Asianet News Telugu

Government Jobs : ఎస్సెస్సి, బిఆర్వో, యూపిఎస్సి జాబ్స్ నోటిఫికేషన్లు .. లక్షల జీతంతో వేలాది ఉద్యోగాలు

Arun Kumar P — Wed, 15 Apr 2026 17:14:59 +0530

ప్రభుత్వ ఉద్యోగాల కోసం ప్రిపేర్ అవుతున్న యువతకు ఇది బంపర్ ఆఫర్. స్టాఫ్ సెలక్షన్ కమిషన్ (SSC), బార్డర్ రోడ్ ఆర్గనైజేషన్ (BRO), UPSC వంటి నియామక సంస్థలు ఉద్యోగాల భర్తీకి నోటిఫికేషన్లు జారీ చేశారు.

ప్రభుత్వ ఉద్యోగాల కోసం ప్రిపేర్ అవుతున్న యువతకు ఇదే మంచి సమయం. ఇటీవల వేలాది ఉద్యోగాల భర్తీకి నోటిఫికేషన్లు వెలువడ్డాయి. కేవలం 10వ తరగతి పాసైన వారి నుంచి గ్రాడ్యుయేట్లు, పోస్ట్ గ్రాడ్యుయేట్ల వరకు అందరికీ అవకాశాలు ఉన్నాయి. కొన్ని పోస్టులకు అప్లికేషన్ ప్రాసెస్ ఇప్పటికే మొదలైంది. మరికొన్నింటికి ఏప్రిల్ 16, 2026 నుంచి దరఖాస్తులు స్వీకరిస్తారు. కాబట్టి అభ్యర్థులు తమ అర్హతను బట్టి వీలైనంత త్వరగా అప్లై చేసుకోవాలి. అన్ని ఖాళీల వివరాలు మీకోసం..

స్టాఫ్ సెలక్షన్ కమిషన్ (SSC) సెలక్షన్ పోస్ట్ ఫేజ్-14 కింద దేశవ్యాప్తంగా వివిధ శాఖల్లో పోస్టులను భర్తీ చేస్తోంది. 10వ తరగతి, 12వ తరగతి లేదా డిగ్రీ పాసైన అభ్యర్థులకు ఇది ఒక ప్రత్యేక అవకాశం.

సంస్థ: స్టాఫ్ సెలక్షన్ కమిషన్ (SSC)
మొత్తం ఖాళీలు: 3003
అర్హత: 10వ తరగతి/12వ తరగతి/డిగ్రీ
వయసు: 18 - 35 ఏళ్లు
జీతం: ₹18,000 - ₹81,000+
చివరి తేదీ: మే 4, 2026
వెబ్‌సైట్: https://ssc.gov.in

బార్డర్ రోడ్ ఆర్గనైజేషన్ (BRO) దేశ సరిహద్దు ప్రాంతాల్లో రోడ్ల నిర్మాణం, నిర్వహణ పనుల కోసం పలు పోస్టుల భర్తీకి నోటిఫికేషన్ ఇచ్చింది. టెక్నికల్, నాన్-టెక్నికల్ అభ్యర్థులిద్దరికీ ఇది మంచి అవకాశం.

సంస్థ: బార్డర్ రోడ్స్ ఆర్గనైజేషన్ (BRO)
మొత్తం ఖాళీలు: 899
అర్హత: 10వ తరగతి/ఐటీఐ/డిప్లొమా
వయసు: 18 - 27 ఏళ్లు
జీతం: ₹19,900 - ₹63,200
చివరి తేదీ: మే 2026 (అంచనా)
వెబ్‌సైట్: https://bro.gov.in

యూనియన్ పబ్లిక్ సర్వీస్ కమిషన్ (UPSC) వివిధ శాఖల్లో ఆఫీసర్ లెవల్ పోస్టుల భర్తీకి నోటిఫికేషన్ ఇచ్చింది. ఉన్నత స్థాయి ప్రభుత్వ ఉద్యోగం కోరుకునేవారికి ఇది ఒక అద్భుతమైన అవకాశం.

సంస్థ: యూనియన్ పబ్లిక్ సర్వీస్ కమిషన్ (UPSC)
మొత్తం ఖాళీలు: 16
అర్హత: డిగ్రీ/పీజీ
వయసు: 30 - 35 ఏళ్లు
జీతం: ₹56,100 - ₹1,77,500
చివరి తేదీ: మే 1, 2026
వెబ్‌సైట్: https://upsc.gov.in

మధ్యప్రదేశ్ కాలుష్య నియంత్రణ మండలి పర్యావరణానికి సంబంధించిన పలు పోస్టుల భర్తీకి నోటిఫికేషన్ ఇచ్చింది. సైన్స్, ఇంజనీరింగ్ బ్యాక్‌గ్రౌండ్ ఉన్నవారికి ఇది మంచి అవకాశం.

సంస్థ: మధ్యప్రదేశ్ పొల్యూషన్ కంట్రోల్ బోర్డ్ (MPPCB)

మొత్తం ఖాళీలు: 28
అర్హత: బీఎస్సీ/ఇంజనీరింగ్
వయసు: 21 - 40 ఏళ్లు
జీతం: ₹25,000 - ₹56,000
చివరి తేదీ: ఏప్రిల్/మే 2026
వెబ్‌సైట్: https://mpcb.mp.gov.in

గుజరాత్ ప్రభుత్వం వివిధ శాఖల్లో భారీ సంఖ్యలో ఉద్యోగాలను భర్తీ చేస్తోంది. ఈ ఏడాదిలో ఇదే అతిపెద్ద ప్రభుత్వ నియామకాల్లో ఒకటి.

సంస్థ: గుజరాత్ ప్రభుత్వం (Gujarat Government)

మొత్తం ఖాళీలు: 11,000+
అర్హత: 10వ తరగతి/12వ తరగతి/డిగ్రీ
వయసు: 18 - 35 ఏళ్లు
జీతం: ₹18,000 - ₹75,000
దరఖాస్తులు ప్రారంభం: ఏప్రిల్ 16, 2026
వెబ్‌సైట్: https://ojas.gujarat.gov.in

హిమాచల్ ప్రదేశ్‌లో టీచర్ కావాలనుకుంటున్న యువతకు ఇది గొప్ప అవకాశం. పీజీటీ, టీజీటీలతో పాటు పలు పోస్టులను భర్తీ చేస్తున్నారు.

సంస్థ: హిమాచల్ ప్రదేశ్ రాజ్య చయన్ ఆయోగ్
మొత్తం ఖాళీలు: 808
అర్హత: డిగ్రీ + బీఈడీ/పీజీ
వయసు: 18 - 45 ఏళ్లు
జీతం: ₹35,000 - ₹1,10,000
చివరి తేదీ: మే 2026
వెబ్‌సైట్: https://hprca.hp.gov.in

8th Pay Commission : ఉద్యోగుల శాలరీ డబుల్ కాదు ట్రిపుల్.. ఇప్పుడు ఎంతుంటే పెరిగాక ఎంతొస్తుంది..? కొత్త లెక్కలివే

Arun Kumar P — Thu, 16 Apr 2026 17:19:00 +0530

కేంద్ర ప్రభుత్వ ఉద్యోగులు, పెన్షనర్లకు గుడ్ న్యూస్. 8వ వేతన సంఘం ఏర్పాటు నేపథ్యంలో ఉద్యోగ సంఘాలు తమ డిమాండ్లను ప్రభుత్వం ముందు ఉంచాయి. ఈ డిమాండ్లను ఒప్పుకుంటే జీతాలు భారీగా పెరిగే అవకాశం ఉంది.

ఈసారి ఫిట్‌మెంట్ ఫ్యాక్టర్‌ను 3.83గా ఉంచాలని ఉద్యోగ సంఘాలు (NC-JCM) ప్రభుత్వానికి ప్రతిపాదించాయి. 7వ వేతన సంఘంలో ఇది 2.57గా ఉండేది.. దానితో కనీస జీతం రూ.18,000 అయింది. ఒకవేళ 8వ వేతన సంఘం 3.83 ఫ్యాక్టర్ అమలుచేస్తే ప్రభుత్వ ఉద్యోగి కనీస బేసిక్ జీతం రూ.18,000 నుంచి నేరుగా రూ.69,000కి పెరుగుతుంది.

రూ.18,000 (కనీస జీతం) : మీ బేసిక్ పే ఇప్పుడు రూ.18,000 అయితే అది రూ.69,000కి పెరుగుతుంది.

రూ.25,000 బేసిక్ పే : ప్రస్తుతం రూ.25,000 బేసిక్ జీతం ఉన్నవారికి కొత్త జీతం రూ.95,750 అవుతుంది.

రూ.30,000 బేసిక్ పే : మీ ప్రస్తుత బేసిక్ పే రూ.30,000 అయితే 8వ వేతన సంఘం తర్వాత ఇది రూ.1,14,900 అవుతుంది.

రూ.40,000 బేసిక్ పే : రూ.40,000 బేసిక్ జీతం ఉన్న ఉద్యోగుల కొత్త జీతం రూ.1,53,200కి చేరుకుంటుంది.

రూ.50,000 బేసిక్ పే : ప్రస్తుతం రూ.50,000 బేసిక్ పే ఉన్నవారి కొత్త జీతం రూ.1,91,500కి పెరుగుతుంది.

8వ వేతన సంఘంలో అత్యంత ముఖ్యమైన విషయం ఏంటంటే ఇది జనవరి 1, 2026 నుంచి అమల్లోకి వస్తుంది. అంటే ప్రభుత్వం 2026 చివర్లో లేదా 2027లో ప్రకటించినా, జనవరి 2026 నుంచి అమలు తేదీ వరకు పూర్తి డబ్బు మీకు ఏకమొత్తంలో అరియర్స్ (బకాయిలు) రూపంలో వస్తుంది. ఈ మొత్తం లక్షల్లో ఉండొచ్చు..!

కేవలం ఉద్యోగులకే కాదు పెన్షనర్లకు కూడా శుభవార్తే. చివరి జీతంలో 67% పెన్షన్‌గా ఇవ్వాలనేది డిమాండ్. ఇది నిజమైతే ఈ ద్రవ్యోల్బణ కాలంలో వృద్ధులకు పెన్షన్ భారీగా పెరిగి, పెద్ద ఆసరాగా నిలుస్తుంది.

వార్షిక ఇంక్రిమెంట్ : ప్రతి సంవత్సరం జీతంలో 3% బదులు 6% పెంపు ఉండాలి.

HRA : ఇంటి అద్దె భత్యం (HRA) కూడా పెంచాలని డిమాండ్ చేస్తున్నారు.

OPS: పాత పెన్షన్ విధానాన్ని (OPS) పునరుద్ధరించాలనేది ప్రధాన డిమాండ్‌గా ఉంది.

రిపోర్టుల ప్రకారం.. ఏప్రిల్ చివరిలో లేదా మే ప్రారంభంలో ప్రభుత్వం నుంచి పిట్ మెంట్ స్పష్టమైన సమాచారం వెలువడవచ్చు. అయితే ప్రభుత్వం 3.83 ఫ్యాక్టర్‌కు బదులుగా ఫిట్‌మెంట్ ఫ్యాక్టర్‌ను కొంచెం తగ్గించవచ్చు. అయినప్పటికీ జీతాల్లో చారిత్రక పెరుగుదల ఖాయమని భావిస్తున్నారు.

అయితే ఇంజ‌నీర్ లేదా డాక్ట‌ర్‌.. ఇంట‌ర్ త‌ర్వాత వేరే దారే లేదా అనేవారికి ఇదే స‌మాధానం.

Narender Vaitla — Thu, 26 Mar 2026 11:06:01 +0530

After Inter: ఇంట‌ర్ కాగానే అయితే బీటెక్ లేదా ఎంబీబీఎస్ వైపు మొగ్గు చూపుతారు. కానీ క్రియేటివ్ కెరీర్ కోసం చూస్తున్న విద్యార్థుల కోసం ఫ్యాష‌న్ డిజైనింగ్ కూడా ఒక బెస్ట్ ఆప్ష‌న్ అని మీకు తెలుసా.? దీనికి సంబంధించిన పూర్తి వివ‌రాలు ఇప్పుడు తెలుసుకుందాం.

ఫ్యాషన్ డిజైనర్ అంటే కొత్త దుస్తుల నమూనాలు రూపొందించే వ్యక్తి. మొదటగా స్కెచ్‌ల రూపంలో డిజైన్ తయారు చేస్తారు. తరువాత వాటిని దుస్తులుగా తయారుచేస్తారు. ఫ్యాషన్ డిజైనర్ పనిలో భాగంగా కొత్త డ్రెస్ డిజైన్లు రూపొందించడం, మార్కెట్‌లో ట్రెండ్స్ పరిశీలించడం, సరైన ఫ్యాబ్రిక్, మెటీరియల్ ఎంపిక చేయడం, కస్టమర్ల అభిరుచికి తగ్గట్టు డిజైన్లు తయారు చేయడం, ఫ్యాషన్ షోలు, ఫ్యాషన్ వీక్స్ వంటి ఈవెంట్స్‌ను ఫాలో అవడం వంటి చేయాలి. క్రియేటివ్ ఆలోచనలు ఉన్నవారికి ఈ రంగం మంచి అవకాశాలు ఇస్తుంది.

ఈ రంగంలో ముందుకు వెళ్లాలంటే కొన్ని ముఖ్యమైన నైపుణ్యాలు ఉండాలి. డ్రాయింగ్, స్కెచింగ్ స్కిల్స్ ఉండాలి.

డిజైన్లను ముందుగా స్కెచ్ రూపంలో తయారు చేయాలి. అందుకే డ్రాయింగ్ మీద కొంత అవగాహన అవసరం.

క్రియేటివిటీ, ఊహాశక్తి:

కొత్తగా ఆలోచించడం, ప్రత్యేకమైన స్టైల్స్ రూపొందించడం ఫ్యాషన్ డిజైనర్‌కు చాలా ముఖ్యం.

ఫ్యాబ్రిక్స్ గురించి అవగాహన:

కాటన్, సిల్క్, డెనిమ్, లీనెన్ వంటి ఫ్యాబ్రిక్స్ ఎలా ఉంటాయి? ఏ డ్రెస్‌కు ఏ ఫ్యాబ్రిక్ సరిపోతుంది? అనే విషయం తెలుసుకోవాలి.

ఫ్యాషన్ ట్రెండ్స్ పై ఆసక్తి:

మార్కెట్‌లో ప్రస్తుతం ఏ స్టైల్ ట్రెండ్‌లో ఉంది అనే విషయం తెలుసుకుంటూ ఉండాలి.

డిజైన్ సాఫ్ట్‌వేర్ నైపుణ్యం:

CAD, Adobe Illustrator, Photoshop వంటి సాఫ్ట్‌వేర్ ఉపయోగించడం చాలా అవసరం.

ఇంటర్ తర్వాత ఫ్యాషన్ డిజైన్ కోర్సుల్లో చేరేందుకు సాధారణంగా ఈ అర్హతలు ఉంటాయి.

* గుర్తింపు పొందిన బోర్డు నుండి ఇంటర్ (10+2) పూర్తి చేయాలి

* చాలా కాలేజీల్లో కనీసం 50% మార్కులు అవసరం.

* కొన్ని ప్రముఖ ఇన్‌స్టిట్యూట్‌లలో ప్ర‌వేశ‌ పరీక్షలు కూడా ఉంటాయి

* పీజీ కోర్సులు చేయాలంటే ముందుగా డిగ్రీ పూర్తిచేయాలి.

ఫ్యాషన్ డిజైన్ రంగంలో ఇంటర్ తర్వాత చదవడానికి అనేక కోర్సులు ఉన్నాయి.

డిగ్రీ కోర్సులు

బీఎస్‌సీ ఫ్యాష‌న్ డిజైన్ – 3 సంవత్సరాలు

బీడీఎస్ ఫ్యాష‌న్ డిజైన్ – 4 సంవత్సరాలు

బ్యాచిల‌ర్ ఆఫ్ డిజైన్ – 4 సంవత్సరాలు

బ్యాచిల‌ర్ ఆఫ్ ఫ్యాష‌న్ టెక్నాల‌జీ – 3 సంవత్సరాలు

బీఏ(Hons) ఫ్యాష‌న్ డిజైన్ – 3 సంవత్సరాలు

బ్యాచిల‌ర్ ఆఫ్ ఫ్యాష‌న్ అండ్ అప్పిరియ‌ల్ డిజైన్ – 3 సంవత్సరాలు

స్పెషలైజేషన్ కోర్సులు

* BDes టెక్ట్స్‌టైల్ డిజైన్

* BDes అక్సెస‌రీ డిజైన్.

* BDes జువెల‌రీ డిజైన్‌.

* BDes కింట్‌వెయిర్ డిజైన్‌.

* BDes ఫ్యాష‌న్ క‌మ్యూనికేష‌న్

డిప్లొమా, సర్టిఫికెట్ కోర్సులు

* డిప్లొమా ఇన్ ఫ్యాష‌న్ డిజైన్ – 1 సంవత్సరం

* అడ్వాన్స్‌డ్ డిప్లొమా ఇన్ ఫ్యాష‌న్ డిజైన్ – 2 సంవత్సరాలు

* డిప్లొమా ఇన్ జువెల‌రీ డిజైన్ – 1 సంవత్సరం

* స‌ర్టిఫికేట్ కోర్స్ ఇన్ ఫ్యాష‌న్ డిజైన్ – 6 నెలలు నుండి 1 సంవత్సరం

ఈ కోర్సులు పూర్తి చేసిన తర్వాత విద్యార్థులు ఫ్యాషన్ హౌసెస్, గార్మెంట్ కంపెనీలు, బుటిక్‌లు, ఫిల్మ్ ఇండస్ట్రీ, ఈ-కామర్స్ బ్రాండ్స్ వంటి రంగాల్లో పని చేయవచ్చు.

ఫ్యాషన్ డిజైనర్ జీతం అనుభవం, పని చేసే కంపెనీ, బ్రాండ్ మీద ఆధారపడి ఉంటుంది.

* ఎంట్రీ లెవెల్ (0–2 సంవత్సరాలు) అయితే నెల‌కు సుమారు రూ. 25,000 నుంచి రూ. 40,000 మ‌ధ్య ఉంటుంది.

* మిడ్ లెవెల్ (3–6 సంవత్సరాలు) అయితే నెల‌కు రూ. 50 వేల నుంచి రూ. ల‌క్ష వ‌ర‌కు ఉంటుంది.

* సీనియర్ డిజైనర్ (7 సంవత్సరాల తర్వాత) అయితే నెల‌కు రూ. ల‌క్ష నుంచి రూ. 2.5 ల‌క్ష ల‌వ‌ర‌కు ఉంటుంది.

* ప్రముఖ బ్రాండ్లు లేదా సెలబ్రిటీ డిజైనర్లు ఏకంగా నెల‌కు రూ. 5 ల‌క్ష‌ల వ‌ర‌కు కూడా సంపాదించే వారున్నారు.

Constable Recruitment: 9 వేల కానిస్టేబుల్ ఉద్యోగాలు.. టెన్త్ పాసైతే చాలు.. అప్లై చేసుకోండిలా!

Mahesh Rajamoni — Fri, 10 Apr 2026 17:52:52 +0530

CRPF Constable Recruitment 2026: పదవ తరగతి అర్హతతో సీఆర్‌పీఎఫ్‌లో 9195 కానిస్టేబుల్ ఉద్యోగాల భర్తీకి నోటిఫికేషన్ విడుదలైంది. ఎలా అప్లై చేసుకోవాలి? లాస్ట్ డేట్ ఎప్పుడు? పరీక్ష విధానం ఏమిటి? సహా పూర్తి వివరాలు ఇక్కడ తెలుసుకుందాం.

కేంద్ర రిజర్వ్ పోలీస్ ఫోర్స్ (సీఆర్‌పీఎఫ్) దేశవ్యాప్తంగా భారీ స్థాయిలో కానిస్టేబుల్ పోస్టుల భర్తీకి గ్రీన్ సిగ్నల్ ఇచ్చింది. పోలీస్ యూనిఫామ్ వేసుకోవాలనే కల ఉన్న యువతకు ఇది ఒక అద్భుతమైన అవకాశం. టెక్నికల్, ట్రేడ్స్‌మన్ విభాగాల్లో ఈ పోస్టులను భర్తీ చేస్తున్నారు. కేవలం టెన్త్ క్లాస్ పాసైతే చాలు, కేంద్ర బలగాలలో భాగస్వాములు కావచ్చు.

ఈ నోటిఫికేషన్ ద్వారా మొత్తం 9195 పోస్టులను భర్తీ చేస్తున్నారు. ఇందులో ప్రధానంగా రెండు విభాగాలు ఉన్నాయి..

• కానిస్టేబుల్ (ట్రేడ్స్‌మన్, టెక్నికల్): 9175 పోస్టులు

• కానిస్టేబుల్ (పయనీర్ వింగ్): 20 పోస్టులు

డ్రైవర్, మోటార్ మెకానిక్ వెహికల్, మోచి, కార్పెంటర్, టైలర్, బ్రాస్ బ్యాండ్, పైప్ బ్యాండ్, కుక్, వాటర్ క్యారియర్, బార్బర్ వంటి వివిధ రకాల ట్రేడ్స్‌లో ఈ ఖాళీలు ఉన్నాయి.

అభ్యర్థులు గుర్తింపు పొందిన బోర్డు నుండి పదవ తరగతి పాసై ఉండాలి.

• డ్రైవర్ పోస్టులకు: 10వ తరగతితో పాటు హెవీ ట్రాన్స్‌పోర్ట్ వెహికల్ డ్రైవింగ్ లైసెన్స్ తప్పనిసరి. వయస్సు 21 నుండి 27 ఏళ్ల మధ్య ఉండాలి.

• ఇతర పోస్టులకు: టెన్త్ క్లాస్, సంబంధిత ట్రేడ్‌లో నైపుణ్యం ఉండాలి. వయస్సు 18 నుండి 23 ఏళ్ల మధ్య ఉండాలి.

(ఎస్సీ, ఎస్టీ, ఓబీసీ అభ్యర్థులకు ప్రభుత్వ నిబంధనల ప్రకారం వయోపరిమితిలో సడలింపు ఉంటుంది).

పోటీ పరీక్షల ద్వారా అభ్యర్థులను ఎంపిక చేస్తారు. దీనికి ప్రధానంగా నాలుగు దశలు ఉంటాయి..

1. కంప్యూటర్ బేస్డ్ టెస్ట్ (CBT): ఇది ఆన్‌లైన్ పరీక్ష.

2. శారీరక సామర్థ్య పరీక్ష (PET) & ఫిజికల్ స్టాండర్డ్ టెస్ట్ (PST): ఎత్తు, ఛాతీ కొలతలు, పరుగు పందెం నిర్వహిస్తారు.

3. ట్రేడ్ టెస్ట్: అభ్యర్థులు ఎంచుకున్న ట్రేడ్‌లో వారి నైపుణ్యాన్ని పరీక్షిస్తారు.

4. మెడికల్ ఎగ్జామినేషన్: తుది ఎంపికకు ముందు వైద్య పరీక్షలు నిర్వహిస్తారు.

రాత పరీక్ష 100 మార్కులకు ఉంటుంది. మొత్తం 100 ప్రశ్నలు ఇస్తారు.

• జనరల్ ఇంటెలిజెన్స్ & రీజనింగ్: 25 ప్రశ్నలు

• జనరల్ నాలెడ్జ్ & అవేర్నెస్: 25 ప్రశ్నలు

• ఎలిమెంటరీ మ్యాథమెటిక్స్: 25 ప్రశ్నలు

• ఇంగ్లీష్ లేదా హిందీ: 25 ప్రశ్నలు

అయితే, ప్రతి తప్పు సమాధానానికి 0.25 నెగటివ్ మార్కింగ్ ఉంటుంది. కాబట్టి జాగ్రత్తగా సమాధానం గుర్తించాలి.

అభ్యర్థులు ఆన్‌లైన్ ద్వారా మాత్రమే దరఖాస్తు చేసుకోవాలి.

• దరఖాస్తు ప్రారంభం: ఏప్రిల్ 20

• చివరి తేదీ: మే 19

• ఫీజు: జనరల్, ఓబీసీ, ఈడబ్ల్యూఎస్ అభ్యర్థులకు రూ. 100. ఎస్సీ, ఎస్టీ, మహిళా అభ్యర్థులకు ఫీజు నుండి మినహాయింపు ఉంది.

మరిన్ని వివరాలకు అధికారిక వెబ్‌సైట్ crpf.gov.in ను చూడండి.

రూ.40 వేల స్టైఫండ్‌తో ఇంటర్న్‌షిప్.. విద్యార్థులకు ఎన్‌హెచ్‌ఏఐ బంపర్ ఆఫర్

Mahesh Rajamoni — Wed, 08 Apr 2026 22:08:06 +0530

NHAI Recruitment : నేషనల్ హైవేస్ అథారిటీ ఆఫ్ ఇండియా సమ్మర్ ఇంటర్న్‌షిప్ 2026 నోటిఫికేషన్ విడుదలైంది. ₹40,000 స్టైపెండ్‌తో ఇంజనీరింగ్, మేనేజ్మెంట్ విద్యార్థులకు ఇది అద్భుతమైన అవకాశం. ఏప్రిల్ 15 లోపు దరఖాస్తు చేసుకోవాలి. పూర్తి వివరాలు మీకోసం.

నేషనల్ హైవేస్ అథారిటీ ఆఫ్ ఇండియా (NHAI) దేశవ్యాప్తంగా ఉన్న విద్యార్థులకు గుడ్ న్యూస్ చెప్పింది. 2026 సమ్మర్ ఇంటర్న్‌షిప్ ప్రోగ్రామ్ కోసం అధికారిక నోటిఫికేషన్‌ను విడుదల చేసింది. ఈ ప్రోగ్రామ్ ద్వారా ఎంపికైన అభ్యర్థులకు మౌలిక సదుపాయాల అభివృద్ధి రంగంలో ప్రత్యక్ష అనుభవం పొందే అవకాశం కలుగుతుంది. కేవలం అనుభవమే కాకుండా, రూ. 40,000 స్టైపెండ్‌ను కూడా ఎన్‌హెచ్‌ఏఐ అందించనుంది.

ఈ ఇంటర్న్‌షిప్ కార్యక్రమం కేవలం ఒక విభాగానికే పరిమితం కాలేదు. వివిధ రంగాల్లో చదువుతున్న అండర్ గ్రాడ్యుయేట్, పోస్ట్ గ్రాడ్యుయేట్ విద్యార్థులు దీనికి దరఖాస్తు చేసుకోవచ్చు. ముఖ్యంగా కింది విభాగాల విద్యార్థులకు ప్రాధాన్యం ఉంటుంది..

• ఇంజనీరింగ్: సివిల్, కంప్యూటర్ సైన్స్, ఐటీ, ఎలక్ట్రానిక్స్.

• ఇతర రంగాలు: డేటా సైన్స్, ఫైనాన్స్, లా, మేనేజ్మెంట్, కామర్స్, మాస్ కమ్యూనికేషన్.

ఈ విద్యార్హతలు కలిగిన అభ్యర్థులు నేరుగా ఎన్‌హెచ్‌ఏఐ అధికారిక వెబ్‌సైట్ ద్వారా దరఖాస్తు ప్రక్రియను పూర్తి చేయవచ్చు.

ఎన్‌హెచ్‌ఏఐ సమ్మర్ ఇంటర్న్‌షిప్ 2026 మొత్తం రెండు నెలల పాటు కొనసాగుతుంది. ఎంపికైన విద్యార్థులను వారి అర్హతలను బట్టి ఎన్‌హెచ్‌ఏఐ ప్రధాన కార్యాలయంలో లేదా దేశవ్యాప్తంగా ఉన్న ప్రాంతీయ కార్యాలయాల్లో నియమిస్తారు. ఈ రెండు నెలల కాలంలో విద్యార్థులు ప్రభుత్వ ప్రతిష్ఠాత్మక ప్రాజెక్టులలో భాగస్వాములయ్యే అవకాశం ఉంటుంది. వాస్తవ పని వాతావరణంలో నైపుణ్యాలను మెరుగుపరుచుకోవడానికి ఇది ఒక గొప్ప అవకాశం అని చెప్పాలి.

విద్యార్థులు తమ సంబంధిత విద్యా నేపథ్యం ఆధారంగా వివిధ బాధ్యతలను నిర్వహించాల్సి ఉంటుంది.

• సివిల్ ఇంజనీరింగ్ విద్యార్థులు: వీరు ప్రధానంగా రోడ్ల డిసైన్, నిర్మాణాల పర్యవేక్షణ విభాగాల్లో పని చేస్తారు.

• ఇతర విభాగాల విద్యార్థులు: డేటా అనాలిసిస్, ఐటీ వ్యవస్థల నిర్వహణ, టోల్ ప్లాజా కార్యకలాపాలు, లీగల్ పనుల్లో అధికారులకు సహాయం చేస్తారు.

ప్రభుత్వ రంగ సంస్థలు ఎలా పనిచేస్తాయో తెలుసుకోవడానికి ఇది ప్రాక్టికల్ గైడ్‌గా ఉపయోగపడుతుంది.

ఈ ఇంటర్న్‌షిప్ విజయవంతంగా పూర్తి చేసిన విద్యార్థులకు అనేక ప్రయోజనాలు ఉన్నాయి. మొదటిది, నెలకు రూ. 20,000 చొప్పున రెండు నెలలకు 40 వేల స్టైపెండ్ అందుతుంది. రెండవది, ఇంటర్న్‌షిప్ పూర్తియిన తర్వాత ఎన్‌హెచ్‌ఏఐ నుండి అధికారిక సర్టిఫికేట్ అందుకుంటారు. ఈ సర్టిఫికేట్ భవిష్యత్తులో ఉద్యోగ వేటలో విద్యార్థులకు ఒక పెద్ద అడ్వాంటేజ్‌గా మారుతుంది. ఏటా సుమారు 500 మంది విద్యార్థులకు ఈ పథకం కింద అవకాశం కల్పించాలని ఎన్‌హెచ్‌ఏఐ లక్ష్యంగా పెట్టుకుంది.

అప్లైకి లాస్ట్ డేట్ ఎప్పుడు?

ఆసక్తి ఉన్న విద్యార్థులు ఆలస్యం చేయకుండా ఆన్‌లైన్ ద్వారా దరఖాస్తు చేసుకోవాలి.

• అధికారిక వెబ్‌సైట్: internshipsatnhai.digitalindiacorporation.in

• చివరి తేదీ: ఏప్రిల్ 15, 2026.

చివరి నిమిషంలో సాంకేతిక ఇబ్బందులు తలెత్తకుండా ఉండటానికి విద్యార్థులు ముందుగానే దరఖాస్తు చేసుకోవాలని అధికారులు సూచించారు.

DA Hike : 2 శాతం డిఏ పెంపు.. అంటే ఏ ఉద్యోగి శాలరీ ఎంత పెరుగుతుందో తెలుసా..?

Arun Kumar P — Sat, 18 Apr 2026 16:23:12 +0530

కేంద్ర ప్రభుత్వం ఉద్యోగుల కరవు భత్యం (DA) 2% పెంచింది. దీంతో లక్షలాది మందికి వెంటనే ఊరట లభించింది. ఈ పెంపుతో ప్రస్తుతం ఎంత శాలరీ ఉన్న ఉద్యోగులకు అదనంగా ఎంత వస్తుందో తెలుసా..?

DA Hike 2026 : కేంద్ర ప్రభుత్వ ఉద్యోగులకు ఒకేసారి రెండు శుభవార్తలు అందాయి. కొత్త ఆర్థిక సంవత్సరం ఆరంభంలో అదీ అక్షయ తృతీయ వేళ కేంద్రం ఉద్యోగులకు తీపికబురు అందించింది. వారి కరవు భత్యం (DA) 2% పెంచుతున్నట్లు ప్రకటించింది. దీంతో పాటు 8వ వేతన సంఘం (8th Pay Commission) ఏర్పాటుపై కూడా చర్చలు వేగవంతం చేసింది. ఈ రెండు పరిణామాలతో ఉద్యోగుల జీతాలు భారీగా పెరిగే అవకాశం కనిపిస్తోంది.

కేంద్ర కేబినెట్ సమావేశంలో డీఏను 2 శాతం పెంచుతూ కీలక నిర్ణయం తీసుకున్నారు. ఈ నిర్ణయంతో కేంద్ర ప్రభుత్వ ఉద్యోగులు, పెన్షనర్లకు నేరుగా ఆర్థిక ప్రయోజనం చేకూరుతుంది. పెరుగుతున్న ధరలు, జీవన వ్యయాన్ని దృష్టిలో ఉంచుకుని డీఏను క్రమం తప్పకుండా సవరిస్తారు. ఈ పెంపుతో నెల జీతంపై నేరుగా ప్రభావం పడుతుంది.

డీఏ పెంపుతో ఉద్యోగుల నెలవారీ ఆదాయంలో గుర్తించదగిన మార్పును వస్తుంది. ఆర్థిక నిపుణుల ప్రకారం.. ఉదాహరణకు ఒక ఉద్యోగి బేసిక్ పే రూ.18,000 అయితే డిఏ పెంపుతో నెల జీతానికి రూ.360 నుంచి రూ.540 వరకు అదనంగా చేరతాయి. అదే రూ.29,200 బేసిక్ పే ఉన్నవారికి రూ.584 నుంచి రూ.876 వరకు అదనపు ఆదాయం రావచ్చు.

ఇక రూ.56,100 వంటి అధిక బేసిక్ పే ఉన్న ఉద్యోగులకు, ఈ పెంపు నెలకు రూ.1,100 కంటే ఎక్కువగా ఉండొచ్చు. రూ.2.5 లక్షల బేసిక్ పే ఉన్న సీనియర్ ఉద్యోగులకు ఈ ప్రయోజనం నెలకు రూ.5,000 నుంచి రూ.7,500 మధ్య ఉండొచ్చు. పనిలో ఎలాంటి మార్పు లేకుండానే ఏడాది వ్యవధిలో ఆదాయం పెరగడం ఒక ఆటోమేటిక్ ఇంక్రిమెంట్ లాంటిదని నిపుణులు అంటున్నారు.

డీఏ పెంపుతో పాటే ఇప్పుడు 8వ వేతన సంఘంపై కూడా చర్చలు ఊపందుకున్నాయి. వేతన స్వరూపంలో భారీ మార్పులు చేయాలని ఉద్యోగ సంఘాలు ప్రభుత్వాన్ని డిమాండ్ చేస్తున్నాయి. రాబోయే కాలంలో ప్రభుత్వ ఉద్యోగుల జీతాల్లో పెద్ద మార్పులు చూడొచ్చు.

నేషనల్ కౌన్సిల్-జాయింట్ కన్సల్టేటివ్ మెషినరీ (National Council-Joint Consultative Machinery) ఏకంగా 3.83 ఫిట్‌మెంట్ ఫ్యాక్టర్‌ను డిమాండ్ చేస్తోంది. ఒకవేళ ప్రభుత్వం ఈ డిమాండ్‌ను అంగీకరిస్తే ప్రస్తుతం ఉన్న రూ.18,000 కనీస వేతనం ఏకంగా రూ.69,000కు పెరిగే అవకాశం ఉంది. అంతేకాదు 'కుటుంబం' నిర్వచనంలో తల్లిదండ్రులను కూడా చేర్చాలని కోరుతున్నారు.

ఉద్యోగ సంఘాలు కేవలం జీతాల పెంపు మాత్రమే కాకుండా ద్రవ్యోల్బణానికి అనుగుణంగా ఇతర భత్యాలను పెంచాలని, వార్షిక ఇంక్రిమెంట్ రేటును కూడా సవరించాలని డిమాండ్ చేస్తున్నాయి. పెరుగుతున్న ఖర్చుల మధ్య ఉద్యోగుల కొనుగోలు శక్తిని కాపాడటమే దీని వెనుక ఉన్న ముఖ్య ఉద్దేశం.

ప్రస్తుతం 2% డీఏ పెంపు ఉద్యోగులకు తక్షణ ఉపశమనం కలిగించినప్పటికీ, 8వ వేతన సంఘం అమలైతే భవిష్యత్తులో వారి ఆర్థిక పరిస్థితిలో పెద్ద మార్పులు రానున్నాయి. దీంతో ప్రభుత్వ ఉద్యోగుల్లో ఆశలు, అంచనాలు పెరిగాయి.

8th Pay Commission : ఒకేసారి రూ.18 వేల నుంచి రూ.54,000 శాలరీ జంప్ .. ఇది కదా హైక్ అంటే

Arun Kumar P — Wed, 25 Mar 2026 17:55:31 +0530

8వ వేతన సంఘం సిఫార్సులతో కేంద్ర ప్రభుత్వ ఉద్యోగుల బేసిక్ శాలరీ రూ.18,000 నుంచి రూ.54,000కు పెరిగే అవకాశాలున్నట్లు తెలుస్తోంది. ఉద్యోగ సంఘాల డిమాండ్లు, ఫిట్‌మెంట్ ఫ్యాక్టర్, బకాయిల లెక్కలపై పూర్తి వివరాలు ఇక్కడ తెలుసుకోండి.

కేంద్ర ప్రభుత్వ ఉద్యోగుల శాలరీలు కనీవిని ఎరగని రీతిలో పెరిగే అవకాశాలున్నట్లు తెలుస్తోంది. ఇప్పటికే ఇందుకోసం మోదీ సర్కార్ 8వ వేతన సంఘం (8th Pay Commission) ఏర్పాటుచేసిన విషయం తెలిసిందే… ఇది ఉద్యోగుల జీతాల పెంపుపై కసరత్తు చేస్తోంది. ఈ క్రమంలో వేతన సంఘం సిపారసులపై ఢిల్లీ వర్గాల్లో తీవ్రమైన చర్చ జరుగుతోంది. త్వరలోనే దీనిపై ఓ ప్రకటన వెలువడే అవకాశం ఉంది.

గతంలో వేతన సంఘాల జీతాలు పెంచిన విధానం, ప్రస్తుతం ఉద్యోగ సంఘాల డిమాండ్ల ప్రకారం.. కొత్త పే స్కేల్‌ ఎలా ఉంటుందో ఉద్యోగులు ఓ అంచనాకు వస్తున్నారు. వీరిప్రకారం శాలరీలు భాగా పెరిగే అవకాశాలున్నాయి. ప్రస్తుతం కనీస వేతనం (Basic Pay) రూ.18,000 ఉన్నవారికి 8వ వేతనంసంఘం అమలు తర్వాత ఏకంగా రూ.54,000 శాలరీ వస్తుందట. ఇదే జరిగితే దేశ చరిత్రలోనే నిలిచిపోయేలా ఉద్యోగులకు ఇంక్రిమెంట్ ఇచ్చినట్లు ప్రభుత్వంగా ఎన్డిఏ నిలుస్తుంది.

ప్రస్తుతం 7వ వేతన సంఘం సిఫార్సుల ప్రకారం కేంద్ర ఉద్యోగుల కనీస వేతనం రూ.18,000గా ఉంది. ఫెడరేషన్ ఆఫ్ నేషనల్ పోస్టల్ ఆర్గనైజేషన్స్ (FNPO) సహా పలు ఉద్యోగ సంఘాలు 8వ వేతన సంఘంలో ఫిట్‌మెంట్ ఫ్యాక్టర్‌ను 3.0 నుంచి 3.25 మధ్య ఉంచాలని డిమాండ్ చేస్తున్నాయి. ఒకవేళ ప్రభుత్వం 3.0 ఫిట్‌మెంట్ ఫ్యాక్టర్‌ను ఆమోదిస్తే, ప్రస్తుత బేసిక్ జీతాన్ని 3తో గుణిస్తారు. దీని ఫలితంగా కనీస వేతనం రూ.18,000 నుంచి రూ.54,000కు పెరుగుతుంది.

జీతాల నిర్ధారణకు 'ఎక్రాయిడ్ ఫార్ములా' (Aykroyd Formula)ను ప్రాతిపదికగా తీసుకోవాలని ఉద్యోగ సంఘాలు ప్రతిపాదించాయి. ముఖ్యంగా కోవిడ్ తర్వాత పెరిగిన వైద్య ఖర్చులు, నిత్యావసర వస్తువుల ధరలను దృష్టిలో ఉంచుకుని ఈ డిమాండ్ చేస్తున్నాయి.

ప్రస్తుతం కుటుంబాన్ని 3 యూనిట్లుగా లెక్కిస్తుండగా, వృద్ధ తల్లిదండ్రులను కూడా చేర్చి 5 యూనిట్లుగా పరిగణించాలని ఉద్యోగ సంఘాలు డిమాండ్ చేస్తున్నాయి. 5 మంది సభ్యుల కుటుంబ ఖర్చులను లెక్కిస్తే, కనీస వేతనం మరింత పెరిగే అవకాశం ఉంటుంది.

8వ వేతన సంఘం 2026 జనవరి 1 నుంచి అమల్లోకి రావాల్సి ఉంది. కానీ, కమిషన్ తన తుది సిఫార్సులను సమర్పించి, ప్రభుత్వం ఆమోదించడానికి మరో 14 నుంచి 18 నెలలు పట్టొచ్చు. ఈ ఆలస్యం కారణంగా ఉద్యోగులు భారీ మొత్తంలో బకాయిలు (Arrears) అందుకుంటారు.

లెక్కల ప్రకారం, లెవెల్-1 ఉద్యోగులు సుమారు రూ.3.6 లక్షల నుంచి రూ.5.65 లక్షల వరకు బకాయిలు పొందవచ్చు. ఉన్నత స్థాయి అధికారుల విషయంలో ఈ మొత్తం రూ.15 లక్షలు కూడా దాటిపోయే అవకాశం ఉంది.

జీతం పెంపుతో పాటు ఉద్యోగులు మరికొన్ని డిమాండ్లు కూడా చేస్తున్నారు. ఇందులో వార్షిక ఇంక్రిమెంట్‌ను 3% నుంచి 5% లేదా 7%కి పెంచడం, పాత పెన్షన్ విధానాన్ని (OPS) పునరుద్ధరించడం, కరవు భత్యాన్ని (DA) మూల వేతనంలో విలీనం చేయడం వంటివి ముఖ్యమైనవి.

ప్రస్తుతం జస్టిస్ రంజనా ప్రకాశ్ దేశాయ్ నేతృత్వంలోని 8వ వేతన సంఘం తన పనిని ప్రారంభించింది. వివిధ భాగస్వాముల నుంచి అభిప్రాయాలను సేకరించే ప్రక్రియ కొనసాగుతోంది. ప్రభుత్వం చివరికి ఎంత శాతం వేతనాన్ని పెంచుతుందోనని దేశవ్యాప్తంగా కోటి మందికి పైగా ప్రభుత్వ ఉద్యోగులు, పెన్షనర్లు ఎదురుచూస్తున్నారు.

Government Jobs : కేవలం పదో తరగతి చదివితే చాలు.. వేలకు వేల జీతంతో ప్రభుత్వ ఉద్యోగాల భర్తీ, నోటిఫికేషన్ రిలీజ్

Arun Kumar P — Mon, 23 Mar 2026 17:21:39 +0530

దేశవ్యాప్తంగా ఈ వారం 17,682 ప్రభుత్వ ఉద్యోగాల భర్తీకి నోటిఫికేషన్లు వచ్చాయి. మంచి జీతంతో కూడిన ఈ జాబ్స్ వివరాలు, దరఖాస్తు చివరి తేదీ గురించి ఇక్కడ తెలుసుకోండి.

ప్రభుత్వ ఉద్యోగాల కోసం సిద్ధమవుతున్న యువతకు అత్యంత కీలకమైన సమయమిది. దేశవ్యాప్తంగా వివిధ శాఖల్లో మొత్తం 17,682 పోస్టుల భర్తీకి నోటిఫికేషన్లు విడుదలయ్యాయి. వీటిలో రైల్వే, రక్షణ దళాల ఉద్యోగాలే ఎక్కువగా ఉన్నాయి.

10వ తరగతి పాసైన వారి నుంచి గ్రాడ్యుయేట్లు, ప్రొఫెషనల్ డిగ్రీ ఉన్నవారి వరకు అందరికీ అవకాశాలున్నాయి. సరైన సమయంలో దరఖాస్తు చేసుకుంటే ప్రభుత్వ కొలువు సాధించే ఈ సువర్ణావకాశం మీదే కావచ్చు.

రైల్వే రిక్రూట్‌మెంట్ బోర్డు 11,127 అసిస్టెంట్ లోకో పైలట్ పోస్టుల భర్తీ ప్రక్రియను ప్రకటించింది. దరఖాస్తుల స్వీకరణ మే 15, 2026న మొదలై జూన్ 14, 2026న ముగుస్తుంది. అభ్యర్థులు 10వ తరగతి పాసై, సంబంధిత ట్రేడ్‌లో ఐటీఐ లేదా డిప్లొమా చేసి ఉండాలి.

వయసు 18 నుంచి 30 ఏళ్ల మధ్య ఉండాలి. ఎంపిక ప్రక్రియలో రెండు దశల కంప్యూటర్ ఆధారిత పరీక్ష, CBAT, డాక్యుమెంట్ వెరిఫికేషన్, మెడికల్ టెస్ట్ ఉంటాయి. ఎంపికైన వారికి ప్రారంభ జీతం నెలకు సుమారు రూ.19,900 ఉంటుంది.

దరఖాస్తు కోసం ఈ వెబ్ సైట్ ఓపెన్ చేసి చూడండి : www.rrbapply.gov.in

చిన్న వయసులోనే రైల్వేలో చేరాలనుకుంటే, అప్రెంటిస్ రిక్రూట్‌మెంట్ మీకు మంచి అవకాశం. ఈ నోటిఫికేషన్‌లో 2,801 పోస్టులను భర్తీ చేస్తారు. దరఖాస్తులు మార్చి 12, 2026 నుంచి ఏప్రిల్ 11, 2026 వరకు స్వీకరిస్తారు.

10వ తరగతి పాసై, సంబంధిత ట్రేడ్‌లో ఐటీఐ సర్టిఫికెట్ ఉన్నవారు అప్లై చేసుకోవచ్చు. వయసు 15 నుంచి 24 ఏళ్లుగా నిర్ణయించారు. రాతపరీక్ష లేకుండా, మెరిట్ ఆధారంగా ఎంపిక చేస్తారు. వీరికి నెలకు రూ.8,000 నుంచి రూ.12,000 వరకు స్టైఫండ్ ఇస్తారు.

దరఖాస్తు కోసం ఈ వెబ్ సైట్ ఓపెన్ చేసి చూడండి : scr.indianrailways.gov.in

దేశ సేవ చేయాలనే కల ఉన్న యువత కోసం సశస్త్ర సీమా బల్ (SSB) 1,060 పోస్టుల భర్తీకి నోటిఫికేషన్ ఇచ్చింది. దరఖాస్తు ప్రక్రియ మార్చి 21, 2026న మొదలై ఏప్రిల్ 20, 2026 వరకు కొనసాగుతుంది.

10వ లేదా 12వ తరగతి పాసై, సంబంధిత రంగంలో డిప్లొమా ఉన్నవారు అప్లై చేసుకోవచ్చు. వయసు 18 నుంచి 27 ఏళ్లుగా నిర్ణయించారు. ఎంపిక ప్రక్రియలో ఫిజికల్ టెస్ట్ (PET, PST), రాత పరీక్ష, స్కిల్ టెస్ట్, మెడికల్ టెస్ట్ ఉంటాయి. జీతం నెలకు రూ.21,700 నుంచి రూ.81,100 మధ్య ఉంటుంది.

దరఖాస్తు కోసం ఈ వెబ్ సైట్ ఓపెన్ చేసి చూడండి : www.ssb.gov.in

ఈ నోటిఫికేషన్లలో వేర్వేరు అర్హతలు, ఎంపిక ప్రక్రియలు ఉన్నాయి. కాబట్టి, దరఖాస్తు చేసే ముందు మీ విద్యార్హత, వయసు, ప్రిపరేషన్ స్థాయిని సరిచూసుకోండి. రైల్వే, రక్షణ దళాల ఉద్యోగాలకు పోటీ ఎక్కువగా ఉంటుంది. అదే సమయంలో అప్రెంటిస్ పోస్టులకు ఎంపిక ప్రక్రియ కాస్త సులభంగా ఉంటుంది. సరైన పోస్టుకు దరఖాస్తు చేసి, పక్కా ప్రణాళికతో ముందుకెళ్తే ఈ ఉద్యోగాలు మీ కెరీర్‌ను మార్చేస్తాయి.

Jobs : నిరుద్యోగ యువతకు గుడ్ న్యూస్.. ఏకంగా 13,700 టీచర్ పోస్టులు

Arun Kumar P — Thu, 19 Mar 2026 17:28:45 +0530

కేంద్ర ప్రభుత్వ ఆధ్వర్యంలో నడిచే కేంద్రీయ విద్యాలయాల్లో భారీగా టీచర్ పోస్టులు భర్తీ జరగాల్సి ఉంది. నవోదయ స్కూళ్లలో 13,700కు పైగా టీచర్ పోస్టులు ఖాళీగా ఉన్నాయని కేంద్ర విద్యాశాఖ అధికారికంగా ప్రకటించింది.

కేంద్రీయ విద్యాలయ (KV), జవహర్ నవోదయ విద్యాలయాల్లో (JNV) భారీ సంఖ్యలో టీచర్ పోస్టులు ఖాళీగా ఉన్నాయని కేంద్ర విద్యాశాఖ వెల్లడించింది. ఈ రెండు విద్యాసంస్థల్లో కలిపి మొత్తం 13,701 టీచర్ పోస్టులు భర్తీ చేయాల్సి ఉందని కేంద్ర విద్యాశాఖ సహాయ మంత్రి జయంత్ చౌధరి తెలిపారు. లోక్‌సభలో అడిగిన ఓ ప్రశ్నకు కేంద్రం టీచర్ల ఖాళీలపై లిఖితపూర్వకంగా సమాధానమిచ్చింది.

కేంద్ర మంత్రి విడుదల చేసిన డేటా ప్రకారం... కేవలం ఒక్క కేంద్రీయ విద్యాలయాల్లోనే 8,618 టీచర్ పోస్టులు ఖాళీగా ఉన్నాయి. అలాగే జవహర్ నవోదయ విద్యాలయాల్లో 5,083 పోస్టులు భర్తీ చేయాల్సి ఉంది. దేశంలోని గ్రామీణ, పట్టణ ప్రాంత విద్యార్థులకు నాణ్యమైన విద్యను అందిస్తున్న ఈ స్కూళ్లలో ఇంత పెద్ద సంఖ్యలో ఖాళీలు ఉండటం విద్యావేత్తల్లో ఆందోళన కలిగిస్తోంది.

టీచర్ పోస్టులు ఖాళీగా ఉండటానికి మంత్రి కొన్ని కారణాలు చెప్పారు

• కొత్త స్కూళ్లు ప్రారంభించడం, ఉన్నవాటిని అప్‌గ్రేడ్ చేయడం.

• టీచర్ల రిటైర్మెంట్, రాజీనామాలు, ప్రమోషన్లు.

• విభాగాల వారీగా బదిలీలు.

విద్యార్థుల అడ్మిషన్లు, అవసరాలకు తగ్గట్టుగా టీచర్ల నియామకం జరగకపోవడమే ఈ గ్యాప్‌కు ప్రధాన కారణమని తెలుస్తోంది.

ప్రస్తుతం ఉన్న టీచర్ల కొరత వల్ల విద్యార్థుల చదువుకు ఇబ్బంది కలగకుండా, ఖాళీ పోస్టుల్లో తాత్కాలిక (కాంట్రాక్టు) టీచర్లను నియమించినట్లు మంత్రిత్వ శాఖ వివరించింది. రెగ్యులర్ నియామకాలు జరిగే వరకు ఈ కాంట్రాక్టు టీచర్లే క్లాసులు తీసుకుంటారు. అయితే ఈ ఖాళీలను భర్తీ చేయడం అనేది నిరంతర ప్రక్రియ అని, నిబంధనల ప్రకారం వీలైనంత త్వరగా నింపేందుకు ప్రయత్నిస్తున్నామని మంత్రి హామీ ఇచ్చారు.

టీచర్ల కొరత ఉన్నప్పటికీ, పబ్లిక్ పరీక్షల్లో కేంద్రీయ విద్యాలయ, నవోదయ స్కూల్ విద్యార్థులు సాధిస్తున్న అద్భుతమైన ఉత్తీర్ణత శాతమే విద్యా ప్రమాణాలు బాగున్నాయని చెబుతోందని మంత్రి అన్నారు. విద్యార్థుల భవిష్యత్తును దృష్టిలో ఉంచుకుని, పర్మినెంట్ టీచర్లను త్వరగా నియమించడానికే ప్రాధాన్యం ఇస్తామని ఆయన పార్లమెంటులో తెలిపారు.

DA Hike : ప్రభుత్వ ఉద్యోగులకు గుడ్ న్యూస్.. మార్చి 31లోగా జీతాల పెంపు?

Arun Kumar P — Fri, 20 Mar 2026 17:17:31 +0530

2026 మార్చి 31లోగా కేంద్ర ప్రభుత్వ ఉద్యోగుల జీతాలు పెరిగే అవకాశం ఉంది. కరవు భత్యం (DA) 3% నుంచి 4% వరకు పెరగొచ్చని అంచనా. దీంతో పాటు మూడు నెలల బకాయిలు కూడా అందనున్నాయి.

ప్రస్తుత ఆర్థిక సంవత్సరం ముగియకముందే కేంద్ర ప్రభుత్వ ఉద్యోగులకు శుభవార్త అందనుంది. అఖిల భారత వినియోగదారుల ధరల సూచిక (AICPI-IW) తాజా గణాంకాల ప్రకారం 2026 జనవరి నుంచి రావలసిన కరవు భత్యం (DA) పెంపు ప్రకటన దాదాపు ఖరారైంది. మోదీ ప్రభుత్వం ఈ ప్రకటనను మార్చి చివరి వారంలో చేసే అవకాశం ఉందని సమాచారం. ఈ నిర్ణయం మార్చి 31వ తేదీలోగా అమల్లోకి వస్తుంది. మోదీ ప్రభుత్వం ఈ ప్రకటనను మార్చి చివరి వారంలో చేసే అవకాశం ఉందని సమాచారం. ఈ నిర్ణయం మార్చి 31వ తేదీలోగా అమల్లోకి వస్తుంది.

లేబర్ బ్యూరో విడుదల చేసిన డిసెంబర్ 2025 వరకు ఉన్న ఏఐసీపీఐ (AICPI) సూచిక డేటాను నిపుణులు విశ్లేషిస్తున్నారు. ఈసారి కరవు భత్యం 3% నుంచి 4% వరకు పెరగవచ్చని వారు భావిస్తున్నారు. ప్రస్తుతం కేంద్ర ప్రభుత్వ ఉద్యోగులు 58% డీఏ అందుకుంటున్నారు.

ఒకవేళ డీఏ 4% పెరిగితే,మొత్తం డీఏ 62 శాతానికి చేరుకుంటుంది. అయితే, మరో అంచనా ప్రకారం, డిసెంబర్ నెల సూచిక 148.2 పాయింట్లుగా లెక్కిస్తే డీఏ 60 శాతానికి చేరే అవకాశం ఉంది. ఇది ప్రస్తుత రేటు కంటే 2 శాతం ఎక్కువ.

గతంలో జరిగిన ప్రకటనలను పరిశీలిస్తే, కేంద్ర ప్రభుత్వం సాధారణంగా మార్చి చివరిలోనే డీఏ పెంపును ప్రకటిస్తుంది. గతేడాది అంటే 2025లో మార్చి 28న, 2023లో మార్చి 24న ఈ ప్రకటన వెలువడింది.

ఇదే ట్రెండ్ కొనసాగితే మార్చి 20 నుంచి 31 మధ్య జరిగే కేంద్ర కేబినెట్ సమావేశంలో ఈ నిర్ణయానికి ఆమోదం లభించవచ్చు. దీనివల్ల దాదాపు 50 లక్షల మంది కేంద్ర ప్రభుత్వ ఉద్యోగులు, 68 లక్షల మంది పెన్షనర్లు నేరుగా లబ్ధి పొందుతారు.

ఈ కరవు భత్యం పెంపు 2026 జనవరి 1 నుంచి అమల్లోకి వస్తుంది. కాబట్టి ప్రకటన మార్చిలో వచ్చినా, ఉద్యోగులకు జనవరి, ఫిబ్రవరి, మార్చి.. ఈ మూడు నెలల బకాయిలు (Arrears) ఒకేసారి అందుతాయి.

ఉదాహరణకు, ఒక ఉద్యోగి మూల వేతనం (Basic Salary) రూ.18000 అయితే, 3% డీఏ పెంపుతో నెల జీతం సుమారు రూ.540 పెరుగుతుంది. దీనితో పాటు మూడు నెలల బకాయిలు కూడా వస్తాయి. పెన్షనర్లకు కూడా డియర్‌నెస్ రిలీఫ్ (DR) ఇదే విధంగా పెరుగుతుంది.

డీఏ పెంపుతో పాటు ఉద్యోగుల దృష్టి 8వ పే కమిషన్‌పై కూడా ఉంది. 7వ పే కమిషన్ పదవీకాలం 2025 డిసెంబర్ 31తో ముగిసింది. 8వ పే కమిషన్ ఏర్పాటు ప్రక్రియ ఇప్పటికే ప్రారంభమైనప్పటికీ, దాని సిఫార్సులు అమల్లోకి రావడానికి మరికొంత సమయం పట్టవచ్చు.

ఈ మధ్యకాలంలో డీఏ పెంచి, దాన్ని మూల వేతనంలో కలపాలన్న డిమాండ్ ఉద్యోగుల్లో బలపడుతోంది. అంతర్జాతీయ మార్కెట్‌లో అస్థిరత, ద్రవ్యోల్బణం కారణంగా నిత్యావసరాల ధరలు పెరుగుతున్న నేపథ్యంలో, మార్చిలో రాబోయే ఈ జీతాల పెంపు కేంద్ర ప్రభుత్వ ఉద్యోగులకు పెద్ద ఊరటనిస్తుందని భావిస్తున్నారు.

ఉద్యోగులకు శ్రీరామనవమి కానుక.. 8వ వేతన సంఘం ముందే శాలరీలు భారీగా పెరిగాయోచ్

Arun Kumar P — Tue, 24 Mar 2026 14:37:40 +0530

8th Pay Commission : భారతీయ రైల్వే ఉద్యోగులకు 8వ వేతన సంఘం కంటే ముందే శాలరీలు పెరగనున్నాయి. వారికి లభించే వివిధ అలవెన్సులను పెంచుతూ రైల్వే శాఖ కీలక ప్రకటన చేసింది. జనవరి 2024 నుండే ఈ అలవెన్సులు అందనున్నాయి.

Indian Railway : ఈ శ్రీరామనవమి పర్వదినానికి ముందే భారతీయ రైల్వే ఉద్యోగులకు కేంద్ర ప్రభుత్వం తీపి కబురు అందించింది. కేంద్ర రైల్వే శాఖ మంత్రి అశ్విని వైష్ణవ్ నేతృత్వంలోని మంత్రిత్వ శాఖ, రైల్వే రన్నింగ్ స్టాఫ్ కోసం 'కిలోమీట్రేజ్ అలవెన్స్' (Kilometrage Allowance), 'అలవెన్స్ ఇన్ లీ ఆఫ్ కిలోమీట్రేజ్' (ALK) రేట్లను సవరిస్తూ కీలక నిర్ణయం తీసుకుంది. 8వ వేతన సంఘం (8th CPC) అమలు కోసం ఉద్యోగులు ఆసక్తిగా ఎదురుచూస్తున్న తరుణంలో ఈ అలవెన్సుల పెంపు వారికి పెద్ద ఊరటనిస్తోంది.

తాజా సవరణ ప్రకారం పెరిగిన ఈ అలవెన్సులు జనవరి 1, 2024 నుండి వర్తిస్తాయని రైల్వే బోర్డు స్పష్టం చేసింది. ఆల్ ఇండియా రైల్వేమెన్ ఫెడరేషన్ (AIRF), నేషనల్ ఫెడరేషన్ ఆఫ్ ఇండియన్ రైల్వేమెన్ (NFIR) వంటి గుర్తింపు పొందిన ఉద్యోగ సంఘాలు సుదీర్ఘకాలంగా చేస్తున్న డిమాండ్లకు స్పందనగా ప్రభుత్వం ఈ నిర్ణయం తీసుకుంది. రైల్వే బోర్డు, ఆర్థిక మంత్రిత్వ శాఖ సంయుక్త సంప్రదింపుల తర్వాత ఈ పెంపునకు ఆమోదం లభించింది.

నిబంధనల ప్రకారం కేంద్ర ప్రభుత్వ ఉద్యోగుల కరవు భత్యం (DA) 50 శాతానికి చేరుకున్నప్పుడు కొన్ని రకాల అలవెన్సులను పునఃసమీక్షించాల్సి ఉంటుంది. జనవరి 1, 2024 నాటికి డీఏ 50 శాతం మార్కును దాటడంతో, 2016 రివైజ్డ్ పే రూల్స్ ప్రకారం రన్నింగ్ స్టాఫ్ అలవెన్సులను ప్రభుత్వం అప్‌డేట్ చేసింది. దీనివల్ల దేశవ్యాప్తంగా ఉన్న వేలాది మంది లోకో పైలట్లు, గార్డులు, ఇతర రన్నింగ్ స్టాఫ్ ఆర్థికంగా లబ్ధి పొందనున్నారు.

ఈ సవరణ కేవలం అలవెన్స్ రేట్లకు మాత్రమే వర్తిస్తుందని, వీటికి సంబంధించిన అర్హత ప్రమాణాలు, ఇతర నిబంధనలలో ఎలాంటి మార్పులు ఉండవని అధికారులు స్పష్టం చేశారు. రైల్వే కార్యకలాపాలకు వెన్నెముకగా నిలిచే రన్నింగ్ స్టాఫ్ సంక్షేమానికి తాము కట్టుబడి ఉన్నామని రైల్వే శాఖ ఈ సందర్భంగా పేర్కొంది.

Income Tax Rules : ఇక ఉద్యోగులకు పండగే.. కొత్త ఐటీ రూల్స్‌తో ఏకంగా లక్ష రూపాయలు ఆదా

Arun Kumar P — Sat, 21 Mar 2026 09:16:19 +0530

Income Tax Rules 2026: మీరు ఉద్యోగం చేస్తున్నారా? అయితే మీకో గుడ్ న్యూస్. మార్చి 20, 2026 నుంచి కేంద్ర ప్రభుత్వం కొత్త ఆదాయపు పన్ను నిబంధనలను నోటిఫై చేసింది. ఈ కొత్త రూల్స్ ప్రకారం పన్ను మినహాయింపులు పెరిగాయి. 5 కీలక మార్పులు ఏంటో తెలుసుకోండి.

కొత్త ఐటీ రూల్స్ ప్రకారం… ఉద్యోగుల మీల్ కార్డ్‌పై ఇప్పుడు లక్షకు పైగా పన్ను మినహాయింపు లభిస్తుంది. సోడెక్సో, ప్లక్సీ (ఆఫీసులు, పాఠశాలలు, ఆసుపత్రులలో క్యాటరింగ్ సేవలు అందించే సంస్థలు) వంటి ఫుడ్ కూపన్లు వాడే ఉద్యోగులకు ఇది అతిపెద్ద ఊరట. ఆఫీస్ పనివేళల్లో భోజనం లేదా వోచర్లపై పన్ను మినహాయింపు పరిమితిని భారీగా పెంచారు.. ఒక్కో మీల్‌కు రూ.50 నుంచి నేరుగా రూ.200కి పెంచారు. నెలకు 22 పనిదినాలు, రోజుకు రెండు మీల్స్ చొప్పున లెక్కిస్తే మీరు ఏటా రూ.1,05,600 వరకు మీల్ వోచర్‌పై పన్ను లేకుండా పొందవచ్చు. 30% ట్యాక్స్ స్లాబ్‌లో ఉన్న ఉద్యోగులు ఈ మార్పుతో సంవత్సరానికి సుమారు రూ.24,710 నేరుగా ఆదా చేసుకోగలుగుతారు.

హౌస్ రెంట్ అలవెన్స్ (HRA) నిబంధనలలో చేసిన మార్పు లక్షలాది మందికి గేమ్ ఛేంజర్ కానుంది. ఢిల్లీ, ముంబై కాకుండా ఇతర పెద్ద నగరాల్లో నివసించే వారికి ఇది పెద్ద ఊరట. ప్రభుత్వం ఇప్పుడు పూణె, బెంగళూరు, హైదరాబాద్, అహ్మదాబాద్, చెన్నై వంటి నగరాలను కూడా మెట్రో సిటీ కేటగిరీలో చేర్చింది. అంటే ఈ నగరాల్లో అద్దెకు ఉండే ఉద్యోగులు ఇప్పుడు తమ బేసిక్ శాలరీలో 50% వరకు HRA క్లెయిమ్ చేసుకోవచ్చు. ఇంతకుముందు ఇది కేవలం 40% మాత్రమే ఉండేది.

పిల్లలను కలిగిన తల్లిదండ్రులకు ఈ కొత్త ఐటీ రూల్స్ చాలా ఉపశమనం కలిగిస్తుంది. దశాబ్దాలుగా ఉన్న పాత అలవెన్సులను ప్రభుత్వం వాస్తవ పరిస్థితులకు అనుగుణంగా మార్చింది. ఇప్పటివరకు పిల్లల చదువు కోసం ఇచ్చే చిల్డ్రన్ ఎడ్యుకేషన్ అలవెన్స్ నెలకు కేవలం రూ.100 ఉండేది. దాన్ని ఇప్పుడు నెలకు రూ.3,000కి పెంచారు. అదేవిధంగా, హాస్టల్ ఖర్చుల కోసం ఇచ్చే రూ.300 మినహాయింపును నెలకు రూ.9,000కి పెంచారు. పిల్లలు వేరే ఊళ్లలో ఉండి చదువుకునే కుటుంబాలకు ఈ మార్పు చాలా పెద్ద ఊరట. ఎందుకంటే ఇప్పుడు వారు తమ పన్ను పరిధిలోకి వచ్చే ఆదాయాన్ని గణనీయంగా తగ్గించుకోవచ్చు.

మీరు మీ కంపెనీ నుంచి అనారోగ్యం లేదా వ్యక్తిగత అవసరాల కోసం వడ్డీ లేని (Interest-free) లోన్ తీసుకుంటే, ఇప్పుడు రూ.2 లక్షల వరకు లోన్‌పై ఎలాంటి పన్ను (Perquisite) చెల్లించాల్సిన అవసరం లేదు. ప్రభుత్వం ఈ పరిమితిని పెంచి ఉద్యోగులకు పెద్ద ఆర్థిక ఉపశమనం కల్పించింది. ఈ నిబంధన పాత, కొత్త పన్ను విధానాలకు (Old & New Tax Regimes) వర్తిస్తుంది. అత్యవసర సమయాల్లో బయట ఎక్కువ వడ్డీకి అప్పు తీసుకునే బదులు, తమ కంపెనీ సహాయం తీసుకునే వారికి ఇది ప్రయోజనకరంగా ఉంటుంది.

కంపెనీ కారు సౌకర్యం (Motor Car Perquisites) పొందుతున్న వారికి ఈ కొత్త రూల్స్ కొద్దిగా షాక్ ఇవ్వొచ్చు. 1.6 లీటర్ల కంటే తక్కువ ఇంజిన్ సామర్థ్యం ఉన్న పాపులర్ కార్లపై (ఉదాహరణకు Creta 1.5L లేదా Virtus 1.0L) పన్ను విలువను నెలకు రూ.600 నుంచి రూ.2,000కి పెంచారు. అంటే ఇప్పుడు మీ జీతంలో అదనంగా రూ.2,000 ప్రయోజనం చేకూరినట్లుగా భావించి, దానిపై మీ ట్యాక్స్ స్లాబ్ ప్రకారం పన్ను విధిస్తారు. ఇది మీ చేతికి వచ్చే జీతంపై కొంత ప్రభావం చూపవచ్చు.

8th Pay Commission Jobs : నెలకు 6 రోజులే పని, లక్షల్లో శాలరీ.. ఎగ్జామ్ లేకుండానే ప్రభుత్వ విభాగంలో జాబ్

Arun Kumar P — Tue, 14 Apr 2026 14:24:43 +0530

8th Pay Commission Jobs : 8వ వేతన సంఘం తాత్కాలిక ఉద్యోగాల కోసం దరఖాస్తులను ఆహ్వానిస్తోంది. ఈ ఉద్యోగాల అర్హతలు, జీతం వివరాలు, ఎలా దరఖాస్తు చేసుకోవాలి అనే పూర్తి సమాచారం ఇక్కడ తెలుసుకుందాం.

మీరు ప్రభుత్వ ఉద్యోగం కోసం చూస్తున్నారా? మంచి జీతం కూడా కావాలా.? అయితే ఈ వార్త మీకోసమే. 8వ వేతన సంఘం (పే కమిషన్‌)లో పనిచేసే అద్భుతమైన అవకాశం వచ్చింది. నెలకు కేవలం 6 రోజులు పనిచేసినా చాలు.. చేతినిండా డబ్బులు సంపాదించవచ్చు.

ఏప్రిల్ 10, 2026 నాటి ప్రభుత్వ ఉత్తర్వుల ప్రకారం... కేంద్ర ప్రభుత్వ ఉద్యోగుల జీతాలు, పెన్షన్లు, అలవెన్సులపై అధ్యయనం చేయడానికి నిపుణులు అవసరం. అనుభవం, వయసు ఆధారంగా మూడు కేటగిరీలలో నియామకాలు చేపడుతున్నారు. మీ వయసు 32 నుంచి 45 ఏళ్ల మధ్య ఉంటే, అర్హతను బట్టి దరఖాస్తు చేసుకోవచ్చు.

8వ పే కమిషన్‌లో సీనియర్ కన్సల్టెంట్, కన్సల్టెంట్, యంగ్ ప్రొఫెషనల్ పోస్టులు ఉన్నాయి. సీనియర్ కన్సల్టెంట్‌కు 10 ఏళ్ల అనుభవం, గరిష్ట వయసు 45 ఏళ్లు. కన్సల్టెంట్‌కు 6 ఏళ్ల అనుభవం, గరిష్ట వయసు 40 ఏళ్లు. యంగ్ ప్రొఫెషనల్‌కు 4 ఏళ్ల అనుభవం, గరిష్ట వయసు 32 ఏళ్లు. వయసు, అనుభవాన్ని ఏప్రిల్ 1, 2026 నాటికి లెక్కిస్తారు.

ఈ ఉద్యోగంలో జీతం చాలా ఆకర్షణీయంగా ఉంది. ఫుల్-టైమ్ లేదా పార్ట్-టైమ్ ఆప్షన్ ఎంచుకోవచ్చు. సీనియర్ కన్సల్టెంట్‌కు ఫుల్-టైమ్ జాబ్‌కు నెలకు ₹1,80,000 జీతం. నెలకు 12 రోజులు పనిచేస్తే ₹90,000, 6 రోజులు పనిచేస్తే ₹45,000 ఇస్తారు. కన్సల్టెంట్‌కు ఫుల్-టైమ్ జీతం ₹1,20,000. పార్ట్-టైమ్‌కు వరుసగా ₹60,000 (12 రోజులు), ₹30,000 (6 రోజులు). యంగ్ ప్రొఫెషనల్స్‌కు ఫుల్-టైమ్‌కు ₹90,000, 12 రోజులకు ₹45,000, 6 రోజులకు ₹22,500 చెల్లిస్తారు.

ఈ ఉద్యోగాలకు మీరు ఎలాంటి రాత పరీక్ష రాయాల్సిన అవసరం లేదు. కమిషన్‌లోని సీనియర్ అధికారుల బృందం మీ దరఖాస్తును పరిశీలిస్తుంది. అర్హులైన వారిని నేరుగా ఇంటర్వ్యూకి పిలుస్తారు. ఈ కమిటీ నిర్ణయమే అంతిమంగా ఉంటుంది. ఇది కాంట్రాక్ట్ ఉద్యోగం మాత్రమే, పర్మనెంట్ కాదని గుర్తుంచుకోండి.

ఎంపికైన ప్రొఫెషనల్స్ 8వ పే కమిషన్‌కు సహాయం చేయాలి. ఉద్యోగుల జీతాల స్వరూపాన్ని విశ్లేషించడం, పాత డేటాను అధ్యయనం చేయడం, న్యాయపరమైన అంశాలను పరిశీలించడం, వివిధ మంత్రిత్వ శాఖల నుంచి డేటా సేకరించడం వంటి పనులు ఉంటాయి. అంటే భవిష్యత్తులో కేంద్ర ప్రభుత్వ ఉద్యోగుల జీతాలు ఎంత పెంచాలో నిర్ణయించడంలో మీరు సహాయపడతారు.

ఈ ఉద్యోగంలో జీతం తప్ప ఇతర అలవెన్సులు ఉండవు. డీఏ, ఇంటి అద్దె (HRA), వైద్య ఖర్చులు, ఫోన్ బిల్లు వంటివి ఇవ్వరు. కమిషన్ ఆఫీసులో పనిచేయడానికి స్థలం మాత్రమే ఇస్తారు, ల్యాప్‌టాప్, ఫోన్ వంటివి మీరే సమకూర్చుకోవాలి. మీ పనితీరు బాగాలేకపోయినా, క్రమశిక్షణ తప్పినా ఎలాంటి ముందస్తు నోటీసు లేకుండానే కమిషన్ మిమ్మల్ని ఉద్యోగం నుంచి తొలగించవచ్చు. రీసెర్చ్, డేటా అనాలిసిస్‌లో అనుభవం ఉంటే, అధికారిక వెబ్‌సైట్‌కి వెళ్లి వెంటనే అప్లై చేయండి.

10th Results : త్వరలోనే 10వ తరగతి రిజల్ట్స్.. ఎక్కడ చెక్ చేసుకోవాలో తెలుసా..?

Arun Kumar P — Mon, 06 Apr 2026 17:32:19 +0530

CBSE 10th Results : త్వరలోనే పదో తరగతి పలితాలు విడుదలకానున్నాయి. సిబిఎస్ఈ ఇప్పటికే విద్యార్థుల పేపర్లను మూల్యాంకనం చేసింది… ఇప్పుడు ఈ పలితాలను విడుదల చేయనుంది.

CBSC Results 2026 : సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) 2026 విద్యా సంవత్సరానికి సంబంధించి 10వ తరగతి పరీక్షా ఫలితాలను విడుదల చేసేందుకు సిద్ధమవుతోంది. తాజా సమాచారం ప్రకారం ఏప్రిల్ 14 నాటికి పదవ తరగతి ఫలితాలు వెల్లడయ్యే అవకాశం ఉంది. ఈసారి సెకండ్ బోర్డ్ ఎగ్జామ్స్ (రెండవ విడత పరీక్షలు) మే నెలలో ఉండటంతో, ఫలితాలను గతంలో కంటే త్వరగా విడుదల చేయాలని బోర్డు భావిస్తోంది.

పదవ తరగతి ఫలితాల తేదీ : ఏప్రిల్ మధ్యలో (ఏప్రిల్ 14 నాటికి వచ్చే అవకాశం ఉంది).

12వ తరగతి ఫలితాలు : ఏప్రిల్ 10న పరీక్షలు ముగిసిన తర్వాత కొద్ది రోజులకు విడుదలవుతాయి.

మొత్తం విద్యార్థులు : ఈ ఏడాది సుమారు 43 లక్షల మంది విద్యార్థులు (10వ తరగతిలో 25 లక్షలు, 12వ తరగతిలో 18.5 లక్షలు) పరీక్షలకు హాజరయ్యారు.

విద్యార్థులు తమ మార్కులను క్రింది అధికారిక వెబ్‌సైట్ల ద్వారా చూసుకోవచ్చు:

results.cbse.nic.in

cbse.gov.in

results.nic.in

digilocker.gov.in

డిజీలాకర్ (DigiLocker), ఉమాంగ్ (UMANG) యాప్స్ ద్వారా కూడా స్మార్ట్‌ఫోన్‌లలో ఫలితాలను పొందవచ్చు.

CBSE గతేడాది ప్రవేశపెట్టిన రెండు పరీక్షల విధానం ప్రకారం.. ఒకవేళ విద్యార్థులు తమ మార్కులను మెరుగుపరుచుకోవాలనుకున్నా (గరిష్ఠంగా 3 సబ్జెక్టులలో), లేదా కంపార్ట్‌మెంట్ కేటగిరీలో ఉన్నా, వారు మే నెలలో నిర్వహించే రెండవ బోర్డు పరీక్షలకు హాజరు కావచ్చు. దీనివల్ల విద్యార్థులకు తమ స్కోర్‌ను పెంచుకునే మంచి అవకాశం లభిస్తుంది.

ఉత్తీర్ణత శాతం : విద్యార్థులు పాస్ అవ్వాలంటే కనీసం 33 శాతం మార్కులు సాధించాలి.

గ్రేస్ మార్కులు : ఒకటి లేదా రెండు మార్కుల తేడాతో ఫెయిల్ అయ్యే విద్యార్థులకు బోర్డు గ్రేస్ మార్కులు కలిపే అవకాశం ఉంది.

స్పెల్లింగ్ తప్పులు : లాంగ్వేజ్ పేపర్లలో స్పెల్లింగ్ తప్పులు ఉంటే మార్కులు తగ్గుతాయి. కానీ వర్డ్ లిమిట్ (పదాల పరిమితి) దాటినందుకు మార్కులేమీ తగ్గించబడవు.

Jobs 2026 : ప్రభుత్వ ఉద్యోగాల జాతర.. ఒకటి రెండు కాదు ఏకంగా 21,000+ పోస్టులు.. ఎక్కడ, ఏ జాబ్స్..?

Arun Kumar P — Mon, 20 Apr 2026 17:30:09 +0530

ప్రభుత్వ ఉద్యోగాల కోసం ప్రిపేర్ అవుతున్న వాళ్లకు గుడ్ న్యూస్. ఇప్పటికే చాలా డిపార్ట్‌మెంట్లలో నోటిఫికేషన్లు ఇచ్చాయి. ఏకంగా 21,665 పోస్టులకు అప్లై చేసుకునే అవకాశం వచ్చింది. 10వ తరగతి, ఇంటర్, ఐటీఐ, డిప్లొమా, డిగ్రీ పాసైన వాళ్లు ఈ వివరాలు తప్పక చూడండి.

ప్రభుత్వ ఉద్యోగాలకు ప్రిపేర్ అవుతున్న వాళ్లకు SSC ఫేజ్-14 రిక్రూట్‌మెంట్ 2026 ఒక మంచి అవకాశం. స్టాఫ్ సెలక్షన్ కమిషన్ (SSC) ల్యాబొరేటరీ అటెండెంట్‌తో పాటు చాలా పోస్టులకు నోటిఫికేషన్ ఇచ్చింది. దీనికి 10వ తరగతి, ఇంటర్, డిగ్రీ పాసైన వాళ్లు కూడా అప్లై చేసుకోవచ్చు.

మొత్తం ఖాళీలు: 3003

పోస్టు: ల్యాబొరేటరీ అటెండెంట్ సహా వివిధ పోస్టులు

అర్హత: 10వ తరగతి/ఇంటర్/డిగ్రీ (పోస్టును బట్టి)

వయసు: 18-30 ఏళ్లు (పోస్టును బట్టి, రిజర్వేషన్ మినహాయింపు)

జీతం: ₹18,000 నుంచి ₹34,800 వరకు (లెవెల్‌ను బట్టి)

ఎంపిక ప్రక్రియ: రాత పరీక్ష (Written Exam)

చివరి తేదీ: 4 మే 2026

దరఖాస్తుల ప్రారంభం: 13 ఏప్రిల్ 2026

అధికారిక వెబ్‌సైట్: https://ssc.nic.in

పవర్ సెక్టార్‌లోని ప్రభుత్వ రంగ సంస్థ (PSU)లో ఉద్యోగం సంపాదించడానికి ఇది మంచి అవకాశం. టెక్నికల్ బ్యాక్‌గ్రౌండ్ ఉన్న అభ్యర్థులకు ఇది బెస్ట్ ఆప్షన్.

మొత్తం ఖాళీలు: 668

పోస్టులు: డిప్లొమా ట్రైనీ (ఎలక్ట్రికల్/సివిల్), జూనియర్ ఆఫీసర్ ట్రైనీ, జూనియర్ టెక్నీషియన్ ట్రైనీ

అర్హత: సంబంధిత ట్రేడ్‌లో డిప్లొమా (ఇంజనీరింగ్), ఐటీఐ లేదా డిగ్రీ

వయసు: 18-27 ఏళ్లు

జీతం: ₹25,000 - ₹1,17,500 (PSU స్కేల్)

దరఖాస్తుల ప్రారంభం: 20 ఏప్రిల్ 2026

చివరి తేదీ: 11 మే 2026

అధికారిక వెబ్‌సైట్: https://www.powergrid.in

బార్డర్ రోడ్స్ ఆర్గనైజేషన్ (BRO)లో టెక్నికల్, నాన్-టెక్నికల్ పోస్టుల భర్తీకి నోటిఫికేషన్ వచ్చింది. దేశ సేవతో పాటు స్థిరమైన ఉద్యోగం కోరుకునేవారికి ఇది మంచి అవకాశం.

మొత్తం ఖాళీలు: 899

పోస్టులు: మల్టిపుల్ ట్రేడ్స్ (స్టోర్ కీపర్ టెక్నికల్, ఆపరేటర్ ఎక్స్‌కవేటింగ్ మెషినరీ, డ్రాఫ్ట్స్‌మ్యాన్, హిందీ టైపిస్ట్, ఎలక్ట్రీషియన్ పోస్ట్ మొదలైనవి)

అర్హత: 10వ తరగతి / ఐటీఐ / అనుభవం

వయసు: 18-27 ఏళ్లు

జీతం: ₹18,000 - ₹56,900 (లెవెల్‌ను బట్టి)

చివరి తేదీ: మే నెల వరకు (నోటిఫికేషన్ ప్రకారం)

అధికారిక వెబ్‌సైట్: https://bro.gov.in

బ్యాంకింగ్ రంగంలో ప్రభుత్వ ఉద్యోగం కోసం చూస్తున్న వాళ్లకు, ముఖ్యంగా డిగ్రీ పాసైన వాళ్లకు ఇది మంచి అవకాశం.

మొత్తం ఖాళీలు: 1000

పోస్టు: LBO (లోన్ అండ్ బిజినెస్ ఆఫీసర్)

అర్హత: డిగ్రీ

వయసు: 20-30 ఏళ్లు

జీతం: ₹36,000+ (బ్యాంకింగ్ స్కేల్)

చివరి తేదీ: ఈరోజే (వెంటనే అప్లై చేయండి)

అధికారిక వెబ్‌సైట్: https://punjabandsindbank.co.in

గుజరాత్ టీచర్ రిక్రూట్‌మెంట్ 2026 (GSPESC విద్యా సహాయక్)

గుజరాత్ ప్రభుత్వం ప్రైమరీ స్కూళ్లలో భారీగా టీచర్ పోస్టులను భర్తీ చేస్తోంది. 2026లో ఇదే అతిపెద్ద టీచింగ్ రిక్రూట్‌మెంట్‌లలో ఒకటి. టెట్ పాసైన అభ్యర్థులకు ఇది మంచి అవకాశం.

మొత్తం ఖాళీలు: 11,000+

పోస్టు: విద్యా సహాయక్ (ప్రైమరీ టీచర్)

అర్హత: D.El.Ed + TET-1 పాస్

వయసు: 18-35 ఏళ్లు (రిజర్వేషన్ ప్రకారం మినహాయింపు)

జీతం: ₹25,000 - ₹81,000 వరకు

దరఖాస్తు చివరి తేదీ: 24 ఏప్రిల్ 2026

దరఖాస్తుల ప్రారంభం: 15 ఏప్రిల్ 2026

అధికారిక వెబ్‌సైట్: https://dpegujarat.in

పంజాబ్ స్టేట్ పవర్ కార్పొరేషన్ రిక్రూట్‌మెంట్ 2026 (PSPCL ALM)

పంజాబ్ విద్యుత్ శాఖలో పెద్ద రిక్రూట్‌మెంట్ నోటిఫికేషన్ వచ్చింది. ఐటీఐ పాసైన యువతకు ప్రభుత్వ ఉద్యోగం సంపాదించడానికి ఇది మంచి ఛాన్స్.

మొత్తం ఖాళీలు: 3000

పోస్టు: అసిస్టెంట్ లైన్‌మెన్ (ALM)

అర్హత: 10వ తరగతి + ఐటీఐ (ఎలక్ట్రీషియన్/వైర్‌మెన్)

వయసు: 18-37 ఏళ్లు

జీతం: నెలకు ₹19,990

దరఖాస్తు చివరి తేదీ: 6 మే 2026

అధికారిక వెబ్‌సైట్: https://pspcl.in

ఉత్తరప్రదేశ్ సహకార సంస్థ బోర్డు రిక్రూట్‌మెంట్ 2026

ప్రభుత్వ ఉద్యోగం కోసం చూస్తున్న వాళ్లకు ఉత్తరప్రదేశ్ సహకార సంస్థ బోర్డులో మంచి అవకాశం వచ్చింది. స్టెనోగ్రాఫర్‌తో పాటు చాలా పోస్టులకు నోటిఫికేషన్ రిలీజ్ చేశారు. కామర్స్, టెక్నికల్, మేనేజ్‌మెంట్ బ్యాక్‌గ్రౌండ్ ఉన్నవాళ్లు దీనికి అప్లై చేసుకోవచ్చు.

మొత్తం ఖాళీలు: 2085

పోస్టు: స్టెనోగ్రాఫర్ సహా వివిధ పోస్టులు

అర్హత: B.Com/B.Tech/BCA/MCA/BBA/MBA + O లెవెల్ (కంప్యూటర్)

వయసు: 18-40 ఏళ్లు (రిజర్వేషన్ ప్రకారం మినహాయింపు)

జీతం: నెలకు ₹25,620 నుంచి ₹1,77,500 వరకు

దరఖాస్తుల ప్రారంభం: 25 ఏప్రిల్ 2026

చివరి తేదీ: 15 మే 2026

ఎంపిక ప్రక్రియ: రాత పరీక్ష / స్కిల్ టెస్ట్ (పోస్టును బట్టి)

అధికారిక వెబ్‌సైట్: https://upcbl.in

AI Impact : పిల్లల భవిష్యత్తును ఏఐ మార్చేస్తోందా? బెన్నెట్ యూనివర్సిటీ గ్లోబల్ కాన్ఫరెన్స్

Mahesh Rajamoni — Wed, 08 Apr 2026 20:49:54 +0530

Artificial Intelligence impact : బెన్నెట్ యూనివర్సిటీలో ఆర్టిఫిషియల్ ఇంటెలిజెన్స్, పిల్లల భవిష్యత్తుపై అంతర్జాతీయ సదస్సు జరగనుంది. మే, జూన్ నెలల్లో పరిశోధనా పత్రాల సబ్మిట్ చేయడానికి గడువు ఉంది.

ప్రస్తుతం ఏఐ విప్లవం కొనసాగుతోంది. ఈ క్రమంలోనే ఉత్తరప్రదేశ్‌లోని గ్రేటర్ నోయిడాలో ఉన్న బెన్నెట్ యూనివర్సిటీలో ఒక కీలకమైన అంతర్జాతీయ సదస్సు జరుగుతోంది. 'ఆర్టిఫిషియల్ ఇంటెలిజెన్స్ అండ్ చిల్డ్రన్: ఇన్‌ఫ్లుయెన్సింగ్ సొసైటీస్, హ్యూమన్ వాల్యూస్ అండ్ గవర్నెన్స్' అనే థీమ్ తో ఈ సదస్సు నిర్వహించనున్నారు. యూనివర్సిటీలోని ‘టైమ్స్ స్కూల్ ఆఫ్ మీడియా, స్కూల్ ఆఫ్ ఆర్టిఫిషియల్ ఇంటెలిజెన్స్’ కలిసి ఈ కార్యక్రమం నిర్వహించనున్నాయి.

ఈ డిజిటల్ యుగంలో ఆర్టిఫిషియల్ ఇంటెలిజెన్స్, సరికొత్త డిజిటల్ సాంకేతికతలు చిన్నారుల జీవితాలను ఏ విధంగా ప్రభావితం చేస్తున్నాయనే అంశంపై ఈ సదస్సు ప్రధానంగా దృష్టి సారిస్తుంది. వేగంగా మారుతున్న ఈ ప్రపంచంలో ఏఐ వల్ల పిల్లలు నేర్చుకునే సామర్థ్యం, వారి ప్రవర్తన, వారి గుర్తింపు, నైతిక విలువలు ఎలా మారుతున్నాయో నిపుణులు చర్చించనున్నారు. వాయిస్ అసిస్టెంట్‌లు, పర్సనలైజ్డ్ కంటెంట్ ప్లాట్‌ఫారమ్‌లు, ఇమ్మర్సివ్ మీడియా వంటి పరికరాలను పిల్లలు విరివిగా వాడుతున్న నేపథ్యంలో, వీటి వల్ల కలిగే లాభనష్టాలను ఇక్కడ చర్చించనున్నారు.

ఈ సదస్సులో పిల్లల ప్రైవసీ, ఆన్‌లైన్ భద్రత, డిజిటల్ రంగంలో వారి ప్రాతినిధ్యం వంటి కీలక ప్రశ్నలను లేవనెత్తనున్నారు. ఇంటర్నెట్‌లో పిల్లలు చూసే సమాచారాన్ని, వారు నేర్చుకునే విషయాలను అల్గారిథమ్‌లు ఎలా ప్రభావితం చేస్తున్నాయనే దానిపై చర్చ జరుగుతుంది. అంతేకాకుండా, సాంకేతికత వల్ల పేరెంటింగ్, విద్య, పిల్లల మధ్య సామాజిక పరస్పర చర్యలలో వస్తున్న మార్పులను నిపుణులు లోతుగా పరిశీలించనున్నారు.

ఈ ప్రతిష్ఠాత్మక కార్యక్రమానికి ప్రపంచవ్యాప్తంగా ఉన్న పరిశోధకులు, ఉపాధ్యాయులు, సాంకేతిక నిపుణులు, విధాన కర్తలు, బాలల హక్కుల నిపుణులు హాజరుకానున్నారు. ఆర్టిఫిషియల్ ఇంటెలిజెన్స్ సృష్టించే సవాళ్లకు పరిష్కారాలను కనుగొనడానికి, కొత్త ఆలోచనలను పంచుకోవడానికి ఇది ఒక గొప్ప ఈవెంట్ కానుంది. అంతర్జాతీయ స్థాయిలో నిపుణులను ఒకే చోట చేర్చి పిల్లల భవిష్యత్తుపై దిశానిర్దేశం చేయడం ఈ సదస్సు ముఖ్య ఉద్దేశం.

వివిధ అంశాలపై అసలైన, ప్రచురించని రీసెర్చ్ పేపర్లను సమర్పించాలని నిర్వాహకులు కోరారు. విద్యలో ఏఐ, డిజిటల్ పేరెంటింగ్, ఇమ్మర్సివ్ మీడియా, గుర్తింపు, ఆరోగ్య సంరక్షణ, యాక్సెసిబిలిటీ, పాలసీ సమస్యలు వంటి అంశాలపై తమ రీసెర్చ్ పేపర్లను పంపవచ్చు. ఎంపిక చేసిన బెస్ట్ రీసెర్చ్ పేపర్లను అంతర్జాతీయంగా గుర్తింపు పొందిన పబ్లిషర్ ద్వారా పుస్తక రూపంలో ప్రచురిస్తారు.

ముఖ్యమైన తేదీలు ఇవే

ఈ సదస్సులో పాల్గొనాలనుకుంటే తమ అబ్‌స్ట్రాక్ట్‌లను సమర్పించడానికి మే 3 చివరి తేదీగా నిర్ణయించారు. పూర్తి స్థాయి పరిశోధనా పత్రాలను జూన్ 21 లోపు సమర్పించాలి. ఎంపిక చేసిన పత్రాల వివరాలను జూలై 10న ప్రకటిస్తారు. ఈ సదస్సు బెన్నెట్ యూనివర్సిటీ క్యాంపస్‌లో జరుగుతుంది. అయితే, విదేశీ ప్రతినిధుల సౌకర్యార్థం ఆన్‌లైన్‌లో కూడా పాల్గొనే అవకాశం కల్పించారు. సాంకేతిక ఆవిష్కరణలతో పాటు భద్రత, నైతికతను సమతుల్యం చేయాల్సిన అవసరాన్ని ఈ సదస్సు నొక్కి చెబుతోంది.

మీరూ IAS, IPS కావాలనుకుంటున్నారా..? అయితే ఈ సివిల్స్ ర్యాంకర్ చెప్పిన 5 టిప్స్ ఫాలోకండి

Arun Kumar P — Tue, 21 Apr 2026 12:22:19 +0530

IAS, IPS కావాలని కలలుగనే యువత సివిల్ సర్వీసెస్ ఎగ్జామ్ కోసం పకడ్బందీగా ప్రిపేర్ అవ్వాల్సి ఉంటుంది. ఇలా ప్రిపరేషన్ ప్రారంభించాలనుకునేవారు 2025 సివిల్స్ ర్యాంకర్ తుషారికా అందించే టాప్ 5 చిట్కాలు ఫాలోకండి… ర్యాంక్ సాధించండి.

IAS and IPS Preparation : భారతదేశంలోనే అత్యున్నత ప్రభుత్వ ఉద్యోగాలు ఇండియన్ అడ్మినిస్ట్రేటివ్ సర్వీస్ (IAS), ఇండియన్ పోలీస్ సర్వీస్ (IPS). దేశ పాలనా వ్యవహారాల్లో ఈ ఉద్యోగులదే వీరిదే కీలక పాత్ర... వీరిచేతిలో సూపర్ పవర్స్ ఉంటాయి. ఇలా అత్యున్నత హోదా, సమాజంలో గౌరవంతో పాటు మంచి ఆదాయం కూడా లభిస్తుంది... అందుకే సర్వీసెస్ లో చేరాలన్నది లక్షలాదిమంది యువతీయువకుల కల. ఇందుకోసం ఎంతో కష్టపడతుంటారు... పుస్తకాలతో రాత్రింభవళ్లు కుస్తీలు పడుతుంటారు... ఎప్పుడూ మెదడుకు పని చెబుతుంటారు.

అయితే IAS, IPS వంటి అత్యున్నత పోస్టులకు అభ్యర్థులకు ఎంపికచేయడం అంటే మామూలు విషయం కాదు. యూనియన్ పబ్లిక్ సర్వీస్ కమీషన్ (UPSC) అత్యంత కఠినమైన ఈ సివిల్ సర్వీసెస్ ఎగ్జామ్ (CSE) నిర్వహిస్తుంది... ఇందులో ఉత్తమ ర్యాంకు సాధించినవారే కలల జాబ్ సాధిస్తారు... IAS, IPS లుగా మారతారు.

ఎంతో కఠినమైన సివిల్స్ ఎగ్జామ్ కోసం ప్రిపరేషన్ ప్రారంభించాలనుకునే యువతీయువకులు ఇప్పటికే ర్యాంక్ సాధించిన వారి సలహాలు, సూచనలు తీసుకోవడం మంచిది. ఇలాంటి వారికోసమే UPSC 2025 ఆల్ ఇండియా ర్యాంకర్ తుషారికా కొన్ని సలహాలు, సూచనలు ఇస్తున్నారు. అవేంటో ఇక్కడ తెలుసుకుందాం.

సివిల్ సర్వీసెస్ ప్రిపరేషన్ లో NCERT (National Council of Educational Research and Training) పుస్తకాలు అత్యంత కీలకపాత్ర పోషిస్తాయని సివిల్స్ ర్యాంకర్ తుషారికా తెలిపారు. ఈ పుస్తకాల్లోని సమాచారం సివిల్స్ ఎగ్జామ్స్ లో ఎక్కువగా అడుగుతుంటారు... కాబట్టి ఇది మీ కలల జాబ్ సాధించేందుకు బలమైన పునాది వేస్తుంది. సివిల్స్ ప్రిలిమ్స్, మెయిన్స్ ఎగ్జామ్స్ సిలబస్ లో చాలాభాగం ఈ పుస్తకాల నుండి కవర్ అవుతుంది.

IAS, IPS వంటి అత్యున్నత ఉద్యోగాలను సాధించాలంటే నిలకడగా ప్రిపేర్ అవ్వడం చాలా ముఖ్యమని సివిల్స్ ర్యాంకర్ తుషారికా చెబుతున్నారు. వెనకడుగు వెయ్యకుండా ప్రిపరేషన్ సాగించాలి... ''నేను చదవలేకపోతున్నా'' అనుకుంటే ఓటమిని అంగీకరించినట్లే. ప్రయత్నలోపం లేకుండా డెడికేషన్ తో ప్రిపరేషన్ సాగిస్తే కాస్త ఆలస్యమైన తప్పకుండా ర్యాంక్ సాధించడం ఖాయం.

సివిల్స్ ప్రిపరేషన్ సమయంలో అసాధ్యమైన టార్గెట్స్ అస్సలు పెట్టుకోవద్దు... రోజుకు ఎంత చదవగలుగుతారో అంతే చదవాలని తుషారికా సూచిస్తున్నారు. ఇది చాలా పాజిటివ్ ఎనర్జీ ఇస్తుందట. ఒకవేళ అసాధ్యమైన టార్గెట్స్ పెట్టుకుని అది రీచ్ అవ్వకుంటే నిరూత్సాహపడతారు.. ఇది ఆత్మవిశ్వాసాన్ని దెబ్బతీస్తుందని తెలిపారు.

సివిల్స్ సర్వీసెస్ కు ప్రిపేరయ్యే అభ్యర్థులు హార్ట్ వర్క్ కాదు స్మార్ట్ వర్క్ చేయాలని తుషారికా సూచించారు. కష్టపడి చదవడం కాదు కాన్సెప్ట్స్ ను బాగా నేర్చుకోవాలని... అప్పుడు ప్రిపరేషన్ మరింత ఈజీ అవుతుందని అంటున్నారు. అలాగే ప్రిపరేషన్ పూర్తయ్యాక టెస్ట్ లు రాద్దామని చాలామంది భావిస్తారు... కానీ ముందునుండే రాయాలని సూచించారు. ఇది రివర్స్ ఇంజనీరింగ్ లాగా పనిచేస్తుందని… అభ్యర్థులు ఎక్కడ స్ట్రాంగ్ గా ఉన్నారో… ఎక్కడ వీక్ గా ఉన్నారో తెలుసుకుంటారని అంటున్నారు.

సివిల్ సర్వీసెస్ లో మెయిన్ సబ్జెక్ట్స్ తో పాటు అభ్యర్థులు ఇష్టంగా ఎంచుకునే ఆప్షనల్ సబ్జెక్ట్ చాలా కీలకమైనది. దీనిపై పట్టు సాధించాలని... ఇందులో స్ట్రాంగ్ గా ఉంటేనే మంచి మార్కులు సాధించగలమని సివిల్స్ ర్యాంకర్ తుషారికా చెబుతున్నారు.

Entrance Exams : పదో తరగతి తర్వాత ఫ్రీగా ఇంటర్ చదవాలా..? అయితే తప్పక రాయాల్సిన ప్రవేశ పరీక్షలివే

Arun Kumar P — Tue, 07 Apr 2026 11:59:09 +0530

Entrance Exams in Telangana 2026 : పదో తరగతి వరకు ప్రభుత్వ పాఠశాలల్లో ఉచితంగా చదివినట్లే ఇంటర్మీడియట్ కూడా ఫ్రీగా చదువుకోవచ్చు. ఇందుకోసం తెలంగాణ విద్యార్థులు రాయాల్సిన ఎంట్రన్స్ ఎగ్జామ్స్ ఏవో తెలుసా..?

Telangana Entrance Exams : తెలుగు రాష్ట్రాల్లో ప్రస్తుతం ఎగ్జామ్స్ సీజన్ కొనసాగుతోంది. తెలంగాణలో ఇప్పటికే ఇంటర్మీడియట్ పరీక్షలు ముగియగా పదో తరగతి ఎగ్జామ్స్ కొనసాగుతున్నాయి. అయితే ప్రాథమిక విద్యకు ముుగింపుపలికి ఉన్నత విద్యవైపు అడుగువేసే సమయం చాలా కీలకమైంది... విద్యార్థి కెరీర్ ను ఇదే డిసైడ్ చేస్తుంది. అందుకే టెన్త్ తర్వాత తమ పిల్లలను ఇంటర్మీడియట్ ఎక్కడ చదివించాలి..? ఏ కోర్సులో చేర్చాలి..? అని తల్లిదండ్రులు తర్జనభర్జన పడుతుంటారు.

అయితే కొందరు విద్యార్థులు పేదరికాన్ని అధిగమించి చదువులో ప్రతిభ కనబరుస్తుంటారు.. పదో తరగతిలో మంచి మార్కులు సాధిస్తారు. కానీ వారికి ప్రైవేట్ కాలేజీల్లో ఇంటర్మీడియట్ విద్య భారంగా మారుతుంది. అందుకే తెలంగాణ ప్రభుత్వమే వారికి అండగా నిలిచి వివిధ మార్గాల్లో ఉచితంగా ఇంటర్మీడియట్ విద్యను అందిస్తోంది. ఇలా టెన్త్ తర్వాత ఫ్రీగా ఇంటర్ చదవాలంటే కొన్ని పోటీ పరీక్షలు రాయాల్సివుంటుంది. ఈ పరీక్షల షెడ్యూల్ వెలువడింది... దరఖాస్తుల స్వీకరణ కొనసాగుతోంది. కాబట్టి పదో తరగతి పరీక్ష రాస్తున్న విద్యార్థులు వెంటనే దరఖాస్తు చేసుకొండి.

1. కస్తూర్బా గాంధీ (KGBV) :

రాష్ట్రంలోని కస్తూర్భా గాందీ బాలికల విద్యాలయాల్లో 2026-27 విద్యా సంవత్సరానికి ఇంటర్మీడియట్ ఫస్ట్ ఇయర్ ప్రవేశాల కోసం దరఖాస్తుల స్వీకరణ జరుగుతోంది. కేవలం బాలికలకు మాత్రమే అవకాశం...ఎస్సి, ఎస్టి, బిసి, మైనారిటీ వర్గాలతో పాటు అనాథలకు మొదటి ప్రాధాన్యం ఇస్తారు. KGBV లో చదువుకునేందుకు అర్హత సాధించిన బాలికలకు ఉచిత విద్య, వసతి, భోజన సౌకర్యం కల్పిస్తారు. అంతేకాదు జాతీయస్థాయిలో జరిగే ఐఐటీ, నీట్ ఎగ్జామ్స్ కి ఉచితంగా కోచింగ్ ఇస్తారు.

దరఖాస్తు చేసుకునేందుకు చివరి తేదీ : ఏప్రిల్ 10, 2026

తెలంగాణ రాష్ట్ర గురుకుల జూనియర్ కాలేజీల్లో (TSRJC) 2026-27 విద్యా సంవత్సరానికి అడ్మిషన్లు ప్రారంభమయ్యాయి. ఈసారి పదో తరగతి పాసయ్యే అభ్యర్థులకు ఇంటర్మీడియట్ ఫస్ట్ ఇయర్ లో ప్రవేశాలు కల్పిస్తారు. రాష్ట్రంల్లో 33 జిల్లాల్లో 35 జూనియర్ కాలేజీలున్నాయి... వీటిలో 15 బాలురు, 20 బాలికలవి ఉన్నాయి. ఇందులో సీటు సాధించాలంటే రెగ్యులర్ గానే పదవ తరగతి పరీక్షల్లో పాసై ఉండాలి.. సప్లిమెంటరీలో పాసైనవారు అనర్హులు.

దరఖాస్తులు ప్రారంభం : 16 మార్చి 2026

దరఖాస్తుకు చివరితేదీ : 15 ఏప్రిల్ 2026

పరీక్ష తేదీ : 03 మే 2026

తెలంగాణలోని గిరిజన (ఎస్టీ) గురుకుల జూనియర్ కాలేజీల్లో మొదటి సంవత్సరంలో ప్రవేశాల కోసం దరఖాస్తులు ప్రారంభమయ్యాయి. 'తెలంగాణ ట్రైబల్ వెల్ఫేర్ రెసిడెన్షియల్ సెంటర్ ఆఫ్ ఎక్సలెన్స్ (TTWREOS)'' ఎంట్రన్స్ టెస్ట్ 2026 ద్వారా సీట్లను భర్తీ చేయనున్నారు. ఎంపికైన విద్యార్థులకు ఉచిత విద్య, హాస్టల్ వసతి ఉంటుంది... అలాగే జాతీయ స్థాయి ఎంట్రన్స్ పరీక్షలకు ఉచిత శిక్షణ ఇస్తారు.

ఏప్రిల్ 7,2026 వరకు దరఖాస్తుకు అవకాశం

రాజీవ్ గాంధా యూనివర్సిటీ ఆఫ్ నాలెడ్జ్ టెక్నాలజీ (RGUKT) సాధారణంగా IIIT గా పిలుస్తారు. ఇవి జాతీయస్థాయిలో మంచి గుర్తింపు కలిగిన విద్యాసంస్థలు. ఇందులో ఆరు సంవత్సరాల ఇంటిగ్రేటెడ్ బిటెక్ కోర్సులు అందిస్తారు. పదో తరగతి మార్కుల ఆధారంగా ప్రవేశాలు కల్పిస్తారు.

దరఖాస్తుకు చివరి తేదీ : మే 10, 2026

గమనిక : తెలంగాణలో పదో తరగతి పరీక్షలు కొనసాగుతున్నాయి. కాబట్టి ఈ ఎంట్రన్స్ టెస్ట్ ల దరఖాస్తు తేదీలు, పరీక్షల సమయం మారవచ్చు. జాతీయస్థాయిలో జరిగే పోటీ పరీక్షలు, ఇతర కారణాల వల్ల కూడా తేదీలు మారవచ్చు.

Best Courses : ఇంటర్ తర్వాత ఈ కోర్సులు చేశారో పక్కా జాబ్... లక్షల్లో శాలరీ..!

Arun Kumar P — Wed, 01 Apr 2026 16:22:21 +0530

త్వరలోనే తెలుగు రాష్ట్రాల్లో ఇంటర్ (12వ తరగతి) పలితాలు రానున్నాయి. కెరీర్‌లో త్వరగా సెటిల్ అవ్వాలంటే ఏ కోర్స్ చేయాలని ఆలోచిస్తున్నారా..? అయితే ఈ కథనం మీకోసమే. ఇంటర్ తర్వాత చేయగలిగే 10 బెస్ట్ కెరీర్ ఓరియెంటెడ్ కోర్సుల గురించి తెలుసుకోండి.

పదో తరగతి తర్వాత ఇంటర్మీడియట్ లో ఏ కోర్సులో చేయాలనే కన్ఫ్యూజన్. ఇంటర్ పూర్తయ్యాక కూడా ఈ కన్ఫ్యూజన్ చాలామంది విద్యార్థుల్లో ఉంటుంది. అయితే ఇంటర్ తర్వాత తీసుకునే స్టెప్ చాలా కీలకమైంది. ఈ క్రమంలో ఇంటర్ తర్వాత చేయగలిగే 10 బెస్ట్ కెరీర్ ఓరియెంటెడ్ కోర్సులు ఇవే…

1. డిజిటల్ మార్కెటింగ్ కోర్సు

ఆన్‌లైన్ ప్రపంచంలో కెరీర్ కావాలంటే డిజిటల్ మార్కెటింగ్ బెస్ట్... ఇది వేగంగా ఎదుగుతున్న రంగం. SEO, సోషల్ మీడియా, గూగుల్ యాడ్స్ నేర్చుకుంటే కేవలం 3-6 నెలల్లోనే జాబ్ కొట్టొచ్చు. NIIT లేదా UpGrad వంటి ప్లాట్‌ఫామ్స్‌లో ఈ కోర్సు చేయొచ్చు. ఫీజు సుమారు రూ.30,000 నుంచి రూ.1 లక్ష వరకు ఉంటుంది. మొదట్లో నెలకు రూ.15-30 వేల జీతం వస్తుంది. కానీ 2-3 ఏళ్లలో ఇది రూ.60 వేలకు పైగా పెరుగుతుంది.

2. వెబ్ డెవలప్‌మెంట్

కోడింగ్ నేర్చుకుని వెబ్‌సైట్లు తయారు చేయడం ఇప్పుడు గోల్డెన్ స్కిల్. 6-12 నెలల్లో మీరు ఫ్రంటెండ్ లేదా ఫుల్ స్టాక్ డెవలపర్ అవ్వొచ్చు. Coursera, Udemy లాంటి చోట్ల ఈ కోర్సు చేయొచ్చు. ఫీజు రూ.20,000 నుంచి రూ.1.5 లక్షల వరకు ఉంటుంది. ప్రారంభ జీతం రూ.20-40 వేలు, అనుభవంతో రూ.1 లక్ష దాటుతుంది.

3. గ్రాఫిక్ డిజైనింగ్

క్రియేటివ్‌గా ఆలోచించేవారికి ఇది బెస్ట్ ఆప్షన్. లోగోలు, పోస్టర్లు, యాడ్స్ డిజైన్ చేయడం నేర్చుకుని ఫ్రీలాన్సింగ్ లేదా కంపెనీలో జాబ్ చేయొచ్చు. 3-6 నెలల కోర్సుకి ఫీజు రూ.15,000-80,000 వరకు ఉంటుంది. మొదట్లో రూ.15-25 వేలు, ఫ్రీలాన్సింగ్‌లో ప్రాజెక్ట్‌ను బట్టి రూ.50 వేలకు పైగా సంపాదించొచ్చు.

4. ఎయిర్ హోస్టెస్ / ఏవియేషన్ కోర్సు

ట్రావెలింగ్, గ్లామరస్ కెరీర్ ఇష్టమైతే ఏవియేషన్ అద్భుతమైన ఆప్షన్. Indira Gandhi Institute of Aeronautics లాంటి సంస్థల్లో 1-2 ఏళ్ల కోర్సు చేయొచ్చు. ఫీజు రూ.1-2 లక్షల వరకు ఉంటుంది. ఎయిర్‌లైన్స్‌లో జాబ్ వస్తే ప్రారంభ జీతమే రూ.40,000-80,000 వరకు ఉంటుంది.

5. హోటల్ మేనేజ్‌మెంట్

హాస్పిటాలిటీ ఇండస్ట్రీకి ఎప్పుడూ డిమాండ్ ఉంటుంది. 3 ఏళ్ల డిప్లొమా లేదా డిగ్రీ చేస్తే హోటల్, రిసార్ట్ లేదా క్రూజ్‌లో జాబ్ వస్తుంది. Institute of Hotel Management లాంటి చోట్ల కోర్సు చేస్తే ఫీజు రూ.1–3 లక్షల వరకు ఉంటుంది. ప్రారంభ జీతం రూ.20–35 వేలు, ఇంటర్నేషనల్ జాబ్స్‌లో లక్షల్లో సంపాదించొచ్చు.

6. ANM/GNM (నర్సింగ్)

మెడికల్ ఫీల్డ్‌లో త్వరగా జాబ్ కావాలంటే నర్సింగ్ బెస్ట్. ANM (2 ఏళ్లు), GNM (3 ఏళ్లు) కోర్సులు ఉంటాయి. ప్రభుత్వ, ప్రైవేట్ కాలేజీల్లో ఫీజు రూ.50,000 నుంచి రూ.2 లక్షల వరకు ఉంటుంది. హాస్పిటల్స్, క్లినిక్స్‌లో జాబ్ వస్తుంది. జీతం రూ.20–40 వేలతో మొదలవుతుంది.

7. డేటా ఎంట్రీ/ఆఫీస్ అడ్మిన్ కోర్సు

తక్కువ టైంలో జాబ్ కోసం ఇది సులువైన ఆప్షన్. 3–6 నెలల్లో కంప్యూటర్, ఎక్సెల్, టైపింగ్ నేర్చుకోవచ్చు. ఫీజు రూ.10,000–30,000 వరకు ఉంటుంది. ప్రారంభ జీతం రూ.12–20 వేలు, అనుభవంతో రూ.30 వేల వరకు పెరుగుతుంది.

8. ఫ్యాషన్ డిజైనింగ్

మీకు బట్టలు, ట్రెండ్స్‌పై ఆసక్తి ఉంటే ఇది సూపర్ కెరీర్. National Institute of Fashion Technology (NIFT) లాంటి చోట్ల కోర్సు చేస్తే మంచి ఎక్స్‌పోజర్ వస్తుంది. ఫీజు రూ.1–3 లక్షల వరకు ఉంటుంది. జీతం మొదట్లో రూ.20–40 వేలు, సొంత బ్రాండ్ పెడితే లక్షల్లో సంపాదించొచ్చు.

9. ఎలక్ట్రీషియన్ / టెక్నికల్ ITI కోర్సు

టెక్నికల్ స్కిల్స్‌కు ఎప్పుడూ డిమాండ్ ఉంటుంది. ITIలో 1–2 ఏళ్ల కోర్సు చేసి త్వరగా జాబ్ సంపాదించొచ్చు. ఫీజు రూ.10,000–50,000 వరకు ఉంటుంది. ప్రారంభ జీతం రూ.15–25 వేలు, అనుభవంతో రూ.40 వేలకు పైగా సంపాదించొచ్చు.

10. ఫార్మసీ (D.Pharm)

మీరు మెడికల్ లైన్‌లో వెళ్లాలి కానీ డాక్టర్ చదివేంత స్తోమత లేదు అనుకుంటే D.Pharm మంచి ఆప్షన్. ఇది 2 ఏళ్ల కోర్సు. ఫీజు రూ.1–2 లక్షల వరకు ఉంటుంది. మెడికల్ స్టోర్, హాస్పిటల్స్‌లో జాబ్ వస్తుంది. జీతం రూ.20–35 వేలతో మొదలవుతుంది.

ఈ రోజుల్లో స్మార్ట్ స్టూడెంట్ అంటే త్వరగా స్కిల్స్ నేర్చుకుని, సంపాదన మొదలుపెట్టేవాళ్లే. ఈ 10 కోర్సులు మిమ్మల్ని ఎక్కువ కాలం చదువులో ఇరికించవు. పైగా త్వరగా జాబ్, మంచి జీతం వచ్చే దారి చూపిస్తాయి. ఇంటర్ తర్వాత సరైన దారి ఎంచుకుంటే, 2-3 ఏళ్లలోనే మీ కాళ్లపై మీరు నిలబడి మంచి కెరీర్ నిర్మించుకోవచ్చు.

Top 10 IITs in India: ఇండియాలో నంబర్ వన్ ఐఐటీ ఏది? టాప్ 10 లిస్ట్ ఇదే

Mahesh Rajamoni — Thu, 09 Apr 2026 21:46:42 +0530

Top 10 IITs in India: ఐఐటీల్లో చేరాలనుకుంటున్నారా? మరి దేశంలోని టాప్ 10 లో ఉన్న ఐఐటీలు ఏవో మీకు తెలుసా? ఐఐటీ హైదరాబాద్ ఏ ప్లేస్ లో ఉంది? ఆ వివరాలు ఇక్కడ తెలుసుకుందాం.