Asianet News Telugu

మీ ఇంటి కరెంట్ బిల్లు తగ్గాలంటే.. సాధారణ బల్బ్ బెటరా లేక ఎల్ఈడీ బల్బా?

Arun Kumar P — Sat, 31 Oct 2026 21:16:19 +0530

సాధారణ బల్బ్, ఎల్ఈడీ బల్బ్ చూడటానికి ఒకేలా ఉన్నా వాటి మధ్య చాలా తేడా ఉంది. కరెంట్ బిల్లు తగ్గాలంటే మీ ఇంటికి ఏది బెస్ట్ అని ఆలోచిస్తున్నారా? అయితే ఈ విషయాలు తెలుసుకోండి.

Blouse designs: చీరకు హుందాతనం తెచ్చే ఫుల్ స్లీవ్స్ బ్లౌజు డిజైన్లు

ramya Sridhar — Sat, 31 Oct 2026 19:19:33 +0530

Blouse Designs: చీరలో అందంగా కనిపించాలంటే సరైన బ్లౌజులు ధరించడం చాలా ముఖ్యం. ముఖ్యంగా చీరలో హుందాగా కనిపించాలి అంటే.. ఫుల్ స్లీవ్స్ బ్లౌజులు ధరించాల్సిందే. అలాంటి కొన్ని డిజైన్లు ఇప్పుడు చూద్దాం…

Indian Tourism : స్కాంట్లాండ్ ఆఫ్ ఇండియాగా పిలిచే టూరిస్ట్ ప్లేస్ ఏది? ఈ ప్రకృతి అందాలకు ఆంగ్లేయులే ఫిదా

Arun Kumar P — Sat, 31 Oct 2026 19:06:46 +0530

నవంబర్ నెలలో ఫ్యామిలీ, ఫ్రెండ్స్ లేదా పార్ట్‌నర్‌తో కలిసి ట్రిప్ వెళ్లాలని ప్లాన్ చేస్తున్నారా? అయితే ఈ చలికాలంలో ఎంజాయ్ చేయడానికి మన పొరుగురాష్ట్రం కర్ణాటకలో బెస్ట్ టూరిస్ట్ ప్లేసెస్ ఉన్నాయి. వాటిపై ఓ లుక్కేయండి.

వానాకాలం వెళ్లిపోయి, చలికాలం మొదలయ్యే నవంబర్ నెల ట్రిప్స్‌కు భలే సెట్ అవుతుంది. పచ్చని కొండలు, కాఫీ తోటలు, చారిత్రక కట్టడాలు, వైల్డ్ లైఫ్, ప్రశాంతమైన బీచ్‌లు చూడటానికి ఇదే కరెక్ట్ టైమ్. మరి తెలుగు రాష్ట్రాలకు పొరుగునే ఉన్న కర్ణాటకలో ఇలాంటి అద్భుతమైన ప్లేసెస్ చాలా ఉన్నాయి. వాటిగురించి తెలుసుకొండి… నవంబర్ లో ట్రిప్ ప్లాన్ చేసుకొండి.

తెల్లవారుజామున కురుస్తున్న మంచులోంచి సూర్యుడి కిరణాలు దూసుకొచ్చి లేత ఎండ శరీరానికి తాకుతుంటే ఆ హాయి వేరే లెవెల్ ఉంటుంది… ఈ అనుభూతిని పొందాలంటే కూర్గ్ వెళ్లాల్సిందే. ఇక చలిగాలులు, పచ్చని కొండలు, పక్షుల కిలకిలరావాలు, జలపాతాలు… కర్ణాటకలోకి కూర్గ్ ప్రాంతం అందాలకు ఎవ్వరైనా ఫిదా అవ్వాల్సిందే. అందుకే ఇండియాను పాలించిన ఆంగ్లేయులే ఈ ప్రాంతాన్ని ''స్కాంట్లాండ్ ఆఫ్ ఇండియా'' గా అభివర్ణించారు. దక్షిణాది ప్రజలు దీనిని కర్ణాటక కాశ్మీర్‌గా పిలుచుకుంటారు.

కూర్గ్ (కొడగు) నవంబర్ ట్రిప్‌కు పర్ఫెక్ట్ ప్లేస్. ఇక్కడ ఉదయం పూట వాతావరణం భలే ఆహ్లాదకరంగా ఉంటుంది. ఇక్కడి అందాలను పరవశించనివారు ఉండరంటే అతిశయోక్తి కాదు… అందుకే కూర్గ్ కు వెళితే తిరిగి వెనక్కి రావాలనిపించదని చాలామంది చెబుతుంటారు.

ఇండియాలో అత్యధికంగా కాఫీని ఉత్పత్తిచేసే ప్రాంతం కూర్గ్. కొండల అంచుల్లోని ఆ కాఫీతోటలు పర్యాటకులను కట్టిపడేస్తాయి… వీటి మధ్య మీ పార్ట్‌నర్‌తో కలిసి నడుస్తుంటే ఆ ఫీలింగే వేరు. అబ్బే ఫాల్స్, రాజా సీట్, దుబారే ఎలిఫెంట్ క్యాంప్, తలకావేరి లాంటివి ఇక్కడ చూడొచ్చు. ఫ్యామిలీ, ఫ్రెండ్స్‌తో వెళ్లడానికి ఇది బెస్ట్ స్పాట్.

మైసూర్ దగ్గర్లోని కబిని డ్యామ్ చలికాలంలో చూడాల్సిన బెస్ట్ ప్లేస్. మీరు కూర్గ్ వెళ్లేటప్పుడు లేదా వస్తున్నప్పుడు దీన్ని కవర్ చేయొచ్చు. ఇక్కడ వైల్డ్ లైఫ్ సఫారీ చాలా ఫేమస్. ఏనుగులు, పులులు, రకరకాల పక్షులను దగ్గరి నుంచి చూడొచ్చు.

కబిని బ్యాక్ వాటర్స్ అందాలు మిమ్మల్ని కట్టిపడేస్తాయి. నేచర్ లవర్స్‌కు ఇది పర్ఫెక్ట్ స్పాట్. అయితే సఫారీ టైమింగ్స్, పర్మిషన్స్ గురించి ముందే తెలుసుకుని వెళ్లడం మంచిది.

నవంబర్ ట్రిప్‌కు గోకర్ణ కూడా బెస్ట్ ఆప్షన్. ఓం బీచ్, కుడ్లే బీచ్, మహాబలేశ్వర్ టెంపుల్, అరేబియా సముద్రం అందాలు ఇక్కడ స్పెషల్. వానాకాలం తర్వాత ఇక్కడి వాతావరణం చాలా బాగుంటుంది. అయితే సముద్రంలోకి దిగేముందు స్థానిక భద్రతా నియమాలను కచ్చితంగా పాటించండి.

నవంబర్‌లో వెళ్లాల్సిన మరో అందమైన ప్లేస్ చిక్కమగళూరు. ముళ్లయనగిరి, బాబాబుడన్‌గిరి, కాఫీ తోటలు ఇక్కడ స్పెషల్. మీరు ట్రెక్కింగ్ ఇష్టపడేవారైతే కచ్చితంగా ఇక్కడికి వెళ్లాల్సిందే. నవంబర్‌లో వానలు తగ్గి, వాతావరణం చల్లగా ఉంటుంది.

కర్ణాటకలోనే ఎత్తైన శిఖరం ముళ్లయనగిరి ఇక్కడే ఉంది. ఝరి ఫాల్స్, కాఫీ తోటల అందాలను ఇక్కడ ఎంజాయ్ చేయొచ్చు. ఫోటోగ్రఫీ ఇష్టపడేవాళ్లకు ఇది సూపర్ స్పాట్.

హంపి

చలికాలంలో హంపి ట్రిప్ ఒక డిఫరెంట్ ఎక్స్‌పీరియన్స్ ఇస్తుంది. డిసెంబర్, జనవరిలో రద్దీ ఎక్కువగా ఉంటుంది కాబట్టి నవంబర్‌లో వెళ్లడం బెస్ట్. విజయనగర సామ్రాజ్య వైభవాన్ని ఇక్కడ కళ్లారా చూడొచ్చు. రాతి రథం, విరూపాక్ష, విజయ విఠల ఆలయాలు, తుంగభద్ర నది అందాలు ఆకట్టుకుంటాయి.

నవంబర్‌లో ఎండ తక్కువగా ఉంటుంది కాబట్టి పగటిపూట హంపి అంతా నడుచుకుంటూ తిరగొచ్చు. యునెస్కో గుర్తింపు పొందిన ఈ ప్లేస్ హిస్టరీ లవర్స్‌కు బాగా నచ్చుతుంది. పక్కనే ఉన్న అంజనాద్రి కొండ పైనుంచి హంపిని చూస్తే ఆ వ్యూ అద్భుతంగా ఉంటుంది.

Village: ఎంత పెద్ద తుఫాన్ వచ్చినా.. ఈ గ్రామంలోకి అడుగుపెట్టడానికి ‘ వరదలు’ భయపడతాయి..!

ramya Sridhar — Sat, 31 Oct 2026 18:38:36 +0530

Village: తుఫాన్ వచ్చినా, భారీ వర్షాలు వచ్చినా, వరదలు వచ్చినా... చాలా గ్రామాలు నీట మునిగిపోతాయి. కానీ, ఎంత పెద్ద తుఫాన్ వచ్చినా... ఈ గ్రామంలోకి అడుగుపెట్టవు. వరదలే భయపడి పారిపోతాయి. ఇంతకీ ఆ గ్రామం ఏంటి?

సాధారణంగా ప్రతి సంవత్సరం వర్షాకాలంలో, తుఫాన్ సమయంలో సముద్ర తీర ప్రాంతాల్లోని గ్రామాలు నీట మునిగిపోతూ ఉంటాయి. కానీ ఓ గ్రామంలోకి మాత్రం... ఎంత పెద్ద తుఫాన్ వచ్చినా కూడా వరదలు అడుగు కూడా పెట్టలేవు. అదే.. ఫిలిప్పీన్స్ లోని నార్త్ మనీలా బే సమీపంలో ఉన్న పమరవాన్ అనే మత్స్యకార గ్రామం. ఈ గ్రామంలోకి వరదలు ఎందుకు అడుగుపెట్టలేవు? రెండేళ్లవరకు చిన్న వరదలకే ఇబ్బంది పడ్డ ఆ గ్రామం సడెన్ గా ఎలా మారిపోయింది?

ఒకప్పుడు చిన్నపాటి వరదలకే... ఈ గ్రామం అతలాకుతలం అయిపోయేది. దీని వల్ల గ్రామస్థులు చాలా ఇబ్బందులు పడేవారు. సముద్రం నుంచి వచ్చే భారీ అలల ఉధృతిని తగ్గించడానికి ఇక్కడ డచ్ ఇంజనీరింగ్ సంస్థ ‘హస్కోనింగ్’ ఒక ప్రయోగాత్మక ప్రాజెక్టును పూర్తి చేసింది. అందుకోసం ఎలాంటి కాంక్రీట్ గోడలు లేదా సిమెంట్ వాడలేదు. కేవలం వెదురు బొంగులతో రక్షణ కవచాన్ని ఏర్పాటు చేశారు. సముద్రంలో దాదాపు 14 హెక్టార్ల పరిధిలో ఒకదానితో ఒకటి అనుసంధానం చేస్తూ వెదురు బొంగులతో చట్రాలను అమర్చారు. ఇవి రాకాసి అలల వేగాన్ని పూర్తిగా తగ్గించేస్తాయి. అంతేకాకుండా, కొబ్బరి పీచుతో చేసిన నెట్లలో గుల్లలు నింపి సముద్రంలో ఉంచారు. ఇవి సహజమైన అలైన్మెంట్ లాగా పని చేసి అలల ఒత్తిడిని ఆపేస్తాయి.

ఈ వెదురు బొంగులతో చేసిన ఐడియా ఈ గ్రామ భవిష్యత్తునే మార్చేసింది. పొరుగు ఊళ్లు మొత్తం మునిగినా కూడా ఈ ఊరిలోకి మాత్రం చిన్న బొట్టు నీరు కూడా రాలేదు. ఇటీవల ఆగస్టు 2026లో అక్కడ కుండపోత వర్షాలు కురిసి, తీవ్రమైన వరదలు వచ్చాయి. ఆ వరదలకు పక్కనే ఉన్న ఎత్తైన ప్రాంతాల్లోని గ్రామాలు కూడా నీట మునిగిపోయాయి. ఎంతో మంది ఇబ్బంది పడ్డారు. కానీ, ఈ గ్రామ ప్రజలు మాత్రం సురక్షితంగా ఉన్నారు. తీర ప్రాంతంలో ఉన్నా కూడా ఈ పమరవాన్ గ్రామానికి మాత్రం పైసా నష్టం జరగలేదు. సముద్రం నీరు ఈ ఊరిలోకి అడుగుపెట్టలేదు. ప్రస్తుతం ఈ గ్రామం... చుట్టుపక్కల గ్రామాలకు ఆదర్శంగా నిలుస్తోంది.

Seafood Capital: మన దేశపు సీఫుడ్ రాజధాని ఇదే... ఇక్కడ దొరికే చేపల రకాలు మరెక్కడా దొరకవు..!

ramya Sridhar — Sat, 31 Oct 2026 16:39:41 +0530

Seafood Capital: చికెన్, మటన్ కి మించిన క్రేజ్ చేపలకు ఉంటుంది. మన దేశంలో చాలా చోట్ల చేపలు దొరుకుతాయి. కానీ, స్పెషల్ గా సీఫుడ్ కి ఒక స్పెషల్ క్యాపిటల్ ఉంది. అక్కడ దొరికినన్ని చేపల రకాలు మీకు మరెక్కడా దొరకవు.

భారతదేశంలో సీఫుడ్ అంటే కేవలం ఒక ఆహారం మాత్రమే కాదు... అది ఒక సంప్రదాయం. చాలా మందికి జీవనోపాధి. ఘాటైన రొయ్యల ఇగురు నుంచి... కమ్మని చేపల పులుసు, ఫిష్ ఫ్రై వరకు ప్రతి తీర ప్రాంతానికి దానికంటూ ప్రత్యేకమైన రుచులు, కథలు ఉన్నాయి. దేశవ్యాప్తంగా సీఫుడ్ ని ఇష్టపడేవారు ఉన్నారు... దాదాపు దేశంలోని అన్ని ప్రాంతాల్లోనూ సీ ఫుడ్ దొరకచ్చు. కానీ, దేశవ్యాప్తంగా ఎక్కడా దొరకనన్ని చేపల రకాల, పలు రకాల సీఫుడ్స్ దొరికే ఓ ప్రదేశం ఉంది. మన దేశంలోనే సీఫుడ్ కి రాజధానిగా నిలిచిన ప్రదేశం ఒకటి ఉంది. అది ఏంటి? దాని ప్రత్యేకత ఏంటి అనే విషయాలు ఇప్పుడు తెలుసుకుందాం...

మన తెలుగు రాష్ట్రాల్లో సీఫుడ్ విపరీతంగా దొరికే ప్రదేశాలు చాలా ఉన్నాయి. వాటిని మించిన ప్రదేశం మరొకటి ఉంది అదే.అరేబియా సముద్ర తీరాన నైరుతి భారతదేశంలో ఉన్న కొచ్చి నగరం. ఇక్కడ సీ ఫుడ్ తో ఉన్న బంధం కేవలం వంటకాలకే పరిమితం కాలేదు. అది ఆర్థిక, సాంస్కృతికంగా చాలా పేరు పొందింది. శతాబ్దాలుగా చాలా మంది ప్రజలు ఇక్కడ చేపలు పడుతూ తమ జీవితాన్ని సాగిస్తున్నారు. ఉదయం సూర్యోదయానికి ముందే చపల వేటకు వెళ్లి.. మధ్యాహ్నం అదే చేపలను వేలం వేస్తూ మత్స్యకారులు అక్కడ చాలా ఎక్కువగా కనిపిస్తారు.

కొచ్చిలో ఎక్కువగా ఎలాంటి సీఫుడ్ దొరుకుతుందంటే...

తాజా రొయ్యలు పెర్ల్ స్పాట్ ఫిష్ - కొర్రమీను..

పీతలు, లాబ్ స్టర్స్,

మస్ల్స్, క్లామ్స్ స్క్విడ్ , కటిల్‌ఫిష్ సీర్ ఫిష్ , ట్యూనా రకం చేపలు చాలా ఎక్కువగా దొరుకుతాయి.

చాలా తీర ప్రాంతాల్లో చేపలు, సీఫుడ్స్ దొరుకుతాయి. కానీ, వల వేసి చేపలను పట్టి.. రెండు, మూడు రోజుల తర్వాత వాటిని అమ్మే అవకాశం ఉంటుంది. కానీ, కొచ్చిలో మాత్రం కాదు. ఇక్కడి తీర ప్రాంతంలో చేపలు నేరుగా బోటులో నుంచి వంట గదిలోకి అడుగుపెడతాయి. అంటే... ఇక్కడ దొరికినంత తాజాగా చేపలు మరెక్కడా దొరకవు.

చాలా నగరాల్లో సీఫుడ్ కేవలం ఒక పాపులర్ వంటకం కాకపోవచ్చు. కానీ కొచ్చిలో మాత్రం అది ఒక జీవన విధానం. ఇక్కడ సీఫుడ్ తయారు చేసే వంటల్లో కచ్చితంగా కొబ్బరి, కరివేపాకు, ఆవాలు, నల్లమిరియాలు, పచ్చిమిర్చి, చింతపండు వాడతారు. అంతేకాదు.. చాలా తక్కువ మంట మీద నెమ్మదిగా వండతారు. అందుకే.. ఇక్కడ సీఫుడ్ చాలా రుచిగా ఉంటుంది. ఇక్కడ అతి పెద్ద ఫిష్ మార్కెట్ కూడా ఉంది. చాలా మంది.. ఆ మార్కెట్ కి వెళ్లి... డైరెక్ట్ గా కొనుక్కొని వెళ్తూ ఉంటారు. కేవలం అక్కడి స్థానికులు మాత్రమే కాదు... పర్యాటకులు కూడా అక్కడి చేపలను డైరెక్ట్ గా కొనుక్కొని.. తాము ఉన్న హోటల్ కి తీసుకువెళ్లి స్పెషల్ గా వండించుకుంటూ ఉంటారు.

కొచ్చిలో తప్పకుండా రుచి చూడాల్సిన సీఫుడ్ డిషెస్...

మీరు కనుక ఎప్పుడైనా కొచ్చి వెళితే.. ఈ కింది డిషెస్ టేస్ట్ చేయడం అస్సలు మర్చిపోవద్దు.. ఈ ఫుడ్స్ మీకు కేవలం ఫేమస్ రెస్టారెంట్స్ లో మాత్రమే కాదు.. అక్కడ ఏ ఇంటికి వెళ్లినా.. ఇంతే అద్భుతంగా వండిపెడతారు.

కొరమీను పొలిచత్తు : మసాలాలతో మారినేట్ చేసిన పెర్ల్ స్పాట్ చేపను అరటి ఆకులో చుట్టి, నెమ్మదిగా కాల్చి తయారు చేసే అద్భుతమైన వంటకం.

కేరళ ఫిష్ కర్రీ : కొబ్బరి, చింతపండు, ఆ రోజు దొరికిన తాజా చేపలతో చేసే కమ్మనైన పులుసు.

చెంమీన్ కర్రీ : కేరళ తీర ప్రాంత రుచులను పూర్తిగా ప్రతిబింబించే రిచ్ ప్రాన్స్ (రొయ్యల) కూర.

క్రాబ్ రోస్ట్ : కరివేపాకు, ఉల్లిపాయలు దట్టించిన మసాలాలో వండిన కారకారలాడే పీతల రోస్ట్.

మీన్ మోయిలీ : కొబ్బరి పాలు, పసుపు, పచ్చిమిర్చితో వండే లైట్ ఫిష్ కర్రీ.

కొచ్చి ఎందుకు ఇప్పటికీ అగ్రస్థానంలో ఉంది?

మంగళూరు, విశాఖపట్నం, చెన్నై లాంటి నగరాలు కూడా అద్భుతమైన సీఫుడ్‌కు పేరుగాంచినవే. ప్రతి నగరానికి దానికంటూ బలమైన తీర ప్రాంత ఆహార సంస్కృతి ఉంది. అయితే కొచ్చి నే సీఫుడ్ క్యాపిటల్ గా ఎందుకు నిలిచింది అంటే.. అక్కడ ఉన్న ఓడరేవు, మత్స్యాకారుల సంప్రదాయాలు, స్థానిక సీఫుడ్ వెరైటీలు, పేరుగాంచిన కేరళ వంటకాలు.. ఇవన్నీ.. కొచ్చీని టాప్ లో ఉంచాయి.

Chicken Gravy: చికెన్ గ్రేవీ ఇలా చేస్తే లొట్టలేసుకుంటూ తింటారు.. టేస్ట్ అదిరిపోద్ది అంతే!

Kavitha G — Sat, 31 Oct 2026 16:10:55 +0530

Chicken Gravy : రెగ్యులర్ చికెన్ గ్రేవీ తిని బోర్ కొట్టిందా? అయితే ఈ రెసిపీ మీకోసమే. చికెన్ గ్రేవీలో ఈ రెండు పదార్థాలు కలపడం ద్వారా చికెన్ మరింత రుచిగా మారిపోతుంది. మరి మళ్లీ మళ్లీ తినాలనిపించే ఈ చికెన్ గ్రేవీ రెసిపీ గురించి తెలుసుకుందామా…

చికెన్ గ్రేవీ అనగానే టమాట, ఉల్లిపాయ, కొబ్బరి వేసి చేసే రెగ్యులర్ టేస్టే గుర్తొస్తుందా? అయితే ఈసారి కాస్త వెరైటీగా చింతపండు పులుసు పోసి చికెన్ గ్రేవీ చేసి చూడండి. చింతపండు పులుపు, వేయించిన పల్లీల రుచి, మసాలాల ఘాటు కలిసి ఈ గ్రేవీకి అదిరిపోయే టేస్ట్ ఇస్తాయి.

అన్నం, ఇడ్లీ, దోశ, చపాతీ.. ఇలా దేనితో తిన్నా ఈ చింతపండు చికెన్ గ్రేవీ సూపర్ గా ఉంటుంది. ఇంట్లో ఉండే వస్తువులతోనే దీన్ని ఈజీగా వండేయొచ్చు. రొటీన్ చికెన్ గ్రేవీకి బదులు కొత్త టేస్ట్ కావాలనుకునే వాళ్లు ఈ రెసిపీని ట్రై చేయవచ్చు.

చికెన్ ఉడికించడానికి:

చికెన్ - 1/2 కిలో
చింతపండు - నిమ్మకాయ సైజు
నూనె - 3 టేబుల్ స్పూన్లు
జీలకర్ర - 1 టీస్పూన్
కరివేపాకు - కొద్దిగా
నీళ్లు - తగినన్ని

మసాలా పేస్ట్ కోసం:

పెద్ద ఉల్లిపాయలు - 2
పచ్చిమిర్చి - 2
కరివేపాకు - 1 రెమ్మ
కొత్తిమీర - కొద్దిగా
వేయించిన వేరుశనగలు - 2 టేబుల్ స్పూన్లు
అల్లం - 1 చిన్న ముక్క
వెల్లుల్లి - 6 రెబ్బలు
ఉప్పు - తగినంత
మిరియాల పొడి - 1/2 టీస్పూన్
ధనియాల పొడి - 2 టీస్పూన్లు
గరం మసాలా - 1 టీస్పూన్
కారం - 1 టీస్పూన్
నీళ్లు - తగినన్ని

ముందుగా మిక్సీ జార్ లో ఉల్లిపాయలు, పచ్చిమిర్చి, కరివేపాకు, కొత్తిమీర, వేయించిన వేరుశనగలు, అల్లం, వెల్లుల్లి వేసుకోవాలి. అందులోనే ఉప్పు, మిరియాల పొడి, ధనియాల పొడి, గరం మసాలా, కారం వేసి కొద్దిగా నీళ్లు పోసి మెత్తటి పేస్ట్ లాగా మిక్సీ పట్టుకోవాలి. అలాగే చింతపండును వేడి నీళ్లలో నానబెట్టి పులుసు తీసి వడకట్టుకోవాలి.

ఇప్పుడు స్టవ్ మీద కడాయి పెట్టి నూనె పోయాలి. నూనె వేడయ్యాక జీలకర్ర వేసి వేయించాలి. ఆ తర్వాత మిక్సీ పట్టుకున్న మసాలా పేస్ట్ వేసి మంటను మీడియంలో పెట్టి బాగా వేయించాలి. మసాలా పచ్చివాసన పోయి, నూనె పైకి తేలేవరకు వేయిస్తే గ్రేవీకి మంచి టేస్ట్ వస్తుంది.

ఇప్పుడు శుభ్రంగా కడిగి పెట్టుకున్న చికెన్ ముక్కలను కడాయిలో వేయాలి. మసాలా అంతా చికెన్ ముక్కలకు పట్టేలా 3 నుంచి 4 నిమిషాల పాటు బాగా కలపాలి. ఆ తర్వాత కొన్ని నీళ్లు పోసి మూతపెట్టి మీడియం మంట మీద ఉడికించాలి.

చికెన్ సగం ఉడికాక, వడకట్టి పెట్టుకున్న చింతపండు పులుసును చికెన్ గ్రేవీలో పోసి బాగా కలపాలి. పులుసు పోశాక మరో 2 నిమిషాలు మరగనివ్వాలి. ఆ తర్వాత చికెన్ పూర్తిగా ఉడికి, గ్రేవీ చిక్కబడే వరకు మీడియం మంట మీదే ఉడికించాలి. గ్రేవీ బాగా చిక్కబడ్డాక పైన కొద్దిగా కరివేపాకు చల్లి స్టవ్ ఆఫ్ చేసుకోవాలి. అంతే, ఎంతో రుచికరమైన చింతపండు చికెన్ గ్రేవీ రెడీ అయిపోయినట్లే.

Grey Hair: ఈ పాతకాలం బ్యూటీ ట్రిక్ తో డై వేయకుండానే జుట్టు నిగనిగలాడుతుంది

Nandini Arava — Sat, 31 Oct 2026 12:54:41 +0530

Grey Hair: ఇప్పుడున్న లైఫ్ స్టైల్ కి వయసుతో సంబంధం లేకుండా అందరికీ గ్రే హెయిర్ వచ్చేస్తోంది. అలా అని పదే పదే హెయిర్ డై వాడుతున్నారా? అయితే కెమికల్ లేకుండా ఇలా నేచురల్ గా కూడా జుట్టుకు కలర్ వేయొచ్చు. అదెలాగో ఇక్కడ చూద్దాం.

వయసుతో సంబంధం లేకుండా ఇప్పుడు చాలా మందికి చిన్న వయసులోనే తెల్ల జుట్టు వచ్చేస్తోంది. దీన్ని కవర్ చేయడానికి రకరకాల హెయిర్ డైలు వాడుతుంటారు. అయితే, మనం రోజూ ఇంట్లో వాడే టీపొడితో తెల్ల జుట్టును తాత్కాలికంగా కవర్ చేయొచ్చని మీకు తెలుసా?

అవును, టీపొడితో చేసే డికాషన్ జుట్టుకు రాయడం అనేది పాతకాలం నాటి బ్యూటీ ట్రిక్. అసలు దీని వల్ల నిజంగా లాభం ఉందా? దీన్ని ఎలా వాడాలి? ఎలాంటి జాగ్రత్తలు తీసుకోవాలో ఇప్పుడు చూద్దాం.

బ్లాక్ టీలో సహజంగానే టానిన్స్ (Tannins), థియాఫ్లావిన్స్ (Theaflavins), థియారుబిగిన్స్ (Thearubigins) లాంటి పిగ్మెంట్లు ఉంటాయి. ఈ బ్లాక్ టీ డికాషన్ జుట్టుకు రాసినప్పుడు, ఆ ముదురు రంగు జుట్టు పైన ఒక లేయర్‌లా ఏర్పడి తాత్కాలికంగా నలుపు రంగును ఇస్తుంది.

దీనివల్ల తెల్ల జుట్టు నల్ల జుట్టులో కలిసిపోయి పెద్దగా బయటకు కనిపించదు. కానీ ఇక్కడో విషయం గుర్తుపెట్టుకోవాలి. టీ డికాషన్ తెల్ల జుట్టును శాశ్వతంగా నల్లగా మార్చదు. జుట్టు కుదుళ్లలో మెలనిన్ ఉత్పత్తిని పెంచి, సహజమైన నలుపు రంగును తిరిగి తెస్తుందనడానికి ఎలాంటి సైంటిఫిక్ ప్రూఫ్ లేదు.

ఇంట్లోనే చాలా ఈజీగా దీన్ని తయారు చేసుకోవచ్చు.

కావాల్సినవి:

• 2 నుంచి 3 స్పూన్ల బ్లాక్ టీ పొడి.

• 2 కప్పుల నీళ్లు.

• ఒక గిన్నె.

తయారీ విధానం:

1. గిన్నెలో రెండు కప్పుల నీళ్లు పోసి మరిగించాలి.

2. అందులో 2, 3 స్పూన్ల టీపొడి వేయాలి.

3. సన్నని మంటపై 5 నుంచి 10 నిమిషాల పాటు బాగా మరగనివ్వాలి.

4. నీళ్లు ముదురు రంగులోకి మారగానే స్టవ్ ఆఫ్ చేయాలి.

5. బాగా చల్లారాక వడకట్టుకోవాలి.

జుట్టుకు ఎలా రాయాలి?

• ముందుగా జుట్టును శుభ్రంగా కడుక్కోవాలి.

• తయారు చేసి పెట్టుకున్న టీ డికాషన్‌ను జుట్టు కుదుళ్ల నుంచి చివర్ల వరకు, ముఖ్యంగా తెల్ల జుట్టు ఉన్నచోట బాగా పట్టించాలి.

• ఒక 15 నుంచి 30 నిమిషాల పాటు అలాగే వదిలేయాలి.

• ఆ తర్వాత నార్మల్ వాటర్‌తో తలస్నానం చేయాలి.

• జుట్టు డ్రైగా అనిపిస్తే కండిషనర్ వాడుకోవచ్చు.

ఇది జుట్టు తత్వాన్ని బట్టి రిజల్ట్ మారుతుంది. కాబట్టి ముందుగా కొద్దిగా రాసి టెస్ట్ చేసుకోవడం మంచిది.

బ్లాక్ టీలోని పిగ్మెంట్లు జుట్టు పైన కోటింగ్ లాగా ఏర్పడి, తెల్ల జుట్టును కవర్ చేస్తాయి. ఇంట్లో ఉండే వస్తువులతోనే సులభంగా తయారు చేసుకోవచ్చు. ఖరీదైన బ్యూటీ ప్రొడక్ట్స్ కొనాల్సిన అవసరం లేదు. కెమికల్ హెయిర్ డైలు వాడటం ఇష్టం లేనివాళ్లు, ఈ న్యాచురల్ పద్ధతిని ట్రై చేయొచ్చు. అయితే, టీ డికాషన్ వల్ల జుట్టు పెరుగుతుందని లేదా జుట్టు రాలడం తగ్గుతుందని చెప్పడానికి ఎలాంటి ఆధారాలు లేవు.

వాడేటప్పుడు గుర్తుంచుకోవాల్సినవి:

టీ డికాషన్ అందరికీ ఒకేలా పనిచేయదు. జుట్టు మొత్తం తెల్లబడిపోయిన వాళ్లకు ఇది పెద్దగా రిజల్ట్ ఇవ్వకపోవచ్చు. చర్మానికి పడుతుందో లేదో తెలుసుకోవడానికి ముందుగా ప్యాచ్ టెస్ట్ చేసుకోవాలి. ఈ నీళ్లు కళ్లలో పడకుండా చూసుకోవాలి. బట్టలు, దిండు కవర్ల మీద మరకలు పడే ఛాన్స్ ఉంది. దురద, మంట లేదా దద్దుర్లు వస్తే వెంటనే వాడటం ఆపేయాలి. మొక్కల నుంచి వచ్చే సహజమైన వస్తువులు కూడా కొందరికి ఎలర్జీని కలిగిస్తాయని అధ్యయనాలు చెబుతున్నాయి.

తెల్ల జుట్టు రావడానికి ఒకే ఒక్క కారణం ఉండదు. ముఖ్యమైన కారణాలు చూస్తే..వంశపారంపర్యం, వయసు పెరగడం, దీర్ఘకాలిక ఒత్తిడి, పోషకాల లోపం, కొన్ని రకాల ఆరోగ్య సమస్యలు. జుట్టుకు సహజమైన రంగును ఇచ్చే మెలనిన్ (Melanin) ఉత్పత్తి తగ్గినప్పుడు తెల్ల జుట్టు వస్తుంది. చిన్న వయసులోనే అకస్మాత్తుగా జుట్టు ఎక్కువగా తెల్లబడితే, వెంటనే డాక్టర్‌ను కలిసి టెస్టులు చేయించుకోవడం మంచిది. ముఖ్యంగా విటమిన్ లోపం లాంటివి ఉన్నాయేమో తెలుసుకోవచ్చు.

తెలుసుకోవాల్సిన నిజం!

టీ డికాషన్ అనేది తెల్ల జుట్టును శాశ్వతంగా మాయం చేసే మ్యాజిక్ మెడిసిన్ కాదు. బ్లాక్ టీ రంగు వల్ల జుట్టుకు తాత్కాలికంగా నలుపు రంగు వస్తుందంతే. కాబట్టి, తెల్ల జుట్టును కవర్ చేయడానికి న్యాచురల్ పద్ధతులు వెతికేవాళ్లు దీన్ని ఒక తాత్కాలిక బ్యూటీ టిప్‌గా మాత్రమే చూడాలి. అసలు తెల్ల జుట్టు ఎందుకు వస్తుందో కారణం తెలుసుకుని, దానికి తగ్గట్టుగా ట్రీట్‌మెంట్ తీసుకోవడం ఉత్తమం.

Pearl Choker: చీరలో మీ అందాన్ని రెట్టింపు చేసే ముత్యాల చోకర్లు

ramya Sridhar — Sat, 31 Oct 2026 12:47:24 +0530

Pearl Choker: అమ్మాయిల మెడలో ముత్యాలు చాలా అందంగా ఉంటాయి. ముఖ్యంగా.. ఇలాంటి ముత్యాల చోకర్లు… చీరల మీదకు మరింత అందంగా చూపిస్తాయి. అలాంటి డిజైన్లు ఓసారి చూద్దాం…

Dmart: డీమార్ట్ లో సరుకులు కొంటున్నారా? ఇవి బల్క్ లో కొంటే..మీ డబ్బులు బూడిదలో పోసిన పన్నీరే..!

ramya Sridhar — Sat, 31 Oct 2026 11:17:24 +0530

Dmart: నెలవారీ సరుకులు డీమార్ట్ లో కొంటున్నారా? ఒకేసారి బల్క్ లో కొనుగోలు చేస్తున్నారా? అయితే, కొన్ని వస్తువుల విషయంలో మాత్రం ఆ పొరపాటు చేయకూడదు. వేటిని ఎక్కువ క్వాంటిటీలో కొనకూడదో తెలుసా?

ఈ రోజుల్లో ఇంట్లోకి నెలవారీ సరుకులు కావాలి అంటే దాదాపు అందరూ డీమార్ట్ లేదా ఏదైనా సూపర్ మార్కెట్ కే వెళ్లిపోతున్నారు. ఆ స్టోర్స్ లో నిత్యం ఏవో ఒక ఆఫర్లు ఉంటూనే ఉంటాయి. 20శాతం ఆఫర్, బై 1 గెట్ 1 ఫ్రీ అనే బోర్డులు మనల్ని చాలా ఎక్కువగా ఆకర్షిస్తాయి. ఆ ఆఫర్లు చూసి డబ్బులు మిగులుతాయి కదా అని.. అవసరం ఉన్నా లేకున్నా చాలా మంది.. ప్రతి వస్తువును కేజీలకు కేజీలు, ప్యాకెట్లకు ప్యాకెట్లు బల్క్ గా కొనేస్తుంటారు. సరుకుల కోసం పదే పదే షాప్ కి వెళ్లే పని తప్పుతుంది కదా, ఆఫర్ లో తక్కువకి వస్తున్నాయని.. కొన్ని సరుకులను బల్క్ లో ఎప్పుడూ కొనుగోలు చేయకూడదు. ఇలా చేయడం వల్ల డబ్బులు ఆదా అవ్వడం అటునుంచి, అవి పాడైపోయి చెత్తబుట్టలో పారేయాల్సి ఉంటుంది. అవేంటో చూద్దాం...

ఆరోగ్యానికి మేలు చేసే పండ్లు, పాలు, కూరగాయలు కొనుక్కోవడంలో తప్పు లేదు.కానీ, వీటని బల్క్ లో అస్సలు కొనకూడదు. తక్కువ ధరకు వస్తున్నాయని పెద్ద సంచి నిండా యాపిల్స్, టమాటలు, పాలు, పెరుగు లాంటివి కొనుగోలు చేస్తే.. అవి తొందరగా పాడైపోతాయి. ఇవి చాలా తొందరగా పాడైపోతాయి కాబట్టి.. అవసరం అయినంత వరకు మాత్రమే కొనుక్కోవాలి, అయిపోయాకక మళ్లీ తాజాగా కొని తెచ్చుకోవడం తెలివైన పని.

మసాలా దినుసులు...

మన భారతీయ వంటకాల్లో మసాలా దినసులు ఎంత కీలకమో చెప్పాల్సిన అవసరం లేదు. కానీ, మసాలాలకు కూడా ఎక్స్ పైరీ డేట్ కూడా ఉంటుంది. మనం ఎక్కువ మొత్తంలో కొనుగోలు చేసి.. ఇంట్లో డబ్బాల్లో నిల్వ చేసుకోవడం వల్ల ఎలాంటి ఉపయోగం ఉండదు. సరిగా నిల్వ చేయకపోతే.. మసాలాలు తమ రుచిని, సువాసన కోల్పోతాయి. అందుకే, వీటిని కూడా ఎక్కువ క్వాంటిటీలో కొనుగోలు చేయకూడదు.

వంట నూనెలను బల్క్‌గా కొని తెచ్చుకుంటే నిల్వ చేసుకోవడం మంచిది కాదు. అన్ని రకాల ఆయిల్స్ కాలక్రమేణా పాడైపోతాయి. మీ ఇంట్లోని నూనె పాడైందో లేదో తెలుసుకోవడానికి ఒక స్పూన్ ఆయిల్ తీసి వాసన చూడండి. అది మెటల్స్ లేదా క్రేయాన్స్ వాసన వస్తుంటే అది పాడైపోయినట్లే. అందుకే నూనెలను ఎప్పటికప్పుడు చిన్న ప్యాకెట్లలో కొనుక్కోవడం శ్రేయస్కరం.

4. కోడిగుడ్లు

పోషకాలు నిండిన కోడిగుడ్లు సాధారణంగా తక్కువ ధరకే లభిస్తాయి, ట్రేల రూపంలో కొంటే ఇంకా చౌకగా అనిపిస్తాయి. కానీ గుడ్లు కూడా త్వరగా పాడైపోతాయి. అధికారిక 'Ask USDA' సమాచారం ప్రకారం.. ఫ్రిజ్‌లో ఉంచిన గుడ్లు గరిష్టంగా 5 వారాల వరకు మాత్రమే తాజాగా ఉంటాయి. కాబట్టి ఆఫర్ ఉందని డజన్ల కొద్దీ కొని ఫ్రిజ్‌లో పెట్టేయడం సరికాదు.

బిగ్ మార్కెట్లలో కూల్ డ్రింక్స్‌పై ఎప్పుడూ "బై 1 గెట్ 1" ఆఫర్లు దర్శనమిస్తుంటాయి. కానీ వీటిని బల్క్‌గా కొనడం వల్ల ఎలాంటి ఉపయోగం ఉండదు. కూల్ డ్రింక్స్‌లో గ్యాస్ (Fizz), తాజా రుచి ఉండాలంటే వాటిని ఎల్లప్పుడూ చల్లగా నిల్వ చేయాలి. ఎక్కువ బాటిళ్లు కొంటే ఫ్రిజ్‌లో స్థలం సరిపోక ఇబ్బంది పడాల్సి వస్తుంది, పైగా త్వరగా తాగేయాలనే ఒత్తిడి పెరుగుతుంది.

పిండి..

మనం ఇంట్లో గోధుమ పిండి వాడినట్లుగా ఇతర మొక్కజొన్న పిండి, బియ్యం పిండి వాడం. ఈ పిండి పదార్థాలు గాలిలోని తేమను త్వరగా పీల్చుకుని బూజు పట్టడం లేదా వాసన రావడం జరుగుతుంది. వీటిని ఫ్రిజ్‌లో పెట్టి నిల్వ చేయవచ్చు కానీ.. బల్క్‌గా కొంటే ఫ్రిజ్ అంతా వీటితోనే నిండిపోతుంది.

అందుకే, వస్తువులు ఆఫర్ లో వస్తున్నాయి అని ఎగబడి కొనే ముందు.. వాటిని మనం ఎంతకాలంలో వాడగలమో ఆలోచించడం చాలా అవసరం.

Arranged Marriage: అరేంజ్ట్ మ్యారేజీలో ఈ విషయాలే గొడవలకు కారణం

Nandini Arava — Sat, 31 Oct 2026 11:07:24 +0530

Arranged Marriage: అరేంజ్డ్ మ్యారేజ్‌లో పెళ్లికి ముందు ఎన్నో చూస్తారు. కుటుంబం, ఉద్యోగం, ఆస్తిపాస్తులపై ఆరా తీస్తారు. కానీ పెళ్లి తర్వాత భాగస్వామి ఏం కోరుకుంటారనేది పెద్దగా పట్టించుకోరు. అవే దంపతుల గొడవలకు కారణం. పెళ్లికి ముందు ఈ క్లారిటీ ఉండాలి.

పెళ్లికి ముందు ఇద్దరి కుటుంబాలు, అభిరుచులు, ఉద్యోగాలు, ఆర్థిక స్థితిగతులు.. ఇలా ఎన్నో విషయాలు చూసుకుంటారు. కానీ పెళ్లి తర్వాత ఒకరి నుంచి మరొకరు ఎలాంటి ఎక్స్ పర్ట్ చేస్తారన్నది చాలామంది పట్టించుకోరు. ముఖ్యంగా అరేంజ్డ్ మ్యారేజీల్లో ఈ ఐదు కోరికలే క్రమంగా భార్యాభర్తల మధ్య విభేదాలకు కారణం కావొచ్చు.

భాగస్వామి తన మనసులో ఏమనుకుంటున్నారో చెప్పకుండానే అర్థం చేసుకోవాలని చాలామంది ఆశిస్తుంటారు. ముఖ్యంగా ఏదైనా విషయంలో బాధపడినప్పుడు, ఎదుటివారే గుర్తించి మాట్లాడాలని కోరుకుంటారు. కానీ అవతలి వ్యక్తికి అసలు సమస్య ఏమిటో తెలియకపోతే ఎలా స్పందించాలో అర్థం కాదు. దీంతో చిన్న అపార్థాలు కూడా పెద్ద గొడవలకు దారితీస్తాయి. అందుకే మనసులోని భావాలను భాగస్వామితో నేరుగా పంచుకోవాలి. ఎదుటివారు తమ ఆలోచనలను చదవాలని ఆశించడం కంటే, ఓపెన్‌గా మాట్లాడటం ముఖ్యం.

పెళ్లి తర్వాత కొత్త కుటుంబానికి అలవాటు పడటం సహజం. అయితే ప్రతి విషయంలో ఒకరే సర్దుకుపోవాలని ఆశించడం సమస్యలకు దారితీస్తుంది. ముఖ్యంగా మహిళలు తమ ఇంటిని, కుటుంబాన్ని, స్నేహితులను వదిలి భర్త ఇంటికి వెళ్లి అక్కడి పరిస్థితులకు అనుగుణంగా మారాలని కొందరు భావిస్తుంటారు. తమ అలవాట్లు, ఇష్టాలు, వ్యక్తిగత ప్రణాళికలను పక్కన పెట్టాలని ఆశిస్తారు. కానీ ఇదే విధంగా అవతలి వ్యక్తి కూడా కొన్ని విషయాల్లో సర్దుకుపోవాలి. ఇద్దరిలో ఒకరే నిరంతరం రాజీపడుతుంటే కొంతకాలానికి అసంతృప్తి పెరుగుతుంది. వివాహ బంధంలో సర్దుబాటు అనేది ఇద్దరి వైపు నుంచి ఉండాలి.

అరేంజ్డ్ మ్యారేజీల్లో మొదటి నుంచి కుటుంబ సభ్యుల ప్రమేయం ఎక్కువగా ఉంటుంది. అయితే పెళ్లి తర్వాత కూడా ప్రతి నిర్ణయాన్ని తల్లిదండ్రులే తీసుకోవాలని ఆశిస్తే భార్యాభర్తల మధ్య సమస్యలు రావొచ్చు. ఎక్కడ ఉండాలి? డబ్బును ఎలా ఖర్చు చేయాలి? పొదుపు ఎంత చేయాలి? పిల్లలను ఎప్పుడు కనాలి? వంటి వ్యక్తిగత విషయాల్లో కూడా తల్లిదండ్రుల నిర్ణయాలకే ప్రాధాన్యం ఇస్తే భాగస్వామికి అసంతృప్తి కలగవచ్చు. పెద్దల సలహాలు తీసుకోవడం మంచిదే. కానీ తమ జీవితానికి సంబంధించిన ముఖ్యమైన నిర్ణయాల్లో భార్యాభర్తలిద్దరికీ సమాన ప్రాధాన్యం ఉండాలి.

ఉద్యోగం చేస్తున్న మహిళలు కూడా ఇంటి బాధ్యతలన్నీ నిర్వహించాలనే అంచనా కొన్ని కుటుంబాల్లో కనిపిస్తుంది. వంట చేయడం, ఇంటిని శుభ్రం చేయడం, కుటుంబ సభ్యుల అవసరాలు చూసుకోవడం వంటి పనులన్నీ భార్యే చేయాలని ఆశిస్తుంటారు. భర్త ఉద్యోగం చేస్తున్నాడనే కారణంతో ఇంటి పనుల నుంచి పూర్తిగా దూరంగా ఉండాలని భావిస్తారు. కానీ ఇద్దరూ ఉద్యోగాలు చేస్తున్నప్పుడు ఇంటి బాధ్యతలు కూడా ఇద్దరూ పంచుకోవాలి. లేదంటే ఒకరిపై పని భారం పెరిగి, మరొకరిపై అసంతృప్తి ఏర్పడుతుంది. ఇది క్రమంగా దాంపత్య జీవితంపై ప్రభావం చూపుతుంది.

అరేంజ్డ్ మ్యారేజ్‌లో పెళ్లికి ముందు పెద్దగా పరిచయం లేని ఇద్దరు వ్యక్తులు ఒక్కసారిగా జీవిత భాగస్వాములవుతారు. అలాంటప్పుడు పెళ్లయిన వెంటనే ఇద్దరి మధ్య ఎంతో ప్రేమ, చనువు ఏర్పడాలని ఆశిస్తుంటారు. కానీ ఒకరినొకరు అర్థం చేసుకోవడానికి సమయం అవసరం. అలవాట్లు, వ్యక్తిత్వం, భావోద్వేగ అవసరాలు తెలుసుకోవడానికి కొంత సమయం పట్టొచ్చు. మొదట్లో ఎక్కువగా మాట్లాడకపోయినా, వెంటనే తమ భావాలను వ్యక్తపరచకపోయినా ప్రేమ లేదని అర్థం కాదు. ఒకరికొకరు సమయం ఇవ్వకుండా వెంటనే అనుబంధం ఏర్పడాలని ఒత్తిడి చేస్తే బంధంలో అనవసరమైన సమస్యలు తలెత్తవచ్చు.

అరేంజ్డ్ మ్యారేజ్‌లో పెళ్లి చూపులు, కుటుంబ నేపథ్యం, ఉద్యోగం, ఆర్థిక స్థితిగతుల గురించి చర్చించడం ఎంత ముఖ్యమో.. పెళ్లి తర్వాత ఇద్దరి మధ్య ఉండాల్సిన అంచనాల గురించి మాట్లాడుకోవడం కూడా అంతే ముఖ్యం. కుటుంబ బాధ్యతలు, ఇంటి పనుల పంపకం, ఆర్థిక నిర్ణయాలు, వ్యక్తిగత స్వేచ్ఛ, భవిష్యత్తు ప్రణాళికలపై ముందుగానే స్పష్టత తెచ్చుకోవాలి. ఎందుకంటే పెళ్లి బంధం నిలబడటానికి కుటుంబాల అంగీకారంతో పాటు భార్యాభర్తల మధ్య పరస్పర అవగాహన, గౌరవం, నమ్మకం కూడా అవసరం.

Tribal Style Fish Fry: ఎప్పుడూ తినే చేపల వేపుడు కాదు..ఉసిరితో చేసే ఈ రెసిపీ తింటే మైమరిచిపోతారు

Nandini Arava — Sat, 31 Oct 2026 10:15:07 +0530

Tribal Style Fish Fry: ఫిష్ ఫ్రై అంటే ఉప్పు, కారం, మసాలా, అల్లం వెల్లుల్లి పేస్ట్ వేస్తాం. కానీ ఆదివాసీలు చేసుకునే ఉసిరికాయ ఫిష్ ఫ్రై ఎప్పుడైనా ట్రై చేశారా? ఇందులో మరో ముఖ్యమైన పదార్థం కూడా ఉంది. దానివల్ల అద్భుతమైన రుచిని ఇస్తుంది. రెసిపీ చూద్దాం.

చేపల వేపుడు అనగానే సాధారణంగా కారం, పసుపు, అల్లం వెల్లుల్లి పేస్ట్, నిమ్మరసం లేదా చింతపండుతో చేసే మసాలా గుర్తుకొస్తుంది. కానీ ఈ ఆదివాసీలు చేసుకునే ఫిష్ ఫ్రై మాత్రం కాస్త వెరైటీగా ఉంటుంది. ఇందులో ఎండిన ఉసిరికాయలు, మిరియాలు, మెంతులు, వెల్లుల్లి, కొబ్బరి నూనెతో ప్రత్యేకమైన మసాలా తయారుచేస్తారు. ఈ మసాలాలో చేప ముక్కలను నానబెట్టి పెనం మీద నెమ్మదిగా కాల్చితే.. బయట క్రిస్పీగా, లోపల మెత్తగా ఉండే రుచికరమైన ఫిష్ ఫ్రై రెడీ అవుతుంది.

750 గ్రాముల చేప ముక్కలు, మూడో వంతు కప్పు ఎండిన ఉసిరికాయలు, రెండు టేబుల్ స్పూన్ల మిరియాలు, పావు టీ స్పూన్ మెంతులు, 12 నుంచి 15 వెల్లుల్లి రెబ్బలు, రెండు టేబుల్ స్పూన్ల కొబ్బరి నూనె, కరివేపాకు, ఉప్పు తీసుకోవాలి. మరింత కారం కావాలనుకుంటే పచ్చిమిర్చి కూడా వాడుకోవచ్చు.

ముందుగా ఎండిన ఉసిరికాయలను ఒక గిన్నెలో వేసి నీళ్లు పోసి కనీసం గంట నుంచి రెండు గంటల పాటు నానబెట్టాలి. వీలైతే రాత్రంతా నానబెట్టుకోవచ్చు. అవి మెత్తగా అయ్యాక నీటిని వంపేసి మిక్సీ జార్‌లో వేసుకోవాలి. అందులో మిరియాలు, కొద్దిగా ఉప్పు వేసి మెత్తని పేస్ట్‌లా గ్రైండ్ చేసుకోవాలి. కారం ఎక్కువగా కావాలనుకునేవారు ఇదే సమయంలో కొన్ని పచ్చిమిర్చి ముక్కలు కూడా వేసుకోవచ్చు.

ఇప్పుడు ఒక చిన్న పాన్‌లో మెంతులు వేసి మీడియం మంటపై ముదురు రంగు వచ్చే వరకు వేయించాలి. అవి చల్లారిన తర్వాత మెత్తని పొడిలా దంచుకోవాలి. మరో పాన్‌లో రెండు టేబుల్ స్పూన్ల కొబ్బరి నూనె వేసి వేడయ్యాక వెల్లుల్లి రెబ్బలు వేసి లేత బంగారు రంగు వచ్చే వరకు వేయించాలి.

వెల్లుల్లి వేగిన తర్వాత ముందుగా తయారుచేసుకున్న ఉసిరికాయల పేస్ట్‌ను అందులో వేసి నిమిషం పాటు వేయించాలి. ఆ తర్వాత మెంతుల పొడి, మూడో వంతు కప్పు నీళ్లు, కరివేపాకు వేసి బాగా కలపాలి. ఈ మిశ్రమం కొద్దిగా మరిగిన తర్వాత స్టవ్ ఆఫ్ చేసి పూర్తిగా చల్లారనివ్వాలి.

ఇప్పుడు శుభ్రం చేసి పెట్టుకున్న చేప ముక్కలను ఈ మసాలాలో వేసి ప్రతి ముక్కకూ మసాలా పట్టేలా కలపాలి. కనీసం 30 నిమిషాల పాటు పక్కన పెట్టాలి. ఇలా చేయడం వల్ల చేప ముక్కలకు ఉసిరి, మిరియాలు, మెంతులు, వెల్లుల్లి రుచులు బాగా పడతాయి.

తర్వాత పెనం మీద ఐదు నుంచి ఆరు టేబుల్ స్పూన్ల కొబ్బరి నూనె వేసి వేడిచేయాలి. మసాలా పట్టిన చేప ముక్కలను పెనం మీద ఒకదానికొకటి తగలకుండా అమర్చాలి. మీడియం మంటపై మూత పెట్టి సుమారు 12 నుంచి 15 నిమిషాల పాటు కాల్చాలి. ఆ తర్వాత మూత తీసి చేప ముక్కలు విరిగిపోకుండా జాగ్రత్తగా మరోవైపు తిప్పాలి.

పైన కొద్దిగా కరివేపాకు చల్లి, అవసరమైతే మరికొంత నూనె వేసి రెండు వైపులా బాగా కాల్చుకోవాలి. చేప ముక్కలు బయటకు క్రిస్పీగా, లోపల మెత్తగా ఉడికిన తర్వాత స్టవ్ ఆఫ్ చేయాలి. ప్రత్యేకమైన ఉసిరి మసాలాతో తయారైన ఆదివాసీల ఫిష్ ఫ్రై రెడీ. వేడివేడిగా స్టార్టర్‌గా లేదా అన్నంలోకి సైడ్ డిష్‌గా కూడా తీసుకోవచ్చు.

హైద‌రాబాద్‌లో మాత్ర‌మే ల‌భించే స్పెష‌ల్ ఫుడ్‌.. లుఖ్నీని ఎప్పుడైనా ట్రై చేశారా.?

Narender Vaitla — Sat, 31 Oct 2026 07:02:49 +0530

Hyderabad: హైదరాబాద్ అనగానే బిర్యానీ, హలీమ్, ఇరానీ చాయ్ మాత్రమే చాలామందికి గుర్తొస్తాయి. కానీ భాగ్యనగరానికి ప్రత్యేకమైన మరో రుచికరమైన వంటకం కూడా ఉంది. అదే 'లుఖ్మీస‌. హైదరాబాద్ పాతకాలపు ఫుడ్ క‌ల్చ‌ర్‌లో భాగ‌మైన ఈ డిష్ గురించి ఇప్పుడు తెలుసుకుందాం.

లుఖ్మీ అనేది హైదరాబాద్ దక్కన్ ప్రాంతానికి చెందిన సంప్రదాయ వంటకం. ఇది చూడటానికి సమోసాలా అనిపించినా, తయారీ విధానం, ఆకారం, రుచి విషయంలో చాలా భిన్నంగా ఉంటుంది. సమోసా త్రిభుజాకారంలో ఉంటే.. లుఖ్మీ మాత్రం చదరపు ఆకారంలో ఉంటుంది. చిన్న చిన్న చపాతీ ముక్కల్లా కనిపించే వీటిని లోపల కీమా లేదా ఆలూ కుర్మ‌ నింపి తయారు చేస్తారు. లుఖ్మీ అనే పేరు ఉర్దూలోని 'లుక్మా' అనే పదం నుంచి వచ్చింది. అరబిక్ భాషలో ఈ పదానికి ఒక ముద్ద లేదా ఒక చిన్న ముక్క అనే అర్థం ఉంది. తినడానికి చిన్నగా ఉండటం, ఒక్కో ముక్కలో మంచి రుచి ఉండటంతో ఈ పేరు వచ్చిందని చెబుతారు.

లుఖ్మీ తయారీకి ప్రధానంగా మైదా, పెరుగు, నెయ్యి లేదా వెన్న, మటన్ కీమా ఉపయోగిస్తారు. ముందుగా మైదా పిండిలో పెరుగు కలిపి మెత్తగా పిసుకుతారు. కొంతసేపు పక్కన ఉంచి పిండి బాగా మృదువుగా అయ్యేలా చేస్తారు. మరోవైపు మటన్ కీమాను ఉల్లిపాయలు, అల్లం వెల్లుల్లి పేస్ట్, పచ్చిమిర్చి, కారం, పసుపు, గరం మసాలా వంటి పదార్థాలతో కలిపి ఉడికిస్తారు. తర్వాత పిండిని పలుచగా ఒత్తి చదరపు ఆకారంలో కట్ చేస్తారు. మధ్యలో తయారు చేసుకున్న కీమాను పెట్టి మరో పిండి ముక్కతో కప్పి అంచులను గట్టిగా మూసేస్తారు. అనంతరం నూనెలో వేయిస్తారు. కొన్ని సంప్రదాయ పద్ధతుల్లో పిండిని పొరలుగా తయారు చేసి వేయించడం వల్ల బయటివైపు కరకరలాడే ఆకృతి వస్తుంది. లోపల మసాలా కీమా మెత్తగా ఉండటంతో ప్రతి ముక్క ప్రత్యేకమైన రుచిని అందిస్తుంది.

చాలామంది లుఖ్మీని సమోసాకు మరో రూపంగా భావిస్తుంటారు. కానీ ఈ రెండింటి మధ్య కొన్ని ముఖ్యమైన తేడాలున్నాయి. సమోసాలో సాధారణంగా బంగాళాదుంపలు, బఠానీలు వంటి కూరగాయలతో పాటు మాంసం కూరను కూడా నింపుతారు. లుఖ్మీలో మాత్రం సంప్రదాయంగా మటన్ కీమాకే ఎక్కువ ప్రాధాన్యం ఉంటుంది. అయితే కొన్ని చోట్ల ఆలు కుర్మ కూడా ఉప‌యోగిస్తుంటారు.

అలాగే సమోసా త్రిభుజాకారంలో ఉంటే, లుఖ్మీ చదరపు ఆకారంలో ఉంటుంది. లుఖ్మీ పిండి పొరలు కూడా ప్రత్యేకంగా ఉంటాయి. బయటివైపు కరకరలాడుతూ, లోపల కీమా మసాలాల రుచి నిండుగా ఉండటం దీని ప్రత్యేకత. అందుకే సమోసా తిన్న రుచికి, లుఖ్మీ తిన్న రుచికి చాలా తేడా ఉంటుంది.

హైదరాబాద్‌కు ప్రత్యేకమైన ఆహార సంస్కృతి ఉంది. మొఘలాయ్, దక్కనీ వంటకాల ప్రభావంతో ఇక్కడ ఎన్నో ప్రత్యేకమైన వంటకాలు ప్రాచుర్యంలోకి వచ్చాయి. వాటిలో లుఖ్మీ కూడా ఒకటి. ముఖ్యంగా ఓల్డ్ సిటీలోని కుటుంబాలు తరతరాలుగా ఈ వంటకాన్ని తయారు చేసుకుంటూ వస్తున్నాయి. హైదరాబాద్ పెళ్లిళ్లలో లుఖ్మీకి ప్రత్యేక స్థానం ఉంటుంది. భోజనానికి ముందు అతిథులకు స్టార్టర్‌గా వేడివేడిగా వడ్డిస్తారు. రంజాన్ మాసం, పండుగలు, కుటుంబ వేడుకల్లో కూడా దీనికి మంచి ఆదరణ ఉంటుంది. తక్కువ పరిమాణంలోనే ఎక్కువ రుచి అందించడం, మాంసం ప్రియులకు నచ్చేలా ఉండటం దీని ప్రత్యేకత. ముఖ్యంగా బయట కరకరలాడే పిండి, లోపల ఘాటైన కీమా కలిసినప్పుడు వచ్చే రుచి లుఖ్మీని ప్రత్యేకంగా నిలబెడుతుంది. అందుకే హైదరాబాద్ సంప్రదాయ వంటకాల జాబితాలో దీనికి ప్రత్యేక గుర్తింపు ఉంది.

హైదరాబాద్‌లోని పాతబస్తీ ప్రాంతంలో ఉన్న పలు హోటళ్లు, ఇరానీ కేఫ్‌లు, బేకరీల్లో లుఖ్మీ అందుబాటులో ఉంటుంది. ముఖ్యంగా మటన్ లుఖ్మీ కోసం ఆహార ప్రియులు కొన్ని ప్రసిద్ధ హోటళ్లను సందర్శిస్తుంటారు. పిస్తా హౌస్, గ్రాండ్ హోటల్, ఆల్ఫా హోట‌ల్‌, హోటల్ షాదాబ్, బిస్మిల్లా హోటల్ వంటి చోట్ల లుఖ్మీ రుచులను ఆస్వాదించవచ్చు. వీటితో పాటు రుమాన్ కేఫ్, మౌంటెన్ బేకరీ, సికింద్రాబాద్‌లోని ప్యారడైజ్ వంటి ప్రాంతాల్లోనూ లభించే రకాలను ప్రయత్నించవచ్చు.

ప్రస్తుతం మటన్‌తో పాటు చికెన్ కీమాతో తయారు చేసే లుఖ్మీలు కూడా అందుబాటులో ఉన్నాయి. శాకాహారులకు అనుగుణంగా కొన్ని చోట్ల వెజిటేరియన్ రకాలను కూడా తయారు చేస్తున్నారు. అయితే అసలైన హైదరాబాద్ రుచిని ఆస్వాదించాలనుకునేవారు సంప్రదాయ మటన్ కీమా లుఖ్మీని తప్పకుండా ప్రయత్నించవచ్చు.

Online Vs Offline : ఆన్ లైన్ లో నెలవారీ సరుకులు కొంటే నష్టం ఏంటి? షాప్ కి వెళ్లి కొంటే లాభం ఏంటి?

ramya Sridhar — Fri, 30 Oct 2026 18:55:25 +0530

Online Vs Offline : ఆన్ లైన్ లో కూరగాయలు, ఇంట్లో కావాల్సిన సరుకులు కొంటున్నారా? అసలు ఆన్ లైన్ షాపింగ్ కీ, షాప్ కి వెళ్లి కొనడంలో తేడా ఏంటి? మనకు కలిగే లాభం ఏంటి?

ఈ రోజుల్లో స్మార్ట్ ఫోన్ చేతిలో లేనివాళ్లు ఎవరూ లేరు. మన ప్రతి అవసరాన్నీ తీర్చే యాప్స్ కూడా ఉన్నాయి. జస్ట్ ఒక్క క్లిక్ చేస్తే చాలు.. మనకు కావాల్సినవన్నీ నిమిషాల్లో మన ముందు ఉంటున్నాయి. దీంతో.. మన పని సులభతరం అయిపోయింది. ఎండలో బయటకు వెళ్లే పని లేకుండా, షాపింగ్ మాల్స్ లో క్యూ లైన్లలో నిలబడే అవసరం లేకుండా.. నిమిషాల్లో మన పని జరిగిపోతోంది. ఇక్కడి వరకు బాగానే ఉంది. కానీ, ఆన్ లైన్ లో సరుకులు, పండుల కొనడం వల్ల కలిగే నష్టాలు ఏంటో తెలుసా? మనం షాప్ కి వెళ్లి మరీ ఎందుకు కొనుక్కోవాలో ఇప్పుడు చూద్దాం...

1. తాజా కూరగాయలు..

మీ చేతులతోనే ఎంచుకోవచ్చు.. ఆన్‌లైన్‌లో బెండకాయలు ఆర్డర్ చేస్తే మెత్తగా ఒంగిపోయేవి వచ్చాయా? టమాటాలు సగం నలిగిపోయి వచ్చాయా? అదే మీరు నేరుగా మార్కెట్‌కి వెళ్తే.. ప్రతి కూరగాయను చేత్తో పట్టుకుని చూసి, ఫ్రెష్‌గా ఉన్నవాటిని మాత్రమే ఏరి కోరి తెచ్చుకోవచ్చు. పండ్లు, ఆకుకూరలు తాజాగా ఉన్నాయో లేదో మీరే సరిచూసుకోవచ్చు. దీనివల్ల మీ వంటల్లో నాణ్యత తగ్గదు. సరిగా రాకపోతే తిరిగి రిటర్న్ కూడా చేయలేం.

2. అదనపు ఛార్జీల బాధ ఉండదు..

"10 నిమిషాల్లో డెలివరీ" అని యాప్‌లో కనిపిస్తుంది.. కానీ అరగంటైనా ఆర్డర్ ట్రాకింగ్‌లోనే ఉంటుంది. దీనికి తోడు డెలివరీ ఛార్జీలు, హ్యాండ్లింగ్ ఫీజులు, పీక్ అవర్ ఛార్జీలు అంటూ జేబుకు చిల్లు పెడతారు. కేవలం ఒక ప్యాకెట్ పాలు, బ్రెడ్ కావాలన్నా డెలివరీ ఫీజు తప్పించుకోవడానికి అవసరం లేని సరుకులను కార్ట్‌లో కలపాల్సి వస్తుంది. అదే షాప్‌కి వెళ్తే.. రూపాయి అదనంగా ఇవ్వక్కర్లేదు, క్షణాల్లో కావాల్సింది తెచ్చుకోవచ్చు.

ఆన్‌లైన్ యాప్‌లలో ధరలు క్షణ క్షణం మారుతుంటాయి. కానీ, లోకల్ సూపర్‌మార్కెట్లు, కిరాణా షాప్‌లలో బిస్కెట్లు, బియ్యం, గోధుమపిండిపై "బై 1 గెట్ 1" ఆఫర్లు లేదా ప్రత్యేక డిస్కౌంట్లు దొరుకుతాయి. ఇక మన వీధి చివరి కూరగాయల వ్యాపారి దగ్గరైతే కాస్త బేరం ఆడి ఆకుకూరలు లేదా కొత్తిమీరను ఉచితంగా కూడా పొందే అవకాశం ఉంటుంది.

4. ప్లాస్టిక్ చెత్తకు చెక్ పెట్టవచ్చు..

ఆన్‌లైన్‌లో ఒక చిన్న వస్తువు ఆర్డర్ చేసినా.. దానికి లేయర్లు లేయర్లుగా ప్లాస్టిక్ కవర్లు, కార్డ్‌బోర్డ్ బాక్సులు, సెల్లోఫేన్ షీట్లు చుట్టి డెలివరీ చేస్తారు. ఇది మీ ఇంట్లో చెత్తను పెంచడమే కాకుండా, పర్యావరణానికి తీవ్ర హాని కలిగిస్తుంది. అదే మీరు స్వయంగా మార్కెట్‌కి వెళ్లేటప్పుడు ఒక కాటన్ సంచి పట్టుకెళ్తే ప్లాస్టిక్ వాడకాన్ని తగ్గించిన వారవుతారు.

5. డిజిటల్ లైఫ్ నుంచి ఒక చిన్న రిలీఫ్

రోజంతా ల్యాప్‌టాప్‌లు, స్మార్ట్‌ఫోన్ స్క్రీన్లను చూస్తూ గడిపే జీవితంలో.. మార్కెట్‌కి వెళ్లడం ఒక మంచి బ్రేక్‌లా పనిచేస్తుంది. సూపర్‌మార్కెట్‌లో నడుస్తూ కొత్త రకాల స్నాక్స్ చూడటం, వచ్చే దారిలో వేడి వేడి సమోసా తినడం, లేదా బాటలో కలిసే పొరుగింటి వారితో నాలుగు మాటలు మాట్లాడటం కూడా మనసుకు ఎంతో ఉత్సాహాన్నిస్తుంది.

ఆన్‌లైన్ గ్రాసరీ యాప్‌లు అత్యవసర సమయాల్లో ఉపయోగపడతాయి అనడంలో సందేహం లేదు. కానీ, ఎప్పుడూ వాటిపైనే ఆధారపడితే క్వాలిటీ తగ్గడమే కాకుండా, మన డబ్బు, పర్యావరణం కూడా నష్టపోతాయి. కాబట్టి ఈసారి సరుకులు కావాలనుకున్నప్పుడు.. కాసేపు ఫోన్ పక్కన పెట్టి, సమీపంలోని షాప్‌కి వెళ్లి సరదాగా షాపింగ్ చేసి రండి.

Fish Fry: చేపల ఫ్రైలో ఈ ఒక్కటి వేస్తే చాలు.. టేస్ట్ అదిరిపోతుంది! ఇష్టంగా తినేస్తారు

Kavitha G — Fri, 30 Oct 2026 17:18:16 +0530

Fish Fry: ఫిష్ ఫ్రైని చాలామంది ఇష్టంగా తింటారు. బయట క్రిస్పీగా, లోపల మెత్తగా ఉండే ఫిష్ ఫ్రై చూస్తే ఎవ్వరికైనా నోరూరాల్సిందే. అయితే చేపల ఫ్రై హోటల్ స్టైల్లో రావాలంటే ఈ ఒక్క పదార్థం కలిపితే చాలు.. రుచి అద్భుతంగా ఉంటుంది. మరి అదేంటో తెలుసుకోండి.

చేపల ఫ్రై అనగానే ప్రతీ ఒక్కరికీ నోరూరిపోతుంది. కానీ ఇంట్లో చేపలు వేయించేటప్పుడు కొన్నిసార్లు మసాలా విడిపోతుంది. మరికొన్నిసార్లు చేప ముక్క గట్టిగా మారిపోతుంది. అయితే ఇకపై ఆ కంగారు అవసరం లేదు. మీరు రోజూ వాడే మసాలాతో పాటు ఈ ఒక్కటి వేస్తే, అది మసాలాను చేప ముక్కకు బాగా పట్టుకునేలా చేసి, పైన క్రిస్పీ లేయర్‌ను ఇస్తుంది. మరి ఆ పదార్థం ఏంటో, రెస్టారెంట్ స్టైల్‌ చేపల ఫ్రైని ఇంట్లోనే ఈజీగా ఎలా చేయాలో చూద్దాం.

చేపల ఫ్రై చేసేటప్పుడు మసాలాలో కొద్దిగా ఇడ్లీ పిండి లేదా దోశల పిండి కలిపితే మంచి రుచి వస్తుంది. ఇడ్లీ పిండిలోని బియ్యం, మినప్పప్పు మిశ్రమం మసాలాను చేప ముక్కకు గట్టిగా పట్టి ఉంచుతుంది. దీనివల్ల వేయించేటప్పుడు మసాలా నూనెలో విడిపోదు. అలాగే చేప పైన మంచి కరకరలాడే కోటింగ్ వస్తుంది.

చేప ముక్కలకు సరిపడా కారం, పసుపు, ధనియాల పొడి, మిరియాల పొడి, అల్లం వెల్లుల్లి పేస్ట్, ఉప్పు తీసుకోవాలి. దీనికి 1 నుంచి 2 టేబుల్ స్పూన్ల ఇడ్లీ పిండి కలపాలి. తగినంత నిమ్మరసం వేసి చిక్కటి మసాలా పేస్ట్‌లా కలుపుకోవాలి. ఈ మసాలాను చేప ముక్కలన్నింటికీ బాగా పట్టించాలి.

ఇంట్లో ఇడ్లీ పిండి లేకపోతే దానికి బదులుగా బియ్యప్పిండి లేదా కార్న్ ఫ్లోర్ కూడా వాడవచ్చు. బియ్యప్పిండి చేప పైన బాగా కరకరలాడేలా చేయడానికి తోడ్పడుతుంది. కార్న్ ఫ్లోర్ మసాలా మిశ్రమం చేప ముక్కకు బాగా పట్టుకోవడానికి, పలచటి క్రిస్పీ లేయర్ రావడానికి సహాయపడుతుంది.

చేపల ఫ్రై రుచిని పెంచడానికి నిమ్మరసం బాగా పనిచేస్తుంది. మసాలా కలిపేటప్పుడు కొద్దిగా నిమ్మరసం పిండితే అద్భుతమైన టేస్ట్ వస్తుంది. అలాగే కొద్దిగా పెరుగు కూడా కలపవచ్చు. ఇది చేప ముక్కను లోపల మెత్తగా ఉంచుతుంది. అయితే నిమ్మరసం లేదా పెరుగును ఎక్కువగా కలపకూడదు. తేమ ఎక్కువైతే మసాలా చేపకు సరిగ్గా పట్టుకోదు. క్రిస్పీ ఫ్రై కోసం మసాలా గట్టిగానే ఉండాలి.

చేపలకు మసాలా పట్టించిన వెంటనే నూనెలో వేయించకూడదు. కనీసం 20 నుంచి 30 నిమిషాల పాటు నానబెట్టాలి. దీనివల్ల మసాలా చేప ముక్కకు బాగా పడుతుంది. వేయించేటప్పుడు ఊడిపోకుండా ఉంటుంది. చేపలను మూతపెట్టి ఫ్రిజ్‌లో పెడితే ఇంకా మంచిది.

చేపల వేపుడు క్రిస్పీగా రావడానికి నూనె వేడి చాలా ముఖ్యం. ముందుగా బాండిలో తగినంత నూనె పోసి మీడియం వేడికి రానివ్వాలి. నూనె వేడెక్కిన తర్వాత చేప ముక్కలను ఒక్కొక్కటిగా వేయాలి. ఒకేసారి ఎక్కువ ముక్కలు వేయకూడదు. ఒకవైపు బాగా వేగిన తర్వాతే రెండో వైపునకు తిప్పాలి. పదే పదే తిప్పితే ముక్కలు విరిగిపోయే అవకాశం ఉంది. మంచి గోల్డెన్ బ్రౌన్ రంగులోకి వచ్చాక తీసేయాలి. అంతే ఇంట్లోనే రెస్టారెంట్ స్టైల్ క్రిస్పీ ఫిష్ ఫ్రై రెడీ అవుతుంది.

Gold Jhumkas: ఆరుగ్రాముల బరువుతో వచ్చే గోల్డ్ జుంకాలు

Haritha Chappa — Fri, 30 Oct 2026 17:05:58 +0530

Gold Jhumkas: ఆరుగ్రాముల బరువులో వచ్చే అందమైన బంగారు జుంకాల డిజైన్లు ఇక్కడ ఇచ్చాము. తక్కువ బరువులో జుంకాలు కొనాలని అనుకుంటే, ఈ లైట్ వెయిట్ డిజైన్లను ఒకసారి పరిశీలించండి.

Anklets: పాదాల అందాన్ని పెంచే లైట్ వెయిట్ పట్టీల డిజైన్లు ..చూసేయండి

ramya Sridhar — Fri, 30 Oct 2026 16:21:27 +0530

Anklets: ఈ కాలం అమ్మాయిలు.. పాతకాలం పట్టీలు ధరించడానికి పెద్దగా ఇష్టపడటం లేదు. లైట్ వెయిట్ లోనూ అందంగా కనిపించే పట్టీల డిజైన్లు కొన్ని ఉన్నాయి. అలాంటి కొన్ని పట్టీల డిజైన్లు ఓసారి చూద్దాం…

Cold water Vs Warm water: భోజనం తర్వాత చల్లని నీళ్లు తాగాలా లేక గోరువెచ్చని నీళ్లా? ఏవి తాగితే తిన్నది అరుగుతుంది

Haritha Chappa — Fri, 30 Oct 2026 15:15:01 +0530

Cold water Vs Warm water: భోజనం చేసిన వెంటనే చల్లని నీళ్లు తాగడం మంచిదా లేదా వేడి నీళ్లు తాగాలా? ఈ రెండింటిలో ఏ నీళ్లు తాగితే తిన్నది త్వరగా జీర్ణమవుతుంది. వైద్యులు ఏం చెబుతున్నారో తెలుసుకోండి.

భోజనం చేశాక నీళ్లు తాగే అలవాటు చాలా మందికి ఉంటుంది. అయితే ఏ నీళ్లు తాగితే మంచిది అనే సందేహం కూడ ఉంటుంది. చల్లని నీళ్లు తాగవచ్చా లేదా వేడి నీళ్లు మాత్రమే తాగాలా అనే విషయంలో కొంతమందికి అనుమానాలు ఉన్నాయి.

చల్లని నీళ్లు తాగితే..

భోజనం చేశాక చల్లని నీళ్లు తాగితే ఆహారంలోని కొవ్వు గడ్డకట్టి జీర్ణక్రియ ఆలస్యమవుతుందని చాలామంది నమ్ముతారు. కానీ, ఆరోగ్యవంతులైన వ్యక్తులలో చల్లని నీళ్లు జీర్ణ సమస్యలను కలిగిస్తాయని చెప్పడానికి ఎటువంటి బలమైన శాస్త్రీయ ఆధారాలు లేవు. వేసవిలో శరీర ఉష్ణోగ్రతను తగ్గించడానికి, వ్యాయామం తర్వాత శరీరాన్ని కూల్ చేయడానికి ఇవి సహాయపడతాయి. అయితే గొంతు అసౌకర్యం ఉన్నవారు వీటికి దూరంగా ఉండటం మంచిది.

వేడి నీళ్లు తాగితే..

భోజనం తర్వాత గోరువెచ్చని నీళ్లు తాగడం వల్ల జీర్ణవ్యవస్థకు కొంత ఉపశమనం లభిస్తుంది. మలబద్ధకం ఉన్నవారికి ద్రవపదార్థాలు బాగా ఉపయోగపడతాయి. అయితే, వేడి నీళ్లు తాగింత మాత్రాన కొవ్వు కరిగిపోతుందని అనడానికి స్పష్టమైన ఆధారాలు లేవు. చాలా వేడిగా ఉన్న నీటిని తాగితే గొంతు, నోరు కాలే ప్రమాదం ఉంది.

తిన్న వెంటనే నీళ్లు తాగితే జీర్ణ ఎంజైమ్లు పలుచబడి ఆహారం అరగదని కొందరు అంటుంటారు. ఐసిఎమ్‌ఆర్ - నేషనల్ ఇన్స్టిట్యూట్ ఆఫ్ న్యూట్రిషన్ (ICMR-NIN) ఈ ప్రచారాన్ని ఖండించింది. ఆహారంతో పాటు నీరు తాగడం వల్ల ఎంజైమ్‌ల ప్రభావం తగ్గదని స్పష్టం చేసింది. పైగా, నీరు ఆహారం సరిగ్గా అరగడానికి, పోషకాలు ఒంటపట్టడానికి సహాయపడుతుంది. దప్పిక వేస్తే తింటున్నప్పుడు లేదా తిన్న తర్వాత నీళ్లు తాగవచ్చు. అయితే ఒకేసారి అతిగా నీళ్లు తాగితే కడుపు ఉబ్బరంగా అనిపించవచ్చు.నీటి ఉష్ణోగ్రత కంటే రోజూవారీ తినే అలవాట్లపై దృష్టి పెట్టడం చాలా ముఖ్యం. ఆహారాన్ని నమిలి నెమ్మదిగా తినాలి. రోజుమొత్తంలో తగినంత నీరు తాగడం వల్ల మలబద్ధకం తగ్గుతుంది. పీచు పదార్థాలు (ఫైబర్) ఎక్కువగా ఉండే పండ్లు, కూరగాయలు తినాలి. తిన్న వెంటనే పడుకోకుండా కాసేపు నెమ్మదిగా నడవడం జీర్ణక్రియకు ఎంతో మేలు చేస్తుంది. యాసిడ్ రిఫ్లక్స్, గుండె, మూత్రపిండాల వ్యాధులు ఉన్నవారు డాక్టర్ సలహా మేరకే నీటి వినియోగాన్ని ప్లాన్ చేసుకోవాలి. ముగింపుగా, నీళ్లు చల్లగా ఉన్నాయా లేదా వేడిగా ఉన్నాయా అనేదాని కంటే, శరీరానికి సరిపడా నీరు అందించడమే దీర్ఘకాలిక ఆరోగ్యానికి అత్యంత ముఖ్యం.

Gold Necklace: AI ఇచ్చిన ఈ నెక్లెస్ డిజైన్స్ చూస్తే ఫిదా అయిపోతారు!

Kavitha G — Fri, 30 Oct 2026 13:22:13 +0530

Gold Necklace: మంచి డిజైన్ లో గోల్డ్ నెక్లెస్ తీసుకోవాలి అనుకుంటున్నారా? అయితే AI రూపొందించిన ఈ అద్భుతమైన గోల్డ్ నెక్లెస్ డిజైన్స్ చూడండి. ఇవి మీకు కచ్చితంగా నచ్చుతాయి.

Belly Fat: రోజూ ఈ డ్రింక్స్ తాగితే.. పొట్ట చుట్టూ కొవ్వు కరిగిపోతుంది

ramya Sridhar — Fri, 30 Oct 2026 13:16:25 +0530

చాలా మంది బాగా బరువు పెరిగాం అని, బరువు తగ్గించుకోవడానికి చాలా మంది ఫీల్ అవుతూ ఉంటారు. అయితే, మీరు కూడా ఇదే సమస్యతో ఇబ్బంది పడుతున్నట్లయితే.. ప్రతిరోజూ కొన్ని డ్రింక్స్ తాగితే చాలు…. ఈజీగా బరువు తగ్గుతారు. పొట్ట చుట్టూ ఫ్యాట్ కరిగిపోతుంది.

Litchi Capital: ప్రపంచం మొత్తంలో ఇక్కడి లిచ్చీకే గిరాకీ.. కేరాఫ్ అడ్రస్ ఎక్కడో తెలుసా?

Nandini Arava — Fri, 30 Oct 2026 12:24:44 +0530

Litchi Capital: మార్కెట్లో లిచ్చీ పండ్లను చూడగానే నోరూరుతుంది. అయితే దేశంలో పండే అన్ని లిచ్చీల రుచి ఒకేలా ఉండదు. కానీ మనదేశంలోని ఓ నగరంలో పండే లిచ్చీలకు ప్రపంచవ్యాప్తంగా గుర్తింపు ఉంది. అందుకే ఈ ప్రాంతాన్ని లిచ్చీ క్యాపిటల్ అని కూడా పిలుస్తారు?

బీహార్‌లోని ముజఫర్‌పూర్ నగరాన్ని 'లిచ్చీ క్యాపిటల్ ఆఫ్ ది వరల్డ్'గా పిలుస్తారు. దీనికి ప్రధాన కారణం అక్కడ పండే షాహీ లిచ్చీ. ఈ ప్రాంతంలో లిచ్చీ సాగు ఎన్నో ఏళ్లుగా కొనసాగుతోంది. ముజఫర్‌పూర్‌తో పాటు చుట్టుపక్కల జిల్లాల్లోనూ విస్తారంగా లిచ్చీ తోటలు కనిపిస్తాయి. భారతదేశంలో లిచ్చీ ఉత్పత్తిలో బీహార్ ప్రముఖ రాష్ట్రంగా ఉంది. అందులోనూ ముజఫర్‌పూర్‌కు ప్రత్యేక గుర్తింపు ఉంది. ఇక్కడ పండే షాహీ లిచ్చీ రుచి, సువాసన ఆకట్టుకుంటాయి. ఈ పండ్లకు ఉన్న డిమాండ్ కారణంగా వేసవి వచ్చిందంటే ఈ ప్రాంతంలోని తోటలు, మార్కెట్లు సందడిగా మారిపోతాయి.

సాధారణ లిచ్చీలతో పోలిస్తే షాహీ లిచ్చీకి ప్రత్యేకమైన సువాసన ఉంటుంది. పండు పండినప్పుడు పై తొక్క ఎరుపు, గులాబీ రంగుల్లో కనిపిస్తుంది. లోపల ఉండే గుజ్జు లేత కొబ్బరిలా, తియ్యటి రుచితో ఉంటుంది ఈ లిచ్చీకి 2018లో జియోగ్రాఫికల్ ఇండికేషన్ (GI) గుర్తింపు లభించింది. ఒక నిర్దిష్ట ప్రాంతంలో పండే ఉత్పత్తికి, ఆ ప్రాంతంతో ఉన్న ప్రత్యేక అనుబంధాన్ని గుర్తిస్తూ ఈ ట్యాగ్ ఇస్తారు. దీంతో షాహీ లిచ్చీకి ముజఫర్‌పూర్ ప్రాంతంతో ఉన్న గుర్తింపు మరింత బలపడింది.

ముజఫర్‌పూర్‌లో లిచ్చీ సాగుకు ఎంత ప్రాధాన్యత ఉందో చెప్పడానికి అక్కడ ఉన్న జాతీయ స్థాయి పరిశోధనా కేంద్రం కూడా ఒక ఉదాహరణ. ఇక్కడ ICAR-నేషనల్ రీసెర్చ్ సెంటర్ ఆన్ లిచ్చీ పనిచేస్తోంది. లిచ్చీ సాగులో కొత్త పద్ధతులు, అధిక దిగుబడి, పండ్ల నాణ్యత, పంటకు వచ్చే తెగుళ్ల నివారణ వంటి అంశాలపై ఈ కేంద్రం పరిశోధనలు చేస్తోంది. పంట కోత తర్వాత పండ్లు పాడవకుండా నిల్వ చేయడం, రవాణా సమయంలో నాణ్యత దెబ్బతినకుండా చూడటం వంటి అంశాలపైనా దృష్టి పెడుతోంది.

ముజఫర్‌పూర్, పరిసర ప్రాంతాల్లోని అనేక రైతు కుటుంబాలకు లిచ్చీ సాగు ప్రధాన ఆదాయ వనరుల్లో ఒకటి. వేసవి ప్రారంభంలో పంట చేతికొచ్చే సమయంలో తోటల్లో సందడి నెలకొంటుంది. పండ్లను కోయడం, వేరు చేయడం, ప్యాకింగ్ చేయడం, మార్కెట్లకు తరలించడం వంటి పనులతో స్థానికంగా ఉపాధి కూడా లభిస్తుంది. లిచ్చీ పండ్లు ఎక్కువ రోజులు నిల్వ ఉండవు. కోసిన తర్వాత త్వరగా వాటి తాజాదనం తగ్గుతుంది. అందుకే సరైన సమయంలో పంట కోయడం, వేగంగా మార్కెట్లకు తరలించడం రైతులకు చాలా ముఖ్యం. ముజఫర్‌పూర్‌లో పండే షాహీ లిచ్చీ వేసవి సీజన్‌లో బీహార్ మార్కెట్లకే పరిమితం కాకుండా దేశంలోని ఇతర ప్రాంతాలకూ చేరుతుంది. GI గుర్తింపు రావడంతో ఈ పండుకు ఉన్న ప్రాంతీయ ప్రత్యేకతకు మరింత ప్రాచుర్యం లభించింది.

Anjeer: పరగడుపున నానపెట్టిన అంజీర్ తింటే ఏం జరుగుతుందో తెలుసా?

ramya Sridhar — Fri, 30 Oct 2026 11:23:48 +0530

Anjeer: అంజీర్ పండ్లను రాత్రిపూట నీటిలో నానపెట్టి.. ఉదయాన్నే... ఆ నీటిని తాగినా, వాటిని తిన్నా కూడా శరీరంలో ఊహించని ప్రయోజనాలు కలుగుతాయి. జీర్ణ సమస్యలు అన్నింటికీ చెక్ పెట్టొచ్చు.

డ్రై ఫ్రూట్స్ ఆరోగ్యానికి ఎంత మంచిదో స్పెషల్ గా చెప్పక్కర్లేదు. ముఖ్యంగా, వాటన్నింటిలో.. అంజీరాకు మరింత ఎక్కువ ప్రాధాన్యత ఇంతా ఇంతా కాదు. అంజీరాలో.. కాల్షియం, పొటాషియం, ఐరన్, ఫైబర్, పవర్ ఫుల్ యాంటీ ఆక్సిడెంట్లు పుష్కలంగా ఉన్నాయి. అంజీర్ ని ఎలా తిన్నా మేలే.. కానీ, రాత్రి పూట నీటిలో నానపెట్టి, ఉదయాన్నే పరగడుపున తింటే చాలా ఆరోగ్య ప్రయోజనాలు కలుగుతాయి. మరీ ముఖ్యంగా, మలబద్దకం, కడుపు ఉబ్బరం, జీర్ణక్రియ సమస్యలతో సతమతమయ్యే వారికి నానపెట్టిన అంజీర్ ఒక సహజసిద్ధమైన దివ్య ఔషధం లా పని చేస్తుంది. రాత్రంతా నీటిలో నానడం వల్ల ఇది చాలా మెత్తగా మారి,సులభంగా జీర్ణం అవుతుంది.

1. జీర్ణవ్యవస్థ మెరుగుపడుతుంది: నానబెట్టిన అంజీర్‌లో పీచుపదార్థం ఎక్కువగా ఉండటం వల్ల జీర్ణవ్యవస్థ సజావుగా పనిచేస్తుంది. క్రమం తప్పకుండా తీసుకోవడం వల్ల ప్రేగుల కదలికలు మెరుగై, మలబద్ధకం నుంచి ఉపశమనం లభిస్తుంది.

2. ఎముకలు బలంగా తయారవుతాయి: ఎముకల ఆరోగ్యానికి అవసరమైన క్యాల్షియం, మెగ్నీషియం, ఫాస్పరస్ వంటి ఖనిజాలు అంజీర్‌లో సమృద్ధిగా ఉంటాయి. వీటిని ఆహారంలో భాగం చేసుకోవడం వల్ల కాలక్రమేణా ఎముకల సాంద్రత, బలం పెరుగుతాయి.

3. గుండె ఆరోగ్యానికి మేలు: అంజీర్‌లో ఉండే పొటాషియం రక్తపోటును (Blood Pressure) నియంత్రణలో ఉంచడానికి సహాయపడుతుంది. అలాగే వీటిలోని ఫైబర్ కొలెస్ట్రాల్ స్థాయిలను తగ్గించి గుండెను ఆరోగ్యంగా ఉంచుతుంది.

4. బరువు తగ్గడానికి సహాయపడుతుంది: ఫైబర్ ఎక్కువగా ఉండటం వల్ల అంజీర్ తిన్న తర్వాత కడుపు నిండిన అనుభూతి కలుగుతుంది. ఇది అవాంఛిత ఆకలిని, అనవసరమైన స్నాక్స్ తినే అలవాటును తగ్గించి బరువు నియంత్రణలో సహాయపడుతుంది.

5. తక్షణ శక్తి లభిస్తుంది: అంజీర్‌లో సహజ సిద్ధమైన చక్కెరలతో పాటు అవసరమైన పోషకాలు ఉంటాయి. ఉదయాన్నే వీటిని తీసుకోవడం వల్ల రోజంతా ఉత్సాహంగా, యాక్టివ్‌గా ఉండటానికి అవసరమైన శక్తి లభిస్తుంది.

రాత్రి పడుకునే ముందు 2 నుండి 3 ఎండిన అంజీర్ పండ్లను ఒక గ్లాసు నీటిలో నానబెట్టండి. ఉదయాన్నే పరగడుపున నానబెట్టిన ఆ అంజీర్ పండ్లను బాగా నమిలి తిని, ఆ నీటిని కూడా తాగేయండి.

ఈ చిన్న అలవాటు అంజీర్‌ను సులభంగా అరిగేలా చేసి, దానిలోని పోషకాలను శరీరం వేగంగా గ్రహించేలా చేస్తుంది. రోజువారీ జీవితంలో నానబెట్టిన అంజీర్‌ను భాగం చేసుకోవడం ద్వారా జీర్ణక్రియ, గుండె ఆరోగ్యం, ఎముకల బలం కూడా పెరుగుతుంది.

Coconut water: 2 వారాలపాటూ రోజూ కొబ్బరినీళ్లు తాగితే జరిగే అద్భుతం ఇదే

Haritha Chappa — Fri, 30 Oct 2026 11:17:16 +0530

Coconut water: ప్రతిరోజూ కొబ్బరి నీళ్లు తాగితే శరీరంలో ఏం జరుగుతుంది. ఒక రెండు వారాల పాటూ ప్రతి రోజూ పాటు క్రమం తప్పకుండా కొబ్బరి నీళ్లు తాగేందుకు ప్రయత్నించండి. ఆ తరువాత జరిగే అద్భుత ఫలితాలను మీరే చూడండి.

ప్రతిరోజూ అవిసె గింజల నీళ్లు తాగారంటే రెండు నెలల్లోనే సన్నగా మెరుపుతీగలా మారతారు

Haritha Chappa — Fri, 30 Oct 2026 10:45:33 +0530

బరువు తగ్గాలని, సన్నగా మెరుపుతీగలా మారాలని అనుకుంటున్నారా? అయితే రోజూ క్రమం తప్పకుండా అవిసె గింజల నీళ్లు తాగేందుకు ప్రయత్నించండి. కేవలం బరువు తగ్గడమే కాదు.. ఈ నీటి వల్ల అనేక ఆరోగ్య సమస్యలు కూడా రాకుండా ఉంటాయి.

అవిసె గింజల ధరలు తక్కువగానే ఉంటాయి. వీటిని సూపర్ ఫుడ్స్ గా పిలుచుకుంటారు. అవిసె గింజల నీళ్లను రోజూ తాగడం వల్ల ఎన్నో రోగాలు దూరమవుతాయి. వీటిలో కరిగే, కరగని పీచు పదార్థాలు పుష్కలంగా ఉంటాయి. ఉదయాన్నే పరిగడుపున ఈ నీటిని తీసుకుంటే జీర్ణవ్యవస్థ మెరుగై మలబద్ధకం తగ్గుతుంది, ప్రేగుల ఆరోగ్యం దెబ్బతినకుండా ఉంటుంది.

రక్తంలో గ్లూకోజ్ స్థాయిలు పెరగడం టైప్ 2 డయాబెటిస్‌కు సంకేతం కావచ్చు. అధిక బరువు కూడా బ్లడ్ షుగర్ పెరగడానికి దారితీస్తుంది. ఈ అవిసె గింజల నీళ్లు తాగితే బ్లడ్ షుగర్ నియంత్రణలోకి రావడమే కాకుండా ఇన్సులిన్ సెన్సిటివిటీ కూడా పెరుగుతుంది.

అవిసె గింజలలోని మ్యూసిలేజ్ జీర్ణక్రియను నెమ్మదింపజేస్తుంది. దీనివల్ల బాడీకి పదే పదే ఆకలి వేయకుండా ఉంటుంది. బరువు తగ్గాలనుకునే వారికి ఇది బెస్ట్ డ్రింక్. ఒమేగా-3 ఫ్యాటీ యాసిడ్లు గుండె జబ్బులు, స్ట్రోక్ రాకుండా కాపాడతాయి. అవిసె గింజల్లో ఉండే ఆల్ఫా-లినోలెనిక్ యాసిడ్ (ALA) చెడు కొలెస్ట్రాల్ తగ్గించడంతో పాటు టైప్ 2 డయాబెటిస్, పక్షవాతం ముప్పును తగ్గిస్తుంది.

కనీసం 12 వారాల పాటు ఈ నీటిని తాగితే రక్తపోటు, కొలెస్ట్రాల్ అదుపులోకి వస్తాయి. ఇది రక్తంలో మంచి కొలెస్ట్రాల్ (HDL) స్థాయిలను కూడా పెంచుతుంది.

అవిసె గింజల్లోని అధిక పీచు పదార్థం కొలొరెక్టల్ క్యాన్సర్ ప్రమాదాన్ని తగ్గిస్తుంది. మనం తీసుకునే ఆహారంలో ప్రతి 10 గ్రాముల ఫైబర్ పెరిగితే ఈ క్యాన్సర్ ముప్పు 7 శాతానికి తగ్గుతుంది. రొమ్ము క్యాన్సర్ ప్రమాదాన్ని తగ్గించడంలో కూడా ఇది బాగా పనిచేస్తుంది.

పొట్ట చుట్టూ ఉన్న కొవ్వును కరిగించడానికి అవిసె గింజలు ఎంతో ఉపయోగపడతాయి. వీటిలోని ఫైబర్ శరీరంలో క్రొవ్వు చేరకుండా చూస్తూ, అతిగా తినే అలవాటును నియంత్రిస్తుంది.

రోజుకు 1 నుంచి 2 టేబుల్ స్పూన్ల అవిసె గింజలను ఒక కప్పు (250 ml) నీళ్లలో నానబెట్టి మాత్రమే తీసుకోవాలని ఆరోగ్య నిపుణులు సూచిస్తున్నారు. అతిగా తీసుకుంటే ఇబ్బందులు రావచ్చు.

Chanakya Niti: ఈ మూడు డైమండ్ కంటే విలువైనవి...కోటి రూపాయలు ఇచ్చినా కొనలేరు..!

ramya Sridhar — Fri, 30 Oct 2026 09:58:50 +0530

Chanakya Niti: బంగారం కంటే కూడా డైమండ్ చాలా విలువైనది. కానీ, ఈ భూమి మీద డైమండ్ కంటే కూడా విలువైనవి కూడా ఉన్నాయని చాణక్యుడు అంటున్నాడు. అవి ఏంటి? వాటిని ఎప్పుడూ ఎందుకు దుర్వినియోగం చేయకూడదు..?

ఆచార్య చాణక్యుడి గురించి ప్రత్యేకంగా చెప్పాల్సిన అవసరం లేదు. ఆయన మానవాళికి సంబంధించిన చాలా విషయాలను తన చాణక్య నీతిలో వివరించారు. ఆయన ప్రకారం.. చాలా మంది అన్నింటి కన్నా కూడా.. డైమండ్ విలువైనదిగా పరిగణిస్తారు. కానీ, వజ్రం కంటే కూడా... విలువైనవి మూడు ఉన్నాయని.. కొన్నిసార్లు.. కోట్ల రూపాయలు చేతిలో ఉన్నా కూడా వాటిని కొనలేం. అవేంటో ఇప్పుడు చూద్దాం....

చాణక్యుడు ఏమన్నారంటే...

"పృథివ్యాం త్రీణి రత్నాని జలమన్నం సుభాషితమ్ |

మూఢైః పాషాణఖండేషు రత్నసంజ్ఞా విధీయతే ||"

ఈ భూమిపై నిజమైన రత్నాలు మూడే మూడు. అవి నీరు, ఆహారం, మధురమైన మాటలు (సుభాషితం) అని చాణక్యుడి భావన. అజ్ఞానులు మాత్రమే మెరిసే రాతి ముక్కలను రత్నాలుగా భావిస్తారని ఆయన స్పష్టం చేశారు.

1. నీరు (జలం - ప్రణవ స్వరూపం) భూమిపై జీవం నిలబడటానికి నీరే ప్రధాన ఆధారం. ఒక్క చుక్క నీరు కూడా అందుబాటులో లేని రోజు వస్తే, ఈ ప్రపంచంలో జీవుల ఉనికి అంతమైపోతుంది. అందుకే నీటిని వజ్రం కంటే అమూల్యమైనదిగా భావించి, ప్రతి బొట్టునూ జాగ్రత్తగా పొదుపు చేయాలి. నీటిని ఆదా చేయడం అంటే మన తర్వాతి తరం భవిష్యత్తును సురక్షితం చేయడమే.

2. ఆహారం (అన్నం - ప్రాణదాత) శరీరానికి పోషణనిచ్చే అన్నం లేకపోతే ఏ ప్రాణి జీవించలేదు. ప్రపంచంలో ప్రతిరోజూ ఆకలితో అలమటించే వారు ఎందరో ఉన్నారు. కాబట్టి ఆహారం పుష్కలంగా ఉందని వృధా చేయడం క్షమించరాని నేరం. మీ వద్ద అదనంగా ఆహారం ఉంటే ఆకలితో ఉన్నవారికి దానం చేయండి. చాణక్యుడి దృష్టిలో అన్నదానమే ప్రపంచంలో అత్యంత శ్రేష్ఠమైన దానం.

మానవ సంబంధాలను నిలిపేది మధుర సంభాషణే. ప్రశాంతమైన ఆలోచనలతో , కేవలం మంచి మాత్రమే మాట్లాడే వ్యక్తి జీవితంలో ఎంతటి కఠినమైన సమస్యలనైనా సులువుగా పరిష్కరించుకోగలడు. కోపంతో నోరు జారే అనవసరమైన మాటలు బంధాలను నాశనం చేస్తాయి. కాబట్టి మాటలను చాలా వివేకంతో, మితంగా ఉపయోగించాలి.

వజ్రాలు కేవలం అలంకారానికి మాత్రమే పనికొస్తాయి. కానీ నీరు, ఆహారం, మధురమైన మాటలు మన జీవితాన్ని నిలబెడతాయి. అందుకే వీటిని అతిగా వాడకుండా, దుర్వినియోగం చేయకుండా గౌరవించడం ప్రతి ఒక్కరి బాధ్యత!

Sunlight: 42 నిమిషాల కంటే ఎక్కువసేపు ఎండలో నిలబడితే ఏం జరుగుతుందో తెలుసా?

Nandini Arava — Fri, 30 Oct 2026 08:18:13 +0530

Sunlight: ఉదయపు ఎండ శరీరానికి చాలా ముఖ్యం. కానీ ఇప్పుడు అపార్ట్ మెంట్ లు వచ్చేశాయి. ఎండ తగలదు. అందులోనూ బిజి బిజీ లైఫ్ వల్ల ఎండలోకి రారు. కానీ రోజుకు 42 నిమిషాల కంటే తక్కువ సమయం ఎండలో గడిపితే ఏమవుతుందో తెలుసా?

రోజూ పగటిపూట సూర్యరశ్మిలో గడపడం వల్ల డిమెన్షియా (మతిమరుపు) ముప్పును అంచనా వేయవచ్చని ఒక కొత్త అధ్యయనం చెబుతోంది. ఎండలో ఎక్కువ సమయం గడిపే వారికి ఈ వ్యాధి వచ్చే అవకాశం చాలా తక్కువగా ఉన్నట్లు పరిశోధకులు గుర్తించారు. 'జనరల్ సైకియాట్రీ' (General Psychiatry) జర్నల్‌లో ప్రచురితమైన ఈ అధ్యయనం, మెదడు ఆరోగ్యానికి పగటి వెలుతురు ఎంత ముఖ్యమో స్పష్టంగా వివరిస్తోంది.

ఈ విషయాన్ని తెలుసుకునేందుకు పరిశోధకులు 87,577 మంది వృద్ధుల డేటాను విశ్లేషించారు. వీరు చేతికి ధరించే పరికరాల ద్వారా పగలు, రాత్రి వేళల్లో వారు ఎంత వెలుతురులో ఉంటున్నారో కచ్చితంగా కొలిచారు. సుమారు 8.1 ఏళ్ల పాటు వీరిని గమనించిన తర్వాత, వారిలో 741 మందికి డిమెన్షియా వచ్చినట్లు తేలింది. సగటున 1,000 లక్స్ (మబ్బుగా ఉన్నప్పుడు ఉండే వెలుతురు) కంటే ఎక్కువ పగటి వెలుతురులో ఉన్నవారికి డిమెన్షియా వచ్చే ప్రమాదం 16% తక్కువగా ఉన్నట్లు గుర్తించారు. కనీసం 5,000 లక్స్ వెలుతురులో ఎక్కువ సమయం గడిపితే ఈ ముప్పు ఇంకా తగ్గుతుందట.

పగటిపూట చాలా తక్కువ వెలుతురులో ఉన్నవారి ఫలితాలు ఆశ్చర్యం కలిగించాయి. రోజుకు 0.7 గంటల (42 నిమిషాలు) కంటే తక్కువ పగటి వెలుతురులో ఉండటం అనేది, ఇప్పటికే తెలిసిన 6 డిమెన్షియా ప్రమాద కారకాల కంటే బలమైన ముప్పుగా మారింది.

అదే సమయంలో, రాత్రిపూట వెలుతురుకు, డిమెన్షియాకు మధ్య ఎలాంటి సంబంధం లేదని తేలింది. దీన్నిబట్టి రాత్రి వెలుతురు కంటే పగటిపూట ఉండే ప్రకాశవంతమైన వెలుతురే మెదడు ఆరోగ్యంతో లోతైన సంబంధం కలిగి ఉందని అర్థమవుతోంది.

చైనాలోని గ్వాంగ్‌జౌ మెడికల్ యూనివర్సిటీకి చెందిన కో-ఆథర్ డాక్టర్ హాంగ్లియాంగ్ ఫెంగ్ (Hongliang Feng) మాట్లాడుతూ.. "పగటి వెలుతురు అనేది డిమెన్షియా ప్రమాదాన్ని అంచనా వేసే ఒక కొత్త సూచికగా పనిచేస్తుంది" అని చెప్పారు.

అయితే ఈ ఫలితాలు కేవలం ఒక సంబంధాన్ని మాత్రమే చూపిస్తున్నాయి కానీ, ఎండలో ఉండటం వల్లే డిమెన్షియా రాకుండా ఆపవచ్చని పూర్తిగా నిర్ధారించలేదు. భవిష్యత్తులో డిమెన్షియా ముప్పును అంచనా వేయడానికి పగటి వెలుతురు ఒక విలువైన సూచికగా మారుతుందని ఈ అధ్యయనం స్పష్టం చేస్తోంది.