Asianet News Telugu

Car Offers : ఈ కారుపై ఏకంగా రూ.2.05 లక్షల వరకు తగ్గింపా..! లిమిటెడ్ ఆఫర్, వెంటనే కొనేయండి

Arun Kumar P — Wed, 21 Oct 2026 14:31:14 +0530

కొత్త కారు కొనాలని ప్లాన్ చేస్తున్నారా? అయితే అక్టోబర్ నెలలో మీకు అదిరిపోయే ఆఫర్ అందుబాటులో ఉంది. పండుగ సీజన్ సందర్భంగా రెనాల్ట్ కంపెనీ తన డస్టర్, కైగర్, ట్రైబర్, క్విడ్ కార్లపై స్పెషల్ డిస్కౌంట్లను ప్రకటించింది.

సొంత కారు కొనాలనేది చాలా మంది కల.. పండగ సీజన్లో కొత్తకారు కొంటుంటారు. కార్ల కంపెనీలు కూడా విజయదశమి, దీపావళి పండుగల సందర్భంగా స్పెషల్ ఆపర్లు ఇస్తుంటాయి…. ఇలా ఈ దసరాకి రెనాల్ట్ కంపెనీ బంపర్ ఆఫర్లను ప్రకటించింది. ఇందులో క్యాష్ డిస్కౌంట్, ఎక్స్ఛేంజ్ బోనస్, లాయల్టీ బెనిఫిట్స్, స్పెషల్ ఫైనాన్స్ స్కీమ్స్ ఉన్నాయి.

ముఖ్యంగా కొత్త రెనాల్ట్ డస్టర్ కారు కొనేవారు గరిష్ఠంగా రూ.2.05 లక్షల వరకు ప్రయోజనాలు పొందొచ్చు. అయితే ఇదంతా డైరెక్ట్ క్యాష్ డిస్కౌంట్ కాదు. మీరు ఎంచుకునే వేరియంట్, పాత కారు ఎక్స్ఛేంజ్, మీ లోన్ ఎలిజిబిలిటీని బట్టి ఫైనల్ ఆఫర్ మారుతుంది. అయితే కారు కొనేముందు షోరూమ్ ధరతో పాటు ఇన్సూరెన్స్, రిజిస్ట్రేషన్, లోన్ వడ్డీ లాంటి ఖర్చులన్నీ లెక్కేసుకున్నాకే నిర్ణయం తీసుకోవాలి.

రెనాల్ట్ డస్టర్ కారు విషయానికొస్తే.. టెక్నో ప్లస్, ఐకానిక్ వేరియంట్లపై రూ.50,000 వరకు క్యాష్ డిస్కౌంట్ ఇస్తున్నారు. పాత డస్టర్ కారును ఎక్స్ఛేంజ్ చేస్తే అదనపు లాభాలు కూడా ఉంటాయి. అంతేకాదు స్పెషల్ ఫైనాన్స్ స్కీమ్ కింద కేవలం 4.99 శాతం వడ్డీ రేటుకే లోన్ ఇస్తున్నారు.

అయితే ఈ ఆఫర్లన్నీ అందరు కస్టమర్‌కు వర్తిస్తాయా లేదా అనేది కంపెనీ నిబంధనలపై ఆధారపడి ఉంటుంది. అందుకే డస్టర్ కొనాలనుకునే వారు కేవలం కారు ధరనే కాకుండా.. మీ పాత కారుకు వస్తున్న రేటు, లోన్ టెన్యూర్, ఈఎంఐ, మొత్తం వడ్డీ ఖర్చులను కూడా బేరీజు వేసుకోవాలి.

కాంపాక్ట్ ఎస్‌యూవీని ఇష్టపడే వారి కోసం రెనాల్ట్ కైగర్‌పై రూ.84,000 వరకు ఆఫర్లు ఇస్తున్నారు. ఎవల్యూషన్ ప్లస్, టెక్నో, ఎమోషన్ వేరియంట్లపై క్యాష్ డిస్కౌంట్, ఎక్స్ఛేంజ్ బోనస్ పొందొచ్చు.

ఇక ఫ్యామిలీతో కలిసి ప్రయాణించేందుకు అనువైన 7-సీటర్ రెనాల్ట్ ట్రైబర్‌పై రూ.81,000 వరకు లాభాలు ఉన్నాయి. సిటీ డ్రైవింగ్‌కు పర్ఫెక్ట్ అయిన చిన్న కారు రెనాల్ట్ క్విడ్‌పై రూ.55,000 వరకు ఆఫర్లు ప్రకటించారు. ఇవన్నీ గరిష్ఠ ఆఫర్లు మాత్రమే. పాత స్టాక్, కొత్త స్టాక్ కార్లను బట్టి ఈ డిస్కౌంట్లు మారే అవకాశం ఉంది.

ఈ పండుగ ఆఫర్లు అక్టోబర్ 31, 2026 వరకు మాత్రమే అందుబాటులో ఉంటాయి. అయితే షోరూమ్‌లో ఉన్న స్టాక్, మీరు ఉండే నగరం, ఎంచుకున్న వేరియంట్‌ను బట్టి ఈ ఆఫర్లు మారొచ్చు. క్యాష్ డిస్కౌంట్, ఎక్స్ఛేంజ్ బోనస్, స్క్రాపేజ్ పాలసీ లాభాలు, ఫైనాన్స్ ఆఫర్లు.. ఇవన్నీ కలిపి ఒకేసారి పొందొచ్చా లేదా అనేది ముందే క్లారిటీ తీసుకోండి. అడ్వాన్స్ కట్టే ముందే రెనాల్ట్ షోరూమ్ డీలర్ దగ్గర కొటేషన్ రాయించుకోవడం మంచిది. కారు ధర, ఇన్సూరెన్స్, రిజిస్ట్రేషన్, యాక్సెసరీస్, లోన్ ఛార్జీలు అన్నీ లెక్కేసుకుంటే అనవసరపు ఖర్చులను తగ్గించుకోవచ్చు.

Car Sunroof: కారుకు బయట సన్ రూఫ్ వేయిస్తే వారంటీ పోతుందా? ఇన్సూరెన్స్‌లో కూడా చిక్కులేనా?

Nandini Arava — Wed, 28 Oct 2026 21:57:47 +0530

Car Sunroof: కారు కంపెనీలు కస్టమర్ల భద్రతను దృష్టిలో పెట్టుకుని కార్లను డిజైన్ చేస్తాయి. అయితే బయట మార్కెట్లో సన్‌రూఫ్ వేయిస్తే కారు వారంటీ పోతుందా అనే సందేహం ఉంటుంది. ఇందులో వాస్తవాలేంటో ఇప్పుడు చూద్దాం.

కారు కంపెనీలు కస్టమర్ల భద్రతను దృష్టిలో పెట్టుకుని కార్లను డిజైన్ చేస్తాయి. అయితే బయట మార్కెట్లో సన్‌రూఫ్ వేయిస్తే కారు వారంటీ పోతుందా అనే సందేహం ఉంటుంది. ఇందులో వాస్తవాలేంటో ఇప్పుడు చూద్దాం.

కార్లను మాడిఫై చేయడం ఇప్పుడు పెద్ద ట్రెండ్. కుర్రాళ్లు కొత్త లైట్లు, పెద్ద స్క్రీన్లు, అల్లాయ్ వీల్స్ వేయిస్తున్నారు. కంపెనీ సన్‌రూఫ్ ఇవ్వకపోతే, బయట యాక్సెసరీస్ షాపుల్లో సన్‌రూఫ్ వేయిస్తున్నారు. ఈ పని కారు లుక్ మార్చినా, వారంటీకి ఎసరు పెడుతుందని చాలామందికి తెలియదు.

ఆఫ్టర్‌మార్కెట్ సన్‌రూఫ్ వేయాలంటే మెకానిక్‌లు కారు పైకప్పును కట్ చేస్తారు. ఇది మామూలు ప్లగ్ అండ్ ప్లే పని కాదు. కారు బాడీని కట్ చేయడం, డ్రిల్లింగ్, వెల్డింగ్ లాంటి పనులు చేస్తారు కాబట్టి వారంటీకి కచ్చితంగా చిక్కులు వస్తాయి.

బయట సన్‌రూఫ్ వేయించినప్పుడు, మెకానిక్‌లు ఏ పార్టును మారుస్తారో ఆ పార్టు వారంటీకి ఇబ్బంది వస్తుంది. పైకప్పును కట్ చేసినప్పుడు, ఆ చోట నీరు లీక్ అవ్వొచ్చు. తుప్పు పట్టొచ్చు లేదా కారు బాడీకి వేరే సమస్యలు రావచ్చు. ఇలా జరిగితే, కంపెనీలు వారంటీ కింద ఫ్రీగా రిపేర్ చేయవు. అయితే దీనివల్ల ఇంజిన్ లేదా సన్‌రూఫ్‌తో సంబంధం లేని ఇతర పార్టుల వారంటీ ఆటోమేటిక్‌గా రద్దవ్వదు.

రూఫ్ కటింగ్ పెద్ద సమస్య

కంపెనీలు కారు బాడీని, పైకప్పును ఫ్యాక్టరీలోనే ఒక పక్కా డిజైన్‌లో తయారు చేస్తాయి. బయట సన్‌రూఫ్ కోసం దాన్ని కట్ చేసినప్పుడు, కారు ఒరిజినల్ డిజైన్ మారిపోతుంది. సన్‌రూఫ్ వేసేటప్పుడు సీలింగ్, నీరు బయటకు వెళ్లే డ్రైనేజ్ సిస్టమ్‌లో కూడా మెకానిక్‌లు మార్పులు చేస్తారు. ఫిట్టింగ్ సరిగ్గా లేకపోతే, వాన నీరు కారులోకి వచ్చేస్తుంది. ఎక్కువ రోజులు తేమ ఉంటే, కారులోని ఎలక్ట్రికల్ వైరింగ్ కూడా పాడవుతుంది.

ఒక్కో కారు కంపెనీ వారంటీ రూల్స్ ఒక్కోలా ఉంటాయి. కొన్ని కంపెనీలు కారు ఒరిజినల్ డిజైన్ మారిస్తే వారంటీని తీసేస్తాయి. మరికొన్ని కంపెనీలు, అనుమతి లేని మార్పులు లేదా తప్పుడు రిపేర్ల వల్ల వచ్చే డ్యామేజీలకు వారంటీ ఇవ్వవు. కాబట్టి, బయట సన్‌రూఫ్ వేయించిన వెంటనే కారు మొత్తం వారంటీ పోతుందని చెప్పలేం. కానీ సన్‌రూఫ్ వల్ల వచ్చే డ్యామేజీలకు మాత్రం కంపెనీలు వారంటీ క్లెయిమ్ ఇవ్వవు.

కొత్త కారులో మీరు ఇలాంటి మార్పు చేయాలనుకుంటే, ముందుగా మీ ఆథరైజ్డ్ డీలర్ దగ్గర రాతపూర్వకంగా లెటర్ తీసుకోండి. యాక్సెసరీస్ షాపు వాళ్లు 'వారంటీకి ఏమీ కాదు' అని చెబితే గుడ్డిగా నమ్మకండి. కంపెనీ పర్మిషన్, ఫిట్టింగ్ కండిషన్స్ ఉంటే, వాటిని మీరు జాగ్రత్తగా దాచుకోండి.

సన్‌రూఫ్ వేయించడం వల్ల వారంటీకే కాదు, కారు ఇన్సూరెన్స్‌కు కూడా చిక్కులు వస్తాయి. కారులో పెద్ద మార్పులు చేసినప్పుడు, ఆ విషయాన్ని మీరు కచ్చితంగా ఇన్సూరెన్స్ కంపెనీకి చెప్పాలి.

Best CNG Cars : 36.47 కి.మీ మైలేజ్ ఇచ్చే బెస్ట్ ఆటోమేటిక్ కార్లు ఇవే.. మీ బడ్జెట్‌కు ఏది సెట్ అవుతుందో చూడండి

Arun Kumar P — Fri, 23 Oct 2026 18:10:19 +0530

పెట్రోల్ ఖర్చులు తగ్గించుకోవడానికి ఆటోమేటిక్ సీఎన్‌జీ కారు కొనాలని ప్లాన్ చేస్తున్నారా? అయితే మారుతి సుజుకికి చెందిన స్విఫ్ట్, డిజైర్, బాలెనో కార్ల డీటెయిల్స్ మీకోసమే.

మారుతి సుజుకి నుండి ఓ మూడు కార్లు ఇంధనాన్ని ఆదా చేయడంతో పాటు ఆటోమేటిక్ ఆప్షన్‌తో వస్తున్నాయి. వీటి ధర, డిజైన్, ఫీచర్లు, వాడుక గురించి తెలుసుకొండి… ఈ దీపావళికి ఇష్టమైన కారును మీ ఇంటికి తీసుకెళ్లండి. మీరు బెస్ట్ ఆటోమేటిక్ సీఎన్‌జీ కారు కొనాలని డిసైడ్ అయితే, మీ బడ్జెట్‌కు ఏది కరెక్ట్ అవుతుందో ఇప్పుడు వివరంగా చూద్దాం.

తక్కువ ప్రారంభ ధర, ఎక్కువ వేరియంట్ ఆప్షన్లతో దొరికే బెస్ట్ బడ్జెట్ హ్యాచ్‌బ్యాక్ కారు ఇది. దీనిలో ఫీచర్లు ఇవే..

ఇంజిన్ & గేర్‌బాక్స్ - 1.2-లీటర్ జెడ్-సిరీస్ 3-సిలిండర్ పెట్రోల్ ఇంజిన్ | 5-స్పీడ్ ఏఎమ్‌టీ

ఏఆర్ఏఐ మైలేజ్ - 35.34 కి.మీ/కేజీ

డ్రైవింగ్ రేంజ్ (అంచనా) - 300 కి.మీ (సీఎన్‌జీపై మాత్రమే)

ట్యాంక్ కెపాసిటీ - 55 లీటర్లు (సీఎన్‌జీ) / 37 లీటర్లు (పెట్రోల్)

వేరియంట్లు & ధరల వివరాలు (ఎక్స్-షోరూమ్)

VXi CNG AMT - రూ. 7.92 లక్షలు

VXi (O) CNG AMT - రూ. 8.18 లక్షలు

ZXi CNG AMT - రూ. 8.86 లక్షలు

స్పెషాలిటీ - ఈ మూడింటిలో అతి తక్కువ ప్రారంభ ధర (రూ. 7.92 లక్షలు)తో పాటు కస్టమర్ల కోసం ఇది 3 వేరియంట్లలో దొరుకుతుంది.

ఎక్కువ మైలేజ్, బెస్ట్ డ్రైవింగ్ రేంజ్, అదనపు బూట్ స్పేస్ కోరుకునే ఫ్యామిలీలకు ఈ కాంపాక్ట్ సెడాన్ కారు భలే సెట్ అవుతుంది.

ఇంజిన్ & గేర్‌బాక్స్ - 1.2-లీటర్ జెడ్-సిరీస్ 3-సిలిండర్ పెట్రోల్ ఇంజిన్ | 5-స్పీడ్ ఏఎమ్‌టీ

ఏఆర్ఏఐ మైలేజ్ - 36.47 కి.మీ/కేజీ (అత్యధిక మైలేజ్)

డ్రైవింగ్ రేంజ్ (అంచనా) - 310 కి.మీ (సీఎన్‌జీపై మాత్రమే)

ట్యాంక్ కెపాసిటీ - 55 లీటర్లు (సీఎన్‌జీ) / 37 లీటర్లు (పెట్రోల్)

వేరియంట్లు & ధరల వివరాలు (ఎక్స్-షోరూమ్):

VXi CNG AMT - రూ. 8.53 లక్షలు

ZXi CNG AMT - రూ. 9.53 లక్షలు

స్పెషాలిటీ - కిలో సీఎన్‌జీకి ఏకంగా 36.47 కి.మీల మైలేజ్, 310 కి.మీల లాంగ్ డ్రైవింగ్ రేంజ్ ఇవ్వడం ఈ కారు స్పెషాలిటీ.

మంచి కంఫర్ట్, అదిరిపోయే లుక్, విశాలమైన క్యాబిన్ స్పేస్ ఉన్న ప్రీమియం హ్యాచ్‌బ్యాక్ కారు ఇది.

ఏఆర్ఏఐ మైలేజ్ - 34.47 కి.మీ/కేజీ

డ్రైవింగ్ రేంజ్ (అంచనా) - 290 కి.మీ (సీఎన్‌జీపై మాత్రమే)

ట్యాంక్ కెపాసిటీ - 55 లీటర్లు (సీఎన్‌జీ) / 37 లీటర్లు (పెట్రోల్)

వేరియంట్లు & ధరల వివరాలు (ఎక్స్-షోరూమ్):

Delta CNG AMT - రూ. 8.32 లక్షలు

Zeta CNG AMT - రూ. 9.32 లక్షలు

స్పెషాలిటీ - స్విఫ్ట్ కంటే ఎక్కువ ఫీచర్లు, డిజైర్ కంటే తక్కువ ప్రారంభ ధరకే (రూ. 8.32 లక్షలు) ఇది ప్రీమియం ఫీల్ ఇస్తుంది.

Car Tips: కారు వేగంగా వెళ్తున్నప్పుడు రివర్స్ గేర్ వేస్తే ఏమవుతుందో తెలుసా.?

Narender Vaitla — Thu, 29 Oct 2026 22:30:01 +0530

Car Tips: కారు నడిపేటప్పుడు గేర్లు మార్చడం సాధారణమే. అయితే కారు ముందుకు వెళ్తున్న సమయంలో పొరపాటున రివర్స్ గేర్ వేస్తే ఏమవుతుందో ఎప్పుడైనా ఆలోచించారా.? ఇలా చేయడం వల్ల జ‌రిగే న‌ష్టం ఏంటో ఇప్పుడు తెలుసుకుందాం.

మాన్యువల్ కారులో సాధారణంగా కారు పూర్తిగా ఆగిన తర్వాతే రివర్స్ గేర్ వేయాలి. కారు ముందుకు వెళ్తున్న సమయంలో రివర్స్ గేర్ వేయడానికి ప్రయత్నిస్తే గేర్ సరిగా పడకపోవచ్చు. కొన్ని సందర్భాల్లో గేర్‌బాక్స్ నుంచి కటకటలాడే శబ్దాలు వినిపించవచ్చు. దీనికి కారణం గేర్‌బాక్స్‌లోని గేర్లు, ఇతర భాగాలు కారు ముందుకు కదులుతున్న దిశకు అనుగుణంగా తిరుగుతూ ఉండటమే. రివర్స్ గేర్ పనిచేసే విధానం దీనికి భిన్నంగా ఉంటుంది. అందువల్ల కారు కదులుతున్నప్పుడు రివర్స్ గేర్ వేయడానికి ప్రయత్నిస్తే గేర్ల మధ్య సరైన అనుసంధానం జరగకపోవచ్చు. అయితే గేర్‌ను బలవంతంగా వేయడం, క్లచ్‌ను ఒక్కసారిగా వదిలేయడం వల్ల గేర్ల పళ్లు దెబ్బతినే అవకాశం ఉంది. క్లచ్‌తో పాటు ట్రాన్స్‌మిషన్‌లోని ఇతర భాగాలపైనా ఒత్తిడి పడవచ్చు. ఫలితంగా గేర్‌బాక్స్ మరమ్మతులకు ఎక్కువ ఖర్చు చేయాల్సి రావచ్చు. అందుకే మాన్యువల్ కారులో కారు పూర్తిగా ఆగిన తర్వాతే రివర్స్ గేర్ వేయాలి.

ఆటోమేటిక్ కార్లలో సాధారణంగా ఎలక్ట్రానిక్ సేఫ్టీ వ్యవస్థలు ఉంటాయి. కారు ముందుకు కదులుతున్నప్పుడు గేర్ లివర్‌ను రివర్స్‌ (R)లోకి మార్చినా, కొన్ని కార్లలో ఆ వ్యవస్థ రివర్స్ గేర్‌ను పనిచేయకుండా అడ్డుకుంటుంది. అంటే గేర్ లివర్‌ను మార్చినప్పటికీ కారు వెంటనే రివర్స్‌లోకి వెళ్లకపోవచ్చు. అయితే అన్ని ఆటోమేటిక్ కార్లలో ఈ సదుపాయం ఒకే విధంగా ఉండదు. కారు మోడల్, ట్రాన్స్‌మిషన్ రకం, అందులో ఉన్న భద్రతా వ్యవస్థల ఆధారంగా స్పందన మారుతుంది. కొన్ని పరిస్థితుల్లో కారు ఒక్కసారిగా కుదుపునకు గురికావచ్చు. ట్రాన్స్‌మిషన్‌పై ఒత్తిడి పెరిగే అవకాశం కూడా ఉంటుంది. అందువల్ల ఆటోమేటిక్ కారులో రివర్స్ గేర్ వేస్తే ఎలాంటి ప్రమాదం ఉండదని భావించకూడదు. కారు తయారీ సంస్థ సూచించిన విధానాన్ని పాటించాలి. ముఖ్యంగా కారు పూర్తిగా ఆగిన తర్వాతే బ్రేక్ నొక్కి రివర్స్ గేర్‌లోకి మార్చడం ఉత్తమం.

కారు ముందుకు వెళ్తున్నప్పుడు రివర్స్ గేర్ వేయడానికి ప్రయత్నించడం వల్ల ప్రధానంగా గేర్‌బాక్స్‌లోని భాగాలపై ఒత్తిడి పడుతుంది. మాన్యువల్ కార్లలో గేర్ల పళ్లు దెబ్బతినడం, గేర్ సరిగా పడకపోవడం, అసాధారణ శబ్దాలు రావడం వంటి సమస్యలు ఎదురుకావచ్చు. బలవంతంగా గేర్ మార్చి క్లచ్ వదిలేస్తే నష్టం పెరిగే ప్రమాదం ఉంటుంది. ఆటోమేటిక్ కార్లలో ట్రాన్స్‌మిషన్ వ్యవస్థపై అనవసరమైన ఒత్తిడి పడవచ్చు. కారులోని సేఫ్టీ వ్యవస్థలు గేర్ మార్పును అడ్డుకున్నప్పటికీ, పదేపదే ఇలాంటి ప్రయత్నాలు చేయడం మంచిది కాదు. ఇలా జరిగిన ప్రతిసారీ గేర్‌బాక్స్ తప్పనిసరిగా పాడవుతుందని చెప్పలేం. కారులోని వ్యవస్థలు, వేగం, గేర్ మార్చిన విధానం వంటి అంశాలపై నష్టం ఆధారపడి ఉంటుంది. అయితే గేర్‌బాక్స్ దెబ్బతింటే మరమ్మతుల ఖర్చు ఎక్కువయ్యే అవకాశం ఉంది. కాబట్టి ప్రయోగం చేయాలనే ఉద్దేశంతోనైనా, పొరపాటునైనా కారు కదులుతున్నప్పుడు రివర్స్ గేర్ వేయకూడదు.

కారు ముందుకు వెళ్తున్నప్పుడు దాన్ని ఆపడానికి రివర్స్ గేర్ ఉపయోగించకూడదు. రివర్స్ గేర్ అనేది కారును వెనక్కి నడిపేందుకు రూపొందించింది. అది బ్రేక్‌లకు ప్రత్యామ్నాయం కాదు. రివర్స్ గేర్ వేయడం వల్ల కారు వెంటనే సురక్షితంగా ఆగిపోతుందని భావించడం తప్పు. అలా చేయడానికి ప్రయత్నిస్తే గేర్‌బాక్స్‌పై ఒత్తిడి పెరగడంతో పాటు కారు కుదుపులకు గురయ్యే అవకాశం ఉంటుంది. పరిస్థితులను బట్టి వాహనంపై నియంత్రణ కోల్పోయే ప్రమాదం కూడా ఉంది. కారు వేగాన్ని తగ్గించడానికి ముందుగా యాక్సిలరేటర్‌పై నుంచి కాలు తీయాలి. ఆ తర్వాత పరిస్థితికి తగినట్లుగా బ్రేక్‌లను ఉపయోగించి వాహనాన్ని పూర్తిగా ఆపాలి. కారు ఆగిన తర్వాత మాత్రమే రివర్స్ గేర్ వేయాలి. ఇలా చేయడం వల్ల గేర్‌బాక్స్‌పై అనవసరమైన ఒత్తిడి పడకుండా చూసుకోవచ్చు.

కారు ముందుకు వెళ్తున్న సమయంలో పొరపాటున గేర్ లివర్‌ను రివర్స్‌ (R)లోకి మార్చినట్లయితే ముందుగా భయపడకుండా వాహనంపై నియంత్రణ ఉంచాలి. యాక్సిలరేటర్‌పై నుంచి కాలు తీసి, సురక్షితంగా బ్రేక్‌లను ఉపయోగించి కారును ఆపాలి. గేర్ లివర్‌ను బలవంతంగా మార్చడానికి ప్రయత్నించకూడదు. కారు ఆగిన తర్వాత అవసరమైన విధంగా గేర్‌ను మార్చాలి. ఆ సమయంలో గేర్‌బాక్స్ నుంచి వింత శబ్దాలు రావడం, కారు అసాధారణంగా కుదుపులకు గురికావడం, గేర్లు సరిగా పనిచేయకపోవడం వంటి లక్షణాలు కనిపిస్తే మళ్లీ డ్రైవింగ్ కొనసాగించకుండా సురక్షితమైన ప్రదేశంలో ఆపి మెకానిక్‌తో చెక్ చేయిండం ఉత్త‌మం.

EV Car : ఎలక్ట్రిక్ కారు వాడుతున్నారా? బ్యాటరీ ఆదా చేసే టిప్స్ మీకోసమే

Arun Kumar P — Wed, 21 Oct 2026 16:24:45 +0530

ఎలక్ట్రిక్ కారు రేంజ్ పెంచుకోవడానికి కారులో బరువు తగ్గించండి, టైర్ ప్రెషర్ సరిగ్గా ఉంచుకోండి. బ్యాటరీ లైఫ్ పెరగాలంటే ఫాస్ట్ ఛార్జింగ్ వాడకం తగ్గించి, రెగ్యులర్‌గా సర్వీసింగ్ చేయించండి.

Top 7 SUV Cars : 9 సెకన్లలోనే 0 టు 100 కి.మీ స్పీడ్..! జెట్ స్పీడ్ తో దూసుకెళ్లే ఎస్‌యూవీ కార్లు ఇవే

Arun Kumar P — Wed, 28 Oct 2026 18:56:41 +0530

మంచి మైలేజ్, హైస్పీడ్ ఎస్‌యూవీ కారు కొనాలనుకుంటున్నారా..? అయితే రెనాల్ట్ డస్టర్ హైబ్రిడ్ నుండి హ్యుందాయ్ క్రెటా, కియా సెల్టోస్ లాంటి ఎస్‌యూవీల మైలేజ్, స్పీడ్ డీటెయిల్స్ ఇక్కడ చూద్దాం.

ఎస్‌యూవీ కొనాలనుకునే వాళ్లు ముందుగా చూసేది మైలేజ్, ఇంజిన్ పవర్‌. ఈ విషయంలో రెనాల్ట్ డస్టర్ స్ట్రాంగ్ హైబ్రిడ్ అందరి దృష్టినీ ఆకర్షిస్తోంది. ఈ కారు లీటరుకు 29 కి.మీ మైలేజ్ ఇస్తుందని కంపెనీ ప్రకటించింది.

రెనాల్ట్ డస్టర్ లో 1.8 లీటర్ పెట్రోల్ ఇంజిన్‌తో పాటు ఎలక్ట్రిక్ మోటార్లను ఇచ్చారు. ఇవి రెండూ కలిపి 160 PS పవర్‌ను ప్రొడ్యూస్ చేస్తాయి. ఈ కారు కేవలం 9.61 సెకన్లలోనే 0 నుంచి 100 కి.మీ స్పీడ్‌ను అందుకుంటుందని కంపెనీ చెబుతోంది. అయితే ఇది కంపెనీ చెప్పిన లెక్క మాత్రమే, బయట టెస్టింగ్ రిజల్ట్ కాదు.

మైలేజ్‌కు ఎక్కువ ఇంపార్టెన్స్ ఇచ్చే వాళ్లకు మారుతి సుజుకి విక్టోరిస్ స్ట్రాంగ్ హైబ్రిడ్ బెస్ట్ ఆప్షన్. ఈ కారు లీటరుకు 28.65 కి.మీ మైలేజ్ ఇస్తుందని కంపెనీ చెబుతోంది. ఇందులో 1.5 లీటర్ పెట్రోల్ ఇంజిన్‌కు ఎలక్ట్రిక్ మోటార్‌ను జత చేశారు. ఇది మొత్తం 116 PS పవర్‌ను ఇస్తుంది.

నార్మల్ పెట్రోల్ వేరియంట్లతో పోలిస్తే ఈ హైబ్రిడ్ వేరియంట్ ఎక్కువ మైలేజ్ ఇస్తుంది. ఒక టెస్టింగ్‌లో ఈ కారు 13.14 సెకన్లలో 0 నుంచి 100 కి.మీ స్పీడ్‌ను అందుకుంది. అయితే ఈ రిజల్ట్ ఆ టెస్టింగ్ కండిషన్స్‌కు మాత్రమే వర్తిస్తుంది.

మైలేజ్ పరంగా మారుతి సుజుకి గ్రాండ్ విటారా స్ట్రాంగ్ హైబ్రిడ్ కూడా ముందు వరుసలో ఉంటుంది. ఈ కారు లీటరుకు 27.97 కి.మీ మైలేజ్ ఇస్తుందని కంపెనీ ప్రకటించింది. ఇందులో 1.5 లీటర్ పెట్రోల్ ఇంజిన్, ఎలక్ట్రిక్ మోటార్ కాంబినేషన్‌ను వాడారు. ఈ వేరియంట్‌లో e-CVT ఆటోమేటిక్ గేర్‌బాక్స్‌ను ఇచ్చారు. పెట్రోల్ ఇంజిన్ మాత్రమే ఉన్న కార్ల కంటే ఈ హైబ్రిడ్ సిస్టమ్ ఎక్కువ మైలేజ్ ఇస్తుంది. అయితే ట్రాఫిక్, ఏసీ వాడకం, డ్రైవింగ్ స్టైల్‌ను బట్టి రోడ్డు మీద వచ్చే రియల్ మైలేజ్ మారుతుంది.

టయోటా అర్బన్ క్రూయిజర్ హైరైడర్ స్ట్రాంగ్ హైబ్రిడ్ కూడా గ్రాండ్ విటారాతో సమానమైన మైలేజ్‌ను ఇస్తుంది. దీని ARAI మైలేజ్ లీటరుకు 27.97 కి.మీ. ఇందులో 1.5 లీటర్ పెట్రోల్ ఇంజిన్‌తో పాటు ఎలక్ట్రిక్ మోటార్ పనిచేస్తుంది. సిటీ ట్రాఫిక్‌లో ఎలక్ట్రిక్ పవర్‌ను వాడుకోవడం ఈ హైబ్రిడ్ సిస్టమ్ స్పెషాలిటీ. ఒక ఇండిపెండెంట్ టెస్టింగ్‌లో ఈ కారు 12.10 సెకన్లలో 0 నుంచి 100 కి.మీ స్పీడ్‌ను అందుకుంది. ఈ స్పీడ్‌ను వేరే కార్లతో పోల్చేటప్పుడు, టెస్టింగ్ పద్ధతి, వేరియంట్ తేడాలను మనం గమనించాలి.

స్పీడ్‌ను ఇష్టపడే వాళ్లకు హ్యుందాయ్ క్రెటా ఒక బెస్ట్ ఆప్షన్. దీని పెట్రోల్ వేరియంట్లు లీటరుకు 17.4 నుంచి 18.4 కి.మీ మైలేజ్ ఇస్తాయని కంపెనీ చెబుతోంది. డీజిల్ వేరియంట్లు అయితే 19.1 నుంచి 21.8 కి.మీ వరకు మైలేజ్ ఇస్తాయి. ఒక టర్బో పెట్రోల్ వేరియంట్‌పై చేసిన టెస్టింగ్‌లో, క్రెటా కేవలం 9.11 సెకన్లలోనే 0 నుంచి 100 కి.మీ స్పీడ్‌ను అందుకుంది. అందుకే ఫాస్ట్ పికప్ విషయంలో ఈ కారు ఈ లిస్ట్‌లో నిలిచింది. అయితే వేరియంట్, టెస్టింగ్ కండిషన్స్‌ను బట్టి ఈ రిజల్ట్స్ మారొచ్చు.

మైలేజ్ కావాలా, స్పీడ్ కావాలా?

ఈ ఐదు ఎస్‌యూవీలలో రెనాల్ట్ డస్టర్ స్ట్రాంగ్ హైబ్రిడ్ అత్యధికంగా లీటరుకు 29 కి.మీ మైలేజ్ ఇస్తుందని కంపెనీ చెబుతోంది. మారుతి సుజుకి విక్టోరిస్, గ్రాండ్ విటారా, టయోటా హైరైడర్ లాంటి హైబ్రిడ్ మోడల్స్ కూడా మైలేజ్‌కే ఎక్కువ ఇంపార్టెన్స్ ఇస్తున్నాయి. మరోవైపు హ్యుందాయ్ క్రెటా ఫాస్ట్ పికప్‌ను కలిగివుంది. అయితే మైలేజ్, 0-100 కి.మీ స్పీడ్ అనేవి రెండు వేర్వేరు విషయాలు. కారు కొనేటప్పుడు ఫ్యూయల్ ఖర్చు, ధర, మన అవసరం, ఫీచర్లు, సేఫ్టీని కూడా చూసుకోవడం మంచిది.

Top 5 Budget Cars: రూ.10 లక్షలలోపు వచ్చే టాప్ 5 బెస్ట్ డీజిల్ కార్లు ఇవిగో!

Kavitha G — Fri, 30 Oct 2026 16:12:31 +0530

Top 5 Budget Cars: తక్కువ బడ్జెట్‌లో మంచి మైలేజ్ ఇచ్చే కారు కోసం వెతుకుతున్నారా? అయితే ఇది మీకోసమే. ఇక్కడ రూ.10 లక్షల లోపు బడ్జెట్‌లో ఆకట్టుకునే ఫీచర్లు, మెరుగైన మైలేజ్‌తో వచ్చే బెస్ట్ డీజిల్ కార్ల గురించి ఇచ్చాము. మరి ఆ కార్ల ప్రత్యేకతలేంటో చూసేయండి

ప్రస్తుతం మంచి మైలేజీతో పాటు పవర్‌ఫుల్ పర్ఫార్మెన్స్ ఇచ్చే డీజిల్ కార్లకు డిమాండ్ బాగానే ఉంది. మీరు కూడా డీజిల్ కారు కొనాలి అనుకుంటే, రూ.10 లక్షల బడ్జెట్‌లో మంచి మైలేజీ, సూపర్ పర్ఫార్మెన్స్, అదిరిపోయే ఫీచర్లతో ఆకట్టుకునే టాప్ 5 డీజిల్ కార్ల లిస్ట్ ఇక్కడ ఉంది. మరి ఆలస్యమెందుకు ఆ కార్లకు సంబంధించిన పూర్తి వివరాలు తెలుసుకోండి.

భారత మార్కెట్లో లభించే ఏకైక డీజిల్ హ్యాచ్‌బ్యాక్ కారు టాటా అల్ట్రోజ్. దీని ప్రారంభ ధర రూ. 8.30 లక్షలుగా ఉంది. ఇది దేశంలోనే అత్యంత చవకైన డీజిల్ కారుగా నిలిచింది. మారుతి బలేనోకు పోటీగా ఉండే ఈ ప్రీమియం హ్యాచ్‌బ్యాక్.. స్టైలిష్ లుక్, ఆధునిక ఫీచర్లు ఉన్న కేబిన్, మెరుగైన రియర్ సీట్ స్పేస్‌కు మంచి పేరు తెచ్చుకుంది.

ఈ కారులో 90PS పవర్, 200Nm టార్క్ ఇచ్చే 1.5 లీటర్ డీజిల్ ఇంజిన్ ఉంది. 5-స్పీడ్ మ్యాన్యువల్ గేర్‌బాక్స్‌తో వచ్చే ఈ ఇంజిన్, సిటీ ట్రాఫిక్‌లో సులభంగా నడపడానికి వీలుగా మంచి లో-ఎండ్ టార్క్‌ను అందిస్తుంది. హైస్పీడ్‌లో వెళ్లేటప్పుడు ఇంజిన్ శబ్దం కాస్త ఎక్కువగా అనిపించవచ్చు.

మహీంద్రా బొలెరో రఫ్ అండ్ టఫ్ లుక్, బలమైన బాడీకి పేరుగాంచిన పాత తరం ఎస్‌యూవీ. దీని ధర - రూ. 8.57 లక్షల నుంచి రూ. 9.99 లక్షల వరకు ఉంది. గ్రామీణ ప్రాంతాల్లో బాగా పాపులర్ అయిన ఈ బొలెరో, రియర్-వీల్ డ్రైవ్ (RWD) సిస్టమ్‌తో వస్తుంది. అందువల్ల గుంతల రోడ్లను కూడా ఇది సులభంగా దాటేస్తుంది.

దీనిలో 1.5 లీటర్ డీజిల్ ఇంజిన్ (76PS/210Nm) అమర్చారు. ఇది మంచి టార్క్ ఇచ్చినప్పటికీ, క్లచ్ పెడల్ ట్రావెల్ ఎక్కువగా ఉండటం వల్ల భారీ ట్రాఫిక్‌లో డ్రైవింగ్ కాస్త అలసటగా అనిపించవచ్చు.

సాధారణ బొలెరో లాగే ఈ బొలెరో నియో కూడా చాలా మన్నికైంది. దీన్ని మోడ్రన్ డిజైన్, పవర్ ఫుల్ ఇంజిన్, ప్రయాణికులకు ఎక్కువ సౌకర్యాలు ఇచ్చే ఫీచర్లతో డిజైన్ చేశారు. దీని ధర - రూ. 9.06 లక్షల నుంచి రూ. 10 లక్షల వరకు ఉంటుంది. దీని 1.5 లీటర్ ఇంజిన్ 100PS పవర్, 260Nm టార్క్‌ను విడుదల చేస్తుంది. తక్కువ స్పీడ్‌లోనే కారు వేగంగా అందుకోవడానికి ఇది తోడ్పడుతుంది. సాధారణ బొలెరో నియో 7-సీటర్ లేఅవుట్‌లో వస్తుంది.

భారత్‌లో బాగా పాపులర్ అయిన టాటా నెక్సాన్ ఎస్‌యూవీలో కూడా అల్ట్రోజ్‌లో ఉన్న 1.5 లీటర్ డీజిల్ ఇంజిన్నే ఉపయోగించారు. కాకపోతే, దీన్ని మరింత ఎక్కువ పవర్ (115PS, 260Nm) ఇచ్చేలా ట్యూన్ చేశారు. దీని ధర - రూ. 9.27 లక్షల నుంచి రూ. 14.52 లక్షల వరకు ఉంటుంది. నెక్సాన్ మ్యాన్యువల్, ఏఎమ్‌టీ (AMT) ఆటోమేటిక్ గేర్‌బాక్స్ ఆప్షన్లలో లభిస్తుంది. అయితే రూ. 10 లక్షల లోపు దొరికే మోడళ్లు మ్యాన్యువల్ గేర్‌బాక్స్‌తో మాత్రమే వస్తాయి.

రూ. 10 లక్షల బడ్జెట్‌లో డీజిల్ ఇంజిన్ ఆప్షన్ ఇస్తున్న మరో కాంపాక్ట్ ఎస్‌యూవీ కియా సోనెట్. ఈ లిస్టులోని ఇతర కార్లలాగే, సోనెట్ కూడా 115.5PS పవర్, 250Nm టార్క్ ఇచ్చే 1.5 లీటర్ డీజిల్ ఇంజిన్‌తో వస్తుంది. రూ. 10 లక్షల కంటే తక్కువ ధరలోనే ప్రాపర్ ఆటోమేటిక్ ట్రాన్స్‌మిషన్ (టార్క్ కన్వర్టర్) అందిస్తున్న ఏకైక మోడల్ సోనెట్ మాత్రమే. అయితే ఎక్కువ పర్ఫార్మెన్స్, మంచి మైలేజ్ కావాలనుకుంటే ఆటోమేటిక్ కంటే మ్యాన్యువల్ వేరియంట్ కొనడమే మంచిది.

Tata Motors Festive Sale: పండుగ ఆఫర్ల మోత.. టాటా కార్ల పై రూ. 3.35 లక్షల వరకు భారీ డిస్కౌంట్లు

Mahesh Rajamoni — Thu, 22 Oct 2026 13:58:31 +0530

Tata Motors Festive Sale: ప్రముఖ ఆటోమొబైల్ సంస్థ టాటా మోటార్స్ పండుగ సీజన్ సందర్భంగా కార్లపై రూ. 3.35 లక్షల వరకు భారీ డిస్కౌంట్లు ప్రకటించింది. ఏ మోడల్ కార్ల పై ఎంత తగ్గింపులు ఉన్నాయో ఇక్కడ తెలుసుకుందాం.

పండుగ సీజన్‌లో కొత్త కారు కొనుగోలు చేయాలని ప్లాన్ చేస్తున్నారా? అయితే ఇది మీకు గుడ్ న్యూస్. ప్రముఖ ఆటోమొబైల్ దిగ్గజం టాటా మోటార్స్ తన కార్లపై అదిరిపోయే డిస్కౌంట్లు ప్రకటించింది. ఈ ఫెస్టివల్ ఆఫర్ల ద్వారా కస్టమర్లు వేల నుంచి లక్షల రూపాయల వరకు ఈజీగా సేవ్ చేసుకోవచ్చు.

పెట్రోల్, డీజిల్, సీఎన్‌జీ అలాగే ఎలక్ట్రిక్ కార్లపై ఈ డిస్కౌంట్లు అందుబాటులో ఉన్నాయి. టియాగో, టిగోర్, ఆల్ట్రోజ్ నుంచి నెక్సాన్, పంచ్ ఈవీ, కర్వ్ ఈవీ, హారియర్ ఈవీ వరకు చాలా మోడల్స్ ఈ లిస్ట్ లో ఉన్నాయి. కారు మోడల్, వేరియంట్ బట్టి ఈ డిస్కౌంట్ మారుతూ ఉంటుంది. గరిష్ఠంగా రూ. 3.35 లక్షల వరకు బెనిఫిట్స్ పొందవచ్చు.

టాటా ఎంట్రీ లెవెల్ కార్లపై కూడా కంపెనీ ఆఫర్లు ఇస్తోంది. టియాగో పెట్రోల్, సీఎన్‌జీ మోడళ్లపై రూ. 35,000 వరకు బెనిఫిట్స్ ఉన్నాయి. ఇందులో రూ. 15,000 నేరుగా డిస్కౌంట్, రూ. 5,000 ఓఈఎం సపోర్ట్, అలాగే ఎక్స్ఛేంజ్ లేదా స్క్రాపేజ్ బెనిఫిట్స్ ఉన్నాయి. ఎక్స్ఛేంజ్ బోనస్ కింద రూ. 10,000 వరకు, స్క్రాపేజ్ కింద రూ. 15,000 వరకు బెనిఫిట్ వస్తుంది. టాటా టిగోర్ కొనేవారికి మొత్తం రూ. 30,000 వరకు తగ్గింపు దక్కుతుంది. ప్రీమియం హ్యాచ్‌బ్యాక్ ఆల్ట్రోజ్ సీఎన్‌జీ వేరియంట్‌పై రూ. 55,000 వరకు ఆదా చేసుకోవచ్చు. దీని పెట్రోల్, డీజిల్ వేరియంట్లపై రూ. 35,000 వరకు డిస్కౌంట్ ఇస్తున్నారు.

టాటా క్రేజ్ ఉన్న నెక్సాన్ ఎస్‌యూవీ వివిధ వేరియంట్లపై భారీగా డిస్కౌంట్లు లభిస్తున్నాయి. సిలెక్టెడ్ పెట్రోల్ మాన్యువల్ వేరియంట్లపై రూ. 75,000 వరకు ఆదా చేసుకోవచ్చు. సీఎన్‌జీ మోడల్‌పై రూ. 60,000 వరకు బెనిఫిట్ ఉంది. నెక్సాన్ ఇతర పెట్రోల్ మాన్యువల్, ఆటోమేటిక్ వేరియంట్లపై రూ. 55,000 వరకు తగ్గింపు ఇస్తున్నారు. డీజిల్ మోడల్‌పై రూ. 20,000 వరకు బెనిఫిట్ పొందవచ్చు. నెక్సాన్ ఈవీ కొనేవాళ్లకు రూ. 45,000 వరకు ఆదా అయ్యే అవకాశం ఉంది. ఇందులో రూ. 10,000 గ్రీన్ బోనస్ కూడా కలిసి ఉంది.

టాటా పంచ్ పెట్రోల్, సీఎన్‌జీ మోడళ్లపై ప్రస్తుత ఆఫర్ కింద ఎలాంటి డిస్కౌంట్ లేదు. కాకపోతే ఎలక్ట్రిక్ మోడల్ పంచ్ ఈవీ వేరియంట్లపై మంచి సేవింగ్స్ ఉన్నాయి. పంచ్ ఈవీ లాంగ్ రేంజ్ వేరియంట్‌పై రూ. 1.45 లక్షల వరకు డిస్కౌంట్ ఇస్తున్నారు. మీడియం రేంజ్ వేరియంట్‌పై రూ. 1.25 లక్షలు, స్మార్ట్ వేరియంట్‌పై రూ. 95,000 వరకు తగ్గింపు ఉంది. ఇక అన్నింటికంటే ఎక్కువగా కర్వ్ ఈవీ సెలెక్టెడ్ వేరియంట్లపై గరిష్ఠంగా రూ. 3.35 లక్షల వరకు ఆదా చేసుకోవచ్చు. అయితే ఈ ఆఫర్ కొన్ని వేరియంట్లకే వర్తిస్తుంది. ఎక్స్ ట్రిమ్స్ ఇందులో రావు. కర్వ్ ఈవీ క్రియేటివ్ వేరియంట్‌పై రూ. 2.85 లక్షల వరకు బెనిఫిట్ లభిస్తుంది.

టాటా పెద్ద ఎస్‌యూవీలు హారియర్, సఫారీ డీజిల్ మోడళ్లపై రూ. 45,000 వరకు ఫెస్టివల్ బెనిఫిట్స్ ఉన్నాయి. ఇందులో ఎక్స్ఛేంజ్, స్క్రాపేజ్ బోనస్‌లు యాడ్ అయి ఉంటాయి. హారియర్ ఈవీ ఫియర్‌లెస్, ఎంపవర్డ్ వేరియంట్లపై రూ. 2.75 లక్షల వరకు డిస్కౌంట్ పొందవచ్చు. అలాగే టాటా సియెర్రా పెట్రోల్, డీజిల్ మోడళ్లపై కూడా రూ. 30,000 వరకు బెనిఫిట్స్ ఇస్తున్నారు. ఈ ఆఫర్లు వివిధ ప్రాంతాలను బట్టి మారుతుంటాయి. కాబట్టి, కారు కొనేముందు మోడల్, వేరియంట్ ప్రకారం ఆఫర్ల రూల్స్ తెలుసుకోవడం మంచిది.

బైక్ ఫుట్‌రెస్ట్ కింద చిన్న ఇనుప కడ్డీలు ఎందుకు ఉంటాయి? వాటి ఉపయోగం ఏంటంటే

Narender Vaitla — Mon, 26 Oct 2026 08:36:03 +0530

Bike: మీరు బైక్ నడుపుతున్నప్పుడు ఫుట్‌రెస్ట్‌ (పాదాలు పెట్టుకునే చోటు) కింద చిన్న ఇనుప కడ్డీలను ఎప్పుడైనా గమనించారా? ముఖ్యంగా స్పోర్ట్స్ బైకులు, కొన్ని ఇతర మోటార్‌సైకిళ్లలో ఇవి కనిపిస్తాయి. ఇంత‌కీ వీటి ఉప‌యోగం ఏంటో ఇప్పుడు తెలుసుకుందాం.

మోటార్‌సైకిళ్ల ఫుట్‌రెస్ట్‌ల బయటి అంచు కింద అమర్చిన చిన్న లోహపు కడ్డీలను 'పెగ్ ఫీలర్స్' (Peg Feelers) లేదా 'పెగ్ స్లైడర్స్' అని పిలుస్తారు. ఇవి సాధారణంగా ఫుట్‌రెస్ట్‌కు కిందివైపు అమర్చి ఉంటాయి. కొన్ని బైకుల్లో ఇవి పొడవుగా కనిపిస్తే, మరికొన్ని బైకుల్లో చాలా చిన్నగా ఉంటాయి. బైక్‌ను మలుపు తిప్పేటప్పుడు రైడర్ తన శరీరంతో పాటు బైక్‌ను కూడా ఒకవైపునకు వంచుతాడు. ఇలా వంచినప్పుడు బైక్ ఫుట్‌రెస్ట్ భూమికి దగ్గరవుతుంది. ఒక నిర్దిష్ట కోణంలో బైక్‌ను వంచినప్పుడు ముందుగా ఈ చిన్న కడ్డీ నేలను తాకుతుంది. తద్వారా బైక్‌ను మరింత వంచితే ప్రమాదం ఏర్పడే అవకాశం ఉందని రైడర్‌కు సంకేతం అందుతుంది. అయితే అన్ని బైకుల్లోనూ ఇవి ఉండవు. బైక్ డిజైన్, ఫుట్‌రెస్ట్ ఎత్తు, ఇతర భాగాల అమరికను బట్టి వీటిని ఏర్పాటు చేస్తారు.

సాధారణంగా బైక్‌ను నేరుగా నడిపేటప్పుడు ఫుట్‌రెస్ట్ కింద ఉండే ఈ కడ్డీలు నేలకు తగలవు. కానీ మలుపుల్లో బైక్‌ను ఒకవైపునకు వంచినప్పుడు పరిస్థితి మారుతుంది. బైక్ ఎంత ఎక్కువగా వంగితే, దాని ఫుట్‌రెస్ట్ అంచు నేలకు అంత దగ్గరవుతుంది. ఒక దశలో ఫుట్‌రెస్ట్ కింద ఉన్న పెగ్ ఫీలర్ నేలను తాకుతుంది. అప్పుడు నేలను తాకిన శబ్దం లేదా స్వల్పంగా కలిగే ప్రకంపనల ద్వారా రైడర్‌కు సంకేతం అందుతుంది. అంటే బైక్‌ను ఇప్పటికే గణనీయంగా వంచామని, ఇంకా ఎక్కువగా వంచితే బైక్‌లోని ఇతర భాగాలు కూడా నేలను తాకే అవకాశం ఉందని అర్థం. అయితే పెగ్ ఫీలర్ నేలను తాకిందని బైక్ వెంటనే పడిపోతుందని కాదు. అది కేవలం ఒక హెచ్చరిక మాత్రమే. రహదారి పరిస్థితులు, బైక్ వేగం, టైర్ల పట్టు, బైక్ డిజైన్ వంటి అంశాలను బట్టి ప్రమాదం ఏర్పడే అవకాశం మారుతుంది.

బైక్‌ను మలుపుల్లో నడిపేటప్పుడు దానిని ఎంతవరకు వంచవచ్చో తెలుసుకోవడం చాలా ముఖ్యం. ఎందుకంటే ప్రతి బైక్‌కు ఒక నిర్దిష్టమైన గ్రౌండ్ క్లియరెన్స్, అంటే బైక్ కింది భాగాలకు భూమికి మధ్య ఉండే దూరం ఉంటుంది. బైక్‌ను ఎక్కువగా వంచినప్పుడు ఫుట్‌రెస్ట్‌తో పాటు దాని కింది భాగంలోని ఇతర లోహపు భాగాలు కూడా రోడ్డుకు తగిలే ప్రమాదం ఉంది. ముఖ్యంగా బైక్ ఫ్రేమ్ లేదా ఎగ్జాస్ట్ పైప్ వంటి గట్టి భాగాలు నేలను బలంగా తాకితే సమస్య ఏర్పడవచ్చు. ఉదాహరణకు, బైక్‌లోని గట్టి భాగం రోడ్డుకు బలంగా తగిలి రోడ్డుపై రాపిడికి గురైతే, అది బైక్ కదలికకు అడ్డంకిగా మారవచ్చు. కొన్ని పరిస్థితుల్లో ఈ ఒత్తిడి వల్ల వెనుక చక్రంపై ఉండాల్సిన భారం తగ్గి, టైరు రోడ్డుపై పట్టును కోల్పోయే ప్రమాదం ఉంటుంది. దీంతో బైక్ అదుపు తప్పవచ్చు. ఇలాంటి పరిస్థితి రాకముందే పెగ్ ఫీలర్ నేలను తాకి హెచ్చరిక ఇస్తుంది. అందుకే దీనిని బైక్‌లోని ఒక చిన్న భద్రతా సూచికగా చెప్పవచ్చు.

అన్ని మోటార్‌సైకిళ్ల డిజైన్ ఒకేలా ఉండదు. అందువల్ల పెగ్ ఫీలర్స్ పరిమాణం, పొడవు, అమరిక కూడా బైక్‌ను బట్టి మారుతూ ఉంటాయి. స్పోర్ట్స్ బైకుల్లో ఫుట్‌రెస్ట్‌లు కొంత ఎత్తులో అమర్చి ఉంటాయి. దీనివల్ల బైక్‌ను మలుపుల్లో ఎక్కువగా వంచినప్పటికీ ఫుట్‌రెస్ట్ వెంటనే నేలకు తగలదు. ఇలాంటి బైకుల్లో పెగ్ ఫీలర్స్ కొంచెం పొడవుగా ఉండే అవకాశం ఉంది. మరోవైపు, ఫుట్‌రెస్ట్‌లు నేలకు దగ్గరగా ఉండే కొన్ని బైకుల్లో చిన్న పెగ్ ఫీలర్స్‌ను ఉపయోగిస్తారు. మరికొన్ని మోటార్‌సైకిళ్లలో ఫుట్‌రెస్ట్ నేలను తాకేలోపే ఇతర భాగాలు రోడ్డుకు తగిలే అవకాశం ఉంటుంది. అలాంటి బైకుల్లో పెగ్ ఫీలర్స్ ఉండకపోవచ్చు. అందువల్ల పెగ్ ఫీలర్ పొడవును చూసి ఒక బైక్‌ను మరో బైక్‌తో నేరుగా పోల్చకూడదు. బైక్ నిర్మాణం, ఫుట్‌రెస్ట్ స్థానం, గ్రౌండ్ క్లియరెన్స్ వంటి అంశాల ఆధారంగా వాటి రూపకల్పన ఉంటుంది.

బైక్‌ను మలుపు తిప్పుతున్నప్పుడు పెగ్ ఫీలర్ నేలకు తగిలితే దాన్ని ఒక హెచ్చరికగా తీసుకోవాలి. బైక్‌ను మరింతగా వంచడం ద్వారా మలుపును పూర్తి చేయాలని ప్రయత్నించకూడదు. ముఖ్యంగా సాధారణ రహదారులపై వేగంగా బైక్ నడుపుతూ ఇలా చేయడం ప్రమాదకరం. పెగ్ ఫీలర్ నేలను తాకినప్పుడు ఒక్కసారిగా బ్రేకులు వేయడం, యాక్సిలరేటర్‌ను ఆకస్మికంగా వదిలేయడం లేదా బైక్‌ను వేగంగా నిటారుగా తీసుకురావడం కూడా ప్రమాదకరంగా మారవచ్చు. రహదారి పరిస్థితులకు అనుగుణంగా బైక్‌పై నియంత్రణను నిలుపుకుంటూ, అవసరమైనప్పుడు వేగాన్ని క్రమంగా తగ్గించాలి.

Top 3 Low Budget Cars : రూ.3.70 లక్షలకే 24 kmpl మైలేజ్ కారు.. రూ.5 లక్షల్లోపు ధరలో బెస్ట్ 3 కార్లు ఇవే

Arun Kumar P — Wed, 28 Oct 2026 10:48:59 +0530

కొన్ని స్పోర్ట్స్ బైక్స్ ధర లక్షల్లో ఉంటుంది. ఇలాంటి బైక్స్ కంటే తక్కువ ధరకే కొత్త కారు కొనుక్కోవచ్చని మీకు తెలుసా? తక్కువ ధరకు లభించే బడ్జెట్ కార్లు ఏవో ఇక్కడ తెలుసుకొండి.. ఈ దీపావళికే కొత్త కారు ప్లాన్ చేయండి.

కొత్త కారు కొనాలనుకున్నప్పుడు చాలామంది కేవలం దాని ధర, ఈఎంఐ మాత్రమే లెక్కేసుకుంటారు. కానీ కారు కొన్నాక పెట్రోల్, సర్వీసింగ్, టైర్ల మార్పిడి, బ్యాటరీ, ఇన్సూరెన్స్, అనుకోని రిపేర్లు వస్తాయి… ఇలా మెయింటెనెన్స్ పెరిగి బడ్జెట్ తారుమారవుతుంది. అందుకే తక్కువ ధరలో వచ్చే కారును ఎంచుకోవడంతో పాటు దాని మెయింటెనెన్స్ ఖర్చులను ముందే తెలుసుకోవడం చాలా ముఖ్యం.

తక్కువ ధర, లో మెయింటెనెన్స్ కార్లు..

రూ.5 లక్షల లోపు బడ్జెట్‌లో కారు కొనాలనుకునే వారికి మారుతి సుజుకి ఆల్టో కే10, మారుతి సుజుకి వాగన్ఆర్, టాటా టియాగో బెస్ట్ ఆప్షన్స్. ఈ మూడు కార్లు వేర్వేరు అవసరాలకు సరిపోతాయి. చిన్న కారు కావాలనుకునే వారికి ఆల్టో కే10, ఫ్యామిలీ కోసం ఎక్కువ స్పేస్ కోరుకునే వారికి వాగన్ఆర్, మంచి డిజైన్, ఫీచర్లు కావాలనుకునే వారికి టియాగో సెట్ అవుతాయి. అయితే కేవలం పాపులారిటీని బట్టి కారు మెయింటెనెన్స్ తక్కువని డిసైడ్ అవ్వలేం. సర్వీస్ షెడ్యూల్, వారంటీ కండిషన్స్, స్పేర్ పార్ట్స్ ధరలు, దగ్గర్లో ఉన్న సర్వీస్ సెంటర్ల వివరాలను కూడా పోల్చి చూసుకోవాలి.

సామాన్య, మధ్యతరగతి ప్రజలకు కూడా కార్లను అందుబాటులోకి తెచ్చిన కంపెనీ మారుతి సుజుకి… ఈ కంపెనీకి చెందిన ఆల్టో కే10 బెస్ట్ స్మాల్ కార్లలో ఒకటి. అఫీషియల్ వెబ్‌సైట్ ప్రకారం దీని ఎక్స్-షోరూమ్ ధర రూ.3.70 లక్షల నుంచి మొదలవుతుంది. వేరియంట్‌ను బట్టి రూ.5.45 లక్షల వరకు ఉంటుంది.

ఈ ఆల్టో కే10 లో 1.0 లీటర్ పెట్రోల్ ఇంజిన్ ఇస్తోంది మారుతి. కొన్ని వేరియంట్లలో ఆటోమేటిక్ గేర్ ఆప్షన్ కూడా ఉంది. రోజూ ఎక్కువ దూరం ప్రయాణించే వారు పెట్రోల్ ఖర్చు తగ్గించుకోవడానికి సీఎన్‌జీ మోడల్‌ను కూడా ఎంచుకోవచ్చు. సైజ్ చిన్నగా ఉండటం వల్ల సిటీ ట్రాఫిక్‌లో డ్రైవ్ చేయడానికి, ఇరుకు ప్రదేశాల్లో పార్కింగ్ చేయడానికి ఇది చాలా కంఫర్ట్‌గా ఉంటుంది. ఇక మైలేజ్ విషయానికి వస్తే బేసిక్ మోడల్ కూడా 24.39 kmpl మైలేజ్ ఇస్తుందని కంపెనీ చెబుతోంది.

ఆరు ఎయిర్‌బ్యాగ్‌లు, ఏబీఎస్, రియర్ పార్కింగ్ సెన్సార్ల వంటి సేఫ్టీ ఫీచర్లు ఇందులో ఉన్నాయి. అయితే వేరియంట్‌ను బట్టి ఫీచర్లు మారొచ్చు. ఆల్టో కే10 మెయింటెనెన్స్ ఖర్చు తెలుసుకోవడానికి, మొదటి కొన్నేళ్ల సర్వీసింగ్ ఛార్జీల గురించి డీలర్‌ను అడిగి తెలుసుకోవడం మంచిది. టైర్లు, బ్యాటరీ, ఇన్సూరెన్స్, ఇతర రిపేర్ల ఖర్చులు రెగ్యులర్ సర్వీసింగ్‌లో కవర్ అవ్వవని గుర్తుంచుకోండి.

ఫ్యామిలీతో ప్రయాణించేందుకు మారుతి వాగన్ఆర్ బెస్ట్ ఆప్షన్. చిన్న కారైనా లోపల ఎక్కువ స్పేస్ కావాలనుకునే వారు ఈ కారును పరిశీలించవచ్చు. దీని టాల్ బాయ్ డిజైన్ వల్ల కారులోకి ఎక్కడం, దిగడం చాలా ఈజీగా ఉంటుంది. లగేజ్ పెట్టుకోవడానికి, ఫ్యామిలీతో కలిసి సిటీలో తిరగడానికి దీని ఇంటీరియర్ చాలా అనుకూలంగా ఉంటుంది. మారుతి సుజుకి అఫీషియల్ వెబ్ సైట్ ప్రకారం వాగన్ఆర్ ఎక్స్-షోరూమ్ ధర సుమారు రూ.4.99 లక్షల నుంచి మొదలవుతుంది.

పెట్రోల్, సీఎన్‌జీ వేరియంట్లలో వాగన్ఆర్‌ అందుబాటులో ఉంది. మీ వాడకాన్ని బట్టి సరైన మోడల్ ఎంచుకోవచ్చు. మారుతి సుజుకికి ఉన్న విస్తృతమైన సర్వీస్ నెట్‌వర్క్ వల్ల మెయింటెనెన్స్ కోసం ఎక్కువ దూరం వెళ్లాల్సిన పనిలేదు. అయితే అన్ని నగరాల్లో సర్వీసింగ్ ఛార్జీలు ఒకేలా ఉండవు. కారు వయసు, తిరిగిన కిలోమీటర్లు, మార్చాల్సిన స్పేర్ పార్ట్స్‌ను బట్టి ఖర్చు మారుతుంది. కారును ఎక్కువ కాలం వాడాలనుకునే వారు రెగ్యులర్ సర్వీసింగ్ ఖర్చులను, వారంటీలో వచ్చే సేవలను ముందే పోల్చి చూసుకోవాలి.

టాటా టియాగో ఒక చిన్న హ్యాచ్‌బ్యాక్ కారు. దీని డిజైన్, ఇంటీరియర్ ఫీచర్లు, వేరియంట్లను బట్టి రూ.5 లక్షల లోపు కారు కొనాలనుకునే వారికి ఇది మంచి ఆప్షన్. టాటా మోటార్స్ వెబ్‌సైట్ ప్రకారం టియాగో ఎక్స్-షోరూమ్ ధర సుమారు రూ.4.77 లక్షల నుంచి ప్రారంభమవుతుంది. వేరియంట్, ఇంజిన్ ఆప్షన్‌ను బట్టి ధర మారుతుంది.

పెట్రోల్, సీఎన్‌జీ ఆప్షన్లతో పాటు కొన్ని వేరియంట్లలో ఆటోమేటిక్ గేర్ సదుపాయం కూడా ఉంది. మీ అవసరాన్ని బట్టి సరైన వేరియంట్‌ను ఎంచుకోవచ్చు. మెయింటెనెన్స్ విషయానికొస్తే, కారు కొనేముందే దగ్గర్లోని ఆథరైజ్డ్ సర్వీస్ సెంటర్‌లో రెగ్యులర్ సర్వీసింగ్ ఛార్జీలు, వారంటీ, ముఖ్యమైన స్పేర్ పార్ట్స్ ధరల గురించి ఆరా తీయండి.

కారు బిల్డ్ క్వాలిటీ స్ట్రాంగ్‌గా ఉన్నంత మాత్రాన భవిష్యత్తులో రిపేర్లు రావని గ్యారెంటీ లేదు. టైర్లు, బ్రేక్ ప్యాడ్స్, బ్యాటరీ లాంటివి అప్పుడప్పుడూ మార్చాల్సి వస్తుంది. కాబట్టి ఆల్టో కే10, వాగన్ఆర్‌లతో టియాగో ధర, ఫీచర్లను పోల్చేటప్పుడు మెయింటెనెన్స్ ఖర్చును కూడా లెక్కలోకి తీసుకోవాలి.

పై మూడు కార్లను పోల్చి చూసినప్పుడు తక్కువ ధర, సిటీ డ్రైవింగ్‌కు అనువైన సైజ్ కావాలంటే ఆల్టో కే10 తీసుకోవచ్చు. ఫ్యామిలీకి ఎక్కువ స్పేస్ కావాలంటే వాగన్ఆర్ బెస్ట్. డిజైన్, ఫీచర్లు, ఇంజిన్ ఆప్షన్లు నచ్చితే టియాగోను కూడా లిస్ట్‌లో చేర్చుకోవచ్చు.

ఫైనల్ డెసిషన్ తీసుకునే ముందు, ఒకే మైలేజ్ ఆధారంగా పెట్రోల్ ఖర్చులను పోల్చి చూడండి. అలాగే రాబోయే మూడు నుంచి ఐదేళ్లలో అయ్యే రెగ్యులర్ సర్వీసింగ్ ఖర్చుల అంచనాను డీలర్ నుంచి తీసుకోండి. టైర్ల మార్పిడి, ఇన్సూరెన్స్, సీఎన్‌జీ మెయింటెనెన్స్, లోన్ వడ్డీ లాంటి ఖర్చులను కూడా లెక్కేసుకోండి.

ఇంటర్నెట్‌లో కనిపించే మెయింటెనెన్స్ ఖర్చులు అందరికీ ఒకేలా ఉండవు. మీ వాడకం, డ్రైవింగ్ స్టైల్, సిటీ రోడ్ల పరిస్థితి, సర్వీస్ సెంటర్‌ను బట్టి ఖర్చులు మారతాయి. కాబట్టి, తక్కువ మెయింటెనెన్స్ అనే ప్రకటనలను మాత్రమే నమ్మకుండా, రాతపూర్వకంగా సర్వీస్ ఎస్టిమేషన్ తీసుకున్నాకే నిర్ణయం తీసుకోవడం మంచిది. షోరూమ్ ధరతో పాటు దీర్ఘకాలిక ఖర్చులను కూడా లెక్కేసుకున్నప్పుడే మీ ఫ్యామిలీ బడ్జెట్‌కు ఏ కారు సరిపోతుందో క్లారిటీ వస్తుంది.

రూ.6.90 లక్షలకే 28 కి.మీ మైలేజ్ కారు.. కేవలం ఆరు నెలల్లోనే లక్ష సేల్స్..!

Arun Kumar P — Tue, 27 Oct 2026 17:12:30 +0530

మారుతి ఫ్రాంక్స్ ఎస్‌యూవీ సేల్స్‌లో దూసుకుపోతోంది. 2026-27 ఆర్థిక సంవత్సరం తొలి ఆరు నెలల్లోనే 1.10 లక్షలకు పైగా అమ్ముడై బ్రెజ్జాను కూడా వెనక్కి నెట్టేసింది. ఈ కారు ధర, సీఎన్‌జీ మైలేజ్, ఇంజిన్ ఆప్షన్లు, సేఫ్టీ ఫీచర్ల వివరాలు ఇక్కడ చూద్దాం.

ఇండియాలో కాంపాక్ట్ ఎస్‌యూవీలకు భలే క్రేజ్ ఉంది. ఈ సెగ్మెంట్ లో మారుతి సుజుకి ఫ్రాంక్స్ అదరగొడుతోంది. 2026-27 ఆర్థిక సంవత్సరం తొలి ఆరు నెలల్లో (2026 ఏప్రిల్ నుంచి సెప్టెంబర్ వరకు) ఈ కారు ఏకంగా 1,10,135 యూనిట్లు అమ్ముడయ్యాయి. గత ఆర్థిక సంవత్సరం ఇదే టైమ్‌లో 76,805 యూనిట్లు మాత్రమే అమ్ముడయ్యాయి… అంటే సేల్స్ ఏకంగా 43.4% పెరిగాయన్నమాట.

ఇదే సమయంలో మారుతి బ్రెజ్జా 80,516 యూనిట్లు, జిమ్నీ 3,221 యూనిట్లు అమ్ముడయ్యాయి. ఈ లెక్కల ప్రకారం మారుతి కాంపాక్ట్ ఎస్‌యూవీల్లో ఫ్రాంక్స్ టాప్ ప్లేస్‌లో ఉంది. తక్కువ ధర, బెస్ట్ మైలేజ్, డిజైన్, ఫీచర్లే ఈ కారు సక్సెస్‌కు కారణం.

మారుతి ఫ్రాంక్స్ సేల్స్.. పాపులర్ 7-సీటర్ కారు ఎర్టిగాకు చాలా దగ్గరగా వచ్చేశాయి. ఈ ఆరు నెలల కాలంలో ఎర్టిగా 1,12,557 యూనిట్లు అమ్ముడైంది. ఫ్రాంక్స్, ఎర్టిగా మధ్య కేవలం 2,422 యూనిట్ల తేడా మాత్రమే ఉంది.

అయితే ఈ రెండు కార్లు వేర్వేరు అవసరాల కోసం డిజైన్ చేశారు. ఫ్రాంక్స్ కాంపాక్ట్ ఎస్‌యూవీ కాగా, ఎర్టిగా పెద్ద కుటుంబాలకు సరిపోయే మల్టీ పర్పస్ వెహికల్ (MPV). కాబట్టి కేవలం సేల్స్ చూసి ఏ కారు బెస్ట్ అని డిసైడ్ అవ్వలేం. మన ఫ్యామిలీ సైజ్, బడ్జెట్, మైలేజ్ అవసరాలను బట్టి కారును ఎంచుకోవాలి. సిటీలో తిరిగేవాళ్లకు ఫ్రాంక్స్ బెస్ట్ ఆప్షన్. పెద్ద ఫ్యామిలీ అయితే ఎర్టిగా తీసుకోవచ్చు.

కారు కొనేటప్పుడు ధరతో పాటు రోజువారీ ఇంధన ఖర్చు కూడా చూసుకోవాలి. అందుకే ఫ్రాంక్స్ కారును పెట్రోల్, సీఎన్‌జీ ఆప్షన్లలో తీసుకొచ్చారు. కంపెనీ చెబుతున్న దాని ప్రకారం.. సీఎన్‌జీ వేరియంట్ కిలోకు గరిష్ఠంగా 28.51 కి.మీ మైలేజ్ ఇస్తుంది. అయితే ఇది టెస్టింగ్ కండిషన్స్‌లో వచ్చిన మైలేజ్. రోడ్డుపై ట్రాఫిక్, టైర్లలో గాలి, కారులో ఉన్న బరువును బట్టి మైలేజ్ కొద్దిగా మారొచ్చు.

ఫ్రాంక్స్‌లో 1.2 లీటర్ పెట్రోల్ ఇంజిన్, 1.0 లీటర్ టర్బో పెట్రోల్ ఇంజిన్ ఆప్షన్లు కూడా ఉన్నాయి. తక్కువ ఖర్చుతో తిరగాలనుకునే వాళ్లు సీఎన్‌జీ తీసుకోవచ్చు. పవర్ ఫుల్ పర్ఫార్మెన్స్ కావాలనుకుంటే టర్బో పెట్రోల్ బెస్ట్. అయితే మీ ఏరియాలో సీఎన్‌జీ బంకులు ఉన్నాయో లేదో చూసుకుని నిర్ణయం తీసుకోండి.

మారుతి ఫ్రాంక్స్ ఎక్స్-షోరూమ్ ధర రూ.6.90 లక్షల నుంచి రూ.12.03 లక్షల వరకు ఉంది. మనం ఎంచుకునే వేరియంట్, ఇంజిన్, ఫీచర్లను బట్టి ధర మారుతుంది. ఇవి కేవలం ఎక్స్-షోరూమ్ ధరలు మాత్రమే. దీనికి రోడ్ ట్యాక్స్, ఇన్సూరెన్స్, రిజిస్ట్రేషన్ ఛార్జీలు కలిపితే ఆన్-రోడ్ ధర పెరుగుతుంది. అందుకే కారు కొనేముందు దగ్గర్లోని షోరూమ్‌కు వెళ్లి కచ్చితమైన ధర తెలుసుకోవడం మంచిది. బేస్ వేరియంట్ తీసుకోవాలా లేక టాప్ ఎండ్ మోడల్ తీసుకోవాలా అనేది మీ బడ్జెట్‌ను బట్టి డిసైడ్ చేసుకోండి. లోన్ తీసుకునేవాళ్లు ఈఎంఐతో పాటు డౌన్ పేమెంట్, వడ్డీ, ఇన్సూరెన్స్ ఖర్చులను కూడా లెక్కేసుకోవాలి. అనవసరమైన ఫీచర్ల కోసం ఎక్కువ డబ్బులు ఖర్చు పెట్టకండి.

సేఫ్టీ ఫీచర్లు ఎలా ఉన్నాయి?

ఇప్పుడు కారు కొనేవాళ్లు లుక్స్, మైలేజ్‌తో పాటు సేఫ్టీకి కూడా పెద్ద పీట వేస్తున్నారు. ఫ్రాంక్స్ కారులో ఆరు ఎయిర్‌బ్యాగ్స్, హిల్ హోల్డ్ అసిస్ట్, ఏబీఎస్ (ABS), ఈబీడీ (EBD) లాంటి సేఫ్టీ ఫీచర్లు ఉన్నాయి. కొన్ని వేరియంట్లలో ఎలక్ట్రానిక్ స్టెబిలిటీ కంట్రోల్ (ESC) కూడా ఇస్తున్నారు. అయితే ఈ ఫీచర్లు అన్ని వేరియంట్లలో ఉన్నాయో లేదో కొనేముందు చెక్ చేసుకోండి.

కేవలం ఎయిర్‌బ్యాగ్స్ ఉంటేనే కారు సేఫ్ అని చెప్పలేం. క్రాష్ టెస్ట్ రేటింగ్స్, చైల్డ్ సేఫ్టీ, కారు బిల్డ్ క్వాలిటీ కూడా ముఖ్యమే. ఓవరాల్‌గా చూస్తే ఫ్రాంక్స్ సేల్స్ దాని క్రేజ్‌ను చెబుతున్నాయి. కానీ మీకు ఏ కారు సెట్ అవుతుందో తెలియాలంటే.. ధర, మైలేజ్, స్పేస్, సేఫ్టీ, మెయింటెనెన్స్ ఖర్చులను బేరీజు వేసుకుని నిర్ణయం తీసుకోండి.

TVS Jupiter Vs Honda Activa : ఈ రెండింట్లో బెస్ట్ ఫ్యామిలీ స్కూటర్ ఏది?

Arun Kumar P — Mon, 26 Oct 2026 16:51:33 +0530

ఈ దీపావళికి కొత్త స్కూటర్ కొనాలని ప్లాన్ చేస్తున్నారా? ప్రస్తుతం మార్కెట్లో టీవీఎస్ జూపిటర్ 110, హోండా యాక్టివా 110 టాప్ ప్లేస్‌లో ఉన్నాయి… మరి వీటిలో బెస్ట్ మైలేజ్ ఇచ్చే స్కూటర్ ఏదో ఇక్కడ తెలుసుకొండి.

మన దేశంలో మిడిల్ క్లాస్ ఫ్యామిలీస్ ఎక్కువగా 110cc గేర్‌లెస్ స్కూటర్లనే వాడుతుంటారు. ఇందులోనూ టీవీఎస్ జూపిటర్ 110, హోండా యాక్టివా 110 మధ్య గట్టి పోటీ ఉంది. అయితే TVS Jupiter ఎక్స్-షోరూమ్ ధర సుమారు రూ.73,400… Honda Activa ధర సుమారు రూ.75,400… రెండింటి మధ్య కేవలం రూ.2,000 మాత్రమే తేడా ఉంది. ఇలా ఒకే ధరలో లభించే ఈ రెండు స్కూటర్లలో ఏది బెస్ట్? ఇక్కడ తెలుసుకుందాం.

పిల్లలను స్కూల్‌కు తీసుకెళ్లడానికి, ఆఫీస్ ప్రయాణాలకు టివిఎస్, హోండా స్కూటర్లు బాగా సెట్ అవుతాయి… అందుకే చాలామంది వీటినే కొంటుంటారు. జూపిటర్ డ్రమ్ వేరియంట్ రూ.73,400 నుంచి స్పెషల్ ఎడిషన్ రూ.86,900 వరకు ఉంది. అదే యాక్టివా బేస్ మోడల్ రూ.75,400, డీలక్స్ రూ.85,300, స్మార్ట్ మోడల్ రూ.89,800 పలుకుతోంది.

ఈ రెండు స్కూటర్ల ఆన్-రోడ్ ధర రూ.85,000 అనుకుందాం… ఇందులో రూ.10,000 డౌన్ పేమెంట్ కట్టినా మిగతా రూ.75,000కు 10% వడ్డీతో 36 నెలల ఈఎంఐ పెట్టుకుంటే నెలకు సుమారు రూ.2,420 కట్టాల్సి వస్తుంది. అదే 48 నెలలు పెట్టుకుంటే ఈఎంఐ రూ.1,900కి తగ్గుతుంది, కానీ రూ.4,000 అదనంగా వడ్డీ పడుతుంది.

టివిఎస్ జూపిటర్‌లో 113.3cc ఇంజిన్ ఉంది. ఇది 8 bhp పవర్‌ను, 'iGO అసిస్ట్' మైక్రో-హైబ్రిడ్ బూస్ట్‌తో 9.8 Nm టార్క్‌ను ఇస్తుంది. ఇక హోండా యాక్టివాలోని 109.5cc ఇంజిన్ 7.8 PS పవర్‌ను, 9.05 Nm టార్క్‌ను ఉత్పత్తి చేస్తుంది.

ఉదాహరణకు ఇద్దరు పెద్దవాళ్లు, పిల్లలు స్కూల్ బ్యాగ్‌తో ఫ్లైఓవర్లు ఎక్కేటప్పుడు జూపిటర్ సులభంగా 50-55 కి.మీ వేగాన్ని అందుకుంటుంది. మరోవైపు యాక్టివా ఇంజిన్ చాలా స్మూత్‌గా, సైలెంట్‌గా ఉంటుంది. కొత్తగా స్కూటర్ నడిపేవాళ్లకు ఇది బాగా సెట్ అవుతుంది. రెండూ 105-106 కిలోల బరువు ఉండటంతో ఇరుకు సందుల్లో కూడా ఈజీగా తిప్పొచ్చు.

సిటీ ట్రాఫిక్‌లో జూపిటర్ లీటరుకు 45 నుంచి 50 కి.మీ మైలేజ్ ఇస్తుంది. యాక్టివా 48 నుంచి 55 కి.మీ మైలేజ్ ఇస్తుంది. నెలకు 1,000 కి.మీ ప్రయాణం, లీటర్ పెట్రోల్ ధర రూ.110-120 గా లెక్కేసుకుందాం. జూపిటర్‌కు (48 kmpl) 20.8 లీటర్ల పెట్రోల్ (రూ.2200 - 2,400) అవసరం అవుతుంది. యాక్టివాకు (52 kmpl) 19.2 లీటర్ల పెట్రోల్ (సుమారుగా రూ.2000) పడుతుంది.

టీవీఎస్ జూపిటర్‌లో 33 లీటర్ల బూట్ స్పేస్ ఉంటుంది. ఇందులో రెండు హెల్మెట్లు ఈజీగా పెట్టుకోవచ్చు. యాక్టివాలో 18 లీటర్ల స్పేస్ మాత్రమే ఉంటుంది, ఒక హెల్మెట్ పడుతుంది.

జూపిటర్‌లో పెట్రోల్ కొట్టించడానికి బండి దిగాల్సిన అవసరం లేదు. చీర కట్టుకున్న మహిళలకు, పిల్లలను తీసుకెళ్లేవారికి ఇది చాలా కంఫర్ట్. జూపిటర్ టాప్ మోడల్స్‌లో సెమీ-డిజిటల్ క్లస్టర్, బ్లూటూత్ కనెక్టివిటీ, వెడల్పాటి ఫుట్‌బోర్డ్ ఉన్నాయి. యాక్టివా క్లస్టర్ సింపుల్‌గా ఉన్నా, దాని 'స్మార్ట్' మోడల్‌లో కీ-లెస్ రిమోట్ ఫీచర్ ఇచ్చారు.

మెయింటెనెన్స్ ఖర్చు, రీసేల్ వాల్యూ

10,000 కి.మీ సర్వీసింగ్‌కు జూపిటర్‌కు రూ.800 నుంచి రూ.1,200 వరకు ఖర్చవుతుంది. యాక్టివాకు రూ.700 నుంచి రూ.900 వరకు అవుతుంది. హోండా సర్వీస్ సెంటర్లు చిన్నచిన్న పట్టణాల్లో కూడా ఉండటం పెద్ద ప్లస్ పాయింట్. హోండా 10 ఏళ్ల వరకు ఎక్స్‌టెండెడ్ వారంటీని (3 ఏళ్లు స్టాండర్డ్ + 7 ఏళ్లు ఆప్షనల్) అందిస్తోంది.

ఇక రీసేల్ వాల్యూ విషయానికొస్తే, సెకండ్ హ్యాండ్ మార్కెట్లో యాక్టివాకు విపరీతమైన డిమాండ్ ఉంది. 3, 4 ఏళ్ల తర్వాత అమ్మేసినా మంచి రేటు వస్తుంది. జూపిటర్‌కు కూడా మంచి రేటు వచ్చినా, యాక్టివా స్థాయిలో ఉండదు.

స్కూల్ బ్యాగులు, కూరగాయల సంచులు, రెండు హెల్మెట్లు పెట్టుకోవడానికి, బరువు లాగడానికి టీవీఎస్ జూపిటర్ 110 బెస్ట్ ఆప్షన్. యాక్టివాతో పోల్చితే అదనపు పెట్రోల్ ఖర్చు అనేది దీని ఫీచర్ల ముందు పెద్ద లెక్క కాదు.

స్మూత్ రైడింగ్, మంచి మైలేజ్, రీసేల్ వాల్యూ, పల్లెటూర్లలో కూడా సర్వీస్ సపోర్ట్ కావాలంటే హోండా యాక్టివా 110 సేఫ్ ఛాయిస్. హైవే ప్రయాణాలకు ఎక్కువ పవర్ కావాలనుకుంటే సుజుకి యాక్సెస్ 125 లేదా యాక్టివా 125 వైపు వెళ్లొచ్చు. కానీ రోజువారీ ఫ్యామిలీ అవసరాలకు మాత్రం టీవీఎస్ జూపిటర్ టాప్ ప్లేస్‌లో నిలుస్తుంది.

Tubeless Tyres: ట్యూబ్ లెస్‌ టైర్లు ఎలా ప‌నిచేస్తాయి.? ఇవి అస‌లే పంక్చ‌ర్ అవ్వ‌వా.?

Narender Vaitla — Thu, 22 Oct 2026 15:15:04 +0530

Tubeless Tyres: ప్రస్తుతం కార్లు, బైక్‌లలో ట్యూబ్‌లెస్ టైర్ల వాడకం పెరుగుతోంది. సాధారణ టైర్లతో పోలిస్తే వీటికి కొన్ని ప్రత్యేక ప్రయోజనాలు ఉన్నాయి. ఇంత‌కీ ట్యూబ్ లెస్ టైర్లు ఎలా ప‌నిచేస్తాయి.? ఇవి అస‌లే పంక్చ‌ర్ అవ్వ‌వా.? ఇప్పుడు తెలుసుకుందాం.

సాధారణ టైర్లలో లోపల ప్రత్యేకంగా ఒక రబ్బరు ట్యూబ్ ఉంటుంది. ఈ ట్యూబ్‌లో గాలి నింపడం ద్వారా టైర్‌కు అవసరమైన గాలి ఒత్తిడి అందుతుంది. కానీ ట్యూబ్‌లెస్ టైర్లలో లోపల ప్రత్యేక ట్యూబ్ ఉండదు. టైర్ లోపలి భాగంలో గాలి బయటకు వెళ్లకుండా అడ్డుకునే ప్రత్యేక పొర ఉంటుంది. ఈ టైర్‌ను చక్రానికి అమర్చినప్పుడు టైర్ అంచులు, చక్రం రిమ్ మధ్య గాలి బయటకు వెళ్లకుండా గట్టి పట్టుతో ఉంటాయి. గాలి నింపే వాల్వ్ కూడా నేరుగా రిమ్‌కు అమర్చి ఉంటుంది. దీంతో టైర్‌లో గాలి నిలిచి ఉంటుంది. అయితే ట్యూబ్‌లెస్ టైర్లకు పంక్చర్లు పడకుండా ఉండే ప్రత్యేక రక్షణ ఉందని అనుకోకూడదు. వాటి నిర్మాణం వల్ల పంక్చర్ పడినప్పుడు గాలి నెమ్మదిగా బయటకు వెళ్లే అవకాశం ఉంటుంది. కొన్ని టైర్లలో ఉపయోగించే ప్రత్యేక సీలెంట్ ద్రవం చిన్న రంధ్రాలను మూసివేయడంలో సహాయపడుతుంది.

ట్యూబ్‌లెస్ టైర్లు గాలి బయటకు వెళ్లకుండా ఉండే విధంగా రూపొందిస్తారు. టైర్‌ను చక్రానికి సరిగ్గా అమర్చినప్పుడు దాని అంచులు రిమ్‌కు గట్టిగా అతుక్కుని ఉంటాయి. ఈ అమరిక వల్ల గాలి బయటకు వెళ్లదు. కొన్ని ట్యూబ్‌లెస్ టైర్లలో పంక్చర్లను తగ్గించేందుకు సీలెంట్ అనే ప్రత్యేక ద్రవాన్ని ఉపయోగిస్తారు. ఈ ద్రవాన్ని టైర్‌లో ముందుగానే నింపుతారు లేదా వాల్వ్ ద్వారా లోపలికి పంపిస్తారు. టైర్‌కు చిన్న రంధ్రం పడినప్పుడు గాలి బయటకు వెళ్లే మార్గాన్ని ఈ ద్రవం మూసివేయడానికి సహాయపడుతుంది. అయితే అన్ని ట్యూబ్‌లెస్ టైర్లలో సీలెంట్ ఉండదు. సీలెంట్ ఉన్నా పెద్ద రంధ్రాలు, టైర్ పక్క భాగంలో ఏర్పడిన నష్టాలు లేదా తీవ్రమైన పంక్చర్లను అది పూర్తిగా సరిచేయలేకపోవచ్చు. ట్యూబ్‌లెస్ టైర్ల వల్ల కొన్ని ప్రయోజనాలు ఉన్నాయి. పంక్చర్ పడిన వెంటనే గాలి మొత్తం బయటకు వెళ్ల‌దు. దీంతో వాహనాన్ని సురక్షితమైన ప్రదేశంలో ఆపడానికి కొంత సమయం ల‌భిస్తుంది. సరైన గాలి ఒత్తిడి ఉంటే వాహనం నడిపేటప్పుడు మంచి పట్టుతో పాటు సౌకర్యం కూడా లభిస్తుంది.

ట్యూబ్‌లెస్ టైర్లు కూడా రబ్బరుతోనే తయారవుతాయి. అందువల్ల పదునైన వస్తువులు గుచ్చుకున్న‌ప్పుడు వాటికి రంధ్రాలు పడతాయి. రోడ్డుపై ఉండే మేకులు, ఇనుప ముక్కలు, గాజు పెంకులు టైర్లలోకి చొచ్చుకుపోవడం పంక్చర్లకు ప్రధాన కారణం. అలాగే గుంతలు ఉన్న రోడ్లపై వేగంగా వెళ్లడం, ఎత్తుపల్లాలు ఉన్న మార్గాల్లో నడపడం వల్ల టైర్లకు నష్టం కలగవచ్చు. టైర్లలో గాలి ఒత్తిడి తక్కువగా ఉండటం, టైర్లు అరిగిపోవడం కూడా వాటి పనితీరును ప్రభావితం చేస్తాయి.

అయితే సాధారణ టైర్లతో పోలిస్తే ట్యూబ్‌లెస్ టైర్లలో పంక్చర్ పడినప్పుడు గాలి వెంటనే మొత్తం బయటకు వెళ్ల‌దు. రంధ్రం చిన్నదిగా ఉంటే గాలి నెమ్మదిగా బయటకు వెళ్తుంది. కొన్ని సందర్భాల్లో సీలెంట్ ఆ రంధ్రాన్ని మూసివేసే అవ‌కాశం ఉంటుంది. దీంతో పంక్చ‌ర్ అయ్యే అవ‌కాశాలు త‌గ్గుతాయి. దీంతో వాహనాన్ని వెంటనే ఆపకుండా కొంత దూరం వెళ్లగలిగే అవకాశం ఉంటుంది. కానీ దీనర్థం పంక్చర్ పడిన టైర్‌తో ఎక్కువ దూరం ప్రయాణించవచ్చని కాదు. టైర్‌లో గాలి తగ్గిన తర్వాత కూడా వాహనం నడిపితే టైర్ దెబ్బతినడంతో పాటు వాహనంపై నియంత్రణ కోల్పోయే ప్రమాదం ఉంది. పంక్చర్ పడినట్లు గుర్తిస్తే వీలైనంత త్వరగా సురక్షితమైన ప్రదేశంలో ఆపి టైర్‌ను చెక్ చేసుకోవాలి.

ట్యూబ్‌లెస్ టైర్‌లో ట్యూబ్ వేయడం సాంకేతికంగా సాధ్యమే. అయితే టైర్, రిమ్ పరిస్థితి, వాహనం తయారీ సంస్థ సూచనలను బట్టి నిర్ణయం తీసుకోవాలి. దీనివల్ల కొన్ని సమస్యలు ఎదురయ్యే అవ‌కాశాలు ఉకూడా ఉన్నాయి. ట్యూబ్ సరిగ్గా పెట్ట‌ని సందర్భాల్లో గాలి వేగంగా బయటకు వెళ్లే ప్రమాదం ఉంటుంది. దీంతో వాహనంపై నియంత్రణ తగ్గవచ్చు. ట్యూబ్‌లెస్ టైర్ లోపలి ఉపరితలం, సాధారణ ట్యూబ్ టైర్ లోపలి ఉపరితలంలా ఉండకపోవచ్చు. ట్యూబ్ రుద్దుకోవడం వల్ల దానికి నష్టం కలగవచ్చు. టైర్, ట్యూబ్ మధ్య రాపిడి పెరిగితే వేడి ఎక్కువగా ఉత్పత్తి కావచ్చు. ఇది ట్యూబ్ లేదా టైర్ దెబ్బతినే ప్రమాదాన్ని పెంచుతుంది. ట్యూబ్ అమర్చడం వల్ల టైర్ పనితీరుపై ప్రభావం పడే అవకాశం ఉంది. అయితే వేగ పరిమితి తప్పనిసరిగా ఒక నిర్దిష్ట స్థాయికి తగ్గుతుందని చెప్పలేం. అది టైర్ రకం, తయారీ సంస్థ సూచనలపై ఆధారపడి ఉంటుంది. అందువల్ల పంక్చర్ పడినప్పుడు సాధ్యమైనంత వరకు టైర్‌కు తగిన పద్ధతిలోనే మరమ్మతు చేయించాలి. టైర్‌ను సరిచేయడం సాధ్యం కాకపోతే కొత్త టైర్ అమర్చడం మంచిది.

ట్యూబ్‌లెస్ టైర్లకు పంక్చర్లు పూర్తిగా పడకుండా అడ్డుకోవడం సాధ్యం కాకపోయినా, కొన్ని జాగ్రత్తలతో ప్రమాదాన్ని తగ్గించవచ్చు. టైర్లలో గాలి తక్కువగా లేదా ఎక్కువగా ఉండకుండా వాహన తయారీ సంస్థ సూచించిన ఒత్తిడిని పాటించాలి. వీలైనంత వరకు క్రమం తప్పకుండా గాలి ప్రెజ‌ర్ చెక్ చేయాలి. టైర్లపై పగుళ్లు, కోతలు, మేకులు లేదా ఇతర పదునైన వస్తువులు ఉన్నాయేమో చూడాలి. టైర్లు బాగా అరిగిపోయినప్పుడు కొత్తవి మార్చాలి.

రోడ్డుపై గుంతలు, రాళ్లు, గాజు ముక్కలు, మేకులు కనిపిస్తే సాధ్యమైనంత వరకు వాటిని తప్పించాలి. గుంతల్లోకి వేగంగా వెళ్లకుండా చూసుకోవాలి. టైర్‌లో గాలి తగ్గుతున్నట్లు అనిపించినా, వాహనం ఒకవైపుకు లాగుతున్నా వెంటనే చెక్ చేయాలి. పంక్చర్ పడిన టైర్‌తో ఎక్కువ దూరం ప్రయాణించకూడదు. వాహనానికి సరిపోయే స్పేర్ టైర్, జాక్, అవసరమైన పనిముట్లు అందుబాటులో ఉంచుకోవాలి. స్పేర్ టైర్ లేని వాహనాల్లో తయారీ సంస్థ సూచించిన పంక్చర్ రిపేర్ కిట్‌ను ఉంచుకోవచ్చు.

Top EV Scooters : ఇండియాలో అత్యధికంగా అమ్ముడవుతున్న ఈవి స్కూటర్ ఇదే... టాప్ 10 లిస్ట్ ఇదిగో

Arun Kumar P — Mon, 26 Oct 2026 21:21:33 +0530

సెప్టెంబర్ 2026లో ఇండియాలో అత్యధికంగా అమ్ముడైన ఎలక్ట్రిక్ టూ వీలర్ల లిస్ట్‌లో టీవీఎస్ ఐక్యూబ్ టాప్ ప్లేస్ కొట్టేసింది. ఇక బజాజ్ చేతక్, హీరో విడా కూడా టాప్ లో నిలిచాయి. మరి ఏ స్కూటర్స్ సేల్స్ ఎన్నో తెలుసుకుందాం.

ప్రస్తుతం పెట్రోల్ ధరలు క్రమంగా పెరుగుతుండటంతో ఎలక్ట్రిక్ వాహనాలకు డిమాండ్ పెరుగుతోంది. కొత్తగా వాహనం కొనాలకునేవారు ఈవి వైపే మొగ్గు చూపుతున్నారు… దీంతో సేల్స్ అమాంతం పెరుగుతున్నాయి. ఫ్యామిలీ అవసరాలకోసమే కాదు ఉద్యోగులు, వ్యాపారాలు చేసేవారు కూడా ఈవి స్కూటర్లను కొంటున్నారు… మంచి పెర్పార్మెన్స్ కలిగిన స్కూటర్స్ సేల్స్ పెరుగుతున్నాయి.

ఇండియాలో గత నెల (సెప్టెంబర్ 2026) ఎలక్ట్రిక్ టూ వీలర్ల సేల్స్‌లో టీవీఎస్ ఐక్యూబ్ నంబర్ వన్ స్థానంలో నిలిచి కొత్త రికార్డ్ క్రియేట్ చేసింది. కేవలం ఒక్క నెలలోనే ఏకంగా 45,320 ఐక్యూబ్ స్కూటర్లను కంపెనీ డెలివరీ చేసింది. సెప్టెంబర్ 2025లో అమ్మిన 30,820 యూనిట్లతో పోలిస్తే ఇది 47% ఎక్కువ. అలాగే ఆగస్టు 2026లో అమ్ముడైన 42,882 యూనిట్లతో చూసుకుంటే 6% గ్రోత్ కనిపించింది.

ఈ లిస్ట్‌లో బజాజ్ చేతక్ 42,394 యూనిట్లతో రెండో స్థానంలో నిలిచింది. సెప్టెంబర్ 2025లో అమ్మిన 30,558 యూనిట్లతో పోలిస్తే ఇది 39% ఎక్కువే అయినా, ఆగస్టులో అమ్మిన 52,248 యూనిట్లతో చూస్తే 19% తగ్గింది.

ఇక హీరో విడా 28,862 యూనిట్లతో మూడో ప్లేస్ దక్కించుకుంది. గత ఏడాది సెప్టెంబర్‌లో 15,329గా ఉన్న దీని సేల్స్ ఇప్పుడు 88% పెరిగాయి. ఆగస్టు (25,558 యూనిట్లు)తో పోలిస్తే 13% మంత్లీ గ్రోత్ సాధించింది.

ఆ తర్వాత ఏథర్ రిజ్టా 19,813 యూనిట్లతో నాలుగో స్థానంలో ఉంది. గత ఏడాది సెప్టెంబర్ (18,919 యూనిట్లు) కంటే ఇది 5% ఎక్కువ. కానీ ఆగస్టు (22,586 యూనిట్లు)తో పోలిస్తే 12% తగ్గింది.

కొత్తగా వచ్చిన టీవీఎస్ ఆర్బిటర్ 17,027 యూనిట్లతో ఐదో ప్లేస్‌లో నిలిచింది. ఆగస్టు (14,641 యూనిట్లు)తో పోలిస్తే 16% గ్రోత్ సాధించింది.

సర్వే చేసిన 16 ఈ-మోడల్స్ మొత్తం 1,86,693 యూనిట్లు డెలివరీ అయ్యాయి. ఈ లిస్ట్‌లో ఓలా ఎలక్ట్రిక్ వివరాలు లేవు… కాబట్టి మిగతా కంపెనీల డేటాను మాత్రమే పరిగణనలోకి తీసుకున్నారు.

ఆరో స్థానంలో ఉన్న గ్రీవ్స్ మాగ్నస్ 10,532 యూనిట్లను డెలివరీ చేసింది. ఇది గత ఏడాది సెప్టెంబర్ (6,179) కంటే 70%, ఆగస్టు (9,772) కంటే 8% ఎక్కువ.

ఏడో ప్లేస్‌లో ఉన్న ఏథర్ 450 మోడల్ 6,168 యూనిట్లు అమ్ముడైంది. ఇది ఆగస్టు సేల్స్ (6,891 యూనిట్లు) కంటే 10% తక్కువ (గత ఏడాది 450S, 450X, 450 అపెక్స్ విడివిడిగా లెక్కించినందున వార్షిక గ్రోత్ లెక్కించలేదు).

ఎనిమిదో స్థానంలో ఉన్న రివర్ ఇండీ 6,057 యూనిట్లు డెలివరీ చేసి గత ఏడాది (1,960) కంటే 209% భారీ గ్రోత్ సాధించింది. అయితే ఆగస్టు (6,567 యూనిట్లు)తో చూస్తే ఇది 8% తక్కువ.

తొమ్మిదో ప్లేస్‌లో ఉన్న కొత్త మోడల్ ఏథర్ కోణార్క్ ఆగస్టులో కేవలం 217 యూనిట్లు మాత్రమే అమ్ముడవగా, సెప్టెంబర్‌లో ఏకంగా 1,808% గ్రోత్‌తో 4,140 యూనిట్లకు దూసుకెళ్లింది.

పదో స్థానంలో ఉన్న గ్రీవ్స్ రియో 2,047 యూనిట్లు అమ్ముడైంది. ఇది గత ఏడాది (545 యూనిట్లు) కంటే 276%, ఆగస్టు (1,911 యూనిట్లు) కంటే 7% ఎక్కువ.

లిస్ట్‌లోని మొత్తం సేల్స్‌లో టాప్ 5 మోడల్స్ వాటాయే 82.2% ఉంది. బజాజ్ చేతక్‌తో పోలిస్తే టీవీఎస్ ఐక్యూబ్ తన లీడ్‌ను మరింత పెంచుకుంది. అదే సమయంలో పాపులర్ బైక్ కంపెనీల నుంచి టాప్ 3లో నిలిచిన ఏకైక బ్రాండ్‌గా హీరో విడా సత్తా చాటింది.

కంపెనీల వారీగా చూస్తే.. టీవీఎస్ (ఐక్యూబ్ & ఆర్బిటర్) మొత్తం 62,347 యూనిట్లను డెలివరీ చేసి మార్కెట్‌లో 33.4% షేర్‌ను దక్కించుకుంది. బజాజ్ (చేతక్ & యులు) 43,194 యూనిట్లు అమ్మి 23.1% వాటాను సొంతం చేసుకుంది. ఏథర్ (రిజ్టా, 450 & కోణార్క్) 30,121 యూనిట్లను డెలివరీ చేసి 16.1% షేర్ సాధించింది.

హీరో (విడా) 28,862 యూనిట్లను డెలివరీ చేసి 15.5% వాటాను పట్టుకుంది. గ్రీవ్స్ (మాగ్నస్, రియో, నెక్సస్) 13,441 యూనిట్లతో 7.2% షేర్ దక్కించుకుంది. రివర్ (ఇండీ) 6,057 యూనిట్లతో 3.2% వాటాను పొందింది. హోండా క్యూసీ1 (1,464 యూనిట్లు), యాక్టివా ఈ మోడల్స్ కలిపి మొత్తం 1,605 యూనిట్లు అమ్ముడై 0.9% షేర్ నమోదు చేశాయి. ఇవి కాకుండా సుజుకి ఈ-యాక్సెస్ (573 యూనిట్లు), యమహా ఈసీ06 (493 యూనిట్లు) మిగతా వాటాను పంచుకున్నాయి.

ప్రభుత్వ వాహన్ (Vahan) పోర్టల్ డేటా ప్రకారం.. సెప్టెంబర్ నెలలో దేశవ్యాప్తంగా సుమారు 2.05 లక్షల ఎలక్ట్రిక్ టూ వీలర్లు రిజిస్టర్ అయ్యాయి. మొత్తం టూ వీలర్ల రిజిస్ట్రేషన్లలో ఇది 11%. కంపెనీల వారీగా చూస్తే టీవీఎస్ సుమారు 54,000, బజాజ్ 48,500 వాహనాలను రిజిస్టర్ చేశాయి. ఏథర్ 30,500, హీరో విడా 24,300, ఓలా ఎలక్ట్రిక్ 13,450 వాహనాలను రిజిస్టర్ చేశాయి.

ఫాడా (FADA) రిలీజ్ చేసిన నవరాత్రి పండుగ సీజన్ డేటా ప్రకారం.. పండుగ 10 రోజుల్లోనే దేశవ్యాప్తంగా 75,758 ఎలక్ట్రిక్ టూ వీలర్లు అమ్ముడయ్యాయి. గత ఏడాది పండుగ సీజన్ సేల్స్‌తో పోలిస్తే ఇది 33.41% ఎక్కువ.

Second Hand Car: కారు తక్కువ ధరకు వస్తోందని కొనేస్తున్నారా? ఇవి చెక్ చేయకపోతే నష్టం తప్పదు!

Kavitha G — Thu, 29 Oct 2026 15:30:25 +0530

Second Hand Car: సెకండ్ హ్యాండ్ కారు కొనేటప్పుడు చాలామంది పైన మెరుపు, తక్కువ ధర చూసి కొనేస్తుంటారు. కానీ పాత కారు కొనేముందు కొన్ని విషయాలు పక్కాగా చెక్ చేయాలి. లేకపోతే కొన్న ధరకంటే రిపేర్ ఖర్చులు ఎక్కువయ్యే అవకాశం ఉంటుంది. మరి ఏం చెక్ చేయాలో చూద్దాం.

తక్కువ బడ్జెట్‌లో కారు కొనాలనుకునే వారికి సెకండ్ హ్యాండ్ కారు బెస్ట్ ఆప్షన్. కొత్త కారు కంటే తక్కువ ధరకే రావడం దీనిలో ఉన్న పెద్ద ప్లస్ పాయింట్. కానీ, కేవలం బయట పాలిష్, అందం చూసి కారు కొంటే.. ఆ తర్వాత రిపేర్లకే తడిసి మోపెడవుతుంది. అందుకే, పాత కారు కొనేముందు దాని కండిషన్, ఇంజిన్, డాక్యుమెంట్లు, యాక్సిడెంట్ హిస్టరీని మనం కచ్చితంగా చెక్ చేసుకోవాలి.

కారు కొనేముందే మనకు ఎలాంటి కారు కావాలి, ఎంత ఖర్చు చేయగలం అనేది ముందుగానే డిసైడ్ చేసుకోవాలి. కేవలం కారు ధరను బట్టే బడ్జెట్ ఫిక్స్ చేసుకోకూడదు. ఇన్సూరెన్స్, సర్వీసింగ్, ఆర్సీ (RC) పేరు మార్పిడి, ట్యాక్స్, భవిష్యత్తులో వచ్చే రిపేర్ ఖర్చులను కూడా లెక్కలోకి తీసుకోవాలి.

రోజువారీ ప్రయాణం, కుటుంబ అవసరాలను బట్టి పెట్రోల్, డీజిల్, సీఎన్జీ (CNG) లేదా ఎలక్ట్రిక్ కారు.. ఏది సెట్ అవుతుందో చూసుకోవాలి. కారును చెక్ చేసేటప్పుడు బాడీపై పెద్ద గీతలు, తుప్పు పట్టడం, పెయింట్ సరిగా లేకపోవడం, యాక్సిడెంట్ అయిన ఆనవాళ్లు ఏమైనా ఉన్నాయేమో గమనించాలి.

డోర్లు, బోనెట్, డిక్కీ అన్నీ తెరిచి, మూసి అవి సరిగా పనిచేస్తున్నాయో లేదో నిర్ధారించుకోవాలి. కారు లోపల కూడా చెక్ చేయాలి. సీట్ల క్వాలిటీ, ఏసీ, మ్యూజిక్ సిస్టమ్, పవర్ విండోస్, హెడ్‌లైట్స్, ఇండికేటర్స్ అన్నీ పర్ఫెక్ట్‌గా పనిచేస్తున్నాయో లేదో చూసుకోవాలి.

పాత కారు అసలు కండిషన్ తెలుసుకోవాలంటే ఇంజిన్, మెకానికల్ పార్ట్స్ చెక్ చేయడం చాలా ముఖ్యం. మీకు కారు టెక్నికల్ విషయాలు పెద్దగా తెలియకపోతే, మీకు తెలిసిన నమ్మకమైన మెకానిక్‌ను వెంట తీసుకెళ్లడం మంచిది. ఇంజిన్, క్లచ్, గేర్‌బాక్స్, బ్రేకులు, బ్యాటరీ కండిషన్ చెక్ చేయాలి. ఇంజిన్ స్టార్ట్ చేసినప్పుడు వింత శబ్దాలు వస్తున్నాయా, పొగ వస్తుందా, ఆయిల్ లీక్ అవుతుందా అనేది గమనించాలి.

టెస్ట్ డ్రైవ్ ముఖ్యం

కారు కొనేముందు కచ్చితంగా టెస్ట్ డ్రైవ్ చేయాలి. వీలైతే 5 నుంచి 10 కిలోమీటర్ల వరకు నడిపి చూసి.. ఇంజిన్, గేర్ షిఫ్టింగ్, స్టీరింగ్, బ్రేకులు ఎలా పనిచేస్తున్నాయో చెక్ చేయాలి. డ్రైవ్ చేస్తున్నప్పుడు వింత శబ్దాలు, ఎక్కువ వైబ్రేషన్ రావడం, స్టీరింగ్ ఒకవైపు లాగడం లేదా బ్రేక్ వేసినప్పుడు ఏదైనా ఇబ్బంది ఉంటే కారణం ఏంటో ఆరా తీయాలి.

సెకండ్ హ్యాండ్ కారు కొనేటప్పుడు డాక్యుమెంట్లు చెక్ చేయడం అత్యంత ముఖ్యమైన పని. కారు ఆర్సీ (RC), ఇన్సూరెన్స్, పొల్యూషన్ సర్టిఫికెట్ (PUC), సర్వీస్ రికార్డ్స్ అన్నీ సరిచూసుకోవాలి. కారుపై ఏదైనా లోన్ ఉందా లేదా ఇతర సమస్యలు ఏమైనా ఉన్నాయా అనేది నిర్ధారించుకోవాలి.

గతంలో లోన్ తీసుకుని ఉంటే, దాన్ని పూర్తిగా క్లియర్ చేశారా, దానికి సంబంధించిన పత్రాలు ఉన్నాయా అని చూడాలి. ఆర్సీలో ఉన్న ఇంజిన్ నంబర్, ఛాసిస్ నంబర్.. కారుపై ఉన్న నంబర్‌తో మ్యాచ్ అవుతుందో లేదో చెక్ చేయాలి. సర్వీస్ రికార్డ్స్ ఉంటే, కారును టైమ్‌కి సర్వీసింగ్ చేశారా, గతంలో ఏమేం రిపేర్లు వచ్చాయో సులభంగా తెలుసుకోవచ్చు.

కారు ఎన్ని కిలోమీటర్లు తిరిగిందో తెలుసుకోవడానికి ఓడోమీటర్ రీడింగ్ చూడొచ్చు. కానీ, మీటర్‌లో కనిపించే దాన్ని గుడ్డిగా నమ్మేయడం పొరపాటు. సర్వీస్ రికార్డ్స్‌లో ఉన్న రీడింగ్‌తో పోల్చి చూసి, రెండూ మ్యాచ్ అవుతున్నాయో లేదో చెక్ చేయాలి. ఏదైనా అనుమానం వస్తే ఇంకాస్త లోతుగా విచారించాలి.

కారు గతంలో ఎప్పుడైనా పెద్ద యాక్సిడెంట్‌కు గురైందేమో చూడాలి. బయట కొత్తగా పెయింట్ వేశారు కదా అని అది యాక్సిడెంట్ అయిన కారు అని ఫిక్స్ అవ్వలేం. అలాగని, చూడటానికి అందంగా ఉన్న కారుకు ఎలాంటి యాక్సిడెంట్ కాలేదని కూడా అనుకోకూడదు. అవసరమైతే, నిపుణుల సాయంతో బాడీని, ముఖ్యమైన భాగాలను చెక్ చేయించడం మంచిది.

మార్కెట్ ధరతో పోల్చి చూడటం

ఒకే మోడల్, ఒకే ఏడాదిలో వచ్చిన కార్ల ధరలను పలు ఆన్‌లైన్ ప్లాట్‌ఫామ్స్‌లో చెక్ చేయాలి. మార్కెట్ ధర కంటే చాలా తక్కువకే కారును అమ్మేస్తుంటే, దానికి కారణం ఏంటో ఆరా తీయాలి. కారు సర్వీస్ హిస్టరీ, తిరిగిన కిలోమీటర్లు, యాక్సిడెంట్ బ్యాక్‌గ్రౌండ్, ప్రస్తుత కండిషన్.. ఇవన్నీ ధరపై ప్రభావం చూపుతాయి. కేవలం తక్కువ ధరకు వస్తుందన్న ఒకే ఒక్క కారణంతో తొందరపడి కారును కొనకూడదు.

Top Selling Bikes : కేవలం 6 నెలల్లో 21 లక్షల బైక్స్ సేల్.. ఇండియాలో టాప్ బైక్ ఇదే!

Arun Kumar P — Sat, 31 Oct 2026 19:42:19 +0530

2026 ఏప్రిల్ నుంచి సెప్టెంబర్ వరకు అంటే కేవలం ఆరు నెలల్లోనే ఓ కంపెనీ బైక్స్ ఏకంగా 21.30 లక్షలకు పైగా అమ్ముడయ్యాాయి. ఈ ఆరు నెలల కాలంలో మన దేశంలో అత్యధికంగా అమ్ముడైన టాప్ బైక్‌ల వివరాలు ఇక్కడ చూద్దాం.

బైక్ కొనేటప్పుడు ధర, మైలేజ్, మెయింటెనెన్స్, నమ్మకమైన సర్వీస్ లాంటివి జనాలు ఎక్కువగా చూస్తారు. భారతీయ మధ్యతరగతి ప్రజలు సింపుల్ గా ఉండే బైక్స్ ను ఇష్టపడతారు… ఇలాంటివాటినే ఎక్కువగా కొంటుంటారు. మరి ఇండియాలో అత్యధికంగా సేల్ అవుతున్న ఇలాంటి బైక్ ఏదో తెలుసా?

ఇండియన్స్ ఎక్కువగా కొంటున్న బైక్స్ లో హీరో స్ప్లెండర్ ఎప్పటిలాగే టాప్‌లో నిలిచింది. 2026-27 ఆర్థిక సంవత్సరం మొదటి ఆరు నెలల్లో (ఏప్రిల్ నుంచి సెప్టెంబర్ వరకు) ఏకంగా 21,30,637 స్ప్లెండర్ బైక్‌లు అమ్ముడయ్యాయి. గత ఏడాది ఇదే టైమ్‌లో 17,80,081 బైక్‌లు సేల్ అయ్యాయి… అంటే ఈ ఏడాది సేల్స్ భారీగా పెరిగాయి. రోజుకు సగటున 11,836 స్ప్లెండర్ బైక్‌లను జనాలు కొన్నారు… దీన్ని బట్టి స్ప్లెండర్‌కు ఉన్న క్రేజ్ అర్థం చేసుకోవచ్చు. హోండా షైన్ 125, ఎస్పీ 125 మోడల్స్ రెండూ కలిపినా కూడా స్ప్లెండర్ సేల్స్‌ను దాటలేకపోయాయి.

హీరో స్ప్లెండర్ తర్వాత హోండా షైన్ 125,హోండా ఎస్పీ 125 మోడల్స్ కలిపి 9,65,571 యూనిట్లు అమ్ముడయ్యాయి. మూడో స్థానంలో బజాజ్ పల్సర్ నిలిచింది. ఈ ఆరు నెలల్లో పల్సర్ 6,33,015 యూనిట్లు సేల్ అయ్యాయి. కానీ గత ఏడాది ఇదే టైమ్‌లో 6,79,612 యూనిట్లు అమ్ముడవగా, ఇప్పుడు ఆ సంఖ్య తగ్గింది.

నాలుగో ప్లేస్‌లో టీవీఎస్ అపాచీ 3,34,347 యూనిట్లతో ఉంది. రాయల్ ఎన్‌ఫీల్డ్ క్లాసిక్ 350 మోడల్ 2,43,132 యూనిట్లతో తర్వాతి స్థానంలో నిలిచింది. హోండా సీబీ యూనికార్న్ 150 మోడల్ 2,28,721 యూనిట్లు అమ్ముడైంది. టీవీఎస్ రోనిన్ సేల్స్ కూడా పెరిగి 61,829 యూనిట్లకు చేరాయి. ఫ్యామిలీ బైక్స్‌తో పాటు స్పోర్ట్స్ బైక్స్‌కు కూడా ఇండియాలో మంచి డిమాండ్ ఉందని ఈ సమాచారాన్ని బట్టి తెలుస్తోంది.

ఈ ఆరు నెలల కాలంలో కొన్ని మోడల్స్ గత ఏడాది కంటే మంచి గ్రోత్ సాధించాయి. ముఖ్యంగా హీరో ఎక్స్‌ట్రీమ్ 125ఆర్ మోడల్ 96,194 యూనిట్లు అమ్ముడైంది. టీవీఎస్ రేడియన్ సేల్స్ గత ఏడాది 71,490 యూనిట్లు ఉండగా, ఇప్పుడు 86,805 యూనిట్లకు పెరిగాయి. హీరో స్ప్లెండర్ గ్రోత్ కూడా ఈ లిస్ట్‌లో హైలైట్ అని చెప్పాలి.

మరోవైపు టీవీఎస్ రోనిన్ సేల్స్ పెరగడం ఆ బైక్‌కు ఉన్న క్రేజ్‌ను చూపిస్తోంది. కొత్త మోడల్స్ రావడం, ధరలు, ఆఫర్లు, జనాల ఇష్టాలు ఇలా చాలా కారణాల వల్ల సేల్స్ పెరుగుతాయి. అయితే కేవలం సేల్స్ నంబర్స్ చూసి బైక్ క్వాలిటీని డిసైడ్ చేయలేం. కొనేవాళ్లు తమ అవసరం, ప్రయాణించే దూరం, మెయింటెనెన్స్ ఖర్చులను కూడా లెక్కలోకి తీసుకోవాలి.

అన్ని మోడల్స్ సేల్స్ పెరగలేదు. హీరో ప్యాషన్ బైక్ సేల్స్ గత ఏడాది 1,24,952 యూనిట్లు ఉండగా, ఇప్పుడు 1,15,369 యూనిట్లకు పడిపోయాయి. హోండా షైన్ 100 మోడల్ కూడా గత ఏడాది 1,09,887 యూనిట్లు అమ్ముడవగా, ఇప్పుడు 1,02,833 యూనిట్లకు తగ్గింది. యమహా ఎఫ్‌జెడ్ సేల్స్ 78,798 నుంచి 78,124 యూనిట్లకు పడిపోయాయి. బజాజ్ స్పోర్ట్ మోడల్ కూడా 76,755 నుంచి 72,564 యూనిట్లకు తగ్గింది.

కొన్ని పాపులర్ మోడల్స్‌కు గత ఏడాదితో పోలిస్తే సేల్స్ పరంగా దెబ్బ పడింది. కానీ కేవలం ఆరు నెలల సేల్స్ చూసి ఒక బైక్ ఫ్యూచర్‌ను డిసైడ్ చేయలేం. రాబోయే నెలల్లో కొత్త మోడల్స్, ధరల మార్పులు, మార్కెట్ పోటీ వల్ల సేల్స్ మారే ఛాన్స్ ఉంది.

Helmet : ఫ్రెండ్స్‌తో హెల్మెట్ షేర్ చేసుకుంటున్నారా? తస్మాత్ జాగ్రత్త

Arun Kumar P — Fri, 23 Oct 2026 18:17:22 +0530

బైక్ డ్రైవింగ్ సమయంలో తప్పకుండా హెల్మెట్‌ ధరించాలి… ఇది ప్రమాదాల నుండి కాపాడుతుంది. అయితే ఇదే హెల్మెట్ స్నేహితులతో పంచుకోవడం వల్ల ఎలాంటి ఆరోగ్య సమస్యలు వస్తాయో తెలుసా?

Family Bikes: పేరెంట్స్ తో ప్రయాణానికి బెస్ట్ 5 బైక్స్.. కొనేముందు ఇవి కచ్చితంగా చూడండి

Nandini Arava — Thu, 29 Oct 2026 16:28:45 +0530

Family Bikes: పెద్దవాళ్లని బైక్‌పై తీసుకెళ్లాలంటే కంఫర్ట్ ముఖ్యం. మీకు నచ్చిన బైక్స్ కొంటే కుదరదు. వాళ్లకి సౌకర్యంగా ఉందా లేదా చూసుకోవాలి. వయసు పైబడిన తల్లిదండ్రులు, కుటుంబ సభ్యులు హాయిగా ప్రయాణించాలంటే ఈ టాప్ 5 బైక్స్ చూడండి.

పెద్దవాళ్లని బైక్‌పై తీసుకెళ్లాలంటే.. కంఫర్ట్ చాలా ముఖ్యం. మీకు నచ్చిన బైక్స్ కొంటే కుదరదు. వాళ్లకి సౌకర్యంగా ఉందా, లేదా చూసుకోవాలి. ముఖ్యంగా లాంగ్ డ్రైవ్‌లు, గుంతలు, స్పీడ్ బ్రేకర్లు ఉన్న రోడ్లపై నడిపేటప్పుడు రైడర్‌కు కంఫర్ట్‌గా ఉన్నా.. వెనక కూర్చున్న వారికి ఆ ఫీల్ రాకపోవచ్చు. పైగా సీటు ఎత్తు ఎక్కువగా ఉండి, బైక్ బరువు ఎక్కువగా ఉంటే వాళ్లు ఎక్కి దిగడం చాలా కష్టం.

వెనక కూర్చునే వారి కంఫర్ట్ ముఖ్యమనుకుంటే.. పొడవైన, మంచి కుషన్ ఉన్న సీటు, సులభంగా ఎక్కగలిగే ఎత్తు, పట్టుకోవడానికి వీలుగా ఉండే గ్రాబ్ రైల్, కుదుపులను తట్టుకునే సస్పెన్షన్ ఉన్న బైక్ ఎంచుకోవాలి. ఎత్తుగా ఉండే స్టెప్ సీట్లు, స్పోర్ట్స్ బైక్స్ వీరికి సెట్ కావు. ఈ విషయాలను దృష్టిలో ఉంచుకుని, మీ ఫ్యామిలీకి సరిపోయే 5 బెస్ట్ మోటార్ సైకిళ్ల గురించి ఇప్పుడు తెలుసుకుందాం.

సిటీలో రోజూ తిరగడానికి హోండా యూనికార్న్ చాలా మంచి ఆప్షన్. ఈ బైక్ పొడవైన, ఫ్లాట్‌గా ఉండే సింగిల్ సీటుతో వస్తుంది. ఇందులో మంచి కుషన్ ఉండటం వల్ల రైడర్‌తో పాటు వెనక కూర్చున్న వారు కూడా చాలా కంఫర్ట్‌గా ఫీల్ అవుతారు. గ్రాబ్ రైల్‌ను ఈజీగా పట్టుకోవచ్చు. అలాగే ఫుట్‌పెగ్ సరైన యాంగిల్‌లో ఉండటం వల్ల కాళ్లు పెట్టుకోవడానికి సౌకర్యంగా ఉంటుంది.

ఈ బైక్ సస్పెన్షన్ సిస్టమ్ మరో ప్లస్ పాయింట్. రోజూవారీ ప్రయాణాల్లో ఎదురయ్యే గుంతలు, ఎగుడుదిగుడు రోడ్లను యూనికార్న్ చాలా స్మూత్‌గా హ్యాండిల్ చేస్తుంది. ఇది స్పోర్ట్స్ బైక్‌లా కనిపించే ప్రయత్నం చేయదు, అదే దీనికి అతిపెద్ద అడ్వాంటేజ్. దీని ధర - రూ.1.15 లక్షల నుంచి (ఎక్స్-షోరూమ్).

టీవీఎస్ రోనిన్ ఈ లిస్ట్‌లో కాస్త డిఫరెంట్ లుక్, ఫీల్ ఇస్తుంది. రిఫైన్డ్ ఇంజిన్, తక్కువ స్పీడ్‌లోనూ మంచి పుల్లింగ్ పవర్, కంఫర్టబుల్ రైడింగ్ పొజిషన్ ఉండటం వల్ల దీన్ని రోజూ వాడటం చాలా ఈజీ. వంపులు లేదా ఎగుడుదిగుడు రోడ్లపై కూడా దీని హ్యాండ్లింగ్, రైడ్ క్వాలిటీ అద్భుతంగా ఉంటుంది.

వెనక కూర్చునే వారి కంఫర్ట్ దీనికి ఉన్న అతిపెద్ద బలం. సీటింగ్ పొజిషన్ చాలా రిలాక్స్‌డ్‌గా ఉంటుంది. సాధారణ కమ్యూటర్ బైక్‌ల కంటే కాస్త స్టైల్, ఫీచర్లు కోరుకునే వారికి రోనిన్ బెస్ట్ ఛాయిస్. పైగా, టీవీఎస్ కంపెనీ అదనపు యాక్సెసరీగా 'బ్యాక్‌రెస్ట్' (వీపుకు ఆసరా) అందిస్తోంది. వెనక్కి ఆనుకుని కూర్చోవాలనుకునే పెద్దవాళ్లకు ఇది చాలా ఉపయోగపడుతుంది. ధర - రూ.1.30 లక్షల నుంచి (ఎక్స్-షోరూమ్).

రాయల్ ఎన్‌ఫీల్డ్ బుల్లెట్ 350 నిటారుగా కూర్చునే రైడింగ్ పొజిషన్‌తో పాటు, ఇద్దరికీ సరిపోయే వెడల్పాటి సీటును కలిగి ఉంటుంది. దీని సీటు ఎత్తు తక్కువగా ఉండటం వల్ల రైడర్, వెనక కూర్చునే వారు ఈజీగా ఎక్కి దిగవచ్చు. బుల్లెట్ రైడ్ క్వాలిటీనే దీనికి ఉన్న అతిపెద్ద ఆకర్షణ. ఇది రోడ్డుపై చాలా గంభీరంగా, స్థిరంగా వెళ్తుంది. పాడైన లేదా ఎగుడుదిగుడు రోడ్లను కూడా చాలా కాన్ఫిడెంట్‌గా దాటేస్తుంది. ఇది వెనక కూర్చున్న వారికి సేఫ్ ఫీలింగ్ ఇస్తుంది.

అయితే ఒక విషయం గుర్తుంచుకోవాలి.. బుల్లెట్ 350 చాలా బరువైన మోటార్ సైకిల్. తక్కువ స్పీడ్‌లో నడుపుతున్నప్పుడు, రద్దీగా ఉండే చోట తిప్పుతున్నప్పుడు, వెనక మనిషి ఉన్నప్పుడు బైక్‌ను బ్యాలెన్స్ చేయడానికి కాస్త ఎక్కువ శ్రద్ధ అవసరం. దీని బరువును హ్యాండిల్ చేయగలిగితేనే దీన్ని ఎంచుకోవాలి. ధర - రూ.1.67 లక్షల నుంచి (ఎక్స్-షోరూమ్)

మీ తల్లిదండ్రులు బైక్ వైబ్రేషన్స్, సడన్ కుదుపుల వల్ల ఇబ్బంది పడేవారైతే.. హోండా హైనెస్ CB350 కచ్చితంగా మీ లిస్ట్‌లో ఉండాల్సిందే. దీని ఇంజిన్ చాలా స్మూత్‌గా పనిచేస్తుంది. ఎలాంటి హడావుడి లేకుండా ప్రశాంతమైన, లగ్జరీ ప్రయాణ అనుభూతిని ఇది అందిస్తుంది. వెనక కూర్చున్న వారికి ఎలాంటి అలసట లేదా కుదుపులు లేని స్మూత్ రైడ్ ఇస్తుంది.

దీని సస్పెన్షన్ కూడా గుంతలు, స్పీడ్ బ్రేకర్లు, పాడైన రోడ్లను చాలా అద్భుతంగా హ్యాండిల్ చేస్తుంది. విశాలమైన సీటు, రిలాక్స్‌డ్ రైడింగ్ క్యారెక్టర్ ఉన్న ఈ బైక్.. ప్రశాంతంగా ప్రయాణించాలనుకునే రైడర్లకు పర్ఫెక్ట్‌గా సెట్ అవుతుంది. ధర - రూ.1.93 లక్షల నుంచి (ఎక్స్-షోరూమ్).

జావా 42 ఎఫ్‌జే నిటారుగా, కంఫర్టబుల్‌గా కూర్చునే రైడింగ్ పొజిషన్‌ను కలిగి ఉంటుంది. ఇది లాంగ్ డ్రైవ్‌లకు బాగా సెట్ అవుతుంది. మోడ్రన్-రెట్రో స్టైల్ మోటార్ సైకిల్‌ను ఇష్టపడే రైడర్లకు, ఇద్దరికీ సరిపోయే కంఫర్టబుల్ ఆప్షన్ ఇది.

వెనక కూర్చునే వారి కంఫర్ట్ కోసం దీన్ని కొనేటప్పుడు రెండు విషయాలు గమనించాలి. పెద్దవాళ్లను తరచుగా తీసుకెళ్లే వారైతే.. అదనపు సపోర్ట్ కోసం 'బ్యాక్‌రెస్ట్' వేయించుకోవడం మంచిది. దీని వెనక సస్పెన్షన్ ఫ్యాక్టరీ సెట్టింగ్‌లో కాస్త స్టిఫ్‌గా (గట్టిగా) అనిపించవచ్చు. కాబట్టి, వెనక మనిషిని కూర్చోబెట్టుకుని వెళ్లేటప్పుడు గుంతలను స్మూత్‌గా దాటడానికి సస్పెన్షన్ సెట్టింగ్‌ను కాస్త 'సాఫ్ట్' మోడ్‌లోకి మార్చుకోవడం మంచిది. ధర - రూ.2.15 లక్షల నుంచి (ఎక్స్-షోరూమ్).