Asianet News Telugu

Gardening: ఆకు కూరలు కొనాల్సిన అవసరం లేదు.. బాల్కనీలో ఈజీగా పెంచేయండి..!

ramya Sridhar — Fri, 31 Jul 2026 14:05:59 +0530

Gardening: మీ బాల్కనీలో కొంచెం ఎక్కువ స్థలం ఉంటే చాలు. మార్కెట్ లో కొనాల్సిన అవసరం లేకుండా.. మీరు ఇంట్లోనే సులభంగా ఆకుకూరలు పెంచేయచ్చు. కుండీల్లోనే ఈజీగా పెరిగే ఆకుకూరలు ఏంటో చూద్దాం..

వర్షాకాలంలో కూరగాయల ధరలు అమాంతం పెరిగిపోతాయి. ఇక ఆకు కూరలు అయితే.. తాజాగా దొరకడమే కష్టం. వర్షానికి ఆకు కూరలు తడిచిపోతాయి. అంతేకాదు, పురుగులు కూడా వస్తూ ఉంటాయి. అయితే.. ఇంట్లో మీ చిన్న బాల్కనీలో లేదా ఇంటి మీద టెర్రస్ ఉంటే, చాలా సులభంగా ఆకుకూరలను పెంచుకోవచ్చు. పెద్దగా ఖర్చు లేకుండా, ఎలాంటి కెమికల్స్ లేకుండా సులభంగా పెంచుకోవచ్చు...

దాదాపు అందరూ కొత్తిమీర మార్కెట్ లోనే కొంటూ ఉంటారు. కానీ, కొత్తిమీరను మనం చాలా ఈజీగా పెంచొచ్చు. మన దగ్గర దనియాలు, కొత్తిమీర కాడలు.. రెండింట్లో ఏది ఉన్నా చిన్న కుండీలో కూడా కొత్తిమీర పెరుగుతుంది.

మార్కెట్ లో తెచ్చిన కొత్తిమీర కాడలు మీ దగ్గర ఉంటే..వాటికి వేర్లు ఉంటే.. వాటిని నీరు ఉన్న సీసాలో పెడితే సరిపోతుంది. రెండు, మూడు రోజుల్లోనే ఆకులు రావడం మొదలౌతాయి.

లేదంటే, ధనియాలతో కూడా పెంచొచ్చు. బాగా ఎండిన ధనియాలను చేతితో నలిపి.. మట్టిలో చల్లాలి. రెగ్యులర్ గా నీటిని చల్లాలి. మరీ ఎక్కువగా పోయకూడదు. కేవలం వారం రోజుల్లోనే మొలకలు రావడం మొదలౌతాయి. రోజుకి 3 నుంచి 4 గంటల సూర్యరశ్మి తగిలేలా చూసుకుంటే సరిపోతుంది.30 నుంచి 40 రోజుల్లో కొత్తిమీర ఏపుగా పెరుగుతుంది. ఆకులు తుంచి మనం వంటలో వేసుకోవచ్చు.

పుదీనా కూడా వర్షాకాలంలో చాలా ఈజీగా పెరుగుతుంది. మార్కెట్ లో కొన్న పుదీనా కాడలను నీటిలో పెట్టాలి. వేర్లు వచ్చేంత వరకు అలానే ఉంచాలి. వేర్లు వచ్చిన తర్వాత.. వాటిని కుండీలో నాటితే సరిపోతుంది. అయితే.. మట్టిలో ఎప్పుడూ తేమగా ఉంచితే సరిపోతుంది. కేవలం 20 రోజుల్లోనే ఆకులు రావడం మొదలౌతాయి. చాలా ఈజీగా పుదీనా పెరుగుతుంది.

వర్షాకాలంలో చాలా ఈజీగా పెరిగే ఆకుకూరల్లో పాలకూర కూడా ఒకటి. పాల కూర గింజలను నేరుగా కుండీల్లో వేయాలి. మంచి మట్టి వాడితే.. పాలకూర చాలా ఈజీగా పెరుగుతుంది. నెల రోజుల్లో పాలకూర చేతికి వస్తుంది.

మెంతి కూర...

చాలా తక్కుమ సమయంలో కోతకు వచ్చే ఆకు కూర మెంతికూర. దీని కోసం.. మెంతులను ఒక రాత్రంతా నీటిలో నానపెట్టి.. మరుసటి రోజు మట్టిలో చల్లితే సరిపోతుంది. వారం రోజుల్లో మొలకలు వస్తాయి. మరో వారానికి ఆకులు వచ్చేస్తాయి.

Kanthari Chilli: గుంటూరు మిర్చిని మించిన ఘాటు..ఇంట్లోనే పెంచేయొచ్చు

Nandini Arava — Mon, 27 Jul 2026 13:37:36 +0530

Kanthari Chilli: బయటదొరికే కొన్ని పచ్చిమిరపకాయలు కారమే ఉండవు. కూరల్లో ఎంత వేసినా రుచి ఉండదు. కారం ఎక్కువ కావాలనుకునేవారికి ఈ కాంతారి మిరప బెటర్. వీటిని ఇంట్లో ఈజీగా పండించుకోవచ్చు కూడా. కాస్త కేర్ తీసుకుంటే పెద్దగా కష్టపడక్కర్లేదు.

Gardening: మట్టి కూడా లేకుండా.. బాల్కనీలో ఈజీగా ఈ మొక్కలు పెంచేయండి

ramya Sridhar — Fri, 19 Jun 2026 11:18:50 +0530

ఇంట్లో మొక్కలు ఉంటే పాజిటివ్ ఎనర్జీ పెరుగుతుంది. ఇంటికి అందాన్ని కూడా తెస్తాయి. మరి.. అలాంటి మొక్కలు మట్టి అవసరం కూడా లేకుండా… నీటిలో మీ బాల్కనీలో ఈజీగా పెంచే మొక్కలు కొన్ని ఉన్నాయి. అవేంటో చూద్దాం..

Spider Plant: బెడ్రూమ్ లో ఈ ఒక్క మొక్కని ఎందుకు పెంచాలో తెలుసా?

ramya Sridhar — Tue, 16 Jun 2026 10:21:47 +0530

ఇంట్లో మొక్కలను పెంచే అలవాటు చాలా మందికి ఉంటుంది. అయితే.. మీరు ఏ మొక్క పెంచినా పెంచకపోయినా ఈ స్పైడర్ ప్లాంట్ మాత్రం కచ్చితంగా పెంచాలి. ఈ మొక్కని పెంచడం వల్ల ఊహించని ప్రయోజనాలు కలుగుతాయి.

Mint Growing: బయట కొనాల్సిన అవసరం లేదు, ఇంట్లోనే పుదీనా ఈజీగా పెంచేయండి

ramya Sridhar — Tue, 28 Jul 2026 18:07:14 +0530

Mint Growing: వంట కోసం ప్రతివారం పుదీనా మార్కెట్ లో కొనుగోలు చేస్తున్నారా? ఇక.. నుంచి కొనాల్సిన అవసరం లేదు. ఈజీగా.. ఇంట్లోనే చాలా సులభంగా పెంచేయచ్చు. అయితే, సింపుల్ చిట్కాలు ఫాలో అయితే చాలు.

పుదీనా (Mint) ప్రతి ఇంట్లో ఉపయోగపడే సువాసన గల ఆకుకూర. చట్నీలు, బిర్యానీ, పుదీనా రైస్, జ్యూస్, టీ, రైతా వంటి ఎన్నో వంటల్లో దీన్ని ఉపయోగిస్తుంటారు. తరచూ మార్కెట్‌ నుంచి కొనుగోలు చేయాల్సిన అవసరం లేకుండా, ఒకసారి ఇంట్లోనే పుదీనా మొక్కను పెంచుకుంటే నెలల తరబడి తాజా ఆకులను కోసుకుని ఉపయోగించుకోవచ్చు.

పుదీనా మొక్కను పెంచడం చాలా సులభం. సరైన మట్టి, కొద్దిపాటి సూర్యరశ్మి, తగినంత తేమ ఉంటే ఈ మొక్క వేగంగా పెరిగి గుబురుగా మారుతుంది.

తాజా కొమ్మలతోనే కొత్త మొక్కలు తయారు చేయొచ్చు

పుదీనాను విత్తనాల కంటే కొమ్మలతో పెంచడం చాలా సులభం. మార్కెట్‌లో కొనుగోలు చేసిన తాజా పుదీనా నుంచి ఆరోగ్యంగా ఉన్న 10-15 సెం.మీ. పొడవైన కొమ్మలను ఎంచుకోండి. కింది భాగంలోని ఆకులను తొలగించి, ఆ కొమ్మలను నీళ్లు ఉన్న గ్లాసులో పెట్టండి.

రెండు రోజులకు ఒకసారి నీటిని మార్చండి. సాధారణంగా 4-7 రోజుల్లో చిన్న తెల్లటి వేర్లు కనిపిస్తాయి. వేర్లు వచ్చిన తర్వాత వాటిని మట్టితో నింపిన కుండీలో నాటితే త్వరగా కొత్త మొక్కగా పెరుగుతుంది.

వెడల్పాటి కుండీ మంచిది

పుదీనా లోతుగా కాకుండా పక్కలకు విస్తరిస్తూ పెరుగుతుంది. అందుకే లోతైన కుండీల కంటే వెడల్పాటి కుండీలు లేదా గ్రో బ్యాగ్‌లు ఉపయోగించడం మంచిది.

కుండీ అడుగున నీరు బయటకు వెళ్లే రంధ్రాలు తప్పనిసరిగా ఉండాలి. నీరు నిల్వ ఉంటే వేర్లు కుళ్లిపోవచ్చు.

పుదీనా బాగా పెరగాలంటే తేలికగా, గాలి ఆడే మట్టి అవసరం. ఇందుకోసం:

ఎర్రమట్టి – 1 భాగం

కోకో పీట్ – 1 భాగం

కంపోస్ట్ లేదా పశువుల ఎరువు – 1 భాగం

ఈ మిశ్రమం తేమను నిల్వ ఉంచడంతో పాటు వేర్లు వేగంగా వ్యాపించడానికి సహాయపడుతుంది.

ఎంత సూర్యరశ్మి అవసరం?

పుదీనా మొక్కకు రోజుకు 4-6 గంటల వరకు పాక్షిక సూర్యరశ్మి సరిపోతుంది. ఉదయం వచ్చే మృదువైన ఎండ చాలా మంచిది.

బాల్కనీ, కిటికీ పక్కన లేదా ఉదయం ఎండ వచ్చే ప్రదేశంలో ఉంచండి. మధ్యాహ్నం గట్టి ఎండలో ఎక్కువసేపు ఉంచితే ఆకులు మాడిపోవచ్చు.

నీళ్లు ఎలా పోయాలి?

పుదీనా మట్టి ఎప్పుడూ స్వల్పంగా తడిగా ఉండాలి. అయితే నీరు నిల్వ ఉండకూడదు.

మట్టి పొడిగా అనిపించినప్పుడు మాత్రమే నీళ్లు పోయాలి.

వేసవిలో తరచుగా నీళ్లు అవసరం కావచ్చు.

చలికాలంలో తక్కువ నీళ్లు సరిపోతాయి.

ఉదయం లేదా సాయంత్రం నీళ్లు పోయడం మంచిది.

ఆకులపై స్వల్పంగా నీళ్లు పిచికారీ చేస్తే మొక్క తాజాగా కనిపిస్తుంది.

గుబురుగా పెరగాలంటే చిగుర్లు కత్తిరించాలి

పుదీనా ఎత్తుగా మాత్రమే పెరగకుండా, పక్కలకు విస్తరించి గుబురుగా మారాలంటే పై చిగుర్లను తరచూ కత్తిరించాలి.

వంట కోసం ఆకులు తీసుకునేటప్పుడు కూడా పైభాగంలోని చిగుర్లను మాత్రమే కట్ చేస్తే కొత్త కొమ్మలు ఎక్కువగా వస్తాయి. నెలకోసారి సహజ ఎరువు వేయండి

కంపోస్ట్

వర్మీ కంపోస్ట్

బాగా కుళ్లిన పశువుల ఎరువు

వాడిన టీ పొడి (చక్కెర లేకుండా)

వంటివి కొద్దిగా వేయండి. ఎక్కువ ఎరువు వేయడం కూడా మంచిది కాదు.

పుదీనాలో వచ్చే సాధారణ సమస్యలు

ఆకులు పసుపు రంగులోకి మారితే: ఎక్కువ నీళ్లు పోస్తున్నారేమో.

ఆకులు చిన్నగా ఉంటే: సూర్యరశ్మి లేదా పోషకాలు తక్కువగా ఉండొచ్చు.

చిన్న పురుగులు కనిపిస్తే: వేపనూనెను నీటిలో కలిపి వారానికి ఒకసారి స్ప్రే చేయండి.

ఎప్పుడు కోయాలి?

మొక్క నాటిన 30-40 రోజుల తర్వాత ఆకులను కోయడం ప్రారంభించవచ్చు. ఒకేసారి మొత్తం మొక్కను కోయకుండా, అవసరమైన కొమ్మల చివర భాగాన్ని మాత్రమే కత్తిరిస్తే మళ్లీ కొత్త చిగుర్లు వస్తూనే ఉంటాయి.

చిన్న చిట్కా

పుదీనా చాలా వేగంగా వ్యాపిస్తుంది. ఒక కుండీలో బాగా పెరిగిన తర్వాత వేర్లతో పాటు చిన్న భాగాలను వేరు చేసి మరో కుండీలో నాటితే కొత్త మొక్కలు సిద్ధమవుతాయి. ఇలా ఒకే మొక్కతో అనేక కుండీల్లో పుదీనాను పెంచుకోవచ్చు.

పుదీనా మొక్కను పెంచడానికి పెద్ద తోట అవసరం లేదు. చిన్న కుండీ, మంచి మట్టి, కొద్దిపాటి సూర్యరశ్మి, తగినంత తేమ ఉంటే చాలు. సరైన సంరక్షణతో ఒకే మొక్క నుంచి నెలల తరబడి తాజా పుదీనా ఆకులను పొందవచ్చు. ఇంట్లోనే పెంచిన పుదీనా ఆరోగ్యకరమైనదే కాకుండా, ఎప్పుడైనా తాజా సువాసనతో వంటకాలను మరింత రుచికరంగా మారుస్తుంది.

Rooftop Garden: ఇంటి డాబాను ఇలా వాడుకుంటే లక్షలు ఖర్చు పెట్టిన ఫీలింగ్ వస్తుంది

Nandini Arava — Tue, 23 Jun 2026 18:31:45 +0530

Rooftop Garden: డాబా ఖాళీగా ఉంటే కొందరికి ఇష్టం. ప్రశాంతంగా ఉంటుందని అనుకుంటారు. కానీ అదే డాబాపై మొక్కలు పెంచితే ఇంకా హాయిగా ఉంటుంది. ఈ గార్డెన్ డిజైన్ లతో మీ మేడపై అందమైన గార్డెన్ పెట్టుకోవచ్చు. ప్రీమియం లుక్ కూడా ఇస్తాయి.

ఈరోజుల్లో బయట పెరిగిన కాలుష్యం వల్ల స్వచ్ఛమైన గాలి దొరకడమే కష్టమైపోయింది. కాసేపు చెట్లు కింద కూర్చుందామంటే అసలు చెట్లు, మొక్కలే కనిపించవు. దానికి తోడు పెరుగుతున్న జనాభా. ఇళ్లు కూడా చిన్న చిన్న స్థలాల్లోనే కట్టుకోవాల్సి వస్తోంది. అందుకే ఈ రోజుల్లో రూఫ్‌టాప్ గార్డెన్ ఒక బెస్ట్ ఆప్షన్. ఖాళీగా ఉన్న డాబాను పచ్చదనంతో నింపితే ఇంటి అందం పెరగడమే కాదు, ప్రశాంతమైన వాతావరణం ఉంటుంది. మోడరన్ రూఫ్‌టాప్ గార్డెన్ డిజైన్లు ఇంటికి ప్రీమియం లుక్ ఇవ్వడంతో పాటు, వేసవిలో వేడిని తగ్గించి, స్వచ్ఛమైన గాలిని అందిస్తాయి. సరైన ప్లానింగ్‌తో మీ సాధారణ డాబా కూడా అద్భుతమైన గ్రీన్ స్పేస్‌గా మారిపోతుంది.

మీ రూఫ్‌టాప్ గార్డెన్‌ను ఆకర్షణీయంగా మార్చడానికి మోడరన్ ప్లాంటర్లు, వర్టికల్ గార్డెన్‌లు బెస్ట్ ఆప్షన్స్. గోడలకు గ్రీన్ ప్యానెల్స్ లేదా హ్యాంగింగ్ ప్లాంట్స్ అమర్చడం వల్ల తక్కువ స్థలంలోనే ఎక్కువ పచ్చదనం వస్తుంది. చిన్న, పెద్ద ప్లాంటర్లను కలిపి వాడితే డాబాకు స్టైలిష్, బ్యాలెన్స్‌డ్ లుక్ వస్తుంది. దీంతో డాబా చాలా నీట్‌గా, ప్రతి మూల అందంగా కనిపిస్తుంది.

రూఫ్‌టాప్ గార్డెన్ అంటే కేవలం మొక్కలు పెంచడమే కాదు. అక్కడ హాయిగా కూర్చోవడానికి మంచి సీటింగ్ ఏర్పాటు చేసుకుంటే, కుటుంబం, స్నేహితులతో సమయం గడపడానికి అదిరిపోయే ప్లేస్ అవుతుంది. చెక్క ఫర్నిచర్, అవుట్‌డోర్ కుర్చీలు, చిన్న టేబుల్స్ గార్డెన్ అందాన్ని మరింత పెంచుతాయి. ఈ ప్రదేశం ఉదయం టీ తాగడానికి, యోగా చేయడానికి లేదా సాయంత్రం రిలాక్స్ అవ్వడానికి పర్ఫెక్ట్‌గా ఉంటుంది.

రాత్రిపూట మీ రూఫ్‌టాప్ గార్డెన్‌ను స్పెషల్‌గా మార్చడంలో లైటింగ్ చాలా ముఖ్యం. వార్మ్ LED లైట్లు, స్ట్రింగ్ లైట్లు, సోలార్ ల్యాంప్‌లు మీ గార్డెన్‌కు ఆకర్షణీయమైన, ప్రశాంతమైన లుక్ ఇస్తాయి. సరైన లైటింగ్ మొక్కల అందాన్ని హైలైట్ చేస్తుంది. మీ డాబాను ఒక మోడరన్ అవుట్‌డోర్ స్పేస్‌గా మార్చేస్తుంది.

ఆధునిక రూఫ్‌టాప్ గార్డెన్‌లో అలంకరణ మొక్కలతో పాటు హెర్బ్స్, కూరగాయలు, పూల మొక్కలు కూడా పెంచుకోవచ్చు. దీనివల్ల మీ డాబా కేవలం అలంకరణకే కాకుండా, ఉపయోగపడే గ్రీన్ స్పేస్‌గా మారుతుంది. రకరకాల మొక్కలను కలిపి పెంచడం వల్ల సహజమైన అందం పెరగడమే కాకుండా, మీ ఇల్లు పర్యావరణానికి మేలు చేస్తుంది. ఇలాంటి గార్డెన్ మీ ఇంటి విలువను, ఆకర్షణను రెండింటినీ పెంచుతుంది.

Balcony Decor: ఈ రాజస్థానీ థీమ్ వల్ల మీ బాల్కనీ లుక్కే మారిపోద్ది

Nandini Arava — Thu, 11 Jun 2026 21:05:44 +0530

Balcony Decor: చక్కగా సాయంత్రం పూట వర్షం పడుతుంటే బాల్కనీలో కూర్చుని టీనో, కాఫీనో తాగాలనిపిస్తుంది. అదే బాల్కనీ మంచి థీమ్‍తో ఉంటే మనసింకా హాయిగా ఉంటుంది కదా. అయితే ఈ డిజైన్స్ అదరగొట్టేయండి.

Home Gardening: ఇదొక్కటి ఉంటే చాలు.. ఇంట్లోనే ఈజీగా కాస్ట్లీ స్ట్రాబరీ, బ్లూబెర్రీ పంట

Nandini Arava — Tue, 16 Jun 2026 14:12:10 +0530

Home Gardening: స్ట్రాబరీ, బ్లూబెర్రీ, మల్బరీ ఫ్రూట్స్ ఆరోగ్యానికి చాలా మంచివి. కానీ ఇవి రేటెక్కువ. ప్రతిసారీ కొనుక్కు తినాలంటే జేబుకు చిల్లు తప్పదు. అయితే ఏం కంగారు పడొద్దు. మీ ఇంట్లోనే ఈ బెర్రీ మొక్కలను పెంచుకోవచ్చు. హ్యాపీగా తినొచ్చు.

బెర్రీస్ ఆరోగ్యానికి చాలా మంచివి. కానీ కొనుక్కు తినాలంటే ఖరీదెక్కువ. తినాలని ఉన్నా అందరూ కొనలేరు. కానీ ఈ బెర్రీ పళ్లలో చాలా రకాల విటమిన్లు, యాంటీఆక్సిడెంట్లు, మినరల్స్ ఉంటాయి. శరీరానికి ఎంతో మేలు చేస్తాయి. అలా అని కొనే పరిస్థితి ఉండదు. అయితే ఇప్పుడా సమస్య లేదు. ఎందుకంటే ఇంట్లోనే వీటిని ఈజీగా పెంచేయొచ్చు. చిన్న బాల్కనీ ఉన్నా, టెర్రస్, గార్డెన్..ఇలా ఏదైనా సరే సులువుగా పెరుగుతాయి. కొద్దిపాటి సంరక్షణ, ఎండ తగిలితే చాలు, ఈ మొక్కలు ఇంటిలోనే రుచికరమైన పండ్లను ఇస్తాయి.

స్ట్రాబెర్రీ అంటే చాలామందికి ఇష్టం. కానీ మార్కెట్లో దీని ధర చాలా ఎక్కువ. కొన్నా కూడా పురుగులు ఉంటాయి. తినాలంటే భయమేస్తుంది. అందుకే పెంచుకున్న మొక్కలైతే పురుగు పట్టకుండా చూసుకోవచ్చు. అయితే దీన్ని కుండీలో లేదా హ్యాంగింగ్ బాస్కెట్‌లో సులభంగా పెంచుకోవచ్చు. స్ట్రాబెర్రీ మొక్కకు రోజూ 5 నుంచి 6 గంటల ఎండ అవసరం. మొక్క ఉన్న కుండీలో నీరు నిల్వ కాకుండా చూసుకోవాలి. అందుకే సారవంతమైన మట్టిని వాడాలి. క్రమం తప్పకుండా నీరు పోయాలి. చలికాలంలో స్ట్రాబెర్రీ మొక్కలు పెంచితే మరి మంచిది. సాగుకు అనుకూలమైన సమయం కూడా.

మల్బరీ పండ్లు రుచికి రుచి, ఆరోగ్యానికి ఆరోగ్యం. దీనిలోని డ్వార్ఫ్ లేదా గ్రాఫ్టెడ్ రకాలను పెద్ద కుండీలలో సులభంగా పెంచవచ్చు. మొక్క మరీ ఎక్కువగా పెరగకుండా, ఎప్పటికప్పుడు కత్తిరిస్తూ ఉంటే, తక్కువ స్థలంలోనే బాగా పెరుగుతుంది. టెర్రస్ మీద పెద్ద కంటైనర్‌లో పెంచిన మల్బరీ మొక్క కొన్ని సంవత్సరాల తర్వాత పండ్లను ఇవ్వడం ప్రారంభిస్తుంది. ఈ పండ్లు పిల్లలు, పెద్దలు ఇద్దరికీ నచ్చుతాయి.

బ్లూబెర్రీని సూపర్ ఫుడ్ అంటారు. కానీ దీని ధర కూడా చాలా ఎక్కువ. వీటిని కంటైనర్ గార్డెనింగ్ ద్వారా ఇంట్లోనే పండించవచ్చు. బ్లూబెర్రీ మొక్కలకు కొద్దిగా ఆమ్లత్వం న్న మట్టి అవసరం. క్రమం తప్పకుండా ఎరువులు వేస్తూ, తగినంత ఎండ తగిలేలా చూసుకుంటే మొక్క ఆరోగ్యంగా పెరిగి మంచి ఫలాలనిస్తుంది. ఈ మొక్క మీ హోమ్ గార్డెన్‌కు కూడా మంచి అందాన్ని ఇస్తుంది.

వేసవిలో ఫాల్సా పండ్ల రుచి, చలువ చేసే గుణం అందరికీ నచ్చుతుంది. దీని చిన్నని ఊదా రంగు పండ్లు రుచికరంగా ఉండటమే కాకుండా, శరీరానికి చలువ చేస్తాయి. ఫాల్సా మొక్కను పెద్ద కుండీలో లేదా డ్రమ్‌లో సులభంగా పెంచవచ్చు. దీని సంరక్షణ కూడా చాలా సులభం. మీ టెర్రస్‌పై తగినంత స్థలం ఉంటే, ఈ మొక్క మీకు ఒక అద్భుతమైన ఎంపిక అవుతుంది.

Balcony Garden: మీ బాల్కనీని హాయిగా కూర్చునే పచ్చని ప్రదేశంగా మార్చుకోండిలా

Nandini Arava — Fri, 05 Jun 2026 18:33:20 +0530

Balcony Garden: జనరేషన్ మారేకొద్దీ చాలా మంది పచ్చదనం, హాయిగా కూర్చునే సమయం కోరుకుంటున్నారు. అందుకే బాల్కనీ గార్డెన్ కోసం ట్రై చేస్తున్నారు. అదీ కూడా ట్రెండీగా. మరి చిన్న బాల్కనీలకు ఏ డిజైన్ బాగుంటుంది? అందంగా ఎలా మార్చుకోవచ్చు? ఇక్కడ తెలుసుకుందాం.

సాయంత్రం వేళ పెరట్లోనో, బాల్కనీలోనో మొక్కల దగ్గర కూర్చుని ప్రకృతిని ఆస్వాదిస్తూ టీ తాగాలని, కబుర్లు చెప్పుకోవాలని చాలా మంది అనుకుంటారు. కానీ ఈ బిల్డింగులు, అపార్టుమెంట్లు రావడంతో...మొక్కలు పెంచుకునే వెసులుబాటు ఉండదు. ఒకవేళ ప్లేస్ ఉన్నా...అది చిన్నగా ఉండటంతో ఏం పెంచుతాంలే అని పట్టించుకోరు. అయితే ఇప్పుడా చింత అవసరం లేదు. దానిక్కూడా ఓ సీక్రెట్ ఉంది.

జనరేషన్ మారేకొద్దీ ప్రజలకు మళ్లీ పాత రోజులు కోరుకుంటున్నారు. ఆ పచ్చదనం, చల్లగాలి కావాలనుకుంటున్నారు. అందుకే ఇళ్లలో పచ్చదనానికి ప్రాధాన్యత ఇస్తున్నారు. ముఖ్యంగా బాల్కనీ గార్డెన్ ట్రెండ్ బాగా పెరిగింది. ఎందుకంటే, తక్కువ స్థలంలోనే ప్రకృతికి దగ్గరగా ఉండొచ్చు. అందమైన మొక్కలు, కూర్చోవడానికి మంచి చోటు, ఎలిగెంట్ డెకరేషన్‌తో బాల్కనీని ఇంట్లో ఫేవరెట్ ప్లేస్‌గా మార్చేయొచ్చు. మీ ఇంటికి కూడా గ్రీన్ టచ్ ఇవ్వాలనుకుంటే ఈ వర్టికల్ గార్డెన్..చిన్న బాల్కనీలకు ఒక అద్భుతమైన ఆప్షన్. గోడలకు అమర్చే ప్లాంటర్లు, వేలాడే కుండీలతో తక్కువ స్థలంలో ఎక్కువ మొక్కలు పెట్టుకోవచ్చు. ఈ డిజైన్ బాల్కనీకి పచ్చదనంతో పాటు మోడరన్ లుక్ ఇస్తుంది. పైగా, వీటి మెయింటెనెన్స్ ఈజీ.

మీ బాల్కనీ రెస్టారెంట్ లుక్, లగ్జరీ హోటల్ లా రిచ్ గా కనిపించాలంటే ఈ వుడెన్ ఫ్లోరింగ్ లేదా డెక్‌తో పాటు మొక్కలు ఉంటే చాలా అందంగా కనిపిస్తుంది. రకరకాల సైజుల్లో ఉండే కుండీలు, అలంకరణ మొక్కలు ప్రీమియం లుక్‌ను ఇస్తాయి. సాయంత్రం టీ తాగడానికి లేదా రిలాక్స్ అవ్వడానికి ఈ డిజైన్ పర్ఫెక్ట్. హాయిగా ప్రకృతిని ఆస్వాదించవచ్చు.

ఈ హ్యాంగింగ్ బాస్కెట్ల వల్ల పాత కాలం నాటి రోజులను గుర్తుకుతెస్తాయి. ఆ వైబ్ మీలో ఒక ఫ్రెష్ ఫీలింగ్ ఇస్తుంది. హ్యాంగింగ్ బాస్కెట్లు, వేలాడే మొక్కలు బాల్కనీకి ఒక కొత్త అందాన్నిస్తాయి. మనీ ప్లాంట్, ఇంగ్లీష్ ఐవీ, స్పైడర్ ప్లాంట్ వంటి మొక్కలు ఈ డిజైన్‌లో చాలా బాగుంటాయి. ఈ స్టైల్ బాల్కనీకి ఫ్రెష్, ఆకర్షణీయమైన, ఇన్‌స్టాగ్రామ్-ఫ్రెండ్లీ లుక్‌ను అందిస్తుంది.

బాల్కనీ కొంచెం పెద్దగా ఉంటే, మొక్కల మధ్యలో ఒక చిన్న సీటింగ్ కార్నర్ ఏర్పాటు చేసుకోవచ్చు. సౌకర్యవంతమైన కుర్చీలు, కుషన్లు, పచ్చదనం కలిసి ప్రశాంతమైన వాతావరణాన్ని సృష్టిస్తాయి. ఈ డిజైన్ ఇంట్లోనే ఒక ప్రైవేట్ రిలాక్సేషన్ స్పాట్‌లో ఉన్న అనుభూతిని ఇస్తుంది.

స్టైలిష్ ప్లాంటర్లు, సాఫ్ట్ ఎల్ఈడీ లైట్లు బాల్కనీ గార్డెన్ అందాన్ని రెట్టింపు చేస్తాయి. రాత్రిపూట, ఈ లైట్ల వెలుగులో మొక్కల పచ్చదనం చాలా ఆకర్షణీయంగా కనిపిస్తుంది. ఈ డిజైన్ మోడరన్ ఇళ్లలో బాగా పాపులర్ అవుతోంది. ఇది బాల్కనీకి లగ్జరీ టచ్ ఇస్తుంది.

Gardening: ఈ ఒక్క మొక్క ఉంటే.. ఇంట్లో బూజు అనేదే పట్టదు

ramya Sridhar — Wed, 24 Jun 2026 17:25:13 +0530

మీకు ఇంట్లో మొక్కలు పెంచే అలవాటు ఉందా? మొక్కలు కేవలం ఇంట్లో అందాన్ని పెంచడమే కాదు.. పాజిటివ్ ఎనర్జీ పెంచుతుంది. స్వచ్ఛమైన గాలిని పెంచుతుంది. మరి.. ఈ ఇంగ్లీష్ ఐవీ మొక్క పెంచితే కలిగే ప్రయోజనాలేంటో చూద్దాం..

Papaya Tree: ఇదేం లాజిక్కు?.. బొప్పాయి చెట్టుకు మేకులు కొడితే గంపలకొద్దీ కాయలు కాస్తాయా?

Nandini Arava — Sat, 27 Jun 2026 18:53:28 +0530

Papaya Tree: బొప్పాయి చెట్టుకు మేకులు కొడితే నిజంగానే కాయాలా కాస్తాయా? అలా అయితే తోటలు వేసినవాళ్లకు పంట దిగుబడి రావాలి కదా? ఇది కేవలం గుడ్డి నమ్మకమేనా? లేక దీనికి ఏమైనా శాస్త్రీయ ఆధారాలేమైనా ఉన్నాయా?

బొప్పాయి చెట్టుకు మేకులు కొడితే నిజంగానే కాయాలా కాస్తాయా? అలా అయితే తోటలు వేసినవాళ్లకు పంట దిగుబడి రావాలి కదా? ఇది కేవలం గుడ్డి నమ్మకమేనా? లేక దీనికి ఏమైనా శాస్త్రీయ ఆధారాలేమైనా ఉన్నాయా?మీ ఇంట్లో బొప్పాయి చెట్టుకు మూడు నాలుగు నెలలైనా కాయలు కాయట్లేదా? అయితే, దాని కాండానికి మేకు కొట్టాలనే ఆలోచన వస్తోందా? పల్లెటూర్లలో చాలామంది నమ్ముతారు, పాటిస్తారు కూడా. బొప్పాయి కాండానికి ఇనుప మేకు కొడితే తొందరగా కాయలు కాస్తాయని నమ్ముతారు. కానీ, ఇందులో నిజమెంత?

చాలామంది రైతులు బొప్పాయి చెట్టుకు కాయలు కాయకపోతే, దాని కాండానికి ఇనుప మేకు కొడతారు. ఇలా చేయడం వల్ల చెట్టుకు షాక్ తగిలి, ఆ ఒత్తిడిలో త్వరగా పూత, కాతకు వస్తుందని వాళ్లు నమ్ముతారు. మేకులోని ఐరన్ చెట్టుకు అంది, వేగంగా పెరిగి కాయలు కాస్తుందని కూడా కొందరు అంటారు. మరి సైన్స్ ఏమంటుందో చూద్దాం.

బొప్పాయి చెట్టుకు మేకు కొడితే తొందరగా కాయలు కాస్తాయనడానికి ఎలాంటి శాస్త్రీయ ఆధారాలు లేవు. చెట్టు కాయలు కాయడం అనేది దాని రకం, పోషణ, ఎండ, ఉష్ణోగ్రత, నీటిపై పూర్తిగా ఆధారపడి ఉంటుంది. మేకు కొట్టడం వల్ల కాండానికి గాయమై, ఫంగల్ లేదా బ్యాక్టీరియా ఇన్ఫెక్షన్ వచ్చే ప్రమాదం పెరుగుతుంది. కొన్నిసార్లు ఇది చెట్టు పెరుగుదలను కూడా దెబ్బతీస్తుంది. మరి కాయలు త్వరగా కాయాలంటే ఏం చేయాలో తెలుసుకుందాం.

బొప్పాయి చెట్టుకు కాయలు తొందరగా, ఎక్కువగా కాయాలంటే, దానికి రోజూ కనీసం 6 నుంచి 8 గంటల ఎండ తగలాలి. ఆవు పేడ, వర్మీకంపోస్ట్, పొటాష్ వంటి ఎరువులు వాడితే చెట్టు ఎదుగుదలకు సహాయపడుతుంది. మొక్క నాటేటప్పుడే నాణ్యమైన విత్తనాలు లేదా మొక్కను ఎంచుకోవాలి. దీనివల్ల చెట్టు తొందరగా పెరిగి, కాయలు కూడా త్వరగా కాసే అవకాశం పెరుగుతుంది.

బొప్పాయి చెట్టుకు మేకు కొట్టమని చాలామంది మీకు సలహా ఇవ్వొచ్చు, కానీ మీరు అలా చేయకండి. దానివల్ల చెట్టుకు నష్టం జరిగే అవకాశం ఉంది. సరైన తోటపని పద్ధతులు పాటిస్తేనే చెట్టు నుంచి ఎక్కువ ఫలసాయం పొందవచ్చు.

Moringa Farming Tips : ఈ టిప్స్ ఫాలో అయ్యారో.. మీ పెరట్లోని చెట్టుకే గుత్తులుగుత్తుల మునక్కాయలు, సాగులో మీరే తోపు

Arun Kumar P — Tue, 26 May 2026 11:26:11 +0530

మీ పెరట్లో ఒకేఒక్క మునక్కాయ చెట్టు పెంచి ఇంటి అవసరాలకు సరిపడా కాయలు పొందవచ్చు.. మార్కెట్లో అమ్ముకుని డబ్బులు కూడా సంపాదించవచ్చు. ఇలా మునగ చెట్టుకు గుత్తులుగుత్తులుగా కాయలు కాయాలంటే ఈ టిప్స్ ఫాలో అవ్వండి.

Moringa Farming : మాంసాహారులకు చికెన్, మటన్ ఎలాగో శాఖాహారులకు మునక్కాయ అలాగ... అందుకే దీన్ని పేదవాడి మటన్ అంటారు. మనక్కాయ ముక్కల్లో గుజ్జును జుర్రుకుని తింటుంటే మటన్ నల్లిబొక్కను జుర్రినట్లే ఉంటుంది... మసాలా దట్టించి వండే మునక్కాయ కూర, సాంబార్ మటన్ కర్రీకి ఏమాత్రం తీసిపోదు. అంతేకాదు మటన్ లో మాదిరిగానే శరీరానికి ఉపయోగపడే అనేక పోషకాలు మునక్కాయలో ఉంటాయి. అందుకే భారత ప్రజలు మరీముఖ్యంగా తెలుగోళ్లు మునక్కాయను ఎక్కువగా తింటుంటారు... కొందరు పెరట్లోనే మునగ చెట్లు వేస్తుంటారు.

అయితే మునగ సాగు చాలా క్లిష్టమైనది... కొన్నిసార్లు ఈ చెట్టుకు పువ్వులు బాగా పూసినా కాయలు కావు. మీ పెరట్లో వేసిన మునగ చెట్టు పరిస్థితి ఇంతేనా..? అయితే కంగారుపడకండి. ఇలాంటప్పుడు కొన్ని సింపుల్ టిప్స్ పాటిస్తే చాలు దిగుబడి బాగా పెరుగుతుంది. ఎంతలా అంటే ఒక్కచెట్టు నుండి మీ ఇంటి అవసరాలకు సరిపడా మునక్కాయలు తీసుకుని మిగతావి అమ్ముకుని డబ్బులు కూడా సంపాదించొచ్చు. ఇలా మునగ చెట్టుకు కాయలు బాగా కాయాలంటే ఏం చేయాలో చూద్దాం.

ఇంటి పెరట్లో ఉన్న మునగ చెట్టు నుంచి ఎక్కువ కాయలు పొందాలన్నా, పూత రాలిపోకుండా ఆపాలన్నా సరైన జాగ్రత్తలు తీసుకోవాలి. కొన్నిసార్లు అతి జాగ్రత్తలు కూడా దిగుబడి తగ్గడానికి కారణమవుతాయి. ఇలా మునగ చెట్టు పూతకు వచ్చినప్పుడు ఎక్కువగా నీళ్లు పెడితే పూలు రాలిపోతాయి. అందుకే పూత దశలో నీళ్లు తగ్గించాలి. కానీ పిందెలు పడ్డాక మాత్రం చెట్టుకు సరిపడా నీళ్లు అందించాలి.

ఏడాదికి రెండుసార్లు (వానాకాలానికి ముందు, తర్వాత) మునగ చెట్టు మొదలుకు కొంచెం దూరంగా పాదులు చేయాలి. పశువుల ఎరువు, కంపోస్ట్ లేదా కోళ్ల ఎరువు వేసి మట్టితో కప్పితే, చెట్టు పెరుగుదలకు అవసరమైన నైట్రోజన్ అందుతుంది.

మునగ చెట్టు కాయలు కాయడానికి బూడిద చాలా బాగా పనిచేస్తుంది. చెట్టు మొదట్లో ఎండుటాకులతో కలిపి గానీ, లేదా నేరుగా గానీ బూడిద చల్లితే మట్టిలో పొటాషియం పెరిగి, ఎక్కువ కాయలు కాస్తాయి.

మునక్కాయలకు కాయతొలిచే ఈగల (ఫ్రూట్ ఫ్లైస్) బెడద ఎక్కువ. కాయలు చిన్నగా ఉన్నప్పుడే నెట్ బ్యాగులు లేదా రంధ్రాలున్న ప్లాస్టిక్ కవర్లతో కప్పేస్తే, ఈగలు గుడ్లు పెట్టకుండా ఆపొచ్చు.

మునగ చెట్టును మరీ ఎత్తుగా పెరగనివ్వొద్దు. కాయల కోత తర్వాత ప్రధాన కొమ్మల చివర్లను కత్తిరిస్తే (ప్రూనింగ్), కొత్త కొమ్మలు వచ్చి వాటికి ఇంకా ఎక్కువ పూత వస్తుంది.

మునగచెట్టు పూత రాలకుండా ఆపడానికి పుల్లటి మజ్జిగ లేదా గంజిని బాగా నీళ్లలో కలిపి ఆకులపై, పూలపై స్ప్రే చేయడం ఒక మంచి చిట్కా. దీనివల్ల మునక్కాయల దిగుబడి పెరుగుతుంది.

చెట్టుకు పూత బాగా వస్తున్నా, కాయలుగా మారకుండా రాలిపోతుంటే అది బోరాన్ లోపం వల్ల కావచ్చు. వ్యవసాయ అధికారి సలహాతో సరైన బోరాన్ మిశ్రమాన్ని నీళ్లలో కలిపి స్ప్రే చేస్తే ఈ సమస్య తీరుతుంది.

వేరుకుళ్లు, ఆకుమచ్చ తెగుళ్లను నివారించడానికి, చెట్టు రోగనిరోధక శక్తిని పెంచడానికి 20 గ్రాముల సూడోమోనాస్‌ను ఒక లీటర్ నీటిలో కలిపి చెట్టు మొదట్లో పోయాలి.

మునగ చెట్టుకు సూర్యరశ్మి బాగా తగిలే చోటును ఎంచుకోవాలి. నీడ ఉన్న ప్రదేశాల్లో పెంచితే పూత తగ్గి, కాయలు సరిగా కాయవు.

వేరుశనగ చెక్క, వేప పిండిని పులియబెట్టి తయారుచేసిన సేంద్రియ ద్రావణాన్ని (స్లర్రీ) నెలకు ఒకసారి నీళ్లలో కలిపి మొదట్లో పోస్తే, మునగ చెట్టు ఏపుగా పెరిగి ఏడాది పొడవునా కాయలు కాస్తుంది.

Terrace Gardening: ఇలా చేస్తే ఎన్ని మొక్కలు వేసినా డాబాకు పగుళ్లే రావు

Nandini Arava — Fri, 31 Jul 2026 19:47:37 +0530

Terrace Gardening: ఇప్పుడున్న పరిస్థితులకు ఇంట్లోనే కూరగాయలు పెంచుకోవడం చాలా బెటర్. బయటంతా కల్తీ సరుకే. మరి కాయగూరలు పెంచడానికి ప్లేస్ లేదా? దాని కోసం టెన్షన్ పడొద్దు. చక్కగా టెర్రస్‍పైనే పండించుకోవచ్చు. దాని కోసం ఈ జాగ్రత్తలు తీసుకుంటే సరి.

Spider Plant: బెడ్రూమ్ లో ఈ ఒక్క మొక్క ఉంటే జరిగే మ్యాజిక్ ఇదే..!

ramya Sridhar — Sat, 01 Aug 2026 17:53:11 +0530

Spider Plant: ఇంట్లో మొక్కలు కేవలం అందాన్ని పెంచడమే కాదు, స్వచ్ఛమైన గాలి, ఇంట్లో పాజిటివ్ ఎనర్జీని పెంచడానికి కూడా సహాయపడతాయి. మరీ, ముఖ్యంగా ఇంట్లో స్పైడర్ ప్లాంట్ ని పెంచడం వల్ల కలిగే లాభాలు ఏంటో ఇప్పుడు చూద్దాం..

Fast Growing Vegetables: ఈ కూరగాయలు ఇంట్లోనే కేవలం 15 రోజుల్లో పెరుగుతాయి..!

ramya Sridhar — Tue, 23 Jun 2026 17:54:34 +0530

Fast Growing Vegetables: ఇంట్లోనే కూరగాయలు పెంచాలని అనుకుంటున్నారా? తక్కువ రోజుల్లో, ఎక్కువ శ్రమ లేకుండా చేతికి పంట రావాలి అంటే ఈ కూరగాయలు పెంచాల్సిందే. చాలా సింపుల్ గా, కేవలం 15 రోజుల్లో పంట చేతికి వచ్చేస్తుంది. అవేంటో చూద్దాం..

బయట కూరగాయల రేట్లు రోజు రోజుకీ పెరిగిపోతున్నాయి. అంత రేట్లు పెట్టి కొనడం సామాన్యులకు చాలా కష్టంగా ఉంటుందనే చెప్పొచ్చు. అలా అని ఇంట్లో పెంచుకుందామా అంటే.. అంత ప్లేస్ దొరకదు. ప్రస్తుతం దాదాపు అందరూ ఉండేది అపార్ట్మెంట్స్ లోనే.. వీటిలో మొక్కలు పెంచే అంత స్పేస్ ఉండదు. కానీ.. ఉన్న కొద్దిగా ప్లేస్ లోనే మనం చాలా ఈజీగా కూరగాయలు పెంచుకోవచ్చు. అన్ని రకాల కూరగాయలను ఇంట్లో పెంచడానికి కుదరకపోవచ్చు.కానీ.. తక్కువ ప్లేస్ లో కూడా చాలా ఈజీగా తక్కువ సమయంలో పెరిగే కొన్ని రకాల కూరగాయలు ఉన్నాయి. అవేంటి? వాటిని ఎలా పెంచాలి..? అనే విషయాలు ఇప్పుడు తెలుసుకుందాం..

నార్మల్ కూరగాయలు పండటానికి ఎక్కువ సమయం పట్టొచ్చు. కానీ.. ఆకుకూరలు, కొన్ని రకాల మైక్రో గ్రీన్స్ చాలా ఈజీగా పెరుగుతాయి. నిజానికి..మైక్రో గ్రీన్స్ లో పోషకాలు కూడా చాలా ఎక్కువగా ఉంటాయి. వీటిని పెంచడానికి ఎక్కువ శ్రమ పడాల్సిన అవసరం కూడా ఉండదు. కేవలం పది నుంచి 15 రోజుల్లో ఈజీగా పెరిగేస్తాయి. మీ ఇంటి బాల్కనీలో చిన్న కుండీ పెట్టుకునే ప్లేస్ ఉన్నా.. వీటిని పెంచేయచ్చు. వీటిలో పోషకాలు ఎక్కువగా ఉండటమే కాదు.. వీటిని పెంచే ప్రాసెస్ కూడా చాలా సులభం. గింజలను ఒక రోజు నానపెట్టి కుండీలో చల్లితే సరిపోతుంది.. రెండు రోజులకే మొక్క రావడం మొదలౌతుంది. వారం పది రోజులకు వాటిని కోసుకొని మనం తినేయచ్చు కూడా..

చాలా మంది కొత్తిమీర కేవలం వంట అయిపోయాక పైన గార్నిష్ చేయడానికి మాత్రమే పనికొస్తుంది అనుకుంటారు. కానీ.. కొత్తిమీర చాలా పోషకాలు ఉంటాయి. ఆరోగ్యానికి చాలా మేలు చేస్తుంది.ఈ కొత్తిమీర పెంచడం చాలా ఈజీ. దీని కోసం మీరు కొత్తిమీర గింజలను నలిపి, నీటిలో నానపెట్టి.. ఆ తర్వాత వాటిని మట్టిలో పాతిపెడితే సరిపోతుంది. 15 రోజుల్లో ఆకులు మొలకెత్తుతాయి. వాటిని మనం కట్ చేస్తూ ఉంటే మళ్లీ కొత్తగా ఆకులు చిగురిస్తూనే ఉంటాయి.

మీ ఇంట్లో మెంతులు ఉంటే.. మెంతికూర కూడా ఈజీగా పెంచొచ్చు. ఏ సీజన్ లో అయినా ఈజీ పెరుగుతుంది. ఒక రాత్రంతా మెంతులను నీటిలో నానపెట్టి.. తర్వాత.. మట్టిలో చల్లితే.. పది రోజుల్లో మొలకెత్తి ఆకులు రావడం మొదలౌతాయి. మైక్రో గ్రీన్స్ గా ఉన్నప్పుడే కట్ చేసి..వంటల్లో వేసుకోవచ్చు. కొద్దిగా ఎండ తగిలితే చాలు.. ఈజీగా పెరుగుతుంది.

పాలకూర..

పాలకూర ఆరోగ్యానికి చాలా మంచిది. దీనిని కూడా మనం ఇంట్లో పెంచొచ్చు. పాలకూర పెరగడానికి ఎక్కువ రోజులు పట్టొచ్చు. కానీ.. మైక్రో గ్రీన్స్ గా ఉన్నప్పుడు అంటే చిన్న చిన్న ఆకులుగా ఉన్నప్పుడే కట్ చేసుకొని వంటల్లో వేసుకోవచ్చు. ఇవి కూడా 15 రోజుల్లో పెరిగేస్తాయి.

పచ్చి వెల్లుల్లి ఆకులు

వెల్లుల్లి రెబ్బలను మట్టిలో నాటితే, సుమారు 15 నుండి 20 రోజులలో పచ్చని ఆకులు వస్తాయి. ఈ ఆకులను సూప్‌లు, సలాడ్‌లు కూరగాయలలో ఉపయోగించుకోవచ్చు. చిన్న కుండీకి బదులుగా, ప్లాస్టిక్ బాటిల్ ప్లాంటర్‌లో కూడా వెల్లుల్లిని నాటవచ్చు.

Gardening: వర్షాకాలంలో చాలా ఈజీగా పెరిగే మొక్కలు..కుండీలోనే పెంచొచ్చు

ramya Sridhar — Wed, 17 Jun 2026 08:30:34 +0530

ఇంట్లో మొక్కలు పెంచాలని అనుకుంటున్నారా? క్రోటాన్ మొక్కలు కాకుండా ఇంటికి పనికొచ్చే మొక్కలు పెంచాలని అనుకుంటున్నారా? అయితే.. వర్షాకాలంలో ఈజీగా పెరిగే మొక్కలు కొన్ని ఉన్నాయి. వాటిని ఇంట్లోనే కుండీలో ఈజీగా పెంచొచ్చు. అవేంటో చూద్దాం..

Tomato Storage: ఎన్నిరోజులైనా టమాటాలు తాజాగా ఉండాలంటే ఇది ఉండాలి

Nandini Arava — Wed, 22 Jul 2026 19:43:12 +0530

Tomato Storage: మార్కెట్ నుంచి తీసుకురాగానే రెండ్రోజులకే టమాటాలు పాడైపోతున్నాయా? ఫ్రిడ్జ్ లో పెట్టినా కుళ్లిపోతున్నాయా? అయితే ఫ్రిడ్జ్ లో పెట్టకుండానే టమాటాలు 15 రోజుల పాటు తాజాగా ఉండే సూపర్ ఐడియా ఇది. మీరు ట్రై చేసేయండి.

Tulsi Plant: తులసి మొక్క సడెన్ గా ఎండిపోయిందా? కారణం ఇదే

ramya Sridhar — Thu, 06 Aug 2026 17:21:18 +0530

Tulsi Plant: సనాతన ధర్మంలో తులసి దేవిని లక్ష్మీ దేవి స్వరూపంగా భావిస్తారు. అలాంటి తులసి మొక్కలో సడెన్ గా మార్పులు వస్తే.. ఇంట్లో ఏవైనా సమస్యలు వస్తాయని అర్థం. మరి, ఎలాంటి మార్పులు కష్టాలకు కారణం అవుతాయో తెలుసా?

gardening ideas: పనికిరాని పైపులతో మీ గార్డెన్ ను అందంగా ఇలా మార్చుకోండి

Nandini Arava — Thu, 28 May 2026 12:59:25 +0530

gardening ideas: పగిలిపోయిన పాత పైపులను పారేస్తున్నారా? అయితే ఒక్క నిమిషం ఆగండి. కాస్త తెలివితేటలు వాడి వాటినే ఇంటికి కావాల్సిన స్టైలిష్ ఇంటీరియర్‍గా మార్చేసుకోవచ్చు. ఒక్కసారి ఈ ఐడియాస్ నేర్చుకోండి.

పాత పైపుల చిన్న ముక్కలు మీ ఇంట్లో ఉన్నాయా. వాటిని అలానే డస్ట్ బిన్ లో పడేయకుండా కొంచెం టైం కేటాయిస్తే కలిపి పిల్లల కోసం ఒక అద్భుతమైన టేబుల్ ఆర్గనైజర్ తయారు చేయవచ్చు. ఇందులో పెన్ హోల్డర్, పెన్సిల్ స్టాండ్, మార్కర్ స్టాండ్ ఇలా రెడీ చేయొచ్చు. ఖర్చు తక్కువ, చూడటానికి అందంగా ఉంటుంది. ఎక్కువ కాలం ఉంటుంది. త్వరగా పాడవ్వదు కూడా. పిల్లలకు బాగా నచ్చి చదవాలనే ఉత్సాహం పెరుగుతుంది.

పాత పైపులు పగిలిపోయి ఉంటే...వాటిని చక్కగా మీకు నచ్చిన సైజుల్లో కట్ చేసుకోండి. వాటితోనే మీ ఇంటికి సెట్ అయ్యేలా ప్లాంటర్లు తయారు చేసుకోవచ్చు. అవి తెల్లగా, బ్రౌన్ కలర్ లో ఉంటాయి. కాబట్టి వాటికి కలర్ స్ప్రే వేసి నచ్చిన డిజైన్లు వేసుకోండి. వర్టికల్ గార్డెన్ స్టాండ్‌గా, హ్యాంగింగ్ ప్లాంటర్‌గా లేదా బాల్కనీ ప్లాంటర్ రాక్‌గా ఉపయోగించుకోవచ్చు. ఇవి మీ ఇంటికి, బాల్కనీకి మోడ్రన్, యూనిక్ లుక్ ఇస్తాయి.

పైపులతో ఇంట్లో మంచిగా డెకరేటివ్ ల్యాంప్‌లను కూడా తయారు చేసుకోవచ్చు. దీనికోసం, పైపుపై నిలువుగా గాట్లు పెట్టాలి లేదా చిన్న చిన్న డిజైన్లతో రంధ్రాలు చేయాలి. ఆ తర్వాత, దానిని LED లైట్ లేదా టీ-లైట్ పైన స్టాండ్‌లా అమర్చాలి. ఇది మీ గదికి మోడ్రన్, క్రియేటివ్ లుక్ ఇస్తుంది. బడ్జెట్‍లో మీ ఇంటికి రాయల్టీ వచ్చేస్తుంది.

సన్నని పైపులుంటే వాటిని చక్కగా షవర్ లా మార్చేయొచ్చు. గార్డెన్‍లో ఏర్పాటు చేసుకుంటే మొక్కలకు స్ప్రింకర్లుగా పనిచేస్తాయి. లేదా పిల్లలు చక్కగా ఆరుబయట షవర్ బాత్ చేయొచ్చు. దాని పక్కనే మ్యూజిక్ సిస్టమ్ ఏర్పాటు చేశారనుకోండి…రైన్ డాన్స్ చేసుకోవచ్చు. వేసవి కాలంలో పిల్లలు ఇందులో ఆడుకుంటూ సరదాగా స్నానం చేయవచ్చు.

షూ ర్యాక్ తయారు చేయడానికి కూడా PVC పైపులను ఉపయోగించవచ్చు. దీనికోసం, పెద్ద సైజు పైపులను బూట్ల సైజుకు సరిపోయేలా కట్ చేసి, గోడకు నిలువుగా అతికించాలి. ఇందులో బూట్లు, చెప్పులు, శాండిల్స్ సులభంగా పెట్టుకోవచ్చు. దీనివల్ల అవి దుమ్ము, ధూళి నుంచి కూడా సురక్షితంగా ఉంటాయి.

మహిళలు PVC పైపులతో అద్భుతమైన గాజుల ఆర్గనైజర్‌ను కూడా తయారు చేసుకోవచ్చు. దీనిని ఒక పెట్టెలో అమర్చి రొటేటింగ్ బ్యాంగిల్ స్టాండ్‌గా లేదా గోడకు తగిలించే హోల్డర్‌గా మార్చుకోవచ్చు. రంగురంగుల బట్టలు, ఇతర అలంకరణ వస్తువులతో దీనిని చాలా అందంగా, స్టైలిష్‌గా మార్చవచ్చు.

Homemade Fertilizer: ఇది వేస్తే చాలు మొక్కలు అలా గుబురుగా పెరుగుతాయి

Nandini Arava — Thu, 09 Jul 2026 10:14:26 +0530

Homemade Fertilizer: మొక్కలు పచ్చగా, బాగా ఎదగాలంటే వాటికి పోషణ ముఖ్యం. సరైన సమయానికి నీళ్లు, ఎరువులు వేయకపోతే వాడిపోతాయి. అలా అని కెమికల్స్ వాడకుండా ఇంట్లోనే ఎరువులు చేసుకుంటే ఇంకా బెటర్. అయితే ఎక్కువ కష్టపడకుండా వృథా వాటితోనే ఎరువు తయారు చేయొచ్చు.