Asianet News Telugu

Haunted Beach: భారతదేశంలోనే అత్యంత భయానకమైన బీచ్ ఇది.. అక్కడికి రాత్రిపూట వెళ్లాలంటేనే వణుకు

Haritha Chappa — Thu, 30 Apr 2026 12:57:43 +0530

Haunted Beach: బీచ్ పేరు చెబితేనే ఎంతోమంది మనసు ఉల్లాసంతో ఎగిరి గంతేస్తుంది. కానీ మన దేశంలో ఉన్న ఒక బీచ్ మాత్రం చాలా భయంకరమైనది. ఆ బీచ్ కి వెళ్ళిన వాళ్ళు తిరిగి రారని అక్కడ ఉన్న స్థానికులు చెప్పుకుంటూ ఉంటారు.

మనసు ప్రశాంతంగా ఉండాలంటే మొదట అందరూ వెళ్లేది బీచ్‌కే. దాదాపు సముద్ర ప్రాంతానికి దగ్గరలో ఉన్న వారంతా ప్రతిరోజు బీచ్‌కు వెళ్లి ఎందుకు ఇష్టపడతారు. స్పటికం లాంటి స్వచ్ఛమైన నీళ్లు, కొట్టుకొస్తున్న అలలూ, సూర్యరశ్మి, ఇసుక తిన్నెలు అన్నీ కలిసి అద్భుతమైన వాతావరణాన్ని అక్కడ సృష్టిస్తాయి. భారతీయ బీచులు ఎన్నో చాలా అందంగా ఉంటాయి. కానీ మనదేశంలోనే ఒక భయానకమైన బీచ్ ఉంది. చీకటి పడితే చాలు ఆ బీచ్ దరిదాపులకు కూడా ఎవరూ వెళ్లరు. అక్కడ రాత్రంతా గడిపిన వారు తిరిగి రారని కూడా చెప్పుకుంటారు. ఆ బీచ్ పేరు డుమాస్ బీచ్. గుజరాత్ రాష్ట్రంలో ఇది ఉంది.

స్థానికంగా దెయ్యాలు తిరిగే ప్రాంతాలుగా కొన్ని ప్రాంతాలు గుర్తింపు పొందుతాయి. అలాగే అరేబియా సముద్ర తీరంలో ఉన్న డుమాస్ బీచ్ కూడా దెయ్యాలు తిరిగే ప్రదేశంగా చుట్టుపక్కల వారు చెప్పుకుంటారు. ఈ బీచ్ రెండు కారణాలు కారణాలవల్ల ప్రసిద్ధి చెందింది. ఇక్కడ బీచ్ లోని ఇసుక నల్లగా ఉంటుంది. అలాగే భారతదేశంలో భయం గొలిపే బీచులలో ఇది ఒకటి. ఈ బీచ్ ఒకప్పుడు స్మశాన వాటికని, అందుకే అక్కడ దెయ్యాలు తిరుగుతాయని చుట్టుపక్కల ప్రజలు వివరిస్తున్నారు.

డుమాస్ బీచ్ లోని ఇసుక నల్లగా మారడానికి అనేక కథలు ప్రచారంలో ఉన్నాయి. బీచ్ సమీపంలో నివసించే ప్రజలు చెప్పిన వివరాల ప్రకారం వందల ఏళ్ల క్రితం అక్కడ స్మశాన వాటిక ఉండేది. మరణించిన వారి బూడిద తెల్ల ఇసుకతో కలిసిపోయి అలా ఇసుక నల్లగా మారిందని చెప్పుకుంటారు. అయితే ఇది సరైనదని చెప్పే ఎలాంటి సాక్ష్యాలు అక్కడ లేవు. అదేంటో ఈ బీచ్ లోకి వెళ్లగానే ఒక వింత అనుభూతి కలుగుతుంది. సాధారణంగా బీచ్ లోకి వెళ్లగానే ఉల్లాసంగా అనిపించాలి కానీ ఈ బీచ్ లో నిల్చోగానే ఏదో ప్రతికూల శక్తి లాగుతున్నట్టు అనిపిస్తుంది. సాయంత్రం వేళల్లో ప్రజలు ఈ బీచ్ దరిదాపులకు కూడా వెళ్లరు. అలాగే రాత్రిపూట ఈ బీచ్ నుండి వింత శబ్దాలు వస్తాయని ప్రజలు చెబుతూ ఉంటారు. కొంతమంది నవ్వులు, ఏడుపులు కూడా వినిపిస్తూ ఉంటాయని ఆ బీచ్ లో ఆత్మలు తిరుగుతాయి అన్నది స్థానికుల నమ్మకం.

Heatwave Alert : మీరు కూడా ఈ ఎండల్లో ఆఫీసుకు వెళుతున్నారా..? అయితే ఏం చేయాలి, ఏం చేయకూడదో తెలుసా..?

Arun Kumar P — Thu, 30 Apr 2026 16:00:05 +0530

ఇండియాలో ప్రస్తుతం ఎండలు మండిపోతున్నాయి.. మే లో మరింత తీవ్రరూపం దాల్చనున్నాయి. ఈ ఎండలు, అధిక ఉష్ణోగ్రతలు, తీవ్రమైన వడగాల్పుల వల్ల రోజూ ఆఫీసులకు వెళ్లివచ్చే ఉద్యోగులకు ఇబ్బందులు తప్పవు. వీటి నుండి ఉపశమనం కోసం ఏం చేయాలో, ఏం చేయకూడదో తెలుసుకోండి.

ప్రస్తుతం నడి వేసవికి చేరుకున్నాం… ఎండలు మండిపోతూ ఉష్ణోగ్రతలు తారాస్థాయికి చేరుకుంటున్నాయి. ఇంకా ఏప్రిల్ లోనే ఉన్నాం… అప్పుడే భానుడు సెగలు కక్కుతున్నాడు… 45 డిగ్రీల ఉష్ణోగ్రతలు నమోదవుతున్నాయి. మరి నడివేసవి మే లో పరిస్థితి ఇంకెలా ఉంటుందోనని ప్రజలు కంగారుపడిపోతున్నారు.

దేశంలోని చాలా ప్రాంతాల్లో ఉష్ణోగ్రతలు ప్రమాదకర స్థాయిని దాటేశాయి. తీవ్రమైన వడగాల్పులు ప్రజలను ఉక్కిరిబిక్కిరి చేస్తున్నాయి. వాతావరణ శాఖ హెచ్చరికల ప్రకారం రాబోయే రోజుల్లో ఎండలు మరింత పెరగనున్నాయి… ఈ క్రమంలో ఆఫీసులకు వెళ్లే ఉద్యోగులకు ఇబ్బందులు తప్పవు.

ఈ మండుటెండల్లో ప్రయాణం చేయడం ఇప్పుడు కేవలం అసౌకర్యం కాదు, ఆరోగ్యానికి పెద్ద ప్రమాదం. రద్దీగా ఉండే మెట్రో స్టేషన్లు, ఎండలో ట్రాఫిక్ సిగ్నళ్ల వద్ద నిరీక్షణ వల్ల లక్షలాది మంది రోజూ డీహైడ్రేషన్, అలసట, వడదెబ్బ బారిన పడుతున్నారు. ఇలాంటి పరిస్థితుల్లో సురక్షితంగా ప్రయాణించడం ఎలాగో తెలుసుకోవడం చాలా అవసరం.

1. వాటర్ బాటిల్ తీసుకువెళ్లండి

వడగాల్పుల సమయంలో మీరు పెద్దగా కష్టపడే పనులేమీ చేయకున్నా సాధారణంగానే శరీరం చెమట ద్వారా నీటిని వేగంగా కోల్పోతుంది. అందుకే దాహం వేసే వరకు ఆగడం కరెక్ట్ కాదు. ప్రయాణానికి ముందు, ప్రయాణ సమయంలో కొద్దికొద్దిగా నీళ్లు తాగడం మంచి పద్ధతి. అప్పుడప్పుడు ఎలక్ట్రోలైట్ డ్రింక్స్ లేదా ఓఆర్ఎస్ (ORS) తాగడం వల్ల శరీరం కోల్పోయిన లవణాలను తిరిగి పొందవచ్చు. ఇది తీవ్రమైన వేడిలో అలసట, కళ్లు తిరగడం వంటివి జరగకుండా కాపాడుతుంది.

2. వేడికి తగిన దుస్తులు వేసుకోండి

ఎండ నుంచి మనల్ని కాపాడటంలో దుస్తులు కీలక పాత్ర పోషిస్తాయి. వదులుగా, లేత రంగులో ఉండే కాటన్ దుస్తులు గాలి ఆడేలా చేస్తాయి, వేడిని గ్రహించకుండా పరావర్తనం చెందిస్తాయి. బిగుతుగా ఉండే లేదా సింథటిక్ బట్టలు చెమటను పీల్చుకోవు, శరీర వేడిని మరింత పెంచుతాయి. బయట నడిచేటప్పుడు లేదా బస్సు కోసం వేచిచూసేటప్పుడు టోపీ, స్కార్ఫ్ లేదా క్యాప్ పెట్టుకోవడం వల్ల సూర్యరశ్మి నేరుగా తగలకుండా ఉంటుంది.

3. వర్క్ ఫ్రమ్ హోమ్ (WFH) తీసుకోండి

మధ్యాహ్నం నుంచి సాయంత్రం వరకు సూర్యుడు అత్యంత ప్రకాశవంతంగా ఉన్నప్పుడు వడగాల్పుల ప్రభావం తీవ్రంగా ఉంటుంది. వీలైతే మీ ప్రయాణాన్ని ఉదయంపూట త్వరగా లేదా సాయంత్రం 4 గంటల తర్వాతకు మార్చుకోండి. ఆ సమయానికి ఉష్ణోగ్రత కొద్దిగా తగ్గుతుంది. ప్రయాణాన్ని ఒకటి, రెండు గంటలు ఆలస్యం చేయడం వల్ల కూడా ఎండ తీవ్రత నుంచి చాలా వరకు తప్పించుకోవచ్చు. ఫ్లెక్సిబుల్ పనివేళలు ఉన్న ఆఫీసుల్లో, హైబ్రిడ్ వర్కింగ్ డేస్ ఎంచుకోవడం ద్వారా రోజూ ఎండలో తిరిగే ప్రమాదాన్ని తగ్గించుకోవచ్చు.

4. చల్లగా, నీడగా ఉండే దారులను ఎంచుకోండి

అన్ని దారుల్లో ఒకే రకమైన ఎండ ఉండదు. ఎయిర్ కండిషన్డ్ స్టేషన్లు, మెట్రో లైన్లు, కవర్డ్ వాక్‌వేలు లేదా నీడ ఉన్న వీధులను ఎంచుకోవడం వల్ల ప్రయాణం కాస్త హాయిగా ఉంటుంది. ఆఫీసు లోపలే ఉండి మీ క్యాబ్ వచ్చాక బయటకు రండి. ఎండలో నిలబడటానికి బదులుగా నీడలో వేచి ఉండటం వల్ల మీ శరీర ఉష్ణోగ్రత అదుపులో ఉంటుంది.

5. చర్మాన్ని నేరుగా ఎండ తగలకుండా కాపాడుకోండి

సూర్యరశ్మి నేరుగా శరీరంపై పడటం వల్ల వేడి భారం పెరుగుతుంది. ముఖ్యంగా అతినీలలోహిత కిరణాలు (UV rays) ఎక్కువగా ఉండే సమయంలో ఇది మరింత ప్రమాదకరం. టోపీలు, సన్‌గ్లాసెస్, సన్‌స్క్రీన్ వాడటం వల్ల వడదెబ్బ, చర్మం కమలడం వంటి సమస్యల నుంచి బయటపడవచ్చు. బైక్‌పై లేదా నడిచి వెళ్లేవారికి ఇది చాలా ముఖ్యం.

1.భారీ భోజనం వద్దు

భారీ భోజనం జీర్ణం కావడానికి ఎక్కువ సమయం పడుతుంది. ఇది శరీరంలో అంతర్గత వేడిని పెంచుతుంది. దీనివల్ల తీవ్రమైన వేడిలో ప్రయాణిస్తున్నప్పుడు నీరసంగా, అసౌకర్యంగా అనిపిస్తుంది. డీహైడ్రేషన్‌కు గురయ్యే అవకాశం కూడా పెరుగుతుంది. డీప్-ఫ్రైడ్, కొవ్వు పదార్థాలు, మసాలా ఫుడ్స్ అజీర్తికి కారణమవుతాయి. స్ట్రీట్ ఫుడ్స్ విషయంలో పరిశుభ్రత కూడా ఒక పెద్ద సమస్య. ఎండ, చెమట వల్ల ఫుడ్-బోర్న్ ఇన్ఫెక్షన్ల ప్రమాదం పెరుగుతుంది.

2.శరీరం ఇచ్చే హెచ్చరికలను నిర్లక్ష్యం చేయవద్దు

డీహైడ్రేషన్ సాధారణ లక్షణాలను అస్సలు విస్మరించకూడదు. తలనొప్పి, కళ్లు తిరగడం, వికారం, దురద, చెమట, ఆకస్మిక అలసట వంటివి వడదెబ్బకు తొలి సంకేతాలు. వీటిని పట్టించుకోకుండా ప్రయాణం కొనసాగిస్తే, హీట్‌స్ట్రోక్ వంటి ప్రమాదకరమైన పరిస్థితులకు దారితీయవచ్చు. ఈ లక్షణాలు కనిపిస్తే వెంటనే ప్రయాణం ఆపి, చల్లని ప్రదేశంలో విశ్రాంతి తీసుకుని, బాగా నీళ్లు తాగాలి.

Snakes : తాగవని తెలిసినా పాములకు పాలు ఎందుకు పోస్తారు..? ఆ కల్చర్ ఎలా వచ్చింది..?

Arun Kumar P — Sat, 02 May 2026 18:07:03 +0530

Snakes : పాములు పాలు తాగుతాయా..? అంటే మన ఆచారాలు ఒకటి చెబుతాయి… శాస్త్రం ఇంకోటి చెబుతుంది. ఇంతకూ పాములు పాలు తాగుతాయా, తాగవా..? ప్రమాదకరమైన జీవులు అయినా పాములను ఎందుకు పూజిస్తారు..?

Snakes : పాములు చాలా ప్రమాదకరమైనవి... అయినా వాటికి పాలుపోసి మరీ పూజిస్తుంటారు భారతీయులు. మరీముఖ్యంగా తెలుగు ప్రజలకు పాములపై భక్తి చాలా ఎక్కువ... అందుకే నాగుల పంచమి, నాగుల చవితి వంటి పర్వదినాల్లో ప్రత్యేకంగా పాములను ఆరాదిస్తుంటారు. పాములు పాలు తాగవని తెలిసినా పుట్టల్లో లీటర్ల కొద్దీ పాలు పోస్తుంటారు. అయితే పాములు పాలు ఎందుకు తాగవు...? ఒకవేళ తాగితే ఏమవుతుంది..? పాలు తగవని తెలిసి కూడా ప్రజలు పాలు ఎందుకు పోస్తారు..?.. ఇలా పాముల గురించి ఆసక్తికర విషయాలను తెలుసుకుందాం.

సైన్స్ ప్రకారం కేవలం క్షీరదాలకు (Mammals) మాత్రమే పాలు తాగే లక్షణం ఉంటుంది. కానీ పాములు సరీసృపాలు (Reptiles)... కాబట్టి ఇవి పాలు తాగవు. ఒకవేళ బలవంతంగా పాలు తాపితే పాములు చనిపోయే ఆస్కారం ఉంటుంది.

పాములు పాలు తాగితే అందులోని లాక్టోజ్ ను అరిగించుకోలేదు... దీనివల్ల చనిపోయే ప్రమాదం ఉంటుంది. పాలు తాగే సమయంలో పాముల ఊపిరితిత్తుల్లోకి వెళ్లే ప్రమాదం కూడా ఉంది... దీనివల్ల ఇన్ఫెక్షన్లు వచ్చి కూడా పాము చనిపోవచ్చు. అందుకే పాములు సాధారణంగా పాలు తాగవు.

ప్రకృతిని, జంతువులను దేవతల్లా పూజించడం భారతీయ సంస్కృతి, సాంప్రదాయాల్లో భాగం. అందులో భాగమే పామును పూజించడం. పరమశివుడి ఆభరణంగా, విష్ణుమూర్తి శయన పాన్పుగా... ఇలా అనేక దేవతల వద్ద పాములు ఉంటాయనేది హిందువుల నమ్మకం. అందుకే వాటిని కూడా దేవతలుగా భావించి కొలుస్తారు. ఈ క్రమంలోనే దేవతల మాదిరిగానే పాములకు కూడా పవిత్రమైన పాలను నైవేధ్యంగా పెట్టే సాంప్రదాయం ఏర్పడింది… తమ భక్తిని చాటుకోవడానికి పుట్టలో పాలు సమర్పిస్తారు.

మరో కథనం ప్రకారం... ప్రాచీన కాలంలో ఇప్పటిమాదిరిగా కాంక్రీట్ ఇళ్లు లేవు... అన్ని మట్టి గోడలు, పూరి గుడిసెలే. వ్యవసాయంపై ఆధారపడి జీవించే ఆనాటి ప్రజలు ఇళ్లను కూడా పొలాల వద్దే నిర్మించుకునేవారు. ఈ క్రమంలో ఇళ్లలోకి తరచూ పాములు వచ్చేవి... వీటిని చూసి ఇళ్లలోని మహిళలు భయంతో వణికిపోయేవారు. వారిలోని భయాన్ని పోగొట్టేందుకు పాములను దైవ స్వరూపంగా కొలిచే సాంప్రదాయం వచ్చింది... వాటి దగ్గరకు వెళ్లి పాలు పోయడం ప్రారంభమయ్యింది. ఇలా నాగుల చవితి, నాగుల పంచమి వంటి పండగలు వచ్చాయి... ఈ పండగల సమయంలో మహిళలే పుట్టలవద్దకు వెళ్లి భయంలేకుండా పాలు పోస్తుంటారు.

కొందరు పాములను ఆడించేవారు ప్రజల ముందు పాములతో పాలు తాగించి ఆశ్చర్యపరుస్తుంటారు. దీని వెనుక ఒక విషాదకరమైన ట్రిక్ ఉంటుంది. పాములు ఆడించేవారు ప్రదర్శనకు ముందు ఆ పాముకు ఎలాంటి అహారం, నీరు ఇవ్వరు. దీంతో విపరీతమైన దాహంతో ఉన్న పాము తన ప్రాణాన్ని నిలుపుకోవడానికి పాలు తాగుతుంది. తన ఎదురుగా ఉన్న ద్రవ పదార్థాన్ని (పాలు) నీరు అనుకుని తాగుతుంది. ఇది భక్తి వల్ల కాదు, కేవలం దాని ప్రాణసంకటం వల్ల చేసే పని.

చాలామంది పుట్టలో పాము ఉంటుందని భావించి పాలు పోస్తారు. కానీ నిజానికి పుట్టలు కట్టేది చెదలు... పాములు ఆ పుట్టలను కేవలం నివాసంగా వాడుకుంటాయి. పుట్టలో పాలు పోయడం వల్ల అక్కడ తేమ పెరిగి బ్యాక్టీరియా చేరుతుంది. పాలలో ఉండే చక్కెర వల్ల చీమలు, ఇతర కీటకాలు వచ్చి అక్కడ నివసించే పాములకు ఇబ్బంది కలిగిస్తాయి.

పాములకు పాలు పట్టడం అనేది మన సంస్కృతిలో భాగమైనప్పటికీ, శాస్త్రీయంగా అది వాటి ఆరోగ్యానికి హానికరం. పాములను రక్షించడం అంటే వాటికి పాలు పోయడం కాదు, వాటి ఆవాసాలను కాపాడటం, హింసించకుండా ఉండటం. మూఢనమ్మకాలను పక్కన పెట్టి మూగజీవాల పట్ల దయతో ఉండటమే నిజమైన భక్తి.

Facts: రాత్రుళ్లు గోర్లు క‌త్తిరిస్తే ఏమ‌వుతుంది.? శాస్త్ర‌మే కాదు సైన్స్ కూడా అదే చెప్తోంది

Narender Vaitla — Tue, 05 May 2026 07:07:56 +0530

Facts: మన ఇళ్లలో పెద్దవాళ్లు తరచూ చెప్పే ఒక సాధారణ నియమం. “రాత్రి వేళల్లో గోర్లు కత్తిరించకూడదు.” చాలా మందికి ఇది కేవలం మూఢనమ్మకంలా అనిపించినా, దీని వెనక ప్రాచీన కాలపు జీవన విధానం, ఆరోగ్య పరిరక్షణ, సంస్కృతి ఉన్నాయి. వాటి గురించి ఇప్పుడు తెలుసుకుందాం.

పూర్వ కాలంలో ఇళ్లలో విద్యుత్ సౌకర్యం ఉండేది కాదు. దీపం లేదా కొవ్వొత్తి వెలుతురే ఆధారం. అలాంటి తక్కువ వెలుతురులో గోర్లు కత్తిరించడం చాలా ప్రమాదకరం. దీంతో వేళ్లకు గాయాలు అవడం సాధారణం. చిన్న గాయం కూడా అప్పట్లో పెద్ద సమస్యగా మారేది, ఎందుకంటే చికిత్స సౌకర్యాలు పరిమితంగా ఉండేవి. అందుకే రాత్రిపూట ఈ పని చేయొద్దని పెద్దలు అలవాటు చేశారు.

ఇప్పటి లాంటి సురక్షిత నెయిల్ కట్టర్లు అప్పట్లో లేవు. గోర్లు కత్తిరించడానికి కత్తులు, పదునైన లోహ పరికరాలు లేదా క‌త్తెర వంటి వాటిని వాడేవారు. అవి చీకట్లో వాడితే ప్రమాదం మరింత ఎక్కువ. చేతికి గాయం కావడం లేదా చర్మం తెగిపోయేది. అందుకే ఈ పనిని పగటిపూటే చేయాలని నియమం పెట్టారు.

గోర్లు కత్తిరించిన తర్వాత అవి ఎక్కడ పడతాయో రాత్రిలో కనిపించదు. నేలపై పడిన గోర్లు కాళ్లకు గుచ్చుకునే ప్రమాదం ఉంది. ఆహారంలో కలిసే అవకాశం ఉంది. అంతేకాకుండా ఇవి ఇంటిని అపరిశుభ్రంగా మారుస్తాయి. పూర్వ కాలంలో రాత్రి ఊడ్చడం ఉండేది కాదు. కాబట్టి గోర్లు ఇంట్లోనే మిగిలి, ఆరోగ్య సమస్యలకు దారితీసే అవకాశం ఉండేది.

సాయంత్రం సమయాన్ని మన సంస్కృతిలో పవిత్రంగా భావిస్తారు. ఈ సమయంలో ఇంటిని శుభ్రంగా ఉంచడం మంచిదని భావిస్తారు. గోర్లు లేదా జుట్టు కత్తిరించడం వంటి పనులు ఆ స‌మ‌యంలో చేయ‌కూడ‌ద‌ని న‌మ్మకం ఏర్ప‌డింది. అదృష్టం, శుభం వంటి భావాలతో దీనిని అనుసంధానం చేసి, అలవాటుగా మార్చారు.

ఇప్పటి పరిస్థితులు పూర్తిగా మారాయి. మనకు మంచి వెలుతురు ఉంది, సురక్షితమైన పరికరాలు ఉన్నాయి. కాబట్టి రాత్రి గోర్లు కత్తిరించడం వల్ల పెద్దగా ప్రమాదం లేదు. అయినప్పటికీ కొన్ని విషయాలు గుర్తుంచుకోవాలి. కత్తిరించిన గోర్లు వెంటనే శుభ్రం చేయాలి, చేతులు కడుక్కోవాలి, పరిశుభ్రతను కాపాడుకోవాలి. అంటే, ఈ నియమం నేటి కాలంలో తప్పనిసరి కాకపోయినా, దాని వెనక ఉన్న ఉద్దేశం మాత్రం ఆరోగ్యం, భద్రత, శుభ్రత అనే విష‌యాల‌ను గుర్తించాలి.

Fun Facts: ప్ర‌పంచంలో ఎక్కువ మంది ఉప‌యోగించే ప‌దం ఇదే.. ఈ ప‌దం జోక్ నుంచి పుట్టిందని తెలుసా.?

Narender Vaitla — Sun, 03 May 2026 10:03:02 +0530

Fun Facts: రోజూ మనం వేలాది పదాలు మాట్లాడుతుంటాం. కానీ అందులో ఒక చిన్న పదం మాత్రం ప్రపంచవ్యాప్తంగా అందరికీ తెలిసినదిగా మారింది. అదే “OK”. ఇది ఏ పెద్ద గ్రంథం నుంచి వచ్చినది కాదు, ఒక చిన్న జోక్ నుంచి పుట్టి ప్రపంచాన్ని చుట్టేసిన పదం.

ప్రపంచంలో ఎన్నో భాషలు ఉన్నా “OK” అన్న పదం మాత్రం అందరికీ అర్థమవుతుంది. ఇది అంగీకారం తెలిపేందుకు, “అంతా బాగానే ఉంది” అని చెప్పేందుకు ఉపయోగించే సులభమైన మార్గం. మనం రోజూ ఎన్నోసార్లు ఉపయోగించినా, అది ఎంత ప్రత్యేకమో మనకు తెలియదు.

1839లో అమెరికాలో రచయితలు, జర్నలిస్టులు సరదాగా పదాలను తప్పుగా స్పెలింగ్‌తో రాయడం ఒక ట్రెండ్‌గా ఉండేది. అదే సమయంలో “All Correct” అనే పదాన్ని సరదాగా “Oll Korrect” అని రాశారు. అక్కడినుంచే “OK” అనే చిన్న పదం పుట్టింది.

ఈ పదం మొదటిసారి బోస్టన్ నగరంలోని ఒక పత్రికలో కనిపించింది. 1839 మార్చి 23న ప్రచురితమైన ఒక వార్తలో “OK” అనే పదాన్ని ఉపయోగించారు. అప్పట్లో ఇది ఒక చిన్న జోక్ మాత్రమే. కానీ అదే పదం భవిష్యత్తులో ప్రపంచవ్యాప్తంగా ప్రసిద్ధి చెందుతుందని ఎవరూ ఊహించలేదు.

1840లో అమెరికా ఎన్నికల సమయంలో “OK” పదానికి మరింత గుర్తింపు వచ్చింది. అభ్యర్థి మార్టిన్ వాన్ బ్యూయరెన్‌ను “Old Kinderhook” అని పిలిచేవారు. ఆయన అనుచరులు “OK” అనే నినాదంతో ప్రచారం చేశారు. దీంతో ఈ పదం దేశమంతా వేగంగా వ్యాపించింది.

తర్వాత టెలిగ్రాఫ్, ఫోన్, ఇంటర్నెట్ వంటి కమ్యూనికేషన్ పద్ధతులు వచ్చాక “OK” మరింత ప్రాచుర్యం పొందింది. చిన్నదిగా ఉండటం, సులభంగా అర్థమవడం వల్ల ఇది అన్ని భాషల్లోనూ కలిసిపోయింది. ఇప్పుడు చాట్, మెసేజ్, ప్రోగ్రామింగ్ ఏ దైనా మాట్లాడినా “OK” లేకుండా సంభాషణ పూర్తి కాదు.

Biryani: బిర్యానీ తిన్నాక పుచ్చకాయ తింటే ప్రాణాంతకమా? ఇందులో నిజమెంత?

Mahesh Rajamoni — Thu, 30 Apr 2026 20:08:21 +0530

Biryani: బిర్యానీ తిన్న తర్వాత పుచ్చకాయ తింటే ప్రాణాలు పోతాయా? ముంబై ఘటన వెనుక ఉన్న అసలు కారణం ఏంటి? బిర్యానీ తర్వాత పుచ్చకాయ తినడం గురించి వైద్యుల హెచ్చరికలు ఏంటో ఇక్కడ తెలుసుకుందాం.

"బిర్యానీ తిన్న వెంటనే పుచ్చకాయ తిన్న ఒక కుటుంబం మరణించింది" అనే వార్త ఇంటర్నెట్‌లో తెగ చక్కర్లు కొడుతోంది. ముంబైలో జరిగినట్లు చెబుతున్న ఈ ఘటనతో చాలా మంది బిర్యానీ తర్వాత పుచ్చకాయ తినాలంటేనే భయపడుతున్నారు. అయితే నిజంగానే బిర్యానీ తిన్న తర్వాత పుచ్చకాయ తినడం ప్రమాదమా? ఇందులో ఎంతవరకు నిజముంది?

ముంబైకి చెందిన పలువురు రాత్రి సమయంలో బిర్యానీ తిని, ఆ తర్వాత డెజర్ట్‌గా పుచ్చకాయ ముక్కలు తిన్నారు. కొద్దిసేపటికే వారికి వాంతులు, విరేచనాలు మొదలై పరిస్థితి విషమించి ప్రాణాలు కోల్పోయారని ఆ వార్తలో పేర్కొన్నారు. ఈ ఘటన ప్రజల్లో ఒక రకమైన భయాన్ని కలిగించింది. బిర్యానీ వంటి మసాలా ఆహారం తర్వాత చలువ చేసే పుచ్చకాయ తింటే శరీరంలో విషపూరితమైన కెమికల్ రియాక్షన్స్ జరుగుతాయని చాలా మంది నమ్మడం మొదలుపెట్టారు.

వైద్యుల అభిప్రాయం ప్రకారం.. బిర్యానీ, పుచ్చకాయ కలిపి తినడం వల్ల శరీరంలో ఎలాంటి విష రసాయనాలు ఉత్పత్తి కావు. ఈ రెండింటి కలయిక నేరుగా మరణానికి కారణం అవుతుందనడానికి ఎటువంటి శాస్త్రీయ ఆధారాలు లేవు. సాధారణంగా మనం తిన్న ఆహారం జీర్ణం కావడానికి జఠర రసం తోడ్పడుతుంది. ఒకవేళ ఈ రెండు పదార్థాలు కలిసినా గ్యాస్ లేదా అజీర్తి వంటి చిన్నపాటి సమస్యలు రావచ్చు కానీ, ప్రాణాలు పోయేంత ప్రమాదం మాత్రం జరగదు.

ఈ మరణాలకు ప్రధాన కారణం ఆహారాల కలయిక కాదు, ఆ ఆహారం కలుషితం కావడమేనని నిపుణులు తేల్చి చెబుతున్నారు.

1. బాక్టీరియా పెరుగుదల: బిర్యానీ వంటి మాంసాహార పదార్థాలను వండిన తర్వాత ఎక్కువ సేపు బయట గది ఉష్ణోగ్రత వద్ద ఉంచితే అందులో బాక్టీరియా వేగంగా పెరుగుతుంది.

2. నిల్వ పండ్లు: బయట రోడ్ల మీద ముందుగానే కట్ చేసి ఉంచిన పుచ్చకాయ ముక్కలపై దుమ్ము, ధూళితో పాటు ప్రమాదకరమైన బాక్టీరియా చేరుతుంది.

3. కృత్రిమ రసాయనాలు: పుచ్చకాయలు ఎర్రగా, తీపిగా ఉండటానికి కొన్ని చోట్ల ప్రమాదకరమైన ఇంజెక్షన్లు, రంగులు వాడుతుంటారు. ఇవి శరీరంలోకి వెళ్ళినప్పుడు తీవ్రమైన ఫుడ్ పాయిజనింగ్‌కు దారితీస్తాయి.

ఆహారం ఏదైనా సరే అది తాజాది కాకపోతే ప్రమాదకరమే. బయట దొరికే కట్ చేసిన పండ్లను అస్సలు కొనకండి. అలాగే బిర్యానీ వంటి ఆహారాన్ని వండిన రెండు లేదా మూడు గంటల లోపు తినడం మంచిది. ఒకవేళ నిల్వ ఉంచాల్సి వస్తే సరైన ఉష్ణోగ్రతలో ఫ్రిజ్‌లో భద్రపరచాలి. ఆహారం వాసన చూసినప్పుడు లేదా రుచిలో తేడా అనిపించినప్పుడు మొహమాటం లేకుండా పారేయడమే ఉత్తమం.

బిర్యానీ తర్వాత పుచ్చకాయ తింటే చనిపోతారనేది కేవలం ఒక అపోహ మాత్రమే. అసలు సమస్య మనం తినే ఆహారపు నాణ్యత, శుభ్రతలో ఉంది.

Haunted Places : ఇండియాలో టాప్ హారర్ స్పాట్స్ ఇవే.. రాత్రి కాదు పగలే చెమటలు పట్టిస్తాయి

Arun Kumar P — Wed, 06 May 2026 17:32:48 +0530

మీకు దెయ్యాలు, ఆత్మలతో కూడిన హారర్ కథలంటే ఇష్టమా..? అడ్వెంచర్ ట్రిప్స్ అంటే సరదానా..? అయితే ఇండియాలో కొన్ని భయానక ప్రదేశాలున్నాయి. వాటి గురించి తెలిస్తే ఒంటరిగా వెళ్లడానికి పగలు కూడా భయపడతారు.

రాజస్థాన్‌లోని భంగర్ కోటను ఇండియాలో అత్యంత భయానక ప్రదేశంగా చెబుతారు. అందుకే సూర్యాస్తమయం తర్వాత ఆర్కియాలజికల్ సర్వే ఆఫ్ ఇండియా (ASI) ఇక్కడికి ఎవరినీ అనుమతించదు. ఓ మాంత్రికుడి శాపం వల్లే ఈ కోట ఇలా మారిపోయిందని కథలున్నాయి. ఇక్కడికి వచ్చినవాళ్లకు గాలిలో మాటలు, అడుగుల శబ్దాలు వినిపిస్తాయట.

రాజస్థాన్‌లోని ఈ కులధార గ్రామాన్ని పాలివాల్ బ్రాహ్మణులు ఒక్క రాత్రిలోనే ఖాళీ చేసి వెళ్లిపోయారు. ఓ మంత్రి వేధింపుల నుంచి తప్పించుకోవడానికి వాళ్లంతా అలా చేశారట. వెళ్తూ వెళ్తూ.. ఈ గ్రామంలో మళ్లీ ఎవరూ స్థిరపడకూడదని శపించారని చెబుతారు. అప్పటి నుంచి ఇది ఓ పాడుబడిన దెయ్యాల ఊరిగా మిగిలిపోయింది.

గుజరాత్‌లోని ఈ డుమాస్ బీచ్‌లో ఇసుక నల్లగా ఉంటుంది. ఒకప్పుడు ఇది హిందువుల శ్మశానవాటిక. ఇక్కడ గాలిలో గుసగుసలు వినిపిస్తాయని, ఒంటరిగా వెళ్లినవాళ్లు మాయమైపోతారని అంటారు. చనిపోయిన వారి ఆత్మలు ఇక్కడే తిరుగుతాయని, అందుకే కుక్కలు కూడా ఖాళీ ప్రదేశం వైపు చూస్తూ అరుస్తాయని స్థానికులు నమ్ముతారు.

పుణెలోని ఈ శనివార్ వాడా కోటలో ఓ యువ పేశ్వా రాకుమారుడి ఆత్మ తిరుగుతుందట. అతడి బంధువులే అతన్ని దారుణంగా చంపేశారని చెబుతారు. పౌర్ణమి రాత్రుళ్లలో 'కాకా మాలా వాచా' (బాబాయ్, నన్ను రక్షించు) అంటూ ఆ యువరాజు పెట్టే కేకలు ఈ రాతి గోడల్లో ప్రతిధ్వనిస్తాయని స్థానికులు అంటారు.

మీరట్‌లోని ఈ పాడుబడిన రెండంతస్తుల భవనంలో వింత ఘటనలు జరుగుతాయట. ఓ కొవ్వొత్తి వెలుగులో నలుగురు వ్యక్తులు కూర్చొని మందు తాగుతూ కనిపిస్తారని చాలామంది చెప్పారు. మరికొందరేమో ఎర్ర చీర కట్టుకున్న ఓ మహిళ ఈ ఇంటి నుంచి బయటకు వస్తుందని, దగ్గరికి వెళ్లేసరికి గాలిలో కలిసిపోతుందని చెబుతుంటారు.

కుర్సియాంగ్‌లోని డౌ హిల్‌లో 'డెత్ రోడ్' అనే ఓ దారి ఉంది. ఇక్కడ తలలేని ఓ అబ్బాయి చెట్లలోకి నడుచుకుంటూ వెళ్లి మాయమైపోతాడని చెబుతారు. అంతేకాదు సమీపంలోని బోర్డింగ్ స్కూళ్లలో రాత్రిపూట కారిడార్లలో అడుగుల శబ్దాలు, నవ్వులు వినిపిస్తాయని కూడా చాలామంది రిపోర్ట్ చేశారు.

AC Bill : మే నెలలో ఏసీ బిల్లు తక్కువ రావాలా? ఈ సింపుల్ ట్రిక్ ఫాలోకండి

Arun Kumar P — Thu, 30 Apr 2026 18:32:27 +0530

ఎండలు మండిపోతున్నాయి. ఏసీ వాడకం పెరిగి కరెంట్ బిల్లు చుక్కలు చూపిస్తోంది. ఈ నెల మీ కరెంట్ బిల్లు వాచిపోయి ఉంటుంది. వచ్చే నెల మే నెలలో కరెంట్ బిల్లు తగ్గించుకోవాలా..? ఈ ట్రిక్స్ ఫాలో అవ్వండి.

Future Planning Tips : ఈ ఐదు చిట్కాలు పాటించారో.. మీరు కోటీశ్వరులు కావడం ఖాయం..!

Amarnath Vasireddy — Wed, 06 May 2026 18:22:56 +0530

ఇప్పుడు చెప్పబోయే ఐదు అంశాల్లో కనీసం ఏ మూడింటిని ఫాలో అయినా ... మీరే రేపటితరం కోటీశ్వరులు. మీ ముందు అంబానీలైనా, ఆదానీలైనా దిగదుడుపే. భవిష్యత్ ఆస్తులేంటో తెలుసా..?

పాంచ్ పటాకా..!

మీ భవిష్యత్తును మార్చగల అయిదు నిర్ణయాలు..!

1. బంగారం కొనండి.

బంగారం ధర 60 వేలు ఉన్నప్పుడు "బంగారం కొనండి "అని చెప్పాను .

ఈ రోజు అది లక్షా యాభై నాలుగు... మూడేళ్ళలో రెండున్నర రెట్లు అయ్యింది.

ఈ రోజు తేదీ 2026 మే ఆరు.

ఈ రోజు మళ్ళీ చెబుతున్నాను.

బంగారం కొనండి.

మరో ఐదేళ్లల్లో బంగారం.. నేటి ధరతో పోలిస్తే రెట్టింపు.. అంతకన్నా ఎక్కువ అవుతుంది .

వెండితో అంతగా భరోసా ఉండదు.

పేపర్ బంగారాలు... అంటే బాండ్స్ .. ఇలాంటివి కాదు. ఫిజికల్ గా బంగారం కొనండి.

దీనికి సంభందించి ఉన్న... ఒకే ఒక సమస్య బంగారాన్ని భద్రంగా దాచుకోవడం.

బంగారం దొంగతనాలు ఎక్కువ అవుతాయి.

బాగా సెక్యూరిటీ ఉంటే తప్పించి బయటకు బంగారు నగలు వేసుకొని వెళ్లొద్దు.

బంగారం ఇప్పుడు ఆస్తి... ఆభరణం కాదు.

రాబోయే రోజుల్లో ఇది అన్నిటికంటే పెద్ద ఆస్తి అవుతుంది. ప్రభుత్వాలు ప్రోత్సాహకాలు ప్రకటిస్తాయి.

పిలల్ల చదువులకు అయ్యే ఖర్చు భరిస్తాయి.

అమెరికా పని అయిపోయింది.

అక్కడ వీసాపై ఉన్నవారు పెద్ద ఎత్తున ఇండియా కు తిరిగి వచ్చేస్తారు.

లేదా కెనడా జర్మనీ లాంటి దేశాలకు వెళ్ళిపోతారు.

ఎవరో కొంతమందికి తప్పించి అమెరికాకు ఉన్నత విద్యకోసం ఆపై ఉపాధి కోసం వెళ్లే అవకాశం లేదు.

అమెరికా గతం .

ఇండియా భవిష్యత్తు...

పోనీ మీకు ఇండియాలో ఉండడం ఇష్టం లేకుంటే... అనేక దేశాలకు వెళ్లి స్థిరపడే అవకాశం.

ఇటలీ, స్పెయిన్, ఫిన్లాండ్, పోలాండ్, ఆస్ట్రియా, గ్రీస్, బెల్జియం, నార్వే, స్వీడన్, నెదర్లాండ్స్, స్విట్జర్లాండ్, జర్మనీ, హంగేరి, పోర్చుగల్, డెన్మార్క్ లాంటి యురోపియన్ దేశాలు... దక్షిణ కొరియా, తైవాన్, చిలి, చైనా, జపాన్, సింగపూర్, హాంగ్ కాంగ్, థాయిలాండ్ లాంటి ఆసియా దేశాల్లో... జనాభా క్షీణత భారీగా ఉంది.

2.1 ఉండాలి... పైన చెప్పిన దేశాల్లో ఇది 1.5.

అంటే రానున్న రోజుల్లో వృద్ధుల సంఖ్య భారీగా పెరుగుతుంది.

ఇది... ఆర్థిక సామజిక సంక్షోభాలకు దారి తీస్తుంది.

ఈ విషయం చాల మందికి సరిగా అర్థం కాదు.. జనాభా తగ్గితే మంచిదే కదా అనుకొంటారు.

ఒక బిల్డింగ్ ఎత్తు పరిమితికి మించి 19 మీటర్లు ఉంది. నిబంధనల ప్రకారం ఇది 15 మీటర్లే ఉండాలి.

ఒకడు గ్రౌండ్ ఫ్లోర్ ను కూల్చేశాడట. మొత్తం బిల్డింగ్ కూలి పోయింది.

అంటు రోగమ.. యుద్ధమో వచ్చి జనాలు పోవడం వేరు.

జననాల రేట్ తగ్గి... పిలల్లు తగ్గిపోతే అది గ్రౌండ్ ఫ్లోర్ కూల్చినట్టే. పైన చెప్పిన దేశాల్లో కొన్ని అయినా "మా దేశానికి రండి" అంటూ యువతరాన్ని పిలిచే రోజులు త్వరలో వస్తాయి.

"రోబో లు వస్తాయి కదా .. ఇక ఉద్యోగాలు ఎలా వస్తాయి"... రోబో లు ఉండగా మనుషులు.. పనులకోసం ఎందుకు?" అని అనుకోకండి. ఆర్థిక సామజిక సైనిక వ్యవస్థలు సాగాలంటే మనుషులు ఉండాలి .

కొంపలో స్మార్ట్ టీవీ ఉంటే అది సంసారానికి ఎసరు పెట్టే ప్రమాదం. పిల్లలకు మీరు ఇచ్చే నిజమయిన ఆస్తి మీ సమయం.

మీ తల్లి తండ్రి మిమ్మల్ని ఎలా పెంచారో అలాగే మీ పిల్లల్ని పెంచండి. సామాజిక తెలివి తేటలు... భావోద్వేగ తెలివి తేటలు నేర్పండి. బ్రాండెడ్ బడా బడులు వద్దు.

అక్కడ చేరిస్తే మీ పిలల్లు పరాన్నభుక్కులు... విలాసాలకు బానిసలు అయిపోతారు. అలాగే పరీక్షా కర్మాగారాల్లో చేర్చకండి. ఐఐటీలు గొప్ప సంస్థలు.

ఐఐటీ జేఈఈ పేరుతొ ఆరో తరగతి నుంచే పిల్లల్ని బ్రాయిలర్ కోళ్లుగా మార్చకండి. పిలల్లు చదవాలి. చదువంటే నేర్చుకోవడం. కేవలం ఒక ఎంట్రన్స్ పరీక్షకు తయారు కావడం కాదు.

కుతూహలం, నిరంతర అధ్యయనం, సంపూర్ణ అవగాహన-విశ్లేషణ- అనువర్తన, కుశాగ్ర బుద్ధి, అన్నిటికి మించి సృజన.. ఇవి AI యుగం లో ఉద్యోగాలను తెచ్చిపెట్టే నైపుణ్యాలు.

ఐఐటి ఫౌండేషన్ పేరుతొ ఆరోతరగతి నుంచే రుబ్బుడు ప్రారంభం అయితే ... కేవలం గణితం భౌతిక శాస్త్రంపై దృష్టి పెడితే ఈ నైపుణ్యాలు చచ్చిపోతాయి.

రుబ్బుడు తట్టుకొని ఐఐటీ లో సీట్ కొట్టినా.. అటుపై ఉద్యోగాలు రావు. ఐఐటీ సీట్ వస్తే బిడ్డ ఫోటో పత్రికలో వచ్చింది అనే తుత్తి సరే. కానీ అటుపై ఉద్యోగం..?

ఐఐటీ లో క్యాంపస్ ప్లేసెమెంట్ 50 % పడిపోయింది.

ఐఐటీలు అటుపై అమెరికాలో ఉన్నత విద్య చదివి పదేళ్లు ఉద్యోగం చేసి ఇప్పుడు నిరుద్యోగులుగా ఎంతో మంది.

కృతిమ మేథ కారణంగా ఉద్యోగాలు కోల్పోతున్న వారిలో ఐఐటీ పూర్వ విద్యార్థులే ముందు వరసలో.

పిల్లల్ని "కోడింగ్ కోళ్లు" చెయ్యొద్దు.

చదువు చెప్పండి.

ప్రైవేట్ మెడికల్ కాలేజీ లో చేర్పిస్తే అటుపై వారిలో చాలామంది ఫుడ్ డెలివరీ లాంటి గిగ్ జాబ్స్ చేసుకోవలసిందే.

AI మెషిన్ లెర్నింగ్ డేటా సైన్స్ నేర్వాలి.

రాబొయ్యే రోజుల్లో పాలిటెక్నిక్ లు, పారామెడికల్ కోర్సు లు జాబ్ గ్యారెంటీ ఇస్తాయి.

డబ్బాల్లో, ప్యాకెట్లలో, సీసాల్లో వచ్చే రసాయన రుచులు ప్రాణాలు నెమ్మదిగా హరిస్తాయి.

మీ ఆస్థిని ఫార్మసురలకు అప్పగిస్తాయి.

ఇంట్లో వండితే వంట.

బయటనుంచి ఆర్డర్ ఇస్తే అది కడుపు మంట. గట్ హెల్త్ దెబ్బ తింటుంది. అటు పై కాన్సర్.

సహజ ఆహారం తీసుకోండి. వ్యాయామం చేయండి. బాగా నిద్ర పోండి. కుటుంబ సభ్యులతో స్నేహితులతో హాయిగా కాలం గడపండి.

దేశమంతా రోడ్లు, రవాణా వ్యవస్థ ఊహలకు అందని రీతిలో డెవలప్ అవుతోంది.

దూరం ఇప్పుడు సమస్య కాదు .

దూరంగా నైనా కాలుష్యం లేని చోట నివసించండి.

సొంత ఇల్లు అయితే సుఖం .

డబ్బుంటే ఊరికి దూరంగా ఎకరా భూమి.

అందులో పెద్ద కిటికీ లు ఉన్న ఇల్లు. ఇంటి బయట అట స్థలం. పళ్ళ తోట.

మీకు డబ్బుంటే... ఓపిక ఉంటే... వ్యవసాయ భూమి. పంటలు పండించాలి. ఆవులు, కోళ్లు పెంచాలి. సొంత పొలంలో పండిన రసాయన ఎరువులు, క్రిమి సంహారక మందులు వాడని ఆహారం.. రసాయనాలు కలపని పాలు, పెరుగు, వెన్న, జున్ను...మాంసాహారులకు నాటు కోడి గుడ్లు, నాటు కోడి మాసం.

Productivity Tips : చిరుత వేగం వెనుక ఉన్న అసలు రహస్యం ఇదే.. ఈ ట్రిక్ పాటిస్తే మీరు కూడా సూపర్ సక్సెస్ అవుతారు !

Mahesh Rajamoni — Wed, 29 Apr 2026 21:38:29 +0530

Productivity Tips : చిరుత పులి తన జీవితంలో 90 శాతం సమయం విశ్రాంతి తీసుకోవడానికి కేటాయిస్తుందని మీకు తెలుసా? ఎందుకు ఇంత టైమ్ కేటాయిస్తుంది? దీని వెనుక ఉన్న అసలు రహస్యం ఏమిటి?

భూమి మీద అత్యంత వేగంగా పరిగెత్తే జంతువు ఏది అంటే మనందరికీ వెంటనే గుర్తొచ్చే పేరు చిరుత పులి. గాలి వేగంతో దూసుకెళ్లే ఈ జంతువు వేటలో తనకు తానే సాటి. అయితే, చిరుత పులి తన జీవిత కాలంలో దాదాపు 90 శాతం సమయాన్ని ఏమీ చేయకుండా కేవలం విశ్రాంతి తీసుకోవడానికే కేటాయిస్తుందని మీకు తెలుసా? వినడానికి ఆశ్చర్యంగా ఉన్నా, ఇది నిజం. చిరుత పులి తీసుకునే ఈ సుదీర్ఘ విశ్రాంతి వెనుక ఒక బలమైన కారణం, సైన్స్ ఉంది.

చిరుత పులి వేటాడటం మొదలుపెడితే దాని వేగం ఊహకందదు. కేవలం 3 సెకన్లలోనే సున్నా నుండి గంటకు 112 కిలోమీటర్ల వేగాన్ని అందుకోగల సామర్థ్యం దీనికి ఉంది. సాధారణంగా చిరుత తన వేటను వెంబడించే సమయం కేవలం 20 నుండి 30 సెకన్లు మాత్రమే ఉంటుంది. ఈ స్వల్ప కాలంలోనే అది తన శక్తిని మొత్తం ఉపయోగిస్తుంది.

చిరుత పులి వేటను వెంబడించిన తర్వాత, అది సఫలమైనా లేదా విఫలమైనా సరే, కనీసం 30 నిమిషాల పాటు కదలకుండా విశ్రాంతి తీసుకోవాల్సిందే. ఎందుకంటే, ఆ పరుగు సమయంలో దాని శరీర ఉష్ణోగ్రత విపరీతంగా పెరిగిపోతుంది. ఒకవేళ అది విశ్రాంతి తీసుకోకుండా అలాగే పరుగు కొనసాగిస్తే, ఆ వేడికి దాని మెదడు దెబ్బతినే ప్రమాదం ఉంది. పరుగు సమయంలో దాని గుండె నిమిషానికి 250 సార్లు కొట్టుకుంటుంది. శరీరంలోని కండరాలు భూమిపై ఉన్న ఏ ఇతర జంతువు కంటే వేగంగా లాక్టిక్ యాసిడ్ ను ఉత్పత్తి చేస్తాయి. ఈ శారీరక ఒత్తిడి నుండి కోలుకోవడానికి దానికి విశ్రాంతి అత్యంత అవసరం.

చిరుత పులులు తమ వేటలో కేవలం 50 శాతం మాత్రమే విజయం సాధిస్తాయి. అంటే సగం సార్లు అవి ఓడిపోతాయి. కానీ, ప్రతి ఓటమి తర్వాత చిరుత వెంటనే మరో వేట కోసం పరుగెత్తదు. ఓటమి వల్ల కలిగిన అలసట నుండి శరీరం పూర్తిగా కోలుకునే వరకు వేచి ఉంటుంది. సంపూర్ణంగా శక్తిని పుంజుకున్న తర్వాతే కొత్త ప్రయత్నాన్ని ప్రారంభిస్తుంది. ఇది మన మనుషులకు ఒక గొప్ప పాఠం.

చాలామంది మనుషులు ఒక ప్రయత్నంలో విఫలమైనప్పుడు, వెంటనే విశ్రాంతి లేకుండా మరో ప్రయత్నం చేస్తారు. దీనివల్ల మొదటి ప్రయత్నం కంటే రెండో ప్రయత్నంలో ఎక్కువ అలసట చెందుతారు. మూడో ప్రయత్నానికి వచ్చేసరికి పూర్తిగా నీరసించిపోతారు. దీన్నే మనం నిబద్ధత అని పొరపడతామని నిపుణులు చెబుతున్నారు. కానీ చిరుత పులి అలా చేయదు. దాని ప్రాధాన్యం ఎప్పుడూ రికవరీకే. చిరుత తన జీవితంలో 90% విశ్రాంతి తీసుకుంటుంది కాబట్టే, మిగిలిన 10% సమయంలో అది ప్రపంచంలోనే అత్యంత వేగవంతమైన జంతువుగా రాణించగలుగుతోంది. మీ ప్రోడక్టివిటీ కూడా మీరు తీసుకునే విశ్రాంతి, రికవరీ మీదనే ఆధారపడి ఉంటుంది.

Aadhaar Card : ఆధార్ కార్డులో పుట్టిన తేదీ మార్చుకోవాలా? ఈ 5 డాక్యుమెంట్లు ఉంటే చాలు.. ప్రాసెస్ ఇదే!

Mahesh Rajamoni — Tue, 05 May 2026 18:53:48 +0530

Aadhaar Card Update : ఆధార్ కార్డులో పుట్టిన తేదీని అప్‌డేట్ చేసుకోవడానికి యూఐడీఏఐ కీలక మార్పులు చేసింది. ఆధార్ కార్డులో పుట్టిన తేదీ మార్చుకోవడానికి అవసరమైన 5 ముఖ్యమైన డాక్యుమెంట్లు, పూర్తి ప్రక్రియ వివరాలు ఇక్కడ తెలుసుకుందాం.

దేశంలో నివసించే ప్రతి పౌరుడికి 'ఆధార్' అనేది తప్పకుండా ఉండాల్సిన ఒక గుర్తింపు కార్డు. భారత విశిష్ట గుర్తింపు ప్రాధికార సంస్థ (UIDAI) జారీ చేసే ఈ 12 అంకెల సంఖ్య కేవలం ఒక నంబర్ మాత్రమే కాదు, మన బయోమెట్రిక్, డెమోగ్రాఫిక్ డేటాకు గుర్తింపు.

బ్యాంక్ అకౌంట్ ఓపెన్ చేయడం దగ్గరి నుండి ప్రభుత్వ పథకాల ప్రయోజనాలు పొందడం వరకు ప్రతిదానికీ ఆధార్ తప్పనిసరి. అయితే, చాలామంది తమ ఆధార్ కార్డులో పుట్టిన తేదీ తప్పుగా ఉందని ఆందోళన పడుతుంటారు. ఆ తప్పును సరిదిద్దుకోవడానికి ఏయే డాక్యుమెంట్లు కావాలి? ఎన్నిసార్లు మార్చుకోవచ్చు? అనే వివరాలు ఇప్పుడు చూద్దాం.

ఆధార్ కార్డులో మీ వేలిముద్రలు, కనుపాప స్కాన్ వంటి బయోమెట్రిక్ వివరాలతో పాటు అడ్రస్, ఫోటో, పుట్టిన తేదీ వంటి సమాచారం ఉంటుంది. కేవైసీ వెరిఫికేషన్ కోసం ఇది అత్యంత నమ్మదగిన డాక్యుమెంట్. ప్రభుత్వ సేవలు నేరుగా ప్రజలకు చేరాలన్నా, మనీ ట్రాన్సాక్షన్స్ సజావుగా జరగాలన్నా ఆధార్ కార్డు కరెక్ట్‌గా ఉండటం చాలా ముఖ్యం.

చాలా ప్రభుత్వ పథకాలు, ఇన్సూరెన్స్ పాలసీలు వయస్సు ఆధారంగానే వర్తిస్తాయి. ఆధార్‌లోని పుట్టిన తేదీ తప్పుగా ఉంటే, మీరు అర్హులైనప్పటికీ ఆ సేవలను పొందలేరు. అందుకే మీ ఆధార్ కార్డులోని డేటా ఎప్పుడూ లేటెస్ట్ సమాచారంతో అప్‌డేట్ అయి ఉండాలి. ఒక రకంగా చెప్పాలంటే, మీ వయస్సుకు ఇది ప్రాథమిక ఆధారంగా పనిచేస్తుంది.

UIDAI నిబంధనల ప్రకారం, ఆధార్‌లో పుట్టిన తేదీని మార్చుకోవడానికి ఈ క్రింది 5 డాక్యుమెంట్లలో ఏదో ఒకటి మీ దగ్గర ఉండాలి..

1. బర్త్ సర్టిఫికేట్: పుట్టిన తేదీకి ఇది అత్యంత బలమైన ఆధారం.

2. భారతీయ పాస్‌పోర్ట్: అంతర్జాతీయంగా గుర్తింపు పొందిన ఐడెంటిటీ ప్రూఫ్.

3. సర్వీస్ ఫోటో ఐడెంటిటీ కార్డ్: ప్రభుత్వ లేదా పీఎస్‌యూ సంస్థలు జారీ చేసిన ఫోటో గుర్తింపు కార్డు.

4. పెన్షనర్ ఫోటో ఐడెంటిటీ కార్డ్: రిటైర్డ్ ఉద్యోగుల దగ్గర ఉండే పెన్షన్ కార్డ్.

5. మార్క్ షీట్/సర్టిఫికేట్: గుర్తింపు పొందిన ఎడ్యుకేషన్ బోర్డ్ లేదా యూనివర్సిటీ జారీ చేసిన సర్టిఫికేట్.

ఆధార్‌లో పుట్టిన తేదీని మార్చుకోవడానికి మీరు నేరుగా ఆన్‌లైన్‌లో చేసే వీలుండదు, బయోమెట్రిక్ వెరిఫికేషన్ అవసరం ఉంటుంది.

• ముందుగా మీ దగ్గరలోని ఆధార్ సేవా కేంద్రానికి వెళ్లండి.

• పుట్టిన తేదీ మార్పు కోసం దరఖాస్తు ఫారమ్ నింపి, పైన చెప్పిన 5 డాక్యుమెంట్లలో ఒకదానిని జత చేయండి.

• అక్కడ ఉన్న అధికారికి మీ బయోమెట్రిక్ అథెంటికేషన్ ఇవ్వాల్సి ఉంటుంది.

• ప్రక్రియ పూర్తయిన తర్వాత మీకు ఒక అకనాలెడ్జ్‌మెంట్ స్లిప్ ఇస్తారు.

ఇక్కడే మీరు చాలా జాగ్రత్తగా ఉండాలి. UIDAI అధికారిక వెబ్‌సైట్ సమాచారం ప్రకారం, ఒక వ్యక్తి తన జీవిత కాలంలో ఆధార్ కార్డులో పుట్టిన తేదీని కేవలం ఒక్కసారి మాత్రమే మార్చుకోవడానికి అవకాశం ఉంటుంది. అందుకే, అప్‌డేట్ చేసేటప్పుడు డాక్యుమెంట్లు, వివరాలు అన్నీ సరిగ్గా ఉన్నాయో లేదో ఒకటికి రెండుసార్లు చెక్ చేసుకోవడం మంచిది.

Strange Traditions: వధూవరులు మంటలపై నడిచే పెళ్లి.. ఛత్తీస్‌గఢ్‌లో వింత సంప్రదాయం వైరల్

Mahesh Rajamoni — Thu, 30 Apr 2026 09:23:03 +0530

Fire walking wedding : ఛత్తీస్‌గఢ్‌లో పెళ్లి జంట మండుతున్న నిప్పులపై నడిచే వింత సంప్రదాయం వెలుగులోకి వచ్చింది. కులదైవాల ఆశీస్సుల కోసం ప్రాణాలకు తెగించి ఆచరించే ఈ ఆచారం ఇప్పుడు వైరల్ అవుతోంది.

మన దేశం భిన్నత్వానికి పుట్టినిల్లు. ఇక్కడ ప్రాంతాన్ని బట్టి ఆచారాలు, జిల్లాను బట్టి సంప్రదాయాలు మారుతూ ఉంటాయి. కొన్ని సంప్రదాయాలు వినడానికి వింతగా ఉన్నా, మరికొన్ని మాత్రం చూస్తుంటేనే ఒళ్లు గగుర్పొడిచేలా ఉంటాయి. తాజాగా ఛత్తీస్‌గఢ్ రాష్ట్రంలో వెలుగులోకి వచ్చిన ఒక పెళ్లి తంతు ఇప్పుడు సోషల్ మీడియాను షేక్ చేస్తోంది. సాధారణంగా పెళ్లిళ్లలో అగ్ని సాక్షిగా ఏడడుగులు వేస్తారు.. కానీ ఇక్కడ మాత్రం ఏకంగా మండుతున్న నిప్పులపై నడుస్తూ వివాహ బంధంలోకి అడుగుపెడుతున్నారు.

ఛత్తీస్‌గఢ్‌లోని రాయ్‌గఢ్ జిల్లా పరిసర గ్రామాల్లో ఒక వింత ఆచారం కొన్ని తరాలుగా వస్తోంది. అక్కడ పెళ్లి జరగాలంటే కేవలం మంగళసూత్రం, సప్తపదులు ఉంటే సరిపోదు. పెళ్లి పూర్తయిన వెంటనే నూతన వధూవరులు ఇద్దరూ మండుతున్న అగ్నిగుండంపై నడవాల్సిందే. ఇది తమ కులదైవం ఆజ్ఞ అని, ఇలా చేయడం వల్ల నూతన దంపతులపై దేవుడి ఆశీస్సులు ఉంటాయని అక్కడి ప్రజల నమ్మకం. ఈ సంప్రదాయాన్ని పాటించకపోతే తమ కుటుంబ దేవతలు కోపిస్తారని, సంసారంలో కష్టాలు వస్తాయని వారు బలంగా నమ్ముతారు.

ఈ అగ్ని నడక వెనుక భారీ కసరత్తే ఉంటుంది. పెళ్లి రోజున కుటుంబ సభ్యులు అత్యంత నిష్ఠతో ఉపవాసం ఉంటారు. కొందరు కనీసం నీళ్లు కూడా ముట్టకుండా ఉండి ఈ క్రతువును పూర్తి చేస్తారు. పెళ్లి మండపం వద్ద కట్టెలు పేర్చి పెద్ద ఎత్తున మంటలు వేస్తారు. ఆ మంటలు కాస్త తగ్గి, నిప్పులు ఎర్రటి సెగలు కక్కుతున్న సమయంలో వధూవరులు తమ పాదరక్షలను వదిలేసి, ఆ నిప్పులపై నడుచుకుంటూ వెళ్తారు. ఆశ్చర్యకరమైన విషయం ఏంటంటే, అంతటి వేడిలో నడిచినా తమకు ఎటువంటి గాయాలు కావని, అంతా దైవ నిర్ణయమని వారు చెబుతుండటం విశేషం.

సాధారణంగా హిందూ వివాహాల్లో అగ్ని దేవుడిని సాక్షిగా భావిస్తారు. "అగ్ని మీఢే పురోహితం" అంటూ హోమ గుండం చుట్టూ తిరగడం మనకు తెలుసు. కానీ ఇలా నేరుగా నిప్పుల మీద నడవడం మాత్రం అందరినీ ఆశ్చర్యానికి గురి చేస్తోంది. ఈ వేడుకను చూసేందుకు చుట్టుపక్కల గ్రామాల నుంచి జనం వేల సంఖ్యలో తరలివస్తారు. ప్రస్తుతం దీనికి సంబంధించిన దృశ్యాలు నెట్టింట వైరల్ కావడంతో, నెటిజన్లు రకరకాలుగా స్పందిస్తున్నారు. "నమ్మకానికి కూడా హద్దు ఉండాలి" అని కొందరు అంటుంటే, "వారి సంస్కృతిని గౌరవించాలి" అని మరికొందరు అభిప్రాయపడుతున్నారు. ఏది ఏమైనా, టెక్నాలజీ యుగంలోనూ ఇలాంటి ప్రాచీన సంప్రదాయాలు కొనసాగడం ఇప్పుడు దేశవ్యాప్తంగా చర్చనీయాంశమైంది.

Success Story : పాములు పట్టేవారికి పద్మశ్రీ పురస్కారం.. ఇది కదా సక్సెస్, వీళ్లు కదా రియల్ హీరోస్

Arun Kumar P — Thu, 30 Apr 2026 12:53:27 +0530

చేసే పనిలో పర్ఫెక్షన్ ఉంటే అద్భుతాలు చేయవచ్చని నిరూపించారు ఈ స్నేక్ క్యాచర్స్. పాములు పట్టే స్థాయినుండి ఏకంగా దేశంలోనే అత్యున్నత పురస్కారం పద్మశ్రీ పొందే స్ధాయికి చేరుకున్నాారు. ఎవరీ వడివేేల్ గోపాల్, మాసి సదైయన్..?

Success Story : పని ఏదైనా సరే... అందులో పట్టు సాధిస్తే సక్సెస్ దానంతట అదే వెతుక్కుంటూ వస్తుంది. చిన్నది, పెద్దది అని కాదు... చేసే పనిలో నిబద్దత చాలా అవసరం. దేశాన్ని పాలించే ప్రధాని అయినా... రోడ్లు ఊడ్చే పారిశుద్ద్య కార్మికులైనా తమ పని పర్పెక్ట్ గా చేయాలి... చీపురు పట్టి రోడ్డు ఊడిస్తే అంతకంటే బాగా ఎవ్వరూ చేయకూడదు అన్నట్లుగా ఉండాలి.. ఈ పనిలోనూ ఇంత పర్పెక్షన్ ఉండాలి. ఇలా ఇద్దరు పాములుపట్టే వ్యక్తులు తమ పనితీరుతో ఏకంగా దేశ అత్యున్నత పురస్కారం పద్మశ్రీ సాధించారు. వీరి సక్సెస్ స్టోరీ గురించి ఇక్కడ తెలుసుకుందాం.

తమిళనాడుకు చెందిన గిరిజన తెగ ఇరుల... వీళ్లు కేరళ, కర్ణాటకలో కూడా విస్తరించి ఉన్నారు. వీరికి ప్రమాదకరమైన పాములను పట్టుకోవడంలో మంచి పట్టు ఉంటుంది… పూర్వీకుల నుండి ఇదే పని చేస్తున్నారు. అలాగే ఎలుకలు పట్టడం, తెనెను సేకరించడం వంటి పనులే జీవనాధారం. ఈ ఇరుల తెగకు చెందినవారే వడివేల్ గోపాల్, మాసి సదైవన్.

పాములు పట్టడమే ప్రధాన వృత్తిగా మార్చుకున్నారు గోపాల్, సదైయన్. ఆదునిక స్నేక్ క్యాచర్స్ మాదిరిగా కాకుండా వీళ్లు పాములు పట్టేందుకు తమ పూర్వికుల టెక్నిక్ ను వాడతారు. ఇలా ఇప్పటివరకు వేలాది పాములు పట్టారు... ఇందులో ప్రమాదకమైన పాములు ఎన్నో ఉన్నాయి. అత్యంత చాకచక్యంగా కేవలం ఓ కర్ర సాయంతోనే కింగ్ కోబ్రా లాంటి డేంజరస్ పాములను కూడా పడతారు. పాములు పట్టడంలో వీళ్లు జాతీయ స్థాయిలో గుర్తింపు పొందారు.

తమిళనాడుకు చెందిన వడివేల్ గోపాలన్, మాసి సదైయన్ కేవలం పాములు పట్టడమే కాదు.. వాటి విషాన్ని సేకరించి యాంటి వేనమ్ తయారీలో సహాయపడుతున్నారు. భారతదేశంలో పాము విషాన్ని అత్యధికంగా ఉత్పత్తిచేసే ఇరుల స్నేక్ క్యాచర్ ఇండస్ట్రియల్ కోఆపరేటివ్ సొసైటీలో వీళ్లు సభ్యులు. ఆధునిక పరికరాలు లేకుండా సాంప్రదాయ పద్దతిలో వీళ్లు పాములను పట్టి యాంటి వీనమ్ తయారీ ప్రయోగశాలలకు సరఫరా చేస్తుంటారు. పాముకాటు సమయాల్లో ఈ యాంటీ వీనమ్ నే ప్రాణాలు కాపాడేందుకు ఉపయోగిస్తారు… కాబట్టి పాముల నుండి విషం సేకరించడం అనేది వైద్యారోగ్య రంగంలో చాలా కీలకమైన ప్రక్రియ.

తమ ప్రాణాలకు తెగించి పాములు పట్టి విషాన్ని సేకరిస్తూ వైద్యారోగ్య రంగంలో సేవలందిస్తున్న వడివేల్ గోపాల్, మాసి సదైయన్ లను ప్రభుత్వం గుర్తించారు. వీరి నిస్వార్థ సేవకు గాను దేశ అత్యున్నత పురస్కారం పద్మశ్రీకి ఎంపిక చేసింది. 2023 లో ఈ ఇద్దరూ రాష్ట్రపతి చేతులమీదుగా ఈ పురస్కారాన్ని అందుకున్నారు. చేసే పనిలో పర్పెక్షన్ ఉంటే సామాన్యులు సైతం అత్యున్నత విజయాలు సాధించవచ్చని ఈ ఇద్దరు పాములుపట్టేవారు నిరూపించారు.

President Droupadi Murmu presents Padma Shri to Shri Masi Sadaiyan for Social Work. He is a traditional snake catcher belonging to the Irular tribe of Tamil Nadu. He helps the Government in producing venom for manufacturing of the anti-venom, which is saving many lives every year pic.twitter.com/GOiVzLq65u

— President of India (@rashtrapatibhvn) March 22, 2023

సాధారణంగా బాగా చదువుకుని ఉద్యోగం కోసమో... లేదంటే బాగా డబ్బులుండి వ్యాపారం కోసమో విదేశాలకు వెళ్లేవారిని చూస్తుంటాం. కానీ తమ వడివేల్ గోపాల్, మాసి సదైయన్ కేవలం పాములు పట్టేందుకు అమెరికా వెళ్లారు... ప్లోరిడా వన్యప్రాణి అధికారులే వారిని స్వయంగా ఆహ్వానించారు.

2017 లో ప్లోరిడా అధికారులు అత్యంత ప్రమాదకరమైన బర్మీస్ కొండచిలువలను పట్టుకునే పనిని గోపాల్, సదైయన్ కు అప్పగించారు. వీళ్లు కేవలం రెండు వారాల్లోనే ఏకంగా 14 కొండచిలువలు పట్టుకున్నారు. అంతేకాదు ఈ పాములను పట్టడంతో అక్కడి వన్యప్రాణి సిబ్బందికి శిక్షణ కూడా ఇచ్చారు. పాములు పట్టేందుకు అగ్రరాజ్యం అమెరికా వీరిని తీసుకెళ్లిందంటేనే తమ వృత్తిలో వీళ్లు ఎంతటి నైపుణ్యం కలిగివున్నారో అర్థమవుతుంది.

ఆసియాలోనే మొట్టమొదటి మెడికల్ కాలేజ్ ఇండియాదే.. ఎక్కడుందో తెలుసా..?

Arun Kumar P — Wed, 29 Apr 2026 19:40:00 +0530

భారతదేశంలో మొట్టమొదటి ప్రింటింగ్ ప్రెస్, మొదటి మెడికల్ కాలేజీ ఎక్కడ, ఎవరు ఏర్పాటు చేశారో మీకు తెలుసా..? ఇలాంటి ఆసక్తికరమైన విషయాలను ఇక్కడ తెలుసుకొండి.

Urrak Drink : గోవా స్పెషల్ మందు 'ఉర్రక్'.. ఏడాదిలో కేవలం 8 వారాలే దొరుకుతుంది.. ఎందుకింత స్పెషల్..?

Arun Kumar P — Fri, 01 May 2026 18:20:10 +0530

కేవలం దేశీయ మధ్యమే కాదు ఇంటర్నేషనల్ లిక్కర్ బ్రాండ్స్ కూడా గోవాలో లభిస్తాయి. కానీ ఎప్పుడైనా గోవాలో మాత్రమే లభించే ‘ఉర్రక్’' రుచిచూశారా…? ఇది కేవలం 8 వారాలు మాత్రమే దొరుకుతుందట… ఎందుకింత ప్రత్యేకమో తెలుసా..?

గోవా (GOA) ఈ పేరు వినగానే యువతలో ఎక్కడలేని ఉత్సాహం వస్తుంది. అక్కడి బీచ్ ల అందాలు కనువిందు చేస్తాయి... అక్కడి కల్చర్ విదేశాల్లో ఉన్నామా అనే ఫీలింగ్ కలిగిస్తుంది... మరీముఖ్యంగా అక్కడ మందు చాలా చౌకగా లభిస్తుంది... అందుకే స్నేహితులతో కలిసి గోవా ట్రిప్ వెళ్లడాన్ని యువత ఇష్టపడతారు.

అయితే గోవాలో మందు చీఫ్ గా దొరుకుతుందని అందరికీ తెలుసు... కానీ కేవలం అక్కడ మాత్రమే దొరికే సాంప్రదాయ ఆల్కహాల్ గురించి తెలుసా...? అదే ఉర్రక్. ఇది కేవలం గోవాలో... అదీ వేసవిలోనే లభిస్తుంది. ఈ ఉర్రక్ డ్రింక్ ఇంత ప్రత్యేకం ఎందుకో తెలుసుకుందాం.

గోవా కల్చర్ భాగమైన 'ఉర్రక్' ప్రస్తుతం అందుబాటులో ఉంటుంది. మరికొద్దిరోజులు గడిస్తే ఇది లభించదు. ఎందుకంటే ఈ పానీయంను కేవలం లేత జీడిపండ్లు అదీ అప్పుడే కోసినవాటితో తయారుచేస్తారు. ఈ జీడిపండ్ల సీజన్ మార్చి, ఏప్రిల్... కాబట్టి ఈ రెండునెలల్లోనే ఉర్రక్ విరివిగా లభిస్తుంది.

లేత జీడిపండ్లను సేకరించి దాని రసంతో ఉర్రక్ తయారుచేస్తారు. దీన్ని అప్పటికప్పుడే తాగాల్సి ఉంటుంది... సమయం గడిచేకొద్ది రుచి తగ్గి పాడయిపోతుంటుంది. ఇలా త్వరగా పాడైపోతుంది కాబట్టే ఇది కేవలం కొన్ని వారాలు మాత్రమే లభిస్తుంది. అందుకే ఉర్రక్ గోవాలో చాలా అరుదైన డ్రింక్‌గా ఫేమస్.

గోవాలో వేసవిలో కాసే జీడిపండ్ల నుండి రసాన్ని సేకరించి పులియబెడతారు. దీన్ని సాంప్రదాయ పద్దతులు ఉపయోగించి ఉర్రక్ పానీయాన్ని రెడీ చేస్తారు. దీని రుచి చాలా తాజాగా, పండ్ల ఫ్లేవర్‌తో ఉంటుంది. ఇది అందరికీ తెలిసిన ఘాటైన 'ఫెని'కి పూర్తి భిన్నంగా ఉంటుంది.

ఈ డ్రింక్ గోవాలో ప్రతి ఏటా కేవలం ఆరు నుంచి ఎనిమిది వారాలు మాత్రమే అందుబాటులో ఉంటుంది. ఇలా కొద్ది కాలమే దొరకడం వల్ల స్థానికులకు, పర్యాటకులకు ఉర్రక్ తాగడం ఓ ప్రత్యేకమైన సంప్రదాయంగా మారింది.

బాటిళ్లలో అమ్మే ఇతర డ్రింక్స్‌లా కాకుండా, ఉర్రక్‌ను తయారు చేసిన వెంటనే తాగాలి. దీని సువాసన, రుచి త్వరగా పోతాయి. అందుకే ఇది గోవా దాటి బయటకు రావడం చాలా అరుదు… కేవలం అక్కడే లభిస్తుంది.

గోవాలో చాలామంది స్థానికులు ఉర్రక్‌ను చల్లగా సోడా, నిమ్మరసం, పచ్చిమిర్చితో కలిపి తాగుతారు. గోవాలోని వేడి, తేమ వాతావరణంలో ఈ కాంబినేషన్ చాలా రిఫ్రెషింగ్‌గా ఉంటుంది.

ఉర్రక్ కేవలం ఓ డ్రింక్ మాత్రమే కాదు, గోవా ఆహార సంస్కృతిని, వ్యవసాయాన్ని ప్రతిబింబిస్తుంది. ప్రతి గ్లాసులోనూ ఏడాదికి ఒకసారి మాత్రమే వచ్చే ఓ సంప్రదాయం కనిపిస్తుంది.

ఉర్రక్ మత్తునిచ్చే పానీయం కాదు... ఆరోగ్యానికి ఎంతో ఉపయోగపడే డ్రింక్. జీడిపళ్లలో విటమిన్ సి, ఐరన్, యాంటీ ఆక్సిడెంట్లు పుష్కలంగా ఉంటాయి. కాబట్టి వీటితో తయారుచేసిన ఉర్రక్ తాగడంవల్ల శరీరానికి ఇవి లభిస్తాయి.

ఇక వేసవికాలంలో ఈ ఉర్రక్ శరీరాన్ని చల్లబరుస్తుంది... తద్వారా వేడి నుండి ఉపశమనం పొందవచ్చు. వేడిగాలులు, ఉక్కపోత కారణంగా వడదెబ్బ బారిన పడకుండా ఈ గోవా కల్చరల్ డ్రింక్ ఉర్రక్ ఉపయోగపడుతుంది.

సైన్స్ కు అందని అద్భుతం.. రోజుకు మూడుసార్లు రంగులు మార్చే శివలింగం

Arun Kumar P — Sat, 02 May 2026 22:56:55 +0530

భారత్‌లోని ఈ పురాతన ఆలయంలోని శివలింగం సహజంగా రంగులు మార్చడం సైన్స్‌ను సైతం ఆశ్చర్యపరుస్తోంది. దీని వెనుక ఉన్న శాస్త్రీయ కారణాన్ని ఎవరూ కనుగొనలేకపోయారు. ఈ ఆలయం ప్రాచీన వారసత్వం, ఆధ్యాత్మిక ప్రాముఖ్యతతో నిండి ఉంది.

Italy Travel : ఫారిన్ టూర్ ప్లాన్ చేస్తున్నారా..? ఈ కంట్రీకి వెళితే జీవితానికి సరిపడా అనుభూతులు..!

Arun Kumar P — Sat, 02 May 2026 21:00:21 +0530

ఇటలీ… ఎప్పటికీ గుర్తుండిపోయే ఒక గొప్ప పర్యాటక ప్రాంతం. ఇక్కడి చరిత్ర, పునరుజ్జీవన కళ, అందమైన సముద్ర తీరాలు, ప్రపంచ ప్రసిద్ధ వంటకాలకు ఇది పెట్టింది పేరు. రోమ్, ఫ్లోరెన్స్ నుంచి వెనిస్ వరకు, ఈ దేశం సంస్కృతి, మర్చిపోలేని అనుభవాల కలయికగా నిలుస్తుంది.

ఇటలీ ఒక అరుదైన దేశం. ఇక్కడ ప్రతి మూల ఒక సజీవ మ్యూజియంలా అనిపిస్తుంది. చరిత్ర, కళ, తరగని అందాలతో నిండి ఉంటుంది. పురాతన శిథిలాల నుంచి పునరుజ్జీవన కళాఖండాల వరకు… అందమైన గ్రామాలు, సముద్ర తీరాలు, ప్రపంచ ప్రసిద్ధ వంటకాల వరకు.. ఈ దేశం వారసత్వం, ఆధునిక జీవనశైలిని అద్భుతంగా మిళితం చేస్తుంది. మీరు రోమ్‌లోని రాతి వీధుల్లో నడుస్తున్నా, ఫ్లోరెన్స్‌లో కాఫీ తాగుతున్నా, ప్రతి క్షణం సినిమాటిక్‌గా, మర్చిపోలేనిదిగా ఉంటుంది. ఇక్కడి ఉత్సాహభరితమైన సంస్కృతి, ఆతిథ్యం, విభిన్న ప్రకృతి దృశ్యాలు ప్రతి ప్రయాణికుడిని ఆకట్టుకుంటాయి.

ఇటలీ చరిత్ర వేల సంవత్సరాల నాటిది. ఇది ప్రపంచ నాగరికతను ఎంతో ప్రభావితం చేసింది. ఒకప్పుడు శక్తివంతమైన రోమన్ సామ్రాజ్యానికి ఇది కేంద్రంగా ఉండేది. ఆ సామ్రాజ్యం యూరప్‌ అంతటా చట్టం, వాస్తుశిల్పం, ఇంజనీరింగ్, పాలనను తీర్చిదిద్దింది. రోమన్ల కాలం నాటి కట్టడాలు, సంప్రదాయాలు నేటికీ స్ఫూర్తినిస్తూనే ఉన్నాయి.

ఆ తర్వాత ఇటలీ పునరుజ్జీవనానికి పుట్టినిల్లుగా మారింది. ఈ సాంస్కృతిక ఉద్యమం కళ, సైన్స్, తత్వశాస్త్రాన్ని మార్చేసింది. లియోనార్డో డా విన్సీ, మైకెలాంజెలో వంటి దిగ్గజాలు ఈ కాలంలోనే పుట్టారు. వారి కళాఖండాలు నేటికీ ప్రపంచవ్యాప్తంగా కళాత్మక నైపుణ్యానికి నిర్వచనంగా నిలుస్తున్నాయి.

రోమ్: కొలోజియం, వాటికన్ సిటీ వంటి ఐకానిక్ కట్టడాలకు నిలయం. పురాతన చారిత్రకు, వాస్తు అద్భుతాలకు ఇది ఒక నిధి.

ఫ్లోరెన్స్: పునరుజ్జీవన కళకు పుట్టినిల్లు. ఉఫిజి గ్యాలరీ, దాని అద్భుతమైన కళా వారసత్వానికి ప్రసిద్ధి.

వెనిస్: రొమాంటిక్ కాలువలు, గొండోలా పడవలు, సెయింట్ మార్క్స్ బసిలికాకు ఫేమస్. ఇది నిజంగా ఒక ప్రత్యేకమైన అనుభవాన్ని ఇస్తుంది.

అమాల్ఫీ కోస్ట్: రంగురంగుల కొండప్రాంత పట్టణాలు, మధ్యధరా సముద్రపు అందాలకు ప్రసిద్ధి చెందిన అద్భుతమైన తీరప్రాంతం.

డోలమైట్స్: ప్రకృతి ప్రేమికులకు, సాహస ప్రియులకు ఇది స్వర్గం. హైకింగ్, స్కీయింగ్‌కు అనువైన ప్రదేశం.

మిలాన్: ఇటలీ ఫ్యాషన్, వాణిజ్య రాజధాని. ఆధునిక భవనాలు, లగ్జరీ షాపింగ్, డ్యూమో డి మిలానో వంటి చారిత్రక ప్రదేశాలకు ప్రసిద్ధి.

నేపుల్స్: పిజ్జాకు పుట్టినిల్లుగా ప్రసిద్ధి చెందిన నగరం. గొప్ప సంస్కృతి, చారిత్రక వీధులు, మౌంట్ వెసువియస్ అద్భుతమైన దృశ్యాలను అందిస్తుంది.

సిసిలీ: ఇటలీలోని అతిపెద్ద ద్వీపం. పురాతన శిథిలాలు, అందమైన బీచ్‌లు, క్రియాశీల అగ్నిపర్వతం మౌంట్ ఎట్నాకు ప్రసిద్ధి.

టస్కనీలో వైన్ టేస్టింగ్: ద్రాక్ష తోటల్లో తిరుగుతూ సియానా, శాన్ గిమిగ్నానో వంటి కొండ పట్టణాల్లో చియాంటి వైన్ రుచి చూడండి.

వంట తరగతులు: రోమ్‌లో పాస్తా తయారీ, ఇటాలియన్ వంటకాలను నేర్చుకోండి.

ఒపెరా అనుభవం: వెరోనా, ఇతర చారిత్రక నగరాల్లో లైవ్ ఒపెరా ప్రదర్శనలను చూడండి.

మిలాన్‌లో ఫ్యాషన్: ఫ్యాషన్ రాజధాని మిలాన్‌లో లగ్జరీ బ్రాండ్ల కోసం షాపింగ్ చేయండి.

చరిత్రను అన్వేషించండి : ఇటలీ చారిత్రక నగరాల్లోని పురాతన శిథిలాలు, మ్యూజియంలను సందర్శించండి.

వెనిస్‌లో గొండోలా రైడ్: వెనిస్ కాలువల్లో గొండోలా పడవ ప్రయాణం చేయండి.

అమాల్ఫీ కోస్ట్, కాప్రి: పొసిటానోను సందర్శించి, కాప్రి చుట్టూ బోట్ ట్రిప్స్ ఎంజాయ్ చేయండి.

డోలమైట్స్: ఆల్పైన్ పర్వతాల్లో హైకింగ్ లేదా స్కీయింగ్ చేయండి.

లేక్ కోమో: లేక్ కోమోలో బోట్ రైడ్స్, సరస్సు ఒడ్డున సేద తీరండి.

సార్డీనియా: సార్డీనియాలోని బీచ్‌లు, స్పష్టమైన నీటిని అన్వేషించండి.

ఏప్రిల్ - జూన్ (వసంతం) : ఇటలీ సందర్శనకు ఇదే బెస్ట్ టైమ్. ఆహ్లాదకరమైన వాతావరణం, పూలతో నిండిన ప్రకృతి, సందర్శనకు అనువైన పరిస్థితులు ఉంటాయి.

సెప్టెంబర్ - అక్టోబర్ (శరదృతువు): సౌకర్యవంతమైన ఉష్ణోగ్రతలు, తక్కువ రద్దీ, ఫుడ్ ఫెస్టివల్స్, వైన్ యార్డ్ సందర్శనలకు గొప్ప సమయం.

జూలై - ఆగస్టు (వేసవి) : ప్రధాన నగరాలు, తీర ప్రాంతాల్లో వేడిగా, రద్దీగా ఉంటుంది. కానీ బీచ్‌లకు వెళ్లడానికి ఇదే సరైన సమయం.

నవంబర్ - మార్చి (శీతాకాలం): చల్లగా, ప్రశాంతంగా ఉంటుంది. బడ్జెట్ ప్రయాణానికి, తక్కువ రద్దీలో తిరగడానికి, క్రిస్మస్ మార్కెట్లను చూడటానికి అనువైనది.

వీసా: భారతీయులకు ఇటలీ వెళ్లాలంటే షెంజెన్ వీసా అవసరం. ఇది షెంజెన్ జోన్‌లోని అనేక యూరోపియన్ దేశాలకు వెళ్లేందుకు అనుమతిస్తుంది.

విమానాలు: ఢిల్లీ, ముంబై, బెంగళూరు వంటి ప్రధాన భారతీయ నగరాల నుండి రోమ్, మిలాన్ వంటి నగరాలకు డైరెక్ట్, కనెక్టింగ్ విమానాలు అందుబాటులో ఉన్నాయి.

కరెన్సీ: ఇటలీలో యూరో (€) ఉపయోగిస్తారు. నగరాలు, హోటళ్లు, రెస్టారెంట్లలో క్రెడిట్, డెబిట్ కార్డులను విస్తృతంగా అంగీకరిస్తారు.

చెల్లింపులు: డిజిటల్ చెల్లింపులు, కార్డులు, కాంటాక్ట్‌లెస్ లావాదేవీలు సాధారణంగా ఉపయోగిస్తారు. కానీ చిన్న పట్టణాలు, స్థానిక కేఫ్‌లు, మార్కెట్ల కోసం కొంత నగదు తీసుకెళ్లడం మంచిది.

కనెక్టివిటీ, ఇంటర్నెట్: వోడాఫోన్, TIM వంటి ప్రొవైడర్ల నుండి సిమ్ కార్డులు సులభంగా అందుబాటులో ఉంటాయి. హోటళ్లు, రెస్టారెంట్లు, పబ్లిక్ ప్రదేశాల్లో ఉచిత Wi-Fi ఉంటుంది.

రైల్ నెట్‌వర్క్: ఇటలీలో ట్రెనిటాలియా ఆధ్వర్యంలో అద్భుతమైన రైల్వే వ్యవస్థ ఉంది. ఇది ప్రధాన నగరాలను వేగంగా, సౌకర్యవంతంగా కలుపుతుంది.

హై-స్పీడ్ రైళ్లు: రోమ్, మిలాన్, ఫ్లోరెన్స్, వెనిస్ వంటి ప్రసిద్ధ నగరాలను వేగవంతమైన రైళ్లు కలుపుతాయి. నగరాల మధ్య ప్రయాణం సులభం.

బస్సులు: రైళ్లు వెళ్లని నగరాలు, పట్టణాలు, గ్రామీణ ప్రాంతాలకు చవకైన బస్సు సర్వీసులు అందుబాటులో ఉన్నాయి.

మెట్రో వ్యవస్థలు: రోమ్, మిలాన్ వంటి ప్రధాన నగరాల్లో సులభమైన ప్రయాణం కోసం మెట్రో నెట్‌వర్క్‌లు ఉన్నాయి.

టాక్సీలు, రైడ్ సర్వీసులు : నగరాల్లో టాక్సీలు, యాప్ ఆధారిత రైడ్ సేవలు అందుబాటులో ఉంటాయి.

నడక: వెనిస్, ఫ్లోరెన్స్ వంటి అనేక చారిత్రక కేంద్రాలను కాలినడకన అన్వేషించడం ఉత్తమం.

బడ్జెట్: చాలా నగరాల్లో హాస్టళ్లు, గెస్ట్‌హౌస్‌లు అందుబాటులో ఉన్నాయి.

మిడ్-రేంజ్: సౌకర్యం, స్టైల్, మంచి స్థానిక ఆతిథ్యం అందించే బొటిక్ హోటళ్లు ఉంటాయి.

లగ్జరీ: విలాసవంతమైన అనుభవం కోసం హెరిటేజ్ హోటళ్లు, ప్రీమియం రిసార్ట్‌లు, చారిత్రక విల్లాలు ఉన్నాయి.

పిజ్జా: ముఖ్యంగా నేపుల్స్‌లో దొరికే అచ్చమైన ఇటాలియన్ పిజ్జా.

పాస్తా: రిచ్ సాస్‌లతో కూడిన అనేక రకాల ప్రాంతీయ పాస్తా వంటకాలు.

జెలాటో: అనేక ఫ్లేవర్లలో దొరికే సాంప్రదాయ ఇటాలియన్ ఐస్ క్రీం.

రిసోట్టో: ఉత్తర ఇటలీలో ప్రసిద్ధి చెందిన క్రీమీ రైస్ డిష్.

ఎస్ప్రెస్సో, వైన్: స్ట్రాంగ్ ఇటాలియన్ కాఫీ, ప్రపంచ ప్రసిద్ధ వైన్లు.

ఇటలీ కేవలం ఒక టూరిస్ట్ ప్లేస్ కాదు, అది జీవితాంతం గుర్తుండిపోయే ఒక అనుభవం. ఈ దేశం కళ, వాస్తుశిల్పం, చరిత్ర, జీవనశైలిని అద్భుతంగా మిళితం చేస్తుంది. పురాతన రోమన్ కట్టడాలు, పునరుజ్జీవన కళాఖండాల నుండి అందమైన వీధులు, సముద్ర తీరాలు, సుందరమైన గ్రామీణ ప్రాంతాల వరకు, ఇటలీలోని ప్రతి భాగం ఒక కథ చెబుతుంది. ఆహార ప్రియులు ప్రపంచంలోని అత్యంత ప్రసిద్ధ వంటకాలను రుచి చూడవచ్చు. ఫ్యాషన్ ప్రియులు మిలాన్ వంటి నగరాల్లో గ్లోబల్ ట్రెండ్స్‌ను అన్వేషించవచ్చు. అదే సమయంలో, ఆల్ప్స్ నుండి అమాల్ఫీ కోస్ట్ వరకు ఇటలీ సహజ సౌందర్యం విశ్రాంతికి, అన్వేషణకు అంతులేని అవకాశాలను అందిస్తుంది.

Motivational story: మీరు మంచివారా, చెడ్డ‌వారా.? ఈ క‌థ చ‌దివితే మీకే ఓ క్లారిటీ వ‌స్తుంది

Narender Vaitla — Fri, 01 May 2026 11:18:00 +0530

Motivational story: మంచి, చెడు ఈ రెండు నిజాలు కాదు కేవ‌లం మ‌న న‌మ్మ‌కాలు మాత్ర‌మే అంటారు. సంద‌ర్భాన్ని బ‌ట్టి ఈ రెండింటీ అర్థం మారుతుంది. మ‌రి మీరు మంచివారా, చెడ్డ‌వారా.? ఆ స‌త్యాన్ని చాటి చెప్పే ఒక మంచి మోటివేష‌న్ క‌థ గురించి ఇప్పుడు తెలుసుకుందాం.

గీత, రాము ఇద్దరూ ఐదేళ్లుగా గాఢమైన ప్రేమలో ఉంటారు. ఒకరిని ఒకరు ఎంతో ఇష్టపడతారు. భవిష్యత్తు గురించి కూడా కలిసి కలలు కంటారు. కానీ గీత ఇంట్లో మాత్రం పరిస్థితి వేరేలా ఉంటుంది. ఆమెకు పెళ్లి సంబంధాలు చూడడం మొదలవుతుంది. ఆ సమయంలో ఒక మంచి సాఫ్ట్‌వేర్ ఇంజనీర్ సంబంధం వస్తుంది. నెలకు రూ.2 లక్షల జీతం. కుటుంబం కూడా బాగుంటుంది. ఇదంతా గీత రాముతో చెబుతుంది. అప్పుడు రాము ధైర్యంగా ఇలా అంటాడు “మన ప్రేమ గొప్పది. ఎవరు మనల్ని విడదీయలేరు. నేను వచ్చి మీ నాన్నతో మాట్లాడుతాను.” అంటాడు.

రాము మాటలు విన్న గీత ఒక్కసారిగా ఆశ్చర్యపోతుంది. “నువ్వు ఇలా అంటావని అనుకోలేదు. నాకంటే ఎక్కువ సంపాదించే వాడు వస్తే నా జీవితం బాగుంటుందని అనుకుని నన్ను సంతోషంగా ఉండమంటావని అనుకున్నా. కానీ నువ్వు స్వార్థంగా ఆలోచిస్తున్నావు,” అని అంటుంది. ఈ మాటలు రామును తీవ్రంగా బాధిస్తాయి. తన ప్రేమను గీత అర్థం చేసుకోలేదని భావించి, నిశ్శబ్దంగా వెనక్కి తగ్గిపోతాడు. గీత ఆ సాఫ్ట్‌వేర్ ఇంజనీర్‌ను పెళ్లి చేసుకుంటుంది.

కొన్ని సంవత్సరాల తర్వాత రాము, రవళి అనే అమ్మాయిని ప్రేమిస్తాడు. ఇక్కడ కూడా అదే పరిస్థితి. రవళి ఇంట్లో పెళ్లి సంబంధాలు చూస్తారు. ఈసారి ఒక గ్రూప్-2 ఉద్యోగి సంబంధం వస్తుంది. గతంలో జరిగిన సంఘటన గుర్తు చేసుకున్న రాము, ఈసారి ఇలా అంటాడు.. “నాకంటే మంచి జీవితాన్ని నువ్వు పొందాలి. ఆ సంబంధం చేసుకుని సంతోషంగా ఉండు.” ఇది విన్న రవళి కోపంతో ఉలిక్కిపడుతుంది. “నువ్వు మనిషివేనా? ప్రేమ అంటే పోరాడాలి. నన్ను వదిలేస్తావని అనుకోలేదు,” అని అంటుంది. అలా చెప్పి వెళ్లిపోతుంది. తర్వాత ఆ గ్రూప్-2 ఉద్యోగినే పెళ్లి చేసుకుంటుంది.

కొన్నేళ్ల తర్వాత రాము ఇంట్లో చూసిన సంబంధంతో ఓ అమ్మాయిని వివాహం చేసుకొని జీవితాన్ని హ్యాపీగా గ‌డిపేస్తూ ఉంటాడు. ఈ క్ర‌మంలోనే ఒక రోజు గీతను కలుస్తాడు. “జీవితం ఎలా ఉంది?” అని అడుగుతాడు.

గీత కన్నీళ్లు పెట్టుకుంటూ ఇలా అంటుంది.. “ అస్స‌లు బాగోలేదు రాము. ఆ రోజు నిన్నే పెళ్లి చేసుకుని ఉంటే బాగుండేది. వాడు రోజూ తాగి వచ్చి నన్ను కొడుతున్నాడు. పైగా ఇంకో అమ్మాయితో సంబంధం పెట్టుకున్నాడు. నా బిడ్డ కోసం భరించాల్సి వస్తోంది.” అని చెబుతుంది.

ఈ క్ర‌మంలోనే త‌న రెండో మాజీ ప్రేమికురాలు అయిన రవళిని కలుస్తాడు. ఆమె మాత్రం చిరునవ్వుతో ఇలా అంటుంది. “చాలా బాగున్నాను రాము. నా భర్త నన్ను చాలా ప్రేమగా చూసుకుంటున్నాడు. సమాజంలో గౌరవం ఉంది. ఆ రోజు నీ మాట వల్లే నాకు మంచి జరిగింది. థ్యాంక్స్.” అని అంటుంది.

ఈ రెండు సంఘటనలు ఒక గొప్ప నిజాన్ని చెబుతున్నాయి. మన వల్ల వాళ్లకు మంచి జరిగితే మనల్ని “మంచివాళ్లు” అంటారు. మన వల్ల వాళ్లకు చెడు జరిగితే మనల్ని “చెడ్డవాళ్లు” అంటారు. కొన్నిసార్లు ముందు మంచి చేసి, తర్వాత చెడు జరిగితే కూడా మనల్ని తప్పు పడతారు. అంటే… మన మంచితనం, చెడ్డతనం మన చేతిలో ఉండదు. అది ఇతరుల అవసరాలు, పరిస్థితుల మీద ఆధారపడి ఉంటుంది.

మొత్తం మీద మ‌న మనసు నిజాయితీగా ఉంటే చాలు. ప్రతి ఒక్కరి అభిప్రాయం ప్రకారం మనల్ని మార్చుకుంటూ పోతే, మన అస్తిత్వానికే ప్రమాదం వ‌స్తుంది. కాబట్టి… మనం ఎవరో మనకు తెలిసి ఉండాలి. ప్రపంచం ఇచ్చే పేర్లతో మన విలువను కొలవకూడదు.

Rain: వడగళ్ల వానలు ఎలా పడతాయి. వానరాళ్లు ఎక్కడ నుంచి పుట్టుకొస్తాయి, వాటిని తినడం మంచిదేనా?

Mahesh Jujjuri — Tue, 05 May 2026 09:12:06 +0530

వేసవి వచ్చిందంటే మండే ఎండలతో పాటు వడగళ్ల వానలు కూడా జనాలకు భయపెడుతుంటాయి. వాటి వల్ల పంటలకు కూడా చాలా నష్టం జరుగుతుంది. అసలు ఈ వడగళ్ల వానలు ఎలా పడతాయి. వడగళ్లు ఎలా ఏర్పడతాయి.

ఎండాకాలం వచ్చిందంటే జానాలు ఎండవేడితో పాటు వడగళ్ల వానలకు కూడా భయపడుతుంటారు. పైనుంచి పడే మంచు రాళ్లవర్షం చూడటానికి ఎంతో అందంగా అనిపించినా.. వాటి వల్ల చాలా నష్టాలు ఉన్నాయి. ముఖ్యంగా రైతులకు అవి పంటనష్టాన్ని తీసుకువస్తాయి. మనుషులను గాయపరుస్తాయి కూడా. అసలు ఈ వడగళ్లు ఎలా పుడతాయి. ఎక్కడి నుంచి వస్తాయి. వానరాళ్లు ఏర్పడటానికి కావల్సిన పరిస్థితులు ఏంటి? పై నుంచి మంచు రాళ్లు పడటం ఎలా సాధ్యం అవుతుంది.

ఈ వడగళ్ల వానలు సాధారణంగా ఉరుములు, మెరుపులతో కూడిన వానలు వచ్చినప్పుడు ఏర్పడుతుంటాయి. ముఖ్యంగా వేసవి కాలంలో భూమి వేడెక్కి గాలి వేగంగా పైకి లేచి.. తేమతో సహా బాగా ఎత్తుకు వెళ్లినప్పుడు ఇవి ఏర్పడతాయి. పైకి లేచే వేడి గాలి , క్రిందికి వచ్చే చల్లని గాలి మధ్య జరిగే సంఘర్షణ వల్ల ఏర్పడిన మేఘాలను క్యుములోనింబస్ మేఘాలు అంటారు. ఇవి ఒకదానికి మరొకటి ఢీ కొట్టడం వల్ల వడగళ్ల‌ు రాలి పడతాయి. వర్షంతో పాటుగా పడతాయి కాబట్టి.. వీటిని వాడుక భాషలో వానరాళ్లు అంటారు.

వడగళ్ల పరిమాణం చిన్నదిగా ఉండవచ్చు, పెద్దదిగా కూడా ఉండవచ్చు. కొన్నిసార్లు పప్పు గింజలంత ఉంటే, మరికొన్ని సందర్భాల్లో నిమ్మకాయ సైజులో పెద్దగా ఉండే అవకాశం ఉంది. ఇక కొన్ని పరిస్థితుల్లో భారీ స్థాయిలో కూడా వడగళ్లు ఏర్పడుతుంటాయి. వాటి పరిమాణం మేఘాలలో గాలుల వేగం, తేమ, ఉష్ణోగ్రతలపై ఆధారపడి ఉంటుంది. చూడటానికి ఐస్ క్యూబ్స్ మాదిరిగా ఉండే ఈ వానరాళ్లను కొంత మంది తింటుంటారు కూడా.

వెనకటి రోజుల్లో కొంత మంది పెద్దవారు వానరాళ్లు తింటే మంచిది అని చెపుతుండేవారు. కానీ ఇప్పుడు ఉన్న పరిస్థితులు, వాతావరణ మార్పుల వలన వానరాళ్లు తినడం ఆరోగ్యానికి మంచిది కాదు అని నిపుణులు చెపుతున్నారు. వాతావరణ కాలుష్యం వలన.. అవి కూడా కలుషితం అవుతున్నాయని వారు అంటున్నారు. కాబట్టి వానరాలు తినే అలవాటు ఉన్నవారు జాగ్రత్తగా ఉండటం మంచిది.

వడగళ్ల వానలు ఎక్కువగా వేసవిలోనే పడతాయి. దానికి కారణం కూడా ఉంది. వడగళ్లు ఏర్పడాలంటే నేలపై ఉష్ణోగ్రత ఎక్కువగా ఉండాలి. సమ్మర్ లో ఉష్ణోగ్రతలు ఎక్కువగా ఉంటాయి కాబట్టి.. ఆ సమయంలో వడగాళ్ల వానలు కురిసేందుకు అనుకూలమైన వాతావరణం ఉంటుంది. అయితే కేవలం వేసవిలో మాత్రమే కాదు, ఏడాది పొడవునా.. ఎప్పుడైనా వాడగళ్లు పడే అవకాశం ఉంది.

వడగళ్ల వాన వల్ల పంటలకు, వాహనాలకు, ఇళ్లకు నష్టం కలగవచ్చు. రైతులకు ఇది పెద్ద సమస్యగా మారుతుంది. కొన్నిసార్లు పండిన పంటలను వడగళ్ల వాన పూర్తిగా నాశనం చేస్తుంది. అలాగే మనుషులకువీటి వల్ల గాయాలు కూడా అవుతుంటాయి. అందుకే వడగళ్ల వాన సమయంలో బయట ఉండటం ప్రమాదకరం.

TVK Vijay: చిరంజీవి, పవన్‌కి సాధ్యం కానిది విజయ్‌కి ఎలా సాధ్యం.. దళపతి సక్సెస్‌ సీక్రెట్‌ ఇదే

Aithagoni Raju — Mon, 04 May 2026 12:39:02 +0530

లేటెస్ట్ తమిళనాడు ఎన్నికల్లో పోటీ చేసిన మొదటిసారే విజయ్‌ అధికారం కైవసం చేసుకోబోతున్నారు. మరి చిరంజీవి, పవన్‌ కళ్యాణ్‌కి సాధ్యం కానిది దళపతికి ఎలా సాధ్యమైందనేది చూస్తే.

సినిమా తారలు రాజకీయాల్లోకి రావడం కామన్‌. తమిళనాడులో ఎంజీఆర్‌, తెలుగు రాష్ట్రాల్లో ఎన్టీఆర్‌ సినిమాల నుంచే వచ్చి రాజకీయాల్లో సక్సెస్‌ అయ్యారు. పోటీ చేసిన మొదటి సారే వాళ్లు సీఎం అయ్యారు. రెండు రాష్ట్రాల్లో వాళ్లు తమ ప్రభావాన్ని చూపించారు. విప్లవాత్మక మార్పులు చేశారు. బెస్ట్ సీఎంలుగా పేరు తెచ్చుకున్నారు. ఇప్పటికీ వారి ప్రభావం కనిపిస్తోంది. అయితే ఆ తర్వాత దేశ రాజకీయాల్లో చాలా మంది సినిమా సెలబ్రిటీలు వచ్చారు. కానీ ఎన్నికల్లో పోటీ చేసిన మొదటిసారి సక్సెస్‌ కాలేకపోయారు. ఈ జాబితాలో చిరంజీవి, పవన్‌ ప్రధానంగా ఉంటారు. అలాగే కమల్‌, విజయ్‌కాంత్‌ వంటి వారు కూడా ఇదే ప్రయత్నం చేసి విఫలమయ్యారు. మరి ఇప్పుడు తమిళనాట విజయ్‌ దూసుకుపోతున్నారు. 2026 ఎన్నికల ఫలితాల్లో సీఎం పీఠం దక్కించుకునే దిశగా సాగుతున్నారు. ఆధిక్యంలో ఉన్నారు. ఆయన సీఎం అయినా ఆశ్చర్యం లేదు.

మరి పోటీ చేసిన మొదటిసారే విజయ్‌ అధికారం దక్కించుకునే దిశగా వెళ్తుంటే, ఈ విషయంలో చిరంజీవి, పవన్‌ కళ్యాణ్‌ ఎందుకు ఫెయిల్యూర్‌, విజయ్‌ సక్సెస్‌ కి కారణం ఏంటనేది చూస్తే. మొదటగా చిరంజీవి విషయానికి వస్తే.. మెగాస్టార్‌ 2008లో రాజకీయాల్లోకి వచ్చారు. ఆయన ఆగస్ట్ 26న `ప్రజా రాజ్యం పార్టీ`ని స్థాపించారు. ఏప్రిల్‌లో ఎలక్షన్లు జరిగాయి. పార్టీ పెట్టిన ఏడు నెలల్లోనే ఎలక్షన్‌లోకి వెళ్లారు. భారీ ఊపుతో వచ్చినా మూడో స్థానానికి పడిపోయారు. కేవలం 18 సీట్లు మాత్రమే సొంతం చేసుకున్నారు. ఆ టైమ్‌లో కాంగ్రెస్‌ 156 సీట్లు గెలుచుకుంది. టీడీపీ 92 సీట్లు గెలుచుకుంది. కేసీఆర్‌ సారథ్యంలోని టీఆర్‌ఎస్‌ పది సీట్లు గెలుచుకుంది. అధికారం కైవసం చేసుకుంటాననే ధీమాతో రాజకీయాల్లోకి వచ్చిన చిరంజీవికి గట్టి దెబ్బ పడింది. ఆయన 18 సీట్లకే పరిమితం కావడం ఆశ్చర్యపరిచింది.

దీనికి కారణం.. ఆ సమయంలో చిరంజీవి రాజకీయాల్లోకి రావడం రాంగ్‌ డెసీషన్‌గా చెప్పొచ్చు. ఎందుకంటే ఆ సమయంలో తెలంగాణలో ప్రత్యేక రాష్ట్రం కోసం ఉద్యమం గట్టిగా నడుస్తోంది. మరోవైపు వైఎస్‌ రాజశేఖర్‌ రెడ్డి నాయకత్వంలోని కాంగ్రెస్‌ పార్టీ చాలా బలంగా ఉంది. మరోవైపు ప్రతిపక్ష టీడీపీ సైతం చాలా స్ట్రాంగ్‌గా ఉంది. 2004లో కాంగ్రెస్‌ అధికారంలోకి రావడంతో 2009లో టీడీపీ పుంజుకుంది. ఆ సమయంలో వామపక్షాలు కూడా టీడీపీతో కలిసిపోయాయి. దీంతో అది టీడీపీకి ప్లస్ అయ్యింది. రాజకీయంగా ఆ సమయంలో ఎలాంటి లోటు లేదు. రెండు ప్రధాన పార్టీలు బలంగా ఉండటంతో మూడో పార్టీకి ఛాన్స్ లేకుండా పోయింది. అదే సమయంలో చిరంజీవి రావడంతో ఆయన ఏమాత్రం ప్రభావం చూపించలేకపోయారు. దీంతో దారుణమైన పరాజయం తప్పలేదు. అలా పోటీ చేసిన మొదటి సారే చిరంజీవికి చేదు అనుభవం ఎదురయ్యింది. దీనికి తోడు ఆయన ఎక్కువ కాలం ప్రతిపక్షంలో ఉండలేకపోయారు. కొన్ని నెలలకే కాంగ్రెస్‌లో తన పార్టీని విలీనం చేసి కేంద్ర మంత్రి పదవి తీసుకున్నారు. స్వతంత్ర్య హోదాలో టూరిజం మంత్రిగా ఆయన పదవి బాధ్యతలు చేపట్టారు. ఆ తర్వాత చిరంజీవి రాజకీయాల నుంచి పూర్తిగా తప్పుకున్నారు.

అన్న చిరంజీవి రాజకీయాల నుంచి తప్పుకోవడంతో.. తమ్ముడు పవన్‌ కళ్యాణ్‌ రాజకీయాల్లోకి ఎంట్రీ ఇచ్చారు. అన్న రాజకీయంగా విఫలమైన నేపథ్యంలో తానేంటో చూపిస్తానని, తాను గెలిచి నిరూపిస్తానని చెప్పి ఆయన 2014లో జనసేన పార్టీని స్థాపించారు. మార్చి 14న ఆయన కొత్త పార్టీని ప్రకటించారు. ప్రకటించిన రెండు నెలలకే ఆంధ్రప్రదేశ్‌ రెండుగా విడిపోయింది. తెలంగాణ రాష్ట్రం ఏర్పడింది. దీంతో పవన్‌కి రాజకీయంగా గట్టి దెబ్బపడింది. ఆయన ఏపీకే పరిమితం కావాల్సి వచ్చింది. తెలంగాణలో టీఆర్‌ఎస్‌, కాంగ్రెస్‌ బలంగా ఉన్న నేపథ్యంలో ఈ రెండు పార్టీల మధ్యనే పోటీ ఉంది. పైగా తెలంగాణ సాధించడంలో కీలక భూమిక పోషించిన కేసీఆర్‌ సారథ్యంలోని టీఆర్‌ఎస్‌ పార్టీకి 2014లో అధికారం కట్టబెట్టారు తెలంగాణ ప్రజలు. ప్రతిపక్షంలో కాంగ్రెస్‌ నిలిచింది. తెలంగాణ ఇచ్చిన పార్టీగా కాంగ్రెస్‌ తెలంగాణలో తన ప్రభావం చూపించుకోగలిగింది. దీంతో తెలంగాణలో టీడీపీ, బీజేపీ, జనసేన గానీ ఏమాత్రం ప్రభావం చూపించలేకపోయాయి.

ఆ సమయంలో పవన్‌ కళ్యాణ్‌ ఏపీకే పరిమితమయ్యారు. అలాగే చంద్రబాబు నాయుడు కూడా ఏపీ రాజకీయాలపైనే దృష్టి పెట్టారు. అదే తమ సొంత రాష్ట్రంగా వాళ్లు ప్రొజెక్ట్ చేసుకున్నారు. కొత్త రాష్ట్రం ఏర్పడిన సమయంలో రాష్ట్రం అభివృద్ధి చాలా కీలకం. అనుభవమున్న రాజకీయ నాయకుడు కావాలి. అప్పటికే రెండు సార్లు సీఎంగా చేసిన చంద్రబాబు నాయుడు సీఎం అయితే బెటర్‌గా పాలించగలరని జనం నమ్మారు. 2014లో ఏపీలో చంద్రబాబు నాయుడు నాయకత్వంలోని టీడీపీకి ఆంధ్రప్రదేశ్‌ ప్రజలు అధికారాన్ని కట్టబెట్టారు. ఆ సమయంలో టీడీపీకి పవన్‌ కళ్యాణ్‌ సపోర్ట్ చేశారు. బీజేపీ కూడా సపోర్ట్ చేసింది. పవన్‌, బీజేపీ సపోర్ట్ తో చంద్రబాబు సీఎం అయ్యారు. ఇక ఏపీలో బలంగా ఉన్న మరో పార్టీ వైఎస్‌ఆర్‌సీపీ. వైఎస్‌ జగన్‌ నాయకత్వంలో ఆ పార్టీ చాలా స్ట్రాంగ్‌గా ఉంది. పైగా తండ్రి వైఎస్‌ రాజశేఖర్‌ రెడ్డి మరణించడంతో ఆ సింపతి జగన్‌కి వర్కౌట్‌ అయ్యింది. ఆయన ఓదార్పు యాత్ర పేరుతో పాదయాత్ర నిర్వహించారు. ప్రతి ఒక్కరిని కలుసుకున్నారు. దీంతో జగన్‌కి మాస్‌ ఫాలోయింగ్‌ ఏర్పడింది. గ్రౌండ్‌ లెవల్‌లో ఆయన జనాల్లోకి వెళ్లిపోయారు. దీంతో 2014 ఎన్నికల్లో తన ప్రభావాన్ని చూపించారు. ఆ సమయంలో టీడీపీ 175 సీట్లకి గానూ 117 సీట్లు గెలిచిన అధికారం సొంతం చేసుకుంది. జగన్‌ 70 సీట్లు గెలిచి ప్రతిపక్షంలో నిలిచారు.

పవన్‌ కళ్యాణ్‌ సొంతంగా తమ జనసేన పార్టీ తరఫున మొదటి సారి పోటీ చేసింది 2019లోనే. ఆ సమయంలో అటు చంద్రబాబు బలంగానే ఉన్నారు, జగన్‌ మరింత స్ట్రాంగ్‌ అయ్యారు. ఏకంగా అధికారాన్ని సొంతం చేసుకున్నారు. 175కి గానూ జగన్‌కి 151 సీట్లు వస్తే, సోలోగా పోటీ చేసిన చంద్రబాబుకి 23 సీట్లు మాత్రమే వచ్చాయి. జనసేన కేవలం 1 సీట్ మాత్రమే గెలుచుకుంది. రెండు చోట్ల పోటీ చేసిన పవన్‌.. రెండు చోట్లా ఓడిపోయాడు. ఆ ఎన్నికల్లో పవన్ సారథ్యంలోని జనసేన పార్టీ దారుణమైన డిజాస్టర్‌గా నిలిచింది. కారణం ఆ సమయంలో వైఎస్‌ జగన్‌ చాలా స్ట్రాంగ్‌గా ఉన్నారు, ఆయన రాకని జనం కోరుకున్నారు. ప్రతిపక్షంలో చంద్రబాబుకి మంచి కమాండ్‌ ఉంది. రాజకీయంగా ఏపీలో పెద్దగా లోటు లేదు. పైగా పవన్‌ కళ్యాణ్‌ ఎంత వరకు రాజకీయాల్లో నిలబడతాడనే నమ్మకం జనాల్లో లేదు. ఆయన ఓ వైపు సినిమాలు చేస్తున్నారు, మరోవైపు అడపాదడపా రాజకీయాల్లో తిరుగుతున్నారు. పూర్తిగా రాజకీయాలకు కట్టుబడి ఉండటం లేదు. దీంతో పవన్‌ పై ప్రజల్లో నమ్మకం లేదు. దాని వల్లే ఆయన ఓడిపోవాల్సి వచ్చింది.

పవన్‌ ఓడిపోవడానికి మరో కారణం కూడా ఉంది. అంతకు ముందే అన్నయ్య చిరంజీవి పార్టీ పెట్టి, ఆ తర్వాత వేరే పార్టీలో తన పార్టీని విలీనం చేశారు. రాజకీయాల్లో కూడా నిలబడలేదు. ఆ ప్రభావం పవన్‌ కళ్యాణ్‌పై పడింది. అన్న లాగే తమ్ముడు కూడా రాజకీయాల్లో పూర్తి కాలం నిలబడలేడనే చర్చ ఎక్కువగా జరిగింది. మరోవైపు ఆయన వ్యక్తిగత విషయాలు కూడా రాజకీయంగా దెబ్బకొట్టాయి. ఇవన్నీ పవన్‌ ఎన్నికల్లో ఓడిపోవడానికి కారణమయ్యాయని చెప్పొచ్చు. ఆ తర్వాత గత ఎన్నిల్లోనూ ఆయన పూర్తి స్థాయిలో రంగంలోకి దిగలేదు. టీడీపీ, బీజేపీతో కలిసి పోటీ చేశారు. చంద్రబాబు అధికారం దక్కించుకోవడానికి సహకరించారు. అదే సమయంలో పోటీ చేసిన అన్నీ సీట్లల్లో జనసేన విజయం సాధించింది. 21 సీట్లకు గానూ 21 గెలుచుకుంది. ఇప్పుడు పవన్‌ డిప్యూటీ సీఎంగా ఏపీలో బాధ్యతలు నిర్వర్తిస్తున్నారు. కానీ ఇప్పట్లో పవన్‌కి సీఎం అయ్యే పరిస్థితి కూడా కనిపించడం లేదు.

ఇదిలా ఉంటే ఇప్పుడు విజయ్‌ మాత్రం పోటీ చేసిన మొదటిసారే అధికారం దక్కించుకునే దిశగా వెళ్తున్నారు. హంగ్‌తో అయిన, లేదంటే ఏఐడీఎంకేతో కలిసి అయినా విజయ్‌ సీఎం అయ్యే అవకాశాలు కనిపిస్తున్నాయి. మరి చిరంజీవి, పవన్‌ కళ్యాణ్‌కి, కమల్‌, విజయ్‌ కాంత్‌లకు సాధ్యం కానిది విజయ్‌ కి ఎలా సాధ్యమయ్యింది అనేది చూస్తే, తమిళనాడులో.. కమల్‌ హాసన్‌, విజయ్‌ కాంత్‌ లు పార్టీలు పెట్టి పోటీ చేసినప్పుడు అక్కడ రాజకీయంగా వ్యాఖ్యూమ్‌ లేదు. అటు కరుణానిధి, జయలలిత రాజకీయంగా స్ట్రాంగ్‌గా ఉన్నారు. కమల్‌ పోటీ చేసినప్పుడు డీఎంకే చాలా స్ట్రాంగ్‌గా ఉంది. పైగా కమల్‌కి రాజకీయంగా అంతగా ఫాలోయింగ్‌ లేదు. దీంతో ఆయన ఓడిపోవాల్సి వచ్చింది. ఇప్పుడు తమిళనాట ఆ రాజకీయ లోడు గట్టిగా ఉంది. అధికారం డీఎంకేపై జనాల్లో వ్యతిరేకత వచ్చింది. దీనికితోడు ప్రతిపక్ష ఏఐడీఎంకే వీక్‌గా ఉంది. అందులో బలమైన నాయకుడు లేకపోవడం పెద్ద లోటు. ఇవన్నీ ఇప్పుడు విజయ్‌కి కలిసి వచ్చాయి. రాజకీయంగా విజయ్‌ లాంటి నాయకుడి అవసరం తమిళనాడులో ఉంది. సరైన సమయంలో విజయ్‌ రాజకీయాల్లోకి వచ్చారు. పైగా రెండేళ్లుగా ఆయన గ్రౌండ్‌ వర్క్‌ చేస్తూ వచ్చారు. ఏ వర్గాన్ని కొట్టాలో పక్కా ప్లాన్‌తో వచ్చారు. టార్గెట్‌ చేసి మరి ఆయా వర్గాల ప్రజల ఓట్లని సొంతం చేసుకున్నారు. యూత్‌ని బాగా ఎట్రాక్ట్ చేశారు. ఇవన్నీ ఆయనకు ఓట్ల రూపంలో కలిసి వచ్చాయి. ఇప్పుడు ఎవరూ ఊహించని విధంగా అధికారం దక్కించుకునే దిశగా వెళ్తున్నారు. ఇదే చిరంజీవి, పవన్‌కి.. విజయ్‌కి ఉన్న తేడా అని చెప్పొచ్చు. విజయ్‌ సక్సెస్‌కి ఇదే కారణమని చెప్పొచ్చు.