Asianet News Telugu

Bigg Boss telugu 10: ముకేష్ గౌడ Vs శివ, ఇద్దరి మధ్య రగిలిన గొడవ, ముఖేష్ తీరుపై విమర్శలు..

Mahesh Jujjuri — Fri, 23 Oct 2026 22:21:19 +0530

Bigg Boss telugu 10: బిగ్ బాస్ తెలుగు సీజన్ 1‌0 రోజుకో ట్విస్ట్ లతో .. రసవత్తరంగా కొనసాగుతోంది. వైల్డ్ కార్ట్స్ ఎంట్రీ తరువాత ఆట మరింతగా రక్తి కడుతోంది. తాజా ఎపిసోడ్ లో ముఖేష్, శివ మధ్య హోరా హోరీ నడిచింది. పెద్ద గొడవకు దారి తీసింది.

బిగ్ బాస్ తెలుగు సీజన్ 10 రసవత్తరంగా సాగుతోంది. హౌస్‌లో కంటెస్టెంట్ల మధ్య పోటీ రోజురోజుకు తారాస్థాయికి చేరుకుంటోంది. ముఖ్యంగా ఏడో వారంలో బిగ్ బాస్ హౌస్‌ను రెడ్, ఎల్లో, గ్రీన్ లెవెల్స్‌గా విభజించడం ఆటను మరింత ఉత్కంఠభరితంగా మార్చింది. రెడ్ లెవెల్ కంటెస్టెంట్లు మిడ్-వీక్ ఎలిమినేషన్‌కు గురికాగా, ఎల్లో జోన్‌లో ఉన్న వారు గ్రీన్ జోన్‌లోకి అడుగుపెట్టేందుకు తీవ్రంగా శ్రమిస్తున్నారు. గ్రీన్ జోన్‌లోకి వెళ్లిన వారికి తదుపరి వారానికి ఇమ్యూనిటీ లభించడంతో, ఈ అవకాశం కోసం కంటెస్టెంట్లు హోరాహారీగా తలపడుతున్నారు. ఈ క్రమంలోనే ఎల్లో నుంచి గ్రీన్ లెవెల్‌కు మారేందుకు నిర్వహించిన కంటెంట్ టాస్క్‌లు, గేమ్‌లు హౌస్‌లో పెద్ద ఎత్తునే మంటలు రేపాయి.

ఎల్లో నుంచి గ్రీన్‌లోకి వెళ్లే ప్రక్రియలో భాగంగా బిగ్ బాస్ కంటెస్టెంట్లకు పలు రకాల ఆసక్తికరమైన ప్రశ్నలు, టాస్క్‌లు పెట్టారు. 'తడిసిన కేజీ పత్తి బరువు ఎక్కువ ఉంటుందా, లేక ఎండిన కేజీ పత్తి బరువు ఎక్కువ ఉంటుందా?' అనే ఆసక్తికరమైన ప్రశ్నకు ముకేష్ గౌడ పరిగెత్తుకుంటూ వచ్చి తడిసిన పత్తి బరువుగా ఉంటుందని తప్పుడు సమాధానం చెప్పాడు.

ఆ తర్వాత నరేష్ స్పందించి రెండూ ఒకే బరువుతో ఉంటాయని సరైన సమాధానం చెప్పి బోణీ కొట్టాడు. ఈ క్రమంలో డైనోసార్ బొమ్మను చూపించి అడిగిన ప్రశ్నకు నరేష్ తనదైన శైలిలో స్పందిస్తూ సందడి చేశాడు. అలాగే దోమ సౌండ్ రౌండ్, ఓజీ సినిమా టైటిల్ గుర్తింపు వంటి వివిధ రౌండ్లలో కంటెస్టెంట్లు ఉత్సాహంగా పాల్గొన్నారు. అయితే ఈ సరదా వాతావరణం కాస్తా కొద్దిసేపటికే తీవ్ర వాగ్వాదాలకు, వ్యక్తిగత విమర్శలకు దారితీసింది.

అగ్గిపుల్ల గీసే సౌండ్ రౌండ్ మరియు బరువులు మోసే కీలకమైన టాస్క్‌లో అసలు రచ్చ ప్రారంభమైంది. ప్రత్యర్థులను దెబ్బకొట్టడానికి ముకేష్ గౌడ ఓ మాస్టర్ ప్లాన్ వేశాడు. బరువులు పెట్టేటప్పుడు వాటిని ఒకే వైపు (వన్ సైడ్) వేయాలని, అలా చేస్తే ప్రత్యర్థులు బ్యాలెన్స్ చేయలేక కిందపడతారని తన గ్రూప్ సభ్యులకు ముకేష్ సలహా ఇచ్చాడు. సుధీర్ తదితరులు అమన్, శివ వంటి కంటెస్టెంట్లపై ఈ వ్యూహాన్నే అమలు చేశారు.

అప్పటికే దాదాపు 30 కేజీలకు పైగా బరువును మోస్తూ శివ సుదీర్ఘ పోరాటం చేసినప్పటికీ, ఈ టార్గెటెడ్ స్ట్రాటజీ కారణంగా చివరికి గేమ్ నుండి తప్పుకోవాల్సి వచ్చింది. అయితే, ముకేష్ టీమ్ ఏ వ్యూహాన్నైతే అమలు చేసిందో, సరిగ్గా అదే పద్ధతిని శివ కూడా తన టర్న్ వచ్చినప్పుడు ఫాలో అయ్యాడు. ముకేష్ వైపు బరువులు వేసేటప్పుడు మొత్తం ఒకే వైపునకు బ్యాగ్‌లను అమర్చాడు. దీనితో ముకేష్ ఒక్కసారిగా ఆగ్రహంతో ఊగిపోయాడు.

తనపై అదే స్ట్రాటజీ ప్రయోగించేసరికి ముకేష్ ఓటమిని జీర్ణించుకోలేకపోయాడు. శివతో వాదనకు దిగుతూ తీవ్ర పదజాలం వాడాడు. "నీకు సిగ్గుందా? విశ్వాసం లేదా? ఆత్మసాక్షిని అడుగు, నువ్వు తొండాట ఆడుతున్నావు" అంటూ వ్యక్తిగత విమర్శలకు దిగాడు. మరోవైపు శివ ఎంతో సంయలనంతో సమాధానం ఇస్తూ.. "మీ వాళ్లు కూడా అదే చేశారు కదా, నేను ఆడితే తప్పేంటి?" అని నిలదీశాడు. సంచాలక్‌గా వ్యవహరించిన వారి నిర్ణయాలపై కూడా కొద్దిసేపు గందరగోళం చెలరేగింది. ఈ వివాదం ముసలముద్రలా మారుతున్న తరుణంలో అమన్ జోక్యం చేసుకుని ఇద్దరినీ డిస్‌క్వాలిఫై చేస్తున్నట్లు ప్రకటించాడు.

'గుప్పెడంత మనసు' సీరియల్ హీరోగా బుల్లితెరపై ఎంతో మంది లేడీ ఫ్యాన్స్ ను, మంచి పేరు తెచ్చుకున్న ముకేష్ గౌడ.. బిగ్ బాస్ హౌస్‌లోకి వచ్చాక తన ఆట తీరుతో, కోపంతో రూడ్‌గా మారుతున్నారనే విమర్శలు వ్యక్తమవుతున్నాయి. వ్యూహాల పేరుతో వివాదాలు రాజేసుకోవడం, సహచర కంటెస్టెంట్లపై నోరు పారసుకోవడం ప్రేక్షకులను విస్మయానికి గురిచేస్తోంది. ఈ గోట్ టాస్క్ వివాదం రాబోయే రోజుల్లో హౌస్‌లో ఎలాంటి సమీకరణాలకు దారితీస్తుందో వేచి చూడాలి.

Auto Ram Prasad: రామ్ ప్రసాద్ కు అన్యాయం, సుడిగాలి సుధీర్, గెటప్ శ్రీను వెన్నుపోటు పొడిచారా?

Mahesh Jujjuri — Fri, 23 Oct 2026 20:16:30 +0530

బుల్లితెరపై.. స్టార్ కామెడియన్స్ గా మాత్రమే కాదు.. రియల్ లైఫ్ లో ప్రాణస్నేహితులుగా ఉన్నారు ఆటో రామ్ ప్రసాద్, సుడిగాలి సుధీర్ , గెటప్ శ్రీను. ఇంత మంచి స్నేహితులు మధ్య ఏం జరిగింది. రామ్ ప్రసాద్ కు ఆ ఇద్దరు వెన్నుపోటు పొడిచారా?

బుల్లితెరపై దశాబ్ద కాలంగా తమదైన శైలిలో నవ్విస్తూ, కోట్లాది మంది ప్రేక్షకులను అలరించిన కామెడీ కాంబినేషన్లలో సుడిగాలి సుధీర్, గెటప్ శ్రీను, ఆటో రామ్‌ప్రసాద్‌ల జోడీ ముందుంటుంది. 'జబర్దస్త్' కామెడీ షో ద్వారా విపరీతమైన క్రేజ్ సంపాదించుకున్న ఈ ముగ్గురు మిత్రులు, కేవలం సహనటులుగానే కాకుండా నిజ జీవితంలోనూ మంచి స్నేహితులుగా గుర్తింపు పొందారు. అయితే కాలక్రమేణా ఎవరి దారులు వారు చూసుకుంటూ ఈ షోకి దూరమయ్యారు.

అయినా సరే వీరిముగ్గురి మధ్య స్నేహంమాత్రం ఏమాత్రం చెక్కు చెదరలేదు. ఈ క్రమంలో తాజాగా ఆటో రామ్‌ప్రసాద్ బిగ్ బాస్ రియాలిటీ షోలోకి అడుగుపెట్టడం హాట్ టాపిక్‌గా మారింది. కానీ, రామ్‌ప్రసాద్‌కు ఆయన ప్రాణ స్నేహితులైన సుధీర్, శ్రీను నుంచి తగిన సపోర్ట్ లభించడం లేదన్న విమర్శలు సోషల్ మీడియాలో వ్యక్తమవుతున్నాయి. అసలు ఈ విషయంలో జరుగుతున్న చర్చ ఏమిటి.

జబర్దస్త్ షోకి ప్రధాన ఆకర్షణగా నిలిచిన ఈ ముగ్గురిలో చివరిగా రామ్‌ప్రసాద్ కూడా ఆ షోను వీడి బయటికి వచ్చేశారు. ఆ తర్వాత అనూహ్యంగా ఆయన 'బిగ్ బాస్' రియాలిటీ షో సీజన్‌10 లోకి కంటెస్టెంట్‌గా ఎంట్రీ ఇచ్చారు. హౌస్‌లోకి అడుగుపెట్టే ముందు ఆయన తోటి మిత్రులు సుధీర్, శ్రీను, హైపర్ ఆదిలతో కలిసి చేసిన స్కిట్లు యూట్యూబ్‌లో భారీ వ్యూస్‌ను సొంతం చేసుకున్నాయి. షో ప్రారంభమైనప్పటి నుంచి రామ్‌ప్రసాద్ తనదైన మార్క్ కామెడీతో, హుషారైన ఆటతీరుతో ప్రేక్షకులను అలరిస్తూ ముందుకు సాగుతున్నారు.

స్నేహితుల నుంచి సపోర్ట్ ఎందుకు లేదు?

బిగ్ బాస్ హౌస్‌లో ప్రతివారం జరిగే నామినేషన్ ప్రక్రియలో రామ్‌ప్రసాద్ పలుమార్లు డేంజర్ జోన్‌లోకి వెళ్లాల్సి వచ్చింది. సాధారణంగా సినిమా లేదా టీవీ రంగంలో ఉండే సెలబ్రిటీలు ఎవరైనా రియాలిటీ షోలకు వెళ్తే, వారి స్నేహితులు, సెలబ్రిటీలు కూడా సోషల్ మీడియాలో వారికి ఓట్లు వేయమని అభిమానులను కోరడం సర్వసాధారణం. అయితే, రామ్‌ప్రసాద్ నామినేషన్స్‌లో ఉన్నప్పుడు సుడిగాలి సుధీర్ గానీ, గెటప్ శ్రీను గానీ తమ సోషల్ మీడియా ఖాతాల ద్వారా రామ్‌ప్రసాద్‌ను సపోర్ట్ చేయాలని ఒక్క పోస్ట్ కూడా పెట్టలేదట. దీనిని చూసిన నెటిజన్లు, "ఇంతకాలం కలిసి తిరిగిన స్నేహితులు కష్టకాలంలో ఇలా పట్టించుకోకపోవడం ఏంటి?" అంటూ ప్రశ్నిస్తున్నారు. కొందరైతే దీన్ని 'వెన్నుపోటు' అంటూ సోషల్ మీడియాలో విమర్శలు కూడా గుప్పిస్తున్నారు.

మరోవైపు, వీరు స్పందించకపోవడానికి కొన్ని కారణాలు ఉండొచ్చని విశ్లేషకులు భావిస్తున్నారు. సుడిగాలి సుధీర్ సోషల్ మీడియాలో ఎక్కువగా యాక్టివ్‌గా ఉండరని, చాలా అరుదుగా పోస్టులు పెడుతుంటారని అందరికీ తెలిసిందే. ఇక గెటప్ శ్రీను కూడా ప్రస్తుతం టాలీవుడ్‌లో మోస్ట్ బిజీ కమెడియన్‌గా మారడంతో వరుస షూటింగ్స్‌తో తీరిక లేకుండా గడుపుతున్నారు. కేవలం సోషల్ మీడియా వినియోగంపై పెద్దగా ఆసక్తి లేకపోవడం వల్లే వారు పోస్టులు పెట్టి ఉండకపోవచ్చని కొందరు అభిప్రాయపడుతున్నారు. అంతే కాదు హౌస్ లో మరో జబర్దస్త్ కమెడియన్ నరేష్ కూడా ఉండటంతో.. ఇద్దరిలో ఎవరో ఒకరికి సపోర్ట్ చేయడం మంచిది కాదు అని.. సైలెంట్ గా ఉన్నారన్న మాట కూడా వినిపిస్తోంది.

అంతేకాకుండా, దీని వెనుక స్వయంగా రామ్‌ప్రసాద్ వ్యూహం కూడా ఉండొచ్చని మరికొందరు అంటున్నారు. తనకు ఇప్పటికే ఉన్న బలమైన ఫ్యాన్ బేస్ ఓట్లతో తాను ముందుకు వెళ్లగలనని, స్నేహితుల సబ్జెక్ట్ లేదా వారి క్రేజ్‌ను తాను వాడుకోవాలని రామ్‌ప్రసాద్ భావించి ఉండకపోవచ్చని అంటున్నారు. ఏది ఏమైనప్పటికీ, తెరపై నవ్వులు పంచే ఈ స్నేహితుల మధ్య బయట ఎలాంటి బంధం ఉందనేది కేవలం వారికే తెలియాలి.

Top 10 Heroines: టాప్‌కి దూసుకొచ్చిన రష్మిక, పడిపోయిన సాయిపల్లవి, నయనతార.. సమంత, కాజల్‌, త్రిష స్థానాలివే

Aithagoni Raju — Fri, 23 Oct 2026 19:11:37 +0530

ఓర్మాక్స్ మీడియా తాజాగా సెప్టెంబర్‌ నెలకు సంబంధించిన టాప్‌ 10 హీరోయిన్ల జాబితాని విడుదల చేసింది. ఇందులో రష్మిక టాప్‌లోకి దూసుకొచ్చింది. నయనతార, సాయిపల్లవి పడిపోయారు.

ఓర్మాక్స్ మీడియా ప్రతి నెల ఇండియాలోనే మోస్ట్ పాపులర్‌ హీరోలు, హీరోయిన్లకి సంబంధించిన జాబితాని విడుదల చేస్తుంటుంది. అందులో భాగంగా సెప్టెంబర్‌ నెలకు సంబంధించిన జాబితా వచ్చింది. ఇందులో కొద్దిపాటి మార్పులు చోటు చేసుకున్నాయి. రష్మిక మందన్నా ఒక్కసారిగా దూసుకొచ్చి మళ్లీ తన స్థానంలోకి వచ్చింది. ఇక సాయిపల్లవి, నయనతారలు డౌన్‌ అయ్యారు. అదే సమయంలో త్రిష, కాజల్‌, సమంత వంటి హీరోయిన్లు స్థానాలేంటి? ఎవరు టాప్‌ లో ఉన్నారు ? ఎవరు బాటమ్‌లో ఉన్నారనేది చూద్దాం.

సమంత మరోసారి తన సత్తా చాటింది. తనకు తిరుగులేదనే విషయాన్ని చాటి చెప్పింది. సెప్టెంబర్‌ నెలలో కూడా ఆమె మొదటి స్థానాన్ని కైవసం చేసుకుంది. తనకు తిరుగే లేదని నిరూపించింది. చాలా నెలలుగా ఆమె మొదటి స్థానంలో ఉంటున్న విషయం తెలిసిందే. మధ్య ఒకటి రెండు సార్లు డౌన్‌ అయ్యింది. కానీ మళ్లీ తన స్థానాన్ని కైవసం చేసుకుంది.

సమంత చివరగా `మా ఇంటి బంగారం` చిత్రంతో విజయాన్ని అందుకుంది. ఇది దాదాపు వంద కోట్లు రాబట్టింది. ప్రస్తుతం ఆమె ప్రెగ్నెంట్‌ ఉంది. దీంతో మళ్లీ సినిమాలకు గ్యాప్‌ వచ్చింది. కానీ సోషల్‌ మీడియా ద్వారా మాత్రం యాక్టివ్‌గానే ఉంది సమంత.

రెండో స్థానంలో బాలీవుడ్‌ హీరోయిన్‌, `ఆర్‌ఆర్‌ఆర్‌` నటి అలియాభట్ ఉంది. మూడో స్థానంలో కూడా మరో బాలీవుడ్‌ నటి, `కల్కి 2898 ఏడీ` హీరోయిన్‌ దీపికా పదుకొనె ఉన్నారు. ఇక నాల్గో స్థానంలో మాత్రం నేషనల్‌ క్రష్‌ రష్మిక మందన్నా ఉండటం విశేషం. ఆమె ఆగస్ట్ నెలలో ఏడో స్థానంలో ఉండగా ఇప్పుడు మూడు స్థానాలు ఎగబాకి నాల్గో స్థానంలో సెటిల్‌ అయ్యింది.

రష్మిక మందన్నా ఇటీవల `రణబాలి`తో విజయాన్ని అందుకుంది. ఇందులో తన భర్త విజయ్‌ దేవరకొండ హీరోగా నటించాడు. దీంతోపాటు `మైసా`, `రాకా`, `ఎంఎస్‌ సుబ్బలక్ష్మి` బయోపిక్‌ చిత్రాల్లో నటిస్తూ బిజీగా ఉంది రష్మిక మందన్నా.

ఐదో స్థానంలో సాయిపల్లవి ఉంది. ఆగస్ట్ లో సాయిపల్లవి నాల్గో స్థానంలో ఉండగా, ఇప్పుడు ఒక్క స్థానం పడిపోయింది. ఆమె ప్రస్తుతం `రామాయణం`లో సీతగా నటిస్తోంది. ఈ మూవీ ప్రమోషన్స్ లో బిజీగా ఉంది. అయినా కూడా ఆమె స్థానం పడిపోవడం ఆశ్చర్యపరుస్తోంది. అయితే అక్టోబర్‌ లో మాత్రం పుంజుకునే అవకాశం ఉంది. ఇక ఆరో స్థానంలో కాజల్‌ ఉంది. ఆమె ఆగస్ట్ లో కూడా అదే స్థానంలో ఉంది. కాబట్టి ఈ చందమామకి మార్పు లేదు.

ఏడో స్థానంలో నయనతార ఉంది. ఆమె ఆగస్ట్ లో ఐదో స్థానంలో ఉన్న లేడీ సూపర్‌ స్టార్‌ నయనతార ఇప్పుడు రెండు స్థానాలు పడిపోయింది. ఏడో స్థానానికి పడిపోవడం గమనార్హం. ఇక ఎనిమిదో స్థానంలో కృతి సనన్‌, తొమ్మిదో స్థానంలో త్రిష, పదో స్థానంలో కత్రినా కైఫ్‌ ఉన్నారు. శ్రీలీల మరోసారి తన స్థానాన్ని కోల్పోయింది. మొత్తంగా టాప్‌ లో హీరోయిన్లే ఒకటి రెండు స్థానాలు అటుఇటుగా మారుతున్నారు. ఇందులో సౌత్‌ భామలతోపాటు నార్త్ బ్యూటీస్‌ హవా కూడా గట్టిగానే ఉందని చెప్పొచ్చు.

Jailer 2 Movie 8 Days Collections: జైలర్‌ 2 కలెక్షన్లు తగ్గించిన టీమ్‌.. రజనీకాంత్‌ మూవీ 8వ రోజు ఎంత చేసిందంటే?

Aithagoni Raju — Fri, 23 Oct 2026 08:35:17 +0530

సూపర్‌ స్టార్‌ రజనీకాంత్‌ హీరోగా నటించిన `జైలర్‌ 2` మూవీ రెండో వారంలోనూ జోరు చూపిస్తోంది. రోజువారి కలెక్షన్లు తగ్గినా.. ఓవరాల్‌గా మాత్రం సర్‌ప్రైజ్‌ చేసే వసూళ్లని రాబడుతోంది.

రజనీకాంత్‌.. నటించిన `జైలర్‌ 2` మూవీ బాక్సాఫీసు వద్ద దుమ్ములేపుతోంది. కోలీవుడ్‌ లెక్కలు మార్చేస్తుంది. ఇప్పటి వరకు ఎవరికీ సాధ్యం కాని రికార్డులను సృష్టించే దిశగా వెళ్తోంది. ఆరువందల కోట్లు దాటింది. అంతేకాదు కోలీవుడ్‌లో ఇండస్ట్రీ హిట్‌గా, అత్యధిక వసూళ్లు సాధించిన చిత్రంగా నిలుస్తోంది. ఎనిమిదో రోజు కూడా ఈ సినిమాకి మంచి వసూళ్లు వచ్చాయి. బుధవారంతో పోల్చితే కొద్దిగా తగ్గినా, గురువారం మంచి నెంబర్స్ రావడం విశేషం.

గురువారం రోజు ఈ మూవీ ఇండియాలో రూ.17.15కోట్ల నెట్‌ కలెక్షన్లు వచ్చాయి. దాదాపు ఇరవై కోట్ల గ్రాస్‌ వచ్చింది. ఓవర్సీస్‌లో ఐదు కోట్లు రాబట్టా, ప్రపంచ వ్యాప్తంగా ఎనిమిదో రోజు రూ.25కోట్లు వచ్చాయి. ఓవరాల్‌గా ఈ సినిమాకి ఎనిమిది రోజుల్లో రూ.606.05కోట్లు రావడం విశేషం. అయితే ఇండియాలో రూ.391.55కోట్ల గ్రాస్‌, ఓవర్సీస్‌లో రూ.213.50కోట్లు వసూలు చేసింది. ఎనిమిదో రోజు తమిళంలో రూ.10.75కోట్లు, తెలుగులో రూ.3.60కోట్లు, హిందీలో రూ.2.40కోట్లు వచ్చాయి. కన్నడలో నలభై లక్షలు మాత్రమే రావడం గమనార్హం. ఓవరాల్‌గా తెలుగులో ఈసినిమా రూ.73.25కోట్లు రాబట్టడం విశేషం. అయితే ఇంకా పదహారు కోట్లు వస్తే, తెలుగులో బ్రేక్‌ ఈవెన్‌ అవుతుంది.

ఇదిలా ఉంటే సాక్నిల్క్ వంటి సైట్లు ఈ కలెక్షన్లని ప్రకటించాయి. కానీ చిత్ర బృందం అధికారికంగా తక్కువ కలెక్షన్లని చూపించడం ఆశ్చర్యపరుస్తోంది. ఏడు రోజులు.. అంటే మొదటి వారం కలెక్షన్ల పోస్టర్‌ని గురువారం విడుదల చేసింది. ఇందులో ఈ మూవీ ప్రపంచ వ్యాప్తంగా రూ.549కోట్లు వచ్చినట్టుగా వెల్లడించింది. కానీ నిన్నటికి రూ.582కోట్లు వచ్చినట్టు సాక్నిల్క్ సైట్‌ ప్రకటించింది. ఈ లెక్కన చిత్ర బృందం తక్కువ ప్రకటిస్తున్నట్టుగా ఉంది. సాధారణంగా టీమ్‌ ఎక్కువ వసూళ్లని ప్రకటిస్తారు. ఈ సైట్‌లో తక్కువగా ఉంటాయి. కానీ విచిత్రంగా `జైలర్‌ 2`కి మాత్రం ట్రేడ్‌ సైట్లు ఎక్కువ కలెక్షన్లు ప్రకటించగా, టీమ్‌ తక్కువ నెంబర్లు వేయడం ఆశ్చర్యపరుస్తోంది. ఇది కావాలని చేస్తున్నారా ? అనే అనుమానాలు కలుగుతున్నాయి.

రజనీకాంత్‌ హీరోగా నెల్సన్‌ దిలీప్‌ కుమార్‌ దర్శకత్వంలో రూపొందిన `జైలర్‌ 2` సినిమాలో రమ్యకృష్ణ, సూరజ్, యోగిబాబు, ఎస్‌ జే సూర్య, విద్యాబాలన్‌, మిథున్‌ చక్రవర్తి వంటి వారు కీలక పాత్రలు పోషించారు. మోహన్‌ లాల్‌, శివరాజ్‌ కుమార్‌, హృతిక్‌రోషన్‌, జాకీ షరాఫ్‌ క్యామియో రోల్స్ చేశారు. సన్‌ పిక్చర్స్ నిర్మించిన ఈ మూవీ దాదాపు రూ.300కోట్ల బడ్జెట్‌తో రూపొందింది. అనిరుధ్‌ రవిచందర్‌ సంగీతం అందించారు. దసరా కానుకగా ఈ మూవీ అక్టోబర్ 15న ప్రపంచ వ్యాప్తంగా విడుదలైన విషయం తెలిసిందే. మాస్‌, యాక్షన్‌ ఎంటర్‌టైనర్‌గా ఇది ఆకట్టుకుంటోంది. రజనీకాంత్‌ మార్క్ స్టయిల్‌, యాక్షన్‌ అలరిస్తోంది. ఫ్యామిలీ ఎలిమెంట్లు, సెంటిమెంట్‌ సీన్లు అలరిస్తున్నాయి.

Sanjay Leela Bhansali: సంజయ్ లీలా భన్సాలీ సినిమాటిక్ యూనివర్స్.. తప్పకుండా చూడాల్సిన 6 ఐకానిక్ సినిమాలు

Tirumala Dornala — Thu, 22 Oct 2026 17:24:13 +0530

మనుషుల భావోద్వేగాలను అద్భుతమైన సినిమాటిక్ అనుభూతులుగా మార్చడంలో భన్సాలీ ఎప్పుడూ ముందుంటారు. తనకంటూ ఒక ప్రత్యేకమైన జానర్‌ను సృష్టించుకున్న గొప్ప ఫిల్మ్ మేకర్ ఆయన.

ఇండియన్ సినిమాలో సంజయ్ లీలా భన్సాలీకి ఒక ప్రత్యేకమైన స్థానం ఉంది. రాజ్ కపూర్, కె. ఆసిఫ్, గురుదత్ లాంటి దిగ్గజాలతో ఆయన మేకింగ్ స్టైల్‌ను పోలుస్తుంటారు. విజువల్ గ్రాండియర్, మ్యూజిక్, కల్చర్, ఎమోషన్స్‌ను కలిపి ఆయన తనకంటూ ఒక కొత్త సినిమాటిక్ భాషను సృష్టించారు. ఆయన సినిమాలు కేవలం భారీ సెట్టింగ్స్‌కే పరిమితం కావు, అందులోని పాత్రల ఎమోషనల్ జర్నీ ప్రేక్షకులను కట్టిపడేస్తుంది. ప్రేమ, విరహం, త్యాగం, గుండెకోత.. ఇలా మనుషుల భావోద్వేగాలను అద్భుతమైన సినిమాటిక్ అనుభూతులుగా మార్చడంలో భన్సాలీ ఎప్పుడూ ముందుంటారు.

పద్మావత్ సినిమా ద్వారా ఆశ, వ్యామోహం, గౌరవం వెనక ఉన్న చీకటి కోణాలను భన్సాలీ చూపించారు. రాణి పద్మావతి, మహారావల్ రతన్ సింగ్, అల్లావుద్దీన్ ఖిల్జీ మధ్య జరిగే సంఘర్షణతో ఈ కథ నడుస్తుంది. కోరిక, అధికారం ఢీకొంటే ఎలాంటి భయంకరమైన పరిణామాలు ఎదురవుతాయో ఈ సినిమాలో అద్భుతంగా చూపించారు. భారీ సెట్టింగ్స్, సింబాలిజం, అద్భుతమైన విజువల్ ఫ్రేమ్స్‌తో పాత్రల ఎమోషన్స్‌ను ప్రేక్షకులకు కనెక్ట్ చేయడంలో భన్సాలీ మార్క్ స్పష్టంగా కనిపిస్తుంది.

బాజీరావ్ మస్తానీ సినిమాతో చరిత్ర, రాజకీయం, రాజరిక బాధ్యతల మధ్య ఒక అందమైన ప్రేమకథను భన్సాలీ చూపించారు. బాజీరావ్, మస్తానీల బంధం సమాజం ఆమోదానికి, వారి వ్యక్తిగత నమ్మకానికి మధ్య జరిగే పోరాటంగా మారుతుంది. ప్రేమ కోసం వాళ్లు తమ శాంతిని, స్థానాన్ని ఎలా కోల్పోయారో ఇందులో చూడొచ్చు. చారిత్రక నేపథ్యానికి ఎమోషనల్ సంఘర్షణను జోడించి, ప్రేమకు, బాధ్యతకు మధ్య జరిగే యుద్ధాన్ని విజువల్ వండర్‌గా మలిచారు భన్సాలీ.

జీవితం ఊహించని మలుపు తిరిగినప్పుడు ఎదురయ్యే కష్టమైన నిర్ణయాలు, తోడు, ఆత్మగౌరవం గురించి గుజారిష్ సినిమాలో చూపించారు. ఈథన్ మస్కరేన్హాస్, సోఫియా పాత్రల ద్వారా ప్రేమ, అంకితభావం, వ్యక్తిగత స్వేచ్ఛలోని సంక్లిష్టతలను భన్సాలీ తెరపై ఆవిష్కరించారు. ఈ సినిమాలోని నిశ్శబ్ద క్షణాలే ప్రేక్షకులను ఎమోషనల్‌గా కట్టిపడేస్తాయి. సున్నితమైన బంధాలు, వ్యక్తిగత ప్రశ్నల చుట్టూ ఒక అద్భుతమైన ప్రపంచాన్ని సృష్టించడంలో ఆయన ప్రతిభకు ఈ సినిమా ఒక ఉదాహరణ.

తన కథలు కేవలం భారీ సెట్టింగ్స్‌కే పరిమితం కావని, సున్నితమైన ఎమోషన్స్‌తోనూ మ్యాజిక్ చేయగలనని బ్లాక్ సినిమాతో భన్సాలీ నిరూపించారు. మిచెల్, దేబ్‌రాజ్ మధ్య ఉన్న బంధం ద్వారా పట్టుదల, మానవ సంబంధాల గొప్పదనాన్ని చూపించారు. స్వాతంత్ర్యం కోసం, తమ ఉనికి కోసం వాళ్లు చేసే పోరాటానికి ఎమోషనల్ టచ్ ఇచ్చారు. భన్సాలీ సినిమాటిక్ ఐడెంటిటీ అంటే కేవలం భారీ ప్రొడక్షన్ డిజైన్ మాత్రమే కాదని ఈ సినిమా స్పష్టం చేస్తుంది.

తరతరాలుగా వస్తున్న పగను ప్రేమ ఎలా ఎదిరించిందో గోలియోన్ కీ రాస్‌లీలా రామ్-లీల సినిమాలో భన్సాలీ చూపించారు. రొమాన్స్, శత్రుత్వం, మ్యూజిక్, విషాదం.. అన్నీ కలిపి ఒక అద్భుతమైన ప్రపంచాన్ని సృష్టించారు. రామ్, లీల మధ్య నడిచే ప్రేమకథ, వారి చుట్టూ ఉన్న పగతో ముడిపడి ఉంటుంది. హై ఓల్టేజ్ ఎమోషన్స్, అద్భుతమైన విజువల్స్, లార్జర్ దేన్ లైఫ్ క్యారెక్టర్స్‌తో భన్సాలీ తన మార్క్ స్టోరీటెల్లింగ్‌ను ఈ సినిమాలో మరోసారి నిరూపించుకున్నారు.

ఒక విషాద ప్రేమకథను ఎమోషనల్ సినిమాటిక్ ఎక్స్‌పీరియన్స్‌గా మార్చడంలో దేవదాస్ సినిమా ఒక బెస్ట్ ఎగ్జాంపుల్. దేవదాస్, పారు, చంద్రముఖి పాత్రల ద్వారా తీరని కోరికలు, దెబ్బతిన్న ఆత్మగౌరవం, సరైన నిర్ణయాలు తీసుకోకపోవడం వల్ల వచ్చే నష్టాలను భన్సాలీ చూపించారు. సినిమాలోని భారీ సెట్టింగ్స్ ఒకవైపు ఉంటే, పాత్రల ఎమోషనల్ పెయిన్ మరోవైపు ప్రేక్షకులను కదిలిస్తుంది. గుండెకోతను కూడా ఇంత గ్రాండ్‌గా, ఎప్పటికీ గుర్తుండిపోయేలా చూపించడం భన్సాలీకే చెల్లింది.

Chiranjeevi: మెగాస్టార్ చిరంజీవి కెరీర్‌లో షూటింగ్ కంప్లీట్ అయ్యి.. రిలీజ్ ఆగిపోయిన ఏకైక సినిమా

Mahesh Jujjuri — Thu, 22 Oct 2026 09:23:58 +0530

Chiranjeevi: దాదాపు 45 ఏళ్ల కెరీర్ లో ఎన్నో హిట్ సినిమాల్లో నటించి మెగాస్టార్ గా ఎదిగాడు చిరంజీవి. ఆయన కెరీర్ లో బ్లాక్ బాస్టర్ హిట్ సినిమాలతో పాటు డిజాస్టర్ మూవీస్ కూడా ఉన్నాయి. కానీ షూటింగ్ కంప్లీట్ అయ్యి రిలీజ్ ఆగిపోయిన సినిమా గురించి తెలుసా?

టాలీవుడ్ మెగాస్టార్ చిరంజీవి 45 ఏళ్ల సుదీర్ఘ సినీ ప్రయాణంలో వందలాది చిత్రాల్లో నటించి అసాధారణ విజయాలను అందుకున్నారు. చిన్న స్థాయి పాత్రలతో కెరీర్ ప్రారంభించి, విలన్‌గా, సపోర్టింగ్ యాక్టర్‌గా, ఆ తర్వాత హీరోగా ఎదుగుతూ టాలీవుడ్ బాక్సాఫీస్ వద్ద తనకంటూ ఒక ప్రత్యేక సామ్రాజ్యాన్ని సృష్టించుకున్నారు. ఆయన కెరీర్‌లో అనేక బ్లాక్‌బస్టర్‌లతో పాటు కొన్ని పరాజయాలు కూడా ఉన్నాయి. అయితే, అటు హిట్లు, ఇటు ఫ్లాపుల సంగతి పక్కన పెడితే, మెగాస్టార్ కెరీర్‌లో షూటింగ్ మొత్తం పూర్తి చేసుకుని కూడా నేటికీ రిలీజ్ కు నోచుకోని ఒకే ఒక సినిమా ఏదో తెలుసా?

చిరంజీవి నటించి రిలీజ్ కు నోచుకోని ఏకైక సినిమా ‘శాంతి నివాసం’. టాలీవుడ్ ఇండస్ట్రీలో అప్పట్లో ఎంతో క్రేజ్ సంపాదించుకున్న హీరోయిన్ మాధవి, మెగాస్టార్ చిరంజీవి జంటగా నటించిన ఈ చిత్రాన్ని ‘బాబు’ అనే దర్శకుడు తెరకెక్కించాడు. కెరీర్ బిగినింగ్ లోనే.. వీరిద్దరి కాంబినేషన్‌లో వచ్చిన ఈ ప్రాజెక్ట్‌పై అప్పట్లో మంచి అంచనాలు ఉండేవి.

ఈ సినిమాకు సంబంధించిన ప్రతి సన్నివేశం చిత్రీకరణ విజయవంతంగా ముగిసింది. కేవలం షూటింగ్‌తో ఆగిపోకుండా, సినిమాకు సంబంధించిన అన్ని పోస్ట్ ప్రొడక్షన్ పనులు (డబ్బింగ్, రీరికార్డింగ్, ఎడిటింగ్) కూడా ఎటువంటి ఆటంకాలు లేకుండా పూర్తయ్యాయి. సినిమా ప్రేక్షకులను పలకరించడానికి థియేటర్లలో విడుదలకు సర్వం సిద్ధమైంది. ప్రచార కార్యక్రమాలు కూడా ఊపందుకున్న తరుణంలో ఊహించని విషాదం చోటుచేసుకుంది.

ఈ సినిమా రిలీజ్ కు రెడీ అవుతుండగా.. నిర్మాత హఠాత్తుగా మరణించారు. నిర్మాత అకాల మరణం ఆ చిత్ర యూనిట్‌ను తీవ్ర దిగ్భ్రాంతికి గురిచేసింది. సినిమా విడుదల ఒక్కసారిగా నిలిచిపోయింది. ఆ రోజుల్లో నిర్మాణ సంస్థలు, ఫైనాన్షియర్లు ఈ పరిణామాన్ని ఒక రకమైన సెంటిమెంట్‌గా భావించడంతో, ఆ సినిమాను మళ్ళీ థియేటర్ల ముందుకు తీసుకువచ్చే సాహసం ఎవరూ చేయలేకపోయారు. కాలక్రమేణా పరిస్థితులు సర్దుకుపోతాయని, ఎప్పటికైనా ఈ సినిమా ప్రేక్షకుల ముందుకు వస్తుందని చాలామంది భావించినప్పటికీ అది జరగలేదు.

జ్ఞాపకంగా మిగిలిపోయింది.

అప్పట్లో భారీ ఆశలతో రూపొందిన ‘శాంతి నివాసం’ సినిమా బాక్సాఫీస్ బరిలోకి రాకుండానే ఆగిపోయింది. చిరంజీవి కెరీర్‌లో షూటింగ్, డబ్బింగ్ తో పాటు నిర్మాణానంతర కార్యక్రమాలు అన్నీ ముగిసి కూడా విడుదల కాని ఏకైక చిత్రంగా చరిత్రలో మిగిలిపోయింది. ప్రస్తుతం మెగాస్టార్ చిరంజీవి ఎన్నో విజయవంతమైన చిత్రాలతో స్టార్ హీరోగా కొనసాగుతున్నప్పటికీ, ఆయన తొలిరోజుల ప్రయాణానికి సంబంధించిన ఈ ‘శాంతి నివాసం’ జ్ఞాపకంగా మిగిలిపోయింది.

Salaar 2 Update: ప్రశాంత్‌ నీల్‌కి ప్రభాస్‌ వార్నింగ్‌.. `సలార్‌ 2` షూటింగ్‌ స్టార్ట్ అయ్యేది అప్పుడే

Aithagoni Raju — Fri, 23 Oct 2026 18:06:36 +0530

ప్రభాస్‌ పుట్టిన రోజు సందర్భంగా దర్శకుడు ప్రశాంత్‌ నీల్‌ `సలార్‌ 2` కి సంబంధించిన అదిరిపోయే అప్‌ డేట్‌ ఇచ్చాడు. వచ్చే ఏడాది సినిమా షూటింగ్‌ స్టార్ట్ అవుతుందన్నారు. అదే సమయంలో ప్రశాంత్‌ నీల్‌కి డార్లింగ్‌ వార్నింగ్‌ ఇచ్చాడు.

ప్రభాస్‌ నేడు శుక్రవారం(అక్టోబర్‌ 23)న తన 47వ పుట్టిన రోజుని జరుపుకుంటున్నారు. ఈ క్రమంలో ఆయన సినిమాల అప్ డేట్లు వస్తున్నాయి. `కల్కి 2` నుంచి సెట్‌ వీడియోని విడుదల చేశారు. ఇటీవలే ప్రభాస్‌ ఈ మూవీ షూటింగ్‌లో పాల్గొన్నట్టు తెలిపారు. మరోవైపు `స్పిరిట్‌` నుంచి లుక్‌ రాలేదు, కానీ సందీప్‌ రెడ్డి వంగా అదిరిపోయే ఫోటోని పోస్ట్ చేశారు. ఇందులో ప్రభాస్‌, సందీప్‌ ఉన్నారు. దర్శకుడు సందీప్‌ మందు బాటిల్‌ ఓపెన్‌ చేస్తున్నారు. ప్రభాస్‌ ఆశ్చర్యపోతున్నారు. మరోవైపు `ఫౌజీ` నుంచి ప్రభాస్‌ పాత్రని పరిచయం చేయబోతున్నారట.

ఈ క్రమంలో ఇప్పుడు మరో సినిమా అప్‌ డేట్‌ వచ్చింది. `సలార్‌ 2` అప్‌ డేట్‌ ఇచ్చాడు ప్రశాంత్‌ నీల్‌. ప్రభాస్‌ బర్త్ డే సందర్భంగా డార్లింగ్‌ అభిమానులకు గిఫ్ట్ గా `సలార్‌ 2` అప్‌ డేట్‌ చెప్పారు. ప్రశాంత్‌ నీల్‌.. `418` అనే సినిమాని సమర్పించారు. హర్రర్‌ థ్రిల్లర్‌ చిత్రమిది. నేడు విడుదలైంది. ఈ మూవీ ఆడియెన్స్ ని పెద్దగా ఆకట్టుకోలేకపోతుంది. ఈ క్రమంలో ప్రభాస్‌తో ప్రమోషనల్‌ వీడియో చేశారు ప్రశాంత్‌ నీల్‌, దర్శకుడు. ఇందులో ఒక డోర్‌ నుంచి ప్రభాస్‌ సినిమా ట్రైలర్‌ చూసి, వాహ్‌ బాగుందని, హర్రర్‌తో భయపెడుతున్నారని తెలిపారు. ఇది హర్రర్‌ సినిమాగా ఎందుకు చేశారని అడిగితే, ఇది కూడా రాధేశ్యామ్‌లా తీస్తే బాగుండదు కదన్నా అని ప్రశాంత్‌ నీల్‌ చెప్పడం నవ్వులు పూయించింది. మొదట్లో నవ్విన ప్రభాస్‌ పంచ్‌ వేశావా? సలార్‌ 2 షూటింగ్‌ లో చెబుతా అని ప్రశాంత్‌ నీల్‌కి వార్నింగ్‌ ఇచ్చాడు.

అనంతరం దర్శకుడిని అభినందించారు ప్రభాస్‌. ఆ తర్వాత ప్రభాస్‌కి బర్త్ డే విషెస్‌ తెలిపారు ప్రశాంత్‌ నీల్‌. గిఫ్ట్ ఏం లేదా అని అడిగితే, నైట్‌ ఇస్తానని చెప్పాడు దర్శకుడు. `సలార్‌ 2` అప్‌ డేట్‌ చెప్పు, షూటింగ్‌ ఎప్పుడు? అదే పెద్ద గిఫ్ట్ అని డార్లింగ్‌ అడగ్గా.. వచ్చే ఏడాది జూన్‌లో ప్రారంభమవుతుందని తెలిపారు ప్రశాంత్‌ నీల్‌. ఈ వీడియో వైరల్‌ అవుతుంది. ఇప్పుడు ప్రభాస్‌ అభిమానులు ఫుల్‌ ఖుషీ అవుతున్నారు. ప్రభాస్‌ ప్రస్తుతం మూడు సినిమాలతో బిజీగా ఉన్నారు. వచ్చే ఏడాది `సలార్‌ 2` స్టార్ట్ కాబోతుంది. ఇక వచ్చే ఏడాదంతా డార్లింగ్‌ సినిమాల పండగే అని చెప్పొచ్చు. అయిన్నుంచి చివరగా `ది రాజా సాబ్‌` మూవీ విడుదలైన విషయం ఎలిసిందే. ఇది నిరాశ పరిచింది.

ఇక ప్రస్తుతం ప్రశాంత్‌ నీల్‌.. ఎన్టీఆర్‌ తో `డ్రాగన్‌` సినిమా తీస్తున్నారు. ఇది చిత్రీకరణ దశలో ఉంది. ఆ మధ్య ఎన్టీఆర్‌కి గాయం కావడంతో చిత్రీకరణ ఆపేశారు. మళ్లీ స్టార్ట్ చేసినట్టు తెలుస్తోంది. ఈ మూవీని వచ్చే ఏడాది సమ్మర్‌లో విడుదల చేయబోతున్నారు. మైత్రీ మూవీ మేకర్స్ నిర్మిస్తున్నారు. రుక్మిణి వసంత్‌ హీరోయిన్‌గా నటిస్తుంది. మాఫియా నేపథ్యంలోనే ఈ సినిమా సాగుతుందని సమాచారం. ఈ సినిమా రిలీజ్‌ తర్వాత `సలార్‌ 2` స్టార్ట్ కాబోతుంది.

Chiranjeevi: చేసిన కథతోనే మళ్ళీ సినిమా, అయినా సూపర్ హిట్.. దటీజ్ చిరంజీవి, బన్నీకి ఆ మూవీ అంటే పిచ్చి

Tirumala Dornala — Thu, 22 Oct 2026 10:47:22 +0530

చిరంజీవి, రాఘవేంద్ర రావు కాంబినేషన్ లో వచ్చిన చాలా సినిమాలు సూపర్ హిట్ అయ్యాయి. వీటిలో ఓ సినిమా అల్లు అర్జున్ ని ఇప్పటికీ వెంటాడుతోందట. బన్నీకి ఆ సినిమా అంటే అంత పిచ్చి.

మెగాస్టార్ చిరంజీవి తన కెరీర్ లో ఎన్నో సూపర్ హిట్ సినిమాలు చేశారు. మాస్ ప్లస్ కామెడీ టైనింగ్ ఉన్న రోల్ పడితే చిరంజీవి విశ్వరూపం ప్రదర్శించేవారు. అలాంటి సినిమానే రౌడీ అల్లుడు. అప్పట్లో చిరంజీవి, రాఘవేంద్ర రావు కాంబినేషన్ అంటే బ్లాక్ బస్టర్ ఖాయం అని అభిమానులు ముందే ఫిక్స్ అయిపోయేవారు. వీరి కాంబోలో వచ్చిన చిత్రమే రౌడీ అల్లుడు.

ఈ మూవీలో చిరంజీవి డ్యూయెల్ రోల్ లో నటించారు. దివ్య భారతి, శోభన హీరోయిన్లు. డిస్కో శాంతి ఈ చిత్రంలోనే బోలో బోలో రాణి అనే స్పెషల్ సాంగ్ చేసింది. ఈ మూవీలో చిరంజీవి ఆటో జానీగా , కళ్యాణ్ గా ద్విపాత్రాభినయం చేశారు. ఆటోజానీ పాత్రలో చిరంజీవి కామెడీ టైమింగ్, మాస్ యాక్షన్ నెవర్ బిఫోర్ అనే చెప్పాలి.

వాస్తవానికి ఇది ఫ్రెష్ స్టోరీ ఏమీ కాదు. అంతకు ముందే ఇదే తరహాలో పదుల సంఖ్యలో చిత్రాలు వచ్చాయి. ఎన్టీఆర్, ఏఎన్నార్ లాంటి వాళ్ళు కూడా ఇదే తరహా సినిమాలు చేశారు. డబ్బున్న హీరో ఒకరు.. పేదవాడైన హీరో మరొకరు.. ఒకరిస్తానంలో మరొకరు రావడం.. ఇదంతా కొత్త కథేమీ కాలేదు. కళ్యాణ్ ప్లేస్ లోకి ఆటోజానీ వచ్చి విలన్ల ఆట ఎలా కట్టించాడు అనేది ఈ చిత్ర కథ. తెలిసిన చూసిన కథే అయినప్పటికీ ప్రేక్షకులు రౌడీ అల్లుడు చిత్రానికి బ్రహ్మరథం పట్టారు.

అంతెందుకు మెగాస్టార్ చిరంజీవే రౌడీ అల్లుడు చిత్రానికి నాలుగేళ్ళ ముందే దొంగ మొగుడు అనే సినిమా చేశారు. అది కూడా ఇలాంటి కథే. అయినప్పటికీ రౌడీ అల్లుడు మూవీ ఆడియన్స్ కి అంత బాగా నచ్చడానికే కారణం చిరంజీవి నటన, రాఘవేంద్ర రావు చేసిన మేజిక్ అనే చెప్పాలి.

ఈ మూవీ అంటే ఐకాన్ స్టార్ అల్లు అర్జున్ కి విపరీతమైన ఇష్టం. ఈ మూవీలో ఆటో జానీ పాత్ర తనని ఇప్పటికీ వెంటాడుతూనే ఉంది అని బన్నీ ఓ ఇంటర్వ్యూలో తెలిపారు. ఆటో జానీ చెప్పే ప్రతి డైలాగ్ అల్లు అర్జున్ కి బాగా గుర్తుంది. మేనరిజమ్స్ తో సహా చిరంజీవి డైలాగ్స్ ని బన్నీ చెప్పారు. బాక్సాఫీస్ వద్ద సంచలన విజయం సాధించిన ఈ చిత్రం విడుదలై ఇటీవల 35 ఏళ్ళు పూర్తి చేసుకుంది.

Bigg Boss 10: బిగ్‌ బాస్‌ తెలుగు 10 7వ వారం ఓటింగ్‌.. డేంజర్‌లో ఉన్నది వీళ్లే, టాప్‌ ఎవరంటే?

Aithagoni Raju — Fri, 23 Oct 2026 17:03:41 +0530

బిగ్‌ బాస్‌ తెలుగు 10.. 7వ వారం ఓటింగ్‌ ఆశ్చర్యపరుస్తోంది. ఈ వారం నామినేషన్‌లో ఉన్న వారిలో ఎవరు టాప్‌లో ఉన్నారు? ఎవరు డేంజర్‌లో ఉన్నారనేది చూస్తే, షాకింగ్‌ రిజల్ట్ కనిపిస్తోంది.

బిగ్‌ బాస్‌ తెలుగు 10వ సీజన్‌ విజయవంతంగా రన్‌ అవుతుంది. హోస్ట్ నాగార్జున ముందు నుంచి చెబుతున్నట్టుగానే ఈ సీజన్‌ చాలా ట్విస్ట్ లు, టర్న్ లతో సాగుతుంది. ఆటలు కూడా కొత్తగా ఉంటున్నాయి. టాస్క్ లు విభిన్నంగా ఉంటున్నాయి. ఎప్పటికప్పుడు సర్‌ప్రైజ్‌లతో రన్‌ అవుతుంది. ప్రస్తుతం ఏడో వారం రన్‌ అవుతుంది. మరి ఈ వారంలో ఎవరు నామినేషన్‌లో ఉన్నారు? ఎవరు టాప్‌లో ఉన్నారు? ఎవరు డేంజర్‌ జోన్‌లో ఉన్నారనేది చూస్తే.

బిగ్‌ బాస్‌ తెలుగు 10 ఏడో వారం రోహిత్‌, త్రిగుణ్‌, రామకృష్ణ, అమన్‌, స్వేతా నాయుడు, వర్షిణి, టెంపర్‌ వంశీ, సుధీర్‌, ఝాన్సీ, శివ, దక్షి, నీతూ మాస్టర్‌ నామినేషన్‌లో ఉన్నారు. వీరిలో ఈ వారం ఎవరు ఎలిమినేట్‌ అవుతారనేది ఆసక్తికరంగా మారింది. అయితే ఆరో వారం షాలిని సీక్రెట్‌ రూమ్‌కి వెళ్లింది. ఆమె మళ్లీ హౌజ్‌లోకి వచ్చింది. ఈ క్రమంలో ఏడో వారం ఎలిమినేషన్‌ ఒక్కరే అవుతారా? డబుల్‌ ఎలిమినేషన్‌ ఉంటుందా అనేది ఆసక్తికరంగా మారింది.

ఈ క్రమంలో ప్రస్తుతం అనధికారికంగా పలువురు బిగ్‌ బాస్‌ లవర్స్ నిర్వహించిన ఓటింగ్‌ రిజల్ట్ బయటకు వచ్చింది. ఎప్పటిలాగానే రోహిత్‌ టాప్‌లో ఉన్నాడు. అతనికి దాదాపు ముప్పై శాతం ఓటింగ్‌ పడుతుండటం విశేషం. ఆ తర్వాత త్రిగుణ్‌ ఉన్నారు. టాప్‌లో వీరిద్దరి మధ్యనే పోటీ నెలకొంది. ప్రతి వారం ఈ ఇద్దరు టాప్‌లో కొనసాగుతున్నారు. ఏడో వారం ఓటింగ్‌లో రామకృష్ణ ఆ తర్వాత స్థానంలో కనిపిస్తున్నాడు. అమన్‌, సింగర్‌ ఝాన్సీ, వర్షిణి, సుధీర్‌, టెంపర్‌ వంశీ మిడిల్‌లో ఉన్నారు.

స్వేత నాయుడు, నీతూ నటరాజ్‌, దక్షి, శివకుమార్‌ డేంజర్‌ జోన్‌లో ఉన్నారు. వీరి మధ్య ఓట్ల తేడా స్వల్పంగా ఉంది. మెయిన్‌గా నీతూ మాస్టర్‌, దక్షి, శివ, స్వేత నాయుడు ప్రమాదకరంలో ఉన్నారు. అయితే నీతూ మాస్టర్‌ ఈ వారం టాస్క్ ల ద్వారా సేవ్‌ అయినట్టు తెలుస్తోంది. ఆమె ఈ వారమే కాదు, వచ్చే వారం కూడా నామినేషన్స్ నుంచి సేవ్‌ అయ్యిందట. ఈ నేపథ్యంలో దక్షి, శివకుమార్‌, శ్వేతా నాయుడు మధ్యనే ఈ వారం ఎలిమినేషన్‌ ఉండబోతుందని తెలుస్తోంది. మరి ఏం జరుగుతుందో చూడాలి.

ఇక సెప్టెంబర్‌ మొదటి వారంలో ప్రారంభమైన `బిగ్‌ బాస్‌ తెలుగు 10`లో ప్రస్తుతం రోహిత్‌, త్రిగుణ్‌, అమన్‌, రామకృష్ణ, టెంపర్‌ వంశీ, సింగర్‌ ఝాన్సీ, వర్షిణి, సుధీర్‌, శివ, దక్షి, నీతూ మాస్టర్‌, స్వేతా నాయుడు, రామ్‌ ప్రసాద్‌, నరేష్‌, ముఖేష్‌ గౌడ, దేబ్జానీ, షాలిని ఉన్నారు. దాదాపు 17 మంది కంటెస్టెంట్లు ఉన్నారు. ఈ వారంతో కలిపి ఇంకా తొమ్మిది వారాలే ఉన్నాయి. టాప్‌ 5కి ఐదుగురు మాత్రమే వెళ్తారు. ఈ లెక్కన 9 వారాల్లో 12 మంది ఎలిమినేట్‌ కావాల్సి ఉంటుంది. అందులో భాగంగా మూడు వారాలు డబుల్‌ ఎలిమినేషన్‌కి ఛాన్స్ ఉందని చెప్పొచ్చు.

Haiku Movie Review: హైకూ మూవీ రివ్యూ.. ఉమెన్స్ కాలేజీలో ఒక్కడే కుర్రాడు, సినిమా ఎలా ఉందంటే?

Aithagoni Raju — Fri, 23 Oct 2026 09:54:54 +0530

`కోర్ట్` ఫేమ్‌ శ్రీదేవి, తమిళ హీరో ఏగన్‌, ఫెమినా జార్జ్ హీరోహీరోయిన్లుగా నటించిన మూవీ `హైకూ`. ఈ చిత్రం నేడు విడుదలైంది. ఈ సరికొత్త లవ్‌ స్టోరీ ఎలా ఉంది? ఆడియెన్స్ ని ఆకట్టుకుందా?

`కోర్ట్` సినిమాతో తెలుగులో ఒక్కసారిగా పాపులర్‌ అయ్యింది శ్రీదేవి అప్పాల. ఆ తర్వాత నటించిన `బ్యాండ్‌ మేళం` మెప్పించలేదు. ఇప్పుడు తమిళంలోకి ఎంట్రీ ఇచ్చింది. `హైకూ` అనే సినిమాతో ఆడియెన్స్ ముందుకు వచ్చింది. ఇందులో ఏగన్‌ హీరో. ఫెమినా జార్జ్ మరో హీరోయిన్‌. యువరాజ్‌ చిన్నస్వామి దర్శకత్వంలో రూపొందిన ఈ చిత్రాన్ని విజన్‌ సినిమా హౌజ్‌ పతాకంపై డా డి అరుళానందు, మ్యాథ్యూ అరుళానందు నిర్మించారు. ఈ చిత్రం తమిళంతోపాటు తెలుగులోనూ నేడు శుక్రవారం(అక్టోబర్‌ 23)న విడుదలైంది. మరి సినిమా ఎలా ఉంది? శ్రీదేవి తమిళంలో సక్సెస్‌ అయ్యిందా అనేది రివ్యూలో తెలుసుకుందాం.

మనోహర్‌(ఏగన్‌), తన ఫ్రెండ్స్ చేసిన ఎదవ పనికి కాలేజీ నుంచి సస్పెండ్‌ అవుతారు. దీంతో ఎవరూ సీట్‌ ఇవ్వరు. చివరికి కోయంబత్తూరులోని అరుళ్ బోధి ఉమెన్స్ కాలేజీ కో-ఎడ్యుకేషన్‌గా మారిన నేపథ్యంలో అందులో మనోహర్‌కి సీట్‌ ఇస్తారు. అయితే ఆ కాలేజీలో మనోహర్‌ ఒక్కడే అబ్బాయి, మిగిలినవారంతా అమ్మాయిలే. కాలేజీలో కోడి (శ్రీదేవి)ని చూసిన మనోహర్ ఆమెతో ప్రేమలో పడతాడు. ఇద్దరి మధ్య పరిచయం క్రమంగా ప్రేమగా మారుతుంది. పెళ్లి చేసుకోవాలనుకుంటారు. కానీ జాబ్‌, క్యాస్ట్ సమస్య అవుతుంది. దీంతోపాటు పలు కారణాలతో వీరిద్దరు విడిపోతారు.

మూడేళ్లు గడిచిన తర్వాత మనోహర్ ఒక ఐటీ కంపెనీలో టీమ్ లీడర్‌గా పనిచేస్తుంటాడు. అదే కంపెనీలో ఇంటర్న్‌గా నివేత (ఫెమినా జార్జ్) చేరుతుంది. ఆమె అప్పటికే మరో వ్యక్తితో ప్రేమలో ఉంటుంది. కానీ అతను రకరకాలుగా టార్చర్‌ చేస్తుంటాడు. ఆమెని ఆ పరిస్థితి నుంచి బయటపడేందుకు హెల్ప్ చేస్తాడు మనోహర్‌.

ఈ క్రమంలో తన గతం గురించి చెప్పాల్సి వస్తుంది? మరి కోడితో విడిపోవడానికి అసలు కారణం ఏంటి? తన గతం తెలిసీ కూడా నివేత మనోహర్‌ని ఎందుకు ప్రేమించింది? తన పాత ప్రియురాలికి సంబంధించి మనోహర్‌ గురించి నివేతకు తెలిసిన నిజం ఏంటి? ఆ తర్వాత ఆమె రియాక్షన్ ఏంటి? ఈ రెండు ప్రేమ కథలు ఎలాంటి మలుపులు తీసుకున్నాయి? ఎలాంటి ముగింపుకి చేరాయి అనేది మిగిలిన కథ.

తొలి ప్రేమ, కాలేజీ జ్ఞాపకాలు, విడిపోయిన బంధాలు, కొత్తగా జీవితంలోకి వచ్చే వ్యక్తుల మధ్య భావోద్వేగాలు.. ఇవన్నీ ప్రేమకథలకు ఎప్పుడూ ఆసక్తికరమైన అంశాలే. అయితే, ఇలాంటి కథను ప్రేక్షకులకు కొత్తగా చెప్పడంలోనే దర్శకుడి ప్రతిభ కనిపిస్తుంది. అలాంటి ప్రయత్నంతో ప్రేక్షకుల ముందుకు వచ్చిన చిత్రమే `హైకూ`. ఈ సినిమా కథలో ప్రధానంగా కనిపించే అంశం ప్రేమలో ఎదురయ్యే మార్పులు, గత అనుభవాలు మనిషి నిర్ణయాలను ఎలా ప్రభావితం చేస్తాయన్నది.

మొదటి ప్రేమలో కలిగే అనుభూతులు, విడిపోయిన తర్వాత మిగిలే జ్ఞాపకాలు, మరో వ్యక్తి జీవితంలోకి వచ్చినప్పుడు కలిగే సందిగ్ధతను కథలో చూపించే ప్రయత్నం చేశారు. ఫీల్‌ గుడ్‌ ఎమోషనల్‌ లవ్‌ స్టోరీగా దీన్ని తెరకెక్కించారు. అయితే, ఆ భావాలను ప్రేక్షకులకు బలంగా చేరవేయడంలోనే సినిమా కొంత వెనుకబడింది.

ప్రారంభంలో లేడీస్‌ కాలేజీలో ఒక్కడే అబ్బాయి చేరడం, ఈ క్రమంలో వాళ్లు ఈ హీరోని ఆడుకోవడం, ఆటపట్టించడం వంటి సన్నివేశాలు సరదాగా ఉంటాయి. ఫన్నీగా సాగుతాయి. ఇంట్రెస్టింగ్‌గా ఉంటుంది. ఆ తర్వాత రెగ్యూలర్‌గా మారుతుంది. కానీ రాఖీ కట్టే సీన్‌ తర్వాత మరింత ఆసక్తికరంగా టర్న్ తీసుకుంటుంది. ఆ తర్వాత వచ్చే సన్నివేశాలు, హీరోయిన్‌ని, రూల్‌ చేయడం వంటి సీన్లు అంతగా వర్కౌట్‌ కాలేదు. ఆ తర్వాత కథ ఏటో వెళ్లిపోయిన ఫీలింగ్‌ కలుగుతుంది. ఇంటర్వెల్‌ సీన్‌ కొంత వరకు ఆసక్తికరంగా ఉంటుంది.

సెకండాఫ్‌ నుంచి మరో ప్రేమ కథ స్టార్ట్ అవుతుంది. అది ఓ దశకి వెళ్లాక రొటీన్‌లోకి వెళ్తుంది. మళ్లీ మొదటి లవర్‌ ప్రస్తావన వచ్చాక అసలు కథ స్టార్ట్ అవుతుంది. పాత్రల మధ్య, ప్రేమ మధ్య అసలైన సంఘర్షణ స్టార్ట్ అవుతుంది. అది ఎమోషనల్‌ సైడ్‌ టర్న్ తీసుకుంటుంది. ఈ క్రమంలో చోటు చేసుకునే డ్రామా ఇంట్రెస్టింగ్‌గా ఉంటుంది. సినిమాకదే బలంగా చెప్పొచ్చు. కొంత ఉత్కంఠ, మరికొంత సంఘర్షణ, అదే సమయంలో కన్‌ఫ్యూజన్‌, ఎవరి ప్రేమ నిజం, ఏది అబద్దం, ఏది డ్రామా అనే సందిగ్దంతో సాగిన తీరు బాగుంది.

క్లైమాక్స్ ఆకట్టుకునేలా ఉంటుంది. ముగింపు మాత్రం ఊహించినట్టుగానే ఉంటుంది. అయితే కథని ఎత్తుకున్న తీరు బాగుంది, కొత్తగా ఉంది. ఆ తర్వాత రొటీన్‌లోకి వెళ్లిన ఫీలింగ్ కలుగుతుంది. అదే సమయంలో లవ్‌ లో డెప్త్, ఫీల్‌ ఎమోషన్స్ ఇంకా బాగా పండితే సినిమా అదిరిపోయేది.

మనోహర్ పాత్రలో ఏగన్ కనిపించారు. కథ మొత్తం అతని పాత్ర చుట్టూనే తిరుగుతుంది. గత ప్రేమను మరిచిపోలేని వ్యక్తిగా, కొత్త బంధం విషయంలో సందిగ్ధతకు గురయ్యే యువకుడిగా బాగానే నటించాడు. కాకపోతే మరింత పరిణతి అవసరం. ఎక్స్ ప్రెషన్స్ మీద మరింతగా వర్కౌట్‌ చేయాలి. ఓవరాల్‌గా మాత్రం అదరగొట్టాడు. అందరి దృష్టిని తనవైపు తిప్పుకున్నాడు. సెటిల్డ్ గా చేసి మెప్పించాడు.

కోడి పాత్రలో శ్రీదేవి అప్పాల తన పాత్రకు న్యాయం చేశారు. ఎక్స్ ప్రెషన్స్ బాగున్నాయి. నటిగానూ మెప్పించింది. ఫస్టాఫ్‌లో ఆమె డామినేషన్‌ కనిపిస్తుంది. చాలా మెచ్యూర్డ్ గా నటించడం విశేషం. ఆమెకి మంచి భవిష్యత్‌ ఉందని చెప్పొచ్చు.

నివేత పాత్రలో ఫెమినా జార్జ్ హావభావాలు ఆకట్టుకుంటాయి. ముఖ్యంగా రొమాంటిక్ సన్నివేశాల్లో ఆమె నటన బాగుంది. అయితే కొన్ని భావోద్వేగ సన్నివేశాల్లో సహజత్వం తగ్గినట్లు అనిపిస్తుంది. అదిర్చి అరుణ్ కామెడీ సన్నివేశాల్లో కొంత ఉపశమనం కలిగిస్తారు. మిగతా నటీనటులు తమ పాత్రల పరిధి మేరకు నటించారు.

ప్రియేష్ గురుస్వామి కెమెరా పనితీరు ఫర్వాలేదనిపిస్తుంది. కాలేజీ, ఆఫీస్ నేపథ్యాలను తెరపై చూపించిన తీరు బాగున్నాయి. ఫ్రేమ్స్ కలర్‌ఫుల్‌గా ఉన్నాయి. సంగీత దర్శకుడు సిద్ధు కుమార్ అందించిన సంగీతం బాగుంది. నిజానికి ఆయన మ్యూజిక్కే సినిమాకి హైలైట్‌. నార్మల్‌ సన్నివేశాలను కూడా మరో స్థాయికి తీసుకెళ్లాడు. పాటలు బాగున్నాయి. ఆర్‌ఆర్‌ కూడా ఆకట్టుకునేలా ఉంది.

శక్తి ప్రాణేష్ ఎడిటింగ్ రెండో భాగంలో మరింత పదునుగా ఉండాల్సింది. కొన్ని సన్నివేశాలను కుదించి, కథనంలో వేగం పెంచి ఉంటే సినిమా మరింత ఆసక్తికరంగా సాగేది. రచయిత, దర్శకుడు యువరాజ్ చిన్నసామి ఎంచుకున్న కథా నేపథ్యం కొత్తగా ఉంది. సినిమాని కూడా అదే స్థాయిలో తెరపై ఆవిష్కరించారు. కాకపోతే మరింత బాగా, ఎఫెక్టివ్‌గా, ఎమోషనల్‌గా, ఫీల్‌గుడ్‌ మూవీగా ఆవిష్కరిస్తే ఇంకా బాగుండేది. నిర్మాణ విలువలకు కొదవలేదు. రాజీలేకుండా నిర్మించారు. అది ప్రతి ఫ్రేములోనూ కనిపిస్తుంది.

ప్రేమలోని కొత్త కథలను ఆవిష్కరించే `హైకూ`. ఫీల్‌గుడ్‌ ఎమోషనల్‌ ఎంటర్‌టైనర్‌గా ఆకట్టుకునే చిత్రమవుతుంది.

రేటింగ్ : 2.75

Prabhas: ప్రభాస్‌ ఎప్పటికీ మర్చిపోలేని కృష్ణంరాజు చెప్పిన మాట ఇదే.. అది గుర్తొస్తే ఇప్పటికీ టెన్షన్‌

Aithagoni Raju — Thu, 22 Oct 2026 14:12:45 +0530

ప్రభాస్‌ మొదట్లో తాను హీరో అవ్వాలనుకోలేదట. సడెన్‌గా ఆ ఆలోచన వచ్చిందట. అయితే మొదటి సినిమా షూటింగ్‌ టైమ్‌లో కృష్ణంరాజు ఒక మాట చెప్పారట. అది తన జీవితంలో ఎప్పటికీ మర్చిపోలేనని తెలిపారు ప్రభాస్‌.

ప్రభాస్‌ సినిమాల్లోకి రావడం చాలా యాధృచ్చికంగా జరిగింది. ఆయన సినిమాల్లోకి రావాలని, హీరో కావాలని ఎప్పుడూ అనుకోలేదు. పెద్దనాన్న కృష్ణంరాజు హీరో అయిన, నాన్న సూర్యనారాయణ రాజు నిర్మాత అయినా, ఇంట్లో ఎప్పుడూ సినిమా వాతావరణమే ఉన్నా ఆయనకు సినిమాల్లోకి రావాలని ఎప్పుడూ అనుకోలేదు. స్కూల్ డేస్‌లో పెద్దయ్యాక జాబ్‌ చేయాలని, ఏదైనా వ్యాపారం చేసుకోవాలని ఉండేది. తప్ప హీరో అవ్వాలని అనుకోలేదని తెలిపాడు ప్రభాస్‌.

అప్పట్లోనే ప్రభాస్‌ చాలా పొడవుగా ఉండేవాడట. దీంతో ఫ్రెండ్స్ అంతా హీరో హీరో అనేవారట. స్కూల్‌లో 9వ తరగతి వరకు చదువుపై పెద్దగా ఆసక్తి లేదని, కానీ టెన్త్ క్లాస్‌లోనే చదువుపై ఆసక్తి వచ్చిందని, ఫ్రెండ్స్,సినిమాలేవి గుర్తు రాలేదని, పుస్తకాల పురుగుగా చదివానని తెలిపాడు ప్రభాస్‌. కాలేజీకి వచ్చాక చదువు తగ్గి ఫ్రెండ్స్ పెరిగారట. డిగ్రీలో బీకాం చేశాడట. అలా సాగుతున్న సమయంలో సడెన్‌గా సినిమాల్లోకి రావాలనే ఆలోచన వచ్చిందట. సడెన్‌గా హీరో అవుతానని ఇంట్లో చెప్పాడట. ఇంట్లో వాళ్లు మొదట్లో షాక్‌ అయ్యారు. ఆ తర్వాత ఓకే అన్నారు. వైజాగ్‌ సత్యానంద్‌ వద్ద శిక్షణ ఇప్పించారు.

ఆ సమయంలోనే నిర్మాత అశోక్‌ కుమార్‌..`ఈశ్వర్‌` కథతో వచ్చారు. తనే హీరోగా అంటే మొదట భయమేసిందట. కానీ ఇంట్లో వాళ్లు ఒప్పించడంతో చేశాడట. అయితే ప్రారంభంలో చాలా టెన్షన్‌ పడ్డాడట ప్రభాస్‌. ఆ సమయంలో పెద్దనాన్న ఒక మాట చెప్పారట. సినిమాలో నటించే ప్రతి సీన్‌ ఒక చరిత్ర. జీవితాంతం ఉండిపోతుంది. దాన్ని చెరపలేం, దాన్ని ఎంతో మంది చూస్తారు. కాబట్టి చాలా జాగ్రత్తగా నటించాలని, బాగా చేయాలని చెప్పారట. ఆ మాట తన జీవితంలో మర్చిపోలేనని తెలిపారు ప్రభాస్‌. అది తనని తరచూ టెన్షన్‌ కి గురి చేస్తుందన్నారు.

మొదటి సినిమా షూటింగ్‌ పూర్తయ్యింది. `ఈశ్వర్‌` రిలీజ్‌ అయ్యింది. ముందుగా ఫ్యామిలీ అంతా కలిసి చూశారు. తెరపై తనని తాను చూసుకున్నప్పుడు థ్రిల్లింగ్‌గా అనిపించిందట. బాబోయ్‌ ఇదేంటి నేనేనా తెరపై ఇలా ఉంటానా అనిపించిందట. ఆ సినిమా చూశాక వాళ్ల నాన్న తనని హగ్‌ చేసుకొని బాగుందిరా అన్నాడట. ఆ మాట కూడా ఎప్పటికీ మర్చిపోలేను అని తెలిపారు ప్రభాస్‌. అప్పట్లో ఓ ఇంటర్వ్యూలో ఆయన ఈ విషయాలను పంచుకున్నారు. ప్రస్తుతం ప్రభాస్‌ `ఫౌజీ`, `స్పిరిట్‌` చిత్రాల్లో నటిస్తున్నాడు.

Top 10 Heroes: దుమ్మురేపిన అల్లు అర్జున్‌, ఎన్టీఆర్‌కి మళ్లీ దెబ్బ.. ప్రభాస్‌, మహేష్‌, చరణ్‌ స్థానాలివే

Aithagoni Raju — Fri, 23 Oct 2026 11:13:59 +0530

ఓర్మాక్స్ మీడియా సెప్టెంబర్‌ నెలకు సంబంధించిన ఇండియన్‌ టాప్‌ 10 హీరోల లిస్ట్ ని ప్రకటించింది. ఎన్టీఆర్‌ ఈ లిస్ట్ లో చోటు కోల్పోయాడు. మరి మిగిలిన హీరోల స్థానాలేంటో చూద్దాం.

ఓర్మాక్స్ మీడియా ప్రతి నెల ఇండియా టాప్‌ 10 హీరోలు, హీరోయిన్ల జాబితాని ఇస్తుంది. ఇప్పుడు మోస్ట్ పాపులర్‌ హీరోల జాబితాని విడుదల చేసింది. ఇందులో చిన్నపాటి మార్పులు చోటు చేసుకున్నాయి. అల్లు అర్జున్‌ ఒక్క స్థానం పుంజుకున్నారు. ఎన్టీఆర్‌ లిస్ట్ లో చోటు కోల్పోయాడు. ఇక ప్రభాస్‌, మహేష్‌ బాబు, రామ్‌ చరణ్‌ సేమ్‌ కంటిన్యూ అవుతున్నారు. మరి ఇతర హీరోల పరిస్థితేంటో ఒక్క సారి చూద్దాం.

ఇండియాలోనే మోస్ట్ పాపులర్‌ హీరోగా ప్రభాస్‌ నిలుస్తున్నారు. నేడు(అక్టోబర్‌ 23)న పుట్టిన రోజు జరుపుకుంటున్న ఆయన ఇండియన్‌ టాప్‌ 10 లిస్ట్ లో మొదటిస్థానంలో నిలిచారు. ఆయనకు ఇండియా వైడ్‌గా తిరుగులేదని చెప్పొచ్చు. అదే సమయంలో తన స్థానాన్ని టచ్‌ చేసే వారే లేని చెప్పడంలో అతిశయోక్తి లేదు. ఇండియన్‌ బిగ్గెస్ట్ సూపర్‌ స్టార్‌గా ప్రభాస్‌ రాణిస్తోన్న విషయం తెలిసిందే. ప్రస్తుతం ఆయన `ఫౌజీ`, `స్పిరిట్‌`, `కల్కి 2` చిత్రాల్లో నటిస్తున్నారు. ఇటీవలే `కల్కి 2` షూటింగ్‌లో పాల్గొంటున్నారు.

రెండో స్థానంలో బాలీవుడ్‌ స్టార్‌ షారూఖ్‌ ఖాన్‌ ఉన్నారు. ఆయన ఆగస్ట్ నెలలో కూడా అదే స్థానంలో ఉన్నారు. ఇక మూడో స్థానంలోకి అల్లు అర్జున్‌ వచ్చారు. ఆగస్ట్ లో ఆయన నాల్గో స్థానంలో ఉండగా, ఇప్పుడు ఒక్క స్థానం మెరుగుపడ్డారు. దుమ్ములేపుతున్నారు. ప్రస్తుతం ఆయన `రాకా`లో నటిస్తున్న విషయం తెలిసిందే. గ్లోబల్‌ ఫిల్మ్ గా ఇది రూపొందుతోంది. అట్లీ దర్శకుడు. నాల్గో స్థానంలో తమిళనాడు సీఎం విజయ్‌ ఉన్నారు. ఆయన ఒక్క స్థానం పడిపోయారు.

ఐదో స్థానంలో మహేష్‌ బాబు ఉన్నారు. మహేష్‌ గత కొంత కాలంగా అదే స్థానంలో ఉంటున్నారు. మహేష్‌ `వారణాసి` మూవీతో బిజీగా ఉన్న విషయం తెలిసిందే. రాజమౌళి దర్శకత్వంలో రూపొందుతున్న ఈ చిత్రం వచ్చే ఏడాది రిలీజ్‌ కాబోతుంది. గ్లోబల్‌ ఫిల్మ్ గా ఇది రూపొందుతుంది.

ఆరో స్థానంలోకి యశ్‌ వచ్చాడు. ఆయన ఆగస్ట్ లో ఏడో స్థానంలో ఉండగా, ఇప్పుడు ఆరో స్థానానికి ఎగబాకారు. ఇటీవల ఆయన `టాక్సిక్‌`తో ఆడియెన్స్ ముందుకు వచ్చారు. ఇది ఆడలేదు. ఇప్పుడు బాలీవుడ్‌లో `రామాయణం`లో నటిస్తున్నారు. ఇందులో రావణుడిగా కనిపించబోతున్నారు. దీంతో యష్‌ గురించి ఇండియా వైడ్‌గా చర్చ నడుస్తోంది. ఏడో స్థానంలో బాలీవుడ్‌ స్టార్‌ సల్మాన్‌ ఖాన్‌ ఉన్నారు. ఎనిమిదో స్థానంలో సూర్య ఉన్నారు. ఆగస్ట్ లో ఆయన 6వ స్థానంలో ఉండగా, రెండు స్థానాలు పడిపోయారు.

రామ్‌ చరణ్‌ తొమ్మిదో స్థానానికి పరిమితమయ్యారు. లిస్ట్ లో సేఫ్‌లో ఉన్నారు. ఆయన ఆగస్ట్ లో కూడా అదే స్థానంలో ఉన్నారు. చరణ్‌కి సంబంధించి కొత్త సినిమాలు ఇంకా సినిమాలు స్టార్ట్ కాలేదు. ఆయన గురించి పెద్దగా చర్చ లేదు. అందుకే ఆయన గ్రాఫ్‌ పెరగలేదు. పదో స్థానంలో `ధురంధర్‌` హీరో రణ్‌వీర్‌ సింగ్‌ ఉన్నారు. ఆయన ఆగస్ట్ లో కూడా అదే స్థానంలో ఉన్నారు. ఇక తెలుగు స్టార్‌ ఎన్టీఆర్‌ ఈ లిస్ట్ లో చోటు కోల్పోయారు. అలాగే అక్షయ్‌ కుమార్‌కి చోటు దక్కలేదు. కోలీవుడ్‌ నటుడు అజిత్‌ కూడా లిస్ట్ లోకి రాకపోవడం గమనార్హం.

Jailer 2: జైలర్ 2' దెబ్బకు లియో, కూలీ రికార్డులు గల్లంతు! రజినీకాంత్ సినిమా సునామీ! '

Mahesh Jujjuri — Fri, 23 Oct 2026 15:29:46 +0530

సూపర్‌స్టార్ రజినీకాంత్ నటించిన 'జైలర్ 2' సినిమా బాక్సాఫీస్ దగ్గర దుమ్మురేపుతోంది. మొదటి వారంలోనే భారీ వసూళ్లు రాబట్టి కొత్త చరిత్ర సృష్టించింది. ఇప్పుడు ఈ సినిమా తమిళ సినీ చరిత్రలోనే అత్యధిక వసూళ్లు సాధించిన సినిమాల్లో రెండో స్థానానికి చేరుకుంది.

ప్రపంచవ్యాప్తంగా జైలర్ 2 సినిమా ఏకంగా రూ.600 కోట్లకు పైగా వసూళ్లు రాబట్టింది. దీంతో తమిళ సినీ చరిత్రలో అత్యధిక కలెక్షన్లు సాధించిన రెండో సినిమాగా రికార్డుకెక్కింది. ప్రస్తుతం థియేటర్లలో ఉన్న రెస్పాన్స్ చూస్తుంటే, త్వరలోనే కోలీవుడ్ నంబర్ 1 సినిమాగా నిలిచేలా కనిపిస్తోంది.

జైలర్ 2 బాక్సాఫీస్ కలెక్షన్ అప్‌డేట్స్

అడ్వాన్స్ బుకింగ్స్‌తోనే జైలర్ 2 సినిమా సరికొత్త రికార్డులు క్రియేట్ చేసింది. సినిమా రిలీజ్‌కు ముందే ఏకంగా రూ.80 కోట్ల విలువైన టికెట్లు అమ్ముడయ్యాయి. ఈ క్రేజ్ వల్లే సినిమాకు అదిరిపోయే ఓపెనింగ్స్ వచ్చాయి. రిలీజైన మొదటి 4 రోజుల్లోనే ఈ సినిమా బాక్సాఫీస్ దగ్గర రూ.400 కోట్లు కొల్లగొట్టింది.

వీకెండ్‌తో పాటు దసరా సెలవులు కూడా కలిసి రావడంతో జనాలు థియేటర్లకు క్యూ కట్టారు. దీంతో మొదటి వారం ముగిసేసరికి ఇండియాలో ఈ సినిమా రూ.391.55 కోట్లు వసూలు చేసింది. నెల్సన్ దిలీప్ కుమార్ డైరెక్ట్ చేసిన ఈ సినిమా ఓవర్సీస్‌లో కూడా 22.6 మిలియన్ డాలర్లు రాబట్టింది. మొత్తంగా మొదటి 8 రోజుల్లో జైలర్ 2 కలెక్షన్లు రూ.606 కోట్లకు చేరుకున్నాయి.

600 కోట్ల క్లబ్‌లో చేరిన 4వ సినిమా

రిలీజైన మొదటి 8 రోజుల్లోనే 600 కోట్ల క్లబ్‌లో చేరిన రెండో తమిళ సినిమాగా జైలర్ 2 రికార్డు సృష్టించింది. అంతేకాదు, ఓవరాల్‌గా తమిళ సినీ చరిత్రలో 600 కోట్ల మార్క్‌ను అందుకున్న నాలుగో సినిమాగా కూడా జైలర్ 2 ఘనత సాధించింది.

గతంలో రజినీకాంత్ నటించిన జైలర్ సినిమా రూ.604 కోట్లు వసూలు చేసింది. అలాగే విజయ్ బ్లాక్‌బస్టర్ మూవీ లియో రూ.605 కోట్లు రాబట్టింది. ఇప్పుడు ఈ రెండు సినిమాల రికార్డులను బ్రేక్ చేసి జైలర్ 2 రెండో స్థానానికి ఎగబాకింది. ఇక రజినీకాంత్ కూలీ సినిమా రూ.518 కోట్లు కలెక్ట్ చేసిన విషయం తెలిసిందే.

2.O రికార్డును బ్రేక్ చేసే దిశగా జైలర్ 2

తమిళ సినీ చరిత్రలో అత్యధిక కలెక్షన్లు సాధించిన సినిమాగా శంకర్ డైరెక్ట్ చేసిన 2.O మొదటి స్థానంలో ఉంది. రజినీకాంత్, అక్షయ్ కుమార్ కలిసి నటించిన ఈ సైన్స్ ఫిక్షన్ మూవీ ప్రపంచవ్యాప్తంగా రూ.691 కోట్లు రాబట్టింది. ప్రస్తుతం జైలర్ 2 వసూళ్ల స్పీడ్ చూస్తుంటే, త్వరలోనే 2.O రికార్డును బ్రేక్ చేసి నంబర్ 1 స్థానాన్ని ఆక్రమించేలా ఉంది.

Aadharsha Kutumbam: ఆదర్శ కుటుంబం వాయిదా వల్ల మేము నష్టపోయాం.. నాగవంశీకి నిర్మాత చురకలు

Tirumala Dornala — Thu, 22 Oct 2026 21:28:31 +0530

ద్ద సినిమాల విడుదల తేదీల మార్పులతో చిన్న చిత్రాల నిర్మాతలు నష్టపోతున్నారని ధీరజ్ మొగిలినేని అన్నారు. ఇప్పటికే ఖరారు చేసుకున్న విడుదల ప్రణాళికలు దెబ్బతింటున్నాయని పేర్కొన్నారు.

పెద్ద సినిమాల విడుదల తేదీలను పదేపదే మార్చడం వల్ల ఇప్పటికే తమ చిత్రాల విడుదలకు ప్రణాళికలు సిద్ధం చేసుకున్న చిన్న సినిమాల నిర్మాతలు ఇబ్బందులు ఎదుర్కొంటున్నారని నిర్మాత, పంపిణీదారుడు ధీరజ్ మొగిలినేని అన్నారు. ఈ వ్యవహారంపై నిర్మాత నాగవంశీ పేరును నేరుగా ప్రస్తావించకుండానే పరోక్షంగా విమర్శలు చేశారు. పెద్ద చిత్రాల విడుదల తేదీల్లో మార్పులు చేసినప్పుడు, వాటి ప్రభావం చిన్న సినిమాలపై ఎలా ఉంటుందో కూడా పరిగణనలోకి తీసుకోవాలని ఆయన అభిప్రాయపడ్డారు.

ధీరజ్ మొగిలినేని ప్రస్తుతం ‘సమ్మర్ హాలిడేస్’ అనే చిన్న బడ్జెట్ చిత్రాన్ని విడుదల చేస్తున్నారు. ఈ సినిమా తొలుత అక్టోబర్ 30న ప్రేక్షకుల ముందుకు రావాల్సి ఉంది. అయితే వెంకటేశ్, త్రివిక్రమ్ శ్రీనివాస్ కాంబినేషన్‌లో రూపొందుతున్న ‘ఆదర్శ కుటుంబం’ సినిమా విడుదల తేదీ మారడంతో ఆయన తన చిత్రాన్ని వాయిదా వేయాల్సి వచ్చింది. ‘ఆదర్శ కుటుంబం’ మొదట అక్టోబర్ 9న విడుదల కావాల్సి ఉండగా, ఆ తర్వాత అక్టోబర్ 30కు మార్చారు. దీంతో అదే తేదీన విడుదల చేయాలనుకున్న ‘సమ్మర్ హాలిడేస్’ను నవంబర్ 5కు వాయిదా వేసినట్లు ధీరజ్ తెలిపారు.

తన సినిమా విడుదల కోసం ఇప్పటికే మార్కెటింగ్‌పై గణనీయమైన మొత్తాన్ని ఖర్చు చేశానని, విడుదల సజావుగా జరిగేందుకు పంపిణీదారులతోనూ చర్చలు జరిపానని ధీరజ్ వెల్లడించారు. ఇప్పుడు విడుదల తేదీ మారడంతో మరోసారి ప్రచారం, విడుదల ఏర్పాట్లు, ఇతర ఖర్చుల కోసం అప్పు తీసుకోవాల్సిన పరిస్థితి ఏర్పడిందని చెప్పారు. ‘ఆదర్శ కుటుంబం’ వంటి పెద్ద సినిమాలకు ఇలాంటి సమస్యలు పెద్దగా ప్రభావం చూపకపోవచ్చని, అయితే తనలాంటి చిన్న సినిమాలపై మాత్రం ఈ మార్పులు తీవ్ర ప్రభావం చూపుతాయని అన్నారు. కొన్ని నెలల క్రితం ‘లెనిన్’ సినిమా విషయంలోనూ ఇలాంటి పరిస్థితి ఎదురైందని గుర్తుచేశారు. సరైన సమాచారాన్ని ముందుగా అందించకుండా విడుదల తేదీలను పదేపదే మార్చడం వల్ల ఇప్పటికే తమ సినిమాల విడుదలకు ఏర్పాట్లు చేసుకున్న నిర్మాతలు ఇబ్బందులు పడుతున్నారని ఆరోపించారు.

విడుదల తేదీల విషయంలో తమిళ చిత్ర పరిశ్రమలో అనుసరిస్తున్న విధానాన్ని కూడా ధీరజ్ ప్రస్తావించారు. ధనుష్ తన సినిమా విడుదల తేదీని సర్దుబాటు చేసుకుని ‘జైలర్ 2’ చిత్రానికి మార్గం కల్పించారని, అలాగే సూర్య సినిమా విడుదల తేదీ ఇప్పటికే ఖరారైన నేపథ్యంలో దానికి ఇబ్బంది కలగని తేదీని ఎంచుకున్నారని ఆయన పేర్కొన్నారు. ఇతర చిత్రాల విడుదల ప్రణాళికలను పరిగణనలోకి తీసుకుని నిర్ణయాలు తీసుకోవడం అవసరం అని ఈ ఉదాహరణ ద్వారా వివరించారు.

తెలుగు చిత్ర పరిశ్రమలోనూ నిర్మాతలు ఇదే విధమైన సమన్వయాన్ని పాటించాలని ధీరజ్ అన్నారు. పెద్ద సినిమాల నిర్మాతలు ఒకరితో ఒకరు మాట్లాడుకుని విడుదల తేదీల విషయంలో సర్దుబాట్లు చేసుకుంటారని, అయితే చిన్న సినిమాలు నిర్మించే వారికి అదే స్థాయిలో ప్రాధాన్యం లభించడం లేదని పేర్కొన్నారు. ఇప్పటికే విడుదల తేదీలను ప్రకటించిన లేదా ఖరారు చేసుకున్న ఇతర సినిమాలకు ఇబ్బందులు కలగకుండా పెద్ద చిత్రాల నిర్మాతలు నిర్ణయాలు తీసుకోవాలని సూచించారు. ఈ విషయంలో సరైన సమాచార మార్పిడి లేకపోవడం వల్ల స్పష్టమైన సమన్వయ లోపం ఏర్పడుతోందని ధీరజ్ వ్యాఖ్యానించారు.

Ram Charan: భారీ ఫ్లాపుల తర్వాత రాంచరణ్ తో సినిమా..వాడేం విన్నాడో తెలియదు, కథ వినకుండానే ఒట్టేసిన చిరు

Tirumala Dornala — Thu, 22 Oct 2026 16:57:59 +0530

రాంచరణ్ నటించిన ఓ సినిమాని చిరంజీవి కథ వినకుండానే ఓకె చేశారు. పైగా ఆ టైంలో దర్శకుడు వరుస ఫ్లాపులతో ఫేడ్ అవుట్ అయ్యే స్థితిలో ఉన్నారు. ఆ దర్శకుడు ఎవరు, ఆ సినిమా ఏంటి అనేది ఈ కథనంలో తెలుసుకోండి.

టాలీవుడ్ క్రియేటర్ డైరెక్టర్ కృష్ణ వంశీ తన కెరీర్ లో ఎన్నో ఆణిముత్యాల్లాంటి సినిమాలను ప్రేక్షకులకు అందించారు. అదే విధంగా కొన్ని ఫ్లాపులు కూడా కృష్ణ వంశీ కెరీర్ లో ఉన్నాయి. ఖడ్గం తర్వాత ఆయన కెరీర్ ఆశించిన స్థాయిలో సాగలేదు. హిట్ల కంటే ఫ్లాపులే ఎక్కువ ఉన్నాయి. తనని బాగా కుంగదీసిన 2 ఫ్లాప్ సినిమాల గురించి కృష్ణ వంశీ ఆసక్తికర వ్యాఖ్యలు చేశారు. మహాత్మ లాంటి డీసెంట్ మూవీ తర్వాత కృష్ణ వంశీ గోపీచంద్ హీరోగా మొగుడు అనే సినిమా తెరకెక్కించారు. అది దారుణమైన డిజాస్టర్ గా నిలిచింది. కృష్ణ వంశీ ఇంత చెత్త సినిమా తీశారా అంటూ విమర్శలు తప్పలేదు. ఆ తర్వాత సినిమా పరిస్థితి కూడా అంతే. నేచురల్ స్టార్ నానితో తెరకెక్కించిన పైసా మూవీ కూడా డిజాస్టర్ అయింది. దీనితో ఇక కృష్ణ వంశీ పనైపోయింది అనే టాక్ మొదలైంది.

మొగుడు సినిమా చేస్తున్నప్పుడే ఈ మూవీ వర్కౌట్ కాదు అని తనకు అర్థం అయినట్లు కృష్ణ వంశీ తెలిపారు. చాలా సమస్యలు వచ్చాయి. ఈ మూవీ ఎలాగోలా కంప్లీట్ అయితే చాలు అని అనుకున్నా. ఆ తర్వాత పైసా సినిమా కూడా అంతే. త్వరగా షూటింగ్ కంప్లీట్ కావాల్సింది వివిధ కారణాల వల్ల 3 ఏళ్ళు పట్టింది. ఆ రెండు ఫ్లాపుల తర్వాత డిప్రెషన్ కి గురయ్యా. హీరోలకు కథ చెబుదాం అని వెళుతుంటే బిజీగా ఉన్నాను సార్ అంటూ రకరకాల కారణాలు చెప్పి రిజెక్ట్ చేసేవారు.

దీనితో మెంటల్ గా మరింత స్ట్రగుల్ అయ్యాను. నా డోర్స్ అన్నీ క్లోజ్ అయిపోయినట్లు అనిపించింది. ఆ టైంలో అన్నయ్య చిరంజీవి గారు గతంలో చెప్పిన మాట గుర్తుకు వచ్చింది. చరణ్ ఒక ఫ్యామిలీ సినిమా చేయాలి. నీ దగ్గర ఏదైనా ఫ్యామిలీ కథ ఉంటే చెప్పు అని గతంలో చిరంజీవి చెప్పిన మాట గుర్తుకు వచ్చింది. చిరంజీవి గారు చెప్పారు కానీ.. నేను ఫ్లాపుల్లో ఉన్న ఈ టైంలో రాంచరణ్ ఓకె చేస్తాడు అనే నమ్మకం నాకు లేదు. సరే ప్రయత్నించి చూద్దాం అని కబురు పెట్టాను. అరగంటలో రాంచరణ్ నుంచి నాకు కాల్ వచ్చింది.

అన్నపూర్ణ స్టూడియోలో ఉన్నాను ఒకసారి రాగలరా అని చరణ్ అడిగారు. వేంటనే వెళ్ళాను. ఆ రోజు చరణ్ జ్వరంతో ఉన్నప్పటికీ షూటింగ్ చేస్తూ నన్ను మీట్ కావడానికి కూడా అంగీకరించాడు. ఒక కథ ఉంది ఇంకా పూర్తిగా డెవలప్ చేయలేదు. నీకు కుదిరినప్పుడు 20 నిముషాలు టైం ఇస్తే నేరేషన్ ఇస్తాను అని చెప్పా. సరే ఈ ఆదివారం ఫ్రీగా ఉంటా వచ్చేయండి అని రాంచరణ్ చెప్పారు. ఆదివారం రోజు కథ వినిపించా. ఈ కథలో మూమెంట్స్ చాలా బావున్నాయి. ఒకసారి నాన్నగారికి కూడా కథ వినిపించండి, నేను చెబుతాను అని చరణ్ తెలిపారు.

ఆ టైంలో చిరంజీవిగారు సెంట్రల్ మినిష్టర్ గా ఉన్నారు. ఆయనకు ఎలాగూ టైం ఉండదు. ఇక ఈ సినిమా జరగదులే అని మనసులో అనుకున్నా. 2 రోజుల్లోనే చిరంజీవి గారి నుంచి పిలుపు వచ్చింది. ఉదయం 8 గంటలకే వెళ్లాను. నేను వెళ్ళగానే చిరంజీవి గారు ఒక మాట అన్నారు. నువ్వేం చెప్పావో, వాడు ఏం విన్నాడో నాకు తెలియదు.. సరస్వతీ దేవి మీద ఒట్టేసి చెబుతున్నా ఈ సినిమా మనం చేస్తున్నాం అంతే. ఇప్పుడు కథ చెప్పు అన్నారు. ఆయన అలా అనడంతో నా మైండ్ బ్లాక్ అయింది. వెంటనే నెరేషన్ ఇవ్వడం ప్రాజెక్ట్ ఓకె కావడం జరిగింది అని కృష్ణ వంశీ తెలిపారు. ఆ సినిమానే గోవిందు అందరి వాడేలే. ఈ మూవీ గొప్పగా ఆడలేదు కానీ డీసెంట్ మూవీగా నిలిచింది.

Rajinikanth Sun Pictures: రజినీకాంత్ - సన్ పిక్చర్స్ కాంబోలో హిట్స్, ప్లాప్స్ ఇవే!

Mahesh Jujjuri — Thu, 22 Oct 2026 16:16:29 +0530

సూపర్ స్టార్ రజినీకాంత్, సన్ పిక్చర్స్ కళానిధి మారన్ కాంబినేషన్‌లో ఎన్నో సినిమాలు వచ్చాయి. ఈ బ్లాక్‌బస్టర్ కాంబోలో హిట్టయిన సినిమాలు ఏవి, ప్లాప్ అయినవి ఏంటో ఇక్కడ చూద్దాం.

సినిమాలో హీరో-డైరెక్టర్, హీరో-హీరోయిన్ కాంబోలు కామన్. కానీ హీరో-ప్రొడ్యూసర్ కాంబో చాలా రేర్. నిర్మాతకు హీరో మీద నమ్మకం ఉంటేనే ఇది వర్కౌట్ అవుతుంది. కోలీవుడ్‌లో అలాంటి బ్లాక్‌బస్టర్ కాంబోనే సన్ పిక్చర్స్ కళానిధి మారన్, సూపర్ స్టార్ రజినీకాంత్. వీరిద్దరి కలయికలో మొత్తం 6 సినిమాలు వచ్చాయి. వాటిలో ఏవి హిట్, ఏవి ప్లాప్ అయ్యాయో చూద్దాం.

సన్ పిక్చర్స్‌తో రజినీకాంత్ మొదటిసారి జతకట్టిన సినిమా 'ఎంథిరన్'. 'శివాజీ' లాంటి మాస్ హిట్ తర్వాత శంకర్, రజినీ కాంబోలో వచ్చిన సినిమా కావడంతో భారీ అంచనాలు ఉండేవి. నిర్మాత కళానిధి మారన్ కూడా శంకర్ విజన్‌కు తగ్గట్టుగా నీళ్లలా డబ్బు ఖర్చు పెట్టారు. రిజల్ట్ ఏంటంటే.. అప్పట్లోనే ఈ సినిమా రూ.300 కోట్లకు పైగా వసూలు చేసి ఇండియన్ సినిమాకే ట్రెండ్ సెట్టర్‌గా నిలిచింది.

ఎంథిరన్ భారీ విజయం తర్వాత సన్ పిక్చర్స్, రజినీకాంత్ మధ్య దాదాపు 8 ఏళ్ల గ్యాప్ వచ్చింది. ఆ తర్వాత 2019లో వీరి కాంబోలో వచ్చిన సినిమా 'పేట'. డైరెక్టర్ కార్తీక్ సుబ్బరాజ్ ఒక పక్కా ఫ్యాన్ బాయ్ లాగా ఈ సినిమాను చెక్కాడు. ఈ సినిమాకు మిక్స్‌డ్ టాక్ వచ్చినా, బాక్సాఫీస్ దగ్గర రూ.250 కోట్లకు పైగా కలెక్షన్స్ రాబట్టి హిట్ కొట్టింది. దీనికి సీక్వెల్‌గా పేట 2 తీయాలని అనుకున్నా, రజినీకాంత్ దానికి ఓకే చెప్పలేదు.

పేట హిట్ తర్వాత డైరెక్టర్ సిరుత్తై శివతో రజినీకాంత్ సినిమా చేశాడు. దీన్ని కూడా సన్ పిక్చర్సే నిర్మించింది. 'విశ్వాసం' లాంటి విలేజ్ బ్యాక్‌డ్రాప్ హిట్ తర్వాత శివ తీస్తున్న సినిమా కావడంతో ఫ్యాన్స్ భారీ ఆశలు పెట్టుకున్నారు. కానీ 2021 దీపావళికి రిలీజైన 'అన్నాత్తే' ప్లాప్ అయింది. కరోనా లాక్‌డౌన్ వల్ల షూటింగ్ సరిగ్గా జరగకపోవడం, కథలో మార్పులు చేయాల్సి రావడం ఈ సినిమా ఫెయిల్యూర్‌కు కారణమయ్యాయి.

అన్నాత్తే ప్లాప్ తర్వాత కచ్చితంగా హిట్ కొట్టాల్సిన టైమ్‌లో సన్ పిక్చర్స్‌తో కలిసి 'జైలర్' లాంటి మాస్ యాక్షన్ సినిమా చేశాడు రజినీ. ఆ సినిమా బ్లాక్‌బస్టర్ అయ్యాక, లోకేష్ కనగరాజ్ డైరెక్షన్‌లో 'కూలీ' సినిమా కూడా సన్ పిక్చర్స్ బ్యానర్‌లోనే చేశాడు. ఆ సినిమా కూడా రూ.500 కోట్లకు పైగా వసూలు చేసింది. ఇక సన్ పిక్చర్స్ నిర్మాణంలో రజినీకాంత్ నటించిన 'జైలర్ 2' గత వారమే రిలీజై థియేటర్లలో దుమ్మురేపుతోంది. ఈ సినిమా తమిళ నాట తొలి 1000 కోట్ల సినిమాగా నిలిచే ఛాన్స్ ఉందని ట్రేడ్ వర్గాలు చెబుతున్నాయి.

భజ గోవిందం... ఎలా బతకాలో చెప్పే జీవిత సత్యం. ఏమన్నా లిరిక్సా అసలు

Narender Vaitla — Fri, 23 Oct 2026 14:51:57 +0530

Bhaja Govindam: టాలీవుడ్ యువ హీరో కిరణ్ అబ్బవరం స్వయంగా దర్శకత్వం వహిస్తున్న ‘రియాలిటీ’ సినిమాలోని భ‌జ గోవిందం పాట ఇప్పుడు సోష‌ల్ మీడియాలో వైర‌ల్ అవుతోంది. ఇందులోని ప్రతి పదం జీవితానికి దగ్గరగా ఉండటంతో ఈ పాటకు కనెక్ట్ అవుతున్నారు.

యువ హీరో కిరణ్ అబ్బవరం తొలిసారి దర్శకత్వ బాధ్యతలు చేపడుతున్న చిత్రం ‘రియాలిటీ’. మధ్యతరగతి కుటుంబాల జీవితాలు, వారి ఆలోచనలు, రోజువారీ సమస్యల నేపథ్యంలో రూపొందుతున్న ఈ సినిమాలో దేవికా భట్‌, శరత్ కుమార్‌, సాయికుమార్‌ ప్రధాన పాత్రల్లో నటిస్తున్నారు. ఈ సినిమా నుంచి తాజాగా విడుదలైన ‘భజగోవిందం’ పాట శ్రోతలను ఆకట్టుకుంటోంది.

ఈ పాటకు సనారే సాహిత్యం అందించగా, భీమ్స్ సిసిరోలియో సంగీతం సమకూర్చారు. కేరళకు చెందిన ప్రముఖ గాయని వైకోం విజయలక్ష్మి తన ప్రత్యేకమైన స్వరంతో పాటను ఆలపించారు. సులభంగా అర్థమయ్యే పదాలు, మనసుకు హత్తుకునే సంగీతం ఈ పాటకు ప్రత్యేక ఆకర్షణగా నిలుస్తున్నాయి.

పాట విడుదలైన తర్వాత సోషల్ మీడియాలో దీనికి సంబంధించిన వీడియోలు, రీల్స్, వాట్సాప్ స్టేటస్‌లు కనిపిస్తున్నాయి. ముఖ్యంగా జీవితాన్ని ఎలా చూడాలి? మనసుకు ప్రశాంతత ఎలా లభిస్తుంది? అనే అంశాలను పాటలో ప్రస్తావించడం శ్రోతలను ఆకర్షిస్తోంది. సాధారణంగా సినిమా పాటలు వినోదాన్ని అందిస్తాయి. అయితే ఈ పాట మాత్రం వినోదంతో పాటు జీవితాన్ని ఒక్కసారి ఆలోచించుకునేలా చేస్తోంది.

‘భజగోవిందం.. భజగోవిందం.. బతుకే కోలాహలం’ అంటూ సాగే పాటలో జీవితాన్ని ఆనందంగా గడపాలనే భావన కనిపిస్తుంది. జీవితం ఎప్పుడూ ఒకేలా ఉండదు. సంతోషాలు, బాధలు, సమస్యలు, విజయాలు ఇలా ఎన్నో అనుభవాలు ఎదురవుతుంటాయి. అయినప్పటికీ ప్రతి విషయాన్ని అతిగా ఆలోచిస్తూ మనశ్శాంతిని కోల్పోకూడదనే సందేశం ఇందులో ఉంది.

‘ఓ చిరునవ్వుతో ప్రేమగా పలికితే.. మనుషుల మనసుకి వెలుగవదా’ అనే భావం కూడా ఎంతో ముఖ్యమైనది. ఎదుటివారితో మనం ఎలా మాట్లాడుతున్నామనేది వారి మనసుపై ప్రభావం చూపుతుంది. కఠినంగా మాట్లాడటం వల్ల చిన్న సమస్య కూడా పెద్దదిగా మారవచ్చు. అదే ప్రేమగా, ఆప్యాయంగా మాట్లాడితే అపార్థాలు తగ్గి సంబంధాలు మెరుగుపడే అవకాశం ఉంటుంది.

మన చుట్టూ ఉన్నవారికి పెద్ద సహాయాలు చేయలేకపోయినా, ఒక మంచి మాటతో ధైర్యం చెప్పవచ్చు. బాధలో ఉన్నవారిని పలకరించవచ్చు. కుటుంబ సభ్యులు, స్నేహితులు, సహోద్యోగులతో మర్యాదగా వ్యవహరించవచ్చు. ఇలాంటి చిన్న చిన్న పనులే జీవితంలో మంచి వాతావరణాన్ని సృష్టిస్తాయి.

అలాగే ‘నీ మనసు ఏమని తెలిపితే ఆ పని నిజమని నమ్ముతూ.. కదులు పదా’ అనే భావం మనపై మనకు నమ్మకం ఉండాలని సూచిస్తుంది. మన లక్ష్యాల విషయంలో స్పష్టత కలిగి ఉండాలి. ఇతరులు ఏమనుకుంటారోనని ప్రతి అడుగులోనూ వెనక్కి తగ్గకుండా, మన ఆలోచనలను పరిశీలించి సరైన నిర్ణయాలు తీసుకోవాలి. ఆత్మవిశ్వాసంతో ముందుకు సాగడం జీవితంలో ఎంతో అవసరం.

ఈ పాటలోని మరో ముఖ్యమైన భావం ‘ఉన్నంతలో మనకున్నంతలో బతికితే అదే సుఖము’ అనేది. మనిషి జీవితంలో కోరికలకు అంతం ఉండదు. ఒక వస్తువు కొనాలనిపిస్తుంది. ఆ తర్వాత మరో వస్తువు కావాలనిపిస్తుంది. ఇతరులతో పోల్చుకుంటూ మన దగ్గర ఉన్నవి తక్కువని భావిస్తుంటాం. ఈ ఆలోచనల వల్ల ఉన్న సంతోషాన్ని కూడా ఆస్వాదించలేకపోతాం.

మన అవసరాలు, ఆదాయం, పరిస్థితులను అర్థం చేసుకుని జీవించడం ముఖ్యం. ఆర్థికంగా మన స్థాయికి తగిన నిర్ణయాలు తీసుకోవాలి. అప్పులు చేసి ఇతరులను అనుకరించడం కంటే, మనకు ఉన్న వనరులతో జీవితాన్ని మెరుగుపరుచుకోవడంపై దృష్టి పెట్టాలి. దీనర్థం లక్ష్యాలను వదులుకోవాలని కాదు. కొత్త లక్ష్యాల కోసం ప్రయత్నిస్తూనే, ప్రస్తుతం మన దగ్గర ఉన్న మంచి విషయాలను కూడా గుర్తించాలని అర్థం.

‘ఎవరికీ తలొంచక నువ్వు నీ కాళ్లపై నిలబడే గుణం వరము’ అనే భావం స్వతంత్రంగా జీవించడం ఎంత ముఖ్యమో చెబుతుంది. ఇతరులపై పూర్తిగా ఆధారపడకుండా మన కష్టంతో ఎదగడం ఆత్మగౌరవాన్ని పెంచుతుంది. ఉద్యోగం, వ్యాపారం, చదువు లేదా ఏదైనా వృత్తిలో మన సామర్థ్యాలను పెంచుకోవడం ద్వారా స్వతంత్రంగా నిలబడవచ్చు.

జీవితంలో రేపు ఏం జరుగుతుందో ఎవరికీ పూర్తిగా తెలియదు. ఉద్యోగం ఉంటుందా? ఆర్థిక పరిస్థితి ఎలా మారుతుంది? కుటుంబ బాధ్యతలను సరిగ్గా నిర్వహించగలమా? పిల్లల భవిష్యత్తు ఎలా ఉంటుంది? ఇలాంటి ప్రశ్నలు చాలామందిని వేధిస్తుంటాయి. భవిష్యత్తు గురించి ఆలోచించడం సహజమే. కానీ జరగని విషయాల గురించి పదేపదే ఆందోళన చెందితే ప్రస్తుత జీవితంపై దృష్టి తగ్గుతుంది.

‘ఏదెలాగ రాసెనో అలాగే జరుగును.. మరెందుకో భయము’ అనే పాటలోని భావం భవిష్యత్తుపై అతిగా భయపడకుండా ఉండాలని సూచిస్తుంది. మన చేతుల్లో లేని విషయాల గురించి నిరంతరం ఆలోచించడం కంటే, మనం చేయగలిగిన పనులపై దృష్టి పెట్టడం మంచిది.

అదే సమయంలో ఈ భావాన్ని ప్రయత్నాలు మానేయాలని అర్థం చేసుకోకూడదు. భవిష్యత్తు మనకు తెలియకపోయినా, దాని కోసం సిద్ధపడే అవకాశం మనకు ఉంటుంది. ఆరోగ్యాన్ని కాపాడుకోవడం, డబ్బును పొదుపు చేయడం, కొత్త నైపుణ్యాలు నేర్చుకోవడం, కుటుంబానికి సమయం కేటాయించడం వంటి పనులు మన చేతుల్లోనే ఉంటాయి.

‘అది అలాగ జరగక ఎలాగ జరిగినా వదులుకోకు ఎప్పుడూ నమ్మకము’ అనే భావం కూడా జీవితంలో ఎదురయ్యే పరిస్థితులను ధైర్యంగా ఎదుర్కోవాలని చెబుతుంది. మనం అనుకున్నట్లుగా అన్ని పనులు జరగకపోవచ్చు. కొన్ని ప్రయత్నాలు విఫలం కావచ్చు. కొన్నిసార్లు మనకు ఇష్టమైన అవకాశాలు చేజారవచ్చు. అలాంటి సందర్భాల్లో నిరాశకు లోనై ప్రయత్నాలను పూర్తిగా ఆపేయకుండా, పరిస్థితులకు అనుగుణంగా కొత్త మార్గాలను వెతుక్కోవాలి.

జీవితంపై నమ్మకం ఉండటం అంటే సమస్యలు రావని అనుకోవడం కాదు. సమస్యలు వచ్చినా వాటిని ఎదుర్కొనే శక్తి మనలో ఉందని విశ్వసించడం. ఈ ఆలోచన మనిషికి మానసిక ధైర్యాన్ని అందిస్తుంది.

‘ఏవో తెలియని పరుగులు తీసే తొందరలో నీకే నువ్వే దొరకక సమయము గడపకు తెలివను భ్రమలో’ అనే భావం నేటి జీవనశైలికి చాలా దగ్గరగా ఉంటుంది. చాలామంది ఉదయం లేచినప్పటి నుంచి రాత్రి నిద్రపోయే వరకు ఏదో ఒక పని చేస్తూనే ఉంటారు. ఉద్యోగం, వ్యాపారం, డబ్బు సంపాదన, కుటుంబ బాధ్యతలు, భవిష్యత్తు ప్రణాళికలు ఇలా ఎన్నో విషయాలతో సమయం గడిచిపోతుంది.

ఈ క్రమంలో తమ ఆరోగ్యాన్ని, ఇష్టాలను, కుటుంబ సభ్యులతో గడపాల్సిన సమయాన్ని పట్టించుకోరు. ఎప్పుడూ ఏదో సాధించాలనే ఆలోచనలో ఉండి, ఇప్పటికే సాధించిన విజయాలను కూడా ఆస్వాదించలేకపోతారు. అందుకే అప్పుడప్పుడు ఆగి మన జీవితాన్ని మనమే పరిశీలించుకోవాలి. మనం చేస్తున్న పనులు నిజంగా మనకు ఆనందాన్ని ఇస్తున్నాయా? మన కుటుంబానికి సమయం కేటాయిస్తున్నామా? మన ఆరోగ్యాన్ని జాగ్రత్తగా చూసుకుంటున్నామా? అని ప్రశ్నించుకోవాలి.

‘చాలా ఆశల నడుమన.. చాల్లే అని చూడు ప్రాణం చిటికెలో తేలును ఆనందాల్లో’ అనే భావం కూడా ఇదే విషయాన్ని చెబుతుంది. ఆశలు ఉండటం తప్పు కాదు. జీవితంలో ఎదగాలనే కోరిక మనిషిని ముందుకు నడిపిస్తుంది. కానీ ప్రతి కోరిక నెరవేరినప్పుడే సంతోషంగా ఉంటానని అనుకుంటే, ఆ ఆనందం ఎప్పటికీ అందకుండా పోవచ్చు.

మన దగ్గర ఉన్న కుటుంబం, స్నేహితులు, ఆరోగ్యం, చిన్న చిన్న విజయాలు, ప్రశాంతంగా గడిపే క్షణాలు కూడా విలువైనవే. వాటిని గుర్తించి ఆస్వాదించడం నేర్చుకోవాలి. పని చేయాలి, సంపాదించాలి, లక్ష్యాలను చేరుకోవాలి. అదే సమయంలో మనసుకు విశ్రాంతి ఇవ్వాలి. మనకు ఇష్టమైన పనులు చేయాలి. ఆప్యాయంగా మాట్లాడే మనుషులతో సమయం గడపాలి.

మొత్తంగా ‘రియాలిటీ’ సినిమాలోని ‘భజగోవిందం’ పాట జీవితాన్ని సరళంగా చూడాలని, మనపై మనకు నమ్మకం ఉంచుకోవాలని, ఇతరులతో ప్రేమగా వ్యవహరించాలని, ఉన్నదానిలో సంతోషాన్ని వెతుక్కోవాలని గుర్తుచేస్తోంది. భవిష్యత్తు కోసం ప్రయత్నిస్తూనే వర్తమానాన్ని కోల్పోకూడదనే సందేశాన్ని అందిస్తోంది. అందుకే ఈ పాటలోని భావాలు చాలామందికి తమ జీవితాన్ని గుర్తుచేస్తూ మనసుకు దగ్గరవుతున్నాయి.

Na Wife Missing Review: నా వైఫ్‌ మిస్సింగ్‌ మూవీ రివ్యూ.. కొత్తబంగారు లోకం జంట మళ్లీ మ్యాజిక్‌ చేసిందా?

Aithagoni Raju — Fri, 23 Oct 2026 13:09:27 +0530

Na Wife Missing Review: 18ఏళ్ల తర్వాత `కొత్త బంగారు లోకం` జంట వరుణ్‌ సందేశ్‌, శ్వేతా బసు ప్రసాద్‌ కలిసి నటించిన చిత్రం `నా వైఫ్‌ మిస్సింగ్‌`. సస్పెన్స్ థ్రిల్లర్‌గా రూపొందిన ఈ చిత్రం ఎలా ఉందంటే?

`కొత్తబంగారు లోకం` మూవీతో ఒక్కసారిగా పాపులర్‌ అయ్యారు వరుణ్‌ సందేశ్‌, శ్వేతా బసు ప్రసాద్‌. ఆ తర్వాత మళ్లీ వీరిద్దరు కలిసి నటించలేదు. దాదాపు 18 ఏళ్ల తర్వాత మరోసారి ఈ జంట కలిసి నటించింది. `నా వైఫ్‌ మిస్సింగ్‌` అనే సస్పెన్స్ థ్రిల్లర్‌ మూవీలో నటించడం విశేషం. దీనికి స్వాతి ప్రకాష్‌ మంత్రి ప్రగడ దర్శకత్వం వహించారు. కథ ఉమర్జీ అనురాధ. లైట్‌ హౌజ్‌ సినీ మ్యాజిక్‌ పతాకంపై శివ కంఠమనేని నిర్మించారు. ఇది ఆహాలో స్ట్రీమింగ్‌ అవుతుంది. గురువారం నుంచి స్ట్రీమింగ్‌ అవుతున్న ఈ ఓటీటీ మూవీ ఎలా ఉంది? మరోసారి వరుణ్‌ సందేశ్‌, శ్వేతా బసు ప్రసాద్‌ మ్యాజిక్‌ వెండితెరపై వర్కౌట్‌ అయ్యిందా అనేది రివ్యూలో తెలుసుకుందాం.

బాలు సుబ్రమణ్యం (వరుణ్ సందేశ్‌) ఓ గ్రామీణ ప్రాంతంలోని బ్యాంకులో అసిస్టెంట్‌ మేనేజర్‌గా పనిచేస్తుంటాడు. అతడికి స్వప్న (శ్వేతా బసు ప్రసాద్‌)తో వివాహం జరుగుతుంది. పెళ్లికి ముందే స్వప్న తన గత ప్రేమ గురించి, తాను కన్యను కాదనే విషయాన్ని బాలు ముందు వెల్లడిస్తుంది. అయినప్పటికీ బాలు ఆమెను పెళ్లి చేసుకోవడానికి అంగీకరిస్తాడు. స్వప్నకు గతంలో అబాన్‌ (మోహిత్‌ పెద్దాడ)తో ప్రేమ వ్యవహారం ఉంటుంది. వయసు తేడా, వేరే మతం కారణంగా వారి ప్రేమకు స్వప్న కుటుంబం అంగీకరించదు. దీంతో ఆమె జీవితంలో చోటుచేసుకున్న పరిణామాలు కొత్త సమస్యలకు దారితీస్తాయి.

పెళ్లి తర్వాత కూడా బాలు, స్వప్నల మధ్య బంధం గొప్పగా ఏం ఉండదు. కానీ అనూహ్యంగా ఆమెలో మార్పు వస్తుంది. ఆ విషయాన్ని బాలుకి చెప్పాలనుకుంటుంది. దీంతో ఇద్దరు కలిసి టెంపుల్‌కి వెళ్తారు. అనంతరం స్వప్న మిస్‌ అవుతుంది. ఆమె కనిపించకుండా పోవడానికి కారణం ఏంటి? స్వప్న బాలుకి ఏం చెప్పాలనుకుంది. ఆమెలో వచ్చిన మార్పేంటి? స్వప్న మిస్‌ అయ్యిందా? కిడ్నాప్‌ అయ్యిందా? ఈ కేసుని విచారించే ఎస్‌ఐ రవి(ప్రవీణ్‌) విచారణలో ఏం తేలింది? ఈ కేసులో అసలు ట్విస్ట్ ఏంటి? ఇంతకి స్వప్న దొరికిందా లేదా? ఇందులో బ్లాక్‌ మ్యాజిక్‌కి సంబంధం ఏంటి? అనేది మిగిలిన కథ.

మిస్టరీ థ్రిల్లర్‌ సినిమాలకు ప్రధాన బలం కథలోని అనుమానాలు, ప్రేక్షకులను తప్పుదోవ పట్టించే సన్నివేశాలు, చివర్లో వచ్చే ఊహించని మలుపులు. ‘నా వైఫ్ మిస్సింగ్‌’ కూడా ఇదే ఫార్ములాలో సాగుతుంది. భార్య కనిపించకుండా పోయిన ఘటనను కేంద్రంగా తీసుకుని, భార్యాభర్తల మధ్య ఉన్న సమస్యలను, గత ప్రేమ వ్యవహారాన్ని, పోలీసుల దర్యాప్తును మేళవింపుగా ఈ కథ నడుస్తుంది.

ఫస్టాఫ్‌లో బాలు, స్వప్నల వైవాహిక జీవితాన్ని పరిచయం చేస్తూ వారి మధ్య ఉన్న విభేదాలను చూపించారు. స్వప్న కనిపించకుండా పోయిన తర్వాత కథలో అసలు ఉత్కంఠ మొదలవుతుంది. బాలు చెప్పే విషయాలు నిజమేనా? అతడికి తెలియని రహస్యాలు ఏమైనా ఉన్నాయా? అనే సందేహాలను ప్రేక్షకుల్లో కలిగించడంలో కొన్ని సన్నివేశాలు పనిచేస్తాయి. ఇంటర్వెల్‌ సమయంలో వచ్చే మలుపు సెకండాఫ్‌పై ఆసక్తిని పెంచుతుంది.

సెకండాఫ్‌లో స్వప్న ఆచూకీ కోసం జరిగే ప్రయత్నాలు, పోలీసుల విచారణ, అనుమానితుల చుట్టూ తిరిగే కథనం ఇంట్రెస్టింగ్‌గా, ఉత్కంఠభరితంగా సాగుతుంది. నెక్ట్స్ ఏం జరుగుతుందనే ఉత్కంఠని పెంచుతుంది. అదే సమయంలో ఒక్కో ట్విస్ట్ రివీల్‌ అవుతుండటంతో మరింత ఆసక్తి పెరుగుతుంది. ముఖ్యంగా కథలోని రెండు కీలక ట్విస్టులు ఆసక్తిని కలిగిస్తాయి. అయితే, వాటిని ప్రేక్షకులకు మరింత ప్రభావవంతంగా అందించడంలో దర్శకురాలు పూర్తిస్థాయిలో విజయం సాధించలేకపోయారు.

కథలో భావోద్వేగాలకు మరింత ప్రాధాన్యం ఇచ్చి ఉంటే బాగుండేది. భార్యాభర్తల మధ్య విభేదాలు, వారి మనసుల్లోని సంఘర్షణలు ప్రేక్షకులకు బలంగా కనెక్ట్ అయ్యేలా తెరకెక్కించాల్సింది. కొన్ని పాత్రల ప్రవర్తనలో వచ్చే మార్పులు కూడా సహజంగా అనిపించవు. కొంత్త స్లోగా సాగుతుంది. క్లైమాక్స్‌ వేగంగా ముగియడంతో సస్పెన్స్‌ అంశాల్లోని కిక్‌ మిస్‌ అయిన ఫీలింగ్ కలుగుతుంది. అయినప్పటికీ, తరువాత ఏం జరుగుతుందనే ఆసక్తితో సినిమాను చివరి వరకు చూడవచ్చు. 18 ఏళ్ల తర్వాత వరుణ్‌ సందేశ్‌, శ్వేతా బసు ప్రసాద్‌ కలిసి నటించడం తెరపై ఒక కనువిందు ఫీలింగ్ కలుగుతుంది. మళ్లీ అప్పటి రోజులను గుర్తు చేస్తుంది. తెరపై కూడా ఈ జంట అంతే బాగుంది.

వరుణ్ సందేశ్‌ తనకు అలవాటైన సహజమైన నటనతో బాలు పాత్రను పోషించారు. భార్యపై ప్రేమ చూపించే భర్తగా, అదే సమయంలో పోలీసుల అనుమానాల మధ్య చిక్కుకున్న వ్యక్తిగా ఆయన నటన సందర్భానుసారంగా సాగుతుంది. తన పాత్రపై అనుమానాలు కలిగేలా కొన్ని సన్నివేశాల్లో చూపించిన హావభావాలు బాగున్నాయి.

శ్వేతా బసు ప్రసాద్‌ స్వప్న పాత్రలో విభిన్న కోణాలను చూపించే ప్రయత్నం చేశారు. ఆమె పాత్ర చుట్టూ ఉన్న రహస్యాలు కథకు అవసరమైన ఆసక్తిని అందిస్తాయి. వరుణ్‌, శ్వేతా మళ్లీ జంటగా కనిపించడం పాత అభిమానులకు ప్రత్యేక ఆకర్షణ. అయితే, ఇద్దరి మధ్య భావోద్వేగ సన్నివేశాలు మరింత బలంగా ఉండాల్సింది. వీరిమధ్య బలమైన కెమిస్ట్రీ మిస్‌ అయిన ఫీలింగ్‌ కలుగుతుంది.

ప్రవీణ్‌ ఎస్‌ఐ రవి పాత్రలో కథకు కీలకమైన మలుపులను అందించారు. ఆయన పాత్రలోని మరో కోణం సినిమా ఉత్కంఠకు ఉపయోగపడుతుంది. పోలీస్‌ కానిస్టేబుల్‌గా సత్యశ్రీ కనిపించింది. ఆమె ఉన్నంత సేపు మెప్పించింది. హైలైట్‌ అయ్యింది. మిగిలిన పాత్రధారులు ఫర్వాలేదనిపించారు.

దర్శకురాలు స్వాతి ప్రకాష్‌ మంత్రిప్రగడ సాధారణ వైవాహిక సమస్యలకు మిస్టరీ థ్రిల్లర్‌ అంశాలను జోడించారు. నాన్‌లీనియర్‌ కథనంతో కొన్ని విషయాలను ఒకేసారి వెల్లడించకుండా ఉత్కంఠను కొనసాగించే ప్రయత్నం చేశారు. అయితే, స్క్రీన్‌ప్లేలో వేగం, భావోద్వేగాల మధ్య సమతుల్యత మరింత మెరుగ్గా ఉండాల్సింది.

సాయి కార్తీక్‌ సంగీతం, నేపథ్య సంగీతం సస్పెన్స్‌ సన్నివేశాలకు తోడ్పడ్డాయి. ఎన్‌.ఎస్‌. సతీష్‌ కుమార్‌ సినిమాటోగ్రఫీ కథకు తగినట్లుగా సాగింది. సాయిబాబు తలారి ఎడిటింగ్‌ కారణంగా సినిమా రన్‌టైమ్‌ సుమారు 99 నిమిషాలకే పరిమితమైంది. అయితే, కొన్ని సన్నివేశాలకు మరింత సమయం కేటాయించి ఉంటే కథలోని భావోద్వేగాలు బాగా పండేవి.

ఫైనల్‌ నోట్‌

‘నా వైఫ్ మిస్సింగ్‌’లో ఆసక్తికరమైన కథా పాయింట్‌, రెండు కీలక మలుపులు, వరుణ్ సందేశ్‌, శ్వేతా బసు ప్రసాద్‌ నటన ప్రధాన బలాలు. అంచనాలు లేకుండా ఓటీటీలో ఒక మోస్తరు మిస్టరీ థ్రిల్లర్‌ చూడాలనుకునేవారికి ఈ చిత్రం నచ్చుతుంది.

రేటింగ్‌ : 2.5

Allu Arjun: చొక్కా నలగకుండా 500 కోట్లు, అది రజనీకి మాత్రమే సాధ్యం.. జైలర్ 2పై అల్లు అర్జున్ రివ్యూ

Tirumala Dornala — Thu, 22 Oct 2026 18:42:51 +0530

రజనీకాంత్ నటించిన జైలర్ 2 చిత్రంపై అల్లు అర్జున్ ప్రశంసలు కురిపించారు. చొక్కా నలగకుండా రూ.500 కోట్లకు పైగా వసూళ్లు సాధించడం రజనీకాంత్‌కే సాధ్యమని కొనియాడారు.

సూపర్‌స్టార్ రజనీకాంత్ నటించిన ‘జైలర్ 2’ చిత్రంపై టాలీవుడ్ ఐకాన్ స్టార్ అల్లు అర్జున్ ప్రశంసలు కురిపించారు. ఈ సినిమా రజనీకాంత్ స్టార్‌డమ్, స్టైల్, తెరపై ఆయనకున్న ప్రత్యేకమైన ఆకర్షణకు నిదర్శనంగా నిలిచిందని కొనియాడారు. సినిమా ఆద్యంతం ప్రేక్షకుల్లో ఉత్సాహాన్ని నింపేలా ఉందని పేర్కొన్నారు. రజనీకాంత్ తనదైన శైలిలో మరోసారి ప్రేక్షకులను అలరించారని అల్లు అర్జున్ ప్రశంసించారు.

ఈ సినిమా విజయంలో సంగీత దర్శకుడు అనిరుధ్ రవిచందర్ పాత్రను కూడా అల్లు అర్జున్ ప్రత్యేకంగా ప్రస్తావించారు. అనిరుధ్ అద్భుతంగా పనిచేశారని ప్రశంసిస్తూ, సినిమాలో పనిచేసిన నటీనటులు, సాంకేతిక నిపుణులు, నిర్మాత సన్ పిక్చర్స్ సంస్థ తమ పూర్తి శ్రమను, మనసును పెట్టి ఈ చిత్రాన్ని రూపొందించారని పేర్కొన్నారు. దర్శకుడు నెల్సన్ దిలీప్‌కుమార్ మరోసారి తనదైన శైలిలో అద్భుతమైన విజయాన్ని అందించారని అభినందించారు.

అల్లు అర్జున్ తన పోస్టులో రజనీకాంత్ స్టైల్‌ను ప్రస్తావిస్తూ చేసిన వ్యాఖ్య ప్రత్యేకంగా ఆకట్టుకుంది. “చొక్కా నలగకుండా 500 CR+ కొట్టడం ఒక్క రజనీకాంత్ గారికే సాధ్యం” అని పేర్కొన్నారు. రజనీకాంత్ తెరపై కనిపించే ప్రత్యేకమైన స్టైల్, ఆయనకున్న స్టార్‌డమ్‌ను ఈ మాటలతో అల్లు అర్జున్ సరదాగా ప్రశంసించారు. చిత్ర బృందానికి అభినందనలు తెలియజేస్తూ, దర్శకుడు నెల్సన్, సంగీత దర్శకుడు అనిరుధ్ సహా ఈ సినిమా కోసం పనిచేసిన వారందరినీ కొనియాడారు.

#Jailer2 is

A true showcase of @rajinikanth sir’s star power, swag & aura! A Commercial Entertainer that keeps the adrenaline pumping!

Brother... @anirudhofficial KILLED IT! All the artists, technicians & the producer have poured their hearts into this film. The Showman @Nelsondilpkumar garu delivers the coolest hit with a BANG!

చొక్కా నలగకుండా 500 CR+ కొట్టడం ఒక్క రజినీ గారికే సాధ్యం!

Congratulations to the entire team! @sunpictures

— Allu Arjun (@alluarjun) October 22, 2026

అల్లు అర్జున్ ప్రస్తుతం దర్శకుడు అట్లీ తెరకెక్కిస్తున్న ‘రాకా’ చిత్రంలో నటిస్తున్నారు. ఈ సినిమాను కూడా సన్ పిక్చర్స్ సంస్థ నిర్మిస్తోంది. ఇందులో దీపికా పదుకొణె కథానాయికగా నటిస్తున్నారు. ఫాంటసీ యాక్షన్ డ్రామాగా రూపొందుతున్న ఈ చిత్రంపై ఇప్పటికే భారీ అంచనాలు ఉన్నాయి. ‘జైలర్ 2’ చిత్రాన్ని నిర్మించిన సంస్థతోనే అల్లు అర్జున్ తన తదుపరి సినిమా చేస్తుండటం కూడా ఇప్పుడు చర్చనీయాంశంగా మారింది.

స్టార్ హీరోతో ఎఫైర్.. పెళ్లి కాకుండానే ప్రెగ్నెంట్ అయిన స్టార్ హీరోయిన్ ఎవరో తెలుసా?

Mahesh Jujjuri — Thu, 22 Oct 2026 15:51:37 +0530

పెళ్లికి ముందే గర్భవతి అయిన ఈ హీరోయిన్.. పెళ్లి తరువాత ఎక్కువ కాలం కాపురం నిలుపుకోలేకపోయింది. ప్రేమించి పెళ్లి చేసుకున్న ప్రియుడితో విడాకులు తీసుకున్న ఆమె ప్రస్తుతం ఏం చేస్తుంది? ఇంతకీ ఎవరా హీరోయిన్?

కేరళ నుండి వచ్చి తెలుగు, తమిళ సినిమాల్లో స్టార్ హీరోయిన్ గా ఎదిగిన ఈహీరోయిన్, దర్శకుడిని ప్రేమించి పెళ్లి చేసుకున్నారు. కానీ వారిద్దరి మధ్య మనస్పర్థలు రావడంతో విడాకులు తీసుకున్నారు. ఆ తర్వాత ధనుష్ తో ఎఫైర్ ఉన్నట్టు ఇండస్ట్రీలో వార్తలు వైరల్ అయ్యాయి. ఆరు సంవత్సరాల తర్వాత మళ్ళీ ప్రేమలో పడి, పెళ్లికి ముందే గర్భవతి అయ్యింది బ్యూటీ. గర్భవతిగా ఉన్నప్పుడే పెళ్లి చేసుకున్న ఆమె మరెవరో కాదు అమలా పాల్.

సౌత్ ఫిల్మ్ ఇండస్ట్రీలో తనకంటూ ప్రత్యేకమైన గుర్తింపు తెచ్చుకున్న హీరోయిన్లలో అమల పాల్ ఒకరు. గ్లామర్ పాత్రలతో పాటు నటనకు ఇంపార్టెన్స్ ఉన్న పాత్రలను ఎంచుకుంటూ టాలీవుడ్, కోలీవుడ్ ప్రేక్షకులను అలరించిన ఈ బ్యూటీ, సినిమాల కంటే కూడా తన వ్యక్తిగత జీవితం ద్వారా ఎప్పుడూ వార్తల్లో నిలుస్తుంటుంది. తాజాగా అమల పాల్‌కు సంబంధించిన చిన్ననాటి ఫోటోలు ఒకటి సోషల్ మీడియాలో విపరీతంగా చక్కర్లు కొడుతున్నాయి. ఆ ఫొటోల్లో ఆమె చాలా క్యూట్‌గా కనిపిస్తుండటంతో అభిమానులు వాటిని తెగ షేర్ చేస్తున్నారు.

కేరళకు చెందిన అమల పాల్ మోడలింగ్ రంగం నుంచి సినిమాల్లోకి ప్రవేశించింది. తమిళంలో వచ్చిన ‘మైనా’ సినిమా ఆమె కెరీర్‌ను పూర్తిగా మలుపు తిప్పింది. ఆ చిత్రంతో వచ్చిన అద్భుతమైన గుర్తింపు ఆమెకు వరుస అవకాశాలను తెచ్చిపెట్టింది. తెలుగులో కూడా పలు చిత్రాల్లో నటించి యూత్ ఆడియన్స్ లో మంచి క్రేజ్ తెచ్చకుంది. అయితే కెరీర్ పీక్స్‌లో ఉన్న సమయంలోనే దర్శకుడు ఎ.ఎల్. విజయ్‌తో ఆమె ప్రేమలో పడటం, ఆ తర్వాత 2014లో వీరిద్దరూ వివాహం చేసుకోవడం తెలిసిందే. ఆ సమయంలో ఈ జంటపై అందరి దృష్టి పడింది.

కానీ, పెళ్లయిన కొద్దికాలానికే ఇద్దరి మధ్య మనస్పర్థలు తలెత్తడంతో ఈ బంధం ఎక్కువ కాలం నిలవలేదు. కుటుంబ కలహాల కారణంగా 2017లో వారు అధికారికంగా విడాకులు తీసుకుని విడిపోయారు. విడాకుల తర్వాత అమల పాల్ మరింత ధైర్యంగా ముందుకు వెళ్లారు. ముఖ్యంగా ‘ఆడై’ వంటి బోల్డ్ చిత్రంలో నటించి అందరినీ విస్మయానికి గురిచేశారు. ఈ సినిమా సమయంలోనూ, ఆ తర్వాత కూడా ఆమెపై రకరకాల రూమర్లు, వివాదాలు చుట్టుముట్టాయి. కొద్దికాలం పాటు తమిళ పరిశ్రమలో ఆమెకు అవకాశాలు తగ్గినప్పటికీ, ఓటీటీ వేదికలు మరియు మలయాళంలో ‘ఆడుజీవితం’, ‘బోలా’ వంటి విభిన్న చిత్రాలతో తన సత్తా చాటుకున్నారు.

ఇక వ్యక్తిగత జీవితం విషయానికి వస్తే, విడాకులు తరువాత జగత్ దేశాయ్ అనే వ్యక్తిని అమల పాల్ రెండో వివాహం చేసుకున్నారు. అయితే పెళ్లి జరిగిన కొద్ది నెలలకే ఆమె పండంటి మగబిడ్డకు జన్మనివ్వడం చర్చనీయాంశమైంది. దీంతో ఆమె పెళ్లికి ముందే గర్భవతి అయ్యారనే వార్తలు సోషల్ మీడియాలో పెద్ద ఎత్తున వైరల్ అయ్యాయి. దీనిపై నెటిజన్ల నుంచి రకరకాల స్పందనలు వచ్చినప్పటికీ, అమల పాల్ మాత్రం తన భర్తతో సంతోషకరమైన క్షణాలను పంచుకుంటూ ముందుకు సాగుతున్నారు.

8 వేల కోట్ల ఆస్తులు, 300 కోట్ల ఇల్లు.. రోజుకు 2 లక్షలకు అద్దెకిస్తున్న స్టార్ హీరో ఎవరో తెలుసా?

Mahesh Jujjuri — Fri, 23 Oct 2026 12:55:07 +0530

ఇండియన్ స్టార్ హీరో, వేల కోట్ల ఆస్తులు .. రోజుకు కోట్లలో వ్యాపారాలు, సినిమాలు చేసుకునే స్టార్ హీరో.. ఇన్ని వేల కోట్లు ఎలా సంపాదించాడు. తన ఇంటిని రోజుకు 2 లక్షలకు రెంటుకి ఇచ్చిన స్టార్ ఎవరు?

ఆయనో స్టార్ హీరో, ఇండియాన్ ఫిల్మ్ ఇండస్ట్రీలోనే ఆయనంత ధనవంతుడు మరొకరు లేరు. వేల కోట్లకు అధిపతి. ఇంటు ముందు నేమ్ బోర్డ్ కోసమే 20 లక్షలకు పైగా ఖర్చు పెట్టాడంటే.. ఆయన రేంజ్ ఏంటో అర్ధం అవుతుంది. ఆ హీరో సినిమాలే కాకుండా రకరకాల వ్యాపారాల ద్వారా కోట్లు గడిస్తున్నాడు. ఈ హీరోకు 300 కోట్లు విలువ చేసే ఓ ఇల్లు ఉంది. ఆ ఇంటిని రెంట్ కు ఇచ్చి... నెల నెలా అద్దె వసూలు చేస్తున్నాడంటే నమ్ముతారా ? అది కూడా రోజకు రెండు లక్షల పైనే. ఇంతకీ ఆ హీరో ఎవరో కాదు.. బాలీవుడ్ బాద్ షా షారుఖ్ ఖాన్. ఆ ఇల్లు కూడా ఇక్కడ లేదు అమెరికాలోని లాస్ ఏంజిల్స్ లో ఉంది. ఆ ఇంటి ప్రత్యేకత ఏంటో తెలుసా?

భారతీయ చలనచిత్ర పరిశ్రమలో అత్యంత సంపన్నుడైన స్టార్ హీరోగా, ప్రపంచవ్యాప్తంగా కోట్లాది మంది అభిమానులను సొంతం చేసుకున్న నటుడిగా షారుఖ్ ఖాన్ ప్రత్యేక గుర్తింపును కలిగి ఉన్నారు. సినిమాలే కాకుండా ఐపీఎల్ క్రికెట్ జట్టు నిర్వహణ, వివిధ వ్యాపారాల ద్వారా వేల కోట్ల సామ్రాజ్యాన్ని సృష్టించుకున్న ఆయన లైఫ్ స్టైల్.. ఎప్పుడూ చర్చనీయాంశమవుతుంటుంది. ముంబైలోని ఆయన ప్రఖ్యాత ‘మన్నత్’ బంగ్లా గురించి అందరికీ తెలిసిందే. అయితే, విదేశాల్లోనూ షారుఖ్ ఖాన్‌కు అత్యంత విలాసవంతమైన ఆస్తులు ఉన్నాయి. ముఖ్యంగా అమెరికాలోని లాస్ ఏంజిల్స్‌లో ఆయనకు కోట్లాది రూపాయల విలువైన ఒక అద్భుతమైన బంగ్లా ఉంది.

అమెరికాలో 300 కోట్ల బంగ్ల..

అమెరికాలోని అత్యంత ఖరీదైన ప్రాంతమైన ‘బెవర్లీ హిల్స్’ (Beverly Hills) లో షారుఖ్ ఖాన్ ఈ లగ్జరీ మాన్షన్‌ను కలిగి ఉన్నారు. సుమారు రూ. 300 కోట్లకు పైగా విలువ చేసే ఈ బంగ్లాకు సంబంధించిన విశేషాలు చాలా ఆసక్తికరంగా ఉంటాయి. ఈ అసాధారణ భవనంలో అత్యాధునిక సౌకర్యాలన్నీ సమకూర్చబడ్డాయి. ఇందులో సువిశాలమైన ఆరు బెడ్‌రూమ్‌లు, అందమైన స్విమ్మింగ్ పూల్, ప్రైవేట్ క్యాబానా మరియు ఆటలకోసం ప్రత్యేకంగా ఒక టెన్నిస్ కోర్టు కూడా అందుబాటులో ఉన్నాయి.

ఇక ఈ బంగ్లా లోపలి అలంకరణ (Interior Design) రాజసం ఉట్టిపడేలా ఉంటుంది. హాల్‌లోని పెద్ద సిట్టింగ్ ఏరియా నుంచి బయట ఉన్న అద్భుతమైన ప్రకృతి దృశ్యాలను వీక్షించేలా చుట్టూ గ్లాస్ ఫిట్టింగ్స్ ఏర్పాటు చేశారు. స్టైలిష్ సోఫా సెట్లు, రాజవంశాన్ని తలపించే వాల్ పెయింటింగ్‌లు, ఖరీదైన షోపీస్‌లు మరియు ప్రతి మూలన అమర్చిన ప్రత్యేకమైన లైటింగ్ ఈ ఇంట సొగసును మరింత పెంచుతాయి. అంతేకాకుండా, ఇందులో ఉండే బాత్రూమ్‌లు కూడా ఒక పెద్ద బెడ్‌రూమ్ అంత విశశాలంగా ఉండి, జాకుజీ (Jacuzzi) వంటి అత్యాధునిక సదుపాయాలను కలిగి ఉన్నాయి.

అయితే, ఈ విలాసవంతమైన భవనాన్ని షారుఖ్ ఖాన్ కేవలం తన వ్యక్తిగత సెలవుల కోసమే కాకుండా, అద్దెకు కూడా ఇస్తుండటం విశేషం. ప్రపంచవ్యాప్తంగా ఉన్న ప్రముఖులు లేదా టూరిస్టులు ఎవరైనా ఈ బంగ్లాలో ఉండాలనుకుంటే భారీగా చెల్లించాల్సి ఉంటుంది. ఈ మాన్షన్‌లో ఒక్క రోజు బస చేయడానికి దాదాపు రెండు లక్షల రూపాయలకు పైగా అద్దె వసూలు చేస్తారట. వేల కోట్ల ఆస్తులు ఉన్నప్పటికీ, విదేశీ ప్రాపర్టీలను రెంట్‌కు ఇస్తూ వ్యాపార దృక్పథంతో వ్యవహరించే షారుఖ్ ఖాన్ శైలి ఎప్పుడూ అందరినీ ఆశ్చర్యపరుస్తుంటుంది.

Anirudh Kavya Maran Wedding: అనిరుధ్ - కావ్య మారన్ పెళ్లి ప్లాన్‌లో సడెన్ చేంజ్?

Tirumala Dornala — Thu, 22 Oct 2026 19:51:09 +0530

Anirudh Kavya Maran Wedding: మ్యూజిక్ డైరెక్టర్ అనిరుధ్, కావ్య మారన్‌ల పెళ్లి పీటలెక్కబోతున్న సంగతి తెలిసిందే. అయితే, వీళ్ల వెడ్డింగ్ ప్లాన్‌లో సడెన్‌గా ఓ మార్పు జరిగిందట.

అనిరుధ్ - కావ్య మారన్ పెళ్లి కోలీవుడ్‌లో ఇప్పుడు హాట్ టాపిక్. వీళ్లు నవంబర్ 11న పెళ్లి చేసుకోబోతున్నారు. ఆ తర్వాత నవంబర్ 21న చెన్నైలో గ్రాండ్‌గా రిసెప్షన్ జరగనుంది. ప్రస్తుతం పెళ్లి పనులు ఫుల్ స్వింగ్‌లో ఉన్నాయి. ఈ పెళ్లికి సినీ ప్రముఖులతో పాటు పలు రాష్ట్రాల ముఖ్యమంత్రులు కూడా వస్తారని తెలుస్తోంది.

అనిరుధ్ - కావ్య మారన్ పెళ్లి గురించి రోజూ ఏదో ఒక వార్త వస్తూనే ఉంది. పెళ్లికి కేవలం అత్యంత సన్నిహితులు, బంధువులు మాత్రమే హాజరవుతారని సమాచారం. నవంబర్ 21న జరిగే రిసెప్షన్‌కు మాత్రం సినీ, రాజకీయ ప్రముఖులు వస్తారట. ఇవి కాకుండా మరో రెండు రిసెప్షన్లు కూడా ప్లాన్ చేస్తున్నారని ముందుగా వార్తలు వచ్చాయి.

లేటెస్ట్ అప్‌డేట్ ప్రకారం.. చెన్నైలో జరిగే గ్రాండ్ రిసెప్షన్‌కు మాత్రమే సినీ, రాజకీయ ప్రముఖులు వస్తారు. అనిరుధ్ తరపున మరో రిసెప్షన్ ఉంటుందని ముందుగా అనుకున్నారు. కానీ అది రిసెప్షన్ కాదట. అనిరుధ్ తన క్లోజ్ ఫ్రెండ్స్ కోసం ఒక గెట్ టుగెదర్ ప్లాన్ చేశాడు. నవంబర్ 22న ఐటీసీ చోళా హోటల్‌లో ఈ పార్టీ జరగనుంది.

సన్ గ్రూప్ ఉద్యోగుల కోసం కళానిధి మారన్ ప్రత్యేకంగా రిసెప్షన్ ప్లాన్ చేస్తున్నారని టాక్ నడిచింది. కానీ అది ఇంకా కన్ఫర్మ్ కాలేదు. బహుశా తన స్టాఫ్ అందరికీ ఆయన ఒక భారీ విందు ఇచ్చే ఆలోచనలో ఉన్నారట. ఈ పెళ్లితో రజనీకాంత్‌కు కళానిధి మారన్ దగ్గరి బంధువు కాబోతున్నారు.

Bigg Boss 10: పాపం నరేష్ కి హ్యాండిచ్చిన బిగ్ బాస్, అమన్ కష్టానికి ప్రతిఫలం.. సిగ్గులేని ఆట అంటూ ముకేశ్ ఫైర్

Tirumala Dornala — Thu, 22 Oct 2026 22:55:21 +0530

బిగ్ బాస్ తెలుగు సీజన్ 10లో అమన్ కి ప్రారంభం నుంచి ఎదురుదెబ్బలు తగులుతూనే ఉన్నాయి. కానీ తొలిసారి అతడి కష్టానికి ప్రతిఫలం దక్కింది. పాపం బిగ్ బాస్ నిర్ణయంతో నరేష్ కి మొండిచేయి తప్పలేదు.

బిగ్ బాస్ తెలుగు సీజన్ 10 లో గురువారం రోజు ఊహించని పరిణామాలు చోటు చేసుకున్నాయి. రెడ్ జోన్ లో ఉన్న వాళ్ళు గోట్ అయ్యే అవకాశం కోల్పోయారు. ఇక ఎల్లో జోన్ లో ఉన్న వారికి గోట్ అయ్యే అవకాశం ఉందని బిగ్ బాస్ తెలిపారు. కాయాన్ని టాస్క్ లో విజయం సాధించాలి. దీని కోసం బిగ్ బాస్ వెయిట్ లిఫ్ట్ చేసే టాస్క్ ఇచ్చారు.

ఈ టాస్క్ లో భాగంగా ఎల్లో జోన్ లో ఉన్న సభ్యులంతా తమ భుజాలపై ఒక కర్రని పెట్టుకోవాలి. బజర్ మోగిన ప్రతిసారీ సంచాలకులు మిగిలిన సభ్యుల్లో ఒకరిని పిలుస్తారు. బిగ్ బాస్ చెప్పిన నంబర్ ప్రకారం ఎవరికైనా ఆ వెయిట్ ని కర్రలకు తగిలించాలి. ఎవరికి వెయిట్ ఇవ్వాలి అనేది వెయిట్ వేసే సభ్యుడి ఇష్టం. ఈ క్రమంలో శివకుమార్ ఒక్కసారిగా ముకేశ్ కి 12 వెయిట్స్ వేశారు. కావాలని టార్గెట్ చేసి తనపై వెయిట్స్ వేశాడని ముకేశ్.. శివకుమార్ పై ఆగ్రహం వ్యక్తం చేశాడు.

విశ్వాసం లేకుండా సిగ్గులేని ఆట ఆడుతున్నావ్ అంటూ ముకేశ్ మండిపడ్డాడు. ఇలా ఒక్కొక్కరిపై వెయిట్స్ పెరుగుతూ వచ్చాయి. ముందుగా వర్షిణి బరువు మోయలేక డ్రాప్ అయిపొయింది. ఆ తర్వాత నీతూ, శివకుమార్, త్రిగున్ ఇలా ఒక్కొక్కరుగా బరువు బ్యాలెన్స్ చేయలేక డ్రాప్ అవుతూ వచ్చారు. నీతూ ఎక్కువ సేపు ఎక్కువ బరువు మోసింది. మహిళల్లో ఎక్కువ సేపు దేబ్జానీ బ్యాలెన్స్ చేస్తూ ఉన్నారు. ఆమె కూడా కొంత సమయానికి డ్రాప్ అయింది.

ఇక చివరికి రామ్ ప్రసాద్, అమన్, నరేష్ మిగిలారు. అమన్ పై క్రమంగా బరువు పెరుగుతూ వచ్చింది. కానీ అమన్ బ్యాలెన్స్ చేస్తూ నొప్పిని భరించాడు. నరేష్ కి మాత్రం ఇంటి సభ్యుల నుంచి సానుభూతి లభించింది. అతడికి ఎవరూ అంతగా వెయిట్స్ వేయలేదు. రామ్ ప్రసాద్ కూడా బరువు మోయలేక డ్రాప్ అయ్యాడు. ఇక మిగిలింది నరేష్, అమన్ మాత్రమే. అప్పటికే అమన్ తీవ్రమైన నొప్పి భరిస్తూ డ్రాప్ అయ్యే పరిస్థితిలో ఉన్నాడు. ఇక వెయిట్స్ వేసే వంతు ముకేశ్ కి వచ్చింది. తాను అమన్ కి వేస్తానని ముకేశ్ తెలిపాడు. అమన్ బతిమాలుకున్నాడు. అయినా కూడా ముకేష్ అతడికే వేయాలని డిసైడ్ అయ్యాడు. దీనితో అమన్ బరువు పెరిగిపోవడంతో డ్రాప్ అయి కుప్ప కూలాడు.

ప్రతిసారి చివరి నిమిషంలో గేమ్ చేజారుతుండడంతో అమన్ ఎంతో మనస్తాపానికి గురై హౌస్ లో తనకు సాయం చేసేవాళ్ళు లేరు అంటూ ఆవేదన చెందాడు. అమన్ డ్రాప్ కావడంతో చివరి వరకు బ్యాలెన్స్ చేసిన నరేష్ విజయం సాధించినట్లు అంతా భావించారు. కానీ బిగ్ బాస్ ట్విస్ట్ ఇచ్చారు. నరేష్ చివరి వరకు గేమ్ లో ఉన్నప్పటికీ ఇంటి సభ్యులు ఎవరూ అతడికి వెయిట్స్ వేయలేదు. కానీ అమన్ అందరి కంటే ఎక్కువ సమయం ఎక్కువ బరువులు మోశాడు. కాబట్టి ఈ టాస్క్ లో అమన్ విజేత అని బిగ్ బాస్ ప్రకటించారు. దీనితో అమన్ గ్రీన్ జోన్ లోకి చేరుకొని గోట్ గా నిలిచాడు. బిగ్ బాస్ మరో ట్విస్ట్ కూడా ఇచ్చారు. మహిళల్లో ఎక్కువ సమయం ఎక్కువ బరువులు మోసిన దేబ్జానీ, నీతూలకు కూడా గ్రీన్ జోన్ లో అవకాశం ఇస్తూ వాళ్ళని కూడా గోట్ గా ప్రకటించారు. దీనితో అమన్, దేబ్జానీ, నీతూ లకు ఈ వారం, వచ్చే వారం ఎలిమినేషన్ నుంచి ఇమ్యూనిటీ లభించింది.