Asianet News Telugu

Japan Open: క్వార్టర్స్ దాటని ప్రణయ్.. జపాన్ ఓపెన్ లో ముగిసిన భారత్ కథ

Srinivas M — Fri, 02 Sep 2022 19:48:38 +0530

Japan Open 2022: జపాన్ ఓపెన్ లో భారత్ కథ ముగిసింది. కోట్లాది బ్యాడ్మింటన్ అభిమానులు ఆశలు పెట్టుకున్న ప్రణయ్.. క్వార్టర్స్ లోనే నిష్క్రమించాడు.

జపాన్ ఓపెన్ లో భారత్ పోరాటం ముగిసింది. కోట్లాది భారత అభిమానులు ఆశలు పెట్టుకున్న భారత స్టార్ షట్లర్ హెచ్ఎస్ ప్రణయ్ ఈ మెగా టోర్నీలో క్వార్టర్స్ లోనే ఇంటి బాట పట్టాడు. బీడబ్ల్యూఎఫ్‌ వరల్డ్‌ టూర్‌ సూపర్‌-750 పురుషుల సింగిల్స్‌ క్వార్టర్స్‌లో ప్రణయ్.. 17-21, 21-15, 20-22 తేడాతో చైనీస్ తైఫీకి చెందిన చౌ టియెన్ చెన్ చేతిలో పరాజయం పాలయ్యాడు.

తొలి సెట్ లో ఓడినా రెండో రౌండ్ లో పుంజుకున్న ప్రణయ్.. అదే జోరును చివరి రౌండ్ లో కొనసాగించలేకపోయాడు. హోరాహోరిగా ముగిసిన పోరులో చౌ టియెన్ నే విజయం వరించింది.

ఈ మెగా టోర్నీలో ప్రణయ్ తొలి రౌండ్ లో మలేషియాకు చెందిన అంగుస్ ను ఓడించిన ప్రణయ్.. ప్రిక్వార్టర్స్ లో 22-20, 21-19 తోమాజీ వరల్డ్ ఛాంపియన్ లో కీన్ యూ (సింగపూర్) ను మట్టి కరిపించి క్వార్టర్స్ కు చేరాడు.

ప్రణయ్ నిష్క్రమించడంతో ఈ టోర్నీలో భారత పోరాటం కూడా ముగిసింది. ఈ టోర్నీలో భారత స్టార్ షట్లర్లు లక్ష్యసేన్, సైనా నెహ్వాల్ వంటి క్రీడాకారులు తొలి రౌండ్ లోనే ఇంటి బాట పట్టారు.

ఇక కిదాంబి శ్రీకాంత్.. తొలి రౌండ్ లో జపాన్ కు చెందిన లి జి జియా ను 22-20, 23-21 తేడాతో ఓడించాడు. కానీ రెండో రౌండ్ లో మాత్రం ఆ ప్రదర్శన ఇవ్వలేకపోయాడు. కంట త్సునెయమ చేతిలో 21-10, 21-16 తేడాతో దారుణ ఓటమి చవిచూశాడు. కనీసం పోటీ కూడా ఇవ్వకుండా ప్రత్యర్థికి విజయాన్ని అందించి ఇంటిబాట పట్టాడు.

అంతకుముందు పురుషుల డబుల్స్ లో అర్జున్-కపిల ల ద్వయం, మహిళల డబుల్స్ లో జాలీ-గాయత్రి గోపీచంద్ ల జోడీ, మిక్స్డ్ డబుల్స్ లో ప్రసాద్ - దేవాంగన్ ల జంట తొలి రౌండ్ లోనే ఓడి నిరాశపరిచింది.

Japan Open: శ్రీకాంత్ ముందుకు.. లక్ష్యసేన్, సైనా ఇంటికి.. జపాన్ ఓపెన్‌లో భారత్‌కు షాక్

Srinivas M — Wed, 31 Aug 2022 17:36:58 +0530

టోక్యో వేదికగా జరుగుతున్న జపాన్ ఓపెన్ - 2022లో భారత బ్యాడ్మింటన్ స్టార్లు లక్ష్యసేన్, సైనా నెహ్వాల్ లు తొలి రౌండ్ లోనే వెనుదిరిగారు. పురుషుల సింగిల్స్ లో కిదాంబి శ్రీకాంత్ ఒక్కడే తొలి రౌండ్ నెగ్గి ప్రీక్వార్టర్స్ కు అర్హత సాధించాడు. మెన్స్ డబుల్స్, మిక్స్‌డ్ డబుల్స్ లో కూడా భారత్ కు నిరాశజనకమైన ఫలితాలే వచ్చాయి.

బుధవారం జరిగిన పురుషుల సింగిల్స్ తొలి రౌండ్ లో కిదాంబి శ్రీకాంత్.. మలేషియాకు చెందిన లి జి జియా ను 22-20, 23-21 తేడాతో ఓడించాడు. ఇటీవలే ముగిసిన బీడబ్ల్యూఎఫ్ వరల్డ్ ఛాంపియన్షిప్-2022లో స్థాయికి తగ్గ ప్రదర్శన చేయలేక తీవ్ర ఒత్తిడిలో ఉన్న శ్రీకాంత్.. జపాన్ ఓపెన్ తొలిరౌండ్ లో మాత్రం ఆత్మవిశ్వాసంతో ఆడాడు. లీ జి జియా తో పోరాడి గెలిచాడు.

ఇక మరో భారత స్టార్ షట్లర్ లక్ష్యసేన్.. జపాన్ కు చెందిన కెంట నిషిమొటొ చేతిలో 21-18, 14-21, 13-21 తేడాతో ఓడిపోయి మొదటి రౌండ్ లోనే ఇంటిబాట పట్టాడు.

Kidambi Srikanth knocks OUT World no. 4 Lee Zii Jia 22-20, 23-21 in 1st round of Japan Open. Its 1st ever win for Srikanth against the Malaysian shuttler in their 3 matches that they have played so far. #JapanOpen2022 pic.twitter.com/ktEeVTJZP1

— India_AllSports (@India_AllSports) August 31, 2022

మహిళల సింగిల్స్ లో సైనా నెహ్వాల్ పేలవ ఫామ్ ను కొనసాగించింది. తొలిరౌండ్ లో ఆమె.. జపాన్ క్రీడాకారిణి అకానె యమాగూచి చేతొలో 21-9, 21-17 తేడాతో ఓడింది. రెండు సెట్లలోనూ తేలిపోయిన సైనా.. తొలిరౌండ్ లోనే ఇంటిబాట పట్టింది.

పురుషుల డబుల్స్ లో అర్జున్-కపిల ల ద్వయం చోయ్-కిమ్ ల చేతిలో 21-19, 21-23, 15-21 తేడాతో ఓడింది. మహిళల డబుల్స్ లో జాలీ-గాయత్రి గోపీచంద్ ల జోడీ కిటితరకుల్-ప్రజోంగజ్ చేతిలో ఓడింది. మిక్స్డ్ డబుల్స్ లో ప్రసాద్ - దేవాంగన్ ల ద్వయం.. జెంగ్-హుయాంగ్ చేతిలో ఓడింది.

Saina Nehwal crashes OUT in 1st round of Japan Open. Saina lost to reigning World Champion Akane Yamaguchi 9-21, 17-21. Its 4th consecutive defeat for Saina against the Japanese shuttler. #JapanOpenSuper750 pic.twitter.com/ym7iPA7Kxn

— India_AllSports (@India_AllSports) August 31, 2022

ఇదే టోర్నీలో మంగళవారం పురుషుల సింగిల్స్ లో హెచ్ఎస్ ప్రణయ్.. ప్రిక్వార్టర్స్ కు అర్హత సాధించగా ఉమెన్స్ డబుల్స్ లో మాత్రం అశ్విని భట్ - శిఖా గౌతమ్ ల జోడీ.. దక్షిణకొరియా అమ్మాయిల చేతిలో ఓడిన విషయం తెలిసిందే.

Japan Open: END of Indian challenge in Doubles in 1st round itself: MD: Arjun/Dhruv | Vishnuvardhan/Krishna ❌ WD: Treesa/Gayatri | Ashwini/Shikha ❌ XD: Venkat Juhi ❌ #JapanOpenSuper750 pic.twitter.com/jTQM9fHm6C

— India_AllSports (@India_AllSports) August 31, 2022

ఆట బాగోలేదని కోచ్‌ని మారిస్తే... సరిపోతుందా! పీవీ సింధు నిర్ణయంపై ఫ్యాన్స్ రియాక్షన్...

Chinthakindhi Ramu — Sat, 25 Feb 2023 16:30:04 +0530

భారత బ్యాడ్మింటన్ ప్రపంచంలో పీవీ సింధు ఓ సంచలనం. అనితర సాధ్యమైన విజయాలు అందుకుని, టీమిండియాకి ‘గోల్డెన్ గర్ల్’గా మారింది తెలుగు తేజం సింధు. భారత బ్యాడ్మింటన్ కోచ్ పుల్లెల గోపిచంద్ ట్రెయినింగ్‌లో వెలుగులోకి వచ్చిన పీవీ సింధు, ఆ తర్వాత దక్షిణ కొరియా మాజీ బ్యాడ్మింటన్ దిగ్గజం కిమ్ జి యున్ కోచింగ్‌లో రాటు తేలింది.

కిమ్ జి యున్ కోచ్‌గా ఉన్న సమయంలోనే పీవీ సింధు, బీడబ్ల్యూఎఫ్ వరల్డ్ ఛాంపియన్‌షిప్స్ గెలిచింది. భారత్‌కి దక్కిన మొట్టమొదటి వరల్డ్ ఛాంపియన్‌షిప్ ఇదే. అయితే కిమ్ జి యున్ అనారోగ్యానికి గురి కావడంతో భారత బ్యాడ్మింటన్ కోచ్ బాధ్యతల నుంచి అర్ధాంతరంగా తప్పుకుందామె... నిజానికి ఆమెని తప్పించడానికి సింధుయే కారణమని ఆరోపణలు కూడా చేసింది కిమ్ జి యున్.

ఆ తర్వాత దక్షిణ కొరియాకి చెందిన మరో బ్యాడ్మింటన్ ప్లేయర్ పార్క్ టే సంగ్‌ని కోచ్‌గా నియమించుకుంది. పార్క్ టే సంగ్ గైడెన్స్‌లో 2020 టోక్యో ఒలింపిక్స్‌లో కాంస్యం గెలిచిన పీవీ సింధు, 2022 కామన్వెల్త్ గేమ్స్‌లో స్వర్ణం సాధించింది.. అయితే కొన్నాళ్లుగా ముఖ్యంగా 2022 నుంచి వరుస పరాజయాలతో సతమతమవుతున్న పీవీ సింధు, పార్క్ టే సంగ్ మధ్య మనస్పర్థలు, విభేదాలు వచ్చినట్టు సమాచారం..

ఇంతకుముందు ముందు ఇలాగే భారత బ్యాడ్మింటన్ కోచ్‌ పుల్లెల గోపిచంద్‌తో గొడవ పడిన పీవీ సింధు, ఎవరికీ చెప్పకుండా సింగపూర్‌ వెళ్లింది. అయితే అలాంటిదేమీ లేదని ఓ పార్టీలో పాల్గొనడానికి తాను సింగపూర్‌కి వచ్చినట్టు తెలిపింది పీవీ సింధు. ఆ సమయంలో ఈ విషయం గురించి చాలా పెద్ద రచ్చే జరిగింది...

ఇప్పుడు కూడా ఇలాగే 2022 ఏడాదిలో వరుస వైఫల్యాలతో విసిగిపోయిన పీవీ సింధు, తన ఆటను మరింత మెరుగుపర్చుకోవడంపై దృష్టి పెట్టకుండా కోచ్‌ని మార్చేసింది. పార్క్ టెక్నిక్‌లో కానీ అంతకుముందు సింధుకి బ్యాడ్మింటన్ పాఠాలు నేర్పిన మిగిలిన గురువుల టెక్నిక్‌లో కానీ లోపాలు ఉండి ఉంటే... ఆమె ఇంత పెద్ద బ్యాడ్మింటన్ స్టార్ అయ్యేది కాదు...

అయితే వరుస పరాజయాలు ఎదురైనప్పుడల్లా తన ఆటలోని తప్పులను సరిదిద్దుకోవాల్సి పోయి, కోచ్‌లపై వేటు వేస్తోంది పీవీ సింధు. ఇది కరెక్ట్ కాదని కొందరు అసంతృప్తి వ్యక్తం చేస్తుంటే.. పీవీ సింధు కోచ్‌ని మార్చిన ప్రతీసారీ ఆమెకి విజయాలే దక్కాయని గుర్తుచేస్తున్నారు మరికొందరు బ్యాడ్మింటన్ అభిమానులు...

వ్యాపారంలో కానీ ఆటలో ఎమోషన్స్ ఉండకూడదు, ఎందుకంటే వ్యక్తులతో ఎమోషనల్‌గా కనెక్ట్ అయితే విజయాలు రావు... సైనా నెహ్వాల్ స్టార్‌గా ఎదిగిన తర్వాత ఆ విజయాలను కొనసాగించలేకపోయింది కూడా ఇందుకే. సైనా నెహ్వాల్‌ నుంచి పాఠాలు నేర్చుకుని పీవీ సింధు, కోచ్‌ల విషయంలో అమలు చేస్తున్న ఫార్ములా కూడా ఇదే.

జనాలకు సినిమాల్లో సెంటిమెంట్స్ కావాలేమో కానీ.. ఆటలో అవేమీ అవసరం లేదు. ఆటలో వారికి కావాల్సింది విజయాలు మాత్రమే. అది ఏ కోచ్ సాధించినా, కోచ్ లేకుండా సాధించినా వారికి సంతోషమే. అయితే ఆమె మాజీ కోచ్‌లు మాత్రం భారత బ్యాడ్మింటన్ ప్లేయర్ చేసిన పనిని తప్పుబడుతున్నారు...

క్రికెట్‌లో వరుస పరాజయాలు వస్తే హెడ్ కోచ్‌ని మారుస్తారు. అయినా ఓటములు ఎదురైతే ప్లేయర్లనే మారుస్తారు. భారత బ్యాడ్మింటన్ స్టార్ వీలైనంత త్వరగా ఈ లాజిక్‌ని అర్థం చేసుకుని, తనలోని తప్పులను కూడా తెలుసుకుంటే బెటర్ అంటున్నారు ఇంకొందరు అభిమానులు..

Malaysia Open: సింధు, ప్రణయ్ లకు షాక్.. మలేషియా ఓపెన్ లో ముగిసిన భారత్ పోరు..

Srinivas M — Fri, 01 Jul 2022 21:53:21 +0530

మలేషియాలోని కౌలాలంపూర్ వేదికగా జరుగుతున్న మలేషియా ఓపెన్ బీడబ్ల్యూఎఫ్ సూపర్ 750 బ్యాడ్మింటన్ టోర్నమెంట్ లో దేశం ఆశలు పెట్టుకున్న ఇద్దరు సూపర్ స్టార్లు విఫలమయ్యారు. డబుల్ ఒలింపిక్ గోల్డ్ మెడలిస్ట్ పీవీ సింధుతో పాటు హెచ్ ఎస్ ప్రణయ్ కూడా ఈ టోర్నీలో క్వార్టర్స్ లోనే ఇంటిబాట పట్టారు. దీంతో ఈ టోర్నీలో భారత్ ప్రయాణం కూడా ముగిసింది.

శుక్రవారం జరిగిన మహిళల సింగిల్స్ క్వార్టర్ ఫైనల్ లో సింధు.. సెకండ్ సీడ్ క్రీడాకారిణి టై జు యింగ్ (చైనీస్ తైఫీ) చేతిలో ఓడింది. 53 నిమిషాల పాటు సాగిన ఈ మ్యాచ్ లో ఆమె 13-21, 21-15, 21-13 తేడాత సింధూను ఓడించింది.

ఈ స్టార్ ఇండియన్ షట్లర్ తొలి సెట్ (21-13) ను నెగ్గినా కానీ మిగతా రెండింట్లో అదే ఆటను కొనసాగించలేకపోయింది. గతేడాది టోక్యో వేదికగా జరిగిన ఒలింపిక్స్ సెమీస్ ఫైనల్స్ ఓటమి తర్వాత టై జు చేతిలో సింధుకు ఇది వరుసగా ఆరో ఓటమి. మొత్తంగా 21 మ్యాచులలో 16వ ఓటమి కావడం గమనార్హం.

Tough luck @Pvsindhu1, well fought #MalaysiaOpen2022#Badminton pic.twitter.com/7K7FpH9s2E

— BAI Media (@BAI_Media) July 1, 2022

ఇక పురుషుల సింగిల్స్ లో ప్రపంచ 21వ నెంబర్ ఆటగాడు ప్రణయ్.. 18-21, 16-21 తేడాతో ఎనిమిదో సీడ్ ఆటగాడు జొనాతన్ క్రిస్టీ చేతిలో ఓడాడు. ఈ ఇద్దరూ నిష్క్రమించడంతో ఈ టోర్నీలో భారత ఆశలు అడియాసలయ్యాయి.

End of 's campaign at #MalaysiaOpen2022.#MalaysiaOpenSuper750#Badminton pic.twitter.com/a0ZjJwtpDV

— BAI Media (@BAI_Media) July 1, 2022

BWF: సింధూ లేకుండా మరో కీలక సమరానికి సిద్ధమవుతున్న భారత్.. బీడబ్ల్యూఎఫ్ షెడ్యూల్ ఇదే..

Srinivas M — Fri, 19 Aug 2022 09:11:41 +0530

రెండు నెలల క్రితం ఇండోనేషియా వేదికగా ముగిసిన ప్రతిష్టాత్మక థామస్ కప్ నెగ్గి చరిత్ర సృష్టించిన భారత బ్యాడ్మింటన్ జట్టు.. ఇటీవలే బర్మింగ్‌హోమ్ లో జరిగిన కామన్వెల్త్ క్రీడలలో కూడా మెరుగ్గా రాణించింది. కామన్వెల్త్ క్రీడల్లో భాగంగా మూడు స్వర్ణాలు, ఒక రజతం, రెండు కాంస్య పతకాలతో మొత్తంగా ఆరు పతకాలు సాధించిన భారత షట్లర్లు.. ఇప్పుడు మరో కీలక సమరానికి సిద్ధమవుతున్నారు. ఈనెల 21 నుంచి 28 వరకు జపాన్ వేదికగా బ్యాడ్మింటన్ వరల్డ్ ఫెడరేషన్ (బీడబ్ల్యూఎఫ్) ఆధ్వర్యంలో జరుగబోయే ప్రపంచ ఛాంపియన్షిప్‌కు సిద్ధమవుతున్నారు. భారత స్టార్ షట్లర్ పీవీ సింధు లేకుండానే ఈ మెగా టోర్నీలో భారత్ బరిలోకి దిగనుంది.

గతంలో రెండేండ్లకోసారి జరిగిన బీడబ్ల్యూఎఫ్ వరల్డ్ ఛాంపియన్షిప్ పోటీలు.. కొన్నాళ్లుగా ప్రతి ఏడాది (ఒలింపిక్స్ ఉంటే ఆ ఏడాది జరుగవు) జరుగుతున్నాయి. ఈసారి ఈ మెగా టోర్నీ జపాన్ రాజధాని టోక్యోలో జరుగనుంది. ఈ మెగా ఈవెంట్ లో ఇప్పటివరకు భారత్ ఒకే ఒక్క స్వర్ణం (మొత్తంగా 12) నెగ్గింది. 2019లో సింధు.. బీడబ్ల్యూఎఫ్ వరల్డ్ ఛాంపియన్షిప్ లో తొలి స్వర్ణం గెలిచిన భారత క్రీడాకారిణిగా చరిత్ర సృష్టించింది. కానీ ఈసారి ఆమె గాయం కారణంగా ఈ టోర్నీ నుంచి తప్పుకోవడం భారత్ కు కోలుకోలేని షాక్.

ఇక 2022 ఎడిషన్ లో సింధు లేకపోయినా భారత కిదాంబి శ్రీకాంత్, లక్ష్య సేన్, సాత్విక్ సాయిరాజ్, చిరాగ్ శెట్టి, గాయత్రి గోపిచంద్, ట్రీసా జాలీ వంటివారితో పాటు వెటరన్ క్రీడాకారిణి సైనా నెహ్వాల్ కూడా బరిలో ఉంది. 2015, 2017లో సైనా.. బీడబ్ల్యూఎఫ్ వరల్డ్ ఛాంపియన్షిప్ లో రజతం, కాంస్యం గెలుచుకుంది.

BWF World Championships 2022 షెడ్యూల్ :

- ఆగస్టు 21న మొదలుకానున్న ఈ మెగా ఈవెంట్ లో తొలి రౌండ్ మ్యాచ్ లు ఆగస్టు 22 , 23 న జరుగుతాయి. 24న రెండో రౌండ్, 25న క్వార్టర్స్, 26న సెమీస్ జరుగనుంది. ఫైనల్ ఆగస్టు 27న నిర్వహిస్తారు.

భారత క్రీడాకారులు :

- మహిళల సింగిల్స్ లో సింధు లేకపోయినా.. సైనా నెహ్వాల్ ఆ లోటును భర్తీ చేయనుంది. ఆమెతో పాటు మాల్విక బన్సోద్ కూడా బరిలో ఉంది. - పురుషుల సింగిల్స్ లో లక్ష్య సేన్, కిదాంబి శ్రీకాంత్, హెచ్ఎస్ ప్రణయ్ లతో పాటు సాయి ప్రణీత్ కూడా ఉన్నాడు. - మెన్స్ డబుల్స్ జోడీ సాత్విక్ సాయిరాజ్-చిరాగ్ శెట్టి - ఉమెన్స్ డబుల్స్ లో ట్రీసాజాలీ -గాయత్రి గోపీచంద్ లతో పాటు మొత్తంగా 27 మంది భారతీయ షట్లర్లు బరిలోకి దిగనున్నారు.

Can you name them all? #BWFWorldChampionships#IndiaontheRise#Badminton pic.twitter.com/M9Rnfb3HVk

— BAI Media (@BAI_Media) August 17, 2022

గతేడాది భారత్ ప్రదర్శన:

2021లో జరిగిన బీడబ్ల్యూఎఫ్ వరల్డ్ ఛాంపియన్షిప్ లో భారత జట్టుకు పురుషుల సింగిల్స్ లో కిదాంబి శ్రీకాంత్ రజతం నెగ్గగా.. లక్ష్య సేన్ కాంస్యం గెలిచాడు.

Badminton BWF World Championships 2022 Full schedule and matches of Indian players ⏬⏬https://t.co/mEYjoSvntn#SaiPraneeth #ChouTienChen #NhatNguyen #KidambiSrikanth #HansKristian #LakshyaSen #LukaWraber #PrannoyHs #PvSindhu #Badminton #BWFChampionships2022 pic.twitter.com/rgbw0y4HUf

— Sportz Point (@sportz_point) August 14, 2022

అమ్మతనానికి ఆదర్శం.. 30 లీటర్ల చనుబాలు దానం చేసిన గుత్తా జ్వాల

Mahesh Rajamoni — Fri, 12 Sep 2025 22:49:23 +0530

Gutta Jwala: భారత బ్యాడ్మింటన్ స్టార్ గుత్తా జ్వాలా 4 నెలల్లో 30 లీటర్ల చనుబాలను దానం చేశారు. రోజూ 600 మి.లీ. పాలు ప్రభుత్వ ఆస్పత్రులకు అందజేస్తూ అమ్మతనానికి ఆదర్శంగా నిలుస్తున్నారు.

భారత బ్యాడ్మింటన్ రంగంలో అనేక విజయాలు సాధించిన గుత్తా జ్వాల ఇప్పుడు ప్రత్యేకమైన మానవతా సేవతో వార్తల్లో నిలిచారు. కూతురు పుట్టిన తరువాత తల్లిపాలు పంచుతూ అమ్మతానికి అదర్శంగా నిలస్తున్నారు. తల్లి పాలకు దూరమైన శిశువులకు జీవదాతగా నిలుస్తున్నారు. గత నాలుగు నెలల్లోనే ఆమె సుమారు 30 లీటర్ల పాలు దానం చేశారు.

గుత్తా జ్వాల తన శిశువుకు పాలు ఇచ్చిన తరువాత మిగిలిన పాలను వృధా చేయకుండా ప్రతిరోజూ ప్రభుత్వ ఆస్పత్రుల శిశువులకు పంపుతున్నారు. ప్రస్తుతం రోజూ సుమారు 600 మి.లీ. పాలు అందజేస్తున్నారు. భారత క్రీడా చరిత్రలో ఒక క్రీడాకారిణి ఇలాంటి ప్రయత్నం చేయడం ఇదే మొదటిసారి.

వైద్యుల ప్రకారం, తల్లి పాలు శిశువులకు అమృతం వంటివి. ఇందులో శిశువుల ఎదుగుదలకు అవసరమైన అన్ని పోషకాలు ఉంటాయి. ఇవి శిశువులను అలర్జీలు, ఆస్తమా, అధిక బరువు వంటి సమస్యల నుంచి కాపాడుతాయి. అనేక రకాల అనారోగ్యాలను దరిచేరనివ్వవు. గుత్తా జ్వాల చేసిన ఈ దానం కేవలం సహాయం మాత్రమే కాదు, వందలాది శిశువులకు ప్రాణదానం కూడా అవుతుంది.

గుత్తా జ్వాల 2021 ఏప్రిల్ 22న తమిళ నటుడు విష్ణు విశాల్‌ను వివాహం చేసుకున్నారు. నాలుగేళ్ల తరువాత ఆమెకు కూతురు పుట్టింది. అమ్మతనాన్ని ఆస్వాదిస్తున్న ఆమె, తన శిశువు పాలు తాగిన తరువాత మిగిలిన పాలను మరింత మంది శిశువుల కోసం దానం చేస్తున్నారు. ఇది సమాజానికి ఓ స్ఫూర్తిదాయకమైన చర్యగా నిలుస్తోంది.

గుత్తా జ్వాల భారత బ్యాడ్మింటన్‌లో తనకంటూ ప్రత్యేక గుర్తింపు సాధించారు. ఆమె 2010, 2014 కామన్వెల్త్ గేమ్స్‌లో స్వర్ణ పతకాలు గెలిచారు. అశ్విని పొన్నప్పాతో కలిసి డబుల్స్ విభాగంలో అనేక విజయాలు సాధించారు. 2011లో బీడబ్ల్యూఎఫ్ ప్రపంచ ఛాంపియన్‌షిప్‌లో కాంస్యం గెలిచారు. 2014లో థామస్ అండ్ ఉబర్ కప్‌లోనూ కాంస్యం సాధించారు.

అంతర్జాతీయ స్థాయిలో ఆమె సాధించిన విజయాలు భారత డబుల్స్ బ్యాడ్మింటన్‌కు గ్లోబల్ గుర్తింపును తెచ్చాయి. 2011లో అర్జున అవార్డు అందుకున్న గుత్తా జ్వాల.. తన కెరీర్‌లో మిక్స్‌డ్ డబుల్స్‌లో 6వ ర్యాంక్, మహిళల డబుల్స్‌లో 10వ ర్యాంక్ సాధించిన ఏకైక భారతీయురాలుగా ఘనత సాధించారు.

Badminton Asia Team Championships: చ‌రిత్ర సృష్టించిన భార‌త బ్యాడ్మింట‌న్ టీమ్.. !

Mahesh Rajamoni — Sat, 17 Feb 2024 16:05:06 +0530

Badminton Asia Team Championships: తొలి బ్యాడ్మింటన్‌ ఆసియా టీమ్‌ ఛాంపియన్‌షిప్‌ ఫైనల్‌కు చేరి భారత మహిళలు చరిత్ర సృష్టించారు. మలేషియాలోని సెలంగోర్‌లో జరిగిన బ్యాడ్మింటన్ ఆసియా టీమ్ ఛాంపియన్‌షిప్స్‌లో మహిళల జట్టు 3-2తో జపాన్‌ను ఓడించి తొలిసారిగా ఫైనల్‌కు చేరుకుంది. సింగిల్స్‌లో డబుల్ ఒలింపిక్ పతక విజేత పివి సింధు ఓడిపోయినప్పటికీ, యంగ్ ప్లేయ‌ర్లు అష్మితా చలిహా, అన్మోల్ ఖర్బ్ అద్భుతమైన ప్రదర్శనతో అద‌ర‌గొట్టారు. గాయత్రీ గోపీచంద్, జాలీ ట్రీసా జంట కూడా ఈ సంచలన విజయానికి దోహదపడింది.

గ్రూప్ దశలో టాప్-సీడ్ చైనాను అద్భుతంగా ఓడించడం ద్వారా భారత్ త‌న గేమ్ ను కొన‌సాగించింది. క్వార్టర్ ఫైనల్‌లో హాంకాంగ్ చైనాను 3-0తో చిత్తు చేసింది. జపాన్‌తో జరిగిన సెమీ-ఫైనల్ పోరు బ‌లంగా క‌నిపించింది. అనేక స‌వాళ్ల మ‌ధ్య అయా ఒహోరితో జరిగిన ప్రారంభ మ్యాచ్‌లో సింధు ఆశ్చర్యకరమైన ఓటమిని ఎదుర్కొంది. అయితే, ఎదురుదెబ్బ తగలకుండా, ఉత్కంఠభరితమైన డబుల్స్ పోటీలో యువ జంట గాయత్రి గోపీచంద్, జాలీ ట్రీసా 21-17, 16-21, 22-20తో విజయం సాధించి 1-1తో సమం చేసింది.

రోహిత్ కెప్టెన్సీలో భార‌త్ T20 వ‌ర‌ల్డ్ క‌ప్ గెలుస్తుంది.. జైషా కామెంట్స్ పై హిట్ మ్యాన్ రియాక్ష‌న్ వైరల్ !

ప్రపంచ నం. 55వ ర్యాంక్‌లో ఉన్న 24 ఏళ్ల అష్మితా చలిహా 21-17, 21-14తో మాజీ ప్రపంచ నం.1 నొజోమి ఒకుహరను మట్టికరిపించి, భారత్‌కు 2-1 ఆధిక్యాన్ని అందించింది. డబుల్స్‌లో ఓటమి పాలైనప్పటికీ, 16 ఏళ్ల జాతీయ ఛాంపియన్ అన్మోల్ ఖర్బ్ నిర్ణయాత్మక మ్యాచ్‌లో మంచి ఆట‌ను ప్ర‌ద‌ర్శించారు. సైనా నెహ్వాల్ అభిమాని, అన్మోల్ చెప్పుకోదగ్గ ప్రశాంతత, నైపుణ్యాన్ని ప్రదర్శించారు. 29వ ర్యాంకర్ నట్సుకి నిదైరాను 52 నిమిషాల్లో 21-14, 21-18తో ఓడించి, భారత్ చారిత్రాత్మకమైన ఫైనల్‌లోకి ప్రవేశించింది.

Indian women created history by entering Finals of Badminton Asian Team Championship 2024 for the first time ever after defeating Japan. pic.twitter.com/HapUJ8DiPi

— Indian Tech & Infra (@IndianTechGuide) February 17, 2024

బ్యాడ్మింటన్‌ ఆసియా టీమ్‌ ఛాంపియన్‌షిప్ 2024లో మహిళల ఈవెంట్ ఫైనల్‌లో భారత్ ఇప్పుడు థాయ్‌లాండ్‌తో తలపడనుంది. మరో సెమీ-ఫైనల్‌లో థాయిలాండ్ 3-1తో ఇండోనేషియాను ఓడించి ఫైనల్‌కు చేరుకుంది. ఆదివారం జరిగే ఫైనల్లో భారత మహిళల జట్టు స్వర్ణం కైవసం చేసుకుని బ్యాడ్మింటన్ ప్రయాణంలో చెప్పుకోదగ్గ మైలురాయిని చేరుకోవాల‌ని చూస్తోంది.

IPL 2024 - CSK : ధోని తో జోడీ క‌ట్టిన కత్రినా కైఫ్.. !

పీవీ సింధు పెళ్లికూతురు కాబోతోంది ! పూర్తి వివరాలు ఇవిగో

Mahesh Rajamoni — Tue, 03 Dec 2024 09:20:06 +0530

PV Sindhu Marriage: డబుల్ ఒలింపిక్ మెడ‌ల్ విన్నర్, భార‌త స్టార్ బ్యాడ్మింటన్ క్రీడాకారిణి పీవీ సింధు పెళ్లికూతురు కాబోతోంది. డిసెంబర్ 22న ఉదయపూర్‌లో గ్రాండ్ గా వివాహం చేసుకోనున్నారు. ఆ వివ‌రాలు మీకోసం.

PV Sindhu Marriage Date : భారత బ్యాడ్మింటన్ స్టార్, రెండు ఒలింపిక్ మెడ‌ల్స్ విజేత అయిన పీవీ సింధు త్వరలో పెళ్లి చేసుకోబోతోంది. వీరి పెళ్లి తేదీకి సంబంధించిన వివ‌రాలు వెల్లడ‌య్యాయి. డిసెంబర్ 20 నుంచి పెళ్లి వేడుకలు మొదలు కానున్నాయి. ఒక వారం పాటు బ్యాడ్మింటన్ స్టార్ ఇంట్లో పెళ్లి వేడుక‌లు జ‌ర‌గ‌నున్నాయి.

పీవీ సింధు పెళ్లి ఎప్పుడు?

హైదరాబాద్‌లో నివసించే పీవీ సింధు, వెంకట్ దత్త సాయిలు ఏడు అడుగులువేసి మూడు ముళ్ల బంధంతో ఒక్క‌టి కానున్నారు. డిసెంబ‌ర్ 22న గ్రాండ్ గా వీరి వివాహం జ‌ర‌గ‌నుంది. సెప్టెంబర్ 24న భారీ ఏర్పాట్ల‌తో రిసెప్షన్ నిర్వ‌హించ‌నున్నారు.

పీవీ సింధు పెళ్లి ఎక్కడ జరగనుంది?

ప‌లు మీడియా నివేదిక‌ల ప్ర‌కారం.. భార‌త స్టార్ బ్యాడ్మింట‌న్ ప్లేయ‌ర్ పీవీ సింధు వివాహం ఉదయ్‌పూర్‌లో ఘ‌నంగా జ‌ర‌గ‌నుంది. డిసెంబ‌ర్ 22న సింధు, వెంక‌ట్ ద‌త్త సాయిల వివాహం జ‌ర‌గ‌నుంది. రిసెప్షన్ డిసెంబర్ 24న హైదరాబాద్‌లో జరగనుంది.

పీవీ సింధుకు కాబోయే భ‌ర్త వెంట‌క్ ద‌త్త సాయి ఎవ‌రు?

పీవీ సింధుకు కాబోయే భర్త వెంకట్ దత్త సాయి పోసిడెక్స్ టెక్నాలజీస్ ఎగ్జిక్యూటివ్ డైరెక్టర్ అని స‌మాచారం. జనవరిలో అతను అంతర్జాతీయ సర్క్యూట్‌కు తిరిగి రావడానికి అతని వివాహం భిన్నంగా ప్లాన్ చేయబడింది. ఆదివారం సయ్యద్ మోదీ ఓపెన్‌లో విజయం సాధించడంతో చాలా కాలం త‌ర్వాత టైటిల్ కరువును ముగించారు.

చైనాను ఓడించిన పీవీ సింధు

డిసెంబర్ 1న జరిగిన ఫైనల్లో చైనా క్రీడాకారిణి వు లుయో యును ఓడించి సింధు టైటిల్ గెలుచుకుంది. మరోవైపు లక్ష్య సేన్ కూడా తన విజయానికి తోడుగా నిలిచాడు. త్రిసా జాలీ, గాయత్రి గోపీచంద్ పుల్లెల జోడీ కూడా మంచి ప్రదర్శన చేసి మహిళల డబుల్స్ టైటిల్‌ను గెలుచుకుంది. ఇప్పుడు పీవీ సింధు పెళ్లితో డిసెంబ‌ర్ నెల‌లో భార‌త బ్యాడ్మింట‌న్ ప్ర‌పంచం ఈ సంతోషాన్ని మ‌రింత రెట్టింపు చేస్తోంది !

జపాన్ ఓపెన్‌లో ప్రి క్వార్టర్స్‌కు దూసుకెళ్లిన ప్రణయ్.. ఉమెన్స్ డబుల్స్‌లో షాక్

Srinivas M — Tue, 30 Aug 2022 17:30:34 +0530

ఇటీవలే ముగిసిన బీడబ్ల్యూఎఫ్ వరల్డ్ ఛాంపియన్షిప్‌లో ఆశించిన మేర రాణించలేకపోయిన భారత షట్లర్లు.. జపాన్ ఓపెన్ లో కూడా అదే ఆటతీరును కనబరుస్తున్నారు. పురుషుల సింగిల్స్ లో హెచ్ఎస్ ప్రణయ్.. ప్రిక్వార్టర్స్ కు అర్హత సాధించగా ఉమెన్స్ డబుల్స్ లో మాత్రం అశ్విని భట్ - శిఖా గౌతమ్ ల జోడీ.. దక్షిణకొరియా అమ్మాయిల చేతిలో ఓడింది. అన్‌సీడెడ్ గా బరిలోకి దిగిన ప్రణయ్.. తొలి రౌండ్ లో ప్రపంచ 12వ ర్యాంకర్, హాంకాంగ్‌కు చెందిన అంగుస్ పై 11-10 తేడాతో విజయం సాధించాడు. ప్రణయ్ తొలి సెట్ ను ఒక పాయింట్ తేడాతో నెగ్గాడు. అయితే ఆ తర్వాత అంగుస్ గాయం కారణంగా రెండో సెట్ ఆడలేదు. దీంతో నిర్వాహకులు ప్రణయ్ ను విజేతగా ప్రకటించారు.

తాజా విజయంతో ప్రణయ్.. గతేడాది వరల్డ్ ఛాంపియన్ లో కియాన్ యూ (సింగపూర్) తో తలపడనున్నాడు. బీడబ్ల్యూఎప్ వరల్డ్ ఛాంపియన్షిప్స్ లో మంచి ఫామ్ కనబరిచిన ప్రణయ్.. దానినే ఇక్కడా కొనసాగిస్తే కియాన్ ను ఓడించడం పెద్ద కష్టమేమీ కాదు.

HS Prannoy advances into pre-quarterfinals of men's singles at #JapanOpen2022 after Hong Kong's NG Ka Long Angus retires hurt. #Badminton | @PRANNOYHSPRI pic.twitter.com/4sUczXEssH

— Olympic Khel (@OlympicKhel) August 30, 2022

ఇక ఇదే టోర్నీలో భాగంగా జరిగిన ఉమెన్స్ డబుల్స్ తొలి రౌండ్ లో భారత ద్వయం అశ్విని భట్ - శిఖా గౌతమ్ లు సౌత్ కొరియాకు చెందిన బేక్ హా న - లీ యు లిమ్ ల చేతిలో 15-21, 9-21 తేడాతో దారుణ పరాజయం పాలయ్యారు.

ఇక ఈ ఈవెంట్ లో భారత స్టార్ ప్లేయర్లు పివి సింధు, సైనా నెహ్వాల్, లక్ష్య సేన్, కిదాంబి శ్రీకాంత్ త్వరలోనే తమ ప్రత్యర్థులతో తలపడబోతున్నారు. మొత్తంగా 15 మంది భారత షట్లర్లు బరిలో ఉన్నారు. ఆగస్టు 30 నుంచి సెప్టెంబర్ 4 వరకు ఈ టోర్నీ జరుగనుంది.

My sport brings out the best in me. Happy National Sports Day Ready for Japan open Will play my first round on Wednesday pic.twitter.com/LKM2lWJTZt

— Lakshya Sen (@lakshya_sen) August 29, 2022

Saina Kashyap: కశ్యప్ తో విడాకులు.. ట్విస్ట్‌ ఇచ్చిన సైనా నెహ్వాల్‌

Mahesh Rajamoni — Sat, 02 Aug 2025 22:45:59 +0530

Saina Nehwal and Kashyap Parupalli: సైనా నెహ్వాల్, పారు‌పల్లి కశ్యప్ విడాకుల విష‌యాన్ని వెనక్కి తీసుకున్నారు. మళ్లీ కలసి జీవితం కొనసాగించాలనే నిర్ణయానికి వచ్చారు.

భారత బ్యాడ్మింటన్ ప్రపంచంలో ఎంతో మంది అభిమానుల హృదయాలను గెలుచుకున్న స్టార్ జోడీ సైనా నెహ్వాల్, పారు‌పల్లి కశ్యప్. అయితే, క్రీడా ప్ర‌పంచానికి షాక్ ఇస్తూ జూలై 16న ఈ జోడీ విడాకుల ప్రకటన చేసింది.

అయితే, తాజాగా సైనా నెహ్వాల్, పారు‌పల్లి కశ్యప్ దంపతులు విడాకుల విష‌యంపై వెన‌క్కి త‌గ్గారు. మళ్లీ కలసి జీవితం సాగించాలనే నిర్ణయం తీసుకున్నారు.

2018 డిసెంబర్‌లో వివాహ బంధంలోకి అడుగుపెట్టిన ఈ జంట.. దాదాపు పదేళ్లకు పైగా ప్రేమలో ఉన్నారు. ఆ త‌ర్వాత పెళ్లితో ఒక్కటయ్యారు. అయితే, ఇటీవలే వీరిద్దరూ విడిపోతున్నామని ప్రకటించడంతో, అభిమానులు షాక్ అయ్యారు. కానీ, మూడు వారాలకే మళ్లీ కలవాలని నిర్ణయించుకోవడంతొ ఫ్యాన్స్ ఆనందం వ్య‌క్తం చేస్తున్నారు.

ఆగస్టు 2న సైనా నెహ్వాల్ తన ఇన్‌స్టాగ్రామ్‌లో పారు‌పల్లి కశ్యప్‌తో కలిసి ఉన్న ఫోటోను పంచుకున్నారు. ఆ ఫోటోకు ఆమె రాసిన క్యాప్షన్.. “కొన్నిసార్లు దూరం మనిషి విలువను నేర్పిస్తుంది. మేము మళ్లీ ప్రయత్నిస్తున్నాం” అంటూ భావోద్వేగ నోట్ పంచుకున్నారు.

ఈ కోట్ వారి మధ్య ఉన్న బంధాన్ని మాత్రమే కాదు, విడిపోతున్న జంటలందరికీ ఓ ప్రేరణగా నిలుస్తోంది. కొంతకాలం వేరుగా ఉండటం వాళ్లకు ఒకరినొకరు ఎంత అవసరమో గుర్తు చేసింది.

View this post on Instagram

A post shared by SAINA NEHWAL (@nehwalsaina)

సైనా నెహ్వాల్ జూలై 16న తన ఇన్‌స్టాగ్రామ్ స్టోరీలో.. "ప్రపంచంలో జీవితం ఒక్కొక్కసారి మమ్మల్ని వేరే దిశల్లోకి తీసుకుపోతుంది. ఎంతో ఆలోచించి, మేమిద్దరం శాంతి, అభివృద్ధి, వైవిధ్యం కోరుతూ విడిపోవాలని నిర్ణయించుకున్నాం" అని పేర్కొన్నారు.

ఆమె మాటలు అభిమానులకు ఎంతో భావోద్వేగాన్ని కలిగించాయి. “ఇప్పుడు ఉన్న జ్ఞాపకాలకు నేను కృతజ్ఞత చెప్పుకుంటున్నాను. మా నిర్ణ‌యానికి గౌరవం ఇవ్వండి” అని ఆమె పేర్కొన్నారు.

సైనా నెహ్వాల్ 2012 లండన్ ఒలింపిక్స్‌లో కాంస్య పతకం గెలిచిన తొలి భారత మహిళా షట్లర్. ఆమె BWF వరల్డ్ జూనియర్ చాంపియన్‌షిప్ గెలిచిన మొదటి భారత క్రీడాకారిణి. 2015లో ప్ర‌పంచ‌ నెంబర్ 1 ర్యాంక్ అందుకున్నారు.

కశ్యప్ పారు‌పల్లి 2014 కామన్వెల్త్ గేమ్స్‌లో స్వర్ణ పతకం గెలిచారు. 2012 ఒలింపిక్స్‌లో క్వార్టర్‌ఫైనల్‌ దాకా చేరిన ఆటగాడు. ప్రస్తుతం తన అకాడమీలో కోచ్‌గా మారారు.

సైనా నెహ్వాల్, పారుప‌ల్లి కశ్యప్ ప్రేమకథ 2005లో బ్యాడ్మింటన్ శిక్షణా శిబిరంలో మొదలైంది. అప్పటి నుండి వారిద్దరూ టోర్నమెంట్‌లకు కలిసి వెళ్లి, కలిసి శిక్షణ తీసుకుని ఒకరికొకరు మద్దతుగా నిలిచారు. వృత్తిపరంగా ఎంత బిజీగా ఉన్నా, తమ వ్యక్తిగత సంబంధాన్ని ప్రేమగా పెంచుకున్నారు.

2018 డిసెంబర్ 16న సైనా తన వివాహ ఫోటోను పోస్ట్ చేస్తూ, “ఇది నా జీవితంలో అత్యుత్తమ మ్యాచ్” అని పేర్కొంది. విడాకుల నిర్ణ‌యం త‌ర్వాత ఇప్పుడు మళ్లీ కలసి, బంధాన్ని కొనసాగించాలనే వారి నిర్ణయం, ప్రేమలో ఉన్న వారందరికీ ఒక పాఠంగా నిలుస్తోంది. బంధాలు సవాళ్లను ఎదుర్కొంటాయి, కానీ నిజమైన ప్రేమ తిరిగి క‌లుస్తుంద‌ని అని సోష‌ల్ మీడియాలో వీరి నిర్ణ‌యం పై కామెంట్స్ చేస్తున్నారు.

Some great news from the Nehwal-Parupalli village. ⁦@NSaina⁩ and ⁦@parupallik⁩ are together again. And trying. Wish you great joy together. This is super guys. Saina and Kashyap together. pic.twitter.com/GRHBVckNJ3

— Anand Datla (@SportASmile) August 2, 2025

క్రీడలంటేనే డబ్బులతో పని.. 50 ఏళ్లొచ్చినా గుర్తింపు లేకుంటే బాధేస్తది : పుల్లెల గోపీచంద్

Mahesh Rajamoni — Tue, 25 Feb 2025 19:19:05 +0530

Pullela Gopichand interview: భారత దిగ్గజ బ్యాడ్మింటన్ కోచ్, మాజీ ఆటగాడు పుల్లెల గోపీచంద్ భారత క్రీడా ప్రపంచంలోని చేదు నిజాల‌ను బయటపెట్టారు. ఇటీవల ఒక ఇంటర్వ్యూలో ఆయన మాట్లాడుతూ, ఒక ఆటగాడి తల్లిదండ్రులు ఆర్థికంగా బలంగా లేకుంటే, వారు క్రీడలను కెరీర్‌గా కొనసాగించడం కష్టమవుతుందని అన్నారు. అంటే క్రీడ‌లంటేనే డ‌బ్బుల‌తో ప‌ని అనే విధంగా ఆయ‌న చేసిన కామెంట్స్ సోషల్ మీడియాలో చర్చనీయాంశంగా మారాయి.

దీంతో మ‌రోసారి ఆయ‌న త‌న వ్యాఖ్య‌ల‌ను తప్పుగా అర్థం చేసుకున్నారని గోపీచంద్ ఇంటర్వ్యూలో స్పష్టం చేశారు. నేను చెప్పాలనుకున్నది పూర్తిగా వ్యక్తపరచలేము. ఒక వార్తాపత్రికలో అనేక స్థాయిలలో ఎడిటింగ్స్ ఉంటాయి. దీంతో మనం చెప్పిన విషయం కొన్ని సార్లు మరోలా అనిపించేలా వస్తుందని అన్నారు.

క్రీడాకారుల కోసం భద్రత

51 ఏళ్ల పుల్లెల గోపీచంద్ మాట్లాడుతూ.. ఎవరినీ నిరుత్సాహపరచాలని అనుకోలేదు. క్రీడల్లో కెరీర్ అంత సులువు కాదని చెప్పాలనుకున్నా. ఏటా ఎంతోమంది కష్టపడతారు. కానీ కొందరే సక్సెస్ అవుతారు. అయితే, జాతీయ ఛాంపియన్లు, ఆసియా గేమ్స్ విజేతలకు కూడా ఉద్యోగాలు ఉండట్లేదని అన్నారు. నేను కూడా మధ్యతరగతి కుటుంబం నుంచి వచ్చాను. ఎంతోమంది కష్టపడి పైకి వచ్చినవాళ్లను చూశాను. టాప్ పొజిషన్ కు రానివాళ్ల పరిస్థితి ఏంటి? అనే ప్రశ్నను లేవనెత్తారు.

ఉద్యోగాలు లేకపోతే ఎలా?

క్రీడల్లో కెరీర్ అంటే ఈజీ కాదు. ఎంతోమంది తమ కలల కోసం అన్నీ వదులుకుంటారు. కానీ కొందరే సక్సెస్ అవుతారు. జాతీయ, అంతర్జాతీయ స్థాయిలో రాణించినా ప్రభుత్వ ఉద్యోగాలు, ఆర్థిక సహాయం లేకపోతే వాళ్ల పరిస్థితి ఏంటి? క్రీడాకారులకు భద్రత కల్పించాలి. అప్పుడే భయం లేకుండా కెరీర్ ను ఎంచుకుంటారు. లేదంటే ముందు తరాలు ఈ రంగంవైపు రారని పుల్లెల గోపీచంద్ చెప్పారు.

క్రీడా విధానంలో మార్పులు

భారత క్రీడా వ్యవస్థ క్రీడాకారులకు సపోర్ట్ చేయడం లేదా అని అడిగితే.. వ్యవస్థలోని లోపాలను ఎత్తి చూపారు గోపీచంద్. అధికారుల ఆలోచనలు ఒలింపిక్స్ వరకే పరిమితం అవుతున్నాయి. దూర దృష్టితో ఆలోచించాలి. అప్పుడే క్రీడాకారులకు మంచి కెరీర్ ఆప్షన్స్ ఉంటాయని గోపీచంద్ చెప్పారు. 50 ఏళ్ల వయసులో ఒక క్రీడాకారుడు తాను ఒలింపియన్ అని పిల్లలకు చెప్పుకుంటే.. ఎవరూ గుర్తుపట్టకపోతే అది చాలా బాధాకరమైన పరిస్థితి అని అన్నారు.

భారతదేశంలో క్రీడల భవిష్యత్తు

2001లో ఆల్ ఇంగ్లాండ్ ఛాంపియన్ షిప్ గెలిచిన గోపీచంద్.. సైనా నెహ్వాల్, పీవీ సింధు లాంటి వాళ్లకు కోచింగ్ ఇచ్చి ఒలింపిక్ మెడల్స్ వచ్చేలా చేశారు. ఇప్పుడు భారత క్రీడా వ్యవస్థలో మార్పులు రావాలని కోరుకుంటున్నారు. క్రీడాకారుల కోసం ఒక భద్రతను ఏర్పాటు చేయాలని ఆయన కోరుకుంటున్నారు.

Champions Trophy: ఆస్ట్రేలియా vs సౌతాఫ్రికా మ్యాచ్ వర్షార్పణం.. ఇంగ్లాండ్‌కు గుడ్ న్యూస్

BWF 2022: సెమీస్‌లో ఓడిన సాత్విక్-చిరాగ్ జోడీ.. కాంస్యంతో సరి.. అయినా చరిత్రే..

Srinivas M — Sat, 27 Aug 2022 12:29:09 +0530

జపాన్ వేదికగా జరుగుతున్న బ్యాడ్మింటన్ వరల్డ్ ఛాంపియన్షిప్స్ (బీడబ్ల్యూఎఫ్) లో భారత స్టార్ షట్లర్లు సాత్విక్ సాయిరాజ్ రంకిరెడ్డి - చిరాగ్ శెట్టి ల జోడీ సెమీస్ లో ఓడింది. టోర్నీ ఆసాంతం అద్బుతంగా రాణించిన ఈ జోడీ.. కీలక పురుషుల సెమీస్ డబుల్స్‌లో మలేషియాకు చెందిన ఆరోన్ చియా-సో వుయ్‌ల చేతిలో 20-22, 21-18, 21-16 తేడాతో ఓడింది. మలేషియా డబుల్స్ జోడీ ఆరోన్ చియా-సో వుయ్ ల చేతిలో సాత్విక్-చిరాగ్ ఓడటం ఇది వరుసగా ఆరోసారి కావడం గమనార్హం. 77 నిమిషాల పాటు జరిగిన ఈ మ్యాచ్ లో ఓటమి పాలైనా ఈ ఫలితంతో భారత జోడీ కాంస్యంతో సరిపెట్టుకుంది.

సెమీస్ వరకు అద్భుతంగా రాణించిన సాత్విక్-చిరాగ్ లు ఈ మ్యాచ్ లో తొలి సెట్ లో భాగానే ఆడారు. తొలి సెట్ ను 22-20 తో నెగ్గిన ఈ జోడీ.. తర్వాత పట్టు కోల్పోయింది. రెండో సెట్ లో పుంజుకున్న మలేషియా జోడీ.. మూడో సెట్ ను కూడా తమ ఖాతాలో వేసుకుని ఫైనల్ కు చేరింది.

@satwiksairaj & @Shettychirag04 end their #BWFWorldChampionships2022 campaign with a historic medal. This is the result of their perseverance, determination & sheer passion Congratulations boys #BWFWorldChampionships#BWC2022#Tokyo2022#IndiaontheRise#Badminton pic.twitter.com/fU0CQLD6pe

— BAI Media (@BAI_Media) August 27, 2022

సెమీఫైనల్లో ఓడటంతో సాత్విక్-చిరాగ్ లు కాంస్యంతో సరిపెట్టుకున్నారు. అయితే ఓడినా ఈ జోడీ చరిత్ర సృష్టించింది. బీడబ్ల్యూఎఫ్ ఈవెంట్ లో పురుషుల డబుల్స్ లో కాంస్యం నెగ్గిన తొలి జంటగా చరిత్రకెక్కారు. ఈ ఈవెంట్ లో భారత్ ఇప్పటివరకు పురుషుల డబుల్స్ లో పతకం నెగ్గలేదు. 2011లో మహిళల డబుల్స్ లో జ్వాల గుత్తా-అశ్విని పొన్నప్పలు కాంస్యం నెగ్గిన తర్వాత 11 ఏండ్లకు మళ్లీ భారత్ ‌కు ఈ విభాగంలో పతకం రావడం విశేషం. ఇక సాత్విక్-చిరాగ్ ల కాంస్యం.. ఈ ఈవెంట్ లో భారత్ కు మొత్తంగా 13వ పతకం కావడం గమనార్హం.

1️⃣st medal for from MD section 2️⃣nd medal from 's doubles pair 1️⃣3️⃣th medal for at the #WorldChampionships Proud of you @satwiksairaj & @Shettychirag04 #BWFWorldChampionships2022#BWFWorldChampionships#BWC2022#Tokyo2022#IndiaontheRise#Badminton pic.twitter.com/4DfmWxjYXI

— BAI Media (@BAI_Media) August 27, 2022

రేపటితో ముగియనున్న ఈ పోటీలలో భారత్ పలువురు స్టార్ షట్లర్ల మీద భారీగా ఆశలు పెట్టుకుంది. సైనా నెహ్వాల్, కిదాంబి శ్రీకాంత్, హెచ్ఎస్ ప్రణయ్ వంటి కీలక ఆటగాళ్లు ఆదిలోనే వెనుదిరిగారు.

Singapore Open 2022: సైనా, ప్రణయ్ లకు షాక్.. క్వార్టర్స్ లోనే ఇంటిదారి

Srinivas M — Fri, 15 Jul 2022 16:51:47 +0530

సింగపూర్ లో జరుగుతున్న బీడబ్ల్యూఎఫ్‌ వరల్డ్‌ టూర్‌ సూపర్‌-500 క్వార్టర్స్‌లో శుక్రవారం భారత జట్టుకు మిశ్రమ ఫలితాలు వచ్చాయి. భారత స్టార్ షట్లర్ లలో పీవీ సింధు.. క్వార్టర్స్ గండాన్ని దాటి సెమీస్ చేరగా సైనా నెహ్వాల్, హెచ్ ఎస్ ప్రణయ్ లు మాత్రం ఓడారు. క్వార్టర్స్ లో సైనా.. 13-21, 21-15, 20-22 తేడాతో జపాన్ కు చెందిన అయ ఒహోరి చేతిలో ఓడింది. తొలి సెట్ లో ఓడినా రెండో సెట్ లో పుంజుకున్న సైనా.. తర్వాత అదే జోరును కొనసాగించలేకపోయింది. రెండో సెట్ లో ఆమె కొనసాగించిన జోరుతో వ్యూహం మార్చి ఆడిన ఒహోరి మూడో సెట్ లో సైనాకు చెక్ పెట్టింది. దీంతో సైనాకు ఓటమి తప్పలేదు.

15 నెలల విరామం తర్వాత బ్యాడ్మింటన్ కోర్టులోకి అడుగుపెట్టిన సైనా.. రెండో రౌండ్ లో ఆమె.. చైనా ప్లేయర్ హి బింగ్ జియావోతో జరిగిన మ్యాచ్‌లో 21-19, 11-21, 21-17 తేడాతో విజయం అందుకున్నది. కానీ ఆమె పోరాటం క్వార్టర్స్ లోనే ముగిసింది.

BWF 500 : Singapore open 2022 Only PV Sindhu manage to reach Semi-final 3rd seeded Sindhu defeated HAN Yue(CHN) by 17-21 21-11 21-19 Saina Nehwal lost against Aya OHORI(JPN) Dhruv/Arjun lost against 2nd seeded pair after good fight HS Prannoy also suffer QF defeat pic.twitter.com/mEJpYC1KjP

— Sports India (@SportsIndia3) July 15, 2022

ఇక పురుషుల సింగిల్స్ లో హెచ్ ఎస్ ప్రణయ్ కు కూడా షాక్ తప్పలేదు. అతడు జపాన్ షట్లర్ కొడాయి నరోకా చేతిలో ఓడాడు. ప్రణయ్.. 21-12, 14-21, 18-21 తేడాతో నరోకా చేతిలో ఓటమిపాలయ్యాడు. 63 నిమిషాల పాటు సాగిన ఈ మ్యాచ్ లో ప్రణయ్ మళ్లీ గతంలో చేసిన తప్పిదాలే చేసి ఓటమి కొనితెచ్చుకున్నాడు.

సెమీస్ కు సింధు :

డబుల్ ఒలింపిక్ గోల్డ్ మెడలిస్ట్, భారత బ్యాడ్మింటన్ సంచలనం పీవీ సింధు సింగపూర్ ఓపెన్ సూపర్ 500 టోర్నమెంట్ లో సెమీస్ కు దూసుకెళ్లింది. ప్రపంచ ఏడో ర్యాంకర్ అయిన ఆమె.. క్వార్టర్స్ లో చైనాకు చెందిన బలమైన ప్రత్యర్థి హాన్ యూ ను ఓడించి సెమీస్ బెర్త్ ను కన్ఫర్మ్ చేసుకుంది. మహిళల సింగిల్స్ లో భాగంగా శుక్రవారం గంటపాటు సాగిన పోరులో సింధు.. 17-21, 21-11, 21-19 తో హ్యాన్ యూ ను మట్టికరిపించింది. సెమీస్ లో సైనా.. 38 వ ర్యాంకర్ అయిన జపాన్ క్రీడాకారిణి సయీనా కవాక్స్మి ని ఢీకొంటుంది. కవాక్స్మి క్వార్టర్స్ లో 21-17, 21-19 తేడాతో థాయ్లాండ్ కు చెందిన ఆరో సీడ్ క్రీడాకారిణి చూచ్వోంగ్ ను ఓడించింది.

పీవీ సింధు పెళ్లి.. స్టార్ షట్లర్ కు కాబోయే భర్త ఎవ‌రో తెలుసా?

Mahesh Rajamoni — Tue, 03 Dec 2024 10:02:24 +0530

PV Sindhu-Venkat Datta Sai Marriage: భార‌త స్టార్ బ్యాడ్మింటన్ ప్లేయ‌ర్ పీవీ సింధు డిసెంబర్ 22న ఉదయపూర్‌లో గ్రాండ్ గా వివాహం చేసుకోనున్నారు. ఆమెకు కాబోయే భ‌ర్త వెంక‌ట్ ద‌త్త సాయి ఎవ‌రో మీకు తెలుసా?

PV Sindhu Marriage: డ‌బుల్ ఒలింపిక్ మెడ‌ల్ విజేత‌, భారత బ్యాడ్మింటన్ స్టార్ అయిన పీవీ సింధు త్వరలో పెళ్లి చేసుకోబోతున్నారు. స్టార్ ష‌ట్ల‌ర్ వివాహ వేడుక‌లు డిసెంబర్ 20 నుంచి ఘ‌నంగా ప్రారంభం కానున్నాయి. వారం పాటు వారి ఇంట్లో పెళ్లి వేడుకలు జ‌ర‌గ‌నున్నాయి. అయితే, పీవీ సింధుకు కాబోయే భ‌ర్త వెంక‌ట్ ద‌త్త సాయి ఎవ‌రో మీకు తెలుసా?

పీవీ సింధు-వెంక‌ట్ ద‌త్త సాయి పెళ్లి

డబుల్ ఒలింపిక్ పతక విజేత బ్యాడ్మింటన్ క్రీడాకారిణి పీవీ సింధు, పోసెడెక్స్ టెక్నాలజీస్ ఎగ్జిక్యూటివ్ డైరెక్టర్‌గా ఉన్న హైదరాబాద్‌కు చెందిన వెంకట దత్త సాయిని డిసెంబర్ 22న ఉదయపూర్‌లో వివాహం చేసుకోనున్నారు. ఆదివారం లక్నోలో సయ్యద్ మోదీ ఇంటర్నేషనల్ లో సింధు చాలా కాలం త‌ర్వాత ట్రోఫీని గెలుచుకున్న త‌ర్వాత ఈ గుడ్ న్యూస్ అందించారు.

పీవీ సింధు పెళ్లి ఎప్పుడంటే?

ప‌లు మీడియా నివేదిక‌ల ప్రకారం.. పీవీ సింధు వివాహ కార్యక్రమాలు డిసెంబర్ 20 న ప్రారంభమవుతాయి. రెండు కుటుంబాలు డిసెంబర్ 24 న హైదరాబాద్‌లో రిసెప్షన్ కూడా నిర్వహించనున్నాయి. "రెండు కుటుంబాలకు ఒకరికొకరు తెలుసు, కానీ ఒక నెల క్రితమే వివాహం ఫిక్స్ చేశారు. ఇది జనవరి నుండి ఆమె షెడ్యూల్ చాలా ఎక్కువగా ఉంటుంది కాబట్టి సాధ్యమయ్యే విండో ఇది మాత్రమే” అని సింధు తండ్రి పీవీ రమణ తెలిపిన‌ట్టు పీటీఐ నివేదించింది.

అందుకే డిసెంబర్ 22న పెళ్లి వేడుకలు నిర్వహించాలని ఇరు కుటుంబాలు నిర్ణయించుకున్నాయి. డిసెంబర్ 24న హైదరాబాద్‌లో రిసెప్షన్ జరగనుంది. వచ్చే సీజన్‌కు ప్రాధాన్యత ఉండటంతో ఆమె తన శిక్షణను త్వరలో ప్రారంభించనుందని కూడా ఆయ‌న తెలిపారు.

పీవీ సిధుకు కాబోయే భ‌ర్త వెంకట దత్త సాయి ఎవరు?

పీవీ సింధు వివాహం చేసుకోబోయే వ్య‌క్తి పేరు వెంక‌ట ద‌త్త సాయి. వెంకట దత్త సాయి ఫౌండేషన్ ఆఫ్ లిబరల్ అండ్ మేనేజ్‌మెంట్ ఎడ్యుకేషన్ నుండి లిబరల్ ఆర్ట్స్ అండ్ సైన్సెస్/లిబరల్ స్టడీస్‌లో డిప్లొమా చేశారు. అతను 2018లో ఫ్లేమ్ యూనివర్శిటీ బ్యాచిలర్ ఆఫ్ బిజినెస్ అడ్మినిస్ట్రేషన్ నుండి తన ఎంబీఏ అకౌంటింగ్ అండ్ ఫైనాన్స్ పూర్తి చేసాడు. బెంగుళూరులోని ఇంటర్నేషనల్ ఇన్స్టిట్యూట్ ఆఫ్ ఇన్ఫర్మేషన్ టెక్నాలజీ నుండి డేటా సైన్స్ అండ్ మెషిన్ లెర్నింగ్‌లో మాస్టర్స్ డిగ్రీ చేసాడు.

2019 నుండి వెంక‌ట ద‌త్త సాయి పోసిడెక్స్‌లో ఎగ్జిక్యూటివ్ డైరెక్టర్‌గా పనిచేస్తున్నప్పుడు సోర్ ఆపిల్ అసెట్ మేనేజ్‌మెంట్‌కు మేనేజింగ్ డైరెక్టర్‌గా పనిచేశాడు. ఇక భార‌త స్టార్ బ్యాడ్మింట‌న్ ప్లేయ‌ర్ పీవీ సింధు-వెంక‌ట ద‌త్త సాయి వివాహం ఉదయ్‌పూర్‌లో ఘ‌నంగా జ‌ర‌గ‌నుంది. డిసెంబ‌ర్ 22న సింధు, వెంక‌ట్ ద‌త్త సాయిల వివాహం జ‌ర‌గ‌నుంది. రిసెప్షన్ డిసెంబర్ 24న హైదరాబాద్‌లో జరగనుంది.

ఆదివారం సయ్యద్ మోదీ ఓపెన్‌లో విజయం సాధించడంతో చాలా కాలం త‌ర్వాత టైటిల్ కరువును ముగించిన త‌ర్వాత సింధు కుటుంబం నుంచి గుడ్ న్యూస్ వ‌చ్చింది. డిసెంబర్ 1న జరిగిన ఫైనల్లో చైనా క్రీడాకారిణి వు లుయో యును ఓడించి సింధు టైటిల్ గెలుచుకుంది. మరోవైపు లక్ష్య సేన్ కూడా తన విజయానికి తోడుగా నిలిచాడు. త్రిసా జాలీ, గాయత్రి గోపీచంద్ పుల్లెల జోడీ కూడా మంచి ప్రదర్శన చేసి మహిళల డబుల్స్ టైటిల్‌ను గెలుచుకుంది.

సాత్విక్ సాయిరాజ్ - చిరాగ్ శెట్టి ద్వయం సంచలనం.. ఫ్రెంచ్ ఓపెన్ డబుల్స్ టైటిల్ సొంతం

Srinivas M — Mon, 31 Oct 2022 13:14:40 +0530

పారిస్ వేదికగా జరుగుతున్న ఫ్రెంచ్ ఓపెన్ సూపర్-750 టోర్నీలో భారత స్టార్ షట్లర్లు సాత్విక్ సాయిరాజ్ రంకిరెడ్డి - చిరాగ్ శెట్టిలు అద్భుతం చేశారు. ఈ మెగా టోర్నీలో ఆదివారం జరిగిన డబుల్స్ ఫైనల్స్ లో ఎనిమిదో సీడ్ సాత్విక్ - చిరాగ్ ద్వయం.. చైనీస్ తైఫీకి చెందిన 25వ సీడ్ లూ చింగ్ యో - యంగ్ పొ హన్ ను ఓడించి టైటిల్ ను సొంతం చేసుకున్నారు. ఆదివారం నాటి ఫైనల్లో సాత్విక్ - చిరాగ్ ల జంట 21-13, 21-19 తేడాతో చైనీస్ తైఫీ జోడీని చిత్తుగా ఓడించింది.

49 నిమిషాల పాటు జరిగిన ఫైనల్ లో సాత్విక్ - చిరాగ్ ల జోడీ.. తొలి సెట్ నుంచే దూకుడుగా ఆడారు. తొలి సెట్ లో 11-6 లీడ్ సాధించిన ఈ ద్వయం.. సెట్ ముగిసేసరికి 21-13తో ఆధిక్యం సాధించింది. అయితే రెండో సెట్ లో చైనీస్ తైఫీ జోడీ పుంజుకుంది.

ఒక దశంలో సాత్విక్ జోడీ.. 7-4తో నిలిచినా.. లూ చింగ్ ద్వయం సెట్ చివరికి వెళ్లేసరికి 19-17 ఆధిక్యంలోకి దూసుకొచ్చింది. కానీ ఒత్తిడిని తట్టుకుంటూ ఆఖర్లో వరుసగా నాలుగు పాయింట్లు సాధించడంతో సాత్విక్ జోడీ రెండో సెట్ ను 21-19తో నెగ్గింది. ఆ సెట్ తో పాటు మ్యాచ్ ను కూడా సొంతం చేసుకుని టైటిల్ విజేతగా నిలిచింది.

Historic Sunday for Indian as SAT-CHI prevail in Fench Open 2022 final TOPS Core Athletes @satwiksairaj & @Shettychirag04 defeat 's Lu Ching Yao & Yang Po Han 21-13 21-19 to be crowned Champions This is 's 1st Men's Doubles title at French Open in 39 years. pic.twitter.com/jndpzPU0tv

— SAI Media (@Media_SAI) October 30, 2022

ఇక గతకొంతకాలంగా వరుస టోర్నీలలో మెరుస్తున్న ఈ జోడీ ఫ్రెంచ్ ఓపెన్ టైటిల్ కూడా సొంతం చేసుకోవడం గమనార్హం. 2019 థాయ్లాండ్ ఓపెన్ సూపర్ 500 తో పాటు ఈ ఏడాది ఇండియా ఓపెన్ సూపర్ 500 గెలుచుకున్నారు. అంతేగాక కామన్వెల్త్ గేమ్స్ లో స్వర్ణం, థామస్ కప్ లో చారిత్రాత్మక విజయం తో పాటు వరల్డ్ ఛాంపియన్షిప్స్ లో కాంస్యం నెగ్గి జోరు మీదున్నారు.

భారత్ చివరిసారిగా ఈ (ఫ్రెంచ్ ఓపెన్) టోర్నీలో 1983లో మెన్స్ డబుల్స్ టైటిల్స్ గెలుచుకుంది. పార్థో గంగూలీ - విక్రమ్ సింగ్ లు.. 1983లో ఈ టైటిల్ ను గెలిచారు. ఆ తర్వాత 39 ఏండ్లకు ఈ ఘనత సాధించింది సాత్విక్ - చిరాగ్ ల ద్వయమే కావడం గమనార్హం.

మరోసారి కోచ్‌ని మార్చేసిన పీవీ సింధు... పారిస్ ఒలింపిక్స్ లక్ష్యంగా మహమ్మద్ హఫీజ్ హషీమ్ దగ్గర శిక్షణ..

Chinthakindhi Ramu — Sat, 01 Jul 2023 11:08:14 +0530

భారత బ్యాడ్మింటన్ స్టార్, తెలుగు తేజం పీవీ సింధు, మరోసారి కోచ్‌ని మార్చబోతోంది. ఇప్పటికే ఐదుగురు కోచ్‌లను మార్చిన పీవీ సింధు, తాజాగా ఆల్‌ ఇంగ్లాండ్ ఓపెన్ మాజీ ఛాంపియన్‌, మలేషియా మాజీ బ్యాడ్మింటన్ ప్లేయర్ మహమ్మద్ హఫీజ్ హషీమ్ దగ్గర శిక్షణ తీసుకోవాలని నిర్ణయం తీసుకున్నట్టు, స్పోర్ట్స్ అథారిటీ ఆఫ్ ఇండియా (SAI)కి తెలిపింది పీవీ సింధు..

27 ఏళ్ల పీవీ సింధు, 2016 రియో ఒలింపిక్స్‌లో ఫైనల్ చేరినా రన్నరప్‌గా నిలిచి రజతం సాధించింది. 2020 టోక్యో ఒలింపిక్స్‌లో కాంస్యం గెలిచిన పీవీ సింధు, పారిస్‌లో జరగబోయే 2024 ఒలింపిక్స్‌లో స్వర్ణం గెలవడమే టార్గెట్‌గా పెట్టుకుంది..

గత ఏడాది సయ్యద్ మోదీ ఇంటర్నేషనల్, స్విస్ ఓపెన్ 2022 టైటిల్స్ గెలిచిన పీవీ సింధు, ఆ తర్వాత జరిగిన 2022 బ్యాడ్మింటన్ ఆసియా ఛాంపియన్‌షిప్స్‌లో సెమీ ఫైనల్స్‌లో ఓడింది. సింగపూర్ ఓపెన్ టైటిల్ గెలిచిన పీవీ సింధు, 2022 కామన్వెల్త్ గేమ్స్‌ ఉమెన్స్ సింగిల్స్ బ్యాడ్మింటన్‌లో స్వర్ణం సాధించింది..

కామన్వెల్త్ గేమ్స్ మిక్స్‌డ్ టీమ్ ఈవెంట్‌లో రజతం గెలిచిన పీవీ సింధు, ఎడమ కాలి గాయంతో వరల్డ్ ఛాంపియన్‌షిప్స్, వరల్డ్ టూర్ ఫైనల్స్‌కి దూరమైంది. గాయం నుంచి కోలుకున్న తర్వాత 2023 బ్యాడ్మింటన్ ఆసియా మిక్స్‌డ్ టీమ్ ఛాంపియన్‌షిప్స్‌లో కాంస్యం గెలిచిన పీవీ సింధు, 2023 స్పెయిన్ మాస్టర్స్‌లో ఫైనల్ చేరినా టైటిల్ గెలవలేకపోయింది..

సికింద్రాబాద్‌లోని మెహబూబ్ ఆలీ కోచింగ్‌లో బ్యాడ్మింటన్ పాఠాలు నేర్చుకున్న పీవీ సింధు, ఆ తర్వాత ద్రోణాచార్య అవార్డు గ్రహీత ఎస్‌ఎం అసిఫ్ కోచింగ్‌లో రాటు తేలింది. పుల్లెల గోపిచంద్ కోచింగ్‌లో స్టార్ ప్లేయర్‌గా ఎదిగిన పీవీ సింధు, 2016 రియో ఒలింపిక్స్‌లో రజతం సాధించింది.

పుల్లెల గోపిచంద్ కోచింగ్‌లో పీవీ సింధు వరుస విజయాలు అందుకుంది. వరల్డ్ ఛాంపియన్‌షిప్స్, కామన్వెల్త్ గేమ్స్, ఏషియా గేమ్స్‌లో సత్తా చాటింది. పుల్లెల గోపిచంద్, భారత బ్యాడ్మింటన్ కోచ్‌గా మారడంతో పీవీ సింధు, కొత్త కోచ్‌ని నియమించుకుంది.

పుల్లెల గోపిచంద్ తర్వాత సౌత్ కొరియా మాజీ ప్లేయర్ కిమ్ జి హున్, 2019లో పీవీ సింధు కోచ్‌గా వచ్చింది. కిమ్ జి హున్ కోచింగ్‌లో పీవీ సింధు, ఏషియన్ గేమ్స్‌లో గోల్డ్ మెడల్ సాధించింది. కొన్ని నెలలకే 2019 బీడబ్ల్యూఎఫ్ వరల్డ్ ఛాంపియన్‌షిప్స్ గెలిచి, ఈ ఫీట్ సాధించిన మొట్టమొదటి భారత బ్యాడ్మింటన్ ప్లేయర్‌గా నిలిచంది.

కిమ్ జి తన భర్త అనారోగ్యం పాలుకావడంతో స్వదేశానికి వెళ్లిపోయింది. దీంతో పీవీ సింధు, మరో దక్షిణ కొరియా మాజీ ప్లేయర్ పార్క్ టా సాంగ్‌ని కోచ్‌గా నియమించుకుంది. పార్క్ కోచింగ్‌లో ఒలింపిక్స్‌ 2020లో కాంస్యం గెలిచిన పీవీ సింధు, సింగపూర్ ఓపెన్, స్విస్ ఓపెన్ వంటి టైటల్స్ సాధించింది..

అయితే ఫిబ్రవరి 2023 నుంచి పార్క్ టా సాంగ్‌‌ కోచింగ్‌పై కూడా అసంతృప్తి వ్యక్తం చేసిన పీవీ సింధు, 40 ఏళ్ల హఫీజ్‌ని పర్సనల్ కోచ్‌గా నియమించుకోవడానికి SAI అనుమతి కోరింది. రెండు వారాల నుంచి హఫీజ్ ఆధ్వర్యంలోనే సాధన చేస్తోంది పీవీ సింధు.

మరోసారి వైరల్ పాటలకు స్టెప్పులతో అదరగొట్టిన పీవీ సింధు..!

telugu news team — Mon, 04 Jul 2022 10:32:33 +0530

భారత బ్యాడ్మింటన్ ప్లేయర్ పీవీ సింధు.. కి పరిచయం అక్కర్లేదు. ఈ పేరు మన దేశంలోనే కాదు.. ప్రపంచ దేశాలకు సుపరిచితమే. ఆమె పేరు ఒక బ్రాండ్ అని చెప్పొచ్చు. ఆమె రాకెట్ చేత పట్టి.. విజృంభించింది అంటే.. ప్రత్యర్థికి చెమటలు పట్టాల్సిందే. ఆమె బాడ్మింటన్ ఆటకు ప్రపంచ వ్యాప్తంగా అభిమానులు ఉన్నారు. ఆమె ఇప్పటికే రెండు సార్లు ఒలంపిక్స్ పతక విజేతగా నిలిచారు. ఒకసారి రజతం, మరోసారి కాంస్యం ఆమె గెలుచుకొని దేశ గౌరవాన్ని పెంచారు. అయితే.. పీవీ సింధు కేవలం బ్యాడ్మింటన్ కి మాత్రమే పరిమితం కాలేదు. ఆమెలో ఇతర టాలెంట్స్ కూడా చాలానే ఉన్నాయి. అందులో డ్యాన్స్ కూడా ఒకటి.

సోషల్ మీడియాలో చురుకుగా ఉండే పీవీ సింధు.. ఎప్పటికప్పుడు ట్రెండ్ ని ఫాలో అవుతూ ఉంటారు. గతంలో.. కచ్చా బాదం , మయకిరియే లాంటి పాటలకు స్టెప్పులు వేసి అభిమానులను ఆకట్టుకున్న ఆమె తాజాగా మరో వైరల్ సాంగ్ కి స్టెప్పులు వేసి ఆకట్టుుకోవడం విశేషం. రెండు పాటల రీమిక్స్ పాటకు.. ఆమె స్టెప్పులు వేశారు. ఇన్ స్టాగ్రామ్ రీల్స్ లో ఇప్పటికే ఈ పాట ఇప్పుడు వైరల్ గా మారగా.. దానికి.. సింధు కూడా స్టెప్పులు వేయడం విశేషం.

‘హెడ్స్ షోల్డర్స్, నీస్ అండ్ టోస్’, ‘గమీ గమీ’ ఈ రెండు పాటల కాంబినేషన్ గా చేసిన రీమిక్స్ పాటకు ఆమె డ్యాన్స్ చేశారు. దానిని ఆమె తన ఇన్ స్టాగ్రామ్ లో షేర్ చేసి... మీకు ఏది సంతోషాన్ని ఇస్తే అదే చేయండి అంటూ క్యాప్షన్ జోడించడం గమనార్హం. సింధు షేర్ చేసిన ఈ పోస్టుకి వేలల్లో లైకులు, వందల్లో కామెంట్స్ రావడం గమనార్హం. సింధూ.. ఆల్ రౌండర్ అంటూ అందరూ కామెంట్స్ చేయడం విశేషం.

View this post on Instagram

A post shared by Sindhu Pv (@pvsindhu1)

సింధూ తన ఆటతో.. దేశానికి గౌరవాన్ని మరింత పెంచుతున్నారని.. ఆమె ఆల్ రౌండర్ అంటూ... ఓ నెటిజన్ కామెంట్ రూపంలో అభిమానాన్ని పంచుకోవడం విశేషం.మరొకరేమో ... సింధుకి హ్యాట్సాప్ తెలియజేశారు. సింధు చాలా అందంగా ఉన్నావంటూ కొందరు కామెంట్స్ చేయడం గమనార్హం.

ఇదిలా ఉండగా, స్పోర్ట్స్ ఫ్రంట్‌లో పీవీ సింధూ.. మలేషియా ఓపెన్ సూపర్ 750 బ్యాడ్మింటన్ మహిళల సింగిల్స్ క్వార్టర్ ఫైనల్‌లో చైనీస్ తైపీకి చెందిన తాయ్ ట్జు యింగ్ చేతిలో ఓడిపోయింది.

సాత్విక్‌ సాయిరాజ్ తండ్రి హఠాన్మరణం, ఖేల్ రత్న అవార్డుకు ముందు విషాదం

Galam Venkata Rao — Thu, 20 Feb 2025 22:39:47 +0530

భారత బ్యాడ్మింటన్ డబుల్స్ సంచలనం సాత్విక్‌సాయిరాజ్ రాంకిరెడ్డికి వ్యక్తిగత విషాదం ఎదురైంది. అతని తండ్రి ఆర్ కాశీ విశ్వనాథం గురువారం, ఫిబ్రవరి 20న గుండెపోటుతో మరణించారు. విశ్వనాథం మరణించే సమయానికి 65 సంవత్సరాల వయస్సు.

ఆర్ కాశీ విశ్వనాథం ఢిల్లీకి వెళ్లాల్సి ఉంది, అక్కడ అతని కుమారుడు సాత్విక్‌సాయిరాజ్ గురువారం ప్రతిష్టాత్మక మేజర్ ధ్యాన్ చంద్ ఖేల్ రత్న అవార్డును అందుకోనున్నారు. 24 ఏళ్ల సాత్విక్‌సాయిరాజ్, అతని డబుల్స్ భాగస్వామితో కలిసి 2023లో అత్యున్నత క్రీడా పురస్కారానికి ఎంపికయ్యాడు. అయితే, తండ్రి మరణం ఆ యువ షట్లర్ జీవితంలో విషాదాన్ని నింపింది.

కుటుంబ సభ్యుల సమాచారం ప్రకారం, సాత్విక్‌సాయిరాజ్ తండ్రి గురువారం ఉదయం మరణించారు.

"సాత్విక్ తండ్రి మరణించడం చాలా బాధాకరం , దురదృష్టకరం" అని కుటుంబ సన్నిహిత వర్గాలు PTIకి తెలిపాయి.

Indian Badminton player Satwiksairaj Rankireddy's father R Kasi Viswanatham passed away after suffering a cardiac arrest on Thursday pic.twitter.com/OkFNiy3DRI

— The Khel India (@TheKhelIndia) February 20, 2025

సాత్విక్‌సాయిరాజ్ రాంకిరెడ్డి 43వ PSPB ఇంటర్-యూనిట్ బ్యాడ్మింటన్ టోర్నమెంట్ కోసం , మేజర్ ధ్యాన్ చంద్ ఖేల్ రత్న అవార్డును అందుకోవడానికి ఢిల్లీలో ఉన్నాడు. అతను తన తండ్రి అంత్యక్రియల కోసం ఆంధ్రప్రదేశ్‌లోని తన స్వగ్రామానికి బయలుదేరాడు. సాత్విక్‌సాయిరాజ్ తండ్రి ఉదయం ఛాతీలో అసౌకర్యంగా ఉందని చెప్పడంతో దగ్గరలోని ఆసుపత్రికి తరలించగా, అక్కడ అతను మరణించినట్లు వైద్యులు ధృవీకరించారు.

దివంగత ఆర్ కాశీ విశ్వనాథం రిటైర్డ్ ఫిజికల్ ఎడ్యుకేషన్ టీచర్ మరియు అతని కుమారుడు సాత్విక్‌సాయిరాజ్ బ్యాడ్మింటన్‌లో విజయం సాధించడంలో కీలక పాత్ర పోషించారు. సాత్విక్‌సాయిరాజ్ రాంకిరెడ్డి తండ్రి కూడా రాష్ట్ర స్థాయి క్రీడాకారుడు , అతని కుమారుడు అతని అడుగుజాడల్లో నడిచి బ్యాడ్మింటన్ క్రీడాకారుడు అయ్యాడు. అతను హైదరాబాద్‌లోని పుల్లెల గోపీచంద్ అకాడమీలో చేరాడు మరియు డబుల్స్ స్పెషలిస్ట్ అవ్వాలని నిర్ణయించుకున్నాడు.

సాత్విక్‌సాయిరాజ్ రాంకిరెడ్డి కెరీర్

సాత్విక్‌సాయిరాజ్ రాంకిరెడ్డి, అతని డబుల్స్ భాగస్వామి చిరాగ్ శెట్టితో కలిసి భారత బ్యాడ్మింటన్ డబుల్స్‌లో అగ్రగాములుగా నిలిచారు. ఈ భారత జోడి 2022 కామన్వెల్త్ గేమ్స్, 2023 ఆసియా క్రీడలు , 2023 ఆసియా బ్యాడ్మింటన్ ఛాంపియన్‌షిప్‌లలో బంగారు పతకాలు సాధించింది. సాత్విక్‌సాయిరాజ్ , చిరాగ్ శెట్టి నంబర్ 1 ర్యాంకింగ్‌ను సాధించిన ఇండోనేషియా ఓపెన్‌లో వరల్డ్ టూర్ సూపర్ 1000 టైటిల్‌ను గెలుచుకున్న ఏకైక భారతీయ డబుల్స్ జోడి.

అదనంగా, సాత్విక్‌సాయిరాజ్ రాంకిరెడ్డి బ్యాడ్మింటన్ క్రీడాకారుడిగా గంటకు 565 కిమీ వేగంతో ప్రపంచంలోనే అత్యంత వేగవంతమైన స్మాష్ రికార్డును కలిగి ఉన్నాడు. అతను ఈ గిన్నిస్ వరల్డ్ రికార్డ్‌ను 2023లో యోనెక్స్ టోక్యో ఫ్యాక్టరీలో సాధించాడు.

ఇటీవల, సాత్విక్‌సాయిరాజ్ రాంకిరెడ్డి మరియు చిరాగ్ శెట్టి ఇండియా ఓపెన్‌లో పాల్గొన్నారు, అక్కడ వారు పురుషుల డబుల్స్ సెమీఫైనల్‌లో ఇండోనేషియాకు చెందిన గోహ్ సీ ఫెయ్ మరియు నూర్ ఇజ్జుద్దీన్‌ చేతిలో ఓడిపోయారు.

Singapore Open 2022: క్వార్టర్స్ లో హాన్ యూ ను చిత్తు చేసి సెమీస్ కు దూసుకెళ్లిన సింధు

Srinivas M — Fri, 15 Jul 2022 16:52:28 +0530

క్వార్టర్స్ లో తొలి సెట్ కోల్పయినా సింధు.. తర్వాత మాత్రం బెబ్బులిలా గర్జించింది. తర్వాత పట్టుదలగా ఆడి రెండు, మూడో సెట్ ను కైవసం చేసుకుంది. తద్వారా ఆమె సెమీస్ కు దూసుకెళ్లింది. ఈ ఏడాది మే లో నిర్వహించిన థాయ్లాండ్ ఓపెన్ తర్వాత ఆమె సెమీస్ కు వెళ్లడం ఇదే ప్రథమం. మధ్యలో పలు టోర్నీలలో పాల్గొన్నా సింధు క్వార్టర్స్ లోనే ఇంటిబాట పట్టేది.

ఇక సెమీస్ లో సైనా.. 38 వ ర్యాంకర్ అయిన జపాన్ క్రీడాకారిణి సయీనా కవాక్స్మి ని ఢీకొంటుంది. కవాక్స్మి క్వార్టర్స్ లో 21-17, 21-19 తేడాతో థాయ్లాండ్ కు చెందిన ఆరో సీడ్ క్రీడాకారిణి చూచ్వోంగ్ ను ఓడించింది.

WHAT A WIN! PV Sindhu scripted a sensational comeback victory to roar into the semi-finals of the Singapore Open 2022 #PVSindhu #SingaporeOpen2022 #SingaporeOpenSuper500 #BWF #BadmintonIndia #TeamIndia #BharatArmy pic.twitter.com/I5W2fQmfcc

— The Bharat Army (@thebharatarmy) July 15, 2022

ఈనెల 28 నుంచి బర్మింగ్హోమ్ వేదికగా జరుగబోయే కామన్వెల్త్ క్రీడలకు సన్నద్ధమవుతున్న సింధు.. సెమీస్ తో పాటు ఫైనల్ లోనూ నెగ్గాలని భావిస్తున్నది. ఒలింపిక్స్ లో కాంస్యం తర్వాత స్థాయికి తగ్గ ప్రదర్శన చేయడంలో విఫలమవుతున్న సింధు.. సింగపూర్ ఓపెన్ లో గెలిచి ఆత్మవిశ్వాసంతో కామన్వెల్త్ గేమ్స్ లో బరిలోకి దిగాలని ఆశిస్తున్నది.

అంతకుముందు రెండో రౌండ్ లో సింధు.. బెల్జియానికి చెందిన 59వ ర్యాంకర్ తుయ్ లిన్ గుయెన్‌తో జరిగిన మ్యాచ్‌లో 2-1 తేడాతో విజయాన్ని అందుకుంది. 19-21 తేడాతో మొదటి సెట్ కోల్పోయిన పీవీ సింధు, ఆ తర్వాత అదిరిపోయే రేంజ్‌లో కమ్‌బ్యాక్ ఇచ్చింది. 21-19 తేడాతో రెండో సెట్ గెలిచి, 21-18 తేడాతో మూడో సెట్‌ని సొంతం చేసుకుని క్వార్టర్స్ కు అర్హత సాధించిన విషయం విధితమే.

CWG 2022: నేను గెలిచినా.. స్వర్ణం రాకపోవడం బాధగా ఉంది : పీవీ సింధు

Srinivas M — Wed, 03 Aug 2022 16:23:58 +0530

PV Sindhu: కామన్వెల్త్ గేమ్స్ లో భాగంగా మంగళవారం ముగిసిన బ్యాడ్మింటన్ మిక్స్డ్ టీమ్ ఈవెంట్ లో భారత బ్యాడ్మింటన్ జట్టు రజతం గెలుచుకుంది. కానీ ఫైనల్లో పీవీ సింధు విజయం సాధించింది.

కామన్వెల్త్ గేమ్స్ లో భాగంగా మలేషియాతో మంగళవారం జరిగిన బ్యాడ్మింటన్ మిక్స్డ్ ఈవెంట్ లో భారత బ్యాడ్మింటన్ జట్టు రజతంతో సరిపెట్టుకోవాల్సి వచ్చింది. ఫైనల్ లో పీవీ సింధు విజయం సాధించినప్పటికీ మిగిలినవారు విఫలమయ్యారు. దీంతో భారత్ మలేషియా చేతిలో 3-1 తేడాతో ఓడింది.

మ్యాచ్ అనంతరం సింధు స్పందిస్తూ.. కొన్నికొన్నిసార్లు మనదికాని రోజున ఏదీ కలిసిరాదని తెలిపింది. తాను మ్యాచ్ గెలిచినప్పటికీ ఫైనల్ లో స్వర్ణం రాకపోవడం నిరాశగా ఉందని ఆవేదన వ్యక్తం చేసింది. అయితే అయిపోయిందేదో అయిపోయిందని.. ఇక తాము వ్యక్తిగత ఈవెంట్ల మీద దృష్టి పెడతామని తెలిపింది.

సింధు మాట్లాడుతూ.. ‘ఇక టీమ్ ఈవెంట్ ముగిసింది. ఇప్పట్నుంచి మేము వ్యక్తిగత పోటీల మీద దృష్టి పెట్టాలి. నేను స్వర్ణం కోసం ఆడుతున్నాను. ఆ మేరకు నా శాయశక్తులా కృషి చేస్తాను. జట్టుగా ఆడే ఆట కంటే వ్యక్తిగత పోటీలు భిన్నంగా ఉంటాయి. ఫైనల్లో మేము మలేషియాతో బాగానే ఆడాము. అయితే అదేమీ సులువైన జట్టు కాదు.

ఇప్పటివరకు కలిసికట్టుగా ఆడిన మేము ఇకనుంచి ఎవరికి వారు ఆడాల్సి ఉంది. అయితే ఫైనల్లో నేను గెలిచి పాయింట్ ఇవ్వడం ఆనందంగానే ఉన్నా స్వర్ణం నెగ్గనందుకు బాధగా ఉంది. ఇంత కష్టపడ్డా స్వర్ణం నెగ్గలేకపోయామన్న లోటు ఉంది..’ అని తెలిపింది.

మలేషియాతో ఫైనల్లో భారత్.. మహిళల సింగిల్స్ లో పీవీ సింధు 22-20, 21-17తో జిన్ వీ పై గెలిచింది. కానీ పురుషుల సింగిల్స్ లో కిదాంబి శ్రీకాంత్.. 19-21, 21-6, 16-21 తేడాతో జి యాంగ్ చేతిలో ఓడాడు. పురుషుల డబుల్స్ లో సాత్విక్-చిరాగ్ జోడీ 18-21, 15-21 తేడాతో ఫాంగ్-వూయి ల చేతిలో ఓటమి పాలైంది.

మహిళల డబుల్స్ లో కూడా పుల్లెల గాయత్రి గోపీచంద్-ట్రెసా జాలీ జోడీ 18-21, 17-21 తో తిన్నయ -పియర్లీ చేతిలో ఓడటంతో భారత్ స్వర్ణ పతక ఆశలు గల్లంతయ్యాయి. డిఫెండింగ్ ఛాంపియన్ రజతంతో సరిపెట్టుకోవాల్సి వచ్చింది.