Asianet News Telugu

మీరు కారు త‌క్కువ‌గా వాడుతారా.? PAYD ప్లాన్‌తో కారు ఇన్సూరెన్స్‌పై వేల రూపాయలు ఆదా చేసుకోవచ్చు

Narender Vaitla — Sun, 02 Aug 2026 20:58:26 +0530

Car Insurance: ప్రతిరోజూ కారును ఉపయోగించని వారు కూడా సాధారణ కార్ ఇన్సూరెన్స్‌కు పూర్తి ప్రీమియం చెల్లించాల్సి వస్తుంది. అయితే 'పే-యాజ్-యూ-డ్రైవ్' కార్ ఇన్సూరెన్స్ ప్లాన్ అందుబాటులో ఉందని మీకు తెలుసా? దీని ఉపయోగం ఏంటో తెలుసా?

PAYD అనేది కారు ఏడాదిలో ఎంత దూరం ప్రయాణించిందనే అంశాన్ని ఆధారంగా చేసుకుని ప్రీమియాన్ని నిర్ణయించే ఇన్సూరెన్స్ విధానం. పాలసీ తీసుకునే సమయంలో లేదా రెన్యువల్ చేసుకునే సమయంలో ఏడాదిలో ఎంత కిలోమీటర్లు కారు నడుపుతారో ముందుగానే ఒక పరిమితిని ఎంచుకోవాలి. ఉదాహరణకు 5,000 కిలోమీటర్లు, 7,500 కిలోమీటర్లు లేదా 10,000 కిలోమీటర్ల వంటి స్లాబ్‌లను ఎంపిక చేసుకోవచ్చు. ఈ పరిమితిలోనే కారు వినియోగిస్తే సాధారణ కార్ ఇన్సూరెన్స్‌తో పోలిస్తే తక్కువ ప్రీమియం చెల్లించే అవకాశం ఉంటుంది. అయితే ఈ కిలోమీటర్ల స్లాబ్‌లు ఒక్కో ఇన్సూరెన్స్ కంపెనీలో ఒక్కో విధంగా ఉండవచ్చు.

ఇన్సూరెన్స్ కంపెనీలు కారు ప్రయాణించిన దూరాన్ని వివిధ పద్ధతుల్లో నమోదు చేస్తాయి. కొన్ని కంపెనీలు కారు ఓడోమీటర్ (కిలోమీటర్ మీటర్) రీడింగ్ ఆధారంగా సమాచారం తీసుకుంటాయి. మరికొన్ని కంపెనీలు టెలిమాటిక్స్ పరికరాలు లేదా మొబైల్ యాప్‌ల ద్వారా కారు ప్రయాణించిన దూరాన్ని నమోదు చేస్తాయి. ఈ సమాచారం ఆధారంగానే ప్రీమియం లెక్కిస్తారు.

PAYD ప్లాన్‌లో అన్ని రకాల ఇన్సూరెన్స్ ప్రీమియాలపై తగ్గింపు ఉండదు. థర్డ్ పార్టీ ఇన్సూరెన్స్ ప్రీమియాన్ని ప్రభుత్వం, ఇన్సూరెన్స్ నియంత్రణ సంస్థ నిర్ణయిస్తాయి కాబట్టి అందులో ఎలాంటి రాయితీ ఉండదు. ఈ ప్లాన్ ద్వారా లభించే ప్రయోజనం కేవలం ఓన్ డ్యామేజ్ (Own Damage) ఇన్సూరెన్స్ భాగానికే వర్తిస్తుంది. అంటే మీ సొంత కారుకు జరిగే నష్టానికి సంబంధించిన ఇన్సూరెన్స్ ప్రీమియంలో మాత్రమే తగ్గింపు లభిస్తుంది.

ఈ ప్లాన్ ప్రతిరోజూ కారును ఉపయోగించని వారికి చాలా ఉపయోగకరంగా ఉంటుంది. వర్క్ ఫ్రం హోమ్ చేస్తున్నవారు, రిటైర్డ్ ఉద్యోగులు, ఇంట్లో ఒకటి కంటే ఎక్కువ కార్లు ఉన్నవారు, వారాంతాల్లో మాత్రమే కారు ఉపయోగించే వారు లేదా ఏడాదిలో చాలా తక్కువ దూరం ప్రయాణించే వారికి ఈ ప్లాన్ ద్వారా మంచి ఆదా అవుతుంది.

అయితే ప్రతిరోజూ ఆఫీసుకు కారులో వెళ్లేవారు లేదా తరచూ ఎక్కువ దూరం ప్రయాణించే వారికి ఈ ప్లాన్ పెద్దగా ప్రయోజనం ఇవ్వకపోవచ్చు. మీరు ముందుగా ఎంచుకున్న కిలోమీటర్ల పరిమితిని దాటితే ఇన్సూరెన్స్ కంపెనీ అదనపు ప్రీమియం వసూలు చేసే అవకాశం ఉంది. కొన్ని సందర్భాల్లో మిమ్మల్ని తదుపరి కిలోమీటర్ స్లాబ్‌కు మార్చవచ్చు. ఈ నిబంధనలు కంపెనీని బట్టి మారుతూ ఉంటాయి.

కేవలం ప్రీమియం తక్కువగా ఉందని చూసి PAYD ప్లాన్ తీసుకోవడం సరైన నిర్ణయం కాదు. కారు ప్రయాణించిన దూరాన్ని కంపెనీ ఏ విధంగా నమోదు చేస్తుంది, నిర్ణయించిన కిలోమీటర్ల పరిమితి దాటితే ఎలాంటి నిబంధనలు అమల్లోకి వస్తాయి, పాలసీ కాలంలోనే కిలోమీటర్ స్లాబ్‌ను పెంచుకునే అవకాశం ఉందా, ఉంటే అదనంగా ఎంత చెల్లించాల్సి వస్తుందో ముందుగానే తెలుసుకోవాలి. పాలసీ నిబంధనలు, షరతులను పూర్తిగా చదివిన తర్వాతే నిర్ణయం తీసుకోవడం మంచిది. ఏడాదిలో మీ కారు వినియోగం తక్కువగా ఉంటే PAYD కార్ ఇన్సూరెన్స్ ద్వారా మంచి మొత్తంలో డబ్బు ఆదా చేసుకోవచ్చు. అయితే ప్రతిరోజూ ఎక్కువ దూరం ప్రయాణించే వారు సాధారణ కార్ ఇన్సూరెన్స్‌ను కొనసాగించడం ఉత్తమం.

రూ. 40 వేల జీత‌మున్నా ఈ ల‌గ్జ‌రీ కారుకు ఓన‌ర్ అయిపోవ‌చ్చు.. లుక్‌లోనే కాదు ఫీచ‌ర్ల‌లో కూడా తోపు

Narender Vaitla — Wed, 22 Jul 2026 18:00:11 +0530

Hyundai: మైక్రో SUV విభాగంలో హ్యుండాయ్ ఎక్స్‌ట‌ర్ మంచి ఆదరణ పొందుతున్న కార్లలో ఒకటి. నగరాల్లో రోజువారీ ప్రయాణాలకు, కుటుంబంతో వీకెండ్ ట్రిప్‌లకు అనువుగా ఉండేలా ఈ కారును రూపొందించారు. ఈ కారులో ఎలాంటి ఫీచ‌ర్లున్నాయి? ధ‌ర ఎంత‌.? ఇప్పుడు తెలుసుకుందాం.

హ్యుండాయ్ ఎక్స్‌ట‌ర్ ఎక్స్ షోరూమ్ ధర రూ.7.13 లక్షల నుంచి రూ.11.62 లక్షల వరకు ఉంది. వేరియంట్‌ను బట్టి హైదరాబాద్‌లో ఆన్-రోడ్ ధర మారుతుంది. ఉదాహ‌ర‌ణ‌కు హ్యుండ‌య్ ఎక్స్‌ట‌ర్ హెచ్ఎక్స్‌2 పెట్రోల్ మ్యాన్యువ‌ల్ వేరియంట్‌కు దాదాపు రూ.1,90,596 డౌన్ పేమెంట్ చెల్లిస్తే, మిగిలిన రూ.5,22,540 మొత్తాన్ని లోన్‌గా పొందవచ్చు. 10 శాతం వడ్డీ రేటుతో ఐదేళ్ల కాలానికి లోన్ తీసుకుంటే ప్రతి నెల రూ.11,102 EMI చెల్లించాల్సి ఉంటుంది. మొత్తం ఐదేళ్లలో రూ.1,43,580 వడ్డీ చెల్లించగా, మొత్తం చెల్లించే మొత్తం రూ.6,66,120 అవుతుంది. డౌన్ పేమెంట్‌ను పెంచితే EMI తగ్గుతుంది. అలాగే లోన్ కాలాన్ని పెంచితే నెలవారీ EMI తగ్గినా, మొత్తం వడ్డీ భారం పెరిగే అవకాశం ఉంటుంది. అంటే స‌రాస‌రి నెల‌కు రూ. 40 వేలు జీతం వ‌చ్చే వ్య‌క్తి కూడా ఈ కారును సొంతం చేసుకోవ‌చ్చు.

Hyundai Exterను ఆధునిక మైక్రో SUVగా తీర్చిదిద్దారు. బోల్డ్ డిజైన్, స్టైలిష్ ఫ్రంట్ లుక్, ఎత్తైన బాడీ కారణంగా ఇది రోడ్డుపై ప్రత్యేకంగా కనిపిస్తుంది. 3,830 మిల్లీమీటర్ల పొడవు, 1,723 మిల్లీమీటర్ల వెడల్పు, 1,643 మిల్లీమీటర్ల ఎత్తుతో నగరాల్లో డ్రైవ్ చేయడానికి అనువైన పరిమాణంలో ఉంటుంది. సింగిల్ టోన్, డ్యూయల్ టోన్ కలర్ ఆప్షన్‌లు వినియోగదారులకు అందుబాటులో ఉన్నాయి. బై-ఫంక్షన్ ప్రొజెక్టర్ హెడ్‌ల్యాంప్స్, వీల్ ఆర్చ్ క్లాడింగ్ వంటి ఫీచర్లు ఈ కారుకు మరింత ప్రీమియం లుక్‌ను తీసుకొచ్చాయి.

హ్యుండాయ్ ఎక్స్‌ట‌ర్‌లోని క్యాబిన్ ప్రయాణికుల సౌకర్యాన్ని దృష్టిలో పెట్టుకుని రూపొందించారు. ఎక్కువసేపు ప్రయాణించినా అలసట లేకుండా ఉండేలా సీట్లు, ఇంటీరియర్ డిజైన్‌ను తయారు చేశారు. ఫుట్‌వెల్ లైటింగ్, మెటల్ పెడల్స్, వైర్‌లెస్ స్మార్ట్‌ఫోన్ ఛార్జర్, పూర్తిగా ఆటోమేటిక్ టెంపరేచర్ కంట్రోల్, రియర్ AC వెంట్స్ వంటి ఫీచర్లు ప్రయాణాన్ని మరింత సౌకర్యవంతంగా మారుస్తాయి. అలెక్సా ద్వారా హోమ్ టూ కార్ (H2C) సపోర్ట్, 60కి పైగా కనెక్టెడ్ కార్ ఫీచర్లు, 300కు పైగా వాయిస్ కమాండ్లు వంటి స్మార్ట్ టెక్నాలజీలు ఈ కారులో ప్రత్యేక ఆకర్షణగా నిలుస్తాయి.

హ్యుండాయ్ ఎక్స్‌ట‌ర్‌లో భద్రతకు అత్యంత ప్రాధాన్యం ఇచ్చారు. కంపెనీ ఈ కారులో 30 స్టాండర్డ్ సేఫ్టీ ఫీచర్లతో పాటు 45కు పైగా అడ్వాన్స్‌డ్ సేఫ్టీ ఫీచర్లను అందిస్తోంది. టైర్ ప్రెజర్ మానిటరింగ్ సిస్టమ్ (TPMS), ISOFIX చైల్డ్ సీట్ యాంకర్లు, బలమైన బాడీ స్ట్రక్చర్ వంటి ఫీచర్లు డ్రైవర్‌తో పాటు ప్రయాణికుల భద్రతను పెంచుతాయి. నగర ట్రాఫిక్‌లోనే కాకుండా హైవే ప్రయాణాల్లో కూడా నమ్మకంగా డ్రైవ్ చేసేలా ఈ కారును రూపొందించారు.

హ్యుండాయ్ ఎక్స్‌ట‌ర్‌లో 4 సిలిండర్ స్ట్రైట్ పెట్రోల్ ఇంజిన్‌ను అందించారు. పెట్రోల్ వేరియంట్‌తో పాటు Hy-CNG Duo టెక్నాలజీ కూడా అందుబాటులో ఉంది. పెట్రోల్ ట్యాంక్ సామర్థ్యం 37 లీటర్లు కాగా, CNG వేరియంట్‌లో 37 లీటర్ల పెట్రోల్ ట్యాంక్‌తో పాటు 60 లీటర్ల వాటర్ ఈక్వివలెంట్ సామర్థ్యం గల డ్యూయల్ CNG సిలిండర్లు ఉంటాయి. డ్యూయల్ సిలిండర్ టెక్నాలజీ కారణంగా బూట్ స్పేస్ కూడా ఎక్కువగా లభిస్తుంది. మంచి మైలేజ్, ఆధునిక ఫీచర్లు, భద్రత, EMI సౌకర్యం అన్నీ ఒకే కారులో కోరుకునే వారికి Hyundai Exter మంచి ఎంపికగా చెప్పొచ్చు. దాదాపు రూ.1.90 లక్షల డౌన్ పేమెంట్ చేసి, నెలకు సుమారు రూ.11 వేల EMIతో ఈ కారును సొంతం చేసుకునే అవకాశం ఉండటం మధ్యతరగతి కుటుంబాలకు కూడా అందుబాటులో ఉండే అంశంగా చెప్పవచ్చు.

Maruti Suzuki: మారుతి నుంచి మైండ్ బ్లాకింగ్ కారు.. రూ. 5 లక్షలకే 34KM మైలేజ్, 6 ఎయిర్‌బ్యాగ్స్

Mahesh Rajamoni — Wed, 09 Sep 2026 12:05:17 +0530

Maruti Suzuki WagonR: ఆగస్టులో మారుతి వ్యాగన్ఆర్ దుమ్మురేపింది. అత్యధిక అమ్మకాలతో టాప్ లో నిలిచింది. 34 కేఎం మైలేజ్, రూ. 4.98 లక్షల ఆరంభ ధర, 6 ఎయిర్‌బ్యాగ్స్ భద్రతతో సంచలనం రేపుతోంది. మారుతి సుజుకి ఈ కారు పూర్తి వివరాలు ఇక్కడ తెలుసుకుందాం.

ఆగస్టు నెల భారత ఆటోమొబైల్ రంగానికి సాధారణంగా సాగినా, కొన్ని కార్లు మాత్రం అమ్మకాల్లో సరికొత్త రికార్డులు సృష్టించాయి. గతేడాది ఆగస్టుతో పోలిస్తే ఈసారి కార్ల విక్రయాలు పుంజుకోవడం విశేషం. ముఖ్యంగా దేశీయ ఆటోమొబైల్ దిగ్గజం మారుతి సుజుకి భారత మార్కెట్‌లో తన ఆధిపత్యాన్ని మరోసారి నిరూపించుకుంది.

టాప్-10 కార్ల విక్రయాల జాబితాను పరిశీలిస్తే జూలై నెలతో పోలిస్తే పెద్ద మార్పులే చోటుచేసుకున్నాయి. అయినప్పటికీ మారుతి బ్రాండ్ హవా స్పష్టంగా కనిపించింది. దేశంలో అత్యధికంగా అమ్ముడవుతున్న టాప్-10 కార్ల జాబితాలో ఏకంగా 6 మోడళ్లు మారుతి సుజుకికి చెందినవే కావడం విశేషం.

మారుతి కంపెనీ నుంచి అత్యధికంగా అమ్ముడయ్యే మోడళ్లలో సాధారణంగా డిజైర్, స్విఫ్ట్ ముందుంటాయి. కానీ ఈసారి సీన్ మారింది. ఈ రెండు పాపులర్ కార్లను వెనక్కి నెట్టి 'మారుతి సుజుకి వ్యాగన్ఆర్' (Maruti Suzuki WagonR) అగ్రస్థానానికి దూసుకొచ్చింది. వ్యాగన్ఆర్ టాల్-బాయ్ డిజైన్, అద్భుతమైన మైలేజ్ భారతీయ వినియోగదారులను ఎంతగానో ఆకట్టుకుంటున్నాయి.

ఆగస్టు నెలలో వ్యాగన్ఆర్ అమ్మకాలు భారీగా పెరిగాయి. ఈ ఒక్క నెలలోనే కంపెనీ ఏకంగా 20,180 యూనిట్ల వ్యాగన్ఆర్ కార్లను విక్రయించింది. గతేడాది ఆగస్టులో కంపెనీ 14,552 యూనిట్లను మాత్రమే విక్రయించింది. అంటే ఇయర్-ఆన్-ఇయర్ ప్రాతిపదికన ఈ కారు అమ్మకాల్లో 39 శాతం భారీ పెరుగుదల నమోదైంది. అత్యధికంగా అమ్ముడైన టాప్-10 కార్ల మొత్తం జాబితాలో వ్యాగన్ఆర్ రెండో అత్యధిక విక్రయాలు సాధించిన కారుగా నిలిచింది.

ధర విషయానికి వస్తే మారుతి సుజుకి వ్యాగన్ఆర్ సామాన్యుడి బడ్జెట్‌కు చాలా అనుకూలంగా ఉంటుంది.

• ఎక్స్-షోరూమ్ ధర: రూ. 4.98 లక్షల నుంచి ప్రారంభమవుతుంది.

• సిఎన్‌జి వేరియంట్ ధర: రూ. 5.93 లక్షల నుంచి లభిస్తుంది.

మైలేజ్ విషయానికొస్తే:

• సిఎన్‌జి మోడల్: కిలో గ్రాముకు 34.05 కిలోమీటర్ల మైలేజ్ ఇస్తుంది.

• పెట్రోల్ మోడల్: లీటరుకు 25.19 కిలోమీటర్ల మైలేజ్ అందిస్తుంది.

మారుతి వ్యాగన్ఆర్ కారులో 1197 సీసీ (1.2 లీటర్ అడ్వాన్స్‌డ్ K-సిరీస్ డ్యూయల్ జెట్, డ్యూయల్ VVT) ఇంజన్ అందుబాటులో ఉంది. ఈ ఇంజన్ 66.9 kW (90.9 PS) పవర్‌ను విడుదల చేస్తుంది. ఇది మ్యాన్యువల్ ట్రాన్స్ మిషన్ (MT), ఆటోమేటిక్ (AGS) గేర్‌బాక్స్ ఆప్షన్లలో లభిస్తుంది. అలాగే ఎంట్రీ లెవల్ కోసం 1.0 లీటర్ K10C ఇంజన్ ఆప్షన్ కూడా ఉంది.

కస్టమర్ల భద్రత కోసం మారుతి కంపెనీ వ్యాగన్ఆర్‌లో సేఫ్టీ ఫీచర్లను భారీగా పెంచింది.

• 6 ఎయిర్‌బ్యాగ్స్: ఈ కారు బేస్ వేరియంట్‌లో కూడా 6 ఎయిర్‌బ్యాగ్స్ భద్రత ప్రమాణంగా లభిస్తాయి.

• ఇతర సేఫ్టీ ఫీచర్లు: ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ అసిస్ట్, ఇబిడి (EBD)తో కూడిన ఏబిఎస్ (ABS) బ్రేకింగ్ సిస్టమ్ ఉన్నాయి.

• స్వివెల్ సీట్ ఫీచర్: పరిమిత కదలికలు ఉన్న ప్రయాణికులు కారులోకి సులభంగా ఎక్కడానికి, దిగడానికి వీలుగా 'స్వివెల్ సీట్' ఆప్షన్ కూడా ఉంది.

కనీస ధర, అత్యధిక మైలేజ్, మెరుగైన సేఫ్టీ ఫీచర్లు ఉండటంతో వ్యాగన్ఆర్ ఇండియన్ మిడిల్ క్లాస్ ఫ్యామిలీస్‌కు ఆల్ టైమ్ ఫేవరెట్ కార్‌గా కొనసాగుతోంది.

Upcoming Cars: కార్ లవర్స్‌కి పండగే పండగ.. రోడ్డెక్కనున్న క్రేజీ కార్లు ఇవే !

Mahesh Rajamoni — Sun, 09 Aug 2026 12:11:29 +0530

Upcoming Cars: రాబోయే 30 రోజుల్లో స్కోడా, బీఎమ్‌డబ్ల్యూ, ఎంజీ, కియా సంస్థల నుంచి 4 ధమాకా కార్లు మార్కెట్లోకి రాబోతున్నాయి. మహీంద్రా కంపెనీ కూడా కొత్త కార్లతో రచ్చకు సిద్ధమైంది. ఆ పూర్తి వివరాలు ఇక్కడ తెలుసుకుందాం.

భారత ఆటోమొబైల్ మార్కెట్‌లో రాబోయే 30 రోజులు చాలా హాట్‌గా ఉండబోతున్నాయి. ఆగస్టు మిడ్ నుంచి సెప్టెంబర్ మొదటి వారం వరకు ఏకంగా 4 బ్రాండ్లు తమ మోస్ట్ అవైటెడ్ కార్లను మార్కెట్లోకి దింపడానికి రెడీ అయ్యాయి. ఈ సారి స్వాతంత్ర్య దినోత్సవం సందర్భంగా మహీంద్రా కంపెనీ తమ రాబోయే ఎస్‌యూవీలను ప్రకటించకపోయినప్పటికీ, స్కోడా, జేఎస్‌డబ్ల్యూ ఎంజీ మోటార్ ఇండియా, బీఎమ్‌డబ్ల్యూ, కియా కంపెనీలు మాత్రం కార్ లవర్స్‌కు మైండ్ బ్లాకింగ్ ఆప్షన్లను సరికొత్తగా పరిచయం చేస్తున్నాయి.

మిడ్ సైజ్ సెడాన్ల నుంచి లాంగ్ వీల్‌బేస్ లగ్జరీ ఎస్‌యూవీల వరకు, అధిక మైలేజ్ ఇచ్చే ప్లగ్-ఇన్ హైబ్రిడ్ల నుంచి 3-రో ఎస్‌యూవీల వరకు రకరకాల కార్లు మన ముందుకు వస్తున్నాయి. ఈ రాబోయే 30 రోజుల్లో లాంచ్ కానున్న ఆ టాప్ కార్ల వివరాలను గమనిస్తే..

స్కోడా ఇండియా తన పాపులర్ మిడ్-సైజ్ సెడాన్ అయిన 'స్లావియా'కు మిడ్-లైఫ్ అప్‌డేట్ ఇస్తోంది. ఈ మోడల్ ఆగస్టు 18 గ్రాండ్‌గా లాంచ్ కానుంది. ఈ కార్ హోండా సిటీ, హ్యుందాయ్ వెర్నా, ఫోక్స్‌వ్యాగన్ వర్టస్ మోడళ్లకు గట్టి పోటీ ఇవ్వనుంది.

స్కోడా స్లావియా ఫేస్‌లిఫ్ట్ ఫీచర్లు, పవర్‌ట్రెయిన్:

• బయటి వైపు కొత్త ఎల్ఈడీ హెడ్‌లాంప్స్, అప్‌డేటెడ్ బంపర్లు, కొత్త డిజైన్ అలాయ్ వీల్స్, రీ-డిజైన్ చేసిన ఫ్రంట్ గ్రిల్‌తో ఇది చాలా షార్ప్‌గా కనిపిస్తుంది.

• క్యాబిన్ లోపల అప్‌గ్రేడెడ్ డిజిటల్ డ్రైవర్ డిస్‌ప్లేతో పాటు వెనుక సీట్లలో కూర్చునే వారి కోసం మసాజ్ ఫంక్షన్ ఫీచర్‌ను అందించబోతున్నారు.

• అతిపెద్ద మార్పు ఏంటంటే, ఇందులో 1.0-లీటర్ 3-సిలిండర్ టిఎస్ఐ ఇంజిన్ కోసం కొత్త 8-స్పీడ్ టార్క్‌ కన్వర్టర్ ఆటోమేటిక్ గేర్‌బాక్స్ ఇస్తున్నారు. ఇది పాత 6-స్పీడ్ యూనిట్ స్థానంలో వస్తుంది. దీనివల్ల డ్రైవింగ్ చాలా స్మూత్‌గా ఉండటమే కాకుండా మైలేజ్ కూడా పెరుగుతుంది.

• 1.5-లీటర్ TSI ఇంజిన్ మాత్రం తన సిగ్నేచర్ 7-స్పీడ్ డిఎస్‌జీ గేర్‌బాక్స్‌తోనే కొనసాగుతుంది.

లగ్జరీ కార్ల దిగ్గజం బీఎమ్‌డబ్ల్యూ తన పాపులర్ ఎస్‌యూవీ X1 లో లాంగ్ వీల్‌బేస్ వేరియంట్‌ను ఆగస్టు 21న ఇండియన్ మార్కెట్లో లాంచ్ చేయబోతోంది. ఈ కారును భారతదేశంలోనే అసెంబుల్ చేయనున్నారు. దీని అంచనా ధర రూ. 50 లక్షల నుంచి రూ. 55 లక్షల వరకు ఉండే అవకాశం ఉంది.

బీఎమ్‌డబ్ల్యూ ఎక్స్1 ఎల్‌డబ్ల్యూబీ ఫీచర్లు, పవర్‌ట్రెయిన్:

• ఇది 4616 మిమీ పొడవు, 1845 మిమీ వెడల్పు, 1641 మిమీ ఎత్తు, 2802 మిమీ వీల్‌బేస్ కలిగి ఉంటుంది. సాధారణ మోడల్‌తో పోలిస్తే ఇది 116 మిమీ ఎక్కువ పొడవు, 110 మిమీ ఎక్కువ వీల్‌బేస్ కలిగి ఉంటుంది. దీనివల్ల వెనుక సీట్లో లెగ్‌రూమ్ చాలా స్పేసియస్‌గా ఉంటుంది.

• బూట్ స్పేస్ ఏకంగా 540 లీటర్లు అందుబాటులోకి వస్తుంది.

• ఇంటీరియర్‌లో 10.7-ఇంచుల టచ్‌స్క్రీన్ ఇన్ఫోటైన్‌మెంట్, 10.25-ఇంచుల డిజిటల్ డ్రైవర్ డిస్‌ప్లే, వైర్‌లెస్ ఛార్జింగ్ ప్యాడ్, ఎలక్ట్రికల్లీ అడ్జస్టబుల్ ఫ్రంట్ సీట్లు, పవర్డ్ టెయిల్‌గేట్, హార్మన్ కార్డన్ సౌండ్ సిస్టమ్, ఆటో పార్క్ అసిస్ట్ వంటి అనేక ప్రీమియం ఫీచర్లు ఉంటాయి.

• పవర్‌ట్రెయిన్ విషయానికి వస్తే 1.5L 3-సిలిండర్ టర్బో పెట్రోల్ ఇంజిన్ (154bhp, 230Nm) 7-స్పీడ్ డ్యూయల్ క్లచ్ ట్రాన్స్‌మిషన్‌తో వస్తుంది. డీజిల్ వేరియంట్ 2.0L టర్బో యూనిట్‌ను కలిగి ఉంటుంది.

జేఎస్‌డబ్ల్యూ ఎంజీ మోటార్ ఇండియా ఆగస్టు 26న 'ఎంజీ హెక్టర్ హాక్' పేరుతో సరికొత్త ఎస్‌యూవీని లాంచ్ చేయనుంది. గ్లోబల్ మార్కెట్‌లో ఉన్న ‘వులింగ్ స్టార్‌లైట్ 560’ ఆధారంగా భారత్‌కు తగ్గట్టు దీనిని డిజైన్ చేశారు. దీని అంచనా ధర రూ. 22 లక్షల నుంచి రూ. 35 లక్షల వరకు ఉంటుంది. ఇది మహీంద్రా XUV 7XO, XEV 9S మోడళ్లతో పోటీపడనుంది.

ఎంజీ హెక్టర్ హాక్ ఫీచర్లు, పవర్‌ట్రెయిన్:

• ఈ ఎస్‌యూవీని ప్లగ్-ఇన్ హైబ్రిడ్, ఆల్-ఎలక్ట్రిక్ మోడళ్లలో తీసుకొస్తున్నారు.

• PHEV వేరియంట్: 1.5L పెట్రోల్ ఇంజిన్, ఎలక్ట్రిక్ మోటార్, 20.5kWh బ్యాటరీ ప్యాక్‌తో వస్తుంది. ఇది 194bhp పవర్, 230Nm టార్క్‌ని జనరేట్ చేస్తుంది. కేవలం ఎలక్ట్రిక్ మోడ్‌పై 125 కిమీ ప్రయాణించవచ్చు. ఇక 52 లీటర్ల ఫ్యూయల్ ట్యాంక్ ప్లస్ బ్యాటరీతో కలిపి ఇది ఏకంగా 1100 కిలోమీటర్ల వరకు రేంజ్ ఇస్తుందని సీఎల్‌టీసీ క్లెయిమ్ చేస్తోంది.

• ఈవీ వేరియంట్: 69.2 kWh బ్యాటరీ ప్యాక్, ఫ్రంట్-యాక్సిల్ మోటార్‌తో వస్తుంది. ఇది 201hp పవర్, 310Nm టార్క్‌ని అందిస్తుంది. ఒకే ఛార్జ్‌పై 530 కిమీ రేంజ్ ఇస్తుంది.

కియా ఇండియా నుంచి రాబోతున్న ఫ్లాగ్‌షిప్ 3-రో ఎస్‌యూవీ 'సోరెంటో' సెప్టెంబర్ 4న లాంచ్ కాబోతోంది. కేవలం రూ. 25,000 టోకెన్ అమౌంట్‌ చెల్లించి ఆన్‌లైన్‌లో లేదా డీలర్‌షిప్‌లలో ఈ కారును బుక్ చేసుకోవచ్చు. దీని అంచనా ధర రూ. 38 లక్షల నుంచి రూ. 42 లక్షల వరకు ఉండవచ్చు.

కియా సోరెంటో ఫీచర్లు, పవర్‌ట్రెయిన్:

• ఇది భారతదేశంలో స్థానికంగా అసెంబుల్ కానుంది. కియా నుంచి భారత్‌లోకి వస్తున్న మొదటి స్ట్రాంగ్ హైబ్రిడ్ కార్ ఇదే కావడం విశేషం.

• ఇందులో 1.6-లీటర్ టర్బో-పెట్రోల్ స్ట్రాంగ్ హైబ్రిడ్ ఇంజిన్‌తో పాటు, బాగా పాపులర్ అయిన 2.2-లీటర్ టర్బో డీజిల్ ఇంజిన్ ఆప్షన్లు కూడా ఉంటాయి.

• ఇది 6 సీటర్, 7 సీటర్ లేఅవుట్లలో అందుబాటులోకి రానుంది. 6-సీటర్ మోడల్‌లో సెకండ్ రో క్యాప్టెన్ సీట్లు ఉంటాయి.

• ఇంటీరియర్‌లో ట్విన్ 12.3-ఇంచుల కర్వ్‌డ్ స్క్రీన్స్, బోస్ ఆడియో సిస్టమ్, రకరకాల టెర్రైన్ డ్రైవ్ మోడ్స్, లెవెల్ 2 ADAS సేఫ్టీ ఫీచర్లు ఉంటాయి.

మహీంద్రా తన పాపులర్ ఎస్‌యూవీ స్కార్పియో ఎన్ కు కొత్త అప్‌డేట్ ఇస్తోంది. ఇది ఫేస్‌లిఫ్ట్ కాదు, కేవలం మోడల్ ఇయర్ అప్‌డేట్ మాత్రమే. దేశ వ్యాప్తంగా ఉన్న కొన్ని షోరూమ్‌లకు ఇప్పటికే ఈ కొత్త వర్షన్ చేరుకున్నట్లు వీడియోల ద్వారా తెలుస్తోంది.

ఈ కొత్త అప్‌డేట్‌లో 360-డిగ్రీ కెమెరా, పనోరమిక్ సన్‌రూఫ్, పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, ఫుల్లీ డిజిటల్ ఇన్‌స్ట్రుమెంట్ క్లస్టర్, 65W టైప్-సి ఛార్జింగ్ పోర్ట్లు, రీ-డిజైన్ చేసిన సెంటర్ కన్సోల్, కొత్త అలాయ్ వీల్స్ రాబోతున్నాయి. ఇంజిన్‌లో ఎలాంటి మార్పులూ ఉండవు. పాత 2.2-లీటర్ డీజిల్, 2.0-లీటర్ టర్బో-పెట్రోల్ ఇంజిన్ ఆప్షన్లతోనే ఇవి మాన్యువల్, ఆటోమేటిక్ గేర్‌బాక్స్‌లలో లభిస్తాయి.

Best SUVs Under 8 Lakhs: 8 లక్షల లోపే 5 స్టార్ సేఫ్టీ, 21 కిమీ మైలేజ్ ఇచ్చే బెస్ట్ ఎస్‌యూవీలు ఇవే

Mahesh Rajamoni — Wed, 30 Sep 2026 14:51:19 +0530

Best SUVs Under 8 Lakhs: భారత ఆటోమొబైల్ మార్కెట్‌లో రూ. 8 లక్షల లోపు బడ్జెట్‌లో 5 స్టార్ సేఫ్టీ, 21 కిమీ మైలేజ్ ఇచ్చే కాంపాక్ట్ ఎస్‌యూవీలకు భారీ డిమాండ్ ఉంది. మిడిల్ క్లాస్ ఫ్యామిలీస్ కోసం మైండ్ బ్లాకింగ్ ఆప్షన్స్ ఉన్నాయి. ఆ వివరాలు మీకోసం.

మీ బడ్జెట్ దాదాపు 8 లక్షల రూపాయలు ఉందా? మీ చిన్న కుటుంబానికి ఒక సూపర్ ఎస్‌యూవీ కార్ కొనాలని ప్లాన్ చేస్తున్నారా? ఐతే ఇండియన్ మార్కెట్లో మీకు చాలా మైండ్ బ్లోయింగ్ ఆప్షన్స్ అందుబాటులో ఉన్నాయి. ప్రస్తుతం కస్టమర్లు ఎక్కువగా ఇష్టపడుతున్న కార్లలో మారుతి సుజుకి బ్రెజ్జా, టాటా నెక్సాన్, స్కోడా కైలాక్, హ్యుందాయ్ వేన్యూ ముందు వరుసలో ఉన్నాయి.

అయితే ఈ నాలుగు కార్లు ఒకదానికొకటి గట్టి పోటీ ఇస్తుండటంతో, వీటిలో ఏది బెస్ట్ వాల్యూ ఫర్ మనీ అనేది తేల్చడం కాస్త కష్టమే. అందుకే మీ ఫ్యామిలీకి పర్ఫెక్ట్ గా సరిపోయే కార్‌ను ఎంచుకోవడానికి వీలుగా.. ఈ నాలుగు పాపులర్ ఎస్‌యూవీల ధర, మైలేజ్, ఇంజిన్, సేఫ్టీ, లేటెస్ట్ ఫీచర్లను కంపేర్ చేసి అందిస్తున్నాం.

మారుతి సుజుకి బ్రెజ్జా ప్రారంభ ధర రూ. 7.39 లక్షలు (ఎక్స్-షోరూమ్)గా ఉంది. ఇందులో 1.5 లీటర్ K15C పెట్రోల్ ఇంజిన్ ఇచ్చారు. ఇది రోడ్డుపై చాలా స్మూత్ పర్ఫార్మెన్స్ అందిస్తుంది. ఈ కారు ఇంటీరియర్ చాలా కంఫర్టబుల్‌గా ఉంటుంది. కేబిన్‌లో మంచి లెగ్‌‌రూమ్ లభిస్తుంది.

ఫీచర్ల విషయానికి వస్తే, ఇందులో 9 ఇంచుల టచ్‌‌స్క్రీన్, ఎలక్ట్రిక్ సన్‌రూఫ్, హెడ్స్-అప్ డిస్‌ప్లే, వైర్‌లెస్ ఛార్జర్ వంటి కిరాక్ ఫీచర్లు ఉన్నాయి. సేఫ్టీ కోసం ఇందులో 6 ఎయిర్‌‌బ్యాగ్‌లు, ఎబీఎస్, ఈబీడీ, ఈఎస్పీ ఫీచర్లు లభిస్తాయి. ఈ కారు లీటరుకు 17 నుండి 20 కిలోమీటర్ల వరకు ఈజీగా మైలేజ్ ఇస్తుంది. మైలేజ్, తక్కువ మెయింటెనెన్స్ కోరుకునే వారికి ఇది బెస్ట్ ఆప్షన్.

టాటా నెక్సాన్ ప్రారంభ ధర రూ. 7.39 లక్షలు (ఎక్స్-షోరూమ్)గా ఉంది. ఈ కారు 1.2 లీటర్ టర్బో-పెట్రోల్, 1.5 లీటర్ డిజిల్ ఇంజిన్ ఆప్షన్లలో లభిస్తుంది. సెక్యూరిటీ పరంగా నెక్సాన్ క్రాష్ టెస్ట్‌లో 5 స్టార్ సేఫ్టీ రేటింగ్ సాధించింది. ఇందులో 6 ఎయిర్‌బ్యాగ్‌లు స్టాండర్డ్‌గా వస్తాయి.

కారు లోపల 10.25 ఇంచుల టచ్‌స్క్రీన్, డిజిటల్ క్లస్టర్, 360 డిగ్రీ కెమెరా, వెంటిలేటెడ్ సీట్లు వంటి మోడ్రన్ ఫీచర్లు ఉన్నాయి. దీని పెట్రోల్ మోడల్ లీటరుకు 17 నుండి 17.5 కిమీ మైలేజ్ ఇస్తే, డిజిల్ మోడల్ ఏకంగా 23 నుండి 24 కిమీ వరకు సూపర్‌ మైలేజ్‌ను అందిస్తుంది.

స్కోడా కైలాక్ ప్రారంభ ధరను కంపెనీ రూ. 7.59 లక్షలు (ఎక్స్-షోరూమ్)గా నిర్ణయించింది. ఇందులో 1.0 లీటర్ TSI టర్బో-పెట్రోల్ ఇంజిన్ ఉంది. ఇది 115 PS పవర్, 178 Nm టాప్ టార్క్‌ను జనరేట్ చేస్తుంది. లాంగ్ ఫ్యామిలీ ట్రిప్స్ వేసే వారికి ఇందులో 446 లీటర్ల పెద్ద బూట్ స్పేస్ లభిస్తుంది.

ఈ కారులో 10.1 ఇంచుల టచ్‌స్క్రీన్, వెంటిలేటెడ్ సీట్లు, ఆటోమేటిక్ క్లైమేట్ కంట్రోల్ వంటి ప్రీమియం ఫీచర్లు ఉన్నాయి. ప్రయాణికుల రక్షణ కోసం 6 ఎయిర్‌బ్యాగ్‌లు, రోల్‌ఓవర్ ప్రొటెక్షన్ ఇచ్చారు. ఈ కారు సుమారు 18 నుండి 19 కిలోమీటర్ల మైలేజ్ ఇస్తుంది. డ్రైవింగ్ అనుభవాన్ని ఎంజాయ్ చేసే వారికి ఇది పర్ఫెక్ట్.

హ్యుందాయ్ వేన్యూ ప్రారంభ ధర రూ. 7.99 లక్షలు (ఎక్స్-షోరూమ్) నుండి ప్రారంభమవుతుంది. ఇది 1.2 లీటర్ పెట్రోల్, 1.0 లీటర్ టర్బో-పెట్రోల్, 1.5 లీటర్ డిజిల్ ఇంజిన్ ఆప్షన్లలో లభిస్తుంది. వేన్యూ కేబిన్ డిజైన్ చాలా ప్రాక్టికల్‌గా ఉంటుంది. వెనుక సీట్లను రీక్లైన్ చేసుకునే వెసులుబాటు, యాంబియంట్ లైటింగ్ ఇందులో ఉన్నాయి.

ఇందులో 8 ఇంచుల టచ్‌స్క్రీన్, బ్లూలింక్ కనెక్టెడ్ కార్ టెక్నాలజీతో పాటు లెవెల్-2 ఏడీఏఎస్ సేఫ్టీ ఫీచర్లు లభిస్తాయి. అన్ని వేరియంట్లలో 6 ఎయిర్‌బ్యాగ్‌లు కామన్. ఇంజిన్ రకాన్ని బట్టి ఈ కారు లీటరుకు 17 నుండి 21 కిలోమీటర్ల వరకు మైలేజ్ ఇస్తుంది. లేటెస్ట్ టెక్నాలజీ కోరుకునే వారికి ఇది గుడ్ ఛాయిస్.

ఏ విధమైన టెన్షన్ లేకుండా మంచి మైలేజ్, తక్కువ మెయింటెనెన్స్ కాస్ట్ కావాలనుకుంటే మార్కెట్లో మారుతి బ్రెజ్జా ఒక బెస్ట్ ఛాయిస్. అద్భుతమైన సేఫ్టీ బిల్డ్ క్వాలిటీ, మంచి డిజైన్, డిజిల్ ఇంజిన్ కోరుకునే వారికి టాటా నెక్సాన్ సరైన కారు. సూపర్ డ్రైవింగ్ ఎక్స్‌పీరియన్స్, ఎక్కువ బూట్ స్పేస్ ఇష్టపడే వారు స్కోడా కైలాక్ వైపు వెళ్ళవచ్చు. ఇక మోడ్రన్ డిజైన్, ఏడీఏఎస్ వంటి అడ్వాన్స్డ్ ఫీచర్లు కావాలనుకుంటే హ్యుందాయ్ వేన్యూ కచ్చితంగా పర్ఫెక్ట్ ఆప్షన్ అవుతుంది.

EV Car: 10 నిమిషాల్లో ఫుల్ ఛార్జ్‌.. ఏకంగా 1100కిలో మీట‌ర్ల మైలేజ్ ఇచ్చే ఎల‌క్ట్రిక్ కారు

Narender Vaitla — Thu, 27 Aug 2026 18:02:58 +0530

EV Car: ఎలక్ట్రిక్ కార్లలో రేంజ్, ఛార్జింగ్ స్పీడ్‌ లో కొత్త రికార్డులు సృష్టించేలా చైనా ఎలక్ట్రిక్ వాహన తయారీ సంస్థ BYD కొత్త కారును తీసుకొచ్చింది. డెంజా జెడ్‌9ఎస్ పేరుతో లాంచ్ చేసిన కారుకు సంబంధించిన పూర్తి వివ‌రాలు.

డెంజా Z9S ఒక ఎలక్ట్రిక్ సెడాన్‌. చైనాలో దీని ప్రారంభ ధర సుమారు 47,100 డాలర్లు. భారత కరెన్సీలో చెప్పాలంటే దీని ధ‌ర‌ దాదాపు రూ.40 లక్షలు ఉంటుంది. ఈ ధరలోనే భారీ రేంజ్‌ను అందిస్తుండటం కారుకు ప్రధాన ఆకర్షణగా మారింది. కేవలం ఎక్కువ దూరం ప్రయాణించడమే కాకుండా వేగంగా బ్యాటరీని నింపుకునే సదుపాయాన్ని కూడా BYD ఇందులో అందించింది. దీంతో తరచూ లాంగ్ డ్రైవ్‌లు చేసే వారికి ఈ కారు బాగా ఉప‌యోగ‌ప‌డ‌నుంది.

Denza Z9Sలో BYDకు చెందిన బ్లేడ్ బ్యాట‌రీ టెక్నాలజీని ఉపయోగించారు. కంపెనీ వివరాల ప్రకారం.. కేవలం 5 నిమిషాల్లో బ్యాటరీని 10 శాతం నుంచి 70 శాతం వరకు ఛార్జ్ చేయవచ్చు. ఇక 10 శాతం నుంచి 97 శాతం వరకు ఛార్జ్ చేసేందుకు సుమారు 9 నిమిషాలు పడుతుందని BYD చెబుతోంది. అంటే కొన్ని నిమిషాలు ఛార్జింగ్ చేసిన తర్వాతే వందల కిలోమీటర్ల ప్రయాణానికి అవసరమైన బ్యాటరీని పొందే అవకాశం ఉంటుంది. ఎలక్ట్రిక్ వాహనాల్లో ఎక్కువగా కనిపించే ఛార్జింగ్ సమయం సమస్యకు ఇలాంటి టెక్నాలజీ పరిష్కారంగా మారవచ్చు.

డెంజా Z9Sను మూడు వేర్వేరు రేంజ్ ఆప్షన్లలో అందించనున్నట్లు సమాచారం. బేస్ వేరియంట్ సుమారు 780 కిలోమీటర్ల రేంజ్ ఇవ్వొచ్చు. తదుపరి వేరియంట్ రేంజ్ సుమారు 920 కిలోమీటర్లుగా ఉంటుంది. టాప్ వేరియంట్ ఏకంగా 1,100 కిలోమీటర్ల వరకు ప్రయాణిస్తుందని కంపెనీ ప్రకటించింది. అయితే ఈ రేంజ్ గణాంకాలను చూసేటప్పుడు ఒక ముఖ్యమైన విషయం గుర్తుంచుకోవాలి. ఇవి చైనాలో ఉపయోగించే CLTC టెస్టింగ్ విధానంపై ఆధారపడిన గణాంకాలు. ఈ పరీక్షల్లో సాధారణ రోడ్లపై వాస్తవ డ్రైవింగ్‌తో పోలిస్తే రేంజ్ మారే అవ‌కాశం ఉంది.

CLTC రేంజ్‌ను నేరుగా ఇతర దేశాల టెస్టింగ్ ఫలితాలతో పోల్చడం సరైనది కాదు. ముఖ్యంగా అమెరికాలో ఉపయోగించే EPA ప్రమాణాలు మరింత కఠినంగా ఉంటాయి. అదే ప్రమాణాల ప్రకారం Denza Z9S రేంజ్ తక్కువగా నమోదయ్యే అవకాశం ఉంది. ప్రస్తుతం అమెరికా మార్కెట్లో ఎక్కువ రేంజ్ అందించే ఎలక్ట్రిక్ కార్లలో లుసిడ్ ఎయిర్ గ్రాండ్ టూరింగ్ ఒకటి. దీని EPA రేంజ్ సుమారు 824 కిలోమీటర్లు. Denza Z9Sకు ప్రకటించిన 1,100 కిలోమీటర్ల రేంజ్ దీనికంటే ఎక్కువే అయినప్పటికీ, రెండు కార్ల గణాంకాలు వేర్వేరు టెస్టింగ్ విధానాల ఆధారంగా ఉండటంతో నేరుగా పోల్చడం సరికాదు.

Denza Z9Sలో అధిక రేంజ్‌తో పాటు అత్యంత వేగవంతమైన ఛార్జింగ్ టెక్నాలజీని అందించడంపై BYD ప్రధానంగా దృష్టి పెట్టింది. ఒకవైపు ఛార్జింగ్ సమయం తగ్గించడం, మరోవైపు ఎక్కువ దూరం ప్రయాణించేలా చేయడం ద్వారా ఎలక్ట్రిక్ కార్లపై వినియోగదారులలో ఉన్న ప్రధాన ఆందోళనలను తగ్గించే ప్రయత్నం చేసింది. అయితే 1,100 కిలోమీటర్ల రేంజ్ అనేది కంపెనీ పేర్కొన్న CLTC గణాంకం మాత్రమే. వాస్తవ రహదారులపై రేంజ్ డ్రైవింగ్ వేగం, వాతావరణం, రోడ్డు పరిస్థితులు, ఏసీ వినియోగం వంటి అంశాలపై ఆధారపడి మారుతుంది. అయినప్పటికీ వేగవంతమైన ఛార్జింగ్, భారీ రేంజ్‌తో Denza Z9S ఎలక్ట్రిక్ కార్ల మార్కెట్లో కొత్త పోటీకి దారితీసే మోడల్‌గా నిలిచే అవకాశం ఉంది.

Mahindra Scorpio Pickup Truck: అదరగొట్టే లుక్స్, కేక అనిపించే ఫీచర్లతో మహీంద్రా స్కార్పియో లైఫ్‌స్టైలర్ పిక్అప్ గ్రాండ్ ఎంట్రీ

Mahesh Rajamoni — Sun, 16 Aug 2026 09:06:34 +0530

Mahindra Scorpio Lifestyler Pickup: మహీంద్రా తన కొత్త స్కార్పియో లైఫ్‌స్టైలర్ పిక్అప్‌ను భారత్‌లో అధికారికంగా ఆవిష్కరించింది. 2027 ఏప్రిల్ నాటికి ఇది మార్కెట్లోకి రానుంది. అదరగొట్టే లుక్స్, కేక అనిపించే ఫీచర్లతో వస్తోంది. ఆ వివరాలు మీకోసం.

మహీంద్రా కంపెనీ లైఫ్‌స్టైలర్ పిక్అప్ సెగ్మెంట్‌లోకి సాలిడ్ రీఎంట్రీ ఇచ్చింది. స్కార్పియో ఎన్ మోడల్ ఆధారంగా రూపొందించిన ప్రొడక్షన్ వెర్షన్ పిక్అప్‌ను ‘స్కార్పియో లైఫ్‌స్టైలర్’ (గ్లోబల్ మార్కెట్లలో 'లైఫ్‌స్టైలర్') పేరుతో భారత్‌లో అధికారికంగా ప్రదర్శించింది. ఇది కేవలం స్కార్పియో ఎన్ వెనుక కార్గో బెడ్ తగిలించిన బండి మాత్రమే కాదు, అడ్వెంచర్ ఇష్టపడే నేటితరం వారికి, మోడ్రన్ బయ్యర్స్ కోసం ప్రత్యేకంగా డిజైన్ చేసిన మాస్ వెహికల్.

స్కార్పియో లైఫ్‌స్టైలర్ డిజైన్ పరంగా చాలా పవర్‌ఫుల్‌గా కనిపిస్తుంది.

ముందు భాగంలో భారీ క్రోమ్ స్టడెడ్ రెక్టాంగ్యులర్ గ్రిల్, దానికి ఇరువైపులా స్క్వేర్డ్-ఆఫ్ ఎల్ఈడీ హెడ్‌లాంప్స్ ఉంటాయి. గ్రిల్ పైన 'SCORPIO' అక్షరాలు మెరుస్తుంటాయి.
అగ్రెసివ్ బంపర్, చంకీ స్కిడ్ ప్లేట్, ఆరంజ్ టోవింగ్ పాయింట్స్, బ్లాక్ సర్రౌండ్స్‌తో కూడిన ఎల్ఈడీ ఫాగ్‌లాంప్స్ ఉన్నాయి.
ప్రొఫైల్‌లో బాక్సీ సిల్హౌట్, డ్యూయల్ క్యాబ్ లేఅవుట్, స్ట్రెయిట్ విండ్‌షీల్డ్, రూఫ్ రైల్స్, గ్లోసీ బ్లాక్ ఓఆర్వీఎంలు, డోర్ హ్యాండిల్స్‌పై క్రోమ్ ఇన్సర్ట్‌లు ఉంటాయి.
ఆఫ్‌రోడింగ్ కోసం ఫెండర్-మౌంటెడ్ స్నోర్కెల్, 18-ఇంచ్ డైమండ్-కట్ అల్లాయ్ వీల్స్ అంటే 255/65 గుడ్‌ఇయర్ రాంగ్లర్ టైర్లు అందించారు.
వెనుక వైపు 'MAHINDRA' ఎంబోస్డ్ టెయిల్‌గేట్, ఎల్ఈడీ టెయిల్‌లాంప్స్, స్టీల్ రిమ్ స్పేర్ వీల్, లీఫ్ స్ప్రింగ్ సస్పెన్షన్ ఉన్నాయి.
ఈ పిక్అప్ వ్యాలీ ఎడిషన్, రీఫ్ ఎడిషన్, ట్రయిల్ ఎడిషన్ అనే 3 స్పెషల్ థీమ్‌లలో లభిస్తుంది.
కలర్ ఆప్షన్లు: ఆక్వారీఫ్ (బ్లూ), సహారా బెజ్, ఆర్టెమిస్ గ్రే.

ఇంటీరియర్ వివరాలను పూర్తిగా వెల్లడించకపోయినా, టీజర్ల ప్రకారం ఇది గ్లోబల్ పిక్అప్ స్థాయి ఫీచర్లతో రానుంది. రిపోర్టుల ప్రకారం..

క్యాబిన్‌లో పెద్ద పోర్ట్రెయిట్-ఓరియెంటెడ్ టచ్‌స్క్రీన్ ఇన్ఫోటైన్‌మెంట్ సిస్టమ్, అల్యూమినియం ఇన్సర్ట్‌తో కూడిన కొత్త ఫోర్-స్పోక్ స్టీరింగ్ వీల్ ప్రధాన ఆకర్షణగా ఉంటాయి.
సెంటర్ కన్సోల్‌లో సిల్వర్ ఇన్సర్ట్‌లు, 4x4 సిస్టమ్ కోసం రోటరీ డయల్, పెద్ద సెంటర్ ఆర్మ్‌రెస్ట్ ఉంటాయి.
ఫీచర్ల జాబితాలో సింగిల్-పేన్ సన్‌రూఫ్, వైర్‌లెస్ ఆపిల్ కార్‌ప్లే అండ్ ఆండ్రాయిడ్ ఆటో, డిజిటల్ డ్రైవర్ డిస్‌ప్లే, డ్యూయల్-జోన్ క్లైమేట్ కంట్రోల్, పవర్డ్ అండ్ వెంటిలేటెడ్ ఫ్రంట్ సీట్లు, వైర్‌లెస్ ఛార్జర్, ప్రీమియం ఆడియో సిస్టమ్ ఉండే అవకాశం ఉంది.

భద్రత పరంగా ఈ వాహనంలో లెవెల్ 2 అడ్వాన్స్డ్ డ్రైవర్ అసిస్టెన్స్ సిస్టమ్స్ టెక్నాలజీ ఉండే అవకాశం ఉంది.
6 ఎయిర్‌బ్యాగ్‌లు, ఏబీఎస్ విత్ ఈబీడీ, ఈఎఎస్సీ, ఫ్రంట్ అండ్ రియర్ పార్కింగ్ సెన్సార్లు, హిల్ హోల్డ్ కంట్రోల్ ఉంటాయి.
540-డిగ్రీ కెమెరా సిస్టమ్ ద్వారా వాహనం చుట్టూ ఉన్న పరిసరాలను స్పష్టంగా చూడవచ్చు.
ఇంజిన్ ఆప్షన్లు:
2.0-లీటర్ mStallion టర్బో-పెట్రోల్: 203 PS పవర్, 380 Nm టార్క్ (6-స్పీడ్ MT / 6-స్పీడ్ AT, RWD).
2.2-లీటర్ mHawk డీజిల్: 175 PS పవర్, 400 Nm టార్క్ (6-స్పీడ్ MT / 6-స్పీడ్ AT, RWD / 4WD).

స్కార్పియో లైఫ్‌స్టైలర్‌ను ముంబైలోని మహీంద్రా ఇండియా డిజైన్ స్టూడియో లో డిజైన్ చేసి, చెన్నైలోని మహీంద్రా రీసెర్చ్ వ్యాలీ లో డెవలప్ చేశారు. మహీంద్రా లైఫ్‌స్టైలర్ పిక్అప్‌ ధరలను 2027 ఏప్రిల్‌లో ప్రకటిస్తుంది. దీని ప్రారంభ ధర రూ. 19.79 లక్షలు (ఎక్స్-షోరూమ్) లోపు ఉండే అవకాశం ఉంది. ఇది మార్కెట్లో ఇసుజు వీ-క్రాస్, టయోటా హిలక్స్‌లకు గట్టి పోటీనిస్తుంది.

ఆస్ట్రేలియా, న్యూజిలాండ్, సౌతాఫ్రికా, మిడిల్ ఈస్ట్, లాటిన్ అమెరికా వంటి గ్లోబల్ మార్కెట్లను మహీంద్రా టార్గెట్ చేస్తోంది. "అథెంటిక్ కెపాసిటీతో పాటు రోజువారీ వాడకానికి అనువైన టెక్నాలజీ, సేఫ్టీ కోరుకునే కస్టమర్ల కోసం ఈ మోడల్ తీసుకొస్తున్నాం" అని మహీంద్రా వర్గాలు పేర్కొన్నాయి. ఇదే సమయంలో మహీంద్రా తమ బీఈ 6-SPORTEQ ఎలక్ట్రిక్ SUV సిరీస్‌ను కూడా పరిచయం చేసింది. దీని డెలివరీలు 2026 ఆగస్టు 26 నుండి ప్రారంభం కానున్నాయి. లాంచ్ ఎడిషన్, ఫార్ములా ఈ ఫ్రీడమ్ ఎడిషన్ మోడళ్లను కూడా కంపెనీ ఆవిష్కరించింది.

TATA Aeris: కారుపై 20 ట‌న్నుల రాళ్లు ప‌డితే ఏమ‌వుతుంది.? వీడియో చూస్తే షాక్ అవుతారు

Narender Vaitla — Tue, 29 Sep 2026 17:04:12 +0530

TATA Aeris: టాటా మోటార్స్‌ సెడాన్‌ ఏరిస్ భద్రతను చూపించేందుకు వినూత్న డెమో చేసింది. ఏకంగా 20 టన్నుల గ్రావెల్‌, రాళ్లను లోడ్ చేసిన డంపర్‌ను కారు పైన నిలిపి.. ఆ రాళ్లన్నింటినీ కారుపై పడేలా చేసింది. ఈ డెమీకి సంబంధించిన వీడియో వైరల్ అవుతోంది.

టాటా మోటార్స్‌ కాంపాక్ట్ సెడాన్‌ విభాగంలో ఏరిస్‌తో మరోసారి తన ఉనికిని చాటుకుంది. ఈ కారు ప్రారంభ ధర రూ.5.29 లక్షలు (ఎక్స్‌-షోరూమ్‌)గా ఉంది. టాప్‌ వేరియంట్‌ ధర రూ.9.74 లక్షలు (ఎక్స్‌-షోరూమ్‌)గా ఉంది. దేశీయ మార్కెట్లో ఇది మారుతి సుజుకి డిజైర్‌, హోండా అమేజ్‌, హ్యుందాయ్‌ ఆరా వంటి కార్లకు పోటీగా నిలుస్తోంది.

తన కార్ల భద్రతను వినూత్నంగా చూపించేందుకు టాటా మోటార్స్‌ గతంలోనూ ప్రత్యేక డెమోలను చేసింది. సియెర్రా విషయంలో రెండు వాహనాలను క్రాష్‌ చేసి భద్రతను చూపించింది. ఏరిస్‌ విషయంలో మరో విధానాన్ని ఎంచుకుంది. 20 టన్నుల గ్రావెల్‌, రాళ్లతో నింపిన భారీ డంపర్‌ కింద కారును ఉంచింది. అనంతరం డంపర్‌లోని రాళ్లను మొత్తం కారుపైకి పడేలా చేసింది.

View this post on Instagram

A post shared by NamasteCar (@namastecar)

డెమో పూర్తయ్యాక టాటా ఏరిస్‌ నిర్మాణం పెద్దగా దెబ్బతినలేదని వీడియోలో చూపించారు. కారు నిర్మాణం స్థిరంగా ఉండటంతో పాటు.. ఆ తర్వాత కారు నడుస్తూ వెళ్లినట్లు చూపించారు. కారును మరింత బలంగా తయారు చేసేందుకు చాసిస్‌లో అదనపు రీఇన్‌ఫోర్స్‌మెంట్స్‌ ఉపయోగించినట్లు కంపెనీ ఈ డెమో ద్వారా వివరించింది. అయితే ఇది అధికారిక సేఫ్టీ రేటింగ్‌ కాదు. బీఎన్‌సీఏపీ లేదా జీఎన్‌సీఏపీ వంటి భద్రతా పరీక్ష సంస్థల నుంచి ఏరిస్‌కు అధికారిక రేటింగ్‌ ఇంకా ప్రకటించలేదు.

టాటా ఏరిస్‌లో ప్రయాణికుల రక్షణ కోసం పలు యాక్టివ్‌, పాసివ్‌ సేఫ్టీ ఫీచర్లు ఉన్నాయి. ఇందులో ఆరు ఎయిర్‌బ్యాగులు, హై-బీమ్‌ అలర్ట్‌, ఈఎస్‌పీ, టైర్‌ ప్రెజర్‌ మానిటరింగ్‌ సిస్టమ్‌ (TPMS), హిల్‌ హోల్డ్‌ కంట్రోల్‌, బ్లైండ్‌ స్పాట్‌ మానిటరింగ్‌, రోల్‌ఓవర్‌ మిటిగేషన్‌, కార్నర్‌ స్టెబిలిటీ కంట్రోల్‌ ఉన్నాయి. 360 డిగ్రీ కెమెరా, బిల్ట్‌-ఇన్‌ డాష్‌క్యామ్‌, ISOFIX చైల్డ్‌ సీట్‌ మౌంట్స్‌ కూడా అందిస్తున్నారు.

టాటా ఏరిస్‌లో 1.2 లీటర్‌, 3-సిలిండర్‌ న్యాచురల్లీ ఆస్పిరేటెడ్‌ పెట్రోల్‌ ఇంజిన్‌ ఉంది. ఇది 86 హెచ్‌పీ పవర్‌, 113 ఎన్ఎం టార్క్‌ ఉత్పత్తి చేస్తుంది. 5-స్పీడ్‌ మాన్యువల్‌, 5-స్పీడ్‌ ఏఎంటీ గేర్‌బాక్స్‌ ఆప్షన్లు ఉన్నాయి. సీఎన్‌జీ వేరియంట్‌ 76 హెచ్‌పీ పవర్‌, 97 ఎన్ఎం టార్క్‌ అందిస్తుంది. భద్రతా ఫీచర్లు, నిర్మాణ బలం, పెట్రోల్‌-సీఎన్‌జీ ఆప్షన్లతో ఏరిస్‌ కాంపాక్ట్‌ సెడాన్‌ మార్కెట్లో ప్రత్యేకంగా నిలిచే ప్రయత్నం చేస్తోంది.

Mahindra Thar OG: సూపర్ లుక్స్, మోర్ పవర్ అండ్ కిల్లింగ్ సేఫ్టీ ఫీచర్స్ తో కొత్త మహీంద్రా థార్ OG వచ్చేసింది

Mahesh Rajamoni — Wed, 23 Sep 2026 11:32:51 +0530

Mahindra Thar OG: సూపర్ లుక్స్, మోర్ పవర్ అండ్ కిల్లింగ్ సేఫ్టీ ఫీచర్స్ తో కొత్త ‘మహీంద్రా థార్ OG’ లాంచ్ అయింది. మహీంద్రా కంపెనీ కొత్త థార్ OG ని రూ.10.32 లక్షల ప్రారంభ ధరతో ఇండియాలో లాంచ్ చేసింది. దీని పూర్తి స్పెక్స్, ఫీచర్లు ఏంటో తెలుసుకుందాం.

ఆఫ్‌రోడ్ ప్రేమికులు ఎంతగానో ఎదురుచూస్తున్న కొత్త మహీంద్రా థార్ 3-డోర్ వర్షన్ భారత మార్కెట్లో గ్రాండ్‌గా లాంచ్ అయింది. ఈసారి దీని పేరును ‘మహీంద్రా థార్ OG’ గా మార్చారు. గత నెలలో BE 6 SPORTEQ మోడల్‌ను తీసుకొచ్చిన మహీంద్రా, ఇప్పుడు థార్ లవర్స్ కోసం ఈ కొత్త వర్షన్‌ను రిలీజ్ చేసింది. పాత థార్ ఐకానిక్ లుక్‌ను అలాగే ఉంచుతూనే, సరికొత్త ఫ్రంట్ డిజైన్, పవర్‌ఫుల్ ఇంజిన్ ఆప్షన్లు, లేటెస్ట్ ఫీచర్లు, టాప్-నాచ్ సేఫ్టీతో దీనిని డిజైన్ చేశారు. ఈ కొత్త థార్ OG కి సంబంధించిన పూర్తి వివరాలు, వేరియంట్లు, ధరల వివరాలు ఇప్పుడు చూద్దాం.

మహీంద్రా థార్ OG బయట డిజైన్ పరంగా చాలా రిఫ్రెషింగ్‌గా మారింది. దీని ఫ్రంట్ లుక్ చూడగానే థార్ రాక్స్ గుర్తుకొస్తుంది. ఇందులో కొత్త ఎల్ఈడీ ప్రొజెక్టర్ హెడ్‌ల్యాంప్స్, డ్యూయల్ టోన్ బంపర్, కొత్త డిజైన్ గ్రిల్‌ను అందించారు. ఫాగ్ ల్యాంప్స్‌ను ఫెండర్‌పైకి జరిపి, వాటికి కూడా ఎల్ఈడీ టెక్నాలజీని ఇచ్చారు. సైడ్ ప్రొఫైల్‌లో కొత్త 19-ఇంచ్ డ్యూయల్ టోన్ అల్లాయ్ వీల్స్ కారుకు ప్రీమియం లుక్‌ను ఇస్తాయి. వెనుక వైపు స్లిమ్ ఎల్ఈడీ టెయిల్ ల్యాంప్స్, అప్‌డేటెడ్ బంపర్ ఉన్నాయి. ఈ కార్ లో ఆర్టెమిస్ సిల్వర్, జీన్స్ బ్లూ అనే రెండు కొత్త రంగులతో పాటు ఎవరెస్ట్ వైట్, టాంగో రెడ్, స్టీల్త్ బ్లాక్, బ్యాటిల్‌షిప్ గ్రే, గెలాక్సీ గ్రే, డిస్ డిప్ ఫారెస్ట్ వంటి మొత్తం 8 ఆకర్షణీయమైన కలర్స్ లభిస్తున్నాయి.

లోపల క్యాబిన్ అనుభవాన్ని మహీంద్రా మరింత ప్రీమియంగా మార్చింది. కారు ఇంటీరియర్‌లో కొత్త ట్రఫుల్ బ్రౌన్ లెథరెట్ సీట్లు ఉన్నాయి. డ్యాష్‌బోర్డ్, త్రీ-స్పోక్ స్టీరింగ్ వీల్, సెంటర్ కన్సోల్ రగ్గడ్ లుక్‌ను ఇస్తాయి. వెనుక కూర్చునే ప్రయాణికుల కోసం ఆర్మ్‌రెస్ట్‌లు, కప్‌హోల్డర్లను కూడా చేర్చారు. ఫీచర్ల విషయానికి వస్తే, 10.25-ఇంచ్ హెచ్‌డీ టచ్‌స్క్రీన్ ఇన్ఫోటైన్‌మెంట్ సిస్టమ్ (వైర్‌లెస్ ఆండ్రాయిడ్ ఆటో, ఆపిల్ కార్‌ప్లే), ప్లాట్‌ఫారమ్ అప్‌గ్రేడ్‌తో వస్తున్న వైర్‌లెస్ ఛార్జర్, పుష్-బటన్ స్టార్ట్, డ్రైవ్ మోడ్స్, క్రూయిజ్ కంట్రోల్ వంటి ఆధునిక సౌకర్యాలు ఉన్నాయి.

కార్లలో భద్రతకు పెద్దపీట వేస్తున్న మహీంద్రా, థార్ OG లో భద్రతా ప్రమాణాలను భారీగా పెంచింది. టాప్ వేరియంట్‌లో ఏకంగా 6 ఎయిర్‌బ్యాగ్‌లను అందించారు. అంతేకాకుండా, నాలుగు చక్రాలకు డిస్క్ బ్రేక్స్ ఇచ్చారు. ఎలక్ట్రానిక్ స్టెబిలిటీ ప్రోగ్రామ్ (ESP 9.3), ఫ్రంట్ పార్కింగ్ సెన్సార్లు, టైర్ ప్రెజర్ మానిటరింగ్ సిస్టమ్, రియర్ వ్యూ కెమెరా, హిల్ హోల్డ్ అసిస్ట్, హిల్ డిసెంట్ కంట్రోల్ వంటి కీలకమైన సేఫ్టీ ఫీచర్లు ఇందులో ఉన్నాయి. ప్రీవియస్ మోడల్ గ్లోబల్ ఎన్సీఏపీ లో 4 స్టార్స్ సాధించగా, ఈ అప్‌డేటెడ్ మోడల్ కూడా అంతే సేఫ్టీ రేటింగ్ సాధిస్తుందని భావిస్తున్నారు.

మహీంద్రా థార్ OG మూడు ఇంజిన్ ఆప్షన్లలో లభిస్తుంది. 1.5-లీటర్ CRDe డీజిల్ (117 hp / 300 Nm), 2.2-లీటర్ mHawk డీజిల్ (150 hp / 330 Nm), 2.0-లీటర్ mStallion టర్బో-పెట్రోల్ (160 hp / 330 Nm) ఇంజిన్లు ఉన్నాయి. ఇందులో 6-స్పీడ్ మాన్యువల్, 6-స్పీడ్ ఆటోమేటిక్ గేర్‌బాక్స్ ఆప్షన్లు అందుబాటులో ఉన్నాయి. తొలిసారిగా పెద్ద డీజిల్ ఇంజిన్‌ను రియర్-వీల్ డ్రైవ్ ఆటోమేటిక్‌లో కూడా అందిస్తున్నారు. ఆఫ్‌రోడింగ్ కోసం ఎలక్ట్రానిక్ లాకింగ్ డిఫరెన్షియల్, బ్రేక్ లాకింగ్ డిఫరెన్షియల్, టెర్రైన్ మోడ్స్ అందుబాటులో ఉన్నాయి. స్టీరింగ్‌ను డ్రైవ్ చేయడం సులభతరం చేసేందుకు హైడ్రాలిక్ స్టీరింగ్ స్థానంలో కొత్త ఎలక్ట్రిక్ పవర్ స్టీరింగ్ ను ప్రవేశపెట్టారు.

కొత్త థార్ OG కి సంబంధించి డెలివరీలు అక్టోబర్ 11 నుండి ప్రారంభం కానున్నాయి. ఇవి ఇంట్రడక్టరీ ధరలు కాగా, నవంబర్ 30 వరకు డెలివరీ అయ్యే వాహనాలకు ఇవే వర్తిస్తాయి.

పెట్రోల్ వేరియంట్లు (2.0L Turbo-Petrol):

• LXT RWD AT: రూ. 14.77 లక్షలు

• LXT 4WD MT: రూ. 15.60 లక్షలు

• LXT 4WD AT: రూ. 17.23 లక్షలు

• ZXT RWD AT: రూ. 16.09 లక్షలు

• ZXT 4WD MT: రూ. 16.60 లక్షలు

• ZXT 4WD AT: రూ. 17.75 లక్షలు

డీజిల్ వేరియంట్లు (1.5L & 2.2L Diesel):

• AXT 1.5L RWD MT: రూ. 10.32 లక్షలు

• LXT 1.5L RWD MT: రూ. 12.99 లక్షలు

• LXT 2.2L RWD AT: రూ. 16.49 లక్షలు

• LXT 2.2L 4WD MT: రూ. 16.43 లక్షలు

• LXT 2.2L 4WD AT: రూ. 18.00 లక్షలు

• ZXT 1.5L RWD MT: రూ. 13.99 లక్షలు

• ZXT 2.2L RWD AT: రూ. 17.49 లక్షలు

• ZXT 2.2L 4WD MT: రూ. 17.49 లక్షలు

• ZXT 2.2L 4WD AT: రూ. 18.99 లక్షలు

మహీంద్రా థార్ OG తన పాత ధరకే అంటే రూ. 10.32 లక్షల ప్రారంభ ధరకే అందుబాటులోకి రావడం కస్టమర్లకు నిజంగా గుడ్ న్యూస్. ఈ సెగ్మెంట్‌లో ఉన్న ఫోర్స్ గుర్ఖా, మారుతి జిమ్నీ మోడళ్లకు ఈ థార్ OG గట్టి పోటీ ఇవ్వడం ఖాయమని మార్కెట్ వర్గాలు పేర్కొంటున్నాయి.

రూ. 10 ల‌క్ష‌లు పెట్టి కారు కొంటున్నారా.? రెండేళ్లు ఆగి ఇలా చేస్తే, కారు దాదాపు ఉచితంగా పొందొచ్చు

Narender Vaitla — Fri, 07 Aug 2026 17:14:53 +0530

Car Buying: కొందరు EMIపై కారు కొనుగోలు చేస్తారు. మరికొందరు ఏళ్ల తరబడి డబ్బు కూడబెట్టి ఒకేసారి నగదు చెల్లించి కారు తీసుకుంటారు. కానీ మీ చేతిలో రూ.10 లక్షలు ఉంటే.. వెంటనే కారు కొనడం కంటే రెండేళ్లు ఓపిక పడితే కారును ఫ్రీగా పొందొచ్చు. అదెలాగంటే..

మీ దగ్గర రూ.10 లక్షలు ఉన్నాయని అనుకుందాం. ఆ డబ్బుతో వెంటనే కారు కొనకుండా, మంచి ట్రాక్ రికార్డు ఉన్న ఈక్విటీ మ్యూచువల్ ఫండ్‌లో రెండేళ్ల పాటు పెట్టుబడి పెట్టండి. దీర్ఘకాలంలో ఈక్విటీ మ్యూచువల్ ఫండ్స్ సగటున 12 శాతం లేదా అంతకంటే ఎక్కువ రాబడి ఇచ్చిన సందర్భాలు ఉన్నాయి. అదే అంచనాతో లెక్కిస్తే... పెట్టుబడి రూ.10,00,000, రెండేళ్ల కాలానికి స‌గ‌టు రాబ‌డి 12 శాతంగా అంచ‌నా వేసినా రెండేళ్ల తర్వాత మీ పెట్టుబడి సుమారు రూ.12.5 లక్షలకు చేరుకునే అవకాశం ఉంటుంది. అంటే మీరు ఏ పని చేయకుండానే మీ డబ్బు సుమారు రూ.2.5 లక్షలు పెరిగినట్లే.

రెండేళ్ల తర్వాత మీ దగ్గర ఉన్న రూ.12.5 లక్షలను పూర్తిగా తీసేయాల్సిన అవసరం లేదు. దానిని సిస్ట‌మిక్ విత్‌డ్రా ప్లాన్ (SWP)లో ఇన్వెస్ట్ చేయండి. అంటే ప్రతి నెల అవసరమైనంత మొత్తాన్ని మాత్రమే విత్‌డ్రా చేసుకోవచ్చు. మిగతా డబ్బు మాత్రం పెట్టుబడిగానే కొనసాగుతుంది. ఇప్పుడు రూ.10 లక్షల విలువైన కారు కొనుగోలు చేశారని అనుకుందాం. 7 సంవత్సరాల లోన్ తీసుకుంటే నెలకు సుమారు రూ.25 వేల EMI రావచ్చు.

ప్రతి నెల మీ SWP నుంచి రూ.20 వేలు తీసుకుని EMIకి ఉపయోగించండి. మీ జేబు నుంచి చెల్లించాల్సింది కేవలం రూ.5 వేలు మాత్రమే. అంటే EMI మొత్తం మీరు భరించడం కాదు... మీ పెట్టుబడి కూడా మీకు తోడుగా పనిచేస్తుంది. డబ్బు పూర్తిగా అయిపోదు.. కంపౌండింగ్ మ్యాజిక్ ఇక్కడే కనిపిస్తుంది. చాలామందికి ఒక సందేహం వస్తుంది. ప్రతి నెల రూ.20 వేలు తీసుకుంటే పెట్టుబడి పూర్తిగా ఖాళీ అయిపోదా?

SWP ద్వారా డబ్బు తీసుకుంటున్నప్పటికీ, మిగిలిన మొత్తం మార్కెట్లోనే పెట్టుబడిగా కొనసాగుతుంది. దానిపై మళ్లీ రాబడి వస్తూనే ఉంటుంది. దీనినే కంపౌండింగ్ ప్రభావం అంటారు. రఫ్ అంచనా ప్రకారం... ప్రారంభ పెట్టుబడి రూ.12.5 లక్షలు అయితే మీరు 7 ఏళ్ల‌పాటు ప్ర‌తీ నెల SWP ద్వారా రూ.20,000 విత్‌డ్రా చేసుకుంటే. ఈ మొత్తం కాలం తర్వాత కూడా సుమారు రూ.8 లక్షల వరకు పెట్టుబడి మిగిలి ఉండే అవకాశం ఉంది. మార్కెట్ పరిస్థితులు, రాబడిని బట్టి ఈ మొత్తం ఎక్కువగానూ, తక్కువగానూ ఉండొచ్చు. అంటే మీరు కారు కూడా వాడుకున్నారు... అదే సమయంలో మీ పెట్టుబడిలో గణనీయమైన మొత్తం కూడా మిగిలే అవకాశం ఉంది.

రెండేళ్లకు బదులుగా మూడేళ్లు వేచి ఉండగలిగితే పరిస్థితి ఇంకా మెరుగ్గా ఉంటుంది. ఎందుకంటే పెట్టుబడికి మరో ఏడాది అదనంగా కంపౌండింగ్ పనిచేస్తుంది. దీంతో కారుకు అవసరమైన EMIలో ఇంకా ఎక్కువ భాగాన్ని పెట్టుబడే భరించే అవకాశం ఉంటుంది. చివరికి మీ చేతి నుంచి వెళ్లే డబ్బు మరింత తగ్గుతుంది. కారు కొనడం తప్పు కాదు. కానీ కొన్ని నెలలు లేదా రెండుమూడేళ్లు ఓపిక పట్టడం చాలా పెద్ద ఆర్థిక ప్రయోజనాన్ని ఇవ్వొచ్చు. ఈ చిన్న నిర్ణయం భవిష్యత్తులో మీ సంపదను పెంచడంలో కీలకంగా మారుతుంది.

ఈ విధానం ఇప్పటికే రూ.10 లక్షలు చేతిలో ఉన్నవారికి మాత్రమే సరిపోతుంది. కారు కొనడానికి పర్సనల్ లోన్ తీసుకుని, ఆ డబ్బును మ్యూచువల్ ఫండ్‌లో పెట్టడం సరైన నిర్ణయం కాదు. ఎందుకంటే లోన్ వడ్డీ భారం, మార్కెట్ రిస్క్ రెండూ కలిసి నష్టాన్ని కలిగించే అవకాశం ఉంటుంది. మరొక విషయం గుర్తుంచుకోవాలి. మ్యూచువల్ ఫండ్స్ మార్కెట్ ఒడిదుడుకులకు లోబడి ఉంటాయి. ప్రతి సంవత్సరం 12 శాతం రాబడే వస్తుందని ఎవరూ హామీ ఇవ్వలేరు. ఇక్కడ చెప్పిన లెక్కలు కేవలం అవగాహన కోసం ఇచ్చిన రఫ్ అంచనా మాత్రమే. అయితే ఒక విషయం మాత్రం స్పష్టంగా చెప్పొచ్చు. వెంటనే కొనాలనే ఆత్రం కంటే, కొంతకాలం ఓపికతో పెట్టుబడి పెట్టడం చాలా సందర్భాల్లో మంచి ఆర్థిక నిర్ణయంగా మారుతుంది. డబ్బును ముందుగా మీ కోసం పనిచేయించగలిగితే, తర్వాత ఆ డబ్బుతో మీ కలలను నెరవేర్చుకోవడం మరింత సులభమవుతుంది.

గ‌మ‌నిక‌: ఈ కథనం కేవలం ఆర్థిక అవగాహన కోసం మాత్రమే. మ్యూచువల్ ఫండ్స్‌లో పెట్టుబడులు మార్కెట్ రిస్క్‌కు లోబడి ఉంటాయి. పెట్టుబడి నిర్ణయాలు తీసుకునే ముందు మీ ఆర్థిక సలహాదారుని సంప్రదించడం మంచిది.

Hatchback Cars Sales: రూ. 4.99 లక్షల కారు దాటికి స్విఫ్ట్, బలేనో క్లీన్ స్వీప్.. నంబర్ 1 కార్ ఇదే

Mahesh Rajamoni — Thu, 20 Aug 2026 13:02:56 +0530

Hatchback Cars Sales India: జులై 2026లో 23,338 యూనిట్ల విక్రయాలతో మారుతి వాగన్ఆర్ భారతదేశంలో నంబర్-1 హ్యాచ్‌బ్యాక్‌గా నిలిచింది. ఈ విభాగంలో మొత్తం అమ్మకాలు 1,07,602 యూనిట్లకు చేరాయి.

భారతీయ కార్ల మార్కెట్‌లో హ్యాచ్‌బ్యాక్ కార్లకు ఉన్న డిమాండ్ అంత ఇంత కాదు.. రికార్డు సేల్స్ తో మరోసారి ఇద నిరూపితమైంది. జులై 2026లో ఈ సెగ్మెంట్ చాలా స్ట్రాంగ్ సేల్స్ నమోదు చేసింది. చాలా కాలం తర్వాత హ్యాచ్‌బ్యాక్ కార్ల మొత్తం మంత్లీ సేల్స్ 1 లక్ష యూనిట్ల మార్కును దాటేశాయి. జులై 2026లో దేశంలో ఏకంగా 1,07,602 హ్యాచ్‌బ్యాక్ కార్లు అమ్ముడయ్యాయి. గత ఏడాది అంటే జులై 2025లో ఈ సంఖ్య 74,475 యూనిట్లుగా మాత్రమే ఉండేది. అంటే ఏడాది కాలంలో అమ్మకాలు 33,127 యూనిట్లు పెరిగి, వార్షికంగా 44.48 శాతం గ్రోత్ నమోదు చేశాయి.

స్టార్టింగ్ ప్రైస్ రూ. 4.99 లక్షలు ఉన్న మారుతి సుజుకి వాగన్ ఆర్ (WagonR) అమ్మకాల్లో మొదటి స్థానాన్ని కైవసం చేసుకుంది. జులై 2026లో కంపెనీ 23,338 వాగన్ ఆర్ కార్లను విక్రయించింది. జులై 2025లో సేల్ అయిన 14,710 యూనిట్లతో పోలిస్తే ఇది 58.65 శాతం పెరుగుదల. మొత్తం హ్యాచ్‌బ్యాక్ అమ్మకాల్లో వాగన్ ఆర్ షేర్ 21.69 శాతంగా ఉంది. తక్కువ ధర, మంచి మైలేజ్, సేఫ్టీ కోసం 6 ఎయిర్‌బ్యాగ్స్ ఉండటంతో యూజర్లు ఈ కారును తెగ ఇష్టపడుతున్నారు.

రెండో స్థానంలో మారుతి సుజుకి స్విఫ్ట్ నిలిచింది. జులై 2026లో స్విఫ్ట్ 21,538 యూనిట్లు అమ్ముడయ్యాయి. గత ఏడాది జులైలో అమ్మిన 14,190 యూనిట్లతో పోలిస్తే ఇది 51.78 శాతం గ్రోత్. స్పోర్టీ డిజైన్, ఫీచర్ల కారణంగా ఈ కారు 20 శాతం మార్కెట్ షేర్ సాధించింది. ఇక మూడో స్థానంలో మారుతి బలేనో నిలిచింది. జులై 2026లో బలేనో 18,241 యూనిట్ల సేల్స్ సాధించి 45.89 శాతం వార్షిక వృద్ధిని నమోదు చేసింది. బలేనో మార్కెట్ షేర్ 16.95 శాతంగా ఉంది.

ఈ సేల్స్ రిపోర్ట్‌లో అందరినీ ఆశ్చర్యపరిచింది మారుతి ఆల్టో. జులై 2026లో ఆల్టో 12,534 యూనిట్లు అమ్ముడయ్యాయి. జులై 2025లో నమోదైన 5,910 యూనిట్లతో పోలిస్తే ఇది ఏకంగా 112.08 శాతం పెరుగుదల. అంటే ఏడాది వ్యవధిలో అమ్మకాలు రెట్టింపు కంటే ఎక్కువయ్యాయి. నాల్గో స్థానంలో ఆల్టో నిలవగా, టాప్-5లో టాటా టియాగో/EV 7,429 యూనిట్ల అమ్మకాలతో (33.26% గ్రోత్) ఐదో స్థానాన్ని సొంతం చేసుకుంది.

సేల్స్ ఛార్ట్‌లో హ్యుందాయ్ i20 6,738 యూనిట్లతో (98.41% గ్రోత్) ఆరో స్థానంలో నిలిచింది. టయోటా గ్లాంజా 4,461 యూనిట్లు అమ్ముడై 11.12 శాతం తగ్గుదల నమోదు చేసింది. హ్యుందాయ్ గ్రాండ్ i10 నియోస్ 4,055 యూనిట్లు, మారుతి సెలెరియో 3,914 యూనిట్లు, టాటా ఆల్ట్రోజ్ 2,862 యూనిట్లు అమ్ముడయ్యాయి.

ఎంజీ కామెట్ ఈవీ 1,116 యూనిట్లు, సిట్రోయెన్ C3 680 యూనిట్లు, రెనో క్విడ్ 516 యూనిట్లు విక్రయమయ్యాయి. చివరి స్థానాల్లో మారుతి S-ప్రెస్సో (100 యూనిట్లు), సిట్రోయెన్ eC3 EV (80 యూనిట్లు) నిలిచాయి. మారుతి ఇగ్నిస్ మాత్రం సున్నా సేల్స్ నమోదు చేసింది. SUVల ట్రెండ్ నడుస్తున్నా, నగరాల్లో తేలిగ్గా నడపడానికి, మెయింటెనెన్స్ తక్కువగా ఉండే హ్యాచ్‌బ్యాక్‌ల క్రేజ్ తగ్గలేదని ఈ డేటా చెబుతోంది.

ఇది కదా మ‌న‌ హైదరాబాదీలకు కావాల్సింది.. ఈ ఎలక్ట్రిక్ కారు మన రోడ్లపై పరుగులు పెడితే ఉంటది

Narender Vaitla — Tue, 21 Jul 2026 18:10:07 +0530

Renault Twizy: నగరాల్లో రోజురోజుకు ట్రాఫిక్ సమస్య తీవ్రమవుతోంది. ఇలాంటి పరిస్థితుల్లో చిన్న సైజులో ఉండే, పర్యావరణహిత ఎలక్ట్రిక్ వాహనాలపై ప్రపంచవ్యాప్తంగా ఆసక్తి పెరుగుతోంది. అలాంటి వినూత్న వాహనాల్లో రెనాల్ట్ ట్విజీ ఒకటి.

రెనాల్ట్ ట్విజీ అనేది ఫ్రాన్స్‌కు చెందిన రెనాల్ట్ కంపెనీ రూపొందించిన రెండు సీట్ల ఎలక్ట్రిక్ మైక్రో కారు. దీనిని మొదట 2009లో జర్మనీలో జరిగిన ఫ్రాంక్‌ఫర్ట్ మోటార్ షోలో కాన్సెప్ట్‌గా ప్రదర్శించారు. అనంతరం 2012లో ఫ్రాన్స్‌తో పాటు పలు యూరప్ దేశాల్లో విక్రయాలు ప్రారంభమయ్యాయి. సాధారణ కార్లతో పోలిస్తే దీని పొడవు కేవలం 2.32 మీటర్లు మాత్రమే. వెడల్పు 1.19 మీటర్లు, ఎత్తు 1.46 మీటర్లు ఉండటంతో ఇరుకైన రోడ్లలో కూడా సులభంగా ప్రయాణించవచ్చు. చిన్న పార్కింగ్ స్థలం ఉన్నా సరిపోవడం దీని మరో ప్రత్యేకత.

చిన్న కారు అయినప్పటికీ Renault Twizyలో అనేక ఉపయోగకరమైన ఫీచర్లు ఉన్నాయి. ఇది పూర్తిగా ఎలక్ట్రిక్‌తో నడిచే వాహనం. ఇందులో 6.1 kWh సామర్థ్యం గల లిథియం-అయాన్ బ్యాటరీ ఉంటుంది. ఒకసారి పూర్తిగా ఛార్జ్ చేస్తే గరిష్ఠంగా 100 కిలోమీటర్ల వరకు ప్రయాణించగలదని కంపెనీ తెలిపింది. అయితే సాధారణ రోడ్లపై సుమారు 80 కిలోమీటర్ల వరకు ప్రయాణించవచ్చు. ఇంట్లో ఉండే సాధారణ 220–240 వోల్ట్ విద్యుత్ ప్లగ్‌తోనే ఈ కారును ఛార్జ్ చేసుకోవచ్చు. పూర్తి ఛార్జ్ కావడానికి దాదాపు మూడున్నర గంటల సమయం పడుతుంది.

భద్రత విషయంలో కూడా ఈ కారులో మంచి జాగ్రత్తలు తీసుకున్నారు. డ్రైవర్‌కు ఎయిర్‌బ్యాగ్, ముందు నాలుగు పాయింట్ల సీటు బెల్ట్, వెనుక ప్రయాణికుడికి మూడు పాయింట్ల సీటు బెల్ట్ ఏర్పాటు చేశారు. బలమైన స్టీల్ ఫ్రేమ్‌తో తయారు చేయడం వల్ల ప్రమాదాల సమయంలో కొంత మెరుగైన రక్షణ లభిస్తుంది. అవసరాన్ని బట్టి డోర్లు అమర్చుకునే అవకాశం కూడా ఉంది. చలికాలంలో ఉపయోగించేందుకు ప్రత్యేక సైడ్ విండోలు, వింటర్ కిట్లు కూడా అందుబాటులో ఉన్నాయి.

Renault Twizyని కంపెనీ పలు మోడళ్లలో విడుదల చేసింది. Urban 45 అనే మోడల్ గంటకు 45 కిలోమీటర్ల వేగంతో ప్రయాణించగలదు. Urban 80 మోడల్ గంటకు 80 కిలోమీటర్ల వరకు వెళ్తుంది. వీటితో పాటు Colour, Technic అనే ప్రత్యేక ఎడిషన్లు కూడా తీసుకొచ్చారు. సరుకుల రవాణా కోసం వెనుక సీటు స్థానంలో 180 లీటర్ల కార్గో బాక్స్ ఏర్పాటు చేసిన Twizy Cargo అనే వెర్షన్‌ను కూడా మార్కెట్లోకి తీసుకొచ్చారు. ఈ మోడల్ చిన్న స్థాయి డెలివరీ సేవలకు బాగా ఉపయోగపడింది.

ఈ కారు ప్రధానంగా ఫ్రాన్స్, స్పెయిన్, ఇటలీ, జర్మనీ, బెల్జియం, నెదర్లాండ్స్, ఆస్ట్రియా, స్వీడన్, ఫిన్లాండ్, స్లోవేనియా, యునైటెడ్ కింగ్‌డమ్ వంటి యూరప్ దేశాల్లో విక్రయించారు. జపాన్‌లో ఇదే కారును Nissan New Mobility Concept పేరుతో కార్ షేరింగ్ సేవల్లో ఉపయోగించారు. దక్షిణ కొరియాలో కూడా ఈ కారు తయారీ జరిగింది. 2023లో Renault Twizy ఉత్పత్తిని నిలిపివేసి దాని స్థానంలో కొత్త Mobilize Duoను తీసుకొచ్చారు.

Renault Twizy ప్రస్తుతం భారత్‌లో అందుబాటులో లేదు. అయితే భవిష్యత్తులో ఈ తరహా మైక్రో ఎలక్ట్రిక్ కార్లు భారత మార్కెట్‌లోకి వస్తే పట్టణ రవాణాలో పెద్ద మార్పు తీసుకురాగలవని ఆటోమొబైల్ నిపుణులు భావిస్తున్నారు. ముఖ్యంగా రోజూ 20 నుంచి 50 కిలోమీటర్ల వరకు మాత్రమే ప్రయాణించే ఉద్యోగులు, విద్యార్థులు, చిన్న వ్యాపారులకు ఇది మంచి ప్రత్యామ్నాయంగా మారే అవకాశం ఉంది. పెట్రోల్, డీజిల్ ఖర్చు ఉండదు. ఇంట్లోనే సులభంగా ఛార్జ్ చేసుకోవచ్చు. నిర్వహణ ఖర్చు కూడా సాధారణ కార్లతో పోలిస్తే తక్కువగా ఉండే అవకాశం ఉంది.

హైదరాబాద్ వంటి నగరాల్లో అయితే ఈ కారు మరింత ఉపయోగకరంగా ఉండొచ్చు. హైటెక్ సిటీ, గచ్చిబౌలి, మాధాపూర్, అమీర్‌పేట్, కూకట్‌పల్లి, బంజారాహిల్స్ వంటి ప్రాంతాల్లో ప్రతిరోజూ తీవ్ర ట్రాఫిక్ ఉంటుంది. అలాంటి రోడ్లలో చిన్న సైజు కారణంగా ఈ కారు సులభంగా ప్రయాణించగలదు. పార్కింగ్ సమస్య కూడా చాలా వరకు తగ్గుతుంది. చిన్న సందుల్లో కూడా ఎలాంటి ఇబ్బంది లేకుండా వెళ్లే అవకాశం ఉంటుంది. కాలుష్యాన్ని తగ్గించడంలో కూడా ఇలాంటి ఎలక్ట్రిక్ వాహనాలు కీలక పాత్ర పోషిస్తాయి.

Renault Twizyని సాధారణ కారుగా కాకుండా నగర ప్రయాణాల కోసం రూపొందించిన స్మార్ట్ మొబిలిటీ వాహనంగా చెప్పొచ్చు. చిన్న పరిమాణం, తక్కువ విద్యుత్ వినియోగం, సులభమైన ఛార్జింగ్, తక్కువ నిర్వహణ ఖర్చు వంటి అంశాలు దీనిని ప్రత్యేకంగా నిలబెట్టాయి. కుటుంబంతో దూర ప్రయాణాలకు ఇది సరిపోకపోయినా, రోజువారీ ఆఫీస్ ప్రయాణాలు, షాపింగ్, చిన్న దూరాల రాకపోకలు, డెలివరీ సేవలకు మాత్రం ఇది అద్భుతమైన ఎంపికగా నిలుస్తుంది. భారత్‌లో ఎలక్ట్రిక్ వాహనాల వినియోగం వేగంగా పెరుగుతున్న ప్రస్తుత పరిస్థితుల్లో Renault Twizy వంటి మైక్రో ఎలక్ట్రిక్ కార్లు మార్కెట్లోకి వస్తే నగరాల్లో ట్రాఫిక్, పార్కింగ్, ఇంధన వ్యయం వంటి అనేక సమస్యలకు కొంత మేర పరిష్కారం ల‌భించే అవకాశం ఉంది. ముఖ్యంగా హైదరాబాద్, బెంగళూరు, ముంబై, చెన్నై, ఢిల్లీ వంటి మహానగరాల్లో ఇలాంటి చిన్న ఎలక్ట్రిక్ కార్లకు మంచి ఆదరణ లభించే అవకాశాలు కనిపిస్తున్నాయి.

స్మార్ట్‌ఫోన్‌కి పెట్టే పైస‌ల‌తో ఎంచక్కా కారే కొనొచ్చు.. 6 ఎయిర్ బ్యాగ్స్‌తో, అదిరిపోయే ఫీచ‌ర్ల‌తో

Narender Vaitla — Fri, 18 Sep 2026 18:33:59 +0530

Car: స్మార్ట్‌ఫోన్‌ కొనుగోలుకు లక్షల రూపాయలు ఖర్చు చేయాలనుకుంటున్నారా? అయితే అదే బడ్జెట్‌లో మీ కుటుంబం కోసం ఓ కారు కొనుగోలు చేసే అవకాశం కూడా ఉంది. ఖరీదైన ఐఫోన్‌ ధరతో పోలిస్తే తక్కువ ధ‌ర‌లో అందుబాటులో ఉన్న కారు గురించి ఇప్పుడు తెలుసుకుందాం.

టెక్నాలజీ ప్రపంచంలో కొత్త ఫోన్లు విడుదలైనప్పుడు వాటి ధరలు, ఫీచర్లపై ఆసక్తి పెరుగుతుంది. తాజాగా యాపిల్ విడుద‌ల చేసిన ఫోల్డ‌బుల్ ఫోన్ (డ్యుయో) ఈ జాబితాలోకి వ‌స్తుంది. ఐఫోన్ ఫోల్డ‌బుల్ ధ‌ర ఏకంగా రూ. 4,49,900గా ప్ర‌క‌టించారు. అయితే ఈ ఫోన్ కొనుగోలు చేసే బ‌దులు ఎంచ‌క్కా ఒక కారును సొంతం చేసుకోవ‌చ్చు. అదే మారుతి సుజుకి ఆల్టో K10. తక్కువ బడ్జెట్‌లో కారు కొనాలనుకునే వారికి ఇది ఓ ఎంపిక. అయితే ఐఫోన్‌ ధరతో పోల్చడం మాత్రమే కాకుండా, కారు కొనుగోలుకు అయ్యే మొత్తం ఖర్చు, నిర్వహణ వ్యయాలను కూడా పరిగణనలోకి తీసుకోవాలి.

మారుతి సుజుకి ఆల్టో K10 ప్రారంభ ఎక్స్‌-షోరూమ్‌ ధర రూ.3,69,900గా ఉంది. ఈ ధరను బట్టి చూస్తే, రూ.4.49 లక్షల ఫోన్‌ ధర కంటే తక్కువ మొత్తంలోనే కారు కొనుగోలు చేసే అవకాశం ఉంటుంది. అయితే వేరియంట్‌, నగరం, పన్నులు, ఇతర ఛార్జీలను బట్టి ఆన్‌-రోడ్‌ ధర మారుతుంది. ఆల్టో K10 చిన్న పరిమాణంలో ఉండే హ్యాచ్‌బ్యాక్‌. ఆకర్షణీయమైన హెడ్‌ల్యాంప్స్‌, వెనుక కాంబినేషన్‌ ల్యాంప్స్‌ దీనికి ఆధునిక రూపాన్ని ఇస్తాయి. 13 అంగుళాల వీల్స్‌తో వచ్చే ఈ కారు, నగర రోడ్లపై సులభంగా నడిపేందుకు అనువుగా రూపొందించారు. కారు పొడవు 3,530 మి.మీ., వెడల్పు 1,490 మి.మీ., ఎత్తు 1,520 మి.మీ.గా ఉంది. వీల్‌బేస్‌ 2,380 మి.మీ. కావడంతో చిన్న కారులో ప్రయాణించే వారికి తగినంత స్థలం కల్పించేలా డిజైన్‌ చేశారు.

ఆల్టో K10లో 998 సీసీ సామర్థ్యం కలిగిన 1.0 లీటర్‌ K-సిరీస్‌ డ్యూయల్‌ జెట్‌, డ్యూయల్‌ VVT పెట్రోల్‌ ఇంజిన్‌ ఉంటుంది. ఇది గరిష్ఠంగా 50.4 kW (సుమారు 68.5 PS) పవర్‌ను 5,600 rpm వద్ద అందిస్తుంది. మారుతి అధికారిక వెబ్‌సైట్‌ FAQలో 65.7 bhp, 89 Nm టార్క్‌ వివరాలను కూడా పేర్కొంది. ఈ కారులో 5-స్పీడ్‌ మాన్యువల్‌ గేర్‌బాక్స్‌తో పాటు, ఎంపిక చేసిన వేరియంట్లలో ఆటో గేర్‌ షిఫ్ట్‌ (AGS) సదుపాయం అందుబాటులో ఉంటుంది. ట్రాఫిక్‌లో తరచూ గేర్లు మార్చడం ఇబ్బందిగా భావించేవారికి AGS ఉపయోగకరంగా ఉంటుంది. మైలేజీ విషయానికి వస్తే.. పెట్రోల్‌ మాన్యువల్‌ సుమారు 24.39 కి.మీ./లీటర్‌, పెట్రోల్‌ AGS: సుమారు 24.90 కి.మీ./లీటర్‌, సీఎన్‌జీ సుమారు 33.40 కి.మీ./కిలో ఉంద‌ని కంపెనీ పేర్కొంది.

చిన్న కారు అయినప్పటికీ, ఆల్టో K10లో రోజువారీ ప్రయాణాలకు అవసరమైన కొన్ని ఆధునిక సౌకర్యాలు ఉన్నాయి. డ్యూయల్‌ టోన్‌ ఇంటీరియర్‌, డిజిటల్‌ డిస్‌ప్లేతో కూడిన స్పీడోమీటర్‌ వంటి ఫీచర్లు అందుబాటులో ఉంటాయి. ఎంపిక చేసిన వేరియంట్లలో 7 అంగుళాల టచ్‌స్క్రీన్‌ ఇన్ఫోటైన్‌మెంట్‌ వ్యవస్థను అందించారు. స్మార్ట్‌ప్లే స్టూడియో ద్వారా స్మార్ట్‌ఫోన్‌ అనుసంధానం, నావిగేషన్‌, మీడియా వంటి సదుపాయాలను ఉపయోగించవచ్చు. స్టీరింగ్‌పై ఆడియో, వాయిస్‌ కంట్రోల్‌ బటన్లు ఉండటంతో డ్రైవింగ్‌ చేస్తూనే కంట్రోల్ చేయొచ్చు. వెనుక సీటులో ప్రయాణికులకు తగినంత లెగ్‌రూమ్‌, హెడ్‌రూమ్‌ కల్పించేలా క్యాబిన్‌ను రూపొందించారు. 214 లీటర్ల బూట్‌ స్పేస్‌ ఉండటంతో రోజువారీ అవసరాలకు సంబంధించిన సామాన్లను తీసుకెళ్లవచ్చు.

ఆల్టో K10లో భద్రతకు సంబంధించిన పలు ఫీచర్లు ఉన్నాయి. మారుతి సుజుకి అధికారిక వెబ్‌సైట్‌ ప్రకారం, అన్ని వేరియంట్లలో ఆరు ఎయిర్‌బ్యాగులు ప్రామాణికంగా అందిస్తున్నారు. వీటితో పాటు HEARTECT ప్లాట్‌ఫామ్‌, ఎలక్ట్రానిక్‌ స్టెబిలిటీ ప్రోగ్రామ్‌ (ESP), రివర్స్‌ పార్కింగ్‌ సెన్సర్లు, 3-పాయింట్‌ ELR సీట్‌బెల్టులు వంటి సదుపాయాలు ఉన్నాయి. వెనుకకు కారును తీసేటప్పుడు పార్కింగ్‌ సెన్సర్లు డ్రైవర్‌కు సహాయపడతాయి. ESP వాహనం అదుపు తప్పే పరిస్థితుల్లో స్థిరత్వాన్ని కాపాడేందుకు తోడ్పడుతుంది.

Best Mileage Cars: లీటరుకు 34 కిలోమీటర్ల మైలేజ్.. టాప్ 5 మారుతి సుజుకి కార్లు ఇవే

Mahesh Rajamoni — Thu, 24 Sep 2026 11:12:36 +0530

Maruti Suzuki Best Mileage Cars: భారత ఆటోమొబైల్ మార్కెట్‌లో మైలేజ్ అనగానే అందరికీ ముందుగా గుర్తుకువచ్చే బ్రాండ్ మారుతి సుజుకి. అత్యధిక మైలేజ్ ఇచ్చే టాప్ 5 మారుతి సుజుకి కార్ల లిస్ట్ మీకోసం.

ఇండియాలో కార్ కొనాలి అనుకునే ప్రతి ఒక్కరూ మొదట ఆలోచించేది మైలేజ్ గురించే. పెట్రోల్, డీజిల్ ధరలు పెరుగుతున్న ఈ రోజుల్లో తక్కువ ఖర్చుతో ఎక్కువ దూరం ప్రయాణించే కార్లకే అందరూ మొగ్గు చూపుతారు. ఈ విషయంలో దేశంలోనే నంబర్ వన్ ఆటోమొబైల్ సంస్థ మారుతి సుజుకి ఎప్పుడూ ముందే ఉంటుంది. రోజువారీ ఆఫీస్ ప్రయాణాలు అయినా, ఫ్యామిలీతో లాంగ్ డ్రైవ్‌లు అయినా సరే.. మైలేజ్ విషయంలో మారుతి కార్లు కస్టమర్ల నమ్మకాన్ని గెలుచుకున్నాయి.

మీరు కూడా మంచి మైలేజ్ ఇచ్చే కొత్త కార్ కొనాలని ప్లాన్ చేస్తున్నారా? అయితే సిఎన్‌జి (CNG), పెట్రోల్, స్ట్రాంగ్ హైబ్రిడ్ ఆప్షన్లలో మారుతి సుజుకి అందిస్తున్న అత్యధిక మైలేజ్ ఇచ్చే టాప్ 5 కార్ల వివరాలు, వాటి ఇంజిన్ సామర్థ్యం, మైలేజ్ వివరాలు ఇక్కడ వివరంగా తెలుసుకుందాం.

మారుతి సుజుకి లైనప్‌లోనే అత్యధిక మైలేజ్ ఇచ్చే హ్యాచ్‌బ్యాక్ కారుగా సెలెరియో మొదటి స్థానంలో నిలిచింది. సిటీ ట్రాఫిక్‌లో తేలికగా నడపడానికి, అలాగే డైలీ కమ్యూట్ చేసేవారికి ఇది ఒక పర్ఫెక్ట్ ఛాయిస్.

• సిఎన్‌జి మైలేజ్: కేజీకి గరిష్ఠంగా 34.43 కిలోమీటర్లు

• పెట్రోల్ మైలేజ్: లీటరుకు గరిష్ఠంగా 26.68 కిలోమీటర్లు (AMT) / 25.24 కిలోమీటర్లు (మాన్యువల్)

• ముఖ్య విషయాలు: లైట్‌వెయిట్ హార్ట్‌టెక్ ప్లాట్‌ఫామ్‌పై తయారైన ఈ కారులో రిఫైన్డ్ 1.0 లీటర్ కే-సిరీస్ డ్యూయల్‌జెట్ ఇంజిన్‌ను అందించారు. ఇది చాలా తక్కువ ఇంధనాన్ని వినియోగిస్తూ బెస్ట్ పర్ఫార్మెన్స్ ఇస్తుంది.

చిన్న కుటుంబాలకు, రోజువారీ డ్రైవర్లకు దశాబ్దాలుగా నమ్మకమైన కారు వ్యాగన్ ఆర్. దీని ప్రాక్టికల్ డిజైన్, మంచి క్యాబిన్ స్పేస్‌తో పాటు అదిరిపోయే మైలేజ్ దీని సొంతం.

• సిఎన్‌జి మైలేజ్: కేజీకి గరిష్ఠంగా 34.05 కిలోమీటర్లు (1.0 లీటర్ ఇంజిన్)

• పెట్రోల్ మైలేజ్: లీటరుకు గరిష్ఠంగా 25.19 కిలోమీటర్లు

• ముఖ్య విషయాలు: మంచి హెడ్‌రూమ్, విశాలమైన క్యాబిన్ స్పేస్, విభిన్న ఇంజిన్ ఆప్షన్లు అందుబాటులో ఉండటం వ్యాగన్ ఆర్ ప్లస్ పాయింట్.

మారుతి ఎంట్రీ లెవల్ కార్లలో ఆల్టో కే10 అత్యంత జనాదరణ పొందింది. తక్కువ బడ్జెట్‌లో ఎక్కువ మైలేజ్ కోరుకునే వారికి ఇది సరైన కాంబినేషన్.

• సిఎన్‌జి మైలేజ్: కేజీకి గరిష్ఠంగా 33.85 కిలోమీటర్లు

• పెట్రోల్ మైలేజ్: లీటరుకు గరిష్ఠంగా 24.90 కిలోమీటర్లు.

• ముఖ్య విషయాలు: కాంపాక్ట్ సైజ్ వల్ల సిటీ ట్రాఫిక్‌లో తేలికగా పార్కింగ్ చేయవచ్చు. మెయింటెనెన్స్ కాస్ట్ చాలా తక్కువగా ఉండటం దీని ప్రత్యేకత.

ఇండియాలో అత్యంత ప్రజాదరణ పొందిన కాంపాక్ట్ సెడాన్ డిజైర్. ఇది ప్రీమియం లుక్స్, ఆధునిక ఫీచర్లు, అద్భుతమైన రైడింగ్ కాంఫర్ట్‌ను అందిస్తుంది.

• సిఎన్‌జి మైలేజ్: కేజీకి గరిష్ఠంగా 31.12 కిలోమీటర్లు (అధికారిక ARAI క్లెయిమ్స్ ప్రకారం 33.73 km/kg వరకు)

• పెట్రోల్ మైలేజ్: లీటరుకు గరిష్ఠంగా 22.61 కిలోమీటర్లు.

• ముఖ్య విషయాలు: బ్యాలెన్స్‌డ్ పర్ఫార్మెన్స్, వెనుక సీటులో విశాలమైన లెగ్‌రూమ్, క్రూయిజ్ కంట్రోల్, ఆటోమేటిక్ క్లైమేట్ కంట్రోల్ వంటి ఆధునిక ఫీచర్లు ఉన్నాయి.

ఇంధన పొదుపు కోసం ఎస్‌యూవీ లుక్స్‌ను వదులుకోవాల్సిన అవసరం లేదు అని గ్రాండ్ విటారా నిరూపించింది. మిడ్-సైజ్ ఎస్‌యూవీ సెగ్మెంట్‌లో ఇది మైలేజ్ లీడర్‌గా ఉంది.

• పెట్రోల్ హైబ్రిడ్ మైలేజ్: లీటరుకు గరిష్ఠంగా 27.97 కిలోమీటర్లు

• సిఎన్‌జి మైలేజ్: కేజీకి గరిష్ఠంగా 26.60 కిలోమీటర్లు

• ముఖ్య విషయాలు: ఇంటెలిజెంట్ సెల్ఫ్ ఛార్జింగ్ హైబ్రిడ్ సిస్టమ్ (EV డ్రైవ్ మోడ్), ప్రీమియం ఇంటీరియర్, పానోరమిక్ సన్‌రూఫ్, హైవేపై అద్భుతమైన పర్ఫార్మెన్స్ దీని సొంతం.

భారతదేశంలో ఏఆర్‌ఏఐ గుర్తింపు పొందిన గణాంకాల ప్రకారం 2026 నాటికి మారుతి సుజుకి మోడళ్లు మైలేజ్ విషయంలో మొదటి స్థానంలో కొనసాగుతున్నాయి.

Tata EV Discounts: టాటా ఈవీ కార్లపై రూ.3.35 లక్షల వరకు తగ్గింపు ఆఫర్లు.. డోంట్ మిస్ !

Mahesh Rajamoni — Wed, 05 Aug 2026 15:06:36 +0530

Tata EV Discounts: టాటా కార్ల పై బిగ్ ఆఫర్లు అందుబాటులోకి వచ్చాయి. టాటా మోటార్స్ ఆగస్టు ఆఫర్లలో భాగంగా కర్వ్ ఈవీ పై ఏకంగా రూ.3.35 లక్షల వరకు భారీ డిస్కౌంట్లను ప్రకటించింది. టాటా కార్ల పై అందుబాటులో ఉన్న తగ్గింపు ఆఫర్ల వివరాలు మీకోసం.

ఈ ఆగస్టు లో కొత్త ఎలక్ట్రిక్ కార్ కొనాలని ప్లాన్ చేస్తున్నారా? అయితే మీకు టాటా మోటార్స్ అదిరిపోయే గుడ్ న్యూస్ చెప్పింది. తన ఎలక్ట్రిక్ పాసింజర్ వెహికల్స్ రేంజ్‌పై భారీ డిస్కౌంట్లను ప్రకటించింది. మోడల్, వేరియంట్‌ను బట్టి ఈ ఆఫర్లు రూ.45,000 నుండి ఏకంగా రూ.3.35 లక్షల వరకు అందుబాటులో ఉన్నాయి. ఇందులో క్యాష్ డిస్కౌంట్లు, ఫ్రీడమ్ ఆఫర్లు, ఎక్స్ఛేంజ్ బోనస్‌లు, స్క్రాపేజ్ ఇన్సెంటివ్‌లతో పాటు పాత టాటా కస్టమర్ల కోసం ప్రత్యేక రాయితీలు కూడా ఉన్నాయి. ఆగస్టు 31 వరకు మాత్రమే ఈ ఆఫర్లు చెల్లుబాటులో ఉంటాయి. మోడల్ వారీగా ఆఫర్ల పూర్తి వివరాలు గమనిస్తే..

ఈ ఆగస్టు నెల ఆఫర్లలో టాటా కర్వ్ ఈవీ (Tata Curvv EV) టాప్‌లో నిలిచింది. దీని నాన్-ఎక్స్ ట్రిమ్ వేరియంట్‌పై గరిష్ఠంగా రూ.3.35 లక్షల వరకు ప్రయోజనం పొందవచ్చు. ఇందులో రూ.3 లక్షల క్యాష్ డిస్కౌంట్‌తో పాటు రూ.35,000 స్క్రాపేజ్ ఇన్సెంటివ్ ఉన్నాయి. ఇక కర్వ్ ఈవీ క్రియేటివ్ ట్రిమ్‌పై రూ.2.50 లక్షల క్యాష్ డిస్కౌంట్‌తో కలిపి మొత్తం రూ.2.85 లక్షల వరకు తగ్గింపు లభిస్తుంది. అలాగే ఎక్స్ సిరీస్ వేరియంట్లపై రూ.30,000 ఎక్స్ఛేంజ్ బోనస్ లేదా రూ.35,000 స్క్రాపేజ్ బెనిఫిట్, అలాగే పాత టాటా పెట్రోల్/డీజిల్ లేదా ఈవీ కస్టమర్ల కోసం రూ.30,000 లాయల్టీ బెనిఫిట్ లభిస్తుంది. మొత్తంగా ఎక్స్ వేరియంట్లపై రూ.65,000 వరకు బెనిఫిట్స్ పొందవచ్చు.

ఇటీవలే మార్కెట్లోకి వచ్చిన టాటా హారియర్ ఈవీ పై కూడా టాటా మోటార్స్ భారీ ఆఫర్లను అందిస్తోంది. హారియర్ ఈవీ ఫియర్‌లెస్+, ఎంపవర్డ్ వేరియంట్లపై రూ.1 లక్ష ఫ్రీడమ్ ఆఫర్, రూ.50,000 ఎక్స్ఛేంజ్ బోనస్ లేదా రూ.75,000 స్క్రాపేజ్ ఇన్సెంటివ్ లభిస్తున్నాయి. అంతేకాకుండా పాత టాటా ఐసీఈ కస్టమర్లు ఈవీకి మారితే రూ.50,000, పాత టాటా ఈవీ కస్టమర్లు కొత్త హారియర్ ఈవీకి అప్‌గ్రేడ్ అయితే రూ.1 లక్ష లాయల్టీ బెనిఫిట్ పొందే అవకాశం ఉంది. దీంతో గరిష్ఠంగా రూ.2.75 లక్షల వరకు ప్రయోజనం చేకూరుతుంది. అడ్వెంచర్ వేరియంట్‌పై రూ.75,000 ఫ్రీడమ్ ఆఫర్‌తో కలిపి మొత్తం రూ.2.50 లక్షల వరకు ఆఫర్లు లభిస్తున్నాయి.

టాటా పంచ్ ఈవీ లాంగ్ రేంజ్ వేరియంట్‌పై గరిష్ఠంగా రూ.1.45 లక్షల వరకు లభిస్తుంది. ఇందులో రూ.1.10 లక్షల కన్స్యూమర్ ఆఫర్, రూ.30,000 ఎక్స్ఛేంజ్ బోనస్ లేదా రూ.35,000 స్క్రాపేజ్ ఇన్సెంటివ్ ఉన్నాయి. మీడియం రేంజ్ వేరియంట్‌పై రూ.1.25 లక్షలు, స్మార్ట్ ట్రిమ్‌పై రూ.95,000 వరకు బెనిఫిట్స్ ఉన్నాయి.

అటు టాటా టియాగో ఈవీ (Tata Tiago EV) పాత మోడల్ ఎల్‌ఆర్ ఎక్స్‌టీ వేరియంట్‌పై రూ.70,000 కన్స్యూమర్ ఆఫర్, రూ.50,000 ఫ్రీడమ్ ఆఫర్, రూ.20,000 ఎక్స్ఛేంజ్ బెనిఫిట్ లేదా రూ.25,000 స్క్రాపేజ్ ఇన్సెంటివ్‌తో కలిపి మొత్తం రూ.1.45 లక్షల వరకు ఆదా చేసుకోవచ్చు. టియాగో ఈవీ ఎల్‌ఆర్ ఎక్స్‌జెడ్+ పై రూ.1.25 లక్షలు, మీడియం రేంజ్ వేరియంట్లపై రూ.65,000 వరకు ఆఫర్లు అందుబాటులో ఉన్నాయి.

టాటా మోటార్స్ పోర్ట్‌ఫోలియోలో పాపులర్ అయిన టాటా నెక్సాన్ ఈవీ (Tata Nexon EV) పై ఈ నెలలో తక్కువ ఆఫర్లు ఉన్నాయి. ఈ మోడల్‌పై రూ.10,000 కన్స్యూమర్ డిస్కౌంట్, రూ.25,000 ఎక్స్ఛేంజ్ బోనస్ లేదా రూ.35,000 వరకు స్క్రాపేజ్ ఇన్సెంటివ్‌లు లభిస్తున్నాయి. వీటన్నింటినీ పరిగణనలోకి తీసుకుంటే నెక్సాన్ ఈవీ కొనుగోలుపై గరిష్ఠంగా రూ.45,000 వరకు లబ్ధి పొందవచ్చు. అయితే టాటా టిగోర్ ఈవీ (Tigor EV), సియెర్రా ఈవీ (Sierra EV) మోడళ్లకు ఈ ఆగస్టు 2026 డిస్కౌంట్లు వర్తించవు.

గమనిక: ఈ ఆఫర్లు, డిస్కౌంట్లు నగరం, డీలర్‌షిప్, స్టాక్ లభ్యతను బట్టి మారవచ్చు. ఖచ్చితమైన వివరాల కోసం మీ సమీప టాటా మోటార్స్ డీలర్‌ను సంప్రదించండి.

Cheapest Diesel MPV India: సేఫ్టీలో తోపు.. మైలేజ్ లో కింగ్.. ఇండియాలోనే చీపెస్ట్ 5 స్టార్ డీజిల్ కారు వచ్చేసింది !

Mahesh Rajamoni — Sun, 19 Jul 2026 14:41:36 +0530

Cheapest Diesel MPV India : దేశంలోనే అత్యంత చౌకైన డీజిల్ కారు (MPV) కియా కారెన్స్ క్లావిస్. 6, 7 సీటర్ ఆప్షన్లు, 870 కిమీ మైలేజ్, సులభమైన ఈఎంఐ ఆఫర్లతో అందుబాటులోకి వచ్చింది. ఈ కారు పూర్తి వివరాలు మీకోసం.

భారతదేశంలో ఇంధన ధరలు ఆకాశాన్ని తాకుతున్నాయి. దీంతో చాలామంది వాహనదారులు ఎలక్ట్రిక్ వాహనాల వైపు మొగ్గు చూపుతున్నారు. అయితే, లాంగ్ జర్నీలు చేసేటప్పుడు ఈవీలకు సరిపడా ఛార్జింగ్ ఇన్‌ఫ్రాస్ట్రక్చర్ ఇంకా పూర్తిస్థాయిలో అందుబాటులోకి రాలేదు. అందుకే, సుదూర ప్రాంతాలకు ప్రయాణించే వారికి ఇప్పటికీ డీజిల్ వాహనాలే బెస్ట్ ఛాయిస్ గా మారుతున్నాయి.

డీజిల్ కార్లపై రూల్స్ కఠినంగా మారుతున్నప్పటికీ, మార్కెట్లో కొన్ని బెస్ట్ డీజిల్ ఎంపీవీలు ఫ్యామిలీస్ ను బాగా ఆకట్టుకుంటున్నాయి. ఆ లిస్టులో దేశంలోనే అత్యంత చౌకైన డీజిల్ కారుగా కియా కారెన్స్ క్లావిస్ (Kia Carens Clavis) నిలిచింది. ఈ కారు ధర, మైలేజ్, ఫీచర్లు, అలాగే ఈజీ ఈఎంఐ ప్లాన్స్ గురించిన పూర్తి వివరాలు గమనిస్తే..

భారత మార్కెట్లో మూడు ఇంజన్ ఆప్షన్లతో లభిస్తున్న కియా కారెన్స్ క్లావిస్ ధర రూ. 11.23 లక్షల నుండి ప్రారంభమై టాప్ వేరియంట్ రూ. 21.67 లక్షల (ఎక్స్ షోరూమ్) వరకు ఉంది. ముఖ్యంగా, ఈ కారు ఎంట్రీ లెవల్ డీజిల్ ఎడిషన్ ఆన్ రోడ్ ధర హైదరాబాద్ లో దాదాపు రూ. 16,36,000 గా ఉంది. ఇందులో ఎక్స్ షోరూమ్ ధర రూ. 13,23,000 కాగా, రిజిస్ట్రేషన్ ఛార్జీలు దాదాపు రూ. 2,42,000, ఇన్సూరెన్స్ కోసం రూ. 53,000, ఇతర ఖర్చులు రూ. 17,000 వరకు యాడ్ అవుతాయి.

సాధారణంగా బ్యాంక్ లోన్ ద్వారా కారు కొనాలనుకునే వారు, ఎక్కువ అమౌంట్ డౌన్ పేమెంట్ గా చెల్లిస్తే వడ్డీ భారం తగ్గుతుంది. మీ సిబిల్ స్కోర్ బాగుంటే, బ్యాంకులు 7.45 శాతం వడ్డీ రేటుతోనే వెహికల్ లోన్స్ ఇస్తున్నాయి. ఒకవేళ మీరు రూ. 10.36 లక్షలను డౌన్ పేమెంట్ గా చెల్లించి, ఎంట్రీ లెవల్ డీజిల్ వేరియంట్ ను ఎంచుకుంటే, మిగిలిన రూ. 6 లక్షల మొత్తానికి మాత్రమే లోన్ తీసుకోవాల్సి ఉంటుంది.

ఈ రూ. 6 లక్షల లోన్ పై 8 శాతం వడ్డీ రేటుతో 7 సంవత్సరాల కాలపరిమితిని ఎంచుకుంటే, మీరు ప్రతి నెలా కేవలం రూ. 9,300 ల ఈఎంఐ చెల్లిస్తే సరిపోతుంది. ఈ ప్లాన్ లో అసలు కాకుండా అదనంగా రూ. 1.85 లక్షలు వడ్డీ రూపంలో చెల్లిస్తారు. అంటే మొత్తంగా రూ. 18.10 లక్షలు పే చేసి ఈ డీజిల్ కార్ ను మీ సొంతం చేసుకోవచ్చు. ఒకవేళ తక్కువ డౌన్ పేమెంట్ కావాలనుకుంటే, రూ. 1.60 లక్షల నుండి రూ. 1.81 లక్షల వరకు ముందస్తుగా చెల్లించి, నెలకు రూ. 25,000 వరకు ఈఎంఐ కట్టే ప్లాన్ ను కూడా సెలెక్ట్ చేసుకోవచ్చు.

ఈ కారులో 1.5 లీటర్ల 4 సిలిండర్ టర్బోచార్జ్డ్ డీజిల్ ఇంజన్ ను అమర్చారు. ఇది 114bhp పవర్, 250Nm టార్క్ ను జనరేట్ చేస్తుంది. ఇందులో 6 స్పీడ్ మాన్యువల్, 6 స్పీడ్ టార్క్ కన్వర్టర్ ఆటోమేటిక్ ట్రాన్స్‌మిషన్ అనే రెండు ఆప్షన్లు ఉన్నాయి. మాన్యువల్ వేరియంట్ లీటరుకు 19.54 కిలోమీటర్ల మైలేజ్ ఇస్తుండగా, ఆటోమేటిక్ వేరియంట్ 17.50 కిలోమీటర్ల మైలేజ్ ఇస్తుంది. దీనిలోని 45 లీటర్ల డీజిల్ ట్యాంక్ ను ఫుల్ చేస్తే, ఎలాంటి బ్రేక్స్ లేకుండా ఏకంగా 740 నుండి 875 కిలోమీటర్ల దూరం వరకు హ్యాపీగా ప్రయాణించవచ్చు. హైవేలపై స్పీడ్ మార్చకుండా వెళ్తే మైలేజ్ 1000 కిలోమీటర్లు దాటినా ఆశ్చర్యపోనక్కర్లేదు.

పెద్ద కుటుంబాలకు సరిపోయేలా ఈ కారును 6 సీటర్, 7 సీటర్ కాన్ఫిగరేషన్లలో విక్రయిస్తున్నారు. ఇందులో అధునాతన 12.25 ఇంచ్ లేదా 12.3 ఇంచ్ హెచ్‌డీ టచ్‌స్క్రీన్ ఇన్ఫోటైన్‌మెంట్ సిస్టమ్, అంతే సైజు ఉన్న డిజిటల్ డ్రైవర్ క్లస్టర్ ఉన్నాయి. ఇంకా వెంటిలేటెడ్ ఫ్రంట్ అండ్ రియర్ సీట్లు, డ్యూయల్ పాన్ పనోరమిక్ సన్ రూఫ్, 64 కలర్స్ యాంబియంట్ లైటింగ్, 8 స్పీకర్ల బోస్ ప్రీమియం సౌండ్ సిస్టమ్, కప్ హోల్డర్లతో కూడిన రీట్రాక్టబుల్ సీట్ బ్యాక్ టేబుల్స్, రియర్ సన్ షేడ్స్, వైర్‌లెస్ స్మార్ట్‌ఫోన్ ఛార్జర్, మల్టిపుల్ ఛార్జింగ్ పోర్టులు వంటి ఎన్నో లగ్జరీ ఫీచర్లు ఉన్నాయి.

ప్రయాణికుల భద్రత కోసం అన్ని వేరియంట్లలో 6 ఎయిర్‌బ్యాగ్‌లను స్టాండర్డ్‌గా ఇచ్చారు. వీటితో పాటు ఆల్ వీల్ డిస్క్ బ్రేకులు, ఎలక్ట్రానిక్ స్టెబిలిటీ కంట్రోల్, వెహికల్ స్టెబిలిటీ మేనేజ్‌మెంట్, హిల్ స్టార్ట్ అసిస్ట్, టైర్ ప్రెజర్ మానిటరింగ్ సిస్టమ్, బ్లైండ్ వ్యూ మానిటర్‌తో కూడిన 360 డిగ్రీ కెమెరా, ఫ్రంట్ అండ్ రియర్ పార్కింగ్ సెన్సార్లు ఉన్నాయి. దీని ఎలక్ట్రిక్ ఎడిషన్‌లో స్టాప్ అండ్ గో ఫీచర్‌తో కూడిన స్మార్ట్ క్రూయిజ్ కంట్రోల్, ఫార్వర్డ్ కొలిజన్ అయాడెన్స్ అసిస్ట్, లేన్ కీప్ అసిస్ట్ వంటి 20 అటానమస్ ఫీచర్లు గల లెవెల్ 2 ఏడీఏఎస్ సిస్టమ్ కూడా ఉంది.

Top Selling Cars: ఇండియాలో ఎక్కువగా నడిచే కార్లు ఏవి? ఎందుకు ఈ కార్లను ఎక్కువగా కొంటున్నారు?

Mahesh Rajamoni — Tue, 29 Sep 2026 07:08:40 +0530

Top Selling Cars: భారతీయ ఆటోమొబైల్ మార్కెట్లో ప్రతి నెలా లక్షలాది కార్లు అమ్ముడవుతుంటాయి. ముఖ్యంగా మధ్యతరగతి, సగటు కొనుగోలుదారులు కార్లను ఎంచుకునేటప్పుడు మైలేజ్, తక్కువ నిర్వహణ ఖర్చు, సరసమైన ధర, భద్రత వంటి అంశాలకు అత్యధిక ప్రాధాన్యం ఇస్తారు.

భారత కార్ల మార్కెట్‌లో ప్రస్తుతం సరికొత్త ట్రెండ్ నడుస్తోంది. కార్లు కొనాలనుకునే వారు కేవలం ఒకే విషయం చూసి నిర్ణయం తీసుకోవడం లేదు. ధర అందుబాటులో ఉందా? మైలేజ్ ఎంత ఇస్తుంది? ఫ్యామిలీ అంతా కూర్చోవడానికి స్పేస్ ఉందా? అలాగే లేటెస్ట్ లైఫ్‌స్టైల్ అవసరాలకు సరిపోతుందా? ఇలా ప్రతీ ఒక్కటి లెక్కలేస్తున్నారు. మన దేశంలో అర్బన్, రూరల్ అనే తేడా లేకుండా హ్యాచ్‌బ్యాక్స్, కాంపాక్ట్ ఎస్యూవీల హవా విపరీతంగా కొనసాగుతోంది.

2026 ఆగస్టు నాటి విక్రయాల గణాంకాలను పరిశీలిస్తే టాటా పంచ్ ఏకంగా 21,320 యూనిట్ల అమ్మకాలతో నంబర్ 1 స్థానంలో నిలవగా, మారుతి సుజుకి వ్యాగన్‌ఆర్ 20,180 యూనిట్లతో గట్టి పోటీనిస్తూ రెండో స్థానంలో నిలిచింది. మారుతి స్విఫ్ట్, డిజైర్, టాటా నెక్సాన్, హ్యుందాయ్ క్రెటా వంటి మోడళ్లు కూడా అమ్ముడవుతున్న జాబితాలో టాప్‌లో ఉన్నాయి.

దేశీయ మార్కెట్‌లో జనాలు ఎక్కువగా మొగ్గు చూపుతున్న కార్లలో టాటా పంచ్ అగ్రస్థానంలో ఉంది. ఇది మైక్రో ఎస్యూవీ లుక్‌తో పాటు, అధిక గ్రౌండ్ క్లియరెన్స్, పెట్రోల్, సీఎన్జీ, ఈవీ వంటి రకరకాల ఆప్షన్లు కలిగి ఉంది. అంతేకాకుండా అందుబాటు ధరలోనే 5-స్టార్ సేఫ్టీ రేటింగ్‌ను అందిస్తోంది.

ఇక రెండో స్థానంలో టాల్‌బాయ్ డిజైన్‌కు కేరాఫ్ అడ్రస్‌గా ఉండే మారుతి సుజుకి వ్యాగన్‌ఆర్ ఉంది. విశాలమైన క్యాబిన్ స్పేస్, స్పష్టమైన రోడ్ విజన్, కంపెనీ ఫిట్టెడ్ సీఎన్జీ ఆప్షన్ వల్ల ఇది నిరంతరం భారీగా విక్రయమవుతోంది. యువతతో పాటు చిన్న కుటుంబాలకు ఫేవరెట్ ఛాయిస్‌గా మారుతి స్విఫ్ట్ నిలిచింది. స్పోర్టీ డిజైన్, మైలేజ్ ఇచ్చే జెడ్-సిరీస్ ఇంజిన్, తక్కువ మెయింటెనెన్స్ దీనికి ప్లస్ పాయింట్లు.

ఇక మిడ్-సైజ్ ఎస్యూవీ సెగ్మెంట్‌లో హ్యుందాయ్ క్రెటా దే తిరుగులేని రికార్డు. ఫీచర్లతో నిండిన ఇంటీరియర్, విభిన్న ఇంజిన్ ఆప్షన్లు, మెరుగైన రీసేల్ విలువ దీని సొంతం. వీటితో పాటు మారుతి బ్రెజా, మారుతి ఫ్రాంక్స్ కాంపాక్ట్ క్రాస్‌ఓవర్ విభాగంలో సులభమైన డ్రైవింగ్, మెరుగైన ఇంధన సామర్థ్యంతో మార్కెట్‌ను శాసిస్తున్నాయి.

టాటా పంచ్ - SUV స్టైలింగ్, కాంపాక్ట్ పరిమాణం, 5-స్టార్ సేఫ్టీ, సీఎన్జీ, ఈవీ ఆప్షన్లు
మారుతి వ్యాగన్‌ఆర్ - తక్కువ నిర్వహణ ఖర్చు, బెస్ట్ మైలేజ్, విశాలమైన క్యాబిన్
మారుతి స్విఫ్ట్ - స్పోర్టీ డిజైన్, పవర్‌ఫుల్ జెడ్-సిరీస్ ఇంజిన్, రీసేల్ వాల్యూ
మారుతి డిజైర్ - కంఫర్టబుల్ ఫ్యామిలీ రైడ్, మంచి మైలేజ్, బిగ్ బూట్ స్పేస్
టాటా నెక్సాన్ - దృఢమైన నిర్మాణం, పెట్రోల్, డీజిల్, సీఎన్జీ, ఈవీ పవర్ ట్రెయిన్స్
హ్యుందాయ్ క్రెటా - ప్రీమియం ఇంటీరియర్, అడ్వాన్స్‌డ్ ఫీచర్లు, పవర్‌ఫుల్ ఇంజిన్
మారుతి ఎర్టిగా - 7-సీటర్ కెపాసిటీ, లాంగ్ డ్రైవ్‌లకు పర్ఫెక్ట్ ఫ్యామిలీ వెహికల్
మారుతి ఫ్రాంక్స్ - క్రాస్‌ఓవర్ డిజైన్, క్రేజీ మైలేజ్, నయా ఫీచర్లు
మారుతి బ్రెజా - హై గ్రౌండ్ క్లియరెన్స్, సిటీ, హైవే వినియోగానికి అనుకూలం
మహీంద్రా స్కార్పియో - రగ్గడ్ డిజైన్, పవర్‌ఫుల్ రోడ్ ప్రెజెన్స్

భారతీయ కార్ల కొనుగోలుదారుల ఆలోచన సరళి పూర్తిగా భిన్నంగా ఉంటుంది. కారు కొనేటప్పుడు కేవలం షోరూమ్ ధర మాత్రమే కాకుండా, రోజూ అయ్యే పెట్రోల్, డీజిల్ ఖర్చులను బాగా లెక్కిస్తారు. అందుకే మైలేజ్ ఇచ్చే కార్లకు ఇక్కడ ఎప్పుడూ భారీ డిమాండ్ ఉంటుంది. సబ్‌-4 మీటర్ పరిధిలో ఉండే కార్లపై పన్ను రేట్లు తక్కువగా ఉండటం వల్ల కంపెనీలు తక్కువ ధరలకే కార్లను ఆఫర్ చేయగలుగుతున్నాయి.

టూ వీలర్స్ నుంచి ఫోర్ వీలర్లకు మారే మధ్యతరగతి ప్రజలకు ఈ ధరలు బాగా కలిసి వస్తున్నాయి. ముఖ్యంగా వ్యాగన్‌ఆర్, స్విఫ్ట్, డిజైర్ వంటి మోడళ్లు లీటరుకు ఎక్కువ కిలోమీటర్ల మైలేజ్ ఇస్తూ వినియోగదారుల రోజువారీ ప్రయాణ ఖర్చులను గణనీయంగా తగ్గిస్తున్నాయి.

గత కొన్నేళ్లుగా హ్యాచ్‌బ్యాక్ కార్ల కంటే ఎస్యూవీ బాడీ స్టైల్ ఉన్న కార్ల వైపు ఎక్కువమంది మొగ్గు చూపుతున్నారు. ఎత్తైన సీటింగ్ పొజిషన్ వల్ల రోడ్డుపై క్లియర్ విజన్ దక్కుతుంది. ఇండియాలోని గుంతల రోడ్లు, వర్షాకాలంలో ట్రాఫిక్ ఇబ్బందులను తట్టుకోవడానికి ఎక్కువ గ్రౌండ్ క్లియరెన్స్ ఉన్న కార్లు బాగా ఉపయోగపడుతున్నాయి.

పెద్ద పెద్ద ఎస్యూవీలు కొనలేని వారు సైతం టాటా పంచ్, నెక్సాన్, మారుతి బ్రెజా, ఫ్రాంక్స్, హ్యుందాయ్ క్రెటా లాంటి కాంపాక్ట్ మోడళ్లను ఎంచుకుంటున్నారు. ఇవి ఎస్యూవీ లుక్ ఇవ్వడమే కాకుండా సిటీ ట్రాఫిక్‌లో సులభంగా నడపడానికి అనుకూలంగా ఉంటాయి.

ఇప్పుడున్న యువత, యంగ్ ఫ్యామిలీలు కారు కొనేటప్పుడు సేఫ్టీకి అత్యంత ప్రాధాన్యం ఇస్తున్నారు. భారత్ ఎన్సీఏపీ లేదా గ్లోబల్ ఎన్సీఏపీ క్రాష్ టెస్టుల్లో 5-స్టార్ రేటింగ్ సాధించిన కార్ల పట్ల కొనుగోలుదారులు ఎక్కువ ఆసక్తి చూపుతున్నారు. ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్, రియర్ కెమెరాలతో పాటు కనెక్టెడ్ కార్ టెక్నాలజీ, సన్‌రూఫ్, టచ్‌స్క్రీన్ వంటి ఫీచర్లను కోరుకుంటున్నారు.

దీనికి తోడు మారుతి సుజుకి, టాటా, హ్యుందాయ్ కంపెనీలకు దేశవ్యాప్తంగా విస్తరించిన సర్వీస్ నెట్‌వర్క్ ఉండటం పెద్ద ప్లస్ పాయింట్. ప్రతి చిన్న పట్టణంలోనూ సర్వీసింగ్ సౌకర్యం దొరకడం, విడిభాగాలు తక్కువ ధరకు లభించడం వల్ల ఓనర్‌షిప్ ఇబ్బందులు ఉండవు. అంతేకాకుండా, కొన్నేళ్ల తర్వాత కారు అమ్మినా మంచి రీసేల్ వ్యాల్యూ వస్తుండటంతో ఈ కార్లు నిరంతరం రికార్డు స్థాయి విక్రయాలను సాధిస్తున్నాయి.

Maruti Brezza 2026: కొత్త మారుతి సుజుకి బ్రెజ్జా ఫేస్‌లిఫ్ట్ లాంచ్.. ఏ వేరియంట్ కొనడం బెస్ట్? పూర్తి ఫీచర్లు, ధరల వివరాలు

Mahesh Rajamoni — Sun, 26 Jul 2026 15:04:10 +0530

2026 Maruti Brezza Facelift: 2026 మారుతి సుజుకి బ్రెజ్జా ఫేస్‌లిఫ్ట్ కొత్త బూస్టర్‌జెట్ టర్బో ఇంజిన్‌తో లాంచ్ అయింది. రూ.7.40 లక్షల నుంచి ప్రారంభమయ్యే ఈ ఎస్యూవీ వేరియంట్ల వివరాలు, ఇతర ఫీచర్లు ఏంటో ఇక్కడ తెలుసుకుందాం.

సబ్‌కాంప్యాక్ట్ ఎస్యూవీ సెగ్మెంట్‌లో మార్కెట్‌ను ఏలుతున్న మారుతి సుజుకి బ్రెజ్జా ఇప్పుడు సరికొత్త 2026 ఫేస్‌లిఫ్ట్ వెర్షన్‌లో గ్రాండ్‌గా ఎంట్రీ ఇచ్చింది. మార్కెట్‌లోకి వచ్చి దాదాపు నాలుగేళ్లు పూర్తయిన సందర్భంలో, కంపెనీ డిజైన్ పరంగా కొన్ని మార్పులు చేయడంతో పాటు లేటెస్ట్ ఫీచర్లు, సరికొత్త ఇంజిన్ ఆప్షన్లను అందుబాటులోకి తెచ్చింది.

ఈ కొత్త 2026 మారుతి సుజుకి బ్రెజ్జా ఎక్స్-షోరూమ్ ప్రారంభ ధర రూ. 7.40 లక్షలు కాగా, టాప్ వేరియంట్ ధర రూ. 12.89 లక్షలు వరకు ఉంది. ఈ ఎస్యూవీ లో LXi, VXi, ZXi, ZXi+ అనే నాలుగు ప్రధాన వేరియంట్లు ఉన్నాయి. అంతేకాకుండా, పెట్రోల్, టర్బో-పెట్రోల్, కంపెనీ ఫిట్టెడ్ సీఎన్జీ ఆప్షన్లను సైతం కస్టమర్ల ముందుకు తీసుకొచ్చారు.

2026 బ్రెజ్జా ఫేస్‌లిఫ్ట్‌లో ప్రధాన ఆకర్షణ కొత్తగా పరిచయం చేసిన 1.0-లీటర్ బూస్టర్‌జెట్ డైరెక్ట్-ఇంజెక్షన్ టర్బో పెట్రోల్ ఇంజిన్. ఇది 110 PS పవర్, 170 Nm టార్క్ ను ఉత్పత్తి చేస్తుంది. దీనికి 6-స్పీడ్ మాన్యువల్ గేర్‌బాక్స్‌ను మాత్రమే జతచేశారు. ఈ ఇంజిన్ వేరియంట్‌ను LXi నుండి ZXi+ వరకు అన్ని వేరియంట్లలోనూ కొనుగోలు చేయవచ్చు.

ఇక రెండవ ఆప్షన్ 1.5-లీటర్ K15C న్యాచురల్లీ ఆస్పిరేటెడ్ పెట్రోల్ ఇంజిన్. ఇది 103 PS పవర్, 139 Nm టార్క్ ను ఇస్తుంది. LXi, VXi, ZXi వేరియంట్లలో 6-స్పీడ్ మాన్యువల్, VXi, ZXi, ZXi+ వేరియంట్లలో 6-స్పీడ్ ఆటోమేటిక్ గేర్‌బాక్స్ అందుబాటులో ఉన్నాయి. మైలేజ్ పరంగా ఫ్యాక్టరీ ఫిట్టెడ్ 1.5-లీటర్ CNG మోడల్ కిలోకు ఏకంగా 26.90 కిలోమీటర్ల మైలేజ్ ఇస్తుంది. ఈ సీఎన్జీ ఆప్షన్ కింద భాగంలో ట్యాంక్ అమరికతో LXi, VXi, ZXi వేరియంట్లలో లభిస్తుంది.

బాహ్య రూపంలో కొత్త డ్యూయల్ ఎల్ఈడీ ప్రొజెక్టర్ హెడ్‌లాంప్స్, కొత్త గ్రిల్, ఎల్ఈడీ టైల్ ల్యాంప్స్, స్పోర్టీ అల్లాయ్ వీల్స్ ఇచ్చారు. ఇంటీరియర్‌లో బ్రౌన్ అండ్ బ్లాక్ థీమ్ కొనసాగించారు. అన్ని వేరియంట్లలోనూ రియర్ ఏసీ వెంట్లు, ఫ్లాట్-బాటమ్ స్టీరింగ్ వీల్స్ ఉన్నాయి.

టాప్ వేరియంట్ ZXi+ లో లేథరెట్ సీట్లు, 64 కలర్ యాంబియంట్ లైటింగ్, ఫ్రంట్ వెంటిలేటెడ్ సీట్లు, మైలేజ్ ప్రొడక్టివిటీ పెంచేలా ఫ్రంట్ స్లైడింగ్ ఆర్మ్‌రెస్ట్, కూల్డ్ గ్లోవ్‌బాక్స్ వంటి లగ్జరీ ఫీచర్లు అమర్చారు. డ్రైవర్ సౌకర్యం కోసం టెలిస్కోపిక్ స్టీరింగ్, హెడ్ అప్ డిస్‌ప్లే, పుష్ బటన్ స్టార్ట్ కూడా ఉన్నాయి.

ZXi+ వేరియంట్ లో 10.1 ఇంచ్ బిగ్ టచ్‌స్క్రీన్ ఇన్ఫోటైన్‌మెంట్ సిస్టమ్ ఇచ్చారు. ఇందులో ఆర్కామిస్ సరౌండ్ సౌండ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, సుజుకి కనెక్ట్, అలెక్సా వాయిస్ అసిస్టెంట్, ఓటీఏ అప్‌డేట్స్ ఉన్నాయి. బేస్ అండ్ మిడ్ వేరియంట్లలో 7 ఇంచ్ స్క్రీన్ లభిస్తుంది.

సేఫ్టీ విషయంలో మారుతి ఎక్కడా తగ్గలేదు. భారత్ ఎన్సీఏపీ క్రాష్ టెస్ట్‌లో 5-స్టార్ రేటింగ్ సాధించిన ఈ కార్ లో 6 ఎయిర్‌బ్యాగ్‌లు, ఎలక్ట్రానిక్ స్టెబిలిటీ ప్రోగ్రామ్, హిల్ హోల్డ్ అసిస్ట్, ISOFIX చైల్డ్ సీట్ యాంకర్లు ఇచ్చారు. టర్బో వేరియంట్లలో టైర్ ప్రెజర్ మానిటరింగ్ సిస్టమ్, బ్లైండ్ స్పాట్ వార్నింగ్, రియర్ క్రాస్ ట్రాఫిక్ అలర్ట్ వంటి లెవెల్ 1 ఏడీఏఎస్ ఫీచర్లు కూడా ఉన్నాయి.

మీరు ఏ వేరియంట్ ఎంచుకోవాలో గందరగోళంగా ఉంటే, ZXi వేరియంట్ బెస్ట్ ఆప్షన్ అని చెప్పవచ్చు. వాల్యూ ఫర్ మనీ. ఎలక్ట్రిక్ సన్‌రూఫ్, ఎల్ఈడీ హెడ్‌లాంప్స్, వైర్‌లెస్ ఛార్జర్, ఆటో క్లైమేట్ కంట్రోల్ వంటి డైలీ యూజ్ ఫీచర్లన్నీ ఇందులో లభిస్తాయి. పైగా ఇది పెట్రోల్, ఆటోమేటిక్, సీఎన్జీ మూడింటిలోనూ అందుబాటులో ఉంది.

మీకు లగ్జరీ ఫీచర్లు, 10.1-ఇంచ్ డిస్‌ప్లే, 360-డిగ్రీ కెమెరా, వెంటిలేటెడ్ సీట్లు కావాలనుకుంటే ZXi+ కి వెళ్లవచ్చు. తక్కువ బడ్జెట్‌లో సేఫ్టీ, పవర్ కావాలనుకునే వారికి LXi, VXi కూడా మంచి ఎంపికలే. టాటా నెక్షాన్, హ్యుందాయ్ వేన్యూ, మహీంద్రా XUV 3XO, కియా సోనెట్ వంటి మోడళ్లకు ఈ 2026 బ్రెజ్జా గట్టి పోటీ ఇస్తోంది.

Nissan Car: రూ. 5 లక్షలకే అదరగొట్టే 7 సీటర్ కారు.. 6 ఎయిర్‌బ్యాగ్‌లు, 24 కిలోమీటర్ల మైలేజ్ గ్రావిట్‌ సొంతం

Mahesh Rajamoni — Thu, 17 Sep 2026 19:20:13 +0530

Nissan Gravite: ఆటోమొబైల్ మార్కెట్లో తక్కువ బడ్జెట్‌లో ఎక్కువ సీటింగ్ కెపాసిటీ, మైలేజ్ కోరుకునే వారి కోసం నిస్సాన్ ఒక సంచలన మోడల్‌తో ముందుకొచ్చింది. నిస్సాన్ సరికొత్తగా విడుదల చేసిన 'నిస్సాన్ గ్రావిట్'7 సీటర్ ఎమ్‌పీవీ కారు మార్కెట్లో దుమ్మురేపుతోంది.

భారతీయ ఆటోమొబైల్ మార్కెట్‌లో తక్కువ బడ్జెట్‌లో ఎక్కువ సీటింగ్ కెపాసిటీ ఉన్న కార్లకు డిమాండ్ ఎప్పుడూ ఉంటుంది. కుటుంబంతో కలిసి ప్రయాణించేందుకు 7 సీటర్ కార్లను చాలామంది ఇష్టపడతారు. అయితే బడ్జెట్ పరిమితుల వల్ల చాలామంది వెనకడుగు వేస్తుంటారు. ఈ సమస్యకు పరిష్కారంగా ప్రముఖ ఆటోమొబైల్ సంస్థ నిస్సాన్ తన సరికొత్త ఎంపీవీ మోడల్ 'నిస్సాన్ గ్రావిట్' (Nissan Gravite) ను మార్కెట్లోకి తీసుకొచ్చింది. కేవలం రూ. 5 లక్షల స్థాయి ప్రారంభ ధరతో అందుబాటులోకి వచ్చిన ఈ కారు, మైలేజ్, ఫీచర్లలో పోటీదారులకు గట్టి పోటీ ఇస్తోంది.

నిస్సాన్ గ్రావిట్ బయటి డిజైన్ పరంగా చాలా ఆకర్షణీయంగా ఉంది. ముందు భాగంలో గ్లోస్ బ్లాక్ ఫ్రంట్ గ్రిల్, దానిపై హెక్సాగాన్ ఇన్సర్ట్‌లు కారుకు మోడర్న్ లుక్‌ను ఇస్తున్నాయి. స్టైలిష్ ఎల్ఈడీ డిఆర్ఎల్‌లు, స్మోక్డ్ హెడ్‌లాంప్స్, టెయిల్ లాంప్స్ కారు రోడ్ ప్రెజెన్స్‌ను మరింత పెంచుతాయి. అంతేకాకుండా 15-అంగుళాల ఫ్లెక్స్ వీల్స్, రూఫ్ రైల్స్, సిల్వర్ యాక్సెంట్స్ ఈ 7 సీటర్ కారుకు ఎస్ యూవీ తరహా అప్పీల్‌ను ఇస్తున్నాయి.

కారు ఇంటీరియర్ విషయంలో నిస్సాన్ ఏమాత్రం రాజీ పడలేదు. 7 మంది సౌకర్యవంతంగా కూర్చునేలా వైడ్ సీటింగ్ ఆప్షన్లను ఇచ్చింది. క్యాబిన్‌లో 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ ప్రధాన ఆకర్షణగా నిలుస్తుంది. దీనితో పాటు 7-అంగుళాల డిజిటల్ ఇన్‌స్ట్రుమెంట్ క్లస్టర్, వైర్‌లెస్ ఛార్జింగ్, క్రూయిజ్ కంట్రోల్, డ్రైవర్ ఆర్మ్‌రెస్ట్ వంటి ఆధునిక ఫీచర్లను అందించారు. ప్రయాణికుల సౌకర్యార్థం వెనుక సీట్లకు కూడా ఏసీ వెంట్లు అందుబాటులో ఉన్నాయి.

నిస్సాన్ గ్రావిట్ 1.0-లీటర్, 3-సిలిండర్ పెట్రోల్ ఇంజిన్‌తో వస్తుంది. ఇది 71 bhp పవర్, 96 Nm టార్క్‌ను ఉత్పత్తి చేస్తుంది. ఈ కారు మ్యాన్యువల్, ఆటోమేటిక్ ట్రాన్స్‌మిషన్ ఆప్షన్లలో అందుబాటులో ఉంది. ఇంధన పొదుపు విషయంలో ఇది వినియోగదారులను ఎంతగానో ఆకట్టుకుంటుంది. పెట్రోల్ తో పాటు డ్యూయల్ సిలిండర్ తో సిఎన్‌జి వేరియంట్‌లో కూడా ఇది లభిస్తుంది. ఇది అత్యధికంగా లీటరుకు దాదాపు 24 కిలోమీటర్ల వరకు బెస్ట్ మైలేజ్ ఇస్తుండటం దీని ప్లస్ పాయింట్.

ప్రయాణికుల రక్షణ కోసం ఈ కారులో భద్రతా ఫీచర్లను భారీగా చేర్చారు. స్టాండర్డ్‌గా 6 ఎయిర్‌బ్యాగ్‌లు అందించడం విశేషం. దీంతో పాటు టైర్ ప్రెజర్ మానిటరింగ్ సిస్టమ్, రెయిన్ సెన్సింగ్ వైపర్లు, ఫ్రంట్,రియర్ పార్కింగ్ సెన్సార్లు వంటి మోడర్న్ సేఫ్టీ ఫీచర్లు ప్రయాణాన్ని సేఫ్‌గా మారుస్తాయి.

నిస్సాన్ గ్రావిట్ విసియా, ఎసెంటా, ఎన్-కనెక్టా, టెక్నా అనే నాలుగు ప్రధాన వేరియంట్లలో లభిస్తుంది. కంపెనీ దీని ప్రారంభ ఎక్స్-షోరూమ్ ధరను దాదాపు రూ. 5.65 లక్షల నుంచి నిర్ణయించింది. వివిధ వేరియంట్లను బట్టి 5.65 లక్షల నుంచి రూ. 11.30 లక్షల వరకు ఉన్నాయి. భారత మార్కెట్‌లో మార్కెట్లో ఇప్పటికే ఉన్న రెనాల్ట్ ట్రైబర్, మారుతి సుజుకి ఎర్టిగా, టాటా పంచ్, కియా క్యారెన్స్ వంటి మోడళ్లకు ఇది గట్టి పోటీ ఇస్తోంది. తక్కువ బడ్జెట్‌లో ఎక్కువ ఫీచర్లు, మైలేజ్ కోరుకునే కుటుంబాలకు ఇది ఒక బెస్ట్ ఆప్షన్ అని చెప్పవచ్చు.

మిడిల్ క్లాస్ వారికి కూడా లగ్జరీ ట్రావెల్ అనుభూతి.. రూ. 50 ల‌క్ష‌ల కారులో ఉండే ఫీచ‌ర్లు ఇందులో ఉన్నాయిగా

Narender Vaitla — Sun, 19 Jul 2026 17:50:16 +0530

Tata Sierra EV: టాటా మోటార్స్ ఇటీవల కొత్త సియెరా EVను భారత మార్కెట్లో విడుదల చేసింది. ప్రారంభ ధర రూ.18.79 లక్షలు (ఎక్స్‌షోరూమ్)గా నిర్ణ‌యించిన ఈ కారులో అదిరిపోయే ఫీచ‌ర్ల‌ను అందించారు.

టాటా సియెరా EVలో 75 kWh బ్యాటరీ వేరియంట్‌కు ప్రత్యేకంగా క్వాడ్ వీల్ డ్రైవ్ (QWD) సిస్టమ్‌ను అందించారు. ఇందులో ముందు, వెనుక యాక్సిల్‌లకు ఒక్కో ఎలక్ట్రిక్ మోటార్ అమర్చారు. ఈ డ్యూయల్ మోటార్ సెటప్ వల్ల అన్ని వీల్స్‌కి సమానంగా శక్తి అందుతుంది. ఒకసారి పూర్తి ఛార్జ్ చేస్తే గరిష్ఠంగా 624 కిలోమీటర్ల రేంజ్ లభిస్తుందని కంపెనీ చెబుతోంది. అలాగే 504 Nm టార్క్ అందుబాటులో ఉంటుంది. ఇందులో బూస్ట్ మోడ్, ఆఫ్‌రోడ్ టెర్రెయిన్ మోడ్స్, ఆఫ్‌రోడ్ అసిస్ట్ వంటి ఫీచర్లు కూడా ఉన్నాయి. దీంతో నగర రోడ్లపైనే కాకుండా కొండ ప్రాంతాలు, కఠినమైన మార్గాల్లో కూడా సులభంగా డ్రైవ్ చేయవచ్చు.

సియెరా EVలో 540 డిగ్రీ సరౌండ్ వ్యూ కెమెరాతో పాటు ట్రాన్స్‌పరెంట్ మోడ్‌ను కూడా అందించారు. దీంతో వాహనం చుట్టూ ఉన్న పరిసరాలను స్పష్టంగా చూడొచ్చు. అంతేకాకుండా అడాప్టివ్ ఫ్రంట్, రియర్ టర్న్ కెమెరాలు, బ్లైండ్ స్పాట్ వ్యూ మానిటర్ కూడా ఉన్నాయి. ప్రత్యేకంగా ముందు బంపర్ కింద అమర్చిన కెమెరా రోడ్డు పరిస్థితులను నేరుగా చూపిస్తుంది. ఆఫ్‌రోడింగ్ సమయంలో రాళ్లు, గుంతలు, ఎత్తైన మార్గాలు వంటి అడ్డంకులను ముందుగానే గుర్తించి సురక్షితంగా వాహనం నడపడానికి ఇది ఉపయోగపడుతుంది.

హై వేరియంట్లలో ఆటో పార్క్ అసిస్ట్ ఫీచర్‌ను అందించారు. ఇందులో 16కిపైగా పార్కింగ్ ఫంక్షన్లు ఉన్నాయి. సమాంతర పార్కింగ్, నిలువు పార్కింగ్, యాంగిల్ పార్కింగ్, రివర్స్ అసిస్ట్, రిమ్ ప్రొటెక్షన్, మాన్యువర్ వార్నింగ్ వంటి సదుపాయాలు డ్రైవర్‌కు ఎంతో ఉపయోగపడతాయి. రద్దీ ప్రాంతాల్లో లేదా ఇరుకైన పార్కింగ్ స్థలాల్లో ఇది బాగా ఉప‌యోగ‌ప‌డుతుంది.

అదే విధంగా సమన్ మోడ్ కూడా ఇందులో ఉంది. కీ ఫాబ్ లేదా మొబైల్ యాప్ ద్వారా డ్రైవర్ వాహనంలో కూర్చోకుండానే SUVను ముందుకు లేదా వెనక్కి కదిలించవచ్చు. ఇరుకైన ప్రదేశాల్లో వాహనాన్ని బయటకు తీయాల్సిన సందర్భాల్లో ఈ ఫీచర్ ఎంతో ఉపయోగకరంగా ఉంటుంది.

టాటా సియెరా EVలో AirConsole సపోర్ట్‌ను కూడా అందించారు. దీనివల్ల ఇన్ఫోటైన్‌మెంట్ స్క్రీన్‌ను మల్టీప్లేయర్ గేమింగ్ కన్సోల్‌గా ఉపయోగించవచ్చు. ప్రయాణికులు తమ స్మార్ట్‌ఫోన్‌లను గేమ్ కంట్రోలర్‌లుగా ఉపయోగించి గేమ్స్ ఆడవచ్చు. ఛార్జింగ్ కోసం వాహనం ఆగినప్పుడు లేదా ఎక్కడైనా వేచి ఉండాల్సిన పరిస్థితుల్లో పిల్లలు, పెద్దలు సరదాగా సమయం గడపడానికి ఈ ఫీచర్ ఉపయోగపడుతుంది. దీంతో కారులో ప్రయాణం మరింత ఎంట‌ర్‌టైన్మెంట్‌గా మారుతుంది.

సియెరా EVలో ముందు సీట్లకు అడ్జస్టబుల్ థై సపోర్ట్ను అందించారు. దీంతో డ్రైవర్, ముందు ప్రయాణికుడు ఎక్కువసేపు ప్రయాణించినా అలసట తక్కువగా ఉంటుంది. అలాగే 8-వే అడ్జస్టబుల్ సన్ వైజర్ కూడా ఉంది. సూర్యరశ్మి ఏ దిశ నుంచి వచ్చినా అవసరానికి అనుగుణంగా వైజర్‌ను సర్దుబాటు చేసుకోవచ్చు. దీంతో కళ్లకు ఇబ్బంది తగ్గి డ్రైవింగ్ మరింత సౌకర్యంగా ఉంటుంది. ముఖ్యంగా లాంగ్ డ్రైవ్‌లు చేసే వారికి ఈ రెండు ఫీచర్లు మంచి అనుభూతిని అందిస్తాయి.