Asianet News Telugu

Snake Plant: ఇంట్లో స్నేక్ ప్లాంట్ ఎక్కడ పెట్టాలో తెలుసా?

ramya Sridhar — Mon, 13 Apr 2026 17:16:29 +0530

స్నేక్ ప్లాంట్ ఇంట్లో పెంచడం వల్ల ఇంట్లో పాజిటివ్ ఎనర్జీ పెరుగుతుంది. శుభ ఫలితాలు కలుగుతాయి. మరి, వాస్తు ప్రకారం.. స్నేక్ ప్లాంట్ ని ఇంట్లో ఏ దిక్కులో ఉంచాలో ఇప్పుడు తెలుసుకుందాం..

Curry Leaf: ఎండాకాలంలో ఇలా చేస్తే కరివేపాకు గుబురుగా పెరుగుతుంది

ramya Sridhar — Sun, 12 Apr 2026 14:56:43 +0530

Curry Plant: కరివేపాకు గుబురుగా పెరగాలా? అయితే.. ఎండాకాలంలో కొన్ని సింపుల్ చిట్కాలు ఫాలో అయితే చాలు. అవేంటో ఇప్పుడు చూద్దాం….

Curry Leaves: ఈ ఒక్కటి వేస్తే కరివేపాకు మొక్క ఫాస్ట్ గా పెరుగుతుంది!

Kavitha G — Mon, 27 Apr 2026 12:44:51 +0530

మీ ఇంట్లో కరివేపాకు మొక్క సరిగ్గా పెరగడం లేదా? అయితే ఈ సింపుల్ టిప్‌ మీకోసమే. ఈ ఒక్కటి వేసినా, కరివేపాకు మొక్క వేగంగా, పచ్చగా, దట్టంగా పెరుగుతుంది. అదేంటో చూసేయండి.

Mint Plant: పుదీనా 10 రోజుల్లో గుబురుగా పెరగాలా? ఇదొక్కటి చేస్తే చాలు..!

ramya Sridhar — Fri, 03 Apr 2026 14:02:16 +0530

Mint Plant: పుదీనా ఆకు వంటకు రుచి పెంచడమే కాకుండా, చాలా ఆరోగ్య ప్రయోజనాలను కలిగింది. ఈ పుదీనాని ప్రతిసారీ మార్కెట్ లో కొనే బదులు మన ఇంట్లో కుండీలోనే ఈజీగా పెంచేయచ్చు.

Mint Plant: చాలా మంది తాము రోజు వాడే వంటలో పుదీనాను బాగా వాడుతూ ఉంటారు. బిర్యానీ దగ్గర నుంచి పుదీనా చట్నీ వరకు అన్నింటికీ ఈ పుదీనా కావాల్సిందే. దీని కోసం రెగ్యులర్ గా మార్కెట్ లో పుదీనా కొనుగోలు చేస్తూ ఉంటారు. కానీ.. ప్రతిసారీ ఖర్చు పెట్టాల్సిన అవసరం లేకుండా... అతి తక్కువ శ్రమ, ఎలాంటి ఖర్చు లేకుండా.. ఈ పుదీనాని సింపుల్ గా చాలా ఈజీగా పెంచేయవచ్చు. అదెలాగో ఇప్పుడు తెలుసుకుందాం...

పుదీనాని పెంచడానికి సరైన మట్టిని ఎంచుకోవడం చాలా ముఖ్యం. బంకమట్టి నేలలో పుదీనా సరిగా పెరగదు. పుదీనా నాటడానికి 20 శాతం కోకోపిట్, 15 శాతం వర్మీకంపోస్ట్ లేదా ఆవు పేడను కలిపి, మిగిలిన దానిని సాధారణ మట్టితో కలపాలి. ఈ మట్టి పుదీనా పెరగడానికి చాలా అనువుగా ఉంటుంది.

మంచి కుండీ ఎంచుకోవడం...

పుదీనాకు లోతైన కుండీ అవసరం లేదు. వెడల్పుగా ఉన్న కుండీ ఎంచుకుంటే సరిపోతుంది. అయితే, కుండీ అడుగున కచ్చితంగా రంధ్రాలు ఉండేలా చూసుకోవాలి. అప్పుడు ఎక్కువగా నీరు పోస్తే.. అవి బయటకు వెళ్లే అవకాశం ఉంటుంది.

పుదీనా కొమ్మల నుండి ఈజీగా పెరుగుతుంది. అయితే... ఎంచుకునే కొమ్మలకు రెండు మొగ్గలు ఉండాలి. కింది ఆకులు తీసేసి, లోతు తక్కువగా ఉండే కుండీలో గుచ్చితే సరిపోతుంది. ఇక.. నాటిన కొమ్మలను గట్టిగా నొక్కకూడదు. నాటిన తర్వాత, కొమ్మపై నేరుగా సూర్యరశ్మి పడకుండా చూసుకోవాలి. ఎండ చాలా తక్కువగా వచ్చే ప్లేసులో ఈ కుండీని ఉంచడం ఉత్తమం.

పుదీనా గుబురుగా పెరగడానికి ఈ చిట్కా చాలు...

అయితే.. పుదీనా గుబురుగా పెరిగేందుకు ఒక చిన్న చిట్కా వాడితే చాలు. దాని కోసం ఇంట్లో బంగాళదుంప ఉంటే సరిపోతుంది. బంగాళ దుంప ఎరువు పుదీనా పెరుగుదలను రెట్టింపు చేస్తుంది. దీని కోసం , ఒక బంగాళదుంపను మెత్తగా నూరి, ఒక లీటర్ నీటిలో కలిపి, ఈ లిక్విడ్ ని మొక్కలపై స్ప్రే చేయాలి. ఇలా రెగ్యులర్ గా చేయడం వల్ల.. చాలా తక్కువ సమయంలో పుదీనా గుబురుగా పెరుగుతుంది.

కొమ్మలను నాటిన తర్వాత, ఎక్కువ నీరు పోయకుండా, తేలికగా నీరు పెట్టండి. 7-8 రోజుల తర్వాత, మొక్కను నేరుగా సూర్యరశ్మి తగిలే చోట ఉంచవచ్చు. మొక్కను మరింత గుబురుగా పెంచడానికి, దాని పైభాగాన్ని ఎప్పటికప్పుడు కొద్దిగా కత్తిరించండి లేదా తుంచండి.

వేసవిలో పుదీనా ఎందుకు మంచిది?

పుదీనా శరీరాన్ని చల్లబరచడానికి , వేడి నుండి రక్షించడానికి సహాయపడుతుంది. ఇది జీర్ణక్రియను మెరుగుపరుస్తుంది. గ్యాస్, ఎసిడిటీని తగ్గిస్తుంది. పుదీనాను చట్నీలు, షర్బత్, రైతా , వేసవిలో సేదతీర్చే అనేక ఇతర పానీయాలలో ఉపయోగిస్తారు.

Gardening: ఈ మొక్కలు పెంచడానికి కొమ్మలు ఉంటే చాలు..!

ramya Sridhar — Sat, 04 Apr 2026 17:39:22 +0530

కొన్ని రకాల మొక్కలు పెంచాలంటే విత్తనాలు అవసరం. కానీ, ఈ మొక్కలు పెంచడానికి కొమ్మలు ఉంటే చాలు. చిన్న కొమ్మతో అద్భుతంగా పెరిగే మొక్కలేంటో ఓసారి చూద్దాం…

Plant Care: ఎండాకాలంలో మొక్కలు పచ్చగా ఉండాలంటే ఈ టిప్స్ ఫాలో కావాల్సిందే!

Kavitha G — Fri, 27 Mar 2026 17:22:26 +0530

Plants Care in Summer: మొక్కలు ఇంటికి అందాన్ని ఇవ్వడమే కాదు, గాలిని కూడా శుభ్రం చేస్తాయి. వాటిని ఇంట్లో, బాల్కనీలో, లేదా టెర్రస్‌పై ఎక్కడ పెట్టినా సరే... అవి పచ్చగా, ఆరోగ్యంగా ఉండాలంటే పిల్లల్ని చూసుకున్నట్టే వాటిని కూడా జాగ్రత్తగా చూసుకోవాలి. కొంచెం అజాగ్రత్తగా ఉన్నా మొక్కలు వాడిపోతాయి.

ముఖ్యంగా వేసవి కాలంలో ఎండలు, వేడి గాలికి మొక్కలు ఎండిపోవడం, వేర్లు కుళ్లిపోవడం, ఆకులు పసుపు రంగులోకి మారడం లాంటివి జరుగుతాయి. ఇలాంటి టైంలో కొన్ని సహజమైన ఎరువులను వాడి మొక్కలను ఆరోగ్యంగా ఉంచుకోవచ్చు. ఈ వేసవిలో మీ మొక్కలు పచ్చగా ఉండాలంటే ఏ ఎరువులు వాడాలో, వాటిని ఎలా తయారుచేయాలో ఇక్కడ తెలుసుకుందాం.

అరటి తొక్కల ఎరువు

మొక్కలు బాగా పూలు పూసి, కాయలు కాయాలంటే పొటాషియం చాలా అవసరం. ఇది అరటి తొక్కల్లో పుష్కలంగా ఉంటుంది. ఈ ఎరువు కోసం, అరటి తొక్కల్ని చిన్న చిన్న ముక్కలుగా కట్ చేసి, రెండు మూడు రోజులు నీళ్లలో నానబెట్టాలి. ఆ తర్వాత ఆ నీటిని మొక్కల కుండీల్లో పోయాలి. ఇది వేసవిలో మొక్కలకు బలాన్ని ఇచ్చి, మట్టిని సారవంతం చేస్తుంది.

బియ్యం కడిగిన నీళ్లు

మనం అన్నం వండే ముందు బియ్యం కడుగుతాం కదా.. ఆ నీళ్లను పారేయకుండా మొక్కలకు వాడితే చాలా మంచిది. ఎందుకంటే ఇందులో మొక్కలకు మేలు చేసే పోషకాలు, స్టార్చ్ ఉంటాయి. ఈ నీటిని ఒక స్ప్రే బాటిల్‌లో నింపి ఆకులపై స్ప్రే చేయవచ్చు, లేదా నేరుగా మట్టిలో పోయవచ్చు. బియ్యనీరు వేసవి ఎండల్లో కూడా మట్టిలో తేమను నిలిపి ఉంచుతుంది.

వేప స్ప్రే

వేపలో సహజంగానే క్రిమిసంహారక గుణాలు ఉంటాయి. వేసవిలో మొక్కలకు పురుగులు పట్టకుండా ఇది కాపాడుతుంది. ఈ స్ప్రే చేయడానికి, కొన్ని వేపాకుల్ని నీళ్లలో వేసి మరిగించాలి. ఆ నీళ్లు చల్లారిన తర్వాత వడగట్టి, స్ప్రే బాటిల్‌లో నింపుకోవాలి. వారానికి ఒకటి లేదా రెండుసార్లు స్ప్రే చేస్తే పురుగులు రాకుండా ఉంటాయి, మొక్కలు ఆరోగ్యంగా ఉంటాయి.

మజ్జిగ స్ప్రే

మజ్జిగలో ఉండే మంచి బ్యాక్టీరియా, మొక్కల ఆకులను రోగాల బారి నుంచి కాపాడుతుంది. మొక్కలను ఆరోగ్యంగా ఉంచడంలో ఈ స్ప్రే చాలా ప్రభావవంతంగా పనిచేస్తుంది. దీన్ని తయారు చేయడానికి, ఒక లీటర్ మజ్జిగకు మూడు రెట్లు నీళ్లు కలపాలి. ఈ మిశ్రమాన్ని ఆకులపై స్ప్రే చేయాలి. ఇది ఫంగల్ ఇన్ఫెక్షన్లను తగ్గించి, మొక్కలకు చల్లదనాన్ని ఇస్తుంది.

కంపోస్ట్ టీ

మన వంటింటి వ్యర్థాలతో తయారుచేసిన కంపోస్ట్‌ను 24 నుంచి 48 గంటల పాటు నీళ్లలో నానబెడితే కంపోస్ట్ టీ రెడీ అవుతుంది. ఈ ద్రవ ఎరువును వడగట్టి మొక్కల వేళ్ల దగ్గర పోయవచ్చు లేదా ఆకులపై స్ప్రే చేయవచ్చు. ఇది మొక్కలకు వెంటనే పోషణ అందించి, వేసవిలో కూడా ఆరోగ్యంగా పెరిగేలా చేస్తుంది.

Gardening Tips: నీటిలో ఈ ఒక్కటి కలిపి చల్లితే చాలు.. వాడిపోయే మొక్కలు కూడా పచ్చగా మారిపోతాయి!

Kavitha G — Thu, 26 Mar 2026 17:21:40 +0530

ఎండాకాలం వచ్చిందంటే చాలు, ఇంట్లో మొక్కలకి కష్టాలు మొదలైనట్టే. మట్టి త్వరగా ఆరిపోవడం, ఆకులు రాలిపోవడం, పురుగులు పట్టడం, వేర్లు బలహీనపడటం లాంటివి జరుగుతుంటాయి. ఇలాంటి టైంలో కేవలం మామూలు నీళ్లు పోస్తే మొక్కల అవసరాలు తీరవు. వేసవిలో బాగా పనిచేసే ఒక సింపుల్ చిట్కా పటిక నీళ్లు. ఇవి మట్టిని చల్లబరుస్తాయి, బ్యాక్టీరియాను అడ్డుకుంటాయి, మొక్కల వేర్లను తిరిగి యాక్టివ్ చేస్తాయి. ఈ చిన్న హ్యాక్‌తో మీ ఇంటి తోట ఎండాకాలంలో కూడా పచ్చగా, తాజాగా ఉంటుంది.

హీట్ స్ట్రెస్ దూరం, మట్టికి వెంటనే చల్లదనం

వేసవిలో కుండీల్లోని మట్టి ఎంతలా వేడెక్కుతుందంటే, వేర్లు మాడిపోయే ప్రమాదం ఉంటుంది. పటిక కలిపిన నీళ్లు మట్టి ఉష్ణోగ్రతను వేగంగా తగ్గిస్తాయి. ఇది మట్టిలో చల్లదనాన్ని, తేమను నిలిపి ఉంచుతాయి. దీనివల్ల మొక్కలు పగటిపూట ఎండను తట్టుకోగలుగుతాయి. ఉదయం 7–9 గంటల మధ్య లేదా సాయంత్రం 6–7 గంటల మధ్య వాతావరణం చల్లబడ్డాక నీళ్లు పోయడం మంచిది.

ఫంగస్, పురుగులకు చెక్

వేడి వాతావరణంలో పురుగులు, ఫంగస్ చాలా వేగంగా పెరుగుతాయి. ముఖ్యంగా తెల్ల బూజు, చిన్న ఈగలు, మట్టిలోని సూక్ష్మక్రిములు ఎక్కువవుతాయి. పటిక నీళ్లు మట్టి పైపొరను శుభ్రం చేసి, ఎలాంటి కెమికల్స్ వాడకుండానే పురుగులు పెరగకుండా ఆపుతాయి. తులసి, మనీ ప్లాంట్, అలోవెరా, వాము, గులాబీ, ఇతర మొక్కలకు ఇది చాలా బాగా పనిచేస్తుంది.

ఉప్పు నీటి ప్రభావం

ఎండాకాలంలో కుళాయి నీళ్లు కాస్త ఉప్పగా లేదా, కఠినంగా రావచ్చు. వీటిని పోసినప్పుడు మట్టి క్షారంగా మారి, మొక్కలు పోషకాలను సరిగ్గా తీసుకోలేవు. పటిక నీళ్లు ఈ సమస్యను తగ్గించి, మట్టిని సమతుల్యంగా ఉంచుతాయి. దీంతో ఆకులు పసుపు రంగులోకి మారకుండా ఉంటాయి.

వేర్లు కుళ్లిపోకుండా రక్షణ

వేసవిలో చాలామంది మొక్కలకు ఎక్కువ నీళ్లు పోస్తుంటారు. దీనివల్ల వేర్లు కుళ్లిపోయే సమస్య వస్తుంది. పటిక నీళ్లు మట్టిని గుల్లగా మార్చి, అదనపు నీరు సులభంగా బయటకు పోయేలా చేస్తాయి. దీంతో వేర్లు సురక్షితంగా ఉంటాయి. రోజూ నీళ్లు పోసే అలవాటు ఉన్నవారికి ఈ చిట్కా బాగా ఉపయోగపడుతుంది.

ఆకులు వాడిపోకుండా..

ఎండకు ఆకులు వాడిపోయి, మాడిపోవడం వేసవిలో పెద్ద సమస్య. పటిక నీటిని ఆకులపై లైట్‌గా స్ప్రే చేస్తే దుమ్ము, జిడ్డు వదిలిపోతాయి. ఆకులు ఎండను తట్టుకోగలుగుతాయి. ఈ పద్ధతి మనీ ప్లాంట్, స్నేక్ ప్లాంట్, స్పైడర్ ప్లాంట్, పీస్ లిల్లీ లాంటి మొక్కలకు చక్కగా పనిచేస్తుంది.

Gardening Tips: మొక్కలకు ఈ తొక్కలు వేస్తే ఎంత ఫాస్ట్ గా పెరుగుతాయో తెలుసా?

Kavitha G — Fri, 10 Apr 2026 14:20:26 +0530

Orange Peel Fertilizer for Plants: ప్రస్తుత రోజుల్లో బాల్కనీ గార్డెనింగ్ చాలామందికి అలవాటుగా మారింది. అయితే, మొక్కల సంరక్షణకు సహజమైన, తక్కువ ఖర్చుతో కూడిన పద్ధతులు వెతకడం కూడా ముఖ్యమే. ఈ విషయంలో, మనం రోజూ తిని పడేసే నారింజ తొక్కలు అద్భుతంగా పనిచేస్తాయి. వీటిలో ఉండే పోషకాలు మొక్కల పెరుగుదలకు సాయపడటమే కాకుండా, వాటిని పురుగుల నుంచి కూడా కాపాడతాయి. వీటిని ఎలా ఉపయోగించాలో మూడు సులభమైన పద్ధతులు ఇప్పుడు చూద్దాం.

సహజ ఎరువుగా వాడొచ్చు

నారింజ తొక్కలలో నైట్రోజన్, ఫాస్పరస్, పొటాషియం వంటి ముఖ్యమైన పోషకాలు ఉంటాయి. ఇవి మొక్కల పెరుగుదలకు చాలా అవసరం. ఈ తొక్కలను ఎండబెట్టి, పొడి చేసి మట్టిలో కలపాలి. ఇలా చేయడం వల్ల మొక్కలకు నెమ్మదిగా పోషకాలు అందుతాయి, వాటి వేర్లు బలంగా తయారవుతాయి. ఇది పూర్తిగా ఆర్గానిక్ ఎరువు కాబట్టి మొక్కలకు ఎలాంటి హాని జరగదు.

పురుగులను తరిమికొట్టేందుకు నేచురల్ స్ప్రే

నారింజ తొక్కల నుంచి వచ్చే ఘాటైన వాసన చాలా రకాల హానికరమైన పురుగులను దూరం చేస్తుంది. ఈ స్ప్రే చేయడానికి, తొక్కలను నీటిలో వేసి బాగా మరిగించాలి. ఆ నీరు చల్లారిన తర్వాత, ఒక స్ప్రే బాటిల్‌లో నింపుకోవాలి. ఈ ద్రావణాన్ని మొక్కల ఆకులపై స్ప్రే చేస్తే పురుగులు దరిచేరవు. ఇది రసాయనాలు లేని పద్ధతి. ఇది మీ గార్డెన్‌ను ఆరోగ్యంగా ఉంచుతూ, మొక్కలకు రక్షణ కల్పిస్తుంది.

మట్టి నాణ్యతను మెరుగుపరచడంలో సహాయం

నారింజ తొక్కలను చిన్న చిన్న ముక్కలుగా కట్ చేసి మట్టిలో కలపడం వల్ల దాని నాణ్యత మెరుగుపడుతుంది. ఇవి నెమ్మదిగా మట్టిలో కలిసిపోతూ, దానిని మరింత సారవంతంగా చేస్తాయి. అలాగే, మట్టిలో అవసరమైన పోషకాల శాతాన్ని పెంచుతాయి. అంతేకాకుండా, మట్టిలో తేమను నిలిపి ఉంచడంలో కూడా ఇవి సహాయపడతాయి. దీనివల్ల మీ మొక్కలు ఎక్కువ కాలం తాజాగా, ఆరోగ్యంగా ఉంటాయి.

Money Plant: మ‌నీ ప్లాంట్ ఉంటే ఇంట్లోకి పురుగులు వ‌స్తాయా.? ఎలాంటి జాగ్ర‌త్త‌లు తీసుకోవాలంటే

Narender Vaitla — Thu, 09 Apr 2026 14:42:50 +0530

Money Plant: ఇంట్లో అలంకరణ కోసం చాలా మంది మనీ ప్లాంట్ మొక్కను పెంచుతారు. ఈ మొక్కను ఇంట్లో పెంచితే అదృష్టమ‌ని కూడా కొందరు నమ్ముతారు. అయితే మ‌నీ ప్లాంట్ కార‌ణంగా ఇంట్లోకి పురుగులు వ‌స్తాయ‌ని అనుకుంటారు. మ‌రి ఇందులో ఎంత వ‌ర‌కు నిజం ఉందంటే.?

చాలామంది అనుకునే విధంగా మనీ ప్లాంట్ స్వయంగా పురుగులను ఆకర్షించదు. మొక్క చుట్టూ ఉన్న వాతావరణమే పురుగుల‌ను ఆక‌ర్షిస్తుంది. పురుగులకు సాధారణంగా తేమ ఎక్కువగా ఉండే ప్రదేశాలు, దాక్కోవడానికి స్థలం, తక్కువ సూర్యకాంతి వంటి పరిస్థితులు అవసరం. ఈ పరిస్థితులు మనీ ప్లాంట్ దగ్గర ఉండే అవకాశం ఉండటంతో అక్కడికి పురుగులు రావచ్చు. అందుకే ఇంట్లో మ‌నీ ప్లాంట్ పెంచే విష‌యంలో కొన్ని జాగ్ర‌త్త‌లు తీసుకోవాలి.

మనీ ప్లాంట్ ఆరోగ్యంగా ఉండాలంటే కొన్ని సాధారణ జాగ్రత్తలు తీసుకోవాలి. ముఖ్యంగా నీరు ఎక్కువగా పోయకూడదు. మట్టిపై పొర ఎండిన తర్వాత మాత్రమే నీరు పోయాలి. మొక్కను అప్పుడప్పుడు సూర్యకాంతి వచ్చే ప్రదేశంలో పెట్టాలి. ఆకులను శుభ్రంగా తుడవాలి. మొక్క చుట్టూ శుభ్రత పాటించాలి. వీటితో పురుగులు రావ‌డం చాలా వ‌ర‌కు త‌గ్గుతుంది.

మొక్కలకు వచ్చే చిన్న పురుగులను నియంత్రించడం క‌ష్ట‌మేమి కాదు. కొన్ని సులభమైన మార్గాలు పాటిస్తే వాటిని తగ్గించవచ్చు. అవసరమైతే సహజ కీటకనాశక స్ప్రే ఉపయోగించాలి. ఆకులను నీటితో కడగడం మంచిది. మొక్క చుట్టూ నిల్వ నీరు ఉండకుండా చూసుకోవాలి. గాలి సరిగా వెళ్లే ప్రదేశంలో మొక్కను ఉంచాలి. ఇలా చేస్తే పురుగులు పెరగకుండా నియంత్రించవచ్చు.

చాలామంది మనీ ప్లాంట్‌ను నీటిలో కూడా పెంచుతారు. అలాంటి సమయంలో నీటిని తరచుగా మార్చడం చాలా ముఖ్యం. 5 నుంచి 7 రోజులకు ఒకసారి నీరు మార్చాలి. కుండ లేదా గ్లాస్‌ను శుభ్రం చేయాలి. పాడైన ఆకులను తొలగించాలి. ఇలా చేస్తే నీరు చెడిపోకుండా ఉంటుంది. దీంతో ఫంగస్ లేదా పురుగులు వచ్చే అవకాశాలు కూడా తగ్గుతాయి.

Coriander: మట్టి లేకుండా ప్లాస్టిక్ బాటిల్ లో కొత్తిమీర పెంచేద్దామా

ramya Sridhar — Tue, 07 Apr 2026 12:30:31 +0530

Coriander: ఇంట్లోనే కొత్తిమీర పెంచాలని అనుకుంటున్నారా? అయితే, కుండీ, మట్టీ అవసరం లేకుండా.. ఈజీగా పనికిరాని ఓ ప్లాస్టిక్ బాటిల్ ఉంటే చాలు అని మీకు తెలుసా? అదెలాగో ఇప్పుడు చూద్దాం..

Plants:బియ్యం కడిగిన నీళ్లలో ఇది కలిపి పోస్తే మొక్కలు వేగంగా పెరుగతాయి

ramya Sridhar — Thu, 26 Mar 2026 13:37:17 +0530

ఇంట్లో మొక్కలు పెంచుతున్నారా? ఆ మొక్కలు వేగంగా పెరగాలా? అయితే ఈ సింపుల్ చిట్కాలు వాడితే చాలు.

Gardening Tips: ఈ నీళ్లు పోస్తే...పూల మొక్కలకు పూలు బాగా పూస్తాయి

ramya Sridhar — Tue, 07 Apr 2026 15:42:39 +0530

ఎండాకాలంలో పూలు పూయడం లేదని చాలా మంది చెబుతుంటారు. అయితే.. కొన్ని రకాల ముందులు కలిపిన నీళ్ల పోస్తే..పూలు చాలా గుత్తులు గుత్తులుగా పూస్తాయి.

Gardening Tips: తులసి మొక్క చక్కగా పెరగాలంటే ఈ టిప్స్ ఫాలో అయితే చాలు!

Kavitha G — Fri, 10 Apr 2026 14:54:14 +0530

తులసి మొక్క చాలా ఇళ్లలో ఉంటుంది. కానీ అది తరచూ ఎండిపోతుంటుంది. కొన్ని సింపుల్ టిప్స్‌తో మొక్కను ఏడాది పొడవునా పచ్చగా ఉంచుకోవచ్చు. ఎలాగో ఇక్కడ తెలుసుకుందాం.

Gardening Tips: ఇంట్లో ఈ 5 మొక్కలుంటే అందానికి అందం.. ఆరోగ్యానికి ఆరోగ్యం!

Kavitha G — Tue, 21 Apr 2026 17:19:02 +0530

మొక్కలు పెంచడాన్ని చాలామంది ఇష్టపడతారు. మనం ఇంట్లో పెంచుకునే మొక్కలు ఇంటికి అందాన్ని ఇవ్వడమే కాదు.. స్వచ్ఛమైన గాలిని కూడా అందిస్తాయి. ముఖ్యంగా 5 రకాల మొక్కలు ఇంట్లో ఉంటే అందానికి అందం, ఆరోగ్యానికి ఆరోగ్యం అంటున్నారు నిపుణులు. అవేంటో చూద్దాం.

ప్రస్తుత రోజుల్లో బయటి గాలితో పోలిస్తే ఇంట్లో గాలే ఎక్కువ రెట్లు కలుషితమై ఉంటోందనే విషయం మీకు తెలుసా? అవును.. ఫర్నిచర్ పెయింట్స్, క్లీనింగ్ వస్తువులు, ఎలక్ట్రానిక్ పరికరాల నుంచి వచ్చే విష పదార్థాలు ఆరోగ్యాన్ని దెబ్బతీస్తాయని నిపుణులు హెచ్చరిస్తున్నారు. అయితే కొన్ని రకాల మొక్కలను ఇంట్లో పెంచుకోవడం ద్వారా స్వచ్చమైన గాలితో పాటు ఇంటి అందాన్ని కూడా పెంచుకోవచ్చని చెబుతున్నారు. మరి ఆ మొక్కలేంటో వాటి వల్ల కలిగే లాభాలేంటో ఇక్కడ చూద్దాం.

ఇంట్లో మొక్కలు పెంచాలి అనుకునేవారికి స్నేక్ ప్లాంట్ బెస్ట్ ఛాయిస్. ఇది చాలాకాలం బతుకుతుంది, తక్కువ వెలుతురులోనూ బాగా పెరుగుతుంది. మిగతా మొక్కల్లా కాకుండా, ఇది రాత్రిపూట కూడా ఆక్సిజన్‌ను విడుదల చేస్తుంది. ఇది గాలిలోని ఫార్మాల్డిహైడ్, బెంజీన్, జైలీన్ వంటి విష రసాయనాలను పీల్చుకుంటుంది. దీనికి చాలా తక్కువ నీళ్లు అవసరం. మట్టి పూర్తిగా ఆరిపోయాక మాత్రమే నీళ్లు పోయాలి.

మనీ ప్లాంట్ ని చాలా ఇళ్లల్లో పెంచుతుంటారు. వాస్తు, ఫెంగ్ షుయ్ ప్రకారం ఈ మొక్కను శుభప్రదంగా భావిస్తారు. ఈ మొక్క ఇంటి మూలమూలలకూ పాకి, పచ్చదనంతో నింపేస్తుంది. గాలిలోని విష పదార్థాలను తొలగించడంలో ఇది ముందు వరుసలో ఉంటుంది. దీన్ని మట్టిలో, నీటిలో కూడా పెంచవచ్చు. ఇది ఒత్తిడిని తగ్గించి, ఏకాగ్రతను పెంచడానికి కూడా సహాయపడుతుంది.

పీస్ లిల్లీ తన తెల్లని పువ్వులు, మెరిసే ఆకులతో ఏ లివింగ్ రూమ్‌కైనా 'ప్రీమియం' లుక్ ఇస్తుంది. ఇది చూడటానికి అందంగా ఉండటమే కాకుండా, గాలిలోని తేమను నియంత్రించడంలో సహాయపడుతుంది. పరిశోధనల ప్రకారం, ఇది గాలిలోని అమ్మోనియా, బూజు బీజాలను శుభ్రం చేస్తుంది. ఈ మొక్క తక్కువ వెలుతురులో కూడా ఈజీగా పెరుగుతుంది. ఎప్పుడూ మట్టి తేమగా, నీరు నిలిచిపోకుండా ఉంటే చాలు.. చక్కగా పెరుగుతుంది.

కలబంద 'టూ-ఇన్-వన్' మొక్క. ఇది గాలిని శుభ్రపరచడమే కాకుండా, దీని జెల్‌ను చర్మం, జుట్టు సంరక్షణకు కూడా ఉపయోగించవచ్చు. ఇది గాలి నుంచి బెంజీన్, ఫార్మాల్డిహైడ్‌ను తొలగిస్తుంది. ఇంట్లో తాజా వాతావరణాన్ని క్రియేట్ చేస్తుంది. మంచిగా సూర్యరశ్మి పడే కిటికీ దగ్గర దీన్ని పెట్టుకోవచ్చు. మట్టి పూర్తిగా ఆరిపోయిన తర్వాత నీళ్లు పోస్తే సరిపోతుంది.

స్పైడర్ ప్లాంట్ కూడా ఇంట్లో పెంచడానికి చాలా అనువైన మొక్క. ఎందుకంటే ఇందులో విషపూరిత గుణాలు ఉండవు. దీని పొడవైన, వేలాడే ఆకులు హ్యాంగింగ్ బాస్కెట్లలో చాలా అందంగా కనిపిస్తాయి. ఇది కార్బన్ మోనాక్సైడ్, చెడు వాసనలను తొలగించడంలో చాలా చక్కగా పనిచేస్తుంది. ఇది ఇంటి వాతావరణాన్ని తాజాగా, కాలుష్య రహితంగా ఉంచుతుంది. పరోక్ష వెలుతురులో ఇది బాగా పెరుగుతుంది. వారానికి 2-3 సార్లు నీళ్లు పోస్తే చాలు.

ఇండోర్ మొక్కలు చనిపోవడానికి ప్రధాన కారణం ఎక్కువ నీళ్లు పోయడమే. కాబట్టి సరిపడా నీళ్లు పోయడంతో పాటు కుండీకి తప్పనిసరిగా డ్రైనేజ్ హోల్ ఉండేలా చూసుకోవాలి. అలాగే ఆకులపై పేరుకునే దుమ్ము, కిరణజన్య సంయోగక్రియ సామర్థ్యాన్ని దెబ్బతీస్తుంది. కాబట్టి తడి గుడ్డతో అప్పుడప్పుడు ఆకులను తుడవాలి. ఇలాంటి చిన్న చిన్న చిట్కాలు పాటించడం ద్వారా మొక్క ఆరోగ్యంగా పెరుగుతుంది. ఇంట్లో స్వచ్ఛమైన గాలిని విడుదల చేస్తుంది.

Money Plant: నీళ్లు ఇలా పోస్తే.. మనీ ప్లాంట్ వేగంగా పెరుగుతుంది..!

ramya Sridhar — Mon, 06 Apr 2026 12:54:35 +0530

ఇంటి అందాన్ని పెంచడంలో మనీ ప్లాంట్ ముందు వరసలో ఉంటుంది. ఈ మొక్క వేగంగా పెరగాలంటే ఎక్కువ నీళ్లు పోయడం మంచిది కాదు. మరి.. నీళ్లు ఎలా పోస్తే మొక్క బాగా పెరుగుతుందో ఇప్పుడు తెలుసుకుందాం..

ఉద‌య‌మా, సాయంత్ర‌మా.? స‌మ్మ‌ర్‌లో చెట్ల‌కు నీళ్లు ఎప్పుడు పోయాలి.? చాలా మంది చేసే త‌ప్పు ఇదే

Narender Vaitla — Sat, 25 Apr 2026 14:34:43 +0530

Gardening: ఎండ‌లు ఓ రేంజ్‌లో దంచికొడుతున్నాయి. భారీగా ఉష్ణోగ్ర‌త‌లు న‌మోద‌వుతున్నాయి. ఈ క్ర‌మంలో మ‌నుషుల ఆరోగ్యంతో పాటు చెట్లు, మొక్క‌ల ఆరోగ్యాన్ని కూడా కాపాడాల్సిన అవ‌స‌రం ఉంటుంది. మ‌రి స‌మ్మ‌ర్‌లో గార్డెనింగ్ విష‌యంలో ఎలాంటి జాగ్రత్తలు తీసుకోవాలి.

వేసవికాలం మనుషులకు మాత్రమే కాదు, మొక్కలకు కూడా కఠినమైన సమయం. ఈ కాలంలో ఎండ తీవ్రత ఎక్కువగా ఉండటంతో పాటు ఉష్ణోగ్రతలు కూడా పెరుగుతాయి. దీనికి తోడు పొడి గాలులు వీస్తుండటంతో మొక్కల్లోని తేమ వేగంగా తగ్గిపోతుంది. ఫలితంగా మొక్కలు వాడిపోవడం, మట్టిలో తేమ లేకపోవడం వంటి సమస్యలు ఎదురవుతాయి. ఈ పరిస్థితిలో చాలా మంది ఎక్కువగా నీళ్లు పోయడం ద్వారా సమస్యను పరిష్కరించాలని భావిస్తారు, కానీ అది సరైన పద్ధతి కాదు.

మొక్కలు ఎండిపోతున్నాయనే భయంతో ఎక్కువగా నీళ్లు పోయడం వల్ల మొక్కలకు నష్టం కలిగే అవకాశాలు ఉన్నాయి. ఎక్కువ నీరు పోయడం వల్ల మట్టిలో నీరు నిల్వవుతుంది, దీనివల్ల వేర్లకు గాలి సరిగా అందదు. ఫలితంగా వేర్లు కుళ్లిపోవచ్చు. ఇలా జరిగితే మొక్క ఎదుగుదల మందగించి చివరకు మొక్క పూర్తిగా నష్టపోవచ్చు. అందుకే నీళ్లు ఎంత పోయాలి అనేది మాత్రమే కాదు, ఎప్పుడు పోయాలి అనేది కూడా చాలా ముఖ్యమైన అంశం.

వేసవిలో మొక్కలకు నీళ్లు పోయడానికి ఉదయం సమయం అత్యుత్తమంగా భావిస్తారు. ఈ సమయంలో ఉష్ణోగ్రత తక్కువగా ఉండటంతో నీరు నెమ్మదిగా మట్టిలోకి చొచ్చుకుపోతుంది. దీంతో నీరు వేర్ల వరకు సులభంగా చేరుతుంది. ఉదయం నీళ్లు పోయడం వల్ల మొక్కలు రోజంతా తేమను నిల్వ చేసుకుని వేడిని తట్టుకునే శక్తిని పొందుతాయి. అలాగే ఉదయం పోసిన నీరు ఎక్కువసేపు నిల్వ ఉండదు కాబట్టి ఫంగస్ లేదా ఇతర వ్యాధులు వచ్చే ప్రమాదం కూడా తగ్గుతుంది.

సాయంత్రం సమయంలో కూడా మొక్కలకు నీళ్లు పోయవచ్చు, ముఖ్యంగా రోజంతా ఎండ ఎక్కువగా ఉన్నప్పుడు ఇది కొంత ఉపశమనం ఇస్తుంది. అయితే ఈ సమయంలో పోసిన నీరు రాత్రంతా మట్టిలో అలాగే ఉండే అవకాశం ఉంటుంది. దీని వల్ల తేమ ఎక్కువగా ఉండి ఫంగస్ లేదా పురుగులు పెరగడానికి అనుకూల పరిస్థితులు ఏర్పడవచ్చు. అందుకే సాయంత్రం నీళ్లు పోయేటప్పుడు చాలా ఆలస్యంగా కాకుండా కొంచెం ముందుగానే పోయడం మంచిది. అలాగే ఆకులపై నీరు ఎక్కువసేపు నిల్వ ఉండకుండా జాగ్రత్తలు తీసుకోవాలి.

మొత్తం చూస్తే వేసవిలో మొక్కలకు నీళ్లు పోయడానికి ఉదయం సమయమే ఉత్తమం. ఈ సమయంలో నీళ్లు పోయడం వల్ల మొక్కలు ఆరోగ్యంగా ఉండటమే కాకుండా వాటి ఎదుగుదల కూడా మెరుగుపడుతుంది. అయితే చాలా ఎక్కువ వేడి ఉన్నప్పుడు లేదా మట్టి పూర్తిగా ఎండిపోయినప్పుడు సాయంత్రం కూడా కొద్దిగా నీళ్లు పోయవచ్చు. అయినప్పటికీ ప్రధానంగా ఉదయం నీళ్లు పోయడం అలవాటు చేసుకుంటే మొక్కలు తాజాగా, ఆరోగ్యంగా పెరుగుతాయి.

Gardening Tips: ఇంట్లో స్నేక్ ప్లాంట్ పెంచితే ఎన్ని లాభాలో..!

ramya Sridhar — Fri, 17 Apr 2026 13:02:15 +0530

ప్రతి మొక్కకు ప్రత్యేక సంరక్షణ అవసరం. ముఖ్యంగా ఇండోర్ ప్లాంట్స్ విషయంలో మరింత శ్రద్ధ అవసరం. మరి, ఇంట్లో స్నేక్ ప్లాంట్ పెంచడం వల్ల ఎన్ని ప్రయోజనాలు కలుగుతాయో తెలుసా?

Pepper: ఇలా చేస్తే ఇంట్లోనే ఈజీగా మిరియాల మొక్క పెంచుకోవచ్చు

Nandini Arava — Mon, 20 Apr 2026 14:16:35 +0530

Pepper:మిరియాల మొక్క పాకాలంటే పెద్ద చెట్లు లేదా కర్రలు కావాలి. కానీ తక్కువ స్థలం ఉన్నవాళ్లు, ఫ్లాట్లలో ఉండేవారికి తీగలాగా పాకేంతలా ప్లేస్ ఉండదు. అలాంటివాళ్లు బాల్కనీలోనే మిరియాల మొక్క తీగల పాకేలా కాకుండా గుబురుగా పెంచుకోవచ్చు.

మిరియాలు ఆరోగ్యానికే కాదు…అలకంరణకు ఉపయోగపడుతుంది. పొదలాగా పెరిగి మిరియాల మొక్క అందంగా ఉంటుంది. ఇంటికి కావాల్సిన మిరియాలను కూడా ఇస్తుంది. సాధారణ మిరియాల మొక్క పక్క కొమ్మలను కత్తిరించి దీన్ని పెంచుతారు. పైకి పాకకుండా చిన్న పొదలా గుబురుగా పెరుగుతుంది. నాటిన సంవత్సరం నుంచే పంట చేతికి రావడం దీని స్పెషాలిటీ.

కరిముండ: కేరళలో ఎక్కువగా పండించే రకం. మంచి దిగుబడి వస్తుంది.

పన్నియూర్ పెప్పర్: పన్నియూర్ పెప్పర్‍లో 1 నుంచి 5 వరకు ఉన్న రకాలను పొదలా పెరిగే మిరియాల మొక్కలాగా పెంచుకోవచ్చు.

పౌర్ణమి, శుభకర, శ్రీకర మిరియాలు: వీటికి రోగనిరోధక శక్తి ఎక్కువ. ముఖ్యంగా ఈ రకం మొక్కలు కావాలంటే నమ్మకమైన నర్సరీల్లో తీసుకోవాలి. ఆరోగ్యంగా ఉన్న మొక్కలను ఎంచుకోవాలి. పక్క కొమ్మల నుంచి తీసిన మొక్కలేనా కాదా అని నిర్ధారించుకోండి.

ఈ మొక్క కనీసం ఒక మీటర్ ఎత్తు పెరుగుతుంది, కాబట్టి పెద్ద కుండీలు లేదా 40 సెంటిమీటర్ల సైజు గ్రోబ్యాగ్‌లు ఎంచుకోవాలి. పశువుల ఎరువు, మట్టి, ఇసుకను సమానంగా కలిపి కుండీలో నింపాలి. మట్టిని గట్టిగా నొక్కొద్దు. కుండీ అడుగున నీరు పోవడానికి రంధ్రాలు ఉండేలా చూసుకోండి. దీనికి నేరుగా ఎండ తగలకూడదు, కాస్త నీడ ఉండే చోట పెట్టాలి. మొక్క మొదట్లో తేమ ఉండాలి కానీ, నీరు నిలవకూడదు.

మొక్క వేగంగా పెరగాలంటే, రెండు వారాలకు ఒకసారి వేరుశనగ పిండి వాటర్, లేదా నీరు కలిపిన గోమూత్రం పోయాలి. వానపాముల ఎరువు లేదా ఎముకల పొడిని మట్టిలో కలిపితే మంచిది. రసాయన ఎరువులకు బదులు పూర్తిగా సేంద్రియ పద్ధతిలో పెంచడమే ఉత్తమం.

పొదలాగా పెరిగే మిరియాల మొక్కకు ముఖ్యంగా వేరుకుళ్లు, ఆకులు త్వరగా వాడిపోవడం వంటి తెగుళ్లు వస్తాయి. నివారణకు, ట్రైకోడెర్మా కలిపిన ఎరువు వాడితే వేరుకుళ్లును అరికట్టొచ్చు. ఆకులపై నల్ల మచ్చలు కనిపిస్తే, బోర్డో మిశ్రమాన్ని పిచికారీ చేయాలి.

మొక్క నాటిన ఏడాదిలోనే మిరియాల కంకులు వస్తాయి. కంకిలో ఒకటి రెండు గింజలు పండి ఎర్రగా మారినప్పుడు, గుత్తులుగా కోసుకోవచ్చు. సరైన జాగ్రత్తలు తీసుకుంటే ఒకే మొక్క నుంచి 10 నుంచి 15 ఏళ్ల వరకు పంట వస్తుంది. మొక్క మొదట్లో ఆకులు కప్పడం వల్ల తేమ నిలిచి ఉంటుంది. అవసరమైతే పక్క కొమ్మలను కత్తిరించి మొక్కను మంచి ఆకృతిలో ఉంచుకోవచ్చు.

మీ ఇంట్లో గుబురుగా మిరియాల పెంచుకోవాలంటే..వానాకాలం మంచి సమయం. ఈసారి మీరు ట్రై చేయండి

Luxury Homes: మీ ఇంటికి రాయల్ లుక్ ఇచ్చే 5 మొక్కలు ఇవే!

ramya Sridhar — Fri, 27 Mar 2026 17:32:35 +0530

Indoor Plants for Rich Homes: ఈ రోజుల్లో ఇంటిని అందంగా, స్టైలిష్‌గా మార్చుకోవడానికి ఫర్నిచర్, డెకరేషన్ వస్తువులే కాదు, ఇండోర్ మొక్కలను కూడా బాగా వాడుతున్నారు. ముఖ్యంగా కొన్ని రకాల మొక్కలైతే ధనవంతుల ఇళ్లలో కచ్చితంగా కనిపిస్తాయి. ఇవి ఇంటి అందాన్ని పెంచడమే కాకుండా, ఓ ప్రీమియం లుక్‌ను, ఫ్రెష్ ఫీల్‌ను ఇస్తాయి. మీ ఇంటికి కూడా ఓ రాయల్, క్లాసీ లుక్ కావాలనుకుంటే, ఈ 5 మొక్కలను తప్పకుండా ట్రై చేయండి.

ఫిడిల్ లీఫ్ ఫిగ్ (Fiddle Leaf Fig)

దీనికి పెద్దగా, దట్టంగా ఉండే ఆకుపచ్చ ఆకులు ఉంటాయి. లగ్జరీ ఇళ్లలో ఇది తప్పనిసరిగా కనిపించే మొక్క. లివింగ్ రూమ్‌లో ఏదైనా ఓ మూలన దీన్ని పెడితే, ఆ ప్రదేశం లుక్కే మారిపోతుంది. దీని ఎత్తు, దట్టమైన ఆకులు ధనవంతులను బాగా ఆకర్షిస్తాయి. అందుకే వాళ్ల ఇళ్లలో ఇది ఎక్కువగా కనిపిస్తుంది.

మాన్‌స్టెరా (Monstera)

మాన్‌స్టెరా ఆకుల డిజైన్ చాలా ప్రత్యేకంగా ఉంటుంది. ఆకులపై ఉండే కట్స్ లేదా రంధ్రాలు దీన్ని చాలా ఆకర్షణీయంగా మారుస్తాయి. మోడ్రన్, స్టైలిష్ ఇళ్లలో ఈ మొక్క ఎక్కువగా కనిపిస్తుంది. బాల్కనీలో లేదా గదిలోపల పెడితే ఇంటికి ఒక ట్రాపికల్, లగ్జరీ ఫీల్ వస్తుంది.

అరెకా పామ్ (Areca Palm)

అరెకా పామ్ ఇంట్లోకి పచ్చదనాన్ని, తాజాదనాన్ని తీసుకొస్తుంది. దీని పొడవైన, ఈకల వంటి ఆకులు ఉన్న ప్రదేశాన్ని మరింత విశాలంగా, ఓపెన్‌గా చూపిస్తాయి. పెద్ద ఇళ్లలోని కారిడార్లలో లేదా ఇంటి ప్రవేశ ద్వారం దగ్గర దీన్ని ఎక్కువగా పెడుతుంటారు.

స్నేక్ ప్లాంట్ (Snake Plant)

స్నేక్ ప్లాంట్ చాలా సింపుల్‌గా ఉంటుంది, దీనికి పెద్దగా కేర్ కూడా అవసరం లేదు. అందుకే ఇది చాలా ఫేమస్. ఇది గాలిని శుభ్రపరచడమే కాకుండా, చూడటానికి కూడా చాలా స్టైలిష్‌గా కనిపిస్తుంది. బెడ్‌రూమ్ లేదా ఆఫీసులో పెట్టుకోవడానికి ఇది మంచి ఎంపిక.

పీస్ లిల్లీ (Peace Lily)

పీస్ లిలీ తన అందమైన తెల్లని పువ్వుల వల్ల చాలా గ్రాండ్‌గా కనిపిస్తుంది. ఈ మొక్క ఇంట్లో ప్రశాంతతను, పాజిటివ్ ఎనర్జీని నింపుతుంది. ఏదైనా టేబుల్‌పై లేదా మూలన పెడితే ఆ ప్రదేశానికి ఒక సున్నితమైన, అందమైన ఫీల్ వస్తుంది.

ఈ మొక్కల ప్రత్యేకత ఏంటంటే, ఇవి మరీ అంత ఖరీదైనవి కావు. అయినా కూడా ఇంటికి చాలా ప్రీమియం, లగ్జరీ లుక్‌ను ఇస్తాయి. సరైన మొక్కను సరైన చోట పెడితే, మీ ఇల్లు కూడా ఏదో పెద్ద బంగ్ళాలాగా అద్భుతంగా కనిపిస్తుంది. ఎక్కువ డబ్బు ఖర్చు చేయకుండా ఇంటికి స్టైలిష్ లుక్ ఇవ్వాలనుకుంటే, ఈ ఇండోర్ మొక్కలను తప్పకుండా ప్రయత్నించండి.

Camphor Plant: ఈ సింపుల్ చిట్కాలతో కర్పూరం మొక్కను కుండీలో ఈజీగా పెంచవచ్చు!

Kavitha G — Wed, 08 Apr 2026 15:13:32 +0530

పూజలు, వ్రతాల సమయంలో మనం కర్పూరాన్ని వెలిగిస్తుంటాం. ఇది ఇంట్లో సువాసనతో పాటు పాజిటివ్ ఎనర్జీని పెంచుతుందని చాలామంది నమ్ముతారు. మరి అలాంటి కర్పూరం మొక్కను ఇంట్లోనే ఈజీగా ఎలా పెంచుకోవాలో ఇక్కడ వివరంగా తెలుసుకుందాం.

హిందూ సంస్కృతిలో కర్పూరానికి ప్రత్యేక ప్రాధాన్యం ఉంది. పూజలు, వ్రతాలు, ఇతర శుభకార్యాల్లో కర్పూరాన్ని వినియోగిస్తుంటారు. కర్పూరం వెలిగిస్తే ఇంట్లో మంచి వాసనే కాదు.. నెగెటివ్ ఎనర్జీ దూరం అవుతుందని జ్యోతిష్య పండితులు చెబుతుంటారు. అయితే కర్పూరాన్ని ప్రతీసారి బయట కొనుగోలు చేయడంకంటే ఇంట్లోనే పెంచుకుంటే బాగుంటుంది కదా అనే ఆలోచన చాలామందిలో ఉంటుంది. సరిగ్గా అలాంటివారికోసమే ఈ టిప్స్. వీటితో ఈజీగా కర్పూరం మొక్కను కుండీలో పెంచుకోవచ్చు.

కర్పూరంలో చాలా ఔషధ గుణాలు ఉన్నాయి. ఇవి ఆరోగ్యానికి ఎంతగానో మేలు చేస్తాయి. కర్పూరం మొక్కను పెంచుకోవాలి అనుకునేవారు ముందుగా మొక్కను ఎంచుకోవడం చాలా ముఖ్యం. వేర్లతో ఉన్న చిన్న మొక్క లేదా కర్పూరం గింజలు ఎంచుకోవాలి. ఈ మొక్క కుండీలో ఈజీగా పెరుగుతుంది. అయితే నీరు నిలిచే కుండీ తీసుకోవద్దు. దానివల్ల మొక్క వేర్లు చెడిపోయే అవకాశం ఉంటుంది.

కర్పూరం మొక్కను నాటే మట్టిని జాగ్రత్తగా ఎంచుకోవాలి. మొదట మట్టిలో కొంత కంపోస్ట్ ఎరువు కలిపి మొక్కలను నాటాలి. ఇది వేర్లను బలంగా ఉండేలా చేస్తుంది. కర్పూరం మొక్కను కుండీలో నింపిన మట్టిలో సరిగ్గా నాటడం కూడా ముఖ్యమే. మట్టిలో 10 సెంటీ మీటర్ల లోతులో మొక్కలు లేదా విత్తనాలను నాటాలి.

మొక్కకు నీరు పోసే విధానం కూడా ముఖ్యమే. కర్పూరం మొక్కకు తేమ అవసరం. కానీ మట్టిలో నీరు నిల్వ ఉండకుండా చూసుకోవాలి. ప్రతి రోజు మట్టి పైభాగాన్నిచెక్ చేసుకోవాలి. మట్టి పొడిగా మారితే నీళ్లు పోయాలి. మొక్క నాటిన ప్రారంభంలో ప్రతి రోజు నీటిని స్ప్రే చేసి తేమగా ఉండేలా చూసుకోవాలి.

కర్పూరం మొక్కకు సూర్యరశ్మి అవసరం. కానీ మొక్కను పెట్టిన తర్వాత మొదటి రెండు వారాలు నేరుగా సూర్యరశ్మి తాకకుండా చూసుకోవాలి. దానివల్ల మొక్క త్వరగా పెరుగుతుంది. ఆ తర్వాత దీనికి 15 నుంచి 27 డిగ్రీల సెల్సియస్ ఉష్ణోగ్రత అవసరం. ఉష్ణోగ్రత ఎక్కువైనా, తక్కువైనా మొక్క వేర్లు దెబ్బతింటాయి.

ఈ సింపుల్ చిట్కాలతో కర్పూరం మొక్కను ఇంట్లో సులభంగా పెంచుకోవచ్చు. ఈ మొక్క ఇంట్లో సువాసన, సానుకూల శక్తిని పెంచుతుంది. మంచి వాతావరణాన్ని క్రియేట్ చేస్తుంది. కుటుంబ సభ్యుల ఆరోగ్యం, మానసిక శాంతికి తోడ్పడుతుంది.