Asianet News Telugu

లైసెన్స్, రిజిస్ట్రేషన్ అవసరం లేదు.. ఛార్జింగ్ అయిపోతే ఎంచక్కా తొక్కుతూ వెళ్లిపోవచ్చు. అదిరిపోయే ఎలక్ట్రిక్ మొపెడ్

Narender Vaitla — Tue, 23 Jun 2026 08:58:18 +0530

Electric moped: పెట్రోల్ ధరలు పెరిగిన నేపథ్యంలో, లైసెన్స్, రిజిస్ట్రేషన్ అవసరం లేని ఎలక్ట్రిక్ వాహనాలకు డిమాండ్ పెరుగుతోంది. ఈ క్రమంలోనే తాజాగా కొమాకి కంపెనీ ఓ ఎలక్ట్రిక్ మోపెడ్ ను తీసుకొచ్చింది. దీనికి సంబంధించిన పూర్తి వివరాలు ఇప్పుడు చూద్దాం.

భారతదేశంలో పెట్రోల్ ధరలు పెరిగిపోతున్న తరుణంలో, ప్రత్యామ్నాయ వాహనాల కోసం చూస్తున్న వారికి Komaki XR1 ఎలక్ట్రిక్ మొపెడ్ ఒక ఆకర్షణీయమైన ఎంపికగా నిలుస్తోంది. Komaki కంపెనీ పరిచయం చేసిన ఈ సరికొత్త టూవీలర్, సైకిల్‌కు పైన, స్కూటర్‌కు కింద ఉండే ఒక ఇంటర్మీడియట్ ఈవీగా రూపొందించారు. నగరాలు, గ్రామాల్లో తక్కువ దూరాలు ప్రయాణించడానికి ఇది అత్యంత అనుకూలమైన వాహనంగా ప్రాచుర్యం పొందింది.

పెరుగుతున్న ఇంధన ధరలతో పాటు, పెద్ద ఎలక్ట్రిక్ స్కూటర్లు కొనే ఆర్థిక స్థోమత లేని వారికి Komaki XR1 ఒక బెస్ట్ ఆప్షన్ గా చెప్పొచ్చు. ఇది పూర్తిగా బ్యాటరీ విద్యుత్ శక్తితో నడుస్తుంది, తద్వారా ప్రయాణ ఖర్చులు గణనీయంగా తగ్గుతాయి. అంతేకాకుండా, దారి మధ్యలో ఎక్కడైనా బ్యాటరీ ఛార్జింగ్ అయిపోతే, ఇందులో అమర్చిన పెడల్స్‌ను ఉపయోగించి సైకిల్‌లా తొక్కవచ్చు, తద్వారా సురక్షితంగా ఇంటికి చేరుకోవచ్చు.

Komaki XR1 ఎలక్ట్రిక్ మొపెడ్ యొక్క అతి పెద్ద ప్రయోజనాల్లో ఒకటి, దీనిని నడపడానికి ఎలాంటి డ్రైవింగ్ లైసెన్స్ అవసరం లేదు. అలాగే, RTO కార్యాలయంలో నంబర్ ప్లేట్ కోసం రిజిస్ట్రేషన్ చేయించాల్సిన అవసరం కూడా లేదు. ఇది తక్కువ వేగంతో ప్రయాణించే లో-స్పీడ్ ఎలక్ట్రిక్ వాహనాల కేటగిరీ కిందకు వస్తుంది. దీనివల్ల స్కూల్, కాలేజీలకు వెళ్లే విద్యార్థులు, అలాగే ట్రాఫిక్ నిబంధనలు, చలాన్ల టెన్షన్ లేకుండా ప్రశాంతంగా ప్రయాణించాలనుకునే మహిళలు, వృద్ధులకు ఇది ఎంతగానో ఉపయోగపడుతుంది.

పనితీరు, రేంజ్

సాంకేతిక సామర్థ్యం పరంగా, Komaki XR1 మొపెడ్‌లోని బ్యాటరీని ఒక్కసారి పూర్తిగా ఛార్జ్ చేస్తే సుమారు 70 కిలోమీటర్ల నుంచి 80 కిలోమీటర్ల వరకు నాన్‌స్టాప్‌గా ప్రయాణించవచ్చు. ఇందులో అమర్చిన ఎలక్ట్రిక్ మోటార్ గరిష్టంగా గంటకు 25 కిలోమీటర్ల వేగంతో ప్రయాణించే సామర్థ్యాన్ని కలిగి ఉంటుంది. నగరాల లోపల ప్రయాణించడానికి ఈ వేగం సురక్షితమైనది, అనుకూలమైనదిగా చెప్పవచ్చు.

Komaki XR1 బ్యాటరీ పూర్తిగా ఛార్జ్ కావడానికి కేవలం 3 నుండి 4 గంటల సమయం మాత్రమే పడుతుంది. ఈ ప్రక్రియకు అయ్యే విద్యుత్ ఖర్చు కేవలం రూ. 8 నుంచి రూ. 10 మాత్రమే. ఇది రోజువారీ ప్రయాణ ఖర్చులను అత్యంత తక్కువగా ఉంచడంలో సహాయపడుతుంది.

Komaki సంస్థ ఈ మొపెడ్‌లో అన్ని రకాల అవసరమైన ఫీచర్లను అందించింది. రాత్రి వేళల్లో సురక్షితమైన ప్రయాణానికి బ్రైట్ హెడ్‌లైట్లు, టెయిల్ లైట్లు, టర్న్ ఇండికేటర్లను అమర్చారు. గుంతల రోడ్లపై కూడా సాఫీగా ప్రయాణించడానికి మంచి సస్పెన్షన్ సిస్టమ్ ఉంది. నిత్యం మార్కెట్ నుంచి కూరగాయలు లేదా ఇతర సామాన్లు తెచ్చుకోవడానికి వీలుగా ముందు భాగంలో ఒక పెద్ద బుట్టను ఏర్పాటు చేశారు. అలాగే, ఇద్దరు వ్యక్తులు ఎంతో సౌకర్యవంతంగా కూర్చోవడానికి వీలుగా రెండు విడివిడి సాఫ్ట్ కుషన్ సీట్లను కంపెనీ డిజైన్ చేసింది.

ప్రస్తుతం భారత మార్కెట్లో Komaki XR1 ఎలక్ట్రిక్ మొపెడ్ ప్రారంభ ఎక్స్-షోరూమ్ ధర రూ. 34,499 గా ఉంది. గత ఏడాది జూన్‌లో విడుదలైనప్పుడు దీని ధర రూ. 29,999 మాత్రమే ఉండేది. పెరిగిన డిమాండ్ కారణంగా కంపెనీ ఒక ఏడాదిలోనే దీని ధరను రూ. 4,500 వరకు పెంచింది. తక్కువ బడ్జెట్‌లో, ఎలాంటి నిర్వహణ ఖర్చులు లేకుండా, రోజూ ఆఫీసులకు లేదా మార్కెట్‌కు వెళ్లాలనుకునే వారికి, పాఠశాల పిల్లలకు Komaki XR1 ఒక తెలివైన, ఉత్తమ ఎంపిక అని నిపుణులు అభిప్రాయపడుతున్నారు.

Water Powered Scooter: పెట్రోల్ తో పనిలేదు.. ఛార్జింగ్ అవసరం లేదు.. నీటితో నడిచే క్రేజీ స్కూటర్ వచ్చేసింది !

Mahesh Rajamoni — Thu, 09 Jul 2026 10:44:13 +0530

Water Powered Scooter: ఇకపై పెట్రోల్ తో పనిలేదు.. ఛార్జింగ్ అవసరం లేదు.. నీటితో నడిచే క్రేజీ స్కూటర్ వచ్చేసింది. జాయ్ ఇ-బైక్ సరికొత్త నీటితో నడిచే హైడ్రోజన్ స్కూటర్ ప్రోటోటైప్‌ను తెచ్చింది. డిస్టిల్డ్ వాటర్‌తో ఇది 55 కిమీ మైలేజ్ ఇస్తుంది.

పెట్రోల్ రేట్లు చూస్తేనేమో మండిపోతున్నాయి, పోనీ ఈవీ స్కూటర్లు కొందామంటే గంటల తరబడి ఛార్జింగ్ పెట్టాలి. ఇలాంటి టైంలో అస్సలు పెట్రోల్ అవసరం లేకుండా, కేవలం నీటితో నడిచే స్కూటర్ వస్తే ఎలా ఉంటుంది? వినడానికే క్రేజీగా ఉంది కదా.. ఇప్పుడు ఇది నిజం కాబోతోంది.

ప్రముఖ టూవీలర్ బ్రాండ్ జాయ్ ఈ బైక్ సరికొత్త టెక్నాలజీతో నీటి ద్వారా నడిచే ఒక అద్భుతమైన స్కూటర్ ప్రోటోటైప్‌ను మన ముందుకు తెచ్చింది. భవిష్యత్తులో కాలుష్యాన్ని పూర్తిగా తగ్గించడమే లక్ష్యంగా ఈ వినూత్న ప్రయోగాన్ని చేశారు.

చాలామందికి నీళ్లతో బైక్ నడవడం ఏంటి అనే డౌట్ రావచ్చు. సింపుల్‌గా చెప్పాలంటే, ఇందులో హైడ్రోజన్ ఫ్యూయల్ సెల్ టెక్నాలజీని వాడారు. మనం పోసే డిస్టిల్డ్ వాటర్ అంటే కల్తీ లేని స్వచ్ఛమైన నీటి నుంచి హైడ్రోజన్ మాలిక్యూల్స్‌ను ఈ సరికొత్త టెక్నాలజీ వేరు చేస్తుంది. అలా సేకరించిన హైడ్రోజన్ ద్వారా ఫ్యూయల్ సెల్స్ విద్యుత్‌ను తయారు చేస్తాయి. ఆ కరెంట్‌తోనే స్కూటర్ మోటార్ రన్ అవుతుంది. అంటే దీని వల్ల ఎలాంటి హానికరమైన పొగ గానీ, కర్బన ఉద్గారాలు గానీ రావు. పర్యావరణానికి ఇది వంద శాతం సేఫ్ అని కంపెనీ పెర్కొంటోంది.

ఈ కాన్సెప్ట్ స్కూటర్ పెర్ఫార్మెన్స్ విషయానికి వస్తే, ఇది సిటీ రౌండ్స్‌కు పర్ఫెక్ట్ సెట్ అవుతుంది. ఈ స్కూటర్ గరిష్ఠంగా గంటకు 25 కిలోమీటర్ల వేగంతో వెళ్తుంది. ఇక మైలేజ్ విషయానికి వస్తే, ఒక్కసారి హైడ్రోజన్ ఇంధనాన్ని నింపితే చాలు.. ఏకంగా 55 కిలోమీటర్ల దూరం వరకు ఎలాంటి టెన్షన్ లేకుండా ప్రయాణించవచ్చు. సిటీలో చిన్న చిన్న పనులకు, ఆఫీసులకు వెళ్లేవారికి ఇది చాలా బెస్ట్ ఆప్షన్ కానుంది.

ఈ స్కూటర్‌లో అన్నిటికంటే హైలైట్ ఫీచర్ ఏంటో తెలుసా? దీనికి సైకిల్‌లాగా పెడల్స్ అమర్చారు. ఒకవేళ మీరు లాంగ్ జర్నీలో ఉన్నప్పుడు మధ్యలో హైడ్రోజన్ ఇంధనం అయిపోయినా లేదా బ్యాటరీ పవర్ పూర్తిగా డౌన్ అయినా అస్సలు కంగారు పడాల్సిన పనిలేదు. వెంటనే పెడల్స్ సహాయంతో సైకిల్‌లా తొక్కుకుంటూ మీ గమ్యస్థానానికి ఈజీగా చేరుకోవచ్చు. అత్యవసర పరిస్థితుల్లో రైడర్లకు ఇది ఊరటనిచ్చే ఫీచర్ అని చెప్పాలి.

ఈ సరికొత్త హైడ్రోజన్ వెహికల్ ప్రోటోటైప్‌ను ప్రతిష్ఠాత్మక 'భారత్ మొబిలిటీ గ్లోబల్ ఎక్స్‌పో'లో కేంద్ర ఆర్థిక శాఖ సహాయ మంత్రి డాక్టర్ భాగవత్ కరాద్ చేతుల మీదుగా గ్రాండ్‌గా ఆవిష్కరించారు. జాయ్ ఈ-బైక్ టీమ్ తయారు చేసిన ఈ కాన్సెప్ట్ మోడల్‌ను చూసి టెక్ లవర్స్ అంతా ఫిదా అయిపోయారు. ఆల్రెడీ మార్కెట్లో మిహోస్, గ్లోబ్, వోల్ఫ్, జెన్ నెక్స్ట్ నాను లాంటి 10కి పైగా క్రేజీ ఈవీ మోడళ్లను సక్సెస్‌ఫుల్‌గా అమ్ముతున్న ఈ సంస్థ, ఇప్పుడు హైడ్రోజన్ రేసులో నిలిచింది.

అయితే, ఇది ప్రస్తుతం కేవలం టెక్నాలజీ సామర్థ్యాన్ని చూపించే కాన్సెప్ట్ మోడల్ మాత్రమే. దీని రీసెర్చ్ అండ్ డెవలప్‌మెంట్ మొదటి ఫేజ్ ఏప్రిల్ 2024 నుంచి ప్రారంభమైంది. ఇది ఇంకా కమర్షియల్ అమ్మకాలకు అందుబాటులోకి రాలేదు. అందువల్ల దీని ధర ఎంత ఉంటుంది, మార్కెట్లోకి ఎప్పుడు లాంచ్ చేస్తారు అనే అధికారిక వివరాలను కంపెనీ ఇంకా అనౌన్స్ చేయలేదు. టెస్టులన్నీ పూర్తయ్యాక త్వరలోనే మన ముందుకు వచ్చే అవకాశం ఉంది.

ఎలక్ట్రిక్ స్కూటర్ల బ్యాట‌రీ మార్చ‌డం క‌ష్ట‌మా.? అపోహ‌లు ఏంటి.? నిజాలు ఏంటి.?

Narender Vaitla — Sun, 28 Jun 2026 08:33:15 +0530

Electric Scooter: భారత్‌లో ఎలక్ట్రిక్ వాహనాల వినియోగం వేగంగా పెరుగుతోంది. అయినా వాటి గురించి ఇప్పటికీ కొన్ని అపోహలు ప్రజల్లో ఉన్నాయి. అలాంటి కొన్ని ప్ర‌ధాన అపోహ‌లు ఏంటి.? అస‌లు నిజాలు ఏంటో ఇప్పుడు తెలుసుకుందాం.

ఎలక్ట్రిక్ స్కూటర్లపై ఎక్కువగా వినిపించే అపోహ ఇదే. ఒకసారి చార్జ్ చేస్తే కొద్ది కిలోమీటర్లు మాత్రమే వెళ్తాయని చాలా మంది అనుకుంటారు. కానీ ప్రస్తుతం వస్తున్న కొత్త మోడళ్లలో బ్యాటరీ సామర్థ్యం గణనీయంగా పెరిగింది. ఉదాహరణకు VIDA EVOOTER ఒకసారి పూర్తి చార్జ్ చేస్తే IDC ప్రమాణాల ప్రకారం 142 కిలోమీటర్ల వరకు ప్రయాణించగలదు. రోజువారీ ఉద్యోగం, వ్యాపారం లేదా నగర ప్రయాణాలకు ఈ రేంజ్ చాలామందికి సరిపోతుంది. బ్యాటరీ టెక్నాలజీ అభివృద్ధి చెందుతున్న కొద్దీ ఈ దూరం మరింత పెరుగుతోంది.

పెట్రోల్ బంక్‌లో కొన్ని నిమిషాల్లో ఇంధనం నింపేయొచ్చు కాబట్టి, ఎలక్ట్రిక్ స్కూటర్‌ను చార్జ్ చేయాలంటే చాలా సమయం పడుతుందని చాలామంది భావిస్తారు. అయితే ప్రస్తుతం ఫాస్ట్ ఛార్జింగ్ సదుపాయం అందుబాటులో ఉండటంతో ఈ సమస్య చాలా వరకు తగ్గిపోయింది. కొన్ని అడ్వాన్స్‌డ్ స్కూటీల్లో 0 నుంచి 80 శాతం వరకు బ్యాటరీ కేవలం 62 నిమిషాల్లోనే చార్జ్ అవుతుంది. అలాగే ఇందులో రిమూవబుల్ బ్యాటరీలు ఉండటంతో వాటిని ఇంటికి లేదా కార్యాలయానికి తీసుకెళ్లి సౌకర్యవంతంగా చార్జ్ చేసుకునే అవకాశం కూడా ఉంది. దీంతో ప్రత్యేకంగా ఛార్జింగ్ స్టేషన్ కోసం వెతకాల్సిన అవసరం ఉండదు.

ఎలక్ట్రిక్ స్కూటర్ల కొనుగోలు ధర ఎక్కువగా ఉంటుందని చాలా మంది వెనుకడుగు వేస్తుంటారు. కానీ కొనుగోలు ధర మాత్రమే కాకుండా మొత్తం నిర్వహణ ఖర్చును కూడా పరిగణనలోకి తీసుకోవాలి. ప్ర‌స్తుతం బేసిక్ ఎల‌క్ట్రిక్ స్కూట‌ర్ల ధ‌ర రూ.44,990 నుంచి ప్రారంభమవుతోంది. ఒకసారి కొనుగోలు చేసిన తర్వాత పెట్రోల్ ఖర్చు ఉండదు. ఇంజిన్ ఆయిల్ మార్చాల్సిన అవసరం ఉండ‌దు. సర్వీసింగ్ ఖర్చులు కూడా తక్కువగా ఉంటాయి. అదనంగా కొన్ని రాష్ట్రాల్లో ప్రభుత్వం అందించే సబ్సిడీలు కూడా వినియోగదారులకు ప్రయోజనం కలిగిస్తున్నాయి. దీర్ఘకాలంలో చూస్తే ఎలక్ట్రిక్ స్కూటర్ వినియోగం ఆర్థికంగా లాభదాయకంగా మారుతుంది.

బ్యాటరీలకు సంబంధించిన కొన్ని సంఘటనల కారణంగా ఎలక్ట్రిక్ స్కూటర్ల భద్రతపై సందేహాలు వ్యక్తమవుతున్నాయి. కానీ ప్రస్తుతం మార్కెట్లో లభిస్తున్న కొత్త మోడళ్లలో అధునాతన భద్రతా సాంకేతికతను ఉపయోగిస్తున్నారు. కొన్ని స్కూటీల్లో కంబైన్డ్ బ్రేకింగ్ సిస్టమ్, వివిధ రైడింగ్ మోడ్స్, స్మార్ట్ కంట్రోల్ ఫీచర్లు వంటి సదుపాయాలు ఉన్నాయి. ఇవి ప్రయాణాన్ని మరింత సురక్షితంగా మార్చడంలో సహాయపడతాయి. సరైన నాణ్యత ప్రమాణాలతో తయారైన వాహనాలను ఉపయోగిస్తే భద్రత విషయంలో ఆందోళన అవసరం ఉండదు.

ఎలక్ట్రిక్ స్కూటర్‌లో బ్యాటరీ మార్పిడి చాలా ఖరీదైన వ్యవహారమని కొందరు భావిస్తారు. కానీ బ్యాటరీ జీవితకాలం చాలా సంవత్సరాలు ఉంటుంది. కొన్ని సంస్థలు బ్యాటరీలకు మూడు సంవత్సరాల స్టాండర్డ్ వారంటీతో పాటు ఐదు సంవత్సరాల ఎక్స్‌టెండెడ్ వారంటీ ఎంపికను కూడా అందిస్తోంది. పైగా పెట్రోల్, ఇంజిన్ ఆయిల్, ఇతర నిర్వహణ ఖర్చుల్లో ఆదా అయ్యే మొత్తాన్ని పరిగణనలోకి తీసుకుంటే బ్యాటరీ మార్పిడి ఖర్చు పెద్ద భారం కాదని చెప్పవచ్చు.

ఎలక్ట్రిక్ వాహనాల వినియోగంలో ఒకప్పుడు ఛార్జింగ్ స్టేషన్ల కొరత పెద్ద సమస్యగా ఉండేది. అయితే ఇప్పుడు పరిస్థితి పూర్తిగా మారిపోయింది. దేశవ్యాప్తంగా ఛార్జింగ్ మౌలిక సదుపాయాలు వేగంగా విస్తరిస్తున్నాయి. ప్ర‌స్తుతం అన్ని ప్ర‌ముఖ సంస్థ‌లు ఫాస్ట్ ఛార్జింగ్ స్టేషన్లను ఏర్పాటు చేస్తున్నాయి. అదనంగా ఇంట్లోనే చార్జ్ చేసుకునే అవకాశం ఉండటంతో ఛార్జింగ్ కోసం ఎక్కువగా ఇబ్బంది పడాల్సిన అవసరం లేదు.

Yamaha R2 : R15 కి బాప్ లాంటి బైక్ వచ్చేసింది.. KTM కి గట్టి కాంపిటీషన్.. యామహా R2 గ్రాండ్ ఎంట్రీ !

Mahesh Rajamoni — Thu, 27 Aug 2026 18:37:41 +0530

Yamaha YZF R2 : భారత టూ-వీలర్ మార్కెట్‌లో యామహా మోటార్ సంస్థ యంగ్ రైడర్స్ ఎంతగానో ఎదురుచూస్తున్న యామహా R2 (Yamaha YZF-R2) భారతదేశంలో లాంచ్ చేసింది. రూ. 2.30 లక్షల ప్రారంభ ధరతో విడుదలై, KTM RC 200, కరిజ్మా XMR 210 వంటి బైక్‌లకు గట్టి పోటీ ఇస్తోంది.

ఇండియన్ టూవీలర్ మార్కెట్‌లో యంగ్ రైడర్స్, కాలేజ్ స్టూడెంట్స్‌కు మోస్ట్ ఫేవరెట్ బ్రాండ్ యామహా. ముఖ్యంగా YZF-R15 బైక్‌కు ఉన్న క్రేజ్ గురించి ప్రత్యేకంగా చెప్పక్కర్లేదు. ఇప్పుడు ఆ క్రేజ్‌ను నెక్స్ట్ లెవెల్‌కి తీసుకెళ్తూ, యామహా మోటార్ ఇండియా భారతదేశంలో సరికొత్త YZF-R2 సూపర్ స్పోర్ట్ మోటార్ సైకిల్‌ను గ్లోబల్‌గా లాంచ్ చేసింది. ఆగస్టు 12న రూ. 10,000 టోకెన్ అమౌంట్‌తో ప్రి-బుకింగ్స్ ప్రారంభం కాగా, ఈ బైక్ R15 కంటే పవర్ ఫుల్ వర్షన్‌గా మార్కెట్లోకి వచ్చింది.

యామహా R2 బైక్‌లో పూర్తి కొత్త వేరియంట్ 204cc సింగిల్ సిలిండర్, లిక్విడ్ కూల్డ్, DOHC ఇంజిన్‌ను అమర్చారు. ఇది 10,000 rpm వద్ద 26.5 PS (26.1 bhp) పవర్, అలాగే 8,000 rpm వద్ద 19.1 Nm టాక్ ప్రొడ్యూస్ చేస్తుంది. R15 లో ఉండే SOHC ఇంజిన్ కాకుండా, ఇందులో డ్యూయల్ ఓవర్‌హెడ్ క్యామ్‌షాఫ్ట్ సెటప్ ఉపయోగించారు.

ఫ్లాగ్‌షిప్ YZF-R1 బైక్ మోడల్‌లో వాడే Diamond-Like Carbon కోటింగ్‌ను ఈ R2 ఇంజిన్ వాల్వ్స్‌కు కూడా అందించడం విశేషం. దీనివల్ల ఫ్రిక్షన్ తగ్గి, బైక్ చాలా స్మూత్‌గా, స్పీడ్‌గా వెళ్తుంది.

ఈ బైక్ కోసం యామహా స్పెషల్‌గా రూపొందించిన ఆల్-న్యూ డైమండ్ స్టీల్ ఫ్రేమ్‌ను వాడింది. ఈ ఫ్రేమ్ బరువు కేవలం 14 కేజీలు మాత్రమే. కేటీఎం ఆర్‌సి 200 , హీరో కరిజ్మా XMR వంటి రేసింగ్ బైక్స్‌తో పోలిస్తే, కేవలం 149 కేజీల కర్బ్ వెయిట్‌తో సెగ్మెంట్‌లోనే అత్యంత తక్కువ బరువున్న బైక్‌గా యామహా R2 రికార్డ్ క్రియేట్ చేసింది.

యామహా ఈ కొత్త బైక్‌ను యంగ్ జనరేషన్‌కు తగ్గట్టుగా అడ్వాన్స్‌డ్ ఫీచర్లతో నింపేసింది.

• యామహా రైడ్ కంట్రోల్ (YRC): స్ట్రీట్, స్పోర్ట్, రైన్ అని 3 రైడింగ్ మోడ్స్ ఉన్నాయి.

• డిస్‌ప్లే అండ్ రైడింగ్ అసిస్ట్: 5-ఇంచ్ ఫుల్ కలర్ TFT డిస్‌ప్లే, ట్రాక్షన్ కంట్రోల్, అసిస్ట్ అండ్ స్లిప్పర్ క్లచ్, డ్యూయల్ ఛానల్ ఏబీఎస్.

• మిడ్ అండ్ టాప్ మోడల్స్: సెగ్మెంట్ ఫస్ట్ బై-డైరెక్షనల్ క్విక్ షిఫ్టర్, బాడీ కలర్ అల్లాయ్ వీల్స్.

• R2 M ప్యాక్: ప్రిలోడ్ అడ్జస్టబుల్ సస్పెన్షన్, అడ్జస్టబుల్ లీవర్లు, నకిలీ సుయేడ్ సీట్, సిల్వర్ స్వింగ్‌ఆర్మ్, స్మార్ట్ కీ సిస్టమ్.

యామహా R2 మోడల్ 3 వేరియంట్లు, 5 అట్రాక్టివ్ కలర్స్ అయిన మెటాలిక్ బ్లాక్, డార్క్ బ్లూయిష్ గ్రే, మ్యాట్ వైట్ పెర్ల్, రేసింగ్ బ్లూ, మెటాలిక్ గ్రే లలో అందుబాటులో ఉంటుంది.

• Base Variant: రూ. 2.30 లక్షలు (ఎక్స్ షోరూం ధరలు)

• Quick Shifter Variant: రూ. 2.39 లక్షలు

• YZF-R2 M (Top Variant): రూ. 2.53 లక్షలు

ఈ సరికొత్త యమహా R2 బైక్స్ కేవలం యమహా బ్లూ స్క్వేర్ డీలర్‌షిప్‌ల ద్వారా మాత్రమే సేల్ కానున్నాయి. బైక్ డెలివరీలు సెప్టెంబర్ 2026 మిడ్ నుంచి స్టార్ట్ అవుతాయి. R15, MT-15, XSR 155 లైనప్‌తో పాటు ఈ ఆర్‌2 కూడా ఇండియన్ మార్కెట్‌లో అందుబాటులో ఉండనుంది.

ఎల‌క్ట్రిక్ వాహ‌నాలు మంట‌ల్లో కాలితే ఇన్సూరెన్స్ డ‌బ్బులు వ‌స్తాయా.? ఎలాంటి సంద‌ర్భాల్లో రిజ‌క్ట్ అవుతుంది

Narender Vaitla — Thu, 16 Jul 2026 17:27:05 +0530

EV Insurance: ఇటీవ‌ల‌ నోయిడాలో జరిగిన ఈ-బైక్ అగ్నిప్రమాదం తర్వాత ఎలక్ట్రిక్ వాహనాలకు ఇన్సూరెన్స్‌ కవరేజ్, క్లెయిమ్ ప్రక్రియ, తిరస్కరణకు గురికాకుండా ఉండటానికి పాటించాల్సిన నిబంధనలపై పెద్ద ఎత్తున చ‌ర్చ మొద‌లైంది.

నోయిడాలో జరిగిన ఈ-బైక్ అగ్నిప్రమాదం తర్వాత, ఎలక్ట్రిక్ వాహనాలకు ఇన్సూరెన్స్‌ కవరేజ్, క్లెయిమ్ ప్రక్రియలపై ఆందోళనలు పెరిగాయి. క్లెయిమ్‌లు తిరస్కరణకు గురికాకుండా ఉండటానికి పాటించాల్సిన నిబంధనలపై కూడా ఆందోళనలు వ్యక్తమయ్యాయి. ఇటీవల నోయిడాలోని సెక్టార్ 66లో ఛార్జింగ్ అవుతున్న ఎలక్ట్రిక్ స్కూటర్ బ్యాటరీ నుంచి మంటలు చెలరేగి నాలుగు అంతస్తుల భవనంలో అగ్నిప్రమాదం సంభవించింది. ఈ దుర్ఘటనలో ఇద్దరు మృతి చెందగా, సుమారు 50 కుటుంబాలను సురక్షిత ప్రాంతాలకు తరలించారు.

దీని ఫలితంగా, ఎలక్ట్రిక్ వాహన యజమానులలో ఇన్సూరెన్స్‌ కవరేజ్ గురించి అనేక ప్రశ్నలు తలెత్తాయి. తమ EVకి ఏదైనా ప్రమాదం జరిగితే, ముఖ్యంగా మంటలు చెలరేగితే ఇన్సూరెన్స్‌ సంస్థలు నష్టాన్ని పూడ్చుతాయా లేదా అనే సందేహాలు వ్యక్తమవుతున్నాయి.

సాధారణ వాహనాల మాదిరిగానే, ఎలక్ట్రిక్ వాహనాలకు ఇన్సూరెన్స్‌ పాలసీలు అందుబాటులో ఉన్నాయి. థర్డ్-పార్టీ లయబిలిటీ ఇన్సూరెన్స్‌ చట్టప్రకారం తప్పనిసరి. సమగ్ర ఇన్సూరెన్స్‌ పాలసీలు ప్రమాదాలు, దొంగతనం, అగ్నిప్రమాదాలతో పాటు ప్రకృతి వైపరీత్యాల వల్ల కలిగే నష్టాన్ని కవర్ చేస్తాయి. ఈ పాలసీలు మోటార్, కంట్రోలర్, కేబుల్స్ వంటి EV-నిర్దిష్ట భాగాలకు కూడా రక్షణ కల్పిస్తాయి.

కానీ, సాధారణ ఇన్సూరెన్స్‌ పాలసీలు EV-నిర్దిష్ట లోపాలను కవర్ చేయవు. అంటే నీరు చేరడం, ఛార్జింగ్ సమయంలో విద్యుత్ హెచ్చుతగ్గులు లేదా షార్ట్ సర్క్యూట్ వల్ల కలిగే నష్టాలు ఇందులో ఉన్నాయి. దీని కోసం, చాలా సంస్థలు 'బ్యాటరీ ప్రొటెక్ట్' లేదా 'EV షీల్డ్' వంటి యాడ్-ఆన్ కవర్‌లను అందిస్తాయి. ఈ యాడ్-ఆన్‌లు బ్యాటరీ మరమ్మతు లేదా మార్పిడి ఖర్చులను భరిస్తాయి, ముఖ్యంగా నీరు చేరడం, షార్ట్ సర్క్యూట్‌తోపాటు ఛార్జింగ్ సర్జ్ వంటి అంతర్గత సమస్యల నుంచి రక్షణ కల్పిస్తాయి.

ఎలక్ట్రిక్ వాహనాల ఇన్సూరెన్స్‌ క్లెయిమ్ ప్రక్రియ సంప్రదాయ వాహనాలకు సమానంగా ఉంటుంది. ప్రమాదం జరిగిన వెంటనే ఇన్సూరెన్స్‌ సంస్థకు తెలియజేయాలి. ఆన్‌లైన్ లేదా మొబైల్ యాప్ ద్వారా నష్టం వివరాలను సమర్పించవచ్చు, దెబ్బతిన్న వాహనం ఫోటోలను అప్‌లోడ్ చేయాలి. ఆ తర్వాత, ఇన్సూరెన్స్ సంస్థ దెబ్బతిన్న బ్యాటరీని తనిఖీ చేయిస్తుంది అలాగే అవసరమైన పత్రాలను సమర్పించమని కోరుతుంది. మరమ్మతులు అధీకృత EV సేవా కేంద్రాల ద్వారా నిర్వ‌హిస్తారు. చాలా ఇన్సూరెన్స్ సంస్థలు నగదు రహిత పరిష్కారాన్ని అందిస్తాయి, దీని ద్వారా మరమ్మతు ఖర్చులు నేరుగా గ్యారేజీకి చెల్లిస్తారు.

అనేక కారణాల వల్ల ఎలక్ట్రిక్ వాహనాల ఇన్సూరెన్స్ క్లెయిమ్‌లు తిరస్కరణకు గురికావచ్చు. చెల్లుబాటు కాని లేదా డ్రైవింగ్ లైసెన్స్ లేకపోవడం ఒక ప్రధాన కారణం. ఇన్సూరెన్స్‌ సంస్థకు తెలియజేయడంలో జాప్యం క్లెయిమ్ తిరస్కరణకు దారితీయవచ్చు, కొన్ని పాలసీలు 30 రోజుల (లేదా 3 రోజులు) లోపు తెలియజేయాలని నిబంధనలు విధిస్తాయి.

వాహనంలో అధీకృతం కాని మార్పులు చేయడం కూడా క్లెయిమ్ తిరస్కరణకు కారణమవుతుంది. ప్రీమియం చెల్లింపులు సకాలంలో చేయకపోతే పాలసీ గడువు ముగుస్తుంది. దీనివల్ల క్లెయిమ్ తిరస్కరణ ఏర్పడవచ్చు. అధీకృత సర్వీసింగ్ షెడ్యూల్‌ను పాటించకపోవడం కూడా వారంటీ, యాడ్-ఆన్ కవరేజ్ రెండింటినీ ప్రభావితం చేస్తుంది. EV బ్యాటరీలు చాలా ఖరీదైనవి కాబట్టి, ఇన్సూరెన్స్ డిక్లేర్డ్ విలువ (IDV) సరైనదిగా ఉండేలా చూసుకోవాలి. తక్కువ IDV వాహనం పూర్తిగా దెబ్బతిన్నప్పుడు లేదా దొంగ‌త‌నానికి గురైన‌ప్పుడు తక్కువ పరిహారాన్ని అందిస్తుంది.

లైసెన్స్ అవ‌స‌రం లేద‌ని.. ఏ వ‌య‌సు వారైనా ఎల‌క్ట్రిక్ స్కూటీ న‌డ‌పొచ్చా.? చ‌ట్టం ఏం చెబుతోంది.?

Narender Vaitla — Thu, 09 Jul 2026 14:25:39 +0530

Electric Vehicle: భారత్‌లో ఎలక్ట్రిక్ వాహనాల వినియోగం వేగంగా పెరుగుతోంది. అయితే ఎలక్ట్రిక్ వాహనం కొనుగోలు చేసే ముందు దానికి సంబంధించిన RTO నిబంధనలు, డ్రైవింగ్ లైసెన్స్, రిజిస్ట్రేషన్, ఇన్సూరెన్స్ వంటి విషయాలను తప్పనిసరిగా తెలుసుకోవాలి.

అన్ని ఎలక్ట్రిక్ బైక్‌లకు డ్రైవింగ్ లైసెన్స్ అవసరం ఉండదు. కేంద్ర ప్రభుత్వ నిబంధనల ప్రకారం 250 వాట్ల వరకు మోటార్ పవర్ ఉండి, గరిష్ట వేగం గంటకు 25 కిలోమీటర్లలోపు ఉన్న ఎలక్ట్రిక్ ద్విచక్ర వాహనాలకు డ్రైవింగ్ లైసెన్స్ అవసరం లేదు. అలాగే ఇలాంటి వాహనాలకు సాధారణంగా RTO రిజిస్ట్రేషన్ కూడా అవసరం ఉండదు. అయితే 250 వాట్లకు పైగా మోటార్ సామర్థ్యం ఉండి, గంటకు 25 కిలోమీటర్ల కంటే ఎక్కువ వేగంతో వెళ్లే ఎలక్ట్రిక్ బైక్‌లు లేదా స్కూటర్లకు డ్రైవింగ్ లైసెన్స్ తప్పనిసరి. వీటిని RTOలో రిజిస్ట్రేషన్ చేయించుకోవాలి.

భారత్‌లో ఎలక్ట్రిక్ స్కూటర్ నడిపేందుకు కనీస వయసు 16 సంవత్సరాలు. అయితే 16 నుంచి 18 సంవత్సరాల మధ్య వయస్సు ఉన్నవారు చట్టం ప్రకారం అవసరమైన డ్రైవింగ్ పరీక్షలో ఉత్తీర్ణులై లెర్నర్ లేదా సంబంధిత లైసెన్స్ పొందాలి. అలాగే ఈ వయస్సు వారు తక్కువ సామర్థ్యం గల వాహనాలనే నడపడానికి అర్హులు. నిబంధనలకు అనుగుణంగా ఉండే ఎలక్ట్రిక్ వాహనాలకు ప్రత్యేకంగా ఆకుపచ్చ రంగు నంబర్ ప్లేట్లు జారీ చేస్తారు. లైసెన్స్ అవ‌స‌రం లేద‌ని చిన్న పిల్ల‌లు ఎల‌క్ట్రిక్ స్కూటీ న‌డిపితే త‌గిన మూల్యం చెల్లించాల్సి వ‌స్తుంది.

అధిక సామర్థ్యం ఉన్న ఎలక్ట్రిక్ బైక్ లేదా స్కూటర్ కొనుగోలు చేసిన తర్వాత తప్పనిసరిగా ప్రాంతీయ రవాణా కార్యాలయం (RTO)లో రిజిస్ట్రేషన్ చేయించాలి. రిజిస్ట్రేషన్ పూర్తయిన తర్వాతే రోడ్లపై చట్టబద్ధంగా నడపవచ్చు. అలాగే మోటార్ వాహనాల చట్టం-1988 ప్రకారం రిజిస్ట్రేషన్ అవసరమైన ప్రతి ఎలక్ట్రిక్ టూవీల‌ర్‌ వాహనానికి ఇన్సూరెన్స్ కూడా తప్పనిసరి. థర్డ్ పార్టీ ఇన్సూరెన్స్ లేదా సమగ్ర (కాంప్రిహెన్సివ్) ఇన్సూరెన్స్ తీసుకోవచ్చు. బ్యాటరీ సామర్థ్యం, వాహనం విలువ ఆధారంగా ప్రీమియం మారుతుంది.

సాధారణ వాహనాలకు రాష్ట్ర ప్రభుత్వాలు రోడ్ ట్యాక్స్ వసూలు చేస్తాయి. అయితే ఎలక్ట్రిక్ వాహనాల వినియోగాన్ని ప్రోత్సహించేందుకు కేంద్ర ప్రభుత్వం పలు రాయితీలు ప్రకటించింది. అనేక రాష్ట్రాల్లో రోడ్ ట్యాక్స్ మినహాయింపులు అమల్లో ఉన్నాయి. అదే విధంగా కేంద్ర ప్రభుత్వం ప్రవేశపెట్టిన FAME (Faster Adoption and Manufacturing of Electric Vehicles) పథకం ద్వారా అర్హత కలిగిన ఎలక్ట్రిక్ వాహనాలపై సబ్సిడీలు కూడా అందుబాటులో ఉంటాయి. దీంతో వినియోగదారులపై కొనుగోలు భారం కొంత తగ్గుతుంది.

ఎలక్ట్రిక్ బైక్ అయినా, పెట్రోల్ బైక్ అయినా రోడ్లపై ప్రయాణించే సమయంలో హెల్మెట్ ధరించడం తప్పనిసరి. ఇది ప్రతి రైడర్ భద్రత కోసం అమల్లో ఉన్న నిబంధన. హెల్మెట్ లేకుండా ప్రయాణిస్తే జరిమానాతో పాటు ఇతర చట్టపరమైన చర్యలు కూడా ఎదుర్కోవాల్సి రావచ్చు. అలాగే లైసెన్స్ అవసరమైన ఎలక్ట్రిక్ వాహనాన్ని సరైన లైసెన్స్ లేకుండా నడపడం చట్ట విరుద్ధం. ప్రమాదం జరిగినా ఇన్సూరెన్స్ క్లెయిమ్‌పై కూడా ప్రభావం పడే అవకాశం ఉంటుంది. అందుకే ఎలక్ట్రిక్ వాహనం కొనుగోలు చేసే ముందు దానికి సంబంధించిన అన్ని RTO నిబంధనలు తెలుసుకుని, వాటిని తప్పనిసరిగా పాటించడం అత్యంత ముఖ్యం.

Bike: బైక్‌లో క్రూయిజ్ కంట్రోల్ వ్య‌వ‌స్థ‌.. ఇక‌పై ప్ర‌మాదాలు అస్స‌లు జ‌ర‌గ‌వు

Narender Vaitla — Fri, 05 Jun 2026 10:33:09 +0530

Bike: ద్విచక్ర వాహనాల ప్రపంచంలో సాంకేతికత వేగంగా అభివృద్ధి చెందుతోంది. ఇప్పటికే AI ఆధారిత బైక్‌లు, హైడ్రోజన్ ఇంధనంతో నడిచే వాహనాలపై పరిశోధనలు చేస్తున్న యమహా ఇప్పుడు మరో వినూత్న టెక్నాలజీని తీసుకురావడానికి సిద్ధమవుతోంది.

ప్రస్తుతం కార్లలో అడాప్టివ్ క్రూయిజ్ కంట్రోల్ (ACC) సిస్టమ్ సాధారణంగా కనిపిస్తోంది. ముందున్న వాహనానికి అనుగుణంగా కారు వేగాన్ని తగ్గించడం లేదా పెంచడం ఈ సిస్టమ్ పని. అయితే అదే సాంకేతికతను బైక్‌లలో అమలు చేయడం చాలా క్లిష్టమైన పని. ఎందుకంటే బైక్‌లు రెండు చక్రాలపై మాత్రమే ఆధారపడతాయి. రైడర్ సమతుల్యత కీలకంగా ఉంటుంది. ఈ సవాల్‌ను అధిగమించేందుకు యమహా ప్రత్యేక సాఫ్ట్‌వేర్, సెన్సార్లతో కూడిన కొత్త వ్యవస్థను అభివృద్ధి చేస్తోంది. ఇది అనుభవజ్ఞుడైన రైడర్‌లా పరిస్థితులను అంచనా వేసి స్పందించేలా రూపొందిస్తున్నారు.

యమహా అభివృద్ధి చేస్తున్న ACC (ఆటోమేటిక్ అడాప్టివ్ క్రూయిజ్ కంట్రోల్‌) వ్యవస్థలో రాడార్ సెన్సార్ కీలక పాత్ర పోషిస్తుంది. బైక్ ముందు ఉన్న వాహనం వేగం తగ్గించినప్పుడు లేదా ట్రాఫిక్ కారణంగా నెమ్మదిగా కదులుతున్నప్పుడు ఈ రాడార్ వెంటనే గుర్తిస్తుంది. ఆ సమాచారాన్ని ఎలక్ట్రానిక్ కంట్రోల్ యూనిట్ (ECU) విశ్లేషించి థ్రాటిల్‌ను ఆటోమేటిక్‌గా తగ్గిస్తుంది. దీంతో బైక్ వేగం క్రమంగా తగ్గుతుంది. ఆకస్మికంగా స్పీడ్ తగ్గకపోవడంతో రైడర్‌కు అసౌకర్యం కలగదు.

ఈ టెక్నాలజీలో మరో ముఖ్యమైన అంశం Y-AMT (య‌మ‌హా ఆటోమేటెడ్ మ్యాన్యువ‌ల్ ట్రాన్స్‌మిష‌న్‌). ముందున్న వాహనం కారణంగా వేగం తగ్గాల్సి వచ్చినప్పుడు ఈ సిస్టమ్ స్వయంగా గేర్‌లను మార్చుతుంది. దీంతో బైక్ ఇంజిన్‌పై ఒత్తిడి తగ్గుతుంది. అలాగే తక్కువ వేగంలో ప్రయాణిస్తున్నప్పుడు ఇంజిన్ ఆగిపోవడం వంటి సమస్యలు కూడా రాకుండా ఉంటుంది. రైడర్ గేర్ మార్చాల్సిన అవసరం లేకుండా ప్రయాణం మరింత సౌకర్యవంతంగా మారుతుంది.

వేగం తగ్గించడం, గేర్ మార్చడం ద్వారా పరిస్థితి అదుపులోకి రాకపోతే ఈ సిస్టమ్ నేరుగా బ్రేక్‌లను ఉపయోగిస్తుంది. ముందు, వెనుక చక్రాల బ్రేక్‌లను సమన్వయంతో ఉపయోగించి బైక్ వేగాన్ని సురక్షితంగా త‌గ్గిస్తుంది. అంతేకాదు, బ్రేకింగ్ సమయంలో బైక్ ముందుభాగం ఎక్కువగా కిందికి వంగకుండా ఉండేందుకు ఎలక్ట్రానిక్ సస్పెన్షన్‌ను కూడా ఆటోమేటిక్‌గా అడ్జెస్ట్‌ చేస్తుంది. దీంతో రైడర్‌కు ఆకస్మిక షాక్‌లు తగలకుండా బైక్ స్థిరత్వం మెరుగుపడుతుంది.

యమహా ప్రకారం ఈ టెక్నాలజీ రోడ్డు ప్రమాదాలను గణనీయంగా తగ్గించే అవకాశం ఉంది. చాలాసార్లు ముందున్న వాహనం అకస్మాత్తుగా బ్రేక్ వేస్తే రైడర్లు గందరగోళానికి గురై తప్పుగా స్పందిస్తారు. అలాంటి సందర్భాల్లో ఈ వ్యవస్థ ముందుగానే స్పందించి బైక్‌ను నియంత్రించగలదు. ప్రస్తుతం కొన్ని ప్రీమియం బైక్‌లైన BMW R 1300 GS, Ducati Multistrada V4 మోడళ్లలో ACC సిస్టమ్ అందుబాటులో ఉంది. అయితే వాటిలో అత్యవసర పరిస్థితుల్లో రైడర్ స్వయంగా బ్రేక్ వేయాల్సి ఉంటుంది. యమహా కొత్త టెక్నాలజీ మాత్రం అవసరమైతే పూర్తిగా ఆటోమేటిక్‌గా బ్రేకింగ్ చేయగలదని చెబుతోంది. ఈ టెక్నాలజీ ఉత్పత్తి దశకు చేరుకుంటే భవిష్యత్తులో బైక్ రైడింగ్ మరింత స్మార్ట్‌గా, సురక్షితంగా మారే అవకాశాలు కనిపిస్తున్నాయి.

ఎలక్ట్రిక్ స్కూటర్లకు లైసెన్స్ ఎందుకు అవసరం ఉండదు.. ఈ డౌట్ ఎప్పుడైనా వచ్చిందా.?

Narender Vaitla — Mon, 22 Jun 2026 10:36:48 +0530

Electric Scooter: భారత్‌లో ఎలక్ట్రిక్ వాహనాల వినియోగం పెరుగుతోంది. అయితే కొన్ని ఎలక్ట్రిక్ స్కూటర్లను నడపడానికి డ్రైవింగ్ లైసెన్స్ లేదా రిజిస్ట్రేషన్ అవసరం లేకపోవడం చాలా మందికి ఆశ్చర్యాన్ని కలిగిస్తుంది. మ‌రి దీనికి కార‌ణం ఏంటో ఎప్పుడైనా ఆలోచించారా

కేంద్ర ప్రభుత్వం ఎలక్ట్రిక్ స్కూటర్లను వాటి వేగం, మోటార్ సామర్థ్యం ఆధారంగా వర్గీకరించింది. కొన్ని స్కూటర్లు "లో-స్పీడ్ ఎలక్ట్రిక్ వాహనాలు" కేటగిరీలోకి వస్తాయి. సాధారణంగా గంటకు 25 కిలోమీటర్ల కంటే తక్కువ వేగంతో ప్రయాణించే ఎలక్ట్రిక్ స్కూటర్లకు డ్రైవింగ్ లైసెన్స్, ఆర్టీఓ రిజిస్ట్రేషన్ అవసరం ఉండదు. ఇలాంటి వాహనాలను తక్కువ ప్రమాదకర వాహనాలుగా ప్రభుత్వం పరిగణిస్తుంది. అందుకే వాటికి ప్రత్యేక మినహాయింపులు కల్పించింది

దేశంలో ఎలక్ట్రిక్ వాహనాల వినియోగాన్ని పెంచడం ప్రభుత్వ ప్రధాన లక్ష్యం. కాలుష్యాన్ని తగ్గించడం, ఇంధన వినియోగాన్ని నియంత్రించడం కోసం ఈవీలను ప్రోత్సహిస్తోంది. లో-స్పీడ్ స్కూటర్లు సాధారణంగా కాలనీలు, పట్టణ ప్రాంతాలు, చిన్న దూరాల ప్రయాణాలకు ఉపయోగపడతాయి. వీటి వేగం తక్కువగా ఉండటంతో ప్రమాదాల అవకాశం కూడా తక్కువగా ఉంటుందని ప్రభుత్వం భావిస్తోంది. అందుకే ప్రజలు సులభంగా ఈ వాహనాలను ఉపయోగించేందుకు లైసెన్స్ నిబంధనలను సడలించింది.

డ్రైవింగ్ లైసెన్స్ అవసరం లేదని చెప్పడం వల్ల ట్రాఫిక్ నిబంధనలు పాటించాల్సిన అవసరం లేదని కాదు. ఎలక్ట్రిక్ స్కూటర్ అయినా, ఇతర వాహనం అయినా రోడ్డు భద్రతా నియమాలు అందరికీ ఒకేలా వర్తిస్తాయి. ప్రయాణ సమయంలో హెల్మెట్ ధరించడం, ట్రాఫిక్ సిగ్నల్స్ పాటించడం, అతివేగంగా నడపకపోవడం, రోడ్డు భద్రతా నిబంధనలను పాటించ‌డం వంటివి క‌చ్చితంగా పాటించాల్సిందే.

అన్ని ఎలక్ట్రిక్ స్కూటర్లకు ఈ మినహాయింపు వర్తించదు. గంటకు 25 కిలోమీటర్ల కంటే ఎక్కువ వేగంతో వెళ్లే హై-స్పీడ్ ఎలక్ట్రిక్ స్కూటర్లు సాధారణ మోటార్ వాహనాల కిందకు వస్తాయి. అలాంటి స్కూటర్లకు డ్రైవింగ్ లైసెన్స్, ఆర్టీఓ రిజిస్ట్రేషన్, వాహన బీమా, నంబర్ ప్లేట్ తప్పనిసరిగా ఉండాలి. లేకపోతే చట్టపరమైన చర్యలు ఎదుర్కోవాల్సి ఉంటుంది.

ప్రభుత్వం తీసుకొచ్చిన ఈ సడలింపు వల్ల విద్యార్థులు, ఉద్యోగులు, చిన్న పట్టణాల్లో నివసించే ప్రజలు ఎక్కువగా లాభపడుతున్నారు. లైసెన్స్ పొందడానికి సమయం, ఖర్చు పెట్టాల్సిన అవసరం లేకుండా తక్కువ ధరలో ఎలక్ట్రిక్ స్కూటర్ కొనుగోలు చేసి ఉపయోగించగలుగుతున్నారు. అదే సమయంలో పర్యావరణహిత రవాణాను ప్రోత్సహించడంలో కూడా ఈ విధానం కీలకంగా మారింది. అయితే లైసెన్స్ మినహాయింపు ఉన్నా, భద్రత విషయంలో మాత్రం ఎలాంటి రాజీ పడకూడదని నిపుణులు సూచిస్తున్నారు.

పెట్రోల్ ధ‌ర‌లు ఎంతైనా పెర‌గ‌ని.. 176 కి.మీల మైలేజ్ ఇచ్చే ఈ ఎలక్ట్రిక్ స్కూటీ ధ‌ర ల‌క్ష‌లోపే

Narender Vaitla — Tue, 23 Jun 2026 17:34:03 +0530

Ola S1 X 3kWh: పెరుగుతున్న పెట్రోల్ ధరల నేపథ్యంలో Ola S1 X 3kWh ఎలక్ట్రిక్ స్కూటర్ ప్రజలకు మంచి ఛాయిస్ గా మారింది. దీని ఎక్స్-షోరూమ్ ధర రూ. 97,381గా ఉంది. ఈ స్కూటీకి సంబంధించిన పూర్తి వివరాలు ఇప్పుడు తెలుసుకుందాం.

పెరుగుతున్న పెట్రోల్ ధరల నేపథ్యంలో Ola S1 X 3kWh ఎలక్ట్రిక్ స్కూటర్ ప్రజలకు ఆకర్షణీయమైన ఎంపికగా నిలుస్తోంది. దీని ఎక్స్-షోరూమ్ ధర రూ. 97,381. ఇది ఒక్క ఛార్జ్‌పై 176 కిలోమీటర్ల IDC రేంజ్‌ను, 123 kmph గరిష్ట వేగాన్ని అందిస్తుంది. డిజిటల్ డిస్‌ప్లే, నావిగేషన్, క్రూయిజ్ కంట్రోల్ వంటి స్మార్ట్ ఫీచర్లతో కూడిన ఈ స్కూటర్, పెరుగుతున్న ఇంధన ఖర్చుల నుంచి ఉపశమనం పొందాలనుకునే వారికి సరైన బడ్జెట్-ఫ్రెండ్లీ ఎంపికగా చెప్పొచ్చు.

పెట్రోల్ ధరలు నిరంతరం పెరుగుతున్నందున, ఎలక్ట్రిక్ స్కూటర్లు ఇప్పుడు ప్రజలకు మొదటి ఎంపికగా మారుతున్నాయి. మీరు ప్రతిరోజూ ఆఫీసు, కాలేజీ లేదా నగరం లోపల ప్రయాణిస్తున్నట్లయితే, Ola S1 X 3kWh మీకు మంచి ఛాయిస్ గా చెప్పొచ్చు. ఈ స్కూటర్ భారీ రేంజ్, శక్తివంతమైన వేగం, బడ్జెట్-ఫ్రెండ్లీ ధరతో వస్తుంది.

Ola S1 X 3kWh ఎక్స్-షోరూమ్ ధర రూ. 97,381. ఈ ధరకు లభించే ఫీచర్లు, రేంజ్ దాని సెగ్మెంట్‌లో దీన్ని ప్రత్యేకంగా నిలుపుతాయి. తక్కువ ఖర్చుతో ఎలక్ట్రిక్ స్కూటర్‌ను కొనుగోలు చేయాలనుకునే కస్టమర్‌లకు ఈ మోడల్ ఆకర్షణీయమైన ఎంపికగా ఉంటుంది.

కంపెనీ ప్రకారం, Ola S1 X 3kWh ఒకసారి పూర్తి ఛార్జ్ అయిన తర్వాత 176 కిలోమీటర్ల వరకు IDC రేంజ్‌ను అందిస్తుంది. రోజువారీ ఆఫీసుకు వెళ్లే వారికి లేదా ఎక్కువ దూరం ప్రయాణించే వారు తరచుగా ఛార్జింగ్ చేయాల్సిన పని ఉండదు. ఈ ఎలక్ట్రిక్ స్కూటర్‌లో 3kWh లిథియం-అయాన్ బ్యాటరీని అమర్చారు. రోజువారీ వినియోగాన్ని దృష్టిలో ఉంచుకొని రూపొందించిన ఈ బ్యాటరీ నగరం లోపల ప్రయాణించే వినియోగదారులకు అనుకూలంగా ఉంటుంది.

Ola S1 X 3kWh ప్రత్యేకతలలో దాని గరిష్ట వేగం కూడా ఒకటి. ఈ స్కూటీ 123 కిలోమీటర్ల వేగంతో దూసుకెళ్తుంది. ఎక్కువ వేగం ఇష్టపడే యువకులకు ఈ ఫీచర్ ప్రత్యేక ఆకర్షణగా చెప్పొచ్చు. మీ రోజువారీ ప్రయాణం 30 నుంచి 50 కిలోమీటర్ల మధ్య ఉన్నట్లయితే, ఈ స్కూటర్ మీకు మంచి ఎంపికగా ఉంటుంది.

ఆఫీసుతో పాటు కాలేజీకి వెళ్లే వారికి ఈ స్కూటర్ అద్భుతమైన ప్రయాణ అనుభవాన్ని అందిస్తుంది. దీని విస్తృతమైన రేంజ్, తక్కువ నిర్వహణ ఖర్చులతో, Ola S1 X 3kWh దైనందిన ప్రయాణాలను సౌకర్యవంతంగా చేస్తుంది. పెట్రోల్ ఖర్చులు ఆదా చేయడమే కాకుండా, పర్యావరణ పరిరక్షణకు కూడా ఇది సహాయపడుతుంది.

అదిరిపోయే ఆధునిక ఫీచర్లు

Ola S1 X లో డిజిటల్ డిస్‌ప్లే, నావిగేషన్ సపోర్ట్, క్రూయిజ్ కంట్రోల్, రైడింగ్ మోడ్‌లు, స్మార్ట్ కనెక్టివిటీ వంటి అనేక ఆధునిక ఫీచర్లు ఉన్నాయి. ఈ సౌకర్యాలు రైడింగ్‌ను మరింత సులభతరంతో పాటు సౌకర్యవంతంగా చేస్తాయి. నిరంతరం పెరుగుతున్న పెట్రోల్ ఖర్చులతో ఇబ్బంది పడుతున్న వారికి Ola S1 X ఒక అద్భుతమైన ప్రత్యామ్నాయంగా నిలుస్తోంది.

EV scooter: ఫోన్ కంటే తక్కువ ధరలో స్కూటీ.. 150 కిలోమీటర్ల మైలేజ్, లైసెన్స్, రిజిస్ట్రేషన్ అవసరం లేదు

Narender Vaitla — Fri, 19 Jun 2026 14:57:48 +0530

EV scooter: భారత్‌లో ఎలక్ట్రిక్ వాహనాల వినియోగం వేగంగా పెరుగుతోంది. ముఖ్యంగా చిన్న పట్టణాలు, గ్రామీణ ప్రాంతాల్లో తక్కువ ధరలో లభించే ఎలక్ట్రిక్ స్కూటర్లకు మంచి డిమాండ్ ఉంది. అలాంటి కొన్ని ప్రముఖ ఎలక్ట్రిక్ స్కూటర్ల వివరాలు ఇప్పుడు తెలుసుకుందాం.

మోటార్ వెహికల్ యాక్ట్ 1988 ప్రకారం 250W లోపు మోటార్ సామర్థ్యం, గంటకు 25 కిలోమీటర్లలోపు గరిష్ట వేగం ఉన్న ఎలక్ట్రిక్ స్కూటర్లకు రిజిస్ట్రేషన్, డ్రైవింగ్ లైసెన్స్ అవసరం ఉండదు. దీంతో విద్యార్థులు, వృద్ధులు, గ్రామీణ ప్రాంతాల ప్రజలు వీటిని ఎక్కువగా కొనుగోలు చేస్తున్నారు.

ఆంపియర్ రియో ఎలైట్ ధర సుమారు రూ.42,999 నుంచి ప్రారంభమవుతుంది. ఇందులో 250W BLDC హబ్ మోటార్, గరిష్ట వేగం 25 కిమీ/గంట, ఒక్కసారి చార్జ్ చేస్తే 55–60 కిమీ రేంజ్, 5 నుంచి 6 గంటల్లో పూర్తి చార్జ్, బ్యాటరీపై 2 ఏళ్ల వారంటీ, స్పీడోమీటర్, ప్యాసింజర్ ఫుట్‌రెస్ట్, ఛార్జింగ్ పోర్ట్ వంటి ప్రాథమిక ఫీచర్లు ఇందులో ఉన్నాయి.

ఒకినావా R30 ధర సుమారు రూ.58,992 గా ఉంది. ఇందులో 250W BLDC మోటార్, గరిష్ట వేగం 25 కిమీ/గంట, ఒక్కసారి చార్జ్‌తో 60 కిమీ రేంజ్, 4 నుంచి 5 గంటల్లో చార్జ్ అవుతుంది. ఇందులో LED లైట్లు, DRL, యాంటీ-థెఫ్ట్ అలారం, సెంట్రల్ లాకింగ్ వంటి ఆధునిక ఫీచర్లు ఉన్నాయి.

లోహియా ఓమా స్టార్ ప్రారంభ ధర సుమారు రూ.40,850 గా ఉంది. ఈ స్కూటీలో 250W మోటార్, 70 కిమీ వరకు రేంజ్, 4.5 నుంచి 5 గంటల ఛార్జింగ్ సమయం పడుతుంది. అలాగే టర్న్ ఇండికేటర్లు, బ్యాటరీ స్టేటస్ ఇండికేటర్, బేసిక్ లైటింగ్ సిస్టమ్ వంటి ఫీచర్లు ఉన్నాయి.తక్కువ బడ్జెట్‌లో ఎక్కువ రేంజ్ కోరుకునేవారికి ఇది మంచి ఆప్షన్ గా చెప్పవచ్చు.

కొమాకి XGT KM ధర సుమారు రూ.42,500. ఇతర లో-స్పీడ్ స్కూటర్లతో పోలిస్తే ఇది కొంచెం భిన్నంగా ఉంటుంది. ఇందులో 130 నుంచి 150 కిమీ వరకు రేంజ్, గరిష్ట వేగం 60 కిమీ/గంట వరకు, LED లైటింగ్, డిస్క్ బ్రేకులు, ట్యూబ్‌లెస్ టైర్లు వంటి ఫీచర్లు ఉన్నాయి. అయితే దీని వేగం 25 కిమీ/గంట కంటే ఎక్కువగా ఉండే అవకాశం ఉన్నందున, కొనుగోలు చేసే ముందు లైసెన్స్, రిజిస్ట్రేషన్ నిబంధనలను తప్పనిసరిగా పరిశీలించాలి.

గమనిక: వాహనాల ధరలు నగరం, డీలర్, ఆఫర్లను బట్టి మారవచ్చు. కొనుగోలు ముందు అధికారిక డీలర్ వద్ద తాజా వివరాలు తెలుసుకోవడం మంచిది.

TVS: 145 కిలోమీట‌ర్ల మైలేజ్‌, టైప్‌సీ ఛార్జ‌ర్‌.. టీవీఎస్ నుంచి అదిరిపోయే ఎల‌క్ట్రిక్ స్కూట‌ర్

Narender Vaitla — Tue, 25 Aug 2026 22:00:22 +0530

TVS: ప్ర‌ముఖ ఎల‌క్ట్రిక్ స్కూటర్ సంస్థ టీవీఎస్ ఐక్యూబ్‌లో కొత్త మిలియ‌న్ఆర్ స్పెష‌ల్ ఎడిష‌న్‌ను మార్కెట్లోకి తీసుకొచ్చింది. ఐక్యూబ్ 10 లక్షల మంది కస్టమర్లను దాటిన సందర్భంగా కంపెనీ ఈ ప్రత్యేక ఎడిషన్‌ను విడుదల చేసింది.

టీవీఎస్ ఐక్యూబ్ దేశంలో మంచి ఆదరణ పొందిన ఎలక్ట్రిక్ స్కూటర్లలో ఒకటిగా నిలిచింది. ఇప్పటివరకు ఈ స్కూటర్‌ను 10 లక్షల మందికి పైగా కొనుగోలు చేశారు. ఈ మైలురాయిని పురస్కరించుకుని టీవీఎస్ మిలియ‌న్ఆర్ స్పెష‌ల్ ఎడిష‌న్‌ను తీసుకొచ్చింది. సాధారణ iQubeతో పోలిస్తే ఈ స్పెషల్ ఎడిషన్‌లో డిజైన్, కలర్, కొన్ని సౌకర్యాల్లో మార్పులు చేశారు.

మిలియ‌న్ఆర్ స్పెష‌ల్ ఎడిష‌న్‌లో ప్రధాన ఆకర్షణ దాని కొత్త లుక్. ఈ స్కూటర్‌కు అక్వారా గ్రీన్ డ్యూయల్ టోన్ కలర్ ఇచ్చారు. దీనికి ప్రత్యేక గ్రాఫిక్స్ జోడించారు. అలాగే MillionR పేరుతో ప్రత్యేక బ్యాడ్జింగ్ అందించారు. దీంతో సాధారణ iQubeతో పోలిస్తే ఈ స్పెషల్ ఎడిషన్ ప్రత్యేకంగా కనిపిస్తుంది. ప్రీమియం సీట్ కవర్ కూడా ఇందులో ఉంది.

కొత్త iQube MillionR Editionలో రోజువారీ అవసరాలను దృష్టిలో పెట్టుకుని యూఎస్‌బీ టైప్‌సీ ఛార్జింగ్ పోర్ట్ ఇచ్చారు. గతంలో ఐక్యూబ్‌లో USB-A పోర్ట్ సీటు కింద ఉండేది. ఫోన్ ఛార్జ్ చేయాలంటే సీటు తెరవాల్సి వచ్చేది. ఇప్పుడు టైప్‌-సీ పోర్ట్‌ను సులభంగా ఉపయోగించుకునేలా ఏర్పాటు చేశారు. దీంతో ప్రయాణ సమయంలో ఫోన్ ఛార్జింగ్ మరింత సులభంగా మారుతుంది.

కొత్త ఎడిషన్‌లో మరో ఉపయోగకరమైన మార్పు ఫ్రంట్ స్టోరేజ్ బాక్స్. ఇందులో మొబైల్ ఫోన్‌తో పాటు చిన్నచిన్న రోజువారీ వస్తువులను పెట్టుకోవచ్చు. ఛార్జింగ్ సమయంలో ఫోన్‌ను కూడా ఈ స్థలంలో ఉంచుకోవచ్చు. నగరాల్లో రోజూ స్కూటర్‌పై ప్రయాణించే వారికి ఈ ఫీచర్ ఉపయోగకరంగా ఉంటుంది.

TVS iQube MillionR Special Editionలో 145 కిలోమీటర్ల వరకు IDC రేంజ్ వస్తుందని కంపెనీ పేర్కొంది. అంటే అధికారిక పరీక్షా ప్రమాణాల ప్రకారం ఒక్కసారి పూర్తిగా ఛార్జ్ చేస్తే 145 కిమీ వరకు ప్రయాణించే అవకాశం ఉంటుంది. అయితే వాస్తవ పరిస్థితుల్లో వచ్చే రేంజ్ దీనికంటే తక్కువగా లేదా ఎక్కువగా ఉండొచ్చు. ట్రాఫిక్, ప్రయాణ వేగం, రైడర్ బరువు, రోడ్డు పరిస్థితులు, స్కూటర్‌లో ఉపయోగించే ఫీచర్లు వంటి అంశాలపై రేంజ్ ఆధారపడి ఉంటుంది. మొత్తంగా చూస్తే కొత్త కలర్, ప్రత్యేక బ్యాడ్జింగ్, ప్రీమియం సీట్‌తో పాటు యూఎస్‌బీ టైప్‌-సీ పోర్ట్, ఫ్రంట్ స్టోరేజ్ వంటి సౌకర్యాలను జోడించడం ద్వారా TVS iQube MillionR Special Editionను మరింత ఆకర్షణీయంగా తీర్చిదిద్దింది.

రివోల్ట్ నుంచి కొత్త‌ ఎల‌క్ట్రిక్ బైక్.. రివ‌ర్స్ మోడ్‌, బ్లూటుత్ క‌నెక్టివిటీతో పాటు మ‌రెన్నో ఫీచ‌ర్లు

Narender Vaitla — Wed, 12 Aug 2026 14:01:41 +0530

Revolt: భారత మార్కెట్లో ఎలక్ట్రిక్‌ వాహనాలకు డిమాండ్‌ పెరుగుతున్న నేపథ్యంలో రివోల్ట్ మోట‌ర్స్ కొత్త ఎలక్ట్రిక్‌ మోటార్‌సైకిల్‌ను తీసుకొచ్చింది. రివోల్ట్ రిఎవ్ఎక్స్ పేరుతో లాంచ్‌ చేసిన ఈ బైక్‌కు సంబంధించిన ఫీచ‌ర్ల గురించి ఇప్పుడు తెలుసుకుందాం.

రివోల్ట్ ఆర్‌వీఎక్స్‌లో 4kW మిడ్‌-డ్రైవ్‌ PMSM ఎలక్ట్రిక్‌ మోటార్‌ను ఉపయోగించారు. దీని గరిష్ఠ పవర్‌ 5.3kW వరకు ఉంటుంది. వెనుక చక్రానికి గరిష్ఠంగా 230Nm టార్క్‌ అందుతుందని కంపెనీ చెబుతోంది. ఈ బైక్‌ కేవలం 3.9 సెకన్లలో 0 నుంచి 40 కి.మీ వేగాన్నిఅందుకోగలదు. బూస్ట్‌ మోడ్‌లో గరిష్ఠంగా 90 కి.మీ వేగంతో ప్రయాణించవచ్చు. పనితీరుకు ప్రాధాన్యం ఇచ్చే యువతను దృష్టిలో పెట్టుకుని RVXను రూపొందించినట్లు రివోల్ట్ మోట‌ర్స్ తెలిపింది.

ఆర్‌వీఎక్స్‌లో 3.24kWh NMC బ్యాటరీ ప్యాక్‌ ఉంటుంది. ఈ బ్యాటరీని అవసరమైనప్పుడు బైక్‌ నుంచి తొలగించుకోవచ్చు. ఒక్కసారి పూర్తిగా ఛార్జ్‌ చేస్తే 160 కి.మీ వరకు IDC రేంజ్‌ అందిస్తుందని కంపెనీ పేర్కొంది. ఫాస్ట్‌ ఛార్జర్‌ ఉపయోగిస్తే బ్యాటరీని 0 నుంచి 80 శాతం వరకు సుమారు 80 నిమిషాల్లో ఛార్జ్‌ చేయవచ్చు. రోజువారీ ప్రయాణాలకు ఈ రేంజ్‌ ఉపయోగకరంగా ఉంటుందని చెప్పొచ్చు.

Revolt RVXలో రైడర్‌ అవసరానికి అనుగుణంగా ఎకో, నార్మ‌ల్‌, స్పోర్ట్ అనే మూడు ప్రధాన రైడింగ్‌ మోడ్‌లు ఉన్నాయి. వీటితో పాటు బూస్ట్ మోడ్‌ కూడా అందించారు. Boost మోడ్‌ను ఉపయోగించినప్పుడు బైక్‌ గరిష్ఠ పనితీరును అందిస్తుంది. వేగంగా యాక్సిలరేషన్‌ కావాల్సిన సమయంలో ఇది ఉపయోగపడుతుంది. బూస్ట్‌ అవసరం లేని పరిస్థితి వచ్చిన తర్వాత సిస్టమ్‌ ఆటోమేటిక్‌గా తిరిగి స్పోర్ట్‌ మోడ్‌కు మారుతుంది.

RVXలో ముందు భాగంలో USD ఫ్రంట్‌ ఫోర్క్‌, వెనుక మోనోషాక్‌ ఉన్నాయి. ముందు, వెనుక రెండు చక్రాలకు డిస్క్‌ బ్రేకులు అందించారు. బైక్‌లో 3.5 అంగుళాల IP67 రేటెడ్‌ డిస్‌ప్లే ఉంటుంది. ఇందులో బ్లూటూత్‌ కనెక్టివిటీ, టెలిమాటిక్స్‌, OTA అప్‌డేట్స్‌ వంటి ఫీచర్లు ఉన్నాయి. ఇవే కాకుండా జియో-ఫెన్సింగ్‌, కాల్‌, మెసేజ్‌ అలర్ట్స్‌, హిల్‌-హోల్డ్‌ అసిస్ట్‌, రివర్స్‌ మోడ్‌, వాక్‌ అసిస్ట్‌, ఇమ్మొబిలైజర్‌, వెహికల్‌ లొకేటర్‌ వంటి ఫీచర్లు కూడా ఉన్నాయి. దీంతో రోజువారీ వినియోగంతో పాటు స్మార్ట్‌ ఫీచర్లకు ప్రాధాన్యం ఇచ్చే వారికి ఆర్‌వీఎక్స్‌ ఉపయోగకరంగా ఉండేలా కనిపిస్తోంది.

Bike: ధ‌ర రూ. 84 వేలు, మైలేజ్ 71 కి.మీలు.. ఇది క‌దా సామాన్యుడి బైక్ అంటే

Narender Vaitla — Wed, 01 Jul 2026 20:08:16 +0530

Bike: దేశంలో అత్యధికంగా అమ్ముడయ్యే బైక్‌లలో హీరో ప్యాషన్ సిరీస్‌కు ప్రత్యేక స్థానం ఉంది. ఇప్పుడు కంపెనీ తన ప్రముఖ హీరో ఫ్యాష‌న్ ప్ల‌స్ బైక్‌ను కొత్త డిస్క్ బ్రేక్ వేరియంట్‌లో మార్కెట్లోకి తీసుకొచ్చింది. ఈ బైక్ ధ‌ర ఎంత‌.? ఎలాంటి ఫీచ‌ర్లు ఉన్నాయి.?

కొత్త Hero Passion Plus Disc మోడల్‌లో గత వెర్షన్‌తో పోలిస్తే డిజైన్‌లో మార్పులు చేశారు. కొత్త గ్రాఫిక్స్, ప్రీమియం ఫినిషింగ్, ఆకర్షణీయమైన బాడీ స్టైల్‌తో బైక్ మరింత స్టైలిష్‌గా కనిపిస్తోంది. అయితే ప్యాషన్ సిరీస్‌కు ఉన్న ప్రత్యేక గుర్తింపును మాత్రం కంపెనీ అలాగే కొనసాగించింది. దీంతో కొత్త లుక్‌తో పాటు పాత మోడల్‌కు ఉన్న విశ్వసనీయత కూడా ఈ బైక్‌లో కనిపిస్తుంది.

ఈ బైక్‌లో ప్రధాన ఆకర్షణ పూర్తిగా డిజిటల్ ఇన్‌స్ట్రుమెంట్ క్లస్టర్. ఇందులో స్పీడోమీటర్, ట్రిప్ మీటర్, ఓడోమీటర్, ఫ్యూయల్ లెవల్ వంటి వివరాలు స్పష్టంగా కనిపిస్తాయి. అలాగే బ్లూటూత్ కనెక్టివిటీ సదుపాయం కూడా అందుబాటులో ఉంది. బైక్‌ను స్మార్ట్‌ఫోన్‌తో కనెక్ట్ చేస్తే కాల్స్, SMS అలర్ట్‌లు నేరుగా డిజిటల్ డిస్‌ప్లేపై కనిపిస్తాయి. దీంతో ప్రయాణ సమయంలో ఫోన్‌ను పదేపదే చూడాల్సిన అవసరం ఉండదు.

కొత్త Hero Passion Plus Disc బైక్ ఒక లీటర్ పెట్రోల్‌తో గరిష్ఠంగా 71 కిలోమీటర్ల వరకు మైలేజ్ ఇస్తుందని కంపెనీ వెల్లడించింది. రోజువారీ ప్రయాణాలకు తక్కువ ఇంధన ఖర్చుతో ఎక్కువ దూరం వెళ్లాలనుకునే వారికి ఇది ప్రయోజనకరంగా ఉంటుంది. ఈ బైక్ ప్రారంభ ధర రూ.84,128గా నిర్ణయించారు.

ఈ కొత్త మోడల్‌లో ఫ్రంట్ డిస్క్ బ్రేక్‌ను అందించారు. దీంతో బ్రేకింగ్ పనితీరు మరింత మెరుగవడంతో పాటు అత్యవసర పరిస్థితుల్లో బైక్‌ను వేగంగా నియంత్రించేందుకు సహాయపడుతుంది. అదనంగా రియల్ టైమ్ మైలేజ్ ఇండికేటర్, సర్వీస్ రిమైండర్, లో ఫ్యూయల్ అలర్ట్, డిజిటల్ స్పీడోమీటర్, ట్రిప్ మీటర్, ఓడోమీటర్ వంటి ఫీచర్లు కూడా ఉన్నాయి.

తక్కువ ఖర్చుతో మంచి మైలేజ్, ఆధునిక ఫీచర్లు, మెరుగైన భద్రత కోరుకునే వినియోగదారులను దృష్టిలో పెట్టుకుని Hero ఈ కొత్త Passion Plus Disc బైక్‌ను రూపొందించినట్లు కంపెనీ తెలిపింది. రోజువారీ ప్రయాణాలకు ఇది మంచి ఎంపికగా నిలిచే అవకాశం ఉంది.

Simple Wave EV: 243 కిలో మీటర్ల మైలేజ్.. సింపుల్‌ ఎనర్జీ నుంచి అదిరిపోయే స్కూటర్ వచ్చేసింది !

Mahesh Rajamoni — Thu, 03 Sep 2026 17:02:24 +0530

Simple Wave EV: సింపుల్ ఎనర్జీ రూ.1.09 లక్షల ప్రారంభ ధరతో 'సింపుల్ వేవ్' ఫ్యామిలీ ఈవీ స్కూటర్‌ను లాంచ్ చేసింది. 243 కిమీ రేంజ్, 70 లీటర్ల స్టోరేజ్‌ సహా అద్భుతమైన ఫీచర్లతో ఇది అందుబాటులోకి వచ్చింది.

ఎలక్ట్రిక్ టూ-వీలర్ తయారీ సంస్థ సింపుల్ ఎనర్జీ భారత మార్కెట్లోకి తన కొత్త ఫ్యామిలీ ఎలక్ట్రిక్ స్కూటర్ 'సింపుల్ వేవ్'ను గ్రాండ్‌గా లాంచ్ చేసింది. బెంగళూరుకు చెందిన ఈ ఈవీ స్టార్టప్, రోజువారీ కుటుంబ అవసరాలను దృష్టిలో ఉంచుకుని దీనిని ప్రత్యేకంగా డిజైన్ చేసింది. బెంగళూరు ఎక్స్‌షోరూమ్ ప్రకారం ఈ స్కూటర్ ప్రారంభ ధర రూ. 1,09,999గా నిర్ణయించారు. ఈ స్కూటర్‌కు సంబంధించి బుకింగ్స్ ఇప్పటికే ప్రారంభమవ్వగా, సెప్టెంబర్ 25 నుండి డెలివరీలు ప్రారంభం కానున్నాయి.

బ్యాటరీ ఆప్షన్లు, రేంజ్, డిజైన్ పరంగా సింపుల్ వేవ్ తన ప్రత్యర్థులకు గట్టి పోటీనిస్తోంది. కుటుంబ సభ్యులందరికీ కంఫర్ట్‌గా ఉండేలా, మంచి ప్రాక్టికాలిటీతో దీనిని తీసుకొచ్చారు.

సింపుల్ వేవ్ స్కూటర్ నాలుగు విభిన్న బ్యాటరీ ఆప్షన్లతో లభిస్తుంది. కస్టమర్లు తమ రోజువారీ వినియోగాన్ని బట్టి కావలసిన మోడల్‌ను ఎంచుకోవచ్చు. ఎంట్రీ లెవెల్ మోడల్ 2.2 kWh బ్యాటరీతో వస్తుంది. ఇది ఐడీసీ (IDC) సర్టిఫైడ్ ప్రకారం 110 కిమీ రేంజ్ ఇస్తుంది. అలాగే 2.7 kWh బ్యాటరీ వేరియంట్ 132 కిమీ రేంజ్, 3.7 kWh వర్షన్ 171 కిమీ రేంజ్ అందిస్తాయి.

వీటన్నింటిలో టాప్ వేరియంట్ అయిన 'వేవ్+' మోడల్‌లో భారీ 5 kWh బ్యాటరీ ప్యాక్‌ను అందించారు. ఇది ఒక్కసారి ఛార్జ్ చేస్తే ఏకంగా 243 కిమీల మైలేజ్ ఇస్తుందని కంపెనీ ప్రకటించింది. చిన్న బ్యాటరీ మోడల్స్ (2.2 kWh, 2.7 kWh) ఎల్‌ఎఫ్‌పీ టెక్నాలజీతో పనిచేస్తే, టాప్ ఎండ్ 5 kWh వేరియంట్ మాత్రం ఎక్కువ డెన్సిటీ ఉండే ఎన్సీఏ కెమిస్ట్రీ బ్యాటరీతో పనిచేస్తుంది. బ్యాటరీ, మోటార్ రెండింటికీ ఐపీ67 వాటర్ అండ్ డస్ట్ రెసిస్టెంట్ ప్రొటెక్షన్ ఇచ్చారు.

సాంకేతిక పరంగా సింపుల్ వేవ్‌లో మరొక ముఖ్యమైన విశేషం ఉంది. ఇందులో 6.4 kW పీఎమ్‌ఎస్ఎమ్ ఎలక్ట్రిక్ మోటార్‌ను వాడారు. విదేశీ విడిభాగాలపై ఆధారాన్ని తగ్గించేలా, పూర్తి స్వదేశీ సాంకేతికతతో 'హెవీ రేర్-ఎర్త్ ఫ్రీ' మోటార్‌ను ప్రవేశపెట్టిన మొదటి భారతీయ ఈవీ కంపెనీ తమదేనని సింపుల్ ఎనర్జీ పేర్కొంది. ఈ మోటార్ గరిష్ఠంగా 179 Nm వీల్ టార్క్‌ను ఉత్పత్తి చేస్తుంది.

సింపుల్ వేవ్ S వేరియంట్‌లో ఈకో ఎక్స్, ఈకో, రైడ్ మోడ్లు ఉన్నాయి. ఇది గరిష్ఠంగా గంటకు 75 కిమీ వేగంతో ప్రయాణిస్తుంది. హైయర్ వర్షన్లు అయిన వేవ్, వేవ్+ మోడళ్లలో స్పోర్ట్స్ మోడ్ అదనంగా లభిస్తుంది. ఇవి గంటకు 90 కిమీ టాప్ స్పీడ్‌ను అందుకుంటాయి. ప్రయాణం సైలెంట్ గా కొనసాగేందుకు 'హుష్‌డ్రైవ్', మెరుగైన సేఫ్టీ కోసం 'గ్రిప్‌సెన్స్' టెక్నాలజీలను పరిచయం చేశారు. వేగవంతమైన ఛార్జింగ్ సపోర్ట్‌తో వేవ్+ మోడల్‌ను కేవలం 2 గంటల 15 నిమిషాల్లో 0 నుండి 80 శాతం వరకు ఛార్జ్ చేయవచ్చు.

ఫ్యామిలీ రైడర్లను ఆకట్టుకునేందుకు ఈ స్కూటర్‌లో ప్రాక్టికాలిటీకి పెద్దపీట వేశారు. భారతీయ స్కూటర్లలోనే అత్యంత పొడవైన 920 ఎంఎం సీటును ఇందులో అందించారు. స్కూటర్ మొత్తం స్టోరేజ్ కెపాసిటీ ఏకంగా 70 లీటర్లుగా ఉంది. ఇందులో సీటు కింద 63 లీటర్ల భారీ బూట్ స్పేస్ లభిస్తుంది. దీనివల్ల నిత్యం హెల్మెట్లు, కిరాణా సామగ్రి లాంటివి పెట్టుకోవడం చాలా ఈజీ అవుతుంది.

దీనికి తోడు 3 లీటర్ల గ్లోవ్ బాక్స్, సైడ్ ప్యానెల్‌లో 4 లీటర్ల 'పిల్ స్టోరేజ్' డబ్బా కూడా ఇచ్చారు. స్కూటర్ దిగకుండానే చిన్న చిన్న వస్తువులను ఇందులో సులభంగా పెట్టుకోవచ్చు. డిజైన్ విషయానికి వస్తే ఇది ఫ్లాట్ ఫ్లోర్‌బోర్డ్, వెనుక వైపు గ్రాబ్ రైల్‌తో క్లీన్ లుక్‌ను కలిగి ఉంది. ఈ స్కూటర్ సీట్ హైట్ 775 ఎంఎం కాగా, గ్రౌండ్ క్లియరెన్స్ 175 ఎంఎంగా ఉంది. అలాగే 300 ఎంఎం వరకు నీటిలో నడిచే వాటర్ వేడింగ్ కెపాసిటీ దీనికి ఉంది. పెరల్ వైట్, పోలార్ బ్లూ, ఫారెస్ట్ గ్రీన్, కోరల్ రెడ్, ట్విలైట్ బ్లాక్, డాల్ఫిన్ గ్రే అనే ఆరు ఆకర్షణీయమైన రంగుల్లో అందుబాటులో ఉంది.

సింపుల్ వేవ్ స్కూటర్‌లో వర్షన్ బట్టి 7-ఇంచ్ ఎల్‌సీడీ లేదా 7-ఇంచ్ టీఎఫ్‌టీ డిస్‌ప్లేను అందించారు. ఈ టీఎఫ్‌టీ డిస్‌ప్లే ఆర్మ్ కోర్టెక్స్ గ్రాఫిక్స్ మైక్రోకంట్రోలర్‌తో పనిచేస్తుంది. ఇందులో టర్న్-బై-టర్న్ నావిగేషన్, బ్లూటూత్ కనెక్టివిటీ, మ్యూజిక్ అండ్ కాల్ కంట్రోల్స్, జీపీఎస్ ట్రాకింగ్, ఓటీఏ అప్‌డేట్స్ ఉన్నాయి. అంతేకాకుండా ట్రాక్షన్ కంట్రోల్, రివర్స్ మోడ్, క్రాల్ మోడ్, హిల్ హోల్డ్ అసిస్ట్, రీజెనరేటివ్ బ్రేకింగ్ వంటి ఆధునిక ఫీచర్లు ఇందులో ఉన్నాయి.

ముందు వైపు టెలిస్కోపిక్ ఫోర్క్, పెటల్ డిస్క్ బ్రేక్, వెనుక వైపు ట్విన్ షాక్ అబ్సార్బర్లు, 12-ఇంచ్ అల్లాయ్ వీల్స్‌ను ఉపయోగించారు. మార్కెట్లో ఇది ఇటీవలే లాంచ్ అయిన ఏథర్ కోనార్క్, బజాజ్ ఛేతక్, టీవీఎస్ ఐక్యూబ్, విడా విఎక్స్2 వంటి ఫ్యామిలీ ఈవీ స్కూటర్లకు బలమైన పోటీదారుగా నిలవనుంది. ప్రస్తుతం 63 నగరాల్లో 75కి పైగా షోరూమ్‌లు కలిగి ఉన్న సింపుల్ ఎనర్జీ, రాబోయే రోజుల్లో ఉత్పత్తిని, షోరూమ్‌ల సంఖ్యను మరింత పెంచాలని లక్ష్యంగా పెట్టుకుంది.

రివ‌ర్స్ మోడ్‌, ఈజీ పార్క్‌.. అత్యాధునిక ఫీచ‌ర్ల‌తో ఓలా నుంచి కొత్త‌ ఎల‌క్ట్రిక్ స్కూటీ

Narender Vaitla — Fri, 28 Aug 2026 19:05:34 +0530

Ola S1Z: ఓలా కొత్త ఎలక్ట్రిక్ స్కూటర్ సిరీస్ S1Zను విడుదల చేసింది. ఈ స్కూటర్‌లో కంపెనీ స్వదేశీంగా అభివృద్ధి చేసిన భార‌త్ సెల్ ఎల్ఈపీ బ్యాట‌రీ టెక్నాల‌జీని ఉప‌యోగించారు. ఈ స్కూటీ ధ‌ర ఎంత‌.? ఎలాంటి ఫీచ‌ర్లు ఉన్నాయి.? లాంటి పూర్తి వివ‌రాలు..

ఓలా ఎస్‌1జెడ్‌ను 3.1 kWh, 5.1 kWh అనే రెండు బ్యాటరీ వేరియంట్లలో అందుబాటులోకి తీసుకొచ్చారు. వీటి ప్రారంభ ఎక్స్-షోరూమ్ ధరలు వరుసగా రూ.79,999, రూ.99,999గా ఉన్నాయి. 3.1 kWh బ్యాటరీతో కూడిన వేరియంట్ IDC ప్రకారం గరిష్ఠంగా 179 కి.మీ వరకు రేంజ్ అందిస్తుంది. ఇక 5.1 kWh బ్యాటరీ వేరియంట్ గరిష్ఠంగా 301 కి.మీల‌ వరకు రేంజ్ ఇస్తుందని కంపెనీ పేర్కొంది.

S1Zలో ఉపయోగించిన ప్రత్యేకతల్లో భార‌త్ సెల్ ఎల్ఈపీ టెక్నాల‌జీ ప్ర‌ధాన‌మైంది. ఈ 46-సిరీస్ LFP సెల్ ప్లాట్‌ఫామ్‌ను ఓలా ఎల‌క్ట్రిక్ స్వ‌యంగా అభివృద్ధి చేసింది. కంపెనీ బ్యాటరీ ఇన్నోవేషన్ సెంటర్‌లో ఈ టెక్నాలజీని అభివృద్ధి చేసి, ఓలా గిగాఫ్యాక్ట‌రీలో తయారు చేస్తున్నట్లు తెలిపింది. బ్యాటరీ ఎలక్ట్రిక్ వాహనంలో అత్యంత ఖరీదైన భాగాల్లో ఒకటి. సెల్స్‌ను సొంతంగా తయారు చేయడం ద్వారా బ్యాటరీ ఖర్చును తగ్గించగలిగామని కంపెనీ వెల్లడించింది. LFP బ్యాటరీ కెమిస్ట్రీతో భద్రత, ఎక్కువ కాలం ఉపయోగించే సామర్థ్యం వంటి ప్రయోజనాలు ఉంటాయని ఓలా ఎల‌క్ట్రిక్‌ తెలిపింది. తక్కువ ధరలో అధునాతన బ్యాటరీ టెక్నాలజీని అందించడమే S1Z లక్ష్యమని పేర్కొంది.

S1Zలో MoveOS 5 సాఫ్ట్‌వేర్‌ను అందించారు. ఇందులో క్రూయిజ్ కంట్రోల్, అడ్వాన్స్‌డ్ రీజెనరేటివ్ బ్రేకింగ్, రివర్స్ మోడ్, GPS వంటి ఫీచర్లు ఉన్నాయి. అలాగే OTA సాఫ్ట్‌వేర్ అప్‌డేట్స్, జియో-ఫెన్సింగ్, టైమ్-ఫెన్సింగ్, మోడ్-ఫెన్సింగ్ వంటి సదుపాయాలు కూడా ఉన్నాయి. రైడ్ స్టాటిస్టిక్స్, ఎనర్జీ వినియోగ వివరాలను ఓలా ఎల‌క్ట్రిక్‌ యాప్ ద్వారా తెలుసుకోవచ్చు. ఈజీ పార్క్ అనే ఫీచర్ కూడా S1Zలో ఉంది. ఇరుకైన ప్రదేశాల్లో స్కూటర్‌ను పార్క్ చేయడం, బయటకు తీసుకురావడం సులభంగా ఉండేలా ఈ ఫీచర్‌ను రూపొందించారు.

Ola S1Zను వైట్, ఆంత్రాసైట్, స్కై స్ప్లాష్ బ్లూ, మాచా గ్రీన్ వంటి 4 రంగుల్లో తీసుకొచ్చారు. అన్ని వేరియంట్లలో 12-అంగుళాల వీల్స్ ఉంటాయి. ధరను అందుబాటులో ఉంచడంతో దేశంలోని పెద్ద ఎలక్ట్రిక్ వాహన వినియోగదారుల విభాగాన్ని S1Z ద్వారా టార్గెట్ చేస్తున్నట్లు కంపెనీ తెలిపింది. టెక్నాలజీ, భద్రత, పనితీరు విషయంలో రాజీ పడకుండా తక్కువ ధరలో స్కూటర్‌ను అందించడమే తమ ఉద్దేశమని పేర్కొంది.

ఓలా ఎస్‌1జెడ్‌లోని 3.1 kWh వేరియంట్ డెలివరీలు డిసెంబర్ 2026లో ప్రారంభం కానున్నాయి. ఇక 5.1 kWh వేరియంట్ డెలివరీలు మార్చి 2027లో మొదలవుతాయని కంపెనీ వెల్లడించింది. దేశవ్యాప్తంగా ఓలా ఉత్పత్తులను మరింత ఎక్కువ మంది వినియోగదారులకు అందుబాటులోకి తీసుకెళ్లేందుకు కంపెనీ తన రిటైల్ నెట్‌వర్క్‌ను విస్తరిస్తోంది. ఇందులో కంపెనీ సొంత స్టోర్లతో పాటు తొలిసారిగా డీలర్ ఆధారిత స్టోర్లను కూడా ఏర్పాటు చేయనున్నట్లు తెలిపింది.

Bajaj Pulsar: కొత్త లుక్.. క్రేజీ ఫీచర్లు.. మార్కెట్లోకి సరికొత్త బజాజ్ పల్సర్ 150, 125 గ్రాండ్ ఎంట్రీ

Mahesh Rajamoni — Tue, 25 Aug 2026 07:24:16 +0530

New Bajaj Pulsar: బజాజ్ ఆటో తమ ఐకానిక్ మోడళ్లైన పల్సర్ 150, పల్సర్ 125 బైక్‌లను అత్యంత ఆధునిక ఫీచర్లు, సరికొత్త లుక్‌తో భారత మార్కెట్లోకి అధికారికంగా లాంచ్ చేసింది. వీటిలో అందించిన కొత్త ఫీచర్ల, ధరలు సహా ఇతర వివరాలు ఇక్కడ తెలుసుకుందాం.

బజాజ్ ఆటో తన పాపులర్ బైక్ సిరీస్ పల్సర్‌లో సరికొత్త 25th యానివర్సరీ పల్సర్ 150, పల్సర్ 125 మోడళ్లను ఇండియన్ మార్కెట్లోకి గ్రాండ్‌గా తీసుకొచ్చింది. పల్సర్ లైనప్‌లో ఎన్నడూ లేని విధంగా ఈ కొత్త మోడళ్లలో బజాజ్ అనేక అడ్వాన్స్డ్ ఫీచర్లను అందించింది. పల్సర్ డిజైన్ సిల్హౌట్‌ను అలానే ఉంచుతూనే, బైక్‌లోని ప్రధాన భాగాలన్నింటినీ అప్‌గ్రేడ్ చేసింది. మార్కెట్‌లో పల్సర్ 125 ప్రారంభ ధర రూ. 92,990 (ఎక్స్-షోరూమ్) కాగా, కొత్త పల్సర్ 150 ప్రారంభ ధర రూ. 1,15,233 (ఎక్స్-షోరూమ్)గా కంపెనీ నిర్ణయించింది.

కొత్త బజాజ్ పల్సర్ 150 బైక్ మొత్తం మూడు వేరియంట్లలో అందుబాటులోకి వచ్చింది.

• SD సింగిల్ సీట్ (Single Disc): రూ. 1,15,233

• TD సింగిల్ సీట్ (Twin Disc): రూ. 1,22,184

• TD స్ప్లిట్ సీట్ (Twin Disc Split Seat): రూ. 1,23,187

అలాగే, బజాజ్ పల్సర్ 125 మోడల్‌ను నాలుగు వేరియంట్లలో తీసుకొచ్చారు.

• బేస్ వేరియంట్: రూ. 92,990

• STD సింగిల్ సీట్: రూ. 99,291

• STD స్ప్లిట్ సీట్: రూ. 1,00,288

• ప్రీమియం స్ప్లిట్ సీట్: రూ. 1,04,318

పల్సర్ 150 ఎస్‌డీ సింగిల్ డిస్క్ నుంచి టీడీ సింగిల్ సీట్ మోడల్‌కు అప్‌గ్రేడ్ అవ్వడానికి రూ. 6,951 అదనం. ఇందులోనే గూగుల్ మ్యాప్స్‌తో కూడిన టీఎఫ్టీ స్క్రీన్, వెనుక డిస్క్ బ్రేక్, ఎల్ఈడీ ఇండికేటర్లు, ఐఎస్జీ లభిస్తాయి. అలాగే స్ప్లిట్ సీట్ కోసం కేవలం రూ. 1,003 మాత్రమే తేడా ఉంటుంది. ఇక పల్సర్ 125లో బేస్ వేరియంట్ నుంచి ఎస్టీడీ సింగిల్ సీట్‌కు రూ. 6,301 తేడా ఉంటుంది. ఇందులో ప్రధాన ఫీచర్లన్నీ యాడ్ అవుతాయి. ఎస్టీడీ సింగిల్ సీట్ నుంచి ఎస్టీడీ స్ప్లిట్ సీట్‌కు రూ. 997 మాత్రమే వ్యత్యాసం ఉంది.

కొత్త పల్సర్ 150 మోడల్‌లో 149.5cc సింగిల్ సిలిండర్ ఎయిర్/ఆయిల్ కూల్డ్ ఇంజన్‌ను అందించారు. ఇది 13.6bhp (14hp) పవర్‌ను, 14.1Nm పీక్ టార్క్‌ను జనరేట్ చేస్తుంది. మునుపటి మోడల్ కంటే టార్క్ 0.9Nm పెరిగింది. అలాగే పీక్ పవర్ ఇప్పుడు 8,000rpm వద్దే అందుతుంది.

ఇక పల్సర్ 125 మోడల్ 11.7bhp పవర్‌ను జనరేట్ చేస్తుంది. ఈ రెండు బైకుల్లో అందుబాటులో ఉండే టార్క్‌లో 85 శాతం టార్క్‌ను కేవలం 3,000rpm నుంచే యాక్సెస్ చేయవచ్చని బజాజ్ తెలిపింది. సిటీ ట్రాఫిక్‌లో తక్కువ వేగంతో సులభంగా ప్రయాణించేలా కొత్త గేర్‌బాక్స్‌ను ప్రత్యేకంగా డిజైన్ చేశారు.

రైడింగ్ అనుభవాన్ని మెరుగుపరచడానికి ఛాసిస్, సస్పెన్షన్‌లో పెద్ద మార్పులే చేశారు.

• ఛాసిస్: పాత డ్యూయల్-క్రాడిల్ ఫ్రేమ్‌ స్థానంలో కొత్త సింగిల్-క్రాడిల్ ఫ్రేమ్‌ను ఉపయోగించారు. ఇందులో ఇంజన్ స్ట్రెస్డ్ మెంబర్‌గా పనిచేసి బైక్ స్టెబిలిటీని పెంచుతుంది.

• సస్పెన్షన్: రెండూ మోడళ్లలో వెనుక వైపు కన్వెన్షనల్ ట్విన్-షాక్ స్థానంలో కొత్తగా మోనోషాక్ సస్పెన్షన్ అందించారు. ముందు వైపు 33mm టెలిస్కోపిక్ ఫోర్క్ (125mm ట్రావెల్) అందించారు.

• బ్రేకింగ్: పల్సర్ 150 ముందు వైపు 260mm డిస్క్, వెనుక వైపు 230mm డిస్క్ (బేస్ వేరియంట్‌లో 130mm డ్రమ్) ఇచ్చారు. మూడు వేరియంట్లలో సింగిల్-ఛానల్ ఏబీఎస్ స్టాండర్డ్‌గా వస్తుంది.

• టైర్లు: ముందు 80/100-17, వెనుక 100/90-17 సైజ్ ట్యూబ్‌లెస్ టైర్లను ఇచ్చారు.

ఈ సెగ్మెంట్‌లో ఊహించని రేంజ్ టెక్నాలజీని బజాజ్ అందించింది.

• డిస్ప్లే: పల్సర్ 150 బేస్ మోడల్‌లో 5-ఇంచ్ ఎల్సీడీ క్లస్టర్ ఉండగా, టాప్ రెండు వేరియంట్లలో 5-ఇంచ్ టీఎఫ్టీ ఇన్‌స్ట్రుమెంట్ క్లస్టర్ ఇచ్చారు. పల్సర్ 125 బేస్ మోడల్‌లో కలర్ ఎల్సీడీ ఉండగా, మిడ్ అండ్ టాప్ వేరియంట్లలో 5-ఇంచ్ టీఎఫ్టీ డిస్ప్లే ఇచ్చారు.

• గూగుల్ మ్యాప్స్: పల్సర్ 150 టాప్ వేరియంట్‌లో వైఫై సపోర్ట్ ద్వారా గూగుల్ మ్యాప్స్ మిర్రరింగ్ సౌకర్యం ఉంది.

• స్మార్ట్ ఫీచర్లు: కాల్/ఎస్ఎంఎస్ అలర్ట్లు, డిజిటల్ డాక్యుమెంట్ స్టోరేజ్, టైప్-సీ ఛార్జింగ్ పోర్ట్ ఇచ్చారు.

11.7bhp, 13.6bhp పవర్ ఇచ్చే బైక్స్‌లో రైడింగ్ మోడ్స్ ఇవ్వడం విశేషం.

• రైడ్ మోడ్స్: పల్సర్ 150 అన్ని వేరియంట్లలో, పల్సర్ 125 మిడ్/టాప్ వేరియంట్లలో రోడ్, రెయిన్, స్పోర్ట్ అనే మూడు రైడ్ మోడ్స్ ఇచ్చారు.

• క్రాల్ టెక్ : ట్రాఫిక్‌లో యాక్సిలేటర్ ఇవ్వకుండానే బైక్ నెమ్మదిగా కదలడానికి ఈ ఫీచర్ ఉపయోగపడుతుంది. ఇది పల్సర్ 125, 150 అన్ని వేరియంట్లలో స్టాండర్డ్‌గా వస్తుంది.

• ఐఎస్జీ: టాప్ వేరియంట్లలో నిశ్శబ్దంగా బైక్ స్టార్ట్ అవ్వడానికి, ట్రాఫిక్‌లో ఆటోమేటిక్ స్టాప్-స్టార్ట్ అవ్వడానికి ఐఎస్జీ సిస్టమ్ ఇచ్చారు.

లైటింగ్ విషయానికి వస్తే, పల్సర్ 150 క్లాస్-బీ ఎల్ఈడీ హెడ్‌లైట్‌ను కొనసాగిస్తూనే, ఫెయిరింగ్‌ను మరింత అగ్రెసివ్‌గా రీడిజైన్ చేశారు. టాప్ వేరియంట్లకు ఆల్-ఎల్ఈడీ లైటింగ్ ఇచ్చారు.

మాటలతో కంట్రోల్ చేసే ఎలక్ట్రిక్ స్కూటర్.. రోడ్డుపై గుంతలు ఉంటే ముందే హెచ్చరిస్తుంది

Narender Vaitla — Wed, 17 Jun 2026 10:04:48 +0530

Ather: ఎలక్ట్రిక్ టూ వీలర్ తయారీ సంస్థ అథ‌ర్ ఎన‌ర్జీ త‌న ప్రముఖ స్కూటర్ మోడళ్లైన Ather Rizta, Ather 450 Series కోసం కొత్త AtherStack 7 సాఫ్ట్‌వేర్ అప్‌డేట్‌ను విడుదల చేసింది. ఈ అప్‌డేట్‌తో వాయిస్ కమాండ్ త పాటు మరెన్నో కొత్త ఫీచర్లు వచ్చాయి.

కొత్త వాయిస్ కమాండ్ ఫీచర్ ద్వారా రైడర్ తన మాట‌ల‌తో స్కూటర్‌కు ఆదేశాలు ఇవ్వవచ్చు. నావిగేషన్ ప్రారంభించడం, ఫోన్ కాల్స్ చేయడం, మ్యూజిక్ ప్లే చేయడం వంటి పనుల కోసం స్క్రీన్‌ను పదే పదే తాకాల్సిన అవసరం ఉండదు. సాధారణ సంభాషణ భాషను అర్థం చేసుకునేలా ఈ వ్యవస్థను రూపొందించారు. దీంతో ప్రయాణం చేస్తున్నప్పుడు రోడ్డు మీదే దృష్టి నిలుపుకోవచ్చు. ముఖ్యంగా నగరాల్లో రోజూ ప్రయాణించే వారికి ఇది చాలా ఉపయోగపడుతుంది.

ఈ అప్‌డేట్‌ను OTA (Over-The-Air) విధానంలో అందిస్తున్నారు. అంటే స్కూటర్ యజమానులు సర్వీస్ సెంటర్‌కు వెళ్లాల్సిన అవసరం లేదు. ఇంటర్నెట్ ద్వారా స్కూటర్ సాఫ్ట్‌వేర్ దానంత‌ట‌దే అప్‌డేట్ అవుతుంది. దీంతో ఇప్పటికే ఈ మోడళ్లను ఉపయోగిస్తున్న కస్టమర్లు కూడా కొత్త ఫీచర్లను సులభంగా పొందవచ్చు.

AtherStack 7లో అత్యంత ఆసక్తికరమైన ఫీచర్ Pothole Alerts. స్కూటర్‌లో అమర్చిన సెన్సర్లు రోడ్డుపై ఉన్న గుంతలను గుర్తించి ముందుగానే రైడర్‌కు సమాచారం ఇస్తాయి. హెచ్చరిక కేవలం డిస్‌ప్లేలో మాత్రమే కాకుండా వాయిస్ అలర్ట్ రూపంలో కూడా వస్తుంది. దీంతో ఆకస్మికంగా గుంతలు ఎదురై ప్రమాదాలు జరిగే అవకాశాలు తగ్గుతాయి.

కొత్తగా తీసుకొచ్చిన క్రాష్ అల‌ర్ట్స్‌ ఫీచర్ కూడా ప్రత్యేక ఆకర్షణగా నిలుస్తోంది. స్కూటర్‌కు తీవ్రమైన ప్రమాదం జరిగితే రైడర్ లైవ్ లొకేషన్‌ను అత్యవసర కాంటాక్ట్‌ నంబర్లకు పంపే సామర్థ్యం దీనికి ఉంది. అంతేకాదు, చిన్న షాక్‌లకు, తీవ్రమైన ప్రమాదాలకు మధ్య తేడాను కూడా ఈ వ్యవస్థ గుర్తించగలదని కంపెనీ తెలిపింది. అవసరమైతే స్కూటర్ స్క్రీన్‌పై ఎమర్జెన్సీ కాంటాక్ట్ వివరాలు కూడా చూపిస్తుంది.

స్కూటర్ భద్రత కోసం పార్క్‌సేఫ్‌, లాక్ సేఫ్ ఫీచ‌ర్ల‌ను కూడా యాడ్ చేశారు. స్కూటర్‌ను టోయింగ్ చేసే అవకాశం ఉన్న ప్రదేశంలో పార్క్ చేస్తే పార్క్‌సేఫ్‌ హెచ్చరిస్తుంది. ఎవరైనా స్కూటర్‌ను అనుమానాస్పదంగా తాకినా లేదా దొంగతనం చేయడానికి ప్రయత్నించినా లాక్‌సేఫ్‌ వెంటనే యజమాని మొబైల్‌కు అలర్ట్ పంపుతుంది. అథ‌ర్ యాప్ ద్వారా స్కూటర్‌ను రిమోట్‌గా లాక్ చేయడం లేదా పనిచేయకుండా నిలిపివేయడం కూడా సాధ్యమవుతుంది. అలాగే జరుగుతున్న ఛార్జింగ్ ప్రక్రియను కూడా దూరం నుంచే ఆపేయవచ్చు. ఈ కొత్త ఫీచర్లతో Ather స్కూటర్లు మరింత స్మార్ట్‌గా, భద్రంగా మారనున్నాయని కంపెనీ చెబుతోంది

Top 5 Best Mileage Bikes: రూ. 60 వేల బడ్జెట్‌లో లీటరుకు 75 కి.మీ మైలేజ్ ఇచ్చే బెస్ట్ బైక్స్ ఇవే

Mahesh Rajamoni — Sun, 06 Sep 2026 12:01:54 +0530

Top 5 Best Mileage Bikes: తక్కువ బడ్జెట్‌లో ఎక్కువ మైలేజ్ ఇచ్చే బైకులు మార్కెట్ లో ఉన్నాయి. అదిరిపోయే మైలేజ్ ఇచ్చే బెస్ట్ 5 బైక్స్ వివరాలు, ధరలు, మైలేజ్ కెపాసిటీ సమాచారం ఇక్కడ తెలుసుకుందాం.

భారతీయ ద్విచక్ర వాహన మార్కెట్‌లో నిత్యం ప్రయాణాలు చేసే వారికి మొదటి ప్రాధాన్యం ఎప్పుడూ మైలేజ్, తక్కువ మెయింటనెన్స్ ఖర్చులకే ఉంటుంది. పెరిగిన చమురు ధరల నేపథ్యంలో ప్రతి నెలా పెట్రోల్ బిల్లును తగ్గించుకోవాలని అందరూ భావిస్తారు. ముఖ్యంగా రూ. 60,000 నుండి రూ. 80,000 బడ్జెట్ సెగ్మెంట్‌లో లభించే 100cc నుండి 110cc బైక్‌లు రోజువారీ వాడకానికి అత్యంత అనుకూలమైనవి. రియల్ వరల్డ్ కండిషన్లలో లీటరుకు దాదాపు 75 కిలోమీటర్ల వరకు మైలేజ్ ఇచ్చే టాప్ 5 బైక్‌ల వివరాలు ఇక్కడ చూద్దాం.

బడ్జెట్‌లో లభించే అత్యంత తక్కువ ధర కలిగిన బైక్‌లలో టీవీఎస్ స్పోర్ట్ (TVS Sport) ఒకటి. ఇది 109.7 cc ET-Fi ఇంజిన్‌తో వస్తుంది. వివిధ ప్రాంతాలను బట్టి ఎక్స్ షోరూమ్ ధర: రూ. 59,431 నుంచి రూ. 70,200 వరకు ఉంటుంది. మైలేజ్ లీటరుకు 70–75 కిలోమీటర్ల వరకు అందిస్తుంది. సిటీ ట్రాఫిక్‌లో సులభంగా రైడ్ చేయడానికి ఇది మంచి లో-ఎండ్ టార్క్‌ను అందిస్తుంది. ఈజీగా ఉంటే ఇన్స్ట్రుమెంట్ క్లస్టర్, సౌకర్యవంతమైన సీటింగ్ దీని ప్లస్ పాయింట్లు.

భారతదేశంలో అత్యధికంగా అమ్ముడవుతున్న బైక్ బ్రాండ్ హీరో స్ప్లెండర్. విశ్వసనీయతకు, రీసేల్ విలువకు ఇది కేరాఫ్ అడ్రస్. వివిధ ప్రాంతాలను బట్టి ఈ బైక్ ఎక్స్-షోరూమ్ ధర రూ. 75,141 నుంచి రూ. 79,991 వరకు ఉంటుంది. మైలేజ్ లీటరుకు 70–80 కిలోమీటర్లు వరకు అందిస్తుంది. ఇందులో హీరోకి చెందిన i3S టెక్నాలజీ సిస్టమ్ ఉంది. ఇది ట్రాఫిక్ సిగ్నల్స్ దగ్గర పెట్రోల్‌ను ఆదా చేస్తుంది. XTEC వేరియంట్‌లో డిజిటల్ డిస్ప్లే, బ్లూటూత్ కనెక్టివిటీ, యూఎస్‌బీ ఛార్జింగ్ పోర్ట్ కూడా లభిస్తాయి.

రైడింగ్ సౌకర్యానికి ప్లాటినా సిరీస్ బాగా ప్రసిద్ధి చెందింది. ఇందులో ఉన్న కంఫోర్టెక్ సస్పెన్షన్ గుంతల రోడ్లపై కూడా సున్నితమైన ప్రయాణాన్ని అందిస్తుంది. వివిధ ప్రాంతాలను బట్టి ఈ బైక్ ఎక్స్-షోరూమ్ ధర రూ. 67,808 నుంచి రూ. 75,797 వరకు వుంటుంది. మైలేజ్ లీటరుకు 70–75 కిలోమీటర్లు అందిస్తుంది. ఎల్‌ఈడీ డీఆర్‌ఎల్‌లు, సాఫ్ట్ సీట్ కుషన్, వెడల్పాటి ఫుట్‌రెస్ట్‌లు ఉన్నాయి. 110cc మోడల్‌లో మెరుగైన సేఫ్టీ కోసం ఏబీఎస్ ఆప్షన్ కూడా లభిస్తుంది.

స్ప్లెండర్‌కు గట్టి పోటీ ఇచ్చేందుకు హోండా తన నమ్మకమైన షైన్ బ్రాండ్‌ను 100cc సెగ్మెంట్‌లో లాంచ్ చేసింది. వివిధ ప్రాంతాలను బట్టి ఈ బైక్ ఎక్స్-షోరూమ్ ధర రూ. 64,900 నుంచి రూ. 65,996 వరకు వుంటుంది. మైలేజ్ లీటరుకు 65–75 కిలోమీటర్లు అందిస్తుంది. ఇది లైట్‌వెయిట్ ఫ్రేమ్‌తో వస్తుంది. eSP టెక్నాలజీ వల్ల సైలెంట్ స్టార్ట్, విజిబుల్ వైబ్రేషన్స్ లేని స్మూత్ రైడింగ్ అనుభూతి లభిస్తుంది. నిర్వహణ ఖర్చులు చాలా తక్కువగా ఉంటాయి.

స్ప్లెండర్ కంటే కాస్త తక్కువ ధరకు అదే నమ్మకమైన ఇంజిన్ కావాలోనుకునే వారికి హీరో హెచ్‌ఎఫ్ డీలక్స్ (Hero HF Deluxe) సరైన ఎంపిక అని చెప్పవచ్చు. వివిధ ప్రాంతాలను బట్టి ఈ బైక్ ఎక్స్-షోరూమ్ ధర రూ. 59,998 నుంచి రూ. 68,500 వరకు ఉంటుంది. మైలేజ్ లీటరుకు 65–70 కిలోమీటర్లు ఇస్తుంది. ఇందులో సరైన ఎయిర్ ఫ్యూయల్ మిశ్రమం కోసం xSens ఫ్యూయల్ ఇంజెక్షన్ సిస్టమ్ ఉపయోగించారు. దీని స్పేర్ పార్ట్స్ మార్కెట్‌లో చాలా సులభంగా లభిస్తాయి.

అధిక మైలేజ్, రీసేల్ వాల్యూ: హీరో స్ప్లెండర్ ప్లస్

గుంతల రోడ్లపై బెస్ట్ కంఫర్ట్: బజాజ్ ప్లాటినా

అత్యంత తక్కువ ప్రారంభ ధర: టీవీఎస్ స్పోర్ట్

స్మూత్ ఇంజిన్ పెర్ఫార్మెన్స్: హోండా షైన్ 100

Ather: అవును, ఈ స్కూటీ మీతో మాట్లాడుతుంది.. వాయిస్ కంట్రోల్ ఫీచ‌ర్ ఎలా ప‌ని చేస్తుందంటే.?

Narender Vaitla — Thu, 23 Jul 2026 14:12:33 +0530

Ather: ఎలక్ట్రిక్ స్కూటర్ల తయారీలో ప్రత్యేక గుర్తింపు తెచ్చుకున్న ఏథర్ ఎనర్జీ మరో సరికొత్త సౌకర్యాన్ని తన వినియోగదారులకు అందుబాటులోకి తీసుకొచ్చింది. 'Voice on Ather' పేరుతో తీసుకొచ్చిన ఈ కొత్త ఫీచర్‌కి సంబంధించిన పూర్తి వివ‌రాలు ఇప్పుడు తెలుసుకుందాం

ఈ కొత్త ఫీచ‌ర్‌తో స్కూటర్‌లోని అనేక ఫంక్షన్లను కేవలం వాయిస్ కమాండ్లతోనే నియంత్రించవచ్చు. నావిగేషన్ ప్రారంభించడం నుంచి ఫోన్ కాల్స్ చేయడం, మ్యూజిక్ కంట్రోల్ చేయడం వరకు ఎన్నో పనులను చేతులతో టచ్ చేయకుండా పూర్తి చేయొచ్చు. ఈ ఫీచర్ ప్రస్తుతం కంపెనీ విడుదల చేసిన AtherStack 7 సాఫ్ట్‌వేర్ అప్‌డేట్‌లో భాగంగా అందుబాటులోకి వచ్చింది. Ather తీసుకొచ్చిన 'Voice on Ather' ఫీచర్ ప్రస్తుతం Gen 3 లేదా అంతకంటే కొత్త హార్డ్‌వేర్ ఉన్న స్కూటర్లలో మాత్రమే పనిచేస్తోంది. ఇందులో Ather 450X, Ather 450 Apex, Rizta Z మోడళ్లకు ఈ సౌకర్యం అందుబాటులోకి వచ్చింది. అయితే Ather 450S, Rizta S మోడళ్లకు ఈ ఫీచర్ అందుబాటులో లేదు. కంపెనీ ఈ అప్‌డేట్‌ను OTA (Over The Air) విధానంలో విడుదల చేస్తోంది. దీంతో సర్వీస్ సెంటర్‌కు వెళ్లాల్సిన అవసరం లేకుండానే ఇంటి వద్ద నుంచే సాఫ్ట్‌వేర్ అప్‌డేట్ ద్వారా ఈ ఫీచర్‌ను ఉపయోగించుకోవచ్చు.

ఈ కొత్త ఫీచర్‌తో స్కూటర్‌ను నడుపుతున్న సమయంలో స్క్రీన్‌ను పదేపదే తాకాల్సిన అవసరం ఉండదు. సహజంగా మాట్లాడిన మాటలను అర్థం చేసుకునే విధంగా ఈ సిస్టమ్‌ను రూపొందించారు. ఉదాహరణకు, ఇంటికి వెళ్లేందుకు నావిగేషన్ ప్రారంభించమని చెప్పినా, దగ్గరలోని ఛార్జింగ్ స్టేషన్ ఎక్కడ ఉందని అడిగినా వెంటనే సమాచారం చూపిస్తుంది. అలాగే స్క్రీన్ బ్రైట్‌నెస్ పెంచడం లేదా తగ్గించడం, ట్రాక్షన్ కంట్రోల్ మోడ్ మార్చడం, మ్యాజిక్ ట్విస్ట్ రీజెనరేషన్ స్థాయిని సెట్ చేయడం వంటి వాహన సెట్టింగ్‌లను కూడా వాయిస్ ద్వారానే మార్చుకోవచ్చు. అంతేకాదు, స్మార్ట్‌ఫోన్‌ను బ్లూటూత్ ద్వారా కనెక్ట్ చేసి ఉంటే కాంటాక్ట్‌లలో ఉన్న వ్యక్తులకు కాల్ చేయడం, పాటలను ప్లే చేయడం, పాజ్ చేయడం లేదా తదుపరి పాటకు మారడం వంటి మీడియా కంట్రోల్స్‌ను కూడా వాయిస్ కమాండ్లతో నిర్వహించవచ్చు. దీంతో రైడింగ్ సమయంలో ఫోన్ లేదా స్క్రీన్‌ను ఉపయోగించే అవసరం గణనీయంగా తగ్గుతుంది.

ఈ ఫీచర్‌కు ఆధారంగా లార్జ్ లాంగ్వేజ్ మోడ‌ల్స్ (LLMs), నేచుర‌ల్ లాంగ్వేజ్ ప్రాసెసింగ్ (NLP) వంటి అత్యాధునిక కృత్రిమ మేథ (AI) టెక్నాలజీలను ఉపయోగించింది ఏథ‌ర్‌. అందువల్ల వినియోగదారులు కచ్చితమైన కమాండ్లు చెప్పాల్సిన అవసరం లేదు. సాధారణంగా మాట్లాడే భాషలోనే ఆదేశాలు ఇచ్చినా స్కూటర్ వాటిని అర్థం చేసుకుని స్పందిస్తుంది. ముఖ్యంగా భారతీయ యాసలు, ఉచ్చారణలు, భిన్నమైన మాట్లాడే విధానాలను కూడా సులభంగా గుర్తించేలా ఈ సిస్టమ్‌ను రూపొందించారు. ఈ ఫీచర్‌ను ఏథ‌ర్ హాలో స్మార్ట్ హెల్మెట్ ద్వారా ఉపయోగించవచ్చు. అలాగే సాధారణ బ్లూటూత్‌ హెడ్‌సెట్ ఉన్నా వాయిస్ కమాండ్లు పనిచేస్తాయి. దీంతో ప్రయాణ సమయంలో మరింత సౌకర్యవంతమైన అనుభవం లభిస్తుంది.

ప్రస్తుతం 'Voice on Ather' ఫీచర్ వినియోగదారుడు ఇచ్చే ఆదేశాలను మాత్రమే అమలు చేస్తోంది. అయితే భవిష్యత్‌లో దీనిని మరింత అభివృద్ధి చేసి AI ఆధారిత రెండు వైపుల సంభాషణ (Two-Way Communication) ఫీచర్‌ను అందుబాటులోకి తీసుకురానున్నట్లు కంపెనీ ప్రకటించింది. ఈ ఫీచర్ వచ్చిన తర్వాత స్కూటర్ అవసరమైనప్పుడు స్వయంగా యూజ‌ర్ల‌తో మాట్లాడగలదు. బ్యాటరీ తక్కువగా ఉన్నప్పుడు ముందుగానే హెచ్చరించడం, సమీపంలోని ఛార్జింగ్ స్టేషన్‌ను సూచించడం, వాహన సర్వీస్ సమయం దగ్గరపడిందని గుర్తుచేయడం, ప్రయాణానికి సంబంధించిన సూచనలు ఇవ్వడం, భద్రతా హెచ్చరికలను అందించడం వంటి సేవలను అందించనుంది. దీంతో స్కూటర్ కేవలం రవాణా సాధనంగా కాకుండా, ప్రతి ప్రయాణంలో తోడుగా ఉండే AI స్మార్ట్ అసిస్టెంట్‌గా మారనుంది.

రైడింగ్ సమయంలో మొబైల్ లేదా టచ్‌స్క్రీన్‌ను ఉపయోగించడం వల్ల ప్రమాదాల అవకాశాలు పెరుగుతాయి. కొత్త వాయిస్ కంట్రోల్ ఫీచర్‌తో చేతులు ఎప్పుడూ హ్యాండిల్‌పైనే, కళ్లూ రోడ్డుపైనే ఉండేలా అవసరమైన పనులన్నీ వాయిస్ ద్వారానే పూర్తి చేయవచ్చు. దీంతో ప్రయాణం మరింత సురక్షితంగా, సౌకర్యవంతంగా మారుతుంది.

ఆర్టిఫిషియల్ ఇంటెలిజెన్స్‌ను ఉపయోగించి రైడింగ్ అనుభవాన్ని మెరుగుపరచాలనే లక్ష్యంతో Ather తీసుకొచ్చిన ఈ ఫీచర్, భారతీయ ఎలక్ట్రిక్ స్కూటర్ మార్కెట్‌లో మరో కీలక ముందడుగుగా భావిస్తున్నారు. భవిష్యత్‌లో మరిన్ని AI ఆధారిత సౌకర్యాలను అందించే దిశగా కంపెనీ అడుగులు వేస్తుండటంతో, Ather స్కూటర్ల వినియోగదారులకు మరింత స్మార్ట్ రైడింగ్ అనుభవం లభించే అవకాశం ఉంది.

TVS iQube: ఓలా, ఏథ‌ర్‌ బ‌లాదూర్‌.. 10 ల‌క్ష‌ల మంది కొన్న ఎల‌క్ట్రిక్ స్కూట‌ర్‌లో క‌ళ్లు చెదిరే ఫీచ‌ర్లు

Narender Vaitla — Sun, 14 Jun 2026 14:54:31 +0530

TVS iQube: భారత్‌లో ఎలక్ట్రిక్ వాహనాల (EV) వినియోగం రోజురోజుకూ పెరుగుతోంది. ఈ నేపథ్యంలో టీవీఎస్ మోటార్ కంపెనీ భారీ రికార్డు సృష్టించింది. దేశంలో మొత్తం 10 లక్షల ఎలక్ట్రిక్ టూ వీలర్ల అమ్మకాలు సాధించి కొత్త మైలురాయిని చేరుకుంది.

టీవీఎస్ మోటార్ 2020 జనవరిలో తన తొలి ఎలక్ట్రిక్ స్కూటర్ టీవీఎస్ ఐక్యూబ్‌ను మార్కెట్లోకి తీసుకొచ్చింది. ప్రారంభంలో ఈ స్కూటర్ కొద్ది నగరాల్లో మాత్రమే అందుబాటులో ఉండటంతో అమ్మకాలు పెద్దగా జరగలేదు. అయితే క్రమంగా దేశవ్యాప్తంగా విక్రయాలను విస్తరించడంతో వినియోగదారుల స్పందన పెరిగింది. ఎలక్ట్రిక్ వాహనాల రంగంలో అడుగుపెట్టినప్పుడు టీవీఎస్ మార్కెట్ వాటా కేవలం 1 శాతం మాత్రమే ఉండేది. మొదటి లక్ష ఎలక్ట్రిక్ వాహనాల అమ్మకాలు చేరుకోవడానికి దాదాపు మూడు సంవత్సరాలు పట్టింది. కానీ ఆ తర్వాత అమ్మకాల వేగం గణనీయంగా పెరిగింది. తదుపరి లక్ష యూనిట్లు కేవలం 10 నెలల్లోనే అమ్ముడుపోయాయి.

2023, 2024 సంవత్సరాల్లో సరఫరా వ్యవస్థకు సంబంధించిన కొన్ని సమస్యల కారణంగా ఎలక్ట్రిక్ వాహనాల పరిశ్రమ వృద్ధి కొంత మందగించింది. అయినప్పటికీ టీవీఎస్ తన ప్రగతిని ఆపలేదు. 2025 ఏప్రిల్ నాటికి కంపెనీ 3 లక్షల ఎలక్ట్రిక్ వాహనాల అమ్మకాల మైలురాయిని దాటింది. కంపెనీపై వినియోగదారుల విశ్వాసం పెరగడం, దేశవ్యాప్తంగా డీలర్ నెట్‌వర్క్ విస్తరించడం వల్ల అమ్మకాలు వేగంగా పెరిగాయి. సేవల నాణ్యత, విశ్వసనీయత కూడా వినియోగదారులను ఆకర్షించాయి.

2025 అక్టోబర్ నుంచి డిసెంబర్ మధ్య కాలంలో టీవీఎస్ అద్భుతమైన వృద్ధిని నమోదు చేసింది. కేవలం మూడు నెలల్లోనే 7 లక్షల నుంచి 8 లక్షల యూనిట్ల అమ్మకాల స్థాయికి చేరుకుంది. ఈ సమయంలో కంపెనీ కొత్త ఎలక్ట్రిక్ వాహనాల ప్లాట్‌ఫామ్‌ను, కొత్త ఉత్పత్తులను పరిచయం చేసింది. దీంతో మార్కెట్లో డిమాండ్ మరింత పెరిగింది. ఎలక్ట్రిక్ వాహనాల రంగంలో టీవీఎస్ కీలక ప్లేయ‌ర్‌గా మారింది.

2026లో టీవీఎస్ మరో చరిత్ర సృష్టించింది. మొత్తం 10 లక్షల ఎలక్ట్రిక్ వాహనాల అమ్మకాలను పూర్తి చేసింది. 2026 మే నెలలో ఒక్క నెలలోనే 51,605 ఎలక్ట్రిక్ స్కూటర్లను విక్రయించింది. ఇది కంపెనీ చరిత్రలోనే అత్యధిక నెలవారీ అమ్మకాల రికార్డు. అలాగే భారత ఎలక్ట్రిక్ టూ-వీలర్ మార్కెట్లో నమోదైన రెండో అతిపెద్ద నెలవారీ విక్రయాలుగా నిలిచింది. 2020లో కేవలం 1 శాతం మార్కెట్ వాటా ఉన్న టీవీఎస్, 2023 నాటికి 20 శాతానికి పైగా మార్కెట్ వాటాను సాధించింది. 2025లో 3.15 లక్షలకు పైగా ఎలక్ట్రిక్ వాహనాలను విక్రయించి దేశంలోనే అతిపెద్ద ఈవీ తయారీ సంస్థగా అవతరించింది. ప్రస్తుతం బజాజ్, ఏథర్, ఓలా వంటి కంపెనీలకు గట్టి పోటీ ఇస్తోంది.

2026లో ఇప్పటివరకు టీవీఎస్ 2.19 లక్షలకు పైగా ఎలక్ట్రిక్ స్కూటర్లను విక్రయించింది. ఇదే వేగం కొనసాగితే, ముఖ్యంగా పండుగల సీజన్‌లో డిమాండ్ పెరిగితే ఈ ఏడాది ఒక్కటే 5 లక్షల ఈవీ అమ్మకాల రికార్డు సాధించే అవకాశం ఉందని మార్కెట్ వర్గాలు అంచనా వేస్తున్నాయి. ప్రస్తుతం భారత్‌లో మొత్తం ద్విచక్ర వాహనాల మార్కెట్లో ఎలక్ట్రిక్ టూ-వీలర్ల వాటా సుమారు 10 శాతం మాత్రమే ఉంది. అంటే ఈ రంగంలో ఇంకా భారీ వృద్ధి అవకాశాలు ఉన్నాయి. పెరుగుతున్న పెట్రోల్ ధరలు, అంతర్జాతీయ ఉద్రిక్తతలు, ఇంధన వ్యయాలపై ఆందోళనలు ప్రజలను ఎలక్ట్రిక్ వాహనాల వైపు మళ్లిస్తున్నాయి. దీర్ఘకాలంలో తక్కువ ఖర్చుతో ప్రయాణం చేయాలనుకునే వారికి ఎలక్ట్రిక్ స్కూటర్లు ఉత్తమ ప్రత్యామ్నాయంగా మారుతున్నాయి.

ఈ ఎలక్ట్రిక్ స్కూటర్ ఫీచర్ల విషయానికొస్తే ఇందులో 2.2 kWh లిథియం-అయాన్ బ్యాటరీ, 4.4 kW BLDC హబ్ మోటార్, 33 Nm మోటార్ టార్క్, 140 Nm వీల్ టార్క్ ఉన్నాయి. గంటకు గరిష్ఠంగా 75 కిలోమీటర్ల వేగంతో ప్రయాణించగలదు. ఒకసారి పూర్తి ఛార్జ్‌తో 94 కిలోమీటర్ల వరకు రేంజ్ ఇస్తుందని కంపెనీ పేర్కొంది. 0-80 శాతం ఛార్జింగ్‌కు కేవలం 2 గంటల 50 నిమిషాలు పడుతుంది. పుష్ బటన్ స్టార్ట్, ఆటోమేటిక్ ట్రాన్స్‌మిషన్, రివర్స్ అసిస్ట్, రీజెనరేటివ్ బ్రేకింగ్, ఈకో-పవర్ రైడింగ్ మోడ్‌లు అందుబాటులో ఉన్నాయి.

5 ఇంచెస్ TFT డిజిటల్ డిస్‌ప్లే, బ్లూటూత్, ఇంటర్నెట్ కనెక్టివిటీ, టర్న్-బై-టర్న్ నావిగేషన్, కాల్-ఎస్‌ఎంఎస్ అలర్ట్స్, OTA అప్‌డేట్స్, టెలిమాటిక్స్ వంటి స్మార్ట్ ఫీచర్లు ఉన్నాయి. LED హెడ్‌లైట్, DRLs, USB ఛార్జింగ్ పోర్ట్, మొబైల్ యాప్ సపోర్ట్, వెహికల్ ట్రాకింగ్, జియోఫెన్సింగ్, యాంటీ-థెఫ్ట్ అలర్ట్, ఫాల్ అలర్ట్ వంటి భద్రతా ఫీచర్లు కూడా ఉన్నాయి. 30 లీటర్ల అండర్‌సీట్ స్టోరేజ్, టెలిస్కోపిక్ ఫ్రంట్ సస్పెన్షన్, హైడ్రాలిక్ ట్విన్ ట్యూబ్ రియర్ సస్పెన్షన్, 220 మి.మీ డిస్క్ ఫ్రంట్ బ్రేక్, ట్యూబ్‌లెస్ టైర్లు, 157 మి.మీ గ్రౌండ్ క్లియరెన్స్, 110 కిలోల కర్బ్ వెయిట్‌తో ఈ స్కూటర్ రోజువారీ ప్రయాణాలకు అనువుగా రూపొందించారు.