ్య ఉంది. బీసీసీఐ కాంట్రాక్ట్, ఐపీఎల్ జీతం, అలాగే బ్రాండ్ ఎండార్స్‌మెంట్ల ద్వారా ఈయన భారీగా ఆర్జిస్తున్నారు.

జెన్ జీ స్టార్లలో యశస్వి జైస్వాల్ పేరు కూడా ప్రత్యేకంగా నిలుస్తుంది. ఈయన వయసు 24 ఏళ్ళు. ఉత్తరప్రదేశ్‌లోని భదోహి జిల్లా ఈయన సొంతూరు. టీమిండియాలో ఓపెనింగ్ బ్యాట్స్‌మెన్‌గా బరిలోకి దిగే యశస్వి, తన దూకుడుతో కూడిన బ్యాటింగ్‌కు ఫేమస్.

ఈరోజు ఈ స్థాయిలో ఉండటానికి యశస్వి పడ్డ కష్టాలు అన్నీఇన్నీ కావు, ఆయన ప్రయాణం ఎన్నో పోరాటాలతో సాగింది. ఐపీఎల్‌లో ఈ యువ కిషోర్ రాజస్థాన్ రాయల్స్ టీమ్ తరఫున ఆడుతున్నారు.

2026 నాటికి యశస్వి జైస్వాల్ అంచనా నెట్‌వర్త్ సుమారు 55 కోట్ల రూపాయలుగా ఉంది. 'ది స్పోర్ట్స్ లెజెండ్' సంస్థ ఈ ఏడాది ఆగస్టు 11న విడుదల చేసిన రిపోర్ట్ ప్రకారం ఈ అంచనా సంపాదన ఇది.

ఈ జాబితాలో మూడో పేరు అభిషేక్ శర్మది. ఈయన వయసు 26 సంవత్సరాలు. గతంలో భారత్ తరఫున అండర్-19 వరల్డ్ కప్ కూడా ఆడారు. అభిషేక్ బ్యాటింగ్ చేస్తుంటే చూస్తూ ఉండిపోవాల్సిందే, అంతలా అభిమానులను ఆకట్టుకుంటారు.

అభిషేక్ లెఫ్ట్ హ్యాండ్ బ్యాట్స్‌మన్, అంతేకాదు మంచి ఆల్ రౌండర్ కూడా. టీమిండియా తరఫున ఓపెనర్‌గా వస్తుంటారు. ఐపీఎల్‌లో సన్‌రైజర్స్ హైదరాబాద్ జట్టుకు ఆడుతూ మెరుపులు మెరిపిస్తున్నారు.

మీడియా రిపోర్ట్ల ప్రకారం అభిషేక్ శర్మ నికర ఆస్తుల విలువ సుమారు 12 కోట్ల నుంచి 30 కోట్ల రూపాయల మధ్య ఉంటుందని అంచనా.

జెన్ జీ క్రికెటర్లలో మరొకరు తిలక్ వర్మ. ఈయన వయసు 23 ఏళ్ళు. 2002 నవంబర్ 8న హైదరాబాద్, తెలంగాణలోనే జన్మించారు. తిలక్ లెఫ్ట్ హ్యాండ్ బ్యాట్స్‌మనే కాకుండా, అవసరమైనప్పుడు ఆఫ్ స్పిన్ బౌలింగ్ కూడా చేయగలరు.

ఈయన బ్యాటింగ్ స్టైల్ చాలా స్పెషల్. ఒత్తిడిలో కూడా క్రీజులో నిలదొక్కుకోవడం, ఛాన్స్ దొరికితే స్పీడ్‌గా పరుగులు తీయడం ఈయన స్పెషాలిటీ. ముఖ్యంగా టీ20 ఫార్మాట్‌లో భారత్ తరఫున మిడిల్ ఆర్డర్‌లో ఆడుతున్నారు. ఐపీఎల్‌లో ముంబై ఇండియన్స్ టీమ్‌కు ప్రాతినిధ్యం వహిస్తున్నారు.

మీడియా అంచనాల ప్రకారం తిలక్ వర్మ నెట్‌వర్త్ సుమారు 20 కోట్ల రూపాయలకు పైగా ఉంటుంది. ముంబై ఇండియన్స్ ఇచ్చే సాలరీ, మ్యాచ్ ఫీజులు, బ్రాండ్ల ద్వారా ఈయన సంపాదిస్తున్నారు.

జెన్ జీ స్టార్ల లిస్టులో వైభవ్ సూర్యవంశీ పేరు ఇప్పుడు హాట్ టాపిక్. ఈ యంగ్ ప్లేయర్ వయసు కేవలం 15 ఏళ్లే. మార్చి 27, 2011న బీహార్‌లోని సమస్తిపూర్‌లో పుట్టారు. ఇంత చిన్న వయసులోనే తన అటాకింగ్ బ్యాటింగ్‌తో క్రికెట్ ప్రపంచాన్ని ఆశ్చర్యపరిచారు.

వైభవ్ లెఫ్ట్ హ్యాండ్ బ్యాట్స్‌మన్. మైదానంలో పెద్ద పెద్ద సిక్సర్లు కొట్టడంలో దిట్ట. ఐపీఎల్‌లో రాజస్థాన్ రాయల్స్ తరఫున ఆడుతున్న ఈ యంగ్ స్టార్, తన విధ్వంసకర బ్యాటింగ్‌తో ఇప్పటికే కొన్ని రికార్డులు బద్దలు కొట్టాడు.

మీడియా రిపోర్ట్ల ప్రకారం వైభవ్ సూర్యవంశీ నికర ఆస్తుల విలువ దాదాపు 2.5 కోట్ల నుంచి 7 కోట్ల రూపాయల మధ్య ఉన్నట్లు తెలుస్తోంది.

ఈ జెన్ జీ క్రికెటర్లంతా తమ కష్టాన్ని, ప్రతిభను నమ్ముకుని చాలా చిన్న వయసులోనే క్రికెట్ లో అద్భుతాలు సృష్టిస్తున్నారు. శుభ్‌మన్ కెప్టెన్సీ నుంచి యశస్వి దూకుడు, అభిషేక్ భారీ షాట్లు, తిలక్ కూర్పు, వైభవ్ ఊచకోత.. ఇవన్నీ మన ఇండియన్ క్రికెట్ ఫ్యూచర్ ఏంటో చూపిస్తున్నాయి.

IND vs NZ: ఉతికి ఆరేస్తున్న టీమిండియా బ్యాట‌ర్లు.. జ‌స్ట్ 29 బంతుల్లోనే 100 ప‌రుగులు

Narender Vaitla — Tue, 27 Oct 2026 15:07:52 +0530

IND vs NZ: న్యూజిలాండ్‌తో జరుగుతున్న మూడో టీ20లో భారత ఓపెనర్లు అభిషేక్ శర్మ, వైభవ్ సూర్యవంశీ పరుగుల వరద పారిస్తున్నారు. 199 పరుగుల లక్ష్యాన్ని ఛేదించే క్రమంలో తొలి బంతి నుంచే దూకుడుగా ఆడుతూ కివీస్ బౌలర్లను ఉక్కిరిబిక్కిరి చేశారు.

భారత ఇన్నింగ్స్ ప్రారంభం నుంచే పరుగుల వేగం అసాధారణంగా కనిపించింది. ఓపెనర్ వైభవ్ సూర్యవంశీ తొలి బంతికే బౌండరీ బాదగా, అభిషేక్ శర్మ కూడా సిక్సర్లతో విరుచుకుపడ్డాడు. న్యూజిలాండ్ బౌలర్ వేసిన మొదటి ఓవర్‌లో భారత జట్టు ఏకంగా 26 పరుగులు సాధించింది. ఇందులో ఎక్ట్రాలు కూడా ఉన్నాయి. తొలి ఓవర్‌లోనే ఇంత భారీ స్కోరు రావడంతో కివీస్ బౌలర్లు ఒత్తిడిలోకి వెళ్లారు. భారత బ్యాటర్లు ఆడిన దూకుడు చూస్తుంటే భారీ లక్ష్యాన్ని సైతం తక్కువ సమయంలోనే ఛేదించేలా కనిపించారు.

అభిషేక్ శర్మ, వైభవ్ సూర్యవంశీ రెండో ఓవర్‌లోనూ బౌండరీల వర్షం కురిపించారు. వీరిద్దరూ ఫోర్లు, సిక్సర్లతో స్కోరు బోర్డును పరుగులు పెట్టించారు. ఈ క్రమంలో భారత్ కేవలం 2.2 ఓవర్లలోనే 50 పరుగుల మార్కును దాటింది. అంటే 14 బంతుల్లోనే జట్టు స్కోరు అర్ధశతకాన్ని చేరుకుంది. అక్కడి నుంచి కూడా బ్యాటర్లు ఏమాత్రం తగ్గలేదు. ప్రతి ఓవర్‌లోనూ భారీగా పరుగులు సాధిస్తూ కేవలం 5 ఓవర్లలోనే 100 పరుగులు పూర్తి చేశారు. దీంతో టీ20 అంతర్జాతీయ మ్యాచ్‌లలో భారత్ తరఫున అత్యంత వేగంగా జట్టు వంద పరుగులు (Fastest Team 100s) పూర్తి చేసిన రికార్డును నమోదు చేశారు.

టీమిండియా టీ20లో అత్యంత వేగంగా 100 పరుగులు సాధించిన మ్యాచ్‌లు ఇవే:

* 4.5 ఓవర్లు – vs న్యూజిలాండ్, వెల్లింగ్టన్, 2026 (ప్ర‌స్తుత మ్యాచ్‌)

* 5.6 ఓవర్లు – vs ఆఫ్ఘనిస్తాన్, ఢిల్లీ, 2026

* 6.3 ఓవర్లు – vs ఇంగ్లాండ్, ముంబై (వాంఖడే), 2025

* 6.3 ఓవర్లు – vs న్యూజిలాండ్, గౌహతి, 2026

* 6.5 ఓవర్లు – vs నమీబియా, ఢిల్లీ, 2026

1⃣1⃣8⃣ in 6 overs

#TeamIndia's Highest powerplay score in Men's T20Is ‼️

What a show by the openers

Updates ▶️ https://t.co/zf4CnZQ8CD

#NZvIND https://t.co/GnxpmRFqzX

— BCCI (@BCCI) October 27, 2026

ఆరో ఓవర్ ముగిసే సమయానికి భారత స్కోరు 118/0గా నమోదైంది. అప్పటికి అభిషేక్ శర్మ కేవలం 20 బంతుల్లోనే 67 పరుగులు చేసి అజేయంగా నిలిచాడు. అతడి ఇన్నింగ్స్‌లో 7 ఫోర్లు, 6 సిక్సర్లు ఉన్నాయి. మరోవైపు వైభవ్ సూర్యవంశీ 17 బంతుల్లో 44 పరుగులు సాధించాడు. అతడి ఖాతాలో 4 ఫోర్లు, 4 సిక్సర్లు ఉన్నాయి. వీరిద్దరూ కలిసి తొలి వికెట్‌కు 36 బంతుల్లోనే 118 పరుగుల భాగస్వామ్యాన్ని నెలకొల్పారు. ఇద్దరు బ్యాటర్లు 250కి పైగా స్ట్రైక్‌రేట్‌తో ఆడటం భారత ఇన్నింగ్స్‌లోని దూకుడుకు అద్దం పడుతోంది. ఈ భాగస్వామ్యం ఇలాగే కొనసాగితే లక్ష్యాన్ని భారత్ సులభంగా చేరుకునే అవకాశం ఉంది.

భారత బ్యాటర్ల దాడితో న్యూజిలాండ్ బౌలర్లు పరుగులను నియంత్రించడంలో విఫలమయ్యారు. ఆరో ఓవర్ ముగిసేసరికి ఆడమ్ మిల్నే 2 ఓవర్లలో 33 పరుగులు సమర్పించుకోగా, జాకబ్ డఫీ 2 ఓవర్లలో 44 పరుగులు ఇచ్చాడు. ఇద్దరు బౌలర్లు వికెట్లు తీయలేకపోయారు. మరోవైపు భారత బ్యాటర్లు బౌండరీలతో పాటు భారీ సిక్సర్లు బాదుతూ ప్రత్యర్థికి కోలుకునే అవకాశం ఇవ్వలేదు. భారత్ ఇలాగే దూకుడుగా ఆడితే మ్యాచ్ ఫలితం త్వరగా తేలే అవకాశం కనిపిస్తోంది.

అంతకుముందు టాస్ గెలిచిన భారత్ బౌలింగ్ ఎంచుకుంది. తొలుత బ్యాటింగ్ చేసిన న్యూజిలాండ్ నిర్ణీత 20 ఓవర్లలో 3 వికెట్ల నష్టానికి 198 పరుగులు చేసింది. డారిల్ మిచెల్ 88 పరుగులతో అజేయంగా నిలిచి జట్టు భారీ స్కోరు సాధించడంలో కీలక పాత్ర పోషించాడు. ఫిన్ అలెన్ 40 పరుగులు చేయగా, బెవాన్ జాకబ్స్ 39 పరుగులతో రాణించాడు. భారత బౌలర్లలో అర్ష్‌దీప్ సింగ్, నితీశ్ కుమార్ రెడ్డి, అక్షర్ పటేల్ ఒక్కో వికెట్ పడగొట్టారు. దీంతో భారత్ ముందు 199 పరుగుల లక్ష్యం నిలిచింది. ఈ లక్ష్య ఛేదనలో భారత ఓపెనర్లు కేవలం 6 ఓవర్లలోనే 118 పరుగులు సాధించడంతో మ్యాచ్‌పై అభిమానుల్లో ఆసక్తి మరింత పెరిగింది. అప్పటికి భారత్ విజయానికి ఇంకా 81 పరుగులు చేయాల్సి ఉండగా, చేతిలో 10 వికెట్లు ఉన్నాయి.

Pragyan Ojha : చీఫ్ సెలెక్టర్‌గా ప్రగ్యాన్ ఓజా.. ఈ ఐదుగురు టీమిండియా ప్లేయర్లకు వణుకు మొదలైందిగా!

Arun Kumar P — Wed, 21 Oct 2026 16:15:03 +0530

అజిత్ అగార్కర్ స్థానంలో బీసీసీఐ కొత్త చీఫ్ సెలెక్టర్‌గా ప్రగ్యాన్ ఓజా వచ్చేశాడు. ఆయన రాకతో టీమిండియాలో రెగ్యులర్‌గా ఛాన్సులు కొట్టేస్తున్న ఐదుగురు ఆటగాళ్ల గుండెల్లో రైళ్లు పరిగెడుతున్నాయి. ఆ ఇంట్రెస్టింగ్ డీటెయిల్స్ ఏంటో ఇక్కడ చూద్దాం.

టీమిండియా స్టార్ ప్లేయర్ల భవిష్యత్తును డిసైడ్ చేయడానికి మాజీ క్రికెటర్ ప్రగ్యాన్ ఓజా రెడీ అయ్యాడు. అజిత్ అగార్కర్ ఎవరినైతే ఎక్కువగా వెనకేసుకొచ్చాడో.. ఇప్పుడు ఆ ప్లేయర్లకే కొత్త తలనొప్పులు మొదలయ్యే అవకాశాలున్నాయి. ఓజా చీఫ్ సెలెక్టర్ అవ్వగానే ముఖ్యంగా ఓ ఐదుగురు ఆటగాళ్లకు వణుకు పుడుతోంది. ఈ లిస్టులో కొన్ని ఆశ్చర్యకరమైన పేర్లు కూడా ఉన్నాయి.

చీఫ్ సెలెక్టర్ కుర్చీలో కూర్చోగానే ప్రగ్యాన్ ఓజా.. వెటరన్ ఆల్ రౌండర్ రవీంద్ర జడేజాను వన్డే టీమ్ నుంచి పక్కన పెట్టేశాడు. వెస్టిండీస్‌తో వన్డే సిరీస్‌ ఆడిన జడ్డూను.. కివీస్ సిరీస్‌కు మాత్రం ఓజా ఎంపిక చేయలేదు. దీన్ని బట్టి చూస్తే 2027 వన్డే వరల్డ్ కప్ జట్టులో జడేజాకు చోటు దక్కడం కష్టమే అనిపిస్తోంది.

స్పిన్ ఆల్ రౌండర్ వాషింగ్టన్ సుందర్‌కు మాజీ చీఫ్ సెలెక్టర్ అగార్కర్ వరుసగా అవకాశాలు ఇచ్చాడు. మూడు ఫార్మాట్లలోనూ సుందర్ ఆడాడు. కానీ ఓజా రాగానే లిమిటెడ్ ఓవర్ల టీమ్ నుంచి సుందర్‌ను తప్పించాడు. కివీస్‌తో జరిగే వన్డే, టీ20 సిరీస్‌లకు సుందర్ ప్లేస్‌లో నమన్ ధీర్‌కు ఓజా ఛాన్స్ ఇచ్చాడు. ఇక సుందర్ కేవలం టెస్టులకే పరిమితం అయ్యేలా ఉన్నాడు.

టెస్టుల్లో ఓపెనర్‌గా అదరగొడుతున్న యశస్వి జైస్వాల్.. 2027 వన్డే వరల్డ్ కప్‌కు బ్యాకప్ ఓపెనర్‌గా వెళ్తాడని అంతా అనుకున్నారు. కానీ ఓజా ఎంట్రీతో న్యూజిలాండ్ వన్డే సిరీస్ నుంచి జైస్వాల్‌ను తప్పించారు. ఓజా నేతృత్వంలోని మేనేజ్‌మెంట్ ఇప్పుడు జైస్వాల్‌కు బదులుగా రుతురాజ్ గైక్వాడ్‌ను వన్డేల్లో బ్యాకప్ ఓపెనర్‌గా రెడీ చేస్తున్నట్లు కనిపిస్తోంది.

ఫాస్ట్ బౌలింగ్ ఆల్ రౌండర్ సూర్యాన్ష్ షెడ్గేకు లిమిటెడ్ ఓవర్ల టీమ్‌లో బ్యాకప్ ఆల్ రౌండర్‌గా ఛాన్సులు వస్తూ వచ్చాయి. కానీ ఓజా రాగానే షెడ్గేకు గేట్ పాస్ ఇచ్చేశాడు. అతని ప్లేస్‌లో నితీశ్ కుమార్ రెడ్డికి మూడు ఫార్మాట్లలోనూ వరుస అవకాశాలు ఇస్తున్నాడు. షెడ్గే మళ్లీ టీమిండియాలోకి రావాలంటే డొమెస్టిక్ క్రికెట్‌లో అద్భుతాలు చేయాల్సిందే.

అగార్కర్ నేతృత్వంలోని సెలెక్షన్ కమిటీ.. శ్రీలంకతో జరిగిన టెస్ట్ సిరీస్‌కు ఆఫ్ స్పిన్ ఆల్ రౌండర్ సారాన్ష్ జైన్‌ను ఎంపిక చేసింది. కానీ ఇప్పుడు ఓజా ఆధ్వర్యంలో కివీస్‌తో టెస్ట్ సిరీస్‌కు ఎంపిక చేసిన జట్టులో సారాన్ష్ జైన్ పేరు గల్లంతైంది. జైన్ మళ్లీ టీమిండియాలోకి కమ్‌బ్యాక్ ఇవ్వడం చాలా కష్టంగానే కనిపిస్తోంది.

ICC T20 Rankings: టీ20ల్లో నంబర్ 1.. అభిషేక్ శర్మ దెబ్బకు రికార్డులు షేక్

Mahesh Rajamoni — Wed, 28 Oct 2026 15:41:09 +0530

ICC T20 Rankings: న్యూజిలాండ్‌పై మెరుపు సెంచరీతో టీ20 ర్యాంకింగ్స్‌లో అభిషేక్ శర్మ మళ్లీ టాప్ ప్లేస్ లోకి చేరుకున్నాడు. ఇక టెస్టుల్లో జడేజా ఏళ్ల నాటి ఆధిపత్యానికి మార్కో యాన్సెన్ చెక్ పెట్టాడు.

అంతర్జాతీయ క్రికెట్ మండలి (ICC) తాజాగా ప్రకటించిన టీ20 ర్యాంకింగ్స్‌లో భారత యువ ఓపెనర్ అభిషేక్ శర్మ సంచలనం సృష్టించాడు. న్యూజిలాండ్‌తో జరిగిన మూడో టీ20 మ్యాచ్‌లో తన విధ్వంసకర బ్యాటింగ్‌తో ప్రత్యర్థి బౌలర్లకు నరకం చూపించిన ఈ యంగ్ సెన్సేషన్, మళ్లీ ఐసీసీ టీ20 బ్యాటింగ్ ర్యాంకింగ్స్‌లో నంబర్-1 స్థానాన్ని దక్కించుకున్నాడు.

897 రేటింగ్ పాయింట్లతో టాప్‌లో నిలిచిన అభిషేక్ శర్మ, తన సహచర ఆటగాడు ఇషాన్ కిషన్‌ను వెనక్కి నెట్టి టాప్ ప్లేస్ కు వెళ్లాడు. దీంతో కొద్దిరోజులుగా అగ్రస్థానంలో ఉన్న ఇషాన్ కిషన్ 866 పాయింట్లతో మూడో స్థానానికి పడిపోగా, పాకిస్థాన్ ప్లేయర్ సాహిబ్జాదా ఫర్హాన్‌ 883 పాయింట్లతో రెండో స్థానంలో ఉన్నాడు.

న్యూజిలాండ్‌లోని వెల్లింగ్టన్ లో జరిగిన మూడో టీ20లో అభిషేక్ శర్మ ఆడిన ఇన్నింగ్స్ గ్రౌండ్‌లో ప్రతి ఒక్కరినీ మైమరపించింది. ప్రత్యర్థి బౌలర్లను నలుమూలలా బాదుతూ కేవలం 35 బంతుల్లోనే శతకం పూర్తి చేసుకున్న అభిషేక్, మొత్తంగా 38 బంతుల్లో 113 పరుగులు చేసి కెరీర్‌లో నాలుగో టీ20 సెంచరీని ఖాతాలో వేసుకున్నాడు.

అతని వీరవిహారంతో భారత్ 6 వికెట్ల తేడాతో అద్భుత విజయాన్ని అందుకుంది. 5 మ్యాచ్‌ల సిరీస్‌ను భారత్ 3-0తో దక్కించుకోవడంలో అభిషేక్ ఆల్-రౌండ్ షో కీలక పాత్ర పోషించింది. ఈ మెరుపు ప్రదర్శనే అతనికి భారీ రేటింగ్ పాయింట్లను తెచ్చిపెట్టి మళ్లీ నంబర్-1 కింగ్‌గా నిలబెట్టింది.

ఒకవైపు టీ20ల్లో భారత్ దూకుడు చూపిస్తే, మరోవైపు టెస్టు విభాగంలో టీమిండియా స్టార్ ఆల్‌రౌండర్ రవీంద్ర జడేజాకు బిగ్ షాక్ తగిలింది. గత నాలుగేళ్లకు పైగా టెస్టు ఆల్‌రౌండర్ల జాబితాలో తిరుగులేని నంబర్-1గా కొనసాగుతున్న జడేజా ఆధిపత్యానికి దక్షిణాఫ్రికా పేస్ ఆల్‌రౌండర్ మార్కో యాన్సెన్ మంగళం పాడాడు.

ఆస్ట్రేలియాతో గెబెర్హాలో జరిగిన రెండో టెస్టులో 85 పరుగులు చేయడంతో పాటు తొలి ఇన్నింగ్స్‌లో 5 వికెట్లు పడగొట్టి మ్యాచ్‌ను మలుపు తిప్పిన యాన్సెన్, ఏకంగా జడేజాను వెనక్కి నెట్టి టెస్టు ఆల్‌రౌండర్ల ర్యాంకింగ్స్‌లో అగ్రపీఠాన్ని కైవసం చేసుకున్నాడు.

సౌతాఫ్రికా ఆల్‌రౌండర్ మార్కో యాన్సెన్ ఈ వారం ఐసీసీ ర్యాంకింగ్స్‌లో సరికొత్త చరిత్ర సృష్టించాడు. ఆస్ట్రేలియా సిరీస్‌లో కనబరిచిన అసాధారణ ప్రదర్శనతో ఏకకాలంలో నంబర్-1 టెస్టు బౌలర్‌గా, నంబర్-1 టెస్టు ఆల్‌రౌండర్‌గా నిలిచాడు. టెస్టు బౌలింగ్ ర్యాంకింగ్స్‌లో ఐదు స్థానాలు ఎగబాకి ఆస్ట్రేలియా దిగ్గజ బౌలర్ మిచెల్ స్టార్క్‌ను దాటేసి అగ్రస్థానాన్ని దక్కించుకున్నాడు. యాన్సెన్ తన కెరీర్‌లో ఈ రెండు కేటగిరీల్లోనూ ఒకేసారి నంబర్-1 స్థానానికి చేరుకోవడం ఇదే తొలిసారి కావడం విశేషం.

ఈ వారం ఐసీసీ విడుదల చేసిన ర్యాంకింగ్స్ వివిధ ఫార్మాట్లలో ప్లేయర్ల ర్యాంకులను భారీగా మార్చేశాయి.

• సంజూ శాంసన్, అర్ష్‌దీప్ సింగ్: టీ20ల్లో సంజూ శాంసన్ ఏకంగా ఆరు స్థానాలు మెరుగుపరుచుకుని 20వ ర్యాంకుకు చేరుకోగా, బౌలర్ అర్ష్‌దీప్ సింగ్ 15వ స్థానానికి చేరుకున్నాడు.

• శ్రేయాస్ అయ్యర్: న్యూజిలాండ్ సిరీస్‌లో వరుసగా విఫలమవడంతో భారత కెప్టెన్ శ్రేయాస్ అయ్యర్ కొన్ని స్థానాలు పడిపోయి 758 పాయింట్లతో 9వ స్థానానికి చేరుకున్నాడు.

• టెంబా బవుమా: టెస్టు బ్యాటింగ్ ర్యాంకింగ్స్‌లో ఆస్ట్రేలియాపై 179 పరుగులు చేసి 'ప్లేయర్ ఆఫ్ ది మ్యాచ్'గా నిలిచిన సౌతాఫ్రికా కెప్టెన్ టెంబా బవుమా నాలుగు స్థానాలు మెరుగుపరుచుకుని 2వ ర్యాంకును కైవసం చేసుకున్నాడు. ఈ జాబితాలో ఇంగ్లండ్ కెప్టెన్ హ్యారీ బ్రూక్ మాత్రమే అతనికంటే ముందు వరుసలో ఉన్నాడు.

CSK: మూడేళ్లుగా ప్లేఆఫ్స్ మిస్.. ఆరో ఐపీఎల్ ట్రోఫీ కోసం సీఎస్కే బిగ్ స్కెచ్

Mahesh Rajamoni — Wed, 28 Oct 2026 16:07:25 +0530

CSK: ఐపీఎల్ 2027కి ముందు చెన్నై సూపర్ కింగ్స్ (సీఎస్కే) తమ కోచింగ్ స్టాప్‌లో సంచలన మార్పులు చేసింది. అసిస్టెంట్ కోచ్‌లుగా అల్బీ మోర్కెల్, గారెత్ బాటి.. బౌలింగ్ కోచ్‌గా మోహిత్ శర్మ నియమితులయ్యారు. ఆరో ఐపీఎల్ ట్రోఫీ కోసం బిగ్ స్కెచ్ వేసింది.

ఇండియన్ ప్రీమియర్ లీగ్ (ఐపీఎల్) 2027 సీజన్‌కు ముందు చెన్నై సూపర్ కింగ్స్ (సీఎస్కే) తమ కోచింగ్ స్టాప్‌లో పెద్ద మార్పులు చేసింది. సౌతాఫ్రికా మాజీ ఆల్ రౌండర్ అల్బీ మోర్కెల్‌ను అసిస్టెంట్ కోచ్‌గా నియమించగా.. భారత్ మాజీ పేసర్ మోహిత్ శర్మకు టీమ్ బౌలింగ్ విభాగాన్ని అప్పగించారు. ఈ మేర‌కు సీఎస్కే అధికారిక ప్రకటన విడుదల చేసింది.

ఐదుసార్లు ఛాంపియన్‌గా నిలిచిన చెన్నై సూపర్ కింగ్స్ గత మూడు సీజన్లుగా వరుసగా ప్లేఆఫ్స్‌కు అర్హత సాధించలేకపోయింది. దీంతో కొత్త సీజన్‌కు ముందు సపోర్ట్ స్టాప్‌లో భారీ మార్పులు చేయాలని మేనేజ్‌మెంట్ డిసైడ్ అయింది. చాలా కాలంగా హెడ్ కోచ్‌గా ఉన్న స్టీఫెన్ ఫ్లెమింగ్ స్థానంలో ఇప్పుడు జహీర్ ఖాన్ హెడ్ కోచ్ బాధ్యతలు చేపట్టారు. ఆయన ఆధ్వర్యంలోనే జట్టు కొత్త కోచింగ్ సెటప్‌ను సిద్ధం చేస్తోంది. నవంబర్ 15 రిటెన్షన్ డెడ్‌లైన్‌కు ముందే ఈ కసరత్తంతా జరుగుతోంది.

మోర్కెల్ గతంలో చెన్నై సూపర్ కింగ్స్ తరఫున ఆడిన అనుభవం ఉంది. 2008 నుంచి 2013 వరకు ఈ ఫ్రాంచైజీలో కీలక సభ్యుడిగా ఉండి, జట్టు విజయాల్లో భాగమయ్యాడు. అంతేకాకుండా, సూపర్ కింగ్స్ గ్లోబల్ నెట్‌వర్క్‌తోనూ అతనికి అనుబంధం ఉంది. ఇటీవల సౌతాఫ్రికా టీ20 లీగ్ SA20లో జోబర్గ్ సూపర్ కింగ్స్ హెడ్ కోచ్‌గా మోర్కెల్ బాధ్యతలు చేపట్టారు. నాలుగు సీజన్లు ఆ పదవిలో ఉన్న స్టీఫెన్ ఫ్లెమింగ్ స్థానంలో ఆయన ఈ బాధ్యతలకు వచ్చారు.

మోహిత్ శర్మకు కూడా సీఎస్‌కేతో పాత అనుబంధం ఉంది. 2013లో ఇదే ఫ్రాంచైజీతో తన ఐపీఎల్ కెరీర్‌ను స్టార్ట్ చేసి 2015 వరకు అక్కడే ఉన్నాడు. ఆ తర్వాత 2019లో మళ్లీ చెన్నై తరఫున ఆడాడు. ఆ తర్వాత గుజరాత్ టైటాన్స్‌తో చేరి, 2023లో ఆ జట్టును ఫైనల్‌కు చేర్చడంలో కీలక పాత్ర పోషించాడు.

ఐపీఎల్‌లో తన చివరి మ్యాచ్‌ను ఢిల్లీ క్యాపిటల్స్ తరఫున ఆడిన 38 ఏళ్ల మోహిత్.. డిసెంబర్ 2025లో అన్ని రకాల క్రికెట్‌కు రిటైర్మెంట్ ప్రకటించాడు. ఐపీఎల్‌లో 120 మ్యాచ్‌లు ఆడి 134 వికెట్లు తీసిన మోహిత్.. సీఎస్‌కేలో ఎరిక్ సిమన్స్ స్థానంలో బౌలింగ్ కోచ్‌గా రాబోతున్నాడు. ఇంగ్లండ్ మాజీ ఆఫ్ స్పిన్నర్ గారెత్ బాటి కూడా అసిస్టెంట్ కోచ్‌గా బాధ్యతలు తీసుకున్నారు.

కొత్త కోచ్‌ల ఎంట్రీతో పాటు కొందరు పాత సభ్యులు సీఎస్‌కే నుంచి తప్పుకున్నారు. చాలా కాలంగా ఆటగాడిగా, కోచ్‌గా సేవలు అందించిన బ్యాటింగ్ కోచ్ మైఖేల్ హస్సీ ఇకపై ఫ్రాంచైజీతో ఉండరు. ఆయనతో పాటు ఎరిక్ సిమన్స్, ఫీల్డింగ్ కోచ్ జేమ్స్ ఫోస్టర్ కూడా తప్పుకున్నారు.

వీరు ఇంగ్లండ్ టెస్ట్ టీమ్ కోచింగ్ సెటప్‌లో స్టీఫెన్ ఫ్లెమింగ్‌తో చేరనున్నారు. కోచింగ్ మార్పుల తర్వాత ఇప్పుడు సీఎస్‌కే పూర్తి ఫోకస్ ఆటగాళ్ల రిటెన్షన్, ఆక్షన్ వ్యూహంపైనే ఉంది. వచ్చే సీజన్‌లో కచ్చితంగా ఆరో ఐపీఎల్ ట్రోఫీని గెలవాలని ధోనీ సేన పట్టుదలగా ఉంది.

PV Sindhu Luxury Home : మోడ్రన్ లుక్, ట్రెడిషనల్ టచ్ తో అచ్చం ఇంద్రభవనమే.. పీవీ సింధు ఇల్లు చూశారా?

Arun Kumar P — Mon, 26 Oct 2026 19:11:32 +0530

ఒక మంచి ఇల్లు అంటే కేవలం లగ్జరీ ఫెసిలిటీస్ ఉండటమే కాదు అందులో ప్రశాంతత, తీపి గుర్తులు ఉండాలి. ఇంట్లో ఉండే వాళ్ల వ్యక్తిత్వం ప్రతి మూలలో కనిపించాలి. మన తెలుగమ్మాయి పీవీ సింధు బెంగళూరులో ఉంటున్న ఇల్లు ఇందుకు బెస్ట్ ఎగ్జాంపుల్.

బాలీవుడ్ డైరెక్టర్ ఫరా ఖాన్ తన యూట్యూబ్ సిరీస్ కోసం రీసెంట్ గా బ్యాడ్మింటన్ ఛాంపియన్ పీవీ సింధు ఇంటికి వెళ్లారు. ఈ క్రమంలో మొదటిసారి సింధు భర్తతో కలిసి నివాసం ఉంటున్న ఇంటి వీడియో బయటకు వచ్చింది. మోడ్రన్ లుక్, ట్రెడిషనల్ టచ్ తో ఈ ఇల్లు ఇంద్రభవనంలా ఉంది.

ఒలింపిక్ గేమ్స్ లో రెండుసార్లు పతకాలు సాధించి యావత్ దేశాన్ని గర్వించేలా చేసింది మన తెలుగు బ్యాడ్మింటర్ ప్లేయర్ పీవీ సింధు. ఇలా అంతర్జాతీయ స్థాయిలో భారత్ కు ఎన్నో గర్వకారణమైన విజయాలను అందించారామె. ఇలా కేవలం ఆటతో అద్భుతాలు చేయడమే కాదు తన పర్సనల్ లైఫ్ ను కూడా ఆమె అందంగా తీర్చిదిద్దుకున్నారు.

ప్రస్తుతం పివి సింధు హైదరాబాద్ లో కాకుండా బెంగళూరులో నివాసం ఉంటున్నారు. పెళ్లి తర్వాత భర్త వెంకట దత్త సాయితో కలిసి అక్కడే ఉంటున్నారు. వీరి వివాహం 2024 డిసెంబర్ 22న ఉదయపూర్ లో జరిగింది. మరి పివి సింధు-దత్త సాయి నివాసముంటున్న లగ్జరీ హౌస్ ఎలా ఉందో ఇక్కడ చూద్దాం.

సింధు ఇంటికి వెళ్లగానే ఒక పెద్ద చెక్క తలుపు అతిథులకు స్వాగతం పలుకుతుంది. దాన్ని దాటుకుని ఇంట్లోకి అడుగుపెట్టగానే అందమైన పెయింటింగ్స్, ఇండోర్ ప్లాంట్స్, అలంకరించిన హాల్ మన దృష్టిని ఆకర్షిస్తుంది. ఇంటి గోడపై బ్లాక్ అండ్ వైట్ ఫోటోల కలెక్షన్ ఉంది. సింధు బ్యాడ్మింటన్ కెరీర్ లోని ముఖ్యమైన క్షణాలతో పాటు ఆమె పెళ్లి ఫోటోలు కూడా ఇక్కడ ఉన్నాయి. ఈ ప్లేస్ చూస్తుంటే సింధు జీవితంలోని ముఖ్యమైన జ్ఞాపకాలను తెలిపే ఒక చిన్న మ్యూజియంలా అనిపిస్తుంది. ఇంట్లోని చిన్న చిన్న అలంకరణలు కూడా అక్కడి వాతావరణాన్ని మరింత ఆహ్లాదకరంగా మార్చాయి.

ఇంటి హాల్ నుంచి లోపలికి వెళ్తే విశాలమైన లివింగ్ రూమ్ కనిపిస్తుంది. నేల నుంచి పైకప్పు వరకు ఉన్న పెద్ద కిటికీల ద్వారా ఇంట్లోకి న్యాచురల్ లైట్ వస్తుంది. ఈ గదిలో పాస్టెల్ కలర్స్ ప్రధాన ఆకర్షణ. లేత ఆకుపచ్చ రంగు సోఫాలు, ఎంబ్రాయిడరీ డిజైన్ ఉన్న కుషన్లు గదికి అందమైన లుక్ ఇస్తాయి. ఎక్కువ వస్తువులతో గదిని నింపేయకుండా, కొన్ని ప్రత్యేకమైన వస్తువులకే సింధు ప్రాధాన్యం ఇచ్చారు. డిఫరెంట్ డిజైన్ ఉన్న పొడవైన ల్యాంప్ గదికి వెచ్చని వెలుతురును ఇవ్వడమే కాకుండా దాని అందాన్ని మరింత పెంచుతుంది.

సింధు ఇంట్లో ఉన్న అత్యంత ప్రత్యేకమైన వస్తువు మహాభారత కథను గుర్తుచేసే చెస్ బోర్డ్. గ్లాస్, మార్బుల్ తో డిజైన్ చేసిన ఈ చెస్ బోర్డ్ లో పాండవులు, కౌరవులను సూచించే పావులు ఉన్నాయి. రెండు అంతస్తుల డిజైన్ లో ఉన్న ఈ బోర్డ్ పై మహాభారత ఘట్టాలను చెక్కారు. మోడ్రన్ డిజైన్ తో ఉన్న ఇంట్లో ఈ ట్రెడిషనల్ ఆర్ట్ వర్క్ చాలా డిఫరెంట్ గా కనిపిస్తుంది. ఇంటి అలంకరణకు ఇండియన్ కల్చర్ టచ్ ఇవ్వడంతో పాటు, ఇంటికి వచ్చే అతిథుల దృష్టిని ఇది ఆకర్షిస్తుంది. ఇల్లు అంటే కేవలం అందంగా కనిపించే ప్రదేశం మాత్రమే కాదు, ఇంట్లో ఉండే వాళ్ల అభిరుచిని, వ్యక్తిత్వాన్ని ప్రతిబింబించే ప్లేస్ అనడానికి ఈ చెస్ బోర్డ్ బెస్ట్ ఎగ్జాంపుల్.

లివింగ్ రూమ్ పక్కనే డైనింగ్ ఏరియా ఉంది. ఇక్కడ డార్క్ కలర్ చెక్క డైనింగ్ టేబుల్, దానికి మ్యాచ్ అయ్యే కుర్చీలు ఉన్నాయి. కుర్చీల లేత గోధుమ రంగు కుషన్లు డార్క్ వుడ్ కలర్ కు మంచి కాంట్రాస్ట్ లుక్ ఇస్తాయి. డైనింగ్ ఏరియా పక్కనే మాడ్యులర్ కిచెన్ ఉంది. దీని కౌంటర్ పై వైట్ మార్బుల్ ఫినిషింగ్ ఇచ్చారు. చెక్క డిజైన్, లేత రంగుల కలయిక ఇంటిలోని ఈ భాగానికి సింపుల్, మోడ్రన్ లుక్ ను ఇస్తుంది.

స్విమ్మింగ్ పూల్ పక్కనే గార్డెన్

సింధు ఇంటికి మరో ఆకర్షణ స్విమ్మింగ్ పూల్. పచ్చని గార్డెన్. డైనింగ్ ఏరియా నుంచి పల్చటి కర్టెన్ల ద్వారా బయట ఉన్న స్విమ్మింగ్ పూల్, గార్డెన్ ను చూడొచ్చు. దీనివల్ల ఇంట్లో కూర్చున్నా బయటి పచ్చని వాతావరణం కంటికి కనిపిస్తుంది. స్విమ్మింగ్ పూల్ పక్కన బూడిద రంగు సోఫాలు, సెంటర్ టేబుల్ తో కూడిన రిలాక్సింగ్ ఏరియా ఉంది. ఖాళీ సమయంలో కూర్చోవడానికి లేదా ఫ్యామిలీతో టైమ్ స్పెండ్ చేయడానికి ఇది పర్ఫెక్ట్ ప్లేస్.

ఇంట్లోని గ్లాస్, మార్బుల్, పాలిష్ చేసిన ఫర్నిచర్ మధ్య మొక్కల పచ్చదనం ప్రత్యేక ఆకర్షణగా నిలుస్తుంది. ఇండోర్, అవుట్ డోర్ మధ్య ఇది ఒక అందమైన కనెక్షన్ ను ఏర్పరుస్తుంది. మొత్తానికి పీవీ సింధు ఇల్లు మోడ్రన్ డిజైన్, ట్రెడిషనల్ ఆర్ట్, పర్సనల్ మెమరీస్, పచ్చదనం కలయికగా చెప్పొచ్చు.

Jailer 2: రజినీకాంత్ మూవీ కోసం సంజూ శాంసన్ రచ్చ.. ఏకంగా థియేటర్ మొత్తాన్ని బుక్ చేసి ఏం చేశాడో తెలుసా?

Mahesh Rajamoni — Tue, 20 Oct 2026 15:40:58 +0530

Jailer 2: సూపర్‌స్టార్ రజినీకాంత్ ‘జైలర్ 2’ సినిమాను కుటుంబం, టీమిండియా సహచరులతో చూసేందుకు సంజూ శాంసన్ ఏకంగా థియేటర్ మొత్తాన్ని బుక్ చేశారు. నెల్సన్ దిలీప్‌కుమార్ దర్శకత్వంలోని 'జైలర్ 2', 2023లో వచ్చిన ఆల్ టైమ్ బ్లాక్‌బస్టర్ 'జైలర్' కు సీక్వెల్‌.

టీమిండియా వికెట్ కీపర్ బ్యాటర్ సంజూ శాంసన్ గురించి ప్రత్యేకంగా పరిచయం అవసరం లేదు. జాతీయ జట్టులో ఆయన స్థానంపై ఎప్పుడూ చర్చలు జరుగుతూనే ఉంటాయి. అయితే ఆయన అద్భుతమైన ప్రతిభ ఉన్న ఆటగాడని అందరూ ఒప్పుకుంటారు. అలాంటి శాంసన్ స్వయంగా ఓ వ్యక్తికి తీవ్రమైన అభిమాని.

ఆ వ్యక్తే భారతీయ సినిమా రంగానికి చెందిన సూపర్‌స్టార్ రజినీకాంత్. రజినీకాంత్ అంటే సంజూ శాంసన్‌కు చాలా ఇష్టం. తలైవా కొత్త చిత్రం 'జైలర్ 2' ఇటీవలే థియేటర్లలోకి వచ్చింది. ఈ సినిమా చూడటానికి సంజూ శాంసన్ చేసిన పని ఇప్పుడు వైరల్ అవుతోంది.

రజినీకాంత్ తాజా చిత్రం 'జైలర్ 2' సినిమాను చూడటానికి సంజూ శాంసన్ ఏకంగా ఒక థియేటర్ స్క్రీన్ మొత్తాన్ని బుక్ చేశారు. తన కుటుంబ సభ్యులు, స్నేహితులు, టీమిండియా సహచర ఆటగాళ్లతో కలిసి ప్రైవేట్‌గా సినిమా చూడాలనే ఆలోచనతో ఆయన ఈ నిర్ణయం తీసుకున్నారు. ఢిల్లీలో ఒక ఈవెంట్ ఉండటం వల్ల సినిమా విడుదలైన రోజే చూడలేకపోయాక, మరుసటి రోజే ఏకంగా హాల్ మొత్తాన్ని రిజర్వ్ చేసుకున్నారు.

ఈ ప్రత్యేక స్క్రీనింగ్ సందర్భంగా సంజూ శాంసన్ మాట్లాడుతూ తలైవాపై ఉన్న తన ప్రేమాభిమానాలను పంచుకున్నారు. "నాకు రజినీ సర్ సినిమాలు చూడటం చాలా ఇష్టం. ఆయన కొత్త సినిమా ఎప్పుడు వస్తుందా అని ఎప్పుడూ ఎదురుచూస్తుంటాను. ఢిల్లీలో ఒక కార్యక్రమం ఉండటం వల్ల మొదటి రోజే సినిమా చూడలేకపోయాను. అందుకే ఒక రోజు ఆలస్యమైంది. కానీ ఈరోజు అదృష్టవశాత్తూ థియేటర్ మొత్తాన్ని బుక్ చేయగలిగాను. నా భార్య, స్నేహితులను ఆహ్వానించాను. రజినీ సర్‌ను బిగ్ స్క్రీన్‌పై చూడటానికి చాలా ఆసక్తిగా ఉన్నాను" అని వెల్లడించారు.

కేవలం తన కుటుంబంతోనే కాకుండా టీమిండియా సభ్యులతో కలిసి ఈ సినిమాను చూడటానికి సంజూ ఏర్పాట్లు చేశారు. భారత జట్టులో తమిళ భాష తెలిసిన ప్రతీ ఒక్కరిని ఈ షోకు ఆహ్వానించినట్లు సంజూ తెలిపారు. "మా జట్టులో, సపోర్ట్ స్టాఫ్‌లో తమిళ భాష తెలిసిన ప్రతి ఒక్కరూ ఈ స్క్రీనింగ్‌కు వస్తున్నారు" అని చెప్పారు. దీనితో క్రికెట్ ప్లేయర్లు కూడా రజినీ మాస్ ఎంటర్‌టైన్‌మెంట్‌ను సంజూతో కలిసి ఆస్వాదించారు.

నెల్సన్ దిలీప్‌కుమార్ దర్శకత్వంలో తెరకెక్కిన 'జైలర్ 2', 2023లో వచ్చిన ఆల్ టైమ్ బ్లాక్‌బస్టర్ 'జైలర్' మూవీకి సీక్వెల్‌గా వచ్చింది. టైగర్ ముత్తువేల్ పాండియన్‌గా రజినీకాంత్ మళ్లీ తన మాస్ యాక్షన్‌తో ప్రేక్షకులను మెప్పించారు. విడుదలై ఐదు రోజుల్లోనే ప్రపంచవ్యాప్తంగా దాదాపు ₹478 కోట్ల గ్రాస్ వసూళ్లను సాధించి, ₹500 కోట్ల మైలురాయికి చేరువలో ఉంది. ఇండియాలో 5వ రోజు ₹42.35 కోట్ల నెట్ వసూలు చేసి, దేశీయంగా మొత్తం ₹242 కోట్ల నెట్ కలెక్ట్ చేసింది.

Sanju Samson: 226 పరుగుల ఛేజ్ వెనుక అసలు ప్లాన్ ఇదే.. సంజూ శాంసన్ సంచలన కామెంట్స్

Mahesh Rajamoni — Fri, 23 Oct 2026 07:12:40 +0530

Sanju Samson: న్యూజిలాండ్‌పై రికార్డు రన్ ఛేజ్ తో భారత జట్టు అద్భుత విజయం సాధించింది. ఈ గెలుపు తర్వాత సంజూ శాంసన్ ఆసక్తికర వ్యాఖ్యలు చేశారు. పవర్ ప్లేలోనే మ్యాచ్‌పై పట్టు సాధించాలనే అటాకింగ్ స్ట్రాటజీని బయటపెట్టారు.

క్రైస్ట్‌చర్చ్ లో న్యూజిలాండ్‌తో జరిగిన తొలి టీ20లో భారత్ చరిత్రాత్మక రన్ ఛేజ్‌తో ఘనవిజయం సాధించింది. ఈ రికార్డు విజయం అనంతరం భారత స్టార్ ఓపెనర్ సంజూ శాంసన్ చేసిన వ్యాఖ్యలు ఇప్పుడు క్రికెట్ వర్గాల్లో హాట్ టాపిక్‌గా మారాయి. మైదానంలో తన విధ్వంసకర బ్యాటింగ్‌తో జట్టును గెలిపించిన సంజూ, మ్యాచ్ తర్వాత మీడియాతో మాట్లాడుతూ టీమిండియా కొత్త మైండ్‌సెట్, మైండ్ గేమ్‌ను స్పష్టం చేశారు. 2024 టీ20 ప్రపంచకప్ విజయం తర్వాత భారత జట్టు అనుసరిస్తున్న అగ్రెసివ్ అప్రోచ్ గురించి ఆయన క్లారిటీ ఇచ్చారు.

ఛేజింగ్ సమయంలో టార్గెట్ చిన్నదైనా, పెద్దదైనా తమ వ్యూహంలో మార్పు ఉండదని సంజూ వ్యాఖ్యానించారు. "మా ప్రణాళికలు ప్రతి దశకూ వేర్వేరుగా ఉంటాయి. పవర్ ప్లే ఒకలా ఉంటే, మిడిల్ ఓవర్లు, డెత్ ఓవర్ల వ్యూహాలు వేరేలా ఉంటాయి. లక్ష్యం 170 పరుగులైనా సరే, పవర్ ప్లేలో మంచి ఆరంభం లభిస్తే ఆ మొదటి ఆరు ఓవర్లలోనే మ్యాచ్‌పై ప్రత్యర్థికి ఆశలు లేకుండా చేస్తాం. అంటే పవర్ ప్లేలోనే గేమ్‌ను కిల్‌ చేయడమే మా స్టైల్" అని సంజూ స్పష్టం చేశారు. కొన్నిసార్లు ఈ విధానం ఫలించకపోయినా, ఈ అటాకింగ్ మైండ్‌సెట్‌నే కొనసాగిస్తామని ధీమా వ్యక్తం చేశారు.

భారత జట్టు బిజీ షెడ్యూల్‌పై వస్తున్న వార్తలపై కూడా సంజూ శాంసన్ స్పందించారు. ఇంగ్లండ్ పర్యటన ముగిసిన వెంటనే మేనేజ్‌మెంట్ ఫిట్‌నెస్‌కు సంబంధించి కఠినమైన ఆదేశాలు ఇచ్చిందని వెల్లడించారు. "వరుస మ్యాచ్‌లు ఆడటం మాకు దొరికిన అదృష్టంగా భావిస్తున్నాం. ఫిట్‌నెస్ రొటీన్‌ను పక్కాగా పాటించడం వల్ల ఫిజికల్‌గా, మెంటల్‌గా మేమంతా చాలా మంచి స్థితిలో ఉన్నాం. బిజినెస్ క్లాస్ ప్రయాణాలు, భారీ హోటళ్లలో వసతి పొందుతున్నాం కాబట్టి షెడ్యూల్ గురించి ఫిర్యాదు చేయాల్సిన పనే లేదు" అని సంజూ వివరించారు.

వరల్డ్ కప్ నాకౌట్ మ్యాచ్‌లలో ఆడిన ఇన్నింగ్స్‌లు తన ఆత్మవిశ్వాసాన్ని ఎంతగానో పెంచాయని సంజూ తెలిపారు. దేశం కోసం ఆడుతూ మ్యాచ్ విన్నింగ్ నాక్స్ ఆడటం వల్ల మానసికంగా ఎంతో దృఢంగా మారతానని చెప్పారు. ఆ నమ్మకంతోనే క్రీజులోకి వెళ్తున్నట్లు వెల్లడించారు. ఈ మ్యాచ్‌లో సంజూ కేవలం 33 బంతుల్లోనే 8 ఫోర్లు, 4 సిక్సర్లతో 67 పరుగులు చేసి భారత్ రికార్డు ఛేదనకు గట్టి పునాది వేశారు. ఈ ప్రదర్శనతో ఈ ఏడాది 26 ఇన్నింగ్స్‌లలో సంజూ తన 8వ ఫిఫ్టీ ప్లస్ స్కోరును నమోదు చేయడం విశేషం.

న్యూజిలాండ్ ఉంచిన 226 పరుగుల భారీ లక్ష్యాన్ని భారత్ 230/6 స్కోరు చేసి ఛేదించింది. సంజూ వేగవంతమైన ఆరంభం ఇచ్చినప్పటికీ, మిడిల్ ఓవర్లలో కివీస్ స్పిన్నర్లు శాంట్నర్, బ్రేస్‌వెల్ వరుస వికెట్లు తీసి ఇబ్బంది పెట్టారు. అయితే చివరి ఓవర్లలో కెప్టెన్ శ్రేయస్ అయ్యర్ (42), నమన్ ధీర్ (15 బంతుల్లో 42 నాటౌట్) ధనాధన్ బ్యాటింగ్‌తో భారత్‌ను గెలిపించారు. ఈ విజయంతో ఐదు మ్యాచ్‌ల టీ20 సిరీస్‌లో భారత్ 1-0 ఆధిక్యంలోకి దూసుకెళ్లింది. రెండో టీ20 శనివారం హగ్లీ ఓవల్‌లో జరగనుంది.

ముంబై ఇండియ‌న్స్ కీల‌క ప్ర‌క‌ట‌న‌.. ప్లేయ‌ర్‌ నుంచి హెడ్ కోచ్‌గా బాధ్య‌త‌లు, ఎవ‌రంటే.?

Narender Vaitla — Sat, 24 Oct 2026 18:56:06 +0530

Mumbai indians: ఐపీఎల్‌లో అత్యంత విజయవంతమైన జట్లలో ఒకటైన ముంబై ఇండియన్స్ కీలక ప్రకటన చేసింది. జ‌ట్టుకు కొత్త హెడ్ కోచ్‌ను నియ‌మిస్తూ నిర్ణ‌యం తీసుకుంది. ప్లేయ‌ర్‌గా ఎన్నో విజ‌యాలు అందించిన అత‌ను ఇప్పుడు జ‌ట్టుకు కోచ్‌గా మారాడు.

కీరన్ పొలార్డ్ 22 ఏళ్ల వయసులో ముంబై ఇండియన్స్ జట్టులో చేరారు. అప్పటి నుంచి దాదాపు 16 ఏళ్ల పాటు ఆ జట్టుతో అనుబంధాన్ని కొనసాగిస్తున్నారు. ఆటగాడిగా ముంబై విజయాల్లో కీలక పాత్ర పోషించిన ఆయన.. ఇటీవల బ్యాటింగ్ కోచ్‌గా కూడా పనిచేశారు. ఇప్పుడు హెడ్ కోచ్‌గా కొత్త బాధ్యతలు చేపట్టనున్నారు.

టీ20 క్రికెట్‌లో వస్తున్న మార్పులు, ఆటతీరులో అనుసరించాల్సిన వ్యూహాలు, ప్రత్యర్థి జట్లను ఎదుర్కొనే విధానాలపై పొలార్డ్‌కు మంచి అవగాహన ఉంది. ముంబై ఇండియన్స్ జట్టు సంస్కృతి, ఆటగాళ్ల సామర్థ్యాలు, జట్టు నుంచి ఆశించే ప్రమాణాల గురించి ఆయనకు పూర్తిగా తెలుసు. ఈ అనుభవం జట్టును విజయాల బాటలో నడిపించేందుకు ఉపయోగపడుతుందని ముంబై ఇండియన్స్ యాజమాన్యం భావిస్తోంది.

ముంబై ఇండియన్స్ సహ యజమాని నీతా ఎం. అంబానీ.. పొలార్డ్‌కు హెడ్ కోచ్ బాధ్యతలు అప్పగించడంపై సంతోషం వ్యక్తం చేశారు. 22 ఏళ్ల యువకుడిగా జట్టులో చేరిన పొలార్డ్.. గత 16 ఏళ్లలో తమ కుటుంబంలో ఒక ముఖ్యమైన భాగంగా మారారని ఆమె పేర్కొన్నారు. ఆటగాడిగా ఎన్నో మరపురాని విజయాలను అందించిన పొలార్డ్.. కోచ్‌గా కూడా తన అనుభవాన్ని, ఆటపై ఆసక్తిని, క్రికెట్‌పై లోతైన అవగాహనను జట్టుతో పంచుకున్నారని తెలిపారు. ముంబై ఇండియన్స్ జెర్సీ ధరించడం వెనుక ఉన్న బాధ్యత, అభిమానుల అంచనాలు ఆయనకు బాగా తెలుసని చెప్పారు. హెడ్ కోచ్‌గా కూడా అదే అంకితభావం, నమ్మకం, పట్టుదలతో పనిచేస్తారని విశ్వసిస్తున్నట్లు నీతా అంబానీ వెల్లడించారు. కొత్త బాధ్యతల్లో ఆయనకు విజయాలు దక్కాలని ఆకాంక్షించారు.

ముంబై ఇండియన్స్ హెడ్ కోచ్‌గా బాధ్యతలు చేపట్టడం గౌరవంగా భావిస్తున్నట్లు కీరన్ పొలార్డ్ తెలిపారు. ఈ జట్టు తన జీవితంలో, క్రికెట్ కెరీర్‌లో ఎంతో ముఖ్యమైన భాగమని పేర్కొన్నారు. ఆటగాడిగా, ఆ తర్వాత కోచ్‌గా ముంబై ఇండియన్స్‌తో కలిసి ప్రయాణించడం తనకు ప్రత్యేకమైన అనుభవమని చెప్పారు. జట్టు తరఫున ఆడటంలో ఉన్న బాధ్యతలు, ముంబై ఇండియన్స్ సంప్రదాయాలు, అభిమానులతో ఉన్న అనుబంధం తనకు బాగా తెలుసని పొలార్డ్ వివరించారు. తనపై నమ్మకం ఉంచిన నీతా అంబానీ, ఆకాష్ అంబానీతో పాటు జట్టు యాజమాన్యానికి కృతజ్ఞతలు తెలిపారు. ఆటగాళ్లు, సహాయక సిబ్బందితో కలిసి పనిచేస్తూ జట్టు విజయాల వారసత్వాన్ని కొనసాగించేందుకు కృషి చేస్తానని చెప్పారు. యువ ప్రతిభను ప్రోత్సహించడం, ఆటగాళ్ల నైపుణ్యాలను మెరుగుపరచడం, ముంబై ఇండియన్స్ అభిమానులు మరిన్ని విజయాలను జరుపుకునేలా చేయడం తన లక్ష్యమని పేర్కొన్నారు.

రిలయన్స్ ఇండస్ట్రీస్ లిమిటెడ్ అనుబంధ సంస్థ ఇండియావిన్ స్పోర్ట్స్ ప్రైవేట్ లిమిటెడ్ ఆధ్వర్యంలో ముంబై ఇండియన్స్ కొనసాగుతోంది. పురుషుల, మహిళల క్రికెట్‌లో ఎన్నో విజయాలు సాధించిన ఈ ఫ్రాంచైజీకి ప్రపంచవ్యాప్తంగా ప్రత్యేక గుర్తింపు ఉంది.

ముంబై ఇండియన్స్‌కు చెందిన జట్లు వివిధ టీ20 లీగ్‌లలో ఇప్పటివరకు మొత్తం 13 ఛాంపియన్‌షిప్ టైటిళ్లు సాధించాయి. వాటిలో ఐదు ఐపీఎల్ టైటిళ్లు, రెండు ఛాంపియన్స్ లీగ్ టీ20 టైటిళ్లు, రెండు మహిళల ప్రీమియర్ లీగ్ టైటిళ్లు ఉన్నాయి. అమెరికాలోని ఎంఐ న్యూయార్క్ జట్టు మేజర్ లీగ్ క్రికెట్‌లో రెండు టైటిళ్లు గెలుచుకుంది. అలాగే ఎంఐ ఎమిరేట్స్ ఐఎల్‌టీ20లో, ఎంఐ కేప్‌టౌన్ ఎస్‌ఏ20లో ఒక్కో టైటిల్ సాధించాయి.

ఇంగ్లండ్‌లో జరిగే ది హండ్రెడ్ టోర్నీలో ప్రస్తుతం ఎంఐ లండన్‌గా పిలుస్తున్న పురుషుల, మహిళల జట్లు కలిపి ఐదు టైటిళ్లు గెలుచుకున్నాయి. ఐదు దేశాలు, నాలుగు ఖండాల్లో పురుషుల, మహిళల క్రికెట్‌లో ఏడు జట్లతో ముంబై ఇండియన్స్ తన ప్రస్థానాన్ని కొనసాగిస్తోంది.

ఈ నేపథ్యంలో పొలార్డ్ నియామకం ద్వారా జట్టు విజయాల పరంపరను కొనసాగించడంతో పాటు కొత్త ఆటగాళ్లను తీర్చిదిద్దడం, జట్టు సంస్కృతిని బలోపేతం చేయడం, మైదానంలోనూ బయటా అత్యుత్తమ ఫలితాలు సాధించడం లక్ష్యంగా ముంబై ఇండియన్స్ ముందుకు సాగుతోంది.

హర్మన్‌ప్రీత్, దీప్తి శర్మ సెంచ‌రీల‌ మోత.. జింబాబ్వే ముందు భారీ లక్ష్యం

Narender Vaitla — Sun, 25 Oct 2026 18:06:37 +0530

కెప్టెన్ హర్మన్‌ప్రీత్ కౌర్ అద్భుత శతకం

భారత ఇన్నింగ్స్‌లో కెప్టెన్ హర్మన్‌ప్రీత్ కౌర్ కీలక పాత్ర పోషించింది. ఆరంభం నుంచి ఆత్మవిశ్వాసంతో బ్యాటింగ్ చేసిన ఆమె, క్రీజులో కుదురుకున్న తర్వాత పరుగుల వేగాన్ని పెంచింది. బౌలర్లపై ఆధిపత్యం ప్రదర్శిస్తూ బౌండరీలతో స్కోరు బోర్డును పరుగులు పెట్టించింది. మొత్తంగా 121 బంతులు ఎదుర్కొన్న హర్మన్‌ప్రీత్ 126 పరుగులు సాధించింది. ఆమె ఇన్నింగ్స్‌లో 15 ఫోర్లు ఉన్నాయి. 104.13 స్ట్రైక్‌రేట్‌తో పరుగులు చేసిన కెప్టెన్, జట్టుకు భారీ స్కోరు అందించడంలో ప్రధాన భూమిక పోషించింది. కీలక సమయంలో హర్మన్‌ప్రీత్ సాధించిన ఈ సెంచరీ భారత శిబిరంలో ఉత్సాహాన్ని నింపింది.

దీప్తి శర్మ దూకుడు.. 86 బంతుల్లోనే సెంచరీ

మరోవైపు దీప్తి శర్మ కూడా తన బ్యాటింగ్‌తో ప్రత్యర్థి బౌలర్లకు సవాల్ విసిరింది. హర్మన్‌ప్రీత్‌కు చక్కటి సహకారం అందించిన ఆమె, అవకాశం వచ్చినప్పుడల్లా బంతిని బౌండరీకి తరలించింది. వేగంగా పరుగులు సాధిస్తూ భారత స్కోరు భారీ స్థాయికి చేరేలా చేసింది. దీప్తి కేవలం 86 బంతుల్లోనే 106 పరుగులు చేసింది. ఇందులో 15 ఫోర్లు ఉన్నాయి. ఆమె స్ట్రైక్‌రేట్ 123.26గా నమోదైంది. ఇద్దరు బ్యాటర్లు ఒకే ఇన్నింగ్స్‌లో శతకాలు సాధించడంతో భారత్‌కు భారీ స్కోరు సాధించే అవకాశం లభించింది. ముఖ్యంగా దీప్తి వేగంగా ఆడటం చివరి దశలో జట్టు పరుగుల రేటును పెంచింది.

Innings Break!

Scintillating centuries from Vice-captain Deepti Sharma and Harmanpreet Kaur power #TeamIndia

Scorecard ▶️ https://t.co/ECnfLgdfi7

#INDvZIM | @mflone_ https://t.co/zyYJx9cH0w

— BCCI Women (@BCCIWomen) October 25, 2026

ప్రతికా రావల్ కీలక ఇన్నింగ్స్

భారత జట్టు భారీ స్కోరు సాధించడంలో ప్రతికా రావల్ కూడా తన వంతు సహకారం అందించింది. టాప్ ఆర్డర్‌లో బ్యాటింగ్ చేసిన ఆమె, జట్టుకు అవసరమైన పరుగులు సాధిస్తూ ఇన్నింగ్స్‌ను నిలబెట్టింది. ప్రతికా 67 బంతుల్లో 61 పరుగులు చేసింది. ఆమె ఇన్నింగ్స్‌లో నాలుగు ఫోర్లు, రెండు సిక్సర్లు ఉన్నాయి. హర్మన్‌ప్రీత్, దీప్తి శర్మలకు ముందు ప్రతికా అందించిన ఈ సహకారం భారత బ్యాటింగ్‌కు పునాది వేసింది. కీలక బ్యాటర్లు భారీ స్కోర్లు సాధించడంతో భారత్ ప్రత్యర్థి ముందు గట్టి లక్ష్యాన్ని ఉంచగలిగింది.

మిగతా బ్యాటర్ల ప్రదర్శన ఎలా ఉందంటే?

భారత జట్టులో మిగతా బ్యాటర్లు ఆశించిన స్థాయిలో పరుగులు చేయలేకపోయారు. షెఫాలీ వర్మ 8 పరుగులు చేసి వెనుదిరగగా, స్మృతి మంధానా ఖాతా తెరవకుండానే ఔటైంది. తేజల్ హస్బ్నిస్ మూడు పరుగులకే పరిమితమైంది. రిచా ఘోష్ ఏడు పరుగులు చేసింది. అయితే హర్మన్‌ప్రీత్, దీప్తి శర్మ, ప్రతికా రావల్ చేసిన పరుగులు ఈ లోటును భర్తీ చేశాయి. సయాలి సత్ఘరే మూడు పరుగులతో నాటౌట్‌గా నిలిచింది. కీలక బ్యాటర్లు భారీ ఇన్నింగ్స్‌లు ఆడటంతో మిగతా వికెట్లు త్వరగా పడినా భారత్ స్కోరుపై పెద్దగా ప్రభావం పడలేదు.

జింబాబ్వే ముందు 329 పరుగుల లక్ష్యం

భారత మహిళల జట్టు నిర్ణీత 50 ఓవర్లలో ఆరు వికెట్లు కోల్పోయి 328 పరుగులు సాధించింది. దీంతో జింబాబ్వే విజయానికి 329 పరుగులు చేయాల్సి ఉంది. ఇద్దరు భారత బ్యాటర్లు సెంచరీలు సాధించడం, మరో బ్యాటర్ అర్ధశతకంతో రాణించడం ఈ భారీ స్కోరుకు ప్రధాన కార‌ణాలుగా చెప్పొచ్చు.

Fastest T20 Fifty : 9 బంతుల్లో 50 పరుగులేంటి సామీ! టీ20 క్రికెట్లో ఫాస్టెస్ట్ హాఫ్ సెంచరీ బాదిందెవరో తెలుసా?

Arun Kumar P — Tue, 27 Oct 2026 16:45:02 +0530

ఇంటర్నేషనల్ టీ20 క్రికెట్లో ఫాస్టెస్ట్ హాఫ్ సెంచరీ బాదిందెవరు? ఏ అభిషేక్ శర్మనో లేదంటే వైభవ్ సూర్యవంశీనో ఈ రికార్డు నెలకొల్పి ఉంటారని అనుకుంటాం. కానీ కాదు… ఓ పసికూన టీం ప్లేయర్ పేరిట ఈ రికార్డు ఉంది.

టీ20 అంటేనే ధనాధన్ క్రికెట్... తక్కువ బంతుల్లో ఎక్కువ పరుగులు సాధించిన జట్టుదే ఈ ఫార్మాట్ లో విజయం. అందుకే అభిషేక్ శర్మ, వైభవ్ సూర్యవంశీ లాంటి ఇండియన్ హిట్టర్లు టీ20 క్రికెట్లో అద్భుతాలు చేస్తున్నారు... తాజాగా ఈ ఇద్దరు ఆకాశమే హద్దుగా చెలరేగారు. ఇవాళ (అక్టోబర్ 27, మంగళవారం) ఇండియా, న్యూజిలాండ్ మధ్య జరిగిన మూడో టీ20 లో టీమిండియా అద్భుత విజయం సాధించింది... ఓపెనర్ అభిషేక్ సెంచరీతో చెలరేగి ఒంటిచేత్తో మ్యాచ్ ను గెలిపించాడు.

కేవలం 15 బంతుల్లోనే 4 ఫోర్లు, 6 సిక్సర్లు బాది హాఫ్ సెంచరీ చేసిన అభిషేక్ అదే ఊపుతో సెంచరీ కూడా పూర్తిచేసుకున్నాడు… కేవలం 35 బంతుల్లోనే సెంచరీ చేశాడు. మొత్తంగా అభిషేక్ 11 సిక్సర్లు, 9 ఫోర్లతో కేవలం 38 బంతుల్లోనే 113 పరుగులు చేశాడు. అతడు 297 స్ట్రైక్ రేట్ తో బ్యాటింగ్ చేశాడు.

మరో ఓపెనర్ వైభవ్ సూర్యవంశీ కూడా తానేం తక్కువకాదు అన్నట్లగా బౌండరీలతో విరుచుకుపడ్డాడు... కేవలం 19 బంతుల్లో 45 పరుగులు (4 సిక్సర్లు, 4 ఫోర్లు) చేశాడు. ఇలా ఓపెనర్లిద్దరు ధనాధన్ బ్యాటింగ్ చేయడంతో 199 పరుగుల లక్ష్యాన్ని కేవలం 13.2 ఓవర్లలోనే పూర్తిచేసింది టీమిండియా.

అయితే అభిషేక్ శర్మ తాజా ఇన్నింగ్స్ తో మరోసారి టీ20 క్రికెట్లో ఫాస్టెస్ట్ హాఫ్ సెంచరీ రికార్డుపై చర్చ మొదలయ్యింది. ఎంత వేగంగా ఆడినా ఓ ఆటగాడి రికార్డును టీమిండియా క్రికెటర్లు బద్దలుకొట్టలేకపోతున్నారు. ఇంతకీ ఆ క్రికెటర్ ఎవరు? ఎన్ని బంతుల్లో అర్థశతకం బాదాడు? ఇండియన్ క్రికెటర్స్ లో ఫాస్టెస్ట్ హాఫ్ సెంచరీ బాదిందెవరు? ఇలాంటి ఆసక్తికర విషయాలను ఇక్కడ తెలుసుకుందాం.

అంతర్జాతీయ టీ20 క్రికెట్లో ఏ టీమిండియా ప్లేయరో లేక ఆస్ట్రేలియా ఆటగాడో ఫాస్టెస్ట్ హాఫ్ సెంచరీ బాది ఉంటారని చాలామంది అనుకుంటారు. కానీ నిజానికి ఇప్పుడిప్పుడే ఇంటర్నేషనల్ క్రికెట్లో ఎదుగుతున్న పసికూన నేపాల్ ఆటగాడి పేరిట ఈ రికార్డు ఉంది. ఈ జట్టు ప్లేయర్ దీపేంద్ర సింగ్ ఐరీ కేవలం 9 బంతుల్లోనే హాఫ్ సెంచరీ బాది వరల్డ్ రికార్డు నెలకొల్పాడు. 2023 లో మంగోలియాపై జరిగిన మ్యాచ్ లో అతడు ఈ ఘనత సాధించాడు. 10 కంటే తక్కువ బంతుల్లో హాఫ్ సెంచరీ చేసిన ఏకైక ఆటగాడిగా దీపేంద్ర సింగ్ నిలిచాడు.

ఇక టీ20 క్రికెట్లో ఫాస్టెస్ట్ హాఫ్ సెంచరీల జాబితాలో టీమిండియా మాజీ ప్లేయర్ యువరాజ్ సింగ్ రెండో స్థానంలో ఉన్నాడు. అతడు 2007 టీ20 వరల్డ్ కప్ లో ఇంగ్లాండ్ పై కేవలం 12 బంతుల్లోనే అర్థశతకం బాదాడు. ఇంటర్నేషనల్ క్రికెట్లో అయితే సెకండ్ ఫాస్టెస్ట్, టీమిండియాలో ఇదే ఫాస్టెస్ట్ హాఫ్ సెంచరీ. ఒకే ఓవర్లో ఆరు సిక్సర్లు బాదిన స్పెషల్ ఇన్నింగ్స్ ఇదే.

అయితే గురువు యువరాజ్ బాటలోనే అభిషేక్ శర్మ నడుస్తున్నాడు… కేవలం 14 బంతుల్లో హాఫ్ సెంచరీ బాదిన రికార్డు ఇతడి సొంతం. ఆసక్తికర విషయం ఏంటంటే ఈ రికార్డు కూడా న్యూజిలాండ్ పైనే కావడం విశేషం. అంటే తాజా మ్యాచ్ లో కంటే ఓ బంతి తక్కువగానే ఆడి హాఫ్ సెంచరీ చేశాడన్నమాట.

టీ20 క్రికెట్లో మరో విధ్వంసకర టీమిండియా ప్లేయర్ వైభవ్ సూర్యవంశీ. ఇండియన్ ప్రీమియర్ లీగ్ (IPL) లో ఆకాశమే హద్దుగా చెలరేగి వెలుగులోకి వచ్చిన ఇతడు చిన్న వయసులోనే టీమిండియాలో చోటు దక్కించుకున్నాడు. పిట్ట కొంచెం కూత ఘనం అన్నట్లుగా అంతర్జాతీయ క్రికెట్లోనూ ఇతడు రికార్డుల మోత మోగిస్తున్నాడు... ఇటీవల జింబాబ్వేతో జరిగిన టీ20 మ్యాచ్ లో కేవలం 18 బంతుల్లోనే హాఫ్ సెంచరీ పూర్తిచేసుకున్నాడు. తాజాగా 19 బంతుల్లో 45 పరుగులు చేసి ఔటై మరో ఫాస్టెస్ట్ హాప్ సెంచరీని మిస్సయ్యాడు.

ఇలా ప్రస్తుతం టీమిండియా ఓపెనర్లు అభిషేక్ శర్మ, వైభవ్ సూర్యవంశీల మధ్యే పోటీ నెలకొంది. వీరిద్దరిలో ఎవరు నేపాల్ క్రికెటర్ దీపేంద్ర సింగ్ రికార్డును బద్దలుగొడతారో చూడాలి... అంటే కేవలం 9 కంటే తక్కువ బంతుల్లో హాఫ్ సెంచరీ సాధించాలన్నమాట. అసాధ్యమైన ఈ రికార్డును సుసాధ్యం చేసేదెవరో.

హర్మన్‌ప్రీత్, దీప్తి శతకాలతో భారత్ ఘన విజయం.. జింబాబ్వేపై 121 పరుగుల తేడాతో గెలుపు

Narender Vaitla — Sun, 25 Oct 2026 21:47:40 +0530

హర్మన్‌ప్రీత్ కౌర్ అద్భుత ఇన్నింగ్స్

తొలుత బ్యాటింగ్ చేసిన భారత్‌కు ఆరంభంలో కొన్ని ఎదురుదెబ్బలు తగిలాయి. స్మృతి మంధాన పరుగుల ఖాతా తెరవకుండానే వెనుదిరగగా, షెఫాలీ వర్మ 8 పరుగులు చేసి పెవిలియన్ చేరింది. తేజల్ హసబ్నిస్ కూడా 3 పరుగులకే ఔటైంది. ఈ దశలో క్రీజులోకి వచ్చిన హర్మన్‌ప్రీత్ కౌర్ జట్టును ఆదుకుంది. ప్రత్యర్థి బౌలర్లపై ఆధిపత్యం ప్రదర్శిస్తూ భారీ షాట్లతో పరుగులు రాబట్టింది.

మొత్తం 121 బంతులు ఎదుర్కొన్న హర్మన్‌ప్రీత్ 15 ఫోర్ల సాయంతో 126 పరుగులు చేసింది. మరోవైపు ప్రతికా రావల్ 67 బంతుల్లో 61 పరుగులు సాధించి ఇన్నింగ్స్‌కు స్థిరత్వాన్ని అందించింది. కీలక సమయంలో వీరిద్దరూ చేసిన పరుగులు భారత్ భారీ స్కోరు సాధించడానికి దోహదపడ్డాయి.

దీప్తి శర్మ మెరుపు సెంచరీ

హర్మన్‌ప్రీత్‌కు తోడుగా దీప్తి శర్మ కూడా బ్యాట్‌తో సత్తా చాటింది. జింబాబ్వే బౌలర్లకు ఏమాత్రం అవకాశం ఇవ్వకుండా దూకుడుగా ఆడింది. కేవలం 86 బంతుల్లోనే 15 ఫోర్లతో 106 పరుగులు చేసి అజేయంగా నిలిచింది. చివరి ఓవర్లలో దీప్తి వేగంగా పరుగులు సాధించడంతో భారత్ స్కోరు మరింత పెరిగింది. రిచా ఘోష్ 7 పరుగులు చేయగా, సయాలి సత్ఘరా 3 పరుగులతో నాటౌట్‌గా నిలిచింది. మొత్తంగా భారత జట్టు నిర్ణీత 50 ఓవర్లలో 6 వికెట్ల నష్టానికి 328 పరుగులు చేసింది. హర్మన్‌ప్రీత్, దీప్తి ఇద్దరూ సెంచరీలు సాధించడం ఈ మ్యాచ్‌లో భారత్‌కు ప్రధాన బలంగా నిలిచింది.

జింబాబ్వే పోరాటం వృథా

329 పరుగుల లక్ష్యంతో బరిలోకి దిగిన జింబాబ్వేకు భారత బౌలర్లు ఆరంభం నుంచే సవాల్ విసిరారు. వికెట్లు కోల్పోతూ వచ్చిన ఆ జట్టు బ్యాటర్లు భారీ భాగస్వామ్యాలు నెలకొల్పడంలో విఫలమయ్యారు. మోడెస్టర్ ముచిపకివా 49 పరుగులతో టాప్ స్కోరర్‌గా నిలిచింది. చిపో ముగెరి-ట్రిపానో 46 పరుగులు చేయగా, బెలోవెడ్ బిజా 34 పరుగులతో ఫర్వాలేదనిపించింది. అయితే, వీరి వ్యక్తిగత ప్రదర్శనలు జట్టును విజయానికి దగ్గర చేయలేకపోయాయి. మిగతా బ్యాటర్లు ఎక్కువసేపు క్రీజులో నిలవలేకపోవడంతో జింబాబ్వే 48.5 ఓవర్లలో 207 పరుగులకు ఆలౌటైంది. భారత్ నిర్దేశించిన లక్ష్యానికి ఆ జట్టు 121 పరుగుల దూరంలో నిలిచిపోయింది.

Maiden wicket & the win ☝️

Jintimani Kalita strikes for the very first time in ODIs to wrap up the innings and seal a spectacular victory for #TeamIndia

Scorecard ▶️ https://t.co/ECnfLgdfi7

#INDvZIM | @mflone_ https://t.co/6Gayz0X64R

— BCCI Women (@BCCIWomen) October 25, 2026

2-0తో సిరీస్ టీమిండియా కైవసం

రెండో వన్డేలోనూ విజయం సాధించడంతో భారత మహిళల జట్టు మూడు మ్యాచ్‌ల సిరీస్‌ను 2-0తో కైవసం చేసుకుంది. తొలి మ్యాచ్‌లో గెలిచిన భారత్, రెండో పోరులోనూ అదే జోరును కొనసాగించింది. బ్యాటింగ్‌లో హర్మన్‌ప్రీత్ కౌర్, దీప్తి శర్మ శతకాలతో ఆకట్టుకోగా, బౌలింగ్‌లో ప్రత్యర్థిని తక్కువ స్కోరుకే పరిమితం చేయడం జట్టుకు కలిసొచ్చింది. సమష్టి ప్రదర్శనతో సిరీస్‌ను దక్కించుకున్న టీమిండియా, చివరి వన్డేలోనూ గెలిచి సిరీస్‌ను క్లీన్‌స్వీప్ చేయాలనే లక్ష్యంతో బరిలోకి దిగనుంది.