Asianet News Telugu

Parenting: పిల్లలు బుద్ధిగా మీ మాట వినాలంటే ..ఈ సూత్రాలు ఫాలో అయిపోండి

Nandini Arava — Mon, 19 Oct 2026 15:14:34 +0530

Parenting: ఉదయం స్కూల్‌కు వెళ్లే హడావుడి..ఆఫీసుకు లేటవుతుందనే టెన్షన్‌..ఇలాంటి టైంలోనే పిల్లలు మారాం చేస్తున్నారా? షూస్ వేసుకోమని, టీవీ ఆఫ్ చేయమని ఏడుస్తున్నారా? ఇదంతా మొండితనమే అనుకుంటున్నారా? పిల్లల ఆ ప్రవర్తన వెనుక కారణమేంటో తెలుసా?

ఉదయం స్కూల్‌కు వెళ్లే హడావుడి..మరోవైపు ఆఫీసుకు ఆలస్యమవుతోందనే టెన్షన్‌..పిల్లలకు షూస్‌ వేయించాలనుకుంటే మాత్రం వారు మారాం చేస్తుంటారు. వాటర్ బాటిల్ కావాలని, కాసేపు ఆడుకుంటామని ఏడుస్తుంటారు. తల్లిదండ్రులు ఎంత తొందరపెడితే పిల్లలు అంతగా మొండికేస్తారు. ఇలాంటి పరిస్థితులు చాలా ఇళ్లలో కనిపిస్తుంటాయి. అయితే పిల్లలు కావాలనే ఇలా చేస్తున్నారా? లేక దీని వెనుక మరో కారణం ఉందా? పిల్లల ప్రవర్తనపై జరిగిన పరిశోధనలో కీలక విషయాలు బయటపడ్డాయి.

పిల్లలు ఆడుకుంటున్నప్పుడు ఇంటికి వెళ్లమంటే ఏడవడం, టీవీ ఆఫ్ చేయమంటే కోపం తెచ్చుకోవడం, స్కూల్‌కు వెళ్లే సమయంలో బట్టలు వేసుకోవడానికి నిరాకరించడం.. ఇలాంటి సందర్భాల్లో చాలామంది తల్లిదండ్రులు పిల్లలను మొండివాళ్లుగా భావిస్తారు. కానీ చిన్నపిల్లల ప్రవర్తనను అర్థం చేసుకోవాలంటే వారి వయసు, ఆలోచనా విధానం, భావోద్వేగాలను నియంత్రించుకునే సామర్థ్యాన్ని కూడా పరిగణనలోకి తీసుకోవాలి.

పెద్దవాళ్లకు ఒక పని ఆపి మరో పని చేయడం సాధారణంగా అనిపించవచ్చు. కానీ చిన్నపిల్లలకు మధ్యలో ఆపడం కష్టంగా ఉంటుంది. పార్కులో స్నేహితులతో ఆడుకుంటున్న పిల్లలకు వెంటనే ఇంటికి వెళ్లిపోవాలని చెప్పడం, బొమ్మలతో ఆడుకుంటున్న సమయంలో వాటిని పక్కన పెట్టి స్కూల్‌కు వెళ్లమని చెప్తుంటే వినరు.

దీనికి మరో కారణం పిల్లల్లో మెదడు అభివృద్ధి చెందుతున్న తీరు. ఒక పనిపై దృష్టిని మార్చుకోవడం, తమ కోరికలను అదుపులో ఉంచుకోవడం, మారుతున్న పరిస్థితులకు అనుగుణంగా ప్రవర్తించడం వంటి నైపుణ్యాలను ఎగ్జిక్యూటివ్ ఫంక్షన్ అంటారు. చిన్న వయసులో ఈ సామర్థ్యాలు పూర్తిస్థాయిలో అభివృద్ధి చెందవు. పిల్లలు పెరుగుతున్న కొద్దీ వీటిని క్రమంగా నేర్చుకుంటారు. అలసిపోయినప్పుడు, నిరాశకు గురైనప్పుడు లేదా తమకు ఇష్టమైన పనిని అకస్మాత్తుగా ఆపాల్సి వచ్చినప్పుడు పిల్లలు తమ భావోద్వేగాలను నియంత్రించుకోవడంలో ఇబ్బంది పడవచ్చు.

ఒక ఉదాహరణ తీసుకుందాం. స్కూల్ బస్సు వచ్చే సమయం దగ్గరపడుతోంది. తల్లిదండ్రులకు ఆఫీసులో ముఖ్యమైన పని ఉంది. పిల్లలు మాత్రం యూనిఫాం వేసుకోవడానికి నిరాకరిస్తున్నారు. మొదట నచ్చజెప్పే తల్లిదండ్రులు.. సమయం గడిచేకొద్దీ గట్టిగా మాట్లాడటం మొదలుపెడతారు. దీంతో పిల్లలు మరింత ఏడవడం లేదా మొండిగా ప్రవర్తించడం చేయవచ్చు. ఇక్కడ తల్లిదండ్రులు ఆలస్యమవుతోందనే ఆందోళనలో ఉంటే, పిల్లలు తమకు ఇష్టమైన పనిని ఆపాల్సి వస్తోందనే అసంతృప్తితో ఉండవచ్చు. ఇద్దరూ ఒత్తిడికి గురైతే సమస్య మరింత పెరిగే అవకాశం ఉంటుంది. పిల్లలు బాధపడుతున్నప్పుడు వారి భావాలను గుర్తించాలి, ప్రశాంతంగా మాట్లాడటం, అవసరమైన హద్దులను స్పష్టంగా చెప్పాలి.

ఉదాహరణకు..నీకు ఇంకా ఆడుకోవాలని ఉందని నాకు తెలుసు. కానీ ఇప్పుడు ఇంటికి వెళ్లాలి..అని చెప్తూ వాళ్ల ఎమోషన్స్ ని అర్థం చేసుకుని ప్రవర్తించాలి. అప్పుడే చెప్పిన మారాం వింటారు. లేదా గట్టిగా అరిస్తే మాత్రం పరిస్థితిని ఎలా ఎదుర్కోవాలో నేర్చుకోలేరు.

చిన్నపిల్లల్లో కోపంతో ఏడవడం, అరవడం, నేలపై పడిపోవడం వంటి ప్రవర్తనలు సాధారణంగా కనిపిస్తుంటాయి. అయితే వాటి తీవ్రత, వ్యవధి, తరచుదనం ఒక్కో పిల్లల్లో ఒక్కోలా ఉంటాయి.

2022లో జర్నల్ ఆఫ్ డెవలప్‌మెంటల్ అండ్ బిహేవియరల్ పీడియాట్రిక్స్ లో ప్రచురితమైన ఒక అధ్యయనంలో ఒకటి నుంచి ఐదేళ్ల వయసున్న 861 మంది పిల్లల టాంట్రమ్స్‌ గురించి తల్లిదండ్రులు అందించిన వివరాలను పరిశోధకులు పరిశీలించారు. వయసు పెరుగుతున్న కొద్దీ టాంట్రమ్స్‌ తరచుదనం సాధారణంగా తగ్గినప్పటికీ, వాటి వ్యవధిలో మార్పులు కనిపించాయని గుర్తించారు. టాంట్రమ్స్‌ తరచుగా రావడం, ఎక్కువసేపు కొనసాగడం వంటి అంశాలు పిల్లల ఇతర ప్రవర్తనా సమస్యలతో సంబంధం కలిగి ఉండవచ్చని అధ్యయనం సూచించింది.

అలాగే, 2023లో రిసెర్చ్ ఆన్ చైల్డ్ అండ్ అడోలెసెంట్ సైకోపాథాలజీ జర్నల్‌లో ప్రచురితమైన మరో అధ్యయనం 94 మంది చిన్నపిల్లలను ఏడాది పాటు పరిశీలించింది. పిల్లలను క్రమశిక్షణలో పెట్టే సమయంలో తల్లిదండ్రులు అనుసరించే పద్ధతులు, టాంట్రమ్స్‌ తీవ్రత మధ్య సంబంధాన్ని పరిశోధకులు అధ్యయనం చేశారు. పిల్లలపై అధికంగా ఒత్తిడి తీసుకురావడం, క్రమశిక్షణ విషయంలో స్థిరత్వం లేకపోవడం వంటి అంశాలు కాలక్రమేణా టాంట్రమ్స్‌ తీవ్రత పెరగడంతో సంబంధం కలిగి ఉన్నాయని గుర్తించారు.

అయితే ఈ అధ్యయనాల్లోని ఫలితాలను ప్రతి పిల్లవాడికీ వర్తింపజేయలేం. ఒక్కోసారి పిల్లలు ఏడ్చినంత మాత్రాన వారిలో ఏదో సమస్య ఉందని భావించకూడదు. పిల్లల వయసు, ప్రవర్తనలో మార్పులు, టాంట్రమ్స్‌ తరచుదనం, రోజువారీ జీవితంపై వాటి ప్రభావం వంటి అంశాలను కలిపి పరిశీలించాలి.

1. పిల్లల భావాలను గుర్తించండి

ఏడుపు ఆపు.. అని చెప్పడానికి బదులుగా.. నీకు ఇంకా ఆడుకోవాలని ఉందని తెలుసు. ఇప్పుడు వెళ్లాల్సిన సమయం వచ్చింది అని చెప్పండి. పిల్లలు బాధపడుతున్నారని అంగీకరిస్తూనే, నిర్ణయాన్ని స్పష్టంగా తెలియజేయండి.

2. చిన్న చిన్న ఎంపికలు ఇవ్వండి

పిల్లలకు ప్రతిదీ తమ ఇష్టానుసారం జరగాలని అనిపించవచ్చు. అలాంటప్పుడు వారికి కొంత స్వేచ్ఛ ఇచ్చేలా రెండు ఎంపికలు ఇవ్వండి. “నీలం రంగు షూస్ వేసుకుంటావా? ఎరుపు రంగువి వేసుకుంటావా?” అని అడగవచ్చు. ఇలా చేయడం వల్ల పిల్లలకు తమ నిర్ణయానికి కూడా ప్రాధాన్యం ఉందనే భావన కలుగుతుంది. అయితే మీరు అంగీకరించగలిగే ఎంపికలనే ఇవ్వాలి.

3. ముందుగానే హెచ్చరించండి

పార్కు నుంచి బయలుదేరాల్సిన సమయంలో అకస్మాత్తుగా వెళ్లిపోదామని చెప్పకుండా, ఐదు నిమిషాల ముందే పిల్లలకు తెలియజేయండి. “ఇంకో ఐదు నిమిషాలు ఆడుకుందాం. ఆ తర్వాత ఇంటికి వెళ్దాం” అని చెప్పండి. సమయం దగ్గరపడినప్పుడు మరోసారి గుర్తుచేయండి. దీనివల్ల పిల్లలు ఆ పనిని ఆపడానికి మానసికంగా సిద్ధమయ్యే అవకాశం ఉంటుంది.

4. ఏడుస్తున్నప్పుడు ఎక్కువగా మాట్లాడకండి

పిల్లలు తీవ్రంగా ఏడుస్తున్నప్పుడు వారికి పెద్ద పెద్ద వివరణలు ఇవ్వడం వల్ల ప్రయోజనం ఉండకపోవచ్చు. ఆ సమయంలో చిన్న మాటలతోనే భరోసా ఇవ్వండి. “నీకు కోపంగా ఉందని తెలుసు. నేను ఇక్కడే ఉన్నాను. మనం ఇప్పుడు సిద్ధం కావాలి” అని చెప్పవచ్చు. ముందుగా పిల్లలు ప్రశాంతంగా మారేందుకు సహకరించండి. ఆ తర్వాత ఏం జరిగిందో వివరించండి.

5. ఉదయం హడావుడిని తగ్గించండి

స్కూల్ బ్యాగ్ సర్దడం, యూనిఫాం సిద్ధం చేయడం, వాటర్ బాటిల్ నింపడం వంటి పనులను వీలైనంతవరకు ముందు రోజే పూర్తి చేయండి. ఉదయం బయలుదేరడానికి కొంత అదనపు సమయం కేటాయించండి. దీనివల్ల ప్రతి చిన్న పనికీ తొందరపెట్టాల్సిన పరిస్థితులు తగ్గవచ్చు.

పిల్లలు నలుగురిలో ఏడ్చే సందర్భాల్లో చుట్టూ ఉన్నవారు ఏమనుకుంటారోనని తల్లిదండ్రులు ఆందోళన చెందుతుంటారు. ఆ ఒత్తిడితో పిల్లలను ఏడుపు ఆపాలని గట్టిగా అరిచి, కొట్టేస్తుంటారు.

అలాంటి సమయంలో ఇతరుల అభిప్రాయాల కంటే పిల్లల పరిస్థితిపై దృష్టి పెట్టడం మంచిది. వీలైతే వారిని సురక్షితమైన, ప్రశాంతమైన ప్రదేశానికి తీసుకెళ్లండి. వారు ఏడుస్తున్నారనే కారణంతో ప్రతి నిర్ణయాన్నీ మార్చాల్సిన అవసరం లేదు. నెమ్మదిగా చెప్పి అక్కడి నుంచి తీసుకెళ్లాలి.

పిల్లలు ప్రశాంతంగా మారిన తర్వాత, ఆ సమయంలో ఎందుకు కోపం వచ్చిందో మాట్లాడండి. తర్వాత అలాంటి పరిస్థితి ఎదురైనప్పుడు ఎలా స్పందించాలో నెమ్మదిగా నేర్పించండి.

పిల్లల్లో అప్పుడప్పుడు టాంట్రమ్స్‌ రావడం సాధారణమే. అయితే అవి తరచుగా తీవ్రమైన రూపంలో కనిపిస్తుంటే, అసాధారణంగా ఎక్కువసేపు కొనసాగుతుంటే, పిల్లలు తమను తాము లేదా ఇతరులను పదేపదే గాయపరుచుకుంటుంటే, రోజువారీ కార్యకలాపాలకు తీవ్ర ఆటంకం కలిగిస్తుంటే వైద్యుడిని లేదా పిల్లల మానసిక ఆరోగ్య నిపుణుడిని సంప్రదించడం మంచిది. అభివృద్ధికి సంబంధించిన ఇతర ఆందోళనలు ఉన్నా నిపుణుల సలహా తీసుకోవాలి. పిల్లల మారాం వెనుక కారణాన్ని అర్థం చేసుకోవాలి.

పిల్లలు తల్లిదండ్రులు హడావుడిలో ఉన్నప్పుడే మారాం చేస్తున్నట్లు అనిపించవచ్చు. కానీ ప్రతి సందర్భంలోనూ వారు కావాలనే ఇబ్బంది పెడుతున్నారని భావించకూడదు. వాళ్ల పరిస్థితిని అర్థం చేసుకుని ప్రతీది వివరిస్తే...వాళ్లంతట వాళ్లే తెలుసుకుంటారు.

Child Psychology: మీ పిల్లల్లో ఈ 5 లక్షణాలు ఉంటే.. మీరు సూపర్ కిడ్‍ని పెంచుతున్నట్లే!

Kavitha G — Tue, 14 Apr 2026 16:07:20 +0530

ప్రతి తల్లిదండ్రులకి తమ పిల్లలు ప్రత్యేకంగా ఉండాలి, జీవితంలో గొప్ప స్థాయికి చేరుకోవాలి అనే కోరిక ఉండటం సహజం. అయితే చిన్నప్పటి నుంచే పిల్లల్లో కనిపించే కొన్ని లక్షణాలు వారి భవిష్యత్ ప్రతిభకు సంకేతమని సైకాలజీ నిపుణులు చెబుతున్నారు. అవేంటో చూద్దాం.

ఏ పేరెంట్స్ అయినా తమ పిల్లలు తెలివిగా, ఆత్మవిశ్వాసంతో ఎదగాలని కోరుకుంటారు. అయితే కొన్ని ప్రత్యేక లక్షణాలు చిన్నప్పుడే కనిపిస్తే, అవి భవిష్యత్తులో అసాధారణ ప్రతిభకు సంకేతాలని నిపుణులు చెబుతున్నారు. సైకాలజీ నిపుణుల ప్రకారం కొంతమంది పిల్లల్లో కనిపించే కొన్ని అలవాట్లు, లక్షణాలు వారు “సూపర్ కిడ్”గా ఎదగబోతున్నారని సూచిస్తాయి. ఇవి చదువులోనే కాదు.. వారి ఆలోచనా విధానం, ప్రవర్తన, సృజనాత్మకత, భావోద్వేగ నియంత్రణ వంటి అంశాల్లో కూడా కనిపిస్తాయి.

సైకాలజీ ప్రకారం మీ పిల్లలు తరచూ “ఎందుకు?”, “ఎలా?” ఇది చేస్తే ఏమవుతుంది? వంటి ప్రశ్నలు అడుగుతుంటే, అది వారి మెదడు చురుకుగా పనిచేస్తోందని సంకేతం. ఇలాంటి పిల్లలు కొత్త విషయాలు నేర్చుకోవడంలో ముందుంటారు.

డ్రాయింగ్ వేయడం, కథలు చెప్పడం, కొత్త కొత్త ఆలోచనలు చేయడం వంటి విషయాల్లో మీ పిల్లలు ఆసక్తి చూపితే, అది వారి ఊహాశక్తి బలంగా ఉందని అర్థం. ఈ లక్షణం భవిష్యత్తులో ఇన్నోవేషన్‌కు దారి తీస్తుంది.

నిపుణుల ప్రకారం.. కొందరు పిల్లలు సమస్య వచ్చినప్పుడు వెంటనే సహాయం అడగకుండా పరిష్కరించే ప్రయత్నం చేస్తుంటారు. అలా సమస్య గురించి ఆలోచించి పరిష్కారం కనుగొనడానికి ప్రయత్నించే పిల్లలు భవిష్యత్తులో స్వతంత్రంగా ఆలోచించే నాయకులుగా ఎదుగుతారని నిపుణులు చెబుతున్నారు.

ఇతరుల భావాలను అర్థం చేసుకోవడం, సానుభూతి చూపించడం వంటి లక్షణాలు ఉన్న పిల్లలు సామాజికంగా విజయవంతం అవుతారు. ఇది మంచి నాయకత్వ లక్షణాలకు పునాది వేస్తుంది.

ఒక పని మొదలుపెట్టిన తర్వాత అది పూర్తయ్యే వరకు కష్టపడటం, విఫలమైతే మళ్లీ ప్రయత్నించడం వంటి లక్షణాలు ఉన్న పిల్లలు జీవితంలో పెద్ద విజయాలు సాధించే అవకాశాలు ఎక్కువగా ఉంటాయి.

నిపుణుల ప్రకారం, IQ కంటే కూడా ఈ పట్టుదల, శ్రమించే తత్వం ఎక్కువగా ప్రభావం చూపుతుంది. పిల్లల్లో ఈ లక్షణాలను గుర్తించడం మాత్రమే కాదు, వాటిని ప్రోత్సహించడం కూడా తల్లిదండ్రుల బాధ్యత.

Pregnancy Age: గర్భం దాల్చడానికి సరైన వయసెంత? ఈ ఏజ్ దాటితే రిస్క్ అంటున్న నిపుణులు

Nandini Arava — Sat, 04 Apr 2026 08:56:57 +0530

Pregnancy Age: చదువు, కెరీర్, ఆర్థిక స్వాతంత్ర్యం వంటి కారణాలతో చాలామంది మహిళలు ఆలస్యంగా పెళ్లి చేసుకుంటున్నారు. లేదా తల్లి కావాలనే నిర్ణయాన్ని వాయిదా వేస్తున్నారు. కానీ, వయసు పెరిగే కొద్దీ గర్భధారణలో కొన్ని సమస్యలు ఎదురయ్యే ప్రమాదం ఉంది.

వైద్య నిపుణుల ప్రకారం, మహిళలు గర్భం దాల్చడానికి 20 నుంచి 30 ఏళ్ల మధ్య వయసు చాలా సురక్షితమైనది. ఈ సమయంలో మహిళల్లో సంతానోత్పత్తి సామర్థ్యం (Fertility) ఎక్కువగా ఉంటుంది. ఆరోగ్యకరమైన బిడ్డకు జన్మనిచ్చే అవకాశాలు కూడా మెరుగ్గా ఉంటాయి.30 ఏళ్లు దాటాక సంతానోత్పత్తి సామర్థ్యం క్రమంగా తగ్గుతూ వస్తుంది. ముఖ్యంగా 35 ఏళ్లు దాటిన తర్వాత గర్భం దాల్చడాన్ని 'అడ్వాన్స్‌డ్ మెటర్నల్ ఏజ్' (Advanced Maternal Age) అంటారు. దీనివల్ల కొన్ని ఆరోగ్య సమస్యలు తలెత్తవచ్చు.అధిక రక్తపోటు (BP), మధుమేహం (షుగర్), ప్రసవ సమయంలో లేదా తర్వాత అధిక రక్తస్రావం అయ్యే ప్రమాదం ఉంటుంది. సిజేరియన్ (C-Section) చేయాల్సిన అవసరం పెరగొచ్చు. ఇక బిడ్డ విషయానికొస్తే.. తక్కువ బరువుతో పుట్టడం, నెలలు నిండకముందే ప్రసవం, కొన్ని జన్యుపరమైన లోపాలు తలెత్తే అవకాశం ఉంది.మహిళల శరీరంలో అండాల (Eggs) సంఖ్య పుట్టుకతోనే నిర్ణయించబడుతుంది. వయసు పెరిగే కొద్దీ ఈ అండాల సంఖ్యతో పాటు వాటి నాణ్యత (Quality) కూడా తగ్గుతుంది. అందుకే 35 ఏళ్ల తర్వాత గర్భం దాల్చడానికి చాలాసార్లు వైద్య సహాయం అవసరం కావచ్చు.

వయసుతో సంబంధం లేకుండా, గర్భధారణ సమయంలో సరైన జాగ్రత్తలు తీసుకుంటే తల్లీబిడ్డ ఇద్దరూ సురక్షితంగా ఉండొచ్చు. క్రమం తప్పని వైద్య పరీక్షలు చేయించుకోవాలి. డాక్టర్లు సూచించినప్పుడు స్కానింగ్, రక్త పరీక్షలు తప్పనిసరి. పౌష్టికాహారం, ఫోలిక్ యాసిడ్ వంటి విటమిన్లు తీసుకోవాలి. ఏ చిన్న ఆరోగ్య సమస్య వచ్చినా వెంటనే డాక్టర్‌ను సంప్రదించాలి.

Parenting: మీ పిల్లలకు ఈ అలవాటు ఉందా?

Nandini Arava — Mon, 05 Oct 2026 12:41:03 +0530

Parenting: ప్రతి చిన్న విషయానికీ పిల్లలు మీ అనుమతి అడుగుతున్నారా? అడగడం మంచిదే. ఇది మామూలు అలవాటే కావొచ్చు. కానీ సొంతంగా నిర్ణయం తీసుకోగలుగుతున్నారా? అనేది గుర్తించండి. భయపడితే మాత్రం అసలు కారణమేంటో తెలుసుకోండి.

అమ్మా.. ఈ డ్రెస్ వేసుకోవచ్చా?, నాన్నా.. ఇది చేస్తే బాగుంటుందా?, నేను ఇలా చేస్తే ఓకేనా?.. పిల్లలు ఇలా అడగడం చాలా సహజం. తాము చేస్తున్న పని సరైందో కాదో తెలుసుకోవడానికి తల్లిదండ్రుల సలహా తీసుకుంటారు. కానీ ప్రతి చిన్న నిర్ణయానికీ పేరెంట్స్‌నే అడగడం, వాళ్లు ఓకే అంటేనే ముందుకు వెళ్లడం అలవాటుగా మారితే మాత్రం కాస్త గమనించాలి.

తల్లిదండ్రుల అంచనాలు చాలా ఎక్కువగా ఉన్నాయని పిల్లలు భావిస్తే.. తప్పు చేయడానికి భయపడే అవకాశం ఉంటుంది. నేను ఇలా చేస్తే అమ్మానాన్నలు ఏమనుకుంటారు? అనే ఆలోచనతో కొత్త విషయాలను ప్రయత్నించకుండా ఉండొచ్చు. భారత్‌లో 18 నుంచి 25 ఏళ్ల మధ్య వయసున్న 466 మందిపై జరిగిన ఒక అధ్యయనంలో కూడా తల్లిదండ్రుల అంచనాలు ఎక్కువగా ఉన్నాయని భావించిన యువతలో.. ఇతరులు తమను తప్పుగా అంచనా వేస్తారేమోననే భయం, అలాగే తప్పులు చేయకూడదనే ఒత్తిడి ఎక్కువగా ఉన్నట్లు గుర్తించారు.

పిల్లలు చిన్న వయసులో తల్లిదండ్రులపై ఆధారపడటం సహజమే. అయితే వయసు పెరుగుతున్న కొద్దీ తమకు నచ్చిన విషయాలపై సొంతంగా నిర్ణయం తీసుకోవడం కూడా నేర్చుకోవాలి. అది జరగకుండా..అమ్మానాన్నలకు నచ్చుతుందా? వాళ్లు ఏమనుకుంటారు? అనే ఆలోచనతో ప్రతి విషయంలోనూ అనుమతి కోసం ఎదురుచూస్తే.. పిల్లల్లో సొంత నిర్ణయం తీసుకునే ధైర్యం తగ్గే అవకాశం ఉంటుంది.

చిన్న పిల్లలు తాము వేసిన డ్రాయింగ్ బాగుందా, చేసిన పని సరిగ్గా ఉందా అని అడుగుతుంటారు. పేరెంట్స్ మెచ్చుకుంటే వాళ్లకు ఆనందంగా ఉంటుంది. ఇది సాధారణమే. కానీ రాను రాను అమ్మానాన్నలు మెచ్చుకుంటేనే నేను బాగా చేశాను అనే ఆలోచన బలపడితే సమస్య కావచ్చు. తాము ఎంచుకున్న విషయం పేరెంట్స్‌కు నచ్చకపోతే చాలా బాధపడటం, వెంటనే నిర్ణయం మార్చుకోవడం లేదా అసలు ప్రయత్నించకపోవడం వంటివి కనిపించొచ్చు.

కొంతమంది పిల్లలు తమకు ఏం ఇష్టమో ఆలోచించడం కంటే.. తల్లిదండ్రులకు ఏది నచ్చుతుందో ఆలోచించడం మొదలుపెడతారు. ఉదాహరణకు.. తమకు ఒక హాబీ ఇష్టంగా ఉన్నా, పేరెంట్స్ మరోదాన్ని మెచ్చుకుంటే దానినే ఎంచుకోవచ్చు. చదువులోనూ ఇదే పరిస్థితి రావచ్చు. తాము ఏం చేయాలనుకుంటున్నారనే దానికంటే.. అమ్మానాన్నలు నన్ను మెచ్చుకోవాలంటే ఏం చేయాలి? అనే ఆలోచన ఎక్కువ కావచ్చు.

ఈ అలవాటు చిన్నతనంతోనే ఆగిపోవాల్సిన అవసరం లేదు. కొందరు పెద్దయ్యాక కూడా ఉద్యోగం విషయంలో, సిటీకి వెళ్లడం, పెళ్లి చేసుకోవడం వంటి ముఖ్యమైన నిర్ణయాల సమయంలో తల్లిదండ్రుల అభిప్రాయం కోసం ఎదురుచూస్తుంటారు. తల్లిదండ్రులను సలహా అడగడం తప్పు కాదు. అసలు విషయం ఏమిటంటే..వారి అభిప్రాయం విన్న తర్వాత సొంత నిర్ణయం తీసుకోగలుగుతున్నారా? అన్నదే. అమ్మానాన్నలు ఒకటి చెబితే విని, ఆలోచించి తనకు నచ్చిన నిర్ణయం తీసుకోగలిగితే అది మంచిదే. కానీ వాళ్ల మాటకు భిన్నంగా నిర్ణయం తీసుకుంటే భయం, బాధ లేదా అపరాధ భావన కలుగుతుంటే మాత్రం ఆ విషయాన్ని గమనించాలి.

పిల్లలకు ప్రతి విషయాన్ని తల్లిదండ్రులే నిర్ణయించాల్సిన అవసరం లేదు. వయసుకు తగ్గ చిన్న చిన్న నిర్ణయాలను వాళ్లే తీసుకునే అవకాశం ఇవ్వాలి. ఇది చేయి అని చెప్పడం కంటే.. నీకు ఏది బాగుంటుందని అనిపిస్తోంది? అని అడగొచ్చు. పిల్లలు తప్పు నిర్ణయం తీసుకున్నా వెంటనే మందలించకుండా..దాని నుంచి ఏం నేర్చుకున్నారో మాట్లాడాలి. ఎప్పుడూ సరైన నిర్ణయం తీసుకోవడమే ఆత్మవిశ్వాసం కాదు. తప్పు జరిగినా పర్లేదు.. దాన్ని సరిదిద్దుకుని మళ్లీ ప్రయత్నించగలను అనే నమ్మకం పిల్లల్లో రావడం ముఖ్యం.

అందుకే మీ పిల్లలు ప్రతి చిన్న విషయానికీ ఇది ఓకేనా? అని అడుగుతున్నారంటే.. వెంటనే ఆందోళన చెందాల్సిన అవసరం లేదు. కానీ వారు సొంతంగా నిర్ణయం తీసుకోవడానికి భయపడుతున్నారా? తప్పు చేస్తే తీవ్రంగా బాధపడుతున్నారా? అనే విషయాలను మాత్రం తల్లిదండ్రులు గమనించడం మంచిది.

Kids Health: పిల్లలకు అస్సలు ఇవ్వకూడని ఫుడ్స్, తల్లులు తప్పక తెలుసుకోవాలి

Nandini Arava — Sat, 07 Mar 2026 21:12:26 +0530

Kids Health: పిల్లల ఆరోగ్యం అనేది తల్లిదండ్రులకు చాలా ఇంపార్టెంట్. అది కూడా వాళ్లు ఎదిగే సమయంలో వారికి ఇచ్చే ఆహారం మరీ ముఖ్యం. అది వారి శరీరానికి మాత్రమే కాకుండా బ్రెయిన్ డెవలప్‍మెంట్‍పై ప్రభావం చూపుతుంది.

ఇప్పుడున్న సమయంలో పిల్లలకు పెట్టే ఫుడ్ విషయంలో తల్లిదండ్రులు చాలా నిర్లక్ష్యంగా ఉంటున్నారు. ముఖ్యంగా పెరేంట్స్ ఇద్దరూ ఉద్యోగాల్లో హడావిడిగా ఉండటం, బిజీబిజీగా ఉండటం వల్ల....పిల్లలు ఏం తింటున్నారో, టైంకు తింటున్నారో లేదో చూసుకోరు, పట్టించుకోరు. మరికొంతమంది తల్లిదండ్రులు ఏదో ఒకటి పెట్టేస్తుంటారు. రాత్రి మిగిలిపోయిన బిర్యానీలు, త్వరగా అయిపోయే ఇన్‍స్టంట్ మ్యాగీలు, న్యూడుల్స్ ఇచ్చేస్తుంటారు. దానిపిల్లల్లో జీర్ణప్రక్రియ నెమ్మదిగా జరుగుతుంది. కాబట్టి బయటఫుడు, మసాలాలు, ప్రిజర్వేటివ్స్ తీసుకుంటే అరగదు. వల్ల వాళ్ల ఆరోగ్యం త్వరగా పాడవుతుంది.

పిల్లలైనా, పెద్దలకైనా రకరకాల ఫుడ్ తినాలని ఉంటుంది. ఇంట్లో వెరైటీగా, హెల్దీగా చేసి పెడితే పిల్లలు ఇష్టంగా తింటారు. ఒకవేళ అలా జరగకపోతే బయట జంక్ ఫుడ్స్, ప్యాకేజ్డ్ పదార్థాలకు అలవాటు పడతారు. అవి పిల్లల ఆరోగ్యానికి అసలు మంచివి కావు. అందుకే చిన్న పిల్లలకు ఇవ్వకుండా ఉండాల్సిన కొన్ని ఫుడ్స్ గురించి తెలుసుకుందాం.

ముఖ్యంగా కూల్ డ్రింక్స్. చాలా మంది ఇళ్లల్లో కూల్‍డ్రింక్స్ తెచ్చి పెట్టుకుంటారు. పిల్లలు కూడా వాటికి అలవాటుపడిపోతారు. పొద్దున్నే లేవగానే చాలా మంది పిల్లలు కూల్ డ్రింక్స్ తాగడానికి ఇష్టపడతారు. కానీ వీటిలో ఎక్కువగా షుగర్, గ్యాస్, ఆర్టిఫిషియల్ ఫ్లేవర్స్ ఉంటాయి. ఇవి పిల్లల పళ్ల ఆరోగ్యాన్ని దెబ్బతీస్తాయి. ఎక్కువగా తీసుకుంటే దంత సమస్యలు, ఒబెసిటీ వంటి సమస్యలు వచ్చే ప్రమాదం ఉంటుంది. అలాగే శరీరంలో చక్కెర స్థాయిలు కూడా పెరుగుతాయి.

పిల్లలకు ఎక్కువగా ఇష్టమయ్యే స్నాక్స్‌లో చిప్స్ ఒకటి. కానీ చిప్స్‌లో ఎక్కువ మోతాదులో సాల్ట్, ఆయిల్, ఫ్యాట్స్ ఉంటాయి. ఇవి శరీరంలో చెడు కొలెస్ట్రాల్ పెంచుతాయి. దీని వల్ల బీపీ సమస్యలు రావచ్చు. అలాగే జీర్ణక్రియను దెబ్బతీస్తుంది.

ఇన్‌స్టంట్ ఫుడ్స్, ఇన్‍స్టంట్ నూడుల్స్...ఇవి 5, 10 నిమిషాల్లో తయారైపోతాయి కాబట్టి తల్లిదండ్రులు పిల్లలకు ఇస్తుంటారు. కానీ వీటిలో ఉండే ప్రిజర్వేటివ్స్, సోడియం, బ్యాడ్ ఫ్యాట్స్ ఉంటాయి. వీటిని తరచుగా తినడం వల్ల పిల్లల్లో ఒబెసిటీ సమస్య పెరుగుతుంది. అలాగే కాలేయంపై కూడా ప్రతికూల ప్రభావం పడే అవకాశం ఉంటుంది.

చాక్లెట్స్, క్యాండీస్‌లో అధికంగా షుగర్, కృత్రిమ రంగులు ఉంటాయి. ఇవి ఎక్కువగా తింటే దంతాల్లో గుల్లలు, దంతాలు పుచ్చిపోవడం జరుగుతుంది. అంతేకాకుండా పిల్లల్లో హైపర్ యాక్టివిటీ కూడా పెరుగుతుంది.

జంక్ ఫుడ్స్‌ అయిన పిజ్జా, బర్గర్ వంటి వాటిలో ఎక్కువగా సాల్ట్, ట్రాన్స్ ఫ్యాట్స్ ఉంటాయి. వీటిలో మైదా, శరీరానికి హాని చేసే కెచప్స్, సాస్‍లు ఉంటాయి. శరీరానికి అవసరమైన పోషకాలు ఇవ్వవు. ఎక్కువగా తింటే ఒబెసిటీ, లివర్ సమస్యలు వచ్చే ప్రమాదం ఉంటుంది.

పిల్లల ఆరోగ్యం బాగుండాలంటే ఇంట్లో తయారుచేసిన భోజనం పెట్టడం చాలా మంచిది. ఫ్రూట్స్, కూరగాయలు, పాలు, గుడ్లు, పప్పులు, గింజలు వంటి పోషకాహారాలు పిల్లల ఆహారంలో ముఖ్యంగా ఉండాలి. దానివల్ల పిల్లల ఆరోగ్యం, మెదడు చురుకుదనం పెరుగుతుంది. గట్ హెల్త్ బాగుంటుంది. యాక్టివ్‍గా ఉంటారు.

Tamannaah: తల్లిగా తన కోరికని బయట పెట్టిన తమన్నా.. అమ్మలా అస్సలు ఉండనంటూ బోల్డ్ స్టేట్ మెంట్

Nandini Arava — Fri, 02 Oct 2026 13:01:55 +0530

Tamannaah: మిల్కీ బ్యూటీ ఫ్యూచర్ గురించి ఆమె తల్లి ఒక షాకింగ్ విషయం బయటపెట్టారు. తమన్నా తల్లి అయితే ఎలా ఉంటుందో చెప్పేశారు. పేరెంటింగ్ స్టైల్‌ స్ట్రిక్ట్ గా ఉంటుందని అన్నారు. కానీ అందుకు తమన్నా ఏమంటున్నారో చూడండి.

తల్లీకూతుళ్ల మధ్య చిన్న చిన్న విషయాల్లో అభిప్రాయ భేదాలు రావడం సహజమే. అయితే పిల్లలు పెద్దయ్యాక వాళ్లు ఎలా ఉంటారో, ఎలాంటి తల్లిదండ్రులుగా ఉంటారో కూడా తల్లులు ముందుగానే అంచనా వేస్తుంటారు. ఇప్పుడు నటి తమన్నా విషయంలోనూ ఆమె తల్లి ఓ ఆసక్తికరమైన విషయాన్ని రివీల్ చేశారు.

తమన్నా భవిష్యత్తులో తల్లి అయితే చాలా స్ట్రిక్ట్ గా ఉంటుందని ఆమె తల్లి భావిస్తున్నారట. అయితే ఈ విషయంలో తమన్నా మాత్రం తన తల్లితో ఏకీభవించడం లేదు. తాను మాత్రం చాలా ‘చిల్’ మామ్‌గా ఉంటానని చెబుతోంది.

ఇటీవల ‘ది వ్వాన్: ఫోర్స్ ఆఫ్ ది ఫారెస్ట్’ సినిమా ప్రమోషన్స్‌లో భాగంగా ఇచ్చిన ఇంటర్వ్యూలో తమన్నా తన తల్లితో జరిగిన ఒక చర్చ గురించి చెప్పింది. తాను భవిష్యత్తులో తల్లి అయితే చాలా స్ట్రిక్ట్ మామ్ అవుతానని అమ్మ అంటుంటారు..కానీ అది ఆమె అభిప్రాయమని తమన్నా చెప్పింది.

అయితే తాను మాత్రం పిల్లల విషయంలో చాలా సరదాగా ఉంటానని ఈ మిల్కీ బ్యూటీ తెలిపింది. చిల్ మామ్ గా ఉంటానని అన్నారు. తన అమ్మ తనతో స్ట్రిక్ట్ గా ఉండేవారని...అందుకే తాను కూడా అలా ఉంటానని అనుకుంటున్నారని చెప్పారు.

ఒకవేళ తనకు పిల్లలు పుడితే వాళ్లపై అంత కఠినంగా ఉండనని తమన్నా స్పష్టం చేసింది. పిల్లలు తనతో సరదాగా ఉండాలని కోరుకుంటానని చెప్పింది. స్కూల్‌కు వెళ్లకుండా ఒకరోజు క్లాస్ బంక్ కొట్టినా ఫర్వాలేదన్నట్టుగా తాను ఉండాలని అనుకుంటున్నట్లు సరదాగా చెప్పుకొచ్చింది.

ప్రస్తుతం తమన్నా భాటియా, సిద్ధార్థ్ మల్హోత్రా కలిసి నటించిన ‘ది వ్వాన్: ఫోర్స్ ఆఫ్ ది ఫారెస్ట్’ సినిమా విజయాన్ని ఎంజాయ్ చేస్తున్నారు. ఈ సినిమా బీహార్‌లోని పాట్నాకు సుమారు 35 కిలోమీటర్ల దూరంలో ఉన్న వాన్ దేవి ఆలయానికి సంబంధించిన పురాణగాథ ఆధారంగా రూపొందింది.

దాదాపు 400 ఏళ్ల చరిత్ర ఉన్న ఈ ఆలయం బీహార్‌లో ఎంతో ప్రాముఖ్యత కలిగినదిగా చెబుతారు. చుట్టుపక్కల అడవుల్లోని ప్రతికూల శక్తుల నుంచి స్థానికులను ఈ ఆలయం కాపాడుతుందనే నమ్మకం ఉంది. అయితే రాత్రి సమయంలో ఆలయాన్ని, దాని చుట్టుపక్కల అడవిని సందర్శించడానికి అనుమతి లేదు.

సినిమా విడుదలైన తర్వాత ప్రేక్షకుల నుంచి కూడా ఇంట్రెస్టింగ్ రియాక్షన్ వస్తోంది. తొలివారం ముగిసే సమయానికి సినిమా రూ.50 కోట్లకు పైగా వసూళ్లు సాధించింది. ముఖ్యంగా బీహార్‌లో అభిమానులు సినిమాను ప్రత్యేకంగా సెలబ్రేట్ చేసుకుంటున్నారు. కొంతమంది అభిమానులు థియేటర్లలోకి వెళ్లే ముందు బయటే చెప్పులు వదిలి వెళ్లగా.. మరికొందరు థియేటర్లలో ప్రసాదంగా డీప్ ఫ్రైడ్ తేకువాను పంచుకోవడం సోషల్ మీడియాలో వైరల్‌గా మారింది.

Parenting: పిల్లలకు చదువుపై ఇంట్రెస్ట్ రావాలంటే తల్లిదండ్రులు ఈ అలవాట్లు మార్చుకోవాల్సిందే

Nandini Arava — Sun, 25 Oct 2026 12:07:17 +0530

Parenting: పిల్లలకు మంచి మార్కులు రావాలని పేరెంట్స్ కోరుకుంటారు. అయితే మార్కులే లక్ష్యంగా మారితే పిల్లల్లో చదువు తగ్గి, పరీక్షలంటే భయం పెరుగుతుంది. అందుకే పిల్లలకు కొత్త విషయాలు నేర్చుకోవాలంటే తల్లిదండ్రులకు కచ్చితంగా ఈ నాలుగు అలవాట్లు ఉండాల్సిందే.

పిల్లలు స్కూల్ నుంచి ఇంటికి రాగానే చాలామంది తల్లిదండ్రులు అడిగే మొదటి ప్రశ్న.. ఈ రోజు ఎన్ని మార్కులొచ్చాయి?అని. అలా కాకుండా ఈ రోజు ఏం నేర్చుకున్నావు? అని అడిగితే పిల్లల్లో ఆలోచించే అలవాటు పెరుగుతుంది. చదువును కేవలం మార్కులతో ముడిపెట్టకుండా, కొత్త విషయాలను తెలుసుకునేందుకు ప్రయత్నిస్తారు. దీంతో చదువుపై ఆసక్తి పెరిగి, తప్పులు చేస్తామనే భయం కూడా తగ్గే అవకాశం ఉంటుంది.

నువ్వు చాలా తెలివైనవాడివి అంటూ పిల్లలను పొగడటం కంటే ఒక పనిని పూర్తి చేయడానికి వారు చేసిన ప్రయత్నాన్ని గుర్తించడం ముఖ్యం. ఉదాహరణకు, పరీక్షలో తక్కువ మార్కులు వచ్చినప్పుడు తిట్టకుండా.. గతంలో కంటే ఎంత మెరుగయ్యారో చెప్పండి. క్రమంగా చదవడం, కష్టమైన అంశాలను అర్థం చేసుకోవడానికి ప్రయత్నించడం వంటి అలవాట్లను ప్రోత్సహించండి. ఇలా చేయడం వల్ల తప్పులు జరిగినా వెనకడుగు వేయకుండా, కొత్త విషయాలను నేర్చుకోవడానికి పిల్లలు సిద్ధపడతారు.

పిల్లలకు డ్రాయింగ్, మ్యూజిక్, గేమ్స్ ఇలా ఇష్టాలు ఉండొచ్చు. అయితే, ప్రతి విషయంలోనూ ఫస్ట్ రావాలని, ఇతరుల కంటే మెరుగ్గా ఉండాలని ఒత్తిడి చేస్తే.. వారికి మొదట్లో ఉన్న ఆసక్తి క్రమంగా తగ్గిపోవచ్చు. పిల్లలు తమకు నచ్చిన పనులను ఆనందంగా చేసుకునే స్వేచ్ఛ ఇవ్వాలి. హాబీల ద్వారా వారు కొత్త నైపుణ్యాలను నేర్చుకోవడంతో పాటు, ఆత్మవిశ్వాసాన్ని పెంచుకోవచ్చు. ప్రతి పనిలోనూ గెలవాల్సిన అవసరం లేదని, నేర్చుకోవడం కూడా ముఖ్యమేనని వారికి అర్థమయ్యేలా చెప్పాలి.

నీ ఫ్రెండ్‌కు ఎక్కువ మార్కులొచ్చాయి.. నువ్వెందుకు తెచ్చుకోలేకపోయావు? అంటూ ఇతర పిల్లలతో పోల్చడం వల్ల వారిలో ఆత్మన్యూనత భావం పెరిగే అవకాశం ఉంది. పిల్లల్లో నేర్చుకోవడం, ఇంట్రెస్ట్, సామర్థ్యాలు వేర్వేరుగా ఉంటాయి. అందుకే ఇతరులతో పోల్చే బదులు, గతంలో కంటే ఇప్పుడు ఎంత మెరుగయ్యారో గుర్తించండి. వారి బలాలను ప్రోత్సహిస్తూ, బలహీనతలను అధిగమించేందుకు సహాయం చేయండి. దీంతో పిల్లలు తమను తాము నమ్మడం నేర్చుకుంటారు.

Parenting: మగ పిల్లలకు తల్లి చెప్పాల్సిన 7 లైఫ్ లెసెన్స్.. జీవితాన్నే మార్చేస్తాయి..!

ramya Sridhar — Thu, 30 Jul 2026 11:10:06 +0530

Parenting: పిల్లలకు తల్లిదండ్రులు ఆస్తులు ఇచ్చినా, ఇవ్వకపోయినా కచ్చితంగా విలువలు నేర్పించాలి. అది పెద్దయ్యాక చెబితే ఉపయోగం ఉండదు. ముఖ్యంగా 8 ఏళ్లలోపే పిల్లలకు నేర్పించాల్సిన కొన్ని విషయాలు ఉన్నాయి. అవేంటో చూద్దాం..

ఈ రోజుల్లో ప్రతి తల్లిదండ్రులు తమ పిల్లల కోసం ఎంత ఎక్కువ ఆస్తులు కూడబెట్టాలా అని తిప్పలు పడుతూ ఉంటారు. కానీ, పిల్లలకు డబ్బు, ఇల్లు, ఆస్తి ఇచ్చినా, ఇవ్వకపోయినా చిన్నప్పటి నుంచి చెప్పే కొన్ని విలువలు వారి జీవితాన్ని నడిపిస్తాయి. ఒక మంచి భర్తగా, మంచి తండ్రిగా, మంచి పౌరుడిగా ఎదగాలంటే చిన్న వయసు లోనే కొన్ని విషయాలు నేర్పించాలి.

మన సమాజంలో ఎక్కువగా వినిపించే మాటలు.. ‘ అబ్బాయిలు ఏడ్వకూడదు’ అని. ఎవరైనా ఏడుస్తుంటే.. ఆడపిల్లలా ఏడుస్తావేంటి..? అని అంటూ ఉంటారు. కానీ, అందులో ఎలాంటి నిజం లేదు అని తల్లి తన కొడుక్కి చెప్పాలి. కోపం, ప్రేమ, బాధ, సంతోషం ఎలా వ్యక్తపరుస్తామో.. ఏడ్వడం కూడా అలాంటిదే అని పిల్లలకు చెప్పాలి. ఎమోషన్స్ ని కంట్రోల్ లో ఉంచుకోవాల్సిన అవసరం లేదు అని చెప్పాలి. ఏడవడం అంటే బలహీనత కాదు అని అర్థమయ్యేలా చెప్పాలి. ఏడవకుండా లోపలే బాధను దాచుకోవడం ఆరోగ్యానికి మంచిది కాదు.

2.ఆడ పిల్లలను గౌరవించాలి...

ఇంట్లో తల్లికి మాత్రమే కాదు భార్య, చెల్లి, అక్క, స్నేహితురాలు ఎవరైనా సరే మహిళలను కచ్చితంగా గౌరవించాలి. ఈ విషయాన్ని చిన్నప్పటి నుంచే నేర్పించాలి. నిజమైన గొప్పతనం ఎదుటివారిని గౌరవించడంలోనే ఉంటుంది. అది ఒక్కసారిగా పెద్దయ్యాక రాదు.. చిన్న వయసు నుంచే ఈ విషయాన్ని తల్లి తన కొడుక్కి నేర్పించాలి.

ప్రతి మనిషి ఏదో ఒక సమయంలో తప్పులు చేయడం చాలా సహజం. కానీ, చేసిన తప్పును ఒప్పుకోవడం చాలా ముఖ్యం. అందుకే.. పిల్లలు తప్పు చేసినా ఒప్పకోవడం నేర్పించాలి. చేసిన తప్పుకు ఇతరులకు క్షమాపణ చెప్పడం కూడా చాలా మంచి లక్షణం. ఈ విషయాన్ని పిల్లలకు నేర్పించాలి.

4.ఇంటి పనులు అందరి బాధ్యత..

చాలా మంది ఇంటి పనులు.. కేవలం స్త్రీల బాధ్యత అనే భావన పిల్లల్లో చిన్నప్పటి నుంచి నాటుకుపోయి ఉంటుంది. ఆ ఆలోచనను మార్చేయాలి. ఇంటి పని ఇంట్లో అందరి బాధ్యత అని చిన్నప్పటి నుంచి నేర్పించాలి. అది ఆడవాళ్ల పని అనే భావన పిల్లల మనసులో రానివ్వకూడదు. వంట చేయడం. ఇల్లు శుభ్రం చేయడం, పాత్రలు శుభ్రం చేయడం... పని ఏదైనా మగ పిల్లలకు చేయడం నేర్పాలి. ఇది కూడా చిన్నప్పటి నుంచే నేర్పించాలి.

5.డబ్బు సంపాదించడం ఒక్కటే ముఖ్యం కాదు...

జీవితంలో విజయం సాధించడం అంటే డబ్బు సంపాదించడం, జీతం ఎక్కువగా ఉండటం కాదు. నిజాయితీతో ఉండటం, ఇతరులతో దయగా ఉండటం, అవసరంలో ఉన్నవారికి సహాయం చేయడం కూడా చాలా ముఖ్యం. నిజమైన విజయం వీటితోనే సాధ్యం అవుతుంది.

6.కోపంలో మాట జారడం..

మనిషికి కోపం రావడం చాలా సహజం. కానీ, కోపంలో మాట్లాడిన మాటలు జీవితాంతం మనసును గాయపరుస్తాయి. అందుకే, ఎంత కోపంలో అయినా మాట జారకూడదు. ఏదైనా మాట మాట్లాడే ముందు ఒకటికి వంద సార్లు ఆలోచించడం చాలా ముఖ్యం.

7.నేర్చుకోవడం ఆపకూడదు..

జీవితంలో ప్రతి రోజూ కొత్త పాఠమే. పుస్తకాల నుంచి మాత్రమే కాదు, మనుషుల నుంచి, అనుభవాల నుంచి, తప్పుల నుంచి కూడా నేర్చుకోవాలి. ఇది జీవితంలో గెలవడానికి సహాయపడుతుంది. అందుకే, ఈ మాటలు పిల్లలకు తల్లి మాత్రమే చెప్పగలదు.

పేరెంట్స్ చేయాల్సిన పని ఇదే..

పిల్లలు మనం చెప్పేది విన్నా.. అన్ని ఫాలో అవుతారు అనుకోవడం మన భ్రమ. వాళ్లు నిజంగా మనం చెప్పినవి.. పిల్లలు నేర్చుకోవాలి అంటే.. ముందు అది మనం ఫాలో అవ్వాలి. పిల్లలు మనం చేసింది చూసి ఎక్కువ నేర్చుకుంటారు. కాబట్టి గౌరవం, నిజాయితీ, ప్రేమ, బాధ్యత వంటి విలువలను మాటలతో పాటు మన ప్రవర్తన ద్వారా పిల్లలకు నేర్పించాలి.

Pregnancy Diet: ప్రెగ్నెన్సీ టైంలో కచ్చితంగా తినాల్సిన పండ్లు ఇవే!

Kavitha G — Wed, 04 Mar 2026 16:14:58 +0530

ప్రెగ్నెన్సీ సమయంలో ఆరోగ్యం చాలా ముఖ్యం. దానికోసం మంచి పోషకాలున్న ఆహారం తీసుకోవాలి. పండ్లు, కూరగాయల్లో పోషకాలు, ఫైబర్, యాంటీఆక్సిడెంట్లు పుష్కలంగా ఉంటాయి. ఆ టైంలో తప్పక తినాల్సిన కొన్ని పండ్ల గురించి ఇప్పుడు తెలుసుకుందాం.

Child Psychology: పిల్లల్ని బెదిరించి చదివిస్తే సక్సెస్ అవుతారా? సైకాలజీ ఏం చెబుతోంది?

Kavitha G — Wed, 18 Mar 2026 17:06:34 +0530

ఏ పేరెంట్స్ అయినా తమ పిల్లలు చదువులో ముందుండాలని కోరుకుంటారు. అందుకోసం కొంతమంది పిల్లల్ని బెదిరించి, భయపెట్టి చదివిస్తుంటారు. ఈ తీరు పిల్లలపై ఎలాంటి ప్రభావం చూపిస్తుంది? వాళ్లు లైఫ్ లో సక్సెస్ అవుతారా? సైకాలజీ ఏం చెబుతోందో ఇక్కడ చూద్దాం.

కొంతమంది తల్లిదండ్రులు, టీచర్లు పిల్లలను బెదిరించి చదివిస్తుంటారు. తద్వారా వాళ్లు బాగా చదివి మంచి మార్కులు తెచ్చుకుంటారని అనుకుంటారు. కానీ ఈ పద్ధతి అన్నీసార్లు మంచిది కాదని చెబుతున్నారు సైకాలజీ నిపుణులు. చిన్న వయసు నుంచే పిల్లల్ని భయపెట్టి బలవంతంగా చదివిస్తే వాళ్లపై ఎలాంటి ప్రభావం ఉంటుందో ఇక్కడ తెలుసుకుందాం.

సైకాలజీ నిపుణుల ప్రకారం భయపెట్టి చదివించడం వల్ల కొత్త విషయాలు నేర్చుకోవడంలో తప్పులు దొర్లుతాయనే భావన పిల్లల్లో బాగా పెరుగుతుంది. దానివల్ల వారు కొత్త విషయాలు ప్రయత్నించడానికి ఇబ్బంది పడతారు. ఎక్కువగా భయపెట్టడం వల్ల చిన్న పిల్లల అభ్యాసంలో ప్రతికూల ఫలితాలు వచ్చే అవకాశం ఉంది. సాధారణంగా పిల్లలు తప్పులు చేస్తూ నేర్చుకుంటారు కానీ, పేరెంట్స్, టీచర్స్ బెదిరించడం వల్ల వారు ప్రయత్నం చేయడానికి కూడా భయపడతారు.

సైకాలజీ నిపుణుల ప్రకారం పిల్లల్ని భయపెట్టడం కంటే సానుకూల ప్రోత్సాహం ఇవ్వడం మంచి ఫలితాన్ని ఇస్తుంది. చిన్న విజయాలను గుర్తించడం, పాజిటివ్ మాటలు చెప్పడం, ఆటల ద్వారా నేర్చుకోవడం, పిల్లల ఆత్మవిశ్వాసాన్ని పెంచుతాయి. ఇవి భయపెట్టి చదివించడంతో పోలిస్తే ఎక్కువ ఫలితాలు ఇస్తాయి.

సైకాలజీ ప్రకారం భయంతో మాత్రమే చదివించడం, తాత్కాలికంగా కొంత ఫలితం ఇచ్చినా, దీర్ఘకాలంలో ప్రతికూల ప్రభావాలు చూపుతుంది. పిల్లల్లో భయం పెరిగితే, వారు అన్నింటికి సంకోచిస్తారు. వారిలో క్రియేటివిటీ తగ్గుతుంది. నలుగురిలో ఉండడానికి ఇబ్బంది పడతారు.

సైకాలజీ నిపుణుల ప్రకారం ప్రేమతో, ప్రోత్సాహంతో, సానుకూల పద్ధతులతో మార్గనిర్దేశం చేయడం మంచిది. పిల్లలకు తప్పుల నుంచి నేర్చుకునే అవకాశాలు ఇవ్వడం, పిల్లలను స్వతంత్రంగా నేర్చుకునే విధంగా తయారుచేయడం వంటివి నిజంగా వారికి చదువులో స్థిరమైన విజయాన్ని ఇస్తాయి.

Parenting Tips: పిల్లలు నిద్రలో పక్క తడుపుతున్నారా? కారణాలు, పరిష్కారాలు ఇవే!

ramya Sridhar — Thu, 26 Mar 2026 17:01:49 +0530

పిల్లలు పక్క తడపడం అనేది చాలా ఇళ్లలో చూసే సాధారణ సమస్య. దీన్ని ఒక జబ్బుగా చూడాల్సిన పనిలేదు. చాలాసార్లు వయసు పెరిగే కొద్దీ ఈ అలవాటు దానంతట అదే పోతుంది. బ్లాడర్ పూర్తిగా అభివృద్ధి చెందకపోవడం, గాఢ నిద్ర, హార్మోన్ల మార్పులు, మానసిక ఒత్తిడి లేదా మలబద్ధకం వంటివి దీనికి కారణాలు కావచ్చు.

కేవలం చిన్న పిల్లలే కాదు, టీనేజ్‌లోకి వచ్చిన కొందరిలో కూడా నిద్రలో తెలియకుండానే పక్క తడిపే అలవాటు ఉంటుంది. చాలామంది విషయంలో దీనికి సరైన కారణం ఏంటో స్పష్టంగా తెలియదు. కానీ, అనుకోకుండా జరిగే ఈ పని వల్ల పిల్లలు ఇబ్బందిగా ఫీలవుతారు. వాళ్లలో సిగ్గు, నలుగురిలో కలవలేకపోవడం, ఆత్మవిశ్వాసం తగ్గడం వంటి సమస్యలు వస్తాయి.

ఆరేళ్లు దాటిన తర్వాత కూడా ఒక పిల్లవాడు వారానికి రెండుసార్ల కంటే ఎక్కువగా పక్క తడుపుతుంటే, ఆ పరిస్థితిని డాక్టర్లు 'నాక్టర్నల్ ఎన్యూరెసిస్' (nocturnal enuresis) అంటారు. చాలామంది తల్లిదండ్రులు, పిల్లలు బద్ధకంతోనో, టాయిలెట్‌కు వెళ్లడానికి ఇబ్బందిపడో కావాలనే పక్క తడుపుతున్నారని అపార్థం చేసుకుంటారు. కానీ నిజానికి ఇది వాళ్లు కావాలని చేసేది కాదు. కొన్ని ప్రత్యేక పరిస్థితుల వల్లే ఇలా జరుగుతుంది. కొన్నిసార్లు ఏదైనా నొప్పి లేదా లోపల ఉన్న అనారోగ్య సమస్యలు కూడా దీనికి కారణం కావచ్చు.

ప్రధానంగా రెండు రకాల పిల్లల్లో ఈ సమస్య కనిపిస్తుంది. మొదటి రకం, తమ బ్లాడర్‌పై అస్సలు కంట్రోల్ లేనివాళ్లు. రెండో రకం, బ్లాడర్‌ను కంట్రోల్ చేసుకోగలరు కానీ, ఆ సమయంలో నిద్రలో ఉండటం వల్ల కంట్రోల్ కోల్పోయేవారు.

రాత్రిపూట పక్క తడిపే అలవాటును ఎలా మార్చాలి?

రాత్రి పడుకునే ముందు పిల్లల్ని కచ్చితంగా టాయిలెట్‌కు తీసుకెళ్లి యూరిన్ చేయించాలి.
రాత్రిపూట పిల్లలకు తాగడానికి ఎక్కువ నీళ్లు ఇవ్వొద్దు. అవసరమైనంత ఇస్తే చాలు.
పదేళ్లు దాటిన తర్వాత కూడా ఈ అలవాటు పోకపోతే, తప్పనిసరిగా డాక్టర్‌ను సంప్రదించాలి. యూరినరీ ఇన్ఫెక్షన్ లేదా షుగర్ వంటి సమస్యలు ఏమైనా ఉన్నాయేమోనని పరీక్షలు చేయించాలి.
యూరిన్ వచ్చిన వెంటనే వెళ్లకుండా, కాసేపు ఆపుకొని ఆ తర్వాత వెళ్లడం ప్రాక్టీస్ చేయమని పిల్లలకు చెప్పాలి. ఇది బ్లాడర్ కంట్రోల్‌ను పెంచడానికి సహాయం చేస్తుంది.

Parenting: సెలబ్రిటీలు పిల్లలకు తమ స్టార్ డమ్ గురించి ఎందుకు చెప్పరు?

Nandini Arava — Thu, 29 Oct 2026 15:30:27 +0530

Parenting: ప్రముఖుల పిల్లలకీ తమ తల్లిదండ్రుల పాపులారిటీ గురించి చిన్నప్పటి నుంచే తెలుసనుకుంటాం. కానీ కొందరికి మాత్రం స్కూల్లో చెప్పే వరకు పేరెంట్స్ ఎంత ఫేమస్సో తెలియదు. కొందరు సెలబ్రిటీలు పిల్లలకు పాపులారిటీ గురించి ఎందుకు చెప్పరు? కారణమేంటీ?

పిల్లలకు తల్లిదండ్రులంటే ఇష్టం, సెక్యూరిటీ, నమ్మకం. వారు ఏ ఉద్యోగం చేస్తున్నారనే దానికంటే తమతో ఎలా ఉంటున్నారు? తమకు ఎంత టైం గడుపుతున్నారు? అనే విషయాలే పిల్లలకు ముఖ్యం. అయితే సెలబ్రిటీల పిల్లల విషయంలో మాత్రం ఇంట్లో కనిపించే అమ్మానాన్నలకు, బయట ప్రపంచంతో గుర్తించే స్టేటస్ మధ్య పెద్ద తేడా ఉంటుంది. ఈ విషయం కొందరు పిల్లలకు చాలా ఆలస్యంగా అర్థమవుతుంది.

సెలబ్రిటీలు తమ పిల్లల ముందు తమ ఫేమ్‌ గురించి ఎక్కువగా మాట్లాడకపోవడానికి కొన్ని కారణాలు ఉన్నాయి. వాటిలో ముఖ్యమైనది పిల్లలకు మామూలు బాల్యాన్ని అందించాలనే ఆలోచన.

ఇతర పిల్లల కంటే తాము ప్రత్యేకమనే భావన రాకుండా చూసుకుంటారు. తల్లిదండ్రులు ప్రముఖులు కాబట్టి తాము ఇతరుల కంటే గొప్పవాళ్లమనే భావన పిల్లల్లో పెరగకూడదని కొందరు సెలబ్రిటీలు భావిస్తారు. పిల్లలు ఎదగాలంటే తల్లిదండ్రుల హోదా అవసరం లేదని ఫీలవుతారు.

సెలబ్రిటీ కుటుంబాలపై మీడియా, అభిమానుల దృష్టి ఎక్కువగా ఉంటుంది. తమ తల్లిదండ్రులను అందరూ గుర్తుపట్టడం, ఫొటోలు అడగడం, వ్యక్తిగత విషయాల గురించి ప్రశ్నించడం పిల్లలకు కొన్నిసార్లు అసౌకర్యం కలిగించవచ్చు. అందుకే కొందరు తల్లిదండ్రులు ఇంటి జీవితాన్ని వృత్తిపరమైన జీవితానికి దూరంగా ఉంచుతారు. తల్లిదండ్రుల స్టేటస్ వల్ల కాకుండా టాలెంట్, అనుభవాల ద్వారా పిల్లలు ఎదగాలని సెలబ్రిటీలు కోరుకుంటారు.

ఇక్కడ గమనించాల్సిన విషయం ఏమిటంటే.. పిల్లలకు తమ వృత్తి గురించి చెప్పకపోవడం అంటే వారితో నిజాలను దాచిపెట్టడమని కాదు. పిల్లల వయసు, అవగాహనకు అనుగుణంగా తల్లిదండ్రులు తమ పని గురించి చెప్తారు. అయితే పాపులారిటీనే ముఖ్యమని అనుకోరు.

పిల్లల ఆత్మవిశ్వాసం, మానసిక ఎదుగుదలలో తల్లిదండ్రులతో ఉండే అనుబంధం చాలా ముఖ్యం. అమెరికన్ సైకలాజికల్ అసోసియేషన్ (APA) చెప్తున్నట్లుగా తల్లిదండ్రులు పిల్లలతో ఆప్యాయంగా, బహిరంగంగా మాట్లాడటం వారి ఆత్మగౌరవం, సామాజిక సంబంధాల అభివృద్ధికి తోడ్పడుతుంది.

అలాగే యునిసెఫ్‌ 2014–2024 మధ్య ప్రచురించిన పేరెంటింగ్, కుటుంబ ఆధారిత కార్యక్రమాల సమీక్షలో సానుకూల పిల్లల పెంపకానికి సంబంధించిన కార్యక్రమాలు కుటుంబ సభ్యుల మధ్య సంభాషణను మెరుగుపరచడానికి, సంబంధాలను బలోపేతం చేయడానికి సహాయపడతాయని పేర్కొంది. ఈ పరిశోధనలు ప్రత్యేకంగా సెలబ్రిటీల పిల్లలపై చేసినవి కాకపోయినా, పిల్లల పెంపకానికి సంబంధించిన ముఖ్యమైన విషయాన్ని తెలియజేస్తాయి.

పిల్లలకు ఏ విషయం గురించి సందేహం వచ్చినా అడిగే స్వేచ్ఛ ఉండాలి. తల్లిదండ్రుల పని, పేరు, గుర్తింపు గురించి ప్రశ్నించినప్పుడు వారిని తక్కువ చేయకుండా, ఇతరులతో పోల్చకుండా అర్థమయ్యేలా వివరించాలి. తమ కుటుంబ నేపథ్యం గురించి తెలుసుకునే క్రమంలో పిల్లలు ఒత్తిడికి గురికాకుండా చూడాలి.

ఈ సెలబ్రిటీల అనుభవాల నుంచి తల్లిదండ్రులు నేర్చుకోవాల్సిన ముఖ్యమైన విషయం ఏమిటంటే.. పిల్లలకు తమ హోదా కంటే తమతో ఉండే అనుబంధమే ఎక్కువ ముఖ్యం. లక్షల మంది అభిమానించే వ్యక్తి ఇంటికి వచ్చినప్పుడు పిల్లలతో ఆడుకోవచ్చు, హోంవర్క్‌లో సాయం చేయవచ్చు, వారి సమస్యలను వినవచ్చు. బయట ప్రపంచానికి వారు ఎంతటి ప్రముఖులైనా, పిల్లలకు మాత్రం అమ్మానాన్నలే.

ఇది కేవలం సెలబ్రిటీల కుటుంబాలకే పరిమితం కాదు. తల్లిదండ్రులు డాక్టర్లు, టీచర్లు, వ్యాపారవేత్తలు లేదా ఇతర రంగాల్లో విజయవంతమైన వ్యక్తులు కూడా ఉండొచ్చు. కానీ వారి విజయాలే పిల్లల గుర్తింపుగా మారకూడదు. పిల్లలు తమకంటూ అభిరుచులు, లక్ష్యాలు, ఆలోచనలు ఏర్పరచుకునేలా ప్రోత్సహించాలి.

Pregnancy Symptoms: కిట్ లేకుండానే ప్రెగ్నెన్సీ వచ్చిందో లేదో ఈ 5 లక్షణాల బట్టి చెప్పేయొచ్చు

Nandini Arava — Fri, 08 May 2026 12:38:50 +0530

Pregnancy Symptoms: మహిళలు గర్భం దాల్చిన ప్రారంభంలో వారి శరీరంలో అనేక మార్పులు వస్తాయి. ఈ సంకేతాలను సరిగ్గా అర్థం చేసుకుంటే, వైద్య పరీక్షలకు ముందే గర్భధారణను ప్రాథమికంగా గుర్తించే అవకాశం ఉంటుంది.

ప్రెగ్నెన్సీ వచ్చిందంటే మొట్టమొదట వచ్చే సంకేతం పీరియడ్స్ ఆగిపోవడం. క్రమం తప్పకుండా వచ్చే పీరియడ్స్ అయ్యే మహిళల్లో లేటు అయితే గర్భం దాల్చినట్లుగా భావించవచ్చు, అయితే మానసిక ఒత్తిడి లేదా ఇతర ఆరోగ్య మార్పుల వల్ల కూడా ఇలా జరిగే అవకాశం ఉంది. దీనితో పాటు వాంతులు రెండో నెల నుండే ప్రారంభమవ్వచ్చు. దీన్నే మార్నింగ్ సిక్‍నెస్ అంటారు. పేరుకు తగ్గట్టుగా కేవలం ఉదయం మాత్రమే కాకుండా రోజులో ఏ టైంలోనైనా ఇబ్బంది పెట్టవచ్చు. ఈ శారీరక మార్పులను గమనించడం ద్వారా ప్రెగ్నెన్సీ ప్రాథమికంగా అంచనా వేయవచ్చు.

గర్భధారణ ప్రారంభంలో హార్మోన్ల హెచ్చుతగ్గుల వల్ల శారీరక మార్పులు స్పష్టంగా కనిపిస్తాయి. ముఖ్యంగా రొమ్ములు సున్నితంగా మారి ఉబ్బినట్లు లేదా భారంగా అనిపించడం, అలాగే వాటి చుట్టూ ఉండే చర్మం రంగు మారడం వంటి లక్షణాలు కనిపిస్తాయి. అదే సమయంలో శరీరంలో ప్రొజెస్టెరాన్ స్థాయిలు పెరగడం వల్ల విపరీతమైన నీరసం, నిద్రమత్తు ఉంటాయి. మరోవైపు, పెరుగుతున్న గర్భాశయం మూత్రాశయంపై ఒత్తిడిని కలిగించడం వల్ల తరచుగా మూత్ర విసర్జన చేయాల్సి వస్తుంది, ఇది గర్భిణుల్లో కనిపించే అత్యంత సాధారణ లక్షణం.

కొంతమంది మహిళలకు పీరియడ్స్ సమయంలో కొద్దిగా రక్తస్రావం అవుతుంది. దీన్ని 'ఇంప్లాంటేషన్ బ్లీడింగ్' అంటారు. ఇది పీరియడ్స్ రక్తస్రావం కన్నా చాలా తక్కువగా, గులాబీ లేదా గోధుమ రంగు చుక్కల్లా కనిపిస్తుంది. దీనితో పాటు కడుపులో కొద్దిగా నొప్పి కూడా ఉండొచ్చు. హార్మోన్ల హెచ్చుతగ్గుల వల్ల ప్రవర్తనలో మార్పులు వస్తాయి. కొన్నిసార్లు సంతోషంగా, మరికొన్నిసార్లు కోపంగా లేదా విచారంగా అనిపిస్తుంది. కొన్ని వాసనలు పడకపోవడం, కొన్ని పదార్థాలనే తినాలనిపించడం వంటివి కూడా గర్భధారణ లక్షణాలే.

ఈ లక్షణాలు కనిపించినప్పుడు, 'ప్రెగ్నెన్సీ కిట్' ఉపయోగించి ఇంట్లోనే పరీక్ష చేసుకోవడం మంచిది. ఉదయం మొదటి మూత్రంతో పరీక్షిస్తే కచ్చితమైన ఫలితాలు వస్తాయి. ఒకవేళ ఫలితం పాజిటివ్ వస్తే, వెంటనే డాక్టర్‌ను సంప్రదించాలి. సరైన సమయంలో వైద్య సహాయం తీసుకోవడం తల్లి, బిడ్డ ఇద్దరినీ సురక్షితంగా ఉంచుతుంది. డాక్టర్ సూచించిన జాగ్రత్తలు తీసుకోవడం చాలా ముఖ్యం.

Child Psychology: పిల్లల్ని ఎక్కువగా పొగుడుతున్నారా? వాళ్లు ఎలా మారిపోతారో తెలుసా?

Kavitha G — Fri, 20 Mar 2026 18:35:29 +0530

చాలామంది పేరెంట్స్ పిల్లల్ని పొగడటం ద్వారా వారి ప్రేమను వ్యక్తంచేస్తుంటారు. పిల్లలు చిన్న విజయాలు సాధించినా.. చాలా బాగా చేశావు, నువ్వు బెస్ట్ అని చెప్తుంటారు. కానీ పిల్లల్ని అతిగా పొగడటం కూడా మంచిది కాదంటున్నారు సైకాలజీ నిపుణులు. ఎందుకో చూద్దాం.

పిల్లల్ని ప్రోత్సహించడం, వారి విజయాలను గుర్తించడం ప్రతి తల్లిదండ్రుల సహజ స్వభావం. కానీ సైకాలజీ ప్రకారం అతిగా పొగడటం పిల్లల వ్యక్తిత్వ వికాసంపై ఊహించని ప్రభావం చూపించవచ్చు. అతిగా పొగడటం వల్ల పిల్లల్లో ఫిక్డ్ మైండ్ సెట్ ఏర్పడే ప్రమాదం ఉంటుంది. దానివల్ల వారు ఓడిపోయే పరిస్థితుల నుంచి తప్పించుకోవడానికి ప్రయత్నిస్తారు. ఒకసారి విఫలం అయితే, తాము అంత గొప్పవాళ్లం కాదనే భావనతో వారిలో ఆత్మవిశ్వాసం తగ్గిపోతుంది.

అతిగా పొగడటం పిల్లల్లో బాహ్య ప్రోత్సాహంపై ఆధారపడే అలవాటును పెంచుతుంది. అంటే, వారు ఏ పని చేసినా “నన్ను ఎవరు పొగడతారా?” అనే ఆలోచనతో చేస్తారు. ఫలితంగా, వాళ్లు తమకు ఇష్టమైన పనులను కూడా స్వతంత్రంగా చేయకుండా, ప్రశంస కోసం మాత్రమే ప్రయత్నిస్తారు. ఇది దీర్ఘకాలంలో సృజనాత్మకతను, స్వతంత్ర ఆలోచనలను తగ్గించే అవకాశం ఉంది.

అతిగా పొగడటం వల్ల పిల్లల్లో అహంకారం, ఓవర్ కాన్ఫిడెన్స్ పెరిగే అవకాశం ఉంటుంది. చిన్న పిల్లలు తమ గురించి ఏర్పరచుకునే భావన చాలా వరకు తల్లిదండ్రుల మాటలపై ఆధారపడి ఉంటుంది. ప్రతి చిన్న విషయానికీ అధికంగా పొగిడితే, వారు తమ సామర్థ్యాన్ని అసలు స్థాయికంటే ఎక్కువగా అంచనా వేయడం ప్రారంభిస్తారు. తర్వాత వాస్తవ జీవితంలో సవాళ్లు ఎదురైనప్పుడు, వాటిని తట్టుకోలేక నిరాశ చెందే ప్రమాదం ఉంటుంది.

సైకాలజీ ప్రకారం పిల్లలు తప్పులను సహజంగా అంగీకరించే వాతావరణం లేకపోతే, పిల్లలు కొత్త విషయాలను నేర్చుకోవడానికి వెనకడుగు వేస్తారు. వారు విఫలం అయితే తమపై ఉన్న మంచి అభిప్రాయం తగ్గిపోతుందనే భయం వారిలో కలుగుతుంది. ఇది వారి నేర్చుకునే సామర్థ్యాన్ని క్రమంగా దెబ్బతీస్తుంది.

నిపుణుల ప్రకారం ప్రశంస విధానాన్ని మార్చుకోవాలి. పిల్లల వ్యక్తిత్వాన్ని కాకుండా, వారి కృషిని ప్రశంసించడం చాలా అవసరం.“నువ్వు చాలా తెలివైనవాడివి” అని చెప్పడం కంటే “నువ్వు చాలా కష్టపడి ఈ పని పూర్తి చేశావు” అని చెప్పడం మంచిది. ఇలా చేయడం ద్వారా పిల్లలు ప్రయత్నానికి విలువ ఇస్తారు. ఓడిపోయినా మళ్లీ ప్రయత్నిస్తారు. పిల్లలకు నిజాయతీతో కూడిన ఫీడ్‌బ్యాక్ ఇవ్వాలి. వారు చేసిన పనిలో లోపాలు ఉంటే, వాటిని సున్నితంగా తెలియజేయాలి. ఇలా చేయడం వల్ల వారు వాస్తవాన్ని అర్థం చేసుకొని, తమను తాము మెరుగుపరుచుకునే అవకాశం ఉంటుంది.

Parenting Tips for Boys: కొడుకును ఎలా పెంచాలి? ఈ తప్పులు అస్సలు చేయోద్దు

Nandini Arava — Thu, 05 Mar 2026 16:13:23 +0530

Parenting Tips for Boys: మంచి మనిషిగా ఎదగాలంటే చిన్నప్పటి పెంపకం చాలా కీలకం. అదే ఫ్యూచర్ కు పునాది. ముఖ్యంగా అబ్బాయిల విషయంలో తల్లిదండ్రులు చాలా జాగ్రత్తగా ఉండాలి. లేకపోతే వారి ఫ్యూచర్ సఫర్ అవ్వాల్సి ఉంటుంది. అందుకే ఈ 5 తప్పులు అస్సలు చేయకండి

పిల్లల పెంపకం ప్రతి తల్లిదండ్రికి పెద్ద బాధ్యత. ముఖ్యంగా కొడుకులను పెంచే విషయంలో కొన్ని చిన్న తప్పులు కూడా వారి భవిష్యత్తు వ్యక్తిత్వంపై ప్రభావం చూపుతాయి. చిన్నప్పటి నుంచి సరైన విలువలు నేర్పితేనే వారు బాధ్యతాయుతమైన, గౌరవంగా ప్రవర్తించే వ్యక్తులుగా ఎదుగుతారు. అయితే కొడుకు పెంపకంలో తల్లిదండ్రులు తప్పక నివారించాల్సిన కొన్ని ఈ 5 పొరపాట్లు అస్సలు చేయకండి.

కొడుకు కాబట్టి అతనికి అన్నీ ప్రత్యేకంగా ఉండాలనే భావనను పెంచడం మంచిది కాదు. ఇలా పెంచితే పిల్లల్లో అహంకారం పెరిగే అవకాశం ఉంటుంది. జీవితంలో ప్రతి విషయాన్ని కష్టపడి సాధించాల్సిందే అనే విషయాన్ని వారికి చిన్నప్పటి నుంచే చెప్పాలి.

కొడుకులకు చిన్నప్పటి నుంచే మహిళల పట్ల గౌరవంగా ప్రవర్తించడం నేర్పాలి. కుటుంబంలో తల్లి, అక్క, చెల్లి వంటి వారి పట్ల గౌరవం ఎలా చూపాలో చూపించాలి. ఇదే విలువలు సమాజంలో కూడా వారికి ఉపయోగపడతాయి.

జీవితంలో ప్రతి విషయం మన అనుకున్నట్లే జరగదు. కొన్నిసార్లు ఓటమి లేదా తిరస్కారం ఎదురవుతుంది. అప్పుడు ఎలా స్పందించాలో పిల్లలకు నేర్పడం చాలా ముఖ్యం. ఓటమిని అంగీకరించి మళ్లీ ప్రయత్నించడం నేర్చుకుంటేనే వారు మానసికంగా బలంగా మారుతారు.

అబ్బాయిలకు చిన్న చిన్న పనులు ఇవ్వాలి, బాధ్యతలు అప్పగించడం చాలా ముఖ్యం. ఇలా చేస్తే వారిలో బాధ్యతా భావం పెరుగుతుంది. ఇంటి పనుల్లో సాయంగా ఉంటే వారికి జీవితంలో ఉపయోగపడుతుంది. అది వారికి ఎక్కడికి వెళ్లినా బతికే ఆత్మవిశ్వాసం ఇస్తుంది.

అబ్బాయిలు ఏడవకూడదు, భయం ఉండకూడదు అనే భావన చాలా చోట్ల ఉంటుంది. కానీ ఇది సరైనది కాదు. ఫీలింగ్స్ చెప్పడం కూడా ఒక హెల్దీ అలవాటు. తల్లిదండ్రులు పిల్లలకు తమ భావాలను స్పష్టంగా చెప్పేలా ప్రోత్సహించాలి.సరైన విలువలు, గౌరవం, బాధ్యత వంటి లక్షణాలను చిన్నప్పటి నుంచే నేర్పితేనే అబ్బాయిలు లైఫ్ లో ఎదగ్గలరు. తల్లిదండ్రుల మార్గదర్శకత్వం వల్లే ఫ్యూచర్ కు ఎలాంటి కష్టాన్నైనా, సమస్యనైనా ఎదుర్కోగలరు.

Kids Health: మీ పిల్లలు చురుగ్గా, తెలివిగా ఉండాలా? ఈ 7 పోషకాలు చాలా అవసరం!

ramya Sridhar — Sat, 28 Mar 2026 16:27:25 +0530

పిల్లలు శారీరకంగా, మానసికంగా ఎదిగే కీలకమైన దశలో ఉంటారు. వాళ్ల పూర్తి ఆరోగ్యానికి సరైన పోషకాహారం చాలా ముఖ్యం. మనం పెట్టే తిండి వాళ్ల చదువు, రోగనిరోధక శక్తి, రోజంతా ఉండే ఉత్సాహంపై నేరుగా ప్రభావం చూపిస్తుంది. ప్రొటీన్లు, కార్బోహైడ్రేట్లు, ఆరోగ్యకరమైన కొవ్వులతో పాటు విటమిన్లు, మినరల్స్ లాంటివి కూడా వాళ్ల డైట్‌లో ఉండేలా చూసుకోవాలి. పిల్లల ఎదుగుదలకు, ముఖ్యంగా మెదడు పనితీరుకు అవసరమైన ఏడు ముఖ్యమైన పోషకాలేంటో చూద్దాం.

ప్రొటీన్

శరీర కణజాలాల నిర్మాణానికి, దెబ్బతిన్న వాటిని బాగు చేయడానికి ప్రొటీన్ చాలా అవసరం. కండరాల ఎదుగుదలకు కూడా ఇది సాయపడుతుంది. అందుకే రోజూ తినే ఆహారంలో గుడ్లు, పాలు, పాల పదార్థాలు, పప్పులు ఉండేలా చూసుకోవాలి.

ఆరోగ్యకరమైన కొవ్వులు

నట్స్, విత్తనాలు, చేపల్లో ఉండే ఒమెగా-3 ఫ్యాటీ యాసిడ్లు మెదడు ఎదుగుదలకు చాలా కీలకం. ఇవి పిల్లల జ్ఞాపకశక్తిని, ఏకాగ్రతను మెరుగుపరుస్తాయి.

ఐరన్

పిల్లల తెలివితేటలు పెరగడానికి ఐరన్ చాలా ముఖ్యమైన పోషకం. ఇది హిమోగ్లోబిన్ ఉత్పత్తికి సాయపడి, మెదడుకు ఆక్సిజన్‌ను అందిస్తుంది. ఐరన్ లోపిస్తే పిల్లలు నీరసంగా ఉంటారు, దేనిపైనా సరిగ్గా దృష్టి పెట్టలేరు, చదువులో వెనకబడతారు. ఆకుకూరలు, బెల్లం, పప్పుధాన్యాలు, పోషకాలు కలిపిన తృణధాన్యాలు తినిపిస్తే ఐరన్ లోపం రాకుండా చూసుకోవచ్చు.

కాల్షియం, విటమిన్ డి

ఎముకలు, పళ్లు బలంగా ఉండాలంటే కాల్షియం, విటమిన్ డి తప్పనిసరి. పాలు, పెరుగు, చీజ్ లాంటివి పిల్లలకు ఇవ్వాలి. ఇక బి-విటమిన్లు శరీరానికి శక్తిని ఇవ్వడంతో పాటు మెదడు పనితీరుకు సపోర్ట్ చేస్తాయి. దీంతో పిల్లలు రోజంతా యాక్టివ్‌గా, చురుగ్గా ఉంటారు.

కార్బోహైడ్రేట్లు

గోధుమలు, ఓట్స్, రాగులు, బ్రౌన్ రైస్ లాంటి పొట్టు తీయని ధాన్యాలు రోజంతా కావాల్సిన శక్తిని అందిస్తాయి. రక్తంలో చక్కెర స్థాయిలను అదుపులో ఉంచి, స్కూల్ టైమ్‌లో పిల్లలు నీరసించిపోకుండా చూస్తాయి.

సూక్ష్మ పోషకాలు (మైక్రోన్యూట్రియెంట్స్)

జింక్, విటమిన్ సి లాంటివి రోగనిరోధక శక్తిని పెంచుతాయి. తరచూ వచ్చే ఇన్ఫెక్షన్ల బారిన పడకుండా పిల్లలను కాపాడతాయి. దీనివల్ల వాళ్లు స్కూల్‌కు డుమ్మా కొట్టకుండా ఉంటారు. నారింజ లాంటి పండ్లు, నట్స్, విత్తనాలు, పప్పులు ఆహారంలో చేర్చడం మంచిది.

అయోడిన్

థైరాయిడ్ గ్రంథి సరిగ్గా పనిచేయాలన్నా, మెదడు ఎదుగుదల బాగుండాలన్నా అయోడిన్ అవసరం. దీన్ని చాలామంది పెద్దగా పట్టించుకోరు. వంటలో అయోడిన్ ఉన్న ఉప్పు వాడితే ఈ లోపం రాకుండా చూసుకోవచ్చు. అలాగే, విటమిన్ ఎ కంటిచూపును, రోగనిరోధక శక్తిని మెరుగుపరుస్తుంది.

Parenting: పిల్లలు పేరెంట్స్ దగ్గర సీక్రెట్స్ ఎందుకు దాస్తారో తెలుసా?

Nandini Arava — Wed, 21 Oct 2026 14:40:08 +0530

Parenting: అమ్మకు చెప్పొద్దు.. నాన్నకు తెలియకూడదు..అంటూ పిల్లలు ఒకరి దగ్గర విషయాలను దాచి మరొకరికి చెప్పొద్దని అంటున్నారా? అయితే దాన్ని అల్లరిగా మాత్రమే చూడకండి. పిల్లల మనసులోని భయం, నమ్మకం, ఎమోషన్స్ కు ఇది సంకేతం కావచ్చు.

అమ్మకు ఈ విషయం చెప్పొద్దు.., నాన్నకు తెలిస్తే కోప్పడతాడు..అంటూ పిల్లలు తల్లిదండ్రుల్లో ఒకరితో మరొకరికి తెలియకుండా విషయాలను దాచిపెడుతుంటారు. అయితే పిల్లలు ఇలా చెప్పడం వెనుక కేవలం అల్లరి మాత్రమే ఉండకపోవచ్చు. వారి మనసులో ఉన్న భయం, తల్లిదండ్రులపై నమ్మకం కూడా ఇందుకు కారణం కావచ్చు. మరి పిల్లలు తల్లిదండ్రుల్లో ఒకరి దగ్గర విషయాలను దాచి మరొకరికి చెప్పొద్దని ఎందుకు అంటారు? దీని గురించి మానసిక నిపుణులు ఏం చెబుతున్నారంటే…

పిల్లలు పెరుగుతున్న కొద్దీ ఏ విషయాన్ని ఎవరితో పంచుకోవాలి? ఏ విషయాన్ని వ్యక్తిగతంగా ఉంచుకోవాలి? అనే విషయాలను క్రమంగా నేర్చుకుంటారు. ఈ క్రమంలోనే కొన్నిసార్లు ఒక తల్లిదండ్రికి చెప్పిన విషయాన్ని మరొకరికి చెప్పొద్దని అంటారు. అయితే ప్రతిసారీ దీని వెనుక ఒకే కారణం ఉంటుందని భావించకూడదు. పిల్లల వయసు, వారు దాచాలనుకుంటున్న విషయం, అలా చేయడానికి గల కారణాన్ని బట్టి దీని అర్థం మారుతుంది.

చైల్డ్ డెవలప్‌మెంట్ జర్నల్‌లో ప్రచురితమైన ఓ పరిశోధనలో నాలుగు నుంచి 12 ఏళ్ల వయసున్న పిల్లలు రహస్యాలను ఎలా దాస్తారనే అంశాన్ని పరిశీలించారు. ఈ క్రమంలో ఒక పేరెంట్ ఒక బొమ్మను పగలగొట్టి, ఆ విషయం ఎవరికీ చెప్పొద్దని పిల్లల దగ్గర మాట తీసుకుంటారు. ఆ తర్వాత పరిశోధకులు పిల్లలను ప్రశ్నించి, వారు ఆ విషయాన్ని బయటపెడతారా లేదా అని గమనించారు. పిల్లల వయసు పెరిగే కొద్దీ రహస్యాన్ని దాచే అలవాటు కూడా పెరుగుతున్నట్లు పరిశోధకులు గుర్తించారు. ప్రశ్నించినప్పుడు రహస్యాన్ని బయటపెట్టని పిల్లలకు ప్రవర్తనను నియంత్రించే టెక్నిక్ ఉన్నట్లు పరిశోధనలో గుర్తించారు.

అయితే దీని అర్థం పిల్లలు తల్లిదండ్రుల దగ్గర రహస్యాలు దాచడం ఎప్పుడూ మంచిదని కాదు. అలాగే రహస్యాన్ని దాచే ప్రతి పిల్లవాడు మానసికంగా పరిణతి చెందినవాడని కూడా చెప్పలేం. కొన్ని సందర్భాల్లో పిల్లలు తమకు తెలిసిన విషయాన్ని ఎవరికి చెప్పాలి, ఎవరికి చెప్పకూడదు అనే అంశాన్ని అర్థం చేసుకునే ప్రయత్నం చేస్తుండవచ్చు

పిల్లలు తల్లిదండ్రులిద్దరూ ఒకే విధంగా స్పందిస్తారని అనుకోరు. ఒకరు తమ మాటలను ప్రశాంతంగా వింటారని, మరొకరు కోప్పడతారని అనుకుంటారు. అందుకే తమకు ఇబ్బంది కలిగించే విషయాలను ఒకరి దగ్గర మాత్రమే చెప్పడానికి ఇష్టపడవచ్చు.

2006లో నిర్వహించిన ఓ పరిశోధనలో తొమ్మిదో, పన్నెండో తరగతుల్లో చదువుతున్న 276 మంది విద్యార్థులు, వారి తల్లిదండ్రుల మధ్య సమాచారాన్ని పంచుకునే విధానాన్ని పరిశీలించారు. ఈ అధ్యయనంలో టీనేజర్లు తండ్రులతో పోలిస్తే తల్లులతో వ్యక్తిగత విషయాలను ఎక్కువగా పంచుకున్నట్లు పరిశోధకులు గుర్తించారు. తల్లిదండ్రులపై నమ్మకం, వారు తమను అంగీకరిస్తారనే భావన, విషయాలను చెప్పాల్సిన బాధ్యతగా భావించడం వంటి అంశాలు పిల్లలు ఎంతవరకు సమాచారాన్ని పంచుకుంటారనే దానిపై ప్రభావం చూపినట్లు వెల్లడైంది.

అయితే ఈ పరిశోధన టీనేజర్లపై నిర్వహించింది. కాబట్టి చిన్న పిల్లలు తల్లిదండ్రులకు రహస్యాలు చెప్పకపోవడానికి ఇదే కారణమని నేరుగా నిర్ధారించలేం. అయినప్పటికీ తల్లిదండ్రులతో పిల్లలకు ఉన్న అనుబంధం, వారి స్పందనపై ఉండే అంచనాలు పిల్లలు తమ విషయాలను పంచుకునే విధానాన్ని ప్రభావితం చేయవచ్చని ఈ అధ్యయనంలో వెల్లడైంది.

ఉదాహరణకు.. ఏదైనా తప్పు చేసినప్పుడు అమ్మ ప్రశాంతంగా మాట్లాడుతుందని, నాన్న మాత్రం వెంటనే కోప్పడతారని ఒక పిల్లవాడు భావించవచ్చు. అలాంటప్పుడు తన తప్పు గురించి నాన్నకు చెప్పొద్దని అమ్మను అడగవచ్చు. దీన్ని వెంటనే తల్లిదండ్రుల మధ్య గొడవలు సృష్టించాలనే ప్రయత్నంగా చూడకుండా, ఎందుకు అలా భావిస్తున్నాడో తెలుసుకోవడం ముఖ్యం.

పిల్లలు రహస్యాలను దాచడం అంతా ఆందోళన చెందాల్సిన విషయమే కాదు. ఉదాహరణకు.. అమ్మానాన్నల పెళ్లిరోజు సందర్భంగా సర్‌ప్రైజ్ ఇవ్వాలనుకున్నప్పుడు, లేదా తమకు ఇబ్బందిగా అనిపించే వ్యక్తిగత విషయాన్ని చెప్పడానికి కొంత సమయం కావాలనుకున్నప్పుడు పిల్లలు దాన్ని దాచవచ్చు. ఇలాంటి సందర్భాల్లో వారి వ్యక్తిగత భావాలకు తగిన గౌరవం ఇవ్వాలి.

కానీ కొన్ని పరిస్థితుల్లో మాత్రం తల్లిదండ్రులు అప్రమత్తంగా ఉండాలి. ముఖ్యంగా కోప్పడతారనే భయంతో, కఠినంగా శిక్షిస్తారనే ఆందోళనతో పిల్లలు తరచూ ముఖ్యమైన విషయాలను దాచిపెడుతుంటే దాని వెనుక కారణాన్ని గుర్తించాలి. అలాగే తల్లిదండ్రుల మధ్య విభేదాలు, ఆర్థిక సమస్యలు లేదా వ్యక్తిగత సంబంధాలకు సంబంధించిన విషయాలను మరొకరికి చెప్పొద్దని పిల్లలను పదేపదే కోరుతున్నా జాగ్రత్తగా గమనించాలి. ఇలాంటి పరిస్థితుల్లో పిల్లలు తల్లిదండ్రుల మధ్య ఇరుక్కుపోయినట్లు భావించవచ్చు. పెద్దల సమస్యలను పరిష్కరించే బాధ్యత తమపై ఉందని అనుకోవచ్చు. ఇది పిల్లలకు అవసరం లేని మానసిక ఒత్తిడిని కలిగించవచ్చు.

2022లో జర్నల్ ఆఫ్ యూత్ అండ్ అడోలెసెన్స్ లో ప్రచురితమైన అధ్యయనం కూడా టీనేజర్లు తమ ఆలోచనలు, భావోద్వేగాలు వంటి వ్యక్తిగత విషయాలను కుటుంబ సభ్యులతో పంచుకోకుండా ఉండవచ్చని సూచించింది.

పిల్లలు అమ్మకు చెప్పొద్దు అని అడిగినప్పుడు వెంటనే ఒప్పుకోవడం లేదా తిట్టడం కంటే, ఎందుకు అలా అంటున్నారో ప్రశాంతంగా తెలుసుకోవాలి. ఈ విషయం అమ్మకు తెలిస్తే ఏమవుతుందని భయపడుతున్నావు?, నువ్వు ఏదైనా తప్పు చేశానని ఆందోళన చెందుతున్నావా? అని అడిగి వారి మనసులోని భావాలను తెలుసుకోవచ్చు.

అదే సమయంలో, సాధారణ వ్యక్తిగత విషయాలకు, ఎవరికైనా హాని కలిగించే లేదా పిల్లలకు అసురక్షితంగా అనిపించే పరిస్థితులకు మధ్య తేడాను వివరించాలి. ఎవరైనా చెప్పొద్దని అడిగినా, తమకు భయం కలిగించే విషయాన్ని నమ్మకమైన పెద్దవారితో చెప్పవచ్చనే భరో

Pregnancy Calculation: పెళ్లై నెల.. కానీ నెలన్నర ప్రెగ్నెన్సీ .. ఇది సాధ్యమేనా?

Kavitha G — Mon, 02 Mar 2026 14:24:26 +0530

పెళ్లి జరిగి నెల రోజులే అవుతోంది. కానీ నెలన్నర ప్రెగ్నెంట్ అని డాక్టర్లు చెబుతున్నారు. ఇది ఎలా సాధ్యం? అంటే ముందే ఏదైనా తప్పు జరిగిందా? అని చాలామంది అనుకుంటారు. దీని వెనుక ఉన్న అసలు కారణం ఏంటో? డాక్టర్లు ఏం చెబుతున్నారో ఇక్కడ వివరంగా తెలుసుకుందాం.

పెళ్లై ఒక నెలే అయింది… కానీ ప్రెగ్నెన్సీ మాత్రం నెలన్నర ఉందట! ఇదేం విచిత్రం అని చాలామంది అనుకుంటారు. కొందరు అమ్మాయి మీద డౌట్ పడితే, మరికొందరు ఇది ఎలా సాధ్యం?, లెక్కల్లో ఏదైనా తప్పు ఉందా? అని ఆలోచిస్తుంటారు. అయితే వైద్య నిపుణుల ప్రకారం ఇందులో ఆశ్చర్యపడాల్సిన విషయం ఏం లేదు. అదేంటి అనుకుంటున్నారా.. ఆలస్యమెందుకు పూర్తి వివరాలు తెలుసుకుందాం పదండి.

వైద్యుల ప్రకారం, గర్భధారణ లెక్కలు సాధారణంగా పెళ్లి తేదీ లేదా గర్భధారణ జరిగిన రోజు నుంచి కాకుండా, మహిళకు చివరిసారి వచ్చిన పీరియడ్స్ (Last Menstrual Period – LMP) తేదీ నుంచి లెక్కిస్తారు. అంటే గర్భధారణ జరిగిన నిజమైన రోజు కంటే సుమారు రెండు వారాల ముందే లెక్క మొదలవుతుంది. అందువల్ల పెళ్లై నెల రోజులే అయినా, గర్భధారణ లెక్కలో అది నెలన్నరగా కనిపిస్తుందని వైద్యులు చెబుతున్నారు.

ఆరోగ్య నిపుణుల ప్రకారం, మహిళల రుతుచక్రం సగటున 28 రోజులుగా ఉంటుంది. పీరియడ్స్ వచ్చిన మొదటి రోజును ‘డే 1’గా తీసుకుంటారు. 14వ రోజున ఓవ్యూలేషన్ జరుగుతుంది. అదే సమయంలో గర్భధారణ జరిగే అవకాశాలు ఎక్కువగా ఉంటాయి. అయితే గర్భధారణ వయస్సు లెక్కించడం మాత్రం పీరియడ్స్ మొదటి రోజు నుంచే ప్రారంభమవుతుంది.

అందువల్ల ప్రెగ్నెన్సీ నిర్ధారణ అయ్యే సమయానికి కనీసం నాలుగు నుంచి ఆరు వారాల గర్భధారణగా డాక్టర్లు చెబుతుంటారు. అంటే మహిళకు పీరియడ్స్ ఆగిన రెండు వారాల తర్వాత ప్రెగ్నెన్సీ నిర్ధారణ అయినా, లెక్కలో అది నెలన్నరగా కనిపించవచ్చు. ఇది వైద్యపరంగా సర్వసాధారణం అని డాక్టర్లు చెబుతున్నారు.

మరొక ముఖ్యమైన అంశం ఏంటంటే ప్రతి మహిళకు పీరియడ్స్ సైకిల్ ఒకే విధంగా ఉండదు. కొందరికి 21 రోజులకే పీరియడ్స్ వస్తాయి, మరికొందరికి 35 రోజుల వరకు రావు. దానివల్ల కూడా గర్భధారణ లెక్కల్లో స్వల్ప మార్పులు ఉండవచ్చు. అందుకే వైద్యులు అల్ట్రాసౌండ్ స్కాన్ ద్వారా గర్భధారణ వయసును మరింత కరెక్ట్ గా అంచనా వేస్తారు. ముఖ్యంగా 6 నుంచి 9 వారాల మధ్య చేసే స్కాన్ గర్భధారణ వయసును స్పష్టంగా తెలియజేస్తుంది. కాబట్టి పెళ్లి తేదీకి గర్భధారణ లెక్కను లింక్ చేయడం కరెక్ట్ కాదని డాక్టర్లు సూచిస్తున్నారు.

సాధారణంగా ఇలాంటి సందర్భాల్లో అనవసర అనుమానాలు, అపోహలు కుటుంబాల్లో కలగవచ్చు. కానీ నిపుణుల ప్రకారం గర్భధారణ లెక్కల విధానం గురించి అవగాహన లేకపోవడం వల్లే ఈ సందేహాల వస్తాయని నిపుణులు చెబుతున్నారు. ప్రెగ్నెన్సీ వచ్చిన వెంటనే సరైన వైద్య సలహాలు తీసుకోవడం అత్యంత ముఖ్యమని సూచిస్తున్నారు.

ఆరోగ్య నిపుణుల ప్రకారం మానసిక ఆందోళన గర్భిణీ ఆరోగ్యంపై ప్రభావం చూపవచ్చు. ప్రెగ్నెన్సీ ప్రారంభ దశలో సంతోషకరమైన వాతావరణం అవసరం. అనవసర ఒత్తిడిని తగ్గించాలి. లేని పోని అనుమానాలతో వారిని ఇబ్బంది పెట్టకూడదని నిపుణులు సూచిస్తున్నారు. కుటుంబ సభ్యులు గర్భిణీకి మద్ధతుగా నిలవడం, అపోహలకు తావివ్వకపోవడం మంచిదని చెబుతున్నారు.

Parenting Tips: మీ పిల్లలు బూతులు మాట్లాడితే లైట్ తీసుకుంటున్నారా? ఇవి కచ్చితంగా తెలుసుకోండి

Kavitha G — Fri, 17 Apr 2026 13:29:10 +0530

చిన్న పిల్లలు, పెద్దల మాటలను అనుకరించడం సాధారణమే. కానీ కొన్నిసార్లు వారు అర్థం తెలియకుండానే బూతులు మాట్లాడితే, చాలా మంది పెద్దలు నవ్వి, దాన్ని సరదాగా తీసుకుంటారు. కానీ పెద్దవాళ్లు చేసే ఈ పొరపాటు వల్ల పిల్లల ప్రవర్తన ఎలా మారిపోతుందో తెలుసా?

పిల్లలు చిన్న వయసులో పెద్దల మాటలు అనుకరిస్తూ కొత్త పదాలు నేర్చుకోవడం సహజం. అయితే కొన్ని సందర్భాల్లో వారు బూతులు లేదా అసభ్య పదాలు మాట్లాడితే చాలామంది పెద్దలు నవ్వుతూ ప్రోత్సహిస్తుంటారు. ఈ ప్రవర్తన మొదట సరదాగా అనిపించినా, అది వారి భవిష్యత్ ప్రవర్తనపై తీవ్ర ప్రభావం చూపిస్తుంది అంటున్నారు సైకాలజీ నిపుణులు.

సైకాలజీ ప్రకారం పిల్లలు ఏ పదం మాట్లాడినా పెద్దలు ఎలా స్పందిస్తారో బట్టి వారు ఆ ప్రవర్తనను కొనసాగిస్తారు. ఒకసారి వారు బూతులు మాట్లాడితే పెద్దలు నవ్వితే, అది వారికి “ఇది సరదాగా ఉంది, మళ్లీ చెబితే అందరూ నవ్వుతారు” అనే సంకేతాన్ని ఇస్తుంది. ఈ విధంగా వారు ఆ పదాలను మళ్లీ మళ్లీ ఉపయోగించడం ప్రారంభిస్తారు. ఇది క్రమంగా అలవాటుగా మారి, పిల్లల భాషా ప్రవర్తనలో భాగమవుతుంది.

సైకాలజీ ప్రకారం, పిల్లలు భాషను కేవలం సంభాషణ సాధనంగా కాకుండా సామాజిక స్పందన పొందడానికి కూడా ఉపయోగిస్తారు. అంటే, వారు ఏదైనా పదం వల్ల ఎక్కువ స్పందన వస్తే, దాన్ని మరింతగా ఉపయోగిస్తారు. బూతులు మాట్లాడినప్పుడు పెద్దలు కోప్పడినా, నవ్వినా, లేదా ఎక్కువగా రియాక్ట్ అయినా, అది పిల్లలకు ఒక రకమైన ప్రోత్సాహంగానే ఉంటుంది. అందుకే పిల్లలు అసభ్య పదాలు మాట్లాడినప్పుడు అధికంగా స్పందించకుండా, ప్రశాంతంగా సరిదిద్దాలి.

పిల్లలు బూతులు నేర్చుకోవడానికి ప్రధాన కారణాలు వారి పరిసరాలు. ఇంట్లో పెద్దలు ఉపయోగించే భాష, స్నేహింతులు, టీవీ, మొబైల్ ఫోన్లు వంటివి పిల్లలపై ప్రభావం చూపుతాయి. ముఖ్యంగా డిజిటల్ కంటెంట్ వల్ల పిల్లలు వయసుకు మించిన పదాలు త్వరగా నేర్చుకునే అవకాశం ఉంది. అందుకే తల్లిదండ్రులు.. పిల్లలు ఏం చూస్తున్నారు, ఎవరితో ఎక్కువ సమయం గడుపుతున్నారు అనే విషయాలను గమనించడం అవసరం.

పిల్లలు చిన్నప్పుడే బూతులు మాట్లాడడం అలవాటు అయితే, వారు స్కూల్‌లో లేదా బయట ఇతరులతో మాట్లాడేటప్పుడు కూడా అదే భాషను ఉపయోగించే అవకాశం ఉంది. దీని వల్ల వారి సంబంధాలు దెబ్బతినవచ్చు, టీచర్లతో, స్నేహితులతో సమస్యలు రావచ్చు. ఇది వారి వ్యక్తిత్వంపై కూడా ప్రతికూల ప్రభావం చూపుతుంది. వారు కోపాన్ని లేదా అసంతృప్తిని వ్యక్తపరచడానికి అసభ్య భాషను ఉపయోగించడం అలవాటు చేసుకుంటారు.

ఇలాంటి పరిస్థితులను నివారించాలంటే ముందుగా తల్లిదండ్రులు పిల్లల ముందు మంచి భాషను ఉపయోగించాలి. పిల్లలు బూతులు మాట్లాడినప్పుడు దాన్ని సరదాగా తీసుకోకుండా, అది సరైన పదం కాదని సున్నితంగా చెప్పాలి. “ఇలా మాట్లాడితే ఎదుటివాళ్లు బాధపడతారు” అని వారికి అర్థమయ్యేలా వివరించాలి. పిల్లలకు సరైన పదాలను నేర్పించాలి.

అంతేకాదు సైకాలజీ ప్రకారం పిల్లలతో ఓపెన్ కమ్యూనికేషన్ ఉండాలి. వారు ఏ పదం ఎక్కడ విన్నారో తెలుసుకోవడం ద్వారా సమస్యను మూలంలోనే పరిష్కరించవచ్చు. వారిని మందలించడం కంటే, అర్థం చేసుకోవడం, మార్గనిర్దేశం చేయడం మంచిది. అలాగే, పిల్లలు మంచి భాష ఉపయోగించినప్పుడు వారిని ప్రోత్సహించడం కూడా ముఖ్యం. ఇలా చేస్తే వారు బాధ్యతాయుతమైన వ్యక్తులుగా ఎదుగుతారు.

Crocs Health Risks: పిల్లలు వేసుకునే ఈ చెప్పుల్లో విషం..బయటపడ్డ అసలు నిజం!

Nandini Arava — Wed, 11 Mar 2026 15:52:52 +0530

Crocs Health Risks: పిల్లలు ఇష్టంగా వేసుకునే రంగురంగుల ప్లాస్టిక్ చెప్పుల్లో తెలియని ఓ ప్రమాదం దాగి ఉంది. పిల్లల హార్మోన్ల సమతుల్యతను దెబ్బతీసే విష రసాయనాలు ఉన్నాయని నిపుణులు హెచ్చరిస్తున్నారు. ముఖ్యంగా ఎదిగే పిల్లలపై దీని ప్రభావం తీవ్రంగా ఉంటుంది.

పాతకాలంలో ప్రజలు చెక్క పాదుకలు, తోలు చెప్పులు వాడేవారు. కానీ ఇప్పుడు మార్కెట్లో ఆకర్షణీయమైన, రంగురంగుల ప్లాస్టిక్, ఫోమ్ చెప్పులు (క్రాక్స్ లాంటివి) తక్కువ ధరకే దొరుకుతున్నాయి.

చూడటానికి అందంగా, వేసుకోవడానికి సౌకర్యంగా ఉండే ఈ చెప్పులపై సోషల్ మీడియాలో పెద్ద చర్చే జరుగుతోంది. నిపుణుల ప్రకారం, ఈ ప్లాస్టిక్ చెప్పుల వెనుక తీవ్రమైన ఆరోగ్య ప్రమాదాలు దాగి ఉన్నాయి.

చాలా ఫోమ్, క్రాక్స్ తరహా చెప్పుల్లో 'థాలేట్స్' (Phthalates), 'PFAS' వంటి ప్రమాదకర రసాయనాలను వాడతారు. హార్మోన్లపై ప్రభావం: సైన్స్ పరిభాషలో వీటిని 'ఎండోక్రైన్ డిస్రప్టర్స్' (Endocrine Disruptors) అంటారు. ఇవి చర్మం ద్వారా శరీరంలోకి చేరి హార్మోన్ల సమతుల్యతను దెబ్బతీస్తాయి.

పిల్లల చర్మం చాలా సున్నితంగా ఉంటుంది, వారి శరీరం ఎదుగుదల దశలో ఉంటుంది. ఈ రసాయనాలు పిల్లల్లో అకాల యవ్వనం (Early Puberty), హార్మోన్ల అసమతుల్యత, భవిష్యత్తులో సంతానోత్పత్తి సమస్యలకు కారణం కావచ్చు.మన శరీర ఎదుగుదల, జీవక్రియ, మొత్తం వికాసాన్ని హార్మోన్లే నియంత్రిస్తాయి. ప్లాస్టిక్ చెప్పులను నిరంతరం వాడటం వల్ల ఈ వ్యవస్థ మొత్తం నెమ్మదిగా దెబ్బతినే ప్రమాదం ఉంది.

మీ, మీ కుటుంబ ఆరోగ్యం కోసం చెప్పులు కొనేటప్పుడు పరిశీలించండి: సహజ రబ్బరుతో చేసిన చెప్పులు. కాన్వాస్ స్నీకర్స్. సహజమైన వస్త్రం లేదా జనపనార (Jute)తో చేసిన పాదరక్షలు.

ఒకవేళ మీరు ప్లాస్టిక్ లేదా ఫోమ్ చెప్పులు తప్పనిసరిగా ధరించాల్సి వస్తే, ఎప్పుడూ సాక్సులు వేసుకోండి. దీనివల్ల చర్మానికి ఎలాంటి హానీ జరగదు.