Asianet News Telugu

TG Police Recruitment 2026: ఎస్సై, కానిస్టేబుల్ ఉద్యోగాలకు ఏజ్ లిమిట్ ఎంత? జీతం, క్వాలిఫికేషన్, నెగెటివ్ మార్కింగ్ ఫుల్ డీటైల్స్

Mahesh Rajamoni — Thu, 30 Jul 2026 08:10:03 +0530

Telangana Police Age Limit: తెలంగాణలో 7,437 పోలీస్, ఫైర్, జైళ్ల శాఖల ఉద్యోగాల భర్తీకి భారీ నోటిఫికేషన్ విడుదలైంది. బుధవారం TSLPRB నోటిఫికేషన్ జారీ చేసింది. ఏజ్ లిమిట్, అర్హతలు, సెలక్షన్ ప్రాసెస్ సహా పూర్తి వివరాలు ఇక్కడ తెలుసుకుందాం.

తెలంగాణలో యూనిఫామ్ వేసుకోవాలని, ఖాకీ డ్రెస్సులో సమాజానికి సేవ చేయాలని కలలు కనే నిరుద్యోగ యువతకు అదిరిపోయే గుడ్ న్యూస్ వచ్చింది. తెలంగాణ స్టేట్ లెవెల్ పోలీస్ రిక్రూట్‌మెంట్ బోర్డ్ (TSLPRB) బుధవారం భారీ ఉద్యోగాల భర్తీకి శ్రీకారం చుట్టింది.

పోలీసు, స్పెషల్ ప్రొటెక్షన్ ఫోర్స్, ఫైర్ సర్వీసెస్, జైళ్ల శాఖల్లో ఖాళీగా ఉన్న ఏకంగా 7,437 ఉద్యోగాల భర్తీ కోసం ఒకేసారి 4 వేర్వేరు నోటిఫికేషన్లను విడుదల చేసింది. చాలా కాలంగా ప్రిపరేషన్‌లో ఉన్న అభ్యర్థులకు ఇది నిజంగా గోల్డెన్ ఆపర్చ్యునిటీ అని చెప్పాలి.

ఈ నోటిఫికేషన్ ద్వారా వేల సంఖ్యలో పోస్టులను భర్తీ చేయనున్నారు. శాఖల వారీగా వివరాలను పరిశీలిస్తే..

పోలీస్ శాఖ (SI, ASI)

సబ్ ఇన్ స్పెక్టర్ (సివిల్): 148
రిజర్వ్ సబ్ ఇన్ స్పెక్టర్ (AR): 14
రిజర్వ్ సబ్ ఇన్ స్పెక్టర్ (TGSP): 12
రిజర్వ్ సబ్ ఇన్ స్పెక్టర్ (SARCPL): 3
అసిస్టెంట్ సబ్ ఇన్ స్పెక్టర్ (FPB): 23

పోలీస్ కానిస్టేబుల్ విభాగం

కానిస్టేబుల్ (సివిల్): 3,697
కానిస్టేబుల్ (AR): 1,052
కానిస్టేబుల్ (SARCPL): 24
డ్రైవర్ PTO: 20
మెకానిక్ PTO: 7

స్పెషల్ ప్రొటెక్షన్ ఫోర్స్ (SPF)

సబ్ ఇన్ స్పెక్టర్: 44
కానిస్టేబుల్: 1,380

ఫైర్ అండ్ డిజాస్టర్ రెస్పాన్స్

స్టేషన్ ఫైర్ ఆఫీసర్: 39
ఫైర్ ఫైటర్: 751

జైళ్ల శాఖ

డిప్యూటీ జైలర్ (పురుషులు): 14 | డిప్యూటీ జైలర్ (మహిళలు): 1
వార్డర్ (పురుషులు): 196 | వార్డర్ (మహిళలు): 12

ఈ ఉద్యోగాలకు ఎంపికైన వారికి నెలకు రూ. 24,280 నుండి రూ. 72,850 వరకు పే స్కేల్ లభిస్తుంది.

చాలామంది అభ్యర్థులకు ఏజ్ లిమిట్ విషయంలో అనేక అనుమానాలు ఉంటాయి. అయితే తెలంగాణ ప్రభుత్వం విడుదల చేసిన జీఓ (GO Ms No. 87, తేదీ: 18-05-2026) ద్వారా యూనిఫామ్ పోస్టులకు గరిష్ఠ వయోపరిమితిలో సాధారణ అభ్యర్థులందరికీ అదనంగా 5 సంవత్సరాల సడలింపు లభించింది.

కానిస్టేబుల్ పోస్టులకు

కనీస వయస్సు 18 ఏళ్లు నిండి ఉండాలి (జూలై 1, 2026 నాటికి).
జనరల్ కేటగిరీ అభ్యర్థుల గరిష్ఠ వయోపరిమితి సాధారణంగా 22 ఏళ్లు కాగా, ప్రభుత్వ 5 ఏళ్ల సడలింపుతో 27 ఏళ్ల వరకు అప్లై చేసుకోవచ్చు.
ఎస్సీ, ఎస్టీ, బీసీ, ఈడబ్ల్యూఎస్ కేటగిరీ అభ్యర్థులకు ఈ 27 ఏళ్లకు అదనంగా మరో 5 ఏళ్ల సడలింపు ఉంటుంది. అంటే వీరు 32 సంవత్సరాల వయస్సు వచ్చే వరకు దరఖాస్తు చేసుకోవడానికి అర్హులు.

సబ్ ఇన్ స్పెక్టర్ పోస్టులకు:

కనీస వయస్సు 21 ఏళ్లు ఉండాలి.
జనరల్ కేటగిరీకి సాధారణ వయోపరిమితి 25 ఏళ్లు. జీఓ 87 ప్రకారం 5 ఏళ్ల సడలింపు కలసి 30 ఏళ్ల వరకు పెరిగింది.
ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు మరో 5 ఏళ్ల మినహాయింపు ఉండటంతో వారు 35 సంవత్సరాల వయస్సు వరకు పోటీ పడవచ్చు.

ఈ పోస్టులకు దరఖాస్తు చేసుకునే అభ్యర్థులు 2026 జులై 29 నాటికి ఇంటర్మీడియట్ లేదా దానికి సమానమైన అర్హతలో ఉత్తీర్ణులై ఉండాలి. అంతకంటే ఎక్కువ చదివిన వారు కూడా దరఖాస్తు చేయవచ్చు. ఫైర్ ఫైటర్ పోస్టులకు మాత్రం ఎల్ఎంవీ డ్రైవింగ్ లైసెన్స్ తప్పనిసరి.

ఎంపిక ప్రక్రియ మూడు దశల్లో జరుగుతుంది..

1. ప్రిలిమినరీ రాత పరీక్ష: 200 మార్కులకు, 3 గంటల వ్యవధిలో ఆబ్జెక్టివ్ టైప్‌లో ఉంటుంది. ప్రతి తప్పు సమాధానానికి 20% నెగెటివ్ మార్కింగ్ వర్తిస్తుంది. క్వాలిఫైయింగ్ మార్కులు: OC/EWS లకు 30%, BC లకు 25%, SC/ST/ఎక్స్-సర్వీస్‌మెన్/హోంగార్డులకు 20%.

2. ఫిజికల్ మెజర్‌మెంట్ & ఎఫిషియెన్సీ టెస్ట్ (PMT/PET): పురుషులు 1,600 మీటర్ల రన్ 7 నిమిషాల 15 సెకన్లలో, మహిళలు 800 మీటర్ల రన్ 5 నిమిషాల 20 సెకన్లలో పూర్తి చేయాలి. ఎత్తు పురుషులకు కనీసం 167.6 సెం.మీ, మహిళలకు 152.5 సెం.మీ ఉండాలి (ఏజెన్సీ ప్రాంతాల ST అభ్యర్థులకు సడలింపు ఉంటుంది). అలాగే లాంగ్ జంప్, షాట్‌పుట్ ఈవెంట్లు ఉంటాయి.

3. ఫైనల్ రాత పరీక్ష: ఫిజికల్ టెస్టులలో క్వాలిఫై అయిన వారికి ఫైనల్ ఎగ్జామ్ ఉంటుంది. పోస్టును బట్టి 100 లేదా 200 మార్కులకు పరీక్ష నిర్వహిస్తారు.

అభ్యర్థులు TSLPRB అధికారిక వెబ్‌సైట్ www.tgprb.in ద్వారా మాత్రమే ఆన్‌లైన్‌లో అప్లై చేసుకోవాల్సి ఉంటుంది. ఆన్‌లైన్ దరఖాస్తుల ప్రారంభం, ముగింపు తేదీలను రిక్రూట్‌మెంట్ బోర్డ్ త్వరలోనే అధికారికంగా వెల్లడించనుంది.

ముందుగానే సిద్ధం చేసుకోవాల్సిన పత్రాలు

1వ తరగతి నుండి 7వ తరగతి వరకు బోనాఫైడ్ (లొకాలిటీ కోసం) లేదా నివాస ధృవీకరణ పత్రం.
ఏప్రిల్ 1, 2026 తర్వాత జారీ చేసిన బీసీ కేటగిరీ నాన్-క్రీమీలేయర్ సర్టిఫికేట్, ఈడబ్ల్యూఎస్ సర్టిఫికేట్.
ఎస్సీ కేటగిరీ అభ్యర్థులు తమ ఉపకుల వర్గీకరణ స్పష్టంగా ఉండేలా కుల ధృవీకరణ పత్రం.
అప్‌లోడ్ చేయడానికి ఫొటో, సంతకం కలిపిన JPG ఫైల్ (సైజ్: 30KB నుండి 100KB మధ్య ఉండాలి).

నోటిఫికేషన్‌లో పేర్కొన్న శారీరక, వైద్య ప్రమాణాలకు తాము సరిపోతామో లేదో తెలుసుకోవడానికి దరఖాస్తు చేయడానికంటే ముందే ఒకసారి సివిల్ సర్జన్‌తో పరీక్షించుకోవడం మంచిదని పోలీస్ రిక్రూట్‌మెంట్ బోర్డ్ స్పష్టం చేసింది.

Layoffs: ప్ర‌శ్నార్థ‌కంగా ఐటీ ఉద్యోగుల భ‌విత‌వ్యం.. ల‌క్ష‌ల ఉద్యోగాలు మ‌టాష్

Narender Vaitla — Fri, 04 Sep 2026 14:52:50 +0530

Layoffs: ప్రముఖ కంపెనీలు ఉద్యోగాల కోతలకు శ్రీకారం చుడుతున్నాయి. ఒరాకిల్‌ నుంచి రైడ్‌ హైలింగ్‌ దిగ్గజం ఉబర్‌ వరకు, డిజిటల్‌ పేమెంట్స్‌ సంస్థ పేపాల్‌ నుంచి ఆటోమొబైల్‌ దిగ్గజం వోక్స్‌వ్యాగన్‌ వరకు ఉద్యోగుల‌ను తొల‌గించ‌డ‌మే ప‌నిగా పెట్టుకున్నాయి.

టెక్నాలజీ దిగ్గజం ఒరాకిల్‌లో మరోసారి పెద్ద ఎత్తున ఉద్యోగాల కోతలు జరుగుతున్నాయనే వార్తలు వెలువడుతున్నాయి. అయితే ఈసారి గతంలో కనిపించిన తరహాలో ఉద్యోగులకు ఒకేసారి తొలగింపు ఈ-మెయిల్స్‌ పంపకుండా సంస్థ భిన్నమైన విధానాన్ని అనుసరిస్తున్నట్లు సమాచారం. సాధారణంగా ఉద్యోగుల తొలగింపునకు సంబంధించి కంపెనీ నుంచి ఈ-మెయిల్‌ వచ్చిన తర్వాతే విషయం బయటకు వచ్చేది. కానీ తాజాగా కొంతమంది ఉద్యోగుల స్లాక్‌ ఖాతాలు ఒక్కసారిగా అందుబాటులో లేకుండా పోతున్నాయని ఒరాకిల్‌ ఉద్యోగుల ఆన్‌లైన్‌ కమ్యూనిటీల్లో చర్చ జరుగుతోంది. కంపెనీ ఈ-మెయిల్‌, అంతర్గత వ్యవస్థలకు యాక్సెస్‌ కూడా నిలిపివేస్తున్నట్లు కొందరు ఉద్యోగులు పేర్కొంటున్నారు.

రెడ్డిట్‌లోని ఒరాకిల్‌ ఉద్యోగుల కమ్యూనిటీలో అమెరికాలో లేఆఫ్స్‌ ప్రారంభమయ్యాయంటూ ఓ థ్రెడ్‌ చర్చకు వచ్చింది. తొలగింపులకు సంబంధించిన అధికారిక వివరాలు స్పష్టంగా బయటకు రాకపోవడంతో.. స్లాక్‌ గ్రూపుల్లో సభ్యుల సంఖ్య తగ్గడాన్ని ఉద్యోగులు గమనిస్తున్నట్లు సమాచారం. ఒరాకిల్‌ అప్లికేషన్‌ ల్యాబ్స్‌లోని పలువురు వైస్‌ ప్రెసిడెంట్లు, గ్రూప్‌ వైస్‌ ప్రెసిడెంట్‌ స్థాయి ఉద్యోగులపై కూడా ప్రభావం పడినట్లు వార్తలు వస్తున్నాయి. ఈ విభాగాన్ని ఇటీవల ఒరాకిల్‌ క్లౌడ్‌ ఇన్‌ఫ్రాస్ట్రక్చర్‌ (OCI)లో విలీనం చేసిన నేపథ్యంలో సంస్థాగత మార్పులు జరుగుతున్నట్లు తెలుస్తోంది. తాజా కోతలతో ప్రపంచవ్యాప్తంగా సుమారు 7,000 నుంచి 10,000 మంది ఉద్యోగులపై ప్రభావం ఉండొచ్చనే అంచనాలు వినిపిస్తున్నాయి. భారత్‌లోనూ పలు విభాగాలకు చెందిన మేనేజర్లు ఈ పరిధిలోకి వచ్చినట్లు సమాచారం.

ఒరాకిల్‌ ఈ ఏడాది మార్చిలో కూడా పెద్ద సంఖ్యలో ఉద్యోగాలను తగ్గించింది. ఆ సమయంలో అమెరికా, భారత్‌, కెనడాలోని ఉద్యోగులకు ఉదయం 6 గంటల సమయంలో తొలగింపు సమాచారంతో ఈ-మెయిల్స్‌ పంపినట్లు వార్తలు వచ్చాయి. సెప్టెంబర్‌ ప్రారంభంలోనూ అదే విధానం కొనసాగుతుందని కొందరు ఉద్యోగులు భావించారు.. అయితే ఈసారి పరిస్థితి భిన్నంగా కనిపిస్తోంది. అధికారిక మెయిల్స్‌ రాకముందే కంపెనీ అంతర్గత కమ్యూనికేషన్‌ వ్యవస్థల్లో యాక్సెస్‌ తొలగుతున్నట్లు ఉద్యోగుల మధ్య చర్చ జరుగుతోంది. దీంతో సంస్థ నుంచి ఎంతమందిని తొలగించారనే విషయంపై స్పష్టత లేకపోయినా.. ఉద్యోగులు స్లాక్‌ ఛానళ్లలో సభ్యుల సంఖ్య, సహోద్యోగుల యాక్సెస్‌ వంటి అంశాలను పరిశీలిస్తున్నట్లు సమాచారం. అయితే ఈ వివరాలపై ఒరాకిల్‌ నుంచి అధికారిక ప్రకటన వెలువడాల్సి ఉంది.

రైడ్‌ హైలింగ్‌ రంగంలోని దిగ్గజ సంస్థ ఉబర్‌ కూడా పెద్ద స్థాయి పునర్వ్యవస్థీకరణకు సిద్ధమైంది. ప్రపంచవ్యాప్తంగా సుమారు 3,300 ఉద్యోగాలను తగ్గించనున్నట్లు కంపెనీ ప్రకటించింది. ఇది సంస్థ మొత్తం ఉద్యోగుల్లో దాదాపు 10 శాతానికి సమానం కావ‌డం గ‌మ‌నార్హం. సంస్థలో మేనేజ్‌మెంట్‌ స్థాయిలను తగ్గించడం, నిర్ణయ ప్రక్రియను వేగవంతం చేయడం, నిర్వహణ వ్యవస్థను మరింత సరళీకరించడం ఈ మార్పుల ప్రధాన ఉద్దేశంగా తెలుస్తోంది. మేనేజర్ల సంఖ్యను సుమారు 20 శాతం తగ్గించాలని నిర్ణయించినప్పటికీ.. ఆ స్థాయిలో ఉన్న ప్రతి ఉద్యోగి సంస్థను వీడాల్సిన అవసరం ఉండదని కంపెనీ స్పష్టం చేసింది. కొందరిని మేనేజీరియల్‌ బాధ్యతల నుంచి తప్పించి ఇతర విధుల్లోకి మార్చే అవకాశం ఉంది.

అయితే ఉద్యోగాల కోత కేవలం మేనేజ్‌మెంట్‌కే పరిమితం కాదు. ఇతర విభాగాల్లో పనిచేస్తున్న సిబ్బందిపైనా దీని ప్రభావం పడనుంది. భవిష్యత్‌ వ్యాపార అవకాశాల్లో పెట్టుబడులు పెంచుతూ సంస్థను తక్కువ స్థాయి నిర్వహణతో వేగంగా పనిచేసే విధంగా మార్చడమే లక్ష్యమని ఉబర్‌ సీఈవో దారా ఖోస్రోషాహి తెలిపారు. 2025 చివరి నాటికి ఉబర్‌లో ప్రపంచవ్యాప్తంగా సుమారు 34,000 మంది ఉద్యోగులు ఉన్నారు. తాజా నిర్ణయం అమలైతే సంస్థలోని సిబ్బంది సంఖ్య 30 వేల కంటే తక్కువకు చేరే అవకాశం ఉంది. కరోనా సమయంలో రైడ్‌ హైలింగ్‌ వ్యాపారం భారీగా దెబ్బతిన్న 2020లో సుమారు 6,700 ఉద్యోగాలను తగ్గించిన తర్వాత.. ఇదే అతిపెద్ద ఉద్యోగాల కోతగా నిలవనుంది.

డిజిటల్‌ పేమెంట్స్‌ దిగ్గజం పేపాల్‌ కూడా ప్రపంచవ్యాప్తంగా చేపడుతున్న పునర్వ్యవస్థీకరణలో భాగంగా ఉద్యోగుల సంఖ్యను తగ్గిస్తోంది. భారత్‌లో చెన్నై, బెంగళూరు, హైదరాబాద్‌ కార్యాలయాల్లో పనిచేస్తున్న ఉద్యోగులపై ఈ ప్రభావం పడినట్లు వార్తలు వెలువడ్డాయి. భారత్‌లో సుమారు 6 వేల మందికి పైగా ఉద్యోగులు ఉన్న పేపాల్‌.. దాదాపు 600 మందిని తొలగించినట్లు తొలుత సమాచారం వచ్చింది. అయితే సంస్థ భారత ప్రతినిధి మాత్రం లేఆఫ్స్‌ ప్రభావం సుమారు 220 మంది ఉద్యోగులపై పడిందని వెల్లడించినట్లు జాతీయ మీడియా కథనాలు పేర్కొన్నాయి.

టెక్నాలజీ, ఇంజినీరింగ్‌, ఆపరేషన్స్‌, పేమెంట్స్‌, ఫైనాన్స్‌ వంటి విభాగాల్లో పనిచేస్తున్న ఉద్యోగులు ఈ పునర్వ్యవస్థీకరణ పరిధిలోకి వచ్చినట్లు తెలుస్తోంది. సంస్థ కార్యకలాపాలను మరింత సమర్థంగా నిర్వహించడం, ప్రక్రియలను సరళీకరించడం, దీర్ఘకాలిక వృద్ధికి అనుగుణంగా సంస్థను సిద్ధం చేయడం ఈ నిర్ణయం వెనుక కారణాలుగా పేపాల్‌ పేర్కొన్నట్లు సమాచారం.

కొంతమంది ఉద్యోగులకు ముందస్తు సమాచారం లేకుండానే ఆగస్టు 31న కాన్ఫరెన్స్‌ కాల్‌ ద్వారా తొలగింపు విషయం తెలియజేసినట్లు తెలుస్తోంది. అనంతరం కంపెనీ సిస్టమ్స్‌కు వారి యాక్సెస్‌ను నిలిపివేసినట్లు ఉద్యోగులు చెబుతున్నారు. మరికొందరికి ఈ-మెయిల్‌ ద్వారా సమాచారం అందినట్లు తెలుస్తోంది. ఔట్‌బోర్డింగ్‌ ప్రక్రియతో పాటు ఒక నెల జీతం చెల్లించే ఏర్పాట్లు చేసినట్లు సమాచారం.

ఉద్యోగాల కోతల ప్రభావం టెక్నాలజీ, డిజిటల్‌ పేమెంట్స్‌ రంగాలకే పరిమితం కాలేదు. జర్మనీకి చెందిన ప్రముఖ ఆటోమొబైల్‌ సంస్థ వోక్స్‌వ్యాగన్‌ కూడా భారీ పునర్వ్యవస్థీకరణ ప్రణాళికను రూపొందించింది. 2030లోపు సంస్థలో సుమారు లక్ష ఉద్యోగాలను తగ్గించే దిశగా యాజమాన్యం, కార్మిక సంఘాల మధ్య ఒప్పందం కుదిరినట్లు సమాచారం. ఇప్పటికే 50 వేల ఉద్యోగాల కోతకు అంగీకారం ఉండగా.. అదనంగా మరో 50 వేల పోస్టులను తగ్గించే నిర్ణయం తీసుకున్నట్లు వార్తలు వచ్చాయి. కంపెనీ ప్రపంచవ్యాప్తంగా ఉన్న ఉద్యోగుల సంఖ్యతో పోలిస్తే ఇది సుమారు 15 శాతానికి సమానం.

చైనాకు చెందిన ఎలక్ట్రిక్‌ వాహన సంస్థల నుంచి పెరుగుతున్న పోటీ, అమెరికా వాణిజ్య సుంకాల ప్రభావం, ఈవీ మార్కెట్లో డిమాండ్‌లో వచ్చిన మార్పులు వోక్స్‌వ్యాగన్‌పై ఒత్తిడిని పెంచుతున్నాయి. ఈ పరిస్థితుల్లో ఖర్చులను నియంత్రించేందుకు సంస్థ భారీ స్థాయిలో పునర్వ్యవస్థీకరణ చేపడుతున్నట్లు తెలుస్తోంది. జర్మనీలోని హన్నోవర్‌, ఎమ్డెన్‌, స్వికావ్‌, నెకార్సుల్మ్‌ వంటి కీలక ప్లాంట్ల భవిష్యత్తుపైనా చర్చ మొదలైంది. ప్రత్యామ్నాయ వినియోగ మార్గాలను పరిశీలిస్తున్నామని సంస్థ చెబుతున్నప్పటికీ.. ప్రస్తుతానికి ఏ ప్లాంట్‌ను పూర్తిగా మూసివేయాలనే నిర్ణయం తీసుకోలేదని కార్మిక సంఘాలు వెల్లడించాయి.

గతంలో జనరల్‌ మోటార్స్‌ దివాలా పరిస్థితుల్లో సుమారు 50 వేల ఉద్యోగాలను తొలగించిన ఘటనతో పోలిస్తే.. వోక్స్‌వ్యాగన్‌ ప్రణాళిక మరింత భారీ స్థాయిలో ఉండటం గమనార్హం. ఈ పరిణామం ప్రపంచ ఆటోమొబైల్‌ పరిశ్రమలో ఉద్యోగాల భద్రతపై కొత్త ఆందోళనలకు దారితీస్తోంది.

మొత్తంగా చూస్తే.. వ్యాపార ఖర్చులు, మారుతున్న మార్కెట్‌ పరిస్థితులు, ఆటోమేషన్‌, సంస్థాగత పునర్వ్యవస్థీకరణ వంటి అంశాలు ప్రపంచంలోని ప్రముఖ కంపెనీలపై ప్రభావం చూపుతున్నాయి. భవిష్యత్‌ వృద్ధికి సంస్థలను సిద్ధం చేసుకునే క్రమంలో ఉద్యోగుల సంఖ్యను తగ్గించే నిర్ణయాలు తీసుకుంటున్నాయి. అయితే ఒకేసారి వేలాది ఉద్యోగాలు కోల్పోవడం ఆయా రంగాల్లో పనిచేస్తున్న సిబ్బందిలో తీవ్ర ఆందోళనకు కారణమవుతోంది.

Government Jobs : గట్టిగా ట్రై చేస్తే నెలకు రూ.1,27,050 జీతంతో ఓ సర్కార్ నౌకరీ మీదే.. టిజిపిఎస్సి జాబ్ నోటిఫికేషన్ ఫుల్ డిటెయిల్స్

Arun Kumar P — Thu, 09 Jul 2026 12:55:21 +0530

తెలంగాణ యువతకు ఇదే అద్భుత అవకాశం. ప్రభుత్వ ఉద్యోగాల నియామక సంస్థ టిజిపిఎస్సి నుండి వరుస నోటిఫికేషన్లు వెలువడుతున్నాయి. తాజాగా మరో జాబ్ నోటిఫికేషన్ వచ్చింది. ఈ ఉద్యోగాల భర్తీకి సంబంధించి పూర్తి వివరాలు తెలుసుకుందాం.

TGPSC Jobs Notification 2026 : ప్రభుత్వ ఉద్యోగం సాధించాలని కలలుగంటున్న యువతీయువకులకు తెలంగాణ ప్రభుత్వం గుడ్ న్యూస్ తెలిపింది. ఇప్పటికే వివిధ శాఖల్లో ఉద్యోగాల భర్తీకి ఉద్యోగ నియామక సంస్థ తెలంగాణ పబ్లిక్ సర్వీస్ కమీషన్ (TGPSC) నోటిఫికేషన్స్ జారీ చేసిన విషయం తెలిసిందే... తాజాగా టౌన్ ఆండ్ కంట్రీ ప్లానింగ్ డిపార్ట్‌మెంట్ లో ఖాళీలను భర్తీకి ప్రకటన వెలువడింది. టౌన్ ప్లానింగ్ అసిస్టెంట్ డైరెక్టర్ పోస్టుల భర్తీకి సంబంధించి పూర్తి వివరాలతో నోటిఫికేషన్ విడుదల చేసింది టిజిపిఎస్సి... అర్హులైన అభ్యర్థుల నుండి ఆన్‌లైన్ దరఖాస్తులను ఆహ్వానిస్తోంది. ఈ ఉద్యోగాలకు సంబంధించిన ముఖ్యమైన తేదీలు, ఖాళీలు, అర్హతలు, వయోపరిమితి, ఫీజు, పరీక్షా విధానం వంటి పూర్తి వివరాలు ఇక్కడ తెలుసుకుందాం

నోటిఫికేషన్ జారీ చేసిన సంస్థ : తెలంగాణ పబ్లిక్ సర్వీస్ కమీషన్(TGPSC)

భర్తీచేసే పోస్టులు : టౌన్ ఆండ్ కంట్రీ ప్లానింగ్ డిపార్ట్మెంట్ లో టౌన్ ప్లానింగ్ అసిస్టెంట్ డైరెక్టర్ పోస్టులు

దరఖాస్తు ప్రక్రియ

టౌన్ ప్లానింగ్ అసిస్టెంట్ డైరెక్టర్ పోస్టులకు దరఖాస్తులు ప్రారంభం : 10 జూలై 2026

దరఖాస్తులకు చివరి తేదీ : 17 ఆగస్ట్ 2026

తెలంగాణ పబ్లిక్ సర్వీస్ కమీషన్ అధికారిక వెబ్ సైట్ https://www.tgpsc.gov.in ద్వారా మాత్రమే దరఖాస్తు చేసుకోవాలి. నేరుగా టిజిపిఎస్సి కార్యాలయానికి దరఖాస్తు పంపించడం, ఇతర ఏ పద్దతిలోనూ దరఖాస్తు చేయరాదు.

దరఖాస్తు ఫీజు

ఓసి, బిసి అభ్యర్థులకు - రూ.1000

ఎస్సి, ఎస్టి, పిడబ్ల్యుడి - రూ.500

ప్రతి అభ్యర్థి ఎగ్జామినేషన్ ఫీజుగా 120 రూపాయలు చెల్లించాలి.

కేవలం ఆన్ లైన్ లోనే పేమెంట్ చేయాలి. ఒక్కసారి ఫీజు చెల్లించాలి తిరిగి ఇవ్వబడదు.

రాత పరీక్ష, సర్టిఫికేట్ వెరిఫికేషన్ ద్వారా ఎంపిక చేస్తారు.

అక్టోబర్, 2026 లో రాతపరీక్ష ఉంటుంది. తేదీని త్వరలోనే ప్రకటించనున్నారు. ఎగ్జామ్ కు 7 రోజుల ముందునుండి హాల్ టికెట్స్ జారీ చేస్తారు... పరీక్షకు ముందురోజు సాయంత్రం 5 గంటల వరకు పొందవచ్చు. ఆన్లైన్ లో ఈ దరఖాస్తులు అందుబాటులో ఉంటాయి.

ఈ నగరాల్లోనే ఎగ్జామ్ సెంటర్లు..

హైదరాబాద్ (HMDA పరిధి)

కరీంనగర్

ఖమ్మం

వరంగల్

నిజామాబాద్ లలో ఎగ్జామ్ సెంటర్లు

ఎగ్జామ్ సిలబస్

రాత పరీక్ష రెండు పేపర్లు ఉంటుంది - మొత్తం 450 మార్కులు

పేపర్-1 : జనరల్ స్టడీస్ ఆండ్ జనరల్ ఎబిలిటీస్ - 150 ప్రశ్నలు - 150 నిమిషాల సమయం - 150 మార్కులు (ఇంగ్లీష్, తెలుగులో ఉంటుంది)

పేపర్-2 : సబ్జెక్ట్ కు సంబంధించిన ప్రశ్నలు ఉంటాయి. 150 ప్రశ్నలు - 150 నిమిషాల సమయం - 300 మార్కులు (కేవలం ఇంగ్లీష్ లోనే)

మల్టీ జోనల్ క్యాడర్ ఉద్యోగాలివి. టౌన్ ఆండ్ కంట్రీ ప్లానింగ్ డిపార్ట్మెంట్ లో మొత్తం 10 టౌన్ ప్లానింగ్ అసిస్టెంట్ డైరెక్టర్ పోస్టులను భర్తీ చేయనున్నారు.

రిజర్వేషన్ల వారిగా ఖాళీలు..

ఓసి - 6

బిసి-ఏ - 2

ఎస్సి - 2

టౌన్ ఆండ్ కంట్రీ ప్లానింగ్ లో పోస్ట్ గ్రాడ్యుయేషన్ డిగ్రీ లేదా డిప్లమా తప్పనిసరిగా చేసివుండాలి. అలాగే B.Arch (బ్యాచిలర్ ఆఫ్ ఆర్కిటెక్చర్) లేదా B.E (బిఈ)/B.Tech(బిటెక్) లేదా B.Planning (బ్యాచిలర్ ఆఫ్ ప్లానింగ్)/ B.Tech (Planning) లేదా ఎంఏ (జాగ్రఫీ) లేదా ఎమ్మెస్సీ (జాగ్రపీ) లేదా ఎమ్మెస్సీ (జియోఇన్ఫ్మేటిక్స్) పూర్తిచేసి ఉండాలి.

ప్రభుత్వ గుర్తింపు పొందిన యూనివర్సిటీ లేదా విద్యాసంస్థ నుండి ఈ విద్యార్హతలు కలిగివుండాలి. 06/07/2026 నాటికి ఈ విద్యార్హతలు కలిగినవారే అసిస్టెంట్ డైరెక్టర్ ఆఫ్ టౌన్ ప్లానింగ్ ఉద్యోగాలకు అర్హులు.

టౌన్ ప్లానింగ్ అసిస్టెంట్ డైరెక్టర్ ఉద్యోగాల కోసం ప్రయత్నించేవారి వయసు 18 నుండి 44 ఏళ్లలోపు ఉండాలి.

01-07-2026 వరకు గల వయసును పరిగణలోకి తీసుకుంటారు

02-07-1982 నుండి 01-07-2008 మధ్య పుట్టినవారు అర్హులు

18 ఏళ్లకంటే తక్కువ, 61 ఏళ్ల కంటే ఎక్కువ వయసు గలవారు అనర్హులు

వయో పరిమితి సడలింపు

ఎస్సి, ఎస్టి, బిసి, ఈడబ్ల్యుఎస్ - 5 ఏళ్లు

దివ్యాంగులు - 10 ఏళ్లు

తెలంగాణ ప్రభుత్వ ఉద్యోగులు (కార్పోరేషన్స్, మున్సిపాలిటీల ఉద్యోగులు కాకుండా) - 5 ఏళ్లు

మాజీ ఆర్మీ ఉద్యోగులు - 3 ఏళ్లు

N.C.C (ఇన్స్ట్రక్టర్ గా పనిచేసి ఉండాలి) - 3 ఏళ్లు

టౌన్ ప్లానింగ్ అసిస్టెంట్ డైరెక్టర్ అనేవి రాష్ట్రస్థాయి ఉద్యోగాలు కాబట్టి ఉన్నత హోదాతో పాటు మంచి శాలరీ ఉంటుంది. ఈ ఉద్యోగానికి ఎంపికయ్యే అభ్యర్థికి నెలకు రూ.58,850 నుండి రూ.1,27,050 జీతం ఉంటుంది. ఇతర ప్రభుత్వ ఉద్యోగులకు లభించే అన్నిరకాల అలవెన్సులు లభిస్తాయి.

హైస్పీడ్ రైలు ప్రాజెక్టులో ఉద్యోగాలు.. నెల‌కు రూ. ల‌క్ష‌పైగా జీతం, ఎవ‌రు అర్హులు, ఎలా అప్లై చేసుకోవాలంటే?

Narender Vaitla — Thu, 23 Jul 2026 09:26:12 +0530

NHSRCL Recruitment: దేశంలో హైస్పీడ్ రైలు ప్రాజెక్టులను అమలు చేస్తున్న నేషనల్ హైస్పీడ్ రైల్ కార్పొరేషన్ లిమిటెడ్ (NHSRCL) ఉద్యోగ నోటిఫికేషన్ విడుదల చేసింది. మొత్తం 237 టెక్నీషియన్ పోస్టులకుగానుఆన్‌లైన్ దరఖాస్తులను ఆహ్వానిస్తోంది.

ఈ నోటిఫికేషన్ ద్వారా సివిల్, ఎలక్ట్రికల్, మెకానికల్, ఎలక్ట్రానిక్స్, సిగ్నలింగ్ అండ్ టెలికమ్యూనికేషన్, రోలింగ్ స్టాక్ తదితర విభాగాల్లో టెక్నీషియన్ పోస్టులను భర్తీ చేయనున్నారు. ఎంపికైన అభ్యర్థులను సంస్థ అవసరాలను బట్టి దేశంలోని ఏ ప్రాంతంలోనైనా విధుల్లో నియమించే అవకాశం ఉంటుంది. ఉద్యోగంలో చేరిన తర్వాత తొలి ఏడాది ప్రొబేషన్ కాలంగా పరిగణిస్తారు. ఆ కాలంలో అభ్యర్థుల పనితీరును పరిశీలించిన తర్వాత శాశ్వత నియామకాన్ని కొనసాగిస్తారు.

దరఖాస్తు చేయాలనుకునే అభ్యర్థులు పదో తరగతి ఉత్తీర్ణులై ఉండాలి. అనంతరం ఫిట్టర్, మెకానిక్, డ్రాఫ్ట్స్‌మ్యాన్, సర్వేయర్, ఎలక్ట్రీషియన్, వెల్డర్, ప్లంబర్, పెయింటర్, కంప్యూటర్ ఆపరేటర్, మెషినిస్ట్, టర్నర్, ఎలక్ట్రానిక్ మెకానిక్ వంటి గుర్తింపు పొందిన ట్రేడ్లలో ఐటీఐ పూర్తి చేసి ఉండాలి. లేదా సివిల్, ఎలక్ట్రికల్, మెకానికల్, ఎలక్ట్రానిక్స్ అండ్ కమ్యూనికేషన్, కంప్యూటర్, ఇన్ఫర్మేషన్ టెక్నాలజీ, ఇన్‌స్ట్రుమెంటేషన్, కంప్యూటర్ సైన్స్ వంటి బ్రాంచ్‌లలో ఇంజినీరింగ్ డిప్లొమా ఉత్తీర్ణులై ఉండాలి.

విద్యార్హతలతో పాటు 2026 జూన్ 30 నాటికి కనీసం రెండేళ్ల సంబంధిత ఉద్యోగ అనుభవం తప్పనిసరిగా ఉండాలి. అయితే బోధన, ఫ్యాకల్టీ విధులు, అప్రెంటిస్‌షిప్, పార్ట్‌నర్‌షిప్, ఫ్రీలాన్సింగ్ వంటి అనుభవాలను ఉద్యోగ అనుభవంగా పరిగణించరు. అలాగే బీఈ లేదా బీటెక్ వంటి ఉన్నత విద్య పూర్తి చేసి, ఐటీఐ లేదా డిప్లొమా అర్హత లేని అభ్యర్థులు ఈ నియామకాలకు దరఖాస్తు చేసుకునే అవకాశం లేదు.

అభ్యర్థుల ఎంపికను పలు దశల్లో నిర్వహిస్తారు. ముందుగా కంప్యూటర్ బేస్డ్ టెస్ట్ (సీబీటీ) నిర్వహించి అర్హత సాధించిన వారిని తదుపరి దశకు ఎంపిక చేస్తారు. అనంతరం ఇంటర్వ్యూ, డాక్యుమెంట్ వెరిఫికేష‌న్‌, వైద్య పరీక్షలు నిర్వహిస్తారు. అన్ని దశల్లో విజయవంతమైన అభ్యర్థుల మెరిట్ ఆధారంగా తుది ఎంపిక జాబితాను ప్రకటిస్తారు. సీబీటీ తేదీ, అడ్మిట్ కార్డు, ఇతర సమాచారాన్ని అభ్యర్థులు నమోదు చేసిన ఈమెయిల్ చిరునామాకు పంపిస్తారు.

ఈ పోస్టులకు దరఖాస్తు చేసే అభ్యర్థుల గరిష్ఠ వయస్సు 35 సంవత్సరాలు మించకూడదు. రిజర్వేషన్ నిబంధనల ప్రకారం ఎస్సీ, ఎస్టీ, ఓబీసీ తదితర ప్రత్యేక వర్గాలకు ప్రభుత్వ నిబంధనల మేరకు వయోపరిమితిలో సడలింపు ఉంటుంది.

వేతనం నెలకు రూ.35,000 నుంచి రూ.1,10,000 వరకు ఉంటుంది. ప్రాథమిక వేతనంతో పాటు ఇండస్ట్రియల్ డియర్‌నెస్ అలవెన్స్ (IDA), హౌస్ రెంట్ అలవెన్స్ (HRA), వైద్య సదుపాయాలు, ఉద్యోగుల భవిష్యనిధి (EPF), గ్రాట్యుటీ, ఇతర అలవెన్సులు, ప్రోత్సాహకాలు కూడా అందిస్తారు.

దరఖాస్తు ఫీజు విషయానికి వస్తే యూఆర్, ఈడబ్ల్యూఎస్, ఓబీసీ అభ్యర్థులు రూ.400 చెల్లించాలి. ఎస్సీ, ఎస్టీ, మహిళా అభ్యర్థులకు దరఖాస్తు ఫీజు నుంచి పూర్తిగా మినహాయింపు కల్పించారు.

ఈ నియామకాలకు ఆసక్తి ఉన్న అభ్యర్థులు ఆన్‌లైన్ ద్వారా మాత్రమే దరఖాస్తు చేసుకోవాలి. దరఖాస్తు సమర్పించేందుకు చివరి తేదీ 2026 ఆగస్టు 5. అర్హతలు, పోస్టుల వివరాలు, దరఖాస్తు విధానం, అధికారిక నోటిఫికేషన్ తదితర పూర్తి సమాచారం కోసం NHSRCL అధికారిక వెబ్‌సైట్‌ను సందర్శించాలి. దరఖాస్తు చేసే ముందు నోటిఫికేషన్‌ను పూర్తిగా చదివి, అన్ని అర్హతలను ఒకసారి పరిశీలించి దరఖాస్తు సమర్పించడం మంచిది.

Railway Jobs : తెలుగు యువతకు బంపరాఫర్.. డిగ్రీ పాసైతే చాలు సికింద్రాబాద్ లో రైల్వే జాబ్

Arun Kumar P — Thu, 16 Jul 2026 14:46:24 +0530

రైల్వే రిక్రూట్‌మెంట్ బోర్డ్ (RRB) దేశవ్యాప్తంగా 119 సెక్షన్ కంట్రోలర్ పోస్టుల భర్తీకి నోటిఫికేషన్ జారీ చేసింది. డిగ్రీ పాసైన అర్హులైన అభ్యర్థులు ఈ పోస్టులకు ఆన్‌లైన్‌లో అప్లై చేసుకోవచ్చు. సికింద్రాబాద్ లో కూడా పోస్టులున్నాయి.

Indian Railway Jobs : ప్రభుత్వ ఉద్యోగం సాధించాలనేది చాలామంది యువతీయువకుల కల.. ఇందుకోసం రాత్రింభవళ్లు కష్టపడుతుంటారు. ఇలాంటి తెలుగు యువతకు ఇండియన్ రైల్వేస్ బంపరాఫర్ ఇచ్చింది... రైల్వే రిక్రూట్‌మెంట్ బోర్డ్ (RRB) ఉద్యోగాల భర్తీకి ప్రకటన విడుదల చేసింది. దేశవ్యాప్తంగా వివిధ రైల్వే జోన్లలో ఖాళీగా ఉన్న సెక్షన్ కంట్రోలర్ (Section Controller - CEN No.03/2026) పోస్టుల భర్తీకి అధికారిక నోటిఫికేషన్ జారీ చేసింది. డిగ్రీ పాసైన వాళ్లు ఆన్‌లైన్‌లో అప్లై చేసుకోవచ్చు.

ఆన్‌లైన్ అప్లికేషన్ ప్రారంభం : జూలై 15, 2026.

అప్లై చేయడానికి చివరి తేదీ : ఆగస్టు 14, 2026.

ఫీజు చెల్లించడానికి చివరి తేదీ : ఆగస్టు 16, 2026.

అప్లికేషన్ కరెక్షన్ విండో : 2026 ఆగస్టు 17 నుంచి 26 వరకు.

స్క్రైబ్ (Scribe) వివరాలు ఇవ్వడానికి : 2026 ఆగస్టు 27 నుంచి 31

CBT పరీక్షతో పాటు రిక్రూట్మెంట్ కు సంబంధించిన వివరాల కోసం RRB వెబ్ సైట్ ను తరచూ పరిశీలిస్తూ ఉండాలి.

దరఖాస్తు ఫీజు :

జనరల్/ఓబీసీ/ఈడబ్ల్యూఎస్ అభ్యర్థులకు: రూ. 500.

ఎస్సీ/ఎస్టీ/మహిళలు/ట్రాన్స్‌జెండర్/మాజీ సైనికులు/దివ్యాంగులకు: రూ. 250.

దేశవ్యాప్తంగా మొత్తం 119 సెక్షన్ కంట్రోలర్ పోస్టులను భర్తీ చేస్తున్నారు. వివిధ రైల్వే జోన్ల (Zones) వారీగా ఖాళీల వివరాలు ఇక్కడ ఉన్నాయి.

సికింద్రాబాద్ : 05 పోస్టులు

బెంగళూరు : 08 పోస్టులు

చెన్నై : 09 పోస్టులు

అహ్మదాబాద్ : 11 పోస్టులు

అజ్మీర్ : 01 పోస్టు

భోపాల్ : 06 పోస్టులు

భువనేశ్వర్ : 06 పోస్టులు

బిలాస్‌పుర్ : 04 పోస్టులు

చండీగఢ్ : 06 పోస్టులు

గౌహతి: 01 పోస్టు

జమ్మూ & శ్రీనగర్ : 10 పోస్టులు

కోల్‌కతా : 08 పోస్టులు

మాల్డా : 07 పోస్టులు

ముంబై : 06 పోస్టులు

ముజఫర్‌పుర్ : 03 పోస్టులు

పాట్నా : 06 పోస్టులు

ప్రయాగ్‌రాజ్ : 04 పోస్టులు

రాంచీ : 14 పోస్టులు

సిలిగురి : 05 పోస్టులు

గోరఖ్‌పుర్ : 05 పోస్టులు

తిరువనంతపురం : 04 పోస్టులు

విద్యార్హతలు :

అభ్యర్థులు గుర్తింపు పొందిన యూనివర్సిటీ నుంచి ఏదైనా సబ్జెక్టులో డిగ్రీ (Graduate Degree) పాసై ఉండాలి.

వయోపరిమితి :

అభ్యర్థుల వయసు కనీసం 20 ఏళ్లు, గరిష్ఠంగా 33 ఏళ్ల లోపు ఉండాలి. జూలై 1, 2026 నాటి వయసును పరిగణలోకి తీసుకుంటారు.

ఓబిసి (నాన్ క్రిమిలేయర్ (NCL) - 3 ఏళ్లు సడలింపు ఉంటుంది.

ఎస్సి, ఎస్టి - 5 ఏళ్లు

మాజీ సైనికులు (కనీసం 6 నెలలు ఆర్మీలో పనిచేసివుండాలి) - రిజర్వేషన్ ను బట్టి 3 ఏళ్ల నుండి 8 ఏళ్లు

దివ్యాంగులు - రిజర్వేషన్ ను బట్టి 10 నుండి 15 ఏళ్లు సడలింపు ఇస్తారు.

వితంతువులు, విడాకులు తీసుకుని ఒంటరిగా జీవిస్తున్న మహిళలకు కూడా ప్రత్యేకంగా వయోపరిమితి సడలింపు కల్పించారు.

ఎంపిక విధానం

రైల్వేలో సెక్షన్ కంట్రోలర్ ఉద్యోగాలను మొత్తం నాలుగు దశల్లో ఎంపిక చేస్తారు.

సింగిల్ స్టేజ్ కంప్యూటర్ బేస్డ్ టెస్ట్ (CBT)

కంప్యూటర్ బేస్డ్ ఆప్టిట్యూడ్ టెస్ట్ (CBAT)

డాక్యుమెంట్ వెరిఫికేషన్ (Document Verification)

మెడికల్ ఎగ్జామినేషన్ (Medical Examination)

శాలరీ :

ఎంపికైన అభ్యర్థులకు నెలకు రూ. 35,400 ప్రారంభ జీతం ఉంటుంది… ఇతర రైల్వే ఉద్యోగుల మాదిరిగానే అలవెన్సులు వర్తిస్తాయి. కేంద్ర ప్రభుత్వ ఉద్యోగాలు కాబట్టి క్రమంగా శాలరీ ఇంక్రిమెంట్, ప్రమోషన్లు ఉంటాయి.

ఈ రైల్వే సెక్షన్ కంట్రోల్ ఉద్యోగాలపై ఆసక్తి కలిగివుండి, అన్ని అర్హత ఉన్న అభ్యర్థులు మరిన్ని వివరాల కోసం రైల్వే రిక్రూట్‌మెంట్ బోర్డ్ అధికారిక వెబ్‌సైట్‌ను సందర్శించవచ్చు.

Government Bank Jobs : డిగ్రీ చదివితే చాలు.. నెలకు రూ.85,920 జీతంతో ప్రభుత్వ బ్యాంకులో ఆఫీసర్ జాబ్స్

Arun Kumar P — Thu, 02 Jul 2026 16:08:48 +0530

ప్రభుత్వ బ్యాంకుల్లో 6715 ప్రొబేషనరీ ఆఫీసర్/మేనేజ్‌మెంట్ ట్రైనీ పోస్టుల భర్తీకి ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) నోటిఫికేషన్ విడుదల చేసింది. ఈ జాబ్స్ కు సంబంధించిన పూర్తి వివరాలు ఇక్కడ తెలుసుకొండి.

Government Bank Jobs : బ్యాంకు ఉద్యోగం సాధించాలని కలలుగంటున్న యువతకు సూపర్ ఛాన్స్. ప్రభుత్వరంగ బ్యాంకుల్లో ఉద్యోగాల భర్తీ చేపట్టే కేంద్ర ప్రభుత్వ నియామక సంస్థ ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) ఓ భారీ నోటిఫికేషన్ విడుదల చేసింది. దేశవ్యాప్తంగా ఉన్న ప్రభుత్వ సెక్టార్ బ్యాంకుల్లో ఖాళీల భర్తీకి సిద్దమయ్యింది… అది ఒకటిరెండు ఉద్యోగాలు కావు ఏకంగా ఆరువేలకు పైగా ఖాళీలను భర్తీ చేయనుంది. కాబట్టి అన్ని అర్హతలుండి బ్యాంకు ఉద్యోగాలపై ఆసక్తి కలిగినవారు వెంటనే ఆన్‌లైన్‌లో అప్లై చేసుకోవచ్చు… ఉద్యోగాన్ని పొంది లైఫ్ లో సెటిల్ కావచ్చు.

ఐబిపిఎస్ నోటిఫికేషన్ వివరాలు..

సంస్థ : ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS)

పోస్టుల సంఖ్య : 6715

పోస్ట్ : ప్రొబేషనరీ ఆఫీసర్ (PO)/ మేనేజ్‌మెంట్ ట్రైనీ

పని ప్రదేశం : భారతదేశం అంతటా

విద్యా అర్హత :

గుర్తింపు పొందిన యూనివర్సిటీ నుంచి ఏదైనా డిగ్రీ పూర్తి చేసి ఉండాలి.

వయోపరిమితి :

అభ్యర్థులకు కనీసం 20 ఏళ్లు, గరిష్ఠంగా 30 ఏళ్లు ఉండాలి.

వయోపరిమితిలో సడలింపు :

ఓబీసీ (OBC) అభ్యర్థులకు : 03 సంవత్సరాలు సడలింపు

ఎస్సీ/ఎస్టీ/ఈఎస్ఎం (SC/ST/ESM) అభ్యర్థులకు : 05 సంవత్సరాలు సడలింపు

దివ్యాంగులకు (PwBD) : 10 సంవత్సరాలు సడలింపు

మూడు దశల్లో ఎంపిక ప్రక్రియ ఉంటుంది.

ప్రిలిమినరీ పరీక్ష (Preliminary Exam)

మెయిన్ పరీక్ష (Main Exam)

ఇంటర్వ్యూ (Interview)

అప్లికేషన్ ఫీజు :

అభ్యర్థులపై పెద్దగా భారం లేకుండా దరఖాస్తు ఫీజు చాలా తక్కువగా ఉంటుంది

ఎస్సీ/ ఎస్టీ/ పీడబ్ల్యూబీడీ (SC/ ST/ PwBD) అభ్యర్థులకు : రూ. 175

ఇతర కేటగిరీల వారికి (General/OBC/EWS) : రూ. 850

ముందుగా IBPS అధికారిక వెబ్‌సైట్‌కి వెళ్లి నోటిఫికేషన్‌ను పూర్తిగా చదవండి.

మీ లేటెస్ట్ ఫోటో, సంతకం, ఈమెయిల్ ఐడీ, అవసరమైన సర్టిఫికెట్లను సిద్ధంగా ఉంచుకోండి.

ఆన్‌లైన్ అప్లికేషన్‌ను సరిగ్గా నింపండి.

మీ కేటగిరీకి అనుగుణంగా అప్లికేషన్ ఫీజు చెల్లించి, 'Submit' బటన్‌పై క్లిక్ చేయండి.

భవిష్యత్ అవసరాల కోసం అప్లికేషన్ ఫారమ్‌ను ఒక ప్రింట్ అవుట్ తీసి పెట్టుకోండి.

ముఖ్యమైన తేదీలు:

అప్లికేషన్ ప్రారంభ తేదీ: జూలై 01, 2026

అప్లై చేయడానికి చివరి తేదీ: జూలై 21, 2026

ఫీజు చెల్లించడానికి చివరి తేదీ: జూలై 21, 2026

ఐబిపిఎస్ ఎగ్జామ్స్, ఇంటర్వ్యూలో అర్హత సాధించి ఉద్యోగం పొందితే లైఫ్ సెటిల్ అయినట్లే. ఈ పోస్టులకు ఎంపికైన అభ్యర్థులకు ప్రారంభంలోనే నెలకు రూ.48,480 నుంచి రూ.85,920 వరకు జీతం లభిస్తుంది. అంతేకాదు ఇతర అలవెన్సులు కూడా వర్తిస్తాయి… అనుభవం పెరిగేకొద్ది శాలరీ ఇక్రిమెంట్ కూడా ఉంటుంది.

ఎవరు ఎక్కువ ఫుడ్ తింటారు.. పొడవుగా ఉన్నోళ్లా లేక పొట్టోళ్ళా?

Arun Kumar P — Tue, 25 Aug 2026 16:54:05 +0530

యూపీఎస్సీ ఇంటర్వ్యూ అనగానే చాలామందికి కష్టమైన జీకే, కరెంట్ అఫైర్స్ లేదంటే సబ్జెక్ట్ ప్రశ్నలే గుర్తొస్తాయి. కానీ అభ్యర్థి లాజికల్ థికింగ్‌ను పరీక్షించే ప్రశ్నలు కూడా చాలా ఉంటాయి. అలాంటి ఓ ప్రశ్నను ఇక్కడ చూద్దాం.

‘పొడవుగా ఉన్నవాళ్లు ఎక్కువ తింటారా?’ ఈ ప్రశ్న వినగానే చాలామంది వెంటనే ‘అవును’ లేదా ‘కాదు’ అని ఏదో జవాబు చెప్పేస్తారు. కానీ యూపిఎస్సి ఇంటర్వ్యూలో ఇలాంటి లాజికల్ ప్రశ్నకు పైపైన సమాధానం ఇచ్చేయకూడదు. దాని వెనకున్న కారణాలను విశ్లేషించాలి. ఒక వ్యక్తి ఆహార అవసరాలను కేవలం ఎత్తు మాత్రమే నిర్ణయించదు. శరీర పరిమాణం, బరువు, వయసు, లింగం, శారీరక శ్రమ, ఆరోగ్యం వంటి చాలా అంశాలు దీనిపై ప్రభావం చూపుతాయి... ఆలా వివరణతో కూడిన జవాబు చెప్పాలి.

ఈ ప్రశ్నకు అభ్యర్థి ఇలా సమాధానం ఇవ్వొచ్చు.. ‘సార్/మేడమ్, పొడవుగా ఉన్నవాళ్లందరూ కచ్చితంగా ఎక్కువ తింటారని చెప్పలేం’. ఆ తర్వాత ఒక వ్యక్తి ఆహార అవసరాలను ప్రభావితం చేసే ఇతర అంశాల గురించి వివరించాలి. ఇలాంటి సమాధానం, మీరు ఒక సమస్యను ఒకే కోణంలో కాకుండా, అన్ని వైపుల నుంచి ఆలోచిస్తారని తెలియజేస్తుంది.

ఉదాహరణకు పొట్టిగా ఉన్నప్పటికీ రోజూ కష్టపడి పనిచేసే వ్యక్తికి ఎక్కువ శక్తి అవసరం. అదే సమయంలో పొడవుగా ఉండి, పెద్దగా శారీరక శ్రమ లేని వ్యక్తికి అంత శక్తి అవసరం ఉండకపోవచ్చు. జీవక్రియ (Metabolism), శరీర బరువు, వయసు, చేసే పని వంటివి కూడా రోజువారీ శక్తి అవసరాలను నిర్ణయిస్తాయి. కాబట్టి ఆహారం విషయంలో ఎత్తు మాత్రమే కొలమానం కాదు అంటూ చాలా డిప్లమాటిక్ గా సమాధానం చెప్పాలి.

ఇలాంటి ప్రశ్నల ద్వారా ఇంటర్వ్యూ బోర్డు అభ్యర్థి ఆలోచనా విధానాన్ని అర్థం చేసుకోవడానికి ప్రయత్నిస్తుంది. తెలిసిన సమాధానాన్ని వెంటనే చెప్పడం కంటే, ప్రశ్న పరిధిని అర్థం చేసుకుని, తార్కికంగా విశ్లేషించడం ముఖ్యం. ముఖ్యంగా అడ్మినిస్ట్రేటివ్ ఉద్యోగాల్లో ఒకే సమస్యను బహుళ కోణాల్లో చూసి, ఆధారాలతో నిర్ణయం తీసుకునే సామర్థ్యం చాలా అవసరం.

ఇంకో విషయం ఏంటంటే ఇలాంటి ప్రశ్నలకు సమాధానమిచ్చేటప్పుడు సాధారణీకరించడం (generalize) మంచిది కాదు. ‘పొడవుగా ఉన్నవాళ్లంతా ఎక్కువ తింటారు’ లేదా ‘ఎత్తుకు, ఆహారానికి సంబంధమే లేదు’ అని రెండు తీవ్రమైన అభిప్రాయాలు చెప్పే బదులు, ‘ఎత్తు ఒక కారణం కావచ్చు, కానీ అదే నిర్ణయాత్మక అంశం కాదు’ అని సమతుల్యమైన సమాధానం ఇవ్వాలి.

మొత్తంగా యూపీఎస్సీ ఇంటర్వ్యూలో కొన్నిసార్లు సింపుల్‌గా కనిపించే ప్రశ్నలే మన ఆలోచనా విధానాన్ని పరీక్షిస్తాయి. కాబట్టి ప్రశ్న ఎంత సులభంగా ఉన్నా కంగారు పడకుండా, దాన్ని అర్థం చేసుకుని, తార్కికంగా సమాధానం ఇవ్వడం మంచిది.

Car Driver Salary: అమెరికాలో కారు నడిపితే నెలకు ఎంత వస్తుందో తెలుసా? దెబ్బకు లైఫ్ సెటిల్

Nandini Arava — Thu, 23 Jul 2026 17:14:01 +0530

Car Driver Salary: అమెరికాలో ఉద్యోగాల గురించి మాట్లాడితే చాలా మంది ముందుగా గుర్తుకొచ్చేది ఊబర్ డ్రైవింగ్. రోజుకు కొన్ని గంటలు కారు నడిపితే వేల డాలర్లు వస్తాయట. నెలకు లక్షల రూపాయలు సంపాదిస్తారనే టాక్ ఉంది. కానీ ఇందులో నిజమెంత?

Uber డ్రైవర్లు అంటే ఏదో కంపెనీ ఉద్యోగులు కాదు. వీరు ఇండిపెండెంట్ కాంట్రాక్టర్లు. అంటే ఎప్పుడు పనిచేయాలనేది, ఎంతసేపు పనిచేయాలనేది డ్రైవర్ ఇష్టమే. ఎన్ని ఎక్కువ గంటలు పనిచేస్తే అంత ఎక్కువ సంపాదించే అవకాశం ఉంటుంది.

అమెరికాలో పూర్తి సమయం Uber నడిపే డ్రైవర్ నెలకు సగటున 4,800 నుంచి5,300 అమెరికన్ డాలర్ల వరకు గ్రాస్ ఆదాయం పొందే అవకాశం ఉంది. భారత కరెన్సీలో ఇది సుమారు రూ.4లక్షల నుంచి రూ.4.5 లక్షల వరకు అవుతుంది. అయితే ఇది చేతికి వచ్చే మొత్తం కాదు. ఇందులో ఇంధనం, కారు మెయింటెయిన్, ఇన్సూరెన్స్, వాహన లోన్ లేదా లీజ్, టోల్ ఫీజులు, ట్యాక్స్ వంటి ఖర్చులు ఉంటాయి.

ఈ ఖర్చులన్నీ తీసేస్తే నికర ఆదాయం నగరం, పని గంటలు, ప్రయాణికుల డిమాండ్‍ను బట్టి మారుతుంది. న్యూయార్క్, లాస్ ఏంజెలెస్, శాన్ ఫ్రాన్సిస్కో, చికాగో వంటి పెద్ద నగరాల్లో డిమాండ్ ఎక్కువగా ఉండటంతో ఆదాయం కూడా ఎక్కువగా ఉండే అవకాశం ఉంది. చిన్న నగరాల్లో మాత్రం సంపాదన తక్కువగా ఉండొచ్చు.

వీకెండ్స్, పండుగలు, ఈవెంట్లు జరిగే రోజుల్లో Uber సర్జ్ ప్రైసింగ్ అమలు చేస్తుంది. అలాంటి సమయంలో సాధారణ రోజుల కంటే ఎక్కువ ఆదాయం వస్తుంది. అందుకే చాలా మంది డ్రైవర్లు ఉదయం, సాయంత్రం పీక్ అవర్స్ లేదా వీకెండ్లలో ఎక్కువగా పని చేస్తారు. అయితే ఆదాయం ఎక్కువగా కనిపించినా ఖర్చులు కూడా అదే స్థాయిలో ఉంటాయని డ్రైవర్లు చెబుతున్నారు. కారు మైలేజ్ పెరగడం, టైర్లు, సర్వీసింగ్, పెట్రోల్, డీజిల్, ఇన్సూరెన్స్ వంటి ఖర్చులు చాలా ఎక్కువగా ఉంటాయి. కొన్ని అధ్యయనాల ప్రకారం అని ఖర్చులు తీసేసిన తర్వాత కొందరు డ్రైవర్ల అసలు లాభం తక్కువగా ఉండొచ్చని చెబుతున్నాయి.

అందుకే అమెరికాలో Uber డ్రైవింగ్‍ను చాలా మంది ఒక ఉద్యోగంలా కాకుండా పార్ట్ టైంలా ఉపయోగిస్తున్నారు. మరోవైపు చాలా మంది పూర్తి సమయం దీనికోసమే పనిచేస్తూ పక్కా ప్లాన్‍తో నెలకు లక్షల రూపాయల ఆదాయం సంపాదిస్తున్నారు.

Bank Jobs : రాతపరీక్ష లేదు, కేవలం ఇంటర్వ్యూతోనే బ్యాంక్ జాబ్.. ఒకటిరెండు కాదు 2049 పోస్టులు

Arun Kumar P — Sat, 05 Sep 2026 15:00:07 +0530

బ్యాంక్ ఆఫ్ బరోడా అనుబంధ సంస్థ అయిన బరోదా గ్లోబల్ షేర్డ్ సర్వీసెస్ లిమిటెడ్ (బీజీఎస్ఎస్ఎల్) ఉద్యోగాల భర్తీకి సిద్దమయ్యింది. దేశవ్యాప్తంగా 2,049 పోస్టుల భర్తీకి నోటిఫికేషన్ విడుదల చేసింది.

Bank of Baroda Recruitment 2026 : బ్యాంక్ ఆఫ్ బరోడాకు చెందిన అనుబంధ సంస్థ బరోడా గ్లోబల్ షేర్డ్ సర్వీసెస్ లిమిటెడ్ (BGSSL) భారీగా ఉద్యోగాల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ ద్వారా దేశవ్యాప్తంగా మొత్తం 2,049 పోస్టులను భర్తీ చేయనున్నారు. అనుభవం ఉన్నవాళ్లకే కాదు కొత్తవాళ్లకు కూడా ఇందులో అవకాశాలు ఉన్నాయి. బీజీఎస్ఎస్ఎల్ జారీ చేసిన సంక్షిప్త నోటిఫికేషన్ ప్రకారం... కలెక్షన్, డిజిటల్ బ్యాంకింగ్, గ్లోబల్ ట్రేడ్ సర్వీసెస్, రిటైల్ సేల్స్, హ్యూమన్ రిసోర్సెస్, ఇన్ఫర్మేషన్ టెక్నాలజీ, ఫీల్డ్ కలెక్షన్, డిజిటల్ ఆన్‌బోర్డింగ్, ఆధార్ ఆపరేషన్స్ వంటి పలు విభాగాల్లో ఈ నియామకాలు జరగనున్నాయి. ఈ పోస్టులకు దరఖాస్తు ప్రక్రియ సెప్టెంబర్ 1న ప్రారంభమైంది.

భర్తీ చేయనున్న పోస్టుల వివరాలు

అప్రెంటిస్ (టెలీ కాలింగ్) - 150 పోస్టులు

టెలీ కలెక్షన్ ఏజెంట్ (లోన్ రికవరీ ఏజెంట్) - 100 పోస్టులు

ఎగ్జిక్యూటివ్ ఏటీఎం-రీకన్సిలియేషన్-కంప్లైంట్-డెబిట్ కార్డ్ - 40 పోస్టులు

ఎగ్జిక్యూటివ్ ట్రేడ్ ఫైనాన్స్ ఆపరేషన్స్ - 25 పోస్టులు

ఎగ్జిక్యూటివ్ కాసా-ఎఫ్‌సీఎన్ఆర్ కాలింగ్ - 40 పోస్టులు

ప్రొక్యూర్‌మెంట్ మేనేజర్ - 1 పోస్టు

ఎంఐసీ అనలిస్ట్ - 3 పోస్టులు

డిప్యూటీ మేనేజర్ హెచ్‌ఆర్ & అడ్మిన్ - 1 పోస్టు

ఎగ్జిక్యూటివ్-సీనియర్ ఎగ్జిక్యూటివ్ (మేకర్స్) - 20 పోస్టులు

డెస్క్‌టాప్ సపోర్ట్ అనలిస్ట్ - 1 పోస్టు

ఫీల్డ్ కలెక్షన్ ఆఫీసర్ - 1 పోస్టు

ఎం-డీఎం లీడ్స్ టెలీ కలెక్షన్ - 6 పోస్టులు

ఎం-డిప్యూటీ మేనేజర్ ఎల్&డి - 1 పోస్టు

ఎగ్జిక్యూటివ్ డెబిట్ కార్డ్ ఆపరేషన్స్ - 10 పోస్టులు

ఫీల్డ్ కలెక్షన్ ఆఫీసర్ - 400 పోస్టులు

డిజిటల్ ఆన్‌బోర్డింగ్ స్పెషలిస్ట్ (పార్ట్ టైమ్) - 400 పోస్టులు

సేల్స్ ఆఫీసర్ ఏఎస్ఎం-ఆర్ఎస్ఎం - 350 పోస్టులు

ఆధార్ ఆపరేటర్ (పార్ట్ టైమ్) - 400 పోస్టులు

బీజీఎస్ఎస్ఎల్ రిక్రూట్‌మెంట్ 2026 కోసం దరఖాస్తుల ప్రక్రియ సెప్టెంబర్ 1న మొదలైంది. అభ్యర్థులు సెప్టెంబర్ 30, 2026 వరకు అప్లై చేసుకోవచ్చు. దరఖాస్తులను ఆన్‌లైన్‌లో సమర్పించాలి. అభ్యర్థులు తమ అప్‌డేటెడ్ రెజ్యూమెను recruitment@bgss.in అనే ఈ-మెయిల్ ఐడీకి కూడా పంపవచ్చు. గడువు ముగిసిన తర్వాత వచ్చే దరఖాస్తులను స్వీకరించరు.

ఈ రిక్రూట్‌మెంట్‌లో అన్ని పోస్టులకు ఒకేరకమైన విద్యార్హత లేదు. పోస్టును బట్టి అర్హతలను నిర్ణయించారు. డిగ్రీ, పీజీ, ఎంబీఏ, సీఏ, సీఎస్ లేదా ఇంజనీరింగ్ డిగ్రీ ఉన్నవాళ్లు వివిధ పోస్టులకు అర్హులు. చాలా ఎగ్జిక్యూటివ్, మేనేజర్ పోస్టులకు సంబంధిత రంగంలో పని అనుభవం తప్పనిసరి. అభ్యర్థులు తాము అప్లై చేసే పోస్టుకు కావాల్సిన విద్యార్హత, అనుభవం, వయోపరిమితి వంటి వివరాల కోసం అధికారిక నోటిఫికేషన్‌ను క్షుణ్ణంగా చదవడం మంచిది. ఎందుకంటే వయోపరిమితి కూడా పోస్టును బట్టి మారుతుంది.

కెరీర్‌లో కొంతకాలం విరామం తీసుకుని మళ్లీ ఉద్యోగాల్లో చేరాలనుకునే అభ్యర్థులకు ప్రాధాన్యం ఇస్తామని బీజీఎస్ఎస్ఎల్ తన నోటిఫికేషన్‌లో స్పష్టం చేసింది. అయితే వారు కూడా సంబంధిత పోస్టుకు కావాల్సిన అర్హతా ప్రమాణాలను తప్పనిసరిగా కలిగి ఉండాలి. ఈ నియామక ప్రక్రియలో వివిధ రకాల అనుభవం, నైపుణ్యాలు ఉన్నవారికి తగిన పోస్టులు ఉన్నాయి. కాబట్టి అప్లై చేసే ముందు సంబంధిత పోస్టుకు కావాల్సిన అర్హతలను జాగ్రత్తగా చూసుకోండి.

బీజీఎస్ఎస్ఎల్ రిక్రూట్‌మెంట్ 2026 కోసం ఎంపిక ప్రక్రియ పోస్టును బట్టి మారుతుంది. అందుబాటులో ఉన్న సమాచారం ప్రకారం, ముందుగా అభ్యర్థుల దరఖాస్తులు, రెజ్యూమెలను పరిశీలిస్తారు. ఆ తర్వాత, పోస్టుకు ఉన్న అవసరాలు, అభ్యర్థి అర్హతల ఆధారంగా షార్ట్‌లిస్ట్ తయారు చేస్తారు. షార్ట్‌లిస్ట్ చేసిన అభ్యర్థులను పర్సనల్ ఇంటర్వ్యూకి పిలుస్తారు. ఎంపిక ప్రక్రియలో భాగంగా సర్టిఫికెట్ల వెరిఫికేషన్ కూడా ఉంటుంది. నోటిఫికేషన్‌లో రాతపరీక్ష గురించి ఎలాంటి ప్రస్తావన లేదు. అంటే, చాలా పోస్టులకు దరఖాస్తుల పరిశీలన, షార్ట్‌లిస్టింగ్ తర్వాత కేవలం ఇంటర్వ్యూ ద్వారానే ఎంపిక ప్రక్రియ పూర్తవుతుంది.

బీజీఎస్ఎస్ఎల్ జాబ్స్ కు అప్లై చేయడానికి, బీజీఎస్ఎస్ఎల్ అధికారిక వెబ్‌సైట్‌కి వెళ్లండి.

కెరీర్ విభాగాన్ని ఓపెన్ చేయండి.

ఖాళీగా ఉన్న పోస్టుల వివరాలు చూసి, మీ అర్హతకు సరిపోయే పోస్టును ఎంచుకోండి.

ఆ తర్వాత, అర్హతా ప్రమాణాలు, జాబ్ డిస్క్రిప్షన్‌ను పూర్తిగా చదవండి.

అప్‌డేటెడ్ రెజ్యూమె, అవసరమైన డాక్యుమెంట్లను సిద్ధం చేసుకుని, బీజీఎస్ఎస్ఎల్ సూచించిన పద్ధతిలో దరఖాస్తును సమర్పించండి.

నోటిఫికేషన్‌లో చెప్పినట్లుగా recruitment@bgss.in కు మీ రెజ్యూమెను ఈ-మెయిల్ చేసే ఆప్షన్ కూడా ఉంది.

Telangana Police Recruitment: కొలువుల జాతర.. 7437 పోలీసు ఉద్యోగాలకు గ్రీన్ సిగ్నల్.. పూర్తి వివరాలు ఇవే

Mahesh Rajamoni — Sun, 05 Jul 2026 12:47:41 +0530

Telangana Police Recruitment: నిరుద్యోగులకు సీఎం రేవంత్ రెడ్డి సర్కారు గుడ్ న్యూస్ చెప్పింది. తెలంగాణలో పోలీస్, ఫైర్, జైళ్లు, ఎస్పీఎఫ్ శాఖల్లో 7,437 పోస్టుల భర్తీకి సర్కార్ గ్రీన్ సిగ్నల్ ఇచ్చింది. పూర్తి వివరాలు ఇలా ఉన్నాయి.

తెలంగాణలో గవర్నమెంట్ జాబ్స్ కోసం ఈగర్‌గా వెయిట్ చేస్తున్న నిరుద్యోగులకు రాష్ట్ర ప్రభుత్వం మైండ్ బ్లోయింగ్ న్యూస్ చెప్పింది. ఎప్పుడెప్పుడా అని ఎదురుచూస్తున్న పోలీస్ ఉద్యోగాల భర్తీకి సర్కార్ క్లియరెన్స్ ఇచ్చేసింది. మొత్తం 7,437 పోస్టులను డైరెక్ట్ రిక్రూట్‌మెంట్ ద్వారా భర్తీ చేసేందుకు గ్రీన్ సిగ్నల్ ఇచ్చింది. ఈ మేరకు తెలంగాణ రాష్ట్ర స్థాయి పోలీస్ రిక్రూట్‌మెంట్ బోర్డ్ (TSLPRB) ఆదివారం ఒక అఫీషియల్ ప్రెస్ నోట్ రిలీజ్ చేసింది.

మూడు రోజుల క్రితమే 5,000 పోస్టులకు ఫైనాన్స్ డిపార్ట్‌మెంట్ ఓకే చెప్పగా, ఇప్పుడు అదనంగా మరో 2,437 పోస్టులను యాడ్ చేస్తూ మొత్తం ఖాళీల సంఖ్యను 7,437కు పెంచింది. ఖాకీ యూనిఫామ్ వేసుకోవడమే లైఫ్ అంబిషన్ అనుకునే వారికి ఇది నిజంగానే గోల్డెన్ ఛాన్స్ అని చెప్పాలి.

ఈ మెగా రిక్రూట్‌మెంట్‌లో కేవలం పోలీస్ శాఖ మాత్రమే కాకుండా ఫైర్, జైళ్లు, స్పెషల్ ప్రొటెక్షన్ ఫోర్స్ (SPF) లాంటి నాలుగు డిఫరెంట్ డిపార్ట్‌మెంట్లలో ఖాళీలను భర్తీ చేయనున్నారు. ఏ విభాగానికి ఎన్ని పోస్టులు అనే వివరాలు గమనిస్తే..

• పోలీస్ శాఖ (జీవో నంబర్ 78): అత్యధికంగా 5,000 పోస్టులు.

• స్పెషల్ ప్రొటెక్షన్ ఫోర్స్ - SPF (జీవో నంబర్ 84): సెక్యూరిటీ విభాగంలో 1,424 పోస్టులు.

• ఫైర్ డిపార్ట్‌మెంట్ (జీవో నంబర్ 80): డిజాస్టర్ మేనేజ్‌మెంట్ & అగ్నిమాపక శాఖలో 790 పోస్టులు.

• జైళ్ల శాఖ (జీవో నంబర్ 83): ప్రిజన్స్ డిపార్ట్‌మెంట్‌లో 223 ఖాళీలు ఉన్నాయి.

అభ్యర్థులు కన్ఫ్యూజ్ అవ్వకుండా ఏయే విభాగంలో ఏయే పోస్టులు ఉన్నాయో బోర్డు క్లియర్‌గా అనౌన్స్ చేసింది. పోలీస్ డిపార్ట్‌మెంట్‌లో సివిల్ కానిస్టేబుల్స్ అత్యధికంగా 3,697 పోస్టులు ఉండగా, ఆర్మ్‌డ్ రిజర్వ్ (AR) కానిస్టేబుల్స్ 1,052 ఉన్నాయి. అలాగే మోస్ట్ పవర్‌ఫుల్ సివిల్ సబ్ ఇన్‌స్పెక్టర్ (SI) పోస్టులు 148 ఉన్నాయి. వీటికి తోడు అసిస్టెంట్ సబ్ ఇన్‌స్పెక్టర్ (FPB) 23, రిజర్వ్ సబ్ ఇన్‌స్పెక్టర్ (AR) 14, రిజర్వ్ సబ్ ఇన్‌స్పెక్టర్ (TGSP) 12 ఖాళీలు ఉన్నాయి. డ్రైవర్ (PTO) 20, మెకానిక్ (PTO) 7, కానిస్టేబుల్ (SARCPL) 24, రిజర్వ్ సబ్ ఇన్‌స్పెక్టర్ (SARCPL) 3 పోస్టులు కూడా ఈ లిస్టులో ఉన్నాయి.

ఇక మిగిలిన శాఖల విషయానికి వస్తే, స్పెషల్ ప్రొటెక్షన్ ఫోర్స్ (SPF) లో కానిస్టేబుల్స్ 1,380, సబ్ ఇన్‌స్పెక్టర్స్ 44 ఉన్నాయి. ఫైర్ డిపార్ట్‌మెంట్‌లో ఫైర్ ఫైటర్స్ 751, స్టేషన్ ఫైర్ ఆఫీసర్స్ 39 పోస్టులు భర్తీ కానున్నాయి. అటు జైళ్ల శాఖలో డిప్యూటీ జైలర్ (మెన్) 14, డిప్యూటీ జైలర్ (వుమెన్) 1, వార్డర్ (మెన్) 196, వార్డర్ (వుమెన్) 12 పోస్టులను రిక్రూట్ చేయనున్నారు.

ప్రస్తుతానికి డ్రాఫ్ట్ నోటిఫికేషన్ అయితే రెడీగా ఉందని పోలీస్ రిక్రూట్‌మెంట్ బోర్డు స్పష్టం చేసింది. అయితే అఫీషియల్ నోటిఫికేషన్స్ ఎప్పుడు వస్తాయి అనే దానిపై బోర్డు చైర్మన్ వి.వి. శ్రీనివాసరావు క్లారిటీ ఇచ్చారు. హోం శాఖ ప్రిన్సిపల్ సెక్రటరీతో పాటు ఆయా డిపార్ట్‌మెంట్ల హెడ్స్ నుంచి లోకల్ కేడర్ల వారీగా పోస్టుల డివిజన్, రోస్టర్ పాయింట్స్, క్వాలిఫికేషన్స్, ఏజ్ లిమిట్ లాంటి టెక్నికల్ డిటెయిల్స్ బోర్డుకు అందాల్సి ఉందన్నారు. ఈ ప్రాసెస్ కంప్లీట్ అవ్వగానే, కేవలం మరికొద్ది రోజుల్లోనే పూర్తి వివరాలతో అఫీషియల్ నోటిఫికేషన్లను వెబ్‌సైట్‌లో లైవ్ పెడతామని తెలిపారు.

చాలా కాలంగా పోలీస్ నోటిఫికేషన్ కోసం వెయిట్ చేస్తున్న అభ్యర్థులకు ఇది ఒక అల్టిమేట్ ఆపర్చునిటీ. నోటిఫికేషన్ వచ్చాక చూసుకుందాం అనుకుంటే టైమ్ అస్సలు సరిపోదు. అందుకే అభ్యర్థులు ఇప్పటి నుంచే పక్కా ప్లానింగ్‌తో ప్రిపరేషన్ స్పీడప్ చేయాలని నిపుణులు సూచిస్తున్నారు. అటు రిటన్ ఎగ్జామ్ కోసం సిలబస్, కరెంట్ అఫైర్స్‌పై గ్రిప్ తెచ్చుకుంటూనే.. ఇటు ఫిజికల్ ఈవెంట్స్ కోసం రన్నింగ్, లాంగ్ జంప్ లాంటి శారీరక దారుఢ్య పరీక్షల సాధనను కూడా డైలీ ట్రాక్‌లోకి తెచ్చుకోవడం చాలా ఇంపార్టెంట్. కాబట్టి లేట్ చేయకుండా మీ ప్రిపరేషన్ వార్‌ను ఇప్పుడే స్టార్ట్ చేయాలని నిపుణులు చెబుతున్నారు.

Jio IPO: అంబానీ మెగా ప్లాన్.. డబ్బులు రెడీ చేసుకోండి.. దసరాకో దీపావళికో బంపర్ ఆఫర్

Asianet News — Fri, 04 Sep 2026 15:09:36 +0530

భారత స్టాక్ మార్కెట్‌ను మరోసారి కుదిపేసే మెగా IPOకి ముకేశ్ అంబానీ సిద్ధమవుతున్నారా? రిలయన్స్ ఇండస్ట్రీస్‌కు చెందిన జియో ప్లాట్‌ఫామ్స్ దేశంలోనే అతిపెద్ద పబ్లిక్ ఇష్యూను తీసుకొచ్చే దిశగా అడుగులు వేస్తోంది. సుమారు రూ.37,800 కోట్ల వరకు నిధులు సమీకరించే అవకాశం ఉందన్న వార్తలు ఇన్వెస్టర్లలో ఆసక్తిని పెంచుతున్నాయి. ఈ IPOపై ఇప్పటికే దేశీయ, అంతర్జాతీయ ఇన్వెస్టర్లు భారీగా ఫోకస్ పెట్టినట్లు మార్కెట్ వర్గాలు చెబుతున్నాయి.

డబ్బులు రెడీ చేసుకోండి.. రాబోతున్నది మెగా IPO!

భారత IPO మార్కెట్‌లో ఇప్పటివరకు చూడని స్థాయిలో భారీ పబ్లిక్ ఇష్యూ రాబోతున్నట్లు తెలుస్తోంది. రిలయన్స్ ఇండస్ట్రీస్ డిజిటల్, టెలికాం విభాగమైన Jio Platforms సుమారు 4 బిలియన్ డాలర్లు, అంటే దాదాపు రూ.37,000–40,000 కోట్ల మేర నిధులు సమీకరించే లక్ష్యంతో IPOకు సిద్ధమవుతున్నట్లు సమాచారం.

ఈ ఇష్యూ సుమారు రూ.37,800 కోట్ల స్థాయిలో ఉంటే.. ప్రస్తుతం భారత్‌లో అతిపెద్ద IPOగా ఉన్న హ్యుందాయ్ మోటార్ ఇండియా సుమారు రూ.27,000 కోట్ల ఇష్యూను కూడా జియో అధిగమించే అవకాశం ఉంటుంది.

అంటే.. జియో IPO కేవలం మరో పబ్లిక్ ఇష్యూ కాదు. భారత ప్రైమరీ మార్కెట్‌లో కొత్త రికార్డు సృష్టించే అవకాశం ఉన్న మెగా ఇష్యూ.

నవరాత్రి లేదా దీపావళి.. ఎప్పుడు వస్తుందో?

జియో IPO కోసం మార్కెట్ వర్గాలు ఆసక్తిగా ఎదురుచూస్తున్నాయి. ప్రస్తుత సమాచారం ప్రకారం అక్టోబర్ చివరి వారం నుంచి నవంబర్ తొలి వారం మధ్య IPO వచ్చే అవకాశం ఉందన్న చర్చ జరుగుతోంది.

ముఖ్యంగా నవరాత్రి సమయంలో ఇష్యూను ప్రారంభించే అవకాశం ఉందని, అది సాధ్యం కాకపోతే దీపావళి సీజన్‌ను టార్గెట్ చేయవచ్చని తెలుస్తోంది.

IPOకు ముందు భారీ స్థాయిలో రోడ్‌షోలు నిర్వహించే అవకాశం ఉంది. ముందుగా అంతర్జాతీయ ఇన్వెస్టర్లను కలిసేందుకు సుమారు మూడు వారాల పాటు విదేశీ రోడ్‌షోలు, అనంతరం రెండు వారాల పాటు దేశీయ రోడ్‌షోలు నిర్వహించే ప్రణాళిక ఉన్నట్లు సమాచారం.

అంటే IPO ప్రారంభానికి ముందే జియోను ప్రపంచ స్థాయి ఇన్వెస్టర్లకు మరోసారి పరిచయం చేసే ప్రక్రియ మొదలుకానుంది.

రూ.27,500 కోట్ల రుణం తీర్చనున్న జియో?

IPO ద్వారా వచ్చే డబ్బును జియో ఏం చేయబోతోందన్నది కూడా కీలక అంశం.

డ్రాఫ్ట్ రెడ్ హెర్రింగ్ ప్రాస్పెక్టస్ (DRHP) ప్రకారం, IPO ద్వారా సమీకరించే నిధుల్లో గణనీయమైన మొత్తాన్ని Reliance Jio Infocomm (RJIL) రుణాన్ని ముందుగానే చెల్లించేందుకు ఉపయోగించే అవకాశం ఉంది.

ఈ మొత్తం దాదాపు రూ.27,500 కోట్ల వరకు ఉండొచ్చని సమాచారం.

మిగిలిన నిధులను సాధారణ కార్పొరేట్ అవసరాలకు ఉపయోగించనుంది. అవసరాన్ని బట్టి RJILకు ఈక్విటీ షేర్లు, ప్రిఫరెన్స్ షేర్లు, డిబెంచర్లు లేదా రుణాల రూపంలో నిధులు సమకూర్చే అవకాశం కూడా ఉంది.

ఇక్కడ ఇన్వెస్టర్లకు మరో కీలక పాయింట్ కనిపిస్తోంది.

రుణ భారం తగ్గితే జియో ఆర్థిక నిర్మాణం మరింత బలపడే అవకాశం ఉంటుంది. వడ్డీ భారాన్ని నియంత్రించుకోవడం, భవిష్యత్ విస్తరణకు నిధులను అందుబాటులో ఉంచుకోవడం వంటి ప్రయోజనాలు కంపెనీకి ఉండవచ్చు.

కొత్త షేర్లే.. OFS లేదు!

జియో IPOలో మరో ఆసక్తికరమైన అంశం Offer for Sale (OFS) లేకపోవడం.

DRHP ప్రకారం జియో ప్లాట్‌ఫామ్స్ 270 మిలియన్ల వరకు కొత్త ఈక్విటీ షేర్లను జారీ చేయాలని ప్రతిపాదించింది. IPO తర్వాత కంపెనీ ఈక్విటీ క్యాపిటల్‌లో ఇవి సుమారు 2.9 శాతం వాటాను సూచించే అవకాశం ఉంది.

అంటే ఇక్కడ ఇన్వెస్టర్ల దృష్టి కేవలం ప్రమోటర్లు తమ వాటాలను విక్రయించడంపై కాకుండా.. కంపెనీకి నేరుగా వెళ్లే కొత్త మూలధనం, దాని వినియోగం, భవిష్యత్ వృద్ధి అవకాశాలపై ఉంటుంది.

జియోపై ఇంత ఆసక్తి ఎందుకు?

జియోను కేవలం టెలికాం కంపెనీగా చూడటం ఇప్పుడు సరిపోదు.

టెలికాం నుంచి డిజిటల్ సర్వీసులు, ఎంటర్‌టైన్‌మెంట్, యాప్స్, క్లౌడ్, డిజిటల్ కామర్స్ వంటి విభాగాల వరకు విస్తరిస్తున్న జియో ప్లాట్‌ఫామ్స్ భారత డిజిటల్ ఎకానమీలో కీలక స్థానాన్ని సంపాదించుకుంది.

ఇదే కారణంగా IPOలో కంపెనీకి ఎంత విలువ నిర్ణయిస్తారు? లిస్టింగ్ తర్వాత మార్కెట్ క్యాపిటలైజేషన్ ఎంతవరకు వెళ్తుంది? కంపెనీ భవిష్యత్ ఆదాయ వృద్ధి ఎలా ఉంటుంది? వంటి అంశాలపై ఇన్వెస్టర్లలో భారీ ఆసక్తి నెలకొంది.

ముఖ్యంగా భారతదేశంలో డిజిటల్ వినియోగం పెరుగుతున్న కొద్దీ జియోకు టెలికాం వెలుపల కూడా వృద్ధి అవకాశాలు ఉన్నాయని మార్కెట్ వర్గాలు భావిస్తున్నాయి.

జియోలో ఇప్పటికే దిగ్గజ ఇన్వెస్టర్లు

జియోపై అంతర్జాతీయ సంస్థల ఆసక్తి కొత్త విషయం కాదు.

ఇప్పటికే పలువురు గ్లోబల్ ఇన్వెస్టర్లు జియో ప్లాట్‌ఫామ్స్‌లో పెట్టుబడులు పెట్టారు. పెద్ద ఇన్వెస్టర్ల వద్ద కలిపి సుమారు 30.9 శాతం వాటా ఉన్నట్లు DRHPకు సంబంధించిన వివరాల్లో పేర్కొన్నట్లు సమాచారం.

అందులో: Meta Platforms‌కు చెందిన Jadoo Holdings – సుమారు 9.98% Google International – సుమారు 7.73% Saudi Arabia Public Investment Fund Silver Lake Vista Equity Partners General Atlantic KKR అనుబంధ సంస్థలు Abu Dhabi Investment Authority అనుబంధ సంస్థల వంటి అంతర్జాతీయ పెట్టుబడిదారులు ఉన్నారు.

ఇది IPOకు మరో ప్లస్ పాయింట్‌గా మార్కెట్ వర్గాలు చూస్తున్నాయి. ఎందుకంటే ప్రపంచ స్థాయి ఇన్వెస్టర్లు ఇప్పటికే కంపెనీపై పెట్టుబడి పెట్టడం.. జియో భవిష్యత్ వృద్ధిపై ఉన్న అంతర్జాతీయ నమ్మకానికి ఒక సూచికగా భావించవచ్చు.

ఇన్వెస్టర్లకు లాభాలు వస్తాయా?

ఇదే ఇప్పుడు అందరి ముందున్న అసలు ప్రశ్న.

జియో IPOపై భారీ డిమాండ్ ఉండే అవకాశం ఉందని మార్కెట్ వర్గాలు భావిస్తున్నప్పటికీ, IPOలో లాభం ఖచ్చితమని ఎవరూ చెప్పలేరు.

అయితే జియోకు ఉన్న మార్కెట్ స్థానం, భారీ యూజర్ బేస్, డిజిటల్ ఎకానమీ వృద్ధి, టెలికాం రంగంలో బలమైన స్థానం, కొత్త డిజిటల్ వ్యాపారాల విస్తరణ వంటి అంశాలు దీర్ఘకాలిక వృద్ధి అవకాశాలపై ఇన్వెస్టర్ల దృష్టిని ఆకర్షించవచ్చు.

అదే సమయంలో IPO ధర, కంపెనీ valuation, earnings growth, debt position, profitability, listing సమయంలో మార్కెట్ పరిస్థితులు వంటి అంశాలు ఇన్వెస్టర్ల రాబడిని నిర్ణయిస్తాయి.

అందుకే “జియో IPO వస్తోంది.. కాబట్టి వెంటనే డబ్బులు పెట్టాలి” అనే విధంగా కాకుండా, IPO ధర , DRHPలోని పూర్తి ఆర్థిక వివరాలను పరిశీలించిన తర్వాతే నిర్ణయం తీసుకోవడం కీలకం.

దేశంలోనే అతిపెద్ద IPO అయితే ఏం జరుగుతుంది?

జియో IPO సుమారు రూ.37,800 కోట్ల స్థాయిలో వస్తే భారత IPO మార్కెట్‌లో భారీ రికార్డు నమోదవుతుంది.

ప్రస్తుతం హ్యుందాయ్ మోటార్ ఇండియా సుమారు రూ.27,000 కోట్ల IPO దేశంలో పూర్తయిన అతిపెద్ద పబ్లిక్ ఇష్యూగా ఉంది. జియో ఇష్యూ దానిని గణనీయంగా అధిగమించే అవకాశం ఉంది.

అంతేకాదు.. NSE వంటి పెద్ద లిస్టింగ్‌లపై చర్చ జరుగుతున్న సమయంలో జియో IPO మరింత పెద్ద ఇష్యూగా నిలిచే అవకాశం ఉంది.

రిలయన్స్ గ్రూప్ నుంచి దాదాపు రెండు దశాబ్దాల తర్వాత వస్తున్న తొలి IPO కావడం కూడా దీనికి ప్రత్యేక ప్రాధాన్యాన్ని తెచ్చిపెట్టింది. గతంలో 2006లో రిలయన్స్ పెట్రోలియం లిస్టింగ్ జరిగింది.

ఇన్వెస్టర్లకు ‘దీపావళి గిఫ్ట్’ అవుతుందా?

నవరాత్రి నుంచి దీపావళి మధ్య జియో IPO వస్తే.. పండుగ సీజన్‌లో భారత మార్కెట్‌కు ఇదే అతిపెద్ద ఇన్వెస్ట్‌మెంట్ ఈవెంట్‌గా మారే అవకాశం ఉంది.

భారీ ఇష్యూ సైజ్, ప్రపంచ స్థాయి ఇన్వెస్టర్ల భాగస్వామ్యం, జియో బ్రాండ్, డిజిటల్ ఎకానమీపై పెరుగుతున్న ఆసక్తి.. ఇవన్నీ కలిసి IPOపై భారీ డిమాండ్‌కు దారితీయవచ్చన్న అంచనాలు ఉన్నాయి.

అయితే అసలు పరీక్ష IPO ధర నిర్ణయించే సమయంలోనే ఉంటుంది.

జియో ఎంత valuation కోరుతోంది? షేర్ ధర ఎంత ఉంటుంది? IPOలో రిటైల్ ఇన్వెస్టర్లకు ఎంత కేటాయిస్తారు? లిస్టింగ్ రోజున మార్కెట్ ఎలా స్పందిస్తుంది? అన్నది కీలకం.

ప్రస్తుతం మాత్రం ఒక విషయం స్పష్టంగా కనిపిస్తోంది.

ముకేశ్ అంబానీ జియోను స్టాక్ మార్కెట్‌లోకి తీసుకొస్తే.. భారత IPO మార్కెట్‌లో ఇప్పటివరకు చూడని అతిపెద్ద ఇన్వెస్ట్‌మెంట్ స్టోరీ మొదలయ్యే అవకాశం ఉంది.

Jobs : తెలంగాణ యువతకు బంపరాఫర్... ఈ కోర్సు చేస్తే చాలు విదేశాల్లో జాబ్ పక్కా

Arun Kumar P — Mon, 20 Jul 2026 22:27:42 +0530

Foreign Jobs : తెలంగాణకు చెందిన అర్హులైన, అనుభవజ్ఞులైన నర్సులకు అంతర్జాతీయ స్థాయిలో ఉద్యోగావకాశాలు కల్పించేందుకు రాష్ట్ర ప్రభుత్వం మరో కీలక అడుగు వేసింది. విదేశాల్లో భారతీయ హెల్త్‌కేర్ ప్రొఫెషనల్స్‌కు ఉన్న భారీ డిమాండ్‌ను దృష్టిలో ఉంచుకుని ప్రత్యేక యాక్షన్ ప్లాన్ రెడీ చేసింది. తెలంగాణ ఓవర్సీస్ మాన్‌పవర్ కంపెనీ (TOMCOM), గ్లోబల్ నర్స్ ఫోర్స్ (Global Nurse Force) సంస్థల మధ్య యువతకు విదేశీ ఉద్యోగాలు కల్పించడమే లక్ష్యంగా సోమవారం ఒక ముఖ్యమైన అవగాహన ఒప్పందం (MoU) కుదిరింది. రాష్ట్ర కార్మిక, ఉపాధి, శిక్షణ & ఫ్యాక్టరీస్, గనుల శాఖ మంత్రి గడ్డం వివేక్ వెంకటస్వామి సమక్షంలో ఈ ఒప్పందం జరిగింది.

ప్రపంచవ్యాప్తంగా పెరిగిన నర్సింగ్ డిమాండ్ : మంత్రి

ఒప్పందం అనంతరం మంత్రి వెంకటస్వామి మాట్లాడారు. "యూరప్‌తో పాటు ప్రపంచవ్యాప్తంగా వివిధ దేశాల్లో నైపుణ్యమున్న భారతీయ నర్సులకు రోజురోజుకూ ఆదరణ, డిమాండ్ పెరుగుతున్నాయి. మన రాష్ట్ర నర్సింగ్ గ్రాడ్యుయేట్లు, అనుభవజ్ఞులైన నర్సులకు ఆయా దేశాల్లో నాణ్యమైన ఉద్యోగావకాశాలు దక్కేలా ప్రభుత్వం టామ్‌కామ్ ద్వారా ప్రణాళికాబద్ధంగా ముందుకు వెళ్తోంది." అన్నారు.

అభ్యర్థులకు అత్యున్నత ప్రమాణాలతో శిక్షణ అందించి, అంతర్జాతీయ రంగానికి తగ్గట్టుగా తీర్చిదిద్దాలని అధికారులకు సూచించారు. శిక్షణ నియామకాల నాణ్యతను అధికారులు నిరంతరం పర్యవేక్షించాలని మంత్రి ఆదేశించారు. విదేశీ ఉపాధి కార్యక్రమాలు తెలంగాణ యువతకు మాత్రమే కాకుండా ఆతిథ్య దేశాల ఆరోగ్య రంగ అవసరాలకు కూడా తోడ్పడే విధంగా ఉండాలని మంత్రి అన్నారు.

నర్సులకు అందించే ఉచిత శిక్షణ, సేవలు ఇవే..

టామ్‌కామ్ – గ్లోబల్ నర్స్ ఫోర్స్ భాగస్వామ్యం ద్వారా విదేశీ ఉద్యోగాలకు ఎంపికైన నర్సులకు క్రింది విభాగాల్లో సమగ్ర సహకారం అందించనున్నారు.

విదేశీ భాషా శిక్షణ : జర్మన్ తో పాటు ఆయా దేశాల భాషలపై ప్రత్యేక శిక్షణ.

కమ్యూనికేషన్ స్కిల్స్ : అంతర్జాతీయ ఆసుపత్రుల ప్రమాణాలకు తగిన క్లినికల్ కమ్యూనికేషన్ శిక్షణ.

ఇంటర్వ్యూ గైడెన్స్ : విదేశీ ప్రతినిధుల ఇంటర్వ్యూలను సులువుగా ఎదుర్కొనే నైపుణ్యాలు.

అడ్మినిస్ట్రేటివ్ ప్రాసెస్ : లైసెన్సింగ్, వీసా ప్రక్రియలు, ప్రయాణ ఏర్పాట్లు, నేరుగా ఉద్యోగ ప్లేస్‌మెంట్స్ (Placements).

ప్రధానంగా ఏ ఏ దేశాల్లో అవకాశాలు?

ఈ ఒప్పందం ద్వారా ప్రధానంగా క్రింది దేశాలలో విదేశీ ఉపాధి అవకాశాలు లభించనున్నాయి.

జర్మనీ
జపాన్
ఇజ్రాయెల్
యూరప్‌లోని ఇతర ప్రముఖ దేశాలు

ఇప్పటికే అనుభవం ఉన్న నర్సులతో పాటు, కొత్తగా నర్సింగ్ పూర్తి చేసిన యువత కూడా విదేశీ అవకాశాలపై ఆసక్తి చూపడం సానుకూల పరిణామమని మంత్రి వెంకటస్వామి అన్నారు. తెలంగాణ నైపుణ్యాన్ని గ్లోబల్ ఆపర్చునిటీస్‌తో జోడించే విశ్వసనీయ సంస్థగా TOMCOM నిలుస్తోందని మంత్రి పేర్కొన్నారు.

MBBS చ‌దివి స్విగ్గీ, జొమాటో ఎంటీ బ్రో.? ఇది చ‌దివితే మీ పిల్ల‌ల్ని డాక్ట‌ర్ చేయాల‌న్న ఆలోచ‌న మార్చుకుంటారు

Amarnath Vasireddy — Fri, 24 Jul 2026 22:05:02 +0530

MBBS in India: డాక్ట‌ర్ కావాలి ఇది చాలా మంది యువ‌త క‌ల‌. యువ‌త కంటే వారి త‌ల్లిదండ్రుల క‌ల అని కూడా చెప్పాలి. తాము కాలేక‌పోయామ‌ని త‌మ పిల్ల‌ల్ని డాక్ట‌ర్లు చేయాల‌ని ఆతృత‌ప‌డుతుంటారు. అయితే కొన్ని క‌ఠోర నిజాలు తెలిస్తే ఆ ఆలోచ‌న మార్చుకోవాల్సిందే.

ప్రపంచ ఆరోగ్య సంస్థ... ప్రతి 1000 మంది జనాభాకు ఒక్క డాక్టర్ ఉండాలని సూచించింది. గోవాలో 353:1, కర్ణాటకలో 457:1, ఆంధ్ర ప్రదేశ్‌లో - 488:1, తమిళనాడులో - 495:1, కేరళలో - 509:1, తెలంగాణలో - 700:1 గా ఉంది. కొన్ని ఉత్తరాది రాష్ట్రాలు , గ్రామీణ ప్రాంతాల్లో మినహాయించి ఇప్పటికే అవసరానికి మించి డాక్టర్స్ ఉన్నారు .

మన దేశంలో 706 మెడికల్ కాలేజీలు ఉన్నాయి. మొత్తం ఎంబీబీస్ సీట్ల సంఖ్య - 1,18, 000గా ఉంది. ఇందులో 62, 000 మాత్రమే ప్రభుత్వ కాలేజీలు. మంచి స్టాండర్డ్ ఉన్న ప్రైవేట్ మెడికల్ కాలేజీలు తక్కువే. ఎక్కువ కాలేజీలలో శంకర దాదా టైపు. ఇంకా ఘోరం ఏమిటంటే ఇటీవల ప్రారంభించిన ప్రభుత్వ కాలేజీలలో కోళ్ల ఫారంలాగా బాగా ఉన్నాయి

ఇక్కడో ముఖ్యమయిన విషయం. గత రెండేళ్లలో దేశ వ్యాపితంగా 118 కాలేజీలు ప్రారంభించారు. వీరందరూ ఇంకా జాబ్ మార్కెట్ లోకి రాలేదు. వస్తే జనాభా డాక్టర్ నిష్పత్తి మరింత తగ్గిపోతుంది. ఇప్పటికే సరిగా ప్రాక్టీస్ జరగడం లేదని అనేక మంది డాక్టర్స్ చెబుతున్నారు. తమిళనాడులో అయితే కొంతమంది ఎంబీబీస్ పట్టభద్రులు స్విగ్గీ, జొమాటో డెలివరీ బాయ్స్ గా పని చేస్తున్నారు అని వార్తలు. పీజీ చెయ్యని వారికి .. అంటే కేవలం ఎంబీబీస్ చేసిన వారికి హైదరాబాద్ ప్రైవేట్ ఆసుపత్రుల్లో నెలకు 15-25 వేల జీతం మాత్రమే. అదీ నైట్ షిఫ్ట్స్. ఉద్యోగం ఎప్పుడైనా ఊడిపోవచ్చు.

ప్రతి సంవత్సరం 2.4 లక్షల మంది మెడికల్ పీజీ ఎంట్రన్స్ రాస్తారు. 80 వేల మందికి మందికి మాత్రమే పీజీ సీట్స్ వస్తాయి. ఇక్కడో ముఖమయిన విషయం. మొత్తం 80 వేల పీజీ సెట్స్ లో గత పదేళ్లలో 50 వేల సీట్స్ అదనంగా చేర్చారు. అంటే ఏంటి? మరి కొన్ని ఏళ్లకు పీజీ చేసిన వారి సంఖ్య కూడా భారీగా పెరిగి డిమాండ్ తగ్గిపోతుంది .

మార్కెట్ వ్యవస్థలో డిమాండ్ సప్లై అనేది ఒకటి పని చేస్తుంది అనే అవగాహన ఎంతమందికి? "గ్రామీణ ప్రాంతాల్లో పెట్టుకోవచ్చు కదా?" అని కొంతమంది సూచన . అంటే ఏంటి ? ఒక కోటి దాక ఎంబీబీస్ కోసం ఖర్చు చేసి .. అటు పై పిజి కి ఇంకో కోటి .. గ్రామంలో వచ్చి ప్రాక్టీస్ పెట్టుకొంటారా?

మనది కాకపోతే కాశీ దాక దేకచ్చు అన్నాడట వెనకటికి ఎవరో. చెప్పండి .. మీ బిడ్డను రెండు కోట్లు పెట్టి చదివించి ఒక గ్రామం లో ప్రాక్టీస్ చేయిస్తారా ? మీరు చెప్పినా వాళ్ళు ఒప్పుకొంటారా? ఒక వేళా వారు పెట్టినా కార్పొరేట్ ఆసుపత్రుల గేలంకు ఆకర్షితులు కాకుండా చిన్న షట్టర్ లో ఉన్న వారి దగ్గరికి రోగులు వస్తారా ? కాలికి ముళ్ళు గుచ్చుకొంటే ... చెన్నై అప్పులో ఆసుపత్రి .. హైడ్రా బాడ్ ఆ అయ్యా జీ ఆసుపత్రికి పోతేనే జనాలకు సంతృప్తి .

ఎక్కడున్నారు మీరు ? దేశంలోని విద్యా సంస్థలు ఆసుపత్రుల్ని విదేశీ ఈక్విటీ కంపెనీలు వందల కోట్లు పెట్టి ఎందుకు కొంటున్నాయి ? హైదరాబాద్‌లోమేరు అనే బడిని 500 కోట్లు పెట్టి కొన్నారు అని నిన్నటి వార్త . ఎలాంటి లాభాపేక్ష లేకుండా బడి నడపాలి అని రూల్ .. మరి 500 కోట్లు పెట్టి పెద్దవారి బడిని విదేశీ కంపెనీ లు ఎందుకు కొంటున్నట్టు ?

తమిళనాడులో మొత్తం 69 మెడికల్ కాలేజీలు ఉన్నాయి . వీటిలో 32 ప్రైవేట్‌లోనే. ప్రైవేట్ మెడికల్ కాలేజీలో ఎంబీబీస్ సీట్స్ కు 25 లక్షల దాక .. పీజీ సీట్ కు .. కోటి దాక ఖర్చవుతుంది . ఇవి కాకుండా ఇంజనీరింగ్ కాలేజీలు. ఒక క్యాంపస్ లో వేలమంది విద్యార్థులు ఉన్న ఇంజనీరింగ్ కళాశాలలున్నాయి .వాటి బడ్జెట్ కొన్ని ఈశాన్య రాష్రాలకన్నా ఎక్కువ. అవి ప్రభుత్వాలను కంట్రోల్ చేస్తాయి . ఎమ్మెల్యే ఎంపీలకు ఫండింగ్ చేస్తాయి . మీడియాను చేతిలో పెట్టుకుంటాయి. వాస్తవాలు మీ దాక వస్తాయా ఏంటి.? టాప్ -50 మెడికల్ కాలేజీలలో చదివిన వారికి మంచి భవిషత్తు ఉంటుంది .నిజమే !

అట్టడుగు స్థాయి మెడికల్ కాలేజీ లో చదివిన వారికి బతుకు అగమ్య గోచరం కానుంది. 1997 -2020 సాఫ్ట్ వేర్ స్వర్ణ యుగంగా నడిచింది. అప్పుడు ఇష్టారాజ్యంగా ఇంజనీరింగ్ కళశాలలు వెలిశాయి . అక్కడ లభించిన విద్య ఎంత డొల్ల అయినా.. యునైటెడ్ స్టేట్స్ అఫ్ అమీర్‌పేట‌లో ఆరు నెలలు కోడింగ్ నేర్చుకొంటే ఉద్యోగం వచ్చేది .

ఇప్పుడు AI యుగం. సర్టిఫికెట్ లు డిగ్రీ లు చూసి జాబ్స్ ఇచ్చే కాలం అయిపోయింది . ఇలాంటి పరిస్థితుల్లో ఏదో ఒక ఇంజనీరింగ్ లేదా మెడికల్ కాలేజీ లో సీట్ వస్తే అదే పది వేలు అని తల్లితండ్రులు అనుకొంటున్నారు అంటే లోపం ఎక్కడుంది. ఎవరి మార్కెటింగ్ మాయాజాలం ? సగానికి పైగా పనికి రాని మెడికల్ కాలేజ్ లు. వేస్ట్ సరుకు . అన్నిటికి కలిపి ఒక్క ఎంట్రన్స్ పెట్టడం ఎవరి ప్రయోజనాల కోసం ? దీని వల్ల లబ్ధి పొందుతున్నది సరుకు లేని ప్రైవేట్ మెడికల్ కాలేజీ లు కావా ?

కోటా చైనా కోచింగ్ ఫ్యాక్టరీ ల బడ్జెట్ ఎంత ? వాటిని అవి ఎలా ఖర్చు చేస్తున్నాయి. వేల కోట్ల డబ్బులు స్టేక్ గా ఉన్నప్పుడు .. ఎంట్రన్సు పరీక్షలు నిజాయతీగా జరుగుతాయా ? జరపాలంటే వాటికి ఎలాంటి యంత్రాగం అవసరం ? విద్యార్థి బట్టీ సామర్త్యాన్ని .. పాటర్న్ రికగ్నిషన్ .. స్పీడ్ ... ఒత్తిడి తట్టుకొనే సామ‌ర్థ్యాన్ని మాత్రమే పరీక్షించేలా ఐఐటీ జేఈఈ పరీక్షలు ఉన్నాయి . ఐఐటీ లో సీట్ వచ్చినా ఇలాంటి వారికి కృతిమ మేథ‌ యుగంలో ఉద్యోగాలు వస్తాయా ? వచ్చిన ఉద్యోగాలు ఎందుకు ఊడుతున్నాయి ?

నిజం మాట్లాడుకొందాము బ్రో .. మీడియా లో ఇవన్నీ ఎందుకు చర్చకు రావు? ఎవరి ప్రయోజనాల కోసం ? నిన్న టీవీ లో ఒక ప్రకటన. ఎక్కడో గ్రామీణ ప్రాంతం లో ఉన్న కోళ్ల ఫారం ఇంజనీరింగ్ కళాశాలలో వందల క్యాంపస్ ప్లేసెమెంట్‌లు అట. అరే నాయనా .. ఐఐటీ ముంబై కే దిక్కు లేదు, ఇవన్నీ నేను ఇప్పుడు చెప్పడం లేదు.

18 నెలలుగా కాలికి బలపం కట్టుకొని సొంత ఖర్చుతో 75 చోట్ల బాలమిత్ర క్లాసులు నిర్వహించి వచ్చిన వారిని ఎడ్యుకేట్ చేస్తున్నాను . ఎలాంటి స్కిల్స్ డెవలప్ చేసుకోవాలో .. ఎలా చేసుకోవాలో చెబుతున్నాను. నాదో చారిత్రిక పోరాటం. కొంత మందిది రాజకీయ ఆరాటం. రాజకీయాల పై నేను స్పందించను. రాజకీయ పార్టీల అభిమానులు ఉన్మాదులు . కాస్త అటుఇటుగా అన్ని పార్టీల అభిమానులు అంతే .. సభ్యత సంస్కారం లేని మనుషులు. మనం నిర్మాణాత్మక విమర్శ చేసినా సహించలేరు.

బూతులతో విరుచుకొని పడిపోతారు. వ్యక్తిత్వ హననం చేస్తారు. రాజకీయ బురతలోకి నేను దిగను. ఆ విషయంలో నేను అసమర్ధుడిని క్షమించండి. నేను చెప్పదలచుకొన్న విషయాలు .. కరోనా , దాని దొంగ వ్యాక్సీన్‌ . ఇప్పుడు కొత్త సెర్వికల్ దాని దాక .. ఇంకా ఎన్నో విషయాలు .. ప్రపంచమంతా అవతల . నేనొక్కడే ఇవతల .. జస్ట్ డోంట్ కేర్ . ధైర్యం గా చెబుతాను . ఒక్క ఇంచి తగ్గను. రాజకీయాల పై మాట్లాడితే ప్రజానాం సున్నా. నాదైన శైలిలో .. నా స్థాయి మేరకు అనేక విషయాల్లో ప్రజల్లో మార్పు తెస్తున్నాను. ఒక్క వాసిరెడ్డి అమర్నాథ్ .. వెయ్యి ఉద్యమాలతో సమానం .

Government Jobs : తెలుగు యువతకు లక్కీ ఛాన్స్.. నెలకు రూ.50,000 శాలరీతో గవర్నమెంట్ ఆఫీసర్ జాబ్స్ రిక్రూట్మెంట్

Arun Kumar P — Sat, 04 Jul 2026 10:18:11 +0530

తెలంగాణ ప్రభుత్వ ఉద్యోగ నియామక సంస్థ TGPSC మరో జాాబ్స్ రిక్రూట్మెంట్ నోటిఫికేషన్ విడుదల చేసింది. ఈ ఉద్యోగాల భర్తీకి సంబంధించిన పూర్తి వివరాలను ఇక్కడ అందిస్తున్నాం.

TGPSC Notification 2026 : చాలామంది యువతీయువకులు ప్రభుత్వ ఉద్యోగాన్ని సాధించాలని కలలు కంటుంటారు.. ఇందుకోసం పుస్తకాలతో కుస్తీ పడుతుంటారు. రాత్రనకా పగలనకా ప్రభుత్వ ఉద్యోగాల కోసం సన్నద్దం అవుతుంటారు... కోచింగ్ సెంటర్లు, స్టడి సర్కిల్స్ చుట్టూ తిరుగుతుంటారు. ఇలా గవర్నమెంట్ జాబ్స్ కోసం ప్రయత్నిస్తున్న నిరుద్యోగ యువతకు తెలంగాణ ప్రభుత్వం అద్భుత అవకాశం కల్పిస్తోంది... తెలంగాణ పబ్లిక్ సర్వీస్ కమీషన్ వరుసగా ఉద్యోగ నోటిఫికేషన్లు విడుదల చేస్తోంది.

ఇప్పటికే వివిధ శాఖల్లో ఉద్యోగాల భర్తీకి టిజిపిఎస్సి నోటిఫికేషన్లు జారీ చేశాయి... తాజాగా వ్యవసాయ శాఖలో ఉద్యోగాల భర్తీకి గ్రీన్ సిగ్నల్ ఇచ్చింది. తెలంగాణ సీడ్ & ఆర్గానిక్ సర్టిఫికేషన్ అథారిటీలో సీడ్ సర్టిఫికేషన్ ఆఫీసర్ ఉద్యోగాల భర్తీకి నోటిఫికేషన్ విడుదల చేసింది. మంచి శాలరీతో కూడిన స్టేట్ లెవెల్ ప్రభుత్వం ఉద్యోగమిది... గట్టిగా ట్రై చేస్తే పక్కా జాబ్, లైఫ్ లో సెటిల్ అయిపోవచ్చు. ఈ ఉద్యోగ నోటిఫికేషన్ కు సంబంధించిన పూర్తి వివరాలు ఇక్కడ తెలుసుకుందాం.

పోస్ట్ : తెలంగాణ సీడ్ & ఆర్గానిక్ సర్టిఫికేషన్ అథారిటీలో సీడ్ సర్టిఫికేషన్ ఆఫీసర్ పోస్టులు

దరఖాస్తు చేసుకోవాల్సిన వెబ్ సైట్

TGPSC అధికారిక వెబ్ సైట్ https://www.tgpsc.gov.in ద్వారా దరఖాస్తు చేసుకోవచ్చు. కేవలం ఆన్లైన్ లోనే దరఖాస్తు చేసుకోవాలి. నేరుగా కార్యాలయంలో ఇవ్వడం లేదా ఇతర ఏ పద్దతిలో దరఖాస్తుకు అనుమతి లేదు.

దరఖాస్తు తేదీలు

దరఖాస్తుల స్వీకరణ ప్రారంభం : 07-07-2026

దరఖాస్తుల స్వీకరణకు చివరి తేదీ : 12-08-2026 సాయంత్రం 5 గంటల వరకు అవకాశం

దరఖాస్తు ఫీజు

ఓసి, బిసిలకు రూ.1000

ఎస్సి, ఎస్టి, పిడబ్ల్యుడి రూ.500

ప్రతి అభ్యర్థి ఎగ్జామినేషన్ ఫీజు రూ.80 చెల్లించాలి

రాతపరీక్ష అక్టోబర్ 2026 ఉంటుంది. ఏ తేదీతో పరీక్ష నిర్వహిస్తారో త్వరలోనే వెల్లడిస్తారు.

హాల్ టికెట్స్ పరీక్షకు ఏడు రోజుల ముందునుండి ఆన్ లైన్ లో తీసుకోవచ్చు. ఎగ్జామ్ కు ముందురోజు సాయంత్రం 5 గంటల వరకు అందుబాటులో ఉంటాయి.

ఎగ్జామ్ సెంటర్లు

హైదరాబాద్ (HMDA పరిధిలో)

కరీంనగర్

ఖమ్మం

నిజామాబాద్

వరంగల్

ఎగ్జామ్ ప్రాసెస్

రెండు పేపర్లు ఉంటాయి. మొత్తం 300 మార్కులకు పరీక్ష ఉంటుంది. అబ్జెక్టివ్ టైప్ క్వశ్చన్స్ తో ఎగ్జామ్ నిర్వహిస్తారు.

పేపర్ 1

జనరల్ స్టడీస్ ఆండ్ జనరల్ ఎబిలిటీస్ - 150 ప్రశ్నలకు 150 మార్కులు - 150 నిమిషాల సమయం (ఇంగ్లీష్, తెలుగులో ప్రశ్నపత్రం ఉంటుంది)

పేపర్ 2

ఉద్యోగ అర్హతలకు సంబంధించిన సబ్జెక్ట్ పై ప్రశ్నలు ఉంటాయి. (కామన్ సిలబస్, పిజి లెవెల్) - 150 ప్రశ్నలకు 150 మార్కులు - 150 నిమిషాల సమయం (కేవలం ఇంగ్లీష్ లోనే ప్రశ్నపత్రం ఉంటుంది)

తెలంగాణ సీడ్ ఆండ్ ఆర్గానిక్ సర్టిఫికేషన్ అథారిటీలో మొత్తం 19 సీడ్ సర్టిఫిషన్ ఆఫీసర్ పోస్టులను టిజిపిఎస్సి భర్తీ చేస్తోంది. ఇవి స్టేట్ లెవెల్ ఉద్యోగాలు. రిజర్వేషన్ల వారిగా ఖాళీల వివరాలు ఇలా ఉన్నాయి...

ఓసి - 4

ఈడబ్ల్యుఎస్ - 3

బిసి-బి - 1

బిసి-డి - 3

ఎస్సి - 3

ఎస్టి - 2

పిహెచ్ (దివ్యాంగులు) - 2

స్పోర్ట్స్ కోటా - 1

సీడ్ సర్టిఫిషన్ ఆఫీసర్ ఉద్యోగాల కోసం దరఖాస్తు చేసుకునేందుకు 18 నుండి 44 ఏళ్లలోపువారు అర్హులు.

వయోపరిమితి సడలింపు

ఎస్సి,ఎస్టి, బిసి, ఈడబ్ల్యుఎస్ - 5 ఏళ్ల సడలింపు

దివ్యాంగులు - 10 ఏళ్ల సడలింపు

ప్రభుత్వ ఉద్యోగులు (కార్పోరేషన్స్, మున్సిపాలిటీ ఉద్యోగులకు వర్తించదు) - 5 ఏళ్లు సడలింపు

మాజీ సైనికులు - 3 ఏళ్లు

NCC - 3 ఏళ్లు సడలింపు

సీడ్ సర్టిఫిషన్ ఆఫీసర్ ఉద్యోగాలకు దరఖాస్తు చేసుకోవాలంటే అగ్రికల్చర్ డిగ్రీ పూర్తిచేసి ఉండాలి. అలాగే సీడ్ టెక్నాలజీ/ ప్లాంట్ బ్రీడింగ్/ ఆగ్రోనమీ/ ప్లాంట్ ఫిజియోలజీలో ఎమ్మెస్సి అంటే పోస్ట్ గ్రాడ్యుయేషన్ (PG) చేసివుండాలి. ICAR గుర్తింపు పొందిన యూనివర్సిటీ లేదా విద్యాసంస్థలో చదివివుండాలి.

తెలంగాణ సీడ్ ఆండ్ ఆర్గానిక్ సర్టిఫికేషన్ అథారిటీ లో సీడ్ సర్టిఫిషన్ ఆఫీసర్ ఉద్యోగాలు స్టేట్ లెవెల్ కి చెందినవి. అంటే మంచి శాలరీ ఉంటుంది. ఈ ఉద్యోగాలకు ఎంపికైన వారికి నెలనెలా రూ.51,320 నుండి రూ.1,27,310 వరకు జీతంతో పాటు ఇతర అలవెన్సులు లభిస్తాయి.

Govt Job : తెలుగు యువతకు లక్కీ ఛాన్స్.. కేవలం పది పాసైతే చాలు, ఎగ్జామ్ లేకుండానే సెంట్రల్ గవర్నమెంట్ జాబ్

Arun Kumar P — Tue, 08 Sep 2026 13:18:57 +0530

భారత తపాలా శాఖలో గ్రామీణ డాక్ సేవక్ (GDS) ఖాళీల భర్తీకి నోటిఫికేషన్ వచ్చేసింది. ఈ ఉద్యోగాలకు కావాల్సిన విద్యార్హత, వయోపరిమితి, ఎంపిక విధానం, ముఖ్యమైన తేదీలు, జీతం, దరఖాస్తు ప్రక్రియ వంటి పూర్తి వివరాలు ఇక్కడ తెలుసుకోండి.

కేంద్ర ప్రభుత్వ ఉద్యోగం కోసం ఎదురుచూస్తున్న వాళ్లకు శుభవార్త. ఇండియన్ పోస్టల్ డిపార్ట్మెంట్ లో ఖాళీగా ఉన్న పోస్టుల భర్తీకి నోటిఫికేషన్ విడుదలయ్యింది. దీని ప్రకారం… దేశవ్యాప్తంగా 23,757 ఖాళీలను భర్తీ చేయనున్నారు… ఇందులో తెలుగు రాష్ట్రాల్లో మొత్తం 1336 పోస్టులున్నాయి. అయితే ఈ రెండు రాష్ట్రాల్లో ఖాళీలను పరిశీలిస్తే ఆంధ్ర ప్రదేశ్ లో అత్యధికంగా 917 పోస్టులు… తెలంగాణలో 419 పోస్టులు భర్తీ చేయనున్నారు. ఈ ఉద్యోగాలకు ఎవరు దరఖాస్తు చేసుకోవచ్చు, అర్హతలు, జీతం, దరఖాస్తు విధానం వంటి పూర్తి వివరాలు ఇప్పుడు చూద్దాం.

ఈ నోటిఫికేషన్ ద్వారా ప్రధానంగా ఈ పోస్టులను భర్తీ చేస్తున్నారు.

1. బ్రాంచ్ పోస్ట్‌మాస్టర్ (BPM)

2. అసిస్టెంట్ బ్రాంచ్ పోస్ట్‌మాస్టర్ (ABPM)

3. గ్రామీణ డాక్ సేవక్ (GDS)

విద్యార్హతలు : పోస్టల్ జాబ్స్ కు అప్లై చేసుకునే అభ్యర్థులు గుర్తింపుపొందిన బోర్డు నుంచి 10వ తరగతి పాసైతే చాలు.

వయోపరిమితి : 2026 జనవరి 1 నాటికి అభ్యర్థుల వయసు కనీసం 18 ఏళ్లు, గరిష్ఠంగా 40 ఏళ్ల మధ్య ఉండాలి. ప్రభుత్వ నిబంధనల ప్రకారం SC, ST, OBC వర్గాలకు వయోపరిమితిలో సడలింపు ఉంటుంది.

షెడ్యూల్ క్యాస్ట్/షెడ్యూల్ ట్రైబ్ (SC/ST) - 5 ఏళ్ల సడలింపు

ఇతర బలహీన వర్గాలు (OBC) 3 ఏళ్ల సడలింపు

జనరల్ దివ్యాంగులకు - 10 ఏళ్లు సడలింపు

ఓబిసి దివ్యాంగులకు 13 ఏళ్లు... ఎస్సి, ఎస్టీ దివ్యాంగులకు 15 ఏళ్ల వయో పరిమితి సడలింపు ఉంటుంది.

1. OTR రిజిస్ట్రేషన్ : ఆగస్టు 31 నుంచి సెప్టెంబర్ 19, సాయంత్రం 5 గంటల వరకు.

2. ఆన్‌లైన్ దరఖాస్తు : సెప్టెంబర్ 2 నుంచి దరఖాస్తుల స్వీకరణ ప్రారంభం… సెప్టెంబర్ 21, సాయంత్రం 5 గంటల వరకు దరఖాస్తుకు సమయం ఉంది.

3. దరఖాస్తు సవరణ : సెప్టెంబర్ 23 నుంచి సెప్టెంబర్ 24న సాయంత్రం 5 గంటల వరకు అవకాశం.

గమనిక : పాత GDS రిక్రూట్‌మెంట్‌ రిజిస్ట్రేషన్ నంబర్ ఈసారి చెల్లదు. అందరూ కొత్తగా రిజిస్టర్ చేసుకోవాలని తపాలా శాఖ స్పష్టం చేసింది.

ఈ GDS ఉద్యోగాలకు రాత పరీక్ష గానీ, ఇంటర్వ్యూ గానీ ఉండదు. కేవలం 10వ తరగతిలో వచ్చిన మార్కుల ఆధారంగానే అభ్యర్థులను నేరుగా ఎంపిక చేస్తారు.

జీతం

బ్రాంచ్ పోస్ట్‌మాస్టర్ (BPM) పోస్టుకు రూ.12,000 నుంచి రూ.29,380 వరకు జీతం ఉంటుంది.

అసిస్టెంట్ బ్రాంచ్ పోస్ట్‌మాస్టర్ (ABPM) పోస్టుకు రూ.10,000 నుంచి రూ.24,470 వరకు జీతం ఉంటుంది.

ఎలా దరఖాస్తు చేయాలి?

అర్హత, ఆసక్తి ఉన్న అభ్యర్థులు అధికారిక నోటిఫికేషన్‌లో పేర్కొన్న అన్ని డాక్యుమెంట్లతో https://indiapostgdsonline.gov.in/ అనే అధికారిక వెబ్‌సైట్‌లో ఆన్‌లైన్‌లో దరఖాస్తు చేసుకోవాలి.

SC/ST/PWD/మహిళా/ట్రాన్స్‌జెండర్ అభ్యర్థులకు ఫీజు లేదు. మిగతా అభ్యర్థులు రూ.100 అప్లికేషన్ ఫీజు చెల్లించాలి.

Jobs : తెలుగమ్మాయిలకు లక్కీ ఛాన్స్.. కేవలం పది పాసైతే చాలు, సొంత గ్రామంలో గవర్నమెంట్ జాబ్

Arun Kumar P — Mon, 07 Sep 2026 21:40:13 +0530

తెలుగమ్మాయిలకు బంపరాఫర్… కేవలం పదో తరగతి చదివుంటే చాలు సొంత ఊళ్లోనే ఉద్యోగం చేసే అవకాశం వచ్చింది. ఈ జాబ్ నోటిఫికేషన్ కు సంబంధించిన పూర్తి వివరాలు ఇక్కడ తెలుసుకుందాం.

Asha Worker Jobs : ఆంధ్రప్రదేశ్‌ ప్రభుత్వం మహిళలకు గుడ్ న్యూస్ తెలిపింది. ఆశా కార్యకర్తలుగా పనిచేయాలనుకునే మహిళలకు ఇదే మంచి అవకాశం... రాష్ట్రంలో ఖాళీగా ఉన్న 913 ఆశా వర్కర్ పోస్టులను భర్తీ చేసేందుకు ప్రభుత్వం ఆమోదం తెలిపింది. ఈ విషయాన్ని రాష్ట్ర వైద్యారోగ్య శాఖ మంత్రి సత్యకుమార్ యాదవ్ వెల్లడించారు. తాజా నియామకాల ప్రక్రియ పూర్తయితే రాష్ట్రవ్యాప్తంగా ఆశా కార్యకర్తల పోస్టులన్నీ భర్తీ చేసినట్లవుతుందని మంత్రి తెలిపారు.

గ్రామీణ ప్రాంతాల్లో ప్రజలకు ప్రాథమిక వైద్య సేవలను అందుబాటులోకి తీసుకురావడంలో ఆశా కార్యకర్తలు కీలక పాత్ర పోషిస్తున్నారు. ముఖ్యంగా గర్భిణులు, చిన్నారులు, కుటుంబ సంక్షేమం, టీకాలు, ఆరోగ్య అవగాహన వంటి అంశాల్లో వారు ప్రజలకు, ప్రభుత్వ ఆరోగ్య వ్యవస్థకు మధ్య వారధిగా పనిచేస్తున్నారు. ఈ నేపథ్యంలో ఖాళీగా ఉన్న పోస్టులను భర్తీ చేసి Zero Vacancy (జీరో వేకెన్సీ) విధానాన్ని అమలు చేయాలని ప్రభుత్వం నిర్ణయించింది. కూటమి ప్రభుత్వం అధికారంలోకి వచ్చిన తర్వాత ఇప్పటికే 1,294 ఆశా పోస్టులను భర్తీ చేసినట్లు మంత్రి సత్యకుమార్ తెలిపారు. తాజాగా మరో 913 పోస్టుల భర్తీకి అనుమతి ఇవ్వడంతో మొత్తం 2,207 ఆశా వర్కర్ పోస్టులను భర్తీ చేసినట్లవుతుంది.

తాజాగా భర్తీ చేయనున్న 913 పోస్టుల్లో అత్యధికంగా గ్రామీణ ప్రాంతాల్లో 673 పోస్టులు ఉన్నాయి. గిరిజన ప్రాంతాల్లో 64, పట్టణ ప్రాంతాల్లో 176 పోస్టులు ఖాళీగా ఉన్నాయి. కేంద్ర ప్రభుత్వ మార్గదర్శకాలకు అనుగుణంగా ఈ నియామక ప్రక్రియను చేపట్టనున్నారు.

జిల్లా కలెక్టర్ అధ్యక్షతన పనిచేసే డిస్ట్రిక్ హెల్త్ సొసైటీ ఆధ్వర్యంలో నియామకాలు జరగనున్నాయి. సంబంధిత గ్రామం లేదా వార్డుకు చెందిన స్థానిక మహిళలకు ఈ నియామకాల్లో ప్రాధాన్యం ఇవ్వనున్నారు. కనీసం పదో తరగతి ఉత్తీర్ణతతో పాటు 25 నుంచి 45 సంవత్సరాల మధ్య వయసున్న మహిళలు అర్హులుగా పరిగణించనున్నారు.

ఆశా వర్కర్ నియామకాలకు సంబంధించి అవసరమైన చర్యలు చేపట్టాలని జిల్లాలకు ఇప్పటికే ఆదేశాలు జారీ చేసినట్లు ఆరోగ్య, కుటుంబ సంక్షేమ శాఖ కమిషనర్ చక్రధర్ బాబు తెలిపారు. నిబంధనలకు అనుగుణంగా ఎంపిక ప్రక్రియను పూర్తి చేసి ఈ నెల 30వ తేదీలోగా నియామకాల జాబితాను పంపించాలని జిల్లాలను ఆదేశించినట్లు వెల్లడించారు.

తాజాగా భర్తీ చేయనున్న ఆశా కార్యకర్తల పోస్టులు వివిధ జిల్లాల్లో అందుబాటులో ఉన్నాయి. జిల్లాల వారీగా ఖాళీల సంఖ్యను పరిశీలిస్తే.. అనకాపల్లిలో అత్యధికంగా 77 పోస్టులు, కర్నూలులో 65, తూర్పుగోదావరిలో 44, అల్లూరి సీతారామరాజు జిల్లాలో 43, పార్వతీపురం మన్యంలో 43, పశ్చిమగోదావరిలో 42 పోస్టులు ఉన్నాయి. అలాగే అన్నమయ్య జిల్లాలో 41, ప్రకాశంలో 38, వైఎస్సార్ కడపలో 38, కృష్ణాలో 37, విశాఖపట్నంలో 33, చిత్తూరులో 32, కోనసీమలో 32, పల్నాడులో 31, విజయనగరంలో 31, కాకినాడలో 29, ఎస్‌పీఎస్‌ఆర్ నెల్లూరులో 29, ఏలూరులో 27 పోస్టులు ఖాళీగా ఉన్నాయి. ఇక

అనంతపురంలో 26, మార్కాపురంలో 25, శ్రీ సత్యసాయి జిల్లాలో 22, శ్రీకాకుళంలో 22, గుంటూరులో 21, నంద్యాలలో 21, పోలవరంలో 21, తిరుపతిలో 21, ఎన్టీఆర్ జిల్లాలో 15, బాపట్లలో 7 పోస్టుల చొప్పున భర్తీ చేయనున్నారు.

ఆశా కార్యకర్తలకు ప్రస్తుతం నెలకు రూ.10,000 చొప్పున వేతనం అందుతోంది. ఇందులో రూ.8,320 రాష్ట్ర ప్రభుత్వ బడ్జెట్ నుంచి చెల్లిస్తుండగా, మిగిలిన మొత్తాన్ని కేంద్ర ప్రభుత్వం అందిస్తోంది. ఇలా రాష్ట్రవ్యాప్తంగా ఆశా కార్యకర్తలకు ప్రతి ఏడాది వేతనాల కోసం సుమారు రూ.513 కోట్ల వరకు ఖర్చు అవుతోంది. ఇందులో రాష్ట్ర ప్రభుత్వం రూ.426.84 కోట్ల వరకు భరిస్తుండగా, మిగిలిన మొత్తాన్ని కేంద్ర ప్రభుత్వం సమకూరుస్తోంది.

కొత్తగా 913 పోస్టుల భర్తీతో రాష్ట్రంలోని ఆరోగ్య సేవలను మరింత విస్తరించడంతో పాటు గ్రామీణ, గిరిజన, పట్టణ ప్రాంతాల్లో ప్రజలకు ప్రాథమిక వైద్య సేవలు మరింత చేరువయ్యే అవకాశం ఉందని ప్రభుత్వం భావిస్తోంది.

Bank Jobs : ప్రభుత్వ బ్యాంకులో జాబ్ సాధించాలని కలగంటున్నారా? అయితే ఈ ఛాన్స్ మిస్ చేసుకోవద్దు

Arun Kumar P — Tue, 11 Aug 2026 14:53:13 +0530

నిరుద్యోగ యువతకు దేశంలోనే అతిపెద్ద ప్రభుత్వరంగ బ్యాంకు ఎస్బీఐ గుడ్ న్యూస్ చెప్పింది. దేశవ్యాప్తంగా ఉన్న ఈ బ్యాంకుల్లో పనిచేసేందుకు 1538 జూనియర్ అసోసియేట్ పోస్టుల భర్తీకి నోటిఫికేషన్ విడుదల చేసింది.

Banking Jobs : బ్యాంకింగ్ ఉద్యోగాల కోసం ఎదురుచూస్తున్న తెలుగు యువతకు లక్కీ ఛాన్స్. ప్రభుత్వరంగ బ్యాంకు స్టేట్ బ్యాంక్ ఆఫ్ ఇండియా (SBI) ఏకంగా 1538 జూనియర్ అసోసియేట్ ఖాళీలను భర్తీ చేయనుంది… ఈ మేరకు ప్రకటన కూడా విడుదల చేసింది. స్పెషల్ రిక్రూట్‌మెంట్ డ్రైవ్ ద్వారా ఈ పోస్టులను భర్తీ చేయనున్నారు… కాబట్టీ మీ బ్యాంక్ జాబ్ కలను నెరవేర్చుకునేందకు ఇదే మంచి సమయం.

బ్యాంకు ఉద్యోగాల కోసం సన్నద్దమయ్యే యువతీయువకులు, అర్హత గల అభ్యర్థులు ఈనెల (ఆగస్టు) 27వ తేదీలోపు ఆన్‌లైన్‌లో దరఖాస్తు చేసుకోవాలి. ఇప్పటికే అభ్యర్థుల నుండి దరఖాస్తుల స్వీకరణ ప్రారంభం అయ్యింది… కాబట్టి చివరి నిమిషం వరకు ఆగకుండా అధికారిక నోటిఫికేషన్‌ను పూర్తిగా చదివి అప్లై చేయడం మంచిది.

ఎస్బిఐ లో జూనియర్ అసోసియేట్ ఉద్యోగాల కోసం దరఖాస్తు చేసుకోవాలంటే కనీస వయస్సు 20 ఏళ్లు, గరిష్ఠ వయస్సు 28 ఏళ్లు ఉండాలి. అయితే ప్రభుత్వ నిబంధనల ప్రకారం కొన్ని వర్గాలకు (ఎస్సి, ఎస్టి, దివ్యాంగులు, ఇతర రిజర్వేషన్ కలిగినవారికి) వయోపరిమితిలో సడలింపు ఉంటుంది.

స్టేట్ బ్యాంక్ ఆఫ్ ఇండియాలో జూనియర్ అసోసియేట్ ఉద్యోగాలు పొందేందుకు కావాల్సిన విద్యార్హతలు, రిజర్వేషన్, ఇతర అర్హతల పూర్తి వివరాల కోసం దరఖాస్తు చేసే ముందు ఎస్బీఐ విడుదల చేసిన అధికారిక నోటిఫికేషన్‌ను తప్పకుండా చెక్ చేసుకోవాలి. అన్ని అర్హతలు ఉంటేనే దరఖాస్తు చేసుకొండి.

ఎస్బీఐ జూనియర్ అసోసియేట్ ఎంపిక ప్రక్రియ పలు దశల్లో జరుగుతుంది. ముందుగా ప్రిలిమినరీ పరీక్ష నిర్వహిస్తారు. ఇది 100 మార్కులకు, గంట వ్యవధితో ఉండే ఆబ్జెక్టివ్ టైప్ పరీక్ష. తప్పు సమాధానాలకు నెగెటివ్ మార్కింగ్ ఉంటుంది.

ప్రిలిమ్స్‌లో అర్హత సాధించిన వారు మెయిన్స్ పరీక్షకు హాజరుకావొచ్చు. ఈ మెయిన్స్ పరీక్షను అక్టోబర్ లేదా నవంబర్ నెలలో నిర్వహించనున్నట్లు SBI నోటిఫికేషన్ లో తెలిపారు. పరీక్ష తేదీలపై తుది ప్రకటనను ఎస్బీఐ అధికారికంగా విడుదల చేస్తుంది. ఇందులో అర్హత సాధించిన అభ్యర్థులకు సర్టిపికేట్ వెరిఫికేషన్, మెడికల్ టెస్ట్ అనంతరం జాబ్ ఫైనల్ చేస్తారు.

కొంతమంది అభ్యర్థులకు స్థానిక భాషా పరీక్ష ఉంటుంది. 10వ లేదా 12వ తరగతిలో స్థానిక భాషను ఒక సబ్జెక్టుగా చదవని వారు ఈ పరీక్ష రాయాల్సి ఉంటుంది. ఇందులో ఆ భాషను చదవడం, రాయడం, మాట్లాడటం, అర్థం చేసుకునే నైపుణ్యాలను పరీక్షిస్తారు.

ఆసక్తి ఉన్న అభ్యర్థులు ఎస్బీఐ అధికారిక కెరీర్ వెబ్‌సైట్‌లోకి వెళ్లి ఆన్‌లైన్‌లో దరఖాస్తు చేసుకోవాలి. వ్యక్తిగత, విద్యా వివరాలను సరిగ్గా నమోదు చేసి, అవసరమైన డాక్యుమెంట్లను అప్‌లోడ్ చేయాలి. తర్వాత దరఖాస్తు ఫీజును ఆన్‌లైన్‌లో చెల్లించి, అప్లికేషన్‌ను సబ్మిట్ చేయాలి.

దరఖాస్తు చేశాక రిజిస్టర్డ్ ఈమెయిల్, మొబైల్ నంబర్‌ను యాక్టివ్‌గా ఉంచుకోవడం చాలా ముఖ్యం. హాల్ టికెట్, ఇతర అప్‌డేట్స్ వాటికే వస్తాయి. ఆగస్టు 27లోపు దరఖాస్తు చేసుకోవాలి కాబట్టి, త్వరపడటం మంచిది. బ్యాంకు ఉద్యోగాల కోసం కలగనే తెలుగు యువతకు ఇది మంచి అవకాశం.

Pilot Training : తెలుగు యువతకు లక్కీ ఛాన్స్... ఇకపై ఈజీగా మీ పైలట్ కలను నిజం చేసుకోవచ్చు

Arun Kumar P — Thu, 13 Aug 2026 13:51:55 +0530

Pilot Training Institutes : విమానయాన రంగంలో ఉద్యోగాల కోసం ప్రయత్నించేవారు, మరీముఖ్యంగా పైలట్ గా మారి విమానాన్ని నడపాలనుకునే తెలుగు యువతకు అద్భుత అవకాశం వచ్చింది. ఏకంగా 6 పైలట్ శిక్షణా కేంద్రాల ఏర్పాటుకు రంగం సిద్దమయ్యింది.

ఆంధ్ర ప్రదేశ్ ప్రభుత్వం రాష్ట్రంలో విమానయాన రంగాన్ని మరింత బలోపేతం చేసే లక్ష్యంతో ఒక కీలక నిర్ణయం తీసుకుంది. రాష్ట్రంలో కొత్తగా ఆరు పైలట్ శిక్షణా కేంద్రాలను ఏర్పాటు చేసేందుకు సిద్దమయ్యింది. ఈ కేంద్రాలు యువతకు అత్యున్నత స్థాయి పైలట్ శిక్షణను అందించడానికి తోడ్పడతాయి. తద్వారా వారు దేశీయ, అంతర్జాతీయ విమానయాన సంస్థలలో సుస్థిరమైన ఉద్యోగాలు పొందేందుకు మార్గం సుగమం అవుతుంది. ముఖ్యంగా ఇది రాష్ట్రంలోని వేలాది మంది యువతకు మెరుగైన భవిష్యత్తును నిర్మించడంలో గణనీయంగా సహాయపడుతుంది. ఈ చర్య రాష్ట్ర ఆర్థికాభివృద్ధికి కూడా దోహదపడుతుంది.

ఆంధ్ర ప్రదేశ్ కే చెందిన టిడిపి ఎంపీ కింజరాపు రామ్మోహన్ నాయుడు ఎన్డిఏ ప్రభుత్వం కేంద్ర విమానయాన శాఖ మంత్రిగా ఉన్నారు. దీంతో సొంత రాష్ట్రం ఏపీని విమానయాన రంగంలో అగ్రగామిగా నిలిపేందుకు ఆయన కృషి చేస్తున్నారు. ఇప్పటికే భోగాపురం విమానాశ్రయాన్ని ప్రతిష్ఠాత్మకంగా తీసుకుని నిర్మించారు... ఇటీవలే ప్రధాని మోదీ చేతులమీదుగా ఈ ఎయిర్ పోర్ట్ ఘనంగా ప్రారంభమైన విషయం తెలిసిందే. ఈ విమానాశ్రయం రాకతో ఆ ప్రాంతం రూపురేఖలే మారిపోయాయి... భవిష్యత్ లో మరింత డెవలప్మెంట్ జరిగే అవకాశాలున్నాయి.

అయితే కేవలం ఉత్తరాంధ్ర ప్రాంతాన్నే కాదు ఏపీ మొత్తం విమానయాన రంగ సేవలను విస్తరించాలని కేంద్ర, రాష్ట్ర ప్రభుత్వాలు భావిస్తున్నాయి. అందులో భాగంగానే తాజాగా ఆరు కొత్త పైలట్ శిక్షణా కేంద్రాల (ఫ్లయింగ్ ట్రైనింగ్ ఆర్గనైజేషన్ (FTO) ఏర్పాటుకు సిద్దమయ్యాయి. కర్నూల్, కడప, రాజమండ్రి విమానాశ్రయాల్లో ఈ పైలట్ శిక్షణా కేంద్రాలు ఏర్పాటు చేయనున్నారు.

కర్నూల్ విమానాశ్రయం ఆంధ్ర ప్రదేశ్ విమానాశ్రయాల డెవలప్మెంట్ సంస్థ (APADCL) నిర్వహణలో ఉంది. ఇక్కడ ఇప్పటికే ఓ పైలట్ శిక్షణా కేంద్రం రెడీ అయ్యింది... దీనిని ఈ నెలలోనే (ఆగస్ట్ 22న) ప్రారంభించనున్నారు. ఇక్కడే మరో పైలట్ శిక్షణా కేంద్రాన్ని ఈ డిసెంబర్ లో అందుబాటులోకి తీసుకువచ్చేందుకు చకచకా ఏర్పాట్లు జరుగుతున్నాయి.

ఇక ఎయిర్పోర్ట్ అథారిటీ ఆఫ్ ఇండియా (AAI) పరిధిలోని రాజమండ్రి, కడప విమానాశ్రయాల్లో రెండేసి చొప్పున నాలుగు పైలట్ శిక్షణా కేంద్రాలు ఏర్పాటుచేయనున్నట్లు ప్రకటించారు. ఇవి ప్రస్తుతం టెండర్ల దశలో ఉన్నాయని... వచ్చే ఏడాది కార్యకలాపాలు ప్రారంభం అవుతాయని అధికారులు చెబుతున్నారు. ప్రైవేట్ సంస్థలు ఈ శిక్షణా కేంద్రాలను నిర్వహించనున్నాయి... ఒక్కో కేంద్రంలో 30 నుండి 40 మంది పైలట్ శిక్షణ పొందనున్నారు.

ఏపీలో ఏర్పాటయ్యే ఈ పైలట్ శిక్షణా కేంద్రాల ద్వారా తెలుగు యువతకు మంచి అవకాశాలు దక్కనున్నాయి. ఈ సంస్థలు ప్రపంచ స్థాయి ప్రమాణాలతో కూడిన శిక్షణ అందించి మెరుగైన పైలట్లుగా తీర్చిదిద్దుతాయి. ఆధునిక విమానాలతో, అనుభవజ్ఞులైన బోధకులతో కూడిన సమగ్ర శిక్షణ లభిస్తుంది.. ఇలా విమానయాన రంగంలో కెరీర్ ప్రారంభించాలనుకునే యువతకు ఇది ఒక సువర్ణావకాశం. ఈ కేంద్రాల ద్వారా శిక్షణ పొందిన యువకులు కేవలం పైలట్‌లుగానే కాకుండా, విమానయానానికి సంబంధించిన ఇతర సాంకేతిక రంగాలలో కూడా నిపుణులుగా ఎదగగలరు. ఇది వారి భవిష్యత్తు ఆశయాలకు కొత్త రెక్కలు తొడుగుతుంది.

పైలట్ శిక్షణా కేంద్రాల ఏర్పాటు కేవలం పైలట్‌లకే కాకుండా, స్థానిక ప్రజలకు కూడా విస్తృత ఉపాధి అవకాశాలను సృష్టిస్తుంది. ఈ కేంద్రాలకు అవసరమైన సిబ్బంది, మౌలిక సదుపాయాల కల్పన, నిర్వహణ వంటి పనుల్లో స్థానికులకు ఉద్యోగాలు లభిస్తాయి. విమానయాన సాంకేతిక నిపుణులు, ఎయిర్‌ట్రాఫిక్ కంట్రోలర్‌లు, గ్రౌండ్ స్టాఫ్, మెయింటెనెన్స్ టెక్నీషియన్లు, లాజిస్టిక్స్ నిపుణులు వంటి అనేక పరోక్ష ఉద్యోగాలు అందుబాటులోకి వస్తాయి. అంతేకాకుండా ఆహార సేవలు, రవాణా, భద్రతా సిబ్బంది వంటి సహాయక రంగాలలో కూడా స్థానికులకు ఉపాధి అవకాశాలు పెరుగుతాయి. ఇది స్థానిక ఆర్థిక వ్యవస్థకు గణనీయమైన ప్రోత్సాహాన్ని ఇస్తుంది.

ఆరు పైలట్ శిక్షణా కేంద్రాల ఏర్పాటు వెనుక రాష్ట్ర ప్రభుత్వం ఒక బలమైన దూరదృష్టితో వ్యవహరిస్తోంది. నైపుణ్యాభివృద్ధి, ఉద్యోగ కల్పన లక్ష్యాలను ఇది ప్రతిబింబిస్తుంది. విమానయాన రంగాన్ని ఒక కీలక వృద్ధి ఇంజిన్‌గా గుర్తించి, స్థానిక యువతకు అంతర్జాతీయ స్థాయి నైపుణ్యాలను అందించడం ప్రభుత్వ ప్రధాన లక్ష్యం. ఈ కేంద్రాలు రాష్ట్రంలోని యువతకు కేవలం ఉద్యోగాలు కల్పించడమే కాకుండా, వారిని భవిష్యత్తు విమానయాన రంగ నాయకులుగా తీర్చిదిద్దుతాయి. ఇది దీర్ఘకాలంలో ఆంధ్ర ప్రదేశ్‌ను దేశంలోనే ప్రముఖ విమానయాన శిక్షణ కేంద్రంగా మారుస్తుంది. ప్రభుత్వం ఈ చర్య ద్వారా ఆర్థిక వృద్ధిని సాధించాలనే లక్ష్యంతో ఉంది.

నూతనంగా ఏర్పాటు చేయనున్న ఈ శిక్షణా కేంద్రాలు యువతకు విమానయాన రంగంలో అద్భుతమైన కెరీర్ అవకాశాలను అందిస్తాయి. శిక్షణ పూర్తి చేసుకున్న వారు కమర్షియల్ పైలట్‌లుగా, కార్గో పైలట్‌లుగా, ఫ్లైట్ ఇన్‌స్ట్రక్టర్‌లుగా, లేదా కార్పొరేట్ జెట్ పైలట్‌లుగా మారవచ్చు. అంతేకాకుండా ఎయిర్‌క్రాఫ్ట్ మెయింటెనెన్స్ ఇంజనీరింగ్, ఏవియానిక్స్, ఎయిర్‌పోర్ట్ మేనేజ్‌మెంట్ వంటి అనుబంధ రంగాలలో కూడా విస్తృత అవకాశాలు ఉంటాయి. ఈ శిక్షణా కేంద్రాలు దేశీయంగా, అంతర్జాతీయంగా పెరుగుతున్న పైలట్‌ల డిమాండ్‌ను తీర్చడంలో కీలక పాత్ర పోషిస్తాయి. ఇది రాష్ట్రంలోని యువతకు బంగారు భవిష్యత్తుకు బాటలు వేస్తుంది. ప్రతి ఒక్కరూ ఈ అవకాశాన్ని సద్వినియోగం చేసుకోవాలి.

High Paying Jobs in US: అమెరికాలో భారతీయులకు సిక్స్ ఫిగర్ జీతాలిచ్చే టాప్ హైపేయింగ్ ఉద్యోగాలు ఇవే

Mahesh Rajamoni — Wed, 29 Jul 2026 12:13:55 +0530

US High paying jobs for Indians: అమెరికాలో భారతీయులకు లక్ష డాలర్లకు పైగా జీతం అందించే టాప్ ఉద్యోగాలు చాలానే ఉన్నాయి. అయితే, ఈ జాబ్స్ కోసం కావాల్సిన నైపుణ్యాలు, వీసా మార్గాలు వివరాలు, ఆ జాబ్స్ ఏంటో ఇక్కడ తెలుసుకుందాం.

అమెరికా అనగానే ప్రతీ భారతీయుడికి గుర్తొచ్చేది మంచి కెరీర్ ఆప్షన్స్, భారీ జీతాలు, ప్రపంచ స్థాయి పని అనుభవం. ప్రస్తుతం అమెరికాలో టెక్నాలజీ, హెల్త్‌కేర్, ఇంజనీరింగ్, ఫైనాన్స్, ఆర్టిఫిషియల్ ఇంటెలిజెన్స్ రంగాల్లో స్కిల్డ్ వర్కర్లకు భారీగా డిమాండ్ ఉంది. వార్షిక జీతం $100,000 కంటే ఎక్కువ అందించే ఉద్యోగాలు అక్కడ చాలానే ఉన్నాయి. భారతీయ నిపుణులకు అమెరికాలో అత్యధిక జీతాలు అందించే టాప్ కెరీర్లు, అవసరమైన స్కిల్స్, కెరీర్ గ్రోత్ మార్గాల గురించి పూర్తి వివరాలు గమనిస్తే..

అమెరికాలోని ప్రముఖ సంస్థల్లో లభించే అత్యధిక జీతాల వివరాలు ఇలా ఉన్నాయి..

సాఫ్ట్‌వేర్ ఇంజనీర్: గూగుల్, మైక్రోసాఫ్ట్, అమెజాన్, యాపిల్, మెటా వంటి బడా కంపెనీలు సాఫ్ట్‌వేర్, క్లౌడ్ కంప్యూటింగ్, సైబర్ సెక్యూరిటీ నిపుణులను నిరంతరం నియమించుకుంటాయి.

సగటు జీతం: ఏడాదికి రూ. 1.00 కోటి నుండి రూ. 1.50 కోట్లు.

కావాల్సిన స్కిల్స్: Java, Python, AI, Cloud Computing, DevOps.

ఆర్టిఫిషియల్ ఇంటెలిజెన్స్ , మెషిన్ లెర్నింగ్ ఇంజనీర్: ఏఐ విప్లవం వల్ల మెషిన్ లెర్నింగ్, జనరేటివ్ ఏఐ, డేటా సైన్స్ నిపుణులకు భారీ డిమాండ్ ఏర్పడింది.

సగటు జీతం: ఏడాదికి రూ. 1.17 కోట్లు నుండి రూ. 1.83 కోట్లు.

కావాల్సిన స్కిల్స్: Python, TensorFlow, Deep Learning, NLP, Data Science.

డేటా సైంటిస్ట్: డేటా ఆధారిత నిర్ణయాల కోసం కంపెనీలు వీరిపైనే ఆధారపడుతున్నాయి. అమెరికాలో వేగంగా పెరుగుతున్న కెరీర్లలో ఇది ఒకటి.

సగటు జీతం: ఏడాదికి రూ. 1.08 కోట్లు నుండి రూ. 1.58 కోట్లు.

కావాల్సిన స్కిల్స్: SQL, Python, Statistics, Machine Learning, Visualisation Tools.

ఫిజీషియన్, సర్జన్: హెల్త్‌కేర్ రంగంలో వీరికి అత్యధిక జీతాలు అందుతాయి. లైసెన్స్, రెసిడెన్సీ అవసరమైనప్పటికీ, ఆర్థికంగా అత్యుత్తమ రాబడి ఉంటుంది.

సగటు జీతం: ఏడాదికి రూ. 1.83 కోట్లు నుండి రూ. 3.34 కోట్లకు పైగా ఉంటుంది.

క్లౌడ్ సొల్యూషన్స్ ఆర్కిటెక్ట్: కంపెనీలు క్లౌడ్‌కి మారుతుండటంతో వీరి విలువ పెరిగింది.

సగటు జీతం: ఏడాదికి . 1.25 కోట్లు నుండి రూ. 1.75 కోట్లు.

కావాల్సిన స్కిల్స్: AWS, Microsoft Azure, Google Cloud Platform, Security.

సైబర్ సెక్యూరిటీ ఇంజనీర్: పెరుగుతున్న సైబర్ బెదిరింపుల కారణంగా కంపెనీలు ఈ విభాగంలో భారీగా పెట్టుబడులు పెడుతున్నాయి.

సగటు జీతం: ఏడాదికి . 1.08 కోట్లు నుండి రూ. 1.67 కోట్లకు పైగా.

కావాల్సిన స్కిల్స్: Network Security, Ethical Hacking, Risk Management.

ఫైనాన్షియల్ మేనేజర్: కార్పొరేట్ ఫైనాన్స్, ఇన్వెస్ట్‌మెంట్ ప్లానింగ్‌లో నైపుణ్యం ఉన్నవారికి మంచి అవకాశాలున్నాయి.

సగటు జీతం: ఏడాదికి రూ. 1.17 కోట్లు నుండి రూ. 1.75 కోట్ల వరకు.

అర్హతలు: MBA, CPA, CFA.

స్టెమ్ అంటే సైన్స్, టెక్నాలజీ, ఇంజనీరింగ్, మ్యాథమెటిక్స్ రంగాలు, ఇతర ప్రధాన విభాగాల్లో భారతీయులకు మంచి పేరుంది. విదేశీ ప్రతిభను ప్రోత్సహించడానికి అక్కడి కంపెనీలు వీసా ప్రోగ్రామ్‌ల ద్వారా రిక్రూట్ చేసుకుంటాయి.

శాలరీ అడ్వాంటేజ్: అమెరికా డాలర్లలో సంపాదిస్తూ ఇండియాలో కుటుంబం లేదా పెట్టుబడులు ఉంటే ఆర్థికంగా త్వరగా ఎదుగొచ్చు. పన్నులు, ఖర్చులు పోగా ఏడాదికి 20,000 నుండి 50,000 డాలర్లు పొదుపు చేయడం సులువే.

నైపుణ్యానికే ప్రాధాన్యం: జాతీయత కంటే క్లౌడ్, ఏఐ ఎంఎల్, సైబర్ సెక్యూరిటీ, ఫిన్‌టెక్ వంటి స్పెషలైజ్డ్ నైపుణ్యాలకే అమెరికా కంపెనీలు ప్రాధాన్యం ఇస్తాయి.

కెరీర్ బ్రాండింగ్: ఎఫ్ఏఏఎన్జీ లేదా ఫార్చ్యూన్ 500 కంపెనీలలో పనిచేసిన అనుభవం భవిష్యత్తులో ఇండియాకు తిరిగొచ్చినా లేదా సొంత బిజినెస్ పెట్టినా ఎంతో ఉపయోగపడుతుంది. బీటెక్, ఎంసీఏ, ఎంబీఏ ఉండి 3 నుండి 8 ఏళ్ల అనుభవం ఉన్నవారికి టెక్, అనలిటిక్స్ రోల్స్ చాలా వేగంగా వీసా మార్గాన్ని సుగమం చేస్తాయి.

అమెరికా చేరుకోవడానికి ప్రధానంగా మూడు మార్గాలు ఉన్నాయి..

1. స్టూడెంట్ టు వర్క్ మార్గం: యూఎస్‌లో స్టెమ్ మాస్టర్స్ పూర్తి చేసి, 2-3 ఏళ్ల ఓపీటీ వర్క్ రైట్స్, హెచ్ 1బీ స్పాన్సర్‌షిప్ పొందడం.

2. డైరెక్ట్ H-1B లేదా L-1 వీసా: ఇండియాలోని టీసీఎస్, ఇన్ఫోసిస్, TCS, Infosys, యాక్సెంచర్ లేదా ఇతర ప్రొడక్ట్ కంపెనీలలో చేరి, ఆపై ఇంట్రా కంపెనీ లేదా హెచ్1బీ ట్రాన్స్‌ఫర్ ద్వారా అమెరికా వెళ్లడం.

3. ఎక్సెప్షనల్ ప్రొఫైల్స్: సీనియర్ నిపుణులు, పరిశోధకులు లేదా వ్యాపారవేత్తలు ఏ1 లేదా ఈబీ1 కేటగిరీల కింద అర్హత సాధించవచ్చు.

అమెరికా జాబ్ మార్కెట్‌లో పోటీని తట్టుకోవడానికి, ఎంపికయ్యే అవకాశాలను పెంచుకోవడానికి అభ్యర్థులు దృష్టి పెట్టాల్సిన అంశాలు గమనిస్తే..

• ఏఐ, మెషిన్ లెర్నింగ్, డేటా అనలిటిక్స్.

• క్లౌడ్ కంప్యూటింగ్ (ఏడ్ల్యూఎస్, అజూర్, జీసీపీ).

• సైబర్ సెక్యూరిటీ, ఫుల్ స్టాక్ డెవలప్‌మెంట్.

• DevOps, ఆటోమేషన్.

• ప్రొజెక్ట్ మేనేజ్‌మెంట్, కమ్యూనికేషన్, లీడర్‌షిప్ స్కిల్స్.

అమెరికాలో డాలర్ల డ్రీమ్ నెరవేరాలంటే సరైన ప్రణాళిక అవసరం. ముందుగా టెక్నికల్ డెప్త్ (డేటా స్ట్రక్చర్స్, సిస్టమ్ డిజైన్) సాధించాలి. అంతర్జాతీయ క్లయింట్లు, గ్లోబల్ సర్టిఫికేషన్లతో ఓ మంచి ప్రొఫెషనల్ రెజ్యూమ్‌ను రూపొందించుకోవాలి.

అలాగే కోడింగ్ కోసం లీట్ కోడ్, ఇంటర్వ్యూల కోసం స్టార్ పద్ధతిని ప్రాక్టీస్ చేయాలి. న్యూయార్క్, సిలికాన్ వ్యాలీ వంటి ఖరీదైన నగరాలే కాకుండా ఆస్టిన్, డల్లాస్, అట్లాంటా, సీటెల్ సబర్బ్స్ వంటి తక్కువ ఖర్చుతో కూడిన హబ్‌లను ఎంచుకోవడం మంచిది. సరైన నైపుణ్యం, వ్యూహాత్మక ప్రణాళిక ఉంటే అమెరికా జాబ్ మార్కెట్ భారతీయులకు ఒక అద్భుతమైన అవకాశం అని విశ్లేషకులు చెబుతున్నారు.

Indian Railway Recruitment: 4,098 ఖాళీలకు నోటిఫికేషన్... ఈ క్వాలిఫికేషన్స్ ఉంటే చాలు, ఓసారి చెక్ చేసుకోండి

Nandini Arava — Wed, 22 Jul 2026 18:24:56 +0530

Indian Railway Recruitment: భారతీయ రైల్వే నిరుద్యోగులకు గుడ్ న్యూస్ చెప్పింది. జూనియర్ ఇంజనీర్ తో పాటు మొత్తం 4,098 ఖాళీల భర్తీకి నోటిఫికేషన్ విడుదలైంది. ఎంపికైన వారికి రూ.35వేల జీతం. అర్హతలు, వయోపరిమితి, దరఖాస్తు విధానం సహా వివరాలు తెలుసుకుందాం.

రైల్వేలో ప్రభుత్వ ఉద్యోగం సాధించాలని కలలకు కంటున్న యువతకు ఇది మంచి అవకాశం. జూనియర్ ఇంజనీర్‍తో పాటు మొత్తం 4,098 ఖాళీల భర్తీకి నోటిఫికేషన్ విడుదలైంది. ఎంపికైన వారికి నెలకు రూ.35,400 జీతం ఇస్తారు. డిప్లొమా, ఇంజినీరింగ్ అర్హత ఉన్న అభ్యర్థులు దరఖాస్తు చేసుకోవచ్చు. కంప్యూటర్ ఆధారిత పరీక్షతో పాటు ఇతర దశల ద్వారా ఎంపిక జరగనుంది. అర్హతలు, వయోపరిమితి, దరఖాస్తు విధానం వంటి పూర్తి వివరాలు తెలుసుని వెంటనే అప్లై చేసుకోవచ్చు.

ఈ రిక్రూట్ మెంట్ డ్రైవ్ ద్వారా మొత్తం 4,098 టెక్నికల్ పోస్టులను భర్తీ చేయనున్నారు. జూనియర్ ఇంజనీర్‍తో పాటు ఎలక్ట్రికల్, మెకానికల్, సివిల్, వెల్డర్ తదితర విభాగాల్లో నియామకాలు చేపట్టనున్నారు. దేశవ్యాప్తంగా వివిధ రైల్వే జోన్లలో ఈ ఖాళీలు ఉన్నాయి. అర్హత కలిగిన అభ్యర్థులు ఆన్ లైన్ లో దరఖాస్తు చేసుకోవచ్చు. కంప్యూటర్ ఆధారిత పరీక్షతో పాటు ఇతర దశల ద్వారా ఎంపిక ఉంటుంది. ప్రభుత్వ ఉద్యోగం కోరుకునే వారికి ఇది మంచి అవకాశంగా చెప్పొచ్చు.

సంబంధిత విభాగంలో డిప్లొమా లేదా బీఎస్సీ డిగ్రీ పూర్తి చేసిన అభ్యర్థులు ఈ పోస్టులకు దరఖాస్తు చేసుకోవచ్చు. ప్రభుత్వ నిబంధనల ప్రకారం వయోపరిమితిలో సడలింపులు ఉంటాయి. రెండు దశల కంప్యూటర్ ఆధారిత పరీక్ష, సర్టిఫికేట్ వెరిఫికేషన్, మెడికల్ టెస్ట్ ఆధారంగా అభ్యర్థుల ఎంపిక జరుగుతుంది. కేటగిరీని బట్టి దరఖాస్తు రుసుము రూ.250 లేదా రూ.500గా నిర్ణయించారు. పరీక్షకు హాజరైన వారికి ఫీజులో కొంత భాగం తిరిగి చెల్లించబడుతుంది. https://www.indgovtjobs.in/2026/07/RRB-JE-Recruitment.html.. ఈ వెబ్ సైట్ లో అప్లై చేసుకోవచ్చు.