Asianet News Telugu

Itlu Arjuna Movie Review: ఇట్లు అర్జున మూవీ రివ్యూ.. కొత్త కుర్రాడు అనీష్‌ హీరోగా సక్సెస్‌ అయ్యాడా?

Aithagoni Raju — Fri, 13 Nov 2026 08:04:57 +0530

Itlu Arjuna Movie Review: ఈ వారం విడుదలతున్న చిత్రాల్లో `ఇట్లు అర్జున` ప్రామిసింగ్‌ మూవీ. బిగ్‌ స్టార్స్ సపోర్ట్ చేసిన ఈ చిత్రం నేడు విడుదలైంది. ఆ రేంజ్‌ లో ఉందా? కొత్త కుర్రాడు సక్సెస్‌ అయ్యాడా? అనేది చూస్తే,

కొత్త హీరోలతో సినిమాలు చేయడం, కొత్త కథలను ప్రేక్షకులకు పరిచయం చేయడం టాలీవుడ్‌లో ఎప్పుడూ జరుగుతున్నదే. అలాంటి ప్రయత్నంతో వచ్చిన సినిమానే 'ఇట్లు అర్జున'. సాయి అనీష్ హీరోగా పరిచయం అవుతున్న ఈ చిత్రంలో అనస్వర రాజన్ హీరోయిన్‌గా నటించింది. 'ఛలో', 'భీష్మ' వంటి విజయవంతమైన చిత్రాల దర్శకుడు వెంకీ కుడుముల నిర్మాతగా మారి ఈ సినిమాను నిర్మించడం విశేషం. మహేష్‌ ఉప్పల దర్శకత్వం వహించారు. ఈ సినిమాకి నాగార్జున సమర్పకులుగా వ్యవహరించడం విశేషం. ఆయనతోపాటు రామ్ చరణ్, ఎన్టీఆర్ వంటి స్టార్ హీరోల ప్రమోషన్స్‌తో ఈ సినిమాపై మంచి అంచనాలు ఏర్పడ్డాయి. ఇది నేడు శుక్రవారం(నవంబర్‌ 13న) విడుదలైంది. మరి ఈ సినిమా అంచనాలను ఎంతవరకు అందుకుంది? కొత్త కుర్రాడు ఆకట్టుకున్నాడా? మూవీ ఎలా ఉందనేది రివ్యూలో తెలుసుకుందాం.

అర్జున్ (సాయి అనీష్) పుట్టుకతోనే మాటలు రాని కుర్రాడు. తండ్రితో కలిసి చిన్నతనం నుంచి దొంగతనాలు చేస్తుంటాడు. చివరి దొంగతనం అనుకున్న సమయంలో పోలీసులకు దొరికిపోతాడు. ఆ సమయంలోనే తండ్రిని కోల్పోతాడు. మాటలు రాకపోయినా తన భావాలను వ్యక్తపరిచే వ్యక్తిత్వం అతనిది. ఈ క్రమంలో తన చిన్ననాటి ప్రేమికురాలు కీర్తి (అనస్వర రాజన్) జీవితంలోకి వస్తుంది. ఆమెను ప్రేమించే అర్జున్ తన మనసులోని మాటను ఎలా చెప్పాలా అని ఆలోచిస్తుంటాడు.

మరోవైపు హైదరాబాద్ పాతబస్తీలో పెద్దన్న (ముఖేష్ రిషి) తన చీకటి సామ్రాజ్యాన్ని విస్తరించుకుంటుంటాడు. తన కుమారుడి రాజకీయ ప్రవేశం కోసం వెయ్యి కోట్ల రూపాయలను హవాలా మార్గంలో తెప్పించే ప్రయత్నం చేస్తాడు. ఈ క్రమంలో తాను ప్రాణాలు కోల్పోతాడు. అయితే ఈ డబ్బుకు సంబంధించిన పెన్‌డ్రైవ్, పాస్‌వర్డ్ అర్జున్‌కి ముడిపడి ఉంటుంది. దీంతో ప్రేమకథ కాస్తా యాక్షన్, క్రైమ్ థ్రిల్లర్‌గా మారుతుంది. ఈ ప్రమాదకరమైన పరిస్థితుల నుంచి అర్జున్, కీర్తి ఎలా బయటపడ్డారు? తన ప్రేమను అర్జున్ ఎలా వ్యక్తపరిచాడు? అనేదే మిగతా కథ.

ఇటీవల కాలంలో హీరోకి ఒక లోపం ఉండటం ట్రెండ్‌గా మారింది. `రంగస్థలం` నుంచి ఈ ట్రెండ్‌ ఊపందుకుంటోంది. అయితే వాటిలో కొన్ని మాత్రమే ఆకట్టుకుంటున్నాయి. అందులో భాగంగా `ఇట్లు అర్జున` మూవీలో హీరోకి మాటలు(మూగ) రాకపోవడం గమనార్హం. ఈ విషయంలో దర్శకుడు మహేష్ ఉప్పల ఎంచుకున్న ప్రధాన పాయింట్ ఆసక్తికరంగా ఉంది. హీరోకు మాటలు రాకపోవడం, అయినప్పటికీ ప్రేమను వ్యక్తపరచాలనే తపనను కథలో మెయిన్‌ ఎమోషన్‌గా మూవీని నడిపించడం విశేషం. ముఖ్యంగా అర్జున్, కీర్తి మధ్య సాగే సన్నివేశాలు యూత్‌ను ఆకట్టుకునేలా ఉంటాయి. లవ్‌ ట్రాక్‌ కొత్తగా ఉంది. అలరించేలా ఉంది.

ఫస్టాఫ్‌లో ఎక్కువగా హీరోహీరోయిన్ల ప్రేమకథపైనే దృష్టి పెట్టారు. మధ్య మధ్యలో వెయ్యి కోట్ల హవాలా వ్యవహారం, పెన్‌డ్రైవ్, పాస్‌వర్డ్ అంశాలను జోడిస్తూ కథలో ఆసక్తిని పెంచారు. ఇటు లవ్‌ ట్రాక్‌, అటు ఆ వెయ్యి కోట్ల వెనుక ఉన్న క్రైమ్‌ ఇలా రెండూ ప్యారలల్‌గా నడుస్తుంటాయి. అయితే కొన్ని సన్నివేశాలు సాగదీసినట్టుగా అనిపిస్తాయి. ప్రేమకథకు మరింత బలమైన సన్నివేశాలు జోడించి ఉంటే మొదటి భాగం ఇంకాస్త మెరుగ్గా ఉండేది. సినిమాలో కామెడీ ఆశిస్తారు. కానీ ఎక్కడా కామెడీ వర్కౌట్ కాలేదు.

సెకండాఫ్‌లో కథనం వేగం పుంజుకుంటుంది. హవాలా డబ్బు చుట్టూ తిరిగే పరిణామాలు, మాఫియా గ్యాంగ్‌తో హీరో ఎదుర్కొనే పరిస్థితులు ఉత్కంఠను పెంచుతాయి. ముఖ్యంగా ప్రీ క్లైమాక్స్ నుంచి జాతర నేపథ్యంలో వచ్చే యాక్షన్ ఎపిసోడ్ ఆకట్టుకుంటుంది. అయితే కొన్ని చోట్ల స్క్రీన్‌ప్లే మీద పెట్టిన శ్రద్ధ కథలోని లాజిక్‌పై కూడా పెట్టి ఉంటే బాగుండేది. క్లైమాక్స్‌లో ప్రేమకథకు ఇచ్చిన ముగింపు బాగున్నప్పటికీ, ఎండింగ్‌లో కొన్ని అంశాలకు మరింత స్పష్టత ఇచ్చి ఉంటే బాగుండేది.

సినిమాలో ప్లస్‌, మైనస్‌లు చూస్తే, కథా నేపథ్యం బాగుంది. యాక్షన్‌ సీన్లు బాగున్నాయి. అలాగే హీరో డాన్సులు బాగున్నాయి. కొత్త కుర్రాడు అయినా అదరగొట్టాడు. నటన పరంగానూ మెప్పించాడు. ఎక్స్ ప్రెషన్స్ పరంగా బాగా వర్కౌట్‌ చేయాలి. హీరోయిన్‌ బాగుంది. విజువల్స్ అదిరిపోయాయి. బీజీఎం కొన్ని చోట్ల ఆకట్టుకుంటుంది. ఇక మైనస్‌ల విషయానికి వస్తే, ఓ దశ తర్వాత రొటీన్‌ స్టోరీగా మారుతుంది. డ్రామా రొటీన్‌గా ఉంటుంది. అదే సమయంలో సాగదీసినట్టుగా ఉంటుంది. కామెడీ ఏమాత్రం వర్కౌట్‌ కాలేదు. ఆ లోటు కనిపిస్తుంది. చాలా సీన్లు, ఎలిమెంట్లు లాజిక్ లెస్‌గా ఉంటాయి. అసహజంగా ఉంటాయి. థమన్‌ ఓజీ, సాహో వంటి చిత్రాల బీజీఎం దించేశాడు. ఎడిటింగ్‌ పరంగా ఇంకా వర్క్ చేయాలి. కొన్ని సీన్లు లెంన్తీగా ఉంటాయి. ట్విస్ట్ లు పెద్దగా వర్కౌట్‌ కాలేదు.

హీరో సాయి అనీష్ కొత్త వాడైనా బాగా చేశాడు. డాన్సుల్లో ఇరగదీశాడు. నటనపరంగానూ మెప్పించాడు. చాలా హోంవర్క్ చేశాడు, కష్టపడ్డాడని చెప్పొచ్చు. మాటలు రాని యువకుడి పాత్రలో తన హావభావాలతో ఆకట్టుకున్నాడు. ముఖ్యంగా యాక్షన్ ఎపిసోడ్స్‌లో మెప్పించాడు. మరీ ఇమేజ్‌, ఎలివేషన్లకి పోకుండా డీసెంట్‌గా, రియాలిటీకి దగ్గరగా చేసే ప్రయత్నం చేశాడు. తొలి సినిమాతోనే హీరోగా గుర్తింపు తెచ్చుకున్నాడు.

అనస్వర రాజన్ కీర్తి పాత్రలో అందంగా కనిపించడంతో పాటు తన నటనతోనూ మెప్పించింది. వెన్నెల కిషోర్ తన కామెడీ వర్కౌట్‌ కాలేదు. బ్రహ్మాజీ, రఘుబాబు, గెటప్ శ్రీను తమ పాత్రల పరిధిలో వినోదాన్ని పంచారు. ముఖేష్ రిషి విలన్‌గా కనిపించినప్పటికీ ఆయన పాత్రను మరింత బలంగా తీర్చిదిద్ది ఉంటే బాగుండేది. మిగిలిన నటీనటులు ఓకే అనిపించారు.

సినిమా టెక్నీకల్‌గా బాగానే ఉంది. తమన్ అందించిన పాటలు ఓకే అనిపించాయి. నేపథ్య సంగీతం యాక్షన్ సన్నివేశాలకు బలాన్ని ఇచ్చింది. బీజీఎం ఇతర సినిమాల నుంచి కాపీ కొట్టడం గమనార్హం. రాజా మహాదేవన్ సినిమాటోగ్రఫీ సినిమాకు రిచ్ లుక్ తీసుకొచ్చింది. ముఖ్యంగా యాక్షన్ ఎపిసోడ్స్, లొకేషన్ల చిత్రీకరణ బాగున్నాయి. విజువల్స్ సినిమాకి మరో ఆకర్షణ.

కోటి కె. ఎడిటింగ్ కథనాన్ని సాధ్యమైనంత వేగంగా నడిపించే ప్రయత్నం చేసింది. రామ్ కుమార్ ప్రొడక్షన్ డిజైన్, నిర్మాణ విలువలు సినిమాకు అదనపు ఆకర్షణగా నిలిచాయి. వెంకీ కుడుముల నిర్మాతగా ఎక్కడా రాజీ పడకుండా సినిమాను తెరకెక్కించిన విధానం అభినందనీయం. ఆ గ్రాండియర్‌ తెరపై కనిపిస్తుంది.

'ఇట్లు అర్జున' ఒక కొత్త హీరోను పరిచయం చేస్తూ ప్రేమ, యాక్షన్, క్రైమ్ అంశాలను కలిపిన ఎంటర్‌టైనర్. కొత్త హీరోల ప్రయత్నాలను ప్రోత్సహించే ప్రేక్షకులకు, యాక్షన్‌తో కూడిన ప్రేమకథలను ఇష్టపడేవారికి ఈ సినిమా ఒకసారి చూడగలిగే మూవీ అవుతుంది.

రేటింగ్‌: 3

Kiara Advani: యష్‌తో ఆన్ స్క్రీన్ రొమాన్స్‌పై ట్రోల్స్‌.. ఫస్ట్ టైమ్ కౌంటర్ ఇచ్చిన కియారా అద్వాని

Mahesh Jujjuri — Fri, 13 Nov 2026 08:00:59 +0530

Kiara Advani: యష్ హీరోగా నటించిన 'టాక్సిక్' సినిమాలో కియారా అద్వాని కొన్ని ఇబ్బందికర సీన్లలో నటించినందుకు భారీగా ట్రోల్స్ వచ్చాయి. దీనిపై ఎట్టకేలకు ఈ బ్యూటీ స్పందించింది. తన భర్త సిద్ధార్థ్ మల్హోత్రా ఈ ట్రోల్స్‌ను ఎలా తీసుకున్నాడో కూడా బయటపెట్టింది.

బాలీవుడ్ స్టార్ కపుల్ కియారా , సిద్ధార్థ్ మల్హోత్రా రీసెంట్‌గా కరణ్ జోహార్ షో 'కాఫీ విత్ కరణ్ 9'లో కనిపించారు. అక్కడ తమ పర్సనల్ లైఫ్‌కు సంబంధించిన ఎన్నో ముచ్చట్లు పంచుకున్నారు. ముఖ్యంగా, కియారా బేబీ బంప్‌తో ఈ షోకి రావడంతో సోషల్ మీడియాలో తెగ చర్చ జరుగుతోంది.

ఎర్రటి డ్రెస్సులో కియారా చాలా అందంగా కనిపించగా, సిద్ధార్థ్ మల్హోత్రా తెల్లటి ఫార్మల్ సూట్‌లో అదిరిపోయాడు. వాళ్ల డ్రెస్సింగ్ స్టైల్‌కు ఫ్యాన్స్ ఫిదా అయిపోయారు. ఈ షోలోనే కియారా తన 'టాక్సిక్' సినిమా వల్ల వచ్చిన ట్రోల్స్ గురించి ఓపెన్ అయింది. అంతేకాదు, ఈ ట్రోల్స్‌పై తన భర్త సిద్ధార్థ్ మల్హోత్రా ఎలా రియాక్ట్ అయ్యాడో కూడా చెప్పింది.

'టాక్సిక్' సినిమాలో యష్‌తో కలిసి కియారా నటించిన ఇంటిమేట్ సీన్స్ వల్ల సోషల్ మీడియాలో దారుణమైన ట్రోల్స్ ఎదుర్కొంది. దీనిపై 'కాఫీ విత్ కరణ్ 9'లో ఆమె మనసు విప్పింది. సినిమా రిలీజ్ అయ్యాక, అనుకున్నంత మంచి రెస్పాన్స్ రాకపోవడంతో బాధపడ్డానని కియారా చెప్పింది. కానీ, నాదియా పాత్రలో తన నటనకు ఆడియన్స్ ఫిదా అవడం సంతోషాన్నిచ్చిందంది. ఆ క్యారెక్టర్ కోసం తన కంఫర్ట్ జోన్ నుంచి బయటకొచ్చానని చెప్పింది.

ట్రోల్స్‌పై సిద్ధార్థ్ మల్హోత్రా ఏమన్నాడు?

ఇలాంటి విషయాలను సిద్ధార్థ్ అసలు పట్టించుకోడట. గతంలో చాలా మంది హీరోయిన్లు ఇలాంటివి ఫేస్ చేశారని, ఐశ్వర్యరాయ్ బచ్చన్ కూడా ఇలాంటి విమర్శలు ఎదుర్కొందని కియారా గుర్తుచేసింది. ఇంటర్నెట్‌లో తన గురించి జరుగుతున్న చర్చలు చూసి మొదట్లో బాధపడ్డా, ప్రతిదానికీ క్లారిటీ ఇవ్వాల్సిన అవసరం లేదని కియారా లైట్ తీసుకుంది.

యష్, కియారా అడ్వాణీ లీడ్ రోల్స్‌లో నటించిన 'టాక్సిక్' సినిమా బాక్సాఫీస్ దగ్గర ఆశించిన స్థాయిలో సక్సెస్ కాలేదు. ఈ సినిమాలో నయనతార, హుమా ఖురేషి, తారా సుతారియా, రుక్మిణీ వసంత్ కూడా ముఖ్య పాత్రలు పోషించారు. దాదాపు రూ.600 కోట్ల బడ్జెట్‌తో తెరకెక్కిన ఈ మూవీ బాక్సాఫీస్ వద్ద కేవలం రూ.342.26 కోట్లు మాత్రమే వసూలు చేసిందట.

Ram Prasad: అది నీకు చేతకాదులే, రాంప్రసాద్ ముఖం మీదే చెప్పేసిన అతడి తల్లి..దేబ్జానీ పేరెంట్స్ హంగామా

Tirumala Dornala — Thu, 12 Nov 2026 23:19:54 +0530

ప్రస్తుతం బిగ్ బాస్ హౌస్ లో ఫ్యామిలీ వీక్ కొనసాగుతున్న సంగతి తెలిసిందే. హౌస్ లో గురువారం రోజు ఎవరెవరి కుటుంబ సభ్యులు అడుగుపెట్టారు ? ఎలాంటి సందడి చేశారు అనే వివరాలు ఇప్పుడు చూద్దాం.

బిగ్ బాస్ హౌస్ లో ఫ్యామిలీ వీక్ కొనసాగుతోంది. కంటెస్టెంట్ల కుటుంబ సభ్యులు ఒక్కొక్కరుగా హౌస్ లోకి అడుగుపెడుతున్నారు. హౌస్ లో 67వ రోజు రాంప్రసాద్, దేబ్జానీ, సుధీర్ ల కుటుంబ సభ్యులు సందడి చేశారు. ముందుగా రాంప్రసాద్ తల్లి, కుమార్తె ఉజ్వల హౌస్ లోకి ఎంట్రీ ఇచ్చారు.

రాంప్రసాద్ తల్లి హౌస్ లోకి రాగానే నేరుగా కిచెన్ లోకి వెళ్లి కొడుక్కి ఇష్టమైన విధంగా టీ పెట్టుకుని వచ్చి ఇచ్చింది. తల్లీ కొడుకులు మాట్లాడుకుంటుండగా రాంప్రసాద్ కుమార్తె ఉజ్వల కూడా నాన్న అని పలకరిస్తూ వచ్చేసింది. రాంప్రసాద్ కి బయట ఎలాంటి సపోర్ట్ ఉందో అతడి తల్లి తెలియజేసింది. చుట్టుపక్కల ఫ్లాట్స్ వాళ్ళు కూడా రాంప్రసాద్ ని బాగా ఆడమని చెప్పినట్లు అతడి తల్లి తెలిపారు.

నాలో మైనస్ లు ఏం కనిపిస్తున్నాయి అని రాంప్రసాద్ అడగగా.. వేరే వాళ్ళ తప్పుని ఎత్తి చూపలేవు అని అతడి తల్లి సమాధానం ఇచ్చింది. అది నాకు చేతకాదు కదా.. వేరే వాళ్ళ తప్పుని కూడా నాపైనే వేసుకుంటాను కానీ వాళ్ళ తప్పుని ఎత్తి చూపలేను అని రాంప్రసాద్ అన్నారు. అవును అది మనకు చేతకాదులే అని రాంప్రసాద్ తల్లి పేర్కొంది.

ఆ తర్వాత హౌస్ లోకి దేబ్జానీ తల్లిదండ్రులు వచ్చారు. వాళ్ళు కంటెస్టెంట్స్ అందరితో ఆప్యాయంగా మాట్లాడారు. ముఖ్యంగా నరేష్ తో వారి సంభాషణ నవ్వులు పూయించింది. దేబ్జానీ తండ్రి నరేష్ ని అల్లుడు గారు అంటూ సరదాగా చమత్కరించారు. వీళ్ళ తర్వాత హౌస్ లోకి వచ్చిన సుధీర్ తల్లి తీవ్ర భావోద్వేగానికి గురయ్యారు. తన కొడుకు కాలికి గాయంతో బాధపడుతుండంతో ఆమె కన్నీళ్లు పెట్టుకున్నారు. అదేం కాదు తగ్గిపోతుంది అని ఇతర ఇంటి సభ్యులు ఆమెని ఓదార్చారు. తమ కొడుకు ఇంత దూరం వచ్చాడు అంటే చాలా గర్వంగా ఉంది. ఎక్కడికి వెళ్లినా సుధీర్ గురించి చెబుతుంటే గర్వంగా ఉంది అని ఆమె అన్నారు.

Monal Gajjar: సుడిగాడు హీరోయిన్ కి థైరాయిడ్ క్యాన్సర్, ఇప్పుడు ఎలా ఉందంటే.. మహిళలకు ఎమోషనల్ మెసేజ్

Tirumala Dornala — Thu, 12 Nov 2026 19:52:44 +0530

నటి మోనాల్ గజ్జర్‌కు పాపిల్లరీ థైరాయిడ్ కార్సినోమా క్యాన్సర్ సోకగా, శస్త్రచికిత్స తర్వాత పూర్తిగా కోలుకున్నట్లు వెల్లడించారు. అల్లరి నరేష్ సుడిగాడు చిత్రంతో మోనాల్ గజ్జర్ హీరోయిన్ గా పరిచయమైంది.

తెలుగు ప్రేక్షకులకు సుపరిచితమైన నటి మోనాల్ గజ్జర్ తన ఆరోగ్యానికి సంబంధించిన కీలక విషయాన్ని వెల్లడించారు. తాను థైరాయిడ్ క్యాన్సర్ బారిన పడినట్లు, చికిత్సతో పాటు శస్త్రచికిత్స చేయించుకున్న తర్వాత ప్రస్తుతం కోలుకున్నట్లు తెలిపారు. ఈ విషయాన్ని ఆమె సోషల్ మీడియాలో అభిమానులతో పంచుకున్నారు. తనకు పాపిల్లరీ థైరాయిడ్ కార్సినోమా (Papillary Thyroid Carcinoma) ఉన్నట్లు వైద్య పరీక్షల్లో నిర్ధారణ అయిందని వివరించారు. ఈ వ్యాధి నిర్ధారణ తర్వాత శస్త్రచికిత్స చేయించుకున్నట్లు వెల్లడించారు.

క్యాన్సర్ నిర్ధారణ, శస్త్రచికిత్స తర్వాత ఎదురైన అనుభవం తనకు ఆరోగ్యం ఎంత ముఖ్యమో మరోసారి గుర్తు చేసిందని మోనాల్ పేర్కొన్నారు. చాలాసార్లు విజయాలు, లక్ష్యాలు, ఇతర భౌతిక విషయాలకు ప్రాధాన్యం ఇస్తూ మన ఆరోగ్యాన్ని వెనక్కి నెట్టేస్తుంటామని అభిప్రాయపడ్డారు. అవసరమైన వైద్య పరీక్షలను వాయిదా వేయకుండా సమయానికి చేయించుకోవాలని సూచించారు. శరీరంలో కనిపించే మార్పులను గమనిస్తూ, ఏదైనా సమస్య అనిపిస్తే వైద్యులను సంప్రదించాలని పరోక్షంగా గుర్తుచేశారు.

తన సోషల్ మీడియా పోస్టులో మోనాల్ గజ్జర్.. “విజయాలు, సాధించిన ఘనతలు, భౌతిక వస్తువుల కంటే మీకు మంచి ఆరోగ్యం, ప్రశాంతమైన మనసు, మిమ్మల్ని మీరు జాగ్రత్తగా చూసుకునే శక్తి ఉండాలని కోరుకుంటున్నాను. పాపిల్లరీ థైరాయిడ్ కార్సినోమా నిర్ధారణ, శస్త్రచికిత్స ద్వారా ఎదురైన ఇటీవలి అనుభవం.. మన ఆరోగ్యాన్ని ఎంత సులభంగా నిర్లక్ష్యం చేస్తామో నాకు గుర్తు చేసింది” అని రాశారు. అలాగే, “మనకు మనమే ప్రాధాన్యం ఇవ్వడం ప్రారంభిద్దాం. ముఖ్యంగా మహిళలు కొన్ని రకాల వైద్య పరీక్షలు చేయించుకోవాలి. కొన్ని వాక్సిన్లు వేయించుకోవాలి అని పేర్కొన్నారు.

View this post on Instagram

A post shared by Monaal Gajjar (@monal_gajjar)

మోనాల్ గజ్జర్ గుజరాతీ సినీ పరిశ్రమకు చెందిన నటి. తెలుగులో అల్లరి నరేష్ నటించిన ‘సుడిగాడు’, ‘బ్రదర్ ఆఫ్ బొమ్మాళి’ వంటి సినిమాల్లో నటించి ప్రేక్షకులకు పరిచయమయ్యారు. అదే విధంగా ఆమె బిగ్ బాస్ తెలుగు సీజన్ 4 లో కంటెస్టెంట్ గా పాల్గొన్నారు. 98 రోజులు హౌస్ లో ఉన్నారు. తాజాగా క్యాన్సర్ చికిత్స అనంతరం కోలుకున్నట్లు వెల్లడించిన ఆమె, తన శారీరక రూపంలోనూ స్పష్టమైన మార్పుతో కనిపిస్తున్నారు. గతంతో పోలిస్తే బరువు తగ్గినట్లు తెలుస్తోంది. అయితే, తన ఆరోగ్య ప్రయాణం గురించి ఆమె చేసిన ప్రకటనలో ప్రధానంగా ఆరోగ్యంపై శ్రద్ధ పెట్టాలని, అవసరమైన పరీక్షలను నిర్లక్ష్యం చేయవద్దని ప్రజలకు సందేశం ఇచ్చారు.

Box Office: ఇదేం కంబ్యాక్ బాబోయ్.. రజనీ, విజయ్ కి కూడా సాధ్యం కానీ బాక్సాఫీస్ రికార్డు సూర్య సొంతం

Tirumala Dornala — Thu, 12 Nov 2026 18:29:05 +0530

బాక్సాఫీస్ కింగ్ సూర్య: తమిళ సినిమాలో టాప్ స్టార్లుగా ఉన్న రజనీకాంత్, విజయ్ కూడా చేయని ఫీట్‌ను సూర్య సాధించారు. బాక్సాఫీస్ దగ్గర కొత్త హిస్టరీ క్రియేట్ చేశారు.

తమిళ, మలయాళ సినిమా అభిమానులు ఎప్పటినుంచో వెయిట్ చేస్తున్న సినిమా 'సీన్'. ఆవేశం, రోమాంచం లాంటి సూపర్ హిట్ సినిమాలు ఇచ్చిన జితు మాధవన్ ఈ తమిళ్ సినిమాను డైరెక్ట్ చేయడం వల్ల అభిమానులలో భారీ అంచనాలు ఏర్పడ్డాయి. ఇందులో సూర్య హీరోగా, నస్లెన్ విలన్‌గా, నజ్రియా హీరోయిన్‌గా నటించారు. కామెడీ థ్రిల్లర్ జానర్‌లో వచ్చిన ఈ సినిమా నవంబర్ 6న థియేటర్లలో రిలీజ్ అయింది. ఫస్ట్ షో నుంచే సూపర్ రెస్పాన్స్ తెచ్చుకుంటున్న 'సీన్' సినిమా గ్లోబల్ బాక్సాఫీస్ కలెక్షన్ రిపోర్ట్‌ను మూవీ టీమ్ తాజాగా రిలీజ్ చేసింది.

'సీన్' సినిమా ఇప్పటివరకు 205 కోట్లకు పైగా వసూళ్లు సాధించింది. రిలీజైన ఐదు రోజుల్లోనే వరల్డ్ వైడ్ కలెక్షన్స్ ఇవి. ఈ సినిమాను ప్రొడ్యూస్ చేసిన జకరం ప్రొడక్షన్స్ సంస్థ ఈ విషయాన్ని అఫీషియల్‌గా అనౌన్స్ చేసింది. రిలీజై రెండో వారంలోకి అడుగుపెడుతున్న ఈ సినిమాకు ఆడియన్స్ నుంచి అదిరిపోయే రెస్పాన్స్ వస్తోంది. సూర్య, నజ్రియా, నస్లెన్ యాక్టింగ్ సినిమాకు పెద్ద ప్లస్ అని అభిమానులు చెబుతున్నారు. దీంతో ఒకే ఏడాదిలో మూడు 200 కోట్ల వసూళ్లు సాధించిన సినిమాలు ఇచ్చిన తమిళ్ హీరోగా సూర్య రికార్డ్ క్రియేట్ చేశారు.

దీనికంటే ముందు ఈ ఏడాది సూర్య యాక్ట్ చేసిన 'విశ్వనాథ్ అండ్ సన్స్', 'కరుప్పు' సినిమాలు రిలీజ్ అయ్యాయి. ఇందులో 'విశ్వనాథ్ అండ్ సన్స్' సినిమాను తెలుగు డైరెక్టర్ వెంకీ అట్లూరి డైరెక్ట్ చేశారు. సితార ఎంటర్టైన్మెంట్స్ బ్యానర్ ప్రొడ్యూస్ చేసిన ఈ సినిమా బాక్సాఫీస్ దగ్గర 212 కోట్లు వసూలు చేసినట్టు డేటా చెబుతోంది. ఈ సినిమాలో సూర్యకు జోడీగా మమితా బైజు నటించింది. రాధికా శరత్‌కుమార్, సునీల్ కీలక పాత్రల్లో కనిపించారు. జి.వి. ప్రకాష్ కుమార్ మ్యూజిక్ ఇచ్చారు.

ఇదే ఏడాది సూర్య ఇచ్చిన మరో మాస్ హిట్ సినిమా అంటే 'కరుప్పు'. ఈ సినిమాను ఆర్జే బాలాజీ ప్రొడ్యూస్ చేశారు. ఇందులో సూర్య సరసన త్రిష యాక్ట్ చేసింది. ఇంద్రన్స్, దీప, నట్టి నటరాజ్ ముఖ్య పాత్రల్లో నటించిన ఈ కరుప్పు సినిమా ఈ ఏడాది మే నెలలో రిలీజై బాక్సాఫీస్ దగ్గర ఏకంగా 340 కోట్ల దాకా వసూళ్లు రాబట్టింది. సూర్య కెరీర్‌లోనే హయ్యస్ట్ కలెక్షన్స్ సాధించిన సినిమా కూడా ఇదే. ఈ సినిమాతో సూర్య అదిరిపోయే కంబ్యాక్ ఇచ్చాడు. ఈ సినిమాకు సాయి అభయంకర్ మ్యూజిక్ డైరెక్టర్.

యాక్టర్ సూర్యకు చివరగా బ్లాక్ బస్టర్ హిట్ అయిన సినిమా అంటే సింగం 2. ఆ సినిమా రిలీజై 13 ఏళ్లు అవుతోంది. ఈ 13 ఏళ్లలో ఆయనకు థియేటర్లలో ఒక్కటంటే ఒక్క పెద్ద సక్సెస్ కూడా దక్కలేదు. దీంతో డీలా పడిపోయిన సూర్య కెరీర్‌ను 2026 సంవత్సరం పైకి లేపింది. ఒకే ఏడాదిలో 3 బ్లాక్ బస్టర్ హిట్ సినిమాలు ఇచ్చి తన మార్కెట్‌ను తిరిగి తెచ్చుకున్నారు సూర్య. రజనీ తర్వాత బాక్సాఫీస్ దగ్గర కింగ్‌గా దూసుకుపోతున్నారు. ఆయన సక్సెస్ వచ్చే ఏడాది కూడా కంటిన్యూ అవుతుందో లేదో వెయిట్ చేసి చూడాలి.

Allu Sneha Reddy: భార్య అల్లు స్నేహారెడ్డిని రంగంలోకి దించుతున్న అల్లు అర్జున్.. కొత్త బాధ్యతలు

Aithagoni Raju — Thu, 12 Nov 2026 18:27:58 +0530

Allu Sneha Reddy: అల్లు అర్జున్‌ భార్య అల్లు స్నేహారెడ్డి సామాజిక కార్యక్రమాల్లో భాగమవుతున్నారు. అందులో భాగంగా ఆమె బావోలి ఆర్ట్ సంగం లో కీలక బాధ్యతలు చేపట్టారు.

ఐకాన్‌ స్టార్‌ అల్లు అర్జున్‌.. తాను నటుడిగా బిజీగా ఉన్నాడు. ఇప్పుడు తన భార్యని సామాజికి కార్యక్రమాల్లో భాగం చేస్తున్నారు. అందులో భాగంగా ఇప్పుడు ఆమె కీలక బాధ్యతలు చేపట్టారు. భారతీయ కళలు, సంస్కృతి, సంప్రదాయ వారసత్వాన్ని ప్రపంచానికి పరిచయం చేసే దిశగా మరో కీలక కార్యక్రమం ప్రారంభం కానుంది. దేశంలో తొలిసారిగా నిర్వహిస్తున్న స్టెప్‌వెల్ ఆర్ట్ బినాలే ‘బావోలి ఆర్ట్ సంగం’లో నిర్మాత అల్లు అరవింద్ కోడలు, అల్లు అర్జున్ భార్య అల్లు స్నేహారెడ్డికి కీలక బాధ్యతలు అప్పగించారు. ఆమె కల్చర్ అండ్ హెరిటేజ్ విభాగం చైర్‌పర్సన్‌గా నియమితులయ్యారు. భారతీయ కళలు, సంస్కృతి, చారిత్రక వారసత్వంపై అవగాహన పెంచే లక్ష్యంతో చేపడుతున్న ఈ కార్యక్రమంలో ఆమె భాగస్వామ్యం కావడం విశేషం.

ఫ్యాషన్, కళలు, సంస్కృతిపై ప్రత్యేక ఆసక్తి కలిగిన అల్లు స్నేహారెడ్డి ఈ బాధ్యతలు చేపట్టడం ద్వారా భారతీయ సంప్రదాయ కళా వైభవాన్ని మరింత మందికి చేరువ చేసే ప్రయత్నంలో భాగం కానున్నారు. ముఖ్యంగా మన దేశంలోని ప్రాచీన కళలు, నిర్మాణ శైలులు, చారిత్రక సంపదకు ప్రపంచస్థాయిలో గుర్తింపు తీసుకురావడమే ఈ కార్యక్రమం ప్రధాన ఉద్దేశం. ఈ నేపథ్యంలో కల్చర్ అండ్ హెరిటేజ్ విభాగం చైర్‌పర్సన్‌గా ఆమె పాత్ర కీలకంగా ఉండనుంది.

భారతదేశంలో ఎన్నో శతాబ్దాల చరిత్ర కలిగిన మెట్ల బావులు (స్టెప్‌వెల్స్) మన పూర్వీకుల అద్భుతమైన నిర్మాణ ప్రతిభకు నిదర్శనంగా నిలుస్తున్నాయి. కేవలం నీటి అవసరాలను తీర్చే నిర్మాణాలుగానే కాకుండా, అప్పటి ప్రజల జీవన విధానం, కళాత్మక అభిరుచి, నాగరికతకు ప్రతిబింబాలుగా ఇవి నిలిచాయి. అద్భుతమైన శిల్పకళ, ప్రత్యేక నిర్మాణ పద్ధతులు, చారిత్రక ప్రాధాన్యత కలిగిన ఈ మెట్ల బావుల విశిష్టతను ప్రపంచానికి తెలియజేయడంలో బావోలి ఆర్ట్ సంగం ప్రత్యేక వేదికగా నిలవనుంది.

నీరు, కళలు, నాగరికత మధ్య ఉన్న అనుబంధాన్ని ఈ కార్యక్రమం ద్వారా ప్రజలకు వివరించనున్నారు. అలాగే భారతీయ కళా వారసత్వాన్ని కాపాడుకోవాల్సిన అవసరాన్ని తెలియజేస్తూ, మన సంస్కృతి మూలాలపై గౌరవాన్ని పెంపొందించడమే లక్ష్యంగా పెట్టుకున్నారు. బావోలి ఆర్ట్ సంగం 2026 డిసెంబర్ 1 నుంచి 2027 జనవరి 10 వరకు నిర్వహించనున్నారు. ఈ వేడుకలో భారతీయ కళలు, సంస్కృతి, వారసత్వ సంపదకు ప్రత్యేక ప్రాధాన్యత ఇవ్వనున్నారు. అల్లు స్నేహారెడ్డి ఈ కార్యక్రమంలో కీలక బాధ్యతలు చేపట్టడం ద్వారా భారతీయ కళా వైభవాన్ని మరింత విస్తృతంగా ప్రజల్లోకి తీసుకెళ్లేందుకు తనవంతు కృషి చేయనున్నారు.

GOAT Movie Review: గోట్‌ మూవీ రివ్యూ, సుడిగాలి సుధీర్‌కి ఎట్టకేలకు హిట్‌ పడిందా?

Aithagoni Raju — Thu, 12 Nov 2026 17:45:50 +0530

సుడిగాలి సుధీర్‌ హీరోగా నటించిన `గోట్‌` మూవీ ఎట్టకేలకు ఆడియెన్స్ ముందుకు వచ్చింది. ఈ సినిమా ఎలా ఉంది? సుధీర్‌ హిట్‌ కొట్టాడా లేదా అనేది రివ్యూలో తెలుసుకుందాం.

బుల్లితెరపై కామెడీ టైమింగ్‌తో ప్రేక్షకులను కడుపుబ్బా నవ్వించిన సుడిగాలి సుధీర్ ఇప్పుడు వెండితెరపై మరోసారి తన అదృష్టాన్ని పరీక్షించుకునేందుకు సిద్ధమయ్యారు. హీరోగా ఇప్పటికే పలు సినిమాల్లో నటించిన ఆయన, ఈసారి `గోట్‌`(G.O.A.T.) అనే ఆసక్తికరమైన టైటిల్‌తో ప్రేక్షకుల ముందుకు వచ్చారు. యాక్షన్, కామెడీ, రొమాన్స్ అంశాలతో తెరకెక్కిన ఈ చిత్రంపై ప్రేక్షకుల్లో ఆసక్తి నెలకొంది.

దీనికి వేదవ్యాస్‌ ఆకుల దర్శకత్వం వహించారు. సుధీర్‌కు జోడీగా దివ్యభారతి నటించడం సినిమాకు ప్రత్యేక ఆకర్షణగా నిలుస్తోంది. మోగుళ్ల చంద్రశేఖర్, రవీందర్ రెడ్డి ఎన్ నిర్మించారు. ఇది నేడు గురువారం (నవంబర్ 12, 2026)న ఈ సినిమా థియేటర్లలో విడుదల అయ్యింది. మరి మూవీ ఎలా ఉంది? సుడిగాలి సుధీర్‌కి హీరోగా హిట్‌ పడిందా లేదా అనేది రివ్యూలో తెలుసుకుందాం.

పశ్చిమ గోదావరి జిల్లా రుద్రవరం గ్రామంలో క్రికెట్ బెట్టింగ్ కొన్ని కుటుంబాల్లో విషాదాన్ని నింపుతుంది. ఈ వ్యవహారానికి కారణమైన వ్యక్తిని గ్రామపెద్ద కృష్ణంరాజు (సర్వదమన్ బెనర్జీ) కఠినంగా శిక్షిస్తాడు. ఈ పరిణామంతో తల్లిదండ్రులను కోల్పోయిన బాబ్జీ (నితిన్ ప్రసన్న) గ్రామపెద్దపై కక్ష పెంచుకుంటాడు. అతడిపై ప్రతీకారం తీర్చుకోవాలనే ఉద్దేశంతో రుద్రవరంతో పాటు చుట్టుపక్కల ప్రాంతాల్లో క్రికెట్ బెట్టింగ్‌ను విస్తరిస్తాడు.

ఇక వైజాగ్‌లో చిన్నచిన్న దొంగతనాలు చేస్తూ జీవితాన్ని గడిపే హిట్ గణ అలియాస్ సార్ (సుడిగాలి సుధీర్) అనూహ్యంగా సుభాషిణి అనే అమ్మాయిని పెళ్లి మండపం నుంచి కిడ్నాప్ చేస్తాడు. ఆ తర్వాత అతడి ప్రయాణం రుద్రవరం వైపు సాగుతుంది. అక్కడ బాబ్జీతో క్రికెట్ బెట్టింగ్ వ్యవహారంలో తలపడాల్సి వస్తుంది. అసలు బాబ్జీకి కృష్ణంరాజుపై అంతటి కోపం ఎందుకు? హిట్ గణకు రుద్రవరంతో ఉన్న సంబంధం ఏమిటి? సుభాషిణిని ఎందుకు కిడ్నాప్ చేశాడు? కృష్ణంరాజు కోసం క్రికెట్‌కు దూరంగా ఉన్న గణ మళ్లీ బ్యాట్ ఎందుకు పట్టాల్సి వచ్చింది? ఈ పరిణామాల వెనుక ఉన్న అసలు కథే గోట్‌(G.O.A.T.).

దర్శకుడు వేదవ్యాస్ ఎంచుకున్న క్రికెట్ బెట్టింగ్ నేపథ్యం సినిమాకు ప్రధాన ఆకర్షణగా నిలుస్తుంది. బెట్టింగ్ కారణంగా వ్యక్తుల జీవితాలు, కుటుంబాలు ఎలాంటి పరిణామాలను ఎదుర్కొంటాయనే సీరియస్ అంశాన్ని తీసుకొని, దానికి కామెడీ, ప్రేమ, కుటుంబ అనుబంధాలను జోడించిన విధానం ఆసక్తికరంగా ఉంది. అయితే ఈ మంచి పాయింట్‌ను తెరపై మరింత ఎఫెక్టీవ్‌గా ఆవిష్కరించాల్సింది.

ముఖ్యంగా ఫస్టాఫ్‌లో సుడిగాలి సుధీర్ కామెడీ టైమింగ్, ఇతర పాత్రలతో వచ్చే సన్నివేశాలు ప్రేక్షకులను నవ్విస్తాయి. కథలోని మెయిన్‌ కాన్ల్ఫిక్ట్ కి సంబంధించిన అంశాలను పరిచయం చేస్తూనే వినోదాన్ని అందించడంలో దర్శకుడు మంచి ప్రయత్నం చేశాడు. కామెడీతో పాటు అక్కడక్కడా వచ్చే ఎమోషనల్‌ సీన్లు కొంత వరకు బాగానే వర్కవుట్ అయ్యాయి.

కానీ సెకండాఫ్‌లో కథనం కొంత తడబడుతుంది. ఒకవైపు క్రికెట్ బెట్టింగ్, మరోవైపు ప్రతీకారం, ఇంకోవైపు ప్రేమ, కిడ్నాప్ నేపథ్యంలో సాగే సన్నివేశాలను బ్యాలెన్స్ చేయడంలో కొంత గందరగోళం కనిపిస్తుంది. కొన్ని పరిణామాలు ముందుగానే ఊహించే అవకాశం ఉండటంతో ఉత్కంఠ తగ్గుతుంది. ముఖ్యంగా సుభాషిణి పాత్ర చుట్టూ సాగే సన్నివేశాలు మరింత ఆసక్తికరంగా ఉండాల్సింది.

అయితే సుడిగాలి సుధీర్, దివ్య భారతి మధ్య వచ్చే ప్రేమ సన్నివేశాలు, సర్వదమన్ బెనర్జీ, నితిన్ ప్రసన్న మధ్య సాగే భావోద్వేగ సంఘర్షణ సినిమాకు కొంత బలాన్ని అందిస్తాయి. ఈ రెండు ట్రాక్‌లను మరింత బలంగా తీర్చిదిద్ది ఉంటే సినిమా మంచి ఫ్యామిలీ ఎంటర్‌టైనర్‌గా నిలిచేది. మరోవైపు సెకండాఫ్‌ రియాలిటీ తగ్గింది. ఏఐ ద్వారా చేశారా అనే ఫీలింగ్‌ తెప్పిస్తుంది.

మరోవైపు సినిమాలో స్ఫూప్‌లు ఆశ్చర్యపరుస్తాయి. ఇతర హిట్‌ సినిమాల సీన్లు కొంత బాగానే ఉన్నా, చాలా వరకు మెప్పించడంలో విఫలమయ్యాయి. కామెడీపై మరింత ఫోకస్‌ పెట్టాల్సింది. ముఖ్యంగా సెకండాఫ్‌ విషయంలో ఇంకా బాగా చేయాల్సింది. అందులో సీరియస్‌నెస్‌ తగ్గింది. కొన్ని లాజిక్‌ లెస్‌గా ఉంటాయి. కొన్ని సీన్లు రియాలిటీకి దూరంగా ఉంటాయి. ఇలా మైనస్ లను బాగా చేసి ఉంటే మంచి ఎంటర్‌టైనర్‌ అయ్యేది.

జబర్దస్త్, ఇతర కామెడీ షోల ద్వారా విశేషమైన గుర్తింపు తెచ్చుకున్న సుడిగాలి సుధీర్, ఈ సినిమాలో హిట్ గణ పాత్రలో తనదైన నటనతో ఆకట్టుకున్నాడు. కామెడీ సన్నివేశాల్లో తన టైమింగ్‌ను మరోసారి ప్రదర్శించాడు. కేవలం నవ్వించడమే కాకుండా ఎమోషనల్‌ సీన్లలోనూ మెప్పించే ప్రయత్నం చేశాడు. కాకపోతే ఆయనలో సీరియస్‌ నెస్‌ లేదని పాత్రని చూస్తుంటే అర్థమవుతుంది.

దివ్య భారతి తన పాత్రకు తగినట్టుగా సహజమైన నటనతో ఆకట్టుకుంది. గ్లామర్‌తో పాటు అభినయంతోనూ మెప్పించింది. నితిన్ ప్రసన్న విలన్‌గా మరోసారి తన ప్రతిభను చాటుకున్నాడు. ప్రతీకారంతో రగిలిపోయే బాబ్జీ పాత్రలో మంచి నటన కనబరిచాడు. గ్రామపెద్ద కృష్ణంరాజుగా సర్వదమన్ బెనర్జీ హుందాతనంతో కూడిన నటనను ప్రదర్శించారు. ముఖ్యంగా ఎమోషనల్ సన్నివేశాల్లో ఆయన అనుభవం కనిపిస్తుంది. మిగిలిన నటీనటులు, కామెడీ ఆర్టిస్టులు తమ పాత్రల పరిధిలో ఆకట్టుకునే ప్రయత్నం చేశారు.

క్రికెట్ బెట్టింగ్ వంటి సమకాలీన అంశాన్ని గ్రామీణ నేపథ్యానికి అనుసంధానించి కథను రూపొందించిన దర్శకుడు వేదవ్యాస్ ఆలోచన అభినందనీయం. అయితే స్క్రీన్‌ప్లే విషయంలో మరింత కసరత్తు చేయాల్సింది. ముఖ్యంగా సెకండాఫ్‌లో కథను వేగంగా, ఇంట్రెస్టింగ్‌గా నడిపించడంపై దృష్టి పెట్టి ఉంటే మంచి ఫలితం వచ్చేది. నిర్మాణ విలువలు బాగున్నాయి. నిర్మాతలు మోగుళ్ల చంద్రశేఖర్, రవీందర్ రెడ్డి ఎన్ కథకు అవసరమైన నిర్మాణ ప్రమాణాలను పాటించారు. విజువల్స్ ఫర్వాలేదు. మ్యూజిక్‌ అంతంత మాత్రంగానే ఉంది. ఎడిటింగ్‌ పరంగా ఇంకా కేర్‌ తీసుకోవాల్సింది.

G.O.A.T సినిమా క్రికెట్, కామెడీ, ప్రేమ, కుటుంబ అనుబంధాలు, గ్రామీణ రాజకీయాల కలయికతో రూపొందిన వినోదాత్మక ప్రయత్నం. సుడిగాలి సుధీర్ తన కామెడీతో సినిమాకు ప్రధాన ఆకర్షణగా నిలిచాడు. ఫస్టాఫ్‌లో కొంత ఎంటర్‌టైన్‌మెంట్‌, సెకండాఫ్‌లో ఎమోషన్స్ కొంతవరకు మెప్పిస్తాయి. అయితే కథలోని బలమైన అంశాలకు తగ్గట్టుగా కథనం మరింత ఆసక్తికరంగా సాగి ఉంటే సినిమా స్థాయి పెరిగేది. సుధీర్‌ అభిమానులకు నచ్చే మూవీ అవుతుంది.

రేటింగ్‌: 2.5

Sekhar Master: అయ్యప్ప దయవల్ల అంతా సేఫ్, కారు నుజ్జు నుజ్జు అయింది.. యాక్సిడెంట్ పై శేఖర్ మాస్టర్ ఎమోషనల్

Tirumala Dornala — Thu, 12 Nov 2026 17:17:10 +0530

తనకు జరిగిన కారు ప్రమాదంపై శేఖర్ మాస్టర్ స్పందించారు. అయ్యప్ప దయవల్ల ప్రమాదం నుంచి క్షేమంగా బయటపడ్డట్లు పేర్కొన్నారు. ప్రస్తుతం శేఖర్ మాస్టర్ అయ్యప్ప దీక్షలో ఉన్నారు.

టాలీవుడ్ ప్రముఖ కొరియోగ్రాఫర్ శేఖర్ మాస్టర్ ప్రయాణిస్తున్న కారు ప్రమాదానికి గురైంది. ఈ న్యూస్ తో శేఖర్ మాస్టర్ అభిమానులు ఆందోళనకు గురయ్యారు. కానీ ఆందోళన చెందాల్సిన అవసరం లేదు. శేఖర్ మాస్టర్ తో సహా కారులో ప్రయాణిస్తున్న నలుగురు క్షేమంగా బయటపడ్డారు. శేఖర్ మాస్టర్ ప్రమాదం నుంచి తప్పించుకోవడం తో ఆయన అభిమానులు, సినీ వర్గాలు ఊపిరి పీల్చుకున్నాయి.

శేఖర్ మాస్టర్ బుధవారం రాత్రి మెగాస్టార్ చిరంజీవి నటిస్తున్న కాకా సినిమా షూటింగ్ పూర్తి చేసుకుని ఇంటికి తిరిగి వెళుతుండగా ఈ ప్రమాదం జరిగింది. శంషాబాద్ సమీపంలోని ముచ్చింతల్ నాలుగు రోడ్ల కూడలి వద్దకు శేఖర్ మాస్టర్ కారు రాగానే వెనుక నుంచి వచ్చిన ఒక ట్రక్కు శేఖర్ మాస్టర్ కారుని ఢీ కొట్టింది. దీనితో శేఖర్ మాస్టర్ కారు వెనుక భాగంగా బాగా డ్యామేజ్ అయింది. అయితే ఎదురుగా ఎలాంటి వాహనాలు లేకపోవడంతో శేఖర్ మాస్టర్ స్వల్ప గాయాలతో బయటపడ్డారు.

కారులో ఉన్న ఇతరులు కూడా ప్రమాదం నుంచి సేఫ్ అయ్యారు. ట్రక్కు డ్రైవర్ నిర్లక్ష్యం వల్లే ఇలా జరిగినట్లు తెలుస్తోంది. పోలీసులు ట్రక్కు డ్రైవర్ పై కేసు నమోదు చేసి విచారణ ప్రారంభించారు. ఈ ప్రమాదంపై శేఖర్ మాస్టర్ తాజాగా స్పందించారు. అభిమానుల కోసం వీడియో వదిలారు. 'స్వామియే శరణం అయ్యప్ప.. ఈ రోజు మార్నింగ్ నుంచి న్యూస్ వస్తోంది.. అవును మేము ప్రయాణిస్తున్న కారు ప్రమాదానికి గురైంది. నిన్న బుధవారం రాత్రి షూటింగ్ పూర్తి చేసుకుని ఇంటికి వెళుతుండగా తెల్లవారు జామున యాక్సిడెంట్ జరిగింది. కారు వెనుక నుజ్జు నుజ్జు అయింది. కారులో నలుగురం ఉన్నాయి. ఎవ్వరికీ ఏమీ కాలేదు.

View this post on Instagram

A post shared by Sekhar Vulli Vj (@sekharmaster)

ఆ అయ్యప్ప దయవల్ల ఎవ్వరికీ ఏమీ జరగలేదు. అందరం బాగానే ఉన్నాం. చాలా మంది శ్రేయోభిలాషులు, స్నేహితులు, అభిమానులు ఫోన్లు మెసేజ్ లు చేస్తున్నారు. నేను క్షేమంగా ఉండాలి అని కోరుకున్న వారందరికీ థ్యాంక్స్. అయ్యప్ప దయవల్ల అంతా క్షేమంగా ఉన్నాం. ఈ రోజు రాత్రి మళ్ళీ షూటింగ్ కి వెళుతున్నా' అని శేఖర్ మాస్టర్ తెలిపారు. ప్రస్తుతం శేఖర్ మాస్టర్ అయ్యప్ప దీక్షలో ఉన్నారు.

Chiranjeevi: చిరంజీవి హీరో అని కూడా తెలియదు, నటుడు చేసిన పని ఇదే.. ఆయన్ని అలా పిలిస్తే అన్నం తిన్నట్లే ఉండదు

Tirumala Dornala — Thu, 12 Nov 2026 14:19:49 +0530

Babu Mohan: కమెడియన్ బాబు మోహన్ ఓ ఇంటర్వ్యూలో చెప్పిన విషయాలు వైరల్ అవుతున్నాయి. చిరంజీవిని మొదటిసారి కలుసుకున్నప్పుడు ఆయన హీరో అని బాబు మోహన్ కి తెలియదట.

మెగాస్టార్ చిరంజీవి తన కెరీర్ బిగినింగ్ లో చిన్న పాత్రల్లో సైతం నటించారు. అదే విధంగా చిన్న సినిమాల్లో హీరోగా చేస్తూ ఎదిగారు. కెరీర్ బిగినింగ్ స్టేజీలో ఉన్నప్పుడు తమ్మారెడ్డి భరద్వాజ నిర్మాణంలో కోతల రాయుడు అనే చిత్రంలో నటించారు. ఆ సినిమా మంచి విజయం సాధించింది. ప్రముఖ కమెడియన్ బాబు మోహన్ చిరంజీవి హీరోగా నటించిన ఎన్నో చిత్రాల్లో నటించారు.

బాబు మోహన్ చిరంజీవితో నటించిన తొలి చిత్రం కోతల రాయుడే. ఆ సినిమా షూటింగ్ లో చిరంజీవికి, బాబు మోహన్ కి మధ్య ఆసక్తికర సంఘటన జరిగింది. అప్పటికే చిరంజీవి కొన్ని చిత్రాల్లో నటించారు కానీ అంతగా గుర్తింపు రాలేదు. బాబు మోహన్ మాట్లాడుతూ.. నేను చిరు అన్నయ్యతో నటించిన తొలి చిత్రం కోతల రాయుడు. ఆ సినిమా షూటింగ్ కి వెళ్లే వరకు హీరో ఎవరో నాకు తెలియదు. చెట్టు కింద ఒక వ్యక్తి సామాన్యుడిలా నిలబడి ఉన్నాడు.

నేను అప్పుడే షూటింగ్ కి వెళ్ళాను. ఎవరో షూటింగ్ చూడడానికి వచ్చిన ప్రేక్షకుడు అయి ఉంటాడని అనుకున్నా. ఈ సినిమా హీరో ఎవరయ్యా అని ఆయన్ని అడిగా. ఆయన వెంటనే నేనే అని సమాధానం ఇచ్చారు. అప్పుడు కొంచెం క్లోజ్ గా గమనిస్తే ఈయన కొన్ని సినిమాల్లో నటించారు కదా అని గుర్తుకు వచ్చింది. వెంటనే థ్యాంక్యూ సార్ అని చెప్పి పక్కకు వెళ్ళాను.

ఆ మూవీలో ఒక ఎమోషనల్ సాంగ్ ఉంటుంది. ఆ సాంగ్ లో చిరు అన్నయ్య పెర్ఫార్మెన్స్ చూసి బాంచెత్ ఏం చేశాడ్రా.. ఇతనే ఫ్యూచర్ లో నెంబర్ 1 అని అనుకున్నా. నేను అనుకున్నట్లే జరిగింది అని బాబు మోహన్ తెలిపారు.

చిరంజీవి గారిని మీరు ఎప్పుడూ పేరు పెట్టి పిలవరట ఎందుకు అని ప్రశ్నించగా.. అవును నేను ఎప్పుడైనా ఆయన్ని చిరు అన్నయ్య అనే అంటాను. ఆయన్ని పేరు పెట్టి పిలిస్తే నాకు అన్నం తిన్నట్లు ఉండదు. ఎందుకో అలా అలవాటు అయింది అని బాబు మోహన్ తెలిపారు.

OTT Releases: జైలర్ 2 నుంచి రణబాలి వరకు... ఈ వారం ఓటీటీలోకి వచ్చే సినిమాలు, వెబ్ సిరీస్‌లు ఇవే

Mahesh Jujjuri — Thu, 12 Nov 2026 13:13:12 +0530

OTT Releases: ఈ వారం ఓటీటీలో సందడి చేయనున్న సినిమాలు, వెబ్ సిరీస్‌ల జాబితా మీకోసం. జైలర్ 2, అన్బిల్ అవన్ సహా పలు ఆసక్తికరమైన చిత్రాలు ఈ వారం ఓటీటీ ప్లాట్‌ఫామ్స్‌లో స్ట్రీమింగ్ కానున్నాయి.

ఓటీటీ ప్లాట్‌ఫామ్స్ విపరీతంగా పెరగడంతో ప్రతి వారం కొత్త సినిమాలు రిలీజ్ అవుతున్నాయి. ఎంత పెద్ద స్టార్ హీరో సినిమా అయినా రిలీజ్ అయిన 28 రోజుల్లో ఓటీటీకి వచ్చేస్తోంది. థియేటర్‌లో మిస్ అయిన సినిమాలు ఓటీటీలో చూడొచ్చనే మైండ్‌సెట్‌కి ప్రేక్షకులు అలవాటు పడ్డారు. అందుకే ఓటీటీలో రిలీజ్ అయ్యే సినిమాల సంఖ్య కూడా బాగా పెరిగింది. ఈ వారం ఓటీటీలో సందడి చేయనున్న సినిమాలు, వెబ్ సిరీస్‌ల లిస్ట్ ఓసారి చూద్దాం.

సూపర్‌స్టార్ రజనీకాంత్ హీరోగా నెల్సన్ దర్శకత్వంలో కళానిధి మారన్ నిర్మించిన బ్లాక్‌బస్టర్ సినిమా జైలర్ 2. బాక్సాఫీస్ వద్ద రూ.830 కోట్లకు పైగా వసూళ్లు సాధించిన ఈ చిత్రం నవంబర్ 12 నుంచి అమెజాన్ ప్రైమ్‌లో స్ట్రీమింగ్ అవుతోంది. ఈ సినిమా డిజిటల్ రైట్స్ రికార్డు స్థాయిలో రూ.160 కోట్లకు అమ్ముడుపోయాయి.

పెళ్లి తర్వాత రష్మిక మందన్నా, విజయ్ దేవరకొండ తొలిసారి జంటగా నటించిన సినిమా రణబాలి. రాహుల్ సాంకృత్యన్ దర్శకత్వం వహించిన ఈ చిత్రం భారీ అంచనాలతో రిలీజ్ అయినా జైలర్ 2 ప్రభంజనంలో చిక్కుకుని వసూళ్లు రాబట్టలేకపోయింది. విమర్శకుల ప్రశంసలు అందుకున్న ఈ సినిమా నవంబర్ 13న నెట్‌ఫ్లిక్స్‌లో రిలీజ్ కానుంది.

అన్బిల్ అవన్

కొత్త డైరెక్టర్ కార్తికేయన్ దర్శకత్వంలో అశోక్ సెల్వన్, ప్రీతి ముకుందన్ జంటగా నటించిన చిత్రం అన్బిల్ అవన్. రొమాంటిక్ యాక్షన్ థ్రిల్లర్‌గా తెరకెక్కిన ఈ సినిమా థియేటర్లలో పెద్దగా ఆకట్టుకోలేకపోయింది. నవంబర్ 13 నుంచి సోనీ లివ్‌లో ఈ సినిమా స్ట్రీమింగ్ కానుంది.

పవర్ బుక్, ది రింగ్ ఆఫ్ పవర్ (అమెజాన్ ప్రైమ్), మర్డర్ ఇన్ గెలీసియా, మస్ట్ డేట్ ది ప్లే బాయ్ వంటి వెబ్ సిరీస్‌లు ఈ వారం ఓటీటీల్లో సందడి చేయనున్నాయి. అలాగే హ్యాపీ జర్నీ (తెలుగు - సన్ నెక్స్ట్), బంద్రా (మలయాళం - జీ5), ది థర్డ్ మర్డర్ (మలయాళం - మనోరమ మ్యాక్స్), డైరా (హిందీ - నెట్‌ఫ్లిక్స్), హార్ట్‌ల్యాండ్ (ఇంగ్లీష్ - నెట్‌ఫ్లిక్స్) చిత్రాలు కూడా నవంబర్ 13 నుంచి స్ట్రీమింగ్ కానున్నాయి.

అనిరుధ్ – కావ్య మారన్ పెళ్లికి గ్రీస్‌నే ఎందుకు ఎంచుకున్నారు? ఆ దేశంలోని ప్రత్యేకతలు తెలిస్తే షాక్ అవుతారు?

Mahesh Jujjuri — Thu, 12 Nov 2026 10:04:19 +0530

ప్రముఖ సంగీత దర్శకుడు అనిరుధ్ రవిచందర్, సన్‌రైజర్స్ హైదరాబాద్ యజమాని కావ్య మారన్‌ల వివాహం గురించి ఆసక్తికరమైన చర్చ జరుగుతోంది. పెళ్లి కోసం గ్రీస్‌ను ఎంచుకోవడం అందరి దృష్టిని ఆకర్షిస్తోంది. అసలు ఇంత ప్రత్యేకంగా గ్రీస్‌నే ఎందుకు ఎంపిక చేసుకున్నారు?

అనిరుధ్, కావ్య మారన్ వివాహ వేడుకలను అత్యంత వైభవంగా జరిగింది. భారతీయ సంప్రదాయాలకు ఇంపార్టెన్స్ ఇస్తూ.. రాజస్థానీ శైలిలో వేడుకలను ఏర్పాటు చేసినట్లు సమాచారం. రెండు రోజుల పాటు జరిగే ఈ వేడుకల్లో హల్దీ, సంగీత్ వంటి కార్యక్రమాలకు ప్రత్యేక ఏర్పాట్లు చేశారు.

అతిథుల కోసం ప్రత్యేక విమానాల ఏర్పాటు

ఈ వివాహ వేడుకకు రాజకీయ, సినీ, వ్యాపార రంగాలకు చెందిన ప్రముఖులు పరిమితి సంఖ్యలో హాజరయ్యారు. అతిథులు ఎలాంటి ప్రయాణ ఇబ్బందులు లేకుండా గ్రీస్ చేరుకునేందుకు ప్రత్యేకంగా నాలుగు చార్టర్డ్ విమానాలను ఏర్పాటు చేసినట్లు సమాచారం.

భారత్‌లోనే ఎన్నో అందమైన పర్యాటక ప్రాంతాలు ఉన్నప్పటికీ, విదేశాల్లో డెస్టినేషన్ వెడ్డింగ్‌లు నిర్వహించడంపై తరచూ చర్చ జరుగుతుంటుంది. అయితే గ్రీస్ వంటి దేశాలు సహజ సౌందర్యం, ఆహ్లాదకరమైన వాతావరణం, ప్రత్యేకమైన వివాహ వేదికలతో ప్రపంచవ్యాప్తంగా సంపన్నులను ఆకర్షిస్తున్నాయి. గ్రీస్‌ను వివాహ వేదికగా ఎంచుకోవడానికి ప్రధాన కారణాల్లో అక్కడి వాతావరణం ఒకటి. ఏడాదిపొడువునా..ఎండతో కూడిన ఆహ్లాదకరమైన వాతావరణం ఉంటుందని చెబుతారు. మధ్యధరా సముద్రం నుంచి వీచే చల్లని గాలులు బహిరంగ ప్రదేశాల్లో వివాహ వేడుకలు నిర్వహించేందుకు అనువైన వాతావరణాన్ని కల్పిస్తాయి.

గ్రీస్ అందాలకు ప్రపంచవ్యాప్తంగా ప్రత్యేక గుర్తింపు ఉంది. ముఖ్యంగా అక్కడి నీలి సముద్రం, కొండలపై నిర్మించిన తెల్లని భవనాలు పర్యాటకులను మంత్రముగ్ధులను చేస్తాయి. సూర్యాస్తమయ సమయంలో కనిపించే ప్రకృతి దృశ్యాలు మరింత ఆకట్టుకుంటాయి. ఇలాంటి అందమైన ప్రదేశాల్లో జరిగే వివాహ వేడుకలు ఫొటోలు, వీడియోలకు అద్భుతమైన బ్యాక్ గ్రౌండ్ తో పాటు లైటింగ్ కూడా పర్ఫెక్ట్ గా ఉంటుంది. జీవితాంతం గుర్తుండిపోయే మధుర జ్ఞాపకాలను సొంతం చేసుకోవాలనుకునే జంటలకు గ్రీస్ మంచి ఎంపికగా నిలుస్తోంది.

గ్రీస్ సంస్కృతిలో అతిథులకు ఎంతో గౌరవం ఇస్తారు. తమ ఇంటికి వచ్చిన వారిని ఆప్యాయంగా ఆదరించడం అక్కడి సంప్రదాయాల్లో ఒకటి. అంతేకాదు, స్థానిక సముద్ర ఆహార వంటకాలు, రుచికరమైన శాఖాహార వంటకాలు కూడా ప్రత్యేక ఆకర్షణగా నిలుస్తాయి. విభిన్న రుచులతో కూడిన విందులు, ప్రత్యేకమైన ఆతిథ్య ఏర్పాట్లు వివాహ వేడుకలకు మరింత రాజసాన్ని తీసుకొస్తాయి.

సంపన్నుల డెస్టినేషన్ వెడ్డింగ్‌లకు గ్రీస్ ఎందుకు ఫేవరెట్?

అద్భుతమైన ప్రకృతి అందాలు, ఆహ్లాదకరమైన వాతావరణం, విలాసవంతమైన రిసార్టులు, అతిథులకు ప్రత్యేక గోప్యత కల్పించే సౌకర్యాలు.. ఇలా ఎన్నో అంశాలు గ్రీస్‌ను డెస్టినేషన్ వెడ్డింగ్‌లకు ప్రముఖ కేంద్రంగా మార్చాయి. అందుకే ప్రపంచవ్యాప్తంగా సంపన్నులు, సెలబ్రిటీలు తమ జీవితంలో అత్యంత ముఖ్యమైన వేడుకలను నిర్వహించేందుకు ఈ దేశాన్ని ఎంచుకుంటున్నారు.

Rajamouli: సినిమా చేయాలని వెళ్లిన దిల్ రాజును.. ఒక్క మాటతో వెనక్కి పంపిన రాజమౌళి, స్టార్ ప్రొడ్యూసర్ తో జక్కన్న ఏమన్నాడు?

Mahesh Jujjuri — Thu, 12 Nov 2026 07:32:32 +0530

Rajamouli: టాలీవుడ్ లో స్టార్ ప్రొడ్యూసర్ దిల్ రాజు, స్టార్ డైరెక్టర్ రాజమౌళి. ఈ ఇద్దరి కాంబోలో సినిమా వస్తే .. అది ఏ రేంజ్ లో ఉంటోందో అందరికి తెలుసు. అలాంటి సినిమా చేయాలనే దిల్ రాజు రాజమౌళి దగ్గరికి వెళ్తే.. జక్కన్న ఏం చేశాడో తెలుసా?

సౌత్ ఫిల్మ్ ఇండస్ట్రీలో స్టార్ ప్రోడ్యూసర్ గా తనకంటూ ఒక ప్రత్యేక గుర్తింపు తెచ్చుకున్న దిల్ రాజు, ఎన్నో విజయవంతమైన చిత్రాలను నిర్మించారు. ఇండస్ట్రీలో కొత్త దర్శకులను పరిచయం చేయడంలో ఆయన ఎప్పుడూ ముందుంటారు. అయితే, తన కెరీర్ మంచి ఫామ్ లోకి వస్తున్న టైమ్ లోనే ప్రముఖ దర్శకుడు ఎస్.ఎస్. రాజమౌళిని కలిసి సినిమా చేయమని అడిగినప్పుడు, ఆయన చెప్పిన ఒక అద్భుతమైన మాట తన ఆలోచనా విధానాన్నే పూర్తిగా మార్చివేసిందని దిల్ రాజు ఓ ఇంటర్వ్యూలో పంచుకున్నారు.

కొత్త దర్శకులకు పెద్దపీట

దిల్ రాజు తన ప్రయాణంలో కేవలం స్టార్ హీరోలతోనే కాకుండా, అనేక మంది కొత్త దర్శకులకు అవకాశాలు ఇచ్చి ఇండస్ట్రీకి పరిచయం చేశారు. చాలా మంది కొత్త టాలెంట్‌ను ప్రోత్సహిస్తూ భారీ విజయాలను అందుకున్నారు. అంతే కాదు దిల్ రాజు పరిచయం చేసిన కొత్త దర్శకులు.. ఆతర్వాత కాలంలో స్టార్ డైరెక్టర్లుగా మారారు. అయితే, ఒకానొక సమయంలో ప్రముఖ డైరెక్టర్ ఎస్.ఎస్. రాజమౌళి గారి దగ్గరికి వెళ్లి "మొదటిసారి మన కలయికలో ఒక సినిమా చేద్దాం" అని ఆయనను అడిగినట్లు దిల్ రాజు తెలిపారు.

రాజమౌళిని కలిసి సినిమా చేయమని అడిగినప్పుడు ఆయన దిల్ రాజుతో ఇలా అన్నారట.. "మీరు ఇంతమంది కొత్త డైరెక్టర్లకి లైఫ్ ఇస్తున్నారు. ఒకవేళ నేను మీకు సినిమా చేస్తే, అది కేవలం మరో సినిమా అవుతుంది అంతే. అదే మీరు కొత్త డైరెక్టర్లతో సినిమా చేస్తే, ఇండస్ట్రీకి ఒక నూతన దర్శకుడు పుడతాడు" అని రాజమౌళి వివరించారు.

రాజమౌళి చెప్పిన ఆ మాట దిల్ రాజును ఎంతగానో ఆలోచింపజేసింది. అదే తనకు ఒక పెద్ద ఇన్స్పిరేషన్ వర్డ్ అయ్యింది. "అది నిజమే కదా! ఫెయిల్యూర్స్‌లో ఉన్న దర్శకులు, సరైన ప్లాట్‌ఫాం కోసం స్ట్రగుల్ అవుతున్న దర్శకులు లేదా కొత్త టాలెంట్ ఉన్న వాళ్లతో నేను ట్రావెల్ అవ్వడం వల్ల వాళ్ళకి మంచి లైఫ్ ఇచ్చినట్టవుతుంది" అని దిల్ రాజు భావించారు. పెద్ద డైరెక్టర్లతో సినిమా తీయడం కేవలం ఒక బిజినెస్ ప్రాజెక్ట్ అవుతుందేమో కానీ, కొత్తవాళ్లను పరిచయం చేయడం ద్వారా ఎంతో మంది దర్శకులు పుడతారు అని ఆయన గ్రహించారు.

కొత్త దర్శకులను ప్రోత్సహిస్తూనే, స్టార్ టెక్నీషియన్లతో కూడా ప్రయాణం కొనసాగిస్తున్న దిల్ రాజు, రీసెంట్‌గా ప్రముఖ డైరెక్టర్ త్రివిక్రమ్ గారితో కూడా ఒక ప్రాజెక్ట్ కన్ఫర్మ్ చేసుకున్నట్లు తెలిపారు. దిల్ రాజు నిర్మాత కాకముందు నుంచే త్రివిక్రమ్ రైటర్‌గా ఉన్నప్పటి నుంచి ఇద్దరి మధ్య మంచి సాన్నిహిత్యం ఉంది. ఇలా సరికొత్త ఆలోచనలతో, ఇండస్ట్రీకి ఎంతోమంది ప్రతిభావంతులను పరిచయం చేస్తూ దిల్ రాజు టాలీవుడ్ ప్రయాణం కొనసాగుతోంది.

Scene 6 Days Collections: వీక్‌ డేస్‌లోనూ సూర్య `సీన్‌` మూవీకి మతిపోయే వసూళ్లు.. టోటల్‌గా ఎంతంటే?

Aithagoni Raju — Thu, 12 Nov 2026 06:48:47 +0530

Scene 6 Days Collections: సూర్య హీరోగా నటించిన `సీన్‌` మూవీ బాక్సాఫీసు వద్ద దుమ్ములేపుతోంది. ఈ సినిమా వీకెండ్‌లోనే కాదు, వీక్‌ డేస్‌లోనూ అదిరిపోయే వసూళ్లని రాబడుతోంది. ఆరవ రోజు ఈ మూవీ ఎంత చేసింది, టోటల్‌గా ఎంత వచ్చాయనేది చూస్తే.

సూర్య బ్యాక్‌ టూ బ్యాక్‌ హిట్లతో దూసుకుపోతున్నాడు. గతంలో హిట్‌ కోసం ఎంత స్ట్రగుల్‌ పడ్డాడో, ఇప్పుడు విజయాలు కూడా అంతే ఈజీగా వస్తున్నాయి. తాజాగా ఆయన `సీన్‌` మూవీతో థియేటర్లో సందడి చేస్తున్నారు. జీతు మాధవన్‌ దర్శకత్వంలో రూపొందిన ఈ చిత్రం గత శుక్రవారం నుంచి థియేటర్లో సందడి చేస్తోంది. నజ్రియా నజీమ్‌ హీరోయిన్‌గా నటించిన ఈ మూవీలో నస్లెన్‌ విలన్‌గా చేశాడు. సూర్య నిర్మించారు. ఈ చిత్రం బాక్సాఫీసు వద్ద అదిరిపోయే వసూళ్లతో రన్ అవుతుంది. వీకెండ్‌లోనే కాదు, వీక్ డేస్‌లోనూ దుమ్ములేపుతోంది.

`సీన్‌` మూవీ 6వ రోజు రూ.9.35కోట్ల గ్రాస్‌ వసూలు చేసింది. రూ.8కోట్ల నెట్‌ కలెక్షన్లు వచ్చాయి. ఓవర్సీస్‌లో నాలుగు కోట్లు వచ్చాయి. ఓవరాల్‌గా 6వ రోజు రూ.13.40కోట్లు రాబట్టడం విశేషం. టోటల్‌గా ఈ చిత్రం ప్రపంచ వ్యాప్తంగా ఆరు రోజుల్లో రూ.188.50కోట్లు వసూలు చేసింది. ఇందులో ఓవర్సీస్‌లోనే రూ.66కోట్లు రావడం విశేషం. ఇక ఇండియా గ్రాస్‌ రూ.122.50కోట్లు, రూ.105.45కోట్ల నెట్‌ వచ్చింది. స్టేట్‌ వైడ్‌ కలెక్షన్లు చూస్తే, తెలుగు లో 6వ రోజు రూ.1.90కోట్లు వసూలు చేయగా, మొత్తంగా తెలుగులో రూ. 21.85కోట్లు కలెక్ట్ చేసింది. తమిళంలో రూ.62.80కోట్లు, కర్నాటకలో రూ.12.95కోట్లు, కేరళాలో రూ.22.45కోట్లు, హిందీలో రూ.2.455కోట్లు రాబట్టినట్టు సాక్నిల్క్ సైట్‌ వెల్లడించింది. ఇదిలా ఉంటే ఈ మూవీ ఐదు రోజుల్లోనే రూ.205కోట్లు వసూలు చేసినట్టు టీమ్‌ అధికారికంగా ప్రకటించడం విశేషం. ఏదేమైనా ఈ చిత్రం బాక్సాఫీసు వద్ద దుమ్మురేపుతుందని చెప్పొచ్చు.

ఈ సినిమాకి దాదాపు రూ.60కోట్ల బడ్జెట్‌ అయ్యిందట. నాన్‌ థియేట్రికల్‌గా ఓటీటీ, శాటిలైట్‌, ఆడియో రైట్స్ కలుపుకొని దాదాపు రూ.115కోట్ల వరకు వచ్చిందని సమాచారం. రిలీజ్‌కి ముందే నిర్మాతలు లాభాల్లో ఉన్నారు. థియేట్రికల్‌గా ఈ మూవీకి రూ.85కోట్ల వ్యాపారం జరిగిందని సమాచారం. తమిళనాడులో రూ.42కోట్లు, తెలుగు రాష్టాల్లో రూ.14కోట్లు, కర్నాటకలో ఆరు కోట్లు, కేరళాలో ఏడు కోట్లు, ఓవర్సీస్‌లో రూ.15కోట్లకు అమ్మారట. ఓవర్సీస్‌లో ఇప్పటికే బ్రేక్‌ ఈవెన్‌ అయ్యింది. ఈ సినిమా అన్నిచోట్ల దాదాపు బ్రేక్‌ ఈవెన్ అయినట్టు తెలుస్తోంది. ఇంకా ఏదైనా మిగిలితే ఈ వారాంతంలో అన్ని చోట్ల బ్రేక్‌ ఈవెన్‌ అవుతుందని టాక్‌.

Jailer 2 Movie 28 Days Collections: ఓటీటీలోకి జైలర్‌ 2.. బాక్సాఫీసు వద్ద తీవ్రంగా నిరాశ పరిచిన రజనీకాంత్‌

Aithagoni Raju — Thu, 12 Nov 2026 05:48:35 +0530

రజనీకాంత్‌ హీరోగా రూపొందిన `జైలర్‌ 2` మూవీ బాక్సాఫీసుని షేక్‌ చేసింది. కానీ ఓవరాల్‌గా డిజప్పాయింట్‌ చేసింది. ఎన్నో ఆశలు పెట్టుకున్న అభిమానులను తీవ్ర స్థాయిలో నిరాశకు గురి చేసింది. మరి ఏం జరిగిందంటే?

`జైలర్‌` వంటి బ్లాక్‌ బస్టర్‌ తర్వాత రజనీకాంత్‌ హీరోగా, నెల్సన్‌ దిలీప్‌ కుమార్‌ దర్శకత్వంలో `జైలర్‌ 2` వచ్చింది. దానికి సీక్వెల్‌గా దీన్ని తెరకెక్కించారు. రమ్యకృష్ణ, యోగిబాబుతోపాటు ఎస్‌ జే సూర్య, విద్యాబాలన్‌ కీలక పాత్రలు పోషించారు. ఎప్పటిలాగే మోహన్‌లాల్‌, శివరాజ్‌ కుమార్‌, జాకీ షరాఫ్‌ మెరిశారు. వీరితోపాటు హృతిక్‌ రోషన్‌ క్యామియో రోల్‌ లో మెరిసి వాహ్‌ అనిపించారు. సన్‌ పిక్చర్స్ నిర్మించిన ఈ చిత్రం బాక్సాఫీసు వద్ద సునామీ సృష్టించింది. ఇది కోలీవుడ్‌లో ఇండస్ట్రీ హిట్‌గా నిలిచింది. అత్యధిక కలెక్షన్లు సాధించిన చిత్రంగా నిలిచింది.

`జైలర్‌ 2` ఇప్పటి వరకు 28 రోజులు పూర్తి చేసుకుంది. ఈ బుధవారం ఇండియా నెట్‌ రూ.52లక్షలు వసూలు చేసింది. రూ.60లక్షల గ్రాస్‌ని సాధించింది. ఓవర్సీస్‌లో ఐదు లక్షలు రాబట్టింది. ఓవరాల్ గా 28వ రోజు ఈ చిత్రం ప్రపంచ వ్యాప్తంగా రూ.65లక్షలు వసూలు చేసింది. ఇక 28 రోజుల్లో ప్రపంచ వ్యాప్తంగా ఇది రూ.830.30కోట్లు రాబట్టింది. ఇందులో ఇండియా గ్రాస్‌ రూ.553.25కోట్లు, ఇండియా నెట్‌ రూ.473.05కోట్లు కాగా, ఓవర్సీస్‌లో రూ.277.05కోట్లు వచ్చాయి.

భాషల వారిగా చూస్తే, తెలుగులో రూ.97.21కోట్లు, తమిళంలో రూ.219.20కోట్లు, కర్నాటకలో రూ.95.62కోట్లు, కేరళాలో రూ.79.62కోట్లు, హిందీలో రూ.61.60కోట్లు వసూలు చేసింది. అన్ని ఏరియాల్లో బ్రేక్‌ ఈవెన్‌ దాటి లాభాల్లో నడించింది. సినిమా హిట్‌ కావాలంటే సుమారు రూ.300కోట్ల షేర్‌ రావాలి. సినిమాకి బ్రేక్‌ ఈవెన్‌ దాటి సుమారు రూ.100-150కోట్ల షేర్‌ అధికంగా లాభాలు వచ్చాయి. ఇక దీనికితోడు ఓటీటీ రైట్స్, శాటిలైట్‌ రైట్స్‌, ఆడియో రైట్స్ ఇలా అన్నీ లాభాలే. దీంతో నిర్మాతలకు లాభాలే లాభాలు అని చెప్పొచ్చు. ఈ ప్రాజెక్ట్ మీద నిర్మాత కళానిధి మారన్‌ సుమారు రూ. 500-600కోట్ల లాభాలను చవిచూశారని టాక్‌. ఈ స్థాయి లాభాలు పొందిన చిత్రం ఇండియన్‌ సినిమాలో ఇదే అని చెప్పడంలో అతిశయోక్తి లేదు.

ఇదిలా ఉంటే `జైలర్‌ 2` మాత్రం తమిళ ఆడియెన్స్ ని తీవ్రంగా నిరాశ పరిచింది. ఇప్పటి వరకు అక్కడ వెయ్యి కోట్లు రాబట్టిన సినిమా లేదు. తెలుగులో చాలా సినిమాలున్నాయి. కన్నడలో ఉన్నాయి. హిందీలో చాలా ఉన్నాయి. కానీ తమిళంలో మాత్రం ఇప్పటి వరకు ఒక్క సినిమా కూడా వెయ్యి కోట్లు వసూలు చేయలేదు. ఆ లోటుని `జైలర్‌ 2` భర్తీ చేస్తుందని, వెయ్యి కోట్ల మార్క్ ని టచ్‌ చేస్తుందని అంతా భావించారు. ముందు ఆశ చూపించిన ఈ మూవీ చివర్లో డీలా పడింది. మొత్తంగా రూ.830 కోట్ల వద్దే ఆగిపోయింది. ఇప్పటికీ సినిమా థియేటర్లో రన్‌ అవుతుంది. క్లోజింగ్‌ కలెక్షన్లు మహా అయితే మరో ఐదారు కోట్లు రావచ్చు. ఎంత చేసినా ఇది రూ.840కోట్ల లోపే అని చెప్పడంలో అతిశయోక్తి లేదు. `జైలర్‌ 2` ఆ మార్క్ ని టచ్‌ చేస్తుందని అక్కడి వారు చాలా ఆశలు పెట్టుకున్న నేపథ్యంలో ఇది తీవ్రంగా నిరాశ పరిచిందని చెప్పొచ్చు. దీంతో వెయ్యి కోట్లు అనేది తమిళ ఆడియెన్స్ ఇంకా డ్రీమ్‌గానే మిగిలిపోయింది.

ఇదిలా ఉంటే `జైలర్‌ 2` ఇప్పుడు థియేట్రికల్‌గా క్లోజింగ్‌కి చేరుకుంది. ఎందుకంటే ఈ చిత్రం నేటి నుంచి ఓటీటీలోకి వచ్చింది. అమెజాన్‌ ప్రైమ్‌లో నేడు(నవంబర్‌ 12) నుంచి స్ట్రీమింగ్‌ అవుతుంది. తెలుగు, తమిళం, కన్నడ, మలయాళం, హిందీ భాషల్లో ప్రైమ్‌లో స్ట్రీమింగ్‌ అవుతుంది. మరి థియేట్రికల్‌గా దుమ్ములేపిన ఈ చిత్రం ఓటీటీలో ఎలాంటి ఆదరణ పొందుతుందో చూడాలి. ఓటీటీలోకి వచ్చిందంటే థియేట్రికల్‌గా సినిమా మరింత డల్‌ అవుతుందని చెప్పొచ్చు. ఈ నేపథ్యంలో థియేటర్ నుంచి కలెక్షన్లని పెద్దగా ఆశించలేం. ఓవరాల్‌గా ఈ మూవీ వెయ్యి కోట్లకు చేరడమనేది అసాధ్యం.

ప్యార‌డైజ్ టీమ్ ఆ స్టార్ క‌మెడియ‌న్‌ను అవ‌మానించిందా? అందుకే ఫ్లాప్ అయిందంటూ వ్యాఖ్య

Narender Vaitla — Wed, 11 Nov 2026 23:14:29 +0530

The paradise: నాని హీరోగా వ‌చ్చిన ది ప్యార‌డైజ్ సినిమాలో సీనియర్‌ నటుడు బాబూమోహన్‌ కూడా న‌టించబోతున్నారనే ప్రచారం జ‌రిగినా.. చివరకు తెరపై కనిపించలేదు. తాజాగా ఓ ఇంటర్వ్యూలో ఈ విషయంపై బాబూమోహన్ కీల‌క వ్యాఖ్య‌లు చేశారు.

‘ది ప్యారడైజ్‌’ చిత్రంలో ఓ మంచి పాత్ర కోసం తనను సంప్రదించారని బాబూమోహన్ ఇటీవ‌ల ఓ ఇంట‌ర్వ్యూలో వెల్లడించారు. ఈ సినిమా కోసం తన కెరీర్‌లోనే తొలిసారిగా మేకప్‌ టెస్ట్‌ చేయించుకున్నానని తెలిపారు. ఆ సమయంలో తన లుక్‌ బాగుందని అక్కడున్నవారు ప్రశంసించినట్లు చెప్పారు. దీంతో సినిమాలో తనకు మంచి పాత్ర దక్కుతుందని ఆశించారట. అయితే మేకప్‌ టెస్ట్‌ పూర్తయిన తర్వాత చిత్ర బృందం నుంచి ఎలాంటి సమాచారం అందలేదని పేర్కొన్నారు. షూటింగ్‌ ఎప్పుడు ప్రారంభమవుతుందో, తన పాత్రకు సంబంధించిన వివరాలు ఏమిటో కూడా చెప్పలేదని తన అనుభవాన్ని వివరించారు.

మేకప్‌ టెస్ట్‌ పూర్తయినప్పటికీ చిత్ర బృందం నుంచి పిలుపు రాకపోవడంతో బాబూమోహన్‌ కొంతకాలం ఎదురుచూశారట. సినిమా విడుదల తేదీ ప్రకటించే వరకు అయినా తనను షూటింగ్‌కు ఆహ్వానిస్తారని భావించినట్లు చెప్పారు. కానీ చివరి వరకు ఎలాంటి సమాచారం రాలేదని ఆవేదన వ్యక్తం చేశారు. సినిమాలో తనను తీసుకోవడం లేదనే విషయాన్ని కూడా అధికారికంగా తెలియజేయలేదని అన్నారు. ఒక నటుడిని పాత్ర కోసం పిలిపించినప్పుడు, చివరకు ఎంపిక చేయకపోతే ఆ విషయాన్ని స్పష్టంగా చెప్పాల్సిన బాధ్యత చిత్ర బృందానికి ఉంటుందని అభిప్రాయపడ్డారు.

తనను సినిమా నుంచి తప్పించడానికి అసలు కారణమేంటో ఇప్పటికీ తెలియదని బాబూమోహన్‌ అన్నారు. తన నటన నచ్చలేదా? తనకంటే మెరుగైన నటుడు దొరికాడా? అనే సందేహాలను వ్యక్తం చేశారు. అంతేకాకుండా తనను తాను లక్కీ హ్యాండ్‌గా అభివర్ణిస్తూ ప్యారడైజ్‌ టీమ్‌పై కామెంట్స్ చేశారు. తనను సినిమాలోకి తీసుకోకపోవడం వెనుక ఏ కారణం ఉందో చెప్పాలని ప్రశ్నించారు.

తన సుదీర్ఘ సినీ ప్రయాణంలో ఎన్నో విభిన్నమైన పాత్రలు పోషించానని బాబూమోహన్‌ గుర్తుచేసుకున్నారు. ఈవీవీ సత్యనారాయణ దర్శకత్వంలో వచ్చిన ‘చెవిలో పువ్వు’ ఆశించిన విజయాన్ని అందుకోలేదని, ఆ తర్వాత ఆయనతోనే చేసిన ‘ప్రేమ ఖైదీ’ మంచి విజయాన్ని సాధించిందని వివరించారు. ‘మామగారు’, ‘మాయలోడు’, ‘చిన్నరాయుడు’, ‘పెద్దరాయుడు’, ‘బావ బావమరిది’ వంటి చిత్రాల్లో తన నటనకు మంచి గుర్తింపు లభించిందన్నారు. ఒక్కో సినిమాలో ఒక్కో రకమైన హావభావాలు, మాటతీరు, బాడీ లాంగ్వేజ్‌తో పాత్రలకు ప్రత్యేకత తీసుకొచ్చానని చెప్పారు. ఇన్ని విభిన్న పాత్రలు చేసిన తనకు ప్యారడైజ్‌ టీమ్‌ నుంచి ఇలాంటి అనుభవం ఎదురవడం బాధ కలిగించిందని పేర్కొన్నారు.

ఇంటర్వ్యూలో బాబూమోహన్‌ చేసిన వ్యాఖ్యలు ఇప్పుడు సినీ వర్గాల్లో చర్చనీయాంశంగా మారాయి. తనను పాత్ర కోసం పిలిచి, మేకప్‌ టెస్ట్‌ చేయించి, చివరకు సినిమాలో అవకాశం ఇవ్వకపోవడం కంటే.. ఆ విషయాన్ని చెప్పకుండా మౌనంగా ఉండటమే తనను ఎక్కువగా బాధించిందని ఆయన పేర్కొన్నారు. ఒక నటుడి సమయాన్ని, గౌరవాన్ని గుర్తించడం చిత్ర నిర్మాణ బృందాల బాధ్యత అని అభిప్రాయపడ్డారు. ‘ది ప్యారడైజ్‌’ సినిమా థియేటర్లలో ఒక్కరోజు కూడా ఆడలేదని తాను విన్నానంటూ విమర్శించారు. తనను సినిమాలోకి తీసుకోకపోవడానికి కారణం ఏదైనా కనీసం సమాచారం ఇచ్చి ఉంటే బాగుండేదని అన్నారు. ప్రస్తుతం బాబూమోహన్‌ చేసిన ఈ వ్యాఖ్యలు సోషల్‌ మీడియాలో చర్చకు దారితీస్తున్నాయి. అయితే ఈ వ్యవహారంపై ‘ది ప్యారడైజ్‌’ చిత్ర బృందం ఎలా స్పందిస్తుందో చూడాలి.

Bigg Boss 10: బిగ్ బాస్ హౌస్ లో శివకుమార్, ప్రియాంక ఎంగేజ్మెంట్.. తన తల్లి గురించి ముకేశ్ ఎమోషనల్ కామెంట్స్

Tirumala Dornala — Wed, 11 Nov 2026 23:04:49 +0530

Bigg Boss Telugu 10: బిగ్ బాస్ తెలుగు సీజన్ 10లో భాగంగా 66వ రోజు హౌస్ లో ఆసక్తికర పరిణామాలు, కొందరు హౌస్ మేట్స్ మరచిపోలేని మధురమైన సంఘటనలు చోటు చేసుకున్నాయి.

బిగ్ బాస్ హౌస్ లో 66వ రోజు కొందరు హౌస్ మేట్స్ కి మరచిపోలేని క్షణాలని మిగిల్చింది. ముకేశ్, శివ కుమార్ హౌస్ లో ఎంతో మెమొరబుల్ ఎక్స్పీరియన్స్ పొందారు. బుధవారం రోజు ఎపిసోడ్ లో హౌస్ లోకి ముకేశ్ తల్లి ఎంట్రీ ఇచ్చారు. తల్లిని చూడగానే ముకేశ్ ఎమోషనల్ అయ్యాడు. ఆమె రాగానే కొడుకుని హగ్ చేసుకుని పుట్టినరోజు శుభాకాంక్షలు తెలిపింది.

ముకేశ్ తల్లి హౌస్ లో అందరినీ ఆప్యాయంగా పలకరించారు. ముకేశ్, ముకేశ్ తల్లి, వర్షిణి మధ్య కొన్ని ఆసక్తికర సంభాషణలు జరిగాయి. బిగ్ బాస్ లో నన్ను చూస్తున్నప్పుడు నాలో ఏమైనా మైనస్ లు కనిపిస్తున్నాయా అని ముకేశ్ తల్లిని అడిగాడు. దీనికి ఆమె నీ కోపం అని సమాధానం ఇచ్చింది. నా కోపాన్ని వర్షిణి చాలా వరకు తగ్గించేసింది అని ముకేశ్ బదులిచ్చాడు. ఇంకా తగ్గించుకోవాలి అని తల్లి సూచించింది. హౌస్ మేట్స్ కి ముకేశ్ తన తల్లి గురించి చెబుతూ.. నాన్నకు స్ట్రోక్ వచ్చినప్పుడు అమ్మ ఒక్కరే 2 ఏళ్ళ పాటు మంచాన ఉన్న నాన్నని చూసుకున్నారు. ఒక్క సారి కూడా ఆమె విసుక్కోవడం నేను చూడలేదు. అమ్మని చూసే జీవితంలో ఏదో ఒకటి సాధించాలి అని డిసైడ్ అయినట్లు ముకేశ్ తెలిపారు.

ఆ తర్వాత హౌస్ లోకి అమన్ తండ్రి వచ్చారు. ఆయన కూడా ఇంటి సభ్యులని ఆప్యాయంగా పలకరించి, కొడుకుతో కాసేపు సమయం గడిపి వెళ్లారు. ఆ తర్వాత బిగ్ బాస్ హౌస్ లోకి మాజీ కంటెస్టెంట్ ప్రియాంక జైన్ ఎంట్రీ ఇచ్చింది. ప్రియాంక సీజన్ 7లో పాల్గొన్న సంగతి తెలిసిందే. ప్రస్తుతం సీజన్ 10లో హౌస్ లో ఉన్న శివకుమార్, ప్రియాంక కాబోయే దంపతులు.

శివకుమార్ కి సర్ప్రైజ్ ఇచ్చే క్రమంలో ప్రియాంక సీక్రెట్ గా హౌస్ లోకి వచ్చింది. కానీ శివకుమార్ తో పాటు హౌస్ మేట్స్ అందరూ ఆమెని గుర్తు పట్టేశారు. కాబోయే దంపతులు ఇద్దరూ ఒకరినొకరు కౌగిలించుకుని ముద్దుల్లో మునిగిపోయారు. ఆ తర్వాత హౌస్ మేట్స్ సమక్షంలో ఇద్దరి ఎంగేజ్ మెంట్ చాలా రొమాంటిక్ గా జరిగింది. ఎంగేజ్మెంట్ డ్రెస్ లో శివకుమార్, ప్రియాంక జంట చూడ ముచ్చటగా కనిపించారు.

Anirudh Wedding Photos: అనిరుధ్, కావ్య మారన్ పెళ్లి ఫోటోలు చూశారా.. రెండు కళ్ళు సరిపోవు, అతిథులు ఎవరెవరంటే

Tirumala Dornala — Wed, 11 Nov 2026 21:06:21 +0530

ప్రముఖ మ్యూజిక్ డైరెక్టర్ అనిరుధ్ రవిచందర్, సన్ గ్రూప్ చైర్మన్ కళానిధి మారన్ కూతురు, సన్‌రైజర్స్ హైదరాబాద్ ఓనర్ కావ్యా మారన్‌ల వివాహం యూరప్ దేశం గ్రీస్‌లో అంగరంగ వైభవంగా జరిగింది.

తమిళ సినిమా రాక్‌స్టార్ మ్యూజిక్ డైరెక్టర్ అనిరుధ్ రవిచందర్, సన్ గ్రూప్ అధినేత కళానిధి మారన్ కూతురు, సన్‌రైజర్స్ హైదరాబాద్ సిఈఓ కావ్యా మారన్ పెళ్లి గ్రీస్‌లో వైభవంగా జరిగింది. నవంబర్ 10, 11 తేదీలలో అత్యంత సన్నిహితులు, బంధువుల సమక్షంలో ఈ 'డ్రీమ్ వెడ్డింగ్' జరిగింది.

Anirudh Wedding https://t.co/stcc9t5NEZ

— Christopher Kanagaraj (@Chrissuccess) November 11, 2026

అత్యంత ప్రైవేట్‌గా జరిగిన ఈ వివాహ వేడుకకు సూపర్ స్టార్ రజనీకాంత్ తన భార్య లతా రజనీకాంత్‌తో కలిసి, తమిళనాడు సీఎం ఎం.కె. స్టాలిన్ తన భార్య దుర్గా స్టాలిన్‌తో కలిసి గ్రీస్‌కు వెళ్లి హాజరయ్యారు.

అందమైన పూల అలంకరణల మధ్య, గ్రీస్ అందాల బ్యాక్‌డ్రాప్‌లో అనిరుధ్, కావ్యా మారన్ రాయల్ లుక్‌లో ఉన్న పెళ్లి ఫోటోలు ఇప్పుడు ఇంటర్నెట్‌లో వైరల్ అవుతున్నాయి. ముందు వరుసలో ఎం.కె. స్టాలిన్, దుర్గా స్టాలిన్, రజనీకాంత్, లతా రజనీకాంత్, దయానిధి మారన్ కుటుంబ సభ్యులు కూర్చున్న ఫోటోలు అభిమానులు దృష్టిని ఆకర్షిస్తున్నాయి.

గతంలో వీరు గ్రీస్‌లో ఉంగరాలు మార్చుకుంటున్నట్లు ఉన్న ఒక ఏఐ (AI) వీడియో సోషల్ మీడియాలో నిజమైన ఎంగేజ్‌మెంట్ వీడియోగా వైరల్ అయ్యి, నెటిజన్లు శుభాకాంక్షలు చెప్పడం గమనార్హం.

అనిరుధ్ రవిచందర్ (వయసు 36): నటుడు రవిచంద్రన్ కుమారుడిగా 1990 అక్టోబర్ 16న జన్మించాడు. ఐశ్వర్య రజనీకాంత్ దర్శకత్వంలో ధనుష్ నటించిన '3' సినిమాలోని 'వై దిస్ కొలవెరి డి' పాటతో ఎంట్రీ ఇచ్చాడు. ఆ తర్వాత విజయ్, రజనీకాంత్, అజిత్, కమల్ హాసన్, షారుఖ్ ఖాన్ లాంటి స్టార్ హీరోల సినిమాలకు మ్యూజిక్ అందించి ఇండియన్ రాక్‌స్టార్‌గా ఎదిగాడు.

కావ్యా మారన్ (వయసు 34): సన్ గ్రూప్ చైర్మన్ కళానిధి మారన్ - కావేరి మారన్ దంపతుల కూతురిగా 1992 ఆగస్టు 6న జన్మించింది. సన్ టీవీ నెట్‌వర్క్ బాధ్యతలు చూసుకుంటూనే, ఐపీఎల్‌లో సన్‌రైజర్స్ హైదరాబాద్ టీమ్‌కి సీఈఓగా వ్యవహరిస్తూ స్టేడియంలో అభిమానుల అటెన్షన్ క్యాచ్ చేసింది. వీరిద్దరి మధ్య 2 ఏళ్ల వయసు తేడా ఉంది.

My once in a lifetime, for a lifetime ❤️ 11.11 https://t.co/pSdCxqRN2I

— Anirudh Ravichander (@anirudhofficial) November 11, 2026

సన్ గ్రూప్ చైర్మన్ కళానిధి మారన్ ఆస్తి విలువ రూ.23,000 కోట్లుగా అంచనా వేస్తుండగా, కావ్యా మారన్ వ్యక్తిగత ఆస్తి సుమారు రూ.500 కోట్లు ఉంటుందని సమాచారం. 'లియో' సినిమా తర్వాత భారీ రెమ్యునరేషన్ తీసుకుంటున్న మ్యూజిక్ డైరెక్టర్ అనిరుధ్ ఆస్తి విలువ దాదాపు రూ.50 నుంచి 70 కోట్ల వరకు ఉంటుందని తెలుస్తోంది.

సన్ పిక్చర్స్ నిర్మించిన రజనీకాంత్ 'జైలర్ 2' సినిమా రూ.800 కోట్లకు పైగా కలెక్షన్స్ రాబట్టడంతో, ఆ ఉత్సాహంతోనే కళానిధి మారన్ గ్రీస్‌లో ఈ గ్రాండ్ వెడ్డింగ్ ప్లాన్ చేశారని, సూపర్ స్టార్‌ను స్వయంగా తీసుకెళ్లి గౌరవించారని సినీ వర్గాల్లో చర్చ జరుగుతోంది.

గ్రీస్‌లో పెళ్లి చేసుకున్న ఈ జంటకు నవంబర్ 21న చెన్నైలో అతిపెద్ద రిసెప్షన్ జరగనుంది. తమిళనాడు ముఖ్యమంత్రి విజయ్, అగ్ర హీరోలు, దర్శకులు, నిర్మాతలు, రాజకీయ నాయకులు, క్రీడాకారులు, పారిశ్రామికవేత్తలు ఈ వేడుకకు హాజరవుతారని సమాచారం. ఈరోజు శుభముహూర్తంలో పెళ్లి పూర్తి కావడంతో సినిమా తారలు, అభిమానులు ఈ కొత్త దంపతులకు సోషల్ మీడియాలో శుభాకాంక్షలు చెబుతున్నారు.

Chiru - Prabhas: ఇది కదా కాంబో అంటే.. చిరంజీవి షోలో ప్రభాస్ ? మెగా రెబల్ రచ్చ ఎప్పటి నుంచి అంటే..

Tirumala Dornala — Wed, 11 Nov 2026 20:41:20 +0530

నెట్‌ఫ్లిక్స్ కోసం చిరంజీవి నిర్వహిస్తున్న సెలబ్రిటీ టాక్ షో ‘మెగావర్స్‌’లో ప్రభాస్ అతిథిగా పాల్గొననున్నట్లు ప్రచారం జరుగుతోంది. నవంబర్ 20న ఈ ఎపిసోడ్ షూటింగ్ జరగనున్నట్లు సమాచారం.

మెగాస్టార్ చిరంజీవి తొలిసారి ఓటీటీ రంగంలోకి అడుగుపెడుతున్నారు. నెట్‌ఫ్లిక్స్ కోసం ఆయన ఓ సెలబ్రిటీ టాక్ షో నిర్వహిస్తున్నారు. ‘మెగావర్స్’ పేరుతో రూపొందుతున్న ఈ కార్యక్రమం షూటింగ్ ప్రస్తుతం కొనసాగుతోంది. సినిమాల్లో తనదైన ముద్ర వేసిన చిరంజీవి, ఈ షో ద్వారా ప్రముఖులతో ముచ్చటించనున్నారు. ఈ కార్యక్రమానికి సంబంధించిన తాజా వార్త ఇప్పుడు సినీ వర్గాల్లో ఆసక్తికరంగా మారింది. ముఖ్యంగా ఈ షోలో పాల్గొనే అతిథుల గురించి వస్తున్న సమాచారం చర్చనీయాంశంగా మారుతోంది.

తాజా ప్రచారం ప్రకారం పాన్ ఇండియా స్టార్ ప్రభాస్ ఈ టాక్ షోలో ప్రత్యేక అతిథిగా పాల్గొనే అవకాశం ఉంది. ఈ వార్త నిజమైతే మెగాస్టార్ చిరంజీవి, డార్లింగ్ ప్రభాస్ ఒకే స్టేజీపై కనిపించనున్నారు. వీరిద్దరూ కలిసి పాల్గొనే ఎపిసోడ్‌ను నవంబర్ 20, 2026న చిత్రీకరించనున్నట్లు సమాచారం. అయితే ప్రభాస్ ఈ కార్యక్రమంలో పాల్గొంటున్న విషయంపై ఇప్పటివరకు అధికారిక ప్రకటన వెలువడలేదు. ప్రస్తుతం ఈ వార్త ప్రచార దశలోనే ఉంది.

ఈ కార్యక్రమంలో పాల్గొనేందుకు పలువురు ప్రముఖ నటులు ఇప్పటికే షూటింగ్ పూర్తి చేసుకున్నట్లు తెలుస్తోంది. అక్కినేని నాగార్జునతో పాటు ఆయన కుటుంబ సభ్యులు కూడా తమ ఎపిసోడ్ చిత్రీకరణను ముగించినట్లు సమాచారం. ఈ షోలో మరికొందరు సినీ ప్రముఖులు కూడా పాల్గొననున్నట్లు ప్రచారం జరుగుతోంది. అయితే వారి వివరాలను చిత్ర బృందం వెల్లడించలేదు.

‘మెగావర్స్’ కార్యక్రమాన్ని నెట్‌ఫ్లిక్స్ నిర్మిస్తోంది. షూటింగ్ కొనసాగుతున్న నేపథ్యంలో ఈ షో ప్రీమియర్ తేదీని త్వరలో ప్రకటించే అవకాశం ఉందని సమాచారం. చిరంజీవి నిర్వహిస్తున్న ఈ సెలబ్రిటీ టాక్ షోలో ప్రభాస్ కనిపిస్తారనే ప్రచారం అభిమానుల్లో ఆసక్తిని పెంచుతోంది. అయితే ప్రభాస్ ఎపిసోడ్‌తో పాటు షోకు సంబంధించిన పూర్తి వివరాలపై నెట్‌ఫ్లిక్స్ అధికారిక ప్రకటన రావాల్సి ఉంది.

Jr Ntr: సినిమా ఫ్లాప్‌ అయితే ఎన్టీఆర్‌ పరిస్థితి ఇదే.. ఆ భయం ఇప్పటికీ వెంటాడుతుందా?

Aithagoni Raju — Wed, 11 Nov 2026 19:24:34 +0530

ఎన్టీఆర్‌ సక్సెస్‌ ఫెయిల్యూర్‌ గురించి రియాక్ట్ అయ్యారు. సక్సెస్‌ అయినా, ఫెయిల్యూర్‌ అయినా తనకు ఒక్క రోజు మాత్రమే అని తెలిపారు. అంతకు మించి అది తనని ప్రభావితం చేయదని వెల్లడించారు.

ఎన్టీఆర్‌ తన కెరీర్‌లో ఎన్నో ఎత్తుపల్లాలను చూశారు. సక్సెస్‌ రేట్‌ చాలా తక్కువే. కానీ ఒక్క హిట్‌తో మరో స్థాయికి వెళ్లిపోతున్నారు. `ఆర్‌ఆర్‌ఆర్‌`తో ఆయన పాన్‌ ఇండియా హీరోగా ఎదిగిన విషయం తెలిసిందే. ఇప్పుడు వరుసగా పాన్‌ ఇండియా చిత్రాలు చేస్తూ రాణిస్తున్నారు. అందులో భాగంగా `డ్రాగన్‌` చిత్రంలో నటించారు. ఇది వచ్చే ఏడాది రాబోతుంది. చాలా రోజుల తర్వాత ఆయన బయటకు వచ్చారు. యంగ్‌ హీరో అనీష్‌ నటించిన `ఇట్లు అర్జున్‌` సినిమా ప్రమోషన్స్ లో పాల్గొన్నారు. అందులో భాగంగా తన ఫెయిల్యూర్‌ గురించి ఓపెన్‌ అయ్యారు.

తన ఫెయిల్యూర్‌ గురించి చెబుతూ, పరాజయాలు వచ్చినప్పుడు బాధపడతాను, కాకపోతే ఆ ప్రభావం ఒక్క రోజే ఉంటుంది, అంతకు మించి బాధపడతాను. ఆ తర్వాత రోజు నుంచి నార్మల్‌ అయిపోతాను, పనిలోకి వెళ్లిపోతాను, ఎక్కువగా ఆలోచించను అని తెలిపారు ఎన్టీఆర్‌. సక్సెస్‌ ఫెయిల్యూర్స్ తనని పెద్దగా ఎఫెక్ట్ చేయవని తెలిపారు. సక్సెస్‌ ల విషయంలోనూ తాను అంతే అనే విషయాన్ని ఆయన చెప్పకనే చెప్పారు. ఈ సందర్బంగా మరో ఆసక్తికర విషయాన్ని పంచుకున్నారు. మొదటి సినిమా అనుభవాన్ని తాను మర్చిపోలేను అన్నారు. ఆ మూవీ వస్తుందంటే, టెన్షన్‌గా ఉంటుందని, ఇప్పటికీ నర్వస్‌గా ఫీలవుతానని వెల్లడించారు. ఇప్పటికీ తెలియని టెన్షన్‌ ఉంటుందని చెప్పారు.

ఎన్టీఆర్‌ `నిన్ను చూడాలని` చిత్రంతో హీరోగా వెండితెరకు పరిచయం అయ్యారు. `స్టూడెంట్ నెం 1` సినిమాతో హిట్‌ అందుకున్నారు. అందరి దృష్టిని ఆకర్షించారు. ఇక `సింహాద్రి`తో బిగ్‌ బ్రేక్‌ని అందుకున్నారు. ఆ తర్వాత `యమదొంగ`, `అదుర్స్`, `బృందావనం`, `టెంపర్‌`, `నాన్నకు ప్రేమతో`, `జనతా గ్యారేజ్‌`, `జై లవకుశ`, `అరవింద సమేత`, ఆర్‌ఆర్‌ఆర్‌`, `దేవర` చిత్రాలతో విజయాలు అందుకున్న విషయం తెలిసిందే. ప్రస్తుతం ప్రశాంత్‌ నీల్‌ దర్శకత్వంలో `డ్రాగన్‌` చిత్రంలో నటిస్తున్నారు. రుక్మిణి వసంత్‌ హీరోయిన్‌గా నటిస్తోన్న ఈ మూవీ వచ్చే ఏడాది సమ్మర్‌లో రిలీజ్‌ కాబోతుంది. ఆ తర్వాత ఎన్టీఆర్‌.. త్రివిక్రమ్‌తో `ది గాడ్‌ ఆఫ్‌ వార్‌`, అలాగే నెల్సన్‌ దిలీప్‌ కుమార్‌ తో సినిమా చేయనున్నట్టు సమాచారం.

Polimera 3: సంచలనంగా మారుతున్న పొలిమేర 3 గ్లింప్స్.. కత్తి పట్టి అదరగొడుతున్న అర్జున్ సర్జా

Tirumala Dornala — Wed, 11 Nov 2026 18:54:20 +0530

యాక్షన్ కింగ్ అర్జున్ సర్జా ప్రధాన పాత్రలో నటిస్తున్న మిస్టరీ థ్రిల్లర్ సినిమా 'పొలిమేర 3'. ఈ మూవీ ఫస్ట్ లుక్ గ్లింప్స్‌ దీపావళి పండుగ సందర్భంగా విడుదలైంది. ఈ గ్లింప్స్‌లో అర్జున్ సర్జా 'విరావి' అనే పవర్ ఫుల్ పాత్రలో కనిపిస్తున్నారు. డాక్టర్ అనిల్ విశ్వనాథ్ దర్శకత్వం వహిస్తున్న ఈ సినిమా తెలుగు, తమిళ, కన్నడ, మలయాళ భాషల్లో గ్రాండ్‌గా రిలీజ్ కానుంది. వంశీ నందిపాటి ఎంటర్‌టైన్‌మెంట్స్ బ్యానర్‌పై వంశీ నందిపాటి, శ్రీ వెంకటేశ్వర సినిమాస్ ఎల్‌ఎల్‌పి (ఏషియన్ గ్రూప్) భరత్ నారంగ్ సంయుక్తంగా ఈ చిత్రాన్ని నిర్మిస్తున్నారు.

గుడిలో రహస్య వాతావరణంతో మొదలయ్యే ఈ గ్లింప్స్ వీడియో.. ఆధ్యాత్మికత, అతీంద్రియ శక్తులు, మిస్టరీ దృశ్యాలతో సాగుతుంది. అమావాస్య చీకటిలో విష్ణువు నుంచి శివుడికి, తర్వాత అనంతపద్మనాభ స్వామి దివ్య రూపానికి మారే విజువల్స్ ఆకట్టుకుంటున్నాయి. కథలో చేతబడులు, క్షుద్ర పూజల కోణాన్ని చూపిస్తూ.. కొమురయ్య పాత్రలో సత్యం రాజేష్ కనిపిస్తాడు. ఈ మిస్టరీ, సస్పెన్స్ దృశ్యాల చివరలో అర్జున్ సర్జా 'విరావి' పాత్ర ఎంట్రీ ఇస్తుంది.

కత్తి పట్టుకుని మాస్ లుక్‌లో అర్జున్ సర్జా

చేతిలో కత్తి పట్టుకుని ఓ వీరుడిలా నిలబడిన అర్జున్ సర్జా మాస్ లుక్ ఈ గ్లింప్స్‌కే హైలైట్. ఆయన స్క్రీన్ ప్రెజెన్స్, కళ్లలో ఇంటెన్సిటీ ఆ పాత్రకు మరింత బలాన్నిచ్చాయి. 'బాస్ట్' సినిమా తర్వాత అర్జున్ సర్జా చేస్తున్న ఈ పాత్ర 'పొలిమేర' ఫ్రాంచైజీకి కొత్త డైమెన్షన్ ఇస్తుందని భావిస్తున్నారు. అదిరిపోయే బ్యాక్‌గ్రౌండ్ మ్యూజిక్, సినిమాటోగ్రఫీ, హై క్వాలిటీ ప్రొడక్షన్ వాల్యూస్ ఈ గ్లింప్స్‌ స్థాయిని పెంచాయి.

4 భాషల్లో గ్రాండ్ రిలీజ్

'మా ఊరి పొలిమేర' మొదటి భాగం ఓటీటీలో భారీ రెస్పాన్స్ తెచ్చుకుంది. ఇతర భాషల ప్రేక్షకులను కూడా విపరీతంగా ఆకట్టుకుంది. ఆ తర్వాత వచ్చిన రెండో భాగం 'పొలిమేర 2' థియేటర్లలో బ్లాక్ బస్టర్ హిట్ అవ్వడంతో ఈ ఫ్రాంచైజీకి క్రేజ్ అమాంతం పెరిగింది. ఇప్పుడు దానికి కొనసాగింపుగా 'పొలిమేర 3' వస్తోంది. ఇందులో అర్జున్ సర్జా ఎంట్రీ ఇవ్వడం, పైగా 4 భాషల్లో భారీ స్థాయిలో రిలీజ్ చేస్తుండటంతో ఈ సినిమాపై అంచనాలు రెట్టింపయ్యాయి.

డాక్టర్ అనిల్ విశ్వనాథ్ కథ, స్క్రీన్ ప్లే, మాటలు రాసి డైరెక్ట్ చేస్తున్న ఈ సినిమాలో సత్యం రాజేష్ మళ్లీ కొమురయ్య పాత్రలోనే కనిపించనున్నాడు. కామాక్షి భాస్కర్ల, గెటప్ శ్రీను, బాలాదిత్య, రాకేందు మౌళి కీలక పాత్రలు పోషిస్తున్నారు. పాత పార్టుల్లోని కథను మరింత డీప్‌గా తీసుకువెళ్తున్న ఈ సినిమాలో అర్జున్ సర్జా 'విరావి' పాత్ర ఎంతో కీలకం కానుందని కొత్త గ్లింప్స్ చూస్తుంటే అర్థమవుతోంది. ఈ చిత్రం తెలుగు, తమిళ, కన్నడ, మలయాళ భాషల్లో థియేటర్లలోకి రానుంది.

Prabhas 24 Years: 24 ఏళ్ళ కెరీర్, ప్రభాస్ ఇండియాస్ బిగ్గెస్ట్ సూపర్ స్టార్ గా ఎలా ఎదిగాడో తెలుసా.. 5 కారణాలు

Tirumala Dornala — Wed, 11 Nov 2026 18:03:07 +0530

ప్రభాస్ సినీ ప్రయాణం మొదలై నేటితో 24 ఏళ్లు పూర్తయ్యాయి. 'ఈశ్వర్' తో అరంగేట్రం చేసిన ప్రభాస్, ఆ తర్వాత 'బాహుబలి', 'కల్కి 2898 AD' వంటి సినిమాలతో భారీ ఇమేజ్ సొంతం చేసుకున్నారు.

ప్రభాస్ 'ఈశ్వర్' సినిమాతో కెరీర్ మొదలుపెట్టి 24 అద్భుతమైన ఏళ్లు పూర్తయ్యాయి. ఈ ప్రయాణం చాలా గొప్పది! తెలుగు సినిమాలో ఒక ప్రామిసింగ్ హీరోగా మొదలై, ఇండియాస్ బిగ్గెస్ట్ సూపర్‌స్టార్‌గా ఎదిగారు. భాషలు, ఇండస్ట్రీలు, భౌగోళిక సరిహద్దులు దాటి ప్రభాస్ ఒక లెగసీని క్రియేట్ చేశారు. బాక్సాఫీస్ రికార్డులు బద్దలు కొట్టే సినిమాలు, భారీ ఫ్యాన్ ఫాలోయింగ్, రాబోయే క్రేజీ లైనప్‌తో, ప్రభాస్ ఇండియన్ సినిమాలో అత్యంత పాపులర్ పేర్లలో ఒకటిగా కొనసాగుతున్నారు. ఆయన ఇండస్ట్రీలోకి వచ్చి 24 ఏళ్లు పూర్తవుతున్న సందర్భంగా, ప్రతి ఏడాదితో పాటు ఆయన స్టార్‌డమ్ అంతకంతకూ ఎందుకు పెరుగుతుందో చెప్పడానికి ఐదు కారణాలు ఇక్కడ ఉన్నాయి.

1. బాహుబలి: గేమ్ ఛేంజర్

ఇండియన్ సినిమా రేంజ్‌ను, ప్రభాస్ కెరీర్‌ను శాశ్వతంగా మార్చేసిన సినిమా 'బాహుబలి'. ఆ సినిమా బాక్సాఫీస్ రికార్డులను బద్దలు కొట్టడమే కాకుండా, ఇండియన్ సినిమాలు దేశవ్యాప్తంగా, అంతర్జాతీయంగా ప్రేక్షకులకు చేరువ కావడానికి దారులు తెరిచింది. ప్రపంచవ్యాప్తంగా ₹1,000 కోట్ల మార్క్‌ను దాటిన తొలి ఇండియన్ సినిమాగా 'బాహుబలి 2' నిలవడంతో, ప్రభాస్ ప్రాంతీయ స్టార్‌డమ్‌ను దాటి భారీ శక్తిగా ఎదిగారు. భాషలకు అతీతంగా ప్రేక్షకులను ఒకచోట చేర్చి, పాన్-ఇండియా సక్సెస్‌కు కొత్త బెంచ్‌మార్క్ క్రియేట్ చేసి ఇండియన్ సినిమాలో బిగ్గెస్ట్ ఫేస్‌గా మారారు.

తన ప్రతి సినిమాను ఒక ఈవెంట్‌గా మార్చగల సత్తా ప్రభాస్ సొంతం. 'సాహో', 'సలార్: పార్ట్ 1 – సీజ్‌ఫైర్' నుంచి 'కల్కి 2898 AD' వరకు, ఆయన ఎప్పుడూ విభిన్నమైన సినిమాటిక్ ప్రపంచాలను అన్వేషిస్తూ, ప్రేక్షకులు తన సినిమాల నుంచి ఆశించే భారీతనాన్ని అందిస్తున్నారు. 'కల్కి 2898 AD' ఆయన బాక్సాఫీస్ స్టామినాను మరోసారి చూపించింది. బాహుబలి 2, సాహో, ఆదిపురుష్, సలార్, కల్కి 2898 AD వంటి ఐదు సినిమాలు తొలిరోజే ₹100 కోట్ల ఓపెనింగ్స్ సాధించి రికార్డ్ సృష్టించారు. వివిధ మార్కెట్లలో ఆయనకు ఉన్న రీచ్, రిలీజ్ సమయంలో అభిమానుల సంబరాలు ఆయన్ను ఇండియన్ సినిమాలో మోస్ట్ యాంటిసిపేటెడ్ స్టార్‌గా మార్చాయి.

ప్రభాస్ పాపులారిటీ కేవలం ఒక్క సినిమా ఇండస్ట్రీ లేదా భాషా మార్కెట్లకు మాత్రమే పరిమితం కాలేదు. ఆయన సినిమాలు దేశంలోని నలుమూలల నుంచి ప్రేక్షకులను ఒకచోట చేరుస్తాయి. అదే సమయంలో ఆయన ఫ్యాన్ ఫాలోయింగ్ అంతర్జాతీయంగా కూడా విస్తరించింది. సినిమా రిలీజ్ సమయంలో భారీ సెలబ్రేషన్స్ నుంచి, కొత్త అనౌన్స్‌మెంట్ల కోసం అభిమానులు ఎంతో ఆసక్తిగా ఎదురుచూడటం వరకు, ప్రభాస్ చుట్టూ ఉండే క్రేజ్ వేరే లెవెల్. తరాలు, ప్రాంతాలు దాటి ప్రేక్షకులతో కనెక్ట్ కాగలగడమే ఆయన్ను ఇండియాస్ బిగ్గెస్ట్ సూపర్‌స్టార్‌గా చేసింది.

బాక్సాఫీస్ నంబర్స్, లార్జర్ దేన్ లైఫ్ క్యారెక్టర్లు మాత్రమే కాకుండా, ప్రభాస్ వినయం, ఆయన చేసే విభిన్నమైన పాత్రలు ఆయనకు ఇంత ఫాలోయింగ్ తెచ్చిపెట్టాయి. మైథలాజికల్ వరల్డ్ అయినా, ఫ్యూచరిస్టిక్ యూనివర్స్ అయినా, యాక్షన్ ప్యాక్డ్ డ్రామా లేదా ఎమోషనల్ స్టోరీ అయినా, ఆయన ప్రతి క్యారెక్టర్‌లో కొత్తదనం చూపిస్తారు. అసాధారణమైన స్టార్‌డమ్ సాధించినప్పటికీ, ఆయన చాలా సింపుల్‌గా, మృదువుగా, డౌన్-టు-ఎర్త్‌గా ఉంటారు. అభిమానులు ఆయన్ను కేవలం సినిమాల కోసమే కాకుండా, ఆయన వ్యక్తిత్వాన్ని బట్టి కూడా అభిమానిస్తారు. ఈ కనెక్షన్ ఆయన పాపులారిటీకి ఒక ముఖ్యమైన కారణం.

ప్రభాస్ సినిమాలో 24 ఏళ్లు పూర్తి చేసుకుంటున్న సందర్భంగా, ఆయన తదుపరి ప్రాజెక్టుల చుట్టూ ఉన్న అంచనాలు పీక్స్‌లో ఉన్నాయి. 'సలార్: పార్ట్ 2 – శౌర్యాంగ పర్వం', 'కల్కి 2898 AD పార్ట్ 2', 'స్పిరిట్', 'ఫౌజీ' వంటి క్రేజీ లైనప్‌తో ఆయన నాలుగు విభిన్నమైన సినిమాటిక్ ప్రపంచాల్లోకి ఎంటర్ కాబోతున్నారు. ప్రశాంత్ నీల్ క్రియేట్ చేసిన ఇంటెన్స్ వరల్డ్‌లోకి 'సలార్ 2' ప్రేక్షకులను తీసుకువెళ్లగా, నాగ్ అశ్విన్ డైరెక్షన్‌లో 'కల్కి 2898 AD పార్ట్ 2' ఫ్యూచరిస్టిక్ సాగాను కొనసాగించనుంది. సందీప్ రెడ్డి వంగా దర్శకత్వంలో రాబోతున్న 'స్పిరిట్' పై ఇప్పటికే భారీ అంచనాలు ఉండగా, హను రాఘవపూడి 'ఫౌజీ'లో ప్రభాస్ పీరియడ్ యాక్షన్ అవతార్‌లో కనిపించనున్నారు. ఇలా నాలుగు క్రేజీ ప్రాజెక్టులు, నాలుగు డిఫరెంట్ ఎక్స్‌పీరియన్స్‌లతో ఆయన కెరీర్‌లో ఇది అత్యంత ఎగ్జైటింగ్ ఫేజ్ అని చెప్పొచ్చు.

కెరీర్‌లో 24 ఏళ్లు పూర్తి చేసుకున్న ప్రభాస్, కేవలం ఒక మైలురాయిని సెలబ్రేట్ చేసుకోవడమే కాదు, తన స్టార్‌డమ్‌లో మరో కొత్త అధ్యాయంలోకి అడుగుపెడుతున్నారు. 'బాహుబలి'తో చరిత్ర సృష్టించడం నుంచి కొత్త సినిమాటిక్ సవాళ్లను స్వీకరించడం వరకు, ఇండియాస్ బిగ్గెస్ట్ సూపర్‌స్టార్ హద్దులు చెరిపేస్తూ అంచనాలను పెంచుతున్నారు. గడిచిన 24 ఏళ్లు అద్భుతంగా ఉంటే, రాబోయే రోజుల్లో ఆయన నుంచి ఇంకెన్ని అద్భుతాలు చూస్తామో అని అభిమానులు ఆశిస్తున్నారు.

Samantha: ఫస్ట్ బిజినెస్‌ ఫెయిల్యూర్ ఎప్పుడు జరిగింది? సమంత అసలైన గురువు ఎవరో తెలుసా?

Mahesh Jujjuri — Wed, 11 Nov 2026 17:05:47 +0530

సినిమాల్లో స్టార్ హీరోయిన్‌గా దూసుకుపోతున్న సమంత, ఇప్పుడు వ్యాపార రంగంలోనూ తనదైన ముద్ర వేస్తున్నారు. వెండితెరపై విభిన్న పాత్రలతో ప్రేక్షకులను అలరిస్తున్న ఈ బ్యూటీ, తెరవెనుక బిజినెస్‌ ఉమెన్‌గా కొత్త సవాళ్లను ఎదుర్కొంటున్నారు. తన బిజినెస్ జర్నీ గురించి మాట్లాడిన సమంత, జీవితంలో సక్సెస్ కంటే ఫెయిల్యూర్సే పెద్ద పాఠాలు నేర్పించాయన్న ఆసక్తికరమైన విషయాన్ని పంచుకున్నారు. అంతేకాదు, మహిళా పారిశ్రామికవేత్తలకు మద్దతుగా తాను పెడుతున్న పెట్టుబడుల గురించి కూడా మాట్లాడారు.

ఓటమి నేర్పిన పాఠమే పెద్ద ఆస్తి

నటిగా ఎంతో సక్సెస్ చూసిన సమంత, వ్యాపార రంగంలో అడుగుపెట్టినప్పుడు అంతా అనుకున్నట్లు జరగలేదట. ఇటీవల 'మా ఇంటి బంగారం' సినిమా సక్సెస్ తర్వాత జరిగిన ఓ కార్యక్రమంలో పాల్గొన్న ఆమె, తన బిజినెస్ అనుభవాలను పంచుకున్నారు. తన మొదటి బిజినెస్ పార్టనర్‌షిప్ ఆశించిన ఫలితాన్ని ఇవ్వలేదని చెప్పిన సమంత, మొదట్లోనే కొన్ని సవాళ్లను ఎదుర్కోవాల్సి వచ్చిందని తెలిపారు.

అయితే ఆ అనుభవాన్ని ఓటమిగా భావించకుండా, దాని నుంచి ఎన్నో పాఠాలు నేర్చుకున్నట్లు చెప్పారు. సక్సెస్ సంతోషాన్ని ఇవ్వొచ్చు.. కానీ ఫెయిల్యూర్స్ మన తప్పులను అర్థం చేసుకోవడానికి, తదుపరి అడుగులు జాగ్రత్తగా వేయడానికి సాయపడతాయన్నది సమంత అభిప్రాయం. మొదటి బిజినెస్‌లో ఎదురైన అనుభవమే ఆ తర్వాత పెట్టుబడి నిర్ణయాలను మరింత బాధ్యతాయుతంగా తీసుకునేలా చేసిందని ఆమె వివరించారు.

10 కంపెనీల్లో పెట్టుబడులు

సమంత బిజినెస్ జర్నీలో మరో విశేషం ఏంటంటే మహిళా పారిశ్రామికవేత్తలకు ఆమె ఇస్తున్న ప్రోత్సాహం. ప్రస్తుతం సుమారు 10 విభిన్న స్టార్టప్ కంపెనీల్లో పెట్టుబడులు పెట్టినట్లు సమంత వెల్లడించారు. వీటిలో సుమారు 8 కంపెనీలను మహిళలే నడిపిస్తుండటం తనకు గర్వకారణమని ఆమె చెప్పారు. సొంత కష్టం, సామర్థ్యంతో వ్యాపారాలను నిర్మిస్తున్న మహిళలతో కలిసి పనిచేయడం తనకు కొత్త అనుభూతిని, సంతృప్తిని ఇచ్చిందన్నారు.

వ్యాపార రంగంలో మహిళలు పెట్టుబడి పెట్టడానికి లేదా కొత్త వ్యాపారం ప్రారంభించడానికి వెనకాడకూడదని ఆమె సూచించారు. రిస్క్ తీసుకోకుండా ఏ రంగంలోనూ పెద్ద స్థాయి సాధన సాధ్యం కాదన్న సందేశాన్ని కూడా ఇచ్చారు. మహిళలు తమ సామర్థ్యంపై నమ్మకం ఉంచి వ్యాపార రంగంలోకి రావాలన్నది సమంత ఆకాంక్ష.

నటన మాత్రమే కాదు, బిజినెస్‌లోనూ సమంత కొత్త అడుగు!

సినిమా రంగంలో తనకంటూ ఓ ప్రత్యేకమైన అభిమానగణాన్ని సొంతం చేసుకున్న సమంత, బిజినెస్‌పైనా ఆసక్తి చూపడం విశేషం. తొలి ప్రయత్నంలో ఎదురైన పరాజయం నుంచే పాఠాలు నేర్చుకుని, ఇప్పుడు పలు స్టార్టప్‌లకు మద్దతుగా నిలుస్తున్న ఆమె జర్నీ అందరి దృష్టిని ఆకర్షిస్తోంది. ఒకవైపు సినిమాలు, మరోవైపు వ్యాపారం, పెట్టుబడులు... ఇలా పలు బాధ్యతలను మోస్తున్న సమంత, మహిళా పారిశ్రామికవేత్తలకు స్ఫూర్తినిచ్చే మాటలను పంచుకున్నారు. సక్సెస్ వెనుక ఫెయిల్యూర్స్ కూడా ఉంటాయన్నది తన అనుభవం ద్వారా మరోసారి గుర్తుచేశారు.

Chiranjeevi: 515 రోజులు ఆడిన మూవీ, చిరంజీవి సినిమాతో కుంభస్థలం బద్దలు కొట్టిన నటుడు.. ఇంటర్వెల్‌కే‌ స్టార్‌

Tirumala Dornala — Wed, 11 Nov 2026 13:59:37 +0530

తెలుగులో వందల సినిమాల్లో నటించిన ఓ నటుడు చిరంజీవి మూవీతో ఓవర్ నైట్ స్టార్ అయ్యారు. చిరంజీవి నటించిన సినిమానే ఆ నటుడికి డెబ్యూ మూవీ. తొలి చిత్రంతోనే అతడు కుంభస్థలం బద్దలు కొట్టాడు.

గొల్లపూడి మారుతీరావు చాలా కాలం పాటు టాలీవుడ్ లో విలక్షణ నటుడిగా ప్రేక్షకులని అలరించారు. విలన్ గా, క్యారెక్టర్ ఆర్టిస్ట్ గా వందల సినిమాల్లో నటించారు. ఆయన విలనిజంలో ప్రత్యేకమైన శైలి ఉంటుంది. డైలాగులని ఆయన చెప్పే విధానం ప్రతి ఒక్కరినీ ఆకట్టుకుంది. తొలి సినిమాతోనే గొల్లపూడి మారుతీరావు టాలీవుడ్ లో స్టార్ నటుడిగా స్టేటస్ అందుకున్నాడు.

గొల్లపూడి మారుతీరావు మెగాస్టార్ చిరంజీవి సూపర్ హిట్ మూవీ ఇంట్లో రామయ్య వీధిలో కృష్ణయ్య చిత్రంతో నటుడిగా ఎంట్రీ ఇచ్చారు. ఈ మూవీలో ఆయన విలన్ గా నటించిన విధానం ప్రతి ఒక్కరినీ మెస్మరైజ్ చేసింది. ఆ పాత్ర చేసేటప్పుడు అస్సలు కాన్ఫిడెన్స్ లేదట. నేనేంటి విలన్ ఏంటి.. 40 రోజుల షూటింగ్ ఏంటి అని తాను ఆశ్చర్యపోయినట్లు మారుతీరావు తెలిపారు.

కట్ చేస్తే అదే సినిమా 515 రోజులు ఆడింది. తొలి రోజు ఫస్ట్ డే ఫస్ట్ షో ఇంటర్వెల్ కే నేను స్టార్ నటుడిని అయిపోయా. అప్పటి వరకు ఒక్క సినిమాలో కూడా నటించలేదు. నన్ను తీసుకెళ్ళు స్టిల్స్ కోసం చిరంజీవి, మాధవి పక్కన నిలబెట్టారు. నమ్మలేకపోయా అని గొల్లపూడి మారుతీరావు అన్నారు.

కడపలో ఫస్ట్ డే ఫస్ట్ షో చూసి థియేటర్ నుంచి బయటకు రాగానే నా చుట్టూ జనం క్షణాల్లో వచ్చారు. గురువుగారు నమస్తే అని అంటున్నారు. చిరంజీవి సినిమా అనగానే ఇంట్లో రామయ్య వీధిలో కృష్ణయ్య టైటిల్ చిరంజీవి కోసం అనుకున్నారు. కానీ ఆ టైటిల్ విలన్ గా నటించిన గొల్లపూడి మారుతీరావు పాత్ర కోసం దర్శకుడు కోడి రామకృష్ణ పెట్టారు.

ఒక విలన్ పాత్ర కోసం సినిమా టైటిల్ పెట్టడం చాలా రేర్ అనే చెప్పాలి. గొల్లపూడి మాట్లాడుతూ పాపం చిరంజీవి గారు ఇంట్లో రామయ్యే వీధిలోనూ రామయ్యే అండీ అని అన్నారు. చిరంజీవి చాలా కష్టపడే వ్యక్తిత్వం ఉన్న మనిషి అని గొల్లపూడి మారుతీరావు అన్నారు.

Anirudh Marriage: గ్రాండ్ గా అనిరుధ్, కావ్య మారన్ వివాహం, గ్రీస్‌లో అంగరంగ వైభవంగా వేడుక!

Mahesh Jujjuri — Wed, 11 Nov 2026 13:58:24 +0530

Anirudh Marriage: సౌత్ స్టార్ మ్యూజిక్ డైరెక్టర్ అనిరుధ్ , కావ్య మారన్ వివాహ వేడుకలు గ్రీస్ లో ఘనంగా జరుగుతున్నాయి. ఈ వేడుకలకు పరిమిత సంఖ్యలో సినీరాజకీయ ప్రముఖులు హాజరయినట్టు తెలుస్తోంది.

సౌత్ ఫిల్మ్ ఇండస్ట్రీలోో తన అద్భుతమైన సంగీతంతో ప్రపంచవ్యాప్తంగా కోట్లాది మంది అభిమానులను సంపాదించుకున్న ప్రముఖ సంగీత దర్శకుడు అనిరుధ్ రవిచందర్ వివాహం ప్రస్తుతం దేశవ్యాప్తంగా చర్చనీయాంశంగా మారింది. ప్రముఖ మీడియా దిగ్గజం సన్ గ్రూప్ అధినేత కాళానిధి మారన్ కుమార్తె, సన్‌రైజర్స్ హైదరాబాద్ క్రికెట్ జట్టు సీఈఓ కావ్య మారన్ తో ఆయన వివాహం గ్రీస్ దేశంలో అత్యంత కనులపండువగా జరిగినట్లు సమాచారం. ఈ డెస్టినేషన్ వెడ్డింగ్ వేడుక కోసం ఇరు కుటుంబాల సభ్యులు, అత్యంత సన్నిహితులు మాత్రమే కొద్ది రోజుల క్రితం గ్రీస్‌కు వెళ్లినట్టు తెలుస్తోంది.

ఈ వివాహ వేడుకకు సినిమా రంగానికి చెందిన సూపర్‌స్టార్ రజనీకాంత్ తో పాటు తమిళనాడు మాజీ ముఖ్యమంత్రి స్టాలిన్ కుటుంబ సభ్యులు ప్రత్యేక అతిథులుగా హాజరైనట్లు తెలుస్తోంది. ఇరు కుటుంబాల పెద్దల అంగీకారంతో ఈ వేడుకను అత్యంత గోప్యంగా నిర్వహించారు. దీనివల్ల వివాహ వేడుకకు సంబంధించిన అధికారిక ఫోటోలు లేదా వీడియోలు ఏవీ ఇప్పటివరకు బయటకు రాలేదు. అయినప్పటికీ, సోషల్ మీడియా వేదికగా ఈ వివాహం గురించిన వార్తలు దేశవ్యాప్తంగా విపరీతంగా ట్రెండ్ అవుతున్నాయి.

అనిరుధ్ , కావ్య మారన్ వివాహ వార్తలు సోషల్ మీడియాలో వైరల్ అవుతున్న తరుణంలో, ఇంటర్నెట్‌లో ఒక వీడియో విపరీతంగా చక్కర్లు కొడుతోంది. ఆ వీడియోలో గ్రీస్ దేశంలో వీరిద్దరూ ఉంగరాలు మార్చుకుంటున్నట్లుగా ఉండటంతో, చాలామంది నెటిజన్లు అదే నిజమైన నిశ్చితార్థ వీడియో అని నమ్మి పొరబడ్డారు. అయితే, ఆ వీడియో పూర్తిగా ఏఐ సాంకేతికతను ఉపయోగించి ఎవరో సృష్టించిన నకిలీ వీడియో అని తెలుస్తోంది. ఈవీడియో నిజమని నమ్మి ఎంతోమంది అభిమానులు కొత్త జంటకు సోషల్ మీడియా ద్వారా శుభాకాంక్షలు తెలియజేయడం విశేషం.

Priya Bhavani Shankar Wedding: ప్రియుడిని పెళ్లాడిన ప్రియా భవానీ శంకర్... షాక్‌లో ఫ్యాన్స్!

Mahesh Jujjuri — Wed, 11 Nov 2026 13:47:02 +0530

Priya Bhavani Shankar Marriage: తమిళ , తెలుగులోనూ వరుస సినిమాలతో బిజీగా ఉన్న నటి ప్రియా భవానీ శంకర్.. తన చిరకాల ప్రియుడు రాజవేల్‌ను సీక్రెట్‌గా పెళ్లి చేసుకుంది. ప్రస్తుతం ఈ పెళ్లి ఇండస్ట్రీలో సంచలనంగా మారింది.

టాలీవుడ్, కోలీవుడ్‌లో బిజీగా ఉన్న హీరోయిన్ ప్రియా భవానీ శంకర్ వివాహం చాలా సింపుల్‌గా జరిగింది. చాలా కాలంగా ప్రేమిస్తున్న రాజవేల్‌తో పెళ్లి పీటలెక్కిన వీడియో ఒకటి ఇప్పుడు నెట్టింట వైరల్‌గా మారింది. ఇది చూసిన అభిమానులు ప్రియాకు పెళ్లయిపోయిందా అంటూ ఆశ్చర్యపోతున్నారు.

వైరల్ అవుతున్న ఆ వీడియోలో ప్రియా భవానీ శంకర్ ఎర్రటి పట్టుచీర కట్టుకుని పెళ్లికూతురు గెటప్‌లో ఉండగా.. రాజవేల్ తెలుపు రంగు దుస్తుల్లో ఉన్నాడు. ఇద్దరూ పూలదండలు మార్చుకుంటున్న, రాజవేల్ తాళి కడుతున్న దృశ్యాలు ఆ వీడియోలో ఉన్నాయి.

ఈ వీడియో బయటకు రాకముందే ప్రియా భవానీ శంకర్ ఇన్‌స్టాగ్రామ్ పోస్టులు అభిమానుల్లో కొన్ని అనుమానాలను రేకెత్తించాయి. రీసెంట్‌గా తన ఇన్‌స్టా స్టోరీలో రాజవేల్‌తో ఉన్న ఫోటోలను ఆమె షేర్ చేసింది. అందులో ఇద్దరూ మల్లెపూల దండలు వేసుకుని ఉన్నారు. మరో పోస్ట్‌లో చేతులకు మెహందీ పెట్టుకున్న ఫోటోను కూడా షేర్ చేసింది.

ఆ ఫోటోలు చూసిన ఫ్యాన్స్ పెళ్లి ఏర్పాట్లు ఏమైనా జరుగుతున్నాయా అని అడిగారు. కానీ పెళ్లి గురించి అప్పట్లో ఆమె ఎలాంటి క్లారిటీ ఇవ్వలేదు. ఇప్పుడు బయటకు వచ్చిన వీడియోతో ఆ ఊహాగానాలు నిజమయ్యాయి.

నేడు అనిరుధ్, కావ్య మారన్ పెళ్లి గురించి నెట్టింట జోరుగా చర్చ జరుగుతుండగా.. ప్రియా భవానీ శంకర్ పెళ్లి వీడియో సర్ప్రైజ్‌గా బయటకు రావడం నెట్టింట హాట్ టాపిక్‌గా మారింది. అనిరుధ్ తన పర్సనల్ లైఫ్ గురించి సీక్రెట్‌గా ఉంచాడని ఫ్యాన్స్ మాట్లాడుకుంటున్న వేళ.. ప్రియా పెళ్లి వీడియో బయటకు రావడం మరో ఆశ్చర్యకరమైన విషయం.

దీంతో సోషల్ మీడియాలో పలువురు తమ అభిప్రాయాలను పంచుకుంటున్నారు. ముఖ్యంగా పెళ్లి గురించి ముందుగా ప్రకటించకుండా, సడెన్‌గా పెళ్లి వీడియోను రిలీజ్ చేయడం అభిమానులకు స్వీట్ షాక్‌లా ఉందని కామెంట్స్ చేస్తున్నారు.

బుల్లితెరపై న్యూస్ రీడర్‌గా ప్రయాణాన్ని ప్రారంభించి, ఆ తర్వాత వెండితెరపై హీరోయిన్‌గా ఎదిగింది ప్రియా భవానీ శంకర్. పలు సినిమాల్లో నటించి తనకంటూ ఒక ఫ్యాన్ బేస్‌ను క్రియేట్ చేసుకుంది. కాలేజ్ డేస్ నుంచే రాజవేల్‌తో ప్రేమలో ఉన్న ప్రియా.. ఇన్నేళ్లుగా తమ రిలేషన్‌ను కంటిన్యూ చేస్తోంది. గతేడాది ఇద్దరూ కొత్త ఇల్లు కట్టుకుని గృహప్రవేశం కూడా చేశారు.

అప్పట్లో పెళ్లెప్పుడు అన్న ప్రశ్నకు త్వరలోనే ఉంటుందని ప్రియా బదులిచ్చింది. అయితే, ఇప్పుడు సర్ప్రైజ్‌గా పెళ్లి చేసుకుంది. పెళ్లి సీక్రెట్‌గా జరిగినా, సినీ ప్రముఖుల సమక్షంలో గ్రాండ్‌గా రిసెప్షన్ నిర్వహించేందుకు ఈ జంట ప్లాన్ చేస్తున్నట్లు సమాచారం.

Mohan Babu: రోజులో 5 గంటలు తిండిగురించే మాట్లాడతాడు.. మోహన్ బాబుపై సెటైర్ వేసిన దర్శకుడు ఎవరో తెలుసా?

Mahesh Jujjuri — Wed, 11 Nov 2026 11:44:48 +0530

Mohan Babu: టాలీవుడ్ ఫిల్మ్ ఇండస్ట్రీలో మోహన్ బాబు గురించి తెలియని వారు ఉండరు. ఆయన ఎంత సీరియస్ గా ఉంటారో ప్రత్యేకంగా చెప్పనక్కర్లేదు. మోహన్ బాబుతో మాట్లాడటానికే చాలామంది భయపడిపోతుంటారు. కానీ ఓ డైరెక్టర్ మాత్రం మోహన్ బాబు పై సెటైర్లు వేశాడని తెలుసా?

ఫిల్మ్ ఇండస్ట్రీలో ముక్కుసూటిగా మాట్లాడే హీరోగా డైలాగ్ కింగ్ మోహన్ బాబుకు పేరుంది. ఎంతటి వారైనా సరే.. మోహన్ బాబు అనాలనుకున్న మాట అనేస్తాడు. మోహన్ బాబుతో మాట్లాడానికే చాలామంది భయపడుతుంటారు. ఆయన ఎలా రియాక్ట్ అవుతాడా అని జంకుతుంటారు. మోహన్ బాబు కూడా చాలా సందర్భాల్లో కాంట్రవర్సీలకు కేరాఫ్ అడ్రెస్ గా ఉన్నారు. అటువంటి మోహన్ బాబుపైనే సెటైర్ వేసే దర్శకుడు ఉన్నాడంటే నమ్ముతారా? కానీ అది నిజం. ఆ డైరెక్టర్ ఎవరో కాదు రామ్ గోపాల్ వర్మ.

మంచు మోహన్ బాబు, సంచలన దర్శకుడు రామ్ గోపాల్ వర్మ (ఆర్జీవీ) గురించి ప్రత్యేకంగా పరిచయం అక్కర్లేదు. టాలీవుడ్‌లో వీరిద్దరి మధ్య ఉండే స్నేహం గురించి కూడా అందరికి తెలిసిందే. వర్మ కూడా కేరాఫ్ కాంట్రవర్సీగా ఉండేవారు. ఇక ఈ ఇద్దరు ఒకరిపై ఒకరు చేసుకునే సరదా కామెంట్లు ఎప్పుడూ వైరల్ అవుతూనే ఉంటాయి. ఈ క్రమంలో ఓ సందర్భంలో రామ్ గోపాల్ వర్మ మోహన్ బాబుపై వేసిన సెటైర్.. ఇప్పటికీ వైరల్ అవుతుంది. కలెక్షన్ కింగ్ ఆహారపు అలవాట్ల గురించి, ఆయనతో తన అనుభవాల గురించి వర్మ చాలా విషయాలు ఇంటర్వ్యూలో పంచుకున్నారు.

రామ్ గోపాల్ వర్మ మాట్లాడుతూ... మోహన్ బాబుకు తిండిపై ఉండే ఇంట్రెస్ట్ గురించి గురించి చాలా ఫన్నీగా చెప్పుకొచ్చారు. "మోహన్ బాబు గారు రోజులో 12 గంటలు మెలకువగా ఉంటే, అందులో సుమారు 5 గంటలు తినడం గురించిన చర్చలే జరుగుతుంటాయి. షూటింగ్ సమయంలో మోహన్ బాబు సెట్స్‌లో అందరికీ ఏదో ఒకటి తినిపిస్తూనే ఉంటారు. మాట్లాడితే 'అమ్మ తినమ్మా' అంటూ తేగలు, వేరుశనక్కాయలు, వడలు ఇలా ఏదో ఒకటి ప్రతి 15 నిమిషాలకి ఒకసారి తెచ్చి ఇస్తూనే ఉంటారు.

ఇదంతా చూసి సార్, మేకలు, గొర్రెలే సార్ ఇలా కంటిన్యూస్‌గా తింటూనే ఉంటాయి" అని నేను అన్నాను. వెంటనే మోహన్ బాబు గారు నవ్వుకుంటూ... "వర్మ, నువ్వు మాత్రం భలే భలే చెప్తావు భలే చెప్పావు" అంటూ నవ్వుకునేవారు'' అని తనదైన శైలిలో ఆర్జీవీ అన్నారు.

ఆర్జీవీ - మోహన్ బాబు కాంబో సినిమా

దర్శకత్వంలో వైవిధ్యాన్ని కోరుకునే రామ్ గోపాల్ వర్మ, పవర్ ఫుల్ నటనకు కేరాఫ్ అడ్రస్ గా ఉన్న మోహన్ బాబు కలయికలో ఒక సినిమా మాత్రమే వచ్చింది. రౌడీ టైటిల్ తో తెరకెక్కిన ఈసినిమాలో మంచు విష్ణు హీరోగా నటించగా.. మోహన్ బాబు పవర్ ఫుల్ రోల్ లో అదరగొట్టారు. ఈమూవీ స్క్రీన్ ప్లే చాలా బాగుంటుంది. అయితే బాక్సాఫీస్ దగ్గర మాత్రం ఈసినిమా ఏమాత్రం ప్రభావంచూపించలేకపోయింది.

Kondapalli Raja Review: చిరంజీవి చేయాల్సిన సినిమాపై మనసు పడ్డ వెంకటేష్, కోర్టుకెక్కిన కృష్ణంరాజు, కొండపల్లి రాజా రివ్యూ..

Mahesh Jujjuri — Wed, 11 Nov 2026 09:18:27 +0530

Kondapalli Raja Review: విక్టరీ వెంకటేష్, నగ్మా, సుమన్ ప్రధాన పాత్రల్లో తెరకెక్కిన క్లాసిక్ ఎమోషనల్ అండ్ మాస్ డ్రామా 'కొండపల్లి రాజా. ఇద్దరు స్నేహితుల చుట్టు తిరిగే ఎమోషనల్ కథతో తీసిన ఈమూవీ బాక్సాఫీస్ బ్లాక్ బస్టర్ గా నిలిచింది.

రాజా (వెంకటేష్) పాలు అమ్ముకునే ఒక సాధారణ పేద యువకుడు. అశోక్ (సుమన్) ఒక పెద్ద కోటీశ్వరుడైన గంగాధరం (కోట శ్రీనివాసరావు) కొడుకు. హోదాలో తేడాలు ఉన్నప్పటికీ, చిన్నతనం నుంచే వీరిద్దరూ ప్రాణ స్నేహితులు. అశోక్ ప్రేమించిన పేద అమ్మాయిని రాజా దగ్గరుండి పెళ్లి జరిపిస్తాడు. మరోవైపు రాజా, సుబ్బలక్ష్మి (నగ్మా) అనే అమ్మాయిని ప్రేమించి పెళ్లి చేసుకుంటాడు.

అయితే, పేదవాడైన రాజాతో తన కొడుకు స్నేహం చేయడం గంగాధరానికి అస్సలు నచ్చదు. కుట్ర పన్ని, రాజా తన తల్లి ప్రాణంగా భావించే ఇల్లు , స్థలాన్ని మోసపూరితంగా అశోక్ పేరు మీదకి మారేలా చేస్తాడు. తన ఇల్లు కూల్చివేయడానికి అశోక్ కూడా అంగీకరించాడని రాజాకు తప్పుడు సమాచారం చేరేలా చేస్తాడు గంగాధర్. ఈవిషయం తెలిశాక రాజా తీవ్ర గుండెకోతకు గురవుతాడు. స్నేహితుడి చేతిలోనే మోసపోయానని భావించిన రాజా, అశోక్ ఇంటికి వెళ్లి సవాలు విసురుతాడు.

"కేవలం పాలు అమ్ముకునే స్థాయి నుంచి నీకంటే పెద్ద కోటీశ్వరుడిగా ఎదుగుతాను" అని ఛాలెంజ్ చేసి వెళ్లిపోతాడు. ఆ తర్వాత రాజా తన కష్టార్జితంతో, తెలివితేటలతో ఎలా పెద్ద వ్యాపారవేత్తగా ఎదిగాడు? అశోక్‌ను వ్యాపారంలో ఎలా ఓడించాడు? గంగాధరం పన్నిన కుట్రలు ఎలా బయటపడ్డాయి? చివరికి స్నేహితులు ఇద్దరూ ఎలా ఒక్కటయ్యారు? అనేదే మిగతా కథ.

ఈ సినిమాలో ఇద్దరు హీరోలు అద్భుతంగా నటించారు. ముఖ్యంగా వెంకటేష్ ఈ సినిమాలో రెండు భిన్నమైన గెటప్స్ ..షేడ్స్‌లో అద్భుతంగా నటించారు. మొదటి సగంలో అమాయకమైన, సరదాగా ఉండే పాల వ్యాపారి రాజాగా మాస్ ఆడియన్స్‌ను మెప్పించారు. రెండో సగంలో గంభీరమైన, రాజసం ఉట్టిపడే బిజినెస్ మెన్ గా సీరియస్ లుక్‌లో సూపర్బ్‌గా ఒదిగిపోయారు. సవాలు విసిరే సన్నివేశంలో ఎంత పవర్ ఫుల్ గా కనిపించాడో.. తల్లితో ఎమోషన్స్ సీన్స్ లో కంటతడిపెట్టించాడు. అంతే కాదు నగ్మతో రొమాన్స్ లో కూడా రెచ్చిపోయాడు వెంకీ.

ఇక సుమన్ విషయానికి వస్తే.. అశోక్ పాత్రలో సుమన్ చాలా డిగ్నిఫైడ్‌గా నటించారు. స్నేహానికి, తండ్రి మాటకి మధ్య నలిగిపోయే పాత్రలో ఆయన పండించిన ఎమోషన్స్ సూపర్. వెంకటేష్ - సుమన్ మధ్య వచ్చే కాంబినేషన్ సీన్స్ , డ్రామా సినిమాకి ప్రధాన బలం. ఇక సుబ్బలక్ష్మిగా నగ్మా గ్లామర్‌తో పాటు నటనతోనూ ఆకట్టుకుంది.

వెంకటేష్ - నగ్మా జోడీ మధ్య కెమిస్ట్రీ చాలా బాగా కుదిరింది. కోట శ్రీనివాసరావు విలనిజం సినిమాని నెక్స్ట్ లెవల్‌కి తీసుకెళ్లగా, తల్లి పాత్రలో సుజాత జీవించారు. శ్రీకాంత్, సుధాకర్, కాస్ట్యూమ్స్ కృష్ణ తమ పాత్రలకు న్యాయం చేశారు.

ఈ సినిమా ముందు తెలుగులో కృషంరాజు చేశారు.. ఆతర్వాత తమిళంలో రజినీకాంత్ అణ్ణామలై పేరుతో రీమేక్ చేయగా.. అక్కడ బ్లాక్ బస్టర్ హిట్ అయ్యింది. ఆ కథను మళ్లీ రవిరాజా పినిశెట్టి.. తెలుగు నెటివిటీకి తగ్గట్టుగా ఎమోషన్స్, మాస్ ఎలిమెంట్స్‌ని కలగలిపి తెరకెక్కించారు. స్క్రీన్‌ప్లే చాలా ఆసక్తికరంగా సాగుతుంది. అన్ని రకాల సన్నివేశాలు ఆడియన్స్ ను కట్టిపడేశాయి. ఇక ఈసినిమాకు మరో బలం కీరవాణి మ్యుూజిక్. ఈమూవీలో పాటలన్నీ బ్లాక్ బస్టర్ హిట్సే. ముఖ్యంగా సినిమా బ్యాక్ గ్రౌండ్ స్కోర్ తో పాటు.. "కొండపల్లి రాజా గుండె చూడరా" లాంటి పాటలన్నీ చార్ట్‌బస్టర్స్ గా నిలిచాయి.

సినిమా ప్లస్ & మైనస్ పాయింట్లు

ప్లస్ పాయింట్స్ :

వెంకటేష్ - సుమన్ ల నటన, వారి మధ్య స్నేహం-వైరం డ్రామా.

పవర్ ఫుల్ డైలాగ్స్ ‌- యాక్షన్ సీన్స్

ఎం.ఎం. కీరవాణి సంగీతం తో పాటు రీ-రికార్డింగ్.

ఫస్ట్ హాఫ్ కామెడీ, సెకండ్ హాఫ్ ఎమోషనల్ రైజ్.

మైనస్ పాయింట్స్ :

కొన్ని సీన్స్ రొటీన్ రిలీజ్ డ్రామాలా అనిపిస్తాయి.

సెకండ్ హాఫ్‌లో రాజా త్వరగా కోటీశ్వరుడైపోయే సీన్స్ కాస్త సినిమాటిక్‌గా ఉంటాయి.

నిజానికి ఈ సినిమా చిరంజీవి చేయాల్సి ఉంది. తమిళంలో రజినీకాంత్ నటించిన 'అణ్ణామలై' హక్కులను నిర్మాత K.V.V. సత్యనారాయణ కొనుగోలు చేశారు. మొదట ఈ మాస్ కథకు మెగాస్టార్ చిరంజీవి సరిపోతారని భావించి, ఆయనను విమానంలో కలిసినప్పుడు కథ చెప్పారు. చిరంజీవి కూడా చేయడానికి ఓకే అన్నారు. అయితే అదే సమయంలో వెంకటేష్‌తో 'సుందరకాండ' సినిమా చేస్తున్నారు.

ఈ కథ గురించి తెలిసి.. వెంకీ తానే స్వయంగా సత్యనారాయణ వద్దకు వచ్చి, ఈ రీమేక్ మనమే చేద్దామని ప్రతిపాదించడంతో తప్పనిసరి పరిస్థితుల్లో ఈ ప్రాజెక్ట్ వెంకటేష్ చేతుల్లోకి వచ్చింది. ఈ సినిమాలో హీరోయిన్ గా నగ్మాను ఎంపిక చేశారు. కానీ ఆ సమయంలో ఆమె 'తొలిముద్దు' సినిమా షూటింగ్‌లో బిజీగా ఉండటం వల్ల డేట్ల సమస్య వచ్చింది. కానీ దర్శకుడు, నిర్మాతలు పట్టుబట్టి నగ్మానే హీరోయిన్‌గా ఫైనల్ చేశారు.

కోర్టుకెక్కిన కృష్ణంరాజు..

ఈ సినిమా జెఫ్రీ ఆర్చర్ రాసిన 'కేన్ అండ్ ఎబెల్' నవల ఆధారంగా హిందీలో 'ఖుద్‌గర్జ్' (1987) వచ్చింది. ఇదే కథ ఆధారంగా తెలుగులో 1988లోనే రెబెల్ స్టార్ కృష్ణంరాజు, శరత్ బాబులతో 'ప్రాణ స్నేహితులు' సినిమా తీశారు. అయినప్పటికీ, 1992లో తమిళంలో రజినీకాంత్‌తో 'అణ్ణామలై'గా తీసి బ్లాక్‌బస్టర్ కొట్టారు. దాంతో తెలుగులో చిన్న చిన్న మార్పులతో 'కొండపల్లి రాజా'గా వెంకటేష్‌తో మళ్లీ రీమేక్ చేసి సక్సెస్ సాధించారు. ఈ సినిమా షూటింగ్ సమయంలో కథ హక్కులకు సంబంధించి నటుడు కృష్ణంరాజు కోర్టును ఆశ్రయించారు. తర్వాత ఇరువర్గాలు కాంప్రమైజ్ కావడంతో వివాదం సమసిపోయింది.

బాక్సాఫీస్ బ్లాక్ బస్టర్ గా..

9 జూలై 1993న విడుదలైన 'కొండపల్లి రాజా' వెంకటేష్ కెరీర్‌లో బిగ్గెస్ట్ మాస్ కమర్షియల్ హిట్ గా నిలిచింది. కేవలం ఒక కమర్షియల్ సినిమా మాత్రమే కాదు.. స్నేహం విలువ తెలిపి.. ఎమోషనల్ గా ఆడియన్స్ మనసుల్లో నిలిచిపోయింది. ఏమాత్రం బోర్ కొట్టించని స్క్రీన్ ప్లేతో.. ఈ తరం ప్రేక్షకులను కూడా అలరించేలా ఉండే ఈ సినిమాను చూడాలంటే.. యూట్యూబ్ లో అందుబాటులోనే ఉంది.

Ramayana 6 Days Collections: బాక్సాఫీసు వద్ద రామాయణం గర్జన.. 6వ రోజు దుమారం, అన్ని రికార్డులకు పాతరే

Aithagoni Raju — Wed, 11 Nov 2026 08:24:16 +0530

Ramayana 6 Days Collections: రామాయణం అనే ఇతిహాసం ఆధారంగా తెరకెక్కిన మూవీ `రామాయణం` మూవీ ప్రారంభంలో డల్ గా సాగినా ఇప్పుడు బాక్సాఫీసు వద్ద సునామీ సృష్టిస్తోంది. రికార్డు స్థాయి కలెక్షన్లతో దూసుకుపోతుంది.

రామాయణం ఆధారంగా తాజాగా హిందీలో `రామాయణం` చిత్రాన్ని తెరకెక్కించాడు నితేష్‌ తివారి. ఇందులో రాముడిగా రణ్‌బీర్ కపూర్‌, సీతగా సాయిపల్లవి, రావణుడిగా యష్‌ నటించారు. నమిత్‌ మల్హోత్రా, యష్‌ కలిసి నిర్మించారు.

సుమారు 4వేల బడ్జెట్‌తో రెండు భాగాలుగా ఈ చిత్రం తెరకెక్కిన విషయం తెలిసిందే. మొదటి భాగంగా దీపావళి స్పెషల్‌గా నవంబర్‌ 5న విడుదలైంది. విజువల్‌ వండర్ ఆకట్టుకుంటోంది. రావణుడి కోణంలో ఈ కథ సాగింది. ఆయనకు సంబంధించి ఇప్పటి వరకు తెరపై చూపించిన అంశాలను ఇందులో చూపించారు. అవి మూవీకి హైలైట్‌గా నిలిచాయి.

యాక్షన్‌ బ్లాగ్స్, రావణుడి ఎంట్రీ, లంకలో సూర్పణక భర్తతో పోరాటం, సీతని రావణుడు ఎత్తుకుపోయే సన్నివేశాలు, జటాయు రావణుడితో పోరాటం, రాముడు అడవిలో యాక్షన్‌ సీన్లు, సీతని కలిసే సన్నివేశాలు, ఆయోధ్యకి రాజుగా పట్టాభిషేకం సమయంలో చోటు చేసుకున్న డ్రామా, రాముడు, సీత వనవాసం వంటి సన్నివేశాలు ఆకట్టుకున్నాయి. తెలుగు ఆడియెన్స్ కి రామాయణం కొత్త కాకపోయినా ఇది కొంత కొత్త కోణంలో చూపించడం విశేషంగా చెప్పొచ్చు.

ఈ సినిమాకి తెలుగులో పెద్దగా ఆదరణ లేదు, కానీ నార్త్ లో బాగా ఆదరిస్తున్నారు. బ్రహ్మరథం పడుతున్నారు. హిందీ బెల్ట్, ఓవర్సీస్‌ దుమ్మురేపుతోంది. ఇక ఈ చిత్రం ఆరవ రోజు అదిరిపోయే వసూళ్లని రాబట్టింది. సోమవారంతో పోల్చితే స్వల్పంగా తగ్గినా, వంద కోట్లకుపైగా కలెక్షన్లని సాధించింది. ఇండియాలో ఇది రూ. 112.60కోట్ల గ్రాస్‌ని, రూ.94.10కోట్ల నెట్‌ కలెక్షన్లని వసూలు చేసింది.

ఓవర్సీస్‌లో రూ.35కోట్లు రాబట్టింది. ఆరు రోజుల్లో ఈ మూవీకి ఇండియా వైడ్‌గా రూ.526.50కోట్ల గ్రాస్‌, రూ.440.45కోట్ల నెట్‌ని రాగా, ఓవర్సీస్‌లో రూ.297కోట్లు వసూలు చేసింది. ఓవరాల్‌గా 6 రోజుల్లో ప్రపంచ వ్యాప్తంగా రూ.823.50కోట్లు రాబట్టినట్టు సాక్నిల్క్ సైట్‌ వెల్లడించింది.

సినిమా జోరు చూస్తుంటే ఇండియన్‌ బాక్సాఫీసు వద్ద ఉన్న అన్ని రికార్డులను బ్రేక్ చేసే అవకాశం కనిపిస్తుంది. ఇండియాలో అత్యధిక కలెక్షన్లు సాధించిన చిత్రాలుగా `బాహుబలి 2, `ధురంధర్‌ 2`, `పుష్ప 2` చిత్రాలున్నాయి. ప్రపంచ వ్యాప్తంగా అత్యధిక కలెక్షన్లు సాధించిన ఇండియన్‌ మూవీగా `దంగల్‌` ఉంది. రామాయణం వాటి రికార్డులను బ్రేక్‌ చేసి ఇండియన్‌ సినిమా ఇండస్ట్రీ హిట్‌గా నిలిచే అవకాశాలు కనిపిస్తున్నాయి.

అయితే మరి ఇదే జోరు చూపిస్తుందా? డౌన్‌ అవుతుందా అనేది చూడాలి. ఈ సినిమా ప్రపంచ వ్యాప్తంగా సుమారు రూ.2000-2500కోట్లు వసూలు చేస్తే బ్రేక్‌ ఈవెన్‌గా చెబుతున్నారు. అంటే ఇంకా రూ.1200-1700కోట్ల వరకు రాబట్టాలి. మరి అది సాధ్యమేనా అనేది చూడాలి. తెలుగులో ఈ చిత్రం ఇప్పటి వరకు రూ.46కోట్లు చేసింది. ఆరో రోజు 4 కోట్లు రాబట్టింది. తెలుగులో వసూళ్లు తగ్గుతుండటం గమనార్హం.