Asianet News Telugu

Career : కెరీర్ రాకెట్‌లా దూసుకెళ్లాలంటే ఈ 9 సాఫ్ట్ స్కిల్స్ మీరు నేర్చుకోండి !

Mahesh Rajamoni — Wed, 29 Apr 2026 19:07:03 +0530

Career Acceleration: వృత్తిపరమైన ఎదుగుదలకు కేవలం సాంకేతిక పరిజ్ఞానం ఉంటే సరిపోదు. కెరీర్‌ను పరుగులు పెట్టించే 9 ముఖ్యమైన సాఫ్ట్ స్కిల్స్ మీ దగ్గర ఉండాలి. ఆ సాఫ్ట్ స్కిల్స్ ఏంటి? వాటి ప్రాముఖ్యత గురించిన వివరాలు ఇక్కడ తెలుసుకుందాం.

నేటి పోటీ ప్రపంచంలో ఉద్యోగం సంపాదించడం ఒక ఎత్తు అయితే, ఆ ఉద్యోగంలో నిలదొక్కుకుని ఉన్నత శిఖరాలను అధిరోహించడం మరో ఎత్తు. చాలామంది తమకు కావాల్సిన సాంకేతిక నైపుణ్యాలు ఉంటే చాలని భావిస్తారు. కానీ, వాస్తవానికి ఒక వ్యక్తిని లీడర్‌గా మార్చేవి, వారి కెరీర్‌ను రాకెట్ వేగంతో దూసుకెళ్లేలా చేసేవి సాఫ్ట్ స్కిల్స్ మాత్రమే. పని చేసే చోట ఎదురయ్యే సవాళ్లను అధిగమించడానికి, ఇతరులతో సమర్థంగా కలిసి పనిచేయడానికి ఈ నైపుణ్యాలు ఎంతో అవసరం.

మీ కెరీర్‌ను మరో ఎత్తుకు తీసుకెళ్లే 9 ముఖ్యమైన సాఫ్ట్ స్కిల్స్ వివరాలు గమనిస్తే..

1. స్పష్టమైన కమ్యూనికేషన్

కమ్యూనికేషన్ అంటే కేవలం మాట్లాడటం మాత్రమే కాదు, మనం చెప్పాలనుకున్న విషయాన్ని అవతలి వ్యక్తికి అర్థమయ్యేలా స్పష్టంగా చెప్పడం. మీరు ఏం చెప్పాలనుకుంటున్నారో అది సూటిగా, స్పష్టంగా చెప్పాలి. దీనివల్ల పనిలో గందరగోళం తగ్గుతుంది. సహోద్యోగుల మధ్య నమ్మకం పెరుగుతుంది. ఫలితంగా పనులు వేగంగా పూర్తవుతాయి. స్పష్టమైన మాట తీరు ఉన్నవారికే ఆఫీసుల్లో ప్రాధాన్యం లభిస్తుంది.

మన భావోద్వేగాలను నియంత్రించుకోవడమే కాకుండా, ఎదుటివారి భావాలను అర్థం చేసుకోవడమే ఎమోషనల్ ఇంటెలిజెన్స్. ఒత్తిడిలో ఉన్నప్పుడు కూడా ప్రశాంతంగా ఉండటం, ఇతరుల పట్ల సానుభూతితో వ్యవహరించడం ఒక గొప్ప నాయకత్వ లక్షణం. మీరు ఎంత తెలివైన వారైనా, ఇతరులతో ఎలా ప్రవర్తిస్తున్నారనే దానిపైనే మీ కెరీర్ ఎదుగుదల ఆధారపడి ఉంటుంది.

3. అడాప్టబిలిటీ

ప్రస్తుత కాలంలో పరిస్థితులు వేగంగా మారిపోతున్నాయి. కొత్త టెక్నాలజీలు వస్తున్నాయి, కంపెనీ విధానాలు మారుతున్నాయి. ఇలాంటి మార్పులను చూసి భయపడకుండా, వాటికి అనుగుణంగా మిమ్మల్ని మీరు మార్చుకోవడమే అడాప్టబిలిటీ. అనిశ్చితిలో కూడా ప్రశాంతంగా ఉంటూ, వేగంగా కొత్త విషయాలను నేర్చుకుని ఫలితాలను అందించేవారికి మార్కెట్‌లో ఎప్పుడూ డిమాండ్ ఉంటుంది.

ఏదైనా సమస్య వచ్చినప్పుడు గుడ్డిగా నిర్ణయాలు తీసుకోకుండా, అన్ని కోణాల్లో ఆలోచించడమే విమర్శనాత్మక ఆలోచన. సరైన ప్రశ్నలు అడగడం, డేటాను స్పష్టంగా విశ్లేషించడం, పక్షపాతం లేకుండా ఆలోచించడం ఇందులో భాగం. ఏదైనా పని చేసే ముందు దాని పర్యవసానాలను ఆలోచించి అడుగు వేయడం వల్ల పనిలో నాణ్యత పెరుగుతుంది.

5. టైమ్ మేనేజ్‌మెంట్

సమయం అందరికీ సమానంగానే ఉంటుంది, కానీ దాన్ని ఎలా వాడుకుంటున్నారనేదే ముఖ్యం. ఏ పనికి ఎంత ప్రాధాన్యం ఇవ్వాలో తెలియాలి. అనవసరమైన ఆకర్షణలకు దూరంగా ఉంటూ, మీ సమయాన్ని జాగ్రత్తగా కాపాడుకోవాలి. ప్లాన్ ప్రకారం పని చేసే వ్యక్తులు తక్కువ సమయంలో ఎక్కువ ఫలితాలను సాధించగలరు. ఇది మీ వృత్తిపరమైన గౌరవాన్ని పెంచుతుంది.

ఒక్కరు చేసే పని కంటే, ఒక టీమ్‌గా చేసే పని ఎక్కువ ప్రభావం చూపుతుంది. తోటి ఉద్యోగుల అభిప్రాయాలను గౌరవించడం, అందరి లక్ష్యాలను ఒకే దిశగా మలచడం ముఖ్యం. టీమ్ సభ్యులకు అండగా ఉంటూ, కలిసి విజయం సాధించాలనే తపన ఉండాలి. కలిసి పనిచేసే గుణం మిమ్మల్ని ఒక మంచి టీమ్ ప్లేయర్‌గా చేస్తుంది.

7. కుతూహలం.. లెర్నింగ్

నేర్చుకోవడం అనేది నిరంతర ప్రక్రియ. నాకు అన్నీ తెలుసు అనుకోకుండా, ఎప్పుడూ కొత్త విషయాలను తెలుసుకోవాలనే కుతూహలం ఉండాలి. ప్రతిరోజూ ఏదో ఒక కొత్త విషయాన్ని నేర్చుకోవడం ద్వారా మీరు ఇతరుల కంటే ముందుంటారు. ఎప్పుడూ ప్రశ్నలు అడగడం ఆపకండి, సమాధానాల కోసం వెతకడం మానకండి.

ఫీడ్‌బ్యాక్ తీసుకోవడం, ఇవ్వడం ఒక కళ. ఎవరైనా మీ పనిపై విమర్శ చేసినప్పుడు దాన్ని వ్యక్తిగతంగా తీసుకోకుండా, దాన్ని మెరుగుపరుచుకోవడానికి ఒక అవకాశంగా భావించాలి. అలాగే ఇతరులకు ఫీడ్‌బ్యాక్ ఇచ్చేటప్పుడు కూడా చాలా స్పష్టంగా, మర్యాదపూర్వకగా ఇవ్వాలి. ఫీడ్‌బ్యాక్‌పై వేగంగా స్పందించి మార్పులు చేసుకునేవారు త్వరగా ఎదుగుతారు.

9. సరైన నిర్ణయం తీసుకోవడం

సరైన నిర్ణయాలు తీసుకోవడం చాలా ముఖ్యమైంది. ఒత్తిడిలో ఉన్నప్పుడు కూడా లాజిక్‌తో ఆలోచించి నిర్ణయం తీసుకోవాలి. తీసుకున్న నిర్ణయంపై స్పష్టత ఉండాలి. దాన్ని అమలు చేసే ధైర్యం ఉండాలి. సరైన సమయంలో సరైన నిర్ణయం తీసుకోవడం అనేది మీ కెరీర్‌ను మలుపు తిప్పుతుంది.

TG Police Recruitment 2026: ఎస్సై, కానిస్టేబుల్ ఉద్యోగాలకు ఏజ్ లిమిట్ ఎంత? జీతం, క్వాలిఫికేషన్, నెగెటివ్ మార్కింగ్ ఫుల్ డీటైల్స్

Mahesh Rajamoni — Thu, 30 Jul 2026 08:10:03 +0530

Telangana Police Age Limit: తెలంగాణలో 7,437 పోలీస్, ఫైర్, జైళ్ల శాఖల ఉద్యోగాల భర్తీకి భారీ నోటిఫికేషన్ విడుదలైంది. బుధవారం TSLPRB నోటిఫికేషన్ జారీ చేసింది. ఏజ్ లిమిట్, అర్హతలు, సెలక్షన్ ప్రాసెస్ సహా పూర్తి వివరాలు ఇక్కడ తెలుసుకుందాం.

తెలంగాణలో యూనిఫామ్ వేసుకోవాలని, ఖాకీ డ్రెస్సులో సమాజానికి సేవ చేయాలని కలలు కనే నిరుద్యోగ యువతకు అదిరిపోయే గుడ్ న్యూస్ వచ్చింది. తెలంగాణ స్టేట్ లెవెల్ పోలీస్ రిక్రూట్‌మెంట్ బోర్డ్ (TSLPRB) బుధవారం భారీ ఉద్యోగాల భర్తీకి శ్రీకారం చుట్టింది.

పోలీసు, స్పెషల్ ప్రొటెక్షన్ ఫోర్స్, ఫైర్ సర్వీసెస్, జైళ్ల శాఖల్లో ఖాళీగా ఉన్న ఏకంగా 7,437 ఉద్యోగాల భర్తీ కోసం ఒకేసారి 4 వేర్వేరు నోటిఫికేషన్లను విడుదల చేసింది. చాలా కాలంగా ప్రిపరేషన్‌లో ఉన్న అభ్యర్థులకు ఇది నిజంగా గోల్డెన్ ఆపర్చ్యునిటీ అని చెప్పాలి.

ఈ నోటిఫికేషన్ ద్వారా వేల సంఖ్యలో పోస్టులను భర్తీ చేయనున్నారు. శాఖల వారీగా వివరాలను పరిశీలిస్తే..

పోలీస్ శాఖ (SI, ASI)

సబ్ ఇన్ స్పెక్టర్ (సివిల్): 148
రిజర్వ్ సబ్ ఇన్ స్పెక్టర్ (AR): 14
రిజర్వ్ సబ్ ఇన్ స్పెక్టర్ (TGSP): 12
రిజర్వ్ సబ్ ఇన్ స్పెక్టర్ (SARCPL): 3
అసిస్టెంట్ సబ్ ఇన్ స్పెక్టర్ (FPB): 23

పోలీస్ కానిస్టేబుల్ విభాగం

కానిస్టేబుల్ (సివిల్): 3,697
కానిస్టేబుల్ (AR): 1,052
కానిస్టేబుల్ (SARCPL): 24
డ్రైవర్ PTO: 20
మెకానిక్ PTO: 7

స్పెషల్ ప్రొటెక్షన్ ఫోర్స్ (SPF)

సబ్ ఇన్ స్పెక్టర్: 44
కానిస్టేబుల్: 1,380

ఫైర్ అండ్ డిజాస్టర్ రెస్పాన్స్

స్టేషన్ ఫైర్ ఆఫీసర్: 39
ఫైర్ ఫైటర్: 751

జైళ్ల శాఖ

డిప్యూటీ జైలర్ (పురుషులు): 14 | డిప్యూటీ జైలర్ (మహిళలు): 1
వార్డర్ (పురుషులు): 196 | వార్డర్ (మహిళలు): 12

ఈ ఉద్యోగాలకు ఎంపికైన వారికి నెలకు రూ. 24,280 నుండి రూ. 72,850 వరకు పే స్కేల్ లభిస్తుంది.

చాలామంది అభ్యర్థులకు ఏజ్ లిమిట్ విషయంలో అనేక అనుమానాలు ఉంటాయి. అయితే తెలంగాణ ప్రభుత్వం విడుదల చేసిన జీఓ (GO Ms No. 87, తేదీ: 18-05-2026) ద్వారా యూనిఫామ్ పోస్టులకు గరిష్ఠ వయోపరిమితిలో సాధారణ అభ్యర్థులందరికీ అదనంగా 5 సంవత్సరాల సడలింపు లభించింది.

కానిస్టేబుల్ పోస్టులకు

కనీస వయస్సు 18 ఏళ్లు నిండి ఉండాలి (జూలై 1, 2026 నాటికి).
జనరల్ కేటగిరీ అభ్యర్థుల గరిష్ఠ వయోపరిమితి సాధారణంగా 22 ఏళ్లు కాగా, ప్రభుత్వ 5 ఏళ్ల సడలింపుతో 27 ఏళ్ల వరకు అప్లై చేసుకోవచ్చు.
ఎస్సీ, ఎస్టీ, బీసీ, ఈడబ్ల్యూఎస్ కేటగిరీ అభ్యర్థులకు ఈ 27 ఏళ్లకు అదనంగా మరో 5 ఏళ్ల సడలింపు ఉంటుంది. అంటే వీరు 32 సంవత్సరాల వయస్సు వచ్చే వరకు దరఖాస్తు చేసుకోవడానికి అర్హులు.

సబ్ ఇన్ స్పెక్టర్ పోస్టులకు:

కనీస వయస్సు 21 ఏళ్లు ఉండాలి.
జనరల్ కేటగిరీకి సాధారణ వయోపరిమితి 25 ఏళ్లు. జీఓ 87 ప్రకారం 5 ఏళ్ల సడలింపు కలసి 30 ఏళ్ల వరకు పెరిగింది.
ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు మరో 5 ఏళ్ల మినహాయింపు ఉండటంతో వారు 35 సంవత్సరాల వయస్సు వరకు పోటీ పడవచ్చు.

ఈ పోస్టులకు దరఖాస్తు చేసుకునే అభ్యర్థులు 2026 జులై 29 నాటికి ఇంటర్మీడియట్ లేదా దానికి సమానమైన అర్హతలో ఉత్తీర్ణులై ఉండాలి. అంతకంటే ఎక్కువ చదివిన వారు కూడా దరఖాస్తు చేయవచ్చు. ఫైర్ ఫైటర్ పోస్టులకు మాత్రం ఎల్ఎంవీ డ్రైవింగ్ లైసెన్స్ తప్పనిసరి.

ఎంపిక ప్రక్రియ మూడు దశల్లో జరుగుతుంది..

1. ప్రిలిమినరీ రాత పరీక్ష: 200 మార్కులకు, 3 గంటల వ్యవధిలో ఆబ్జెక్టివ్ టైప్‌లో ఉంటుంది. ప్రతి తప్పు సమాధానానికి 20% నెగెటివ్ మార్కింగ్ వర్తిస్తుంది. క్వాలిఫైయింగ్ మార్కులు: OC/EWS లకు 30%, BC లకు 25%, SC/ST/ఎక్స్-సర్వీస్‌మెన్/హోంగార్డులకు 20%.

2. ఫిజికల్ మెజర్‌మెంట్ & ఎఫిషియెన్సీ టెస్ట్ (PMT/PET): పురుషులు 1,600 మీటర్ల రన్ 7 నిమిషాల 15 సెకన్లలో, మహిళలు 800 మీటర్ల రన్ 5 నిమిషాల 20 సెకన్లలో పూర్తి చేయాలి. ఎత్తు పురుషులకు కనీసం 167.6 సెం.మీ, మహిళలకు 152.5 సెం.మీ ఉండాలి (ఏజెన్సీ ప్రాంతాల ST అభ్యర్థులకు సడలింపు ఉంటుంది). అలాగే లాంగ్ జంప్, షాట్‌పుట్ ఈవెంట్లు ఉంటాయి.

3. ఫైనల్ రాత పరీక్ష: ఫిజికల్ టెస్టులలో క్వాలిఫై అయిన వారికి ఫైనల్ ఎగ్జామ్ ఉంటుంది. పోస్టును బట్టి 100 లేదా 200 మార్కులకు పరీక్ష నిర్వహిస్తారు.

అభ్యర్థులు TSLPRB అధికారిక వెబ్‌సైట్ www.tgprb.in ద్వారా మాత్రమే ఆన్‌లైన్‌లో అప్లై చేసుకోవాల్సి ఉంటుంది. ఆన్‌లైన్ దరఖాస్తుల ప్రారంభం, ముగింపు తేదీలను రిక్రూట్‌మెంట్ బోర్డ్ త్వరలోనే అధికారికంగా వెల్లడించనుంది.

ముందుగానే సిద్ధం చేసుకోవాల్సిన పత్రాలు

1వ తరగతి నుండి 7వ తరగతి వరకు బోనాఫైడ్ (లొకాలిటీ కోసం) లేదా నివాస ధృవీకరణ పత్రం.
ఏప్రిల్ 1, 2026 తర్వాత జారీ చేసిన బీసీ కేటగిరీ నాన్-క్రీమీలేయర్ సర్టిఫికేట్, ఈడబ్ల్యూఎస్ సర్టిఫికేట్.
ఎస్సీ కేటగిరీ అభ్యర్థులు తమ ఉపకుల వర్గీకరణ స్పష్టంగా ఉండేలా కుల ధృవీకరణ పత్రం.
అప్‌లోడ్ చేయడానికి ఫొటో, సంతకం కలిపిన JPG ఫైల్ (సైజ్: 30KB నుండి 100KB మధ్య ఉండాలి).

నోటిఫికేషన్‌లో పేర్కొన్న శారీరక, వైద్య ప్రమాణాలకు తాము సరిపోతామో లేదో తెలుసుకోవడానికి దరఖాస్తు చేయడానికంటే ముందే ఒకసారి సివిల్ సర్జన్‌తో పరీక్షించుకోవడం మంచిదని పోలీస్ రిక్రూట్‌మెంట్ బోర్డ్ స్పష్టం చేసింది.

సరైన ఇంజినీరింగ్ బ్రాంచ్ ఎలా ఎంచుకోవాలి? ఈ 5 ఆప్షన్లు గేమ్ ఛేంజరే!

Arun Kumar P — Wed, 01 Jul 2026 18:34:49 +0530

2026లో ఇంజినీరింగ్ బ్రాంచ్ ఎలా ఎంచుకోవాలి? సరైన నిర్ణయం తీసుకునేందుకు టాప్ 5 బెస్ట్ ఇంజినీరింగ్ బ్రాంచులు, వాటి కెరీర్ స్కోప్, భవిష్యత్తు అవకాశాల గురించి ఇక్కడ తెలుసుకోండి.

Education Loan : స్టూడెంట్స్ కి బంపరాఫర్.. చదువుకోసం రూ.7.5 లక్షల ప్రభుత్వ సాయం.. ఎలా పొందాలో తెలుసా?

Arun Kumar P — Thu, 25 Jun 2026 19:16:24 +0530

చదువుకోవాలనే ఆసక్తి ఉన్నా డబ్బుల్లేక ఆగిపోతున్నారా? అయితే మీకోసమే కేంద్ర ప్రభుత్వం 'ప్రధాన్ మంత్రి విద్యా లక్ష్మి ఎడ్యుకేషన్ లోన్' పేరిట సూపర్ స్కీమ్ అమలుచేస్తోంది. ఈ పథకం గురించి పూర్తి వివరాలు ఇక్కడ తెలుసుకుందాం.

ప్రతిభ ఉండి, ఉన్నత చదువులు చదవాలనుకునే విద్యార్థులకు డబ్బు సమస్య అడ్డంకి కాకూడదు. అందుకే భారత ప్రభుత్వం 'ప్రధాన్ మంత్రి విద్యా లక్ష్మి ఎడ్యుకేషన్ లోన్' పథకాన్ని తీసుకొచ్చింది. దేశంలోని టాప్ విద్యాసంస్థల్లో చదివే విద్యార్థులు ఈజీగా ఈ లోన్‌ పొందవచ్చు… ఇందుకోసం ఎలాంటి ఆస్తి పత్రాల హామీ లేదా థర్డ్-పార్టీ గ్యారెంటీ అవసరం లేదు.

విద్యార్థుల ట్యూషన్ ఫీజు, హాస్టల్ ఫీజు, పుస్తకాలు, ల్యాప్‌టాప్ వంటి ఖర్చుల ఆధారంగా లోన్ మొత్తాన్ని నిర్ణయిస్తారు. రూ.7.5 లక్షల వరకు ఉన్న లోన్లకు భారత ప్రభుత్వమే గ్యారెంటీ ఇస్తుంది. మెరిట్ లేదా ఎంట్రన్స్ టెస్ట్ ద్వారా సీటు సంపాదించిన విద్యార్థులకు మాత్రమే ఈ లోన్ వర్తిస్తుంది. మేనేజ్‌మెంట్ కోటాలో చేరిన వారికి ఈ లోన్ ఇవ్వరు.

ఈ ఎడ్యుకేషన్ లోన్ దేశంలో గుర్తింపు పొందిన విద్యాసంస్థల్లో చేసే అండర్ గ్రాడ్యుయేట్, పోస్ట్ గ్రాడ్యుయేట్, డిప్లొమా కోర్సులకు వర్తిస్తుంది. విదేశీ విద్యాసంస్థల్లో లేదా భారత సంస్థల విదేశీ క్యాంపస్‌లలో చదువులకు ఈ స్కీమ్ వర్తించదు.

ఈ కేంద్ర ప్రభుత్వ పథకంలో విద్యార్థుల కుటుంబ ఆదాయం ఆధారంగా చదువుకునే సమయంలో వడ్డీ రాయితీ ఇస్తారు. కుటుంబ ఆదాయం రూ.4.5 లక్షల లోపు ఉంటే టెక్నికల్, ప్రొఫెషనల్ కోర్సులకు 100% వడ్డీ రాయితీ... ఇతర కోర్సులకు 3% వడ్డీ రాయితీ లభిస్తుంది.

కుటుంబ ఆదాయం రూ.4.5 లక్షల నుంచి రూ.8 లక్షల మధ్య ఉంటే… రూ.10 లక్షల వరకు ఉన్న లోన్లపై 3% వడ్డీ రాయితీ ఇస్తారు. ఈ సదుపాయం ప్రాధాన్య క్రమంలో ఏటా గరిష్ఠంగా లక్ష మంది విద్యార్థులకు అందిస్తారు. చదువుకునే సమయంలోనే వడ్డీని సరిగ్గా చెల్లిస్తే అదనంగా 1% వరకు వడ్డీ రాయితీ పొందే అవకాశం ఉంది. వడ్డీ రాయితీ మొత్తాన్ని నేరుగా 'పీఎం విద్యాలక్ష్మి డిజిటల్ రూపీ మొబైల్ యాప్' ద్వారా విద్యార్థుల లోన్ అకౌంట్‌లో జమ చేస్తారు.

పీఎం విద్యాలక్ష్మి స్కీమ్ కింద లోన్ పొందాలంటే దరఖాస్తుదారుడు భారత పౌరుడై ఉండాలి. కేంద్ర ప్రభుత్వం గుర్తించిన దేశంలోని 860 నాణ్యమైన ఉన్నత విద్యాసంస్థల్లో, టాప్ 100 ర్యాంకుల్లో ఉన్న సంస్థల్లో లేదా 101 నుంచి 200 ర్యాంకుల మధ్య ఉన్న ప్రభుత్వ కాలేజీల్లో అడ్మిషన్ పొంది ఉండాలి. కామన్ ఎంట్రన్స్ టెస్ట్ లేదా మార్కుల మెరిట్ ఆధారంగా అడ్మిషన్ పొంది ఉండాలి. మేనేజ్‌మెంట్ కోటా లేదా ఇతర మార్గాల్లో సీటు పొందిన వారు ఈ లోన్ పొందలేరు.

చదువు పూర్తయ్యాక ఒక సంవత్సరం వరకు లోన్ వాయిదాలు చెల్లించాల్సిన అవసరం లేదు. కోర్సు, గ్రేస్ పీరియడ్ ముగిశాక గరిష్ఠంగా 15 ఏళ్లలో (180 నెలల వాయిదాల్లో) లోన్ తిరిగి చెల్లించడానికి సమయం ఇస్తారు. లోన్‌ను ముందుగానే చెల్లించాలనుకుంటే ఎలాంటి జరిమానా ఉండదు. దరఖాస్తు చేసేటప్పుడు ఆధార్ కార్డ్, పాన్ కార్డ్, 10వ, 12వ తరగతి మార్కుల షీట్లు, కాలేజీ అడ్మిషన్ ప్రూఫ్, కాలేజీ ఫీజుల వివరాలు, ఎంట్రన్స్ టెస్ట్ రిజల్ట్స్, ఆదాయ ధృవీకరణ పత్రం, విద్యార్థి, తల్లిదండ్రుల పాస్‌పోర్ట్ సైజ్ ఫోటోలు తప్పనిసరి.

ఈ పథకం పూర్తిగా డిజిటల్ పద్ధతిలో ఉంటుంది. విద్యార్థులు బ్యాంకు బ్రాంచ్‌కు నేరుగా వెళ్లడానికి ముందు ఆన్‌లైన్‌లో అప్లై చేయాలి. కేంద్ర ప్రభుత్వ అధికారిక పీఎం విద్యాలక్ష్మి పోర్టల్‌కు వెళ్లి రిజిస్టర్ చేసుకోవాలి. అక్కడ ఉన్న 'కామన్ ఎడ్యుకేషన్ లోన్ అప్లికేషన్ ఫామ్' నింపాలి. అవసరమైన డాక్యుమెంట్లను అప్‌లోడ్ చేసి, బ్యాంకుల జాబితాలో మీకు నచ్చిన బ్యాంకును ఎంపిక చేసుకోవాలి. మీ అర్హతకు సరిపోయే లోన్ స్కీమ్‌ను ఎంచుకుని అప్లై చేయాలి. ఆన్‌లైన్ అప్లికేషన్ సబ్మిట్ చేశాక, సంబంధిత విద్యాసంస్థ లేదా మీ నివాసానికి దగ్గరలోని బ్రాంచ్ ద్వారా బ్యాంకు మీ లోన్‌ను వేగంగా పరిశీలించి ఆమోదం తెలుపుతుంది.

రూ.7.5 లక్షల కంటే ఎక్కువ లోన్ తీసుకునేవారు స్థిర లేదా చర ఆస్తులను హామీగా చూపించాలి. స్థిరాస్తులు అయితే భూమి లేదా భవనంపై హక్కును నిరూపించే పత్రాలు ఇవ్వాలి. వ్యవసాయేతర భూమి వినియోగ పత్రం, సేల్ డీడ్, రిజిస్టర్డ్ డెవలప్‌మెంట్ అగ్రిమెంట్, బిల్డింగ్ ప్లాన్ వంటివి అందించాలి. చరాస్తులు అయితే ఫిక్స్‌డ్ డిపాజిట్ సర్టిఫికెట్లు, ఎల్ఐసీ పాలసీలు, ప్రభుత్వ రంగ సంస్థల బాండ్లు, ఎస్‌బీఐ మ్యూచువల్ ఫండ్ యూనిట్లను హామీగా పెట్టవచ్చు. ఆర్థిక ఇబ్బందులతో ఉన్నత చదువులకు దూరమవుతున్న విద్యార్థులకు ఈ స్కీమ్ మంచి అవకాశాన్ని అందిస్తోంది.

Jobs : AI అస్సలు తాకలేదు.. వచ్చే 50 ఏళ్ల వరకు ఫుల్ సేఫ్‌గా ఉండే టాప్ ఉద్యోగాలు ఇవే

Mahesh Rajamoni — Thu, 28 May 2026 13:40:45 +0530

Top Jobs Safe From AI: ఆర్టిఫిషియల్ ఇంటెలిజెన్స్ (AI) ఎంత స్పీడ్‌గా దూసుకొచ్చినా కొన్ని ఉద్యోగాలను మాత్రం అస్సలు టచ్ చేయలేదు. నెక్స్ట్ 50 ఇయర్స్ వరకు 100% సేఫ్‌గా ఉండే ఆ జాబ్స్ ఏంటో ఇక్కడ తెలుసుకుందాం.

ప్రస్తుతం ఎక్కడ చూసినా ఒకటే టాపిక్.. అదే 'ఆర్టిఫిషియల్ ఇంటెలిజెన్స్' (AI). చాట్ జిపిటి, మిడ్‌జర్నీ, జెమిని లాంటి టూల్స్ చూస్తుంటే సాఫ్ట్‌వేర్ ఇంజనీర్ల నుంచి కంటెంట్ రైటర్ల వరకు అందరికీ లోపల లైట్‌గా వణుకు మొదలైంది. "అసలు రేపు పొద్దున మా ఉద్యోగం ఉంటుందా? ఊడుతుందా?" అన్నదే అందరి భయం.

అయితే, టెక్నాలజీ ఎంత నెక్స్ట్ లెవెల్‌కి వెళ్లినా.. కొన్ని ఉద్యోగాలను మాత్రం ఏఐ అస్సలు ఏమీ చేయలేదు. వచ్చే 50 ఏళ్ల వరకు కాదు కదా.. ఎప్పటికీ వీటికి ఢోకా లేదు. రెడ్డిట్ లాంటి సోషల్ మీడియా ప్లాట్‌ఫామ్స్‌లో నెటిజన్లు, టెక్ నిపుణులు జరిపిన హాట్ డిస్కషన్స్ ప్రకారం.. ఏఐ అస్సలు టచ్ చేయలేని ఆ ఎవర్ గ్రీన్ జాబ్స్ ఏంటో మీకు తెలుసా?

మనం చూస్తున్న ఏఐ విప్లవం అంతా డిజిటల్ స్క్రీన్ల వరకే పరిమితం. కానీ ప్రాక్టికల్‌గా, భౌతిక ప్రపంచంలోకి వస్తే ఏఐ చేతులెత్తేస్తుంది. ఉదాహరణకు ప్లంబింగ్, ఎలక్ట్రికల్ పనులు, వడ్రంగి, హెచ్‌వీఏసీ వంటి టెక్నికల్ రిపేర్ వర్క్స్ ఉన్నాయి. ఒక పాత ఇంట్లో గోడ వెనుక ఎక్కడో వైరింగ్ కాలిపోతే, దాన్ని కనిపెట్టి సరిచేయడం ఒక రోబో వల్ల అవుతుందా? క్లిష్టమైన కోణంలో పైప్ లీకేజీ అవుతుంటే దానికి అప్పటికప్పుడు ఐడియా వేసి రిపేర్ చేయాలి.

ప్రతి ఇల్లు, ప్రతి బిల్డింగ్ ఒకేలా ఉండవు. కాబట్టి అక్కడ వచ్చే డిఫరెంట్ ప్రాబ్లమ్స్‌కి ఒక అల్గోరిథం తక్షణ పరిష్కారం చూపలేదు. అందుకే ఇప్పుడు సాఫ్ట్‌వేర్ కోడింగ్ చేసే వాళ్ల కంటే, ఒక వెల్డర్ లేదా ప్లంబర్ కెరీరే లాంగ్ రన్‌లో ఫుల్ సేఫ్ అని టెక్ నిపుణులే చెప్తున్నారు.

వైద్య రంగంలో ఏఐ కేవలం ఒక సపోర్టింగ్ టూల్‌గా మాత్రమే పనికొస్తుంది. రోగాలను గుర్తించడానికో, లేదా డేటాను అనలైజ్ చేయడానికో ఏఐ వాడొచ్చు. కానీ నర్సింగ్, థెరపీ, మిడ్ వైఫరీ లాంటి విభాగాల్లో మనుషులు చేయాల్సిన పని చాలా ఉంటుంది. ఒక పేషెంట్‌కి అనారోగ్యం వచ్చినప్పుడు వారికి కావాల్సింది కేవలం మందులు మాత్రమే కాదు.. మానసిక సపోర్టు.

వారి కళ్లలోకి చూసి, బాధను పంచుకుంటూ, ఎంపతీ చూపించడం కేవలం మనుషులకు మాత్రమే సాధ్యం. యంత్రాలు ఎంత అడ్వాన్స్ అయినా మనోభావాలను అర్థం చేసుకోలేవు. అలాగే సర్జన్లు, డెంటిస్ట్‌లు కేవలం టెక్నాలజీ మీదే ఆధారపడరు. సర్జరీ టేబుల్‌పై పేషెంట్ కండిషన్‌ను బట్టి సెకన్ల వ్యవధిలో స్పాంటేనియస్‌గా నిర్ణయాలు తీసుకోవాల్సి ఉంటుంది. ఇంద్రియ ప్రతిస్పందన, మానవీయ కోణం అవసరమయ్యే ఈ జాబ్స్ ఎప్పటికీ సేఫ్.

న్యాయశాస్త్రం లాంటి లైసెన్స్ పొందిన వృత్తులకు ఏఐ వల్ల ఎలాంటి ప్రమాదం లేదు. చట్టపరమైన చిక్కులను విశ్లేషించడం, కోర్టులో జడ్జ్ ముందు వాదించడం వంటి పనుల్లో సామాజిక అవగాహన, నైతిక విలువలు ఎంతో ముఖ్యం. ఏఐ ప్రపంచంలోని చట్టాలన్నింటినీ డేటా రూపంలో క్రోడీకరించి ఇవ్వగలదేమో కానీ, సమాజ హితాన్ని, మానవ సంబంధాలను దృష్టిలో ఉంచుకుని కోర్టులో ఎమోషనల్‌గా, లాజికల్‌గా వాదించలేదు. ఒక మనిషి మైండ్ సెట్‌ను చదవడం లాయర్లకు ఉన్న ప్రత్యేక నైపుణ్యం. అందుకే లీగల్ ఫీల్డ్‌లో మనుషుల స్థానాన్ని రీప్లేస్ చేయడం ఇంపాజిబుల్.

వచ్చే యాభై ఏళ్లలో ఏ ఉద్యోగం 100 శాతం సురక్షితం కాదని కొందరు నెగెటివ్‌గా మాట్లాడినా.. అందులో వాస్తవం లేదు. శారీరక శ్రమతో కూడిన వృత్తులు, ఎంపతీ, ఎమోషనల్ ఇంటెలిజెన్స్ అవసరమయ్యే రంగాలకే భవిష్యత్తులో విపరీతమైన డిమాండ్ ఉంటుంది.

సాంకేతికత అనేది మన పనిని సులువు చేసే ఒక సాధనం మాత్రమే, కానీ అది మనల్ని పూర్తిగా రీప్లేస్ చేయలేదు. సో.. ఫ్యూచర్ గురించి టెన్షన్ పడకుండా, ఏఐ చేయలేని మానవీయ నైపుణ్యాలను పెంచుకుంటూ, నిరంతరం అప్‌గ్రేడ్ అవ్వడమే మన ముందున్న బెస్ట్ ఆప్షన్ అని కెరీర్ నిపుణులు చెబుతున్నారు.

Free IAS IPS Coaching : ఖర్చులకు నెలనెలా డబ్బులిచ్చిమరీ ఫ్రీగా సివిల్స్ కోచింగ్.. మీ కలెక్టర్ కలను నిజం చేసుకొండి

Arun Kumar P — Wed, 15 Jul 2026 12:12:19 +0530

మీరు ఐఎఎస్, ఐపిఎస్ సాధించాలని కల కంటున్నారా? అయితే మీకోసమే ఈ సమాచారం. రూపాయి ఖర్చు లేకపోగా స్టైఫండ్ రూపంలో డబ్బులు తీసుకుంటూ ఉచితంగా సివిల్స్ కోచింగ్ పొందే అద్భుత అవకాశం తెలుగు యువతకు వచ్చింది.

Free Civils Coaching : చాలామంది యువతీయువకులు ఉన్నతమైన కలలు కంటుంటారు... కానీ వాటిని సాకారం చేసుకునేందుకు అనేక అడ్డంకులు ఎదురవుతుంటాయి. కొందరికి ఆర్థిక కష్టాలు, మరికొందరికి ఇంకేదో కష్టం... వీటన్నింటిని దాటుకుంటేనే కల నిజమయ్యేది. చిన్నచిన్న కలలు నెరవేర్చుకునేందుకే ఇబ్బందులు తప్పవు... అలాంటిది దేశంలోనే అత్యున్నతస్థాయి కలెక్టర్, ఎస్పీ వంటి ఉద్యోగాలను సాధించాలంటే ఎన్ని ఇబ్బందులు ఉంటాయో ప్రత్యేకంగా చెప్పాల్సిన అవసరం లేదు.

యూనియన్ పబ్లిక్ సర్వీస్ కమీషన్ (UPSC) నిర్వహించే సివిల్ సర్విసెస్ ఎగ్జామ్ లో ర్యాంకు సాధించడం మామూలు విషయం కాదు. అయితే సామాన్య, నిరుపేద విద్యార్థులు సరైన కోచింగ్ లేక, ఆర్థిక ఇబ్బందులతో సివిల్స్ కలను సాకారం చేసుకోలేకపోతున్నారు. ఇలాంటివారికి తెలంగాణ ప్రభుత్వం అండగా నిలుస్తోంది... బిసి స్కడీ సర్కిల్స్ ద్వారా ఉచిత కోచింగ్ తో పాటు ఆర్థిక సాయం అందిస్తోంది.

తాజాగా యూపిఎస్సి సివిల్ సర్వీసెస్ ఎగ్జామినేషన్-2027 కోసం సన్నద్దమయ్యే యువతీయువకుల ఫ్రీ కోచింగ్ ఇచ్చేందుకు దరఖాస్తులను ఆహ్వానిస్తున్నారు. మీరు అర్హులయితే ఫ్రీగా కోచింగ్, ఆర్థిక సాయం, ఇతర సదుపాయాలు పొందవచ్చు... ఏ ఇబ్బందులు లేకుండా సివిల్స్ కు ప్రిపేర్ అయ్యి మీ కలెక్టర్, పోలీస్ కలను నిజం చేసుకోవచ్చు.

తెలంగాణ బిసి సంక్షేమ శాఖ ఆధ్వర్యంలోని బిసి స్డడీ సర్కిల్స్ లో ఉచిత సివిల్స్ కోచింగ్ క్లాసులు వచ్చే నెల (ఆగస్ట్ 2026) లో ప్రారంభం కానున్నాయి. ఈ కోచింగ్ కోసం అర్హులైన యువతీయువకుల నుండి దరఖాస్తులను ఆహ్వానిస్తున్నారు... పూర్తి వివరాలతో జూలై 15న నోటిఫికేషన్ విడుదలయ్యింది.

దరఖాస్తుల స్వీకరణ ప్రారంభం : 17-07-2026

దరఖాస్తు చేసుకునేందుకు చివరి తేదీ : 07-08-2026

తెలంగాణ స్టడీ సర్కిల్ అధికారిక వెబ్ సైట్ https://tgbcstudycircle.cgg.gov.in ద్వారా ఆన్ లైన్ లో దరఖాస్తు చేసుకోవచ్చు.

హాల్ టికెట్ల డౌన్‌లోడ్ : 13-08-2026 నుంచి ప్రారంభం

స్క్రీనింగ్ టెస్ట్ : 16-08-2026

ఫలితాలు : 19-08-2026

ధ్రువపత్రాల పరిశీలన : 21-08-2026 నుంచి

సివిల్స్ కోచింగ్ తరగతుల ప్రారంభం : 24-08-2026

తెలంగాణ తెలంగాణ బీసీ స్టడీ సర్కిల్ (TGBCESDTC) లో యూపీఎస్సీ సివిల్ సర్వీసెస్ (ప్రిలిమ్స్ కమ్ మెయిన్స్) –2027 ఉచిత శిక్షణ పొందాలనుకునే యువతీయువకులు హైదరాబాద్ లో ఉండాల్సి ఉంటుంది. ఎంపికైన అభ్యర్థులకు ఈ కోచింగ్ 2026 ఆగస్టు 24 నుంచి 2027 వరకు సాగుతుంది... సైదాబాద్ లోని స్టడీ సర్కిల్ కార్యాలయంలో క్లాసులు నిర్వహిస్తారు.

ఒక్కో బ్యాచ్ లో మొత్తం 150 మంది అభ్యర్థులకు సివిల్స్ శిక్షణ అందించనున్నారు. ఇందులో100 మందిని ఓపెన్ కేటగిరీ ద్వారా ఎంపికచేస్తారు... అంటే వీరికి స్క్రీనింగ్ టెస్ట్ ఉంటుంది. మిగతా 50 మందిని ప్రిలిమ్స్ అర్హత పొందిన అభ్యర్థుల నుంచి ఎంపిక చేస్తుంది తెలంగాణ బీసీ స్టడీ సర్కిల్.

ఎంపికైన అభ్యర్థులకు కల్పించే సౌకర్యాలు

ఉచిత సివిల్స్ కోచింగ్ కొనసాగినంతకాలం నెలకు రూ.5,000 స్టైపెండ్ (ప్రభుత్వ నిబంధనల మేరకు) ఇస్తారు.
ఒకేసారి రూ.5,000 పుస్తక భృతి (బుక్స్ కొనేందుకు)
గ్రంథాలయ సౌకర్యం
నిపుణుల ద్వారా ప్రత్యేక శిక్షణ
స్టడీ మెటీరియల్, మాక్ టెస్టులు, మార్గదర్శకత్వం

ప్రభుత్వ గుర్తింపు పొందిన విశ్వవిద్యాలయం నుంచి డిగ్రీ ఉత్తీర్ణత సాధించి ఉండాలి.

కుటుంబ వార్షిక ఆదాయం

గ్రామీణ ప్రాంతాల అభ్యర్ధులకు : రూ.1.50 లక్షలలోపు

పట్టణ ప్రాంతాల అభ్యర్ధులకు : రూ.2.00 లక్షలలోపు

తప్పకుండా తెలంగాణ నివాసి అయి ఉండాలి.

భారతీయ పౌరుడై ఉండాలి.

ఉద్యోగం చేస్తూ ఉండకూడదు.. అంటే నిరుద్యోగి అయివుండాలి.

ఇతర ప్రభుత్వ సంక్షేమ శాఖల ద్వారా ఇలాంటి ఉచిత కోచింగ్ పొంది ఉండకూడదు

యూపీఎస్సీ సివిల్ సర్వీసెస్–2027 నిబంధనల ప్రకారం వయోపరిమితి ఉండాలి.

ఆసక్తి గల అభ్యర్థులు తెలంగాణ బీసీ స్టడీ సర్కిల్ అధికారిక వెబ్‌సైట్ ద్వారా దరఖాస్తు చేసుకోవాలని డైరెక్టర్ డా. మామిడి హరికృష్ణ ఓ ప్రకటన విడుదల చేశారు. మరి మీరు సివిల్ సర్విసెస్ ఎగ్జామ్-2027 కోసం సన్నద్దం అవుతుండి, అన్ని అర్హతలు కలిగివుంటే బిసి స్టడీ సర్కిల్ లో ఫ్రీగా కోచింగ్ పొందవచ్చు.

ఈ ఉచిత సివిల్స్ కోచింగ్ కు సంబంధించి మరింత సమాచారం కోసం ''టిజి బిసి స్టడి సర్కిల్, రోడ్ నెంబర్ 8, లక్ష్మీనగర్ కాలనీ, సైదాబాద్, హైదరాబాద్-500059' కార్యాలయంలో సంప్రందించండి. లేదా ఫోన్ నెంబర్ 040-24071178 లేదా మొబైల్ ఫోన్ 7780359322 కు కాల్ చేయండి.

Earthquake Alert: వెనిజులా భూకంపాన్ని ముందే హెచ్చరించిన గూగుల్.. మీ స్మార్ట్‌ఫోనే ఒక డిటెక్టర్ అని మీకు తెలుసా?

Mahesh Rajamoni — Thu, 25 Jun 2026 14:27:18 +0530

Google Earthquake Alert: వెనిజులాలో భారీ భూకంపం సంభవించింది. పెద్ద సంఖ్యలో మరణాలు సంభవించాయి. అయితే, ఈ భూకంపం గురించి గూగుల్ తన ఆండ్రాయిడ్ అలర్ట్ సిస్టమ్ ద్వారా ప్రజలను ముందే హెచ్చరించింది. మీ స్మార్ట్‌ఫోనే ఒక భూకంప డిటెక్టర్ అని మీకు తెలుసా?

వెనిజులాలో ప్రకృతి బీభత్సం సృష్టించింది. గత వందేళ్ల కాలంలో ఎన్నడూ లేనంత భారీ భూకంపం అక్కడ సంభవించింది. ఒకదాని తర్వాత ఒకటిగా రెండు సార్లు భూమి తీవ్రంగా కంపించింది. పెద్ద సంఖ్యలో మరణాలు సంభవించాయి. ఈ ప్రకృతి విపత్తు వల్ల ఎన్నో భవనాలు కుప్పకూలాయి, భారీ ఎత్తున ఆస్తి నష్టం జరిగింది.

అయితే, ఈ పెను ప్రమాదం జరగడానికి కొద్ది క్షణాల ముందే చాలా మంది స్మార్ట్‌ఫోన్ యూజర్లకు గూగుల్ నుంచి ఒక అలర్ట్ మెసేజ్ వచ్చింది. భూకంపం రాబోతోంది జాగ్రత్త అంటూ గూగుల్ పంపిన నోటిఫికేషన్ చూసి జనం అప్రమత్తమయ్యారు. అసలు భూకంపం రాకను గూగుల్ ముందే ఎలా పసిగట్టింది? స్మార్ట్‌ఫోన్ ఎలా ఒక డిటెక్టర్‌లా మారింది? ఈ ఇంట్రెస్టింగ్ విషయాలు ఇప్పుడు తెలుసుకుందాం.

వెనిజులాలో తాజాగా సంభవించిన ఈ భూకంప తీవ్రత రిక్టర్ స్కేలుపై 7.1, 7.5గా నమోదైంది. గత శతాబ్ద కాలంలో వెనిజులాలో చోటుచేసుకున్న అత్యంత వినాశకరమైన, పవర్‌ఫుల్ భూకంపాలు ఇవేనని రిపోర్ట్స్ చెబుతున్నాయి. భూమి కంపించడానికి కొన్ని సెకన్ల ముందే తమకు గూగుల్ అలర్ట్ పంపిందని ఎక్స్ లో కొందరు యూజర్లు స్క్రీన్‌షాట్లను షేర్ చేశారు.

ఒక యూజర్ షేర్ చేసిన స్క్రీన్‌షాట్‌లో.. దాదాపు 341 కిలోమీటర్ల (212.3 మైళ్లు) దూరంలో 6.2 తీవ్రతతో భూకంపం వచ్చింది, జాగ్రత్త అంటూ గూగుల్ నోటిఫికేషన్ పంపినట్లు స్పష్టంగా కనిపిస్తోంది. గూగుల్‌కు ఈ విషయం ముందే ఎలా తెలిసింది అనేది ఇప్పుడు ప్రపంచవ్యాప్తంగా హాట్ టాపిక్‌గా మారింది.

మనం వాడుతున్న ప్రతి మోడ్రన్ స్మార్ట్‌ఫోన్‌లో యాక్సిలెరోమీటర్ అనే ఒక చిన్న సెన్సార్ ఉంటుంది. నార్మల్‌గా మనం ఫోన్ అడ్డంగా తిప్పినప్పుడు స్క్రీన్ ఆటోమేటిక్‌గా రొటేట్ అవ్వడానికి ఈ సెన్సార్ హెల్ప్ అవుతుంది. కానీ, దీనికి మరో పవర్‌ఫుల్ ఉపయోగం కూడా ఉంది. ఇది భూమిలో వచ్చే వైబ్రేషన్స్ చాలా ఈజీగా గుర్తిస్తుంది, వాటిని కొలుస్తుంది.

భూకంపం వచ్చేటప్పుడు భూమిలో ఎలాంటి వైబ్రేషన్స్ వస్తాయో ఈ యాక్సిలెరోమీటర్ సెన్సార్ వెంటనే పసిగడుతుంది. అలా గుర్తుపట్టిన వెంటనే, ఆ స్మార్ట్‌ఫోన్ గూగుల్‌కు చెందిన ఆండ్రాయిడ్ ఎర్త్‌క్వేక్ అలర్ట్స్ సిస్టమ్ సర్వర్‌కు ఒక సిగ్నల్ పంపుతుంది. ఆ సిగ్నల్‌తో పాటు ఆ లొకేషన్ వివరాలను కూడా షేర్ చేస్తుంది.

ఇలా ఒక ఏరియాలోని ఒక ఫోన్ నుండి సిగ్నల్ వెళ్లగానే గూగుల్ అలర్ట్ అవుతుంది. ఆ వెంటనే అదే ఏరియాలోని మిగతా ఆండ్రాయిడ్ ఫోన్ల నుండి వస్తున్న డేటాను కూడా గూగుల్ సర్వర్లు క్రాస్ చెక్ చేసుకుంటాయి. ఒకే ప్రాంతంలోని చాలా ఫోన్ల నుండి ఒకే రకమైన వైబ్రేషన్ సిగ్నల్స్ వస్తే.. అక్కడ కచ్చితంగా భూకంపం వస్తోందని గూగుల్ సర్వర్ కన్ఫర్మ్ చేసుకుంటుంది.

ప్రపంచవ్యాప్తంగా గూగుల్ నెట్‌వర్క్‌లో 2 వందల కోట్లకు పైగా ఆండ్రాయిడ్ ఫోన్లు ఉన్నాయి. ఇవన్నీ ఈ నెట్‌వర్క్‌లో పార్ట్ కాబట్టి, ఇది ప్రపంచంలోనే అత్యంత పెద్ద డిస్ట్రిబ్యూటెడ్ సిస్మోగ్రాఫ్ అంటే భూకంపాలను గుర్తించే వ్యవస్థగా మారిపోయింది.

భూకంపం మనకు తెలియక ముందే గూగుల్ ఎలా చెప్తుంది అనే డౌట్ మీకు రావచ్చు. భూకంపం అనేది ఒకేసారి పెద్ద షాక్‌లా రాదు, అది తరంగాల రూపంలో ప్రయాణిస్తుంది. భూకంపంలో మొదట వచ్చే ప్రైమరీ వేవ్స్ చాలా వేగంగా సెకనుకు 6 కిలోమీటర్ల స్పీడ్‌తో దూసుకొస్తాయి. కానీ ఇవి చాలా బలహీనంగా ఉంటాయి కాబట్టి మనకు వెంటనే తెలియవు.

వీటి వెనుక వచ్చే సెకండరీ వేవ్స్ సెకనుకు 3 నుండి 4 కిలోమీటర్ల వేగంతో వస్తాయి. వీటి వల్లే బిల్డింగ్‌లు కూలిపోవడం, నష్టం జరగడం లాంటివి జరుగుతాయి. ఫోన్‌లోని సెన్సార్ ఆ వేగవంతమైన ప్రైమరీ వేవ్స్‌ను ముందే పసిగట్టి లైట్ స్పీడ్‌తో గూగుల్ సర్వర్‌కు సమాచారం అందిస్తుంది. కాబట్టి విధ్వంసం సృష్టించే S-వేవ్స్ మనల్ని చేరేలోపే గూగుల్ మన ఫోన్‌కు అలర్ట్ పంపేస్తుంది.

గూగుల్ అందిస్తున్న ఈ సూపర్ సేఫ్టీ ఫీచర్ ఇండియాలో కూడా అందుబాటులో ఉంది. 2023 నుండి ఆండ్రాయిడ్ 5 అంతకంటే ఎక్కువ వెర్షన్ ఉన్న ఫోన్లలో ఈ సిస్టమ్ పనిచేస్తోంది. ఆండ్రాయిడ్‌లో భూకంప తీవ్రతను బట్టి రెండు రకాల అలర్ట్స్ వస్తాయి. ఒకటి బీ అవేర్ అలర్ట్, ఇది చిన్నపాటి కంపనాలు వచ్చినప్పుడు యూజర్లను అలర్ట్ చేస్తుంది.

రెండోది టేక్ యాక్షన్ అలర్ట్, ఇది మీడియం నుండి హెవీ భూకంపాలు వచ్చేటప్పుడు యూజర్లు ప్రాణాలు కాపాడుకోవడానికి, సురక్షిత ప్రాంతాలకు వెళ్లడానికి వార్నింగ్ ఇస్తుంది. ఈ అలర్ట్ పై క్లిక్ చేస్తే ఎలా సేఫ్‌గా ఉండాలో కూడా గూగుల్ చూపిస్తుంది. అయితే, ఈ అలర్ట్స్ రావాలంటే మీ ఫోన్‌లో వైఫై లేదా సెల్యులార్ డేటా ఆన్‌లో ఉండాలి. ఒకవేళ మీకు ఈ అలర్ట్స్ వద్దు అనుకుంటే ఫోన్ సెట్టింగ్స్‌లోకి వెళ్లి దీన్ని ఆఫ్ కూడా చేసుకోవచ్చు.

SBI Jobs: ఎస్‌బీఐ లో 7150 జాబ్స్.. సొంత జిల్లాలోనే పోస్టింగ్.. వెంటనే అప్లై చేయండి

Mahesh Rajamoni — Sun, 24 May 2026 10:29:52 +0530

SBI Recruitment 2026: డిగ్రీ అర్హతతో 7150 అప్రెంటిస్ పోస్టుల భర్తీకి స్టేట్ బ్యాంక్ ఆఫ్ ఇండియా నోటిఫికేషన్ విడుదల చేసింది. ఆంధ్రప్రదేశ్, తెలంగాణ అభ్యర్థులు జూన్ 8 లోగా అప్లై చేసుకోండి. సొంత జిల్లాలోనే పోస్టింగ్ ఉంటుంది. పూర్తి వివరాలు మీకోసం..

బ్యాంకింగ్ రంగంలో సెటిల్ అవ్వాలని కలలు కనే యువతకు స్టేట్ బ్యాంక్ ఆఫ్ ఇండియా (SBI) అదిరిపోయే గుడ్ న్యూస్ చెప్పింది. ఏకంగా 7,150 అప్రెంటిస్ పోస్టుల భర్తీకి అఫీషియల్ నోటిఫికేషన్ రిలీజ్ చేసింది. మీ దగ్గర ఏదైనా డిగ్రీ సర్టిఫికేట్ ఉంటే చాలు, దేశంలోనే అతిపెద్ద ప్రభుత్వ రంగ బ్యాంకులో కెరీర్ స్టార్ట్ చేసే గోల్డెన్ ఛాన్స్ ఇది.

మరీ ముఖ్యంగా మన తెలుగు రాష్ట్రాలైన ఆంధ్రప్రదేశ్, తెలంగాణ యువతకు ఇందులో భారీగా ఖాళీలు ఉన్నాయి. ఈ రిక్రూట్‌మెంట్‌కు సంబంధించిన ఆన్‌లైన్ రిజిస్ట్రేషన్ ప్రాసెస్ ఇప్పటికే 2026 మే 19న స్టార్ట్ అయింది. అర్హత, ఆసక్తి ఉన్న అభ్యర్థులు 2026 జూన్ 8వ తేదీ లోపు ఆన్‌లైన్‌లో అప్లై చేసుకోవాల్సి ఉంటుంది.

ఈ నోటిఫికేషన్ ద్వారా భర్తీ చేయబోయే మొత్తం 7,150 పోస్టుల్లో తెలుగు రాష్ట్రాలకు పెద్దభాగం దక్కింది. ఆంధ్రప్రదేశ్‌లో 709 ఖాళీలు, తెలంగాణలో 491 పోస్టులు ఉన్నాయి. మన లోకల్ జిల్లాల వారీగా ఖాళీల వివరాలు ఇలా ఉన్నాయి..

ఆంధ్రప్రదేశ్ జిల్లాలు:

ఎన్టీఆర్ జిల్లాలో అత్యధికంగా 97 పోస్టులు ఉన్నాయి. అలాగే కృష్ణా 61, ఏలూరు 53, పశ్చిమ గోదావరి 53, విశాఖపట్నం 45, అనకాపల్లి 35, ఎస్‌పీఎస్‌ఆర్ నెల్లూరు 32, తూర్పు గోదావరి 30, చిత్తూరు 30, వైఎస్ఆర్ కడప 27, తిరుపతి 26, గుంటూరు 20, విజయనగరం 20, కాకినాడ 19, అన్నమయ్య 19, శ్రీకాకుళం 18, పల్నాడు 17, కర్నూలు 16, ప్రకాశం 15, అనంతపురం 14, నంద్యాల 13, శ్రీ సత్య సాయి 12, కోనసీమ 11, పార్వతీపురం మన్యం 10, అల్లూరి సీతారామ రాజు 8, బాపట్ల లో 8 ఖాళీలు ఉన్నాయి.

తెలంగాణ జిల్లాలు:

నల్గొండ జిల్లాలో అత్యధికంగా 75 పోస్టులు ఉన్నాయి. ఆ తర్వాత ఖమ్మం 64, సూర్యాపేట 53, మహబూబ్‌నగర్ 50, నాగర్ కర్నూల్ 26, రంగారెడ్డి 22, వనపర్తి 21, నారాయణపేట 17, యాదాద్రి 16, నిజామాబాద్ 16, జోగులాంబ గద్వాల్ 15, మేడ్చల్ మల్కాజ్‌గిరి 12, హైదరాబాద్ 10, భద్రాద్రి కొత్తగూడెం 8, కరీంనగర్ 8, హనుమకొండ 6, వరంగల్ 6, సిద్దిపేట 6, మంచిర్యాల 6, నిర్మల్ 5, ఆదిలాబాద్ 5, కామారెడ్డి 5, సంగారెడ్డి 4, మెదక్ 4, జగిత్యాల 4, వికారాబాద్ 4, మహబూబాబాద్ 3, కొమరం భీమ్ ఆసిఫాబాద్ 2, జనగాం 2, రాజన్న సిరిсиల్ల 2, వరంగల్ అర్బన్ 2, జయశంకర్ భూపాలపల్లి 1, ములుగు 1, వరంగల్ రూరల్ లో 1 ఖాళీ ఉన్నాయి.

ఈ పోస్టులకు అప్లై చేయాలనుకునే అభ్యర్థులు ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్ నుంచి ఏదైనా డిగ్రీ పూర్తి చేసి ఉండాలి. వయస్సు విషయానికి వస్తే.. కనీసం 20 ఏళ్ల నుంచి గరిష్ఠంగా 28 ఏళ్ల మధ్య ఉండాలి. ఈవయోపరిమితి అనేది జనరల్, ఈడబ్ల్యూఎస్ కేటగిరీ అభ్యర్థులకు వర్తిస్తుంది. ప్రభుత్వ నిబంధనల ప్రకారం ఎస్సీ, ఎస్టీ, ఓబీసీ, పీడబ్ల్యుబీడీ అభ్యర్థులకు వయో సడలింపు ఉంటుంది.

ఇక సెలెక్ట్ అయిన వారికి ట్రైనింగ్ పీరియడ్ ఒక సంవత్సరం ఉంటుంది. ఈ శిక్షణ కాలంలో అప్రెంటిస్‌లకు ప్రతి నెల రూ.15,000 స్టైపెండ్ ఇస్తారు. ఒక ఏడాది పాటు మాత్రమే ఈ స్టైపెండ్ లభిస్తుంది. ఇది ప్యూర్ గా అప్రెంటిస్‌షిప్ ప్రోగ్రామ్ కాబట్టి, ఇతర అలవెన్సులు లేదా అదనపు ప్రయోజనాలు ఏవీ ఉండవు. కానీ బ్యాంకింగ్ రంగానికి సంబంధించిన బేసిక్స్ నేర్చుకోవడానికి ఇది సూపర్ అప్డేట్.

అభ్యర్థుల ఎంపిక పూర్తిగా మెరిట్ ఆధారంగా జరుగుతుంది. దీని కోసం రెండు స్టేజీల ప్రాసెస్ ఉంటుంది. మొదట ఆన్‌లైన్ రాత పరీక్ష నిర్వహిస్తారు. ఆ తర్వాత లోకల్ లాంగ్వేజ్ టెస్ట్ ఉంటుంది. ఆన్‌లైన్ ఎగ్జామ్ 2026 జూలై నెలలో జరిగే అవకాశం ఉంది.

ఈ పరీక్ష మొత్తం 100 మార్కులకు ఉంటుంది. ఇందులో 100 ఆబ్జెక్టివ్ టైప్ ప్రశ్నలు ఇస్తారు. ఎగ్జామ్ రాయడానికి కేవలం 60 నిమిషాల సమయం మాత్రమే ఇస్తారు. పరీక్షలో 4 విభాగాలు ఉంటాయి..

1. జనరల్ లేదా ఫైనాన్షియల్ అవేర్‌నెస్

2. జనరల్ ఇంగ్లీష్

3. క్వాంటిటేటివ్ ఆప్టిట్యూడ్

4. రీజనింగ్ అబిలిటీ & కంప్యూటర్ ఆప్టిట్యూడ్

ఈ రాత పరీక్ష పాసయ్యాక, తెలుగు రాష్ట్రాల అభ్యర్థులకు స్థానిక భాష అయిన తెలుగుపై ఉన్న పట్టును పరిశీలించడానికి లోకల్ లాంగ్వేజ్ టెస్ట్ పెడతారు. ఒకవేళ మీ టెన్త్ లేదా ఇంటర్ లో తెలుగు ఒక సబ్జెక్టుగా చదివి ఉంటే, ఈ లాంగ్వేజ్ టెస్ట్ నుండి మినహాయింపు లభించే ఛాన్స్ ఉంది.

ఎగ్జామ్ సెంటర్స్ ఎక్కడెక్కడ అంటే:

• ఆంధ్రప్రదేశ్‌లో: చిరాల, గుంటూరు, విజయవాడ, కడప, కాకినాడ, కర్నూలు, రాజమహేంద్రవరం, తిరుపతి, విశాఖపట్నం, విజయనగరం, అనంతపురం, నెల్లూరు, ఒంగోలు.

• తెలంగాణలో: హైదరాబాద్, కరీంనగర్, ఖమ్మం, వరంగల్.

ఈ పోస్టులకు అప్లై చేసే ముందు అభ్యర్థులు ఒక ముఖ్యమైన రూల్ ఫాలో అవ్వాలి. నేరుగా ఎస్‌బీఐ వెబ్‌సైట్‌లో అప్లై చేయడానికి కుదరదు. మొదట కేంద్ర ప్రభుత్వానికి చెందిన ఎన్‌ఏపీఎస్ (NAPS) పోర్టల్‌లో రిజిస్టర్ అవ్వాల్సి ఉంటుంది.

1.NAPS పోర్టల్‌లో రిజిస్ట్రేషన్:మొదటి స్టెప్.

ఎన్‌ఏపీఎస్ పోర్టల్ https://apprenticeshipindia.gov.in లో మీ వివరాలతో రిజిస్ట్రేషన్ పూర్తి చేసుకోండి.

2.ఎస్‌బీఐ కెరీర్స్ పోర్టల్ విజిట్:రెండో స్టెప్.

ఎన్‌ఏపీఎస్ రిజిస్ట్రేషన్ ఐడీ వచ్చిన తర్వాత, స్టేట్ బ్యాంక్ ఆఫ్ ఇండియా అఫీషియల్ కెరీర్స్ వెబ్‌సైట్ https://www.sbi.co.in/careers లేదా sbi.co.in సందర్శించండి.

3.లింక్ క్లిక్ చేయడం:మూడో స్టెప్.

హోంపేజీలో ఉన్న ‘Join SBI’ సెక్షన్‌లోకి వెళ్లి, అక్కడ కనిపించే ‘SBI Apprentice Recruitment 2026’ లింక్‌పై క్లిక్ చేయాలి.

4.దరఖాస్తు ఫారమ్ నింపడం:నాల్గో స్టెప్.

మీ పర్సనల్ డీటెయిల్స్, ఎడ్యుకేషన్ క్వాలిఫికేషన్స్, ఎన్‌ఏపీఎస్ రిజిస్ట్రేషన్ నంబర్ ఎంటర్ చేసి అప్లికేషన్ ఫారమ్ కంప్లీట్ చేయండి. మీ ఫోటో, సిగ్నేచర్ అప్‌లోడ్ చేయండి.

5.ఫీజు చెల్లింపు & సబ్మిట్:చివరి స్టెప్.

మీ కేటగిరీని బట్టి ఆన్‌లైన్ మోడ్‌లో అప్లికేషన్ ఫీజు చెల్లించండి. అన్ని వివరాలు సరిగ్గా ఉన్నాయో లేదో ఒకసారి క్రాస్ చెక్ చేసుకుని అప్లికేషన్ సబ్మిట్ చేయండి. ఫ్యూచర్ రిఫరెన్స్ కోసం అప్లికేషన్ రసీదును ప్రింట్ లేదా డౌన్‌లోడ్ చేసి పెట్టుకోండి.

అప్లికేషన్ ఫీజు వివరాలు: జనరల్, ఓబీసీ, ఈడబ్ల్యూఎస్ అభ్యర్థులు రూ. 300 అప్లికేషన్ ఫీజు చెల్లించాలి. ఎస్సీ, ఎస్టీ, పీడబ్ల్యుబీడీ అభ్యర్థులకు ఎలాంటి ఫీజు లేదు, వీరికి పూర్తి మినహాయింపు ఇచ్చారు.

విదేశాల్లో ఉద్యోగం, లగ్జరీ లైఫ్ కావాలా? అయితే ఈ దేశాలే బెస్ట్ ఆప్షన్స్

Arun Kumar P — Fri, 03 Jul 2026 20:16:20 +0530

2026లో విదేశాల్లో నివసించడానికి, పని చేయడానికి బెస్ట్ దేశాల లిస్ట్ ఇదే. అధిక జీతం, మెరుగైన జీవనశైలి, అద్భుతమైన కెరీర్ అవకాశాలు ఎక్కడ ఉన్నాయో తెలుసుకోండి.

SSC CGL 2026 : నిరుద్యోగులకు గడ్ న్యూస్.. 12,000 పైగా ప్రభుత్వ ఉద్యోగాలు .. జీతం చూస్తే మైండ్ బ్లాకే

Mahesh Rajamoni — Fri, 29 May 2026 11:31:07 +0530

SSC CGL 2026: కేంద్ర ప్రభుత్వ శాఖల్లో 12,256 గ్రూప్-బి, గ్రూప్-సి ఉద్యోగాల భర్తీకి SSC CGL 2026 నోటిఫికేషన్ విడుదలయింది. అర్హత, అప్లికేషన్ ప్రాసెస్ పూర్తి వివరాలు మీకోసం.

డిగ్రీ పూర్తి చేసి, లైఫ్‌లో సెటిల్ అవ్వడానికి ఒక మంచి గవర్నమెంట్ జాబ్ కోసం వెతుకుతున్నారా? అయితే మీకోసం ఒక అదిరిపోయే గుడ్ న్యూస్ వచ్చేసింది. కేంద్ర ప్రభుత్వంలో భారీ సంఖ్యలో ఉద్యోగాల భర్తీకి నోటిఫికేషన్ విడుదలైంది. స్టాఫ్ సెలక్షన్ కమిషన్ (SSC) ప్రతి ఏటా నిర్వహించే కంబైన్డ్ గ్రాడ్యుయేట్ లెవెల్ (CGL) 2026 ఎగ్జామ్ అధికారిక నోటిఫికేషన్‌ను రిలీజ్ చేసింది.

ఈ ఏడాది కేంద్ర ప్రభుత్వం నుంచి వస్తున్న బిగ్గెస్ట్ జాబ్ అలర్ట్స్‌లో ఇది ఒకటి. దీని ద్వారా దేశవ్యాప్తంగా వివిధ కేంద్ర ప్రభుత్వ మంత్రిత్వ శాఖలు, డిపార్ట్‌మెంట్లు, ఆఫీసుల్లో ఖాళీగా ఉన్న గ్రూప్-బి, గ్రూప్-సి పోస్టులను భర్తీ చేయనున్నారు.

ఈ రిక్రూట్‌మెంట్ డ్రైవ్ ద్వారా దేశవ్యాప్తంగా మొత్తం 12,256 ఖాళీలను భర్తీ చేయాలని కేంద్రం నిర్ణయించింది. అయితే, ప్రస్తుతం ప్రకటించిన ఈ ఖాళీలు తాత్కాలికమైనవని, భవిష్యత్తులో ఇవి ఇంకా పెరిగే ఛాన్స్ కూడా ఉందని ఎస్‌ఎస్‌సీ స్పష్టం చేసింది.

కేటగిరీల వారీగా, పోస్టుల వారీగా పూర్తి వివరాలను త్వరలోనే అఫీషియల్ వెబ్‌సైట్‌లో అప్‌డేట్ చేస్తారు. కేంద్ర ప్రభుత్వంలో అత్యంత ప్రతిష్ఠాత్మకమైన అసిస్టెంట్ సెక్షన్ ఆఫీసర్ (ASO), ఇన్‌స్పెక్టర్, ఆడిటర్, అకౌంటెంట్, జూనియర్ స్టాటిస్టికల్ ఆఫీసర్ వంటి క్రేజీ పోస్టులు ఈ నోటిఫికేషన్ ద్వారా భర్తీ కానున్నాయి.

ఆన్‌లైన్ అప్లికేషన్ ప్రాసెస్ ఆల్రెడీ మే 21, 2026 నుండి ప్రారంభమైంది. లాస్ట్ డేట్ వరకు వెయిట్ చేస్తే సర్వర్ డౌన్ అయ్యే రిస్క్ ఉంటుంది కాబట్టి, ఆసక్తి గల అభ్యర్థులు వీలైనంత త్వరగా అప్లై చేసుకోవడం బెస్ట్. ఆన్‌లైన్ దరఖాస్తుకు చివరి తేదీ జూన్ 22, 2026 రాత్రి 11 గంటల వరకు వుంటుంది. ఫీజు చెల్లింపునకు చివరి తేదీ జూన్ 23, 2026 రాత్రి 11 గంటల వరకు. అప్లికేషన్ కరెక్షన్ విండో జూన్ 29 నుండి జూలై 1, 2026 వరకు వుంటుంది. టైర్-I పరీక్ష (CBT) ఆగస్టు – సెప్టెంబర్ 2026 మధ్య, టైర్-II పరీక్ష (CBT) డిసెంబర్ 2026 వుంటుంది.

ఈ ఉద్యోగాలకు ఎంపిక అవ్వాలంటే రెండు దశల కంప్యూటర్ ఆధారిత పరీక్షలను క్లియర్ చేయాల్సి ఉంటుంది.

• టైర్-I పరీక్ష: ఇది మొదటి దశ. ఆగస్టు లేదా సెప్టెంబర్ 2026లో ఈ ఎగ్జామ్స్ జరుగుతాయి. ఇది క్వాలిఫైయింగ్ స్వభావాన్ని కలిగి ఉంటుంది.

• టైర్-II పరీక్ష: టైర్-I లో క్వాలిఫై అయిన అభ్యర్థులకు డిసెంబర్ 2026లో టైర్-II ఎగ్జామ్ నిర్వహిస్తారు. ఈ మార్కుల ఆధారంగానే ఫైనల్ సెలక్షన్ ఉంటుంది.

ఎస్‌ఎస్‌సీ పోర్టల్ ద్వారా కేవలం ఆన్‌లైన్ మోడ్‌లోనే దరఖాస్తు చేసుకోవాలి. అప్లికేషన్ ప్రాసెస్ సింపుల్‌గా ఇలా పూర్తి చేయండి:

1. మొదట స్టాఫ్ సెలక్షన్ కమిషన్ అధికారిక వెబ్‌సైట్‌ను విజిట్ చేయండి.

2. హోమ్‌పేజీలో కనిపించే 'SSC CGL 2026' అప్లికేషన్ లింక్‌పై క్లిక్ చేయాలి.

3. మీరు గతంలో ఎస్‌ఎస్‌సీ వెబ్‌సైట్‌లో రిజిస్టర్ చేసుకోకపోతే, మొదట ‘వన్-టైమ్ రిజిస్ట్రేషన్’ పూర్తి చేయాల్సి ఉంటుంది.

4. ఆ తర్వాత మీ పర్సనల్ డీటెయిల్స్, ఎడ్యుకేషన్ క్వాలిఫికేషన్ వివరాలను జాగ్రత్తగా ఎంటర్ చేయండి.

5. మీ లేటెస్ట్ ఫొటో, సిగ్నేచర్ స్కాన్ చేసిన కాపీలను అడిగిన సైజులో అప్‌లోడ్ చేయండి.

6. చివరగా ఆన్‌లైన్ నెట్ బ్యాంకింగ్, కార్డ్ లేదా యూపీఐ ద్వారా అప్లికేషన్ ఫీజు చెల్లించి, ఫారమ్ సబ్‌మిట్ చేయండి. ఫ్యూచర్ రిఫరెన్స్ కోసం ఒక ప్రింటౌట్ తీసి పెట్టుకోండి.

అప్లై చేసే ముందు ఇవి గమనించండి

ఏదైనా గుర్తింపు పొందిన యూనివర్సిటీ నుండి డిగ్రీ పాసైన అభ్యర్థులు ఈ ఉద్యోగాలకు అర్హులు. అయితే, దరఖాస్తు చేసుకునే ముందే మీ వయోపరిమితి, నిర్దిష్ట పోస్టులకు కావలసిన ప్రత్యేక విద్యార్హతలు, పరీక్ష నిబంధనలను నోటిఫికేషన్ పిడిఎఫ్ చూసి క్షుణ్ణంగా చదువుకోవాలని ఎస్‌ఎస్‌సీ సూచించింది. రూల్స్ కరెక్ట్‌గా ఫాలో అవ్వకపోతే అప్లికేషన్ రిజెక్ట్ అయ్యే ఛాన్స్ ఉంది.

Salary : ఈ నెల మీ జీతం తక్కువగా వస్తుంది..? ఎందుకో తెలుసా..?

Arun Kumar P — Fri, 01 May 2026 19:21:29 +0530

ఈ నెల నుంచి మీకు శాలరీ డబ్బులు తక్కువగా రావచ్చు. టేక్ హోమ్ శాలరీ తగ్గితే ఆందోళన చెందాల్సిన అవసరం లేదు… మీ శాలరీ ఏ మాత్రం తగ్గదు.. కటింగ్స్ పెరుగుతాయంతే. ఇలా ఎందుకో తెలుసా..?

ఉద్యోగాలు చేస్తూ నెలనెలా వచ్చే శాలరీ డబ్బులతో కుటుంబాన్ని పోషించుకునే వేతనజీవులు ఈ నెల శాలరీ చూసి కంగారుపడిపోకండి. శాలరీ తక్కువగా వచ్చిందని హెచ్ఆర్ ను సంప్రదించడమో.. ఉన్నత ఉద్యోగులకు ఫిర్యాదు చేయడమో చేయకండి. ఎందుకంటే కొత్త లేబర్ కోడ్ కారణంగా టేక్ హోమ్ శాలరీ కాస్త తగ్గవచ్చు.

కొత్త కార్మిక చట్టాల ప్రకారం ఉద్యోగుల బేసిక్ శాలరీ, పీఎఫ్, గ్రాట్యుటీ వంటి వాటిలో మార్పులు ఉంటాయి. మే 1 నుంచే ఈ కొత్త రూల్స్ అమల్లోకి వచ్చాయి. దీనివల్ల మీ నెలవారీ జీతంలో మార్పులు రావచ్చు.

కేంద్ర ప్రభుత్వం కార్మిక చట్టాల్లో చేసిన సవరణలతో ఉద్యోగుల శాలరీ స్ట్రక్చర్ పూర్తిగా మారిపోనుంది. ముఖ్యంగా బేసిక్ శాలరీలో పెద్ద మార్పు వస్తుంది. కొత్త రూల్స్ ప్రకారం ఉద్యోగి బేసిక్ శాలరీ (Basic salary) అతని మొత్తం జీతంలో (CTC) 50 శాతం ఉండాలి. చాలా కంపెనీలు బేసిక్ సాలరీ తక్కువగా ఇచ్చి, అలవెన్సులు ఎక్కువగా చూపిస్తుంటాయి. కానీ ఇక కొత్త రూల్స్ ప్రకారం ఇలా చేయడానికి వీల్లేదు.

ఉదాహరణకు మీ CTC రూ.50,000 అయితే కొత్త రూల్ప్ ప్రకారం బేసిక్ శాలరీ తప్పకుండా రూ.25,000 ఉండాలి. దీనివల్ల మీ పీఎఫ్, గ్రాట్యుటీ మొత్తం పెరుగుతుంది. ఇది ఉద్యోగి భవిష్యత్ అవసరాలకు ఆర్థికంగా భరోసా ఇస్తుంది.

కొత్త లేబర్ చట్టాల మార్పు వల్ల ఉద్యోగుల చేతికొచ్చే జీతం (టేక్ హోమ్ శాలరీ) తగ్గుతుంది. ఎందుకంటే జీతంలో పీఎఫ్ కటింగ్ ఎక్కువగా ఉంటుంది. నెలనెలా జీతం తగ్గినా, భవిష్యత్తులో ఇది మీకు ఆర్థిక భద్రతను అందిస్తుంది. ఒకేసారి పీఎఫ్ రూపంలో భారీ డబ్బులు పొందవచ్చు.

కొత్త లేబర్ కోడ్‌లో పని గంటలు, సెలవుల వంటి విషయాల్లో కూడా నియమాలను సులభతరం చేశారు. కంపెనీలు వారానికి 5 రోజుల పని, 2 రోజులు సెలవు లేదా 4 రోజుల పని, 3 రోజులు సెలవు ఇచ్చే ఆప్షన్ ఎంచుకోవచ్చు. అయితే వారంలో మొత్తం పని గంటలు 48 గంటలకు మించకూడదు.

ఈ కొత్త రూల్స్ వల్ల కంపెనీలు ఉద్యోగుల కోసం కేటాయించే CTC మొత్తాన్ని పెంచాల్సి రావచ్చు. ఉద్యోగి, కంపెనీ చెల్లించే పీఎఫ్ మొత్తం పెరుగుతుంది కాబట్టి ఇది కంపెనీలకు భారంగా మారొచ్చు. కానీ చాలా కంపెనీలు ఈ భారాన్ని కూడా మొత్తం CTCలో కలిపి సర్దుబాటు చేసే అవకాశం ఉంది.

ఇంజినీరింగ్‌లో సీటు రాలేదని బాధపడుతున్నారా..? భవిష్యత్తు మార్చే హైటెక్ కోర్స్ మీ కోసమే!

Arun Kumar P — Fri, 24 Jul 2026 14:39:04 +0530

ఇంజినీరింగ్‌లో సీటు రాలేదని బాధపడుతున్నారా? లేదా వచ్చినా.. నాలుగేళ్ల తర్వాత ఉద్యోగం ఉంటుందా అనే ఆందోళన వేధిస్తోందా? అయితే ఇక పాత ఆలోచనలకు గుడ్‌బై చెప్పాల్సిన సమయం వచ్చింది. రేపటి వ్యవసాయాన్ని డ్రోన్‌లు, ఆర్టిఫిషియల్ ఇంటెలిజెన్స్ (AI), రోబోటిక్స్ నడిపించబోతున్నాయి. ఈ విప్లవంలో భాగం కావాలనుకునే విద్యార్థుల కోసం దక్షిణ భారతదేశంలోనే తొలిసారిగా అందుబాటులోకి వచ్చిన B.Sc Agritech (Hons.) కోర్స్ ఇప్పుడు కెరీర్‌కు సరికొత్త దారులు తెరుస్తోంది. ముఖ్యంగా ఎంసెట్ ర్యాంక్‌తో సంబంధం లేకుండానే ఈ కోర్సులో చేరే అవకాశం ఉండటం విశేషం.

వ్యవసాయం కాదు... ఇది టెక్నాలజీతో నడిచే భవిష్యత్ పరిశ్రమ!

ఒకప్పుడు రైతు పొలంలో నాగలి పట్టేవాడు. ఇప్పుడు అదే రైతు చేతిలో డ్రోన్ రిమోట్ కనిపిస్తోంది. నేలలోని తేమను సెన్సార్లు కొలుస్తున్నాయి. AI పంటలకు వచ్చే వ్యాధులను ముందుగానే గుర్తిస్తోంది. ఎప్పుడు విత్తనం వేయాలి? ఎంత నీరు ఇవ్వాలి? ఏ మందు వేయాలి? అన్నీ టెక్నాలజీయే నిర్ణయించే రోజులు వచ్చేశాయి. అందుకే ప్రపంచవ్యాప్తంగా అగ్రి-టెక్ నిపుణులకు భారీ డిమాండ్ పెరుగుతోంది.

సౌత్ ఇండియాలోనే తొలి హైటెక్ అగ్రి కోర్స్

ఈ మారుతున్న అవసరాలను దృష్టిలో పెట్టుకుని సంప్రదాయ వ్యవసాయ విద్యకు అత్యాధునిక సాంకేతికతను జోడిస్తూ B.Sc Agriculture, B.Sc Agritech (Hons.) వంటి ప్రత్యేక కోర్సులు అందుబాటులోకి వచ్చాయి. ముఖ్యంగా B.Sc Agritech (Hons.) కోర్సు దక్షిణ భారతదేశంలోనే తొలిసారిగా అందుబాటులోకి రావడం విశేషం. భవిష్యత్ వ్యవసాయ రంగ అవసరాలను దృష్టిలో ఉంచుకుని రూపొందించిన ఈ కోర్సు విద్యార్థులకు అత్యాధునిక నైపుణ్యాలను అందిస్తోంది.

డ్రోన్‌లు... AI... రోబోటిక్స్... అన్నీ ఒకే కోర్సులో!

ఈ కోర్సులో వ్యవసాయ శాస్త్రంతో పాటు వెబ్ డెవలప్‌మెంట్, అగ్రికల్చర్ అప్లికేషన్ల రూపకల్పన, డ్రోన్ టెక్నాలజీ, రోబోటిక్స్, స్మార్ట్ ఫార్మింగ్, ప్రెసిషన్ ఫార్మింగ్ వంటి భవిష్యత్ టెక్నాలజీలను బోధిస్తారు. ప్రపంచానికి ఆదర్శంగా నిలిచిన ఇజ్రాయెల్ వ్యవసాయ విధానాలపై కూడా ప్రత్యేక శిక్షణ అందిస్తారు. దీంతో విద్యార్థులు రేపటి అగ్రి-టెక్ నిపుణులుగా ఎదిగే అవకాశం పొందుతారు.

క్యాంపస్‌లోనే డ్రోన్ ట్రైనింగ్... పరిశ్రమలకు అనుసంధానమైన శిక్షణ

ఈ కోర్సులో పరిశ్రమ అవసరాలకు అనుగుణంగా రూపొందించిన శిక్షణతో పాటు DGCA ఆమోదిత డ్రోన్ ట్రైనింగ్ కూడా క్యాంపస్‌లోనే అందిస్తున్నారు. ఇప్పటికే పలువురు విద్యార్థులు ఈ సర్టిఫికేషన్ పూర్తి చేసి ఉద్యోగ అవకాశాలను అందిపుచ్చుకుంటున్నారు. ప్రస్తుతం డ్రోన్ ఆపరేటర్లకు ప్రముఖ వ్యవసాయ సంస్థల్లో నెలకు రూ.45 వేల వరకు వేతనాలతో అవకాశాలు లభిస్తున్నాయి.

చదువుతో పాటు ప్రాక్టికల్ నాలెడ్జ్

వర్మీ కంపోస్టింగ్ సర్టిఫికేషన్, ఆధునిక వ్యవసాయ ల్యాబ్‌లు, పరిశ్రమల అనుసంధానంతో కూడిన ప్రాక్టికల్ ట్రైనింగ్, హైటెక్ ఇన్‌ఫ్రాస్ట్రక్చర్ వంటి సదుపాయాలు విద్యార్థులకు అందుబాటులో ఉన్నాయి. చదువుతున్నప్పుడే పరిశ్రమ అనుభవం పొందేలా ప్రత్యేక కార్యక్రమాలు నిర్వహిస్తారు. దీంతో విద్యార్థులు ఉద్యోగాలకు అవసరమైన ప్రాక్టికల్ స్కిల్స్‌ను ముందుగానే సంపాదించుకునే అవకాశం ఉంటుంది.

ఉద్యోగాల భవిష్యత్తు... అగ్రి-టెక్‌లోనే!

వ్యవసాయం ఇప్పుడు పొలం వరకే పరిమితం కాదు. అగ్రి-టెక్ కంపెనీలు, డ్రోన్ టెక్నాలజీ, ఫుడ్ ప్రాసెసింగ్, డిజిటల్ అగ్రికల్చర్, ప్రెసిషన్ ఫార్మింగ్, అగ్రి స్టార్టప్‌లలో వేలాది ఉద్యోగ అవకాశాలు అందుబాటులోకి వస్తున్నాయి. రేపటి వ్యవసాయాన్ని నడిపేది టెక్నాలజీయే. ఆ భవిష్యత్తులో మీ పిల్లలు కూడా భాగం కావాలంటే ఇప్పటి నుంచే సరైన కోర్సును ఎంచుకోవడం ఎంతో ముఖ్యం.

ఇంజినీరింగ్‌లో సీటు రాలేదని ఆందోళన చెందాల్సిన అవసరం లేదు. ఎంసెట్ ర్యాంక్‌తో సంబంధం లేకుండానే మీ పిల్లల ఆసక్తి, భవిష్యత్ ఉద్యోగ అవకాశాలకు అనుగుణంగా ఏ కోర్సు ఉత్తమమో తెలుసుకోవాలనుకుంటే College Mentor నిపుణులను సంప్రదించండి. విద్యార్థులు, తల్లిదండ్రులకు పూర్తి స్థాయి కెరీర్ గైడెన్స్, కోర్సుల ఎంపిక, అడ్మిషన్ ప్రక్రియపై సమగ్ర సమాచారం అందిస్తున్నారు.

మరిన్ని వివరాల కోసం వెంటనే 92814 16210 నంబర్‌ను సంప్రదించండి. సరైన మార్గదర్శకంతో మీ పిల్లల భవిష్యత్తుకు ఈరోజే బలమైన పునాది వేయండి.

Blinkit: బ్లింకిట్‌లో ఎలా చేరాలి.? ఎవ‌రు అర్హులు.? నెల‌కు ఎంత సంపాదించొచ్చు.? పూర్తి వివ‌రాలు

Narender Vaitla — Tue, 16 Jun 2026 14:44:57 +0530

Blinkit: భారత్‌లో వేగంగా ఎదుగుతున్న క్విక్ కామర్స్ కంపెనీల్లో బ్లింకిట్‌ ఒకటి. దేశవ్యాప్తంగా వేలాది మంది ఇందులో డెలివరీ పార్ట్‌నర్లుగా పనిచేస్తున్నారు. మీరు కూడా బ్లింకిట్ డ్రైవ‌ర్ పాట్న‌ర్‌గా చేరాల‌నుకుంటే, కావాల్సిన అర్హ‌త‌లు ఏంటో ఇప్పుడు చూద్దాం.

బ్లింకిట్‌ డెలివరీ పార్ట్‌నర్‌గా పనిచేయడంలో ప్రధాన ప్రయోజనం పని సమయాల్లో ఉండే స్వేచ్ఛ. సాధారణ ఉద్యోగాల మాదిరిగా ఉదయం నుంచి సాయంత్రం వరకు ఒకే షిఫ్ట్‌లో పనిచేయాల్సిన అవసరం ఉండదు. మీకు అనుకూలమైన సమయాల్లో పార్ట్‌టైమ్ లేదా ఫుల్‌టైమ్‌గా పనిచేయవచ్చు. విద్యార్థులు, ఉద్యోగులు లేదా అదనపు ఆదాయం కోరుకునే వారు కూడా ఈ అవకాశాన్ని ఉపయోగించుకోవచ్చు.

అలాగే Blinkit ప్రతి నెల జీతం ఇచ్చే విధానానికి బదులుగా వారానికోసారి చెల్లింపులు చేస్తుంది. దీంతో సంపాదించిన డబ్బు త్వరగా చేతికి అందుతుంది. ప్రమాదాలు లేదా ఆరోగ్య సమస్యలు ఎదురైనప్పుడు రక్షణగా ఉండేందుకు ప్రమాద భీమా, వైద్య భీమా వంటి సదుపాయాలను కూడా కంపెనీ అందిస్తోంది. ఎక్కువ డెలివరీలు పూర్తి చేసిన వారికి, ముఖ్యంగా రద్దీ సమయాల్లో పనిచేసిన వారికి అదనపు ఇన్సెంటివ్స్ కూడా లభిస్తాయి.

బ్లింకిట్‌ డెలివరీ పార్ట్‌నర్‌గా చేరేందుకు కొన్ని ప్రాథమిక అర్హతలు తప్పనిసరిగా ఉండాలి. అభ్యర్థి కనీసం 18 సంవత్సరాల వయస్సు కలిగి ఉండాలి. డెలివరీల కోసం సొంతంగా ద్విచక్ర వాహనం ఉండటం అవసరం. అలాగే ఇంటర్నెట్ కనెక్షన్ ఉన్న స్మార్ట్‌ఫోన్ తప్పనిసరి. ఎందుకంటే అన్ని ఆర్డర్లు, డెలివరీ వివరాలు యాప్ ద్వారానే నిర్వ‌హిస్తారు. అదనంగా, చెల్లింపులు స్వీకరించేందుకు యాక్టివ్ బ్యాంక్ అకౌంట్ ఉండాలి. డెలివరీ రంగంలో ముందస్తు అనుభవం లేకపోయినా ఎలాంటి సమస్య లేదు. కొత్తగా చేరిన వారికి Blinkit శిక్షణ అందిస్తుంది కాబట్టి ఫ్రెషర్స్ కూడా ఈ ఉద్యోగానికి దరఖాస్తు చేసుకోవచ్చు.

Blinkit డెలివరీ పార్ట్‌నర్ రిజిస్ట్రేషన్ సమయంలో కొన్ని ముఖ్యమైన పత్రాలు సమర్పించాలి. వీటిలో చెల్లుబాటు అయ్యే డ్రైవింగ్ లైసెన్స్, వాహనం రిజిస్ట్రేషన్ సర్టిఫికేట్ (RC), ఇన్సూరెన్స్‌, PAN కార్డు, ఆధార్ కార్డు ముఖ్యమైనవి. అలాగే బ్యాంక్ ఖాతా వివరాలు కూడా ఇవ్వాలి. ఈ పత్రాల ఆధారంగానే కంపెనీ మీ వివరాలను ధృవీకరిస్తుంది. అందువల్ల అన్ని డాక్యుమెంట్లు ముందుగానే సిద్ధంగా ఉంచుకోవడం మంచిది.

రిజిస్ట్రేషన్ ప్రక్రియ పూర్తిగా Blinkit Delivery Partner App ద్వారా జరుగుతుంది. ముందుగా Google Play Store లేదా Apple App Store నుంచి యాప్‌ను డౌన్‌లోడ్ చేసి ఇన్‌స్టాల్ చేసుకోవాలి. ఆ తర్వాత యాప్‌ను ఓపెన్ చేసి లొకేషన్, నోటిఫికేషన్ అనుమతులు ఇవ్వాలి. త‌ర్వాత మీకు అనుకూలమైన భాషను ఎంచుకుని మొబైల్ నంబర్ నమోదు చేయాలి. ఆ నంబర్‌కు వచ్చిన OTPను నమోదు చేసి ధృవీకరణ పూర్తి చేయాలి.

తర్వాత మీరు ఉపయోగించబోయే వాహనం రకం, పని చేయాలనుకునే నగరం, పార్ట్‌టైమ్ లేదా ఫుల్‌టైమ్ ఉద్యోగం వంటి వివరాలను నమోదు చేయాలి. అనంతరం డెలివరీలు చేయాలనుకునే స్టోర్‌ను ఎంపిక చేసుకోవాలి. ఈ వివరాలన్నీ సమర్పించిన తర్వాత ఆధార్, PAN, బ్యాంక్ ఖాతా వివరాలను నమోదు చేసి ధృవీకరణ ప్రక్రియను పూర్తి చేయాలి.

రిజిస్ట్రేషన్ చివరి దశలో ఆధార్ OTP వెరిఫికేషన్, PAN కార్డు ధృవీకరణ, బ్యాంక్ ఖాతా నిర్ధారణ వంటి ప్రక్రియలు పూర్తవుతాయి. ఆ తర్వాత అభ్యర్థి స్పష్టమైన సెల్ఫీని అప్‌లోడ్ చేయాలి. కంపెనీ నిర్ణయించిన ప్రాసెసింగ్ ఫీజును చెల్లించి నిబంధనలు, షరతులను అంగీకరించాలి.

అనంతరం వాహనం వివరాలు, నామినీ వివరాలు నమోదు చేసి శిక్షణ కార్యక్రమంలో పాల్గొనాలి. ఈ శిక్షణలో డెలివరీ విధానం, యాప్ వినియోగం, చెల్లింపులు, ఇన్సెంటివ్స్ వంటి అంశాలపై అవగాహన కల్పిస్తారు. సాధారణంగా 3 నుంచి 6 గంటల్లో వెరిఫికేషన్ ప్రక్రియ పూర్తవుతుంది. ఆ తర్వాత ప్రభుత్వ గుర్తింపు కార్డుతో స్టోర్ మేనేజర్ వద్ద ఆఫ్‌లైన్ వెరిఫికేషన్ చేయించుకున్న వెంటనే డెలివరీ పార్ట్‌నర్‌గా పనిచేయడం ప్రారంభించవచ్చు.

Blinkit డెలివరీ పార్ట్‌నర్ ఆదాయం వారు పనిచేసే సమయం, డెలివరీ చేసిన ఆర్డర్ల సంఖ్య, డెలివరీ దూరం వంటి అంశాలపై ఆధారపడి ఉంటుంది. ప్రతి ఆర్డర్‌కు చెల్లింపు లభించడంతో పాటు రద్దీ సమయాల్లో పనిచేసిన వారికి ప్రత్యేక ఇన్సెంటివ్స్ కూడా అందుతాయి. కంపెనీ వారానికోసారి చెల్లింపులు చేస్తుంది. అందువల్ల నిరంతరం పని చేసే వారికి మంచి ఆదాయం పొందే అవకాశం ఉంటుంది. సాధార‌ణంగా ఒక డెలివ‌రీ పాట్న‌ర్ రోజులో క‌నీసం రూ. 500 సంపాదించొచ్చు.

Telangana Police Recruitment: కొలువుల జాతర.. 7437 పోలీసు ఉద్యోగాలకు గ్రీన్ సిగ్నల్.. పూర్తి వివరాలు ఇవే

Mahesh Rajamoni — Sun, 05 Jul 2026 12:47:41 +0530

Telangana Police Recruitment: నిరుద్యోగులకు సీఎం రేవంత్ రెడ్డి సర్కారు గుడ్ న్యూస్ చెప్పింది. తెలంగాణలో పోలీస్, ఫైర్, జైళ్లు, ఎస్పీఎఫ్ శాఖల్లో 7,437 పోస్టుల భర్తీకి సర్కార్ గ్రీన్ సిగ్నల్ ఇచ్చింది. పూర్తి వివరాలు ఇలా ఉన్నాయి.

తెలంగాణలో గవర్నమెంట్ జాబ్స్ కోసం ఈగర్‌గా వెయిట్ చేస్తున్న నిరుద్యోగులకు రాష్ట్ర ప్రభుత్వం మైండ్ బ్లోయింగ్ న్యూస్ చెప్పింది. ఎప్పుడెప్పుడా అని ఎదురుచూస్తున్న పోలీస్ ఉద్యోగాల భర్తీకి సర్కార్ క్లియరెన్స్ ఇచ్చేసింది. మొత్తం 7,437 పోస్టులను డైరెక్ట్ రిక్రూట్‌మెంట్ ద్వారా భర్తీ చేసేందుకు గ్రీన్ సిగ్నల్ ఇచ్చింది. ఈ మేరకు తెలంగాణ రాష్ట్ర స్థాయి పోలీస్ రిక్రూట్‌మెంట్ బోర్డ్ (TSLPRB) ఆదివారం ఒక అఫీషియల్ ప్రెస్ నోట్ రిలీజ్ చేసింది.

మూడు రోజుల క్రితమే 5,000 పోస్టులకు ఫైనాన్స్ డిపార్ట్‌మెంట్ ఓకే చెప్పగా, ఇప్పుడు అదనంగా మరో 2,437 పోస్టులను యాడ్ చేస్తూ మొత్తం ఖాళీల సంఖ్యను 7,437కు పెంచింది. ఖాకీ యూనిఫామ్ వేసుకోవడమే లైఫ్ అంబిషన్ అనుకునే వారికి ఇది నిజంగానే గోల్డెన్ ఛాన్స్ అని చెప్పాలి.

ఈ మెగా రిక్రూట్‌మెంట్‌లో కేవలం పోలీస్ శాఖ మాత్రమే కాకుండా ఫైర్, జైళ్లు, స్పెషల్ ప్రొటెక్షన్ ఫోర్స్ (SPF) లాంటి నాలుగు డిఫరెంట్ డిపార్ట్‌మెంట్లలో ఖాళీలను భర్తీ చేయనున్నారు. ఏ విభాగానికి ఎన్ని పోస్టులు అనే వివరాలు గమనిస్తే..

• పోలీస్ శాఖ (జీవో నంబర్ 78): అత్యధికంగా 5,000 పోస్టులు.

• స్పెషల్ ప్రొటెక్షన్ ఫోర్స్ - SPF (జీవో నంబర్ 84): సెక్యూరిటీ విభాగంలో 1,424 పోస్టులు.

• ఫైర్ డిపార్ట్‌మెంట్ (జీవో నంబర్ 80): డిజాస్టర్ మేనేజ్‌మెంట్ & అగ్నిమాపక శాఖలో 790 పోస్టులు.

• జైళ్ల శాఖ (జీవో నంబర్ 83): ప్రిజన్స్ డిపార్ట్‌మెంట్‌లో 223 ఖాళీలు ఉన్నాయి.

అభ్యర్థులు కన్ఫ్యూజ్ అవ్వకుండా ఏయే విభాగంలో ఏయే పోస్టులు ఉన్నాయో బోర్డు క్లియర్‌గా అనౌన్స్ చేసింది. పోలీస్ డిపార్ట్‌మెంట్‌లో సివిల్ కానిస్టేబుల్స్ అత్యధికంగా 3,697 పోస్టులు ఉండగా, ఆర్మ్‌డ్ రిజర్వ్ (AR) కానిస్టేబుల్స్ 1,052 ఉన్నాయి. అలాగే మోస్ట్ పవర్‌ఫుల్ సివిల్ సబ్ ఇన్‌స్పెక్టర్ (SI) పోస్టులు 148 ఉన్నాయి. వీటికి తోడు అసిస్టెంట్ సబ్ ఇన్‌స్పెక్టర్ (FPB) 23, రిజర్వ్ సబ్ ఇన్‌స్పెక్టర్ (AR) 14, రిజర్వ్ సబ్ ఇన్‌స్పెక్టర్ (TGSP) 12 ఖాళీలు ఉన్నాయి. డ్రైవర్ (PTO) 20, మెకానిక్ (PTO) 7, కానిస్టేబుల్ (SARCPL) 24, రిజర్వ్ సబ్ ఇన్‌స్పెక్టర్ (SARCPL) 3 పోస్టులు కూడా ఈ లిస్టులో ఉన్నాయి.

ఇక మిగిలిన శాఖల విషయానికి వస్తే, స్పెషల్ ప్రొటెక్షన్ ఫోర్స్ (SPF) లో కానిస్టేబుల్స్ 1,380, సబ్ ఇన్‌స్పెక్టర్స్ 44 ఉన్నాయి. ఫైర్ డిపార్ట్‌మెంట్‌లో ఫైర్ ఫైటర్స్ 751, స్టేషన్ ఫైర్ ఆఫీసర్స్ 39 పోస్టులు భర్తీ కానున్నాయి. అటు జైళ్ల శాఖలో డిప్యూటీ జైలర్ (మెన్) 14, డిప్యూటీ జైలర్ (వుమెన్) 1, వార్డర్ (మెన్) 196, వార్డర్ (వుమెన్) 12 పోస్టులను రిక్రూట్ చేయనున్నారు.

ప్రస్తుతానికి డ్రాఫ్ట్ నోటిఫికేషన్ అయితే రెడీగా ఉందని పోలీస్ రిక్రూట్‌మెంట్ బోర్డు స్పష్టం చేసింది. అయితే అఫీషియల్ నోటిఫికేషన్స్ ఎప్పుడు వస్తాయి అనే దానిపై బోర్డు చైర్మన్ వి.వి. శ్రీనివాసరావు క్లారిటీ ఇచ్చారు. హోం శాఖ ప్రిన్సిపల్ సెక్రటరీతో పాటు ఆయా డిపార్ట్‌మెంట్ల హెడ్స్ నుంచి లోకల్ కేడర్ల వారీగా పోస్టుల డివిజన్, రోస్టర్ పాయింట్స్, క్వాలిఫికేషన్స్, ఏజ్ లిమిట్ లాంటి టెక్నికల్ డిటెయిల్స్ బోర్డుకు అందాల్సి ఉందన్నారు. ఈ ప్రాసెస్ కంప్లీట్ అవ్వగానే, కేవలం మరికొద్ది రోజుల్లోనే పూర్తి వివరాలతో అఫీషియల్ నోటిఫికేషన్లను వెబ్‌సైట్‌లో లైవ్ పెడతామని తెలిపారు.

చాలా కాలంగా పోలీస్ నోటిఫికేషన్ కోసం వెయిట్ చేస్తున్న అభ్యర్థులకు ఇది ఒక అల్టిమేట్ ఆపర్చునిటీ. నోటిఫికేషన్ వచ్చాక చూసుకుందాం అనుకుంటే టైమ్ అస్సలు సరిపోదు. అందుకే అభ్యర్థులు ఇప్పటి నుంచే పక్కా ప్లానింగ్‌తో ప్రిపరేషన్ స్పీడప్ చేయాలని నిపుణులు సూచిస్తున్నారు. అటు రిటన్ ఎగ్జామ్ కోసం సిలబస్, కరెంట్ అఫైర్స్‌పై గ్రిప్ తెచ్చుకుంటూనే.. ఇటు ఫిజికల్ ఈవెంట్స్ కోసం రన్నింగ్, లాంగ్ జంప్ లాంటి శారీరక దారుఢ్య పరీక్షల సాధనను కూడా డైలీ ట్రాక్‌లోకి తెచ్చుకోవడం చాలా ఇంపార్టెంట్. కాబట్టి లేట్ చేయకుండా మీ ప్రిపరేషన్ వార్‌ను ఇప్పుడే స్టార్ట్ చేయాలని నిపుణులు చెబుతున్నారు.

ఊహ‌కంద‌ని విధ్వంసం.. ఏఐ కార‌ణంతో 2035 నాటికి ఎంత‌మంది ఉద్యోగాలు కోల్పోనున్నారో తెలుసా.?

Narender Vaitla — Thu, 21 May 2026 16:21:00 +0530

Layoffs: కృత్రిమ మేథ‌స్సు (AI) ప్రపంచవ్యాప్తంగా వేగంగా విస్తరిస్తోంది. దీంతో వేలాది ఉద్యోగాలు పోతున్నాయి. తాజాగా యూకేకు చెందిన నేషనల్ ఫౌండేషన్ ఫర్ ఎడ్యుకేషనల్ రీసెర్చ్ (NFER) విడుదల చేసిన రిపోర్ట్‌లో కొన్ని విస్తుపోయే నిజాలు వెలుగులోకి వ‌చ్చాయి.

సాంకేతిక పరిజ్ఞానం అభివృద్ధి చెందుతున్న కొద్దీ అనేక పనులను యంత్రాలు, సాఫ్ట్‌వేర్‌లు వేగంగానే కాకుండా.. తక్కువ ఖర్చుతో చేయగలుగుతున్నాయి. ముఖ్యంగా ప‌దే ప‌దే చేసే పనులు, డేటా ఆధారిత కార్యకలాపాలు, సాధారణ కార్యాలయ విధులను AI సులభంగా నిర్వహించగలుగుతోంది. దీంతో కంపెనీలు ఉద్యోగుల కంటే ఆటోమేషన్‌పై ఎక్కువగా ఆధారపడే అవకాశం ఉందని నిపుణులు చెబుతున్నారు.

NFER రిపోర్ట్ ప్రకారం ఫ్యాక్టరీ కార్మికులు, యంత్రాల ఆపరేటర్లు, పరిపాలనా సహాయకులు (అడ్మినిస్ట్రేటివ్ అసిస్టెంట్లు), గిడ్డంగి ఉద్యోగులు, క్యాషియర్లు వంటి ఉద్యోగాలు ఎక్కువ ప్రమాదంలో ఉన్నాయి. రాబోయే సంవత్సరాల్లో ఈ పనులను ఆటోమేటెడ్ యంత్రాలు, రోబోట్లు, AI ఆధారిత సాఫ్ట్‌వేర్‌లు నిర్వహించే అవకాశం ఉంది. అదేవిధంగా ప్లంబింగ్, ఎలక్ట్రికల్ పనులు, రూఫింగ్ వంటి కొన్ని సాంకేతిక రంగాల్లో కూడా రోబోటిక్స్ వినియోగం పెరగవచ్చని రిపోర్ట్ పేర్కొంది.

అన్ని ఉద్యోగాలను AI భర్తీ చేయలేదని ఈ రిపోర్ట్‌ స్పష్టం చేసింది. సృజనాత్మకత, భావోద్వేగ అవగాహన, మానవ సంబంధాలు, క్లిష్టమైన నిర్ణయాలు తీసుకునే సామర్థ్యం అవసరమైన రంగాల్లో ఉద్యోగ అవకాశాలు కొనసాగుతాయి. ముఖ్యంగా న్యాయవాదులు, మేనేజ్‌మెంట్ నిపుణులు, ఉపాధ్యాయులు, మానసిక వైద్యులు, కౌన్సిలర్లు వంటి వృత్తులకు డిమాండ్ పెరిగే అవకాశం ఉంది. అయితే ఈ రంగాల్లో కూడా AI సహకారంతో పని చేసే విధానం మారవచ్చని నిపుణులు అభిప్రాయపడుతున్నారు.

బ్రిటన్ మాత్రమే కాదు, అమెరికాలో కూడా AI ఉద్యోగాలపై ప్రభావం చూపుతోంది. తాజాగా విడుదలైన MIT రిపోర్ట్ ప్రకారం అమెరికాలోని సుమారు 12 శాతం ఉద్యోగాలను AI భర్తీ చేసే అవకాశం ఉంది. ముఖ్యంగా ఫైనాన్స్, ఆరోగ్య సేవలు, ప్రొఫెషనల్ సర్వీసెస్ వంటి రంగాలు ఎక్కువగా ప్రభావితమయ్యే అవకాశం ఉందని రిపోర్ట్ వెల్లడించింది. ఈ రంగాల్లో డేటా విశ్లేషణ, రిపోర్టింగ్, సాధారణ నిర్ణయ ప్రక్రియలను AI వేగంగా నిర్వహించగలదని పేర్కొంది.

AI ప్రభావం పెరుగుతున్న నేపథ్యంలో ఉద్యోగులు కొత్త నైపుణ్యాలను నేర్చుకోవడం అత్యంత అవసరం. డిజిటల్ స్కిల్స్, డేటా అనలిటిక్స్, AI వినియోగం, కమ్యూనికేషన్ నైపుణ్యాలు, సమస్య పరిష్కార సామర్థ్యం వంటి అంశాలపై దృష్టి పెట్టాల్సిన అవసరం ఉంది. మారుతున్న సాంకేతిక ప్రపంచానికి అనుగుణంగా తమ నైపుణ్యాలను మెరుగుపరుచుకునే వారు భవిష్యత్తులో కూడా ఉద్యోగ అవకాశాలను సులభంగా పొందగలరని నిపుణులు సూచిస్తున్నారు. AI కొన్ని ఉద్యోగాలను తగ్గించినప్పటికీ, కొత్త రకాల ఉద్యోగాలకు కూడా మార్గం సుగమం చేసే అవకాశముందని విశ్లేషకులు చెబుతున్నారు.

Indian IT jobs Australia vs Switzerland: మనోళ్లకు జాబ్స్, లైఫ్ సెటిల్‌మెంట్ కోసం ఏ దేశం బెస్ట్?

Mahesh Rajamoni — Tue, 04 Aug 2026 14:23:30 +0530

Indian IT jobs Australia vs Switzerland: ఆస్ట్రేలియా, స్విట్జర్లాండ్‌లకు వెళ్తున్న భారతీయుల సంఖ్య క్రమంగా పెరుగుతోంది. ఈ రెండు దేశాల్లో ఐటీ ఉద్యోగాలు, జీతాలు, పీఆర్ మార్గాలు, ఖర్చులు ఎలా ఉన్నాయి? భారతీయులకు ఏ దేశం బెస్ట్? అనే వివరాలు తెలుసుకుందాం.

ఇటీవల విడుదలైన ‘గ్లోబల్ లివబిలిటీ ఇండెక్స్ 2026’ జాబితా ప్రపంచవ్యాప్తంగా పెద్ద చర్చకు దారితీసింది. ప్రపంచంలోనే నివసించడానికి అత్యంత అనుకూలమైన టాప్ 7 నగరాల జాబితాలో ఆస్ట్రేలియా నుంచి మెల్‌బోర్న్ (3వ స్థానం), సిడ్నీ (4వ స్థానం) చోటు సాధించాయి. అలాగే స్విట్జర్లాండ్ నుంచి జూరిచ్ (5వ స్థానం), జెనీవా (6వ స్థానం) నిలిచాయి.

దీంతో మన భారతీయ ఐటీ ఉద్యోగులు, ఉన్నత చదువుల కోసం వెళ్లే విద్యార్థులు, ఎన్ఆర్‌ఐలలో ఒకటే ఆసక్తికరమైన ప్రశ్న మొదలైంది. కెరీర్‌లో గ్రోత్ సాధించడానికి, మంచి జీవనశైలిని అనుభవించడానికి ఈ రెండింటిలో ఏ దేశం బెస్ట్? జీతాలు, వీసా రూల్స్, నెలకు అయ్యే ఖర్చులు, భాష వంటి ప్రతీ అంశాన్ని ఇక్కడ వివరంగా తెలుసుకుందాం.

స్విట్జర్లాండ్ అనగానే అందరికీ గుర్తొచ్చేది మైండ్ బ్లాక్ అయ్యే భారీ జీతాలు. ఐటీ, బ్యాంకింగ్, ఫార్మా, రీసెర్చ్ రంగాల్లో ఉండే టాలెంటెడ్ ప్రొఫెషనల్స్‌కి ఇక్కడ లభించే పే-ప్యాకేజీలు చాలా ఎక్కువగా ఉంటాయి. కానీ ఇక్కడో చిన్న చిక్కు ఉంది. స్విట్జర్లాండ్‌లో స్థానిక ఐరోపా సమాఖ్య పౌరులకే మొదటి ప్రాధాన్యం ఇస్తారు. నాన్-ఈయూ పౌరులైన భారతీయులకు కంపెనీ వర్క్ వీసా లేదా స్పాన్సర్‌షిప్ ఇవ్వడం అనేది కాస్త కష్టమైన పని.

మరోవైపు ఆస్ట్రేలియా పరిస్థితి వేరు. ఇక్కడ ఐటీ, సాఫ్ట్‌వేర్, డేటా సైన్స్, హెల్త్‌కేర్, ఇంజినీరింగ్ రంగాల్లో ఉద్యోగ అవకాశాలు చాలా ఎక్కువగా ఉన్నాయి. భారతీయులకు స్కిల్డ్ మైగ్రేషన్ ప్రక్రియ ద్వారా సులభంగా ఉద్యోగాలు సాధించి అక్కడే స్థిరపడే వెసులుబాటు స్పష్టంగా లభిస్తుంది.

జీతం పరంగా చూస్తే స్విట్జర్లాండ్ టాప్. కానీ జాబ్ గ్యారెంటీ, ఈజీ స్పాన్సర్‌షిప్ కావాలంటే మాత్రం ఆస్ట్రేలియానే ముందుంటుంది.

స్విట్జర్లాండ్‌లో జీతాలు ఎంత భారీగా ఉంటాయో, అక్కడ రోజువారీ ఖర్చులు కూడా అంతే రేంజ్‌లో ఉంటాయి. ఇళ్ల అద్దెలు, హెల్త్ ఇన్సూరెన్స్, నిత్యావసరాల ధరలు చాలా ఎక్కువ. అయితే ఇక్కడ ఇన్కమ్ టాక్స్ రేట్లు తక్కువగా ఉండటం వల్ల ప్రతీ నెలా మంచి మొత్తాన్ని పొదుపు చేసుకునే ఛాన్స్ ఉంటుంది.

ఇక ఆస్ట్రేలియా విషయానికి వస్తే.. స్విట్జర్లాండ్‌తో పోలిస్తే ఇక్కడ జీవన వ్యయం సుమారు 25% నుంచి 30% వరకు తక్కువగా ఉంటుంది. గ్రోసరీస్, రెస్టారెంట్లు, ట్రాన్స్‌పోర్ట్ ఖర్చులు నార్మల్‌గానే అందుబాటులో ఉంటాయి. కాకపోతే ఇక్కడ పన్నుల శాతం (కాస్త ఎక్కువగా ఉంటుంది.

ప్రతీ నెలా తక్కువ ఖర్చుతో ప్రశాంతంగా బతకాలంటే ఆస్ట్రేలియా బెటర్. భారీగా డబ్బు పొదుపు చేయడమే మీ టార్గెట్ అయితే స్విట్జర్లాండ్ అనుకూలం.

భారతీయ విద్యార్థులకు ఎప్పటి నుంచో ఆస్ట్రేలియా హాట్ ఫేవరెట్ ఆప్షన్. చదువు పూర్తయిన వెంటనే విద్యార్థులకు పోస్ట్-స్టడీ వర్క్ వీసా సులభంగా లభిస్తుంది. అంతేకాకుండా ఇక్కడ పాయింట్ల ఆధారిత పీఆర్ సిస్టమ్ ఉండటం వల్ల చదువుకున్న దేశంలోనే పీఆర్ సాధించి స్థిరపడటం చాలా ఈజీ.

స్విట్జర్లాండ్‌లో అత్యున్నత ప్రమాణాలు కలిగిన వరల్డ్ క్లాస్ విశ్వవిద్యాలయాలు ఉన్నాయి. కానీ అక్కడ గ్రాడ్యుయేషన్ పూర్తి చేసిన నాన్-ఈయూ విద్యార్థులకు జాబ్ పర్మిట్ లేదా పీఆర్ రావడం చాలా కష్టమైన ప్రాసెస్.

విదేశాల్లో చదువుకుని, అక్కడే పీఆర్ తెచ్చుకుని స్థిరపడాలి అనుకునే ఇండియన్ స్టూడెంట్స్‌కి ఆస్ట్రేలియానే బెస్ట్ ఛాయిస్.

ఆస్ట్రేలియాలో ఇంగ్లీష్ ప్రధాన భాష కావడం వల్ల భారతీయులకు ఎలాంటి కమ్యూనికేషన్ ఇబ్బందులు ఎదురవువు. పైగా అక్కడ ఇప్పటికే చాలా పెద్ద సంఖ్యలో భారతీయ కమ్యూనిటీ ఉంది. ఇండియన్ రెస్టారెంట్లు, సాంస్కృతిక సంఘాలు, మన పండుగ వాతావరణం ప్రతీచోటా కనిపిస్తుంది.

స్విట్జర్లాండ్‌లో మాత్రం జర్మన్, ఫ్రెంచ్, ఇటాలియన్ భాషలు మాట్లాడతారు. ఆఫీసుల్లో ఇంగ్లీష్ నడిచినా, బయట నిత్య జీవితంలో అక్కడ ఉండే స్థానిక భాషలు రాకపోతే చాలా ఇబ్బందులు పడాల్సి వస్తుంది.

లాంగ్వేజ్ ప్రాబ్లమ్స్ లేకుండా, మన సంస్కృతికి దగ్గరగా ఉంటూ త్వరగా కలసిపోవడానికి ఆస్ట్రేలియానే చాలా అనుకూలం.

స్విట్జర్లాండ్‌లోని జూరిచ్, జెనీవా నగరాలు అద్భుతమైన ఆల్ప్స్ పర్వత అందాలు, ప్యూర్ ఎయిర్, అత్యంత తక్కువ నేరాల రేటు, డిసిప్లిన్ ఉన్న సమాజానికి ప్రసిద్ధి చెందాయి. రిచ్ అండ్ లగ్జరీ లైఫ్ అనుభవించాలనుకునే వారికి ఇది డ్రీమ్ లొకేషన్.

ఇక ఆస్ట్రేలియాలోని మెల్‌బోర్న్, సిడ్నీ నగరాలు బ్యూటిఫుల్ బీచ్‌లు, ఆహ్లాదకరమైన వాతావరణం, నైట్ లైఫ్, స్పోర్ట్స్ కల్చర్, మల్టీ-కల్చరల్ లైఫ్‌స్టైల్‌కు కేరాఫ్ అడ్రస్‌గా నిలుస్తాయి.

Jobs: ఉద్యోగ నియామ‌కాల్లో కొత్త ట్రెండ్‌.. అలా రూపొందించిన రెజ్యూమ్‌ల‌కే కంపెనీలు అధిక ప్రాధాన్యం

Narender Vaitla — Fri, 22 May 2026 22:18:20 +0530

Jobs: ఉద్యోగాల నియామక ప్రక్రియలో AI వినియోగం వేగంగా పెరుగుతోంది. తాజాగా వెలుగులోకి వచ్చిన ఓ పరిశోధన ఆసక్తికర విషయాన్ని వెల్లడించింది. AI ఆధారిత నియామక వ్యవస్థలు, మ‌నుషుల కంటే ఏఐ రూపొందించిన రెజ్యూమ్‌ల‌ను ఎంపిక చేస్తున్న‌ట్లు తేలింది.

ఈ అధ్యయనంలో మొత్తం 2,245 మంది అభ్యర్థులు స్వయంగా తయారు చేసిన రెజ్యూమ్‌లను పరిశీలించారు. ఆ తరువాత అదే రెజ్యూమ్‌లకు AI సాయంతో పలు కొత్త వెర్షన్‌లు రూపొందించారు. అనంతరం ఈ రెజ్యూమ్‌లన్నింటినీ 24 రకాల ఉద్యోగాలకు సంబంధించిన ఎంపిక ప్రక్రియలో పరీక్షించారు. ఈ పరీక్షల ద్వారా AI ఆధారిత అభ్యర్థుల ఎంపిక వ్యవస్థలు (Applicant Tracking Systems - ATS) రెజ్యూమ్‌లను ఎలా అంచనా వేస్తున్నాయో పరిశోధకులు విశ్లేషించారు.

పరిశోధనలో AI వ్యవస్థలు కొన్ని ప్రత్యేకమైన పదాలు, ప్రొఫెషనల్ భాష, సరైన ఫార్మాటింగ్, కీవర్డ్స్‌ను ఎక్కువగా గుర్తిస్తున్నట్లు తేలింది. AIతో తయారైన రెజ్యూమ్‌లలో ఇవి సమర్థంగా ఉండటంతో వాటికి ఎక్కువ ప్రాధాన్యం లభించింది. అభ్యర్థి నైపుణ్యాల కంటే, రెజ్యూమ్ ఎలా రాశారనే అంశం కూడా ఎంపికలో కీలకంగా మారుతున్నట్లు పరిశోధన సూచించింది. దీంతో AI సిస్టమ్‌లు కొన్ని రెజ్యూమ్‌లను మరింత అనుకూలంగా పరిగణిస్తున్నాయి.

పరిశోధన ఫలితాల ప్రకారం, AI ఆధారిత ATS వ్యవస్థలు AIతో రూపొందించిన రెజ్యూమ్‌లను మ‌నుషులు రాసిన రెజ్యూమ్‌ల కంటే సుమారు 23 శాతం నుంచి 60 శాతం వరకు ఎక్కువగా ఎంపిక చేశాయి. ఈ వ్యత్యాసం చిన్నది కాదని నిపుణులు చెబుతున్నారు. ఒకే అర్హతలు ఉన్న ఇద్దరు అభ్యర్థులలో, AI సహాయంతో రెజ్యూమ్ రూపొందించిన వ్యక్తికి ఎక్కువ అవకాశాలు లభించే పరిస్థితి ఏర్పడవచ్చని విశ్లేషకులు పేర్కొంటున్నారు.

ఈ ప్రభావం ముఖ్యంగా అకౌంటింగ్, సేల్స్, ఫైనాన్స్ వంటి రంగాల్లో ఎక్కువగా కనిపించింది. ఈ ఉద్యోగాల్లో రెజ్యూమ్‌లో ఉపయోగించే భాష, వృత్తిపరమైన పదజాలం, సమాచార ప్రదర్శన విధానం కీలక పాత్ర పోషిస్తాయి. AI సాధారణంగా పరిశ్రమకు సంబంధించిన కీలక పదాలను సరైన స్థానాల్లో ఉపయోగించగలదు. అందువల్ల ATS సిస్టమ్‌లు వాటిని సులభంగా గుర్తించి మంచి స్కోర్ ఇవ్వగలుగుతున్నాయి. ఫలితంగా AI సహాయంతో తయారైన రెజ్యూమ్‌లు ముందంజలో నిలుస్తున్నాయి.

నిపుణుల అభిప్రాయం ప్రకారం, ఈ పరిస్థితి నియామక ప్రక్రియలో కొత్త రకం పక్షపాతానికి (Bias) దారితీయవచ్చు. నిజంగా ప్రతిభ ఉన్న అభ్యర్థులు కేవలం రెజ్యూమ్ శైలి కారణంగా అవకాశాలు కోల్పోయే ప్రమాదం ఉంది. పరిశోధకులు మరో ముఖ్యమైన హెచ్చరిక కూడా చేశారు. ఈ సమస్యను ఇప్పుడే నియంత్రించకపోతే భవిష్యత్తులో ఉద్యోగాలే కాకుండా విద్య, స్కాలర్‌షిప్‌లు, వృత్తిపరమైన ఎంపికలు వంటి అనేక రంగాల్లో AI వ్యవస్థల ప్రభావం అసమతుల్యంగా మారే అవకాశం ఉందని పేర్కొన్నారు.

High Paying Jobs in US: అమెరికాలో భారతీయులకు సిక్స్ ఫిగర్ జీతాలిచ్చే టాప్ హైపేయింగ్ ఉద్యోగాలు ఇవే

Mahesh Rajamoni — Wed, 29 Jul 2026 12:13:55 +0530

US High paying jobs for Indians: అమెరికాలో భారతీయులకు లక్ష డాలర్లకు పైగా జీతం అందించే టాప్ ఉద్యోగాలు చాలానే ఉన్నాయి. అయితే, ఈ జాబ్స్ కోసం కావాల్సిన నైపుణ్యాలు, వీసా మార్గాలు వివరాలు, ఆ జాబ్స్ ఏంటో ఇక్కడ తెలుసుకుందాం.

అమెరికా అనగానే ప్రతీ భారతీయుడికి గుర్తొచ్చేది మంచి కెరీర్ ఆప్షన్స్, భారీ జీతాలు, ప్రపంచ స్థాయి పని అనుభవం. ప్రస్తుతం అమెరికాలో టెక్నాలజీ, హెల్త్‌కేర్, ఇంజనీరింగ్, ఫైనాన్స్, ఆర్టిఫిషియల్ ఇంటెలిజెన్స్ రంగాల్లో స్కిల్డ్ వర్కర్లకు భారీగా డిమాండ్ ఉంది. వార్షిక జీతం $100,000 కంటే ఎక్కువ అందించే ఉద్యోగాలు అక్కడ చాలానే ఉన్నాయి. భారతీయ నిపుణులకు అమెరికాలో అత్యధిక జీతాలు అందించే టాప్ కెరీర్లు, అవసరమైన స్కిల్స్, కెరీర్ గ్రోత్ మార్గాల గురించి పూర్తి వివరాలు గమనిస్తే..

అమెరికాలోని ప్రముఖ సంస్థల్లో లభించే అత్యధిక జీతాల వివరాలు ఇలా ఉన్నాయి..

సాఫ్ట్‌వేర్ ఇంజనీర్: గూగుల్, మైక్రోసాఫ్ట్, అమెజాన్, యాపిల్, మెటా వంటి బడా కంపెనీలు సాఫ్ట్‌వేర్, క్లౌడ్ కంప్యూటింగ్, సైబర్ సెక్యూరిటీ నిపుణులను నిరంతరం నియమించుకుంటాయి.

సగటు జీతం: ఏడాదికి రూ. 1.00 కోటి నుండి రూ. 1.50 కోట్లు.

కావాల్సిన స్కిల్స్: Java, Python, AI, Cloud Computing, DevOps.

ఆర్టిఫిషియల్ ఇంటెలిజెన్స్ , మెషిన్ లెర్నింగ్ ఇంజనీర్: ఏఐ విప్లవం వల్ల మెషిన్ లెర్నింగ్, జనరేటివ్ ఏఐ, డేటా సైన్స్ నిపుణులకు భారీ డిమాండ్ ఏర్పడింది.

సగటు జీతం: ఏడాదికి రూ. 1.17 కోట్లు నుండి రూ. 1.83 కోట్లు.

కావాల్సిన స్కిల్స్: Python, TensorFlow, Deep Learning, NLP, Data Science.

డేటా సైంటిస్ట్: డేటా ఆధారిత నిర్ణయాల కోసం కంపెనీలు వీరిపైనే ఆధారపడుతున్నాయి. అమెరికాలో వేగంగా పెరుగుతున్న కెరీర్లలో ఇది ఒకటి.

సగటు జీతం: ఏడాదికి రూ. 1.08 కోట్లు నుండి రూ. 1.58 కోట్లు.

కావాల్సిన స్కిల్స్: SQL, Python, Statistics, Machine Learning, Visualisation Tools.

ఫిజీషియన్, సర్జన్: హెల్త్‌కేర్ రంగంలో వీరికి అత్యధిక జీతాలు అందుతాయి. లైసెన్స్, రెసిడెన్సీ అవసరమైనప్పటికీ, ఆర్థికంగా అత్యుత్తమ రాబడి ఉంటుంది.

సగటు జీతం: ఏడాదికి రూ. 1.83 కోట్లు నుండి రూ. 3.34 కోట్లకు పైగా ఉంటుంది.

క్లౌడ్ సొల్యూషన్స్ ఆర్కిటెక్ట్: కంపెనీలు క్లౌడ్‌కి మారుతుండటంతో వీరి విలువ పెరిగింది.

సగటు జీతం: ఏడాదికి . 1.25 కోట్లు నుండి రూ. 1.75 కోట్లు.

కావాల్సిన స్కిల్స్: AWS, Microsoft Azure, Google Cloud Platform, Security.

సైబర్ సెక్యూరిటీ ఇంజనీర్: పెరుగుతున్న సైబర్ బెదిరింపుల కారణంగా కంపెనీలు ఈ విభాగంలో భారీగా పెట్టుబడులు పెడుతున్నాయి.

సగటు జీతం: ఏడాదికి . 1.08 కోట్లు నుండి రూ. 1.67 కోట్లకు పైగా.

కావాల్సిన స్కిల్స్: Network Security, Ethical Hacking, Risk Management.

ఫైనాన్షియల్ మేనేజర్: కార్పొరేట్ ఫైనాన్స్, ఇన్వెస్ట్‌మెంట్ ప్లానింగ్‌లో నైపుణ్యం ఉన్నవారికి మంచి అవకాశాలున్నాయి.

సగటు జీతం: ఏడాదికి రూ. 1.17 కోట్లు నుండి రూ. 1.75 కోట్ల వరకు.

అర్హతలు: MBA, CPA, CFA.

స్టెమ్ అంటే సైన్స్, టెక్నాలజీ, ఇంజనీరింగ్, మ్యాథమెటిక్స్ రంగాలు, ఇతర ప్రధాన విభాగాల్లో భారతీయులకు మంచి పేరుంది. విదేశీ ప్రతిభను ప్రోత్సహించడానికి అక్కడి కంపెనీలు వీసా ప్రోగ్రామ్‌ల ద్వారా రిక్రూట్ చేసుకుంటాయి.

శాలరీ అడ్వాంటేజ్: అమెరికా డాలర్లలో సంపాదిస్తూ ఇండియాలో కుటుంబం లేదా పెట్టుబడులు ఉంటే ఆర్థికంగా త్వరగా ఎదుగొచ్చు. పన్నులు, ఖర్చులు పోగా ఏడాదికి 20,000 నుండి 50,000 డాలర్లు పొదుపు చేయడం సులువే.

నైపుణ్యానికే ప్రాధాన్యం: జాతీయత కంటే క్లౌడ్, ఏఐ ఎంఎల్, సైబర్ సెక్యూరిటీ, ఫిన్‌టెక్ వంటి స్పెషలైజ్డ్ నైపుణ్యాలకే అమెరికా కంపెనీలు ప్రాధాన్యం ఇస్తాయి.

కెరీర్ బ్రాండింగ్: ఎఫ్ఏఏఎన్జీ లేదా ఫార్చ్యూన్ 500 కంపెనీలలో పనిచేసిన అనుభవం భవిష్యత్తులో ఇండియాకు తిరిగొచ్చినా లేదా సొంత బిజినెస్ పెట్టినా ఎంతో ఉపయోగపడుతుంది. బీటెక్, ఎంసీఏ, ఎంబీఏ ఉండి 3 నుండి 8 ఏళ్ల అనుభవం ఉన్నవారికి టెక్, అనలిటిక్స్ రోల్స్ చాలా వేగంగా వీసా మార్గాన్ని సుగమం చేస్తాయి.

అమెరికా చేరుకోవడానికి ప్రధానంగా మూడు మార్గాలు ఉన్నాయి..

1. స్టూడెంట్ టు వర్క్ మార్గం: యూఎస్‌లో స్టెమ్ మాస్టర్స్ పూర్తి చేసి, 2-3 ఏళ్ల ఓపీటీ వర్క్ రైట్స్, హెచ్ 1బీ స్పాన్సర్‌షిప్ పొందడం.

2. డైరెక్ట్ H-1B లేదా L-1 వీసా: ఇండియాలోని టీసీఎస్, ఇన్ఫోసిస్, TCS, Infosys, యాక్సెంచర్ లేదా ఇతర ప్రొడక్ట్ కంపెనీలలో చేరి, ఆపై ఇంట్రా కంపెనీ లేదా హెచ్1బీ ట్రాన్స్‌ఫర్ ద్వారా అమెరికా వెళ్లడం.

3. ఎక్సెప్షనల్ ప్రొఫైల్స్: సీనియర్ నిపుణులు, పరిశోధకులు లేదా వ్యాపారవేత్తలు ఏ1 లేదా ఈబీ1 కేటగిరీల కింద అర్హత సాధించవచ్చు.

అమెరికా జాబ్ మార్కెట్‌లో పోటీని తట్టుకోవడానికి, ఎంపికయ్యే అవకాశాలను పెంచుకోవడానికి అభ్యర్థులు దృష్టి పెట్టాల్సిన అంశాలు గమనిస్తే..

• ఏఐ, మెషిన్ లెర్నింగ్, డేటా అనలిటిక్స్.

• క్లౌడ్ కంప్యూటింగ్ (ఏడ్ల్యూఎస్, అజూర్, జీసీపీ).

• సైబర్ సెక్యూరిటీ, ఫుల్ స్టాక్ డెవలప్‌మెంట్.

• DevOps, ఆటోమేషన్.

• ప్రొజెక్ట్ మేనేజ్‌మెంట్, కమ్యూనికేషన్, లీడర్‌షిప్ స్కిల్స్.

అమెరికాలో డాలర్ల డ్రీమ్ నెరవేరాలంటే సరైన ప్రణాళిక అవసరం. ముందుగా టెక్నికల్ డెప్త్ (డేటా స్ట్రక్చర్స్, సిస్టమ్ డిజైన్) సాధించాలి. అంతర్జాతీయ క్లయింట్లు, గ్లోబల్ సర్టిఫికేషన్లతో ఓ మంచి ప్రొఫెషనల్ రెజ్యూమ్‌ను రూపొందించుకోవాలి.

అలాగే కోడింగ్ కోసం లీట్ కోడ్, ఇంటర్వ్యూల కోసం స్టార్ పద్ధతిని ప్రాక్టీస్ చేయాలి. న్యూయార్క్, సిలికాన్ వ్యాలీ వంటి ఖరీదైన నగరాలే కాకుండా ఆస్టిన్, డల్లాస్, అట్లాంటా, సీటెల్ సబర్బ్స్ వంటి తక్కువ ఖర్చుతో కూడిన హబ్‌లను ఎంచుకోవడం మంచిది. సరైన నైపుణ్యం, వ్యూహాత్మక ప్రణాళిక ఉంటే అమెరికా జాబ్ మార్కెట్ భారతీయులకు ఒక అద్భుతమైన అవకాశం అని విశ్లేషకులు చెబుతున్నారు.

Free Education: ఉచిత విద్యను అందించే దేశాలు.. ఇక్కడ ఫ్రీగా చదువుకోవచ్చని మీకు తెలుసా?

Mahesh Rajamoni — Fri, 07 Aug 2026 13:22:47 +0530

Free Education: భారత్‌లో చదువులు భారం అవుతున్నాయి. మరీ రూపాయి ఖర్చు లేకుండా ఉచిత విద్యను అందించే ప్రపంచ దేశాలు ఉన్నాయని మీకు తెలుసా? ఫ్రీగా చదువును అందించే ఆ దేశాల పూర్తి వివరాలు ఇక్కడ తెలుసుకుందాం.

మన దేశంలో నాణ్యమైన విద్యను పొందడం రోజురోజుకూ ఎంతో ఖరీదైన వ్యవహారంగా మారుతోంది. ప్రైవేట్ స్కూళ్లు, కాలేజీల ఫీజులు చుక్కలను తాకుతున్నాయి. సామాన్యులు తమ పిల్లలను పెద్ద చదువులు చదివించడం ఒక కలగా మారుతోంది. ఎల్ కేజీ నుంచే ఇప్పుడు లక్షల్లో ఫీజులు వసూలు చేస్తున్న పరిస్థితులు కనిపిస్తున్నాయి.

భారత్‌లోని చాలా స్కూళ్లు విదేశీ విద్యా విధానాన్ని అనుసరిస్తున్నాయి. కానీ ఫీజులు మాత్రం ఆకాశాన్ని తాకుతున్నాయి. ఇలాంటి పరిస్థితుల్లో ప్రపంచంలో ఉచితంగా విద్యను అందించే దేశాలు కూడా ఉన్నాయని మీకు తెలుసా? ఉచిత విద్యను అందిస్తున్న ఆ ప్రముఖ దేశాల జాబితాను ఇప్పుడు చూద్దాం.

నార్వేలో స్థానిక విద్యార్థులకే కాకుండా విదేశీ విద్యార్థులకు కూడా విద్య పూర్తి ఉచితం. ఇక్కడ గ్రాడ్యుయేషన్, పోస్ట్ గ్రాడ్యుయేషన్, పీహెచ్‌డీ (డాక్టరేట్) వరకు రూపాయి ఫీజు కూడా కట్టాల్సిన అవసరం లేదు. అన్ని సదుపాయాలతో ఇక్కడ నాణ్యమైన విద్యను ప్రభుత్వం అందిస్తోంది.

అలాగే జర్మనీలో కూడా ఉన్నత విద్య ఉచితంగా అందుతుంది. ఇక్కడ స్థానిక, అంతర్జాతీయ విద్యార్థులందరికీ ప్రభుత్వ విశ్వవిద్యాలయాల్లో ఉచితంగా బోధన అందిస్తారు.

ఫిన్‌లాండ్ చిన్న యూరోపియన్ దేశమే అయినప్పటికీ, విద్యకు చాలా ప్రాధాన్యం ఇస్తుంది. యువతను ప్రోత్సహించడానికి బ్యాచిలర్స్, మాస్టర్స్ కోర్సులకు ఎటువంటి ఫీజు వసూలు చేయదు. ప్రపంచ ప్రసిద్ధి చెందిన విద్యాసంస్థల్లో ఉండే విధంగా ఇక్కడ సదుపాయాలు ఉంటాయి.

స్వీడన్ విషయానికి వస్తే, యూరోపియన్ యూనియన్ (EU), ఈఈఏ (EEA) ప్రాంతాల వారికి, శాశ్వత నివాసితులకు విద్య ఉచితం. ఇతర విదేశీ విద్యార్థులకు ట్యూషన్ ఫీజు చాలా తక్కువగా ఉంటుంది. అందుకే చాలా మంది ఈ ప్రాంతాలకు వెళ్తుంటారు.

ఆస్ట్రియా పౌరులు ఏ డిగ్రీ లేదా కోర్సునైనా ఉచితంగా చదువుకోవచ్చు. ఇక్కడ చదువు అంతా కూడా ఉచితం. అలాగే, ఫ్రాన్స్ ప్రభుత్వ విశ్వవిద్యాలయాల్లో ఉన్నత విద్య దాదాపు ఉచితంగానే లభిస్తుంది. అయితే కొన్ని వర్సిటీలలో మాత్రం స్వల్పంగా ట్యూషన్ ఫీజులు చెల్లించాల్సి ఉంటుంది.

చెక్ రిపబ్లిక్ తన పౌరులకు ఉచిత విద్యను అందిస్తుంది. అంతర్జాతీయ విద్యార్థులు ఇక్కడ ఉచితంగా చదవాలంటే ఆ దేశపు స్థానిక భాష అయిన 'చెక్' భాషను నేర్చుకోవాల్సి ఉంటుంది.

గ్రీస్‌లో విద్య పూర్తిగా ఉచితం కాకపోయినప్పటికీ, ఫీజులు చాలా తక్కువగా ఉంటాయి. స్థానిక, విదేశీ విద్యార్థులు తక్కువ ఖర్చుతోనే తమ చదువులను పూర్తి చేయవచ్చు.

స్పెయిన్‌లో చదువుకోవడానికి విద్యార్థులు నామమాత్రపు రుసుము చెల్లిస్తే సరిపోతుంది. ఇక్కడ ప్రభుత్వం విద్యార్థుల ట్యూషన్ ఫీజులో 80 శాతాన్ని తానే భరిస్తుంది. అందానికి, ఫ్యాషన్‌కు పేరుగాంచిన ఇటలీలో కూడా విద్య ఉచితం. ఉన్నత విద్యకు ఫీజులు ఉన్నప్పటికీ, అవి చాలా తక్కువ మొత్తంలో ఉంటాయి. చాలా దేశాల నుంచి విద్యార్థులు చదువుల కోసం ఎక్కువగా వెళ్లే ప్రాంతాల్లో ఇటలీ కూడా ఒకటి.

Top Companies : ఇండియాలో బెస్ట్ కంపెనీలు ఇవే.. హైదరాబాద్ కంపెనీదే టాప్ ప్లేస్

Arun Kumar P — Tue, 28 Apr 2026 18:24:35 +0530

లింక్డ్ఇన్ 2026 సంవత్సరానికి గాను 'టాప్ కంపెనీస్' జాబితాను విడుదల చేసింది. హైదరాబాద్ కు చెందిన ప్రముఖ ఐటీ సంస్థ ఈ జాబితాలో అగ్రస్థానంలో నిలిచింది. టాప్ కంపెనీల లిస్ట్ ఇదే..

లింక్డ్ఇన్ 2026 సంవత్సరానికి 'టాప్ కంపెనీస్' జాబితాను విడుదల చేసింది. ఆర్టిఫిషియల్ ఇంటెలిజెన్స్ ఎంట్రీతో ఇండియాలో ఉద్యోగ అవకాశాలు వేగంగా మారుతున్నాయి… ఇలాంటి సమయంలో ఉద్యోగుల కెరీర్ గ్రోత్, స్కిల్ డెవలప్‌మెంట్, సంక్షేమంపై దృష్టి పెట్టే కంపెనీలే టాప్ లో నిలిచాయి. ఏఐ యుగంలో టెక్నికల్ నైపుణ్యాలతో పాటు, మానవ సంబంధాల నైపుణ్యాలు కూడా అంతే ముఖ్యమని ఈ రిపోర్ట్ స్పష్టం చేస్తోంది.

లింక్డ్ఇన్ టాప్ కంపెనీల జాబితాలో ఇన్ఫోసిస్ అగ్రస్థానంలో నిలిచింది. ఐటీ సేవలు, కన్సల్టింగ్, సాఫ్ట్‌వేర్ డెవలప్‌మెంట్‌ రంగాల్లో ఈ సంస్థ ప్రపంచవ్యాప్తంగా గుర్తింపు పొందింది. ఆటోమొబైల్, హెల్త్‌కేర్, రిటైల్ వంటి అనేక రంగాలకు సేవలు అందిస్తోంది.

అలాగే మేనేజ్‌మెంట్ కన్సల్టింగ్, టెక్నాలజీ సర్వీసెస్‌లో అగ్రగామిగా ఉన్న యాక్సెంచర్ సంస్థ టాప్ కంపెనీల జాబితాలో ఉంది. ఎయిరో స్పేస్, బ్యాకింగ్, హెల్త్, టెక్, కెమికల్ రంగాల్లో సేవలందిస్తుంది.

టెక్, ఇ-కామర్స్ రంగంలో అమెజాన్ తన ఆధిపత్యాన్ని కొనసాగిస్తోంది. AWS క్లౌడ్ సేవలు, ప్రైమ్ వీడియో వంటి వాటి ద్వారా ప్రపంచవ్యాప్తంగా విస్తరించింది. ఈ సంస్థ గ్లోబల్ మార్కెట్ లో సత్తా చాటుతోంది.

ఇక ఫైనాన్స్ రంగంలో జేపీ మోర్గాన్ చేజ్ కీలక స్థానంలో ఉంది. రిటైల్ బ్యాంకింగ్ నుంచి అసెట్ మేనేజ్‌మెంట్ వరకు ఎన్నో సేవలు అందిస్తూ, ఉద్యోగుల వృద్ధికి మంచి అవకాశాలు కల్పిస్తోంది.

ఎంటర్‌ప్రైజ్ సాఫ్ట్‌వేర్ రంగంలో SAP అగ్రగామిగా ఉంది. ఈఆర్‌పీ, క్లౌడ్ సొల్యూషన్స్ ద్వారా కంపెనీల ఫైనాన్స్, హెచ్‌ఆర్, సప్లై చెయిన్ మేనేజ్‌మెంట్‌ను సులభతరం చేస్తోంది.

దీనితో పాటు, హైబ్రిడ్ క్లౌడ్, ఏఐ రంగాల్లో కొత్త ఆవిష్కరణలు చేస్తూ ఐబీఎం కూడా ఐటీ రంగంలో కీలక పాత్ర పోషిస్తోంది.

ఫైనాన్షియల్ సర్వీసెస్ రంగంలో ఫిడెలిటీ ఇన్వెస్ట్‌మెంట్స్, వెల్స్ ఫార్గో సంస్థలు ఉద్యోగుల ఎదుగుదలకు ప్రాధాన్యం ఇస్తూ ఈ జాబితాలో చోటు దక్కించుకున్నాయి. మరోవైపు ఆల్ఫాబెట్ ఇంక్ ఏఐ, క్లౌడ్, సెర్చ్ టెక్నాలజీలలో ముందుంటూ కొత్త ఆవిష్కరణలు చేస్తోంది. ఈవై (EY) సంస్థ ట్యాక్స్, ఆడిట్, కన్సల్టింగ్ సేవల్లో అగ్రస్థానంలో ఉంది.

మొత్తం మీద ఈ జాబితా ఒక ముఖ్యమైన విషయాన్ని చెబుతోంది. AI ఎంత అభివృద్ధి చెందినా, మనిషి నైపుణ్యాల విలువ తగ్గలేదు. నిరంతరం నేర్చుకోవడం, మార్పులకు అలవాటు పడటం, టీమ్‌గా పనిచేయడం వంటి స్కిల్స్ ఉన్నవారికి ఈ కంపెనీలు మంచి అవకాశాలు ఇస్తున్నాయి. భవిష్యత్తులో ఉద్యోగం వెతుక్కునే వారికి ఇది ఒక మంచి గైడ్‌గా ఉపయోగపడుతుంది.