Asianet News Telugu

Hitler Movie Review: మోహన్ బాబు వల్ల డిజాస్టర్స్ నుంచి బయటపడ్డ చిరంజీవి, డైరెక్టర్ ను భయపెట్టిన మెగా ఫ్యాన్స్.. హిట్లర్ మూవీ రివ్యూ

Mahesh Jujjuri — Sat, 19 Sep 2026 08:18:55 +0530

Hitler Movie Review: వరుస డిజాస్టర్లతో కష్టకాలంలో ఉన్న చిరంజీవిని.. మళ్లీ సక్సెస్ ఫామ్‌లోకి తీసుకొచ్చిన మూవీ హిట్లర్. ఈ సినిమాతో మాస్ ఆడియన్స్‌తో పాటు ఫ్యామిలీ ఆడియన్స్ మెగాస్టార్‌కు జై కొట్టారు. అసలు ఈ సినిమా చేయాల్సింది చిరంజీవి కాదని మీకు తెలుసా?

తెలుగు చిత్రసీమ చరిత్రలో మెగాస్టార్ చిరంజీవి కెరీర్‌ను తిరగరాసి, ఆయనకు సరికొత్త ఇమేజ్‌ను అందించిన సినిమాల్లో ‘హిట్లర్’ ఒకటి. 1997 జనవరి 4న సంక్రాంతి కానుకగా విడుదలైన ఈ మూవీ బాక్సాఫీస్ వద్ద రికార్డుల సునామీ సృష్టించడమే కాకుండా, చిరంజీవి మాస్ ఇమేజ్‌కి బలమైన ఫ్యామిలీ సెంటిమెంట్‌ను జోడించి బిగ్గెస్ట్ కంబ్యాక్ మూవీగా నిలిచింది.

సినిమా వివరాలు..

చిత్రం పేరు: హిట్లర్ (Hitler)

విడుదల తేదీ: 4 జనవరి 1997

నటీనటులు: చిరంజీవి, రంభ, రాజేంద్రప్రసాద్, దాసరి నారాయణరావు, ప్రకాష్ రాజ్, శారద, పి.ఎల్. నారాయణ, బ్రహ్మానందం, పొన్నంబళం, సుధాకర్, అల్లు రామలింగయ్య తదితరులు

దర్శకత్వం: ముత్యాల సుబ్బయ్య

నిర్మాణ సంస్థ: ఎమ్.ఎల్. మూవీ ఆర్ట్స్ (సమర్పణ: ఎడిటర్ మోహన్, నిర్మాత: ఎమ్.వి. లక్ష్మి)

సంగీతం: కోటి

రచన / సంభాషణలు: ఎల్.బి. శ్రీరామ్

నిడివి: సుమారు 160 నిమిషాలు

మాధవరావు (చిరంజీవి) ఒక క్రమశిక్షణ కలిగిన నిరాడంబరుడైన వ్యక్తి. ఐదుగురు చెల్లెళ్లకు తండ్రి లేని లోటు తెలియకుండా, బాధ్యతగల అన్నగా కంటికి రెప్పలా కాపాడుకుంటూ ఉంటాడు. తన చెల్లెళ్లపై ఆయన చూపించే ప్రేమ, విపరీతమైన ఆంక్షలు, కోపం వల్ల ఊరిలో ప్రతి ఒక్కరూ ఆయనను భయంతో "హిట్లర్" అని పిలుస్తుంటారు.

తండ్రి (దాసరి నారాయణరావు) వల్ల చిన్నతనంలోనే తన తల్లిని కోల్పోయామన్న కారణంతో.. తండ్రిపై తీవ్ర ద్వేషంతో చెల్లెళ్లను పెంచుతాడు మాధవరావు. జైలు శిక్ష అనుభవించి బయటకు వచ్చిన తండ్రితో మాట్లాడడు, అతనేమో పిల్లల కోసం పరితపిస్తుంటాడు. అయితే, చెల్లెళ్ల పెళ్లిళ్లు, వారి వ్యక్తిగత జీవితాల్లో ఎదురయ్యే సమస్యలు, విలన్ల కుట్రల వల్ల మాధవరావు తీవ్ర ఇబ్బందులను ఎదుర్కొంటాడు. చెల్లెళ్లు కూడా ఒకానొక దశలో అన్నను తప్పుగా అర్థం చేసుకుంటారు. ఈ అన్ని సవాళ్లను దాటుకుని, చెల్లెళ్లకు ఎదురైన ముప్పును తొలగించి, తండ్రి నిర్దోషి అని నిరూపించి, కుటుంబాన్ని ఎలా ఏకం చేశాడు అన్నదే ‘హిట్లర్’ చిత్ర ప్రధాన కథ.

‘హిట్లర్’ సినిమాకు ప్రధాన బలం చిరంజీవి నటన. అంతకుముందు మాస్, యాక్షన్ సినిమాలకు కేరాఫ్ అడ్రెస్ లా ఉన్న చిరంజీవి, ఈ సినిమాలో తీవ్రమైన ఎమోషనల్ పాత్ర చేయడం, అది కూడా ఏమాత్రం కమర్షియల్ ఎలిమెంట్ లేని.. నిగ్రహం, బాధ్యత, అనురాగం నిండిన అన్నయ్యగా అద్భుతంగా జీవించారు. చెల్లెళ్ల పట్ల చూపే కఠినత్వం వెనుక ఉండే ఆవేదనను, ఎమోషనల్ సీన్లలో ఆయన పండించిన హావభావాలు ప్రేక్షకుల కళ్లను చెమ్మగిల్లేలా చేస్తాయి.

ఇక హీరోయిన్‌గా రంభ గ్లామర్ ఈ సినిమాకు బాగా ఉపయోగపడింది. గ్లామర్‌తో పాటు నటనకు ప్రాధాన్యమున్న పాత్ర కావడంతో.. రంభ తన బెస్ట్ యాక్టింగ్‌తో మెప్పించింది.

ఈ సినిమాలో చిరంజీవి తర్వాత అంత ఇంపార్టెన్స్ ఉన్న పాత్ర రాజేంద్రప్రసాద్‌ది. చిరంజీవికి బావగా, మిత్రుడిగా తన మార్క్ నటన, కామెడీతో అద్భుతం చేశాడు నటకిరీటి. ఇక చిరంజీవి తండ్రి పాత్రలో దర్శకరత్న దాసరి నారాయణరావు జీవించారని చెప్పవచ్చు. సరిసమానమైన ఎమోషన్స్, నటనతో ఆకట్టుకున్నారు. ఇంత ఎమోషనల్ కథతో కొనసాగుతున్న కథ మధ్యలో బ్రహ్మానందం, సుధాకర్, కల్పనారాయ్ లాంటి కమెడియన్స్ తమ కామెడీ నటనతో అలరించారు. వీరితో పాటు ఐదుగురు చెల్లెళ్లు, ఇతర నటీనటులు తమ పాత్రల పరిధి మేర బాగా నటించారు.

హిట్లర్ సినిమాను నిలబెట్టిన వాటిలో సంగీతం కూడా ఒకటి. కథకు తగ్గట్టుగా కోటి అందించిన స్వరాలు సినిమా విజయంలో సగభాగం వహించాయి. "నడక కలిసిన నవ రాత్రి", "మిస మిస మెరుపుల" వంటి మాస్/మెలోడీ పాటలతో పాటు "ఓ కాలమా ఇది నీ జాలమా", "కన్నీళ్లకే కన్నీరొచ్చే" వంటి పాటలు ప్రేక్షకులను ఎమోషనల్‌గా కనెక్ట్ చేశాయి. ఈ పాటలు వింటూ కన్నీళ్లు పెట్టుకున్నవారు కూడా ఉన్నారు. అంతేకాదు సీన్‌కు తగ్గట్టుగా ఇచ్చిన రీ-రికార్డింగ్ (BGM) ప్రతి ఎమోషనల్ సీన్‌ను నిలబెట్టింది.

ఇక దర్శకుడు ముత్యాల సుబ్బయ్య గురించి ప్రత్యేకంగా చెప్పుకోవాలి. సెంటిమెంట్ సినిమాలను తెరకెక్కించడంలో ఆయన దిట్ట. ఈ చిత్రంలో మాస్ ఇమేజ్ ఉన్న హీరోకి సరిపోయేలా ఫ్యామిలీ ఎమోషన్స్‌ను పర్ఫెక్ట్‌గా మేనేజ్ చేశారు. సుబ్బయ్య కథకు తగ్గట్టుగా ఎల్.బి. శ్రీరామ్ అందించిన ఎమోషనల్ డైలాగ్స్ గుండెకు హత్తుకునేలా ఉండటంతో పాటు సినిమా స్థాయిని పెంచాయి.

హిట్లర్ సినిమా కథ మనది కాదు. ఈ చిత్రం 1996లో మమ్ముట్టి హీరోగా వచ్చిన మలయాళ సూపర్ హిట్ 'హిట్లర్' చిత్రానికి రీమేక్.

అసలు ఈ కథను ముందుగా చిరంజీవి కోసం అనుకోలేదు. నిర్మాత ఎడిటర్ మోహన్ ఈ కథ హక్కులు కొనుగోలు చేసినప్పుడు మొదట మోహన్ బాబు హీరోగా, ఇ.వి.వి. సత్యనారాయణ దర్శకత్వంలో తెరకెక్కించాలని భావించారు. కానీ కాల్షీట్లు కుదరకపోవడంతో ఆ అవకాశం చిరంజీవి వద్దకు వచ్చింది. ఇ.వి.వి. ప్లేస్‌లో సుబ్బయ్య వచ్చారు.

బాక్సాఫీస్ దగ్గర బ్లాస్టింగ్ కలెక్షన్స్: హిట్లర్ సినిమా రిలీజ్ అయిన మొదటి రోజు నుంచే హిట్ టాక్‌తో దూసుకుపోయింది. 1997 సంక్రాంతి కానుకగా విడుదలైన ఈ చిత్రం బాక్సాఫీస్ వద్ద ఘన విజయం సాధించి, 42 కేంద్రాలలో 100 రోజులు పూర్తి చేసుకుంది. ఒంగోలులో ఎంతో వైభవంగా 100 రోజుల వేడుకను నిర్వహించారు.

డైరెక్టర్ ను భయపెట్టిన మెగా ఫ్యాన్స్..

1995 డిసెంబర్‌లో వచ్చిన ‘రిక్షావోడు’ ఫ్లాప్ అయిన తర్వాత చిరంజీవి దాదాపు ఒక సంవత్సరం పాటు ఏ సినిమా చేయకుండా గ్యాప్ తీసుకున్నారు. సరైన కథ కోసం ఎదురుచూస్తున్న సమయంలో 'హిట్లర్' ఆయన వద్దకు వచ్చి బ్లాక్‌బస్టర్ కంబ్యాక్ ఇచ్చింది. ఈ సినిమాతో చిరంజీవి కెరీర్ మరో మలుపు తిరిగింది.

అప్పట్లో వరుస ఫ్లాపుల తర్వాత వస్తున్న సినిమా కావడంతో, దర్శకుడు ముత్యాల సుబ్బయ్యకు చిరంజీవి అభిమానుల నుంచి ఉత్తరాలు వచ్చాయట. సినిమా ఖచ్చితంగా హిట్ అవ్వాలని ఒత్తిడి ఉన్నప్పటికీ, దర్శకుడు తెలుగు ప్రేక్షకుల అభిరుచికి తగ్గట్లు కథనంలో మార్పులు చేసి విజయం సాధించారు.

ప్లస్ పాయింట్స్:

చిరంజీవి పవర్‌ఫుల్ అండ్ ఎమోషనల్ నటన.

బలమైన ఎమోషన్స్, కుటుంబ బాంధవ్యాల నేపథ్యం.

కోటి అందించిన అద్భుతమైన పాటలు - నేపథ్య సంగీతం.

సుధాకర్, రాజేంద్రప్రసాద్, బ్రహ్మానందం కామెడీ కాంబినేషన్.

మైనస్ పాయింట్స్:

కొన్ని చోట్ల మరీ ఎక్కువ డ్రామా, సెంటిమెంట్ అనిపించడం.

క్లైమాక్స్ సన్నివేశాలు కొంత రొటీన్‌గా అనిపించడం.

ఫైనల్ గా..

‘హిట్లర్’ అనేది కేవలం ఒక సినిమా మాత్రమే కాదు, చిరంజీవి కెరీర్‌లో సరికొత్త అధ్యాయాన్ని లిఖించిన ఘట్టం. మాస్ యాక్షన్ హీరోగా మాత్రమే కాకుండా, ఫ్యామిలీ ఆడియన్స్‌ను థియేటర్లకు రప్పించే సెంటిమెంట్ హీరోగా చిరంజీవి రీ-ఎంట్రీ ఘనంగా జరిగింది. నేటికీ బుల్లితెరపై వస్తే ప్రేక్షకులు ఆదరించే ఆల్‌టైమ్ క్లాసిక్ ఫ్యామిలీ ఎంటర్‌టైనర్ ఇది.

Don't Trouble The Trouble Review: డోంట్‌ ట్రబుల్‌ ది ట్రబుల్‌ మూవీ రివ్యూ.. రాజమౌళి సమర్పించిన మూవీ ఎలా ఉందంటే?

Aithagoni Raju — Fri, 02 Oct 2026 06:46:18 +0530

ఫహద్ ఫాజిల్‌ హీరోగా, రాజమౌళి సమర్పణలో, కార్తికేయ నిర్మించిన `డోంట్‌ ట్రబుల్‌ ది ట్రబుల్‌` మూవీ నేడు విడుదలైంది. మరి సినిమా వెండితెరపై మ్యాజిక్‌ చేసిందా? అనేది రివ్యూలో తెలుసుకుందాం.

దర్శకధీరుడు రాజమౌళి సమర్పణలో రూపొందిన చిత్రం `డోంట్‌ ట్రబుల్‌ ది ట్రబుల్‌`. ఆయన కుమారుడు కార్తీకేయ నిర్మాతగా మారి నిర్మించిన చిత్రమిది. ఆర్కా మీడియా వర్క్స్, షోయింగ్‌ బిజినెస్‌ పతాకాలపై శోభు యార్లగడ్డ, ప్రసాద్‌ దేవినేని, ఎస్‌ఎస్‌ కార్తికేయ సంయుక్తంగా నిర్మించారు. ఇందులో `పుష్ప` విలన్‌ ఫహద్‌ ఫాజిల్‌ హీరోగా నటించగా, సారా పలేకర్‌, మహేష్‌ మంజ్రేకర్‌, సుబ్బరాజు కీలక పాత్రలు పోషించారు. శశాంక్‌ ఏలేటి దర్శకత్వం వహించారు. ఈ మూవీపై అటు మహేష్‌ బాబు, ఎన్టీఆర్‌ ప్రశంసలు కురిపించారు. అద్భుతంగా ఉందన్నారు. ప్రీ రిలీజ్‌ ఈవెంట్‌లోనూ ఎన్టీఆర్‌ మాట్లాడి అంచనాలను పెంచారు. పైగా రాజమౌళి సమర్పణలో వస్తోన్న మూవీ కావడంతో అంచనాలు నెలకొన్నాయి. మరి నేడు శుక్రవారం(అక్టోబర్‌ 2)న విడుదలైన ఈ సినిమా ఎలా ఉంది? కార్తికేయ నిర్మాతగా సక్సెస్‌ అయ్యాడా? ఫహద్‌ ఫాజిల్‌ హీరోగా చేసిన తెలుగు సినిమా ఆకట్టుకుందా? రాజమౌళి బ్రాండ్‌తో వచ్చిన ఈ చిత్రం మెప్పించిందా? ఎన్టీఆర్‌, మహేష్‌ బాబు కురిపించిన ప్రశంసలకు తగ్గట్టుగా సినిమా ఉందా? అనేది రివ్యూలో తెలుసుకుందాం.

సూరి(ఫహద్‌ ఫాజిల్‌)కి ఎవరూ లేరు. అంబులెన్స్ నడిపిస్తుంటాడు. బెట్టింగ్‌ కాసి మరీ ఫాస్ట్ గా అంబులెన్స్ నడిపి డబ్బులు సంపాదిస్తుంటాడు. అదే సమయంలో డబ్బుల కోసం అడ్డమైన పనులు కూడా చేస్తుంటాడు. ఇలాంటి సమయంలో అతనొక సమస్యలో ఇరుక్కుంటాడు. పాతబస్తీ స్మగ్లర్‌ అస్లామ్‌(మహేష్‌ మంజ్రేకర్‌)తో ఇష్యూ అవుతుంది. ఆ గొడవలో సూరికి మూడు రోజుల్లో 25 లక్షలు తీసుకురావాలనే కండీషన్‌ పెడతాడు అస్లాం. ఆ డబ్బు కోసం తప్పుల మీద తప్పులు చేస్తుంటాడు సూరి. ఈ క్రమంలో అతనికి ఒక మ్యాజిక్‌ లాకెట్‌ దొరుకుతుంది. ఆ లాకెట్‌ని చూడగా ఓ చిన్నారి దివ్య(బేబీ సారా) ప్రత్యక్షమవుతుంది. ఆ అమ్మాయి బయట ఎవరికీ కనిపించదు, కేవలం సూరికే కనిపిస్తుంది. అతనితోనే మాట్లాడుతుంది. ఆ అమ్మాయికి మ్యాజిక్‌ పిచ్చి. తన పేరెంట్స్ తో కారులో వెళ్తూ మ్యాజిక్‌ చేస్తుంది. పేరెంట్స్ ని మాయం చేశానని చెబుతుంది. తనకు పేరెంట్స్ ని కనిపించేలా చేయాలని సూరిని రిక్వెస్ట్ చేస్తుంది. సూరి పెద్ద మెజీషియన్‌ అని ఆమె నమ్ముతుంది. ఈ క్రమంలో సూరి, దివ్య కలిసి ట్రావెల్‌ అవుతారు. ఆ అమ్మాయిని అడ్డుపెట్టుకొని డబ్బులు సంపాదించాలనుకుంటాడు సూరి, అతను తన పేరెంట్స్ ని కలిపిస్తాడనే నమ్మకంతో ఆయన చెప్పిన పనులన్నీ చేస్తుంది. మరి దివ్య బయటి వారికి ఎందుకు కనిపించదు, సూరికే ఎందుకు కనిపిస్తుంది? ఆమె పేరెంట్స్ ఏమయ్యారు? సూరి ఆ అమ్మాయిని అడ్డం పెట్టుకొని ఎలాంటి పనులు చేశాడు? దివ్యకి వారిని పేరెంట్స్ ని చూపించాడా? లేదా? చివరికి ఈ కథ ఎలాంటి మలుపులు తీసుకుందనేది సినిమా.

`డోంట్‌ ట్రబుల్‌ ది ట్రబుల్‌` మూవీ టైటిల్‌తోనే ఆసక్తిని పెంచింది. బాలయ్య డైలాగ్‌ దీనికి స్పెషల్‌ ఎట్రాక్షన్‌. రాజమౌళి సమర్పణ, కార్తీకేయ నిర్మాత, ఫహద్‌ ఫాజిల్‌ హీరోగా నటించడం, ట్రైలర్‌లో మ్యాజికల్‌ అంశాలు ఆకట్టుకోవడం, దీనికితోడు మహేష్‌ బాబు, ఎన్టీఆర్‌ లాంటి బిగ్‌ స్టార్స్ సినిమా బాగుందని ట్వీట్లు చేయడంతో దీనిపై అందరిలోనూ ఆసక్తి ఏర్పడింది. అంచనాలు ఏర్పడ్డాయి. కానీ ఆ అంచనాలను అందుకోవడంలో ఈ చిత్రం వెనకబడిందని చెప్పొచ్చు. మెయిన్‌గా టైటిల్‌కి, కథకి ఏమాత్రం సంబంధం కనిపించలేదు. పైగా ట్రైలర్‌లో హీరో, పాప కలిసి మ్యాజిక్‌ చేసినట్టుగా పోట్రే అయ్యింది. కానీ సినిమాలో అమ్మాయి పవర్‌ యూజ్‌ చేస్తుంది కానీ హీరోలో ఆ క్వాలిటీ లేదు. ఇది నిరాశ పరిచే అంశం. ఈ మూవీ చిన్నారి పాప చుట్టూ తిరుగుతుంది. ఆ పాప ఎవరికీ కనిపించదు, మరి ఆత్మనా? దేవతా? అనే సస్పెన్స్ అంశాలతో సాగుతుంది. సినిమా ద్వారా ఫన్‌ చూపించాలనుకున్నారా? ఎమోషనల్‌గా చూపించాలనుకున్నారా? మ్యాజిక్‌ చుట్టూ తిప్పాలనుకున్నారా అనేది క్లారిటీ మిస్‌ అయ్యింది. సినిమా ప్రారంభంలో హీరో పాత్ర తాలూకు క్యారెక్టరైజేషన్‌ని ఎస్టాబ్లిష్‌ చేశారు. అది కొంత ఫన్‌గా ఉంటుంది. సినిమాపై ఆసక్తిని పెంచుతుంది. కానీ ఆ తర్వాత రొటీన్‌గా మారుతుంది. ఫన్‌ వర్కౌట్ కాలేదు. ఎంగేజ్‌ కూడా చేయలేకపోయింది. ఇక బేబీ దివ్య పాత్ర ఎంట్రీ తర్వాత మరికొంత ఇంట్రెస్టింగ్‌గా మారుతుంది. కానీ ఆ తర్వాత అది కూడా ఏమాత్రం ఆకట్టుకోలేకపోయింది. అసలు ఏం జరుగుతుందో అర్థం కాదు. కథ అక్కడక్కడే తిరుగుతుంది. లాజిక్‌ లెస్‌గానూ అనిపిస్తుంది. అమ్మాయిని అడ్డంపెట్టుకొని డబ్బులు సంపాదించే సీన్‌, కిడ్నాప్‌ సీన్‌, దొంగతనం సీన్లు ఏమాత్రం ఆకట్టుకోలేకపోయాయి. ఇంటర్వెల్‌ బ్యాంగ్‌ కొంత ఆసక్తికరంగా ఉంటుంది. ఆ పాపకి సంబంధించిన ట్విస్ట్ ఆడియెన్స్ కి ముందే అర్థమవుతుంది. కానీ హీరోకి మాత్రం అప్పుడే అర్థమవుతుంది. ఆ ట్విస్ట్ కూడా తేలిపోయింది. కాకపోతే ట్రైన్‌ సీన్‌ కొంతలో కొంత ఫర్వాలేదనిపిస్తుంది. సెకండాఫ్‌ సైతం అదే తరహాలో సాగుతుంది. అమ్మాయిలోని మ్యాజిక్‌ పవర్‌ని అడ్డుపెట్టుకొని హీరో డబ్బులు సంపాదించాలనుకోవడం, విలన్‌ ని ఆడుకోవడం సీన్లు కూడా అలరించలేదు. అమ్మాయి మ్యాజిక్‌ పవర్‌ని ఉపయోగించే సీన్‌ బాగానే ఉంది. క్లైమాక్స్ ఎమోషనల్‌గా ఉంటుంది. అమ్మాయి పాత్ర తాలుకూ ట్విస్ట్, సస్పెన్స్ రివీల్‌ కావడం ఎమోషనల్‌గా ఉంటుంది. ఎండింగ్‌ కూడా ఎమోషనల్‌గా ముగించారు.

అయితే అమ్మాయి పాత్రలోని ఎమోషనల్‌ మొదటి నుంచి క్యారీ అయితే ఆడియెన్స్ ఎంగేజ్‌ అయ్యేవాళ్లు, అది కాకపోవడంతో ఆయా సీన్లు ఏమాత్రం ఆకట్టుకోలేదు కదా, చప్పగా సాగాయి. బోర్‌ ఫీలింగ్‌ తెప్పించాయి. బాగా సాగదీసినట్టుగా ఉన్నాయి. చిన్నారి మ్యాజిక్‌ అనే పాయింట్‌, క్లైమాక్స్, విజువల్స్ సినిమాకి ప్లస్‌గా చెప్పొచ్చు. మిగిలిన అన్నీ మైనస్‌ అనే చెప్పాలి. సినిమాలో విషయం లేకపోవడంలో హీరో పడ్డ కష్టం అంతా వృధానే. మ్యూజిక్‌ ఆకట్టుకోలేకపోయింది. సినిమా లాజిక్‌ లెస్‌గా ఉంది. ఎడిటింగ్‌ ఫర్వాలేదు. నిర్మాణ విలువలు బాగానే ఉన్నాయి. కానీ రాజమౌళి లాంటి దిగ్గజ దర్శకుడికి ఈ సినిమా ఎలా నచ్చింది? ఎన్టీఆర్‌, మహేష్‌ బాబు లాంటి బిగ్‌ స్టార్స్ ని ఇది ఎలా ఆకట్టుకుందనేది ప్రశ్న.

సూరి పాత్రలో ఫహద్‌ ఫాజిల్‌ బాగా నటించాడు. నటుడిగా అదరగొట్టాడు. కానీ డైలాగ్‌ డెలివరీ అసహజంగా ఉంది. కొన్ని మాటలు అర్థం కాలేదు. బేబీ దివ్య పాత్రలో సారా అదరగొట్టింది. ఆ అమ్మాయినే సినిమాకి హీరో. కానీ అమ్మాయి పాత్రలోని ఎమోషన్స్ వర్కౌట్‌ అయితే సినిమా బాగుండేది. ఇక అస్లాంగా మహేష్‌ మంజ్రేకర్‌ ఉన్న కాసేపు మెప్పించారు. పోలీస్‌గా సుబ్బరాజు ఓకే అనిపించాడు. సూరి ఫ్రెండ్‌గా నటించిన వెంకటేష్‌ కాకుమాను ఆకట్టుకున్నాడు. మిగిలిన పాత్రలు జస్ట్ ఓకే అనిపించాయి.

దర్శకుడు శశాంక్‌ ఈ మూవీని ఇటు ఫన్ యాంగిల్‌లో, అటు ఎమోషనల్‌ యాంగిల్‌లోనూ కనెక్ట్ చేయడంలో విఫలమయ్యాడు. కాకపోతే పాయింట్‌ పరంగా కొత్తగా అనిపిస్తుంది. దాన్ని తెరపై ఆవిష్కరించడంలో తడబడ్డాడు. కాలభైరవ మ్యూజిక్‌ పెద్దగా ఇంపాక్ట్ చూపించలేదు. కొన్ని చోట్లు ఆర్‌ఆర్‌ ఓకే అనిపించింది. సినిమా బాగా సాగదీసినట్టుగా ఉంది. ఎడిటింగ్‌ పరంగా కొంత వర్క్ చేయాల్సింది. కెమెరా వర్క్ మాత్రం బాగుంది. నిర్మాణ విలువలకు కొదవ లేదు. సినిమా రిచ్‌గా ఉంది.

క్లైమాక్స్ కాసేపు తప్ప మిగిలినదంతా ట్రబులే. మ్యాజిక్‌ చేయలేకపోయిన `డోంట్‌ ట్రబుల్‌ ది ట్రబుల్‌`.

రేటింగ్‌ 2

Aditya 369 Review: బాలకృష్ణకు గెస్ట్ రోల్ ఇద్దామనుకున్నారు.. అరవ హీరోతో చేయాల్సిన సినిమా.. ఆదిత్య 369 మూవీ రివ్యూ

Mahesh Jujjuri — Sun, 27 Sep 2026 09:03:11 +0530

Aditya 369 Review: బాలకృష్ణ కెరీర్‌లోనే అద్భుతం చేసిన సినిమా 'ఆదిత్య 369'. టైమ్ ట్రావెల్ కథల రుచిని తెలుగువారికి చూపించిన సినిమా ఇది. ఈ మూవీ ఎన్నిసార్లు చూసినా బోర్ కొట్టదు. అసలు ఈ మూవీని బాలయ్యతో కాకుండా ఏ హీరోతో చేయాలని అనుకున్నారో తెలుసా?

తెలుగు చలనచిత్ర పరిశ్రమ చరిత్రలో గుర్తుండిపోయే ప్రయోగాల్లో ‘ఆదిత్య 369’ మూవీ కూడా ఒకటి. 1991లో విడుదలైన ఈ సినిమా, టాలీవుడ్ తెరపై తొలిసారిగా "టైమ్ ట్రావెల్" అనే అద్భుతమైన సైన్స్ ఫిక్షన్ కాన్సెప్ట్‌ను పరిచయం చేసింది. సింగీతం శ్రీనివాసరావు దర్శకత్వంలో, నందమూరి బాలకృష్ణ హీరోగా, మోహిని హీరోయిన్‌గా రూపొందిన ఈ చిత్రం ఒక క్లాసిక్ మాస్టర్‌పీస్.

ఆదిత్య 369 మూవీ కథ విషయానికి వస్తే..

సినిమా కథ ప్రొఫెసర్ రామ్‌దాస్ (టిన్ను ఆనంద్) తయారు చేసిన టైమ్ మెషిన్ చుట్టూ తిరుగుతుంది. ఈ మెషిన్ సాయంతో మనుషులు భూమిపై గతంలోకి - భవిష్యత్తులోకి వెళ్లవచ్చు. రామ్‌దాస్ కూతురు హేమ (మోహిని), ఆమెను ప్రేమించిన కృష్ణకుమార్ (బాలకృష్ణ) అనుకోకుండా ఒక రాత్రి వేళ ఈ టైమ్ మెషిన్‌లోకి ప్రవేశిస్తారు. పొరపాటున మెషిన్ స్టార్ట్ అవ్వడంతో వారు క్రీస్తు శకం 1500 నాటి శ్రీకృష్ణదేవరాయలు ఏలిన విజయనగర సామ్రాజ్యానికి చేరుకుంటారు. అక్కడ కృష్ణదేవరాయలుగా నటించింది కూడా బాలకృష్ణే కావడం విశేషం.

అక్కడ రాయలవారి దర్బార్ సంస్కృతి, రాజకీయం, ఆపదలు ఎదుర్కొని తిరిగి వర్తమానానికి బయలుదేరుతారు. అయితే, దారిలో యంత్రం విఫలమై, వారు క్రీస్తు శకం 2500 (భవిష్యత్తు) కాలానికి వెళ్తారు. మూడో ప్రపంచ యుద్ధం ముగిసిన తర్వాత మానవాళి భూమి లోపల ఎలా జీవిస్తుందో, ఆధునిక ప్రొఫెసర్ భట్ భట్ తయారు చేసిన రోబోలతో నిండిన ప్రపంచాన్ని చూసి తిరిగి వర్తమానానికి ఎలా వచ్చారనేదే ఈ సినిమా కథ.

‘ఆదిత్య 369’ కేవలం సైన్స్ ఫిక్షన్ మాత్రమే కాదు; ఇందులో సైన్స్, ఇతిహాసం, కామెడీ, యాక్షన్, రొమాన్స్ కలగలిపి అద్భుతంగా ప్రెజెంట్ చేశారు. శ్రీకృష్ణదేవరాయల సమయాన్ని చూపించిన సీన్స్ చాలా బాగున్నాయి. రాయలవారి ఆస్థానం, భువనవిజయం, అష్టదిగ్గజాల కవిత్వాలు, వజ్రాల దొంగతనం వంటి అంశాలు ప్రేక్షకులను పాతకాలానికి తీసుకెళ్తాయి. అంతే కాదు, భవిష్యత్తు ప్రపంచాన్ని చూపించడంలో సింగీతం శ్రీనివాసరావు ఊహాశక్తి అద్భుతం. కంప్యూటర్ ఆధారిత వ్యవస్థ, రోబోలు, కొత్త రకం దుస్తులు, రాకెట్ తరహా వాహనాలు ప్రేక్షకులకు సరికొత్త అనుభూతిని అందించాయి. ఈ సినిమా కథకు తగ్గట్టుగా ఇళయరాజా అందించిన సంగీతం ఈ సినిమాకు ప్రాణం పోసింది. 'రాస లీల వేళ', 'జానవులే..' లాంటి పాటలు ఇప్పటికీ తెలుగు ఆడియన్స్‌ను అలరిస్తూనే ఉన్నాయి.

ఈ సినిమాలో నందమూరి బాలకృష్ణ ద్విపాత్రాభినయంలో రాణించారు. కృష్ణకుమార్‌గా నవయువకుడి ప్రతిభ చూపిస్తూనే, శ్రీకృష్ణదేవరాయలుగా ఆయన పలికించిన రాజసం, సంభాషణలు నందమూరి అభిమానులను మాత్రమే కాక సగటు ప్రేక్షకుడిని మెప్పించాయి. హీరోయిన్‌గా మోహిని నటనతో ఆకట్టుకుంది. ప్రొఫెసర్ రామ్‌దాస్‌గా టిన్ను ఆనంద్ నటన అద్భుతం. అన్నపూర్ణమ్మ, చంద్రమోహన్, శుభలేఖ సుధాకర్, సిల్క్ స్మిత, చలపతిరావు, సుత్తివేలు.. ఇలా స్టార్ కాస్ట్ అంతా తమ పాత్రల పరిధి మేర అద్భుతంగా నటించి మెప్పించారు.

ఈ సినిమాను మొదట మల్టీస్టారర్ మూవీగా రూపొందించాలని సింగీతం శ్రీనివాసరావు భావించారు. వర్తమానంలో ఉండే కుర్రాడి పాత్రకు ఒక హీరోని, శ్రీకృష్ణదేవరాయల పాత్రకు మరొక సీనియర్ స్టార్ హీరోని అనుకున్నారు. అయితే రాయలవారి పాత్రకు బాలకృష్ణ అయితేనే సంభాషణలు, రాజసం సరిగ్గా సెట్ అవుతాయని భావించారు. అంతేకాకుండా, ద్విపాత్రాభినయం (Double Role) చేస్తే ప్రేక్షకులకు థ్రిల్ పెరుగుతుందని భావించి మల్టీస్టారర్ ఆలోచనను విరమించుకున్నారు.

ఏ హీరోతో చేయాలనుకున్నారు?

సింగీతం శ్రీనివాసరావు టైమ్ ట్రావెల్ కాన్సెప్ట్ అనుకున్న కొత్తలో, బాలకృష్ణ కంటే ముందు కమల్ హాసన్‌తో ఈ సినిమా చేయాలని అనుకున్నారనే వార్తలు ప్రచారంలో ఉండేవి. అయితే, సింగీతం గారు స్వయంగా ఎస్.పి. బాలసుబ్రహ్మణ్యం ద్వారా నిర్మాత ఎస్. గోపాల్ రెడ్డి వద్దకు ఈ కథ తీసుకెళ్లడం, బాలకృష్ణ వినగానే ఓకే చెప్పడంతో ఈ ప్రాజెక్ట్ బాలయ్య ఖాతాలోకి వెళ్లిపోయింది.

1990ల కాలంలో ఎటువంటి గ్రాఫిక్స్ లేవు. ఆర్ట్ డైరెక్టర్ పేకేటి రంగా రూపొందించిన సెట్స్ ఈ సినిమాకు ప్రాణం పోశాయి. భవిష్యత్తు కాలం కోసం వేసిన కప్పబడిన నగర సెట్స్, పాతకాలం నాటి విజయనగర కోట సెట్స్ ప్రేక్షకుల ప్రశంసలు అందుకున్నాయి. శ్రీకృష్ణదేవరాయల గెటప్ కోసం బాలకృష్ణ గంటల తరబడి మేకప్ రూమ్‌లోనే గడిపేవారు. ఆభరణాలు, కిరీటం, పట్టు వస్త్రాలు ధరించి షూటింగ్ చేయడం చాలా శ్రమతో కూడుకున్నది. అయినా కానీ నందమూరి వంశ ప్రతిష్టను నిలబెట్టేలా బాలయ్య ఆ పాత్రలో జీవించారు. ఈ సినిమాకు ప్రస్తుతం సీక్వెల్ చేసే ప్లాన్‌లో ఉన్నట్టు తెలుస్తోంది. అసలు బాలయ్య తనయుడు మోక్షజ్ఞ ఈ మూవీతోనే ఎంట్రీ ఇస్తాడన్న ప్రచారం జరిగింది. బాలకృష్ణ స్వయంగా డైరెక్ట్ చేస్తాడని కూడా అంటున్నారు.

కథ సిద్ధమయ్యాక దివంగత మాజీ ముఖ్యమంత్రి ఎన్.టి.రామారావుకి వినిపించారు. ఆయన కథలోని సైన్స్ ఫిక్షన్, పౌరాణిక కలయికను మెచ్చుకుని, "ఈ సినిమా తప్పకుండా హిట్ అవుతుంది, బాలయ్యకు కొత్త ఇమేజ్ వస్తుంది" అని దీవించారు. ‘ఆదిత్య 369’ కేవలం ఒక సినిమా మాత్రమే కాదు, తెలుగు చిత్రసీమ గర్వించదగ్గ ఒక దృశ్య కావ్యానికి తార్కాణం. ఆధునిక సాంకేతికత అందుబాటులో లేని రోజుల్లోనే అంతటి సాంకేతిక ప్రతిభతో, అద్భుతమైన కాన్సెప్ట్‌తో తెరకెక్కించిన సింగీతం శ్రీనివాసరావు సాహసానికి, బాలకృష్ణ నటనకు ఈ సినిమా నిదర్శనం. ఇప్పటికి ఎన్నో ఏళ్లు గడిచినా, ఈ సినిమా రీ-రిలీజ్ అయినా లేదా టీవీల్లో వచ్చినా ప్రేక్షకులు ఇప్పటికీ కళ్లప్పగించి చూస్తారనడంలో సందేహం లేదు. ఈ మూవీ చూడాలనుకునేవారికి యూట్యూబ్‌లో అందుబాటులో ఉంది.

Thella Kagitham Movie Review: తెల్ల కాగితం మూవీ రివ్యూ.. టీనేజ్ ప్రేమలో తప్పు చేస్తే ఏం జరుగుతుందో తెలుసా?

Aithagoni Raju — Fri, 02 Oct 2026 16:07:17 +0530

కోర్ట్ మూవీ ఫేమ్‌ హర్ష్‌ రోషన్‌, కొత్త అమ్మాయి నక్షత్ర జంటగా నటించిన చిత్రం `తెల్ల కాగితం`. టీనేజ్‌ లవ్‌ లోని తప్పులను బేస్‌ చేసుకొని తీసిన ఈ మూవీ ఎలా ఉందంటే?

టీనేజ్ ప్రేమకథలు తెలుగు ప్రేక్షకులకు కొత్తేమీ కాదు. తెలిసీ తెలియని వయసులో ప్రేమలో పడటం, ఆ వయసులో తీసుకునే నిర్ణయాలు జీవితాలను ఎలా ప్రభావితం చేస్తాయనే అంశాలతో గతంలో ఎన్నో సినిమాలు వచ్చాయి. ఇప్పుడు అదే తరహా కథాంశంతో తెరకెక్కిన చిత్రం ‘తెల్ల కాగితం’. హర్ష్ రోషన్, నక్షత్ర జంటగా రమేష్ బండ్రెడ్డి దర్శకత్వంలో రూపొందిన ఈ సినిమా నేడు శుక్రవారం (అక్టోబర్ 2న) ప్రేక్షకుల ముందుకు వచ్చింది. అరుణాచల క్రియేషన్స్ పతాకంపై కృష్ణ కొమ్మలపాటి నిర్మించారు. మరి టీనేజ్ ప్రేమ, ఆ వయసులో చేసే తప్పులు, వాటి పరిణామాల నేపథ్యంలో తెరకెక్కిన ఈ సినిమా ప్రేక్షకులను ఎంతవరకు ఆకట్టుకుంది? `కోర్ట్` ఫేమ్‌ హర్ష్‌ రోషన్‌కి మరో హిట్‌ పడిందా అనేది రివ్యూలో తెలుసుకుందాం.

భీమవరం పరిసర ప్రాంతాల్లోని ఓ గ్రామంలో రాము (హర్ష్ రోషన్) తన అన్న, వదినల(శరణ్య)తో కలిసి జీవిస్తుంటాడు. చిన్నతనంలోనే తల్లిదండ్రులను కోల్పోవడంతో అన్నా వదినలే అతడికి అన్నీ అవుతారు. అదే ఊరిలో మెడికల్ షాప్ నడుపుతూ నిజాయితీగా జీవించే మూర్తి (అజయ్) ఉంటాడు. ఆయన కూతురు ఆశ (నక్షత్ర) కూడా రాము చదివే పాఠశాలలోనే చదువుతుంటుంది. స్కూల్లో ఈ ఇద్దరు టిఫిన్స్ మార్చుకుంటారు. ఆ విధంగా ఏర్పడిన వీరి పరిచయం పదో తరగతి చదువుతున్న సమయంలోనే రాము, ఆశ ప్రేమలో పడతారు. అయితే టీనేజ్ వయసులో ఉండే తెలియని ఆలోచనలు, అపరిపక్వత కారణంగా రాము ఓ తప్పటడుగు వేస్తాడు. మావయ్య (రాజ్ కుమార్ కసిరెడ్డి) చెప్పిన మాటలు విని ఆశతో శారీరకంగా దగ్గరవ్వాలని ప్రయత్నిస్తాడు. మొదట ఆశ నిరాకరించినా, రాము తనకు దూరమవుతాడనే భయంతో ఆమె కూడా అంగీకరిస్తుంది. ఆ తర్వాత వీరిద్దరి జీవితాల్లో ఎలాంటి పరిణామాలు చోటుచేసుకున్నాయి? చిన్న వయసులో చేసిన తప్పు వారి భవిష్యత్తును ఎలా మార్చేసింది? అనేదే మిగతా కథ.

టీనేజ్‌లో ప్రేమ, ఆకర్షణ, అపరిపక్వ నిర్ణయాలు, వాటి పర్యవసానాలు అనే పాయింట్‌తో దర్శకుడు రమేష్ బండ్రెడ్డి మంచి కథను ఎంచుకున్నారు. ముఖ్యంగా 15 నుంచి 18 ఏళ్ల మధ్య వయసులో పిల్లలకు చాలా విషయాలపై స్పష్టత ఉండదు. ఏది సరైన నిర్ణయం, ఏది తప్పు అనే విషయంలో తడబడుతుంటారు. ఈ అంశాన్ని రాము, ఆశ పాత్రల ద్వారా చూపించే ప్రయత్నం బాగుంది. ప్రథమార్థంలో స్కూల్ లవ్, అమాయకమైన ప్రేమ సన్నివేశాలు ఆకట్టుకుంటాయి. అయితే కథ ముందుకు సాగుతున్న కొద్దీ కొన్ని సన్నివేశాలు తేలిపోయినట్లు అనిపిస్తాయి. పదో తరగతి చదివే కుర్రాడికి కండోమ్ అంటే తెలియకపోవడం, దాన్ని బుడగగా భావించి ఊదే సన్నివేశం కొంత నవ్విస్తాయి. హీరో ఫ్రెండ్స్ చేసే పనులు, డైలాగ్‌లు నవ్విస్తాయి. మధ్య మధ్యలో టీనేజ్‌ లవ్‌కి సంబంధించిన సన్నివేశాలు అలరిస్తాయి. అప్పటి రోజులను గుర్తు చేస్తాయి. సీడీలో అలాంటి సినిమాలు చూడటం, మొదటి ముద్దు, ప్రేమ కోసం ఫిజికల్‌గా కలిసే సీన్లు ఆకట్టుకుంటాయి. టీనేజ్ పిల్లల అపరిపక్వతను చూపించాలనే ప్రయత్నం అర్థమైనా, కొన్ని సన్నివేశాలను మరింత సహజంగా తెరకెక్కించాల్సింది. ఇంటర్వెల్‌లో వచ్చే ప్రెగ్నెన్సీ టెస్ట్ సన్నివేశం కథలో ఆసక్తిని పెంచుతుంది. పీరియడ్స్ కి సంబంధించిన సీన్‌ నవ్విస్తుంది. అక్కడి నుంచి ఏం జరగబోతోందనే ఉత్కంఠ మొదలవుతుంది. ఫస్టాఫ్‌తో కథ అయిపోయింది. ప్రెగ్నెన్సీని తీయడమా? కంటిన్యూ చేయడమా? అనేదే మ్యాటర్‌. దాని చుట్టూనే సెకండాఫ్‌ అంతా నడుస్తుంది. అయితే సెకండాఫ్‌లో కొన్ని చోట్ల కథనం నెమ్మదిస్తుంది. ప్రెగ్నెన్సీ తర్వాత హీరో హీరోయిన్‌ తప్పు మీద తప్పు చేయడం కొంత ఉత్కంఠగా మారుతుంది. ఈ క్రమంలో చోటు చేసుకునే సీన్లు ఎంగేజ్‌ చేసినా, ఆ తర్వాత సాగదీసినట్టుగా ఉంటుంది. సినిమాలో ఫన్‌ సీన్లు కొన్ని చోట్ల మాత్రమే వర్కౌట్‌ అయ్యాయి. సెకండాఫ్‌ మొత్తం స్లోగా సాగుతుంది. ఇది బోరింగ్‌ తెప్పిస్తుంది. సినిమాలో డ్రామా పండలేదు. లవ్ సీన్లలోనూ డెప్త్ లేదు. చివరి 20 నిమిషాల్లో మాత్రం సినిమా బలంగా నిలబడుతుంది. చిన్న తప్పు జీవితాలను ఎంతగా ప్రభావితం చేస్తుందో చూపించిన తీరు ఆలోచింపజేస్తుంది. ముఖ్యంగా క్లైమాక్స్‌లో ఇచ్చిన భావోద్వేగ ముగింపు సినిమాకు ప్రధాన బలం. ముగింపు బాధ కలిగించినా ఆడియెన్స్ కి కిక్‌ ఇవ్వలేకపోయింది. రొటీన్‌ ఫీలింగ్‌ ని తెప్పిస్తుంది. ఇలాంటి కథలతో చాలా సినిమాలే వచ్చాయి. దీంతో పెద్దగా కొత్తగా లేదు. వాటితో పోల్చితే ఇందులో ఎమోషన్స్ లేవు, డ్రామా ఆకట్టుకోలేకపోయింది. రొమాంటిక్‌గానూ అనిపించలేదు. మెయిన్‌గా ఫీల్‌ మిస్‌ అయ్యింది.

‘కోర్ట్’ తర్వాత హర్ష్ రోషన్ మరోసారి మంచి నటనతో ఆకట్టుకున్నాడు. చలాకీగా ఉండే కుర్రాడిగా, అమాయకమైన ప్రేమికుడిగా రెండు కోణాల్లోనూ మెప్పించాడు. ముఖ్యంగా చివరి భాగంలో భావోద్వేగ సన్నివేశాల్లో అతడి నటన బాగుంది. నక్షత్ర కూడా ఆశ పాత్రలో చక్కగా నటించింది. హర్ష్ రోషన్‌తో ఆమె కెమిస్ట్రీ సహజంగా ఉంది. హీరోయిన్ తండ్రి మూర్తిగా అజయ్ తన అనుభవంతో పాత్రకు బలం చేకూర్చారు. సినిమాలో ఆయన పాత్ర ప్రత్యేక ఆకర్షణగా నిలుస్తుంది. వదిన పాత్రలో శరణ్య ప్రదీప్ మంచి నటన కనబరిచారు. హీరో స్నేహితుడిగా నటించిన యువకుడితో పాటు మిగిలిన నటీనటులు తమ పరిధి మేరకు మెప్పించారు.

విజయ్ బుల్గానిన్ సంగీతం సినిమాకు ప్లస్ పాయింట్. ‘చిలకా’ పాట ఇప్పటికే ప్రేక్షకుల్లో గుర్తింపు తెచ్చుకుంది. నేపథ్య సంగీతం కూడా భావోద్వేగ సన్నివేశాలకు చక్కగా సరిపోయింది. కె.వి. గుహన్ సినిమాటోగ్రఫీ బాగుంది. నిర్మాణ విలువలు కథకు తగ్గట్టుగా ఉన్నాయి. అయితే ఎడిటింగ్ విషయంలో మరింత శ్రద్ధ తీసుకోవాల్సింది. కొన్ని పునరావృత సన్నివేశాలను కత్తిరించి ఉంటే కథనం మరింత వేగంగా సాగేది. దర్శకుడు రమేష్ బండ్రెడ్డి మంచి పాయింట్‌ను ఎంచుకున్నప్పటికీ, టేకింగ్‌లో ఇంకాస్త మెరుగ్గా వ్యవహరించి ఉంటే సినిమా బాగుండేది. మొత్తంగా ఆడియెన్స్ ని ఆకట్టుకోవడంలో తడబడిందని చెప్పొచ్చు.

టీనేజ్ ప్రేమలో చేసే తప్పులకు సంబంధించిన సందేశం బాగున్నా, దాన్ని అంతే బాగా తెరకెక్కించడంలో దర్శకుడు, ఆడియెన్స్ ని ఆకట్టుకోవడంలో మూవీ తడబడింది.

రేటింగ్ : 2

Pithapuramlo Ala Modalaindi Review: పిఠాపురంలో అలా మొదలైంది మూవీ రివ్యూ.. కూతురిని ఎలా పెంచాలంటే?

Aithagoni Raju — Fri, 18 Sep 2026 12:42:48 +0530

Pithapuramlo Ala Modalaindi Review: రాజేంద్రప్రసాద్‌ ప్రధాన పాత్రలో నటించిన మూవీ `పిఠాపురంలో అలా మొదలైంది`. టైటిల్‌తోనే బజ్‌ క్రియేట్‌ చేసుకున్న ఈ మూవీ నేడు ఆడియెన్స్ ముందుకు వచ్చింది. మరి సినిమా ఎలా ఉందంటే?

రాజేంద్రప్రసాద్‌, పృథ్వీరాజ్‌ ప్రధాన పాత్రధారులుగా `పిఠాపురంలో అలా మొదలైంది` అనే సినిమాలో నటించారు. దీనికి మహేష్‌ చంద్ర దర్శకుడు కావడం విశేషం. ఇందులో కేదార్ శంకర్, మణిచందన, అన్నపూర్ణమ్మ, సన్నీ అఖిల్, విరాట్, సాయి ప్రణీత్, శ్రీలు, ప్రత్యూష, రెహానా ప్రధాన పాత్రలు పోషించారు. ఈ సినిమాని మహేష్ చంద్ర సినిమా టీమ్, ఎవర్ గ్రీన్ ఎపిక్ సినిమా సంయుక్త నిర్మాణంలో దుండిగళ్ళ బాలకృష్ణ, ఆకుల సురేష్ పటేల్, ఎఫ్.ఎం. మురళి (గోదారి కిట్టయ్య) నిర్మించారు. ప్రముఖ నిర్మాణ సంస్థ ప్రైమ్ షో ఎంటర్టైన్మెంట్ ఈ చిత్రాన్ని విడుదల చేశారు. నేడు శుక్రవారం ( సెప్టెంబర్ 18న ) విడుదలైంది. మరి ఈ చిత్రం ఎలా ఉందనేది రివ్యూలో తెలుసుకుందాం.

పిఠాపురంలో ఊరి ప్రెసిడెంట్‌గా వీర రాఘవయ్య(రాజేంద్రప్రసాద్‌)నే దాదాపు 20ఏళ్లుగా ఎన్నుకుంటారు అక్కడి ప్రజలు. ఆయన చేసే మంచి ఆ స్థాయిలో ఉంటుంది. ఆయనకు బంగారయ్య(30 ఇయర్స్ పృథ్వీ), విశ్వనాథ్‌(కేదార్‌ శంకర్‌) స్నేహితులు. బంగారయ్య ఊర్లో బాగా రిచ్‌. అమ్మాయిల పిచ్చి. స్టేటస్‌ కోసం ఎంత ఖర్చు అయినా పెడతాడు. విశ్వనాథ్‌ స్కూల్‌ టీచర్. మరీ స్ట్రిక్ట్. అది ఇంట్లో అయినా, స్కూల్లో అయినా, ఆయనంటే అందరికి భయం. వీర రాఘవయ్యకి, బంగారయ్యకి, విశ్వనాథ్‌కి కూతుర్లుంటారు. వీరి పేర్లు అంజని(ప్రత్యూష పనస), కీర్తి(షేక్‌ రెహానా), గీత(శ్రీలు). ఈ ముగ్గురు క్లాస్‌మేట్స్. రాఘవయ్య తన కూతురుని మంచి చెడు చెబుతూ పెంచుతాడు. మార్కులు, ర్యాంకులే ముఖ్యం కాదు, నాలెడ్జ్ ముఖ్యమంటాడు. బంగారయ్య.. తన కూతురు బాగా రిచ్‌గా, లగ్జరీగా ఉండాలని కోరుకుంటాడు. ఫుల్‌ ఫ్రీడమ్‌ ఇస్తాడు. ఇష్టం వచ్చినట్టు డబ్బులు ఇస్తాడు. దీంతో ఆమె లగ్జరీకి అలవాటు పడుతుంది. చెడుదారులు ఎంచుకుంటుంది.

ఇక విశ్వనాథ్‌ మరీ స్ట్రిక్ట్ కావడంతో కూతురుకి 95శాతం మార్కులు వచ్చినా కూడా వంద శాతం రాలేదని వేదిస్తుంటాడు. దీంతో ఆమె ప్రేమ ఆప్యాయత పంచిన అబ్బాయితో ప్రేమలో పడుతుంది. కీర్తి.. స్టయిలీష్‌గా బైక్‌ నడిపిన కుర్రాడితో లేచిపోతుంది. కానీ అంజని మాత్రం తండ్రి అడుగు జాడలో పెరుగుతుంది. ఆమె కూడా ఒక వ్యక్తిని ప్రేమిస్తుంది. కానీ దాన్ని పెద్దలకు చెబుతుంది. మరి అంజని ప్రేమని రాఘవయ్య ఎలా తీసుకున్నాడు? పెళ్ళి చేశాడా? నో చెప్పాడా? పేరెంట్స్ చేసిన మిస్టేక్స్ వల్ల గీత, కీర్తి ఎలాంటి తప్పులు చేశారు? వారి లైఫ్‌ ఎలాంటి మలుపులు తీసుకుంది? చివరికి కూతురుని పెంపకంలో ఇచ్చిన సందేశం ఏంటి? అనేది సినిమా.

నేటి ప్రపంచంలో పిల్లల్ని, ముఖ్యంగా కూతుళ్లని ఎలా పెంచాలనే పాయింట్‌ని బేస్‌ చేసుకొని రూపొందిన చిత్రమిది. మహేష్‌ చంద్ర దీన్నొక ఫ్యామిలీ ఎంటైర్‌టైనర్‌గా రూపొందించారు. తండ్రి కూతుళ్ల మధ్య బాండింగ్‌ని ఆవిష్కరించారు. అతి గారాబం, అతి స్వేచ్ఛ ఎలాంటి అనర్థాలను తీసుకొస్తుందనేది, అదే సమయంలో అతి కఠినం ఎలాంటి నష్టాలకు కారణమవుతుంది. ఈ తీరు పిల్లలపై ఎలాంటి ప్రభావం చూపిస్తుందనే పాయింట్‌ని, సందేశాత్మకంగా చెప్పే ప్రయత్నం చేశారు దర్శకుడు. పాయింట్ బాగుంది, కానీ సినిమాగా తెరపై ఆవిష్కరించిన తీరే ఆకట్టుకునేలా లేదు. మేకింగ్‌ క్వాలిటీ లేదు. అదే సమయంలో డైరెక్షన్‌ పరంగానూ క్వాలిటీ మిస్‌ అయ్యింది. ఇరవై ముప్పై ఏళ్లనాటి స్టయిల్‌ స్క్రీన్‌ప్లేతో దీన్ని తెరకెక్కించారు.

ప్రారంభం నుంచి సినిమా ఓవర్‌ డ్రామాగా సాగుతుంది. ప్రతి సీన్‌ ఆర్టిఫీషియల్‌గా ఉంది. ఏమాత్రం ఆకట్టుకునేలా లేదు. సీన్లల్లో సహజత్వం లేదు. దీనికితోడు సాగదీసినట్టుగా ఉంది. ప్రతిదీ డిటెయిలింగ్‌గా చూపించే ప్రయత్నం చేశారు. దీంతో ఇది సీరియల్‌ని తలపిస్తుంది. పైగా మంచికి మరోపేరు అనేలా వీరరాఘవయ్య పాత్రని ఎస్లాబ్లిష్‌ చేశారు. అందులోనూ డ్రామా పండలేదు. నాటకీయత ఎక్కువగా ఉంటుంది. సినిమాలో మెయిన్‌గా ఒక ఎమోషన్‌ మిస్‌ అయ్యింది. సీన్లు ఏమాత్రం పండలేదు. వాటిని ఆడియెన్స్ కి కనెక్ట్ చేయడంలో దర్శకుడు విఫలమయ్యాడు. సినిమా ఏదైనా, దాని తాలుకూ సోల్‌, ఎమోషన్‌, ఫీల్‌ క్యారీ అవ్వాలి, అది ఆడియెన్స్ కి కనెక్ట్ అవ్వాలి. అప్పుడే ఆడియెన్స్ సినిమాలో లీనమవుతారు. ఆయా పాత్రలతో జర్నీ చేస్తారు. అవి పండలేదంటే తెరపై సీన్లు మాత్రమే, ఇంకా చెప్పాలంటే బొమ్మలు మాత్రమే కనిపిస్తుంటాయి. వాటిలో జీవం ఉండదు. ఈ మూవీని చూస్తుంటే అదే ఫీలింగ్‌ కలుగుతుంది.

మధ్యలో పిఠాపురం గొప్పతనం, పవన్‌ కళ్యాణ్‌ గొప్ప తనం చెప్పే సీన్‌ మరీ ఇరికించినట్టుగా ఉంది. చూడ్డానికి కూడా అది ఓవర్‌గా ఉంది. ఫస్టాఫ్‌ బోరింగ్‌గా సాగుతుంది. అక్కడక్కడే తిరుగుతుంది. మరోవైపు సెకండాఫ్‌ ముగ్గురు అమ్మాయిల పాత్రల తాలుకూ తప్పులను చూపించారు. వారు మోసపోయిన తీరుని ఆవిష్కరించారు. ఆయా సీన్లు సాగదీసినట్టుగా ఉంటాయి. చివర్లో మాత్రం ఎమోషన్స్ క్యారీ అయ్యింది. పిల్లలు, తల్లిదండ్రులు తాము చేసిన తప్పులు తెలుసుకునే సీన్లు భావోద్వేగంగా ఉంటాయి. క్లైమాక్స్ మాత్రమే ఈ మూవీకి ప్లస్ గా చెప్పొచ్చు.

రాజేంద్రప్రసాద్‌ వీర రాఘవయ్య పాత్రలో ఒదిగిపోయాడు. యాప్ట్ గా నిలిచారు. తనదైన నటనతో మెప్పించారు. ఊరికే కాదు, సినిమాకి పెద్దగా నిలిచారు. కాకపోతే ఆయన పాత్రలోని డ్రామా కొంత డోస్‌ పెరిగినట్టు అనిపిస్తుంది. ఇక మాస్టర్‌గా కేదార్‌ శంకర్‌ ఓకే అనిపించారు. చాలా చోట్ల ఆయన పాత్ర తీరుతెన్నులు అసహజంగా అనిపిస్తాయి. పృథ్వీ తన బంగారయ్య పాత్రలో ఒదిగిపోయి నటించాడు. పిల్లలుగా అంజనిగా ప్రత్యూష, కీర్తిగా రెహానా, గీతగా శ్రీలు సైతం మెప్పించారు. మిగిలిన పాత్రధారులు ఓకే అనిపించారు. అయితే నటీనటులనుంచి సహజమైన నటనని రాబట్టుకోవడంలో దర్శకుడు సక్సెస్‌ కాలేకపోయారనిపిస్తుంది.

జీసీ క్రిష్‌ సంగీతం ఏమాత్రం ఆకట్టుకునేలా లేదు. విజువల్స్ జస్ట్ ఓకే అనిపిస్తాయి. బి సత్యనారాయణ ఎడిటింగ్‌ ఫర్వాలేదు. కాకపోతే సీన్‌కి సీన్‌కి లింక్‌ కుదరలేదు. దర్శకుడు మహేష్‌ చంద్ర ఎంచుకున్న పాయింట్‌ బాగానే ఉంది, దాన్ని ఈ ట్రెండ్‌కి తగ్గట్టుగా తీయడంలో, ఆకట్టుకునేలా తెరకెక్కించడంలో విఫలమయ్యారు. కూతురుని ఎలా పెంచాలనే విషయం సందేశాత్మకంగా చెప్పాలనుకున్నా, ఆయన చెప్పిన తీరుతో ఆ సందేశం తేలిపోయింది.

ఫైనల్‌గా:

సీరియల్‌ని తలపించే `పిఠాపురంలో అలా మొదలైంది`. బోరింగ్‌ ఫ్యామిలీ డ్రామా.

రేటింగ్‌: 1.5

Paradise Movie Review: ప్యారడైజ్‌ మూవీ రివ్యూ.. నాని విశ్వరూపం ఓకే.. కానీ అసలు సినిమా ఎలా ఉందంటే?

Aithagoni Raju — Thu, 24 Sep 2026 03:24:05 +0530

నాని హీరోగా రూపొందిన మూవీ `ది ప్యారడైజ్‌`. శ్రీకాంత్‌ ఓడెల దర్శకత్వంలో తెరకెక్కిన ఈ చిత్రం నేడు గురువారం(సెప్టెంబర్‌ 24)న విడుదలైంది. మరి సినిమా ఎలా ఉందంటే?

నాని, శ్రీకాంత్‌ ఓడెల కాంబినేషన్‌లో వస్తోన్న మూవీ `ది ప్యారడైజ్‌`. `దసరా` తర్వాత వీరి కాంబినేషన్‌లో తెరకెక్కిన చిత్రమిది. ఇందులో మోహన్‌ బాబు, రాఘవ్‌ జుయల్‌ విలన్లుగా నటించార. కయాదు లోహర్‌ హీరోయిన్‌గా నటిస్తోంది. సంపూర్నేష్‌ బాబు కీలక పాత్ర చేశారు. ఎస్‌ఎల్‌వీ సినిమాస్‌ పతాకంపై సుధాకర్‌ చెరుకూరి నిర్మించారు. టీజర్‌, పాటలతోనే సినిమాపై భారీ అంచనాలు నెలకొన్నాయి. ట్రైలర్‌ రిలీజ్‌ చేయకపోయినా హైప్‌ మాత్రం ఒక రేంజ్‌లో ఉంది. అడ్వాన్స్ బుకింగ్స్ లో సినిమా దుమ్మురేపుతోంది. ఈ క్రమంలో తాజాగా నేడు గురువారం(సెప్టెంబర్‌ 24)న సినిమా విడుదలైంది. ముందుగా ప్రీమియర్స్ ప్రదర్శించారు. మరి సినిమా ఎలా ఉంది? నాని మరో బ్లాక్‌ బస్టర్‌ అందుకున్నాడా? శ్రీకాంత్‌ ఓడెల అదరగొట్టాడా? మోహన్‌బాబు విలన్‌గా విశ్వరూపం చూపించాడా? ఓవరాల్‌గా సినిమా ఎలా ఉందనేది రివ్యూలో తెలుసుకుందాం.

ప్యారడైజ్‌ ప్రాంతంలోకి సవారీలు కొన్నేళ్ల క్రితం వలస వస్తారు. దేశానికి స్వాతంత్ర్యం వచ్చినా వాళ్లకి మాత్రం రాలేదు. ఇంకా బానిసలుగానే బతుకుతారు. కనీసం గుర్తింపు కూడా లేదు. వాళ్లని శికంజి మాలిక్‌(మోహన్‌ బాబు) ఫ్యామిలీ బానిసలుగానే చూస్తుంది. తమ కాళ్ల కింది వాళ్లులాగే ట్రీట్‌ చేస్తారు. కాదని తిరగబడితే ఊచకోతే. దీంతో ఆ భయానికి ఎవరూ వారికి ఎదురుతిరిగే ప్రయత్నం చేయరు. కానీ తమ గుర్తింపు కోసం సమ్మక్క(సోనాలి కులకర్ణి) సారథ్యంలోని సవారీలు కొన్నేళ్లుగా పోరాడుతూనే ఉంటారు. ఓ సారి తన భర్త చనిపోయినప్పుడు నిండు గర్భంతో ఉన్న సమ్మక్క అతని శవంతో ప్రభుత్వ ఆఫీస్‌ ముందు తమ గుర్తింపు కోసం ధర్నా చేస్తుంది. దీంతో రంగంలోకి దిగిన మాలిక్‌ ఆమెకి కరెంట్‌ షాక్‌ పెడతాడు. ఆ బాధలో కవలలకు జన్మనిస్తుంది సమ్మక. అందులో కూతురు చనిపోగా, కొడుకు బతుకుతాడు. అతనే జడల్‌(నాని). కూతురు చనిపోయి కొడుక్కి ప్రాణం పోసిందని అతనికి జడలు వేసి పెంచుతుంది వాళ్లమ్మ. కానీ అమ్మ చేసిన తప్పుకి జడల్ ఆమెని అసహ్యించుకుంటాడు.

14ఏళ్లపాటు జైల్లో ఉన్నా కూడా ఆమెని ద్వేషిస్తూనే ఉంటాడు. జైలు నుంచి వచ్చినా కూడా ఆమెని ద్వేషిస్తూనే ఉంటాడు. గుర్తింపు కోసం కలెక్టర్‌ ద్వారా ప్రయత్నించిన నేపథ్యంలో మాలిక్‌ కొడుకు(రాఘవ్‌) వచ్చి ఊరు జనాలను ఇబ్బంది పెడతాడు. అమ్మని అందరిలోనూ అవమానిస్తాడు. తల్లి గురించి నిజాలు తెలుసుకున్న జడల్‌.. ఆమె కోసం ఏం చేశాడు? తమ సవారిల గుర్తింపు కోసం ఎలాంటి తిరుగుబాటు చేశాడు? ఇంతకి తల్లి చేసిన తప్పేంటి? మాలిక్‌ జడల్‌ని ఎందుకు అవమానించాడు? సుబ్బు(కయాదు లోహర్‌)తో ప్రేమ కథేంటి? బిర్యానీకి జడల్‌ అవమానానికి ఉన్న సంబంధం ఏంటి? ఇందులో కేసీఆర్, ఎన్టీఆర్‌ల పాత్రేంటి? చివరికి సవారీల తిరుగుబాటు, జడల్‌ పోరాటం ఫలించిందా లేదా? అన్నది సినిమా కథ.

తమ గుర్తింపు కోసం ప్యారడైజ్‌లోని సవారీలు చేసిన తిరుగుబాటు, సవారీల నాయకుడు జడల్ చేసిన పోరాటం ప్రధానంగా సాగే మూవీ. ఇదొక ఫిక్షన్‌ స్టోరీ. కానీ కొన్ని రియల్‌ ఎలిమెంట్లని మేళవించడం విశేషం. సినిమా ఓ వైపు తమ గుర్తింపు కోసం సవారీలు చేసే తిరుగుబాటు చుట్టూ, మరోవైపు తల్లికొడుకుల మధ్య బాండింగ్‌ చుట్టూ తిరుగుతుంది. దీనికి మించిన యాక్షన్‌ ప్రధానంగా నడుస్తుంది. అందులోనే లవ్‌ ట్రాక్‌ కూడా ఉంటుంది. మరోవైపు రియల్‌ రాజకీయాలకు సంబంధించిన ఎలిమెంట్లు ఉన్నాయి.

కథగా ఇది చాలా డెప్త్ ఉన్న స్టోరీ. కానీ దాన్ని అంతే అర్థవంతంగా తెరకెక్కించడంలో కొంత తడబాటు కనిపిస్తుంది. ప్రారంభంలో శికంజి మాలిక్‌ పాత్రల పరిచయం, వారి నేపథ్యం, అలాగే సవారీలు వలస రావడం, 200 ఏళ్లుగా బానిసలుగానే ఉండటమనే ఎలిమెంట్లని పరిచయం చేసిన తీరు బాగుంది. అది మూవీపై ఆసక్తిని పెంచింది. సవారీల పోరాటం, వారి స్ట్రగుల్స్, జడల్‌ పాత్ర పుట్టక వరకు ఎమోషనల్‌గా ఉంటుంది. ఆ తర్వాత సన్నివేశాల్లో ఆ డెప్త్ మిస్‌ అయ్యింది. మాలిక్‌.. జడల్‌ని అవమానించడం, అదే అవమానంతో మాలిక్‌పై కక్ష్య పెంచుకోవడం చూపించారు. ఆయా ఎలిమెంట్లు కొంత ఇంట్రెస్టింగ్‌గా ఉంటాయి. కానీ ఆ తర్వాత తల్లిని అసహ్యించుకోవడం, మరోవైపు సుబ్బుతో లవ్‌ ట్రాక్‌ అంతగా సెట్‌ కాలేదు. చుక్క చిత్రాలతో హీరోయిన్‌ చేసే రచ్చ మాత్రం అదిరిపోయింది. గ్లామర్ ట్రీట్‌ అని చెప్పొచ్చు.

ఆ తర్వాత కథ రకరకాలుగా తిరుగుతుంది. కానీ తల్లీ, కొడుకుల ఎమోషన్స్ మాత్రం ఆకట్టుకున్నాయి. ఇంటర్వెల్‌కి ముందు ఎపిసోడ్‌ ఆసక్తికరంగా ఉంటుంది. ఇంటర్వెల్‌ ఎపిసోడ్‌ మాత్రం అదిరిపోయింది. వాహ్‌ అనిపిస్తుంది. అయితే కథ అక్కడితోనే మేజర్‌గా పూర్తయిన ఫీలింగ్‌ కలుగుతుంది. సెకండాఫ్‌లో మాలిక్‌తో జడల్‌ పోరాటం చూపించారు. అది యాక్షన్‌కే పరిమితం చేశారు. ఆ తర్వాత కథ మరోలా టర్న్ తీసుకుంటుంది. కొత్త పాత్రల ఎంట్రీ ఉంటుంది. అందులో కేసీఆర్‌ పాత్ర ఆకట్టుకుంటుంది. హిలేరియస్‌గా ఉంటుంది. అదే సమయంలో కొంత డైవర్ట్ అనిపిస్తుంది. సెకండాఫ్‌ చాలా వరకు సాగదీశారు. చివర్లో చిన్న పాప ఎపిసోడ్‌, దాని చుట్టూ యాక్షన్‌ కనెక్టింగ్‌గా లేదు. ఇరికించినట్టుగా ఉంది. క్లైమాక్స్ ముగింపు కూడా చప్పగా ఉంది.

సినిమాలో మెయిన్‌గా యాక్షన్‌ సీన్లు బాగున్నాయి. అదే సమయంలో యాక్షన్‌ ఓవర్‌ డోస్‌ అయ్యింది. తల్లి కొడుకుల మధ్య ఎమోషన్‌ కొన్ని చోట్ల మెప్పించింది. కాకి, జడల్‌కి ఉన్న సంబంధం మాత్రం ఫర్వాలేదు. అమ్మోరు ఆవాహించినట్టు వచ్చే యాక్షన్‌ సీక్వెన్స్ అదిరిపోయింది. బీజీఎం సినిమాకి ప్లస్‌, అనిరుధ్‌ దుమ్ములేపారు. కొన్ని యాక్షన్‌ సీక్వెన్స్ లు మాస్‌ ఆడియెన్స్ కి పూనకాలు తెప్పిస్తాయి. హీరోయిన్‌ పాత్ర చేసే సినిమాలకు సంబంధించిన సీన్లు హిలేరియస్‌గా ఉంటాయి. ఇంటర్వెల్‌ బ్యాంగ్‌ అదిరిపోయింది. సెకండాఫ్‌లో కేసీఆర్‌ ఎపిసోడ్‌ బాగుంది. ఇలా అక్కడక్కడ కొన్ని బ్లాక్‌లు బాగున్నాయి. వాటి చుట్టూనే సినిమా కథని రాసుకున్నట్టుగా ఉంది. మోహన్‌ బాబు పాత్ర బలంగా ఉంది. కానీ ముగింపు తేలిపోయింది.

నాని పాత్ర హైలైట్‌, అదే సమయంలో అదే మైనస్‌ కూడా. ఎందుకంటే కథ చాలా బలమైన యాక్షన్‌ బ్యాక్‌ డ్రాప్‌ స్టోరీ. దానికి నాని సరిపోలేకపోతున్నారనే ఫీలింగ్‌ కలుగుతుంది. తన స్థాయికి మించిన కథగా అనిపిస్తుంది. దీనికితోడు సినిమాలో కనెక్టివిటీ మిస్‌ అయ్యింది. చాలా చోట్ల లాజిక్‌లు మిస్‌ అయ్యాయి. మెయిన్‌గా ఎమోషన్స్ పండలేదు. దీంతో సీన్లు తేలిపోయాయి. క్లైమాక్స్ ని మరింత బాగా డీల్‌ చేయాల్సింది. సెకండాఫ్‌ ని కొంత ట్రిమ్‌ చేసి కనెక్టివిటీ బాగా పెట్టుకోవాల్సింది.

అయితే ఫిక్షన్‌ స్టోరీని రియల్‌ లైఫ్‌ రాజకీయాలకు లింక్‌ చేసే కనెక్షన్‌ కరెక్ట్ గా కుదరలేదు. సినిమా కథ ఒకలా వెళ్తుంది, చివర్లో మరోలా టర్న్ తీసుకుంది. ఈ విషయంలోనే పొంతన కుదరలేదు. శంకర్‌ పాత్ర ద్వారా కేసీఆర్‌ని రిప్లెక్ట్ చేశారు. ఆ పాత్రని హీరో చేసే ప్రయత్నం కనిపించింది. ఎన్టీఆర్‌ ని పాజిటివ్‌గా ప్రొజెక్ట్ చేసే ప్రయత్నం కనిపించింది. దీంతో మూవీ ప్యారడైజ్‌ లోని సవారీల కథ పక్కకెళ్లి.. వారికి కేసీఆర్‌, ఎన్టీఆర్‌ లైఫ్‌ ఇచ్చారనేలా ప్రొజెక్ట్ అయ్యింది. ఈ విషయంలో క్లారిటీ మిస్‌ అయ్యింది. ఓవరాల్‌గా ఎమోషన్స్, లాజిక్‌లు లేని ఊరమాస్‌ యాక్షన్‌ డ్రామాగా నిలిచింది ప్యారడైజ్‌.

జడల్‌ పాత్రలో నాని ఇరగదీశాడు. ఆయన మూవీకోసం ఎంతో కష్టపడ్డాడు. ఆ కష్టం మొత్తం సినిమాలో కనిపిస్తుంది. ఎమోషనల్‌ సీన్లలో సెటిల్డ్ గా చేసి ఆకట్టుకున్నాడు. హవభావాలతోనే నటించాడు. అలాగే పాత్రలోనూ జీవించి విశ్వరూపం చూపించారు. డాన్స్‌ లతో ఆకట్టుకున్నాడు. యాక్షన్ సీక్వెన్స్ లో అయితే రెచ్చిపోయాడు. నాని నుంచి ఇదొక కెరీర్‌ బెస్ట్ పర్‌ఫెర్మెన్స్ గా చెప్పొచ్చు. అయితే ఈ కథకి నాని సెట్‌ కాలేదనే ఫీలింగ్‌ కలుగుతుంది.

శికంజి మాలిక్‌ పాత్రలో మోహన్‌ బాబుని గతంలో ఎప్పుడూ చూడని విధమైన పాత్రలో చూడొచ్చు. విలన్‌గా అదరగొట్టాడు కలెక్షన్‌ కింగ్‌. ఆ పాత్ర చాలా పవర్‌ఫుల్‌గా ఉంటుంది. కానీ ముగింపే తేలిపోయినట్టుగా ఉంది. ఆయన కొడుకుగా రాఘవ్‌ ఉన్నంతసేపు అదరగొట్టాడు. అమ్మగా సోనాలి కులకర్ణి బాగా చేసింది. ఈశ్వరీరావు పాత్ర సైతం బాగుంది. సంపూర్నేష్‌బాబుకి మంచి పాత్ర దక్కింది. తను కూడా బాగా చేశాడు. సుబ్బు పాత్రలో కయాదు లోహర్‌ పాత్ర సర్‌ప్రైజ్‌ చేస్తుంది. సత్యరాజ్‌ పాత్ర హడావుడి చేస్తుంది. ఆ తర్వాత తేలిపోయింది. మిగిలిన పాత్రధారులు ఓకే అనిపించారు.

టెక్నీకల్‌గా మూవీ సాలిడ్ గా ఉంది. సీహెచ్‌ సాయి విజువల్స్ బాగున్నాయి. కొత్తగా ఉన్నాయి. కనువిందుగానూ ఉన్నాయి. నవీన్‌ నూలి ఎడిటింగ్‌లో చాలా లోపాలున్నాయి. ఇంకా బాగా చేయాల్సింది. సెకండాఫ్‌ కొంత ట్రిమ్‌ చేయోచ్చు. అనిరుధ్‌ రవిచందర్‌ మ్యూజిక్‌ సినిమాకి ప్రాణం. పాటలు అదిరిపోయాయి. బీజీఎం సైతం కొత్తగా ఉంది. పూనకాలు తెప్పించేలా ఉంది. అయితే ఎమోషన్స్ మిస్‌ కావడంతో బీజీఎం కూడా తేలిపోయిన ఫీలింగ్‌ కలిగింది. నిర్మాత సుధాకర్‌ చెరుకూరి రాజీ లేకుండా నిర్మించారు. బాగా ఖర్చు చేశారు. ఆ ఖర్చు చాలా వరకు వృధాగానే మిగులుతుంది. దర్శకుడు శ్రీకాంత్‌ ఓడెల ఒక బలమైన కథ చెప్పాలనుకున్నారు. ఎత్తుకున్నది, ముగింపు కరెక్ట్ గా ఉంది. కానీ మధ్యలో గాడి తప్పింది. ఏటేటో వెళ్లింది. లవ్‌ ట్రాక్‌ కాలేదు. నేపథ్యంలో, టైమింగ్‌, హీరో డ్రెస్‌ సెన్స్ ఇలా లాజిక్‌లకు అందనివి చాలానే ఉన్నాయి. కొన్ని బ్లాక్స్ రాసుకొని సినిమాని తెరకెక్కించినట్టు ఉంది. కానీ సినిమా కోసం చాలా కష్టపడ్డారు. ఆ కష్టం తెరపై కనిపిస్తుంది. కానీ అది సినిమాలో కుదరాలి, ఎమోషనల్‌గా ఆడియన్స్ కనెక్ట్ అవ్వాలి, అప్పుడే కష్టానికి ఫలితం దక్కుతుంది. ఈ మూవీకి సంబంధించి ఆ విషయంలో తేడా కొట్టింది. దర్శకుడు ఇంకా బాగా రాసుకోవాల్సింది. ఇంకా బాగా తీయాల్సింది. క్లారిటీగా తీయాల్సింది. డైవర్షన్‌ లేకుండా చేయాల్సింది. రాజకీయాలను ఇన్‌వాల్వ్ చేసి కథ లక్ష్యమే మారిపోయింది.

యాక్షన్‌ మీద పెట్టిన దృష్టి ఎమోషన్స్ మీద పెడితే సినిమా బాగుండేది. నానినికాదు, కేసీఆర్‌ని హీరోని చేసిన చిత్రమిది.

రేటింగ్‌ : 2.5

Pandanti Kapuram Review: ఏఎన్నార్ దసరాబుల్లోడికి షాక్ ఇచ్చిన కృష్ణ, సూపర్ స్టార్ ఫస్ట్ గోల్డెన్ జూబ్లీ మూవీ, పండంటి కాపురం రివ్యూ..

Mahesh Jujjuri — Sun, 06 Sep 2026 07:30:33 +0530

Pandanti Kapuram Review: సూపర్ స్టార్ కృష్ణకు స్టార్ డమ్ తెచ్చిన సినిమాల్లో పండంటి కాపురం కూడా ఉంది. ఎన్టీఆర్,ఏఎన్నార్ ల స్థాయికి కృష్ణను తీసుకెళ్ళిన చిత్రం ఇది. పెద్ద హీరోలకు కూడా సవాలు విసిరి. కృష్ణ కెరీర్ లో తొలి గెల్డెన్ జూబ్లీ మూవీగా నిలిచింది.

తెలుగు సినీ చరిత్రలో కొన్ని చిత్రాలు బాక్సాఫీస్ వద్ద విజయం సాధించడమే కాకుండా, ప్రేక్షకుల గుండెల్లో శాశ్వత స్థానాన్ని సంపాదించుకుంటాయి. అలాంటి మహోన్నత చిత్రాలలో నటశేఖర, సూపర్ స్టార్ కృష్ణ హీరోగా నటించిన 'పండంటి కాపురం' ఒకటి. 1972 జూలై 21న విడుదలైన ఈ సినిమా.. కృష్ణ నటజీవితంలో తొలి స్వర్ణోత్సవం (Golden Jubilee) జరుపుకున్న చిత్రంగా ఘనచరిత్ర సృష్టించింది.

సొంత చిత్రాల నిర్మాణంతో తనకంటూ ఒక ప్రత్యేక గుర్తింపు తెచ్చుకునే క్రమంలో, నటుడు డాక్టర్ ఎమ్. ప్రభాకరరెడ్డితో కలిసి కృష్ణ సమర్పణలో 'జయప్రద పిక్చర్స్' పతాకంపై జి. హనుమంతరావు పండంటి కాపురం సినిమాను నిర్మించారు. పి. లక్ష్మీదీపక్ దర్శకత్వం వహించిన ఈ చిత్రం అప్పట్లో బ్లాక్ బస్టర్ హిట్ అయ్యింది. నేటికీ ఆల్ టైమ్ క్లాసిక్‌గా నిలిచిపోయింది.

'పండంటి కాపురం' పేరుకు తగ్గట్టే ఒక సమిష్టి కుటుంబం, వారి మధ్య ఉండే అనురాగాలు, విధి ఆడే వింత నాటకాలు, పగ-ప్రతీకారాల చుట్టూ తిరిగే దివ్యమైన కుటుంబ కథా చిత్రం.

కథలోకి వెళ్తే... నారాయణరావు (ఎస్.వి. రంగారావు), శ్రీనివాసరావు (గుమ్మడి), మధు (ప్రభాకరరెడ్డి), రవి (కృష్ణ) నలుగురు అన్నదమ్ములు. పెద్దన్న నారాయణరావు కుటుంబానికి ప్రాణం, ఆయన మాట మిగిలిన ముగ్గురు సోదరులకు వేదవాక్కు. ఇల్లు గడవడానికి నారాయణరావే మూలస్తంభంగా ఉంటాడు. రెండో తమ్ముడు శ్రీనివాసరావు క్లర్క్‌గా పనిచేస్తుంటాడు. మూడో తమ్ముడు మధు కలెక్టర్ అవుతాడు. నాలుగో తమ్ముడు రవి (కృష్ణ) అల్లరి చిల్లరగా ఉంటూనే ఇంటి బాధ్యతలను నెరవేరుస్తుంటాడు.

ఈ ఆనందకరమైన పండంటి కాపురంలోకి 'రాణీ మాలినీ దేవి' (జమున) ప్రవేశంతో ఊహించని కలతలు మొదలవుతాయి. గతం లో శ్రీనివాసరావు మాలినిని ప్రేమించి, పరిస్థితుల వల్ల దూరమవుతాడు. వారికి ఒక పాప కూడా ఉంటుంది. ఆ పాప ఎక్కడుందో తెలియక, తన జీవితాన్ని నాశనం చేశాడనే పగతో కోటీశ్వరురాలైన మాలిని ఈ ఉమ్మడి కుటుంబంపై పగబడుతుంది. తన ధనబలంతో శ్రీనివాసరావు ఉద్యోగం తీయించడం, వారి ఆస్తిని దక్కించుకోవడం ద్వారా ఆ కుటుంబాన్ని కష్టాల పాలు చేస్తుంది.

వైద్యం అందక శ్రీనివాసరావు చిన్న కుమారుడు మరణించడంతో రవి నేరుగా వెళ్లి మాలినిని నిలదీస్తాడు. ఆ తర్వాత నారాయణరావు ద్వారా తన కూతురు మరెవరో కాదు, ఆ ఇంట్లోనే పెరిగిన 'శాంతి' అని మాలిని తెలుసుకుంటుంది. తన తొందరపాటు వల్ల ఒక పండంటి కుటుంబం విచ్ఛిన్నమైందని పశ్చాత్తాపపడి, ఆస్తిని తిరిగి ఇచ్చేసి ఆధ్యాత్మిక మార్గంలో వెళ్ళిపోతుంది. చివరికి రవి, సుశీల (విజయనిర్మల)ల కళ్యాణంతో కథ సుఖాంతమవుతుంది.

కృష్ణ (రవి): యంగ్, డైనమిక్ లుక్‌లో కృష్ణ తన నటనతో ఆకట్టుకున్నారు. అన్నల పట్ల గౌరవం, వదినల పట్ల ఆప్యాయత, పగబట్టిన మాలినిని ధైర్యంగా ఎదుర్కొనే సన్నివేశాలలో ఆయన నటన అద్భుతం.అంతే కాదు హీరో కాబట్టి.. విజయనిర్మలతో డ్యూయెట్లు.. విలన్లతో యాక్షన్ సీన్స్ కూడా సినిమాలో అద్భుతంగా పండాయని చెప్పవచ్చు.

ఎస్.వి. రంగారావు నారాయణరావు పాత్ర గురించి చెప్పుకుంటే.. పెద్దన్నగా ఎస్వీఆర్ జీవించేశారని చెప్పవచ్చు. కుటుంబ గౌరవాన్ని నిలబెట్టే సన్నివేశాల్లో ఆయన గంభీరమైన నటన సినిమాకు ప్రాణంపోసింది. ఇక ఈ సినిమాలో అందరు సీనియర్ నటీనటులే.. స్టార్స్ అంతా తెరపై కనిపించడం.. అప్పటి ఆడియన్స్ కు కన్నుల పండగా అనిపించింది. గుమ్మడి, ప్రభాకరరెడ్డి, జమున, దేవిక, బి. సరోజాదేవి: మహానటులందరూ తమ పాత్రలకు నూటికి నూరు శాతం న్యాయం చేశారు. నెగెటివ్ షేడ్స్ ఉన్న రాణీ మాలినీ దేవి పాత్రలో జమున నటన అద్భుతం. ఇక ఈ సినిమాకు తమ కామెడీ టైమింగ్, పంచ్ లతో రాజబాబు, అల్లు రామలింగయ్యల కితకితలు పెట్టాడని చెప్పవచ్చు.

ఇంత మంది స్టార్లు.. పెద్ద పెద్ద తారలను హ్యాండిల్ చేయడం అంత ఈజీకాదు.. దర్శకుడు పి. లక్ష్మీదీపక్ ఈ భారీ తారాగణాన్ని బ్యాలెన్స్ చేస్తూ.. ఎవరిని నొప్పించకుండా.. ఎవరి పాత్రకు ఇంపార్టెన్స్ తగ్గకుండా.. సెంటిమెంట్, డ్రామా, కామెడీలను సమపాళ్ళలో మేళవించి చిత్రాన్ని అద్భుతంగా మలిచారు. ఆయన దర్వకత్వానికి.. కథకు తగ్గట్టు ఎస్.పి. కోదండపాణి అందించిన సంగీతం ఈ సినిమాకు ప్రధాన బలం. పాటలు దశాబ్దాలు గడిచినా నేటికీ శ్రోతలను అలరిస్తూనే ఉన్నాయి. మరీ ముఖ్యంగా..

“బాబూ…వినరా… అన్నాదమ్ముల కథ ఒకటి…”

“ఈ నాడు కట్టుకున్న బొమ్మరిల్లు…”

“ఇదిగో దేవుడు చేసిన బొమ్మా…”

“ఏమమ్మో జగడాల వదినమ్మో…” పాటలు ఇప్పటికి సంగీత ప్రియులను అలరిస్తూనే ఉన్నాయి. ఈ పాటలకు ఘంటసాల, బాలు ప్రాణం పోశారని చెప్పవచ్చు. ఇక ఈ కుటంబ కమద్దిపట్ల సూరి రాసిన సంభాషణలు కుటుంబ భావోద్వేగాలను పండించడంలో కీలక పాత్ర పోషించాయి.

ఎన్టీఆర్ ఏఎన్నార్ స్థాయికి తీసుకెళ్లింది..

సూపర్ స్టార్ కృష్ణ కెరీర్‌ను ఎన్.టి. రామారావు, అక్కినేని నాగేశ్వరరావు స్థాయికి తీసుకెళ్లడంలో ఈ సినిమా కీలక పాత్ర పోషించింది. 1971లో వచ్చిన “దసరా బుల్లోడు” కలెక్షన్లను మించి వసూళ్లను సాధించి, ఆనాటి ఇండస్ట్రీ హిట్లలో ఒకటిగా నిలిచింది. “మోసగాళ్ళకి మోసగాడు” వంటి మాస్ చిత్రం తర్వాత, కుటుంబ ప్రేక్షకులను ఆకట్టుకోవడానికి “పండంటి కాపురం”ను ఎంచుకున్నారు.

కృష్ణ నటజీవితంలో తొలి గోల్డెన్ జూబ్లీ

అప్పటివరకు యన్టీఆర్ 'ఉమ్మడికుటుంబం', ఏయన్నార్ 'తోడికోడళ్ళు' వంటి కుటుంబ కథా చిత్రాలు రాజ్యమేలుతున్న కాలంలో, మాస్ ఇమేజ్ ఉన్న కృష్ణ సెంటిమెంట్ కథతో వచ్చి అనూహ్య విజయాన్ని సాధించారు. ఈ సినిమా కృష్ణ నటజీవితంలో తొలి గోల్డెన్ జూబ్లీ సినిమాగా చరిత్ర సృష్టించింది. ఈ చిత్రం తొలి విడుదలలో 25 ప్రింట్లతో ప్రారంభమై, తర్వాత 31 ప్రింట్లకు పెరిగింది. ఇది 27 కేంద్రాల్లో 100 రోజులు, 6 కేంద్రాల్లో జూబ్లీ, 3 కేంద్రాల్లో ఒక సంవత్సరం పాటు విజయవంతంగా ప్రదర్శించారు.

జయసుధకు నటిగా లైఫ్ ఇచ్చిన సినిమా

పండంటి కాపురం సినిమాతో 'సుజాత' అనే పేరుతో పరిచయమైన నటి, తర్వాత కాలంలో సహజనటి జయసుధగా టాలీవుడ్‌లో తిరుగులేని స్థానాన్ని సంపాదించుకున్నారు. జయసుధ మాత్రమే కాదు చైల్డ్ ఆర్టిస్ట్‌గా 'నరేష్ కుమార్' అనే పేరుతో నరేష్ ఈ సినిమాలో నటించారు. ఆయన తర్వాత కాలంలో హీరోగా, క్యారెక్టర్ ఆర్టిస్ట్‌గా రాణించారు.

ఈ సినిమా కథాబలం వల్ల తమిళంలో జయశంకర్ హీరోగా 'అన్బు సహోదరగల్' పేరుతోనూ (ఇందులోనూ ఎస్వీఆర్ నటించారు), హిందీలో ఆదుర్తి సుబ్బారావు దర్శకత్వంలో రాజేంద్రకుమార్‌తో 'సున్హేరా సన్సార్' పేరుతో రీమేక్ అయి అన్ని భాషల్లోనూ ఘనవిజయం సాధించింది.

ప్లస్ పాయింట్స్:

నటీనటులందరి అత్యుత్తమ నటన

గుండెలను పిండేసే కుటుంబ భావోద్వేగాలు - అనుబంధాలు

ఎస్.పి. కోదండపాణి అద్భుతమైన సంగీతం - హిట్ పాటలు

పి. లక్ష్మీదీపక్ అద్భుతమైన దర్శకత్వ ప్రతిభ

మైనస్ పాయింట్స్:

నేటి తరం లెక్కల ప్రకారం కథలో కొంత పాతకాలపు సెంటిమెంట్ డ్రామా ఎక్కువగా అనిపించవచ్చు. ఇక ఫైనల్ గా చెప్పాలంటే.. తెలుగు సినిమా చరిత్రలో 'పండంటి కాపురం' ఒక ఆణిముత్యం. సమిష్టి కుటుంబ వ్యవస్థలోని గొప్పతనాన్ని, అనుబంధాల విలువను చాటిచెప్పిన ఈ చిత్రం ఎప్పటికీ నిలిచిపోతుంది. కృష్ణ కెరీర్‌లో మాత్రమే కాకుండా, తెలుగు ఫ్యామిలీ డ్రామా చిత్రాలలో ఇది ఒక నభూతో న భవిష్యత్ అని చెప్పవచ్చు.

Anakapalli Movie Review: అనకాపల్లి మూవీ రివ్యూ.. విలన్‌ని హీరోయిన్‌ ప్రేమిస్తే, హీరో ఏం చేశాడు?

Aithagoni Raju — Fri, 02 Oct 2026 23:06:32 +0530

విక్రమ్‌ సహిదేవ్‌, సంధ్యా వశిష్ట జంటగా, త్రినాథ రావు కథ, నిర్మాత, నటుడిగా చేసిన చిత్రం `అనకాపల్లి`. గాంధీ జయంతి సందర్భంగా రిలీజ్‌ అయిన ఈ చిత్రం ఎలా ఉందంటే?

ప్రముఖ దర్శకుడు త్రినాథ రావు నక్కిన కథ అందిస్తూ నటించిన మూవీ `అనకాపల్లి`. ఇందులో విక్రమ్‌ సహిదేవ్‌ హీరోగా నటించగా, సంధ్యా వశిష్ట హీరోయిన్‌గా నటించింది. త్రినాథ రావు నక్కినతోపాటు ఇంద్రజ, తారక్‌ పొన్నప్ప, మహబూబ్‌ బాషా, వడ్లమాని శ్రీనివాస్‌ కీలక పాత్రలు పోషించారు. భవ్యశ్రీ మూవీ మేకర్స్, నక్కిన నెరేటివ్స్ పతాకాలపై కాండ్రేగుల నాయుడు, త్రినాథరావు నక్కిన నిర్మించారు. కాగేష్‌ తమ్మినేని దర్శకత్వం వహించారు. ఈ మూవీ నేడు శుక్రవారం(అక్టోబర్‌ 2) విడుదలైంది. గ్రామీణ నేపథ్యంలో సాగే యాక్షన్‌ లవ్‌ స్టోరీ ఎలా ఉందనేది రివ్యూలో తెలుసుకుందాం.

అనకాపల్లిలో రెండు ఊర్లకు తరచూ గొడవలు జరుగుతుంటాయి. అనకాపల్లికి చెందిన సూర్య(విక్రమ్‌ సహిదేవ్‌) ఆ గొడవలకు దూరంగా ఉంటాడు. వాళ్ల నాన్న కరెంట్‌ ఏఈ సాంబశివరావు(త్రినాథరావు నక్కిన). అమ్మ(ఇంద్రజ) హౌజ్‌ వైఫ్‌. ఆ ఊర్లో బుల్లెట్‌(తారక్‌ పొన్నప్ప)కి మంచి హవా ఉంటుంది. మహేష్‌ బాబు బిజినెస్‌ మ్యాన్‌ సినిమా చూడ్డానికి వెళితే సూర్యకి టికెట్లు ఇవ్వరు. కానీ బుల్లెట్‌ వచ్చి డాన్స్ చేసి బెదిరిస్తే టికెట్లు తెచ్చి ఇస్తాడు మేనేజర్‌. అది చూసిన సూర్య బుల్లెట్‌కి అభిమాని అయిపోతాడు. ఆయన్ని ఫాలో అవుతాడు. ఆయనలా బతకాలని ఫిక్స్ అవుతాడు. నువ్వు ఏం చెప్పినా చేస్తానని చెప్పి బుల్లెట్‌ వద్ద సహాయకుడిగా చేరతాడు. బుల్లెట్‌ చిన్నపాటి చీకటి సామ్రాజ్యాన్ని నడిపిస్తుంటాడు. మెయిన్ గా గంజాయి, మాదక ద్రవ్యాలు సరఫరా చేస్తాడు. ఎమ్మెల్యే(వడ్లమాని శ్రీనివాస్‌) అనుచరుడినే దెబ్బకొడతాడు.

ఈ క్రమంలో బుల్లెట్‌కి బాగా దగ్గరవుతాడు సూర్య. వారి వ్యాపారంలోనూ భాగమవుతాడు. ఈ క్రమంలో సూర్యకి అమృత(సంధ్యా వశిష్ట) పరిచయం అవుతుంది. ఆమెకి కరెంట్‌ మీటర్‌ కోసం హెల్ప్ చేస్తాడు సూర్య. అంతేకాదు ఆమెతో ప్రేమలో పడతాడు. ఆమె కూడా తనని ప్రేమిస్తుందని భావిస్తాడు. కానీ ఊహించని విధంగా వాలెంటైన్స్ రోజు తన బుల్లెట్‌తో సినిమాకి వెళ్తుంది. ఆయన్ని ప్రేమిస్తున్నానని చెబుతుంది. దీంతో సూర్య రియాక్షన్‌ ఏంటి? సొంత అన్నలా భావించే బుల్లెట్‌తో సూర్యకి ఎక్కడ చెడింది? ఇందులో ఎమ్మెల్యే ఇన్‌వాల్వ్ మెంట్‌ ఏంటి? సూర్య విషయంలో వాళ్ల అమ్మానాన్న ఎలాంటి ఇబ్బందులు పడ్డారు? అనేది మిగిలిన సినిమా.

విలేజ్‌ బ్యాక్‌ డ్రాప్‌లో సాగే యాక్షన్‌, లవ్‌ స్టోరీ ఇది. అందులో చీకటి సామ్రాజ్యాలు, మాదక ద్రవ్యాల వ్యాపారం, ఆ ఊబిలోకి హీరో వెళ్లడం, ఈ క్రమంలో పేరెంట్స్ మధ్య, ప్రియురాలి మధ్య, తనకు లైఫ్‌ ఇచ్చిన విలన్‌ మధ్య ఎలా నలిగిపోయాడు? దాన్నుంచి బయటపడ్డాడా లేదా అనే దానిపై కథ నడుస్తుంది. యాక్షన్‌ ప్రధానంగా సాగినా, ఇందులో ప్రేమ కథకే ఎక్కువ ప్రయారిటీ ఉంటుంది. తాను ప్రేమించిన అమ్మాయి విలన్‌ని ప్రేమించడం ఇందులో హైలైట్‌ పాయింట్‌గా చెప్పొచ్చు. కథగా ఇది ఆసక్తికరంగా ఉంది. విలన్‌ని హీరోయిన్‌ ప్రేమించే కథలు చాలానే వచ్చినా, ఇటీవల కాలంలో మాత్రం ఇది కొత్తది అని చెప్పొచ్చు. సినిమా ప్రారంభం ఆసక్తికరంగా స్టార్ట్ అవుతుంది. హీరోకి సినిమాల పిచ్చి.. విలన్‌కి దగ్గరగా చేయడం, తాను కూడా విలన్‌లా మారిపోవడం, ఆ తర్వాత ప్రేమలో పడటం వంటి అంశాలు ఆకట్టుకుంటాయి. లవ్‌ ట్రాక్‌ కొంత రొటీన్‌గానే ఉన్నా, దాన్ని తెరపై చూపించిన తీరు బాగుంది. ప్రేమించిన అమ్మాయికి ప్రపోజ్‌ చేసే సమయంలో ఆమె విలన్‌కి దగ్గరయ్యే ట్విస్ట్ షాకిస్తుంది. ఆ తర్వాతనే కథనం ట్రాక్‌ తప్పినట్టుగా ఉంది. లాజిక్‌ లెస్‌గా ఉంటుంది. ప్రేమ విషయంలో హీరోహీరోయిన్ల మధ్య జరిగే కన్వర్జేషన్‌ క్రేజీగా ఉన్నా, కన్విన్సింగ్‌గా అనిపించదు. హీరో బ్రేకప్‌లా ఫీలవడం కొంత రొటీన్‌గానే ఉంటుంది. క్లైమాక్స్ లో సినిమా పుంజుకుంది. వాహ్‌ ఫ్యాక్టర్స్ ఉంటాయి. కానీ కన్‌క్లూజన్‌ మాత్రం మళ్లీ ట్రాక్‌ తప్పినట్టుగా ఉంటుంది. హీరో కోసం మారిన హీరోయిన్‌ చివర్లో ఇచ్చిన ట్విస్ట్ ఏమాత్రం కన్విన్సింగ్‌గా లేదు. లాజిక్‌ లెస్‌గా ఉంది. సినిమాపై అప్పటి వరకు ఉన్న ఇంపాక్ట్ ని దెబ్బతీసేలా ఉంది. మధ్యలో కథనం కొంత సాగదీసినట్టుగా, మరికొంత రొటీన్‌గా ఉంటుంది. ఎమోషన్స్ ఆశించిన స్థాయిలో వర్కౌట్ కాలేదు. పేరెంట్స్ కి సంబంధించిన ఎమోషన్స్ ఆకట్టుకుంటాయి. హృదయాన్ని కదిలిస్తాయి. అదే స్థాయిలో ఎండింగ్‌ ఉండి ఉంటే ఇంకా బాగుండేది.

సూర్య పాత్రలో విక్రమ్‌ సహిదేవ్‌ నటుడిగా మెప్పించాడు. చాలా బాగా నటించాడు. చాలా మెచ్యూర్డ్ గా చేశాడు. కుర్రాడిగా, లవర్‌గా, గ్యాంగ్‌ స్టర్‌గా, ఇన్నోసెంట్‌ కొడుకుగా ఇలా విభిన్నమైన ఎమోషన్స్ ని, భావోద్వేగాలను పలికించాడు. యాక్షన్‌తోనూ అదరగొట్టాడు. ఎక్కడా ఓవర్‌ యాక్షన్‌కి వెళ్లకుండా, ఇమేజ్‌, ఎలివేషన్‌ లు అనే దానికి వెళ్లకుండా చాలా సెటిల్డ్ గా చేసి మెప్పించాడు. నటుడిగా మంచి ఫ్యూచర్‌ ఉందని చెప్పొచ్చు. అతని నటనే సినిమాకి మెయిన్‌ బలం. ఇక హీరోయిన్‌గా సంధ్యా వశిష్ట నటన కూడా బాగుంది. ఆమె కూడా అంతే సహజంగా నటించి మెప్పించింది. ఆమె పాత్రలోని ట్విస్ట్ బాగుంది. విలన్‌ పాత్రలో తారక్‌ పొన్నప్ప నటన అదిరిపోయింది. చాలా చోట్ల అతని పాత్ర హైలైట్‌గా నిలుస్తుంది. అతను కూడా అదే స్థాయిలో నటించి మెప్పించాడు. హీరో తండ్రిగా త్రినాథరావు నక్కిన పాత్రలో ఒదిగిపోయాడు. నటుడిగా ఆయనకు మంచి భవిష్యత్‌ ఉందని చెప్పొచ్చు. తల్లిగా ఇంద్రజ యాప్ట్ గా నిలిచింది. ఎమ్మెల్యేగా వడ్లమాని శ్రీనివాస్‌ ఆకట్టుకునే ప్రయత్నం చేశాడు. హీరో ఫ్రెండ్‌గా చేసిన మహబూబ్‌ బాషా సైతం మెప్పించాడు. మిగిలిన పాత్రధారులు ఓకే అనిపించారు.

కథ కమర్షియల్‌గా ఉన్నా బాగుంది. దాన్ని తీసిన విధానం బాగుంది. దర్శకుడు కాగేష్‌ తమ్మినేని అంతే బాగా తెరకెక్కించాడు. అయితే కొంత రొటీన్‌గా నడిపించినా చాలా చోట్ల బాగుంది. ఫీల్‌, డ్రామా, యాక్షన్‌, ఎమోషన్స్ బాగున్నాయి. దావ్‌జాండ్‌ సంగీతం ఫర్వాలేదు. పాటలు బాగున్నాయి. ఆర్‌ఆర్‌ కూడా అదిరిపోయింది. వంశీ కృష్ణ కెమెరా వర్క్ ఆకట్టుకుంది. రిచ్‌ లుక్‌ని ఇచ్చింది. శ్రీ కృష్ణ అట్టలూరి ఎడిటింగ్‌ ఫర్వాలేదు. కొంత ట్రిమ్‌ చేయోచ్చు. నిర్మాణ విలువలకు కొదవ లేదు. సినిమా బాగా తీశారు.

కొంత రొటీన్‌ ఉన్నా, సరికొత్త యాక్షన్‌ లవ్‌ స్టోరీగా ఈ చిత్రం మెప్పిస్తుంది. ఈ వారం వచ్చిన వాటిలో బెటర్‌గా నిలుస్తుంది.

రేటింగ్‌: 2.75

Secret Soldier Movie Review: సీక్రెట్‌ సోల్జర్‌ మూవీ రివ్యూ.. స్నేహం, స్పై యాక్షన్‌ మేళవించిన మూవీ ఎలా ఉందంటే?

Aithagoni Raju — Fri, 18 Sep 2026 10:06:07 +0530

Secret Soldier Movie Review: దేశభక్తి, దేశం కోసం సీక్రెట్‌ గా పోరాడే సైనికులు చాలా మంది ఉంటారు. అలాంటి సీక్రెట్‌ సోల్జర్స్ ని ప్రధానంగా చేసుకొని రూపొందిన `సీక్రెట్‌ సోల్జర్` మూవీ ఎలా ఉందంటే?

నిహాల్‌ కోదాటి, సూర్య శ్రీనివాస్‌, హర్షిత, శ్రీష, కమల్‌ కామరాజు, శ్రీకాంత్‌ అయ్యంగార్‌, శ్రీనివాస్‌ వడ్లమాని ప్రధాన పాత్రల్లో నటించిన మూవీ `సీక్రెట్‌ సోల్జర్`. అక్కి విశ్వనాథ్‌ రెడ్డి దర్శకత్వంలో రూపొందిన ఈ చిత్రం మూన్‌ లైట్‌ డ్రీమ్స్ ప్రై లిమిటెడ్‌ పతాకంపై తెరకెక్కింది. ఈ సినిమా నేడు శుక్రవారం(సెప్టెంబర్‌ 18)న విడుదలైంది. స్పై ఏజెంట్‌, దేశ భక్తి ప్రధానంగా రూపొందిన ఈ చిత్రం ఆకట్టుకుందా? లేదా అనేది రివ్యూలో తెలుసుకుందాం.

మీరా వలి(నిహాల్‌ కోదాటి), పృథ్వీ(సూర్య శ్రీనివాస్‌) నెల్లూరుకి చెందిన కుర్రాళ్లు. చిన్నప్పట్నుంచి మంచి స్నేహితులు. మీరావలికి దేశభక్తి ఎక్కువ. కానీ ముస్లిం కావడంతో పలు అవమానాలు ఫేస్‌ చేస్తాడు. తన దేశభక్తిని నిరూపించుకోవాలనుకొని ఆర్మీలో జాయిన్‌ కావాలనుకుంటాడు. కానీ అనూహ్యంగా తన ఫ్యామిలీపై వదిన కేసు పెట్టడంతో ఆ కోరిక నెరవేరదు. కానీ మరో దారి ఎంచుకుంటాడు. ఆ దారిలో ఉగ్రవాదులకు దగ్గరవుతాడు. తాను దేశ ద్రోహిగా ముద్ర వేసుకుంటాడు. కానీ ఇవన్నీ స్నేహితుడు పృథ్వీకి తెలియదు. మరి మీరావలి ఎందుకు ఉగ్రవాదులకు దగ్గరయ్యాడు? అతని అసలు గోల్‌ ఏంటి? అతని వెనుక ఉన్నది ఎవరు? దేశభద్రతకి, మన సైనికులకు సంబంధించిన సీక్రెట్‌ మిషన్‌ లీక్‌కి తాను ఎలా కారణమయ్యాడు? ఈ మిషన్‌లో ఉన్న ద్రోహులెవరు? దీన్ని మన సీక్రెట్‌ సోల్జర్స్ ఎలా ఎదుర్కొన్నారు, మీరా వలి గురించి ఫ్రెండ్‌కి తెలిసిన నిజం ఏంటి? అనేది సినిమా.

దేశభక్తి, స్నేహాన్ని మేళవిస్తూ రూపొందించిన చిత్రమిది. నిజానికిది చాలా పెద్ద రేంజ్‌ స్టోరీ. కానీ కొత్త నటీనటులు, అప్‌కమింగ్‌ యాక్టర్స్ తో ఈ రేంజ్‌ సినిమా తీయడం విశేషమని చెప్పాలి. ఆ విషయంలో దర్శక, నిర్మాతల డేర్‌ని అభినందించాల్సిందే. డిఫెన్స్ కి సంబంధించిన సీక్రెట్‌ మిషన్‌ లీక్‌కి, స్నేహాన్ని ముడిపెడుతూ రూపొందించిన తీరు బాగుంది. రెండింటిని చాలా బ్యాలెన్స్ చేశారు. అదే ఇందులో హైలైట్‌గా చెప్పాలి. సినిమాలోని ట్విస్ట్ లు, టర్న్ లు మరో హైలైట్‌గా నిలిచాయి. సినిమా మీరావలి చుట్టూ తిరుగుతుంది. అతను ఉగ్రవాదులతో తిరుగుతున్న ఫోటోలు బయటపడటంతో అసలు కథ స్టార్ట్ అవుతుంది. అది ఫ్రెండ్‌కి షాకిస్తుంది. ఇది కట్టు కథగా భావిస్తాడు. కానీ ఒక్కో ట్విస్ట్, అసలు కథ రివీల్‌ అవుతున్న నేపథ్యంలో సినిమాపై ఆసక్తి పెరుగుతుంది. నెక్ట్స్ ఏం జరుగుతుందనే క్యూరియాసిటీ పెరుగుతుంది. ఇందులో ఒక్కో పాత్ర ఎంట్రీ ఇవ్వడం, కథ మరో మలుపు తీసుకోవడం ఆశ్చర్యపరుస్తుంటాయి. ఎంగేజ్‌ చేస్తుంటాయి. ఓ వైపు దేశానికి సంబంధించిన స్పై ఏజెన్సీ చేసే కార్యక్రమాలు, వారు చేసే మిషన్‌ లీక్‌ కావడం వంటి అంశాలను, మరోవైపు స్నేహానికి సంబంధించిన జర్నీని, మీరావలి ఫేస్‌ చేసే అవమానాలు, ఆయన జర్నీని పారలల్‌గా ఆవిష్కరించిన తీరు బాగుంది. స్క్రీన్‌ ప్లే చాలా నీట్‌గా సాగుతుంది. ఫస్టాఫ్‌ కొంత స్లోగా వెళ్తుంది. కానీ సెకండాఫ్‌ అనేక మలుపులు ఉండటం, ఒక్కో ట్విస్ట్ రివీల్‌ అవుతుండటంతో సినిమాపై ఆసక్తి పెరుగుతుంది. నెక్ట్స్ ఏం జరుగుతుందనే క్యూరియాసిటీ క్రియేట్‌ చేస్తుంది. అయితే ఇంత వరకు బాగానే ఉన్నా చాలా చోట్ల కథనంలో లింక్‌లు మిస్‌ అయ్యాయి. ఒక వైపు వెళ్లే కథ, మరోవైపు టర్న్ తీసుకున్నట్టుగా ఉంటుంది. చాలా చోట్ల లాజిక్‌ లు మిస్‌ అయ్యాయి. స్పై ఏజెన్సీలోనే వారికే కమ్యూనికేషన్‌ లేకపోవడమనేది కొంత అసహజంగా అనిపిస్తుంది. పాత్రల్లోని ట్విస్ట్ లు కూడా పెద్దగా పేలలేదు. నోటెడ్‌ ఆర్టిస్ట్ లు లేకపోవడంతో ఆ ట్విస్ట్ లు అంతగా వర్కౌట్‌ కాలేదు. కాకపోతే చాలా వరకు ఎంగేజ్‌ చేస్తుంది. కొత్త వారైనా చాలా బాగా చేశారు. ఇదొక స్పై యాక్షన్‌ ఫిల్మ్ లా కాకుండా, స్నేహం చుట్టూ కథని నడిపించడం విశేషంగా చెప్పొచ్చు. అది కొత్తగా ఉంది.

మీరావలి పాత్రలో నిహాల్‌ కోదాటి అదరగొట్టాడు. అతని పాత్రలోని షేడ్స్ సినిమాకే హైలైట్‌గా నిలుస్తాయి. నిహాల్‌ చాలా వరకు సెటిల్డ్ గా చేసి మెప్పించింది. పెయిన్‌లో లోపల మోస్తూ, బయటకు యాక్టింగ్‌ని కనిబరిచిన తీరు బాగుంది. అతని పాత్రనే సినిమాకి హైలైట్‌గా నిలుస్తుంది. చివర్లో ఎమోషనల్‌కి గురి చేస్తుంది. ఇక ఫ్రెండ్‌ పృథ్వీ పాత్రలో సూర్య శ్రీనివాస్‌ అదరగొట్టాడు. అతని పాత్ర ఎంటర్‌టైనింగ్‌గా ఉంటుంది. ఈ సినిమా తనకు మంచి పేరుని, గుర్తింపుని తీసుకొస్తుందని చెప్పొచ్చు. వీరితోపాటు కమల్‌ కామరాజు తన మార్క్ నటనతో మెప్పించాడు. అలాగే హర్షిత, శ్రీష పాత్రలు ఆకట్టుకునేలా ఉన్నాయి. మిగిలిన వారు ఓకే అనిపించారు.

కార్తిక్‌ సంగీతం సినిమాకి ప్లస్ అయ్యింది. ముఖ్యంగా బీజీఎం హైలైట్‌గా నిలిచింది. సురేష్‌ రఘుతు కెమెరా వర్క్ కనువిందు చేస్తుంది. సినిమా రేంజ్‌ని మార్చేసింది. మార్తాండ్‌ కె వెంకటేష్‌ ఎడిటింగ్‌ ఫర్వాలేదు. ఇంకా కాస్త జాగ్రత్త వహించాల్సింది. దర్శకుడు అక్కి విశ్వనాథ్‌.. ఎంచుకున్న కథ, దాన్ని తీసుకెళ్లిన తీరు బాగుంది. అయితే లాజిక్స్ పరంగా, కథ పరంగా మరింత డెప్త్ గా చెప్పాల్సింది. కొన్ని సీన్లు కన్విన్సింగ్‌గా లేవు. సీరియస్‌ కథని నార్మల్‌గా చెప్పడం నప్పేలా లేదు. ఇలాంటి కొన్ని జాగ్రత్తలు తీసుకుంటే బాగుండేది. కానీ నిర్మాణం పరంగా, మేకింగ్‌ పరంగా రాజీపడలేదు. ఒక పెద్ద రేంజ్‌ సినిమాని రూపొందించినట్టు ఉంది. అదే సమయంలో కథని చెప్పిన తీరు కూడా కొత్తగా ఉంది. ఆ విషయంలో దర్శకుడిని అభినందించాల్సిందే.

ఫైనల్‌గా:

దేశభక్తి ప్రధానంగా తెరకెక్కిన ఒక కొత్త తరహా చిత్రమిది. స్పై మూవీస్‌, దేశభక్తి మూవీస్‌ని ఇష్టపడే వారికి నచ్చే సినిమా అవుతుంది.

రేటింగ్‌: 2.5

Mahendragiri Varahi Movie Review: మహేంద్రగిరి వారాహి మూవీ రివ్యూ.. సుమంత్‌కి ఈ సారైనా హిట్‌ పడిందా?

Aithagoni Raju — Fri, 11 Sep 2026 14:29:11 +0530

సుమంత్‌ మళ్లీ స్పీడ్‌ పెంచాడు. ఇప్పుడు ఆయన `మహేంద్రగిరి వారాహి` మూవీతో వచ్చారు. ఐశ్వర్య రాజేష్‌, సిద్ధు జొన్నలగడ్డ నటించిన ఈ మూవీ నేడు విడుదలైంది. మరి ఇది ఆడియెన్స్ ని ఆకట్టుకుందా? సుమంత్‌కి హిట్‌ పడిందా అనేది చూద్దాం.

అక్కినేని ఫ్యామిలీ హీరో సుమంత్‌ ఒకప్పుడు స్టార్‌ హీరోగా రాణించారు. లవ్‌ స్టోరీస్‌, మాస్‌ సినిమాలతో అదరగొట్టాడు. కానీ ఆ తర్వాత ఆ స్థాయి సక్సెస్‌లు లేవు. దీంతో కొంత బ్రేక్‌ తీసుకున్నారు. అడపాదడపా సినిమాలు చేసుకుంటూ వచ్చారు. ఇప్పుడు మళ్లీ పుంజుకున్నారు. స్పీడ్‌ పెంచారు. వరుస సినిమాలతో సందడి చేస్తున్నారు. ఆ మధ్యనే `న్యూటన్స్ 3వ లా`తో అలరించిన ఆయన ఇప్పుడు `మహేంద్రగిరి వారాహి` మూవీతో ఆడియెన్స్ ముందుకు వచ్చారు. దీనికి సంతోష్‌ జాగర్లమూడి దర్శకత్వం వహించగా, ఇందులో ఐశ్వర్య రాజేష్‌, మీనాక్షి గోస్వామి, మాళవిక నాయర్‌ హీరోయిన్లుగా నటించారు. సిద్ధు జొన్నలగడ్డ స్పెషల్‌ రోల్‌ చేశారు. వెన్నెల కిశోర్‌, బ్రహ్మానందం, రాజీవ్‌ కనకాల, అలీ వంటి వారు ఇతర పాత్రల్లో మెరిశారు. రాజశ్యామల ఎంటర్‌టైన్‌మెంట్స్, బ్రిడ్జ్ ఫిల్మ్స్ పతాకాలపై కలిపు మధు, సురభి లక్ష్మణ్‌ రావు నిర్మించారు. అనూప్‌ రూమెన్స్ మ్యూజిక్‌ డైరెక్టర్‌గా, ఆర్కే ప్రతాప్‌ సినిమాటోగ్రఫీ, జునైద్‌ సిద్ధిఖి ఎడిటర్‌గా వ్యవహరించారు. ఈ చిత్రం నేడు శుక్రవారం(సెప్టెంబర్‌ 11)న విడుదలైంది. మరి సినిమా ఎలా ఉంది? సుమంత్‌కి మరో హిట్‌ పడిందా అనేది రివ్యూలో తెలుసుకుందాం.

మహేంద్రగిరి రాజవంశాన్ని 200 ఏళ్లుగా వారాహి అమ్మవారి శాపం వెంటాడుతుంటుంది. ఆ కుటుంబంలో జన్మించిన ప్రతి మగాడు 33వ జన్మతిథి రోజు కన్నుమూస్తుంటారు. అది యాక్సిడెంట్‌గానే జరుగుతుంటుంది. అమ్మవారే స్వయంగా వచ్చి ప్రాణాలు తీస్తుంటుంది. అందుకు కారణం ఆ వంశంలో మహేంద్రవర్మ అనే రాజు.. మహేంద్రగిరి అమ్మవారి దేవాలయంలో ఉన్న అమ్మాయిపై అఘాయిత్యానికి పాల్పడటమే. ఆ శాప విముక్తికోసం రాజవంశానికి చెందినవారు అనేక రకాల పూజలు చేస్తారు. కానీ ఫలితం ఉండదు. దీన్ని రాజేంద్ర వర్మ(సిద్ధు జొన్నలగడ్డ) సైతం ఎదురిస్తాడు. కానీ ఆ శాపానికి బలవుతాడు. అతని భార్య సుజాత(మాళవిక మోహనన్‌) అప్పటికే గర్భవతి. ఆమె కూడా కారు ప్రమాదంలో గాయపడుతుంది. కానీ ఆమె ఏమైందనేది సస్పెన్స్. ఇక ప్రస్తుతం రాజవంశంలో మగాళ్లు లేదు. కానీ కూతురు కొడుకు ఉంటాడు. అతను కూడా వీరి రక్తమే కావడంతో ఆ శాపం వారికి కూడా వర్తిస్తుంటుందంటారు. అయితే దాన్ని నరేంద్రవర్మ(వంశీ) పెద్దగా లెక్కచేయడు. దానికి విముక్తి ఉందని తన భార్య చెబుతుంది. కానీ అది కూడా విఫలమవుతుంది. అతను, అతనితోపాటు సిద్ధార్థ్‌(సుమంత్‌) అన్న రాజీవ్‌(కమల్‌ కామరాజు) కూడా అమ్మవారి శాపానికి బలవుతారు. ఇద్దరు ఒకే రోజు మహేంద్రగిరి వారాహి అమ్మవారి టెంపుల్‌కి వస్తారు. అందులో దున్నపోతు వారిద్దని పొడిచి చంపేస్తుంది. ఇదంతా అమ్మవారి శాపం వల్లే జరిగిందా? లేక దీని వెనకాల ఇంకా ఎవరైనా ఉన్నారా? అనే అనుమానం సిద్ధార్థ్‌కి కలుగుతుంది. సిద్ధార్థ్‌ ఒక యూట్యూబర్‌. ఇలాంటి మూఢ నమ్మకాలను ఇన్వెస్టిగేట్‌ చేసి దొంగ బాబాలు, మాంత్రికుల బండారాలు బయటపెడుతుంటాడు. అయితే ఇప్పుడు తన అన్న రాజీవ్‌ మరణానికి కారణం ఏంటి? మహేంద్రగిరి రాజవంశంలో అసలు ఏం జరిగిందనేది తెలుసుకునే ప్రయత్నం చేస్తుంటాడు. మరి ఈ క్రమంలో తనకు ఎదురైన అడ్డంకులేంటి? ఎలాంటి అనుభవాలు ఫేస్‌ చేశాడు? ఇందులో బ్రహ్మానందం, రాజీవ్‌ కనకాల, వెన్నెల కిశోర్‌ పాత్రలు ఏంటి? వారి పాత్రల్లో ఉన్న ట్విస్ట్ లేంటి? ఐశ్వర్యా రాజేష్‌ పాత్రేంటి? ఈ మొత్తానికి సిద్ధార్థ్‌ ఎలాంటి ముగింపు పలికారు అనేది మిగిలిన సినిమా.

ఒక కుటుంబంలో అమ్మవారి శాపం, దేవుడి శాపం కథతో `మురారి` సినిమా వచ్చింది. అది పెద్ద హిట్‌. మళ్లీ అలాంటి కథతోనే ఇప్పుడు `మహేంద్రగిరి వారాహి` మూవీని రూపొందించారు. శాపం ఉందనేది ముందే తెలిసిపోతుంది. దాన్ని ఆ రాజవంశానికి చెందిన వాళ్లు ఎలా ఫేస్‌ చేశారు? దాన్నుంచి బయటపడ్డారా? బలయ్యారా? అనేదే కథ. దాన్ని ట్విస్ట్ లతో నడిపించడం విశేషం. ఇక సినిమా ప్రారంభంలో శాపానికి సంబంధించిన బ్యాక్‌ స్టోరీని వివరిస్తారు. అది ఇంట్రెస్టింగ్‌గా ఉంటుంది. కానీ ప్రస్తుత పరిస్థితుల్లోకి వచ్చాక ఆ ఎమోషన్‌ గానీ, ఆ పెయిన్‌గానీ సినిమాలో క్యారీ కాదు. కథ బాగున్నా, దాన్ని కన్విన్సింగ్‌గా చూపించడంలో దర్శకుడు తడబడ్డాడు. హీరో సుమంత్ యూట్యూబ్‌ ఛానెల్‌ రన్‌ చేయడం, దానికోసం ఆయన మూఢవిశ్వాసాలను వ్యాప్తి చేసే వారిని పట్టించడం వంటి సీన్లు టైమ్‌ పాస్‌ గా ఉన్నాయి. ఓ వైపు సిద్ధార్థ్‌ కోణంలో, ఇంకోవైపు మహేంద్రగిరి రాజవంశంలో జరిగే సన్నివేశాలతో నడిపించారు. ఆయా సీన్లు ఇంట్రెస్టింగ్‌గా నడుస్తాయి. కానీ ప్రమాదాలు, ఆ వంశంలోని వారు చనిపోవడం, కొంత మిస్టరీయస్‌ అంశాలు ఆకట్టుకుంటాయి. థ్రిల్లర్‌ ఎపిసోడ్‌ ఎంగేజ్‌ చేస్తాయి. అమ్మవారికి సంబంధించిన సీన్లు ఆసక్తికరంగా సాగుతాయి. వారాహి టెంపుల్‌లో చోటు చేసుకున్న రెండు మరణాలతో కథ వేడెక్కుతుంది. సెకండాఫ్‌ లో హీరో ఇన్వెస్టిగేషన్‌ కొంత ఆసక్తికరంగా సాగుతుంది. ఏం జరుగుతుందనే క్యూరియాసిటీని క్రియేట్‌ చేస్తుంది. చివర్లో ఇచ్చిన ట్విస్ట్ అదిరిపోయింది. అదే సమయంలో అది కొంత రాంగ్‌ ఛాయిస్‌అనిపిస్తుంది. కామెడియన్ల పాత్రల్లోని ట్విస్ట్ ని ఆడియెన్స్ ఎంత వరకు యాక్సెప్ట్ చేస్తారనేది చూడాలి. కథ బ్యాక్‌ డ్రాప్‌ని అంతే బలంగా చెప్పడంలో, అంతే ఎమోషనల్‌గా, నాటకీయంగా ఆవిష్కరించడంలో దర్శకుడు పూర్తి స్థాయిలో సక్సెస్‌ కాలేకపోయాడు. అయితే దేవతకి సంబంధించిన సీన్లలోనూ హై మూమెంట్స్ ఆకట్టుకుంటాయి.

సిద్ధార్థ్‌ పాత్రలో సుమంత్‌ ఫర్వాలేదనిపించాడు. ప్రారంభంలో ఆయన పాత్ర పెద్దగా ఇంపాక్ట్ చూపలేదు. సెకండాఫ్‌లో బాగుంది. సుమంత్‌ కూడా మెప్పించే ప్రయత్నం చేశాడు. ఇన్వెస్టిగేషన్‌ ప్రాసెస్‌ ఆసక్తికర సాగింది. ఇక రాజేంద్ర వర్మగా సిద్ధు జొన్నలగడ్డ కాసేపు కనిపించి మెప్పించాడు. కానీ ఆయన పాత్ర ఏమాత్రం ఇంపాక్ట్ చూపించలేదు. అలాగే ఐశ్వర్యా రాజేష్‌ పాత్ర కాసేపు సర్‌ప్రైజ్‌ చేస్తుంది. చివర్లో ఆమె పాత్ర వాహ్‌ అనిపిస్తుంది. నరేంద్ర వర్మగా వంశీ మెప్పించే ప్రయత్నం చేశాడు. కమల్‌ కామరాజు పాత్ర కూడా ఓకే అనిపిస్తుంది. మరోవైపు పూజారిగా బ్రహ్మానందం కనిపించాడు. ఆయన పాత్రలోని ట్విస్ట్ షాకిస్తుంది. అలాగే రాజీవ్‌ కనకాల పాత్రలోని ట్విస్ట్ ఊహించేలా ఉంటుంది. దీనికితోడు వెన్నెల కిశోర్‌ పాత్ర కొంత ఎంటర్‌ టైన్‌ చేసింది.

సినిమాకి అనూప్‌ రూబెన్స్ మ్యూజిక్‌ అందించారు. ఆయన పాటలు, నేపథ్య సంగీతం కొంత వరకు ఓకే. కానీ ఎలివేట్‌ చేయాల్సిన సీన్లలోనూ నార్మల్‌గానే ఆర్‌ఆర్‌ ఉండటం, అది కూడా రొటీన్‌గానే ఉంది. ఇదే సినిమాకి పెద్ద మైనస్‌గా చెప్పొచ్చు. దీంతో చాలా సీన్లు తేలిపోయాయి. ముఖ్యంగా దేవుడికి సంబంధించిన సీన్లు చప్పగా సాగాయి. ఆర్కే ప్రతాప్‌ కెమెరా వర్క్ బాగుంది. విజువల్ పరంగా ఆకట్టుకునేలా ఉంది. ఎడిటింగ్‌ పరంగా కొంత వర్క్ చేయాల్సింది. దర్శకుడు సంతోష్‌ జాగర్లపూడి ఎంచుకున్న కథ పాతదే దాన్ని ఎంగేజింగ్‌గా తెరకెక్కించాడు. సినిమా లుక్‌ గ్రాండియర్‌గా ఉంది. కానీ ఆ స్థాయి సీన్లు లేకపోవడం మైనస్‌గా చెప్పొచ్చు. సస్పెన్స్ అంశాలు ఫర్వాలేదు. క్లైమాక్స్ ట్విస్ట్ ఊహించని విధంగా ఉంది. దాన్ని అంతా సర్‌ప్రైజ్‌ అవుతారు. ఈ విషయంలో దర్శకుడి ఆలోచన వేరే లెవల్‌ అని చెప్పొచ్చు.

దేవుడికి సంబంధించిన కథలతో చాలా సినిమాలు వస్తున్నాయి. చాలా వరకు ఆకట్టుకుంటున్నాయి. ఇది కూడా ఆ కోవకి చెందిన మూవీనే. అయితే అందులో ట్విస్ట్ లు, టర్న్ లతో నడిపించిన తీరు బాగుంది. ఇలాంటి డివైన్‌ మూవీస్‌ ఇష్టపడేవారికిది నచ్చే చిత్రమవుతుంది.

రేటింగ్‌: 2.75

Maremma Movie Review: మారెమ్మ మూవీ రివ్యూ.. రవితేజ తమ్ముడి కొడుకు హీరోగా ఎంట్రీ సినిమా ఎలా ఉందంటే?

Aithagoni Raju — Thu, 10 Sep 2026 06:32:25 +0530

రవితేజ తమ్ముడి కొడుకు మాధవ్‌ హీరోగా పరిచయం అవుతూ నటించిన `మారెమ్మ` మూవీ గురువారం విడుదలైంది. కానీ ముందుగానే ప్రీమియర్స్ ప్రదర్శించారు. మరి సినిమా ఎలా ఉందంటే?

మాస్‌ మహారాజా రవితేజ తమ్ముడు రఘు కొడుకు మాధవ్‌ భూపతిరాజు హీరోగా పరిచయం అవుతూ `మారెమ్మ` చిత్రంలో నటించాడు. దీపా బాలు హీరోయిన్‌గా తెలుగు తెరకు పరిచయం అవుతుంది. ఈ మూవీకి మంచాల నాగరాజు దర్శకుడు. మోక్ష ఆర్ట్స్ పతాకంపై మయూర్‌ రెడ్డి బండారు నిర్మించారు. ఇందులో వికాస్‌ వశిష్ట, వినోద్‌ కుమార్‌, వీఎస్‌ రూపాలక్ష్మి, దయానంద్‌ రెడ్డి వంటి వారు ఇతర పాత్రలు పోషిస్తున్నారు. ఇది నేడు గురువారం(సెప్టెంబర్‌ 10)న విడుదలయ్యింది. కానీ ముందుగానే బుధవారం రాత్రి పెయిడ్‌ ప్రీమియర్స్ ప్రదర్శించారు. మరి వీటికి ఎలాంటి రెస్పాన్స్ వచ్చింది? మూవీ ఎలా ఉందనేది రివ్యూలో తెలుసుకుందాం.

వరంగల్‌లోని మహిషాపురం అనే గ్రామంలో గత్తర వచ్చి చాలా మంది జనం రోగాలబారినపడతారు. అదే సమయంలో వర్షాలు, వరదలతో ఊరంతా వల్లకాడు అవుతుంది. ఆ సమయంలోనే ఊరి ప్రజలకు మారెమ్మ విగ్రహం దొరుకుతుంది. ఆమెని గ్రామ దేవతగా భావించి పూజలు చేస్తారు. అమ్మవారికి దున్మపోతుని బలివ్వడంతో గత్తర పోతుంది. వరదలు తగ్గిపోతాయి. ప్రజలు సంతోషంగా ఉంటారు. ఈ క్రమంలోనే ఒంటికన్ను పూజారి ఊర్లో దున్నపోతు జన్మిస్తుందని, దాన్ని బాగా చూసుకోవాలని వచ్చే పదేళ్లకి అమ్మవారికి బలి ఇవ్వాలని చెబుతాడు. ఆ దున్నపోతుని పెంచే బాధ్యత కర్ణి(మాధవ్‌) కి అప్పగిస్తారు. ఆ దున్నపోతుకి మారెమ్మ అనే పేరు పెడతారు. ఊర్లో ఏ చెడు జరిగినా, ఎవరైనా చెడుగా ప్రవర్తించినా మారెమ్మకి కోపం వస్తుంది. వారి అంతు చూస్తుంది. అయితే జలేంధర్‌(వికాస్‌ వశిష్ట) మాత్రం మారెమ్మపై పగపెంచుకుంటాడు. దాన్ని చంపేయాలనుకుంటాడు. ఈ క్రమంలో దాన్ని చంపేందుకు ఒక మాంత్రికురాలు వద్దకు వెళ్తాడు. దానికి తాయత్తు కడతాడు. మరోవైపు అమ్మవారి జాతరకి ఊరంత సన్నద్ధమవుతుంది. జాతరకు మరో నాలుగు రోజులే ఉంటుంది. జాతరకి దున్నపోతుని బలివ్వాల్సి ఉంటుంది. ఈ క్రమంలో ఉన్నట్నుంచి మారెమ్మ కనిపించదు. మరి అది ఎటుపోయింది. ఊర్లో జరిగే సంఘటనలకు కారణం ఎవరు? మారెమ్మని పెంచిన కర్ణి ఏం చేశాడు? ఈ ఏడాది జాతర సవ్యంగా జరిగిందా? లేదా? ఈ క్రమంలో ఎలాంటి ఆశ్చర్యకరమైన సంఘటనలు చోటు చేసుకున్నాయి? ఊరి ప్రజల పరిస్థితేంటి? మారెమ్మ కోసం కర్ణి చేసిన పోరాటమేంటి? తన మరదలు(దీపా బాలు)తో ఆయన ప్రేమాయణం ఎలా సాగిందనేది మిగిలిన కథ.

గ్రామ దేవతలు, అమ్మోరుని బేస్‌ చేసుకొని ఆనాటిగా సినిమాలు అదపాదడపా వస్తూనే ఉన్నాయి. ఆకట్టుకుంటున్నాయి. ఇటీవల కూడా హర్రర్‌, డివోషనల్‌ ఎలిమెంట్లతో మూవీస్‌ వస్తున్నాయి. అందులో భాగంగా మారెమ్మ అనే గ్రామ దేవతకి సంబంధించిన కథతో ఈ `మారెమ్మ` మూవీని రూపొందించారు. ఊరికి గత్తర వస్తే.. మారెమ్మ అమ్మవారు ఎలా కాపాడుకున్నారు? ఆమెకి దున్నపోతు బలి ఇవ్వడం, ఆ దున్నపోతుని హీరో పెంచడం, దానితో మంచి అనుబంధం ఏర్పడటం వంటి అంశాలను బేస్‌ చేసుకొని ఈ మూవీని తెరకెక్కించారు. ప్రారంభంలో బ్యాక్‌ స్టోరీ చెప్పి మూవీపై ఆసక్తిని పెంచారు. దున్నపోతు జన్మించడం వరకు కథ ఇంట్రెస్టింగ్‌గా అనిపిస్తుంది. ఆ తర్వాత రెగ్యూలర్‌గా సాగుతుంది. దున్నపోతు ఊర్లో రచ్చ చేయడం, దాన్ని మాధవ్‌ పెంచడం, మరోవైపు తన మరదలితో ప్రేమాయణం నడిపించడం వంటి సీన్లతో రన్‌ అవుతుంది. విలేజ్‌లోనూ కొంత కమర్షియల్‌ యాంగిల్‌ పెట్టారు. అది ఏమాత్రం సెట్‌ కాలేదు. వెళ్లే కథకి, హీరో లవ్‌ ట్రాక్‌ బలవంతంగా ఇరికించినట్టుగానే ఉంటుంది. మారెమ్మపై విలన్‌ కుట్ర చేయడం నుంచి కథ సీరియస్‌గా మారుతుంది. థ్రిల్లర్‌ జోన్‌లోకి వెళ్తుంది. కానీ మారెమ్మ శత్రువులను గుర్తించి వారిపై ఎటాక్‌ చేయడం వంటి సీన్లు కొంత వరకు బాగున్నాయి. కానీ ఆ తర్వాత కథ గాడి తప్పింది. ఇంటర్వెల్‌కి వచ్చే సీన్లు ట్విస్ట్ లతో ఇంట్రెస్టింగ్‌ అనిపిస్తాయి. సెకండాఫ్‌ మొత్తం మారెమ్మని వెతకడంతోనే సరిపోతుంది. మధ్యలో అమ్మవారి ఎఫెక్ట్ లు ఇచ్చారు. మాంత్రికురాలు చేసే మాయలతో రన్‌ అవుతుంది. ఆ తర్వాత మారెమ్మ ఎటుపోయిందనే సస్పెన్స్ నెలకొంటుంది. చూసే ఆడియెన్స్ కూడా అదే ఫీల్‌ అవుతారు. క్లైమాక్స్ కొంత ఇంట్రెస్టింగ్‌ మారి రెగ్యూలర్‌ చప్పగా కన్‌ క్లూజన్‌ తీసుకుంది.

సినిమాలో ప్లస్ ఏదైనా ఉందంటే అది తెలంగాణ నేపథ్యంలో, మారెమ్మ కథని ఎంచుకోవడం. ఇక దర్శకుడు సినిమాని నడిపించిన తీరు, ఆర్టిస్ట్ లతోపాటు చాలా వరకు అన్నీ మైనస్‌గానే చెప్పాలి. కథలో బలమైన కాన్ల్ఫిక్ట్ ని బాగా ఎస్టాబ్లిష్‌ చేయలేకపోయారు. కట్టే కొట్టే తెచ్చే అనేలా మూవీని తీశారు. సినిమా మొత్తం అతుకుల బొంతలా ఉంది. ఒక సీన్‌కి, తర్వాత వచ్చే సీన్‌కి సంబంధం లేదు. సీన్లు కూడా ప్రాపర్‌గా కంప్లీట్‌ కాలేదు. సినిమా నత్తనడకనా సాగుతుంది. ఎంత సేపు అక్కడే తిరుగుతుంది. సినిమాలో మాధవ్‌ హీరో కాదు, దున్నపోతే హీరో. మాధవ్‌ది సెకండ్‌ లీడ్‌ రోల్‌ అనేలా ఉంటుంది. నటుడిగానూ ఏమాత్రం మెప్పించలేకపోయాడు. ఆయన పాత్ర నిడివి కూడా చాలా తక్కువగా ఉంది. సినిమాని నడిపించే ఒక త్రెడ్‌ ఉంటుంది. దాని చుట్టూనే ఎమోషన్స్ అల్లుకుంటాయి. కానీ ఇందులో అదే మిస్‌ అయ్యింది. ప్రేమ కథ ఏమాత్రం సెట్‌ కాలేదు, ఫన్‌ లేదు. ఎమోషన్స్ అంతకంటే లేవు. అమ్మవారి మహిమలు కూడా క్లారిటీగా చూపించలేదు. దున్నుపోతు కథ కూడా లాజిక్ లెస్‌గా ఉంది. సినిమాని నడిపించే భావోద్వేగాలు లేకపోవడం పెద్ద మైనస్‌గా చెప్పొచ్చు. వాటెంట్‌గా సీన్లు వస్తున్నట్టుగా ఉన్నాయి. సహజత్వం మిస్‌అయ్యింది. తెలంగాణ యాస ఏమాత్రం సెట్‌ కాలేదు. హీరోకి అస్సలు సెట్‌ కాలేదు. ఫస్టాఫ్‌ స్లో అంటే, సెకండాఫ్‌ కథ లేక అక్కడక్కడే తిరుగుతుంది. దీంతో బోర్‌ ఫీలింగ్‌ తెప్పిస్తుంది. ముగింపు కూడా ఏమాత్రం కిక్‌ ఇవ్వలేకపోయింది. ఏదో ముగించాలి కదా అన్నట్టుగా క్లోజ్‌ చేశారు.

కర్ణి పాత్రలో మాధవ్‌ భూపతిరాజు కొంత వరకు మెప్పించాడు. స్క్రీన్‌పై ప్రామిసింగ్‌గా ఉన్నాడు. కానీ నటుడిగా ఇంకా బెటర్ కావాల్సింది. డైలాగ్‌లు చెప్పడంలో తడబాటు కనిపిస్తుంది. నటుడిగా ఇంకా చాలా హార్డ్ వర్క్ చేయాలి. ఎక్స్ ప్రెషన్స్ పరంగా తేలిపోయాడు. యాక్టింగ్‌ పరంగా ఆయన్ని చాలా వరకు కెమెరాలతో మ్యానేజ్‌ చేశారు. అంతేకాదు పాత్రకి పెద్దగా ప్రయారిటీ కూడా ఇవ్వలేదు. దున్నపోతు పాత్రని హీరోని చేశారు. ఇక ఆయన మరదలి పాత్రలో హీరోయిన్‌గా దీపా బాలు ఫ్రెష్ గా ఉంది. ఉన్నంతలో మెప్పించింది. అందంగానూ ఉంది. ఊరి పెద్దగా వినోద్‌ కుమార్‌ పాత్రలో ఒదిగిపోయారు. హీరో ఫ్రెండ్స్ గా మైవిలేష్‌ షో అనిల్‌, యాదమ్మ రాజు ఓకే అనిపించారు. కానీ వీరి నుంచి కామెడీని రాబట్టుకోలేకపోయారు. అలాగే సదానందం ద్వారా కూడా కామెడీ పెద్దగా వర్కౌట్‌ కాలేదు. నెగటివ్‌ రోల్ లో వికాస్‌ రెడ్డి అదరగొట్టాడు. రూపాలక్ష్మి, దయానంద్‌ రెడ్డి వంటి వారు ఉన్నంతలో ఫర్వాలేదనిపించారు.

సినిమాకి ప్రశాంత్‌ విహారి మ్యూజిక్‌ ఏమాత్రం హెల్ప్ కాలేదు. కొన్ని చోట్ల ఫర్వాలేదనిపించింది. కానీ చాలా వరకు తేలిపోయింది. ప్రశాంత్‌ అంకిరెడ్డి కెమెరా వర్క్ ఓకే అని చెప్పొచ్చు. ముప్పై ఏళ్ల నాటి లుక్‌ని తీసుకొచ్చారు. ఆర్ట్ వర్క్ కూడా చాలా బాగుంది. సాయి బాబు తలారి ఎడిటింగ్‌ పెద్ద మైనస్‌. సీన్‌ సీన్‌కి సంబంధం లేదు. సినిమా ముక్కలు ముక్కలుగా ఉంది. నిర్మాణ విలువలు సినిమా పరిధి మేరకు ఓకే. కాకపోతే పెద్దగా ఖర్చు పెట్టినట్టుగా కూడా లేదు. చాలా వరకు దులిపేసినట్టు ఉంది. క్వాలిటీ మిస్‌ అయ్యింది. దర్శకుడు మంచాల నాగరాజు ఎంచుకున్న కథ బాగానే ఉంది. కానీ దాన్ని తెరపై ఆవిష్కరించడంలో సక్సెస్‌ కాలేకపోయారు. ఆయన డైలాగ్‌ల్లో పస లేదు. స్క్రీన్‌ ప్లే పెద్ద మైనస్‌. కట్‌ పేస్ట్ లా మూవీని తీసినట్టు ఉంది. సీన్‌ సీన్‌కి సంబంధం లేకుండా ఉంది. దీంతో ఆడియెన్ మూవీతో కనెక్ట్ కాలేకపోతారు. ఎమోషన్‌ మిస్‌ కావడంతో సీన్లు వచ్చి పోతున్నాయి తప్ప, ఆ సోల్‌ కనెక్ట్ కావడం లేదు. చాలా లాజిక్స్ కూడా మిస్‌ అయ్యాయి. ఇదే ఈ మూవీకి పెద్ద మైనస్‌గా చెప్పొచ్చు. కథకి మధ్యలో లవ్‌ ట్రాక్‌, ఇతర పాత్రలకు సంబంధించిన సీన్లు, సదానందం సీన్లు ఇలా చాలా వరకు సీన్లు ఇరికించినట్టుగా ఉన్నాయి. కథ ఫ్లోని దెబ్బతీశాయి. సినిమా రూపమే మారిపోయింది. ఈ విషయంలో దర్శక నిర్మాతలు మరింత కేర్‌ తీసుకోవాల్సింది.

ఆకట్టుకోవడంలో విఫలమైన మారెమ్మ. సినిమాలో గత్తర రావడం కాదు, సినిమా చూస్తే గత్తర వచ్చేలా ఉంది. తెలంగాణ నేపథ్యంలో, అమ్మోరు నేపథ్యంలో కథలు కమర్షియల్‌గా వర్కౌట్‌ అవుతున్నాయని చేసిన ప్రయత్నంగానే ఉంది తప్ప, ఇందులో సిన్సియారిటీ, జెన్యూనిటీ ఏమాత్రం కనిపించడం లేదు.

రేటింగ్‌: 1.75

Paradise Review: ది ప్యారడైజ్ మూవీ ఫస్ట్ రివ్యూ.. నాని సినిమాలో హైలెట్స్ ఇవే, మైనస్ ఏంటంటే?

Mahesh Jujjuri — Wed, 23 Sep 2026 18:03:47 +0530

Paradise Review: నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో రూపుదిద్దుకున్న భారీ యాక్షన్ చిత్రం 'ది ప్యారడైజ్' రిలీజ్ కు రెడీ అవుతోంది. రీసెంట్ గా సెన్సార్ ప్రక్రియను విజయవంతంగా పూర్తి చేసుకున్న ఈ మూవీపై అంచనాలు భారీగా పెరిగాయి.

టాలీవుడ్ నేచురల్ స్టార్ నాని కెరీర్లో భారీ బడ్జెట్ తో తెరకెక్కిన పాన్ ఇండియా సినిమా ‘ది ప్యారడైజ్'(The Paradise). కయాదు లోహర్ హీరోయిన్ గా నటించిన ఈ సినిమాకి శ్రీకాంత్ ఓదెల దర్శకుడు. గతంలో వీరిద్దరి కాంబోలో వచ్చిన ‘దసరా’ సినిమా పెద్ద బ్లాక్ బస్టర్ అయ్యింది. నాని కెరీర్లో హయ్యెస్ట్ గ్రాసర్ గా నిలిచింది. హిట్టు కాంబినేషన్ కావడంతో మొదటి నుండీ ‘ది ప్యారడైజ్’ సినిమా పై భారీ అంచనాలు ఏర్పడ్డాయి. ఇక తాజాగా ఈసినిమా సెన్సార్ కూడా పూర్తి అయ్యింది. తీవ్రమైన రక్తపాతం, రా అండ్ రస్టిక్ యాక్షన్ దృశ్యాల కారణంగా సెన్సార్ బోర్డ్ ఈ చిత్రానికి 'A' (అడల్ట్స్ ఓన్లీ) సర్టిఫికెట్‌ను ఖరారు చేసింది. ఈ సినిమా రన్ టైమ్ 2 గంటల 49 నిమిషాలు (169 నిమిషాలు). నిడివి కాస్త ఎక్కువగా ఉన్నప్పటికీ, ఆద్యంతం ఉత్కంఠభరితమైన స్క్రీన్‌ప్లేతో కథ సాగుతుందని సమాచారం.

1984 కాలంలో సికింద్రాబాద్‌లోని ప్యారడైజ్ పరిసరాల్లో నివసించే సవారీ (సంచార) జాతి నేపథ్యంతో ఈ కథ నడుస్తుంది. సమాజంలో ఎలాంటి గుర్తింపు, కనీస పౌరసత్వం లేక అణచివేతకు గురయ్యే ఆ కమ్యూనిటీకి చెందిన యువకుడే జడల్ జమానా అలియాస్ ధగడ్ (నాని). ఆ ప్రాంతంలో ఆధిపత్యం చలాయించే శికంజ మాలిక్ (మోహన్ బాబు), విక్రమ్ మాలిక్ (రాఘవ్ జుయల్) జులుంను జడల్ ఎలా ఎదిరించాడు?, 80ల నాటి ఆదిలాబాద్ నేపథ్య ఘటనల ప్రభావంతో తన జాతి హక్కులు, ఉనికి కోసం వ్యవస్థపై అతడు చేసిన పోరాటమేమిటి?, తల్లి సమ్మక్క (సోనాలి కులకర్ణి)తో ఉన్న ఎమోషన్స్ సంఘర్షణ, సుబ్బు (కాయదు లోహర్)తో నడిచే ప్రేమ ప్రయాణం ఎలాంటి మలుపులు తిరిగాయన్నదే సినిమా.

రక్తం, తీవ్రమైన హింస కారణంగా సెన్సార్ బోర్డు ఈ సినిమాకు పలు మార్పులు సూచించి 'A' (పెద్దలకు మాత్రమే) సర్టిఫికెట్ ఇచ్చింది. 2 గంటల 49 నిమిషాల (169 నిమిషాలు) నిడివి ఉన్నప్పటికీ కథలోని డ్రామా బోర్ కొట్టించకుండా సాగుతుందని సమాచారం. నాని తన క్లాస్ ఇమేజ్‌ను పక్కనపెట్టి పూర్తి రా అండ్ రస్టిక్ లుక్‌లో కనిపిస్తారు. ఆయన క్యారెక్టరైజేషన్, యాక్షన్ ఎపిసోడ్స్ సినిమాకు ప్రధాన ఆకర్షణగా నిలవనున్నాయి.అనిరుధ్ సంగీతం (BGM) ప్రతి యాక్షన్ సీన్‌ను నెక్స్ట్ లెవెల్‌కి తీసుకెళ్లిందని సెన్సార్ వర్గాల సమాచారం. 1980ల నాటి వాతావరణాన్ని రీక్రియేట్ చేసిన ఆర్ట్ వర్క్, సినిమాటోగ్రఫీ కూడా ప్రత్యేకంగా నిలవనున్నాయి.

తన క్లాస్ ఇమేజ్‌ను పక్కనపెట్టి, ఇప్పటివరకు చూడని రస్టిక్ అండ్ రఫ్ లుక్‌లో నాని నటన గూస్‌బంప్స్ తెప్పిస్తుందని టాక్. జడలు వేసుకుని నేచురల్ స్టార్ గుర్తుపట్టకుండా మారిపోయాడు. అంతే కాదు అద్భుతమైన నటనతో మెస్మరైజ్ చేస్తున్నాడు. ఇక 'శికంజ మాలిక్' పాత్రలో మోహన్ బాబు తనదైన గాంభీర్యం, డైలాగ్ డెలివరీతో సినిమాకు ప్రధాన ఆకర్షణగా నిలిచారు. అనిరుధ్ అందించిన నేపథ్య సంగీతం ప్రతి యాక్షన్ బ్లాక్‌ను, ఎమోషనల్ సీన్‌ను నెక్స్ట్ లెవెల్‌కి తీసుకెళ్లిందట. సాయి సీహెచ్ కెమెరా పనితనం, అవినాశ్ కొల్ల ఆర్ట్ వర్క్ 1980ల నాటి నేటివిటీని కళ్లకు కట్టినట్లు చూపించాయి. కాయదు లోహర్, సోనాలి కులకర్ణిలతో పాటు సంపూర్ణేష్ బాబు ('బిర్యాని' పాత్రలో) కొత్త తరహా పాత్రలో పాద్రల పరిది మేరకు మెప్పించినట్టు తెలిసింది.

మైనస్ ఏంటంటే?

ఈసినిమా పై భారీ అంచనాలు ఉన్నాయి. కానీ సమాచారం ప్రకారం సినిమా సెకండ్ హాఫ్ పెద్దగా ఆకట్టుకోలేదని తెలుస్తోంది. మూవీలో ఎమోషన్స్ అనుకున్నంతగా పండలేదని… ఓవర్ డ్రామాలా అనిపిస్తాయని అంటున్నారు. ఫస్ట్ హాఫ్ వల్ల గట్టెక్కినా.. సెకండ్ హాఫ్ మూవీ ఆడియన్స్ కు నచ్చుతుందో లేదో చూడాలి. ఈ సినిమా కంప్లీట్ రివ్యూ తెలసుకోవాలంటే.. ఏసియనెట్ ఓరిజినల్ రివ్యూ కోసం చూడాల్సిందే

ఈ మూవీ ప్రపంచవ్యాప్తంగా సెప్టెంబర్ 24న గ్రాండ్ గా రిలీజ్ కానుంది. ఇప్పటికే బుకింగ్స్ ఓపెన్ అయ్యాయి. బుక్ మై షో యాప్ లో గంటకు వేల టికెట్స్ బుకింగ్ అవుతున్నాయి. ప్రీ రిలీజ్ ఈవెంట్ కాలేదు.. ట్రైలర్ రిలీజ్ అవ్వలేదు.. సినిమా ఎలా ఉంటుందో తెలియదు.. అయినా కూడా బుకింగ్స్ ఓ రేంజ్ లో జరుగుతున్నాయి. ఇప్పటికే ప్యారడైజ్ నుంచి వచ్చిన ఆయా షేర్, ఏషనాగుల పాటలు ఏ రేంజ్ లో హిట్ అయ్యాయో తెలిసిందే. ఎక్కడ చూసినా ఈ పాటలే వినిపిస్తున్నాయి.

ఈ మధ్య నేచురల్ స్టార్ నానీ.. రకరకాల ప్రయోగాలు చేస్తూ.. తన మార్క్ ను మార్చుకుని.. అన్ని రకాల సినిమాలు చేస్తున్నాడు. మరీ ముఖ్యంగా ప్రయోగాలకు పెద్ద పీట వేస్తున్నాడు. సాఫ్ట్ క్యారెక్టర్లు మాత్రమే కాదు.. రఫ్ పాత్రలు కూడా చేయగలనని నిరూపిస్తున్నాడు. ఈక్రమంలో పారడైజ్ సినిమాతో నానీ.. స్టార్ హీరోల సరసన చేరబోతున్నట్టు సమాచారం. ఈమూవీ అనుకున్న రేంజ్ లో హిట్ అయితే దాదపు 300 కోట్ల కలెక్షన్స్ వస్తాయన్న నమ్మకంతో టీమ్ ఉన్నారు. అదే జరిగితే.. నాని జాతకమే మారిపోతుందన్న నమ్మకం అభిమానుల్లో ఉంది. ఈ సినిమాతో నానీ టైర్ 1హీరోల లిస్ట్ లో చేరిపోతాడంటున్నారు అభిమానులు, ఏం జరుగుతుందో చూడాలి.

Sigma Movie Review: సిగ్మా మూవీ రివ్యూ.. విజమ్‌ కొడుకు జేసన్‌ సంజయ్‌ డైరెక్ట్ చేసిన సినిమా ఎలా ఉందంటే

Aithagoni Raju — Fri, 02 Oct 2026 15:32:57 +0530

విజయ్‌ కొడుకు జేసన్‌ సంజయ్‌ దర్శకుడిగా ఎంట్రీ ఇస్తున్న సినిమా `సిగ్మా`. సందీప్‌ కిషన్‌ హీరోగా నటించిన ఈ చిత్రం నేడు ఆడియెన్స్ ముందుకు వచ్చింది. మరి జేసన్‌ సంజయ్‌ దర్శకుడిగా నిరూపించుకున్నాడా?

తమిళనాడు సీఎం విజయ్ కొడుకు జేసన్‌ సంజయ్‌ దర్శకుడిగా మారి రూపొందిన చిత్రం `సిగ్మా`. ఇందులో సందీప్‌ కిషన్‌, ఫరియా అబ్దుల్లా జంటగా నటించారు. సంపత్‌రాజ్‌, రాజు సుందరం మాస్టర్‌ కీలక పాత్రలు పోషించారు. లైకా సంస్థ పతాకంపై సుభాస్కరణ్‌ నిర్మించారు. విజయ్‌ కొడుకు దర్శకుడిగా ఎంట్రీ ఇస్తున్న మూవీ కావడంతో దీనిపై ఆసక్తి ఏర్పడింది. ఈ చిత్రం నేడు శుక్రవారం(అక్టోబర్‌ 2)న విడుదలైంది. మరి జేసన్‌ సంజయ్‌ దర్శకుడిగా హిట్‌ కొట్టాడా? సందీప్‌కి ఇప్పుడైనా హిట్‌ పడిందా? సినిమా ఎలా ఉందనేది రివ్యూలో తెలుసుకుందాం.

గురు(సందీప్‌ కిషన్‌) తన అమ్మ జ్ఞాపకాలతో కూడిన లైబ్రరీని నిర్వహిస్తుంటాడు. తను బాగా అప్పల్లో ఉంటాడు. అప్పుల వాళ్లు బెదిరిస్తుంటారు. దీంతో ఎలాగైనా డబ్బు సంపాదించుకోవాలనుకుంటాడు. మరోవైపు వీరయ్య రెడ్డి(సంపత్‌ రాజ్‌), విన్సెంట్‌తో కలిసి మాఫియాని, క్యాసినోని నిర్వహిస్తుంటారు. దీని వెనుక భారీగా మాదక ద్రవ్యాల వ్యాపారం నడుస్తుంటుంది. ఇద్దరు బాగా సంపాదిస్తారు. వెయ్యి కోట్లు ఒక కంటెయినర్‌ లో ఉంటాయి. దాని కీ, బెన్‌ డ్రైవ్‌ విన్సెంట్‌ వద్ద ఉంటుంది. ఈ దశలో వీరయ్య రెడ్డి, విన్సెంట్‌ విడిపోతారు. విన్సెంట్‌ ఈ వ్యాపారాలను లీడ్‌ చేస్తుంటాడు. రెడ్డిపై పోలీసులు ఎటాక్‌ చేస్తారు. కానీ బతికి వస్తాడు. కీ కోసం వెతుకులాట జరుగుతుంది. మరోవైపు ఈ నేరాల గురించి, ఈ డబ్బు గురించి గురు టీమ్‌(ఫరియా, రాజు సుందరం)కి తెలుస్తుంది. వీళ్లు దాన్ని దక్కించుకునే ప్లాన్‌ చేస్తారు. ఈ క్రమంలో ఎలాంటి పరిణామాలు చోటు చేసుకున్నాయనేది సినిమా.

వెయ్యి కోట్ల మనీ చుట్టూ తిరిగే కథ ఇది. ఆ మనీని దక్కించుకునేందుకు కారణమైన కీ కోసం హీరో గ్యాంగ్‌, విలన్ల గ్యాంగ్‌ చేసే పోరాటమే ఈ మూవీ. ఓ వైపు క్రైమ్‌ స్టోరీ, మరోవైపు హీరో అప్పుల బాధతో బాధపడటం వంటి అంశాలతో సినిమా సాగుతుంది. రెండింటిని ప్యారలల్‌గా దర్శకుడు సినిమాని నడిపించాడు. కథగా ఇది చాలా సింపుల్‌. కానీ దర్శకుడు జేసన్‌ కథనం విషయంలోనే చాలా కాంప్లికేటెడ్‌గా మార్చాడు. కథ ఎటు వెళ్తుందో, ఏం జరుగుతుందో అర్థం కాని విధంగా తీసుకెళ్లారు. ప్రారంభంలో కథని ఎస్టాబ్లిష్‌ చేసే సమయంలో కొంత ఆసక్తికరంగా అనిపిస్తుంది. కానీ ఆ తర్వాత ఏం జరుగుతుందనే క్లారిటీ మిస్‌ అయ్యింది. ఏవేవో పాత్రలు వస్తుంటాయి. ఎందుకొస్తాయనేది క్లారిటీ లేదు. అనంతరం సందీప్‌ కిషన్‌, ఫరియా లవ్‌ ట్రాక్‌ ఉంటుంది. డబ్బు విషయంలో మోసం చేశాడని సందీప్‌ని ఫరియా ఛీ కొడుతుంది. కానీ డాక్టర్‌ అయిన రాజు సుందరం మాస్టర్‌ సపోర్ట్ గా ఉంటాడు. అలాగే డబ్బులు కోసం చేసే ప్రయత్నంలో క్యాసినో వెనక జరిగే క్రైమ్‌ గురించి హీరోకి తెలియడంతో అసలు కథ స్టార్ట్ అవుతుంది. ఆ చేదనలో విలన్లు కొట్టుకోవడం, విలన్లని హీరో బ్లాక్‌ మెయిల్‌ చేయడం, డబ్బులు డిమాండ్‌ చేయడం, డబ్బులు వచ్చినట్టే వచ్చి పోవడం వంటి సన్నివేశాలు కొంత ఇంట్రెస్టింగ్‌గా అనిపించినా, వాటిని సాగడంతో చిరాకు తెప్పిస్తాయి. ఆయా సీన్లలో ల్యాగ్‌ ఎక్కువగా ఉంటుంది.

కథ ఎంతసేపు అక్కడే తిరుగుతుంది. చనిపోయిండనుకున్న రెడ్డి మళ్లీ ఎంట్రీతో కథ మరోవైపు టర్న్ తీసుకుంటుంది. ఫస్టాఫ్‌ బాగా స్లో అనుకుంటే, సెకండాఫ్‌ మరింత స్లోగా, మరింత కన్‌ఫ్యూజన్‌గా ఉంటుంది. పాత్రలు ఎక్కువగా పెట్టడం కూడా ఇందులో మైనస్‌గానే చెప్పొచ్చు. సెకండాఫ్‌ మరింత గందరగోళంగా మారుతుంది. ఒక్క సీన్‌ కూడా ఎంగేజింగ్‌గా లేదు. పైగా బాగా లాగడంతో ఆడియెన్స్ సహనాన్ని పరీక్షించేలా ఉంటుంది. అదే సమయంలో లాజిక్‌ లెస్‌గా ఉంటుంది. క్లైమాక్స్ మరీ సాగదీశారు. అది ఏ స్థాయిలో అంటే ఆడియెన్స్ ఓపికని పరీక్షించేలా ఉంటుంది. ఎంత చేయకూడదో అంత చేశారు. సినిమాలో ఒక ఇంటెన్సిటీ లేదు, సీరియస్‌ నెస్‌ లేదు, డ్రామా వర్కౌట్‌ కాలేదు, థ్రిల్లర్‌ ఫీల్‌ లేదు. ఏ రకంగానూ ఈ సినిమా ఆడియెన్స్ ని మెప్పించలేకపోయిందని చెప్పొచ్చు. నటీనటుల ఓవర్‌ డ్రామా ఇబ్బంది పెడుతుంది. సినిమాలో ఏదైనా ప్లస్‌ ఉందంటే కొన్నిచోట్ల ఆర్‌ఆర్‌ ఆకట్టుకుంటుంది.

గురు పాత్రలో సందీప్‌ కిషన్‌ నటించి మెప్పించాడు. పాత్ర పరిధి మేరకు ఆకట్టుకున్నాడు. కానీ ఆయన పాత్రలోని డ్రామా కూడా ఓవర్‌గా అనిపిస్తుంది. యాక్షన్‌ సీన్లు ఏమాత్రం ఆకట్టుకోలేకపోయాయి. సామ్‌ పాత్రలో ఫరియా ఫర్వాలేదనిపించింది. మెప్పించే ప్రయత్నం చేసింది. రాజుసుందరం మాస్టర్‌ పాత్ర ఏమాత్రం నవ్వించలేదు. సందీప్‌ కిషన్‌ పక్కన చేసిన అబ్బాయి ఆకట్టుకునే ప్రయత్నం చేశాడు. సంపత్‌ రాజ్‌ ఎప్పటిలాగే మెప్పించాడు. మిగిలిన పాత్రధారులు ఓకే అనిపించారు.

థమన్‌ మ్యూజిక్‌ లో ఆర్‌ఆర్‌ ఓకే అనిపించింది. కానీ సీన్లల్లో దమ్ములేకపోవడంతో అవి తేలిపోయాయి. కెమెరా వర్క్ ఫర్వాలేదు. ఎడిటింగ్‌ పరంగా చాలా వర్క్ చేయాలి. నిర్మాణ విలువలకు కొదవ లేదు. సినిమా రేంజ్‌ని మించి ఖర్చు చేశారు. దర్శకుడు జేసన్‌ సంజయ్‌.. దర్శకుడిగా ఎంట్రీ ఇస్తూ ఇలాంటి సబ్జెక్ట్ ఎంపిక చేయడం మైనస్‌గా చెప్పొచ్చు. పైగా ఆకట్టుకునేలా తీయడంలో తడబడ్డాడు. ఇంకా చెప్పాలంటే ఫెయిల్‌ అయ్యాడు. ఫైనల్‌గా సినిమా చూశాక.. జేసన్‌ సంజయ్‌.. దర్శకుడిగా కంటే నటుడిగా ట్రై చేస్తే బెటర్‌ అనిపించింది.

ఆడియెన్స్ సహనంతో ఆడుకున్న సిగ్మా. విజయ్‌ కొడుకు జేసన్‌ సంజయ్‌ దర్శకుడిగా సక్సెస్‌కాలేకపోయారు.

రేటింగ్‌: 1.5

Gharana Mogudu Review: చిరంజీవి దెబ్బకు అమితాబచ్చన్ కు షాక్, మెగాస్టార్ మాస్ ఫాలోయింగ్ నిరూపించిన సినిమా.. ఘరానా మొగుడు రివ్యూ

Mahesh Jujjuri — Wed, 09 Sep 2026 08:03:41 +0530

Gharana Mogudu Review: మెగాస్టార్ చిరంజీవి మాస్ ఇమేజ్ తో పాటు రెమ్యునరేషన్ కూడా డబుల్ చేసిన మూవీ ఘరానా మొగుడు. ఈ సినిమాతో బిగ్ బీ అమితాబ్ ను కూడా సెకండ్ ప్లేస్ కు పడేశాడు చిరంజీవి. ఇంతకీ విషయం ఏంటి? ఘరానా మొగుడు రివ్యూలో తెలుసుకుందాం?

తెలుగు ఫిల్మ్ ఇండస్ట్రీ చరిత్రలో కొన్ని సినిమాలు మాత్రమే బాక్సాఫీస్ వద్ద రికార్డులను తిరగరాసి, ట్రెండ్ సెట్టర్లుగా నిలుస్తాయి. అలాంటి సంచలనాల్లో టాప్ ప్లేస్ లో నిలిచే సినిమా ఏదైనా ఉందంటే అది ఘరానా మొగుడు. మెగాస్టార్ చిరంజీవి, నగ్మ జంటగా.. దర్శకేంద్రుడు కె. రాఘవేంద్రరావు తెరకెక్కించిన ఈ మాస్ ఎంటర్‌టైనర్, తెలుగు సినిమా స్థాయిని పాన్-ఇండియా రేంజ్‌కు పెంచడమే కాకుండా రూ. 10 కోట్లకు పైగా గ్రాస్ వసూలు చేసిన మొదటి తెలుగు సినిమాగా చరిత్ర సృష్టించింది.

విశాఖపట్టణం పోర్టులో పని చేస్తున్న రాజు (చిరంజీవి) తోటి ఉద్యోగులకి సహాయపడుతూ అందరి మెప్పు పొందుతుంటాడు. తన తల్లి (శుభ) కి పక్షవాతం రావటంతో హైదరాబాదుకి తిరిగివచ్చి అక్కడ ఉద్యోగ ప్రయత్నాలు చేస్తుంటాడు. ప్రత్యర్థుల దాడిలో గాయపడిన పారిశ్రామికవేత్త అయిన బాపినీడు (రావు గోపాలరావు) ని రాజు రక్షిస్తాడు. అతని మంచితనాన్ని మెచ్చిన బాపినీడు తన సంస్థలోని ఒక ఉద్యోగానికి సిఫారసు పత్రాన్ని రాజుకి ఇస్తాడు. పొగరుబోతు అయిన బాపినీడు కుమార్తె ఉమాదేవి (నగ్మా) వ్యక్తిత్వం రాజుకి మొదటి నుండి నచ్చదు. సంస్థలో ఉద్యోగుల వద్ద మంచి పేరును సంపాదించిన రాజు వారికి నాయకత్వం వహిస్తూ ఉండటం ఉమాదేవికి నచ్చదు. అతనిని పెళ్ళి చేస్కొని అతని నోరు మూయించాలి అని ఎత్తు వేస్తుంది. కాని పెళ్ళి తర్వాత రాజు ఉమాదేవికి మరింత పెద్ద సమస్యగా మారతాడు. తన సెక్రటరీ అయిన భవాని (వాణీ విశ్వనాథ్) తో రాజు చనువుని ఉమాదేవి అపార్థం చేస్కొంటుంది. తన కొడుకుతో సంబంధాన్ని నిరాకరించిన ఉమాదేవిని అంతం చేయాలన్న రంగనాయకులు (కైకాల సత్యనారాయణ) ఎత్తుని చిత్తు చేస్తూ రాజు తన భార్యని రక్షించుకోవటంతో ఉమాదేవి రాజులోని మంచితనాన్ని గుర్తిస్తుంది. చివరికి ఉమాదేవి రాజుకు ఎలా దగ్గరవుతుంది.. క్లైమాక్స్ లో జరిగే ట్విస్ట్ ఏంటి? అనేది అసలు కథ.

రాజు పాత్రలో మెగాస్టార్ చిరంజీవి నటన అద్భుతం. ఆయన మాస్ మ్యానరిజమ్స్, ''కాస్త ఫేస్ లెప్ట్ టర్న్ ఇచ్చుకోండి..'' "బంగాళాఖాతంలో..." డైలాగ్ డెలివరీ, డ్యాన్సులు థియేటర్లలో ఈలలు వేయించాయి. కమెడీ, యాక్షన్, ఎమోషన్స్ అన్నింటినీ సరిగ్గా సమతుల్యం చేస్తూ సినిమా మొత్తాన్ని తన భుజాలపై నడిపించారు.

ఇక నగ్మ విషయానికి వస్తే.. పొగరుబోతు ధనవంతురాలిగా ఉమాదేవి పాత్రలో నగ్మ ఒదిగిపోయారు. ఆమె గ్లామర్, చిరంజీవితో ఉన్న ఆన్-స్క్రీన్ కెమిస్ట్రీ ఈ సినిమాకి ప్రధాన ఆకర్షణగా నిలిచాయి. మెగాస్టార్ కుపోటీ పడి ఈసినిమాలో నగ్మ నటించారు. సెకండ్ హీరోయిన్ గా నటించిన వాణి విశ్వనాథ్ విషయానికి వస్తే.. చిరంజీవితో ఆమె సన్నివేశాలు ప్రేక్షకులను అలరిస్తాయి. ఇద్దరి మధ్య రొమాంటిక్ సాంగ్ ఈసినిమాకు హైలెట్ గా నిలిచింది అని చెప్పాలి.

ఎప్పుడు విలన్ గా నటించే రావు గోపాలరావు పాజిటీవ్ పాత్రలో అద్బుతం చేశారు. ఈసినిమాలో ఆయన్ను చూసి ఆడియన్స్ తెగ సంతోషపడ్డారని చెప్పుకోవచ్చు. ఇక విలన్ గా కైకాల సత్యనారాయణ గురించి ప్రత్యేకంగా చెప్పనక్కర్లేదు. తన అనుభవంతో విలన్ పాత్రలకు సంపూర్ణ న్యాయం చేశారు. ఇక కామెడీ విషయానికి వస్తే.. బ్రహ్మానందం కామెడీ కడుపునొప్పి రావడంఖాయం.. రిక్షాకార్మికుడిగా బ్రహ్మీ పెర్ఫామెన్స్ అదరిపోయింది. ఇక సాక్షి రంగారావు, రమాప్రభ లాంటి ఇతర నటీనటులు తమ పాత్రల పరిధిమేరకు అద్భుతంగా నటించారు అని చెప్పాలి.

దర్శకుడు కె. రాఘవేంద్రరావు కమర్షియల్ ఎలిమెంట్స్‌ను హ్యాండిల్ చేయడంలో దిట్ట. కన్నడ చిత్రం 'అనురాగ అరళితూ' కథను తెలుగు ప్రేక్షకుల అభిరుచికి తగ్గట్టుగా పూర్తి మాస్ యాక్షన్ ఎంటర్‌టైనర్‌గా మలచడంలో ఆయన 100% విజయం సాధించారు. ఈ సినిమాకు దర్శకేంద్రుడు రూపం తెస్తే.. తన సంగీతంతో ఎం. ఎం. కీరవాణి ప్రాణం పోశారు. ఆయన అందించిన ట్యూన్స్ చిరంజీవి మాస్ ఇమేజ్ ను డబుల్ చేశాయి. బ్యాక్ గ్రౌండ్ మ్యూజిక్ అయితే ఆడియన్స్ ను సీన్ల నుంచి కదలనీయకుండా చేస్తుంది. ఇక పాటల విషయానికి వస్తే.. "బంగారు కోడి పెట్ట" పాట ఒక ట్రెండ్ సెట్టర్‌గా నిలిచింది. "కిలాడి బుల్లోడ" , "హే పిల్లా హలో పిల్లా" ''ఏందిబే ఎట్టాగ ఉంది'' వంటి పాటలు ఇప్పటికీ పాపులర్.

అమితాబ్ కు షాక్ ఇచ్చిన చిరంజీవి..

ఘరానా మొగుడు సినిమా రాజ్ కుమార్ నటించిన కన్నడ హిట్ 'అనురాగ అరళితూ'కి అధికారిక రీమేక్. అయితే తెలుగు ప్రేక్షకుల అభిరుచికి తగ్గట్టుగా రాఘవేంద్రరావు మాస్ ఎలిమెంట్స్, యాక్షన్ జోడించి దీనిని పూర్తి స్థాయి ఎంటర్‌టైనర్‌గా మార్చారు.

రూ. 10 కోట్ల గ్రాస్ వసూళ్లను సాధించిన మొదటి తెలుగు సినిమాగా ఘరానా మొగుడు రికార్డు సృష్టించింది. ఈ చిత్రం 39 కేంద్రాల్లో 100 రోజులు, 184 రోజులు (అంటే అర్ధ శతాధిక దినోత్సవం) పైగా ప్రదర్శించబడింది.

ఈ సినిమా సాధించిన సంచలన విజయంతో ' అప్పట్లో ప్రముఖ పత్రిక తన మేగజైన్ లో చిరంజీవి ఫోటోతో "బిగ్గర్ దాన్ అమితాబ్" (అమితాబ్ బచ్చన్ కంటే పెద్ద స్టార్) అనే శీర్షికతో కవర్ స్టోరీ ప్రచురించింది. ఈ సినిమా విజయం తర్వాత చిరంజీవికి రూ. 1.25 కోట్ల రెమ్యూనరేషన్ లభించింది. దాంతో ఆ సమయంలో భారతదేశంలోనే అత్యధిక పారితోషికం తీసుకున్న నటుడిగా ఆయన వార్తల్లో నిలిచారు.

ఎం. ఎం. కీరవాణి సంగీతం ఈ సినిమాకి ప్రధాన బలం. ముఖ్యంగా "బంగారు కోడి పెట్ట" పాట తెలుగు రాష్ట్రాలను ఊపేసింది. ఈ పాట కొరియోగ్రఫీ, చిరంజీవి డాన్స్ మూవ్స్ థియేటర్లలో ప్రేక్షకులతో ఈలలు వేయించాయి. చిరంజీవి చెప్పిన "బంగాళాఖాతంలో..." అనే డైలాగ్, ఆయన మాస్ మ్యానరిజమ్స్ అప్పట్లో చిన్నపిల్లల నుండి పెద్దల వరకు అందరి నోళ్లలో నానాయి.

సినిమా విడుదలైన సమయంలో వైజాగ్ , హైదరాబాద్‌లలో అభిమానులు థియేటర్ల దగ్గర భారీ ఎత్తున కటౌట్లు పెట్టి, క్షీరాభిషేకాలు చేశారు. చిరంజీవి కటౌట్‌కు పూలదండలు వేయడానికి క్రేన్లు ఉపయోగించడం అప్పట్లో పెద్ద వింతగా మాట్లాడుకున్నారు. ఈ సినిమా టికెట్ల కోసం థియేటర్ల వద్ద తొక్కిసలాటలు జరిగాయి. రూపాయి టికెట్ బ్లాక్‌లో రూ. 50 నుండి రూ. 100 వరకు అమ్ముడవ్వడం ఆ రోజుల్లో ఒక సంచలనం.

ప్లస్ పాయింట్స్:

చిరంజీవి ఎనర్జిటిక్ పర్ఫార్మెన్స్, డాన్సులు ,మ్యానరిజమ్స్.

చిరంజీవి-నగ్మ మధ్య ఆన్-స్క్రీన్ కెమిస్ట్రీ.

ఎం. ఎం. కీరవాణి చార్ట్ బస్టర్ మ్యూజిక్.

కె. రాఘవేంద్రరావు మార్క్ కమర్షియల్ టేకింగ్.

మైనస్ పాయింట్స్:

రొటీన్ మాస్ స్టోరీ.

సెకండాఫ్‌లో కొన్ని సీన్లు కాస్త ఊహించదగినవిగా ఉండటం.

ఫైనల్ గా..

ఘరానా మొగుడు అనేది తెలుగు సినిమా చరిత్రలో ఒక ల్యాండ్‌మార్క్ మూవీ. మెగాస్టార్ చిరంజీవి మాస్ ఇమేజ్‌ను శిఖరాగ్రానికి తీసుకెళ్లిన చిత్రం ఇది. డ్యాన్సులు, ఫైట్లు, కామెడీ, రొమాన్స్ అన్ని సమపాళ్లలో కుదిరిన పక్కా కమర్షియల్ ఎంటర్‌టైనర్. ఇప్పటి ఆడియన్స్ ను కూడా ఈసినిమా అలరించగలదు. ఈమూవీ చూడాలంటే యూట్యూబ్ లో అందుబాటులో ఉంది.

Sardar 2 Movie Review: సర్దార్‌ 2 మూవీ రివ్యూ.. కార్తి, ఎస్‌ జే సూర్య నటించిన మూవీ ఎలా ఉందంటే?

Aithagoni Raju — Thu, 10 Sep 2026 17:39:22 +0530

Sardar 2 Movie Review: పి.ఎస్. మిత్రన్ దర్శకత్వంలో కార్తి, ఎస్.జె. సూర్య నటించిన 'సర్దార్ 2' సినిమా ప్రపంచవ్యాప్తంగా గురువారం రిలీజైంది. ఈ స్పై థ్రిల్లర్ మూవీ ఎలా ఉందో రివ్యూలో తెలుసుకుందాం.

2022లో వచ్చిన 'సర్దార్' సినిమాకు ప్రేక్షకుల నుంచి మంచి రెస్పాన్స్ వచ్చింది. దానికి కొనసాగింపుగా ఇప్పుడు 'సర్దార్ 2' వచ్చింది. పి.ఎస్. మిత్రన్ డైరెక్షన్‌లో కార్తి డ్యూయల్ రోల్‌లో నటించగా, ఎస్.జె. సూర్య విలన్‌గా కనిపించారు. భారీ అంచనాల మధ్య గురువారం(సెప్టెంబర్‌ 10)న రిలీజైన ఈ సినిమా ఎలా ఉందో రివ్యూలో చూద్దాం.

'వాల్రస్' అనే ఓ సీక్రెట్ ఏజెంట్ కోసం మన గూఢచార సంస్థ వెతుకుతుండటంతో సినిమా స్టార్ట్ అవుతుంది. కార్తి అతన్ని వెతుక్కుంటూ వెళ్తే, ఎస్.జె. సూర్య మనుషులు కూడా అతన్ని ఫాలో అవుతారు. చివరికి వాల్రస్ చనిపోతూ, కత్తి ఆకారంలో ఉన్న ఒక తాళాన్ని కార్తికి అప్పగిస్తాడు. ఆ తాళం వెనుక ఉన్న రహస్యాన్ని ఛేదించడానికి కార్తి రంగంలోకి దిగుతాడు. అప్పుడే అలాంటివి మరో రెండు తాళాలు ఉన్నాయని, ఆ మూడు కలిస్తే ఒక పెద్ద 'బయో-అపోకలిప్స్'కు దారితీసే ప్రమాదకరమైన దాన్ని తెరవొచ్చని తెలుస్తుంది. మానవజాతిలో చాలామందిని నాశనం చేయడమే ఎస్.జె. సూర్య ప్లాన్. కానీ ఈ కథ ఇవాళ మొదలైంది కాదు, దీని మూలాలు 1981లోనే ఉన్నాయని కార్తి కనిపెడతాడు. 1981లో జరిగిన ఓ పెద్ద బయోలాజికల్ విపత్తును ఆపి దేశాన్ని కాపాడింది సర్దార్ అని కొడుకు విజయ్ ప్రకాష్‌కి తెలుస్తుంది. కానీ ఆ ఘటనలో ఓ గ్రామం మొత్తం తీవ్రంగా నష్టపోతుంది. సుమారు 3,000 మంది ఉన్న ఆ గ్రామంలో, సర్దార్ కేవలం 54 మందిని మాత్రమే యాంటీడోట్ సహాయంతో కాపాడగలుగుతాడు. అందరినీ కాపాడతానని ఇచ్చిన మాట నిలబెట్టుకోలేకపోయాననే అపరాధభావం సర్దార్‌ను ఏళ్ల తరబడి వెంటాడుతుంది. మరి, ఎప్పుడో ఆపిన ఆ విపత్తును మళ్లీ ఎస్.జె. సూర్య ఎందుకు సృష్టించాలనుకుంటున్నాడు? అతని లక్ష్యం ఏంటి? సర్దార్ మళ్లీ ఆ ప్రమాదాన్ని ఆపాడా? అన్నదే మిగతా కథ.

మొదటి భాగంలో నీటి సమస్యపై డైరెక్టర్ పి.ఎస్. మిత్రన్ సమాజానికి ఒక ముఖ్యమైన హెచ్చరిక చేశారు. ఈ రెండో భాగంలో 'కొలిస్టిన్' అనే యాంటీబయాటిక్‌ను తప్పుగా వాడితే భవిష్యత్తులో ఎలాంటి పెను విపత్తు వస్తుందో చూపించారు. దీన్ని కేవలం సీరియస్‌గా చెప్పకుండా, ఎస్.జె. సూర్య, యోగి బాబు, నిళల్‌గళ్ రవి పాత్రల ద్వారా కామెడీతో, ఆసక్తికరంగా నడిపించడం సినిమాకు పెద్ద ప్లస్. నవ్విస్తూనే ఆలోచింపజేసేలా ఈ సీన్స్ ఉంటాయి. దర్శకుడు పీఎస్ మిత్రన్ తన సినిమాల్లో సామాజిక అంశాలను ప్రస్తావిస్తూ ప్రేక్షకులకు సందేశం ఇచ్చే ప్రయత్నం చేస్తుంటారు. ‘సర్దార్’లో ప్లాస్టిక్ బాటిల్స్ వినియోగంపై అవగాహన కల్పించిన దర్శకుడు ‘సర్దార్ 2’లో మనం తీసుకునే ఆహారం, అందులో కలిసే మందులు, యాంటీబయాటిక్స్ ప్రభావాన్ని కోలాస్టిన్ (Colastin) అంశం ద్వారా చూపించారు. పాయింట్ మంచిదే అయినా.. దాన్ని తెరపై ఆసక్తికరంగా చెప్పడంలో మాత్రం విఫలమయ్యారు.

స్పై థ్రిల్లర్‌కు కమర్షియల్ అంశాలను జోడించడంతో సినిమా బాగా సాగదీసినట్టు అనిపిస్తుంది. సీరియస్ సన్నివేశాల మధ్య వచ్చే కామెడీ కూడా కథ ఫ్లోను దెబ్బతీసింది. జపాన్ నుంచి కోలాస్టిన్ దొంగిలించే ఎపిసోడ్, ప్రీ క్లైమాక్స్, క్లైమాక్స్ సన్నివేశాలు ఆశించిన స్థాయిలో థ్రిల్ ఇవ్వవు. విలన్ ఫ్లాష్‌బ్యాక్ తర్వాత సినిమా సాధారణ రివెంజ్ డ్రామాగా మారుతుంది. మూడు గంటల నిడివి కూడా మైనస్‌గా మారింది. దానికి తోడు కామెడీ, ఎమోషనల్ ట్రాక్‌లను కూడా రొటీన్‌గా రాసుకోవడంతో సినిమా మరింత సాగతీతగా మారింది. తెలుగు డబ్బింగ్‌ కూడా దారుణంగా ఉంది. ఏమాత్రం సహజంగా అనిపించలేదు. అది పెద్ద మైనస్‌గా చెప్పొచ్చు.

కార్తి... సర్దార్, విజయ్ ప్రకాష్ అనే రెండు పాత్రల్లో తన నటనతో అదరగొట్టాడు. ముఖ్యంగా సర్దార్ ఫ్లాష్‌బ్యాక్ సీన్స్, యాక్షన్ ఎపిసోడ్స్, ఇంటర్వెల్ ఎంట్రీ అభిమానులను ఆకట్టుకుంటాయి. ఎస్.జె. సూర్య విలన్‌గా మరోసారి తన యూనిక్ యాక్టింగ్‌తో మెప్పించాడు. ఆయన కనిపించే ప్రతి సీన్‌లో విలనిజం బలంగా కనిపిస్తుంది. ముఖ్యంగా యోగి బాబు, నిళల్‌గళ్ రవితో ఆయన కాంబినేషన్ సీన్స్‌కు థియేటర్లో విజిల్స్ పడతాయి. మాళవిక మోహనన్ ఏజెంట్ పాత్రను బాగా హ్యాండిల్ చేసింది. నాజర్, అవినాష్, ఆషికా రంగనాథ్, బాబు ఆంటోనీ, యోగి బాబు వంటి మిగతా నటులు కూడా తమ పాత్రలకు పూర్తి న్యాయం చేశారు.

సినిమాలో యాక్షన్ సీన్స్ పెద్ద బలం. సినిమాటోగ్రఫీ, VFX లాంటి టెక్నికల్ అంశాలు సినిమాకు గ్రాండియర్ లుక్ ఇచ్చాయి. సామ్ సి.ఎస్. బ్యాక్‌గ్రౌండ్ మ్యూజిక్ చాలా కీలకమైన సీన్లకు బలాన్నిచ్చింది. ముఖ్యంగా యాక్షన్, మాస్ సీన్స్‌లో బీజీఎం బాగా వర్కవుట్ అయింది. కార్తి-ఎస్.జె. సూర్య నటన, బలమైన క్యారెక్టర్ డిజైన్, 'కొలిస్టిన్' పై సోషల్ మెసేజ్, యాక్షన్ సీన్స్, టెక్నికల్ వర్క్, సపోర్టింగ్ యాక్టర్స్ నటన సినిమాకు ప్లస్ పాయింట్స్. అయితే ఎమోషనల్‌గా మూవీ కనెక్ట్ కాలేదు. టెక్నీకల్‌గా బాగున్నా, దర్శకుడు సినిమాని రక్తికట్టేలా తెరకెక్కించడంలో విఫలమయ్యాడు. లాజిక్‌ లెస్‌గా, ఆకట్టుకునేలా రూపొందించడంలో తడబాటు కనిపిస్తుంది. దీంతో అది సినిమా ఫలితంపై దెబ్బ పడిందని చెప్పొచ్చు.

మొత్తంగా సందేశం బాగున్నా.. ఎగ్జిక్యూషన్ ఆకట్టుకోలేదు. కార్తీ, పీఎస్ మిత్రన్ అభిమానులను, సగటు ప్రేక్షకులను ‘సర్దార్ 2’ నిరాశపరుస్తుంది. మంచి పాయింట్‌ను ఆసక్తికరమైన స్పై థ్రిల్లర్‌గా మలచడంలో దర్శకుడు విఫలమయ్యారు.

రేటింగ్‌: 2

Tatvam Movie Review: తత్వం మూవీ రివ్యూ.. నయా మర్డర్‌ మిస్టరీ థ్రిల్లర్‌ ఎలా ఉందంటే?

Aithagoni Raju — Fri, 02 Oct 2026 07:16:07 +0530

దినేష్‌ తేజ్‌, దష్విక కె జంటగా నటించిన చిత్రం `తత్వం`. మర్డర్‌ మిస్టరీ అంశాలతో సాగే ఈ చిత్రం నేడు శుక్రవారం విడుదలైంది. మరి మిస్టరీ ఎంగేజ్‌చేసిందా? తత్వం బోధపడిందా అనేది రివ్యూలో చూద్దాం.

క్రైమ్ థ్రిల్లర్ సినిమాలకు ప్రేక్షకుల్లో ఎప్పుడూ ప్రత్యేకమైన ఆదరణ ఉంటుంది. ముఖ్యంగా హత్య వెనుక ఉన్న అసలు నిజాన్ని తెలుసుకునే క్రమంలో వచ్చే ట్విస్టులు, అనుమానాలు, ఉత్కంఠ ప్రేక్షకులను చివరి వరకు కూర్చోబెడతాయి. అలాంటి మర్డర్ మిస్టరీ కథకు తాత్విక, ఆధ్యాత్మిక అంశాలను జోడిస్తూ తెరకెక్కిన చిత్రమే ‘తత్వం’. దినేష్ తేజ్, దష్విక.కె జంటగా నటించిన ఈ సినిమాకు అర్జున్ కోలా దర్శకత్వం వహించారు. శీమకుర్తి వంశీ కృష్ణ, శ్వేత పసుపులేటి నిర్మించారు. నేడు శుక్రవారం( అక్టోబర్ 2న) ప్రేక్షకుల ముందుకొచ్చిన ఈ సినిమా కథ, కథనం, నటీనటుల ప్రదర్శన ఎలా ఉన్నాయి? మర్డర్ మిస్టరీగా ఎంతవరకు ఆకట్టుకుంది? అనేది రివ్యూలో తెలుసుకుందాం.

కానిస్టేబుల్‌గా పనిచేస్తూ ఎస్సై కావాలనే లక్ష్యంతో ముందుకు సాగుతుంటాడు కళ్యాణ్ (దినేష్ తేజ్). ఎస్సై పరీక్ష ఫలితాల కోసం ఎదురుచూస్తున్న సమయంలో పెళ్లి చూపుల కోసం రామాపురం గ్రామానికి వెళ్తాడు. అక్కడ సౌమ్య (దష్విక)ను చూసిన మొదటి చూపులోనే ఇష్టపడతాడు. అయితే అదే గ్రామంలో మూర్తి, నాగమణి అనే దంపతులు దారుణ హత్యకు గురవుతారు. వారికి మానసిక సమస్యలతో బాధపడుతున్న సుధ అనే కుమారుడు ఉంటాడు. తల్లిదండ్రులను సుధనే హత్య చేశాడని అనుమానించిన గ్రామస్థులు అతడిపై దాడికి దిగుతారు. ఈ కేసు పోలీస్ స్టేషన్‌కు చేరడంతో దర్యాప్తు బాధ్యత కళ్యాణ్‌పై పడుతుంది. పెళ్లి చూపుల కోసం వచ్చిన అతడికి అనుకోకుండా ఓ జంట హత్య కేసును ఛేదించే బాధ్యత ఎదురవుతుంది. అయితే దర్యాప్తు సాగుతున్న కొద్దీ అనేక అనుమానాలు తెరపైకి వస్తాయి. సుధ నిజంగానే హంతకుడా? ఈ హత్యల వెనుక మరేదైనా రహస్యం ఉందా? కళ్యాణ్ తెలుసుకున్న నిజాలేంటి? చివరకు సౌమ్యతో అతడి పెళ్లి జరుగుతుందా? లేదా? అన్నది తెరపై చూడాల్సిందే.

మర్డర్‌ మిస్టరీ నేపథ్యంలో ఎన్ని సినిమాలు వచ్చినా, అవి ఎంగేజ్‌ చేస్తాయి. కానీ వాటికి కావాల్సింది చూస్తున్నంతసేపు కథనం ఎంగేజింగ్‌గా సాగాలి. ట్విస్ట్ లు, టర్న్ లతో సాగితే ఆడియెన్స్ థ్రిల్‌ అవుతారు. ఎంజాయ్‌ చేస్తారు. అలా ఫీల్‌ని ఇచ్చిన చిత్రాలు చాలా వరకు సక్సెస్‌ అవుతాయి. లేదంటే షెడ్డుకి వెళ్లాల్సిందే. ఆ విషయంలో తత్వం కొంత వరకు బెటర్‌ అని చెప్పొచ్చు. ‘తత్వం’ను సాధారణ మర్డర్ మిస్టరీగా కాకుండా మనిషి ఆలోచనలు, నమ్మకాలు, నిజం, చైతన్యం వంటి అంశాలను ప్రశ్నించే కథగా తెరకెక్కించే ప్రయత్నం చేశారు. ఒకవైపు పోలీస్ ఇన్వెస్టిగేషన్, మరోవైపు తాత్విక ఆలోచనలను కలిపి కథను నడిపించారు. ముఖ్యంగా సుధ పాత్ర ద్వారా ఒక వ్యక్తి ప్రవర్తనను బట్టి అతడిని నేరస్థుడిగా నిర్ణయించడం ఎంతవరకు సరైనదనే ప్రశ్నను లేవనెత్తారు. కళ్యాణ్ దర్యాప్తు, గ్రామస్థుల అనుమానాలు, అసలు నేరస్థుడిని గుర్తించే ప్రయత్నం కథలో ఆసక్తిని పెంచుతాయి. అయితే ఈ ఆసక్తిని ప్రేక్షకుల్లో చివరి వరకు కొనసాగించడంలో కథనం మరింత వేగంగా సాగాల్సింది. కొన్ని సన్నివేశాలు నెమ్మదిగా సాగడంతో సినిమా కాస్త ల్యాగ్ అయిన భావన కలుగుతుంది. క్రైమ్, మిస్టరీతో పాటు తాత్విక అంశాలు కూడా ఉండటంతో ప్రతి ప్రేక్షకుడికి కథనం ఒకే స్థాయిలో కనెక్ట్ కాకపోవచ్చు. ‘తత్వం’ ఒక మర్డర్ మిస్టరీకి తాత్విక ఆలోచనలను జోడించిన ప్రయత్నం. ఆసక్తికరమైన హత్య కేసు, అనుమానాలు, నిజానిజాల అన్వేషణ సినిమాకు ప్రధాన ఆకర్షణలు. అయితే నెమ్మదిగా సాగే కథనం కొంత నిరాశ కలిగిస్తుంది. క్రైమ్ ఇన్వెస్టిగేషన్‌తో పాటు ఆధ్యాత్మిక, తాత్విక అంశాలను ఇష్టపడే ప్రేక్షకులకు ఈ సినిమా ఓసారి చూడదగిన అనుభూతిని అందిస్తుంది.

కళ్యాణ్ పాత్రలో దినేష్ తేజ్ తనదైన నటనతో ఆకట్టుకునే ప్రయత్నం చేశారు. సాధారణ కానిస్టేబుల్‌గా మొదలై క్లిష్టమైన హత్య కేసును ఛేదించే పోలీస్‌గా ఆయన పాత్రలో పరిణామం కనిపిస్తుంది. సౌమ్యగా దష్విక తన పాత్రకు న్యాయం చేశారు. మూర్తి, నాగమణి, సుధ పాత్రల్లో కనిపించిన ఇతర నటీనటులు కూడా కథకు అవసరమైన సహకారం అందించారు. మిగిలిన పాత్రధారులు ఓకే అనిపించారు.

దర్శకుడు అర్జున్ కోలా క్రైమ్ ఇన్వెస్టిగేషన్‌కు ఆధ్యాత్మిక, తాత్విక అంశాలను జోడించడం ద్వారా భిన్నమైన కథను చెప్పే ప్రయత్నం చేశారు. హత్య వెనుక ఉన్న రహస్యాన్ని క్రమంగా బయటపెట్టే విధానం ఆసక్తిని కలిగిస్తుంది. అయితే స్క్రీన్‌ప్లేలో వేగం, కొన్ని సన్నివేశాల ఎడిటింగ్‌పై మరింత శ్రద్ధ పెట్టాల్సింది. నిర్మాణ విలువలు కథకు అనుగుణంగా ఉన్నాయి. కెమెరా పనితనం బాగుంది. విజువల్స్ రిచ్‌గా ఉన్నాయి. నిర్మాణ విలువలకు కొదవ లేదు. అలాగే ఎడిటింగ్‌ పరంగా మరికొంత జాగ్రత్తలు తీసుకోవాల్సింది. చైతన్య భరద్వాజ్‌ మ్యూజిక్‌ ఓకే అనిపించింది. ఆర్‌ఆర్‌ బాగుంది.

మర్డర్‌ మిస్టరీ చిత్రాలను ఇష్టపడేవారికి నచ్చే మూవీ అవుతుంది. వారికే తత్వం బోధపడుతుంది.

రేటింగ్: 2.5/5

Epic Movie Review: ఎపిక్‌ మూవీ రివ్యూ.. ఆనంద్‌ దేవరకొండ, వైష్ణవి చైతన్య మ్యాజిక్ మరోసారి వర్కౌట్ అయ్యిందా?

Aithagoni Raju — Fri, 11 Sep 2026 06:42:25 +0530

ఆనంద్‌ దేవరకొండ, వైష్ణవి చైతన్య జంటగా నటించిన మూవీ `ఎపిక్‌ ఫస్ట్ సెమిస్టర్‌`. `బేబీ` తర్వాత ఈ ఇద్దరు జంటగా నటించిన ఈ మూవీ తాజాగా విడుదలైంది. మరి సినిమా ఎలా ఉందంటే?

`బేబీ` తర్వాత ఆనంద్‌ దేవరకొండ, వైష్ణవి చైతన్య జంటగా నటించిన చిత్రం `ఎపిక్‌`(ఫస్ట్ సెమిస్టర్‌). ఆదిత్య హాసన్‌ దర్శకత్వంలో రూపొందిన ఈ చిత్రాన్ని శ్రీకర మూవీస్‌ సమర్పణలో సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ పతాకాలపై నాగవంశీ, సాయి సౌజన్య నిర్మించారు. ఇది `90 మిడిల్‌ క్లాస్‌ బయోపిక్‌` వెబ్‌ సిరీస్‌కి కొనసాగింపుగా, అందులోని చిన్న కుర్రాడి జర్నీని తీసుకొని రూపొందించారు. ఇది నేడు శుక్రవారం(సెప్టెంబర్‌ 11)న విడుదలైంది. ముందుగానే ప్రీమియర్స్ ప్రదర్శించారు. ప్రారంభం నుంచి మూవీపై మంచి బజ్‌ ఉంది. దీనికితోడు `బేబీ` జోడీ మళ్లీ కలిసి చేసిన మూవీ కావడంతో అంచనాలు బాగానే ఉన్నాయి. మరి మరోసారి ఈ జంట మ్యాజిక్‌ చేసింది, అంచనాలను అందుకునేలా సినిమా ఉందా అనేది రివ్యూలో తెలుసుకుందాం.

వనపర్తికి చెందిన ఒక సాధారణ మిడిల్‌ క్లాస్‌ కుర్రాడు ఆదిత్య(ఆనంద్‌ దేవరకొండ). సినిమా డైరెక్టర్‌ కావాలనే కలలు కంటుంటాడు. వాళ్ల నాన్న చంద్రశేఖర్‌(శివాజీ) టీచర్‌. అమ్మ(వాసుకి) హౌజ్‌ వైఫ్‌. డిగ్రీ చేసి మూడేళ్లు అయినా ఖాళీగా తిరుగుతున్న ఆదిత్యని యూకే పంపిస్తాడు వాళ్ల నాన్న. ఇష్టం లేకపోయినా పేరెంట్స్ కోసం యూకే వెళ్తాడు ఆదిత్య. తనకు అక్కడ ఏం తెలియదు. అమ్మాయిలతో ఎలా ఉండాలో కూడా తెలియదు. మొదటి రోజు అక్కడ మన తెలుగువాడు(గవిరెడ్డి) పరిచయం అవుతాడు. సపోర్ట్ చేస్తాడు. తన రూమ్‌ కూడా ఇస్తాడు. కాలేజీకి వెళ్లగా అక్కడ కడలి(వైష్ణవి చైతన్య) పరిచయం అవుతుంది. ఆదిత్యని అన్ని రకాలుగా గైడ్‌ చేస్తుంది. ఒక రోజు మొత్తం ఆమె తనతోనే ఉంటుంది. దీంతో ఆమెకి ఇంప్రెస్‌ అవుతాడు ఆదిత్య. అంతేకాదు రాత్రి తన రూమ్‌కి ఇన్‌వైట్‌ చేయగా, ఆమె కూడా వస్తుంది. ఆ రాత్రి ఇద్దరు మాంచి రొమాంటిక్‌ మూడ్‌లో కిస్‌ చేసుకుంటారు. ఆ తర్వాత పర్మినెంట్‌గా తన రూమ్‌లోనే ఉండిపోతుంది కడలి. ఇద్దరు ఫ్రెండ్స్ అయి, ఆ తర్వాత ఫిజికల్‌గానూ కలుస్తారు. నీ కాస్ట్ నా కాస్ట్ వేరని, ఈ లవ్‌, ఎమోషనల్‌గా కనెక్ట్ కావడం, పెళ్లి లాంటివి వద్దు అని ముందుగానే చెబుతుంది కడలి. మొదట బయపడ్డ ఆదిత్య.. తర్వాత ఓకే చెబుతారు. ఒకేరూమ్‌లో ఉన్న వీరిద్దరు ఏంచేశారు? వీరి జర్నీ ఎలాంటి మలుపులు తీసుకుంది? నిజంగానే ఈ ఇద్దరు స్నేహితులుగా ఉన్నారా? ప్రేమికులుగా మారిపోయారా? ఎమోషనల్‌ కనెక్షన్‌కి దూరంగా ఉన్నారా? చదువుకోవడానికి వెళ్లిన ఆదిత్య అక్కడ ఏం చేశాడు. ఆయనలో వచ్చిన రియలైజేషన్‌ ఏంటి? ఇంతకి కడలిది ఎక్కడ? ఆమె ఒక్క రోజులోనే ఆదిత్య రూమ్‌లో ఉండేందుకు ఎందుకు ఓకే చెప్పింది? ఆమె కథేంటి? చివరగా ఈ సినిమా ద్వారా దర్శకుడు ఏం చెప్పాలనుకున్నాడనేది మిగిలిన కథ.

ఫారెన్‌ వెళ్లిన చాలా మంది స్టూడెంట్స్ జీవితాలను అద్దంపట్టే కథతో రూపొందించిన చిత్రమిది. ప్రారంభంలో సిన్సియర్‌గా చదువుకోవడానికి వెళ్లి, అక్కడ కల్చర్‌కి ఎలా మారిపోయారు? అమ్మాయిలు, అబ్బాయిలు జల్సాలకు అలవాటై లైఫ్‌ని ఎలా డిస్టర్బ్ చేసుకుంటున్నారనేది ఇందులో చూపించే ప్రయత్నం చేశారు. ఒక అబ్బాయి ప్రేమ, పెళ్లి కంటే ముందు లైఫ్‌లో సెటిల్‌ కావడమనేది మంచి సందేశాన్ని అందించిన చిత్రమిది. అమ్మాయి, ప్రేమ వంటి అంశాలు కూడా ముఖ్యమే, కానీ వాటి మాయలో పడి గోల్‌ ని మిస్‌ అయితే లైఫ్‌ తలక్రిందులవుతుందనే విషయాన్ని ఇందులో సున్నితంగా చెప్పాడు దర్శకుడు ఆదిత్య హాసన్‌. అదే సమయంలో ఇందులో అమ్మాయి, అబ్బాయి పాయింట్‌ ఆఫ్‌ వ్యూలో వారి లైఫ్‌, సమాజాన్ని చూపించడం విశేషం. సినిమాగా చూసినప్పుడు హీరో పాత్ర తీరుతెన్నులను పరిచయం చేస్తూ సాగుతుంది. తను దర్శకుడు కావాలనుకుంటాడు, ఇంట్లో వద్దు అంటారు. ఫారెన్‌ పంపిస్తారు. అక్కడ ఇన్నోసెంట్‌గా వెళ్లిన హీరో అన్నింటిలోనూ ఆరితేరడం, అక్కడి వారికే షాక్‌ ఇవ్వడం వంటి సన్నివేశాలను చాలా సరదాగా, ఫన్నీగా, ట్రెండీగా చూపించారు. అదే సమయంలో యూత్‌కి బాగా కనెక్ట్ అయ్యేలా లిప్‌ కిస్‌లు, రొమాన్స్ సీన్లు పెట్టారు. అయితే ఆ సీన్లని ఏదో బలవంతంగా కాకుండా ఎమోషనల్‌గా కనెక్ట్ చేస్తూ చూపించడం బాగుంది. ఇంటర్వెల్‌ వరకు హీరోహీరోయిన్ల మధ్య రిలేషన్‌, ఫన్‌, రొమాన్స్ ని ఆవిష్కరించారు. దీంతో ఇదొక ఫన్‌, కామెడీ, రొమాన్స్ మేళవింపులా రోలర్‌ కోస్టర్‌లా సాగుతుంది. అయితే సెకండాఫ్‌ మాత్రం కొంత ఎమోషనల్‌గా అనిపిస్తుంది. అమ్మాయితో ఫిజికల్ గా కలిసిన తర్వాత హీరో ఏడవడం విచిత్రంగా ఉంది. హిలేరియస్‌ కామెడీగా ఉంటుంది. అలాగని వల్గారిటీ లేదు. చాలా నీట్‌గా ఉంటుంది. సెకండాఫ్‌లో పాత్రల మధ్య సంఘర్షణని ఆవిష్కరించారు. రైటా? రాంగా? వారి వ్యక్తిగత విషయాలు, వారి ఆలోచిన విధానాలను కళ్లకి కట్టినట్టు చూపించారు. దీంతో కొంత లాగ్‌ అనిపిస్తుంది. కానీ క్లైమాక్స్ ని మాత్రం చాలా నీట్‌గా డీల్‌ చేశాడు. అక్కడే దర్శకుడి టాలెంట్‌ కనిపిస్తుంది. రొటీన్‌కి భిన్నంగా నడిపించినతీరు బాగుంది. ఆలోచింప చేసేలా ఉంది.

సినిమాలో ఫన్‌ బాగా వర్కౌట్‌ అయ్యింది. ఫస్టాఫ్‌ మాత్రం అదిరిపోయింది. కామెడీ, రొమాన్స్, హీరోహీరోయిన్ల మధ్య కన్వర్జేషన్‌, డైలాగ్‌లు బాగున్నాయి. వాటితోనే సినిమా అలా గడిచిపోయింది. హీరోహీరోయిన్లు కూడా ఇరగదీశారు. ఇక సెకండాఫ్‌ కొంత స్లో అయ్యింది. కాని క్లైమాక్స్ అదిరిపోయింది. సినిమాలో లవ్‌ ట్రాక్‌, రొమాన్స్ అందంగా కుదిరాయి. ఆర్‌ఆర్‌ బాగా సెట్‌ అయ్యింది. చెప్పాలనుకున్న పాయింట్‌ బాగుంది. ఎమోషన్స్ బాగా క్యారీ అయ్యాయి. కానీ మూవీలో సెకండాఫ్‌ లో కొన్ని చోట్ల క్లారిటీ లేదు. అక్కడక్కడే కథ తిరుగుతున్నట్టు ఉంటుంది. హీరో పాయింట్‌ ఆఫ్‌ వ్యూ, హీరోయిన్‌ పాయింట్‌ ఆఫ్‌ వ్యూ భిన్నంగా ఉంటుంది. వాటిని అంతే బాగా కలపడం విశేషం. స్క్రీన్‌ ప్లే చాలా గ్రిప్పింగ్‌గా ఉంది. డైలాగ్‌లు, సీన్లు నీట్‌గా క్లాసీగా ఉన్నాయి. దర్శకుడు వాటిని అంతే బాగా తెరపై ఆవిష్కరించారు. కాకపోతే కొన్ని చోట్ల హీరోహీరోయిన్ల మధ్య గొడవలు వర్కౌట్ కాలేదు. డ్రామా ఆశించిన స్థాయిలో వర్కౌట్‌ కాదు. సెకండాఫ్‌లో కొంత డల్‌ ఫీలింగ్ తెప్పిస్తుంది. హీరోహీరోయిన్ పాత్రలు ప్రతి సాధారణ అబ్బాయి, అమ్మాయిలకు కనెక్ట్ అవుతుంది. ఫారెన్‌ వెళ్లిన వారికి మాత్రం మరింత బాగా కనెక్ట్ అవుతుంది. మొత్తంగా ఆనంద్‌ దేవరకొండ, వైష్ణవి తెరపై మరోసారి మ్యాజిక్‌ చేశారని చెప్పొచ్చు. రైటింగ్‌, డైలాగ్‌లు పెద్ద అసెట్‌. మ్యూజిక్‌ సినిమాని మరో స్థాయికి తీసుకెళ్లింది. విజువల్స్ ప్లస్‌ అయ్యాయి.

ఆదిత్య పాత్రలో ఆనంద్‌ దేవరకొండ అదరగొట్టాడు. పాత్రలో జీవించాడు. సెటిల్డ్ పర్‌ఫెర్మెన్స్ బాగుంది. డైరెక్టర్‌గా తన ఆశలు, డ్రీమ్స్ ఫన్నీగా ఉన్నాయి. ఈ క్రమంలో సీన్లు ఆకట్టుకున్నాయి. ఆనంద్‌లో చాలా మెచ్యూర్డ్ యాక్టర్ కనిపిస్తున్నాడు. ఇన్నోసెంట్‌గా, అన్ని కావాలని కోరుకునే అబ్బాయిగా, పేరెంట్స్ నుంచి ఇబ్బంది పడే కుర్రాడిగా ఆనంద్‌ ఇరగదీశాడు. ఈ మూవీ ఆనంద్‌ కెరీర్‌ని మరో మెట్టు ఎక్కిస్తుందని చెప్పొచ్చు. కడలి పాత్రలో వైష్ణవి చైతన్య సైతం ఇరగదీసింది. ఓపెన్‌ అండ్‌ బోల్డ్ అమ్మాయిగా పాత్రలో జీవించింది. పాత్రకి ప్రాణం పోసింది. డామినేటింగ్‌ పాత్రలో అంతే బాగా చేసి ఆకట్టుకుంది. విభిన్నమైన ఎమోషన్స్ ని సింపుల్‌గా చేసింది. ఇరగదీసింది. లేడీ అర్జున్‌ రెడ్డిని తలపించింది. వీరితోపాటు తండ్రి పాత్రలో శివాజీ, తల్లి పాత్రలో వాసుకి ఎప్పటిలాగే ఆకట్టుకున్నారు. వారి పాత్రలు నవ్విస్తాయి. తర్వాత ఎమోషనల్‌కి గురి చేస్తాయి. యూకేలో ఫ్రెండ్‌గా గవిరెడ్డి సైతం అదరగొట్టాడు. ఫారెన్‌ వెళ్లిన వారికి ఈ పాత్ర బాగా నచ్చుతుంది. వీరితోపాటు దర్శకుడు కళ్యాణ్‌ శంకర్‌ పాత్ర సర్‌ప్రైజ్‌ చేస్తుంది. నవ్విస్తుంది. చివరికి ఆలోచింప చేస్తుంది. తను కూడా బాగా చేశాడు. మిగిలిన పాత్రధారులు ఓకే అనిపించారు.

హేషమ్‌ అబ్దుల్‌ వహాబ్‌.. సంగీతం సినిమాకి బ్యాక్ బోన్‌గా నిలుస్తుంది. సంచారమే పాట హైలైట్‌గా నిలిచింది. మిగిలిన పాటలు సైతం అలరించాయి. చాలా చోట్ల మ్యూజిక్‌ మాట్లాడుతుంది. హృదయాన్ని హత్తుకుంటుంది. నవీన్‌ నూలి ఎడిటింగ్‌ ఫర్వాలేదు. బాగా కట్‌ చేశాడు. సినిమా చాలా నీట్‌గా సాగింది. విజువల్స్ సినిమాకి మరో ప్లస్‌. చాలా చోట్ల విజువల్స్ పెయింటింగ్‌లా ఉన్నాయి. నిర్మాత నాగవంశీ రిచ్‌గా నిర్మించారు. ఇక దర్శకుడు ఆదిత్య హాసన్‌ ఈ మూవీ కథని అదిరిపోలా రాసుకున్నారు.. డైలాగ్‌లు అదిరిపోయాయి. చాలా వరకు రియాలిటీకి దగ్గరగా మూవీని తెరకెక్కించారు. ఇందులో హీరో పాత్రతో కుర్రాళ్లు రిలేట్‌ అవుతారు, హీరోయిన్‌ పాత్రతో చాలా మంది అమ్మాయిలు రిలేట్‌ అవుతారు. పేరెంట్స్ కి సంబంధించిన పాత్రలు పెద్దవాళ్లకి కనెక్ట్ అవుతాయి. ఇలా అందరిని ఆకట్టుకునేలా తెరకెక్కించారు.

ఫీల్‌గుడ్‌ ఎమోషనల్‌ లవ్‌ స్టోరీ ఎపిక్‌. జెంజీ కుర్రాళ్లకి బాగా కనెక్ట్ అవుతుంది. మంచి యూత్‌ఫుల్‌ లవ్‌ రొమాంటిక్‌ కామెడీగా ఆకట్టుకుంటుంది, ఆలోచింప చేస్తుంది. బాధ్యతల్ని గుర్తు చేస్తుంది.

రేటింగ్‌: 3

Anumana Pakshi Movie Review: అనుమాన పక్షి మూవీ రివ్యూ, రాగ్‌ మయూర్‌ ఇలా చేశాడేంటి?

Aithagoni Raju — Fri, 25 Sep 2026 15:31:13 +0530

రాగ్‌ మయూర్‌ హీరోగా నటించిన మూవీ `అనుమాన పక్షి`. అనుమానం తెచ్చిన తంటాలు ఎలాంటివి? దీన్నుంచి ఎలాంటి ఫన్‌ జనరేట్‌ అయ్యిందనే కాన్సెప్ట్ తో రూపొందిన ఈ మూవీ ఎలా ఉందంటే?

కామెడీ పాత్రలతో ఆకట్టుకున్న రాగ్‌ మయూర్‌ ఇప్పుడు హీరోగా నిలబడుతున్నాడు. `కీడా కోలా`, `పరదా` చిత్రాలతో మెప్పించాడు. ఇప్పుడు ఆయన హీరోగా `అనుమాన పక్షి` మూవీ రూపొందింది. `డీజే టిల్లు` చిత్ర దర్శకుడు విమల్‌ కృష్ణ రూపొందించిన చిత్రమిది. మెరిన్‌ ఫిలిప్‌ హీరోయిన్‌గా నటించిన ఈ చిత్రంలో అజయ్‌, రాశి, ప్రిన్స్, బ్రహ్మాజీ కీలక పాత్రలు పోషించారు. చిలక ప్రొడక్షన్స్ పతాకంపై రాజీవ్‌ చిలక, రాజేష్‌ జగ్తియాని, హిరాచంద్ నిర్మించారు. ఈ మూవీ నేడు శుక్రవారం(సెప్టెంబర్‌ 25న) విడుదలైంది. మరి సినిమా ఎలా ఉందో రివ్యూలో తెలుసుకుందాం.

సన్నీ(రాగ్‌ మయూర్‌)ది వైజాగ్‌. అనుమానపక్షి పేరుతో యూట్యూబ్‌ నడిపిస్తుంటాడు. తను ప్రతిదీ అనుమానిస్తుంటాడు. వింతగా చేస్తుంటాడు. అతనికి కాశ్మీర్‌ నుంచి ఒక మెసేజ్‌ వస్తుంది. సన్నీ చేసిన పని వల్ల అతను నష్టపోతాడు. దీంతో కాశ్మీర్‌ రావాలని, లేదంటే తన పేరు రాసి సూసైడ్‌ చేసుకుంటానని బెదిరిస్తాడు. దీంతో వర్మ(ప్రిన్స్) మరో ఫ్రెండ్‌తో కలిసి కాశ్మీర్‌ వెళ్తాడు. అక్కడ కన్య(మెరిన్‌ ఫిలిప్‌) పరిచయం అవుతుంది. ఇద్దరు ప్రేమలో పడతారు. కానీ ఆమెని కూడా అనుమానిస్తుంటాడు. మార్నింగ్‌ నీకు సర్‌ప్రైజ్‌ ఇస్తానని కన్య చెబుతుంది. లేచి చూసేసరికి వర్మ చనిపోయి ఉంటాడు. అది తానే చేశానని గందరగోళానికి గురవుతాడు సన్నీ. ఇంకోవైపు అదే సమయంలో వైజాగ్‌ పోలీస్‌ వాసు(అజయ్‌) తన భార్య సుజాత(రాశి)ని తీసుకొని కాశ్మీర్‌కి వస్తాడు. అక్కడ వీడియోలు చేస్తుంటారు. అనుకోకుండా సన్నీ ఉన్న రిసార్ట్ లోకి వెళ్తారు. అక్కడ వర్మ మరణం వార్త తెలుస్తుంది. మరోవైపు సుజాత ఆత్మల కోసం సెర్చ్ చేస్తుంది. ఇంకోవైపు సన్నీకి ప్రియురాలు హ్యాండిస్తుంది? మరి వర్మ ఎలా చనిపోయాడు? సన్నీ లవర్‌ ఎందుకు హ్యాండిచ్చింది? వైజాగ్‌ వాసు ఈ కేసుని ఏం చేశాడు? వీటి నుంచి సన్నీ ఎలా బయటపడ్డాడు? తాను అనుమానాలు తెచ్చిన తంటాలేంటి? సుజాత ఆత్మలను ఎందుకు సెర్చ్ చేస్తుంది? అనేది మిగిలిన కథ.

అనుమానంతో ఎలాంటి చిక్కులు వచ్చాయనేది, హీరో ఎలాంటి గందరగోళం క్రియేట్‌ చేశాడు, దీని వల్ల ఫన్ క్రియేట్‌ చేయడమనే కథాంశంతో రూపొందిన చిత్రమిది. సింపుల్‌గా కథ ఇదే. కానీ సందర్భానుసారంగా క్రియేట్‌ అయ్యే ఫన్‌తో ఈ మూవీని రూపొందించారు. ప్రారంభమే ఫన్‌తో స్టార్ట్ అవుతుంది. హీరో పాత్రని, ఆయన అనుమానాలు ఏ స్థాయిలో ఉన్నాయనేది ఆవిష్కరించారు. అనుమానాలతో తన ఇంటిని ఎలా సెక్యూర్డ్ గా తయారు చేసుకున్నారనే అంశాలతో ఆసక్తికరంగా స్టార్ట్ అవుతుంది. దీంతో సినిమా మొత్తం ఫన్‌తోనే రన్‌ అవుతుందని భావిస్తాం. కానీ కాసేపటికే ఇందులో కామెడీ లేదని అర్థమవుతుంది. రాగ్‌ మయూర్‌ చేసిన రచ్చనే ఉంటుంది తప్ప, ఒక్క సీన్‌లోనూ కామెడీ వర్కౌట్‌ కాలేదు. నటుడిగా రాగ్‌ మయూర్‌ బాగానే కష్టపడ్డా, ఆయన చేసే చేష్టల్లో కామెడీ జనరేట్‌ కాలేదు. ఇంకా చెప్పాలంటే దర్శకుడు కామెడీని రాబట్టడంలో ఫెయిల్‌ అయ్యాడు. వైజాగ్‌ నేపథ్యంలో సినిమా స్టార్ట్ చేసి, కాశ్మీర్‌కి షిఫ్ట్ చేస్తారు. అక్కడ వెళ్లినా కూడా అదే తరహాలో ఉంటుంది. ప్రిన్స్ మరణం తర్వాత క్రైమ్‌ థ్రిల్లర్‌ వైపు టర్న్ తీసుకుంటుంది. కానీ ఆ థ్రిల్లింగ్‌ ఎలిమెంట్లు కూడా తేలిపోయాయి. అజయ్‌ పాత్ర ఎంట్రీతో అయినా ఫన్‌ జనరేట్‌ అవుతుందనుకుంటే అక్కడ కూడా నిరాశనే ఎదురైంది. అలాగే బ్రహ్మాజీ పాత్ర సైతం ఏమాత్రం ఆకట్టుకోలేకపోయింది. దీనికితోడు ఇందులో టెర్రరిస్ట్ ల ఎపిసోడ్‌ని కూడా జోడించారు. ఏదీ కూడా నవ్వించలేకపోయాయి. పైగా గందరగోళం క్రియేట్‌ చేశాయి. మరింత విసిగించాయని చెప్పొచ్చు. అనుమానాలు ఎలాంటి గందరగోళం క్రియేట్‌ చేస్తుందనే పాయింట్‌ బాగుంది, కానీ దానికోసం సినిమా తీయాల్సిన అవసరం లేదని ఈ మూవీ చూస్తే అర్థమవుతుంది. ప్రారంభం నుంచి ఎండింగ్‌ వరకు ఇది పూర్తిగా నిరాశపరిచింది.

సన్నీగా రాగ్‌ మయూర్‌ నటుడిగా మెప్పించాడు. విభిన్నమైన హవాభావాలతో ఆకట్టుకునే ప్రయత్నం చేశాడు. కానీ తాను చేసింది కామెడీగా టర్న్ కాకపోవడంతో ఓ దశ తర్వాత చిరాకుగా మారుతుంది. వైజాగ్‌ వాసుగా అజయ్ ఆకట్టుకున్నాడు. ఫర్వాలేదనిపించారు. రాశి పాత్ర పెద్దగా ఇంపాక్ట్ లేదు. బ్రహ్మాజీ కాసేపు మెరిశాడు. కానీ నవ్వించలేకపోయాడు. ప్రిన్స్ పాత్ర అయోమయంగా ఉంటుంది. ఆయన ఓకే అనిపించారు. హీరోయిన్‌ పాత్రని ఎందుకు పెట్టారో అర్థం కాదు. మిగిలిన పాత్రలు ఓకే అనిపించాయి.

సినిమా విజువల్‌గా బాగుంది. సునీల్‌ కుమార్‌ బాగా చిత్రీకరించారు. ఛోటా కే ప్రసాద్‌ ఎడిటింగ్‌ ఫర్వాలేదు. షార్ట్ గానే చేశారు. శ్రీచరణ్‌ పాకాల మ్యూజిక్‌ ఏమాత్రం ఇంపాక్ట్ లేదు. సౌండింగ్‌ కూడా ఆకట్టుకోలేకపోయింది. దర్శకుడు విమల్‌ కృష్ణ చిన్నపాయింట్‌ని మూవీగా తీయాలనుకున్నారు. కానీ కామెడీని వర్కౌట్‌ చేయడంలో ఫెయిల్‌ అయ్యారు. ఈ మూవీ విషయంలో ఆయన ఎన్నో ప్రయత్నాలు చేసినా అన్నీ బెడిసికొట్టాయి. కాకపోతే పాయింట్‌ ఒక్కటే బాగుంది. నిర్మాతలు రాజీలేకుండా నిర్మించారు. ప్రొడక్షన్‌ వ్యాల్యూస్‌ బాగున్నాయి. సినిమాలో ప్లస్‌ ఏదైనా ఉందంటే అది నిడివి, రెండో ప్రొడక్షన్‌ వ్యాల్యూస్‌.

ఏమాత్రం నవ్వించలేకపోయిన అనుమాన పక్షి. సినిమాలో చివర్లో ఒక డైలాగ్‌ ఉంటుంది. ఈ అనుమాన పక్షికి దూరంగా ఉండాలని. అది కరెక్ట్ గా ఈ సినిమాకి వర్తిస్తుంది. ఈ మూవీకి ఎంత దూరంగా ఉంటే అంత బెటర్.

రేటింగ్‌ : 1

Premane Oorilo Movie Review: ప్రేమనే ఊరిలో మూవీ రివ్యూ.. కన్నడలో హిట్‌, మరి ఇక్కడ ?

Aithagoni Raju — Sat, 03 Oct 2026 22:21:20 +0530

Premane Oorilo Movie Review: కన్నడలో హిట్‌ అయిన `ప్రేమద ఊరలి` మూవీ తెలుగులో `ప్రేమనే ఊరిలో` పేరుతో విడుదలైంది. సురేష్ కొండేటి రిలీజ్‌ చేసిన ఈ చిత్రం ఎలా ఉందో రివ్యూలో తెలుసుకుందాం.

కన్నడలో మంచి విజయాన్ని అందుకున్న `ప్రేమద ఊరలి` సినిమాను తెలుగులో `ప్రేమనే ఊరిలో` పేరుతో నిర్మాత, డిస్ట్రిబ్యూటర్ సురేష్ కొండేటి ప్రేక్షకుల ముందుకు తీసుకొచ్చారు. రంగాయన రఘు, శ్రీరామ్, రమిక శివు, తపస్విని పూనాచ ప్రధాన పాత్రల్లో నటించిన ఈ చిత్రానికి పల్లెటూరి ప్రేమకథ నేపథ్యం. మనోజ్‌ కుమార్‌ దర్శకత్వం వహించారు. ఈ చిత్రం శుక్రవారం(అక్టోబర్‌ 2)న తెలుగులో విడుదలైంది. యాక్షన్, హింస, భారీ హంగులకు దూరంగా కుటుంబ బంధాలు, ప్రేమ, త్యాగం, భావోద్వేగాలకు ప్రయారిటీ ఇస్తూ తెరకెక్కిన ఈ సినిమా తెలుగు ప్రేక్షకులను ఎంతవరకు ఆకట్టుకుంది? కథ, కథనం, నటీనటుల పనితీరు ఎలా ఉన్నాయి? పూర్తి రివ్యూలో తెలుసుకుందాం.

భార్యను కోల్పోయిన నాగన్న (రంగాయన రఘు) తన కుమారుడు సంతోష్ (శ్రీరామ్)ను ఎంతో ప్రేమగా పెంచుతాడు. వ్యవసాయం చేసుకుంటూ పల్లెటూరిలో ప్రశాంతంగా జీవించే సంతోష్‌పై అతడి మరదలు వసంత (రమిక శివు) మనసు పారేసుకుంటుంది. అయితే కొడుక్కి మంచి చదువుకున్న అమ్మాయిని కోడలిగా తీసుకురావాలనేది నాగన్న కోరిక. సంతోష్‌కు కూడా పెళ్లి విషయంలో కొన్ని ప్రత్యేకమైన ఆలోచనలు, షరతులు ఉండటంతో సంబంధాలు కుదరవు. ఇలాంటి సమయంలో విదేశాల నుంచి వచ్చిన రుక్మిణి (తపస్విని పూనాచ) పరిచయమవుతుంది. ప్రేమలో మోసపోయి బాధలో ఉన్న ఆమెను చూసిన సంతోష్ తొలిచూపులోనే ఇష్టపడతాడు. ఇద్దరి మధ్య ప్రేమ చిగురించే సమయంలో అనుకోని పరిణామం ఎదురవుతుంది. తన స్నేహితుడి కూతురిని పెళ్లి చేసుకోవాలని తండ్రి కోరడంతో సంతోష్ చిక్కుల్లో పడతాడు. తండ్రి మాట కోసం తన ప్రేమను త్యాగం చేశాడా? వసంత, రుక్మిణి జీవితాలు ఎలాంటి మలుపు తిరిగాయి? చివరకు ఈ ప్రేమకథ ఎక్కడికి చేరింది? అనేది సినిమా.

ప్రేమకథ అంటే వెంటనే గుర్తొచ్చే అంశాలు ప్రేమికుల మధ్య గొడవలు, కుటుంబాల వ్యతిరేకత, యాక్షన్, హడావుడి. కానీ ప్రేమనే ఊరిలో మాత్రం వీటన్నింటికీ దూరంగా ఒక స్వచ్ఛమైన పల్లెటూరి ప్రేమకథను చెప్పే ప్రయత్నం చేసింది. పచ్చని పొలాలు, గ్రామీణ జీవనశైలి, కుటుంబ అనుబంధాలు, మనుషుల మధ్య ఆప్యాయతలను ప్రధానంగా తీసుకొని దర్శకుడు కథను నడిపించాడు. ముఖ్యంగా ఈ సినిమాలో ప్రేమను కేవలం ఇద్దరు వ్యక్తుల మధ్య ఆకర్షణగా చూపించకుండా, బాధ్యతలు, కుటుంబ గౌరవం, త్యాగం వంటి అంశాలతో ముడిపెట్టడం ఆసక్తికరంగా ఉంటుంది. హీరో పాత్రలోని సంఘర్షణ కూడా ఇదే కోణంలో సాగుతుంది. ఒకవైపు తన మనసుకు నచ్చిన అమ్మాయి, మరోవైపు తండ్రి మాట. ఈ రెండింటి మధ్య నలిగిపోయే యువకుడి పరిస్థితిని దర్శకుడు సహజంగా చూపించాడు.

ఫస్టాఫ్ విషయానికి వస్తే హీరో పరిచయం, పెళ్లి చూపులు, మరదలు వసంత ప్రేమ, రుక్మిణి గతం వంటి అంశాలతో కథ ముందుకు సాగుతుంది. కొన్ని సన్నివేశాలు నవ్విస్తాయి. మరికొన్ని క్యూట్‌గా అనిపిస్తాయి. అయితే కథలోకి పూర్తిస్థాయిలో వెళ్లడానికి కొంత సమయం తీసుకోవడం, కొన్ని సన్నివేశాలు నెమ్మదిగా సాగడం మైనస్‌గా మారాయి. విరామానికి ముందు వచ్చే పెళ్లి మలుపు ఊహించదగినదే అయినా, తర్వాత ఏం జరుగుతుందనే ఆసక్తిని కలిగిస్తుంది. సెకండాఫ్ ఈ సినిమాకు అసలు బలం. పెళ్లి తర్వాత భార్యాభర్తల మధ్య ఏర్పడే అపార్థాలు, భావోద్వేగ సంఘర్షణలు, వసంత ప్రేమలోని బాధను దర్శకుడు సున్నితంగా ఆవిష్కరించాడు. ఇక్కడ పాత్రల ప్రవర్తనలో కనిపించే మార్పులు కథకు బలాన్ని ఇస్తాయి. ముఖ్యంగా ప్రేమించిన వ్యక్తిని కోల్పోవడం, కుటుంబం కోసం వ్యక్తిగత ఆనందాన్ని పక్కన పెట్టడం వంటి అంశాలు ప్రేక్షకులను ఆలోచింపజేస్తాయి.

నాగన్న గతానికి సంబంధించిన ఫ్లాష్‌బ్యాక్ కొత్తదనం లేకపోయినా, తండ్రి పాత్రను మరింత అర్థం చేసుకునేలా చేస్తుంది. రైతుల జీవితం, వారి కష్టాలు, ఆడపిల్లల భవిష్యత్తు గురించి చెప్పే మాటలు కథలో సహజంగా ఇమిడిపోయాయి. అయితే క్యూట్ మూమెంట్స్ పేరుతో కొన్ని సన్నివేశాలను సాగదీయడం వల్ల భావోద్వేగాల తీవ్రత మధ్య మధ్యలో తగ్గుతుంది. కానీ క్లైమాక్స్ దగ్గరకు వచ్చేసరికి సినిమా పూర్తిగా మరో స్థాయికి చేరుతుంది. చివరి 30 నిమిషాల్లో వచ్చే భావోద్వేగాలు, పాత్రల నిర్ణయాలు, బంధాల విలువ ప్రేక్షకుల మనసును తాకుతాయి. ముఖ్యంగా రంగాయన రఘు పాత్ర ద్వారా పండించే ఎమోషన్ కంటతడి పెట్టిస్తుంది. ముగింపు తర్వాత కూడా పాత్రలు, వాటి భావోద్వేగాలు మనసులో నిలిచిపోతాయి.

సంతోష్‌గా శ్రీరామ్ సహజమైన నటనతో ఆకట్టుకున్నాడు. పల్లెటూరి యువకుడిగా, ప్రేమికుడిగా, బాధ్యతల మధ్య నలిగిపోయే భర్తగా తన పాత్రలోని వేరియేషన్స్‌ను చక్కగా చూపించాడు. ముఖ్యంగా ద్వితీయార్థంలో అతడి నటన మెప్పిస్తుంది. వసంతగా రమిక శివు మొదట కొంత అల్లరి, మగరాయుడి తరహా ప్రవర్తనతో కనిపించినా, తర్వాతి భావోద్వేగ సన్నివేశాల్లో తన నటనతో ఆకట్టుకుంది. రుక్మిణిగా తపస్విని పూనాచ క్యూట్‌గా కనిపిస్తూ పాత్రకు అవసరమైన అమాయకత్వాన్ని అందించింది. అయితే సినిమాకు ప్రధాన ఆకర్షణ నాగన్నగా నటించిన రంగాయన రఘు. కొడుకుపై ప్రేమ, బాధ్యత, తన గతం తాలూకు వేదనను ఆయన అద్భుతంగా పలికించారు. ముఖ్యంగా క్లైమాక్స్‌లో ఆయన నటన సినిమాకు ప్రాణం పోసింది. బామ్మ పాత్రతో పాటు ఇతర సహాయ నటీనటులు కూడా తమ పరిధి మేరకు మెప్పించారు.

సాంకేతికంగా సంగీతం సినిమాకు ప్రధాన బలం. పాటలు కథా ప్రవాహానికి అనుగుణంగా సాగుతూ వినసొంపుగా ఉన్నాయి. సినిమాటోగ్రఫీ ప్రత్యేకంగా చెప్పుకోవాలి. పచ్చని పొలాలు, గ్రామీణ వాతావరణం, గుడి పరిసరాలను కెమెరామెన్ అందంగా చిత్రీకరించారు. నిర్మాణ విలువలు కూడా ఉన్నతంగా ఉన్నాయి. అయితే తెలుగు డబ్బింగ్‌లో కొన్ని చోట్ల పెదవుల కదలికలకు సంభాషణలు సరిపోలకపోవడం ఇబ్బందిగా అనిపిస్తుంది. ఎడిటింగ్ విషయంలో మరింత శ్రద్ధ తీసుకొని, ముఖ్యంగా ప్రథమార్థంలోని అనవసరమైన సన్నివేశాలను తగ్గించి ఉంటే సినిమా మరింత ఆసక్తికరంగా మారేది.

ప్రేమనే ఊరిలో ఒక స్వచ్ఛమైన పల్లెటూరి ప్రేమకథ. నెమ్మదిగా సాగే కథనం, కొన్ని సాగదీత సన్నివేశాలు ఇబ్బంది పెట్టినా, కుటుంబ బంధాలు, ప్రేమ, త్యాగం, చివరి అరగంటలో పండే భావోద్వేగాలు సినిమాను నిలబెడతాయి. ముఖ్యంగా రంగాయన రఘు నటన, క్లైమాక్స్ ప్రేక్షకుల మనసును హత్తుకుంటాయి. క్లీన్ ఫ్యామిలీ ఎంటర్‌టైనర్‌ను కోరుకునే వారు, ముఖ్యంగా భార్యాభర్తలు కలిసి చూడదగ్గ చిత్రం. ఈ పల్లెటూరి ప్రేమకథని కాస్త ఓపిక పడితే చివర్లో కన్నీళ్లు పెట్టిస్తుంది.

రేటింగ్‌: 2.75

Missing Meghana Review: మిస్సింగ్‌ మేఘన మూవీ రివ్యూ.. రామ్‌ కార్తీక్‌, అంకిత్‌ కొయ్య థ్రిల్లర్‌ ఎలా ఉందంటే?

Aithagoni Raju — Fri, 18 Sep 2026 08:33:48 +0530

Missing Meghana Movie: రామ్‌ కార్తీక్‌, అంకిత్ కొయ్య, అమ్ము అభిరామి ప్రధాన పాత్రల్లో నటించిన మూవీ `మిస్సింగ్‌ మేఘన`. మేఘన కిడ్నాప్‌ మిస్టరీ థ్రిల్లర్‌గా రూపొందిన ఈ చిత్రం ఎలా ఉందంటే?

యంగ్‌ హీరోలు రామ్ కార్తిక్‌, అంకిత్‌ కొయ్య, అమ్ము అభిరామి ప్రధాన పాత్రల్లో నటించిన చిత్రం `మిస్సింగ్‌ మేఘన`. గోపరాజు రమణ, వెంప కాశి, వైదిక సెంజాలియా, మహిపాల్‌, రుచిత, నళిని ఇతర పాత్రలు పోషించారు. ఈ చిత్రానికి వాచస్పతి దర్శకత్వం వహించగా, ఫస్ట్ కాపి మూవీస్‌, కేడి అండ్‌ కో పతాకాలపై పంచుమర్తి నరేష్‌ బాబు నిర్మించారు. కథ, స్క్రీన్‌ ప్లే వనరాజ్‌. ఈ చిత్రం నేడు శుక్రవారం(సెప్టెంబర్‌ 18)న విడుదలైంది. టీజర్‌, ట్రైలర్‌తోపాటు పాటలు ఆకట్టుకున్నాయి. సినిమాపై అంచనాలు పెంచాయి. మరి సినిమా ఎలా ఉందో రివ్యూలో తెలుసుకుందాం.

మేఘన(అమ్ము అభిరామి) మిస్సింగ్‌ కేసుతో కథ ప్రారంభం అవుతుంది. రాత్రి పది దాటినా అమ్మాయి రాకపోవడంతో తండ్రి(గోపరాజు రమణ) టెన్షన్‌ పడుతుంటాడు. వెతుకుతూ వెళ్లగా ఆమె స్కూటి కనిపిస్తుంది. ఆ తర్వాత కొంత దూరంలో బ్యాగ్‌ ఉంటుంది. అది చూసి తమ అమ్మాయిని ఎవరో కిడ్నాప్‌ చేశారని అనుమానించి పోలీసులకు కంప్లెయింట్‌ చేస్తాడు తండ్రి. ఎస్‌ఐ ఈ కేసుని లైట్‌ తీసుకుంటాడు. కానీ ఏసీపి వచ్చి కేసుని విచారిస్తాడు. పోలీసులను అలర్ట్ చేస్తాడు. అనుమానితులను ఒక్కొక్కరిని విచారిస్తుంటారు. ఆమె వెంటపడ్డవాడు, మేఘన బేకరి సర్వెంట్‌ ని, అలాగే లోకల్‌ ఒక రౌడీని విచారిస్తారు. తన వెంటపడ్డ వ్యక్తిని విచారించే క్రమంలో మేఘన బాయ్‌ ఫ్రెండ్‌ గురించి తెలుస్తుంది. అతనే కార్తీక్‌( రామ్‌ కార్తీక్‌). అతనితోనే గత కొన్ని రోజులుగా కంటిన్యూగా మాట్లాడుతుంది. అతన్ని విచారించగా తన గతం లవ్‌ స్టోరీని చెబుతాడు. ఆ తర్వాత మేఘనతో ఉన్న పరిచయం గురించి రివీల్‌ చేస్తాడు. కానీ అప్పటికే మేఘనికి ఏసీపీతోనే పెళ్లి సెట్‌ అవుతుంది. మరి మ్యారేజ్‌ సెట్‌ అయ్యాక కార్తీక్‌తో మేఘన నిజంగానే ప్రేమలో పడిందా? వీరి పరిచయం ఎలా జరిగింది? కార్తీక్‌ పాత లవ్‌ స్టోరీ ఏంటి? ఇంతకి కార్తీక్‌ ఏం చేస్తుంటాడు? ఇందులో అంకిత్‌ కొయ్య పాత్రేంటి? మేఘన కిడ్నాప్‌ అయ్యిందా? మర్డర్‌ అయ్యిందా? అనే సస్పెన్స్ అంశాల సమాహారమే సినిమా.

సస్పెన్స్ మిస్టరీ థ్రిల్లర్‌ ప్రధానంగా సాగిన చిత్రమిది. ఇందులో లవ్‌ ట్రాక్‌ కూడా ఉంది. అయితే అదొక డిఫరెంట్‌ లవ్‌ స్టోరీ కావడం విశేషం. పెళ్లి సెట్‌ అయిన అమ్మాయి ఆ తర్వాత వేరే వ్యక్తితో ప్రేమలో పడటమనే కథలతో కొన్ని సినిమాలు వచ్చాయి. కానీ అందులోనూ ఇది కొంత భిన్నంగా ఉంటుంది. ఇక మేఘన మిస్సింగ్‌ అనేది ఇంట్రెస్టింగ్‌గా సాగుతుంది. ఆమె మిస్సింగ్‌ వెనుక అనేక ట్విస్ట్ లు, ఊహించని టర్న్ లు ఉన్నాయి. సినిమా ప్రారంభమైన కాసేపటి నుంచే ఒక్కో ట్విస్ట్ రివీల్ అవుతుంది. అవి ఊహించని విధంగా ఉంటాయి. కథ మేఘన మిస్సింగ్‌ తో ప్రారంభమవుతుంది. అనుమానితులను విచారించే క్రమంలో కొత్త అంశాలు రివీల్‌ అవుతుంటాయి. ఈ క్రమంలో ఎవరూ ఊహించని విధంగా మేఘన, కార్తిక్ ల పరిచయం రివీల్‌ అవుతుంది. అది ప్రేమగా మారిన తీరు కొత్తగా ఉంటుంది. అయితే ఇందులో మరో ట్విస్ట్ కూడా ఉంటుంది. అంకిత్‌ కొయ్య పాత్రలోని ట్విస్ట్ కూడా అదిరిపోయింది. కాకపోతే ఓ దశలో ఆడియెన్స్ ఊహించేలా ఉంటుంది. నెక్ట్స్ ఏం జరుగుతుందనేది ప్రెడిక్ట్ చేసేలా ఉంటుంది. దీంతో కొన్ని చోట్ల కిక్‌ పోయింది. సినిమా ప్రారంభంలో వేగంగా సాగుతుంది. ఒక్కో సీన్‌ వెంట వెంటనే వచ్చిపోతుంటాయి. ఫాస్ట్ స్క్రీన్‌ ప్లే ఏం జరుగుతుందనే అయోమయం క్రియేట్‌ చేస్తుంది. సినిమా అర్థం కావడానికి టైమ్‌ పడుతుంది. ఫస్టాఫ్‌ చాలా వేగంగా పూర్తవుతుంది. కానీ సెకండాఫ్‌ లెంన్తీగా అనిపిస్తుంది. కార్తీక్‌ లవ్‌ ట్రాక్‌, మేఘనతో ఆయన పరిచయం రివీల్‌ కావడానికి టైమ్‌ తీసుకున్నారు. ఆ లవ్‌ ట్రాక్‌ కొత్తగా ప్రారంభమైనా, ఆ తర్వాత కొంత రొటీన్‌గా, మరికొంత బోరింగ్‌గా అనిపిస్తుంది. సినిమాలో మెయిన్‌ ఎమోషన్‌ మిస్‌ అయ్యింది. చాలా సీన్లు అలా వచ్చి ఇలా పోతుంటాయి. ట్విస్ట్ లు కూడా గొప్పగా వర్కౌట్‌ కాలేదు. తండ్రీ కూతుళ్ల మధ్య బాండింగ్‌ కనెక్ట్ కాలేదు. అసలు తాత వయసున్న గోపరాజుని తండ్రిగా చెప్పడం కన్విన్సింగ్‌గా లేదు. క్లైమాక్స్ కూడా ఇంకా బాగా చేయాల్సింది. అయితే సినిమా నిడివి తక్కువగా ఉంటుంది. సినిమా ఫాస్ట్ గా అయిపోతుంది. దీనికితోడు కొన్ని ట్విస్ట్ లు ఆకట్టుకుంటాయి. ఈ నేపథ్యంలో ఈ మూవీ ఆడియెన్స్ కి ఒక మంచి టైమ్‌ పాస్ సినిమాగా చెప్పొచ్చు.

కార్తీక్‌ పాత్రలో రామ్‌ కార్తీక్‌ నటించాడు. ఆయన లవ్‌ ఫెయిల్యూర్‌ కుర్రాడిగా బాగా చేశాడు. ఆ తర్వాత మేఘనతో లవ్‌ ట్రాక్‌ పరంగానూ ఆకట్టుకున్నాడు. చాలా సెటిల్డ్ గా చేసి మెప్పించారు. ఆయనకు మంచి కమ్‌ బ్యాక్‌ మూవీ అవుతుందని చెప్పొచ్చు. అంకిత్‌ కొయ్య పాత్ర కూడా బాగుంది. అతను కూడా అదరగొట్టాడు. ఆయన పాత్రలోని ట్విస్ట్ అదిరిపోతుంది. మేఘన పాత్రలో అమ్ము అభిరామి బాగా చేసింది. పాత్రలో ఒదిగిపోయింది. ఉన్నంత సేపు మెప్పించింది. తండ్రి పాత్రలో గోపరాజు రమణ తనదైన స్టయిల్‌ చేసి మెప్పించారు. ఏసీపీగా వెంప కాశి పాత్ర బాగుంది. ఆయన కూడా చాలా బాగా చేశాడు. సినిమాలో ఈ పాత్ర కూడా హైలైట్‌గా నిలుస్తుంది. బేకరీ అబ్బాయిగా మహిపాల్‌ మెప్పించాడు. తనకు మరో మంచి పేరు తెచ్చే పాత్ర అవుతుంది. మిగిలిన పాత్రధారులు ఓకే అనిపించారు.

సినిమాకి ఆర్‌ఆర్‌ ధృవన్‌ పాటలు బ్యాక్‌ బోన్‌గా నిలుస్తాయి. మూడు పాటలు అదిరిపోయాయి. రెండు మెలోడీ సాంగ్స్, ఒక బ్రేకప్‌ సాంగ్‌ ఆకట్టుకుంటాయి. బీజీఎం కూడా బాగుంది. కానీ కొన్ని చోట్ల పాత సినిమాల ఆర్‌ఆర్‌ని తలపిస్తుంది. శ్యామ్‌ కే నాయుడు కెమెరా వర్క్ బాగుంది. విజువల్‌గా గ్రాండియర్‌గా ఉంది. బసవా ఎడిటింగ్‌ షార్ప్ గా ఉంది. కొన్ని చోట్ల కంటిన్యూటీ మిస్ అయిన ఫీలింగ్‌ కలిగింది. ఇక వనరాజ్‌ కథ, స్క్రీన్‌ ప్లే బాగుంది. దర్శకుడు వాచస్పతి టేకింగ్‌ చాలా చోట్ల మెప్పించింది. ట్విస్ట్ లు, టర్న్ లను బాగానే డీల్‌ చేశారు. కాకపోతే ఇంకా బాగా చేయాల్సింది. వాహ్‌ ఫ్యాక్టర్‌ విషయంలో, క్లైమాక్స్ ట్విస్ట్ విషయంలో మరింత కేర్‌ తీసుకుంటే సినిమా ఇంకా బాగుండేది.

కొంత వరకు ఎంగేజ్‌ చేసి, ట్విస్ట్, టర్న్ లతో ఆకట్టుకునే మూవీ `మిస్సింగ్‌ మేఘన`. మిస్టరీ థ్రిల్లర్‌ చిత్రాలను ఇష్టపడేవారికి నచ్చుతుంది.

రేటింగ్‌: 2.75