Asianet News Telugu

POCO: పోకో నుంచి 3 మైండ్ బ్లోయింగ్ 5G కొత్త ఫోన్లు.. భారీ డిస్కౌంట్లు, అద్భుతమైన ఫీచర్ల వివరాలు ఇవే

Mahesh Rajamoni — Sun, 13 Sep 2026 15:34:18 +0530

POCO: పోకో అద్భుతమైన ఫీచర్లతో కొత్త ఫోన్లను తీసుకుచ్చింది. ఈ కొత్త 5G స్మార్ట్‌ఫోన్లపై రూ.3,000 వరకు డిస్కౌంట్స్ కూడా అందిస్తోంది. భారీ బ్యాటరీలు, సూపర్ అమోలెడ్ డిస్‌ప్లేలు, స్నాప్‌డ్రాగన్ ప్రాసెసర్లతో వచ్చిన వీటిపై అదిరిపోయే ఆఫర్లు అందిస్తోంది.

భారత మార్కెట్లో కొత్త 5G స్మార్ట్‌ఫోన్‌లు సందడి చేస్తున్నాయి. పోకో బ్రాండ్ నుంచి రీసెంట్‌గా విడుదలైన మోడల్స్ ఇవాళ్టి నుంచి సేల్‌కి అందుబాటులోకి వచ్చాయి. భారీ బ్యాటరీ, సూపర్ అమోలెడ్ స్క్రీన్, పవర్ ఫుల్ ప్రాసెసర్లతో వచ్చిన ఈ ఫోన్లపై బ్యాంక్ ఆఫర్లు, ఫ్లాట్ డిస్కౌంట్లు భారీగా లభిస్తున్నాయి.

ప్రస్తుతం కొత్త 5G మొబైల్ కొనాలని ప్లాన్ చేస్తున్న వారికి ఇవి మంచి ఛాయిస్. ముఖ్యంగా రూ.3,000 వరకు తగ్గింపు పొందే అవకాశం ఉంది. ఈ ఫోన్ల ధరలు, స్పెసిఫికేషన్లు, డిస్కౌంట్ ఆఫర్ల పూర్తి వివరాలు ఇప్పుడు చూద్దాం.

POCO X8 5G ఫోన్ ఇండియన్ మార్కెట్లో 3 వేరియంట్లలో అందుబాటులోకి వచ్చింది. దీని బేస్ వేరియంట్ 6GB RAM + 128GB స్టోరేజ్ ధర రూ.29,999 గా ఉంది. ఇక 8GB RAM + 128GB స్టోరేజ్ వేరియంట్ ధర రూ.32,999 కాగా, 8GB RAM + 256GB స్టోరేజ్ మోడల్ ధర రూ.35,999 గా ఉంది.

ఈ ఫోన్‌పై కంపెనీ రూ.3,000 వరకు డిస్కౌంట్ అందిస్తోంది. ఇందులో రూ.2,000 ఫ్లాట్ ఆఫర్ ఉండగా, ఐసీఐసీఐ, హెచ్డీఎఫ్సీ, లేదా ఎస్బీఐ కార్డ్స్ ఉపయోగించి కొనుగోలు చేస్తే రూ.1,000 అదనపు బెనిఫిట్ లభిస్తుంది. ఆఫర్ల తర్వాత ఈ ఫోన్ ప్రారంభ ధర రూ.26,999కే అందుబాటులో ఉంటుంది. ఫ్లిప్‌కార్ట్ ద్వారా బ్లాక్, ఫైరీ ఆరెంజ్, ఫ్రాస్ట్ వైట్ కలర్లలో దీన్ని సొంతం చేసుకోవచ్చు.

ఈ మొబైల్‌లో 6.83 అంగుళాల 1.5K AMOLED డిస్‌ప్లే ఇచ్చారు. ఇది 120Hz రీఫ్రెష్ రేట్, 3500nits పీక్ బ్రైట్‌నెస్‌తో వస్తుంది. వెట్ టచ్ 2.0 సపోర్ట్ వల్ల తడి చేతులతో కూడా స్క్రీన్‌ను ఈజీగా వాడవచ్చు. ఈ ఫోన్ ఆండ్రాయిడ్ 16 ఆధారిత HyperOS 3.0పై పనిచేస్తుంది. ఇందులో 4nm స్నాప్‌డ్రాగన్ 6s Gen 4 ఆక్టాకోర్ ప్రాసెసర్ వాడారు. కెమెరా విషయానికి వస్తే 50MP OIS మేన్ కెమెరా, 2MP డెప్త్ సెన్సార్ ఉన్నాయి. సెల్ఫీల కోసం 16MP ఫ్రంట్ కెమెరా ఇచ్చారు. 9000mAh భారీ బ్యాటరీ, 67W ఫాస్ట్ ఛార్జింగ్, 22.5W రివర్స్ ఛార్జింగ్ సపోర్ట్ ఈ ఫోన్ ప్రత్యేకత. MIL-STD-810H మిలిటరీ గ్రేడ్, IP69K రేటింగ్ కూడా ఇందులో ఉన్నాయి.

మీరు రూ.35,000 లోపు అత్యంత శక్తివంతమైన ఫోన్ కోసం చూస్తుంటే POCO X8 Power 5G మంచి ఆప్షన్. ఫ్లిప్‌కార్ట్‌లో బ్యాంక్ ఆఫర్లు లేకుండానే ఈ ఫోన్ ప్రారంభ ధర రూ.35,999గా ఉంది. 8GB RAM + 128GB స్టోరేజ్ వేరియంట్‌పై 55% వరకు, 8GB + 256GB వేరియంట్‌పై 54% వరకు డిస్కౌంట్ లభిస్తోంది.

కంపెనీ ఈ ఫోన్‌పై రూ.2,000 కూపన్ డిస్కౌంట్ అందిస్తోంది. ఇది అప్లై చేసిన తర్వాత ఫోన్ ధర రూ.32,299కి తగ్గుతుంది. పాత ఫోన్ ఎక్స్చేంజ్ చేయడం ద్వారా రూ.34,700 వరకు ఎక్స్చేంజ్ బోనస్ పొందే అవకాశం ఉంది. నెలవారీ రూ.2,833 చొప్పున 12 నెలల నో-కాస్ట్ EMI సౌకర్యం కూడా అందుబాటులో ఉంది. HDFC Bank, SBI, Flipkart Axis Bank కార్డ్స్ ద్వారా ఈ ఈఎమ్‌ఐ బెనిఫిట్స్ పొందవచ్చు.

ఈ ఫోన్‌లో 6.83 అంగుళాల 1.5K అమోలెడ్ డిస్‌ప్లే, 120Hz రీఫ్రెష్ రేట్, 3,500 నిట్స్ పీక్ బ్రైట్‌నెస్, గొరిల్లా గ్లాస్ విక్టస్ 2 ప్రొటెక్షన్ ఉన్నాయి. ఇందులో 10,000mAh బిగ్ సిలికాన్-కార్బన్ బ్యాటరీ ఇచ్చారు. దీనికి 100W హైపర్‌ఛార్జ్ ఫాస్ట్ వైర్డ్ ఛార్జింగ్, 27W వైర్డ్ రివర్స్ ఛార్జింగ్ సపోర్ట్ ఉంది. 4nm ప్రాసెసింగ్‌తో కూడిన స్నాప్‌డ్రాగన్ 6 Gen 5 చిప్‌సెట్, LPDDR5X RAM, UFS 4.1 స్టోరేజ్ ఉన్నాయి. కెమెరా విభాగంలో 50MP OIS ప్రైమరీ కెమెరా, 8MP ఆల్ట్రా వైడ్ లెన్స్, 32MP సెల్ఫీ కెమెరా అందించారు. ఇది ఆండ్రాయిడ్ 16 ఆధారిత షావోమీ హైపర్ ఓఎస్ 3పై నడుస్తుంది. దీనికి 4 ప్రధాన అప్‌డేట్లు ఇవ్వనున్నారు.

తక్కువ బడ్జెట్‌లో మంచి 5G ఫోన్ కావాలనుకునే వారి కోసం POCO M8x 5G వచ్చింది. 6GB RAM, భారీ బ్యాటరీ ఉన్న ఈ ఫోన్ ధర రూ.22,999గా నిర్ణయించారు. అయితే రూ.2,000 డిస్కౌంట్ ఆఫర్ తర్వాత దీని ధర రూ.21,000కు చేరుతుంది. బాక్స్‌లోనే ఛార్జర్, బ్యాక్ కవర్ కూడా వస్తాయి.

ఈ ఫోన్‌లో 6.9 అంగుళాల పెద్ద HD+ ఐపీఎస్ డిస్‌ప్లే ఉంది. ఇది 120Hz రీఫ్రెష్ రేట్‌కు సపోర్ట్ చేస్తుంది. స్క్రీన్‌కు గొరిల్లా గ్లాస్ 7i రక్షణ లభిస్తుంది. దీని లేదర్ గ్రీన్ బ్యాక్ ప్యానెల్ డిజైన్ లగ్జరీ లుక్‌ను ఇస్తుంది. క్వాల్కమ్ స్నాప్‌డ్రాగన్ 4 Gen 5 చిప్‌సెట్‌తో భారత్‌లో విడుదలైన తొలి డివైజ్ ఇది.

ఫోన్‌లో 7900mAh శక్తివంతమైన బ్యాటరీ ఉంది. సాధారణ వినియోగంలో ఇది హ్యాపీగా రెండు రోజుల పాటు వస్తుంది. దీనికి 45W ఛార్జర్ ఇస్తున్నారు. 22.5W రివర్స్ వైర్డ్ ఛార్జింగ్ సపోర్ట్ ఉండటం వల్ల అత్యవసర సమయాల్లో ఈ ఫోన్ పవర్ బ్యాంక్‌లా కూడా ఉపయోగపడుతుంది. ఇందులో డ్యూయల్ స్టీరియో స్పీకర్లు ఉన్నాయి. కెమెరా పరంగా ఇది వేగంగా ఫోటోలు తీస్తుంది. ఈ డివైజ్ ఆండ్రాయిడ్ 16 ఆధారిత షావోమీ హైపర్ ఓఎస్ పై పనిచేస్తుంది. కంపెనీ దీనికి 4 ఏళ్ల సాఫ్ట్‌వేర్ అప్‌డేట్లను ఆఫర్ చేస్తోంది.

ఈ మూడు కొత్త 5G స్మార్ట్‌ఫోన్లు వేర్వేరు బడ్జెట్, అవసరాలకు తగ్గట్టుగా మార్కెట్లోకి వచ్చాయి. మీ బడ్జెట్ రూ.20,000 ప్రాంతంలో ఉండి, పెద్ద స్క్రీన్, రెండు రోజులు వచ్చే బ్యాటరీ కావాలంటే POCO M8x 5G సరైన ఎంపిక.

ఒకవేళ మీ బడ్జెట్ రూ.30,000 దాకా ఉండి, అమోలెడ్ స్క్రీన్, మంచి కెమెరా, పవర్ ఫుల్ పర్ఫార్మెన్స్ కావాలంటే POCO X8 5G వైపు వెళ్లవచ్చు. ఇక అసలు బ్యాటరీ ఛార్జింగ్ అయిపోతుందనే భయం లేకూడదు, 100W ఫాస్ట్ ఛార్జింగ్, భారీ 10,000mAh బ్యాటరీ కావాలనుకునే గేమింగ్, మల్టీమీడియా లవర్స్ కోసం POCO X8 Power 5G బెస్ట్ ఆప్షన్‌గా నిలుస్తుంది.

ఫోన్‌లో చూస్తూ చెవిలో గులిమిని క్లీన్ చేసుకోవ‌చ్చు.. అదిరిపోయే స్మార్ట్ గ్యాడ్జెట్

Narender Vaitla — Tue, 22 Sep 2026 20:43:00 +0530

Ear Cleaner: చెవిలో పేరుకుపోయిన గులిమిని బ‌య‌ట‌కు తీయ‌డానికి ఈయ‌ర్ బ‌డ్స్ మొద‌లు పిన్నీసుల‌కు వ‌ర‌కు ఉప‌యోగిస్తుంటాం. అయితే మారిన కాలానికి అనుగుణంగా చెవిలో గులిమి తీసే ప్రొడ‌క్ట్స్ కూడా స్మార్ట్‌గా మారిపోయాయి. అలాంటి ఓ ప్రొడక్ట్ వివరాలు.

అమెజాన్‌లో Portronics Xlife Smart Wireless Ear Otoscope Cleaner పేరుతో ఈ ప్రొడ‌క్ట్ అందుబాటులో ఉంది. ఇందులో కెమెరా ఉండటంతో చెవి లోపలి భాగాన్ని స్మార్ట్‌ఫోన్‌లో చూస్తూ గులిమిని శుభ్రం చేసుకునే అవకాశం ఉంటుంది. ధ‌ర విష‌యానికొస్తే ఈ ప్రొడ‌క్ట్ అస‌లు ధ‌ర రూ. 2499 కాగా 64 శాతం డిస్కౌంట్‌తో రూ. 890కి ల‌భిస్తోంది. ఫీచ‌ర్ల విష‌యానికొస్తే.. ఈ గ్యాడ్జెట్‌లో 1080p ఫుల్ HD కెమెరా ఉంది. దీంతో చెవి లోపలి భాగాన్ని ఫోన్ స్క్రీన్‌పై చూడొచ్చు. అలాగే ఇందులో 3MP కెమెరా, 6 LED లైట్లు ఉండటంతో చెవి లోపల కొంత మెరుగైన వెలుతురు లభిస్తుంది. చెవిలో గులిమి ఎక్కడ ఉందో గుర్తించడానికి ఇది ఉపయోగపడుతుంది.

ఈ గ్యాడ్జెట్‌ను స్మార్ట్‌ఫోన్‌కు 2.4GHz Wi-Fi ద్వారా కనెక్ట్ చేసుకోవచ్చు. ఇందుకోసం కంపెనీ అందించే Xlife యాప్‌ను ఆండ్రాయిడ్ లేదా ఐఫోన్‌లో ఇన్‌స్టాల్ చేసుకోవాలి. ఫోన్‌లో యాప్ ఓపెన్ చేసి గ్యాడ్జెట్ Wi-Fiకి కనెక్ట్ చేస్తే కెమెరా చూపించే దృశ్యాలను నేరుగా మొబైల్‌లో చూడొచ్చు. కెమెరా 20 FPS వేగంతో వీడియోను చూపిస్తుంది.

ఈ చెవి క్లీనింగ్ గ్యాడ్జెట్ బరువు కేవలం 11 గ్రాములు మాత్రమే. ఇందులో 3.5mm లెన్స్ ఉంటుంది. అలాగే 3-యాక్సిస్ గైరోస్కోప్ ఉండటంతో చెవి లోపలి భాగాన్ని వివిధ కోణాల్లో చూడటానికి ఉపయోగపడుతుంది. చిన్నగా ఉండటంతో ఇంట్లో ఉపయోగించుకోవడంతో పాటు అవసరమైనప్పుడు వెంట తీసుకెళ్లడం కూడా సులభమే.

ఈ గ్యాడ్జెట్‌తో చెవి లోపలి భాగాన్ని చూస్తూ అవసరమైతే వీడియోను క్యాప్చర్ చేసుకోవచ్చు. చెవిలో సాధారణంగా కనిపించని ఏదైనా సమస్య ఉన్నట్లు అనిపిస్తే ఆ వీడియోను డాక్టర్‌కు చూపించేందుకు ఉపయోగపడుతుంది. అయితే చెవి లోపల గ్యాడ్జెట్‌ను పెట్టి స్వయంగా గులిమి తీసే సమయంలో చాలా జాగ్రత్తగా ఉండాలి.

ఈ ప్రొడ‌క్ట్‌లో 1080p ఫుల్ HD కెమెరా, 3MP కెమెరా, 6 LED లైట్లు, 3.5mm లెన్స్, 3-యాక్సిస్ గైరోస్కోప్ వంటి ఫీచర్లు ఉన్నాయి. 11 గ్రాముల బరువు ఉండటం దీని మరో ప్రత్యేకత. స్మార్ట్‌ఫోన్ యాప్ ద్వారా కెమెరాను కంట్రోల్ చేస్తూ చెవి లోపలి భాగాన్ని చూసుకోవచ్చు. అయితే ఇది వైద్య పరికరానికి ప్రత్యామ్నాయం కాదు. చెవి నొప్పి, రక్తస్రావం, వినికిడి తగ్గడం లేదా గులిమి ఎక్కువగా పేరుకుపోయిన సందర్భాల్లో స్వయంగా క్లీనింగ్ చేయకుండా ENT వైద్యుడిని సంప్రదించడం సురక్షితం.

iPhone 18 Pro: ఐఫోన్ 18 ప్రో లాంచ్.. వేరియబుల్ అపెర్చర్ కెమెరా, ఏ20 ప్రో చిప్‌తో బిగ్ అప్‌గ్రేడ్స్

Mahesh Rajamoni — Tue, 08 Sep 2026 15:14:42 +0530

iPhone 18 Pro : ఆపిల్ ఐఫోన్ కొత్త సిరీస్ ఎంట్రీకి రంగం సిద్ధమైంది. సర్ ప్రైజ్ అండ్ షైన్ ఈవెంట్ తో ఐఫోన్ 18 ప్రో సిరీస్ లాంచ్ కానుంది. వేరియబుల్ అపెర్చర్ కెమెరా, ఏ20 ప్రో చిప్, భారీ బ్యాటరీతో కొత్త సిరీస్ వస్తోంది. ధరలు, ఇతర ఫీచర్ల వివరాలు మీకోసం.

ఆపిల్ లవర్స్ ఎంతగానో ఎదురుచూస్తున్న సమయం వచ్చేసింది. ఐఫోన్ 18 ప్రో సిరీస్ ప్రపంచవ్యాప్తంగా గ్రాండ్‌గా లాంచ్ కాబోతోంది. భారతీయ కాలమానం ప్రకారం సెప్టెంబర్ 9 రాత్రి 10:30 గంటలకు "సర్ ప్రైజ్ అండ్ షైన్" (Surprise and Shine) పేరుతో ఆపిల్ ఈవెంట్ ప్రారంభం కానుంది. ఈ లాంచ్ ఈవెంట్‌ను యాపిల్ అధికారిక వెబ్‌సైట్, యాపిల్ టీవీ యాప్ తో పాటు యూట్యూబ్ ఛానెల్‌లో ఫ్రీగా లైవ్ చూడొచ్చు. ఈసారి ఈవెంట్ చాలా స్పెషల్. టిమ్ కుక్ స్థానంలో జాన్ టెర్నస్ సఈఓగా బాధ్యతలు స్వీకరించాక జరుగుతున్న మొదటి బిగ్ ఐఫోన్ ఈవెంట్ ఇది. మరి ఈ ఐఫోన్ 18 ప్రో, ప్రో మ్యాక్స్ మోడల్స్‌లో రాబోతున్న ఆ టాప్ ఫీచర్లు, ఇండియాలో వీటి ధరలు ఎలా ఉండబోతున్నాయో చూద్దాం.

లుక్స్ పరంగా ఐఫోన్ 17 ప్రో మోడల్స్ మాదిరిగానే కొత్త ఐఫోన్ 18 ప్రో కూడా కనిపిస్తుంది. పెద్దగా బయటి డిజైన్‌లో మార్పులు చేయకుండా ఫోన్ లోపలి హార్డ్‌వేర్‌పై యాపిల్ ఎక్కువ దృష్టి పెట్టింది. అయితే, ప్రో మ్యాక్స్ బ్యాటరీ సైజ్ పెరగడం వల్ల కొద్దిగా బరువు, మందం పెరిగే ఛాన్స్ ఉంది. డిస్‌ప్లే విషయానికొస్తే 6.3 అంగుళాల స్క్రీన్ సైజ్ ఉంటుంది. ముందు భాగంలో ఉండే డైనమిక్ ఐలాండ్ సైజ్ కాస్త చిన్నదిగా కాబోతోంది. ఇక కలర్స్ విషయానికి వస్తే డార్క్ చెర్రీ, స్కై బ్లూ, సిల్వర్, డార్క్ గ్రే రంగుల్లో ఈ ఫోన్లు రానున్నాయి.

ఐఫోన్ 18 ప్రో సిరీస్‌లో అత్యంత శక్తివంతమైన ఏ20 ప్రో (A20 Pro) చిప్‌ను వాడబోతున్నారు. ఇది ప్రపంచంలోనే మొదటిసారిగా advanced 2nm టెక్నాలజీతో తయారైంది. దీనివల్ల ప్రాసెసింగ్ స్పీడ్ పెరగడమే కాకుండా, గేమింగ్, ఏఐ టాస్క్‌లు చాలా స్మూత్‌గా పనిచేస్తాయి. బ్యాటరీ వినియోగం కూడా చాలా తగ్గుతుంది. అలాగే యాపిల్ సొంతంగా తయారుచేసిన సీ2 మోడెమ్‌ను ఇందులో అందిస్తున్నారు. దీనివల్ల 5జీ కనెక్టివిటీ, నెట్‌వర్క్ స్పీడ్ మునుపటి కంటే చాలా మెరుగ్గా ఉంటుంది.

ఫోటోగ్రఫీ ప్రేమికులకు ఐఫోన్ 18 ప్రో ఒక మంచి గిఫ్ట్ అని చెప్పాలి. ఇందులో మెయిన్ కెమెరాకు 'వేరియబుల్ అపెర్చర్'టెక్నాలజీని ఇస్తున్నారు. అంటే వెలుతురు ఆధారంగా కెమెరా లెన్స్ కాంతిని సర్దుబాటు చేసుకుంటుంది. చీకటిలో కూడా సూపర్ ఫోటోలు వస్తాయి. నైట్ మోడ్, పోర్ట్రెయిట్ ఫోటోలు నెక్స్ట్ లెవెల్‌లో ఉంటాయి. ప్రో మ్యాక్స్ మోడల్‌లో ట్రిపుల్ 48MP కెమెరా సెటప్ రాబోతోంది. సైడ్‌లో ఉన్న కెమెరా కంట్రోల్ బటన్‌ను కూడా వాడుకకు సులువుగా ఉండేలా చిన్న చిన్న మార్పులు చేశారు.

ఫోన్ లవర్స్‌కు బ్యాటరీ లైఫ్ చాలా ముఖ్యం. ఐఫోన్ 18 ప్రో మ్యాక్స్‌లో ఏకంగా 5,200mAh కంటే పెద్ద బ్యాటరీని అమర్చనున్నట్లు వార్తలు వస్తున్నాయి. ఏ20 ప్రో చిప్ పవర్ సేవింగ్ వల్ల ఒకసారి చార్జ్ చేస్తే రోజంతా హ్యాపీగా వాడేయవచ్చు. హెవీ గేమింగ్, వీడియోగ్రఫీ చేసేవారికి ఇది సూపర్ అప్‌గ్రేడ్ కానుంది.

ఇండియాలో ధర ఎంత ఉండొచ్చు?

ఈసారి ర్యామ్, కాంపోనెంట్స్ ధరలు పెరగడం వల్ల ఐఫోన్ 18 ప్రో సిరీస్ ధర కాస్త పెరిగే అవకాశం ఉంది. గ్లోబల్ మార్కెట్‌లో బేస్ మోడల్ ధర $1,099 నుంచి $1,199 వరకు ఉండొచ్చు. ఇక ఇండియా విషయానికి వస్తే, మునుపటి ఐఫోన్ 17 ప్రో ప్రారంభ ధర రూ. 1,34,900గా ఉండేది. కానీ ఈసారి 10 నుంచి 20 శాతం వరకు ధరలు పెరిగే ఛాన్స్ ఉంది. ఫలితంగా ఐఫోన్ 18 ప్రో ప్రారంభ ధర రూ. 1,44,900 నుంచి రూ. 1,49,900 మధ్య ఉండే అవకాశం ఉంది. టాప్ వేరియంట్ ఐఫోన్ 18 ప్రో మ్యాక్స్ ధర రూ. 1.60 లక్షల మార్కును దాటే అవకాశం ఉందని రిపోర్టులు చెబుతున్నాయి.

Lazy Glasses: ప‌డుకునే పుస్త‌కం చ‌ద‌వొచ్చు, టీవీ చూడొచ్చు.. లేజీ గ్లాసెస్‌తో ఎన్నో ఉప‌యోగాలు

Narender Vaitla — Fri, 25 Sep 2026 15:41:27 +0530

Lazy Glasses: పడుకుని పుస్తకం చదవాలన్నా, మొబైల్ చూడాలన్నా సాధారణంగా తలను పైకి ఎత్తాలి. కొంతసేపటి తర్వాత మెడ, భుజాలు, వెన్నుపై ఒత్తిడి ప‌డి నొప్పి మొద‌లువుతంది. ఈ స‌మ‌స్య‌కు చెక్ పెట్టేందుకు మార్కెట్‌లో ప్ర‌త్యే గ్లాసెస్ అందుబాటులో ఉన్నాయి.

లేజీ రీడ‌ర్స్ గ్లాసెస్ పేరుతో అమెజాన్‌లో అందుబాటులో ఉన్న ఈ ప్రొడ‌క్ట్ అస‌లు ధ‌ర రూ. 1499 కాగా ప్ర‌స్తుతం 68 శాతం డిస్కౌంట్‌తో కేవ‌లం రూ. 479కే ల‌భిస్తోంది. ఈ గ్లాసెస్ ప్రధాన ఉద్దేశం పడుకున్న భంగిమలోనే చదవడం లేదా స్క్రీన్ చూడడం. ఉదాహరణకు మంచంపై వెల్లకిలా పడుకుని పుస్తకం చదువుతున్నారని అనుకుందాం. సాధారణంగా పుస్తకాన్ని కళ్ల ముందుకు తీసుకురావాలి లేదా తలను పైకి ఎత్తి చూడాలి. దీనివల్ల మెడపై ఒత్తిడి రావచ్చు. ప్రిజమ్ గ్లాసెస్ పెట్టుకుంటే మాత్రం పుస్తకం లేదా మొబైల్‌ను మన ముఖం ముందు కాకుండా శరీరం వైపు ఉంచినా చూడగలుగుతాం. అలాగే మంచంపై పడుకుని టీవీ చూడటం, ట్యాబ్లెట్ ఉపయోగించడం, మొబైల్‌లో వీడియోలు చూడటం వంటి పనులకు కూడా వీటిని ఉపయోగించవచ్చు. మెడ లేదా వెన్ను కదలికలను పరిమితం చేయాల్సిన పరిస్థితుల్లో ఉన్నవారికి కూడా ఇవి సౌకర్యంగా అనిపించవచ్చు. అయితే ఇవి వైద్య పరికరాలు లేదా మెడ నొప్పికి చికిత్స చేసే సాధనాలు కావని గుర్తించాలి.

ఈ గ్లాసెస్‌లో సాధారణ కళ్లద్దాల లెన్స్‌లకు బదులుగా ప్రత్యేకమైన ప్రిజమ్ ఆప్టికల్ డిజైన్ ఉంటుంది. ప్రిజమ్‌లోకి కాంతి ప్రవేశించినప్పుడు దాని దిశ మారుతుంది. ఈ సూత్రాన్నే ఉపయోగించి గ్లాసెస్‌లోకి వచ్చే దృశ్యాన్ని సుమారు 90 డిగ్రీల కోణంలో మళ్లించేలా డిజైన్ చేస్తారు. సులభంగా చెప్పాలంటే.. మీరు మంచంపై వెల్లకిలా పడుకుని పైకి చూస్తున్నా, గ్లాసెస్‌లోని ప్రిజమ్ మీ ముందు ఉన్న వస్తువు నుంచి వచ్చే కాంతిని మళ్లించి కళ్లకు చేరేలా చేస్తుంది. దాంతో తలను వంచాల్సిన అవసరం లేకుండా కిందివైపు ఉన్న పుస్తకం లేదా మొబైల్‌ను చూడగలుగుతారు. ఇది కెమెరా లేదా వీడియోను తిప్పడం లాంటిది కాదు. కళ్లకు చేరే కాంతి దిశను మార్చడం ద్వారా మనకు వస్తువు వేరే కోణంలో కనిపించేలా చేస్తుంది.

ఈ గ్లాసెస్‌ను ప్రధానంగా ఇలాంటి ఉపయోగాల కోసమే తయారు చేశారు. మంచంపై పడుకుని పుస్తకం చదువుతున్నప్పుడు పుస్తకాన్ని సౌకర్యంగా పట్టుకుని చదవొచ్చు. అలాగే మొబైల్‌ను చేతిలో పట్టుకుని స్క్రోల్ చేయడం, వీడియోలు చూడడం, ట్యాబ్లెట్ ఉపయోగించడం వంటివి చేయవచ్చు. టీవీ చూడటానికి కూడా ఉపయోగించవచ్చు. అయితే టీవీ దూరం, స్క్రీన్ ఎత్తు, గ్లాసెస్‌లోని ప్రిజమ్ నాణ్యతను బట్టి విజువ‌ల్ క‌నిపించే క్లారిటీ మారుతుంది.

ఈ గ్లాసెస్‌లో ప్రధాన ప్రయోజనం చూసేందుకు మెడను పదేపదే వంచాల్సిన అవసరం లేకపోవడం. సాధారణంగా పడుకుని చదువుతున్నప్పుడు తలను పైకి ఎత్తడం లేదా మెడను ఒకే భంగిమలో ఉంచడం వల్ల అసౌకర్యం కలగొచ్చు. ప్రిజమ్ గ్లాసెస్ ఉపయోగిస్తే తలను కదపకుండా స్క్రీన్ లేదా పుస్తకాన్ని చూడటానికి అవకాశం ఉంటుంది. అందుకే మెడకు ఇబ్బంది ఉన్నవారు, ఎక్కువసేపు మంచంపై విశ్రాంతి తీసుకునేవారు, ఆసుపత్రిలో బెడ్ రెస్ట్‌లో ఉన్నవారు, ప్రయాణ సమయంలో పడుకుని చదవాలనుకునేవారు వీటిని సౌకర్యవంతమైన సాధనంగా ఉపయోగించవచ్చు. అయితే మెడ నొప్పి, సర్వైకల్ సమస్య, వెన్నునొప్పిని ఇవి నయం చేయవు. నొప్పి లేదా ఇతర ఆరోగ్య సమస్యలు ఉంటే వైద్యుడి సలహా తీసుకోవడం మంచిది.

ప్రిజమ్ గ్లాసెస్ కొనేటప్పుడు కేవలం తక్కువ ధరను మాత్రమే చూడకుండా కొన్ని విషయాలను గమనించాలి. ముఖ్యంగా లెన్స్ నాణ్యత, చూపు స్పష్టత, ఫ్రేమ్ బరువు, ప్రిజమ్ కోణం, కళ్లకు సరిపోయే విధానం వంటి అంశాలను పరిశీలించాలి. లెన్స్ నాణ్యత తక్కువగా ఉంటే ఎక్కువసేపు చూస్తున్నప్పుడు అసౌకర్యం కలగొచ్చు. అందుకే క్లియర్ ఆప్టికల్ లెన్స్, తేలికైన ఫ్రేమ్, ముఖంపై ఎక్కువ ఒత్తిడి కలిగించని డిజైన్ ఉన్న మోడల్‌ను ఎంచుకోవడం మంచిది.

Apple iPhone 18 Pro: ఆపిల్ హిస్టరీలోనే బిగ్ ఛేంజ్.. ఐఫోన్ 18 ప్రోతో పాటు తొలి ఐఫోన్ ఆల్ట్రా.. కెమెరా చూస్తే మైండ్ బ్లాకే

Mahesh Rajamoni — Mon, 07 Sep 2026 07:09:34 +0530

Apple iPhone 18 Pro: ఆపిల్ 'సర్‌ప్రైజ్ అండ్ షైన్' ఈవెంట్‌లో ఐఫోన్ 18 ప్రో, ప్రో మాక్స్, తొలి ఫోల్డబుల్ ఐఫోన్ ఆల్ట్రాను లాంచ్ చేయనుంది. గూగుల్ జెమిని ఏఐ ఇంటిగ్రేషన్ ప్రధాన ఆకర్షణ నిలవనుంది. ఆ వివరాలు మీకోసం.

స్మార్ట్‌ఫోన్ ప్రపంచాన్ని శాసించే ఆపిల్ సంస్థ ఈసారి మైండ్ బ్లాక్ అయ్యే ప్లాన్‌తో ముందుకు వస్తోంది. సెప్టెంబర్ 9న జరగనున్న 'సర్‌ప్రైజ్ అండ్ షైన్' గ్రాండ్ ఈవెంట్‌లో ఆపిల్ కొత్త ఐఫోన్ 18 సిరీస్‌ను ఆవిష్కరించబోతోంది. పసిఫిక్ సమయం ప్రకారం ఉదయం 10 గంటలకు ఈ కార్యక్రమం ప్రారంభమవుతుంది. ప్రతిసారీ ఐఫోన్ లాంచ్ అయితే టెక్ మార్కెట్ ఊగిపోతుంది. కానీ ఈసారి సీన్ వేరేలా ఉంది.. ఆపిల్ సీఈఓ జాన్ టెర్నస్ నాయకత్వంలో జరుగుతున్న ఈ తొలి ఈవెంట్‌లో గూగుల్ జెమిని ఏఐ ని పరిచయం చేయడం, యాపిల్ చరిత్రలోనే మొదటిసారిగా ఫోల్డబుల్ ఐఫోన్‌ను తీసుకరావడం, అలాగే ఫోన్ల విడుదల వ్యూహాన్ని రెండుగా విభజించడం వంటి కీలక నిర్ణయాలు స్మార్ట్‌ఫోన్ ప్రపంచాన్ని మార్చబోతున్నాయి.

2011లో ఐఫోన్ 4ఎస్‌తో సిరిని పరిచయం చేసిన ఆపిల్, ఆ తర్వాత మొబైల్ ఏఐ రేసులో వెనుకబడిపోయింది. WWDC 2024లో 'ఆపిల్ ఇంటెలిజెన్స్' పేరుతో భారీ ప్రకటన చేసినప్పటికీ, ఆండ్రాయిడ్ పోటీదారుల స్థాయికి సరిపడా ఏఐ ఫీచర్లను అందించడంలో విఫలమైంది. దీన్ని అధిగమించడానికి ఆపిల్ ఒక విప్లవాత్మక నిర్ణయం తీసుకుంది. కొత్త ఐఫోన్ 18 ప్రో సిరీస్‌తో పాటు వస్తున్న ఐఓఎస్ 26 లో గూగుల్ జెమిని టెక్నాలజీని వాడుతోంది. ప్రైవసీకి పెద్దపీట వేస్తూనే గూగుల్ ఏఐ పవర్ ద్వారా ఆపిల్ ఇంటెలిజెన్స్ ఫీచర్లను అందించనుంది. గతంలో సెర్చ్ ఇంజిన్ కోసం గూగుల్‌పై ఆధారపడినట్లే, ఇప్పుడు ఆర్టిఫిషియల్ ఇంటెలిజెన్స్ కోసం కూడా గూగుల్ వైపే మొగ్గు చూపడం విశేషం.

2019లో శాంసంగ్ గెలాక్సీ ఫోల్డ్‌తో ప్రారంభమైన ఫోల్డబుల్ ట్రెండ్‌లోకి ఆపిల్ ఎట్టకేలకు అడుగుపెడుతోంది. 'ఐఫోన్ ఆల్ట్రా' (iPhone Ultra) పేరుతో రానున్న ఈ ప్రైమ్ మోడల్ బుక్-స్టైల్ డిజైన్‌తో ఉండనుంది. బయట 5.5 అంగుళాల ఓఎల్ఈడీ డిస్ప్లే, ఓపెన్ చేస్తే 7.8 అంగుళాల పెద్ద ట్యాబ్ లాంటి స్క్రీన్ కనిపిస్తాయి. ఓపెన్ చేసినప్పుడు కేవలం 4.5 మిమీ, మడిచినప్పుడు 9 మిమీ మందంతో చాలా స్లిమ్‌గా ఉంటుంది. ఫేస్ ఐడీ స్థానంలో సైడ్ బటన్‌లో టచ్ ఐడీ ఇవ్వనున్నారు. A20 ప్రో 2nm చిప్‌సెట్, 12GB రామ్, డ్యూయల్ రియర్ కెమెరాలు (వైడ్, అల్ట్రా వైడ్), 5,400mAh నుండి 5,800mAh వరకు భారీ బ్యాటరీ కెపాసిటీతో ఈ ఫోన్ రానుంది. దీని ప్రారంభ ధర సుమారు రూ. 1.75 లక్షలకు పైగా ఉండవచ్చని సమాచారం.

మిగతా ఫ్లాగ్‌షిప్ మోడల్స్ అయిన ఐఫోన్ 18 ప్రో, ఐఫోన్ 18 ప్రో మాక్స్ మోడల్స్ కూడా నెక్స్ట్ లెవెల్ ఫీచర్లతో వస్తున్నాయి. ఇందులో మొదటిసారిగా వేరియబుల్ ఎపర్చర్ కలిగిన మెయిన్ కెమెరాను అందిస్తున్నారు. దీనివల్ల వెలుతురు తక్కువగా ఉన్న సమయంలోనూ, బ్యాక్‌గ్రౌండ్ బ్లర్ షాట్స్ తీసేటప్పుడు ఫోటోలు క్రేజీగా వస్తాయి. డైనమిక్ ఐలాండ్ సైజును మరింత చిన్నదిగా చేస్తున్నారు. ఐఫోన్ 18 ప్రో మాక్స్‌లో ఏకంగా 5,567mAh బ్యాటరీతో పాటు ఎల్టీపీఓ+ డిస్ప్లే టెక్నాలజీని వాడుతున్నారు. దీనివల్ల బ్యాటరీ లైఫ్ చాలా సమయం వస్తుంది. కొత్త కలర్ ఆప్షన్లలో డార్క్ చెర్రీ, లైట్ బ్లూ, సిల్వర్ వేరియంట్లు వుండనున్నాయి.

ఈసారి సెప్టెంబర్ ఈవెంట్‌లో కేవలం ప్రో మోడల్స్ (18 Pro, 18 Pro Max, Ultra) మాత్రమే లాంచ్ కానున్నాయి. బేసిక్ మోడల్స్ అయిన ఐఫోన్ 18, ఐఫోన్ 18 ఎయిర్, ఐఫోన్ 18e ఫోన్లను 2027 మార్చి లేదా ఏప్రిల్ నాటికి వాయిదా వేశారు. సాధారణంగా సెప్టెంబర్‌లో ఫోన్ కొనాలనుకునే యూజర్లను ప్రో మోడల్స్ వైపు పుష్ చేసేలా యాపిల్ ప్లాన్ చేసింది. అంతేకాకుండా, ఏడాదికి రెండుసార్లు లాంచ్ ఈవెంట్లు పెట్టడం ద్వారా ఆండ్రాయిడ్ మిడ్-రేంజ్ ఫోన్లకు మీడియా కవరేజ్ తగ్గించి, మార్కెట్‌లో నిరంతరం తన ఆధిపత్యాన్ని నిలబెట్టుకోవడమే ఆపిల్ ప్రధాన వ్యూహం. ఇదే ఈవెంట్‌లో ఆపిల్ వాచ్ సిరీస్ 12, అల్ట్రా 4, ఎయిర్‌పాడ్స్ 5, కొత్త హోమ్ హబ్, అలాగే ఐఓఎస్ 27 (iOS 27) రిలీజ్ డేట్లను వెల్లడించనున్నారు.

ఫోన్‌ను తాకకుండానే ఫొటోలు, వీడియోలు, స్క్రోలింగ్.. రూ. 400కే సూప‌ర్ గ్యాడ్జెట్

Narender Vaitla — Wed, 02 Sep 2026 18:19:55 +0530

Bluetooth Selfie Remote: స్మార్ట్‌ఫోన్‌ను తాక‌కుండా ఫొటోలు, వీడియోలు తీసుకునే అవ‌కాశం ఉంటే భ‌లే ఉంటుంది క‌దూ! ఇలాంటి వారికోస‌మే అమెజాన్‌లో బ్లూటూత్ సెల్ఫీ రిమోట్ పేరుతో ఒక మంచి గ్యాడ్జెట్ అందుబాటులో ఉంది. ఈ గ్యాడ్జెట్‌కు సంబంధించిన పూర్తి వివ‌రాలు.

ఈ బ్లూటూత్‌ రిమోట్‌తో స్మార్ట్‌ఫోన్‌లో వీడియోలు, సోషల్ మీడియా కంటెంట్‌ను చేతితో స్క్రీన్ తాకకుండా స్క్రోల్ చేయవచ్చు. పైకి, కిందికి స్క్రోల్ చేయడం, వీడియోలను ప్లే లేదా పాజ్ చేయడం, కొన్ని యాప్స్‌లో లైక్ చేయడం, వాల్యూమ్‌ను పెంచడం లేదా తగ్గించడం వంటి పనులు చేయొచ్చు. ముఖ్యంగా రీల్స్‌, షార్ట్స్ వంటి వీడియో కంటెంట్ చూసే సమయంలో ఇది ఉపయోగపడుతుంది. ధ‌ర విష‌యానికొస్తే ఈ ప్రొడ‌క్ట్ అస‌లు ధ‌ర అమెజాన్‌లో రూ. 1199 ఉండ‌గా ఏకంగా 67 శాతం డిస్కౌంట్‌తో రూ. 399కి ల‌భిస్తోంది.

మొబైల్ కెమెరాను రిమోట్‌గా కంట్రోల్ చేయడానికి కూడా దీనిని ఉపయోగించవచ్చు. ఫోన్‌ను ట్రైపాడ్‌పై పెట్టి కొంత దూరం నుంచి ఫొటో క్లిక్ చేయొచ్చు. సెల్ఫీలు, గ్రూప్ ఫొటోలు, వ్లాగింగ్, డ్యాన్స్ వీడియోలు, వర్కౌట్ వీడియోలు తీసేటప్పుడు ఫోన్ దగ్గరకు వెళ్లాల్సిన అవసరం ఉండదు. కొన్ని కెమెరా ఫంక్షన్లలో వీడియో రికార్డింగ్‌ను ప్రారంభించడం లేదా ఆపడం, జూమ్ వంటి ఆప్షన్లను కూడా ఉపయోగించవచ్చు.

ఈ రిమోట్ బ్లూటూత్‌ ద్వారా స్మార్ట్‌ఫోన్ లేదా ట్యాబ్లెట్‌తో కనెక్ట్ అవుతుంది. సుమారు 10 మీటర్ల దూరం వరకు పనిచేసేలా దీనిని రూపొందించారు. అందువల్ల ట్రైపాడ్‌తో ఫొటోలు తీసేటప్పుడు లేదా బయట వీడియోలు రికార్డ్ చేసేటప్పుడు కొంత దూరం నుంచి ఫోన్‌ను కంట్రోల్ చేయవచ్చు. ఒకేసారి ఒక డివైజ్‌కు ఇది సపోర్ట్ చేస్తుంది.

ఈ రిమోట్‌లో ప్రత్యేకంగా బ్యాటరీలు వేసుకోవాల్సిన అవసరం లేదు. ఇందులోనే రీచార్జ్ చేసుకునే బ్యాటరీ ఉంటుంది. Type-C ఛార్జింగ్ పోర్ట్ ద్వారా ఛార్జ్ చేయవచ్చు. దీంతో డిస్పోజబుల్ బ్యాటరీలు కొనాల్సిన అవసరం ఉండదు. చిన్న సైజులో ఉండటం వల్ల జేబులో లేదా బ్యాగ్‌లో సులభంగా పెట్టుకుని ఎక్కడికైనా తీసుకెళ్లవచ్చు.

బ్లూటూత్ సెల్ఫీ రిమోట్‌ను ఫోన్‌తో సులభంగా పెయిర్ చేసుకోవచ్చు. బటన్లు కూడా సాధారణంగా ఉపయోగించుకునే విధంగా ఉంటాయి. ఫొటోలు, వీడియోలు తీసుకునే సాధారణ వినియోగదారులతో పాటు కంటెంట్ క్రియేటర్లు, వ్లాగర్లు, సోషల్ మీడియా ఇన్‌ఫ్లుయెన్సర్లు, ఆన్‌లైన్ క్లాసులు నిర్వహించే వారు, లైవ్ స్ట్రీమింగ్ చేసేవారికి ఇది ఉపయోగపడుతుంది.

POCO M8x 5G: బిగ్ బ్యాటరీతో రచ్చలేపుతున్న పోకో కొత్త 5G ఫోన్.. ఒక్కసారి ఛార్జ్ చేస్తే 3 రోజులు నాన్‌స్టాప్.. పూర్తి వివరాలు ఇవే!

Mahesh Rajamoni — Sun, 23 Aug 2026 10:01:37 +0530

POCO M8x 5G: భారత్‌లో పోకో ఎం8ఎక్స్ (POCO M8x 5G) స్మార్ట్‌ఫోన్ లాంచ్ అయింది. 7900mAh బిగ్ బ్యాటరీ, స్నాప్‌డ్రాగన్ 4 జెన్ 5 ప్రాసెసర్‌తో వస్తున్న ఈ ఫోన్ ఆఫర్లు, ఫీచర్ల వివరాలు మీకోసం.

ప్రముఖ స్మార్ట్‌ఫోన్ బ్రాండ్ పోకో భారత మార్కెట్లోకి తన కొత్త బడ్జెట్ 5జీ స్మార్ట్‌ఫోన్ పోకో ఎం8ఎక్స్ 5జీ (POCO M8x 5G)ని లాంచ్ చేసింది. నేటి ట్రెండ్‌కు తగ్గట్టుగా యూజర్లను ఆకట్టుకునే డిజైన్, మైండ్ బ్లోయింగ్ ఫీచర్లతో ఈ ఫోన్‌ను మార్కెట్లోకి తీసుకొచ్చరు. క్వాల్కమ్ ప్రొడ్యూస్ చేసిన లేటెస్ట్ స్నాప్‌డ్రాగన్ 4 Gen 5 ప్రాసెసర్‌తో ఇండియాలోకి వచ్చిన మొదటి స్మార్ట్‌ఫోన్ ఇదే కావడం విశేషం.

పోకో ఎం8ఎక్స్ 5జీ రెండు వేరియంట్లలో లభిస్తుంది. 4GB RAM + 128GB స్టోరేజ్ ప్రారంభ వేరియంట్ ధర రూ. 20,999గా నిర్ణయించారు. అలాగే 6GB RAM + 128GB స్టోరేజ్ వేరియంట్ ధర రూ. 22,999గా ఉంది. ప్రముఖ ఈ-కామర్స్ ప్లాట్‌ఫామ్ ఫ్లిప్‌కార్ట్ ద్వారా ఆగస్టు 27 నుండి ఈ ఫోన్ సేల్ ప్రారంభం కానుంది. లాంచ్ ఆఫర్‌లో భాగంగా మొదటి రోజు కొనుగోలు చేసే వినియోగదారులు ఫ్లాట్ రూ. 2,000 డిస్కౌంట్, ఇతర తగ్గింపు ఆఫర్లు ఉంటాయని కంపెనీ తెలిపింది.

ఈ ఫోన్ బ్లూ, బ్లాక్, అండ్ గ్రీన్ అనే మూడు అదిరిపోయే కలర్ ఆప్షన్లలో అందుబాటులోకి వచ్చింది. గ్రీన్ వేరియంట్ వెనుక వైపు ప్రీమియం లెదర్ ఫినిషింగ్, గోల్డెన్ కలర్ కెమెరా మాడ్యూల్‌తో చాలా క్లాసీగా కనిపిస్తుంది. మిగిలిన రెండు వేరియంట్లు స్మూత్ మ్యాట్ ఫినిషింగ్‌తో వస్తాయి. ఈ ఫోన్‌లో 6.9-ఇంచ్ HD+ LCD డిస్‌ప్లే ఇచ్చారు. ఇది 120Hz రిఫ్రెష్ రేట్, 240Hz టచ్ శాంప్లింగ్ రేట్, 825 నిట్స్ పీక్ బ్రైట్‌నెస్‌ను సపోర్ట్ చేస్తుంది. స్క్రీన్ ప్రొటక్షన్ కోసం కార్నింగ్ గొరిల్లా గ్లాస్ 7i ప్రొటెక్షన్ ఉపయోగించారు. ఇందులో ఉన్న 'వెట్ టచ్ 2.0' ఫీచర్ వల్ల చేతులు తడిగా ఉన్నా స్క్రీన్ చాలా స్మూత్‌గా రెస్పాండ్ అవుతుంది.

పోకో ఎం8ఎక్స్ 5జీ మోడల్‌లో 4nm ప్రాసెస్ ఆధారంగా తయారైన ఆక్టా-కోర్ క్వాల్కమ్ స్నాప్‌డ్రాగన్ 4 జెన్ 5 చిప్‌సెట్ వాడారు. గేమింగ్ గ్రాఫిక్స్ కోసం డెనో 613 జీపీయూ ఇచ్చారు. ఈ ఫోన్ AnTuTu స్కోర్ 650K కంటే ఎక్కువ అని కంపెనీ తెలిపింది. యాప్స్ చాలా వేగంగా ఓపెన్ అయ్యేలా ఎల్పీడీడీఆర్4ఎక్స్ ర్యామ్, యూఎఫ్ఎస్ 2.2 స్టోరేజ్ ఇందులో ఉన్నాయి. ఫోన్ హీట్ కాకుండా ఉండటానికి 12,439 sq mm గ్రేఫైట్ షీట్, 1,924 sq mm కాపర్ ఫాయిల్ లేయర్‌తో కూడిన అల్ట్రా-లార్జ్ కూలింగ్ సిస్టమ్ అందించారు. ఇందులో 12GB వరకు వర్చువల్ ర్యామ్ సపోర్ట్ కూడా ఉంది. ఇది ఆండ్రాయిడ్ 16 ఆధారిత హైపర్ ఓఎస్ 3 పై పనిచేస్తుంది. దీనికి 4 సంవత్సరాల ఓఎస్ అప్‌డేట్‌లు, 6 సంవత్సరాల సెక్యూరిటీ అప్‌డేట్‌లు ఇస్తామని పోకో కంపెనీ తెలిపింది.

ఈ ఫోన్ మరో పెద్ద ఫీచర్ బిగ్ బ్యాటరీ, ఏకంగా 7900mAh బ్యాటరీతో వచ్చింది. సాధారణ వాడకంలో ఈ బ్యాటరీ ఏకంగా 3 రోజుల పాటు రన్ అవుతుందని పోకో పేర్కొంది. అలాగే, దీన్ని వేగంగా ఛార్జ్ చేయడానికి 45 వాట్స్ ఫాస్ట్ ఛార్జింగ్ సపోర్ట్ ఇచ్చారు. కేవలం 30 నిమిషాల ఛార్జింగ్‌తో రోజంతా ఫోన్ ఉపయోగించవచ్చు. పైగా ఇతర గాడ్జెట్స్ లేదా ఫోన్‌లను ఛార్జ్ చేయడానికి 22.5W రివర్స్ వైర్డ్ ఛార్జింగ్ ఫీచర్ కూడా ఇందులో ఉండటం గమనార్హం. ఫుల్ ఛార్జ్‌పై 35 గంటల సోషల్ మీడియా స్క్రోలింగ్ లేదా 64 గంటల మ్యూజిక్ ప్లేబ్యాక్ ఆస్వాదించవచ్చు.

ఫోటోగ్రఫీ కోసం వెనుక వైపు f/1.8 అపెర్చర్, OIS సపోర్ట్ కలిగిన 50MP ప్రైమరీ AI కెమెరా, సెకండరీ AI లెన్స్, ఫ్లిక్కర్ సెన్సార్, LED ఫ్లాష్ ఇచ్చారు. ఇది 2x ఇన్-సెన్సార్ జూమ్, 1080p వీడియో రికార్డింగ్‌కు సపోర్ట్ చేస్తుంది. సెల్ఫీలు, వీడియో కాల్స్ కోసం ముందు భాగంలో 8MP కెమెరా ఉంది. సౌండ్ సిస్టమ్ కోసం 300% వాల్యూమ్ బూస్ట్, Hi-Res సర్టిఫికేషన్‌తో కూడిన డ్యూయల్ స్టీరియో స్పీకర్లు ఉన్నాయి. సేఫ్టీ కోసం సైడ్-మౌంటెడ్ ఫింగర్‌ప్రింట్ సెన్సార్, డస్ట్ అండ్ వాటర్ రెసిస్టెన్స్ కోసం ఐపీ64 రేటింగ్, 3.5mm ఆడియో జాక్, రియల్ టైమ్ నోటిఫికేషన్ల కోసం షావోమి హైపర్ ఐలాండ్ ఫీచర్లు ఇందులో ఉన్నాయి.

iPhone 18 Pro: ల్యాప్‌టాప్‌ల కంటే స్పీడ్.. 2nm A20 ప్రో చిప్‌తో ఆపిల్ ఐఫోన్ 18 ప్రో వచ్చేసింది భయ్యా.. ధర, ఫీచర్లు ఇవే

Mahesh Rajamoni — Thu, 10 Sep 2026 08:49:08 +0530

Apple iPhone 18 Pro: ఆపిల్ ఐఫోన్ 18 ప్రో సిరీస్ విడుదలైంది. వేరియబుల్ ఎపర్చర్ కెమెరా, A20 ప్రో చిప్, సిరి ఏఐ, మైండ్ బ్లోయింగ్ బ్యాటరీ లైఫ్‌తో సరికొత్త ఫీచర్లను ఇందులో తీసుకొచ్చింది. ఆపిల్ ఐఫోన్ 18 ప్రో లో ఉన్న స్పెక్స్, ఫీచర్లు సహా ధర వివరాలు మీకోసం.

ఆపిల్ తన మోస్ట్ అవేటెడ్ స్మార్ట్‌ఫోన్లు ఐఫోన్ 18 ప్రో (iPhone 18 Pro), ఐఫోన్ 18 ప్రో మాక్స్ (iPhone 18 Pro Max) మోడళ్లను కాలిఫోర్నియాలోని కుపెర్టినోలో అధికారికంగా విడుదల చేసింది. ఇప్పటివరకు వచ్చిన ఐఫోన్లలోకెల్లా అత్యంత అడ్వాన్స్డ్ ప్రో కెమెరా సిస్టమ్, మునుపెన్నడూ లేనంత భారీ బ్యాటరీ లైఫ్, నెక్స్ట్ లెవెల్ పెర్ఫార్మెన్స్‌ను ఈ కొత్త ప్రో లైనప్‌లో తీసుకొచ్చారు.

ఈ రెండు ఫోన్లు సరికొత్త A20 ప్రో (A20 Pro) చిప్‌సెట్, అప్‌గ్రేడెడ్ వేపర్ ఛాంబర్‌తో పనిచేస్తాయి. iOS 27, ఆపిల్ ఇంటెలిజెన్స్, సిరి ఏఐ కాంబినేషన్‌తో ఈ ఫోన్లు పర్సనల్ ఏఐ హబ్‌లా మారనున్నాయి. బ్లాక్, సిల్వర్, గ్లేసియర్, సరికొత్త బర్గండి కలర్ ఆప్షన్లలో ఇవి అందుబాటులోకి రానున్నాయి.

ఐఫోన్ హిస్టరీలోనే మొదటిసారిగా ఐఫోన్ 18 ప్రో మోడళ్లలో వేరియబుల్ ఎపర్చర్ సపోర్ట్ ఇచ్చారు. ఇందులో ఉండే 48MP ఫ్యూజన్ మెయిన్ కెమెరా సిస్టమ్ లైటింగ్, డెప్త్ ఆఫ్ ఫీల్డ్‌కు అనుగుణంగా ఎపర్చర్‌ను ఆటోమేటిక్‌గా అడ్జస్ట్ చేస్తుంది. దీనివల్ల లో లైట్ ఫోటోగ్రఫీ చాలా క్లియర్‌గా వస్తుంది. ప్రో యూజర్లు తమకు కావాల్సిన విధంగా నాలుగు ఎపర్చర్ సెట్టింగ్స్‌ను మ్యాన్యువల్‌గా మార్చుకోవచ్చు.

కెమెరా యాప్‌లో ప్రో కంట్రోల్స్ ద్వారా లెన్స్ ఎపర్చర్, షట్టర్ స్పీడ్, వైట్ బ్యాలెన్స్, హిస్టోగ్రామ్‌లను నేరుగా యాక్సెస్ చేయవచ్చు. అంతేకాదు, 4K డోల్బీ విజన్ HDRలో టైమ్-ల్యాప్స్ వీడియోలు రికార్డ్ చేయవచ్చు. ఆడియో మిక్స్ ద్వారా బ్యాక్‌గ్రౌండ్ మ్యూజిక్‌ను ఐసోలేట్ చేసి వాయిస్ క్లారిటీని పెంచుకోవచ్చు.

ఐఫోన్ 18 ప్రో మోడళ్లలో ఆపిల్ రిఫరెన్స్ ఇమేజ్ అనే కొత్త ఫీచర్ పరిచయం చేశారు. కెమెరా క్యాప్చర్ చేసే ప్రతి పిక్సెల్‌ను సైన్ చేయడం ద్వారా ఫోటో ఒరిజినాలిటీని నిరూపించవచ్చు. ఏఐ ద్వారా ఎడిట్ చేసిన లేదా క్రియేట్ చేసిన ఫోటోలను గుర్తించడానికి ఇది సహాయపడుతుంది.

మరోవైపు, డైనమిక్ ఐలాండ్ డిజైన్‌ను మరింత పర్ఫెక్ట్‌గా మార్చారు. పరిమాణం తగ్గడమే కాకుండా, ఇప్పుడు ఒకేసారి మూడు లైవ్ యాక్టివిటీలను స్క్రీన్ పై చూపిస్తుంది. ఫేస్ ఐడీ, యాప్ అథెంటికేషన్, పేమెంట్స్ వంటి సెక్యూర్ ఫీచర్లు యథావిధిగా పనిచేస్తాయి.

మొబైల్ ప్రాసెసింగ్ రంగాన్నే మార్చేసేలా లేటెస్ట్ 2-నానోమీటర్ టెక్నాలజీతో A20 ప్రో చిప్‌ను తయారు చేశారు. ఇందులో 6-కోర్ సిపియు, 7-కోర్ జిపియు, 32-కోర్ ఏఐ ప్రాసెసింగ్ పవర్ ఉన్న డ్యూయల్ 16-కోర్ న్యూరల్ ఇంజిన్ ఉన్నాయి. కొత్త వేపర్ ఛాంబర్ కూలింగ్ సిస్టమ్ వల్ల ఫోన్ హీట్ అవ్వకుండా 40 శాతం మెరుగైన పెర్ఫార్మెన్స్ ఇస్తుంది. N1 వైర్‌లెస్ చిప్ ద్వారా వై-ఫై 7, బ్లూటూత్ 6 సపోర్ట్ లభిస్తుంది.

ఈసారి బ్యాటరీ విషయంలో ఆపిల్ పెద్ద జంప్ తీసేసుకుంది. ఈసిమ్ మాత్రమే ఉన్న ఐఫోన్ 18 ప్రో మోడల్‌లో 36 గంటలు, ఐఫోన్ 18 ప్రో మాక్స్‌లో ఏకంగా 45 గంటల వీడియో ప్లేబ్యాక్ బ్యాటరీ లైఫ్ లభిస్తుంది. కేవలం 15 నిమిషాల వైర్డ్ ఛార్జింగ్‌తో 50 శాతం ఛార్జింగ్ అవుతుంది. ఐఫోన్ 18 ప్రో మాక్స్‌ను 5 నిమిషాలు ఛార్జ్ చేస్తే 7 గంటల వీడియో ప్లేబ్యాక్ వస్తుంది.

iOS 27 లో భాగమైన సిరి ఏఐ మీ మెసేజ్‌లు, ఈమెయిల్స్, ఫోటోలను అర్థం చేసుకుని సరైన సమాచారం అందిస్తుంది. కెమెరా ముందు ఉన్న వస్తువులను చూపిస్తే వాటి వివరాలు చెప్తుంది. అలవాటైన టైపింగ్ లేదా వాయిస్ కమాండ్స్‌తో పనులు సులువుగా పూర్తవుతాయి.

ధరలు, లభ్యత:

• ఐఫోన్ 18 ప్రో: ప్రారంభ ధర ₹1,64,900

• ఐఫోన్ 18 ప్రో మాక్స్: ప్రారంభ ధర ₹1,79,900

• స్టోరేజ్ ఆప్షన్లు: 256GB, 512GB, 1TB, 2TB

ఈ ఫోన్ల ప్రీ-ఆర్డర్లు సెప్టెంబర్ 12 నుంచి ప్రారంభమవుతాయి. ఇండియా సహా 65 కి పైగా దేశాల్లో సెప్టెంబర్ 18 నుండి సేల్ మొదలవుతుంది. ఇతర 20 దేశాల్లో సెప్టెంబర్ 25 నుంచి అందుబాటులోకి వస్తుంది.

iPhone 18 Pro vs 17 Pro: ఐఫోన్ 18 ప్రో vs ఐఫోన్ 17 ప్రో.. మైండ్ బ్లోయింగ్ అప్‌గ్రేడ్స్ ఇవే

Mahesh Rajamoni — Wed, 09 Sep 2026 14:23:05 +0530

iPhone 18 Pro vs iPhone 17 Pro : ఐఫోన్ 18 ప్రో, ఐఫోన్ 17 ప్రో మధ్య 7 కీలక మార్పులు చేసింది ఆపిల్ కంపెనీ. A20 చిప్, వేరియబుల్ అపెర్చర్ కెమెరా, పవర్ ఫుల్ బ్యాటరీ సహా పూర్తి స్పెక్స్ ఏంటో ఇక్కడ తెలుసుకుందాం.

ఆపిల్ లవర్స్ ఎంతగానో ఎదురుచూస్తున్న ఐఫోన్ 18 ప్రో పై సోషల్ మీడియాలో రకరకాల వార్తలు చక్కర్లు కొడుతున్నాయి. గతంలో వచ్చిన ఐఫోన్ 17 ప్రో కంటే ఈ కొత్త వర్షన్‌లో అనేక పవర్ ఫుల్ అప్‌గ్రేడ్స్ ఉండబోతున్నట్లు టాక్ వినిపిస్తోంది. అయితే ఈ మార్పులపై ఆపిల్ సంస్థ ఇంకా ఎలాంటి అధికారిక ప్రకటన చేయలేదు. ప్రస్తుతం నెట్ ఇంట్లో వైరల్ అవుతున్న రిపోర్టుల ఆధారంగా ఐఫోన్ 17 ప్రోతో పోలిస్తే ఐఫోన్ 18 ప్రోలో రాబోయే అతిపెద్ద అప్‌గ్రేడ్స్ ఏంటో ఇప్పుడు వివరంగా చూద్దాం.

ఐఫోన్ 18 ప్రోలో అత్యంత వేగవంతమైన A20 చిప్‌ను ఉపయోగించనున్నట్లు తెలుస్తోంది. రిపోర్టుల ప్రకారం ఈ చిప్‌ను TSMC కంపెనీకి చెందిన 2nm ప్రాసెస్ ఆధారంగా తయారు చేస్తున్నారు. ప్రస్తుతం ఉన్న ఐఫోన్ 17 ప్రోలో A19 జనరేషన్ ప్రాసెసర్‌ను వాడారు. ఈ కొత్త 2nm చిప్ వల్ల ప్రాసెసింగ్ స్పీడ్ పెరగడమే కాకుండా, విద్యుత్ వినియోగం చాలా వరకు తగ్గుతుంది. దీనివల్ల గేమింగ్, ఆన్-డివైజ్ AI ఫీచర్లు, బ్యాటరీ లైఫ్ చాలా మెరుగ్గా పనిచేస్తాయి.

యూఎస్ వేరియంట్ లీక్స్ ప్రకారం ఐఫోన్ 18 ప్రోలో 4,288mAh బ్యాటరీని ఇచ్చే అవకాశం ఉంది. ఐఫోన్ 17 ప్రోలో ఉన్న 4,252mAh బ్యాటరీతో పోలిస్తే ఇది కొద్దిగా మాత్రమే ఎక్కువ. అయితే బ్యాటరీ పరిమాణం స్వల్పంగా పెరిగినప్పటికీ, A20 చిప్ ఇచ్చే ఎఫిషియన్సీ వల్ల రోజువారీ వాడకంలో బ్యాటరీ లైఫ్ ఊహించిన దానికంటే చాలా ఎక్కువ సమయం వస్తుందని టెక్ నిపుణులు చెబుతున్నారు.

ఈసారి కెమెరా విభాగంలో ఆపిల్ ఒక పెద్ద ప్రయోగం చేయబోతోంది. ఐఫోన్ 18 ప్రో మెయిన్ కెమెరాలో వేరియబుల్ అపెర్చర్ లెన్స్‌ను ఉపయోగించనున్నట్లు తెలుస్తోంది. పాత మోడళ్లలో ఫిక్స్డ్ అపెర్చర్ ఉండేది. కానీ ఈ వేరియబుల్ అపెర్చర్ వల్ల వెలుతురును కంట్రోల్ చేయడం, ఎక్స్‌పోజర్, బ్యాక్‌గ్రౌండ్ బ్లర్ (పోర్ట్రెయిట్) సరిగ్గా సెట్ చేయడం చాలా ఈజీ అవుతుంది. తక్కువ వెలుతురు ఉన్న చోట కూడా మైండ్ బ్లోయింగ్ ఫోటోలు తీయవచ్చు.

మెరుగైన టెలిఫోటో కెమెరా

లైటింగ్ తక్కువగా ఉన్న ప్రదేశాల్లో కూడా మంచి క్వాలిటీ ఫోటోలు తీసేందుకు వీలుగా ఆపిల్ కొత్త టెలిఫోటో కెమెరాను టెస్ట్ చేస్తోంది. ఇందులో వైడర్ అపెర్చర్ ఉండనుంది. ఇది గనుక అందుబాటులోకి వస్తే.. ఐఫోన్ 18 ప్రో ద్వారా ఇండోర్ లేదా నైట్ టైమ్‌లో నాయిస్ లేని బ్రైట్ జూమ్ షాట్స్ సులభంగా తీసుకోవచ్చు.

ఐఫోన్ 18 ప్రో మోడల్‌లో త్రీ లేయర్ స్టాక్డ్ ఇమేజ్ సెన్సార్‌ను పరిచయం చేసే అవకాశం ఉంది. ఈ అత్యాధునిక టెక్నాలజీ వల్ల కెమెరా రెస్పాన్స్ స్పీడ్ పెరుగుతుంది. ఫోటోలలో డైనమిక్ రేంజ్ చాలా బాగుండటంతో పాటు నాయిస్ చాలా వరకు తగ్గుతుంది. అయితే ఈ ఫీచర్ ప్రో మోడల్స్ రెండింటిలోనూ ఉంటుందా లేదా అనేది ఇంకా స్పష్టత రాలేదు.

చిన్నదిగా కానున్న డైనమిక్ ఐలాండ్

డిస్ప్లే పరిమాణం విషయానికి వస్తే ఇది ఐఫోన్ 17 ప్రో లాగానే 6.3 అంగుళాలుగానే ఉండే అవకాశం ఉంది. కాకపోతే స్క్రీన్ పైభాగంలో ఉండే డైనమిక్ ఐలాండ్ సైజ్ తగ్గే అవకాశం ఉంది. పాత డిజైన్‌తో పోలిస్తే ఇది మరింత సన్నగా మారుతుందని సమాచారం. దీంతో పాటు కొత్త LTPO+ డిస్ప్లే టెక్నాలజీ వల్ల స్క్రీన్ పవర్ కన్జంప్షన్ మరింత తగ్గుతుంది.

ఆపిల్ సొంతంగా తయారు చేసిన కొత్త C2 మోడెమ్ ఐఫోన్ 18 ప్రోలో వచ్చే అవకాశం ఉంది. ఇది పాత C1, C1X చిప్స్ కంటే వేగవంతమైన 5G పర్ఫార్మెన్స్ ఇస్తుంది. అలాగే డివైజ్‌కు శాటిలైట్ కనెక్టివిటీ సామర్థ్యాన్ని కూడా పెంచుతుంది. బ్యాటరీ, కూలింగ్ సిస్టమ్ చేంజెస్ వల్ల ఈ ఫోన్ కొద్దిగా బరువు, మందం పెరిగే అవకాశం ఉంది. వెనుక వైపు గ్లాస్ ఫినిషింగ్, డార్క్ చెర్రీ కలర్ ఆప్షన్ కొత్తగా రాబోతున్నాయి.

మొత్తానికి ఐఫోన్ 17 ప్రో ఉపయోగిస్తున్న యూజర్లు కెమెరా ఫ్లెక్సిబిలిటీ, మెరుగైన బ్యాటరీ లైఫ్, కొత్త ప్రాసెసర్ కోసం ఐఫోన్ 18 ప్రోకి అప్‌గ్రేడ్ అవ్వడం మంచి ఛాయిస్ కావచ్చు. అయితే డిజైన్ పరంగా పెద్దగా మార్పులు కనిపించకపోవచ్చు కాబట్టి, ఆపిల్ అధికారికంగా వెల్లడించే స్పెసిఫికేషన్లు, ధరల ఆధారంగా నిర్ణయం తీసుకోవడం ఉత్తమం.

iPhone 18 Pro Max: 45 గంటల బ్యాటరీ లైఫ్‌తో మైండ్ బ్లాకింగ్ ఫీచర్లు.. ఐఫోన్ 18 ప్రో మ్యాక్స్ ధరెంతో తెలుసా?

Mahesh Rajamoni — Thu, 10 Sep 2026 09:44:40 +0530

iPhone 18 Pro Max: ఆపిల్ ఐఫోన్ 18 ప్రో మ్యాక్స్ నెక్స్ట్ లెవెల్ ఫీచర్లతో ఎంట్రీ ఇచ్చింది. వేరియబుల్ ఎపర్చర్ కెమెరా, A20 ప్రో చిప్‌సెట్, మరింత స్పీడ్ గా పనిచేసే సిరి ఏఐ, 45 గంటల వీడియో ప్లేబ్యాక్ బ్యాటరీ లైఫ్‌తో వచ్చేసింది. మరి ఇండియాలో ధరెంతో తెలుసా?

ఆపిల్ తన మోస్ట్ అవైటెడ్ ఫ్లాగ్‌షిప్ స్మార్ట్‌ఫోన్ ఐఫోన్ 18 ప్రో మాక్స్ (iPhone 18 Pro Max) మోడల్‌ను కాలిఫోర్నియాలో అధికారికంగా విడుదల చేసింది. ఇప్పటివరకు వచ్చిన ఐఫోన్లలోకెల్లా అత్యంత అడ్వాన్స్డ్ ప్రో కెమెరా సిస్టమ్ ను ఇందులో తీసుకొచ్చారు. అలాగే, అత్యధిక బ్యాటరీ లైఫ్ ఇచ్చే స్పెక్స్ తో అందుబాటులోకి వచ్చిందది. ఇక కెమెరా అయితే నెక్స్ట్ లెవెల్ అని చెప్పాలి.

ఐఫోన్ 18 ప్రో మ్యాక్స్ A20 ప్రో చిప్‌సెట్, అప్‌గ్రేడెడ్ వేపర్ ఛాంబర్‌తో పనిచేస్తుంది. iOS 27, ఆపిల్ ఇంటెలిజెన్స్, సిరి ఏఐ కాంబినేషన్‌తో ఈ ఫోన్ రన్ అవుతుంది.

ఐఫోన్ 18 ప్రో మ్యాక్స్‌లో 48MP ఫ్యూజన్ మెయిన్ కెమెరాను ఏర్పాటు చేశారు. ఐఫోన్ చరిత్రలో తొలిసారిగా వేరియబుల్ ఎపర్చర్ టెక్నాలజీని ఇందులో చేర్చడం విశేషం. సిక్స్ లేజర్-కట్ బ్లేడ్స్ ద్వారా ఈ కెమెరా వెలుతురు, డెప్త్ ఆఫ్ ఫీల్డ్‌కు అనుగుణంగా ఎపర్చర్‌ను ఆటోమేటిక్‌గా అడ్జస్ట్ చేస్తుంది. దీనివల్ల తక్కువ వెలుతురు ఉన్న సమయంలో కూడా స్పష్టమైన ఫొటోలు వస్తాయి. ప్రో యూజర్లు తమకు కావాల్సినట్లు కెమెరా యాప్‌లో నాలుగు ఎపర్చర్ సెట్టింగ్స్‌ను మ్యాన్యువల్‌గా కూడా మార్చుకోవచ్చు.

ఫొటోల క్వాలిటీ పెంచడానికి కొత్త కంప్యూటేషనల్ ఇమేజింగ్ పైప్‌లైన్ ఉపయోగపడనుంది. ప్రో కంట్రోల్స్ ద్వారా లెన్స్ ఎపర్చర్, షట్టర్ స్పీడ్, వైట్ బ్యాలెన్స్, హిస్టోగ్రామ్ వంటి సెట్టింగ్స్‌ను సులభంగా యాక్సెస్ చేయవచ్చు. సినిమాటిక్ వీడియోలను 60 fps వద్ద రికార్డ్ చేసిన తర్వాత కూడా ఎఫెక్ట్స్ యాడ్ చేసుకోవచ్చు. టైమ్-లాప్స్ మోడ్‌లో 4K, అలాగే, పోస్ట్ డాల్బీ విజన్ హెచ్డీఆర్ వీడియోలు రికార్డ్ చేయవచ్చు.

ఫొటోల ప్రామాణికతను నిరూపించేందుకు యాపిల్ సంస్థ 'యాపిల్ రిఫరెన్స్ ఇమేజ్' అనే కొత్త ఫీచర్‌ను పరిచయం చేసింది. మెయిన్ కెమెరాలోని కొత్త సెన్సార్ ప్రతి పిక్సెల్‌ను సైన్ చేస్తుంది. దీనివల్ల ప్రైవేట్ క్లౌడ్ కంప్యూట్ ద్వారా మార్చడానికి వీలులేని ఓ రిఫరెన్స్ ఇమేజ్ తయారవుతుంది. ఒరిజినల్ ఫొటోతో దీనిని పోల్చి చూసి, ఎడిటింగ్ జరిగిందో లేదో ఫొటో జర్నలిస్టులు, ఫొటోగ్రాఫర్లు సులభంగా గుర్చించవచ్చు.

దీంతోపాటు ఏఐ సహాయంతో క్రియేట్ చేసిన లేదా ఎడిట్ చేసిన ఇమేజెస్ గుర్తించడానికి SynthID స్టాండర్డ్ సపోర్ట్ రానుంది. ఇక డిస్‌ప్లే విభాగంలో డైనమిక్ ఐలాండ్‌ను పునర్నిర్మించారు. పరిమాణంలో చిన్నదిగా మారిన ఈ డైనమిక్ ఐలాండ్, ఇప్పుడు ఒకేసారి మూడు 'లైవ్ యాక్టివిటీస్'ను చూపుతుంది. అలాగే ఫేస్ ఐడీ సపోర్ట్ కూడా ఇందులో కొనసాగుతుంది.

లేటెస్ట్ 2-నానోమీటర్ ప్రాసెస్ టెక్నాలజీతో A20 ప్రో చిప్‌ను డిజైన్ చేశారు. A19 ప్రోతో పోలిస్తే ఇది 50 శాతం ఎక్కువ మెమరీ బ్యాండ్‌విడ్త్‌ను కలిగి ఉంది. దీనిలోని 6-కోర్ CPU అత్యంత వేగంగా పనిచేస్తుంది. 7-కోర్ GPU ద్వారా గ్రాఫిక్స్ రెంజరింగ్ 40 శాతం వరకు వేగవంతమవుతుంది. డ్యూయల్ 16-కోర్ న్యూరల్ ఇంజిన్ వల్ల AI ప్రాసెసింగ్ పవర్ రెట్టింపు అయింది. వైఫై 7, బ్లూటూత్ 6 కోసం N1 వైర్‌లెస్ చిప్‌ను, మెరుగైన నెట్‌వర్క్ కనెక్షన్ కోసం C2 సెల్యులార్ మోడమ్‌ను ఉపయోగించారు.

గేమింగ్, హెవీ పనుల సమయంలో ఫోన్ వేడెక్కకుండా ఉండేందుకు వేపర్ ఛాంబర్ థర్మల్ మేనేజ్‌మెంట్ సిస్టమ్‌ను మెరుగుపరిచారు. మునుపటి ఐఫోన్ 17 ప్రో కంటే ఇది 3 రెట్లు పెద్ద సర్ఫేస్ ఏరియాను కలిగి ఉండి, 40 శాతం వరకు సస్టైన్డ్ పర్‌ఫార్మెన్స్‌ను ఇస్తుంది.

ఐఫోన్ 18 ప్రో మ్యాక్స్ మోడల్స్ బ్యాటరీ విషయంలో ఆపిల్ పెద్ద మార్పు చేసింది. eSIM-ఓన్లీ మోడల్స్ 45 గంటల వరకు వీడియో ప్లేబ్యాక్ సమయాన్ని ఇస్తాయి. కేవలం 5 నిమిషాల వైర్డ్ చార్జింగ్‌తో 7 గంటల వీడియో ప్లేబ్యాక్ వస్తుంది. పూర్తిగా చార్జ్ చేస్తే 30 గంటల వరకు వినియోగించుకోవచ్చు.

ఈ ఫోన్‌లు iOS 27 ఆపరేటింగ్ సిస్టమ్‌పై పనిచేస్తాయి. ఇందులో నెక్స్ట్ జనరేషన్ యాపిల్ ఇంటెలిజెన్స్, అప్‌గ్రేడెడ్ 'సిరి AI' అందుబాటులోకి వచ్చాయి. సిరి AI మన పర్సనల్ కాంటెక్స్ట్‌ను అర్థం చేసుకుని మెసేజ్‌లు, ఈమెయిల్‌లు, ఫొటోలలో కావాల్సిన విషయాలను త్వరగా వెతికి పెడుతుంది. కెమెరాలో సిరి మోడ్ ద్వారా మన ముందున్న వస్తువుల సమాచారాన్ని తెలుసుకోవచ్చు. భద్రత కోసం డేటా ప్రాసెసింగ్ అంతా ఆన్-డివైస్, ప్రైవేట్ క్లౌడ్ కంప్యూట్ ద్వారానే జరుగుతుంది.

పర్యావరణ హితంగా రూపొందించిన ఈ ఫోన్లలో 40 శాతం రీసైకిల్డ్ పదార్థాలను వాడారు. బ్యాటరీలో 100 శాతం రీసైకిల్డ్ కోబాల్ట్, ఎన్‌క్లోజర్‌లో 85 శాతం రీసైకిల్డ్ అల్యూమినియం ఉపయోగించారు. 2030 నాటికి కార్బన్ న్యూట్రల్ సాధించే లక్ష్యంతో ఆపిల్ ఈ అడుగులు వేసింది.

ఐఫోన్ 18 ప్రో మ్యాక్స్ 256GB, 512GB, 1TB, 2TB స్టోరేజ్ వేరియంట్లలో అందుబాటులో ఉంటుంది. అమెరికాలో దీని ప్రారంభ ధర $1,299 డాలర్లుగా నిర్ణయించారు. నెలకు $54.12 డాలర్ల చొప్పున 24 నెలల ఈఎంఐ ఆప్షన్ కూడా ఉంది. భారతదేశం సహా 65 కంటే ఎక్కువ దేశాల్లో సెప్టెంబర్ 12 నుండి ప్రీ-ఆర్డర్లు ప్రారంభమై, సెప్టెంబర్ 18 నుండి విక్రయాలు షురూ అవుతాయి. ఇండియాలో ఆపిల్ ఐఫోన్ ప్రో మ్యాక్స్ ప్రారంభ ధర రూ. 1,79,900 గా ఉంది.

భారత్ లో ఆపిల్ ఐఫోన్ ప్రో మ్యాక్స్ వివిధ వేరియంట్ల ధరలు

256GB: Rs 1,79,900

512GB: Rs 2,04,900

1TB: Rs 2,54,900

2TB: Rs 3,29,900

Smart TV: రూ. 15 వేల‌కే 43 ఇంచుల స్మార్ట్ టీవీ.. అదిరిపోయే ఫీచ‌ర్ల‌తో

Narender Vaitla — Thu, 17 Sep 2026 08:34:02 +0530

Smart TV: ప్ర‌స్తుతం స్మార్ట్ టీవీలు స‌ర్వ‌సాధార‌ణంగా మారాయి. ప్ర‌తీ ఒక్క‌రి ఇంట్లో స్మార్ట్ టీవీలు ద‌ర్శ‌న‌మిస్తున్నాయి. కాగా కంపెనీల మ‌ధ్య పెరిగిన పోటీ నేప‌థ్యంలో ధ‌ర‌లు త‌గ్గుముఖం ప‌డుతున్నాయి. అమెజాన్‌లో ఓ స్మార్ట్ టీవీపై మంచి ఆఫ‌ర్ ల‌భిస్తోంది.

విజియో వ‌ర‌ల్డ్ సంస్థకు చెందిన VW43AQ3 స్పెక్ట్రా సిరీస్ స్మార్ట్ టీవీలో 43 ఇంచుల స్క్రీన్ ఉంటుంది. ఇందులో 1920 × 1080 పిక్సెల్స్ Full HD రిజల్యూషన్ అందించారు. సినిమాలు, సీరియళ్లు, క్రికెట్, యూట్యూబ్ వీడియోలు వంటివి పెద్ద స్క్రీన్‌పై స్పష్టంగా చూడొచ్చు. స్క్రీన్ రిఫ్రెష్ రేట్ 60Hzగా ఉంది.

ఈ టీవీలో QLED డిస్‌ప్లే టెక్నాలజీ ఉంది. క్వాంట‌మ్ లుకెంట్‌, ట్రూ డిస్‌ప్లే, సినిమా జూమ్ వంటి ఫీచర్లు ఇందులో ఉన్నాయి. 16.7 మిలియన్ రంగులను సపోర్ట్ చేస్తుందని కంపెనీ పేర్కొంది. అలాగే HDR10 సపోర్ట్ కూడా ఉంది. దీంతో HDR కంటెంట్ చూసేటప్పుడు ప్రకాశవంతమైన ప్రాంతాలు, చీకటి ప్రాంతాల మధ్య తేడా మరింత స్పష్టంగా కనిపించే అవకాశం ఉంటుంది. ఐపీ టెక్నాలజీ కూడా అందించారు.

ఇది ఆండ్రాయిడ్ స్మార్ట్ టీవీ కావడంతో ఇంటర్నెట్‌కు కనెక్ట్ చేసి వివిధ ఆన్‌లైన్ కంటెంట్‌ను చూడొచ్చు. ఇందులో ప్రైమ్ వీడియో, నెట్‌ఫ్లిక్స్‌, జియోహాట్‌స్టార్‌, యూట్యూబ్‌, జీ5వంటి ప్రముఖ యాప్స్‌కు సపోర్ట్ ఉంది. ప్లెక్స్‌, య‌ప్‌టీవీ, ఈరోస్ నౌ, లైవ్ న్యూస్ వంటి ఇతర యాప్స్‌ కూడా సపోర్ట్ చేస్తుంది. స్క్రీన్ మిర్రరింగ్, మిరాకాస్ట్‌ సదుపాయం ఉండటంతో మొబైల్‌లోని కంటెంట్‌ను టీవీ స్క్రీన్‌పై చూడవచ్చు. ధ‌ర విష‌యానికొస్తే అమెజాన్‌లో ఈ స్మార్ట్ టీవీ అస‌లు ధ‌ర రూ. 29,999గా ఉండ‌గా, 48 శాతం డిస్కౌంట్‌తో రూ. 15,499కి ల‌భిస్తోంది. అద‌నంగా ప‌లు క్రెడిట్ కార్డుల‌తో కొనుగోలు చేస్తే అద‌నంగా రూ. 500 వ‌ర‌కు డిస్కౌంట్ ల‌భిస్తోంది.

ఈ టీవీలో 24 వాట్స్ అవుట్‌పుట్‌తో బిల్ట్-ఇన్ బాక్స్ స్పీకర్లు ఉన్నాయి. స్టీరియో స‌రౌండ్ సౌండ్‌తో పాటు ఐదు సౌండ్ మోడ్‌లు అందించారు. సెట్‌టాప్ బాక్స్, గేమింగ్ కన్సోల్, బ్లూ-రే ప్లేయర్ వంటి పరికరాలను కనెక్ట్ చేసుకోవడానికి 2 HDMI 2.0, 1 HDMI 2.1 పోర్టులు ఉన్నాయి. హార్డ్‌డిస్క్, పెన్‌డ్రైవ్ వంటి పరికరాల కోసం 2 USB 2.0 పోర్టులు ఉన్నాయి. ఇథ‌ర్‌నెట్‌, వైఫై కనెక్టివిటీ కూడా లభిస్తుంది.

VW43AQ3లో క్వాడ్ కోర్ ప్రాసెస‌ర్‌తో ఆండ్రాయిడ్ ఆప‌రేటింగ్ సిస్ట‌మ్‌ను అందించారు. టీవీ స్టోరేజ్ సామర్థ్యం 4GBగా పేర్కొన్నారు. PC కనెక్టివిటీ, స్క్రీన్ మిర్రరింగ్, ప్లేవాల్‌ వంటి ఫీచర్లు కూడా ఉన్నాయి. బాక్స్‌లో టీవీ యూనిట్, రిమోట్, పవర్ కార్డ్, యూజర్ మాన్యువల్, రెండు స్టాండ్లు, స్టాండ్ స్క్రూలు వస్తాయి. మొత్తం మీద 43 ఇంచుల స్క్రీన్, QLED డిస్‌ప్లే, HDR10, OTT యాప్స్, 24W సౌండ్, HDMI/USB పోర్టులు వంటి ఫీచర్లను ఒకే టీవీలో అందించారు.

ఈ ఎల‌క్ట్రిక్ పీల‌ర్‌తో వెల్లుల్లి పొట్టు తీయడం స‌మ‌స్యే కాదు.. ధ‌ర కూడా చాలా త‌క్కువ‌

Narender Vaitla — Wed, 26 Aug 2026 19:05:17 +0530

Electric Fruit Peeler: పండ్లు, కూరగాయలు, వెల్లుల్లి వంటి వాటి తొక్కలు తొలగించడం కొంత సమయం తీసుకుంటుంది. ఈ పనిని సులభం చేసేందుకు ఎలక్ట్రిక్ ఫ్రూట్ పీలర్‌ ఉపయోగపడుతుంది. అమెజాన్‌లో అందుబాటులో ఉన్న పీల‌ర్ వివ‌రాలు ఇప్పుడు తెలుసుకుందాం.

ఈ ఎలక్ట్రిక్ పీలర్‌లో 50 వాట్ల మోటార్ ఉంటుంది. ఇది పండ్లు, కూరగాయలపై ఉన్న తొక్కలను వేగంగా తొలగించేందుకు సహాయపడుతుంది. చేతితో ఒక్కొక్కటి తీయాల్సిన‌ అవసరం తగ్గడంతో సమయం, శ్రమ రెండూ ఆదా అవుతాయి. ముఖ్యంగా ఎక్కువ మొత్తంలో పదార్థాలను సిద్ధం చేసుకునే సమయంలో ఇది ఉపయోగకరంగా ఉంటుంది.

ఈ పీలింగ్ మెషిన్‌ను ద్రాక్ష, చెర్రీ టమాటాలు, చెర్రీస్, వెల్లుల్లి, బంగాళాదుంపలు వంటి చిన్న పండ్లు, కూరగాయలకు ఉపయోగించుకోవచ్చు. తిరిగే బ్లేడ్ వ్యవస్థ కారణంగా తొక్కను సమంగా తొలగించేందుకు ప్రయత్నిస్తుంది. ఈ సమయంలో లోపల ఉన్న పదార్థం ఎక్కువగా వృథా కాకుండా ఉండేలా డిజైన్ చేశారు.

ఈ పరికరాన్ని ఉపయోగించడం చాలా సులభం. ఇందులో ప్రధానంగా రెండు బటన్లు ఉంటాయి. ఒక బటన్‌తో పీలింగ్ ప్రక్రియను ప్రారంభించవచ్చు. మరో బటన్‌తో తొలగించిన పదార్థాన్ని బయటకు పంపవచ్చు. కాబట్టి ఎక్కువ కష్టపడకుండా పీలింగ్ పని పూర్తి చేసుకోవచ్చు.

ఈ పీలర్‌లో 1300mAh సామర్థ్యం ఉన్న ఇంట‌ర్న‌ల్‌ బ్యాటరీ ఉంటుంది. వైర్‌లెస్‌గా ఉపయోగించుకునేలా రూపొందించారు. దీంతో వంటగదిలో విద్యుత్ సాకెట్ దగ్గరే ఉండాల్సిన అవసరం ఉండదు. ఇంట్లోనే కాకుండా బయటకు వెళ్లినప్పుడు, క్యాంపింగ్‌ వంటి సందర్భాల్లో కూడా ఉపయోగించుకోవచ్చు. పరికరం ABS మెటీరియల్‌తో తయారు చేయడంతో మన్నికగా ఉండేలా రూపొందించారు.

పీలర్‌లోని బ్లేడ్‌, తిరిగే భాగాలను తొలగించి శుభ్రం చేసుకోవచ్చు. ఉపయోగించిన తర్వాత సులభంగా క్లీన్ చేసి తిరిగి భద్రపరచుకోవచ్చు. దీని పరిమాణం కాంపాక్ట్‌గా ఉండటంతో వంటగదిలో ఎక్కువ స్థలం ఆక్రమించదు. అయితే బ్లేడ్‌ను శుభ్రం చేసేటప్పుడు చేతులతో నేరుగా తాకకూడదు. గాయాలు కాకుండా బ్రష్‌ లేదా డిష్‌వాషర్‌ ద్వారా శుభ్రం చేయడం మంచిది. 50W మోటార్, 1300mAh బ్యాటరీ, వైర్‌లెస్ వినియోగం, సులభమైన ఆపరేషన్, తొలగించగలిగే భాగాలు దీని ప్రధాన ప్రత్యేకతలుగా చెప్పొచ్చు. ధ‌ర విష‌యానికొస్తే అమెజాన్‌లో ఈ ప్రొడక్ట్ అస‌లు ధ‌ర రూ. 1499 కాగా 43 శాతం డిస్కౌంట్‌తో రూ. 849కి ల‌భిస్తోంది.

Mivi One 5G: రూ. 12 వేల‌కే అదిరిపోయే స్మార్ట్‌ఫోన్‌.. ఫీచ‌ర్ల విష‌యంలో త‌గ్గేదేలే

Narender Vaitla — Thu, 24 Sep 2026 21:45:21 +0530

Mivi One 5G: దేశీయ టెక్నాలజీ బ్రాండ్ మివి స్మార్ట్‌ఫోన్‌ మార్కెట్‌లోకి అడుగుపెట్టింది. కంపెనీ తన తొలి 5G మొబైల్‌ Mivi One 5Gని సెప్టెంబర్‌ 24, 2026న లాంచ్ చేసింది. బడ్జెట్‌ ధరలో తీసుకొచ్చిన ఈ ఫోన్‌లో అదిరిపోయే ఫీచ‌ర్ల‌ను అందించారు.

మివి వ‌న్ 5Gలో 6.75 అంగుళాల హెచ్‌డీ+ ఐపీఎస్ ఎల్‌సీడీ డిస్‌ప్లే ఉంటుంది. 90Hz రిఫ్రెష్‌ రేట్‌ అందించడంతో స్క్రోలింగ్‌, యాప్‌ నావిగేషన్‌ మరింత స్మూత్‌గా ఉండేలా రూపొందించారు. పనితీరు కోసం 4nm తయారీ ప్రక్రియపై రూపొందించిన క్వాల్క‌మ్ స్నాప్‌డ్రాగ‌న్ 4 జెన్‌ 2 5G మొబైల్‌ ప్లాట్‌ఫామ్‌ను ఉపయోగించారు. 5G నెట్‌వర్క్‌కు సపోర్ట్‌ ఉండటంతో వేగవంతమైన ఇంటర్నెట్‌ కనెక్టివిటీ పొందొచ్చు. ఫోన్ ప్యూర్ ఆండ్రాయిడ్ 16తో పనిచేస్తుంది. కంపెనీ రెండు సంవత్సరాల పాటు OS అప్‌డేట్లు అందించనున్నట్లు తెలిపింది.

ఫొటోగ్రఫీ కోసం మివి వ‌న్ 5G వెనుక భాగంలో 50MP సామ్‌సంగ్ ISOCELL ప్రైమరీ సెన్సర్‌తో డ్యుయల్‌ కెమెరా సెటప్‌ ఇచ్చారు. రోజువారీ ఫొటోలు, వీడియోల కోసం ఈ కెమెరా వ్యవస్థను ఉపయోగించుకోవచ్చు. సెల్ఫీలు, వీడియో కాల్స్‌ కోసం ముందువైపు 8MP కెమెరా ఉంటుంది. డిజైన్‌ విషయంలోనూ యువతను ఆకట్టుకునేలా పలు రంగుల్లో ఫోన్‌ను తీసుకొచ్చారు. బ్లూ, పింక్‌, గ్రీన్‌, బర్గండీ, నేవీ బ్లూ కలర్‌ ఆప్షన్లు అందుబాటులో ఉంటాయి.

బ్యాటరీ విషయంలో మివి వ‌న్ 5Gలో 6000mAh కెపాసిటీని అందించారు. దీంతో సాధారణ వినియోగంలో ఎక్కువ సమయం ఫోన్‌ను ఛార్జింగ్‌ అవసరం లేకుండా ఉపయోగించే అవకాశం ఉంటుంది. బ్యాటరీని త్వరగా నింపేందుకు 18W ఫాస్ట్‌ ఛార్జింగ్‌ సపోర్ట్‌ ఇచ్చారు. ముఖ్యంగా బడ్జెట్‌ ఫోన్‌ కొనుగోలు చేసే వారికి ఉపయోగపడేలా ఛార్జింగ్‌ అడాప్టర్‌ను బాక్స్‌లోనే అందిస్తున్నారు. ఎక్కువ బ్యాటరీ బ్యాకప్‌తో పాటు క్లీన్‌ సాఫ్ట్‌వేర్‌ అనుభవం ఈ ఫోన్‌లోని ప్రధాన ఆకర్షణల్లో ఒకటిగా నిలుస్తుంది.

Mivi One 5Gతో పాటు కంపెనీ Mivi Care+ పేరుతో ప్రత్యేక సర్వీస్‌ సదుపాయాన్ని అందిస్తోంది. ఫోన్‌లో సమస్య తలెత్తినప్పుడు కస్టమర్‌ సర్వీస్‌ సెంటర్‌కు వెళ్లాల్సిన అవసరం లేకుండా ఇంటి నుంచే సేవలు పొందే అవకాశం ఉంటుంది. కంపెనీ ఫోన్‌ను కస్టమర్‌ నుంచి పికప్‌ చేసుకుని మరమ్మతులు పూర్తయ్యాక తిరిగి డెలివరీ చేస్తుంది. ఏదైనా కారణంతో ఏడు రోజుల్లో రిపేర్‌ పూర్తి కాకపోతే కొత్త స్మార్ట్‌ఫోన్‌ను అందిస్తామని Mivi చెబుతోంది. దేశవ్యాప్తంగా కంపెనీకి సుమారు 500 సర్వీస్‌ సెంటర్లు ఉన్నాయని వెల్లడించింది.

మివి వ‌న్ 5Gను 4జీబీ+128 జీబీ స్టోరేజ్‌, 6 జీబీ ర్యామ్‌+128 జీబీ స్టోరేజ్‌, 8 జీబీ ర్యామ్‌+128 జీబీ స్టోరేజ్ వేరియంట్ల‌లో తీసుకొచ్చారు. సాధారణ ధరలు వరుసగా రూ.14,999, రూ.15,999, రూ.16,999గా ఉన్నాయి. అయితే ఫ్లిప్‌కార్ట్‌ బిగ్‌ బిలియన్‌ డేస్‌ సందర్భంగా నెట్‌ ఎఫెక్టివ్‌ ధరలు రూ.11,999, రూ.12,999, రూ.13,999 నుంచి ప్రారంభమవుతాయని కంపెనీ తెలిపింది. అక్టోబర్‌ 8, 2026 అర్థరాత్రి నుంచి ఫ్లిప్‌కార్ట్‌లో సేల్స్ ప్రారంభంకానున్నాయి. వీటితో పాటు అదనంగా ఎంపిక చేసిన యాక్సిస్ బ్యాంక్‌, హెచ్‌డీఎఫ్‌సీ బ్యాంక్‌, ఐసీఐసీఐ బ్యాంక్‌, ఎస్‌బీఐ క్రెడిట్ కార్డులతో కొనుగోలు చేస్తే రూ. 1000 వ‌ర‌కు ఇన్‌స్టాంట్ డిస్కౌంట్ పొందొచ్చు.

మీ పాత కంప్యూట‌ర్‌ను కొత్త‌గా మార్చే జియోపీసీ.. అస‌లేంటిది.? ఎలా ప‌నిచేస్తుంది.?

Narender Vaitla — Thu, 03 Sep 2026 21:37:34 +0530

Jio PC: మీ పాత కంప్యూట‌ర్ నెమ్మ‌దిగా ప‌నిచేస్తోందా.? స్టోరేజ్ సరిపోవడం లేదా? కొత్త సాఫ్ట్‌వేర్‌లు రన్ కావడం లేదా? అయితే కొత్త కంప్యూటర్ కొనాల్సిన అవసరం లేకుండానే పాత కంప్యూటర్‌ను ఆధునికంగా మార్చే సరికొత్త సేవను జియో అందుబాటులోకి తీసుకొచ్చింది

గతంలో జియోహోమ్ బ్రాడ్‌బ్యాండ్ వినియోగదారులకు మాత్రమే జియోపీసీ సేవలు అందుబాటులో ఉండేవి. అయితే ఇప్పుడు ఈ సేవను అన్ని ఇంటర్నెట్ వినియోగదారులకు అందుబాటులోకి తీసుకొచ్చింది. జియో సిమ్ లేదా జియో బ్రాడ్‌బ్యాండ్ కనెక్షన్ ఉండాల్సిన అవసరం లేదు. స్థిరమైన ఇంటర్నెట్ కనెక్షన్ ఉన్న ఏ కంప్యూటర్ లేదా డెస్క్‌టాప్ నుంచైనా జియోపీసీని ఉపయోగించుకోవచ్చు. ఇతర టెలికాం లేదా బ్రాడ్‌బ్యాండ్ సంస్థల ఇంటర్నెట్ కనెక్షన్ ఉన్నా ఈ సేవను పొందవచ్చు.

జియోపీసీ ప్రత్యేకత ఏమిటంటే.. కొత్త హార్డ్‌వేర్ కొనుగోలు చేయకుండానే క్లౌడ్ ద్వారా అధిక కంప్యూటింగ్ సామర్థ్యాన్ని అందించడం. వినియోగదారులు తమ అవసరాన్ని బట్టి 16GB వరకు RAM, 1TB వరకు స్టోరేజ్ పొందవచ్చు. ముఖ్యంగా 3 నుంచి 4 సంవత్సరాల క్రితం కొనుగోలు చేసిన కంప్యూటర్లు కాలక్రమేణా స్లో అవుతుంటాయి. స్టోరేజ్ నిండిపోవడం, పాత ఆపరేటింగ్ సిస్టమ్ ఉండటం వంటి సమస్యలు ఎదురవుతాయి. అలాంటి కంప్యూటర్లను మార్చకుండా జియోపీసీ ద్వారా ఆధునిక కంప్యూటింగ్ అనుభవాన్ని పొందవచ్చు. కొత్త కంప్యూటర్ కొనుగోలు చేయడం లేదా ఖరీదైన హార్డ్‌వేర్ అప్‌గ్రేడ్లు చేయడం కంటే ఇది తక్కువ ఖర్చుతో కూడిన ప్రత్యామ్నాయంగా జియో చెబుతోంది.

జియోపీసీ సేవను ప్రారంభించడానికి పెద్దగా టెక్నికల్ పరిజ్ఞానం అవసరం లేదు. సబ్‌స్క్రిప్షన్ తీసుకున్న తర్వాత కేవలం కొన్ని నిమిషాల్లోనే యాక్టివేట్ చేసుకోవచ్చు. దీనిలో ప్రధానంగా యూజ‌ర్ల‌కు.. కొత్త కంప్యూటర్ కొనాల్సిన అవసరం లేదు, కొత్త హార్డ్‌వేర్ అమర్చాల్సిన పని ఉండదు, డేటాను ఒక కంప్యూటర్ నుంచి మరో కంప్యూటర్‌కు మార్చే ఇబ్బంది ఉండదు, కంప్యూటర్‌ను ఎక్కువసేపు ఆఫ్ చేసి అప్‌గ్రేడ్ చేయాల్సిన అవసరం లేదు, సుమారు 5 నిమిషాల్లో సేవను ప్రారంభించుకోవచ్చు. అంటే ఇప్పటికే ఇంట్లో లేదా కార్యాలయంలో ఉన్న కంప్యూటర్‌ను అలాగే ఉపయోగిస్తూ క్లౌడ్ పవర్‌ను పొందవచ్చు.

ప్రస్తుతం విద్య, ఉద్యోగాలు, వ్యాపార రంగాల్లో ఆర్టిఫిషియల్ ఇంటెలిజెన్స్ వినియోగం వేగంగా పెరుగుతోంది. అయితే ఏఐ ఆధారిత సాఫ్ట్‌వేర్‌లు ఉపయోగించాలంటే అధిక సామర్థ్యం ఉన్న కంప్యూటర్లు అవసరమవుతాయి. జియోపీసీలో ఎక్కువ కంప్యూటింగ్ ప్రాసెసింగ్ క్లౌడ్‌లో జరుగుతుంది. దీంతో తక్కువ సామర్థ్యం ఉన్న పాత కంప్యూటర్లు కూడా ఆధునిక ఏఐ అప్లికేషన్లను ఉపయోగించే అవకాశం ఉంటుంది. జియో తెలిపిన వివరాల ప్రకారం.. 8 సంవత్సరాల పాత కంప్యూటర్ కూడా జియోపీసీ ద్వారా ఆధునిక ఏఐ యుగానికి సిద్ధం కావచ్చు. ముఖ్యంగా విద్యార్థులు పాత లేదా తక్కువ సామర్థ్యం ఉన్న కంప్యూటర్ల కారణంగా కొత్త టెక్నాలజీకి దూరం కాకుండా ఉండేందుకు ఈ సేవ ఉపయోగపడుతుంది. ఇది విద్యార్థులతో పాటు ఇంటి వినియోగదారులు, ఉద్యోగులు, చిన్న వ్యాపార సంస్థలకు కూడా ప్రయోజనకరంగా ఉంటుంది.

జియోపీసీ రెండు రకాల ప్లాన్లను అందిస్తోంది. యూజ‌ర్లు తమ అవసరాన్ని బట్టి సాధారణ జియోపీసీ లేదా జియోపీసీ అల్ట్రా ప్లాన్‌ను ఎంచుకోవచ్చు. జియోపీసీ ప్లాన్ 8GB RAM, 500GB స్టోరేజ్. జియోపీసీ అల్ట్రా ప్లాన్ విష‌యానికొస్తే 16GB RAM, 1TB స్టోరేజ్‌తో తీసుకొచ్చారు. ధరల విషయానికి వస్తే.. రెండు నెల‌ల వ్యాలిడిటీకి జియో పీసీ రూ. 1000, జియోపీసీ అల్ట్రా రూ. 1200, ఏడాది వ్యాలిడిటీకి జియోపీసీకి రూ. 2000, జియోపీసీ అల్ట్రాకు రూ. 2500, దీర్ఘ‌కాల ప్లాన్‌కి అయితే జియో పీసీకి రూ. 4 వేలు, జియోపీసీ అల్ట్రాకు రూ. 5వేలు చెల్లించాల్సి ఉంటుంది. అయితే జియోపీసీ పూర్తిగా క్లౌడ్ ఆధారిత సేవ కావడంతో మంచి, స్థిరమైన ఇంటర్నెట్ కనెక్షన్ తప్పనిసరి. బ్రాడ్‌బ్యాండ్ లేదా నమ్మకమైన 4G/5G ఇంటర్నెట్ ఉంటే మెరుగైన అనుభవం పొందవచ్చు.

Smartphone: భార‌త మార్కెట్లోకి ఇక‌పై ఫిలిప్స్ స్మార్ట్‌ఫోన్‌.. బ‌డ్జెట్ ధ‌ర‌లోనే

Narender Vaitla — Wed, 26 Aug 2026 16:56:03 +0530

Smartphone: ప్రముఖ కన్జ్యూమర్ ఎలక్ట్రానిక్స్ బ్రాండ్ ఫిలిప్స్ త్వరలో భారత స్మార్ట్‌ఫోన్ మార్కెట్‌లోకి అడుగుపెట్టేందుకు సిద్ధమవుతోంది. కొత్త స్మార్ట్‌ఫోన్‌ను భారత్‌లో విడుదల చేయనున్నట్లు కంపెనీ తన వెబ్‌సైట్, సోషల్ మీడియా ఛానళ్ల ద్వారా టీజ్ చేసింది.

అమెజాన్‌లో ఏర్పాటు చేసిన మైక్రోసైట్‌లో కనిపించిన టీజర్ ప్రకారం.. ఫిలిప్స్ కొత్త స్మార్ట్‌ఫోన్‌లో 6.67 అంగుళాల HD డిస్‌ప్లే ఉండ‌నున్న‌ట్లు తెలుస్తోంది. ఈ స్క్రీన్ 120Hz రిఫ్రెష్ రేట్‌కు సపోర్ట్ చేస్తుంది. దీంతో స్క్రోలింగ్, వీడియోలు, ఇతర కంటెంట్‌ను మరింత స్మూత్‌గా చూడవచ్చు. ఫోన్‌లో 5G కనెక్టివిటీ కూడా అందుబాటులో ఉండనుంది.

64MP కెమెరా.. 16MP సెల్ఫీ కెమెరా

కెమెరా విషయంలోనూ ఫిలిప్స్ మంచి స్పెసిఫికేషన్లను అందిస్తోంది. ఇందులో 64 మెగాపిక్సెల్స్‌తో కూడిన రియ‌ర్ కెమెరాను అందించ‌నున్నారు. అలాగే వీడియో కాల్స్‌, సెల్ఫీల కోసం 16 మెగా పిక్సెల్స్‌తో కూడిన ఫ్రంట్ కెమెరాను అందించ‌నున్న‌ట్లు టీజ‌ర్ ద్వారా తెలుస్తోంది. కెమెరా పనితీరు, ఇతర సెన్సార్ల వివరాలను మాత్రం కంపెనీ ఇంకా వెల్లడించలేదు.

8 జీబీ ర్యామ్‌, 256 జీబీ స్టోరేజ్

ఫోన్‌ను రెండు ర్యామ్‌, స్టోరేజ్ వేరియంట్లలో తీసుకురానున్నట్లు సమాచారం. 6 జీబీ, 8 జీబీ ర్యామ్‌తో పాటు 128 జీబీ, 256 జీబీ స్టోరేజ్ వేరియంట్‌తో ఉండ‌నున్నాయి. అలాగే ఫోన్‌కు డ్యూయల్ స్టీరియో స్పీకర్లు ఉండ‌నున్నాయి. వీటిని ఫిలిప్స్ అల్ట్రా మ్యాక్స్ పేరుతో ప్రచారం చేస్తోంది. దుమ్ము, నీటి చినుకుల నుంచి కొంత రక్షణ కోసం ఫోన్‌కు ఐపీ64 రేటింగ్ ఇవ్వ‌నున్నారు.

ధ‌ర ఎంత ఉండొచ్చు.?

ఫిలిప్స్ ఇంకా ఫోన్ ధరను అధికారికంగా ప్రకటించలేదు. అయితే ఇప్పటివరకు వెల్లడైన ఫీచర్లను చూస్తే దీని ధర రూ. 20 వేల‌లోపు ఉండే అవకాశం ఉందని అంచనా. ఈ ధరలో ఫోన్ విడుదలైతే ఇప్పటికే మార్కెట్‌లో ఉన్న పలు బడ్జెట్ స్మార్ట్‌ఫోన్లకు మంచి పోటీ ఇవ్వ‌నుంది. ఫోన్ పేరు, ధర, లాంచ్ తేదీ వంటి పూర్తి వివరాలను కంపెనీ త్వరలో వెల్లడించే అవకాశం ఉంది. ఫిలిప్స్ ప్రస్తుతం ఈ ఫోన్‌ను ఇన్నోవేటివ్ యు కెన్ ట్ర‌స్ట్ అనే ట్యాగ్‌లైన్‌తో ప్రచారం చేస్తోంది.

బడ్జెట్ స్మార్ట్‌ఫోన్ మార్కెట్‌లో కొత్త పోటీ

ప్ర‌స్తుతం భార‌త స్మార్ట్‌ఫోన్ మార్కెట్‌లో బ‌డ్జెట్ సెగ్మెంట్‌ను టార్గెట్ చేసుకొని ఫోన్లు వ‌స్తున్నాయి. ముఖ్యంగా రియ‌ల్‌మీ, రెడ్‌మీ, వ‌న్‌ప్ల‌స్, ఒప్పో, వివో వంటి కంపెనీల మ‌ధ్య పోటీ ఉంది. కాగా ఇప్ప‌టికే ఫైర్ బోల్ట్ స్మార్ట్‌ఫోన్ మార్కెట్‌లోకి వచ్చింది. మీవి కూడా కొత్త ఫోన్‌ను టీజ్ చేస్తోంది. ఏఐ+ ఈ విభాగంలో ఫోన్లను విడుదల చేసింది. మైక్రోమాక్స్ కూడా తిరిగి స్మార్ట్‌ఫోన్ మార్కెట్‌లోకి వచ్చే అవకాశం ఉందనే వార్తలు ఉన్నాయి.

మరోవైపు RAM, స్టోరేజ్ వంటి విడిభాగాల ధరలు పెరగడంతో బడ్జెట్ ఫోన్ల తయారీ ఖర్చులు కూడా పెరిగాయి. దీంతో గతంలో ఉన్న తక్కువ ధరలకు ఫీచర్లతో కూడిన ఫోన్లను అందించడం కంపెనీలకు కష్టంగా మారింది. ఈ కారణంగా కొన్ని పెద్ద బ్రాండ్లు అధిక లాభాలు వచ్చే ధరల విభాగాలపై దృష్టి పెడుతున్నాయి. ఈ ఖాళీని ఫిలిప్స్ వంటి ఇతర కన్జ్యూమర్ ఎలక్ట్రానిక్స్ బ్రాండ్లు భర్తీ చేయాలని చూస్తున్నాయి. మ‌రి ఫిలిప్స్ స్మార్ట్‌ఫోన్ మార్కెట్‌ను ఏమేర‌కు ప్ర‌భావితం చేస్తుందో చూడాలి.

వ‌ర్షాకాలం, చ‌లికాలం సోలార్ ప్యానెల్స్ ప‌నిచేయ‌వా.? అప్పుడు వాటి ప‌రిస్థితి ఏంటి?

Narender Vaitla — Thu, 17 Sep 2026 16:49:58 +0530

Solar Panels: సోలార్ ప్యానెల్స్ ఏర్పాటు చేసుకోవాలని చాలామంది అనుకుంటారు. అయితే వర్షాకాలం, చ‌లికాలం సోలార్ ప్యానెల్స్ పనిచేస్తాయా లేదా అనే సందేహం చాలా మందికి వ‌స్తుంది. దీనిని సమాధానం ఏంటో ఇప్పుడు తెలుసుకుందాం.?

సోలార్ ప్యానెల్స్ పనిచేయడానికి మండే ఎండ అవసరం అని చాలామంది భావిస్తారు. కానీ నిజానికి ప్యానెల్స్‌కు కావాల్సింది సూర్యరశ్మి. సూర్యుడి నుంచి వచ్చే కాంతి ప్యానెల్స్‌పై పడినప్పుడు వాటిలోని సోలార్ సెల్స్ విద్యుత్‌ను ఉత్పత్తి చేస్తాయి. ఈ ప్రక్రియలో సూర్యరశ్మి నుంచి వచ్చే కాంతి ముఖ్య పాత్ర పోషిస్తుంది. వేడి ఒక్కటే విద్యుత్ ఉత్పత్తికి కారణం కాదు.

ఆకాశం మేఘావృతమైనప్పుడు కూడా సూర్యరశ్మి పూర్తిగా ఆగిపోదు. మేఘాల నుంచి కొంత కాంతి భూమిపైకి చేరుతుంది. ఈ కాంతిని కూడా సోలార్ ప్యానెల్స్ ఉపయోగించుకొని విద్యుత్‌ను తయారు చేస్తాయి. అయితే మేఘాలు దట్టంగా ఉన్నప్పుడు ప్యానెల్స్‌పై పడే కాంతి తగ్గుతుంది. దీంతో విద్యుత్ ఉత్పత్తి కూడా తగ్గుతుంది.

ఉదాహరణకు, మబ్బులు కమ్ముకున్న రోజున మొక్కలు పూర్తిగా ఎండ లేకపోయినా కొంత సూర్యరశ్మిని పొందుతాయి. అదే విధంగా సోలార్ ప్యానెల్స్ కూడా మేఘాల మధ్య నుంచి వచ్చే కాంతితో పనిచేస్తాయి. అందుకే వర్షాకాలంలోనూ సోలార్ విద్యుత్ ఉత్పత్తి పూర్తిగా ఆగిపోదు.

సాధారణంగా ఎండ బాగా ఉన్న రోజులతో పోలిస్తే మేఘాలు కమ్ముకున్నప్పుడు సోలార్ ప్యానెల్స్ విద్యుత్ ఉత్పత్తి తగ్గుతుంది. అయితే ఎంత తగ్గుతుందనేది మేఘాల తీవ్రత, వాతావరణం, ప్యానెల్స్ సామర్థ్యం, ఏర్పాటు చేసిన విధానం వంటి అంశాలపై ఆధారపడి ఉంటుంది.

కొన్ని సందర్భాల్లో మేఘావృతమైన రోజున సాధారణ ఉత్పత్తిలో 10 నుంచి 30 శాతం వరకు మాత్రమే విద్యుత్ ఉత్పత్తి కావచ్చు. అయితే ఇది అన్ని ప్రాంతాలకు, అన్ని వాతావరణ పరిస్థితులకు వర్తించే స్థిరమైన లెక్క కాదు. మేఘాల మధ్య నుంచి కాంతి ఎక్కువగా వస్తే ఉత్పత్తి కూడా పెరుగుతుంది. భారీ వర్షం, దట్టమైన మేఘాలు ఉన్నప్పుడు ఉత్పత్తి మరింత తగ్గవచ్చు.

ఉదాహరణకు, 5 కిలోవాట్ల సోలార్ వ్యవస్థ సాధారణంగా రోజుకు 20 యూనిట్ల విద్యుత్ ఉత్పత్తి చేస్తుందని అనుకుందాం. మబ్బులు, వర్షాల కారణంగా ఉత్పత్తి తగ్గితే ఆ రోజు కొన్ని యూనిట్ల విద్యుత్ మాత్రమే రావచ్చు. ఎంత ఉత్పత్తి అవుతుందనేది ఆ రోజు వాతావరణ పరిస్థితులపై ఆధారపడి ఉంటుంది.

వర్షం పడితే సోలార్ ప్యానెల్స్ పాడైపోతాయని కొందరు భయపడుతుంటారు. అయితే సాధారణంగా నాణ్యమైన సోలార్ ప్యానెల్స్ వర్షం, తేమ వంటి వాతావరణ పరిస్థితులను తట్టుకునేలా తయారు చేస్తారు. సరైన నాణ్యత కలిగిన ప్యానెల్స్‌ను నిపుణుల చేత సరిగ్గా ఏర్పాటు చేస్తే సాధారణ వర్షాల వల్ల వాటికి నష్టం కలగదు.

అంతేకాదు, వర్షం వల్ల ఒక ఉపయోగం కూడా ఉంది. ప్యానెల్స్‌పై పేరుకుపోయిన దుమ్ము, చిన్నపాటి ధూళి వర్షపు నీటితో కొంతవరకు తొలగిపోతాయి. దీంతో ప్యానెల్స్‌పై సూర్యరశ్మి పడేందుకు వీలవుతుంది. వర్షం తగ్గి ఎండ వచ్చినప్పుడు విద్యుత్ ఉత్పత్తి మెరుగుపడే అవకాశం ఉంటుంది.

అయితే వర్షం పడితే ప్యానెల్స్ పూర్తిగా శుభ్రపడతాయని భావించకూడదు. పక్షుల వ్యర్థాలు, జిడ్డు, గట్టిగా పేరుకుపోయిన దుమ్ము వంటివి అలాగే ఉండవచ్చు. అవసరమైనప్పుడు సురక్షితంగా శుభ్రం చేయాలి. అలాగే భారీ వర్షాలు, ఈదురుగాలులు, పిడుగులు వచ్చే ప్రాంతాల్లో ప్యానెల్స్ ఏర్పాటు, వైరింగ్, ఎర్తింగ్ వంటి అంశాలపై ప్రత్యేక శ్రద్ధ పెట్టాలి.

వర్షం పడుతున్నప్పుడు సోలార్ ప్యానెల్స్ నుంచి విద్యుత్ ఉత్పత్తి తగ్గుతుంది. అలాంటి సమయంలో ఇంటికి అవసరమైన విద్యుత్‌ను ఎలా పొందాలనే సందేహం చాలామందికి ఉంటుంది. దీనికి సమాధానం మనం ఎలాంటి సోలార్ వ్యవస్థను ఏర్పాటు చేసుకున్నామనే దానిపై ఆధారపడి ఉంటుంది.

ఆన్‌గ్రిడ్ సోలార్ వ్యవస్థ: ఈ విధానంలో సోలార్ ప్యానెల్స్‌ను విద్యుత్ గ్రిడ్‌కు అనుసంధానం చేస్తారు. ప్యానెల్స్ నుంచి వచ్చే విద్యుత్ ఇంటి అవసరాలకు సరిపోకపోతే, నిబంధనలు, కనెక్షన్ ఏర్పాట్లకు అనుగుణంగా గ్రిడ్ నుంచి విద్యుత్ తీసుకోవచ్చు. దీనికి సాధారణంగా ప్రత్యేక బ్యాటరీ అవసరం ఉండదు. అయితే విద్యుత్ గ్రిడ్‌లో అంతరాయం ఏర్పడినప్పుడు భద్రతా కారణాలతో సాధారణ ఆన్‌గ్రిడ్ ఇన్వర్టర్ పనిచేయడం ఆగిపోతుంది. కాబట్టి విద్యుత్ కోతల సమయంలోనూ బ్యాకప్ కావాలంటే ప్రత్యేక ఏర్పాట్లు అవసరం.

ఆఫ్‌గ్రిడ్ సోలార్ వ్యవస్థ: ఈ విధానంలో బ్యాటరీలు ఉంటాయి. ఎండ ఉన్నప్పుడు ఉత్పత్తి అయిన విద్యుత్‌లో మిగిలిన భాగాన్ని బ్యాటరీల్లో నిల్వ చేసుకోవచ్చు. వర్షం లేదా మబ్బుల కారణంగా ఉత్పత్తి తగ్గినప్పుడు ఆ నిల్వ విద్యుత్‌ను ఉపయోగించుకోవచ్చు. అయితే బ్యాటరీలో ఎంత విద్యుత్ నిల్వ ఉంది, ఇంట్లో ఎంత వినియోగిస్తున్నారు అనే అంశాలపై బ్యాకప్ సమయం ఆధారపడి ఉంటుంది.

హైబ్రిడ్ సోలార్ వ్యవస్థ: ఈ విధానంలో సోలార్ ప్యానెల్స్‌తో పాటు బ్యాటరీలు, విద్యుత్ గ్రిడ్‌ను కూడా ఉపయోగించుకునే అవకాశం ఉంటుంది. సరైన సామర్థ్యంతో వ్యవస్థను ఏర్పాటు చేసుకుంటే వర్షాకాలంలోనూ విద్యుత్ అవసరాలను మెరుగ్గా నిర్వహించుకోవచ్చు. అయితే నిరంతర విద్యుత్ సరఫరాకు సరైన డిజైన్, తగిన బ్యాటరీ సామర్థ్యం అవసరం.

వర్షాకాలంలోనూ సోలార్ ప్యానెల్స్ నుంచి సాధ్యమైనంత ఎక్కువ విద్యుత్ పొందాలంటే కొన్ని విషయాలను ముందుగానే పరిశీలించాలి. ముందుగా మన ప్రాంతంలో ఏడాది పొడవునా ఎండ ఎంత వస్తుంది? వర్షాలు ఎన్ని రోజులు పడతాయి? ఇంటికి రోజుకు ఎన్ని యూనిట్ల విద్యుత్ అవసరం? అనే అంశాలను అంచనా వేసుకోవాలి.

అధిక సామర్థ్యం కలిగిన సోలార్ ప్యానెల్స్‌ను పరిశీలించవచ్చు. అయితే తక్కువ వెలుతురులో ఏ ప్యానెల్ ఎంత విద్యుత్ ఉత్పత్తి చేస్తుందనేది దాని టెక్నిక‌ల్ ఫీచ‌ర్స్‌, వాతావరణ పరిస్థితులపై ఆధారపడి ఉంటుంది. కేవలం ప్యానెల్ రకం ఆధారంగా ఎక్కువ విద్యుత్ వస్తుందని నిర్ణయించకూడదు.

ప్యానెల్స్‌ను సరైన కోణంలో ఏర్పాటు చేయడం కూడా ముఖ్యం. సూర్యరశ్మి ఎక్కువగా అందేలా, నీరు నిలిచిపోకుండా నిపుణుల సలహాతో సరైన వాలు ఉండేలా చూడాలి. అలాగే ప్యానెల్స్‌పై దుమ్ము, ఆకులు పేరుకుపోకుండా ఎప్పటికప్పుడు పరిశీలించాలి. వర్షం కొంతవరకు శుభ్రం చేసినా అవసరమైనప్పుడు సురక్షితంగా శుభ్రం చేయాలి. ఇంటికి ఎంత విద్యుత్ అవసరమో తెలుసుకొని దానికి తగిన సామర్థ్యంతో సోలార్ ప్యానెల్స్, ఇన్వర్టర్, అవసరమైతే బ్యాటరీలను ఎంపిక చేసుకోవాలి.

రూ.10 వేల బడ్జెట్‌లో కేక పుట్టించే ఫోన్లు.. 120Hz డిస్‌ప్లే, 50MP కెమెరా.. లిస్ట్ చూస్తే షాకే

Mahesh Rajamoni — Thu, 17 Sep 2026 18:34:37 +0530

Smartphones: రూ. 10 వేల కంటే తక్కువలోనే స్మార్ట్‌ఫోన్ కోసం చూస్తున్న వారికి చాలా ఆప్షన్లు ఉన్నాయి. బడ్జెట్ ధరలోనే 120Hz రిఫ్రెష్ రేట్ డిస్‌ప్లే, 50MP కెమెరా, 5000mAh బ్యాటరీ, ఫాస్ట్ 5G కనెక్టివిటీ అందించే బెస్ట్ స్మార్ట్‌ఫోన్ల లిస్ట్ మీకోసం.

ప్రస్తుతం తక్కువ బడ్జెట్‌లో మంచి ఫీచర్లు ఉన్న స్మార్ట్‌ఫోన్ కొనడం చాలా ఈజీ అయిపోయింది. మీ బడ్జెట్ ₹10,000 కంటే తక్కువగా ఉంటే, కొత్త స్మార్ట్‌ఫోన్ కొనడానికి మీ దగ్గర ఇప్పుడు చాలా ఆప్షన్లు అందుబాటులో ఉన్నాయి. ఈ ధరలోనే పెద్ద స్క్రీన్, 120Hz రిఫ్రెష్ రేట్, 5G కనెక్టివిటీ, పవర్‌ఫుల్ బ్యాటరీ, ఇంకా అద్భుతమైన కెమెరా ఉన్న ఫోన్లు లభిస్తున్నాయి. మార్కెట్‌లో అందుబాటులో ఉన్న ఆ టాప్ మోడల్స్ వివరాలు గమనిస్తే..

Boltt Evo: ఈ ఫోన్ 6.79 అంగుళాల 120Hz డిస్‌ప్లేతో వస్తుంది. ఇందులో Unisoc T7250 ప్రొసెసర్ ఇచ్చారు. ఫొటోగ్రఫీ కోసం 50MP కెమెరా ఉంది. రోజంతా ఛార్జింగ్ నిలిచేలా 6000mAh పెద్ద బ్యాటరీని అందించారు. దీని ధర ₹9,999 గా ఉంది.

POCO C71: పోకో నుంచి వచ్చిన ఈ మోడల్ 6.88 అంగుళాల 120Hz డిస్‌ప్లే కలిగి ఉంది. ఇందులో Unisoc T7250 చిప్ వాడారు. కెమెరా పరంగా 32MP ప్రైమరీ కెమెరా, 5200mAh బ్యాటరీ లభిస్తుంది. ఈ ఫోన్ ధర ₹8,999 మాత్రమే.

Lava Virat V1: లావా నుంచి వచ్చిన ఈ బడ్జెట్ ఫోన్ 6.75 అంగుళాల 90Hz డిస్‌ప్లేతో అందుబాటులో ఉంది. ఇందులో 13MP కెమెరా, 5000mAh బ్యాటరీ, 4GB RAM ఇచ్చారు. దీని ధర ₹9,999 గా ఉంది.

Itel Zeno 200: ఐటెల్ జెనో 200 మోడల్ 6.75 అంగుళాల 120Hz డిస్‌ప్లేతో వస్తుంది. ఇందులో Unisoc T7250 ప్రొసెసర్ ఉపయోగించారు. ఈ ఫోన్‌లో 13MP కెమెరా, 5000mAh బ్యాటరీ, 128GB భారీ స్టోరేజ్ అందుబాటులో ఉంది. దీని ధర ₹9,999.

Tecno Pop X: టెక్నో కంపెనీ నుంచి వచ్చిన ఈ డివైజ్ 6.75 అంగుళాల 120Hz డిస్‌ప్లే కలిగి ఉంది. ఇందులో Unisoc T7250 చిప్ సెట్ ఉంది. వెనుక వైపు 13MP కెమెరా, ముందు వైపు 8MP ఫ్రంట్ కెమెరా ఇచ్చారు. 5000mAh బ్యాటరీ ఉన్న ఈ ఫోన్ ధర ₹9,499.

Moto G05: మోటోరోలా నుంచి వచ్చిన మోటో G05 ఫోన్ 6.67 అంగుళాల 90Hz డిస్‌ప్లేతో లభిస్తుంది. ఇందులో Helio G81 Extreme ప్రొసెసర్ వాడారు. క్లారిటీ ఫొటోల కోసం 50MP కెమెరా, 5200mAh బ్యాటరీ ఇందులో ఉంది. దీని ధర ₹7,299.

Lava Storm Lite 5G: తక్కువ ధరలో 5G కోరుకునే వారికి ఇది మంచి ఆప్షన్. ఇందులో Dimensity 6400 ప్రొసెసర్ ఉంది. 6.74 అంగుళాల 120Hz డిస్‌ప్లే, 50MP కెమెరా, 5000mAh బ్యాటరీతో వస్తున్న ఈ 5G ఫోన్ ధర కేవలం ₹7,999 మాత్రమే.

Tecno Spark Go 2: ఈ స్మార్ట్‌ఫోన్ 6.67 అంగుళాల 120Hz డిస్‌ప్లేను కలిగి ఉంటుంది. ఇందులో Unisoc T7250 ప్రొసెసర్ ఉంది. 13MP కెమెరా, 5000mAh బ్యాటరీతో లభించే ఈ ఫోన్ ధర ₹7,499 గా నిర్ణయించారు.

Vivo Y19e: వివో బ్రాండ్ నుంచి వచ్చిన ఈ మోడల్ 6.74 అంగుళాల 90Hz డిస్‌ప్లేతో వస్తుంది. ఇందులో Unisoc T7225 ప్రొసెసర్ ఇచ్చారు. 13MP కెమెరా, 5500mAh పెద్ద బ్యాటరీ ఇందులో ఉంది. ఈ ఫోన్ ధర ₹8,999.

Lava Shark 2: లావా సంస్థ అందించే మరో సరికొత్త మోడల్ లావా షార్క్ 2. ఇది 6.75 అంగుళాల 120Hz డిస్‌ప్లేతో వస్తుంది. ఇందులో Unisoc T7250 ప్రొసెసర్, 50MP ప్రైమరీ కెమెరా, 5000mAh బ్యాటరీ ఇచ్చారు. వేగంగా ఛార్జింగ్ కావడానికి 18W ఛార్జింగ్ సపోర్ట్ కూడా ఉంది. ఈ ఫోన్ ధర ₹7,999 గా ఉంది.

ఇవే కాకుండా ₹10,000లకు దగ్గరలో యూజర్లకు అద్భుతమైన ఫీచర్లు, 5G కనెక్టివిటీ, పవర్‌ఫుల్ కెమెరాలు ఉన్న స్మార్ట్‌ఫోన్లు మార్కెట్‌లో లభిస్తున్నాయి.

iPhone Duo: శాంసంగ్‌కు గట్టి పోటీ.. ఆపిల్ ఫస్ట్ ఫోల్డబుల్ ఫోన్ ఐఫోన్ డ్యూయో వచ్చేసింది.. ఫీచర్లు చూస్తే షాకే

Mahesh Rajamoni — Thu, 10 Sep 2026 12:00:30 +0530

Apple iPhone Duo: ఆపిల్ తన మొట్టమొదటి ఫోల్డబుల్ ఐఫోన్ డ్యూయోను మార్కెట్ లోకి తీసుకొచ్చింది. రూ. 2,99,000 ప్రారంభ ధరతో ఐఫోన్ డ్యూయోను లాంచ్ చేసింది. శాంసంగ్ కు షాకిస్తూ కిల్లింగ్ ఫీచర్లతో వచ్చిన ఆపిల్ తొలి మడత ఫోన్ పూర్తి వివరాలు మీకోసం.

ఆపిల్ లవర్స్ కు గుడ్ న్యూస్. టెక్ దిగ్గజం ఆపిల్ తన మొట్టమొదటి ఫోల్డబుల్ స్మార్ట్‌ఫోన్ ‘ఐఫోన్ డ్యూయో’ (iPhone Duo)ను అధికారికంగా మార్కెట్‌లోకి గ్రాండ్‌గా లాంచ్ చేసింది. శాంసంగ్ గెలాక్సీ ఫోల్డ్ మార్కెట్‌లోకి వచ్చిన ఏడేళ్ల తర్వాత యాపిల్ ఈ ప్రయోగానికి తెరలేపింది. ఆపిల్ తన వార్షిక ఈవెంట్‌లో ఐఫోన్ డ్యూయోతో పాటు ఐఫోన్ 18 ప్రో, ఐఫోన్ 18 ప్రో మాక్స్, ఎయిర్‌పాడ్స్ 5, నయా యాపిల్ వాచ్ మోడళ్లను అన్‌వీల్ చేసింది. భారత మార్కెట్‌లో ఐఫోన్ డ్యూయో ప్రారంభ ధర రూ. 2,99,000గా కంపెనీ నిర్ణయించింది.

ఆపిల్ చరిత్రలోనే ఇది అత్యంత సన్నని ఐఫోన్ కావడం విశేషం. ఈ ఫోన్ మడతపెట్టినప్పుడు పాస్‌పోర్ట్ సైజులో 5.4 అంగుళాల డిస్‌ప్లేతో ఉంటుంది. పూర్తిగా తెరిచాక 7.6 అంగుళాల భారీ స్క్రీన్‌గా మారుతుంది. ఇది ఐఫోన్ 18 ప్రో మాక్స్ కంటే 50 శాతం పెద్దది. కెమెరా విభాగంలో వెనుక వైపు రెండు 48-మెగాపిక్సెల్ కెమెరాలను ఇచ్చారు. ఒకటి 48MP అల్ట్రా-వైడ్ కెమెరా, రెండోది 48MP మెయిన్ ఫ్యూజన్ కెమెరా. లోపలి వైపు, కవర్ స్క్రీన్ పైన ప్రత్యేక కెమెరాలు ఉన్నాయి. 12MP సెంటర్ స్టేజ్ కెమెరా ఇచ్చారు. మెగ్‌సేఫ్ వైర్‌లెస్ ఛార్జింగ్‌కు ఇది సపోర్ట్ చేస్తుంది.

ఐఫోన్ డ్యూయో సింగిల్ ఛార్జ్‌పై రోజంతా పనిచేసే ఆల్ డే బ్యాటరీ లైఫ్‌ను ఇస్తుందని ఆపిల్ వెల్లడించింది. ఔటర్ స్క్రీన్ వాడితే 44 గంటలు, ఇన్నర్ స్క్రీన్ వాడితే 31 గంటల వీడియో ప్లేబ్యాక్ వస్తుంది. రెండు స్క్రీన్‌లు కలిపి వాడితే 22 గంటల బ్యాటరీ బ్యాకప్ లభిస్తుంది. కేవలం 5 నిమిషాల ఛార్జింగ్‌తో 5 గంటల పాటు వీడియో ప్లేబ్యాక్ చూసేలా ఫాస్ట్ ఛార్జింగ్ ఫీచర్‌ను డిజైన్ చేశారు. ఆపిల్ పెన్సిల్ సపోర్ట్ ఇవ్వడం శాంసంగ్ గెలాక్సీ ఫోల్డ్‌ కు గట్టి పోటీ ఇస్తుందని మార్కెట్ వర్గాలు పేర్కొంటున్నాయి.

ఐఫోన్ డ్యూయో కోసం అక్టోబర్ 16 నుంచి ప్రీ-ఆర్డర్లు ప్రారంభమవుతాయి. అక్టోబర్ 23 నుంచి వినియోగదారులకు అందుబాటులోకి వస్తుంది. ఇది ఐఫోన్ 18 ప్రో మోడళ్ల కంటే ఒక నెల ఆలస్యంగా సేల్‌కు రానుంది. ఈ ఫోల్డబుల్ ఫోన్ 256 GB, 512 GB, 1 TB, 2 TB స్టోరేజ్ ఆప్షన్లలో లభిస్తుంది. పవర్‌ఫుల్ పర్ఫార్మెన్స్ కోసం TSMC 2nm ప్రాసెస్‌పై తయారైన యాపిల్ లేటెస్ట్ A20 ప్రో చిప్‌సెట్‌ను ఇందులో ఉపయోగించారు. ఇదే ప్రాసెసర్‌ను ఐఫోన్ 18 ప్రో, ప్రో మాక్స్ మోడళ్లలోనూ అందించారు.

స్టీవ్ జాబ్స్ థియేటర్‌లో జరిగిన ఈ గ్రాండ్ ఈవెంట్‌ను యాపిల్ కొత్త సీఈవో జాన్ టెర్నస్ నేతృత్వంలో నిర్వహించారు. మాజీ సీఈవో టిమ్ కుక్ వాయిస్ ఓవర్‌తో ప్రారంభమైన ఈవెంట్‌లో టెర్నస్ తన జీన్స్ వెనుక జేబులోంచి ఐఫోన్ డ్యూయోను తీసి మార్కెట్‌కు పరిచయం చేశారు. ఫోల్డబుల్ స్మార్ట్‌ఫోన్ల అనుభవాన్ని ఐఫోన్ డ్యూయో పూర్తిగా రీడిఫైన్ చేస్తుందని ఆయన ధీమా వ్యక్తం చేశారు.

ఈ ఈవెంట్‌లో యాపిల్ ఇంటిలిజెన్స్ ఫీచర్లతో ఐఫోన్ 18 ప్రో, ప్రో మాక్స్‌లను కూడా లాంచ్ చేశారు. ఐఫోన్ 18 ప్రో ప్రారంభ ధర రూ. 1,64,900 కాగా, ప్రో మాక్స్ ధర రూ. 1,79,900గా ఉంది. దీంతో పాటు సిరి ఏఐ సపోర్ట్‌తో పవర్ ఫుల్ ఎయిర్‌పాడ్స్ 5 ని తీసుకొచ్చారు. అలాగే కొత్త హెల్త్ సెన్సార్లు, ఏఐ ఫీచర్లతో కూడిన యాపిల్ వాచ్ సిరీస్ 12, యాపిల్ వాచ్ ఆల్ట్రా 4 లను యాపిల్ విడుదల చేసింది.

Smart Bat: మీ పిల్ల‌ల‌కు ఇది కొనిస్తే.. ఇక‌పై స్మార్ట్‌ఫోన్ జోలికి అస్స‌లు వెళ్ల‌రు

Narender Vaitla — Sat, 22 Aug 2026 08:30:49 +0530

Smart Bat: చాలా మంది చిన్నారులు స్మార్ట్ ఫోన్ల‌కు అడిక్ట్ అవుతున్నారు. అవుట్ డోర్ గేమ్స్ అనే ఊసేలేదు. అయితే అమెజాన్‌లో అందుబాటులో ఉన్న స్మార్ట్ బ్యాట్‌తో మీ పిల్ల‌లు స్మార్ట్‌ఫోన్‌కు దూర‌మ‌వ్వ‌డం ఖాయం. ఈ ప్రొడ‌క్ట్‌కి సంబంధించిన పూర్తి వివ‌రాలు.

మెటాషాట్ జీఓ స్మార్ట్ క్రికెట్ బ్యాట్ పేరుతో అంద‌బాటులో ఉన్న ఈ డివైజ్‌ను ఫోన్ లేదా ఇతర డివైస్‌కు బ్లూటూత్ ద్వారా సులభంగా కనెక్ట్ చేసుకోవచ్చు. ముందుగా MetaShot గేమ్ యాప్‌ను ఇన్‌స్టాల్ చేసి, బ్యాట్‌ను ఆన్ చేయాలి. మ్యాచ్ ప్రారంభించే సమయంలో యాప్ ఆటోమేటిక్‌గా బ్యాట్‌తో పెయిర్ అవుతుంది. ప్రత్యేకంగా క్లిష్టమైన సెటప్ అవసరం లేదు.

ఈ స్మార్ట్ బ్యాట్‌లో మంచి బ్యాటరీ బ్యాకప్ ఉంటుంది. ఒకసారి పూర్తిగా ఛార్జ్ చేస్తే 4 గంటలకు పైగా గేమ్ ఆడుకోవచ్చు. బ్యాట్‌ను ఛార్జ్ చేయడానికి సాధారణ టైప్‌సీ ఫోన్ ఛార్జర్ ఉపయోగించవచ్చు. దీంతో ఎక్కువసేపు గేమింగ్ చేయాలనుకునే వారికి సౌకర్యంగా ఉంటుంది.

MetaShot GO ఉపయోగించడానికి ప్రత్యేకంగా ప్లేస్టేష‌న్, ఎక్స్‌బాక్స్ వంటి గేమింగ్ కన్సోల్ అవసరం లేదు. ఆండ్రాయిడ్ 12 లేదా లేదా ఆపై వెర్షన్, ఐఓస్ 14 లేదా ఆపై వెర్ష‌న్ ఉన్న ఫోన్లు, ట్యాబ్లెట్లు, అలాగే విండోస్ 10 లేదా ఆపై వెర్ష‌న్ ఉన్న కంప్యూటర్లలో ఉపయోగించుకోవచ్చు. ఐఫోన్‌లో ఐఫోన్ 6ఎస్ లేదా ఆపై మోడల్స్ కూడా సపోర్ట్ చేస్తాయి.

ఈ బ్యాట్‌ను టీవీకి కూడా కనెక్ట్ చేసుకుని పెద్ద స్క్రీన్‌పై క్రికెట్ ఆడుకోవచ్చు. హెచ్‌డీఎమ్ఐ పోర్ట్ ఉన్న టీవీలతో ఇది పనిచేస్తుంది. ఇందుకోసం ఫోన్‌ను టీవీకి అందించిన కేబుల్ ద్వారా కనెక్ట్ చేయాలి. కుటుంబ సభ్యులు, స్నేహితులతో కలిసి ఇంట్లోనే క్రికెట్ గేమ్ ఆడుకోవడానికి ఇది ఉపయోగపడుతుంది. మల్టీప్లేయర్ గేమింగ్‌కు కూడా సపోర్ట్ ఉంటుంది.

MetaShot GO బ్యాట్‌లో హాప్టిక్ ఫీడ్‌బ్యాక్ ఫీచర్ ఉంది. మీరు షాట్ ఆడిన ప్రతిసారీ బ్యాట్ వైబ్రేట్ అవుతుంది. దీంతో సాధారణ మొబైల్ గేమ్ కంటే క్రికెట్ ఆడుతున్న అనుభూతి మరింత రియల్‌గా ఉంటుంది. బ్యాట్ సెటప్ కోసం యూట్యూబ్‌లోని సెటప్ వీడియోను చూడవచ్చు. అమెజాన్‌ లిస్టింగ్‌లో కూడా వీడియో అందుబాటులో ఉంటుంది. సెటప్ విషయంలో సహాయం కావాలంటే వాట్సాప్ ద్వారా +91-9164603300 నంబర్‌ను సంప్రదించవచ్చు. ఈ ప్రొడ‌క్ట్‌పై 6 నెలల వారంట్‌ కూడా లభిస్తుంది. ధ‌ర విష‌యానికొస్తే ఈ ప్రొడ‌క్ట్ అస‌లు ధ‌ర రూ. 6999కాగా 29 శాతం డిస్కౌంట్‌తో రూ. 4999కి ల‌భిస్తోంది.