Asianet News Telugu

Mehndi Designs: ఏ వయసు వారికైనా సూట్ అయ్యే మెహెందీ డిజైన్లు.. ఇవిగో

Kavitha G — Tue, 09 Jun 2026 13:30:44 +0530

Mehndi Designs: రోజ్, లోటస్ మెహెందీ డిజైన్లు అన్ని వయసుల మహిళలకూ చాలా అందంగా ఉంటాయి. మండలా ఆర్ట్, బిగ్ ప్రింట్, బెల్, మినిమల్ లోటస్ డిజైన్లతో స్టైలిష్ లుక్ పొందవచ్చు.

Pigeons: ఇంట్లో పావురాలను పెంచుతున్నారా? ప్రాణాల మీదకొస్తుంది జాగ్రత్త

Haritha Chappa — Tue, 09 Jun 2026 13:20:14 +0530

Pigeons: పావురాలను ఇష్టంగా పెంచే వారు ఎంతో మంది. అవి కూడ మనుషులతో కలిసి జీవించే పక్షులు. మన ఇళ్లలో, ఆఫీసు భవనాలపై గుంపులుగా కనిపిస్తుంటాయి. అయితే పావురాలను పెంచడం వల్ల లేదా బాల్కనీలో వాటిని ఉంచడం వల్ల ఎంత ప్రమాదమో తెలుసుకోండి.

మనుషులతో కలిసి ఉండేందుకు ఇష్టపడే పక్షలు పావురాలు. అందుకే అవి మన ఇంటి చుట్టూ లేదా ఆఫీసుల భవనాలపై, బాల్కనీలలో కనిపిస్తుంటాయి. కొంతమంది వాటిని పెంచడం వంటివి చేస్తుంటారు. పావురాల సమీపంలో ఉండడం చాలా ప్రమాదకరమని చెబుతారు. వాటి వల్ల ఊపిరితిత్తుల వ్యాధులతో సహా అనేక ఆరోగ్య సమస్యలు వచ్చే అవకాశం ఉందని ఆరోగ్య నిపుణులు హెచ్చరిస్తున్నారు.

పావురం వేసే రెట్టలు.. ఊపిరితిత్తుల అలర్జీలు, హైపర్‌సెన్సిటివిటీ న్యూమోనిటిస్, హిస్టోప్లాస్మోసిస్ వంటి ఫంగల్ ఇన్ఫెక్షన్లు, సాల్మొనెల్లా/ఇ-కోలి వంటి బ్యాక్టీరియల్ ఇన్ఫెక్షన్లకు దారితీస్తాయి. దగ్గు, శ్వాస ఆడకపోవడం, నీరసం వంటి లక్షణాలు కనిపిస్తాయి. ఈ రెట్టలు ఎండిపోయి పొడిగా మారి గాలిలో కలిసి పోతాయి. ఆ గాలిని పీల్చడం వల్ల అవి ఊపిరితిత్తుల్లోకి చేరి తీవ్రమైన పల్మనరీ ఫైబ్రోసిస్‌కు కారణమవుతుంది.

పావురం వేసే వ్యర్థాల వల్ల హైపర్‌సెన్సిటివిటీ న్యూమోనైటిస్ అనే ఊపిరితిత్తుల వ్యాధి వస్తుంది. ఎక్కువకాలం పరిస్థితి ఇలాగే ఉంటే అది పల్మనరీ ఫైబ్రోసిస్‌కు దారితీయవచ్చు. సాల్మొనెల్లా, ఇ-కోలి బ్యాక్టీరియాల వల్ల కడుపులో సమస్యలు రావచ్చు. అంతేకాకుండా, పావురాలపై ఉండే పురుగుల వల్ల కూడా అలర్జీలు వచ్చే ప్రమాదం ఎక్కువ.

పావురాలకు ఎంత దూరంగా ఉంటే అంత మంచిది. పావురాల రెట్టలతో ఎక్కువగా సంబంధం ఉన్నవారికి అలర్జిక్ న్యూమోనైటిస్ వచ్చే ప్రమాదం ఎక్కువ. దీనితో పాటు హిస్టోప్లాస్మోసిస్, క్రిప్టోకోకోసిస్ వంటి ఫంగల్ ఇన్ఫెక్షన్లు వచ్చే అవకాశం కూడా పెరుగుతుంది. పావురాల సంఖ్య అధికంగా పెరిగిన నగరాల్లో శ్వాసకోశ వ్యాధులు కూడా పెరుగుతున్నాయని యశోద ఇన్‌స్టిట్యూట్ ఆఫ్ రెస్పిరేటరీ మెడిసిన్ & ఇంటర్వెన్షనల్ పల్మనాలజీ సీనియర్ కన్సల్టెంట్ డాక్టర్ అంకిత్ భాటియా అంటున్నారు.

పావురాలతో ఎక్కువగా ఉండేవారికి హైపర్‌సెన్సిటివిటీ న్యూమోనైటిస్ వస్తుంది. పావురాలను పెంచేవారు, అవి ఎక్కువగా ఉండే ప్రాంతాన్ని శుభ్రంగా ఉంచుకోవాలి. రెట్టలను తుడిచేటప్పుడు N95 మాస్క్ ధరించాలి. ఎండిన రెట్టలను నేరుగా తుడవకుండా, నీళ్లు చల్లి తడిపిన తర్వాతే శుభ్రం చేయాలి.

Paithani Sarees: పండుగల కోసం పైతానీ పట్టు చీరలు

Haritha Chappa — Tue, 09 Jun 2026 12:57:25 +0530

Paithani Sarees: పండుగైనా, పెళ్లయినా.. ఏ వేడుకైనా చీర కట్టుకుంటే వచ్చే అందమే వేరు. ఇక్కడ మేము స్పెషల్ పైతానీ చీరల డిజైన్లు ఇచ్చాము. ఇవి మీడియం ధరలోనే చాలా ఎలిగెంట్ లుక్ ఇస్తాయి.

Jaggery: బెల్లం ఎలా తింటున్నారు..? ఇలా తింటేనే ప్రయోజనం ఉంటుంది

Nandini Arava — Tue, 09 Jun 2026 12:55:30 +0530

Jaggery: బెల్లం ఆరోగ్యానికి చాలా మంచిది. రోజూ ఒక చిన్న ముక్క తింటే శరీరానికి కావాల్సిన మినరల్స్, ఐరన్ అందుతాయని తెలిసిందే. కాఫీ, టీల్లో పంచదారకు బదులు బెల్లం వాడితే బెటర్. కానీ అంతకన్నా జరిగే మేలు ఏంటో తెలుసా?

Scrubber: గిన్నెలు తోమడానికి ఏ స్క్రబ్బర్ వాడాలి? ఏది బెస్ట్?

ramya Sridhar — Tue, 09 Jun 2026 10:58:26 +0530

Scrubber: గిన్నెలు తోమడానికి ప్రతి ఒక్కరూ స్క్రబ్బర్లుు వాడుతుంటారు. ఈ స్క్రబ్బర్స్ లో చాలా రకాలు ఉన్నాయి. స్టీల్, ప్లాస్టిక్, స్పాంజ్ స్క్రబ్బర్ లలో ఏది గిన్నెలు తోమడానికి బెస్ట్..? ఏ స్క్రబ్బర్ వాడాలి? ఏది వాడకూడదు?

వంటింట్లో మనం వాడేే గిన్నెలను ఎప్పటికప్పుడు శుభ్రం చేయడం చాలా ముఖ్యం. అలా శుభ్రం చేయాలంటే స్క్రబ్బర్ వాడటం తప్పనిసరి. కానీ, చాలా మందికి ఈ స్క్రబ్బర్ ఎలా వాడాలో తెలీదు. ముఖ్యంగా ఏ పాత్రలు శుభ్రం చేయడానికి ఎలాంటి స్క్రబ్బర్ తెలీక.. అన్నింటికీ ఒకటే వాడుతూ ఉంటారు. మనకు మార్కెట్లో ప్లాస్టిక్, స్పాంజ్, స్టీల్ అని మూడు రకాల స్క్రబ్బర్లు అందుబాటులో ఉన్నాయి. మరి వాటిలో ఏది సెలక్ట్ చేసుకోవాలి..? ఏ స్క్రబ్బర్ వాడాలో ఇప్పుడు తెలుసుకుందాం…

స్టీల్ స్క్రబ్బర్ చాలా గట్టిగా ఉంటుంది. ఎక్కువ కాలం పాడవ్వదు కూడా. దీనిని మాడిపోయిన గిన్నెలు, మొండి మరకలు ఉన్న గిన్నెలు తోమడానికి వాడాలి. ఐరన్, అల్యూమినియం పాత్రలను శుభ్రం చేయడానికి బాగా హెల్ప్ చేస్తుంది. కానీ.. ఈ స్టీల్ స్క్రబ్బర్ తో నాన్ స్టిక్ ప్యాన్, గాజు, పింగాణీ పాత్రలను శుభ్రం చేయకూడదు. గీతలు పడతాయి.

ప్రతి ఒక్కరి ఇంట్లో కామన్ గా ఈ ప్లాస్టిక్ స్క్రిబ్బర్. స్టీల్ స్క్రబ్బర్ అంత గట్టిగా అయితే ఉండదు. కానీ.. దీనిని వాడి స్టీల్ గిన్నెలు, ప్లాస్టిక్ డబ్బాలు, గాజు, పింగాణి పాత్రాలను శుభ్రం చేయచ్చు. దీనితో శుభ్రం చేస్తే పాత్రలు పాడవ్వవు. జిడ్డు ఈజీగా వదిలిస్తుంది.

మీ వంటగదిలో ఖరీదైన నాన్-స్టిక్ ప్యాన్‌లు, టెఫ్లాన్ కోటింగ్ ఉన్న పాత్రలు లేదా సున్నితమైన పింగాణీ సామాన్లు ఉంటే, స్పాంజ్ స్క్రబ్బర్ బెస్ట్ ఆప్షన్. స్పాంజ్ చాలా మెత్తగా ఉండి, గిన్నెల పైపొరను కాపాడుతుంది. దీనికి ఒకవైపు కొద్దిగా గరుకుగా ఉండే భాగం ఉంటుంది, ఇది చిన్న చిన్న మురికిని తొలగించడానికి సహాయపడుతుంది.

స్క్రబ్బర్లు కేవలం గిన్నెలను శుభ్రం చేయడమే కాదు, మన ఆరోగ్యంపైనా ప్రభావం చూపుతాయి. స్పాంజ్, ప్లాస్టిక్ స్క్రబ్బర్లు ఎక్కువసేపు తడిగా ఉండటం వల్ల వాటిలో బ్యాక్టీరియా త్వరగా పెరుగుతుంది. అందుకే వాడిన తర్వాత వాటిని బాగా ఆరబెట్టాలి. రెండు, మూడు వారాలకు ఒకసారి మార్చేయాలి. స్టీల్ స్క్రబ్బర్ త్వరగా ఆరిపోయినా, అది మీ గిన్నెలకు, చేతులకు హాని కలిగించొచ్చు. ఏ స్క్రబ్బర్ వాడినా కనీసం రెండు వారాలకి మార్చేస్తే… ఆరోగ్య సమస్యలు రాకుండా ఉంటాయి.

Bangles: చవక ధరకు జిగ్ జాగ్ గాజులు.. చీరలకు బెస్ట్ కాంబో

Haritha Chappa — Tue, 09 Jun 2026 10:57:07 +0530

Bangles: తక్కువ ధరకే వచ్చే స్టైలిష్‌గా జిగ్ జాగ్ గాజుల గురించి ఇక్కడ ఇచ్చాము. ఇవి లెహెంగాలు, చీరలపై చాలా అందంగా ఉంటాయి. చేతులకు ట్రెండీ లుక్ ఇస్తుంది. కాలేజీ అమ్మాయిలకు, జెన్ జెడ్ ఫ్యాషన్ ఫాలో అయ్యేవారికి బెస్ట్ ఆప్షన్.

Sunflowers: సన్ ఫ్లవర్స్ సూర్యుడి వైపు ఎందుకు తిరుగుతాయి?

Haritha Chappa — Tue, 09 Jun 2026 10:28:35 +0530

Sunflowers: పొద్దుతిరుగుడు పువ్వులు సూర్యుడి వైపు చూస్తున్నట్టు ఉంటాయి. సూర్యుడి వైపే తిరుగుతాయి. దీని వెనుక ఉన్న కారణం ఏంటో తెలుసా? సైన్సు ఏం చెప్పిందో తెలుసుకోండి.

Lower Berth: రైల్లో లోయర్ బెర్త్ కావాలంటే టిక్కెట్ బుక్ చేసేటప్పుడు ఈ ట్రిక్ ఫాలో అవ్వండి

Haritha Chappa — Tue, 09 Jun 2026 10:03:15 +0530

Lower Berth: రైలు ప్రయాణంలో లోయర్ బెర్త్ కావాలని కోరుకుంటారు ఎక్కువమంది. కానీ అది అంత సులువుగా రాదు. అయితే కొంచెం తెలివిగా, సింపుల్ ట్రిక్స్ పాటిస్తే లోయర్ బెర్త్ కన్ఫర్మ్ అయ్యే అవకాశాలు పెరుగుతాయి.

రైలు టికెట్లు ఒకప్పుడు స్టేషన్ కు వెళ్లి లైనులో నిల్చొని తీసుకోవాల్సి వచ్చేది. కానీ ఆన్ లైన్ సేవలు వచ్చాక పని చాలా సులువైపోయింది. రైళ్లలో సీట్లను ఆటోమేటిక్ కంప్యూటర్ సాఫ్ట్‌వేర్ కేటాయిస్తుంది. ఇందులో మనుషుల ప్రమేయం ఉండదు. రైలు కదులుతున్నప్పుడు బ్యాలెన్స్‌గా ఉండేందుకు మొదట ఈ సాఫ్ట్‌వేర్ మిడిల్ బెర్త్‌లను కేటాయిస్తుంది. ఆ తర్వాతే లోయర్, అప్పర్ బెర్త్‌లను ఇస్తుంది. చివరగా సైడ్ బెర్త్‌లను కేటాయిస్తుంది.

అయితే వృద్ధులకు, మహిళలకు లోయర్ బెర్త్‌లు వస్తేనే ఇబ్బంది లేకుండా ఉంటుంది. దీనికోసం టికెట్ బుక్ చేసేటప్పుడు కొన్ని స్టెప్స్ ఫాలో అయితే లోయర్ బెర్త్ వచ్చే అవకాశం ఉంది. టికెట్ బుకింగ్ సమయంలో 'రిజర్వేషన్ ఛాయిస్' (Reservation Choice) అనే ఆప్షన్‌లో 'Book Only if Lower Berth Allotted' అనే ఆప్షన్‌ను ఎంచుకోవాలి. ఇలా చేస్తే కంప్యూటర్ సిస్టమ్‌లో లోయర్ బెర్త్ ఖాళీగా ఉంటేనే మీ టికెట్ ను బుక్ చేస్తుంది. లేకపోతే టికెట్ బుక్ అవ్వదు. ముఖ్యంగా రైలు టిక్కెట్లు100 నుంచి 300 వరకు ఖాళీగా ఉన్నప్పుడే ఈ ట్రిక్ ఉపయోగపడుతుంది. వంద కన్నా తక్కువ టిక్కెట్లు ఉంటే లోయర్ బెర్త్ కోరుకున్నట్టు రాకపోవచ్చు.

మీరు వృద్ధులతో కలిసి ప్రయాణం చేయాల్సి వస్తే టికెట్లు బుక్ చేసేటప్పుడు 'సీనియర్ సిటిజన్' కోటాను ఉపయోగించాలి. ఈ కోటాను ఉపయోగిస్తే చాలామందికి లోయర్ బెర్త్‌లు వస్తయి. ఒకవేళ అప్పర్ బెర్త్ వచ్చినా బాధపడాల్సిన పనిలేదు. వృద్ధులు లేదా దివ్యాంగులు రైల్లో ఉండే TTEని సంప్రదిస్తే అతను లోయర్ బెర్త్‌లు ఖాళీగా ఉన్న చోట కేటాయిస్తారు. లేదా ఎవరైనా తమ సీటు మార్చుకోవడానికి ముందుకొచ్చినా ఆ సీటును మీకు ఇస్తారు.

ఇక చివర ట్రిక్ టికెట్ బుక్ చేసేందుకు మీరు 'సీనియర్ సిటిజన్' ఖాతాతో లాగిన్ అవ్వాలి. అంటే ఐఆర్సీటీసీ వెబ్ సైట్ లో లాగిన్ అయిన వివరాలు సీనియర్ సిటిజన్ కు చెందినవై ఉండాలి. అప్పుడు కూడా లోయర్ బెర్త్ ఆప్షన్ కోరగానే ఆ బెర్త్ వచ్చే అవకాశం ఉంది.

Teeth: ఇంట్లో ఉండే ఈ పదార్థాలు పసుపు దంతాలను తెల్లగా మార్చేస్తాయి

Haritha Chappa — Tue, 09 Jun 2026 09:47:51 +0530

Teeth: కొందరికి దంతాలు పసుపు రంగులో ఉంటాయి. అలా పసుపు రంగులో మారిన దంతాలను తెల్లగా మెరిపించేందుకు కొన్ని సులభమైన చిట్కాలు ఉన్నాయి. ఇంట్లో ఉన్న వస్తువులను వాడి దంతాలను తెల్లగా మార్చేయవచ్చు.

Kurta Designs: పొట్ట కనిపించకుండా మిమ్మల్ని సన్నగా చూపించే కుర్తాలు

ramya Sridhar — Tue, 09 Jun 2026 09:37:20 +0530

Kurta Designs: కుర్తాలు వేసుకుంటే పొట్ట కనిపిస్తోందా? దీని వల్ల ఇబ్బంది పడుతున్నారా? అయితే.. ఇలాంటి కుర్తీలు వేసుకుంటే మీ పొట్ట కనపడదు. పైగా మీ నడుము కూడా సన్నగా కనపడుతుంది. అలాంటి కుర్తాల డిజైన్స్ చూద్దాం…

Onion: రోజూ ఒక పచ్చిఉల్లిపాయ తింటే డయాబెటిస్ కంట్రోల్ ఉంటుందా?

Nandini Arava — Tue, 09 Jun 2026 07:43:41 +0530

Onion: పచ్చి ఉల్లిపాయ తింటే నోరు వాసన వస్తుందని అనుకుంటారు. దాన్ని పక్కనపెట్టి ఆరోగ్యం విషయంలో ఆలోచిస్తే బోల్డన్ని లాభాలు. వైద్యులు ఏం చెప్తున్నారంటే...

Saree Belt:ఒక్క బెల్టుతో చీరకు రెట్టింపు అందం..మీ లుక్ అదిరిపోవడం ఖాయం

ramya Sridhar — Tue, 09 Jun 2026 07:39:57 +0530

Saree Belt: చీర అందరూ కట్టుకుంటారు. కానీ అందరి కంటే స్పెషల్ గా కనిపించాలంటే.. ఇలాంటి బెల్టులు చీరకు జత చేయాల్సిందే. సింపుల్ చీరలని అయినా హైలెట్ గా చూపిస్తాయి. వీటితో మీ లుక్ అదిరిపోతుంది. అలాంటి కొన్ని డిజైన్లు చూద్దాం…

Relationship : వీడెవడండీ బాబు.. పెళ్లాం కోసం అత్తారింటికి వెళ్లి అందమైన అత్తనే లేపుకెళ్లాడా..!

Arun Kumar P — Mon, 08 Jun 2026 20:30:33 +0530

ఉత్తరప్రదేశ్‌లో ఓ విచిత్ర ఘటన జరిగింది. ఓ యువకుడు ఏకంగా తనకు పిల్లనిచ్చిన అత్తనే పెళ్ళాడాడు. ఇద్దరూ మ్యారేజ్ సర్టిఫికెట్‌తో ఉన్న వీడియో సోషల్ మీడియాలో వైరల్ కావడంతో ఈ విషయం బయటకు వచ్చింది. ఈ వింత బంధంపై ఇప్పుడు పెద్ద చర్చే నడుస్తోంది.

Relationship : ఇది నిజంగా కలికాలమే అని నిరూపించారు ఓ అత్తా అల్లుడు. కట్టుకున్న భార్యతో కలిసి అత్తవారింటికి వెళ్లిన ఓ యువకుడు అందమైన అత్తపై కన్నేశాడు. ఆ అత్తకూడా కూతురి సంసారాన్ని పట్టించుకోకుండా అల్లుడిని ఇష్టపడింది. చివరకు ఈ అత్తాఅల్లుడు ఎంతకు బరితెగించారంటే సమాజం ఏమనుకుంటే తమకేం అనుకుని లేచిపోయారు... ఏకంగా కోర్టులోనే పెళ్లి చేసుకున్నారు. ఈ విచిత్ర ఘటన ఉత్తర ప్రదేశ్ లో చోటుచేసుకుంది.

కాన్పూర్‌ దేహత్ పరిధిలోని అక్బర్పూర్ నుంచి వచ్చిన ఓ పెళ్లి వార్త ఇప్పుడు సోషల్ మీడియాను షాక్‌కు గురిచేస్తోంది. ఇక్కడ ఓ యువకుడు ఏకంగా తనకంటే వయసులో చాలా పెద్దదైన అత్తను పటాయించాడు... ఆమెను లేపుకెళ్ళాడు... కోర్టుకు తీసుకెళ్లి చట్టబద్ధంగా పెళ్లి చేసుకున్నాడు. ఇద్దరూ కోర్టులో దండలు మార్చుకోవడం, పెళ్లి సర్టిఫికెట్‌ చేతిలో పట్టుకుని నిలబడటం వంటి దృశ్యాలు సోషల్ మీడియాలో వైరల్ కావడంతో ఈ విషయం బయటపడింది.

అత్త, అల్లుడి మధ్య ఉన్న ఈ వింత బంధం గురించిన వీడియో బయటకు రావడంతో జనం నుంచి తీవ్రమైన స్పందనలు వస్తున్నాయి. వీరిద్దరూ చాలా కాలంగా ప్రేమలో ఉన్నారని, పరస్పర అంగీకారంతోనే కలిసి జీవించాలని నిర్ణయించుకున్నారని వార్తలు వస్తున్నప్పటికీ, దీనిపై అధికారికంగా ఎలాంటి ధ్రువీకరణ లేదు.

ఈ పెళ్లికి సంబంధించి కుటుంబ సభ్యులు గానీ, మరెవరైనా గానీ ఇప్పటివరకు పోలీసులకు ఎలాంటి ఫిర్యాదు చేయలేదని తెలుస్తోంది. ఏదేమైనా సంప్రదాయ కుటుంబ సంబంధాల విలువలను ప్రశ్నించేలా ఉన్న ఈ ఘటన స్థానికంగా పెద్ద చర్చకు దారితీసింది. అయితే ఈ అత్తాఅల్లుడు ఇష్టపూర్వకంగానే పెళ్లాడినట్లు వెల్లడించారు... తమ ఇష్టాన్ని గౌరవించి అందరూ పెళ్లిని అంగీకరించాలని కోరుతున్నారు.

Snake Plant: ఇంటి లోపల ఈ మొక్కను పెంచితే ఇన్ని లాభాలా?

Haritha Chappa — Mon, 08 Jun 2026 19:51:21 +0530

Snake Plant: ఇంట్లో కొన్ని రకాల మొక్కలు పెంచడం వల్ల ఎన్నో ఉపయోగాలున్నాయి. అలాంటి వాటిల్లో స్నేక్ ప్లాంట్ ఒకటి. ఇంట్లో స్నేక్ ప్లాంట్ పెంచడం వల్ల ఎన్ని లాభాలు కలుగుతాయో తెలుసుకుంటే ఈరోజు ఇంటిలోపల పెట్టుకుంటారు.

IRCTC Maharashtra Tour Package : కేవలం రూ.5770 కే మహారాష్ట్ర టూర్.. షిరిడి, త్రయంబకేశ్వర్, పంచవటి, నాసిక్ యాత్ర

Arun Kumar P — Mon, 08 Jun 2026 19:13:05 +0530

IRCTC Maharashtra Tour Package : తెలుగు ప్రజలకు సూపర్ ఛాన్స్. ప్రతి వీకెండ్ లో అతి తక్కువ ధరలోనే మహారాష్ట్రలోని పుణ్యక్షేత్రాలను చుట్టివచ్చేలా ఐఆర్సిటిసి సాయిశివం పేరిట టూర్ ప్యాకేజీ ప్రకటించింది.

IRCTC Maharashtra Tour Package : చిన్నారులకు వేసవి సెలవులు ముగింపుకు చేరుకున్నాయి… ఈ వారంరోజులే హాలిడేస్. ఇక ఈ వీకెండ్ లో రెండో శనివారం, ఆదివారం రెండ్రోజులు ఉద్యోగులకు కూడా సెలవులు రానున్నాయి. అంతేకాదు ప్రస్తుతం వేసవి ఎండలు ముగిసి వానలు మొదలయ్యాయి... వాతావరణం చల్లబడింది కాబట్టి ఫ్యామిలీతో టూర్ కి వెళ్లేందుకు ఇదే మంచి సమయం. ఇలా మీరుకూడా ఈ వీకెండ్ లో టూర్ ప్లాన్ చేస్తున్నారా..? అయితే IRCTC (ఇండియన్ రైల్వేస్ క్యాటరింగ్ అండ్ టూరిజం కార్పొరేషన్) హైదరాబాద్ నుండి మహారాష్ట్రలోని పుణ్యకేత్రాలను చుట్టివచ్చేలా ఓ ప్లాన్ ప్రకటించింది. అతి తక్కువ ధరలోనే ఈ ప్యాకేజీ అందుబాటులో ఉంది. ఈ టూర్ ప్యాకేజీ గురించి పూర్తి వివరాలు ఇక్కడ తెలుసుకుందాం.

ఐఆర్సిటిసి ప్రతి వీకెండ్ లో హైదరాబాద్ నుండి మహారాష్ట్రకు టూర్ ప్లాన్ చేసింది... తెలంగాణ బార్డర్ లోని ప్రముఖ పుణ్యక్షేత్రాలు షిరిడి, నాసిక్, త్రయంబకేశ్వర్, పంచవటిని చుట్టిరావచ్చు. శుక్రవారం ప్రారంభమయ్యే ఈ టూర్ సోమవారంతో ముగుస్తుంది... అంటే 3 రాత్రులు, నాలుగు రోజుల టూర్ అన్నమాట. కేవలం రూ.5770 తో ఈ టూర్ ప్యాకేజీ ప్రారంభం అవుతుంది. హైదరాబాద్ లోని కాచిగూడ రైల్వే స్టేషన్ నుండి ఈ టూర్ ప్రారంభం అవుతుంది... స్లీపర్, 3ఏసి కోచ్ లలో ప్రయాణం ఉంటుంది.

కంపర్ట్ (3AC) :

సింగిల్ పర్సన్ కు : రూ.8940

ఇద్దరికి టికెట్ బుక్ చేస్తే ఒక్కొ టికెట్ ధర : రూ.7550

ముగ్గురికి టికెట్ బుక్ చేస్తే ఒక్కో టికెట్ ధర : రూ.7520

చిన్నపిల్లలుంటే బెడ్ తో కూడిన సింగిల్ టికెట్ ధర : రూ.7410

చిన్నపిల్లలుంటే బెడ్ లేకుండా సింగిల్ టికెట్ ధర : రూ.6470

స్టాండర్డ్ (స్లీపర్) :

సింగిల్ పర్సన్ కు : రూ.7260

ఇద్దరికి టికెట్ బుక్ చేస్తే ఒక్కొ టికెట్ ధర : రూ.5860

ముగ్గురికి టికెట్ బుక్ చేస్తే ఒక్కో టికెట్ ధర : రూ.5840

చిన్నపిల్లలుంటే బెడ్ తో కూడిన సింగిల్ టికెట్ ధర : రూ.5720

చిన్నపిల్లలుంటే బెడ్ లేకుండా సింగిల్ టికెట్ ధర : రూ.4780

Day 1 (శుక్రవారం) : హైదరాబాద్ లోని కాచీగూడ రైల్వేస్టేషన్ నుండి అజంతా ఎక్స్ ప్రెస్ రైలు ప్రయాణం ప్రారంభమవుతుంది. మొదటిరోజు రాత్రంతా ప్రయాణం సాగుతుంది.

Day 2 (శనివారం) : రెండోరోజు ఉదయం నాగర్సోల్ రైల్వే స్టేషన్ కు చేరుకుంటారు. అక్కడినుండి షిరిడికి రోడ్డుమార్గంలో ప్రయాణం ఉంటుంది. హోటల్లో ప్రెష్ అప్ అయ్యాక షిరిడి సాయిబాబ ఆలయంలో దర్శనానికి వెళ్లాలి. అయితే దర్శన టికెట్లు యాత్రికులే భరించాలి. రాత్రి బస షిరిడిలోనే ఉంటుంది.

Day 3 (ఆదివారం) : షిరిడి నుండి నాసిక్ పయనం అవ్వాలి... దేశంలోని 12 జ్యోతిర్లింగాల్లో ఒకటైన త్రయంభకేశ్వర్ ఆలయాన్ని సందర్శిస్తారు. మహారాష్ట్రలోని నాసిక్ జిల్లాలో ఉన్న త్రయంబకేశ్వర్ ఆలయమే పవిత్రమైన గోదావరి నది జన్మస్థలం. ఇక్కడి ప్రధాన ప్రత్యేకత ఏమిటంటే శివలింగం మూడు ముఖాలను కలిగి ఉండి, బ్రహ్మ, విష్ణు, మహేశ్వరులను (త్రిమూర్తులను) సూచిస్తుంది.

ఇక్కడి నుండి పంచవటికి తీసుకెళతారు. ఇక్కడికి పెద్ద వాహనాలను అనుమతించరు కాబట్టి యాత్రికులు ఆటో రిక్షాలు, కారులో ప్రయాణించాల్సి ఉంటుంది. సాయంత్రం నాగర్సోల్ రైల్వే స్టేషన్ కు చేరుకుంటారు. అక్కడినుండి తిరిగి అజంతా ఎక్స్ ప్రెస్ రైల్లో రాత్రంతా హైదరాబాద్ కు పయనం ఉంటుంది.

Day 4 (సోమవారం) : ఉదయం 9:45 గంటలకు కాచిగూడ రైల్వే స్టేషన్ కు చేరుకోవడంతో ప్రమాణం ముగుస్తుంది.

ఈ సాయిశివం ప్యాకేజీ కింద ఐఆర్సిసిటిసి రైలు టికెట్లు, ఏసి వెహికిల్, రెండు రోజులు బ్రెక్ ఫాస్ట్, ట్రావెల్ ఇన్సూరెన్స్ కల్పిస్తారు. అయితే ఆలయాల్లో దర్శన టికెట్లు యాత్రికులే భరించాలి. లంచ్, డిన్నర్ తో పాటు స్నాక్స్ వంటివి కూడా యాత్రికులే సమకూర్చుకోవాలి. రైల్లో భోజనం కూడా ప్రయాణికులదే. టూర్ గైడ్ తో పాటు ఇతర ఏ సర్వీసులైనా యాత్రికులు సొంతంగా భరించుకోవాలి

ఐఆర్సిటిసి టూర్ ప్యాకేజీల వివరాాల కోసం కాంటాక్ట్ చేయండి.

ఐఆర్సిటిసి - సౌత్ సెంట్రల్ జోన్,

9-1-129/1/302,3rd ప్లోర్, ఆక్స్ ఫార్డ్ ప్లాజా

S.D రోడ్, సికింద్రాబాద్, తెలంగాణ.

మొబైల్ నంబర్: 04027702407, 9701360701.

ఐఆర్సిటిసి - టూరిజం ఇన్ఫర్మేషన్ ఆండ్ ఫెసిలిటేషన్ సెంటర్,

విజయవాడ రైల్వే స్టేషన్ - 8287932312

తిరుపతి రైల్వే స్టేషన్ - 8287932313

IRCTC : స్లీపర్ టికెట్‌తో ఏసీలో ప్రయాణించవచ్చు.. ఈ సీక్రెట్ ట్రిక్ మీకు తెలుసా?

Arun Kumar P — Mon, 08 Jun 2026 17:34:47 +0530

స్లీపర్ క్లాస్ టికెట్ కొని ఒక్క రూపాయి కూడా అదనంగా చెల్లించకుండా ఏసీ కోచ్‌లో ప్రయాణించే అవకాశం రైల్వే కల్పిస్తోంది. ఐఆర్‌సీటీసీ అందిస్తున్న ఈ 'ఆటో అప్‌గ్రేడేషన్' ఫీచర్ గురించి పూర్తి వివరాలు ఇక్కడ తెలుసుకోండి.

భారత్‌లో రోజూ లక్షలాదిమంది రైళ్లలో ప్రయాణిస్తుంటారు. దేశంలో ప్రతిరోజూ 19 వేలకు పైగా రైళ్లు నడుస్తాయి… అయినా టికెట్ రిజర్వేషన్ చేసుకోవాలంటే రోజుల తరబడి వెయిట్ చేయాల్సిన పరిస్థితి. అయినా కొన్నిసార్లు టికెట్ కన్ఫర్మ్ కాదు. దీన్నిబట్టే రైల్వేలకు ఎంత డిమాండ్ ఉందో అర్థమవుతుంది. అయితే కొన్ని ట్రిక్స్ ఫాలో అయితే రైల్వే ప్రయాణం చాలా సౌకర్యవంతంగా ఉంటుంది… అలాంటి ఓ ట్రిక్ ను ఇక్కడు తెలుసుకుందాం.

సాధారణంగా మధ్యతరగతి ప్రజలు ఎక్కువగా స్లీపర్ క్లాస్ (Sleeper Class) టికెట్లనే ఎంచుకుంటారు. ఇలా కొన్నిసార్లు స్లీపర్ క్లాస్ టికెట్ బుక్ చేసినా, ఏసీ కోచ్‌లో ప్రయాణించే అవకాశం వస్తుంది. అవును.. మీరు వింటున్నది నిజమే.. మీ దగ్గర స్లీపర్ టికెట్ ఉన్నా, ఒక్క రూపాయి కూడా అదనంగా ఖర్చు చేయకుండా ఏసీ కోచ్‌లోకి మారేందుకు ఒక మార్గం ఉంది. IRCTC అధికారికంగా అందిస్తున్న ఈ 'ట్రిక్' గురించి వివరంగా చూద్దాం.

భారతీయ రైల్వే ప్రయాణికుల సౌలభ్యం కోసం 'ఆటో అప్‌గ్రేడేషన్' (Auto Upgradation) అనే స్కీమ్‌ను అమలు చేస్తోంది. ఈ పథకం కింద మీరు స్లీపర్ క్లాస్‌లో టికెట్ బుక్ చేసినా, మీ టికెట్ ఆటోమేటిక్‌గా ఏసీ (3AC, 2AC) కోచ్‌కి అప్‌గ్రేడ్ అవుతుంది. రైల్వే చార్ట్ తయారుచేసేటప్పుడు ఏసీ కోచ్‌లలో సీట్లు ఖాళీగా ఉండి, స్లీపర్ క్లాస్‌లో వెయిటింగ్ లిస్ట్ ఎక్కువగా ఉన్నప్పుడు రైల్వే ఈ విధానాన్ని ఉపయోగిస్తుంది. దీనివల్ల ఏసీ సీట్లు నిండటంతో పాటు, స్లీపర్ వెయిటింగ్ లిస్ట్ తగ్గుతుంది.

ఈ సౌకర్యం మీకు అందాలంటే టికెట్ బుక్ చేసేటప్పుడు ఒక చిన్న విషయాన్ని గమనించాలి. మీరు IRCTC వెబ్‌సైట్ లేదా యాప్ ద్వారా టికెట్ బుక్ చేస్తుంటే 'Review Journey Details' పేజీలో "Consider for Auto Upgradation" అనే చెక్‌బాక్స్‌ను టిక్ చేయాలి. అదే రైల్వే కౌంటర్‌లో ఫామ్ నింపి టికెట్ తీసుకుంటుంటే ఆ ఫామ్‌లో ఆటో అప్‌గ్రేడేషన్ కావాలా అనే ప్రశ్నకు 'Yes' అని రాయాలి. ఈ సదుపాయం కోసం మీరు ఎలాంటి అదనపు రుసుము చెల్లించాల్సిన అవసరం లేదు.

ఈ అప్‌గ్రేడేషన్ ప్రక్రియ పూర్తిగా కంప్యూటర్ ద్వారా (Automated System) కొన్ని నిబంధనల ప్రకారం జరుగుతుంది. సాధారణంగా కన్ఫర్మ్ (Confirmed) టికెట్లు ఉన్న ప్రయాణికులకే ఈ అవకాశం ముందుగా లభిస్తుంది. ఒకే PNR నంబర్‌పై నలుగురు టికెట్లు తీసుకుంటే, సీట్ల లభ్యతను బట్టి నలుగురికీ అప్‌గ్రేడ్ లభిస్తుంది. మీకు ఏసీ కోచ్‌లో సీటు కేటాయించిన తర్వాత, మీ పాత స్లీపర్ సీటు వెయిటింగ్ లిస్ట్‌లోని వేరొక ప్రయాణికుడికి కేటాయిస్తారు. కాబట్టి మీరు మళ్లీ పాత సీటుకు వెళ్లలేరు.

రైలు బయలుదేరడానికి కొన్ని గంటల ముందు చార్ట్ సిద్ధమైనప్పుడు, మీకు కొత్త సీట్ నంబర్, కోచ్ నంబర్‌తో (ఉదాహరణకు B1, B2) SMS వస్తుంది. లేదంటే మీరు రైల్వే స్టేషన్‌కు వెళ్లే ముందు మీ PNR స్టేటస్‌ను ఆన్‌లైన్‌లో చెక్ చేసుకోవచ్చు. అందులో మీ ప్రస్తుత కోచ్, సీటు వివరాలు మారినట్లు కనిపిస్తుంది.

Cotton Tops: చూడచక్కని డిజైన్ లో ప్రింటెడ్ కాటన్ టాప్స్.. ఇవిగో

Kavitha G — Mon, 08 Jun 2026 17:03:15 +0530

Cotton Tops: కాటన్ టాప్స్ వేసుకుంటే చాలా కంఫర్ట్ గా ఉంటాయి. ట్రెండీ లుక్ ఇస్తాయి. ముఖ్యంగా జీన్స్ లతో ఇలాంటి టాప్స్ చాలా బాగుంటాయి. మరి ఆలస్యమెందుకు ఓ లుక్కేయండి.

Silver Vaddanam: నడుము అందాన్ని పెంచే వెండి వడ్డాణాలు..భలే ఉన్నాయి

ramya Sridhar — Mon, 08 Jun 2026 17:00:11 +0530

వెండి వడ్డాణాల డిజైన్ ట్రెండ్ మళ్లీ మార్కెట్లోకి వచ్చేసింది. బంగారంతో పనే లేకుండా మీ సన్నని నడుమును మరింత అందంగా చూపిస్తాయి. అలాంటి కొన్ని డిజైన్స్ ఇప్పుడు చూద్దాం…

Smart Gadgets: 100 రూపాయలలోపు దొరికే స్మార్ట్ గ్యాడ్జెట్లు.. ధర తక్కువ, ఉపయోగం ఎక్కువ!

Kavitha G — Mon, 08 Jun 2026 16:28:31 +0530

Smart Gadgets: రోజువారీ జీవితంలో స్మార్ట్ గ్యాడ్జెట్లు చాలా ఉపయోగపడతాయి. అయితే స్మార్ట్ గ్యాడ్జెట్స్ అంటే చాలామంది ఖరీదైన వస్తువులనే ఊహిస్తారు. కానీ ఆన్ లైన్ లో రూ.100 లోపే దొరికే, మన పనిని ఈజీ చేసే కొన్ని చిన్న గ్యాడ్జెట్లు ఉన్నాయి. అవేంటో చూద్దాం.

పోర్టబుల్ LED లైట్ రోజూవారీ జీవితంలో చాలా చక్కగా ఉపయోగపడుతుంది. ఈ LED లైట్ ని మొబైల్ ఛార్జర్ అడాప్టర్‌కు నేరుగా కనెక్ట్ చేసి ప్లగ్ ఇన్ చేస్తే వెంటనే వెలుగుతుంది. అలాగే పవర్ బ్యాంక్ తో కూడా కనెక్ట్ చేసి వాడుకోవచ్చు. రాత్రి సమయంలో చదవడానికి, అత్యవసర పరిస్థితుల్లో లేదా చిన్న గదుల్లో అదనపు లైటింగ్ కోసం ఇది మంచి ఎంపిక. తక్కువ విద్యుత్ వినియోగంతో మంచి వెలుతురును అందించడం దీని ప్రత్యేకత.

వేసవి కాలంలో బయటకు వెళ్లినప్పుడు ఈ చిన్న USB ఫ్యాన్ బాగా ఉపయోగపడుతుంది. పవర్ బ్యాంక్, ల్యాప్‌టాప్ లేదా మొబైల్‌కు కనెక్ట్ చేస్తే వెంటనే పనిచేస్తుంది. పరిమాణంలో చిన్నదైనా, వ్యక్తిగతంగా చల్లదనం అందించడంలో బాగా సహాయపడుతుంది. బస్సు లేదా రైలు ప్రయాణాల సమయంలో ఇది ఎంతో ఉపయోగకరంగా ఉంటుంది.

ల్యాప్‌టాప్ కీబోర్డ్‌లలో, బ్లూటూత్ ఇయర్‌బడ్స్‌లో, ఇతర ఎలక్ట్రానిక్ పరికరాల్లో దుమ్ము పేరుకుపోవడం సాధారణమే. ఇలాంటి సందర్భాల్లో ప్రత్యేకంగా రూపొందించిన క్లీనింగ్ బ్రష్ ఎంతో ఉపయోగపడుతుంది. చిన్న మూలల్లోని దుమ్మును కూడా సులభంగా తొలగించడంతో పాటు పరికరాల పనితీరును మెరుగుపరచడంలో సహాయపడుతుంది.

స్మార్ట్‌ఫోన్ వినియోగదారులకు మొబైల్ హోల్డర్ ఒక అవసరమైన గ్యాడ్జెట్‌గా మారింది. వీడియోలు చూడటం, ఆన్‌లైన్ క్లాసులు అటెండ్ కావడం లేదా వీడియో కాల్స్ మాట్లాడేటప్పుడు ఫోన్‌ను చేతిలో పట్టుకోవాల్సిన అవసరం ఉండదు. టేబుల్‌పై స్థిరంగా ఉంచి సౌకర్యవంతంగా ఉపయోగించుకోవచ్చు. దీని ధర తక్కువైనా, ఉపయోగం మాత్రం చాలా ఎక్కువ.

మొబైల్, టాబ్లెట్, ల్యాప్‌టాప్ స్క్రీన్లు తరచూ వేలిముద్రలు, దుమ్ముతో మసకబారిపోతుంటాయి. గ్యాడ్జెట్ క్లీనర్ కిట్‌లో క్లీనింగ్ లిక్విడ్, మైక్రోఫైబర్ క్లాత్, చిన్న బ్రష్ వంటి పరికరాలు ఉంటాయి. వీటి సహాయంతో గ్యాడ్జెట్లను సులభంగా శుభ్రం చేసుకోవచ్చు. ఇది స్క్రీన్‌ను గీతలు పడకుండా కాపాడుతూ కొత్తదానిలా మెరిపిస్తుంది.

Chandramukhi Chicken Fry: నార్మల్ చికెన్ ఫ్రై బోర్ కొట్టిందా? ఈ చంద్రముఖి చికెన్ ఫ్రై ట్రై చేయండి.. టేస్ట్ అదిరిపోద్ది

Nandini Arava — Mon, 08 Jun 2026 16:00:32 +0530

Chandramukhi Chicken Fry: చికెన్ కర్రీ, ఫ్రై, గ్రేవీ..అందరూ చేస్తారు. కానీ దేని తర్వాత ఏది వేయాలి, ఎంత కుక్ అవ్వాలి, కారం, ఉప్పు, మసాలాలు ఎంత వేయాలో పర్ఫెక్ట్ గా తెలిస్తే..ఇంకా అదిరిపోద్ది. ఒక్కసారి ఈ చికెన్ ఫ్రై ట్రై చేయండి. మళ్లీ మళ్లీ తింటారు.

స్పైసీగా, క్రిస్పగా, మసాలా ఘాటుతో నోరూరించే చికెన్ ఫ్రై తినాలనిపిస్తోందా? అయితే ఈ ఆంధ్రా-తమిళనాడు స్టైల్ చంద్రముఖి చికెన్ ఫ్రై ట్రై చేసి చూడండి. బయట క్రిస్పీగా, లోపల జ్యూసీగా ఉండి..తింటుంటే నోట్లో బ్లాస్టేనంటే నమ్మండి. రెస్టారెంట్ స్టైల్ లో ఉంటుంది. చూడగానే ఆ స్పైసీనెస్, ఘాటైన ఘుమఘుమలు మిమ్మల్ని మరో లోకానికి తీసుకెళ్తాయి.

750 గ్రాముల చికెన్, ఒకటిన్నర కప్పు నీళ్లు, సరిపడా పసుపు, ఉప్పు, 2-3 టేబుల్ స్పూన్ల ఆయిల్, 3 లవంగాలు, సగం అనాస పువ్వు ముక్క, రెండు యాలకులు, అంగుళంన్నర దాల్చినచెక్క, టీ స్పూన్ మిరియాలు, టీ స్పూన్ జీలకర్ర, మూడు ఎండుమిర్చి, రెండు టేబుల్ స్పూన ధనియాలు, కాస్త సోంపు, ఒక ఉల్లిపాయ, 2-3 పచ్చిమిరపకాయ, రెండు యాలకులు, మూడు లవంగాలు, చిన్న ముక్క దాల్చినచెక్క గుప్పెడు జీడిపప్పు, సగం ముక్క ఉల్లిపాయ, కాస్త కరివేపాకు, ఒకటిన్నర టేబుల్ స్పూన్ అల్లం వెల్లుల్లి పేస్ట్, కసూరి మేతీ ఆఫ్ టేబుల్ స్పూన్, రుచికి సరిపడా కారం, 2 టేబుల్ స్పూన్ల ఎండు కొబ్బరి పొడి, కాస్త కొత్తిమీర, లెమన్ రసం, చెట్టినాడు మసాలా పక్కన పెట్టుకోండి.

పాన్‍లో చికెన్ తీసుకుని కొద్దిగా నీరు వేసి అందులో ఉప్పు, పసుపు వేసి ఉడికించండి. చికెన్ 80 శాతం ఉడికితే....వడకట్టి పక్కన పెట్టుకోవాలి. 5 నిమిషాల్లో ఉడికిపోతుందనుకున్న సమయంలో దించేయాలి. మర్చిపోవద్దు.

ఇప్పుడు మరో పాన్‍లో 2-3 టేబుల్ స్పూన్ల ఆయిల్, 3 లవంగాలు, సగం అనాస పువ్వు ముక్క, రెండు యాలకులు, అంగుళంన్నర దాల్చినచెక్క, టీ స్పూన్ మిరియాలు, దాల్చిన చెక్క పొంగగానే మూడు ఎండుమిర్చి వేసుకోండి. టీ స్పూన్ జీలకర్ర, రెండు టేబుల్ స్పూన్ల ధనియాలు, కాస్త సోంపు వేసి పొంగించండి. మరీ వేయించకుండా కాస్త వేయిస్తే చాలు. ఆ తర్వాత ఒక ఉల్లిపాయ ముక్కలు చేసి వేసుకోండి. 2-3 పచ్చిమిరపకాయలు వేసి వేపండి. ఉల్లి కాస్త రంగు మారగానే మిక్సీ జార్‍లో వేసుకుని మెత్తని పేస్ట్ చేసుకోండి. ఇదే గ్రేవీ బేస్.

మళ్లీ ఇప్పుడు ఇంకో పాన్‍లో 2-3 టేబుల్ స్పూన్ల ఆయిల్, రెండు యాలకులు, 2 లవంగాలు, చిన్న ముక్క దాల్చినచెక్క వేసి వేపండి. ఆ తర్వాత గుప్పెడు జీడిపప్పు వేసి వేగాక సగం ముక్క ఉల్లిపాయ తరుగు, కాస్త కరివేపాకు, ఒకటిన్నర టేబుల్ స్పూన్ అల్లం వెల్లుల్లి పేస్ట్ వేసుకోండి. ఇది పచ్చివాసన పోయాక పక్కన పెట్టుకున్న ఉడికించిన చికెన్ వేసుకోండి. ఓ నిమిషం వేపి..ఆ తర్వాత గ్రైండ్ చేసి పెట్టుకున్న మసాలా పేస్ట్ వేసి ముక్కలకు పట్టేలా కలిపి వేయించండి. ఇక్కడి నుంచి చికెన్ ను వేయించాలి. అడుగుపట్టకుండా కలుపుతూ ఉండాలి.

నూనె తేలాక కసూరి మేతీ వేసుకోవాలి. కావాలనుకుంటే ఉడికించిన చికెన్ వాటర్ వేసుకోవచ్చు. రుచికి సరిపడా కారం వేసి వేయించి 2 టేబుల్ స్పూన్ల ఎండు కొబ్బరి పొడి వేసి కలపండి.కారం, మసాలాలు చికెన్‍కు పట్టేవరకు కలపాలి. అడుగుపడుతున్నా కలపండి. అప్పుడే ఆ స్మోకీ ఫ్లేవర్ దానికొస్తుంది. స్టవ్ ఆపేసి కాస్త కొత్తిమీర, నిమ్మరసం, చెట్టినాడ్ మసాలా వేస్తే చాలు. అవి కలిపేసి పక్కన పెట్టుకోవచ్చు. అంతే చంద్రముఖి చికెన్ ఫ్రై రెడీ.

చపాతీ, రోటీ, రైస్, స్టార్టర్‌లాగా...ఎలా అయినా తినొచ్చు. చారన్నంతోనైనా అయితే ఇంకా అదిరిపోద్ది. నాన్ వెజ్ ఇష్టపడేవాళ్లు ఈరెసిపీ ట్రై చేయండి. మళ్లీ మళ్లీ చేసుకుని తింటారు. ఇది గ్యారెంటీ.

Wall Art: ఈ ఒక్క వాల్ హ్యాంగింగ్‌తో ఇంటి లుక్ నెక్స్ట్ లెవెల్

Nandini Arava — Sun, 07 Jun 2026 14:02:48 +0530

Wall Art: ప్రతి దానికి పెద్ద పెద్ద బడ్జెట్లు అవసరం లేదు. ప్రీమియం లుక్ కావాలంటే ఎక్కువ ఖర్చు అవుతుందనుకుంటే పొరపాటే. మీ ఫోన్ పేలో 500 ఉంటే చాలు....అందరూ వచ్చీ పోయే లివింగ్ రూంకి ఈ వాల్ హ్యాంగింగ్ తో అదిరిపోయే అందం తీసుకురావొచ్చు.

Hair Curling: కర్లీ హెయిర్ కావాలా? ఈ చవకైనా హెయిర్ యాక్సెసరీస్ కొని వాడండి

Haritha Chappa — Mon, 08 Jun 2026 10:54:26 +0530

Hair Curling: ఉంగరాల జుట్టు అంటే ఎంతో మందికి ఇష్టం. జుట్టును కర్లింగ్ చేయించుకోవడానికి పార్లర్‌కి వెళ్లాల్సిన అవసరం లేదు. ఇంట్లోనే కర్ల్ చేసుకోవచ్చు. వేడి లేకుండా జుట్టును కర్ల్ చేసే యాక్సెసరీలు గురించి ఇక్కడ ఇచ్చాము.

ఇది ఆటోమేటిక్ హెయిర్ కర్లర్. మార్కెట్లో సులువుగా దొరుకుతుంది. ఆన్ లైన్లో ఆర్డర్ కూడా పెట్టుకోవచ్చు. జుట్టును దానంతట అదే రోల్ చేసి, కొన్ని సెకన్లలోనే కర్లీగా మార్చేస్తుంది. దీన్ని వాడడం చాలా సులువు. మార్కెట్లో దీని ధర రూ.2,000 నుంచి మొదలవుతుంది.

కర్లింగ్ ఐరన్ ఎంతో మంది అమ్మాయిలు వాడుతున్నారు. హెయిర్ స్టైలింగ్ గ్యాడ్జెట్లలో ఇది ఒకటి. వేర్వేరు సైజుల్లో ఇది లభిస్తుంది. ఇది సాఫ్ట్ వేవ్స్ నుంచి టైట్ కర్ల్స్ వరకు చేయడానికి వాడవచ్చు. దీని ధర రూ.800 నుంచి మొదలవుతుంది.

ఫ్లెక్సీ రోలర్స్‌ను మీరు చూసే ఉంటారు. వీటిని జుట్టుకు చుట్టి కొన్ని గంటల పాటు వదిలేస్తే చాలు అందమైన కర్ల్స్ వస్తాయి. వీటి ధర కేవలం రూ.150 నుంచి రూ.700 వరకు ఉంటుంది. జుట్టును పాయలుగా విడదీసుకుని వీటిని చుట్టాలి. తరువాత మడతపెట్టి ఉంచాలి. వీటిని వాడడం చాలా సులువు.

హీట్‌లెస్ కర్లింగ్ రిబ్బన్ కూడా మార్కెట్లో దొరుకుతోంది. రాత్రిపూట దీన్ని పెట్టుకుని పడుకుంటే, ఉదయానికి నేచురల్ కర్ల్స్ వస్తాయి. దీని ధర రూ.200 నుంచి రూ.1000 వరకు ఉంటుంది. జుట్టు డ్యామేజ్ కాకుండా అందమైన కర్ల్స్ వస్తాయి.

హాట్ రోలర్స్ జుట్టుకు కర్ల్స్ బాగా ఇస్తాయని అంటారు. ముఖ్యంగా పొడవాటి, దట్టమైన జుట్టుపై ఇవి మంచి ఫలితాలను ఇస్తాయి. చాలా మంది సెలబ్రిటీలఈ హాట్ రోలర్స్‌ను ఉపయోగిస్తారు. దీని ధర రూ.1,000 నుంచి రూ.4,000 వరకు ఉంటుంది.

Cashew: 50 రూపాయలకే కిలో జీడిపప్పు.. మీకూ కావాలంటే ఆ ఊరెళ్ళి కొనుక్కోండి

Haritha Chappa — Mon, 08 Jun 2026 11:51:41 +0530

Cashew: జీడిపప్పు పేరు చెబితేనే అది ధనవంతుల ఆహారంగా భావిస్తారు ఎంతో మంది. నిజానికి చాలా తక్కువ ధరకే జీడిపప్పును అమ్మే గ్రామం ఒకటుంది. మీ చేతిలో వంద రూపాయలు ఉన్నా చాలు ఒక సంచి నిండా జీడిపప్పులు కొని తెచ్చుకోవచ్చు. ఆ గ్రామం ఎక్కడ ఉందో తెలుసుకోండి.

జీడిపప్పులు గుర్తొస్తేనే చాలామందికి నోరూరిపోతుంది. వాటిని వేయించి తిన్నారంటే చాలా రుచిగా ఉంటాయి. అయితే వీటి ఖరీదు మాత్రం ఎక్కువ. ప్రస్తుతం మార్కెట్లో కిలో జీడిపప్పు 800 రూపాయల నుంచి 1000 రూపాయలు వరకు ఖర్చవుతుంది. అయితే మీరు కేవలం కిలో 30 రూపాయల నుంచి 100 రూపాయల మధ్య కూడా వీటిని కొనుగోలు చేయవచ్చు. ఇందుకోసం మీరు జార్ఖండ్ లోని ఒక గ్రామానికి వెళ్లాలి. ఆ గ్రామం పేరు నాలా. జార్ఖండ్లోని జామ్తారా అనే జిల్లా ఉంటుంది. అక్కడి నుంచి కేవలం నాలుగు కిలోమీటర్ల దూరంలోనే ఈ నాలా అనే గ్రామం ఉంటుంది. దీన్ని జార్ఖండ్ జీడిపప్పు సిటీగా పిలుచుకుంటారు.

నాలా గ్రామంలో కూరగాయలతో పాటు జీడిపప్పులను కూడా రోడ్డు మీద పెట్టి అమ్మేస్తూ ఉంటారు. నిజానికి జీడిపప్పులను అక్కడ కూరగాయల కన్నా తక్కువ ఖరీదుకే అమ్ముతారు. జీడిపప్పులు ఇంత చవకగా దొరకడానికి కారణం ఆ గ్రామంలో అందరూ వీటినే పండిస్తారు. దాదాపు 50 ఎకరాల్లో జీడిపప్పు అక్కడ సాగు అవుతుంది. వాటిని దూర తీర ప్రాంతాలకు తీసుకెళ్లి అమ్మలేక తమ దగ్గరకు వచ్చే వారికే చాలా తక్కువ ధరకు అమ్మేస్తూ ఉంటారు. చాలా మంది వీరి దగ్గర చవకగా కొని వారు పది రెట్లు ఎక్కువ ధరకు అమ్ముకుంటారు.

2010కి ముందు ఈ గ్రామస్తులు ఏ పంటలు పండించాలో తెలియక ఇబ్బంది పడేవారు. కానీ అక్కడి వాతావరణం, నేల జీడిపప్పు సాగుకు అనుకూలంగా ఉంటుందని అటవీ శాఖ అధికారులు గుర్తించారు. వెంటనే రైతులకు జీడిపప్పు తోటల పెంపకంపై శిక్షణ ఇచ్చారు. అప్పటినుంచి వాటిని పెద్ద ఎత్తున సాగు చేయడం మొదలుపెట్టారు. మొక్కలకు జీడిపప్పు కాయలు కాసిన వెంటనే రైతులు వాటిని కోసి అసలు ధరలో నాలుగోవంతుకే రోడ్డు పక్కన పెట్టి అమ్మేస్తూ ఉంటారు. ఈ ప్రాంతం ఇంకా అభివృద్ధి చెందకపోవడంతో గ్రామస్తులు ఇలా జీడిపప్పులు చవకగా అమ్ముకోవాల్సి వస్తోంది.

2010లో ఐఏఎస్ కృపానంద్ జాంతార జిల్లా డిప్యూటీ కమిషనర్ గా ఉండేవారు. అతనే నాలా గ్రామంలోని నేల, వాతావరణ పరిస్థితులు జీడిపప్పు సాగుకు అనుకూలంగా ఉంటాయని తెలుసుకున్నారు. ఇక వ్యవసాయ శాస్త్రవేత్తల సంప్రదించి జీడిపప్పులు సాగు చేసేలా చొరవ తీసుకున్నారు. కానీ రైతులకు దీనివల్ల పెద్దగా ఉపయోగం లేదు ఇప్పటికి జీడిపప్పును చాలా తక్కువ ధరకు అమ్ముకోవాల్సి వస్తోంది. అక్కడ జీడిపప్పు ప్రాసెసింగ్ ప్లాంట్ లేకపోవడం వల్ల ఇలా రైతులు తక్కువ ధరకే అమ్ముతున్నారు. అదే ప్రాసెసింగ్ ప్లాంట్ ఉంటే వారు ఇక్కడి నుంచి ఎగుమతులు చేసుకునే అవకాశం ఉంటుంది. దీనివల్ల స్థానికంగా ఉద్యోగాలు కూడా పెరుగుతాయి. కాని దానిపై ఎవరు దృష్టి పెట్టడం లేదు. దీంతో కూరగాయలతో పాటూ జీడిపప్పులను కూడా రోడ్డు మీద పెట్టి అమ్ముతున్నారు రైతులు.

Lockets: మీ చైన్ కు ఇలాంటి లాకెట్స్ జత చేస్తే అదరహో

Haritha Chappa — Sun, 07 Jun 2026 18:59:59 +0530

Lockets: మెడలో వేసుకునే చిన్న చైనుకు దానికి తగ్గ పెండెంట్ ఉంటే దాని లుక్కే మారిపోతుంది. చైన్ లుక్‌ను మార్చే స్టైలిష్, ఆకర్షణీయమైన లాకెట్ డిజైన్లు ఇక్కడ ఉన్నాయి. ఆఫీస్, కాలేజ్, రోజువారీ దుస్తులకు ఇవి బెస్ట్ ఆప్షన్.

Lemon Pickle: లెమన్ పికిల్ ఇలా ఒకసారి ట్రై చేయండి..ఒక్క ముద్దతోనే ఫిదా

Nandini Arava — Sun, 07 Jun 2026 18:39:34 +0530

Lemon Pickle: నోటికి రుచిగా నిమ్మకాయ పికిల్ తినాలని ఉందా? ఎలా చేసుకోవాలో తెలియడం లేదా? అయితే ఇలా చేయండి.. క్షణాల్లో రెడీ అయిపోతుంది. వేడి వేడి అన్నంలో వేసుకుని తింటే.…ఇలా చెప్పడం కష్టం. ఓసారి ట్రై చేసేయండి.

Earrings Designs: వావ్ అనిపించే డిజైన్ లో హార్ట్ షేప్ ఇయర్ రింగ్స్

Kavitha G — Mon, 08 Jun 2026 15:18:08 +0530

Earrings Designs: ఇయర్ రింగ్స్‌లో హూప్ డిజైన్ ఇష్టమా? అయితే రొటీన్‌గా ఉండే రౌండ్, స్క్వేర్ షేపులు వదిలేసి కొత్తగా ట్రెండీగా ఉన్న హార్ట్ హూప్ ఇయర్ రింగ్స్ ట్రై చేయండి. ఈ హార్ట్ షేప్ ఇయర్ రింగ్స్ ప్రస్తుతం ట్రెండింగ్‌లో ఉన్నాయి.

Coin Necklace: ఏ సందర్భానికైనా సూటయ్యే కాసు నక్లెస్ డిజైన్లు..చూసేయండి

ramya Sridhar — Mon, 08 Jun 2026 15:53:44 +0530

ఇప్పటి వరకు కాసుల పేరు పొడవాటి హారం చూసి ఉంటారు. కానీ ప్రస్తుతం మార్కెట్లో కాసు నక్లెసులు ట్రెండ్ అవుతున్నాయి. ఇవి.. ఎలాంటి సందర్భంలో అయినా మిమ్మల్ని స్పెషల్ గా చూపిస్తాయి. పార్టీలు, పండగల్లో చాలా స్పెషల్ గా కనిపిస్తారు. ఆ డిజైన్స్ ఇప్పుడు చూద్దాం.

Silver Vaddanam: వెండి వడ్డాణాలు ఇవిగో.. ఇప్పుడివే లేటెస్ట్ ట్రెండ్

Haritha Chappa — Mon, 08 Jun 2026 10:26:05 +0530

Silver Vaddanam: బంగారు వడ్డాణాలు కొనలేని పరిస్థితి. అందుకే ఇప్పుడు వెండి వడ్డాణం ఫ్యాషన్ ట్రెండ్‌లోకి వచ్చేసింది. లేటెస్ట్ వెండి వడ్డాణాలను ట్రై చేయండి. ఇవి చీరతో పాటూ కొన్ని వెస్ట్రన్ డ్రెస్సుల మీద అందంగా ఉంటుంది.

Face Glow: అయ్యో అప్పుడే ముఖంపై ముడతలా? వీటితో ఆ ముడతలను ఈజీగా చెరిపేయచ్చు..!

ramya Sridhar — Mon, 08 Jun 2026 11:39:52 +0530

Face Glow: వయసు పెరుగుతుంటే ముఖంపై ముడతలు రావడం చాలా సహజం. అయితే, ఈ రోజుల్లో కనీసం 30 కూడా దాటక ముందే ముఖంలో కళ తగ్గిపోతోంది. అయితే, ఆ ముడతలను మనం చాలా ఈజీగా తగ్గించొచ్చు. మీ వయసు ఐదేళ్లు తగ్గించే చిట్కాలు ఫాలో అయితే సరిపోతుంది.

ఈ రోజుల్లో సరైన తిండి, మంచి నిద్ర కరవు అయ్యాయనే చెప్పాలి. దీనికి తోడు ఇంట్లో పనులు, ఆఫీసు ఒత్తిడి కారణంగా 30 నిండక ముందే ముఖంపై ఫైన్ లైన్స్.. తలలో తెల్ల వెంట్రుకలు వచ్చేస్తున్నాయి. వీటికి చెక్ పెట్టడానికి మార్కెట్లో దొరికే ఖరీదైన క్రీములు తెచ్చి ముఖానికి పూసేస్తూ ఉంటారు. కానీ.. వాటి ఖరీదు చాలా ఎక్కువ. అందరికీ వాటిని కొనడం సాధ్యం కాకపోవచ్చు. అంతేకాదు.. వాటిని రెగ్యులర్ గా కూడా వాడలేం. అందుకే.. సహజంగా మనకు ఇంట్లో లభించే వస్తువులతోనే యవ్వనంగా మెరిసిపోవచ్చు. ముఖ్యంగా ముఖంపై వస్తున్న ఫైన్ లైన్స్ తగ్గించుకోవచ్చు. అదెలాగో ఇప్పుడు తెలుసుకుందాం...

ముఖం మీద ముడతలను మాయం చేయడానికి ఎక్కువ కష్టపడాల్సిన అవసరం లేదు. ఒక కోడిగుడ్డు, ఒక టీ స్పూన్ తేనె, ఒక టీస్పూన్ కలబంద జెల్ లేదా పెరుగు, 3 చుక్కల బాదం నూనె ఉంటే సరిపోతాయి.

వీటిని ముఖానికి ఎలా వాడాలంటే...

ముందుగా ఒక శుభ్రమైన గిన్నెలో గుడ్డును పగలకొట్టి.. అందులో నుంచి పచ్చ సొనను వేరుగా తీసుకోవాలి. మన ముఖ సౌందర్యాన్ని పెంచుకోవడానికి గుడ్డు పచ్చ సొన ఉంటే చాలు.. ఇప్పుడు ఆ పచ్చ సొనలో తేనె కలపాలి. ఇదే మిశ్రమంలో కలబంద జెల్, బాదం నూనె కూడా వేసి బాగా కలపాలి. ఒక క్రీమ్ లాగా మారేంత వరకు కలపాలి.

తర్వాత ముఖాన్ని నీటితో శుభ్రంగా కడుక్కోవాలి. తర్వాత.. తడి లేకుండా తుడుచుకొని.. ముందుగా తయారు చేసుకున్న మిశ్రమాన్ని పూతలాగా ముఖం, మెడ మొత్తం రాయాలి. 15 నిమిషాలపాటు అలానే వదిలేసి.. పూర్తిగా ఆరిన తర్వాత... ముఖాన్ని నీటితో శుభ్రం చేసుకుంటే సరిపోతుంది.ఆ తర్వాత ముఖానికి మాయిశ్చరైజర్ రాసుకోవాలి.

ఇలా వారానికి రెండుసార్లు చేయడం వల్ల నెమ్మదిగా ముఖంపై ముడతలు తగ్గుముఖం పడతాయి. బాదం నూనె వేయడం వల్ల గుడ్డు వాసన రాకుండా ఉంటుంది. అయితే.. ప్యాచ్ టెస్టు చేసుకొని ఎలాంటి అలెర్జీలు రాలేదు అని నిర్ధారించుకున్న తర్వాత మాత్రమే... ముఖానికి రాయాలి. మీకు ఏదైనా అలెర్జీ సమస్య ఉంటే.. దీనిని వాడకూడదు. మీ స్కిన్ కి కలబంద సెట్ అవ్వదు అనుకుంటే దాని స్థానంలో పెరుగు కూడా వాడొచ్చు. కానీ.. ఈ రెమిడీ మాత్రం చాలా ఎఫెక్టివ్ గా పని చేస్తుంది. మీ స్కిన్ ని టైట్ చేస్తుంది. స్మూత్ గా మారుస్తుంది. రెండు నెలలు వరసగా దీనిని వాడితే... మీ వయసు ఐదేళ్లు తగ్గిపోవడం ఖాయం

Gold Mangalsutra: డైలీవేర్ కి స్టైలిష్ మంగళసూత్రాలు, ఎంత బాగున్నాయో

ramya Sridhar — Mon, 08 Jun 2026 10:35:44 +0530

డైలీవేర్ కి తక్కువ బరువులో బెస్ట్ నల్లపూసలు కావాలా? అయితే… ఈ ట్రెడిషనల్, ట్రెండీ బ్లాక్ బీడ్స్ ట్రై చేయాల్సిందే. ఇవి.. మెడలో వేసుకుంటే.. మెడకే అందాన్ని తెస్తుంది. అలాంటి కొన్ని మోడల్స్ చూద్దాం….

Coconut Water: కొబ్బరి నీళ్లలో నిమ్మరసం కలుపుకుని తాగితే ఏమవుతుంది?

Haritha Chappa — Sun, 07 Jun 2026 19:21:47 +0530

Coconut Water: వేసవిలో కొబ్బరి నీళ్లు, నిమ్మ రసం రెండూ ముఖ్యమే. అయితే రెండింటినీ కలిపి తాగితే ఏమవుతుంది? ఈ రెండింటినీ కలిపి తాగే కొత్త ట్రెండ్ ఇప్పుడు బాగా వైరల్ అవుతోంది. ఇలా తాగడం వల్ల లాభాలేంటి?

మండే ఎండల్లో మన శరీరాన్ని తేమవంతంగా ఉంచుకోవడానికి కొబ్బరి నీళ్లు, నిమ్మరసం రెండూ మేలు చేస్తయి. కానీ అందరూ ఈ రెండింటినీ విడివిడిగా తాగుతారు. ఈ రెండింటిలో కూడా పోషకాలు అధికంగా ఉంటాయి. ఈ డ్రింక్స్ రుచికరంగా ఉండటమే కాకుండా అనేక ఆరోగ్య సమస్యలను దూరం చేస్తాయి. ఈ రెండింటినీ కలిపి తాగే ట్రెండ్ ఇప్పుడు మొదలైంది. ఇలా తాగడం వల్ల ఎలాంటి ప్రయోజనాలు కలుగుతాయో తెలుసుకోండి.

కొబ్బరి నీళ్లలో నిమ్మరసం కలిపి తాగారంటే శరీరానికి డీహైడ్రేషన్ సమస్య రాదు. ఈ డ్రింకులో ఎలక్ట్రోలైట్స్, పొటాషియం అధికంగా ఉంటాయి. శరీరం కోల్పోయిన ద్రవాలను తిరిగి నింపడానికి ఈ కాంబినేషన్లో డ్రింకు అద్భుతంగా పనిచేస్తుంది.

కొబ్బరి నీళ్లలో నిమ్మరసం కలిపి పదిరోజులు తాగారంటే చర్మం మెరిసిపోతుంది. ఈ పానీయం శరీరం లోపలి నుంచి శుభ్రపరుస్తుంది. ఇది మీ చర్మానికి ఎంతో ప్రయోజనం. నిమ్మకాయలో విటమిన్ సి కూడా పుష్కలంగా ఉంటుంది. దీనిలో యాంటీ ఇన్‌ఫ్లమేటరీ గుణాలు కూడా ఎక్కువ. యాంటీఆక్సిడెంట్లు అధికంగా ఉండే కొబ్బరి నీళ్లతో పాటూ నిమ్మరసం కలిపి తాగినప్పుడు, ఇది శరీర రోగనిరోధక శక్తిని వేగంగా పెంచుతుంది.

కొబ్బరి నీళ్లలో నిమ్మరసం కలపడం వల్ల బరువు వేగంగా తగ్గుతుంది. ఈ కాంబినేషన్లో డ్రింకును తాగితే శరీర జీవక్రియను పెంచుతుంది. ఇది బరువు తగ్గే ప్రక్రియ వేగవంతం చేస్తుంది.

Gold Nose Pin: తక్కువ వెయిట్ లో వచ్చే బంగారు ముక్కుపుడకలు.. చూడండి

Kavitha G — Mon, 08 Jun 2026 11:32:29 +0530

Gold Nose Pin: లైట్ వెయిట్ లో చిన్నగా, అందంగా ఉండే ముక్కుపుడక తీసుకోవాలి అనుకుంటున్నారా? అయితే ఈ ముక్కుపుడక డిజైన్స్ మీకోసమే. ఇవి మీకు తప్పకుండా నచ్చుతాయి. ఓ లుక్కేయండి.

Chia Seeds: చియా సీడ్స్ ఎక్కువ తీసుకుంటే ఏమౌతుంది?

ramya Sridhar — Sun, 07 Jun 2026 20:21:39 +0530

చియా సీడ్స్ ఆరోగ్యానికి చాలా మంచిది. ఈ విషయం స్పెషల్ గా చెప్పాల్సిన అవసరం లేదు. కానీ, వీటిని ఎక్కువ గా తీసుకుంటే ఏమౌతుందో తెలుసా? కలిగే నష్టాలేంటో తెలుసా?

Jadau Earrings: గుండ్రని ముఖం ఉన్నవారికి సూటయ్యే ఇయర్ రింగ్స్ ఇవి

ramya Sridhar — Sun, 07 Jun 2026 15:12:46 +0530

గుండ్రటి ముఖం ఉన్నవారికి కంటెంపరరీ జడావు ఇయర్ రింగ్స్ చాలా బాగుంటాయి. ప్రస్తుతం ఈ ఇయర్ రింగ్స్ మార్కెట్లో ఫుల్ ట్రెండ్స్ అవుతూ ఉంటాయి. ఈ ఇయర్ రింగ్స్…. మిమ్మల్ని చాలా స్పెషల్ గా చూపిస్తాయి. ఈ డిజైన్స్ కొన్నింటిని చూద్దాం…

Healthy Drinks: విటమిన్ D కోసం కచ్చితంగా తాగాల్సిన డ్రింక్స్ ఇవే!

Kavitha G — Mon, 08 Jun 2026 10:49:49 +0530

Healthy Drinks: ఎముకలు, దంతాల ఆరోగ్యానికి కాల్షియం చాలా అవసరం. ఆ కాల్షియంను శరీరం గ్రహించేలా చేయడంలో విటమిన్ డి కీలక పాత్ర పోషిస్తుంది. మరి విటమిన్ డి కోసం ఎలాంటి డ్రింక్స్ తీసుకోవాలో ఇక్కడ చూద్దాం.

Chicken Gravy Curry: ఫుల్ గ్రేవీ వచ్చేలా చికెన్ కర్రీ.. ఇలా చేసి తింటే.. దీని రుచి జన్మలో మర్చిపోలేరు..!

ramya Sridhar — Mon, 08 Jun 2026 12:48:53 +0530

Chicken Gravy Curry: ఎప్పుడూ చికెన్ కర్రీ ఒకేలా తిని బోర్ కొట్టిందా? అయితే, ఈసారి ఇలా ట్రై చేయండి. ఒక్కసారి ఈ మసాలాలతో చికెన్ కర్రీ చేసి తింటే మళ్లీ మళ్లీ ఇలానే తింటారు.రుచి అంత బాగుంటుంది.

చాలా మందికి చికెన్ కర్రీ గ్రేవీలాగా చేయాలి అంటే..ఎక్కువగా నీళ్లు పోసి వండేయాలని అనుకుంటారు. కానీ.. నీళ్లు ఎక్కువ పోసి చేస్తే ఆ కూర లో రుచి ఉండదు. ఇలా మేము చెప్పే మసాలా పేస్టు వాడి కర్రీ చేస్తే మాత్రం చాలా కమ్మగా ఉంటుంది. ఈ రెసిపీ మొదలుపెట్టడానికి ముందు.. దీనికి కావాల్సిన పదార్థాలు ఏంటో ఓసారి చూద్దాం..

ముందుగా ఒక కేజీ చికెన్ తీసుకొని శుభ్రంగా కడుక్కోవాలి. నిమ్మకాయ రసం వేసి కడగడం వల్ల నీచు వాసన రాకుండా ఉంటుంది. శుభ్రంగా కడిగిన చికెన్ ని మనం ఇప్పుడు మారినేట్ చేసుకోవాలి. దానికి అర టీస్పూన్ పసుపు,ఒక టేబుల్ స్పూన్ కారం వేయాలి. నాన్ వెజ్ కి కొద్దిగా స్పైస్ ఎక్కువగా ఉంటేనే రుచిగా ఉంటుంది. తర్వాత అర టీ స్పూన్ ఉప్పు, ఒక టీ స్పూన్ నూనె, రెండు స్పూన్ల పెరుగు వేసి బాగా కలపాలి. పెరుగు వేయడం ఇష్టం లేకపోతే..నిమ్మరసం పిండుకోవచ్చు. ఇప్పుడు ఇలా కలుపుకున్న చికెన్ ని కనీసం అరగంట పాటు ఫ్రిజ్ లో ఉంచుకోవాలి. ఇలా చేయడం వల్ల.. చికెన్ చాలా తొందరగా ఉడుకుతుంది. చాలా మెత్తగా.. నోట్లే వేసుకుంటే కరిగిపోయేలా ఉంటుంది.

చికెన్ ఫ్రిజ్ లో పెట్టుకున్న తర్వాత ఒక గిన్నెలో ఒక టేబుల్ స్పూన్ పుచ్చగింజలు, ఒక టేబుల్ స్పూన్ జీడిపప్పు, ఒక టీ స్పూన్ గసగసాలు వేసి .. వాటిలో నీళ్లు పోసి కాసేపు నానపెట్టుకోవాలి.చికెన్ మారినేట్ అయ్యేలోగా ఇవి కూడా చాలా మంచిగా నానతాయి. ఇప్పుడు ఒక ప్యాన్ తీసుకొని.. అందులో కొద్దిగా నూనె వేసి... అందులో 2 టేబుల్ స్పూన్ల అల్లం చిన్న ముక్కలుగా కోసి వేయాలి. పది నుంచి 12 వెల్లుల్లి రెబ్బలు కూడా వేయాలి. ఇందులోనే... రెండు టమాటాలు, ఒక ఉల్లిపాయ పెద్ద ముక్కులుగా కోసి నూనెలో వేయాలి. వీటిని కాసేపు వేయించాలి. టామట ముఖ్క మెత్తగా మారే వరకు మగ్గించుకోవాలి. ఇది మగ్గిన తర్వాత కొత్తిమీర, పుదీనా వేసి వేయించుకోవాలి. ఇవి కూడా కాస్త వేగిన తర్వాత.. ఆ మిశ్రమాన్ని చల్లారనివ్వాలి. ఇప్పుడు ముందుగా నాపెట్టుకున్న జీడిపప్పు, పుచ్చగింజలను మిక్సీజార్ లో వేసి.. వాటితో పాటు.. ఇప్పుడు వేయించుకున్న ఉల్లిపాయ, టమాట మిశ్రమాన్ని కూడా వేసి మెత్తటి పేస్టుులాగా చేసుకొని పక్కన పెట్టుకోవాలి.

ఇప్పుడు ప్యాన్ తీసుకొని నాలుగు నుంచి ఐదు స్పూన్ల నూనె వేయాలి. నూనె కాగిన తర్వాత జీలకర్ర, మూడు నాలుగు యాలకులు, బిర్యానీ ఆకు, దాల్చిన చెక్క వేసి కొద్దిగా వేయించాలి. ఇప్పుడు నాలుగు పచ్చి మిరపకాయలు , కరివేపాకు వేసి వేయించాలి. ఇవి వేగిన తర్వాత... ముందుగా మారినేట్ చేసి పెట్టుకున్న చికెన్ వేసి కూడా వేయించాలి. నీళ్లు వేయకుండా.. చికెన్ లో నుంచి నీళ్లు బయటకు వచ్చేలా.. మూత పెట్టి.. మీడియం మంట మీద ఉడికించాలి. ముక్క చేతితో పట్టుకుంటే ఉడికింది అని అనిపించినప్పుడు... ముందుగా మనం తయారు చేసి పెట్టుకున్న మసాలా మిశ్రమాన్ని కూడా వేయాలి. ఈ పేస్టును మనం చికెన్ తో కలిపి వేయించాలి. ఆ పేస్టు చికెన్ తో పాటు ఉడికితే రుచి పెరుగుతుంది. మనం.. మూత పెట్టుకుంటూ.. మధ్య మధ్యలో కలుపుకుంటూ పది నిమిషాలు ఉడికించాలి.గ్రేవీలో నుంచి నూనె పైకి వచ్చినట్లు కనిపిస్తే.. కూర రెడీ అయినట్లే. ఇప్పుడు ఇంట్లో తయారు చేసుకున్న గరం మసాలా లేదా చికెన్ మసాలా వేసుకోని.. బాగా కలపాలి. ఇప్పుడు అర కప్పు నీళ్లు పోసి కలపాలి. ఈ సమయంలో.. ఉప్పు, కారం చెక్ చేసుకోండి.. తక్కువ అయితే.. ఈ సమయంలో కలుపుకోవచ్చు. ఐదు నిమిషాల ఉడకనిస్తే.. కమ్మని, టేస్టీ చికెన్ గ్రేవీ కర్రీ రెడీ అయిపోయినట్లే.. ఇలా ఒక్కసారి చేసుకుంటే.. మళ్లీ మళ్లీ ఇదే రెసిపీ చేసుకోవాలని అనుకుంటారు. అంత రుచిగా ఉంటుంది. ట్రై చేసి చూడండి. ఇది ప్లెయిన్ వైట్ రైస్ , చపాతీ, బగారా అన్నం అన్నింటికీ చాలా బాగుంటుంది.