Asianet News Telugu

సిగరెట్ లేదా మద్యం.. దేనికి బానిసైతే మానుకోవడం కష్టం? దీని వెనుక ఉన్న అసలు సైన్స్ ఇదే

Narender Vaitla — Wed, 11 Nov 2026 18:30:17 +0530

Facts: సిగరెట్ తాగడం, మద్యం సేవించడం ఆరోగ్యానికి హానికరమని అందరికీ తెలుసు. అయినప్పటికీ చాలామంది అల‌వాట్ల‌ను వ‌దలుకోరు. అయితే సిగరెట్, మద్యం.. ఈ రెండింటిలో దేనికి బానిసైతే ఆ అలవాటును వదిలించుకోవడం ఎక్కువ కష్టం?

సిగరెట్‌లో ఉండే నికోటిన్ అనే రసాయనం చాలా వేగంగా మెదడుకు చేరుతుంది. సిగరెట్ తాగిన కొద్ది సెకన్లలోనే నికోటిన్ మెదడుపై ప్రభావం చూపుతుంది. ఇది మెదడులో డోపమైన్ అనే రసాయనాన్ని విడుదల చేస్తుంది. డోపమైన్ వల్ల సంతోషం, సంతృప్తి, తాత్కాలిక ప్రశాంతత కలిగిన భావన ఏర్పడుతుంది. దీంతో మళ్లీ మళ్లీ సిగరెట్ తాగాలనే కోరిక పెరుగుతుంది. కొంతకాలానికి మెదడు నికోటిన్‌కు అలవాటు పడిపోతుంది. సిగరెట్ తాగకపోతే చిరాకు, ఆందోళన, ఏకాగ్రత తగ్గడం, తలనొప్పి వంటి సమస్యలు ఎదురవుతాయి. ఈ లక్షణాల నుంచి ఉపశమనం పొందేందుకు మళ్లీ సిగరెట్ తాగుతారు. ఇలా శారీరకంగా, మానసికంగా నికోటిన్‌కు బానిసలవుతారు.

మద్యం కూడా మెదడుపై ప్రభావం చూపుతుంది. ఇందులోని ఆల్కహాల్ మెదడులోని న్యూరోట్రాన్స్‌మిటర్ల పనితీరును మార్చుతుంది. దీనివల్ల కొంతసేపు ప్రశాంతంగా ఉన్నట్లు, ఉత్సాహంగా ఉన్నట్లు అనిపిస్తుంది. ఒత్తిడి, ఆందోళన తగ్గినట్లు భావిస్తారు. మొదట్లో స్నేహితులతో కలిసినప్పుడు, వేడుకలు జరిగినప్పుడు మాత్రమే మద్యం సేవించవచ్చు. కానీ క్రమంగా ఒంటరిగా ఉన్నప్పుడు, ఒత్తిడికి గురైనప్పుడు కూడా తాగాలనే కోరిక పెరుగుతుంది. ఒక దశకు చేరుకున్నాక మద్యం లేకుండా ఉండలేని పరిస్థితి ఏర్పడుతుంది. మద్యం మానేయడానికి ప్రయత్నించినప్పుడు వణుకు, చెమటలు పట్టడం, నిద్రలేమి, ఆందోళన వంటి లక్షణాలు కనిపించవచ్చు. తీవ్రమైన వ్యసనం ఉన్నవారిలో అకస్మాత్తుగా మద్యం మానేయడం వల్ల ఫిట్స్, భ్రమలు వంటి ప్రాణాపాయ సమస్యలు కూడా తలెత్తవచ్చు.

సిగరెట్ లేదా మద్యం అలవాటు ఎన్ని రోజుల్లో వ్యసనంగా మారుతుందనే దానికి కచ్చితమైన సమాధానం లేదు. ఇది ప్రతి ఒక్కరిలో ఒకేలా ఉండదు. వ్యక్తి తీసుకునే మోతాదు, ఎంత తరచుగా తీసుకుంటున్నారు, శారీరక పరిస్థితులు, మానసిక స్థితి వంటి అంశాలపై ఆధారపడి ఉంటుంది. కొంతమందికి తక్కువ సమయంలోనే నికోటిన్‌పై ఆధారపడే పరిస్థితి ఏర్పడవచ్చు. మరికొందరిలో ఈ ప్రక్రియకు ఎక్కువ సమయం పట్టవచ్చు. అలాగే మద్యం విషయంలోనూ రోజూ తాగడం, ఎక్కువ మోతాదులో తీసుకోవడం వల్ల వ్యసనం వచ్చే ప్రమాదం పెరుగుతుంది. అందువల్ల సిగరెట్‌కు ఆరు నెలల్లో, మద్యానికి ఒకటి లేదా రెండేళ్లలో వ్యసనం వస్తుందని కచ్చితంగా చెప్పలేం. అప్పుడప్పుడు తీసుకున్నా వ్యసనం వచ్చే అవకాశం లేదని కూడా భావించకూడదు.

ఈ రెండింటిలో ఏ వ్యసనాన్ని మానుకోవడం ఎక్కువ కష్టమో చెప్పడం అంత సులభం కాదు. ఎందుకంటే రెండూ మెదడులోని రివార్డ్ వ్యవస్థపై ప్రభావం చూపుతాయి. అయితే నికోటిన్ చాలా వేగంగా మెదడుకు చేరడం, తరచూ సిగరెట్ తాగాలనే కోరిక కలగడం వల్ల దాని వ్యసనం నుంచి బయటపడటం చాలామందికి కష్టంగా ఉంటుంది. మరోవైపు మద్యానికి బానిసైనవారిలో శారీరక ఆధారపడటం తీవ్రంగా ఉండవచ్చు. మద్యం మానేసినప్పుడు వచ్చే విత్‌డ్రాయల్ లక్షణాలు కొన్నిసార్లు ప్రాణాపాయంగా మారతాయి. అందుకే మద్యం వ్యసనం ఉన్నవారు వైద్యుల పర్యవేక్షణలోనే మానేయాలి. మొత్తంగా చూస్తే.. సిగరెట్ వ్యసనం నుంచి బయటపడటం దీర్ఘకాలికంగా సవాలుగా ఉండొచ్చు. మద్యం వ్యసనాన్ని అకస్మాత్తుగా మానేయడం మాత్రం కొన్ని సందర్భాల్లో మరింత ప్రమాదకరం. కాబట్టి ఏది ఎక్కువ కష్టం అనే దానికంటే రెండింటినీ వీలైనంత త్వరగా వదిలించుకోవడం ముఖ్యం.

సిగరెట్, మద్యం అలవాట్లను వదిలించుకోవడానికి ముందుగా మనకు ఆ అలవాటు ఉందనే విషయాన్ని అంగీకరించాలి. సిగరెట్ తాగాలనే కోరిక వచ్చినప్పుడు కొద్దిసేపు ఆగడం, నడక, వ్యాయామం, ఇతర పనులతో దృష్టి మళ్లించడం ఉపయోగపడుతుంది. నికోటిన్ రీప్లేస్‌మెంట్ థెరపీ, వైద్యుల సూచనతో తీసుకునే మందులు కూడా సిగరెట్ మానేయడానికి సహాయపడతాయి. మద్యం అలవాటు ఉన్నవారు కూడా వైద్యుల సలహా తీసుకోవాలి. ముఖ్యంగా రోజూ ఎక్కువగా మద్యం సేవించే వారు ఒక్కసారిగా మానేయకూడదు. వైద్యుల పర్యవేక్షణలో చికిత్స తీసుకోవడం అవసరం. కుటుంబ సభ్యులు, స్నేహితుల సహకారం కూడా వ్యసనం నుంచి బయటపడటానికి ఉపయోగపడుతుంది.

గమనిక: సిగరెట్, మద్యం రెండూ ఆరోగ్యానికి హానికరమే. వీటిని ఎంత తక్కువగా తీసుకున్నా ప్రమాదం పూర్తిగా తొలగిపోదు. వ్యసనం నుంచి బయటపడేందుకు సరైన సమయంలో వైద్యుల సహాయం తీసుకోవడం ఉత్తమం.

Boeing 737: రూ.5 లక్షలకు విమానం కొని ఇంటి పెరట్లో పాతేసిన యువకుడు.. ఎందుకో తెలుసా?

Haritha Chappa — Wed, 11 Nov 2026 18:10:09 +0530

పాత విమానాలను ఎగ్జిబిషన్ కోసం పెడతారు ఎంతో మంది. లేదా దాన్ని రెస్టారెంట్ కింద మార్చి బిజినెస్ చేయడం కూడ జరుగుతుంది. కానీ ఒక యువకుడు పాత బోయింగ్ విమానం కొని.. దాన్ని సరికొత్తగా వాడుతున్నాడు. యూకేలోని డెర్బీషైర్‌కు చెందిన 45 ఏళ్ల డేవ్ బిల్లింగ్స్ అనే ఇంజనీర్ తన ఇంటి పెరట్లో బోయింగ్ 737 విమానాన్ని పాతేశాడు.

స్క్రాప్ యార్డ్‌లో వదిలేయాల్సిన బోయింగ్ 737-500 విమానం ముందు భాగాన్ని సుమారు 4,000 పౌండ్లకు (సుమారు 5 లక్షల రూపాయలు) కొన్నాడు. ఆ తర్వాత 3 టన్నుల బరువున్న ఈ విమాన భాగాన్ని తన తోటలో 14 అడుగుల లోతులో పాతేశాడు.

మొదట విమానం కొనడాన్ని అతని భార్య వ్యతిరేకించింది. అయితే ఇతని కొడుకుకు విమానాలంటే చాలా ఇష్టం. దీంతో భార్య మాట కూడ వినకుండా స్నేహితుల సపోర్టుతో కొన్నాడు. దాన్ని భూమిలో పాతేశాడు. అందులోనికి రాకపోకలు సాగేలా ప్రత్యేక ఏర్పాట్లు చేసుకున్నాడు. విద్యుత్, తాగునీటి సదుపాయాలతో పాటు సోలార్ ప్యానెళ్లు, సొంత బోరుబావిని ఏర్పాటు చేశాడు. విమానంలోని టాయిలెట్‌ను ఇంటి సెప్టిక్ ట్యాంక్‌కు అనుసంధానించాడు. ప్రత్యేక వెంటిలేషన్ సిస్టమ్‌ను కూడా ఇక్కడ ఏర్పాటు చేస్తున్నారు.

దీన్ని ఒక 'డూమ్స్‌డే బంకర్' (భూకంపం, సునామీ, పెద్ద మహమ్మారి లాంటి కష్టాలు వస్తే సురక్షితంగా ఉండే ప్రదేశం) అని మీడియా వాళ్ళు చెబుతున్నారు. కానీ ఈ వ్యక్తి మాత్రం తన స్నేహితులతో పార్టీలు చేసుకోవడానికి, విశ్రాంతి తీసుకోవడానికి ఇలా ఏర్పాటు చేసుకున్నానని చెబుతున్నాడు.

Father buys Boeing 737 fuselage on Facebook and buries it in his garden in bid to build underground fallout shelter and party bunker

A father who bought a Boeing 737 fuselage on Facebook and spent £4,000 hauling it home has buried the aircraft in his back garden to create the ultimate underground party pad that doubles as a war bunker.

The three-ton body of the Bmibaby Boeing 737-500 is the latest addition to the ambitious nuclear bunker complex that engineer Dave Billings, 45, has spent years building beneath his property in Hilton, Derbyshire.

Inspired by the classic Second World War film The Great Escape, the project has cost him £50,000 so far and features a maze of tunnels, secret chambers and hidden entrances.

Surreal footage shows a team of helpers slowly winching the gigantic aircraft shell into the ground.

Dave estimates that the sophisticated subterranean hideout could sustain his family for up to three months if World War Three broke out.

To ready the bunker for action, Dave plans to install a lift shaft hidden inside a traditional red phone box to carry visitors down into the buried aircraft.

The engineer said that while his aircraft-obsessed eight-year-old son Oliver got on board with the doomsday feat immediately, it took more convincing to get his wife, Beth, to see the vision.

Dave said: 'Beth did wonder why I was spending money on an old plane and said it was junk but she's coming round now.

The ambitious project is documented on his YouTube channel, Tornado Dave, and he expects to complete it by next February.

— That's The Badger! (@Thatsthebad) November 10, 2026

తగినంత ఆహారం దాచుకుంటే, మూడవ ప్రపంచ యుద్ధం లాంటి అత్యవసర పరిస్థితులు వచ్చినా నెలల తరబడి బయటి ప్రపంచంతో సంబంధం లేకుండా తన కుటుంబంతో ఇక్కడ సురక్షితంగా ఉండొచ్చని డేవ్ చెబుతున్నాడు.

మీకు ఉపయోగపడే ప్రభుత్వ హెల్ప్‌లైన్ నంబర్లు.. సేవ్ చేసి పెట్టుకొండి

Arun Kumar P — Wed, 11 Nov 2026 17:19:37 +0530

పీఎఫ్ బ్యాలెన్స్ చెక్ చేయడం, యూపీఐ లావాదేవీలు, ఫిర్యాదులు, సైబర్ మోసాలు, క్రెడిట్ స్కోర్ తెలుసుకోవడం, అవినీతికి వ్యతిరేకంగా ఫిర్యాదు చేయడం వంటి సేవలకు అవసరమైన ముఖ్యమైన ఫోన్ నంబర్లు, కోడ్‌లను ఇక్కడ తెలుసుకొండి.

Longest Train in Asia: ఆసియా ఖండంలోనే పొడవైన రైలు.. ఎక్కడుందో తెలుసా? ఏకంగా 7 ఇంజిన్లు

Nandini Arava — Mon, 09 Nov 2026 18:55:17 +0530

Longest Train in Asia: రైలు సాధారణంగా ఎంత పొడవుటుంది? కిలోమీటర్ లేదా కిలోమీటరున్నర. అలాంటింది ఏకంగా నాలుగున్నర కిలోమీటర్ల పొడవున్న రైలును ఎప్పుడైనా చూశారా? భారతీయ రైల్వే రికార్డు సృష్టించిన ఈ ప్రత్యేక రైలు గురించి ఇప్పుడు తెలుసుకుందాం.

సాధారణంగా రైలు వెళ్తుంటే దాని చివరి బోగీ కనిపించడానికి కొంత సమయం పడుతుంది. అలాంటిది ఏకంగా నాలుగున్నర కిలోమీటర్ల పొడవున్న రైలు వెళ్తే ఎలా ఉంటుంది? ఒకటి కాదు, రెండు కాదు.. ఏకంగా 354 వ్యాగన్లు, వాటిని లాగేందుకు ఏడు ఇంజిన్లు. భారతీయ రైల్వే సరికొత్త రికార్డు సృష్టించిన ఈ ప్రత్యేక రైలు పేరు 'రుద్రాస్త్ర'. ఇంతకీ ఈ రైలు ఎక్కడ నడిచింది? దీని ప్రత్యేకతలేంటి?

భారతీయ రైల్వే చరిత్రలో 2025 ఆగస్టు 7 ఒక ప్రత్యేకమైన రోజు. ఆ రోజు భారతీయ రైల్వే ఏకంగా 4.5 కిలోమీటర్ల పొడవైన గూడ్స్ రైలును విజయవంతంగా నడిపింది. 'రుద్రాస్త్ర' పేరుతో రూపొందించిన ఈ రైలును తూర్పు మధ్య రైల్వే (East Central Railway) పరిధిలోని పండిట్ దీన్ దయాళ్ ఉపాధ్యాయ డివిజన్ అధికారులు ఏర్పాటు చేశారు.

ఉత్తరప్రదేశ్‌లోని చందౌలీ జిల్లాలో ఉన్న గంజ్ ఖ్వాజా రైల్వే స్టేషన్ నుంచి జార్ఖండ్‌లోని గఢ్వా రోడ్ వరకు ఈ రైలు ప్రయాణించింది. మొత్తం 209 కిలోమీటర్ల దూరాన్ని 5 గంటల 10 నిమిషాల్లో పూర్తి చేసింది. గంటకు సగటున 40.5 కిలోమీటర్ల వేగంతో ప్రయాణించింది. భారతీయ రైల్వే నిర్వహించిన ఈ ప్రయోగం ఆసియాలోనే అత్యంత పొడవైన గూడ్స్ రైళ్లలో ఒకటిగా గుర్తింపు పొందింది.

రుద్రాస్త్ర రైలు ప్రత్యేకత దాని పొడవు మాత్రమే కాదు. ఇందులో ఉన్న వ్యాగన్లు, ఇంజిన్లు కూడా. సాధారణంగా ఒక గూడ్స్ రైలులో ఉండే వ్యాగన్ల కంటే ఎన్నో రెట్లు ఎక్కువగా ఇందులో ఉన్నాయి. 6 సరకు రైళ్లను ఒకేదగ్గర కలిపి ఒకే రైలుగా రూపొందించారు. మొత్తం 354 వ్యాగన్లను ఒకదానికొకటి అనుసంధానించి ఈ రైలును రూపొందించారు. వీటి మొత్తం పొడవు సుమారు 4.5 కిలోమీటర్లు. ఒక్కో బోగీ సుమారు 72 టన్నుల సరకు మోయగలదు.

ఇంత పెద్ద రైలును ఒకే ఇంజిన్‌తో లాగడం సాధ్యం కాదు. అందుకే రైల్వే అధికారులు ఏకంగా ఏడు ఇంజిన్లను ఉపయోగించారు. ముందు భాగంలో రెండు ఇంజిన్లను ఏర్పాటు చేయగా, ప్రతి 59 వ్యాగన్ల తర్వాత మరో ఇంజిన్‌ను అమర్చారు. ఇలా రైలు పొడవునా ఇంజిన్లను ఏర్పాటు చేయడం వల్ల అన్ని వ్యాగన్లకు అవసరమైన శక్తి అందుతుంది.

ఈ ప్రయోగం ద్వారా సరుకు రవాణాలో సమయాన్ని ఆదా చేయడంతో పాటు రైల్వే వనరులను మరింత సమర్థంగా వినియోగించుకోవచ్చని అధికారులు భావించారు. ఆరు రైళ్లను వేర్వేరుగా నడపాలంటే ఆరు రైల్వే మార్గాలు, సిబ్బంది, ఇంజిన్లు అవసరమవుతాయి. అదే వాటిని ఒకే రైలుగా నడపడం వల్ల ఆ అవసరం తగ్గుతుంది. ఇతర రైళ్ల రాకపోకలకు కూడా మార్గంలో అదనపు సామర్థ్యం అందుబాటులోకి వస్తుంది.

భారతదేశంలో బొగ్గు, ఇనుము, సిమెంట్ వంటి భారీ సరుకులను ఒక ప్రాంతం నుంచి మరో ప్రాంతానికి తరలించడంలో రైల్వేలు కీలక పాత్ర పోషిస్తున్నాయి. ముఖ్యంగా పరిశ్రమలకు అవసరమైన ముడిసరుకును వేగంగా తరలించడం ఎంతో ముఖ్యం. ఇలాంటి సమయంలో రుద్రాస్త్ర తరహా భారీ గూడ్స్ రైళ్లు రైల్వేలకు ఉపయోగపడతాయి.

వేర్వేరు రైళ్లకు అవసరమయ్యే సమయం, సిబ్బంది, ఇతర వనరులను తగ్గించడంతో పాటు సరుకు రవాణా సామర్థ్యాన్ని పెంచేందుకు ఇలాంటి ప్రయోగాలు దోహదపడతాయి. అందుకే రుద్రాస్త్ర ప్రయోగాన్ని భారతీయ రైల్వేలో కీలక ముందడుగుగా భావిస్తున్నారు. మొత్తానికి నాలుగున్నర కిలోమీటర్ల పొడవు, 354 వ్యాగన్లు, ఏడు ఇంజిన్లతో ప్రయాణించిన రుద్రాస్త్ర.. భారతీయ రైల్వే సామర్థ్యాన్ని చాటిచెప్పిన ప్రత్యేక గూడ్స్ రైలుగా నిలిచిపోయింది.

BHP Train: అది రైలు కాదు, భూకంపానికి మరో రూపం..15000 ఏనుగుల బరువుని తట్టుకోగల ఏకైక ట్రైన్ ఏదో తెలుసా ?

Tirumala Dornala — Wed, 11 Nov 2026 16:25:47 +0530

BHP Iron Ore Train: ప్రపంచంలోనే అత్యంత పొడవైన, బరువైన ట్రైన్ గురించి ఈ కథనంలో తెలుసుకుందాం. ఈ ట్రైన్ బలమైన 15000 ఏనుగుల బరువుని మోసుకెళ్లగలదు. మైండ్ బ్లాక్ చేసే ఈ ట్రైన్ విశేషాలు ఇవిగో.

సాధారణంగా ట్రైన్ ని గమనిస్తే ఒక మహా శక్తి పరుగులు తీస్తున్న ఫీలింగ్ వస్తుంది. ట్రైన్ దగ్గరగా వస్తుంటే మన కాళ్ళ దగ్గర భూమి కంపిస్తున్నట్లు అనిపిస్తుంది. అంతలా ట్రైన్ కదలికలు, ఆ శబ్దం అంత భయంకరంగా ఉంటాయి. ఇవన్నీ సాధారణ రైళ్లు వస్తుంటే కలిగే ఫీలింగ్. అదే సాధారణ ట్రైన్స్ కి కొన్ని రెట్లు పెద్దదిగా, భారీగా ఉండే రాకాసి ట్రైన్ వస్తే ఎలా ఉంటుంది ? భయాన్ని కలిగించే అదొక అద్భుత దృశ్యం అనే చెప్పొచ్చు. ఇదంతా ప్రపంచంలోని అతిపెద్ద ట్రైన్ గురించే. ప్రపంచంలోనే అతిపెద్ద ట్రైన్ పేరు 'బి హెచ్ పి ఐరన్ ఓర్ ట్రైన్ '. ఇది ఆస్ట్రేలియాకి చెందినది. ఈ ట్రైన్ విశేషాలు తెలుసుకుందాం.

ఈ ట్రైన్ మొత్తం పొడవు 7.35 కిలోమీటర్లు. ఈ ట్రైన్ కి మొత్తం 682 భారీ వ్యాగన్లు(భోగీలు), ఈ ట్రైన్ ని నడపడానికి మొత్తం 8 భారీ ఇంజన్లు ఉంటాయి. ఇంత భారీ ట్రైన్ కదులుతుంటే ఎలా ఉంటుందో ఊహించుకుంటుంటేనే అద్భుతం అనిపిస్తుంది.

ఈ ట్రైన్ ఏకంగా 80వేల టన్నుల పైగా బరువుని మోయగలదు. ఈ ట్రైన్ ఏకంగా 82 వేల ఇనుప ఖనిజాన్ని రవాణా చేసి రికార్డు సృష్టించింది. అంటే ఈ ట్రైన్ 15000 బలమైన ఏనుగులకు సమానమైన బరువుని మోయగలదని అర్థం. అంత బరువు మోసే సమయంలో ఈ ట్రైన్ మొత్తం బరువు( ట్రైన్ + ఇనుపఖనిజం) దాదాపు 99,734 టన్నులు.

అంత భారీ బరువుతో 7.35 కిలోమీటర్ల పొడవైన ఈ ట్రైన్ వస్తుంటే 2 కిమీ దూరం నుంచే భూమి కంపిస్తున్న ఫీలింగ్ ఉంటుంది. ట్రైన్ దగ్గరకు వచ్చినప్పుడు దీని 8 భారీ ఇంజన్లు చేసే గర్జనకు చెవులు తూట్లు పడేంత శబ్దం వస్తుంది. ఈ ట్రైన్ ఒక రైల్వే స్టేషన్ ని దాటాలి అంటే ఏకంగా 15 నిమిషాల సమయం పడుతుంది.

ఈ రాక్షస రైలులో ఇంజిన్లు అన్నీ ఒకే చోటు ఉండవు. రైలు ముందు, మధ్యలో, చివరన ఇంజిన్లను పంచుతారు. ప్రతి ఇంజన్ లో లోకో పైలట్ ఉండరు. ఈ ట్రైన్ ని కంట్రోల్ చేయడానికి అధునాతన రేడియో కమ్యూనికేషన్, కంప్యూటర్ కో-ఆర్డినేషన్ సిస్టమ్‌ను వాడతారు.

Moon : ప్రపంచంలో మొట్టమొదట చంద్రుడు ఉదయించే దేశం ఏదో తెలుసా?

Arun Kumar P — Wed, 11 Nov 2026 14:26:04 +0530

ఈ ప్రపంచంలో మొదట సూర్యుడు ఉదయించే దేశమే మొదట అస్తమించే దేశంకూడా. ఆసక్తికరంగా ఇక్కడి ప్రజలకే చంద్రుడు కూడా మొట్టమొదట కనిపిస్తాడు. ఇంత ప్రత్యేకమైన ఆ దేశం ఏదో తెలుసా?

ఆకాశంలో పౌర్ణమి చంద్రుడు కనిపిస్తుంటే ఎంత అందంగా ఉంటుందో ప్రత్యేకంగా చెప్పాల్సిన అవసరం లేదు. అందుకే అమ్మలు చంద్రమామ రావే.. జాబిల్లి రావే అని లాలిపాటలు పాడుతూ పిల్లలను తినిపించడం, పడుకోబెట్టడం చేస్తుంటారు. ఇక ప్రేమసీప్రియులు చంద్రుడి వెన్నెల్లో పాడుకునే రొమాంటిక్ డ్యూయెట్స్ వింటుంటాం, అమ్మాయిల అందాన్ని చంద్రుడితో పోల్చడం చూస్తుంటాం. ఇలా చందమామ మనుషులందరికీ మామలా మారిపోయి చాలా దగ్గరయ్యాడు.

అయితే చందమామ రావే, జాబిల్లి రావే అని మనం ఎంతపిలిచినా రాకుండా ఓ ప్రాంతానికి ముందుగా వెళ్ళిపోతుంటాడు. ఇలా ప్రపంచంలో అందరికంటే ముందుగా చంద్రుడిని చూసే అవకాశం పసిఫిక్ మహాసముద్రంలోని కొన్ని ద్వీప దేశాల ప్రజలకు దక్కుతుంది. ఇలాంటి ప్రాంతాల్లో కిరిబాటి ప్రత్యేకంగా నిలుస్తుంది. న్యూజిలాండ్ సమీపంలోని టోంగా, సమోవా ద్వీపాలు కూడా ఈ విషయంలో ఆసక్తిని కలిగిస్తాయి. మరి చంద్రుడు మొదట కనిపించే ప్రాంతం ఏది? ఈ ప్రాంతాలకు ఆ ప్రత్యేకత ఎలా వచ్చింది? తెలుసుకుందాం.

చంద్రుడు మొదట కనిపించే ప్రాంతం గురించి చెప్పేటప్పుడు కిరిబాటి దేశం పేరు ఎక్కువగా వినిపిస్తుంది. పసిఫిక్ మహాసముద్రంలో ఉన్న ఈ ద్వీప దేశం అంతర్జాతీయ తేదీ రేఖకు సమీపంలో ఉంటుంది... ఈ దేశంలోనే కొత్త రోజు మొదలవుతుంది. కిరిబాటిలోని కిరిటిమతి ద్వీపం కొత్త రోజును ప్రపంచంలోనే ముందుగా స్వాగతించే ప్రాంతంగా ప్రసిద్ధి చెందింది. అందుకే కొత్త సంవత్సరం వేడుకల సమయంలోనూ ఈ ప్రాంతం ప్రత్యేక ఆకర్షణగా నిలుస్తుంది.

పసిఫిక్ మహాసముద్రంలోని కిరిబాటి తర్వాత టోంగా, సమోవా వంటి ద్వీప దేశాలు కూడా ప్రపంచంలోని ఇతర ప్రాంతాల కంటే ముందుగానే కొత్త క్యాలెండర్ రోజులోకి ప్రవేశిస్తాయి. ఈ ప్రాంతాల భౌగోళిక స్థానం, అంతర్జాతీయ తేదీ రేఖకు సంబంధించి వాటి సమయ మండలాలు ఇందుకు కారణం. న్యూజిలాండ్ కూడా ప్రపంచంలో కొత్త రోజును ముందుగా స్వాగతించే దేశాల్లో ఒకటి.

అయితే ప్రపంచంలో ఎక్కడయినా 24 గంటల సమయమే ఉంటుంది… రోజు తొందరగా మొదలవుతుంది అంటే తొందరగా ముగుస్తుందని అర్థం. అంటే సూర్యుడు ఎక్కడయితే తొందరగా ఉదయిస్తాడో అక్కడే తొందరగా అస్తమిస్తాడు... ఆసక్తికరంగా ఇక్కడే చంద్రుడు తొందరగా ఉదయిస్తాడు. ఈ లెక్కన ప్రపంచంలో సూర్యుడే కాదు చంద్రుడు కూడా మొదట కనిపించేది ఈ కిరిబాటి ద్వీపంలోనే.

చంద్రుడు భూమి చుట్టూ తిరుగుతూ ఉండటంతో ప్రతిరోజూ ఆకాశంలో దాని స్థానం మారుతుంది. అందుకే ఒకే ప్రాంతంలో కూడా రోజురోజుకూ చంద్రోదయ సమయం ఒకేలా ఉండదు. సాధారణంగా ఒక రోజు కంటే మరుసటి రోజు చంద్రుడు సుమారు 50 నిమిషాలు ఆలస్యంగా ఉదయిస్తాడు. అయితే ఈ సమయం ఎప్పుడూ ఒకేలా ఉండదు.

చంద్రుడు ఏ దశలో ఉన్నాడు? భూమిపై మనం ఏ ప్రాంతంలో ఉన్నాం? ఆ ప్రాంతం అక్షాంశం, రేఖాంశం ఎంత? వంటి అంశాలు చంద్రోదయ సమయాన్ని ప్రభావితం చేస్తాయి. అంతేకాదు అమావాస్య సమయంలో చంద్రుడు సూర్యుడికి దగ్గరగా కనిపించే దిశలో ఉండటం వల్ల సాధారణంగా మనకు కనిపించడు. మబ్బులు, వాతావరణ పరిస్థితులు కూడా చంద్రుడిని చూసే అవకాశాన్ని ప్రభావితం చేస్తాయి.

అయితే కిరిబాటి, టోంగా, సమోవా వంటి దేశాలు కొత్త రోజును ముందుగా ప్రారంభించే ప్రాంతాలుగా ప్రసిద్ధి చెందాయి. అందుకే చంద్రుడు, సూర్యుడు మొదట కనిపించే ప్రాంతాల గురించి చర్చ వచ్చినప్పుడు ఈ ద్వీప దేశాల పేర్లు తరచూ ప్రస్తావనకు వస్తుంటాయి. కానీ ఎప్పుడూ ఈ దేశాల్లోనూ సూర్యచంద్రులు మొదట ఉదయిస్తారని చెప్పలేేం… కొన్నిసార్లు మారవచ్చు.

Facts: వర్కర్లు ధరించే క్యాప్‌ల రంగుల వెనుక అసలు అర్థం ఏంటో తెలుసా.?

Narender Vaitla — Wed, 11 Nov 2026 14:53:59 +0530

Facts: నిర్మాణ రంగం, ఫ్యాక్టరీలు, పరిశ్రమల్లో కార్మికులు వివిధ రంగుల క్యాప్‌లు ధరిస్తుంటారు. అయితే ప్రతి రంగుకు ఒక ప్రత్యేక అర్థం ఉంటుంది. ఎవరు ఏ విభాగానికి చెందినవారు? వారి బాధ్యతలేంటి? తెలుసుకునేందుకు ఈ రంగుల విధానం ఎలా ఉపయోగపడుతుందో చూద్దాం.

తెలుపు రంగు క్యాప్ (White Helmet) సాధారణంగా ఇంజనీర్లు, సైట్ మేనేజర్లు, ఉన్నత స్థాయి పర్యవేక్షణ అధికారులు ధరిస్తారు. నిర్మాణ పనులు సరిగ్గా జరుగుతున్నాయా? ప్రణాళిక ప్రకారం పనులు కొనసాగుతున్నాయా? నాణ్యతా ప్రమాణాలు పాటిస్తున్నారా? వంటి అంశాలను వీరు పర్యవేక్షిస్తారు. తెలుపు రంగు పరిశుభ్రత, క్రమశిక్షణ, బాధ్యతకు ప్రతీకగా భావిస్తారు. నిర్మాణ ప్రాంతంలో ఇంజనీర్లు, పర్యవేక్షకులను ఇతర సిబ్బంది సులభంగా గుర్తించేందుకు ఈ రంగును ఉపయోగిస్తారు. ఏదైనా సాంకేతిక సమస్య తలెత్తినా, పనులకు సంబంధించి సందేహాలు వచ్చినా సంబంధిత అధికారిని త్వరగా గుర్తించడానికి ఇది ఉపయోగపడుతుంది.

పసుపు రంగు క్యాప్ (Yellow Helmet) సాధారణంగా నిర్మాణ పనులు చేసే కార్మికులు, సాధారణ వర్కర్లు ధరిస్తారు. ఇటుకలు మోయడం, సిమెంట్ కలపడం, యంత్రాల వద్ద పనిచేయడం, ఇతర నిర్మాణ పనుల్లో పాల్గొనడం వంటి బాధ్యతలు వీరిపై ఉంటాయి. పసుపు రంగు ప్రకాశవంతంగా ఉండటంతో దూరం నుంచి కూడా సులభంగా కనిపిస్తుంది. నిర్మాణ ప్రాంతాల్లో భారీ వాహనాలు, యంత్రాలు నిరంతరం కదులుతుంటాయి. అలాంటి ప్రదేశాల్లో కార్మికులను త్వరగా గుర్తించడం చాలా ముఖ్యం. పసుపు రంగు క్యాప్‌లు ఈ విషయంలో సహాయపడతాయి. ముఖ్యంగా తక్కువ వెలుతురు ఉన్న ప్రాంతాల్లో కూడా ఇవి గుర్తింపు పొందేందుకు ఉపయోగపడతాయి.

నీలం రంగు క్యాప్ (Blue Helmet) సాధారణంగా టెక్నీషియన్లు, ఎలక్ట్రికల్ సిబ్బంది, మెషిన్ ఆపరేటర్లు, నిర్వహణ విభాగంలో పనిచేసే వారికి కేటాయిస్తారు. పరిశ్రమల్లో యంత్రాలు నిరంతరం పనిచేస్తుంటాయి. వాటిలో ఏదైనా సాంకేతిక సమస్య తలెత్తితే మరమ్మతులు చేయడం, విద్యుత్ పరికరాలను పరిశీలించడం, యంత్రాల పనితీరును పర్యవేక్షించడం వంటి పనులను టెక్నీషియన్లు నిర్వహిస్తారు. వీరిని ఇతర ఉద్యోగుల నుంచి వేరు చేసి గుర్తించేందుకు నీలం రంగు క్యాప్ ఉపయోగపడుతుంది. యంత్రాల నిర్వహణకు సంబంధించిన సమస్య వచ్చినప్పుడు ఎవరిని సంప్రదించాలో సిబ్బందికి సులభంగా అర్థమవుతుంది.

ఆకుపచ్చ రంగు క్యాప్ (Green Helmet) సాధారణంగా హెచ్ఎస్ఈ (HSE - Health, Safety and Environment) అధికారులు, సేఫ్టీ ఆఫీసర్లు ధరిస్తారు. పరిశ్రమల్లో పనిచేసే ఉద్యోగుల ఆరోగ్యం, భద్రత, పర్యావరణ పరిరక్షణకు సంబంధించిన బాధ్యతలు వీరివి. కార్మికులు భద్రతా నియమాలు పాటిస్తున్నారా? అవసరమైన రక్షణ పరికరాలు ఉపయోగిస్తున్నారా? ప్రమాదకర ప్రాంతాల్లో తగిన జాగ్రత్తలు తీసుకుంటున్నారా? వంటి అంశాలను వీరు పరిశీలిస్తారు. పని ప్రదేశాల్లో ప్రమాదాలు జరగకుండా ముందస్తు చర్యలు తీసుకోవడం వీరి ప్రధాన బాధ్యత.

ఆకుపచ్చ రంగు సాధారణంగా ఆరోగ్యం, భద్రత, ప్రకృతి, పర్యావరణానికి సంకేతంగా భావిస్తారు. అందుకే సేఫ్టీ విభాగంలో పనిచేసే వారికి ఈ రంగును కేటాయించే విధానం కొన్ని సంస్థల్లో కనిపిస్తుంది.

ఎరుపు రంగు క్యాప్ (Red Helmet) సాధారణంగా ఫైర్ సేఫ్టీ సిబ్బంది, ఎమర్జెన్సీ రెస్పాన్స్ టీమ్ సభ్యులు ధరిస్తారు. అగ్ని ప్రమాదాలు జరిగినప్పుడు స్పందించడం, మంటలను అదుపు చేయడం, కార్మికులను సురక్షిత ప్రాంతాలకు తరలించడం వంటి బాధ్యతలను వీరు నిర్వహిస్తారు. ఎరుపు రంగు ప్రమాదం, అప్రమత్తత, అత్యవసర పరిస్థితులకు సంకేతంగా ఉంటుంది. అందువల్ల ప్రమాదం జరిగినప్పుడు ఫైర్ సేఫ్టీ సిబ్బందిని ఇతర ఉద్యోగులు వెంటనే గుర్తించేందుకు ఈ రంగు ఉపయోగపడుతుంది. ముఖ్యంగా పరిశ్రమల్లో అగ్ని ప్రమాదాలు జరిగినప్పుడు సమయానికి స్పందించడం ఎంతో ముఖ్యం.

బ్రౌన్ రంగు క్యాప్ (Brown Helmet) సాధారణంగా వెల్డర్లు, అధిక ఉష్ణోగ్రతల వద్ద పనిచేసే సిబ్బందికి కేటాయిస్తారు. ఇనుప వస్తువులను వెల్డింగ్ చేయడం, లోహాలను కత్తిరించడం, వేడి పరికరాలతో పనిచేయడం వంటి పనులను వీరు చేస్తుంటారు. వెల్డింగ్ సమయంలో నిప్పు రవ్వలు, అధిక వేడి, కాంతి వల్ల ప్రమాదాలు జరిగే అవకాశం ఉంటుంది. అందువల్ల ఈ విభాగంలో పనిచేసే వారిని ప్రత్యేకంగా గుర్తించేందుకు బ్రౌన్ రంగు క్యాప్‌లను ఉపయోగించే విధానం కొన్ని పరిశ్రమల్లో ఉంది. వీరికి సాధారణ క్యాప్‌తో పాటు వెల్డింగ్ హెల్మెట్, ముఖ రక్షణ కవచం, చేతి తొడుగులు వంటి అదనపు భద్రతా పరికరాలు కూడా అవసరం.

క్యాప్‌లకు రంగులు కేటాయించడం వెనుక అసలు ఉద్దేశం ఏంటి?

పరిశ్రమలు, నిర్మాణ ప్రాంతాల్లో వందల మంది కార్మికులు ఒకేసారి పనిచేస్తుంటారు. అలాంటి సమయంలో ప్రతి ఒక్కరి పేరు, హోదా తెలుసుకోవడం కష్టం. ముఖ్యంగా ప్రమాదాలు జరిగినప్పుడు ఎవరిని సంప్రదించాలి? ఎవరు ఏ బాధ్యత నిర్వహిస్తున్నారు? అనే విషయాలు వెంటనే తెలుసుకోవాల్సి ఉంటుంది. ఈ సమస్యకు రంగుల విధానం ఒక పరిష్కారంగా మారింది. క్యాప్‌ల రంగులను బట్టి ఉద్యోగుల విభాగాలను సులభంగా గుర్తించవచ్చు. దీనివల్ల పనుల పర్యవేక్షణ వేగంగా జరుగుతుంది. అత్యవసర పరిస్థితుల్లో సంబంధిత సిబ్బందిని త్వరగా సంప్రదించవచ్చు. కొత్తగా పనిలో చేరినవారికి కూడా వివిధ విభాగాల ఉద్యోగులను గుర్తించడం సులభమవుతుంది.

అయితే ఒక ముఖ్యమైన విషయం గుర్తుంచుకోవాలి. ప్రపంచవ్యాప్తంగా అన్ని పరిశ్రమల్లో ఒకే రకమైన క్యాప్‌ల రంగుల నిబంధన లేదు. కొన్ని దేశాల్లో, సంస్థల్లో, నిర్మాణ ప్రాజెక్టుల్లో రంగుల కేటాయింపులు భిన్నంగా ఉంటాయి. ఆయా సంస్థల భద్రతా నిబంధనలను బట్టి ఈ రంగులను నిర్ణయిస్తారు. ఉదాహరణకు, బ్రిటన్‌లోని హైవేస్ ఇంగ్లండ్ సంస్థ కూడా తన నిర్మాణ ప్రాజెక్టుల కోసం ప్రత్యేక హెల్మెట్ రంగుల విధానాన్ని రూపొందించింది. అలాగే క్యాప్ రంగు వల్ల భద్రత లభించదు. అది కేవలం ఉద్యోగి బాధ్యతను గుర్తించడానికి మాత్రమే ఉపయోగపడుతుంది. ప్రమాదాల నుంచి తలకు రక్షణ కల్పించాలంటే నాణ్యమైన సేఫ్టీ హెల్మెట్ ధరించడం, దాని నాణ్యతా ప్రమాణాలు, సరైన వినియోగం ముఖ్యం.

ప్రపంచంలోనే అత్యంత కట్టుదిట్టమైన భద్రత ఉన్న టాప్ 5 జైళ్లు, నరకానికి డెలివరీ అడ్రస్ అని ఏ జైలుని అంటారు?

Mahesh Jujjuri — Wed, 11 Nov 2026 13:17:32 +0530

ప్రపంచంలో కరుడుగట్టిన నేరస్తులు చాలామంది ఉన్నారు. సమాజానికి ఎంతో ప్రమాదకరమైన వారిని.. సాధారణ జైళ్లలో పెడితే.. వారు ఎప్పటికైనా తప్పించుకునే అవకాశం ఉంటుంది. అటువంటి వారికోసం ప్రత్యేకంగా కట్టిన టాప్ 5 జైళ్ల గురించి మీకు తెలుసా?

నేరస్థులను మార్చడానికి.. సమాజానికి దూరంగా ఉంచడానికి జైళ్లను నిర్మిస్తారు. అయితే, ప్రపంచంలో కొన్ని అత్యంత ప్రమాదకరమైన నేరస్థులు, ఉగ్రవాదులు , సీరియల్ కిల్లర్ల కోసం ప్రత్యేకంగా నిర్మించిన కొన్ని జైళ్లు ఉన్నాయి. ఇక్కడి భద్రతా ఏర్పాట్లు ఎంత కఠినంగా ఉంటాయంటే, ఇక్కడి నుంచి ఏ ఒక్క ఖైదీ కూడా తప్పించుకోవడం అసాధ్యం. ప్రపంచంలోనే అత్యంత కట్టుదిట్టమైన భద్రత ఉండే టాప్ 5 జైళ్ల గురించి తెలుసుకుందాం.

ఫూచూ జైలు, జపాన్

ఈ లిస్ట్ లో ఐదవ స్థానంలో జపాన్‌లోని ఫూచూ జైలు ఉంది. ఈ జైలులో ఇప్పటివరకు ఒక్కరంటే ఒక్క ఖైదీ కూడా తప్పించుకోలేకపోయారు. ఇక్కడ వెయ్యి మందికి పైగా సెక్యూరిటీ సిబ్బంది 24 గంటలు పహారా కాస్తుంటారు . ఈ జైలులో అత్యాధునిక బయోమెట్రిక్ స్కానింగ్, కంటి కదలికలను కూడా కనిపెట్టే ఏఐ కెమెరాలు ఉన్నాయి. అలాగే, నేల మీద ఎవరైనా సొరంగాల ద్వారా తప్పించుకోవడానికి ప్రయత్నిస్తే క్షణాల్లో పసిగట్టే సున్నితమైన సౌండ్ వైబ్రేషన్ సెన్సార్లు కూడా అమర్చబడి ఉన్నాయి.

నాల్గవ స్థానంలో బ్రిటన్‌లోని హెచ్‌ఎంపీ బెల్మార్ష్ జైలు ఉంది. ప్రపంచంలోనే అత్యంత ప్రమాదకరమైన ఉగ్రవాదులు, దేశద్రోహులు ఈ హై సెక్యూరిటీ జైలులో ఉంటారు. ఈ జైలు చుట్టూ ఉండే గోడల ఎత్తు ఏకంగా 20 అడుగులు ఉంటుంది. నిత్యం సాయుధ బలగాలు, డాగ్ స్క్వాడ్‌లు ఇక్కడ 24 గంటలు పహారా కాస్తుంటాయి.

గ్వాంటనామో బే, క్యూబా

మూడవ స్థానంలో క్యూబాలోని సముద్రం మధ్యలో ఉండే గ్వాంటనామో బే జైలు ఉంది. ఈ జైలు నుంచి ఖైదీలు తప్పించుకోవడం దేవుడెరుగు, కనీసం బయట నుంచి ఒక చిన్న పిట్ట కూడా లోపలికి రాలేదు. ఈ జైలు చుట్టూ ఏకంగా లక్షలాది ల్యాండ్ మైన్స్ బాంబులను పాతారు.

రెండవ స్థానంలో రష్యాలోని బ్లాక్ డాల్ఫిన్ జైలు ఉంది. రష్యాలోని ఈ జైలులో ఉన్నవారంతా అత్యంత క్రూరులైన నరహంతకులు, ఉగ్రవాదులే. ఇక్కడ ఒక్కో ఖైదీకి సగటున ముగ్గురు గార్డులు, సైబీరియన్ వేట కుక్కలు కాపలాగా ఉంటాయి.

ఏడీఎక్స్ ఫ్లోరెన్స్, అమెరికా

మొదటి స్థానంలో అమెరికాలోని కొలరాడో కొండల మధ్య ఉన్న ఏడీఎక్స్ ఫ్లోరెన్స్ జైలు ఉంది. ఈ జైలును "నరకానికి డెలివరీ అడ్రస్" అని పిలుస్తారు. గత 30 ఏళ్లుగా ఈ జైలు నుండి ఒక్క ఖైదీ కూడా తప్పించుకోలేకపోయాడు. ఇక్కడ 400 మందికి పైగా అత్యంత భయంకరమైన ఖైదీలు ఉన్నారు. ప్రతి ఖైదీని 24 గంటల పాటు పూర్తిగా కాంక్రీట్‌తో చేసిన చీకటి గదిలోనే ఉంచుతారు .

Trains: మనదేశంలో మొత్తం ఎన్ని రైళ్లు ఉన్నాయి? ప్రతిరోజూ ఎన్ని కోట్ల మంది రైళ్లలో ప్రయాణం చేస్తారు?

Haritha Chappa — Wed, 11 Nov 2026 12:53:05 +0530

Trains: మనదేశంలో ప్రధాన రవాణా వ్యవస్థ రైల్వే. ప్రతిరోజూ కోట్లమంది రైళ్లలో ప్రయాణం చేస్తారు. అసలు మనదేశంలో ఎన్ని రైళ్లు ఉన్నాయి? వాటిలో గూడ్స్ రైళ్లు ఎన్ని? ప్రయాణికుల రైళ్లు ఎన్ని? ఈ వివరాలు తెలుసుకోండి.

భారతదేశ రవాణా వ్యవస్థలో రైల్వే అత్యంత కీలకమైన పాత్ర పోషిస్తోంది. దేశవ్యాప్తంగా దాదాపు 68,584 కిలోమీటర్ల మేర విస్తరించిన ఈ నెట్‌వర్క్ ప్రపంచంలోనే నాల్గవ అతిపెద్దదిగా గుర్తింపు పొందింది. 1853 ఏప్రిల్ 16న ముంబైలోని బోరిబందర్ నుంచి ఠాణే మధ్య కేవలం 34 కిలోమీటర్ల దూరం సాగిన మొదటి ప్రయాణం నేడు దేశ నలుమూలలనూ కలిపే అతిపెద్ద ప్రజా రవాణాగా అవతరించింది. చౌకైన చార్జీలు, సురక్షిత ప్రయాణం కారణంగా సామాన్యులు రోడ్డు లేదా విమాన మార్గాల కంటే రైలు ప్రయాణానికే ఎక్కువ ప్రాధాన్యత ఇస్తుంటారు.

దేశంలో ప్రస్తుతం రోజుకు 23,000 కంటే ఎక్కువ రైళ్లు పట్టాలపై పరుగులు తీస్తున్నాయి. ఇందులో సాధారణ ప్రయాణికులను గమ్యస్థానాలకు చేర్చే ప్యాసింజర్ రైళ్లు 13,000 పైగా ఉంటే, మిగిలినవి వివిధ ప్రాంతాలకు నిత్యావసర సరుకులు తరలించే గూడ్స్ రైళ్లు. సాధారణ రోజుల్లోనే ప్రతిరోజూ సుమారు 2.40 కోట్ల నుంచి 2.50 కోట్ల మంది రైళ్ల ద్వారా ప్రయాణిస్తుంటారు. ఈ సంఖ్య ప్రపంచంలోని ఎన్నో దేశాల మొత్తం జనాభా కంటే ఎక్కువ కావడం గమనార్హం. ప్రయాణికుల రాకపోకలకు అనుగుణంగా రైల్వే శాఖ నిరంతరం కొత్త మార్గాలు వేస్తూ, పాత ట్రాకులను ఆధునీకరిస్తోంది.

దీపావళి, ఛట్ పూజ, సంక్రాంతి, హోలీ వంటి పెద్ద పండుగల సమయంలో రైళ్లలో ప్రయాణికుల రద్దీ ఊహించని రీతిలో పెరుగుతుంది. పండుగల సీజన్లలో కుటుంబాలను కలుసుకోవడానికి సుమారు 2 కోట్లకు పైగా జనం అదనంగా ప్రయాణాలు చేస్తుంటారు. ఈ విపరీతమైన రద్దీని తట్టుకోవడానికి రైల్వే శాఖ ప్రతి ఏటా దాదాపు 18,000 ప్రత్యేక రైళ్లను నడుపుతోంది. ముఖ్యమైన స్టేషన్లలో తొక్కిసలాటలు జరగకుండా ప్రత్యేక వెయిటింగ్ షెడ్లు, అదనపు టికెట్ కౌంటర్లు, భద్రతా ఏర్పాట్లు చేస్తూ ప్రజలు సురక్షితంగా ఇళ్లకు చేరుకునేలా అధికార యంత్రాంగం చర్యలు చేపడుతోంది.

ఆకలి తీర్చుకోవడానికి మట్టి రొట్టెలు తింటున్న ప్రజలు.. ఆ దేశంలో ఎందుకింత పేదరికం?

Haritha Chappa — Wed, 11 Nov 2026 12:31:50 +0530

ప్రపంచంలో అత్యంత పేద దేశం అది. తినడానికి తిండి కూడా లేక మట్టితోనే రొట్టెలు చేసుకుని తింటున్నారు. తీవ్రమైన ఆహారకొరతతో స్థానికంగా దొరికే మట్టినే ఆహారంగా మార్చుకున్నారు. గోధుమపిండి కొనలేక ఇలా మట్టిని ఎంపిక చేసుకున్నారు. ఆ దేశం ఏదో తెలుసా?

ప్రపంచంలో ఎన్నో సంపన్న దేశాలు ఉన్నాయి. అక్కడ ప్రజలు ఖరీదైన ఆహార పదార్థాలు తింటూ విలాసవంతమైన జీవితాన్ని గడుపుతున్నారు. కానీ కొన్ని దేశాల్లో మాత్రం కనీసం రెండు పూటలా తిండి కూడా దొరకని పరిస్థితి ఉంది. అలాంటి దేశాల్లో ఒకటి హైతీ. కరేబియన్ సముద్ర ప్రాంతంలో ఉన్న ఈ చిన్న దేశం తీవ్ర పేదరికం, ఆహార కొరతతో ఇబ్బందులు ఎదుర్కొంటోంది. ఇక్కడి పేద ప్రజల పరిస్థితి ఎంత దారుణంగా ఉందంటే.. ఆకలి తీర్చుకోవడానికి మట్టితో చేసిన రొట్టెలు తినాల్సి వస్తోంది. తినడానికి అన్నం, గోధుమ పిండి కూడా కొనలేని పరిస్థితుల్లో కొందరు ప్రజలు మట్టితో చేసిన రొట్టెలనే ఆశ్రయిస్తున్నారు. ముఖ్యంగా పేదరికం ఎక్కువగా ఉన్న ప్రాంతాల్లో ఈ దుస్థితి కనిపిస్తుంది.

హైతీలోని సిటీ సోలైల్ ప్రాంతంలో పేదరికం తీవ్రంగా ఉంది. ఇక్కడ కొందరు ప్రజలు మధ్యాహ్నం భోజనానికి కూడా సరైన ఆహారం కొనలేక ఇబ్బందులు పడుతున్నారు. గోధుమలు, బియ్యం, ఇతర నిత్యావసర వస్తువుల ధరలు పెరగడంతో పేద కుటుంబాలకు ఆహారం అందని పరిస్థితి నెలకొంది. దీంతో ఆకలి బాధ తట్టుకోలేక మట్టితో చేసిన రొట్టెలు తింటున్నారు. దీనికోసం కొండప్రాంతాల్లోని మెత్తని మట్టిన తెస్తారు. ఈ మట్టి రొట్టెను అక్కడ ‘బాన్ బాన్ టె’ అని పిలుస్తారు. సరైన పోషకాహారం అందక అక్కడి ప్రజలు పోషకాహార లోపంతో బాధపడుతున్నారు. పేదరికం కారణంగా వైద్యం అందక ఇబ్బందులు పడుతున్న కుటుంబాలు కూడా ఉన్నాయి. ఈ పరిస్థితి చూస్తే అక్కడి ప్రజల జీవనం ఎంత కష్టంగా ఉందో అర్థమవుతుంది.

ఇంతకీ ఈ మట్టి రొట్టెలను ఎలా తయారు చేస్తారో తెలుసా? కొండ ప్రాంతాల నుంచి తీసుకొచ్చిన మట్టిలో నీరు, ఉప్పు కలిపి ముందుగా ముద్దలా తయారు చేస్తారు. ఆ తర్వాత దాన్ని రొట్టె ఆకారంలో చేసి కొన్ని గంటల పాటు ఎండలో ఆరబెడతారు. పూర్తిగా ఆరిన తర్వాత వాటిపై కొద్దిగా నూనె లేదా వెన్న రాసుకుని తింటారు. వీటిని మట్టి కుకీలుగా కూడా పిలుస్తారు. అయితే ఇవి పోషకాహారానికి ప్రత్యామ్నాయం కావు. మట్టిని తినడం వల్ల ఆరోగ్య సమస్యలు వచ్చే ప్రమాదం కూడా ఉంది. ఆహార కొరత, పేదరికం మనుషులను ఎంతటి దయనీయ స్థితికి నెడతాయో హైతీ పరిస్థితులు చెబుతున్నాయి.

IRCTC Dakshin Bharat Yatra: ఐఆర్‌సీటీసీ దక్షిణ భారత యాత్ర.. 5 దివ్య క్షేత్రాల దర్శనం.. భారతీయ రైల్వేల బంపర్ ఆఫర్

Mahesh Rajamoni — Wed, 11 Nov 2026 12:02:43 +0530

IRCTC Dakshin Bharat Yatra: ఐఆర్‌సీటీసీ అదిరిపోయే గుడ్‌న్యూస్‌ చెప్పింది. ఐఆర్‌సీటీసీ జమ్మూ నుంచి దక్షిణ భారతదేశ యాత్ర కోసం 'భారత్ గౌరవ్' ప్రత్యేక ట్రెయిన్‌ను ప్రకటించింది. ఈ 13 రోజుల టూర్ వివరాలు, ధరలు, ప్యాకేజీ విశేషాలు ఇక్కడ తెలుసుకుందాం.

భారతీయ రైల్వే క్యాటరింగ్ అండ్ టూరిజం కార్పొరేషన్ (IRCTC) ప్రయాణికుల కోసం మరో అద్భుతమైన టూర్ ప్యాకేజీని తీసుకొచ్చింది. నవంబర్ 14 నుంచి జమ్మూ నుంచి 'దక్షిణ భారతదేశ యాత్ర' (Dakshin Bharat Yatra) పేరుతో భారత్ గౌరవ్ ప్రత్యేక పర్యాటక రైలును నడపనున్నట్లు ప్రకటించింది. ఈ యాత్ర మొత్తం 12 రాత్రులు, 13 రోజుల పాటు కొనసాగుతుంది. జమ్మూ నుంచి బయలుదేరే ఈ ట్రెయిన్ ద్వారా ప్రయాణికులు దేశంలోని ప్రముఖ దివ్య క్షేత్రాలను దర్శించుకోవచ్చు.

ఈ టూర్ ప్యాకేజీలో తిరుపతి, రామేశ్వరం, మధురై, కన్యాకుమారి, మార్కాపూర్ (మల్లికార్జున జ్యోతిర్లింగం) వంటి పవిత్ర ప్రదేశాలను కవర్ చేయనున్నారు. ప్రయాణికులు జమ్మూ, పఠాన్‌కోట్ జంక్షన్, అమృత్‌సర్ జంక్షన్, జలంధర్ సిటీ, లుధియానా జంక్షన్, ఎస్‌ఏఎస్ నగర్ మొహాలి, చండీగఢ్, అంబాలా కంటోన్మెంట్, కురుక్షేత్ర, కర్నాల్, పానిపట్, సోనిపట్, ఢిల్లీ సఫ్దర్ గంజ్, మధుర జంక్షన్, ఆగ్రా కంటోన్మెంట్, గ్వాలియర్ జంక్షన్, వీరాంగన లక్ష్మీబాయి (ఝాన్సీ) స్టేషన్లలో ఎక్కవచ్చు.

ప్రయాణికుల సౌకర్యార్థం ఐఆర్‌సీటీసీ ఈ యాత్రను మూడు కేటగిరీలుగా విభజించింది. స్లీపర్ క్లాస్, త్రీ ఏసీ, టూ ఏసీ సౌకర్యాలు అందుబాటులో ఉన్నాయి.

• ఎకానమీ ఎస్ఎల్ కేటగిరీలో ఒక్క వ్యక్తికి రూ. 26,895గా ధర నిర్ణయించారు. అలాగే 5 నుండి 11 సంవత్సరాల పిల్లలకు రూ. 25,390 ఉంటుంది.

• స్టాండర్డ్ 3ఏసీ కేటగిరీ ధర రూ. 42,605 కాగా, పిల్లలకు రూ. 40,835గా ఉంది.

• కంఫర్ట్ 2ఏసీ కేటగిరీలో పెద్దలకు రూ. 56,830, పిల్లలకు రూ. 54,705గా ధరలను ఫిక్స్ చేశారు. ఈ ట్రెయిన్‌లో స్లీపర్ సీట్లు 480, 3ఏసీ సీట్లు 210, 2ఏసీ సీట్లు 50 వరకు అందుబాటులో ఉన్నాయి.

ఈ రైలు ప్రయాణంలో ప్రయాణికులకు కేవలం శాఖాహార భోజనం మాత్రమే అందించనున్నారు. రైలులో, బయట మంచి రెస్టారెంట్లు లేదా హోటళ్లలో భోజన వసతి ఉంటుంది. ప్రయాణికుల భద్రత కోసం రైలులో సెక్యూరిటీ సిబ్బందితో పాటు, ట్రావెల్ ఇన్సూరెన్స్ కూడా కల్పిస్తున్నారు. నవంబర్ 26న టూర్ ముగిసి తిరిగి జమ్మూ చేరుకుంటారు. హోటల్ బస, వాష్ అండ్ ఛేంజ్, రవాణా సౌకర్యాలు ఎంచుకున్న కేటగిరీని బట్టి నాన్ ఏసీ లేదా ఏసీ పద్ధతిలో ఏర్పాటు చేస్తారు.

ఈ టూర్ ప్యాకేజీని బుకింగ్ చేసుకోవడానికి ఆన్‌లైన్ ద్వారా www.irctctourism.com వెబ్‌సైట్‌ను సందర్శించవచ్చు. ప్రయాణికులు తమ వెంట ఓటరు ఐడీ లేదా ఆధార్ కార్డుతో పాటు కోవిడ్ వ్యాక్సినేషన్ సర్టిఫికేట్ తప్పనిసరిగా ఉంచుకోవాలని ఐఆర్‌సీటీసీ సూచించింది. రైలు సమయాలు లేదా ప్రయాణ షెడ్యూల్‌లో మార్పులు ఉండే అవకాశం ఉందని, ప్రయాణానికి ముందు రైల్వే శాఖ నిబంధనలను పాటించాలని అధికారులు తెలిపారు.

House Construction Tips : స్విమ్మింగ్ పూల్‌తో ఇల్లు కట్టాలంటే ఎంత ఖర్చవుతుంది? బడ్జెట్‌లో ఎలా ప్లాన్ చేసుకోవాలి?

Arun Kumar P — Wed, 11 Nov 2026 11:41:12 +0530

స్విమ్మింగ్ పూల్ కూడిన లగ్జరీ ఇల్లు ఉండాలని చాలామంది కలలు కంటుంటారు. అందుకే 1,000 లేదా 1,500 చదరపు అడుగుల్లో ఇల్లు కట్టడానికి, స్విమ్మింగ్ పూల్ ఏర్పాటుకు అయ్యే ఖర్చు, తక్కువ బడ్జెట్‌లో ఎలా పూర్తి చేయవచ్చో ఇక్కడ తెలుసుకుందాం!

సొంతిల్లు కట్టుకోవాలని చాలా మందికి ఉంటుంది. ఆ ఇంటి ముందు ఓ స్విమ్మింగ్ పూల్ కూడా ఉంటే ఇంకెంత బాగుంటుంది? వీకెండ్స్‌లో ఫ్యామిలీతో ఎంజాయ్ చేయడానికి, ఇంట్లోనే స్విమ్మింగ్ ప్రాక్టీస్ చేయడానికి ఇది బాగా ఉపయోగపడుతుంది. కానీ స్విమ్మింగ్ పూల్‌తో ఇల్లు కట్టాలంటే అసలు ఎంత ఖర్చవుతుంది అనే సందేహం చాలా మందికి ఉంటుంది.

2026 నాటి నిర్మాణ అంచనాల ప్రకారం… అన్ని మౌలిక సదుపాయాలతో నాణ్యమైన ఇల్లు నిర్మించడానికి చదరపు అడుగుకు రూ.2,200 నుంచి రూ.2,800 వరకు ఖర్చు అవుతుంది. స్విమ్మింగ్ పూల్ ఖర్చును దీనికి అదనంగా లెక్కించుకోవాలి.

ఉదాహరణకు 1,000 చదరపు అడుగుల్లో ఇల్లు కట్టాలంటే రూ.22 లక్షల నుంచి రూ.28 లక్షల వరకు అవుతుంది. దానికి తోడు ఒక చిన్న లేదా మీడియం సైజ్ స్విమ్మింగ్ పూల్ ఏర్పాటు చేయడానికి రూ.7 లక్షల నుంచి రూ.13 లక్షల వరకు ఖర్చవుతుంది. అంటే స్థలం ధర కాకుండా కేవలం నిర్మాణానికి రూ.29 లక్షల నుంచి రూ.41 లక్షల వరకు ప్రాథమిక బడ్జెట్ అవసరమవుతుంది.

ఇంటి నిర్మాణ వ్యయం అనేది ఆ ఇంటి విస్తీర్ణం, వాడే మెటీరియల్స్ నాణ్యత, గదుల సంఖ్య, అంతస్తుల సంఖ్య, ఇంటీరియర్ డిజైన్ లాంటి అంశాలపై ఆధారపడి ఉంటుంది.

నాణ్యమైన నిర్మాణానికి చదరపు అడుగుకు సగటున రూ.2,200 నుంచి రూ.2,800 వరకు ఖర్చు అవుతుందని అంచనా వేస్తే…

1,000 చదరపు అడుగుల ఇల్లు : రూ.22 లక్షల నుంచి రూ.28 లక్షల వరకు.
1,500 చదరపు అడుగుల ఇల్లు : రూ.33 లక్షల నుంచి రూ.42 లక్షల వరకు.
2,000 చదరపు అడుగుల ఇల్లు: రూ.44 లక్షల నుంచి రూ.56 లక్షల వరకు ఖర్చవుతుంది.

ఇవన్నీ కేవలం ఇంటి నిర్మాణ వ్యయానికి సంబంధించిన అంచనాలు మాత్రమే. స్థలం ధర, మున్సిపల్ పర్మిషన్, కాంపౌండ్ వాల్, బోర్‌వెల్, వాటర్ ట్యాంక్, ఔట్‌డోర్ వర్క్స్, ఇంటీరియర్ డిజైనింగ్ లాంటి వాటన్నింటికీ అదనపు బడ్జెట్ కావాల్సిందే.

స్విమ్మింగ్ పూల్ సైజు, లోతు, నిర్మాణ పద్ధతి, ఉపయోగించే ఎక్విప్‌మెంట్స్ ఆధారంగా ఖర్చు మారుతూ ఉంటుంది. సాధారణంగా ఇళ్లలో నిర్మించే స్విమ్మింగ్ పూల్స్ కోసం మూడు రకాల పద్ధతులను ఎంచుకోవచ్చు.

1. ఆర్‌సీసీ కాంక్రీట్ స్విమ్మింగ్ పూల్

మనకు కావాల్సిన సైజు, ఆకారం, లోతులో నిర్మించుకోవచ్చు. బలమైన నిర్మాణం, పక్కాగా వాటర్ ప్రూఫింగ్ చేయడం చాలా ముఖ్యం. చదరపు అడుగుకు రూ.2,500 నుంచి రూ.4,500 వరకు ఖర్చవుతుంది.

2. ఫైబర్‌గ్లాస్ (FRP) స్విమ్మింగ్ పూల్

ముందుగానే తయారు చేసిన పూల్‌ను తీసుకొచ్చి అమర్చే పద్ధతి ఇది. టైమ్ కూడా చాలా సేవ్ అవుతుంది. దీనికి చదరపు అడుగుకు రూ.1,800 నుంచి రూ.3,500 వరకు ఖర్చవుతుంది.

3. వినైల్ లైనర్ స్విమ్మింగ్ పూల్

తక్కువ బడ్జెట్‌లో ఏర్పాటు చేసుకునేందుకు ఇది బెస్ట్ ఆప్షన్. చదరపు అడుగుకు రూ.1,200 నుంచి రూ.2,000 వరకు అవుతుంది. కానీ ఆ లైనర్‌ను కొంతకాలం తర్వాత కచ్చితంగా మార్చాల్సి ఉంటుంది.

ఉదాహరణకు 12×24 అడుగుల ఆర్‌సీసీ కాంక్రీట్ ఫ్యామిలీ పూల్ నిర్మించడానికి సుమారు రూ.7 లక్షల నుంచి రూ.13 లక్షల వరకు ఖర్చవుతుంది. ఇది కేవలం ప్రాథమిక అంచనా మాత్రమే. తవ్వకం పనులు, పూల్ చుట్టూ వాక్‌వే, లైటింగ్, మోటార్ రూమ్ వంటి వాటికి అదనంగా ఖర్చు అవుతుంది.

స్విమ్మింగ్ పూల్‌తో ఇల్లు కట్టాలన్నంత మాత్రాన లక్షలు లక్షలు ఖర్చు పెట్టాల్సిన అవసరం లేదు. ముందుగానే పక్కాగా ప్లాన్ చేసుకుంటే అనవసర ఖర్చులను తగ్గించుకోవచ్చు.

ఇంటి సైజును ప్లాన్ చేసుకోండి

అవసరానికి మించి పెద్ద సైజు ఇల్లు కట్టడం మానుకోండి. మీకు కావాల్సిన గదులు, వాటి ఉపయోగాన్ని బట్టి డిజైన్ చేసుకోండి.

చిన్న స్విమ్మింగ్ పూల్ ఎంచుకోండి

కేవలం స్విమ్మింగ్ ప్రాక్టీస్ కోసమే అయితే భారీ సైజు పూల్ అవసరం లేదు. మీ స్థలం, బడ్జెట్‌కు సరిపోయే సైజును ఎంచుకోండి.

సింపుల్ డిజైన్‌ను వాడండి

పూల్‌లో కర్వ్స్, వాటర్‌ఫాల్ సెటప్స్, డెకరేటివ్ లైటింగ్స్ లాంటి హంగులను తగ్గిస్తే ఖర్చు బాగా కంట్రోల్ అవుతుంది.

మెటీరియల్స్ ధరలను సరిపోల్చండి

ఒకే క్వాలిటీ ఉన్న మెటీరియల్స్‌ను వేర్వేరు కంపెనీలు ఎంతకు ఇస్తున్నాయో ఆరా తీసి బేరీజు వేసుకోండి.

ఇల్లు కట్టేప్పుడే పూల్ ప్లాన్ చేయండి

ఇంటి ప్లాన్ ఫైనల్ చేసేప్పుడే స్విమ్మింగ్ పూల్ ప్లేస్, ప్లంబింగ్, ఎలక్ట్రికల్ కనెక్షన్స్ లాంటివన్నీ ప్లాన్ చేస్తే తర్వాత మార్పులు చేయడానికి అయ్యే ఖర్చు మిగులుతుంది.

ఖర్చు తగ్గించుకోవడం ముఖ్యం కావొచ్చు.. కానీ భద్రత, నాణ్యత విషయంలో రాజీపడితే భవిష్యత్తులో భారీ మూల్యం చెల్లించుకోవాల్సి వస్తుంది. ఇంటి పునాది, కాంక్రీట్, స్టీల్, ఎలక్ట్రికల్ వైరింగ్, ప్లంబింగ్ పనులకు నాణ్యమైన వస్తువులనే వాడాలి. అలాగే స్విమ్మింగ్ పూల్ కట్టేటప్పుడు వాటర్ ప్రూఫింగ్, ఫిల్టరేషన్ సిస్టమ్, పంపు మోటార్ల క్వాలిటీపై ప్రత్యేక శ్రద్ధ వహించాలి.

స్విమ్మింగ్ పూల్ కట్టే చోట మట్టి స్వభావం ఎలా ఉంది, గ్రౌండ్ వాటర్ లెవెల్ ఎంత, వర్షపు నీరు వెళ్లే మార్గం ఉందా లేదా అన్నది ముందుగానే చెక్ చేయించుకోవాలి. ఒకవేళ టెర్రస్ మీద పూల్ కట్టాలనుకుంటే, నీటి బరువును ఆ బిల్డింగ్ మోయగలదా లేదా అనేది స్ట్రక్చరల్ ఇంజనీర్‌తో కచ్చితంగా సర్టిఫై చేయించుకోవాలి.

స్విమ్మింగ్ పూల్ మెయింటెనెన్స్‌కు ఎంత ఖర్చవుతుంది?

స్విమ్మింగ్ పూల్ కట్టేస్తే సరిపోదు. అందులోని నీటిని శుభ్రంగా, ఆరోగ్యకరంగా ఉంచుకోవడానికి రెగ్యులర్‌గా మెయింటైన్ చేయాలి. నీటి నాణ్యతను చెక్ చేయడం, కెమికల్స్ కలపడం, ఫిల్టర్లను క్లీన్ చేయడం, మోటార్లు, ఇతర పార్ట్స్‌ను సరిగ్గా పనిచేసేలా చూసుకోవడం తప్పనిసరి.

భారత్‌లో ఇంట్లో ఉండే స్విమ్మింగ్ పూల్స్ వార్షిక నిర్వహణ కోసం సుమారు రూ.30 వేల నుంచి రూ.1.5 లక్షల వరకు ఖర్చవుతుంది. పూల్ సైజు, వాడే విధానం, మెయింటైన్ చేసే పద్ధతిని బట్టి ఈ ఖర్చు మారుతుంది. కరెంట్, వాటర్ బిల్లులు, రిపేర్లకు అయ్యే ఖర్చులను కూడా విడిగా లెక్కేసుకోవాలి.

స్విమ్మింగ్ పూల్‌తో ఇల్లు కట్టుకోవాలనేది అందమైన కలే అయినా, దానికి పక్కా ప్లానింగ్ చాలా ముఖ్యం. ముందుగా మీ టోటల్ బడ్జెట్ ఎంతో ఫిక్స్ చేసుకోండి. అందులో ఇల్లు, పూల్, పర్మిషన్లు, ఔట్‌డోర్ వర్క్స్, మెయింటెనెన్స్ కోసం దేనికది విడిగా ఫండ్స్ కేటాయించండి.

ఇంటి ప్లాన్, స్విమ్మింగ్ పూల్ డిజైన్‌ను అనుభవజ్ఞులైన ఆర్కిటెక్ట్, ఇంజనీర్‌తో మాత్రమే గీయించుకోండి. కనీసం ముగ్గురు బిల్డర్ల దగ్గర కొటేషన్స్ తీసుకుని పోల్చి చూడండి. అగ్రిమెంట్‌లో వాడే మెటీరియల్స్ క్వాలిటీ, వర్క్ డీటెయిల్స్, కంప్లీషన్ టైమ్, ఎక్స్‌ట్రా ఛార్జీల గురించి క్లియర్‌గా రాయించుకోండి.

అన్నింటికంటే ముఖ్యంగా అనుకోని ఖర్చుల కోసం మొత్తం ప్రాజెక్ట్ బడ్జెట్‌లో 10 నుంచి 15 శాతం అమౌంట్‌ను ఎమర్జెన్సీ ఫండ్‌గా పక్కన పెట్టుకోవడం మంచిది. సరైన ప్లానింగ్ ఉంటే, అనవసరమైన ఆర్భాటాలకు పోకుండా నాణ్యమైన ఇల్లు, అందమైన స్విమ్మింగ్ పూల్‌ను మీ బడ్జెట్లోనే కట్టుకోవచ్చు.

Arunachala Moksha Yatra : కార్తీకమాసంలో హైదరాబాద్ టు అరుణాచల యాత్ర.. ఈ వీకెండ్ సెలవుల్లోనే IRCTC టూర్ ప్యాకేజీ రెడీ

Arun Kumar P — Wed, 11 Nov 2026 11:06:57 +0530

పవిత్రమైన కార్తీకమాసంలో చాలామంది పుణ్యక్షేత్రాలను సందర్శించాలని ప్లాన్ చేస్తుంటారు. ఇలాంటివారి కోసమే IRCTC ప్రతి వీకెండ్ హైదరాబాద్ నుండి అరుణాచలం టూర్ ప్యాకేజీ సిద్దం చేసింది. ఈ టూర్ వివరాలను ఇక్కడ తెలుసుకుందాం.

ఈ వీకెండ్ రెండో శనివారం, ఆదివారం (నవంబర్ 14,15) రెండ్రోజులు విద్యార్థులు, ఉద్యోగులకు సెలవులు వస్తున్నాయి. దీనికి తోడు ప్రస్తుతం కార్తీక మాసం కొనసాగుతోంది. దీంతో పుణ్యక్షేత్రాలను దర్శించుకోవాలని, కుటుంబంతో కలిసి ఎక్కడికైనా టూర్ వెళ్లాలని ప్లాన్ చేస్తున్నవారికి ఇది మంచి అవకాశం. ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) ప్రత్యేక టూర్ ప్యాకేజీని అందిస్తోంది. ఈ ప్యాకేజీలో హైదరాబాద్ నుండి బయలుదేరి పుదుచ్చేరి, అరుణాచలం, కాంచీపురం వంటి మూడు ప్రముఖ ప్రాంతాలను సందర్శించవచ్చు. ఐదు రోజుల పాటు సాగే ఈ యాత్రలో రైలు ప్రయాణంతో పాటు స్థానిక రవాణా, హోటల్ వసతి వంటి సదుపాయాలు IRCTC కల్పిస్తోంది.

IRCTC అందిస్తున్న ఈ టూర్ ప్యాకేజీ పేరు 'అరుణాచల మోక్ష యాత్ర'. ఇందులో భాగంగా పుదుచ్చేరి, తిరువణ్ణామలైలోని అరుణాచలేశ్వర ఆలయం, కాంచీపురం ప్రాంతాలను సందర్శించవచ్చు. మొత్తం 4 రాత్రులు, 5 రోజుల పాటు ఈ యాత్ర కొనసాగుతుంది. ప్రతి శుక్రవారం కాచిగూడ రైల్వే స్టేషన్ నుంచి ఈ టూర్ ప్రారంభమవుతుంది. ప్రయాణానికి స్లీపర్ క్లాస్ లేదా 3 ఏసీ తరగతులను ఎంచుకోవచ్చు.

మొదటి రోజు.. కాచిగూడ నుంచి రైలు ప్రయాణం

ఈ టూర్ మొదటి రోజు శుక్రవారం సాయంత్రం 5 గంటలకు కాచిగూడ రైల్వే స్టేషన్ నుంచి ప్రయాణం ప్రారంభమవుతుంది. రైలు నంబర్ 17653 కాచిగూడ - పుదుచ్చేరి ఎక్స్‌ప్రెస్‌లో ప్రయాణికులు బయలుదేరాలి. రాత్రంతా రైలు ప్రయాణం ఉంటుంది.

రెండో రోజు.. పుదుచ్చేరి సందర్శన

రెండో రోజు శనివారం ఉదయం 11.05 గంటలకు పుదుచ్చేరి రైల్వే స్టేషన్‌కు చేరుకుంటారు. అక్కడి నుంచి హోటల్‌కు తీసుకెళ్లి బస ఏర్పాటు చేస్తారు. అనంతరం పుదుచ్చేరిలోని ప్రముఖ పర్యాటక ప్రాంతాలను సందర్శిస్తారు.

ముఖ్యంగా అంతర్జాతీయ ప్రాధాన్యం కలిగిన ఆరోవిల్, ఆధ్యాత్మిక కేంద్రంగా ప్రసిద్ధి చెందిన అరవిందో ఆశ్రమం, ప్రకృతి అందాలకు పేరుగాంచిన పారడైజ్ బీచ్‌ను సందర్శించవచ్చు. ఈ ప్రాంతాల సందర్శన అనంతరం రాత్రి పుదుచ్చేరిలోనే బస ఉంటుంది.

మూడో రోజు.. అరుణాచలేశ్వరుడి దర్శనం

మూడో రోజు ఆదివారం ఉదయం హోటల్‌లో అల్పాహారం చేసిన తర్వాత పుదుచ్చేరి నుంచి తిరువణ్ణామలైకి బయలుదేరుతారు. ఈ రెండు ప్రాంతాల మధ్య దూరం సుమారు 120 కిలోమీటర్లు. తిరువణ్ణామలై చేరుకున్నాక హోటల్‌లో చెక్ ఇన్ అవుతారు.

ఆ తర్వాత భక్తులు ప్రసిద్ధ అరుణాచలేశ్వర స్వామి ఆలయాన్ని సందర్శించవచ్చు. కార్తీక మాసంలో అరుణాచల క్షేత్రానికి ప్రత్యేక ఆధ్యాత్మిక ప్రాధాన్యం ఉంటుంది. స్వామివారి దర్శనం చేసుకుని, అక్కడి ఆధ్యాత్మిక వాతావరణాన్ని ఆస్వాదించవచ్చు. రాత్రికి తిరువణ్ణామలైలో బస ఉంటుంది.

నాలుగో రోజు.. కాంచీపురం ఆలయాల సందర్శన

నాలుగో రోజు సోమవారం ఉదయం అల్పాహారం అనంతరం హోటల్ నుంచి చెక్ అవుట్ చేసి కాంచీపురానికి బయలుదేరుతారు. తిరువణ్ణామలై నుంచి కాంచీపురం సుమారు 120 కిలోమీటర్ల దూరంలో ఉంటుంది.

కాంచీపురం చేరుకున్నాక ప్రసిద్ధ కామాక్షి అమ్మవారి ఆలయం, ఏకాంబరేశ్వర స్వామి ఆలయాలను సందర్శిస్తారు. దర్శనాలు పూర్తయిన తర్వాత అక్కడి నుంచి సుమారు 30 కిలోమీటర్ల దూరంలో ఉన్న అరక్కోణం రైల్వే స్టేషన్‌కు చేరుకుంటారు.సాయంత్రం 6.05 గంటలకు బయలుదేరే రైలు నంబర్ 17651లో ప్రయాణం ప్రారంభమవుతుంది. రాత్రంతా రైలు ప్రయాణం ఉంటుంది.

ఐదో రోజు.. తిరిగి కాచిగూడకు

ఐదో రోజు మంగళవారం ఉదయం 7.50 గంటలకు రైలు కాచిగూడ రైల్వే స్టేషన్‌కు చేరుకుంటుంది. దీంతో పుదుచ్చేరి, అరుణాచలం, కాంచీపురం ఐదు రోజుల యాత్ర ముగుస్తుంది.

ఈ టూర్ ప్యాకేజీలో ప్రయాణికుల సంఖ్య, గదులలో ఉండే విధానం, రైలు ప్రయాణ తరగతిని బట్టి ధరలు మారుతాయి. ఒకరి నుంచి ముగ్గురు ప్రయాణికులు కలిసి వెళ్లేవారికి, నలుగురి నుంచి ఆరుగురు ప్రయాణికులు కలిసి వెళ్లేవారికి వేర్వేరు ధరలు నిర్ణయించారు.

1 నుంచి 3 మంది ప్రయాణికులకు ఒక్కొక్కరికి ధరలు

కంఫర్ట్ ప్యాకేజీ (3AC)

ఇద్దరు ఒక గదిలో ఉండే విధానం (Twin Sharing): రూ.16,900

ముగ్గురు ఒక గదిలో ఉండే విధానం (Triple Sharing): రూ.13,210

5 నుంచి 11 ఏళ్ల పిల్లలకు బెడ్‌తో : రూ.10,030

5 నుంచి 11 ఏళ్ల పిల్లలకు బెడ్ లేకుండా : రూ.7,530

స్టాండర్డ్ ప్యాకేజీ (Sleeper Class)

ఇద్దరు ఒక గదిలో ఉండే విధానం : రూ.14,820

ముగ్గురు ఒక గదిలో ఉండే విధానం : రూ.11,125

5 నుంచి 11 ఏళ్ల పిల్లలకు బెడ్‌తో : రూ.7,950

5 నుంచి 11 ఏళ్ల పిల్లలకు బెడ్ లేకుండా : రూ.5,450

4 నుంచి 6 మంది ప్రయాణికులకు ఒక్కొక్కరికి ధరలు

కంఫర్ట్ ప్యాకేజీ (3AC)

ఇద్దరు ఒక గదిలో ఉండే విధానం : రూ.13,900

ముగ్గురు ఒక గదిలో ఉండే విధానం : రూ.11,920

5 నుంచి 11 ఏళ్ల పిల్లలకు బెడ్‌తో : రూ.10,030

5 నుంచి 11 ఏళ్ల పిల్లలకు బెడ్ లేకుండా : రూ.7,530

స్టాండర్డ్ ప్యాకేజీ (Sleeper Class)

ఇద్దరు ఒక గదిలో ఉండే విధానం రూ.11,820

ముగ్గురు ఒక గదిలో ఉండే విధానం : రూ.9,840

5 నుంచి 11 ఏళ్ల పిల్లలకు బెడ్‌తో : రూ.7,950

5 నుంచి 11 ఏళ్ల పిల్లలకు బెడ్ లేకుండా : రూ.5,450

ఈ టూర్ ప్యాకేజీలో ప్రయాణికులకు పలు సదుపాయాలు కల్పిస్తున్నారు. స్టాండర్డ్ ప్యాకేజీ తీసుకున్నవారికి స్లీపర్ క్లాస్‌లో, కంఫర్ట్ ప్యాకేజీ ఎంచుకున్నవారికి 3 ఏసీలో రైలు ప్రయాణం ఉంటుంది. టూర్‌లో భాగంగా తిరిగేందుకు ఏసీ వాహనం ఏర్పాటు చేస్తారు.

రెండు రాత్రుల హోటల్ వసతితో పాటు అల్పాహారం అందిస్తారు. ప్రయాణ భీమా, టూర్ షెడ్యూల్‌లో పేర్కొన్న ప్రాంతాల సందర్శన, టోల్ ఛార్జీలు, పార్కింగ్, వర్తించే జీఎస్టీ కూడా ప్యాకేజీలో భాగంగా ఉంటాయి.

ప్యాకేజీలో లేనివి ఇవే..

మధ్యాహ్న భోజనం, రాత్రి భోజనం, అదనపు ఆహార ఖర్చులు ప్రయాణికులే భరించాలి. రైలు ప్రయాణ సమయంలో ఆహారం కూడా ప్యాకేజీలో ఉండదు. సందర్శించే ప్రాంతాల్లో ప్రవేశ టికెట్లు, బోటింగ్, గుర్రపు స్వారీ వంటి వినోద కార్యక్రమాల ఖర్చులు కూడా అదనంగా చెల్లించాల్సి ఉంటుంది. టూర్ గైడ్ సదుపాయం కూడా లేదు. ప్యాకేజీ ఇన్‌క్లూజన్స్‌లో పేర్కొనని ఇతర సేవలకు ప్రయాణికులే ఖర్చు పెట్టుకోవాలి.

బుకింగ్, ఇతర వివరాల కోసం ఎక్కడ సంప్రదించాలి?

ఈ టూర్ ప్యాకేజీకి సంబంధించిన పూర్తి వివరాలు, బుకింగ్ కోసం IRCTC సౌత్ సెంట్రల్ జోన్ కార్యాలయాన్ని సంప్రదించవచ్చు.

IRCTC – సౌత్ సెంట్రల్ జోన్

చిరునామా : 9-1-129/1/302, 3వ అంతస్తు, ఆక్స్‌ఫర్డ్ ప్లాజా, ఎస్.డి. రోడ్, సికింద్రాబాద్, తెలంగాణ.

సంప్రదించాల్సిన ఫోన్ నంబర్లు

8287932229

8287932228

9701360701

కార్తీక మాసంలో అరుణాచలేశ్వరుడిని దర్శించుకోవాలనుకునేవారికి, అదే సమయంలో పుదుచ్చేరి, కాంచీపురం అందాలను కూడా చూడాలనుకునేవారికి ఈ టూర్ ప్యాకేజీ ఒక మంచి అవకాశం. అయితే ప్రయాణానికి ముందు టూర్ తేదీలు, టికెట్ లభ్యత, ధరలు, బుకింగ్ నిబంధనలను IRCTC వద్ద ఒకసారి నిర్ధారించుకోవడం మంచిది.

Most Powerful Dog: పులిని కూడా భయపెట్టే బలమైన కుక్క.. దీని శక్తి తెలిస్తే షాకవుతారు

Haritha Chappa — Wed, 11 Nov 2026 10:58:24 +0530

Most Powerful Dog: ప్రపంచంలోనే అత్యంత శక్తవంతమైన శునకం గురించి ఇక్కడ వివరించాము. ఇది పులిని కూడా వేటాడేంత శక్తివంతమైనది. అందుకు మేకలకు, గొర్రెలకు కాపలాగా దీన్ని ఎన్నో దేశాల్లో పెంచుకుంటారు. ఇంతకీ ఆ కుక్క ఏ జాతికి చెందిందో తెలుసా?

అడవిలో పులి కనిపిస్తేనే పెద్దపెద్ద జంతువులు భయంతో పరుగులు తీస్తాయి. అలాంటి పులిని ఎదుర్కొనే ధైర్యం ఉన్న కుక్కలు కూడా ఉన్నాయా? ప్రపంచంలోనే అత్యంత బలమైన కుక్క జాతుల్లో ఒకటిగా పేరొందిన కంగల్ గురించి తెలిస్తే ఆశ్చర్యపోతారు. టర్కీకి చెందిన ఈ కుక్కలను గొర్రెలు, మేకల మందలను తోడేళ్లు, ఇతర క్రూర మృగాల నుంచి కాపాడేందుకు పెంచుతారు. భారీ శరీరం, బలమైన కండరాలు, వేగం, శక్తివంతమైన దవడలు వీటి ప్రత్యేకత. అందుకే ప్రమాదకరమైన జంతువులను ఎదుర్కొనే కాపలా కుక్కగా కంగల్‌కు మంచి పేరుంది. అయితే పులిని వేటాడగలదా అన్న ప్రశ్నకు మాత్రం సమాధానం అంత సులువు కాదు.

కంగల్ కుక్క బరువు సాధారణంగా 60 నుంచి 80 కిలోల వరకు ఉంటుంది. దీని కాటు బలం దాదాపు 743 PSIగా చెబుతారు. బలమైన దవడలతో ప్రత్యర్థిని గట్టిగా పట్టుకోగలదు. పులితో పోలిస్తే కంగల్ బలం తక్కువే అయినా, ఇతర జంతువులను ఎదుర్కొనే ధైర్యం, వేగం దీనికి ఉన్నాయి. ముఖ్యంగా పశువులపై దాడి చేసే తోడేళ్లను తరిమికొట్టడంలో ఈ కుక్కలు సమర్థంగా పనిచేస్తాయి. అందుకే వీటిని పశువుల కాపలా కోసం ప్రత్యేకంగా పెంచుతారు.

ఇక బెంగాల్ పులి విషయానికి వస్తే దాని బలం కంగల్ కంటే చాలా ఎక్కువ. ఒక పెద్ద బెంగాల్ పులి బరువు 250 నుంచి 350 కిలోల వరకు ఉంటుంది. దాని కాటు బలం 1,050 PSI కంటే ఎక్కువగా ఉంటుంది. దాదాపు నాలుగు అంగుళాల పొడవైన గోళ్లతో చేసే దాడి కూడా అత్యంత ప్రమాదకరం. పులి తన బరువు, వేగం, పదునైన పంజాలతో పెద్ద జంతువులను సైతం వేటాడగలదు. కాబట్టి కంగల్ ఎంత బలమైన కుక్క అయినా పులిని చంపలేదు కానీ భయపెట్టగలదు.

ఒక చిన్న స్పెర్మ్ నుంచి పూర్తి మనిషి ఎలా తయారవుతాడు.? అసలు ప్రక్రియ తెలిస్తే ఆశ్చర్యపోతారు

Narender Vaitla — Tue, 10 Nov 2026 20:55:12 +0530

Sperm: మనిషి పుట్టుక వెనుక ప్రకృతి సృష్టించిన అద్భుతమైన ప్రక్రియ ఉంటుంది. ఒక చిన్న స్పెర్మ్ (శుక్రకణం), మహిళలోని అండంతో కలిసినప్పుడు కొత్త జీవి ఏర్పడే ప్రక్రియ ప్రారంభమవుతుంది. ఒకే ఒక్క కణం నుంచి పూర్తి మనిషి ఎలా ఏర్పడతాడో తెలుసుకుందాం.

పురుషుల శరీరంలో స్పెర్మ్ తయారయ్యే ప్రక్రియ వృషణాల్లో (Testes) జరుగుతుంది. వృషణాల్లో ఉండే ప్రత్యేకమైన చిన్న గొట్టాల వంటి నిర్మాణాలను సెమినిఫెరస్ ట్యూబ్యూల్స్ అంటారు. వీటిలో స్పెర్మ్ కణాలు నిరంతరం తయారవుతుంటాయి. యుక్తవయస్సు వచ్చిన తర్వాత ఈ ప్రక్రియ ప్రారంభమవుతుంది. స్పెర్మ్ తయారైన వెంటనే పూర్తిగా పరిపక్వం చెందదు. మొదట ఎపిడిడిమిస్ (Epididymis) అనే భాగానికి చేరుకుంటుంది. అక్కడ కొంతకాలం ఉండి పరిపక్వత పొందుతుంది. ఈ సమయంలో స్పెర్మ్‌కు కదిలే సామర్థ్యం కూడా అభివృద్ధి చెందుతుంది. పురుషుడి శరీరంలో ప్రతిరోజూ లక్షల సంఖ్యలో స్పెర్మ్‌లు తయారవుతుంటాయి.

పురుషుడు లైంగిక చర్య సమయంలో వీర్యాన్ని (Semen) బయటకు విడుదల చేస్తాడు. వీర్యంలో లక్షల నుంచి కోట్ల సంఖ్యలో స్పెర్మ్‌లు ఉంటాయి. ఇవి గర్భాశయంలోకి ప్రవేశిస్తాయి. అక్కడి నుంచి ఫెలోపియన్ ట్యూబ్స్ (Fallopian Tubes) వైపు ప్రయాణిస్తాయి. మహిళ అండాశయాల నుంచి విడుదలైన అండం ఫెలోపియన్ ట్యూబ్‌లోకి చేరుతుంది. స్పెర్మ్‌లు ఈ అండాన్ని చేరుకోవడానికి ప్రయత్నిస్తాయి. అయితే అన్ని స్పెర్మ్‌లు అక్కడికి చేరుకోలేవు. చాలావరకు మార్గమధ్యంలోనే నశిస్తాయి. చివరకు కొన్నే అండం దగ్గరకు చేరుకోగలుగుతాయి. వాటిలో సాధారణంగా ఒక స్పెర్మ్ మాత్రమే అండంలోకి ప్రవేశించి ఫలదీకరణ ప్రక్రియను పూర్తి చేస్తుంది.

ఒక స్పెర్మ్ మహిళ అండంతో కలిసినప్పుడు ఫలదీకరణ (Fertilization) జరుగుతుంది. ఈ సమయంలో స్పెర్మ్‌లోని 23 క్రోమోజోములు, అండంలోని 23 క్రోమోజోములతో కలుస్తాయి. దీంతో మొత్తం 46 క్రోమోజోములతో ఒక కొత్త కణం ఏర్పడుతుంది. దీనినే జైగోట్ (Zygote) అంటారు. ఈ జైగోట్‌లో భవిష్యత్తులో ఏర్పడబోయే శిశువుకు సంబంధించిన జన్యు సమాచారం ఉంటుంది. అంటే శిశువు శరీర నిర్మాణం, కళ్ల రంగు, జుట్టు లక్షణాలు, శరీరానికి సంబంధించిన అనేక అంశాలపై ప్రభావం చూపే జన్యువులు ఇందులో ఉంటాయి. తల్లి నుంచి సగం, తండ్రి నుంచి సగం జన్యు సమాచారం అందుతుంది.

ఫలదీకరణ తర్వాత ఏర్పడిన జైగోట్ కణ విభజన ప్రారంభిస్తుంది. మొదట రెండు కణాలుగా, ఆ తర్వాత నాలుగు, ఎనిమిది.. ఇలా క్రమంగా కణాల సంఖ్య పెరుగుతుంది. ఈ కణాలు విభజించుకుంటూ పిండంగా (Embryo) అభివృద్ధి చెందుతాయి. కొన్ని రోజుల తర్వాత ఈ పిండం గర్భాశయ గోడకు అతుక్కుంటుంది. దీనిని ఇంప్లాంటేషన్ అంటారు. ఆ తర్వాత కణాలు వేర్వేరు పనులకు అనుగుణంగా ప్రత్యేక రూపాలను సంతరించుకుంటాయి. కొన్ని కణాలు మెదడు, నాడీ వ్యవస్థగా.. మరికొన్ని గుండె, ఊపిరితిత్తులు, ఎముకలు, కండరాలుగా అభివృద్ధి చెందుతాయి. గర్భధారణ ప్రారంభ దశలోనే గుండె, మెదడు, వెన్నుపాము వంటి ముఖ్యమైన అవయవాల నిర్మాణం మొదలవుతుంది. ఆ తర్వాత వాటి ఎదుగుదల కొనసాగుతుంది. ఇలా ఒకే ఒక్క కణంతో మొదలైన ప్రయాణం క్రమంగా పూర్తి శరీర నిర్మాణానికి దారితీస్తుంది.

గర్భధారణ సమయంలో శిశువు ఎదుగుదల మూడు ప్రధాన దశల్లో కొనసాగుతుంది. మొదటి మూడు నెలల్లో మెదడు, గుండె, చేతులు, కాళ్లు వంటి ముఖ్యమైన శరీర భాగాల నిర్మాణం ప్రారంభమవుతుంది. ఈ దశలోనే పిండం ఆకారం స్పష్టంగా మారుతుంది. రెండో మూడు నెలల్లో శిశువు ఎముకలు, కండరాలు బలపడతాయి. చేతులు, కాళ్లు కదిలించడం ప్రారంభిస్తుంది. ఈ సమయంలో తల్లి కూడా శిశువు కదలికలను గుర్తించగలుగుతుంది. మూడో మూడు నెలల్లో శిశువు బరువు పెరుగుతుంది. మెదడు, ఊపిరితిత్తులు సహా ఇతర అవయవాలు మరింత అభివృద్ధి చెందుతాయి. పుట్టిన తర్వాత బయట ప్రపంచంలో జీవించడానికి శరీరం సిద్ధమవుతుంది. సాధారణంగా గర్భధారణ కాలం చివరి నెలసరి మొదటి రోజు నుంచి లెక్కిస్తే సుమారు 40 వారాలు ఉంటుంది. ఈ కాలం పూర్తయ్యే సరికి శిశువు జననానికి సిద్ధమవుతుంది.

భారతదేశంలో ఈ నగరాన్ని 'సైకిళ్ల నగరం' అని ఎందుకు పిలుస్తారో తెలుసా.?

Narender Vaitla — Tue, 10 Nov 2026 19:40:30 +0530

City of Bicycles: ఒకప్పుడు సైకిళ్లే సామాన్యుల ప్రధాన రవాణా సాధనంగా ఉండేవి. అయితే భారతదేశంలో ఒక నగరానికి మాత్రం సైకిళ్ల తయారీ కేంద్రంగా ప్రత్యేక గుర్తింపు ఉంది. అందుకే ఆ నగరాన్ని 'సైకిళ్ల నగరం' అని పిలుస్తారు. ఇంత‌కా న‌గరం ఏంటంటే?

పంజాబ్ రాష్ట్రంలోని లూథియానా నగరాన్ని సైకిళ్ల నగరం అని పిలుస్తారు. దేశంలో సైకిళ్ల తయారీకి అతిపెద్ద కేంద్రాల్లో ఇది ఒకటి. ఇక్కడ అనేక చిన్న, పెద్ద పరిశ్రమలు సైకిళ్లు, వాటి విడిభాగాలను తయారు చేస్తున్నాయి. దేశీయ మార్కెట్‌కు అవసరమైన సైకిళ్ల సరఫరాలో లూథియానా కీలక పాత్ర పోషిస్తోంది. అందుకే ఈ నగరానికి సైకిల్ పరిశ్రమతో ప్రత్యేక గుర్తింపు ఏర్పడింది.

1947లో భారతదేశ విభజన తర్వాత లాహోర్, పరిసర ప్రాంతాల నుంచి అనేకమంది కార్మికులు, వ్యాపారవేత్తలు లూథియానాకు వలస వచ్చారు. వీరిలో చాలామందికి సైకిళ్ల తయారీ, విడిభాగాల ఉత్పత్తిలో మంచి అనుభవం ఉండేది. వారు తమ నైపుణ్యంతో పాటు పరిశ్రమల ఏర్పాటుకు అవసరమైన పరిజ్ఞానాన్ని కూడా తీసుకొచ్చారు. దీంతో లూథియానాలో క్రమంగా సైకిల్ తయారీకి సంబంధించిన చిన్న పరిశ్రమలు ప్రారంభమయ్యాయి.

1950లో మన్మోహన్ సింగ్ మర్టన్ లూథియానాలో 'ప్రభాత్' పేరుతో తొలి సైకిల్ ఫ్యాక్టరీని ప్రారంభించినట్లు చెబుతారు. ఆ తర్వాత నగరంలో మరిన్ని పరిశ్రమలు ఏర్పడ్డాయి. మొదట చిన్న స్థాయిలో ప్రారంభమైన ఈ వ్యాపారం క్రమంగా భారీ తయారీ రంగంగా అభివృద్ధి చెందింది. సైకిళ్ల తయారీతో పాటు విడిభాగాల ఉత్పత్తిలోనూ లూథియానా ప్రత్యేకతను సంపాదించింది.

సైకిళ్ల తయారీలో నాణ్యత పెరగడంతో లూథియానా పరిశ్రమలు దేశీయ మార్కెట్‌తో పాటు విదేశీ మార్కెట్లపైనా దృష్టి పెట్టాయి. సైకిళ్ల విడిభాగాలు, ఇతర ఉత్పత్తులను వివిధ దేశాలకు ఎగుమతి చేయడం ప్రారంభించాయి. టైర్లు, మెటల్ విడిభాగాలు, సైకిల్ అసెంబ్లీ వంటి అనుబంధ పరిశ్రమలు కూడా ఇక్కడ అభివృద్ధి చెందాయి. దీంతో లూథియానా దేశంలోనే కాకుండా అంతర్జాతీయ స్థాయిలోనూ సైకిల్ తయారీ కేంద్రంగా గుర్తింపు పొందింది.

లూథియానా సైకిల్ పరిశ్రమ నగర ఆర్థికాభివృద్ధిలో కీలక పాత్ర పోషిస్తోంది. ప్రత్యక్షంగా సైకిళ్ల తయారీ పరిశ్రమల్లో పనిచేసే వారితో పాటు విడిభాగాల తయారీ, రవాణా, ప్యాకేజింగ్, విక్రయ రంగాల్లోనూ వేలాది మందికి ఉపాధి లభిస్తోంది. ఎన్నో దశాబ్దాలుగా ఈ పరిశ్రమ నగరానికి ఆర్థికంగా అండగా నిలుస్తోంది. ఆధునిక కాలంలో బైక్‌లు, కార్ల వినియోగం పెరిగినా సైకిళ్లకు ఉన్న డిమాండ్ కొనసాగుతోంది. అందుకే లూథియానా ఇప్పటికీ 'సైకిళ్ల నగరం'గా తన ప్రత్యేక గుర్తింపును నిలబెట్టుకుంది.

Largest River in South India: దక్షిణ భారతంలో అతిపెద్ద నది.. దీని ప్రత్యేకతలు తెలిస్తే షాక్ అవుతారు

Mahesh Rajamoni — Tue, 10 Nov 2026 19:26:03 +0530

Largest River in South: దక్షిణ భారత దేశంలో అతిపెద్ద నది గోదావరి నది. దీనిని దక్షిణ గంగ అని కూడా పిలుస్తారు. గోదావరి నది ఎక్కడ పుట్టింది? దీని ప్రాముఖ్యత, ప్రత్యేకతలు ఏంటో ఇక్కడ తెలుసుకుందాం.

దక్షిణ భారత దేశంలో అతిపెద్ద నది అంటే ముందుగా గుర్తుకు వచ్చే పేరు గోదావరి. దీన్ని దక్షిణ గంగ లేదా గంగ ఆఫ్ ది సౌత్ అని కూడా పిలుస్తారు. ద్వీపకల్ప భారతదేశంలో పొడవు, బేసిన్ విస్తీర్ణం, నీటి ప్రవాహం పరంగా గోదావరి అతిపెద్ద నది. ఇది సుమారు 1,465 కిలోమీటర్ల మేర ప్రవహిస్తూ.. అనేక భారతీయ రాష్ట్రాల వ్యవసాయం, తాగునీరు, సంస్కృతి, ఆర్థిక వ్యవస్థలో కీలక పాత్ర పోషిస్తోంది.

గోదావరి నది మహారాష్ట్రలోని నాసిక్ సమీపంలో ఉన్న త్రయంబకేశ్వర్ వద్ద పశ్చిమ కనుమలలో పుడుతుంది. అక్కడి నుంచి ఈ నది తూర్పు దిశగా దక్కన్ పీఠభూమి మీదుగా ప్రవహించి చివరకు బంగాళాఖాతంలో కలుస్తుంది. దీని ప్రయాణం మహారాష్ట్ర, తెలంగాణ, ఆంధ్రప్రదేశ్, ఛత్తీస్‌గఢ్, ఒడిశా రాష్ట్రాల గుండా సాగుతుంది. ఈ భౌగోళిక విస్తృతి గోదావరిని భారతదేశంలోనే అత్యంత ముఖ్యమైన నదీ వ్యవస్థలలో ఒకటిగా మారుస్తోంది.

దక్షిణాదిలో దీనికి ఉన్న మతపరమైన, సాంస్కృతిక ప్రాముఖ్యత కారణంగా గోదావరిని దక్షిణ గంగ అంటారు. ఉత్తర భారతదేశంలో గంగా నదిని ఎంత పవిత్రంగా భావిస్తారో, ఇక్కడ గోదావరిని కూడా కోట్ల మంది భక్తులు అలాగే కొలుస్తారు. దీని ఒడ్డున అనేక ప్రముఖ పుణ్యక్షేత్రాలు ఉన్నాయి. ప్రతి 12 సంవత్సరాలకు ఒకసారి వచ్చే జ్యోతిష్య చక్రం ప్రకారం నిర్వహించే గోదావరి పుష్కరాలలో భారీ సంఖ్యలో భక్తులు పాల్గొంటారు. ఈ సమయంలో నదిలో స్నానం చేయడం అత్యంత పవిత్రమైనదిగా భావిస్తారు.

గోదావరి అత్యంత అద్భుతమైన లక్షణాలలో ఒకటి దాని విశాలమైన డ్రైనేజీ బేసిన్. ఇది సుమారు 312,812 చదరపు కిలోమీటర్ల విస్తీర్ణాన్ని కలిగి ఉంది. ఇది భారతదేశ భౌగోళిక విస్తీర్ణంలో దాదాపు 10 శాతం ఉంటుంది. ఈ నది తెలంగాణ, ఆంధ్రప్రదేశ్ వంటి పెద్ద ప్రాంతాలలో వ్యవసాయానికి ప్రధాన ఆధారం. దీని నీటిని సాగునీరు, తాగునీరు, పరిశ్రమలు, విద్యుత్ ఉత్పత్తి కోసం ఉపయోగిస్తున్నారు. ప్రాణహిత, ఇంద్రావతి, మంజీర, శబరి, పూర్ణ, ప్రవర వంటి అనేక ఉపనదులు దీనికి ఉన్నాయి. వీటిలో ప్రణహిత అతిపెద్ద ఉపనదిగా గుర్తింపు పొందింది.

ఈ నది బంగాళాఖాతాన్ని సమీపించే సమయంలో అనేక పాయలుగా విడిపోయి ఆంధ్రప్రదేశ్‌లో పెద్ద డెల్టాను ఏర్పరుస్తుంది. ఈ ప్రాంతం దాని సారవంతమైన నేల, విస్తృతమైన వ్యవసాయ కార్యకలాపాలకు ప్రసిద్ధి చెందింది. గోదావరి డెల్టా వరి సాగుకు చాలా ముఖ్యం. ఇది రైతులకు అండగా నిలుస్తూ రాష్ట్ర వ్యవసాయ ఉత్పత్తికి ఎంతగానో తోడ్పడుతోంది. నది తెచ్చే ఒండ్రుమట్టి నేలను సారవంతం చేయడానికి సహాయపడుతుంది.

గోదావరి నదిపై అనేక ప్రధాన నీటి పారుదల ప్రాజెక్టులు ఉన్నాయి. మహారాష్ట్రలో ఉన్న జైకావాడి డ్యామ్ సాగునీరు, తాగునీటి అవసరాలను తీరుస్తుంది. తెలంగాణలో శ్రీరామసాగర్ ప్రాజెక్ట్ ఒక ప్రధాన సాగునీటి ప్రాజెక్ట్. ఆంధ్రప్రదేశ్‌లోని రాజమహేంద్రవరం సమీపంలో ఉన్న ధవళేశ్వరం బ్యారేజ్ గోదావరి డెల్టాలో కీలక పాత్ర పోషిస్తుంది. అలాగే పోలవరం ప్రాజెక్ట్ సాగునీరు, తాగునీరు, ఇతర అవసరాల కోసం రూపొందించిన బహుళ ప్రయోజన ప్రాజెక్ట్.

World's Smallest Snake : 10 సెం.మీ పొడవు, 0.6 గ్రాముల బరువు.. ప్రపంచంలోనే అతిచిన్న పాము ఏదో తెలుసా?

Arun Kumar P — Tue, 10 Nov 2026 16:56:29 +0530

కేవలం పది సెంటిమీటర్లు అంటే టూత్ పిక్ అంత పొడవు, 0.6 గ్రాముల బరువు అంటే పిన్నీస్ అంత బరువు మాత్రమే ఉండే పాములు కూడా ఈ భూమిపై ఉన్నాయి. ఇలా ప్రపంచంలో అతిచిన్న పాములు ఏవో తెలుసా?

ప్రపంచంలో అతిపెద్ద పాములు అనగానే అనకొండ పేరు గుర్తుకొస్తుంది. భారీ శరీరం, పొడవైన ఆకారంతో అనకొండ ప్రపంచంలోనే అతిపెద్ద పాముల్లో ఒకటిగా గుర్తింపు పొందింది. మరి ప్రపంచంలోనే అతి చిన్న పాము ఏది? దాని పొడవు ఎంత ఉంటుంది? ఎక్కడ నివసిస్తుంది? అది కూడా పెద్ద పాముల్లాగే ప్రమాదకరమైనదేనా? ఇలాంటి ప్రశ్నలకు చాలామంది దగ్గర సమాధానం ఉండదు. అయితే ప్రపంచంలోనే అతి చిన్న పాముగా గుర్తింపు పొందిన బార్బడోస్ థ్రెడ్‌స్నేక్ (Barbados Threadsnake) గురించి తెలిస్తే ఆశ్చర్యపోతారు. ఎందుకంటే ఇది చూడటానికి అచ్చం చిన్న వానపాములా, సన్నని దారంలా కనిపిస్తుంది.

ప్రపంచంలోనే అతి చిన్న పాము ఇదే

బార్బడోస్ థ్రెడ్‌స్నేక్‌ను ప్రపంచంలోనే అతి చిన్న పాము జాతిగా గుర్తించారు శాస్త్రవేత్తలు. పూర్తిగా ఎదిగిన ఈ పాము సాధారణంగా 10 సెంటీమీటర్ల పొడవు ఉంటుంది. అంటే దాదాపు 4 అంగుళాలు... గరిష్ఠంగా 10.4 సెంటీమీటర్ల వరకు మాత్రమే పెరుగుతుంది. శరీరం చాలా సన్నగా ఉండటంతో పాము కంటే వానపాములా కనిపిస్తుంది. దారంలా సన్నగా ఉండే దీని శరీరాన్ని సాధారణంగా కంటితో గుర్తించడం కూడా కష్టమే.

దీని బరువు కేవలం 0.6 గ్రాముల స్థాయిలో ఉంటుంది. అంటే ఒక గ్రాము కంటే కూడా తక్కువ... చిన్న పిన్నీసంతా బరువు ఉంటుందన్నమాట. ఇంత చిన్న పరిమాణంలో ఉండటం వల్లే ఇది ప్రపంచవ్యాప్తంగా ప్రత్యేక గుర్తింపు పొందింది.

పేరులోనే ఉన్నట్లుగా బార్బడోస్ థ్రెడ్‌స్నేక్ ప్రధానంగా కరేబియన్ ప్రాంతంలోని బార్బడోస్ ద్వీపంలో కనిపిస్తుంది. ఇది ఆ ద్వీపానికే ప్రత్యేకమైన పాము జాతి. అక్కడి అడవులు, తేమతో కూడిన నేలలు, ఆకులు పేరుకుపోయిన ప్రదేశాలు దీని నివాసానికి అనుకూలంగా ఉంటాయి. ఇవి సాధారణంగా నేలపై బహిరంగంగా తిరగవు. భూమిలోపల, రాళ్ల కింద, చెట్ల వేర్ల దగ్గర ఉండే చిన్న ఖాళీల్లో దాక్కుని జీవిస్తాయి. భూమిలోపల నివసించే అలవాటు, అతి చిన్న శరీర పరిమాణం కారణంగా వీటిని గుర్తించడం చాలా కష్టం. పరిశోధకులు కూడా వీటి ఉనికిని గుర్తించేందుకు చాలా కాలం ప్రయత్నించాల్సి వచ్చింది.

విషం ఉంటుందా? మనుషులకు ప్రమాదకరమా?

బార్బడోస్ థ్రెడ్‌స్నేక్ విషపూరితమైన పాము కాదు. మనుషులకు హాని చేసే విషం దీని శరీరంలో ఉండదు. పెద్ద పాముల మాదిరిగా జంతువులను వేటాడే సామర్థ్యం కూడా దీనికి లేదు. దీని ప్రధాన ఆహారం చీమలు, చెదపురుగులు, వాటి గుడ్లు, లార్వాలు వంటి అతి చిన్న జీవులు. నేలలో లేదా చెదల పుట్టల్లో ఆహారం వెతుక్కుంటూ జీవిస్తుంది.

చాలా చిన్నగా ఉండటం, భూమిలోపలే ఎక్కువ సమయం గడపడం వల్ల దీన్ని సాధారణంగా చూడటం కష్టం. ఒకవేళ కనిపించినా భయపడాల్సిన అవసరం లేదు. అయితే ఏ పామునైనా అనవసరంగా చేతితో పట్టుకోవడం లేదా ఇబ్బంది పెట్టడం మంచిది కాదు.

ఈ పాము గురించి మరో ఆసక్తికరమైన విషయం ఉంది. 2008లో శాస్త్రవేత్త బ్లెయిర్ హెడ్జెస్ దీనిని ప్రత్యేక జాతిగా గుర్తించి ప్రపంచానికి పరిచయం చేశారు. అయితే ఆ తర్వాత దాదాపు 20 ఏళ్ల పాటు పరిశోధకులకు ఇది కనిపించలేదు. దీంతో ఈ జాతి అంతరించిపోయిందేమోనని కూడా కొందరు ఆందోళన చెందారు. చివరకు 2025 మార్చి 20న బార్బడోస్‌లోని ఒక అడవిలో రాళ్ల కింద ఈ పామును పరిశోధకులు మళ్లీ గుర్తించారు.

ఒకసారి ఒకే గుడ్డు

ఇంత చిన్న శరీరం ఉండటంతో ఈ పాము సంతానోత్పత్తి విధానం కూడా ప్రత్యేకంగా ఉంటుంది. ఇది గుడ్లు పెట్టే పాము. సాధారణంగా ఒక్కసారి ఒక చిన్న గుడ్డును మాత్రమే పెడుతుంది. పిల్ల పాము గుడ్డు నుండి బయటకు వచ్చినప్పటికే పూర్తిగా ఎదిగి ఉంటాయి... తల్లి పాము పొడవులో దాదాపు సగం పరిమాణంతో ఉంటాయి.

మొత్తానికి ప్రపంచంలో అతిపెద్ద పాముల గురించి మాట్లాడినప్పుడు అనకొండ గుర్తుకొస్తే, అతి చిన్న పాము గురించి తెలుసుకోవాలంటే బార్బడోస్ థ్రెడ్‌స్నేక్‌ను గుర్తుంచుకోవాలి. కేవలం 10 సెంటీమీటర్ల పొడవుతో వానపాములా కనిపించే ఈ పాము ప్రకృతిలోని జీవ వైవిధ్యానికి ఒక ఆసక్తికరమైన ఉదాహరణ.

రైళ్ల పైకప్పులపై గుండ్రటి మూతలు ఎందుకు ఉంటాయి.? వాటి ఉప‌యోగం ఏంటో తెలుసా?

Narender Vaitla — Tue, 10 Nov 2026 16:50:55 +0530

Indian Railways: రైలులో ప్రయాణించేటప్పుడు బోగీల పైకప్పుపై అక్కడక్కడా గుండ్రటి ఆకారంలో ఉండే మూతలను మీరు గమనించే ఉంటారు. అసలు వాటిని ఎందుకు ఏర్పాటు చేస్తారు? వాటి వల్ల ప్రయాణికులకు కలిగే ప్రయోజనం ఏంటో ఎప్పుడైనా ఆలోచించారా.?

రైలు బోగీల పైకప్పుపై కనిపించే గుండ్రటి మూతలను రూఫ్ వెంటిలేటర్లు అంటారు. బోగీల్లో గాలి బయటకు వెళ్లేందుకు వీటిని ప్రత్యేకంగా ఏర్పాటు చేస్తారు. ముఖ్యంగా పాత తరహా రైలు బోగీల్లో వీటిని ఎక్కువగా చూడవచ్చు. రైళ్లలో ప్రయాణికుల సంఖ్య పెరిగినప్పుడు బోగీల్లో ఉష్ణోగ్రత పెరగడంతో పాటు గాలి ఉక్కిరిబిక్కిరిగా అనిపించవచ్చు. ఇలాంటి పరిస్థితుల్లో బోగీలోని వేడి గాలి బయటకు వెళ్లేందుకు ఇవి ఉపయోగపడతాయి. తద్వారా లోపల గాలి ప్రసరణ మెరుగుపడుతుంది.

ఒక రైలు బోగీలో ఎక్కువ మంది ప్రయాణికులు ఉన్నప్పుడు వారి శరీరాల నుంచి వేడి వెలువడుతుంది. అంతేకాకుండా కిటికీల నుంచి వచ్చే సూర్యరశ్మి, బయట వాతావరణంలోని వేడి కూడా బోగీ ఉష్ణోగ్రతను పెంచుతాయి. దీంతో లోపల గాలి వేడిగా మారుతుంది. ముఖ్యంగా కిటికీలు మూసి ఉన్నప్పుడు లేదా గాలి ప్రసరణ తక్కువగా ఉన్నప్పుడు ఈ సమస్య మరింత ఎక్కువగా ఉంటుంది. ఇలాంటి సమయంలో వేడి గాలిని బయటకు పంపించడానికి వెంటిలేటర్లు ఉపయోగపడతాయి.

దీని వెనుక సాధారణ భౌతిక శాస్త్ర సూత్రం ఉంది. సాధారణంగా వేడెక్కిన గాలి చల్లని గాలి కంటే తక్కువ సాంద్రతతో ఉండటంతో పైకి వెళ్తుంది. దీనినే సహజ ఉష్ణప్రసరణ (Natural Convection) అంటారు. బోగీలో వేడెక్కిన గాలి పైకప్పు వైపు చేరుతుంది. అక్కడ ఏర్పాటు చేసిన వెంటిలేటర్ల ద్వారా బయటకు వెళ్లే అవకాశం ఉంటుంది. అదే సమయంలో కిటికీలు, ఇతర గాలి ప్రవేశ మార్గాల నుంచి బయట గాలి లోపలికి వస్తుంది. ఇలా గాలి మార్పిడి జరగడం వల్ల బోగీలో వేడి గాలి పేరుకుపోవడం కొంతవరకు తగ్గుతుంది.

చాలామందికి వచ్చే సందేహం ఇదే. బోగీల్లో కిటికీలు ఉన్నప్పుడు మళ్లీ పైకప్పుపై ప్రత్యేకంగా రంధ్రాలు ఎందుకు ఏర్పాటు చేయాలి? కిటికీల ద్వారా గాలి లోపలికి రావడంతో పాటు బయటకు కూడా వెళ్లవచ్చు. అయితే వేడిగాలి సహజంగా పైకి చేరుతుంది కాబట్టి పైకప్పు దగ్గర గాలి బయటకు వెళ్లే మార్గం ఉండటం ప్రయోజనకరం. కిటికీలు, వెంటిలేటర్లు కలిసి పనిచేసినప్పుడు బోగీలో గాలి ప్రసరణ మెరుగుపడుతుంది. అందుకే వీటిని రైలు బోగీల రూపకల్పనలో ఒక ముఖ్యమైన భాగంగా పరిగణిస్తారు.

రూఫ్ వెంటిలేటర్ల వల్ల బోగీల్లో వేడిగాలి బయటకు వెళ్లేందుకు అవకాశం లభిస్తుంది. దీంతో గాలి నిలిచిపోవడం, ఉక్కపోత వంటి సమస్యలు కొంతవరకు తగ్గుతాయి. ప్రయాణికులకు కొంతవరకు ఆహ్లాదకరమైన వాతావరణం ఏర్పడుతుంది. ముఖ్యంగా ఎక్కువ మంది ప్రయాణించే సాధారణ బోగీల్లో ఇవి ఉపయోగకరంగా ఉంటాయి. అయితే ఇవి ఎయిర్ కండిషనర్లలా పనిచేయవు. బోగీని చల్లబరచడం వీటి ప్రధాన ఉద్దేశం కాదు. సహజంగా గాలి మార్పిడి జరిగేలా చూడటమే వీటి ముఖ్యమైన పని. రైలు పైకప్పుపై కనిపించే చిన్న గుండ్రటి మూతల వెనుక ఇంతటి సాంకేతిక ప్రయోజనం ఉందన్నమాట.

Ghee Temple: 40వేల కిలోల నెయ్యితో కట్టిన ఏకైక ఆలయం.. మనదేశంలో ఎక్కడుందో తెలుసా?

Nandini Arava — Tue, 10 Nov 2026 16:30:15 +0530

Ghee Temple: ప్రతి దేవాలయం వెనుక ఒక చరిత్ర ఉంటుంది. ఒక నేపథ్యం ఉంటుంది. ఏ ఆలయ నిర్మాణానికి అయినా సిమెంట్, ఇసుక, రాళ్లు ఉపయోగిస్తారు. కానీ మనదేశంలో ఉన్న ఓ ఆలయ నిర్మాణంలో మాత్రం 40 వేల కిలోల నెయ్యి వాడారంటే నమ్ముతారా? ఇంతకీ ఈ ఆలయం ఎక్కడుంది?

సాధారణంగా ఆలయాల నిర్మాణానికి సిమెంట్, ఇసుక, రాళ్లు, సున్నం వంటివి ఉపయోగిస్తారు. కానీ ఒక ఆలయ నిర్మాణంలో ఏకంగా 40 వేల కిలోల నెయ్యిని ఉపయోగించారంటే నమ్మగలరా? వినడానికి ఆశ్చర్యంగా ఉన్నా.. ఇలాంటి ఓ ప్రత్యేకమైన ఆలయం మన భారతదేశంలోనే ఉంది. అంతేకాదు.. వేసవిలో ఈ ఆలయ గోడల నుంచి నెయ్యి బయటకు వస్తుందని కూడా స్థానికంగా ఓ ఆసక్తికరమైన కథ ప్రచారంలో ఉంది. ఇంతకీ ఈ ఆలయం ఎక్కడుంది? దీని వెనుక ఉన్న కథేంటి?

ఈ ప్రత్యేకమైన ఆలయం పేరు భండాసర్ జైన దేవాలయం. రాజస్థాన్‌లోని బికనీర్ నగరంలో ఇది ఉంది. సుమారు 15వ శతాబ్దంలో నిర్మించిన ఈ ఆలయం జైనమతంలోని ఐదో తీర్థంకరుడైన సుమతినాథుడికి అంకితం చేశారు. భండా షా అనే సంపన్న జైన వ్యాపారి ఈ ఆలయ నిర్మాణాన్ని ప్రారంభించినట్లు చెబుతారు. అందుకే ఆయన పేరుమీదుగానే దీనికి భండాసర్ ఆలయం అనే పేరు వచ్చింది. ప్రపంచంలో నెయ్యితో కట్టిన ఏకైక దేవాలయం ఇదే.

ఈ ఆలయానికి సంబంధించి అత్యంత ఆసక్తికరమైన విషయం నిర్మాణంలో నెయ్యి వాడకం. ఆలయ నిర్మాణ సమయంలో సుమారు 40 వేల కిలోల నెయ్యిని ఉపయోగించారట. అప్పట్లో బికనీర్ ప్రాంతం ఎడారి వాతావరణంతో ఉండేది. నీటి కొరత కూడా ఎక్కువగా ఉండేది. దీంతో నిర్మాణ పనుల్లో నీటికి బదులుగా నెయ్యిని ఉపయోగించారనేది ఒక ప్రచారం.

మరో కథ ఏంటంటే.. భండా షా ఎంతో పొదుపుగా ఉండేవారట. ఆయన దగ్గర ఉన్న నెయ్యిలో ఓ ఈగ పడితే దాన్ని కూడా వృథా చేయకుండా తొలగించేవారట. ఇది గమనించిన ఓ శిల్పి ఆయనను ఎగతాళి చేశాడని చెబుతారు. దీంతో తన దాతృత్వాన్ని నిరూపించుకోవడానికి భండా షా ఆలయ నిర్మాణానికి భారీ మొత్తంలో నెయ్యి అందించారని మరో ప్రచారం.

ఈ ఆలయం గురించి మరో ఆసక్తికరమైన విషయం కూడా ప్రచారంలో ఉంది. వేసవిలో ఉష్ణోగ్రతలు పెరిగినప్పుడు ఆలయ గోడలు, నేల నుంచి నెయ్యి బయటకు వస్తుందని స్థానికులు చెబుతుంటారు. నిర్మాణ సమయంలో ఉపయోగించిన నెయ్యి కారణంగానే ఇలా జరుగుతుందని కొందరు నమ్ముతారు.

ఆలయ నిర్మాణం చూపు తిప్పుకోనివ్వదు

ఈ ఆలయ నిర్మాణ శైలి కూడా పర్యాటకులను విశేషంగా ఆకట్టుకుంటుంది. ఎర్ర ఇసుకరాయి, పసుపు రంగు రాళ్లతో నిర్మించిన ఈ ఆలయం మూడు అంతస్తులతో ఉంటుంది. ఆలయం లోపల గోడలు, స్తంభాలు, పైకప్పులపై అందమైన చిత్రాలు, క్లిష్టమైన శిల్పకళ కనిపిస్తాయి. బంగారు వర్ణం అలంకరణలు, అద్దాల పనితనం నిర్మాణానికి మరింత ప్రత్యేకతను తీసుకొస్తాయి.

రాజస్థాన్‌కు వెళ్లే పర్యాటకులు బికనీర్‌లోని ఈ ఆలయాన్ని కచ్చితంగా సందర్శిస్తుంటారు. సాధారణ ఆలయాల కంటే భిన్నమైన నిర్మాణ శైలి, అద్భుతమైన కళాత్మకత కారణంగా భండాసర్ జైన దేవాలయం భారతదేశంలోని ప్రత్యేకమైన చారిత్రక కట్టడాల్లో ఒకటిగా గుర్తింపు పొందింది.

అద్దంలో కుడి, ఎడమగా ఎందుకు మారుతుంది.? దీని వెనుక ఉన్న అసలు సైన్స్ ఇదే

Narender Vaitla — Tue, 10 Nov 2026 14:23:00 +0530

Facts: మనలో చాలామంది ప్రతిరోజూ అద్దంలో ముఖాన్ని చూసుకుంటారు. అయితే ఎప్పుడైనా ఒక విషయం గమనించారా.? అద్దంలో మన కుడి చేయి ఎత్తితే ఎదురుగా ఉన్న ప్రతిబింబం ఎడమ చేయి ఎత్తినట్లు కనిపిస్తుంది. దీని వెనుక ఉన్న శాస్త్రీయ రహస్యం ఏంటో తెలుసుకుందాం.

మనం సాధారణంగా అద్దం మన కుడి వైపును ఎడమగా, ఎడమ వైపును కుడిగా చూపిస్తుందని అనుకుంటాం. కానీ శాస్త్రీయంగా చూస్తే అద్దం కుడి, ఎడమ దిశలను మార్చదు. అది మన ముందు ఉన్న వస్తువు నుంచి వచ్చే కాంతిని ప్రతిబింబించి తిరిగి మన కళ్లకు పంపిస్తుంది. ఈ ప్రక్రియలో మనకు కనిపించే ప్రతిబింబం మన రూపానికి ఎదురుగా నిలబడిన వ్యక్తిలా అనిపిస్తుంది.

ఉదాహరణకు.. మీరు మీ కుడి చేతిని పైకి ఎత్తితే అద్దంలో కనిపించే వ్యక్తి కూడా తన ఎడమ చేతిని పైకి ఎత్తినట్లు మనకు అనిపిస్తుంది. వాస్తవానికి అద్దం మీ చేతి స్థానాన్ని మార్చలేదు. మీరు ఎదురుగా నిలబడిన మరో వ్యక్తిని ఊహించుకోవడం వల్ల ఈ మార్పు జరిగినట్లు భావిస్తారు. అంటే ఇది అద్దం చేసే మ్యాజిక్ కాదు.. మనం ప్రతిబింబాన్ని అర్థం చేసుకునే విధానానికి సంబంధించిన విషయం.

దీనికి ప్రధాన కారణం కాంతి ప్రతిబింబించే విధానం. మన చుట్టూ ఉన్న వస్తువులపై పడిన కాంతి తిరిగి వివిధ దిశల్లో ప్రయాణిస్తుంది. ఆ కాంతి మన ముఖం నుంచి లేదా వస్తువుల నుంచి అద్దంపై పడినప్పుడు, అద్దం దానిని తిరిగి ప్రతిబింబిస్తుంది. ఈ కాంతి మన కళ్లలోకి చేరడం వల్ల మనకు అద్దంలో ప్రతిబింబం కనిపిస్తుంది. ఇక్కడ ఒక ముఖ్యమైన విషయం ఉంది. అద్దం మనకు ఎదురుగా ఉన్న దిశను వెనుకకు తిప్పినట్లు చూపిస్తుంది. అంటే అద్దం ముందు ఉన్న వస్తువుకు సంబంధించిన ముందుకు, వెనుకకు దిశల్లో మార్పు కనిపిస్తుంది. కానీ పైకి, కిందికి లేదా కుడి, ఎడమ దిశల్లో ఎలాంటి మార్పు చేయదు. దీనినే శాస్త్రీయ పరిభాషలో Lateral Inversion అని అంటారు. తెలుగులో దీన్ని పార్శ్వ విలోమం అని పిలుస్తారు. సాధారణంగా అద్దం కుడి, ఎడమలను మార్చినట్లు మనకు అనిపించడానికి ఇదే ప్రధాన కారణం.

మీరు ఎప్పుడైనా అద్దం ముందు నిలబడి పుస్తకాన్ని లేదా ఏదైనా అక్షరాలు ఉన్న బోర్డును చూపించారా.? అప్పుడు అందులోని అక్షరాలు తిరగబడినట్లు కనిపిస్తాయి. ఉదాహరణకు 'AMBULANCE' అనే పదాన్ని అంబులెన్స్ వాహనాల ముందు భాగంలో అద్దంలో సరిగ్గా చదివేలా తిరగరాసి ఉంచుతారు. దీనివల్ల ముందు వెళ్తున్న వాహనాల డ్రైవర్లు తమ రియర్ వ్యూ మిర్రర్‌లో ఆ పదాన్ని సరిగ్గా చదవగలుగుతారు. అద్దంలో అక్షరాలు తిరగబడటానికి కూడా కాంతి ప్రతిబింబించే విధానమే కారణం. అసలు అద్దం అక్షరాలను విడిగా మార్చడం లేదు. ఒక అక్షరాన్ని లేదా పదాన్ని అద్దం ముందు ఉంచినప్పుడు దాని ముందు, వెనుక దిశల మార్పు వల్ల అక్షరాల ఆకృతి తిరగబడినట్లు కనిపిస్తుంది. అందుకే సాధారణంగా రాసిన పదాలు అద్దంలో చదవడానికి ఇబ్బందిగా ఉంటాయి.

అద్దం కేవలం మన ముఖాన్ని చూసుకోవడానికి మాత్రమే ఉపయోగపడే వస్తువు కాదు. దాని వెనుక ఎన్నో శాస్త్రీయ విశేషాలు ఉన్నాయి.

అద్దంలో ప్రతిబింబం ఎంత దూరంలో కనిపిస్తుంది.?

మీరు అద్దం ముందు ఒక అడుగు దూరంలో నిలబడితే, మీ ప్రతిబింబం అద్దం వెనుక కూడా ఒక అడుగు దూరంలో ఉన్నట్లు కనిపిస్తుంది. దీనిని వర్చువల్ ఇమేజ్ (Virtual Image) అంటారు. వాస్తవానికి అద్దం వెనుక మీ ప్రతిబింబం ఉండదు. కాంతి ప్రయాణిస్తున్న దిశను మన మెదడు అంచనా వేయడం వల్ల అక్కడ ఉన్నట్లు అనిపిస్తుంది.

రెండు అద్దాలు ఎదురెదురుగా పెడితే ఏమవుతుంది.?

రెండు అద్దాలను ఒకదానికొకటి ఎదురుగా ఉంచితే వాటిలో ఒకదాని ప్రతిబింబం మరొకదానిలో పదేపదే కనిపిస్తుంది. ఇలా అనేక ప్రతిబింబాలు ఏర్పడతాయి. అందుకే అద్దాల మధ్య నిలబడితే అంతులేని సొరంగంలా కనిపించే దృశ్యం ఏర్పడుతుంది.

అద్దం పగిలితే ప్రతిబింబం ఎందుకు ముక్కలవుతుంది.?

అద్దం పగిలినప్పుడు ప్రతి ముక్క కూడా కాంతిని ప్రతిబింబించే సామర్థ్యాన్ని కలిగి ఉంటుంది. అయితే పగిలిన ముక్కలు వేర్వేరు కోణాల్లో ఉండటం వల్ల ఒక్కో ముక్కలో మన ముఖంలోని వేర్వేరు భాగాలు కనిపిస్తాయి. అందుకే ఒకే ముఖం అనేక ముక్కలుగా విడిపోయినట్లు కనిపిస్తుంది.

Goods Train : గూడ్స్ ట్రైన్ బోగీలకు కనిపించే ఈ స్టీరింగ్ లాంటి నిర్మాణం ఏమిటి? దీన్ని ఎందుకు ఉపయోగిస్తారు?

Arun Kumar P — Tue, 10 Nov 2026 13:56:05 +0530

సరుకుల రవాణాకు ఉపయోగించే గూడ్స్ ట్రైన్ ను పరిశీలిస్తే ప్రతి బోగీకి స్టీరింగ్ లాంటి నిర్మాణం కనిపిస్తుంది… ఇది ఏమిటి, దీన్ని ఎందుకు ఉపయోగిస్తారో మీకు తెలేసా?

ప్యాసింజర్ రైలు కంటే గూడ్స్ ట్రైన్ చాలా పెద్దదిగా ఉంటుంది. ఎక్కువ వాగన్స్ కలిగి ఉంటుంది కాబట్టి పట్టాలపై పరుగుతీస్తుంటే చాలామంది ఆసక్తిగా చూస్తుంటారు. కొన్నిసార్లు రైల్వే స్టేషన్లలో ఆగివున్న గూడ్స్ ట్రైన్స్ కనిపిస్తుంటాయి... వాటిని గమనిస్తే ప్రతి వ్యాగన్‌కు స్టీరింగ్ లాంటి ప్రత్యేక నిర్మాణం కనిపిస్తుంటుంది. ఇది ఏమిటి? దీని ఉపయోగం ఏమిటి? అనే డౌట్ చాలామందికి వస్తుంది. మరి అదేంటో ఇక్కడ తెలుసుకుందాం.

గూడ్స్ ట్రైన్ వ్యాగన్లకు ఒకవైపు చక్రం లేదా స్టీరింగ్ లాంటి నిర్మాణం ఉంటుంది. ఇది వ్యాగన్‌కు అమర్చిన హ్యాండ్ బ్రేక్ వ్యవస్థలో ఒక భాగం. దీన్ని తిప్పడం ద్వారా ఆ వ్యాగన్‌కు సంబంధించిన బ్రేకులను మాన్యువల్‌గా అప్లై చేయవచ్చు. అందుకే దీనిని హ్యాండ్ బ్రేక్ వీల్ లేదా హ్యాండ్ బ్రేక్ హ్యాండిల్ అని పిలుస్తారు. ఇది గూడ్స్ ట్రైన్ లో వస్తువుల లోడింగ్, అన్ లోడింగ్ సమయంలో ఉపయోగపడుతుంది.

రైలుకు బ్రేకులు ఎలా పనిచేస్తాయి?

సాధారణంగా ప్రస్తుతం ఉపయోగించే అన్ని రైళ్లలో ఎయిర్ బ్రేక్ వ్యవస్థ ఉంది... గూడ్స్ ట్రైన్స్ లో కూడా ఇదే బ్రేక్ సిస్టమ్ ఉంటుంది. రైలు ఇంజిన్‌లోని కంప్రెసర్ ద్వారా గాలిని ఒత్తిడితో నిల్వ చేసి, బ్రేక్ పైపుల ద్వారా అన్ని వ్యాగన్లకు చేరవేస్తారు. లోకో పైలట్ బ్రేక్ అప్లై చేసినప్పుడు ఈ వ్యవస్థ ద్వారా రైలులోని వ్యాగన్లకు బ్రేకులు పనిచేస్తాయి. దీనివల్ల వందల మీటర్ల పొడవున్న గూడ్స్ ట్రైన్‌ను కూడా నియంత్రించడానికి వీలవుతుంది.

అయితే కేవలం ఎయిర్ బ్రేకులపైనే ఆధారపడకుండా ప్రతి వ్యాగన్‌కు విడిగా హ్యాండ్ బ్రేక్ సదుపాయం కూడా ఉంటుంది. రైలు ఇంజిన్ నుంచి విడిపోయినప్పుడు లేదా ఎయిర్ బ్రేక్ వ్యవస్థలో గాలి ఒత్తిడి అందుబాటులో లేనప్పుడు వ్యాగన్ కదలకుండా ఉంచడానికి ఈ వ్యవస్థ ఉపయోగపడుతుంది.

వ్యాగన్‌కు కనిపించే స్టీరింగ్ లాంటి చక్రాన్ని తిప్పినప్పుడు దానికి అనుసంధానంగా ఉండే యాంత్రిక వ్యవస్థ పనిచేస్తుంది. ఈ వ్యవస్థ ద్వారా బ్రేక్ రాడ్లు, లింకేజీలు కదిలి వ్యాగన్ చక్రాలపై ఉండే బ్రేక్ షూలను బిగిస్తాయి. దీంతో చక్రాలపై ఒత్తిడి ఏర్పడి వ్యాగన్ కదలకుండా నిలిచిపోతుంది.

అదే చక్రాన్ని వ్యతిరేక దిశలో తిప్పడం ద్వారా హ్యాండ్ బ్రేక్‌ను విడుదల చేయవచ్చు. అయితే ఇది సాధారణంగా మాన్యువల్‌గా పనిచేసే వ్యవస్థ. రైలు ప్రయాణ సమయంలో లోకో పైలట్ ఉపయోగించే ఎయిర్ బ్రేక్‌లకు ఇది భిన్నంగా ఉంటుంది.

గూడ్స్ రైళ్లలో బొగ్గు, ఇనుము, సిమెంట్, ఆహార ధాన్యాలు, పెట్రోలియం ఉత్పత్తులు వంటి అనేక రకాల సరుకులను రవాణా చేస్తుంటారు. వీటిని రైల్వే యార్డుల్లో లోడింగ్, అన్‌లోడింగ్ చేసే సమయంలో వ్యాగన్లు కదలకుండా ఉండటం చాలా ముఖ్యం. ముఖ్యంగా ఇంజిన్‌ను వ్యాగన్ల నుంచి వేరు చేసినప్పుడు ఈ అవసరం మరింత పెరుగుతుంది.

ఉదాహరణకు ఒక గూడ్స్ ట్రైన్‌లో 40 లేదా 50 వ్యాగన్లు ఉన్నాయనుకుందాం. వాటిని ఒకచోట నిలిపి సరుకులను దించుతున్నప్పుడు గాలి ఒత్తిడితో పనిచేసే ఎయిర్ బ్రేక్ వ్యవస్థపై మాత్రమే ఆధారపడలేరు. ఎందుకంటే ఇంజిన్ వేరు చేసిన తర్వాత బ్రేక్ పైపుల్లో అవసరమైన గాలి ఒత్తిడి కొనసాగకపోవచ్చు. అలాంటి సమయంలో వ్యాగన్లకు హ్యాండ్ బ్రేకులు వేయడం ద్వారా అవి వాటి స్థానంలోనే ఉండేలా చేస్తారు.

ముఖ్యంగా వాలు ఉన్న పట్టాలపై నిలిపిన వ్యాగన్లు వాటంతట అవే కదిలే ప్రమాదం ఉంటుంది. ఇలాంటి పరిస్థితుల్లో హ్యాండ్ బ్రేక్ చాలా కీలకంగా పనిచేస్తుంది. అయితే ఎన్ని వ్యాగన్లకు బ్రేకులు వేయాలి అనేది రైలు బరువు, పట్టాల వాలు, రైల్వే భద్రతా నిబంధనలను బట్టి నిర్ణయిస్తారు.

స్టీరింగ్‌లా కనిపించినా అసలు పని వేరు..!

గూడ్స్ ట్రైన్‌లో కనిపించే ఈ చక్రం రైలును నడిపించడానికి లేదా దాని దిశను మార్చడానికి ఉపయోగపడదు. వ్యాగన్‌ను ఒకచోట సురక్షితంగా నిలిపి ఉంచడానికి ఉపయోగించే హ్యాండ్ బ్రేక్ వ్యవస్థలో ఇది ప్రధాన భాగం. రైల్వే రవాణాలో చిన్నగా కనిపించే ఈ నిర్మాణం కూడా ఎంతో కీలకమైన భద్రతా బాధ్యతను నిర్వహిస్తుందన్నమాట.

Diwali Gifts: దీపావళికి ఉద్యోగులకు ఖరీదైన గిఫ్టులు ఇచ్చిన కంపెనీలు ఇవే.. అంబానీ, అదానీ ఏమిచ్చారు?

Haritha Chappa — Tue, 10 Nov 2026 13:34:52 +0530

Diwali Gifts: దీపావళికి చాలా కంపెనీలో ఇండియాలో గిఫ్టులు ఇచ్చారు. అయితే కొన్ని కంపెనీలు ఏకంగా కార్లు, బంగారం, ఐఫోన్లు గిఫ్టుగా ఇచ్చారు. అలాంటి కంపెనీల గురించి ఇక్కడ ఇచ్చాము.

దీపావళి పండుగ వచ్చిందంటే చాలు కార్పొరేట్ ఉద్యోగులకు బోనస్‌లు, బహుమతుల సందడి మొదలవుతుంది. దేశంలో పనిచేసే చిన్న, పెద్ద కంపెనీలు తమ సిబ్బందిని సంతోషపెట్టేందుకు రకరకాల కానుకలు ప్రకటిస్తుంటాయి. సూరత్‌కు చెందిన వజ్రాల వ్యాపారి సావ్జీ ధోలాకియా (హరే కృష్ణ ఎక్స్‌పోర్ట్స్) గతంలో తన ఉద్యోగులకు వందలాది కార్లు, ఇళ్లు/ఫ్లాట్లు బహుమతులుగా ఇచ్చి వార్తల్లో నిలిచారు. హర్యానాకు చెందిన ఎంఐటీఎస్ (MITS) హెల్త్‌కేర్ గ్రూప్ ఉత్తమ పనితీరు కనబరిచిన ఉద్యోగులకు కియా సోనెట్ (Kia Sonet) కార్లను గిఫ్ట్‌గా అందించారు. రాజస్థాన్‌కు చెందిన మీడియాగార్హ్ వంటి సంస్థలు టాటా హారియర్, హ్యుందాయ్ కార్లను కొంతమందికి ఉద్యోగులకు పంపిణీ చేశాయి.

ఢిల్లీలోని ఫైనాన్షియర్ సాబ్ అనే సంస్థ తన ఉద్యోగులకు ఐఫోన్ 16 ఫోన్లను బహుమతిగా ఇచ్చింది. వాటి ఒక్కోదాని విలువ 70,000 రూపాయలు ఉంటుంది. గుజరాత్ లోని సూరత్ నగరానికి చెందిన వస్త్ర వ్యాపారి రామ్ స్వరూప్ దీపావళికి 20 మంది ఉద్యోగులకు బోనస్ గా లక్ష రూపాయలకు పైగా డబ్బులు బహుమతిగా ఇచ్చారు. మరికొన్ని కంపెనీలు 20 గ్రాముల బంగారం, ఎయిర్ ఫ్రైయర్లు, కాఫీ మెషీన్లు వంటివి అందించారు.

మరోవైపు దేశంలోనే అగ్రశ్రేణి సంపన్నులైన ముఖేష్ అంబానీ, గౌతమ్ అదానీ సంస్థలు ఇచ్చే పండుగ కానుకలపై అందరిలోనూ ఆసక్తి ఉంటుంది. అయితే వీరు కార్లు, ఇళ్ల వంటి విలాసవంతమైన వస్తు రూప బహుమతులకు ప్రాధాన్యం ఇవ్వరు. రిలయన్స్, అదానీ గ్రూపులలో లక్షలాది మంది ఉద్యోగులు పనిచేస్తుండటమే ఇందుకు ప్రధాన కారణం. పండుగ అలవెన్సులు, పనితీరు ఆధారంగా ఇచ్చే ప్రోత్సాహక బోనస్‌లు, కంపెనీ స్టోర్లలో షాపింగ్ చేసుకునే ప్రత్యేక రాయితీ కూపన్లు, ప్రీమియం స్వీట్ బాక్సులను సిబ్బందికి అందజేస్తారు. ఉద్యోగుల ఖాతాల్లోకే నేరుగా నగదు జమ అయ్యే విధానాన్ని ఈ సంస్థలు ఎక్కువగా పాటిస్తాయి.

ప్రపంచంలోనే అత్యంత బలమైన కరెన్సీ ఇది.. దీని ముందు అమెరికన్ డాలర్ కూడా చాలా తక్కువ

Haritha Chappa — Tue, 10 Nov 2026 12:03:33 +0530

ప్రపంచంలోనే అత్యంత బలమైన కరెన్సీ అనగానే అందరూ అమెరికా డాలర్ అనుకుంటారు. నిజానికి డాలర్ కన్నా ఎక్కువ విలువైన కరెన్సీ వేరొకటి ఉంది. అందుకే ఆ దేశానికి ఉద్యోగాలు చేసేందుకు ఎంతో మంది వెళ్లేందుకు ఇష్టపడతారు.

ప్రపంచంలో అత్యంత విలువైన డబ్బు అనగానే చాలామందికి వెంటనే గుర్తుకొచ్చేవి అమెరికా డాలర్ లేదా బ్రిటిష్ పౌండ్. అంతర్జాతీయ మార్కెట్లో ఎక్కువ మంది వాడే కరెన్సీ అమెరికా డాలర్ అయినప్పటికీ, విలువల పరంగా చూస్తే అది మొదటి స్థానంలో లేదు. ప్రపంచంలోనే అత్యంత బలమైన కరెన్సీగా పశ్చిమాసియా దేశం కువైట్‌కు చెందిన దినార్ అగ్రస్థానంలో కొనసాగుతోంది. కేవలం ఒకే ఒక్క కువైతీ దినార్ కొనాలంటే మూడు డాలర్లకు పైగా ఖర్చు చేయాల్సి వస్తుంది. శక్తివంతమైన డాలర్, స్థిరమైన యూరో వంటి పాశ్చాత్య దేశాల డబ్బులు కూడా కువైతీ దినార్ మారకం విలువ ఎక్కువ. మన రూపాయల్లో చెప్పాలనుకుంటే ఒక కువైటి దీనార్ విలువ 300 రూపాయలు. అమెరికా డాలర్ విలువ 93 రూపాయలు మాత్రమే.

కువైతీ దినార్ ఇంతటి అపారమైన బలాన్ని సంపాదించుకోవడానికి ఆ దేశంలో ఉన్న అపారమైన ముడి చమురు నిల్వలు ప్రధాన కారణం. ప్రపంచంలోనే అతిపెద్ద చమురు ఎగుమతిదారులలో ఒకటిగా గుర్తింపు పొందిన కువైట్, తన ఆర్థిక వ్యవస్థను పటిష్టంగా ఉంచుకుంది. ఇక్కడి పన్ను రహిత విధానాలు, బలమైన విదేశీ నిల్వలు స్థానిక కరెన్సీ స్థిరత్వాన్ని పెంచుతున్నాయి. కువైట్ మాత్రమే కాకుండా బహ్రెయిన్ దినార్, ఒమాన్ రియాల్, జోర్డాన్ దినార్ వంటి ఇతర గల్ఫ్ దేశాల కరెన్సీలు కూడా గ్లోబల్ లిస్టులో టాప్ స్థానాలను ఆక్రమించి పాశ్చాత్య కరెన్సీలకు గట్టి పోటీనిస్తున్నాయి.

అంతర్జాతీయ వాణిజ్యం, పెట్టుబడులు, విదేశీ ప్రయాణాల్లో డాలర్‌ హవా ఎక్కువగా కనిపించినప్పటికీ, ఒక్క యూనిట్ విలువను లెక్కలోకి తీసుకుంటే మాత్రం దీనార్ విలువ ఎక్కువ. స్విస్ ఫ్రాంక్, కేమాన్ ఐలాండ్స్ డాలర్, బ్రిటిష్ పౌండ్ వంటివి డాలర్ కంటే ముందు వరుసలో నిలిచాయి. గ్లోబల్ ఎకానమీలో మార్పులు వస్తున్నా, దశాబ్దాలుగా కువైతీ దినార్ తన ఆధిపత్యాన్ని నిలబెట్టుకుంటూ ప్రపంచంలోనే అత్యంత ఖరీదైన కరెన్సీగా తిరుగులేని రికార్డును కొనసాగిస్తోంది.

Longest Journey Train: 4189 కిలోమీటర్లు, 9 రాష్ట్రాలు.. ఇండియాలో లాంగెస్ట్ ట్రైన్ జర్నీ ఇది

Mahesh Rajamoni — Tue, 10 Nov 2026 11:55:02 +0530

Longest Journey Train: భారతదేశంలోనే అత్యంత సుదీర్ఘ ప్రయాణం కలిగిన మార్గం దిబ్రూగఢ్ - కన్యాకుమారి వివేక్ ఎక్స్‌ప్రెస్ ట్రైన్ రూట్. 4189 కిలోమీటర్లు, 9 రాష్ట్రాల గుండా సాగే ఈ రైలు జర్నీ ప్రత్యేకతలు ఏంటో ఇక్కడ తెలుసుకుందాం.

భారతీయ రైల్వేలో ఎన్నో రకాల రైళ్లు నడుస్తున్నాయి. కొన్ని బుల్లెట్ స్పీడ్‌తో దూసుకెళ్తే, మరికొన్ని అద్భుతమైన ప్రకృతి సౌందర్యాన్ని చూపుతాయి. అయితే దేశంలోనే అత్యంత సుదీర్ఘ ప్రయాణ మార్గాన్ని కవర్ చేసే రైలు ఏదో తెలుసా? అదే 'దిబ్రూగఢ్ - కన్యాకుమారి వివేక్ ఎక్స్‌ప్రెస్'. అసోంలోని దిబ్రూగఢ్ నుంచి ప్రారంభమై తమిళనాడులోని కన్యాకుమారి వరకు ఈ రైలు వేల కిలోమీటర్లు ప్రయాణిస్తుంది.

దేశంలో అత్యంత పొడవైన రూట్ కలిగిన రైళ్లలో వివేక్ ఎక్స్‌ప్రెస్ అగ్రస్థానంలో నిలిచింది. ఈ రైలు మొత్తం 4,189 కిలోమీటర్ల దూరాన్ని కవర్ చేస్తుంది. ఈ ప్రయాణానికి దాదాపు 74 గంటల 35 నిమిషాల నుంచి 80 గంటలకు పైగా సమయం పడుతుంది. అంటే ప్రయాణికులు సుమారు మూడు రోజులకు పైగా ఈ రైలులోనే గడపాల్సి ఉంటుంది.

స్వామి వివేకానంద 150వ జయంతి సందర్భంగా 2011 నవంబర్ 19న ఈ రైలు సేవలు ప్రారంభమయ్యాయి. నాటి కేంద్ర రైల్వే మంత్రి మమతా బెనర్జీ 2011-12 రైల్వే బడ్జెట్‌లో ఈ రైలును ప్రతిపాదించారు. ఆయన జ్ఞాపకార్థం దీనికి 'వివేక్ ఎక్స్‌ప్రెస్' అని పేరు పెట్టారు.

ఈ రైలు నిర్వహణ బాధ్యతలను నార్త్ ఈస్ట్ ఫ్రాంటియర్ రైల్వే (NFR) చూసుకుంటుంది. ఈశాన్య భారత తీరాలను దక్షిణ భారత చివరి ప్రాంతమైన కన్యాకుమారితో అనుసంధానించడమే ఈ రైలు ముఖ్య ఉద్దేశం.

ఈ రైలు ప్రయాణం కేవలం దూరానికే పరిమితం కాలేదు. భారతదేశంలోని వైవిధ్యమైన భౌగోళిక ప్రాంతాలు, సంస్కృతులు, భాషలను ఒకే జర్నీలో చూసే అద్భుత అవకాశం కల్పిస్తుంది. ఈ రైలు మొత్తం 9 రాష్ట్రాల గుండా ప్రయాణిస్తుంది: అసోం, నాగాలాండ్, పశ్చిమ బెంగాల్, బిహార్, జార్ఖండ్, ఒడిశా, ఆంధ్రప్రదేశ్, కేరళ, తమిళనాడు.

మార్గంలోని ప్రధాన స్టేషన్లు:

• దిబ్రూగఢ్, న్యూ టిన్సుకియా, గువాహటి (అసోం)

• దిమాపూర్ (నాగాలాండ్)

• న్యూ జల్పాయిగురి, మాల్దా టౌన్, ఖరగ్‌పూర్, డాంకుని (పశ్చిమ బెంగాల్)

• భువనేశ్వర్, కటక్ (ఒడిశా)

• విశాఖపట్నం, విజయవాడ, నెల్లూరు, రేణిగుంట (ఆంధ్రప్రదేశ్)

• కోయంబత్తూరు, ఈరోడ్ (తమిళనాడు)

• ఎర్నాకులం, తిరువనంతపురం (కేరళ)

• నాగర్‌కోయిల్, కన్యాకుమారి (తమిళనాడు)

ఈ సుదీర్ఘ ప్రయాణంలో రైలు సుమారు 57 నుంచి 59 ప్రధాన స్టేషన్లలో ఆగుతుంది.

• 15906 (దిబ్రూగఢ్ – కన్యాకుమారి): శనివారం, మంగళవారాల్లో రాత్రి 19:25 గంటలకు దిబ్రూగఢ్‌లో బయలుదేరి, తదుపరి మంగళవారం, శుక్రవారాల్లో రాత్రి 22:00 గంటలకు కన్యాకుమారి చేరుకుంటుంది.

• 15905 (కన్యాకుమారి – దిబ్రూగఢ్): గురువారం, ఆదివారాల్లో సాయంత్రం 17:20 గంటలకు కన్యాకుమారిలో బయలుదేరి, తదుపరి ఆదివారం, బుధవారాల్లో రాత్రి 20:50 గంటలకు దిబ్రూగఢ్ చేరుకుంటుంది.

వివేక్ ఎక్స్‌ప్రెస్‌లో ప్రయాణికుల కోసం ఎల్ హెచ్ బీ కోచ్‌లను ఉపయోగిస్తారు. ఇందులో స్లీపర్ క్లాస్, ఏసీ 3-టైర్, ఏసీ 2-టైర్, జనరల్ సీటింగ్ అందుబాటులో ఉంటాయి. మూడు రోజులకు పైగా ప్రయాణం కాబట్టి రైలులో క్యాటరింగ్ కోసం ప్రత్యేక పాంట్రీ కార్ సదుపాయం కూడా ఉంటుంది.

ఈ రైలు టికెట్లను ఐఆర్సీటీసీ (IRCTC) అధికారిక వెబ్‌సైట్ లేదా మొబైల్ యాప్ ద్వారా బుక్ చేసుకోవచ్చు. రైలు సమయాలు, షెడ్యూల్ రోజులు మారే అవకాశం ఉన్నందున, ప్రయాణం ప్లాన్ చేసుకునే ముందు అధికారిక ఐఆర్సీటీసీ లేదా నేషనల్ ట్రైన్ ఎంక్వైరీ సిస్టమ్ లో వివరాలు సరిచూసుకోవడం మంచిది.

గుంటూరు మిర్చీ కారం 40000 స్కోవిల్స్, ఈ మిర్చీలో ఏకంగా 2693000.. ప్రపంచంలోనే అత్యంత కారం మిరప ఏదో తెలుసా?

Arun Kumar P — Tue, 10 Nov 2026 10:57:40 +0530

ప్రపంచంలోనే అత్యంత కారమైన మిరపకాయ పెప్పర్ ఎక్స్. మన గుంటూరు మిరపకాయలో కారం ఘాటు సుమారు 35,000 నుంచి 40,000 స్కోవిల్స్ ఉంటే ఇందులో ఏకంగా 2,693,000 స్కోవిల్ యూనిట్స్ ఉంటుంది.

సాధారణంగా మన భారతీయులకు కారం అంటే ముందుగా గుర్తొచ్చేది గుంటూరు మిర్చి. ఆంధ్రప్రదేశ్‌లో పండే ఈ గుంటూరు మిర్చీకి దేశవ్యాప్తంగా ప్రత్యేక గుర్తింపు ఉంది...ఈ కారం ఘాటుకే చాలామంది అల్లాడిపోతుంటారు. అలాంటిది ప్రపంచంలోనే అత్యంత కారమైన మిరపకాయ పెప్పర్ ఎక్స్ (Pepper X) ఎలా ఉంటుంది? గిన్నిస్ వరల్డ్ రికార్డులో ఈ కారం చోటు దక్కించుకుందంటేనే ఈ ఘాటు ఏ స్థాయిలో ఉంటుందో ఊహించుకోవచ్చు. ఇంతకీ ఈ మిరపకాయ ప్రత్యేకత ఏమిటి? దీన్ని తింటే నిజంగానే తట్టుకోలేమా? దీని వెనుక ఉన్న ఆసక్తికరమైన విషయాలు తెలుసుకుందాం.

సాధారణంగా మిరపకాయల్లో ఉండే కారం ఘాటును స్కోవిల్ హీట్ యూనిట్స్ (SHU) ద్వారా కొలుస్తారు. మిరపకాయల్లో కారం కలిగించే క్యాప్సైసిన్ అనే రసాయన సమ్మేళనం ఆధారంగా ఈ ఘాటును అంచనా వేస్తారు. మన దేశంలో ప్రసిద్ధి చెందిన గుంటూరు మిర్చి ఘాటు సుమారు 35,000 నుంచి 40,000 SHU వరకు ఉంటుంది.

అయితే పెప్పర్ ఎక్స్ విషయంలో ఈ లెక్కలు పూర్తిగా మారిపోతాయి. దీనిలో సగటున ఏకంగా 2,693,000 స్కోవిల్ హీట్ యూనిట్ల ఘాటు ఉంటుంది. అంటే గుంటూరు మిర్చితో పోలిస్తే దాదాపు 67 రెట్లు ఎక్కువ కారం ఉన్నట్లన్నమాట. ఈ స్థాయి కారంతోనే పెప్పర్ ఎక్స్ ప్రపంచవ్యాప్తంగా ప్రత్యేక గుర్తింపు పొందింది.

పెప్పర్ ఎక్స్‌ను సాధారణ మిరపకాయల మాదిరిగా తినడం అంత సులభం కాదు. దీని ఘాటు నోటిలో తీవ్రమైన మంటను కలిగిస్తుంది. తిన్న వెంటనే నాలుక, పెదవులు, నోటి లోపలి భాగాల్లో మంట మొదలవుతుంది. కళ్లలో నీళ్లు రావడం, ముక్కు కారడం, చెమటలు పట్టడం, దగ్గు రావడం వంటి లక్షణాలు కనిపించవచ్చు. కొందరిలో వాంతులు, కడుపునొప్పి, జీర్ణాశయ అసౌకర్యం కూడా ఏర్పడవచ్చు.

ఈ పెప్పర్ ఎక్స్ ను నోట్లో వేసుకుని నమలగానే ఆ ఘాటు నషాలానికి అంటుతుంది... ధైర్యం చేసి నమిలి మింగితే అంతే సంగతి. అన్నవాహికతో పాటు జీర్ణాశయానికి రంద్రాలు పడినంత పని అవుతుంది... అల్సర్ వచ్చే ప్రమాదం ఉంటుంది. ఇక ఇప్పటికే అల్సర్ సమస్యతో బాధపడేవారు తింటే కడుపులో పెట్రోల్ పోసి నిప్పు పెట్టినంత మంటగా ఉంటుంది. ఈ పెప్పర్ ఎక్స్ లో మనిషిని చంపేసే స్థాయిలో కారం ఉంటుందనడం అతిశయోక్తి కాదు.

పెప్పర్ ఎక్స్‌లో ఉండే క్యాప్సైసిన్ కారణంగా చర్మంపై మంట, కళ్లలో తీవ్రమైన మంట, ముక్కులో అసౌకర్యం కలగవచ్చు. ముఖ్యంగా మిరపకాయను చేతులతో పట్టుకున్న తర్వాత అదే చేతులతో కళ్లను, ముక్కును తాకితే తీవ్ర ఇబ్బంది ఎదురవుతుంది. అందుకే ఇలాంటి అత్యంత కారమైన మిరపకాయలను పరిశోధన లేదా వంటల తయారీలో ఉపయోగించేటప్పుడు చేతులకు గ్లౌజులు ధరించడం, కళ్లకు తగలకుండా జాగ్రత్తపడటం అవసరం.

అమెరికాకు చెందిన ప్రముఖ మిరపకాయల పెంపకందారుడు ఎడ్ క్యూరీ (Ed Currie) ఈ పెప్పర్ ఎక్స్‌ను అభివృద్ధి చేశారు. ఈయన PuckerButt Pepper Company వ్యవస్థాపకులు… పరిశోధనల్లో భాగంగా ఈ మిరపను తయారుచేశాడు. ఈ మిరపకాయను అభివృద్ధి చేయడానికి ఆయన దాదాపు పదేళ్లపాటు పరిశోధనలు, వివిధ రకాల మిరపకాయల సంకరణ ప్రక్రియ చేపట్టారు.

ఇదే ఎడ్ క్యూరీ గతంలో ప్రపంచంలోనే అత్యంత కారమైన మిరపకాయగా గుర్తింపు పొందిన కరోలినా రీపర్ (Carolina Reaper)ను కూడా అభివృద్ధి చేశారు. దాని సగటు ఘాటు 1.64 మిలియన్ SHU కాగా, పెప్పర్ ఎక్స్ దాన్ని కూడా అధిగమించింది.

సాధారణ మార్కెట్లో పెప్పర్ ఎక్స్ దొరకదు.. ఎందుకు?

పెప్పర్ ఎక్స్ ఆకారం కూడా ఇతర మిరపకాయలతో పోలిస్తే భిన్నంగా ఉంటుంది. ఇది ముడతలు పడిన, అసమానమైన ఆకారంతో కనిపిస్తుంది. దీని రుచి కేవలం కారం మాత్రమే కాకుండా కొంత పండ్ల సువాసన, మట్టి వాసనను కూడా కలిగి ఉంటుందని చెబుతారు.

ఈ మిరపకాయ విత్తనాలు, మొక్కల విషయంలో ఎడ్ క్యూరీ ప్రత్యేక గోప్యత పాటిస్తున్నారు. సాధారణ మార్కెట్లలో తాజా పెప్పర్ ఎక్స్ మిరపకాయలు లేదా విత్తనాలు సులభంగా లభించవు. అయితే దీనిని ఉపయోగించి తయారు చేసిన కొన్ని ప్రత్యేక హాట్ సాస్‌లు అందుబాటులో ఉన్నాయి.

మొత్తానికి గుంటూరు మిర్చి ఘాటుకే అల్లాడిపోయే మనకు పెప్పర్ ఎక్స్ గురించి తెలుసుకుంటేనే ఆశ్చర్యం కలుగుతుంది. 2.69 మిలియన్ల స్కోవిల్ హీట్ యూనిట్లతో ప్రపంచ రికార్డు సృష్టించిన ఈ మిరపకాయ నిజంగానే ప్రకృతి సృష్టించిన అత్యంత ఘాటైన ఆహార పదార్థాల్లో ఒకటి.

Goa Beach: గోవాలో.. ఆసియాలోనే అందాల బీచ్, ప్రపంచం మెచ్చిన ఈ బీచ్ చూసి తీరాల్సిందే

Haritha Chappa — Tue, 10 Nov 2026 11:36:44 +0530

Goa Beach: ఆసియాలోనే అందమైన బీచ్ గోవాలో ఉంది. గ్లోబల్ బీచ్ ఇండెక్స్ 2026 నివేదిక ప్రకారం, ఈ బీచ్ ఆసియాలోనే అత్యుత్తమ బీచ్‌గా మొదటి స్థానాన్ని కైవసం చేసుకుంది. ఆ బీచ్ గురించి తెలుసా?

భారత పర్యాటక రంగానికి అంతర్జాతీయ స్థాయిలో అరుదైన గౌరవం దక్కింది. గోవాలోని ప్రముఖ పాలోలెం బీచ్ ప్రపంచ పర్యాటక పటంలో సరికొత్త చరిత్ర సృష్టించింది. గ్లోబల్ బీచ్ ఇండెక్స్ 2026 నివేదిక ప్రకారం, ఈ బీచ్ ఆసియాలోనే అత్యుత్తమ బీచ్‌గా మొదటి స్థానాన్ని కైవసం చేసుకుంది. ప్రపంచవ్యాప్తంగా టాప్ టెన్ బీచ్‌ల జాబితాలో ఆరో ర్యాంకు సాధించి పర్యాటకులను ఆశ్చర్యపరిచింది. ప్రపంచ స్థాయి టాప్ 25 జాబితాలో నిలిచిన ఏకైక ఆసియా బీచ్‌గా పాలోలెం బీచ్ నిలవడం మన దేశానికే గర్వకారణం. దక్షిణ గోవాలోని కెనకోనా ప్రాంతంలో ఉండే ఈ అందమైన సముద్ర తీరం ఇప్పుడు అంతర్జాతీయ ప్రయాణికుల దృష్టిని విశేషంగా ఆకర్షిస్తోంది.

అర్ధచంద్రాకారంలో ఉండే తెల్లటి ఇసుక తిన్నెలు, ప్రశాంతమైన సముద్రపు అలలు ఈ తీరానికి ప్రధాన ఆకర్షణగా నిలుస్తున్నాయి. నీటిలో ఈత కొట్టేందుకు అనువైన సురక్షిత వాతావరణం ఉండటంతో దేశవిదేశాల నుంచి వచ్చే సందర్శకులు ఇక్కడికి రావడానికి ఎక్కువ ఇష్టపడతారు. నీటి స్వచ్ఛత, పర్యావరణ పరిశుభ్రత, పర్యాటకుల భద్రత వంటి అనేక అంశాలను నాసా శాటిలైట్ సమాచారం ఆధారంగా లెక్కించి ఈ ర్యాంకు ఇచ్చారు. లక్షకు పైగా పర్యాటకుల అనుభవాలు, అభిప్రాయాలను పరిగణనలోకి తీసుకుని ఈ ఎంపిక చేశారు. స్థానికంగా జరిగే డాల్ఫిన్ బోట్ రైడ్స్, పర్యావరణానికి ఇబ్బంది కలగకుండా హెడ్‌ఫోన్లు పెట్టుకుని సంగీతం ఆస్వాదించే సైలెంట్ నైట్ పార్టీలు ఇక్కడ ప్రత్యేక అనుభూతిని అందిస్తాయి.

ఈ అంతర్జాతీయ గుర్తింపుతో గోవా పర్యాటక రంగానికి సరికొత్త ఉత్సాహం వచ్చింది. ప్రపంచ టాప్ టెన్ జాబితాలో యూఎస్ వర్జిన్ ఐలాండ్స్, గ్రీస్, టర్క్స్ అండ్ కైకోస్, ప్యూర్టోరికో వంటి ప్రపంచ ప్రసిద్ధ దేశాల బీచ్‌ల సరసన పాలోలెం నిలవడం నిజంగా విశేషం. కేవలం భారతీయులకే కాకుండా ప్రపంచ పర్యాటకులందరికీ ఇది ఒక కలల గమ్యస్థానంగా మారుతోంది. తీర ప్రాంత సహజ సౌందర్యం ఏమాత్రం దెబ్బతినకుండా కాపాడుకోవడం వల్లే ఈ అరుదైన గుర్తింపు సాధ్యమైంది. రాబోయే రోజుల్లో ఇక్కడికి వచ్చే విదేశీ పర్యాటకుల సంఖ్య మరింత పెరిగే అవకాశం కనిపిస్తోంది.

Mushrooms: పుట్టగొడుగులు ఒక్క రాత్రిలో ఎలా పుట్టుకొస్తాయో తెలుసా? ఎందుకు వాటికంత డిమాండ్..?

Mahesh Jujjuri — Tue, 10 Nov 2026 08:39:42 +0530

Mushrooms: వర్షాకాలంలో , తేమ ఎక్కువగా ఉన్న సమయాల్లో, నిన్నటి వరకు ఏమీ లేని చోట.. మరుసటి రోజు ఉదయానికి పుట్టగొడుగులు గుంపులు గుంపులుగా దర్శనమిస్తుంటాయి. అసలు పుట్టగొడుకులు ఎలా పుడతాయి? ఒక్క రాత్రిలో ఎలా వస్తాయి?

వర్షం పడితే చాలు చెట్టు,పుట్టల్లో పుట్టగొడుకులు రాత్రికి రాత్రే పుట్టుకొస్తుంటాయి. పుట్టగొడుగులు చూస్తే.. ఎవరికైనా ఇవి ఒక్క రాత్రిలోనే నేల నుండి అకస్మాత్తుగా పుట్టుకొచ్చాయనే భావన కలుగుతుంది. కానీ, నిజానికి దీని వెనుక మట్టిలో ఎంతో కాలంగా నడుస్తున్న ఒక రహస్య జీవన చక్రం ఉంది. సాధారణంగా చాలామంది పుట్టగొడుగులను మొక్కలని భావిస్తారు. కానీ శాస్త్రీయంగా ఇవి మొక్కలు కావు, వేరే రాజ్యానికి (Kingdom Fungi) చెందిన ప్రత్యేకమైన జీవులు. మనకు నేల పైన కనిపించే గొడుగు లాంటి భాగం వాటి పూర్తి శరీరం కాదు, అది కేవలం వాటి 'ఫలదేహం' (Fruiting body) మాత్రమే. పుట్టగొడుగు అసలు శరీరం నేల లోపల, కుళ్లిన ఆకులు, చెక్క ముక్కల మధ్య దాగి ఉంటుంది.

మైసీలియం (Mycelium) రహస్య వలయం

నేలలోపల సన్నని తెల్లటి తంతువుల రూపంలో 'మైసీలియం' అనే అద్భుతమైన జాలం విస్తరించి ఉంటుంది. ఈ తెల్లటి వలయమంతా మట్టిలోని కుళ్లిన పదార్థాలను కరిగిస్తూ, తనకు కావలసిన ఆహారాన్ని వెతుక్కుంటూ నిరంతరం పెరుగుతూనే ఉంటుంది. ఎప్పుడైతే వర్షం పడి నేలలో తేమ పెరుగుతుందో, గాలి చల్లగా మారుతుందో, అప్పుడు నేల లోపల ఉన్న ఈ మైసీలియం ఒక్కసారిగా స్పందిస్తుంది.

వాతావరణం అనుకూలించగానే నేల లోపల ఉన్న మైసీలియం నుండి చిన్న చిన్న గుండ్రని మొగ్గలు బయటికి వస్తాయి. మొదట ఇవి గుండ్రని బటన్ల లాగా కనిపిస్తాయి. ఆ తర్వాత వాటి కాండం పొడవుగా మారుతుంది, పై భాగం ఉబ్బి చివరకు గొడుగులా విచ్చుకుంటుంది. పైకి చూసేవారికి ఇవి కేవలం ఒక్క రాత్రిలోనే పెరిగినట్లు కనిపిస్తాయి. కానీ ఆ వేగం వెనుక మట్టిలో చాలా కాలంగా దాగి ఉన్న జీవ ప్రక్రియ ఉంది.

స్పోర్లు (Spores) ‌- పునరుత్పత్తి

పుట్టగొడుగు టోపీ కింది భాగాన్ని పరిశీలిస్తే సన్నని పలకల లాంటి వరుసలు కనిపిస్తాయి. వీటిని 'గిల్స్' (Gills) అంటారు. ఇక్కడే అత్యంత సూక్ష్మమైన 'స్పోర్లు' (Spores) తయారవుతాయి. ఇవి మొక్కలలోని విత్తనాల లాంటివి. గాలి వీచినప్పుడు లేదా స్వల్పంగా కదిలినప్పుడు లక్షలాది సంఖ్యలో ఈ స్పోర్లు బయటికి గాలిలో కలిసిపోతాయి. సరైన తేమ, తగిన వాతావరణం దొరికినప్పుడు ఈ స్పోర్లు మొలకెత్తి మళ్ళీ కొత్త మైసీలియంగా మారుతాయి. కొన్నిసార్లు పుట్టగొడుగులు వృత్తాకారంలో వరుసగా ఏర్పడటానికి కారణం, కింద ఉన్న మైసీలియం వృత్తాకారంలో చుట్టూ విస్తరించడమే.

పర్యావరణ సమతుల్యతలో పుట్టగొడుగులు కీలక పాత్ర పోషిస్తాయి. అడవిలో కుళ్లిన ఆకులు, చెట్ల చెత్తాచెదారం, చనిపోయిన జీవ పదార్థాలను కుళ్ళింపజేసి తిరిగి మట్టిలో కలిసేలా చేసే అడవి శుభ్రత కార్మికులుగా ఇవి పనిచేస్తాయి. అయితే, అడవుల్లో లేదా మట్టిలో సహజంగా కనిపించే ప్రతి పుట్టగొడుగు తినదగినది కాదని గుర్తుంచుకోవాలి. కొన్ని రకాల పుట్టగొడుగులు అత్యంత విషపూరితమైనవిగా ఉంటాయి. కాబట్టి సరైన అవగాహన లేకుండా వాటిని తాకడం లేదా తినడం ప్రమాదకరం.

ఎందుకంత డిమాండ్..

పుట్టగొడుగులకు (Mushrooms) మార్కెట్‌లో ప్రస్తుతం విపరీతమైన డిమాండ్ పెరగడానికి అనేక కారణాలు ఉన్నాయి. ఇది కేవలం రుచి కోసమే కాకుండా, ఆరోగ్యం పరంగా కూడా ఎంతో ప్రయోజనకరమైనది. పుట్టగొడుగులలో విటమిన్ డి, బి-కాంప్లెక్స్, పొటాషియం, సెలీనియం వంటి ముఖ్యమైన పోషకాలు పుష్కలంగా ఉంటాయి. వీటిలో ఉండే యాంటీఆక్సిడెంట్లు శరీరంలో రోగనిరోధక శక్తిని (Immunity) పెంచుతాయి. కొలెస్ట్రాల్ , ఫ్యాట్ చాలా తక్కువగా ఉండటం వల్ల బరువు తగ్గాలనుకునే వారికి, గుండె జబ్బులు ఉన్నవారికి , డయాబెటిస్ (చక్కెర వ్యాధి) రోగులకు ఇది ఒక వరప్రసాదం. అంతే కాదు వీటిని వండినప్పుడు వచ్చే రుచి , ఆకృతి (Texture) దాదాపు చికెన్, మటన్ లాగే అనిపిస్తుంది. అందుకే నాన్-వెజ్ ప్రియులు కూడా వీటిని ఇష్టంగా తింటారు.

Biggest Airport: ఒక దేశం కన్నా పెద్ద ఎయిర్‌పోర్టు.. ప్రపంచంలోనే అతిపెద్ద విమానాశ్రయం

Haritha Chappa — Tue, 10 Nov 2026 10:52:04 +0530

Biggest Airport: ప్రపంచంలోనే అతి పెద్ద ఎయిర్ పోర్టు ఇది. దీని సైజు ఒక దేశం కన్నా పెద్దగా ఉంటుంది. అతి పెద్ద విమానాశ్రయంగా గిన్నిస్ రికార్డు కూడా సాధించింది. ఆ ఎయిర్ పోర్టు ఏదో తెలుసా?

ప్రపంచంలోనే అతిపెద్ద విమానాశ్రయంగా గిన్నిస్ రికార్డు సాధించిన కింగ్ ఫహద్ అంతర్జాతీయ విమానాశ్రయం విస్తీర్ణం వింటే ఎవరైనా ఆశ్చర్యపోవాల్సిందే. సౌదీ అరేబియాలోని దమ్మామ్ నగరంలో నిర్మించిన ఈ భారీ ఎయిర్‌పోర్టు దాదాపు 776 చదరపు కిలోమీటర్ల మేర విస్తరించి ఉంది. ఈ వైశాల్యం పొరుగున బహ్రెయిన్ దేశం, సింగపూర్ కంటే కూడా చాలా పెద్దది. ఒక స్వతంత్ర దేశ భూభాగం కన్నా భారీ విస్తీర్ణంలో ఒక విమానాశ్రయం విస్తరించి ఉండటం వల్లే ఈ ఎయిర్ పోర్టుకు ఎంతో ప్రాధాన్యం వచ్చింది.

ఈ విమానాశ్రయం మొత్తం విస్తీర్ణం ఇంత భారీగా ఉన్నప్పటికీ, విమాన రాకపోకలు, ప్రయాణికుల సేవల కోసం కేవలం 37 నుండి 43 చదరపు కిలోమీటర్ల మేర మాత్రమే ప్రస్తుతం వినియోగిస్తున్నారు. మిగిలిన విస్తారమైన ఎడారి భూభాగాన్ని భవిష్యత్తు అవసరాలు, రక్షణ వలయం కోసం ప్రత్యేకంగా కేటాయించారు. ఇక్కడ నిర్మించిన ఆరు అంతస్తుల ప్రధాన టెర్మినల్ ఆధునిక హంగులతో ఉంటుంది. వేలాది మంది ప్రార్థనలు చేసుకునేందుకు వీలుగా టెర్మినల్ పైభాగంలో ఒక భారీ మసీదును కూడా ఏర్పాటు చేశారు.

ఇక్కడ సౌదీ రాజకుటుంబం, విదేశీ ప్రముఖుల రాకపోకల కోసం ప్రత్యేకమైన రాయల్ టెర్మినల్ అందుబాటులో ఉంది. అతిపెద్ద విమానాలు సైతం సురక్షితంగా ల్యాండ్ అయ్యేందుకు అనువుగా నాలుగు కిలోమీటర్ల పొడవైన రెండు రన్‌వేలు, అత్యాధునిక సాంకేతిక సదుపాయాలు ఇక్కడ ఉన్నాయి. ప్రయాణికుల రద్దీ విషయంలో ప్రపంచంలోని ఇతర రద్దీ విమానాశ్రయాలతో పోల్చితే తక్కువగానే ఉన్నప్పటికీ, భూ విస్తీర్ణం పరిమాణంలో మాత్రం ఒక దేశాన్నే తలదన్నే స్థాయిలో నిలిచి ఇది ప్రపంచాన్ని ఆశ్చర్యపరుస్తోంది.