Asianet News Telugu

అపార్ట్‌మెంట్‌లో ఫ్లాటే కొనుక్కోవ‌చ్చు క‌దా భ‌య్యా.. ఫిఫా ఫైన‌ల్ మ్యాచ్ టికెట్ ధ‌ర ఎంతో తెలిస్తే షాక్ అవ్వాల్సిందే

Narender Vaitla — Sun, 19 Jul 2026 16:28:54 +0530

FIFA World Cup: ఫిఫా ప్రపంచకప్ 2026 ఫైనల్‌పై ప్రపంచం దృష్టి ప‌డింది. న్యూజెర్సీలోని మెట్‌లైఫ్ స్టేడియంలో అర్జెంటీనా, స్పెయిన్ జట్లు తలపడనున్నాయి. మ్యాచ్ ప్రారంభానికి ముందే టికెట్ ధరలు రికార్డు స్థాయికి చేరుకోవడం ఆశ్చర్యానికి గురిచేస్తున్నాయి.

ఈ ఫైనల్ మ్యాచ్‌కు సంబంధించిన టికెట్లు అమెరికా క్రీడా చరిత్రలోనే అత్యంత ఖరీదైన వాటిలో ఒకటిగా నిలిచాయి. స్పోర్ట్స్ మార్కెట్ నివేదికల ప్రకారం, రీసేల్ మార్కెట్‌లో ఒక టికెట్ సగటు ధర సుమారు 11,327 డాలర్లు, అంటే భారత కరెన్సీలో దాదాపు రూ.10.90 లక్షల వరకు చేరుకుంది. సాధారణ టికెట్ ధర కూడా సుమారు 7,451 డాలర్లు (రూ.7 లక్షలకు పైగా) పలుకుతోంది. ఇక అత్యున్నత హాస్పిటాలిటీ ప్యాకేజీల ధరలు ఏకంగా రూ.27 లక్షల వరకు ఉండటం విశేషం. ఈ స్థాయి ధరలు గతంలో అమెరికాలో నిర్వహించిన సూపర్ బౌల్ రికార్డులను కూడా అధిగమించాయి.

రూ.27 లక్షల విలువైన హాస్పిటాలిటీ ప్యాకేజీలు కేవలం మ్యాచ్ చూసే అవకాశం మాత్రమే ఇవ్వవు. ప్రత్యేక వీఐపీ లాంజ్‌లలో ప్రవేశం, అత్యాధునిక సీటింగ్, ఫైన్ డైనింగ్, ప్రత్యేక అతిథి సేవలు, ప్రీమియం హాస్పిటాలిటీ సౌకర్యాలు కూడా ఇందులో భాగంగా ఉంటాయి. ఈ ప్యాకేజీలు ముఖ్యంగా కార్పొరేట్ సంస్థలు, ప్రముఖ వ్యాపారవేత్తలు, విదేశీ అతిథులను దృష్టిలో పెట్టుకుని రూపొందించారు. అయితే సాధారణ ప్రేక్షకుల కోసం తక్కువ ధరల్లో కూడా టికెట్లు అందుబాటులో ఉన్నాయని నిర్వాహకులు వెల్లడించారు.

ఈసారి ఫైనల్‌పై అభిమానుల్లో భారీ ఆసక్తి నెలకొంది. సెమీఫైనల్లో అర్జెంటీనా ఇంగ్లండ్‌పై 2-1తో విజయం సాధించి ఫైనల్‌కు చేరుకోగా, స్పెయిన్ ఫ్రాన్స్‌ను 2-0తో ఓడించి తుది పోరుకు అర్హత సాధించింది. లియోనెల్ మెస్సీ నాయకత్వంలోని అర్జెంటీనా వరుసగా రెండోసారి ప్రపంచకప్ గెలిచి చరిత్ర సృష్టించాలని లక్ష్యంగా పెట్టుకుంది. మరోవైపు టోర్నీ మొత్తం పటిష్టమైన ప్ర‌ణాళిక‌తో ముందుకు వచ్చిన స్పెయిన్ రెండో ప్రపంచకప్ టైటిల్ కోసం బరిలోకి దిగుతోంది. అర్జెంటీనా దూకుడు దాడి, స్పెయిన్ కట్టుదిట్టమైన డిఫెన్స్ మధ్య జరిగే ఈ పోరు అభిమానులకు ఉత్కంఠభరిత అనుభవాన్ని అందించనుంది.

అమెరికా, కెనడా, మెక్సికో సంయుక్తంగా నిర్వహిస్తున్న తొలి 48 జట్ల ప్రపంచకప్ కావడం ఈ టోర్నీ ప్రత్యేకత. అంతేకాకుండా ప్రపంచకప్‌లో లియోనెల్ మెస్సీకి ఇది చివరి మ్యాచ్ అయ్యే అవకాశముందనే ప్రచారం కూడా అభిమానుల ఆసక్తిని మరింత పెంచింది. మెస్సీని ప్రత్యక్షంగా చూసేందుకు ప్రపంచం నలుమూలల నుంచి అభిమానులు టికెట్ల కోసం పోటీ పడుతున్నారు. దీంతో డిమాండ్ ఒక్కసారిగా పెరిగి ధరలు రికార్డు స్థాయికి చేరుకున్నాయి.

టికెట్ ధరలు భారీగా పెరగడంతో అంతర్జాతీయ క్రీడా ఈవెంట్లు సామాన్య అభిమానులకు అందుబాటులో లేకుండా పోతున్నాయనే విమర్శలు వినిపిస్తున్నాయి. ముఖ్యంగా రీసేల్ మార్కెట్‌లో ధరలు మరింత పెరగడం వల్ల సాధారణ ప్రేక్షకులు స్టేడియంలో మ్యాచ్ వీక్షించే అవకాశం కోల్పోతున్నారని విశ్లేషకులు అంటున్నారు. కార్పొరేట్ హాస్పిటాలిటీ, ప్రీమియం ప్యాకేజీలకు పెరుగుతున్న ప్రాధాన్యం కారణంగా నిజమైన క్రీడాభిమానులు క్రమంగా స్టేడియాలకు దూరమవుతున్నారనే అభిప్రాయాలు కూడా వ్యక్తమవుతున్నాయి. అయినప్పటికీ, ఈ ఫైనల్ మ్యాచ్ ప్రపంచ ఫుట్‌బాల్ చరిత్రలో అత్యంత గుర్తుండిపోయే ఈవెంట్లలో ఒకటిగా నిలిచే అవకాశం ఉందని క్రీడా నిపుణులు భావిస్తున్నారు.

FIFA World Cup 2026: ఫ్రాన్స్ ఓడినా కైలియన్ ఎంబప్పేకి ఇంకా ఛాన్స్.. గోల్డెన్ బూట్ కోసం మెస్సీతో పోటీ

Mahesh Rajamoni — Wed, 15 Jul 2026 08:00:43 +0530

FIFA World Cup 2026: ఫిఫా వరల్డ్ కప్ 2026 సెమీస్‌లో ఫ్రాన్స్ ఓడింది. కానీ, కెప్టెన్ కైలియన్ ఎంబప్పేకి గోల్డెన్ బూట్ గెలిచేందుకు మరో మ్యాచ్ రూపంలో లక్కీ ఛాన్స్ దక్కింది. గోల్డెన్ బూట్ కోసం మెస్సీతో పోటీ పడుతున్నాడు.

ఫిఫా వరల్డ్ కప్ 2026లో ఫ్రాన్స్ జట్టుకు పెద్ద షాక్ తగిలింది. మూడోసారి వరల్డ్ కప్ టైటిల్ గెలవాలనే ఆ జట్టు కల చెదిరిపోయింది. మొదటి సెమీఫైనల్ మ్యాచ్‌లో స్పెయిన్ చేతిలో ఫ్రాన్స్ 2-0 తేడాతో ఓడిపోయింది. దీంతో ఫ్రాన్స్ టోర్నీ నుంచి అవుట్ అయింది. కానీ ఆ జట్టు కెప్టెన్, స్టార్ ప్లేయర్ కైలియన్ ఎంబప్పేకి మాత్రం ఒక గుడ్ న్యూస్ ఉంది.

ఫ్రాన్స్ ఓడిపోయినా, ఎంబప్పేకి గోల్డెన్ బూట్ అవార్డు గెలుచుకునే గోల్డెన్ ఛాన్స్ ఇంకా ఉంది. ఎందుకంటే ఈ వరల్డ్ కప్‌లో ఫ్రాన్స్ టీమ్ ఇంకొక మ్యాచ్ ఆడబోతోంది. ఆ మ్యాచ్‌లో ఎంబప్పే గనుక తన గోల్స్ సంఖ్యను పెంచుకుంటే, 2022 తర్వాత మళ్లీ 2026లో కూడా గోల్డెన్ బూట్ అవార్డును తన సొంతం చేసుకోవచ్చు.

ఈ టోర్నమెంట్‌లో ఇప్పటివరకు 8 గోల్స్ చేసిన కైలియన్ ఎంబప్పే, స్పెయిన్‌తో జరిగిన మోస్ట్ ఇంపార్టెంట్ సెమీఫైనల్ మ్యాచ్‌లో మాత్రం తన మ్యాజిక్ చూపించలేకపోయాడు. అయినప్పటికీ, గోల్డెన్ బూట్ రేసులో అతను అర్జెంటీనా సూపర్ స్టార్ లియోనెల్ మెస్సీతో కలిసి ఇంకా నంబర్-1 ప్లేస్‌లోనే ఉన్నాడు.

అయితే సెమీఫైనల్‌లో ఫ్రాన్స్ ఓడిపోయిన తర్వాత కూడా ఎంబప్పేకి గోల్స్ చేసే అవకాశం ఎలా వస్తుంది అనే డౌట్ చాలామందికి రావచ్చు. దానికి సమాధానం ఉంది. ఫ్రాన్స్ టైటిల్ రేస్ నుండి తప్పుకున్నా, వరల్డ్ కప్‌లో థర్డ్ ప్లేస్ కోసం జరిగే మ్యాచ్‌లో ఫ్రాన్స్ ఆడాల్సి ఉంటుంది.

27 ఏళ్ల కైలియన్ ఎంబప్పే ఇప్పటికే 2018లో ఒకసారి వరల్డ్ ఛాంపియన్‌గా నిలిచాడు. అలాగే 2022 వరల్డ్ కప్‌లో గోల్డెన్ బూట్ కూడా గెలుచుకున్నాడు. స్పెయిన్‌తో జరిగిన సెమీస్ మ్యాచ్ పక్కన పెడితే, ఈ 2026 వరల్డ్ కప్‌లో ఫ్రాన్స్ కెప్టెన్ పర్ఫార్మెన్స్ అదిరిపోయింది. టోర్నీలో 8 గోల్స్ చేసి మెస్సీకి గట్టి పోటీ ఇస్తున్నాడు.

ఇప్పుడు ఫ్రాన్స్ టీమ్ ఫిఫా వరల్డ్ కప్ 2026లో బ్రాంజ్ మెడల్ మ్యాచ్ అంటే మూడో స్థానం కోసం జరిగే పోరు కోసం జూలై 19న గ్రౌండ్‌లోకి దిగనుంది. అర్జెంటీనా వర్సెస్ ఇంగ్లాండ్ మధ్య జరిగే రెండో సెమీఫైనల్‌లో ఓడిపోయే జట్టుతో ఫ్రాన్స్ తలపడుతుంది. టోర్నీలో అత్యధిక గోల్స్ చేసిన ప్లేయర్‌కు ఇచ్చే గోల్డెన్ బూట్ అవార్డు కోసం ఎంబప్పే ఈ మ్యాచ్‌లో టాప్ ప్లేస్‌ను కాపాడుకోవాలని చూస్తున్నాడు.

ప్రస్తుతం ఫిఫా వరల్డ్ కప్ 2026లో అత్యధిక గోల్స్ చేసి గోల్డెన్ బూట్ రేసులో ముందంజలో ఉన్న ప్లేయర్స్ లిస్ట్ ఇలా ఉంది..

కైలియన్ ఎంబప్పే (ఫ్రాన్స్) - 8 గోల్స్
లియోనెల్ మెస్సీ (అర్జెంటీనా) - 8 గోల్స్
ఎర్లింగ్ హాలాండ్ (నార్వే) - 7 గోల్స్
హ్యారీ కేన్ (ఇంగ్లాండ్) - 6 గోల్స్
జూడ్ బెలింగ్‌హామ్ (ఇంగ్లాండ్) - 5 గోల్స్

స్పెయిన్‌తో జరిగిన సెమీఫైనల్ మ్యాచ్‌లో ఫ్రాన్స్ వరుస తప్పులతో మ్యాచ్‌ను చేజార్చుకుంది. ఆ మ్యాచ్ హైలైట్స్ గమనిస్తే..

మ్యాచ్ 20వ నిమిషంలో ఫ్రాన్స్ డిఫెండర్ చేసిన పెద్ద తప్పు వల్ల స్పెయిన్‌కు పెనాల్టీ లభించింది.
22వ నిమిషంలో స్పెయిన్ ప్లేయర్ మైకెల్ ఓయర్జబల్ ఆ పెనాల్టీని గోల్‌గా మార్చి స్పెయిన్‌కు 1-0 ఆధిక్యాన్ని అందించాడు.
హాఫ్ టైమ్ ముగిసే సరికి స్పెయిన్ 1-0 తో ముందంజలో ఉంది.
58వ నిమిషంలో పెడ్రో పోరో సూపర్ ఫినిషింగ్‌తో స్పెయిన్‌ను 2-0 ఆధిక్యంలోకి తీసుకెళ్లాడు. దీంతో ఫ్రాన్స్ ఓటమి దాదాపు ఖాయమైంది.
61వ నిమిషంలో లామిన్ యామల్ స్పెయిన్ తరపున మూడో గోల్ చేసినంత పని చేశాడు, కానీ రెఫరీ దాన్ని ఆఫ్ సైడ్‌గా ప్రకటించడంతో ఆ గోల్ రద్దయింది.
చివరికి స్పెయిన్ 2-0 తేడాతో ఫ్రాన్స్‌పై విజయం సాధించి ఫైనల్‌కు దూసుకెళ్లింది.

Golden Boot: వరుసగా రెండోసారి గోల్డెన్ బూట్ గెలిచిన ఎంబాప్పే.. ఇప్పటివరకు ఫిఫా గోల్డెన్ బూట్ గెలిచింది వీరే

Mahesh Rajamoni — Mon, 20 Jul 2026 07:51:16 +0530

Golden boot Winner: ఫిఫా వరల్డ్ కప్ 2026లో ఎంబాప్పే 10 గోల్స్‌తో వరుసగా రెండోసారి గోల్డెన్ బూట్ గెలిచి హిస్టరీ క్రియేట్ చేశాడు. మెస్సీ అతని తర్వాతి స్థానంలో నిలిచాడు. అయితే, ఇప్పటివరకు గోల్డెన్ బూట్ గెలిచిన ప్లేయర్ల పూర్తి లిస్ట్ ఇక్కడ తెలుసుకుందాం.

ఫిఫా వరల్డ్ కప్ 2026లో ఫ్రాన్స్ స్టార్ ప్లేయర్ కిలియన్ ఎంబాప్పే సరికొత్త రికార్డుతో దుమ్ములేపాడు. వరల్డ్ కప్ హిస్టరీలోనే వరుసగా రెండుసార్లు గోల్డెన్ బూట్ అవార్డు గెలుచుకున్న ఫస్ట్ ప్లేయర్‌గా ఎంబాప్పే వరల్డ్ రికార్డ్ క్రియేట్ చేశాడు. ఈ 2026 టోర్నమెంట్‌లో టాప్ స్కోరర్‌గా నిలిచి అతను ఈ అవార్డును సొంతం చేసుకున్నాడు.

మెస్సీతో జరిగిన గట్టి పోటీలో ఎంబాప్పే పైచేయి సాధించాడు. ఈ టోర్నీలో మొత్తం 8 మ్యాచ్‌లు ఆడిన ఎంబాప్పే ఏకంగా 10 గోల్స్ చేసి అందరినీ ఆశ్చర్యపరిచాడు. 2022 ఖతార్ వరల్డ్ కప్‌లో కూడా 8 గోల్స్ చేసి ఎంబాప్పే గోల్డెన్ బూట్ విన్నర్‌గా నిలిచాడు. ఇప్పుడు మళ్లీ అదే సీన్‌ రిపీట్ చేసి బ్యాక్ టు బ్యాక్ గోల్డెన్ బూట్స్ తన అకౌంట్‌లో వేసుకున్నాడు.

ప్రస్తుతం 27 ఏళ్ల వయసున్న ఎంబాప్పే ఒకే వరల్డ్ కప్‌లో రెండంకెల స్కోరు (10 గోల్స్) సాధించిన రేర్ ఫీట్ అందుకున్నాడు. 1970లో వెస్ట్ జర్మనీకి చెందిన గెర్డ్ ముల్లర్ తర్వాత ఒకే టోర్నీలో 10 గోల్స్ చేసిన ప్లేయర్ ఎంబాప్పే మాత్రమే కావడం విశేషం.

వరల్డ్ కప్ హిస్టరీ చూస్తే 1958లో ఫ్రాన్స్‌కు చెందిన జస్ట్ ఫోంటైన్ 13 గోల్స్, 1954లో హంగేరీకి చెందిన సాండర్ కోసిస్ 11 గోల్స్ చేశారు. వారి తర్వాత ఒకే టోర్నీలో ఎక్కువ గోల్స్ చేసింది ఎంబాప్పే మాత్రమే. అంతేకాదు మెన్స్ వరల్డ్ కప్ హిస్టరీలోనే ఆల్ టైమ్ టాప్ స్కోరర్‌గా ఎంబాప్పే నిలిచాడు. అతను మొత్తం 22 గోల్స్‌తో మెస్సీ (21 గోల్స్) కంటే ఒక గోల్ ముందున్నాడు.

ఈ టోర్నీలో వరల్డ్ ఛాంపియన్‌గా నిలిచిన స్పెయిన్ టీమ్ మిగతా అవార్డులను క్లీన్ స్వీప్ చేసింది. స్పెయిన్ కెప్టెన్ రోడ్రీ అద్భుతమైన ఆటతీరుతో టోర్నమెంట్‌లోనే బెస్ట్ ప్లేయర్‌గా నిలిచి ‘గోల్డెన్ బాల్’ అవార్డును దక్కించుకున్నాడు. బ్రాంజ్ మెడల్ మ్యాచ్‌లో ఎంబాప్పే రెండు గోల్స్ చేసి మెస్సీ కంటే ముందంజలోకి వెళ్లాడు.

అయితే ఈ మ్యాచ్‌లో ఇంగ్లాండ్ చేతిలో ఫ్రాన్స్ 6-4 తేడాతో ఓడిపోయి నాల్గో స్థానంతో సరిపెట్టుకోవాల్సి వచ్చింది. మ్యాచ్ ముగిసిన తర్వాత మియామీలో ఎంబాప్పే మాట్లాడారు. వరల్డ్ కప్‌లో ఇన్ని గోల్స్ చేయడం కెరీర్‌కు ప్లస్ అవుతుందని, కానీ టాప్ స్కోరర్ అవార్డు కంటే ఫైనల్ ఆడి ఉంటే బాగుండేదని తన మనసులోని మాటను బయటపెట్టాడు.

ఈ టోర్నీలో గ్రూప్ స్టేజ్‌లో సెనెగల్, ఇరాక్‌లపై ఎంబాప్పే రెండేసి గోల్స్ చేశాడు. అలాగే లాస్ట్ 32 మ్యాచ్‌లో స్వీడన్‌పై గోల్ కొట్టాడు. ఆ తర్వాత పరాగ్వేతో జరిగిన లాస్ట్ 16 మ్యాచ్‌లో 70వ నిమిషంలో పెనాల్టీ ద్వారా విన్నింగ్ గోల్ చేశాడు. క్వార్టర్ ఫైనల్లో మొరాకోపై కూడా గోల్ సాధించాడు. ఆదివారం జరిగిన ఫైనల్ మ్యాచ్‌లో అర్జెంటీనా స్టార్ లియోనెల్ మెస్సీ హ్యాట్రిక్ కొట్టి ఉంటే ఎంబాప్పేను దాటేసేవాడు.

కానీ న్యూజెర్సీలో జరిగిన ఫైనల్లో స్పెయిన్ చేతిలో అర్జెంటీనా 1-0తో ఓడిపోయింది. 39 ఏళ్ల మెస్సీ ఈ మ్యాచ్‌లో గోల్ చేయలేకపోయాడు. దీంతో అతను 8 మ్యాచ్‌ల్లో 8 గోల్స్‌తో టోర్నీని ముగించాడు. ఇంగ్లాండ్‌కు చెందిన జూడ్ బెల్లింగ్‌హామ్, నార్వేకు చెందిన ఎర్లింగ్ హాలాండ్ చెరో 7 గోల్స్ చేయగా, ఫ్రాన్స్ ప్లేయర్ ఉస్మాన్ డెంబెలే, ఇంగ్లాండ్ కెప్టెన్ హ్యారీ కేన్ 6 గోల్స్ చేశారు.

ఫిఫా వరల్డ్ కప్‌లో ప్రతి ఎడిషన్‌లో టాప్ స్కోరర్‌గా నిలిచిన ప్లేయర్‌కు ఈ గోల్డెన్ బూట్ అవార్డు ఇస్తారు. 1982లో స్పెయిన్ లో జరిగిన వరల్డ్ కప్ నుండి ఈ అవార్డును అధికారికంగా ఇస్తున్నారు. అయితే గోల్డెన్ బూట్ గెలిచినంత మాత్రాన ఆ టీమ్ వరల్డ్ కప్ గెలుస్తుందనే గ్యారెంటీ లేదు. గత ఆరు టోర్నీల్లో కేవలం రొనాల్డో మాత్రమే గోల్డెన్ బూట్ గెలిచి, తన టీమ్‌ను ఛాంపియన్‌గా నిలబెట్టాడు. ఒకవేళ ఇద్దరు లేదా అంతకంటే ఎక్కువ మంది ప్లేయర్స్ సమానంగా గోల్స్ చేస్తే, ఎక్కువ అసిస్ట్‌లు చేసిన వారికి అవార్డు ఇస్తారు. అది కూడా సేమ్ ఉంటే తక్కువ నిమిషాలు ఆడిన ప్లేయర్‌కు అవార్డు దక్కుతుంది.

1982 నుండి గోల్డెన్ బూట్ విజేతల లిస్ట్

• 1982 (స్పెయిన్): పాలో రోస్సి (ఇటలీ) – 6 గోల్స్

• 1986 (మెక్సికో): గ్యారీ లినేకర్ (ఇంగ్లాండ్) – 6 గోల్స్

• 1990 (ఇటలీ): సాల్వటోర్ షిలాచి (ఇటలీ) – 6 గోల్స్

• 1994 (యూఎస్ఏ): హ్రిస్టో స్టోయిచ్కోవ్ (బల్గేరియా), ఒలేగ్ సాలెంకో (రష్యా) – 6 గోల్స్

• 1998 (ఫ్రాన్స్): డావోర్ సుకర్ (క్రొయేషియా) – 6 గోల్స్

• 2002 (సౌత్ కొరియా/జపాన్): రొనాల్డో (బ్రెజిల్) – 8 గోల్స్

• 2006 (జర్మనీ): మిరోస్లావ్ క్లోజ్ (జర్మనీ) – 5 గోల్స్

• 2010 (సౌతాఫ్రికా): థామస్ ముల్లర్ (జర్మనీ) – 5 గోల్స్

• 2014 (బ్రెజిల్): జేమ్స్ రోడ్రిగ్జ్ (కొలంబియా) – 6 గోల్స్

• 2018 (రష్యా): హ్యారీ కేన్ (ఇంగ్లాండ్) – 6 గోల్స్

• 2022 (ఖతార్): కిలియన్ ఎంబాప్పే (ఫ్రాన్స్) – 8 గోల్స్

• 2026 (కెనడా, మెక్సికో, యూఎస్ఏ): కిలియన్ ఎంబాప్పే (ఫ్రాన్స్) – 10 గోల్స్

వరల్డ్ కప్ హిస్టరీలో 1958లో జస్ట్ ఫోంటైన్ చేసిన 13 గోల్స్ రికార్డును ఇప్పటివరకు ఎవరూ బ్రేక్ చేయలేదు. 1982లో అవార్డు స్టార్ట్ అయిన తర్వాత 2002లో బ్రెజిల్ రొనాల్డో, 2022లో ఎంబాప్పే చేసిన 8 గోల్స్ హైయెస్ట్ రికార్డ్‌గా ఉండేది. కానీ ఇప్పుడు 2026లో ఎంబాప్పే 10 గోల్స్ చేసి ఆ రికార్డును కూడా దాటేశాడు.

Lionel Messi: రూ. వేల కోట్ల సంపాద‌న‌.. మెస్సీ ఆస్తుల విలువ తెలిస్తే పిచ్చెక్కాల్సిందే

Narender Vaitla — Sat, 18 Jul 2026 15:15:58 +0530

Lionel Messi: ప్రపంచ ఫుట్‌బాల్‌లో లియోనెల్ మెస్సీ పేరు తెలియని వారు ఉండరు. తన అద్భుతమైన ఆటతో కోట్లాది అభిమానులను సంపాదించిన మెస్సీ.. ఇప్పుడు వ్యాపార రంగంలోనూ విజయవంతంగా ముందుకు సాగుతున్నారు. ఆయ‌న ఆస్తుల వివ‌రాలు తెలిస్తే షాక్ అవ్వాల్సిందే.

మెస్సీ 2017లో స్పెయిన్‌లోని సముద్ర తీర నగరం సిట్‌జెస్‌లో తొలి హోటల్‌ను కొనుగోలు చేసి హోటల్ వ్యాపారాన్ని ప్రారంభించారు. ఆ తర్వాత ఒక్కో అడుగు ముందుకు వేస్తూ తన వ్యాపారాన్ని విస్తరించారు. 2018లో ఇబిజా, 2020లో మల్లోర్కా, 2021లో బాక్వేరా, 2023లో అండోరాలో కొత్త హోటళ్లను కొనుగోలు చేశారు. ప్రస్తుతం ఆయన MiM హోట‌ల్స్ బ్రాండ్ కింద స్పెయిన్, అండోరాలో మొత్తం ఆరు లగ్జరీ హోటళ్లు ఉన్నాయి. ఈ హోటళ్ల నిర్వహణను అంతర్జాతీయ హోటల్ సంస్థ మెలియా హోట‌ల్స్ ఇంట‌ర్నేష‌న‌ల్ చూస్తోంది.

మెస్సీ హోటళ్ల ప్రత్యేకత ఏమిటంటే.. ప్రతి హోటల్‌లో ఆయన ఫుట్‌బాల్ కెరీర్‌కు సంబంధించిన గుర్తులు కనిపిస్తాయి. ముఖ్యంగా ఆయన గెలుచుకున్న ఎనిమిది బ్యాలన్ డి'ఓర్ (Ballon d'Or) అవార్డుల ప్రతిరూపాలను అక్కడ ప్రదర్శిస్తున్నారు. అండోరాలోని హోటల్‌లో అయితే అతిథుల కోసం ప్రత్యేకంగా 'బ్యాలన్ డి'ఓర్' థీమ్‌తో చాక్లెట్ డెజర్ట్ కూడా అందిస్తున్నారు. హోటళ్లలో ఉన్న హించా రెస్టారెంట్లు ప్రముఖ మిషెలిన్ స్టార్ చెఫ్ నందూ జుబానీ సహకారంతో రూపొందించారు. అలాగే ఈ హోటళ్లు పర్యావరణ హితంగా నిర్మించ‌డంతో లీడ్ స‌స్టెన‌బిలిటీ స‌ర్టిఫికేష‌న్ కూడా పొందాయి.

అండోరాలోని హోటల్‌లో ఉన్న లియో మెస్సీ సూట్ అత్యంత విలాసవంతమైన గదిగా గుర్తింపు పొందింది. ఇందులో వ్యక్తిగత టెర్రస్, వేడి నీటితో కూడిన అవుట్‌డోర్ హాట్ టబ్, అందమైన పర్వతాల దృశ్యాలు వంటి ప్రత్యేక సౌకర్యాలు ఉన్నాయి. ఈ సూట్‌లో ఒక రాత్రి బస చేయాలంటే 600 డాలర్లకు పైగా చెల్లించాల్సి ఉంటుంది. సాధారణ గదితో పోలిస్తే ఇది రెండింతలకుపైగా ఖరీదైనది.

మెస్సీ పెట్టుబడులు కేవలం హోటళ్ల వరకే పరిమితం కాలేదు. అర్జెంటీనాకు చెందిన ప్రముఖ రెస్టారెంట్ చైన్ El Club de la Milanesaలో ఆయన వ్యూహాత్మక భాగస్వామిగా ఉన్నారు. అలాగే ప్రీమియం వైన్ బ్రాండ్‌లోనూ పెట్టుబడులు పెట్టారు. నివేదికల ప్రకారం ఆయన హోటల్, రియల్ ఎస్టేట్ సంస్థకు 23 కోట్ల యూరోలకుపైగా ఆస్తులు ఉన్నాయి. బార్సిలోనా, పారిస్, లండన్ వంటి నగరాల్లో విలువైన ఆస్తులు కూడా ఆయన సొంతం.

ఫుట్‌బాల్ ద్వారా వచ్చే ఆదాయం, ప్రపంచవ్యాప్తంగా బ్రాండ్ ప్రచార ఒప్పందాలు, హోటళ్లు, రియల్ ఎస్టేట్, రెస్టారెంట్లు, వైన్ వ్యాపారాల్లో పెట్టుబడులు.. ఇవన్నీ కలిసి మెస్సీ సంపదను భారీగా పెంచాయి. ప్రస్తుతం ఆయన మొత్తం ఆస్తుల విలువ ఒక బిలియన్ డాలర్లకు పైగా ఉంటుందని పలు అంతర్జాతీయ నివేదికలు చెబుతున్నాయి. అందుకే మెస్సీ మైదానంలో మాత్రమే కాదు.. వ్యాపార ప్రపంచంలోనూ విజయవంతమైన వ్యక్తిగా గుర్తింపు పొందుతున్నారు.

ఫిఫా వ‌ర‌ల్డ్‌క‌ప్‌లో కొత్త వివాదం.. అర్జెంటీనా ఆట‌గాడు ఆ బ్యాన‌ర్‌ను ఎందుకు ప్ర‌ద‌ర్శించాడు.? దాని అర్థం ఏంటి.?

Narender Vaitla — Thu, 16 Jul 2026 18:29:24 +0530

FIFA World Cup: 2026 ఫిఫా ప్రపంచకప్ సెమీఫైనల్లో ఇంగ్లాండ్‌పై అర్జెంటీనా 2-1 తేడాతో అద్భుత విజయాన్ని నమోదు చేసింది. అయితే మ్యాచ్ ముగిసిన తర్వాత సంబరాల సమయంలో అర్జెంటీనా మిడ్‌ఫీల్డర్ జియోవానీ లో సెల్సో ప్రదర్శించిన ఒక బ్యానర్ వివాదానికి దారితీసింది.

విజ‌యం అనంత‌రం "Las Malvinas son Argentinas" అని రాసిన ఆ బ్యానర్‌ను ప్ర‌ద‌ర్శించ‌డం చ‌ర్చ‌నీయాంశంగా మారింది. స్పానిష్‌లో ఉన్న "Las Malvinas son Argentinas" అంటే "మాల్వినాస్ దీవులు అర్జెంటీనాకే చెందినవి" అని అర్థం. అర్జెంటీనా, ఫాక్‌ల్యాండ్ దీవులను "లాస్ మాల్వినాస్" అని పిలుస్తుంది. ప్రస్తుతం ఈ దీవులు బ్రిటన్ ఆధీనంలో ఉన్నాయి. ఇవి అర్జెంటీనా తూర్పు తీరానికి సుమారు 480 కిలోమీటర్ల దూరంలో ఉన్నాయి. సెమీఫైనల్ మ్యాచ్ ముగిసిన తర్వాత జియోవానీ లో సెల్సో, మరో ఆటగాడు నికోలస్ ఒటమెండీ కలిసి ఈ బ్యానర్‌ను అభిమానుల నుంచి తీసుకుని కొద్దిసేపు ప్రదర్శించారు. తర్వాత దానిని మైదానంపై ఉంచి విజయోత్సవాలు కొనసాగించారు.

ఫాక్‌ల్యాండ్ దీవుల యాజమాన్యంపై అర్జెంటీనా, యునైటెడ్ కింగ్‌డమ్ మధ్య దాదాపు 190 ఏళ్లుగా వివాదం కొనసాగుతోంది. 19వ శతాబ్దం ప్రారంభంలో ఈ వివాదం మొదలైంది. 1832లో బ్రిటన్ ఈ దీవులపై మళ్లీ నియంత్రణ సాధించింది. 1982లో అప్పటి అర్జెంటీనా సైనిక ప్రభుత్వం ఈ దీవులను స్వాధీనం చేసుకునేందుకు దాడి చేసింది.

దీంతో ఫాక్‌ల్యాండ్ యుద్ధం జరిగింది. ఏప్రిల్ 2 నుంచి జూన్ 14 వరకు సాగిన ఈ యుద్ధంలో చివరకు అర్జెంటీనా ఓటమి పాలైంది. ఈ యుద్ధంలో 255 మంది బ్రిటిష్ సైనికులు, 649 మంది అర్జెంటీనా సైనికులు, ముగ్గురు పౌరులు మరణించారు. అయినా ఇప్పటికీ ఈ దీవులపై తమకే హక్కు ఉందని అర్జెంటీనా వాదిస్తోంది.

ప్రపంచకప్ సెమీఫైనల్‌కు కొన్ని రోజుల ముందే అర్జెంటీనా విదేశాంగ శాఖ అధికారిక ప్రకటన విడుదల చేసింది. ఆ ప్రకటనలో బ్రిటన్ నౌక HMS Medway మాల్వినాస్ దీవుల పరిసరాల్లో ప్రయాణించడాన్ని తీవ్రంగా వ్యతిరేకించింది. ఇది రెండు దేశాల మధ్య ఉన్న ఒప్పందాలకు, ఐక్యరాజ్యసమితి తీర్మానాలకు విరుద్ధమని పేర్కొంది. అలాగే మాల్వినాస్ దీవులు, సౌత్ జార్జియా, సౌత్ సాండ్‌విచ్ దీవులు, వాటి చుట్టుపక్కల సముద్ర ప్రాంతాలపై అర్జెంటీనాకే చట్టబద్ధమైన సార్వభౌమ హక్కు ఉందని మరోసారి స్పష్టం చేసింది. ప్రకటన చివర్లో "చరిత్ర ప్రకారం, హక్కు ప్రకారం, మా నమ్మకం ప్రకారం మాల్వినాస్ అర్జెంటీనాకే చెందుతాయి" అని పేర్కొంది.

pic.twitter.com/YH6wc5jHyO

— Cancillería Argentina (@Cancilleria_Ar) July 15, 2026

ఫిఫా, అలాగే అంతర్జాతీయ ఫుట్‌బాల్ అసోసియేషన్ బోర్డు (IFAB) నిబంధనల ప్రకారం మ్యాచ్‌ల సమయంలో రాజకీయ సందేశాలు, నినాదాలు, చిహ్నాలు లేదా బ్యానర్లు ప్రదర్శించడం నిషేధం. ఆటగాళ్ల దుస్తులు, బ్యానర్లు లేదా ఇతర వస్తువులపై రాజకీయ సందేశాలు ఉంటే వాటిపై పోటీ నిర్వాహకులు, జాతీయ ఫుట్‌బాల్ సంఘం లేదా ఫిఫా క్రమశిక్షణ చర్యలు తీసుకునే అవకాశం ఉంది. అంతేకాకుండా ఫిఫా స్టేడియం నిబంధనల ప్రకారం రాజకీయ, వివక్షను ప్రోత్సహించే లేదా వివాదాస్పద సందేశాలతో కూడిన బ్యానర్లు, జెండాలు, పోస్టర్లు స్టేడియంలో ప్రదర్శించడాన్ని కూడా నిషేధించింది.

| Argentina players after the game with banner stating: “Las Malvinas Son Argentinas” #FIFAWorldCup pic.twitter.com/yCMGvuXmlK

— ULTRA ATTACKIVE (@UltraAttackive) July 15, 2026

ఫిఫా ఈ బ్యానర్‌ను రాజకీయ సందేశంగా పరిగణిస్తే జియోవానీ లో సెల్సోపై లేదా అర్జెంటీనా ఫుట్‌బాల్ జట్టుపై క్రమశిక్షణ చర్యలు తీసుకునే అవకాశం ఉంది. అయితే ఇప్పటివరకు ఫిఫా ఈ ఘటనపై ఎలాంటి అధికారిక ప్రకటన చేయలేదు. ఈ ఘటనతో ఫాక్‌ల్యాండ్ దీవులపై దశాబ్దాలుగా కొనసాగుతున్న రాజకీయ వివాదం మరోసారి ప్రపంచవ్యాప్తంగా చర్చనీయాంశంగా మారింది. ప్రస్తుతం ఫిఫా ఈ అంశాన్ని ఎలా పరిశీలిస్తుంది, ఎలాంటి నిర్ణయం తీసుకుంటుందన్నదే ఆసక్తికరంగా మారింది.

FIFA World Cup Final: క్లైమాక్స్ అదిరింది.. ఇంగ్లాండ్‌ను ఇంటికి పంపిన మెస్సీ సేన.. వరుసగా రెండోసారి ఫైనల్‌కు

Mahesh Rajamoni — Thu, 16 Jul 2026 07:43:11 +0530

FIFA World Cup Final: ఫిఫా వరల్డ్ కప్ 2026 సెమీఫైనల్లో అర్జెంటీనా 2-1తో ఇంగ్లాండ్‌పై గ్రాండ్ విక్టరీ కొట్టింది. చివరి నిమిషాల్లో మెస్సీ అసిస్ట్‌లతో ఎంజో, లౌటారో గోల్స్ కొట్టి మ్యాచ్‌ను మలుపు తిప్పారు.

ఫుట్‌బాల్ అంటేనే లాస్ట్ మినిట్ వరకు ఉత్కంఠ. అది ఫిఫా వరల్డ్ కప్ సెమీఫైనల్ అయితే ఆ కిక్కే వేరు. అట్లాంటా స్టేడియంలో 68 వేల మంది అభిమానులు మధ్య జరిగిన మ్యాచ్‌లో డిఫెండింగ్ ఛాంపియన్ అర్జెంటీనా అద్భుతం చేసింది. ఇంగ్లాండ్‌తో జరిగిన సెమీస్‌లో 0-1తో వెనుకబడినప్పటికీ, చివరి ఆరు నిమిషాల్లో మ్యాచ్‌ను పూర్తిగా తిప్పేసింది. 2-1 గోల్స్ తేడాతో ఇంగ్లాండ్‌ను ఓడించి, వరుసగా రెండోసారి వరల్డ్ కప్ ఫైనల్లోకి దూసుకెళ్లింది. జూన్ 19న మెట్‌లైఫ్ స్టేడియంలో జరిగే ఫైనల్ మ్యాచ్‌లో స్పెయిన్‌తో అర్జెంటీనా తలపడనుంది.

మ్యాచ్ స్టార్టింగ్ నుంచే రెండు టీమ్స్ డిఫెన్స్‌కు ఎక్కువ ఇంపార్టెన్స్ ఇచ్చాయి. ఫస్ట్ హాఫ్‌లో ఇరు జట్లు అద్భుతమైన ఆటతో సమంగా నిలిచాయి. మ్యాచ్ కాస్త రఫ్‌గా మారింది. ఇంగ్లాండ్ కొన్ని ఛాన్సులు క్రియేట్ చేసినా గోల్స్ రాలేదు. దీంతో మొదటి సగం 0-0తో ముగిసింది. కానీ సెకండ్ హాఫ్ మొదలైన 10 నిమిషాలకే సీన్ మారింది. 55వ నిమిషంలో ఇంగ్లాండ్ ప్లేయర్ ఆంథోనీ గోర్డాన్ అదిరిపోయే గోల్ కొట్టాడు. మోర్గాన్ రోజర్స్ రైట్ వింగ్ నుంచి ఇచ్చిన సూపర్ క్రాస్‌ను గోర్డాన్ టచ్ చేస్తూ అర్జెంటీనా గోల్ కీపర్ ఎమిలియానో మార్టినెజ్‌ను దాటించి నెట్‌లోకి పంపాడు. దీంతో ఇంగ్లాండ్ 1-0 ఆధిక్యంలోకి వెళ్లింది.

గోల్ కొట్టిన తర్వాత ఇంగ్లాండ్ పూర్తిగా డిఫెన్స్ మోడ్‌లోకి వెళ్లిపోయింది. ఎంతలా అంటే వాళ్ల కెప్టెన్, మెయిన్ స్ట్రైకర్ హ్యారీ కేన్ కూడా వెనక్కి వచ్చి డిఫెండ్ చేయడం స్టార్ట్ చేశాడు. అర్జెంటీనా చేసిన రెండు పక్కా గోల్ అటెంప్ట్స్‌ను ఇంగ్లాండ్ కీపర్ జోర్డాన్ పిక్‌ఫోర్డ్ గోడలా నిలబడి ఆపేశాడు. 84 నిమిషాల వరకు ఇంగ్లాండ్ విక్టరీ వైపు దూసుకెళ్తోంది. అర్జెంటీనా పని అయిపోయింది అనుకున్న టైమ్‌లో లియోనెల్ మెస్సీ తన మ్యాజిక్ చూపించాడు. ఈ మ్యాచ్‌లో మెస్సీ గోల్ కొట్టకపోయినా, రెండు అద్భుతమైన అసిస్ట్‌లతో 'గోల్ మేకర్'గా నిలిచాడు. వరల్డ్ కప్ హిస్టరీలో మెస్సీకి ఇది 12వ అసిస్ట్ కావడం విశేషం.

మ్యాచ్ ముగియడానికి మరో ఐదు నిమిషాలు ఉందనగా, 85వ నిమిషంలో అర్జెంటీనాకు కార్నర్ లభించింది. మెస్సీ తీసిన పర్ఫెక్ట్ కార్నర్ కిక్‌ను అందుకున్న ఎంజో ఫెర్నాండెజ్, లాంగ్ రేంజ్ నుంచి బాల్‌ను నేరుగా ఇంగ్లాండ్ నెట్‌లోకి పంపాడు. అంతకుముందే ఎంజో కొట్టిన షాట్‌ను పిక్‌ఫోర్డ్ ఆపినప్పటికీ, ఈసారి మాత్రం ఛాన్స్ ఇవ్వలేదు. ఈ గోల్‌తో స్కోరు 1-1తో ఈక్వల్ అయింది. మ్యాచ్ ఎక్స్‌ట్రా టైమ్‌కు వెళ్తుందని అందరూ అనుకున్నారు.

అసలైన ట్విస్ట్ 90 నిమిషాల తర్వాత యాడ్ చేసిన ఇంజ్యూరీ టైమ్‌లో వచ్చింది. 90+2వ నిమిషంలో మెస్సీ మళ్లీ తన క్లాస్ చూపించాడు. ఇంగ్లాండ్ డిఫెన్స్‌ను చేధిస్తూ మెస్సీ ఇచ్చిన సూపర్ క్రాస్‌ను లౌటారో మార్టినెజ్ ఏమాత్రం మిస్ చేయకుండా గోల్‌గా మలిచాడు. ఈ విన్నింగ్ గోల్‌తో అర్జెంటీనా 2-1తో లీడ్ సాధించింది. స్టేడియం మొత్తం అర్జెంటీనా నినాదాలతో హోరెత్తిపోయింది. 1966 తర్వాత మళ్లీ వరల్డ్ కప్ గెలవాలనే ఇంగ్లాండ్ కల ఈ ఓటమితో ముక్కలైంది.

ఈ విజయంతో అర్జెంటీనా వరుసగా రెండోసారి ఫైనల్ చేరింది. 1962లో బ్రెజిల్ తర్వాత వరుసగా రెండుసార్లు వరల్డ్ కప్ గెలిచిన టీమ్‌గా రికార్డు సృష్టించేందుకు అర్జెంటీనా కేవలం ఒకే ఒక్క విజయం దూరంలో ఉంది. ఫస్ట్ సెమీఫైనల్లో ఫ్రాన్స్‌ను 2-0తో ఓడించిన స్పెయిన్‌తో అర్జెంటీనా టైటిల్ కోసం పోరాడనుంది. ఈ మెగా ఫైనల్ మ్యాచ్ భారత కాలమానం ప్రకారం జూలై 20వ తేదీ రాత్రి 12:30 గంటలకు ప్రారంభం కానుంది. మెస్సీ తన కెరీర్ చివరి వరల్డ్ కప్‌ను మరో ట్రోఫీతో ముగిస్తాడో లేదో చూడాలి.

FIFA World Cup: ఓడినా మీరు మాకు గర్వమే.. నార్వే జట్టుకు లక్ష‌లాది మందికిపైగా అభిమానుల స్వాగతం

Narender Vaitla — Tue, 14 Jul 2026 21:35:20 +0530

ఒస్లోలో ఘన స్వాగతం.. రాజ కుటుంబంతో భేటీ

అమెరికా నుంచి స్వదేశానికి చేరుకున్న నార్వే జట్టుకు విమానాశ్రయంలో సాంప్రదాయ వాటర్ కానన్ సెల్యూట్ ఇచ్చి స్వాగతం పలికారు. అనంతరం ఆటగాళ్లు ఓపెన్‌టాప్ బస్సులో ఒస్లో నగరంలో విజయోత్సవ ర్యాలీ నిర్వహించారు.

ముందుగా నార్వే రాజు హరాల్డ్‌ను మర్యాదపూర్వకంగా కలిసిన జట్టు సభ్యులు, తర్వాత రాయల్ ప్యాలెస్ మెట్లపై నుంచి అభిమానులకు అభివాదం చేశారు. నగరంలోని ప్రధాన రహదారి కార్ల్ జోహాన్స్ గేట్‌తో పాటు రాయల్ ప్యాలెస్ పరిసర ప్రాంతాలు అభిమానులతో కిక్కిరిశాయి.

హాలాండ్ గైర్హాజరు.. కోచ్ వెల్లడించిన కారణం

ఈ వేడుకలో నార్వే స్టార్ స్ట్రైకర్ ఎర్లింగ్ హాలాండ్ కనిపించలేదు. అలాగే మిడ్‌ఫీల్డర్ సాండర్ బెర్గే కూడా హాజరుకాలేదు. దీనిపై స్పందించిన ప్రధాన కోచ్ స్టాలే సోల్‌బక్కెన్ మాట్లాడుతూ, అమెరికా నుంచి బయలుదేరిన విమానం నాలుగు గంటలు ఆలస్యమవడంతో ఇద్దరూ ముందుగానే తమ తదుపరి విమానాలను అందుకోవాల్సి వచ్చిందని తెలిపారు. అయితే హాలాండ్ లేకపోయినా అభిమానుల ఉత్సాహం ఏమాత్రం తగ్గలేదు.

అభిమానుల ప్రేమ మరువలేనిది: కెప్టెన్ ఒడెగార్డ్

జట్టు కెప్టెన్ మార్టిన్ ఒడెగార్డ్ అభిమానుల ఆదరణపై ఆనందం వ్యక్తం చేశారు. "ఇలాంటి స్పందన వస్తుందని మేమెప్పుడూ ఊహించలేదు. అమెరికాలోనూ, స్వదేశంలోనూ అభిమానులు మాకు చూపిన ప్రేమ అద్భుతం. ఈ సపోర్టును జీవితాంతం గుర్తుంచుకుంటాం" అని ఆయన చెప్పారు.

నార్వే ఫుట్‌బాల్ జట్టు కూడా తమ అధికారిక ఎక్స్ ఖాతాలో స్వాగత వేడుకల వీడియోను పంచుకుంటూ, "బయట ఎంత బాగున్నా... సొంత ఇల్లు అంతకంటే గొప్పది" అనే నార్వే సామెతను జోడించింది.

The national team is parading through Oslo in an open-top bus from the Royal Palace to City Hall, as people line the streets to celebrate Norway’s historic World Cup achievement. pic.twitter.com/aAXJn7Z6vk

— Joakim (@joakial_) July 13, 2026

అభిమానులతో నిండిన వీధులు

ఓపెన్‌టాప్ బస్సులో నిర్వహించిన ర్యాలీకి భారీగా అభిమానులు రావడంతో కొంతసేపు ట్రాఫిక్ సమస్యలు ఏర్పడ్డాయి. ఒక దశలో పోలీసులు దారి ఖాళీ చేసే వరకు బస్సును వెనక్కి తీసుకెళ్లాల్సి వచ్చింది. మరో సందర్భంలో రోడ్డుపై ఉన్న విద్యుత్, కమ్యూనికేషన్ కేబుళ్లు తక్కువ ఎత్తులో ఉండటంతో బస్సు పైభాగంలో నిలబడ్డ ఆటగాళ్లు కూర్చోవాల్సి వచ్చింది. అనంతరం ర్యాలీ తిరిగి కొనసాగింది.

ఓటమి కంటే గొప్పది జట్టు పోరాటమే

ఇంగ్లండ్‌తో జరిగిన క్వార్టర్ ఫైనల్లో నార్వే ఓడిపోయినా, ఈ ప్రపంచకప్‌లో ఆ జట్టు కనబర్చిన ఆటతీరు దేశ ప్రజల మనసులు గెలుచుకుంది. చివరకు ఒస్లో సిటీ హాల్ స్క్వేర్‌కు చేరుకున్న జట్టుకు వేలాది మంది అభిమానులు ఘనంగా స్వాగతం పలుకుతూ సంబరాలు జరుపుకున్నారు. టోర్నీ ట్రోఫీని గెలవలేకపోయినా, అభిమానుల గుండెల్లో మాత్రం నార్వే జట్టు నిజమైన విజేతగా నిలిచిందని ఆ దేశ ప్రజలు మరోసారి నిరూపించారు.

Most Beautiful Football Stadiums: ప్రపంచంలోనే మోస్ట్ బ్యూటిఫుల్ ఫుట్‌బాల్ స్టేడియాలు ఇవే.. ఆఖరిదైతే నెక్స్ట్ లెవెల్ అంతే !

Mahesh Rajamoni — Mon, 13 Jul 2026 12:34:02 +0530

Most Beautiful Football Stadiums: ప్రపంచంలోని అందమైన ఫుట్‌బాల్ స్టేడియాలు చాలానే ఉన్నాయి. అయితే, ఫుట్‌బాల్ అభిమానుల కోసం ప్రపంచంలోనే అత్యంత అద్భుతమైన, సూపర్బ్ ఆర్కిటెక్చర్ కలిగిన టాప్ స్టేడియాల లిస్ట్, వాటి విశేషాలు ఇక్కడ తెలుసుకుందాం.

ఫుట్‌బాల్ అనేది కేవలం ఒక ఆట మాత్రమే కాదు.. అదొక ఎమోషన్. అంతకంటే ఎక్కువగా, ప్రపంచంలోని అత్యంత అద్భుతమైన ఆర్కిటెక్చర్‌ను చూసేందుకు ఇదొక పాస్‌పోర్ట్ లాంటిది. ట్రావెలింగ్ ఇష్టపడే ఫుట్‌బాల్ అభిమానులకు మ్యాచ్ డే టికెట్ దొరికిందంటే, అది కేవలం 90 నిమిషాల ఆట మాత్రమే కాదు. ఫుట్‌బాల్ హిస్టరీకి సజీవ సాక్ష్యాలుగా నిలిచిన అద్భుతమైన కట్టడాల మధ్య నిలబడే ఒక గొప్ప అవకాశం. ప్రతి ఫుట్‌బాల్ ప్రేమికుడు తన జీవితంలో ఒక్కసారైనా సందర్శించాల్సిన కొన్ని బ్యూటిఫుల్ స్టేడియాల లిస్ట్ గమనిస్తే..

బార్సిలోనా హోమ్ గ్రౌండ్ అయిన క్యాంప్ నౌ, ఫుట్‌బాల్ సంస్కృతికి ఒక దేవాలయం లాంటిది. కాటలోనియా నడిబొడ్డున ఉన్న ఈ స్టేడియం సైజ్ చూస్తే ఎవరైనా సరే షాక్ అవ్వాల్సిందే. ప్రస్తుతం దీనికి జరుగుతున్న ఆధునీకరణ పనులు దీని లుక్‌ను మరింత ఫ్యూచరిస్టిక్‌గా మార్చబోతున్నాయి. ఇక్కడ కేవలం పిచ్ మాత్రమే కాదు, ఎఫ్సీ బార్సిలోనా మ్యూజియంను కూడా విజిటర్స్ ఎక్స్‌ప్లోర్ చేయవచ్చు. క్లబ్ హిస్టరీకి సంబంధించిన ట్రోఫీలు, జెర్సీలు, ఐకానిక్ మూమెంట్స్ ఇక్కడ ఉన్నాయి.

ఏ టీమ్ ఆడుతోంది అనేదానిపై ఆధారపడి.. రాత్రి వేళల్లో ఎరుపు, నీలం లేదా తెలుపు రంగుల్లో మెరిసిపోయే అలియాంజ్ అరేనాను చూస్తే ఏదో సైన్స్ ఫిక్షన్ సినిమా గుర్తొస్తుంది. దీని ఉబ్బినట్లు ఉండేఈటీఎఫ్ఈ ప్యానెల్స్ లైటింగ్ ఎఫెక్ట్‌తో గ్లో అవుతూ మోడ్రన్ బవేరియాకు ఒక సింబల్‌గా నిలిచాయి. ఈ స్టేడియం టూర్‌లో భాగంగా డ్రెస్సింగ్ రూమ్‌లు, ప్లేయర్ టన్నెల్‌లోకి వెళ్లే ఛాన్స్ కూడా దొరుకుతుంది. దీంతో మ్యాచ్ డే రోజున ప్లేయర్స్ ఎలాంటి నర్వస్‌నెస్‌ను ఫీల్ అవుతారో, అభిమానులు కూడా నార్మల్ డేస్‌లోనే ఆ ఫీలింగ్‌ను ఎక్స్‌పీరియన్స్ చేయవచ్చు.

చరిత్రాత్మక ప్రాధాన్యం కలిగిన స్టేడియాల్లో మరకానాకు సాటి వచ్చేదిలేదు. 1950 వరల్డ్ కప్ కోసం నిర్మించిన ఈ స్టేడియంలో రెండు వరల్డ్ కప్ ఫైనల్స్ మ్యాచ్‌లు జరిగాయి. ఇప్పటికీ ఇది బ్రెజిలియన్ ఫుట్‌బాల్ ప్యాషన్‌కు ఒక నిదర్శనం. ఫ్లెమింగో లేదా ఫ్లుమినెన్స్ మ్యాచ్ జరుగుతున్నప్పుడు ఈ స్టేడియం లోపల ఉండే ఎనర్జీ నెక్స్ట్ లెవెల్‌లో ఉంటుంది. దీనితో పాటు రియో బీచ్‌లు, పర్వతాలు ఇక్కడికి వచ్చే పర్యాటకులకు అదనపు ఆకర్షణగా నిలుస్తాయి.

మైళ్ల దూరం నుంచే కనిపించే ఐకానిక్ ఆర్చ్‌తో వెంబ్లీ స్టేడియం ఇంగ్లీష్ ఫుట్‌బాల్ అభిమానులకు ఒక పవిత్రమైన పుణ్యక్షేత్రం లాంటిది. ఇంగ్లండ్ నేషనల్ టీమ్‌కు హోమ్ గ్రౌండ్‌గా, అలాగే ఎఫ్ఏ కప్ ఫైనల్స్‌ జరిగే ఈ స్టేడియం దశాబ్దాల నాటి డ్రామా, హిస్టరీని మోస్తోంది. ఇక్కడి స్టేడియం టూర్‌లో విజిటర్స్ ప్లేయర్స్ ఎంట్రన్స్ గుండా వెళ్లి, ఒరిజినల్ ట్రోఫీ లాంటి రెప్లికాను లిఫ్ట్ చేసి ఫొటోలు దిగవచ్చు. ముఖ్యంగా యంగ్ ఫుట్ బాల్ లవర్స్ కు ఇది మోస్ట్ ఫేవరెట్ మూమెంట్.

ప్రపంచంలోని అందమైన స్టేడియాల లిస్ట్‌లో క్రొయేషియాలోని 'స్టేడియన్ గోస్పిన్ డొలాక్' కచ్చితంగా ఉంటుంది. రాతి కొండల మధ్య ఉన్న ఈ స్టేడియం మోస్ట్ పిక్చరస్క్ స్పోర్టింగ్ వెన్యూస్‌లో ఒకటిగా గుర్తింపు పొందింది. ఇమోట్స్కి అనే చిన్న నగరం క్రొయేషియాలో చాలా ప్రశాంతమైన, ఇన్‌స్టాగ్రామ్ వర్తీ లొకేషన్. దీని పక్కనే తోపానా అనే ఇల్లిరియన్ కోట, బ్లూ లేక్, రెడ్ లేక్ లు ఉన్నాయి.

అలాగే ఇటలీలోని 'స్టాడియో పియర్ లుయిగి పెంజో' సీరీ ఏ క్లబ్ వెనిజియా ఎఫ్సీ కి హోమ్ గ్రౌండ్. ఇది వెనిస్‌లోని శాంట్ ఎలెనా ద్వీపంలో అత్యంత అందమైన లొకేషన్‌లో ఉంది. వెనిస్ బినాలే గ్రౌండ్స్ దీనికి పక్కనే ఉంటాయి. పియాజ్జా సాన్ మార్కో నుండి నడుచుకుంటూ లేదా ఫెర్రీ ద్వారా ఈ స్టేడియంకు చేరుకుని మ్యాచ్ డే యాక్షన్‌ను ఎంజాయ్ చేయవచ్చు.

FIFA World Cup 2026: బాబోయ్ ఏం మ్యాచ్ రా నాయనా ! ఫ్రాన్స్‌ను రౌండప్ చేసి కొట్టిన ఇంగ్లాండ్.. మెస్సీ రికార్డ్ బ్రేక్

Mahesh Rajamoni — Sun, 19 Jul 2026 07:55:42 +0530

FIFA World Cup 2026: ఫిఫా వరల్డ్ కప్ 2026 థర్డ్ ప్లేస్ మ్యాచ్‌లో ఫ్రాన్స్‌ను 6-4తో ఇంగ్లాండ్ ఓడించింది. సాకా హాట్రిక్ కొట్టగా, ఎంబాప్పే వరల్డ్ రికార్డ్ క్రియేట్ చేశాడు. ఫ్రాన్స్‌ను రౌండప్ చేసి కొట్టింది ఇంగ్లాండ్.

ఫుట్‌బాల్ హిస్టరీలోనే మోస్ట్ థ్రిల్లింగ్ మ్యాచ్ ఫిఫా వరల్డ్ కప్ 2026లో జరిగింది. ఆదివారం థర్డ్ ప్లేస్ కోసం జరిగిన మ్యాచ్‌లో ఇంగ్లాండ్, ఫ్రాన్స్ జట్లు మైదానంలో పూనకాలు వచ్చినట్లు ఊగిపోయాయి. మయామిలోని హార్డ్ రాక్ స్టేడియంలో జరిగిన ఈ మ్యాచ్‌లో ఏకంగా 10 గోల్స్ నమోదయ్యాయి.

హోరాహోరీగా సాగిన ఈ గోల్స్ పండగలో ఇంగ్లాండ్ 6-4 తేడాతో ఫ్రాన్స్‌ను చిత్తు చేసి బ్రాంజ్ మెడల్‌ను సొంతం చేసుకుంది. ఇంగ్లాండ్ స్టార్ ప్లేయర్ బుకాయో సాకా సూపర్ హాట్రిక్‌తో మ్యాచ్‌ను వన్‌సైడ్ చేయగా, ఫ్రాన్స్ కెప్టెన్ ఎంబాప్పే డబుల్ గోల్స్ కొట్టినా తన టీమ్‌ను గెలిపించుకోలేకపోయాడు.

ఈ విజయంతో ఇంగ్లాండ్ ఒక భారీ రికార్డ్‌ను సెట్ చేసింది. 1966లో వరల్డ్ కప్ గెలిచిన తర్వాత, మళ్లీ 60 ఏళ్ల లాంగ్ గ్యాప్ తర్వాత ఇంగ్లాండ్ టీమ్ ఒక వరల్డ్ కప్‌లో టాప్ 3లో ఫినిష్ చేయడం ఇదే ఫస్ట్ టైమ్. హ్యారీ కేన్ కెప్టెన్సీలోని ఇంగ్లాండ్ టీమ్ వరల్డ్ కప్ కల చెదిరిపోయినా, ఈ బ్రాంజ్ మెడల్ గెలవడం వాళ్లకు చాలా పెద్ద అచీవ్‌మెంట్ అని చెప్పాలి. మరోవైపు, ఈ టోర్నమెంట్‌లో హాట్ ఫేవరెట్‌గా బరిలోకి దిగిన ఫ్రాన్స్‌కు మాత్రం తీవ్ర నిరాశే మిగిలింది. వాళ్లు కనీసం థర్డ్ ప్లేస్ కూడా దక్కించుకోలేక చతికిలపడ్డారు.

ఈ మ్యాచ్‌లో ఇంగ్లాండ్ తరఫున 25 ఏళ్ల బుకాయో సాకా మెరుపులు మెరిపించాడు. మ్యాచ్‌ 37వ, 45+1వ, 87వ నిమిషాల్లో అదిరిపోయే గోల్స్ కొట్టి హాట్రిక్ కంప్లీట్ చేశాడు. అయితే మ్యాచ్ స్టార్ట్ అయిన 3వ నిమిషంలోనే డెక్లాన్ రైస్ గోల్ కొట్టి ఇంగ్లాండ్‌కు అదిరిపోయే లీడ్ ఇచ్చాడు. ఆ తర్వాత 18వ నిమిషంలో ఎజ్రీ కొన్సా ఇంకో గోల్ వేయడంతో లీడ్ డబుల్ అయింది. ఇక సాకా బ్యాక్ టు బ్యాక్ గోల్స్ కొట్టడంతో ఫస్ట్ హాఫ్ ముగిసేసరికి ఇంగ్లాండ్ 4-0తో ఫుల్ డామినేషన్ చూపించింది. ఫ్రాన్స్ టీమ్ అసలు కోలుకోలేదేమో అనుకున్నారంతా.. కానీ, మళ్లీ ఫ్రాన్స్ కూడా గోల్స్ కొట్టడం స్టార్ట్ చేయడంతో ఉత్కంఠగా సాగింది.

కానీ సెకండ్ హాఫ్‌లో సీన్ రివర్స్ అయింది. ఫ్రాన్స్ టీమ్ ఊహించని రేంజ్‌లో కమ్‌బ్యాక్ ఇచ్చింది. 48వ నిమిషంలో ఎంబాప్పే ఫస్ట్ గోల్ కొట్టాడు. ఆ వెంటనే 54వ నిమిషంలో బ్రాడ్లీ బార్కోలా ఇంకో గోల్ వేసి స్కోర్‌ను 2-4కి తెచ్చాడు. 66వ నిమిషంలో ఎంబాప్పే మళ్లీ మ్యాజిక్ చేస్తూ సెకండ్ గోల్ కొట్టడంతో లీడ్ 4-3కి పడిపోయింది. మ్యాచ్ లాస్ట్ మినిట్స్‌కు వచ్చేసరికి ఉత్కంఠ పీక్స్‌కు చేరింది. 87వ నిమిషంలో ఇంగ్లాండ్‌కు పెనాల్టీ దక్కగా, సాకా దాన్ని గోల్‌గా మార్చి తన హాట్రిక్‌తో పాటు స్కోర్‌ను 5-3 చేశాడు. ఇంజూరీ టైమ్ 90+6వ నిమిషంలో ఉస్మాన్ డెంబెలే ఫ్రాన్స్ తరఫున 4వ గోల్ కొట్టి ఆశలు రేపాడు. కానీ 90+8వ నిమిషంలో జూడ్ బెల్లింగ్‌హామ్ ఇంగ్లాండ్ తరఫున సిక్స్త్ గోల్ కొట్టి మ్యాచ్‌ను క్లోజ్ చేసేశాడు.

మ్యాచ్‌లో ఫ్రాన్స్ ఓడిపోయినా, ఆ టీమ్ కెప్టెన్ ఎంబాప్పే మాత్రం హిస్టరీ క్రియేట్ చేశాడు. 27 ఏళ్ల ఈ ఫుట్‌బాల్ సెన్సేషన్ ఈ మ్యాచ్‌లో రెండు గోల్స్ కొట్టడం ద్వారా ఈ సీజన్‌లో టోటల్‌గా 10 గోల్స్ పూర్తి చేశాడు. దాంతో మెస్సీ (8 గోల్స్)ని దాటేసి గోల్డెన్ బూట్ రేసులో టాప్‌లోకి దూసుకెళ్లాడు. అంతేకాదు, వరల్డ్ కప్ హిస్టరీలోనే అత్యధిక గోల్స్ చేసిన ప్లేయర్‌గా ఎంబాప్పే వరల్డ్ రికార్డ్ క్రియేట్ చేశాడు. ఎంబాప్పే ఖాతాలో ఇప్పుడు మొత్తం 22 వరల్డ్ కప్ గోల్స్ ఉన్నాయి. మెస్సీ 21 గోల్స్‌తో సెకండ్ ప్లేస్‌లో ఉన్నాడు. మ్యాచ్ ఓడినా ఎంబాప్పే మాత్రం రియల్ కింగ్ అనిపించుకున్నాడు.

Ferran Torres: మెస్సీ కలని ముంచేసిన కుర్రాడు.. ఎవరీ ఫెర్రాన్ టోర్రెస్? ఇండియాతో ఉన్న స్పెషల్ కనెక్షన్ ఏంటి?

Mahesh Rajamoni — Mon, 20 Jul 2026 14:49:22 +0530

Who Is Ferran Torres: మెస్సీ టీమ్ అర్జెంటీనాను ఓడించి స్పెయిన్‌కు వరల్డ్ కప్ 2026 అందించిన హీరో ఫెర్రాన్ టోర్రెస్. ఈ బార్సిలోనా స్టార్ సంచలన ప్రయాణం ఇప్పుడు హాట్ టాపిక్ గా మారింది. ఫిఫా వరల్డ్ కప్ 2026 హీరోకు ఇండియాతో ఉన్న స్పెషల్ కనెక్షన్ ఏంటి?

ఫిఫా వరల్డ్ కప్ 2026 ఫైనల్ మ్యాచ్‌ ఓ రేంజ్‌లో సాగింది. స్పెయిన్, అర్జెంటీనా జట్ల మధ్య జరిగిన ఈ హోరాహోరీ పోరులో ఎవరూ ఊహించని ఒక సంచలన హీరో తెరపైకి వచ్చాడు. అతడే సబ్‌స్టిట్యూట్‌గా బరిలోకి దిగిన ఫెర్రాన్ టోర్రెస్. ఎక్స్‌ట్రా టైమ్‌లో అతడు కొట్టిన ఆ ఒక్క గోల్ డిఫెండింగ్ ఛాంపియన్ అర్జెంటీనా ఆశలపై నీళ్లు చల్లింది.

లియోనెల్ మెస్సీ మరోసారి వరల్డ్ కప్ గెలవాలనే కలను ముక్కలు చేస్తూ.. స్పెయిన్‌కు 1-0 తేడాతో ఊహించని విజయాన్ని అందించాడు. దీంతో స్పెయిన్ తన రెండో ప్రపంచకప్ టైటిల్‌ను ముద్దాడింది. మ్యాచ్‌ 90 నిమిషాల పాటు ఎంత ప్రయత్నించినా గోల్ పడలేదు. కానీ ఎక్స్‌ట్రా టైమ్ సెకండ్ పీరియడ్ మొదలైన కేవలం 37 సెకన్లలోనే (106వ నిమిషంలో) టోర్రెస్ బంతిని నెట్‌లోకి పంపి చరిత్ర సృష్టించాడు.

ఈ మ్యాచ్‌లో స్పెయిన్ ఆటగాళ్లు అదిరిపోయే ఆటతీరును ప్రదర్శించారు. పెడ్రో పోర్రో అందించిన సూపర్ క్రాస్‌ను నికో విలియమ్స్ చాకచక్యంగా హెడర్ ద్వారా గోల్ పోస్ట్ వైపు మళ్లించాడు. కరెక్ట్ టైమ్‌కి దూసుకొచ్చిన ఫెర్రాన్ టోర్రెస్, తన లెఫ్ట్ ఫుట్‌తో బంతిని బలంగా నెట్‌లోకి బాదాడు. అంతవరకు అర్జెంటీనా గోల్ కీపర్ ఎమిలియానో మార్టినెజ్ సూపర్ సేవ్స్‌తో స్పెయిన్‌ను అడ్డుకున్నా, టోర్రెస్ షాట్‌కు మాత్రం బదులివ్వలేకపోయాడు. మ్యాచ్‌లో స్పెయిన్ పూర్తి ఆధిక్యం ప్రదర్శించింది.

నిర్ణీత సమయంలో స్పెయిన్ 15 షాట్లు కొడితే, అర్జెంటీనా ఒక్కటంటే ఒక్క షాట్ కూడా కొట్టలేకపోయింది. కాగా, సెకండ్ హాఫ్ స్టాపేజ్ టైమ్‌లో అర్జెంటీనా ప్లేయర్ ఎంజో ఫెర్నాండెజ్ రెడ్ కార్డ్ తెచ్చుకుని మైదానాన్ని వీడటంతో అర్జెంటీనా 10 మందితోనే ఆడాల్సి వచ్చింది. ఈ విజయంతో స్పెయిన్ ఒకే సమయంలో అటు మెన్స్, ఇటు ఉమెన్స్ ఫిఫా వరల్డ్ కప్ టైటిల్స్ రెండింటినీ కలిగి ఉన్న మొదటి దేశంగా హిస్టరీ క్రియేట్ చేసింది.

26 ఏళ్ల ఫెర్రాన్ టోర్రెస్ గార్సియా ప్రస్తుతం బార్సిలోనా క్లబ్, అలాగే స్పెయిన్ నేషనల్ టీమ్ తరఫున ఫార్వర్డ్‌గా ఆడుతున్నాడు. వింగర్‌గా, సెంట్రల్ స్ట్రైకర్‌గా ఆడటంలో ఇతడు దిట్ట. 2000 ఫిబ్రవరి 29న వాలెన్సియాలో జన్మించిన టోర్రెస్, కేవలం ఏడేళ్ల వయసులోనే వాలెన్సియా అకాడమీలో చేరి ఫుట్‌బాల్ ప్రయాణాన్ని స్టార్ట్ చేశాడు.

2017లో సీనియర్ టీమ్ తరఫున అరంగేట్రం చేసి, 21వ శతాబ్దంలో లా లిగాలో ఆడిన మొదటి వాలెన్సియా ప్లేయర్‌గా రికార్డు సృష్టించాడు. ఆ తర్వాత 2020లో మాంచెస్టర్ సిటీ క్లబ్‌కు మారిన టోర్రెస్, పెప్ గార్డియోలా కోచింగ్‌లో ప్రీమియర్ లీగ్, EFL కప్ గెలుచుకున్నాడు.

జనవరి 2022లో టోర్రెస్ బార్సిలోనా క్లబ్‌లో చేరాడు. అయితే మొదట్లో ఇతడి పర్ఫార్మెన్స్‌పై భారీగా విమర్శలు వచ్చాయి. చాలా ఈజీ ఛాన్స్‌లను మిస్ చేస్తున్నాడంటూ ట్రోల్ చేశారు. కానీ హన్సి ఫ్లిక్ కోచింగ్ కింద టోర్రెస్ రేంజ్ మారిపోయింది. 2024-25 సీజన్‌లో బార్సిలోనా డొమెస్టిక్ ట్రెబుల్ గెలవడంలో కీలక పాత్ర పోషించాడు.

ఆ తర్వాతి సీజన్‌లో ఏకంగా 21 గోల్స్ చేసి బార్సిలోనా మళ్లీ లా లిగా టైటిల్ గెలవడానికి హెల్ప్ చేశాడు. ఇంటర్నేషనల్ కెరీర్‌లో స్పెయిన్ తరఫున యూరో 2020, 2022 వరల్డ్ కప్, యూరో 2024 (ఇందులో స్పెయిన్ విజేతగా నిలిచింది) టోర్నీల్లో ఆడాడు. ఇప్పుడు ఏకంగా అర్జెంటీనాపై విన్నింగ్ గోల్ కొట్టి స్పెయిన్ ఫుట్‌బాల్ హిస్టరీలో తన పేరును శాశ్వతంగా లిఖించుకున్నాడు.

ఈ వరల్డ్ కప్ టోర్నీ మొదట్లో టోర్రెస్ పరిస్థితి అస్సలు బాలేదు. సౌదీ అరేబియాతో జరిగిన గ్రూప్ స్టేజ్ మ్యాచ్‌లో స్పెయిన్ ఆల్రెడీ 4-0తో లీడ్‌లో ఉంది. మ్యాచ్ చివర్లో టోర్రెస్ గోల్ కొట్టి 5-0 చేశాడు. కానీ వీడియో అసిస్టెంట్ రెఫరీ చెకింగ్‌లో అది ఆఫ్‌సైడ్ అని తేలి గోల్ క్యాన్సిల్ అయింది. ఆ సమయంలో కెమెరాలు టోర్రెస్ ముఖాన్ని చూపిస్తే, "ప్లీజ్ ఇది గోల్ అవ్వాలి" అని అతడు తనలో తానే అనుకోవడం కనిపించింది.

ఎందుకంటే అంతకుముందు మ్యాచ్‌లలో చాలా ఛాన్సులు మిస్ చేయడంతో నెటిజన్లు అతడిని దారుణంగా ట్రోల్ చేశారు. మీమ్స్ క్రియేట్ చేశారు. అసలు ఇతడు టీమ్‌లో ఎందుకున్నాడంటూ ప్రశ్నించారు. సరిగ్గా నెల రోజుల తర్వాత, అదే ప్లేయర్ వరల్డ్ కప్ ఫైనల్లో ఎలాంటి వీఏఆర్ సాయం లేకుండా పర్ఫెక్ట్ గోల్ కొట్టి అందరి నోళ్లు మూయించాడు. ఒకప్పుడు విమర్శించిన వారే ఇప్పుడు అతడిని దేవుడిలా చూస్తున్నారు.

చాలా మందికి తెలియని విషయం ఏంటంటే, ఈ వరల్డ్ కప్ హీరో ఫెర్రాన్ టోర్రెస్‌కు ఇండియాకు ఒక క్రేజీ కనెక్షన్ ఉంది. అవును, టోర్రెస్ టాలెంట్‌ను ప్రపంచం కంటే ముందే భారత్ చూసింది.. 2017లో ఇండియాలో జరిగిన ఫిఫా అండర్ 17 వరల్డ్ కప్‌లో స్పానిష్ టీమ్ తరఫున టోర్రెస్ ఆడాడు. ఆ టోర్నీలో రైట్ వింగర్‌గా ఆడిన అతడు 2 గోల్స్, 2 అసిస్ట్‌లతో స్పెయిన్‌ను ఫైనల్‌కు చేర్చాడు.

కోల్‌కతా, కొచ్చి స్టేడియాల్లోని వేలాది మంది ఇండియన్ అభిమానుల ముందు ఆనాడే టోర్రెస్ తన సత్తా చాటాడు. ఫైనల్లో ఇంగ్లాండ్ చేతిలో స్పెయిన్ ఓడిపోయి సిల్వర్ మెడల్ సాధించినా, ఆ టోర్నీ టోర్రెస్ కెరీర్‌కు పెద్ద టర్నింగ్ పాయింట్ అయింది. విశేషం ఏంటంటే, ప్రస్తుత స్పెయిన్ వరల్డ్ కప్ టీమ్‌లోని డిఫెండర్ ఎరిక్ గార్సియా కూడా అప్పుడు ఇండియా వచ్చిన అండర్ 17 టీమ్‌లో సభ్యుడే. అప్పుడే భారత్‌లో రన్నరప్‌గా నిలిచిన కుర్రాడు.. ఇప్పుడు ప్రపంచాన్నే జయించి రియల్ హీరోగా నిలిచాడు.

FIFA World Cup prize: ఫిఫా కప్ కొడితే లైఫ్ సెటిల్.. మతిపోయే ప్రైజ్ మనీ.. గ్రూప్ స్టేజ్‌లోనే ఓడినా 100 కోట్లు !

Mahesh Rajamoni — Fri, 17 Jul 2026 13:13:20 +0530

FIFA Prize Money: ఫిఫా వరల్డ్ కప్ 2026 ఫైనల్ పోరుకు అర్జెంటీనా, స్పెయిన్ సిద్ధమయ్యాయి. అయితే, ఫిఫా ప్రైజ్ మనీ ఎంతో తెలిస్తే మీరు షాక్ అవుతారు. గ్రూప్ స్టేజ్‌లో వెనుదిరిగినా రూ.110 కోట్లు గ్యారెంటీ.. మరి విజేత, రన్నరప్ టీమ్స్ ఎంత అందుకుంటాయి?

ప్రపంచంలోనే అత్యంత ఆదరణ పొందిన క్రీడా పండుగ ‘ఫిఫా ప్రపంచ కప్ 2026’కు సంబంధించి ఒక సెన్సేషనల్ అప్‌డేట్ వచ్చేసింది. ఈ మెగా టోర్నమెంట్‌లో విజేతలకు ఇచ్చే ప్రైజ్ మనీ ఊహించని రేంజ్‌కు చేరింది. ఈసారి ఫిఫా ఏకంగా 871 మిలియన్ డాలర్లు అంటే భారత కరెన్సీలో సుమారు ₹83,934 కోట్ల భారీ మోత్తాన్ని అధికారికంగా ప్రకటించింది. గతంలో 2022లో ఖతార్‌లో జరిగిన వరల్డ్ కప్‌లో మొత్తం బడ్జెట్ 440 మిలియన్ డాలర్లు మాత్రమే కాగా.. ఈసారి ఏకంగా 65 శాతం పెంచి సరికొత్త రికార్డు సృష్టించారు.

ఈ భారీ నిధిలో నుంచి సుమారు 655 మిలియన్ డాలర్లను పూర్తిగా ఆటగాళ్ల ప్రదర్శన ఆధారంగా జట్లకు పంచనున్నారు. మిగిలిన నిధులను టీమ్స్ క్వాలిఫికేషన్ పేమెంట్లు, వరల్డ్ కప్ ప్రిపరేషన్స్ ఖర్చుల కోసం కేటాయించారు. అంటే ఈసారి మైదానంలో దిగిన ప్రతి జట్టూ కోటీశ్వరులవడమే కాకుండా, వారి దేశాల ఫుట్‌బాల్ అసోసియేషన్లకు కాసుల వర్షం కురవడం ఖాయమైంది.

మరి ఈ రికార్డ్ బ్రేకింగ్ బడ్జెట్‌లో కప్ కొట్టే అసలైన విజేతకు ఎంత దక్కనుందో తెలుసా? టోర్నమెంట్‌లో ఛాంపియన్‌గా నిలిచే జట్టుకు ప్రదర్శన ఆధారంగానే ఏకంగా 50 మిలియన్ డాలర్లు (సుమారు ₹4,818 కోట్లు) లభిస్తుంది. దీనికి తోడు ప్రిపరేషన్ ఖర్చులు, క్వాలిఫికేషన్ అలొవెన్సులు కూడా కలుపుకుంటే.. విన్నింగ్ టీమ్ అందుకునే మొత్తం మనీ ఏకంగా 53.5 మిలియన్ డాలర్ల (సుమారు ₹5,155 కోట్లు) వరకు చేరుకుంటుంది.

గత 2022 వరల్డ్ కప్‌లో ఛాంపియన్‌గా నిలిచిన అర్జెంటీనాకు అప్పట్లో 42 మిలియన్ డాలర్లు మాత్రమే వచ్చాయి. దానితో పోలిస్తే ఈసారి ఏకంగా 8 మిలియన్ డాలర్ల (సుమారు ₹77 కోట్లు) భారీ అదనపు ప్రైజ్ మనీ విజేతకు దక్కబోతోంది. ఇక రన్నరప్‌గా నిలిచే (సెకండ్ ప్లేస్) టీమ్‌కు కూడా ఏమీ తక్కువ కాకుండా 33 మిలియన్ డాలర్ల (సుమారు ₹3,180 కోట్లు) ప్రదర్శన బహుమతి అందుతుంది. ఇది గత టోర్నీతో పోలిస్తే 3 మిలియన్ డాలర్లు ఎక్కువ.

ఈసారి ఫిఫా వరల్డ్ కప్‌లో జరిగిన అతిపెద్ద మార్పు ఏమిటంటే.. టోర్నీలో పాల్గొనే జట్ల సంఖ్యను 48కి పెంచారు. మైదానంలో దిగే ప్రతి దేశం తమ తొలి గ్రూప్ స్టేజ్ మ్యాచ్‌లలో ఓడిపోయి వెనుదిరిగినా సరే భారీ నజరానాతో ఇంటికి వెళ్లే ఛాన్స్ లభించింది. గ్రూప్ స్టేజ్‌లోనే నిష్క్రమించే జట్లకు (33 నుండి 48 స్థానాల వరకు) కూడా ఒక్కొక్క టీమ్‌కు 9 మిలియన్ డాలర్ల (సుమారు ₹86.7 కోట్లు) ప్యూర్ పెర్ఫార్మెన్స్ బోనస్ లభిస్తుంది.

దీనికి తోడు ప్రతీ క్వాలిఫైడ్ దేశానికి ఫిఫా అదనంగా 2.5 మిలియన్ డాలర్ల (సుమారు ₹24 కోట్లు) ప్రిపరేషన్ ఫీజును ముందే చెల్లించింది. అంటే టోర్నీకి క్వాలిఫై అయిన ఏ జట్టుకైనా మినిమం గ్యారెంటీ ప్రైజ్ మనీ 12.5 మిలియన్ డాలర్లు (సుమారు ₹120 కోట్లు) నేరుగా వారి జాతీయ ఫుట్‌బాల్ అసోసియేషన్ల ఖాతాల్లో జమ అవుతుందని అర్థం.

ఈ కేటాయింపులపై ఫిఫా ఇప్పటికే పూర్తి క్లారిటీ ఇచ్చింది. పెర్ఫార్మెన్స్ ఆధారంగా వచ్చే ప్రైజ్ మనీతో పాటు ప్రిపరేషన్ బడ్జెట్‌ను నేరుగా ఆయా దేశాల అధికారిక ఫుట్‌బాల్ అసోసియేషన్లకు పంపడం జరుగుతుంది. పెరిగిన ప్రైజ్ మనీ వల్ల చిన్న చిన్న దేశాల క్రీడా బోర్డులకు కూడా వందల కోట్ల భారీ ఆదాయం చేకూరనుంది. ఇది ఆయా దేశాల్లో ఫుట్‌బాల్ క్రీడా మౌలిక వసతులను మెరుగుపరచడానికి, యువ క్రీడాకారులను ప్రోత్సహించడానికి ఎంతగానో ఉపయోగపడుతుందని ఫిఫా పేర్కొంది. ఏదేమైనా 2026 ఫిఫా వరల్డ్‌ కప్ కేవలం మ్యాచ్‌ల పరంగానే కాకుండా, మనీ పరంగా కూడా హిస్టరీ క్రియేట్ చేస్తోంది.

• ఛాంపియన్స్ : కప్ కొట్టిన టీమ్‌కు కేవలం ఆట ప్రదర్శన కోసమే $50 మిలియన్లు (సుమారు ₹481.8 కోట్లు) లభిస్తాయి. సన్నద్ధత ఫీజుతో కలిపి మొత్తం $52.5 మిలియన్లు (సుమారు ₹505.9 కోట్లు) జేబులో పడతాయి.

• రన్నర్స్-అప్ : ఫైనల్లో ఓడిన జట్టుకు $33 మిలియన్ల ప్రైజ్ మనీ దక్కుతుంది. సన్నద్ధత ఫీజు కూడా యాడ్ చేసుకుంటే మొత్తం $35.5 మిలియన్లు (సుమారు ₹342.1 కోట్లు) వస్తాయి.

• 3వ స్థానం: మూడో స్థానంలో నిలిచే టీమ్‌కు $29 మిలియన్ల బహుమతి లభిస్తుంది. ప్రిపరేషన్ ఫీజుతో కలిపి ఈ మొత్తం $31.5 మిలియన్లు (సుమారు ₹303.5 కోట్లు) అవుతుంది.

• 4వ స్థానం: నాలుగో స్థానంతో సరిపెట్టుకున్న జట్టుకు $27 మిలియన్లు వస్తాయి. టోటల్‌గా సన్నద్ధత ఫీజుతో కలిపి వీరు $29.5 మిలియన్లు (సుమారు ₹284.2 కోట్లు) అందుకుంటారు.

• క్వార్టర్ ఫైనలిస్ట్‌లు (5 నుండి 8 స్థానాలు): ఈ స్టేజ్‌లో నిష్క్రమించే నాలుగు జట్లకు తలో $19 మిలియన్లు వస్తాయి. సన్నద్ధత ఫీజుతో కలిపి ప్రతీ టీమ్‌కు మొత్తం $21.5 మిలియన్లు (సుమారు ₹207.1 కోట్లు) లభిస్తాయి.

• రౌండ్ ఆఫ్ 16 (9 నుండి 16 స్థానాలు): ఈ గ్రూప్‌లోని 8 జట్లకు ఒక్కొక్కదానికి $15 మిలియన్లు దక్కుతాయి. ప్రిపరేషన్ ఫీజు కలిపితే ఒక్కో జట్టుకు $17.5 మిలియన్లు (సుమారు ₹168.6 కోట్లు) వస్తాయి.

• రౌండ్ ఆఫ్ 32 (17 నుండి 32 స్థానాలు): ఇక్కడ అవుట్ అయ్యే 16 జట్లకు తలో $11 మిలియన్లు వస్తాయి. సన్నద్ధత ఫీజుతో కలిపి వీరికి మొత్తం $13.5 మిలియన్లు అందుతాయి.

• గ్రూప్ స్టేజ్ నిష్క్రమణ (33 నుండి 48 స్థానాలు): టోర్నీ ప్రారంభంలోనే వెనుదిరిగే చివరి 16 జట్లకు కూడా తలో $9 మిలియన్ల భారీ బోనస్ లభిస్తుంది. ప్రిపరేషన్ ఫీజుతో కలిపితే ఒక్కో దేశానికి గ్యారెంటీగా $11.5 మిలియన్లు (సుమారు ₹110.8 కోట్లు) వస్తాయి.

FIFA World Cup 2026: అర్జెంటీనా ఖేల్ ఖతం.. 16 ఏళ్ల తర్వాత ఫిఫా వరల్డ్ కప్ కొట్టిన స్పెయిన్

Mahesh Rajamoni — Mon, 20 Jul 2026 07:03:08 +0530

Spain Wins FIFA World Cup 2026: ఫిఫా వరల్డ్ కప్ 2026 ఫైనల్లో అర్జెంటీనాను 1-0తో ఓడించి స్పెయిన్ రెండోసారి ప్రపంచ ఛాంపియన్‌గా నిలిచింది. 106వ నిమిషంలో ఫెరాన్ టోరెస్ కొట్టిన గోల్‌తో లియోనెల్ మెస్సీ టైటిల్ డిఫెన్స్ కల చెదిరిపోయింది.

ఫుట్‌బాల్ ప్రపంచానికి కొత్త ఛాంపియన్ దొరికాడు. న్యూయార్క్ న్యూజెర్సీ స్టేడియంలో జరిగిన ఫిఫా వరల్డ్ కప్ 2026 హై వోల్టేజ్ ఫైనల్ మ్యాచ్‌లో అర్జెంటీనాను 1-0 తేడాతో ఓడించి స్పెయిన్ రెండోసారి విశ్వవిజేతగా నిలిచింది. మ్యాచ్ ఆరంభం నుండి స్పెయిన్ టీమ్ ఫుల్ డామినేషన్ చూపించింది. అర్జెంటీనాను కేవలం డిఫెన్స్‌కే పరిమితం చేసింది.

అయితే అర్జెంటీనా గోల్ కీపర్ ఎమిలియానో మార్టినెజ్ గోడలా అడ్డుపడటంతో నిర్ణీత 90 నిమిషాల్లో ఒక్క గోల్ కూడా నమోదు కాలేదు. కానీ ఎక్స్‌ట్రా టైమ్ సెకండ్ హాఫ్‌లో స్పెయిన్ సబ్‌స్టిట్యూట్ ప్లేయర్ ఫెరాన్ టోరెస్ మ్యాజిక్ చేశాడు. మ్యాచ్ 106వ నిమిషంలో టోరెస్ నెట్ పైభాగానికి కొట్టిన బుల్లెట్ లాంటి షాట్ గోల్‌గా మారింది. ఈ ఒక్క గోల్ మ్యాచ్ విన్నింగ్ గోల్‌గా నిలిచి స్పెయిన్‌ను ఛాంపియన్‌ను చేసింది.

Spain Mexico City #FIFAFanFestival #FIFAWorldCup pic.twitter.com/PxkGAyW6tC

— FIFA World Cup (@FIFAWorldCup) July 20, 2026

ఈ ఓటమితో అర్జెంటీనా లెజెండ్ లియోనెల్ మెస్సీ కెరీర్‌లో మరో వరల్డ్ కప్ అందుకోవాలనే కల పూర్తిగా చెదిరిపోయింది. 39 ఏళ్ల మెస్సీని కట్టడి చేయడానికి స్పెయిన్ వేసిన పక్కా ప్లాన్‌లో అర్జెంటీనా స్టార్ ప్లేయర్ పూర్తిగా చిక్కుకుపోయాడు. ఈ మ్యాచ్‌లో మెస్సీకి గోల్ చేసే ఒక్క అవకాశం కూడా అర్జెంటీనా ఆటగాళ్లు సృష్టించలేకపోయారు.

దీనికి తోడు 90 నిమిషాల తర్వాత యాడ్ చేసిన ఇంజరీ టైమ్‌లో అర్జెంటీనా స్టార్ ఎంజో ఫెర్నాండెజ్ వరుసగా రెండు ఎల్లో కార్డ్‌లు చూసి రెడ్ కార్డ్‌తో గ్రౌండ్ వీడాడు. దీంతో ఎక్స్‌ట్రా టైమ్‌లో అర్జెంటీనా కేవలం 10 మంది ఆటగాళ్లతోనే ఆడాల్సి వచ్చింది. ఈ అవకాశాన్ని వాడుకున్న స్పెయిన్ మ్యాచ్‌ను పూర్తిగా తన కంట్రోల్‌లోకి తెచ్చుకుంది.

కోచ్ లుయిస్ డి లా ఫ్యూయెంటె పర్యవేక్షణలో స్పెయిన్ టీమ్ వరుసగా 37 మ్యాచ్‌ల అన్‌బీటెన్ రికార్డ్‌తో ఫైనల్ బరిలోకి దిగింది. ఈ టోర్నమెంట్‌లో ఆడిన 8 మ్యాచ్‌ల్లో కేవలం ఒకే ఒక్క గోల్ సమర్పించుకుని స్పెయిన్ తన డిఫెన్స్ పవర్ ఏంటో చూపించింది. గ్రూప్ స్టేజ్‌లో కేప్ వెర్డేతో డ్రా చేసుకున్న స్పెయిన్, ఆ తర్వాత సౌదీ అరేబియా (4-0), ఉరుగ్వే (1-0)లపై గెలిచి గ్రూప్ హెచ్ టాపర్‌గా నిలిచింది. నౌకౌట్ దశలో ఆస్ట్రియాను 3-0తో, పోర్చుగల్‌ను 1-0తో, క్వార్టర్స్‌లో బెల్జియంను 2-1తో, సెమీస్‌లో ఫ్రాన్స్‌ను 2-0తో ఓడించి ఫైనల్‌కు దూసుకొచ్చింది.

ఫైనల్‌లో కూడా అర్జెంటీనా కేవలం ఒకే ఒక్క షాట్ టార్గెట్‌పైకి కొట్టేలా నియంత్రించి, స్పెయిన్ ఏకంగా 12 షాట్లు కొట్టి మ్యాచ్‌ను శాసించింది. 2010లో తొలిసారి కప్ కొట్టిన స్పెయిన్, మళ్లీ 16 ఏళ్ల సుదీర్ఘ నిరీక్షణ తర్వాత రెండో స్టార్‌ను తన జెర్సీపై చేర్చుకుంది.

Spain are #FIFAWorldCup Champions. pic.twitter.com/mWLw5iis2C

— FIFA World Cup (@FIFAWorldCup) July 19, 2026

స్పెయిన్ 2010లో మొదటిసారి వరల్డ్ కప్ గెలిచినప్పుడు బార్సిలోనా వండర్ కిడ్, 19 ఏళ్ల లామిన్ యమాల్ వయసు కేవలం మూడేళ్లు. ఇప్పుడు అదే యమాల్ తన ఫస్ట్ వరల్డ్ కప్‌లోనే ఛాంపియన్‌గా నిలిచి సంచలనం సృష్టించాడు. ఇప్పటికే యూరో 2024 గెలిచిన స్పెయిన్, ఇప్పుడు వరల్డ్ కప్ కూడా కొట్టి 2008-2012 నాటి గోల్డెన్ ఎరాను గుర్తు చేస్తోంది.

ఇక మ్యాచ్ విన్నర్ ఫెరాన్ టోరెస్ ఫుట్‌బాల్ హిస్టరీలో ఒక రేర్ రికార్డ్ క్రియేట్ చేశాడు. వరల్డ్ కప్ ఫైనల్‌లో సబ్‌స్టిట్యూట్‌గా వచ్చి గోల్ కొట్టిన 5వ ప్లేయర్‌గా నిలిచాడు. అంతేకాదు, 2010 ఫైనల్లో ఆండ్రెస్ ఇనియెస్టా తర్వాత స్పెయిన్ తరపున ఎక్స్‌ట్రా టైమ్‌లో గోల్ కొట్టిన రెండో బార్సిలోనా ప్లేయర్‌గా రికార్డుల్లోకెక్కాడు.

ఫైనల్ మ్యాచ్ ముగిసిన తర్వాత విజేతలకు బహుమతులు అందజేశారు. ఫైనల్లో విన్నింగ్ గోల్ కొట్టిన స్పెయిన్ స్టార్ ఫెరాన్ టోరెస్‌కు 'ఫీఫా వరల్డ్ కప్ ఫైనల్ మ్యాన్ ఆఫ్ ది మ్యాచ్' అవార్డు దక్కింది. స్పెయిన్‌కే చెందిన 19 ఏళ్ల పావు కుబార్సి 'బెస్ట్ యంగ్ ప్లేయర్' అవార్డును అందుకోగా, ఉనై సిమోన్ టోర్నమెంట్‌లో 'బెస్ట్ గోల్‌కీపర్' అవార్డును కైవసం చేసుకున్నాడు.

స్పెయిన్ మిడ్‌ఫీల్డర్ రోడ్రీకి టోర్నమెంట్ అంతటా అద్భుతంగా ఆడినందుకు 'బెస్ట్ ప్లేయర్' (గోల్డెన్ బాల్) అవార్డు లభించింది. ఫ్రాన్స్ కెప్టెన్ కిలియన్ ఎంబాప్పే టోర్నమెంట్‌లో అత్యధికంగా 10 గోల్స్ చేసి 'గోల్డెన్ బూట్' అవార్డును దక్కించుకున్నాడు. మెస్సీ 8 గోల్స్‌తో ఈ రేసులో వెనుకబడ్డాడు. అంతకుముందు జరిగిన క్లోజింగ్ సెరెమనీలో పాప్ స్టార్ జస్టిన్ బీబర్, షకీరా, బీటీఎస్, పోస్ట్ మెలోన్, ఐషోస్పీడ్ తమ పర్ఫార్మెన్స్‌లతో స్టేడియాన్ని ఊపేశారు. అమెరికా అధ్యక్షుడు డొనాల్డ్ ట్రంప్ కూడా ఈ మ్యాచ్‌ను లైవ్‌గా వీక్షించారు.

Rodri takes home the adidas Golden Ball @adidasfootball pic.twitter.com/duxTkrH5Bd

— FIFA World Cup (@FIFAWorldCup) July 20, 2026

Unlucky Football Legends: ఎన్ని రికార్డులున్నా వేస్ట్.. వరల్డ్ కప్ ట్రోఫీని ముద్దాడలేకపోయిన ఐదుగురు లెజెండరీ ఫుట్‌బాలర్లు వీరే !

Mahesh Rajamoni — Tue, 07 Jul 2026 15:30:13 +0530

FIFA World Cup: ఫిఫా వరల్డ్ కప్ 2026 లో రొనాల్డో, నేమార్‌ల ప్రపంచకప్ కల చెదిరిపోయింది. ఫుట్‌బాల్ చరిత్రలో ఎన్నో అద్భుతమైన రికార్డులు సాధించారు. కానీ, కప్పు గెలవలేకపోయిన ఐదుగురు దిగ్గజ ఫుట్‌బాలర్లు ఎవరో ఇక్కడ తెలుసుకుందాం.

ఫుట్‌బాల్ ప్రపంచంలో ఫిఫా (FIFA) వరల్డ్ కప్ ట్రోఫీని ముద్దాడటం అనేది ప్రతి ఆటగాడి కెరీర్‌లో ఒక అతిపెద్ద కల. ఎంతోమంది లెజెండరీ ప్లేయర్లు క్లబ్ లెవెల్లో లెక్కలేనన్ని ట్రోఫీలు గెలిచారు, రికార్డులు బద్దలు కొట్టారు, కోట్ల మంది అభిమానుల హృదయాలను గెలుచుకున్నారు. కానీ, వరల్డ్ కప్ విషయానికి వస్తే మాత్రం అదృష్టం వారిని అస్సలు వరించలేదు. ఫిఫా వరల్డ్ కప్ 2026 లో కేవలం 24 గంటల వ్యవధిలోనే ఇద్దరు సూపర్ స్టార్ ఫుట్‌బాలర్ల వరల్డ్ కప్ కల ఎప్పటికీ నెరవేరకుండా ముగిసిపోయింది.

మొదట నార్వే జట్టు బ్రెజిల్‌ను ఓడించి నేమార్ జూనియర్ గుండె పగిలేలా చేసింది. ఆ మరుసటి రోజే స్పెయిన్ జట్టు పోర్చుగల్‌ను ఓడించి, సూపర్ స్టార్ క్రిస్టియానో రొనాల్డోకు ఎప్పటికీ మర్చిపోలేని గాయాన్ని మిగిల్చింది. క్లబ్, ఇంటర్నేషనల్ మ్యాచ్‌లలో కలిపి కెరీర్‌లో అత్యధికంగా 976 గోల్స్ చేసినప్పటికీ, గత ఎన్నో ఏళ్లుగా రొనాల్డో కంటున్న ఆ ఒక్క కల మాత్రం కలగానే మిగిలిపోయింది. నేమార్, రొనాల్డోలతో పాటు తమ కెరీర్‌లో అద్భుతమైన రికార్డులు ఉన్నా, ఎప్పుడూ వరల్డ్ కప్ గెలవలేకపోయిన ఆ ఐదుగురు లెజెండరీ ఫుట్‌బాలర్లు ఎవరో మీకు తెలసా?

ఫుట్‌బాల్ చరిత్రలోనే అత్యంత గొప్ప ఆటగాళ్లలో క్రిస్టియానో రొనాల్డో ఒకరు. ఆయన క్లబ్ ఫుట్‌బాల్‌లో యూఈఎఫ్ఏ (UEFA) ఛాంపియన్స్ లీగ్, డొమెస్టిక్ లీగ్ టైటిల్స్, ప్రతిష్ఠాత్మక బ్యాలన్ డి ఓర్ వంటి ఎన్నో అవార్డులను సొంతం చేసుకున్నారు. అంతేకాకుండా పోర్చుగల్ జట్టుకు యూరో కప్, యూఈఎఫ్ఏ నేషన్స్ లీగ్ ఛాంపియన్‌షిప్‌లను కూడా అందించారు.

కానీ, ఫిఫా వరల్డ్ కప్ ట్రోఫీ మాత్రం ఆయనకు ఎప్పుడూ అందలేదు. 2006 నుండి 2026 వరకు రొనాల్డో మొత్తం 6 వరల్డ్ కప్‌లు ఆడారు. ఇందులో ఆయన అత్యుత్తమ ప్రదర్శన 2006 లో నమోదైంది, అప్పుడు పోర్చుగల్ సెమీఫైనల్ వరకు దూసుకెళ్లింది. 2018 లో స్పెయిన్‌పై రొనాల్డో చేసిన హాట్రిక్ గోల్స్ ఇప్పటికీ వరల్డ్ కప్ చరిత్రలోనే గుర్తుండిపోయే ఇన్నింగ్స్‌గా నిలిచింది. కానీ, ఆ టీమ్ ఎప్పుడూ ఫైనల్ చేరలేకపోయింది. ఫిఫా వరల్డ్ కప్ 2026 లో స్పెయిన్ జట్టు రొనాల్డో కలను పూర్తిగా ముక్కలు చేసింది. ఇదే తన చివరి ప్రపంచకప్ అని రొనాల్డో ఇదివరకే ప్రకటించిన సంగతి తెలిసిందే.

నెదర్లాండ్స్‌కు చెందిన గొప్ప ఆటగాడు యోహాన్ క్రూయిఫ్ ఫుట్‌బాల్ రంగానికి టోటల్ ఫుట్‌బాల్ అనే కొత్త కాన్సెప్ట్‌ను పరిచయం చేసి, ఆటకు సరికొత్త దిశను చూపించారు. ఆయన కెప్టెన్సీలో నెదర్లాండ్స్ టీమ్ 1974 ఫిఫా వరల్డ్ కప్ ఫైనల్‌కు దూసుకెళ్లింది. ఆ సమయంలో వారే హాట్ ఫేవరెట్‌గా ఉన్నారు.

కానీ, ఫైనల్‌లో పశ్చిమ జర్మనీ 2-1 తో విజయం సాధించి క్రూయిఫ్ కలను చెరిపేసింది. తన కెరీర్‌లో మూడు సార్లు బ్యాలన్ డి ఓర్ గెలుచుకున్న ఈ దిగ్గజ ఆటగాడి ఖాతాలో వరల్డ్ కప్ ట్రోఫీ చేరలేదు. ఆయన కనిపెట్టిన ప్రసిద్ధ క్రూయిఫ్ టర్న్ స్కిల్ ఇప్పటికీ ఫుట్‌బాల్ ప్రపంచంలో ఎంతో ఫేమస్.

హంగేరి దేశానికి చెందిన గొప్ప స్ట్రైకర్ ఫెరెన్క్ పుస్కాస్ ప్రపంచంలోనే అత్యుత్తమ గోల్ స్కోరర్లలో ఒకరిగా గుర్తింపు పొందారు. ఆయన తన కెరీర్‌లో 600 కంటే ఎక్కువ గోల్స్ చేశారు. 1954 వరల్డ్ కప్‌లో హంగేరి జట్టుకు కెప్టెన్‌గా వ్యవహరించి, జట్టును ఫైనల్స్ వరకు నడిపించారు. అయితే, ఉత్కంఠభరితంగా సాగిన ఫైనల్ మ్యాచ్‌లో హంగేరి జట్టు పశ్చిమ జర్మనీ చేతిలో 3-2 తో ఓడిపోయింది. ఈ మ్యాచ్‌ను ఫుట్‌బాల్ చరిత్రలో మిరాకిల్ ఆఫ్ బెర్న్ అని పిలుస్తారు. ఆయన గౌరవార్థం ఫిఫా (FIFA) ప్రతి సంవత్సరం ప్రపంచంలోనే అత్యంత అందమైన గోల్ చేసిన ఆటగాడికి పుస్కాస్ అవార్డును అందజేస్తుంది.

క్రిస్టియానో రొనాల్డో కంటే ముందు, పోర్చుగల్ దేశపు అత్యంత పెద్ద ఫుట్‌బాల్ స్టార్‌గా యూసేబియో నిలిచారు. ఆయన తన కెరీర్‌లో 700 కి పైగా గోల్స్ సాధించారు. 1966 వరల్డ్ కప్‌లో అద్భుత ప్రదర్శన చేసి గోల్డెన్ బూట్ అవార్డును సైతం గెలుచుకున్నారు. ఆయన ప్రతిభ వల్లనే ఆ ఏడాది పోర్చుగల్ మూడో స్థానంలో నిలిచింది. కానీ, ఆ టీమ్ ఎప్పుడూ వరల్డ్ కప్ ఫైనల్‌కు చేరుకోలేకపోయింది. వ్యక్తిగతంగా ఎంత గొప్ప ప్రదర్శన చేసినా, ప్రపంచ ఛాంపియన్ కావాలనే యూసేబియో కల నెరవేరలేదు.

బ్రెజిల్ సూపర్ స్టార్ నేమర్ జూనియర్ ప్రస్తుత జనరేషన్‌లో అత్యంత టాలెంటెడ్ ఫుట్‌బాలర్లలో ఒకరు. ఆయన బార్సిలోనా, పారిస్ సెయింట్-జర్మన్ (PSG) వంటి టాప్ క్లబ్‌ల తరఫున అద్భుతమైన ఆటతీరును ప్రదర్శించారు. బ్రెజిల్ జట్టు 2013 ఫిఫా కాన్ఫెడరేషన్స్ కప్, 2016 ఒలింపిక్ గోల్డ్ మెడల్ గెలవడంలో కీలక పాత్ర పోషించారు. బ్రెజిల్ దేశం తరఫున అత్యధిక గోల్స్ చేసిన ఆటగాళ్ల జాబితాలో టాప్‌లో ఉన్నారు. అయినప్పటికీ, ఫిఫా వరల్డ్ కప్ గెలవాలనే ఆయన కల అసంపూర్ణంగానే మిగిలిపోయింది.

నేమర్ తన కెరీర్‌లో 2014, 2018, 2022, 2026 వరల్డ్ కప్‌లలో ఆడారు. 2014 లో గాయం కారణంగా క్వార్టర్ ఫైనల్ తర్వాత ఆయన టోర్నమెంట్‌కు దూరం కావాల్సి వచ్చింది, ఆ తర్వాత సెమీఫైనల్‌లో జర్మనీ చేతిలో బ్రెజిల్ 7-1 తో చరిత్రాత్మక ఓటమిని చవిచూసింది. 2018 లో క్వార్టర్ ఫైనల్‌లో బెల్జియం చేతిలో బ్రెజిల్ ఓడిపోగా, 2022 లో క్రొయేషియా పెనాల్టీ షూటౌట్‌లో బ్రెజిల్‌ను టోర్నీ నుండి ఎలిమినేట్ చేసింది. ఇక ప్రస్తుత ఫిఫా వరల్డ్ కప్ 2026 లో నార్వే చేతిలో ఘోర పరాజయం పాలవడంతో బ్రెజిల్ ప్రయాణం ముగిసింది. ఈ బాధాకరమైన ఓటమి తర్వాత నేమర్ అంతర్జాతీయ ఫుట్‌బాల్‌కు రిటైర్మెంట్ ప్రకటిస్తున్నట్లు సంచలన నిర్ణయం తీసుకున్నారు.

Neymar Retirement: ఫిపా వరల్డ్ కప్ నుంచి బ్రెజిల్ అవుట్.. కన్నీళ్లతో అంతర్జాతీయ ఫుట్‌బాల్‌కు నెయ్‌మర్‌ రిటైర్మెంట్

Mahesh Rajamoni — Mon, 06 Jul 2026 09:09:24 +0530

Neymar Retirement: ఫిఫా వరల్డ్ కప్ 2026 నుంచి బ్రెజిల్ షాకింగ్‌గా అవుట్ అయింది. ఈ క్రమంలోనే స్టార్ ప్లేయర్ నెయ్‌మర్‌ అంతర్జాతీయ ఫుట్‌బాల్‌కు రిటైర్మెంట్ ప్రకటించాడు. గ్రౌండ్ లో అతను కన్నీళ్లు పెట్టుకున్న వీడియోలు వైరల్ గా మారాయి.

ఫుట్‌బాల్ ప్రపంచంలో ఒక శకం ముగిసింది. బ్రెజిల్ స్టార్ స్ట్రైకర్ నెయ్‌మర్‌ జూనియర్ అంతర్జాతీయ ఫుట్‌బాల్‌కు రిటైర్మెంట్ ప్రకటించాడు. ఫిఫా వరల్డ్ కప్ 2026 ప్రీ-క్వార్టర్ ఫైనల్ (రౌండ్ ఆఫ్ 16) మ్యాచ్‌లో నార్వే చేతిలో బ్రెజిల్ ఘోర పరాజయం పాలైంది. ఈ మ్యాచ్ ముగిసిన వెంటనే 34 ఏళ్ల నేమార్ తన రిటైర్మెంట్ నిర్ణయాన్ని అనౌన్స్ చేశాడు.

ఫిఫా వరల్డ్ కప్ గెలవాలనే తన సుదీర్ఘ నిరీక్షణ బాధాకరంగా ముగిసిపోవడంతో "ఇక అంతా అయిపోయింది" అంటూ నెయ్‌మర్‌ ఎమోషనల్ అయ్యాడు. మ్యాచ్ ముగిసిన వెంటనే నెయ్‌మర్‌ మైదానంలోనే కూలబడి ఏడ్చేశాడు. తోటి ప్లేయర్స్ రాఫిన్హా తదితరులు అతడిని ఓదార్చే ప్రయత్నం చేసినా నెయ్‌మర్‌ జూనియర్ కన్నీళ్లను ఆపలేకపోయారు. ఈ వీడియోలు వైరల్ గా మారాయి.

The Moment #Neymar Broke Down in Tears After Brazil's Elimination From The World Cup at The Hands of Norway, Which Will Be Neymar's LastWorld Cup Appearance pic.twitter.com/5EXFxUAZHG

— The 13th ١٣Warrior (@strange16892330) July 5, 2026

Neymar breaks down in tears, praying after the final whistle. #Neymar #Football #Soccer #Brazil pic.twitter.com/iIBrh6R5SC

— Daily Buzz (@XDailyBuzz) July 6, 2026

మ్యాచ్ అనంతరం నెయ్‌మర్‌ జీఈటీవీ ఛానెల్‌తో మాట్లాడుతూ చాలా ఎమోషనల్ కామెంట్స్ చేశాడు. "నేను చాలా ప్రయత్నించాను, చాలా ట్రై చేశాను. కానీ ఇప్పుడు అంతా అయిపోయింది. నేను ఇక్కడే నా కెరీర్ స్టార్ట్ చేశాను, ఇక్కడే ముగించాను" అని నేమార్ అన్నాడు. న్యూయార్క్ న్యూజెర్సీలోని మెట్‌లైఫ్ స్టేడియంలోనే 2010లో యూఎస్ఏపై నేమార్ బ్రెజిల్ తరఫున సీనియర్ డెబ్యూ చేశాడు.

సరిగ్గా 16 ఏళ్ల తర్వాత, అదే స్టేడియంలో నార్వే చేతిలో బ్రెజిల్ ఓడిపోవడంతో అతని వరల్డ్ కప్ కల, అంతర్జాతీయ కెరీర్ ముగిశాయి. ప్రస్తుతం అతను అంతర్జాతీయ ఫుట్‌బాల్‌కు గుడ్‌బై చెప్పినా, శాంటోస్ ఎఫ్‌సి క్లబ్‌తో తన కెరీర్‌ను కొనసాగిస్తున్నాడు. దానిపై సీజన్ వారీగా నిర్ణయం తీసుకోనున్నాడు.

ఈ మ్యాచ్‌లో నార్వే 2-1 తేడాతో బ్రెజిల్‌పై సంచలన విజయం సాధించింది. నార్వే స్టార్ ప్లేయర్ ఎర్లింగ్ హాలాండ్ ఒంటిచేత్తో బ్రెజిల్‌ను దెబ్బకొట్టాడు. మ్యాచ్ 79వ నిమిషంలో హాలాండ్ మొదటి గోల్ చేసి నార్వేకు 1-0 ఆధిక్యాన్ని అందించాడు. ఆ తర్వాత బ్రెజిల్ కోలుకునేలోపే 90వ నిమిషంలో హాలాండ్ రెండో గోల్ చేసి బ్రెజిల్ ఆశలపై నీళ్లు చల్లాడు. అంతకుముందు బ్రెజిల్ ప్లేయర్ బ్రూనో గుమారైస్ వచ్చిన పెనాల్టీ ఛాన్స్‌ను మిస్ చేశాడు. మ్యాచ్ చివర్లో ఇంజరీ టైమ్‌లో నెయ్‌మర్‌ కు పెనాల్టీ లభించింది.

ఆ ఛాన్స్‌ను గోల్‌గా మార్చి నెయ్‌మర్‌ స్కోరును 2-1 చేసినా బ్రెజిల్ ఓటమిని తప్పించలేకపోయాడు. ఈ వరల్డ్ కప్‌లో నెయ్‌మర్‌కు ఇదే మొదటి, చివరి గోల్. నేమార్ ఈ టోర్నమెంట్‌లో చాలా సమయం బెంచ్‌కే పరిమితమయ్యాడు. గత 1-2 ఏళ్లుగా గాయాలతో ఇబ్బంది పడుతున్న అతను, స్కాట్లాండ్, నార్వే మ్యాచ్‌లలో సబ్‌స్టిట్యూట్‌గా (68వ నిమిషంలో) బరిలోకి దిగాడు.

నెయ్‌మర్‌ అంతర్జాతీయ ఫుట్‌బాల్ కెరీర్ అద్భుతమైన రికార్డులతో నిండి ఉంది. బ్రెజిల్ తరఫున అత్యధిక గోల్స్ చేసిన ఆటగాడిగా నెయ్‌మర్‌ చరిత్ర సృష్టించాడు. అతను 129 మ్యాచ్‌ల్లో 80 గోల్స్ చేసి, దిగ్గజ ప్లేయర్ పీలే రికార్డును అధిగమించాడు. నాలుగు వరల్డ్ కప్‌లలో బ్రెజిల్ జట్టును నడిపించిన నెయ్‌మర్‌కు వరల్డ్ కప్ టైటిల్ మాత్రం కలగానే మిగిలిపోయింది. 2014లో హోమ్ గ్రౌండ్‌లో గాయం వల్ల సెమీఫైనల్ ఆడలేదు, ఆ మ్యాచ్‌లో బ్రెజిల్ జర్మనీ చేతిలో ఘోరంగా ఓడింది.

2018లో బెల్జియం చేతిలో క్వార్టర్స్‌లో, 2022లో క్రొయేషియా చేతిలో పెనాల్టీ షూటౌట్‌లో బ్రెజిల్ ఓడిపోయింది. బ్రెజిల్ తరఫున నెయ్‌మర్‌ 2013లో కాన్ఫెడరేషన్స్ కప్, 2016 రియో ఒలింపిక్స్‌లో గోల్డ్ మెడల్ (2012 లండన్ ఒలింపిక్స్‌లో సిల్వర్) గెలిచాడు. బ్రెజిల్ చివరిసారిగా 2002లో వరల్డ్ కప్ గెలిచింది. ఆ తర్వాత వరల్డ్ కప్ నాకౌట్స్‌లో యూరోపియన్ జట్లను బ్రెజిల్ ఓడించలేకపోయింది.

AGORA: Neymar, desolado, deixa o campo após a eliminação do Brasil na Copa do Mundo. Imagem forte. #BRAXNOR #Neymar #FIFAWORDCUP pic.twitter.com/iT4ZojKgZ9

— (@4ntonellibjj) July 5, 2026

బ్రెజిల్ హెడ్ కోచ్ కార్లో అన్సెలొట్టి ఈ ఓటమిపై స్పందిస్తూ, ఇదొక కొత్త సైకిల్‌కు ఆరంభం మాత్రమే అని అన్నాడు. "మేము అద్భుతమైన వరల్డ్ కప్ ఆడకపోయినా, మంచి ప్రదర్శన ఇచ్చాం. ఈ రోజు మ్యాచ్‌లో గెలవడానికి అర్హులం. ఈ ఓటమిని జీర్ణించుకుని భవిష్యత్తు కోసం మరింత మెరుగ్గా మారాలి" అని అన్సెలొట్టి పేర్కొన్నాడు. ఏడాది క్రితం కోచ్‌గా బాధ్యతలు చేపట్టిన అన్సెలొట్టికి 2030 వరల్డ్ కప్ వరకు కాంట్రాక్ట్ ఉంది. తను కోచ్ పదవి నుంచి తప్పుకునే ప్రసక్తే లేదని అన్నాడు. నెయ్‌మర్‌ తప్పుకోవడంతో బ్రెజిల్ జట్టులో ఒక పెద్ద లోటు ఏర్పడిందనడంలో ఎలాంటి సందేహం లేదని చెప్పాడు.

FIFA World Cup Final: 5 ఏళ్ల క్రితమే ఫిఫా వరల్డ్ కప్ 2026 ఫైనల్ ఫలితం లీక్.. సోషల్ మీడియాలో వైరల్ అవుతున్న పోస్ట్

Mahesh Rajamoni — Thu, 16 Jul 2026 08:28:08 +0530

FIFA World Cup Final 2026: ఫిఫా వరల్డ్ కప్ 2026 ఫైనల్ లో అర్జెంటీనా, స్పెయిన్ తలపడనున్నాయి. అయితే, ఐదేళ్ల క్రితం ఒక యూజర్ చేసిన మ్యాచ్ స్కోర్ ప్రిడిక్షన్ పోస్ట్ ఇప్పుడు నెట్టింట వైరల్ అవుతోంది. మరి ఈ సారి ఫైనల్ పోరులో ఛాంపియన్ గా నిలిచే జట్టు ఏది?

ఫుట్‌బాల్ ప్రపంచకప్ 2026 ఫైనల్‌కు కౌంట్‌డౌన్ స్టార్ట్ అయింది. ఫిఫా వరల్డ్ కప్ ఫైనల్ ఫైట్‌లో స్పెయిన్, అర్జెంటీనా జట్లు తలపడనున్నాయి. అయితే ఈ మ్యాచ్ గురించి సోషల్ మీడియాలో ఒక షాకింగ్ విషయం వైరల్ అవుతోంది. ఈ రెండు జట్లు ఫైనల్ చేరుకుంటాయని, మ్యాచ్ స్కోర్ ఎంత ఉంటుందో ఐదేళ్ల క్రితమే ఒకరు ఊహించారు. 2021లో చేసిన ఈ పోస్ట్ ఇప్పుడు ఇంటర్నెట్‌ను షేక్ చేస్తోంది. ఇది చూసిన ఫుట్‌బాల్ అభిమానులు షాక్ అవుతున్నారు.

రెండో సెమీఫైనల్‌లో డిఫెండింగ్ ఛాంపియన్ అర్జెంటీనా 2-1తో ఇంగ్లాండ్‌ను ఓడించింది. ఈ విజయంతో అర్జెంటీనా వరుసగా రెండోసారి ఫైనల్‌కు దూసుకెళ్లింది. అంతకుముందు స్పెయిన్ జట్టు ఫ్రాన్స్‌ను ఓడించి ఫైనల్ బెర్త్ ఖరారు చేసుకుంది. ఈ రెండు జట్లు ఫైనల్‌కు చేరగానే.. 'డిలెమా' అనే ఎక్స్ యూజర్ 2021 జూలై 11న చేసిన పాత పోస్ట్ వెలుగులోకి వచ్చింది. అందులో 2026 వరల్డ్ కప్ ఫైనల్ అప్‌డేట్ ముందే రాసి ఉంది.

Argentina just beat Spain at the 2026 World Cup final, 3-2.

— dilemma (@actuallyimthe) July 11, 2021

"అర్జెంటీనా జట్టు 2026 వరల్డ్ కప్ ఫైనల్‌లో స్పెయిన్‌ను 3-2 తేడాతో ఓడించింది" అని సదరు యూజర్ 2021లో పోస్ట్ చేశాడు. అప్పట్లో లియోనెల్ మెస్సీ టీమ్ 2022 ఖతార్ వరల్డ్ కప్ కూడా గెలవలేదు. అలాంటిది ఐదేళ్ల తర్వాత జరగబోయే మ్యాచ్ గురించి ఇంత పక్కాగా రాయడం విశేషం. ఒకవేళ ఫైనల్‌లో నిజంగానే అర్జెంటీనా 3-2తో గెలిస్తే మాత్రం ఈ పోస్ట్ ఫుట్‌బాల్ హిస్టరీలోనే ఒక రికార్డ్‌గా నిలిచిపోతుంది.

ఈ వైరల్ ట్వీట్ చూసి మెస్సీ అభిమానులు పండగ చేసుకుంటున్నారు. ఈ టోర్నమెంట్‌లో మెస్సీ ఇప్పటివరకు 8 గోల్స్, 4 అసిస్ట్‌లతో సూపర్‌ ఫామ్‌లో ఉన్నాడు. డిఫెండింగ్ ఛాంపియన్‌గా బరిలోకి దిగిన అర్జెంటీనా నాలుగోసారి ట్రోఫీ గెలవాలని చూస్తోంది. గతంలో 1978, 1986, 2022లో అర్జెంటీనా వరల్డ్ కప్స్ గెలిచింది. మరోవైపు స్పెయిన్ జట్టు 2010 తర్వాత రెండోసారి వరల్డ్ కప్ టైటిల్ సాధించాలని పట్టుదలగా ఉంది.

అమెరికా, మెక్సికో, కెనడా సంయుక్తంగా నిర్వహిస్తున్న ఈ 48 దేశాల మెగా టోర్నీ ఫైనల్ మ్యాచ్‌కు సర్వం సిద్ధమైంది. జూలై 19 ఆదివారం నాడు న్యూయార్క్ స్టేడియంలో ఈ మ్యాచ్ జరగనుంది. ఈ రెండు దేశాల మధ్య వరల్డ్ కప్ ఫైనల్ జరగడం ఇదే మొదటిసారి. గతంలో 2024 యూరో కప్ గెలిచిన స్పెయిన్, 2024 కోపా అమెరికా గెలిచిన అర్జెంటీనా మధ్య ఫైనల్ మ్యాచ్ జరగాల్సి ఉన్నా అది రద్దయింది. ఇప్పుడు నేరుగా వరల్డ్ కప్ ఫైనల్లోనే ఈ రెండు జట్లు తేల్చుకోనున్నాయి.

FIFA Golden Boot: ఫిఫా సెమీఫైనల్స్ రేసు షురూ.. గోల్డెన్ బూట్ కోసం గట్టి ఫైట్.. రికార్డుల వేటలో స్టార్ ప్లేయర్స్

Mahesh Rajamoni — Fri, 10 Jul 2026 16:11:50 +0530

FIFA Golden Boot: ఫిఫా వరల్డ్ కప్ 2026 క్వార్టర్ ఫైనల్స్‌కు చేరింది. 96 మ్యాచ్‌ల్లో 280 గోల్స్ నమోదయ్యాయి. గోల్డెన్ బూట్ కోసం ఎంబాపె, హాలాండ్, మెస్సీ, కేన్ మధ్య గట్టి పోటీ నడుస్తోంది.

ఫిఫా వరల్డ్ కప్ 2026 ఇప్పుడు అత్యంత ఉత్కంఠభరితమైన చివరి దశకు చేరుకుంది. చరిత్రలోనే మొదటిసారిగా 48 జట్లతో జరుగుతున్న ఈ మెగా టోర్నమెంట్ ప్రస్తుతం క్వార్టర్ ఫైనల్స్, సెమీఫైనల్స్ రేసుకు సిద్ధమైంది. ఇప్పటివరకు జరిగిన 96 మ్యాచ్‌ల్లో ఏకంగా 280 గోల్స్ నమోదయ్యాయి. ఈ మ్యాచ్‌లలో ప్లేయర్స్ చూపించిన పర్ఫార్మెన్స్, రికార్డులు ఫుట్‌బాల్ లవర్స్ కు గూస్ బంప్స్ తెప్పిస్తున్నాయి.

ఈసారి గోల్డెన్ బూట్ రేస్ ఎన్నడూ లేనంత రసవత్తరంగా మారింది. నలుగురు టాప్ స్టార్ ప్లేయర్స్ మధ్య గట్టి ఫైట్ నడుస్తోంది. కైలియన్ ఎంబాపె, ఎర్లింగ్ హాలాండ్, లియోనెల్ మెస్సీ, హ్యారీ కేన్ ఈ రేసులో దూసుకుపోతున్నారు. గత శతాబ్ద కాలంలో కేవలం కొద్దిమంది ప్లేయర్స్ మాత్రమే ఒకే వరల్డ్ కప్‌లో 10 లేదా అంతకంటే ఎక్కువ గోల్స్ చేశారు.

2006లో మిరోస్లావ్ క్లోజ్ 5 గోల్స్‌తో, 2010లో థామస్ ముల్లర్ 5 గోల్స్‌తో గోల్డెన్ బూట్ గెలిచారు. 2018లో హ్యారీ కేన్ 6 గోల్స్, 2022లో ఎంబాపె 8 గోల్స్ చేయడం పెద్ద రికార్డుగా అనిపించింది. కానీ ఈ ఏడాది ఆ నంబర్స్ కేవలం స్టార్టింగ్ పాయింట్ మాత్రమేలా కనిపిస్తున్నాయి. ఈ నలుగురిలో గోల్డెన్ బూట్ ఎవరు కొడతారనేది ఇప్పుడు బిగ్గెస్ట్ సస్పెన్స్.

ఇంగ్లండ్‌లో పుట్టి పెరిగిన మైఖేల్ ఒలిసే ప్రస్తుతం ఫ్రాన్స్ జట్టు తరఫున వరల్డ్ కప్‌లో అదరగొడుతున్నాడు. బేయర్న్ మ్యూనిచ్ ఫార్వర్డ్ అయిన ఒలిసే చాలా సైలెంట్‌గా ఉంటాడు. లైమ్‌లైట్‌కు దూరంగా ఉండటానికి ఇష్టపడతాడు. అతనికి చెస్ ఆడటం అంటే చాలా ఇష్టం. గోల్స్ చేసినప్పుడు కూడా పెద్దగా సెలబ్రేట్ చేసుకోడు. అంతేకాదు, ఏ స్పోర్ట్స్‌వేర్ లేదా బూట్ కంపెనీలతోనూ అతనికి ఎలాంటి డీల్స్ లేవు. బేయర్న్ మ్యూనిచ్ క్లబ్ తరఫున ఒకే సీజన్‌లో 25 గోల్స్, 28 అసిస్ట్‌లతో అదరగొట్టిన ఒలిసే, ప్రపంచంలోని బెస్ట్ ప్లేయర్స్‌లో ఒకడిగా మారాడు. ఈ క్వార్టర్ ఫైనల్స్ రేసుకు వచ్చేసరికి ఒకే వరల్డ్ కప్‌లో 5 గోల్స్ అసిస్ట్ చేసిన ప్లేయర్‌గా రికార్డు సృష్టించాడు. 1994లో జర్మనీకి చెందిన థామస్ హాస్లర్ తర్వాత ఈ ఫీట్ సాధించిన మొదటి ప్లేయర్ ఒలిసే కావడం విశేషం.

లాస్ట్ 16 మ్యాచ్‌లో పోర్చుగల్‌పై సూపర్ విక్టరీ తర్వాత స్పెయిన్ స్టార్ ప్లేయర్ రోడ్రి ఆసక్తికర వ్యాఖ్యలు చేశాడు. డిఫెండింగ్ యూరోపియన్ ఛాంపియన్స్ అయిన స్పెయిన్ ఈ టోర్నమెంట్‌లో ఇప్పటివరకు ఒక్క గోల్ కూడా లూజ్ అవ్వలేదు. పోర్చుగల్‌తో జరిగిన మ్యాచ్‌లో రోడ్రి 'ప్లేయర్ ఆఫ్ ది మ్యాచ్'గా నిలిచాడు. శుక్రవారం బెల్జియంతో జరగబోయే మ్యాచ్ కోసం రోడ్రి వెయిట్ చేస్తున్నాడు. "మేము ఇంకా ఇంప్రూవ్ అవ్వడానికి చాలా స్కోప్ ఉంది" అని రోడ్రి అన్నాడు.

"ఇప్పటి ఫుట్‌బాల్‌ మ్యాచ్‌లలో లాస్ట్ థర్డ్‌లో గేమ్ స్పీడ్ పెంచాలి. మేము ప్రత్యర్థి లైన్స్ బ్రేక్ చేసినప్పుడు బంతిని ఎక్స్‌ట్రా టచ్ తీసుకుంటున్నాం. వేగంగా టర్న్ అయి ఎటాకింగ్ ప్లేయర్స్‌కు బాల్ పాస్ చేయాలి. పోర్చుగల్‌పై గోల్ కూడా అలానే వచ్చింది" అని రోడ్రి తన ప్లాన్స్ పంచుకున్నాడు.

సెనెగల్‌తో జరిగిన మ్యాచ్‌లో రెండు గోల్స్ వెనుకబడినప్పటికీ బెల్జియం కెప్టెన్ యూరి టైల్‌మన్స్ అదిరిపోయే కంబ్యాక్ ఇచ్చి జట్టును గెలిపించాడు. మ్యాచ్ ముగిసిన తర్వాత కెవిన్ డి బ్రూయిన్ మాట్లాడుతూ టైల్‌మన్స్ బెల్జియం డ్రెస్సింగ్ రూమ్‌కు ఎంత ఇంపార్టెంటో చెప్పాడు. "యూరి బెల్జియం జట్టుకు గొప్ప సేవలు అందించాడు. ఆన్ ఫీల్డ్, ఆఫ్ ఫీల్డ్ అందరూ అతన్ని చూసి నేర్చుకోవచ్చు" అని నాపోలి ప్లేయర్ తెలిపాడు. "అతను లీడర్‌గా అందరికీ ఒక ఎగ్జాంపుల్‌లా నిలుస్తాడు. అతను కెప్టెన్ ఆర్మ్‌బ్యాండ్ ధరించడానికి ఒక స్ట్రాంగ్ రీజన్ ఉంది" అని డిఫెండర్ ఆర్థర్ థియేట్ ప్రశంసించాడు.

మికేల్ ఒయార్జబల్ ఈ వరల్డ్ కప్‌లో స్పెయిన్ జట్టుకు మెయిన్ గోల్ థ్రెట్‌గా మారాడు. అతను ఇప్పటికే సౌదీ అరేబియా, ఆస్ట్రియాపై రెండు బ్రేస్‌లు (రెండు మ్యాచ్‌ల్లో రెండేసి గోల్స్) సాధించాడు. కేవలం 29 ఏళ్ల వయసులోనే లా రోజా ఆల్-టైమ్ స్కోరింగ్ లిస్ట్‌లో 29 గోల్స్‌తో ఆరో స్థానంలో నిలిచాడు. ఒయార్జబల్ తను ఆడిన ప్రతి ఫైనల్ మ్యాచ్‌లోనూ గోల్స్ చేయడం ఒక అరుదైన రికార్డు. అతను 2020 మెన్స్ ఒలింపిక్ ఫుట్‌బాల్ ఫైనల్, అలాగే 2021, 2025 యూఈఎఫ్ఏ నేషన్స్ లీగ్ డిసైడర్స్‌లో ఓడిపోయినప్పటికీ, 2021, 2026లో కోపా డెల్ రే, అలాగే యూరో 2024 టైటిల్స్ గెలుచుకున్నాడు.

FIFA World Cup 2026 హాఫ్ టైమ్ షో: షకీరా, మడోన్నా, జస్టిన్ బీబర్‌ల పారితోషికం ఎంతంటే?

Mahesh Rajamoni — Sun, 19 Jul 2026 12:03:33 +0530

FIFA World Cup 2026 Final: ఫిఫా వరల్డ్ కప్ 2026 ఫైనల్ హాఫ్ టైమ్ షోలో షకీరా, మడోన్నా, బీటీఎస్, జస్టిన్ బీబర్ పర్ఫార్మ్ చేస్తున్నారు. అయితే వీరికి ఇచ్చే పారితోషికంపై ఆసక్తికర రిపోర్ట్ బయటకు వచ్చింది. ఆ వివరాలు మీకోసం.

ఫిఫా వరల్డ్ కప్ 2026 ఫైనల్ మ్యాచ్ కోసం ప్రపంచవ్యాప్తంగా ఉన్న ఫుట్‌బాల్ లవర్స్ ఎంతో ఆత్రుతగా ఎదురుచూస్తున్నారు. ఆదివారం స్పెయిన్, అర్జెంటీనా జట్ల మధ్య ఈ టైటిల్ ఫైట్ జరగనుంది. ఈ ఏడాదిలోనే అత్యంత భారీ స్పోర్టింగ్ ఈవెంట్‌గా ఇది నిలవబోతోంది. అయితే కేవలం గ్రౌండ్‌లో జరిగే ఆట మాత్రమే కాదు, ఈసారి మరో స్పెషల్ అట్రాక్షన్ కూడా తోడైంది.

సూపర్ బౌల్ స్టైల్‌లో ఈ ఫైనల్ మ్యాచ్‌లో ఒక భారీ 'హాఫ్ టైమ్ షో'ను ప్లాన్ చేశారు. ఇందులో గ్లోబల్ మ్యూజిక్ ఐకాన్స్ అయిన షకీరా, మడోన్నా, బీటీఎస్, జస్టిన్ బీబర్ లాంటి స్టార్స్ పర్ఫార్మ్ చేయబోతున్నారు. దీంతో వరల్డ్ కప్ ఫైనల్ చరిత్రలోనే ఇలాంటి మ్యూజికల్ షో జరగడం ఇదే మొదటిసారి కానుంది. ఈ క్రమంలోనే ఇంత పెద్ద స్టార్స్‌కు అసలు ఎంత రెమ్యునరేషన్ ఇస్తున్నారు అనే క్వశ్చన్ అభిమానుల మైండ్‌లో తిరుగుతోంది.

ఈ గ్లోబల్ మ్యూజిక్ స్టార్స్ పారితోషికం గురించి ఒక ఇంట్రెస్టింగ్ రిపోర్ట్ బయటకు వచ్చింది. ప్రముఖ మీడియా సంస్థ 'MARCA' కథనం ప్రకారం.. ఈ ఫిఫా వరల్డ్ కప్ 2026 ఫైనల్ హాఫ్ టైమ్ షోలో పర్ఫార్మ్ చేస్తున్నందుకు ఈ ఆర్టిస్టులకు ఎలాంటి ఫిక్స్‌డ్ ఫీజు లేదా సాంప్రదాయ పారితోషికం ఇవ్వడం లేదు. ఈ అరేంజ్మెంట్ మొత్తం అమెరికాలో జరిగే ప్రసిద్ధ 'సూపర్ బౌల్' హాఫ్ టైమ్ షో మోడల్‌ను బేస్ చేసుకుని డిజైన్ చేశారు. అంటే ఆర్గనైజర్స్ కేవలం ప్రొడక్షన్ కాస్ట్, స్టేజ్ సెట్టింగ్స్, లాజిస్టిక్స్ ఖర్చులను మాత్రమే భరిస్తారు. అంతేకానీ విడిగా ఆర్టిస్టుల అప్పియరెన్స్ కోసం ఎలాంటి డబ్బులు చెల్లించరు.

మరి ఇంత పెద్ద స్టార్స్ ఫ్రీగా ఎందుకు పర్ఫార్మ్ చేస్తారు అనే డౌట్ రావచ్చు. ఇక్కడే అసలైన ట్విస్ట్ ఉంది. షకీరా, మడోన్నా, బీటీఎస్, జస్టిన్ బీబర్‌లకు ఈ షో ద్వారా వచ్చే రియల్ బెనిఫిట్ భారీ గ్లోబల్ ఎక్స్‌పోజర్ రూపంలో లభిస్తుంది. ఈ ఫైనల్ మ్యాచ్‌ను ప్రపంచవ్యాప్తంగా వందల కోట్ల మంది వ్యూయర్స్ లైవ్‌లో చూడబోతున్నారు. ఇంత భారీ సంఖ్యలో జనాలు చూస్తుండటంతో, పర్ఫార్మెన్స్ అయిపోయిన తర్వాత కొన్ని వారాల పాటు ఈ స్టార్స్ మ్యూజిక్ స్ట్రీమింగ్స్, ఆల్బమ్ సేల్స్ విపరీతంగా పెరిగిపోతాయి. సోషల్ మీడియా ఎంగేజ్‌మెంట్, ఇతర కమర్షియల్ ఆఫర్స్ కూడా భారీగా వస్తాయి. కేవలం రిహార్సల్స్ టైమ్‌లో మాత్రం ఆర్టిస్టులకు ఒక చిన్న అలవెన్స్ ఇస్తారని రిపోర్ట్ పేర్కొంది.

పెద్ద స్పోర్ట్స్ ఈవెంట్స్‌లో ఇలా పారితోషికం లేకుండా పెర్ఫార్మ్ చేయడం ఇదేం మొదటిసారి కాదు. మార్కా రిపోర్ట్ ప్రకారం.. గతంలో జరిగిన ఫిఫా వరల్డ్ కప్ ఓపెనింగ్ లేదా క్లోజింగ్ సెర్మనీలలో పెర్ఫార్మ్ చేసిన మ్యూజీషియన్స్ కూడా ఎలాంటి సాంప్రదాయ ఫీజు తీసుకోలేదు. టోర్నమెంట్ ద్వారా వచ్చే వరల్డ్ వైడ్ పబ్లిసిటీని వాడుకోవడానికే వాళ్లు మొగ్గు చూపారు. గత హిస్టరీని చూస్తే.. ఇలాంటి మేజర్ స్పోర్టింగ్ ఈవెంట్లలో కనిపించిన సింగర్స్ డిజిటల్ ప్లాట్‌ఫామ్స్ గ్రాఫ్స్ విపరీతంగా పెరిగాయి. ఒకసారి తీసుకునే వన్ టైమ్ పేమెంట్ కంటే, ఆ తర్వాత వచ్చే ఆన్‌లైన్ ఎంగేజ్‌మెంట్, స్ట్రీమింగ్ నంబర్స్ ద్వారా వచ్చే లాభాలే చాలా ఎక్కువ.

రిపోర్ట్స్ ప్రకారం ఈ హాఫ్ టైమ్ షో కేవలం 11 నిమిషాల పాటు మాత్రమే సాగనుంది. టైమ్ చాలా తక్కువగా ఉన్నప్పటికీ, ఆర్గనైజర్స్ మాత్రం షోను నెక్స్ట్ లెవెల్‌లో ప్లాన్ చేస్తున్నారు. భారీ ప్రొడక్షన్ వాల్యూస్, కళ్లు చెదిరే కొరియోగ్రఫీ, అద్భుతమైన మ్యూజిక్‌తో స్టేజ్ షేక్ చేయబోతున్నారు. వేర్వేరు జనరేషన్స్, విభిన్న జానర్లకు చెందిన ఈ నలుగురు టాప్ ఆర్టిస్టులను ఒకే దగ్గరకు తీసుకురావడం నిజంగా ఒక పెద్ద వండర్. స్పెయిన్, అర్జెంటీనా మ్యాచ్ మధ్యలో వచ్చే ఈ బ్రేక్ టైమ్ ఫుట్‌బాల్ లవర్స్‌కు మాత్రమే కాదు, మ్యూజిక్ లవర్స్‌కు కూడా ఒక పండగలా మారనుంది.

అయితే ఈ రెమ్యునరేషన్ అరేంజ్మెంట్‌పై ఫిఫా కానీ, లేదా సదరు ఆర్టిస్టుల టీమ్స్ కానీ ఇప్పటివరకు పబ్లిక్‌గా ఎలాంటి కామెంట్స్ చేయలేదు. ఒకవేళ ఈ మార్కా రిపోర్ట్ గనుక వంద శాతం నిజమైతే, పెద్ద పెద్ద స్పోర్టింగ్ ఈవెంట్స్ ఇప్పుడు సరికొత్త ట్రెండ్‌ను సెట్ చేస్తున్నాయని ఒప్పుకోవాల్సిందే. స్టార్ ఆర్టిస్టులకు భారీ ఫీజులు ఇచ్చే బదులు, వాళ్లకు ఊహించని స్థాయి గ్లోబల్ రీచ్‌ను ఆఫర్ చేస్తున్నాయి. ఆర్టిస్టులు సైతం ఈ ఎక్స్‌పోజర్‌ను తమ కెరీర్ లాంగ్ టర్మ్ కమర్షియల్ సక్సెస్ కోసం ఒక గొప్ప అవకాశంగా చూస్తున్నారు.

FIFA World Cup: ఫిఫా వరల్డ్ కప్ 2026 ఫైనల్లోకి దూసుకెళ్లిన స్పెయిన్.. ఈ ముగ్గురు మొనగాళ్లతోనే గెలుపు

Mahesh Rajamoni — Wed, 15 Jul 2026 08:24:00 +0530

FIFA World Cup 2026 final: ఫిఫా వరల్డ్ కప్ 2026 తొలి సెమీఫైనల్లో ఫ్రాన్స్‌ను 2-0తో ఓడించి స్పెయిన్ ఫైనల్ చేరింది. ఎంబాప్పే మ్యాజిక్ పనిచేయలేదు. 16 ఏళ్ల తర్వాత మరోసారి స్పెయిన్ ఫైనల్ టికెట్ కొట్టింది. ఈ విజయంలో ముగ్గురు ప్లేయర్లు కీరోల్ ప్లే చేశారు.

ఫిఫా వరల్డ్ కప్ 2026 లో అందరూ ఊహించినట్టే ఒక భారీ ట్విస్ట్ వచ్చేసింది.. ఈ సారి కప్ గెలుస్తుందని గట్టిగా అనుకున్న ఫ్రాన్స్ టీమ్‌కు స్పెయిన్ గట్టి షాక్ ఇచ్చింది. డల్లాస్ స్టేడియంలో జరిగిన మొదటి సెమీఫైనల్ మ్యాచ్‌ రసవత్తరంగా సాగింది. ఇందులో స్పెయిన్ 2-0 తేడాతో ఫ్రాన్స్‌ను కడిగి పారేసింది.

దీంతో ఫ్రాన్స్ వరల్డ్ కప్ కల ఇక్కడితో ముగిసిపోయింది. స్పెయిన్ మాత్రం ఏకంగా 16 ఏళ్ల తర్వాత మళ్లీ వరల్డ్ కప్ ఫైనల్లోకి అడుగుపెట్టి రికార్డు క్రియేట్ చేసింది. ఫ్రాన్స్ కెప్టెన్, స్టార్ ప్లేయర్ కిలియన్ ఎంబాప్పే ఈ మ్యాచ్‌లో అస్సలు మ్యాజిక్ చేయలేకపోయాడు. మ్యాచ్ మొత్తం స్పెయిన్ ప్లేయర్ల హవానే నడిచింది.

మ్యాచ్ స్టార్ట్ అయిన మొదటి 10 నిమిషాలు స్పెయిన్ టీమ్ బాల్‌ను తమ కంట్రోల్‌లోనే ఉంచుకుంది. ఫ్రాన్స్ డిఫెన్స్ గట్టిగానే ఉన్నా.. 20వ నిమిషంలో ఒక పెద్ద తప్పు జరిగిపోయింది. ఫ్రాన్స్ డిఫెండర్ లూకాస్ డిగ్నే బాల్‌ను వదిలేసి, స్పెయిన్ యంగ్ సెన్సేషన్ లమిన్ యమాల్‌ను తన్నేశాడు. దీంతో రెఫరీ ఏమాత్రం ఆలస్యం చేయకుండా స్పెయిన్‌కు పెనాల్టీ ఇచ్చాడు. ఈ ఛాన్స్‌ను 22వ నిమిషంలో మికేల్ ఓయార్‌జాబల్ అస్సలు మిస్ చేయలేదు. కూల్‌గా పెనాల్టీని గోల్‌గా మార్చేసి స్పెయిన్‌కు 1-0 లీడ్ ఇచ్చాడు. వరల్డ్ కప్ కెరీర్‌లో ఓయార్‌జాబల్‌కు ఇది 5వ గోల్ కావడం విశేషం.

మొదటి హాఫ్‌లో 1-0 తో వెనుకబడిన ఫ్రాన్స్ కమ్‌బ్యాక్ ఇస్తుందని అభిమానులు ఆశపడ్డారు. కానీ సెకండ్ హాఫ్‌లో స్పెయిన్ ఆటగాడు పెడ్రో పోరో అసలు సినిమా చూపించాడు. 58వ నిమిషంలో పోరో ఒక అదిరిపోయే ఫినిషింగ్‌తో రెండో గోల్ కొట్టేశాడు. దీంతో స్పెయిన్ స్కోరు 2-0 కి చేరింది. ఈ గోల్‌తో ఫ్రాన్స్ పూర్తిగా డిఫెన్స్‌లో పడిపోయింది. మ్యాచ్ ముగిసేవరకు ఫ్రాన్స్ ఒక్క గోల్ కూడా కొట్టలేకపోయింది. స్పెయిన్ డిఫెన్స్ ముందు ఎంబాప్పే ఆర్మీ చేతులెత్తేసింది.

ఈ మ్యాచ్‌లో స్పెయిన్ గెలిచిందంటే దానికి ముగ్గురు హీరోలే కారణం.

• లమిన్ యమాల్: 18 ఏళ్ల ఈ కుర్రాడు మ్యాచ్‌కు ముందే ఫ్రాన్స్‌కు వార్నింగ్ ఇచ్చాడు. అన్నట్టే మ్యాచ్‌లో 90 నిమిషాల పాటు మిడ్‌ఫీల్డ్‌లో రచ్చ లేపాడు. 20వ నిమిషంలో ఫ్రాన్స్ ప్లేయర్ తప్పు చేసేలా చేసింది ఈయనే. లాస్ట్ మినిట్‌లో ఒక సూపర్ గోల్ కొట్టినా అది ఆఫ్‌సైడ్ వల్ల క్యాన్సిల్ అయింది.

• మికేల్ ఓయార్‌జాబల్: ప్రెజర్ టైమ్‌లో కూల్ గా ఉంటూ 22వ నిమిషంలో పెనాల్టీని గోల్‌గా మార్చి ఫ్రాన్స్ మైండ్ బ్లాక్ చేశాడు.

• పెడ్రో పోరో: స్పెయిన్ గెలుపును కన్ఫర్మ్ చేసింది ఈయనే. 58వ నిమిషంలో సూపర్ గోల్ కొట్టి ఫ్రాన్స్ ఆశలపై నీళ్లు చల్లాడు.

ఫుట్‌బాల్ వరల్డ్ కప్ హిస్టరీలో స్పెయిన్ ఫైనల్‌కు చేరడం ఇది రెండోసారి మాత్రమే. ఇంతకుముందు 2010లో ఫైనల్ చేరి నెదర్లాండ్స్‌ను 1-0తో ఓడించి తొలిసారి కప్ గెలిచింది. ఇప్పుడు మళ్లీ 16 ఏళ్ల తర్వాత ఫైనల్ చేరింది. మరోవైపు, వరుసగా మూడోసారి ఫైనల్ చేరాలన్న ఫ్రాన్స్ కల చెదిరిపోయింది. 2022లో ఫైనల్ చేరిన ఫ్రాన్స్ అర్జెంటీనా చేతిలో ఓడిపోయింది. ఈసారి సెమీస్‌లోనే ప్యాకప్ చెప్పేసింది. వరల్డ్ కప్ హిస్టరీలో ఫ్రాన్స్ సెమీఫైనల్లో ఓడిపోవడం ఇది నాలుగోసారి. ఇప్పుడు స్పెయిన్ టీమ్.. అర్జెంటీనా, ఇంగ్లాండ్ మధ్య జరిగే రెండో సెమీఫైనల్ విన్నర్‌తో ఫైనల్ మ్యాచ్‌లో తలపడనుంది.

FIFA World Cup 2026 Awards List: రోడ్రికి గోల్డెన్ బాల్.. ఎంబాప్పేకు గోల్డెన్ బూట్.. ఫిఫా వరల్డ్ కప్ 2026 అవార్డుల విన్నర్స్ వీరే

Mahesh Rajamoni — Mon, 20 Jul 2026 11:38:35 +0530

FIFA World Cup 2026 Awards List: ఫిఫా వరల్డ్ కప్ 2026 ఫైనల్ పోరులో అర్జెంటీనాకు షాకిస్తూ స్పెయిన్ ఛాంపియన్ గా నిలిచింది. రోడ్రి, ఎంబాపె, ఉనై సిమోన్, క్యుబార్సి గెలుచుకున్న గోల్డెన్ బాల్, బూట్, గ్లోవ్ అవార్డుల పూర్తి లిస్ట్ మీకోసం.

ఫిఫా వరల్డ్ కప్ 2026 టోర్నమెంట్ సూపర్ క్లైమాక్స్‌కు చేరింది. ఎంతో ఉత్కంఠభరితంగా సాగిన ఈ మెగా టోర్నమెంట్ ముగిసిన తర్వాత, ప్లేయర్ల ప్రతిభను గుర్తిస్తూ ఫిఫా ప్రత్యేక అవార్డులను ప్రకటించింది. న్యూయార్క్ న్యూజెర్సీ స్టేడియంలో అర్జెంటీనాతో జరిగిన ఫైనల్ మ్యాచ్‌లో స్పెయిన్ 1-0 తేడాతో ఎక్స్‌ట్రా టైమ్‌లో ఘన విజయం సాధించింది. దీనితో స్పెయిన్ రెండోసారి వరల్డ్ కప్ ట్రోఫీని ముద్దాడింది. ఈ టోర్నీలో అదరగొట్టిన స్పెయిన్ స్టార్స్ అవార్డులను క్లీన్ స్వీప్ చేశారు. రోడ్రి, పావు క్యుబార్సి, ఉనై సిమోన్‌లతో పాటు ఫ్రాన్స్ స్టార్ ఎంబాప్పే కూడా ప్రతిష్ఠాత్మక అవార్డులను సొంతం చేసుకున్నారు.

స్పెయిన్ మిడ్‌ఫీల్డర్, కెప్టెన్ రోడ్రి ఈ టోర్నమెంట్‌లో అద్భుతమైన ఆటతీరును ప్రదర్శించాడు. లా రోజా తరఫున ఆడిన ఎనిమిది మ్యాచ్‌ల్లోనూ మిడ్‌ఫీల్డ్‌ను ఆయనే నడిపించాడు. డిఫెన్స్‌కు అండగా ఉంటూ, జట్టును విజయపథంలో నడిపించడంలో కీలక పాత్ర పోషించాడు. స్పెయిన్ డిఫెన్స్ ఎంత స్ట్రాంగ్‌గా ఉందంటే, ఈ టోర్నీ మొత్తంలో వారు కేవలం ఒకే ఒక్క గోల్ ఇచ్చారు. దీనికి రోడ్రి ఆడిన ఆటతీరే ప్రధాన కారణం.

అందుకే రోడ్రిని టోర్నమెంట్ బెస్ట్ ప్లేయర్‌గా ఎంపిక చేస్తూ అడిడాస్ గోల్డెన్ బాల్ అవార్డును ఇచ్చారు. న్యూజెర్సీ లో ఈ అవార్డును ఆయన అందుకున్నాడు. అలాగే అర్జెంటీనా స్టార్ లియోనెల్ మెస్సి 'సిల్వర్ బాల్' గెలుచుకోగా, ఫ్రాన్స్ ప్లేయర్ ఎంబాప్పే బ్రాంజ్ బాల్ సొంతం చేసుకున్నాడు.

ఫ్రాన్స్ సూపర్ స్టార్ ఎంబాప్పే మరోసారి తనేంటో నిరూపించుకున్నాడు. ఫ్రాన్స్ జట్టు వరుసగా మూడోసారి ఫైనల్‌కు చేరలేకపోయినప్పటికీ, ఎంబాప్పే మాత్రం రికార్డులు సృష్టించాడు. కేవలం ఎనిమిది మ్యాచ్‌ల్లోనే ఏకంగా 10 గోల్స్ చేసి అందరినీ ఆశ్చర్యపరిచాడు. అంతేకాదు టోర్నీలో నాలుగు అసిస్ట్‌లు కూడా చేశాడు. ఇంగ్లండ్‌తో జరిగిన బ్రాంజ్ మెడల్ మ్యాచ్‌లో ఫ్రాన్స్ 6-4తో ఓడిపోయినప్పటికీ, ఆ మ్యాచ్‌లో ఎంబాప్పే రెండు గోల్స్ కొట్టాడు.

దీనితో టోర్నమెంట్‌లో అత్యధిక గోల్స్ చేసిన ఆటగాడిగా నిలిచి 'అడిడాస్ గోల్డెన్ బూట్' అవార్డును వరుసగా రెండోసారి సొంతం చేసుకున్నాడు. కాగా, ఎనిమిది గోల్స్ చేసిన లియోనెల్ మెస్సి సిల్వర్ బూట్ అందుకోగా, ఏడు గోల్స్‌తో ఇంగ్లండ్ ప్లేయర్ జూడ్ బెల్లింగ్‌హామ్ బ్రాంజ్ బూట్ దక్కించుకున్నాడు.

స్పెయిన్ గోల్‌కీపర్ ఉనై సిమోన్ ఈ టోర్నమెంట్‌లో గోడలా నిలిచాడు. స్పెయిన్ డిఫెన్స్‌కు వెన్నెముకలా నిలిచిన 29 ఏళ్ల సిమోన్, ఎనిమిది మ్యాచ్‌లలో ఏకంగా ఏడు క్లీన్ షీట్లు నమోదు చేసి 'అడిడాస్ గోల్డెన్ గ్లోవ్' అవార్డును గెలుచుకున్నాడు. అర్జెంటీనాతో జరిగిన ఫైనల్లో ఎక్స్‌ట్రా టైమ్‌లో కూడా ఒక్క గోల్ కాకుండా అడ్డుకున్నాడు.

ఈ టోర్నీలో బెల్జియం మ్యాచ్‌లో మాత్రమే అతను ఒక గోల్ ఇచ్చాడు. ఈ క్రమంలోనే సిమోన్ ఒక సరికొత్త వరల్డ్ కప్ రికార్డు క్రియేట్ చేశాడు. వరల్డ్ కప్‌లో వరుసగా 650 నిమిషాల పాటు ఒక్క గోల్ కూడా కాకుండా అడ్డుకుని ఈ ఘనత సాధించాడు.

స్పెయిన్ యువ డిఫెండర్ పావు క్యుబార్సి తన కెరీర్‌ను అదిరిపోయే రేంజ్‌లో స్టార్ట్ చేశాడు. కేవలం 19 ఏళ్ల వయసులోనే స్పెయిన్ డిఫెన్స్‌లో కీలక పాత్ర పోషించి ఫిఫా బెస్ట్ యంగ్ ప్లేయర్ అవార్డును గెలుచుకున్నాడు. ఈ అవార్డును అరామ్‌కో ప్రెజెంట్ చేసింది. జనవరి 1, 2005 లేదా ఆ తర్వాత పుట్టిన బెస్ట్ యంగ్ ప్లేయర్‌కు ఈ అవార్డు ఇస్తారు.

గతంలో ఈ అవార్డును ఎంబాప్పే, థామస్ ముల్లర్, ఎంజో ఫెర్నాండెజ్ లాంటి స్టార్లు గెలిచారు. ఇక టోర్నమెంట్‌లో క్రమశిక్షణగా ఆడినందుకు నెదర్లాండ్స్ జట్టుకు 'ఫిఫా ఫెయిర్ ప్లే ట్రోఫీ' లభించింది. మెక్‌డొనాల్డ్స్ ఈ అవార్డును అందించింది. గ్రూప్-ఎఫ్ లో టాప్‌లో నిలిచిన నెదర్లాండ్స్, రౌండ్ ఆఫ్ 32 మ్యాచ్‌లో మొరాకోతో 1-1తో డ్రా చేసుకుని, పెనాల్టీ షూటౌట్‌లో 3-2తో ఓడిపోయి టోర్నీ నుంచి త్వరగానే నిష్క్రమించింది.

Lamine Yamal Net Worth: మెస్సీకి షాకిచ్చిన లామిన్ యామల్ నెట్ వర్త్ తెలిస్తే మైండ్ బ్లాకే !

Mahesh Rajamoni — Mon, 20 Jul 2026 13:49:44 +0530

Lamine Yamal Net Worth: 2026 వరల్డ్ కప్ గెలిచిన స్పెయిన్ స్టార్ లామిన్ యామల్ పేరు మార్మోగిపోతోంది. ఆటలోనే కాదు సంపాదన లోనూ దుమ్మురేపుతున్నాడు. బార్సిలోనా భారీ కాంట్రాక్ట్ నుంచి బ్రాండ్ ఎండార్స్‌మెంట్ల వరకు.. లామిన్ యామల్ నెట్ వర్త్ ఎంతో తెలుసా?

ఫుట్‌బాల్ ప్రపంచంలో ఇప్పుడు ఎక్కడ చూసినా ఒకే ఒక్క పేరు మార్మోగిపోతోంది. అతడే స్పెయిన్ టీనేజ్ వండర్ కిడ్ లామిన్ యామల్. జస్ట్ 19 ఏళ్ల వయసులోనే ఈ కుర్రాడు ఫుట్‌బాల్ హిస్టరీలోనే బిగ్గెస్ట్ స్టార్స్‌లో ఒకడిగా ఎదిగిపోయాడు. అర్జెంటీనాతో జరిగిన 2026 వరల్డ్ కప్ ఫైనల్‌లో స్పెయిన్ గెలవడంతో యామల్ రేంజ్ ఎక్కడికో వెళ్ళిపోయింది. ఇంకా 20 ఏళ్లు కూడా నిండకుండానే అటు యూరో కప్, ఇటు వరల్డ్ కప్ కొట్టేసిన ఏకైక ప్లేయర్‌గా రికార్డు క్రియేట్ చేశాడు. ఈ హిస్టారిక్ విక్టరీ తర్వాత యామల్ నెట్ వర్త్, బ్రాండ్ వాల్యూ అమాంతం పెరిగిపోయాయి. ప్రస్తుతం సోషల్ మీడియాలో ఈ వండర్ కిడ్ ఆస్తులు, శాలరీ గురించే హాట్ టాపిక్ నడుస్తోంది.

పలు స్పోర్ట్స్ రిపోర్టుల ప్రకారం, 2026 మిడ్ నాటికి లామిన్ యామల్ నెట్ వర్త్ సుమారు $8 మిలియన్ల నుండి $15 మిలియన్ల (రూ. 66 కోట్ల నుండి రూ. 125 కోట్లు) మధ్యలో ఉంది. అయితే వరల్డ్ కప్ విన్ తర్వాత బ్లీప్ ఫైనాన్స్ అంచనా ప్రకారం, అతని నెట్ వర్త్ త్వరలోనే ఏకంగా €60 మిలియన్లకు (సుమారు రూ. 659 కోట్లు) చేరబోతోంది. వరల్డ్ కప్ గెలవడంతో స్పెయిన్ ఫుట్‌బాల్ ఫెడరేషన్ ఇచ్చే భారీ ప్రైజ్ మనీతో పాటు, బార్సిలోనా క్లబ్ నుంచి వచ్చే బోనస్‌లు కూడా తోడవ్వడంతో యామల్ బ్యాంక్ బ్యాలెన్స్ నెక్స్ట్ లెవెల్‌కు చేరింది.

లామిన్ యామల్ టాలెంట్ చూసి ఎఫ్‌సి బార్సిలోనా క్లబ్ అతనికి కళ్ళు చెదిరే కాంట్రాక్ట్ ఆఫర్ చేసింది. మే 2025లో కుదిరిన 6 ఏళ్ల కొత్త ఒప్పందం ప్రకారం.. 2031 జూన్ వరకు యామల్ బార్సిలోనాలోనే ఆడనున్నాడు. దీనికోసం అతనికి ఏడాదికి $18 మిలియన్ల (రూ. 173 కోట్లు) నుండి $21.5 మిలియన్ల (రూ. 207 కోట్లు) బేస్ శాలరీ ఇస్తున్నారు. అంటే టాక్స్‌లు పడకముందు వారానికి దాదాపు $350,000 నుండి $400,000 (రూ. 3.85 కోట్లు) సంపాదిస్తున్నాడన్నమాట. ఒకవేళ గోల్స్, మ్యాచ్ విన్స్ బోనస్‌లు కూడా కలుపుకుంటే, అతని వార్షిక సంపాదన $33 మిలియన్లకు (రూ. 317 కోట్లు) చేరుతుంది. ఇంతటి క్రేజీ ప్లేయర్‌ను వేరే క్లబ్స్ ఎవరూ ఎగరేసుకుపోకుండా ఉండేందుకు బార్సిలోనా ఏకంగా $1.1 బిలియన్ల (రూ. 10,591 కోట్లు) రిలీజ్ క్లాజ్ పెట్టింది.

గ్రౌండ్ లోనే కాదు, బయట కూడా యామల్ బ్రాండ్ వాల్యూ సూపర్ గా పెరిగింది. ఎండార్స్‌మెంట్ల ద్వారానే ఏడాదికి $10 మిలియన్లు (రూ. 96 కోట్లు) సంపాదిస్తున్నాడు. 2024లో స్పోర్ట్స్ జెయింట్ అడిడాస్ సంస్థతో 10 ఏళ్ల పాటు భారీ డీల్ కుదుర్చుకున్నాడు, దీని వాల్యూ ఏకంగా $34 మిలియన్లు (రూ. 327 కోట్లు). ఇవే కాకుండా బీట్స్ బై డ్రే, ఒప్పో, కొనామి, పవరేడ్, అమెరికన్ ఈగిల్, యూనిసెఫ్ వంటి టాప్ గ్లోబల్ బ్రాండ్స్‌కు యామల్ అంబాసిడర్‌గా ఉన్నాడు. ఫోర్బ్స్ హయ్యెస్ట్ పెయిడ్ ఫుట్‌బాల్ ప్లేయర్స్ లిస్ట్‌లో యామల్ టాప్ 10 లో నిలిచాడంటే అతని క్రేజ్ అర్థం చేసుకోవచ్చు.

2026 వరల్డ్ కప్ ఫైనల్‌లో అర్జెంటీనాపై యామల్ అద్భుత ప్రదర్శన చేశాడు. ఫుల్ 120 నిమిషాల పాటు గ్రౌండ్‌లో ఉండి అర్జెంటీనా డిఫెన్స్‌ను వణికించాడు. 4 సార్లు గోల్ కోసం షాట్స్ కొట్టగా, అర్జెంటీనా కీపర్ ఎమి మార్టినెజ్ రెండు సార్లు కష్టమ్మీద కాపాడాడు. మ్యాచ్ చివర్లో యామల్ వేసిన ఫ్రీ-కిక్ గోల్ కావాల్సింది, కానీ మార్టినెజ్ సూపర్ డైవ్‌తో దాన్ని అడ్డుకున్నాడు. ఈ మ్యాచ్‌లో యామల్ పాసింగ్ అక్యురసీ 88 శాతంగా నమోదైంది.

ఈ రోజు వందల కోట్లకు అధిపతి అయినప్పటికీ, యామల్ చిన్నతనం చాలా పేదరికంలో గడిచింది. అతని తండ్రి మౌనీర్ నస్రాయ్ మొరాకోకు చెందిన బిల్డింగ్ పెయింటర్, తల్లి షీలా ఎబన్ గినియాకు చెందిన వెయిట్రెస్. యామల్ 3 ఏళ్ల వయసులోనే తల్లిదండ్రులు విడిపోయారు. వాళ్ల నానమ్మ ఫాతిమా మొరాకో నుండి బస్సులో వచ్చి, మూడు షిఫ్ట్‌లు కష్టపడి పని చేసి ఈ కుటుంబాన్ని పోషించింది.

"ఒకప్పుడు మేము ఉన్న అపార్ట్‌మెంట్‌లో కిచెన్, బెడ్‌రూమ్ ఒకే చోట ఉండేవి. నేను ఫుట్‌బాలర్ అయ్యాక మా అమ్మ సంతోషంగా ఉంది, నా తమ్ముడు కీనె కి మంచి లైఫ్ దొరికింది, అదే నాకు హ్యాపీ" అని యామల్ ఎమోషనల్ అయ్యాడు. 15 ఏళ్ల 9 నెలల వయసులోనే బార్సిలోనా తరపున ఆడి హిస్టరీ క్రియేట్ చేసిన యామల్, బ్యాలన్ డి ఓర్ అవార్డుకు నామినేట్ అయిన యంగెస్ట్ ప్లేయర్ కూడా కావడం విశేషం.