Asianet News Telugu

Bigg Boss Telugu 10: మీరు ఎంగిలి చేస్తే మేము కడగాలా, రోహిత్ ఫైర్.. తన పవర్ ఏంటో అర్థంకాక లబోదిబోమన్న నరేష్

Tirumala Dornala — Tue, 08 Sep 2026 00:18:17 +0530

బిగ్ బాస్ తెలుగు సీజన్ 10లో 2వ ఎపిసోడ్ ఆసక్తికరంగా సాగింది. రోహిత్, రాంప్రసాద్ నాటకీయ పరిణామాల మధ్య లీడర్స్ అయ్యారు. ఆ వివరాలు ఈ కథనంలో తెలుసుకుందాం.

బిగ్ బాస్ తెలుగు సీజన్ 10 ఆదివారం సెప్టెంబర్ 6న గ్రాండ్ గా లాంచ్ అయింది. 16 మంది సభ్యులు హౌస్ లోకి ఎంట్రీ ఇచ్చారు. కాగా సోమవారం రోజు ఎపిసోడ్ ఆసక్తికరంగా సాగింది. ఇంట్లో తొలి రోజే గొడవలు మొదలయ్యాయి. హౌస్ లో ఉన్న వాళ్లంతా ఇంకా హౌస్ మేట్స్ కాలేదు అని బిగ్ బాస్ మెలిక పెట్టారు. హౌస్ మేట్స్ కావాలి అంటే మహా పరీక్షలో నెగ్గాలి అని బిగ్ బాస్ తెలిపారు.

హౌస్ లో 8 మంది పవర్ కీస్ దక్కించుకున్న సంగతి తెలిసిందే. ఆ 8 మంది మరో ఇద్దరికి పవర్ కీస్ ఇవ్వాలి. దాని కోసం ఇద్దరిని ఎంపిక చేయమని బిగ్ బాస్ కోరారు. దీనితో ఇంటి సభ్యులు వాదోపవాదాలు చేసుకుంటూ.. చివరికి టెంపర్ వంశీ, కృష్ణుడు లకు కీస్ ఇవ్వాలని నిర్ణయించారు.

మధ్యలో నరేష్, రాంప్రసాద్ కలసి ఇతర సభ్యులపై ఫన్నీ కామెంట్స్ చేస్తూ బాగా నవ్వించారు. ముఖ్యంగా దేబ్జానీ ముద్దు గా చెబుతున్న మాటలు, రాంప్రసాద్ వేస్తున్న సెటైర్లు బాగా వైరల్ అయ్యేలా ఉన్నాయి.

దేబ్జానీ అయితే బిగ్ బాస్ మీరు శాంటాక్లాజ్ లాంటి ఫన్నీ వ్యక్తి. కానీ స్కూల్ ప్రిన్సిపాల్ లాగా బిల్డప్ ఇస్తున్నారు అంటూ సెటైర్లు వేసింది. నేను శాంటాక్లాజా, ప్రిన్సిపాల్ నా అనేది ముందు ముందు నీకే తెలుస్తుంది అని బిగ్ బాస్ సుతి మెత్తని వార్నింగ్ ఇచ్చారు.

చివరలో కాస్త హంగామాతో ఎపిసోడ్ 2 ముగిసింది. ఇంటి సభ్యులు 2 గ్రూపులుగా విడిపోయి పరీక్షలో పాల్గొనాలి. కాబట్టి ఇద్దరు లీడర్లు కావాలి. ఇద్దరు లీడర్లని ఇతర సభ్యులు ఓటింగ్ ప్రక్రియ ద్వారా ఎన్నుకున్నారు. ఈ ఓటింగ్ ప్రక్రియలో రోహిత్, రాంప్రసాద్ లీడర్లుగా ఎంపిక అయ్యారు. త్రిగుణ్, రాంప్రసాద్ కి సమానమైన ఓట్లు వచ్చాయి. కానీ త్రిగుణ్ రామ్ ప్రసాద్ కోసం త్యాగం చేసి పక్కకి తప్పుకున్నాడు. దానికి త్రిగుణ్ చెప్పిన కారణం పెద్ద గొడవకు కారణం అయింది. రోహిత్ కి అంతా అగ్ని పరీక్షలోని వాళ్లే ఓట్లు వేశారు. కాబట్టి నేను రాంప్రసాద్ కి ఓటు వేస్తున్నా అని తెలిపారు. మేము అగ్ని పరీక్షలో వాళ్ళమే అయినప్పటికీ..రోహిత్ ట్యాలెంట్ చూసి ఓటు వేశామని.. గ్రూపులు కట్టడానికి కాదు అంటూ షాలిని ముందుకు వచ్చింది. మాటా మాటా పెరిగి గొడవ పెద్దది అయింది. రోహిత్ కనీసం హౌస్ లో కప్పులు కూడా కడగలేదు అని త్రిగుణ్ ఆరోపించారు. ఏంటి మీరు ఎంగిలి చేస్తే మేము కడగాలా అంటూ రోహిత్ ఫైర్ అయ్యాడు. అంతకు ముందు తమ పవర్ కీస్ ని ఓపెన్ చేసే సమయంలో జబర్దస్త్ నరేష్ కి చుక్కలు కనిపించాయి. తన పవర్ ఏంటో తనకే అర్థం కాక నరేష్ జుట్టు పీక్కున్నాడు. అందులో రాసి ఉన్నది అర్థం కాలేదు అని, అర్థం అయ్యేలా చెప్పాలి అని నరేష్ బిగ్ బాస్ ని అడుక్కోవడం నవ్వులు పూయించింది.

Indra Movie 4K: ఇంద్ర ఫుల్ మూవీ 4కె వెర్షన్ లో వచ్చేసింది..ఆ డ్యాన్సులు, ఫైట్స్ ఇలా చూస్తే పూనకాలు గ్యారెంటీ

Tirumala Dornala — Mon, 07 Sep 2026 22:16:23 +0530

మెగాస్టార్ చిరంజీవి కెరీర్‌లో బ్లాక్‌బస్టర్‌గా నిలిచిన ఇంద్ర చిత్రం ఇప్పుడు అత్యుత్తమ 4కే యూహెచ్‌డీ క్వాలిటీలో అందుబాటులోకి వచ్చేసింది. దీంతో అభిమానులు మరోసారి ఇంద్రసేనారెడ్డి మ్యానియాను ఆస్వాదించనున్నారు.

మెగాస్టార్ చిరంజీవి కెరీర్‌లో మరపురాని చిత్రాల గురించి చెప్పుకోవాల్సి వస్తే ఇంద్ర పేరు తప్పకుండా ఉంటుంది. 2002లో విడుదలైన ఈ సినిమా అప్పట్లో థియేటర్ల వద్ద భారీ పండగ వాతావరణాన్ని తీసుకొచ్చింది. హౌస్‌ఫుల్ బోర్డులతో థియేటర్లు కళకళలాడగా, ఇంద్రసేనారెడ్డి పాత్రలో చిరంజీవి చెప్పిన పవర్‌ఫుల్ డైలాగులు ప్రేక్షకులను విశేషంగా ఆకట్టుకున్నాయి. ఆయన డ్యాన్సులు, ముఖ్యంగా వీణ స్టెప్పు అప్పట్లో ప్రేక్షకులను ఉర్రూతలూగించాయి. ఇండస్ట్రీ రికార్డులను తిరగరాసిన ఈ చిత్రం చిరంజీవి స్టార్‌డమ్‌ను మరో స్థాయికి తీసుకెళ్లింది.

ఇప్పుడు ఈ చిత్రాన్ని కొత్త తరం ప్రేక్షకులు కూడా ఆస్వాదించేలా నిర్మాత సంస్థ వైజయంతీ మూవీస్ ప్రత్యేక ఏర్పాట్లు చేసింది. బి గోపాల్ దర్శకత్వంలో తెరకెక్కిన ఇంద్ర చిత్రాన్ని అత్యాధునిక సాంకేతికతతో 4కే రీమాస్టర్డ్ వెర్షన్‌గా సిద్ధం చేసినట్లు సంస్థ వెల్లడించింది. పాత చిత్రాన్ని మెరుగైన విజువల్ క్వాలిటీతో అందుబాటులోకి తీసుకురావడం మెగాస్టార్ అభిమానుల్లో ఆసక్తిని పెంచుతోంది.

సరికొత్త హంగులతో కూడిన ఇంద్ర ఫుల్ మూవీ 4కే యూహెచ్‌డీ వెర్షన్ యూట్యూబ్‌లో అందుబాటులో ఉండనున్నట్లు వైజయంతీ మూవీస్ ప్రకటించింది. థియేటర్లలో అప్పట్లో భారీ విజయాన్ని అందుకున్న ఈ చిత్రాన్ని ఇప్పుడు యూట్యూబ్ లో అత్యుత్తమ క్వాలిటీలో చూసే అవకాశం ప్రేక్షకులకు లభించింది. చిరంజీవి అభిమానులతో పాటు అప్పట్లో ఇంద్ర మ్యానియాను ఆస్వాదించిన సినీ ప్రేక్షకులకు ఇది మరోసారి ఆ జ్ఞాపకాలను గుర్తు చేసే సందర్భంగా మారనుంది.

Epic Movie: వైష్ణవిని తీసుకున్నది నాగవంశీనే, నా ఛాయిస్‌ ఆనంద్‌ మాత్రమే.. `ఎపిక్‌`లో అవి కూడా చూపించాం

Aithagoni Raju — Mon, 07 Sep 2026 21:24:53 +0530

ఎపిక్‌ సినిమాకి `బేబీ` జోడీ ఆనంద్‌ దేవరకొండ, వైష్ణవి చైతన్యని ఎంపిక చేయడంపై దర్శకుడు ఆదిత్య హాసన్‌ ఇంట్రెస్టింగ్‌ కామెంట్‌ చేశాడు. హీరోయిన్‌ ని నిర్మాతనే ఎంపిక చేశాడని తెలిపారు.

`ఎపిక్‌` మూవీకి `బేబీ` జోడీని రిపీట్‌ చేయడంపై దర్శకుడు ఆదిత్య హాసన్‌ స్పందించారు. వైష్ణవి చైతన్యని నాగవంశీనే తీసుకున్నారని, ఆమె నా ఛాయిస్‌ కాదని, కానీ ఆనంద్‌ దేవరకొండ మాత్రం నా ఛాయిసే అని తెలిపారు. ఆయన దర్శకుడిగా `ఎపిక్‌` ఫస్ట్ సెమిస్టర్‌` మూవీ తెరకెక్కింది. ఆనంద్‌ దేవరకొండ, వైష్ణవి చైతన్య జంటగా నటించారు. శ్రీకర స్టూడియోస్‌ సమర్పణలో సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మించారు. ఈ చిత్రం ఈ నెల 11న విడుదల కానుంది.

తాజాగా సోమవారం దర్శకుడు ఆదిత్య హాసన్‌ మీడియాతో మాట్లాడుతూ, తన లైఫ్‌ గురించి, సినిమా గురించి వెల్లడించారు. వనపర్తి నుంచి వచ్చిన ఆదిత్య హాసన్‌ హైదరాబాద్‌లో డిగ్రీ చేసి మాస్టర్‌ కోసం యూకే వెళ్లాడు. అక్కడ కొన్ని అనుభవాలను ఫేస్‌ చేశారు. డిగ్రీ చదివే సమయంలోనే ఆయనకు దర్శకుడిగా మారాలనిపించింది. తన జీవితంలో జరిగిన సంఘటనలతో, తాను చూసిన సంఘటనలతో `90 మిడిల్‌ క్లాస్‌ బయోపిక్‌` మూవీని రూపొందించారు. ఈ సిరీస్‌ మంచి ఆదరణ పొందడంతో దీనికి సీక్వెల్‌గా `ఎపిక్‌` మూవీని రూపొందించారు. అందులోని చిన్నబ్బాయి యూకే వెళ్లి చదువుకుంటే ఏం చేశాడు? అతని జర్నీ ఎలా ఉంటుందనేది ఈ మూవీలో చూపించబోతున్నారట.

ఈ సినిమాకి హీరోగా ఆనంద్‌ దేవరకొండని తాను తీసుకున్నట్టు తెలిపారు. ఆనంద్‌ తన ఛాయిస్‌ అన్నాడు. కాకపోతే వైష్ణవిని ముందు అనుకోలేదని తెలిపారు. నిర్మాత నాగవంశీనే ఆమె పేరుని సజెస్ట్ చేశాడని, బేబీ జోడీ బాగుంటుందన్నారు. బిజినెస్‌ పాయింట్‌ ఆఫ్‌ వ్యూలో ఆయన ఎంపిక చేవారు. దీంతో సినిమాపై అంచనాలు పెరిగాయి. అయితే మొదట ఒత్తిడిగా అనిపించింది. ఆ తర్వాత ఓకే హ్యాండిల్‌ చేయోచ్చు, దాన్ని మించి చేయోచ్చు అనే ఫీలింగ్‌ కలిగిందన్నారు. ట్రైలర్‌లో చూపించినట్టు రొమాన్స్ మాత్రమే కాదు, వాళ్ల జర్నీ ఉంటుంది. హీరోహీరోయిన్ల పాయింట్‌ ఆఫ్‌ వ్యూలో సినిమా సాగుతుంది. రెండు పాత్రలను బ్యాలెన్స్ చేశాను. అలాగే క్యాస్ట్, మతాల గురించి ఒక స్టేట్‌మెంట్‌ ఉండదు, సరదాగా కొన్ని డైలాగ్‌లు పెట్టాం. దీనికితోడు సినిమాలో రొమాన్స్ మాత్రమే కాదు కొన్ని ఎమోషన్స్ ఉంటాయి, కొంత రియల్‌ లైఫ్‌ కనిపిస్తుంది. ప్రతి ఒక్కరికి కనెక్ట్ అవుతుంది. ఫన్‌, లవ్‌, రొమాన్స్, ఎమోషన్స్ ఇలా అన్నీ మేళవింపుగా మూవీ ఉంటుందన్నారు.

`90 మిడిల్‌ క్లాస్‌ బయోపిక్ సిరీస్‌ నుంచి వరుసగా సినిమాలు వస్తాయని తెలిపారు. `ఎపిక్‌ ఫస్ట్ సెమిస్టర్‌` తర్వాత రెండో సెమిస్టర్‌ ఉంటుందన్నారు. ఈ మూవీ రిలీజ్‌ అయిన తర్వాత నెక్ట్స్ అదే సినిమా స్టార్ట్ అవుతుందన్నారు. హీరోహీరోయిన్లు జాబ్‌లు, పెళ్లి కి సంబంధించిన అంశాలను అందులో చూపిస్తానని వెల్లడించారు. అలాగే `90 మిడిల్‌ క్లాస్‌ బయోపిక్‌` కి సీజన్‌ 2 కూడా ఉంటుందన్నారు. ఇంకోవైపు పెద్ద కొడుకు స్టోరీతో ఒక మూవీ ఉంటుందని, అమ్మాయి వెర్షన్‌లో మరో సినిమా ఉంటుందని, దీన్ని ఒక సిరీస్‌లాగా, యూనివర్స్ లాగా తీసుకెళ్లే ప్లాన్‌ చేస్తున్నట్టు తెలిపారు ఆదిత్య హాసన్‌.

Movie Interval : సినిమా మధ్యలో ఇంటర్వెల్ ఎందుకు ఇస్తారు? దీని వెనుక పెద్ద కథే ఉంది!

Arun Kumar P — Mon, 07 Sep 2026 20:49:01 +0530

పాతకాలంలో మొదలైన ఇంటర్వెల్ కల్చర్ డిజిటల్ యుగం వచ్చినా భారతీయ సినిమాను వదల్లేదు. అసలు సినిమా మధ్యలో ఇంటర్వెట్ ఎందుకు ఇస్తారు? దీని వెనకున్న ఆసక్తికర స్టోరీ గురించి తెలుసుకుందాం.

థియేటర్‌లో సినిమాకు వెళ్లిన ప్రతిసారి చాలామందికి ఓ డౌట్ రావడం ఖాయం… అసలు సినిమా మధ్యలో ఇంటర్వెల్ ఎందుకిస్తారని. కథలో బాగా లీనమై చూస్తుండగా తెరపై "INTERVAL" అని పడుతుంది… ఇది కొందరికి ఇది పాప్‌కార్న్ టైమ్… మరికొందరికి వాష్‌రూమ్ బ్రేక్. కానీ ఇంటర్వెల్ కేవలం విరామం మాత్రమే కాదు. భారతీయ సినిమా కథనంలో దీనికో ప్రత్యేక స్థానం ఉంది.

ఇప్పటి డిజిటల్ ప్రొజెక్టర్ల కాలంలో సినిమా వేయడానికి రీళ్లు మార్చాల్సిన పనిలేదు. కానీ ఒకప్పుడు సినిమాలను పెద్ద పెద్ద ఫిల్మ్ రీళ్లలో ప్రదర్శించేవారు. పొడవైన సినిమాల్లో ఒక రీల్ అయిపోగానే, ప్రొజెక్షనిస్ట్ మరో రీల్ పెట్టడానికి సమయం పట్టేది. అందుకే సినిమా మధ్యలో విరామం ఇచ్చే పద్ధతి మొదలైంది. టెక్నాలజీ పెరిగి డిజిటల్ యుగం వచ్చినా ఇండియాలో ఇంటర్వెల్ మాత్రం పోలేదు. ఇది మన సినిమా సంస్కృతిలో భాగమైపోయింది.

ఇంటర్వెల్ అనేది సినిమా లవర్స్‌కు చాలా ఆసక్తికరమైన విషయం. చాలా భారతీయ సినిమాల్లో ఇంటర్వెల్‌కు కొన్ని నిమిషాల ముందు పెద్ద ట్విస్ట్, షాకింగ్ సంఘటన, ఫైట్ లేదా ఊహించని సీన్ పెడతారు. దీన్నే అభిమానులు "ఇంటర్వెల్ బ్లాక్" అని పిలుస్తారు. ఆ తర్వాత ఏం జరుగుతుందోనన్న క్యూరియాసిటీని ప్రేక్షకుల్లో పెంచడమే దీని ఉద్దేశం.

ఇంటర్వెల్ కేవలం ప్రేక్షకులు సేద తీరడానికే కాదు. థియేటర్లకు ఆదాయం తెచ్చిపెట్టే కీలక సమయం కూడా. ఈ బ్రేక్‌లో జనం పాప్‌కార్న్, జ్యూస్, కాఫీ, సమోసా లాంటివి కొంటారు. దీంతో థియేటర్ల బిజినెస్ పెరుగుతుంది. అంతేకాదు ఎక్కువసేపు కూర్చున్న ప్రేక్షకులకు కాస్త రిలాక్స్ అవ్వడానికి, వాష్‌రూమ్‌కి వెళ్లడానికి ఇది ఉపయోగపడుతుంది.

చాలా దేశాల్లో ఇప్పుడు సినిమాలను విరామం లేకుండా ప్రదర్శిస్తున్నారు. డిజిటల్ ప్రొజెక్టర్లు వచ్చాక రీళ్లు మార్చే అవసరం కూడా తప్పింది. కానీ మన దేశంలో మాత్రం ఇంటర్వెల్ అనేది ప్రేక్షకుల అంచనాగా, థియేటర్ల వ్యాపార పద్ధతిగా కొనసాగుతోంది. అందుకే కొన్ని హాలీవుడ్ సినిమాలకు కూడా భారతీయ థియేటర్లలో ఇంటర్వెల్ ఇస్తుంటారు. కానీ ఆ సినిమాలను ఇంటర్వెల్‌ను దృష్టిలో పెట్టుకుని తీయరు. అందుకే కొన్నిసార్లు ముఖ్యమైన సీన్ మధ్యలో సినిమా ఆపేయడంతో ప్రేక్షకులకు చిరాకు వస్తుంది.

New Film Opening: విలేజ్‌లో హర్రర్‌ కథ.. కమిటీ కుర్రోడు సరికొత్త మూవీ.. డైరెక్టర్‌ ఎవరంటే?

Aithagoni Raju — Mon, 07 Sep 2026 20:40:52 +0530

New Film Opening: `ఎస్‌ ఆర్‌ కళ్యాణమండపం` సినిమా దర్శకుడు, కమిటీ కుర్రోళ్లు మూవీలో నటించిన హీరో కలిసి రూపొందిస్తున్న కొత్త సినిమా నేడు సోమవారం ప్రారంభమైంది. ఈ మూవీ కాన్సెప్ట్ అదిరిపోయింది.

కమిటీ కుర్రోళ్లు చిత్రంతో ఆకట్టుకున్న ఈశ్వర్‌ రాచి రాజు సోలో హీరోగా మారిపోయాడు. ఆయన హీరోగా కొత్త సినిమా నేడు ప్రారంభమైంది. ఇందులో నందు, లిఖిత హీరోయిన్లుగా నటిస్తున్నారు. ఇందులో మరో విశేషం ఏంటంటే.. `ఎస్‌ఆర్‌ కళ్యాణమండపం` మూవీకి దర్శకత్వం వహించిన శ్రీధర్‌ గాదె ఈ సినిమాకి దర్శకత్వం వహించడం. ఇక శ్రీ ఐశ్వర్య లక్ష్మీ మూవీస్ బ్యానర్ పై ఆది సాయి కుమార్ తో చుట్టాలబ్బాయ్ వంటి ఫ్యామిలీ మూవీ, ఆనంద్ దేవరకొండతో "హైవే" వంటి యూనిక్ థ్రిల్లర్ మూవీని నిర్మించిన ప్రొడ్యూసర్ వెంకట్ తలారి తమ ప్రొడక్షన్ నెం.3గా ఈ సినిమాను నిర్మిస్తున్నారు.

సోమవారం ఈ సినిమా పూజా కార్యక్రమాలతో హైదరాబాద్ లో ఘనంగా ప్రారంభమైంది. ముహూర్తపు సన్నివేశానికి ప్రముఖ దర్శకులు కోదండరామిరెడ్డి క్లాప్ ఇచ్చి, దర్శక నిర్మాతలకు స్క్రిప్ట్ అందజేశారు. దర్శకుడు వీరభద్రం చౌదరి కెమెరా స్విచ్ఛాన్ చేశారు. ఈ సినిమా మంచి విజయం సాధించాలని డైరెక్టర్ కోదండ రామిరెడ్డి చిత్రబృందానికి శుభాకాంక్షలు తెలియజేశారు. `విలేజ్ బ్యాక్ డ్రాప్ లో సాగే హారర్ చిత్రమిది. ఈ సినిమాను సరికొత్త కథా కథనాలతో దర్శకుడు శ్రీధర్ గాదె ప్రేక్షకులకు చూపించబోతున్నారు. ఈ మూవీ ప్రారంభోత్సవం సందర్భంగా రిలీజ్ చేసిన అనౌన్స్ మెంట్ పోస్టర్ వినూత్నంగా ఉండి ఆసక్తి రేపుతోంది. ఈ చిత్రానికి సంబంధించిన ఇతర వివరాలను త్వరలో వెల్లడిస్తామని మేకర్స్ తెలిపారు.

ఇందులో పూజిత పొన్నాడ, సింధు కాసారం, సురేష్ గురు, రాయల్ శ్రీ, మట్టా శివకుమార్, విహా దీకొండ, సునీత మనోహర్, అమ్మ రామచంద్రయ్య వంటి వారు ఇతర పాత్రలు పోషిస్తున్నారు. సతీష్‌ రెడ్డి మాసం కెమెరామెన్‌గా, సాయికార్తీక్‌ మ్యూజిక్‌ డైరెక్టర్‌గా, శ్రీధర్‌, వీబీజే ఎడిటర్స్ గా వ్యవహరిస్తున్నారు.

Varanasi: వారణాసి అసలు కథేంటో చెప్పేసిన రాజమౌళి.. కళ్ళు చెదిరే విజువల్స్, యాక్షన్ తో పాటు సెంటిమెంట్ కూడా

Tirumala Dornala — Mon, 07 Sep 2026 19:36:28 +0530

సూపర్ స్టార్ మహేష్ బాబు, రాజమౌళి కాంబినేషన్ లో రూపొందుతున్న వారణాసి మూవీ టైం ట్రావెల్ కథాంశంతో రూపొందుతోంది. ఇందులో రామాయణం అంశాలు కూడా ఉంటాయి. మరో అంశం కూడా కథలో కీలకంగా ఉంటుంది అని రాజమౌళి తెలిపారు.

ఎస్ ఎస్ రాజమౌళి దర్శకత్వంలో మహేష్ బాబు హీరోగా తెరకెక్కుతున్న భారీ చిత్రం వారణాసిపై ఇప్పటికే భారీ అంచనాలు నెలకొన్నాయి. ఈ చిత్రంలో మహేష్ బాబు రుద్ర అనే పాత్రలో కనిపించనున్నారు. వారణాసి నేపథ్యంలో సాగే ఈ కథలో ఆయన ప్రయాణం కేవలం ఆ నగరానికే పరిమితం కాకుండా కాలాన్ని దాటి రామాయణ యుగానికి కూడా చేరుతుందని తెలుస్తోంది. సినిమాలోని ఒక కీలక ఘట్టంలో మహేష్ బాబు శ్రీరాముడిగా కనిపించనున్నారనే అంశం కూడా ప్రేక్షకుల్లో ఆసక్తిని పెంచుతోంది.

ఈ చిత్రంలో మహేష్ బాబుకు జోడీగా ప్రియాంక చోప్రా జోనాస్ నటిస్తుండగా, పృథ్వీరాజ్ సుకుమారన్ ప్రతినాయకుడి పాత్రలో కనిపించనున్నారు. మరో ఆసక్తికరమైన విషయం ఏమిటంటే ప్రకాష్ రాజ్ కూడా ఈ సినిమాలో కీలక పాత్ర పోషిస్తున్నారు. గతంలో దూకుడు, సీతమ్మ వాకిట్లో సిరిమల్లె చెట్టు చిత్రాల్లో మహేష్ బాబుకు తండ్రిగా నటించిన ప్రకాష్ రాజ్, వారణాసిలో కూడా ఆయన తండ్రి పాత్రలో కనిపించనున్నారు.

వారణాసి గురించి రాజమౌళి చేసిన తాజా వ్యాఖ్యలు ఇప్పుడు చిత్ర కథపై కొత్త చర్చకు దారితీశాయి. ఈ సినిమా భారీ స్థాయిలో రూపొందుతున్నప్పటికీ, ఇందులో టైమ్ ట్రావెల్, అడ్వెంచర్, విజువల్ ఎఫెక్ట్స్, పౌరాణిక అంశాలు వంటి ఎన్నో అంశాలు ఉన్నప్పటికీ కథకు అసలైన భావోద్వేగ కేంద్రం మాత్రం తండ్రి కొడుకుల బంధమేనని రాజమౌళి వెల్లడించారు. తండ్రి, కొడుకు మధ్య ఉన్న అనుబంధం చుట్టూనే కథలోని ప్రధాన భావోద్వేగ ప్రయాణం సాగుతుందని ఆయన చెప్పినట్లు సమాచారం. ఈ ఎమోషనల్ థ్రెడ్ సినిమా కథనం మొత్తం కొనసాగుతుందని తెలుస్తోంది.

రాజమౌళి వెల్లడించిన ఈ అంశం వారణాసి కథపై ఇప్పటికే జరుగుతున్న ఊహాగానాలకు మరింత బలం చేకూర్చింది. ఒక పాత హాలీవుడ్ బ్లాక్‌బస్టర్‌లోని ప్రధాన భావన నుంచి రాజమౌళి స్ఫూర్తి పొందారని, దానికి భారతీయ పురాణాలు, టైమ్ ట్రావెల్, ఆధునిక విజువల్ ఎఫెక్ట్స్‌ను జోడించి కొత్త రూపంలో కథను రూపొందించారని ప్రచారం జరుగుతోంది. ఇప్పటివరకు విడుదలైన కంటెంట్‌తో పాటు సినిమా ప్రధాన థీమ్‌పై రాజమౌళి చేసిన వ్యాఖ్యలు కూడా ఈ పోలికలకు మరింత ఆస్కారం కల్పిస్తున్నాయి.

అయితే హాలీవుడ్ చిత్రంతో వారణాసికి ఉన్న అసలు పోలికలు ఏమిటనేది సినిమా విడుదలైన తర్వాతే స్పష్టమవుతుంది. రాజమౌళి తనదైన శైలిలో ఒక పరిచితమైన భావనను భారతీయ పురాణాలు, రామాయణ కాలం, టైమ్ ట్రావెల్ అంశాలతో ఎలా మిళితం చేశారనే ఆసక్తి ప్రస్తుతం నెలకొంది. భారీ విజువల్ స్పెక్టకిల్‌తో పాటు తండ్రి కొడుకుల అనుబంధాన్ని కథకు ప్రధాన భావోద్వేగ బలంగా మార్చడం ద్వారా వారణాసిని ఒక విభిన్నమైన భారతీయ ఎపిక్ అడ్వెంచర్‌గా రాజమౌళి రూపొందిస్తున్నట్లు తెలుస్తోంది. మహేష్ బాబు రుద్ర పాత్రతో పాటు శ్రీరాముడిగా కనిపించనున్న అంశం కూడా ఈ చిత్రంపై మరింత ఉత్కంఠను పెంచుతోంది.

OTT Movies: బాడీగార్డ్ తో వ్యాపారవేత్త కూతురు రొమాన్స్.. ఈ వారం ఓటీటీలో రొమాంటిక్, థ్రిల్లర్ సినిమాల జోరు

Tirumala Dornala — Mon, 07 Sep 2026 07:48:38 +0530

నెట్‌ఫ్లిక్స్‌, జియోహాట్‌స్టార్‌, ప్రైమ్ వీడియో, జీ5, ఆపిల్ టీవీ ప్లస్‌లో ఈ వారం పలు కొత్త సినిమాలు, వెబ్‌సిరీస్‌లు విడుదల కానున్నాయి. వాటి పూర్తి వివరాలు ఇవే.

సెప్టెంబర్ రెండో వారంలో ఓటీటీ ప్రేక్షకులకు వినోదాల జాతర సిద్ధమైంది. హారర్ కామెడీ, క్రైమ్ థ్రిల్లర్, పీరియాడిక్ డ్రామా, ఫ్యామిలీ కామెడీ, రొమాన్స్‌, స్పోర్ట్స్‌ డ్రామా వంటి విభిన్న జానర్లలో కొత్త సినిమాలు, వెబ్‌సిరీస్‌లు స్ట్రీమింగ్‌కు రానున్నాయి. నెట్‌ఫ్లిక్స్‌లో అత్యధికంగా కొత్త కంటెంట్ విడుదలవుతుండగా, జియోహాట్‌స్టార్‌, ప్రైమ్ వీడియో, జీ5, ఆపిల్ టీవీ ప్లస్‌లో కూడా ఆసక్తికరమైన టైటిల్స్ ప్రేక్షకులను పలకరించనున్నాయి. ఈ వారం విడుదలవుతున్న సినిమాలు, సిరీస్‌లను ప్లాట్‌ఫామ్‌వైజ్‌గా చూద్దాం.

నార్త్ ఆఫ్ నార్త్ సీజన్ 2

చిన్న ఆర్కిటిక్ పట్టణంలో అందరికీ తెలిసిన జీవితాన్ని వదిలి కొత్త భవిష్యత్తును నిర్మించుకోవాలని ప్రయత్నించే యువతి కథ ఇది. తన వివాహం నుంచి అనూహ్యంగా బయటకు వచ్చిన ఆమెకు కొత్త జీవితం మొదలుపెట్టడం అంత సులభం కాదు.

ఎక్కడ చూడాలి : నెట్‌ఫ్లిక్స్‌

రిలీజ్ డేట్ : సెప్టెంబర్ 8, 2026

డ్రాన్ టుగెదర్‌

ఒక ధనిక వ్యాపారవేత్త కుమార్తె కిడ్నాప్‌కు గురై తిరిగి వచ్చిన తర్వాత ఆమె జీవితంలో ఊహించని పరిణామాలు చోటుచేసుకుంటాయి. ఆమె భద్రత కోసం నియమించిన బాడీగార్డ్‌తో మొదట విభేదించినప్పటికీ, క్రమంగా ఇద్దరి మధ్య ప్రేమ చిగురిస్తుంది.

ఎక్కడ చూడాలి : ప్రైమ్ వీడియో

రిలీజ్ డేట్ : సెప్టెంబర్ 9, 2026

వై డిడ్ ఐ గెట్ మ్యారీడ్ అగైన్?

ప్రియమైన స్నేహితులు, జంటలు ఇటలీలోని లేక్ కోమోలో జరిగే ఓ డెస్టినేషన్ వెడ్డింగ్ కోసం మళ్లీ కలుస్తారు. అయితే తమ పిల్లలు పెద్దవారై తమ జీవితాల్లో ఎదుర్కొంటున్న ప్రేమ, వివాహ సమస్యలు ఈ స్నేహితులను తమ గతాన్ని మరోసారి గుర్తు చేసుకునేలా చేస్తాయి.

ఎక్కడ చూడాలి : నెట్‌ఫ్లిక్స్‌

రిలీజ్ డేట్ : సెప్టెంబర్ 9, 2026

క్రూ గర్ల్‌

రోయింగ్‌లో స్టార్‌గా ఎదుగుతున్న టీగన్ టావో జీవితం కుటుంబానికి ఎదురైన ఆర్థిక మోసం కారణంగా ఒక్కసారిగా మారిపోతుంది. కొత్త స్కూల్‌లో బాలికల రోయింగ్ టీమ్ లేకపోవడంతో ఆమె తన కలను నిలబెట్టుకోవడానికి కొత్త సవాళ్లను ఎదుర్కొంటుంది.

ఎక్కడ చూడాలి : నెట్‌ఫ్లిక్స్‌

రిలీజ్ డేట్ : సెప్టెంబర్ 10, 2026

కాల్ మై ఏజెంట్ ది మూవీ

టాలెంట్ ఏజెన్సీ ప్రపంచాన్ని వదిలి దర్శకురాలిగా మారిన ఆండ్రియా మార్టెల్‌కు తన తొలి సినిమా షూటింగ్‌కు ముందు పెద్ద సమస్య ఎదురవుతుంది. ప్రధాన నటుడు తప్పుకోవడంతో ఆమె తప్పనిసరిగా తన పాత ఏజెన్సీ ప్రపంచంలోకి తిరిగి రావాల్సి వస్తుంది.

ఎక్కడ చూడాలి : నెట్‌ఫ్లిక్స్‌

రిలీజ్ డేట్ : సెప్టెంబర్ 10, 2026

చుంబక్‌

ఆధునిక నగరంలోని ఓ హౌసింగ్ సొసైటీలో నివసించే ఐదు కుటుంబాల చుట్టూ తిరిగే ఫ్యామిలీ కామెడీ సిరీస్ ఇది. గోప్యతకు పెద్దగా చోటు లేని ఈ అపార్ట్‌మెంట్‌లో చిన్న విషయం కూడా పెద్ద డ్రామాగా మారుతుంటుంది.

ఎక్కడ చూడాలి : నెట్‌ఫ్లిక్స్‌

రిలీజ్ డేట్ : సెప్టెంబర్ 10, 2026

గో టీమ్!

స్పెయిన్‌లో ఒకప్పుడు చీజ్ పరిశ్రమలో అగ్రగామిగా ఉన్న కంపెనీ ఇప్పుడు కష్టాల్లో పడుతుంది. ఉద్యోగుల్లో ఉత్సాహం నింపేందుకు టీమ్ బిల్డింగ్ ట్రిప్ ఏర్పాటు చేసిన యాజమాన్యం నిర్ణయం.. త్వరలో ఉద్యోగాల కోత జరగబోతోందని తెలిసిన తర్వాత ఉద్యోగుల మధ్య తీవ్రమైన పోరాటానికి దారితీస్తుంది.

ఎక్కడ చూడాలి : నెట్‌ఫ్లిక్స్‌