Asianet News Telugu

iPhone 17: 99 వేల ఫోన్ కేవలం 55 వేలకే.. ఐఫోన్ 17 పై భారీ డిస్కౌంట్

Mahesh Rajamoni — Tue, 20 Oct 2026 12:55:03 +0530

iPhone 17: ఫెస్టివల్ సేల్‌లో భాగంగా ఐఫోన్ 17, 17 ప్రో మోడల్స్‌పై భారీ తగ్గింపు లభిస్తోంది. బ్యాంక్ ఆఫర్లు, ఎక్స్ఛేంజ్ బోనస్‌తో తక్కువ ధరకే మీ చేతికి ఐఫోన్ వస్తుంది. ఆ వివరాలు మీకోసం.

ప్రస్తుతం పండుగ సీజన్ నడుస్తోంది. మార్కెట్లో స్మార్ట్‌ఫోన్ల విక్రయాలు జోరుగా సాగుతున్నాయి. ఈ సమయంలో ప్రముఖ టెక్ దిగ్గజం ఆపిల్ ఐఫోన్ల కొనుగోలుపై వినియోగదారులకు అదిరిపోయే వార్త అందింది. ఐఫోన్ 17, ఐఫోన్ 17 ప్రో మోడల్స్‌ను ఫెస్టివల్ సేల్ సమయంలో చాలా తక్కువ ధరకు కొనుగోలు చేయవచ్చు.

ఈకామర్స్ ప్లాట్‌ఫారమ్‌లు, రిటైల్ స్టోర్లు అందిస్తున్న ప్రత్యేక ఆఫర్ల ద్వారా వీటిని తక్కువ ధరకే సొంతం చేసుకోవచ్చు. రిపోర్టుల ప్రకారం, ఐఫోన్ 17 సుమారు 54 వేల రూపాయలకే లభించే అవకాశం ఉంది. అలాగే, ఐఫోన్ 17 ప్రో ఎఫెక్టివ్ ధర కూడా సేల్‌లో సుమారు 57 వేల రూపాయల వరకు ఉంటుందని అంచనా.

ఫ్లిప్‌కార్ట్‌లో ఫెస్టివల్ సేల్ నడుస్తోంది. ఈ సేల్‌లో ఐఫోన్ 17 256GB మోడల్ లిస్ట్ ధర 86,999 రూపాయలుగా ఉంది. ప్లాట్‌ఫారమ్‌లో దీని ఒరిజినల్ ప్రైస్ 99,900 రూపాయలుగా చూపుతున్నారు. అంటే ఫోన్ కొనుగోలు చేసే సమయంలో బ్యాంక్ ఆఫర్లు, ఎక్స్ఛేంజ్ సదుపాయాన్ని ఉపయోగించుకుంటే మనకు అయ్యే ఖర్చు మరింతగా తగ్గుతుంది. మీ దగ్గర ఫ్లిప్‌కార్ట్ యాక్సిస్ బ్యాంక్ లేదా ఫ్లిప్‌కార్ట్ ఎస్‌బీఐ క్రెడిట్ కార్డ్ ఉంటే, సుమారు 5,000 రూపాయల వరకు తగ్గింపు పొందవచ్చు.

దీనివల్ల ఫోన్ ధర నేరుగా 81,999 రూపాయలకు పడిపోతుంది. దీనికి తోడు మీ పాత ఫోన్‌ను ఎక్స్ఛేంజ్ చేస్తే మరింత లాభం పొందవచ్చు. రిపోర్టుల ప్రకారం, కండిషన్‌ను బట్టి ఐఫోన్ 14ను ఎక్స్ఛేంజ్ చేస్తే 27,850 రూపాయల వరకు ప్రయోజనం దక్కవచ్చు. ఈ ఎక్స్ఛేంజ్ వాల్యూ, 5,000 రూపాయల బ్యాంక్ డిస్కౌంట్‌ను కలుపుకుంటే ఐఫోన్ 17 ఎఫెక్టివ్ ధర కేవలం 54,149 రూపాయలకు చేరుకుంటుంది.

మీరు సాధారణ ఐఫోన్ 17 కాకుండా ప్రో మోడల్ కొనుగోలు చేయాలని చూస్తున్నట్లయితే, రిలయన్స్ డిజిటల్ అందిస్తున్న ఆఫర్ సోషల్ మీడియాలో వైరల్ అవుతోంది. రిపోర్టుల ప్రకారం, ఐఫోన్ 17 ప్రో 256GB మోడల్ ఎఫెక్టివ్ ధర సుమారు 56,990 రూపాయల వరకు తగ్గే అవకాశం ఉంది. అయితే ఈ ఆఫర్ నేరుగా ఆన్‌లైన్‌లో కనిపించదు. స్టోర్‌కు వెళ్లి కొనుగోలు చేయడం, పలు రకాల డిస్కౌంట్లు అన్నీ కలిపితేనే ఈ ధర వర్తిస్తుంది.

ఈ డీల్‌లో భాగంగా 1,34,900 రూపాయల అసలు ధర కలిగిన ఫోన్‌పై 9,910 రూపాయల స్టోర్ డిస్కౌంట్ లభిస్తుంది. అంతేకాకుండా పాత ఫోన్ ఎక్స్ఛేంజ్ విలువ 55,000 రూపాయల వరకు, 10,000 రూపాయల అదనపు ఎక్స్ఛేంజ్ బోనస్, 3,000 రూపాయల వరకు బ్యాంక్ క్యాష్‌బ్యాక్ వర్తిస్తాయని చెబుతున్నారు. వీటన్నింటినీ కలిపితే చివరికి ఫోన్ ఎఫెక్టివ్ ధర 56,990 రూపాయలు అవుతుంది. అయితే ఈ ఆఫర్‌లో పాత ఫోన్ కండిషన్ చాలా ముఖ్యం. అందరికీ గరిష్ఠంగా 55,000 రూపాయలు రావు. ఫోన్ మోడల్, దాని పరిస్థితిని బట్టి ఎక్స్ఛేంజ్ విలువ మారుతుంది.

కేవలం తక్కువ ధర వస్తోందని ఏ ఫోన్ పడితే అది కొనడం సరైన నిర్ణయం కాదు. ఫీచర్స్ కూడా చాలా ముఖ్యం. ఐఫోన్ 17 లో 6.3 అంగుళాల ఓఎల్‌ఈడీ స్క్రీన్ ఉంటుంది. ఇది 120Hz రిఫ్రెష్ రేట్‌కు సపోర్ట్ చేస్తుంది. అంటే ఫోన్ స్క్రీన్‌ను స్క్రోల్ చేసేటప్పుడు, యానిమేషన్లు చూసేటప్పుడు పాత 60Hz డిస్‌ప్లేతో పోలిస్తే చాలా స్మూత్‌గా అనిపిస్తుంది.

ఈ ఫోన్‌లో ఆపిల్ సంస్థ శక్తివంతమైన A19 చిప్‌ను అందించింది. ఫోన్ వెనుక భాగంలో 48 మెగాపిక్సెల్స్ ప్రధాన కెమెరా, మరో 48 మెగాపిక్సెల్స్ అల్ట్రా-వైడ్ కెమెరా ఉన్నాయి. ఇక ముందు భాగంలో సెల్ఫీలు, వీడియో కాల్స్ కోసం 18 మెగాపిక్సెల్ కెమెరాను ఇచ్చారు. ఈ బ్యాటరీ సామర్థ్యం కూడా అద్భుతంగా ఉంది. ఒక్కసారి ఛార్జ్ చేస్తే దాదాపు 30 గంటల పాటు నిరంతరం వీడియో ప్లేబ్యాక్ ఇస్తుందని ఆపిల్ కంపెనీ స్పష్టం చేస్తోంది.

ఐఫోన్ 17, 17 ప్రో కొనుగోలు చేయాలనుకునే వారు కొన్ని విషయాలు గుర్తుంచుకోవాలి. ఆన్‌లైన్ లేదా ఆఫ్‌లైన్ స్టోర్లలో కనిపించే ఆఫర్లు అన్నీ ఒకేలా ఉండవు. ముఖ్యంగా ఎక్స్ఛేంజ్ ఆఫర్లు, బ్యాంక్ క్యాష్‌బ్యాక్‌లు పూర్తిగా నిబంధనలపై ఆధారపడి ఉంటాయి. మీరు స్టోర్‌కు వెళ్లే ముందే మీ క్రెడిట్ కార్డ్ అర్హతను, మీ పాత ఫోన్ ఎక్స్ఛేంజ్ విలువను సరిగ్గా తెలుసుకోవడం మంచిది. ఈ చిన్న జాగ్రత్తలు పాటిస్తే రూ.99 వేల విలువైన ఐఫోన్ 17ను నిజంగానే సగం ధరకే మీ సొంతం చేసుకోవచ్చు. పండుగ సమయంలో కొత్త ఐఫోన్ కొనుగోలు చేయాలని ప్లాన్ చేసే వారికి ఇది నిజంగానే గోల్డెన్ ఛాన్స్ అని చెప్పవచ్చు.

Flipkart Big Billion Days Sale: రచ్చ లేపుతున్న ఫ్లిప్‌కార్ట్ సేల్.. 65 ఇంచుల టీవీపై రూ. 22,000 తగ్గింపు

Mahesh Rajamoni — Mon, 05 Oct 2026 23:07:45 +0530

Flipkart Big Billion Days Sale: పండుగల సీజన్ వేళ ఈ-కామర్స్ దిగ్గజం ఫ్లిప్‌కార్ట్ బిగ్ బిలియన్ డేస్ సేల్ హోమ్ ఎలక్ట్రానిక్స్ ప్రియులకు అద్భుతమైన ఆఫర్లను అందిస్తోంది. ఇంట్లోనే థియేటర్ ఎక్స్‌పీరియన్స్ కోరుకునే వారి కోసం టీవీలై బంపర్ ఆఫర్లు ఉన్నాయి.

మీరు మీ ఇంటి కోసం ఒక కొత్త పెద్ద స్మార్ట్ టీవీ కొనాలని ప్లాన్ చేస్తున్నారా? అయితే మీకు ఒక సూపర్‌ గుడ్ న్యూస్ వచ్చేసింది. ప్రముఖ ఈ-కామర్స్ ప్లాట్‌ఫారమ్ ఫ్లిప్‌కార్ట్ త్వరలోనే తీసుకురాబోతున్న బిగ్ బిలియన్ డేస్ (BBD) సేల్ భారీగా డబ్బులు ఆదా చేసే అవకాశం ఇస్తోంది. ఈ సేల్ లో భాగంగా ఎలక్ట్రానిక్స్, హోమ్ అప్లయన్సెస్ ఉత్పత్తులపై దిమ్మతిరిగే డిస్కౌంట్లు లభించనున్నాయి. ఇందులో భాగంగా ఒక అద్భుతమైన టీవీ డీల్ వివరాలు బయటకు వచ్చాయి.

ఫ్లిప్‌కార్ట్ సంస్థ అక్టోబర్ 9వ తేదీ నుంచి బిగ్ బిలియన్ డేస్ సేల్‌ను అధికారికంగా ప్రారంభించబోతోంది. అయితే ఈ సేల్ ప్రారంభం కావడానికి ముందే చాలా రకాల ప్రొడక్ట్స్ డీల్స్, వాటి ఆఫర్ ధరలను కంపెనీ కస్టమర్ల కోసం రివీల్ చేస్తూ వస్తోంది. ఇందులో భాగంగా టీసీఎల్ (TCL) కంపెనీకి చెందిన 65 ఇంచుల భారీ స్మార్ట్ టీవీ ధరను కూడా వెల్లడించింది. సేల్ ప్రారంభానికి ముందు వరకు మార్కెట్‌లో ఈ టీవీ ధర ₹61,990 గా ఉంటే, సేల్‌లో భాగంగా ఈ భారీ టీవీని కేవలం ₹39,999 కే సొంతం చేసుకోవచ్చు. అంటే దాదాపు ₹22,000 మేర భారీ తగ్గింపు లభిస్తోంది.

ఈ టీవీకి సంబంధించిన ముఖ్యమైన ఫీచర్ల విషయానికి వస్తే, ఇందులో 65 ఇంచుల పెద్ద సైజ్ డిస్‌ప్లే స్క్రీన్ ఉంటుంది. ఇది సాధారణ ప్యానెల్ కాదు, క్వాలిటీ విజువల్స్ ఇచ్చే QLED ప్యానెల్‌తో పనిచేస్తుంది. QLED టెక్నాలజీ వల్ల పిక్చర్ క్వాలిటీ చాలా స్పష్టంగా, కలర్ ఫుల్‌గా కనిపిస్తుంది. అంతేకాకుండా, స్క్రీన్ స్క్రోలింగ్ లేదా కంటెంట్ చూసేటప్పుడు ఎక్కడా ఆటంకం లేకుండా చాలా స్మూత్ ఫీల్ ఇవ్వడానికి ఇందులో 60-120Hz రిఫ్రెష్ రేట్‌ను అందించారు. దీనివల్ల ప్రతి సీన్ చాలా క్లియర్‌గా కనిపిస్తుంది.

మంచి పిక్చర్ క్వాలిటీ ఉన్న టీవీకి మంచి ఆడియో కూడా తోడైతేనే ఆ మజా వేరుగా ఉంటుంది. ఈ టీసీఎల్ 65 ఇంచుల క్యూఎల్ఈడీ టీవీలో సరిగ్గా అదే అందించారు. ఈ స్మార్ట్ టీవీలో 2 స్పీకర్లను అమర్చారు. ఇవి మొత్తం 28W సౌండ్ అవుట్‌పుట్‌ను జనరేట్ చేస్తాయి. అంటే మీకు నాణ్యమైన విజువల్స్ లభించడమే కాకుండా, ఇంట్లోనే థియేటర్ అనుభూతిని ఇచ్చే విధంగా పవర్‌ఫుల్ సౌండ్ కూడా అందుతుంది. మూవీస్, స్పోర్ట్స్ చూసే వారికి ఇది బెస్ట్ ఆప్షన్.

సాధారణంగా స్మార్ట్ టీవీలు వాడేటప్పుడు చాలామంది ఎదుర్కొనే పెద్ద సమస్య హ్యాంగ్ కావడం లేదా ల్యాగ్ అవ్వడం. ఈ సమస్య లేకుండా చేసేందుకు టీసీఎల్ ఈ టీవీలో గూగుల్ టీవీ ఆపరేటింగ్ సిస్టమ్‌ను అందించింది. అప్లికేషన్‌లు వేగంగా పనిచేయడానికి, ఓపెన్ అవ్వడానికి 2జీబీ ర్యామ్ సపోర్ట్ ఉంది. దాంతో పాటు మీకు కావలసిన యాప్‌లు డౌన్‌లోడ్ చేసుకోవడానికి 16జీబీ ఇంటర్నల్ స్టోరేజ్ ఆప్షన్ కూడా ఇచ్చారు. దీనివల్ల టీవీలో కంటెంట్ స్క్రోల్ చేస్తున్నప్పుడు ఎలాంటి ల్యాగ్ లేదా డిలే ఉండదు.

ఇతర డివైజ్‌లను ఈ టీవీకి కనెక్ట్ చేసుకోవడానికి కంపెనీ పూర్తి సదుపాయాలు కల్పించింది. పోర్టుల విషయానికి వస్తే, ఇందులో 3 హెచ్డీఎంఐ పోర్టులు, 1 యూఎస్బీ పోర్ట్ లభిస్తాయి. వీటి సహాయంతో ల్యాప్‌టాప్, గేమింగ్ కన్సోల్, సెట్‌టాప్ బాక్స్, లేదా పెన్‌డ్రైవ్‌లను సులభంగా కనెక్ట్ చేసుకోవచ్చు. స్క్రీన్ షేరింగ్ చేసుకోవడానికి కూడా ఇవి ఎంతో ఉపయోగపడతాయి. ఈ ఫెస్టివ్ సీజన్‌లో తక్కువ ధరలో పెద్ద టీవీ కొని ఇల్లు మార్చాలని చూస్తున్న వారికి ఇది ఒక గోల్డెన్ ఆపర్చునిటీ అని చెప్పవచ్చు.

Lazy Glasses: ప‌డుకునే పుస్త‌కం చ‌ద‌వొచ్చు, టీవీ చూడొచ్చు.. లేజీ గ్లాసెస్‌తో ఎన్నో ఉప‌యోగాలు

Narender Vaitla — Fri, 25 Sep 2026 15:41:27 +0530

Lazy Glasses: పడుకుని పుస్తకం చదవాలన్నా, మొబైల్ చూడాలన్నా సాధారణంగా తలను పైకి ఎత్తాలి. కొంతసేపటి తర్వాత మెడ, భుజాలు, వెన్నుపై ఒత్తిడి ప‌డి నొప్పి మొద‌లువుతంది. ఈ స‌మ‌స్య‌కు చెక్ పెట్టేందుకు మార్కెట్‌లో ప్ర‌త్యే గ్లాసెస్ అందుబాటులో ఉన్నాయి.

లేజీ రీడ‌ర్స్ గ్లాసెస్ పేరుతో అమెజాన్‌లో అందుబాటులో ఉన్న ఈ ప్రొడ‌క్ట్ అస‌లు ధ‌ర రూ. 1499 కాగా ప్ర‌స్తుతం 68 శాతం డిస్కౌంట్‌తో కేవ‌లం రూ. 479కే ల‌భిస్తోంది. ఈ గ్లాసెస్ ప్రధాన ఉద్దేశం పడుకున్న భంగిమలోనే చదవడం లేదా స్క్రీన్ చూడడం. ఉదాహరణకు మంచంపై వెల్లకిలా పడుకుని పుస్తకం చదువుతున్నారని అనుకుందాం. సాధారణంగా పుస్తకాన్ని కళ్ల ముందుకు తీసుకురావాలి లేదా తలను పైకి ఎత్తి చూడాలి. దీనివల్ల మెడపై ఒత్తిడి రావచ్చు. ప్రిజమ్ గ్లాసెస్ పెట్టుకుంటే మాత్రం పుస్తకం లేదా మొబైల్‌ను మన ముఖం ముందు కాకుండా శరీరం వైపు ఉంచినా చూడగలుగుతాం. అలాగే మంచంపై పడుకుని టీవీ చూడటం, ట్యాబ్లెట్ ఉపయోగించడం, మొబైల్‌లో వీడియోలు చూడటం వంటి పనులకు కూడా వీటిని ఉపయోగించవచ్చు. మెడ లేదా వెన్ను కదలికలను పరిమితం చేయాల్సిన పరిస్థితుల్లో ఉన్నవారికి కూడా ఇవి సౌకర్యంగా అనిపించవచ్చు. అయితే ఇవి వైద్య పరికరాలు లేదా మెడ నొప్పికి చికిత్స చేసే సాధనాలు కావని గుర్తించాలి.

ఈ గ్లాసెస్‌లో సాధారణ కళ్లద్దాల లెన్స్‌లకు బదులుగా ప్రత్యేకమైన ప్రిజమ్ ఆప్టికల్ డిజైన్ ఉంటుంది. ప్రిజమ్‌లోకి కాంతి ప్రవేశించినప్పుడు దాని దిశ మారుతుంది. ఈ సూత్రాన్నే ఉపయోగించి గ్లాసెస్‌లోకి వచ్చే దృశ్యాన్ని సుమారు 90 డిగ్రీల కోణంలో మళ్లించేలా డిజైన్ చేస్తారు. సులభంగా చెప్పాలంటే.. మీరు మంచంపై వెల్లకిలా పడుకుని పైకి చూస్తున్నా, గ్లాసెస్‌లోని ప్రిజమ్ మీ ముందు ఉన్న వస్తువు నుంచి వచ్చే కాంతిని మళ్లించి కళ్లకు చేరేలా చేస్తుంది. దాంతో తలను వంచాల్సిన అవసరం లేకుండా కిందివైపు ఉన్న పుస్తకం లేదా మొబైల్‌ను చూడగలుగుతారు. ఇది కెమెరా లేదా వీడియోను తిప్పడం లాంటిది కాదు. కళ్లకు చేరే కాంతి దిశను మార్చడం ద్వారా మనకు వస్తువు వేరే కోణంలో కనిపించేలా చేస్తుంది.

ఈ గ్లాసెస్‌ను ప్రధానంగా ఇలాంటి ఉపయోగాల కోసమే తయారు చేశారు. మంచంపై పడుకుని పుస్తకం చదువుతున్నప్పుడు పుస్తకాన్ని సౌకర్యంగా పట్టుకుని చదవొచ్చు. అలాగే మొబైల్‌ను చేతిలో పట్టుకుని స్క్రోల్ చేయడం, వీడియోలు చూడడం, ట్యాబ్లెట్ ఉపయోగించడం వంటివి చేయవచ్చు. టీవీ చూడటానికి కూడా ఉపయోగించవచ్చు. అయితే టీవీ దూరం, స్క్రీన్ ఎత్తు, గ్లాసెస్‌లోని ప్రిజమ్ నాణ్యతను బట్టి విజువ‌ల్ క‌నిపించే క్లారిటీ మారుతుంది.

ఈ గ్లాసెస్‌లో ప్రధాన ప్రయోజనం చూసేందుకు మెడను పదేపదే వంచాల్సిన అవసరం లేకపోవడం. సాధారణంగా పడుకుని చదువుతున్నప్పుడు తలను పైకి ఎత్తడం లేదా మెడను ఒకే భంగిమలో ఉంచడం వల్ల అసౌకర్యం కలగొచ్చు. ప్రిజమ్ గ్లాసెస్ ఉపయోగిస్తే తలను కదపకుండా స్క్రీన్ లేదా పుస్తకాన్ని చూడటానికి అవకాశం ఉంటుంది. అందుకే మెడకు ఇబ్బంది ఉన్నవారు, ఎక్కువసేపు మంచంపై విశ్రాంతి తీసుకునేవారు, ఆసుపత్రిలో బెడ్ రెస్ట్‌లో ఉన్నవారు, ప్రయాణ సమయంలో పడుకుని చదవాలనుకునేవారు వీటిని సౌకర్యవంతమైన సాధనంగా ఉపయోగించవచ్చు. అయితే మెడ నొప్పి, సర్వైకల్ సమస్య, వెన్నునొప్పిని ఇవి నయం చేయవు. నొప్పి లేదా ఇతర ఆరోగ్య సమస్యలు ఉంటే వైద్యుడి సలహా తీసుకోవడం మంచిది.

ప్రిజమ్ గ్లాసెస్ కొనేటప్పుడు కేవలం తక్కువ ధరను మాత్రమే చూడకుండా కొన్ని విషయాలను గమనించాలి. ముఖ్యంగా లెన్స్ నాణ్యత, చూపు స్పష్టత, ఫ్రేమ్ బరువు, ప్రిజమ్ కోణం, కళ్లకు సరిపోయే విధానం వంటి అంశాలను పరిశీలించాలి. లెన్స్ నాణ్యత తక్కువగా ఉంటే ఎక్కువసేపు చూస్తున్నప్పుడు అసౌకర్యం కలగొచ్చు. అందుకే క్లియర్ ఆప్టికల్ లెన్స్, తేలికైన ఫ్రేమ్, ముఖంపై ఎక్కువ ఒత్తిడి కలిగించని డిజైన్ ఉన్న మోడల్‌ను ఎంచుకోవడం మంచిది.

Flipkart Big Billion Days Sale: ఫ్లిప్‌కార్ట్‌లో ఏసీలు సగం ధరకే.. బిగ్ బిలియన్ డేస్ సేల్‌లో అదిరిపోయే ఆఫర్లు

Mahesh Rajamoni — Sun, 11 Oct 2026 07:10:07 +0530

Flipkart Big Billion Days Sale: ఫ్లిప్‌కార్ట్ బిగ్ బిలియన్ డేస్ సేల్‌లో భాగంగా వస్తువుల పై అదిరిపోయే ఆఫర్లు ఉన్నాయి. మరీ ముఖ్యంగా ఏసీలపై భారీ డిస్కౌంట్లు ఇస్తున్నారు. టాప్ 5 ఏసీ మోడల్స్, వాటి ధరలు, ఆఫర్ల పూర్తి వివరాలు ఇక్కడ తెలుసుకుందాం.

మీ ఇంట్లో కొత్త ఏసీ కొనుగోలు చేయాలని చూస్తున్నారా? అయితే ఇది మీకు సరైన సమయం కావచ్చు. ఈ-కామర్స్ ప్లాట్‌ఫారమ్ ఫ్లిప్‌కార్ట్‌లో ఈ ఏడాది బిగ్ బిలియన్ డేస్ సేల్ అక్టోబర్ 9 నుంచి ప్రారంభమైంది. వీఐపీ మెంబర్లు, ఫ్లిప్‌కార్ట్ ప్లస్ సబ్‌స్క్రిప్షన్ ఉన్న యూజర్ల కోసం ఎర్లీ యాక్సెస్ తో పాటు ప్రస్తుతం అందరికీ సేల్ అందుబాటులోకి వచ్చింది. ఈ సేల్‌లో ఎయిర్ కండిషనర్ల (ఏసీలు) ధరలపై భారీ డిస్కౌంట్లు ఇస్తున్నారు. సేల్‌లో లభిస్తున్న టాప్ 5 బెస్ట్ ఏసీ డీల్స్ గురించి ఇప్పుడు వివరంగా తెలుసుకుందాం.

ఏసీల అవసరం సాధారణంగా ఎండాకాలంలోనే ఎక్కువగా ఉంటుంది. ఆ సమయంలో వాటి ధరలు కూడా చాలా ఎక్కువగా ఉంటాయి. అదే చలికాలం లేదా ఆఫ్‌ సీజన్‌లో ఏసీ ధరల్లో భారీ తగ్గుదల కనిపిస్తుంది. ఇలాంటి ఆఫ్‌ సీజన్ సమయంలో ఫ్లిప్‌కార్ట్ సేల్‌ను ఉపయోగించుకోవడం ద్వారా చాలా తక్కువ ధరకే ఏసీని కొనుగోలు చేసే అవకాశం దక్కుతుంది. బ్యాంక్, ఎక్స్ఛేంజ్ ఆఫర్లతో ఈ డీల్స్ మరింత లాభదాయకంగా మారుతాయి.

టీసీఎల్ బ్రాండ్ నుంచి వస్తున్న ఈ 1 టన్ కెపాసిటీ ఉన్న 3 స్టార్ స్ప్లిట్ ఇన్వర్టర్ ఏసీలో 7-ఇన్-1 మోడ్ ఫీచర్ ఉంది. ఇది మీ బెడ్‌రూమ్‌ను చాలా త్వరగా కూల్ చేస్తుంది. ఫ్లిప్‌కార్ట్ బిగ్ బిలియన్ డేస్ సేల్ సమయంలో దీనిపై ఏకంగా 47 శాతం డిస్కౌంట్ లభిస్తోంది. దీని అసలు ధర రూ. 48,991 కాగా, సేల్ సమయంలో ఇది కేవలం రూ. 25,990 ధరకే అందుబాటులో ఉంది. చిన్న గదుల కోసం ఏసీ కొనాలనుకునే వారికి ఇది పర్ఫెక్ట్ ఛాయిస్.

మీరు హెవీ డ్యూటీ, ఏఐ పవర్డ్ ఎయిర్ కండిషనర్ కోరుకుంటే గోద్రెజ్ బ్రాండ్ బెస్ట్ ఆప్షన్. ఇది 1 టన్ కెపాసిటీ, ఇన్వర్టర్ టెక్నాలజీతో వస్తుంది. ఇందులో 5-ఇన్-1 కన్వర్టబుల్ మోడ్ కూడా ఉంది. ఇందులో ఉన్న ఏఐ టెక్నాలజీ మీ రోజువారీ ఏసీ వాడకాన్ని బట్టి సరైన ఉష్ణోగ్రతను సెట్ చేయడానికి సహాయపడుతుంది. బిగ్ బిలియన్ డేస్ సేల్‌లో దీనిపై 33 శాతం డిస్కౌంట్ ఇస్తున్నారు. దీని ఎంఆర్‌పీ రూ. 42,990 ఉండగా, సేల్‌లో ఇది రూ. 27,990 కే లభిస్తోంది.

ఎయిర్ కండిషనర్ల విషయంలో నమ్మకానికి మారుపేరైన డైకిన్ 2026 మోడల్ 1 టన్ 3 స్టార్ స్ప్లిట్ ఇన్వర్టర్ ఏసీపై 33 శాతం డిస్కౌంట్ ఉంది. దీని ఎంఆర్‌పీ రూ. 48,500 కాగా, సేల్‌లో రూ. 32,490 కే కొనుగోలు చేయవచ్చు.

ఇక శామ్‌సంగ్ బెస్పోక్ ఏఐ 2026 మోడల్ 0.95 టన్ 3 స్టార్ స్ప్లిట్ ఏసీపై ఏకంగా 52 శాతం బంపర్ డిస్కౌంట్ లభిస్తోంది. దీని అసలు ధర రూ. 67,990 ఉండగా, సేల్ ఆఫర్‌లో రూ. 32,490 ధరకే మీ సొంతం చేసుకోవచ్చు.

పెద్ద గదుల కోసం ఎక్కువ కెపాసిటీ ఉన్న ఏసీ కావాలంటే బ్లూ స్టార్ 1.5 టన్ 3 స్టార్ స్ప్లిట్ ఇన్వర్టర్ ఏసీ మంచి ఛాయిస్. 5-ఇన్-1 కన్వర్టబుల్ మోడ్ కలిగిన ఈ ఏసీపై 41 శాతం భారీ డిస్కౌంట్ ఇస్తున్నారు. దీని ఎంఆర్‌పీ రూ. 61,000 కాగా, సేల్ సమయంలో రూ. 35,990 కే విక్రయిస్తున్నారు. అలాగే ఫ్లిప్‌కార్ట్ సేల్‌లో క్రెడిట్ లేదా డెబిట్ కార్డ్ ఆఫర్లను వాడి అదనపు తగ్గింపు పొందవచ్చు. ఎక్స్ఛేంజ్ ఆఫర్ ద్వారా రూ. 6,500 వరకు అదనపు ప్రయోజనం లభిస్తుంది.

Door Bell: వైర్ అవ‌స‌రం లేదు, క‌రెంట్‌తో ప‌నే లేదు.. రూ. 500కే వైర్‌లెస్ డోర్‌బెల్

Narender Vaitla — Fri, 02 Oct 2026 20:36:12 +0530

Door Bell: డోర్‌బెల్స్ అంటే క‌రెంట్ వైరింగ్ లాంటి త‌తంగం ఉంటుంద‌ని తెలిసిందే. అయితే ప్రస్తుతం వైర్లు, ఎలక్ట్రికల్ పనులు అవసరం లేకుండా సులభంగా ఏర్పాటు చేసుకునే వైర్‌లెస్ డోర్‌బెల్ కిట్లు అందుబాటులోకి వ‌చ్చాయి. అలాంటి ఓ ప్రొడక్ట్ వివ‌రాలు.

ఈ వైర్‌లెస్ డోర్‌బెల్‌లో ప్రత్యేకంగా వైరింగ్ చేయాల్సిన అవసరం ఉండదు. డోర్ లేదా గేట్ దగ్గర బటన్‌ను అమర్చాలి. ఇంట్లో మనకు వినిపించే ప్రదేశంలో రిసీవర్‌ను ఉంచితే సరిపోతుంది. ఎలాంటి సాంకేతిక పరిజ్ఞానం లేకపోయినా సులభంగా ఇన్‌స్టాల్ చేసుకోవచ్చు. ఇల్లు మార్చినా, డోర్‌బెల్ స్థానాన్ని మార్చాలనుకున్నా పెద్దగా ఇబ్బంది ఉండదు. అమెజాన్ గ్యాడ్జెట్ హీరోస్ వైర్‌లెస్ డోర్‌బెల్ కిట్ పేరుతో అందుబాటులో ఉన్న ఈ ప్రొడ‌క్ట్ అస‌లు ధ‌ర రూ. 1000కాగా, 50 శాతం డిస్కౌంట్‌తో రూ. 499కే ల‌భిస్తోంది.

ఇంటి బయట అమర్చే బటన్‌కు వర్షం, తేమ, దుమ్ము వంటి వాటిని తట్టుకునేలా వాటర్‌ప్రూఫ్ డిజైన్ ఉంటుంది. అందుకే ప్రధాన గేట్, బయట డోర్ వంటి ప్రాంతాల్లో కూడా ఉపయోగించుకోవచ్చు. వాతావరణ పరిస్థితులు మారినా రోజువారీ అవసరాలకు అనుగుణంగా పనిచేసేలా దీనిని రూపొందించారు. అయితే దీర్ఘకాలిక పనితీరు కోసం తయారీదారు సూచించిన వాటర్‌ప్రూఫ్ రేటింగ్‌ను పరిశీలించడం మంచిది.

ఈ డోర్‌బెల్ కిట్ బ్యాటరీతో పనిచేయడం వల్ల విద్యుత్ వైరింగ్‌పై ఆధారపడాల్సిన అవసరం ఉండదు. ఇంట్లో లేదా ఆఫీసులో ఎక్కడ రిసీవర్‌ను ఉంచాలనుకుంటే అక్కడ ఏర్పాటు చేసుకోవచ్చు. బ్యాటరీ అయిపోయినప్పుడు కొత్త బ్యాటరీని అమర్చితే మళ్లీ ఉపయోగించుకోవచ్చు. విద్యుత్ కనెక్షన్ అందుబాటులో లేని ప్రదేశాల్లో కూడా ఇది బాగా ఉపయోగపడుతుంది.

ఇంటికి మాత్రమే కాకుండా అపార్ట్‌మెంట్లు, ఆఫీసులు, షాపులు, క్లినిక్‌లు, గోదాములు, రిటైల్ దుకాణాలు వంటి అనేక ప్రదేశాల్లో ఈ వైర్‌లెస్ డోర్‌బెల్‌ను ఉపయోగించుకోవచ్చు. బయట ఎవరో బటన్ నొక్కినప్పుడు రిసీవర్ ద్వారా వెంటనే అలర్ట్ వస్తుంది. ఇంట్లో మరో గదిలో ఉన్నా వారిని అల‌ర్ట్ చేయ‌డానికి కూడా ఉప‌యోగ‌ప‌డుతుంది.

ఈ రకమైన డోర్‌బెల్ కిట్లలో సాధారణంగా పలు చైమ్ సౌండ్స్, వాల్యూమ్‌ను మార్చుకునే సదుపాయం ఉంటుంది. మనకు నచ్చిన శబ్దాన్ని ఎంచుకోవచ్చు. ఇంట్లో చిన్నవారు, వృద్ధులు ఉన్నప్పుడు అవసరానికి అనుగుణంగా వాల్యూమ్‌ను సెట్ చేసుకోవచ్చు. సింపుల్ డిజైన్, సులభమైన ఇన్‌స్టాలేషన్, వైర్‌లెస్ కనెక్షన్ కారణంగా రోజువారీ జీవితంలో ఉపయోగపడే స్మార్ట్ హోమ్ యాక్సెసరీగా దీనిని ఉపయోగించుకోవచ్చు.

Laptops: ఫెస్టివ్ సేల్‌లో ప్రైమ్‌బుక్ ధమాకా.. రూ. 24 వేల లోపే ల్యాప్‌టాప్.. ఆఫర్లు, ఫీచర్ల వివరాలు ఇవే

Mahesh Rajamoni — Tue, 06 Oct 2026 10:19:06 +0530

Laptops Under 24000: ప్రైమ్‌బుక్ ఫెస్టివ్ సేల్‌లో భాగంగా రూ. 23,990 కే ల్యాప్‌టాప్ లభిస్తోంది. అలాగే, రూ. 3,000 డిస్కౌంట్, బ్యాంక్ ఆఫర్లతో పాటు జెన్ 2, జెన్ 3 మోడల్స్ ఆఫర్ల పూర్తి వివరాలు ఇక్కడ తెలుసుకుందాం.

స్మార్ట్‌ఫోన్లు, ల్యాప్‌టాప్‌‌ల రేట్లు ఆకాశాన్ని తాకుతున్న ఈ రోజుల్లో తక్కువ ధరకే ల్యాప్‌టాప్ దొరికితే ఎలా ఉంటుంది? అది కూడా దసరా దీపావళి పండగ పూట బడ్జెట్ ధరలో లభిస్తే భలేగా ఉంటుంది కదా.. భారతీయ స్వదేశీ బ్రాండ్ ప్రైమ్‌బుక్ (Primebook) సరిగ్గా ఇదే ప్లాన్ చేసింది. పండగ సీజన్ సేల్స్ ప్రారంభం కాకముందే తన ల్యాప్‌టాప్‌‌లపై మైండ్ బ్లాకింగ్ ఆఫర్లను అనౌన్స్ చేసింది.

సాధారణంగా రూ. 50 వేల వరకు ఉండే ఫీచర్లను రూ. 25 వేల ఆఫర్ ధరకే అందిస్తున్నట్లు కంపెనీ చెప్తోంది. ఫ్లిప్‌కార్ట్ బిగ్ బిలియన్ డేస్, అమెజాన్ గ్రేట్ ఇండియన్ ఫెస్టివల్ సేల్స్‌లో ఈ డిస్కౌంట్లు అందుబాటులో ఉంటాయి. అయితే ఇవి హెవీ గేమింగ్ లేదా ఎడిటింగ్ కోసం కాకుండా, రోజూవారీ పనులకు, స్టూడెంట్స్‌కు పర్ఫెక్ట్‌గా సరిపోతాయి. ఈ ల్యాప్‌టాప్ ఆఫర్లు, ప్రాసెసర్లు, ఇతర వివరాలను ఇక్కడ తెలుసుకుందాం.

ఈ ఫెస్టివ్ సేల్‌లో అందరి దృష్టిని ఆకర్షిస్తున్న మోడల్ ప్రైమ్‌బుక్ 2 నియో (Primebook 2 Neo). ఫ్లిప్‌కార్ట్‌లో దీని ప్రారంభ ధరను రూ. 23,990 గా నిర్ణయించారు. ఈ మోడల్‌పై కంపెనీ డైరెక్ట్‌గా రూ. 3,000 డిస్కౌంట్ ఇస్తోంది. ఇది కాకుండా ఇన్స్టంట్ బ్యాంక్ కార్డ్ డిస్కౌంట్ ద్వారా మరో రూ. 1,500 నుంచి రూ. 2,000 వరకు అదనంగా ఆదా చేసుకోవచ్చు.

ఈ ప్రైమ్‌బుక్ 2 నియో ల్యాప్‌టాప్‌లో MediaTek Helio G99 ప్రాసెసర్ ఉపయోగించారు. ఇందులో 6 జీబీ ర్యామ్, 128 జీబీ స్టోరేజ్ అందుబాటులో ఉంది. ల్యాప్‌టాప్ బరువు కేవలం 990 గ్రాములు మాత్రమే ఉంటుంది. 11.6 ఇంచుల హెచ్ డీ ఐపీఎస్ డిస్‌ప్లే, 29.6Wh బ్యాటరీ దీని సొంతం. ఒక్కసారి ఛార్జ్ చేస్తే 7.5 గంటల పాటు వీడియో ప్లేబ్యాక్ వస్తుందని కంపెనీ క్లెయిమ్ చేస్తోంది.

బాగా పెద్ద స్క్రీన్, ఎక్కువ ప్రొడక్టివిటీ కావాలనుకునే వారి కోసం కంపెనీ ప్రైమ్‌బుక్ 2 ప్రో (Primebook 2 Pro), ప్రైమ్‌బుక్ 2 మ్యాక్స్ (Primebook 2 Max) మోడల్స్‌ను తెచ్చింది.

• Primebook 2 Pro: ఫ్లిప్‌కార్ట్ సేల్‌లో దీని ధర రూ. 26,990 గా ఉంది. రూ. 2,000 తగ్గింపు కూడా. ఇందులో MediaTek Helio G99 ప్రాసెసర్, 8జీబీ ర్యామ్ ఉంటాయి.

• Primebook 2 Max: ఈ మోడల్ 128GB వేరియంట్ రూ. 27,990 కి (రూ. 3,000 తగ్గింపుతో) లభిస్తుంది. అమెజాన్, ఫ్లిప్‌కార్ట్ రెండింటిలోనూ ఇది ఒకే ధరకు దొరుకుతుంది. ఇందులో 15.6 ఇంచుల ఫుల్ హెచ్ డీ ఐపీఎస్ డిస్‌ప్లే, 8 జీబీ ర్యామ్, 128 జీబీ స్టోరేజ్ ఉన్నాయి. దీనిలోని 60.3Wh బ్యాటరీ ఏకంగా 12 గంటల బ్యాటరీ లైఫ్ ఇస్తుందని కంపెనీ ప్రకటించింది.

ఈ రెండు మోడళ్లలో ఫుల్ హెచ్ డీ డిస్‌ప్లే, బ్యాక్‌లిట్ కీబోర్డ్, 1440p వెబ్‌క్యామ్ వంటి హై-ఎండ్ ఫీచర్లు ఉన్నాయి. ఆన్‌లైన్ క్లాసులు, ఆఫీస్ వర్క్, బ్రౌజింగ్ చేసే వారికి ఇవి చాలా హెల్ప్‌ఫుల్ గా ఉంటాయి.

కొత్త జనరేషన్ హార్డ్‌వేర్, ఏఐ ఫీచర్లు కోరుకునే వారి కోసం కంపెనీ 'ప్రైమ్‌బుక్ 3 మ్యాక్స్' (Primebook 3 Max) మోడల్‌ను పరిచయం చేసింది. సేల్‌లో దీని 128GB మోడల్ దాదాపు రూ. 33,490 నుండి రూ. 33,990 మధ్యలో లభిస్తుంది.

ఇది పాత మోడల్స్ కంటే డిఫరెంట్ ప్లాట్‌ఫామ్‌పై పనిచేస్తుంది. ఇందులో MediaTek Genio 720 ప్రాసెసర్, 8GB LPDDR5 RAM, 128GB UFS స్టోరేజ్ ఉన్నాయి. 8th Gen MediaTek NPU ద్వారా ఇది 9 TOPS వరకు ఏఐ కంప్యూటింగ్ సపోర్ట్ ఇస్తుంది. 5MP కెమెరా, వైఫై 6, బ్లూటూత్ 5.3 వంటి అడ్వాన్స్‌‌డ్ ఫీచర్లు ఉన్నాయి. దీని బరువు 1.59 కేజీలు కాగా, 60.3Wh బ్యాటరీతో 12 గంటల ప్లేబ్యాక్ ఇస్తుంది.

ఈ ల్యాప్‌టాప్‌ల ప్రత్యేకత ఏమిటంటే ఇవి రెగ్యులర్ విండోస్ ఆపరేటింగ్ సిస్టమ్‌పై నడవవు. ప్రైమ్‌బుక్ తన సొంత 'PrimeOS'ను ఉపయోగిస్తుంది. ప్రైమ్‌బుక్ 2 సిరీస్‌లోని PrimeOS 3.0 అనేది ఆండ్రాయిడ్ 15 ఆధారంగా రూపుదిద్దుకుంది. పెద్ద స్క్రీన్, కీబోర్డ్, ట్రాక్‌పాడ్ వాడకానికి అనుగుణంగా దీనిని డిజైన్ చేశారు.

దీనివల్ల మనం ఫోన్‌లో వాడే ఆండ్రాయిడ్ యాప్స్ అన్నీ డైరెక్ట్‌గా ల్యాప్‌టాప్‌లోనే రన్ అవుతాయి. సొంత యాప్ స్టోర్ ద్వారా 50,000 కి పైగా ఆండ్రాయిడ్ యాప్‌లను యాక్సెస్ చేయవచ్చు. ఒకవేళ విండోస్ సాఫ్ట్‌వేర్స్ వాడాలనుకుంటే 'Cloud PC' ఆప్షన్ కూడా ఉంది. క్లౌడ్ పిసి ద్వారా విండోస్, లైనక్స్ ఎన్విరాన్మెంట్‌ను ఉపయోగించవచ్చు. అయితే దీనికి విడిగా సబ్‌స్క్రిప్షన్ ఛార్జీలు, ఇంటర్నెట్ అవసరం పడతాయి.

ల్యాప్‌టాప్ కొనేముందు మీ అవసరాలు ఏంటో తెలుసుకోవడం చాలా ముఖ్యం. ఇది అందరికీ సెట్ అయ్యే సాధారణ విండోస్ ల్యాప్‌టాప్‌కు ప్రత్యామ్నాయం కాదు.

• ఎవరు కొనవచ్చు: ఆన్‌లైన్ క్లాసులు వినే విద్యార్థులు, డాక్యుమెంట్ వర్క్, యూట్యూబ్ లేదా ఓటీటీ వీడియోలు చూసేవారు, సాధారణ ఆఫీస్ పని, ఆండ్రాయిడ్ యాప్స్ వాడేవారికి ఇది బెస్ట్ ఆప్షన్.

• ఎవరు తీసుకోకూడదు: హెవీ విండోస్ సాఫ్ట్‌వేర్‌‌లు, ప్రోఫెషనల్ వీడియో ఎడిటింగ్, హెవీ గేమింగ్ లేదా కేవలం ఆండ్రాయిడ్‌‌లో లేని ప్రత్యేక యాప్‌లపై ఆధారపడేవారు ఈ ల్యాప్‌టాప్‌లకు దూరంగా ఉండటమే మంచిది.

పండగ సేల్‌లో తక్కువ బడ్జెట్‌లో ప్రాథమిక అవసరాల కోసం ల్యాప్‌టాప్ కావాలనుకుంటే ప్రైమ్‌బుక్ ఆఫర్లు మంచి ఎంపికగా నిలుస్తాయని చెప్పాలి.

Best 5G Smartphones Under Rs 10000: రూ. 10 వేల లోపే బెస్ట్ 5G స్మార్ట్‌ఫోన్.. అదిరిపోయే ఫీచర్లతో టాప్-5 మొబైల్స్ ఇవే

Mahesh Rajamoni — Mon, 19 Oct 2026 11:47:10 +0530

Best 5G Smartphones Under Rs 10000: తక్కువ ధరలో మంచి ఫీచర్లు ఉన్న స్మార్ట్‌ఫోన్‌ను కొనుగోలు చేయాలని చూస్తున్నారా? అయితే ఈ సమాచారం పూర్తిగా మీకోసమే. మార్కెట్లో రూ. 10,000 లోపు బడ్జెట్‌లో లభిస్తున్న టప్ 5జీ మొబైల్ ఫోన్ల వివరాలను ఇక్కడ చూద్దాం.

ప్రస్తుతం బడ్జెట్ ధరలోనే హై-స్పీడ్ ఇంటర్నెట్ అందించే 5G స్మార్ట్‌ఫోన్ల హవా నడుస్తోంది. రూ. 10,000 లోపు బడ్జెట్‌లో మంచి ప్రాసెసర్, పెద్ద బ్యాటరీ, డీసెంట్ కెమెరాతో కూడిన ఫోన్ తీసుకోవాలనుకునే వారికి మార్కెట్లో అద్భుతమైన ఆప్షన్లు అందుబాటులో ఉన్నాయి. ప్రస్తుతం తక్కువ ధరలో లభించే టాప్-5 బెస్ట్ 5G స్మార్ట్‌ఫోన్లు, వాటి ఫీచర్లు, ధరల వివరాలు మీకోసం.

• ధర: సుమారు రూ. 8,499 - రూ. 9,999 (ఆఫర్లతో కలిపి)
ముఖ్యమైన ఫీచర్లు:
డిస్‌ప్లే: 6.74-అంగుళాల HD+ డిస్‌ప్లే (90Hz రిఫ్రెష్ రేట్)
ప్రాసెసర్: మీడియా టెక్ డైమెన్సిటీ 6100+ 5G చిప్‌సెట్
కెమెరా: 50MP డ్యూయల్ ఏఐ రియర్ కెమెరా, 5MP ఫ్రంట్ కెమెరా
బ్యాటరీ: 5000mAh బ్యాటరీ
18 వాట్స్ ఛార్జింగ్ సపోర్ట్

ధర: సుమారు రూ. 8,999 నుండి ప్రారంభం
ముఖ్యమైన ఫీచర్లు:
డిస్‌ప్లే: 6.88-అంగుళాల బిగ్ హెచ్డీ ప్లస్ డిస్‌ప్లే 120Hz రిఫ్రెష్ రేట్ కలిగి ఉంది
ప్రాసెసర్: స్నాప్ డ్రాగన్ 4ఎస్ జెన్ 2 ప్రాసెసర్
కెమెరా: 50MP మెయిన్ కెమెరా, 5MP సెల్ఫీ కెమెరా
బ్యాటరీ: 5160mAh భారీ బ్యాటరీ
18 వాట్స్ ఫాస్ట్ ఛార్జింగ్ సపోర్టు

• ధర: సుమారు రూ. 9,299 - రూ. 9,999
ముఖ్యమైన ఫీచర్లు:
డిస్‌ప్లే: 6.5-అంగుళాల హెచ్ డీ ప్లస్ ఐపీఎస్ డిస్‌ప్లే, 90Hz రిఫ్రెష్ రేట్
ప్రాసెసర్: మీడియాటెక్ డైమెన్సిటీ 700 5G ఆక్టా-కోర్ ప్రాసెసర్
కెమెరా: 50MP ఏఐ ట్రైప్ డియర్ కెమెరా, 8MP ఫ్రంట్ కెమెరా
బ్యాటరీ: 5000mAh బ్యాటరీ, క్లీన్ ఆండ్రాయిడ్ ఎక్స్పీరియన్స్

ధర: సుమారు రూ. 9,999 (ఆఫర్లతో కలిపి)
ముఖ్యమైన ఫీచర్లు:
డిస్‌ప్లే: 6.6-అంగుళాల ఫుల్ హెచ్డీ ప్లస్ ఐపీఎస్ ఎల్సీడీ డిస్‌ప్లే 90Hz రిఫ్రెష్ రేట్
ప్రాసెసర్: ఎక్సినోస్ 1330 ఆక్టా-కోర్ 5G ప్రాసెసర్
కెమెరా: 50MP + 2MP + 2MP ట్రిపుల్ రియర్ కెమెరా, 13MP సెల్ఫీ కెమెరా
బ్యాటరీ: 6000mAh బిగ్ బ్యాటరీ

ధర: సుమారు రూ. 9,999
• ముఖ్యమైన ఫీచర్లు:
డిస్‌ప్లే: 6.67-అంగుళాల హెచ్డీ ప్లస్ డిస్‌ప్లే, 90Hz రిఫ్రెష్ రేట్
ప్రాసెసర్: మీడియాటెక్ డైమెన్సిటీ 6300 5G చిప్‌సెట్
కెమెరా: 50MP ఏఐ కెమెరా, 8MP ఫ్రంట్ కెమెరా
బ్యాటరీ: 5000mAh బ్యాటరీ

రూ.12 వేలకే 5G ఫోన్.. 50MP కెమెరా, 6000mAh బ్యాటరీ, 120Hz డిస్‌ప్లే.. ఫ్లిప్‌కార్ట్ ధమాకా డీల్

Mahesh Rajamoni — Mon, 12 Oct 2026 10:01:33 +0530

AI Plus Nova 2 5G: ఫ్లిప్‌కార్ట్ బిగ్ బిలియన్ డేస్ లో క్రేజీ డీల్స్ అందుబాటులో ఉన్నాయి. కేవలం రూ.12 వేల బడ్జెట్‌లో 50MP కెమెరా, 120Hz డిస్‌ప్లే, 6000mAh బ్యాటరీతో AI+ Nova 2 5G ఫ్లిప్‌కార్ట్ సేల్ లోకి వచ్చింది. ఈ ఫోన్ ఫూర్తి వివరాలు ఇక్కడ చూద్దాం.

ప్రస్తుతం ఈ-కామర్స్ దిగ్గజం ఫ్లిప్‌కార్ట్‌లో సేల్స్ హంగామా నడుస్తోంది. రోజూ రకరకాల ఆఫర్లు, డిస్కౌంట్లతో పండగ వాతావరణం కనిపిస్తోంది. అయితే, ఈ సేల్‌లో అందరి దృష్టినీ ఆకర్షిస్తున్న ఒక క్రేజీ డీల్ గురించి ఇప్పుడు తెలుసుకుందాం. తక్కువ బడ్జెట్‌లో సూపర్ 5G స్మార్ట్‌ఫోన్ కొనాలనుకునే వారి కోసం AI+ బ్రాండ్ తన కొత్త మోడల్ "AI+ Nova 2 5G" ను మార్కెట్లోకి తెచ్చింది.

సాధారణ రోజుల్లో రూ. 13,999 గా ఉన్న ఈ ఫోన్ ధర, సేల్‌లో బ్యాంక్ ఆఫర్లతో కలిపి కేవలం రూ. 11,999 కే లభిస్తోంది. రూ. 12 వేల లోపే 5G నెట్‌వర్క్, హై-స్పీడ్ ఇంటర్నెట్ వాడుకునే ఛాన్స్ లభించడంతో టెక్ లవర్స్ ఈ ఫోన్ వైపే ఎక్కువ ఆసక్తి చూపిస్తున్నారు.

ఈ స్మార్ట్‌ఫోన్‌లో మెయిన్ హైలైట్ దీని కెమెరా సెటప్ అని చెప్పవచ్చు. వెనుక వైపు 50MP ప్రైమరీ కెమెరాను అందించారు. దీని ద్వారా ప్రతీ రోజూ తీసే ఫోటోలు, వీడియోలు చాలా స్పష్టంగా, మంచి డిటైలింగ్‌తో వస్తాయి. ఫ్రెండ్స్‌తో సరదాగా గడిపే క్షణాలను, నేచర్ వ్యూస్‌ను క్యాప్చర్ చేయడానికి ఇది బాగా ఉపయోగపడుతుంది.

ఇక సెల్ఫీలు, వీడియో కాల్స్ మాట్లాడటానికి వీలుగా ఫ్రంట్ సైడ్ 8MP కెమెరాను ఇచ్చారు. రీల్స్ చేసేవారికి, సోషల్ మీడియాలో రెగ్యులర్‌గా ఫోటోలు పోస్ట్ చేసేవారికి ఈ కెమెరా సెటప్ చక్కగా సరిపోతుంది.

ఫోన్ స్క్రీన్ విషయంలో AI+ కంపెనీ ఎలాంటి కాంప్రమైజ్ కాలేదు. ఇందులో 6.745 అంగుళాల పెద్ద HD+ V-నాచ్ డిస్‌ప్లేను ఇచ్చారు. 720 x 1600 పిక్సెల్స్ రెజల్యూషన్‌తో వచ్చే ఈ స్క్రీన్‌లో మూవీస్, యూట్యూబ్ వీడియోలు చూడటం చాలా కలర్‌ఫుల్‌గా ఉంటుంది.

ముఖ్యంగా ఇందులో 120Hz రిఫ్రెష్ రేట్ సపోర్ట్ ఉండటం పెద్ద ప్లస్ పాయింట్. దీనివల్ల గేమ్స్ ఆడుతున్నప్పుడు లేదా సోషల్ మీడియా యాప్స్ స్క్రోల్ చేస్తున్నప్పుడు స్క్రీన్ ఎంతో స్మూత్‌గా, ఫాస్ట్‌గా పనిచేస్తుంది. ఈ ప్రైస్ రేంజ్‌లో 120Hz డిస్‌ప్లే రావడం నిజంగా గ్రేట్ అని చెప్పవచ్చు.

ఫోన్ పెర్ఫార్మెన్స్ విషయంలో ఇబ్బంది లేకుండా యూనిసాక్ T8200 ఆక్టా కోర్ ప్రాసెసర్‌ను ఉపయోగించారు. ఇది 2.3 GHz క్లాక్ స్పీడ్‌తో రన్ అవుతుంది. డైలీ టాస్క్స్ అయిన ఇన్స్టాగ్రామ్, వాట్సాప్ వాడటం, వీడియోలు చూడటం, నార్మల్ గేమింగ్ వంటి వాటిని ఈ ఫోన్ ఈజీగా హ్యాండిల్ చేయగలదు.

ఈ ఫోన్ ఆండ్రాయిడ్ 16 ఆపరేటింగ్ సిస్టమ్‌పై పనిచేస్తుంది. ఇక మొబైల్ వేరియంట్ల విషయానికి వస్తే 4GB RAM / 6GB RAM ఆప్షన్లు, 64GB / 128GB ఇన్బిల్ట్ స్టోరేజ్ ఆప్షన్లు అందుబాటులో ఉన్నాయి. మైక్రో ఎస్డీ కార్డ్ ద్వారా స్టోరేజ్‌ను ఏకంగా 1TB వరకు పెంచుకునే సదుపాయం కూడా ఇందులో ఉంది.

ఈ ఫోన్‌ను మరింత స్పెషల్‌గా మార్చేది దీని భారీ బ్యాటరీ. ఇందులో 6000mAh లిథియం పాలిమర్ బ్యాటరీని అమర్చారు. ఒక్కసారి ఛార్జ్ చేస్తే రోజంతా హ్యాపీగా వాడేయవచ్చు. బాక్స్‌లో 10W ఛార్జర్, టైప్-C డేటా కేబుల్ ఇస్తున్నారు. ప్రొటెక్షన్ కోసం TPU కేస్, స్క్రీన్ ప్రొటెక్టర్ ఫిల్మ్ కూడా ఇన్‌బాక్స్‌లోనే వస్తాయి.

వాటర్, డస్ట్ రెసిస్టెన్స్ కోసం IP64 రేటింగ్‌తో వస్తోంది. పింక్, గ్రీన్, పర్పల్, బ్లూ, బ్లాక్ వంటి కలర్లలో ఇది లభిస్తుంది. సైడ్ ఫింగర్‌ప్రింట్ సెన్సార్, డ్యూయల్ సిమ్, 3.5mm ఆడియో జాక్, బ్లూటూత్ v5.0 వంటి అన్ని రకాల కనెక్టివిటీ ఫీచర్లు ఇందులో ఉన్నాయి. తక్కువ ధరలో ఎక్కువ ఫీచర్లు ఉన్న 5G ఫోన్ కావాలనుకునే వారికి AI+ Nova 2 5G ఒక బెస్ట్ ఆప్షన్.

Best Laptop Deals: రూ. 30 వేల నుంచి రూ. 50 వేల బడ్జెట్‌లో టాప్ 5 ల్యాప్‌టాప్ డీల్స్.. SBI కార్డ్‌పై భారీ ఆఫర్లు

Mahesh Rajamoni — Thu, 08 Oct 2026 14:03:47 +0530

Best Laptop Deals: అమెజాన్ లో ఫెస్టివ్ సేల్ 2026 లో భాగంగా కళ్లుచెదిరే ఆఫర్లు అందుబాటులోకి వచ్చాయి. రూ. 30వేల నుంచి రూ. 50వేల బడ్జెట్‌లో బెస్ట్ ల్యాప్‌టాప్స్ పై అమేజింగ్ డీల్స్ ఉన్నాయి.

ప్రస్తుత రోజుల్లో స్టూడెంట్స్ చదువుకోవాలన్నా, ఆఫీస్ వర్క్ చేసుకోవాలన్నా ప్రొఫెషనల్స్ కు ఒక మంచి ల్యాప్‌టాప్ చాలా అవసరం. కొత్త ల్యాప్‌టాప్ కొనాలని ప్లాన్ చేస్తున్నారా? మీ బడ్జెట్ రూ. 30,000 నుంచి రూ. 50,000 మధ్యలో ఉందా? అయితే మీకోసం మార్కెట్‌లో అందుబాటులో ఉన్న అత్యుత్తమ ల్యాప్‌టాప్ డీల్స్ ఇక్కడ ఉన్నాయి.

ఏసర్, ఆసస్, లెనోవో వంటి ప్రముఖ బ్రాండ్ల ల్యాప్‌టాప్‌లపై ప్రత్యేక ఆఫర్లు, బ్యాంక్ డిస్కౌంట్లు అందుబాటులో ఉన్నాయి. ఎస్‌బీఐ క్రెడిట్ కార్డ్, కూపన్ డిస్కౌంట్లను ఉపయోగించి ఈ మోడళ్లను అత్యంత తక్కువ ధరకు సొంతం చేసుకోవచ్చు. ఆ వివరాలు మీకోసం..

ఏసర్ బ్రాండ్ నుంచి వస్తున్న ఈ 'Acer Smartchoice Aspire One' ల్యాప్‌టాప్ రోజువారీ పనులు, ఆఫీస్ వర్క్, స్టడీస్ కోసం సరైన ఎంపిక. ఇందులో ఎఎండీ రైజన్ 5-40 ప్రాసెసర్‌ను అందించారు. దాంతో పాటు 8జీబీ ఎల్పీడీడీఆర్ 5 ర్యామ్, 512జీబీ ఎస్ఎస్డీ స్టోరేజ్ అందుబాటులో ఉంటుంది. ఇది ఫాస్ట్ పెర్ఫార్మెన్స్‌ను అందిస్తుంది. ఈ ల్యాప్‌టాప్ అసలు ధర కంటే తక్కువగా, కూపన్ డిస్కౌంట్, ఎస్బీఐ క్రెడిట్ కార్డ్ ఈఎంఐ ఆఫర్ ఉపయోగించడం ద్వారా కేవలం రూ. 34,990 ఎఫెక్టివ్ ధరకు లభిస్తోంది.

మీకు ల్యాప్‌టాప్‌తో పాటు మైక్రోసాఫ్ట్ ఆఫీస్ సాఫ్ట్‌వేర్ కూడా ముందే ఇన్‌స్టాల్ అయి కావాలనుకుంటే ఇది మీకు బెస్ట్ ఆప్షన్. 'Acer Smartchoice Aspire One' వేరియంట్‌లో AMD Ryzen 5-40 ప్రాసెసర్, 8GB LPDDR5 RAM, 512GB SSD స్టోరేజ్‌తో పాటు ఆఫీస్ 2024 కూడా లభిస్తుంది. ఆఫీస్ వర్క్ చేసేవారికి, స్టూడెంట్స్‌కు ఇది చాలా ఉపయోగపడుతుంది. కూపన్ డిస్కౌంట్, ఎస్బీఐ క్రెడిట్ కార్డ్ ఈఎంఐ ఉపయోగించి ఈ మోడల్‌ను రూ. 37,990 ఎఫెక్టివ్ ధరకు కొనుగోలు చేయవచ్చు.

ఆసస్ బ్రాండ్ నుంచి వస్తున్న సరికొత్త మోడల్ 'ASUS Vivobook 15 (2026)'. ఈ ల్యాప్‌టాప్‌లో Intel Core 3 304 ప్రాసెసర్‌ను ఉపయోగించారు. ఇందులో 8GB RAM, 512GB SSD స్టోరేజ్ సపోర్ట్ ఉంటుంది. ల్యాప్‌టాప్ స్క్రీన్ పరిమాణం, డిజైన్, డిస్‌ప్లే క్వాలిటీ చాలా బాగుంటాయి. ఈ ల్యాప్‌టాప్ కొనుగోలుపై ఎస్‌బీఐ క్రెడిట్ కార్డ్ ఉపయోగించడం ద్వారా ఏకంగా రూ. 9,350 ఇన్‌స్టంట్ డిస్కౌంట్ లభిస్తుంది. అన్ని డిస్కౌంట్లు పోను దీని ఎఫెక్టివ్ ధర రూ. 41,140 మాత్రమే.

కొంచెం మెరుగైన ప్రాసెసింగ్ స్పీడ్ కావాలనుకునే వారి కోసం 'ASUS Vivobook 15 (2026)' Core 3 100U (i3 14th Gen) మోడల్ అందుబాటులో ఉంది. ఈ ల్యాప్‌టాప్‌లో 8GB RAM, 512GB SSD స్టోరేజ్ అందించారు. లేటెస్ట్ జనరేషన్ ప్రాసెసర్ కావడంతో మల్టీటాస్కింగ్, స్పీడ్ పెర్ఫార్మెన్స్ చాలా బాగుంటుంది. ఎస్‌బీఐ క్రెడిట్ కార్డ్ ఇఎమ్‌ఐ ద్వారా రూ. 9,000 ఇన్‌స్టంట్ డిస్కౌంట్ లభిస్తుంది. దీంతో ఈ ల్యాప్‌టాప్‌ను రూ. 43,990 ఎఫెక్టివ్ ధరకు సొంతం చేసుకోవచ్చు.

మీ బడ్జెట్ రూ. 30,000 దగ్గరలోనే ఉంటే 'Acer Aspire One Smartchoice' మోడల్ చాలా మంచి ఛాయిస్. ఇందులో AMD Ryzen 3-7320U ప్రాసెసర్ ఉంది. దీనికి తోడు 8GB LPDDR5 RAM, 256GB SSD స్టోరేజ్ అందించారు. తక్కువ బడ్జెట్‌లో ఫాస్ట్ ర్యామ్, ప్రాసెసర్ పొందాలనుకునే వారికి ఇది పర్ఫెక్ట్. ఈ ల్యాప్‌టాప్‌పై రూ. 3,000 ఆఫ్‌ కూపన్‌ వర్తిస్తుంది. దాంతో పాటు ఎస్బీఐ క్రెడిట్ కార్డ్‌పై రూ. 3,750 ఇన్‌స్టంట్ డిస్కౌంట్ లభిస్తుంది. ఈ రెండు ఆఫర్లు కలిపి ఉపయోగిస్తే ఈ ల్యాప్‌టాప్ రూ. 30,740 ఎఫెక్టివ్ ధరకు లభిస్తుంది.

JioBharat: యూపీఐ పేమెంట్స్‌, లైవ్ టీవీ.. రూ. 299కే జియో ఫోన్‌, ఎలాగంటే

Narender Vaitla — Thu, 01 Oct 2026 11:23:21 +0530

JioBharat: టెలికం ఇండ‌స్ట్రీలో సంచ‌ల‌నాలు సృష్టిస్తున్న రిల‌య‌న్స్ జియో మ‌రో సంచ‌ల‌నంతో యూజ‌ర్ల‌ను ఆక‌ట్టుకుంటోంది. టెలికం రంగంలోకి ప్ర‌వేశించి 10 ఏళ్లు పూర్తయిన సంద‌ర్భంగా జియో భార‌త్ పేరుతో కొత్త ఫోన్‌ను లాంచ్ చేసింది.

ఫీచర్ ఫోన్ వినియోగదారులకు రిలయన్స్ జియో ప్రత్యేక ఆఫర్ ప్రకటించింది. జియో టెలికాం రంగంలోకి ప్రవేశించి 10 ఏళ్లు పూర్తయిన సందర్భంగా ఈ ఆఫర్‌ను తీసుకొచ్చింది. ఇందులో భాగంగా జియో భారత్ 4G ఫోన్‌ను రూ.1,499కు కొనుగోలు చేస్తే.. ఆరు నెలల పాటు ఉచిత రీఛార్జ్ ప్రయోజనాలు పొందవచ్చు. సాధారణంగా ఈ కాలానికి అయ్యే రీఛార్జ్ ఖర్చు రూ.1,200 వరకు ఉంటుంది. ఆ మొత్తాన్ని ప్రయోజనంగా పరిగణిస్తే ఫోన్ అసలు ధర రూ.299కే వచ్చినట్లవుతుంది అన్న‌మాట‌.

ఈ ఆఫర్‌లో భాగంగా వినియోగదారులకు ఆరు నెలల పాటు ప్రతినెలా 14GB డేటా లభిస్తుంది. దీంతో మొత్తం 84GB డేటాను వినియోగించుకోవచ్చు. అలాగే అన్‌లిమిటెడ్ వాయిస్ కాల్స్ చేసుకునే అవకాశం ఉంటుంది. సాధారణంగా ఈ ప్రయోజనాల కోసం నెలవారీ రీఛార్జ్ చేయాల్సి ఉంటుంది. అయితే ఆరు నెలల కాలానికి సంబంధించిన ప్రయోజనాలను ముందుగానే అందించడం వల్ల ఫోన్ కొనుగోలు చేసిన తర్వాత కొంతకాలం రీఛార్జ్ ఖర్చు ఉండదు.

జియో భారత్ ఫోన్ కేవలం కాల్స్, మెసేజ్‌లకే పరిమితం కాదు. ఇందులో వినోదం కోసం పలు జియో సేవలను ఉపయోగించుకోవచ్చు. జియోటీవీ ద్వారా 500కు పైగా టీవీ ఛానెళ్లను చూడొచ్చు. జియోహాట్‌స్టార్‌లో లైవ్ క్రికెట్, సినిమాలు, ఇతర కంటెంట్‌ను యాక్సెస్ చేసే సదుపాయం ఉంది. జియో మ్యూజిక్ ద్వారా పాటలు వినవచ్చు. ఫీచర్ ఫోన్‌లోనే ఎఫ్‌ఎం రేడియో, ఫ్లాష్‌లైట్ వంటి సాధారణంగా ఉపయోగపడే సౌకర్యాలు కూడా ఉన్నాయి.

స్మార్ట్‌ఫోన్ లేకపోయినా డిజిటల్ చెల్లింపులు చేయాలనుకునే వారికి జియో భారత్ సిరీస్‌లోని ఫోన్లు ఉపయోగపడేలా రూపొందించారు. జియోపే ద్వారా UPI చెల్లింపులు చేసుకునే అవకాశం ఉంటుంది. జియో 4G నెట్‌వర్క్ ద్వారా HD వాయిస్ కాలింగ్ సదుపాయం లభిస్తుంది. జియో భారత్ సిరీస్‌లో A1, B1, B2, B3 వంటి పలు మోడళ్లు అందుబాటులో ఉన్నాయి. ఫీచర్ ఫోన్‌లోనే డిజిటల్ సేవలు, వినోద సదుపాయాలను అందించడమే ఈ సిరీస్ ప్రత్యేకత.

జియో భారత్ 4G ఫోన్‌లో 2.4 అంగుళాల డిస్‌ప్లే ఉంటుంది. 2,000mAh బ్యాటరీతో వస్తుంది. 4G కనెక్టివిటీ, HD వాయిస్ కాలింగ్ వంటి సదుపాయాలు ఉన్నాయి. అదనంగా జియో సేఫ్టీ షీల్డ్ ద్వారా సేఫ్ కాలింగ్, లొకేషన్ మానిటరింగ్ వంటి ఫీచర్లు అందుబాటులో ఉంటాయి. కీప్యాడ్ ఫోన్‌ను ఇష్టపడేవారికి తక్కువ ధరలో 4G కనెక్టివిటీతో పాటు కాల్స్, డేటా, వినోదం, UPI వంటి సౌకర్యాలను ఒకే పరికరంలో అందించేలా ఈ ఫోన్‌ను తీసుకొచ్చారు.

ఈ వాచ్ మీ పిల్ల‌ల‌పై ఎప్పుడూ ఓ క‌న్నేసి ఉంచుతుంది.. జీపీఎస్ ట్రాకింగ్‌తోపాటు ఎన్నో ఫీచ‌ర్లు

Narender Vaitla — Sun, 04 Oct 2026 21:59:49 +0530

Smartwatch: చిన్న పిల్ల‌లు ఇంటి నుంచి బ‌య‌ట‌కు వెళ్లారంటే, ఇంటికి తిరిగి వ‌చ్చే వ‌ర‌కు భ‌య‌ప‌డాల్సిన ప‌రిస్థితి ఉంటుంది. అయితే మీ చిన్నారుల‌ను ఎప్పుడూ ఓ కంట క‌నిపెట్టే స్మార్ట్ వాచ్ ఉంటే భ‌లే ఉంటుంది క‌దూ! అలాంటి ఓ వాచ్ గురించి ఇప్పుడు తెలుసుకుందాం.

బోట్ సేయిల‌ర్ నావ్ కిడ్స్ స్మార్ట్ వాచ్ పేరుతో అమెజాన్‌లో అందుబాటులో ఉన్న ఈ స్మార్ట్‌వాచ్ అస‌లు ధ‌ర రూ. 7,999కాగా 25 శాతం డిస్కౌంట్‌తో రూ. 5999కి ల‌భిస్తోంది. ఈ వాచ్ పిల్లలు ఎక్కడ ఉన్నారో తల్లిదండ్రులు తెలుసుకునేందుకు ఉపయోగపడుతుంది. ఇందులో 5 రకాల పొజిషనింగ్ టెక్నాలజీతో GPS ట్రాకింగ్ సదుపాయం ఉంది. boAt Sailor యాప్ ద్వారా పిల్లల ప్రస్తుత లొకేషన్, చివరిగా నమోదైన లొకేషన్, వాచ్ బ్యాటరీ స్థాయి, లొకేషన్ ఎప్పుడు అప్‌డేట్ అయిందనే వివరాలను చూడవచ్చు. అలాగే గూగుల్ మ్యాప్స్ ఆధారంగా లొకేషన్‌ను గుర్తించవచ్చు. స్కూల్, ట్యూషన్ సెంటర్, ఇంటి పరిసరాలు వంటి ప్రాంతాలను సేఫ్ జోన్‌గా సెట్ చేసుకోవచ్చు. పిల్లలు ఆ ప్రాంతంలోకి వెళ్లినప్పుడు లేదా బయటకు వచ్చినప్పుడు తల్లిదండ్రులకు అలర్ట్ వచ్చేలా జియో ఫెన్సింగ్ సదుపాయం పనిచేస్తుంది.

ఈ స్మార్ట్‌వాచ్‌లో 4G SIM సపోర్ట్ ఉండటంతో పిల్లలతో నేరుగా వాయిస్ కాల్ చేయవచ్చు. అంతేకాదు, వాచ్‌లోని కెమెరా ద్వారా వీడియో, ఆడియో కాల్ కూడా మాట్లాడుకోవచ్చు. పిల్లలు కుటుంబ సభ్యులు, నమ్మకమైన వ్యక్తులతో మాత్రమే మాట్లాడేలా తల్లిదండ్రులు యాప్‌లో ట్ర‌స్ట్‌డ్ కాంటాక్ట్స్‌ను ముందుగానే సెట్ చేసుకోవచ్చు. అత్యవసర పరిస్థితుల్లో ఉపయోగపడేలా SOS ఫీచర్ కూడా ఉంది. వాచ్‌లోని పవర్ బటన్‌ను సుమారు 3 సెకన్లు నొక్కి ఉంచితే సేవ్ చేసిన ఎమర్జెన్సీ కాంటాక్టులకు కాల్ వెళ్లేలా ఏర్పాటు చేసుకోవచ్చు.

వాచ్‌లో 2MP కెమెరా ఉంటుంది. దీనితో పిల్లలు ఫొటోలు తీసుకోవచ్చు. తల్లిదండ్రులు కూడా Sailor యాప్ ద్వారా కెమెరాను రిమోట్‌గా యాక్టివేట్ చేసి ఫొటో తీసుకునే సదుపాయం ఉంది. తీసిన ఫొటోలు యాప్‌లో చూడవచ్చు.

పిల్లలు వాచ్‌ను ఎలా ఉపయోగించాలో తల్లిదండ్రులు నియంత్రించేందుకు ఇందులో పలు పేరెంట‌ల్ కంట్రోల్ ఫీచర్లు ఉన్నాయి. స్కూల్ సమయంలో డిస్ట్రాక్షన్ తగ్గించేందుకు క్లాస్ మోడ్ పెట్టుకోవచ్చు. అపరిచితుల కాల్స్‌ను నిరోధించడం, వీడియో చాట్‌ను ఆపివేయడం, డయల్ ప్యాడ్‌ను డిసేబుల్ చేయడం, వాచ్‌ను షట్‌డౌన్ చేయకుండా నిరోధించడం వంటి ఆప్షన్లు ఉన్నాయి. అలాగే పిల్లలు ఎక్కడెక్కడికి వెళ్లారో లోకేష‌న్ హిస్ట‌రీ ద్వారా తెలుసుకోవచ్చు.

ఈ వాచ్‌లో 1.44 అంగుళాల HD టచ్‌స్క్రీన్ ఉంది. పిల్లలు సులభంగా స్క్రీన్‌ను టచ్ చేసి కాల్స్ చేయడం, ఇతర ఫీచర్లను ఉపయోగించడం చేయవచ్చు. రోజంతా పిల్లలు ఎంత నడిచారో తెలుసుకునేందుకు స్టెప్ కౌంట‌ర్ కూడా ఉంది. అలాగే ఉదయం లేవడం, చదువుకునే సమయం వంటి వాటికి అలార‌మ్స్‌ సెట్ చేసుకోవచ్చు. వాచ్‌లోనే క్యాలిక్యులేట‌ర్‌, స్మార్ట్‌వాచ్ వంటి ఉపయోగకరమైన టూల్స్ ఉన్నాయి. వీటితో పాటు ఇంటర్నెట్ అవసరం లేకుండా ఆడుకునేందుకు కొన్ని కిడ్‌-ఫ్రెండ్లీ ఆఫ్‌లైన్ గేమ్స్ కూడా అందుబాటులో ఉన్నాయి.

మొత్తంగా చూస్తే, బోట్ సేయిల‌ర్ నావ్ కిడ్స్ స్మార్ట్‌వాచ్ సాధారణంగా సమయం చూసుకోవడానికి మాత్రమే కాకుండా పిల్లల లొకేషన్ ట్రాకింగ్, కాల్స్, వీడియో కాల్స్, SOS, Safe Zone Alerts, Parental Controls వంటి భద్రతా ఫీచర్లను అందిస్తుంది. ముఖ్యంగా స్కూల్ లేదా ట్యూషన్‌కు ఒంటరిగా వెళ్లే పిల్లల విషయంలో తల్లిదండ్రులకు లొకేషన్‌పై అవగాహన ఉండేందుకు ఇది ఉపయోగపడుతుంది. అదే సమయంలో క్లాస్ మోడ్‌, స్ట్రేంజ‌ర్ కాల్ ప్రొటెక్ష‌న్ వంటి ఫీచర్లతో పిల్లల వాడకాన్ని కూడా నియంత్రించవచ్చు.

Flipkart Big Billion Days: ధమాకా ఆఫర్.. రూ. 5,799 కే స్మార్ట్ టీవీ.. ఫ్లిప్‌కార్ట్ సేల్‌లో బంపర్ ఛాన్స్

Mahesh Rajamoni — Thu, 08 Oct 2026 14:43:18 +0530

Flipkart Big Billion Days: ఫ్లిప్‌కార్ట్ బిగ్ బిలియన్ డేస్ 2026 సేల్ లో ధమాకా ఆఫర్లు ఉన్నాయి. ఫెస్టివ్ సీజన్ కోసం కేవలం రూ. 5,799 ఆరంభ ధరతో కొత్త స్మార్ట్ టీవీలు అందుబాటులోకి తెచ్చింది. ఆ వివరాలు మీకోసం.

దసరా, దివాళీ పండుగల వేళ కొత్త స్మార్ట్ టీవీ కొందామని చూస్తున్న వారికి థామ్సన్ అదిరిపోయే వార్త చెప్పింది. ఫ్లిప్‌కార్ట్ బిగ్ బిలియన్ డేస్ సేల్ కంటే ముందే తన కొత్త స్మార్ట్ టీవీల రేంజ్‌ను భారత మార్కెట్‌లో గ్రాండ్‌గా లాంచ్ చేసింది. ప్రతి ఒక్కరి బడ్జెట్, అవసరాలకు తగ్గట్లుగా వేర్వేరు స్క్రీన్ సైజుల్లో ఈ టీవీలను అందుబాటులోకి తెచ్చింది. హెచ్డీ రెడీ, ఫుల్ హెచ్డీ, క్యూఎల్ఈడీ, మినీ క్యూరీ 4కే మోడల్స్ ఇందులో ఉన్నాయి. వీటి ప్రారంభ ధర కేవలం ₹5,799 మాత్రమే కావడం విశేషం. అమెజాన్, ఫ్లిప్ కార్ట్ ప్రస్తుత సేల్ లో అందుబాటులో ఉన్నాయి.

ఈ కొత్త రేంజ్‌లో అత్యంత ప్రత్యేకమైనది 55 ఇంచుల మినీ క్యూడీ 4కే టీవీ. దీని ధరను ₹32,999 గా నిర్ణయించారు. ఈ టీవీలో Mini-QD డిస్‌ప్లే టెక్నాలజీ ఉపయోగించారు. ఇది 1.1 బిలియన్ కలర్స్, 550 నిట్స్ బ్రైట్‌నెస్, HDR10+, డాల్బీ విజన్ సపోర్ట్‌తో వస్తుంది. గేమర్స్, స్పోర్ట్స్ ప్రేమికుల కోసం 120Hz HSR, వీఆర్ఆర్, ఏఎల్ఎల్ఎం ఫీచర్లు ఇచ్చారు.

సౌండ్ విషయానికొస్తే, ఇందులో 80W డాల్బీ ఆడియో స్టీరియో బాక్స్ స్పీకర్ సిస్టమ్ తో 4 స్పీకర్లు, డాల్బీ అట్మోస్ సపోర్ట్ ఉంది. గూగుల్ టీవీ ప్లాట్‌ఫామ్‌పై పనిచేసే ఈ టీవీ ఎయిర్‌స్లిమ్ డిజైన్‌తో భలే స్టైలిష్‌గా కనిపిస్తుంది.

ఇంటిని థియేటర్‌లా మార్చాలనుకునే వారి కోసం థామ్సన్ 65 ఇంచుల క్యూఎల్ఈడీ టీవీని కూడా పరిచయం చేసింది. ఇది ప్రత్యేకంగా జియోటెలీ ఓఎస్ పై నడుస్తుంది. 4కే క్యూఎల్ఈడీ డిస్‌ప్లే, 1.1 బిలియన్ రంగులు, 450 నిట్స్ బ్రైట్‌నెస్‌తో విజువల్స్ చాలా స్పష్టంగా ఉంటాయి. జియో టెలీ ఓఎస్ ద్వారా యూజర్లు 300 కన్నా ఎక్కువ ఉచిత లైవ్ టీవీ ఛానెళ్లు, 300 పైగా జియో గేమ్స్, ప్రధాన ఓటీటీ యాప్‌లను నేరుగా చూడవచ్చు. ఇందులో 48W డాల్బీ ఆడియో, స్పోర్ట్స్ మోడ్, డ్యూయల్-బ్యాండ్ వైఫై, బ్లూటూత్ 5.0 ఉన్నాయి. అలాగే, థామ్సన్ లో తక్కువ ధరలోనే గూగుల్ టీవీని కూడా తీసుకొచ్చింది.

థామ్సన్ తన ఆల్ఫా క్యూఎల్ఈడీ పోర్ట్‌ఫోలియోలో కొత్తగా 50 ఇంచుల మోడల్‌ను చేర్చింది. ఫుల్ హెచ్డీ క్యూఎల్ఈడీ ప్యానెల్, 400 నిట్స్ బ్రైట్‌నెస్‌తో వచ్చే ఈ టీవీ ధర ₹21,999. ఇది కూలిటా 3.0 ప్లాట్‌ఫామ్‌పై పనిచేస్తుంది. ఇందులో 40 వాట్స్ సరౌండ్ సౌండ్, మిరాకాస్ట్ వంటి ఫీచర్లు ఉన్నాయి. దీంతో పాటు లైవ్ ఛానెళ్లు, స్ట్రీమింగ్ యాప్‌లు సులభంగా యాక్సెస్ చేయవచ్చు.

కేవలం పెద్ద స్క్రీన్లే కాకుండా 40 ఇంచ్, 43 ఇంచ్ ఫుల్ హెచ్డీ, 32, 22 ఇంచెస్ హెచ్డీ స్మార్ట్ టీవీలను కూడా కంపెనీ తీసుకొచ్చింది. వీటిలో A+ గ్రేడ్ ప్యానెల్, 300 నిట్స్ బ్రైట్‌నెస్, 178 డిగ్రీల వ్యూయింగ్ యాంగిల్, 36 వాట్స్ స్టీరియో సౌండ్ లభిస్తాయి. పరికరాలు కనెక్ట్ చేయడానికి హెచ్డీఎంఐ, యూఎస్బీ, వీజీఏ, ఏవీ పోర్టులు ఉన్నాయి. రూ. 5,799 ప్రారంభ ధరతో లభించే ఈ టీవీలు తక్కువ బడ్జెట్ ఉన్నవారికి బెస్ట్ ఆప్షన్‌గా నిలుస్తాయి. ఇవన్నీ ఫ్లిప్‌కార్ట్ బిగ్ బిలియన్ డేస్ సేల్‌లో కొనుగోలుకు అందుబాటులో ఉంటాయి.

Samsung Galaxy F70 5G: అదిరిపోయే ఫీచర్లు.. తక్కువ ధరలోనే శాంసంగ్ కొత్త 5జీ ఫోన్

Mahesh Rajamoni — Mon, 19 Oct 2026 10:49:43 +0530

Samsung Galaxy F70 5G: శాంసంగ్ భారత మార్కెట్లోకి బడ్జెట్ ధరకు ప్రీమియం ఫీచర్లను అందిస్తూ సరికొత్త 'శాంసంగ్ గెలాక్సీ F70 5G' ఫోన్‌ను లాంచ్ చేసింది. గొరిల్లా గ్లాస్ విక్టస్ ప్రొటెక్షన్, ఫోటోగ్రఫీ కోసం 50MP OIS కెమెరా వంటి ఫీచర్లను అందిస్తోంది.

భారత స్మార్ట్‌ఫోన్ మార్కెట్లో మిడ్ రేంజ్ 5G ఫోన్లకు ఎప్పుడూ భలే డిమాండ్ ఉంటుంది. దీనిని దృష్టిలో ఉంచుకుని ప్రముఖ టెక్ దిగ్గజం శాంసంగ్ తమ ఎఫ్ సిరీస్‌లో మరో సరికొత్త స్మార్ట్‌ఫోన్‌ను భారత మార్కెట్లోకి తీసుకొచ్చింది. అదే ‘శాంసంగ్ గెలాక్సీ F70 5G’. రూ.20,000 కన్నా తక్కువ ధరల విభాగంలోనే కార్నింగ్ గొరిల్లా గ్లాస్ విక్టస్ ప్రొటెక్షన్, సూపర్ అమోలెడ్ డిస్‌ప్లే, ఆప్టికల్ ఇమేజ్ స్టెబిలైజేషన్ ఉన్న 50 ఎంపీ ప్రైమరీ కెమెరా వంటి ప్రీమియం ఫీచర్లను ఈ ఫోన్‌లో అందించడం విశేషం.

శాంసంగ్ గెలాక్సీ F70 5G భారతదేశంలో రెండు వేరియంట్లలో అందుబాటులోకి వచ్చింది. 4GB రామ్ + 128GB స్టోరేజ్ బేస్ వేరియంట్ సాధారణ ధర రూ. 19,999 కాగా, 6GB రామ్ + 128GB స్టోరేజ్ మోడల్ ధర రూ. 22,999 గా నిర్ణయించారు.

ఈ ఫోన్ ప్రముఖ ఈ-కామర్స్ ప్లాట్‌ఫామ్ ఫ్లిప్‌కార్ట్, శాంసంగ్ అధికారిక వెబ్‌సైట్ లో కొనుగోలు చేయవచ్చు. అక్టోబర్ 20న మధ్యాహ్నం 12 గంటల నుంచి వీటి విక్రయాలు ప్రారంభం కానున్నాయి. లాంచ్ ఆఫర్‌ కింద ఎంపిక చేసిన బ్యాంక్ కార్డుల ద్వారా రూ. 2,000 డిస్కౌంట్ పొందవచ్చు. దీంతో బేస్ వేరియంట్‌ను రూ. 17,999 కే సొంతం చేసుకోవచ్చు. ఈ స్మార్ట్‌ఫోన్ లైలాక్ బ్లిస్, బ్లిస్ బ్లాక్ అనే రెండు ఆకర్షణీయమైన రంగుల్లో లభిస్తుంది.

శాంసంగ్ గెలాక్సీ F70 5G ఫోన్ 6.7-అంగుళాల ఫుల్ హచ్ డీ ప్లస్ సూపర్ అమోలెడ్ ఇన్ఫినిటీ-యూ డిస్‌ప్లేతో వస్తుంది. ఇది 90Hz రిఫ్రెష్ రేట్‌కు సపోర్ట్ చేస్తుంది. సాధారణంగా రూ.20,000 లోపు ఉండే ఫోన్లలో గొరిల్లా గ్లాస్ విక్టస్ ప్రొటెక్షన్ చూడటం చాలా అరుదు, కానీ ఈ ఫోన్‌లో ఆ ప్రొటెక్షన్‌ను శాంసంగ్ అందించింది. ఇది స్క్రాచెస్, ఫోన్ కిందపడినా తట్టుకునేలా రక్షణ ఇస్తుంది.

ఈ స్మార్ట్‌ఫోన్ కేవలం 7.5 మిమీ మందంతో చాలా స్లిమ్‌గా ఉంటుంది. దీని బరువు దాదాపు 192 గ్రాములు. దుమ్ము, ధూళి, నీటి చినుకుల నుండి రక్షణ కోసం ఇది ఐపీ54 రేటింగ్‌ను కూడా కలిగి ఉంది.

ఈ ఫోన్ లో శాంసంగ్ సొంత 5nm ప్రాసెస్ ఆధారిత ఆక్టా-కోర్ ‘ఎక్సినోస్ 1330’ చిప్‌సెట్‌ను ఉపయోగించారు. ఇది గరిష్ఠంగా 2.4GHz క్లాక్ స్పీడ్‌ను అందిస్తుంది. స్టోరేజ్ పెంచుకోవడానికి మైక్రో ఎస్డీ కార్డ్ స్లాట్ కూడా ఉంది, దీని ద్వారా 2టీబీ వరకు స్టోరేజ్‌ను పెంచుకోవచ్చు.

సాఫ్ట్‌వేర్ విషయానికి వస్తే, ఈ ఫోన్ ఆండ్రాయిడ్ 15 ఆధారిత One UI 7 పై పనిచేస్తుంది. ఈ విభాగాంలో మరే ఇతర బ్రాండ్ ఇవ్వని విధంగా, శాంసంగ్ ఈ ఫోన్‌కు 4 ఏళ్ల పాటు ఆండ్రాయిడ్ ఓఎస్ అప్‌గ్రేడ్‌లు, 5 ఏళ్ల పాటు సెక్యూరిటీ అప్‌డేట్‌లను అందిస్తామని హామీ ఇచ్చింది. దీనితో పాటు శాంసంగ్ నాక్స్, శాంసంగ్ వాలెట్, సర్కిల్ టు సెర్చ్ వంటి ఫీచర్లు కూడా ఉన్నాయి.

ఫోటోగ్రఫీ కోసం గెలాక్సీ F70 5G లో వెనుక వైపు త్రిపుల్ కెమెరా సెటప్ ఇచ్చారు. ఇందులో OIS సపోర్ట్ ఉన్న 50MP ప్రధాన కెమెరా, 5MP ఆల్ట్రా-వైడ్ లెన్స్, 2MP మ్యాక్రో కెమెరా ఉన్నాయి. ఈ బడ్జెట్‌లో ఆప్టికల్ ఇమేజ్ స్టెబిలైజేషన్ ఉండటం వల్ల బ్లర్ లేని స్పష్టమైన ఫోటోలు, వీడియోలు తీయవచ్చు. ఇక సెల్ఫీలు, వీడియో కాల్స్ కోసం ముందు భాగంలో 13MP కెమెరా అందించారు.

ఈ స్మార్ట్‌ఫోన్‌లో 5,000mAh పెద్ద బ్యాటరీ ఉంది. ఇది 25W వైర్డ్ ఫాస్ట్ ఛార్జింగ్‌కు సపోర్ట్ చేస్తుంది.

శాంసంగ్ F-సిరీస్‌లో F70e 5G రూ. 18,499 నుండి ప్రారంభ ధరలో మార్కట్ లోకి వచ్చింది. అలాగే, F70 Pro 5G రూ. 37,999 నుండి ప్రారంభ ధరలో శాంసంగ్ విడుదల చేసింది. ఇప్పుడు ఈ మోడళ్ల మధ్యలో F70 5G చేరుతుంది. బ్రాండ్, మంచి డిస్‌ప్లే, కెమెరా ఫీచర్లు కావాలనుకునే వారికి ఇది బెస్ట్ ఛాయిస్.

మార్కెట్‌లో దీనికి నేరుగా 'వన్ ప్లస్ N6x' సవాలు విసురుతోంది. వన్ ప్లస్ N6x లో 7,000mAh పెద్ద బ్యాటరీ, 120Hz HD+ LCD డిస్‌ప్లే ఉన్నప్పటికీ, శాంసంగ్ F70 5G మెరుగైన Full HD+ AMOLED డిస్‌ప్లే, OIS కెమెరా, గొరిల్లా గ్లాస్ విక్టస్ ప్రొటెక్షన్, ఎక్కువ కాలం వచ్చే సాఫ్ట్‌వేర్ అప్‌డేట్‌లతో ముందంజలో నిలుస్తుంది.

Flipkart Sale ASUS Laptops: అస్సలు మిస్ కావద్దు.. ఫ్లిప్‌కార్ట్ సేల్‌లో ఆసుస్ ల్యాప్‌టాప్‌లపై రూ. 21 వేల డిస్కౌంట్

Mahesh Rajamoni — Thu, 15 Oct 2026 10:10:54 +0530

Flipkart Sale ASUS Laptops: ఫ్లిప్‌కార్ట్ బిగ్ బిలియన్ డేస్ సేల్‌లో ఆసుస్ ల్యాప్‌టాప్‌లపై భారీ డిస్కౌంట్స్ అందుబాటులో ఉన్నాయి. ఎక్స్‌పర్ట్‌బుక్ సిరీస్‌పై రూ. 21,000 వరకు తగ్గింపుతో పాటు ధరలు రూ. 49,990 నుంచి ప్రారంభమవుతున్నాయి. ఆ వివరాలు మీకోసం.

ఫెస్టివల్ సీజన్‌లో కొత్త ల్యాప్‌టాప్ కొనాలనుకునే వారికి ఇది గుడ్ న్యూస్. ప్రముఖ టెక్ కంపెనీ ఆసుస్ తన ఎక్స్‌పర్ట్‌బుక్ సిరీస్ ల్యాప్‌టాప్‌లపై అదిరిపోయే ఆఫర్లను ప్రకటించింది. ఫ్లిప్‌కార్ట్ బిగ్ బిలియన్ డేస్ సేల్ 2026 సందర్భంగా ఈ బంపర్ ఆఫర్లు అందుబాటులోకి వచ్చాయి.

ఈ సేల్‌లో కస్టమర్లు కొన్ని ప్రత్యేక ల్యాప్‌టాప్‌లపై రూ. 21,000 వరకు భారీ డిస్కౌంట్ పొందవచ్చు. అంతేకాదు, బ్యాంక్ ఆఫర్లు, నో కాస్ట్ ఈఎంఐ, పాత ల్యాప్‌టాప్ ఎక్స్ఛేంజ్ బెనిఫిట్స్ కూడా సపరేట్‌గా దక్కుతాయి. ఆసుస్ ఎక్స్‌పర్ట్‌బుక్ ల్యాప్‌టాప్‌ల ప్రారంభ ధర కేవలం రూ. 49,990 మాత్రమే.

ఆసుస్ ప్రకటించిన ఈ లేటెస్ట్ ఆఫర్లలో ఆసుస్ ఎక్స్‌పర్ట్‌బుక్ పీ1, పీ3, పీ5 అలాగే ఎక్స్‌పర్ట్‌బుక్ అల్ట్రా సిరీస్ మోడల్స్ ఉన్నాయి. ఆఫీస్ పనులు, బిజినెస్ వర్క్స్, ఆన్‌లైన్ మీటింగ్స్, డైలీ ప్రొఫెషనల్ యూజ్ కోసం వీటిని పర్ఫెక్ట్‌గా డిజైన్ చేశారు. ఎవరి బడ్జెట్, ఏ అవసరానికి తగినట్లుగా వారికి నచ్చేలా వేర్వేరు కాన్ఫిగరేషన్ ఆప్షన్లు ఇందులో ఉన్నాయి. ఫ్లిప్‌కార్ట్ సేల్‌లో ఈ ల్యాప్‌టాప్ రేంజ్ రూ. 49,990 బేస్ మోడల్ నుంచి మొదలై రూ. 3,49,990 ప్రీమియం ల్యాప్‌టాప్ వరకు ఉన్నాయి.

అతి తక్కువ ధర ఉన్న ఆప్షన్‌గా ఎక్స్‌పర్ట్‌బుక్ పీ1 14 అంగుళాల మోడల్ నిలుస్తోంది. ఇందులో ఇంటెల్ కోర్ 3-100యూ ప్రాసెసర్, 8జీబీ ర్యామ్, 512జీబీ ఎస్ఎస్‌డీ లభిస్తాయి. దీని ధర రూ. 49,990గా ఉంది. ఇదే సిరీస్‌లో 16జీబీ ర్యామ్ మోడల్ రూ. 61,990కి, కోర్ 5-210హెచ్ ప్రాసెసర్, 16జీబీ ర్యామ్ వేరియంట్ రూ. 67,990గా ఉన్నాయి. 32జీబీ ర్యామ్ ఉన్న సెలెక్టెడ్ పీ1 మోడల్ ధర రూ. 71,990గా ఉంది. 15.6 అంగుళాల స్క్రీన్ ఉన్న పీ1 కూడా రూ. 49,990 నుంచే స్టార్ట్ అవుతుంది. బడ్జెట్‌కు కొంచెం అదనంగా చూస్తే పీ3 మోడల్స్ కూడా సూపర్ ఆప్షన్స్‌గా ఉన్నాయి. 14 అంగుళాల కోర్ అల్ట్రా 5 మోడల్ ధర రూ. 78,990 కాగా, కోర్ అల్ట్రా 7 వేరియంట్స్ రూ. 88,990కి అందుబాటులో ఉన్నాయి. మెటల్ బాడీతో వచ్చే 14 అంగుళాల మోడల్ ధర రూ. 94,990 నుంచి మొదలవుతుంది.

ఆసుస్ ఎక్స్‌పర్ట్‌బుక్ పీ5 సిరీస్‌లో ఓఎల్‌ఈడీ డిస్‌ప్లే ఆప్షన్ కూడా ఇచ్చారు. 14 అంగుళాల ఓఎల్‌ఈడీ స్క్రీన్, కోర్ అల్ట్రా 5 ప్రాసెసర్, 16జీబీ ర్యామ్, 512జీబీ ఎస్ఎస్‌డీ ఉన్న మోడల్ ధర రూ. 92,990గా ఉంది. అలాగే 16 అంగుళాల ఓఎల్‌ఈడీ మోడల్ ధర కూడా రూ. 92,990 నుంచే ప్రారంభమవుతుంది. కోర్ అల్ట్రా 7, 16జీబీ ర్యామ్, 1టీబీ ఎస్ఎస్‌డీ కలిగిన 16 అంగుళాల వేరియంట్ ధర రూ. 1,19,990గా ఉంది. మరింత పవర్‌ఫుల్ మోడల్స్ రూ. 1,79,990 ధరలో అందుబాటులో ఉన్నాయి.

ప్రీమియం రేంజ్ విషయానికి వస్తే ఆసుస్ ఎక్స్‌పర్ట్‌బుక్ అల్ట్రా సిరీస్ హైలైట్‌గా నిలుస్తోంది. దీనిలో 16జీబీ ర్యామ్, 512జీబీ ఎస్ఎస్‌డీ మోడల్ ధర రూ. 1,79,990గా ఉంది. 32జీబీ ర్యామ్, 1టీబీ ఎస్ఎస్‌డీ వేరియంట్ రూ. 2,69,990కి, అలాగే 64జీబీ ర్యామ్, 2టీబీ ఎస్ఎస్‌డీ మోడల్ రూ. 3,49,990కి లభిస్తున్నాయి. ఈ సిరీస్‌లో 14 అంగుళాల 3కే ట్యాండమ్ ఓఎల్‌ఈడీ టచ్‌స్క్రీన్ ఇచ్చారు. కంపెనీ తెలిపిన వివరాల ప్రకారం, ఈ ల్యాప్‌టాప్ అత్యంత తేలికైన మోడల్ బరువు కేవలం సుమారు 0.99 కిలోలు మాత్రమే ఉంటుంది.

ఈ సేల్‌లో కొన్ని ప్రత్యేక ల్యాప్‌టాప్‌లపై రూ. 10,000 వరకు అదనపు బ్యాంక్ డిస్కౌంట్ లభిస్తుంది. అంతేకాదు, రూ. 15,000 వరకు ఎక్స్ఛేంజ్ ఆఫర్, 12 నెలల వరకు నో-కాస్ట్ ఈఎంఐ ఆప్షన్ కూడా పొందవచ్చు. చాలా మోడల్స్‌తో పాటు విండోస్ 11, ఆఫీస్ 2024, ఒక ఏడాది మెకాఫీ సేఫ్టీ, ఆన్‌సైట్ వారంటీ కూడా ఫ్రీగా ఇస్తున్నారు. అయితే ఈ ఆఫర్లు అన్ని మోడల్స్‌కూ వర్తించకపోవచ్చు. కాబట్టి కొనుగోలు చేసే ముందే ఆఫర్ వివరాలను కస్టమర్లు నేరుగా చెక్ చేసుకోవడం మంచిది.

Mivi One 5G: రూ. 12 వేల‌కే అదిరిపోయే స్మార్ట్‌ఫోన్‌.. ఫీచ‌ర్ల విష‌యంలో త‌గ్గేదేలే

Narender Vaitla — Thu, 24 Sep 2026 21:45:21 +0530

Mivi One 5G: దేశీయ టెక్నాలజీ బ్రాండ్ మివి స్మార్ట్‌ఫోన్‌ మార్కెట్‌లోకి అడుగుపెట్టింది. కంపెనీ తన తొలి 5G మొబైల్‌ Mivi One 5Gని సెప్టెంబర్‌ 24, 2026న లాంచ్ చేసింది. బడ్జెట్‌ ధరలో తీసుకొచ్చిన ఈ ఫోన్‌లో అదిరిపోయే ఫీచ‌ర్ల‌ను అందించారు.

మివి వ‌న్ 5Gలో 6.75 అంగుళాల హెచ్‌డీ+ ఐపీఎస్ ఎల్‌సీడీ డిస్‌ప్లే ఉంటుంది. 90Hz రిఫ్రెష్‌ రేట్‌ అందించడంతో స్క్రోలింగ్‌, యాప్‌ నావిగేషన్‌ మరింత స్మూత్‌గా ఉండేలా రూపొందించారు. పనితీరు కోసం 4nm తయారీ ప్రక్రియపై రూపొందించిన క్వాల్క‌మ్ స్నాప్‌డ్రాగ‌న్ 4 జెన్‌ 2 5G మొబైల్‌ ప్లాట్‌ఫామ్‌ను ఉపయోగించారు. 5G నెట్‌వర్క్‌కు సపోర్ట్‌ ఉండటంతో వేగవంతమైన ఇంటర్నెట్‌ కనెక్టివిటీ పొందొచ్చు. ఫోన్ ప్యూర్ ఆండ్రాయిడ్ 16తో పనిచేస్తుంది. కంపెనీ రెండు సంవత్సరాల పాటు OS అప్‌డేట్లు అందించనున్నట్లు తెలిపింది.

ఫొటోగ్రఫీ కోసం మివి వ‌న్ 5G వెనుక భాగంలో 50MP సామ్‌సంగ్ ISOCELL ప్రైమరీ సెన్సర్‌తో డ్యుయల్‌ కెమెరా సెటప్‌ ఇచ్చారు. రోజువారీ ఫొటోలు, వీడియోల కోసం ఈ కెమెరా వ్యవస్థను ఉపయోగించుకోవచ్చు. సెల్ఫీలు, వీడియో కాల్స్‌ కోసం ముందువైపు 8MP కెమెరా ఉంటుంది. డిజైన్‌ విషయంలోనూ యువతను ఆకట్టుకునేలా పలు రంగుల్లో ఫోన్‌ను తీసుకొచ్చారు. బ్లూ, పింక్‌, గ్రీన్‌, బర్గండీ, నేవీ బ్లూ కలర్‌ ఆప్షన్లు అందుబాటులో ఉంటాయి.

బ్యాటరీ విషయంలో మివి వ‌న్ 5Gలో 6000mAh కెపాసిటీని అందించారు. దీంతో సాధారణ వినియోగంలో ఎక్కువ సమయం ఫోన్‌ను ఛార్జింగ్‌ అవసరం లేకుండా ఉపయోగించే అవకాశం ఉంటుంది. బ్యాటరీని త్వరగా నింపేందుకు 18W ఫాస్ట్‌ ఛార్జింగ్‌ సపోర్ట్‌ ఇచ్చారు. ముఖ్యంగా బడ్జెట్‌ ఫోన్‌ కొనుగోలు చేసే వారికి ఉపయోగపడేలా ఛార్జింగ్‌ అడాప్టర్‌ను బాక్స్‌లోనే అందిస్తున్నారు. ఎక్కువ బ్యాటరీ బ్యాకప్‌తో పాటు క్లీన్‌ సాఫ్ట్‌వేర్‌ అనుభవం ఈ ఫోన్‌లోని ప్రధాన ఆకర్షణల్లో ఒకటిగా నిలుస్తుంది.

Mivi One 5Gతో పాటు కంపెనీ Mivi Care+ పేరుతో ప్రత్యేక సర్వీస్‌ సదుపాయాన్ని అందిస్తోంది. ఫోన్‌లో సమస్య తలెత్తినప్పుడు కస్టమర్‌ సర్వీస్‌ సెంటర్‌కు వెళ్లాల్సిన అవసరం లేకుండా ఇంటి నుంచే సేవలు పొందే అవకాశం ఉంటుంది. కంపెనీ ఫోన్‌ను కస్టమర్‌ నుంచి పికప్‌ చేసుకుని మరమ్మతులు పూర్తయ్యాక తిరిగి డెలివరీ చేస్తుంది. ఏదైనా కారణంతో ఏడు రోజుల్లో రిపేర్‌ పూర్తి కాకపోతే కొత్త స్మార్ట్‌ఫోన్‌ను అందిస్తామని Mivi చెబుతోంది. దేశవ్యాప్తంగా కంపెనీకి సుమారు 500 సర్వీస్‌ సెంటర్లు ఉన్నాయని వెల్లడించింది.

మివి వ‌న్ 5Gను 4జీబీ+128 జీబీ స్టోరేజ్‌, 6 జీబీ ర్యామ్‌+128 జీబీ స్టోరేజ్‌, 8 జీబీ ర్యామ్‌+128 జీబీ స్టోరేజ్ వేరియంట్ల‌లో తీసుకొచ్చారు. సాధారణ ధరలు వరుసగా రూ.14,999, రూ.15,999, రూ.16,999గా ఉన్నాయి. అయితే ఫ్లిప్‌కార్ట్‌ బిగ్‌ బిలియన్‌ డేస్‌ సందర్భంగా నెట్‌ ఎఫెక్టివ్‌ ధరలు రూ.11,999, రూ.12,999, రూ.13,999 నుంచి ప్రారంభమవుతాయని కంపెనీ తెలిపింది. అక్టోబర్‌ 8, 2026 అర్థరాత్రి నుంచి ఫ్లిప్‌కార్ట్‌లో సేల్స్ ప్రారంభంకానున్నాయి. వీటితో పాటు అదనంగా ఎంపిక చేసిన యాక్సిస్ బ్యాంక్‌, హెచ్‌డీఎఫ్‌సీ బ్యాంక్‌, ఐసీఐసీఐ బ్యాంక్‌, ఎస్‌బీఐ క్రెడిట్ కార్డులతో కొనుగోలు చేస్తే రూ. 1000 వ‌ర‌కు ఇన్‌స్టాంట్ డిస్కౌంట్ పొందొచ్చు.

Kitchen Gadgets: ఇంకా.. ఇవే పాత కాలం ప‌ట్క‌ర్ల‌ను వాడుతున్నారా.? అప్డేట్ అవ్వండి బ్రో

Narender Vaitla — Sun, 11 Oct 2026 17:21:12 +0530

Kitchen Gadgets: కుక్కర్లు, కళాయిలు, ప్యాన్లు వంటి పాత్రలకు హ్యాండిల్స్ ఉంటాయి. లేని వాటి కోసం ప‌ట్క‌ర్ల‌ను ఉప‌యోగిస్తుంటాం. అయితే మారి కాలంతో పాటు ఇవి కూడా స్మార్ట్‌గా మారాయి. ఇలాంటి ఒక స్మార్ట్ ప్రొడ‌క్ట్ గురించి ఇప్పుడు తెలుసుకుందాం.

ఈకామ‌ర్స్ సైట్ అమెజాన్‌లో FEBZONA డిటాచబుల్ పాట్ హ్యాండిల్ పేరుతో ఈ ప్రొడ‌క్ట్ అందుబాటులో ఉంది. దీని అస‌లు ధ‌ర రూ. 1799 కాగా ప్ర‌స్తుతం 65 శాతం డిస్కౌంట్‌తో రూ. 629కి ల‌భిస్తోంది. ఈ ప్రొడ‌క్ట్‌ ప్రత్యేకత ఏమిటంటే.. దీనిని పాత్రకు అవసరమైనప్పుడు మాత్రమే అమర్చుకోవచ్చు. వంట చేసేటప్పుడు లేదా పాత్రను ఒకచోటు నుంచి మరోచోటుకు మార్చేటప్పుడు హ్యాండిల్ ఉపయోగపడుతుంది. పని పూర్తయ్యాక దాన్ని తీసి పక్కన పెట్టుకోవచ్చు. దీనివల్ల ప్రతి పాత్రకు ప్రత్యేకంగా హ్యాండిల్ ఉండాల్సిన అవసరం తగ్గుతుంది. అయితే ఈ హ్యాండిల్‌ను ఉపయోగించే ముందు పాత్ర అంచులకు సరిగ్గా సరిపోతుందో లేదో పరిశీలించాలి.

చిన్న వంటగదుల్లో పాత్రలను సర్దుకోవడం కొన్నిసార్లు కష్టంగా ఉంటుంది. హ్యాండిల్స్ కారణంగా పాత్రలను ఒకదానిపై మరొకటి పెట్టడానికి ఇబ్బంది కలగవచ్చు. ఈ డిటాచబుల్ హ్యాండిల్‌ను తొలగించిన తర్వాత పాత్రలను సులభంగా పేర్చుకోవచ్చు. హ్యాండిల్స్ తొలగించి సర్దుకోవడం ద్వారా 70 శాతం వరకు ఎక్కువ స్థలాన్ని ఆదా చేయవచ్చ‌ని కంపెనీ చెబుతోంది.

ఇది కూడా చదవండి: మ‌నిషి కంటే వేగంగా ప‌రిగెత్తే పాము.. దీని విషం ఎంత ప్ర‌మాద‌క‌ర‌మో తెలుసా.?

ఈ హ్యాండిల్‌లో స్టెయిన్‌లెస్ స్టీల్, సిలికాన్ పదార్థాలను ఉపయోగించారు. చేతికి సౌకర్యంగా ఉండేలా వంపుతో కూడిన ఆకృతిని రూపొందించారు. హ్యాండిల్‌పై ఉన్న గీతలతో కూడిన భాగం చేతికి పట్టును అందించడంలో సహాయపడుతుంది. అలాగే పాత్రకు అమర్చినప్పుడు గట్టిగా బిగుసుకునేలా లాకింగ్ వ్యవస్థను అందించారు. అయితే ఉప‌యోగించే ముందు పాత్ర బరువుకు ఈ హ్యాండిల్ సరిపోతుందో కూడా నిర్ధారించుకోవాలి.

వంట పూర్తయిన తర్వాత హ్యాండిల్‌ను తొలగించి విడిగా భద్రపరచుకోవచ్చు. దీనివల్ల పాత్రలను అల్మారాల్లో, క్యాబినెట్లలో సర్దుకోవడం సులభమవుతుంది. హ్యాండిల్ తొలగించగలిగే విధంగా ఉండటంతో శుభ్రం చేసుకోవడం కూడా సౌకర్యంగా ఉంటుంది. దీని పొడవు 18.2 సెంటీమీటర్లు, వెడల్పు 4 సెంటీమీటర్లు. చిన్న ఇళ్లలో నివసించేవారికి, తక్కువ స్థలంలో ఎక్కువ పాత్రలను సర్దుకోవాలనుకునేవారికి ఇది ఉపయోగకరంగా ఉంటుంది.

ఇది కూడా చదవండి: రైలు పట్టాలపై క‌నిపించే రాళ్లు.. మెట్రో ట్రాక్‌పై ఎందుకు ఉండ‌వో తెలుసా.?

ఈ హ్యాండిల్‌ను నిలువుగా ఉండే అంచులు కలిగిన కొన్ని వంట పాత్రలకు అమర్చుకునేలా రూపొందించారు. అయితే ప్రతి కుక్కర్, పాన్ లేదా కడాయికి ఇది సరిపోతుందని చెప్పలేం. కొనుగోలు చేసే ముందు పాత్ర అంచుల ఆకృతి, మందం, బరువు వంటి అంశాలను పరిశీలించాలి. అలాగే వేడి పాత్ర‌ల‌ను ఎత్తేప్పుడు జాగ్ర‌త్త వ‌హించాల్సి ఉంటుంది.

నిద్ర‌పోయేట‌ప్పుడు పాట‌లు వినే అల‌వాటు ఉందా.? ఈ పిల్లో స్పీక‌ర్‌పై లుక్కేయాల్సిందే

Narender Vaitla — Thu, 15 Oct 2026 16:44:33 +0530

Pillow Speaker: నిద్రపోయే ముందు పాటలు వినడం చాలా మందికి అల‌వాటు. కానీ ఇయర్‌ఫోన్స్ పెట్టుకుని పడుకుంటే చెవులపై ఒత్తిడి పడుతుంది. అయితే ఈ స‌మ‌స్య‌కు చెక్ పెట్టే ఓ అద్భుత‌మైన గ్యాడ్జెట్ అందుబాటులో ఉంది. ఆ ప్రొడ‌క్ట్ వివ‌రాలు ఇప్పుడు తెలుసుకుందాం.

అమెజాన్‌లో డ్రీమ్‌వేవ్ పిల్లో స్పీక‌ర్ పిల్లో ఫ‌ర్ స్లీపింగ్ పేరుతో ఈ పిల్లో స్పీక‌ర్ అందుబాటులో ఉంది. ఈ ప్రొడ‌క్ట్ అస‌లు ధ‌ర రూ. 999 కాగా ప్ర‌స్తుతం 71 శాతం డిస్కౌంట్‌తో రూ. 288కే ల‌భిస్తోంది. ఈ పిల్లో స్పీకర్‌లో అధిక సామర్థ్యం ఉన్న బ్యాటరీని ఉపయోగించారు. ఒక్కసారి పూర్తిగా ఛార్జ్ చేస్తే సాధారణ వినియోగాన్ని బట్టి ఏడు రాత్రుల వరకు ఉపయోగించుకోవచ్చు.

ఈ స్పీకర్‌ను దిండు కింద ఉంచుకుని బ్లూటూత్ ద్వారా మొబైల్‌కు కనెక్ట్ చేసుకోవచ్చు. ఇందులో ప్రత్యేకమైన బోన్ కండక్షన్ టెక్నాలజీని ఉపయోగించినట్లు కంపెనీ పేర్కొంది. దీని ద్వారా దిండు మీదుగా ఆడియో వినేలా రూపొందించారు. పాటలు, పాడ్‌కాస్ట్‌లు, ప్రశాంతమైన శబ్దాలు వినడానికి ఉపయోగపడుతుంది. ముఖ్యంగా ఒకే మంచంపై ఇద్దరు పడుకునేవారికి, హాస్టళ్లలో ఇతరులతో కలిసి ఉండేవారికి ఇది ఉపయోగకరంగా ఉండొచ్చు.

సాధారణ ఇయర్‌ఫోన్స్ లేదా హెడ్‌ఫోన్స్ పెట్టుకుని నిద్రపోతే చెవులపై ఒత్తిడి పడే అవకాశం ఉంటుంది. ముఖ్యంగా పక్కకు తిరిగి పడుకునేవారికి అసౌకర్యం కలగొచ్చు. ఈ సమస్యను తగ్గించేందుకు AROART X3 పిల్లో స్పీకర్‌ను పలుచని ఆకారంలో రూపొందించారు. దీని మందం సుమారు 11 మిల్లీమీటర్లు (0.43 అంగుళాలు). బరువు సుమారు 82 గ్రాములు. దిండు కింద ఉంచుకునేలా తయారు చేశారు. ప్రయాణాల సమయంలో కూడా వెంట తీసుకెళ్లవచ్చు. అయితే దిండు మందం, స్పీకర్ ఉంచిన స్థానం ఆధారంగా వినికిడి అనుభవం మారవచ్చు.

ఈ పిల్లో స్పీకర్‌ను బ్లూటూత్ సదుపాయం ఉన్న స్మార్ట్‌ఫోన్లు, ట్యాబ్లెట్లకు కనెక్ట్ చేసుకోవచ్చు. ప్రత్యేక వైర్లు అవసరం లేదు. కంపెనీ వివరాల ప్రకారం, ఇందులో 30, 60, 90 నిమిషాల ఆటో ఆఫ్ టైమర్ సదుపాయం ఉంది. అంటే మనకు నచ్చిన సమయాన్ని ఎంచుకుంటే, ఆ సమయం పూర్తయ్యాక స్పీకర్ ఆటోమేటిక్‌గా ఆగేలా సెట్ చేసుకోవచ్చు. నిద్రపోయే ముందు పాటలు లేదా ఆడియో వింటూ ఉండేవారికి ఈ సదుపాయం ఉపయోగపడుతుంది. దీంతో అవసరం లేనప్పుడు స్పీకర్ పనిచేయకుండా బ్యాటరీని ఆదా చేసుకోవచ్చు.

గమనిక: పైన తెలిపిన విషయాలను కేవలం ప్రాథమిక సమాచారంగానే భావించాలి. ప్రొడక్ట్ కొనుగోలు చేసే ముందు రివ్యూలను గమనించడం, ఇంతకు ముందు ఎవరైనా ఈ ప్రొడక్ట్ ను కొనుగోలు చేస్తే వారి అభిప్రాయాలను తెలుసుకొని కొనడం మంచిది.

Smartphone Deals: ఫ్లిప్‌కార్ట్ అమెజాన్ సేల్స్.. ఐఫోన్, శాంసంగ్ ఫోన్ల పై బిగ్ డిస్కౌంట్స్.. టాప్ 5 డీల్స్ ఇవే

Mahesh Rajamoni — Fri, 09 Oct 2026 11:54:21 +0530

Smartphone Deals: పండుగల సీజన్ వేళ ఈ-కామర్స్ దిగ్గజాలు అమెజాన్, ఫ్లిప్‌కార్ట్ కళ్లుచేదిరే ఫ్లాగ్‌షిప్ స్మార్ట్‌ఫోన్ డీల్స్‌ను అందుబాటులోకి తెచ్చాయి. ఐఫోన్, ఆండ్రాయిడ్ లవర్స్ ఎంతగానో ఎదురుచూస్తున్న సూపర్ 5 స్మార్ట్‌ఫోన్ డీల్స్ వచ్చాయి.

ఈ-కామర్స్ దిగ్గజాలైన ఫ్లిప్‌కార్ట్, అమెజాన్ పండుగ సేల్స్ అధికారికంగా ప్రారంభమయ్యాయి. ప్రస్తుతం అందరి వినియోగదారులకు ఈ ఆఫర్లు అందుబాటులోకి వచ్చేశాయి. స్మార్ట్‌ఫోన్‌ల నుంచి దుస్తుల వరకు అన్ని కేటగిరీలలోనూ బంపర్ ఆఫర్లు, భారీ డిస్కౌంట్లను కంపెనీలు అందిస్తున్నాయి. ముఖ్యంగా కొత్త స్మార్ట్‌ఫోన్ కొనుగోలు చేయాలనుకునే వారికి ఇది మంచి అవకాశం. ఈ సేల్‌లో వేల రూపాయలు ఆదా చేసుకునేలా అందుబాటులో ఉన్న 5 బెస్ట్ స్మార్ట్‌ఫోన్ డీల్స్ వివరాలను ఇప్పుడు తెలుసుకుందాం.

ఈసారి ఫ్లిప్‌కార్ట్ సేల్‌లో అత్యంత ఆకర్షణీయమైన డీల్ ఐఫోన్ 17 అని చెప్పవచ్చు. ఇటీవల ఈ పాపులర్ హ్యాండ్‌సెట్ అసలు ధరను రూ. 99,900 వరకు నిర్ణయించగా, ప్రస్తుత సేల్‌ సమయంలో దీనిని కేవలం రూ. 81,999 ల్యాండింగ్ ధరకు కొనుగోలు చేసే వెసులుబాటు కల్పించారు. దీనికి తోడు ఫ్లిప్‌కార్ట్ యాక్సిస్ బ్యాంక్ క్రెడిట్ కార్డు ఉపయోగించి కొనుగోలు చేస్తే ఈ ఫోన్‌ను రూ. 76,999 కే సొంతం చేసుకోవచ్చు.

ఐఫోన్ 17 విశేషాల విషయానికి వస్తే, ఇందులో డ్యూయల్ రియర్ కెమెరా సెటప్ ఉంది. ఇందులో ప్రత్యేకత ఏమిటంటే రెండు కెమెరా సెన్సార్లు 48MP + 48MP కావడం గమనార్హం. అలాగే ఇది 6.3 అంగుళాల డిస్‌ప్లే, 120Hz రిఫ్రెష్ రేట్‌తో వస్తుంది.

ఫ్లిప్‌కార్ట్ సేల్‌లో ప్రముఖ ఫ్లాగ్‌షిప్ స్మార్ట్‌ఫోన్ అయిన శాంసంగ్ గెలాక్సీ S25 5G ని కూడా చాలా తక్కువ ధరకు సొంతం చేసుకోవచ్చు. అద్భుతమైన ట్రిపుల్ రియర్ కెమెరా సెటప్‌తో వస్తున్న ఈ ఫోన్, రూ. 70,000 నుంచి రూ. 90,000 సెగ్మెంట్‌లో అత్యధికంగా అమ్ముడవుతున్న బెస్ట్ సెల్లింగ్ స్మార్ట్‌ఫోన్ అని కంపెనీ పేర్కొంది.

సాంకేతిక వివరాలు చూస్తే, ఈ ఫోన్‌లో 4000mAh బ్యాటరీ ఉంది. పవర్‌ఫుల్ పర్ఫార్మెన్స్ కోసం క్వాల్కమ్ స్నాప్‌డ్రాగన్ 8 ఎలైట్ 3nm చిప్‌సెట్‌ను ఉపయోగించారు. అలాగే గ్రాఫిక్స్ కోసం Adreno 830 GPU సపోర్ట్ దీనికి ఉంది.

అటు అమెజాన్ ఇండియాలో నడుస్తున్న సేల్‌లో ప్రీమియం ఫ్లాగ్‌షిప్ స్మార్ట్‌ఫోన్ శాంసంగ్ గెలాక్సీ S25 అల్ట్రా పై ఊహించని రేంజ్‌లో ఆఫర్లు లభిస్తున్నాయి. సేల్ సందర్భంగా ఈ ఫోన్ రూ. 94,999 ధరకు లిస్ట్ అయ్యింది. దీనిపై రూ. 1,000 కూపన్ డిస్కౌంట్‌తో పాటు రూ. 7,741 వరకు ఇన్‌స్టంట్ క్యాష్‌బ్యాక్ లభిస్తుంది.

ఈ ఫ్లాగ్‌షిప్ స్మార్ట్‌ఫోన్‌లో ఏకంగా 200MP ప్రైమరీ కెమెరాను అందించారు. దాంతో పాటు స్టైలస్ ఎస్‌ పెన్ సపోర్ట్ కూడా లభిస్తుంది. మెరుపు వేగం లాంటి పర్ఫార్మెన్స్ కోసం ఇందులో కూడా క్వాల్కమ్ స్నాప్‌డ్రాగన్ 8 ఎలైట్ 3nm చిప్‌సెట్‌ను అందించారు.

అమెజాన్ ఇండియా సేల్‌లో ఐఫోన్ 16 మోడల్ అన్ని ఆఫర్లు కలుపుకుని రూ. 72,249 ధరకు అందుబాటులోకి వచ్చింది. గత నెలలోనే యాపిల్ దీని ధరను రూ. 89,900 గా నిర్ణయించింది. ఈ ధర 128GB ఇంటర్నల్ స్టోరేజ్ వేరియంట్‌కు వర్తిస్తుంది.

ఐఫోన్ 16 లో డ్యూయల్ రియర్ కెమెరా సెటప్ ఉంది. ఇందులో 48MP ప్రైమరీ కెమెరా, 12MP సెకండరీ కెమెరా ఉన్నాయి. సెల్ఫీలు, వీడియో కాల్స్ కోసం ముందర 12 మెగాపిక్సెల్ ఫ్రంట్ కెమెరాను అమర్చారు.

శాంసంగ్ గెలాక్సీ S23 పై ఫ్లిప్‌కార్ట్ సేల్‌లో కిల్లింగ్ ఆఫర్ ఉంది. 80 వేలకు పైగా ప్రైస్ తో లాంచ్ అయిన ఈ ఫోన్ ఇప్పుడు కేవలం 26 వేలకే సేల్ లోకి వచ్చింది. అయితే, తక్కువ నెంబర్స్ లో అందుబాటులో ఉన్నాయి. ఈ ప్రైస్ లో ఇది బెస్ట్ డీల్ అని చెప్పాలి. స్టాక్ అందుబాటులో ఉంటే మీరు చెక్ చేయండి. ఈ ఫోన్ లో స్నాప్ డ్రాగన్ 8 జెన్ 2 ప్రాసెసర్ ఉపయోగించారు. 50+10+12 ఎంపీ ట్రిపుల్ కెమెరా సెటప్ ఉంటుంది. ఈ ఫోన్ తో అద్బుతమైన ఫోటోలో, వీడియోలు తీయవచ్చు.

Flipkart Sale: రూ.8,999లకే 5G ఫోన్.. ఫ్లిప్‌కార్ట్ సేల్‌లో మొబైళ్లపై పిచ్చెక్కిపోయే ఆఫర్లు

Mahesh Rajamoni — Fri, 16 Oct 2026 07:03:14 +0530

Flipkart Sale: ఫ్లిప్‌కార్ట్ బిగ్ బిలియన్ డేస్ సేల్‌లో ఫోన్ల పై అదిరిపోయే ఆఫర్లు ఉన్నాయి. ముఖ్యంగా ఏఐ ప్లస్ స్మార్ట్‌ఫోన్‌లు, ట్యాబ్లెట్లు భారీ తగ్గింపు ధరలతో లభిస్తున్నాయి. రూ. 8,999లకే 5జీ ఫోన్ అందుబాటులో ఉంది. ఆ వివరాలు మీకోసం.

మార్కెట్లో స్మార్ట్‌ఫోన్ల ధరలు రోజురోజుకూ పెరిగిపోతున్నాయి. కానీ తక్కువ బడ్జెట్‌లోనూ అద్భుతమైన ఫీచర్లు అందించే ఫోన్లు కొన్ని ఉన్నాయి. ఫ్లిప్‌కార్ట్ బిగ్ బిలియన్ డేస్ సేల్‌లో ఈ ఆఫర్లు లైవ్‌లో ఉన్నాయి. స్వదేశీ కంపెనీ అయిన ఏఐ ప్లస్ తన స్మార్ట్‌ఫోన్లు, ట్యాబ్లెట్లపై భారీ డిస్కౌంట్లు ప్రకటించింది. ఈ ఫెస్టివల్ సేల్‌లో తక్కువ ధరకే బెస్ట్ ఫోన్లు కొనుగోలు చేయవచ్చు.

మీ బడ్జెట్ రూ. 9,000 లోపు ఉందా? అయితే ఏఐ ప్లస్ పల్స్ 2 ఎఫ్ఈ (Pulse 2 FE) ఫోన్ మంచి ఛాయిస్. ఫెస్టివల్ ధర ప్రకారం దీనిని రూ. 8,999 కే సొంతం చేసుకోవచ్చు. ఇందులో 50ఎంపీ రియర్ కెమెరా, మీడియాటెక్ హీలియో జీ81 ప్రాసెసర్ ఉన్నాయి. రోజూ వాడే వారికి, సోషల్ మీడియా వాడే వారికి ఇది పర్ఫెక్ట్.

ఇదే ధరలో ఏఐ ప్లస్ పల్స్ 2 కూడా అందుబాటులో ఉంది. దీని ధర కూడా రూ. 8,999 నే. ఇందులో 6,000mAh బ్యాటరీ, 50ఎంపీ ఏఐ కెమెరా ఇచ్చారు. పల్స్ 2 ఎఫ్ఈలో 5,000mAh బ్యాటరీ ఉంటే, పల్స్ 2 లో 6,000mAh బ్యాటరీ వస్తుంది. బ్యాటరీ బ్యాకప్ ఎక్కువగా కావాలనుకునే వారికి పల్స్ 2 సూపర్ ఆప్షన్.

మీ బడ్జెట్ రూ. 12,000 వరకు ఉండి, మంచి 5జీ ఫోన్ కోరుకుంటే ఏఐ ప్లస్ నోవా 2 5జీ (Nova 2 5G) బెస్ట్ ఛాయిస్. దీని ఫెస్టివల్ ధర రూ. 11,999 గా ఉంది. ఇందులో 6,000mAh బ్యాటరీ, 50ఎంపీ ఏఐ కెమెరా, డ్యుయల్ 5జీ సపోర్ట్ ఉన్నాయి. ఇక దీనికంటే కొంచెం ఎక్కువ బడ్జెట్ ఉన్నవారి కోసం ఏఐ ప్లస్ నోవా 2 నియో 5జీ (Nova 2 Neo 5G) ఉంది. దీని ధర రూ. 12,999. ఇందులో మీడియాటెక్ డైమెన్సిటీ 6300 ప్రాసెసర్, సోనీ ఐఎంఎక్స్ 582 కెమెరా సెన్సార్ ఇచ్చారు. ఫొటోగ్రఫీ ఇష్టపడే వారికి ఇది చాలా బాగుంటుంది.

కేవలం ఫోన్లే కాకుండా పెద్ద స్క్రీన్ పై చదువుకోవడానికి, వీడియోలు చూసేందుకు ట్యాబ్లెట్లను కూడా ఏఐ ప్లస్ తక్కువ ధరకే తెచ్చింది. ఏఐ ప్లస్ నోవా ట్యాబ్ 5జీ (NovaTab 5G) ధర రూ. 21,999 గా ఉంది. ఇందులో 11.97 ఇంచుల డిస్‌ప్లే, 8,000mAh బ్యాటరీ, 13ఎంపీ మెయిన్ కెమెరా ఉన్నాయి. అలాగే ఏఐ ప్లస్ పల్స్ ట్యాబ్ (PulseTab) ధర రూ. 12,999. ఇందులో 10.95 ఇంచుల ఫుల్ హెచ్డీ డిస్‌ప్లే, 8,000mAh బ్యాటరీ, నాలుగు స్పీకర్లు ఇచ్చారు. ఆన్‌లైన్ క్లాసులు, వీడియోల కోసం తక్కువ బడ్జెట్‌లో ఇది సూపర్ ఛాయిస్.

ఈ సేల్‌లో కంపెనీ అనేక రకాల మోడళ్లను అందుబాటులో ఉంచింది. రూ. 18,999 ధరలో నోవా 2 అల్ట్రా 5జీ (Nova 2 Ultra 5G) కూడా లభిస్తుంది. అంతేకాకుండా 7,000mAh బ్యాటరీ ఉన్న నోవా 2 పవర్ 5జీ (Nova 2 Power 5G), ఫోల్డబుల్ నోవాఫ్లిప్ 5జీ (NovaFlip 5G) ఫోన్లు కూడా ఈ రేంజ్‌లో ఉన్నాయి. మీ అవసరాలు, బడ్జెట్ బట్టి మీకు నచ్చిన ఫోన్ లేదా ట్యాబ్లెట్‌ను ఈ ఫ్లిప్‌కార్ట్ సేల్‌లో ఈజీగా కొనుగోలు చేయవచ్చు.

Jio AI Glasses: క‌ళ్ల‌ద్దాల‌తో UPI పేమెంట్స్ చేయొచ్చు.. జియో నుంచి కొత్త స్మార్ట్ గ్లాసెస్

Narender Vaitla — Sat, 10 Oct 2026 14:41:45 +0530

Jio AI Glasses: షాపులో ఏదైనా కొనుగోలు చేసినప్పుడు ఫోన్ బయటకు తీయకుండానే డబ్బులు చెల్లించగలిగితే ఎలా ఉంటుంది? కేవలం కళ్లద్దాలతో QR కోడ్‌ను స్కాన్ చేసి, వాయిస్ కమాండ్ ఇవ్వడం ద్వారా చెల్లింపులు చేసే సదుపాయాన్ని రిలయన్స్ జియో పరిచయం చేసింది.

ఢిల్లీలో జరుగుతున్న ఇండియా మొబైల్ కాంగ్రెస్ 2026లో ఈ సరికొత్త టెక్నాలజీని ప్రదర్శించింది. కెమెరా గ్లాసెస్, ఆడియో గ్లాసెస్, ఇయర్‌ఫోన్లతో పాటు పలు AI ఆధారిత పరికరాలను సంస్థ చూపించింది. UPI చెల్లింపులు, వివిధ భారతీయ భాషల్లో మాట్లాడటం, లైవ్ ట్రాన్స్‌లేష‌న్‌, క్రికెట్ కామెంటరీ వంటి సదుపాయాలు వీటిలో ఉన్నాయి.

జియో AI గ్లాసెస్‌లో ప్రత్యేకంగా ఆకట్టుకుంటున్న ఫీచర్ స్కాన్ అండ్ పే. సాధారణంగా UPI చెల్లింపులు చేయాలంటే ఫోన్ తీసి, లాక్ ఓపెన్ చేసి, పేమెంట్ యాప్‌లోకి వెళ్లి QR కోడ్‌ను స్కాన్ చేయాలి. కానీ ఈ స్మార్ట్ గ్లాసెస్‌తో ఆ పనులన్నీ చేయాల్సిన అవసరం ఉండదు. కళ్లద్దాల్లోని కెమెరా ద్వారా షాపులో ఉన్న UPI QR కోడ్‌ను స్కాన్ చేయవచ్చు. ఆ తర్వాత వాయిస్ కమాండ్ ఇచ్చి చెల్లింపును ప్రారంభించవచ్చు. చెల్లింపును నిర్ధారించిన తర్వాత లావాదేవీ పూర్తవుతుంది. యూపీఐ స‌ర్కిల్‌ నిబంధనల ప్రకారం ఒక్కో లావాదేవీకి గరిష్ఠంగా రూ.5,000 వరకు చెల్లించే అవకాశం ఉంది. నెలవారీ పరిమితి రూ.15,000గా ఉంటుంది. ఈ పరిమితులు జియో నిర్ణయించినవి కాకుండా UPI Circle నిబంధనలకు సంబంధించినవి.

భారతదేశంలో ఎన్నో భాషలు మాట్లాడే ప్రజలు ఉన్నారు. ఒక ప్రాంతానికి చెందిన వ్యక్తి మరో ప్రాంతానికి వెళ్లినప్పుడు భాష అర్థం కాక ఇబ్బందులు ఎదురవుతుంటాయి. ఈ సమస్యను తగ్గించేందుకు జియో AI గ్లాసెస్‌లో లైవ్ ట్రాన్స్‌లేషన్ సదుపాయాన్ని అందిస్తోంది. ఇద్దరు వ్యక్తులు వేర్వేరు భారతీయ భాషల్లో మాట్లాడుతున్నప్పుడు, వారు చెప్పిన మాటలను AI సాయంతో మరో భాషలోకి అనువదించుకోవచ్చు. దీనివల్ల ఎదుటివారు చెప్పేది అర్థం చేసుకోవడం సులభమవుతుంది. ప్రయాణాలు, వ్యాపార సమావేశాలు, ఇతర ప్రాంతాల ప్రజలతో సంభాషణల సమయంలో ఈ సదుపాయం ఉపయోగపడుతుంది. యూజ‌ర్లు తమకు తెలిసిన భాషలోనే టెక్నాలజీని ఉపయోగించుకునేలా చేయడం దీని ప్రధాన ఉద్దేశం.

ఆఫీసు సమావేశాల్లో ముఖ్యమైన విషయాలను నోట్ చేసుకోవడం కొన్నిసార్లు కష్టంగా ఉంటుంది. ఏదైనా విషయం మర్చిపోతే మళ్లీ ఇబ్బంది పడాల్సి వస్తుంది. ఈ సమస్యకు పరిష్కారంగా జియో AI గ్లాసెస్‌లో AI నోట్‌ టేకింగ్ ఫీచర్‌ను కూడా ప్రదర్శించింది. సమావేశాల్లోని ముఖ్యమైన అంశాలను గుర్తించి వాటిని నోట్స్ రూపంలో నమోదు చేసుకోవడానికి ఈ సదుపాయం ఉపయోగపడుతుంది. దీంతో ప్రతి విషయాన్ని చేతితో రాసుకోవాల్సిన అవసరం తగ్గుతుంది. పని సమయంలో ముఖ్యమైన వివరాలను గుర్తుంచుకోవడానికి, అవసరమైన సమాచారాన్ని తర్వాత పరిశీలించడానికి ఇది సహాయపడుతుంది. అయితే ఈ ఫీచర్ ఎలా పనిచేస్తుంది, నోట్స్‌ను ఎలా భద్రపరుస్తుంది వంటి పూర్తి వివరాలు అందుబాటులోకి రావాల్సి ఉంది.

క్రికెట్ అభిమానులకు కూడా జియో AI గ్లాసెస్ ఉపయోగపడేలా ఫీచర్లను ప్రదర్శించింది. లైవ్ క్రికెట్ కామెంటరీ ద్వారా మ్యాచ్‌లో జరుగుతున్న విషయాలను ఎప్పటికప్పుడు తెలుసుకోవచ్చు. టీవీ ముందు కూర్చోలేని వారు, ప్రయాణంలో ఉన్నవారు ఇతర పనులు చేసుకుంటూనే మ్యాచ్ వివరాలను తెలుసుకునే అవకాశం ఉంటుంది.

క్రికెట్‌తో పాటు ఆఫీసు పనులు, సమావేశాలు వంటి రోజువారీ అవసరాల్లోనూ ఈ పరికరాలు ఉపయోగపడేలా రూపొందించారు. వాయిస్ ఆధారంగా AIతో మాట్లాడటం, అవసరమైన సమాచారాన్ని తెలుసుకోవడం వంటి సదుపాయాలు కూడా ఉన్నాయి. ఫోన్‌ను పదేపదే బయటకు తీసి చూడాల్సిన అవసరాన్ని తగ్గించడం ఈ టెక్నాలజీ ముఖ్య ఉద్దేశం.

జియో AI గ్లాసెస్‌తో పాటు కెమెరా గ్లాసెస్, ఆడియో గ్లాసెస్, ఇయర్‌ఫోన్లను కూడా ఇండియా మొబైల్ కాంగ్రెస్ 2026లో ప్రదర్శించింది. ఈ పరికరాల ద్వారా AI సేవలను మరింత సులభంగా ప్రజలకు అందుబాటులోకి తీసుకురావాలని సంస్థ లక్ష్యంగా పెట్టుకుంది. ప్రత్యేకంగా భారతీయ భాషల్లో సేవలు, వాయిస్ కమాండ్లు, లైవ్ ట్రాన్స్‌లేష‌న్‌, నోట్‌ టేకింగ్, UPI చెల్లింపులు వంటి సదుపాయాలు రోజువారీ పనులను సులభతరం చేయగలవు. స్మార్ట్ గ్లాసెస్ టెక్నాలజీ ఇప్పటికే అందుబాటులో ఉన్నప్పటికీ, భారతీయ వినియోగదారుల అవసరాలకు అనుగుణంగా ఇలాంటి ఫీచర్లను తీసుకురావడం ప్రాధాన్యం సంతరించుకుంది. అయితే ఈ పరికరాల ధర, మార్కెట్లోకి విడుదల చేసే తేదీ, సాధారణ వినియోగదారులకు ఎప్పటి నుంచి అందుబాటులో ఉంటాయనే వివరాలు ఇంకా తెలియాల్సి ఉంది. ఇవి అందుబాటులోకి వస్తే స్మార్ట్ గ్లాసెస్ వినియోగంలో కొత్త మార్పులు వచ్చే అవకాశం ఉంది.