Asianet News Telugu

Govt Jobs : కేవలం ఇంజనీరింగ్ చేస్తే చాలు.. నెలకు రూ.1,33,630 శాలరీతో మేనేజర్ లెవెల్ ప్రభుత్వ ఉద్యోగం, హైదరాబాద్ లోనే పోస్టింగ్

Arun Kumar P — Tue, 22 Sep 2026 12:20:56 +0530

ఇంజనీరింగ్ పూర్తిచేసిన తెలుగు యువతకు బంపరాఫర్. ఏకంగా లక్ష రూపాయలకు పైగా శాలరీతో మేనేజర్ స్థాయి ప్రభుత్వ ఉద్యోగం, అదీ హైదరాబాద్ లోనే పోస్టింగ్… ఇంతకంటే మంచి అవకాశం ఏముంటుంది. మీకు అర్హతలుంటే ట్రై చేయండి.

Government Jobs : ప్రభుత్వ ఉద్యోగాల కోసం ప్రిపేర్ అవుతున్న నిరుద్యోగ యువతకు గుడ్ న్యూస్... తెలంగాణ సర్కార్ తాజాగా కీలకమైన రిక్రూట్మెంట్ ప్రక్రియను ప్రారంభించింది. కేవలం ఇంజనీరింగ్ అర్హతతోనే ఆరంకెల జీతం అంటే నెలనెలా లక్షకు పైగా సంపాదించే అవకాశమున్న ఉద్యోగాలను భర్తీ చేయనున్నారు. ఇంకా ఆసక్తికర విషయం ఏంటంటే జాబ్ లోకేషన్ రాజధాని హైదరాబాద్ నగరంలోనే. ఈ ఉద్యోగ భర్తీ ప్రక్రియ గురించి పూర్తి వివరాలు తెలుసుకుందాం.

హైదరాబాద్ మెట్రోపాలిటన్ వాటర్ సప్లై ఆండ్ సీవరేజ్ బోర్డ్ (HMWSSB) లో ఉద్యోగాల భర్తీకి తెలంగాణ ప్రభుత్వం సిద్దమయ్యింది. ఇందులో భాగంగానే ప్రభుత్వ ఉద్యోగాల నియామక సంస్థ తెలంగాణ పబ్లిక్ సర్వీస్ కమీషన్ (TGPSC) ఇప్పటికే నోటిఫికేషన్ జారీ చేసింది. HMWSSB లో మేనేజర్ (ఇంజనీరింగ్) పోస్టులను భర్తీ చేయనున్నారు.

ముఖ్యమైన తేదీలు :

ఆన్ లైన్ లో అప్లికేషన్స్ ప్రక్రియ ప్రారంభం : 23 సెప్టెంబర్ 2026 అంటే ఈ బుధవారం నుండి దరఖాస్తుల స్వీకరణ ప్రారంభం అవుతుంది. అర్హత గల అభ్యర్థులు దరఖాస్తు చేసుకోవచ్చు.

అప్లై చేసుకునేందుకు చివరి తేదీ : 17 అక్టోబర్ 2026 సాయంత్రం 5PM వరకు దరఖాస్తు చేసుకునేందుకు అవకాశం ఉంటుంది.

రాతపరీక్ష : డిసెంబర్ 2026 (తేదీని త్వరలోనే ప్రకటిస్తారు)

హాల్ టికెట్స్ : పరీక్ష తేదీకి ఏడురోజుల ముందు హాల్ టికెట్స్ జారీ చేస్తారు. ఎగ్జామ్ కు ముందురోజు సాయంత్రం 5PM వరకు అభ్యర్థులకు డౌన్లోడ్ అవకాశం ఉంటుంది.

ఈ ఉద్యోగాలకు అన్ని అర్హతలు కలిగిన అభ్యర్థులు ముందుగానే అప్లై చేసుకోవడం ఉత్తమం.. చివర్లో చేసుకుందాం అనుకుంటే ఇబ్బందులు ఎదురుకావచ్చు. చివరి తేదీల్లో అందరూ ఒకేసారి అప్లై చేసేందుకు ప్రయత్నించడంతో సర్వర్ పై ఒత్తిడి పెరిగి టెక్నికల్ ఇష్యూస్ రావచ్చు. అందుకే ముందుగానే దరఖాస్తు ప్రక్రియ పూర్తిచేయాలని TGPSC సూచిస్తోంది.

HMWSSB లో మేనేజర్ ఉద్యోగాలు మల్లీ జోన్ 2 కిందకు వస్తాయి... మొత్తం 130 ఖాళీలను ఈ నోటిఫికేషన్ ద్వారా భర్తీ చేయనున్నారు. రిజర్వేషన్లవారిగా ఖాళీలను పరిశీలిస్తే..

OC - 37 (అన్ రిజర్వ్ 03)

EWS - 13

BC-A - 09 (అన్ రిజర్వ్ 01)

BC-B - 12

BC-C - 02

BC-D - 08

BC-E - 05

SC - 19 (అన్ రిజర్వ్ 01)

ST - 13

VH - 01 (అన్ రిజర్వ్ 01)

HH - 01

0H - 01

MH - 01

స్పోర్ట్స్ - 02

18 సెప్టెంబర్ 2026 నాటికి ప్రభుత్వ గుర్తింపుపొందిన యూనివర్సిటీ లేదా విద్యాసంస్థ నుండి ఇంజనీరింగ్ పూర్తిచేసిన అభ్యర్థులు అర్హులు.

80 శాతం పోస్టులు సివిల్ ఇంజనీరింగ్ చేసినవారికి కేటాయించారు.

15 శాతం పోస్టులు ఎలక్ట్రిక్ లేదా మెకానికల్ ఇంజనీరింగ్ పూర్తిచేసినవారికి కేటాయించారు.

5 శాతం పోస్టులు CSE లేదా IT లేదా ECE పూర్తిచేసినవారికి కేటాయించారు.

HMWSS ఉద్యోగాల వయో పరిమితి

హైదరాబాద్ వాటర్ సప్లై ఆడ్ సీవరేజ్ బోర్డులో మేనేజర్ ఉద్యోగాలకు 18 నుండి 44 ఏళ్లలోపు వయసుగల అభ్యర్థులు అర్హులు. అయితే రిజర్వేషన్ కలిగిన అభ్యర్థులకు వయోపరిమితి సడలింపు ఉంటుంది.

ఎస్సి, ఎస్టి, బిసి, ఈడబ్ల్యుఎస్ - 5 ఏళ్లు సడలింపు

దివ్యాంగులకు - 10 ఏళ్లు సడలింపు

తెలంగాణ ప్రభుత్వ ఉద్యోగులకు (కార్పోరేషన్స్, మున్సిపాలిటీ ఉద్యోగులకు వర్తించదు) - 5 ఏళ్ల వరకు సడలింపు

మాజీ ఆర్మీ ఉద్యోగులకు - 3 ఏళ్ల వరకు సడలింపు

N.C.C కలిగినవారికి - 3 ఏళ్ల వరకు సడలింపు

అన్ని అర్హతలు కలిగినవారు దరఖాస్తు చేసుకునేందుకు కొంత మొత్తంలో డబ్బులు అప్లికేషన్, ఎగ్జామినేషన్ ఫీజు కింద చెల్లించాలి.

ఓసి, బిసి - రూ.1000

ఎస్సి, ఎస్టి, పిడబ్ల్యుడి - రూ.500

ఎగ్జామినేషన్ ఫీజు : ప్రతి అభ్యర్థి రూ.120 చెల్లించాలి.

HMWSSB పరీక్ష సెంటర్లు

దరఖాస్తు చేసుకున్న అభ్యర్థులకు ఈ కింది ప్రాంతాల్లోనే ఎగ్జామినేషన్ సెంటర్ ఉంటుంది.

హైదరాబాద్ (HMDA పరిధిలో)

నల్గొండ

సంగారెడ్డి

మహబూబ్ నగర్

HMWSSB ఎగ్జామ్ సిలబస్

మొత్తం 450 మార్కులకు ఎగ్జామ్ ఉంటుంది.

పేపర్-1 : (150 మార్కులు)

150 అబ్జెక్టివ్ టైప్ ప్రశ్నలు - 150 నిమిషాల సమయం - ఇంగ్లీష్, తెలుగులో ప్రశ్నపత్రం ఉంటుంది.

పేపర్-2 : (300 మార్కులు)

సంబంధిత సబ్జెక్ట్ ప్రశ్నలు - 150 ప్రశ్నలు - 150 నిమిషాలు సమయం - కేవలం ఇంగ్లీష్ లోనే ప్రశ్నపత్రం ఉంటుంది... ఒక్క ప్రశ్నకు రెండు మార్కులు ఉంటాయి.

HMWSSB మేనేజర్ శాలరీ

HMWSSB అనేది హైదరాబాద్ పరిథిలోని సంస్థ... కాబట్టి జాబ్ లొకేషన్ ఇక్కడే ఉంటుంది. మేనేజర్ పోస్టులు మంచి హోదా కలిగినవి... అలాగే మంచి శాలరీ కూడా ఉంటుంది. నెలకు రూ.54,220 నుండి రూ.1,33,630 వరకు జీతం ఉంటుందని TGPSC నోటిఫికేషన్ లో పేర్కొంది. అందరు ప్రభుత్వ ఉద్యోగులకు వర్తించే బెనిఫిట్స్ వీరికి కూడా వర్తిస్తాయి.

Jobs: నిరుద్యోగులకు గుడ్ న్యూస్.. రూ.1.80 లక్షల వరకు జీతంతో ఉద్యోగాలు

Mahesh Rajamoni — Tue, 15 Sep 2026 15:16:17 +0530

Jobs: తెలంగాణలోని నిరుద్యోగ యువతకు విదేశాల్లో స్థిరపడేందుకు అద్భుతమైన అవకాశం లభించింది. తెలంగాణ ప్రభుత్వ ఓవర్సీస్ మ్యాన్‌పవర్ కంపెనీ TOMCOM ద్వారా యునైటెడ్ అరబ్ ఎమిరేట్స్ (దుబాయ్, అబుదాబి) లో ఉద్యోగాల భర్తీకి ప్రకటన విడుదలైంది. ఆ వివరాలు మీకోసం.

విదేశాల్లో ఉద్యోగం సాధించి, కుటుంబానికి మంచి భవిష్యత్తు ఇవ్వాలని ప్రతీ ఒక్కరికీ ఉంటుంది. ముఖ్యంగా మన తెలంగాణ యువత యూఏఈ (దుబాయ్, అబుదాబి, షార్జా) వెళ్లడానికి ఎక్కువ ఆసక్తి చూపిస్తుంటారు. అయితే, ఇదే అడ్వాంటేజ్ గా తీసుకుని చాలామంది నకిలీ ప్రైవేట్ ఏజెంట్లు లక్షలకు లక్షలు వసూలు చేసి ముంచేస్తున్నారు.

ఇలాంటి ఫ్రాడ్స్ కి చెక్ పెడుతూ, తెలంగాణ ప్రభుత్వ రంగ సంస్థ తెలంగాణ ఓవర్సీస్ మ్యాన్‌పవర్ కంపెనీ లిమిటెడ్ (TOMCOM - టామ్‌కామ్) విదేశీ ఉద్యోగాల కోసం తోడుగా నిలిచే సేఫ్ అండ్ లీగల్ రూట్‌ను అందుబాటులోకి తెచ్చింది. తాజాగా యూఏఈ ని ‘కంట్రీ ఆఫ్ ది వీక్’గా ప్రకటిస్తూ నిర్మాణ రంగంతో పాటు పలు విభాగాల్లో భారీ ఉద్యోగ అవకాశాలను ప్రకటించింది.

ప్రస్తుతం యూఏఈ లో కన్‌స్ట్రక్షన్, హెల్త్‌కేర్, హాస్పిటాలిటీ, డ్రైవింగ్, లాజిస్టిక్స్, ఐటీ వంటి ప్రధాన రంగాల్లో భారీగా ఖాళీలు ఉన్నాయి. ముఖ్యంగా నిర్మాణ రంగంలో కింది పోస్టుల భర్తీకి టామ్‌కామ్ శ్రీకారం చుట్టింది.

• టైల్ మేసన్

• షట్టరింగ్ కార్పెంటర్

• ఆర్సీసీ వర్కర్

• స్టీల్ ఫిక్సర్

• స్కాఫోల్డర్

• జనరల్ హెల్పర్

టెక్నికల్ పనులు తెలిసిన స్కిల్డ్ వర్కర్లతో పాటు ఎలాంటి అనుభవం లేని ఫ్రెషర్స్ కోసం 'జనరల్ హెల్పర్' పోస్టులు కూడా అందుబాటులో ఉన్నాయి.

మనం చేసే పని, నైపుణ్యం, అనుభవాన్ని బట్టి వేతనాలు ఉంటాయి.

• స్కిల్డ్ వర్కర్స్: నెలకు AED 1,453 వరకు అంటే మన భారతీయ కరెన్సీలో సుమారు ₹33,000 నుండి రూ.38,000 వరకు) లభిస్తుంది.

• జనరల్ హెల్పర్స్: నెలకు AED 1,200 వరకు (సుమారు ₹27,000) వేతనం ఉంటుంది.

• ఇతర రంగాలు / ప్రొఫెషనల్స్: విద్యార్హత, అనుభవాన్ని బట్టి నెలకు రూ.35,000 నుంచి గరిష్ఠంగా రూ.1.80 లక్షల వరకు సంపాదించే అవకాశాలు ఉన్నాయి.

అదనపు సౌకర్యాలు: ఎంపికైన అభ్యర్థులకు కంపెనీ తరఫున ఉచిత వసతి, రవాణా సదుపాయాలు కల్పిస్తారు. రోజూ 10 గంటల పని సమయం ఉంటుంది, అదనంగా పని చేస్తే ఓవర్‌టైమ్ అలవెన్స్ లభిస్తుంది. ఒప్పంద కాలపరిమితి 2 సంవత్సరాలు.

• వయస్సు: 18 సంవత్సరాల నుండి 45 సంవత్సరాల మధ్య ఉన్నవారు అర్హులు.

• అనుభవం: స్కిల్డ్ పోస్టులకు కనీసం 1 సంవత్సరం సంబంధిత రంగంలో పని చేసిన అనుభవం ఉండాలి. జనరల్ హెల్పర్ పోస్టులకు ఎలాంటి అనుభవం లేకపోయినా దరఖాస్తు చేసుకోవచ్చు.

• డాక్యుమెంట్లు: ఆధార్ కార్డ్, చెల్లుబాటు అయ్యే పాస్‌పోర్ట్, విద్యార్హత/ఐటీఐ/టెక్నికల్ సర్టిఫికెట్లు, పని అనుభవ పత్రాలు, పాస్‌పోర్ట్ సైజ్ ఫోటోలు సిద్ధంగా ఉంచుకోవాలి.

ప్రైవేట్ దళారులను నమ్మి మోసపోకుండా ఉండేందుకు టామ్‌కామ్ పక్కాగా 6 దశల ప్రక్రియను అమలు చేస్తోంది.

1. రిజిస్ట్రేషన్ అండ్ కౌన్సెలింగ్: వెబ్‌సైట్ లేదా యాప్ ద్వారా వివరాలు నమోదు చేసుకుంటే నిపుణులతో ఉచిత కౌన్సెలింగ్ ఇస్తారు.

2. అసెస్మెంట్ అండ్ స్కిల్ ట్రైనింగ్: అభ్యర్థి నైపుణ్యాన్ని అంచనా వేసి, అవసరమైతే ప్రభుత్వ శిక్షణ కేంద్రాల ద్వారా ప్రత్యేక ట్రైనింగ్ ఇప్పిస్తారు.

3. జాబ్ ఆఫర్ వెరిఫికేషన్: కంపెనీ ఇచ్చిన ఆఫర్ లెటర్ అసలైనదో కాదో టామ్‌కామ్ స్వయంగా పరిశీలించి కన్‌ఫర్మ్ చేస్తుంది.

4. డాక్యుమెంటేషన్ అండ్ వీసా: జెన్యూన్ వర్క్ వీసా ప్రాసెసింగ్‌లో పూర్తి సహాయం అందిస్తారు.

5. ప్రీ-డిపార్చర్ ఓరియంటేషన్: విదేశాలకు వెళ్లేముందు అక్కడి చట్టాలు, సంస్కృతి, పని వాతావరణంపై పూర్తి అవగాహన కల్పిస్తారు.

6. పోస్ట్-అరైవల్ సపోర్ట్: యూఏఈ చేరుకున్న తర్వాత కూడా ఏవైనా సమస్యలు వస్తే పరిష్కరించేందుకు నిరంతరం అందుబాటులో ఉంటారు.

ఆసక్తి ఉన్న అభ్యర్థులు నేరుగా టామ్‌కామ్ అధికారిక వెబ్‌సైట్ tomcom.telangana.gov.in లో గానీ, లేదా Google Play Store నుండి TOMCOM App డౌన్‌లోడ్ చేసుకుని మొబైల్ లోనే రిజిస్టర్ చేసుకోవచ్చు.

• హెల్ప్‌లైన్ నంబర్లు: 08035524946 / 040-2334 2040

• ఆఫీస్ అడ్రస్: తెలంగాణ ఓవర్సీస్ మ్యాన్‌పవర్ కంపెనీ లిమిటెడ్ (TOMCOM), ఐటీఐ క్యాంపస్, మల్లేపల్లి, హైదరాబాద్ - 500057.

తెలంగాణలో అంగన్‌వాడీ ఉద్యోగాలు.. ఎవ‌రు అర్హులు, ఎలా అప్లై చేసుకోవాలి?

Narender Vaitla — Thu, 22 Oct 2026 19:22:09 +0530

Telangana: తెలంగాణలో ప్రభుత్వ ఉద్యోగాల కోసం ఎదురుచూస్తున్న మహిళలకు శుభ‌వార్త‌. ప‌లు అంగ‌న్వాడీ పోస్టుల భ‌ర్తీకి నోటిఫికేష‌న్ జారీ చేసింది. ఐదు ఐసీడీఎస్ ప్రాజెక్టుల పరిధిలో మొత్తం 264 ఖాళీలను భర్తీ చేయనున్నారు.

వికారాబాద్ జిల్లా సంక్షేమాధికారి పరిధిలోని ఐదు ఐసీడీఎస్ ప్రాజెక్టుల్లో ఈ నియామకాలు చేపట్టనున్నారు. మొత్తం ఖాళీల్లో 102 అంగన్‌వాడీ టీచర్ పోస్టులు ఉండగా, 162 అంగన్‌వాడీ ఆయా పోస్టులు ఉన్నాయి. ప్రాజెక్టుల వారీగా ఖాళీల వివరాలు ఇలా ఉన్నాయి. కోడంగ‌ల్‌లో 13 టీచర్ పోస్టులు, 31 ఆయా పోస్టులు.. మొత్తం 44 ఖాళీలు. మర్పల్లిలో 21 టీచర్ పోస్టులు, 14 ఆయా పోస్టులు.. మొత్తం 35 ఖాళీలు. పరిగిలో 27 టీచర్ పోస్టులు, 78 ఆయా పోస్టులు.. మొత్తం 105 ఖాళీలు. తాండూరులో 23 టీచర్ పోస్టులు, 28 ఆయా పోస్టులు.. మొత్తం 51 ఖాళీలు. వికారాబాద్‌లో 18 టీచర్ పోస్టులు, 11 ఆయా పోస్టులు.. మొత్తం 29 ఖాళీలు ఉన్నాయి. ఈ ప్రాజెక్టుల్లో పరిగి పరిధిలో అత్యధికంగా 105 పోస్టులు ఉన్నాయి. కోడంగల్, మర్పల్లి, తాండూరు, వికారాబాద్ ప్రాంతాల్లోనూ ఖాళీలు ఉన్నాయి. అభ్యర్థులు తమకు వర్తించే స్థానికత, ఇతర అర్హతలను పరిశీలించుకుని దరఖాస్తు చేసుకోవాలి.

ఈ ఉద్యోగాలకు దరఖాస్తు చేసుకునే అభ్యర్థులు ఇంటర్మీడియట్ ఉత్తీర్ణులై ఉండాలి. అంగన్‌వాడీ హెల్పర్ పోస్టులకు సంబంధించి ఇంటర్మీడియట్ లేదా 12వ తరగతి అర్హత కలిగిన అభ్యర్థులు అందుబాటులో లేని సందర్భంలో పదో తరగతి ఉత్తీర్ణులైన వారిని తదుపరి పరిగణనలోకి తీసుకునే అవకాశం ఉంటుంది. విద్యార్హతలతో పాటు వయోపరిమితి, స్థానికత, ఇతర అర్హతలకు సంబంధించిన నిబంధనలను అధికారిక నోటిఫికేషన్‌లో పరిశీలించాలి. అభ్యర్థులు తమ విద్యార్హతలకు సంబంధించిన సర్టిఫికెట్లను ముందుగానే సిద్ధం చేసుకోవాలి. నోటిఫికేషన్‌లో పేర్కొన్న నిబంధనలకు అనుగుణంగా ఉన్నవారు మాత్రమే దరఖాస్తు చేయడం మంచిది.

అర్హులైన మహిళలు సంబంధిత అధికారిక దరఖాస్తు విధానం ద్వారా ఆన్‌లైన్‌లో అప్లై చేయాలి. దరఖాస్తు సమయంలో వ్యక్తిగత వివరాలు, విద్యార్హతలు సహా అడిగిన సమాచారాన్ని తప్పులు లేకుండా నమోదు చేయాలి. అవసరమైన పత్రాలను సిద్ధంగా ఉంచుకోవాలి. దరఖాస్తు సమర్పించిన తర్వాత దాని ప్రతిని భద్రపరచుకోవాలి. తదుపరి ప్రక్రియలో ఈ ప్రతితో పాటు ధ్రువీకరణ పత్రాల జిరాక్స్ కాపీలను సంబంధిత ఐసీడీఎస్ ప్రాజెక్టు కార్యాలయంలో అందజేయాల్సి ఉంటుంది. దరఖాస్తు విధానం, అవసరమైన పత్రాల వివరాల కోసం అధికారిక నోటిఫికేషన్‌లోని సూచనలను అనుసరించాలి.

ఆన్‌లైన్‌లో దరఖాస్తు చేసిన అభ్యర్థులు 2026 అక్టోబర్ 26 నుంచి నవంబర్ 1 వరకు తమ ధ్రువీకరణ పత్రాలను సమర్పించాలి. దరఖాస్తు ప్రతితో పాటు అవసరమైన సర్టిఫికెట్ల జిరాక్స్ కాపీలను సంబంధిత ఐసీడీఎస్ ప్రాజెక్టు కార్యాలయంలో అందజేయాలి. అభ్యర్థుల ఎంపిక ప్రక్రియను నిబంధనల ప్రకారం జిల్లా కలెక్టర్ లేదా సంబంధిత చైర్మన్ నేతృత్వంలో నిర్వహించనున్నారు. కాబట్టి ఆన్‌లైన్‌లో అప్లై చేయడంతోనే ప్రక్రియ పూర్తయినట్లు భావించకూడదు. నిర్ణీత సమయంలో పత్రాలను సమర్పించడం కూడా తప్పనిసరి. సర్టిఫికెట్ల విషయంలో ఎలాంటి ఇబ్బందులు ఎదురుకాకుండా ముందుగానే వాటిని సిద్ధం చేసుకోవాలి.

ముఖ్యమైన తేదీలు ఇవే..

ఈ నియామకాలకు సంబంధించి అభ్యర్థులు గుర్తుంచుకోవాల్సిన ముఖ్యమైన తేదీలు ఇవి. ఆన్‌లైన్ దరఖాస్తుల ప్రారంభ తేదీ: 2026 అక్టోబర్ 10, ఆన్‌లైన్ దరఖాస్తుకు చివరి తేదీగా 2026 అక్టోబర్ 24ని నిర్ణ‌యించారు. ధ్రువీకరణ పత్రాల సమర్పణకు గ‌డువు 2026 అక్టోబర్ 26 నుంచి నవంబర్ 1 వరకు. పోస్టుల వారీగా అర్హతలు, వయోపరిమితి, స్థానికత, దరఖాస్తు విధానం వంటి పూర్తి వివరాల కోసం సంబంధిత శాఖ అధికారిక నోటిఫికేషన్‌ను పరిశీలించాలి.

Free Digital Skills: పైసా ఖర్చు లేకుండా నేర్చుకోగలిగే 5 బెస్ట్ డిజిటల్ స్కిల్స్ ఇవే!

Kavitha G — Thu, 22 Oct 2026 15:29:53 +0530

Free Digital Skills: ప్రస్తుత డిజిటల్ యుగంలో కొత్త స్కిల్స్ నేర్చుకోవడం ఉద్యోగ అవకాశాలను పెంచుకోవడానికి ఎంతో అవసరం. ఈ స్కిల్స్ నేర్చుకోవడానికి వేల రూపాయలు ఖర్చు చేయాల్సిన పనిలేదు. పైసా ఖర్చు లేకుండా నేర్చుకోగలిగే 5 డిజిటల్ స్కిల్స్ ఏంటో చూద్దాం.

ప్రస్తుత డిజిటల్ యుగంలో ఉద్యోగం సంపాదించాలన్నా, ఇంటి నుంచే ఆదాయం పొందాలన్నా, సొంతంగా వ్యాపారం ప్రారంభించాలన్నా డిజిటల్ స్కిల్స్ ఎంతో ఉపయోగపడుతున్నాయి. ముఖ్యంగా విద్యార్థులు, ఉద్యోగాల కోసం ప్రయత్నిస్తున్న యువత, గృహిణులు, ఫ్రీలాన్సర్లుగా ఎదగాలనుకునేవారికి ఇవి మంచి అవకాశాలను అందిస్తున్నాయి. అయితే డిజిటల్ స్కిల్స్ నేర్చుకోవాలంటే వేల రూపాయలు ఖర్చు చేయాల్సిన అవసరం లేదు. ఇంటర్నెట్, స్మార్ట్‌ఫోన్ లేదా కంప్యూటర్ అందుబాటులో ఉంటే అనేక స్కిల్స్ ని ఉచితంగా నేర్చుకోవచ్చు. మరి పైసా ఖర్చు లేకుండా నేర్చుకోగలిగే 5 బెస్ట్ డిజిటల్ స్కిల్స్ ఏంటో ఇక్కడ తెలుసుకుందాం.

రాయడం మీద ఆసక్తి ఉన్నవారికి కంటెంట్ రైటింగ్ మంచి డిజిటల్ స్కిల్. వెబ్‌సైట్ల కోసం ఆర్టికల్స్ రాయడం, బ్లాగ్ పోస్టులు తయారు చేయడం, ప్రొడక్ట్ వివరణలు రాయడం, సోషల్ మీడియా పోస్టులకు క్యాప్షన్లు రూపొందించడం ఇందులో భాగం. తెలుగుతో పాటు ఇంగ్లీష్‌లోనూ రాయడం నేర్చుకుంటే మరిన్ని అవకాశాలను అందుకోవచ్చు. ప్రారంభంలో ప్రతిరోజూ ఒక చిన్న ఆర్టికల్ రాయడం, మంచి రచనలను చదవడం, వ్యాకరణం, వాక్య నిర్మాణంపై దృష్టి పెట్టడం ద్వారా నైపుణ్యాన్ని పెంచుకోవచ్చు. యూట్యూబ్‌లో ఉచిత పాఠాలు, ఉచిత బ్లాగింగ్ వనరులను ఉపయోగించి నేర్చుకోవచ్చు.

ఆకర్షణీయమైన పోస్టర్లు, సోషల్ మీడియా డిజైన్లు, యూట్యూబ్ థంబ్‌నెయిల్స్, లోగోలు రూపొందించడం గ్రాఫిక్ డిజైనింగ్‌లో భాగం. ఈ స్కిల్ నేర్చుకోవడానికి మొదట్లో ఖరీదైన సాఫ్ట్‌వేర్ అవసరం లేదు. Canva వంటి ప్లాట్‌ఫారమ్‌ల ఉచిత వెర్షన్‌తో ప్రాథమిక డిజైనింగ్ నేర్చుకోవచ్చు. రంగుల ఎంపిక, ఫాంట్ల వినియోగం, డిజైన్ లేఅవుట్ వంటి అంశాలను ప్రాక్టీస్ చేయాలి.

ప్రస్తుతం యూట్యూబ్, ఇన్‌స్టాగ్రామ్ రీల్స్, షార్ట్ వీడియోల వినియోగం పెరుగుతున్న నేపథ్యంలో వీడియో ఎడిటింగ్‌కు ప్రాధాన్యం పెరిగింది. వీడియోలను కట్ చేయడం, క్లిప్‌లను కలపడం, టెక్స్ట్ జోడించడం, మ్యూజిక్ యాడ్ చేయడం వంటి ప్రాథమిక అంశాలను ఉచితంగా నేర్చుకోవచ్చు. మొబైల్‌లో అందుబాటులో ఉన్న ఉచిత ఎడిటింగ్ యాప్స్ లేదా కంప్యూటర్‌లో ఉచిత సాఫ్ట్‌వేర్‌ను ఉపయోగించి నేర్చుకోవచ్చు.

ప్రస్తుతం చిన్న వ్యాపారాలు, దుకాణాలు, సంస్థలు తమ ఉత్పత్తులు, సేవలను ప్రజలకు చేరవేయడానికి సోషల్ మీడియాను ఉపయోగిస్తున్నాయి. వాటి పేజీలను నిర్వహించడం, పోస్టులు రూపొందించడం, కంటెంట్ క్యాలెండర్ తయారు చేయడం, కామెంట్లకు స్పందించడం, పోస్టుల పనితీరును పరిశీలించడం ఈ స్కిల్‌లో భాగం. ఫేస్‌బుక్, ఇన్‌స్టాగ్రామ్, లింక్డ్‌ఇన్ వంటి ప్లాట్‌ఫారమ్‌ల పనితీరును అర్థం చేసుకోవడం ద్వారా దీన్ని ప్రారంభించవచ్చు.

ఇంటర్నెట్ ద్వారా ఉత్పత్తులు, సేవలను ప్రజలకు పరిచయం చేయడమే డిజిటల్ మార్కెటింగ్. సెర్చ్ ఇంజిన్ ఆప్టిమైజేషన్ (SEO), సోషల్ మీడియా మార్కెటింగ్, ఇమెయిల్ మార్కెటింగ్, కంటెంట్ మార్కెటింగ్ వంటి అంశాలు ఇందులో ఉంటాయి. కొన్ని ఉచిత ప్లాట్‌ఫారమ్‌ల ద్వారా వెబ్‌సైట్‌లో కంటెంట్‌ను ఎలా మెరుగుపరచాలి, సరైన కీవర్డ్స్‌ను ఎలా ఎంచుకోవాలి, పోస్టులు ఎలా రూపొందించాలి అనే అంశాలను నేర్చుకోవచ్చు.

Government Jobs : తెలుగు యువతా బి రెడీ .. భారీ జాబ్ నోటిఫికేషన్ రాబోతోంది

Arun Kumar P — Mon, 05 Oct 2026 20:45:36 +0530

ఆంధ్ర ప్రదేశ్ యువతకు ప్రభుత్వం త్వరలోనే గుడ్ న్యూస్ చెప్పబోతోంది. విద్యుత్ శాఖలో లైన్ మెన్ ఉద్యోగాల భర్తీకి కసరత్తు చేస్తున్నామని… త్వరలోనే నోటిఫికేషన్ రిలీజ్ చేస్తామని మంత్రి గొట్టిపాటి రవికుమార్ తెలిపారు.

ప్రభుత్వ ఉద్యోగాల కోసం ఎదురుచూస్తున్న తెలుగు నిరుద్యోగులకు కూటమి సర్కార్ గుడ్ న్యూస్ చెప్పింది. విద్యుత్ శాఖలో ఖాళీగా ఉన్న పోస్టులను భర్తీ చేసేందుకు చర్యలు వేగవంతం చేస్తున్నట్లు మంత్రి గొట్టిపాటి రవికుమార్ ప్రకటించారు. ఇప్పటికే 629 అసిస్టెంట్ ఇంజనీర్ (AE) పోస్టుల భర్తీకి పరీక్ష పూర్తయిందని, త్వరలో ఫలితాలను వెల్లడించి నియామక ప్రక్రియను పూర్తి చేస్తామని చెప్పారు. ఈ నియామకాలు పూర్తయిన తర్వాత లైన్‌మెన్ పోస్టులను కూడా భర్తీ చేసేందుకు చర్యలు చేపడతామని స్పష్టం చేశారు.

629 ఏఈ పోస్టుల పరీక్ష పూర్తి

విద్యుత్ శాఖలో మానవ వనరుల కొరతను అధిగమించేందుకు ప్రభుత్వం చర్యలు చేపడుతోందని మంత్రి తెలిపారు. సహాయ ఇంజనీర్ పోస్టులను పెంచాలని కోరిన నేపథ్యంలో ముఖ్యమంత్రి చంద్రబాబు నాయుడు 629 పోస్టులను ఒకేసారి మంజూరు చేశారని చెప్పారు. ఈ పోస్టులకు ఇప్పటికే పరీక్ష పూర్తయిందని, ఫలితాలను పారదర్శకంగా ఆన్‌లైన్‌లో అందుబాటులో ఉంచుతామని తెలిపారు. అనంతరం ధ్రువపత్రాల పరిశీలన పూర్తి చేసి అర్హులైన అభ్యర్థులకు నియామకాలు కల్పిస్తామని చెప్పారు.

629 ఏఈ పోస్టుల కోసం దాదాపు లక్ష మంది అభ్యర్థులు దరఖాస్తు చేసుకోగా, సుమారు 85 వేల మంది పరీక్షకు హాజరైనట్లు మంత్రి వెల్లడించారు. మొత్తం ప్రక్రియలో ఎలాంటి ఆరోపణలకు, విమర్శలకు అవకాశం లేకుండా పారదర్శకంగా నియామకాలు చేపడతామని స్పష్టం చేశారు.

త్వరలో లైన్‌మెన్ పోస్టుల భర్తీ

విద్యుత్ వినియోగదారులకు నాణ్యమైన సేవలు అందించాలంటే క్షేత్రస్థాయిలో తగినంత మంది సిబ్బంది ఉండటం చాలా అవసరం అని మంత్రి గొట్టిపాటి అన్నారు. ముఖ్యంగా విద్యుత్ లైన్ల నిర్వహణ, మరమ్మతులు, అత్యవసర సేవలకు లైన్‌మెన్‌ల పాత్ర కీలకమని తెలిపారు. ముఖ్యమంత్రి చంద్రబాబు నాయుడు అనుమతితో లైన్‌మెన్ పోస్టులను కూడా భర్తీ చేసేందుకు చర్యలు తీసుకుంటామని మంత్రి ప్రకటించారు. దీనివల్ల విద్యుత్ శాఖలో సిబ్బంది కొరత కొంతమేర తగ్గడంతో పాటు వినియోగదారులకు సేవలు మరింత వేగంగా అందే అవకాశం ఉంటుంది.

రాష్ట్రంలో విద్యుత్ శాఖకు అవసరమైన మానవ వనరులను సమకూర్చేందుకు ప్రభుత్వం పలు చర్యలు తీసుకుంటోందని మంత్రి తెలిపారు. గ్రామ సచివాలయాల్లో ఇంధన సహాయకులుగా పనిచేస్తున్న సిబ్బందిని విద్యుత్ శాఖలోకి తీసుకోవడం ద్వారా రాష్ట్రవ్యాప్తంగా సుమారు 6,500 నుంచి 7,000 మంది వరకు సిబ్బందిని సమకూర్చుకున్నామని చెప్పారు. విద్యుత్ శాఖ పనితీరుపై ముఖ్యమంత్రి చంద్రబాబు నాయుడు ప్రత్యేకంగా దృష్టి సారిస్తున్నారని మంత్రి తెలిపారు. ప్రతి పది రోజులకు ఒకసారి విద్యుత్ సరఫరా పరిస్థితి, సిబ్బంది, వినియోగదారులకు అందుతున్న సేవలు తదితర అంశాలపై సమీక్ష నిర్వహిస్తున్నారని చెప్పారు.

445 మందికి పైగా కారుణ్య నియామకాలు

విధి నిర్వహణలో ప్రాణాలు కోల్పోయిన విద్యుత్ ఉద్యోగుల కుటుంబాలకు ప్రభుత్వం అండగా ఉంటుందని మంత్రి గొట్టిపాటి రవికుమార్ తెలిపారు. గత రెండున్నర నుంచి మూడేళ్లుగా పెండింగ్‌లో ఉన్న కారుణ్య నియామకాలను వేగంగా పూర్తి చేస్తున్నామని చెప్పారు. మూడు విద్యుత్ పంపిణీ సంస్థలతో పాటు విద్యుత్ ప్రసార, ఉత్పత్తి సంస్థల్లో కలిపి ఇప్పటివరకు 445 మందికి పైగా కారుణ్య నియామకాలు చేపట్టినట్లు వెల్లడించారు. అర్హులైన కుటుంబ సభ్యులు నియామకాల కోసం కార్యాలయాల చుట్టూ తిరగాల్సిన అవసరం లేకుండా ప్రక్రియను వేగవంతం చేస్తున్నామని తెలిపారు.

ఈ క్రమంలో ఏపీఈపీడీసీఎల్‌లో అర్హత పొందిన 43 మంది అభ్యర్థులకు మంత్రి నియామక పత్రాలు అందజేశారు. ఉద్యోగిని కోల్పోయిన కుటుంబంలో కనీసం ఒకరికి ఉపాధి కల్పించడం ద్వారా ఆ కుటుంబానికి ఆర్థిక భరోసా కల్పించాలన్నదే ప్రభుత్వ ఉద్దేశమని మంత్రి పేర్కొన్నారు.

విద్యుత్ ఉద్యోగులు విధి నిర్వహణలో భద్రతా ప్రమాణాలను తప్పనిసరిగా పాటించాలని మంత్రి సూచించారు. విద్యుత్ సరఫరా నిలిపివేత, భద్రతా విధానాలపై పూర్తి అవగాహన లేకపోవడం వల్ల కొన్ని సందర్భాల్లో ప్రమాదాలు జరుగుతున్నాయని ఆవేదన వ్యక్తం చేశారు.

విద్యుత్ శాఖ ఉద్యోగులతో పాటు కాంట్రాక్టర్లు, ఇతర సాంకేతిక సిబ్బందికి కూడా భద్రతా నిబంధనలపై పూర్తిస్థాయి శిక్షణ, అవగాహన కల్పించాలని అధికారులను ఆదేశించారు. ప్రమాదంలో ఒక ఉద్యోగి ప్రాణాలు కోల్పోతే ఆయన కుటుంబానికి ఉద్యోగం లేదా ఆర్థిక సాయం అందించగలిగినా, ఆ కుటుంబం కోల్పోయిన వ్యక్తిని తిరిగి తీసుకురాలేమని మంత్రి అన్నారు. అందువల్ల ప్రమాదాలు జరిగిన తర్వాత చర్యలు తీసుకోవడం కంటే ముందుగానే వాటిని నివారించడమే ముఖ్యమని స్పష్టం చేశారు.

విద్యుత్ చార్జీలు పెంచలేదన్న మంత్రి

కూటమి ప్రభుత్వం అధికారంలోకి వచ్చిన తర్వాత ఇప్పటివరకు విద్యుత్ చార్జీలను పెంచలేదని గొట్టిపాటి రవికుమార్ తెలిపారు. రానున్న ఐదేళ్లలో కూడా విద్యుత్ చార్జీలు పెంచకుండా వ్యవస్థను బలోపేతం చేయాలన్నది ముఖ్యమంత్రి చంద్రబాబు నాయుడు లక్ష్యమని చెప్పారు. పునరుత్పాదక ఇంధన ఉత్పత్తిని పెంచడంతో పాటు హరిత విద్యుత్ ప్రసార మార్గాలను అభివృద్ధి చేసేందుకు చర్యలు చేపడుతున్నట్లు తెలిపారు. ప్రజలు కూడా విద్యుత్‌ను సమర్ధవంతంగా వినియోగించాలని సూచించారు.

1912 కాల్ సెంటర్‌ను పరిశీలించిన మంత్రి గొట్టిపాటి

మంత్రి గొట్టిపాటి రవికుమార్ ఏపీఈపీడీసీఎల్ 1912 కాల్ సెంటర్‌ను సందర్శించారు. అక్కడ వినియోగదారుల నుంచి వస్తున్న ఫిర్యాదులు, వాటిపై సిబ్బంది స్పందిస్తున్న తీరు, సమస్యల పరిష్కారానికి పడుతున్న సమయం తదితర అంశాలను అడిగి తెలుసుకున్నారు. కాల్ సెంటర్ సిబ్బంది వినియోగదారులతో మాట్లాడుతున్న విధానాన్ని మంత్రి స్వయంగా పరిశీలించారు. కొంతమంది వినియోగదారులతో నేరుగా మాట్లాడి వారి సమస్యలను తెలుసుకున్నారు. ప్రతి ఫిర్యాదుపై వేగంగా స్పందించి, నిర్ణీత సమయంలో పరిష్కారం అందేలా చర్యలు తీసుకోవాలని అధికారులను ఆదేశించారు.

విద్యుత్ శాఖలో సేవలందించే సమయంలో వినియోగదారులే ప్రధానంగా ఉండాలని, ఫిర్యాదులను కేవలం నమోదు చేయడంతో సరిపెట్టకుండా అవి పూర్తిగా పరిష్కారమయ్యే వరకు పర్యవేక్షించాలని మంత్రి సూచించారు.

Police Recruitment: కొలువుల జాతర.. 2050 పోలీస్ పోస్టుల భర్తీకి గ్రీన్ సిగ్నల్.. నోటిఫికేషన్ ఫుల్ డిటైల్స్ ఇవే

Mahesh Rajamoni — Wed, 16 Sep 2026 11:27:01 +0530

AP Police Recruitment 2026 : ఆంధ్రప్రదేశ్ పోలీస్ శాఖలో 2,050 ఎస్ఐ, కానిస్టేబుల్ ఉద్యోగాల భర్తీకి నోటిఫికేషన్ విడుదలైంది. పోలీసు ఉద్యోగాల నోటిఫికేషన్ పూర్తి వివరాలు ఇక్కడ తెలుసుకుందాం.

ఆంధ్రప్రదేశ్‌లో ప్రభుత్వ ఉద్యోగం సాధించాలనే డ్రీమ్‌తో కష్టపడుతున్న యువతకు కూటమి ప్రభుత్వం అదిరిపోయే గుడ్ న్యూస్ చెప్పింది. రాష్ట్రంలో కొలువుల జాతరకు తెరలేపుతూ పోలీస్ శాఖలో భారీగా ఖాళీల భర్తీకి శ్రీకారం చుట్టింది. పోలీసు, ఫైర్, జైళ్లు, ఫోరెన్సిక్ లాంటి పలు విభాగాల్లో ఖాళీగా ఉన్న మొత్తం 2,050 ఉద్యోగాల భర్తీకి ఆంధ్రప్రదేశ్ రాష్ట్ర స్థాయి పోలీసు నియామక బోర్డు (APSLPRB) అధికారిక నోటిఫికేషన్ విడుదల చేసింది. సుదీర్ఘకాలంగా ఖాకీ యూనిఫాం వేసుకోవాలని ఆశగా ఎదురుచూస్తున్న నిరుద్యోగ యువతకు ఇది అసలైన గోల్డెన్ ఛాన్స్ అని చెప్పుకోవచ్చు.

విడుదలైన నోటిఫికేషన్ ప్రకారం అత్యంత కీలకమైన సబ్ ఇన్‌స్పెక్టర్ (SI), కానిస్టేబుల్ పోస్టులను భర్తీ చేయనున్నారు. మొత్తం ఖాళీలలో 378 ఎస్ఐ పోస్టులు ఉండగా, 1,156 కానిస్టేబుల్ ఉద్యోగాలు ఉన్నాయి.

ఎస్ఐ కేటగిరీ:

• సివిల్ ఎస్ఐ: 253 (పురుషులు, మహిళలు)

• ఏఆర్ ఎస్ఐ: 116 (పురుషులు, మహిళలు)

• ఎస్పీఎఫ్ ఎస్ఐ: 9 (పురుషులు)

• కమ్యూనికేషన్స్ ఎస్ఐ: 50 (పురుషులు, మహిళలు)

• పీటీఓ ఎస్ఐ: 10 (పురుషులు)

కానిస్టేబుల్ కేటగిరీ :

• సివిల్ కానిస్టేబుల్: 542 (పురుషులు, మహిళలు)

• ఏఆర్ కానిస్టేబుల్: 285 (పురుషులు, మహిళలు)

• కమ్యూనికేషన్స్ కానిస్టేబుల్: 200 (పురుషులు, మహిళలు)

కేవలం సాధారణ పోలీసు శాఖ మాత్రమే కాకుండా విపత్తు నిర్వహణ, జైళ్ల శాఖల్లోనూ పోస్టులను కేటాయించారు. అగ్నిమాపక శాఖ (Fire Department) పరిధిలో 158 ఫైర్‌మెన్ పోస్టులను భర్తీ చేయనున్నారు. ఇక జైళ్లు, కరెక్షనల్ సర్వీసెస్ విభాగంలో మొత్తం 171 వార్డర్ పోస్టులు అందుబాటులో ఉన్నాయి. ఇందులో 150 పురుషుల వార్డర్ పోస్టులు కాగా, 21 మహిళా వార్డర్ పోస్టులు కేటాయించారు.

సాంకేతిక నైపుణ్యం, డ్రైవింగ్ అనుభవం ఉన్న అభ్యర్థుల కోసం పోలీస్ రిక్రూట్‌మెంట్ బోర్డ్ ప్రత్యేక పోస్టులను కేటాయించింది.

• పోలీస్ ట్రాన్స్‌పోర్ట్ ఆర్గనైజేషన్ (PTO): 198 డ్రైవర్, 15 మెకానిక్ పోస్టులు (పురుషులు)

• ఫోరెన్సిక్ సైన్స్ ల్యాబొరేటరీ (FSL): 43 సైంటిఫిక్ అసిస్టెంట్ పోస్టులు (ఫిజికల్ - 10, కెమికల్ - 13, బయాలజీ/సెరాలజీ - 20)

అభ్యర్థులు తమ విద్యార్హత ఆధారంగా ఈ టెక్నికల్ ఉద్యోగాలకు దరఖాస్తు చేసుకోవచ్చు.

అర్హత, ఆసక్తి ఉన్న అభ్యర్థులు తమ విద్యార్హత పత్రాలు, సర్టిఫికేట్లను ముందే సిద్ధం చేసుకోవాలని అధికారులు సూచించారు. ఈ ఉద్యోగాలకు ఆన్‌లైన్ ద్వారా మాత్రమే అప్లై చేసుకోవాల్సి ఉంటుంది. అభ్యర్థులు APSLPRB అధికారిక వెబ్‌సైట్ https://slprb.ap.gov.in సందర్శించి దరఖాస్తులు పూర్తి చేయాలి.

ఆన్‌లైన్ అప్లికేషన్లు ప్రారంభమయ్యే తేదీలు, ప్రాథమిక రాత పరీక్ష తేదీలను బోర్డు త్వరలోనే వెబ్‌సైట్‌లో ప్రకటిస్తుంది. రాబోయే పోటీని తట్టుకునేలా అభ్యర్థులు ఇప్పటి నుంచే రాత పరీక్షతో పాటు శారీరక సామర్థ్య పరీక్షల సాధన వేగవంతం చేయడం మంచిదని నిపుణులు సలహా ఇస్తున్నారు.

Government Jobs : కేవలం డిప్లొమా, ఐటీఐ చదివితే చాలు.. నెలకు రూ.1.15 లక్షల శాలరీ జాబ్ పొందండి

Arun Kumar P — Tue, 15 Sep 2026 15:53:11 +0530

ఉద్యోగం కోసం ఎదురుచూస్తున్నారా? అయితే మీకు గుడ్ న్యూస్. నేషనల్ క్యాపిటల్ రీజియన్ ట్రాన్స్‌పోర్ట్ కార్పొరేషన్ (NCRTC) పలు ఉద్యోగాల భర్తీకి నోటిఫికేషన్ ఇచ్చింది. ఈ పోస్టులకు ఎవరు అర్హులు? జీతం ఎంత? ఎలా అప్లై చేయాలి? పూర్తి వివరాలు ఇక్కడ చూద్దాం.

నిరుద్యోగ యువతకు గుడ్ న్యూస్… కేంద్ర ప్రభుత్వం, వివిధ రాష్ట్రాలు కలిసి నిర్వహిస్తున్న నేషనల్ క్యాపిటల్ రీజియన్ ట్రాన్స్‌పోర్ట్ కార్పొరేషన్ (NCRTC) ఉద్యోగాల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ ద్వారా మొత్తం 90 పోస్టులను భర్తీ చేస్తున్నారు. ఇందులో సూపర్‌వైజర్-I పోస్టులు 62, జూనియర్ మెయింటెనర్ పోస్టులు 28 ఉన్నాయి.

NCRTC అనేది దేశ రాజధాని డిల్లీ పరిధిలో పనిచేస్తే ప్రజారవాణా రైల్వే సంస్థ. ఇది హర్యానా, ఉత్తర ప్రదేశ్, రాజస్థాన్ తో కలిపి కేంద్ర ప్రభుత్వం నిర్వహిస్తున్నా జాయింట్ వెంచర్. అంటే ఎన్సిఆర్టిసి అనేది ప్రభుత్వరంగ సంస్థే అన్నమాట.

NCRTC ఉద్యోగాలకు విద్యార్హతలు

సూపర్‌వైజర్-I (ఆపరేషన్స్) పోస్టుకు ఇంజనీరింగ్ డిగ్రీ లేదా డిప్లొమా ఉండాలి. ఇతర సూపర్‌వైజర్ పోస్టులకు సంబంధిత బ్రాంచ్‌లో 3 ఏళ్ల డిప్లొమా చేసి ఉండాలి. జూనియర్ మెయింటెయినర్ పోస్టుకు సంబంధిత ట్రేడ్‌లో ఐటీఐ సర్టిఫికెట్ తప్పనిసరి.

NCRTC లో ఉద్యోగాల కోసం ప్రయత్నించే అభ్యర్థుల వయసు 18 నుంచి 28 ఏళ్ల మధ్య ఉండాలి. 10.09.2026 నాటికి ఈ వయసును లెక్కిస్తారు.

అయితే ప్రభుత్వ నిబంధనల ప్రకారం SC/ST అభ్యర్థులకు 5 ఏళ్లు, OBC అభ్యర్థులకు 3 ఏళ్లు వయోపరిమితిలో సడలింపు ఉంటుంది. దివ్యాంగులకు (PwBD) వారి కేటగిరీని బట్టి 10 నుంచి 15 ఏళ్ల వరకు సడలింపు వర్తిస్తుంది.

సూపర్‌వైజర్-I పోస్టులకు S1 పే స్కేల్ కింద రూ.37,000 నుంచి రూ.1,15,000 వరకు జీతం ఉంటుంది.

జూనియర్ మెయింటెయినర్ పోస్టులకు NS3 పే స్కేల్ ప్రకారం రూ.18,250 నుంచి రూ.59,200 వరకు జీతం ఇస్తారు.

వీటితో పాటు NCRTC నిబంధనల ప్రకారం ఇతర అలవెన్సులు, ప్రయోజనాలు కూడా ఉంటాయి.

అర్హులైన అభ్యర్థులు NCRTC అధికారిక వెబ్‌సైట్ www.ncrtc.co.in ద్వారా ఆన్‌లైన్‌లో అప్లై చేయాలి.

దరఖాస్తు ప్రక్రియ 2026 సెప్టెంబర్ 10న ప్రారంభమై అక్టోబర్ 9, 2026న ముగుస్తుంది.

SC/ST, మాజీ సైనికులు, దివ్యాంగులకు ఫీజు లేదు. మిగతా కేటగిరీల వారు రూ.500 ఫీజు ఆన్‌లైన్‌లో చెల్లించాలి.

అభ్యర్థులను కంప్యూటర్ బేస్డ్ టెస్ట్ (CBT) ద్వారా ఎంపిక చేస్తారు. ఈ పరీక్ష 100 మార్కులకు ఉంటుంది. ముఖ్యంగా ఈ పరీక్షలో నెగెటివ్ మార్కింగ్ లేదు. CBTలో అర్హత సాధించిన వారికి మెడికల్ ఫిట్‌నెస్ టెస్ట్, సర్టిఫికెట్ వెరిఫికేషన్ నిర్వహించి, తుది జాబితాను ప్రకటిస్తారు.

మ‌రోసారి ఉద్యోగుల తొల‌గింపున‌కు సిద్ధ‌మైన దిగ్గ‌జ సంస్థ‌.. వేలాది ఉద్యోగాల‌కు ఎస‌రు

Narender Vaitla — Sun, 20 Sep 2026 09:03:44 +0530

Layoffs: లగ్జరీ కార్ల తయారీ సంస్థ పోర్షేలో ఉద్యోగాల కోతకు సంబంధించిన వార్తలు మరోసారి ఆందోళన కలిగిస్తున్నాయి. వోక్స్‌వ్యాగన్ గ్రూప్ చేపడుతున్న భారీ పునర్వ్యవస్థీకరణలో భాగంగా పోర్షేలో మరో 4,100 ఉద్యోగాలు ప్రమాదంలో పడే అవకాశం ఉన్నట్లు తెలుస్తోంది.

పోర్షేలో ఉద్యోగాల కోత కొత్త విషయం కాదు. ఈ ఏడాది జూలైలో సంస్థ యాజమాన్యం, కార్మిక సంఘాల ప్రతినిధులు ఉద్యోగాల తగ్గింపుపై ఒప్పందానికి వచ్చారు. అప్పటికే అంగీకరించిన సుమారు 4,000 ఉద్యోగాల కోతకు అదనంగా మరో 5,000 ఉద్యోగాలను తగ్గించే ప్రణాళికను ప్రకటించారు. అంటే ఇప్పటికే మొత్తం 9,000 ఉద్యోగాలపై ప్రభావం పడే పరిస్థితి ఉంది.

ఇప్పుడు మరో 4,100 ఉద్యోగాలను తగ్గించే ప్రతిపాదన తెరపైకి వచ్చినట్లు హాండెల్స్‌బ్లాట్ పేర్కొంది. అయితే ఇది తుది నిర్ణయం కాదని, వోక్స్‌వ్యాగన్ సూపర్‌వైజరీ బోర్డు తీసుకున్న నిర్ణయాలకు సంబంధించిన పత్రాల ఆధారంగా ఈ సమాచారం వెలుగులోకి వచ్చినట్లు తెలిపింది.

పోర్షేలో ఉద్యోగాల కోతకు ప్రధాన కారణాల్లో సంస్థపై పెరుగుతున్న ఖర్చుల భారం ఒకటిగా కనిపిస్తోంది. కొత్తగా ప్రతిపాదించిన చర్యల ద్వారా సుమారు 700 మిలియన్ యూరోల మేర ఖర్చులను తగ్గించాలని లక్ష్యంగా పెట్టుకున్నట్లు సమాచారం. భారత కరెన్సీలో ఇది వేల కోట్ల రూపాయలకు సమానం. అయితే పోర్షేలో ఇలాంటి చర్యలను వోక్స్‌వ్యాగన్ నేరుగా ఆదేశించలేదని తెలుస్తోంది. వోక్స్‌వ్యాగన్ పోర్షేలో ప్రధాన వాటాదారుగా ఉన్నప్పటికీ, ఉద్యోగాల కోత వంటి నిర్ణయాలను సిఫారసు చేయగలదు కానీ నేరుగా అమలు చేయమని ఆదేశించే అధికారం దానికి లేదని సమాచారం.

పోర్షే ఎదుర్కొంటున్న సమస్యల్లో చైనాలో అమ్మకాలు భారీగా తగ్గడం ముఖ్యమైనది. చైనా ప్రపంచంలోనే అతిపెద్ద కార్ల మార్కెట్ కాగా, అక్కడ పోర్షే విక్రయాలు గణనీయంగా పడిపోయాయి. అదే సమయంలో చైనాలో ఎలక్ట్రిక్ కార్ల రంగంలో స్థానిక కంపెనీల పోటీ కూడా పెరిగింది. చైనాలోని వినియోగదారుల అవసరాలకు అనుగుణంగా ఎలక్ట్రిక్ వాహనాలను అందించడంలో పోర్షే ఇబ్బందులు ఎదుర్కొంటోందనే విశ్లేషణలు ఉన్నాయి. దీనికి తోడు సంస్థ ఎలక్ట్రిక్ వాహనాల వ్యూహంలో తీసుకున్న కొన్ని నిర్ణయాలను మార్చుకోవాల్సి రావడంతో అదనపు ఖర్చులు కూడా పెరిగాయి.

పోర్షే సమస్యల ప్రభావం దాని మాతృసంస్థ వోక్స్‌వ్యాగన్‌పై కూడా పడుతోంది. ఈ ఏడాది కంపెనీ నిర్వహణ లాభాల మార్జిన్‌పై గతంలో 4 శాతం నుంచి 5.5 శాతం వరకు అంచనా వేయగా, తాజాగా దాన్ని గరిష్ఠంగా 1 శాతానికి తగ్గించింది. పోర్షేలోని వాటా విలువపై సుమారు 6 బిలియన్ యూరోల విలువ తగ్గింపును కూడా వోక్స్‌వ్యాగన్ నమోదు చేయాల్సి వచ్చింది. చైనాలో మార్కెట్ పరిస్థితులు, ఉద్యోగాల కోతకు సంబంధించిన ఖర్చులు, ఉత్పత్తి కేంద్రాల పూర్తి స్థాయిలో ఉపయోగించకపోవడం వంటి అంశాలు కంపెనీపై ఒత్తిడిని పెంచుతున్నాయి.

వోక్స్‌వ్యాగన్ ప్రపంచవ్యాప్తంగా ఉద్యోగాల కోతను కూడా చేపడుతోంది. కంపెనీకి పెరుగుతున్న తయారీ ఖర్చులు, ముఖ్యంగా జర్మనీలోని ప్లాంట్లలో ఉత్పత్తి సామర్థ్యం పూర్తిగా వినియోగించకపోవడం వంటి సమస్యలు ఈ పునర్వ్యవస్థీకరణకు కారణాలుగా ఉన్నాయి. ఈ పరిణామాల నేపథ్యంలో పోర్షేలో మరో 4,100 ఉద్యోగాలపై ముప్పు ఏర్పడినట్లు వస్తున్న వార్తలు కార్ల పరిశ్రమలో చర్చనీయాంశంగా మారాయి.

Railway Jobs : డిగ్రీ పాసయితే చాలు రైల్వేలో జాబ్... వెంటనే అప్లై చేసుకొండి

Arun Kumar P — Mon, 12 Oct 2026 20:11:43 +0530

Railway Jobs: సెంట్రల్ గవర్నమెంట్ జాబ్ కోసం చూస్తున్న డిగ్రీ విద్యార్థులకు ఇండియన్ రైల్వేస్ గుడ్ న్యూస్ చెప్పింది. తాజాగా భారీ సంఖ్యలో ఉద్యోగాల భర్తీకి ఆర్ఆర్బి నోటిఫికేషన్ ఇచ్చింది. అర్హతలు, జీతం, లాస్ట్ డేట్ లాంటి పూర్తి వివరాలు ఇక్కడ చూద్దాం.

గవర్నమెంట్ జాబ్ కోసం ప్రిపేర్ అవుతున్న యువతీయువకులకు సూపర్ ఛాన్స్… ఇండియన్ రైల్వేలో భారీ ఉద్యోగాల భర్తీకి నోటిఫికేషన్ వెలువడింది. రైల్వే రిక్రూట్‌మెంట్ బోర్డ్ (RRB) తాజాగా CEN 06/2026 నోటిఫికేషన్ ద్వారా 3,548 ఉద్యోగాల భర్తీకి సిద్దమయ్యింది. ఇందులో గూడ్స్ ట్రైన్ మేనేజర్ పోస్టులు అత్యధికంగా 2,750 ఉన్నాయి. అలాగే సీనియర్ క్లర్క్ కమ్ టైపిస్ట్ (371), జూనియర్ అకౌంట్ అసిస్టెంట్ కమ్ టైపిస్ట్ (300), చీఫ్ కమర్షియల్ కమ్ టికెట్ సూపర్‌వైజర్ (127) పోస్టులు ఉన్నాయి. డిగ్రీ పూర్తయిన వాళ్లు ఈ అవకాశాన్ని అస్సలు వదులుకోవద్దు. నోటిఫికేషన్ పూర్తిగా చదివి మీకు సెట్ అయ్యే పోస్టుకు అప్లై చేసుకోండి.

ఈ ఉద్యోగాలకు ఏడో వేతన సంఘం ప్రకారం బేసిక్ శాలరీ ఫిక్స్ చేశారు. చీఫ్ కమర్షియల్ కమ్ టికెట్ సూపర్‌వైజర్ పోస్టుకు నెలకు రూ.35,400 బేసిక్ పే ఇస్తారు. మిగతా మూడు పోస్టులకు రూ.29,200 బేసిక్ పే ఉంటుంది. దీనికి అదనంగా అలవెన్సులు కూడా కలుస్తాయి.

అర్హతలు

గుర్తింపు పొందిన యూనివర్సిటీ నుంచి డిగ్రీ పాసైన వాళ్లు ఈ పోస్టులకు అర్హులు. 2027 జనవరి 1 నాటికి అభ్యర్థుల వయసు 18 నుంచి 33 ఏళ్ల మధ్య ఉండాలి. రిజర్వేషన్ బట్టి వయోపరిమితిలో సడలింపులు ఉంటాయి. కేవలం డిగ్రీ ఉంటే సరిపోదు, రైల్వే నిర్దేశించిన మెడికల్ ఫిట్‌నెస్ కూడా తప్పనిసరిగా ఉండాలి.

ఈ పోస్టులకు ఆన్‌లైన్ అప్లికేషన్ ప్రాసెస్ 2026 అక్టోబర్ 8న మొదలైంది. అర్హులైన అభ్యర్థులు నవంబర్ 6వ తేదీ రాత్రి 11.59 గంటల వరకు అప్లై చేసుకోవచ్చు. ఎగ్జామ్ ఫీజు కట్టడానికి నవంబర్ 8 లాస్ట్ డేట్. అప్లికేషన్‌లో ఏమైనా తప్పులు ఉంటే సరిదిద్దుకోవడానికి నవంబర్ 9 నుంచి 18 వరకు టైమ్ ఇచ్చారు.

లాస్ట్ మినిట్ రష్‌ను అవాయిడ్ చేయడానికి ముందే అప్లై చేసుకోవడం బెటర్. పేరు, పుట్టిన తేదీ, కులం లాంటి వివరాలు ఎంటర్ చేసేటప్పుడు ఒకటికి రెండుసార్లు చెక్ చేసుకోండి. ఫేక్ న్యూస్ నమ్మకుండా www.rrbapply.gov.in లేదా www.rrb.indianrailways.gov.in అఫీషియల్ వెబ్‌సైట్లలో మాత్రమే అప్లై చేయండి.

సెలెక్షన్ ప్రాసెస్‌లో భాగంగా ముందుగా కంప్యూటర్ బేస్డ్ టెస్ట్ (CBT 1, CBT 2) నిర్వహిస్తారు. ఆ తర్వాత సర్టిఫికెట్ వెరిఫికేషన్, మెడికల్ టెస్టులు ఉంటాయి. ఈ మార్కుల ఆధారంగానే ఫైనల్ సెలెక్షన్ ఉంటుంది.

ఈసారి నోటిఫికేషన్‌లో ఒక ముఖ్యమైన మార్పు చేశారు. జూనియర్ అకౌంట్ అసిస్టెంట్, సీనియర్ క్లర్క్ పోస్టులకు టైపింగ్ టెస్ట్ తీసేశారు. కానీ బేసిక్ కంప్యూటర్ నాలెడ్జ్, టైపింగ్ స్కిల్స్ కచ్చితంగా ఉండాలి. ఉద్యోగంలో చేరాక వీటిని టెస్ట్ చేస్తారు. కాబట్టి టైపింగ్ టెస్ట్ లేదు కదా అని కంప్యూటర్ నాలెడ్జ్ అవసరం లేదని అనుకోవద్దు. సిలబస్, ఎగ్జామ్ ప్యాట్రన్ చూసుకుని ప్రిపరేషన్ స్టార్ట్ చేయండి.

రైల్వేలో డిగ్రీ స్థాయి ఉద్యోగాల కోసం ఎదురుచూస్తున్న వారికి ఈ 3,548 పోస్టులు నిజంగా గోల్డెన్ ఛాన్స్. ముఖ్యంగా 2,750 గూడ్స్ ట్రైన్ మేనేజర్ పోస్టులు ఉండటంతో కాంపిటీషన్ గట్టిగానే ఉంటుంది. రూ.29,200 నుంచి రూ.35,400 వరకు బేసిక్ పే ఉండటం ఈ నోటిఫికేషన్ హైలైట్.

అప్లై చేయడానికి 2026 నవంబర్ 6 లాస్ట్ డేట్ కాబట్టి, సర్వర్ డౌన్ ఇష్యూస్ రాకముందే ప్రాసెస్ కంప్లీట్ చేసుకోండి. అప్లై చేసే ముందు వయోపరిమితి, ఫీజు, మెడికల్ స్టాండర్డ్స్ లాంటి రూల్స్ అన్నీ అఫీషియల్ నోటిఫికేషన్‌లో క్లియర్‌గా చదువుకోండి. ఏవైనా అప్‌డేట్స్ కోసం రైల్వే రిక్రూట్‌మెంట్ బోర్డ్ అఫీషియల్ వెబ్‌సైట్లను మాత్రమే ఫాలో అవ్వండి.

Bank Jobs : తెలుగు యువతకు లక్కీ ఛాన్స్.. రాతపరీక్ష, ఇంటర్వ్యూ లేదు, అప్లై చేస్తేచాలు బ్యాంక్ జాబ్

Arun Kumar P — Sat, 03 Oct 2026 08:11:19 +0530

కెనరా బ్యాంక్ 3,500 అప్రెంటిస్ పోస్టుల భర్తీకి నోటిఫికేషన్ విడుదల చేసింది. డిగ్రీ పూర్తయిన యువతకు ఇది మంచి అవకాశం. ఎలాంటి రాత పరీక్ష లేకుండా కేవలం మెరిట్ ఆధారంగా ఎంపిక చేస్తారు.

Bank Jobs : డిగ్రీ పూర్తి చేసి బ్యాంకింగ్ రంగంలో అడుగుపెట్టాలనుకునే యువతకు కెనరా బ్యాంక్ బంపర్ ఆఫర్ ఇచ్చింది. 2026-27 ఆర్థిక సంవత్సరానికి గాను దేశవ్యాప్తంగా 3,500 గ్రాడ్యుయేట్ అప్రెంటిస్ పోస్టులను భర్తీ చేయనున్నట్లు ప్రకటించింది. ఇందులో ఆంధ్ర ప్రదేశ్ కు 247, తెలంగాణకు 134 పోస్టులు కేటాయించారు.

ఈ రిక్రూట్‌మెంట్ ప్రత్యేకత ఏంటంటే.. ఎలాంటి రాత పరీక్ష ఉండదు. అభ్యర్థులు ఇంటర్ లేదా డిప్లొమాలో సాధించిన మార్కుల ఆధారంగా స్టేట్ వైడ్ మెరిట్ లిస్ట్ తీస్తారు. ఆ తర్వాత డాక్యుమెంట్ వెరిఫికేషన్, అవసరమైన చోట స్థానిక భాషా పరీక్ష, మెడికల్ టెస్ట్ ఆధారంగా ఫైనల్ సెలెక్షన్ ఉంటుంది.

3,500 పోస్టుల్లో ఏ రాష్ట్రానికి ఎన్ని?

కెనరా బ్యాంక్ నోటిఫికేషన్ ప్రకారం దేశవ్యాప్తంగా మొత్తం 3,500 ఖాళీలు ఉన్నాయి. రాష్ట్రాల వారీగా ముఖ్యమైన ఖాళీల వివరాలు ఇలా ఉన్నాయి:

• కర్ణాటక – 581

• ఉత్తరప్రదేశ్ – 409

• తమిళనాడు – 391

• ఆంధ్రప్రదేశ్ – 247

• కేరళ – 240

• మహారాష్ట్ర – 205

• పశ్చిమ బెంగాల్ – 150

• తెలంగాణ – 134

• బీహార్ – 122

• హర్యానా – 114

• మధ్యప్రదేశ్ – 110

• ఒడిశా – 104

తెలుగు రాష్ట్రాల్లోని పోస్టుల్లో ఎస్సీ, ఎస్టీ, ఓబీసీ, ఈడబ్ల్యూఎస్, జనరల్ కేటగిరీలకు రిజర్వేషన్లు కూడా ప్రకటించారు.

ఎవరు దరఖాస్తు చేసుకోవచ్చు?

గుర్తింపు పొందిన యూనివర్సిటీ లేదా కేంద్ర ప్రభుత్వం గుర్తించిన సంస్థ నుంచి ఏదైనా విభాగంలో డిగ్రీ పూర్తి చేసిన వారు అప్లై చేసుకోవచ్చు.

అయితే ఇక్కడో ముఖ్యమైన కండిషన్ ఉంది. అభ్యర్థి 01.01.2023 నుంచి 01.09.2026 మధ్య మాత్రమే డిగ్రీ పాస్ అయి ఉండాలి. అంతకంటే ముందు డిగ్రీ పూర్తి చేసిన వారు ఈ పోస్టులకు అనర్హులు.

అభ్యర్థుల వయసు 01.09.2026 నాటికి 20 నుంచి 28 ఏళ్ల మధ్య ఉండాలి. అంటే అభ్యర్థి 02.09.1998 నుంచి 01.09.2006 మధ్య పుట్టి ఉండాలి.

ప్రభుత్వ నిబంధనల ప్రకారం వయోపరిమితి సడలింపులు ఉంటుంది.

• ఎస్సీ/ఎస్టీ – 5 ఏళ్లు

• ఓబీసీ (నాన్-క్రీమీ లేయర్) – 3 ఏళ్లు

• దివ్యాంగులు (PwBD) – 10 ఏళ్లు

నిబంధనలకు లోబడి కొన్ని వర్గాలకు చెందిన మహిళలకు కూడా అదనపు వయోసడలింపు ఉంటుంది.

రాత పరీక్ష లేదు.. కానీ మెరిట్ ముఖ్యం!

ఈ రిక్రూట్‌మెంట్‌లో ఎలాంటి రాత పరీక్ష నిర్వహించరు. అప్లై చేసిన అభ్యర్థుల మార్కుల శాతాన్ని బట్టి రాష్ట్రాల వారీగా మెరిట్ లిస్ట్ తయారు చేస్తారు.

జనరల్ కేటగిరీ అభ్యర్థులు కనీసం 60%… ఎస్సీ/ఎస్టీ/దివ్యాంగులు 55% మార్కులతో పాస్ అవ్వాలి.

ఒకవేళ ఇద్దరు అభ్యర్థులకు ఒకే మార్కులు వస్తే, వయసులో పెద్దవారికి మెరిట్ లిస్ట్‌లో ప్రాధాన్యం ఇస్తారు.

స్థానిక భాష కచ్చితంగా రావాలి

మీరు ఏ రాష్ట్రానికి అప్లై చేస్తున్నారో ఆ రాష్ట్ర స్థానిక భాష కచ్చితంగా వచ్చి ఉండాలి. ఉదాహరణకు ఆంధ్ర ప్రదేశ్ లో అప్లై చేసేవారికి తెలుగు రావాలి. టెన్త్ లేదా ఇంటర్ మార్క్ షీట్‌లో ఆ భాష చదివినట్లు ఉంటే ప్రత్యేకంగా భాషా పరీక్ష రాయాల్సిన అవసరం లేదు. అలాంటి సర్టిఫికెట్ లేని వారికి డాక్యుమెంట్ వెరిఫికేషన్ సమయంలో లోకల్ లాంగ్వేజ్ టెస్ట్ పెడతారు. అందులో పాస్ కాకపోతే అప్రెంటిస్‌గా తీసుకోరు.

కెనరా బ్యాంకులో అప్రెంటిస్‌ ఉద్యోగాలు ఎంపికైనవారికి 12 నెలల పాటు శిక్షణ ఇస్తారు. ఈ సమయంలో నెలకు రూ.16,650 స్టైపెండ్ చెల్లిస్తారు. ఇందులో కెనరా బ్యాంక్ రూ.10,500 ఇస్తుంది. మిగతా రూ.6,150 ప్రభుత్వ వాటా కింద డీబీటీ ద్వారా నేరుగా మీ బ్యాంక్ ఖాతాలో జమ చేస్తారని నోటిఫికేషన్‌లో స్పష్టం చేశారు.

ఇది పర్మినెంట్ బ్యాంక్ జాబ్ కాదు

అప్లై చేసే ముందు గుర్తుంచుకోవాల్సిన ముఖ్యమైన విషయం ఇది. అప్రెంటిస్ చట్టం 1961 కింద ఇచ్చే 12 నెలల ట్రైనింగ్ మాత్రమే. అప్రెంటిస్‌లను కెనరా బ్యాంక్ పర్మినెంట్ ఉద్యోగులుగా పరిగణించదు. అంతేకాదు శిక్షణ పూర్తయ్యాక కెనరా బ్యాంక్ పర్మినెంట్ జాబ్ ఇస్తుందనే గ్యారెంటీ కూడా లేదు. ఏడాది తర్వాత ఆ అగ్రిమెంట్ ముగుస్తుంది.

ఒక రాష్ట్రానికి మాత్రమే ఛాన్స్

అభ్యర్థులు ఈ రిక్రూట్‌మెంట్‌లో ఏదైనా ఒక రాష్ట్రానికి మాత్రమే దరఖాస్తు చేసుకోవాలి. ఆ రాష్ట్రంలోని జిల్లాలకు ప్రిఫరెన్స్ ఇచ్చే అవకాశం ఉంటుంది. కానీ ఫైనల్‌గా బ్యాంక్ అవసరాలను బట్టి ఏ జిల్లాలో ట్రైనింగ్ ఇవ్వాలనేది కెనరా బ్యాంక్ నిర్ణయిస్తుంది.

ఇప్పటికే కెనరా బ్యాంక్ లేదా వేరే సంస్థలో అప్రెంటిస్‌షిప్ చేసిన వారు, ప్రస్తుతం చేస్తున్న వారు అప్లై చేయడానికి వీల్లేదు. అలాగే డిగ్రీ పూర్తయ్యాక ఏడాది లేదా అంతకంటే ఎక్కువ పని అనుభవం ఉన్నవారు కూడా ఈ అప్రెంటిస్ పోస్టులకు అనర్హులని నోటిఫికేషన్‌లో పేర్కొన్నారు.

అప్లై చేసే విధానం

ముందుగా నేషనల్ అప్రెంటిస్‌షిప్ ట్రైనింగ్ స్కీమ్ (NATS) వెబ్‌సైట్‌లో రిజిస్టర్ చేసుకుని, మీ ప్రొఫైల్‌ను 100% పూర్తి చేయాలి. ఆ తర్వాత వచ్చే ఎన్‌రోల్‌మెంట్ ఐడీని ఉపయోగించి కెనరా బ్యాంక్ అధికారిక వెబ్‌సైట్‌లో దరఖాస్తు చేసుకోవాలి.

అప్లికేషన్ ప్రాసెస్ 01.10.2026 నుంచి 17.10.2026 వరకు ఉంటుంది. వేరే ఏ పద్ధతిలో పంపినా అప్లికేషన్లు స్వీకరించరు.

ఫీజు వివరాలు:

• ఎస్సీ/ఎస్టీ/దివ్యాంగులకు – ఫీజు లేదు

• మిగతా వారు – రూ.500

చెల్లించిన ఫీజు రిఫండ్ చేయబడదు.

అప్లై చేసేటప్పుడు ఫోటో, సంతకం, ఎడమ చేతి బొటనవేలి ముద్ర, ఇంగ్లీషులో చేత్తో రాసిన డిక్లరేషన్ అప్‌లోడ్ చేయాలి.

ముఖ్య గమనిక

డిగ్రీ పూర్తయిన ఫ్రెషర్స్‌కు బ్యాంకింగ్ రంగంలో ఏడాది పాటు ప్రాక్టికల్ నాలెడ్జ్ పెంచుకోవడానికి ఇది మంచి అవకాశం. కానీ ఇది పర్మినెంట్ కెనరా బ్యాంక్ ఉద్యోగం కాదన్న విషయాన్ని అభ్యర్థులు గుర్తుంచుకోవాలి. రాత పరీక్ష లేకపోవడంతో గట్టి పోటీ ఉంటుంది.

దరఖాస్తుకు చివరి తేదీ : 17.10.2026. అధికారిక నోటిఫికేషన్ ప్రకారం, NATS రిజిస్ట్రేషన్ పూర్తయ్యాకే కెనరా బ్యాంక్ అప్లికేషన్ సబ్మిట్ చేయాలి.

Bank Jobs : రాతపరీక్ష లేదు, కేవలం ఇంటర్వ్యూతోనే బ్యాంక్ జాబ్.. ఒకటిరెండు కాదు 2049 పోస్టులు

Arun Kumar P — Sat, 05 Sep 2026 15:00:07 +0530

బ్యాంక్ ఆఫ్ బరోడా అనుబంధ సంస్థ అయిన బరోదా గ్లోబల్ షేర్డ్ సర్వీసెస్ లిమిటెడ్ (బీజీఎస్ఎస్ఎల్) ఉద్యోగాల భర్తీకి సిద్దమయ్యింది. దేశవ్యాప్తంగా 2,049 పోస్టుల భర్తీకి నోటిఫికేషన్ విడుదల చేసింది.

Bank of Baroda Recruitment 2026 : బ్యాంక్ ఆఫ్ బరోడాకు చెందిన అనుబంధ సంస్థ బరోడా గ్లోబల్ షేర్డ్ సర్వీసెస్ లిమిటెడ్ (BGSSL) భారీగా ఉద్యోగాల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ ద్వారా దేశవ్యాప్తంగా మొత్తం 2,049 పోస్టులను భర్తీ చేయనున్నారు. అనుభవం ఉన్నవాళ్లకే కాదు కొత్తవాళ్లకు కూడా ఇందులో అవకాశాలు ఉన్నాయి. బీజీఎస్ఎస్ఎల్ జారీ చేసిన సంక్షిప్త నోటిఫికేషన్ ప్రకారం... కలెక్షన్, డిజిటల్ బ్యాంకింగ్, గ్లోబల్ ట్రేడ్ సర్వీసెస్, రిటైల్ సేల్స్, హ్యూమన్ రిసోర్సెస్, ఇన్ఫర్మేషన్ టెక్నాలజీ, ఫీల్డ్ కలెక్షన్, డిజిటల్ ఆన్‌బోర్డింగ్, ఆధార్ ఆపరేషన్స్ వంటి పలు విభాగాల్లో ఈ నియామకాలు జరగనున్నాయి. ఈ పోస్టులకు దరఖాస్తు ప్రక్రియ సెప్టెంబర్ 1న ప్రారంభమైంది.

భర్తీ చేయనున్న పోస్టుల వివరాలు

అప్రెంటిస్ (టెలీ కాలింగ్) - 150 పోస్టులు

టెలీ కలెక్షన్ ఏజెంట్ (లోన్ రికవరీ ఏజెంట్) - 100 పోస్టులు

ఎగ్జిక్యూటివ్ ఏటీఎం-రీకన్సిలియేషన్-కంప్లైంట్-డెబిట్ కార్డ్ - 40 పోస్టులు

ఎగ్జిక్యూటివ్ ట్రేడ్ ఫైనాన్స్ ఆపరేషన్స్ - 25 పోస్టులు

ఎగ్జిక్యూటివ్ కాసా-ఎఫ్‌సీఎన్ఆర్ కాలింగ్ - 40 పోస్టులు

ప్రొక్యూర్‌మెంట్ మేనేజర్ - 1 పోస్టు

ఎంఐసీ అనలిస్ట్ - 3 పోస్టులు

డిప్యూటీ మేనేజర్ హెచ్‌ఆర్ & అడ్మిన్ - 1 పోస్టు

ఎగ్జిక్యూటివ్-సీనియర్ ఎగ్జిక్యూటివ్ (మేకర్స్) - 20 పోస్టులు

డెస్క్‌టాప్ సపోర్ట్ అనలిస్ట్ - 1 పోస్టు

ఫీల్డ్ కలెక్షన్ ఆఫీసర్ - 1 పోస్టు

ఎం-డీఎం లీడ్స్ టెలీ కలెక్షన్ - 6 పోస్టులు

ఎం-డిప్యూటీ మేనేజర్ ఎల్&డి - 1 పోస్టు

ఎగ్జిక్యూటివ్ డెబిట్ కార్డ్ ఆపరేషన్స్ - 10 పోస్టులు

ఫీల్డ్ కలెక్షన్ ఆఫీసర్ - 400 పోస్టులు

డిజిటల్ ఆన్‌బోర్డింగ్ స్పెషలిస్ట్ (పార్ట్ టైమ్) - 400 పోస్టులు

సేల్స్ ఆఫీసర్ ఏఎస్ఎం-ఆర్ఎస్ఎం - 350 పోస్టులు

ఆధార్ ఆపరేటర్ (పార్ట్ టైమ్) - 400 పోస్టులు

బీజీఎస్ఎస్ఎల్ రిక్రూట్‌మెంట్ 2026 కోసం దరఖాస్తుల ప్రక్రియ సెప్టెంబర్ 1న మొదలైంది. అభ్యర్థులు సెప్టెంబర్ 30, 2026 వరకు అప్లై చేసుకోవచ్చు. దరఖాస్తులను ఆన్‌లైన్‌లో సమర్పించాలి. అభ్యర్థులు తమ అప్‌డేటెడ్ రెజ్యూమెను recruitment@bgss.in అనే ఈ-మెయిల్ ఐడీకి కూడా పంపవచ్చు. గడువు ముగిసిన తర్వాత వచ్చే దరఖాస్తులను స్వీకరించరు.

ఈ రిక్రూట్‌మెంట్‌లో అన్ని పోస్టులకు ఒకేరకమైన విద్యార్హత లేదు. పోస్టును బట్టి అర్హతలను నిర్ణయించారు. డిగ్రీ, పీజీ, ఎంబీఏ, సీఏ, సీఎస్ లేదా ఇంజనీరింగ్ డిగ్రీ ఉన్నవాళ్లు వివిధ పోస్టులకు అర్హులు. చాలా ఎగ్జిక్యూటివ్, మేనేజర్ పోస్టులకు సంబంధిత రంగంలో పని అనుభవం తప్పనిసరి. అభ్యర్థులు తాము అప్లై చేసే పోస్టుకు కావాల్సిన విద్యార్హత, అనుభవం, వయోపరిమితి వంటి వివరాల కోసం అధికారిక నోటిఫికేషన్‌ను క్షుణ్ణంగా చదవడం మంచిది. ఎందుకంటే వయోపరిమితి కూడా పోస్టును బట్టి మారుతుంది.

కెరీర్‌లో కొంతకాలం విరామం తీసుకుని మళ్లీ ఉద్యోగాల్లో చేరాలనుకునే అభ్యర్థులకు ప్రాధాన్యం ఇస్తామని బీజీఎస్ఎస్ఎల్ తన నోటిఫికేషన్‌లో స్పష్టం చేసింది. అయితే వారు కూడా సంబంధిత పోస్టుకు కావాల్సిన అర్హతా ప్రమాణాలను తప్పనిసరిగా కలిగి ఉండాలి. ఈ నియామక ప్రక్రియలో వివిధ రకాల అనుభవం, నైపుణ్యాలు ఉన్నవారికి తగిన పోస్టులు ఉన్నాయి. కాబట్టి అప్లై చేసే ముందు సంబంధిత పోస్టుకు కావాల్సిన అర్హతలను జాగ్రత్తగా చూసుకోండి.

బీజీఎస్ఎస్ఎల్ రిక్రూట్‌మెంట్ 2026 కోసం ఎంపిక ప్రక్రియ పోస్టును బట్టి మారుతుంది. అందుబాటులో ఉన్న సమాచారం ప్రకారం, ముందుగా అభ్యర్థుల దరఖాస్తులు, రెజ్యూమెలను పరిశీలిస్తారు. ఆ తర్వాత, పోస్టుకు ఉన్న అవసరాలు, అభ్యర్థి అర్హతల ఆధారంగా షార్ట్‌లిస్ట్ తయారు చేస్తారు. షార్ట్‌లిస్ట్ చేసిన అభ్యర్థులను పర్సనల్ ఇంటర్వ్యూకి పిలుస్తారు. ఎంపిక ప్రక్రియలో భాగంగా సర్టిఫికెట్ల వెరిఫికేషన్ కూడా ఉంటుంది. నోటిఫికేషన్‌లో రాతపరీక్ష గురించి ఎలాంటి ప్రస్తావన లేదు. అంటే, చాలా పోస్టులకు దరఖాస్తుల పరిశీలన, షార్ట్‌లిస్టింగ్ తర్వాత కేవలం ఇంటర్వ్యూ ద్వారానే ఎంపిక ప్రక్రియ పూర్తవుతుంది.

బీజీఎస్ఎస్ఎల్ జాబ్స్ కు అప్లై చేయడానికి, బీజీఎస్ఎస్ఎల్ అధికారిక వెబ్‌సైట్‌కి వెళ్లండి.

కెరీర్ విభాగాన్ని ఓపెన్ చేయండి.

ఖాళీగా ఉన్న పోస్టుల వివరాలు చూసి, మీ అర్హతకు సరిపోయే పోస్టును ఎంచుకోండి.

ఆ తర్వాత, అర్హతా ప్రమాణాలు, జాబ్ డిస్క్రిప్షన్‌ను పూర్తిగా చదవండి.

అప్‌డేటెడ్ రెజ్యూమె, అవసరమైన డాక్యుమెంట్లను సిద్ధం చేసుకుని, బీజీఎస్ఎస్ఎల్ సూచించిన పద్ధతిలో దరఖాస్తును సమర్పించండి.

నోటిఫికేషన్‌లో చెప్పినట్లుగా recruitment@bgss.in కు మీ రెజ్యూమెను ఈ-మెయిల్ చేసే ఆప్షన్ కూడా ఉంది.

Jio IPO: అంబానీ మెగా ప్లాన్.. డబ్బులు రెడీ చేసుకోండి.. దసరాకో దీపావళికో బంపర్ ఆఫర్

Asianet News — Fri, 04 Sep 2026 15:09:36 +0530

భారత స్టాక్ మార్కెట్‌ను మరోసారి కుదిపేసే మెగా IPOకి ముకేశ్ అంబానీ సిద్ధమవుతున్నారా? రిలయన్స్ ఇండస్ట్రీస్‌కు చెందిన జియో ప్లాట్‌ఫామ్స్ దేశంలోనే అతిపెద్ద పబ్లిక్ ఇష్యూను తీసుకొచ్చే దిశగా అడుగులు వేస్తోంది. సుమారు రూ.37,800 కోట్ల వరకు నిధులు సమీకరించే అవకాశం ఉందన్న వార్తలు ఇన్వెస్టర్లలో ఆసక్తిని పెంచుతున్నాయి. ఈ IPOపై ఇప్పటికే దేశీయ, అంతర్జాతీయ ఇన్వెస్టర్లు భారీగా ఫోకస్ పెట్టినట్లు మార్కెట్ వర్గాలు చెబుతున్నాయి.

డబ్బులు రెడీ చేసుకోండి.. రాబోతున్నది మెగా IPO!

భారత IPO మార్కెట్‌లో ఇప్పటివరకు చూడని స్థాయిలో భారీ పబ్లిక్ ఇష్యూ రాబోతున్నట్లు తెలుస్తోంది. రిలయన్స్ ఇండస్ట్రీస్ డిజిటల్, టెలికాం విభాగమైన Jio Platforms సుమారు 4 బిలియన్ డాలర్లు, అంటే దాదాపు రూ.37,000–40,000 కోట్ల మేర నిధులు సమీకరించే లక్ష్యంతో IPOకు సిద్ధమవుతున్నట్లు సమాచారం.

ఈ ఇష్యూ సుమారు రూ.37,800 కోట్ల స్థాయిలో ఉంటే.. ప్రస్తుతం భారత్‌లో అతిపెద్ద IPOగా ఉన్న హ్యుందాయ్ మోటార్ ఇండియా సుమారు రూ.27,000 కోట్ల ఇష్యూను కూడా జియో అధిగమించే అవకాశం ఉంటుంది.

అంటే.. జియో IPO కేవలం మరో పబ్లిక్ ఇష్యూ కాదు. భారత ప్రైమరీ మార్కెట్‌లో కొత్త రికార్డు సృష్టించే అవకాశం ఉన్న మెగా ఇష్యూ.

నవరాత్రి లేదా దీపావళి.. ఎప్పుడు వస్తుందో?

జియో IPO కోసం మార్కెట్ వర్గాలు ఆసక్తిగా ఎదురుచూస్తున్నాయి. ప్రస్తుత సమాచారం ప్రకారం అక్టోబర్ చివరి వారం నుంచి నవంబర్ తొలి వారం మధ్య IPO వచ్చే అవకాశం ఉందన్న చర్చ జరుగుతోంది.

ముఖ్యంగా నవరాత్రి సమయంలో ఇష్యూను ప్రారంభించే అవకాశం ఉందని, అది సాధ్యం కాకపోతే దీపావళి సీజన్‌ను టార్గెట్ చేయవచ్చని తెలుస్తోంది.

IPOకు ముందు భారీ స్థాయిలో రోడ్‌షోలు నిర్వహించే అవకాశం ఉంది. ముందుగా అంతర్జాతీయ ఇన్వెస్టర్లను కలిసేందుకు సుమారు మూడు వారాల పాటు విదేశీ రోడ్‌షోలు, అనంతరం రెండు వారాల పాటు దేశీయ రోడ్‌షోలు నిర్వహించే ప్రణాళిక ఉన్నట్లు సమాచారం.

అంటే IPO ప్రారంభానికి ముందే జియోను ప్రపంచ స్థాయి ఇన్వెస్టర్లకు మరోసారి పరిచయం చేసే ప్రక్రియ మొదలుకానుంది.

రూ.27,500 కోట్ల రుణం తీర్చనున్న జియో?

IPO ద్వారా వచ్చే డబ్బును జియో ఏం చేయబోతోందన్నది కూడా కీలక అంశం.

డ్రాఫ్ట్ రెడ్ హెర్రింగ్ ప్రాస్పెక్టస్ (DRHP) ప్రకారం, IPO ద్వారా సమీకరించే నిధుల్లో గణనీయమైన మొత్తాన్ని Reliance Jio Infocomm (RJIL) రుణాన్ని ముందుగానే చెల్లించేందుకు ఉపయోగించే అవకాశం ఉంది.

ఈ మొత్తం దాదాపు రూ.27,500 కోట్ల వరకు ఉండొచ్చని సమాచారం.

మిగిలిన నిధులను సాధారణ కార్పొరేట్ అవసరాలకు ఉపయోగించనుంది. అవసరాన్ని బట్టి RJILకు ఈక్విటీ షేర్లు, ప్రిఫరెన్స్ షేర్లు, డిబెంచర్లు లేదా రుణాల రూపంలో నిధులు సమకూర్చే అవకాశం కూడా ఉంది.

ఇక్కడ ఇన్వెస్టర్లకు మరో కీలక పాయింట్ కనిపిస్తోంది.

రుణ భారం తగ్గితే జియో ఆర్థిక నిర్మాణం మరింత బలపడే అవకాశం ఉంటుంది. వడ్డీ భారాన్ని నియంత్రించుకోవడం, భవిష్యత్ విస్తరణకు నిధులను అందుబాటులో ఉంచుకోవడం వంటి ప్రయోజనాలు కంపెనీకి ఉండవచ్చు.

కొత్త షేర్లే.. OFS లేదు!

జియో IPOలో మరో ఆసక్తికరమైన అంశం Offer for Sale (OFS) లేకపోవడం.

DRHP ప్రకారం జియో ప్లాట్‌ఫామ్స్ 270 మిలియన్ల వరకు కొత్త ఈక్విటీ షేర్లను జారీ చేయాలని ప్రతిపాదించింది. IPO తర్వాత కంపెనీ ఈక్విటీ క్యాపిటల్‌లో ఇవి సుమారు 2.9 శాతం వాటాను సూచించే అవకాశం ఉంది.

అంటే ఇక్కడ ఇన్వెస్టర్ల దృష్టి కేవలం ప్రమోటర్లు తమ వాటాలను విక్రయించడంపై కాకుండా.. కంపెనీకి నేరుగా వెళ్లే కొత్త మూలధనం, దాని వినియోగం, భవిష్యత్ వృద్ధి అవకాశాలపై ఉంటుంది.

జియోపై ఇంత ఆసక్తి ఎందుకు?

జియోను కేవలం టెలికాం కంపెనీగా చూడటం ఇప్పుడు సరిపోదు.

టెలికాం నుంచి డిజిటల్ సర్వీసులు, ఎంటర్‌టైన్‌మెంట్, యాప్స్, క్లౌడ్, డిజిటల్ కామర్స్ వంటి విభాగాల వరకు విస్తరిస్తున్న జియో ప్లాట్‌ఫామ్స్ భారత డిజిటల్ ఎకానమీలో కీలక స్థానాన్ని సంపాదించుకుంది.

ఇదే కారణంగా IPOలో కంపెనీకి ఎంత విలువ నిర్ణయిస్తారు? లిస్టింగ్ తర్వాత మార్కెట్ క్యాపిటలైజేషన్ ఎంతవరకు వెళ్తుంది? కంపెనీ భవిష్యత్ ఆదాయ వృద్ధి ఎలా ఉంటుంది? వంటి అంశాలపై ఇన్వెస్టర్లలో భారీ ఆసక్తి నెలకొంది.

ముఖ్యంగా భారతదేశంలో డిజిటల్ వినియోగం పెరుగుతున్న కొద్దీ జియోకు టెలికాం వెలుపల కూడా వృద్ధి అవకాశాలు ఉన్నాయని మార్కెట్ వర్గాలు భావిస్తున్నాయి.

జియోలో ఇప్పటికే దిగ్గజ ఇన్వెస్టర్లు

జియోపై అంతర్జాతీయ సంస్థల ఆసక్తి కొత్త విషయం కాదు.

ఇప్పటికే పలువురు గ్లోబల్ ఇన్వెస్టర్లు జియో ప్లాట్‌ఫామ్స్‌లో పెట్టుబడులు పెట్టారు. పెద్ద ఇన్వెస్టర్ల వద్ద కలిపి సుమారు 30.9 శాతం వాటా ఉన్నట్లు DRHPకు సంబంధించిన వివరాల్లో పేర్కొన్నట్లు సమాచారం.

అందులో: Meta Platforms‌కు చెందిన Jadoo Holdings – సుమారు 9.98% Google International – సుమారు 7.73% Saudi Arabia Public Investment Fund Silver Lake Vista Equity Partners General Atlantic KKR అనుబంధ సంస్థలు Abu Dhabi Investment Authority అనుబంధ సంస్థల వంటి అంతర్జాతీయ పెట్టుబడిదారులు ఉన్నారు.

ఇది IPOకు మరో ప్లస్ పాయింట్‌గా మార్కెట్ వర్గాలు చూస్తున్నాయి. ఎందుకంటే ప్రపంచ స్థాయి ఇన్వెస్టర్లు ఇప్పటికే కంపెనీపై పెట్టుబడి పెట్టడం.. జియో భవిష్యత్ వృద్ధిపై ఉన్న అంతర్జాతీయ నమ్మకానికి ఒక సూచికగా భావించవచ్చు.

ఇన్వెస్టర్లకు లాభాలు వస్తాయా?

ఇదే ఇప్పుడు అందరి ముందున్న అసలు ప్రశ్న.

జియో IPOపై భారీ డిమాండ్ ఉండే అవకాశం ఉందని మార్కెట్ వర్గాలు భావిస్తున్నప్పటికీ, IPOలో లాభం ఖచ్చితమని ఎవరూ చెప్పలేరు.

అయితే జియోకు ఉన్న మార్కెట్ స్థానం, భారీ యూజర్ బేస్, డిజిటల్ ఎకానమీ వృద్ధి, టెలికాం రంగంలో బలమైన స్థానం, కొత్త డిజిటల్ వ్యాపారాల విస్తరణ వంటి అంశాలు దీర్ఘకాలిక వృద్ధి అవకాశాలపై ఇన్వెస్టర్ల దృష్టిని ఆకర్షించవచ్చు.

అదే సమయంలో IPO ధర, కంపెనీ valuation, earnings growth, debt position, profitability, listing సమయంలో మార్కెట్ పరిస్థితులు వంటి అంశాలు ఇన్వెస్టర్ల రాబడిని నిర్ణయిస్తాయి.

అందుకే “జియో IPO వస్తోంది.. కాబట్టి వెంటనే డబ్బులు పెట్టాలి” అనే విధంగా కాకుండా, IPO ధర , DRHPలోని పూర్తి ఆర్థిక వివరాలను పరిశీలించిన తర్వాతే నిర్ణయం తీసుకోవడం కీలకం.

దేశంలోనే అతిపెద్ద IPO అయితే ఏం జరుగుతుంది?

జియో IPO సుమారు రూ.37,800 కోట్ల స్థాయిలో వస్తే భారత IPO మార్కెట్‌లో భారీ రికార్డు నమోదవుతుంది.

ప్రస్తుతం హ్యుందాయ్ మోటార్ ఇండియా సుమారు రూ.27,000 కోట్ల IPO దేశంలో పూర్తయిన అతిపెద్ద పబ్లిక్ ఇష్యూగా ఉంది. జియో ఇష్యూ దానిని గణనీయంగా అధిగమించే అవకాశం ఉంది.

అంతేకాదు.. NSE వంటి పెద్ద లిస్టింగ్‌లపై చర్చ జరుగుతున్న సమయంలో జియో IPO మరింత పెద్ద ఇష్యూగా నిలిచే అవకాశం ఉంది.

రిలయన్స్ గ్రూప్ నుంచి దాదాపు రెండు దశాబ్దాల తర్వాత వస్తున్న తొలి IPO కావడం కూడా దీనికి ప్రత్యేక ప్రాధాన్యాన్ని తెచ్చిపెట్టింది. గతంలో 2006లో రిలయన్స్ పెట్రోలియం లిస్టింగ్ జరిగింది.

ఇన్వెస్టర్లకు ‘దీపావళి గిఫ్ట్’ అవుతుందా?

నవరాత్రి నుంచి దీపావళి మధ్య జియో IPO వస్తే.. పండుగ సీజన్‌లో భారత మార్కెట్‌కు ఇదే అతిపెద్ద ఇన్వెస్ట్‌మెంట్ ఈవెంట్‌గా మారే అవకాశం ఉంది.

భారీ ఇష్యూ సైజ్, ప్రపంచ స్థాయి ఇన్వెస్టర్ల భాగస్వామ్యం, జియో బ్రాండ్, డిజిటల్ ఎకానమీపై పెరుగుతున్న ఆసక్తి.. ఇవన్నీ కలిసి IPOపై భారీ డిమాండ్‌కు దారితీయవచ్చన్న అంచనాలు ఉన్నాయి.

అయితే అసలు పరీక్ష IPO ధర నిర్ణయించే సమయంలోనే ఉంటుంది.

జియో ఎంత valuation కోరుతోంది? షేర్ ధర ఎంత ఉంటుంది? IPOలో రిటైల్ ఇన్వెస్టర్లకు ఎంత కేటాయిస్తారు? లిస్టింగ్ రోజున మార్కెట్ ఎలా స్పందిస్తుంది? అన్నది కీలకం.

ప్రస్తుతం మాత్రం ఒక విషయం స్పష్టంగా కనిపిస్తోంది.

ముకేశ్ అంబానీ జియోను స్టాక్ మార్కెట్‌లోకి తీసుకొస్తే.. భారత IPO మార్కెట్‌లో ఇప్పటివరకు చూడని అతిపెద్ద ఇన్వెస్ట్‌మెంట్ స్టోరీ మొదలయ్యే అవకాశం ఉంది.

ముంబై, బెంగళూరు కాదు బాసు.. ఇండియాలో ఇప్పుడు జాబ్స్ ఎక్కువగా ఇస్తున్న టాప్ 10 నగరాల ఇవే

Mahesh Rajamoni — Fri, 18 Sep 2026 12:57:47 +0530

Jobs: లింక్డ్‌ఇన్ రిపోర్టుల ప్రకారం భారత్‌లో ఉద్యోగాల వృద్ధి టైర్ 1 మెట్రోల నుండి విశాఖ, విజయవాడ వంటి టైర్ 2 నగరాలకు వేగంగా మారుతోంది. ఇండియాలో ప్రస్తుతం ఎక్కువగా ఉద్యోగాలు అందిస్తున్న టాప్ 10 నగరాలు ఏవో ఇక్కడ తెలుసుకుందాం.

ఇండియాలో టైర్ 2 నగరాలు ప్రగతిలో వేగంగా దూసుకుపోతున్నాయి. దేశంలో డిగ్రీలు పూర్తి చేసిన గ్రాడ్యుయేట్లలో నిరుద్యోగ రేటు రోజురోజుకూ పెరుగుతోంది. ఇటువంటి పరిస్థితుల్లో కొత్త ఉద్యోగాలు ఎక్కడ వస్తున్నాయి, ఏ నగరాల్లో ఎక్కువ అవకాశాలు లభిస్తున్నాయి అనే దానిపై జరిగిన ఒక తాజా విశ్లేషణలో ఆసక్తికరమైన విషయాలు వెల్లడయ్యాయి. ఇప్పటివరకు ఉద్యోగాలకు చిరునామాగా ఉన్న ఢిల్లీ, గుర్గావ్, ముంబై, బెంగళూరు, పుణే వంటి టైర్ 1 మెట్రో నగరాల్లో ఉద్యోగాల వృద్ధి మందగించినట్లు ఈ రిపోర్ట్ స్పష్టం చేస్తోంది.

తాజాగా వెలువడిన డేటా ప్రకారం, దేశంలో అత్యధికంగా ఉద్యోగ అవకాశాలు పెరుగుతున్న టాప్ 10 నగరాల జాబితాలో ఒక్క టైర్ 1 మెట్రో కూడా స్థానం సంపాదించుకోలేకపోవడం అందరినీ ఆశ్చర్యానికి గురిచేస్తోంది. ప్రతి ఒక్కరూ హైదరాబాద్, బెంగళూరు లేదా ముంబై వైపు పరుగులు తీయడం మానేసి, అభివృద్ధి చెందుతున్న కొత్త నగరాలపై దృష్టి పెట్టాల్సిన సమయం వచ్చిందని విశ్లేషణలు పేర్కొంటున్నాయి.

ప్రస్తుతం ప్రపంచవ్యాప్తంగా ట్రెండింగ్‌లో ఉన్న ఆర్టిఫిషియల్ ఇంటెలిజెన్స్ (AI), మ్యానుఫ్యాక్చరింగ్, డిజైన్ రంగాల్లో వస్తున్న కొత్త ఉద్యోగాలన్నీ కూడా వేగంగా టైర్ 2 నగరాలకు తరలిపోతున్నాయి. బహుళ జాతి కంపెనీలు, స్టార్టప్‌లు తమ కార్యకలాపాలను విస్తరించడానికి పెద్ద మెట్రో నగరాల కంటే ఈ చిన్న నగరాలనే ఎక్కువగా ఎంచుకుంటున్నాయి. తక్కువ నిర్వహణ వ్యయం, మెరుగైన మౌలిక వసతులు, నిపుణులైన ప్రతిభ లభ్యత వంటి అంశాలు కంపెనీలను ఈ వైపు ఆకర్షిస్తున్నాయి.

దీనివల్ల రాబోయే రోజుల్లో సాంకేతిక, ఉత్పాదన రంగాల్లో కెరీర్ ప్రారంభించాలనుకునే వారికి టైర్ 2 నగరాలు ప్రధాన కేంద్రాలుగా మారబోతున్నాయి. యువతకు సైతం సొంత ప్రాంతాలకు దగ్గరగా, తక్కువ జీవన వ్యయంతో మంచి ఉద్యోగాలు లభించే వాతావరణం ఏర్పడుతోంది.

ప్రముఖ ప్రొఫెషనల్ నెట్‌వర్కింగ్ ప్లాట్‌ఫామ్ లింక్డ్‌ఇన్ నమోదు చేసిన జాబ్ పోస్టింగ్స్, మౌలిక సదుపాయాల అభివృద్ధి ఆధారంగా "సిటీస్ ఆన్ ది రైజ్ ఇన్ 2026" (Cities on the Rise in 2026) పేరిట ఒక సమగ్ర రిపోర్టును రూపొందింది. ఈ రిపోర్ట్ భారత్‌లోని ఏ ఏ నగరాల్లో ఉద్యోగాల వృద్ధి ఎక్కువగా ఉందో, ఎక్కడ టాలెంట్ అవసరం అధికంగా ఉందో స్పష్టంగా వివరించింది.

ఈ డేటా ప్రకారం దేశంలోని వివిధ రాష్ట్రాల్లోని ద్వితీయ శ్రేణి నగరాలు అనూహ్య వృద్ధిని నమోదు చేస్తున్నాయి. కంపెనీలు తమ వ్యాపార విస్తరణకు ఈ నగరాలనే ప్రాథమికంగా ఎంచుకుంటున్నాయని ఈ రిపోర్టు నిరూపిస్తోంది.

'సిటీస్ ఆన్ ది రైజ్ ఇన్ 2026' రిపోర్టు ప్రకారం భారత్‌లో ఉద్యోగ అవకాశాల వృద్ధిలో మొదటి 10 స్థానాల్లో నిలిచిన నగరాల జాబితా గమనిస్తే..

1. విశాఖపట్నం

2. లుధియానా

3. సూరత్

4. వడోదర

5. ప్రయాగ్‌రాజ్

6. రాజ్‌కోట్

7. జబల్‌పూర్

8. రాంచీ

9. రాయ్‌పూర్

10. విజయవాడ

ఆంధ్రప్రదేశ్ నుండి విశాఖపట్నం మొదటి స్థానంలో నిలవగా, విజయవాడ పదో స్థానంలో నిలిచి ఉద్యోగ కల్పనలో తమ ఆధిక్యతను చాటుకున్నాయి.

ఈ కీలక మార్పుల వల్ల రాబోయే పదేళ్లలో భారత్‌లోని టైర్ 1 నగరాల్లో రియల్ ఎస్టేట్ ధరల భారం తగ్గుముఖం పట్టే అవకాశం ఉందని నిపుణులు భావిస్తున్నారు. బెంగళూరు, ముంబై, ఢిల్లీ వంటి నగరాల్లో ఇళ్ల అద్దెలు, రియల్ ఎస్టేట్ ధరలు విపరీతంగా పెరగడంతో సగటు ఉద్యోగికి జీవన వ్యయం భారంగా మారింది.

ఉద్యోగాలు ఇప్పుడు ఈ కొత్త నగరాలకు విస్తరిస్తుండటంతో, రాబోయే దశాబ్ద కాలంలో అసలైన ఆర్థిక, మౌలిక సదుపాయాల అభివృద్ధి ఈ టైర్ 2 నగరాల్లోనే కనిపిస్తుందని స్పష్టమవుతోంది. అందుకే ఉద్యోగార్థులు ఇకపై కేవలం మెట్రో నగరాల పైనే ఆధారపడకుండా ఈ కొత్త అభివృద్ధి కేంద్రాల వైపు చూడటం మంచిదని సూచిస్తున్నారు.

పెళ్లైన మహిళలు ఎయిర్ హోస్టెస్ అవ్వొచ్చా? రూల్స్ ఏం చెబుతున్నాయంటే..

Arun Kumar P — Wed, 16 Sep 2026 19:07:08 +0530

ఎయిర్ హోస్టెస్ జాబ్ అంటే మంచి జీతంతో పాటు లగ్జరీ లైఫ్‌స్టైల్ ఉంటుంది. అయితే పెళ్లైన మహిళలు ఎయిర్ హోస్టెస్ కావొచ్చా లేదా అనే సందేహం చాలా మందిలో పదే పదే మెదులుతుంటుంది. మరి రూల్స్ ఎలా ఉన్నాయో చూద్దాం.

హైద‌రాబాద్‌లో సంద‌డి చేసిన హ్యుమ‌నాయిడ్ రోబోట్‌.. ఘ‌నంగా ఏఐ ఎడ్యుకేష‌న్ స‌మ్మిట్

Narender Vaitla — Tue, 06 Oct 2026 13:15:33 +0530

Hyderabad: హైదరాబాద్‌లోని గచ్చిబౌలి కేంద్రంగా పనిచేస్తున్న అరేనేషా ఏఐ హబ్ ఆధ్వర్యంలో ‘ఏఐ ఎడ్యుకేషన్ సమ్మిట్ 2026’ ఘనంగా నిర్వహించారు. విద్యార్థులు రూపొందించిన రోబోట్ ప్రాజెక్టులు, ఏఐ ఆధారిత ఆవిష్కరణలు కార్యక్రమంలో ప్రత్యేక ఆకర్షణగా నిలిచాయి.

సమ్మిట్‌లో యూనిట్రీ జీ1 (Unitree G1) హ్యూమనాయిడ్ రోబోట్ ప్రత్యేక ఆకర్షణగా నిలిచింది. మానవ ఆకృతిలో ఉండే ఈ రోబోట్‌ను ప్రత్యక్షంగా చూసేందుకు విద్యార్థులు, టెక్నాలజీ ఆసక్తి ఉన్నవారు ఆసక్తి చూపించారు. రోబోటిక్స్ రంగంలో ఆధునిక సాంకేతికత ఎలా అభివృద్ధి చెందుతోందో ఈ ప్రదర్శన ద్వారా విద్యార్థులకు అవగాహన కల్పించారు. విద్యార్థులు తమ సొంత రోబోట్ ప్రాజెక్టులను కూడా ప్రదర్శించడంతో సమ్మిట్‌లో సాంకేతికతకు సంబంధించిన ఉత్సాహభరిత వాతావరణం కనిపించింది.

కార్యక్రమంలో భాగంగా విద్యార్థుల కోసం రోజంతా ఏఐ హ్యాకాథాన్ నిర్వహించారు. ఇందులో పాల్గొన్న విద్యార్థులు తమ ఆలోచనలను ఏఐ ఆధారిత ప్రాజెక్టులుగా రూపొందించి న్యాయనిర్ణేతల ముందు ప్రత్యక్షంగా ప్రదర్శించారు. సమస్యలకు సాంకేతిక పరిష్కారాలు కనుగొనడం, కొత్త ఆలోచనలను ఆచరణలోకి తీసుకురావడం, ఏఐ సాధనాలను ఉపయోగించడం వంటి అంశాలపై విద్యార్థులు తమ ప్రతిభను ప్రదర్శించారు. ఈ కార్యక్రమం ద్వారా పుస్తకాల్లో నేర్చుకునే అంశాలను ప్రాక్టికల్‌గా ఉపయోగించే అవకాశం విద్యార్థులకు లభించింది.

అరేనేషా ఏఐ హబ్ ఫౌండర్, సీఈఓ నూతన్ మాట్లాడుతూ ఏఐపై ఉన్న భయాలు, అపోహలపై తన అభిప్రాయాలను వెల్లడించారు. “ఏఐ మనుషులను భర్తీ చేయదు.. కేవలం పనులను సులభతరం చేస్తుంది. పునరావృతమయ్యే, కష్టమైన పనులను రోబోట్లు చేయగలవు. అయితే మనుషుల సృజనాత్మకత, ఆలోచనా శక్తికి ఎప్పటికీ ప్రాధాన్యం ఉంటుంది. ఏఐతో పోటీ పడటం కంటే.. ఏఐతో కలిసి పనిచేయడం నేర్చుకోవాలి” అని ఆయన అన్నారు. భవిష్యత్తులో విద్యార్థులకు ఏఐ, రోబోటిక్స్‌పై అవగాహనతో పాటు ప్రాక్టికల్ నైపుణ్యాలు అవసరం అని ఆయన వివరించారు.

హైదరాబాద్‌లో 2024లో ప్రారంభమైన అరేనేషా ఏఐ హబ్ విద్యార్థులు, బిల్డర్లకు ఫిజికల్ ఏఐ (Physical AI), ఎడ్జ్ ఏఐ (Edge AI) రంగాల్లో శిక్షణ అందిస్తోంది. కొత్త సాంకేతిక పరిష్కారాలను రూపొందించాలనుకునే వారికి అధునాతన ఏఐ ల్యాబ్‌గా ఇది పనిచేస్తోంది. సంస్థ సీఈఓ నూతన్‌కు ఎలక్ట్రానిక్ ఇంజినీరింగ్, ఎంబెడెడ్ సిస్టమ్స్, ఎడ్జ్ ఏఐ, ఫిజికల్ ఏఐ రంగాల్లో 16 ఏళ్ల అనుభవం ఉంది. ‘రోబోఎడిఫై’ (RoboEdify) కార్యక్రమం ద్వారా విద్యార్థులకు రోబోటిక్స్, ఏఐపై ప్రాక్టికల్ శిక్షణ అందిస్తున్నారు. ఈ సమ్మిట్‌లో ఇస్రో ప్రతినిధులతో పాటు పలువురు పారిశ్రామికవేత్తలు పాల్గొని విద్యార్థులను ప్రోత్సహించారు.

Govt Job : తెలుగు యువతకు లక్కీ ఛాన్స్.. కేవలం పది పాసైతే చాలు, ఎగ్జామ్ లేకుండానే సెంట్రల్ గవర్నమెంట్ జాబ్

Arun Kumar P — Tue, 08 Sep 2026 13:18:57 +0530

భారత తపాలా శాఖలో గ్రామీణ డాక్ సేవక్ (GDS) ఖాళీల భర్తీకి నోటిఫికేషన్ వచ్చేసింది. ఈ ఉద్యోగాలకు కావాల్సిన విద్యార్హత, వయోపరిమితి, ఎంపిక విధానం, ముఖ్యమైన తేదీలు, జీతం, దరఖాస్తు ప్రక్రియ వంటి పూర్తి వివరాలు ఇక్కడ తెలుసుకోండి.

కేంద్ర ప్రభుత్వ ఉద్యోగం కోసం ఎదురుచూస్తున్న వాళ్లకు శుభవార్త. ఇండియన్ పోస్టల్ డిపార్ట్మెంట్ లో ఖాళీగా ఉన్న పోస్టుల భర్తీకి నోటిఫికేషన్ విడుదలయ్యింది. దీని ప్రకారం… దేశవ్యాప్తంగా 23,757 ఖాళీలను భర్తీ చేయనున్నారు… ఇందులో తెలుగు రాష్ట్రాల్లో మొత్తం 1336 పోస్టులున్నాయి. అయితే ఈ రెండు రాష్ట్రాల్లో ఖాళీలను పరిశీలిస్తే ఆంధ్ర ప్రదేశ్ లో అత్యధికంగా 917 పోస్టులు… తెలంగాణలో 419 పోస్టులు భర్తీ చేయనున్నారు. ఈ ఉద్యోగాలకు ఎవరు దరఖాస్తు చేసుకోవచ్చు, అర్హతలు, జీతం, దరఖాస్తు విధానం వంటి పూర్తి వివరాలు ఇప్పుడు చూద్దాం.

ఈ నోటిఫికేషన్ ద్వారా ప్రధానంగా ఈ పోస్టులను భర్తీ చేస్తున్నారు.

1. బ్రాంచ్ పోస్ట్‌మాస్టర్ (BPM)

2. అసిస్టెంట్ బ్రాంచ్ పోస్ట్‌మాస్టర్ (ABPM)

3. గ్రామీణ డాక్ సేవక్ (GDS)

విద్యార్హతలు : పోస్టల్ జాబ్స్ కు అప్లై చేసుకునే అభ్యర్థులు గుర్తింపుపొందిన బోర్డు నుంచి 10వ తరగతి పాసైతే చాలు.

వయోపరిమితి : 2026 జనవరి 1 నాటికి అభ్యర్థుల వయసు కనీసం 18 ఏళ్లు, గరిష్ఠంగా 40 ఏళ్ల మధ్య ఉండాలి. ప్రభుత్వ నిబంధనల ప్రకారం SC, ST, OBC వర్గాలకు వయోపరిమితిలో సడలింపు ఉంటుంది.

షెడ్యూల్ క్యాస్ట్/షెడ్యూల్ ట్రైబ్ (SC/ST) - 5 ఏళ్ల సడలింపు

ఇతర బలహీన వర్గాలు (OBC) 3 ఏళ్ల సడలింపు

జనరల్ దివ్యాంగులకు - 10 ఏళ్లు సడలింపు

ఓబిసి దివ్యాంగులకు 13 ఏళ్లు... ఎస్సి, ఎస్టీ దివ్యాంగులకు 15 ఏళ్ల వయో పరిమితి సడలింపు ఉంటుంది.

1. OTR రిజిస్ట్రేషన్ : ఆగస్టు 31 నుంచి సెప్టెంబర్ 19, సాయంత్రం 5 గంటల వరకు.

2. ఆన్‌లైన్ దరఖాస్తు : సెప్టెంబర్ 2 నుంచి దరఖాస్తుల స్వీకరణ ప్రారంభం… సెప్టెంబర్ 21, సాయంత్రం 5 గంటల వరకు దరఖాస్తుకు సమయం ఉంది.

3. దరఖాస్తు సవరణ : సెప్టెంబర్ 23 నుంచి సెప్టెంబర్ 24న సాయంత్రం 5 గంటల వరకు అవకాశం.

గమనిక : పాత GDS రిక్రూట్‌మెంట్‌ రిజిస్ట్రేషన్ నంబర్ ఈసారి చెల్లదు. అందరూ కొత్తగా రిజిస్టర్ చేసుకోవాలని తపాలా శాఖ స్పష్టం చేసింది.

ఈ GDS ఉద్యోగాలకు రాత పరీక్ష గానీ, ఇంటర్వ్యూ గానీ ఉండదు. కేవలం 10వ తరగతిలో వచ్చిన మార్కుల ఆధారంగానే అభ్యర్థులను నేరుగా ఎంపిక చేస్తారు.

జీతం

బ్రాంచ్ పోస్ట్‌మాస్టర్ (BPM) పోస్టుకు రూ.12,000 నుంచి రూ.29,380 వరకు జీతం ఉంటుంది.

అసిస్టెంట్ బ్రాంచ్ పోస్ట్‌మాస్టర్ (ABPM) పోస్టుకు రూ.10,000 నుంచి రూ.24,470 వరకు జీతం ఉంటుంది.

ఎలా దరఖాస్తు చేయాలి?

అర్హత, ఆసక్తి ఉన్న అభ్యర్థులు అధికారిక నోటిఫికేషన్‌లో పేర్కొన్న అన్ని డాక్యుమెంట్లతో https://indiapostgdsonline.gov.in/ అనే అధికారిక వెబ్‌సైట్‌లో ఆన్‌లైన్‌లో దరఖాస్తు చేసుకోవాలి.

SC/ST/PWD/మహిళా/ట్రాన్స్‌జెండర్ అభ్యర్థులకు ఫీజు లేదు. మిగతా అభ్యర్థులు రూ.100 అప్లికేషన్ ఫీజు చెల్లించాలి.

Government Jobs : నెలకు రూ.86,570 జీతం.. కేవలం పదో తరగతి, ఐటిఐ అర్హతతో ప్రభుత్వ ఉద్యోగాలు

Arun Kumar P — Mon, 05 Oct 2026 18:48:49 +0530

BCPL Recruitment 2026 : ప్రభుత్వ ఉద్యోగాల కోసం ఎదురుచూస్తున్న యువతకు అదిరిపోయే ఛాన్స్. ఐటీఐ, డిప్లొమా, బీఎస్సీ, బీకామ్ చదివిన వాళ్లకోసం కేంద్రం ప్రభుత్వ సంస్థ ఉద్యోగాల భర్తీ చేపడుతోంది.

కేంద్ర ప్రభుత్వ పెట్రోలియం, సహజ వాయువు మంత్రిత్వ శాఖ కింద పనిచేసే బ్రహ్మపుత్ర క్రాకర్ అండ్ పాలిమర్ లిమిటెడ్ (BCPL) లో ఉద్యోగాల భర్తీకి నోటిఫికేషన్ రిలీజ్ అయ్యింది. మొత్తం 24 నాన్-ఎగ్జిక్యూటివ్ పోస్టుల భర్తీకి నోటిఫికేషన్ నంబర్ BCPL-NE/06/2026 విడుదలయ్యింది.

గత నెల సెప్టెంబర్ 10, 2026న ఆన్‌లైన్ అప్లికేషన్ ప్రాసెస్ మొదలయ్యింది. ఈ నెల అక్టోబర్ 9, 2026 వరకు అర్హత గల అభ్యర్థులకు అప్లై చేసుకునే అవకాశం ఉంది. లాస్ట్ డేట్ వరకు వెయిట్ చేయకుండా వెంటనే BCPL అఫీషియల్ వెబ్‌సైట్‌లోకి వెళ్లి అప్లై చేసుకోండి.

ఈ నోటిఫికేషన్ ద్వారా చాలా విభాగాల్లో ఖాళీలను భర్తీ చేస్తున్నారు.

కెమికల్ ఫోర్‌మెన్ - 3

సివిల్ ఫోర్‌మెన్ - 1

హెచ్‌ఆర్ జూనియర్ సూపరింటెండెంట్ - 1

ఇన్‌స్ట్రుమెంటేషన్ ఫోర్‌మెన్ - 1

కెమికల్ ఆపరేటర్ - 8

ఎలక్ట్రికల్ టెక్నీషియన్ - 3

ఇన్‌స్ట్రుమెంటేషన్ టెక్నీషియన్ - 2

మెకానికల్ టెక్నీషియన్ - 2

వీటితో పాటు కెమికల్ ఆపరేటర్ ట్రైనీ, మెకానికల్ టెక్నీషియన్ ట్రైనీ, అకౌంట్స్ అసిస్టెంట్ ట్రైనీ పోస్టులు ఒక్కొక్కటి చొప్పున ఉన్నాయి. ఐటీఐ నుంచి డిగ్రీ వరకు చదివిన వాళ్లకు ఇది మంచి అవకాశం.

పోస్టును బట్టి ఎడ్యుకేషన్ క్వాలిఫికేషన్స్ మారుతాయి.

కెమికల్, సివిల్, ఇన్‌స్ట్రుమెంటేషన్ ఫోర్‌మెన్ పోస్టులకు సంబంధిత బ్రాంచ్‌లో ఇంజనీరింగ్ డిప్లొమా పాసై ఉండాలి.

కెమికల్ ఆపరేటర్ పోస్టుకు ఫిజిక్స్, కెమిస్ట్రీ, మ్యాథ్స్ సబ్జెక్టులతో బీఎస్సీ లేదా కెమిస్ట్రీలో బీఎస్సీ ఆనర్స్ చేసి ఉండాలి.

ఎలక్ట్రికల్, ఇన్‌స్ట్రుమెంటేషన్, మెకానికల్ టెక్నీషియన్ పోస్టులకు టెన్త్ క్లాస్‌తో పాటు సంబంధిత ట్రేడ్‌లో ఐటీఐ లేదా నేషనల్ ట్రేడ్ సర్టిఫికెట్ ఉండాలి.

హెచ్‌ఆర్ జూనియర్ సూపరింటెండెంట్ పోస్టుకు డిగ్రీతో పాటు పర్సనల్ మేనేజ్‌మెంట్ లేదా ఇండస్ట్రియల్ రిలేషన్స్‌లో డిప్లొమా ఉండాలి.

అకౌంట్స్ అసిస్టెంట్ ట్రైనీకి 50 శాతం మార్కులతో బీకామ్ పాసై, ఇంగ్లీష్ టైపింగ్ వచ్చి ఉండాలి.

ఫోర్‌మెన్, జూనియర్ సూపరింటెండెంట్ పోస్టులకు గరిష్ట వయసు 32 ఏళ్లు.

ఆపరేటర్, టెక్నీషియన్, ట్రైనీ పోస్టులకు 30 ఏళ్లు మించకూడదు.

09.10.2026 నాటికి ఈ వయసును లెక్కిస్తారు.

ఎస్సీ, ఎస్టీలకు 5 ఏళ్లు, ఓబీసీలకు 3 ఏళ్లు వయోసడలింపు ఉంటుంది. దివ్యాంగులు, ఎక్స్‌-సర్వీస్‌మెన్‌లకు ప్రభుత్వ నిబంధనల ప్రకారం సడలింపులు వర్తిస్తాయి.

శాలరీ

ఇక జీతం విషయానికొస్తే.. ఫోర్‌మెన్, జూనియర్ సూపరింటెండెంట్ పోస్టులకు రూ.28,500 నుంచి రూ.86,570 వరకు ఇస్తారు.

ఆపరేటర్, టెక్నీషియన్ పోస్టులకు రూ.25,000 నుంచి రూ.81,430 వరకు ఉంటుంది.

ట్రైనీ పోస్టులకు నెలకు రూ.21,000 స్టైపెండ్ ఇస్తారు.

రాతపరీక్ష, ఫిజికల్ లేదా స్కిల్ టెస్ట్ ద్వారా అభ్యర్థులను సెలెక్ట్ చేస్తారు. జనరల్ కేటగిరీ అభ్యర్థులు రూ.200 అప్లికేషన్ ఫీజు ఆన్‌లైన్‌లో కట్టాలి. ఎస్సీ, ఎస్టీ, దివ్యాంగులకు ఎలాంటి ఫీజు లేదు.

అభ్యర్థులు ముందుగా BCPL అఫీషియల్ వెబ్‌సైట్‌లోకి వెళ్లి BCPL-NE/06/2026 నోటిఫికేషన్‌ను పూర్తిగా చదవాలి. ఒక్కో పోస్టుకు అర్హతలు, వయసు, అనుభవం వేర్వేరుగా ఉన్నాయి కాబట్టి మీకు ఏ పోస్టు సెట్ అవుతుందో చూసుకుని అప్లై చేసుకోండి. అఫీషియల్ వెబ్‌సైట్‌లోనే ఆన్‌లైన్ అప్లికేషన్ లింక్ అందుబాటులో ఉంది.

Jobs : తెలుగమ్మాయిలకు లక్కీ ఛాన్స్.. కేవలం పది పాసైతే చాలు, సొంత గ్రామంలో గవర్నమెంట్ జాబ్

Arun Kumar P — Mon, 07 Sep 2026 21:40:13 +0530

తెలుగమ్మాయిలకు బంపరాఫర్… కేవలం పదో తరగతి చదివుంటే చాలు సొంత ఊళ్లోనే ఉద్యోగం చేసే అవకాశం వచ్చింది. ఈ జాబ్ నోటిఫికేషన్ కు సంబంధించిన పూర్తి వివరాలు ఇక్కడ తెలుసుకుందాం.

Asha Worker Jobs : ఆంధ్రప్రదేశ్‌ ప్రభుత్వం మహిళలకు గుడ్ న్యూస్ తెలిపింది. ఆశా కార్యకర్తలుగా పనిచేయాలనుకునే మహిళలకు ఇదే మంచి అవకాశం... రాష్ట్రంలో ఖాళీగా ఉన్న 913 ఆశా వర్కర్ పోస్టులను భర్తీ చేసేందుకు ప్రభుత్వం ఆమోదం తెలిపింది. ఈ విషయాన్ని రాష్ట్ర వైద్యారోగ్య శాఖ మంత్రి సత్యకుమార్ యాదవ్ వెల్లడించారు. తాజా నియామకాల ప్రక్రియ పూర్తయితే రాష్ట్రవ్యాప్తంగా ఆశా కార్యకర్తల పోస్టులన్నీ భర్తీ చేసినట్లవుతుందని మంత్రి తెలిపారు.

గ్రామీణ ప్రాంతాల్లో ప్రజలకు ప్రాథమిక వైద్య సేవలను అందుబాటులోకి తీసుకురావడంలో ఆశా కార్యకర్తలు కీలక పాత్ర పోషిస్తున్నారు. ముఖ్యంగా గర్భిణులు, చిన్నారులు, కుటుంబ సంక్షేమం, టీకాలు, ఆరోగ్య అవగాహన వంటి అంశాల్లో వారు ప్రజలకు, ప్రభుత్వ ఆరోగ్య వ్యవస్థకు మధ్య వారధిగా పనిచేస్తున్నారు. ఈ నేపథ్యంలో ఖాళీగా ఉన్న పోస్టులను భర్తీ చేసి Zero Vacancy (జీరో వేకెన్సీ) విధానాన్ని అమలు చేయాలని ప్రభుత్వం నిర్ణయించింది. కూటమి ప్రభుత్వం అధికారంలోకి వచ్చిన తర్వాత ఇప్పటికే 1,294 ఆశా పోస్టులను భర్తీ చేసినట్లు మంత్రి సత్యకుమార్ తెలిపారు. తాజాగా మరో 913 పోస్టుల భర్తీకి అనుమతి ఇవ్వడంతో మొత్తం 2,207 ఆశా వర్కర్ పోస్టులను భర్తీ చేసినట్లవుతుంది.

తాజాగా భర్తీ చేయనున్న 913 పోస్టుల్లో అత్యధికంగా గ్రామీణ ప్రాంతాల్లో 673 పోస్టులు ఉన్నాయి. గిరిజన ప్రాంతాల్లో 64, పట్టణ ప్రాంతాల్లో 176 పోస్టులు ఖాళీగా ఉన్నాయి. కేంద్ర ప్రభుత్వ మార్గదర్శకాలకు అనుగుణంగా ఈ నియామక ప్రక్రియను చేపట్టనున్నారు.

జిల్లా కలెక్టర్ అధ్యక్షతన పనిచేసే డిస్ట్రిక్ హెల్త్ సొసైటీ ఆధ్వర్యంలో నియామకాలు జరగనున్నాయి. సంబంధిత గ్రామం లేదా వార్డుకు చెందిన స్థానిక మహిళలకు ఈ నియామకాల్లో ప్రాధాన్యం ఇవ్వనున్నారు. కనీసం పదో తరగతి ఉత్తీర్ణతతో పాటు 25 నుంచి 45 సంవత్సరాల మధ్య వయసున్న మహిళలు అర్హులుగా పరిగణించనున్నారు.

ఆశా వర్కర్ నియామకాలకు సంబంధించి అవసరమైన చర్యలు చేపట్టాలని జిల్లాలకు ఇప్పటికే ఆదేశాలు జారీ చేసినట్లు ఆరోగ్య, కుటుంబ సంక్షేమ శాఖ కమిషనర్ చక్రధర్ బాబు తెలిపారు. నిబంధనలకు అనుగుణంగా ఎంపిక ప్రక్రియను పూర్తి చేసి ఈ నెల 30వ తేదీలోగా నియామకాల జాబితాను పంపించాలని జిల్లాలను ఆదేశించినట్లు వెల్లడించారు.

తాజాగా భర్తీ చేయనున్న ఆశా కార్యకర్తల పోస్టులు వివిధ జిల్లాల్లో అందుబాటులో ఉన్నాయి. జిల్లాల వారీగా ఖాళీల సంఖ్యను పరిశీలిస్తే.. అనకాపల్లిలో అత్యధికంగా 77 పోస్టులు, కర్నూలులో 65, తూర్పుగోదావరిలో 44, అల్లూరి సీతారామరాజు జిల్లాలో 43, పార్వతీపురం మన్యంలో 43, పశ్చిమగోదావరిలో 42 పోస్టులు ఉన్నాయి. అలాగే అన్నమయ్య జిల్లాలో 41, ప్రకాశంలో 38, వైఎస్సార్ కడపలో 38, కృష్ణాలో 37, విశాఖపట్నంలో 33, చిత్తూరులో 32, కోనసీమలో 32, పల్నాడులో 31, విజయనగరంలో 31, కాకినాడలో 29, ఎస్‌పీఎస్‌ఆర్ నెల్లూరులో 29, ఏలూరులో 27 పోస్టులు ఖాళీగా ఉన్నాయి. ఇక

అనంతపురంలో 26, మార్కాపురంలో 25, శ్రీ సత్యసాయి జిల్లాలో 22, శ్రీకాకుళంలో 22, గుంటూరులో 21, నంద్యాలలో 21, పోలవరంలో 21, తిరుపతిలో 21, ఎన్టీఆర్ జిల్లాలో 15, బాపట్లలో 7 పోస్టుల చొప్పున భర్తీ చేయనున్నారు.

ఆశా కార్యకర్తలకు ప్రస్తుతం నెలకు రూ.10,000 చొప్పున వేతనం అందుతోంది. ఇందులో రూ.8,320 రాష్ట్ర ప్రభుత్వ బడ్జెట్ నుంచి చెల్లిస్తుండగా, మిగిలిన మొత్తాన్ని కేంద్ర ప్రభుత్వం అందిస్తోంది. ఇలా రాష్ట్రవ్యాప్తంగా ఆశా కార్యకర్తలకు ప్రతి ఏడాది వేతనాల కోసం సుమారు రూ.513 కోట్ల వరకు ఖర్చు అవుతోంది. ఇందులో రాష్ట్ర ప్రభుత్వం రూ.426.84 కోట్ల వరకు భరిస్తుండగా, మిగిలిన మొత్తాన్ని కేంద్ర ప్రభుత్వం సమకూరుస్తోంది.

కొత్తగా 913 పోస్టుల భర్తీతో రాష్ట్రంలోని ఆరోగ్య సేవలను మరింత విస్తరించడంతో పాటు గ్రామీణ, గిరిజన, పట్టణ ప్రాంతాల్లో ప్రజలకు ప్రాథమిక వైద్య సేవలు మరింత చేరువయ్యే అవకాశం ఉందని ప్రభుత్వం భావిస్తోంది.

US High Paying Jobs: అమెరికాలో ఏ ఉద్యోగాలకు అత్యధిక జీతం వస్తుంది? భారతీయులకు టాప్ 7 ఆప్షన్స్ ఇవే

Mahesh Rajamoni — Tue, 29 Sep 2026 09:09:48 +0530

US High Paying Jobs: అమెరికాలో ఉన్నత చదువులు పూర్తి చేసిన లేదా నైపుణ్యం కలిగిన భారతీయ ఐటీ, మెడికల్ ప్రొఫెషనల్స్ అత్యధిక జీతాలు అందించే ఉద్యోగాల వైపే మొగ్గు చూపుతారు. మరి అమెరికాలో ఏ ఉద్యోగాలకు ఎక్కువ జీతం వస్తుంది? ఇండియన్స్‌కు బెస్ట్ ఆప్షన్స్ ఏంటి?

అమెరికాలో ఉద్యోగం చేయాలి, భారీగా సంపాదించాలి అనేది చాలా మంది భారతీయుల కల. అయితే యూఎస్‌లో అన్ని రకాల ఉద్యోగాలకు ఒకేలాంటి వేతనాలు ఉండవు. కొన్ని రంగాల్లో మాత్రం మైండ్ బ్లాక్ అయ్యే రేంజ్‌లో శాలరీలు ఇస్తుంటారు. ముఖ్యంగా మెడిసిన్, టెక్నాలజీ, మేనేజ్‌మెంట్, ఫైనాన్స్, లా రంగాల్లో ఉన్నవారికి అమెరికాలో భారీగా డిమాండ్‌తో పాటు అత్యధిక జీతాలు అందుతున్నాయి.

వాస్తవానికి భారతీయులకు ఇది మాత్రమే బెస్ట్ అని అమెరికా ప్రభుత్వం అధికారికంగా ఏ ర్యాంకింగ్స్ ఇవ్వదు. కానీ, హెచ్-1బి వీసా, స్టెమ్ కోర్సులు, ఐటీ, హెల్త్‌కేర్ డేటాను పరిశీలిస్తే.. మనవాళ్లు ఏ రంగాల్లో ఎక్కువగా రాణిస్తున్నారో స్పష్టంగా తెలుస్తోంది. యూఎస్‌సీఐఎస్ గణాంకాల ప్రకారం, అమెరికాలో ఆమోదం పొందుతున్న హెచ్-1బి వీసాలలో ఏకంగా 71 శాతం భారతీయులకే దక్కుతున్నాయి. వీటిలో కంప్యూటర్, టెక్నాలజీ ఆధారిత ఉద్యోగాలదే హవా.

అమెరికాలో అత్యంత ఎక్కువ జీతం లభించే రంగం మెడిసిన్. యూఎస్ బ్యూరో ఆఫ్ లేబర్ స్టాటిస్టిక్స్ (BLS) డేటా ప్రకారం, ఫిజిషియన్లు, సర్జన్ల సగటు వార్షిక వేతనం సుమారు రూ. 2.3 కోట్లు కంటే ఎక్కువే ఉంటుంది.

• పిడియాట్రిక్ సర్జన్స్: సుమారు ₹4.66 కోట్లు

• కార్డియాలజిస్ట్స్: సుమారు ₹4.14 కోట్లు

• రేడియాలజిస్ట్స్: సుమారు ₹3.51 కోట్లు

• సర్జన్లు: సుమారు ₹3.45 కోట్లు

• అనస్థీషియాలజిస్ట్స్: సుమారు ₹3.26 కోట్లు

అయితే భారతదేశంలో ఎంబీబీఎస్ లేదా పీజీ పూర్తి చేసినంత మాత్రాన అక్కడ నేరుగా ప్రాక్టీస్ చేయలేరు. యూఎస్ మెడికల్ లైసెన్సింగ్ ఎగ్జామ్స్, క్లినికల్ ట్రైనింగ్, రెసిడెన్సీ వంటి దశలను దాటాల్సి ఉంటుంది.

భారతీయులకు అత్యంత సులువైన, ప్రాచుర్యం పొందిన మార్గం సాఫ్ట్‌వేర్ రంగం. 2025 BLS లెక్కల ప్రకారం సాఫ్ట్‌వేర్ డెవలపర్ల సగటు జీతం సుమారు ₹1.13 కోట్లు కాగా, పెద్ద సాఫ్ట్‌వేర్ పబ్లిషింగ్ కంపెనీల్లో ఇది సుమారు ₹1.37 కోట్ల వరకు ఉంది.

ఆర్టిఫిషియల్ ఇంటెలిజెన్స్ (AI), మిషన్ లెర్నింగ్, క్లౌడ్ కంప్యూటింగ్, సైబర్ సెక్యూరిటీ వంటి నైపుణ్యాలు ఉన్న సీనియర్ నిపుణులకు దాదాపు రూ. 1.3 కోట్ల నుండి రూ. 2.9 కోట్లకు పైగా వార్షిక ప్యాకేజీలు లభిస్తున్నాయి.

టెక్ రంగానికి అనుభవం తోడైతే మేనేజ్‌మెంట్ వైపు అడుగులు వేయవచ్చు. ఇక్కడ జీతాలు ఇంకా భారీగా ఉంటాయి.

• కంప్యూటర్ & ఇన్ఫర్మేషన్ సిస్టమ్స్ మేనేజర్లు: సగటు జీతం సుమారు ₹1.60 కోట్ల వరకు ఉంటుంది.

• ఇంజనీరింగ్ విభాగాలు: మెకానికల్, ఎలక్ట్రికల్, సెమికండక్టర్, ఏరోస్పేస్ రంగాలు H-1B వీసా ఆమోదాల్లో దాదాపు 10 శాతం వాటా కలిగి ఉన్నాయి. ఇక్కడ అనుభవాన్ని బట్టి సుమారు ₹70.9 లక్షల నుండి ₹1.00 కోట్లకు పైగా అందుకోవచ్చు.

కార్పొరేట్ ఫైనాన్స్, ఇన్వెస్ట్‌మెంట్ బ్యాంకింగ్, రిస్క్ మేనేజ్‌మెంట్ రంగాల్లో కూడా వేతనాలు అద్భుతంగా ఉంటాయి. సగటు వార్షిక వేతనం సుమారు ₹1.56 కోట్లుగా నమోదు కాగా, ఇన్వెస్ట్‌మెంట్ బ్యాంకింగ్‌లో పనిచేసే వారికి ప్రాథమిక జీతంతో పాటు భారీ బోనస్‌లు లభిస్తాయి. ఇది మొత్తం ప్యాకేజీని సుమారు ₹1.25 కోట్ల నుండి ₹3.34 కోట్ల కంటే పైగా ఉంటుంది.

కేవలం జీతం మాత్రమే చూసి అమెరికా వెళ్లడం కుదరదు. అక్కడ ఉద్యోగం చేయడానికి వీసా ప్రాసెస్, ట్యాక్స్ సిస్టమ్ అర్థం చేసుకోవడం ముఖ్యం.

• H-1B వీసా: నిపుణులైన ఉద్యోగుల కోసం దీనిని ఉపయోగిస్తారు. FY2024లో ఆమోదం పొందిన H-1B పిటిషన్లలో భారత్‌లో జన్మించిన లబ్ధిదారులు 2,83,397 (71%) మంది ఉన్నారు.

• L-1, O-1 వీసాలు: ఇంటర్నెట్ లేదా ఎంఎన్‌సీ కంపెనీల అంతర్గత బదిలీలకు L-1 వీసా, అసాధారణ నైపుణ్యం ఉన్న పరిశోధకులకు O-1 వీసాలు ఉపయోగిస్తారు.

• STEM OPT: యూఎస్‌లో STEM కోర్సులు చేసిన భారతీయ విద్యార్థులకు హెచ్-1బి రాకపోయినా, మూడేళ్ల పాటు పనిచేసే అవకాశం దక్కుతుంది.

అమెరికాలో అత్యధిక జీతం పొందాలంటే డాక్టర్, సర్జన్ వంటి వృత్తులు మొదటి స్థానంలో ఉంటాయి. కానీ భారతీయులకు వేగంగా, సులువుగా అవకాశాలు దక్కేది మాత్రం ఏఐ, సాఫ్ట్‌వేర్ ఇంజనీరింగ్, డేటా సైన్స్, క్లౌడ్ కంప్యూటింగ్, ఫైనాన్స్ రంగాల్లోనే.

ప్రభుత్వ ఉద్యోగమే కాదు.. ఈ ప్రైవేట్ జాబ్స్ చేస్తే లక్షల్లో జీతం పక్కా

Arun Kumar P — Thu, 17 Sep 2026 17:09:25 +0530

ప్రభుత్వ ఉద్యోగం వస్తేనే లైఫ్ సెటిల్ అయినట్లు కాదు. ఇప్పుడు ట్రెండ్ మారింది. మీలో సరైన స్కిల్స్ ఉంటే చాలు.. ప్రభుత్వ ఉద్యోగుల కంటే ప్రైవేట్ సెక్టార్‌లో రెట్టింపు జీతం ఇచ్చే జాబ్స్ చాలా ఉన్నాయి. అవేంటో ఇక్కడ చూద్దాం.