Asianet News Telugu

iPhone 18 Pro : ఐఫోన్ 18 ప్రో వస్తోంది.. కెమెరా అదిరిపోద్ది, ఫీచర్లు మామూలుగా లేవుగా!

Mahesh Rajamoni — Mon, 04 May 2026 22:50:49 +0530

iPhone 18 Pro : ఆపిల్ తన ఐఫోన్ 18 ప్రో సిరీస్‌ను ఈ సెప్టెంబర్‌లో లాంచ్ చేయనుంది. ఇందులో కొత్త A20 ప్రో చిప్‌సెట్, వేరియబుల్ అపెర్చర్ కెమెరా, సరికొత్త కలర్ ఆప్షన్స్ ఉండబోతున్నాయి.

ఆపిల్ లవర్స్ అందరూ ఎప్పుడెప్పుడా అని ఎదురుచూస్తున్న ఐఫోన్ 18 ప్రో సిరీస్ వివరాలు బయటకు వచ్చేశాయి. ఈ ఏడాది సెప్టెంబర్‌లో ఈ ఫోన్లు మార్కెట్లోకి రాబోతున్నాయి. కేవలం ఐఫోన్ 18 ప్రో మాత్రమే కాదు, దీనితో పాటు ఐఫోన్ అల్ట్రా లేదా ఫోల్డ్ మోడల్స్ కూడా సందడి చేయనున్నాయని లీక్స్ పేర్కొంటున్నాయి. బేస్ మోడల్ ఐఫోన్ 18 మాత్రం వచ్చే ఏడాదికి వాయిదా పడే ఛాన్స్ ఉందట. ఈ కొత్త ఫోన్లలో ఏయే మార్పులు ఉండబోతున్నాయి? ధర ఎంత ఉండొచ్చు? వంటి పూర్తి వివరాలు ఇప్పుడు చూద్దాం.

సాధారణంగా ప్రతి ఏటా సెప్టెంబర్‌లో ఆపిల్ తన కొత్త ఫోన్లను రిలీజ్ చేస్తుంది. అదే పద్ధతిలో ఐఫోన్ 18 ప్రో సిరీస్ కూడా సెప్టెంబర్‌లో లాంచ్ కానుంది. ఇక ధర విషయానికి వస్తే, ఫోన్ తయారీ ఖర్చులు పెరిగినప్పటికీ, ఆపిల్ తన కస్టమర్ల కోసం పాత ధరకే అంటే సుమారు రూ. 92,000 లకు అందించే ఆలోచనలో ఉందట. అయితే అమెరికాలో రేట్లు మారకపోయినా, భారత్‌లో మాత్రం ట్యాక్సులు, ఇతర కారణాల వల్ల ఐఫోన్ 17e తరహాలోనే ధరలు పెరిగే అవకాశం ఉంది.

ఐఫోన్ 18 ప్రో ఈసారి సరికొత్త రంగుల్లో మెరిసిపోనుంది. మ్యాక్‌వరల్డ్ రిపోర్ట్ ప్రకారం.. లైట్ బ్లూ, డార్క్ చెర్రీ, డార్క్ గ్రే, సిల్వర్ కలర్లలో ఈ ఫోన్ రానుంది. ప్రముఖ టిప్‌స్టర్ ఐస్ యూనివర్స్ కూడా బ్లాక్, సిల్వర్, వైన్ రెడ్ కలర్స్ ఉంటాయని లీక్ చేశారు. అయితే అన్నిటికంటే ముఖ్యంగా బ్లూమ్‌బెర్గ్ మార్క్ గుర్మాన్ చెప్పినదాని ప్రకారం, ఈసారి 'డీప్ రెడ్' కలర్ స్పెషల్ అట్రాక్షన్ కాబోతోంది. ఇది పాత ఆరెంజ్ కలర్‌ను రీప్లేస్ చేయనుందని సమాచారం.

డిజైన్ పరంగా ఐఫోన్ 18 ప్రో పాత మోడల్‌లాగే ఉన్నా, కొన్ని కీలక మార్పులు కనిపిస్తాయి. ఫోన్ వెనుక ఉండే కెమెరా ప్లేట్ ఈసారి కొంచెం మందంగా ఉండబోతోంది. అలాగే బ్యాటరీ సైజ్ పెంచడం వల్ల ఫోన్ బరువు, మందం కూడా కొద్దిగా పెరగొచ్చు. బ్యాక్ గ్లాస్‌కు, అల్యూమినియం ఫ్రేమ్‌కు మధ్య కలర్ గ్యాప్ లేకుండా యూనిఫైడ్ లుక్ వచ్చేలా ఆపిల్ ప్లాన్ చేస్తోంది.

ఈసారి 6.3 అంగుళాల ప్రోమోషన్ 120Hz డిస్ప్లేను ఆపిల్ కంటిన్యూ చేస్తోంది. అయితే అసలు ట్విస్ట్ ఏంటంటే.. అండర్ డిస్ప్లే ఫేస్ ఐడీ. దీనివల్ల స్క్రీన్ పైన ఉండే డైనమిక్ ఐలాండ్ సైజు దాదాపు 35 శాతం వరకు తగ్గుతుంది. దీనివల్ల ఫోన్ చూసేందుకు మరింత స్టైలిష్‌గా, ఎక్కువ స్క్రీన్ స్పేస్‌తో కనిపిస్తుంది.

ఐఫోన్ 18 ప్రో లో సరికొత్త A20 ప్రో చిప్‌సెట్‌ను వాడుతున్నారు. ఇది TSMC 2nm ప్రాసెస్ మీద తయారైంది. పాత వాటికంటే 30% వేగంగా పనిచేస్తూ, 15% తక్కువ బ్యాటరీని వాడుకుంటుంది. కెమెరా విషయానికి వస్తే.. 48MP ట్రిపుల్ కెమెరా సెటప్ ఉంటుంది. కానీ ఈసారి 'మెకానికల్ వేరియబుల్ అపెర్చర్' సిస్టమ్‌ను తెస్తున్నారు. దీనివల్ల తక్కువ వెలుతురులో కూడా అద్భుతమైన ఫొటోలు తీసుకోవచ్చు. అలాగే ఐఫోన్ సొంతంగా తయారు చేసిన C2 మోడెమ్ ద్వారా 5G శాటిలైట్ కనెక్టివిటీ ఫీచర్ కూడా అందుబాటులోకి రానుంది.

TCL: 64 శాతం డిస్కౌంట్‌.. రూ. 44 వేల‌కే 65 ఇంచెస్ స్మార్ట్ టీవీ. ఫీచ‌ర్లు కూడా మాములుగా ఉండ‌వు

Narender Vaitla — Sat, 18 Apr 2026 13:03:59 +0530

TCL: ఓటీటీలు అందుబాటులోకి వ‌చ్చిన త‌ర్వాత పెద్ద స్క్రీన్‌ల‌కు ఆద‌ర‌ణ పెరుగుతోంది. ఇలాంటి వారి కోస‌మే టీసీఎల్ నుంచి ఒక అదిరిపోయే టీవీ అమెజాన్‌లో అందుబాటులో ఉంది. 65 ఇంచుల 4కే స్మార్ట్ గూగుల్ టీవీపై ఏకంగా 64 శాతం డిస్కౌంట్ అందిస్తున్నారు.

టీసీఎల్ 65 ఇంచెస్ స్మార్ట్ టీవీ అస‌లు ధ‌ర రూ. 1,24,990కాగా అమెజాన్‌లో 64 శాతం డిస్కౌంట్‌తో రూ. 44,990కి ల‌భిస్తోంది. దీనికి అద‌నంగా ప‌లు బ్యాంకుల‌కు చెందిన కార్డుల‌తో కొనుగోలు చేస్తే మ‌రింత డిస్కౌంట్ పొందొచ్చు. ఫీచ‌ర్ల విష‌యానికొస్తే ఈ టీవీ 65 ఇంచుల పెద్ద స్క్రీన్‌తో వస్తుంది. 4K రిజల్యూషన్ (3840 × 2160), HDR10 సపోర్ట్ చేస్తుంది. అలాగే ఇందులో HVA ప్యానెల్, 178 డిగ్రీల వైడ్ వ్యూయింగ్ యాంగిల్, మైక్రో డిమ్మింగ్ టెక్నాల‌జీని ఇచ్చారు. ఇవ‌న్నీ క‌లిపి క్లియర్, కలర్ ఫుల్ పిక్చర్ ఇస్తాయి. సినిమాలు, స్పోర్ట్స్ చూసేటప్పుడు మంచి అనుభూతి పొందొచ్చు.

ఈ టీవీలో 24W సౌండ్ అవుట్‌పుట్ సౌండ్‌ను ఇచ్చారు. ఈ టీవీ డాల్బీ ఆట్మాస్‌, డీటీఎస్‌-ఎక్స్‌కి స‌పోర్ట్ చేస్తుంది. ఇవి థియేటర్ లాంటి సౌండ్ ఎఫెక్ట్ ఇస్తాయి. సినిమాలు చూస్తే మరింత రియలిస్టిక్‌గా అనిపిస్తుంది.

ఈ టీవీ గూగుల్ టీవీ ఆపరేటింగ్ సిస్టమ్‌తో వస్తుంది. ఇందులో 2జీబీ ర్యామ్‌, 16 జీబీ స్టోరేజ్‌ను అందించారు. ఇక ఈ టీవీ 64-బిట్ క్వార్డ్ కోర్ ప్రాసెసర్‌తో ప‌ని చేస్తుంది. ఈ టీవీ గూగుల్ అసిస్టెంట్‌కు స‌పోర్ట్ చేస్తుంది. అలాగే ఈ టీవీలోప్రైమ్ వీడియో, నెట్‌ఫ్లిక్స్‌, హాట్‌స్టార్, జీ5 వంటి యాప్స్ ఇన్‌బిల్ట్‌గా వ‌స్తాయి. అలాగే ఈ టీవీలో స్క్రీన్ మిర్ర‌రింగ్‌, వెబ్ బ్రౌజ‌ర్ వంటి ఆప్ష‌న్లు కూడా ఇచ్చారు. వాయిస్‌తో కూడా టీవీని కంట్రోల్ చేయవచ్చు.

ఈ టీవీకి మంచి కనెక్టివిటీ ఆప్షన్స్ ఉన్నాయి. వీటిలో 3 HDMI పోర్ట్స్, 1 USB పోర్ట్, LAN, Wi-Fi (WiFi 5), AV ఇన్‌పుట్, సాటిలైట్ ఇన్‌పుట్ వంటి ఫీచ‌ర్లు ఉన్నాయి. డిజైన్ విషయానికొస్తే దీనిని బ్లేజ్ లెస్ మెటాలిక్ డిజైన్, స్లిమ్ లుక్‌తో రూపొందించారు. దీంతో ఈ టీవీ ఇంటి స్టైలిష్ లుక్ ఇస్తుంది.

టీవీపై 2 సంవత్సరాల వారంటీ, రిమోట్‌పై 6 నెలల వారంటీ అందిస్తున్నారు. ఇక 4 స్టార్ ఎన‌ర్జీ రేటింగ్ ఈ టీవీ సొంతం. అలాగే ఈ టీవీ ఏటా సుమారు 200 kWh విద్యుత్‌ను మాత్ర‌మే వినియోగించుకుంటుంది. బాక్స్‌లో టీవీ, స్టాండ్, రిమోట్, బ్యాటరీలు, పవర్ కార్డ్ ఉంటాయి. మొత్తం మీద త‌క్కువ ధ‌ర‌లో పెద్ద స్క్రీన్‌, మంచి ఫీచ‌ర్ల‌తో కూడిన టీవీ చూస్తున్న వారికి ఇది బెస్ట్ ఆప్ష‌న్‌గా చెప్పొచ్చు.

Portronics Vayu: పాకెట్‌లో ప‌ట్టే ఈ ప్రొడ‌క్ట్‌ ఉంటే చాలు.. ఎక్క‌డికైనా బిందాస్‌గా వెళ్లొచ్చు

Narender Vaitla — Sat, 23 May 2026 18:49:16 +0530

Portronics Vayu: కారు, బైక్ లేదా సైకిల్ టైర్లలో గాలి తగ్గినప్పుడు సమీపంలోని ఎయిర్ స్టేషన్ కోసం వెతుకుతుంటాం. అయితే పాకెట్ లో పట్టే పొర్ట్రోనిక్స్ వాయు 9.0 పొర్బ‌బుల్‌, రీఛార్జబుల్ టైర్ ఇన్‌ఫ్లేట‌ర్ ఉంటే ఎలాంటి టెన్షన్ పడాల్సిన పని ఉండదు.

Portronics Vayu 9.0 ప్రత్యేకత ఏమిటంటే ఇది రెండు విధాలుగా పనిచేస్తుంది. ఇందులో ఉన్న రీచార్జ్ చేయగల బ్యాటరీ సహాయంతో వైర్‌లెస్‌గా ఉపయోగించవచ్చు. అలాగే అవసరమైతే కారులోని 12V సాకెట్‌కు కనెక్ట్ చేసి నిరంతర విద్యుత్‌తో కూడా నడపవచ్చు. ఈ సౌకర్యం వల్ల ఇంట్లో ఉన్నప్పుడు బ్యాటరీతో, ప్రయాణాల్లో కార్ పవర్ సప్లైతో ఉపయోగించుకోవచ్చు. ముఖ్యంగా రోడ్డుపై టైర్‌లో గాలి తగ్గినప్పుడు ఇది అత్యవసర సహాయక పరికరంగా ఉపయోగపడుతుంది. ఈ ప్రొడ‌క్ట్ అస‌లు ధ‌ర రూ. 3999కాగా ప్ర‌స్తుతం అమెజాన్‌లో 50 శాతం డిస్కౌంట్‌తో రూ. 1999కే ల‌భిస్తోంది.

ఈ టైర్ ఇన్‌ఫ్లేటర్ గరిష్ఠంగా 150 PSI వరకు గాలి నింపగలదు. కారు, బైక్, స్కూటర్, సైకిల్ టైర్లతో పాటు ఫుట్‌బాల్, బాస్కెట్‌బాల్ వంటి స్పోర్ట్స్ బాల్స్‌లో కూడా గాలి నింపవచ్చు. దీంతో పాటు నాలుగు రకాల నాజిల్స్ (Nozzles) అందిస్తారు. అందువల్ల ఒకే పరికరాన్ని వివిధ అవసరాలకు ఉపయోగించుకోవచ్చు. వేగంగా గాలి నింపే సామర్థ్యం ఉండటంతో సమయం కూడా ఆదా అవుతుంది.

ఈ పరికరంలో 3 × 2000mAh లిథియం బ్యాటరీలు ఉన్నాయి. మొత్తం 6000mAh సామర్థ్యం ఉండటంతో ఎక్కువసేపు పనిచేస్తుంది. ఒకసారి పూర్తిగా ఛార్జ్ చేస్తే అనేక సార్లు గాలి నింపే అవకాశం ఉంటుంది. ఇందులో Type-C ఫాస్ట్ ఛార్జింగ్ సపోర్ట్ కూడా ఉంది. కాబట్టి బ్యాటరీ ఖాళీ అయినా తక్కువ సమయంలో మళ్లీ ఛార్జ్ చేసుకోవచ్చు. ప్రయాణాలు ఎక్కువగా చేసే వారికి ఇది ఎంతో ఉపయోగకరంగా ఉంటుంది.

ఈ ఇన్‌ఫ్లేటర్‌లో ఉన్న LED డిజిటల్ డిస్‌ప్లే ద్వారా ప్రస్తుతం టైర్‌లో ఉన్న గాలి ఒత్తిడి, మీరు సెట్ చేసిన ప్రెషర్ విలువలు స్పష్టంగా కనిపిస్తాయి. PSI, BAR, KPA, Kg/cm² వంటి వివిధ యూనిట్లలో ప్రెషర్‌ను చూడవచ్చు. కావాల్సిన ప్రెషర్ విలువను ముందుగానే సెట్ చేస్తే, ఆ స్థాయికి చేరిన వెంటనే పరికరం ఆటోమెటిక్‌గా ఆగిపోతుంది. దీంతో టైర్‌లో అధికంగా గాలి నింపబడే ప్రమాదం ఉండదు.

రాత్రి సమయంలో లేదా తక్కువ వెలుతురు ఉన్న ప్రదేశాల్లో ఉపయోగించేందుకు ఇందులో శక్తివంతమైన LED లైట్‌ను అమర్చారు. అదనంగా SOS ఫ్లాషింగ్ మోడ్ కూడా ఉంది. వాహనం చెడిపోయినప్పుడు లేదా అత్యవసర పరిస్థితుల్లో ఇతరులకు మీ ఉనికిని తెలియజేయడంలో ఇది సహాయపడుతుంది. ఇది కేవలం 665 గ్రాముల బరువు మాత్రమే ఉండటంతో సులభంగా తీసుకెళ్లవచ్చు. 3 మీటర్ల పొడవైన పవర్ కేబుల్ ఉండటంతో వాహనాన్ని కదపకుండానే అన్ని టైర్లకు చేరుతుంది. పరిమాణంలో చిన్నదిగా ఉండటం వల్ల కార్ డిక్కీ లేదా గ్లోవ్ బాక్స్‌లో సులభంగా భద్రపరచుకోవచ్చు. చివరికి ప్యాంట్ పాకెట్‌లో కూడా పెట్టుకొని ఎక్క‌డికైనా వెళ్లొచ్చు.

Honor Win Turbo: ఒక్కసారి ఛార్జ్ చేస్తే 2 రోజులు పక్కా.. 10,000mAh బ్యాటరీతో హానర్ కొత్త ఫోన్.. ఫీచర్స్ చూస్తే మైండ్ బ్లాకే !

Mahesh Rajamoni — Sat, 30 May 2026 07:27:07 +0530

Honor Win Turbo : హానర్ నుంచి 10,000mAh భారీ బ్యాటరీ, 8000 నిట్స్ బ్రైట్‌నెస్‌తో హానర్ విన్ టర్బో మొబైల్ లాంచ్ అయింది. దీని అద్భుతమైన ఫీచర్లు, ధర వివరాలు ఇక్కడ తెలుసుకుందాం.

టెక్ ప్రపంచంలో సరికొత్త సంచలనం నమోదైంది. ప్రముఖ స్మార్ట్‌ఫోన్ బ్రాండ్ హానర్ మార్కెట్లోకి ఒక పవర్‌ఫుల్ మొబైల్‌ను తీసుకొచ్చింది. అదే హానర్ విన్ టర్బో (Honor Win Turbo). సాధారణంగా ఫోన్లలో 6000mAh లేదా మహా అయితే 7000mAh బ్యాటరీని చూస్తుంటాం. కానీ ఈ ఫోన్‌లో ఏకంగా 10,000mAh బ్యాటరీని అమర్చారు. ఇంత హెవీ బ్యాటరీ ఉన్నా కూడా ఫోన్ మాత్రం చాలా స్లిమ్‌గా, స్టైలిష్‌గా ఉండటం విశేషం. హెవీ గేమర్స్, పవర్ యూజర్లను టార్గెట్ చేస్తూ వచ్చిన ఈ ఫోన్ లో అద్భుతమైన ఫీచర్లు వున్నాయి.

ఈ ఫోన్ డిస్‌ప్లే ఫీచర్లు చూస్తే ఎవరైనా అబ్బా అనాల్సిందే. ఇందులో 6.79-అంగుళాల 1.5K అమోలెడ్ ఓయాసిస్ ఐ ప్రొటెక్షన్ డిస్‌ప్లేను ఇచ్చారు. ఇది కళ్లకు అస్సలు స్ట్రెయిన్ ఇవ్వదు. పైగా 120Hz రిఫ్రెష్ రేట్ ఉండటం వల్ల స్క్రోలింగ్, గేమింగ్ నెక్స్ట్ లెవెల్ స్మూత్‌గా ఉంటాయి. అన్నిటికంటే హైలైట్ ఏంటంటే, ఇందులో రికార్డ్ బ్రేకింగ్ 8000 నిట్స్ పీక్ బ్రైట్‌నెస్ ఉంది. అంటే మండుటెండలో స్క్రీన్ చూసినా సరే, ఇండోర్‌లో చూసినట్లే చాలా క్లియర్‌గా కనిపిస్తుంది.

పర్ఫార్మెన్స్ విషయానికి వస్తే హానర్ ఎక్కడా కాంప్రమైజ్ కాలేదు. ఇందులో మీడియాటెక్ డైమెన్సిటీ 8500 రేసింగ్ ఎడిషన్ చిప్‌సెట్‌ను వాడారు. దీనికి తోడు Mali-G720 MC8 గ్రాఫిక్స్ కార్డ్ ఉంది. హెవీ గ్రాఫిక్స్ ఉన్న పబ్జీ, ఫ్రీఫైర్ లాంటి గేమ్స్ ఆడినా ఫోన్ అస్సలు లాగ్ అవ్వదు. ఇక ఆండ్రాయిడ్ 16 ఆధారిత లేటెస్ట్ మ్యాజిక్ ఓఎస్ 10 సాఫ్ట్‌వేర్‌పై ఈ ఫోన్ రన్ అవుతుంది. నెట్‌వర్క్ సరిగ్గా లేని బేస్‌మెంట్లు, లిఫ్టులు, హైస్పీడ్ ట్రైన్లలో కూడా సిగ్నల్ డ్రాప్ అవ్వకుండా ఇందులో ఒక స్పెషల్ C1+ RF చిప్‌ను కూడా అమర్చారు.

ఈ స్మార్ట్‌ఫోన్‌కు మెయిన్ పిల్లర్ దీని బ్యాటరీనే. 10,000mAh మెగా బ్యాటరీ ఇందులో ఉంది. ఒక్కసారి ఫుల్ ఛార్జ్ చేస్తే ఈజీగా రెండు రోజుల పాటు ఛార్జింగ్ వైపు చూడక్కర్లేదు. కంపెనీ చెప్తున్న దాని ప్రకారం.. నాన్‌స్టాప్‌గా 14 గంటలకు పైగా గేమింగ్ లేదా 17 గంటల పాటు మ్యాప్స్ వాడుకోవచ్చు. ఇంత పెద్ద బ్యాటరీని త్వరగా ఛార్జ్ చేయడానికి 80W వైర్డ్ ఫాస్ట్ ఛార్జింగ్ సపోర్ట్ ఇచ్చారు. అంతేకాదు, ఇందులో 27W రివర్స్ ఛార్జింగ్ ఫీచర్ కూడా ఉంది. అంటే మీ ఫోన్ నుంచి వేరే వాళ్ల ఫోన్‌ను లేదా బ్లూటూత్ ఇయర్‌బడ్స్‌ను పవర్‌బ్యాంక్‌లా ఛార్జ్ చేసుకోవచ్చు.

కెమెరా లవర్స్ కోసం బ్యాక్ సైడ్ డ్యూయల్ కెమెరా సెటప్ ఇచ్చారు. ఇందులో 50 మెగాపిక్సెల్ ప్రైమరీ కెమెరా ఉంది. ఇది OIS ఫీచర్‌తో వస్తుంది. దీనివల్ల చేతులు కాస్త ఊగినా సరే ఫొటోలు, వీడియోలు బ్లర్ అవ్వకుండా షార్ప్‌గా వస్తాయి. దీనితో పాటు 5 మెగాపిక్సెల్ వైడ్ యాంగిల్ కెమెరా ఉంది. ఇక సెల్ఫీలు, వీడియో కాల్స్ కోసం ఫ్రంట్‌లో 16 మెగాపిక్సెల్ కెమెరాను కేటాయించారు. ఫోన్ హీట్ ఎక్కకుండా ఉండటానికి 40,000 స్క్వేర్ మిమీ లిక్విడ్ కూలింగ్ ఏరియాను కూడా డిజైన్ చేశారు.

ఈ ఫోన్ కేవలం పవర్‌ఫుల్ మాత్రమే కాదు.. చాలా గట్టిది కూడా. దీనికి IP66, IP68, IP69 రేటింగ్స్ ఉన్నాయి. అంటే ధూళి, వాటర్ హైప్రెషర్‌ను కూడా ఇది తట్టుకోగలదు. ఫోన్ కింద పడినా, చిన్నపాటి షాక్స్ తగిలినా ఏం కాకుండా SGS గోల్డ్ స్టాండర్డ్ ఫైవ్-స్టార్ సర్టిఫికేషన్ కూడా ఉంది.

ప్రస్తుతం చైనాలో లాంచ్ అయిన ఈ ఫోన్ ధరల వివరాలు ఇలా ఉన్నాయి..

• 12GB RAM + 256GB వేరియంట్: 3299 యువాన్లు (మన కరెన్సీలో సుమారు ₹46,000)

• 12GB RAM + 512GB వేరియంట్: 3599 యువాన్లు (మన కరెన్సీలో సుమారు ₹50,000)

• 16GB RAM + 512GB వేరియంట్: 4199 యువాన్లు (మన కరెన్సీలో సుమారు ₹60,000)

బ్లాక్, బ్లూ, వైట్ కలర్ ఆప్షన్లలో లభించే ఈ ఫోన్ త్వరలోనే గ్లోబల్ మార్కెట్లోకి, భారత మార్కెట్లోకి రానుంది.

Apple AI Smart Glasses : ఆపిల్ నుంచి అదిరిపోయే AI స్మార్ట్ గ్లాసెస్.. డిజైన్, కెమెరా లీక్! పూర్తి వివరాలు ఇవే

Mahesh Rajamoni — Mon, 27 Apr 2026 07:32:14 +0530

Apple AI Smart Glasses : ఆపిల్ కొత్త ఐఏ స్మార్ట్ గ్లాసెస్ లీక్ అయ్యాయి. ఈ ఏడాదిలోనే లాంచ్ కానున్న ఈ గ్లాసెస్ డిజైన్, కెమెరా, అదిరిపోయే ఫీచర్ల వివరాలు ఇప్పుడు సోషల్ మీడియాలో హాట్ టాపిక్ గా మారియి.

ప్రముఖ టెక్ దిగ్గజం ఆపిల్ తన వినియోగదారుల కోసం సరికొత్త టెక్నాలజీని పరిచయం చేసేందుకు సిద్ధమవుతోంది. ప్రస్తుతం మార్కెట్లో మెటా రే బాన్ స్మార్ట్ గ్లాసెస్ హవా నడుస్తుండటంతో, వాటికి గట్టి పోటీ ఇచ్చేలా ఆపిల్ తన సొంత ఏఐ స్మార్ట్ గ్లాసెస్ ను రూపొందిస్తోంది. 2026 లేదా 2027 నాటికి ఇవి మార్కెట్లోకి వచ్చే అవకాశం ఉందని తాజా లీక్స్ వెల్లడిస్తున్నాయి. ఈ స్మార్ట్ గ్లాసెస్‌లో ఉండబోయే డిజైన్లు, కెమెరా ఫీచర్లు, ప్రత్యేకతల గురించి ఇప్పుడు తెలుసుకుందాం.

ఆపిల్ తన స్మార్ట్ గ్లాసెస్‌ను అందరికీ నచ్చేలా రకరకాల డిజైన్లలో తీసుకురావాలని ప్లాన్ చేస్తోంది. తాజా రిపోర్టుల ప్రకారం.. కంపెనీ మొత్తం నాలుగు రకాల ఫ్రేమ్ స్టైల్స్‌ను పరీక్షిస్తోంది. ఇందులో పెద్ద రెక్టాంగులర్ ఫ్రేమ్‌లు, స్లిమ్ రెక్టాంగులర్ ఫ్రేమ్‌లు ఉండనున్నాయి. అంతేకాకుండా, పెద్ద, చిన్న ఓవల్ షేప్ ఫ్రేమ్‌లను కూడా ఆపిల్ డిజైన్ చేస్తోంది. వినియోగదారులు తమ ముఖ కవళికలకు తగ్గట్టుగా నచ్చిన ఫ్రేమ్‌ను ఎంచుకునే అవకాశాన్ని ఆపిల్ కల్పిస్తోంది. కేవలం డిజైన్ మాత్రమే కాకుండా, బ్లాక్, ఓషన్ బ్లూ, లైట్ బ్రౌన్ వంటి ఆకర్షణీయమైన రంగుల్లో ఇవి లభించనున్నాయి.

బ్లూమ్‌బెర్గ్ ప్రతినిధి మార్క్ గుర్మాన్ అందించిన సమాచారం ప్రకారం.. ఈ గ్లాసెస్ తయారీలో ఆపిల్ నాణ్యమైన ఎసిటేట్ మెటీరియల్‌ను వాడుతోంది. సాధారణ ప్లాస్టిక్ ఫ్రేమ్‌ల కంటే ఇవి చాలా బలంగా, మన్నికగా ఉంటాయని సమాచారం. లగ్జరీ లుక్‌తో పాటు రోజువారీ వినియోగానికి ఇబ్బంది లేకుండా వీటిని డిజైన్ చేస్తున్నారు.

ప్రత్యేకమైన వర్టికల్ ఓవల్ కెమెరా

ఈ స్మార్ట్ గ్లాసెస్‌లో అత్యంత ఆకర్షణీయమైన ఫీచర్ దాని కెమెరా సెటప్. సాధారణంగా ఇతర కంపెనీలు సర్క్యులర్ డిజైన్ వాడతాయి, కానీ ఆపిల్ మాత్రం వర్టికల్ ఓవల్ షేప్ కెమెరా మాడ్యూల్‌ను అమర్చాలని భావిస్తోంది. ఈ కెమెరా ద్వారా వినియోగదారులు నేరుగా తమ గ్లాసెస్ నుంచే ఫోటోలు తీయవచ్చు. వీడియోలు రికార్డ్ చేయవచ్చు. ఈ విధంగా తీసిన ఫోటోలు వెంటనే మీ ఐఫోన్‌తో సింక్ అవుతాయి. అంటే, ఫోన్ జేబులో నుంచి తీయకుండానే మీరు క్షణాల్లో ఫోటోలను ఎడిట్ చేసి ఇతరులతో పంచుకోవచ్చు.

ఆపిల్ ఈ గ్లాసెస్‌ను కేవలం స్టైల్ కోసం మాత్రమే కాకుండా, మల్టీ టాస్కింగ్ కోసం రూపొందిస్తోంది. దీని ద్వారా మీరు కాల్స్ మాట్లాడవచ్చు, మ్యూజిక్ వినవచ్చు, నోటిఫికేషన్లను చెక్ చేసుకోవచ్చు. ఇందులో ఉన్న మెరుగైన సిరి వాయిస్ కమాండ్స్ ద్వారా మీ పనులను మరింత సులభంగా పూర్తి చేసుకోవచ్చు. అలాగే, ఇందులో కంప్యూటర్ విజన్ టెక్నాలజీని కూడా వాడే అవకాశం ఉంది. దీనివల్ల గ్లాసెస్ మీ చుట్టూ ఉన్న పరిసరాలను గుర్తించి, మీకు నావిగేషన్, సమాచారాన్ని రియల్ టైమ్‌లో అందిస్తాయి.

ఆపిల్ ప్రొడక్ట్స్ అంటేనే ఒకదానితో ఒకటి అద్భుతంగా పని చేస్తాయి. ఈ స్మార్ట్ గ్లాసెస్ కూడా మీ ఐఫోన్, ఆపిల్ వాచ్, ఇతర డివైజ్‌లతో సులభంగా సింక్ అవుతాయి. దీనివల్ల డేటా ట్రాన్స్‌ఫర్ వేగంగా జరుగుతుంది. యూజర్ ఎక్స్‌పీరియన్స్ చాలా స్మూత్‌గా ఉంటుంది. అయితే, ఇందులో విజన్ ప్రో వంటి హెడ్ సెట్లలో ఉండే భారీ డిస్ప్లేలు ఉండకపోవచ్చు. ఆపిల్ ప్రధాన ఉద్దేశం ఏంటంటే.. ప్రజలు రోజూ వాడేలా, తేలికగా ఉండే ఒక స్మార్ట్ ప్రొడక్ట్‌ను అందించడంగా కనిపిస్తోంది.

OPPO K14 5G: ఇంత తక్కువ బ‌డ్జెట్‌లో ఇలాంటి ఫీచ‌ర్లు ఏంటి భ‌య్యా.? ఒప్పో నుంచి కిర్రాక్ స్మార్ట్‌ఫోన్

Narender Vaitla — Fri, 01 May 2026 15:29:21 +0530

రోజంతా మన చేతిలో ఉండే ముఖ్యమైన వస్తువు స్మార్ట్‌ఫోన్‌. చెల్లింపులు చేయడం, మ్యాప్స్ చూడడం, కాల్స్, మెసేజెస్, గేమింగ్. అన్నీ ఫోన్‌పైనే ఆధారపడతాయి. ఈ సమయంలో ఫోన్ స్లో అయితే, ల్యాగ్ వస్తే లేదా బ్యాటరీ త్వరగా తగ్గిపోతే మన పని మొత్తం గందరగోళంగా మారుతుంది. చాలా ఫోన్లు మొదట్లో బాగా పని చేస్తాయి. కానీ కొద్ది నెలల తర్వాత యాప్స్ పెరిగినకొద్దీ, డేటా పెరిగినకొద్దీ స్మూత్‌నెస్ తగ్గిపోతుంది. ఇదే సమస్యకు పరిష్కారంగా OPPO K14 5Gని రూపొందించారు.

రోజూ ఉపయోగంలో స్మూత్ అనుభవం

ఫోన్ స్మూత్‌గా పని చేస్తే మనం గమనించం. కానీ ల్యాగ్ వస్తే వెంటనే తెలుస్తుంది. ఒప్పో కే14 5జీ స్మార్ట్‌ఫోన్‌లో

60 నెలల ఫ్యూయ‌న్సీ ప్రొటెక్ష‌న్ ఉంది. అంటే దీర్ఘకాలం పాటు కూడా ఫోన్ స్మూత్‌గా పని చేస్తుంది. ఇందులో మీడియాటెక్ డైమెన్సిటీ 6300 ప్రాసెసర్‌ను ఇచ్చారు. అలాగే క‌ల‌ర్ ఓఎస్ 15 ట్రినిటీ ఇంజ‌న్ అండ్ డ్యూయ‌ల్ ఇంజ్ ఆప్టిమైజేష‌న్ వంటివ‌న్నీ క‌లిసి యాప్స్ మళ్లీ మళ్లీ రీలోడ్ కాకుండా చేస్తాయి. మల్టీటాస్కింగ్ సులభంగా ఉంటుంది. గేమింగ్ సమయంలో ల్యాగ్ తగ్గుతుంది.

ఈ ఫోన్‌లో అద‌నంగా 16GB వరకు RAM ఎక్స్‌పాన్ష‌న్‌, 3900mm² సూప‌ర్‌కూల్ వేప‌ర్ ఛాంబ‌ర్ వంటివి ఎక్కువసేపు వాడినా ఫోన్ హీట్ కాకుండా కంట్రోల్ చేస్తాయి.

భారీ బ్యాటరీ – రోజు మొత్తం టెన్షన్ ఫ్రీ

బ్యాటరీ సమస్య చాలా మందికి పెద్ద టెన్షన్. కానీ ఈ ఫోన్‌తో అది తగ్గుతుంది. 7000mAh బ్యాటరీ – ఈ సెగ్మెంట్‌లో చాలా పెద్దది. ఒకరోజు పూర్తి ఉపయోగం (కాల్స్, వీడియోలు, సోషల్ మీడియా, గేమింగ్) సులభంగా సాగుతుంది. ఇందులో 45W సూప‌ర్ వూక్ ఫాస్ట్ చార్జింగ్ అందించారు. దీంతో ఈ ఫోన్‌ తక్కువ టైంలో చార్జ్ అవుతుంది.

ఇంకా ముఖ్యంగా బ్యాటరీ దీర్ఘకాలం హెల్త్ కాపాడుతుంది. ఒకటి రెండు సంవత్సరాల తర్వాత కూడా పనితీరు తగ్గదు. రోజువారీ ఉపయోగానికి బలమైన డిజైన్. ఫోన్‌ను ఎప్పుడూ జాగ్రత్తగా వాడటం సాధ్యం కాదు. అందుకే ఈ ఫోన్ దానికి సరిపోయేలా డిజైన్ చేశారు. ఇక నీరు, దూళి నుంచి ర‌క్ష‌ణ కోసం ఇందులో IP66, IP68, IP69 రేటింగ్స్ ఇచ్చారు. MIL-STD-810H సర్టిఫికేషన్ వంటి మిలిటరీ స్థాయి టెస్టింగ్ కూడా ఈ ఫోన్ సొంతం. అంటే వర్షంలో వాడినా సమస్య ఉండ‌దు. కాస్త పడినా టెన్షన్ అవసరం లేదు. ఇంకా అద‌న‌పు ఫీచ‌ర్ల విష‌యానికొస్తే ఇందులో 6.75 ఇంచెస్‌తో కూడి డిస్‌ప్లేను అందించారు. 120Hz రిఫ్రెష్ రేట్, 1125 nits బ్రైట్‌నెస్ ఈ స్క్రీన్ సొంతం. దీంతో ఎండలో కూడా స్క్రీన్‌ క్లియర్‌గా కనిపిస్తుంది. అదనంగా స్ప్లాష్ ట‌చ్‌, గ్లోవ్ ట‌చ్ వంటివి ఇచ్చారు.

ఈ ఫోన్ ప్రత్యేకత స్పీడ్ కాదు, స్థిరత్వం.

ఎక్కువసేపు గేమింగ్ చేసినా ఒకేసారి ఎన్నో యాప్స్ వాడినా, బ్యాక్‌గ్రౌండ్ ప్రాసెస్‌లు నడిచినా, పనితీరు తగ్గకుండా ఉంటుంది. కూలింగ్ సిస్టమ్ హీట్‌ను కంట్రోల్ చేస్తుంది.

కెమెరా విష‌యానికొస్తే..

ఇక కెమెరా విష‌యానికొస్తే ఇందులో 50MP AI కెమెరాను అందించారు. దీంతో సులభంగా మంచి ఫోటోలు తీసుకోవ‌చ్చు. కెమెరా అవసరం లేని ఆబ్జెక్ట్స్ తొలగిస్తాయి. బ్లర్ తగ్గిస్తాయి, లో లైట్ ఫోటోలు మెరుగుపరుస్తాయి, రిఫ్లెక్షన్ తగ్గిస్తాయి. అంటే, ఫోటో తీసిన తర్వాత ఎడిటింగ్ అవసరం తక్కువగా ఉంటుంది.

కొనుగోలు తర్వాత సపోర్ట్ కూడా

OPPO ఈ ఫోన్‌కు మంచి సర్వీస్ అందిస్తోంది. 30 రోజుల రీప్లేస్‌మెంట్ ఆఫర్, OPPO Care సర్వీస్ ప్లాన్స్, దేశవ్యాప్తంగా 580+ సర్వీస్ సెంటర్లు అందుబాటులో ఉన్నాయి.

ధ‌రలు ఎలా ఉన్నాయంటే.?

* 6GB + 128GB వేరియంట్ ధ‌ర రూ. 19,999

* 8GB + 256GB వేరియంట్ ధ‌ర రూ. 23,999గా నిర్ణ‌యించారు.

* ఇక ఆఫ‌ర్ల విష‌యానికొస్తే హెచ్‌డీఎఫ్‌సీ, ఐసీఐసీఐ, ఎస్‌బీఐ కార్డుల‌తో రూ. 1000 డిస్కౌంట్ పొందొచ్చు. 3 నెలల నో కాస్ట్ ఈఎమ్ఐ ఆప్ష‌న్ కూడా ఉంది.

ఈ ఫోన్ ఫ్లిప్‌కార్ట్‌తో పాటు ఒప్పో అధికారిక వెబ్‌సైట్‌లో అందుబాటులో ఉంది. చాలా ఫోన్లు మొదట బాగా పని చేస్తాయి. కానీ కాలక్రమంలో పనితీరు తగ్గిపోతుంది. కానీ OPPO K14 5G మాత్రం దీర్ఘకాలం స్మూత్‌గా పని చేయడంపై దృష్టి పెట్టింది. భారీ బ్యాటరీ, బలమైన నిర్మాణం, స్థిరమైన పనితీరు అన్నీ క‌లిపి మంచి అనుభవాన్ని ఇస్తుంది. రూ. 25,000 లోపు ల్యాగ్ లేకుండా పని చేసే ఫోన్, తరచూ చార్జ్ చేయాల్సిన అవసరం లేని బ్యాటరీ, బలమైన బిల్డ్ వంటివి కావాలంటే ఈ ఫోన్ మంచి ఎంపికగా చెప్పొచ్చు.

Robot Vacuum: ఉన్నోల్లే కాదండోయ్‌.. మ‌నం కూడా రోబో వ్యాక్యూమ్ కొనుక్కోవ‌చ్చు. త‌క్కువ ధ‌ర‌లోనే

Narender Vaitla — Wed, 13 May 2026 17:05:04 +0530

Robot Vacuum: రోబో వాక్యూమ్ క్లీన‌ర్స్‌కి డిమాండ్ పెరుగుతోంది. అయితే వీటి ధ‌రలు ఎక్కువ ఉండ‌డంతో కేవ‌లం కొంద‌రికే ప‌రిమిత‌మ‌నే ఆలోచ‌న‌లో ఉంటాం. కానీ ఐలైఫ్ పేరుతో బ‌డ్జెట్ ధ‌ర‌లో అదిరిపోయే ఫీచ‌ర్ల‌తో కూడిన వ్యాక్యూమ్ క్లీన‌ర్ గురించి తెలుసుకుందాం.

ఇంటి పనుల్లో ఎక్కువ సమయం తీసుకునేది పని శుభ్రపరచడం. ముఖ్యంగా దుమ్ము, పెట్ హెయిర్, చిన్న చెత్త వల్ల రోజూ క్లీనింగ్ చేయాల్సి వస్తుంది. ఇలాంటి సమయంలో ILIFE A20 ప్రో రోబోట్ వ్యాక్యూమ్ క్లీన‌ర్ స్మార్ట్ టెక్నాలజీతో ఇంటిని ఆటోమేటిక్‌గా శుభ్రం చేస్తుంది. ఈ రోబోట్ వాక్యూమ్‌లో అప్గ్రేడ్ చేసిన LiDAR నావిగేషన్ టెక్నాలజీ ఉంది. ఇది ఇంటి మ్యాప్‌ను స్కాన్ చేసి, ఏ గది ఎక్కడ ఉందో గుర్తుంచుకుంటుంది. ఫర్నిచర్‌ను ఢీకొనకుండా, మెట్ల నుంచి పడిపోకుండా సురక్షితంగా కదులుతుంది. ఇంట్లో గదులు ఎక్కువగా ఉన్నా సమస్య లేదు. ఒకేసారి 5 ఫ్లోర్ల వరకు మ్యాప్స్ సేవ్ చేసుకునే అవకాశం ఉంది. ప్రతి గదికి వేర్వేరు క్లీనింగ్ సెట్టింగ్స్ పెట్టుకోవచ్చు. మొబైల్ యాప్ ద్వారా వర్చువల్ వాల్ కూడా సెట్ చేయొచ్చు. దీంతో అవసరం లేని ప్రాంతాల్లోకి రోబో వెళ్లదు.

ILIFE A20 ప్రో రోబోట్ వ్యాక్యూమ్ క్లీన‌ర్‌లో శక్తివంతమైన సక్షన్ సిస్టమ్ ఉంది. ఇది నేలపై ఉన్న దుమ్ము, జుట్టు, చిన్న చెత్త కణాలను సులభంగా పీల్చేస్తుంది. సంప్రదాయ ఊడ్చే పద్ధతిలో దుమ్ము గాల్లోకి ఎగిరిపోతుంది. కానీ ఈ రోబో వాక్యూమ్ నేరుగా నేల నుంచే దుమ్మును తీసేయడం వల్ల ఇంటి వాతావరణం మరింత పరిశుభ్రంగా ఉంటుంది. ప్రత్యేకంగా పిల్లులు, కుక్కలు ఉన్న ఇళ్లకు ఇది చాలా ఉపయోగకరం. పెట్ హెయిర్‌ను కూడా సమర్థంగా తొలగిస్తుంది. కార్పెట్ మీదకు వెళ్లినప్పుడు ఆటో కార్పెట్ బూస్ట్ ఫీచర్ ద్వారా సక్షన్ పవర్ ఆటోమేటిక్‌గా పెరుగుతుంది. ధర విషయానికొస్తే అమెజాన్ లోఈ వ్యాక్యూమ్ క్లీనర్ అసలు ధర రూ. 69,999కాగా ఏకంగా 77 శాతం డిస్కౌంట్ తో రూ. 16,400కే లభిస్తోంది. దీంతో పాటు పలు బ్యాంకులకు చెందిన క్రెడిట్ కార్డులతో కొనుగోలు చేస్తే అదనంగా రూ. 1500 వరకు డిస్కౌంట్ పొందొచ్చు.

ఈ డివైస్‌లో వాక్యూమ్, మాప్ రెండూ ఒకేసారి పనిచేస్తాయి. 2-in-1 వాటర్ ట్యాంక్, డస్ట్ ట్యాంక్ ఉండటం వల్ల ఒకేసారి దుమ్ము తొలగించడంతో పాటు నేలను తుడుస్తుంది. ఇందులో ఉన్న Y-Shape మాపింగ్ సిస్టమ్ మనిషి చేతితో తుడిచినట్లుగా ముందుకు వెనక్కి కదులుతూ ఫ్లోర్‌ను పూర్తిగా శుభ్రం చేస్తుంది. ముఖ్యంగా టైల్ ఫ్లోర్లు, గ్రానైట్, వుడ్ ఫ్లోర్లు వంటి ఉపరితలాలపై మంచి ఫలితాలు ఇస్తుంది.

ఈ రోబో వ్యాక్యూమ్ క్లీనర్ హార్డ్ ఫ్లోర్, టైల్స్, గ్రానైట్ ఫ్లోరింగ్, మొజాయిక్ ఫ్లోరింగ్, వుడెన్ ఫ్లోరింగ్, విట్రిఫైడ్ టైల్స్, బాల్కనీ టైల్స్, సిమెంట్ ఫ్లోర్, కార్పెట్స్ వంటి అన్ని ర‌కాల ఫ్లోర్ల‌కు అనుకూలంగా ఉంటుంది. 2-in-1 రోలర్ బ్రష్ వల్ల వివిధ రకాల నేలలపై సమానంగా క్లీన్ అవుతుంది. మూలల దగ్గర, గోడల అంచుల దగ్గర కూడా సైడ్ బ్రష్‌లతో చెత్తను సేకరిస్తుంది.

ఈ రోబోట్ వాక్యూమ్‌ను మొబైల్ యాప్ ద్వారా నియంత్రించవచ్చు. అలాగే అలెక్సా, గూగుల్ హోమ్ వంటి వాయిస్ కమాండ్స్‌కు కూడా సపోర్ట్ చేస్తుంది. ఇందులో 5200mAh పెద్ద బ్యాటరీ ఉండటం వల్ల ఒకసారి ఛార్జ్ చేస్తే పెద్ద ఇంటిని కూడా శుభ్రం చేయగలదు. సుమారు 4500 చదరపు అడుగుల వరకు క్లీనింగ్ చేయగల సామర్థ్యం ఉంది. బ్యాటరీ తగ్గినప్పుడు ఇది ఆటోమేటిక్‌గా ఛార్జింగ్ డాక్‌కి వెళ్లి ఛార్జ్ అవుతుంది. మళ్లీ ఛార్జ్ పూర్తయ్యాక ఆగిన చోటు నుంచి క్లీనింగ్ కొనసాగిస్తుంది.

Samsung Galaxy S25 Ultra పై భారీ డిస్కౌంట్.. ఏకంగా రూ. 34,000 తగ్గిన ధర

Mahesh Rajamoni — Mon, 08 Jun 2026 11:52:42 +0530

Samsung Galaxy S25 Ultra : అమెజాన్‌లో శామ్‌సంగ్ గెలాక్సీ S25 అల్ట్రా ధర భారీగా తగ్గింది. రూ. 34,000 ఫ్లాట్ డిస్కౌంట్‌తో ఇప్పుడు అతి తక్కువ ధరకే ఈ ప్రీమియం ఫోన్ లభిస్తోంది. ఆ వివరాలు ఇక్కడ తెలుసుకుందాం.

శామ్‌సంగ్ అభిమానులకు ఇది నిజంగా అదిరిపోయే న్యూస్. మార్కెట్లో అత్యంత క్రేజ్ ఉన్న ప్రీమియం స్మార్ట్‌ఫోన్ శామ్‌సంగ్ గెలాక్సీ S25 అల్ట్రా (Samsung Galaxy S25 Ultra) ధర ఒక్కసారిగా భారీగా పడిపోయింది. ప్రముఖ ఈ కామర్స్ దిగ్గజం అమెజాన్‌లో ఈ ఫోన్‌పై కళ్లు చెదిరే డిస్కౌంట్ లభిస్తోంది. లాంచ్ అయినప్పటి నుంచి ఇప్పటివరకు ఇదే అత్యంత తక్కువ ధర అని చెప్పవచ్చు.

శామ్‌సంగ్ గెలాక్సీ S25 అల్ట్రా భారత్‌లో రూ. 1,29,999 ప్రారంభ ధరతో లాంచ్ అయ్యింది. అయితే, ప్రస్తుతం అమెజాన్ డీల్‌లో భాగంగా ఈ ఫోన్ పై ఏకంగా రూ. 34,000 ఫ్లాట్ డిస్కౌంట్ ఇస్తున్నారు. దీంతో ఈ ప్రీమియం స్మార్ట్‌ఫోన్ కేవలం రూ. 95,999 కే అందుబాటులోకి వచ్చింది.

ఈ ఆఫర్ ప్రధానంగా 12GB RAM + 256GB స్టోరేజ్ వేరియంట్, టైటానియం గ్రే కలర్ మోడల్‌పై లభిస్తోంది. ప్రస్తుతం ఎటువంటి అదనపు బ్యాంక్ కార్డ్ ఆఫర్లు లేకపోయినా, ఈ డైరెక్ట్ డిస్కౌంట్ మాత్రం చాలా సూపర్ అని చెప్పాలి.

శామ్‌సంగ్ గెలాక్సీ S25 అల్ట్రా పెర్ఫార్మెన్స్ గురించి ప్రత్యేకంగా చెప్పక్కర్లేదు. ఇందులో క్వాల్కమ్ కింగ్ స్నాప్ డ్రాగన్ 8 ఎలైట్ చిప్‌సెట్‌ను వాడారు. ఇది చాలా పవర్‌ఫుల్ ప్రాసెసర్. మీరు హెవీ గేమ్స్ ఆడినా లేదా మల్టీ టాస్కింగ్ చేసినా ఫోన్ ఎక్కడా లాగ్ అవ్వదు. లాగ్ ఫ్రీ ఎక్స్‌పీరియన్స్ కావాలనుకునే వారికి, గేమింగ్ ప్రియులకు ఇది ఒక సూపర్ ఫోన్.

శామ్‌సంగ్ గెలాక్సీ S25 అల్ట్రా మునుపటి మోడల్స్ కంటే మెరుగ్గా ఉంటుంది. ఇందులో 6.9 ఇంచుల భారీ స్క్రీన్ ఉంది. స్క్రీన్ చుట్టూ ఉండే బెజెల్స్ చాలా సన్నగా ఉండటం వల్ల డిస్‌ప్లే చాలా పెద్దదిగా, రిచ్‌గా కనిపిస్తుంది. వీడియోలు చూడటానికి, గేమ్స్ ఆడుకోవడానికి ఈ లార్జ్ డిస్‌ప్లే అదిరిపోయే అనుభూతిని ఇస్తుంది. డిజైన్ పరంగా కూడా ఇది చాలా ప్రీమియం లుక్‌ను కలిగి ఉంటుంది.

శామ్‌సంగ్ అల్ట్రా సిరీస్ అంటేనే కెమెరాకు పెట్టింది పేరు. ఇందులో క్వాడ్ కెమెరా సెటప్ ఉంది.

• 200 MP మెయిన్ ప్రైమరీ సెన్సార్.

• 50 MP అల్ట్రా వైడ్ సెన్సార్.

• 50 MP టెలిఫోటో లెన్స్ (5x ఆప్టికల్ జూమ్).

• 10 MP టెలిఫోటో కెమెరా (3x ఆప్టికల్ జూమ్).

ఫోటోగ్రఫీ ఇష్టపడేవారికి, ప్రొఫెషనల్ ఫోటోలు తీసుకోవాలనుకునే వారికి ఈ కెమెరా సెటప్ బెస్ట్ ఆప్షన్. లో లైట్‌లో కూడా పిక్చర్స్ చాలా క్లారిటీగా వస్తాయి.

రోజంతా ఫోన్ వాడినా ఛార్జింగ్ అయిపోకూడదు అనుకునే వారి కోసం ఇందులో 5,000mAh బ్యాటరీని అందించారు. ఇది ఈజీగా ఒక రోజంతా బ్యాకప్ ఇస్తుంది. ఇక వచ్చే నెలలో S26 అల్ట్రా లాంచ్ అయ్యే అవకాశముంది. అందుకే ఇప్పుడు శామ్‌సంగ్ గెలాక్సీ S25 అల్ట్రా ధర తగ్గింది. అయితే, ఈ ధరకు S25 అల్ట్రాను దక్కించుకోవడం మంచి డీల్ అని టెక్ నిపుణులు చెబుతున్నారు. ఇంకా తక్కువ ధరకు వచ్చే ఛాన్స్ ఉన్నా, ప్రస్తుతం ఉన్న రూ. 34,000 తగ్గింపు మాత్రం మిస్ చేసుకోకూడని ఆఫర్ అని చెప్పవచ్చు.

Kitchen Gadgets: వంట చేసే రోబో.. అమెజాన్‌లో అందుబాటులో, ఎలా ప‌నిచేస్తుందంటే.?

Narender Vaitla — Wed, 22 Apr 2026 20:40:32 +0530

Kitchen Gadgets: మారిన కాలంతో పాటు టెక్నాల‌జీ కూడా మారుతోంది. స్మార్ట్ టెక్నాల‌జీ ఇప్పుడు వంటింట్లోకి కూడా వ‌చ్చేసింది. అమెజాన్‌లో అందుబాటులో ఉన్న వండ‌ర్‌చెఫ్ మ్యాజిక్ కిచెన్ రోబోట్ ప్రొడెక్ట్ గురించి ఇప్పుడు తెలుసుకుందాం.

వండ‌ర్‌చెఫ్ మ్యాజిక్ కిచెన్ రోబోట్ అనేది ఒక ఆల్-ఇన్-వన్ స్మార్ట్ కుకింగ్ మెషీన్. ఒకే పరికరంలో స్టౌ, మిక్సర్, చాపర్, స్టిరర్, స్టీమర్, కుకర్, నీడర్ వంటి అనేక పనులను చేయగలదు. వంటలో ఉపయోగించే అనేక ఉపకరణాలను ఇది భర్తీ చేస్తుంది. చిన్న కిచెన్‌లో కూడా సులభంగా ఉంచుకునేలా కాంపాక్ట్ డిజైన్‌తో ఉంటుంది.

వంట చేసే సమయంలో ఎక్కువ సమయం తీసుకునే పని ‘కలపడం’. దీనికి సాధార‌ణంగా 15–30 నిమిషాలు పడుతుంది. కానీ ఈ మెషీన్ ఆ పని మీకోసం ఆటోమేటిక్‌గా చేస్తుంది. పదార్థాలు అతుక్కుపోకుండా కలుపుతుంది. సరైన వేడి అందిస్తుంది. వంటను సమంగా పూర్తి చేస్తుంది. దీంతో మీ సమయం, శ్రమ రెండూ ఆదా అవుతాయి.

ఈ పరికరంలో 500కుపైగా రెసిపీలు ముందుగానే అందుబాటులో ఉంటాయి. భారతీయ వంటలు, జైన్ ఫుడ్, నాన్-వెజ్ ఐటమ్స్, మెక్సికన్, ఫ్రెంచ్, థాయ్, మలేషియన్ వంటలు చేయొచ్చు. అంతేకాదు, Wi-Fi కనెక్ట్ చేస్తే ప్రతి వారం కొత్త రెసిపీలు ఆటోమేటిక్‌గా అప్‌డేట్ అవుతాయి. మీరు మీకు నచ్చిన రెసిపీలు కూడా సేవ్ చేసుకోవచ్చు.

ఈ కిచెన్ రోబోట్ స్మార్ట్ స్క్రీన్‌తో వస్తుంది. స్టెప్-బై-స్టెప్ గైడ్ , టైమింగ్, టెంపరేచర్ వివరాలు, సరైన కొలతలు ఇలా అన్ని అందిస్తాయి. మొబైల్ యాప్ ద్వారా కూడా దీనిని నియంత్రించవచ్చు. వంట ప్రోగ్రెస్ తెలుసుకోవచ్చు, సెట్టింగ్స్ మార్చుకోవచ్చు, దూరం నుంచే కంట్రోల్ చేయవచ్చు.

ఈ పరికరం ABS ప్లాస్టిక్ బాడీతో, 304 గ్రేడ్ స్టెయిన్‌లెస్ స్టీల్ జార్‌తో తయారు చేశారు. ఇందులో 4.7 లీటర్ల కెపాసిటీ, 1800 వాట్స్ పవర్, స్ట్రాంగ్ స్టీల్ బ్లేడ్స్ ఇచ్చారు. ఆటో-క్లీన్ ఫీచర్ వల్ల కేవలం నీటితోనే సులభంగా శుభ్రం చేసుకోవచ్చు. వాడిన వెంటనే క్లీనింగ్ చేస్తే మెషీన్ ఎక్కువ కాలం బాగుంటుంది. ఇంకా, 2 సంవత్సరాల వారంటీతో పాటు ఆన్‌లైన్ డెమో సపోర్ట్ కూడా అందుబాటులో ఉంటుంది.

Amazon Great Summer Sale : అమెజాన్ సమ్మర్ సేల్ ధమాకా.. ఐక్యూ, వివో ఫోన్లపై రూ. 40 వేల వరకు డిస్కౌంట్!

Mahesh Rajamoni — Wed, 13 May 2026 08:36:25 +0530

Amazon Great Summer Sale: అమెజాన్ గ్రేట్ సమ్మర్ సేల్ 2026 ప్రారంభమైంది. వివో, ఐక్యూ స్మార్ట్‌ఫోన్లపై భారీ డిస్కౌంట్లు, క్యాష్‌బ్యాక్ ఆఫర్లు అందుబాటులో ఉన్నాయి. ఆ పూర్తి వివరాలు ఇక్కడ తెలుసుకుందాం.

అమెజాన్ గ్రేట్ సమ్మర్ సేల్ 2026 లైవ్ లోకి వచ్చేసింది. మీరు కొత్త ఫోన్ కొనాలని ప్లాన్ చేస్తున్నారా? ముఖ్యంగా వివో, ఐక్యూ బ్రాండ్లంటే ఇష్టమా? అయితే మీ కోసమే ఈ అదిరిపోయే డీల్స్. ప్రీమియం మోడల్స్ నుంచి బడ్జెట్ ఫోన్ల వరకు అన్నింటిపై భారీ డిస్కౌంట్లు ఉన్నాయి. మరి ఆ డీల్స్ ఏంటో, ఎంత తక్కువకు ఫోన్లు వస్తున్నాయో ఇక్కడ తెలుసుకుందాం.

ఈ సేల్‌లో కేవలం ఫోన్ ధరలు తగ్గడమే కాదు, అదనపు బెనిఫిట్స్ కూడా చాలా ఉన్నాయి. మీరు కనీసం రూ. 2,500 కంటే ఎక్కువ షాపింగ్ చేస్తే రూ. 150 ఫ్లాట్ క్యాష్‌బ్యాక్ పొందవచ్చు. ఒకవేళ మీరు హెచ్‌డిఎఫ్‌సి బ్యాంక్ క్రెడిట్ కార్డ్ వాడుతుంటే, మీకు ఇన్‌స్టంట్‌గా 10 శాతం డిస్కౌంట్ లభిస్తుంది. ఇది ఈజీ ఈఎంఐ ట్రాన్సాక్షన్లకు కూడా వర్తిస్తుంది. ఇక ఎక్స్ఛేంజ్ ఆఫర్లు, నో కాస్ట్ ఈఎంఐ ఫెసిలిటీస్ ఉండనే ఉన్నాయి.

అమెజాన్ ప్రైమ్ మెంబర్ల గురించి ప్రత్యేకంగా చెప్పక్కర్లేదు. వారికి రూ. 2,500 పైన కొనుగోలు చేస్తే ఏకంగా రూ. 250 క్యాష్‌బ్యాక్ వస్తుంది. అంతేకాకుండా, సుమారు రెండు లక్షల ప్రోడక్ట్స్ పై ఎక్స్‌క్లూజివ్ కూపన్లు అందుబాటులో ఉన్నాయి. ఒకవేళ మీరు అమెజాన్ పే ఐసీఐసీఐ బ్యాంక్ క్రెడిట్ కార్డ్ ఉపయోగిస్తే, అన్‌లిమిటెడ్ 5 శాతం క్యాష్‌బ్యాక్ మీ సొంతం. యూపీఐ పేమెంట్స్ చేసే వారికి డైమండ్స్ రూపంలో రివార్డ్స్ కూడా ఇస్తున్నారు.

ప్రీమియం ఫోటోగ్రఫీ ఇష్టపడే వారికి వివో ఫోన్లు బెస్ట్ ఆప్షన్. అమెజాన్ సమ్మర్ సేల్ లో సూపర్ ఆఫర్లు ఉన్నాయి.

• Vivo X300 Ultra 5G: దీని అసలు ధర రూ. 1,99,999 కాగా, ఈ సేల్‌లో కేవలం రూ. 1,59,999 కే దొరుకుతోంది. అంటే ఏకంగా రూ. 40,000 ఆదా లభిస్తోంది.

• Vivo X Fold 5: ఫోల్డబుల్ ఫోన్ కావాలనుకునే వారికి ఇది మంచి ఛాన్స్. రూ. 1,59,999 ఫోన్ ఇప్పుడు రూ. 1,49,998 కే లభిస్తుంది.

• మీరు బడ్జెట్ లో ఫోన్ చూస్తుంటే, Vivo V60e 5G రూ. 31,999 కు అందుబాటులో ఉంది.

• వివో వై51 ప్రో 5జీ అసలు ధర 34,990 కాగా, ప్రస్తుతం రూ. 27,999 కు అందుబాటులో ఉంది.

• వివో ఎక్స్ 300 ఎఫ్ఈ 5జీ అసలు ధర రూ.1,19,999 కాగా, ప్రస్తుతం రూ.79,999 కు అందుబాటులో ఉంది.

గేమింగ్ అంటే ఇష్టపడే యూత్ కోసం ఐక్యూ అదిరిపోయే ఆఫర్లు తెచ్చింది.

• iQOO 15: పవర్‌ఫుల్ పర్ఫార్మెన్స్ ఇచ్చే ఈ ఫోన్ రూ. 76,999 నుంచి తగ్గి రూ. 66,999 కు చేరింది.

• iQOO 15R: రూ. 53,999 ఉన్న ఈ మోడల్ ఇప్పుడు రూ. 41,499 కే సొంతం చేసుకోవచ్చు.

• ఐక్యూ జెడ్11ఎక్స్ 5జీ అసలు ధర 28,999 కాగా, ప్రస్తుతం రూ. 19,999 కు అందుబాటులో ఉంది.

• అలాగే, ఐక్యూ నియో 10 అసలు ధర రూ.45,999 కాగా, ప్రస్తుతం రూ.34,999 కు అందుబాటులో ఉంది.

• ఇక బడ్జెట్ లో 5G ఫోన్ కావాలనుకుంటే iQOO Z10 Lite 5G కేవలం రూ. 13,999 కే దొరుకుతోంది. ఇది నిజంగా బెస్ట్ డీల్ అని చెప్పొచ్చు.

ఎందుకు కొనాలి? ఏది బెస్ట్?

ఈ సేల్‌లో ప్రతి రేంజ్ లోనూ ఫోన్లు ఉన్నాయి. మీరు ప్రొఫెషనల్ ఫోటోగ్రఫీ కావాలనుకుంటే వివో X సిరీస్ వైపు వెళ్లండి. లేదు నాకు స్పీడ్, గేమింగ్ ముఖ్యం అనుకుంటే ఐక్యూ సిరీస్ బెస్ట్. తక్కువ బడ్జెట్ లో కూడా మంచి ఫోన్లు సేల్ లో ఉన్నాయి.

Projector: రూ. 3 వేల‌తో మీ ఇంటిని థియేట‌ర్‌గా మార్చేయండి.. హైఎండ్ ఫీచ‌ర్ల‌తో స్మార్ట్ ప్రొజెక్ట‌ర్‌

Narender Vaitla — Wed, 20 May 2026 18:13:46 +0530

Projector: ఇంట్లోనే థియేటర్‌లాంటి అనుభూతిని కోరుకునే వారి సంఖ్య పెరుగుతోంది. ముఖ్యంగా ఓటీటీలు అందుబాటులోకి వ‌చ్చిన త‌ర్వాత వీటికి ఆద‌ర‌ణ ఎక్కువ‌గా ల‌భిస్తోంది. అమెజాన్‌లో త‌క్కువ ధ‌ర‌లో అందుబాటులో ఉన్న ఓ బెస్ట్ ప్రొజెక్ట‌ర్ గురించి తెలుసుకుందాం.

త‌క్కువ ధ‌ర‌లో మంచి ఫీచ‌ర్ల‌తో కూడిన ప్రొజెక్ట‌ర్ కోసం చూస్తున్న వారికి PANSEBA Smart Projector మంచి ఆప్షన్‌గా చెప్పొచ్చు. ఆండ్రాయిడ్ 11 సపోర్ట్‌, 4K, 1080P వీడియో సపోర్ట్‌, WiFi 6 కనెక్టివిటీ వంటి ఆధునిక ఫీచర్లతో ఈ ప్రొజెక్టర్‌ను కంపెనీ మార్కెట్లోకి తీసుకొచ్చింది. ప్రస్తుతం భారీ డిస్కౌంట్‌తో అందుబాటులో ఉన్న ఈ ప్రొజెక్టర్ అస‌లు ధ‌ర రూ. 19,999 కాగా డిస్కౌంట్‌లో భాగంగా రూ. 3,399కి ల‌భిస్తోంది. దీనికి అద‌నంగా అమెజాన్ పే బ్యాలెన్స్‌తో పే చేస్తే అద‌నంగా రూ. 100 వ‌ర‌కు డిస్కౌంట్ పొందొచ్చు. ఈ ప్రొజెక్టర్‌లో 180 డిగ్రీలు తిరిగే రొటేటింగ్ స్టాండ్‌ను ఏర్పాటు చేశారు. దీని వల్ల గోడపై మాత్రమే కాకుండా పైకప్పుపై కూడా వీడియోలను ప్రొజెక్ట్ చేయవచ్చు. దీంతో పడుకుని సినిమాలు చూడాలనుకున్నా కూడా సులభంగా యాంగిల్ మార్చుకునే అవకాశం ఉంటుంది. 40 ఇంచుల నుంచి 130 ఇంచుల వరకు పెద్ద స్క్రీన్ అనుభవాన్ని ఇది అందిస్తుంది.

PANSEBA స్మార్ట్ ప్రొజెక్ట‌ర్ 1920x1080 రిజల్యూషన్‌ను సపోర్ట్ చేస్తుంది. 4K వీడియో ప్లేబ్యాక్ సపోర్ట్ కూడా ఇందులో ఉంది. ఆటోమేటిక్ హారిజాంటల్ కీస్టోన్ కరెక్షన్ ఫీచర్ ఉండటంతో స్క్రీన్ వంకరగా కనిపించినా అది ఆటోమేటిక్‌గా సరిచేస్తుంది. దీంతో వీడియోలు మరింత క్లియర్‌గా, థియేటర్ అనుభూతికి దగ్గరగా కనిపిస్తాయి.

సాధారణ HDMI కేబుల్ అవసరం లేకుండా మొబైల్‌, ల్యాప్‌టాప్‌, ట్యాబ్ వంటి పరికరాలను ఈ ప్రొజెక్టర్‌కు వైర్‌లెస్‌గా కనెక్ట్ చేసుకోవచ్చు. ఇందులో WiFi 6 సపోర్ట్ ఇవ్వడంతో వీడియో స్ట్రీమింగ్ వేగంగా జరుగుతుంది. కనెక్షన్ డిలే చాలా తక్కువగా ఉంటుంది. Bluetooth 5.0 ఫీచర్ వల్ల స్పీకర్లు, హెడ్‌ఫోన్స్ వంటి డివైస్‌లను కూడా సులభంగా కనెక్ట్ చేయవచ్చు.

ఈ ప్రొజెక్టర్‌లో HDMI, USB, 3.5mm హెడ్‌ఫోన్ జాక్ వంటి పోర్టులు అందుబాటులో ఉన్నాయి. టీవీ స్టిక్‌, గేమింగ్ కన్సోల్‌, PC, స్మార్ట్‌ఫోన్‌, DVD ప్లేయర్‌, USB డ్రైవ్ వంటి అనేక పరికరాలను కనెక్ట్ చేసుకోవచ్చు. ఇంట్లో సినిమా చూడటానికి మాత్రమే కాకుండా ఆఫీస్ ప్రెజెంటేషన్స్‌, పార్టీలు, గేమింగ్ కోసం కూడా ఉపయోగించవచ్చు.

పోర్టబుల్ డిజైన్ కారణంగా ఈ ప్రొజెక్టర్‌ను ఎక్కడికైనా సులభంగా తీసుకెళ్లవచ్చు. చిన్న గదుల్లో కూడా పెద్ద స్క్రీన్ అనుభవాన్ని పొందొచ్చు. తక్కువ ధరలో స్మార్ట్ ఫీచర్లతో హోమ్ థియేటర్ అనుభూతి కోరుకునే వారికి ఈ PANSEBA Smart Projector మంచి ఎంపికగా కనిపిస్తోంది.

Best smartphones: రూ.10,000 లోపు బెస్ట్ స్మార్ట్‌ఫోన్లు.. 50MP కెమెరా, పవర్‌ఫుల్ బ్యాటరీతో అదరగొడుతున్న బడ్జెట్ ఫోన్లు ఇవే !

Mahesh Rajamoni — Thu, 04 Jun 2026 19:45:01 +0530

Best smartphones under 10000: చిప్ ధరలు పెరగడంతో చాలా వరకు అన్ని కంపెనీలు తమ స్మార్ట్‌ఫోన్ల ధరలను పెంచాయి. అయితే, రూ.10వేల బడ్జెట్‌లో అదిరిపోయే ఫీచర్లు, 50MP కెమెరా, బిగ్ బ్యాటరీతో లభిస్తున్న టాప్ 5 స్మార్ట్‌ఫోన్లు వివరాలు మీకోసం.

మార్కెట్‌లో మొబైల్ ఫోన్ల ధరలు రోజురోజుకూ ఆకాశాన్ని తాకుతున్నాయి. ఇలాంటి టైమ్‌లో తక్కువ బడ్జెట్‌లో, ఎక్కువ ఫీచర్లు ఉన్న బెస్ట్ ఫోన్ వెతకడం ఒక పెద్ద టాస్క్‌గా మారిపోయింది. అయితే, బడ్జెట్ కాస్త టైట్‌గా ఉన్నా సరే.. డైలీ యూజ్‌కు అవసరమైన అద్భుతమైన ఫీచర్లను అందించే బ్రాండ్లు మార్కెట్‌లో ఇంకా ఉన్నాయి.

మీరు ఆన్‌లైన్ క్లాసులు వినడానికైనా, సోషల్ మీడియాలో ఎండ్‌లెస్ స్క్రోలింగ్ చేయడానికైనా, నెట్‌ఫ్లిక్స్, యూట్యూబ్‌ వాచింగ్ చేయడానికైనా ఇవి పర్ఫెక్ట్ ఛాయిస్ అనే ఫోన్లు ఉన్నాయి. మీరు పెట్టే ప్రతి రూపాయికి ఈ ఫోన్లు వాల్యూ ఇస్తాయి. రూ. 10,000 లోపే పవర్‌ఫుల్ పర్ఫార్మెన్స్, అదిరిపోయే బ్యాటరీ లైఫ్, సూపర్ కెమెరాలు, మోడ్రన్ ఫీచర్లతో లభిస్తున్న కొన్ని బెస్ట్ స్మార్ట్‌ఫోన్ల వివరాలు గమనిస్తే..

బడ్జెట్ రేంజ్‌లో మోటోరోలా మోటో G05 ఒక సూపర్ ఆప్షన్ అని చెప్పొచ్చు. ఈ ఫోన్‌లో 6.67 ఇంచుల ఐపీఎస్ డిస్‌ప్లేను ఇచ్చారు. ఇది 90Hz రీఫ్రెష్ రేట్‌తో వస్తుంది. దీనివల్ల ఫోన్ వాడుతున్నప్పుడు స్క్రోలింగ్ చాలా స్మూత్‌గా ఉంటుంది.

ఇక కెమెరా విషయానికి వస్తే.. బ్యాక్ సైడ్ 50MP ప్రైమరీ కెమెరా, సెల్ఫీల కోసం 8MP ఫ్రంట్ కెమెరా ఉన్నాయి. ఈ ఫోన్‌లో మీడియాటెక్ హెలియో G81 అల్ట్రా ప్రాసెసర్‌ను ఉపయోగించారు. ఇది మీ డైలీ టాస్క్‌లను ఎలాంటి లాగ్ లేకుండా ఈజీగా మేనేజ్ చేస్తుంది.

Motorola Moto G05 ధర: రూ. 7,299

మీరు బ్రాండ్ వాల్యూ చూసుకునే వారైతే, శామ్‌సంగ్ నుంచి వస్తున్న గెలాక్సీ F05 ఒక బెస్ట్ పిక్ అవుతుంది. ఇందులో 6.74 ఇంచుల ఎల్‌సీడీ స్క్రీన్ లభిస్తుంది. ఫోటోలు, వీడియో కాల్స్ కోసం 50MP ప్రైమరీ కెమెరా, 8MP ఫ్రంట్ కెమెరాను అందించారు.

ఈ డివైజ్ మీడియాటెక్ హెలియో G85 ప్రాసెసర్‌తో రన్ అవుతుంది. అంతేకాదు, ఇందులో 5,000mAh పెద్ద బ్యాటరీని ఇచ్చారు. కాబట్టి ఒక్కసారి ఛార్జ్ చేస్తే రోజంతా హ్యాపీగా వాడుకోవచ్చు.

Samsung Galaxy F05 ధర: రూ. 6,499

రోజూవారీ పనులను సింపుల్‌గా హ్యాండిల్ చేసే నమ్మకమైన ఫోన్ కావాలనుకుంటే రెడ్‌మి A5 4G వైపు లుక్ వేయొచ్చు. ఈ ఫోన్ 6.8 ఇంచుల బిగ్ ఐపీఎస్ డిస్‌ప్లేతో వస్తుంది. స్క్రీన్ పెద్దగా కావాలనుకునే వారికి ఇది బాగా నచ్చుతుంది.

ఇందులో 32MP మెయిన్ కెమెరా, సెల్ఫీల కోసం 8MP కెమెరా ఉన్నాయి. ఇందులో ఉన్న యునిసోక్ T7250 ప్రాసెసర్ భారీ గేమింగ్‌కు కాకపోయినా.. బేసిక్ యాప్స్, చాటింగ్, వీడియో స్ట్రీమింగ్ వంటి వాటికి చాలా బాగా సపోర్ట్ చేస్తుంది.

Redmi A5 4G ధర: రూ. 7,999

బడ్జెట్ ఫ్రెండ్లీ మొబైల్స్ అనగానే ఇన్ఫినిక్స్ ఎప్పుడూ రేసులో ముందుంటుంది. ఇన్ఫినిక్స్ స్మార్ట్ 8 హెచ్‌డీ ఫోన్ 6.6 ఇంచుల ఐపీఎస్ డిస్‌ప్లేతో వస్తుంది. ఈ ప్రైస్ రేంజ్‌లో ఎవరూ ఊహించని విధంగా 90Hz స్లిక్ రీఫ్రెష్ రేట్ ఇవ్వడం విశేషం. దీనివల్ల ఫోన్ స్క్రీన్ చాలా స్మూత్‌గా రన్ అవుతుంది.

ఇందులో 13MP మెయిన్ కెమెరా, 8MP సెల్ఫీ కెమెరా ఉన్నాయి. యునిసోక్ T606 ప్రాసెసర్‌తో పనిచేసే ఈ ఫోన్‌లో 5,000mAh బ్యాటరీతో వస్తోంది. కాబట్టి పదే పదే ఛార్జర్ వెతుక్కోవాల్సిన అవసరం ఉండదు.

Infinix Smart 8 HD ధర: రూ. 6,699

ఎక్కువ హంగామా లేకుండా, కేవలం బేసిక్ ఫీచర్లు తక్కువ ధరలో కావాలనుకుంటే ఐటెల్ జెనో 20 మాక్స్ ఫోన్ చూడొచ్చు. ఈ డివైజ్ 6.6 ఇంచుల డిస్‌ప్లేతో వస్తుంది. దీని వెనుక భాగంలో డ్యూయల్ కెమెరా సెటప్ తో 13MP మెయిన్ కెమెరా ఉంది.

అలాగే ముందు వైపు 5MP సెల్ఫీ కెమెరాను ఇచ్చారు. ఇందులో యునిసోక్ T7100 చిప్‌ను ఉపయోగించారు. ఇది మీ సోషల్ మీడియా అకౌంట్స్ బ్రౌజ్ చేయడానికి, వీడియోలు చూసుకోవడానికి చక్కగా సరిపోతుంది.

itel Zeno 20 Max ధర: రూ. 6,999

ఒకవేళ మీకు కెమెరానే మోస్ట్ ఇంపార్టెంట్ అనుకుంటే.. మోటోరోలా మోటో G05 లేదా శామ్‌సంగ్ గెలాక్సీ F05 బెస్ట్ ఆప్షన్స్. ఎందుకంటే ఈ బడ్జెట్‌లో ఇవి 50MP కెమెరాతో వస్తున్నాయి.

బిగ్ స్క్రీన్ కావాలనుకుంటే రెడ్‌మి A5 4Gని ఎంచుకోవచ్చు. స్మూత్ స్క్రోలింగ్ ఎక్స్‌పీరియన్స్ కావాలంటే తక్కువ ధరలో 90Hz డిస్‌ప్లే ఇస్తున్న ఇన్ఫినిక్స్ స్మార్ట్ 8 హెచ్‌డీ పర్ఫెక్ట్ ఛాయిస్ అవుతుంది.

HONOR 600: ఇదేంట్రా బాబూ ఐఫోన్‌కి తాత‌లా ఉంది.. త‌క్కువ ధ‌ర‌లోనే కిర్రాక్ ఫీచ‌ర్లు

Narender Vaitla — Sun, 26 Apr 2026 08:32:20 +0530

HONOR 600: స్మార్ట్‌ఫోన్ త‌యారీ సంస్థ హాన‌ర్ తాజాగా మార్కెట్లోకి ఓ ప్రీమియం స్మార్ట్ ఫోన్‌ను తీసుకొచ్చింది. కేవ‌లం లుక్స్‌లోనే కాకుండా ప‌నితీరులో కూడా ఐఫోన్‌కు ధీటుగా దీనిని లాంచ్ చేశారు. ఇంత‌కీ ఫోన్‌లో ఎలాంటి ఫీచ‌ర్లు ఉన్నాయి.? ధ‌ర ఎంత‌.?

HONOR సంస్థ స్మార్ట్‌ఫోన్ మార్కెట్‌లో మళ్లీ తన శక్తిని చాటుతోంది. AI టెక్నాలజీ, భారీ బ్యాటరీలు, ప్రీమియం డిజైన్‌లతో వినియోగదారుల దృష్టిని ఆకర్షిస్తోంది. తాజాగా HONOR 600, HONOR 600 Pro మోడళ్లను “Accessible Flagship” కాన్సెప్ట్‌తో పరిచయం చేసింది. అంటే ఫ్లాగ్‌షిప్ ఫీచర్లను తక్కువ ధరలో అందించడమే లక్ష్యం.

ఈ సిరీస్‌లో ముఖ్య ఆకర్షణ కెమెరా సెటప్. 200MP అల్ట్రా క్లియర్ నైట్ కెమెరా పెద్ద సెన్సార్‌తో వస్తుంది. తక్కువ లైట్‌లో కూడా క్లియర్ ఫోటోలు తీసే సామర్థ్యం ఉంటుంది. Pro మోడల్‌లో 50MP టెలిఫోటో లెన్స్‌తో 120x వరకు జూమ్ సపోర్ట్ ఉంది. సాధారణ మోడల్‌లో 30x జూమ్ అందుబాటులో ఉంటుంది. ఏఐ ఇమేజ్ టూ వీడియో 2.0 ఫీచ‌ర్ ద్వారా ఫోటోలను వీడియోలుగా మార్చుకోవచ్చు. ఇది సోషల్ మీడియా యూజర్లకు ప్రత్యేకంగా ఉపయోగపడే ఫీచర్.

HONOR 600లో Snapdragon 7 Gen 4 ప్రాసెసర్ ఉంటుంది. ఇది రోజువారీ వినియోగం, గేమింగ్‌కు సరిపడే పనితీరు ఇస్తుంది. HONOR 600 Proలో Snapdragon 8 Elite ప్రాసెసర్ ఉంది. ఇది ఫ్లాగ్‌షిప్ స్థాయి పనితీరును అందిస్తుంది. హెవీ గేమింగ్, వీడియో ఎడిటింగ్ వంటి పనులు సులభంగా చేయవచ్చు.

ఈ సిరీస్‌లో AMOLED డిస్‌ప్లే ఉంటుంది. 120Hz రిఫ్రెష్ రేట్‌తో స్క్రోల్ స్మూత్‌గా ఉంటుంది. 8000 నిట్స్ పీక్ బ్రైట్‌నెస్ వల్ల బయట ఎండలో కూడా స్క్రీన్ క్లియర్‌గా కనిపిస్తుంది. మెటల్ ఫ్రేమ్‌తో పాటు స్లిమ్ డిజైన్ ఇవ్వడం వల్ల ఫోన్ బలంగా, అందంగా ఉంటుంది. IP68, IP69 రేటింగ్స్ వల్ల నీరు, దుమ్ము నుండి రక్షణ ఉంటుంది. ఇక ఈ ఫోన్ లుక్స్ చూడ్డానికి అచ్చంగా ఐఫోన్‌ను పోలి ఉండ‌డం విశేషం.

7000mAh బ్యాటరీ ఈ సిరీస్‌లో ప్రధాన బలం. ఒకసారి ఛార్జ్ చేస్తే సులభంగా రెండు రోజులు ఉపయోగించవచ్చు. 80W ఫాస్ట్ ఛార్జింగ్ వల్ల త్వరగా ఛార్జ్ అవుతుంది. Pro మోడల్‌లో 50W వైర్‌లెస్ ఛార్జింగ్ కూడా ఉంది. 27W రివర్స్ ఛార్జింగ్ ద్వారా ఇతర డివైజ్‌లను కూడా ఛార్జ్ చేయవచ్చు.

ఈ ఫోన్లలో AI ఫీచర్లు ప్రత్యేకంగా ఆకట్టుకుంటాయి. Voice లేదా టెక్స్ట్ కమాండ్స్‌తో ఫోటో ఎడిటింగ్ చేయవచ్చు. Google Gemini ఇంటిగ్రేషన్ వల్ల స్మార్ట్ అసిస్టెంట్ అనుభవం మెరుగ్గా ఉంటుంది. iPhone, Mac డివైజ్‌లతో కూడా ఫైల్ షేరింగ్ సపోర్ట్ ఉంది.

ధ‌ర‌లు ఎలా ఉన్నాయంటే.?

హాన‌ర్ 600 సిరీస్ మిడ్ రేంజ్ ప్రీమియం ధరలో అందుబాటులో ఉంది.

* హాన‌ర్ 600 (8GB + 256GB) ధ‌ర సుమారు రూ. 45,000గా ఉండనుంది.

* హాన‌ర్ 600 (12GB + 512GB) ధ‌ర సుమారు రూ. 50,000గా ఉంటుంది.

* ఇక హాన‌ర్ 600 ప్రో (12GB + 512GB) ధ‌ర సుమారు రూ. 75,000గా ఉండ‌నుంది.

ఈ ఫోన్లు ప్రపంచ మార్కెట్‌లో విడుదల అయ్యాయి. భారత మార్కెట్‌లో ఎప్పుడు వస్తాయన్నది ఇంకా అధికారికంగా ప్రకటించలేదు.

స్టాండర్డ్ మోడల్ డైలీ యూజ్‌కు సరిపడే పనితీరు, మంచి కెమెరా ఇస్తుంది. Pro మోడల్ మాత్రం ఫ్లాగ్‌షిప్ ప్రాసెసర్, మెరుగైన జూమ్ కెమెరా, వైర్‌లెస్ ఛార్జింగ్ వంటి అదనపు ఫీచర్లతో పవర్ యూజర్లను టార్గెట్ చేస్తుంది. మొత్తం మీద హాన‌ర్ 600 సిరీస్ భారీ బ్యాటరీ, 200MP కెమెరా, AI ఫీచర్లతో మార్కెట్‌లో బలమైన పోటీని ఇస్తోంది. మధ్య ధరలో ఫ్లాగ్‌షిప్ అనుభవం కోరుకునే వారికి ఇది మంచి ఆప్షన్‌గా మారే అవకాశం ఉంది.

Smart TV: రూ. 65 వేల స్మార్ట్ టీవీ కేవ‌లం.. రూ. 26 వేల‌కే. ఏకంగా 58 శాతం డిస్కౌంట్

Narender Vaitla — Sun, 10 May 2026 13:06:58 +0530

Smart TV: ప్ర‌స్తుతం పెద్ద స్క్రీన్ టీవీల‌కు డిమాండ్ పెరుగుతోంది. ఓటీటీలు అందుబాటులోకి వ‌చ్చిన త‌ర్వాత టీవీల్లోనే సినిమాలు చూసే వారి సంఖ్య పెరుగుతోంది. ఈ క్ర‌మంలోనే ప్ర‌ముఖ ఈ కామ‌ర్స్ సంస్థ అమెజాన్‌లో స్మార్ట్ టీవీపై భారీ ఆఫ‌ర్ ల‌భిస్తోంది.

వీడ‌బ్ల్యూ 55 ఇంచెస్ ప్రో సిరీస్ 4కే అల్ట్రా హెచ్‌డీ స్మార్ట్ క్యూఎల్ఈడీ టీవీని ప్రీమియం స్మార్ట్ టీవీగా తీసుకొచ్చారు. ఈ టీవీలో 55 ఇంచుల భారీ డిస్‌ప్లే, 4K క్వాలిటీ, 120Hz రిఫ్రెష్ రేట్, గూగుల్ టీవీ సపోర్ట్ వంటి ఫీచర్లతో ఈ టీవీ సినిమాలు, వెబ్ సిరీస్‌లు, గేమింగ్‌కు మంచి అనుభూతిని అందిస్తుంది. ఈ టీవీలో 55 ఇంచుల పెద్ద స్క్రీన్ అందించారు. 4K అల్ట్రా HD రిజల్యూషన్‌ (3840 × 2160) ఉండటం వల్ల వీడియోలు చాలా క్లియర్‌గా కనిపిస్తాయి. QLED టెక్నాలజీ కారణంగా రంగులు మరింత సహజంగా, బ్రైట్‌గా కనిపిస్తాయి. HDR10+, HLG, వైడ్ క‌ల‌ర్ గాంట్ సపోర్ట్ ఉండటం వల్ల డార్క్ సీన్స్‌లో కూడా మంచి క్లారిటీ లభిస్తుంది. 1 బిలియన్ కలర్స్ సపోర్ట్‌తో సినిమాలు నిజ జీవితంలా కనిపించే అనుభూతి కలుగుతుంది.

ఈ టీవీలో 120Hz రిఫ్రెష్ రేట్ అందించారు. అందువల్ల ఫాస్ట్ మూవింగ్ సీన్స్, స్పోర్ట్స్, యాక్షన్ మూవీస్, గేమింగ్ సమయంలో స్క్రీన్ ల్యాగ్ లేదా బ్లర్ తక్కువగా ఉంటుంది. MEMC టెక్నాలజీ కూడా ఉండటం వల్ల వీడియోలు మరింత స్మూత్‌గా కనిపిస్తాయి. గేమింగ్ కన్సోల్ కనెక్ట్ చేసి ఆడేవారికి ఇది మంచి ఎంపికగా చెప్పొచ్చు. ధ‌ర విష‌యానికొస్తే ఈ టీవీ అస‌లు ధ‌ర రూ. 64,999 కాగా అమెజాన్‌లో 58 శాతం డిస్కౌంట్‌తో రూ. 26,999కి ల‌భిస్తోంది. దీనికి అద‌నంగా అమెజాన్ పే బ్యాలెన్స్‌తో పే చేస్తే రూ. 800 వ‌ర‌కు ఆదా చేసుకోవ‌చ్చు.

ఈ స్మార్ట్ టీవీ ఆండ్రాయిడ్‌ 14 ఆధారిత గూగుల్ టీవీ సిస్టమ్‌పై పనిచేస్తుంది. ఇందులో నెట్‌ఫ్లిక్స్‌, ప్రైమ్ వీడియో, యూట్యూబ్‌, డిస్నీ+ హాట్‌స్టార్‌, సోని లివ్‌, జీ5 వంటి యాప్స్ ఇన్‌బిల్ట్‌గా ఇన్‌స్టాల్ చేశారు. వాయిస్ అసిస్టెంట్ సపోర్ట్ ఉన్న రిమోట్‌తో మాట్లాడి టీవీని కంట్రోల్ చేయొచ్చు. గూగుల్ అసిస్టెంట్‌ ద్వారా సినిమాలు సెర్చ్ చేయడం, యాప్స్ ఓపెన్ చేయడం చాలా ఈజీ అవుతుంది. కిడ్స్ ప్రొఫైల్‌, ప‌ర్స‌న‌ల్ ప్రొఫైల్‌, వాచ్ లిస్ట్ వంటి ఫీచర్లు కూడా అందించారు.

ఈ టీవీలో 50W పవర్‌ఫుల్ స్పీకర్లు ఉన్నాయి. డాల్బీ ఆడియో సపోర్ట్ వల్ల థియేటర్ లాంటి సౌండ్ అనుభూతి లభిస్తుంది. ఇక కనెక్టివిటీ విషయానికి వస్తే.. 3 HDMI పోర్టులు, 2 USB పోర్టులు, బ్లూటూత్ 5.1, డ్యూయ‌ల్ బ్యాండ్ వైఫై, ఇథ‌ర్‌నెట్ స‌పోర్ట్ అందుబాటులో ఉన్నాయి. గేమింగ్ కన్సోల్, సెటాప్ బాక్స్, హార్డ్ డ్రైవ్ వంటి పరికరాలను సులభంగా కనెక్ట్ చేయవచ్చు.

ఈ టీవీతో పాటు కంపెనీ కొన్ని అవసరమైన యాక్సెసరీస్ కూడా ఇస్తోంది. వాటిలో 1 టీవీ యూనిట్, 1 స్మార్ట్ రిమోట్, పవర్ కార్డ్, యూజర్ మాన్యువల్, 2 స్టాండ్లు, స్టాండ్ స్క్రూలు ఉంటాయి. బెజెల్-లెస్ డిజైన్‌తో ఈ టీవీ చాలా స్టైలిష్‌గా కనిపిస్తుంది. పెద్ద స్క్రీన్, గూగుల్ టీవీ ఫీచర్లు, మంచి సౌండ్, 4K QLED డిస్‌ప్లేతో హోమ్ ఎంటర్‌టైన్‌మెంట్ కోసం ఇది మంచి ఆప్షన్‌గా చెప్పవచ్చు.

Wireless Charging: వైర్‌లెస్ ఛార్జింగ్ ఎలా ప‌నిచేస్తుంది.? దీనివ‌ల్ల ఫోన్ బ్యాట‌రీపై ప్ర‌భావం ప‌డుతుందా.?

Narender Vaitla — Mon, 25 May 2026 19:05:45 +0530

Wireless Charging: స్మార్ట్‌ఫోన్ వినియోగం పెరిగిన కొద్దీ ఛార్జింగ్ టెక్నాలజీ కూడా వేగంగా అభివృద్ధి చెందుతోంది. ప్రస్తుతం వైర్‌లెస్ ఛార్జింగ్ ఉపయోగిస్తున్నారు. అయితే దీన్ని ప్రతిరోజూ ఉపయోగించడం బ్యాటరీ ఆరోగ్యంపై ప్రభావం చూపుతుందా అనే సందేహం వస్తుంది.

వైర్‌లెస్ ఛార్జింగ్ అనేది కేబుల్ అవసరం లేకుండా విద్యుత్ శక్తిని ఫోన్ బ్యాటరీకి చేరవేసే సాంకేతికత. ప్రత్యేక ఛార్జింగ్ ప్యాడ్‌పై ఫోన్‌ను ఉంచినప్పుడు విద్యుత్ శక్తి అయస్కాంత క్షేత్రం ద్వారా ఫోన్‌లోని రిసీవర్ కాయిల్‌కు చేరుతుంది. ఆ తర్వాత అది బ్యాటరీని ఛార్జ్ చేస్తుంది. దీంతో ఛార్జింగ్ కేబుల్ కోసం వెతకాల్సిన అవసరం ఉండదు. కేవలం ఫోన్‌ను ప్యాడ్‌పై ఉంచితే సరిపోతుంది.

ప్రస్తుతం మార్కెట్లో లభిస్తున్న ఆధునిక స్మార్ట్‌ఫోన్లు వైర్‌లెస్ ఛార్జింగ్‌ను దృష్టిలో పెట్టుకుని రూపొందించారు. కాబట్టి అప్పుడప్పుడు వైర్‌లెస్ ఛార్జింగ్ ఉపయోగించడం వల్ల వెంటనే బ్యాటరీ దెబ్బతినదు. అయితే దీన్ని ప్రతిరోజూ ప్రధాన ఛార్జింగ్ విధానంగా ఉపయోగించడం అంత మంచిది కాదని నిపుణులు సూచిస్తున్నారు. వైర్‌లెస్ ఛార్జింగ్ సమయంలో ఎక్కువ వేడి ఉత్పత్తి కావడం వల్ల దీర్ఘకాలంలో బ్యాటరీ సామర్థ్యం తగ్గే అవకాశం ఉంటుంది. అందువల్ల సాధ్యమైనంత వరకు సాధారణ వైర్డ్ ఛార్జర్‌ను ఉపయోగించడం మంచిదని సూచిస్తున్నారు.

వైర్‌లెస్ ఛార్జింగ్ ప్యాడ్‌లో ఉండే ట్రాన్స్‌మిటర్ కాయిల్ విద్యుత్ ప్రవాహం ద్వారా అయస్కాంత క్షేత్రాన్ని సృష్టిస్తుంది. ఫోన్‌ను ప్యాడ్‌పై ఉంచినప్పుడు ఫోన్‌లోని రిసీవర్ కాయిల్ ఆ శక్తిని స్వీకరించి బ్యాటరీకి పంపుతుంది. ఈ ప్రక్రియలో మొత్తం విద్యుత్ శక్తి బ్యాటరీకి చేరదు. కొంత శక్తి వేడి రూపంలో వృథా అవుతుంది. వైర్డ్ ఛార్జింగ్‌లో సాధారణంగా శక్తి నష్టం చాలా తక్కువగా ఉంటుంది. కానీ వైర్‌లెస్ ఛార్జింగ్‌లో 20 నుంచి 30 శాతం వరకు శక్తి వేడిగా మారే అవకాశం ఉంది. అందుకే వైర్‌లెస్ ఛార్జింగ్ సమయంలో ఫోన్ కొంత వేడిగా అనిపిస్తుంది. ఈ అధిక ఉష్ణోగ్రతలు బ్యాటరీ ఆరోగ్యంపై ప్రభావం చూపే అవకాశం ఉంది.

వైర్‌లెస్ ఛార్జింగ్ సమయంలో కొన్ని జాగ్రత్తలు తీసుకుంటే బ్యాటరీపై ప్రభావాన్ని తగ్గించవచ్చు. నాణ్యమైన, గుర్తింపు పొందిన బ్రాండ్‌లకు చెందిన వైర్‌లెస్ ఛార్జర్లనే ఉపయోగించాలి. తక్కువ నాణ్యత గల ఛార్జర్లు అధిక వేడి ఉత్పత్తి చేసి బ్యాటరీకి నష్టం కలిగించే అవకాశం ఉంటుంది. అలాగే ఫోన్ ఛార్జింగ్ అవుతున్న సమయంలో గేమ్స్ ఆడటం, హై క్వాలిటీ వీడియోలు చూడటం వంటి పనులను తగ్గించడం మంచిది. ఇవి ఫోన్ ఉష్ణోగ్రతను మరింత పెంచుతాయి. ఛార్జింగ్ సమయంలో మొబైల్ కవర్‌ను తొలగిస్తే వేడి త్వరగా బయటకు వెళ్లి ఫోన్ చల్లగా ఉండటానికి సహాయపడుతుంది.

స్మార్ట్‌ఫోన్ బ్యాటరీ ఎక్కువ కాలం ఆరోగ్యంగా ఉండాలంటే పూర్తిగా 100 శాతం వరకు తరచుగా ఛార్జ్ చేయడం కంటే 80 శాతం వరకు మాత్రమే ఛార్జ్ చేయడం మంచిదని నిపుణులు సూచిస్తున్నారు. అలాగే బ్యాటరీ పూర్తిగా ఖాళీ అయ్యే వరకు వేచి ఉండకుండా 20 నుంచి 80 శాతం మధ్యలోనే ఛార్జింగ్ చేయడం ఉత్తమ పద్ధతిగా భావిస్తారు.

మొత్తానికి వైర్‌లెస్ ఛార్జింగ్ సౌకర్యవంతమైన టెక్నాలజీ అయినప్పటికీ, దీన్ని రోజువారీ ప్రధాన ఛార్జింగ్ విధానంగా ఉపయోగించడం కంటే అవసరమైనప్పుడు మాత్రమే ఉపయోగించడం మంచిది. సరైన జాగ్రత్తలు పాటిస్తే బ్యాటరీ పనితీరు, ఆయుష్షు రెండింటినీ మెరుగ్గా కాపాడుకోవచ్చు.

Oppo Reno 16: త‌క్కువ ధ‌ర‌లో ప్రీమియం స్మార్ట్‌ఫోన్‌.. చూడ్డానికి అచ్చం ఐఫోన్‌లాగే

Narender Vaitla — Sun, 10 May 2026 14:05:19 +0530

Oppo Reno 16: ప్ర‌ముఖ స్మార్ట్‌ఫోన్ త‌యారీ సంస్థ ఒప్పో చైనా మార్కెట్లోకి ఈ నెలాఖ‌రున కొత్త ఫోన్ తీసుకొచ్చేందుకు సిద్ధ‌మ‌వుతోంది. ఒప్పో రెనో 16 ప్రో పేరుతో రానున్న ఈ ఫోన్‌కి సంబంధించిన వివ‌రాలు నెట్టింట వైర‌ల్ అవుతున్నాయి.

చైనా మార్కెట్‌లో ఈ నెల చివర్లో విడుదలకు సిద్ధమవుతున్న ఒప్పో రెనో 16 ప్రో స్మార్ట్‌ఫోన్ త్వరలో భారత మార్కెట్‌లో కూడా అడుగుపెట్టనున్నట్లు సంకేతాలు కనిపిస్తున్నాయి. ఈ ఫోన్ తాజాగా భారతీయ BIS (Bureau of Indian Standards) సర్టిఫికేషన్ వెబ్‌సైట్‌లో కనిపించింది. అలాగే ఇండోనేషియా TKDN డేటాబేస్‌లో కూడా లిస్ట్ కావడంతో గ్లోబల్ లాంచ్‌కు కంపెనీ సిద్ధమవుతోందని టెక్ వర్గాలు చెబుతున్నాయి. Oppo Reno 16 Pro ‘CPH2863’ అనే మోడల్ నంబర్‌తో BIS, TKDN సర్టిఫికేషన్ సైట్లలో కనిపించినట్లు సమాచారం. ఈ లిస్టింగ్‌ల ద్వారా ఫోన్‌కు 2G, 3G, 4G, 5G నెట్‌వర్క్‌ల సపోర్ట్ ఉండబోతున్నట్లు తెలుస్తోంది. ఇంకా ఈ ఫోన్‌లో ఎలాంటి ఫీచ‌ర్లు ఉండ‌నున్నాయంటే.

లీకుల ప్రకారం ఒప్పో రెనో 16 Proలో 6.78 అంగుళాల LTPO డిస్‌ప్లే ఉండొచ్చు. ఇది 1.5K రిజల్యూషన్‌తో రావచ్చని సమాచారం. LTPO ప్యానెల్ వాడటం వల్ల స్మూత్ రిఫ్రెష్ రేట్‌తో పాటు బ్యాటరీ వినియోగం కూడా తగ్గే అవకాశం ఉంటుంది. ఈ ఫోన్‌లో మీడియా టెక్ డైమెన్సిటీ 9500s చిప్‌సెట్ ఉండొచ్చని ప్రచారం జరుగుతోంది. ఇది హైఎండ్ ఆండ్రాయిడ్ ఫోన్లకు పోటీ ఇచ్చే స్థాయి ప్రాసెసర్‌గా భావిస్తున్నారు. ఫోన్‌లో గరిష్ఠంగా16 జీబీ ర్యామ్‌, 1 టీబీ వరకు స్టోరేజ్ ఉండే అవకాశం ఉంది. దీంతో మల్టీటాస్కింగ్, గేమింగ్, హెవీ యాప్ వినియోగం మరింత వేగంగా సాగవచ్చు.

Oppo Reno 16 Proలో 200 మెగాపిక్సెల్ ప్రైమరీ కెమెరా ఇవ్వొచ్చని సమాచారం. కెమెరా హార్డ్‌వేర్ పరంగా ఇది ప్రీమియం సెగ్మెంట్ ఫోన్లకు సవాల్ విసిరేలా ఉండొచ్చని టెక్ విశ్లేషకులు భావిస్తున్నారు. ఇక బ్యాట‌రీ సెట‌ప్ అచ్చంగా ఐఫోన్‌ను పోలిన‌ట్లు ఉండ‌నుంది.

ఇక బ్యాటరీ విషయంలో కూడా ఈ ఫోన్ ప్రత్యేకంగా నిలవొచ్చు. 7000mAh భారీ బ్యాటరీతో పాటు 80W ఫాస్ట్ చార్జింగ్ సపోర్ట్ ఇవ్వొచ్చని లీకులు చెబుతున్నాయి. వైర్‌లెస్ చార్జింగ్ ఫీచర్ కూడా ఉండే అవకాశముంది. ఎక్కువసేపు ఫోన్ వినియోగించే వారికి ఇది మంచి ఎంపిక కావొచ్చు.

గత మోడళ్లతో పోలిస్తే Reno 16 Proలో పెద్ద బ్యాటరీ, మెరుగైన చిప్‌సెట్, హై రిజల్యూషన్ కెమెరా వంటి కీలక అప్‌గ్రేడ్లు కనిపిస్తున్నాయి. ముఖ్యంగా పనితీరు, కెమెరా, బ్యాటరీ లైఫ్ అంశాల్లో ఈ ఫోన్ గణనీయమైన మార్పులతో రావొచ్చని అంచనా. ఇప్పటికే Reno 14 Pro వాడుతున్న వినియోగదారులకు ఇది మంచి అప్‌గ్రేడ్‌గా మారవచ్చు. అయితే Reno 15 Pro యూజర్లకు మార్పులు కొంత పరిమితంగానే అనిపించే అవకాశం ఉంది. ధర సరైన స్థాయిలో ఉంటే ప్రీమియం మిడ్‌రేంజ్ సెగ్మెంట్‌లో ఈ ఫోన్ ఇతర బ్రాండ్లకు గట్టి పోటీ ఇవ్వొచ్చు. ధ‌ర విష‌యానికొస్తే.. భారత్‌లో ఒప్పో రెనో 16 సిరీస్ ధర సుమారు రూ.45,000 నుంచి రూ. 65,000 మధ్యలో ఉండొచ్చ‌ని అంచ‌నా వేస్తున్నారు.

AI Smartphones : ఇక ఫోనే అన్నీ చూసుకుంటుంది! AI స్మార్ట్‌ఫోన్ల రేంజ్ చూస్తే షాక్ అవ్వాల్సిందే!

Mahesh Rajamoni — Sun, 26 Apr 2026 20:39:48 +0530

AI Smartphones : స్మార్ట్‌ఫోన్లలో ఏఐ ఫీచర్లతో విప్లవాత్మక మార్పులు వచ్చాయి. కెమెరా, బ్యాటరీ, సెక్యూరిటీ విభాగాల్లో సరికొత్త టెక్నాలజీతో యూజర్లకు మెరుగైన అనుభూతిని అందిస్తున్నాయి. ఏఐ స్మార్ట్‌ఫోన్ల రేంజ్ చూస్తే షాక్ అవ్వాల్సిందే !

ప్రస్తుతం ఆర్టిఫిషియల్ ఇంటెలిజెన్స్ (ఏఐ) కేవలం చాట్‌బాట్‌లు లేదా కంప్యూటర్లకు మాత్రమే పరిమితం కాలేదు. ఇది మన స్మార్ట్‌ఫోన్లను కూడా అద్భుతంగా మార్చేస్తోంది. ముఖ్యంగా భారతీయ మార్కెట్‌లో, ప్రతి చిన్న విషయంలోనూ విలువను వెతికే వినియోగదారుల కోసం ఏఐ ఆధారిత ఫోన్లు సరికొత్త అనుభూతులను అందిస్తున్నాయి. ప్రీమియం నుంచి మిడ్ రేంజ్ విభాగాల వరకు అన్ని రకాల ఫోన్లలో ఏఐ ఫీచర్లు ఇప్పుడు కీలకంగా మారాయి.

ఏఐ ప్రభావం స్మార్ట్‌ఫోన్లలో మొదటగా మనకు కనిపించేది కెమెరాల్లోనే. మీరు ఫోటో తీస్తున్నప్పుడు అది ఆహారమా, పెంపుడు జంతువా, సూర్యాస్తమయమా లేదా మీ స్నేహితుల గ్రూపా అనే విషయాన్ని ఏఐ వెంటనే గుర్తిస్తుంది. దానికి అనుగుణంగా కెమెరా సెట్టింగులను సెకన్ల వ్యవధిలో మార్చేస్తుంది.

దీనివల్ల మొబైల్ ఫోటోగ్రఫీ అంటే ఇష్టపడే వారికి ఎంతో ప్రయోజనం కలుగుతోంది. ఎడిటింగ్ అవసరం లేకుండానే నేరుగా ఇన్‌స్టాగ్రామ్‌లో పోస్ట్ చేసేలా క్రిస్ప్ సెల్ఫీలు, స్పష్టమైన నైట్ షాట్లు, మృదువైన స్కిన్ టోన్ వంటివి లభిస్తున్నాయి. వివో, శామ్‌సంగ్, షియోమీ, ఒప్పో వంటి ప్రముఖ బ్రాండ్లు తమ కెమెరాలను ఏఐ తో మరింత స్మార్ట్‌గా మార్చేందుకు పోటీ పడుతున్నాయి.

భారతీయ స్మార్ట్‌ఫోన్ వినియోగదారులకు బ్యాటరీ లైఫ్ అనేది అత్యంత ముఖ్యమైన అంశం. ఇక్కడ కూడా ఏఐ ప్రాముఖ్యత సంతరించుకుంది. మీ రోజువారీ దినచర్యను ఫోన్ అర్థం చేసుకుంటుంది. ఉదాహరణకు, మీరు సాయంత్రం వేళల్లో ఎక్కువగా యూట్యూబ్ చూస్తారా లేదా వాట్సాప్ వాడతారా అనేది గమనించి, ఆ సమయానికి అవసరమైన పవర్ కేటాయిస్తుంది. అదే సమయంలో బ్యాక్‌గ్రౌండ్‌లో అనవసరంగా బ్యాటరీని ఖర్చు చేసే యాప్‌లను ఆపివేస్తుంది. దీనివల్ల ఫోన్ బ్యాటరీ ఎక్కువ కాలం రావడమే కాకుండా, ఫోన్ పనితీరు కూడా స్మూత్‌గా ఉంటుంది.

మనం మాట్లాడే విధానాన్ని కూడా ఏఐ మార్చేస్తోంది. ప్రస్తుతం వస్తున్న స్మార్ట్‌ఫోన్లు కాల్స్ మాట్లాడుతున్నప్పుడే వాటిని లైవ్ ట్రాన్స్‌లేషన్ కూడా చేయగలవు. అంతేకాకుండా, చుట్టుపక్కల ఉండే అనవసర శబ్దాలను తొలగించి స్పష్టమైన వాయిస్ అందిస్తాయి. మాటలను వెంటనే టెక్స్ట్‌గా మార్చే ఫీచర్లు కూడా అందుబాటులోకి వచ్చాయి. భారత్ వంటి బహుభాషా దేశంలో, భాషా పరమైన ఇబ్బందులు లేకుండా ఇతరులతో కమ్యూనికేట్ చేయడానికి ఈ ఏఐ ఫీచర్లు ఎంతగానో ఉపయోగపడుతున్నాయి.

సైబర్ నేరాలు పెరుగుతున్న నేపథ్యంలో, ఏఐ ఫోన్లు ఇప్పుడు మరింత భద్రతను కల్పిస్తున్నాయి. స్పామ్ కాల్స్, నకిలీ మెసేజ్ లు, ప్రమాదకరమైన యాప్‌లను మీ దగ్గరకు చేరకముందే ఏఐ గుర్తిస్తుంది. ఇండియాలో స్కామ్ కాల్స్, ఫిషింగ్ దాడులు పెరుగుతున్న తరుణంలో, ఈ స్మార్ట్ వార్నింగ్ ఫీచర్లు వినియోగదారులను సురక్షితంగా ఉంచుతున్నాయి. అలాగే, మునుపటి కంటే వేగంగా పనిచేసే ఫేస్ అన్లాక్, ఫింగర్ ప్రింట్ సెన్సార్లు భద్రతను మరింత పెంచుతున్నాయి.

రోజువారీ పనులను సులభతరం చేసేందుకు ఏఐ రైటింగ్ అసిస్టెంట్, ఇన్‌స్టంట్ సమ్మరీస్, స్మార్ట్ సెర్చ్ వంటి ఫీచర్లు ఎంతో ఉపయోగపడుతున్నాయి. పెద్ద ఆర్టికల్స్‌ను క్లుప్తంగా మార్చడం, ఇమేజ్ ఎడిటింగ్, వాయిస్ అసిస్టెంట్ సేవలు మన సమయాన్ని ఆదా చేస్తున్నాయి. ప్రస్తుతం ఈ అడ్వాన్స్‌డ్ ఫీచర్లు కేవలం ఖరీదైన ఫోన్లకే పరిమితం కాకుండా, బడ్జెట్, మిడ్ రేంజ్ ఫోన్లలో కూడా అందుబాటులోకి వస్తున్నాయి. దీనివల్ల సామాన్య ప్రజలు కూడా తక్కువ ధరకే ప్రీమియం స్మార్ట్ ఫీచర్లను పొందగలుగుతున్నారు. మొత్తంగా ఇప్పుడు స్మార్ట్‌ఫోన్లలో ఏఐ అనేది ఇప్పుడు కేవలం విలాసం కాదు, అది ఒక ప్రాథమిక అవసరంగా మారిపోయింది.

Best Smartphones Under 20K : రూ.20 వేల బడ్జెట్‌లో అదిరిపోయే ఫీచర్లు.. గేమర్స్, క్రియేటర్స్ కోసం టాప్ 5 స్మార్ట్‌ఫోన్లు ఇవే !

Mahesh Rajamoni — Wed, 17 Jun 2026 15:50:39 +0530

Best Smartphones Under 20000: రూ.20,000 లోపు బడ్జెట్‌లో బెస్ట్ కెమెరా, పవర్‌ఫుల్ బ్యాటరీ, అద్భుతమైన డిస్‌ప్లేతో 2026లో లభిస్తున్న టాప్ 5 స్మార్ట్‌ఫోన్ల పూర్తి వివరాలు ఇక్కడ తెలుసుకుందాం. వీటిలో శామ్‌సంగ్, వివో, రియల్‌మీ బ్రాండ్ల ఫోన్లు ఉన్నాయి.

మీరు రూ.20,000 లోపు బడ్జెట్‌లో ఒక సూపర్ స్మార్ట్‌ఫోన్ కోసం చూస్తున్నారా? అయితే మీకు గుడ్ న్యూస్. ప్రస్తుతం మార్కెట్‌లో మీ బడ్జెట్‌ను దాటకుండానే హై-రెజల్యూషన్ కెమెరాలు, పెద్ద అమోలెడ్ డిస్‌ప్లేలు, ఫాస్ట్ ప్రాసెసర్లు, లాంగ్ లాస్టింగ్ బ్యాటరీల కాంబినేషన్‌తో అదిరిపోయే ఆప్షన్స్ అందుబాటులో ఉన్నాయి.

శామ్‌సంగ్, వివో, పోకో, ఒప్పో, రియల్‌మీ వంటి పాపులర్ బ్రాండ్స్ మిడ్-రేంజ్ ధరల్లోనే ప్రీమియం ఫీచర్లను అందిస్తున్నాయి. సాధారణ యూజర్లు, గేమర్స్, కంటెంట్ క్రియేటర్లకు బెస్ట్ వాల్యూ అందించే టాప్ 5 స్మార్ట్‌ఫోన్ల లిస్ట్ మీకోసం..

వివో T4x 5G ఫోన్ ధర రూ.18,999 గా ఉంది. బ్యాటరీ లైఫ్, ప్రతిరోజూ స్మూత్ పర్ఫార్మెన్స్ కావాలనుకునే వారికి ఇది ఒక పవర్‌ఫుల్ ఛాయిస్. ఇందులో 120Hz రిఫ్రెష్ రేట్‌తో కూడిన 6.72-ఇంచుల FHD+ LCD డిస్‌ప్లే ఉంది. మీడియాటెక్ డైమెన్సిటీ 7300 చిప్‌సెట్‌తో పనిచేసే ఈ ఫోన్‌లో 44W ఫ్లాష్‌చార్జ్ సపోర్ట్‌తో ఏకంగా 6,500mAh భారీ బ్యాటరీని ఇచ్చారు. డైలీ ఫోటోగ్రఫీ కోసం 50MP ఏఐ రేర్ కెమెరా ఉంది.

మరోవైపు, రూ.15,999 ప్రారంభ ధరతో లభిస్తున్న ఒప్పో K14x 5G కూడా గట్టి పోటీ ఇస్తోంది. ఇందులో 120Hz రిఫ్రెష్ రేట్‌తో 6.75-ఇంచుల డిస్‌ప్లే ఉంది. మీడియాటెక్ డైమెన్సిటీ 6300 ప్రొసెసర్‌తో రన్ అయ్యే ఈ మొబైల్‌లో 50MP డ్యూయల్ రేర్ కెమెరా సెటప్ ఇచ్చారు. ఇందులో కూడా 45W సూపర్‌వూక్ చార్జింగ్‌ను సపోర్ట్ చేసే 6,500mAh బ్యాటరీ ఉంది. తక్కువ బడ్జెట్‌లో పెద్ద బ్యాటరీ, సూపర్ డిస్‌ప్లే, 5G కనెక్టివిటీ కోరుకునే వారికి ఇది బెస్ట్ ఆప్షన్.

రూ.20 వేల లోపు లభించే స్మార్ట్‌ఫోన్లలో శామ్‌సంగ్ గెలాక్సీ A35 5G తన సాఫ్ట్‌వేర్ సపోర్ట్, డిస్‌ప్లే క్వాలిటీతో ప్రత్యేకంగా నిలుస్తుంది. దీని ప్రారంభ ధర రూ.18,999. ఈ ఫోన్‌లో 6.6-ఇంచుల సూపర్ అమోలెడ్ 120Hz డిస్‌ప్లే ఉంది, ఇది విజువల్స్ చూసేటప్పుడు నెక్స్ట్ లెవెల్ ఎక్స్‌పీరియన్స్ ఇస్తుంది. ఇందులో ఎక్సినోస్ 1380 ప్రాసెసర్, ఆప్టికల్ ఇమేజ్ స్టెబిలైజేషన్ సపోర్ట్ ఉన్న 50MP మెయిన్ కెమెరా, 5,000mAh బ్యాటరీ ఉన్నాయి. లాంగ్ టర్మ్ యూజర్ల కోసం శామ్‌సంగ్ ఇందులో మల్టిపుల్ ఇయర్స్ ఆండ్రాయిడ్ అప్‌డేట్లను కూడా ఆఫర్ చేస్తోంది.

ఫ్లిప్‌కార్ట్‌లో రూ.20,499 ప్రారంభ ధరతో లభిస్తున్న వివో T3 5G పూర్తిగా పర్ఫార్మెన్స్, గేమింగ్ ఫోకస్డ్ యూజర్లను టార్గెట్ చేస్తుంది. ఈ ఫోన్ మీడియాటెక్ డైమెన్సిటీ 7200 చిప్‌సెట్‌తో రన్ అవుతుంది. ఇందులో 6.67-ఇంచుల 120Hz అమోలెడ్ డిస్‌ప్లేను అందించారు. ఫోటోగ్రఫీ, వీడియోల కోసం OIS ఫీచర్ ఉన్న 50MP సోనీ కెమెరాను అమర్చారు. 44W ఫ్లాష్‌చార్జ్ సపోర్ట్‌తో 5,000mAh బ్యాటరీ వచ్చే ఈ ఫోన్, గేమింగ్, ఫోటోగ్రఫీ పిచ్చెక్కిపోయేలా చేయాలనుకునే వారికి ప్రాక్టికల్ ఛాయిస్.

రూ.19,999 ధరతో వస్తున్న పోకో M8 5G ఈ సెగ్మెంట్‌లో సాధారణంగా కనిపించని కొన్ని ప్రీమియం ఫీచర్లను అందిస్తోంది. ఇందులో 120Hz రిఫ్రెష్ రేట్ కలిగిన 6.77-ఇంచుల FHD+ అమోలెడ్ డిస్‌ప్లే ఉంది. క్వాల్కమ్ స్నాప్‌డ్రాగన్ 6 జెన్ 3 ప్రాసెసర్‌తో పనిచేసే ఈ స్మార్ట్‌ఫోన్‌లో 50MP మెయిన్ కెమెరాతో పాటు సెల్ఫీల కోసం 20MP ఫ్రంట్ కెమెరాను ఇచ్చారు. అలాగే 45W ఫాస్ట్ చార్జింగ్ సపోర్ట్‌తో 5,520mAh బ్యాటరీ వస్తుంది. డైలీ రఫ్ అండ్ టఫ్ యూజర్లకు ఇది ఒక అదిరిపోయే ఆప్షన్.

రూ.19,289 ధరతో లభిస్తున్న రియల్‌మీ నార్జో 90x 5G పర్ఫార్మెన్స్, బ్యాటరీ లైఫ్ విషయాల్లో పర్ఫెక్ట్ బ్యాలెన్స్ మెయింటైన్ చేస్తుంది. ఇందులో 120Hz రిఫ్రెష్ రేట్‌తో కూడిన పెద్ద 6.8-ఇంచుల FHD+ డిస్‌ప్లే ఉంది. మీడియాటెక్ డైమెన్సిటీ 6300 చిప్‌సెట్, 50MP AI రేర్ కెమెరాతో వస్తున్న ఈ ఫోన్ హైలైట్ ఏంటంటే.. ఇందులో ఏకంగా 7,000mAh మెగా బ్యాటరీని ఇచ్చారు. దీనికి తోడు 60W ఫాస్ట్ చార్జింగ్ సపోర్ట్ కూడా ఉంది. మొబైల్ గేమర్స్ చార్జింగ్ ఎక్కువసేపు రావాలనుకునే వారికి ఇది ఒక తిరుగులేని మొబైల్.

Mini Speaker: జ‌స్ట్ రూ. 500 మాత్ర‌మే.. ఈ స‌మ్మ‌ర్‌లో మీ పిల్ల‌లకు ఇచ్చే బెస్ట్ గిఫ్ట్ ఇదే

Narender Vaitla — Sat, 09 May 2026 19:13:40 +0530

Mini Speaker: వేసవి సెలవులు వచ్చేశాయి. పిల్లలు ఇంట్లో ఎక్కువ సమయం గడుపుతున్నారు. ఈ సమయంలో వారిని మొబైల్ ఫోన్లకు దూరంగా ఉంచుతూ వినోదంతో పాటు క్రియేటివిటీ పెంచే గిఫ్ట్ ఇవ్వాలని చాలా మంది తల్లిదండ్రులు చూస్తుంటారు.

అమెజాన్‌లో అందుబాటులో ఉన్న Wembley Rechargeable Karaoke Mic with Speaker for Singing మిష‌న్ చిన్న సైజ్‌లో ఉన్నప్పటికీ మంచి సౌండ్ క్వాలిటీ ఇస్తుంది. డ్యూయల్ స్పీకర్లతో డీప్ బాస్, క్లియర్ సౌండ్ అందిస్తుంది. పాటలు పాడేటప్పుడు ఇంట్లోనే చిన్న మ్యూజిక్ పార్టీ వాతావరణం ఏర్పడుతుంది. ఇందులో ఉండే LED లైట్లు మ‌రింత అట్రాక్టివ్‌గా ఉంటాయి. బర్త్‌డే పార్టీలు, ఫ్యామిలీ ఫంక్షన్స్, ఫ్రెండ్స్ గెట్‌టుగెదర్స్‌లో కూడా దీనితో ఫుల్ ఎంజాయ్ చేయొచ్చు.

ఈ కరాకే సెట్‌తో ఒక వైర్‌లెస్ మైక్రోఫోన్ కూడా వస్తుంది. పిల్లలు ఫ్రీగా తిరుగుతూ పాటలు పాడుకోవచ్చు. ఇందులో ఫీమేల్, మేల్, బేబీ, మాన్‌స్టర్ వంటి 5 వాయిస్ మోడ్‌లు ఉండటం ప్రత్యేక ఆకర్షణ. పిల్లలు తమ గొంతును ఫన్నీగా మార్చుకుని మరింత సరదాగా గడపొచ్చు. మైక్‌లో ఈకో ఎఫెక్ట్ కూడా ఉండటంతో పాటలు పాడేటప్పుడు నిజమైన సింగర్ ఫీలింగ్ వస్తుంది.

ఈ డివైస్ తేలికగా ఉండటంతో ఎక్కడికైనా సులభంగా తీసుకెళ్లొచ్చు. ఇందులో 2000mAh రీచార్జిబుల్ బ్యాటరీ ఉండటం వల్ల 3 నుంచి 4 గంటల పాటు పనిచేస్తుంది. ఫ్యామిలీ ట్రిప్స్, పిక్నిక్స్, బీచ్ అవుటింగ్స్ లేదా టెర్రస్ పార్టీలు వంటి సందర్భాల్లో ఇది పిల్లలకు మంచి టైమ్‌పాస్ అవుతుంది. పూర్తి ఛార్జ్ చేస్తే గంటల పాటు ఎంజాయ్ చేయొచ్చు.

ఈ కరాకే స్పీకర్‌లో బ్లూటూత్ కనెక్టివిటీ ఉంది. మొబైల్ ఫోన్, టాబ్లెట్, ఐప్యాడ్, ల్యాప్‌టాప్ వంటి పరికరాలకు కనెక్ట్ చేసి పాటలు ప్లే చేయొచ్చు. అంతేకాదు TF కార్డ్, USB డ్రైవ్ సపోర్ట్ కూడా ఉంది. 10 మీటర్ల వరకు సిగ్నల్ పనిచేయడంతో పిల్లలు ఫ్రీగా మూవ్ అవుతూ పాటలు పాడుకోవచ్చు.

ఈ సమ్మర్‌లో పిల్లలకు కేవలం ఆటబొమ్మ కాకుండా వినోదంతో పాటు నేర్చుకునే గిఫ్ట్ ఇవ్వాలనుకుంటే Wembley Karaoke Mic మంచి ఎంపికగా చెప్పొచ్చు. ఇది పిల్లల్లో సంగీతంపై ఆసక్తి పెంచుతుంది. స్టేజ్ ఫియర్ తగ్గిస్తుంది. ఫ్యామిలీతో కలిసి టైమ్ స్పెండ్ చేసే అవకాశం కూడా ఇస్తుంది. అందుకే ప్రస్తుతం చాలా మంది పేరెంట్స్ ఈ తరహా కరాకే టాయ్స్‌ను పిల్లలకు గిఫ్ట్‌గా కొనుగోలు చేస్తున్నారు.

iPhone Offers: మైండ్ బ్లోయింగ్ ఆఫర్.. కేవలం రూ. 40 వేలకే ఐఫోన్ 16.. ఒరిజినల్ ఛార్జర్ కూడా ఫ్రీ బాసూ !

Mahesh Rajamoni — Fri, 05 Jun 2026 07:48:21 +0530

iPhone Offers: క్రోమా ఎవ్రీథింగ్ ఆపిల్ సేల్‌లో ఐఫోన్ 16 భారీ డిస్కౌంట్‌తో రూ. 40041 కే లభిస్తోంది. దీనితో పాటు రూ. 2190 విలువైన ఛార్జర్ ఉచితంగా అందిస్తున్నారు. ఈ క్రేజీ ఆఫర్ వివరాలు ఇక్కడ తెలుసుకుందాం.

ఆపిల్ ప్రొడక్ట్స్‌కు ఉన్న క్రేజ్ గురించి ప్రత్యేకంగా చెప్పక్కర్లేదు. ముఖ్యంగా ఐఫోన్ కొనాలని ప్రతి ఒక్కరికీ ఒక కల ఉంటుంది. కానీ, దాని ధరలు చూసి చాలా మంది వెనకడుగు వేస్తుంటారు. అలాంటి వారి కోసం ప్రముఖ ఎలక్ట్రానిక్స్ రిటైల్ దిగ్గజం క్రోమా ఒక అదిరిపోయే గుడ్ న్యూస్ తీసుకొచ్చింది.

క్రోమా ప్లాట్‌ఫామ్‌పై ప్రస్తుతం ఎవ్రీథింగ్ ఆపిల్ అనే ప్రత్యేక క్యాంపెయిన్ నడుస్తోంది. ఈ సేల్‌లో భాగంగా ఆపిల్ ఐఫోన్ 16 (128GB) మోడల్‌పై ఊహించని రేంజ్‌లో డిస్కౌంట్లు లభిస్తున్నాయి. అన్ని ఆఫర్లు కలుపుకుంటే ఈ ఫోన్‌ను కేవలం రూ. 40,041 కే సొంతం చేసుకోవచ్చు.

ఈ క్రేజీ సేల్ మే 29న ప్రారంభం కాగా, జూన్ 14 వరకు అందుబాటులో ఉంటుంది. కేవలం ఐఫోన్లు మాత్రమే కాదు.. మ్యాక్‌బుక్స్, ఐప్యాడ్స్, ఎయిర్‌పాడ్స్, ఆపిల్ వాచ్‌లపై కూడా క్రోమా భారీగా ధరలను తగ్గించింది. ఆపిల్ లవర్స్‌కు ఇది నిజంగా ఒక గోల్డెన్ ఛాన్స్ అని చెప్పాలి.

చాలా మందికి ఐఫోన్ 16 ఇంత తక్కువ ధరకు ఎలా వస్తుందనే డౌట్ రావచ్చు. క్రోమా ఈ ఆఫర్‌ను ఒకే ఫ్లాట్ డిస్కౌంట్ రూపంలో ఇవ్వడం లేదు. దీని కోసం మల్టిపుల్ బెనిఫిట్స్‌ను క్లబ్ చేసింది. ఎక్స్ఛేంజ్ ఆఫర్లు, స్పెషల్ ప్రమోషన్లు, డిస్కౌంట్ కూపన్లు, టాటా నియో రివార్డ్స్.. వీటన్నింటినీ కలిపి ఈ ఎఫెక్టివ్ ప్రైస్‌ను ఆఫర్ చేస్తోంది.

మీ పాత ఫోన్ కండిషన్ బాగుండి, గరిష్ఠ ఎక్స్ఛేంజ్ వాల్యూ వస్తే.. ఐఫోన్ 16 ఫైనల్ ప్రైస్ భారీగా తగ్గుతుంది. మీరు ఆపిల్ పాత యూజర్ అయినా లేదా ఆండ్రాయిడ్ నుండి ఆపిల్ వరల్డ్‌లోకి ఎంటర్ అవ్వాలనుకునే కొత్త యూజర్ అయినా.. జేబుకు చిల్లు పడకుండా ఐఫోన్ 16 కొనేందుకు ఇది బెస్ట్ టైమ్.

ఈ సేల్‌లో మరో బిగ్గెస్ట్ హైలైట్ ఏంటంటే.. క్రోమా కేవలం ఫోన్ ధరను తగ్గించడమే కాకుండా, ఒక అదిరిపోయే ఫ్రీ గిఫ్ట్ కూడా ఇస్తోంది. ఐఫోన్ 16 కొనుగోలు చేసే కస్టమర్లకు రూ. 2,190 విలువైన అఫీషియల్ ఆపిల్ పవర్ అడాప్టర్ పూర్తిగా ఉచితంగా లభిస్తుంది.

ఆపిల్ సంస్థ బాక్స్‌లో ఛార్జర్ ఇవ్వడం ఆపేసి చాలా కాలం అయింది. బయట విడిగా ఛార్జర్ కొనాలంటే అదనపు భారం పడుతుంది. కానీ క్రోమా ఆఫర్ వల్ల ఆ డబ్బులు ఆదా అవుతాయి. ఈ ఉచిత ఛార్జర్ ఆఫర్ కేవలం ఐఫోన్ 16కే కాదు.. ఈ సేల్‌లో ఐఫోన్ 15 లేదా ఐఫోన్ 17 కొన్నా కూడా వర్తిస్తుంది.

క్రోమా 'ఎవ్రీథింగ్ ఆపిల్' సేల్‌లో కేవలం ఐఫోన్ 16 మాత్రమే కాదు.. ఇతర మోడల్స్ పై కూడా సూపర్ డీల్స్ ఉన్నాయి.

• ఐఫోన్ 15 (128GB): అన్ని ఆఫర్లతో కలిపి కేవలం రూ. 36,891 ప్రారంభ ధరకే లభిస్తోంది.

• ఐఫోన్ 17 (256GB): ఈ లేటెస్ట్ మోడల్ కేవలం రూ. 44,768 ల్యాండింగ్ ప్రైస్ నుండి అందుబాటులో ఉంది.

వీటితో పాటు ఆపిల్ మ్యాక్‌బుక్స్, ఐప్యాడ్స్, ఎయిర్‌పాడ్స్, ఆపిల్ వాచ్ మోడల్స్‌పై కూడా క్రోమా క్రేజీ ప్రైస్ కట్స్ ప్రకటించింది. గ్యాడ్జెట్స్ అప్‌గ్రేడ్ చేసుకోవడానికి ఇది పర్ఫెక్ట్ టైమ్ అని చెప్పొచ్చు.

ఈ అద్భుతమైన ఆఫర్లు జూన్ 14 వరకు మాత్రమే అందుబాటులో ఉంటాయని క్రోమా స్పష్టం చేసింది. అయితే ఇక్కడ ఒక విషయం గుర్తుంచుకోవాలి. మీరు ఎక్స్ఛేంజ్ చేసే పాత ఫోన్ మోడల్, మీ లొకేషన్‌లోని క్రోమా స్టోర్ స్టాక్ లభ్యత, మీ సిటీని బట్టి ఫైనల్ ధరలో స్వల్ప మార్పులు ఉండవచ్చు. కాబట్టి ఆలస్యం చేయకుండా వెంటనే మీకు దగ్గరలోని క్రోమా స్టోర్‌ను విజిట్ చేయండి లేదా క్రోమా అఫీషియల్ ఆన్‌లైన్ వెబ్‌సైట్‌లోకి వెళ్లి మీ డీల్‌ను ఇప్పుడే బుక్ చేసుకోండి.