Asianet News Telugu

Jana Nayagan Review: జన నాయకుడు మూవీ రివ్యూ.. విజయ్‌ చివరి మూవీ, అభిమానులకు పండగేనా?

Aithagoni Raju — Thu, 23 Jul 2026 15:23:14 +0530

Jana Nayakudu Review: దళపతి విజయ్‌ నటించిన చివరి మూవీ `జన నాయకుడు`. సంక్రాంతికి రిలీజ్‌ కావాల్సిన ఈ మూవీ ఇప్పుడు రిలీజ్‌ అయ్యింది. మరి సినిమా ఎలా ఉంది? ఆకట్టుకుందా? లేదా?

తమిళనాడు సీఎం, దళపతి విజయ్‌ నటించిన చివరి మూవీ `జన నాయకుడు`(జన నాయగన్‌). ఆయన సీఎం కావడానికి ముందు ఈ మూవీలో నటించారు. ఆ తర్వాత ఎన్నికలకు వెళ్లారు. తమిళనాడుకు సీఎం అయ్యారు. సంక్రాంతికి విడుదల కావాల్సిన ఈ మూవీ సెన్సార్‌ ఇబ్బందులతో ఆగిపోయింది. ఎట్టకేలకు ఇప్పుడు ఆడియెన్స్ ముందుకు వచ్చింది. ఈ గురువారం(జులై 23)న విడుదలైంది. ఈ మూవీకి హెచ్‌ వినోద్‌ దర్శకత్వం వహించగా, ఇందులో పూజా హెగ్డే హీరోయిన్‌గా నటించగా, మమితా బైజు కీలక పాత్ర పోషించింది. వీరితోపాటు బాబీ డియోల్‌, ప్రియమణి, ప్రకాష్‌ రాజ్‌, సునీల్‌ వంటి వారు ఇతర ముఖ్య పాత్రలు పోషించారు. ఇది తెలుగులో వచ్చిన బాలయ్య `భగవంత్‌ కేసరి` కి రీమేక్‌. మరి విజయ్‌ చివరి మూవీ ఎలా ఉంది? అభిమానులను ఆకట్టుకుందా? తెలుగు సినిమాకి మించి ఉందా? ఇందులో కాంట్రవర్సీ ఎలిమెంట్లు ఏంటి? అనేది రివ్యూలో తెలుసుకుందాం.

దళపతి వెట్రి కొండన్‌(విజయ్‌) పవర్‌ఫుల్‌ ఐపీఎస్‌ అధికారి. విలన్లు అతన్ని ఓ కేసులో ఇరికించి జైల్లో పెడతారు. జైల్లో జైలర్‌(గౌతమ్‌ మీనన్‌)కి దళపతి దగ్గరవుతాడు. అయితే దళపతిని వాళ్ల అమ్మ చివరి చూపుకు తీసుకెళ్లినందుకు జైలర్‌ సస్పెండ్‌ అవుతాడు. ఆయన వెళ్తూ వెళ్తూ దళపతి విడుదలయ్యేలా చేస్తాడు. ఆ తర్వాత ఆ జైలర్‌ వద్దకే వెళ్తాడు దళపతి. ఆయనకు విజ్జి(మమితా బైజు) కూతురు ఉంటుంది. జైలర్‌ రోడ్డు ప్రమాదంలో మరణించడంతో విజ్జి ఒంటరవుతుంది. ఆమె బాగోగులు దళపతి చూస్తాడు. ఆమెతోనే ఉంటాడు. వాళ్ల అమ్మ కోరిక మేరకు విజ్జిని ఆర్మీ ఆఫీసర్‌గా తీర్చిదిద్దే ప్రయత్నం చేస్తుంటాడు మరోవైపు దేశంలో, తమిళనాడు రాష్ట్రంలో అల్లకల్లోలానికి అంతర్జాతీయ క్రిమినల్‌ జాన్‌ హెమ్లర్‌(బాబీ డియోల్‌) ప్లాన్‌ చేస్తాడు. అందుకు స్థానిక రాజకీయ నాయకుడు రోజా రంగస్వామి సపోర్ట్ చేస్తుంటాడు. రాష్ట్రంలో ప్రజల మధ్య చిచ్చు పెట్టే ప్రయత్నాలు చేస్తారు. మత ఘర్షణలకు ప్లాన్‌ చేస్తారు. మరి దాన్ని దళపతి ఎలా అడ్డుకున్నాడు? తన జాబ్‌ పోవడానికి కారణం ఎవరు? డిప్యూటీ కమిషనర్‌ అయిన అమ్రిష్‌ పూజారి(బాబీ డియోల్‌) జాన్‌ హెమ్లర్‌లా ఎలా మారాడు? విజ్జి టాయ్‌ని చూసి ఎందుకు భయపడుతుంది? తన అమ్మ ఎలా చనిపోయింది? టాయ్స్ కి, గన్స్ స్మగ్లింగ్‌కి ఉన్న లింకేంటి? ఇందులో తమిళనాడు రాజకీయాలకు సంబంధించి విజయ్‌ చూపించిన అంశాలేంటి? అనేది మిగిలిన కథ.

ఇది తెలుగులో వచ్చిన `భగవంత్‌ కేసరి`కి రీమేక్‌ అని సినిమా చూశాక స్పష్టంగా అర్థమవుతుంది. ఆ సినిమాని కమర్షియల్‌ యాంగిల్‌లో నడిపించారు. పొలిటీషన్లని కార్పొరేట్‌ ఎలా నడిపిస్తున్నారనేది జనరల్‌ కమర్షియల్‌ యాంగిల్‌లో చూపించారు. కానీ `జన నాయగన్‌`లో మాత్రం తమిళనాడు రాజకీయాలను అద్దం పట్టేలా తెరకెక్కించారు. రాజకీయ నాయకులు చేసే స్కామ్‌లు, అక్కడి డర్టీ పాలిటిక్స్ ని ఇందులో చూపించే ప్రయత్నం చేశారు. వారిపై విజయ్‌ విమర్శలు చేయడం, వారి ఆటకట్టడి చేసేలా కొన్ని సీన్లు పెట్టారు. బహుశా ఈ సినిమా సెన్సార్‌ కాకపోవడానికి అదే కారణమని అర్థమవుతుంది. అయితే సినిమా ఫస్టాఫ్‌ మొత్తం బాలయ్య సినిమానే తలపిస్తుంది. బాబీ డియోల్‌ పాత్ర బ్యాక్‌ డ్రాప్‌ మాత్రం కొత్తగా ఉంటుంది. అతన్ని అంతర్జాతీయ స్మగ్లర్‌గా చూపించారు. అదే ఇందులో కొత్తగా ఉంటుంది. విజయ్‌ పాత్ర, ఆయన జర్నీ మొత్తం తెలుగు మూవీని తలపిస్తుంది. ఫస్టాఫ్‌ మొత్తం మళ్లీ భగవంత్‌ కేసరినే చూసినట్టు ఉంటుంది. కాకపోతే విజయ్‌ మార్క్ తో సాగుతుంది. ఆయన స్టయిల్‌, ఎలివేషన్లతో రన్‌ అవుతుంది. జైల్లో ఫైట్‌, జైలర్‌ ఫ్యామిలీకి హీరో దగ్గరగా కావడం, ఆయన చనిపోవడం, చిన్నారి బాధ్యతలు తీసుకోవడం, ఆమెని ఆర్మీకి ట్రైన్‌ చేయడం వంటివి సేమ్‌ ఉంటాయి. అందులో కాజల్‌, ఇందులో పూజా హెగ్డే ఉంటుంది. ఆమె జర్నలిస్ట్ గా కనిపిస్తుంది. ఇందులో విలన్‌ బాబీ డియోల్‌ని ఓ పోలీస్‌ అధికారిగా చూపించి, అతనికి అవమానం జరగడంతో డిప్రెషనల్‌లోకి వెళ్లి, అనంతరం క్రిమినల్‌గా మారడం, అలా అంతర్జాతీయ క్రిమినల్‌గా ఎదగడం చూపించారు. హీరో ఫ్లాష్‌ బ్యాక్‌ ఎపిసోడ్‌ కూడా సేమ్‌ ఉంటుంది. కాకపోతే పొలిటికల్‌ అంశాలను మాత్రం తమిళనాడు రాజకీయాలకు దగ్గరగా ఉన్నట్టు అనిపిస్తుంది. ఇందులో జైల్‌ సీన్‌ చంద్రబాబు, పవన్‌ కళ్యాణ్‌లకు దగ్గరగా ఉండటం విశేషం. ప్రజలకు సేవ చేయాలని వచ్చిన స్కామ్‌లు చేస్తున్నారని, జనాలను దోచుకుంటున్నారనేది విజయ్‌ ఇందులో చెప్పే ప్రయత్నం చేశారు. తన మార్క్ మొత్తం సెకండాఫ్‌లో ఉంటుంది. ఇక క్లైమాక్స్ ని మాత్రం వేరే లెవల్‌లో చూపించారు. రోబోలు, డ్రోన్లతో ఫైట్‌ని పెట్టి బాగా హడావుడి చేశారు.

సినిమాగా చూసినప్పుడు చాలా వరకు మన తెలుగు ఆడియెన్స్ కి పెద్దగా ఎక్కదు. ఆల్‌రెడీ భగవంత్‌ కేసరి చూడటంతో ఈ మూవీలోని సీన్లు తేలిపోయినట్టు ఉంటాయి. బాలయ్య స్థానంలో విజయ్‌ని ఊహించుకోలేకపోతాం. తెలుగు సినిమానే బెటర్‌ ఫీలింగ్‌ ఉంటుంది. ఫస్టాఫ్‌ అంతా సాగదీసినట్టుగా, అనిపిస్తుంది. కానీ విజయ్‌ అభిమానులకు మాత్రం ఒక ఫీస్ట్ అని చెప్పొచ్చు.ఆయన మార్క్ స్టయిల్‌, మ్యానరిజమ్స్ అన్నీ ఇందులో గట్టిగా పెట్టారు. ఎలివేషన్లు అదిరిపోయాయి. అవి అభిమానులకు పూనకాలు తెప్పిస్తాయి. విజయ్‌ మార్క్ డైలాగ్‌ డెలివరీ కూడా ఆకట్టుకుంటుంది. యాక్షన్‌ సీన్లు ఆకట్టుకునేలా ఉన్నాయి. మమితా బైజుతో వచ్చే ఎమోషనల్‌ సీన్లు బాగున్నాయి. వీరి మధ్య బాండింగ్‌ ఎమోషనల్‌గా ఉంటుంది. ఫ్యామిలీ ఆడియెన్స్ కి కనెక్ట్ అవుతుంది. చిన్నారి విషయంలో గుడ్‌ టచ్‌ బ్యాడ్‌ టచ్‌ కూడా బాగుంది. సెకండాఫ్‌ లో మాత్రం విజయ్‌ అభిమానులే, ఆయన టీవీకే పార్టీ అభిమానులు కూడా బాగా ఎంజాయ్‌ చేస్తారు. ఈ మూవీ మన కంటే తమిళనాడు ఆడియెన్స్ కి బాగా కనెక్ట్ అవుతుందని చెప్పొచ్చు. కమర్షియల్‌ యాంగిల్‌లో కొంత ఫన్‌, కొంత ఎమోషన్స్, లవ్‌ ట్రాక్‌, పాటలు, డాన్సులు పెట్టారు. క్లైమాక్స్ ఫైట్‌ని భారీగా తీశారు. కాకపోతే అంత అవసరం లేదనిపిస్తుంది. విలన్‌ బ్యాక్‌ డ్రాప్‌ ట్రాక్‌ కూడా ఓవర్‌గా అనిపిస్తుంది. సినిమాకి సెట్‌ కాలేదు. ఎండింగ్‌లో టైటిల్‌ కార్డ్స్ లో విజయ్‌ గత సినిమాలను గుర్తు చేస్తూ వేసిన వీడియో అభిమానులను ఎమోషనల్‌కి గుర్తు చేస్తుందని చెప్పొచ్చు. ఓవరాల్‌గా ఇది విజయ్‌ అభిమానులకు ఒక సెలబ్రేషన్‌ ఫిల్మ్ అవుతుందని చెప్పడంలో అతిశయోక్తి లేదు.

ఇందులో విజయ్‌ తన పార్టీ పేరు వచ్చేలా `దళపతి వెట్రి కొండన్‌(టీవీకే) అని పేరు పెట్టుకోవడం విశేషం. పోలీస్‌ అధికారిగా, ఒక అమ్మాయికి ఫాదర్‌గా విజయ్‌ బాగా చేశాడు. తన మార్క్ నటనతో ఆకట్టుకున్నాడు. యాక్షన్‌తో దుమ్మురేపారు. పాటలు, డాన్సులతో అభిమానుల చేత డాన్సులు చేయించారు. అదే సమయంలో మాస్‌ డైలాగ్‌లు, పొలిటికల్‌ డైలాగ్‌లతో వారికి ఫుల్‌ మీల్స్ పెట్టారని చెప్పడంలో అతిశయోక్తి లేదు. హీరోయిన్‌గా పూజా హెగ్డే ఉన్నంతలో మెప్పించింది. కానీ తన పాత్రకి పెద్దగా ప్రయారిటీ లేదు. విజయ్‌ కూతురుగా మమితా బైజు కనిపిస్తుంది. తెలుగులో శ్రీలీల నటించింది. కాకపోతే శ్రీలీల ముందు మమితా తేలిపోయింది. జైలర్‌గా గౌతమ్‌ మీనన్‌ ఉన్న కాసేపు ఆకట్టుకున్నారు. విలన్‌ గా బాబీ డియోల్‌ ఇరగదీశాడు. ఆయనకు ఎలివేషన్లు అదిరిపోయాయి. ఓ దశలో హీరోకి మించిన ఎలివేషన్‌ ఉన్నట్టుగా ఉంటుంది. తనదైన విలనిజంతో మెప్పించాడు బాబీ డియోల్‌. రాజకీయ నాయకుడు రోజా రంగస్వామిగా ప్రకాష్‌ రాజ్‌ ఒదిగిపోయాడు. అంతే బాగా చేసి మెప్పించారు. ప్రభుత్వ ప్రధాన కార్యదర్శిగా ప్రియమణి కనిపించింది. కనిపించిన కాసేపే అయినా ఆకట్టుకుంది. ఆమె పాత్రలోని ట్విస్ట్ ఓకే అనిపిస్తుంది. సునీల్‌ పాత్రలోని రెండు షేడ్స్ ఆకట్టుకుంటాయి. ఆయన కూడా మెప్పించారు. మిగిలిన పాత్రధారులు ఫర్వాలేదనిపించారని చెప్పొచ్చు.

సినిమాకి అనిరుథ్‌ సంగీతం అందించారు. పాటలు ఆకట్టుకున్నాయి. బీజీఎం కూడా బాగుంది. అభిమానులకు ఏం కావాలో, తన మ్యూజిక్‌ ద్వారా ఇచ్చాడు అనిరుథ్‌. అయితే పాటలు తెలుగు పాటలను బీట్‌ చేయలేకపోయాయి. బీజీఎం మాత్రం అదిరిపోయింది. సత్యన్‌ సూర్యన్‌ కెమెరా వర్క్ బాగుంది. ప్రతి ఫ్రేమ్‌లోనూ ఆయన ప్రత్యేకత కనిపిస్తుంది. ప్రదీప్‌ ఈ రాఘవ్‌ ఎడిటింగ్‌ కూడా నీట్‌గా ఉంది. పర్‌ఫెక్ట్ గా అన్ని అంశాలను జోడించారు. సినిమాని నీట్‌గా తీసుకెళ్లారు. కేవీన్‌ ప్రొడక్షన్‌ సినిమాని రాజీ లేకుండా నిర్మించారు. భారీగా ఖర్చు చేశారు. వారి ప్రతి పైసా స్క్రీన్‌పై కనిపిస్తుంది. అదే సమయలో నిర్మాత ప్యాషన్‌ కూడా కనిపిస్తుంది. విజయ్‌కి మంచి ట్రీట్‌లా ఉండేలా ఈ మూవీని ఆయన నిర్మించారని చెప్పడంలో అతిశయోక్తి లేదు. ప్రొడక్షన్‌ వ్యాల్యూస్‌ సినిమాకి పెద్ద అసెట్‌గా నిలుస్తాయి. దర్శకుడు హెచ్‌ వినోద్‌.. ఈ సినిమాని విజయ్‌కి ఎలా కావాలో అలా రూపొందించారు. ఆయనకు పర్‌ఫెక్ట్ గా రాజకీయాల్లోకి ఎంట్రీ ఇచ్చేలా ప్లాన్‌ చేశారు. చాలా వరకు తెలుగు భగవంత్‌ కేసరినే ఫాలో అయినా, రాజకీయ అంశాల విషయంలో మాత్రం తమ మార్క్ కనిపిస్తుంది. అక్కడ తాను చేసిన మ్యాజిక్‌ కనిపిస్తుంది. ఆ విషయంలో వినోద్‌ సక్సెస్‌ అయ్యారని చెప్పొచ్చు. అదే సమయంలో ఒక ప్యాక్డ్ కమర్షియల్‌ సినిమాని విజయ్‌ అభిమానులకు అందించారని చెప్పొచ్చు.

ఇది విజయ్‌ రాజకీయ ఎంట్రీకి పర్‌ఫెక్ట్ గా సెట్‌ అయ్యేలా రూపొందించిన సినిమా. అదే సమయంలో అభిమానులకు మంచి ఫుల్‌మీల్స్ పెట్టే సినిమా అవుతుంది. వారికి ఒక ఎమోషనల్‌ టచ్‌ ఇచ్చే సినిమా కూడా అవుతుంది. వారు దీన్ని సెలబ్రేట్‌ చేసుకుంటారని చెప్పడంలో అతిశయోక్తి లేదు. కానీ తెలుగు ఆడియెన్స్ కి మాత్రం అంతగా ఎక్కదు.

రేటింగ్‌ 2.5

Deewana Movie Review: దీవాన మూవీ రివ్యూ.. గుండెని పిండేసే హార్ట్ టచ్చింగ్‌ లవ్‌ స్టోరీ

Aithagoni Raju — Sat, 20 Jun 2026 08:01:47 +0530

హర్షిత్‌ రెడ్డి, స్మేహ మణిమేగలై జంటగా కొత్త దర్శకుడు శ్రీకాంత్‌ సంగిశెట్టి రూపొందించిన `దీవాన` మూవీ ఈ శనివారం ఆడియెన్స్ ముందుకు వచ్చింది. మరి ఈ లవ్‌ స్టోరీ ఆడియెన్స్ ని ఆకట్టుకోవడంలో సక్సెస్‌ అయ్యిందా?

`శుభం` చిత్రంలో మెయిన్‌ లీడ్‌గా చేసిన హర్షిత్‌ రెడ్డి హీరోగా నటించిన కొత్త మూవీ `దీవాన`. శ్రీకాంత్‌ సంగిశెట్టి దర్శకుడిగా పరిచయం అవుతూ ఈ మూవీని రూపొందించాడు. ఇందులో హర్షిత్‌ రెడ్డి సరసన స్మేహ మణిమేగలై హీరోయిన్‌గా నటించింది. వీకే నరేష్‌, ఝాన్సీ, జీవన్‌, రఘు, వేణు ఎల్దండి కీలక పాత్రలు పోషించిన చిత్రమిది. అర్హ మీడియా, వీ స్టూడియోస్‌ పతాకంపై వాసు దేవ్‌ కొప్పినేని, శ్రీదేవి కార్యంపూడి నిర్మించారు. ఈ మూవీని గీతా ఆర్ట్స్ రిలీజ్‌ చేస్తుండటం విశేషం. నేడు శనివారం(జూన్‌ 20)న విడుదలైన ఈ మూవీ ఎలా ఉంది? ఆడియెన్స్ ని ఆకట్టుకుందా? ఈ వారంలో వచ్చిన చిత్రాల్లో ఇదైనా ఆకట్టుకుందా? అనేది రివ్యూలో తెలుసుకుందాం.

మున్నా(హర్షిత్‌రెడ్డి) ఓల్డ్ సిటీలో అల్లరి చిల్లరగా తిరిగే కుర్రాడు. అతనికి ఇద్దరు ఫ్రెండ్స్ కూడా ఉంటారు. వీరి ముగ్గురు అన్నీ షేర్‌ చేసుకుంటారు. స్నేహానికి మరో పేరు. చదువు మధ్యలోనే ఆపేసి నిత్యం గొడవలు, తాగుతూ ఉంటారు. వినాయకుడి నిమజ్ఞ్నం వేళ ఒక అమ్మాయిని చూస్తాడు మున్నా. ఆమె అమ్ములు(స్మేహ మణిమేగలై). మీ సేవా సెంటర్లో పనిచేస్తుంది. ఆమెని చూసి ఫిదా అయిన మున్నా, రోజూ ఆమె వెంటపడుతుంటాడు. రోజు రోజుకి ఆమెనే తన సర్వస్వం అని భావిస్తాడు. ఈ క్రమంలో ఫ్రెండ్స్ తోనూ గొడవ పడతాడు. రోజూ కరెంట్‌ బిల్లుల పేరుతో ఆమె వద్దకు వెళ్లి తన ప్రేమ విషయాన్ని వెల్లడిస్తాడు. ఓ రోజు నీకు నాకు సెట్‌ కాదు, నేను 20 వేలు సంపాదిస్తున్నాను, నువ్వు కూడా అంత సంపాదించాలని, ప్రభుత్వ ఉద్యోగం తెచ్చుకోవాలని కండీషన్‌ పెడుతుంది. అప్పుడే నీ ప్రేమని ఒప్పుకుంటానని చెబుతుంది. ఆ రోజు వెళ్లిన మున్నా.. ఎస్‌ ఐ ఉద్యోగం కోసం ప్రయత్నం చేస్తాడు. ఈ క్రమంలో పాత గొడవలు వెంటాడుతుంటాయి? తన ఆపోజిట్‌ బ్యాచ్‌ కుర్రాళ్లు తరచూ ఇబ్బంది పెడుతుంటారు. దీంతో ఇద్దరి మధ్య గొడవ అవుతుంది. మరోవైపు జాబ్‌ తెచ్చుకున్న తర్వాతనే ఆ అమ్మాయిని చూస్తానని ఒట్టువేసుకుంటాడు. మరి తన గొడవల మధ్య మున్నా ప్రభుత్వ ఉద్యోగం తెచ్చుకున్నాడా? ఈ క్రమంలో మున్నాకి అమ్ము ఇచ్చిన ట్విస్ట్ ఏంటి? వీరి ప్రేమ ఎలాంటి మలుపులు తీసుకుందనేది మిగిలిన సినిమా.

లవ్‌ స్టోరీస్‌లో ఇది సరికొత్త ప్రేమ కథా చిత్రం అని చెప్పొచ్చు. రియాలిటీకి దగ్గరగా ఉండే ప్రేమ కథా చిత్రాలు ఈ మధ్య కాలంలో చాలానే వస్తున్నాయి. నిజానికి ఇలాంటి సినిమాలే ఆదరణ పొందుతున్నాయి. అలాంటిదే `దీవాన`. హైదరాబాద్‌ సిటీలో జరిగే ప్రేమ కథ ఇది. సిటీలో ముగ్గురు కుర్రాళ్లు జాన్‌ జిగ్రీలు. దోస్తాన్‌ కోసం ప్రాణాలిస్తారు. కొట్టుకున్నా, తిట్టుకున్నా మళ్లీ కలిసిపోతారు. తమ మీదకు వేరే వాళ్లు వస్తే, కలిసిపోతారు. ప్రేమ విషయంలోనూ దోస్త్ కి అండగా ఉండి, వాడి లక్ష్యానికి తమ వంతు సపోర్ట్ చేసి అటు లక్ష్యాన్ని, ఇటు ప్రేమని గెలిపించేందుకు స్నేహితులు చేసిన పోరాటమే ఈ మూవీ అని చెప్పొచ్చు. సాధారణంగా ప్రేమ కథా చిత్రాల్లో కేవలం ప్రేమ చుట్టూనే సినిమా సాగుతుంది. కానీ ఇందులో లవ్‌ స్టోరీ ఉంది, స్నేహం ఉంది, ఫ్యామిలీ ఎమోషన్స్ ఉన్నాయి, ఫ్యామిలీ సెంటిమెంట్‌ ఉంది, జీవితానికి కావాల్సిన లక్ష్యం ఉంది. మంచి కామెడీ ఉంది, రొమాంటిక్‌ లవ్‌ ఉంది, స్నేహం విలువని తెలియజేశారు. అల్లరి చిల్లర పనులున్నాయి, గొడవలున్నాయి, రియలైజేషన్‌ ఉంది, త్యాగాలున్నాయి. ఇలా అన్ని అంశాల మేళవింపుగా ఉంది. ఇలాంటి లవ్‌ స్టోరీ ఈ మధ్య కాలంలో రాలేదనే చెప్పొచ్చు. అయితే అన్ని అంశాలను బ్యాలెన్స్ చేసిన తీరు హైలైట్‌గా చెప్పొచ్చు. ముగ్గురు స్నేహితులు అల్లరి చిల్లర పనులు, వారి గొడవలతో ప్రారంభమై, అమ్మాయి హీరో లైఫ్‌లోకి రావడంతో ఆమె వైపు, లవ్‌ స్టోరీ వైపు తిరుగుతుంది, మధ్యలో పోరి కోసం పోరగాళ్లను కొట్టుకోవడం ఉంటుంది. లవ్‌ ట్రాక్‌ కొంత డిఫరెంట్‌గా ఉంటుంది. ఆకట్టుకుంటుంది. ప్రేమకోసం ప్రియురాలు సవాల్‌ విసరడం, ప్రభుత్వ ఉద్యోగం సాధించాలని హీరో ఆ ప్రయత్నాల్లో ఉండటం ఈ క్రమంలో చోటు చేసుకునే డ్రామా, స్నేహితుల మధ్య చోటు చేసునే సన్నివేశాలు రియాలిటీకి దగ్గరగా, ఆద్యంతం కమెడీగా, ఎంగేజింగ్‌గా ఉంటాయి. ఇంటర్వెల్‌ ట్విస్ట్ షాక్‌కి గురి చేస్తుంది.

సెకండాఫ్‌లో లక్ష్యం కోసం హీరో పోరాడటం, ప్రేమ కోసం తపించడం, ఈ క్రమంలో కొన్ని అనుకోని సంఘటనలు చోటు చేసుకోవడం వంటి సీన్లు ఆసక్తిని పెంచుతాయి. ఒకే సమయంలో ఫన్‌, ఎమోషన్స్, పెయిన్‌ని ఆవిష్కరించిన తీరు అదిరిపోయింది. సినిమా ఎక్కడ డల్‌ లేదు, ఆ ఫీలింగ్‌ అనిపిస్తున్న చోట మంచి కామెడీగానీ, ఎమోషన్‌ సీన్లు పెట్టి ఆట్టుకునే ప్రయత్నం చేశారు. సెకండాఫ్‌లో కొంత డల్‌ ఫీలింగ్‌ కలుగుతుంది. కానీ ఆ తర్వాత ఎక్కడా ఈ ఫీలింగ్‌ లేకుండా నడిపించాడు. సినిమా ఆద్యంతం రియాలిటీకి దగ్గరగా ఉంటుంది. మన లైఫ్‌ని, మన కళ్ల ముందు జరుగుతున్న లైఫ్‌ని చూస్తున్న ఫీలింగ్‌ కలుగుతుంది. సినిమాలో ఎక్కడా వల్గారిటీ లేదు, ఇటీవల కాలంలో ఇంత నీట్‌గా ఉన్న లవ్‌ స్టోరీని చూడలేదనే చెప్పాలి. డైలాగ్‌ లు అదిరిపోయాయి. గ్రిప్పింగ్‌ స్క్రీన్‌ప్లేతో సినిమాని దర్శకుడు నడపించిన తీరు వాహ్‌ అనిపిస్తుంది. క్లైమాక్స్ చాలా ఎమోషనల్‌ గా ఉంటుంది. ట్విస్ట్ రివీల్‌ అయిన తీరు కూడా ఎమోషనల్‌గా ఉంటుంది. ఒక చెట్టుకింద దాదాపు పది ఇరవై నిమిషాలపాటు ఎమెషనల్‌ సీన్లతో ఆడియెన్స్ ని అలా కూర్చోబెట్టడం మామూలు విషయం కాదు. దర్శకుడికి సినిమాపై, కథపై, పాత్రలపై ఉన్న కమాండ్‌నిది తెలియజేస్తుంది. ఇటీవల కాలంలో వచ్చిన ఒక బెస్ట్ ఎమోషనల్‌ లవ్‌ స్టోరీ దీవాన అని చెప్పొచ్చు.

మున్నా పాత్రలో హర్షిత్‌ రెడ్డి ఇరగదీశాడు. నటనతో కట్టిపడేశాడు. కుర్రాడు కొత్తవాడైనా, మనకు ఈజీగా కనెక్ట్ అవుతాడు. మనల్ని ఈజీగా ఎంగేజ్‌ చేశాడు. అతనితో మనల్ని ట్రావెల్‌ అయ్యేలా చేశాడు. తన నటనతో సినిమా తీసుకెళ్లిపోయాడు. ఈ మూవీతో మనోడి రేంజ్‌ పెరిగిపోతుందని చెప్పొచ్చు. ఇక సినిమాలో ప్రతి పాత్రకి ప్రయారిటీ ఉండటం విశేషం. అది దర్శకుడి క్లారిటీకి, టాలెంట్‌కి నిదర్శనంగా చెప్పొచ్చు. హీరోయిన్‌ అమ్ముగా స్మేహ మణిమేగలై సింపుల్‌గా కూర్చొని నటించింది. కళ్లతోనే హవభావాలు పలికించింది. ఎమోషనల్‌ సీన్లలోనూ అదరగొట్టింది. ఇక ఆమె ఫ్రెండ్‌గా చేసిన అమ్మాయి కూడా నవ్వించింది, మెప్పించింది. హీరో తండ్రిగా నరేష్‌ నటన కట్టిపడేస్తుంది. సైలెంట్‌గా ఆయన పాత్రతో ఎమోషన్స్, సెంటిమెంట్‌ని పలికించిన తీరు సినిమాకి హైలైట్‌గా నిలిచింది. అమ్మగా ఝాన్సీ అదరగొట్టింది. తెలంగాణ యాస ఆమెకి సరిగా సెట్‌ కాలేదు. ఇక హీరో ఫ్రెండ్స్ గా చేసిన కుర్రాళ్లు ఇరగదీశారు. హీరో పాత్రకి ఏమాత్రం తక్కువ కాదని చెప్పొచ్చు. రఘు నవ్వించాడు, ఆలోచింప చేశాడు. జీవన్‌ నటన నవ్విస్తుంది. ఇలా సినిమాలో ప్రతి పాత్రకి ప్రయారిటీ ఉంటుంది. హైలైట్‌ అవుతుంది.

సినిమా టెక్నీకల్‌గా సాలిడ్‌గా ఉంది. ఈశ్వర్‌ చంద్‌ అందించిన సినిమాకి బ్యాక్‌ బోన్‌గా చెప్పొచ్చు. పాటలు అదిరిపోయాయి. అదే సమయంలో ఆర్‌ఆర్‌ సరికొత్తగా ఉంది. లవ్‌ సీన్లని, ఎమోషనల్‌ సీన్లని మరింత హైలైట్‌ చేసింది. ఆడియెన్స్ సినిమాకి కనెక్ట్ కావడంలో దాని పాత్ర మెయిన్‌గా చెప్పొచ్చు. ముఖ్యంగా క్లైమాక్స్ లో ఎమోషనల్‌ సీన్లలో, ఫ్యామిలీ విషయంలో సెంటిమెంట్‌లో ఆర్‌ఆర్‌ పనితనం తెలుస్తోంది. వంశీ పచ్చిపులుసు కెమెరా వర్క్ మరో హైలైట్‌. విజువల్స్ అదిరిపోయాయి. సినిమా మూడ్‌ని రిఫ్లెక్ట్ చేస్తాయి. ఎడిటర్‌ హృషికేశ్‌ పస్పాల్‌ ఎడిటింగ్‌ షార్ట్ప్ గా ఉంది. ఎక్కడా వంక పెట్టడానికి లేదు. దర్శకుడు శ్రీకాంత్‌ సంగిశెట్టి.. తన మొదటి సినిమాతోనే తానేంటో నిరూపించుకున్నాడు. తన కసి, పెయిన్‌ అంతా ఇందులో పెట్టాడు. అద్భుతమైన సినిమాని తెరకెక్కించాడు. అన్ని అంశాలను బ్యాలెన్స్ చేస్తూ మూవీని రూపొందించడం, దాన్ని ఆడియెన్స్ కి కనెక్ట్ అయ్యేలా, ఎలాంటి లూప్స్ లేకుండా సినిమాని తెరకెక్కించడం మామూలు విషయం కాదు. ఎంతో కమాండ్‌ ఉంటే తప్ప. ఆ విషయంలో దర్శకుడిని అభినందించాల్సిందే. ఇది పూర్తిగా దర్శకుడు విజయంగా చెప్పొచ్చు. ఆర్టిస్ట్ ల ద్వారా నటనని తీసుకున్న తీరు కూడా మరో హైలైట్‌గా చెప్పొచ్చు. మొత్తంగా ఇటీవల కాలంలో మంచి బెస్ట్ లవ్‌ స్టోరీని అందించాడు.

ఆద్యంతం కట్టిపడేసే రియలిస్టిక్‌ లవ్‌ స్టోరీ. ప్రేమ, స్నేహం, ఫ్యామిలీ ఎమోషన్స్, జీవిత లక్ష్యాన్ని బ్యాలెన్స్ చేస్తూ ఆద్యంతం కట్టిపడేసే సరికొత్త ప్రేమ కథ దీవాన. లవ్‌ స్టోరీస్‌లో ఇటీవల కాలంలో వచ్చిన బెస్ట్ మూవీ అవుతుంది. కమర్షియల్‌గా ఏ రేంజ్‌లో సత్తా చాటుతుందో చూడాలి.

రేటింగ్‌: 3.25

Krishna: ఎన్టీఆర్ మాటను ఎదిరించి, పోటీగా కృష్ణ తెరకెక్కించిన భారీ బడ్జెట్ సినిమా, కురుక్షేత్రం రివ్యూ...

Mahesh Jujjuri — Sun, 05 Jul 2026 08:19:34 +0530

Krishna Kurukshetram Review: ఎన్టీఆర్ కు వీరాభిమాని సూపర్ స్టార్ కృష్ణ, కానీ ఒక సందర్భంలో వీరి మధ్య పచ్చగడ్డి వేస్తే భగ్గుమనేంత వివాదాలు చెలరేగాయి. ఈక్రమంలో ఎన్టీఆర్ కు పోటీగా కృష్ణ కొన్ని సినిమాలు తెరకెక్కించారు. అందులో ఒకటి కురుక్షేత్రం.

ఒకప్పుడు తెలుగు చిత్రసీమలో పౌరాణిక సినిమాలకు ప్రత్యేక స్థానం ఉండేది. అలాంటి కాలంలోనే 1977 జనవరి 14న విడుదలైన కురుక్షేత్రం ప్రేక్షకుల ముందుకు వచ్చింది. ప్రముఖ దర్శకుడు కమలాకర కామేశ్వరరావు తెరకెక్కించిన ఈ చిత్రంలో కృష్ణ అర్జునుడిగా నటించగా, శోభన్‌బాబు శ్రీకృష్ణుడిగా, కృష్ణంరాజు కర్ణుడిగా కనిపించారు. భారీ తారాగణం, అద్భుతమైన సెట్లు, యుద్ధ సన్నివేశాలతో ఈ సినిమా అప్పట్లో ప్రత్యేక గుర్తింపు పొందింది.

మహాభారతంలోని కురుక్షేత్ర యుద్ధం చుట్టూ ఈ సినిమా సాగుతుంది. మహాభారత కథలోని సుభద్రాపరిణయం, రాజసూయం, మాయాజూదం, కౌరవపాండవ సంగ్రామం, పాండవ విజయం సన్నివేశాలతో ఈ చిత్రం రూపుదిద్దుకుంది. పాండవులు, కౌరవుల మధ్య జరిగిన ధర్మాధర్మాల పోరాటాన్ని, శ్రీకృష్ణుడి మార్గదర్శకత్వాన్ని, అర్జునుడి సందిగ్ధతను, కర్ణుడి విషాద జీవితాన్ని దర్శకుడు తెరపై ఆవిష్కరించారు. మహాభారతంలోని ప్రధాన ఘట్టాలను రెండు గంటల నలభై ఎనిమిది నిమిషాల్లో చూపించే ప్రయత్నం చేశారు. ఈసినిమాలో భారీ తారాగణం కనిపించింది. అద్భుతమైన సెట్ వర్క్ తో పాటు.. భారీగా బడ్జెట్ ను కూడా కేటాయించారు సూపర్ స్టార్ కృష్ణ.

పౌరాణిక చిత్రాలను తెరకెక్కించడంలో కమలాకర కామేశ్వరరావుకు ఉన్న అనుభవం ఈ సినిమాలో ప్రతి ఫ్రేమ్‌లో కనిపిస్తుంది. యుద్ధ సన్నివేశాలు, రాజభవనాల సెట్లు, వేషధారణలు సినిమాకు ప్రధాన ఆకర్షణగా నిలుస్తాయి. సాంకేతికంగా ఎంతో ఉన్నతంగా రూపొందపడిందీ చిత్రం. కురక్షేత్ర సన్నివేశాల చిత్రీకరణ రాజస్ధాన్, అంబాలలో జరిగింది. ఎంతో ఖర్చు పెట్టి.. అంత మంది ఆర్టిస్టులను అక్కడికి తీసుకెళ్లి షూటింగ్ చేశారు. ఈసినిమా కోసం కృష్ణ చాలా కష్టపడ్డారు.

ఎవరు ఏ పాత్ర చేశారు? ఎలా నటించారు

ఇక పాత్రల విషయానికి వస్తే.. అర్జునుడి పాత్రలో కృష్ణ చక్కగా ఒదిగిపోయారు అద్భుతమైన నటన చూపించారు. కానీ మాస్ హీరోగా కృష్ణకు ఉన్న ఇమేజ్..ఈ మైథాలాజికల్ పాత్రకు పెద్దగా సెట్ అవ్వలేదని చెప్పవచ్చు. శోభన్‌బాబు శ్రీకృష్ణుడిగా ప్రశాంతమైన నటనతో ఆకట్టుకుంటారు. కర్ణుడి పాత్రలో కృష్ణంరాజు భావోద్వేగాలను బాగా పలికించారు. కైకాల సత్యనారాయణ, గుమ్మడి, జమున, విజయనిర్మల, అంజలీదేవి తదితరులు తమ పాత్రలకు పూర్తి న్యాయం చేశారు.

సాలూరి రాజేశ్వరరావు సంగీతం సినిమాకు బలం. పాటలతో పాటు నేపథ్య సంగీతం కూడా పౌరాణిక వాతావరణాన్ని తీసుకొచ్చింది. పి.ఎల్. రాయ్ ఛాయాగ్రహణం, భారీ సెట్లు, యుద్ధ సన్నివేశాల చిత్రీకరణ అప్పటి సాంకేతిక ప్రమాణాలకు చాలా గొప్పగా నిలిచాయి. కమలాకర కామేశ్వరరావు దర్శకత్వం గురించి ప్రత్యేకంగా చెప్పనక్కర్లేదు. పౌరాణికాలు తీయ్యడంలో ఆయనకు ఆయనే సాటి. కుటుంబ కథా చిత్రాలను అయితే ఇంకా అద్బుతంగా చెక్కుతారు కమలాకరుడు.

ఎన్టీఆర్ దానవీర శూర కర్ణ సినిమాకు పోటీగా కృష్ణ ఈసినిమాను తెరకెక్కించారు.

మహాభారత యుద్ధాన్ని ప్రధానంగా చూపించిన అరుదైన తెలుగు పౌరాణిక చిత్రం.

ఒకే సినిమాలో కృష్ణ, శోభన్‌బాబు, కృష్ణంరాజు వంటి అగ్రనటులు కలిసి నటించడం.

భారీ సెట్లు, వందలాది జూనియర్ ఆర్టిస్టులతో చిత్రీకరించిన యుద్ధ సన్నివేశాలు చాలా స్పెషల్.

తెలుగులో పెద్దగా నడవకపోయినా.. హిందీలో డబ్ చేస్తే భారీ స్థాయిలో హిట్ కొట్టింది కురుక్షేత్రం సినిమా..

1977లో ఎన్టీఆర్ స్వయంగా నిర్మించి, దర్శకత్వం వహించి నటించిన దాన వీర శూర కర్ణ కూడా అదే సమయంలో విడుదలకు సిద్ధమైంది. మరోవైపు కృష్ణ కురుక్షేత్రం చిత్రాన్ని తీసుకువచ్చారు. రెండు సినిమాలు మహాభారత నేపథ్యంతో ఉండటంతో సహజంగానే భారీ పోటీ నెలకొంది.

పలు ఇంటర్వ్యూలలో కృష్ణ, చలపతిరావు లాంటి నటులు చెప్పిన వివరాల ప్రకారం. ఎన్టీఆర్ కృష్ణను పిలిచి కురుక్షేత్రం సినిమా ఆపమనికొరారు. అప్పటికే దానవీర శూర కర్ణ సినిమా చాలా వరకు పని జరుగుతుంది. ఈసమయంలో రెండు సినిమాలు ఒకే కాన్సెప్ట్ తో చేయడం ఎందుకు బ్రదర్ అని కృష్ణతో అన్నారట ఎన్టీఆర్.

కానీ కృష్ణ మాత్రం సినిమా చేయాల్సిందే అని పట్టుపట్టారని సమాచారం. ఎన్టీఆర్ పౌరాణికాలలో దిట్ట.. ఆయనను ఎలాగానే ఈ విషయంలో ఓడించాలన్న పట్టుదలతో కృష్ణ ఈ సినిమా చేశారని ఇండస్ట్రీలో టాక్. ఈసినిమా రిలీజ్ విషయంలో కూడా వివాదం జరిగినట్టు సమాచారం.

సినీ వర్గాల్లో అప్పట్లో ప్రచారమైన సమాచారం ప్రకారం, మొదట విడుదల తేదీల విషయంలో చర్చలు జరిగినా చివరికి రెండు సినిమాలు చాలా తక్కువ వ్యవధిలో ప్రేక్షకుల ముందుకు వచ్చాయి. దీంతో అభిమానుల్లో ఏ సినిమా పెద్దది అనే చర్చలు జరిగాయి. ఈ పోటీ కారణంగా ఎన్టీఆర్, కృష్ణ అభిమానుల మధ్య కూడా గొడవలు చోటుచేసుకున్నాయి. అయితే ఇద్దరు హీరోలు బహిరంగంగా ఒకరిపై ఒకరు వ్యక్తిగత విమర్శలు చేసుకోకపోయినా.. ఇద్దరి మధ్య గ్యాప్ పెరిగిందన్న మాట మాత్రం నిజం.

ఈ పోటీలో దాన వీర శూర కర్ణ భారీ బ్లాక్‌బస్టర్‌ హిట్ గా నిలవగా, కురుక్షేత్రం ఆశించిన స్థాయిలో తెలుగు బాక్సాఫీస్ వద్ద విజయాన్ని సాధించలేదు. అయినప్పటికీ, దాని సాంకేతిక విలువలు, భారీ నిర్మాణం, నటీనటుల ప్రదర్శనల కారణంగా ఈ చిత్రం ఇప్పటికీ తెలుగు పౌరాణిక చిత్రాల్లో ప్రత్యేక స్థానం సంపాదించుకుంది. అయితే ఈసినిమా హిందీలో డబ్ చేసి రిలీజ్ చేస్తే భారీ విజయాన్ని అందుకుంది.

ఫైనల్‌గా

కురుక్షేత్రం కేవలం పౌరాణిక సినిమా మాత్రమే కాదు. భారీ తారాగణం, అద్భుతమైన నిర్మాణ విలువలు, కమలాకర కామేశ్వరరావు దర్శకత్వ ప్రతిభకు నిదర్శనం. బాక్సాఫీస్ వద్ద ఎన్టీఆర్ దాన వీర శూర కర్ణతో పోటీలో వెనుకబడినా, తెలుగు పౌరాణిక చిత్రాల చరిత్రలో ఈ సినిమాకు ప్రత్యేకమైన స్థానం ఎప్పటికీ ఉంటుంది. ఈమూవీని చూడాలనుకుంటే యూట్యూబ్ లో అందుబాటుల ఉంది.

Operation Aruna Reddy Review: ఆపరేషన్‌ అరుణారెడ్డి మూవీ రివ్యూ.. పోసాని ఎట్టకేలకు హిట్‌ కొట్టాడా?

Aithagoni Raju — Fri, 17 Jul 2026 18:10:46 +0530

స్టార్‌ యాక్టర్‌ పోసాని కృష్ణమురళీ దర్శకుడిగా, నిర్మాతగా, రైటర్‌గా, నటుడిగా ఇలా అన్నీ తానై చేసిన మూవీ `ఆపరేషన్‌ అరుణారెడ్డి`. నేడు విడుదలైన ఈ మూవీ ఎలా ఉందంటే?

పోసాని కృష్ణమురళీ నటుడిగా మనకు తెలుసు. ఆయన తనదైన కామెడీతో నవ్వులు పూయిస్తుంటారు. స్టార్‌ యాక్టర్‌గా రాణించారు. అంతకు ముందు స్టార్‌ రైటర్‌గా రాణించారు. ఎన్నో బ్లాక్‌ బస్టర్‌ మూవీస్‌ని అందించారు. దర్శకుడిగానూ ఒకటి రెండు సినిమాలతో విజయాలు అందుకున్నారు. కానీ చాలా వరకు సినిమాలు ఆడలేదు. అయితే రాజకీయాల్లోకి వెళ్లిన పోసాని ఇటీవల సినిమాలకు బ్రేక్‌ ఇచ్చారు. ఇప్పుడు మళ్లీ కమ్‌ బ్యాక్‌ ఇచ్చారు. `ఆపరేషన్‌ అరుణారెడ్డి` అనే సినిమాని రూపొందించారు. దీనికి తనే దర్శకుడు, నిర్మాత, రైటర్‌, ఎడిటర్‌ కావడం విశేషం. అంతేకాదు ప్రధాన పాత్రలో కూడా నటించారు. ఆయనతోపాటు హిందోళ చక్రవర్తి, కాజల్‌ శర్మ, ఆయేషా ఖాన్‌ వంటి వారు ఇతరపాత్రలు పోషించారు. ఈ చిత్రం నేడు శుక్రవారం(జులై 17) విడుదలైంది. మరి సినిమా ఎలా ఉంది? పోసాని కమ్‌ బ్యాక్‌ ఇచ్చారా? అనేది రివ్యూలో తెలుసుకుందాం.

గోపాలం(పోసాని కృష్ణమురళీ) మంత్రి కొడుకు. మంచి జల్సా రాయుడు. అరుణారెడ్డి(హిందోళ చక్రవర్తి) జర్నలిస్ట్. స్టింగ్‌ ఆపరేషన్‌ చేసి మంత్రి తప్పులు, అవినీతిని బయటపెడుతుంది. దీంతో ఆయన మంత్రిపదవి పోతుంది. ఆ తర్వాత అదే మంత్రి పదవి గోపాలం మదర్‌కి వరిస్తుంది. ప్రభుత్వానికి ఆమె సపోర్ట్ గా మాట్లాడటంతో తన భర్త పదవి తనకు దక్కుతుంది. అయితే తన మంత్రి పదవి పోగొట్టిన అరుణారెడ్డి అంతు చూడాలని నిర్ణయించుకుంటారు మంత్రి కుటుంబం. అలా నెమ్మదిగా ట్రాప్‌ చేసి గోపాలంతో అరుణారెడ్డికి పెళ్లి చేస్తారు. కొంత కాలం వీరిద్దరు అన్యోన్యంగా ఉంటారు. మంచి రొమాంటిక్‌ లైఫ్‌ని ఎంజాయ్‌ చేస్తారు. కానీ ఊహించని విధంగా అరుణారెడ్డికి షాక్‌ ఇస్తాడు గోపాలం. ఆమె వేరే వ్యక్తులతో గడిపిందని, తనని మోసం చేసిందని ఆరోపిస్తాడు. విడాకులకు సిద్ధమవుతాడు. అంతేకాదు ఆమెపై హత్యాయత్నం కూడా చేస్తాడు. కానీ ఆమె ఎట్టకేలకు బతుకుతుంది. అప్పుడే తను ప్రెగ్నెంట్‌ అని తెలుస్తుంది. ఈ కేసు కాస్త కోర్ట్ కి వెళ్లగా, అక్కడ గోపాలం షాక్‌ ఇస్తాడు. తాను అసలు మగాడినే కాదని కోర్టుకి చెబుతాడు. అంతేకాదు మెడికల్‌ టెస్ట్ ల్లోనూ అదే తేలుతుంది. ఇంతలో గోపాలం తండ్రి మరో షాక్‌ ఇస్తారు. అరుణారెడ్డిలో పెరిగే బిడ్డకి తనే తండ్రిని అని చెబుతాడు. వాళ్ల అమ్మ కూడా అదే చెబుతుంది. అరుణారెడ్డినే ట్రాప్‌ చేసిందనేలా కోర్ట్ కి వివరిస్తారు. మరి అసలు గోపాలం మగాడా కాదా? వాళ్ల పేరెంట్స్ ఎందుకు అలా చెప్పారు? ఇందులో వాళ్లు చేసిన కుట్ర ఏంటి? అరుణారెడ్డి చేసిన తప్పేంటి? వాళ్ల జర్నలిస్ట్ టీమ్‌ కలిసి చేసిన స్టింగ్‌ ఆపరేషన్‌ ఏంటి? ఈ సినిమా ద్వారా పోసాని ఇచ్చిన సందేశం ఏంటనేది మిగిలిన సినిమా.

ఇక నిజాయితీ గల లేడీ జర్నలిస్ట్ కథని ఇందులో చూపించారు పోసాని. అదే సమయంలో ప్రస్తుతం రాజకీయ నాయకులు ఎలా ఉన్నారనేది ఇందులో చూపించే ప్రయత్నం చేశాడు. జర్నలిస్ట్ లు రాజకీయ నాయకుల తప్పులను ఎత్తిచూపే క్రమంలో ఎదురయ్యే ఆటుపోట్లని, దీనికితోడు, తమ పదవుల కోసం రాజకీయ నాయకులు ఎలాంటి దారుణాలను దిగజారుతారనే విషయాన్ని `ఆపరేషన్‌ అరుణారెడ్డి` సినిమాలో చెప్పారు పోసాని కృష్ణమురళీ. చెప్పాలనుకున్న సందేశం ఫర్వాలేదు. కానీ చెప్పిన తీరు, చూపించిన తీరునే ఆకట్టుకునేలా లేదు. ఈ మూవీ చూస్తుంటే ఏమాత్రం సినిమా చూసిన ఫీలింగ్‌ ఉండదు, సీరియల్‌ కంటే దారుణంగా ఉంది. చాలా స్లోగా సాగుతుంది. సీరియల్‌ మాదిరిగా వేసిన షాట్సే వేస్తుంటారు. సన్నివేశాల్లో ఏమాత్రం సహజత్వం లేదు. అంతా ఆర్టిఫీషియల్‌ గా ఉంటాయి. ఫస్టాఫ్‌లో కోర్ట్ లో విడాకులకు వెళ్లడం, ఈ క్రమంలో పోసాని తన ఫ్లాష్‌ బ్యాక్‌ గురించి చెప్పడం, అరుణారెడ్డితో పెళ్లి, ఆమెతో రొమాన్స్ ని చూపించారు. ఆయా సన్నివేశాల్లో సహజత్వం మిస్ అయ్యింది. దీంతో సీన్లు పండలేదు. ఇక కోర్ట్ లో ట్విస్ట్ లపై ట్విస్ట్ లు ఇచ్చిన తీరు బాగుంది. ట్విస్ట్ లు బాగున్నాయి, కానీ వాటి మేకింగ్‌ మాత్రం ఆకట్టుకునేలా లేవు. సెకండాఫ్‌లోనూ చాలా ట్విస్ట్ లు పెట్టారు. అవి కూడా ఆశించిన స్థాయిలో థ్రిల్‌ ఇవ్వలేదు. కొన్ని మంచి సీన్లు ఉన్నాయి. అయితే జర్నలిస్ట్ పై పగతీర్చుకునేందుకు ఆమెని తన కొడుక్కి ఇచ్చి పెళ్లి చేయడం, ఆ తర్వాత ఆమె మంచిది కాదు, ఇతరులతో పడుకుందనే ఆరోపణలు చేయడం, దీనికితోడు సొంత తండ్రినే తన భార్యలో పెరుగుతున్న బిడ్డకి తండ్రి అని చెప్పడం వంటి సీన్లు వినడానికి చూడ్డానికి ఇబ్బందిగా ఉంటాయి. జుగుప్సాకరంగా అనిపిస్తాయి. ఇందులో ఆర్టిస్ట్ లు కూడా ఎవరికీ అనుభవం లేదనే విషయం స్పష్టంగా కనిపిస్తుంది. కనీసం యాక్టింగ్‌ స్కిల్క్ కూడా కనిపించలేదు. చాలా దారుణంగా యాక్ట్ చేశారు. దీంతో పోసాని చెప్పాలనుకున్న విషయం, చూపించాలనుకున్న విషయం కూడా కిల్‌ అయిపోయింది. ప్రతి సీన్ ఏమాత్రం క్వాలిటీగా లేదు. ప్రొడక్షన్‌ పరంగా క్వాలిటీ లేదు, మేకింగ్‌ క్వాలిటీ లేదు. రైటింగ్‌ కూడా వీక్‌గా ఉంది. ఏదో సీన్లు తీసుకుంటూ వెళ్లారు గానీ, ఎమోషనల్‌గా అవి ఎంత వరకు కనెక్ట్ అవుతాయనేది చూసుకోలేదనిపిస్తుంది. ఫైనల్‌గా క్లైమాక్స్ లో ఇచ్చిన ట్విస్ట్ బాగుంది. ఆకట్టుకునేలా, ఎమోషనల్‌గా ఉంది. కన్‌క్లూజన్‌ ఫర్వాలేదని చెప్పొచ్చు. సినిమా మొత్తంలో అదొక్కటే హైలైట్‌గా నిలుస్తుందని చెప్పొచ్చు.

సినిమాలో గోపాలం పాత్రలో పోసాని బాగా చేశారు. విభిన్న షేడ్స్ చూపించారు. లేడీగానూ మారి ఆకట్టుకున్నారు. రొమాంటిక్‌ సీన్లలోనూ రెచ్చిపోయారు. మరోవైపు అరుణారెడ్డిగా హిందోళ చక్రవర్తి బాగా చేసింది. సినిమాకి మరో అసెట్‌గా నిలిచింది. కాకపోతే నటిగా ఆమె కూడా అంతగా మెప్పించలేకపోయింది. మిగిలిన పాత్రదారులు కూడా నటన విషయంలో తేలిపోయాయి. దర్శకుడు వారి నుంచి నటన రాబట్టుకోలేకపోయాడా? లేక వాళ్లు చేయలేకపోయారా? ఏమో గానీ యాక్టింగ్‌ అనేది సినిమాకి పెద్ద మైనస్‌. ఇక టెక్నీకల్‌గా మూవీ మ్యూజిక్‌ ఫర్వాలేదు. ఆర్‌ఆర్‌ కూడా ఫర్వాలేదు. ఎడిటింగ్‌ వీక్‌గా ఉంది. రైటింగ్‌ వీక్‌గా ఉంది. డైరెక్షన్‌ అంతకంటే వీక్‌గా ఉంది. ఇప్పుడు సీరియల్స్ కూడా ఆకట్టుకుంటున్నాయి. ఈ సినిమా అలా కూడా అనిపించలేదు. పోసాని నుంచి ఇలాంటి సినిమాని అస్సలు ఊహించరు. ఆయన దర్శకత్వ ప్రతిభ, రైటింగ్‌ కెపాసిటీ ఇందులో మిస్‌ అయ్యాయి. ఏదో మొక్కుబడిగా మూవీని తీసినట్టుగా ఉంది.

ఫైనల్‌గా : `ఆపరేషన్‌ అరుణారెడ్డి` ఆపరేషన్‌ ఫెయిల్‌ అయ్యిందని చెప్పొచ్చు. ఈ సినిమా చూశాక సీరియల్స్ చాలా బెటర్‌ అనే ఫీలింగ్ కలుగుతుంది.

రేటింగ్‌: 1.5

I Nobody Movie Review: ఐ నోబడీ మూవీ రివ్యూ, పృథ్వీరాజ్‌ సుకుమారన్‌ నటించిన మూవీ ఎలా ఉందంటే?

Aithagoni Raju — Fri, 10 Jul 2026 07:43:56 +0530

I Nobody Movie Review: `సలార్‌`తో తెలుగు ఆడియెన్స్ ని ఆకట్టుకున్న పృథ్వీరాజ్‌ సుకుమార్‌ నటించిన `ఐ నోబడీ` మూవీ నేడు విడుదలైంది. మరి తెలుగు ఆడియెన్స్ ని ఆకట్టుకోవడంలో పృథ్వీరాజ్‌ సక్సెస్‌ అయ్యాడా?

మలయాళ హీరో పృథ్వీరాజ్‌ సుకుమారన్‌ మల్టీటాలెంటెడ్‌గా రాణిస్తున్నారు. ఆయన హీరోగా, దర్శకుడిగా, రైటర్‌గా, నిర్మాతగా రాణిస్తున్నారు. నటుడిగా విభిన్న పాత్రలు పోషిస్తున్నారు. హీరోగానే కాదు విలన్‌గానూ మెప్పిస్తున్నారు. ఆ మధ్య `సలార్‌`లో ప్రభాస్‌తో కలిసి నటించాడు. ఇప్పుడు మహేష్‌ తో `వారణాసి`లో విలన్‌గా నటిస్తున్నారు. దర్శకుడుగా `లూసీఫర్‌ 2`తో సంచలనాలు క్రియేట్‌ చేశారు. ఈ క్రమంలో మలయాళంలో ఆయన నటించిన లేటెస్ట్ మూవీ `ఐ నోబడీ`. ఈ సినిమాకి ఆయనే నిర్మాత. పృథ్వీరాజ్‌ ప్రొడక్షన్స్, ఈ4 ఎక్సపరిమెంట్స్ బ్యానర్స్ పై సుప్రియ మీనన్‌, ముఖేష్‌ ఆర్‌ మెహతా, సీవీ సారథి నిర్మాణంలో నిసం బషీర్‌ దర్శకత్వంలో ఈ మూవీ రూపొందింది. ఈ చిత్రం మలయాళంలో గురువారమే విడుదలైంది. తెలుగులో నేడు శుక్రవారం(జులై 10) న రిలీజ్‌ అయ్యింది. మరి ఈ మూవీ ఎలా ఉంది? తెలుగు ఆడియెన్స్ ని అలరించిందా? అనేది రివ్యూలో తెలుసుకుందాం.

రాజీవ్‌(పృథ్వీరాజ్‌ సుకుమారన్‌) ఒక ప్రభుత్వ ఉద్యోగి. ఆయన భార్య మీరా(పార్వతి తిరువొతు) కూడా ప్రైవేట్‌ జాబ్‌ చేస్తుంది. వీరికి ఇద్దరు పిల్లలు. చాలా మధ్యతరగతి కుటుంబం. సింపుల్‌ గా లైఫ్‌ని లీడ్‌ చేస్తుంటారు. అయితే రాజీవ్‌ భార్య మీరాకి మరో వ్యక్తితో ఎఫైర్‌ ఉంటుంది. ఈ విషయం రాజీవ్‌కి తెలుస్తుంది. దీంతో అతన్ని బెదిరించడానికి బ్యాంక్‌కి వెళ్తాడు రాజీవ్‌. అదే సమయంలో ఆ బ్యాంక్‌లో దొంగతనం చేయడానికి ముగ్గురు దొంగలు వస్తారు. రూ.17కోట్లు దొంగిలిస్తారు. అదే సమయంలో రాజీవ్‌ని కొట్టి బంధించి తీసుకెళ్తారు. మధ్యలో అతన్ని వదిలేసి వెళ్లిపోతారు. అయితే రోడ్డు ప్రమాదంలో ఆ ముగ్గురు దొంగలు చనిపోతారు. దీంతో ఈ రాబరీలో రాజీవ్‌కి ప్రమేయం ఉందని చెప్పి పోలీసులు అతన్ని విచారిస్తుంటారు. నానా రకాలుగా వేధిస్తుంటారు. దీని కారణంగా రాజీవ్‌ ఫ్యామిలీ కూడా ఇబ్బంది పడుతుంది. మరోవైపు డబ్బు కోసం కొందరు కస్టమర్లు, జాబ్‌ పోయిన పోలీసులు కూడా వెతుకుతుంటారు. మరి తనకు చేయని తప్పుకి రాజీవ్‌ ఎలా బలి అయ్యాడు? తన ఈ గండం నుంచి ఆయన ఎలా గట్టెక్కాడు, తన కుటుంబాన్ని ఎలా కాపాడుకున్నాడు? అసలు డబ్బు కాజేసింది ఎవరు? అనేది మిగిలిన కథ.

మనీ చుట్టూ తిరిగే కథలతో చాలా కాలంగా సినిమాలు వస్తూనే ఉంటాయి. డబ్బుల కోసం చాలా మంది గ్యాంగ్ లు వేటాడటం, డబ్బుల మిస్సింగ్‌ కేసుని విచారించే కథలతో చాలా సినిమాలు వచ్చాయి. అడపాదడపా వస్తూనే ఉన్నాయి. అయితే ఇవి కొన్ని ఫన్నీగా ఉంటే, కొన్ని థ్రిల్లర్‌గానూ ఉంటాయి. ఈ మూవీ యాక్షన్‌ థ్రిల్లర్‌ జోనర్‌లో సాగుతుంది. అయితే ఇందులో అన్ని అంశాలున్నాయి. ఫ్యామిలీ ఎలిమెంట్లు ఉన్నాయి, సెంటిమెంట్‌, ఎమోషన్స్, యాక్షన్‌, థ్రిల్లర్‌ ఇలా అన్నీ కనిపిస్తాయి. అదే సమయంలో అదిరిపోయే ట్విస్ట్ లు కూడా ఉన్నాయి. కమర్షియల్‌ అంశాలను కూడా జోడించి చేసిన చిత్రమిది అని చెప్పొచ్చు. రొటీన్‌కి భిన్నంగా ఈ మూవీని తెరకెక్కించారు. అదే ఈ మూవీలో హైలైట్‌ పాయింట్‌గా చెప్పొచ్చు. సినిమా బ్యాంక్‌ రాబరీ సీన్‌ నుంచే ప్రారంభం అవుతుంది. ఆరంభం నుంచే ప్రేక్షకుడిని కథలోకి లాగేస్తుంది. తొలి సన్నివేశం నుంచే `తర్వాత ఏం జరుగుతుంది?`, `ఆ డబ్బు ఏమైంది?`, హీరో ఎందుకు ఇలాంటి పరిస్థితుల్లో చిక్కుకున్నాడు?, ఈ సమాజం ఇంత క్రూరంగా ఎందుకు మారింది? అనే ప్రశ్నలు వరుసగా తలెత్తుతాయి. సమాజం ఒక వ్యక్తిని ఎలా వేటాడుతుందో, అవకాశమొస్తే ఎలా పీక్కుతింటుందో ఎంతో వాస్తవికంగా చూపిస్తూ కథ వేగంగా ముందుకు సాగుతుంది. అయితే కథ ముందుకు వెళ్లేకొద్దీ ఇంటర్వెల్ బ్లాక్ ఎలా ఉండబోతుందో ప్రేక్షకుడు ముందే ఊహించగలుగుతాడు. ద్వితీయార్ధం మొత్తం హీరో ఈ వ్యవస్థ నుంచి ఎలా బయటపడతాడు? సమాజం అతనిపై వేసిన ముద్రను ఎలా చెరిపేస్తాడు? తన కుటుంబానికి మళ్లీ సాధారణ జీవితం ఎలా అందిస్తాడు? అనే అంశాల చుట్టూ తిరుగుతుంది.

ఫస్ట్ హాఫ్‌లో కనిపించిన ఉత్కంఠ, వేగం సెకండాఫ్‌లో అంతగా కనిపించదు. కొన్ని సందర్భాల్లో కథ ముందుకు సాగడం లేదనే భావన కలుగుతుంది. అలాగే కొన్ని లాజికల్ లోపాలు కూడా కనిపిస్తాయి. రోడ్లపై హీరో స్వేచ్ఛగా తిరుగుతున్నా పోలీసులు ఎందుకు గుర్తించలేకపోయారు? సీసీటీవీ ఫుటేజ్‌లో వాహనం కనిపిస్తున్నా దాని ఆధారంగా విచారణ ఎందుకు ముందుకు సాగలేదు? వంటి ప్రశ్నలు తలెత్తుతాయి. అయితే ఈ అంశాలను పక్కన పెడితే సినిమా చివరి వరకు ఆసక్తిని కొనసాగిస్తుంది. క్లైమాక్స్ కూడా కొంతవరకు ముందే ఊహించదగ్గ విధంగా సాగుతుంది. అందువల్ల కొన్ని ట్విస్టులు ఆశించినంత హైలైట్‌ కాలేదు, థ్రిల్‌ని ఇవ్వలేకపోయాయి. సినిమాలో ప్రస్తుత సమాజ పరిస్థితులను బలంగా ప్రతిబింబించారు. ఒక చిన్న అబద్ధాన్ని లేదా రూమర్‌ను సోషల్ మీడియా ఎలా పెద్ద ప్రచారంగా మారుస్తుందో, ప్రజలు వాటిని ఎంత సులభంగా నమ్మేస్తారో ఇందులో కళ్లకి కట్టినట్టు చూపించారు. సోషల్ మీడియా, ప్రధాన మీడియా, రాజకీయ వ్యవస్థ, పోలీసు వ్యవస్థలు సమాజంపై చూపే ప్రభావాన్ని సెటైరికల్‌గా ఆవిష్కరించారు. అలాగే డబ్బు మనుషులను ఎలా మార్చేస్తుందో, ఎలాంటి నిర్ణయాలు తీసుకునేలా చేస్తుందో కూడా కథలో చక్కగా చూపించారు.

పృథ్వీరాజ్ మరోసారి తన నటనతో మెప్పించారు. రాజీవన్ పాత్రలోని బాధ, పోరాటం, భావోద్వేగాలను ఎంతో సహజంగా ఆవిష్కరించారు. ముఖ్యంగా యాక్షన్ సన్నివేశాల్లో ఆయన పెట్టిన కష్టం తెరపై స్పష్టంగా కనిపిస్తుంది. మీరా పాత్రలో పార్వతి తనదైన సహజ నటనతో ఆకట్టుకున్నారు. చిన్నారుల పాత్రలు ఎంతో ముద్దుగా అనిపిస్తాయి. పోలీసు అధికారుల పాత్రలు, వృద్ధ దంపతుల పాత్రలు కూడా కథకు బలాన్ని చేకూర్చాయి. మిగిలిన నటీనటులు తమ పాత్రల పరిధిలో చక్కగా నటించారు.

టెక్నికల్‌గా చూస్తే 'ఐ, నోబడీ' అదిరిపోయింది. సహజమైన లొకేషన్లలో చిత్రీకరణ చేయడం వల్ల ప్రతి సన్నివేశం వాస్తవానికి దగ్గరగా అనిపిస్తుంది. బస్సులో వచ్చే ఫైట్ సీన్‌లో విజువల్ ఎఫెక్ట్స్ కొద్దిగా కనిపించినా, లిఫ్ట్‌లోని యాక్షన్ సీక్వెన్స్ మాత్రం ఆకట్టుకుంటుంది. సినిమాటోగ్రఫీ సినిమాకు ప్రధాన బలంగా నిలుస్తుంది. జేక్స్ బిజోయ్ అందించిన బ్యాక్‌గ్రౌండ్ స్కోర్ సన్నివేశాలను మరింత ఎలివేట్ చేస్తుంది. పాటలు పెద్దగా గుర్తుండకపోయినా, ఎడిటింగ్, కాస్ట్యూమ్స్, ప్రొడక్షన్ డిజైన్, నిర్మాణ విలువలు అన్నీ కథకు తగిన విధంగా ఉన్నాయి.

'ఐ, నోబడీ' మంచి సినిమా చూసిన అనుభూతిని మాత్రం ఇస్తుంది. సమాజంలోని లోపాలను కళ్లకి కట్టినట్టు చూపించిన చిత్రమిది. థ్రిల్లర్‌లను ఇష్టపడే ప్రేక్షకులకు నచ్చే సినిమా అవుతుంది.

రేటింగ్‌: 2.75

Rao Bahadur Review: రావు బహదూర్‌ మూవీ రివ్యూ.. సత్యదేవ్‌ పడ్డ కష్టం బూడిదలో పోసిన పన్నీరైందా?

Aithagoni Raju — Fri, 03 Jul 2026 16:24:54 +0530

Rao Bahadur Review: సత్యదేవ్‌ హీరోగా నటించిన లేటెస్ట్ మూవీ `రావు బహదూర్‌`. వెంకటేష్‌ మహా రూపొందించిన ఈ మూవీ ఆడియెన్స్ ని ఆకట్టుకుందా? సినిమా ఎలా ఉందనేది రివ్యూలో చూద్దాం.

సత్యదేవ్‌ వెర్సటైల్‌ నటుడిగా రాణిస్తున్నారు. సక్సెస్‌, ఫెయిల్యూర్‌తో సంబంధం లేకుండా డిఫరెంట్‌ కంటెంట్‌ ఉన్న చిత్రాలు చేస్తూ ఆకట్టుకుంటున్నాడు. కానీ ఆయన టాలెంట్‌ స్థాయిలో విజయాలు వరించడం లేదు. ఇప్పుడు మరో ప్రయోగాత్మక చిత్రంతో వచ్చాడు. `రావు బహదూర్‌` అనే చిత్రంలో నటించాడు. వెంకటేష్‌ మహా దర్శకత్వంలో రూపొందిన చిత్రమిది. ఇందులో దీపా థామస్‌ హీరోయిన్‌గా నటించింది. అనురాగ్‌, శరత్‌, గోపాల కృష్ణారెడ్డి సంయుక్తంగా నిర్మించారు. నిర్మాణంలో మహేష్‌ బాబు ప్రొడక్షన్ కూడా ఇన్‌వాల్వ్ కావడం విశేషం. ఈ చిత్రం నేడు శుక్రవారం(జులై 3)న విడుదలైంది. మరి ఈ సినిమా ఎలా ఉంది? ఈ సారైనా సత్యదేవ్‌కి హిట్‌ పడిందా? వెంకటేష్‌ మహా హిట్‌ కొట్టాడా? అనేది రివ్యూలో తెలుసుకుందాం.

రామప్ప రావు బహదూర్‌(సత్యదేవ్‌) భువన రాజకుటుంబానికి చెందిన వారసుడు. తన రాజభవనంలో ఒక్కడే పిచ్చివాడిగా ప్రవర్తిస్తుంటాడు, మహాభారతం గురించి ఏవేవో మాట్లాడుకుంటుంటాడు. ఆయనకు లివర్‌ క్యాన్సర్‌ ఉందని, మరణానికి చివరిదశలో ఉన్నాడని ఫ్రెండ్‌ అయిన డాక్టర్‌ ఆచారి చెబుతాడు. అయితే రామప్ప మాత్రం తన చిన్న కొడుకు కుసుమ తనకే పుట్టాడా? వేరే వాళ్లకి పుట్టాడా? అనే అనుమానంతో బతుకుతుంటాడు. ఆ అనుమానమే ఆయన్ని పిచ్చోడిని చేస్తుంది. స్నేహితుడి వద్ద ఎప్పుడూ అదే టాపిక్‌ తెస్తుంటాడు. ఈ కారణంగానే తాను ప్రేమించిన భార్య రేణుక(దీపా థామస్‌)ని కూడా దూరం చేసుకుంటాడు. ఆమె ఒక గదిలోనే ఉండిపోతుంది. క్రమంగా పిచ్చివాడిగా ప్రవర్తిస్తున్న రామప్పలో వచ్చిన మార్పేంటి? అందుకు ఆయన స్నేహితుడు ఏం చేశాడు? రేణుక గదిలోనే ఉండిపోవడానికి అసలు కారణం ఏంటి? కుసుమ ఎలా చనిపోయాడు? ఇంతకి అతను తన కొడుకేనా? పెద్ద కొడుకు విషయంలో చోటు చేసుకున్న ట్విస్ట్ ఏంటి? తన రాజవంశంలోని ట్విస్ట్‌లు ఏంటనేది సినిమా.

అనుమానం పాత రోగం, అనుమానం పెనుభూతం అంటుంటారు. సరిగ్గా ఇదే పాయింట్‌ పై నడిచే మూవీ ఇది. కథగా ఇది చాలా చిన్నపాయింట్‌. ఒక పెద్ద సినిమా చేసేంత బలమైన పాయింట్‌ అయితే కాదు, కానీ దాన్ని సినిమాగా తెరకెక్కించడంలో దర్శకుడు వెంకటేష్‌ మహా చేసిన ప్రయత్నం, ఆయన్ని నిర్మాతలు, హీరోహీరోయిన్లు నమ్మడం ఇక్కడ గొప్ప విషయం. ఒక కొత్తరకమైన పాయింట్ తో ఈ మూవీ తీయడాన్ని అభినందించాలి. కానీ తీసిన విధానం, చెప్పిన తీరుని మాత్రం ఏమాత్రం ఆకట్టుకోలేకపోయింది. ఇక సినిమాగా చూసినప్పుడు, కమర్షియల్‌ వేలో చూసినప్పుడు మాత్రం ఇది ఏమాత్రం అలరించలేకపోయింది. పైగా ప్రారంభం నుంచి ఎండింగ్‌ వరకు ఏం జరుగుతుందనే క్లారిటీ లేదు. సత్యదేవ్‌ పాత్ర ఎందుకు అలా ప్రవర్తిస్తుంది? సినిమా ద్వారా ఏం చూపించాలనుకుంటున్నారు? ఏం చెప్పాలనుకుంటున్నారనే ప్రశ్న తొలుస్తూనే ఉంటుంది. ఫస్టాఫ్‌ అంత గందరగోళంగా సాగుతుంది. సత్యదేవ్‌ ప్రవర్తన సహనాన్ని పరీక్షించేలా ఉంటుంది. పైగా చాలా స్లోగా సాగుతుంది. ఫస్టాఫ్‌లో సత్యదేవ్‌ ప్రవర్తన, ఆయన మాట్లాడే తీరు, ఆయన ఫ్లాష్‌ బ్యాక్‌ సీన్లు ఎంగేజ్‌ చేసేలా లేవు. ఆయా సన్నివేశాలు కనీసం కామెడీగా, ఫన్నీగా ఉంటే బాగుండేది, బహుశా ఫన్‌ వర్కౌట్‌ అవుతుందని తీసి ఉంటారు, కానీ కామెడీ ఏమాత్రం వర్కౌట్ కాలేదు. పైగా బోరింగ్‌గా, లాజిక్ లెస్‌గా సాగింది. రామప్ప పాత్రలోని ఫ్లాష్‌ బ్యాక్‌ ఎపిసోడ్లు కూడా ఎంగేజింగ్‌గా లేవు. ఎమోషన్స్ ఏమాత్రం లేవు. లవ్‌ స్టోరీలోనూ ఫీల్‌ లేదు. ఏదో సీన్‌ బై సీన్‌ సాగిపోతుంటాయి. అందుకే మూవీతో ఆడియెన్ ట్రావెల్ కాలేకపోతారు. సెకండాఫ్‌ కూడా అలానే సాగింది. కాకపోతే కథ కాస్త ముందుకు వెళ్తుంది. రామప్ప అలా ఎందుకు మారాల్సి వచ్చిందనేది చూపించారు. కుసుమ పాత్రకి సంబంధించిన పెయిన్‌ని ఆవిష్కరించిన తీరు బాగుంది. అయితే రామప్పలోని అనుమానం పోకపోవడం ఆశ్చర్యంగా ఉంటుంది. చివర్లో కొంత ఎమోషనల్‌ టచ్‌ ఉంది, సీరియస్‌గానూ ఉంటుంది. క్యూరియాసిటీని క్రియేట్‌ చేస్తుంది. ముగింపు ఊహించినట్టుగానే ఉంటుంది. కానీ కన్‌క్లూజన్‌ ట్విస్ట్ మాత్రం అదిరిపోయింది. అదొక్కటే సినిమాలో హైలైట్‌ పాయింట్ గా చెప్పొచ్చు. రన్‌ టైమ్‌, స్లోగా సాగడం, చెప్పాలనుకున్న విషయంలో బలం లేదు, పెయిన్ లేదు, ఎమోషన్‌ అంతకంటే లేదు. అదే సినిమాకి పెద్ద మైనస్‌.

రామప్ప రావు బహదూర్‌గా సత్యదేవ్‌ ఇరగదీశాడు. విభిన్నమైన షేడ్స్ లో ఆయన అదరగొట్టారు. యంగ్‌ కుర్రాడిగా, మిడిల్‌ ఏజ్‌ వ్యక్తిగా, వృద్ధుడిగా పాత్రలో పరకాయ ప్రవేశం చేశారు. నటనలోనూ వేరియేషన్‌ చూపించి మెప్పించాడు. విలక్షణ నటనని చూపించారు. సినిమాకి సత్యదేవ్‌ యాక్టింగ్‌ హైలైట్‌గా నిలుస్తుంది. సినిమా మొత్తానికి సత్యదేవ్‌ పాత్రనే పెద్ద హైలైట్‌గా చెప్పాలి. ఇక ఆయన లవర్‌గా, భార్యగా దీపా థామస్ ఉన్నంతలో బాగా చేసింది. ఆకట్టుకునేలా ఉంది. పాత్రలో లీనమైన చేసింది. సత్యదేవ్‌ ఫ్రెండ్‌ ఆచారిగా వికాస్‌ ముప్పాల నటన మరో హైలైట్‌గా చెప్పొచ్చు. చాలా బాగా చేసి మెప్పించాడు. అచ్చమ్మగా చేసిన నటి నవ్వించే ప్రయత్నం చేసింది. దర్శకుడు వెంకటేష్‌ మహా కూడా కాసేపు మెరిసి అలరించారు. ఇతర పాత్రధారులు ఓకే అనిపించారు.

స్మరణ్‌ సాయి సంగీతం అందించారు. ఆయన అందించిన పాటలు ఓకే అనిపించాయి. బీజీఎం బాగుంది. కార్తీక్‌ పార్మర్‌ కెమెరా వర్క్ చాలా బాగుంది. ఆనాటి నేటివిటీని ప్రతిబింబించేలా ఉంది. విజువల్స్ ఆకట్టుకుంటాయి. నిర్మాణ విలువలకు కొదవలేదు. చాలా రిచ్‌గా ఉంది. దర్శకుడు వెంకటేష్‌ మహా మంచి కథలను తెరపై ఆవిష్కరిస్తూ ఆకట్టుకుంటారు. కానీ ఈ సారి మాత్రం ఆయన మెప్పించలేపోయాయి. ప్రయోగం మాత్రం చేశారని చెప్పొచ్చు. ప్రయోగం బాగుంది, కానీ ఆడియెన్స్ కి ఆకట్టుకునేలా చేయడంలో విఫలమయ్యారు.

అనుమానం పెనుభూతం అన్నట్టు, ఇది ఆడియెన్స్ సహనాన్ని పరీక్షించే మూవీ అవుతుందని చెప్పడంలో ఎలాంటి అనుమానం లేదు.

రేటింగ్‌ : 2

Oh Sukumari Review: ఓ సుకుమారి మూవీ రివ్యూ.. తిరువీర్‌, ఐశ్వర్యా రాజేష్‌ నవ్వించడంలో సక్సెస్ అయ్యారా

Aithagoni Raju — Fri, 17 Jul 2026 16:21:53 +0530

ఐశ్వర్యా రాజేష్‌, తిరువీర్‌ జంటగా నటించిన లేటెస్ట్ మూవీ `ఓ సుకుమారి`. ట్రైలర్‌తో ఆకట్టుకున్న ఈ చిత్రం నేడు విడుదలైంది. మరి నవ్వులు పంచడంలో సక్సెస్‌ అయ్యిందా?

యంగ్‌ హీరో తిరువీర్‌, ఐశ్వర్యా రాజేష్‌ జంటగా నటించిన మూవీ `ఓ సుకుమారి`. దీనికి భరత్‌ దర్శన్‌ దర్శకత్వం వహించారు. గంగా ఎంటర్‌టైన్‌మెంట్స్ పతాకంపై మహేశ్వర్ రెడ్డి మౌళి నిర్మాణంలో రూపొందిన చిత్రమిది. ఐశ్వర్యా రాజేష్‌ నటించిన సినిమా కావడంతో అందరిలోనూ ఆసక్తి నెలకొంది. మంచి బజ్‌ ఏర్పడింది. ఈ చిత్రం నేడు శుక్రవారం(జులై 17న) విడుదలైంది. మరి సినిమా ఎలా ఉంది? నవ్వించిందా? అనేది రివ్యూలో తెలుసుకుందాం.

యాదగిరి(తిరువీర్‌)ది కరీంనగర్‌ లోని భూంపల్లి గ్రామం. సర్పంచ్‌ కావాలని కలలు కంటుంటాడు. వీరిది పెద్ద కుటుంబం. కానీ వీరి నాన్న, చిన్నాకి పడదు. ఓ రోజు లాయర్‌ వచ్చి మీ తాత మీ పేర్లతో 80 ఎకరాలు రాసిచ్చాడు. కానీ మనవళ్లలో ముందుగా ఎవరికైతే వారసుడు జన్మిస్తాడో వాళ్లకే ఆ ఆస్తి చెందుతుందని వీలునామా రాశాడని చెబుతాడు. దీంతో ముందుగా తనే కొడుకుని కనాలని యాదగిరి తమ్ముడు తాను ప్రేమించానని చెప్పి ప్రెగ్నెంట్‌ అమ్మాయిని తీసుకొస్తాడు. దీంతో యాదగిరి కూడా అర్జెంట్‌గా పెళ్లి చేసుకోవాలని అమ్మాయిల కోసం చూస్తుంటాడు. ఇంతలో దామిని(ఐశ్వర్యా రాజేష్‌) ని చూసి ఇష్టపడతాడు. ఆమెని ఊర్లో జనం తరిమేస్తుంటారు. ఆమెకి చిన్నప్పట్నుంచి ఒక సమస్య ఉంటుంది. ఆమెని ఎవరైనా ముట్టుకుంటే షాక్‌ కొడుతుంది. దీంతో దామినిని వదిలించుకోవాలని చూస్తుంటారు. కరెక్ట్ గా యాదగిరి తగులుతాడు. ఆయనకు దామిని గురించి తెలియక పెళ్లికి సిద్ధమవుతాడు. దామిని తండ్రి చెప్పే ప్రయత్నం చేసినా వినడు. దీంతో ఎట్టకేలకు పెళ్లి చేసుకుంటాడు. మధ్యలో ఒకటి రెండు సార్లు షాక్‌ కొట్టినా, `మగధీర` సినిమాలా జరుగుతుందనుకుంటాడు. కానీ ఫస్ట్ నైట్‌ రోజు యాదగిరికి అర్థమవుతుంది. మరి ఆమె అసలు సమస్య తెలిశాక యాదగిరి ఏం చేశారు? వీరిద్దరు కలిసి ఉన్నారా? విడిపోయారా? దామిని వల్ల వాళ్ల ఇంట్లో వచ్చిన మార్పేంటి? ఆ తర్వాత యాదగిరి, దామిని లైఫ్‌లో ఎలాంటి సంఘటనలు చోటు చేసుకున్నాయనేది మిగిలిన సినిమా.

హీరోకిగానీ, హీరోయిన్‌కి గానీ ఒక సమస్య నేపథ్యంలో మంచి కాన్సెప్ట్ తో రూపొందించిన చిత్రాలకు ఇటీవల కాలంలో మంచి ఆదరణే ఉంటుంది. అయితే ఆ కాన్సెప్ట్ ని ఎంత బాగా తెరపై ఆవిష్కరిస్తారు, ఎంత గ్రిప్పింగ్‌గా కథనాన్ని తీసుకెళ్తారు, ఎంతగా నవ్వించారనే దాన్ని బట్టి సినిమా ఫలితం ఆధారపడి ఉంటుంది. `ఓ సుకుమారి` సినిమా ఆ విషయంలో చాలా వరకు రీచ్‌ అయ్యిందని చెప్పొచ్చు. ఇందులో హీరోకి ఒక సమస్య, హీరోయిన్‌కి ఒక సమస్యని పెట్టి, ఆ రెండింటిని కలిపిన తీరు, ఈ క్రమంలో చోటు చేసుకునే కామెడీని ప్రధానంగా చేసుకొని ఈ చిత్రాన్ని తెరకెక్కించిన తీరు బాగుంది. ఆద్యంతం కామెడీ ఎంటర్‌టైనర్‌గా అలరించింది. సందర్బానుసారంగా కామెడీ వర్కౌట్‌ అయ్యేలా సినిమాని రూపొందించడంలో దర్శకుడు చాలా వరకు సక్సెస్‌ అయ్యాడు. ఫస్టాఫ్‌లో తిరువీర్‌ సర్పంచ్‌ కావాలనే ప్రయత్నాల్లో ఉంటారు. మరోవైపు ఫ్యామిలీలో పడకపోవడం, అంతలోనే 80ఎకరాల తాత భూమి ఆఫర్‌ రావడం, దానికోసం హీరో పెళ్లి ప్రయత్నాలు చేయడం, ఇద్దరు రంగు తక్కువ ఉన్న అమ్మాయిలతో మంచి కామెడీ పెట్టి నవ్వించే ప్రయత్నం చేశారు. ఇంకోవైపు ఐశ్వర్యా రాజేష్‌కి కరెంట్‌ షాక్‌ కొట్టడం, దీంతో ఊరంతా ఆమెని సమస్యగా ఫీలవడం వంటివి కామెడీగా చూపించారు. ఇలా చాలా వరకు నవ్వులు పూయించింది. అయితే ఫ్యామిలీ డ్రామా ఓవర్‌గా అయ్యింది. చాలా వరకు లాజిక్‌ లెస్‌ సీన్లు ఉన్నాయి. సెకండాఫ్‌లో అది మరింత ఎక్కువగా అయ్యింది. హీరో తిరువీర్‌ ఇంట్లో ఫ్యామిలీ విషయాలు ఓవర్‌గా ఉన్నాయి. ఝాన్సీ సీన్లు కూడా ఇరిటేట్‌ తెస్తాయి. ఐశ్వర్యా రాజేష్‌ సమస్యకి సంబంధించిన సీన్లు కూడా బలవంతంగా అనిపిస్తాయి. వాటిలో ఫన్‌ వర్కౌట్‌ కాలేదు. కామెడీ సీన్లు డైలాగులు ఇరికించినట్టుగా ఉంటాయి. దీంతో నవ్వులు రావడం కాదు కదా, గోల గోలగా మారిపోయింది. దీనికితోడు చాలా వరకు సన్నివేశాలు సాగదీసినట్టుగా, లాగ్‌ అనేలా ఉంటాయి. తిరువీర్‌ ఫ్యామిలీలో హీరోయిన్‌ ఏమార్పు తెచ్చిందనేది స్పష్టత లేదు. చాలా సీన్లు ఊహించినట్టుగానే ఉంటాయి. ఇలాంటి కొన్ని సినిమాకి మైనస్ గా చెప్పొచ్చు. కానీ చాలా వరకు సినిమా నవ్వులు పంచడంలో సక్సెస్‌ అయ్యిందని చెప్పొచ్చు.

యాదగిరి పాత్రలో తిరువీర్‌ బాగా చేశాడు. పాత్రలో జీవించాడు. అంతే నేచురల్‌గా నటించి మెప్పించాడు. అమాయకంగా కనిపిస్తూ నవ్వించాడు. తన సమస్యతో అలరించాడు. అదే సమయంలో యాక్షన్‌తోనూ మెప్పించాడు. ఇక దామిని పాత్రలో ఐశ్వర్యా రాజేష్‌ ఇరగదీసింది. హీరో రేంజ్‌లో ఆమె పాత్ర ఉంటుంది. చాలా వరకు తిరువీర్‌ని డామినేట్‌ చేసింది. ఆమెపై ఒక యాక్షన్‌ ఎపిసోడ్‌ కూడా ఉంది. ఆమె పాత్ర బలంగా ఉంది. ఊరు సర్పంచ్‌గా మురళీధర్‌ గౌడ్‌ తనకు సెట్‌ అయ్యే పాత్రలో అలరించారు. తిరువీర్‌ తమ్ముడిగా శ్రీనివాస్‌ గవిరెడ్డి ఫర్వాలేదనిపించారు. మిగిలిన పాత్రలు ఓకే అనిపించాయి.

భరత్‌ మాంచి రాజు మ్యూజిక్‌ బాగుంది. ఉన్నంతలో ఆకట్టుకుంది. పాటలు ఫర్వాలేదు. ఆర్‌ఆర్‌ కూడా ఆకట్టుకునేలా ఉంది. కుషేందర్‌ రెడ్డి కెమెరా వర్క్ బాగుంది. విజువల్స్ గా సినిమా కనువిందుగా ఉంది. శ్రీ వర ఎడిటింగ్‌ ఫర్వాలేదు. మహేశ్వర్‌ రెడ్డి మౌళి నిర్మాణ విలువలకు కొదవలేదు. దర్శకుడు భరత్‌ దర్శన్‌ ఎంచుకున్న కథ బాగుంది. కాకపోతే ఇంకా బాగా రాసుకోవాల్సింది. కామెడీ విషయంలో మరింత ఫోకస్‌ పెట్టాల్సింది. కామెడీ నేచురల్‌గా పండించే ప్రయత్నం చేస్తే ఇంకా బాగుండేది. మాటల విషయంలో ఇంకా బెటర్‌మెంట్‌ అవసరం.

లాజిక్కులు వెతక్కుండా చూస్తే టైమ్‌ పాస్‌కి సరదాగా నవ్వుకునే మూవీ ఓ సుకుమారి.

రేటింగ్‌: 2.5

Isakapatnam Review: ఇసకపట్నం రివ్యూ.. కుర్చీ కోసం డాన్ కూతురు ఆడిన క్రిమినల్ మైండ్ గేమ్ ఎలా ఉందంటే ?

Tirumala Dornala — Thu, 02 Jul 2026 02:00:33 +0530

సముద్రఖని, ఐశ్వర్య రాజేష్ ప్రాధాన పాత్రల్లో నటించిన ఇసకపట్నం వెబ్ సిరీస్ పై అందరిలో ఆసక్తి నెలకొంది. ఈ సిరీస్ ఆకట్టుకునేలా ఉందా లేదా అనేది రివ్యూలో తెలుసుకుందాం.

ఐశ్వర్య రాజేష్ హీరోయిన్ గా కమర్షియల్ సినిమాలు చేస్తూనే కొన్ని ప్రయోగాత్మక పాత్రలు కూడా ఎంచుకుంటున్నారు. తన పాత్రల ఎంపిక విషయంలో ఐశ్వర్యరాజేష్ సెలెక్టివ్ గా ఉంటున్నారు. ఏ పాత్రలు పడితే వాటిని ఓకె చేయడం లేదు. తాజాగా ఐశ్వర్య రాజేష్, సముద్రఖని, నరేష్ అగస్త్, రాజా చేంబోలు ప్రధాన పాత్రల్లో నటించిన వెబ్ సిరీస్ ఇసకపట్నం. ప్రముఖ ఎడిటర్ గ్యారీ బీహెచ్ దర్శకత్వంలో ఈ వెబ్ సిరీస్ తెరకెక్కింది. మొత్తం ఇది 7 ఎపిసోడ్ ల వెబ్ సిరీస్. ప్రైమ్ వీడియోలో ఈ రాత్రి నుంచి స్టీమింగ్ మొదలైంది. ఐశ్వర్య రాజేష్, సముద్రఖనితో పాటు కీలకంగా అనిపించే పాత్రలు ఈ సిరీస్ లో చాలానే ఉన్నాయి. నరేష్ అగస్త్య, సుధాకర్ కొమాకుల, సునీల్, బనెర్జీ, రవి వర్మ కీలక పాత్రల్లో నటించారు. ఈ వెబ్ సిరీస్ ఎలా ఉందో రివ్యూలో తెలుసుకుందాం.

ఇసకపట్నం వెబ్ సిరీస్ అనేది ఇసకపట్నం తీరప్రాంతం, పోర్ట్ ఏరియాలో 1980, 1990 టైం పీరియడ్ లో జరిగే కథ. సముద్రఖని సాధారణ కూలీగా బతుకుదెరువు కోసం ఇసుకపట్నం పోర్ట్ ఏరియాకి భార్య కూతురితో వెళతాడు. సముద్రఖని పాత్ర పేరు నాయుడు. అతడు క్రూరమైన వ్యక్తిత్వం గలవాడు. ఆ ప్రాంతంలో సిన్నరావు( రాజీవ్ కనకాల) అనే లోకల్ లీడర్ ఉంటారు. మత్సకారుల సమస్యలు పరిష్కరిస్తూ మంచి నాయకుడిగా గుర్తింపు తెచ్చుకుంటాడు. ఊహించని పరిస్థితుల్లో నాయుడు.. సిన్నరావుని హత్య చేసి ఒక్కసారిగా పోర్ట్ ఏరియాని గ్రిప్ లోకి తెచ్చుకుని డాన్ గా ఎదుగుతాడు. ఆ తర్వాత పోర్ట్ ఏరియాలు వ్యాపారాలు, స్మగ్లింగ్, రౌడీయిజంతో డబ్బు, పవర్ సంపాదిస్తాడు. అతడికి రైట్ హ్యాండ్ గా బెనర్జీ ఉంటారు.

తండ్రి చేసే అక్రమాలు, రౌడీయిజం అంటే కూతురు భారతి(ఐశ్వర్య రాజేష్) కి ఇష్టం ఉండదు. అలాగని తండ్రి పనులకు అడ్డు రాదు. ఆమె ఒక ఎన్జీవో సంస్థకు విరాళాలు ఇస్తూ పేద వారికి సాయం చేస్తూ ఉంటుంది. తండ్రి అంటే ఇష్టం లేకపోవడానికి భారతికి మరో కారణం కూడా ఉంటుంది. దానిని మనసులోనే పెట్టుకుని ఉంటుంది. కొంత కాలం తర్వాత వ్యాపారంలో విభేదాలు రావడంతో నాయుడు అనుచరుడు పోతన అతడి నుంచి దూరం జరుగుతాడు. నాయుడుని దెబ్బ కొట్టాలని అదే ఏరియాలో ధనవంతుడు అయిన ప్రతాప్ వర్మ(రవి వర్మ)తో చేతులు కలుపుతాడు.

ఇంతలో ఇసకపట్నం పోర్ట్ ఏరియాలో ఊహించని సంఘటనలు జరుగుతాయి. గ్యాస్ లీక్ వాళ్ళ పేలుడు జరిగి కొందరు చిన్నారులు మరణిస్తారు. ఊహించని పరిస్థితుల్లో భారతి వివాహం ప్రతాప్ వర్మతో జరుగుతుంది. ఇష్టం లేకపోయినా, తనకి ప్రియుడు ఉన్నప్పటికీ భారతి అతడిని పెళ్లి చేసుకుంటుంది. కానీ ఫస్ట్ నైట్ రోజే ప్రతాప్ వర్మ చనిపోతాడు. తండ్రి అన్ని దుర్మార్గాలు చేస్తున్న కుమార్తె భారతి ఎందుకు సైలెంట్ గా ఉంటుంది ? గ్యాస్ లీకేజి ఘటనకు కారణం ఎవరు ? భారతితో పెళ్ళైన వెంటనే ప్రతాప్ వర్మ ఎందుకు చనిపోయాడు ? ఇందులో భారతి హస్తం ఉందా ? తన నాన్నమ్మ చెప్పిన మాటలతో భారతి ఏం చేసింది ? ఇవన్నీ తెలియాలి అంటే ఇసకపట్నం వెబ్ సిరీస్ చూడాల్సిందే.

7 ఎపిసోడ్ లతో తెరకెక్కిన ఇసకపట్నం సిరీస్ పోర్ట్ ఏరియాలో జరిగే రౌడీయిజం, మాఫియా, స్మగ్లింగ్ బ్యాక్ డ్రాప్ లో తెరకెక్కింది. ఇసకపట్నం పోర్ట్ లో ఉండే లోకల్ మత్య్సకారులు, బర్మా నుంచి వచ్చిన మత్స్యకారులు మధ్య ఆధిపత్యం పోరుతో కథ మొదలవుతుంది. ఆ తర్వాత జరిగిన పరిణామాలతో సముద్రఖని చుట్టూ కథ తిరుగుతుంది. మొదటి రెండు మూడు ఎపిసోడ్స్ కథ నెమ్మదిగా సాగినప్పటికీ దర్శకుడు ఒక్కో పాత్రని పరిచయం చేసిన విధానం, ఆ పాత్రలని మలిచిన తీరు బావుంది. సాధారణంగా ఒక కథతో రెండు మూడు పాత్రలు బలంగా ఉంటాయి.

కానీ ఈ వెబ్ సిరీస్ లో ఐశ్వర్య రాజేష్, సముద్రఖనితో పాటు బలంగా ఉండే పాత్రలు చాలానే ఉన్నాయి. దర్శకుడు అందరికీ కథలో ఇంపార్టెన్స్ ఇవ్వడం అభినందించదగ్గ విషయం. అయితే ప్రారంభంలో సముద్రఖని ఒక్కసారిగా డాన్ గా ఎదగడం అనేది అంత కన్విన్సింగ్ గా లేదు. ఆ సన్నివేశాలని ఇంకాస్త డిటైల్డ్ గా ఎస్టాబ్లిష్ చేసి ఉండాల్సింది. ప్రారంభం నుంచే ఐశ్వర్య రాజేష్ ఫైరీ పెర్ఫార్మెన్స్ చూడాలనుకునే అభిమానులకు కాస్త నిరాశ తప్పదు. ఆమె పాత్రలో అసలు కోణం బయట పెట్టడానికి దర్శకుడు చాలానే టైం తీసుకున్నారు.

ఆ తర్వాత ఆమె వేసే ఎత్తుగడలు అద్భుతంగా ఉంటాయి. ఒక వ్యక్తి బలాన్ని లాగేయాలి అంటే చంపాల్సిన అవసరం లేదు చచ్చేంత పని చేస్తే చాలు అనే సిద్ధాంతాన్ని నమ్మి తండ్రికి వ్యతిరేకంగా పావులు కదపడం ఎంగేజింగ్ గా ఉంటుంది. సునీల్ పోషించిన పోలీస్ అధికారి పాత్రకు అంతగా ప్రాధాన్యత దక్కపోవడం మరో మైనస్.

భారతి ప్రియుడిగా సుధాకర్ సుధాకర్ కొమాకుల, ఆటో డ్రైవర్ గా కనిపించిన నరేష్ అగస్త్య పాత్రలని దర్శకుడు కథలో ఇన్వాల్వ్ చేసిన విధానం బావుంది. అయితే కొన్ని సన్నివేశాల్లో ఇంకాస్త క్లారిటీగా తీసి ఉండాల్సింది. ఎవరు ఎవరి వైపు ఉన్నారు అనే విషయంలో అక్కడక్కడా క్లారిటీ మిస్ అయింది. భారతి ఎంతటి క్రిమినల్ మైండ్ గేమ్ఆడింది అనేది క్లైమాక్స్ లోనే తెలుస్తుంది. ఆమె ఆడిన మైండ్ గేమ్ షాకింగ్ గా ఉంటుంది. కానీ ఆ సన్నివేశాలు క్లైమాక్స్ లోనే రివీల్ కావడంతో భారతి పాత్ర ఎంత పవర్ ఫుల్ అనేది బిగినింగ్ నుంచి ఆడియన్స్ కి అర్థం కాదు. దీనితో ఇంపాక్ట్ కాస్త మిస్ అయింది. క్లైమాక్స్ లో ఇచ్చిన ట్విస్ట్ లు సంతృప్తికరంగా అనిపిస్తాయి. లేడీ పుష్ప తరహాలో ఐశ్వర్య రాజేష్ కి ఎలివేటివ్ లభిస్తుంది అని చెప్పొచ్చు.

ఎప్పటి లాగే సముద్రఖని తన పెర్ఫార్మెన్స్ తో అదరగొట్టారు. ఇసకపట్నం పోర్ట్ ఏరియాలో డాన్ గా ఆయన నటించిన విధానం చాలా బావుంది. విలన్ గా క్రూరత్వం ప్రదర్శిస్తూనే తన ఆధిపత్యం నిలుపుకునేందుకు మెదడుకు పని చెప్పి వేసే ఎత్తుగడలు చాలా బావుంటాయి. ఇక ఐశ్వర్య రాజేష్ విలన్ కుమార్తె అయినప్పటికీ సాధారణ ఎన్జీవో కార్యకర్తగా సింపుల్ గా కనిపిస్తూ ఆకట్టుకుంది. ఆ తర్వాత తన పాత్రలో ఉండే మలుపులు తగ్గట్లుగా బాడీ లాంగ్వేజ్ ని మారుస్తూ మైండ్ బ్లాక్ చేసింది.

నరేష్ అగస్త్యకి ఈ సిరీస్ లో చాలా మంది పాత్ర దక్కింది. నరేష్ పాత్రలో ఎమోషనల్ డెప్త్ ఉంటుంది. ఇక భారతి ప్రియుడిగా సుధాకర్ కొమాకుల కూడా ఆకట్టుకున్నాడు. సునీల్, రాజీవ్ కనకాల, రవి వర్మ తమ పాత్రల మేరకు మెప్పించారు.

పోర్ట్ ఏరియాలో జరిగే మాఫియా కథలో తండ్రి కూతుళ్ళ ఆధిపత్యం అంశాన్ని దర్శకుడు గ్యారీ బీహెచ్ జోడించిన విధానం చాలా బావుంది. కథని చక్కగా ప్రజెంట్ చేశారు. అయితే ఐశ్వర్య రాజేష్ పాత్రని ఇంకా బోల్డ్ గా, పవర్ ఫుల్ గా చూపించే అవకాశం ఉంది. కానీ దానిని దర్శకుడు మిస్ చేసుకున్నారు. మొదటి 3 ఎపిసోడ్స్ లో ఎడిటింగ్ షార్ప్ గా ఉండి ఉంటే కథ ప్రారంభం నుంచే పరుగులు పెట్టేది. సంగీతం పర్వాలేదు. నిర్మాణ విలువలు బాగానే ఉన్నాయి.

ఇది క్రూరమైన తండ్రిపై కూతురు ఆడే క్రిమినల్ మైండ్ గేమ్. కొన్ని మైనస్ లు ఉన్నప్పటికీ సముద్రఖని, ఐశ్వర్య రాజేష్ పవర్ ఫుల్ పెర్ఫార్మన్స్ కోసం ఇసకపట్నం వెబ్ సిరీస్ చూడవచ్చు.

రేటింగ్: 2.75/5

Vanda Devullu Review: వంద దేవుళ్ళు మూవీ రివ్యూ.. విజయ్‌ ఆంటోని చేసిన ప్రయోగం ఎలా ఉందంటే?

Aithagoni Raju — Fri, 19 Jun 2026 06:55:11 +0530

Vanda Devullu Review: విజయ్‌ ఆంటోని శ్వాసిక విజయ్‌, అజయ్‌ ధీషన్‌ వంటి వారు ప్రధాన పాత్రల్లో నటించిన చిత్రం `వంద దేవుళ్లు`. అమ్మకి మళ్లీ పెళ్లి అనే కాన్సెప్ట్ తో వచ్చిన ఈ మూవీ ఎలా ఉందంటే?

విజయ్‌ ఆంటోని తమిళ హీరోనే కాదు, టాలీవుడ్‌ హీరోగానూ పేరు తెచ్చుకుంటున్నాడు. ఆయన సినిమాలు తమిళంతోపాటు తెలుగులోనూ విడుదలవుతుంటాయి. మంచి ఆదరణ పొందుతుంటాయి. ఇప్పుడు సరికొత్త కథాంశంతో `వంద దేవుళ్ళు` అనే చిత్రం చేశాడు. ఇందులో ఆయన ప్రధాన పాత్రలో నటించడంతోపాటు నిర్మించడం విశేషం. శశి దర్శకత్వంలో రూపొందిన ఈ చిత్రంలో విజయ్‌ ఆంటోనితోపాటు శ్వాసిక విజయ్‌, అజయ్‌ ధీషన్‌, లిజోమోల్‌ జోస, కరుణాల్‌ వంటి వారు ప్రధాన పాత్రలు పోషించారు. విజయ్ ఆంటోని ఫిల్మ్ కార్పోరేషన్, ఫాతిమా విజయ్ ఆంటోనీ సమర్పణలో.. సర్వంత్ రామ్ క్రియేషన్స్ బ్యానర్ మీద రామంజనేయులు జవ్వాజి నిర్మించిన ఈ మూవీని జూన్ 19న శుక్రవారం విడుదలైంది. మరి సినిమా ఎలా ఉంది? ఆడియెన్స్ ని ఆకట్టుకుందా అనేది రివ్యూలో తెలుసుకుందాం .

వాసుకి (శ్వాసిక విజయ్)కు ఇద్దరు పిల్లలు భాస్కర్‌(అజయ్‌ ధీషన్‌), వివేక్(శక్తి). పిల్లలు చిన్నగా ఉన్నప్పుడు భర్త చనిపోతాడు. భర్త లేకపోవడంతో ఊర్లో అందరి చూపు వాసుకిపైనే పడుతాయి. దీంతో ఆమె చాలా రకాలుగా ఇబ్బంది పడుతుంది. ఆ బాధని దిగమింగుతూ కష్టపడి పనిచేసి పిల్లల్ని చదివించుకుంటుంది. పిల్లలు పెద్దగా అవుతారు. దీంతో తనకు రెండో పెళ్లి చేసుకోవాలనే ఆలోచన వస్తుంది. ఈ విషయాన్ని ఆ ఊర్లో ఉండే స్కూల్‌ టీచర్‌ వద్ద వెల్లడిస్తుంది. ఆ టీచర్‌ వాసుకి పెద్ద కొడుకు భాస్కర్‌తో చెప్పగా, ఆయన తిరస్కరిస్తాడు. అమ్మపై కోప్పడతాడు. దీంతో పెళ్లి అనే ఆలోచన్ని వదిలేసుకుంటుంది వాసుకి. ఇక భాస్కర్‌, వివేక్‌ పెద్ద అయి జాబ్‌లు చేస్తుంటారు. ఆ సమయంలో భాస్కర్‌కి అమ్మకి మళ్లీ పెళ్లి చేయాలనే ఆలోచన వస్తుంది. అప్పటికే వివేక్‌ సంధ్య(లిజో మోల్‌ జోస్‌)తో ప్రేమలో ఉంటాడు, భాస్కర్‌ కూడా అమ్మకి పెళ్లి చేయడం కోసం వందన(కావ్య అనిల్‌)ని మ్యారేజ్‌ చేసుకోవడానికి రెడీ అవుతాడు. అయితే అమ్మ పెళ్లి చేసుకుంటేనే తాను చేసుకుంటానని పట్టుబడతాడు. మరి అమ్మ రెండో పెళ్లికి ఒప్పుకుందా? వాసుకి రెండో పెళ్లి అంటే ఊర్లో చోటు చేసుకున్న పరిణామాలేంటి? ఇందులో ఏడుకొండలు(విజయ్‌ ఆంటోని) కథేంటి? వాసుకిని ఏడుకొండలు పెళ్లి చేసుకున్నాడా? ఈ క్రమంలో వీరు ఎలాంటి పోరాటం చేయాల్సి వచ్చిందనేది మిగిలిన కథ.

సాధారణంగా ఒంటరిగా ఉన్న మగాళ్లు రెండో పెళ్లి చేసుకోవడం చూశాం. `మా నాన్నకు పెళ్లి` అనే సినిమా కూడా వచ్చింది. మగాళ్లు ఏజ్‌తో సంబంధం లేకుండా రెండో పెళ్లి చేసుకోవడం మన సమాజంలో కామన్‌గానే మారింది. అయితే భర్తలు చనిపోయిన మహిళలు రెండో పెళ్లి అనే యాంగిల్‌ని మనం చూడలేదు. పిల్లలు పెద్దగా అయిన మహిళలు ఒంటరిగానే ఉంటారు, కానీ ఇందులో నలభై ఏళ్లు దాటిన తర్వాత ఒక ఒంటరి మహిళ మళ్లీ పెళ్లికి సిద్ధమవడం, ఈ క్రమంలో ఇంట్లో పిల్లల నుంచి, బయట సమాజం నుంచి, ఊర్లో నుంచి ఎలాంటి రియాక్షన్స్ వచ్చాయి? అందుకోసం ఆమె ఎంతటి స్ట్రగుల్స్ ఫేస్‌ చేయాల్సి వచ్చిందనేదే ఈ మూవీ. మగాడిని రెండో పెళ్లికి అంగీకరించే ఈ సమాజం, అదే ఆడది రెండో పెళ్లి చేసుకుంటే అంగీకరించరు? పెళ్లైన ఏడాదికే భర్త చనిపోతే జీవితాంతం ఆమె ఒంటరిగానే ఉండాలా? లైఫ్‌ లాంగ్‌ విధవరాలిగానే ఉండిపోవాలా? ఇది మారాలి? ఆ మార్పు ఈ సినిమాలోని ప్రధాన పాత్ర ద్వారా రావాలనే మంచి సందేశంతో ఈ సినిమాని రూపొందించారు విజయ్‌ ఆంటోని. దీనికి ఆయనే నిర్మాత కావడం విశేషం. రియల్‌ లైఫ్‌ ఇన్సిడెంట్స్ ఆధారంగా దీన్ని రూపొందించారు.

అయితే సినిమాగా ఇది ప్రారంభంలో ఇద్దరు పిల్లల్ని చూసుకోవడం, ఈ క్రమంలో ఒంటరిగా ఉన్న అమ్మ పడే బాధలు, ఫేస్‌ చేసే ఇబ్బందులను ప్రధానంగా చేసుకొని చూపించారు. పిల్లల కోసం కష్టపడటం, ఈ క్రమంలో అవమానాలు ఫేస్‌ చేయడం, ఒంటరిగా ఉండటంతో ప్రతి మగాడు ఆమెని అనుభవించాలనుకోవడం వంటివి హృదయాన్ని కదిలిస్తాయి. ఆ తర్వాత తనకు పెళ్లి చేసుకోవాలనే కోరిక కలగడం, పిల్లలు వ్యతిరేకించడం వంటి సన్నివేశాలతో రన్‌ అవుతుంది. డ్రామా ప్రధానంగా వెళ్తుంది. అదే సమయంలో కొంత డ్రైగా ఉంటుంది. స్లోగా అనిపిస్తుంది. సెకండాఫ్‌ తర్వాత కథ పుంజుకుంటుంది. విజయ్‌ ఆంటోనీ ఎంట్రీతో సినిమా రసవత్తరంగా మారుతుంది. లవ్‌ ట్రాక్‌, కామెడీ, ఎమోషన్స్ మేళవింపుగా వెళ్తుంది. చివరి అరగంట మరింత రక్తికట్టించేలా ఉంటుంది. ఉత్కంఠభరితంగా సాగుతుంది. ఎమోషనల్‌గా, అదిరిపోయే ట్విస్ట్ తో ముగుస్తుంది. ఎంచుకున్న పాయింట్‌ బాగుంది.

అయితే ప్రారంభంలో దాన్ని అంతే కన్విన్సింగ్‌గా తీయలేకపోయారు. రెండో పెళ్లికి సంబంధించిన బలమైన సీన్లు చూపించలేదు. ఎమోషన్‌ మిస్‌ అయ్యింది. అయితే మనిషికి, తిండి, నిద్రతోపాటు తోడు(శరీరక అవసరం) కూడా ముఖ్యమనే విషయాన్ని చెప్పిన తీరు బాగుంది. సినిమా చాలా వరకు డ్రైగా వెళ్తుంది. సంఘర్షణ పాళ్లు తగ్గాయి. అదే సమయంలో ఎమోషనల్‌ సీన్లలో డోస్‌ తగ్గింది. కారణాలను మరింత బలంగా చూపించాల్సింది. కమర్షియల్‌ ఎలిమెంట్లు మిస్‌ అయ్యాయి. కాకపోతే భర్తలు చనిపోయిన మహిళలకు మళ్లీ లైఫ్‌ ఉందని, వాళ్లు జీవితాంతం ఒంటరిగా ఉండాల్సిన అవసరం లేదని చెప్పే సందేశం బాగుంది. ఇలాంటి పాయింట్‌తో సినిమా తీసిన విజయ్‌ ఆంటోనిని అభినందించాలి.

వాసుకి పాత్రలో శ్వాసిక విజయ్‌ అదరగొట్టారు. ఆమె మనసులో బాధని దాచుకొని బయటకు ఆనందంగా కనిపించి, తన భావాలను వ్యక్తం చేయలేక లోలోపల మదనపడే మహిళగా అద్భుతంగా చేసింది. నిజానికి ఈ మూవీకి ఆమెనే హీరో. పాత్రలో జీవించి ఆకట్టుకుంది. భాస్కర్‌ పాత్రలో అజయ్‌ ధీషన్‌ చాలా బాగా నటించాడు. సెటిల్డ్ గా చేసి మెప్పించాడు. చాలా మెచ్యూర్‌గా నటించి ఆకట్టుకున్నాడు. సినిమాకి సెకండ్‌ హీరో అని చెప్పొచ్చు. వివేక్‌ పాత్రలో శక్తి నటన కూడా ఆకట్టుకుంటుంది. ఇక ఏడుకొండలుగా విజయ్‌ ఆంటోని కనిపిస్తాడు. ఆయన సెకండాఫ్‌లో వస్తాడు. ఆయన పాత్రకి పెద్దగా ప్రయారిటీ లేదు, కానీ ఆయన వచ్చాకే సినిమా ఆసక్తికరంగా సాగుతుంది. ఉన్నంత సేపు అదరగొట్టాడు, వాహ్‌ అనిపించాడు. మిగిలిన వాళ్లు తమ పాత్రల పరిధి మేరకు నటించి ఆకట్టుకున్నారు.

సినిమాకి బాలాజీ శ్రీరామ్‌ మ్యూజిక్ బాగుంది. కొత్తగా ఉంది. పాటలు ఆకట్టుకోవడంతోపాటు ఆర్‌ఆర్‌ కూడా అంతే బాగుంది. సినిమాకి అది ప్లస్‌ అయ్యింది. ఎస్‌ బి దర్శన్‌ కిర్లోష్‌ కెమెరా వర్క్ కనువిందుగా ఉంది. విజువల్స్ ఆకట్టుకుంటున్నాయి. సినిమా మూడ్‌ని రిప్లెక్ట్ చేసేలా విజువల్స్ ఉన్నాయి. ఎడిటింగ్‌ పరంగానూ బాగుంది. నీట్‌గా మూవీ సాగింది. దర్శకుడు శశి ఎంచుకున్న కథ బాగుంది. దాన్ని తెరపై ఆవిష్కరించిన తీరు బాగుంది. అయితే ఇదొక సెన్సిటివ్‌ టాపిక్‌. కమర్షియాలిటీ తక్కువ ఉన్న మూవీ. అదే పెద్ద మైనస్. కాకపోతే అంశాలను చాలా వరకు కన్విన్సింగ్‌గా రూపొందించాడు. ఒక కొత్త యాంగిల్‌లో ఈ కథని చెప్పిన తీరు బాగుంది. ఇదొక మంచి ప్రయత్నంగా నిలుస్తుంది. కమర్షియల్‌గా ఇది ఎంత వరకు వెళ్తుందనేదే డౌట్.

అమ్మకి మళ్లీ పెళ్లి అనే కాన్సెప్ట్ తో వచ్చిన ఈ చిత్రం అభినందనీయమైన ప్రయత్నంగా చెప్పొచ్చు.

రేటింగ్‌: 2.5

Maa Inti Bangaram Review: మా ఇంటి బంగారం మూవీ రివ్యూ.. సమంత కమ్‌ బ్యాక్‌ ఫిల్మ్ ఎలా ఉందంటే?

Aithagoni Raju — Fri, 19 Jun 2026 12:01:29 +0530

Maa Inti Bangaram Review: సమంత మూడేళ్ల గ్యాప్‌ తర్వాత కమ్‌ బ్యాక్‌ ఇస్తూ నటించిన మూవీ `మా ఇంటి బంగారం`. నందిని రెడ్డి దర్శకత్వంలో రాజ్‌ నిడిమోరు నిర్మించిన ఈ మూవీ ఎలా ఉందో రివ్యూలో తెలుసుకుందాం.

సమంత అనారోగ్యంతో మూడేళ్ల క్రితం సినిమాలకు దూరమయ్యింది. ఇప్పుడు మళ్లీ కమ్‌ బ్యాక్‌ ఇస్తూ ఆమె `మా ఇంటి బంగారం` అనే చిత్రంలో నటించింది. `ఓ బేబీ` తర్వాత నందిని రెడ్డి దర్శకత్వంలో సమంత చేసిన చిత్రమిది. ట్రాలాల పిక్చర్స్ పతాకంపై సమంత, ఆమె భర్త రాజ్‌ నిడిమోరు దీన్ని నిర్మించారు. ఇందులో శ్రీముఖి మరో కీలక పాత్రలో నటించారు. టీజర్‌, ట్రైలర్‌తో ఆకట్టుకున్న ఈ చిత్రం నేడు శుక్రవారం(జూన్‌ 19)న ఆడియెన్స్ ముందుకు వచ్చింది. మరి సినిమా ఎలా ఉంది? సమంత అదిరిపోయే కమ్‌ బ్యాక్‌ ఇచ్చిందా? అనేది రివ్యూలో తెలుసుకుందాం.

స్వర్ణ(సమంత)... హనీ(దిగంద్‌)ని ప్రేమించి పెళ్లి చేసుకుంటుంది. హనీ డాక్టర్‌. హనీ చెల్లి పెళ్లి కోసం చాలా రోజుల తర్వాత తన ఊరు బల్లవరం కి వస్తారు. స్వర్ణని చూసి ఫ్యామిలీ అంతా ఆశ్చర్యపోతారు. ఇంట్లో అందరు ఆమెని అంత ఈజీగా కలుపుకోరు. ప్రశ్నలతో ఆడుకుంటారు. దీంతో వారిని మ్యానేజ్‌ చేయలేక ఇబ్బంది పడుతుంది స్వర్ణ. కానీ నెమ్మదిగా వారికి నచ్చిన పనులు చేస్తూ దగ్గరవుతుంది. అటు మామయ్య, అత్తయ్యలను కూడా ఫిదా చేస్తుంది. ఉత్తమ కోడలిగా పేరుతెచ్చుకునే ప్రయత్నం చేస్తుంది. ఈ క్రమంలోనే తనని ఒకడు వెంటాడుతుంటాడు. అతను కరుణ(గుల్షన్‌ దేవయ్య) మనిషి. తను అచ్చం ఝాన్సీలా ఉండటంతో ఆమెని చంపేయమని చెబుతాడు. కానీ కరుణ మనిషిని చంపేస్తుంది స్వర్ణ. దీంతో జైల్లో ఉన్న కరుణ రంగంలోకి దిగుతాడు. వచ్చి స్వర్ణని కలుస్తాడు. ఆమెకి చేసుకుందని తెలిసి షాక్‌ అవుతాడు. బాధపడతాడు. తాను పెళ్లి చేసుకోవాలనుకున్నాను అని చెబుతాడు. ఫ్యామిలీ వదిలేసి తనతో రమ్మని, లేదంటే ఫ్యామిలీని చంపేస్తానని బెదిరిస్తాడు. మరి కరుణ వార్నింగ్‌కి స్వర్ణ భయపడిందా? అతనితో వెళ్లిపోయిందా? ఇంతకి కరుణ ఎవరు? స్వర్ణకి అతనికి ఉన్న సంబంధం ఏంటి? ఝాన్సీ కథేంటి? ఝాన్సీ..స్వర్ణగా ఎలా మారింది? తన ఫ్యామిలీ కోసం స్వర్ణ చేసిన పోరాటం ఏంటి? ఇందులో శ్రీముఖి పాత్రేంటి? అనేది మిగిలిన కథ.

క్రైమ్‌ బ్యాక్‌ డ్రాప్‌ ఉన్న ఒక అమ్మాయి ఒక డాక్టర్‌ ని ప్రేమించి పెళ్లి చేసుకొని తన గతాన్ని వదిలేసి కొత్తగా ఫ్యామిలీ లైఫ్‌ని లీడ్‌ చేస్తుండగా, మళ్లీ గతం తనని వెంటాడుతుంది. అది తన ఫ్యామిలీని ప్రమాదంలో పడేస్తుంది. ఇలాంటి నేపథ్యంలో తన ఫ్యామిలీని కాపాడుకోవడం కోసం ఆమె చేసిన పోరాటమే ఈ మూవీ కథ. కథ పరంగా చూడ్డానికి ఇది `అతడు` సినిమాని పోలి ఉంటుంది. అది హీరో వెర్షన్‌లో ఉంటే, ఇది హీరోయిన్‌ వెర్షన్‌లో ఉంటుంది. అంతే తేడా మిగిలినదంతా సేమ్‌ టూ సేమ్‌. ప్రారంభంలో సమంత, తన భర్తతో కలిసి ఊరు రావడం, ఇంట్లో తనని వింతగా చూడటం, ఆమెకి ఫ్యామిలీ కట్టుబాట్లు తెలియకపోవడం, అవి నేర్చుకునే క్రమంలో చోటు చేసుకునే సన్నివేశాల్లో మంచి కామెడీ ఉంటుంది. అది నవ్వించేలా ఉంటుంది. సమంత ఇన్నోసెంట్‌ గా యాక్ట్ చేసిన తీరు, ఆమె అమాయకంగా కామెడీని పలికించిన తీరు ఆద్యంతం నవ్వులు పూయిస్తుంది. ఉత్తమ కోడలు అనిపించుకోవడానికి, శ్రీముఖిని మించి బెస్ట్ అనిపించుకోవడం కోసం సమంత చేసే పనులు హిలేరియస్‌గా ఉంటాయి. అందుకోసం తన ఫ్రెండ్‌ ద్వారా వంటలు చేయించడం, ముగ్గులు వేయించడం వంటి సన్నివేశాలు వినోదాన్ని పంచుతాయి. ఇదంతా ఓ వైపు తన గతం తాలుకూ విలన్లు వెంటాడటం మరోవైపు. ఈ క్రమంలో వచ్చే యాక్షణ్‌ సీన్లు ఆకట్టుకుంటాయి. ఇలా రెండింటిని బ్యాలెన్స్ చేస్తూ ఫస్టాఫ్‌ సాగుతుంది. ఇంటర్వెల్‌ వరకు రసవత్తరంగా ఉంటుంది. సెకండాఫ్‌లో గుల్షన్‌ దేవయ్య పాత్ర ఎంట్రీతో మూవీపై హైప్ పెరిగింది. కానీ ఆ తర్వాత వచ్చే సీన్లు ఆ స్థాయిలో లేవు, కథని డైవర్స్ చేసేలా ఉంటాయి. సడెన్‌గా ఆమెని పెళ్లి చేసుకోవాలనుకున్నా, తనతో వచ్చేయ్‌ అని విలన్‌ చెప్పడం, ఆమెని వెంటాడటం వంటి సీన్లు కన్విన్సింగ్‌గా లేవు. ఆయన పాత్ర ఎందుకు అలా వెంటాడుతుందనేదానికి బలమైన కారణంగానీ, బలమైన సన్నివేశాలుగానీ లేవు. ఏదో డ్రామా కోసం క్రియేట్‌ చేసినట్టుగా ఉన్నాయి తప్పితే, ఏమాత్రం కథని ముందుకు తీసుకెళ్లేలా లేవు. ఇక క్లైమాక్స్ లో ఊహించినట్టుగానే తానేంటో ఫ్యామిలీకి చెప్పడం, విలన్‌తో పోరాటమనే సీన్లు రొటీన్‌గానే ఉన్నాయి. ఫస్టాఫ్‌ రేంజ్‌లో సెకండాఫ్‌ లేదు. కొంత ల్యాగ్‌ అనేలా ఉంది. క్లైమాక్స్ ఫైట్‌ కూడా తేలిపోయింది. ప్రీ క్లైమాక్స్ కి ముందు హైప్‌ ఇవ్వడంతో, ఆ తర్వాత సీన్లు ఆ స్థాయిలో లేకపోవడంతో డల్‌ ఫీలింగ్‌ కలుగుతుంది. డ్రామా కొంత, ఎమోషనల్‌ సీన్లు ద్వితీయార్థంలో సరిగ్గా పండలేదు. దీంతో సినిమా నిరాశపరుస్తుంది.

స్వర్ణ పాత్రలో సమంత ఇరగదీసింది. ఓ వైపు ఇన్నోసెంట్‌గా, ఇంకోవైపు యాక్షన్‌తో వీరమహిళగా కనిపించి అదరగొట్టింది. సినిమాని తన భుజాలపై మోసిందని చెప్పొచ్చు. నటిగా ఆమెని మరో స్థాయికి తీసుకెళ్లే మూవీ అవుతుంది. మంచికమ్‌ బ్యాక్‌ అవుతుంది. హనీగా దిగంత్‌ సెటిల్డ్ గా బాగా చేశాడు. కరుణగా గుల్షన్‌ దేవయ్య అదరగొట్టాడు. కాకపోతే ఆయన పాత్రలో క్లారిటీ మిస్‌ అయ్యింది. రెండో కోడలుగా శ్రీముఖి బాగా చేసింది. ఆమెకి మంచి సీన్లు పడ్డాయి. సమంత ఫ్రెండ్‌గా చేసిన మంజుష నవ్వించింది, మెప్పించింది. అదరగొట్టింది. పెళ్లి కూతురుగా చేసిన అమ్మాయి కూడా చాలా బాగా చేసింది. ఆమెకి వరుసగా సినిమాలువస్తాయి. పోలీస్‌గా చైతన్య కృష్ణ ఆకట్టుకున్నాడు. అత్తగా గౌతమి ఈజీగా తన పాత్రలో జీవించింది. మిగిలిన పాత్రలు ఓకే అనిపించాయి.

సంతోష్‌ నారాయణ్‌ మ్యూజిక్‌ మరో అసెట్‌. పెళ్లిలో పాట హైలైట్‌గా నిలుస్తుంది. ఆర్‌ ఆర్‌ అదిరిపోయింది. సినిమాకి ప్లస్‌ గా మారింది. కెమెరా వర్క్ కూడా బాగుంది. విజువల్స్ కనువిందుగా ఉంది. ఎడిటింగ్‌ పరంగా నీట్‌గా ఉంది. దర్శకురాలు నందిని రెడ్డి మంచి కథని ఎంచుకుంది. బాగా చేసింది. కానీ సెకండాఫ్‌ని డీల్‌ చేయడంలో తడబడింది. కథనం పరంగా లోపాలున్నాయి. సెకండాఫ్‌లో ఎమోషన్స్, డ్రామాని బ్యాలెన్స్ చేయడంలో ఫెయిల్‌ అయ్యారు. విలన్‌ ని సరిగ్గా ఎస్టాబ్లిష్‌ చేయలేకపోయారు. కానీ మాటలు బాగున్నాయి.

నటిగా సమంతకిది మంచి కమ్‌ బ్యాక్‌ మూవీ అవుతుంది. ఫ్యామిలీ ఆడియెన్స్ కి నచ్చే చిత్రమవుతుంది.

రేటింగ్‌: 2.5

Shah Rukh Khan Net Worth: 1500తో ముంబైకి వచ్చి..12,490 కోట్లకు కింగ్ గా మారిన బాద్షా ఆస్తుల వివరాలు ఇవే

Mahesh Jujjuri — Sun, 28 Jun 2026 11:12:22 +0530

కేవలం 1,500 రూపాయలతో ముంబై వచ్చిన షారుఖ్ ఖాన్ ఇవాళ వేల కోట్ల అధిపతి. సినిమాలు, బ్రాండ్ ఎండార్స్‌మెంట్లు, బిజినెస్, KKR, రెడ్ చిల్లీస్, లగ్జరీ లైఫ్‌స్టైల్... ఇవన్నీ ఆయన్ను కింగ్‌ను చేశాయి.

సుమారు 34 ఏళ్ల క్రితం... ఢిల్లీ నుంచి ముంబైకి కేవలం 1,500 జేబులో పెట్టుకుని, కళ్ల నిండా కలలతో వచ్చాడు షారుఖ్ ఖాన్. కానీ ఇవాళ, ఆయన ప్రపంచంలోనే అత్యంత ధనిక నటుల్లో ఒకరు. హురున్ గ్లోబల్ రిచ్ లిస్ట్ 2025 ప్రకారం, షారుఖ్ ఆస్తి విలువ సుమారు 1.4 బిలియన్ డాలర్లు. అంటే మన కరెన్సీలో దాదాపు 12,490 కోట్లు! ఈ డబ్బు కేవలం సినిమాలతోనే రాలేదు. ప్రొడక్షన్ హౌస్, ఐపీఎల్ టీమ్, రియల్ ఎస్టేట్, బ్రాండ్ ఎండార్స్‌మెంట్లు, ఇతర పెట్టుబడులు... ఇలా అన్నీ కలిపి బాలీవుడ్ 'కింగ్ ఖాన్' ఈ సామ్రాజ్యాన్ని నిర్మించారు. అసలు ఆయన ప్రయాణం ఎలా సాగిందో చూద్దాం.

యాక్టింగ్ మీద పిచ్చితో ఢిల్లీ నుంచి ముంబైకి వచ్చిన షారుఖ్, మొదట్లో కొన్ని కష్టాలు పడ్డా బాలీవుడ్‌లో తనకంటూ ఓ ప్రత్యేక గుర్తింపు తెచ్చుకున్నారు. జూన్ 25, 1992న ఆయన మొదటి సినిమా 'దీవానా' రిలీజ్ అయింది. అప్పటి నుంచి మూడు దశాబ్దాలకు పైగా సాగిన కెరీర్‌లో, ఆయన కేవలం సూపర్‌స్టార్‌గానే కాదు, ఒక సక్సెస్‌ఫుల్ బిజినెస్‌మ్యాన్‌గా కూడా ఎదిగారు.

ముంబై బాంద్రాలో సముద్రం పక్కన ఉండే షారుఖ్ ఖాన్ బంగ్లా 'మన్నత్' గురించి తెలియని వాళ్లుండరు. దాని ప్రస్తుత విలువ సుమారు 300 కోట్లు ఉంటుందని అంచనా. ప్రస్తుతం ఆ బంగ్లాలో రెనోవేషన్ పనులు జరుగుతుండటంతో, షారుఖ్ తన కుటుంబంతో కలిసి పాలీ హిల్‌లోని ఓ అద్దె ఇంట్లో ఉంటున్నారు. దాని నెలవారీ అద్దె సుమారు 24 లక్షలట. ఇది కాకుండా, అలీబాగ్‌లో ఆయనకు ఓ పెద్ద ఫామ్‌హౌస్ కూడా ఉంది. దాని విలువ దాదాపు 15 కోట్లు. ఈ ఫామ్‌హౌస్‌లో హెలిప్యాడ్, స్విమ్మింగ్ పూల్ లాంటి లగ్జరీ సౌకర్యాలు కూడా ఉన్నాయి.

సినిమాలే కాకుండా, ఇండియన్ ప్రీమియర్ లీగ్ (IPL) టీమ్ కోల్‌కతా నైట్ రైడర్స్ (KKR)లో పెట్టుబడి పెట్టి బిజినెస్ ప్రపంచంలోనూ షారుఖ్ తన మార్క్ చూపించారు. ఐపీఎల్ మొదలైనప్పుడు, ఆయన ఈ టీమ్‌లో 55 శాతం వాటాను కొనుగోలు చేశారు. ఇక 2002లో 'రెడ్ చిల్లీస్ ఎంటర్‌టైన్‌మెంట్' అనే ప్రొడక్షన్ హౌస్‌ను స్థాపించారు. ఈ సంస్థ సినిమా నిర్మాణం, విజువల్ ఎఫెక్ట్స్ (VFX), డిస్ట్రిబ్యూషన్ వంటి పనులు చూసుకుంటుంది. 'ఓం శాంతి ఓం', 'మై నేమ్ ఈజ్ ఖాన్', 'రా.వన్', 'డాన్ 2', 'డియర్ జిందగీ', 'బద్లా' లాంటి ఎన్నో సినిమాలు ఈ బ్యానర్‌లోనే నిర్మించారు. రిపోర్టుల ప్రకారం, ఈ కంపెనీకి కిడ్‌జానియా ఇండియా (KidZania India)లో కూ

షారుఖ్ ఖాన్ గ్యారేజీలో లగ్జరీ కార్లకు కొదవే లేదు. ఆయన దగ్గర సుమారు 12 కోట్ల విలువైన బుగాటి వేరాన్, దాదాపు 9.6 కోట్ల విలువైన రోల్స్ రాయిస్ ఫాంటమ్ డ్రాప్‌హెడ్ కూపే, సుమారు 3.39 కోట్ల బెంట్లీ కాంటినెంటల్ జీటీ, 2.62 కోట్ల బీఎండబ్ల్యూ ఐ8, 1.35 కోట్ల బీఎండబ్ల్యూ 7 సిరీస్, 1.77 కోట్ల నుంచి 1.86 కోట్ల మధ్య ఉండే మెర్సిడెస్ బెంజ్ ఎస్-క్లాస్, సుమారు 88 లక్షల మెర్సిడెస్ బెంజ్ జీఎల్‌ఈ వంటి ఖరీదైన కార్లు ఉన్నాయి. అంతేకాదు, ఆయన ఎన్నో ప్రీమియం కార్లు, వాచీలు, సాఫ్ట్ డ్రింక్ బ్రాండ్లకు బ్రాండ్ అంబాసిడర్‌గా ఉన్నారు. ఆయన వార్షిక సంపాదనలో బ్రాండ్ ఎండార్స్‌మెంట్ల నుంచే పెద్ద మొత్తం వస్తుంది. టెక్నాలజీ, ఎడ్‌టెక్ రంగాల్లో కూడా ఆయన పెట్టుబడులు పెట్టారని సమాచారం.

రిపోర్టుల ప్రకారం, షారుఖ్ ఖాన్ ఒక్కో సినిమాకు సుమారు 150 కోట్ల నుంచి 250 కోట్ల వరకు ఫీజు తీసుకుంటారు. ఈ మధ్య కాలంలో వచ్చిన 'పఠాన్', 'జవాన్' లాంటి బ్లాక్‌బస్టర్ సినిమాలు బాక్సాఫీస్ వద్ద ఆయన కింగ్‌డమ్‌ను మరింత పటిష్టం చేశాయి. 'పఠాన్' ప్రపంచవ్యాప్తంగా సుమారు 1,005 కోట్లు వసూలు చేయగా, 'జవాన్' దాదాపు 1,160 కోట్ల కలెక్షన్లను రాబట్టింది. ఆయన నెక్స్ట్ సినిమా 'కింగ్'. ఇది ఈ ఏడాది డిసెంబర్‌లో రిలీజ్ కానుంది.

Save The Tigers 3 Review: సేవ్‌ ది టైగర్స్ 3 వెబ్‌ సిరీస్‌ రివ్యూ.. టైగర్స్ నవ్వించడంలో సక్సెస్‌ అయ్యారా?

Aithagoni Raju — Thu, 18 Jun 2026 09:10:00 +0530

Save The Tigers 3 Review: తెలుగులో సేవ్‌ ది టైగర్స్ వెబ్‌ సిరీస్‌ మంచి ఆదరణ పొందుతున్నాయి. ఇప్పుడు మూడో సిరీస్‌ వచ్చింది. మరి ఇది నవ్వించిందా? ఏడిపించిందా? వెబ్‌ సిరీస్‌ ఎలా ఉంది?

ప్రస్తుతం సినిమాలకు దీటుగా వెబ్‌ సిరీస్‌లు కూడా మంచి ఆదరణ పొందుతున్నాయి. అలా తెలుగులో బాగా పాపులర్‌ అయిన వెబ్‌ సిరీస్‌ `సేవ్‌ ది టైగర్స్`. ఇప్పటికే రెండు సీజన్లు వచ్చి ఆకట్టుకున్నాయి. ఇప్పుడు మూడో సీజన్‌ వచ్చింది. ఈ గురువారం(జూన్‌ 19) అర్థరాత్రి నుంచి ఇది జియో హాట్‌ స్టార్‌లో స్ట్రీమింగ్‌ అవుతోంది. ఇందులో ప్రియదర్శి, అభినవ్‌ గోమటం, చైతన్య కృష్ణ, జోర్దార్‌ సుజాత, పావని గంగిరెడ్డి, దేవియాని శర్మ, వెన్నెల కిశోర్‌, రోహిణి, గుండు సుదర్శన్‌, అవినాష్‌, అభయ్‌ వంటివారు ప్రధాన పాత్రలు పోషించారు. ఈ సిరీస్‌ని దర్శకుడు మహి వీ రాఘవ్‌, ప్రదీప్‌ అద్వైతం సృష్టించగా, శ్రీరామ్‌ ఎరగం దర్శకత్వం వహించారు. మరి ఈ రోజు రాత్రి నుంచి స్ట్రీమింగ్‌ కాబోతున్న ఈ సిరీస్‌ని సెలబ్రిటీలకు, మీడియాకి ప్రత్యేకంగా ప్రదర్శించారు. ఇందులో మొత్తం ఆరు ఎపిసోడ్లు ఉన్నాయి. ఒక్కోటి అరగంట నిడివితో ఉంది. మరి సిరీస్‌ ఎలా ఉంది? గత రెండు సీజన్ల కంటే బెటర్‌గా నవ్వించిందా? లేదా అనేది రివ్యూలో తెలుసుకుందాం.

సేవ్‌ ది టైగర్స్ సిరీస్‌ కథ సింపుల్‌.. ముగ్గురు జంటల చుట్టూ ఈ కథ తిరుగుతుంది. గంటా రవి(ప్రియదర్శి)పాల వ్యాపారం చేస్తాడు. ఎమ్మెల్యే కావాలనుకుంటాడు. కానీ అది బెడిసి కొడుతుంది. భార్య హైమావతి(జోర్దార్‌ సుజాత) కోరిక మేరకు గేటెడ్‌ కమ్యూనిటీకి షిఫ్ట్ అవుతాడు. అక్కడ తంటాలు పడుతుంటాడు. రాహుల్‌(అభినవ్‌ గోమటం) రైటర్‌ కావాలనుకుంటాడు, కానీ అది తేడా కొడుతుంది. దీంతో భార్య మాధురి(పావణి గంగిరెడ్డి)తో గొడవలు జరుగుతుంటాయి. అత్తారింట్లో కూడా రెస్పెక్ట్ లేదు. ఇక విక్రమ్‌(చైతన్య కృష్ణ) రొమాంటిక్‌ బాయ్‌. ఆయన క్రియేటివ్ యాడ్‌, రైటర్‌. ఆయన భార్య రేఖ(దేవియాని శర్మ) విడాకులు ఇచ్చేందుకు రెడీ అవుతుంది. ఇలాంటి పరిస్థితుల్లో మూడో సీజన్‌లో గంటా రవి, విక్రమ్‌, రాహుల్‌ కలిసి ముగ్గురిని కిడ్నాప్‌ చేస్తారు. తన పాత ఇంటికి తీసుకెళ్తాడు గంటా రవి. అక్కడ వీరు ముగ్గురు బాగా తాగి సోయి లేకుండా పడిపోతారు. నెమ్మదిగా కిడ్నాప్‌కి గురైన ముగ్గురు మత్తులో నుంచి బయటకు వస్తారు. వాళ్లు వచ్చి చూస్తే, అచ్చం తమలాగే ఈ ముగ్గురు ఉంటారు. వీళ్లకు సృహ వస్తుంది. అసలేం జరిగిందని చూస్తే, విక్రమ్‌, గంటా రవి, రాహుల్‌ ఓ రోజు బార్‌లో బాగా తాగి.. పెళ్లిళ్లు స్వర్గలోకంలో నిర్ణయించబడతాయని పెద్దలు చెబుతారు. తమకి భార్యల ద్వారా ఇలాంటి పరిస్థితి తీసుకొచ్చిన స్వర్గలోకాన్ని, ఇంద్రుడుని పట్టుకొని తిడుతుంటారు. దీన్ని స్వయంగా ఇంద్రుడు(వెన్నెల కిశోర్‌) చూస్తాడు. దీంతో మనిషిని పోలిన వాళ్లు ఏడుగురు ఉంటారని అంటారు కదా. సరిగ్గా ఇలానే ఉన్న మరో ముగ్గురుతో ఈ ముగ్గురుని స్వాప్‌ చేస్తాడు. అంటే వీరి భార్యల వద్దకు మరో లోకంలో ఉన్న ముగ్గురుని పంపిస్తాడు. ఆ తర్వాత ఎలాంటి ఫన్నీ, క్రేజీ, ఎమోషనల్‌ సన్నివేశాలు చోటు చేసుకున్నాయనేదే ఈ సిరీస్‌ కథ.

మూడో సీజన్‌ సిరీస్‌.. ప్రియదర్శి, అభినవ్‌, చైతన్య కృష్ణ ముగ్గురిని కిడ్నాప్‌ చేయడంతో ఈ సిరీస్‌ ప్రారంభమవుతుంది. ఫన్‌ మొదటి సీన్‌ నుంచే స్టార్ట్ అయ్యిందని చెప్పొచ్చు. అయితే అంతలోనే తమని పోలిన మరో ముగ్గురు కనిపించే ట్విస్ట్ అదిరిపోయింది. అది ఎవరూ ఊహించరు. ఈ సిరీస్‌లో అస్సలు ఊహించరు. అదే పెద్ద ట్విస్ట్ గా చెప్పొచ్చు. ఆ తర్వాత ఇంద్రలోకం సీన్లు కామెడీగా ఉంటాయి. వాళ్లు భూమిపైకి వచ్చి ముగ్గురిని స్వాప్‌ చేయడంతో అసలు కథ స్టార్ట్ అవుతుంది. ఆ తర్వాత వచ్చే సీన్లు హిలేరియస్‌గా ఉంటాయి. అయితే ప్రారంభంలో వాళ్లకు ఉన్న కన్‌ఫ్యూజనే ఆడియెన్స్ కూడా కలుగుతుంది. మూడు ఎపిసోడ్ల వరకు కొంత ఫన్‌, కొంత కన్‌ఫ్యూజన్‌ అనేలా వెళ్తుంది. ఇక నాల్గో సీజన్‌ నుంచి కథ మారిపోతుంది. ఫన్‌ డోస్‌ పెరిగింది. ట్విస్ట్ లు రివీల్‌ అవ్వడం, పాత్రల్లో రియలైజేషన్‌ రావడం, ఒక ప్రపంచంలో ఈ ముగ్గురు చేసిన తప్పులను కొత్తగా వచ్చిన వారు సరిచేసే ప్రయత్నం చేయడం ఇంట్రెస్టింగ్‌గా ఉంటుంది. ఈ క్రమంలో ఫన్‌ అదిరిపోయింది. తమ భర్తలుగా కొత్తగా వచ్చిన వారిని చూసి భార్యల రియాక్షన్‌, వారికి వీరిచ్చే రియాక్షన్‌ వింతగా ఉండటంతో అది ఆడియెన్స్ ని నవ్విస్తుంది. ఒక ప్రపంచంలో తీరని కోరికలు, రెండో ప్రపంచంలో తీరడం ఇందులో మరో ఆసక్తికర విషయమని చెప్పొచ్చు. ఇదే ఇందులో హైలైట్‌గా నిలుస్తుంది. ఐదో ఎపిసోడ్‌ నుంచి ఫన్‌ కాస్త ఆలోచింప చేస్తుంది. ఆ తర్వాత ఎమోషనల్‌గా ఉంటుంది. భార్యాభర్తల మధ్య ప్రేమ, ఆప్యాయతలు చాలా ముఖ్యమని, అదే సమయంలో అండర్‌ స్టాండింగ్‌ చాలా ముఖ్యమని, కొన్నింటికి అడ్జస్ట్ కావాలని, ఆవేశానికి పోవొద్దని చెప్పే విషయాలు ఆకట్టుకుంటాయి. ఎపిసోడ్‌ ఎండింగ్‌ ఎమోషనల్‌గా ముగుస్తుంది. అయితే ప్రారంభంలో ఫన్‌ ఆశించిన స్థాయిలో వర్కౌట్‌ కాలేదు. ల్యాగ్‌ అనే ఫీలింగ్‌ కలుగుతుంది. మార్పుకి సంబంధించిన సన్నివేశాల్లోనూ ఫీల్‌ కొంత తగ్గినట్టుగా ఉంటుంది. ఎండింగ్‌ బాగుంది. అయితే ఈ సిరీస్‌ ముగించినట్టుగా ఈ ఎండింగ్‌ ఉండటం విశేషం. మొదటి రెండు సీజన్లతో పోల్చితే ఇందులో ట్విస్ట్ లు, ఎంటర్టైన్‌మెంట్‌ డోస్ ఎక్కువగానే ఉంది. మొదటి రెండు సిరీస్‌లు ఎంజాయ్‌ చేసిన వాళ్లు దీన్ని మరింత బాగా ఎంజాయ్‌ చేస్తారని చెప్పొచ్చు.

గంటా రవిగా ప్రియదర్శి రెండు షేడ్స్ ఉన్న పాత్రల్లో మెరిసి ఆకట్టుకున్నాడు. కామెడీని పంచడంలో సక్సెస్‌ అయ్యాడు. రెండు రకాలుగా ప్రవర్తించే విషయంలో చూపించి డిఫరెన్స్ బాగుంది. విక్రమ్‌ పాత్రలో చైతన్య కృష్ణ..ఓ వైపు రొమాంటిక్‌గా, మరోవైపు ఇన్నోసెంట్‌గా రెండు వేరియేషన్స్ ని బాగా చూపించాడు. ఆకట్టుకున్నాడు. ఇక రాహుల్‌ గా అభినవ్‌ గోమటం కూడా అదరగొట్టాడు. నవ్వులు పూయించడంలో సక్సెస్‌ అయ్యాడు. ఆయన కామెడీలో కొంత బ్రహ్మానందం కనిపించాడని చెప్పొచ్చు. ప్రియదర్శి భార్యగా సుజాత మరోసారి అదే స్థాయిలో నటించి మెప్పించింది. రెండు పాత్రల్లో అలరించింది. అలాగే రాహుల్‌ భార్యగా పావణి గంగిరెడ్డి తనదైన స్టయిల్‌లో ఆకట్టుకుంది. హుందాగా కనిపించి అలరించింది. ఇంకోవైపు విక్రమ్‌ భార్యగా దేవియాని శర్మ.. ఇన్నోసెంట్‌గా, డేర్‌ ఉన్న లాయర్‌గా విభిన్న షేడ్స్ ని చూపించి అదరగొట్టింది. వెన్నెల కిశోర్‌ ఎప్పటిలాగానే నవ్వించే ప్రయత్నం చేశారు. గుండు సుదర్శన, అభయ్‌ వంటి వారు ఫర్వాలేదనిపించారు. గంగవ్వ కామెడీ నవ్విస్తుంది.

టెక్నీకల్‌గా సిరీస్‌ రిచ్‌గా, సాలిడ్‌గా ఉంది. విజువల్స్ అదిరిపోయాయి. పెద్ద సినిమా స్థాయిలో ఆకట్టుకునేలా ఉంది. ఎడిటింగ్‌ కూడా షార్ప్ గా ఉంది. మ్యూజిక్‌ డీసెంట్‌గా ఉంది. ఆర్‌ఆర్‌ సినిమాకి ప్లస్‌ అయ్యింది. రైటింగ్‌ చాలా గ్రిప్పింగ్‌గా ఉంది. డైలాగ్‌ నవ్వించడంతోపాటు ఆలోచింప చేస్తాయి. దర్శకత్వం సినిమాకి మరో ప్లస్‌ అని చెప్పొచ్చు. ట్విస్ట్ లతో, కామెడీతో, ఎమోషన్స్ తో ఇలా అన్ని మిక్స్ చేసి దీన్ని తెరకెక్కించిన తీరు బాగుంది. పర్‌ఫెక్ట్ ఫ్యామిలీ ఎంటర్‌టైనర్‌ని తెరకెక్కించారని చెప్పొచ్చు.

ఫైనల్‌గా

భార్యాభర్తలు చూడాల్సిన సిరీస్‌. ఫ్యామిలీ ఆడియెన్స్ కి ఇదొక మంచి టైమ్‌ పాస్‌ ఎంటర్‌టైనింగ్‌ సిరీస్‌ అవుతుంది.

రేటింగ్‌: 3

ANR: రొమాన్స్ చేసిన జమునకి ఏఎన్నార్ అన్నగా నటించిన ఏకైక సినిమా? దొంగరాముడు మూవీ రివ్యూ

Mahesh Jujjuri — Sun, 28 Jun 2026 10:22:36 +0530

ఏఎన్నార్, జమున కాంబినేషన్ లో ఎన్నో అద్భుతమైనసినిమాలు వచ్చాయి. జంటగా చాలా సినిమాల్లో ఆన్ స్క్రీన్ రొమాన్స్ ను పండించిన ఇద్దరు.. అన్నా చెల్లెలుగా నటించిన ఏకైక సినిమా ఏదో తెలుసా?

తెలుగు సినీ చరిత్రలో కొన్ని సినిమాలు కాలానికి అతీతంగా నిలిచిపోతాయి. అలాంటి చిత్రాల్లో ప్రత్యేకంగా చెప్పుకోవలసిన సినిమా దొంగరాముడు. అక్కినేని నాగేశ్వరరావు హీరోగా, సావిత్రి హీరోయిన్ గా నటించిన ఈసినిమాలో జమున ఏఎన్నార్ చెల్లెలుగా నటించింది. 1955లో రిలీజ్ అయిన ఈ సినిమాకు కె.వి. రెడ్డి దర్శకుడు. కుటుంబ బంధాలు, సామాజిక బాధ్యత, మానవత్వం, వంటి జనాలకు ఉపయోగపడే అంశాలను కలగలిపి అద్భుతంగా తీర్చిదిద్దిన సినిమా దొంగరాముడు. ఈ చిత్రం నేటికీ తెలుగు ప్రేక్షకులను ఆకట్టుకుంటూనే ఉంది.

చిన్నతనంలోనే తల్లిదండ్రులను కోల్పోయిన రాము (అక్కినేని నాగేశ్వరరావు) తన చెల్లెలు లక్ష్మి(జమున)ని ఎంతో ప్రేమగా పెంచాలని భావిస్తాడు. అయితే పేదరికం, ఆకలి, అనాథ జీవితం అతడిని చిన్నచిన్న దొంగతనాల వైపు నెడతాయి. తల్లి అనారోగ్యం వల్ల మందులు దొంగతనం చేస్తూ.. దొరికిపోయి కేసులో చిక్కుకుని జైలుకు వెళ్లాల్సి వస్తుంది. బాల నేరస్తుల జైల్లో అతన్ని వేస్తారు. రాము జైలులో ఉండగా తల్లి మరణించడంతో.. చెల్లెలు లక్ష్మి అనాథాశ్రమంలో చేరుతుంది.

శిక్ష పూర్తయిన తర్వాత బయటకు వచ్చిన రాము కొత్త జీవితాన్ని ప్రారంభించాలని నిర్ణయించుకుంటాడు. నిజాయితీగా జీవించాలనుకున్నా, గతం అతడిని వెంటాడుతూనే ఉంటుంది. సమాజం అతడిని అనుమానంతో చూస్తుంది. మరోవైపు తన చెల్లెలు కోసం చేసే ప్రయత్నాల్లో ఎన్నో సమస్యలను ఎదుర్కొంటాడు.

ఈ క్రమంలో సీత (సావిత్రి) రాము జీవితంలోకి వస్తుంది. ఆమె ప్రేమ, నమ్మకం రాముకు కొత్త ధైర్యాన్ని ఇస్తాయి. చెల్లెల్ని కలుసుకోవాలన్న రాము ప్రయత్నాల వల్ల లక్ష్మీ ఇబ్బందులు పడుతుంటుంది. ఆ సమయంలోనే ఆమెకు డాక్టరు మోహన్ అండగా ఉంటాడు. ఈ క్రమంలో రాముపై హత్యానేరం మోపబడుతుంది. ఈవిషయంలో సీత రాముకి అండగా ఉంటుంది. చివరికి రాము తన చెల్లెల్ని కలుసుకుంటాడా? తనపై ఉన్న నేరస్థుడి ముద్రను చెరిపేసుకుని సమాజంలో గౌరవంగా నిలబడతాడా? అనేదే మిగిలిన కథ.

'దొంగరాముడు' సినిమా సాధారణ దొంగ కథ కాదు. పరిస్థితుల కారణంగా నేరం చేసిన వ్యక్తి జీవితంలో మార్పు రావాలంటే సమాజం కూడా అవకాశం ఇవ్వాలనే సందేశాన్ని దర్శకుడు కె.వి. రెడ్డి ఎంతో అద్భుతంగా చెప్పాడు. కథలో ఎమోషన్స్ కు పెద్దపీట వేస్తూనే.. మంచి ఎంటర్టైన్మెంట్ ను కూడా అందించాడు. కుటుంబ అనుబంధాలు, ప్రేమ, సామాజిక విలువలను కలగలిపి.. మంచి విలువలు ఉన్న సినిమాను సమాజానికి అందించాడు కేవి రెడ్డి.

సినిమా ప్రారంభం నుంచే ప్రేక్షకుడిని కథలోకి తీసుకెళ్లే కథనం ప్రధాన బలం. మొదటి భాగంలో రాము బాల్యం, అతని పరిస్థితులు ఆడియన్స్ ను ఏడిపిస్తాయి. రెండో భాగంలో కుటుంబ అనుబంధాలు, ప్రేమ, త్యాగం, ఆత్మగౌరవం వంటి అంశాలు కథను మరింత బలంగా నిలబెడతాయి. . క్లైమాక్స్ మాత్రం ప్రతీ సగటు ప్రేక్షకుడికి ఎంతో సంతృప్తిని కలిగిస్తుంది.

అక్కినేని నాగేశ్వరరావు రాము పాత్రలో అద్భుతమైన నటన కనబరిచారు. అమాయకత్వం, ఆవేశం, చెల్లెలిపై ప్రేమ, భావాలను సహజంగా ఆవిష్కరించారు. ఈ పాత్ర ఆయన కెరీర్‌లో గుర్తుండిపోయే పాత్రల్లో ఒకటిగా నిలిచింది. ఇక మహానటి సావిత్రి గురించి ప్రత్యేకంగా చెప్పాల్సిన పనిలేదు.. తన పాత్రకు పూర్తిగా న్యాయం చేశారు. ఎమోషనల్ సీన్స్ లో ఆమె నటన ప్రత్యేక ఆకర్షణగా నిలుస్తుంది. జమున కూడా అక్కినేని చెల్లెలి పాత్రలో అద్భుతంగా నటించింది. ఇక జగ్గయ్య, రేలంగి, సూర్యకాంతం తదితరులు తమ పాత్రల పరిధిలో చక్కటి నటన ప్రదర్శించారు. ముఖ్యంగా రేలంగి హాస్యం ఎమోషనల్ సీన్స్ మధ్యలో.. ఆడియన్స్ ను కాస్త నవ్విస్తూ.. ఉపశమనం కలిగిస్తుంది.

దొంగరాముడు సినిమాకు కె.వి. రెడ్డి దర్శకత్వం ప్రధాన బలం. ప్రతి సన్నివేశాన్ని సహజత్వంతో, బలమైన కథనంతో తెరకెక్కించారు. సామాజిక సందేశాన్ని టీచర్ మాదిరి రుద్దకుండా.. ఆడియన్స్ కు బోర్ అనిపించకుండా కథలోనే కలిపి వడ్డించాడు రెడ్డి. పెండ్యాల నాగేశ్వరరావు అందించిన సంగీతం చిత్రానికి మరో ప్రధాన ఆకర్షణ. పాటలు, నేపథ్య సంగీతం కథకు బలం చేకూర్చాయి. ఛాయాగ్రహణం, ఎడిటింగ్ కూడా ఆ కాలానికి తగినట్టుగా అద్భుతంగా అందించారు.

అమెరికన్ కథ "Loving Brothers" ఆధారంగా దొంగరాముడు సినిమాను తెరకెక్కించారు. అందులో అన్న పాత్రను చెల్లలు పాత్రగా మలిచారు. ఇక అన్నపూర్ణ పిక్చర్స్ నిర్మించిన ఫస్ట్ సినిమా దొంగరాముడు. నిర్మాత దుక్కిపాటి మధుసూదనరావు, అక్కినేని నాగేశ్వరరావు భాగస్వామ్యంతో ఈ సంస్థ ప్రారంభమైంది. తొలి చిత్రమే ఘనవిజయం సాధించి, అన్నపూర్ణ పిక్చర్స్‌ను ప్రముఖ నిర్మాణ సంస్థగా నిలబెట్టింది. అంతే కాదు దర్శకుడు కె.వి. రెడ్డి, అక్కినేని నాగేశ్వరరావు కాంబినేషన్‌లో వచ్చిన ఫస్ట్ మూవీ కూడా ఇదే.

ఈ సినిమాలో అక్కినేని నాగేశ్వరరావు, జమున అన్నాచెల్లెలుగా నటించారు. ఆతరువాత రోజుల్లో ఇద్దరు జంటగా ఎన్నో అద్భుతమైన సినిమాలు వచ్చాయి. చెల్లెలుగా నటించిన జమునతోనే గుండమ్మ కథ లాంటిసినిమాల్లో ఘాటు రొమాన్స్ చేశారు అక్కినేని. ఈ సినిమాలో యాక్షన్ సీన్స్ కోసం హీరో అక్కినేని నాగేశ్వరరావు.. విలన్ గా నటించిన ఆర్. నాగేశ్వరరావు ప్రత్యేకంగా స్టంట్ మాస్టర్ వద్ద శిక్షణ తీసుకున్నారు. ఆ కాలంలో ఇలా ప్రత్యేకంగా ట్రైనింగ్ తీసుకోవడం చాలాప్రత్యేకం.

దొంగరాముడు సినిమా హిట్ అవ్వడంతో పలు భాషల్లో ఈమూవీని డబ్ చేశారు. తమిళంలో "తిరుట్టు రామన్" పేరుతో డబ్ చేశారు. తర్వాత హిందీలో మన్ మౌజీ, తమిళంలో వసంతి పేర్లతో రీమేక్ చేశారు.ఈ చిత్రం అత్యుత్తమ చిత్ర నిర్మాణానికి ఉదాహరణగా ఫిల్మ్ అండ్ టెలివిజన్ ఇన్‌స్టిట్యూట్ ఆఫ్ ఇండియా అధ్యయనంలో (ఆర్కైవ్‌లో) చోటు సంపాదించింది. ఇది తెలుగు సినిమాకు లభించిన అరుదైన గౌరవాల్లో ఒకటి. ఈ సినిమా చూడాలి అనుకునేవారికి యూట్యూబ్ లో అందుబాటులో ఉంది.

Badi Panthulu Review: ఎన్టీఆర్ మనవరాలిగా శ్రీదేవి నటించిన ఏకైక చిత్రం, విలువలు నేర్పిన బడిపంతులు సినిమా

Mahesh Jujjuri — Sun, 21 Jun 2026 08:24:37 +0530

ఎన్నో సినిమాల్లో సీనియర్ ఎన్టీఆర్ తో రొమాన్స్ చేసిన శ్రీదేవి.. అంతకు ముందు ఆయన మనవరాలుగా నటించిన చిత్రం. కుటుంబ విలువలు తెలిపే అద్భుతమైన సినిమా బడిపంతులు. ఈసినిమాలో ఉన్న ఎన్నో విశేషాలను రివ్యూ రూపంలో చూద్దాం.

నందమూరి తారక రామారావు ( ఎన్టీఆర్), అంజలీ దేవి ప్రధాన పాత్రల్లో.. త్రివేణి ప్రొడక్షన్స్ బ్యానర్ మీద పి.పేర్రాజు నిర్మాణంలో.. పి.చంద్ర శేఖర రెడ్డి దర్శకత్వంలో వచ్చిన ఫ్యామిలీ, ఎమోషనల్ ఎంటర్‌టైనర్ బడిపంతులు.. 1958లో వచ్చిన కన్నడ చిత్రం ‘స్కూల్ మాస్టర్’ ఆధారంగా బడిపంతులు సినిమా తెరకెక్కింది. అప్పటికే హీరోగా మంచి ఫామ్ లో ఉన్న ఎన్టీఆర్ వయసుపైబడిన మాస్టరు పాత్రలో కనిపించడం అభిమానులకు సరికొత్తగా అనిపించింది.

ఒక ఊరిలో హెడ్ మాస్టరు రాఘవరావు (ఎన్టీఆర్), ఆయన భార్య జానకి (అంజలీ దేవి) తో కలిసి హాయిగా గౌరవంతో జీవిస్తుంటాడు. నిజాయితీగా, విలువలు ప్రాణంగా బ్రతుకుతుంటాడు రాఘవరావు. ఆయనకు సత్యం (రామకృష్ణ), వేణు (కృష్ణంరాజు) అనే ఇద్దరు కుమారులు.. లక్ష్మీ (టి.పద్మిని) అనే కుమార్తె.. ఉంటారు. బడిపంతులు కావడంతో చాలీ చాలని జీతంతో ఆయన కుటుంబాన్ని చూసుకుంటుంటారు. మాస్టారు సొంత ఇంటి కల కోసం.. ఆయన మంచి మనసు చూసి.. స్టూడెంట్స్ కూడా సాయం చేస్తారు. కష్టపడి ఓ ఇంటిని ఆయన నిర్మించుకుంటాడు.

కానీ మాస్టారు రిటైర్ అయిన తర్వాత తన పిల్లల దగ్గర ఉండాల్సి వస్తుంది.. కొడుకులిద్దరూ.. తల్లిని ఒకరు, తండ్రిని మరొకరు వంతుల వారీగా చూసుకుంటారు. భార్య భర్తలు ఇద్దరు విడిగా ఉంటూ.. కొడుకుల దగ్గర ఇబ్బందులు పడుతుంటారు. వీళ్లకి తమ మనవరాలు (శ్రీదేవి) సపోర్టుగా ఉంటుంది. ఇక సీన్ లోకి పోలీసు అధికారి అయిన రాము (జగ్గయ్య) ఎంట్రీ ఇస్తాడు. ఈ దంపతులను కలపడానికి మనవారాలితో పాటు రాము కూడా సాయం చేస్తాడు. అసలు ఈ రాము ఎవరు? మాస్టారుకి అతనికి ఉన్న బంధం ఏంటి? వీరు ఎలా కలిశారు? ఏంటి అనేది మిగతా కథ..

లోకంలో ఎవరైనా డబ్బు, భూములు, పశువులను పంచుకుంటారు కానీ బిడ్డలు తల్లితండ్రుల్ని పంచుకోవడమనే పాయింట్ ను ఎంతో అద్భుతంగా తెరకెక్కించిన చిత్రం బడిపంతులు. కుటుంబంలో వింత పోకడలకు సరైనగ పాఠం నేర్పిస్తూ.. బీటలువారిన కుటుంబ సంబంధాలగురించి వివరిస్తూ.. ప్రేక్షకుల్ని ఆలోచింపజేసిన సినిమా ఇది. ముఖ్యంగా తల్లీ తండ్రులను ఎలా చూసుకోవాలి. వారి ఆలోచనలు ఎలా ఉంటాయి, కొడుకులు ఎలా ఉండకూడదో చూపించిన సినిమా బడిపంతులు. అప్పట్లో బడిపంతులు అంటే పెద్దగా సంపాదన ఉండేది కాదు. కానీ స్టూడెంట్స్ జీవితాలు బాగుచేయడం కోసం వారు ఎన్ని త్యాగాలు చేశారు అనేది ఈ సినిమా ద్వారా చాలామందికి అర్ధం అవుతుంది.

కుటుంబంలో సొంత కొడుకుల కంటే కూడా తాము తీర్చి దిద్దిన విద్యార్ధులు తమకు ఎంత విలువ ఇస్తారన్నది కూడా చూపించిన చిత్రం బడిపంతులు.పెద్ద వయసులో దూరంగా ఉంటున్న వృద్ధదంపతులు పడే ఆవేదన ప్రేక్షకుల హృదయాలను కలచివేస్తుంది. రామారావు, అంజలీ దేవిల నటన ఆకట్టుకుంటుంది. ఈసినిమాకు మరో ప్రస్ పాయింట్.. రాజబాబు, రమాప్రభల కామెడీ. ఒక వైపు సెంటిమెంట్, మరోవైపు కామెడీ ట్రాక్ ను కూడా అద్భుతంగా నడిపించాడు దర్శకుడు.

బడిపంతులు సినిమాలో నటించినవారంతా మహామహు.. చాలా పెద్ద నటులు, ఎన్టీఆర్ అంజలీదేవితో పాటు జగ్గయ్య, పద్మిని, కృష్ణంరాజు, రామకృష్ణ, రాజబాబు, రమాప్రభ, మిక్కిలినేని, అల్లు రామలింగయ్య, సూర్యకాంతమ్మ, రావికొండలరావు, రాధాకుమారి, జయంతి లాంటి ఎంతో మంది తారలు ఆసినిమాలో నటించి మెప్పించారు. ఇంత మంది ఉన్నా.. ఎన్టీఆర్ నటన మాత్రం అందరిని డామినేట్ చేసిందని చెప్పాలి. ముఖ్యంగా భార్య తనకు రాసిన ఉత్తరం చదవాలనే తహతహలో కళ్లద్దాలు పగిలిపోతే ఆ పగిలిన అద్దంతోనే ఎన్‌.టి.ఆర్‌. ఉత్తరం చదివే సన్నివేశం మనసును కలిచి వేస్తుంది.

ఈ ఒక్క సీన్ తో సినిమా మహిళా ప్రేక్షకుల్ని కదిలించి, వారి ఆదరణతోనే దూసుకుపోయింది.. మళ్లీ మళ్లీ సినిమా చూసేలా చేసింది. ఈ సినిమాలో నటనకుగాను ఎన్టీఆర్ కు ఫిల్మ్‌ఫేర్‌ అవార్డు కూడా వచ్చింది. ముఖ్యంగా ఫ్యామిలీ ఆడియన్స్‌ని విపరీతంగా అలరించిందీ చిత్రం.. అందుకే బిగ్గెస్ట్ బ్లాక్ బస్టర్ హిట్‌గా నిలిచింది. పి.చంద్ర శేఖర రెడ్డి దర్శకత్వం, కె.వి.మహదేవన్ సంగీతం సినిమాకు పెద్ద ప్లస్ పాయింట్.. పాటలను ఆరుద్ర, దాశరథి కృష్ణమాచార్య, సి. నారాయణ రెడ్డి రాయగా ఘంటసాల, పి.సుశీల, ఎస్.పి. బాలసుబ్రహ్మణ్యం పాడారు. డి.వి.నరసరాజు మాటలు రాశారు.

బడిపంతులు సినిమాలో మరో విశేషం ఏంటంటే.. అతిలోక సుందరిగా తెలుగు ప్రేక్షకుల చేత ఆరాధించబడడమే కాక.. సౌత్‌ లో బాలీవుడ్ లో నంబర్ వన్ స్టార్ హీరోయిన్‌గా చక్రం తిప్పిన శ్రీదేవి.. ఈ చిత్రంలో ఎన్టీఆర్ మనవరాలిగా నటించి మెప్పించింది. ఈ సినిమా ద్వారానే ఆమె మొదటిసారి బాలనటిగా కనిపించారు. తర్వాత కాలంలో తనకు తాతగా చేసిన ఎన్టీఆర్‌తో కలిసి పలు సూపర్ డూపర్ హిట్ సినిమాల్లో జటంగా నటించింది శ్రీదేవి. ఎన్టీఆర్ తో ఆమె చేసిన రొమాన్స్ అంతా ఇంతా కాదు. ఇక బడిపంతులు సినిమాలో తనకు తండ్రిగా తండ్రిగా కనిపించిన కృష్ణంరాజుతో కూడా శ్రీదేవి హీరోయిన్ గా జతకట్టడం విశేషం.

బడిపంతులు సినిమా బ్లాక్ బస్టర్ హిట్ అయ్యింది. ఈమూవీని ఆతర్వాత కాలంలో జెమినీ గణేశన్‌, షావుకారు జానకి జంటగా తమిళంలో కూడా నిర్మించి హిట్ కొట్టారు. కమర్షియల్ హీరోగా జోరు మీద ఉన్న ఎన్టీఆర్ ను వృధ్దుడి పాత్రలో ఆదరించడంతో పాటు మంచి సక్సెస్ కూడా అందించారు నందమూరి అభిమానులు. ఇక ఈ అద్భతమైన సినిమాను చూడాలి అనుకుంటే యూట్యూబ్ లో అందుబాటులో ఉంది.

Nagabandham Review: `నాగబంధం` మూవీ రివ్యూ, రేటింగ్.. విరాట్‌ కర్ణ, అభిషేక్‌ నామా మూవీ బాబోయ్‌ టార్చర్‌

Aithagoni Raju — Fri, 03 Jul 2026 04:20:03 +0530

Nagabandham Review: ఈ వారం టాలీవుడ్‌లో వస్తోన్న క్రేజీ చిత్రాల్లో నాగబంధం ఒకటి. అభిషేక్‌ నామా దర్శకత్వం వహించిన ఈ ఎపిక్‌ అడ్వెంచర్‌ థ్రిల్లర్‌ మూవీ ఎలా ఉందో రివ్యూలో తెలుసుకుందాం.

`పెదకాపు` ఫేమ్‌ విరాట్‌ కర్ణ హీరోగా, నభా నటేష్‌, ఐశ్వర్య మీనన్ హీరోయిన్లుగా నటించిన చిత్రం `నాగబంధం`. ఈ మూవీకి ప్రముఖ నిర్మాత అభిషేక్‌ నామా దర్శకత్వం వహించారు. నిక్‌ స్టూడియోస్‌, అభిషేక్‌ పిక్చర్స్ పతాకాలపై కిశోర్‌ అన్నపురెడ్డి, నిశిత నాగిరెడ్డి సంయుక్తంగా నిర్మించారు. ఇందులో జగపతిబాబు, మహేష్‌ మంజ్రేకర్‌, రిషభ్‌ సావ్నీ, రామచంద్రరాజు, అనసూయ వంటి వారు ఇతర పాత్రలు పోషించారు. నేడు శుక్రవారం(జులై 3న) సినిమా విడుదలైంది. భారీ స్కేల్‌లో ఎపిక్‌ అడ్వెంచర్‌ థ్రిల్లర్‌గా రూపొందిన ఈ మూవీకి ప్రమోషన్స్ తో హైప్‌ క్రియేట్‌ చేశారు. మరి ఆ స్థాయిలో సినిమా ఉందా? హడావుడి చేసిన స్థాయిలో సినిమా ఆకట్టుకుందా? అనేది రివ్యూలో తెలుసుకుందాం.

మరణాన్ని జయించే శక్తి కోసం మనిషి తపించే కథలతో ఇప్పటికే చాలా సినిమాలు వచ్చాయి. అదే సమయంలో ఈ సృష్టిని శాసించాలనే కథలతోనూ సినిమాలు వస్తున్నాయి. ఈ సృష్టించిన శాసించే శక్తి కోసం, ఆ శక్తి ఉన్న బ్రహ్మకమలం కోసం చేసే పోరాటమే ఈ సినిమా.1962 సమయంలో ఆర్కియాలజిస్ట్ ప్రభాకర్(జగపతిబాబు) ఎన్నో కొత్త విషయాలు కనిపెడతారు. అదే సమయంలో ఆయనకు అంతుచిక్కని విషయాలు కూడా ఉంటాయి. అందులో ఒకటి నాగబంధం రహస్యం. ఇలాంటి సమయంలో తన అల్లుడు ఎవరికీ అంతుచిక్కని నాగబంధానికి సంబంధించిన పుస్తకాన్ని తీసుకొస్తాడు. ఇదే విషయంపై పీఎంని కలవాలనుకుంటారు. అయితే ఆ పుస్తకం ద్వారా బ్రహ్మకమలం ఎక్కడుందో కనిపెడతారు. అది రంగనాథస్వామి దేవాలయంలో విష్ణువు వద్ద ఉంటుంది. దాన్ని దొంగిలించేందుకు కుట్రలు చేస్తారు. ఎట్టకేలకు దొంగిలిస్తాడు. ఇందులో ప్రభాకర్‌ పాత్ర కూడా ఉంటుంది. మరోవైపు రుద్ర(విరాట్ కర్ణ)కి చెల్లి అంటే ప్రాణం. ఆమె పెళ్లి విషయంలో మేనత్త(అనసూయ) కుటుంబం సమస్య చేస్తారు. కానీ చివరికి ఓకే చెబుతారు. కానీ కొడుకు మాత్రం ఊరుకోడు. సరిగ్గా పెళ్లిరోజు విధ్వంసం సృష్టిస్తాడు. అందుకు విలన్ అయిన అలీ(రిషబ్‌ సహానీ)తో చేతులు కలుపుతాడు. అతను బ్రహ్మకమలం కోసం వస్తాడు. పెళ్లిలో రుద్ర చెల్లితోపాటు అమ్మని, మరదల్ని, అత్తని చంపేస్తాడు. ఎంతో మందిని ఊచకోత కోస్తాడు. అక్కడి నుంచి బ్రహ్మకమలం తీసుకొని వెళ్తాడు. వారితోపాటు ప్రభాకర్‌ కూడా ఉంటాడు. ఈ సందర్భంగా తాను ప్రేమించిన పార్వతి(నభా నటేష్‌) మోసం చేస్తుంది, వెన్నుపోటు పొడుతుంది. మరి బ్రహ్మకమలంతో నాగబంధం విడుదల జరిగిందా? సంపద కాజేయాలని, తానే అత్యంత శక్తివంతుడిని కావాలనే విలన్‌ కోరిక నెరవేరిందా? దాన్ని హీరో ఎలా ఎదుర్కొన్నాడు, ఈ కథకి, అనంత పద్మ నాభ స్వామి టెంపుల్‌కి ఉన్న సంబంధం ఏంటనేది సినిమా.

దేవుడికి సంబంధించిన శక్తులు, గ్రంథాలు, తెలియని అంశాలను అన్వేషణ నేపథ్యంలో కొన్ని సినిమాలు వచ్చాయి. కార్తికేయ లాంటి చిత్రాలు మంచి ఆదరణ పొందాయి. అదే సమయంలో దేవుడికి సంబంధించిన శక్తుల ప్రధానంగా తెరకెక్కిన `హనుమాన్‌`, `మిరాయ్‌` సినిమాలు కూడా బ్లాక్‌ బస్టర్ గా నిలిచాయి. అయితే ఇటీవల సనాతన ధర్మం, హిందుత్వం అంటూ దేవుడిని నమ్ముకొని చాలా సినిమాలు వస్తున్నాయి. ప్రజల్లో దేవుడిపై ఉన్న నమ్మకాన్ని,సెంటిమెంట్‌ని క్యాష్‌ చేసుకోవాలని మేకర్స్ సినిమాలు చేస్తున్నారు. బోల్తా పడుతున్నారు. సహజత్వంగా కథలో అలాంటి దైవత్వానికి సంబంధించిన అంశాలు ఉంటే ఓకే, కానీ కావాలని చాలా వరకు ఇరికిస్తున్నారు. అదే తేడా కొడుతుంది. సినిమాలు అట్టర్‌ ఫ్లాప్‌గా మారుతున్నాయి. ఇప్పుడు వచ్చిన `నాగబంధం` పరిస్థితి కూడా ఇదే అని చెప్పొచ్చు. నాగబంధం ఇడిపించడం అనే పాయింట్‌ మీద ఈ మూవీ కథ సాగుతుంది. ఈ కథలోకి హీరో ఎలా వచ్చాడు? ఎలా బ్రహ్మకమలానికి రక్షణగా నిలిచాడనేది సినిమా. ప్రారంభం నుంచి కథ విషయంలో ఒక క్లారిటీ లేదు. కథని నడిపించే ఒక థ్రెడ్‌ లేదు. ఇష్టం వచ్చినట్టు చేసుకుంటూ వెళ్లినట్టుగా ఉంటుంది. ఏదైనా సినిమాకి ఎమోషన్స్ చాలా ముఖ్యం. ఆ ఎమోషన్స్ క్యారీ అయితేనే డ్రామా పండుతుంది. యాక్షన్‌ అయినా ఆకట్టుకుంటుంది. ఇందులో ఎమోషన్స్ ఏమాత్రం ఆకట్టుకునేలా లేవు. పైగా సీన్ బై సీన్‌ ఎలివేషన్‌ స్థాయిలో ఉంటాయి. కట్‌ కట్‌ కట్‌ అనేలా ఒకదాని తర్వాత మరో సీన్‌ వస్తుంటాయి, పోతుంటాయి, ఎందుకు వచ్చాయో, ఎందుకు పోయాయో కూడా తెలియని పరిస్థితి ఉంటుంది. పెళ్లి విషయంలో హీరో ఫ్యామిలీ, మేనత్త ఫ్యామిలీ మధ్య గొడవలు, విలన్‌ అదే సమయంలో బ్రహ్మకమలం కోసం ఎంట్రీ ఇచ్చి ఫ్యామిలీ మొత్తాన్ని చంపేయడం ఏమాత్రం ఆకట్టుకునేలా లేదు. బాధగా అనిపిస్తుంది. ఆయా సీన్లో చంపేయాల్సిన పనిలేదు. అవి టూ మచ్‌ అనిపిస్తుంది.

ఫస్టాఫ్‌లో కథగా పెద్దగా లేదు, కానీ విజువల్స్ బాగున్నాయి. పాటలు అదిరిపోయాయి. చాలా గ్రాండియర్‌గా ఉంది. ఇంటర్వెల్‌ సస్పెన్స్, ట్విస్ట్ బాగుంది. సెకండాఫ్‌పై అంచనాలు పెంచుతుంది. కానీ సెకండాఫ్‌ మరీ స్లోగా ఉంటుంది. అరుపుల మధ్య సాగుతుంది. చిన్న పిల్లలు, ఆడవాళ్లు అనే సెంటిమెంట్‌ని బాగానే దట్టించారు, కానీ అవి ఆకట్టుకునేలా, ఎమోషనల్‌గా లేవు. సెకండాఫ్‌ రివేంజ్‌ కోసం వెళ్తాడు హీరో. బ్రహ్మకమలం కనిపెట్టే పనిలో ఉంటాడు. ఈ క్రమంలో హీరో ఫ్లాష్‌ బ్యాక్‌ ఉంటుంది. అది ఎప్పుడు జరిగిందో క్లారిటీ లేదు. ఇక క్లైమాక్స్ యాక్షన్‌ ఎపిసోడ్‌ అరగంటకు పైగానే ఉంటుంది. దాని చుట్టూనేకథని నడించాడు. ఫ్లాష్‌ బ్యాక్‌, ప్రజెంట్‌ సీన్లు మిక్స్ అయి వస్తుంటాయి. అవి ఆడియెన్స్ కి ఏమాత్రం కనెక్ట్ కాలేదు. ఇక యాక్షన్‌ సీన్లలో అరుపులతో హోరెత్తించారు. విసుగు తెప్పించారు. క్లైమాక్స్ మాత్రం టార్చర్‌ అని చెప్పొచ్చు. అందులోనే హిందుత్వం, సనాతన ధర్మం అంటూ మరింతగా టార్చర్‌ చేశారు. ఫైనల్‌గా విజువల్ బాగున్నా ఎమోషన్స్, ఒక లక్ష్యం లేని మూవీగా ఇది నిలుస్తుంది.

రుద్రగా విరాట్‌ కర్ణ నటన బాగుంది. ఆయన అదరగొట్టాడు. సాధువుగా, కామన్‌ మ్యాన్‌గా మెప్పించాడు. యాక్షన్‌ సీన్లలో బాగా చేశాడు. హీరోగా ఆయన్ని మరో మెట్టు ఎక్కించే మూవీ అవుతుంది. కాకపోతే సినిమా స్థాయికి ఆయన ఇమేజ్‌ సరిపోలేదు. ఇక పార్వతిగా నభా నటేష్‌ అదరగొట్టింది. ద్విపాత్రాభినయం చేసి మెప్పించింది. ఆమె పాత్రలోని ట్విస్ట్ బాగుంది. ఆర్కియాలజిస్ట్ గా జగపతిబాబు పాత్ర బాగుంది. ఆయన పాత్రలోని ట్విస్ట్ కూడా మెప్పించింది. బైరాగీగా గరుడ రామ్‌ అదరగొట్టాడు. ఐశ్వర్య మీనన్‌, అనసూయ, మురళీ శర్మ వంటి వారు తమ పాత్ర పరిధి మేరకు ఆకట్టుకున్నారు. విలన్‌గా రిషబ్‌ అదరగొట్టాడు.

సినిమాకి మ్యూజిక్‌ ప్లస్‌గా నిలుస్తుంది. జునైడ్‌ కుమార్‌, అభిషిక్త్, కొత్తపల్లి అందించిన పాటలు, బీజీఎం అదిరిపోయింది. సినిమాకి హైలైట్‌గా నిలిచింది. సౌందర్‌రాజన్‌ కెమెరా వర్క్ అదిరిపోయింది. విజువల్స్ గ్రాండియర్‌గా ఉన్నాయి. వీఎఫ్‌ఎక్స్ కూడా బాగున్నాయి. కొన్ని చోట్లు తేలిపోయాయి. అశోక్‌ కోరలత్‌ ప్రొడక్షన్‌ డిజైన్‌ కూడా బాగుంది. సినిమా గ్రాండియర్‌ గా ఉంది. దర్శకుడు అభిషేక్‌ నామా ఎంచుకున్న కథలో క్లారిటీ మిస్‌ అయ్యింది. ఏం చెప్పాలనుకున్నారనేది క్లారిటీ లేదు. స్క్రీన్‌ ప్లే పరంగానూ మిస్టేక్స్ ఉన్నాయి. ఒక సీన్‌కి, మరో సీన్‌కి సంబంధం లేదు, సింక్‌ అయ్యేలా లేవు. విజువల్స్ పరంగా గ్రాండియర్‌గా తెరకెక్కించారు. బడ్జెట్‌ పరంగా రాజీ లేదు. కానీ మిగిలిన విషయంలో విఫలమయ్యారు.

విజువల్స్ పరంగా ఆకట్టుకున్నా, కథగా, సినిమా పరంగా ఏమాత్రం ఆకట్టుకోలేని సినిమా. ఒక రకంగా ఇది ఆడియెన్స్ పై నాగబంధం ప్రయోగమని చెప్పొచ్చు.

రేటింగ్‌ : 2

Transfer Trimurthulu Movie Review: ట్రాన్స్ ఫర్‌ త్రిమూర్తులు మూవీ రివ్యూ, వడ్డే నవీన్‌ రీ ఎంట్రీ మూవీ ఎలా ఉందంటే?

Aithagoni Raju — Fri, 19 Jun 2026 17:42:04 +0530

`పెళ్లి`, `కోరుకున్న ప్రియుడు`, `మనసిచ్చి చూడు`, `చాలా బాగుంది` వంటి చిత్రాలతో ఆకట్టుకున్న హీరో వడ్డే నవీన్‌ చాలా ఏళ్ల తర్వాత మళ్లీ రీఎంట్రీ ఇస్తూ `ట్రాన్స్ ఫర్‌ త్రిమూర్తులు` మూవీలో నటించాడు. నేడు విడుదలైన ఈ మూవీ ఎలా ఉందో రివ్యూలో తెలుసుకుందాం.

ఒకప్పుడు మంచి లవ్‌ స్టోరీస్‌, ఫ్యామిలీ చిత్రాలతో హీరోగా ఆకట్టుకున్నాడు వడ్డే నవీన్‌. ఇరవై ఏళ్ల క్రితం స్టార్‌ హీరోగా రాణించాడు. మంచి ఇమేజ్‌ని సొంతం చేసుకున్నాడు. కానీ ఆ తర్వాత వరుస పరాజయాలతో ఆయన సినిమాలు తగ్గించారు. ఓ దశలో సినిమాలు చేయడమే మానేశారు. చాలా గ్యాప్‌ తర్వాత ఇప్పుడు `ట్రాన్స్ ఫర్‌ త్రిమూర్తులు` మూవీతో ఆడియెన్స్ ముందుకు వచ్చారు. వడ్డే క్రియేషన్స్ బ్యానర్‌పై వడ్డే నవీన్‌ మూవీని నిర్మించడం విశేషం. ఇందులో వడ్డే నవీన్‌ హీరోగా నటించగా, రాశీ సింగ్‌ హీరోయిన్‌గా చేసింది. ప్రమోదిని, బేబీ ఊహా, దేవిప్రసాద్‌, రఘుబాబు,ఆడుకాలం నరేన్‌, శివన్నారయణ, వడ్లమాని శ్రీనివాసరావు వంటి వారు ఇతర కీలక పాత్రలు పోషించారు. కమల్‌ తేజ నార్ల దర్శకత్వం వహించారు. ఈ మూవీ నేడు శుక్రవారం(జూన్‌ 19) విడుదలైంది. మరి వడ్డే నవీన్‌ రీఎంట్రీ మూవీ ఎలా ఉంది? ఆయనకు హిట్‌ పడిందా? అనేది రివ్యూలో తెలుసుకుందాం.

త్రిమూర్తులు(వడ్డే నవీన్‌) నిజాయితీకి మారుపేరు. తన నిజాయితీ వల్ల వరుసగా ట్రాన్స్ ఫర్‌ అవుతుంటారు. దీంతో ఆయన్ని ట్రాన్స్ ఫర్‌ త్రిమూర్తులు అంటారు. తాను పనిచేసే నియోజవర్గంలో సీఎం కొడుకు పోటీ చేస్తుంటాడు. తన కొడుకు కోసం సీఎం కమల(శిల్ప తులస్కర్‌) ప్రచారానికి వస్తుంది. అందులో ప్రత్యర్థి పార్టీల వాళ్లు తనపై దాడి చేసినట్టుగా ప్లాన్‌ చేసి సింపతీ గేమ్‌ ఆడాలని ప్రయత్నిస్తారు. కానీ దాన్ని కానిస్టేబుల్‌ త్రిమూర్తులు అడ్డుకుంటాడు. సీఎం ప్లాన్‌ బెడిసి కొట్టడంతో ఆమె సీరియస్ అవుతుంది. తన చుట్టూ ఇలాంటి నిజాయితీ గల అధికారులు ఉండొద్దని చెబుతుంది. దీంతో త్రిమూర్తులుకి మరోసారి ట్రాన్స్ ఫర్‌ తప్పదు. అయితే ఈ సారి తన నాన్న శ్రీనివాసులు(దేవి ప్రసాద్‌) పనిచేసిన పోలీస్‌ స్టేషన్‌కి వెళ్తాడు. అయితే అక్కడ తనని ఏ పనిచేయనివ్వరు. ఓ దశలో పాత పోలీస్‌ స్టేషన్‌కి పంపిస్తారు. అక్కడ త్రిమూర్తులు ఖాళీగా కూర్చోలేక పాత ఫైల్స్ వెతుకుతుంటాడు. ఈ క్రమంలో ప్రియమ్మ అనే గిరిజన యువతిపై సీఎం కొడుకు సంతోష్‌ బాబు చేసిన అత్యాచారానికి సంబంధించిన కేసు ఫైల్‌ బయటపడుతుంది. దానికి సంబంధించిన కేస్‌ ఎఫ్‌ఐఆర్‌ కాపీ దొరుకుతుంది. త్రిమూర్తులు తన నాన్న చనిపోయిన రోజే ఈ కేసు నమోదవుతుంది. ఆ కేసుని త్రిమూర్తులు తండ్రినే రాస్తాడు. అది చూసి ఇంకా ఫైల్స్ వెతకగా ఈ కేసుకి సంబంధించిన మరో ఎఫ్‌ఐఆర్‌ కాపీ ఉంటుంది. అందులో ఆ అమ్మాయే సంతోష్‌ బాబుని మోసం చేసినట్టుగా ఉంటుంది. దీంతోపాటు మరో కాపీలో ఆ అమ్మాయి మిస్సింగ్‌ కేసు ఉంటుంది. దీంతో ఈ కేసుని విచారించగా, షాకింగ్‌ నిజాలు బయటపడతాయి? మరి ఆ నిజాలేంటి? నిజంగానే ప్రియమ్మపై సీఎం కొడుకు అత్యాచారం చేశాడా? ఆమెనే మోసం చేసిందా? సీఎం అసలు నిజ స్వరూపం ఏంటి? ఈ కేసుని త్రిమూర్తులు ఎలా ఎదుర్కొన్నాడు, ఈ క్రమంలో ఎలాంటి ఒడిదుడుకులకు గురయ్యాడనేది మిగిలిన కథ.

నిజాయితీగల పోలీస్‌ కానిస్టేబుల్‌ కథ ఇది. దానికి ఒక గిరిజన యువతిపై రాజకీయ నాయకురాలి కొడుకు అత్యాచారం చేయడం, తమ పవర్‌ ఉపయోగించి అతను బయటకు వచ్చి, ఏకంగా సీఎం అయ్యేందుకు ప్లాన్‌ చేయడం, ఈక్రమంలో అతన్ని బండారాన్ని బయటపెట్టేందుకు హీరో చేసే పోరాటమే ఈ మూవీ. ఇలాంటి కథతో ఇప్పటికే తెలుగులో చాలా సినిమాలు వచ్చాయి. వస్తూనే ఉన్నాయి. అమ్మాయిలపై లైంగిక దాడి చేసిన నాయకులు బిందాస్‌గా రాజకీయాల్లో పదవులు అనుభవించడం, వాటిని బయటకు తీసుకురావడం కోసం సినిమాలోని మెయిన్‌ లీడ్‌ ప్రయత్నించి, వారి ఆటగట్టించడం రొటీన్‌, ఓల్డ్ ఫార్మూలా. ఈ కాన్సెప్ట్ సినిమాలను మన ఆడియెన్స్ నిత్యం చూస్తూనే ఉన్నారు. మనోళ్లు ఇలాంటి సెంటిమెంట్‌, ఎమోషనల్‌ అంశాలకు ప్రయారిటీ ఇస్తారు, సినిమాలను చూస్తారనే భావనతో పదే పదే ఇలాంటి అంశాలతోనే సినిమాలను తెరకెక్కిస్తున్నారు మేకర్స్. ఇదొక ఈజీ మెథడ్‌గానూ మారింది. అయితే దాన్ని అంతే రియాలిటీగా, కన్విన్సింగ్‌గా చెబితే బాగుండేది. కానీ ఇందులో అది మిస్‌ అయ్యింది. ఈ కథలో ఈ కేసుని బలవంతంగా పెట్టినట్టుగానే, ఇరికించినట్టుగానే ఉంటుంది. అందులో రియాలిటీ మిస్‌ అయ్యింది. ప్రారంభం నుంచి సినిమా చాలా డ్రైగా, స్లోగా సాగుతుంది. వడ్డే నవీన్‌ని ఎలివేషన్లకి ప్రయారిటీ ఇచ్చారు. కానీ ఆయన పాత్రలో ఆ పవర్‌లేదు. ఆయనలోనూ ఆ ఈజ్‌ మిస్‌ అయ్యింది. దీంతో ఆయా సీన్లు పెద్దగా పండలేదు. హీరో మరీ మంచోడు కావడం, నిజాయితీ పరుడు కావడమనేది ఓల్డ్ ఫార్మూలా. ఇప్పుడిది పెద్దగా నచ్చదు. అదే ఇందులో మైనస్‌గా చెప్పొచ్చు. అలాగే సీఎంకి సంబంధించిన సీన్లు కూడా చాలా సిల్లీగా, లాజిక్‌ లెస్‌గా ఉన్నాయి. బలమైన సీన్లు ఒక్కటి కూడా కనిపించలేదు. ఇంటర్వెల్‌.. అటు సీఎం,ఇటు త్రిమూర్తులు అనేలా చూపించి హైప్‌ ఇచ్చారు. కానీ ఆ తర్వాత సీన్లు ఆ స్థాయిలో లేవు. త్రిమూర్తులుని వేరే స్టేషన్‌కి పంపించడం, ఆయన ఒంటరిగా ఉండి, ఫైల్స్ ని వెతకడం అందులో కేసు బయటపడటం ఇరికించినట్టుగా ఉంది. అందులో ఏమాత్రం ఫీల్‌ లేదు. ఒక్కో సీన్‌లాగ్‌ ఉంది. స్లోగా సాగుతుంది. క్లైమాక్స్ లో కోర్ట్ రూమ్‌ డ్రామా కూడా నీరసంగా ఉంది. ఏమాత్రం రక్తికట్టించేలా లేదు. దీంతో బోరింగ్‌ గా అనిపిస్తుంది. వడ్డే నవీన్‌ ఫైట్‌ సీన్లు కూడా ఆశించిన స్థాయిలో లేవు. ఆయన నటుడిగా మెప్పించాడు, కానీ ఈజ్‌ మిస్‌ అయ్యింది. అది సినిమాలో ప్రతి సన్నివేశంలోనూ కనిపిస్తుంది. మెయిన్‌గా మూవీలో బలమైన ఎమోషన్‌ లేదు, సినిమాని నడిపించే త్రెడ్‌ లేదు. కేవలం కేసుని పట్టుకొని ఈ మూవీని తీసినట్టుగానే ఉంది.

త్రిమూర్తులుగా వడ్డే నవీన్‌ ఉన్నంతలో మెప్పించాడు. నిజాయితీ గల పోలీస్‌ కానిస్టేబుల్‌గా బాగా సెట్‌ అయ్యాడు. నటుడిగా ఫర్వాలేదనిపించాడు. కానీ ఎక్స్ ప్రెషన్స్ విషయంలో వేరేయేషన్‌ మిస్‌ అయ్యింది. అందం విషయంలో అప్పటికంటే ఇప్పుడే బాగున్నాడు. ఫిట్‌ నెస్‌ పరంగానూ ఏమాత్రం తగ్గలేదు. లుక్‌ వైజ్‌ గా అదిరిపోయాడు. కానీ హీరోయిజం విషయంలోనే కొంత విఫలమైనట్టు అనిపిస్తుంది. ఆయన భార్య పాత్రలో రాశీ సింగ్‌ బాగా చేసింది. పాత్రకి యాప్ట్ గా నిలిచింది. ఉన్నంతలో మెప్పించింది. సీఎంగా శిల్ప తులస్కర్‌ బాగా చేసింది. ఆమె ఉన్నంత సేపు అందరి అటెన్షన్‌ తన వైపు తిప్పుకుంది. అలాగే ఆమె కొడుకు సంతోష్‌బాబుగానటించిన ఆర్టిస్ట్ కూడా మెప్పించాడు. ఆడుకాలం నరేన్‌ ఉన్నంతలో ఫర్వాలేదు. త్రిమూర్తులు తండ్రిగా దేవిప్రసాద్‌ కనిపించిన కాసేపు మెప్పించాడు. రఘుబాబు నవ్వించే ప్రయత్నం చేశారు. మిగిలిన వారు ఓకే అనిపించారు.

సినిమాకి కళ్యాణ్‌ నాయక్‌ సంగీతం అందించారు. పాటలు బాగున్నాయి. ఆర్‌ఆర్‌ కూడా బాగుంది. ఆకట్టుకునేలా ఉంది. చాలా సన్నివేశాలను హైలైట్‌ చేసింది. కానీ ఆ స్థాయి సీన్లు లేకపోవడం మైనస్‌. ఇక విజువల్స్ బాగున్నాయి. నీట్‌గా, కలర్‌ఫుల్‌గా ఉన్నాయి. ఎడిటింగ్‌ పరంగా మూవీని ఇంకా షార్ప్ చేయాల్సింది. అనవసరమైన సీన్లు చాలా ఉన్నాయి. దర్శకుడు కమల్‌ తేజ నార్ల దాదాపు ఓ ఇరవై ఏళ్ల క్రితం నాటి కథని ఇప్పుడు తీసినట్టు ఉంది. కథలో బలం లేదు, కథనంలో బలం లేదు. సినిమాని తీయడంలోనూ ఆ బలం కనిపించలేదు. రొటీన్‌ స్టోరీతో నడిపించాడు. వడ్డే నవీన్‌ని మారలేదని అనిపించేలా చేశాడు. హీరోకిది రాంగ్‌ ఛాయిస్‌ అనే చెప్పాలి.

కొత్త సీసాలో పాత సారా అన్నట్టు, రొటీన్‌, బోరింగ్‌, ఔట్‌ డేటెడ్‌ కాన్సెప్ట్ తో తీసిన మూవీ `ట్రాన్స్ ఫర్‌ త్రిమూర్తులు`. వడ్డే నవీన్‌ రీఎంట్రీ బెడిసికొట్టిందని చెప్పొచ్చు.

రేటింగ్‌: 2

Chennai Love Story Movie Review: చెన్నై లవ్‌ స్టోరీ మూవీ రివ్యూ.. కిరణ్‌ అబ్బవరం సినిమా ఎలా ఉందంటే?

Aithagoni Raju — Fri, 24 Jul 2026 01:39:51 +0530

కిరణ్‌ అబ్బవరం నటించిన లేటెస్ట్ మూవీ `చెన్నై లవ్‌ స్టోరీ`. ఫీల్‌ గుడ్‌ ఎమోషనల్‌ లవ్‌ స్టోరీగా రూపొందిన ఈ చిత్రం శుక్రవారం విడుదలైంది. మరి మూవీ ఎలా ఉందంటే?

కిరణ్‌ అబ్బవరం హీరోగా ఎంట్రీ ఇచ్చిన ప్రారంభంలో రెండు మూడు సినిమాలు బాగా ఆడాయి. కానీ ఆ తర్వాత విజయాలు దక్కలేదు. ఆరేడు మూవీస్‌ వరుసగా పరాజయం చెందాయి. ఈ క్రమంలో ఆయనకు `క` సినిమా విజయాన్ని అందించింది. కమ్‌ బ్యాక్‌ అయ్యేలా చేసింది. ఆ తర్వాత సినిమా కూడా ఆడలేదు. చివరగా `కే ర్యాంప్‌`తో పెద్ద హిట్‌ అందుకున్నాడు. అదే జోరులో ఇప్పుడు చెన్నై లవ్‌ స్టోరీ మూవీతో వచ్చాడు. శ్రీ గౌరీ ప్రియా ఇందులో హీరోయిన్‌గా నటించగా, సాయిరాజేష్‌ దీనికి కథ అందించారు. రవి నంబూరి దర్శకత్వం వహించారు. అమృత ప్రొడక్షన్స్, మాస్‌ మూవీ మేకర్స్ పతాకంపై ఎస్‌కేఎన్‌, సాయి రాజేష్‌ నిర్మించారు. ధీరజ్‌ మొగిలినేని సహనిర్మాత. టీజర్‌, ట్రైలర్‌ తో ఆకట్టుకుందీ మూవీ. పాటలు కూడా హిట్‌ అయ్యాయి. ఈ క్రమంలో శుక్రవారం(జులై 24)న సినిమా విడుదలైంది. మరి మూవీ ఎలా ఉంది? కిరణ్‌ అబ్బవరం కి మరో హిట్‌ పడిందా? అనేది రివ్యూలో తెలుసుకుందాం.

పెళ్లి పీఠలమీదే నివేదిత(శ్రీ గౌరీ ప్రియా) పెళ్లి క్యాన్సిల్‌ అవుతుంది. ప్రేమించిన అజయ్‌(త్రిగుణ్‌)తో పెళ్లి పీఠలకు ఎక్కే సమయంలోనే అతను తనకు ఈ మ్యారేజ్‌ ఇష్టం లేదని, తాను మరో అమ్మాయిని ప్రేమించానని చెప్పి వెళ్లిపోతాడు. దీంతో నివి డిప్రెషన్‌లోకి వెళ్తుంది. ఆ బాధలో ఫ్రెండ్‌ సిరి(హనుమంత్)తో కలిసి చెన్నై వెళ్తుంది. అక్కడ బీచ్‌లో ఉండగా, స్టీవెన్‌ శంకర్‌(కిరణ్‌ అబ్బవరం) కలుస్తాడు. తను డైరెక్టర్‌ అవకాశాల కోసం తిరుగుతుంటాడు. అక్కడ అసిస్టెంట్లకి కథ చెప్పగా, వాళ్లు ఛీ కొట్టి పోతారు. ఆ సమయంలోనే నివి, సిరి బ్యాచ్‌ కలుస్తారు. వాళ్లకి తన బాధలు చెప్పగా అతన్ని తమ రూమ్‌కి తీసుకెళ్తారు. స్టీవెన్‌కి అమ్మానాన్న ఎవరూ లేరు. ఒక అనాథ. దర్శకుడి అవకాశాల కోసం తిరుగుతుంటాడు. మనిషి అమాయకుడే అయినా ఓవర్‌గా అరుస్తుంటాడు, ఓవర్‌గా రియాక్ట్ అవుతుంటాడు. డిప్రెషన్‌లో ఉన్న తనని డిస్టర్బ్ చేయడంతో స్టీవెన్‌ని గట్టిగా తిడుతుంది నివి. దీంతో హర్ట్ అవుతాడు. ఆ తర్వాత ఓ రోజు హోటల్‌లో దర్శకుడు పీ వాసు కలవడంతో అతన్ని అడిగి స్టీవెన్‌కి అపాయింట్‌మెంట్‌ ఇప్పిస్తుంది. కానీ స్టీవెన్‌ నరేషన్‌ లో ఫెయిల్‌ అవుతాడు. ఆ తర్వాత నెమ్మదిగా నివికి, వారి ఫ్రెండ్స్ కి దగ్గరవుతాడు. అతను చెప్పిన మాటలకు నివి కూడా తన గతాన్ని మర్చిపోయి మామూలు మనిషి అవుతుంది. క్రమంగా స్టీవెన్‌కి పడిపోతుంది. మరోవైపు స్టీవెన్‌ చెప్పిన కథ కూడా పి వాసుకి నచ్చుతుంది. ఓ రోజు గుళ్లోకి వెళ్లినప్పుడు స్టీవెన్‌కి ప్రపోజ్‌ చేస్తుంది నివి. దెబ్బతో ఎమోషనల్‌ అయిన స్టీవెన్‌.. కన్నీళ్లు పెట్టుకొని ఆమెకి ఓకే చెబుతాడు. ఆ తర్వాత పెళ్లికి రెడీ అవుతారు. ఆ రోజే టీమ్‌కి నరేషన్‌ ఇవ్వాలని దర్శకుడు చెప్పగా, స్టీవెన్ నరేషన్‌ ఇచ్చి, సినిమా ఓకే చేసుకుంటాడు. చెక్‌ కూడా అందుకుంటాడు. ఆ ఆనందంలో ఇంటికి వస్తుండగా, యాక్సిడెంట్‌ అవుతుంది? మొత్తం తలక్రిందులవుతుంది. మరి ఆ తర్వాత ఏం జరిగింది? నివి, స్టీవెన్‌ పెళ్లి చేసుకున్నారా? మళ్లీ నివి లైఫ్‌లోకి అజయ్‌ ఎందుకు వచ్చాడు? అతని విషయంలో స్టీవెన్‌ ఎందుకు అసూయగా ఫీలయ్యాడు? ఈ ట్రయాంగిల్‌ లవ్‌ స్టోరీ ఏ తీరం చేరింది? స్టీవెన్‌ జీవితంలోని విషాదం ఏంటనేది అసలు సినిమా.

ప్రేమ కథా చిత్రాలు ఎన్ని వచ్చినా అవి కొత్తగానే ఉంటాయి. ఒక్కో ప్రేమ కథ ఒక్కోలా ఉంటుంది. ప్రతిదీ కొత్త ఫీలింగ్‌ ఇస్తుంటుంది. కాకపోతే బాగా తీయగలిగాలి, ఆ కథని బాగా చెప్పగలిగాలి. అలా `చెన్నై లవ్‌ స్టోరీ` కూడా ఓ డిఫరెంట్‌ లవ్‌ స్టోరీ. ఒక ఫ్రెష్‌ లవ్‌ స్టోరీ అని చెప్పొచ్చు. సినిమా ప్రారంభం నుంచే ఓ కొత్త ఫీలింగ్‌ని ఇస్తుంది. హీరోయిన్‌ తన పెళ్లి క్యాన్సిల్‌ కావడంతో ఆమె డిప్రెషన్‌లోకి వెళ్లి, మందుకు బానిస కావడమనేదే వెరైటీగా ఉంది. అది ఆడియెన్స్ ని ఎంగేజ్‌ చేస్తుంది. దాన్నుంచి బయటపడేందుకు చెన్నైకి వెళ్లగా, అక్కడ హీరో తగులుతాడు. అతను మొదట చిరాకు తెప్పించినా, తర్వాత తన కథ చెప్పి, తాను ఆమెకి బానిస అని చెప్పి ఇంప్రెస్‌ చేస్తాడు. ఆమెకి దగ్గరవుతాడు. మళ్లీ ప్రేమలో పడతారు. ఆ తర్వాత పెళ్లికి రెడీ అవుతుండగానే మరో షాకింగ్‌ ఇన్సిడెంట్‌ చోటు చేసుకుంటుంది. ఆ తర్వాత కథ అనేక మలుపులతో సాగుతుంది. మొదటి భాగం సినిమా చాలా ఫన్నీగా సాగుతూనే ఎమోషనల్‌ టచ్‌ ఇస్తుంది. హీరోయిన్‌ లవ్‌ బ్రేకప్‌, ఆమె మందు తాగడం, డేర్‌గా ఉండటం వంటి సీన్లు ఆకట్టుకుంటాయి. ఇక కిరణ్‌ అబ్బవరం చేసే హడావుడి కూడా నవ్విస్తుంది. అదే సమయంలో తన సొంత కథ చెప్పడంతో అది ఎమోషనల్‌గా హార్ట్ టచ్‌ చేస్తుంది. ఇలా ఫస్టాఫ్‌ అంతా కొంత ఫన్‌, మరికొంత ఎమోషనల్‌, ఇంకొంత లవ్‌, ఫీల్‌ గుడ్‌ గా సాగుతుంది. ఫస్టాఫ్‌ సినిమా వేరే లెవల్‌ అని చెప్పొచ్చు. ఇంటర్వెల్‌ ట్విస్ట్ మాత్రం షాకిస్తుంది. మతిపోయేలా ఉంటుంది. అదే సమయంలో నెక్ట్స్ ఎలా తీసుకెళ్తారు, ఎలా ఎంగేజ్‌ చేస్తారనేది సస్పెన్స్, ఆ విషయంలో మేకర్స్ చాలా వరకు సక్సెస్‌ అయ్యారు. కిరణ్‌ అబ్బవరం పాత్ర కి సంబంధించిన రియాలిటీ మిస్‌ అయ్యింది. హీరోయిన్‌ ప్రేమ కోసం వచ్చి ఆమెని ఇరిటేట్‌ చేసే సీన్లు ఆడియెన్స్ కి కూడా చిరాకు తెప్పిస్తాయి. మధ్య మధ్య కొంత ఫన్‌ ఉన్నా, అది కొంత వరకే పరిమితం. మధ్యలో కుక్కలతో చేయించే యాక్షన్‌ సీన్‌ బాగుంది. ఆ సమయంలో చూపించిన సీన్లు స్టీవెన్‌ రియాలిటీని ఆవిష్కరిస్తాయి. క్లైమాక్స్ మోస్ట్ ఎమోషనల్‌గా ఉంటుంది. అదే సమయంలో కన్‌ఫ్యూజింగ్‌గా ఉంటుంది.

అయితే సినిమా లవ్‌, ఫీల్‌ గుడ్‌ అంశాలు, ఫన్‌తోపాటు ఎమోషన్స్ మెయిన్స్ గా రన్‌ అవుతుంది. హీరో పాత్రలోని ఎమోషన్స్, హీరోయిన్‌ పాత్రలోని ఎమోషన్స్ హైలైట్‌గా నిలుస్తాయి. ఫస్టాఫ్‌లో కిరణ్‌ అబ్బవరం రెండు చోటు ఇచ్చిన ఎలివేషన్‌ అదిరిపోయింది. తన గతం చెప్పడం, నేను నీకు బానిస అని చెప్పే సీన్ అదిరిపోయింది. ఇక టెంపుల్‌లో లవ్‌ ప్రపోజ్‌ చేసినప్పుడు వర్షంలో వచ్చే సీన్లు గుండెని పిండేస్తుంది. అందులో ఇద్దరూ అదరగొట్టారు. సెకండాఫ్‌లోనూ ఇద్దరి మధ్య కామెడీ బాగానే ఉంది. కాకపోతే సినిమా ల్యాగ్‌ అనిపిస్తుంది. స్లోగా సాగుతుంది. కిరణ్‌ పాత్రలోని ట్విస్ట్ రివీల్‌ కావడంతో కిక్ మిస్‌ అయిన ఫీలింగ్‌ ఉంటుంది. రియాలిటీ మిస్‌ అయ్యింది. థియేటర్‌ సీన్లు బాగుంది. ఫైట్లు, క్లైమాక్స్ ఫర్వాలేదు. కాకపోతే ఇంకా బాగా రాసుకోవాల్సింది. ఫస్టాఫ్‌ స్థాయిలో సెకండాఫ్‌ లేకపోవడం మైనస్‌గా చెప్పొచ్చు. అక్కడ క్లారిటీ మిస్‌ అయ్యింది. ఒక పాట బాగుంది. మిగిలిన పాటలు గొప్పగా లేవు. ఆర్‌ఆర్‌ విషయంలో మణిశర్మ తన మార్క్ చూపించాడు. చాలా సీన్లని అది ఎలివేట్‌ చేసింది. ముఖ్యంగా ఎమోషనల్‌ సీన్లు పిండేసేలా చేయడంలో మణిశర్మ సక్సెస్‌ అయ్యారు. కొన్ని లాజికల్‌ లెస్‌ సీన్లు ఉన్నాయి. తొలి ప్రేమ కాదు, రెండో ప్రేమ కూడా గొప్పదే అని చెప్పే ప్రయత్నం చేస్తూనే, తొలి ప్రేమకి ముడిపెట్టిన ముగించిన తీరు క్లారిటీ మిస్‌ అయ్యింది. ఇలా కొన్ని మైనస్‌లు పక్కన పెడితే యూత్‌కి, స్టూడెంట్స్ కి, ప్రేమలో పడ్డ ప్రతి ఒక్కరికి మంచి అనుభూతినిచ్చే సినిమా అవుతుంది.

స్టీవెన్‌ శంకర్‌ పాత్రలో కిరణ్‌ అబ్బవరం బాగా చేశాడు. పాత్రలో జీవించాడు. ఎమోషనల్‌ సీన్లలో రెచ్చిపోయాడు. టెంపుల్‌లో ప్రపోజ్‌ చేసినప్పుడు వచ్చే సీన్ లో కిరణ్‌ చాలా మెచ్యూరిటీగా చేశాడు. దుమ్ములేపాడు. ఇలా చాలా చోట్ల ఆయన మార్క్ సీన్లు ఉన్నాయి. అవి ఆకట్టుకునేలా ఉన్నాయి. నివిగా గౌరీ ప్రియ ఇరగదీసింది. ఎమోషనల్‌ సీన్లలో దుమ్ములేపింది. ఆమె పర్ఫెర్మెన్స్ ఆడియెన్స్ కి సర్‌ప్రైజ్‌ అని చెప్పొచ్చు. చాలా సీన్లలో బాగా చేసింది. సినిమాకి తనే హీరో అనిపించేలా చేసింది. లవ్‌ సీన్లు, ఎమోషనల్‌ సీన్లు, డిప్రెషన్‌ సీన్లు, మందు తాగే సీన్లలో గౌరీ ప్రియా బెస్ట్ ఇచ్చింది. వాహ్‌ అనిపించింది. ఇక అజయ్‌గా త్రిగుణ్‌ తనకు సెట్ అయ్యే పాత్రలో బాగా చేశాడు. సిరిగా సిరి హన్మంతు ఆకట్టుకుంది. పి వాసు కాసేపు కనిపించి మెప్పించారు. మిగిలిన పాత్రధారులు ఓకే అనిపించారు.

టెక్నీకల్‌గా మూవీ చాలా బాగుంది. సాయి రాజేష్‌ రైటింగ్‌ అదిరిపోయింది. డైలాగ్స్, కథ నెరేషన్‌ సినిమాకి పెద్ద అసెట్‌గా నిలుస్తుంది. కథ కూడా కొత్తగా ఉంది. దాన్ని తెరపై ఆవిష్కరించిన తీరు కూడా అంతే బాగుంది. ఇందులో సాయి రాజేష్‌తోపాటు దర్శకుడు రవి నంబూరి టాలెంట్‌ కనిపిస్తుంది. వారి ప్రత్యేకత కూడా కనిపిస్తుంది. విశ్వాస్‌ డేనియల్ కెమెరా వర్క్ అదిరిపోయింది. ప్రతి ఫ్రేమ్‌ పెయింటింగ్‌లా ఉంది. విజువల్స్ మూవీకి స్పెషల్‌ ఎట్రాక్షన్‌గా చెప్పాలి. బ్యూటిఫుల్‌గా సినిమా ఉందంటే దానికి కారణం కెమెరానే. ఎడిటింగ్‌ పరంగా ఇంకా బాగా కట్‌ చేయాలి. కొంత ట్రిమ్‌ చేయోచ్చు. ముఖ్యంగా సెకండాఫ్‌లో. ఆర్ట్ వర్క్ మరో ఎట్రాక్షన్‌. నిర్మాతలు బాగా తీశారు. రాజీపడకుండా చేశారు. దర్శకుడు రవి నంబూరి తీసిన తీరు బాగుంది. కానీ సెకండాఫ్‌ని ఇంకా బాగా రాసుకోవాల్సింది. చాలా సీన్లు రెగ్యూలర్‌గా ఉంటాయి. తేలిపోయాయి. లాజిక్‌ లెస్‌గా ఉంటాయి. కానీ ఓవరాల్‌గా యూత్‌ని ఆకట్టుకునేలా తెరకెక్కించడంలో సక్సెస్‌ అయ్యారు. ఈ మూవీ కుర్రాళ్లకి మతిపోయేలా చేస్తుందని చెప్పొచ్చు. అదే సమయంలో చాలా నీట్‌గా, క్లీన్‌గా సాగే సినిమా కావడం విశేషం.

చెన్నై లవ్‌ స్టోరీ.. ఫీల్‌గుడ్‌ ఎమోషనల్‌ లవ్‌ స్టోరీ. కొత్త ఫీల్‌నిచ్చే చిత్రం. యూత్‌కి బాగా కనెక్ట్ అవుతుంది.

రేటింగ్‌ : 3

DVSK Movie Review: దాన వీర శూర కర్ణ మూవీ రివ్యూ, కృష్ణకు చుక్కలు చూపించిన ఎన్టీఆర్ సినిమా

Mahesh Jujjuri — Sun, 26 Jul 2026 07:31:47 +0530

DVSK Movie Review: తెలుగు సినిమా చరిత్రలో నిలిచిపోయే సినిమాలలో దాన వీర శూర కర్ణ కూడా ఒకటి. ఎన్టీఆర్ సృష్టించిన అద్భుతాలలో ఈ సినిమా కూడా ఒకటి. ఈ సినిమాను ఇంత అద్భుతంగా ఎలా చేయగలిగారనే సందేహం ఇప్పటికీ చాలామందిలో ఉంది.

తెలుగు సినిమా చరిత్రలో పౌరాణిక సినిమాలకు ఒక ప్రత్యేకమైన స్థానం ఉంది. అందులోనూ ‘నటరత్నం’ విశ్వవిఖ్యాత నటసార్వభౌమ నందమూరి తారక రామారావు (ఎన్టీఆర్) స్వీయ దర్శకత్వంలో, నిర్మాణంలో తెరకెక్కించిన ‘దాన వీర శూర కర్ణ’ (1977) ఒక సంచలనం. ఒకే సినిమాలో మూడు ప్రధానమైన పాత్రలను పోషిస్తూ, కేవలం 43 రోజుల్లో ఈ మహా కావ్యాన్ని పూర్తిచేసి, ప్రపంచ సినిమా రంగాన్ని ఆశ్చర్యపరిచారు ఎన్టీఆర్. ఈ క్లాసిక్ మాస్టర్‌పీస్ గురించిన అధికారిక విశేషాలు.

మహాభారతం ఆధారంగా రూపొందించిన ఈ సినిమాలో ఎన్టీఆర్ మహాభారతంలోని కౌరవుల వైపు ఉన్న ఉదాత్తతను, కర్ణుడి దానగుణం లాంటి వాటిని ముఖ్యమైన అంశాలుగా తీసుకున్నారు. సమాజంలో కుల వివక్షకు గురైన కర్ణుడి ఆవేదన, రారాజు దుర్యోధనుడు, అతనికి ఇచ్చిన ఇంపార్టెన్స్, వారిద్దరి మధ్య ఉన్న పవిత్రమైన స్నేహం.. ఈ చిత్రానికి ప్రాణం. సాధారణంగా దుర్యోధనుడిని విలన్‌గా చూపే సంప్రదాయానికి భిన్నంగా, ఆయనలోని రాజసానికీ, స్నేహధర్మానికి ఎన్టీఆర్ తన నటన ద్వారా సరికొత్త గౌరవాన్ని తెచ్చారు. మరోవైపు, ఈ నాటకాంతా నడిపించే సూత్రధారిగా శ్రీకృష్ణుడి పాత్రలోనూ లీనమై నటించి ప్రేక్షకులను సమ్మోహన పరిచారు.

ఈ చిత్రంలో ఎన్టీఆర్ త్రిపాత్రాభినయం చేయడమే కాకుండా, తన కుటుంబ సభ్యులను, దిగ్గజ నటులను కీలక పాత్రలకు ఎంపిక చేశారు.ఎన్.టి. రామారావు కర్ణుడు, సుయోధనుడు (దుర్యోధనుడు), శ్రీకృష్ణుడుడిగా త్రిపాత్రాభినయం చేశారు. ఇక ఆయన కుమారుడు నందమూరి బాలకృష్ణ అభిమన్యుడిగా కనిపించారు. ఎన్టీఆర్ పెద్ద కుమారుడు నందమూరి హరికృష్ణ అర్జునుడిగా నటించి మెప్పించారు.

ఇక బి. సరోజాదేవి సుయోధనుడి భార్యగా, నటి ప్రభ సుభద్రాదేవిగా.. ఇక శారద ద్రౌపదిగా, ధూళిపాళ శకుని పాత్రలో, కైకాల సత్యనారాయణ భీముడి పాత్రలో ..గుమ్మడి వెంకటేశ్వరరావు పరశురాముడిగా, ముక్కామల ధృతరాష్ట్రుడిగా నటించగా.. చలపతి రావు మాత్రం ఈ సినిమాలో మరీంత స్పెషల్ అయ్యారు. ఈమూవీలో ఏకంగా 5 పాత్రల్లో ఆయన నటించారు. జరాసంధుడిగా, ఇంద్రుడిగా, మరోక 3 అతిథి పాత్రల్లో చలపతిరావు కనిపించారు.

ఈ సినిమాకు ప్రధాన బలం కొండవీటి వేంకటకవి రాసిన డైలాగులు. పొన్నూరు సంస్కృత కళాశాల ప్రిన్సిపాల్ అయిన ఆయనను ఎన్టీఆర్ స్వయంగా ఒప్పించి రాయించారు."ఏమంటివి... ఏమంటివి... మానధనుడు, ఆత్మగౌరవ రక్షకుడు అయిన సుయోధనుని గురించా నీవు మాట్లాడునది..."అంటూ ఎన్టీఆర్ సుయోధనుడి పాత్రలో చెప్పిన లాంగ్ డైలాగ్స్ తెలుగు సినీ చరిత్రలోనే సువర్ణాక్షరాలతో లిఖించబడ్డాయి. ఇప్పటికీ చాలామంది నటులు ఆ డైలాగ్స్ ను బట్టీ బట్టి తమ టాలెంట్ చూపిచుకునే ప్రయత్నాలు చేస్తుంటారు.

4 గంటల 17 నిమిషాల సుదీర్ఘమైన రన్ టైమ్ ఉన్న ఈ మహాకావ్యాన్ని ఎన్టీఆర్ కేవలం 43 వర్కింగ్ డేస్‌లోనే పూర్తి చేసి రికార్డు సృష్టించారు. అంతే కాదు ఇండియన్ సినిమా చరిత్రలోనే థియేటర్లలో సెన్సార్ లేకుండా సుదీర్ఘకాలం ప్రదర్శితమైన అతి పెద్ద చిత్రాల్లో (4:17 hours) ఇది మొదటి వరసలో నిలుస్తుంది. దాదాపు 4 గంటల నిడివి ఉన్న ఈ సినిమాలో ఎన్టీఆర్ స్వయంగా 3 గంటల 30 నిమిషాలకు పైగా తెరపై కనిపిస్తారు. ఆయన మూడు పాత్రల్లో అద్భుంగా నటించి మెప్పించారు.

కేవలం రూ. 10 లక్షల బడ్జెట్‌తో నిర్మించిన ఈ చిత్రం, ఆ కాలంలోనే 1.5 నుండి 2 కోట్లకు పైగా వసూళ్లు సాధించి (పెట్టిన పెట్టుబడికి 15-20 రెట్లు) అత్యధిక వసూళ్లు సాధించిన తెలుగు చిత్రంగా నిలిచింది. అంతే కాదు 1994లో మళ్లీ విడుదలైనప్పుడు కూడా రూ. 1 కోటికి పైగా వసూలు చేసి రీ-రిలీజ్‌లో కోటి రూపాయలు సాధించిన మొదటి భారతీయ చిత్రంగా రికార్డులకెక్కింది. అంతే కాదు కేవలం ఈ సినిమాలోని డైలాగ్ ఆడియో క్యాసెట్లు విక్రయాల పరంగా ఆ రోజుల్లో ఆల్ టైమ్ రికార్డ్ సృష్టించాయి.

‘దాన వీర శూర కర్ణ’ నిర్మాణ సమయం ఎన్టీఆర్‌కు అనేక సవాళ్లు ఎదురయ్యాయి. ఈ సినిమా చేస్తున్న టైమ్ లోనే సూపర్ స్టార్ కృష్ణ పోటీగా . భారీ బడ్జెట్‌తో, ‘కురుక్షేత్రం’ అనే చిత్రాన్ని నిర్మించడం మొదలుపెట్టారు. ఎన్టీఆర్ పిలిచి వద్దు అని చెప్పినా.. ఆయన వినలేదు. పైగా ఈ సినిమా కలర్ ప్రింట్ తో పాటు భారీ హంగులతో చెన్నై, రాజస్థాన్ లొకేషన్లలో షూటింగ్ చేశారు. ఈ సినిమాలో శోభన్ బాబు, కృష్ణంరాజు లాంటి స్టార్స్ నటించారు. ఎన్టీఆర్ ఈ పోటీని సవాలుగా తీసుకుని, అప్పుడే కొత్తగా నిర్మిస్తున్న హైదరాబాద్‌లోని 'రామకృష్ణ సినీ స్టూడియోస్' లోనే సెట్లు వేసి డే-నైట్ షూటింగ్స్ చేశారు. ఈసినిమా బ్లాక్ బస్టర్ హిట్ తో కృష్ణకు పెద్ద షాక్ ఇచ్చారు ఎన్టీఆర్.

ఎన్టీఆర్ ప్రతిరోజూ కర్ణుడు, కృష్ణుడు, సుయోధనుడు పాత్రల కోసం మేకప్ వేసుకోవడానికి, తీయడానికి రోజూ 4 నుండి 5 గంటల సమయం కేటాయించేవారు. టెక్నికల్ సపోర్ట్ తో పాటు, టైమ్ కూడా తక్కువగా ఉన్నప్పటికీ, క్రమశిక్షణ, పట్టుదలతో 1977 సంక్రాంతికే సినిమాను విడుదల చేశారు. పోటీగా వచ్చిన ‘కురుక్షేత్రం’ చిత్రం కంటే ‘దాన వీర శూర కర్ణ’ బాక్సాఫీస్ వద్ద గొప్ప విజయాన్ని సాధించి విమర్శకుల ప్రశంసలు అందుకుంది.

దుమ్మురేపిన సంగీతం, పద్యాలు..

‘దాన వీర శూర కర్ణ’ సినిమాకు పెండ్యాల నాగేశ్వరరావు అందించిన సంగీతం, డాక్టర్ సి. నారాయణరెడ్డి, దాశరథి పాటలు ఎప్పటికీ నిలిచిపోతాయి. “చిత్రం భళారే విచిత్రం”, “ఈ తల్లి నిను కన్నదో”, “జయీభవ విజయోత్సవ” (పూర్తి సంస్కృత సమాసాలతో కూడిన పాట) లాంటి పాటలు సూపర్ హిట్లుగా నిలిచాయి.

'దాన వీర శూర కర్ణ’ కేవలం ఒక సినిమా మాత్రమే కాదు... అదొక విశ్వరూపం! ఒకే ఒక్క వ్యక్తి నటుడిగా, దర్శకుడిగా, నిర్మాతగా, స్క్రీన్‌ప్లే రచయితగా ఒకే చిత్రంలో ఇన్ని విభాగాలు నిర్వహిస్తూ ప్రపంచ చలనచిత్ర రంగాన్నే విస్తుపోయేలా చేసిన అద్భుతం. తెలుగు వారి ఆత్మగౌరవానికి, నటనా ప్రతిభకు నిలువెత్తు రూపం ఈ చిత్రం. ఈ సినిమా చూడాలి అనుకునే వారికి యూట్యూబ్ లో అందుబాటులో ఉంది.

Balan Movie review: బాలన్‌ మూవీ రివ్యూ.. తల్లీకొడుకుల మధ్య సాగే ఎమోషనల్‌ డ్రామా ఎలా ఉందంటే?

Aithagoni Raju — Sat, 20 Jun 2026 18:39:03 +0530

మంజుమేల్‌ బాయ్స్ దర్శకుడు చిదంబరం రూపొందించిన లేటెస్ట్ మలయాళ మూవీ `బాలన్‌`. ఇది తెలుగులోనూ ఈ శుక్రవారం విడుదలైంది. మరి మూవీ ఎలా ఉందో రివ్యూలో తెలుసుకుందాం.

మలయాళ చిత్రాలు తెలుగు ఆడియెన్స్ ని కూడా బాగానే ఆకట్టుకుంటున్నాయి. `ప్రేమమ్‌`, `మంజుమేల్‌ బాయ్స్` వంటి చిత్రాలు మంచి ఆదరణ పొందిన విషయం తెలిసిందే. మంజుమేల్‌ బాయ్స్ దర్శకుడు చిదంబరం రూపొందిన లేటెస్ట్ మూవీ `బాలన్‌ః ది బాయ్‌`. ఇందులో ఆదిశేషన్‌(బాలనటుడు), ఫర్జానా ఫలథింగల్‌, మహ్మాద్‌ జినాన్‌, జీన్‌ పాల్‌ లాల్‌, టోవినో థామస్‌(గెస్ట్ రోల్‌) ప్రధాన పాత్రలు పోషించారు. వెంకట్‌ కే నారాయణ, శైలజ దేశాయ్‌ నిర్మించారు. ఈ మూవీ తెలుగులో అదే పేరుతో శుక్రవారం(జూన్‌ 19)న విడుదలైంది. మరి సినిమా ఎలా? తెలుగు ఆడియెన్స్ ని ఆకట్టుకుందా? అనేది రివ్యూలో తెలుసుకుందాం.

ఇందు (ఫర్జానా)గర్భవతిగా ఉన్న సమయంలో ఓ హత్య కేసులో జైలుకు వెళుతుంది. శిక్ష పూర్తయ్యాక తన కుమారుడు వసుదేవన్ (ఆదిశేషన్)తో కలిసి జైలు నుంచి విడుదలవుతుంది. తమ గతం గురించి ఎవరికీ తెలియని ప్రాంతానికి వెళ్లి, కొడుకుతో ప్రశాంతమైన జీవితం గడపాలని నిర్ణయించుకుంటుంది. అందుకోసం షెర్లీ, వందన, మేరీ వంటి మారుపేర్లతో పలు చోట్ల ఉద్యోగాలు చేస్తూ జీవనం సాగిస్తుంది. ఎవరితోనూ బంధాలు, అనుబంధాలు ఏర్పరచుకోకుండా ఉండాలని భావిస్తుంది. చివరికి అటవీ ప్రాంతానికి సమీపంలోని ఓ గ్రామంలో వృద్ధురాలికి కేర్‌టేకర్‌గా పని చేయడానికి చేరుతుంది. ఇందు ఎదుర్కొన్న కష్టాలు తెలుసుకున్న ఆ వృద్ధురాలు, ఆమెతో పాటు వసుదేవన్ కూడా అక్కడే ఉండాలని కోరుతుంది. ఇందు తన కుమారుడిని సమీపంలోని పాఠశాలలో చేర్పిస్తుంది. అయితే అనుకోని పరిస్థితుల్లో ఇందు మరో హత్యకు పాల్పడాల్సి వస్తుంది. ఆ సంఘటన కారణంగా వసుదేవన్ తన తల్లికి దూరమవుతాడు. ఆ తర్వాత ఏమైంది? తల్లికి దూరమైన వసుదేవన్ ఎలా క్రిమినల్ అబ్బాస్ (టోవినో థామస్) వద్దకు చేరాడు? వసుదేవన్ కారణంగా పోలీస్ అధికారి పవిత్రన్ తన ప్రియురాలికి ఎలా దూరమయ్యాడు? అలాగే వసుదేవన్ ఎప్పటికీ తన తల్లిని కలవకుండా ఉండేందుకు పవిత్రన్ ఎలాంటి కుట్రలు పన్నాడు? అనే ప్రశ్నలకు సమాధానమే ‘బాలన్ ది బాయ్’ మిగిలిన కథ.

భర్తలేని మహిళలను సమాజం చులకనగా చూస్తుంది. మగాళ్ల చూపు మొత్తం వారిపైనే ఉంటుంది. ఇలాంటి ఎన్నో చూపులను దాటుకొని నిలబడటం, సర్వైవ్‌ కావడం పెద్ద సవాల్‌తో కూడిన అంశం. అందుకోసం ఒక మహిళ చేసిన పోరాటం, తన కొడుకు కోసం, తన కోసం ఆమె పడ్డ స్ట్రగుల్‌, తిరుగుబాటు ఆమె లైఫ్‌ని ఎలా మార్చిందనే కథాంశంతో రూపొందిన చిత్రమిది. ఇంటెన్స్, థ్రిల్లర్‌గా సాగుతుంది. తల్లీకొడుకుల అనుబంధాన్ని, వారి బాండింగ్‌ని ఆవిష్కరిస్తూ మూవీ సాగుతుంది. సినిమా కాస్త స్లోగా వెళ్తుంది. ఎమోషన్స్ ని, ఆయా సీన్ల డెప్త్ ని, వారి రిలేషన్‌ని ఆవిష్కరించడానికి దర్శకుడు ఎక్కువ టైమ్‌ తీసుకున్నారు. అదే సమయంలో ప్రతిదీ డీటెయిలింగ్‌గా రూపొందించే ప్రయత్నం చేశాడు. జైలు నుంచి బయటకు వచ్చాక, పనిదొరక్క ఆమె పడే ఇబ్బందులు, పేర్లు మార్చుకొని, తన ఐడెంటినీ మార్చుకొని, భర్త ఉన్నాడని నమ్మిస్తూ ఆమె చేసే ప్రయత్నం కదిలిస్తుంది. కొడుక్కి కూడా కథలు చెబుతూ మానసికంగా అతన్ని ప్రిపేర్‌ చేసిన తీరు కూడా ఆకట్టుకుంటుంది. ఎమోషనల్‌గా ఉంటుంది. చిన్న చిన్న పనులు చేస్తూ, చివరికి ఓ విలేజ్‌కి దూరంగా ఉన్న ఒక ఇంట్లో బామ్మని చూసుకునే కేర్‌ టేకర్‌గా వెళ్లిన తర్వాత ఆమె అసలు లైఫ్‌ స్టార్ట్ అవుతుంది. అక్కడ తాను సెటిల్‌ అవుతుందనే లోపే ముసలావిడ మరణించడం, ఆ తర్వాత జైల్లో ఉన్న మహిళ తనని వెంటాడటం, ఆమెని చంపేయడం, ఆ తర్వాత ఇంటి యాజమాని ఉన్నట్టుండి రావడం వంటి సంఘటనలు ఇందుని గందరగోళానికి గురి చేస్తాయి. దీంతో తప్పుమీద తప్పు చేస్తుంది. ఇది ఆమె లైఫ్‌ మొత్తాన్ని తలక్రిందులు చేస్తుంది. తల్లీ కొడుకులను విడగొడుతుంది. ఆయా సన్నివేశాలు ఎంగేజింగ్‌గా ఉంటాయి. థ్రిల్లింగ్‌గా ఉంటాయి. పోలీస్‌ కానిస్టేబుల్‌ లవర్‌ విడిపోవడానికి చిన్న పిల్లాడు కారణం కావడంతో అది మనసులో పెట్టుకొని వాళ్ల అమ్మని ఇబ్బంది పెట్టడం వంటి సీన్లు ఆకట్టుకుంటాయి. సెకండాఫ్‌ చాలా స్లోగా ఉంటుంది. ఎంతసేపు అక్కడే తిరుగుతున్నట్టుగా ఉంటుంది. చాలా డ్రైగా ఉంటుంది. కానీ క్లైమాక్స్ మాత్రం అదిరిపోయింది. అందులో వచ్చే ట్విస్ట్ హైలైట్‌ గా నిలుస్తుంది. స్టార్‌ హీరో ఎంట్రీ వాహ్‌ ఫీలింగ్‌ తెప్పిస్తుంది. దీంతో సినిమా స్టయిలే మారిపోతుంది. అంతకు ముందు జరిగిందంతా మర్చిపోయేలా చేస్తుంది. ఇదే ఇందులో హైలైట్‌గా చెప్పొచ్చు. సినిమా ఆద్యంతం ఎమోషనల్‌గా, థ్రిల్లర్‌గా రన్‌ అవుతూ ఎంగేజ్‌ చేస్తుందని చెప్పొచ్చు. స్లోగా సాగడం పెద్ద మైనస్‌గా చెప్పొచ్చు.

ఇందుగా ఫర్జానా పలథింగల్‌ నటన అదిరిపోయింది. సినిమాకి ఆమెనే హీరో. తన పాత్రలో జీవించింది. ఎమోషనల్‌ సీన్లు, ఇంటెన్స్ సీన్లు, భయపడే సీన్లు ఇలా అన్నింటిలోనూ అదరగొట్టింది. సినిమాకి బ్యాక్‌ బోన్‌గా నిలిచింది. కొడుకు పాత్రలో ఆదిశేషన్‌ బాగా చేశాడు. చిన్నప్పుడు ఇన్నోసెంట్‌గా, క్యూట్‌గా కనిపించి, అద్బుతమైన ఎక్స్ ప్రెషన్స్ తో ఆకట్టుకున్నారు. పెద్దగా అయ్యాక జీనన్‌ ఆ పాత్రలో ఒదిగిపోయాడు. పోలీస్‌ కాన్సిస్టేబుల్‌గా జీన్‌ పాల్‌ లాల్‌ నటన మరో హైలైట్‌. ఇలా ప్రతి ఒక్కరు సినిమాలో ఒదిగిపోయి కనిపించారు. టొవినో థామస్‌ ఎంట్రీ సర్‌ప్రైజ్‌ చేస్తుంది.

కాన్సెప్ట్ ప్రధానంగా రూపొందిన ఈ చిత్రంలో కమర్షియాలిటీ తగ్గిపోయింది. ఆర్ట్ ఫిల్మ్ ఛాయలు కనిపిస్తాయి. ద‌ర్శ‌కుడు మాత్రం తాను అనుకున్న క‌థ‌ను నిజాయితీగా స్క్రీన్‌పై చూపించాడు. త‌ల్లీకొడుకుల బాండింగ్‌పైనే ఎక్కువ‌గా ఫోక‌స్ పెట్టాడు. ఎమోషనల్‌, థ్రిల్లర్‌గా తెరకెక్కించడంలో సక్సెస్‌ అయ్యాడు. కానీ మూవీ స్లోగా ఉంటుంది. కొంత బోరింగ్‌గా ఉంటుంది. సైజు ఖ‌లీద్ సినిమాటోగ్ర‌ఫీ, సుషీన్ శ్యామ్ బీజీఎమ్ బాల‌న్‌కు ప్రాణం పోశాయి. కాన్సెప్ట్ పరంగా విమర్శకుల ప్రశంసలందుకున్న ఈ మూవీ కమర్షియల్‌గా సత్తా చాటడం కష్టమే.

తల్లీకొడుకుల బాండింగ్‌ని ఎమోషనల్‌గా ఆవిష్కరించిన మూవీ `బాలన్‌ ది బాయ్‌`. హృదయాన్ని కదిలించే చిత్రమవుతుంది.

రేటింగ్‌: 3.25

Lenin Movie Review: లెనిన్‌ మూవీ రివ్యూ.. అఖిల్‌కి ఈ సారైనా హిట్‌ పడిందా?

Aithagoni Raju — Fri, 10 Jul 2026 13:13:39 +0530

Lenin Movie Review: అఖిల్‌ అక్కినేని హీరోగా నిలబడేందుకు చాలా కష్టపడుతున్నాడు. ఆ ప్రయత్నంలో భాగంగా చేసిన చిత్రం `లెనిన్‌`. నేడు విడుదలైన ఈ మూవీ ఆకట్టుకుందా? అఖిల్ కి ఫస్ట్ హిట్‌ పడిందా?

నాగార్జున నట వారసుడిగా ఎంట్రీ ఇచ్చాడు అఖిల్‌. ఇప్పటి వరకు ఐదు సినిమాలు చేశాడు. కానీ చెప్పుకోదగ్గ హిట్‌ ఒక్కటి కూడా లేదు. దీంతో ఇప్పుడు ఎలాగైనా హిట్‌ కొట్టాలని `లెనిన్‌` మూవీ చేశాడు. ఈ చిత్రానికి మురళీ కిశోర్ అబ్బూరు దర్శకత్వం వహించారు. అన్నపూర్ణ స్టూడియోస్‌, సితార ఎంటర్‌టైన్‌మెంట్స్ పతాకాలపై నాగార్జున, నాగవంశీ నిర్మించారు. ఇందులో అఖిల్‌కి జోడీగా భాగ్యశ్రీ బోర్సే హీరోయిన్‌గా నటించింది. ఈ చిత్రం నేడు శుక్రవారం(జులై 10) విడుదలైంది. మరి సినిమా ఎలా ఉంది? ఆడియెన్స్ ని ఆకట్టుకుందా? ఈసారైనా అఖిల్‌కి హిట్‌ పడిందా? అనేది రివ్యూలో తెలుసుకుందాం.

చిత్తూరులోని శ్రీరామపురంలో భారతం మిట్ట అనే జాతర చాలా ఫేమస్‌. ఒక పండగలా జరుపుకుంటున్నారు. రెండేళ్లకోసారి వచ్చే ఈ పండగ సమయంలోనే ఊరి పెద్దని నిర్ణయిస్తారు. ఆయన్నే ధర్మరాజుగా భావిస్తారు. ధర్మరాజుగా ఎవరు ఉండాలనేది ధర్మకర్తగా ఉన్న జయమ్మ(ఈశ్వరీరావు) నిర్ణయిస్తుంది. అయితే ఈ సారి వందవ జాతరని గ్రాండ్‌గా నిర్వహిస్తారు. ఆ జాతర పనులు లెనిన్‌(అఖిల్‌ అక్కినేని) సమక్షంలో జరుగుతుంటాయి. లెనిన్‌ ఒక అనాథ. అతన్ని చిన్నప్పుడే జయమ్మ చేరదీస్తుంది. తన కొడుకు వసంత్‌(ప్రమోద్‌ పంజు)తో కలిసి పెంచుతుంది. లెనిన్‌, వసంత్‌ మంచి ఫ్రెండ్స్ గా పెరుగుతారు. వసంత్‌ చదువులకోసం మద్రాస్‌ వెళ్తాడు. ఈ సారి జాతర సమయంలోనే ఆయన డాక్టర్ చదువు పూర్తి చేసుకొని వస్తాడు. అయితే జాతరలో భారతి(భాగ్యశ్రీ బోర్సే)ని చూసి ఇష్టపడతాడు లెనిన్‌. లెనిన్‌ని భారతి కూడా ప్రేమిస్తుంది. జాతర జరుగుతున్న సమయంలోనే స్థానిక ఎమ్మెల్యే రాఘవరెడ్డి(రమేష్‌ ఇందిరా)కి అవమానం జరుగుతుంది. లెనిన్‌ అతని కటౌట్‌ని కూల్చేస్తారడు. దీంతో ఎమ్మెల్యే పగతో రగిలిపోతుంటాడు. మరోవైపు యతిరాజు(శివాజీ) ధర్మరాజుగా మారాలని కలలు కంటుంటాడు. కానీ తన మామ ఉంచుకున్న దానికి పుట్టినావని చెప్పి యతిరాజుని అవమానిస్తుంది జయమ్మ. దీంతో ఆమెపై పగతో రగిలిపోతుంటాడు యతిరాజు. కానీ లెనిన్‌ కి బాగా దగ్గరగా ఉంటాడు. ఈ క్రమంలో జాతరలో వసంత్‌కి వైదేహిని ఇచ్చి పెళ్లి చేయాలనుకుంటారు. కానీ ఆమె మరో వ్యక్తితో లేచిపోతుంది. దీంతో పెళ్లి ఆగిపోతుంది. లేచిపోయిన అమ్మాయి చెల్లినే భారతి. ఆమెతో వసంత్‌ పెళ్లి చేయాలని భావిస్తారు. కానీ భారతి ఏకంగా పెళ్ళి పీఠలమీదే తనకు ఈ పెళ్లి ఇష్టం లేదని, లెనిన్‌ ని ప్రేమిస్తున్నట్టు చెబుతుంది. దీంతో వసంత్‌.. లెనిన్‌తో భారతికి పెళ్లి చేయాలని నిర్ణయిస్తాడు. అతని వద్దకు తీసుకెళ్లగా, కొందరు దుండగులు వీరిని చంపేందుకు వస్తారు. వసంత్‌ని కాపాడుకుంటాడు లెనిన్‌. వసంత్‌ని చంపేందుకు ప్రయత్నించింది ఎవరనే షాకింగ్‌ నిజం తెలుస్తుంది. మరి వీరిపై దాడి చేసింది ఎవరు? దీనికి యతిరాజుకి ఉన్న సంబంధం ఏంటి? వైదేహి ఎలా మిస్‌ అయ్యింది? భారతిని లెనిన్‌ పెళ్లి చేసుకున్నాడా? లెనిన్‌ జీవితంలోని విషాదం ఏంటి? ఎందుకు యతిరాజుని, వసంత్‌ని చంపాలనుకుంటాడు? అనేది మిగిలిన కథ.

లెనిన్‌ ఒక ఫక్తూ కమర్షియల్‌ మూవీ. మంచి డ్రామా, యాక్షన్‌, లవ్‌ స్టోరీ, ఊరి జాతర అనే సెంటిమెంట్‌, స్నేహం ఇలా అన్ని అంశాలను మేళవించి రూపొందించారు. అఖిల్‌ అక్కినేనికి ఎలాగైనా హిట్‌ ఇవ్వాలని లక్ష్యంతో నాగార్జున చేసిన ప్రయత్నం `లెనిన్‌` మూవీ అని చెప్పొచ్చు. భారతం మిట్ట అనే జాతర బ్యాక్‌ డ్రాప్‌ని ఎంచుకుని దాని చుట్టూ కురుక్షేత్రం తరహా కథని రాసుకుని రూపొందించారు. జాతరకి సంబంధించిన బ్యాక్‌ డ్రాప్‌ కొత్తగా ఉంది. ఆ తర్వాత చోటు చేసుకునే సన్నివేశాలు రెగ్యూలర్‌గానే ఉంటాయి. జాతర గొప్పతనం చెబుతూనే సినిమా స్టార్ట్ అవుతుంది. హీరో అనాథకి సంబంధించిన అంశాలు, అతని జయమ్మ చేరదీయడం, పెద్ద చేయడం, ఆమెకి నమ్మిన బంటుగా హీరో ఉండటం వంటి సన్నివేశాలు రొటీన్‌గానే ఉంటాయి. మరోవైపు హీరో జైల్‌ నుంచి బార్‌కి రావడం, అతన్ని చూసి చాలా మంది భయపడటం, కొందరు ఆశ్చర్యపోవడం, మరికొందరు ఆసక్తికరంగా ఎదురుచూడటం వంటి సీన్లు సినిమాపై హైప్‌ క్రియేట్‌ చేస్తాయి. ఒక చిన్నోడుకి హీరో తన కథ చెప్పడం నుంచి అసలు కథ స్టార్ట్ అవుతుంది. ప్రారంభంలో సీన్లు రొటీన్‌గానే ఉంటాయి. హీరోహీరోయిన్లు ప్రేమలో పడటం, వారి లవ్‌ ట్రాక్‌ రొటీన్‌గానే ఉన్నా ఆకట్టుకుంటుంది. మరోవైపు జాతరలో బ్రహ్మాజీ పాత్రలోని కామెడీ సీన్లు ఫర్వాలేదనిపిస్తాయి. ఇంకోవైపు ధర్మరాజు పీఠం కోసం శివాజీ ప్రయత్నించడం, మరోవైపు జాతరలో తనకు అవమానం జరిగిందని ఎమ్మెల్యే రగిలిపోవడం వంటి సీన్లతో ఆసక్తికరంగా మారుతుంది. భాగ్యశ్రీని విలన్లు ఎత్తుకుపోయినప్పుడు అఖిల్‌ చేసే యాక్షన్‌ ఆకట్టుకుంటుంది. వసంత్‌ కి పెళ్లి సీన్ తర్వాత నుంచి కథ సీరియస్‌గా మారుతుంది. అనేక ములపులు తీసుకుంటుంది. ఒకదాని తర్వాత మరో ట్విస్ట్ వస్తుంటుంది. ఆ ట్విస్ట్ లు ఆశ్చర్యపరుస్తుంటాయి. సినిమాపై ఆసక్తిని పెంచుతాయి. ఇంటర్వెల్‌లో వచ్చే మరో ట్విస్ట్ మతిపోయేలా ఉంటుంది. ఆ తర్వాత సినిమాపై ఆసక్తిని పెంచుతుంది. సెకండాఫ్‌లో అసలు కథ బయటకు వస్తుంటుంది. ఒక్కో పాత్ర రంగులు మారుస్తుంటుంది. మంచి అనుకున్న వాళ్లు చెడుగా మారడం వంటి సీన్లు కొంత ఇంట్రెస్ట్‌ ని క్రియేట్‌ చేస్తుంటాయి. సెకండాఫ్‌లో డ్రామా మరింత రక్తికడుతుంది. అదే సమయంలో యాక్షన్‌ ప్రధానంగా సాగుతుంది. లెనిన్‌, భారతి పాత్రల్లోని ఎమోషన్స్ ఆకట్టుకుంటాయి. లెనిన్‌ ఎందుకు జైలుకు వెళ్లాడనేది రివీల్‌ అవుతుంది. తన ప్రతీకారం ఎవరి మీద అనేది తెలుస్తుంది. దీంతో సినిమా మరింత రసవత్తరంగా మారుతుంది. నెక్ట్స్ ఏం జరుగుతుందనే క్యూరియాసిటీని క్రియేట్‌ చేస్తుంది. క్లైమాక్స్ మాత్రం గట్టిగా ప్లాన్‌ చేశారు. పూనకాలు తెప్పించేలా యాక్షన్‌ పెట్టారు. ఇలా ఫస్టాఫ్‌లో ఒకటి, ద్వితియార్థంలో మరోటి యాక్షన్‌ హైలైట్‌గా నిలుస్తాయి. క్లైమాక్స్ గూస్‌బంమ్స్ తెప్పిస్తుంది. దీనికితోడు థమన్‌ బీజీఎం సినిమాని బాగా హైలైట్‌ చేస్తుంది.

సినిమాలో డ్రామా బాగా వర్కౌట్‌ అయ్యింది. ట్విస్ట్ లు బాగున్నాయి. యాక్షన్‌ ఎపిసోడ్లు అదిరిపోయాయి. బీజీఎం బాగుంది. మరోవైపు హీరోహీరోయిన్ల మధ్య వచ్చే సీన్లు కొంత వరకు ఆకట్టుకుంటాయి. ప్రధాన పాత్రలు రంగులు మార్చే సీన్లు, ఈ క్రమంలోని కొన్ని మలుపులు వాహ్‌ ఫ్యాక్టర్‌ని అందిస్తుంటాయి. విజువల్‌గా మూవీ ఆకట్టుకుంటుంది. సినిమాని అన్ని అంశాల మేళవింపుతో తెరకెక్కించడం హైలైట్‌గా చెప్పొచ్చు. కానీ చాలా వరకు రొటీన్‌గా ఉంటుంది. కథనం రెగ్యూలర్‌గానే ఉంటుంది. చాలా లాజిక్ లు మిస్‌ అయ్యారు. ట్విస్ట్ లు చాలా పెట్టినా అవి చాలా వరకు తేలిపోయాయి. అంతగా కిక్‌ ఇవ్వలేదు. దీనికితోడు ఆ ట్విస్ట్ లకు సంబంధించి ముందే హింట్‌ ఇవ్వడం కొంత మైనస్‌గా చెప్పొచ్చు. హీరోయిన్‌ పాత్రని తీసుకెళ్లిన తీరు బాగాలేదు. ఇంకా బాగా చేయాల్సింది. హీరోహీరోయిన్ల లవ్‌ స్టోరీని కూడా బలంగా ఎస్టాబ్లిష్‌ చేయలేదు. ఇలాంటివి సినిమాకి మైనస్‌గా చెప్పొచ్చు. కాకపోతే కమర్షియల్‌ యాంగిల్‌లో సినిమాని నడిపించిన తీరు మాత్రం మాస్‌ లవర్స్ కి బాగా నచ్చుతుందని చెప్పొచ్చు.

లెనిన్‌ పాత్రలో అఖిల్‌ అక్కినేని చాలా బాగా నటించాడు. నటుడిగా ఆయనలో మెచ్యూరిటీ కనిపిస్తుంది. ఎక్స్ ప్రెషన్స్ నుంచి యాక్షన్‌ వరకు అదరగొట్టాడు. సినిమాని తన భుజాలపై నడిపించాడని చెప్పొచ్చు. ప్రేమకి సంబంధించిన సీన్లు, ఎమోషనల్‌ సీన్లు, యాక్షన్‌, కొంత ఫన్నీ సీన్లలోనూ అఖిల్‌ తన బెస్ట్ ఇచ్చాడని చెప్పొచ్చు. గత చిత్రాలను మరిపించేలా ఆయన నటన ఉంది. ఇక భారతి పాత్రలో భాగ్యశ్రీ బోర్సే ఉన్నంత సేపు మెప్పించింది. లవ్‌ సీన్లలో ఫర్వాలేదనిపించింది. పాటల్లో మాత్రం తన గ్లామర్‌తో ఆకట్టుకుంది. ఎమోషనల్‌ సీన్లలోనూ కనువిందు చేసింది. ఆమె పాత్రని ఇంకా బాగా రాసుకోవాల్సింది. వసంత్‌ పాత్రలో ప్రమోద్‌ చాలా బాగా చేశాడు. తన పాత్రలోని వేరియేషన్స్ ఆకట్టుకున్నాయి. ట్విస్ట్ కూడా బాగుంది. ఇక జయమ్మగా ఈశ్వరీరావు మరోసారి బలమైన పాత్రలో అదరగొట్టింది. యతిరాజుగా శివాజీ పాత్ర కూడా ఆకట్టుకుంది. ఆయన పాత్రలోని ట్విస్ట్ లు కూడా ఆకట్టుకుంటాయి. ఇక మిగిలిన పాత్రలు మెప్పించాయి. ఆకట్టుకుంటాయి. అయితే కొన్ని పాత్రలకు ఇంపార్టెన్స్ లేదు. ఎందుకు పెట్టారో కూడా అర్థం కాకుండా ఉంటాయి.

మ్యూజిక్‌ థమన్‌ మ్యూజిక్‌ సినిమాకి ప్లస్‌ అయ్యింది. ఒక్క పాట తప్ప మిగిలిన సాంగ్స్ అంతగా ఆకట్టుకోలేకపోయాయి. బీజీఎం ఒక్కటి బాగుంది. అది కూడా రొటీనే కానీ, ఇందులోని యాక్షన్‌కి సెట్‌ అయ్యింది. యాక్షన్‌ సీన్లని ఎలివేట్‌ చేసింది. లియోన్‌ బ్రిట్టో కెమెరా వర్క్ బాగుంది. కనువిందుగా ఉంది. చాలా చోట్ల విజువల్స్ గ్రాండియర్‌ నెస్‌ కనిపిస్తుంది. ఎడిటర్‌ నవీన్‌ నూలి ఇంకా కొంత షార్ప్ చేయాల్సింది. కొల్లా అవినాష్‌ ఆర్ట్ వర్క్ బాగుంది. సినిమాకి ప్లస్‌ అయ్యింది. దర్శకుడు మురళీ కిశోర్‌ అబ్బూరి ఎంచుకున్న కథ, తీసుకెళ్లిన తీరు కొంత రొటీన్‌గానే ఉన్నా, డ్రామాని పండించడంలో, యాక్షన్‌తో ఆకట్టుకోవడంలో, ఎమోషన్స్ తో కట్టిపడేయడంలో సక్సెస్‌ అయ్యాడు. అదే ఈ సినిమాకి ప్లస్‌గా చెప్పొచ్చు. మహాభారతంలోని కురుక్షేత్రంతో దీన్ని పోల్చుతూ కథని నడిపించిన తీరు బాగుంది. డైలాగ్స్ ఆకట్టుకుంటాయి. కానీ చాలా వరకు రొటీన్‌గా వెళ్లడమే మైనస్‌గా చెప్పొచ్చు.

అఖిల్‌ని కమర్షియల్‌గా నిలబెట్టే మూవీ అవుతుంది. నటుడిగానూ తనని కొత్తగా ఆవిష్కరించే చిత్రమవుతుంది. మాస్‌ కమర్షియల్‌ సినిమాలను ఇష్టపడే వారికి నచ్చే చిత్రమవుతుంది. కమర్షియల్‌గా ఎలా మెప్పిస్తుందనేది ప్రశ్న.

రేటింగ్‌ : 2.75