Asianet News Telugu

Garividi Lakshmi Movie Review: గరివిడి లక్ష్మి మూవీ రివ్యూ, బుర్రకథ కళాకారిణి జీవితం వెండితెరపై ఎలా ఉందంటే?

Aithagoni Raju — Sat, 17 Oct 2026 07:01:57 +0530

ఆనంది ప్రధాన పాత్రలో నటించిన లేటెస్ట్ మూవీ `గరివిడి లక్ష్మి`. గౌరీనాయుడు జమ్ము దర్శకత్వంలో రూపొందిన ఈ చిత్రం ఈ శనివారం ఆడియెన్స్ ముందుకు వచ్చింది. మరి ఈ చిత్రం ఎలా ఉందంటే?

ఆనంది, రాగ్‌ మయూర్‌ జంటగా, వీకే నరేష్‌, రాశి, శరణ్య, అంకిత్‌ కొయ్య ప్రధాన పాత్రల్లో నటించిన చిత్రం `గరివిడి లక్ష్మి`. ఉత్తరాంధ్ర బుర్రకథ జానపద కళాకారిణి గరివిడి లక్ష్మి జీవితం ఆధారంగా ఈ చిత్రాన్ని రూపొందించారు దర్శకుడు గౌరీ నాయుడు జమ్ము. పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్‌, కృతి ప్రసాద్‌ నిర్మించారు. దీనికి చరణ్ అర్జున్‌ సంగీతం అందించడం విశేషం. బయోపిక్‌ తరహాలో రూపొందిన ఈ చిత్రం దసరా కానుకగా నేడు శనివారం (అక్టోబర్‌ 17)న విడుదలైంది. మరి ఈ చిత్రం ఆడియెన్స్ ని ఆకట్టుకుందా? మూవీ ఎలా ఉందనేది రివ్యూలో తెలుసుకుందాం.

ఒక ప్రముఖ నిర్మాత(శ్రీనివాస్‌ అవసరాల) వద్దకు అసిస్టెంట్‌ డైరెక్టర్‌(అంకిత్‌ కొయ్య) వచ్చి సినిమా ఛాన్స్ అడగ్గా, గరివిడి లక్ష్మి జీవితం ఆధారంగా కథ రాయమని చెబుతాడు. దీంతో గరివిడి ఊరుకి వెళ్లగా, చాలా మంది లక్ష్మిలున్నట్టు తెలుసుకుంటారు. ఈ క్రమంలో గరివిడి లక్ష్మి(ఆనంది) ఫ్రెండ్‌ విజయ(శరణ్య)ని కలవగా ఆమె ముందు ఒప్పుకోదు. ఆ తర్వాత లక్ష్మి కథ చెబుతుంది. చిన్నప్పుడే తల్లి దేవకమ్మ(రాశి) తాను దేవతకు అంకితం కావడం వల్ల సంసారం చేయలేనని చెప్పడంతో భర్త వేరే పెళ్లి చేసుకొని వెళ్లిపోతాడు. ఆ సమయంలో లక్ష్మి నాన్న కోసం ప్రాదేయపడగా, అమ్మ వద్దే ఉండిపోవాల్సి వస్తుంది. అమ్మ తన కొలుపు చెబుతూ బిజీగా ఉంటుంది. లక్ష్మిని పట్టించుకోదు.

దీంతో పాటకి దగ్గరవుతుంది లక్ష్మి. తానే సొంతంగా పాటలు పాడటం స్టార్ట్ చేస్తుంది. ఆమె పాట విని ఊరంతా ఆశ్చర్యపోతారు. అయితే ఓ రోజు గరివిడిలో బుర్రకథ వేసే ట్రూప్‌ వస్తుంది. వాళ్లలో లేడీ హ్యాండివ్వడంతో తమకు ఓ అమ్మాయి కావాలని చెబుతాడు సత్తిబాబు(రాగ్‌ మయూర్‌), దీంతో లక్ష్మి అమ్మని కాదని వచ్చి వారి ట్రూప్‌లో చేరి తన సొంతూరులోనే బుర్రకథ చెప్పి మెస్మరైజ్‌ చేస్తుంది. అతనితో కలిసి స్వయంగా విజయలక్ష్మి బుర్రకథని, తర్వాత గరివిడి లక్ష్మి బుర్రకథ ట్రూప్‌తో ఊరూర తిరిగి బుర్రకథలు చెబుతుంది.

అయితే ఓ దశలో తమ బుర్రకథ కూడా బోర్‌ కొట్టడంతో అందులో మార్పులు చేస్తుంది. ట్రెండ్‌కి తగ్గట్టుగా ట్రెండీ పాటలను పాడుతూ యూవతని ఆకట్టుకుంటుంది. అనతి కాలంలోనే పాపులర్‌ అవుతుంది. ఆమె పాటలు రికార్డ్ అవుతాయి. సినిమాల్లోకి వెళ్తాయి. అయితే చిన్నప్పుడే తనకు పెళ్లి చేస్తుంది అమ్మ. కానీ అతను మోసం చేస్తాడు. ఆ తర్వాత ఒంటరిగానే ఉన్న లక్ష్మి సత్తిబాబుని ఇష్టపడుతుంది. అతను కూడా జీవితాంతం అండగా ఉంటానని చెబుతాడు, ఆ తర్వాత అతను కూడా హ్యాండిస్తాడు. మరోవైపు క్యాసెట్ల రూపంలో ఒకడు మోసం చేస్తాడు, మధ్యలోనే అమ్మ చనిపోతుంది. ఇలాంటి పరిస్థితుల్లో గరివిడి లక్ష్మి జర్నీ ఎలా సాగింది? ఆమె పడ్డ స్ట్రగుల్స్ ఏంటి? ఎలాంటి మోసాలకు గురయ్యింది? చివరికి ఆమె ఏం చేసింది? అనేది మిగిలిన కథ.

సినిమా కళాకారులుగానీ, ఇతర కళాకారుల జీవితాలు నిజంగా ఆసక్తికరంగా ఉంటాయి. వారి జీవితంలోని డ్రామా, స్ట్రగుల్స్ చాలా ఉంటాయి. ఇన్‌ స్పైరింగ్‌గా ఉంటాయి. ఎలాంటి నేపథ్యంలో లేకుండా తమ టాలెంట్‌తో ఒక్కసారిగా స్టార్‌గా వెలగడం, కొన్ని తప్పులు చేయడం, జీవితంలో చోటుచేసుకునే కొన్ని సంఘటనలు వారి లైఫ్‌లను తలక్రిందులు చేస్తుంటాయి. ఆ జర్నీ ఎమోషనల్‌గా ఉంటుంది. అలాంటి జర్నీనే బుర్రకథ కళాకారిని, ఫోక్‌ సింగర్‌ గరివిడి లక్ష్మి జర్నీ. చూడ్డానికి మహానటి మూవీలోని సావిత్రి జీవితం మాదిరిగానే ఉంటుంది. ఈ సినిమా కూడా మరో మహానటిని తలపిస్తుంది.

గరివిడి లక్ష్మి చిన్నప్పుడు తనకు పాటలపై ఉన్న ఆసక్తి, బుర్రకథ వైపు టర్న్ తీసుకోవడం, తన బుర్రకథలతో పాపులర్‌ కావడం.. ఆ తర్వాత మోసం పోవడం, అది తన అనుకున్న వాళ్లే మోసం చేయడం, చివరికి జీవితాంతం అండగా ఉంటానని చెప్పి వ్యక్తి కూడా హ్యాండివ్వడం, కెరీర్‌ డౌన్‌ కావడం, స్ట్రగుల్స్ వంటి ఈ సినిమాలోని సంఘటనలు `మహానటి`లో కూడా ఉంటాయి. అందులో సావిత్రి నటి. ఇందులో లక్ష్మి బుర్రకథ కళాకారిణి, అదే తేడా, మిగిలినదంతా సేమ్‌ టూ సేమ్‌.

మూవీ ప్రారంభంలో ఆసక్తికరంగా రన్ అవుతుంది. లక్ష్మి పాటకి దగ్గరయ్యే సన్నివేశాలు ఎంగేజింగ్‌గా సాగుతాయి. చిన్నప్పటి సంఘటనలు కదిలిస్తాయి. ఇక బుర్రకథ ట్రూప్‌లోకి వెళ్లే విషయంలో అమ్మ నో చెప్పడం, కానీ లక్ష్మికి ఆసక్తి ఉన్న నేపథ్యంలో అమ్మని ఎదురించి వెళ్లడం, తానేంటో చూపించడం, అనతి కాలంలోనే పాపులర్‌ కావడం వంటి సీన్లు బాగున్నాయి. మధ్యలో కొన్ని నాటకీయపరిణామాలు చోటు చేసుకుంటాయి. ఊరు సర్పంచ్‌ పక్కలో పడుకోవాలని చెప్పడం, సత్తిబాబుని తన ఇంట్లో పెట్టుకోవడం వంటి సీన్లు ఇంట్రెస్టింగ్‌ అనిపిస్తాయి. ఇంటర్వెల్‌ వరకు అలా సాఫీగా సాగుతుంది. తన వైభవం చూపించారు.

సెకండాఫ్‌లో తన డౌన్‌ ఫాల్‌, తనవాళ్లే మోసం చేయడం, తాను మోసపోవడం వంటి సంఘటనల చుట్టూ కథ తిరుగుతుంది. అక్కడే అసలు డ్రామా ఉంటుంది. ఆయా సీన్లు ఆకట్టుకుంటాయి. ఎంగేజ్‌ చేస్తాయి. హృదయాన్ని టచ్‌ చేస్తాయి. ఎమోషనల్‌గానూ ఉంటుంది. గరివిడి లక్ష్మి పేరుతో అనేక బుర్రకథ ట్రూప్‌లు రావడం, తన ప్లేస్‌లో వేరే వాళ్లు ఉండటం వంటి సీన్లు బాధ కలిగిస్తాయి. సెకండాఫ్‌ చాలా వరకు ఎమోషనల్‌గా వెళ్తుంది. ఆ విషయంలో దర్శకుడు సక్సెస్‌ అయ్యాడు. సినిమాని పర్‌ఫెక్ట్ మీటర్‌లో నడిపించాడు. క్లైమాక్స్ అదిరిపోయింది. భావోద్వేగభరితంగా సాగుతుంది. ఓవరాల్‌గా మూవీ అదిరిపోయిందని చెప్పొచ్చు.

అయితే మూవీలో కొన్ని లాజిక్‌లు మిస్‌ అయ్యాయి. గరివిడి లక్ష్మి వైభవం సరిగ్గా ఎస్టాబ్లిష్‌ కాలేదనిపిస్తుంది. లక్ష్మి మోసపోయే సీన్లలోనూ ఎమోషనల్‌ డెప్త్ మిస్‌ అయ్యింది. ఆమె డౌన్‌ ఫాల్‌లో పెయిన్‌ సరిగ్గా క్యారీ కాలేదు. కొంత స్లోగా సాగుతున్నట్టు అనిపిస్తుంది. గరివిడి లక్ష్మికి గుర్తింపు లేదనే విషయంలో లాజిక్స్ మిస్‌ అయ్యారు. ఇందులో కథ కంటే పాటలే ఎక్కువగా ఉంటాయి. పాటలు అదిరిపోయాయి. కానీ ఇలాంటి సినిమాల్లో నాటకీయత, స్ట్రగుల్స్ చాలా ముఖ్యం. వాటిని సరిగ్గా ఆవిష్కరించలేదనిపిస్తుంది. క్లైమాక్స్ ని మరింత బాగా డిజైన్‌ చేయాల్సింది. అదే సమయంలో మూవీ కొంత ఊహించేలా వెళ్తుంది. ఇక సినిమాకి మ్యూజిక్‌ హైలైట్స్. పాటలతో సినిమాని నడిపించాడు చరణ్‌ అర్జున్‌. ఆయనే ఈ మూవీకి మొదటి హీరో. ఆ తర్వాత ఆనంది అద్భుతమైన నటనతో ఇరగదీసింది. వీరిద్దరు మూవీకి బ్యాక్‌ బోన్‌గా చెప్పొచ్చు. చరణ్‌ కంటే దీనికి మరెవ్వరూ న్యాయం చేయలేరేమో అనిపిస్తుంది. దీనికితోడు విజువల్స్, దర్శకుడు కథ, సినిమాని నడిపించిన తీరు బాగున్నాయి. ఎమోషన్స్ బాగానే పండాయి. ఇవన్నీ మూవీని మరో స్థాయికి తీసుకెళ్తాయి.

గరివిడి లక్ష్మి పాత్రలో ఆనంది ఇరగదీసింది. వాహ్‌ అనిపించింది. డాన్సర్‌గా, సింగర్‌గా అదరగొట్టింది. పాటలతో హోరెత్తించింది. పాత్రలో జీవించి మెప్పించింది. సత్తిబాబు పాత్రలో రాగ్ మయూర్‌ నటించాడు. ఆయన పాత్రలోని డిఫరెంట్‌ షేడ్స్ తెలుస్తాయి. అతను కూడా సూపర్‌గా చేశాడు. తన బెస్ట్ ఇచ్చాడు. తనలోని కొత్త యాంగిల్‌ని ఆవిష్కరించాడు. ఆయన పాత్రలోని ట్విస్ట్ లు బాగున్నాయి. రాంబాబుగా నరేష్‌ చాలా బాగా చేశాడు. పాత్రలో జీవించాడు. లక్ష్మి అమ్మగా రాశి బాగా చేసి మెప్పించింది. విజయగా శరణ్య బాగా చేసింది. గరివిడి లక్ష్మి కథ రాద్దామనుకున్న సినిమా డైరెక్టర్‌ పాత్రలో అంకిత్‌ కోయ్య కనిపించి మెప్పించాడు. ఇతర పాత్రధారులు బాగా చేశారు.

సినిమాకి బ్యాక్‌ బోన్‌ అంటే మ్యూజిక్‌, ఆర్‌ఆర్‌. ఈ విషయంలో చరణ్‌ అర్జున్‌ ప్రాణం పెట్టాడు. సినిమాకి ప్రాణం పోశాడు. ఆయన పాటలు సినిమాని నడిపిస్తాయి. హైలైట్‌గా నిలుస్తాయి. జానపద పాటలు ఉర్రూతలూగించాయి. అదే సమయంలో ఎమోషనల్‌ సీన్లలో ఆర్‌ఆర్‌ కూడా అదిరిపోయింది. ఓవరాల్‌గా ఈ మూవీకి మ్యూజిక్‌, చరణ్‌ అర్జున్‌ ఫస్ట్ హీరో అని చెప్పొచ్చు. ఇక ఆదిత్య జవ్వాడి కెమెరా వర్క్ బాగుంది. విజువల్స్ కనువిందు చేస్తాయి. కొన్ని ఫ్రేమ్స్ విజువల్‌ ట్రీట్‌నిస్తాయి. రవితేజ గిరిజాల ఎడిటింగ్ కూడా చాలా బాగుంది. టీజీ విశ్వప్రసాద్‌, కృతి ప్రసాద్‌ నిర్మాణ విలువలకు కొదవలేదు. ఇలాంటి సబ్జెక్ట్ ఎంచుకోవడం గొప్ప విషయం.

దర్శకుడు గౌరీ నాయుడు జమ్ము కథ, కథనం చాలా బాగున్నాయి. కాకపోతే చాలా వరకు `మహానటి` స్టయిల్‌నే ఫాలో అయ్యాడు. మూవీ చూస్తుంటే మహానటిలోని సీన్లే కనిపిస్తున్నాయి. ఆ ప్రభావం ఈ మూవీపై ఉందనిపిస్తుంది. పాటల డామినేషన్‌ ఉండటంతో కథ తక్కువగా ఉందనే ఫీలింగ్‌ కలుగుతుంది. అయితే ఫస్టాఫ్‌లో డ్రామా పెద్దగా పండలేదు. సెకండాఫ్‌లో అది హైలైట్‌ అవుతుంది. దీంతోపాటు కొన్ని లాజిక్కులు మిస్‌ అయ్యాయి. సెకండాఫ్‌ని మరింత ఎమోషనల్‌గా డీల్‌ చేస్తే బాగుంది. డ్రామా, స్ట్రగుల్స్, మోసాలకు సంబంధించిన సీన్లని మరింత డెప్త్ గా డీల్‌ చేస్తే ఇంకా బాగుండేది.

మ్యూజిక్‌ ఎమోషనల్‌ డ్రామా బయోపిక్‌ గరివిడి లక్ష్మి. పాటలతో అలరిస్తుంది. ఎమోషన్స్ తో హృదయాన్ని హత్తుకుంటుంది. సినిమా మొత్తం మహానటిని తలపిస్తుంది.

రేటింగ్‌: 3

Comrade Kalyan Review: కామ్రేడ్‌ కళ్యాణ్‌ మూవీ రివ్యూ.. నక్సల్‌ నేపథ్యంలో శ్రీవిష్ణు చేసిన కామెడీ ఎలా ఉందంటే?

Aithagoni Raju — Fri, 09 Oct 2026 07:01:01 +0530

ఎంటర్‌టైన్‌మెంట్‌కి కేరాఫ్‌గా నిలిచిన శ్రీవిష్ణు హీరోగా నటించిన తాజా మూవీ `కామ్రేడ్‌ కళ్యాణ్‌`. ఇంట్రెస్టింగ్‌ టైటిల్‌తో, బ్యాక్‌ డ్రాప్‌తో వచ్చిన ఈ మూవీ ఎలా ఉంది? శ్రీవిష్ణు మరో హిట్‌ కొట్టాడా అనేది రివ్యూలో చూద్దాం.

కింగ్‌ ఆఫ్‌ ఎంటర్‌టైన్‌మెంట్‌ ట్యాగ్‌ తో రాణిస్తున్నాడు యంగ్‌ హీరో శ్రీవిష్ణు. ఒకప్పుడు కింగ్‌ ఆఫ్‌ కంటెంట్‌ ట్యాగ్‌తో రాణించారు. ఇప్పుడు దాన్ని ఎంటర్‌టైన్‌మెంట్‌కి మార్చారు. అందులో భాగంగా తాజాగా ఆయన `కామ్రేడ్‌ కళ్యాణ్‌` అనే చిత్రంలో నటించాడు. దీనికి జానకీరామ్‌ మారెళ్ల దర్శకత్వం వహించారు. కోన వెంకట్‌ సమర్పణలో స్కంధ వాహన మోషన్‌ పిక్చర్స్, కోన ఫిల్మ్ కార్పొరేషన్‌ పతాకాలపై వెంకటకృష్ణ కర్నాటి, సీత కర్నాటి నిర్మించారు. ఇందులో మహిమా నంబియర్‌ హీరోయిన్‌గా నటించగా, రాధికా శరత్‌ కుమార్‌, షైన్‌ టామ్‌ చాకో, ఉపేంద్ర లిమయే, సత్య, సుదర్శన్‌, వెన్నెల కిశోర్‌, శ్రీకాంత్‌ అయ్యంగర్‌, సాయి చంద్‌, శత్రు కీలక పాత్రలు పోషించారు. నేడు శుక్రవారం(అక్టోబర్‌ 9)న ఈ చిత్రం విడుదలైంది. మరి సినిమా ఎలా ఉంది? శ్రీవిష్ణు నవ్వించాడా? నక్సల్‌ నేపథ్య కథకి కామెడీ సెట్‌ అయ్యిందా? సినిమా హిట్టా ఫట్టా? అనేది రివ్యూలో తెలుసుకుందాం.

నక్సల్‌ ప్రభావం ఉన్న ఆంధ్రా ఒరిస్సా బార్డర్‌లోని ఒక విలేజ్‌లో కళ్యాణ్‌(శ్రీవిష్ణు) అలంకార్‌ థియేటర్‌ని నిర్వహిస్తుంటాడు. అక్కడ ఎక్కువగా ఆర్‌ నారాయణమూర్తి సినిమాలు ఆడిస్తుంటాడు. వాటి కోసం కళ్యాణ్‌ చిన్న చిన్న మోసాలకు పాల్పడతుంటాడు. వాళ్లమ్మ(రాధికా శరత్‌ కుమార్‌) అల్లరి పనులు చేస్తుండటంతో పోలీసులు అరెస్ట్ చేస్తుంటారు. ఆమెని పోలీస్‌ స్టేషన్‌ నుంచి ఇంటికి తీసుకొచ్చే క్రమంలో మధ్యలో బ్రీతింగ్‌ సమస్య వస్తుంది. అటుగా వస్తున్న సితార(మహిమా నంబియార్‌) ఆమెని రక్షిస్తుంది. దీంతో ఆమెకి ఫిదా అవుతాడు కళ్యాణ్‌. అయితే వాళ్లది ఒరిస్సా, తెలుగు రాదు. కళ్యాణ్‌ ఆమెకి సపోర్ట్ చేస్తుంటాడు. అయితే ఉన్నట్టుండి సితార ఫ్యామిలీ బండారం బయటపడుతుంది. ఓ సేట్‌(ఉపేంద్ర లిమయే) వద్ద అప్పు తీసుకొని వేరే ఊరు నుంచి పారిపోయి వస్తారు. దీంతో ఆ సేట్‌ అందరిలోనూ సితార ఫ్యామిలీ పరువుతీస్తారు. బాండ్‌ పేపర్‌ ప్రకారం సితారని పెళ్లి చేసుకుంటానని బెదిరిస్తుంటాడు. దీంతో అమ్మాయి ఫ్యామిలీ కోసం కళ్యాణ్‌ తాను అప్పు తీరుస్తానని సవాల్‌ విసురుతాడు. ఆ తర్వాత డబ్బు కోసం ఒక స్కీమ్‌లో చేరి నక్సల్‌గా మారతాడు. మరి కళ్యాణ్‌ చేరిన ఆ స్కీమ్‌ ఏంటి? తన ప్రేమ కోసం కళ్యాణ్‌ తిరిగి వచ్చాడా? నక్సల్స్ లో కలిసిపోయాడా? ప్రేమకి, నక్సలైట్‌ కథకి ఎలా సింక్‌ కుదిరింది? ఈ సినిమా ద్వారా శ్రీవిష్ణు, దర్శకుడు ఏం చెప్పాలనుకున్నారేనేది మిగిలిన సినిమా.

నక్సల్‌ బ్యాక్‌ డ్రాప్‌కి ఫన్, ఎంటర్‌టైన్‌మెంట్‌ని జోడించి, అందులోని హ్యూమర్‌ ప్రధానంగా చేసుకొని రూపొందిన చిత్రమిది. అదే సమయంలో చిన్నపాటి సందేశాన్ని కూడా ఇందులో మేళవించారు. అలాగే నక్సల్‌ పేరుతో పోలీసులు చేస్తున్న మోసాలను కూడా చూపించారు. సినిమా ప్రారంభం ఆర్‌ నారాయణ మూర్తి నటించిన `ఎర్రసైన్యం` మూవీతో ప్రారంభమవుతుంది. ఆ విప్లవాన్ని ఆడియెన్స్ ని రగిల్చి తన థియేటర్లో జనాలు సినిమా చూసేలా చేస్తాడు హీరో. ప్రారంభంలో వచ్చే పాట అదిరిపోయింది. పూనకాలు తెప్పించింది. కానీ ఆ తర్వాత శ్రీవిష్ణు ఫన్‌ ట్రాక్‌ ఎత్తుకున్నారు. దీనికితోడు సుదర్శన్‌ యాడ్‌ అవుతాడు. ఈ ఇద్దరు ఇన్నోసెంట్‌గా ప్రవర్తించే అంశాలు ఆకట్టుకుంటాయి.

ఆ తర్వాత అమ్మాయి తన అమ్మకి హెల్ప్ చేయడంతో ఆమెకి హీరో పడిపోవడం, వాళ్లు ఒరియాకి చెందిన వాళ్లు కావడంతో లాంగ్వేజ్‌ కి సంబంధించిన సమస్య రావడం, ఈ క్రమంలో హీరో చెప్పే డైలాగ్‌లు నవ్వించేలా ఉంటాయి. ఆమె వెంటపడుతుండగా, చివరికి తను కష్టాల్లో ఉందని తెలిసి, ఆమె కుటుంబం పరువుని కాపాడటం కోసం, హీరోయిన్‌ని సేట్‌ పెళ్లి చేసుకోకుండా ఉండేందుకు హీరో డబ్బులు తెస్తాననడం వరకు సరదాగా సాగుతుంది. సత్య పాత్ర ఎంట్రీ తర్వాత మరింత ఫన్నీగా మారుతుంది. ఆ తర్వాత హీరోయిన్‌ కోసం హీరో నక్సలైట్‌ స్కీమ్‌లోకి చేరడం, దీని కారణంగా పూర్తిగా నక్సల్స్ తో వెళ్లిపోవడం అనేది ఇంట్రెస్ట్ ని క్రియేట్‌ చేస్తుంది. అసలు కథ ఇప్పుడు స్టార్ట్ అవుతుంది. ఆ తర్వాత సినిమా ఎలా వెళ్తుందనే ఉత్కంఠ క్రియేట్‌ అవుతుంది.

సెకండాఫ్‌లో.. తాను నక్సల్‌ కాదని నిరూపించుకునే ప్రయత్నం చుట్టూ సాగుతుంది. అటు నక్సల్స్ కి, ఇటు పోలీసులకు మధ్య శ్రీవిష్ణు, సత్య నలిగిపోతూ వారిని మ్యానేజ్‌ చేసే ప్రయత్నం కొంత ఉత్కంఠభరితంగా, మరికొంత ఫన్నీగా ఉంటుంది. అక్కడ సత్య కామెడీ వర్కౌట్‌ అయ్యింది. అడవిలో నక్సల్స్ చేసే పనులు, దానికి వీరిద్దరు చేసే వెదవ పనులు నవ్వులు పూయిస్తాయి. క్లైమాక్స్ మాత్రం ఉత్కంఠ భరితంగా మారుతుంది. అటు నక్సల్స్ కి, ఇటు పోలీసులకు ఇచ్చిన సందేశం బాగుంది. అయితే సినిమా ఫస్టాఫ్‌ కొంత స్లోగా సాగుతుంది. అలాగే సెకండాఫ్‌లోనూ అదే ఫీలింగ్‌. మెయిన్‌గా ఫన్‌ వర్కౌట్ కాలేదు. ఇరికించినట్టుగా ఉంది. సత్య, సుదర్శన్‌, శ్రీవిష్ణు చేసే ఫన్‌ కొన్ని ఎపిసోడ్లలోనే వర్కౌట్‌ అయ్యింది. ఉపేంద్ర పాత్ర, వెన్నెల కిశోర్‌ పాత్ర హిలేరియస్‌గా ఉంటాయి. కానీ ఆ స్థాయిలో కామెడీ మాత్రం జనరేట్‌ కాలేదు.

చాలా వరకు బలవంతపు కామెడీ కనిపించింది. అదే సమయంలో నక్సల్స్ బ్యాక్‌ డ్రాప్‌ తీసుకొని దాన్ని కామెడీగా చూపించడం కనెక్టింగ్‌గా లేదు. ఇది రాంగ్‌ ఛాయిస్‌లా ఉంది. ఇక డ్రామా కూడా కొంత వరకు ఓకే, కానీ చాలా వరకు రొటీన్‌ ఫీలింగ్‌ని తెప్పిస్తుంది. ఈ అంశాలు పక్కన పెడితే మాత్రం ఇదొక మంచి సందేశాత్మక, అదే సమయంలో నక్సల్స్ పేరుతో జరిగే మోసాలకు సంబంధించి అవగాహన కలిగించే మూవీ. కొన్ని మైనస్‌లు ఉన్నప్పటికీ, టైమ్‌ పాస్‌కి సరదాగా నవ్వుకునేలా ఈ సినిమా ఉంటుందని చెప్పొచ్చు.

కళ్యాణ్‌ పాత్రలో శ్రీవిష్ణు ఇరగదీశాడు. తన మార్క్ నటనతో ఆకట్టుకున్నాడు. అటు పోలీసులు, ఇటు నక్సల్స్ మధ్య నలిగిపోయే పాత్ర, కథనం సీరియస్‌గా ఉంటే కళ్యాణ్‌గా శ్రీవిష్ణు చేసే రచ్చ అదరిపోతుంది. కానీ తన నుంచి ఇలాంటి సినిమాని మాత్రం ఊహించలేదు. ఇక సితారగా మహిమా నంబియార్‌ చాలా బాగా చేసింది. అలాగే కళ్యాణ్‌ అమ్మగా రాధికా శరత్‌ కుమార్‌ అదరగొట్టింది. దుమ్మురేపింది. శ్రీవిష్ణు ఫ్రెండ్స్ గా సుదర్శన్‌, సత్య దుమ్ములేపారు. సత్య కామెడీ ఆశించిన స్థాయిలో వర్కైట్ కాలేదు.. కొన్ని చోట్ల మాత్రం బాగా పేలాయి. పోలీస్‌ అధికారికి షైన్‌ టామ్ చాకో సైతం మెప్పించాడు. పోలీస్‌ పాత్రలో బ్రహ్మాజీ మెప్పించాడు. నక్సల్స్ గా సాయిచంద్‌, శత్రు ఫర్వాలేదనిపించారు. అప్పులిచ్చే సేట్‌గా ఉపేంద్ర నవ్వించే ప్రయత్నంచేశాడు. మిగిలిన పాత్రధారులు ఓకే అనిపించారు.

విజయ్ బుల్గానిన్‌ మ్యూజిక్‌ బాగుంది. పాటలు ఆకట్టుకునేలా ఉన్నాయి. ఆర్‌ఆర్‌ కూడా ప్లస్ అయ్యింది. సాయి శ్రీరామ్ కెమెరా వర్క్ విజువల్ గా కనువిందు చేస్తుంది. చోట కె ప్రసాద్‌ ఎడిటింగ్‌ మాత్రం కొంత పనిచెప్పాల్సింది. కొంత ట్రిమ్‌ చేయోచ్చు. కోన వెంకట్‌, వెంకట కృష్ణ కర్నాటి నిర్మాణ విలువలకు కొదవ లేదు. ఇక దర్శకుడు జానకీరామ్‌ మారెళ్ల కొత్త బ్యాక్‌ డ్రాప్‌ని ఎంచుకున్నాడు. నక్సల్స్ అనేది సీరియస్‌ బ్యాక్‌ డ్రాప్‌. దానికి కొంత ఫన్‌ యాడ్‌ చేయడమనేది సాహసమనే చెప్పాలి. ఆ విషయంలో పూర్తిగా సక్సెస్‌ కాలేకపోయినా, చాలా వరకు మెప్పించే ప్రయత్నం చేశాడు. బ్యాలెన్స్ చేసే ప్రయత్నం చేశాడు. అయితే ఫన్‌ జనరేట్‌ చేయడంలో ఇంకా ఫోకస్‌ చేయాల్సింది. కానీ చాలా వరకు మెప్పించాడు. కామెడీని ఇంకా గ్రిప్పింగ్‌గా రాసుకుంటే సినిమా అదిరిపోయేది.

సరదాగా నవ్వులు పూయించే కామ్రేడ్‌ కళ్యాణ్‌. ఎలాంటి అంచనాలు పెట్టుకోకుండా చూస్తే ఎంజాయ్ చేయోచ్చు.

రేటింగ్‌: 2.75

Haiku Movie Review: హైకూ మూవీ రివ్యూ.. ఉమెన్స్ కాలేజీలో ఒక్కడే కుర్రాడు, సినిమా ఎలా ఉందంటే?

Aithagoni Raju — Fri, 23 Oct 2026 09:54:54 +0530

`కోర్ట్` ఫేమ్‌ శ్రీదేవి, తమిళ హీరో ఏగన్‌, ఫెమినా జార్జ్ హీరోహీరోయిన్లుగా నటించిన మూవీ `హైకూ`. ఈ చిత్రం నేడు విడుదలైంది. ఈ సరికొత్త లవ్‌ స్టోరీ ఎలా ఉంది? ఆడియెన్స్ ని ఆకట్టుకుందా?

`కోర్ట్` సినిమాతో తెలుగులో ఒక్కసారిగా పాపులర్‌ అయ్యింది శ్రీదేవి అప్పాల. ఆ తర్వాత నటించిన `బ్యాండ్‌ మేళం` మెప్పించలేదు. ఇప్పుడు తమిళంలోకి ఎంట్రీ ఇచ్చింది. `హైకూ` అనే సినిమాతో ఆడియెన్స్ ముందుకు వచ్చింది. ఇందులో ఏగన్‌ హీరో. ఫెమినా జార్జ్ మరో హీరోయిన్‌. యువరాజ్‌ చిన్నస్వామి దర్శకత్వంలో రూపొందిన ఈ చిత్రాన్ని విజన్‌ సినిమా హౌజ్‌ పతాకంపై డా డి అరుళానందు, మ్యాథ్యూ అరుళానందు నిర్మించారు. ఈ చిత్రం తమిళంతోపాటు తెలుగులోనూ నేడు శుక్రవారం(అక్టోబర్‌ 23)న విడుదలైంది. మరి సినిమా ఎలా ఉంది? శ్రీదేవి తమిళంలో సక్సెస్‌ అయ్యిందా అనేది రివ్యూలో తెలుసుకుందాం.

మనోహర్‌(ఏగన్‌), తన ఫ్రెండ్స్ చేసిన ఎదవ పనికి కాలేజీ నుంచి సస్పెండ్‌ అవుతారు. దీంతో ఎవరూ సీట్‌ ఇవ్వరు. చివరికి కోయంబత్తూరులోని అరుళ్ బోధి ఉమెన్స్ కాలేజీ కో-ఎడ్యుకేషన్‌గా మారిన నేపథ్యంలో అందులో మనోహర్‌కి సీట్‌ ఇస్తారు. అయితే ఆ కాలేజీలో మనోహర్‌ ఒక్కడే అబ్బాయి, మిగిలినవారంతా అమ్మాయిలే. కాలేజీలో కోడి (శ్రీదేవి)ని చూసిన మనోహర్ ఆమెతో ప్రేమలో పడతాడు. ఇద్దరి మధ్య పరిచయం క్రమంగా ప్రేమగా మారుతుంది. పెళ్లి చేసుకోవాలనుకుంటారు. కానీ జాబ్‌, క్యాస్ట్ సమస్య అవుతుంది. దీంతోపాటు పలు కారణాలతో వీరిద్దరు విడిపోతారు.

మూడేళ్లు గడిచిన తర్వాత మనోహర్ ఒక ఐటీ కంపెనీలో టీమ్ లీడర్‌గా పనిచేస్తుంటాడు. అదే కంపెనీలో ఇంటర్న్‌గా నివేత (ఫెమినా జార్జ్) చేరుతుంది. ఆమె అప్పటికే మరో వ్యక్తితో ప్రేమలో ఉంటుంది. కానీ అతను రకరకాలుగా టార్చర్‌ చేస్తుంటాడు. ఆమెని ఆ పరిస్థితి నుంచి బయటపడేందుకు హెల్ప్ చేస్తాడు మనోహర్‌.

ఈ క్రమంలో తన గతం గురించి చెప్పాల్సి వస్తుంది? మరి కోడితో విడిపోవడానికి అసలు కారణం ఏంటి? తన గతం తెలిసీ కూడా నివేత మనోహర్‌ని ఎందుకు ప్రేమించింది? తన పాత ప్రియురాలికి సంబంధించి మనోహర్‌ గురించి నివేతకు తెలిసిన నిజం ఏంటి? ఆ తర్వాత ఆమె రియాక్షన్ ఏంటి? ఈ రెండు ప్రేమ కథలు ఎలాంటి మలుపులు తీసుకున్నాయి? ఎలాంటి ముగింపుకి చేరాయి అనేది మిగిలిన కథ.

తొలి ప్రేమ, కాలేజీ జ్ఞాపకాలు, విడిపోయిన బంధాలు, కొత్తగా జీవితంలోకి వచ్చే వ్యక్తుల మధ్య భావోద్వేగాలు.. ఇవన్నీ ప్రేమకథలకు ఎప్పుడూ ఆసక్తికరమైన అంశాలే. అయితే, ఇలాంటి కథను ప్రేక్షకులకు కొత్తగా చెప్పడంలోనే దర్శకుడి ప్రతిభ కనిపిస్తుంది. అలాంటి ప్రయత్నంతో ప్రేక్షకుల ముందుకు వచ్చిన చిత్రమే `హైకూ`. ఈ సినిమా కథలో ప్రధానంగా కనిపించే అంశం ప్రేమలో ఎదురయ్యే మార్పులు, గత అనుభవాలు మనిషి నిర్ణయాలను ఎలా ప్రభావితం చేస్తాయన్నది.

మొదటి ప్రేమలో కలిగే అనుభూతులు, విడిపోయిన తర్వాత మిగిలే జ్ఞాపకాలు, మరో వ్యక్తి జీవితంలోకి వచ్చినప్పుడు కలిగే సందిగ్ధతను కథలో చూపించే ప్రయత్నం చేశారు. ఫీల్‌ గుడ్‌ ఎమోషనల్‌ లవ్‌ స్టోరీగా దీన్ని తెరకెక్కించారు. అయితే, ఆ భావాలను ప్రేక్షకులకు బలంగా చేరవేయడంలోనే సినిమా కొంత వెనుకబడింది.

ప్రారంభంలో లేడీస్‌ కాలేజీలో ఒక్కడే అబ్బాయి చేరడం, ఈ క్రమంలో వాళ్లు ఈ హీరోని ఆడుకోవడం, ఆటపట్టించడం వంటి సన్నివేశాలు సరదాగా ఉంటాయి. ఫన్నీగా సాగుతాయి. ఇంట్రెస్టింగ్‌గా ఉంటుంది. ఆ తర్వాత రెగ్యూలర్‌గా మారుతుంది. కానీ రాఖీ కట్టే సీన్‌ తర్వాత మరింత ఆసక్తికరంగా టర్న్ తీసుకుంటుంది. ఆ తర్వాత వచ్చే సన్నివేశాలు, హీరోయిన్‌ని, రూల్‌ చేయడం వంటి సీన్లు అంతగా వర్కౌట్‌ కాలేదు. ఆ తర్వాత కథ ఏటో వెళ్లిపోయిన ఫీలింగ్‌ కలుగుతుంది. ఇంటర్వెల్‌ సీన్‌ కొంత వరకు ఆసక్తికరంగా ఉంటుంది.

సెకండాఫ్‌ నుంచి మరో ప్రేమ కథ స్టార్ట్ అవుతుంది. అది ఓ దశకి వెళ్లాక రొటీన్‌లోకి వెళ్తుంది. మళ్లీ మొదటి లవర్‌ ప్రస్తావన వచ్చాక అసలు కథ స్టార్ట్ అవుతుంది. పాత్రల మధ్య, ప్రేమ మధ్య అసలైన సంఘర్షణ స్టార్ట్ అవుతుంది. అది ఎమోషనల్‌ సైడ్‌ టర్న్ తీసుకుంటుంది. ఈ క్రమంలో చోటు చేసుకునే డ్రామా ఇంట్రెస్టింగ్‌గా ఉంటుంది. సినిమాకదే బలంగా చెప్పొచ్చు. కొంత ఉత్కంఠ, మరికొంత సంఘర్షణ, అదే సమయంలో కన్‌ఫ్యూజన్‌, ఎవరి ప్రేమ నిజం, ఏది అబద్దం, ఏది డ్రామా అనే సందిగ్దంతో సాగిన తీరు బాగుంది.

క్లైమాక్స్ ఆకట్టుకునేలా ఉంటుంది. ముగింపు మాత్రం ఊహించినట్టుగానే ఉంటుంది. అయితే కథని ఎత్తుకున్న తీరు బాగుంది, కొత్తగా ఉంది. ఆ తర్వాత రొటీన్‌లోకి వెళ్లిన ఫీలింగ్ కలుగుతుంది. అదే సమయంలో లవ్‌ లో డెప్త్, ఫీల్‌ ఎమోషన్స్ ఇంకా బాగా పండితే సినిమా అదిరిపోయేది.

మనోహర్ పాత్రలో ఏగన్ కనిపించారు. కథ మొత్తం అతని పాత్ర చుట్టూనే తిరుగుతుంది. గత ప్రేమను మరిచిపోలేని వ్యక్తిగా, కొత్త బంధం విషయంలో సందిగ్ధతకు గురయ్యే యువకుడిగా బాగానే నటించాడు. కాకపోతే మరింత పరిణతి అవసరం. ఎక్స్ ప్రెషన్స్ మీద మరింతగా వర్కౌట్‌ చేయాలి. ఓవరాల్‌గా మాత్రం అదరగొట్టాడు. అందరి దృష్టిని తనవైపు తిప్పుకున్నాడు. సెటిల్డ్ గా చేసి మెప్పించాడు.

కోడి పాత్రలో శ్రీదేవి అప్పాల తన పాత్రకు న్యాయం చేశారు. ఎక్స్ ప్రెషన్స్ బాగున్నాయి. నటిగానూ మెప్పించింది. ఫస్టాఫ్‌లో ఆమె డామినేషన్‌ కనిపిస్తుంది. చాలా మెచ్యూర్డ్ గా నటించడం విశేషం. ఆమెకి మంచి భవిష్యత్‌ ఉందని చెప్పొచ్చు.

నివేత పాత్రలో ఫెమినా జార్జ్ హావభావాలు ఆకట్టుకుంటాయి. ముఖ్యంగా రొమాంటిక్ సన్నివేశాల్లో ఆమె నటన బాగుంది. అయితే కొన్ని భావోద్వేగ సన్నివేశాల్లో సహజత్వం తగ్గినట్లు అనిపిస్తుంది. అదిర్చి అరుణ్ కామెడీ సన్నివేశాల్లో కొంత ఉపశమనం కలిగిస్తారు. మిగతా నటీనటులు తమ పాత్రల పరిధి మేరకు నటించారు.

ప్రియేష్ గురుస్వామి కెమెరా పనితీరు ఫర్వాలేదనిపిస్తుంది. కాలేజీ, ఆఫీస్ నేపథ్యాలను తెరపై చూపించిన తీరు బాగున్నాయి. ఫ్రేమ్స్ కలర్‌ఫుల్‌గా ఉన్నాయి. సంగీత దర్శకుడు సిద్ధు కుమార్ అందించిన సంగీతం బాగుంది. నిజానికి ఆయన మ్యూజిక్కే సినిమాకి హైలైట్‌. నార్మల్‌ సన్నివేశాలను కూడా మరో స్థాయికి తీసుకెళ్లాడు. పాటలు బాగున్నాయి. ఆర్‌ఆర్‌ కూడా ఆకట్టుకునేలా ఉంది.

శక్తి ప్రాణేష్ ఎడిటింగ్ రెండో భాగంలో మరింత పదునుగా ఉండాల్సింది. కొన్ని సన్నివేశాలను కుదించి, కథనంలో వేగం పెంచి ఉంటే సినిమా మరింత ఆసక్తికరంగా సాగేది. రచయిత, దర్శకుడు యువరాజ్ చిన్నసామి ఎంచుకున్న కథా నేపథ్యం కొత్తగా ఉంది. సినిమాని కూడా అదే స్థాయిలో తెరపై ఆవిష్కరించారు. కాకపోతే మరింత బాగా, ఎఫెక్టివ్‌గా, ఎమోషనల్‌గా, ఫీల్‌గుడ్‌ మూవీగా ఆవిష్కరిస్తే ఇంకా బాగుండేది. నిర్మాణ విలువలకు కొదవలేదు. రాజీలేకుండా నిర్మించారు. అది ప్రతి ఫ్రేములోనూ కనిపిస్తుంది.

ప్రేమలోని కొత్త కథలను ఆవిష్కరించే `హైకూ`. ఫీల్‌గుడ్‌ ఎమోషనల్‌ ఎంటర్‌టైనర్‌గా ఆకట్టుకునే చిత్రమవుతుంది.

రేటింగ్ : 2.75

Chakkora Movie Review: చకోర మూవీ రివ్యూ.. సరికొత్త ప్రేమ కథలోని సందేశం ఎలా ఉందంటే?

Aithagoni Raju — Fri, 09 Oct 2026 14:20:04 +0530

Chakkora Movie Review: కొత్త జంట శ్రవణ్‌, మలైకా టి వాసుపల్‌ హీరోహీరోయిన్లుగా నటించిన మూవీ `చకోర`. మంగా శ్రీనివాస్‌ దర్శకత్వంలో రూపొందిన ఈ సరికొత్త ప్రేమ కథా చిత్రం ఎలా ఉందనేది రివ్యూలో తెలుసుకుందాం.

యువ నటుడు శ్రవణ్, మలైకా టి. వాసుపల్ జంటగా నటించిన తెలుగు చిత్రం ‘చకోర – లూనార్ లవ్ బర్డ్’. మంగా శ్రీనివాస్ రచన, దర్శకత్వంలో రూపొందిన ఈ సినిమాను డాక్టర్ చింతాడ హేమారావు నిర్మించారు. ఇందులో ఇంద్రజ, సుమన్‌, బ్రహ్మాజీ, ఎల్‌బీ శ్రీరామ్‌ కీలక పాత్రలు పోషించారు. ప్రేమ, భావోద్వేగాలు, కామెడీ, యాక్షన్ అంశాలతో తెరకెక్కిన ఈ చిత్రం నేడు శుక్రవారం (అక్టోబర్ 9, 2026న) ప్రేక్షకుల ముందుకు వచ్చింది. మరి ఈ మూవీ ఎలా ఉంది? ప్రేమకథగా ప్రేక్షకులను ఎంతవరకు ఆకట్టుకుంది? అనేది రివ్యూలో చూద్దాం.

రావణ్‌(శ్రవణ్‌) చిన్నప్పట్నుంచి తనని ఎవరైనా సహాయం కోరితే తన వద్ద ఏముంటే అది ఇచ్చేస్తాడు. అది వాళ్ల తాత నేర్పించారు. అదే ఆచరిస్తుంటాడు. కానీ పెద్దయ్యాక ఫుల్‌ కమర్షియల్‌. డబ్బుల విషయంలో మాత్రం చాలా కఠినంగా ఉంటాడు. చిన్నప్పట్నుంచి జాబిలి లాంటి అమ్మాయి తన జీవితంలోకి రావాలని కోరుకుంటాడు. ఊహించినట్టుగా ఓ రోజు జాబిలి కనిపిస్తుంది. జూలీ(మలైకా టి వాసుపల్‌)ని చూసి ఆమెనే తన జాబిలీగా ఫిక్స్ అవుతాడు. తన జీవితం తీసేసుకో అని ఆఫర్‌ ఇస్తాడు. ఆమె ఒక డాక్టర్‌. ఆమెని పడేసేందుకు రోజూ ప్రయత్నిస్తుంటాడు రావణ్‌. ఓ రోజు సవాల్‌ విసురుతుంది. అందులో సక్సెస్‌ అవుతాడు. అయినా పట్టించుకోదు. మొత్తానికి తనకు పడిపోతుంది. అయితే అంతలోనే పెద్ద ట్విస్ట్ ఉంటుంది. తనని చూడకుండా 24 గంటలు ఉండాలని చెబుతుంది. కానీ ఆ తర్వాత తను కనిపించదు. దాగుడు మూతలు ఆడుతుంది. బాగా తిప్సిస్తుంది. చివరికి ఆమెకి పెళ్లి అయ్యిందని తెలుస్తుంది. మరి జూలీ అలా ఎందుకు చేసిందా? ఆమె నిజంగానే రావణ్‌ని ప్రేమించిందా? ఆయన్ని ఎందుకు అలా టెస్ట్ చేసిందా? చివరికి వీరి ప్రేమ సుఖాంతమా? విషాదాంతమా? అనేది మిగిలిన సినిమా.

ప్రేమకథలకు ఎప్పుడూ ప్రేక్షకుల్లో ప్రత్యేకమైన ఆదరణ ఉంటుంది. ముఖ్యంగా ప్రేమలోని నిజాయితీ, త్యాగం, భావోద్వేగాలను తెరపై సహజంగా చూపించగలిగితే ఆ కథ ప్రేక్షకుల హృదయాలకు చేరువవుతుంది. ‘చకోర’లోనూ అలాంటి స్వచ్ఛమైన ప్రేమ భావనను ప్రధానంగా తీసుకున్నారు. దీనికి కుటుంబ భావోద్వేగాలు, వినోదం, యాక్షన్ అంశాలను జోడించారు. అయితే ప్రేమకథలోని భావోద్వేగాలు ప్రేక్షకులకు కనెక్ట్ కావాలంటే కథనం సహజంగా సాగడం, పాత్రల మధ్య అనుబంధం బలంగా కనిపించడం అవసరం. ప్రేమికుల మధ్య సంఘర్షణలు, వారి నిర్ణయాల వెనుక కారణాలు కథలో కీలకంగా నిలుస్తాయి. దర్శకుడు ఈ అంశాలను ఎంత బాగా తెరపై ఆవిష్కరిస్తే, సినిమా అంత బాగా ఉంటుంది. ఆ విషయంలో ఈ చిత్ర దర్శకుడు కొంత వరకు మాత్రమే సక్సెస్‌ అయ్యారనిపిస్తుంది.

అయితే కథ పరంగా ఇదేమీ కొత్త కాదు. రొటీన్‌ లవ్‌ స్టోరీ. కానీ దాన్ని తీసుకెళ్లిన తీరు ఇంట్రెస్టింగ్‌గా ఉంటుంది. హీరో పాయింట్‌ ఆఫ్‌ వ్యూలో కథ నడుస్తుంది. ప్రారంభంలో సినిమా కొంత రొటీన్‌గా ఉంటుంది. హీరో హెల్ప్ చేయడం, ఇతరులు ఏదైనా సహాయం అడిగితే వారికి ఉన్నదంతా ఇచ్చేయడమనే పాయింట్‌ చాలా ఓల్డ్ ది. కానీ హీరో పెద్దయ్యాక పూర్తి భిన్నంగా కమర్షియల్‌ గా మారడం ఆసక్తికరంగా ఉంటుంది.

ఇక తన జాబిలి కోసం కోసం తపించడం, ఆమె కోసం ఆరాటపడటం, ఆమె వెంటపడటం ప్రారంభంలో కొంత విసిగించేలా ఉన్నా, ఆ తర్వాత లవ్‌లోని ఫీల్‌, ఎమోషన్స్ కనెక్ట్ అయ్యేలా ఉంటాయి. హీరో ప్రేమని టెస్ట్ చేసే సీన్లు బాగున్నాయి. ఆయనకు ఆమె కూడా పడిపోయే సీన్లు మెప్పిస్తాయి. ఇంటర్వెల్‌ వరకు ఇంట్రెస్టింగ్‌గా సాగుతుంది. ఇక సెకండాఫ్‌లో హీరోని టెస్ట్ చేయడం చుట్టూ సాగుతుంది. కొంత వరకు బాగానే ఉన్నా, ఆ తర్వాత బోరింగ్‌గా అనిపిస్తుంది. ఆ తర్వాత వచ్చే ట్విస్ట్ బాగుంది. ఇలా ఒక్కో ట్విస్ట్ రివీల్‌ అవుతుంటే ఇంట్రెస్ట్ క్రియేట్‌ అవుతుంది. క్లైమాక్స్ యాక్షన్‌తో, సందేశం, ట్విస్ట్, విషాదంతో ముగుస్తుంది. అయితే ప్రేమకి సంబంధించిన ఇచ్చిన సందేశం మాత్రం బాగుంది.

నటీనటుల నటన

హీరో శ్రవణ్‌కు ఈ సినిమా కథానాయకుడిగా తనను తాను నిరూపించుకునే అవకాశం దక్కింది. ప్రేమికుడిగా భావోద్వేగాలను పలికించడంతో పాటు, కథ డిమాండ్ చేసే యాక్షన్, రొమాంటిక్ సన్నివేశాల్లోనూ మెప్పించాడు. మలైకా టి. వాసుపల్ కథానాయికగా నటించారు. హీరో, హీరోయిన్ మధ్య కెమిస్ట్రీ ప్రేమకథకు కీలకంగా నిలుస్తుంది. అమ్మాయి కూడా ఆకట్టుకుంది. వీరితోపాటు అనుష్క లుహార్, యామిని, ఎల్.బి. శ్రీరామ్, సుమన్, బ్రహ్మాజీ, ఇంద్రజ, మణి చందన, నెల్లూరు సుదర్శన్ తదితరులు ఇందులో ఇతర పాత్రల్లో నటించారు. సీనియర్ నటీనటుల అనుభవం కుటుంబ భావోద్వేగాలకు బలాన్ని చేకూర్చింది. మిగిలిన వారు ఓకే అనిపించారు.

టెక్నీషియన్ల పనితీరు

ఈ సినిమాకు మంగా శ్రీనివాస్ కథ, దర్శకత్వం అందించారు. గతంలో దర్శకుడు పూరి జగన్నాథ్ వద్ద ఫస్ట్ అసిస్టెంట్ డైరెక్టర్‌గా పనిచేసిన ఆయన, ఈ చిత్రంతో దర్శకుడిగా పరిచయమయ్యారు. ప్రేమకథకు మాస్ అంశాలను జోడించి ప్రేక్షకులకు చేరువ చేయాలనే ప్రయత్నం కనిపిస్తోంది. ప్రేమకి సంబంధించి ఇచ్చిన సందేశం బాగుంది. రూపా గోపీకృష్ణ సినిమాటోగ్రఫీ, ప్రిన్స్ హెన్రీ సంగీతం, మార్తాండ్ కె. వెంకటేష్ ఎడిటింగ్ ఈ చిత్రానికి పనిచేసిన ప్రధాన సాంకేతిక విభాగాలు. విజువల్‌గా మూవీ రిచ్‌గా ఉంది. రామజోగయ్య శాస్త్రి, కాసర్ల శ్యామ్ పాటలు రాశారు, పాటలు బాగున్నాయి. ప్రేమకథలో పాటలు, నేపథ్య సంగీతం భావోద్వేగాలను ఆడియెన్స్ కి కనెక్ట్ అయ్యేలా ఉన్నాయి. సినిమాటోగ్రఫీ ప్రేమికుల మధ్య అనుబంధాన్ని అందంగా చూపించడంలో కీలకపాత్ర పోషిస్తుంది. ఎడిటింగ్‌ పరంగా మరింత కేరింగ్‌ అవసరం.

మొత్తంగా ‘చకోర’ స్వచ్ఛమైన ప్రేమకథకు కామెడీ, యాక్షన్, కుటుంబ భావోద్వేగాలను జోడించి రూపొందించిన చిత్రం. అయితే కొంత రొటీన్‌ ఫీలింగ్‌ని తెప్పిస్తుంది. కానీ ప్రేమలోని సందేశం బాగుంది.

రేటింగ్‌ 2.5

Ranabaali Sensor Review: ఒక్క కట్ కూడా లేదు.. విజయ్ దేవరకొండ సినిమాపై షాకింగ్ కామెంట్స్, రణబాలి సెన్సార్ రివ్యూ

Mahesh Jujjuri — Tue, 13 Oct 2026 16:10:53 +0530

Ranabaali Sensor Review: రణబాలి రిలీజ్ కోసం వెయ్యి కళ్లతో ఎదురు చూస్తున్నారు విజయ్ దేవరకొండ అభిమానులు. ఈమూవీ రిలీజ్ దగ్గర పడుతుండగా.. తాజాగా సెన్సార్ కూడా కంప్లీట్ అయ్యింది. ఇంతకీ ఈమూవీ చూసి సెన్సార్ బోర్డ్ సభ్యులు ఏమన్నారంటే?

టాలీవుడ్ రౌడీ స్టార్ విజయ్ దేవరకొండ, నేషనల్ క్రష్ రష్మిక మందాన జంటగా నటిస్తోన్న మోస్ట్ అవేటెడ్ పాన్-ఇండియా పీరియాడిక్ యాక్షన్ డ్రామా 'రణబాలి'. టాలెంటెడ్ డైరెక్టర్ రాహుల్ సాంకృత్యన్ దర్శకత్వంలో తెరకెక్కుతున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. మైత్రీ మూవీ మేకర్ తో పాటు టీ-సిరీస్ సంస్థలు సంయుక్తంగా అత్యంత ప్రతిష్టాత్మకంగా నిర్మిస్తున్న ఈ సినిమా తాజాగా తన సెన్సార్ కార్యక్రమాలను విజయవంతంగా పూర్తి చేసుకుంది. సెన్సార్ బోర్డు నుంచి ఈ మూవీకి ఊహించని విధంగా 'జీరో కట్స్'తో క్లియరెన్స్ లభించడం సినిమాపై హైప్‌ను భారిగా పెంచింది.

సినిమా ఇండస్ట్రీలో భారీ బడ్జెట్ చిత్రాలు, ముఖ్యంగా పీరియాడిక్ ‌- యాక్షన్ జోనర్‌కి సంబంధించిన సినిమాలకు సెన్సార్ బోర్డు కొన్ని కట్స్‌, మ్యూట్‌ లు ఈ కాలంలో సర్వ సాధారణం అయిపోయాయి. కానీ 'రణబాలి' విషయంలో సెన్సార్ సభ్యులు చాలా సానుకూలంగా స్పందించారు. సినిమాలో భారీ యాక్షన్ సీక్వెన్స్ లు, పోరాట సన్నివేశాలు ఉన్నప్పటికీ, కథకు తగినట్లుగా ఎక్కడా మితిమీరిన హింస లేకుండా చాలా జాగ్రత్తగా తెరకెక్కించారు. దీంతో సెన్సార్ బోర్డు ఈ సినిమాకి ఎలాంటి కోతలు విధించకుండానే క్లీన్ 'U/A' సర్టిఫికెట్ జారీ చేసింది. కుటుంబ సమేతంగా థియేటర్లకు వచ్చి హాయిగా సినిమాను ఆస్వాదించవచ్చని సెన్సార్ వర్గాలు పేర్కొన్నట్లు సమాచారం .

1854 నుంచి 1878 మధ్య కాలంలో బ్రిటిష్ వలస పాలన నేపథ్యంలో రణబాలి కథ సాగుతుంది. నాటి మద్రాస్ ప్రెసిడెన్సీ పరిధిలోని రాయలసీమ ప్రాంతంలో చెలరేగిన భయంకరమైన కరవు కాటకాలతో పాటు, అప్పట్లో ప్రజలు పడిన అష్టకష్టాలను ఈ సినిమాలో కళ్లకు కట్టినట్లు చూపించబోతున్నారు. తిండిగింజలు కూడా దొరకని గడ్డు కాలంలో తెల్లదొరలు విధించిన అన్యాయమైన పన్నులకు వ్యతిరేకంగా, నిరుపేద ప్రజల పక్షాన నిలబడి పోరాడిన ఓ స్థానిక యోధుడి చారిత్రక గాథే రణబాలి.

ఈ చిత్రంలో విజయ్ దేవరకొండ 'శింగనమల బొబ్బిలి రణబాలి' అనే పవర్ ఫుల్ పాత్రలో కనిపించనున్నారు. ఆయన సరసన భార్య పాత్రలో రష్మిక మందన్న నటించారు. బ్రిటిష్ పాలకుల అణచివేతకు ప్రతీకగా నిలిచే విలన్ 'సర్ థియోడర్ హెక్టర్' పాత్రలో ప్రముఖ హాలీవుడ్ నటుడు ఆర్నాల్డ్ ఓస్లో నటించడం విశేషం. వీరితో పాటు ఈశ్వరీ రావు, జేసన్ షా, మైమ్ మధు తదితరులు ఇతర ముఖ్య పాత్రల్లో నటిస్తూ సినిమాకు మరింత బలాన్ని చేకూర్చారు.

ఈ చిత్రానికి సంగీత సంచలనాలు అజయ్-అతుల్ అదిరిపోయే నేపథ్య సంగీతంతో పాటు పాటలను అందించారు. నవీన్ యర్నేని, వై. రవిశంకర్ భారీ బడ్జెట్‌తో రాజసం ఉట్టిపడేలా ఈ విజువల్ వండర్‌ను నిర్మించారు. భూషణ్ కుమార్ సమర్పిస్తున్న ఈ సినిమా అక్టోబర్ 16న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది. మరోవైపు, సామాన్య ప్రేక్షకులకు ఊరటనిచ్చేలా ఈ సినిమాకి టికెట్ ధరలను పెంచడం లేదని ఇప్పటికే మేకర్స్ ప్రకటించడం విశేషం. సెన్సార్ బోర్డు నుంచి ఎలాంటి కట్స్ లేకుండా 'U/A' సర్టిఫికెట్ రావడంతో, బాక్సాఫీస్ వద్ద 'రణబాలి' ఎలాంటి సంచలనాలు సృష్టిస్తుందోనని అభిమానులు ఎంతో ఆసక్తిగా ఎదురుచూస్తున్నారు.

Anakapalli Movie Review: అనకాపల్లి మూవీ రివ్యూ.. విలన్‌ని హీరోయిన్‌ ప్రేమిస్తే, హీరో ఏం చేశాడు?

Aithagoni Raju — Fri, 02 Oct 2026 23:06:32 +0530

విక్రమ్‌ సహిదేవ్‌, సంధ్యా వశిష్ట జంటగా, త్రినాథ రావు కథ, నిర్మాత, నటుడిగా చేసిన చిత్రం `అనకాపల్లి`. గాంధీ జయంతి సందర్భంగా రిలీజ్‌ అయిన ఈ చిత్రం ఎలా ఉందంటే?

ప్రముఖ దర్శకుడు త్రినాథ రావు నక్కిన కథ అందిస్తూ నటించిన మూవీ `అనకాపల్లి`. ఇందులో విక్రమ్‌ సహిదేవ్‌ హీరోగా నటించగా, సంధ్యా వశిష్ట హీరోయిన్‌గా నటించింది. త్రినాథ రావు నక్కినతోపాటు ఇంద్రజ, తారక్‌ పొన్నప్ప, మహబూబ్‌ బాషా, వడ్లమాని శ్రీనివాస్‌ కీలక పాత్రలు పోషించారు. భవ్యశ్రీ మూవీ మేకర్స్, నక్కిన నెరేటివ్స్ పతాకాలపై కాండ్రేగుల నాయుడు, త్రినాథరావు నక్కిన నిర్మించారు. కాగేష్‌ తమ్మినేని దర్శకత్వం వహించారు. ఈ మూవీ నేడు శుక్రవారం(అక్టోబర్‌ 2) విడుదలైంది. గ్రామీణ నేపథ్యంలో సాగే యాక్షన్‌ లవ్‌ స్టోరీ ఎలా ఉందనేది రివ్యూలో తెలుసుకుందాం.

అనకాపల్లిలో రెండు ఊర్లకు తరచూ గొడవలు జరుగుతుంటాయి. అనకాపల్లికి చెందిన సూర్య(విక్రమ్‌ సహిదేవ్‌) ఆ గొడవలకు దూరంగా ఉంటాడు. వాళ్ల నాన్న కరెంట్‌ ఏఈ సాంబశివరావు(త్రినాథరావు నక్కిన). అమ్మ(ఇంద్రజ) హౌజ్‌ వైఫ్‌. ఆ ఊర్లో బుల్లెట్‌(తారక్‌ పొన్నప్ప)కి మంచి హవా ఉంటుంది. మహేష్‌ బాబు బిజినెస్‌ మ్యాన్‌ సినిమా చూడ్డానికి వెళితే సూర్యకి టికెట్లు ఇవ్వరు. కానీ బుల్లెట్‌ వచ్చి డాన్స్ చేసి బెదిరిస్తే టికెట్లు తెచ్చి ఇస్తాడు మేనేజర్‌. అది చూసిన సూర్య బుల్లెట్‌కి అభిమాని అయిపోతాడు. ఆయన్ని ఫాలో అవుతాడు. ఆయనలా బతకాలని ఫిక్స్ అవుతాడు. నువ్వు ఏం చెప్పినా చేస్తానని చెప్పి బుల్లెట్‌ వద్ద సహాయకుడిగా చేరతాడు. బుల్లెట్‌ చిన్నపాటి చీకటి సామ్రాజ్యాన్ని నడిపిస్తుంటాడు. మెయిన్ గా గంజాయి, మాదక ద్రవ్యాలు సరఫరా చేస్తాడు. ఎమ్మెల్యే(వడ్లమాని శ్రీనివాస్‌) అనుచరుడినే దెబ్బకొడతాడు.

ఈ క్రమంలో బుల్లెట్‌కి బాగా దగ్గరవుతాడు సూర్య. వారి వ్యాపారంలోనూ భాగమవుతాడు. ఈ క్రమంలో సూర్యకి అమృత(సంధ్యా వశిష్ట) పరిచయం అవుతుంది. ఆమెకి కరెంట్‌ మీటర్‌ కోసం హెల్ప్ చేస్తాడు సూర్య. అంతేకాదు ఆమెతో ప్రేమలో పడతాడు. ఆమె కూడా తనని ప్రేమిస్తుందని భావిస్తాడు. కానీ ఊహించని విధంగా వాలెంటైన్స్ రోజు తన బుల్లెట్‌తో సినిమాకి వెళ్తుంది. ఆయన్ని ప్రేమిస్తున్నానని చెబుతుంది. దీంతో సూర్య రియాక్షన్‌ ఏంటి? సొంత అన్నలా భావించే బుల్లెట్‌తో సూర్యకి ఎక్కడ చెడింది? ఇందులో ఎమ్మెల్యే ఇన్‌వాల్వ్ మెంట్‌ ఏంటి? సూర్య విషయంలో వాళ్ల అమ్మానాన్న ఎలాంటి ఇబ్బందులు పడ్డారు? అనేది మిగిలిన సినిమా.

విలేజ్‌ బ్యాక్‌ డ్రాప్‌లో సాగే యాక్షన్‌, లవ్‌ స్టోరీ ఇది. అందులో చీకటి సామ్రాజ్యాలు, మాదక ద్రవ్యాల వ్యాపారం, ఆ ఊబిలోకి హీరో వెళ్లడం, ఈ క్రమంలో పేరెంట్స్ మధ్య, ప్రియురాలి మధ్య, తనకు లైఫ్‌ ఇచ్చిన విలన్‌ మధ్య ఎలా నలిగిపోయాడు? దాన్నుంచి బయటపడ్డాడా లేదా అనే దానిపై కథ నడుస్తుంది. యాక్షన్‌ ప్రధానంగా సాగినా, ఇందులో ప్రేమ కథకే ఎక్కువ ప్రయారిటీ ఉంటుంది. తాను ప్రేమించిన అమ్మాయి విలన్‌ని ప్రేమించడం ఇందులో హైలైట్‌ పాయింట్‌గా చెప్పొచ్చు. కథగా ఇది ఆసక్తికరంగా ఉంది. విలన్‌ని హీరోయిన్‌ ప్రేమించే కథలు చాలానే వచ్చినా, ఇటీవల కాలంలో మాత్రం ఇది కొత్తది అని చెప్పొచ్చు. సినిమా ప్రారంభం ఆసక్తికరంగా స్టార్ట్ అవుతుంది. హీరోకి సినిమాల పిచ్చి.. విలన్‌కి దగ్గరగా చేయడం, తాను కూడా విలన్‌లా మారిపోవడం, ఆ తర్వాత ప్రేమలో పడటం వంటి అంశాలు ఆకట్టుకుంటాయి. లవ్‌ ట్రాక్‌ కొంత రొటీన్‌గానే ఉన్నా, దాన్ని తెరపై చూపించిన తీరు బాగుంది. ప్రేమించిన అమ్మాయికి ప్రపోజ్‌ చేసే సమయంలో ఆమె విలన్‌కి దగ్గరయ్యే ట్విస్ట్ షాకిస్తుంది. ఆ తర్వాతనే కథనం ట్రాక్‌ తప్పినట్టుగా ఉంది. లాజిక్‌ లెస్‌గా ఉంటుంది. ప్రేమ విషయంలో హీరోహీరోయిన్ల మధ్య జరిగే కన్వర్జేషన్‌ క్రేజీగా ఉన్నా, కన్విన్సింగ్‌గా అనిపించదు. హీరో బ్రేకప్‌లా ఫీలవడం కొంత రొటీన్‌గానే ఉంటుంది. క్లైమాక్స్ లో సినిమా పుంజుకుంది. వాహ్‌ ఫ్యాక్టర్స్ ఉంటాయి. కానీ కన్‌క్లూజన్‌ మాత్రం మళ్లీ ట్రాక్‌ తప్పినట్టుగా ఉంటుంది. హీరో కోసం మారిన హీరోయిన్‌ చివర్లో ఇచ్చిన ట్విస్ట్ ఏమాత్రం కన్విన్సింగ్‌గా లేదు. లాజిక్‌ లెస్‌గా ఉంది. సినిమాపై అప్పటి వరకు ఉన్న ఇంపాక్ట్ ని దెబ్బతీసేలా ఉంది. మధ్యలో కథనం కొంత సాగదీసినట్టుగా, మరికొంత రొటీన్‌గా ఉంటుంది. ఎమోషన్స్ ఆశించిన స్థాయిలో వర్కౌట్ కాలేదు. పేరెంట్స్ కి సంబంధించిన ఎమోషన్స్ ఆకట్టుకుంటాయి. హృదయాన్ని కదిలిస్తాయి. అదే స్థాయిలో ఎండింగ్‌ ఉండి ఉంటే ఇంకా బాగుండేది.

సూర్య పాత్రలో విక్రమ్‌ సహిదేవ్‌ నటుడిగా మెప్పించాడు. చాలా బాగా నటించాడు. చాలా మెచ్యూర్డ్ గా చేశాడు. కుర్రాడిగా, లవర్‌గా, గ్యాంగ్‌ స్టర్‌గా, ఇన్నోసెంట్‌ కొడుకుగా ఇలా విభిన్నమైన ఎమోషన్స్ ని, భావోద్వేగాలను పలికించాడు. యాక్షన్‌తోనూ అదరగొట్టాడు. ఎక్కడా ఓవర్‌ యాక్షన్‌కి వెళ్లకుండా, ఇమేజ్‌, ఎలివేషన్‌ లు అనే దానికి వెళ్లకుండా చాలా సెటిల్డ్ గా చేసి మెప్పించాడు. నటుడిగా మంచి ఫ్యూచర్‌ ఉందని చెప్పొచ్చు. అతని నటనే సినిమాకి మెయిన్‌ బలం. ఇక హీరోయిన్‌గా సంధ్యా వశిష్ట నటన కూడా బాగుంది. ఆమె కూడా అంతే సహజంగా నటించి మెప్పించింది. ఆమె పాత్రలోని ట్విస్ట్ బాగుంది. విలన్‌ పాత్రలో తారక్‌ పొన్నప్ప నటన అదిరిపోయింది. చాలా చోట్ల అతని పాత్ర హైలైట్‌గా నిలుస్తుంది. అతను కూడా అదే స్థాయిలో నటించి మెప్పించాడు. హీరో తండ్రిగా త్రినాథరావు నక్కిన పాత్రలో ఒదిగిపోయాడు. నటుడిగా ఆయనకు మంచి భవిష్యత్‌ ఉందని చెప్పొచ్చు. తల్లిగా ఇంద్రజ యాప్ట్ గా నిలిచింది. ఎమ్మెల్యేగా వడ్లమాని శ్రీనివాస్‌ ఆకట్టుకునే ప్రయత్నం చేశాడు. హీరో ఫ్రెండ్‌గా చేసిన మహబూబ్‌ బాషా సైతం మెప్పించాడు. మిగిలిన పాత్రధారులు ఓకే అనిపించారు.

కథ కమర్షియల్‌గా ఉన్నా బాగుంది. దాన్ని తీసిన విధానం బాగుంది. దర్శకుడు కాగేష్‌ తమ్మినేని అంతే బాగా తెరకెక్కించాడు. అయితే కొంత రొటీన్‌గా నడిపించినా చాలా చోట్ల బాగుంది. ఫీల్‌, డ్రామా, యాక్షన్‌, ఎమోషన్స్ బాగున్నాయి. దావ్‌జాండ్‌ సంగీతం ఫర్వాలేదు. పాటలు బాగున్నాయి. ఆర్‌ఆర్‌ కూడా అదిరిపోయింది. వంశీ కృష్ణ కెమెరా వర్క్ ఆకట్టుకుంది. రిచ్‌ లుక్‌ని ఇచ్చింది. శ్రీ కృష్ణ అట్టలూరి ఎడిటింగ్‌ ఫర్వాలేదు. కొంత ట్రిమ్‌ చేయోచ్చు. నిర్మాణ విలువలకు కొదవ లేదు. సినిమా బాగా తీశారు.

కొంత రొటీన్‌ ఉన్నా, సరికొత్త యాక్షన్‌ లవ్‌ స్టోరీగా ఈ చిత్రం మెప్పిస్తుంది. ఈ వారం వచ్చిన వాటిలో బెటర్‌గా నిలుస్తుంది.

రేటింగ్‌: 2.75

Hanuman Ansh Telugu Review: హనుమాన్‌ అంశ్‌ మూవీ రివ్యూ.. నీమ్‌ కరోలి బాబా జీవితం వెండితెరపై ఎలా ఉందంటే?

Aithagoni Raju — Fri, 09 Oct 2026 16:19:54 +0530

Hanuman Ansh Review: హనుమాన్‌ భక్తుడు, దేవుడిగా కొలువొందుతున్న నీమ్‌ కరోలి బాబా జీవితం ఆధారంగా రూపొందిన `హనుమాన్‌ అంశ్‌` మూవీ తెలుగులోనూ విడుదలైంది. నార్త్ లో సంచలనం సృష్టించిన ఈ మూవీ తెలుగు ఆడియెన్స్ కి కనెక్ట్ అయ్యిందా?

హనుమాన్ అంశ్ (Hanuman Ansh) నీమ్ కరోలి బాబా జీవిత ఆధారంగా తెరకెక్కిన హిందీ బయోగ్రాఫికల్ డివోషనల్ డ్రామా. విశాల్ చతుర్వేది దర్శకత్వం వహించిన ఈ చిత్రం హిందీలో విడుదలై మంచి బాక్సాఫీస్ విజయాన్ని అందుకున్న తర్వాత తెలుగులోనూ ప్రేక్షకుల ముందుకొచ్చింది. దీనికి విశాల్ చతుర్వేది దర్శకత్వం వహించగా, రాగిని సోనా, నమ్రత జి సింగ్‌, అనుప్రియా ఏ నగర్‌, విశాల్‌ చతుర్వేది నిర్మించారు. ఇందులో బాబా పాత్రలో శోభినవ్‌ సత్య నటించారు. ఆగస్ట్ 7న హిందీలో విడుదలైన ఈ మూవీ సంచలన విజయం సాధించింది. రెండు కోట్లతో రూపొంది నాలుగు వందల కోట్లు రాబట్టింది. ఇన్నాళ్లకి తెలుగులోకి వచ్చింది. ఈ శుక్రవారం(అక్టోబర్‌ 9)న విడుదల చేశారు. హోంబలే ఫిల్మ్స్ వాళ్లు, మైత్రీ డిస్ట్రిబ్యూషన్‌ సమక్షంలో తెలుగులోకి అనువాదమైంది. మరి నార్త్ లో దుమ్ములేపిన ఈ మూవీ తెలుగు ఆడియెన్స్ కి కనెక్ట్ అయ్యిందా అనేది రివ్యూలో తెలుసుకుందాం.

స్వాతంత్య్రానికి పూర్వం జరిగే కథ ఇది. డాక్టర్ రామ్ నందన్ భోసలే (చందన్ కె. ఆనంద్) దేవుడిపై నమ్మకం లేని శాస్త్రవేత్త. ఆయన జీవితంలో చోటుచేసుకునే ఓ కీలక సంఘటన విశ్వాసం, దైవత్వం గురించి ఆలోచించేలా చేస్తుంది. ఈ క్రమంలో ఆయనకు లక్ష్మీనారాయణ్ శర్మ (శోభినవ్ సత్య) పరిచయమవుతాడు. కాలక్రమంలో లక్ష్మీనారాయణ్ శర్మ నీమ్ కరోలి బాబాగా ప్రసిద్ధి చెందుతాడు. చిన్నతనంలో ఎదురైన విషాదం, ఆధ్యాత్మికత వైపు ఆయనను నడిపించిన పరిస్థితులు, జీవితానికి అర్థం వెతుక్కుంటూ సాగించే ప్రయాణం కథలో కీలకంగా నిలుస్తాయి. ప్రజలకు ప్రేమను పంచడం, ఆకలితో ఉన్నవారికి ఆహారం అందించడం, కష్టాల్లో ఉన్నవారికి అండగా నిలవడం వంటి సేవా కార్యక్రమాల ద్వారా ఆయన ఇతరుల జీవితాలపై ఎలాంటి ప్రభావం చూపించారన్నది సినిమాలో ప్రధానంగా చూపించారు. అయితే దేశమంతా తిరిగిన ఆయన నీమ్‌ కరోలీలోనే ఎందుకు కొలువైయ్యారు? అక్కడ ఏం చేశాడనేది సినిమా కథ.

బయోపిక్ సినిమాల్లో ఒక వ్యక్తి సాధించిన విజయాలు, ఎదుర్కొన్న సమస్యలు, జీవితంలో చోటుచేసుకున్న కీలక సంఘటనలకు ఎక్కువ ప్రాధాన్యం ఇస్తారు. అయితే హనుమాన్ అంశ్ ఆధ్యాత్మికత, దయ, ప్రేమ, నిస్వార్థ సేవ వంటి విలువలను ప్రధానంగా రూపొందించారు. మనిషిలో మార్పు రావడానికి ఎదురయ్యే అనుభవాలు ఎలా కారణమవుతాయో చూపించే ప్రయత్నం చేశారు. సినిమాలో కొన్ని భావోద్వేగ సన్నివేశాలు హృదయానికి దగ్గరగా అనిపిస్తాయి. ముఖ్యంగా ఇతరుల బాధను అర్థం చేసుకోవడం, ఆకలితో ఉన్నవారికి ఆహారం అందించడం వంటి అంశాలను తెరకెక్కించిన విధానం ఆకట్టుకుంటుంది. ద్వితీయార్థంలో కథలో భావోద్వేగ తీవ్రత పెరుగుతుంది.

అయితే కథనం ఎపిసోడ్ల తరహాలో సాగడం, కొన్ని సన్నివేశాలు నెమ్మదిగా ఉండటం వల్ల సినిమా వేగం తగ్గుతుంది. కమర్షియల్ సినిమాల్లో ఉండే భారీ మలుపులు, ఉత్కంఠ ఇందులో కనిపించదు. అయితే సినిమా అంటే వినోదం, థ్రిల్‌, సస్పెన్స్, వాహ్‌ ఫీలింగ్‌ వంటి వాటికి ప్రయారిటీ ఇస్తారు. ఆడియెన్స్ కూడా వాటిని ఆశిస్తారు. ఆ పరంగా చూస్తే ఇందులో అవేవీ ఉండవు.

దేవుడికి సంబంధించిన మూవీ అన్నప్పుడు మాయలు, వారి లీలలకు ప్రయారిటీ ఉంటుంది. వాటినే ఆడియెన్స్ ఆశిస్తారు. అవి లేకపోతే చప్పగా సాగుతుంది. ఈ మూవీ విషయంలో అదే జరిగింది. నీమ్‌ కరోలి బాబా జర్నీని చూపించారు. సింపుల్‌గా ఆయన లైఫ్‌ని ఆవిష్కరిస్తుంది. అందులోని ప్రధాన ఘట్టాలను మాత్రం చూపించారు. దేవుడు, దైవత్వానికి సంబంధించిన ఎన్నో గొప్ప సినిమాలు చూశారు మన తెలుగు ఆడియెన్స్. కాబట్టి ఏదో ఉండాలని ఆశిస్తారు. కానీ ఇందులో అవి లేకపోవడంతో నిరాశ తప్పదు. సినిమా చాలా ప్లాట్‌గా సాగుతుంది, హై, లో అనేవి ఉండవు. సాఫీగా సాగిపోతుంటుంది. డ్రామా కూడా పెద్దగా లేదు. ఉన్నచోట కూడా పండలేదు.

మెయిన్‌గా మూవీలో ఎమోషన్స్ లేవు. ఫ్యామిలీ ఎమోషన్స్ కొన్ని ఉన్నా, అవి కనెక్ట్ కాలేదు. దీనికితోడు నాటకీయత కూడా పెద్దగా లేదు. అదే సమయంలో చాలా సన్నివేశాలు సాగదీసినట్టుగా ఉంటాయి. స్లోగా సాగుతుంది. చిన్న చిన్న సంఘటనలు ఎక్కువ సేపు చూపించడం ఆశ్చర్యంగా అనిపిస్తుంది. అందులో అంతగా చూపించాల్సిన అంశం ఏముంది అనే ఫీలింగ్‌ కలుగుతుంది. దేవుడి పవర్‌కి సంబంధించిన సీన్లు కొన్ని ఉన్నాయి, అవి కూడా సింపుల్‌గా ఉన్నాయి. దీంతో అవి కిక్‌ ఇవ్వలేకపోయాయి. క్లైమాక్స్ కూడా అసంతృప్తిగానే ఉంటుంది. కాకపోతే దేవుడిని నమ్ముకున్నా, శాస్త్రియంగా చేయాల్సినవి చేయాలని చెప్పే సన్నివేశాలు బాగున్నాయి.

మూఢ విశ్వాసం కాకుండా మనం పని మన చేయాలి, నిజాయితీగా ఉండాలి, దేవుడిని ఆరాధించాలి అని చెప్పిన తీరు బాగుంది. అయితే పూర్తి భక్తులుగా ఉన్నవారు, నీమ్‌ కరోలీ బాబా గురించి తెలిసిన వారికి ఇంట్రెస్టింగ్‌గా అనిపించొచ్చు. కానీ న్యూట్రల్‌ ఆడియెన్స్ ని ఈ సినిమా ఏమాత్రం ఆకట్టుకోదు. ఒక డాక్యుమెంటరీని చూసిన ఫీలింగ్‌ కలుగుతుంది. శోభినవ్ సత్యా నటన, సంగీతం, భావోద్వేగ సన్నివేశాలు ప్రధాన బలాలు. నెమ్మదిగా సాగే కథనం, కొన్ని చోట్ల తగ్గిన ఉత్కంఠ బలహీనతలు.

నీమ్ కరోలి బాబా పాత్రలో శోభినవ్ సత్యా తన సహజమైన నటనతో ఆకట్టుకున్నారు. పాత్రలోని ప్రశాంతత, ఆధ్యాత్మిక భావనలను అతిగా నటించకుండా తెరపై ఆవిష్కరించడం ఆయనకు కలిసొచ్చింది. భావోద్వేగ సన్నివేశాల్లోనూ హుందాగా కనిపించారు. చిన్న వయసు పాత్రలో విహాన్ షెడ్గే తన పరిధి మేరకు మెప్పించారు. డాక్టర్ రామ్ నందన్ భోసలే పాత్రలో చందన్ కె. ఆనంద్ కథకు కీలకమైన బలాన్ని అందించారు. పూర్ణిమ తివారీ, అనిల్ రస్తోగి, గుల్షన్ పాండే తదితరులు తమ పాత్రలకు న్యాయం చేశారు. ఇతర పాత్రలు ఓకే అనిపించారు.

దర్శకుడు విశాల్ చతుర్వేది కథను భక్తిభావం, మానవీయ విలువల చుట్టూ నడిపించారు. అనవసరమైన కమర్షియల్ హంగులకు వెళ్లకుండా కథలోని ప్రధాన సందేశాన్ని ప్రేక్షకులకు అందించే ప్రయత్నం చేశారు. అయితే కొన్ని సన్నివేశాలను మరింత సంక్షిప్తంగా తెరకెక్కించి ఉంటే కథనం వేగంగా సాగేది. బిగ్‌ స్క్రీన్‌ ఫీల్‌ ఇవ్వకపోవడం మైనస్‌గా చెప్పొచ్చు. విశాల్ బావా సినిమాటోగ్రఫీ కథకు అవసరమైన విజువల్‌ ట్రీట్‌ని ఇచ్చింది. సాధు తివారీ, రిషి పాఠక్, శ్రేయాస్ ధర్మాధికారి, సునీల్ లోధి, ధీరేంద్ర ముల్కల్వార్, విశాల్ చతుర్వేది అందించిన సంగీతం, నేపథ్య సంగీతం ఆధ్యాత్మిక భావనలను పెంచాయి, మ్యూజిక్‌ బాగుంది. ఆర్‌ఆర్‌ ఇంకా బాగుంది. శంఖ్ రాజాధ్యక్ష ఎడిటింగ్‌లో మరింత క్రిస్ప్‌నెస్ ఉంటే సినిమా ప్రభావం పెరిగేది. నిర్మాణ విలువలు కథకు తగినట్లుగా ఉన్నాయి. తెలుగు డబ్బింగ్‌ కూడా బాగుంది.

మొత్తంగా హనుమాన్ అంశ్ భక్తి, మానవత్వం, నిస్వార్థ సేవ వంటి అంశాలతో ఆలోచింపజేసే ఆధ్యాత్మిక చిత్రం. నీమ్ కరోలి బాబా జీవితంపై ఆసక్తి ఉన్నవారికి, ఆధ్యాత్మిక చిత్రాలను ఇష్టపడేవారికి ఈ సినిమా నచ్చుతుంది. సాధారణ ఆడియెన్స్ కి మాత్రం ఇది ఏమాత్రం ఎక్కడు. పైగా తెలుగు ఆడియెన్స్ కి కనెక్ట్ కావడం అంత ఈజీ కాదు. కనెక్ట్ అయితే మాత్రం ఏదో మ్యాజిక్‌ జరుగుతుందని చెప్పొచ్చు.

రేటింగ్‌ : 2.5

Ranabaali Day 1 Collections: రణబాలికి షాకింగ్‌ కలెక్షన్లు.. విజయ్‌, రష్మిక మూవీకి మొదటి రోజు వచ్చింది ఇంతేనా?

Aithagoni Raju — Sat, 17 Oct 2026 07:53:40 +0530

విజయ్‌ దేవరకొండ, రష్మిక మందన్నా జంటగా నటించిన `రణబాలి` మూవీ ఈ శుక్రవారం ఆడియెన్స్ ముందుకు వచ్చింది. ఈమూవీకి పాజిటివ్‌ టాక్‌ వచ్చింది. మరి బాక్సాఫీసు వద్ద కలెక్షన్లు ఎలా ఉన్నాయంటే?

విజయ్‌ దేవరకొండ, రష్మిక మందన్నా జంటగా నటించిన మూవీ `రణబాలి`. రాహుల్‌ సంక్రిత్యాన్‌ దర్శకత్వంలో రూపొందిన ఈ చిత్రాన్ని మైత్రీ మూవీ మేకర్స్ నిర్మించారు. `గీత గోవిందం`, `డియర్‌ కామ్రేడ్‌` చిత్రాల తర్వాత విజయ్‌ దేవరకొండ, రష్మిక మందన్నా కలిసి నటించిన సినిమా కావడం, అదే సమయంలో పెళ్లి తర్వాత కలిసి చేసిన తొలి చిత్రం ఇదే కావడం విశేషం. 1870-80 టైమ్‌లో మద్రాస్‌ ప్రెసిడెన్సీ.. సింగనమల ప్రాంతంలో జరిగిన యదార్థ సంఘటన ఆధారంగా పీరియాడికల్‌ హిస్టరీ యాక్షన్‌ కథతో ఈ చిత్రాన్ని రూపొందించారు. దసరా స్పెషల్‌ గా శుక్రవారం విడుదలైన ఈ చిత్రానికి పాజిటివ్‌ టాక్‌ వచ్చింది. చాలా వరకు క్రిటిక్స్ నుంచి ప్రశంసలు దక్కాయి. మరి ఇది బాక్సాఫీసు వద్ద రిఫ్లెక్స్ అయ్యిందా? ఈ మూవీకి కలెక్షన్లు ఎలా ఉన్నాయనేది చూద్దాం.

`రణబాలి` మూవీ బాక్సాఫీసు వద్ద సత్తా చాటుతోంది. మొదటి రోజు మంచి ఓపెనింగ్స్ ని రాబట్టుకుంది. అయితే విజయ్‌ గత చిత్రాలతో పోల్చితే డల్‌గానే ప్రారంభమైంది. కానీ ఇంతటి కాంపిటీషన్‌లో ఈ రేంజ్‌ వసూళ్లు రావడమ విశేషమనే చెప్పొచ్చు. మరి ఈ మూవీకి ఎంత వచ్చాయనేది చూస్తే, మొదటి ప్రపంచ వ్యాప్తంగా రూ.16.50కోట్ల గ్రాస్‌ వచ్చింది. ఇండియాలో పది కోట్ల 75లక్షలు రాగా, ఓవర్సీస్‌లో రూ.5.75కోట్లు వచ్చాయి. అయితే రెగ్యూలర్‌ టికెట్‌ రేట్లతో ఈ స్థాయి కలెక్షన్లు అంటే బెటర్‌ అనే చెప్పొచ్చు. కానీ ఈ మూవీకది సరిపోదు. ఇంకా చాలా కావాలి.

`రణబాలి` మూవీకి అయిన బడ్జెట్‌ రూ.120కోట్లు అని సమాచారం. ఇందులో అరవై కోట్ల వరకు నాన్‌ థియేట్రికల్‌గా వచ్చినట్టు సమాచారం. ఇక థియేట్రికల్‌గా దాదాపు అరవై కోట్లు వసూలు చేయాలి. అంటే వంద నుంచి రూ.120కోట్ల వరకు గ్రాస్‌ కలెక్షన్లు రావాలి. ఇప్పుడు అందులో రూ.15శాతం మాత్రమే వచ్చాయి. దాదాపు పది కోట్ల షేర్‌ వచ్చిందని చెప్పొచ్చు. కానీ ఇంకా వంద కోట్లకుపైగానే కలెక్షన్లు రావాలి. మరి అది ఎంత వరకు రీచ్‌ అవుతుందనేది ప్రశ్న.

ఇదిలా ఉంటే విజయ్‌ చివరి మూవీ `కింగ్‌డమ్‌`కి మొదటి రోజు దాదాపు రూ.39కోట్లు వచ్చాయి. ఇప్పుడు అందులో సగం కూడా దీనికి రాకపోవడం షాకిస్తోంది. టికెట్‌ రేట్లు పెంపు లేకపోవడం, జైలర్‌ 2 ప్రభావం, క్రేజీ కల్యాణం మూవీ కూడా అదే రోజు రావడంతో థియేటర్లు పంచుకోవాల్సి వచ్చింది. ఇది వసూళ్లపై ప్రభావం చూపించిందని చెప్పొచ్చు. సినిమా పుంజుకుంటే విజయం దిశగా వెళ్లే ఛాన్స్ ఉంది.

`రణబాలి` మూవీ పీరియాడికల్‌ యాక్షన్‌ ఎమోషనల్‌ డ్రామాగా వచ్చింది. 1870-80లో సహజంగా వచ్చిన కరవు, బ్రిటీష్‌ వారు క్రియేట్‌ చేసిన కరవుకి ప్రజలు అల్లాడిపోయారు. కొన్ని లక్షల మంది చనిపోయారు. ప్రజల ధాన్యాన్ని దోచుకుపోతున్న బ్రిటీష్‌వారిపై రణబాలి చేసిన పోరాటమే ఈ చిత్రం అని చెప్పొచ్చు. హృదయాన్ని కదిలించే రియలిస్టిక్‌ కథాంశంతో ఈ మూవీని రూపొందించారు దర్శకుడు రాహుల్‌ సంక్రిత్యాన్‌. విజయ్‌ దేవరకొండ నటన అదిరిపోయింది. రష్మిక మందన్నా రోల్‌ బాగుంది. ఎమోషనల్‌గా ఉంది. అయితే ఇలాంటి సబ్జెక్ట్ ఆడియెన్స్ కి రీచ్‌ కావడం చాలా ముఖ్యం. రీచ్‌ అయ్యేదాన్ని బట్టి ఆడుతుంది. కమర్షియల్‌ యాంగిల్‌లో దీన్ని చూడలేం. అదే ఈ మూవీకి మైనస్‌గా చెప్పొచ్చు.

Abbayigaru Movie Review: కృష్ణ మనసుపడ్డ సినిమా.. వెంకటేష్ చేతికి ఎలా వెళ్లింది, అబ్బాయిగారు మూవీ రివ్యూ

Mahesh Jujjuri — Wed, 14 Oct 2026 11:30:10 +0530

Abbayigaru Movie Review: టాలీవుడ్ ప్రేక్షకులకు ఎప్పటికీ గుర్తుండిపోయే కుటుంబ కథా చిత్రాలలో 'అబ్బాయిగారు' (Abbayigaru) ఒకటి. విక్టరీ వెంకటేష్, మీనా జంటగా, ఇ.వి.వి. సత్యనారాయణ దర్శకత్వంలో తెరకెక్కిన ఈ సినిమా బ్లాక్ బస్టర్ హిట్ అయ్యింది.

అబ్బాయిగారు సినిమా కథ వెనుక ఒక పెద్ద ఇండస్ట్రీ బ్యాక్‌గ్రౌండ్ స్టోరీ ఉంది. ఈ సినిమా తమిళంలో కె. భాగ్యరాజ్ నటించి, దర్శకత్వం వహించిన సూపర్ హిట్ సినిమా 'ఎంగా చిన్న రాజా' (Enga Chinna Rasa)కి రీమేక్. ఇందులో భాగ్యరాజా సరసన రాధ నటించారు. ఈ సినిమాను హిందీలో అనిల్ కపూర్, మాధురీ దీక్షిత్ జంటగా ‘బేట’ పేరుతో ఈ చిత్రాన్ని హిందీలో రీమేక్ చేశారు. ‘బేట’ ఘన విజయం సాధించడమే కాకుండా 1992లో బాలీవుడ్ హయ్యస్ట్ గ్రాసర్‌గా నిలిచింది. ఈ మూవీని కన్నడలో కూడా తెరకెక్కించారు. కాగా తెలుగులో ఈమూవీపై సూపర్ స్టార్ కృష్ణ మనసు పడ్డార.

మదర్ సెంటిమెంట్ నచ్చి తెలుగులో ఈ రీమేక్ హక్కులను టాలీవుడ్ సూపర్ స్టార్ కృష్ణ తీసుకున్నారు. ఆ సమయంలో కృష్ణతో ఈ సినిమాను తెరకెక్కించడానికి సన్నాహాలు కూడా జరిగాయి. అయితే, పద్మాలయ బ్యానర్‌పై రీమేక్ చేయాలని అనుకున్నారు కృష్ణ. ఇందులో తల్లి పాత్రకు సీనియర్ నటి వాణిశ్రీ‌నీ సంప్రదించారు. అయితే గతంలో నటి, దర్శకురాలు విజయ నిర్మలతో ఏర్పడిన వివాదం కారణంగా హీరో కృష్ణతో సినిమా అనగానే వాణిశ్రీ అంగీకరించలేదు. దాంతో కృష్ణ రెండు మూడు ప్రయత్నాలు చేశారు. కానీ ప్రతీసారి ఏదో ఒక ప్రాబ్లమ్ క్రియేట్ అవుతుండటంతో.. ఇక ఈమూవీని పక్కన పెట్టేశారు.

ఆ తర్వాత ఈ కథ వెంకటేష్ కు బాగా నచ్చింది. అప్పటికే ప్రముఖ నిర్మాత ఎం. నరసింహారావు (రాశి మూవీస్) చేతికి ఈ సినిమా రైట్స్ వెళ్లడం.. చంటి సినిమాతో మంచి దూకుడు మీద ఉన్న వెంకటేష్ తో ఈమూవీ చేయాలని నిర్ణయంచుకున్నారు. ఫ్యామిలీ ఆడియన్స్‌లో తిరుగులేని క్రేజ్ సంపాదించుకున్న వెంకటేష్ ఇమేజ్‌కు తగినట్లుగా.. అందులో మార్పులు చేర్పులు చేశారు. అమ్మ పాత్రను చాలా పవర్ ఫుల్ గా మార్చారు, కాస్త సెంటిమెంట్ డ్రామాను పెంచి, కామెడీ డోస్ ను ఎక్కువగా కలిపి కొత్త కథను తయారు చేసుకుని సెట్స్ మీదకు వెళ్లారు దర్శకుడు ఇ.వి.వి. సత్యనారాయణ .

దొరబాబు (వెంకటేష్) ఒక పెద్ద జమీందారు (నూతన్ ప్రసాద్) గారి ముద్దుల కొడుకు. చిన్నప్పుడే తల్లి చనిపోవడంతో మాతృమూర్తి ప్రేమకు దూరమవుతాడు. కొడుకు పడుతున్న బాధను చూసి తండ్రి.. నాగమణి (జయచిత్ర) అనే మహిళను రెండో పెళ్లి చేసుకుంటాడు. అయితే, ఆ సవతి తల్లి పైకి బాగానే ఉన్నట్లు నటిస్తూ, దొరబాబును అమాయకుడిగా, చదువు లేనివాడిగా ఉంచి ఆస్తి మొత్తం కాజేయాలని కుట్ర పన్నుతుంది.

తనను కన్నతల్లిలా చూసుకుంటున్న సవతి తల్లే సర్వస్వమని నమ్ముతాడు దొరబాబు. ఈ క్రమంలో సుధ (మీనా)ను ప్రేమించి పెళ్లి చేసుకుని ఇంటికి తీసుకువస్తాడు దొరబాబు. కోడలుగా అడుగుపెట్టిన సుధ, సవతి తల్లి నాగమణి అసలు మోసపూరిత కుటుంబాన్ని, ఆమె ఆస్తి కుట్రలను ఎలా పసిగట్టింది? తన భర్తను, మామను ఆ రాక్షస వలయం నుంచి ఎలా కాపాడుకుంది? చివరికి దొరబాబుకు నిజం ఎలా తెలిసింది? అనేదే ఈ చిత్రంలోని ఎమోషనల్ స్టోరీ.

నటీనటుల అభినయం

దొరబాబు పాత్రలో వెంకటేష్ జీవించేశారు. అమాయకత్వం, తల్లిపై అమితమైన ప్రేమ, భార్య పట్ల బాధ్యత కలిగిన భర్తగా ఆయన నటన కంటతడి పెట్టిస్తుంది. ముఖ్యంగా క్లైమాక్స్ సీన్లలో వెంకటేష్ డైలాగ్స్ మనసును తాకుతాయి. ఇక యాక్షన్ సీన్స్, రొమాంటిక్స్ సీన్స్ లో వెంకీ రెచ్చిపోయారు. హీరోయిన్ మీనా విషయానికి వస్తే.. సుధ పాత్రలో మీనా అద్భుతంగా నటించారు. కేవలం అందమే కాకుండా, సమయస్ఫూర్తితో కుటుంబం కోసం పోరాడే ఇంటెలిజెంట్ భార్యగా ఆమె పాత్ర చాలా పవర్‌ఫుల్‌గా ఉంటుంది. అందానికి అందం.. నటనకు నటన మీనాకు ఈసినిమాతో మంచి పేరు వచ్చింది.

ఈ సినిమాలో వెంకటేష్, మీనాకు ఎంత అద్భుతమైన పాత్రలు పడ్డాయో.. అంతకు మించి స్క్రీన్ స్పేస్, యాక్టింగ్ స్కోప్ ఉన్న పాత్ర దక్కింది జయచిత్రకు. దొరబాబు సవతి తల్లి నాగమణి పాత్రలో జయచిత్ర నటన ప్రేక్షకులను విపరీతంగా ఆకట్టుకుంటుంది. ఆమె విలనిజం సినిమాకు బలాన్నిచ్చింది. ఆమె భర్త పాత్రలో నూతన ప్రసాద్ కూడా జీవించారు. ఇక కోట శ్రీనివాసరావు, బ్రహ్మానందం, బాబు మోహన్, కామెడీ సినిమాను నెక్ట్స్ లెవల్ కు తీసుకెళ్లిందని చెప్పాలి. తదితరుల కామెడీ ట్రాక్ సినిమాకు మంచి రిలీఫ్‌ను ఇస్తుంది.

దర్శకత్వం: ఇ.వి.వి. సత్యనారాయణ కేవలం కామెడీ సినిమాలే కాకుండా, ఇంతటి బలమైన సెంటిమెంట్, ఎమోషనల్ ఫ్యామిలీ డ్రామాను కూడా ఎంత అద్భుతంగా తీయగలరో ఈ సినిమా నిరూపించింది. ఎం.ఎం. కీరవాణి అందించిన సంగీతం ఈ సినిమా విజయానికి ప్రధాన కారణం. "కూసింది కోయిలమ్మ", "నీ తస్సదియ్య", "ఓ కన్నె పువ్వా", "అమ్మా అమ్మా మాయమ్మా" వంటి పాటలు ఇప్పటికీ శ్రోతలను అలరిస్తూనే ఉన్నాయి. దివంగత జంధ్యాల గారు అందించిన మాటలు సినిమాలోని ఎమోషన్స్ ను మరింత బలంగా ప్రేక్షకులకు చేర్చాయి.

ప్లస్ పాయింట్స్ (Strengths)

వెంకటేష్ - మీనా మధ్య వచ్చే కెమిస్ట్రీ, లవ్ ట్రాక్.

కీరవాణి అందించిన అద్భుతమైన పాటలు - నేపథ్య సంగీతం.

అత్తాకోడళ్ల మధ్య డైలాగ్స్, అమ్మ సెంటిమెంట్

పల్లెటూరి వాతావరణం, కుటుంబ విలువలతో కూడిన స్క్రీన్ ప్లే.

మైనస్ పాయింట్స్ (Weaknesses)

సెకండాఫ్‌లో కొన్ని సన్నివేశాలు,

రెగ్యులర్ తెలుగు సినిమాల ఫార్ములా

ఫైనల్ గా

'అబ్బాయిగారు' కేవలం ఒక కమర్షియల్ సినిమా మాత్రమే కాదు, చక్కటి కుటుంబ విలువలు, అనుబంధాలు, అమ్మ ప్రేమ కోసం తపించే ఒక అమాయక కొడుకు కథ. వెంకటేష్ నటన, ఇ.వి.వి. దర్శకత్వ ప్రతిభ, కీరవాణి సంగీతం ఈ చిత్రాన్ని ఒక క్లాసిక్ ఫ్యామిలీ డ్రామాగా నిలబెట్టాయి. ఎప్పుడైనా కుటుంబంతో కలిసి చూడదగ్గ అరుదైన చిత్రాలలో ఇది ఒకటి. ఈ మూవీ చూడాలి అనుకుంటున్నారా.. అయితే యూట్యూబ్ లో అందుబాటులోనే ఉంది.

Katakatala Rudraiah Review: కృష్ణ మీద కోపంతో కృష్ణంరాజుకు నిర్మాత అవకాశం.. బ్లాక్‌బస్టర్‌ను సూపర్ స్టార్ ఎలా మిస్ అయ్యాడు? కటాకటాల రుద్రయ్య' రివ్యూ..

Mahesh Jujjuri — Sun, 11 Oct 2026 09:15:12 +0530

Katakatala Rudraiah Review: తెలుగు సినిమా రంగంలో కొన్ని చిత్రాలు ప్రేక్షకులను కేవలం వినోదంతో అలరించడమే కాకుండా, ఒక నటుడి ఇమేజ్‌ను శాశ్వతంగా ముద్ర వేస్తాయి. అలాంటి అపురూపమైన యాక్షన్ సినిమాల్లో 'కటాకటాల రుద్రయ్య' ఒకటి.

టాలీవుడ్ గర్వించదగిన నటుడు రెబెల్ స్టార్ కృష్ణంరాజు హీరోగా, దర్శకరత్న దాసరి నారాయణరావు దర్శకత్వంలో తెరకెక్కిన సినిమా 'కటాకటాల రుద్రయ్య'. 1978లో విడుదలైన ఈ మూవీ బాక్సాఫీస్ వద్ద ఒక సంచలనంగా నిలిచింది. ఆ కాలంలో ఈ సినిమా సృష్టించిన ప్రభంజనం అంతా ఇంతా కాదు. మాస్ ప్రేక్షకులు ఈ సినిమాకు నీరాజనం పట్టారు. ఈ మూవీతోనే కృష్ణంరాజు 'రెబెల్ స్టార్'గా పూర్తిగా మారిపోయారు.

కటాకటాల రుద్రయ్య కథ విషయానికి వస్తే...

సమాజంలో జరిగే అన్యాయాలు, అక్రమాలు, దోపిడీలను ఎదిరించే ఒక నిర్భయమైన యువకుడి కథే 'కటాకటాల రుద్రయ్య'. రుద్రయ్య (కృష్ణంరాజు) చిన్నతనం నుంచే అన్యాయాన్ని సహించలేని స్వభావం ఉన్నవాడు. సమాజంలో పలుకుబడి ఉన్న వ్యక్తులు, రాజకీయ నాయకులు, స్వార్థపరులైన ప్రతినాయకులు పేద ప్రజలను పీడిస్తుంటే రుద్రయ్య వారిపై తిరుగుబాటు చేస్తాడు.

ఈ క్రమంలో చట్టాన్ని తన చేతుల్లోకి తీసుకోవాల్సి వస్తుంది. దీనివల్ల అతనికి కోర్టు జైలు శిక్ష విధిస్తుంది. 'కటాకటాల' (జైలు ఊచలు) వెనుక ఉన్నప్పటికీ, రుద్రయ్య ఆలోచనలు, ఆశయం ఎప్పుడూ పేద ప్రజల సంక్షేమం కోసమే పరితపిస్తుంటాయి. ఈ కథలో జయసుధ, జయచిత్ర పాత్రలు రుద్రయ్య జీవితంలోకి ఎందుకు ప్రవేశించాయి? విలన్ల ఆట కట్టించడానికి రుద్రయ్య జైలు నుంచి బయటికి వచ్చి ఎలాంటి సాహసాలు చేశాడు? చివరికి న్యాయం ఎలా గెలిచింది? అనేదే ఈ చిత్ర అసలుససలు కథ.

ఈ సినిమాకు ప్రధాన ఆయువుపట్టు కృష్ణంరాజు నటన. ఆయన అప్పట్లో పోషించిన రుద్రయ్య పాత్ర ఆయన కెరీర్‌లోనే మైలురాయిగా నిలిచింది. రాయలసీమ యాసలో డైలాగులు చెప్పడం, ఆయన గంభీరమైన బాడీ లాంగ్వేజ్, ఫైటింగ్ సీన్లలో ఆయన చూపిన పవర్ ప్రేక్షకులను థియేటర్లలో ఈలలు వేయించేలా చేశాయి. 'రెబెల్ స్టార్' అనే బిరుదుకు ఈ చిత్రం వందశాతం న్యాయం చేసింది. యాక్షన్ హీరోగా కృష్ణంరాజును మరింత ఎత్తుకు నిలబెట్టింది ఈ మూవీ.

అప్పటి హీరోయిన్లు జయసుధ, జయచిత్ర ఇద్దరూ ఈ సినిమాలో మంచి పాత్రల్లో నటించారు. నటనకు అవకాశం ఉన్న పాత్రలు కావడంతో రెచ్చిపోయి నటించారు. కేవలం గ్లామర్‌కే పరిమితం కాకుండా, తమ అద్భుతమైన నటనతో కథను ముందుకు తీసుకెళ్లడంలో కీలక పాత్ర పోషించారు. వీరితో పాటు మరో కీలక పాత్రలో నటించిన రామకృష్ణ కూడా ఈ సినిమాలో అద్భుతమైన నటనతో ఆకట్టుకున్నారు. ఇక రావు గోపాలరావు, కైకాల సత్యనారాయణ, ప్రభాకర్ రెడ్డి వంటి దిగ్గజ నటులు విలనిజంలో తమదైన ముద్ర వేశారు. వారి డైలాగ్ డెలివరీ, హావభావాలు సినిమా స్థాయిని మరింత పెంచాయి.

దర్శకరత్న దాసరి నారాయణరావు గురించి ప్రత్యేకంగా చెప్పాల్సిన పని లేదు. సమాజంలోని లోపాలను, రాజకీయ నాయకుల మోసాలను ఎత్తిచూపడంలో ఆయన సిద్ధహస్తులు. ఈ చిత్రంలో కమర్షియల్ మాస్ ఎలిమెంట్స్‌తో పాటు ఒక బలమైన సామాజిక సందేశాన్ని మేళవించి చూపించారు. స్క్రీన్‌ప్లే ఎక్కడా బోర్ కొట్టకుండా వేగంగా సాగుతుంది. ప్రతి సన్నివేశం ప్రేక్షకులను కట్టిపడేసేలా ఉంటుంది.

ప్రాణం పోసిన సంగీతం..

జె.వి. రాఘవులు అందించిన సంగీతం ఈ సినిమా విజయానికి మరో ప్రధాన కారణం. చిత్రంలోని పాటలు అప్పట్లో ట్రెండ్‌సెట్టర్‌గా నిలిచాయి. ముఖ్యంగా మాస్ బీట్స్, ఫోక్ ట్యూన్స్, ఎమోషనల్ సాంగ్స్ శ్రోతలను ఎంతగానో అలరించాయి. నేపథ్య సంగీతం (BGM) సినిమాలోని యాక్షన్ సీన్లను నెక్స్ట్ లెవెల్‌కు తీసుకెళ్లింది. సినిమాటోగ్రఫీ మరియు ఎడిటింగ్ నాటి కాలానికి తగినట్లుగా చాలా చక్కగా కుదిరాయి.

ఈ మూవీని నటశేఖర కృష్ణతో చేయాలని అనుకున్నారు. కృష్ణ అప్పటికి చాలా బిజీ హీరో.. అయినప్పటికీ దాసరి చెప్పిన కథ విని వెంటనే ఓకే చెప్పారు. హీరో కృష్ణ డేట్స్ కూడా ఇచ్చారు. అయితే సినిమా షూటింగ్ ప్రారంభించడానికి కొన్ని రోజుల ముందు కృష్ణ.. నిర్మాత వడ్డే రమేశ్‌కు కబురు చేసి, ‘మీకు ఇచ్చిన డేట్స్‌ సమయంలోనే నేను మరో సినిమా చేయాల్సిన పరిస్థితి వచ్చింది. అందుకే ఒక పని చేద్దాం.. ఉదయం ఏడు గంటల నుంచి ఒంటి గంట వరకూ మీ సినిమాకు పనిచేస్తా. వేరే వాళ్లకు ఒకటి నుంచి రాత్రి 9 గంటల వరకూ షూటింగ్ చేస్తా. మీకు ఓకేనా’ అని అడిగారట. అయితే.. ఈ ప్రతిపాదనకు వడ్డే రమేష్ ఒప్పుకోలేదు. 'నేను వేరే ఏర్పాట్లు చేసుకుంటా’ అని చెప్పి అక్కడి నుంచి వచ్చేశారట.

ఇక, కృష్ణ ఇంటికి వెళ్లే దారిలోనే కృష్ణంరాజు ఇల్లు ఉంది. దీంతో సరాసరి అక్కడికి వెళ్లారు. ఆయన, కృష్ణంరాజు మంచి స్నేహితులు కావడంతో ‘నా కటాకటాల రుద్రయ్య చిత్రంలో హీరోవి నువ్వే’ అని చెప్పారట. కృష్ణంరాజు కథ వినకుండానే ఆ సినిమాకు వెంటనే ఓకే చెప్పారు.

1978లో విడుదలైన 'కటాకటాల రుద్రయ్య' బాక్సాఫీస్ వద్ద సృష్టించిన సంచలనాలు అప్పట్లో తెలుగు సినీ పరిశ్రమను విస్మయానికి గురిచేశాయి. ఈ చిత్రం విడుదలైన అన్ని కేంద్రాలలోనూ అసాధారణ వసూళ్లను సాధించింది. వి.వి.ఎస్. ప్రొడక్షన్స్ (వడ్డే రమేష్) నిర్మించిన ఈ మూవీ అప్పట్లో వచ్చిన యాక్షన్ చిత్రాల్లో ఒక ట్రెండ్ సెట్టర్‌గా నిలిచింది. ఈ సినిమా బడ్జెట్ సుమారు రూ. 18 లక్షలు కాగా, ఏకంగా రూ. 75 లక్షలకు పైగా వసూలు చేసింది. ఈ సినిమా కలెక్షన్లు అప్పట్లో సంచలన రికార్డు సృష్టించాయి.

ప్లస్ పాయింట్లు:

కృష్ణంరాజు వన్-మ్యాన్ షో - ఆయన పవర్‌ఫుల్ పెర్ఫార్మెన్స్.

దాసరి నారాయణరావు గ్రిప్పింగ్ డైరెక్షన్ - ఆలోచింపజేసే డైలాగ్స్.

అద్భుతమైన సంగీతం, నేపథ్య సంగీతం.

జయసుధ, జయప్రదల అభినయం, రావు గోపాలరావు విలనిజం.

మైనస్ పాయింట్లు:

నాటి కాలపు సినిమాలకు తగినట్టుగా కొన్ని డ్రామా సన్నివేశాలు కొంచెం లౌడ్‌గా అనిపించవచ్చు (అయితే ఇది ఆ కాలపు కమర్షియల్ చిత్రాల శైలికి సరిగ్గా సరిపోతుంది).

ఫైనల్‌గా చెప్పాలంటే..

'కటాకటాల రుద్రయ్య' అనేది కేవలం ఒక సాధారణ మాస్ సినిమా కాదు; అది తెలుగు చలనచిత్ర చరిత్రలో సువర్ణాక్షరాలతో రాయదగిన ఒక మైల్‌స్టోన్ మూవీ. యాక్షన్, సెంటిమెంట్, వినోదం, సమాజంపై తిరుగుబాటు అన్నీ సమపాళ్లలో ఉన్న ఈ సినిమా ఏ కాలంలో చూసినా ఒకేలా థ్రిల్ ఇస్తుంది. మీరు పాతకాలపు క్లాసిక్ మాస్ సినిమాలను, కృష్ణంరాజు పవర్‌ఫుల్ నటనను ఇష్టపడేవారైతే, 'కటాకటాల రుద్రయ్య'ను అస్సలు మిస్ కాకూడదు. ఈ సినిమా చూడాలనుకునేవారికి ప్రస్తుతం యూట్యూబ్‌లో అందుబాటులో ఉంది.

Pedarayudu Movie Review: చిరంజీవి సినిమాని దెబ్బకొట్టిన మోహన్ బాబు, పెదరాయుడు రివ్యూ..

Mahesh Jujjuri — Wed, 21 Oct 2026 07:50:18 +0530

Pedarayudu Movie Review: తెలుగు సినిమా చరిత్రలో కొన్ని సినిమాలు కేవలం విజయాలు సాధించడమే కాదు.. హీరోల ఇమేజ్‌ను, బాక్సాఫీస్ లెక్కలను, ప్రేక్షకుల అభిరుచులను కూడా ప్రభావితం చేస్తాయి. అలాంటి చిత్రాల్లో మోహన్ బాబు హీరోగా నటించిన ‘పెదరాయుడు’ ఒకటి.

‘పెదరాయుడు’ సినిమా వెనుక ఆసక్తికరమైన బ్యాగ్రౌండ్ ఉంది. తమిళంలో శరత్ కుమార్ హీరోగా, విజయ్ కుమార్ ప్రధాన పాత్రలో తమిళ న దర్శకుడు కే.ఎస్. రవికుమార్ తెరకెక్కించిన ‘నాట్టమై’ (Nattamai) చిత్రం బాక్సాఫీస్ వద్ద పెద్ద విజయాన్ని సాధించింది. ఈసినిమాను చూసిన తమిళ సూపర్‌స్టార్ రజనీకాంత్, వెంటనే తన ఆప్తమిత్రుడు మోహన్ బాబుకి ఫోన్ చేసి ఈ సినిమాను చూసి తెలుగులో రీమేక్ చేయాల్సిందిగా సూచించారు.

రజనీకాంత్ సలహాతో సినిమా చూసిన మోహన్ బాబు.. ఈ కథకు బాగా అట్రాక్ట్ అయ్యారు. వెంటనే రీమేక్ హక్కులు తీసుకున్నారు. దర్శకుడు రవిరాజా పినిశెట్టిని ఈ ప్రాజెక్ట్ కోసం ఎంచుకున్నారు. తమిళంలో విజయ్ కాంత్ పోషించిన ఐకానిక్ తాత పాత్రను (పాపారాయుడు) తెలుగులో రజనీకాంత్ స్వయంగా వచ్చి ప్రత్యేక పాత్రలో నటించడానికి అంగీకరించారు. రజనీకాంత్ పాత్ర నిడివి తక్కువే అయినప్పటికీ, సినిమాను నెక్స్ట్ లెవెల్‌కు తీసుకెళ్లడంలో ఆ పాత్ర కీలక పాత్ర పోషించింది.

1995లో విడుదలైన ఈ సినిమా కుటుంబ బంధాలు, గ్రామీణ నేపథ్యం, న్యాయం, ధర్మం, ఆత్మగౌరవం వంటి అంశాలతో ప్రేక్షకులను విపరీతంగా ఆకట్టుకుంది. ముఖ్యంగా పెదరాయుడిగా మోహన్ బాబు పలికించిన గంభీరమైన డైలాగులు, ఆయన పాత్రలో కనిపించిన క్రమశిక్షణ, క్లైమాక్స్ లో ఎమోషన్స్ ఈ సినిమాకు ప్రత్యేక గుర్తింపు తెచ్చాయి.

పెదరాయుడు కథ విషయానికి వస్తే..

పెదరాయుడు ఒక గ్రామంలో పెద్దమనిషిగా, న్యాయానికి ప్రతిరూపంగా జీవిస్తుంటాడు. గ్రామంలో ఎవరికి ఏ సమస్య వచ్చినా ఆయన దగ్గరకే వస్తారు. కుటుంబ వివాదాలైనా, ఆస్తి తగాదాలైనా, తప్పు చేసినవారికి శిక్ష విధించడమైనా ఆయన మాటే తుది తీర్పు. తన కుటుంబ సభ్యులు తప్పు చేసినా ఉపేక్షించకపోవడం ఆయన వ్యక్తిత్వం, అంతే కాదు ఆ పీటంపై ఎవరు కూర్చున్నా అదే కట్టుబాటుతో ఉంటారు.

పెదరాయుడి భార్య లక్ష్మి (భానుప్రియ) ఆయనను ఎంతో గౌరవిస్తుంది. తమ్ముళ్లు రాజా, రవీంద్ర కూడా ఆయన మాటను గౌరవిస్తూ పెరుగుతారు. అయితే రాజా (మోహన్ బాబు ద్విపాత్రాభినయంలోని యంగ్ క్యారెక్టర్ ) భారతి (సౌందర్య)ను పెళ్లి చేసుకున్న తర్వాత కుటుంబంలో కొన్ని విభేదాలు మొదలవుతాయి. పెదరాయుడి కఠినమైన పద్ధతులు, రాజా అన్నకు ఇచ్చే గౌరవం భారతి మొదట్లో అర్థం చేసుకోలేకపోతుంది. కానీ క్రమంగా పెదరాయుడి గొప్పతనం ఆమెకు తెలుస్తుంది.

అయితే పెదరాయుడి మేనత్త కొడుకు ఈసినిమాక అసలు విలన్ అయిన భూపతి (ఆనంద్ రాజ్) పెదరాయుడి కుటుంబంపై పగతో రగిలిపోతుంటాడు. పెదరాయుడి కట్టుబాట్లను, నిజాయితీని దెబ్బతీయడానికి భూపతి ఒక కుట్ర పన్నుతాడు. ఊరికి వచ్చిన ఉపాధ్యాయిని (సుభాషిణి) సాయంతో రాజాపై నింద వేస్తాడు. నిజం తెలియని పెదరాయుడు తన సొంత తమ్ముడని కూడా చూడకుండా 10 సంవత్సరాల పాటు ఊరి నుండి వెలివేస్తూ తీర్పునిస్తాడు. చివరికి భూపతి కుట్ర బయటపడటం, తాను ఇచ్చిన తీర్పు తప్పని తెలుసుకున్న పెదరాయుడు పశ్చాత్తాపంతో కుంగిపోవడం, ఆ క్రమంలో ఆయన తండ్రి పాపారాయుడు (రజనీకాంత్) గతంలో భూపతి తండ్రికి ఇచ్చిన మాట, పెదరాయుడి త్యాగం చుట్టూ కథ మలుపులు తిరుగుతుంది.

పెదరాయుడిగా గాంభీర్యం, క్రమశిక్షణ, న్యాయబద్ధత కలిగిన పాత్రలో మోహన్ బాబు జీవించారు. ఆయన డైలాగ్ డెలివరీ, హావభావాలు, పీఠంపై కూర్చుని చెప్పే తీర్పులు థియేటర్లలో ఈలలు వేయించాయి. రాజసం ఉన్న పాత్రకు మోహన్ బాబు తప్ప మరెవరు చేయలేరు అన్నట్టుగా పెదరాయుడు పాత్ర నిండుగా కనిపించింది. యంగ్ క్యారెక్టర్ లో కూడా మోహన్ బాబు అద్భుతం చేశాడు. రాజా పాత్రలో ఫైట్లు, డ్యాన్సులు, రొమాన్స్ తో మెప్పించారు.

ఇక దాదాపు 20 నిమిషాల పాటు కనిపించే పాపారాయుడు పాత్రలో రజనీకాంత్ స్క్రీన్ ప్రెజెన్స్ అద్భుతం. ఆయన ఎంట్రీతో సినిమా గ్రాఫ్ ఒక్కసారిగా పెరిగిపోతుంది. రజనీకాంత్ నటన, బాడీ లాంగ్వేజ్‌కి తోడు సాయికుమార్ చెప్పిన డబ్బింగ్ ఆ పాత్రను వేరే లెవల్ కు తీసుకెళ్లింది. ఇక ఈ సినిమాకు ప్రత్యేక ఆకర్శణ ఇద్దరు హీరోయిన్లు. పెదరాయుడి భార్యగా భానుప్రియ తన సంప్రదాయబద్ధమైన నటనతో, గౌరవప్రదమైన లుక్‌తో ఆకట్టుకోగా, సౌందర్య తన గ్లామర్ , నటనతో మెప్పించింది.

విలన్‌గా భూపతి పాత్రలో ఆనంద్ రాజ్ క్రూరత్వాన్ని బాగా పండించారు. సెంటిమెంట్ పాత్రలో జయంతి అద్భుతంగా నటించగా.. ఇంత సీరియస్ గా సాగిపోయే సినిమాకు తమ కామెడీతో రిలాక్స్ కలిగేలా చేశారు. బ్రహ్మానందం, బాబు మోహన్, ఎం.ఎస్. నారాయణ, ముఖ్యంగా బ్రహ్మానందం, బాబు మోహన్ కాంబో సీన్స్ డియన్స్ ను ఎంతగానో నవ్వించాయి.

1995 జూన్ 15వ తేదీన తెలుగు సినీ చరిత్రలో ఒక పెద్ద బాక్సాఫీస్ సమరం జరిగింది. ఒకవైపు మెగాస్టార్ చిరంజీవి విజయబావుటా ఎగురవేస్తున్న సమయంలో విజయ్ బాపినీడు దర్శకత్వంలో వచ్చిన భారీ చిత్రం ‘బిగ్ బాస్’, మరొకవైపు మోహన్ బాబు నటించిన ‘పెదరాయుడు’ ఒకే రోజున థియేటర్లలో విడుదలయ్యాయి. భారీ అంచనాలు - విపరీతమైన టాక్.. ‘ఘరానా మొగుడు’, ‘గ్యాంగ్ లీడర్’ లాంటి బ్లాక్‌బస్టర్ల తర్వాత చిరంజీవి ‘బిగ్ బాస్’ పై అంచనాలు ఆకాశాన్ని తాకాయి.

అయితే.. పెదరాయుడు సినిమా ముందు బిగ్ బాస్ సినిమా తేలిపోయింది. రొటీన్ కథాంశం, ఆకట్టుకోని కథనంతో మొదటి రోజు నుంచే డిజాస్టర్ టాక్ మూటగట్టుకుంది. మరోవైపు, బిగ్ బాస్ నెగటివ్ టాక్ తెచ్చుకోగా, ‘పెదరాయుడు’ మొదటి ఆట నుంచే ఇండస్ట్రీ హిట్ టాక్‌తో దూసుకెళ్ళింది. ఫ్యామిలీ ఆడియన్స్, మాస్ ఆడియన్స్ పెదరాయుడు వైపే మొగ్గు చూపారు.

బిగ్ బాస్ డిజాస్టర్‌గా మిగిలిపోవడంతో, ఆ థియేటర్లను కూడా పెదరాయుడు సినిమా కలెక్షన్ల సునామీ ఆక్రమించింది. ‘ఘరానా మొగుడు’ పేరిట ఉన్న రికార్డులను తిరగరాస్తూ పెదరాయుడు రూ. 12 కోట్ల షేర్ వసూలు చేసి ఆనాటి ఆల్ టైమ్ ఇండస్ట్రీ హిట్‌గా నిలిచింది. 40కి పైగా కేంద్రాల్లో 100 రోజులు పూర్తి చేసుకుని బాక్సాఫీస్ వద్ద విజేతగా నిలిచింది.

ప్లస్ పాయింట్లు (Pluses):

మోహన్ బాబు - రజనీకాంత్ కాంబినేషన్: ఇద్దరు దిగ్గజ నటుల నటన, స్క్రీన్ ప్రెజెన్స్ సినిమాకు ప్రధాన బలం.

రవిరాజా పినిశెట్టి దర్శకత్వం & డైలాగ్స్: ఎమోషన్స్, సెంటిమెంట్, డ్రామాను సరైన నిష్పత్తిలో తెరకెక్కించిన తీరు.

జి.సత్యమూర్తి రాసిన సంభాషణలు చాలా పవర్ ఫుల్ గా ఉన్నాయి.

సంగీతం: కోటి (కోటేశ్వరరావు) అందించిన పాటలు చార్ట్‌బస్టర్‌గా నిలిచాయి.

సెంటిమెంట్ & కుటుంబ నేపథ్యం: గ్రామీణ వాతావరణం, అన్నదమ్ముల అనుబంధం ప్రతి ఒక్కరినీ ఆకట్టుకునేలా ఉంది.

మైనస్ పాయింట్లు (Minuses):

రీమేక్ కావడంతో ఒరిజినల్ సినిమా చూసిన వారికి కొన్ని సీన్లు ఊహకందేలా ఉంటాయి.

సెకండ్ హాఫ్ సినిమాలో డ్రామా కొంచెం రొటీన్‌గా అనిపిస్తుంది.

పెదరాయుడు’ కేవలం ఒక సినిమా మాత్రమే కాదు, తెలుగు సినిమా చరిత్రలో.. కుటుంబ విలువల ఇంపార్టెన్స్ ను మరోసారి చాటిచెప్పిన మూవీ. న్యాయం, ధర్మం, కుటుంబ గౌరవం అనే అంశాలను మాస్ ఎలిమెంట్స్‌తో మేళవించి దర్శకుడు రవిరాజా పినిశెట్టి అద్భుతంగా మలిచారు. మోహన్ బాబు యాక్టింగ్ కెరీర్ లో మైల్ స్టోన్ గా నిలిచిన ఈ చిత్రం, దశాబ్దాలు గడిచినా ఇప్పటికీ టీవీల్లో వస్తే ప్రేక్షకులు వదలకుండా చూసే క్లాసిక్ మాస్టర్‌పీస్. ఈమూవీ చూడాలి అనుకునేవారికి యూట్యూబ్ లో అందుబాటులో ఉంది.

Na Wife Missing Review: నా వైఫ్‌ మిస్సింగ్‌ మూవీ రివ్యూ.. కొత్తబంగారు లోకం జంట మళ్లీ మ్యాజిక్‌ చేసిందా?

Aithagoni Raju — Fri, 23 Oct 2026 13:09:27 +0530

Na Wife Missing Review: 18ఏళ్ల తర్వాత `కొత్త బంగారు లోకం` జంట వరుణ్‌ సందేశ్‌, శ్వేతా బసు ప్రసాద్‌ కలిసి నటించిన చిత్రం `నా వైఫ్‌ మిస్సింగ్‌`. సస్పెన్స్ థ్రిల్లర్‌గా రూపొందిన ఈ చిత్రం ఎలా ఉందంటే?

`కొత్తబంగారు లోకం` మూవీతో ఒక్కసారిగా పాపులర్‌ అయ్యారు వరుణ్‌ సందేశ్‌, శ్వేతా బసు ప్రసాద్‌. ఆ తర్వాత మళ్లీ వీరిద్దరు కలిసి నటించలేదు. దాదాపు 18 ఏళ్ల తర్వాత మరోసారి ఈ జంట కలిసి నటించింది. `నా వైఫ్‌ మిస్సింగ్‌` అనే సస్పెన్స్ థ్రిల్లర్‌ మూవీలో నటించడం విశేషం. దీనికి స్వాతి ప్రకాష్‌ మంత్రి ప్రగడ దర్శకత్వం వహించారు. కథ ఉమర్జీ అనురాధ. లైట్‌ హౌజ్‌ సినీ మ్యాజిక్‌ పతాకంపై శివ కంఠమనేని నిర్మించారు. ఇది ఆహాలో స్ట్రీమింగ్‌ అవుతుంది. గురువారం నుంచి స్ట్రీమింగ్‌ అవుతున్న ఈ ఓటీటీ మూవీ ఎలా ఉంది? మరోసారి వరుణ్‌ సందేశ్‌, శ్వేతా బసు ప్రసాద్‌ మ్యాజిక్‌ వెండితెరపై వర్కౌట్‌ అయ్యిందా అనేది రివ్యూలో తెలుసుకుందాం.

బాలు సుబ్రమణ్యం (వరుణ్ సందేశ్‌) ఓ గ్రామీణ ప్రాంతంలోని బ్యాంకులో అసిస్టెంట్‌ మేనేజర్‌గా పనిచేస్తుంటాడు. అతడికి స్వప్న (శ్వేతా బసు ప్రసాద్‌)తో వివాహం జరుగుతుంది. పెళ్లికి ముందే స్వప్న తన గత ప్రేమ గురించి, తాను కన్యను కాదనే విషయాన్ని బాలు ముందు వెల్లడిస్తుంది. అయినప్పటికీ బాలు ఆమెను పెళ్లి చేసుకోవడానికి అంగీకరిస్తాడు. స్వప్నకు గతంలో అబాన్‌ (మోహిత్‌ పెద్దాడ)తో ప్రేమ వ్యవహారం ఉంటుంది. వయసు తేడా, వేరే మతం కారణంగా వారి ప్రేమకు స్వప్న కుటుంబం అంగీకరించదు. దీంతో ఆమె జీవితంలో చోటుచేసుకున్న పరిణామాలు కొత్త సమస్యలకు దారితీస్తాయి.

పెళ్లి తర్వాత కూడా బాలు, స్వప్నల మధ్య బంధం గొప్పగా ఏం ఉండదు. కానీ అనూహ్యంగా ఆమెలో మార్పు వస్తుంది. ఆ విషయాన్ని బాలుకి చెప్పాలనుకుంటుంది. దీంతో ఇద్దరు కలిసి టెంపుల్‌కి వెళ్తారు. అనంతరం స్వప్న మిస్‌ అవుతుంది. ఆమె కనిపించకుండా పోవడానికి కారణం ఏంటి? స్వప్న బాలుకి ఏం చెప్పాలనుకుంది. ఆమెలో వచ్చిన మార్పేంటి? స్వప్న మిస్‌ అయ్యిందా? కిడ్నాప్‌ అయ్యిందా? ఈ కేసుని విచారించే ఎస్‌ఐ రవి(ప్రవీణ్‌) విచారణలో ఏం తేలింది? ఈ కేసులో అసలు ట్విస్ట్ ఏంటి? ఇంతకి స్వప్న దొరికిందా లేదా? ఇందులో బ్లాక్‌ మ్యాజిక్‌కి సంబంధం ఏంటి? అనేది మిగిలిన కథ.

మిస్టరీ థ్రిల్లర్‌ సినిమాలకు ప్రధాన బలం కథలోని అనుమానాలు, ప్రేక్షకులను తప్పుదోవ పట్టించే సన్నివేశాలు, చివర్లో వచ్చే ఊహించని మలుపులు. ‘నా వైఫ్ మిస్సింగ్‌’ కూడా ఇదే ఫార్ములాలో సాగుతుంది. భార్య కనిపించకుండా పోయిన ఘటనను కేంద్రంగా తీసుకుని, భార్యాభర్తల మధ్య ఉన్న సమస్యలను, గత ప్రేమ వ్యవహారాన్ని, పోలీసుల దర్యాప్తును మేళవింపుగా ఈ కథ నడుస్తుంది.

ఫస్టాఫ్‌లో బాలు, స్వప్నల వైవాహిక జీవితాన్ని పరిచయం చేస్తూ వారి మధ్య ఉన్న విభేదాలను చూపించారు. స్వప్న కనిపించకుండా పోయిన తర్వాత కథలో అసలు ఉత్కంఠ మొదలవుతుంది. బాలు చెప్పే విషయాలు నిజమేనా? అతడికి తెలియని రహస్యాలు ఏమైనా ఉన్నాయా? అనే సందేహాలను ప్రేక్షకుల్లో కలిగించడంలో కొన్ని సన్నివేశాలు పనిచేస్తాయి. ఇంటర్వెల్‌ సమయంలో వచ్చే మలుపు సెకండాఫ్‌పై ఆసక్తిని పెంచుతుంది.

సెకండాఫ్‌లో స్వప్న ఆచూకీ కోసం జరిగే ప్రయత్నాలు, పోలీసుల విచారణ, అనుమానితుల చుట్టూ తిరిగే కథనం ఇంట్రెస్టింగ్‌గా, ఉత్కంఠభరితంగా సాగుతుంది. నెక్ట్స్ ఏం జరుగుతుందనే ఉత్కంఠని పెంచుతుంది. అదే సమయంలో ఒక్కో ట్విస్ట్ రివీల్‌ అవుతుండటంతో మరింత ఆసక్తి పెరుగుతుంది. ముఖ్యంగా కథలోని రెండు కీలక ట్విస్టులు ఆసక్తిని కలిగిస్తాయి. అయితే, వాటిని ప్రేక్షకులకు మరింత ప్రభావవంతంగా అందించడంలో దర్శకురాలు పూర్తిస్థాయిలో విజయం సాధించలేకపోయారు.

కథలో భావోద్వేగాలకు మరింత ప్రాధాన్యం ఇచ్చి ఉంటే బాగుండేది. భార్యాభర్తల మధ్య విభేదాలు, వారి మనసుల్లోని సంఘర్షణలు ప్రేక్షకులకు బలంగా కనెక్ట్ అయ్యేలా తెరకెక్కించాల్సింది. కొన్ని పాత్రల ప్రవర్తనలో వచ్చే మార్పులు కూడా సహజంగా అనిపించవు. కొంత్త స్లోగా సాగుతుంది. క్లైమాక్స్‌ వేగంగా ముగియడంతో సస్పెన్స్‌ అంశాల్లోని కిక్‌ మిస్‌ అయిన ఫీలింగ్ కలుగుతుంది. అయినప్పటికీ, తరువాత ఏం జరుగుతుందనే ఆసక్తితో సినిమాను చివరి వరకు చూడవచ్చు. 18 ఏళ్ల తర్వాత వరుణ్‌ సందేశ్‌, శ్వేతా బసు ప్రసాద్‌ కలిసి నటించడం తెరపై ఒక కనువిందు ఫీలింగ్ కలుగుతుంది. మళ్లీ అప్పటి రోజులను గుర్తు చేస్తుంది. తెరపై కూడా ఈ జంట అంతే బాగుంది.

వరుణ్ సందేశ్‌ తనకు అలవాటైన సహజమైన నటనతో బాలు పాత్రను పోషించారు. భార్యపై ప్రేమ చూపించే భర్తగా, అదే సమయంలో పోలీసుల అనుమానాల మధ్య చిక్కుకున్న వ్యక్తిగా ఆయన నటన సందర్భానుసారంగా సాగుతుంది. తన పాత్రపై అనుమానాలు కలిగేలా కొన్ని సన్నివేశాల్లో చూపించిన హావభావాలు బాగున్నాయి.

శ్వేతా బసు ప్రసాద్‌ స్వప్న పాత్రలో విభిన్న కోణాలను చూపించే ప్రయత్నం చేశారు. ఆమె పాత్ర చుట్టూ ఉన్న రహస్యాలు కథకు అవసరమైన ఆసక్తిని అందిస్తాయి. వరుణ్‌, శ్వేతా మళ్లీ జంటగా కనిపించడం పాత అభిమానులకు ప్రత్యేక ఆకర్షణ. అయితే, ఇద్దరి మధ్య భావోద్వేగ సన్నివేశాలు మరింత బలంగా ఉండాల్సింది. వీరిమధ్య బలమైన కెమిస్ట్రీ మిస్‌ అయిన ఫీలింగ్‌ కలుగుతుంది.

ప్రవీణ్‌ ఎస్‌ఐ రవి పాత్రలో కథకు కీలకమైన మలుపులను అందించారు. ఆయన పాత్రలోని మరో కోణం సినిమా ఉత్కంఠకు ఉపయోగపడుతుంది. పోలీస్‌ కానిస్టేబుల్‌గా సత్యశ్రీ కనిపించింది. ఆమె ఉన్నంత సేపు మెప్పించింది. హైలైట్‌ అయ్యింది. మిగిలిన పాత్రధారులు ఫర్వాలేదనిపించారు.

దర్శకురాలు స్వాతి ప్రకాష్‌ మంత్రిప్రగడ సాధారణ వైవాహిక సమస్యలకు మిస్టరీ థ్రిల్లర్‌ అంశాలను జోడించారు. నాన్‌లీనియర్‌ కథనంతో కొన్ని విషయాలను ఒకేసారి వెల్లడించకుండా ఉత్కంఠను కొనసాగించే ప్రయత్నం చేశారు. అయితే, స్క్రీన్‌ప్లేలో వేగం, భావోద్వేగాల మధ్య సమతుల్యత మరింత మెరుగ్గా ఉండాల్సింది.

సాయి కార్తీక్‌ సంగీతం, నేపథ్య సంగీతం సస్పెన్స్‌ సన్నివేశాలకు తోడ్పడ్డాయి. ఎన్‌.ఎస్‌. సతీష్‌ కుమార్‌ సినిమాటోగ్రఫీ కథకు తగినట్లుగా సాగింది. సాయిబాబు తలారి ఎడిటింగ్‌ కారణంగా సినిమా రన్‌టైమ్‌ సుమారు 99 నిమిషాలకే పరిమితమైంది. అయితే, కొన్ని సన్నివేశాలకు మరింత సమయం కేటాయించి ఉంటే కథలోని భావోద్వేగాలు బాగా పండేవి.

ఫైనల్‌ నోట్‌

‘నా వైఫ్ మిస్సింగ్‌’లో ఆసక్తికరమైన కథా పాయింట్‌, రెండు కీలక మలుపులు, వరుణ్ సందేశ్‌, శ్వేతా బసు ప్రసాద్‌ నటన ప్రధాన బలాలు. అంచనాలు లేకుండా ఓటీటీలో ఒక మోస్తరు మిస్టరీ థ్రిల్లర్‌ చూడాలనుకునేవారికి ఈ చిత్రం నచ్చుతుంది.

రేటింగ్‌ : 2.75

Jailer 2 Movie Review: జైలర్‌ 2 మూవీ రివ్యూ.. రజనీకాంత్‌ విశ్వరూపం.. బాక్సాఫీసు షేక్‌ అవ్వాల్సిందే

Aithagoni Raju — Thu, 15 Oct 2026 12:09:32 +0530

సూపర్‌ స్టార్‌ రజనీకాంత్‌ హీరోగా నటించిన మూవీ `జైలర్‌ 2`. నెల్సన్‌ దిలీప్‌ కుమార్‌ దర్శకత్వంలో రూపొందిన ఈ చిత్రం భారీ అంచనాల మధ్య నేడు గురువారం విడుదలైంది. మరి సినిమా ఎలా ఉందంటే?

సూపర్‌ స్టార్‌ రజనీకాంత్‌ తాజాగా `జైలర్‌ 2` చిత్రంలో హీరోగా నటించారు. దీనికి నెల్సన్‌ దిలీప్‌ కుమార్‌ దర్శకత్వం వహించగా ఇందులో రమ్యకృష్ణ ఆయనకు జోడీగా నటించింది. అలాగే ఎస్‌ జే సూర్య, విద్యాబాలన్‌, మిథున్‌ చక్రవర్తి, మిర్నా వంటి వారు కీలక పాత్రలు పోషిస్తున్నారు. ఈ చిత్రంలో మోహన్‌ లాల్‌, శివరాజ్‌ కుమార్‌, హృతిక్‌ రోషన్‌ గెస్ట్ రోల్స్ చేశారు. నిర్మాత కళానిధి మారన్‌ తన సన్‌ పిక్చర్స్ పతాకంపై నిర్మించిన ఈ మూవీ నేడు గురువారం (ఈ నెల 15న) విడుదలయ్యింది. మూడేళ్ల క్రితం వచ్చిన `జైలర్‌` మూవీ పెద్ద హిట్‌ కావడంతో ఇప్పుడు దానికి సీక్వెల్‌గా వస్తున్న `జైలర్‌ 2`పై భారీ అంచనాలున్నాయి. భారీ కాస్టింగ్‌, భారీ అంచనాల మధ్య ఆడియెన్స్ ముందుకు వచ్చిన ఈ చిత్రం ఆకట్టుకుందా? ముత్తువేల్‌ పాండియన్‌గా రజనీకాంత్‌ విశ్వరూపం చూపించారా? ట్విస్ట్ లు, సర్‌ప్రైజ్‌లు ఆకట్టుకున్నాయా అనేది రివ్యూలో తెలుసుకుందాం.

టైగర్‌ ముత్తువేల్‌ పాండియన్‌ (రజనీకాంత్‌) కొడుకుని మొదటి పార్ట్ లో చంపేసిన నేపథ్యంలో అతని జ్ఞాపకాల్లో వారి ఫ్యామిలీ బతుకుతుంటారు. ఇంకా ఆ బాధలోనే ఉంటారు. ఇంతలో స్మగ్లర్‌ వర్మని చంపింది ఎవరో కనిపెట్టమని మెయిన్‌ స్మగ్లర్‌ బోధి కల్పక్‌(ఎస్‌ జే సూర్య) తన అనుచరులకు ఆదేశిస్తాడు. ఆ పని దిలీప్‌(సూరజ్‌) మనుషులు డీల్‌ చేస్తుంటారు. ముత్తువేల్‌.. స్థానికంగా ఒక సూపర్‌మార్కెట్‌ లో పనిచేస్తుంటారు. కానీ మూర్తి(నమో నారాయణ) అనే చిన్నపాటి రౌడీ ద్వారా దిలీప్‌ని కలుస్తాడు. అతని ద్వారా కల్పక్‌ని వేసేయాలని ప్లాన్‌ చేస్తాడు ముత్తువేల్‌.

మొదటి పార్ట్ తో తన కొడుకు ఈ స్మగ్లింగ్‌ మాఫియాలో భాగమైన విషయం తెలిసిందే. పాత విగ్రహాల అక్రమ రవాణా వీరి వ్యాపారం. తనని చంపేస్తే, ఇంకా చాలా మంది ఉన్నారు, వాళ్లని తట్టుకోవడం కష్టమని ముత్తువేల్‌ కి చెప్పి మరణిస్తాడు ఆయన కొడుకు. దీంతో దీని వెనకాల ఉన్న వాళ్లని అంతం చేయడమే ముత్తువేల్‌ టార్గెట్‌. ఆ సమయంలోనే కల్పక్‌ కి చెందిన మూడు విగ్రహాల కంటైనర్లని ముత్తువేల్‌ స్వాధీనం చేసుకొని దాచి పెడతాడు. ఆ కంటైనర్లు ఇవ్వాలని బెదిరిస్తాడు బోధి కల్పక్‌. కానీ ముత్తువేల్‌ వినడు.

దీంతో తన ఫ్రెండ్‌ నరసింహ(శివరాజ్‌ కుమార్‌)పై ఎటాక్‌ చేసి వాళ్ల ఫ్యామిలీని కిడ్నాప్‌ చేస్తాడు. వాళ్ల కోసం కల్పక్‌ కోటకు వెళ్తాడు ముత్తువేల్‌. కానీ తమ కంటైనర్లు అప్పగిస్తేనే వారిని వదిలేస్తామని వార్నింగ్‌ ఇస్తారు. అది కల్పక్‌ నాన్న చక్రి కల్పక్‌(మిథున్‌ చక్రవర్తి)కి బర్త్ డే గిఫ్ట్ గా ఇవ్వాలని ఆయన కూతురు కాంత(విద్యాబాలన్‌) చెబుతుంది. ఆ కంటైనర్లతో వచ్చిన ముత్తువేల్‌.. తన రియాలిటీ ఏంటో చూపిస్తాడు. బాంబ్‌లతో బెదిరించి చక్రి కల్పక్‌ని తీసుకెళ్లిపోతాడు.

ఆ తర్వాత మంత్రి రాజీకుదిర్చి ఎవరిని వాళ్లకి అప్పగిస్తారు. అయినా తనని హింసించిన ముత్తువేల్‌ని వదిలేది లేదని పంతం పట్టుకుంటారు కల్పక్‌ ఫ్యామిలీ. మరి అందుకు ముత్తువేల్‌ని ఎలా ఇబ్బంది పెట్టారు. వారిని ముత్తువేల్‌ ఎలా ఎదుర్కొన్నాడు? సొంత కొడుకుని తానే చంపాననే నిజం తెలిశాక ఫ్యామిలీ రియాక్షన్‌ ఏంటి? మళ్లీ మాథ్యూ(మోహన్‌లాల్‌), నరసింహ ఎలా ఎంట్రీ ఇచ్చారు? కొత్తగా రాడీ(హృతిక్‌ రోషన్‌) ఎందుకు రావాల్సి వచ్చింది? క్లైమాక్స్ ట్విస్ట్ ఏంటి? అనేది మిగిలిన సినిమా.

మూడేళ్ల క్రితం వచ్చిన `జైలర్‌` మూవీకిది సీక్వెల్‌. అందులో రౌడీలకు దగ్గరై నేరాలకు పాల్పడుతున్న సొంత కొడుకునే చంపేస్తాడు రజనీకాంత్‌. ఆ సమయంలో మరణించిన విలన్‌ వర్మకి పైన ఉన్నవాళ్లు హీరో కోసం వెతుకుతుంటారు. ముత్తువేల్‌ని అంతం చేయాలని ప్లాన్‌ చేస్తుంటారు. హీరో స్వాధీనం చేసుకున్న కోట్ల విలువ చేసే విగ్రహాలను తెచ్చుకునేందుకు ప్రయత్నిస్తుంటారు. అందుకు హీరోని ఎలా ఇబ్బంది పెట్టారు? ఆ స్మగ్లింగ్‌ మాఫియా ఆటలను ముత్తువేల్‌ ఎలా ఆట కట్టించాడనేది సింపుల్‌గా ఈ మూవీ కథ. జైలర్‌ తరహాలోనే సినిమా సాగుతుంది.

ప్రారంభంలో సరదాగా, కామెడీగా వెళ్తుంది. అందుకు ఫ్రూట్‌ బిజినెస్‌ చేస్తూ చిన్నపాటి రౌడీయిజం చేసే మూర్తి పాత్ర చుట్టూ కామెడీ ట్రాక్‌ని అల్లుకొని సినిమాని నడిపించారు. ఆ పాత్రలోని ఫన్‌, దానికి యోగిబాబు తోడు కావడంతో బాగా వర్కౌట్‌ అయ్యింది. ఇందులో హీరో ఎవరికీ తెలియనట్టుగా సైలెంట్‌గా ఉంటూ, అవసరం వచ్చినప్పుడు తానేంటో చూపించడం, ఈ క్రమంలో వచ్చే యాక్షన్‌ సీన్లు వాహ్‌ అనిపిస్తాయి. మెయిన్‌గా రజనీకాంత్‌ ఎలివేషన్లు, యాక్షన్‌ని బేస్ చేసుకొని సినిమాని నడిపించారు. ఎలివేషన్లు, అదిరిపోయే యాక్షన్‌ సీన్లు పూనకాలు తెప్పిస్తాయి. అవి బాగా వర్కౌట్‌ అవుతాయి.

డ్రామా, కామెడీ, యాక్షన్‌, ఎలివేషన్లని పర్‌ఫెక్ట్ గా రాసుకొని మూవీని నడిపించారు. ఇంటర్వెల్‌ వరకు రేసీగా మూవీ సాగుతుంది. ఎక్కడా డౌన్‌ లేకుండా వెళ్తుంది. అయితే సెకండాఫ్‌కి కథని ఎస్టాబ్లిష్‌ చేసేలా నడుస్తుంది. ఇంటర్వెల్‌ బ్లాక్‌ మాత్రం అదిరిపోయింది. యాక్షన్‌ సీన్లలోనూ ట్విస్ట్ లు వాహ్‌ ఫ్యాక్టర్‌ని ఇస్తాయి.

సెకండాఫ్‌లో ట్విస్ట్ లు, విలన్‌ బ్యాక్‌ డ్రాప్‌, వారి పవర్‌ని చూపించేలా వెళ్తుంది. తండ్రినే కొడుకుని చంపాడనే నిజం తెలియడంతో ఫ్యామిలీ రియాక్షన్‌ ఎమోషనల్‌గా ఉంటుంది. సెకండాఫ్‌ని ఎమోషనల్‌గా ప్లాన్‌ చేశారు. ఫ్యామిలీ డ్రామా చుట్టూ తిరుగుతుంది. దీంతో కొంత స్లో అవుతుంది. విలన్లకి సంబంధించిన బ్యాక్‌ డ్రాప్‌ ప్రారంభంలో వాహ్‌ అనిపించినా, ఆ తర్వాత తేలిపోయిన ఫీలింగ్‌ కలుగుతుంది.

హృతిక్‌ రోషన్‌ ఎంట్రీ బాగుంది, కానీ వాహ్‌ ఫీలింగ్‌ ఇవ్వలేదు. మాస్‌ ఆడియెన్స్ కి పూనకాలు తెప్పిస్తుంది. ఈ క్రమంలో హీరో, విలన్ల మధ్య టామ్‌ అండ్‌ జెర్రీ స్టయిల్‌ కనిపిస్తుంది. కథ ట్రాక్‌ తప్పినట్టుగా అనిపిస్తుంది. ఆ తర్వాత వరుసగా హీరోల ఎంట్రీ ఇవ్వడం, రజనీకాంత్‌ చేసే యాక్షన్‌ మైండ్‌ బ్లోయింగ్‌ అని చెప్పొచ్చు. క్లైమాక్స్ ని కూడా అదిరిపోయేలా ప్లాన్‌ చేశారు. కాకపోతే ఆశించిన స్థాయిలో లేదు. హృతిక్‌ పాత్రకి కన్‌క్లూజన్‌ మిస్‌ అయిన ఫీలింగ్‌ కలుగుతుంది. ఎండ్‌ ట్విస్ట్ వాహ్‌ అనిపిస్తుంది.

గెస్ట్ అప్పీయరెన్స్ లు ఇందులో అంతగా పేలలేదు. కొన్ని మైనస్‌లు పక్కన పెడితే మాస్‌ ఎలిమెంట్లు, కొంత ఫ్యామిలీ సెంటిమెంట్‌, కామెడీ డ్రామాని పర్‌ఫెక్ట్ గా బ్లెండ్‌ చేసి సినిమాని నడిపించిన తీరు బాగుంది. ఓవరాల్‌గా మాస్‌ ఆడియెన్స్ కి, రజనీ అభిమానులకు మంచి ఫీస్ట్ లాంటి మూవీ అవుతుంది. ఈ సినిమా బాక్సాఫీసు వద్ద రికార్డుల వేట పక్కా అని చెప్పొచ్చు.

ఎప్పటిలాగే ముత్తువేల్‌ పాండియన్‌గా రజనీకాంత్‌ నిలబడి పూనకాలు తెప్పించారు. విశ్వరూపం చూపించారు. యాక్షన్‌తో అదరగొట్టారు. ఎలివేషన్లలో ఆయన్ని చూస్తే విజిల్స్ వేయాల్సింది. సింపుల్‌గా అలా నిలబడి, నడుస్తూ, డైలాగ్స్ చెబుతూ సినిమాని నడిపించారు. తన అభిమానులకు ట్రీట్‌ ఇచ్చారు. ఆయన భార్యగా రమ్యకృష్ణ ఎప్పటిలాగే ఆకట్టుకుంది. కోడలిగా మిర్నా మెప్పించారు. ఇక విలన్‌ బోధి కల్పక్‌గా ఎస్‌ జే సూర్య ఇరగదీశాడు. అతని నటన అదిరిపోయింది. సినిమాకి ప్లస్‌గా నిలుస్తుంది. మూర్తిగా నటించిన నమో నారాయణ అదరగొట్టాడు. ఈ సినిమాతో ఆయన ఫేమస్‌ అయిపోతాడు.

యోగిబాబు కూడా ఆకట్టుకున్నారు. కాకపోతే ఆయన పాత్ర అంతగా పేలలేదు. స్మగ్లర్‌ దిలీప్‌గా సూరజ్‌ ఫస్టాఫ్‌లో దుమ్ములేపాడు. కాంతగా విద్యాబాలన్‌ మెప్పించింది. తనలోని మరో షేడ్‌ని చూడొచ్చు. చక్రి కల్పక్‌గా మిథున్‌ చక్రవర్తి ఉన్నంతసేపు మెప్పించారు. స్పెషల్‌ రోల్స్ లో శివరాజ్‌ కుమార్‌, మోహన్‌లాల్‌ అదరగొట్టారు. సినిమాకి ప్లస్‌ అయ్యారు. మరో ట్విస్ట్ అయిన హృతిక్‌ రోషన్‌ ఎంట్రీ అదిరిపోయింది. కాసేపు అలా మెరిసిపోయారు. మిగిలిన పాత్రధారులు ఓకే అనిపించారు. ఇందులో ప్రతి పాత్రకి ఇంపార్టెన్స్ ఉంది.

సినిమాకి బ్యాక్‌ బోన్‌ మ్యూజిక్‌ డైరెక్టర్‌ అనిరుధ్‌ రవిచందర్‌. బీజీఎంతో సినిమాని నడిపించాడు. రజనీకాంత్‌ ఎలివేషన్లకి తగ్గట్టుగా అదిరిపోయే ఆర్‌ఆర్‌ అందించి సినిమాని నిలబెట్టాడు. అనిరుధ్‌ తప్ప ఈ మూవీకి ఎవరు ఆర్‌ఆర్‌ చేసినా అంతగా వర్కౌట్‌ కాదు. కాకపోతే సాంగ్స్ వర్కౌట్‌ కాలేదు. ఇక విజయ్‌ కార్తిక్‌ కన్నన్‌ విజువల్స్ అదిరిపోయాయి. ఫ్రేమ్స్ కొత్తగా ఉన్నాయి. ఆర్‌ నిర్మల్‌ ఎడిటింగ్‌ చాలా షార్ప్ గా ఉంది. ఆర్ట్ వర్క్ బాగుంది. నిర్మాణ విలువలకు కొదవలేదు. రిచ్‌గా, రాజీ లేకుండా నిర్మించారు. దర్శకుడు నెల్సన్‌ దిలీప్‌ కుమార్‌ సినిమాని చాలా గ్రిప్పింగ్‌గా రాసుకున్నారు. పర్‌ఫెక్ట్ గా ప్లాన్‌ చేశారు. రజనీకాంత్‌ని నిలబెట్టి సినిమాని నడిపించాడు. అంత బాగా రాసుకున్నారు.

ముఖ్యంగా మొదటి భాగాన్ని బాగా డీల్‌ చేశాడు. మూర్తి పాత్రతో ఫస్టాఫ్‌ని అల్లాడించాడు. కామెడీ, యాక్షన్‌ని పర్‌ఫెక్ట్ గా మిక్స్ చేసి మూవీని నడిపించాడు. సెకండాఫ్‌లో కొంత తడబాటు కనిపించినా, యాక్షన్‌తో, హీరోల ఎంట్రీతో బ్యాలెన్స్ చేశాడు. క్లైమాక్స్ కూడా బాగుంది. కాకపోతే సెకండాఫ్‌ని ఇంకా బాగా డీల్‌ చేయాల్సింది. హృతిక్‌ పాత్రని ఇంకా బాగా సెట్‌ చేయాల్సింది. ఇలాంటి చిన్న చిన్న మైనస్‌లు తప్పితే మూవీని మాత్రం ఈ పండక్కి బాక్సాఫీసుకి పూనకాలు తెప్పించే చిత్రవుతుందని చెప్పొచ్చు. ఇంత యాక్షన్‌ మూవీ అయినా ఇందులో ఫ్యామిలీ డ్రామానే మెయిన్‌. అది ఫ్యామిలీ ఆడియెన్స్ కి కనెక్ట్ చేస్తుందని చెప్పొచ్చు.

ప్లస్ లు

రజనీకాంత్‌,

కామెడీ

యాక్షన్‌, ఎలివేషన్లు

ఫస్టాఫ్‌

ఎస్‌ జే సూర్య

మైనస్‌ లు

అనిరుధ్‌ బీజీఎం

సెకండాఫ్‌

గెస్ట్ రోల్స్ పెద్దగా వర్కౌల్‌ కాలేదు

ఎమోషనల్స్ అంతగా పండలేదు

జైలర్‌ కి పర్‌ఫెక్ట్ సీక్వెల్‌. కమర్షియల్‌ సినిమాకి కావాల్సిన అన్ని హంగులు అద్ది, మాస్‌ ఆడియెన్స్ కావాల్సిన అన్ని అంశాలు మేళవించి రూపొందించిన చిత్రమిది. కామెడీ, ఫ్యామిలీ ఎమోషన్స్, యాక్షన్‌, ట్విస్ట్ లతో అల్లడించే మూవీ అవుతుంది. బాక్సాఫీస్‌ షేక్‌ అవ్వాల్సిందే.

రేటింగ్‌: 3

Bhairava Dweepam Review: బాలకృష్ణ జీవితంలో చేసిన అతి పెద్ద సాహసం, భైరవద్వీపం సక్సెస్ కు కారణాలు ఇవే..

Mahesh Jujjuri — Mon, 05 Oct 2026 07:57:16 +0530

Bhairava Dweepam Review: నందమూరి బాలకృష్ణ కెరీర్ లో సాహసం చేసి డీగ్లామర్ లుక్ లో నటించిన సినిమా భైరవద్వీపం. దివంగత దిగ్గజ దర్శకుడు సింగీతం శ్రీనివాసరావు తెరకెక్కించిన ఈ అద్భుత దృశ్య కావ్యం గురించి రివ్యూ రూపంలో తెలుసుకుందాం.

తెలుగు చలనచిత్ర చరిత్రలో జానపద చిత్రాలకు ఒక ప్రత్యేకమైన స్థానం ఉంది. ఎన్టీఆర్ కాలంలో వెలుగువెలిగిన జానపద శైలిని, 90ల కాలంలో ఆధునిక సాంకేతికతను కలిపి మళ్లీ ప్రేక్షకుల ముందుకు తీసుకొచ్చిన అద్భుత దృశ్యకావ్యం 'భైరవ ద్వీపం'. నందమూరి బాలకృష్ణ, రోజా జంటగా, ప్రయోగాలకు పెట్టింది పేరు.. సింగీతం శ్రీనివాసరావు తెరకెక్కించిన ఈ సినిమా తెలుగు ఫిల్మ్ ఇండస్ట్రీ హిస్టరీలో ఒకటిగా నిలిచిపోయింది. 'భైరవ ద్వీపం' చిత్రాన్ని ప్రఖ్యాత చందమామ విజయ కాంబైన్స్ పతాకంపై బి. వెంకటరామిరెడ్డి నిర్మించారు. 1994 ఏప్రిల్ 14న విడుదలైన ఈ సినిమా, బాక్సాఫీస్ వద్ద ఘన విజయం సాధించడమే కాకుండా తొమ్మిది నంది అవార్డులను కైవసం చేసుకుంది.

జయంతిపురం మహారాజు (విజయకుమార్), మహారాణి వసుంధర (కే.ఆర్. విజయ)ల కుమారుడు విజయ్ (నందమూరి బాలకృష్ణ). దురదృష్టవశాత్తు చిన్నతనంలోనే తల్లికి దూరమై, ఒక గిరిజన గూడెంలో పెరుగుతాడు. అక్కడ అతను సకల విద్యలు నేర్చుకుని ధైర్యసాహసాలు కలిగిన యువకుడిగా మారతాడు.

మరోవైపు, పద్మావతిదేవి (రోజా) కార్తవీరపురం రాజకుమారి. ఆమెను చూసి ప్రేమించిన విజయ్, తన తెలివితేటలతో ఆమె మనసు గెలుచుకుంటాడు. అయితే, భైరవ ద్వీపానికి అధిపతి అయిన మాంత్రికుడు భైరవుడు (విజయ రంగరాజు) అమరత్వం కోసం, పద్మావతిని బలి ఇవ్వాలని కుట్ర పన్నుతాడు. తన మాంత్రిక శక్తులతో ఎగిరే గుర్రం, మాయా వస్త్రాల సహాయంతో పద్మావతిని భైరవ ద్వీపానికి ఎత్తుకెళ్తాడు.

తన ప్రియురాలిని కాపాడుకోవడానికి విజయ్ భైరవ ద్వీపానికి ప్రయాణమవుతాడు. ఈ క్రమంలో అతను ఎదుర్కొన్న రాక్షసులు, మాయామంత్రాలు, వింత ఆటంకాలు ఏమిటి? బాలయ్య కురూపిగా ఎందుకు మారతాడు. యక్షిణిగా రంభ పాత్ర ఎలా ఉంటుంది? చివరికి భైరవుడిని అంతం చేసి కాంతిమతిని ఎలా రక్షించాడు? తన కన్నతల్లిని ఎలా కలుసుకున్నాడు? అనేదే భైరవ ద్వీపం ముఖ్య కథ.

నందమూరి బాలకృష్ణ ప్రదర్శన

బాలకృష్ణ ఈ సినిమాలో రెండు విభిన్నమైన కోణాల్లో కనిపించారు. ఒకటి రాజసంతో కూడిన వీరుడిగా కాగా, మరొకటి యక్షిని (రంభ) శాపం వల్ల "కురూపి"గా మారే పాత్ర. శాపం వల్ల రూపం మారినప్పుడు ఆయన చూపించిన హావాభావాలు, ఆంగికాభినయం ప్రేక్షకులచేత కంటతడి పెట్టిస్తాయి. కత్తిసాము, గుర్రపు స్వారీ, పౌరాణిక/జానపద డైలాగ్ డెలవరీలో బాలకృష్ణ నటన అద్భుతం అని చెప్పాలి.

ఇక హీరోయిన్ గా రోజా గ్లామర్ ఈసినిమాకు బాగా ఉపయోగపడింది. నిజంగా రాకుమారిలా కనిపించి అందరిని తన నటనతో ఆకట్టుకుంది. స్పెషల్ సాంగ్ చేసిన రంభ కూడా ఈ కథను మలుపు తిప్పే పాత్రలో నటించి మెప్పించింది. ఇక ఇతర సీనిర్ తారాగణం తమ పాత్రల పరిది మేరకు బాగా నటించి మెప్పించారు.

విచిత్ర సహోదరులు, మైఖేల్ మదన కామరాజు, ఆదిత్య 369 వంటి ప్రయోగాత్మక చిత్రాలను అందించిన సింగీతం శ్రీనివాసరావు, భైరవ ద్వీపంతో జానపద రంగాన్ని ఒక కొత్త శిఖరానికి తీసుకెళ్లారు. గ్రాఫిక్స్ పరిమితంగా ఉన్న ఆ రోజుల్లోనే ప్రాక్టికల్ ఎఫెక్ట్స్, సెట్స్, కెమెరా ట్రిక్స్ ఉపయోగించి కథను విజువల్ వండర్‌గా మలిచారు.

సంగీతం- సాహిత్యం

మాధవపెద్ది సురేష్ అందించిన స్వరాలు ఈ సినిమాకి ప్రధాన బలం. "శ్రీతుంబుర నారదనాదమయం" పాట తెలుగు సినీ చరిత్రలోనే ఒక క్లాసిక్‌గా నిలిచింది. "నరుడా ఓ నరుడా ఏమి నీ కోరిక" పాటలో రంభ నృత్యం, విజువల్ మేకింగ్ అద్భుతంగా ఉంటాయి. ''విరిసినది వంసంత గానం వలపుల పల్లకిగా'' పాటలో రోజా నటన, అందం అద్భుతమని చెప్పాలి.

తెలుగులో 'పాతాళ భైరవి', 'జగదేకవీరుని కథ' వంటి రత్నాల్లాంటి జానపద చిత్రాలను అందించిన విజయ వాహిని సంస్థ వారసత్వంలో, 'చందమామ విజయ కాంబైన్స్' బ్యానర్‌పై వచ్చిన చిత్రం ఇది. పాతకాలపు విజయా పిక్చర్స్ నిర్మాణ విలువలను పునఃసృష్టి చేయాలనే లక్ష్యంతో దీనిని నిర్మించారు.

1990ల ప్రారంభంలో కంప్యూటర్ గ్రాఫిక్స్ (CGI) భారతదేశంలో ఇంకా మొదటిశలోనే ఉన్నాయి. ఈ సినిమాలో కనిపించే ఎగిరే గుర్రం (Pegasus), కొండచిలువ సన్నివేశాలు, మాయా ద్వీపం సెట్లను అనలాగ్ స్పెషల్ ఎఫెక్ట్స్, మినియేచర్ మోడల్స్ , క్రోమా కీ సాంకేతికతతో సృష్టించారు.

ఇక బాలకృష్ణ కురూపిగా మారే సన్నివేశాల కోసం ప్రతిరోజూ గంటల కొద్దీ ప్రొస్థెటిక్ మేకప్ వేసేవారు. వేడి వాతావరణంలో అంతటి భారమైన మేకప్‌తో నటించడం బాలకృష్ణ అంకితభావానికి నిదర్శనం.

రిలీజ్ అవ్వడంతోనే భారీ రెస్పాన్స్ సాధించిన భైరవ ద్వీపం 1994 సంవత్సరానికి గాను 9 రాష్ట్ర ప్రభుత్వ నంది అవార్డులను గెలుచుకుంది. ఉత్తమ చిత్రం, ఉత్తమ దర్శకుడు (సింగీతం శ్రీనివాసరావు), ఉత్తమ సంగీత దర్శకుడు (మాధవపెద్ది సురేష్), ఉత్తమ ఛాయాగ్రహణం (బి.సి. కణ్ణన్) వంటి ప్రధాన విభాగాల్లో పురస్కారాలు దక్కాయి. వీరితో పాటు ఆర్ట్ డైరెక్షన్, కాస్ట్యూమ్ డిజైనింగ్, మేకప్, ఆడియోగ్రఫీ , ఎడిటింగ్ విభాగాల్లో మిగిలిన 5 నంది పురస్కారాలు లభించాయి.

ఫైనల్ గా ఈ సినిమా ఎలా ఉందంటే?

'భైరవ ద్వీపం' కేవలం ఒక సినిమా మాత్రమే కాదు, తెలుగు చిత్రసీమ గర్వించదగ్గ ఒక అద్భుత జానపద కళాఖండం. నేటితరం పాన్-ఇండియా విజువల్ వండర్స్‌కు ఆరోజే పునాది వేసిన చిత్రాల్లో ఇది ఒకటి. బాలకృష్ణ నటనా విశ్వరూపం, సింగీతం దర్శకత్వ ప్రతిభ, సురేష్ సంగీతం కలగలసి ఈ చిత్రాన్ని కాలాతీతమైన అమరకావ్యంగా మార్చాయి. ఈ జనరేషన్ ఆడియన్స్ కూడా చూసి ఎంజాయ్ చేసేలా ఉంటుంది మూవీ. చూడాలనుకుంటే యూట్యూబ్ లో అందుబాటులో ఉంటుంది.

Ranabaali Movie Review: రణబాలి మూవీ రివ్యూ రేటింగ్‌.. విజయ్‌ దేవరకొండ రష్మిక హిట్‌ కొట్టారా? డీలా పడ్డారా ?

Aithagoni Raju — Fri, 16 Oct 2026 12:30:14 +0530

Ranabaali Movie Review: విజయ్‌ దేవరకొండ, రష్మిక మందన్నా జంటగా నటించిన `రణబాలి` మూవీ ఈ శుక్రవారం ఆడియెన్స్ ముందుకు వచ్చింది. మరి సినిమా ఎలా ఉందో రివ్యూలో తెలుసుకుందాం.

విజయ్‌ దేవరకొండ, రష్మిక మందన్నా జంటగా నటించిన మూవీ `రణబాలి`. రాహుల్‌ సంక్రిత్యాన్‌ దర్శకత్వంలో రూపొందిన ఈ చిత్రాన్ని మైత్రీ మూవీ మేకర్స్ నిర్మించారు. `గీత గోవిందం`, `డియర్‌ కామ్రేడ్‌` చిత్రాల తర్వాత విజయ్‌ దేవరకొండ, రష్మిక మందన్నా కలిసి నటిస్తోన్న మూవీ కావడం విశేషం. అదే సమయంలో పెళ్లి తర్వాత కలిసి నటిస్తోన్న తొలి చిత్రం ఇదే కావడం మరో విశేషం. దీంతో మూవీపై అంచనాలున్నాయి. పీరియాడికల్‌ హిస్టరీ యాక్షన్‌ కథతో ఈ చిత్రాన్ని రూపొందించారు. ఈ చిత్రం నేడు శుక్రవారం(అక్టోబర్‌ 16)న విడుదలైంది. మరి సినిమా ఎలా ఉంది? విజయ్‌ దేవరకొండ, రష్మిక మందన్నా మ్యాజిక్‌ వర్కౌట్‌ అయ్యిందా? వీరికి హిట్‌ పడిందా అనేది రివ్యూలో తెలుసుకుందాం.

1870-80 ప్రాంతంలో ఓ వైపు కరువు వెంటాడుతుంటుంది. మరోవైపు బ్రిటీష్‌ వాళ్లు ధాన్యాన్ని దోచుకొని పోతుంటారు. ప్రజలు ఆకలితో అలమటిస్తున్న రోజులవి. కుటుంబాన్ని పోషించుకోవడానికి కొందరు బందిపోట్లుగా మారాల్సి వస్తుంది. అలాంటి సమయంలో భద్రమల్లన్న కొలువున్న సింగణమల ప్రాంతంలో రాజమ్మ(ఈశ్వరీరావు) కొడుక్కి జన్మనిస్తుంది. అతను ఒక కార్యం కోసం పుట్టాడని, స్వయంగా ఆ భద్రమల్లన్న అవతారమే వచ్చి చెబుతుంది. అతనికి రణబాలి(విజయ్‌ దేవరకొండ) పేరు పెడతారు. భద్రమల్లన్న జాతర సమయంలోనే ఊర్లో బందిపోట్లు పడతారు. వాళ్లని రణబాలి అంతం చేస్తాడు. వాళ్ల తలతో బలిచ్చి జాతర చేస్తారు. ఊరుని రక్షించేందుకు రణబాలి నాయకత్వంలోని ఊరు యువకులు ఒక సైన్యంలా ఉంటారు. మంచి చెడు వాళ్లు చూసుకుంటారు. రణబాలిది పాలెగాళ్ల ఫ్యామిలీ. పెద్ద కుటుంబం అని చెప్పొచ్చు. అయితే పక్క ఊర్లోకి బ్రిటీష్‌ వాళ్లు వచ్చి అక్కడి ధాన్యాన్ని కొల్లగొడతారు. ప్రజలను చిత్ర హింసలు పెడతారు. వారికి అండగా నిలుస్తాడు రణబాలి. చాలా ఊర్ల ప్రజలకు ఆకలి తీరుస్తాడు. ఈ క్రమంలో బ్రిటీష్‌ వారితో పోరాడతాడు. అతని పోరాటాన్ని, ఆవేశాన్ని చూసిన అమ్మ రాజమ్మ.. జయమ్మ(రష్మిక మందన్నా)తో పెళ్లి చేస్తాడు. రణబాలి మొరటు. అది జయమ్మకి నచ్చదు. ప్రారంభంలో గొడవలు పడినా, ఆ తర్వాత రణబాలిలోని ప్రేమని, కరుణ గుణాన్ని చూసి దగ్గరవుతుంది. అయితే బ్రిటీష్‌ కమిషనర్‌ సర్‌ హెక్టర్‌.. మద్రాస్‌ పోర్ట్ నుంచి లక్షల టన్నుల ధాన్యాన్ని బ్రిటన్‌ పంపాలని, బ్రిటన్‌ రాణి వద్ద మెప్పు పొందాలని చూస్తుంటాడు. అందుకు కరువుని క్రియేట్‌ చేస్తాడు. ఊర్లకి ఊర్ల ధాన్యాన్ని దోచుకుపోతాడు. బ్రిటీష్‌ వారు వసూలు చేసిన ధాన్యం తరలించేందుకు రైల్వే ట్రాక్‌ వేస్తారు. అందుకు ప్రజలకు కరువు క్రియేట్‌ చేసి కూలీలుగా మారుస్తారు. తర్వాత బానిసలను చేస్తారు. ఇది తెలిసి వారిపై రణబాలి దాడి చేసి బ్రిటీష్‌ వారిని చంపేస్తారు. ఈ విషయం తెలిసి బ్రిటీష్‌ కమిషనర్‌ రంగంలోకి దిగుతాడు. మరి రణబాలిని వాళ్లు ఎలా ఎదుర్కొన్నారు, వారిని రణబాలి ఎలా ఎదుర్కొన్నారు? ప్రజల ఆకలి తీర్చేందుకు ఆయన చేసిన పోరాటం ఏంటి?, తన జీవితంలోని ట్విస్ట్ ఏంటి? అనేది మిగిలిన సినిమా.

1870-80 ప్రాంతంలో మద్రాస్‌, రాయలసీమ, కర్నూల్‌.. వంటి ప్రాంతాల్లో తీవ్రమైన కరువు ఓ వైపు, బ్రిటీష్‌ వాళ్లు ధాన్యాన్ని దోచుకొని వెళ్లి క్రియేట్‌ చేసిన కృత్రిమ కరువు మరోవైపు. ఇలా కొన్ని లక్షల(సుమారు 80 లక్షల) మంది ప్రజలు తిండిలేకచనిపోతారు. మరోవైపు బ్రిటీష్‌ వారిచేత చంపబడతారు. అలాంటి పరిస్థితుల్లో సింగనమల ప్రాంతంలో బ్రిటీష్‌ వారిపై రణబాలి చేసిన పోరాటమే ఈ చిత్రం అని చెప్పొచ్చు. సినిమా రణబాలి చనిపోయాడనే ఒక లెటర్‌తో సినిమా ప్రారంభమవుతుంది. రాయలసీమ ప్రాంతంలోని బుర్రకథలు చెప్పేవారు ఊరూరా రణబాలి వీరత్వం గురించి, ఆయన ప్రజల ఆకలి తీర్చేందుకు బ్రిటీష్‌ వారిపై చేసిన పోరాటం గురించి ఊరుర చెబుతున్నారు. కట్‌ చేస్తే భద్రమల్లన్న కొండపై రాజమ్మ పిల్లాడిని కనడం, అతను పెద్దవాడై ఊరికి కాపాలాగా ఉండటంతో అసలు కథ స్టార్ట్ అవుతుంది. ప్రారంభంలో కథని, పాత్రలను ఎస్టాబ్లిష్‌ చేశారు. రణబాలిగా విజయ్‌ దేవరకొండ చేసే ఫస్ట్ యాక్షన్‌ బాగుంది. విజయ్‌ పాత్ర చేసే యాక్షన్‌ కొత్తగా ఉంటుంది. అది కొంత ఓవర్‌ అనే ఫీలింగ్‌ కలుగుతుంది. ఆ తర్వాత విజయ్‌.. రణబాలి పాత్రలో పరకాయ ప్రవేశం చేశారు. మనకు రణబాలిగానే కనిపిస్తాడు. జయమ్మతో పెళ్లి, ఆమెతో సంసారానికి సంబంధించిన సీన్లు ఫన్నీగా ఉంటాయి. ఆయా ఎపిసోడ్‌ సరదాగా సాగుతుంది. ఆ తర్వాత బ్రిటీష్‌ వారిపై, ప్రత్యర్థులపై చేసే యాక్షన్‌ ఉత్కంఠభరితంగా ఉంటుంది. దీనికితోడు తాను చంపిన వారి కుటుంబాలను కలిసినప్పుడు రణబాలిలో వచ్చిన స్పందన ఎమోషనల్‌గా ఉంటుంది. ఇలా డ్రామా, యాక్షన్‌ ప్రధానంగా, అలాగే అప్పటి కరువు పరిస్థితులను మెయిన్‌గా చూపిస్తూ సినిమా సాగుతుంది. అది కొంత స్లో అనిపిస్తుంది. దీనికితోడు రియల్‌ ఇన్సిడెన్స్ సీన్లు కూడా కొంత ల్యాగ్‌ ఫీలింగ్‌ని తెప్పిస్తాయి. క్యాంప్‌లో బ్రిటీష్‌ వారిపై రణబాలి చేసే పోరాటం గూస్‌బంమ్స్ తెప్పిస్తుంది. అది సినిమాకి హైలైట్‌గా నిలుస్తుంది. ఇంటర్వెల్‌ యాక్షన్‌తో హై మూమెంట్‌తో ముగుస్తుంది.

సెకండాఫ్‌ ఫ్యామిలీ ఎమోషన్స్, కరువుతో ప్రజలు అల్లాడిపోయిన పరిస్థితి, కరువు రక్షసుడికి ప్రజలు కుప్పలు తెప్పలుగా చనిపోవడం వంటి సీన్లు హృదయాన్ని కదిలిస్తాయి. ప్రజలకు ధాన్యాన్ని ఇచ్చేందుకు రణబాలి సైన్యం తయారు చేయడం, కోటలను కొల్లగొట్టి జనాలకు ధాన్యాన్ని పంచడం వంటి సీన్లు ఆకట్టుకుంటాయి. మరోవైపు బ్రిటీష్‌ వారిపై చేసే ఫైట్‌ అలరిస్తుంది. కాకపోతే కరువుకి సంబంధించిన సీన్లు, వాటిని వివరించడం వంటి సీన్లు స్లోగా సాగుతాయి. కొంత బోర్‌ ఫీలింగ్‌ని తెప్పిస్తాయి. అదే సమయంలో జయమ్మ పాత్రకి సంబంధించిన సీన్ ఎమోషనల్‌గా ఉంటుంది. ప్రీ క్లైమాక్స్ నుంచి, క్లైమాక్స్ వరకు సినిమా మరో స్థాయికి వెళ్తుంది. క్లైమాక్స్ లో ట్విస్ట్ అదిరిపోయింది. అక్కడ పూనకాలు తెప్పిస్తుంది. బీజీఎం అదిరిపోయింది. విజయ్‌ దేవరకొండ విశ్వరూపం చూపించాడు. ఎండ్‌లో మాత్రం వాహ్‌ ఫీలింగ్‌ తెప్పిస్తాడు. ఓవరాల్‌ గా మూవీ ఆకట్టుకునేలా ఉంది. కొంత కమర్షియాలిటీకి దూరంగా ఉన్నా, చివర్లో దాన్ని బ్యాలెన్స్ చేశారు. గుహలో చేసే ఫైట్‌ అదిరిపోయింది. చివర్లో బ్రిటీష్‌ వారిపై వచ్చే యాక్షన్‌ సీక్వెన్స్ కూడా మెప్పించింది. అయితే స్లోగా సాగడం, కొంత డాక్యుమెంటరీ స్టయిల్‌ ఫాలో కావడం, చాలా చోట్ల డ్రై ఫీలింగ్‌ కలగడం మైనస్‌గా చెప్పొచ్చు. దీనికితోడు ఊహించేలా కథనం సాగుతుంది. ఇలాంటి మైనస్‌లు పక్కన పెడితే.. కథ, కరువు సీన్లు, ఎమోషన్స్, విజయ్‌ రష్మిక నటన, క్లైమాక్స్, బీజీఎం, విజువల్స్ సినిమాకి బ్యాక్‌ బోన్‌ లా నిలుస్తాయని చెప్పొచ్చు.

రణబాలి పాత్రలో విజయ్‌ దేవరకొండ విశ్వరూపం చూపించాడు. ప్రారంభంలో పెద్దగా కనెక్ట్ కాలేకపోయినా, పోయే కొద్ది పాత్రలో జీవించాడు. తనని తాను మర్చిపోయి యాక్ట్ చేసిన ఫీలింగ్‌ కలుగుతుంది. విభిన్నమైన గెటప్స్ లో విజయ్‌ కనిపించి మెప్పించాడు. చివర్లో కాంతార మూవీని తలపించాడు. విజయ్‌ నటుడిగా తన బెస్ట్ ఇచ్చాడని చెప్పొచ్చు. బాడీలాంగ్వేజ్‌, వీరత్వం, యాక్షన్‌ సీక్వెన్స్, యాటిట్యూడ్‌ సీక్వెన్స్ బాగా చేశాడు. ఇక జయమ్మగా రష్మిక మందన్నా పాత్రలో ఒదిగిపోయింది. చివర్లో కన్నీళ్లు పెట్టించింది. తల్లి రాజమ్మగా ఈశ్వరీరావు ఎప్పటిలాగే మెప్పించింది. బ్రిటీష్‌ కమిషనర్‌ అర్నాల్డ్ వాస్లూ అదరగొట్టాడు. ఆయన పాత్ర కూడా బాగుంది. మిగిలిన పాత్రల్లో చేసిన నటీనటులు ఓకే అనిపించారు.

సినిమాకి అజయ్‌ అతుల్‌ అందించిన సంగీతం బాగుంది. పాటలు ఆకట్టుకున్నాయి. బీజీఎం చివర్లో బాగా వర్కౌట్‌ అయ్యింది. కొన్ని సీన్లలో ఎలివేట్‌ అయ్యింది. కానీ ప్రారంభంలో ఆ స్థాయిలో లేదనే ఫీలింగ్‌ కలుగుతుంది. యాక్షన్‌ సీన్లలో బీజీఎం ఇంకా బాగా ప్లాన్‌ చేయాల్సింది. జిష్ను భట్టాచార్జి, నీరవ్‌ షా కెమెరా వర్క్ అదిరిపోయింది. కొన్ని ఫ్రేములు అయితే కనువిందు చేస్తాయి. లాంగ్‌ షాట్స్ బాగున్నాయి. కార్తీక్‌ శ్రీనివాస్‌ ఎడిటింగ్‌కి ఇంకా పని చెప్పాల్సింది. కొన్ని సీన్లు ట్రిమ్‌ చేయోచ్చు. అప్పుడు సినిమా మరింత క్రిస్పీగా ఉండేది. మైత్రీ మూవీ మేకర్స్ నిర్మాణ విలువలకు కొదవ లేదు. ఆర్ట్ వర్క్ బాగుంది. దర్శకుడు రాహుల్‌ సంక్రిత్యాన్‌ ఎంచుకున్న కథ బాగుంది. కథలో చాలా డెప్త్ ఉంది. ఇలాంటి సబ్జెక్ట్ ని డీల్‌ చేయడం చాలా కష్టం. కమర్షియల్‌గా, ఎంటర్‌టైనింగ్‌గా చెప్పడం మరింత కష్టం. దర్శకుడు కొంత వరకు తడబడ్డా, చాలా వరకు బాగా డీల్‌ చేశాడు. కథని ఒక ఫ్లోలో తీసుకెళ్లాడు. బాగా చూపించాడు. ఎమోషనల్‌ సీన్లు, కరువు రాక్షసి సీన్లని బాగా చూపించాడు. హృదయాన్ని కదిలించాడు. క్లైమాక్స్ బాగా డీల్‌ చేశాడు. జయమ్మ పాత్రలోని ఎమోషన్స్ కూడా బాగున్నాయి. అయితే ఎమోషనల్‌ సీన్లలో డెప్త్ మిస్‌ అవుతుంది. కొన్ని సీన్లు అసహజంగా అనిపిస్తాయి. రెగ్యూలర్‌ ఫీలింగ్‌ని తెప్పిస్తాయి. ఇలాంటి వాటిపై మరింత కేర్‌ తీసుకుంటే సినిమా ఇంకా బాగుండేది. కాకపోతే అప్పటి పరిస్థితులను మాత్రం కళ్లకి కట్టినట్టు చూపించాడు. హృదయాన్ని కదిలించాడు దర్శకుడు రాహుల్‌ సంక్రిత్యాన్‌.

ఫైనల్‌గా.. రణబాలి మూవీ థియేటర్‌లో సర్‌ప్రైజ్‌ చేస్తుంది. నెగటివ్‌ టాక్‌ ఎక్కువగా ఉన్న నేపథ్యంలో అంచనాలు లేకుండా చూస్తే నచ్చుతుంది. విజయ్‌ ఆకట్టుకుంటాడు. ఓవరాల్‌గా ఒక పీరియాడికల్‌ ఎమోషనల్‌ యాక్షన్‌ డ్రామా `రణబాలి`. అప్పటి కరువు పరిస్థితులు మాత్రం హార్ట్ ని టచ్‌ చేస్తాయని చెప్పొచ్చు.

రేటింగ్‌: 3

Baa Baa Black Sheep Review: బా బా బ్లాక్ షీప్ మూవీ రివ్యూ: క్రైమ్ కామెడీగా వచ్చిన మూవీ ఎలా ఉందంటే?

Aithagoni Raju — Sat, 10 Oct 2026 18:01:41 +0530

Baa Baa Black Sheep Review: క్రైమ్‌ కామెడీ ప్రధానంగా సాగే చిత్రాలకు ఆదరణ ఎప్పుడూ ఉంటుంది. ఇప్పుడు అలాంటి కథాంశంతోనే `బా బా బ్లాక్‌ షీప్‌` మూవీ రూపొందింది. తాజాగా విడుదలైన ఈ సినిమా ఎలా ఉందంటే?

క్రైమ్, కామెడీ, సెంటిమెంట్ అంశాలను కలిపి ప్రేక్షకులను అలరించే ప్రయత్నం చేసిన చిత్రం ‘బా బా బ్లాక్ షీప్’. దర్శకుడు గుణి మంచికంటి విభిన్నమైన కథాంశాన్ని ఎంచుకుని ఈ సినిమాను తెరకెక్కించారు. కొత్త దర్శకుడి ఆలోచనపై నమ్మకంతో వేణు దోనేపూడి చిత్రాలయం స్టూడియోస్ బ్యానర్‌పై ఈ చిత్రాన్ని నిర్మించారు. విష్ణు ఓయ్, అక్షయ్ లగుసాని ప్రధాన పాత్రల్లో నటించగా, ఉపేంద్ర లిమాయె, విస్మయ శ్రీ, మాల్వీ మల్హోత్రా, రాజా రవీంద్ర, శుభలేఖ సుధాకర్ కీలక పాత్రల్లో కనిపించారు. ఈ సినిమాకు మరో ప్రత్యేకత ఉంది. మేఘాలయా అందాల మధ్య పూర్తిస్థాయి చిత్రీకరణ జరుపుకున్న తొలి దక్షిణాది చిత్రంగా ఇది గుర్తింపు పొందింది. శుక్రవారం విడుదలైన ఈ చిత్రం ఈ సినిమా ప్రేక్షకులను ఎంతవరకు ఆకట్టుకుందనేది తెలుసుకుందాం.

దేశంలో ప్రతిష్ఠాత్మకమైన ఓ ప్రాజెక్టును దక్కించుకోవడానికి ఇద్దరు వ్యాపారవేత్తల మధ్య పోటీ మొదలవుతుంది. ఈ పోటీలో విజయం సాధించాలంటే ప్రాజెక్టుకు సంబంధించిన ఓ పెద్దాయనను తమవైపు తిప్పుకోవాలని ఒక వ్యాపారవేత్త భావిస్తాడు. ఇందుకోసం సెంటిమెంట్‌ను అస్త్రంగా ఉపయోగించుకోవాలని నిర్ణయించుకుంటాడు. స్వాతంత్ర్య సమయంలో కనిపించకుండా పోయిన ఓ వస్తువును సంపాదించి, ఆ పెద్దాయనకు కానుకగా ఇవ్వాలని ప్లాన్ చేస్తాడు. ఈ బాధ్యతను గ్యాంగ్‌స్టర్ జాన్‌ (ఉపేంద్ర లిమాయె)కు అప్పగిస్తాడు. మరోవైపు సత్యనారాయణ అలియాస్ సత్తిపండు (విష్ణు ఓయ్) తన ప్రేయసి మేరి (సమృద్ధి ఆర్యల్)ను పెళ్లి చేసుకోవడానికి మేఘాలయాలో సిద్ధమవుతుంటాడు. స్నేహితుడు సందీప్‌ (అక్షయ్ లగుసాని)తో కలిసి పార్టీ చేసుకునే సమయంలో పోలీసుల రాకతో పరిస్థితులు మారిపోతాయి. అక్కడి నుంచి తప్పించుకునే క్రమంలో వారి కారు ప్రమాదానికి గురవుతుంది. ఈ సమయంలో కారులో ఉన్న ఓ పెట్టె సందీప్‌కు దొరుకుతుంది.

సత్తిపండు పెళ్లి జరుగుతున్న సమయంలో జాన్ వచ్చి తన పెట్టె గురించి అడగడంతో అసలు సమస్య మొదలవుతుంది. పెట్టె కనిపించకపోవడంతో సందీప్, సత్తిపండులను కిడ్నాప్ చేసి బెదిరిస్తాడు. పెట్టెను తిరిగి తీసుకురాకపోతే సత్తిపండును చంపేస్తానని హెచ్చరిస్తాడు. దీంతో స్నేహితుడిని కాపాడుకోవడానికి సత్తిపండు, జాన్వీ (విస్మయ శ్రీ)తో కలిసి పెట్టె కోసం వెతుకుతాడు. ఆ పెట్టెలో ఏముంది? దాని కోసం జరిగే అన్వేషణలో ఎలాంటి పరిణామాలు చోటుచేసుకున్నాయి? సత్తిపండు పెళ్లి ఏమైంది? అనేది మిగతా కథ.

సెంటిమెంట్‌ను ఉపయోగించుకుని క్లిష్టమైన పనులను కూడా సాధించవచ్చనే ఆలోచనతో దర్శకుడు ఈ కథను రూపొందించారు. క్రైమ్ కామెడీకి స్నేహం, ప్రేమ, సెంటిమెంట్‌ను జోడించి ప్రేక్షకులను నవ్వించే ప్రయత్నం చేశారు. కథ ప్రారంభం ఆసక్తికరంగా సాగుతుంది. పెట్టె చుట్టూ కథ తిరగడం, పాత్రల మధ్య చోటుచేసుకునే సంఘటనలు కొన్ని సన్నివేశాల్లో వినోదాన్ని అందిస్తాయి. ముఖ్యంగా అక్కడక్కడా వచ్చే కామెడీ సీన్లు ప్రేక్షకులను ఆకట్టుకుంటాయి. అయితే కథలో ఎక్కువ పాత్రలు ఉండటం, కొన్ని సంఘటనలు పరిచయంగా అనిపించడం వల్ల కథనం కొన్ని చోట్ల నెమ్మదిస్తుంది.

క్రైమ్ అంశాన్ని మరింత ఉత్కంఠభరితంగా తీర్చిదిద్ది ఉంటే సినిమా ప్రభావం పెరిగేది. క్లైమాక్స్‌లో వచ్చే మలుపులు ఆసక్తిని పెంచినా, కథనం మొత్తం ఒకే స్థాయిలో సాగదు. సినిమాలో క్రైమ్, కామెడీ, స్నేహం, సెంటిమెంట్ అంశాలను కలిపి ప్రేక్షకులకు వినోదాన్ని అందించే ప్రయత్నం చేశారు. కథలోని కొన్ని మలుపులు ఆసక్తిని పెంచగా, నటీనటుల ప్రదర్శన, విజువల్స్, సంగీతం సినిమాకు అదనపు ఆకర్షణగా నిలిచాయి. కొన్ని సన్నివేశాల్లో కథనం మరింత బలంగా ఉండాల్సిందనిపించినా, క్రైమ్ కామెడీని ఇష్టపడేవారు ఈ సినిమాను ఓసారి చూడొచ్చు. దద

ప్లస్ పాయింట్స్

మేఘాలయా అందమైన లొకేషన్లు

సినిమాటోగ్రఫీ

నటీనటుల నటన

కొన్ని కామెడీ సన్నివేశాలు

క్లైమాక్స్‌లో వచ్చే ట్విస్ట్ లు

మైనస్ పాయింట్స్

రొటీన్‌గా సాగే క్రైమ్ కామెడీ కథనం

సత్తిపండు పాత్రలో విష్ణు ఓయ్ తన ప్రత్యేకమైన బాడీ లాంగ్వేజ్, డైలాగ్ డెలివరీతో ఆకట్టుకున్నారు. కామెడీ సన్నివేశాల్లో తనదైన శైలిని ప్రదర్శించారు. సందీప్ పాత్రలో అక్షయ్ లగుసాని ఎనర్జిటిక్‌గా నటించారు. తన నటనతో పాటు డ్యాన్స్‌లతోనూ మెప్పించే ప్రయత్నం చేశారు. గ్యాంగ్‌స్టర్ జాన్‌గా ఉపేంద్ర లిమాయె తన అనుభవాన్ని చూపించారు. కథలో కీలకమైన పాత్రకు తనదైన శైలిలో ప్రాణం పోశారు. విస్మయ శ్రీ, మాల్వీ మల్హోత్రా తమ పాత్రల పరిధి మేరకు నటించారు. పోలీస్ ఆఫీసర్‌గా రాజా రవీంద్ర, మూర్తిగా శుభలేఖ సుధాకర్ తమ అనుభవంతో పాత్రలకు న్యాయం చేశారు. మిగతా నటీనటులు కూడా కథకు అనుగుణంగా నటించారు.

ఈ సినిమాకు ప్రధాన ఆకర్షణ మేఘాలయా ప్రకృతి అందాలు. సినిమాటోగ్రాఫర్ అజయ్ అబ్రహం జార్జ్ వాటిని తెరపై అందంగా ఆవిష్కరించారు. పరిమిత బడ్జెట్‌లో ఇలాంటి లొకేషన్లలో చిత్రీకరణ జరపడం అభినందనీయం. ఎలక్ట్రానిక్ కిలి, ఆనంద్ (ఆర్కాడొ) అందించిన సంగీతం కథకు అనుగుణంగా సాగింది. ‘సమయమే ఇంద్రజాలం’, ‘వే వేల’, ‘ఆజా మేరి జాన్’ పాటలు ఆకట్టుకుంటాయి. నేపథ్య సంగీతం కొన్ని కీలక సన్నివేశాలకు బలాన్ని అందించింది. దర్శకత్వంలో మరింత పట్టు, ఎడిటింగ్‌లో వేగం ఉంటే సినిమా ఇంకా మెరుగ్గా ఉండేది.

ఫైనల్‌గా

క్రైమ్‌ కామెడీ, సెంటిమెంట్‌ కలగలిపిన వినోదాత్మక చిత్రమిది. అంచనాలు లేకుండా క్రైమ్ కామెడీ సినిమాలను ఇష్టపడేవారు ఈ చిత్రాన్ని ఒకసారి చూడొచ్చు.

రేటింగ్‌ : 2.75

Premane Oorilo Movie Review: ప్రేమనే ఊరిలో మూవీ రివ్యూ.. కన్నడలో హిట్‌, మరి ఇక్కడ ?

Aithagoni Raju — Sat, 03 Oct 2026 22:21:20 +0530

Premane Oorilo Movie Review: కన్నడలో హిట్‌ అయిన `ప్రేమద ఊరలి` మూవీ తెలుగులో `ప్రేమనే ఊరిలో` పేరుతో విడుదలైంది. సురేష్ కొండేటి రిలీజ్‌ చేసిన ఈ చిత్రం ఎలా ఉందో రివ్యూలో తెలుసుకుందాం.

కన్నడలో మంచి విజయాన్ని అందుకున్న `ప్రేమద ఊరలి` సినిమాను తెలుగులో `ప్రేమనే ఊరిలో` పేరుతో నిర్మాత, డిస్ట్రిబ్యూటర్ సురేష్ కొండేటి ప్రేక్షకుల ముందుకు తీసుకొచ్చారు. రంగాయన రఘు, శ్రీరామ్, రమిక శివు, తపస్విని పూనాచ ప్రధాన పాత్రల్లో నటించిన ఈ చిత్రానికి పల్లెటూరి ప్రేమకథ నేపథ్యం. మనోజ్‌ కుమార్‌ దర్శకత్వం వహించారు. ఈ చిత్రం శుక్రవారం(అక్టోబర్‌ 2)న తెలుగులో విడుదలైంది. యాక్షన్, హింస, భారీ హంగులకు దూరంగా కుటుంబ బంధాలు, ప్రేమ, త్యాగం, భావోద్వేగాలకు ప్రయారిటీ ఇస్తూ తెరకెక్కిన ఈ సినిమా తెలుగు ప్రేక్షకులను ఎంతవరకు ఆకట్టుకుంది? కథ, కథనం, నటీనటుల పనితీరు ఎలా ఉన్నాయి? పూర్తి రివ్యూలో తెలుసుకుందాం.

భార్యను కోల్పోయిన నాగన్న (రంగాయన రఘు) తన కుమారుడు సంతోష్ (శ్రీరామ్)ను ఎంతో ప్రేమగా పెంచుతాడు. వ్యవసాయం చేసుకుంటూ పల్లెటూరిలో ప్రశాంతంగా జీవించే సంతోష్‌పై అతడి మరదలు వసంత (రమిక శివు) మనసు పారేసుకుంటుంది. అయితే కొడుక్కి మంచి చదువుకున్న అమ్మాయిని కోడలిగా తీసుకురావాలనేది నాగన్న కోరిక. సంతోష్‌కు కూడా పెళ్లి విషయంలో కొన్ని ప్రత్యేకమైన ఆలోచనలు, షరతులు ఉండటంతో సంబంధాలు కుదరవు. ఇలాంటి సమయంలో విదేశాల నుంచి వచ్చిన రుక్మిణి (తపస్విని పూనాచ) పరిచయమవుతుంది. ప్రేమలో మోసపోయి బాధలో ఉన్న ఆమెను చూసిన సంతోష్ తొలిచూపులోనే ఇష్టపడతాడు. ఇద్దరి మధ్య ప్రేమ చిగురించే సమయంలో అనుకోని పరిణామం ఎదురవుతుంది. తన స్నేహితుడి కూతురిని పెళ్లి చేసుకోవాలని తండ్రి కోరడంతో సంతోష్ చిక్కుల్లో పడతాడు. తండ్రి మాట కోసం తన ప్రేమను త్యాగం చేశాడా? వసంత, రుక్మిణి జీవితాలు ఎలాంటి మలుపు తిరిగాయి? చివరకు ఈ ప్రేమకథ ఎక్కడికి చేరింది? అనేది సినిమా.

ప్రేమకథ అంటే వెంటనే గుర్తొచ్చే అంశాలు ప్రేమికుల మధ్య గొడవలు, కుటుంబాల వ్యతిరేకత, యాక్షన్, హడావుడి. కానీ ప్రేమనే ఊరిలో మాత్రం వీటన్నింటికీ దూరంగా ఒక స్వచ్ఛమైన పల్లెటూరి ప్రేమకథను చెప్పే ప్రయత్నం చేసింది. పచ్చని పొలాలు, గ్రామీణ జీవనశైలి, కుటుంబ అనుబంధాలు, మనుషుల మధ్య ఆప్యాయతలను ప్రధానంగా తీసుకొని దర్శకుడు కథను నడిపించాడు. ముఖ్యంగా ఈ సినిమాలో ప్రేమను కేవలం ఇద్దరు వ్యక్తుల మధ్య ఆకర్షణగా చూపించకుండా, బాధ్యతలు, కుటుంబ గౌరవం, త్యాగం వంటి అంశాలతో ముడిపెట్టడం ఆసక్తికరంగా ఉంటుంది. హీరో పాత్రలోని సంఘర్షణ కూడా ఇదే కోణంలో సాగుతుంది. ఒకవైపు తన మనసుకు నచ్చిన అమ్మాయి, మరోవైపు తండ్రి మాట. ఈ రెండింటి మధ్య నలిగిపోయే యువకుడి పరిస్థితిని దర్శకుడు సహజంగా చూపించాడు.

ఫస్టాఫ్ విషయానికి వస్తే హీరో పరిచయం, పెళ్లి చూపులు, మరదలు వసంత ప్రేమ, రుక్మిణి గతం వంటి అంశాలతో కథ ముందుకు సాగుతుంది. కొన్ని సన్నివేశాలు నవ్విస్తాయి. మరికొన్ని క్యూట్‌గా అనిపిస్తాయి. అయితే కథలోకి పూర్తిస్థాయిలో వెళ్లడానికి కొంత సమయం తీసుకోవడం, కొన్ని సన్నివేశాలు నెమ్మదిగా సాగడం మైనస్‌గా మారాయి. విరామానికి ముందు వచ్చే పెళ్లి మలుపు ఊహించదగినదే అయినా, తర్వాత ఏం జరుగుతుందనే ఆసక్తిని కలిగిస్తుంది. సెకండాఫ్ ఈ సినిమాకు అసలు బలం. పెళ్లి తర్వాత భార్యాభర్తల మధ్య ఏర్పడే అపార్థాలు, భావోద్వేగ సంఘర్షణలు, వసంత ప్రేమలోని బాధను దర్శకుడు సున్నితంగా ఆవిష్కరించాడు. ఇక్కడ పాత్రల ప్రవర్తనలో కనిపించే మార్పులు కథకు బలాన్ని ఇస్తాయి. ముఖ్యంగా ప్రేమించిన వ్యక్తిని కోల్పోవడం, కుటుంబం కోసం వ్యక్తిగత ఆనందాన్ని పక్కన పెట్టడం వంటి అంశాలు ప్రేక్షకులను ఆలోచింపజేస్తాయి.

నాగన్న గతానికి సంబంధించిన ఫ్లాష్‌బ్యాక్ కొత్తదనం లేకపోయినా, తండ్రి పాత్రను మరింత అర్థం చేసుకునేలా చేస్తుంది. రైతుల జీవితం, వారి కష్టాలు, ఆడపిల్లల భవిష్యత్తు గురించి చెప్పే మాటలు కథలో సహజంగా ఇమిడిపోయాయి. అయితే క్యూట్ మూమెంట్స్ పేరుతో కొన్ని సన్నివేశాలను సాగదీయడం వల్ల భావోద్వేగాల తీవ్రత మధ్య మధ్యలో తగ్గుతుంది. కానీ క్లైమాక్స్ దగ్గరకు వచ్చేసరికి సినిమా పూర్తిగా మరో స్థాయికి చేరుతుంది. చివరి 30 నిమిషాల్లో వచ్చే భావోద్వేగాలు, పాత్రల నిర్ణయాలు, బంధాల విలువ ప్రేక్షకుల మనసును తాకుతాయి. ముఖ్యంగా రంగాయన రఘు పాత్ర ద్వారా పండించే ఎమోషన్ కంటతడి పెట్టిస్తుంది. ముగింపు తర్వాత కూడా పాత్రలు, వాటి భావోద్వేగాలు మనసులో నిలిచిపోతాయి.

సంతోష్‌గా శ్రీరామ్ సహజమైన నటనతో ఆకట్టుకున్నాడు. పల్లెటూరి యువకుడిగా, ప్రేమికుడిగా, బాధ్యతల మధ్య నలిగిపోయే భర్తగా తన పాత్రలోని వేరియేషన్స్‌ను చక్కగా చూపించాడు. ముఖ్యంగా ద్వితీయార్థంలో అతడి నటన మెప్పిస్తుంది. వసంతగా రమిక శివు మొదట కొంత అల్లరి, మగరాయుడి తరహా ప్రవర్తనతో కనిపించినా, తర్వాతి భావోద్వేగ సన్నివేశాల్లో తన నటనతో ఆకట్టుకుంది. రుక్మిణిగా తపస్విని పూనాచ క్యూట్‌గా కనిపిస్తూ పాత్రకు అవసరమైన అమాయకత్వాన్ని అందించింది. అయితే సినిమాకు ప్రధాన ఆకర్షణ నాగన్నగా నటించిన రంగాయన రఘు. కొడుకుపై ప్రేమ, బాధ్యత, తన గతం తాలూకు వేదనను ఆయన అద్భుతంగా పలికించారు. ముఖ్యంగా క్లైమాక్స్‌లో ఆయన నటన సినిమాకు ప్రాణం పోసింది. బామ్మ పాత్రతో పాటు ఇతర సహాయ నటీనటులు కూడా తమ పరిధి మేరకు మెప్పించారు.

సాంకేతికంగా సంగీతం సినిమాకు ప్రధాన బలం. పాటలు కథా ప్రవాహానికి అనుగుణంగా సాగుతూ వినసొంపుగా ఉన్నాయి. సినిమాటోగ్రఫీ ప్రత్యేకంగా చెప్పుకోవాలి. పచ్చని పొలాలు, గ్రామీణ వాతావరణం, గుడి పరిసరాలను కెమెరామెన్ అందంగా చిత్రీకరించారు. నిర్మాణ విలువలు కూడా ఉన్నతంగా ఉన్నాయి. అయితే తెలుగు డబ్బింగ్‌లో కొన్ని చోట్ల పెదవుల కదలికలకు సంభాషణలు సరిపోలకపోవడం ఇబ్బందిగా అనిపిస్తుంది. ఎడిటింగ్ విషయంలో మరింత శ్రద్ధ తీసుకొని, ముఖ్యంగా ప్రథమార్థంలోని అనవసరమైన సన్నివేశాలను తగ్గించి ఉంటే సినిమా మరింత ఆసక్తికరంగా మారేది.

ప్రేమనే ఊరిలో ఒక స్వచ్ఛమైన పల్లెటూరి ప్రేమకథ. నెమ్మదిగా సాగే కథనం, కొన్ని సాగదీత సన్నివేశాలు ఇబ్బంది పెట్టినా, కుటుంబ బంధాలు, ప్రేమ, త్యాగం, చివరి అరగంటలో పండే భావోద్వేగాలు సినిమాను నిలబెడతాయి. ముఖ్యంగా రంగాయన రఘు నటన, క్లైమాక్స్ ప్రేక్షకుల మనసును హత్తుకుంటాయి. క్లీన్ ఫ్యామిలీ ఎంటర్‌టైనర్‌ను కోరుకునే వారు, ముఖ్యంగా భార్యాభర్తలు కలిసి చూడదగ్గ చిత్రం. ఈ పల్లెటూరి ప్రేమకథని కాస్త ఓపిక పడితే చివర్లో కన్నీళ్లు పెట్టిస్తుంది.

రేటింగ్‌: 2.75

Devadasu Review: ఏఎన్నార్, కృష్ణల మధ్య పగను రగిలించిన సినిమా, దేవదాసు మూవీ రివ్యూ..

Mahesh Jujjuri — Sun, 18 Oct 2026 08:58:10 +0530

Devadasu Review: కొన్ని సినిమాలు చరిత్రలో నిలిచిపోతాయి.. మరికొన్ని సినిమాలు చేదు జ్ఞాపకాలుగా మిగిలిపోతాయి.. వివాదాలకు కారణం అవుతుంటాయి. అటువంటి సినిమానే కృష్ణ హీరోగా నటించిన దేవదాసు. ఈసినిమా వల్ల ఎన్ని వివాదాలు చెలరేగాయో తెలుసా?

తెలుగు చలనచిత్ర పరిశ్రమలో "దేవదాసు" కథకు ప్రత్యేక స్థానం ఉంది. శరత్ చంద్ర చటోపాధ్యాయ రాసిన ఈ అమరప్రేమ కావ్యానికి ఇప్పటికే కె.ఎల్. సాహెగల్, అక్కినేని నాగేశ్వరరావు (ANR) అద్భుతమైన రూపమిచ్చి ఆల్‌టైమ్ క్లాసిక్‌లుగా నిలబెట్టారు. అటువంటి మహత్తరమైన కథను, ముఖ్యంగా అక్కినేని చిత్రంతో పోలికలు తప్పవని తెలిసీ, సూపర్ స్టార్ కృష్ణ తన కలర్ రీమేక్ ('పద్మాలయా పిక్చర్స్' బ్యానర్‌పై) ద్వారా దేవదాసు సినిమాను ప్రేక్షకుల ముందుకు తీసుకురావడం అప్పట్లో ఒక సంచలనం. విజయనిర్మల దర్శకత్వంలో రంగుల వర్ణాల్లో (Colour) రూపొందిన ఈ 'దేవదాసు' ఘన విజయం సాధించి, కృష్ణ నటజీవితంలో ఒక ప్రత్యేక రికార్డుగా నిలిచింది.

దేవదాసు కథ విషయానికి వస్తే..

చిన్ననాటి మిత్రులైన దేవదాసు (కృష్ణ), పార్వతి (విజయనిర్మల) ఒకరినొకరు ప్రాణంగా ప్రేమిస్తారు. పల్లెటూరి వాతావరణంలో పెరిగిన వీరిబంధం వయసుతో పాటు ప్రణయంగా మారుతుంది. అయితే అంతస్థుల వ్యత్యాసం, జమీందారీ అహంకారం వీరి ప్రేమకు అడ్డుగోడగా నిలుస్తాయి. దేవదాసు తండ్రి (ఎస్.వి. రంగారావు) వీరి పెళ్లికి నిరాకరిస్తాడు.

తండ్రి మాట దాటలేక, మానసిక క్షోభతో నగరానికి వెళ్లిన దేవదాసుకు చంద్రముఖి (జయంతి) అనే వేశ్య పరిచయమవుతుంది. దేవదాసులోని స్వచ్ఛమైన ప్రేమను చూసి ఆమె అతనిపై అనురాగం పెంచుకుంటుంది. మరొకవైపు పార్వతికి ఒక ముసలి జమీందారుతో పెళ్లి జరుగుతుంది. పార్వతి దూరమైందనే బాధను తట్టుకోలేక దేవదాసు మద్యానికి బానిసవుతాడు. చివరకు పార్వతి ఇంటి గడప ముందే తన చివరి శ్వాస విడవడంతో ఈ విషాద ప్రేమకావ్యం ముగుస్తుంది.

1953 నాటి ఏఎన్‌ఆర్ 'దేవదాసు' చిత్రం విషాద రసానికి, అభినయానికి పెట్టింది పేరు. అలాంటి ట్రెండ్ సెట్టర్ తర్వాత మళ్లీ అదే కథను 1974లో కృష్ణ నిర్మించడానికి ఎంతో ధైర్యం కావాలి. పద్మాలయా పిక్చర్స్ బ్యానర్ ఈ చిత్రాన్ని కలర్ వర్షన్‌లో ఎక్కడా ఖర్చుకు వెనుకాడకుండా గ్రాండ్‌గా తెరకెక్కించింది.

సినిమా ఫస్ట్ హాఫ్ అంతా.. పల్లెటూరి ప్రేమ, సరదాలు, చిన్ననాటి ముచ్చట్లతో సాఫీగా, ఆహ్లాదకరంగా సాగుతుంది. సెకండ్ హాఫ్ లో కథ విరహం, మద్యం, వేదన వైపు మళ్లుతుంది. కృష్ణ దేవదాసు పాత్రలో మాస్ హీరో ఛాయలు రాకుండా జాగ్రత్తపడటం, డైలాగ్ డెలివరీలో ఆవేదనను చూపించడం మెప్పిస్తుంది. అయితే, ఏఎన్‌ఆర్ వెర్షన్‌తో పోల్చి చూసే ప్రేక్షకులకు ఇది కొంత భిన్నమైన అనుభూతిని ఇస్తుంది.

నటీనటుల పర్ఫామెన్స్ ఎలా ఉంది?

సాధారణంగా మాస్, యాక్షన్, కౌబాయ్, జేమ్స్ బాండ్ తరహా పాత్రల్లో అలరించే కృష్ణ.. దేవదాసు లాంటి తీవ్రమైన భావోద్వేగాలు ఉన్న విరహి పాత్రలో ఒదిగిపోవడం విశేషం. అక్కినేని మార్కును మైండ్ నుంచి తుడిచేసి, తనదైన శైలిలో దేవదాసు ఆవేదనను, మద్యం మత్తులోని నైరాశ్యాన్ని చక్కగా పండించారు. క్లైమాక్స్ సన్నివేశాల్లో ఆయన నటన హృదయవిదారకంగా ఉంటుంది.

పార్వతిగా విజయనిర్మల అమాయకత్వం, ప్రేమ, పతివ్రతా ధర్మం, నిస్సహాయతలను అద్భుతంగా ప్రదర్శించారు. కళ్లతోనే భావాలు పండించడంలో ఆమె నైపుణ్యం కనిపిస్తుంది. చంద్రముఖి పాత్రలో జయంతి అత్యుత్తమ నటనను కనబరిచారు. నాట్యగత్తెగా, దేవదాసుపై పవిత్రమైన ప్రేమను కురిపించే ప్రేయసిగా ఆమె పాత్ర సినిమాకు ప్రధాన ఆకర్షణగా నిలుస్తుంది. జమీందారుగా ఎస్. వి. రంగారావు గంభీరమైన నటన, గుమ్మడి, సూర్యకాంతం - శ్రీధర్ తమ పాత్రలకు పూర్తి న్యాయం చేశారు.

ఎన్నార్‌ `దేవదాస్‌` లవ్‌ స్టోరీస్‌లో అప్పట్లో ఓ క్లాసిక్‌గా నిలిచింది. ఇప్పటికీ ఎవర్‌ గ్రీన్‌ మూవీస్‌లో అదొకటి. మంచి విజయం సాధించింది. ఆ తర్వాత సూపర్‌ స్టార్‌ కృష్ణ `దేవదాస్‌` మూవీ చేశాడు. ఇక్కడే ఇద్దరి మధ్య గొడవలయ్యాయి. కృష్ణ `దేవదాస్‌` మూవీ విడుదల సమయంలో.. ఏఎన్నార్‌ నటించిన `దేవదాస్‌`ని కూడా విడుదల చేశారట నిర్మాతలు. ఆ సినిమా ప్రభావం తమకి కూడా పనికి వస్తుందని ఆ మూవీని కొన్న నిర్మాతలు మళ్లీ రిలీజ్‌ చేశారట.

దీంతో కృష్ణ `దేవదాస్‌`పై చాలా ప్రభావం పడింది. దీంతో నవయుగ పిక్చర్స్ వాళ్లు కృష్ణ దేవదాస్‌కి డబ్బులు సప్లై చేశారట. కృష్ణ, సారధి స్టూడియో, నవయుగ వాళ్లు అంతా ఒక్కటయ్యారట. అలా ఏఎన్నార్‌తో, కృష్ణకి మధ్య విభేదాలు ప్రారంభమయ్యాయి.

అప్పటికే అమెరికాలో ఉన్న అక్కినేని నాగేశ్వరరావు.. ఇండియాకి వచ్చారు. ఓ సినిమా చేయాలని చూస్తున్నప్పుడు ఆయనకు స్టూడియోలు లేకుండా చేశారు. షూటింగ్స్ కు ఇబ్బంది రావడంతో.. పట్టుదలతో అక్కినేని తనకే సొంత స్టూడియో ఉంటే ఎవరు ఏం చేయలేరు కదా అని.. వెంటనే అన్నపూర్ణ స్టూడియోను నిర్మించారు.

అలా కృష్ణ - ఏఎన్నార్ మధ్య విభేదాలు దాదాపు 5 ఏళ్లు కొనసాగాయి. ఆ తర్వాత శోభన్ బాబుతో గోడవ కారణంగా కృష్ణ ఏఎన్నార్ దగ్గరకు వెళ్లి.. సినిమా చేద్దాం అని అనడంతో.. ఏఎన్నార్ కూడా సరే అన్నారు. ఇద్దరి కాంబోలో వచ్చి బ్లాక్ బస్టర హిట్ అయిన సినిమా హేమాహేమీలు.

ఒక మహిళా దర్శకురాలిగా, అది కూడా బ్లాక్ అండ్ వైట్ క్లాసిక్ రూపంలో ఇప్పటికే జనాదరణ పొందిన కథను రంగుల్లో తెరకెక్కించడం సాహసమనే చెప్పాలి. విజయనిర్మల ప్రతి సన్నివేశాన్ని ఎంతో జాగ్రత్తగా, భావోద్వేగాలు దెబ్బతినకుండా తెరకెక్కించారు. నాటి కాలానికి తగినట్లుగా రిచ్ విజువల్స్ చూపించడంలో దర్శకురాలిగా ఆమె విజయం సాధించారు. ఈ సినిమాకు రమేష్ నాయుడు అందించిన సంగీతం ప్రాణం పోసింది. పాటలు ఇప్పటికీ శ్రోతలను అలరిస్తూనే ఉన్నాయి.

పాటలన్నీ సన్నివేశాల మూడ్‌కు తగ్గట్లుగా సాగుతాయి. నేపథ్య సంగీతం (BGM) సన్నివేశాల తీవ్రతను పెంచింది. ఈ చిత్రానికి ఈస్ట్మన్ కలర్ ఫ్రేమింగ్ పెద్ద ప్లస్ పాయింట్. వి.ఎస్.ఆర్. స్వామి లైటింగ్, గ్రామీణ వాతావరణం, జమీందారీ భవనాలు, విజువల్స్ కలర్ఫుల్‌గా చూపించారు.

ప్లస్ పాయింట్స్

సుపర్‌స్టార్ కృష్ణ వైవిధ్యమైన నటన: మాస్ ఇమేజ్‌ను పక్కనపెట్టి విషాద పాత్రలో మెప్పించడం.

రమేష్ నాయుడు సంగీతం: మెలోడీ పాటలు మరియు బ్యాక్‌గ్రౌండ్ స్కోర్.

కలర్ విజువల్స్: పద్మాలయా పిక్చర్స్ రిచ్ ప్రొడక్షన్ వాల్యూస్ & వి.ఎస్.ఆర్. స్వామి కెమెరా పనితనం.

విజయనిర్మల దర్శకత్వ ప్రతిభ: భావోద్వేగాలను సమర్థవంతంగా హ్యాండిల్ చేయడం.

జయంతి, ఎస్విఆర్ నటనా విశ్వరూపం.

మైనస్ పాయింట్లు

1953 క్లాసిక్ దేవదాసుతో పోల్చి చూసే కొందరికి ఈ వెర్షన్ కొంత ఆమోదయోగ్యంగా అనిపించకపోవచ్చు.

సెకండ్ హాఫ్ లో కొన్ని సన్నివేశాలు కాస్త మందకొడిగా సాగుతాయి.

1974 నాటి కృష్ణ ‘దేవదాసు’ చిత్రం తెలుగు సినిమా చరిత్రలో ఒక ప్రత్యేకమైన ప్రయోగం. క్లాసిక్ కథను రంగుల తెరపై, శ్రావ్యమైన సంగీతంతో, నటీనటుల ప్రతిభతో కొత్త తరానికి పరిచయం చేయడంలో ఈ చిత్రం విజయం సాధించింది. కానీ ఏఎన్నార్ దేవదాసు చూసిన వారికి ఈ సినిమా రుచించదు. ఈమూవీ చూడాలి అనుకున్నవారికి యూట్యూబ్ లో అందుబాటులో ఉంది.

Nani: ఇంటికి వచ్చిన స్టార్ హీరోయిన్ తో వంట చేయించిన నాని... కారణం ఏంటి? ఎవరా హీరోయిన్?

Mahesh Jujjuri — Tue, 06 Oct 2026 11:11:47 +0530

Nani: రీసెంట్ గా ప్యారడైజ్ సినిమాతో పాన్ ఇండియా మార్కెట్ పై దండయాత్ర చేశాడు నేచురల్ స్టార్ నాని. పక్కంటి కుర్రాడిలా అందరిలో కలిసిపోతారు నాని. హీరోయిన్లు కూడా నాని అంటే బాగా అభిమానిస్తారు. ఓ హీరోయిన్ ను ఇంటికి పిలిచి మరీ వంట చేయించాడట నాని.

సినిమా షూటింగ్‌లు, బిజీ షెడ్యూల్స్ మధ్య ఉండే నటీనటులు సెట్స్‌లోనే కాకుండా బయట కూడా ఎంతో ఆప్యాయంగా కలిసి ఉంటారు. ముఖ్యంగా హిట్ కాంబినేషన్‌గా పేరు తెచ్చుకున్న హీరో నాని.. తన హీరోయిన్లతో చాలా క్లోజ్ గా ఉంటాడు. హీరోయిన్లు కూడా నానిని బాగా ఇష్టపడతారు. హద్దులు మీరకుండా.. సెట్ లో తోటి తారలతో బాగా అల్లరి చేస్తుంటాడు నాని. తనతో బాగా కనెక్ట్ అయిన హీరోయిన్లు అయితే.. నాని ఇంటికి కూడా వెళ్తుంటారట. ఆయన ఫ్యామిలీతో కలిసిపోతుంటారు కూడా. అలానే హీరోయిన్ కీర్తి సురేష్‌ కూడా ఓ సారి నాని ఇంటికి వెళ్లిందట. అక్కడ తనకు ఓ షాక్ ఇచ్చారట నాని.

నాని, కీర్తి సురేష్ మధ్య మంచి స్నేహబంధం ఉంది. 'నేను లోకల్', 'దసరా' వంటి సినిమాలతో ప్రేక్షకులను అలరించిన వీరిద్దరి మధ్య ఉన్న బాండింగ్ గురించి ప్రత్యేకంగా చెప్పాల్సిన పనిలేదు. అయితే ఒకసారి నాని ఇంటికి వెళ్లిన కీర్తి సురేష్ అక్కడ చేసిన సందడి, ఆమెకు ఆ ఇంట్లో తగిలిన షాక్ గురించి.. రీసెంట్ గా ది ప్యారడైజ్ సినిమా షూటింగ్ లో నాని, కీర్తి సురేష్ కలిసి వెల్లడించారు. బాగా ఆకలి అవుతుంది.. తిందామనుకుంటే.. కీర్తి చేతనే వంట చేయించారట నాని ఫ్యామిలీ.

ఒకరోజు కీర్తి సురేష్, నాని ఇంటికి అతిథిగా వెళ్లారు. "ఏం తింటావు?" అని నాని అడగ్గా, ఆమె చటుక్కున "దోస తింటాను" అని చెప్పారు. దానికి నాని కూడా "ఓకే, వెరీ గుడ్" అని చెప్పి, దోసల కోసం కీర్తితో కలిసి డైనింగ్ టేబుల్ దగ్గర కూర్చున్నారు. ఎంతసేపైనా ప్లేట్‌లోకి దోసలు రాకపోవడంతో అక్కడ వింత పరిస్థితి ఏర్పడింది. డైనింగ్ టేబుల్ వద్ద నాని, కీర్తి సురేష్ అలానే కూర్చుని ఎదురుచూస్తున్నారు.కిచెన్‌లో అసలు ఏం జరిగింది?తీరా చూస్తే, ఇంట్లోని పనివాళ్లు, నాని భార్య అంజు (అంజనా) కిచెన్ లోపల నిలబడి ఒకరి ముఖాలు ఒకరు చూసుకుంటూ నవ్వుకుంటున్నారు. అది చూసి నానికి, కీర్తి సురేష్ కు ఆశ్చర్యం వేసింది.

దోసలు వేయడానికి అక్కడ పిండి సిద్ధంగానే ఉంది, కానీ ఎవరూ ముందుకు వచ్చి దోస వేసి ఇవ్వడం లేదు! కిచెన్‌లోకి వెళ్లిన అంజు కూడా అక్కడి పరిస్థితి చూసి నవ్వు ఆపుకోలేకపోయారు.అందరూ నవ్వుకుంటూ ఉండేసరికి విషయమేంటో అర్థమైన కీర్తి సురేష్, ఇక ఏమాత్రం ఆలస్యం చేయకుండా నేరుగా కిచెన్‌లోకి వెళ్లిపోయారు. ఎవరి కోసం ఎదురుచూడకుండా తానే స్వయంగా దోస పిండి తీసుకుని, పెనంపై దోస వేసుకుని, హాయిగా తిన్నారు.ఈ సరదా జ్ఞాపకాన్ని ఒక సందర్భంలో గుర్తు చేసుకుంటూ నవ్వుకున్నారు నాని,కీర్తి సురేష్.

స్టార్ హీరోయిన్ అయినప్పటికీ ఎలాంటి ఈగో లేకుండా నాని ఇంట్లో కిచెన్‌లోకి వెళ్లి సొంతంగా దోస వేసుకుని తిన్న కీర్తి సురేష్ నిరాడంబరతకు, వీరిద్దరి మధ్య ఉన్న నిజమైన స్నేహానికి నెటిజన్లు మురిసిపోతున్నారు. కొంత మంది మాత్రం నానీ ఇంట్లో వాళ్లకు దోశలు వేయడం రాదా అని విమర్శిస్తున్నారు.

Crazy Kalyanam Movie Review: క్రేజీ కళ్యాణం మూవీ రివ్యూ, అనుపమా పరమేశ్వరన్‌ సినిమా ఎలా ఉందంటే?

Aithagoni Raju — Fri, 16 Oct 2026 00:56:36 +0530

అనుపమా పరమేశ్వరన్‌ మెయిన్‌ లీడ్‌గా చేసిన మూవీ `క్రేజీ కళ్యాణం`. బద్రప్ప దర్శకత్వంలో తెరకెక్కిన ఈ చిత్రం ఈ రోజు విడుదలైంది. మరి ఆడియెన్స్ ని ఆకట్టుకుందా అనేది రివ్యూలో తెలుసుకుందాం.

అనుపమా పరమేశ్వరన్‌, వీకే నరేష్‌, తరుణ్‌ భాస్కర్‌, అఖిల్‌ రాజ్‌(ఉడ్డెమారి) ప్రధాన పాత్రల్లో నటించిన మూవీ `క్రేజీ కళ్యాణం`. నూతన దర్శకుడు బద్రప్ప గాజుల రూపొందించారు. యారో సినిమాస్‌ పతాకంపై బూసం జగన్‌ మోహన్‌ రెడ్డి నిర్మించారు. టీజర్‌, ట్రైలర్‌ ఆకట్టుకున్నాయి. ఆడియెన్స్ ని ఎంగేజ్‌ చేసింది. ఫన్‌ ఫ్యామిలీ ఎమోషనల్‌ డ్రామాగా ఆకట్టుకుంటుందని టీమ్‌ తెలిపింది. ఈ చిత్రం నేడు శుక్రవారం (అక్టోబర్‌ 16)న విడుదల అయ్యింది. మరి మూవీ ఎలా ఉంది? దసరా పండక్కి ఫ్యామిలీ అంతా కలిసి చూసేలా ఉంది? ఆడియెన్స్ ని ఆకట్టుకుంటుందా ? అనేది రివ్యూలో తెలుసుకుందాం.

పర్వతాలు(వీకే నరేష్‌) ఊర్లో మంచి పేరున్న వ్యక్తి. ఆయన పెద్ద అల్లుడు బాలరాజు(తరుణ్‌ భాస్కర్‌) పెద్ద తాగుబోతు. మేనల్లుడు కావడంతో తన ఇంట్లోనే ఉంచుకుంటాడు. చిన్న కూతురు కీర్తి(అనుపమా పరమేశ్వరన్‌) ఎంఎస్‌సీ చదువుతుంది. ప్రభుత్వ ఉద్యోగాలకు ప్రిపేర్‌ అవుతుంది. తన కాలేజీలోనే తనతోపాటు చదువుకునే ఉదయ్‌ (అఖిల్‌ ఉడ్డెమారి)ని ప్రేమిస్తుంది. పెద్దల్లుడు బాగా తాగి, అప్పులు చేసి ఊర్లో తన పరువంతా తీస్తుంటాడు. ఇది తట్టుకోలేక ఇక చిన్న కూతురుకి పెళ్లి చేయాలనుకుంటాడు పర్వతాలు. అనేక సంబంధాలు చూస్తారు. ఒక్కరు కూడా సెట్‌ కారు. చివరికి తన సొంత అన్న కూతురుకి ఒక ఎన్‌ఆర్‌ఐ సంబంధం వస్తుంది.

పెళ్లి సంబంధాలకు వచ్చిన వారిని తన ఇంటికి పిలిపించి మర్యాద చేస్తాడు పర్వతాలు. ఆ అబ్బాయి కీర్తిని చూసి ఇష్టపడతాడు. పర్వతాలు అన్న కూతురుని కాదని, తన కూతురు కీర్తిని పెళ్లి చేసుకునేందుకు ఓకే చెబుతాడు. సంబంధం కుదురుతుంది. కానీ ఈ పెళ్లి కీర్తికి ఇష్టం లేదు, తాను చదువుకోవాలనుకుంటుంది. అదే సమయంలో ఉదయ్‌కి తాను ప్రేమిస్తున్నట్టు చెబుతుంది. అదే విషయం తన తండ్రికి చెప్పి ఈ పెళ్లి క్యాన్సిల్‌ చేయించాలనుకుంటుంది. మరి తన తండ్రికి ఈ విషయం చెప్పిందా? చెబితే ఆయన రియాక్షన్‌ ఏంటి. కీర్తి పెళ్లికి ఎలాంటి అడ్డంకులు వచ్చాయి? కీర్తి పెళ్లిలోని ట్విస్ట్ ఏంటి? ఆమె తండ్రి చూసిన అబ్బాయిని పెళ్లి చేసుకుందా? తాను ప్రేమించిన అబ్బాయితో లేచిపోయిందా? చివరికి ఏమైందనేది మిగిలిన కథ.

గ్రామాల్లో అమ్మాయికి పెళ్లి చేస్తే తమ బరువు తీరుతుందని, మంచి చదువుకున్న, జాబ్‌ చేసే అబ్బాయికి ఇచ్చి పెళ్లి చేయాలని భావిస్తుంటారు. చాలా వరకు అలానే జరుగుతుంటాయి. అమ్మాయి ఇష్టాఇష్టాలతో సంబంధం లేకుండా ఇలాంటి పెళ్లిళ్లు చేస్తారు. అమ్మాయి కెరీర్‌ని పెళ్లితోనే సమాధి చేస్తుంటారు. అలాంటి రియలిస్టిక్‌ అంశాలతో ఈ మూవీని రూపొందించారు దర్శకుడు బద్రప్ప. అదే సమయంలో తెలంగాణ పల్లెల్లో ఉంటే కల్చర్‌ని, బంధాలు, అనుబంధాలు, అలకలు, గొడవలను బేస్‌ చేసుకుని తెరకెక్కించారు. రియాలిటీకి దగ్గరగా చూపించారు.

సినిమా ప్రారంభం నుంచి సరదాగా, ఫన్నీగా రన్‌ అవుతుంది. నరేష్‌ పాత్రని, బాలరాజు పాత్రని బాగా ఎస్టాబ్లిష్‌ చేశారు. వారి మధ్య ఉండే గొడవలను ఫన్నీగా చూపించారు. డబ్బుల కోసం బాలరాజు చేసే ఎదవ పనులు, తాగుతూ ఇంటికి రావడం వంటి సీన్లు చాలా రియలిస్టిక్‌గా ఉన్నాయి. అదే సమయంలో ఫన్నీగానూ ఉన్నాయి. ఇంకోవైపు కీర్తి, ఉదయ్‌ల స్నేహం, ప్రేమ అంశాలను ఆవిష్కరించారు. మరోవైపు తన పరువు పోవడంతో పర్వతాలు బాధపడటం, తాగడం వల్ల బాలరాజు పరిస్థితిని ఆవిష్కరించారు. ఆయా సీన్లు ఆసక్తికరంగా, ఎంగేజింగ్‌గా రన్‌ అవుతాయి.

అయితే కీర్తికి పెళ్లి చేయాలనుకున్నప్పుడు అన్న కూతురుకి వచ్చిన సంబంధాన్ని పర్వతాలు తన కూతురికి సెట్‌ చేసుకోవడం అదిరిపోయింది. ఆయా సీన్లు నవ్వించేలా ఉంటాయి. వాహ్‌ ఫ్యాక్టర్‌ని ఇస్తాయి. ఇక సెకండాఫ్‌ ఫ్యామిలీ డ్రామా చుట్టూ రన్‌ అవుతుంది. ఓ వైపు పెళ్లికి రెడీ అవుతుంటారు, మరోవైపు ఈ పెళ్లి తనకు ఇష్టం లేక అమ్మాయి చేసే పనులు క్రేజీగా ఉంటాయి. నవ్వించేలా ఉంటాయి. అదే సమయంలో డబ్బుల కోసం బాలరాజు చేసే పనులు నవ్విస్తాయి.

సెకండాఫ్‌ ఎమోషనల్‌ సైడ్‌ వెళ్తుంది. అమ్మాయి ప్రేమ విషయం చెప్పినప్పుడు కుటుంబంలో జరిగే పరిణామాలను చూపించారు. ఎమోషనల్‌ డ్రామా ప్రధానంగా సాగుతుంది. ఓ వైపు కీర్తి పెళ్లి క్యాన్సిల్‌ చేయాలనుకోవడం, ప్రేమికుడిని వదులుకోలేకపోవడం, మరోవైపు ఇంతకంటే మంచి సంబంధం రాదని తల్లి దండ్రులు పడే బాధ, ఎలాగైనా అమ్మాయిని దక్కించుకోవాలని ప్రియుడు పడే బాధ, ఈ పెళ్లి ఇష్టం లేని బామ్మ, ఈ అమ్మాయినే చేసుకోవాలని పెళ్లికోడుకు చేసే ప్రయత్నాలు ఆసక్తికరంగా, నాటకీయంగా సాగుతాయి. నవ్విస్తాయి, ఎమోషనల్‌కి గురి చేస్తాయి. ఎంగేజ్‌ చేస్తాయి. క్లైమాక్స్ ట్విస్ట్ బాగుంది.

అయితే సినిమాలో ఫస్టాఫ్‌లో ఫన్‌ ఆశించిన స్థాయిలో వర్కౌట్ కాలేదు. డోస్‌ తగ్గింది. కొన్ని సీన్లు మాత్రమే వర్కౌట్ అయ్యాయి. చాలా వరకు తేలిపోయాయి. దీంతో డ్రైగా సాగిన ఫీలింగ్‌ కలుగుతుంది. ఇంటర్వెల్‌ ఎమోషనల్‌గా ఉంటుంది. క్లైమాక్స్ ని కూడా ఎమోషనల్‌గా నడిపించారు. బాలరాజు పాత్రలోని మార్పుని, కీర్తిగా అనుపమా నటన అదిరిపోయింది. మామఅల్లుళ్ల గొడవలు నవ్విస్తాయి. బాలరాజు పాత్ర నవ్విస్తుంది. ఆకట్టుకుంటుంది. పర్వతాలు పాత్రలో సెకండాఫ్‌లో వచ్చే ఎమోషనల్స్ బాగున్నాయి. క్లైమాక్స్ అదిరిపోయింది. సంగీతం ఫర్వాలేదు. విజువల్స్ బాగున్నాయి. సినిమాలో మెయిన్‌గా కామెడీ వర్కౌట్‌ కాలేదు. నరేష్‌ పాత్ర హైలైట్‌ కావడంతోపాటు కొన్ని చోట్ల ఓవర్‌గా అనిపిస్తుంది. ఎమోషన్స్ పెద్దగా పండలేదు. డ్రామా కూడా కొన్ని చోట్లు తేలిపోయింది. ఇలాంటివి కొన్ని పక్కన పెడితే పండక్కి సరదాగా టైమ్‌ పాస్‌కి చూసే మూవీ ఇదే.

కీర్తిగా అనుపమా పరమేశ్వరన్‌ అదరగొట్టింది. కామెడీ, ఎమోషన్స్, సీరియస్‌ ఇలా అన్ని రకాల షేడ్స్ చూపించారు. ముఖ్యంగా పెళ్లి విషయంలో స్ట్రగుల్ అయ్యే అమ్మాయిగా కనిపించింది. ఇందులో కీర్తి తండ్రిగా పర్వతాలు పాత్రలో నరేష్‌ ఇరగదీశాడు. నవ్వించాడు, ఏడిపించాడు. ఎమోషనల్‌ సీన్లలో రెచ్చిపోయాడు. ముఖ్యంగా పెళ్లి సీన్‌లో దుమ్ములేపాడు. ఇక బాలరాజు పాత్రలో తరుణ్‌ భాస్కర్‌ సైతం మెప్పించాడు. ఇరగదీశాడు. మాస్‌ లుక్‌లో మెప్పించాడు. అఖిల్‌ రాజ్‌ ఓకే అనిపించాడు. మిగిలిన పాత్రలు ఆకట్టుకుంటాయి.

సురేష్‌ బొబ్బిలి మ్యూజిక్‌ బాగుంది. పాటలతోపాటు ఆర్‌ఆర్‌ కడా అదిరిపోయింది. చాలా చోట్ల ఎలివేట్‌ అయ్యింది. శ్యామ్‌ దుపటి కెమెరా వర్క్ కనువిందు చేసేలా ఉంది. విజువల్స్ ఆకట్టుకుంటాయి. శ్రావణ్‌ కటికనేని ఎడిటింగ్‌ ఫర్వాలేదు. సినిమా కొంత స్లోగా రన్‌ అయిన నేపథ్యంలో ఎడిటింగ్‌ పరంగా ఇంకా వర్క్ చేయాలనిపిస్తుంది. దర్శకుడు బ్రదప్ప అదరగొట్టాడు. కథ, కథనం బాగున్నాయి. సినిమాని తెరపై ఆవిష్కరించిన తీరు బాగుంది. ఫన్‌ ఆశించిన స్థాయిలో లేదు. ఎమోషన్స్ కే ప్రయారిటీ ఇచ్చారు. వాటిపై మరింత ఫోకస్‌ చేయాల్సింది. ఓవరాల్‌గా అయితే మంచి ఫ్యామిలీ ఎంటర్‌టైనర్‌గా నిలుస్తుందని చెప్పొచ్చు.

ఫ్యామిలీ అంతా కలిసి చూసే కామెడీ ఎంటర్‌టైనర్‌. పండక్కి మంచి ఛాయిస్. ఎలాంటి అంచనాలు లేకుండా చూస్తే ఎంజాయ్‌ చేయగలిగే మూవీ అవుతుంది.

రేటింగ్‌: 2.75