Asianet News Telugu

Car Cleaning Tips: వాషింగ్ సెంటర్ తో పనే లేదు.. 10 రూపాయలతో మీ కారును తళతళలా మెరిసేలా చేయండి

Arun Kumar P — Wed, 17 Jun 2026 21:22:02 +0530

మీ కారు లేదా స్కూటర్‌ను ఇంట్లోనే తక్కువ ఖర్చుతో ఎలా శుభ్రం చేసుకోవాలో తెలుసా..? వాహనం అద్దాలు క్లీన్ చేయడానికి ఏం వాడాలి? సీట్లపై మరకలను ఎలా పోగొట్టాలి? ఇలాంటి ఈ సింపుల్ టిప్స్ మీకోసం.

మీ కారు లేదా బండిని క్లీన్ చేయడానికి ప్రతీసారి వాషింగ్ సెంటర్ కు తీసుకెళుతున్నారాా? అయితే ఇందుకోసం బాగానే ఖర్చు చేస్తున్నారన్నమాట. కానీ కేవలం 1 రూపాయి నుంచి 10 రూపాయల ఖర్చుతో మీ వాహనాన్ని ఇంట్లోనే శుభ్రం చేసుకోవచ్చు… అదీ ఇప్పుడే షోరూం నుండి తీసుకువచ్చినదానిలా. వాష్ సెంటర్‌కు బదులుగా ఇంట్లోనే చిన్నచిన్న చిట్కాలు పాటించి కడిగితే మీ కారు లేదా స్కూటర్‌ను కొత్తదానిలా మెరిసిపోతుంది.

ఒక స్ప్రే బాటిల్‌లో సమాన పరిమాణంలో వెనిగర్, నీళ్లు కలపండి. ఈ మిశ్రమాన్ని మీ స్కూటర్ లేదా కారు అద్దాలపై స్ప్రే చేయండి. ఆ తర్వాత, ఒక మైక్రోఫైబర్ క్లాత్‌తో శుభ్రంగా తుడవండి. ఇది దుమ్మును తొలగించి, మీ అద్దాలను కొత్తవాటిలా మెరిసేలా చేస్తుంది.

మీ వాహనం సీటు లేదా కార్పెట్‌పై మరకలు పడితే దానిపై కొద్దిగా బేకింగ్ సోడా (వంట సోడా) చల్లండి. కాసేపు అలాగే వదిలేయండి. ఆ తర్వాత బ్రష్ లేదా గుడ్డతో తుడిచేయండి. ఇది దుర్వాసనను తొలగించడమే కాకుండా మొండి మరకలను కూడా పోగొడుతుంది.

కారును శుభ్రం చేసేటప్పుడు ఎండలో పార్క్ చేయొద్దు… అలా చేస్తే ఆరిన తర్వాత నీటి మరకలు కనిపిస్తాయి. అందుకే నీడలో ఉంచి కారును కడగండి. కారును కడిగిన తర్వాత శఉభ్రమైన పొడి గుడ్డతో తుడిస్తే కారు ఎక్కువ కాలం మెరుస్తూ ఉంటుంది.

కారు లోపల శుభ్రం చేయడం పెద్ద సవాల్ తో కూడుకున్నది. ముఖ్యంగా సీట్ల మధ్యలో ఇరుకైన ప్రదేశాలుంటాయి... వీటిలో చెత్త పేరుకుపోతుంది. ఇలాంటి ప్రాంతాల్లో టూత్ బ్రష్ తో శుభ్రం చేయవచ్చు. ఇక సీట్లను శుభ్రం చేయడానికి డిష్ వాషింగ్ లిక్విడ్, ఐసోప్రొఫైల్ ఆల్కహాల్ ను మిక్సింగ్ చేసి సీట్లపై స్ప్రే చేయండి. మరకలు ఉన్నచోట బట్టతో తుడవండి. దీంతో సీట్లు పరిశుభ్రం అవుతాయి.

లైసెన్స్, రిజిస్ట్రేషన్ అవసరం లేదు.. ఛార్జింగ్ అయిపోతే ఎంచక్కా తొక్కుతూ వెళ్లిపోవచ్చు. అదిరిపోయే ఎలక్ట్రిక్ మొపెడ్

Narender Vaitla — Tue, 23 Jun 2026 08:58:18 +0530

Electric moped: పెట్రోల్ ధరలు పెరిగిన నేపథ్యంలో, లైసెన్స్, రిజిస్ట్రేషన్ అవసరం లేని ఎలక్ట్రిక్ వాహనాలకు డిమాండ్ పెరుగుతోంది. ఈ క్రమంలోనే తాజాగా కొమాకి కంపెనీ ఓ ఎలక్ట్రిక్ మోపెడ్ ను తీసుకొచ్చింది. దీనికి సంబంధించిన పూర్తి వివరాలు ఇప్పుడు చూద్దాం.

భారతదేశంలో పెట్రోల్ ధరలు పెరిగిపోతున్న తరుణంలో, ప్రత్యామ్నాయ వాహనాల కోసం చూస్తున్న వారికి Komaki XR1 ఎలక్ట్రిక్ మొపెడ్ ఒక ఆకర్షణీయమైన ఎంపికగా నిలుస్తోంది. Komaki కంపెనీ పరిచయం చేసిన ఈ సరికొత్త టూవీలర్, సైకిల్‌కు పైన, స్కూటర్‌కు కింద ఉండే ఒక ఇంటర్మీడియట్ ఈవీగా రూపొందించారు. నగరాలు, గ్రామాల్లో తక్కువ దూరాలు ప్రయాణించడానికి ఇది అత్యంత అనుకూలమైన వాహనంగా ప్రాచుర్యం పొందింది.

పెరుగుతున్న ఇంధన ధరలతో పాటు, పెద్ద ఎలక్ట్రిక్ స్కూటర్లు కొనే ఆర్థిక స్థోమత లేని వారికి Komaki XR1 ఒక బెస్ట్ ఆప్షన్ గా చెప్పొచ్చు. ఇది పూర్తిగా బ్యాటరీ విద్యుత్ శక్తితో నడుస్తుంది, తద్వారా ప్రయాణ ఖర్చులు గణనీయంగా తగ్గుతాయి. అంతేకాకుండా, దారి మధ్యలో ఎక్కడైనా బ్యాటరీ ఛార్జింగ్ అయిపోతే, ఇందులో అమర్చిన పెడల్స్‌ను ఉపయోగించి సైకిల్‌లా తొక్కవచ్చు, తద్వారా సురక్షితంగా ఇంటికి చేరుకోవచ్చు.

Komaki XR1 ఎలక్ట్రిక్ మొపెడ్ యొక్క అతి పెద్ద ప్రయోజనాల్లో ఒకటి, దీనిని నడపడానికి ఎలాంటి డ్రైవింగ్ లైసెన్స్ అవసరం లేదు. అలాగే, RTO కార్యాలయంలో నంబర్ ప్లేట్ కోసం రిజిస్ట్రేషన్ చేయించాల్సిన అవసరం కూడా లేదు. ఇది తక్కువ వేగంతో ప్రయాణించే లో-స్పీడ్ ఎలక్ట్రిక్ వాహనాల కేటగిరీ కిందకు వస్తుంది. దీనివల్ల స్కూల్, కాలేజీలకు వెళ్లే విద్యార్థులు, అలాగే ట్రాఫిక్ నిబంధనలు, చలాన్ల టెన్షన్ లేకుండా ప్రశాంతంగా ప్రయాణించాలనుకునే మహిళలు, వృద్ధులకు ఇది ఎంతగానో ఉపయోగపడుతుంది.

పనితీరు, రేంజ్

సాంకేతిక సామర్థ్యం పరంగా, Komaki XR1 మొపెడ్‌లోని బ్యాటరీని ఒక్కసారి పూర్తిగా ఛార్జ్ చేస్తే సుమారు 70 కిలోమీటర్ల నుంచి 80 కిలోమీటర్ల వరకు నాన్‌స్టాప్‌గా ప్రయాణించవచ్చు. ఇందులో అమర్చిన ఎలక్ట్రిక్ మోటార్ గరిష్టంగా గంటకు 25 కిలోమీటర్ల వేగంతో ప్రయాణించే సామర్థ్యాన్ని కలిగి ఉంటుంది. నగరాల లోపల ప్రయాణించడానికి ఈ వేగం సురక్షితమైనది, అనుకూలమైనదిగా చెప్పవచ్చు.

Komaki XR1 బ్యాటరీ పూర్తిగా ఛార్జ్ కావడానికి కేవలం 3 నుండి 4 గంటల సమయం మాత్రమే పడుతుంది. ఈ ప్రక్రియకు అయ్యే విద్యుత్ ఖర్చు కేవలం రూ. 8 నుంచి రూ. 10 మాత్రమే. ఇది రోజువారీ ప్రయాణ ఖర్చులను అత్యంత తక్కువగా ఉంచడంలో సహాయపడుతుంది.

Komaki సంస్థ ఈ మొపెడ్‌లో అన్ని రకాల అవసరమైన ఫీచర్లను అందించింది. రాత్రి వేళల్లో సురక్షితమైన ప్రయాణానికి బ్రైట్ హెడ్‌లైట్లు, టెయిల్ లైట్లు, టర్న్ ఇండికేటర్లను అమర్చారు. గుంతల రోడ్లపై కూడా సాఫీగా ప్రయాణించడానికి మంచి సస్పెన్షన్ సిస్టమ్ ఉంది. నిత్యం మార్కెట్ నుంచి కూరగాయలు లేదా ఇతర సామాన్లు తెచ్చుకోవడానికి వీలుగా ముందు భాగంలో ఒక పెద్ద బుట్టను ఏర్పాటు చేశారు. అలాగే, ఇద్దరు వ్యక్తులు ఎంతో సౌకర్యవంతంగా కూర్చోవడానికి వీలుగా రెండు విడివిడి సాఫ్ట్ కుషన్ సీట్లను కంపెనీ డిజైన్ చేసింది.

ప్రస్తుతం భారత మార్కెట్లో Komaki XR1 ఎలక్ట్రిక్ మొపెడ్ ప్రారంభ ఎక్స్-షోరూమ్ ధర రూ. 34,499 గా ఉంది. గత ఏడాది జూన్‌లో విడుదలైనప్పుడు దీని ధర రూ. 29,999 మాత్రమే ఉండేది. పెరిగిన డిమాండ్ కారణంగా కంపెనీ ఒక ఏడాదిలోనే దీని ధరను రూ. 4,500 వరకు పెంచింది. తక్కువ బడ్జెట్‌లో, ఎలాంటి నిర్వహణ ఖర్చులు లేకుండా, రోజూ ఆఫీసులకు లేదా మార్కెట్‌కు వెళ్లాలనుకునే వారికి, పాఠశాల పిల్లలకు Komaki XR1 ఒక తెలివైన, ఉత్తమ ఎంపిక అని నిపుణులు అభిప్రాయపడుతున్నారు.

ఎలక్ట్రిక్ స్కూటర్ల బ్యాట‌రీ మార్చ‌డం క‌ష్ట‌మా.? అపోహ‌లు ఏంటి.? నిజాలు ఏంటి.?

Narender Vaitla — Sun, 28 Jun 2026 08:33:15 +0530

Electric Scooter: భారత్‌లో ఎలక్ట్రిక్ వాహనాల వినియోగం వేగంగా పెరుగుతోంది. అయినా వాటి గురించి ఇప్పటికీ కొన్ని అపోహలు ప్రజల్లో ఉన్నాయి. అలాంటి కొన్ని ప్ర‌ధాన అపోహ‌లు ఏంటి.? అస‌లు నిజాలు ఏంటో ఇప్పుడు తెలుసుకుందాం.

ఎలక్ట్రిక్ స్కూటర్లపై ఎక్కువగా వినిపించే అపోహ ఇదే. ఒకసారి చార్జ్ చేస్తే కొద్ది కిలోమీటర్లు మాత్రమే వెళ్తాయని చాలా మంది అనుకుంటారు. కానీ ప్రస్తుతం వస్తున్న కొత్త మోడళ్లలో బ్యాటరీ సామర్థ్యం గణనీయంగా పెరిగింది. ఉదాహరణకు VIDA EVOOTER ఒకసారి పూర్తి చార్జ్ చేస్తే IDC ప్రమాణాల ప్రకారం 142 కిలోమీటర్ల వరకు ప్రయాణించగలదు. రోజువారీ ఉద్యోగం, వ్యాపారం లేదా నగర ప్రయాణాలకు ఈ రేంజ్ చాలామందికి సరిపోతుంది. బ్యాటరీ టెక్నాలజీ అభివృద్ధి చెందుతున్న కొద్దీ ఈ దూరం మరింత పెరుగుతోంది.

పెట్రోల్ బంక్‌లో కొన్ని నిమిషాల్లో ఇంధనం నింపేయొచ్చు కాబట్టి, ఎలక్ట్రిక్ స్కూటర్‌ను చార్జ్ చేయాలంటే చాలా సమయం పడుతుందని చాలామంది భావిస్తారు. అయితే ప్రస్తుతం ఫాస్ట్ ఛార్జింగ్ సదుపాయం అందుబాటులో ఉండటంతో ఈ సమస్య చాలా వరకు తగ్గిపోయింది. కొన్ని అడ్వాన్స్‌డ్ స్కూటీల్లో 0 నుంచి 80 శాతం వరకు బ్యాటరీ కేవలం 62 నిమిషాల్లోనే చార్జ్ అవుతుంది. అలాగే ఇందులో రిమూవబుల్ బ్యాటరీలు ఉండటంతో వాటిని ఇంటికి లేదా కార్యాలయానికి తీసుకెళ్లి సౌకర్యవంతంగా చార్జ్ చేసుకునే అవకాశం కూడా ఉంది. దీంతో ప్రత్యేకంగా ఛార్జింగ్ స్టేషన్ కోసం వెతకాల్సిన అవసరం ఉండదు.

ఎలక్ట్రిక్ స్కూటర్ల కొనుగోలు ధర ఎక్కువగా ఉంటుందని చాలా మంది వెనుకడుగు వేస్తుంటారు. కానీ కొనుగోలు ధర మాత్రమే కాకుండా మొత్తం నిర్వహణ ఖర్చును కూడా పరిగణనలోకి తీసుకోవాలి. ప్ర‌స్తుతం బేసిక్ ఎల‌క్ట్రిక్ స్కూట‌ర్ల ధ‌ర రూ.44,990 నుంచి ప్రారంభమవుతోంది. ఒకసారి కొనుగోలు చేసిన తర్వాత పెట్రోల్ ఖర్చు ఉండదు. ఇంజిన్ ఆయిల్ మార్చాల్సిన అవసరం ఉండ‌దు. సర్వీసింగ్ ఖర్చులు కూడా తక్కువగా ఉంటాయి. అదనంగా కొన్ని రాష్ట్రాల్లో ప్రభుత్వం అందించే సబ్సిడీలు కూడా వినియోగదారులకు ప్రయోజనం కలిగిస్తున్నాయి. దీర్ఘకాలంలో చూస్తే ఎలక్ట్రిక్ స్కూటర్ వినియోగం ఆర్థికంగా లాభదాయకంగా మారుతుంది.

బ్యాటరీలకు సంబంధించిన కొన్ని సంఘటనల కారణంగా ఎలక్ట్రిక్ స్కూటర్ల భద్రతపై సందేహాలు వ్యక్తమవుతున్నాయి. కానీ ప్రస్తుతం మార్కెట్లో లభిస్తున్న కొత్త మోడళ్లలో అధునాతన భద్రతా సాంకేతికతను ఉపయోగిస్తున్నారు. కొన్ని స్కూటీల్లో కంబైన్డ్ బ్రేకింగ్ సిస్టమ్, వివిధ రైడింగ్ మోడ్స్, స్మార్ట్ కంట్రోల్ ఫీచర్లు వంటి సదుపాయాలు ఉన్నాయి. ఇవి ప్రయాణాన్ని మరింత సురక్షితంగా మార్చడంలో సహాయపడతాయి. సరైన నాణ్యత ప్రమాణాలతో తయారైన వాహనాలను ఉపయోగిస్తే భద్రత విషయంలో ఆందోళన అవసరం ఉండదు.

ఎలక్ట్రిక్ స్కూటర్‌లో బ్యాటరీ మార్పిడి చాలా ఖరీదైన వ్యవహారమని కొందరు భావిస్తారు. కానీ బ్యాటరీ జీవితకాలం చాలా సంవత్సరాలు ఉంటుంది. కొన్ని సంస్థలు బ్యాటరీలకు మూడు సంవత్సరాల స్టాండర్డ్ వారంటీతో పాటు ఐదు సంవత్సరాల ఎక్స్‌టెండెడ్ వారంటీ ఎంపికను కూడా అందిస్తోంది. పైగా పెట్రోల్, ఇంజిన్ ఆయిల్, ఇతర నిర్వహణ ఖర్చుల్లో ఆదా అయ్యే మొత్తాన్ని పరిగణనలోకి తీసుకుంటే బ్యాటరీ మార్పిడి ఖర్చు పెద్ద భారం కాదని చెప్పవచ్చు.

ఎలక్ట్రిక్ వాహనాల వినియోగంలో ఒకప్పుడు ఛార్జింగ్ స్టేషన్ల కొరత పెద్ద సమస్యగా ఉండేది. అయితే ఇప్పుడు పరిస్థితి పూర్తిగా మారిపోయింది. దేశవ్యాప్తంగా ఛార్జింగ్ మౌలిక సదుపాయాలు వేగంగా విస్తరిస్తున్నాయి. ప్ర‌స్తుతం అన్ని ప్ర‌ముఖ సంస్థ‌లు ఫాస్ట్ ఛార్జింగ్ స్టేషన్లను ఏర్పాటు చేస్తున్నాయి. అదనంగా ఇంట్లోనే చార్జ్ చేసుకునే అవకాశం ఉండటంతో ఛార్జింగ్ కోసం ఎక్కువగా ఇబ్బంది పడాల్సిన అవసరం లేదు.

Budget EV Cars : టాటా టియాగో vs సిట్రోయెన్ eC3X .. కారు చవక ధరలో బెస్ట్ ఎలక్ట్రిక్ కారు ఏది?

Arun Kumar P — Fri, 19 Jun 2026 15:16:29 +0530

భారతదేశ బడ్జెట్ ఎలక్ట్రిక్ కార్ల మార్కెట్లో సిట్రోయెన్ eC3X, టాటా టియాగో ఈవీ మధ్య గట్టి పోటీ నెలకొంది. వీటి ధర, రేంజ్, ఫీచర్లు, స్పేస్, బ్యాటరీ వంటి పూర్తి వివరాలను ఇక్కడ పోల్చి చూద్దాం.

ఇండియాలో ఎలక్ట్రిక్ కార్ల వాడకం రోజురోజుకు పెరుగుతోంది. పెట్రోల్, డీజిల్ కార్లు కొనేవాళ్లు తగ్గుతున్నారు… EV కొనేవాళ్ల సంఖ్య రోజురోజుకీ పెరుగుతోంది. దీంతో ఫ్రాన్స్ కు చెందిన ప్రముఖ ఆటోమొబైల్ దిగ్గజం సిట్రోయెన్ తన eC3 మోడల్‌ను eC3X పేరుతో కొత్తగా ఇండియాకు తీసుకొచ్చింది. ఇదే సమయంలో ఇండియన్ ఆటోమొబైల్ దిగ్గజం టాటా మోటార్స్ కూడా తన పాపులర్ టియాగో ఈవీకి కొత్త లుక్, అడ్వాన్స్‌డ్ ఫీచర్లు జోడించి ఫేస్‌లిఫ్ట్ వెర్షన్‌ను లాంచ్ చేసింది. దీంతో ప్రస్తుతం తక్కువ బడ్జెట్‌లో ఎలక్ట్రిక్ కారు కొనాలనుకునే వాళ్లకు ఈ రెండూ బెస్ట్ ఆప్షన్లుగా నిలుస్తున్నాయి.

సిట్రోయెన్ eC3X ఎస్‌యూవీ లాంటి ఎత్తైన డిజైన్‌తో రోడ్డుపై ప్రత్యేకంగా కనిపిస్తుంది. ఎల్ఈడీ ప్రొజెక్టర్ హెడ్‌ల్యాంప్స్, డేటైమ్ రన్నింగ్ లైట్స్, ఎల్ఈడీ ఫాగ్ ల్యాంప్స్, 15-అంగుళాల అల్లాయ్ వీల్స్ దీని లుక్‌ను మరింత పెంచుతున్నాయి.

మరోవైపు టాటా టియాగో ఈవీ కొత్త ఫ్రంట్ డిజైన్, ఎల్ఈడీ హెడ్‌ల్యాంప్స్, కనెక్టెడ్ రియర్ ఎల్ఈడీ లైట్స్, డ్యూయల్-టోన్ రూఫ్, కొత్త వీల్ డిజైన్‌తో మోడ్రన్ హ్యాచ్‌బ్యాక్ లుక్‌లో ఆకట్టుకుంటోంది.

బ్యాటరీ కెపాసిటీ, రేంజ్ విషయంలో సిట్రోయెన్ eC3X కొంచెం ముందుంది. ఒక్కసారి ఫుల్ ఛార్జ్ చేస్తే సుమారు 320 కిలోమీటర్ల వరకు నిరంతరాయంగా ప్రయాణించవచ్చని కంపెనీ చెబుతోంది.

టాటా టియాగో ఈవి గరిష్ఠంగా 285 కిలోమీటర్ల రేంజ్ ఇస్తుంది. పేపర్‌పై ఈ తేడా పెద్దగా అనిపించినా సిటీ ప్రయాణాలకు, అప్పుడప్పుడు చేసే లాంగ్ ట్రిప్పులకు రెండు కార్లు సరిపోతాయి.

సిట్రోయెన్ eC3X పొడవైన వీల్‌బేస్, విశాలమైన క్యాబిన్‌ను కలిగి ఉంది. దీనివల్ల వెనుక సీట్లో కూర్చునే వారికి ఎక్కువ లెగ్‌రూమ్, సౌకర్యవంతమైన ప్రయాణం లభిస్తుంది. తరచుగా ఫ్యామిలీతో ప్రయాణించే వారికి ఇది మంచి ఆప్షన్.

ఇక టాటా టియాగో ఈవి ఒక కాంపాక్ట్ హ్యాచ్‌బ్యాక్ కావడంతో సిటీలోని ఇరుకైన రోడ్లలో డ్రైవింగ్ చేయడానికి, పార్కింగ్ చేయడానికి చాలా సులభంగా ఉంటుంది.

సౌకర్యాలు, టెక్నాలజీ ఫీచర్ల విషయంలో టాటా టియాగో ఈవీ స్పష్టంగా పైచేయి సాధించింది. ఇందులో 360-డిగ్రీ కెమెరా, బ్లైండ్ స్పాట్ మానిటర్, ఎలక్ట్రానిక్ స్టెబిలిటీ కంట్రోల్, హిల్ అసిస్ట్, కనెక్టెడ్ కార్ టెక్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే, ఆటోమేటిక్ క్లైమేట్ కంట్రోల్ వంటి ఎన్నో ఆధునిక ఫీచర్లు ఉన్నాయి.

సిట్రోయెన్ eC3Xలో 10.25-అంగుళాల టచ్‌స్క్రీన్, హై-క్వాలిటీ సౌండ్ సిస్టమ్, వైర్‌లెస్ స్మార్ట్‌ఫోన్ కనెక్టివిటీ వంటి రోజువారీ అవసరాలకు కావాల్సిన ముఖ్యమైన ఫీచర్లు ఉన్నాయి.

సిట్రోయెన్ eC3X ఎక్స్-షోరూమ్ ప్రారంభ ధర రూ.10.25 లక్షలు. బ్యాటరీ సర్వీస్ ప్లాన్‌ను ఎంచుకుంటే ప్రారంభ ధర రూ.6.89 లక్షలకు తగ్గుతుంది. టాటా టియాగో ఈవీ ప్రారంభ ధర రూ.6.99 లక్షలు కాగా, బ్యాటరీ సర్వీస్ ప్లాన్‌తో రూ.4.69 లక్షలకే లభిస్తుంది.

మొత్తంగా ఎక్కువ స్పేస్, ఎస్‌యూవీ లాంటి లుక్, ఫ్యామిలీ ప్రయాణాలకు సౌకర్యం కోరుకునే వారికి సిట్రోయెన్ eC3X సరైన ఎంపిక. కానీ తక్కువ ధరలో ఎక్కువ ఫీచర్లు, ఆధునిక టెక్నాలజీ, డబ్బుకు పూర్తి విలువ కావాలనుకునే కస్టమర్లకు టాటా టియాగో ఈవీ బెస్ట్ ఛాయిస్‌గా నిలుస్తుంది.

Used Car: దేశంలో ఎక్కువ మంది కొంటున్న సెకండ్ హ్యాండ్ కారు ఏంటో తెలుసా.?

Narender Vaitla — Sat, 27 Jun 2026 18:26:27 +0530

Used Car: భారత్‌లో సెకండ్ హ్యాండ్ కార్లకు డిమాండ్ రోజురోజుకూ పెరుగుతోంది. ఈ నేపథ్యంలో మారుతి సుజుకి స్విఫ్ట్ సెకండ్ హ్యాండ్ మార్కెట్‌లో అత్యధికంగా కొనుగోలు, విక్రయాలు జరిగే కార్లలో ఒకటిగా నిలిచింది.

మారుతి స్విఫ్ట్ విజయానికి ముఖ్యమైన కారణాల్లో ఒకటి తక్కువ నిర్వహణ ఖర్చు. దేశవ్యాప్తంగా మారుతి సుజుకికి విస్తృతమైన సర్వీస్ నెట్‌వర్క్ ఉండటంతో ఎక్కడైనా సులభంగా సర్వీసింగ్ చేయించుకోవచ్చు. అలాగే విడిభాగాలు కూడా సులభంగా, తక్కువ ధరలో లభిస్తాయి. దీంతో సెకండ్ హ్యాండ్ కారు కొనుగోలు చేసే వారు స్విఫ్ట్‌ను నమ్మకమైన ఎంపికగా భావిస్తున్నారు.

స్విఫ్ట్ పెట్రోల్, డీజిల్ రెండు వేరియంట్లలోనూ మంచి మైలేజ్ అందించే కారుగా గుర్తింపు పొందింది. తక్కువ ఇంధన ఖర్చుతో ఎక్కువ దూరం ప్రయాణించగలగడం వల్ల ఇది మొదటిసారి కారు కొనేవారికి కూడా ఆకర్షణీయంగా మారింది. ముఖ్యంగా సెకండ్ హ్యాండ్ మార్కెట్‌లో మాన్యువల్ గేర్‌బాక్స్ ఉన్న స్విఫ్ట్ కార్లకే ఎక్కువ డిమాండ్ కనిపిస్తోంది. ఇవి ఆటోమేటిక్ మోడళ్లతో పోలిస్తే తక్కువ ధరలో లభించడంతో పాటు నిర్వహణ ఖర్చు కూడా తక్కువగా ఉంటుంది.

ఎన్నో సంవత్సరాలుగా మార్కెట్లో ఉన్నప్పటికీ మారుతి స్విఫ్ట్ స్పోర్టీ డిజైన్ ఇప్పటికీ ఆకట్టుకుంటోంది. ముఖ్యంగా యువతలో ఈ కారుకు మంచి ఆదరణ ఉంది. నగరాల్లో ట్రాఫిక్ మధ్య సులభంగా డ్రైవ్ చేయడం, రోడ్లపై మంచి నియంత్రణ ఉండటం వల్ల రోజువారీ ప్రయాణాలకు ఇది అనువైన కారుగా భావిస్తున్నారు. అందుకే కొత్త మోడళ్లు వచ్చినా పాత స్విఫ్ట్ మోడళ్లకు కూడా డిమాండ్ తగ్గడం లేదు.

మారుతి స్విఫ్ట్ మరో పెద్ద ప్రత్యేకత దాని రీ-సేల్ విలువ. ఈ కారును కొన్న కొన్నేళ్ల తర్వాత విక్రయించినా మంచి ధర లభించే అవకాశం ఉంటుంది. నమ్మకమైన ఇంజిన్, తక్కువ నిర్వహణ ఖర్చు, మంచి మైలేజ్, దేశవ్యాప్తంగా ఉన్న సర్వీస్ సౌకర్యాలు కలిసి స్విఫ్ట్‌ను కొత్త కార్ల మార్కెట్‌లోనే కాదు, సెకండ్ హ్యాండ్ కార్ల మార్కెట్‌లో కూడా అత్యంత ప్రజాదరణ పొందిన మోడల్‌గా నిలబెట్టాయి. అందుకే ప్రస్తుతం కూడా వాడిన కారును కొనాలనుకునే వారి మొదటి ఎంపికల్లో మారుతి స్విఫ్ట్ ఒకటిగా కొనసాగుతోంది.

Best 7 Seater EV : ఫుల్ ఛార్జ్ చేస్తే 679 కి.మీ నాన్ స్టాప్ జర్నీ.. బెస్ట్ 7-సీటర్ ఎలక్ట్రిక్ కార్లు ఇవే

Arun Kumar P — Tue, 23 Jun 2026 18:32:19 +0530

ఒక్కసారి ఛార్జ్ చేస్తే 679 కి.మీ ప్రయాణం, పనోరమిక్ సన్‌రూఫ్, అదిరిపోయే ఫీచర్లు.. 2026 నాటికి భారతీయ కుటుంబాలను ఆకట్టుకుంటున్న బెస్ట్ 7-సీటర్ ఎలక్ట్రిక్ కార్లు ఏవో తెలుసా?

భారత్‌లో ఎలక్ట్రిక్ వాహనాలకు డిమాండ్ పెరుగుతోంది. పెద్ద కుటుంబాలకు సరిపోయే 7-సీటర్ EV కార్లు కూడా ఎక్కువగా అమ్ముడవుతున్నాయి. ఎక్కువ రేంజ్, ప్రీమియం ఫీచర్లు, తక్కువ నిర్వహణ ఖర్చు, పర్యావరణహిత టెక్నాలజీతో 2026 నాటికి కొత్తకొత్త మోడళ్లు మార్కెట్‌ లోకి వస్తున్నాయి. ఇలా సింగిల్ ఛార్జ్‌పై 679 కి.మీ. రేంజ్, పనోరమిక్ సన్‌రూఫ్, ADAS, ఆధునిక ఇన్ఫోటైన్‌మెంట్ సిస్టమ్స్ వంటి ఫీచర్లతో అందుబాటులో ఉన్న బెస్ట్ 7-సీటర్ EV కార్ల వివరాలు ఇక్కడ చూద్దాం.

పెద్ద కుటుంబాల కోసం డిజైన్ చేసిన కార్లలో కియా కారెన్స్ క్లావిస్ EV ముందువరుసలో ఉంటుంది. భారత మార్కెట్లో ఎంతో ఆసక్తిగా ఎదురుచూస్తున్న 7-సీటర్ ఎలక్ట్రిక్ కారు ఇది.

ప్రధాన ఫీచర్లు : 7 సీట్ల కెపాసిటీ, పనోరమిక్ సన్‌రూఫ్, ADAS లెవల్-2 సేఫ్టీ ,360-డిగ్రీ కెమెరా, డిజిటల్ ఇన్స్ట్రుమెంట్ క్లస్టర్

రేంజ్ : సుమారు 490 కి.మీ.

ధర : రూ. 18 లక్షల నుంచి ప్రారంభం (ఎక్స్-షోరూమ్).

సిటీ ప్రయాణాలకు, లాంగ్ ఫ్యామిలీ ట్రిప్పులకు ఇది బెస్ట్ ఆప్షన్.

మహీంద్రా కొత్త తరం ఎలక్ట్రిక్ SUV లలో XEV 9S చాలా ప్రత్యేకం. ఇది లేటెస్ట్ టెక్నాలజీతో నిండిపోయింది.

ప్రధాన ఫీచర్లు : పెద్ద పనోరమిక్ గ్లాస్ రూఫ్, ట్రిపుల్ స్క్రీన్ డాష్‌బోర్డ్, AI ఆధారిత కనెక్టివిటీ, ADAS సేఫ్టీ

రేంజ్ : 650 నుంచి 679 కి.మీ. వరకు ఉంటుంది.

ధర : రూ. 22 లక్షలు ఉంటుంది.

ఈ లిస్టులో అత్యధిక రేంజ్ ఇచ్చే మోడళ్లలో ఇది ఒకటి.

వియత్నాంకు చెందిన విన్‌ఫాస్ట్ కంపెనీ భారత మార్కెట్ కోసం ఈ 7-సీటర్ MPV EVని పరిచయం చేయనుంది.

ప్రధాన ఫీచర్లు : విశాలమైన క్యాబిన్, పెద్ద కుటుంబాలకు సరిపోయే మూడు వరుసల సీట్లు, పెద్ద టచ్‌స్క్రీన్, స్మార్ట్ కనెక్టివిటీ

రేంజ్ : సుమారు 450–500 కి.మీ.

అంచనా ధర : రూ. 20 లక్షల నుంచి ఉండే అవకాశాలున్నాయి.

ఇది కొత్త బ్రాండ్ అయినప్పటికీ ఇండియన్ EV మార్కెట్లో విన్‌ఫాస్ట్‌పై భారీ అంచనాలున్నాయి.

చైనా EV కంపెనీ BYD నుంచి వచ్చిన ఇమ్యాక్స్ 7 ప్రస్తుతం ఇండియాలో అందుబాటులో ఉన్న పాపులర్ 7-సీటర్ ఎలక్ట్రిక్ MPVలలో ఒకటి.

ప్రధాన ఫీచర్లు : బ్లేడ్ బ్యాటరీ టెక్నాలజీ, పనోరమిక్ సన్‌రూఫ్, వెంటిలేటెడ్ సీట్లు, ADAS సేఫ్టీ

రేంజ్ : 530 కి.మీ. వరకు

ధర : రూ. 26.90 లక్షల నుంచి ఉంటుంది.

ఎక్కువ స్పేస్, బెస్ట్ బ్యాటరీ టెక్నాలజీ దీని బలాలు.

ప్రీమియం సెగ్మెంట్‌లో 7-సీటర్ EV కొనాలనుకునే వారికి మెర్సిడెజ్ బెంజ్ EQB ఒక అద్భుతమైన ఆప్షన్.

ప్రధాన ఫీచర్లు : లగ్జరీ ఇంటీరియర్, MBUX ఇన్ఫోటైన్‌మెంట్ సిస్టమ్, అడ్వాన్స్‌డ్ సేఫ్టీ ఫీచర్లు, పనోరమిక్ సన్‌రూఫ్

రేంజ్ : సుమారు 535 కి.మీ.

ధర : రూ. 72 లక్షల నుంచి ఉంటుంది.

ప్రీమియం అనుభూతి, బ్రాండ్ వాల్యూ కోరుకునే వారికి ఇది సరైన ఎంపిక.

2026 నాటికి భారత EV మార్కెట్ కొత్త శిఖరాలకు చేరింది. ముఖ్యంగా పెద్ద కుటుంబాల కోసం రూపొందించిన 7-సీటర్ ఎలక్ట్రిక్ కార్లు, ఎక్కువ రేంజ్, ప్రీమియం ఫీచర్లు, తక్కువ మెయింటెనెన్స్‌తో కస్టమర్లను ఆకర్షిస్తున్నాయి. 679 కి.మీ. రేంజ్ ఇచ్చే మహీంద్రా XEV 9S నుంచి, బడ్జెట్ ధరలోని కియా కారెన్స్ క్లావిస్ EV వరకు.. ఇప్పుడు వివిధ బడ్జెట్లలో కార్లు అందుబాటులో ఉన్నాయి. కుటుంబంతో కలిసి టూర్లకు వెళ్లాలనుకునే వారికి ఇవి భవిష్యత్ ప్రయాణాలకు బెస్ట్ ఆప్షన్స్‌గా మారాయి.

ఎలక్ట్రిక్ స్కూటర్లకు లైసెన్స్ ఎందుకు అవసరం ఉండదు.. ఈ డౌట్ ఎప్పుడైనా వచ్చిందా.?

Narender Vaitla — Mon, 22 Jun 2026 10:36:48 +0530

Electric Scooter: భారత్‌లో ఎలక్ట్రిక్ వాహనాల వినియోగం పెరుగుతోంది. అయితే కొన్ని ఎలక్ట్రిక్ స్కూటర్లను నడపడానికి డ్రైవింగ్ లైసెన్స్ లేదా రిజిస్ట్రేషన్ అవసరం లేకపోవడం చాలా మందికి ఆశ్చర్యాన్ని కలిగిస్తుంది. మ‌రి దీనికి కార‌ణం ఏంటో ఎప్పుడైనా ఆలోచించారా

కేంద్ర ప్రభుత్వం ఎలక్ట్రిక్ స్కూటర్లను వాటి వేగం, మోటార్ సామర్థ్యం ఆధారంగా వర్గీకరించింది. కొన్ని స్కూటర్లు "లో-స్పీడ్ ఎలక్ట్రిక్ వాహనాలు" కేటగిరీలోకి వస్తాయి. సాధారణంగా గంటకు 25 కిలోమీటర్ల కంటే తక్కువ వేగంతో ప్రయాణించే ఎలక్ట్రిక్ స్కూటర్లకు డ్రైవింగ్ లైసెన్స్, ఆర్టీఓ రిజిస్ట్రేషన్ అవసరం ఉండదు. ఇలాంటి వాహనాలను తక్కువ ప్రమాదకర వాహనాలుగా ప్రభుత్వం పరిగణిస్తుంది. అందుకే వాటికి ప్రత్యేక మినహాయింపులు కల్పించింది

దేశంలో ఎలక్ట్రిక్ వాహనాల వినియోగాన్ని పెంచడం ప్రభుత్వ ప్రధాన లక్ష్యం. కాలుష్యాన్ని తగ్గించడం, ఇంధన వినియోగాన్ని నియంత్రించడం కోసం ఈవీలను ప్రోత్సహిస్తోంది. లో-స్పీడ్ స్కూటర్లు సాధారణంగా కాలనీలు, పట్టణ ప్రాంతాలు, చిన్న దూరాల ప్రయాణాలకు ఉపయోగపడతాయి. వీటి వేగం తక్కువగా ఉండటంతో ప్రమాదాల అవకాశం కూడా తక్కువగా ఉంటుందని ప్రభుత్వం భావిస్తోంది. అందుకే ప్రజలు సులభంగా ఈ వాహనాలను ఉపయోగించేందుకు లైసెన్స్ నిబంధనలను సడలించింది.

డ్రైవింగ్ లైసెన్స్ అవసరం లేదని చెప్పడం వల్ల ట్రాఫిక్ నిబంధనలు పాటించాల్సిన అవసరం లేదని కాదు. ఎలక్ట్రిక్ స్కూటర్ అయినా, ఇతర వాహనం అయినా రోడ్డు భద్రతా నియమాలు అందరికీ ఒకేలా వర్తిస్తాయి. ప్రయాణ సమయంలో హెల్మెట్ ధరించడం, ట్రాఫిక్ సిగ్నల్స్ పాటించడం, అతివేగంగా నడపకపోవడం, రోడ్డు భద్రతా నిబంధనలను పాటించ‌డం వంటివి క‌చ్చితంగా పాటించాల్సిందే.

అన్ని ఎలక్ట్రిక్ స్కూటర్లకు ఈ మినహాయింపు వర్తించదు. గంటకు 25 కిలోమీటర్ల కంటే ఎక్కువ వేగంతో వెళ్లే హై-స్పీడ్ ఎలక్ట్రిక్ స్కూటర్లు సాధారణ మోటార్ వాహనాల కిందకు వస్తాయి. అలాంటి స్కూటర్లకు డ్రైవింగ్ లైసెన్స్, ఆర్టీఓ రిజిస్ట్రేషన్, వాహన బీమా, నంబర్ ప్లేట్ తప్పనిసరిగా ఉండాలి. లేకపోతే చట్టపరమైన చర్యలు ఎదుర్కోవాల్సి ఉంటుంది.

ప్రభుత్వం తీసుకొచ్చిన ఈ సడలింపు వల్ల విద్యార్థులు, ఉద్యోగులు, చిన్న పట్టణాల్లో నివసించే ప్రజలు ఎక్కువగా లాభపడుతున్నారు. లైసెన్స్ పొందడానికి సమయం, ఖర్చు పెట్టాల్సిన అవసరం లేకుండా తక్కువ ధరలో ఎలక్ట్రిక్ స్కూటర్ కొనుగోలు చేసి ఉపయోగించగలుగుతున్నారు. అదే సమయంలో పర్యావరణహిత రవాణాను ప్రోత్సహించడంలో కూడా ఈ విధానం కీలకంగా మారింది. అయితే లైసెన్స్ మినహాయింపు ఉన్నా, భద్రత విషయంలో మాత్రం ఎలాంటి రాజీ పడకూడదని నిపుణులు సూచిస్తున్నారు.

Tata Tiago EV : ఇంత తక్కువ ధరలో ఇన్ని ఫీచర్లా..? టియాగో ఈవీ మార్కెట్ ని షేక్ చేసేలా ఉందే..!

Arun Kumar P — Fri, 19 Jun 2026 16:03:49 +0530

2026 టాటా టియాగో ఈవీ సరికొత్త డిజైన్, ప్రీమియం క్యాబిన్, 10.25 అంగుళాల టచ్‌స్క్రీన్, 360-డిగ్రీ కెమెరా వంటి ఎన్నో అప్‌గ్రేడ్స్‌తో వచ్చేసింది. ముఖ్యంగా సిటీ డ్రైవింగ్‌కు ఈ కారు అద్భుతమైన అనుభవాన్ని ఇస్తుంది.

తక్కువ ధరలో ఎలక్ట్రిక్ కారు కొనాలనుకునే వారికి టాటా టియాగో ఈవీ మంచి ఆప్షన్. ఇప్పుడు 2026 మోడల్‌లో చాలా కీలకమైన అప్‌డేట్స్‌తో ఈ హ్యాచ్‌బ్యాక్ సరికొత్తగా మార్కెట్లోకి వచ్చేసింది. కొత్త ఫ్రంట్ డిజైన్, ప్రీమియం క్యాబిన్, 10.25 అంగుళాల టచ్‌స్క్రీన్, డిజిటల్ ఇన్‌స్ట్రుమెంట్ క్లస్టర్, 360-డిగ్రీ కెమెరా, బ్లైండ్ స్పాట్ మానిటరింగ్, 6 ఎయిర్‌బ్యాగ్‌లు, లైఫ్‌టైమ్ బ్యాటరీ వారంటీ వంటి ఫీచర్లు ఈ కారు విలువను మరింత పెంచాయి. ఈ కారును రెండు బ్యాటరీ ఆప్షన్లతో అందుబాటులో ఉంది.

ఈ కారులో 19.2kWh, 24kWh అనే రెండు బ్యాటరీ ప్యాక్ ఆప్షన్లు ఉన్నాయి. 24kWh మోడల్ 74 bhp పవర్, 114 Nm టార్క్ ఇస్తుంది. ఇది సిటీ రోడ్లపై ఎలాంటి శబ్దం లేకుండా స్మూత్‌గా నడుస్తుంది. స్పోర్ట్ మోడ్‌లో పెడితే చాలా వేగంగా యాక్సిలరేట్ అవుతుంది. గరిష్ఠంగా గంటకు 122 కి.మీ వేగాన్ని అందుకోగలదు. డ్రైవ్, రివర్స్, న్యూట్రల్, స్పోర్ట్ అనే నాలుగు డ్రైవింగ్ మోడ్‌లు ఉండటంతో, డ్రైవింగ్ చాలా సులభంగా ఉంటుంది.

రేంజ్, ఛార్జింగ్ విషయంలో కూడా టియాగో ఈవీ చాలా మెరుగుపడింది. ARAI సర్టిఫైడ్ రేంజ్ 286 కి.మీ. ఉన్నప్పటికీ, నిజానికి రోడ్లపై దాదాపు 190 కి.మీ. వరకు ప్రయాణించవచ్చు. రోజూ ఆఫీసుకు వెళ్లడానికి, వారాంతాల్లో చిన్న ట్రిప్పులకు ఇది సరిపోతుంది. 3.3kW AC ఛార్జర్‌తో రాత్రంతా ఛార్జ్ చేయవచ్చు. ఇంకా వేగంగా ఛార్జింగ్ కావాలంటే 7.2kW AC ఛార్జర్‌ను ఆప్షన్‌గా ఎంచుకోవచ్చు.30kW DC ఫాస్ట్ ఛార్జర్‌తో కేవలం 30 నిమిషాల్లోనే 20% నుంచి 80% వరకు ఛార్జ్ చేయగలగడం లాంగ్ జర్నీలకు అదనపు బలం. బ్యాటరీని కారు కింది భాగంలో అమర్చడం వల్ల కారు స్టెబిలిటీ మెరుగుపడింది. సిటీ ట్రాఫిక్‌లో, హైవేలో స్టీరింగ్ చాలా కచ్చితంగా పనిచేస్తుంది. వెనుక ప్రయాణికుల కోసం ఏసీ వెంట్స్, సౌకర్యవంతమైన సీట్లు, అదనపు స్టోరేజ్ స్పేస్‌లు, 240 లీటర్ల బూట్ స్పేస్‌తో ఫ్యామిలీ అవసరాలను కూడా దృష్టిలో పెట్టుకుని దీన్ని డిజైన్ చేశారు.

మొత్తంగా చూస్తే 2026 టాటా టియాగో ఈవీ తక్కువ ధరలో ఎక్కువ ఫీచర్లు, మెరుగైన భద్రత, ఫాస్ట్ ఛార్జింగ్, తక్కువ మెయింటెనెన్స్ ఖర్చు, మంచి పనితీరును అందిస్తోంది. మొదటిసారి ఎలక్ట్రిక్ కారు కొనాలనుకునే వారికి, పెట్రోల్ కారు నుంచి ఎలక్ట్రిక్ కారుకు మారాలనుకునే వారికి ఇది కచ్చితంగా పరిశీలించాల్సిన ఆప్షన్.

CNG vs Flex Fuel : తక్కువ ఖర్చు, ఎక్కువ మైలేజ్.. సిఎన్జీ, ప్లెక్స్ ఫ్యూయల్ కార్లలో ఏది బెస్ట్?

Arun Kumar P — Sat, 20 Jun 2026 17:32:31 +0530

పెట్రోల్ ధరలు విపరీతంగా పెరుగుతుండటంతో చాలామంది CNG కార్ల వైపు చూస్తున్నారు. ఇప్పుడు మార్కెట్లోకి ఇథనాల్‌తో నడిచే ఫ్లెక్స్-ఫ్యూయల్ కార్లు కూడా వచ్చేశాయి. మరి ఈ రెండింటిలో ఏది బెటరో చూద్దాం.

ముడి చమురు దిగుమతిని, వినియోగదారుల ఆర్థిక భారాన్ని తగ్గించడానికి భారత ప్రభుత్వం ప్రత్యామ్నాయ ఇంధనాల వాడకాన్ని ప్రోత్సహిస్తోంది. ఈ క్రమంలో ఇథనాల్ కలిపిన పెట్రోల్ అంటే ఫ్లెక్స్ ఫ్యూయల్‌ను దేశవ్యాప్తంగా ప్రాచుర్యంలోకి తెచ్చే ప్రయత్నాలు జరుగుతున్నాయి. ఢిల్లీలో E85 ఇంధనాన్ని ప్రవేశపెట్టడంతో భారతదేశ ఇథనాల్ రవాణా ప్రణాళిక కొత్త దశకు చేరుకుంది. ఢిల్లీలో E85 ఇంధనం ధర లీటరుకు రూ.82.12గా నిర్ణయించారు. ఇది ప్రస్తుతం మార్కెట్లో ఉన్న సాధారణ E20 పెట్రోల్ కంటే దాదాపు రూ.20 తక్కువ.

మెయింటెనెన్స్ ఖర్చు తక్కువ కావడంతో చాలా కంపెనీలు ప్లెక్స్ ఫ్యూయల్ కార్ల తయారీపై దృష్టి పెట్టాయి. ఇప్పటికే మారుతి సుజుకి దేశంలోనే తొలి మాస్-మార్కెట్ ఫ్లెక్స్-ఫ్యూయల్ కారు 'వ్యాగన్ ఆర్ ఫ్లెక్స్-ఫ్యూయల్'ను పరిచయం చేసింది. ఈ క్రమంలో ఫ్లెక్స్-ఫ్యూయల్ కారు కొనడం మంచిదేనా? CNG కంటే ఇందులో మైలేజ్ ఎక్కువ వస్తుందా? అనే ప్రశ్నలు సహజంగానే తలెత్తుతున్నాయి.

గత కొన్నేళ్లుగా భారత మార్కెట్లో CNG కార్లకు మంచి ఆదరణ ఉంది. పెట్రోల్, డీజిల్ కంటే CNG ధర గణనీయంగా తక్కువగా ఉండటంతో, కిలోమీటరుకు అయ్యే ప్రయాణ ఖర్చు చాలా తక్కువ. చాలా CNG కార్లు ఒక కిలోకు 25 నుంచి 35 కిలోమీటర్ల వరకు మైలేజ్ ఇస్తాయి. అందుకే రోజూ ఆఫీసుకు వెళ్లేవారు, ట్యాక్సీ డ్రైవర్లు, తరచుగా లాంగ్ డ్రైవ్‌లు చేసేవారు CNG కార్లనే మొదటి ఆప్షన్‌గా ఎంచుకుంటున్నారు.

మరోవైపు ఫ్లెక్స్-ఫ్యూయల్ వాహనాలు సాధారణ పెట్రోల్‌తో పాటు, E85 లేదా E100 వంటి అధిక శాతం ఇథనాల్ కలిపిన ఇంధనంతో కూడా నడుస్తాయి. ఇథనాల్ ధర పెట్రోల్ కంటే తక్కువే అయినా దాని 'ఎనర్జీ డెన్సిటీ' (శక్తి సాంద్రత) తక్కువ. అంటే CNG లేదా సాధారణ పెట్రోల్ కారు ప్రయాణించే దూరానికి, ఫ్లెక్స్-ఫ్యూయల్ కారుకు కొంచెం ఎక్కువ ఇంధనం అవసరం. దీనివల్ల మైలేజ్ కాస్త తక్కువగా వచ్చే అవకాశం ఉంది.

కార్ల ధరలను పరిశీలిస్తే ప్రస్తుతం CNG కార్లు మార్కెట్లో సులభంగా అందుబాటులో ఉన్నాయి, అనేక మోడల్స్ కూడా ఉన్నాయి. అయితే సాధారణ పెట్రోల్ మోడల్ కంటే CNG మోడల్ ధర సుమారు రూ.80,000 నుంచి రూ.1 లక్ష వరకు ఎక్కువగా ఉంటుంది.

మరోవైపు ఫ్లెక్స్-ఫ్యూయల్ టెక్నాలజీ భారతదేశంలో ఇంకా ప్రారంభ దశలోనే ఉంది. కాబట్టి ప్రస్తుతానికి ఈ రకం కార్ల ఆప్షన్స్ తక్కువగా ఉన్నాయి. ఇటీవల ప్రదర్శించిన మారుతి వ్యాగన్ ఆర్ ఫ్లెక్స్-ఫ్యూయల్ కారు అంచనా ఎక్స్-షోరూమ్ ధర రూ.7.24 లక్షలు అని చెబుతున్నారు. ఇది సాధారణ పెట్రోల్ మోడల్ కంటే సుమారు రూ.85,000 నుంచి రూ.86,000 వరకు ఎక్కువ.

ప్రయాణ ఖర్చు, మైలేజ్‌ను మాత్రమే పరిగణనలోకి తీసుకుంటే ప్రస్తుత పరిస్థితుల్లో CNG కార్లే ఎక్కువ లాభదాయకంగా కనిపిస్తున్నాయి. కానీ ఫ్లెక్స్-ఫ్యూయల్ టెక్నాలజీలో అతిపెద్ద ప్లస్ పాయింట్ ఏంటంటే… ఇది దేశీయంగా తయారయ్యే ఇథనాల్ వాడకాన్ని పెంచి, దేశ ఆర్థిక వ్యవస్థకు సహాయపడుతుంది.

మీ ప్రాంతంలో CNG బంక్ నెట్‌వర్క్ బాగుండి, మీ వార్షిక ప్రయాణం (కిమీ) ఎక్కువగా ఉంటే, మీరు నిస్సందేహంగా CNG కారును ఎంచుకోవచ్చు. కానీ భవిష్యత్తులో దేశవ్యాప్తంగా E85 ఇంధనం లభ్యత పెరిగి, ఫ్లెక్స్-ఫ్యూయల్ కార్ల ధరలు కూడా తగ్గితే, ఈ టెక్నాలజీ CNGకి గట్టి పోటీదారుగా మారడంలో ఎలాంటి సందేహం లేదు.

పెట్రోల్ ధ‌ర‌లు ఎంతైనా పెర‌గ‌ని.. 176 కి.మీల మైలేజ్ ఇచ్చే ఈ ఎలక్ట్రిక్ స్కూటీ ధ‌ర ల‌క్ష‌లోపే

Narender Vaitla — Tue, 23 Jun 2026 17:34:03 +0530

Ola S1 X 3kWh: పెరుగుతున్న పెట్రోల్ ధరల నేపథ్యంలో Ola S1 X 3kWh ఎలక్ట్రిక్ స్కూటర్ ప్రజలకు మంచి ఛాయిస్ గా మారింది. దీని ఎక్స్-షోరూమ్ ధర రూ. 97,381గా ఉంది. ఈ స్కూటీకి సంబంధించిన పూర్తి వివరాలు ఇప్పుడు తెలుసుకుందాం.

పెరుగుతున్న పెట్రోల్ ధరల నేపథ్యంలో Ola S1 X 3kWh ఎలక్ట్రిక్ స్కూటర్ ప్రజలకు ఆకర్షణీయమైన ఎంపికగా నిలుస్తోంది. దీని ఎక్స్-షోరూమ్ ధర రూ. 97,381. ఇది ఒక్క ఛార్జ్‌పై 176 కిలోమీటర్ల IDC రేంజ్‌ను, 123 kmph గరిష్ట వేగాన్ని అందిస్తుంది. డిజిటల్ డిస్‌ప్లే, నావిగేషన్, క్రూయిజ్ కంట్రోల్ వంటి స్మార్ట్ ఫీచర్లతో కూడిన ఈ స్కూటర్, పెరుగుతున్న ఇంధన ఖర్చుల నుంచి ఉపశమనం పొందాలనుకునే వారికి సరైన బడ్జెట్-ఫ్రెండ్లీ ఎంపికగా చెప్పొచ్చు.

పెట్రోల్ ధరలు నిరంతరం పెరుగుతున్నందున, ఎలక్ట్రిక్ స్కూటర్లు ఇప్పుడు ప్రజలకు మొదటి ఎంపికగా మారుతున్నాయి. మీరు ప్రతిరోజూ ఆఫీసు, కాలేజీ లేదా నగరం లోపల ప్రయాణిస్తున్నట్లయితే, Ola S1 X 3kWh మీకు మంచి ఛాయిస్ గా చెప్పొచ్చు. ఈ స్కూటర్ భారీ రేంజ్, శక్తివంతమైన వేగం, బడ్జెట్-ఫ్రెండ్లీ ధరతో వస్తుంది.

Ola S1 X 3kWh ఎక్స్-షోరూమ్ ధర రూ. 97,381. ఈ ధరకు లభించే ఫీచర్లు, రేంజ్ దాని సెగ్మెంట్‌లో దీన్ని ప్రత్యేకంగా నిలుపుతాయి. తక్కువ ఖర్చుతో ఎలక్ట్రిక్ స్కూటర్‌ను కొనుగోలు చేయాలనుకునే కస్టమర్‌లకు ఈ మోడల్ ఆకర్షణీయమైన ఎంపికగా ఉంటుంది.

కంపెనీ ప్రకారం, Ola S1 X 3kWh ఒకసారి పూర్తి ఛార్జ్ అయిన తర్వాత 176 కిలోమీటర్ల వరకు IDC రేంజ్‌ను అందిస్తుంది. రోజువారీ ఆఫీసుకు వెళ్లే వారికి లేదా ఎక్కువ దూరం ప్రయాణించే వారు తరచుగా ఛార్జింగ్ చేయాల్సిన పని ఉండదు. ఈ ఎలక్ట్రిక్ స్కూటర్‌లో 3kWh లిథియం-అయాన్ బ్యాటరీని అమర్చారు. రోజువారీ వినియోగాన్ని దృష్టిలో ఉంచుకొని రూపొందించిన ఈ బ్యాటరీ నగరం లోపల ప్రయాణించే వినియోగదారులకు అనుకూలంగా ఉంటుంది.

Ola S1 X 3kWh ప్రత్యేకతలలో దాని గరిష్ట వేగం కూడా ఒకటి. ఈ స్కూటీ 123 కిలోమీటర్ల వేగంతో దూసుకెళ్తుంది. ఎక్కువ వేగం ఇష్టపడే యువకులకు ఈ ఫీచర్ ప్రత్యేక ఆకర్షణగా చెప్పొచ్చు. మీ రోజువారీ ప్రయాణం 30 నుంచి 50 కిలోమీటర్ల మధ్య ఉన్నట్లయితే, ఈ స్కూటర్ మీకు మంచి ఎంపికగా ఉంటుంది.

ఆఫీసుతో పాటు కాలేజీకి వెళ్లే వారికి ఈ స్కూటర్ అద్భుతమైన ప్రయాణ అనుభవాన్ని అందిస్తుంది. దీని విస్తృతమైన రేంజ్, తక్కువ నిర్వహణ ఖర్చులతో, Ola S1 X 3kWh దైనందిన ప్రయాణాలను సౌకర్యవంతంగా చేస్తుంది. పెట్రోల్ ఖర్చులు ఆదా చేయడమే కాకుండా, పర్యావరణ పరిరక్షణకు కూడా ఇది సహాయపడుతుంది.

అదిరిపోయే ఆధునిక ఫీచర్లు

Ola S1 X లో డిజిటల్ డిస్‌ప్లే, నావిగేషన్ సపోర్ట్, క్రూయిజ్ కంట్రోల్, రైడింగ్ మోడ్‌లు, స్మార్ట్ కనెక్టివిటీ వంటి అనేక ఆధునిక ఫీచర్లు ఉన్నాయి. ఈ సౌకర్యాలు రైడింగ్‌ను మరింత సులభతరంతో పాటు సౌకర్యవంతంగా చేస్తాయి. నిరంతరం పెరుగుతున్న పెట్రోల్ ఖర్చులతో ఇబ్బంది పడుతున్న వారికి Ola S1 X ఒక అద్భుతమైన ప్రత్యామ్నాయంగా నిలుస్తోంది.

EV scooter: ఫోన్ కంటే తక్కువ ధరలో స్కూటీ.. 150 కిలోమీటర్ల మైలేజ్, లైసెన్స్, రిజిస్ట్రేషన్ అవసరం లేదు

Narender Vaitla — Fri, 19 Jun 2026 14:57:48 +0530

EV scooter: భారత్‌లో ఎలక్ట్రిక్ వాహనాల వినియోగం వేగంగా పెరుగుతోంది. ముఖ్యంగా చిన్న పట్టణాలు, గ్రామీణ ప్రాంతాల్లో తక్కువ ధరలో లభించే ఎలక్ట్రిక్ స్కూటర్లకు మంచి డిమాండ్ ఉంది. అలాంటి కొన్ని ప్రముఖ ఎలక్ట్రిక్ స్కూటర్ల వివరాలు ఇప్పుడు తెలుసుకుందాం.

మోటార్ వెహికల్ యాక్ట్ 1988 ప్రకారం 250W లోపు మోటార్ సామర్థ్యం, గంటకు 25 కిలోమీటర్లలోపు గరిష్ట వేగం ఉన్న ఎలక్ట్రిక్ స్కూటర్లకు రిజిస్ట్రేషన్, డ్రైవింగ్ లైసెన్స్ అవసరం ఉండదు. దీంతో విద్యార్థులు, వృద్ధులు, గ్రామీణ ప్రాంతాల ప్రజలు వీటిని ఎక్కువగా కొనుగోలు చేస్తున్నారు.

ఆంపియర్ రియో ఎలైట్ ధర సుమారు రూ.42,999 నుంచి ప్రారంభమవుతుంది. ఇందులో 250W BLDC హబ్ మోటార్, గరిష్ట వేగం 25 కిమీ/గంట, ఒక్కసారి చార్జ్ చేస్తే 55–60 కిమీ రేంజ్, 5 నుంచి 6 గంటల్లో పూర్తి చార్జ్, బ్యాటరీపై 2 ఏళ్ల వారంటీ, స్పీడోమీటర్, ప్యాసింజర్ ఫుట్‌రెస్ట్, ఛార్జింగ్ పోర్ట్ వంటి ప్రాథమిక ఫీచర్లు ఇందులో ఉన్నాయి.

ఒకినావా R30 ధర సుమారు రూ.58,992 గా ఉంది. ఇందులో 250W BLDC మోటార్, గరిష్ట వేగం 25 కిమీ/గంట, ఒక్కసారి చార్జ్‌తో 60 కిమీ రేంజ్, 4 నుంచి 5 గంటల్లో చార్జ్ అవుతుంది. ఇందులో LED లైట్లు, DRL, యాంటీ-థెఫ్ట్ అలారం, సెంట్రల్ లాకింగ్ వంటి ఆధునిక ఫీచర్లు ఉన్నాయి.

లోహియా ఓమా స్టార్ ప్రారంభ ధర సుమారు రూ.40,850 గా ఉంది. ఈ స్కూటీలో 250W మోటార్, 70 కిమీ వరకు రేంజ్, 4.5 నుంచి 5 గంటల ఛార్జింగ్ సమయం పడుతుంది. అలాగే టర్న్ ఇండికేటర్లు, బ్యాటరీ స్టేటస్ ఇండికేటర్, బేసిక్ లైటింగ్ సిస్టమ్ వంటి ఫీచర్లు ఉన్నాయి.తక్కువ బడ్జెట్‌లో ఎక్కువ రేంజ్ కోరుకునేవారికి ఇది మంచి ఆప్షన్ గా చెప్పవచ్చు.

కొమాకి XGT KM ధర సుమారు రూ.42,500. ఇతర లో-స్పీడ్ స్కూటర్లతో పోలిస్తే ఇది కొంచెం భిన్నంగా ఉంటుంది. ఇందులో 130 నుంచి 150 కిమీ వరకు రేంజ్, గరిష్ట వేగం 60 కిమీ/గంట వరకు, LED లైటింగ్, డిస్క్ బ్రేకులు, ట్యూబ్‌లెస్ టైర్లు వంటి ఫీచర్లు ఉన్నాయి. అయితే దీని వేగం 25 కిమీ/గంట కంటే ఎక్కువగా ఉండే అవకాశం ఉన్నందున, కొనుగోలు చేసే ముందు లైసెన్స్, రిజిస్ట్రేషన్ నిబంధనలను తప్పనిసరిగా పరిశీలించాలి.

గమనిక: వాహనాల ధరలు నగరం, డీలర్, ఆఫర్లను బట్టి మారవచ్చు. కొనుగోలు ముందు అధికారిక డీలర్ వద్ద తాజా వివరాలు తెలుసుకోవడం మంచిది.

Vehicle Number Plates: కార్లకు నంబర్ ప్లేట్లు ఎందుకు ఉంటాయి? అసలు ఈ సిస్టమ్ ఎప్పుడు, ఎక్కడ మొదలైందో తెలుసా?

Mahesh Rajamoni — Wed, 24 Jun 2026 11:47:54 +0530

Vehicle Number Plates: వాహనాలకు నంబర్ ప్లేట్లు ఎందుకు వచ్చాయి? వైట్, ఎల్లో, గ్రీన్.. నంబర్ ప్లేట్లలో ఇన్ని కలర్స్ ఎందుకు ఉంటాయో తెలుసా? వాటి చరిత్ర ఏంటి? ఇండియాలో రూల్స్ ఎలా మారాయో ఇక్కడ తెలుసుకుందాం.

ఈ మధ్య సోషల్ మీడియాలో ఒక వీడియో తెగ వైరల్ అవుతోంది. స్టీరింగ్ మీద ఉన్న ఒక బటన్ నొక్కగానే కార్ నంబర్ ప్లేట్ మారిపోయే మ్యాజిక్ లాంటి సీన్ ఆ వీడియోలో ఉంది. ఇది చూసి జనాలు షాక్ అవుతున్నారు. కట్ చేస్తే, సరిగ్గా ఇదే టైమ్‌లో మన దేశంలో ఫేక్, ట్యాంపర్డ్ నంబర్ ప్లేట్లపై పోలీసులు సీరియస్ యాక్షన్ తీసుకుంటున్నారు.

రీసెంట్‌గా హైదరాబాద్‌లో పోలీసులు ‘ఆపరేషన్ కవచ్’ నిర్వహించారు. ఇందులో భాగంగా నంబర్ ప్లేట్లను మార్చిన, ఫేక్ నంబర్లు వాడుతున్న 2,100 పైగా వాహనాలను సీజ్ చేశారు. ఒకే నంబర్‌ను వేర్వేరు బండ్లకు వాడటం, క్లోనింగ్ చేయడం లాంటి ఫ్రాడ్స్ బయటపడ్డాయి. రిజిస్టర్డ్ నంబర్ ప్లేట్‌తో ఆటలాడితే క్రిమినల్ యాక్షన్ తప్పదని హైదరాబాద్ పోలీస్ కమిషనర్ వి.సి. సజ్జనార్ హెచ్చరించారు. ఈ నేపథ్యంలో అసలు నంబర్ ప్లేట్ అంటే ఏంటి? దీని కథ ఎప్పుడు ఎక్కడ మొదలైందో ఇప్పుడు తెలుసుకుందాం.

మోటార్ వాహనాల చట్టం (Motor Vehicles Act), 1988 లోని సెక్షన్ 41(6) ప్రకారం.. ఒక వాహనానికి ఇచ్చే రిజిస్ట్రేషన్ నంబర్ అనేది రవాణా శాఖ ఇచ్చే అధికారిక గుర్తింపు. దీన్ని ప్రాంతీయ రవాణా అధికారి (RTO) కేటాయిస్తారు. ఇండియాలో రోడ్లపై తిరిగే ఏ వాహనానికైనా ఇదే లీగల్ ఐడెంటిటీ. సెక్షన్ 39 ప్రకారం.. వాలిడ్ రిజిస్ట్రేషన్ నంబర్ లేకుండా బండి నడపడం చట్టరీత్యా నేరం. వాహనానికి ముందు, వెనుక వైపులా ఈ నంబర్ స్పష్టంగా కనిపించాలని రూల్ చెబుతోంది.

మన దేశంలో నంబర్ ప్లేట్ ఫార్మాట్ ఒక పద్ధతి ప్రకారం ఉంటుంది. ఉదాహరణకు “TN 06 AB 1234” అనే నంబర్ ఉందనుకుందాం. ఇందులో మొదటి రెండు అక్షరాలు (TN) బండి ఏ స్టేట్‌లో రిజిస్టర్ అయిందో చెప్తాయి. ఆ తర్వాత వచ్చే రెండు అంకెలు (06) ఆ రాష్ట్రంలోని ఆర్టీవో లేదా జిల్లా ఆఫీస్‌ను సూచిస్తాయి. మధ్యలో ఉండే ఆల్ఫాబెట్స్ (AB) ఆ నంబర్ ఏ సిరీస్‌లో వచ్చిందో చెప్తాయి. చివరలో ఉండే నాలుగు అంకెలు (1234) ఆ బండికి మాత్రమే కేటాయించిన యూనిక్ నంబర్. ఇప్పుడు ఇదంతా కంప్యూటరైజ్డ్ కాబట్టి మోసాలు చేయడం అంత ఈజీ కాదు.

ప్రపంచంలోనే మొదటిసారిగా ఫ్రాన్స్ దేశం వాహనాలకు గుర్తింపు ప్లేట్లను ప్రవేశపెట్టింది. ఆగస్టు 14, 1893న ప్యారిస్ పోలీసులు ఈ రూల్ తెచ్చారు. రోడ్డు ప్రమాదాలు చేసి పారిపోయే వాహనాలను పట్టుకోవడానికి ఇది స్టార్ట్ అయింది. అప్పట్లో నంబర్‌తో పాటు ఓనర్ పేరు, అడ్రస్ కూడా ప్లేట్ మీద రాయాల్సి వచ్చేది. ఆ తర్వాత 1896లో జర్మనీ, 1898లో నెదర్లాండ్స్ ఈ పద్ధతిని నేషనల్ వైడ్‌గా అడాప్ట్ చేసుకున్నాయి. అమెరికాలోని న్యూయార్క్‌లో 1901లో నంబర్ ప్లేట్లను తప్పనిసరి చేశారు. కాకపోతే అప్పట్లో ఓనర్లే లెదర్ లేదా మెటల్ మీద నంబర్లు రాసుకునేవారు. 1903లో మాసచుసెట్స్ స్టేట్ మొదటిసారి అధికారిక ప్లేట్లను ఇచ్చింది.

బ్రిటిష్ కాలంలో 1914 నాటి ఇండియన్ మోటార్ వెహికల్స్ యాక్ట్ ద్వారా ఇండియాలో ఈ సిస్టమ్ అధికారికంగా వచ్చింది. కానీ, అంతకంటే ముందే బాంబే (1901), బెంగాల్ (1903), మద్రాస్ (1907), పంజాబ్ (1907), బర్మా (1906) వంటి ప్రావిన్సుల్లో లోకల్ రూల్స్ ఉండేవి. వాహనాలు పెరిగిపోవడంతో 1939లో ఒక పక్కా సిస్టమ్ తీసుకొచ్చారు. ఆ తర్వాత 1988 మోటార్ వెహికల్ యాక్ట్, 1989 సెంట్రల్ మోటార్ వెహికల్ రూల్స్ ద్వారా ఇప్పుడు మనం చూస్తున్న యూనిఫాం స్టేట్ కోడ్స్ సిస్టమ్ అమలులోకి వచ్చింది.

ఇప్పుడు నంబర్ ప్లేట్లలో చాలా రకాల కలర్స్ వచ్చాయి. ప్రైవేట్ వాహనాలకు తెల్లటి ప్లేట్ పై నల్లటి అక్షరాలు, కమర్షియల్ బండ్లకు పసుపు ప్లేట్, ఎలక్ట్రిక్ వెహికల్స్ కి ఆకుపచ్చ ప్లేట్ వాడుతున్నారు. ఫ్రాడ్స్ జరగకుండా క్రోమియం బేస్డ్ హోలోగ్రామ్స్, లేజర్ కోడ్స్‌తో కూడిన 'హై సెక్యూరిటీ రిజిస్ట్రేషన్ ప్లేట్లు' (HSRP) తెచ్చారు. ఇక 2021లో 'BH' అంటే భారత్ సిరీస్ తీసుకొచ్చారు. దీనివల్ల ఉద్యోగాల రీత్యా వేరే రాష్ట్రాలకు బదిలీ అయ్యేవాళ్లు పదే పదే బండిని రీ-రిజిస్ట్రేషన్ చేయించుకోవాల్సిన అవసరం లేదు. నాటి ప్యారిస్ పోలీసుల రూల్ నుండి నేటి డిజిటల్ సిస్టమ్ వరకు నంబర్ ప్లేట్ల ప్రయాణం చాలా ఇంట్రెస్టింగ్ గా సాగింది.

EV Bike Subsidy : ఈ మహిళలకు బంపర్ ఆఫర్ .. ఇ-బైక్ పై ఏకంగా లక్ష రూపాయల సబ్సిడీ

Arun Kumar P — Tue, 16 Jun 2026 16:13:07 +0530

ఉద్యోగం చేసే మహిళలు, కాలేజీ విద్యార్థినులకు గుడ్ న్యూస్. ఎలక్ట్రిక్ టూ-వీలర్ కొనేందుకు పుదుచ్చేరి ప్రభుత్వం 75% లేదా రూ.1 లక్ష వరకు సబ్సిడీ ఇస్తోంది. మహిళల భద్రత, విద్య, ఆర్థిక ప్రగతిని ప్రోత్సహించడమే ఈ స్కీమ్ లక్ష్యం.

మహిళల చదువు, ఉద్యోగం, ఆర్థిక ప్రగతిని ప్రోత్సహించేందుకు పుదుచ్చేరి ప్రభుత్వం 'ముదల్వరిన్ పుదుమై పెణ్ స్కీమ్' అమలు చేస్తోంది. ఈ పథకం కింద మహిళా ఉద్యోగులు, కాలేజీ అమ్మాయిలు ఇ-బైక్ కొనేందుకు 75% లేదా గరిష్ఠంగా రూ.1 లక్ష వరకు సబ్సిడీ పొందవచ్చు. మహిళా సాధికారత, సురక్షిత ప్రయాణంతో పాటు పర్యావరణ హితమైన ఎలక్ట్రిక్ వాహనాలను ప్రోత్సహించడం కూడా ఈ పథకం ముఖ్య ఉద్దేశం.

ఈ పథకానికి అప్లై చేయాలంటే మహిళలు కొన్ని అర్హతలు ఉండాలి.

దరఖాస్తుదారులు ఎస్సీ లేదా ఎస్టీ వర్గానికి చెందినవారై ఉండాలి.
పుదుచ్చేరిలో కనీసం 5 ఏళ్లుగా నివసిస్తూ ఉండాలి.
వయసు 18 నుంచి 40 ఏళ్ల మధ్య ఉండాలి.
కుటుంబ వార్షిక ఆదాయం రూ.8 లక్షల లోపు ఉండాలి.
తప్పనిసరిగా టూ-వీలర్ డ్రైవింగ్ లైసెన్స్ ఉండాలి.
ప్రభుత్వ, ప్రభుత్వ రంగ సంస్థలు, బ్యాంకు ఉద్యోగులకు ఈ పథకం వర్తించదు.

భారీ సబ్సిడితో స్కూటీని పొందేందుకు ముందుకు అప్లై చేసుకోవాలి. ఈ సమయంలో జనన ధృవీకరణ పత్రం, నివాస ధృవీకరణ పత్రం, కుల ధృవీకరణ పత్రం, ఆదాయ ధృవీకరణ పత్రం, ఆధార్ కార్డు, డ్రైవింగ్ లైసెన్స్, వాహనం అసలు ఇన్వాయిస్ సమర్పించాలి. ఉద్యోగం చేసే మహిళలు EPF/ESI కార్డ్, జీతం స్లిప్ లేదా ఇ-శ్రమ్ కార్డ్‌ను జతచేయాలి. విద్యార్థినులు కాలేజీ బోనఫైడ్ సర్టిఫికేట్ ఇవ్వాలి.

ఈ పథకానికి ఆన్‌లైన్, ఆఫ్‌లైన్ పద్ధతుల్లో దరఖాస్తు చేసుకోవచ్చు. ఆన్‌లైన్‌లో అప్లై చేయాలనుకునేవారు పుదుచ్చేరి ప్రభుత్వ ఇ-డిస్ట్రిక్ట్ పోర్టల్‌లో 'ముదల్వరిన్ పుదుమై పెణ్ స్కీమ్ ఫర్ ఇ-స్కూటర్ సబ్సిడీ' లింక్ ద్వారా దరఖాస్తు చేసుకోవాలి. ఆఫ్‌లైన్‌లో అయితే, పుదుచ్చేరి ఆది ద్రావిడర్, గిరిజన సంక్షేమ శాఖ కార్యాలయాల్లో ఉచితంగా దరఖాస్తు ఫారం తీసుకుని, నింపి సమర్పించవచ్చు.

అధికారులు దరఖాస్తులను పరిశీలించి 'ముందు వచ్చిన వారికి మొదటి ప్రాధాన్యం' పద్ధతిలో లబ్ధిదారులను ఎంపిక చేస్తారు. వాహనం కొన్న తర్వాత దాని అసలు ఇన్వాయిస్‌ను సమర్పించగానే, సబ్సిడీ డబ్బును నేరుగా లబ్ధిదారుని బ్యాంక్ ఖాతాలో DBT పద్ధతిలో జమ చేస్తారు. అయితే సబ్సిడీ పొందిన వాహనాన్ని కొన్న 5 ఏళ్ల వరకు అమ్మడం లేదా లీజుకు ఇవ్వడం చేయకూడదు. ఈ అద్భుత అవకాశాన్ని అర్హులైన మహిళలు, విద్యార్థినులు సద్వినియోగం చేసుకోవచ్చు.

Top 5 Indian Cars : ఏళ్ళ తరబడి వాడినా కొన్న ధరకే కారు అమ్మొచ్చా..! బెస్ట్ రీసేల్ వ్యాల్యూ ఉన్న 5 కార్లు ఇవే

Arun Kumar P — Fri, 19 Jun 2026 14:00:30 +0530

మనం ఓ కారు కొనేటప్పుడు దాని రీసేల్ వ్యాల్యూ గురించి ఆలోచించడం చాలా ముఖ్యం. సరైన కారును ఎంచుకుంటే ఎన్నేళ్లు వాడినా కొన్న ధరలో 70-80% రాబట్టుకోవచ్చు. ఇలా మంచి రీసేల్ అవకాశాలుండే టాాప్ 5 కార్లు ఏవో తెలుసా?

కొత్త కారు కొనేటప్పుడు చాలామంది ధర, మైలేజ్, ఫీచర్ల గురించే ఎక్కువగా ఆలోచిస్తారు. కానీ కారు కొనే ముందే దాని రీసేల్ వ్యాల్యూ గురించి ఆలోచించడం చాలా ముఖ్యం. తప్పుడు కారును ఎంచుకుంటే కొన్నేళ్లకే దాని విలువ సగానికి పడిపోతుంది… అదే సరైన కారును సెలెక్ట్ చేసుకుంటే 4-5 ఏళ్లు వాడాక కూడా 70% నుంచి 80% వరకు మంచి రేటుకు అమ్ముకోవచ్చు. ప్రస్తుత భారత కార్ మార్కెట్ డేటా ప్రకారం… అత్యధిక రీసేల్ వ్యాల్యూ ఉన్న టాప్ 5 కార్ల గురించి వివరంగా చూద్దాం.

భారత కార్ మార్కెట్లో రీసేల్ వ్యాల్యూలో మొదటి స్థానంలో ఉన్న కారు టయోటా ఇన్నోవా క్రిస్టా. కొత్త కారును 5 సంవత్సరాలు వాడి అమ్మకానికి పెట్టినా కొన్న ధరలో 75% నుంచి 80% వరకు తిరిగి వస్తుంది. అంటే పైసా వసూల్ కారు అన్నమాట.

క్రిస్టా రీసేల్ వ్యాల్యూకు కారణాలివే

టయోటా ఇంజిన్ నమ్మకం, కుటుంబమంతా హాయిగా ప్రయాణించే సౌకర్యం, ట్యాక్సీ/కమర్షియల్ రంగంలో దీనికి ఉన్న తిరుగులేని డిమాండే క్రిస్టా రీసేల్ వ్యాల్యూ ఈ స్థాయిలో ఉండటానికి కారణం. క్రిస్టా పాత మోడల్స్ అయినా మార్కెట్లో వెంటనే అమ్ముడైపోతాయి.

ప్రీమియం ఎస్‌యూవీ (Premium SUV) సెగ్మెంట్‌లో టయోటా ఫార్చ్యూనర్ ఒక రారాజుగా పేర్కొనవచ్చు. దీని రీసేల్ వ్యాల్యూ 70% - 80% వరకు ఉంటుంది.

ఫార్య్చూనర్ రీసేల్ వ్యాల్యూకు కారణాలివే

ఇది కేవలం కారు మాత్రమే కాదు ఒక 'స్టేటస్ సింబల్'. దీని గంభీరమైన లుక్, ఆఫ్-రోడ్ వేగం, ఎక్కువ కాలం మన్నడం వంటివి సెకండ్ హ్యాండ్ మార్కెట్‌లో దీని ధర తగ్గకుండా చూస్తున్నాయి. మెయింటెనెన్స్ ఖర్చు కాస్త ఎక్కువే అయినా, రీసేల్ వ్యాల్యూ దాన్ని కవర్ చేస్తుంది.

అడ్వెంచర్, ఆఫ్-రోడ్ ప్రియులకు ప్రస్తుతం మహీంద్రా థార్ హాట్ ఫేవరెట్. దీని రీసేల్ వ్యాల్యూ 70% - 75% వరకు ఉంటుంది.

థార్ రీసేల్ వ్యాల్యూకు కారణాలివే

ఇది ఒక లైఫ్‌స్టైల్ వాహనం కావడంతో యువతలో దీనికి విపరీతమైన క్రేజ్ ఉంది. మార్కెట్లో దీని సప్లై తక్కువగా ఉంది, డిమాండ్ ఏమో ఎక్కువగా ఉండటంతో సెకండ్ హ్యాండ్ మార్కెట్లో థార్ కార్లు చాలా మంచి ధరకు అమ్ముడవుతున్నాయి.

మిడ్-సైజ్ ఎస్‌యూవీ సెగ్మెంట్‌లో అమ్మకాల రికార్డులు సృష్టిస్తున్నాయి హ్యుందాయ్ క్రెటా, కియా సెల్టోస్ కార్లు. కొత్త కార్లు తక్కువ ధరలో లభించడమే కాదు.. అమ్మినా కూడా 70% - 75% వరకు రీసేల్ వ్యాల్యూను అందిస్తున్నాయి.

క్రెటా, సెల్టోస్ రిసేల్ వ్యాల్యూకు కారణాలివే

ఆధునిక ఫీచర్లు, స్టైలిష్ లుక్, అద్భుతమైన డ్రైవింగ్ క్వాలిటీ. ముఖ్యంగా హ్యుందాయ్ క్రెటా, కియా సెల్టోస్ డీజిల్ వేరియంట్లకు సెకండ్ హ్యాండ్ మార్కెట్లో ఎప్పుడూ మంచి డిమాండ్ ఉంటుంది.

తక్కువ బడ్జెట్‌లో ఎక్కువ రీసేల్ వ్యాల్యూ ఇచ్చే కారు ఏదైనా ఉందంటే అది మారుతి సుజుకి స్విఫ్ట్. దీని రీసేల్ వ్యాల్యూ 70% - 75% వరకు ఉంటుంది.

స్విస్ట్ రీసేల్ వ్యాల్యూకు కారణాలివే

మారుతికి ఉన్న విస్తృతమైన సర్వీస్ నెట్‌వర్క్, చాలా తక్కువ మెయింటెనెన్స్ ఖర్చు, మంచి మైలేజ్ రీసేల్ వ్యాల్యూకు ప్రధాన కారణాలు. ఇక మొదటిసారి కారు కొనేవాళ్లకు, యువతకు ఇది మంచి ఛాయిస్ కాబట్టి, దీనికి డిమాండ్ ఎప్పుడూ తగ్గదు. (దీని సోదర మోడల్స్ అయిన డిజైర్, వ్యాగన్ ఆర్ కార్లకు కూడా మంచి రీసేల్ వ్యాల్యూ ఉంది).

సర్వీస్ హిస్టరీ : కారును ఎప్పుడూ అథరైజ్డ్ సర్వీస్ సెంటర్‌లో మాత్రమే సర్వీస్ చేయించి, అందుకు సంబంధించిన రికార్డులను జాగ్రత్తగా ఉంచుకోవాలి.
ఒరిజినాలిటీ : కారులో అనవసరమైన ఆఫ్టర్-మార్కెట్ ఫిట్టింగులను పెట్టకపోవడం మంచిది. ఒరిజినల్ కారుకు ఉండే విలువే వేరు.
రంగులు : తెలుపు (White), సిల్వర్ (Silver), గ్రే (Grey) వంటి కామన్ రంగులకు మార్కెట్లో ఎప్పుడూ మంచి డిమాండ్ ఉంటుంది.

మొత్తంగా మీరు కారును కేవలం ఒక వాహనంగానే కాకుండా, ఒక పెట్టుబడిగా కూడా చూస్తే టయోటా ఇన్నోవా క్రిస్టా లేదా ఫార్చ్యూనర్ బెస్ట్ ఛాయిస్. బడ్జెట్ సెగ్మెంట్‌లో స్విఫ్ట్ లేదా క్రెటా మంచి రాబడిని ఇస్తాయి. కారును కొనే ముందూ, అమ్మే ముందూ కార్స్24 (Cars24), ఓఎల్ఎక్స్ (OLX), స్పిన్నీ (Spinny) వంటి ప్లాట్‌ఫామ్‌లలో ప్రస్తుత మార్కెట్ ధరను చెక్ చేసుకోవడం తెలివైన పని.

Facts : ఆటోకు 3 చక్రాలే ఎందుకుంటాయి? కారులా 4 ఎందుకుండవు?

Arun Kumar P — Wed, 24 Jun 2026 19:14:52 +0530

చాలా వాహనాలకు నాలుగు చక్రాలు ఉంటాయి… కానీ ఆటో రిక్షా కు మాత్రం మూడు చక్రాలే ఉంటాయి… ఇలా ఎందుకో ఎప్పుడైనా ఆలోచించారా? దీని వెనుక ఉన్న ఆసక్తికరమైన కారణాలు ఏంటో ఇక్కడ తెలుసుకుందాం.

భారతదేశంలో ప్రజా రవాణాకు ఎక్కువగా ఉపయోగించే వాహనాల్లో ఆటోలు కూడా ఒకటి. రోడ్డుపైకి వెెళితే చాలు ప్యాసింజర్ల కోసం ఎదురుచూసేవి, వారిని తీసుకుని రయ్ రయ్ అంటూ దూసుకెళ్లే ఆటోలు కనిపిస్తాయి. పబ్లిక్ ట్రాన్స్ పోర్ట్ లో ఈ ఆటోలు కీలక పాత్ర పోషిస్తున్నాయి… సొంత వాహనం లేని వాళ్లు ఆశ్రయించేది ఈ ఆటోలనే. స్కూల్ విద్యార్థుల నుండి ఆఫీసులకు వెళ్లే ఉద్యోగుల, చిరు వ్యాపారుల వరకు ఎంతోమందిని గమ్యస్థానాలకు చేరుస్తున్నాయి ఆటోరిక్షాలు.

ఆటోలు ప్యాసింజర్ల ప్రయాణానికే కాదు కొందరి జీవనాధారంగా నిలుస్తున్నాయి. ఈ ఆటోలు నడుపుకుని చాలామంది డ్రైవర్లు ఉపాది పొందుతున్నారు… భార్యాపిల్లలను పోషించుకుంటున్నారు. కొందరు సొంతంగా ఆటో కొనుక్కుని నడుపుకుంటే మరికొందరు అద్దెకు తీసుకుని నడుపుతూ తమ కుటుంబాన్ని పోషించుకుంటున్నారు.

ఆటోలో ప్రయాణించే ప్యాసింజర్లు, ఆటో డ్రైవర్లు సరే… మరి ఈ ఆటో స్టోరీ ఏమిటో ఎప్పుడైనా ఆలోచించారా? అన్ని వాహనాలకు 4 చక్రాలుంటే ఈ ఆటోకు మాత్రం 3 చక్రాలుంటాయి? ఇలా ఎందుకు అనే అనుమానం వచ్చిందా? ఆటోకు మూడు చక్రాలే ఎందుకో ఇక్కడ తెలుసుకుందాం.

ఆటోలను ఎక్కువగా రద్దీగా ఉండే రోడ్లు, ఇరుకైన వీధుల్లో ప్రయాణించేందుకే డిజైన్ చేశారు. మూడు చక్రాలు ఉండటం వల్ల వాటి టర్నింగ్ రేడియస్ (తిరగడానికి పట్టే ప్రదేశం) చాలా తక్కువగా ఉంటుంది. దీనివల్ల చాలా ఇరుకైన రోడ్లు, రద్దీగా ఉండే సందుల్లో కూడా ఆటోను సులభంగా యూ-టర్న్ చేయొచ్చు లేదా తిప్పొచ్చు. కానీ నాలుగు చక్రాల వాహనాలు ఇంత రద్దీలో సులభంగా దూసుకెళ్లలేవు.

నాలుగు చక్రాల వాహనాలతో పోలిస్తే మూడు చక్రాల వాహనాల తయారీ, నిర్వహణ ఖర్చు చాలా తక్కువ. ఒక చక్రం తక్కువ కావడం వల్ల దాని డిజైన్, తయారీకి అవసరమైన విడిభాగాల ఖర్చు బాగా తగ్గుతుంది. టైర్లు మార్చడం, బ్రేక్ సర్వీస్ వంటి నిర్వహణ ఖర్చులు కూడా మూడు చక్రాలకే కాబట్టి తక్కువగా ఉంటాయి. బరువు తక్కువగా ఉండటం వల్ల ఇంజిన్‌పై భారం తగ్గి, ఇంధన సామర్థ్యం కూడా పెరుగుతుంది. ఇది చిన్న వ్యాపారులకు, రోజువారీ ప్రయాణికులకు చౌకైన ఆప్షన్‌గా నిలుస్తుంది.

నాలుగు చక్రాల వాహనాలతో పోలిస్తే మూడు చక్రాల వాహనాల బరువు చాలా తక్కువగా ఉంటుంది. వాహనం బరువు తగ్గితే ఇంజిన్‌పై భారం తగ్గి, ఎక్కువ మైలేజ్ వస్తుంది. ఇది ఆటో డ్రైవర్ల రోజువారీ లాభానికి చాలా ముఖ్యం. ఒకవేళ ఆటోకు నాలుగు చక్రాలు అమర్చితే దాని వేగం తగ్గిపోతుంది. చిన్న రోడ్లలో గమ్యాన్ని వేగంగా చేరుకోలేరు. అందుకే ఆటోలకు మూడు చక్రాలనే అమర్చుతారు.

ఆటోలను ఎక్కువగా మధ్యతరగతి, సామాన్య వినియోగదారులు లేదా స్వయం ఉపాధి పొందే వారిని లక్ష్యంగా చేసుకుని విక్రయిస్తారు. నాలుగు చక్రాల కారు ధర కంటే ఆటో ధర చాలా రెట్లు తక్కువ. కాబట్టి సామాన్యులు కూడా సులభంగా లోన్ తీసుకుని దీనిని కొనుగోలు చేయగలరు. తయారీ, మరమ్మతుల ఖర్చు కూడా తక్కువే. నాలుగు చక్రాల వాహనాలు ఎక్కువ ఇంధనాన్ని వాడటమే కాకుండా, ట్రాఫిక్ రద్దీని కూడా పెంచుతాయి. కానీ ఆటోలు ఈ సమస్యను గణనీయంగా తగ్గిస్తాయి.

మూడు చక్రాల డిజైన్ పట్టణ రవాణాకు సరిగ్గా సరిపోతుంది. విలాసవంతమైన ప్రయాణం కాకుండా, తక్కువ ఖర్చుతో వేగంగా ప్రయాణాన్ని అందించడమే దీని ఉద్దేశం. అయితే ఈ మూడు చక్రాల డిజైన్ తో అన్నీ లాభాలే కాదు కొన్ని నష్టాలు కూడా ఉన్నాయి.

నాలుగు చక్రాల వాహనాలతో పోలిస్తే మూడు చక్రాల వాహనాల్లో స్థిరత్వం (స్టెబిలిటీ) కాస్త తక్కువగా ఉంటుంది. అందుకే ఎక్కువ వేగంతో టర్న్ చేసేటప్పుడు బోల్తా పడే ప్రమాదం ఎక్కువ. కాబట్టి దీన్ని నిర్దిష్ట వేగ పరిమితితో నడపాలి. ఇకపై మీరు ఆటోలో ప్రయాణించేటప్పుడు, దాని మూడు చక్రాలు కేవలం ఒక సాధారణ డిజైన్ కాదని గుర్తుంచుకోండి.

Royal Enfield EV : రాయల్ ఎన్‌ఫీల్డ్ తొలి ఎలక్ట్రిక్ బైక్ లాంచ్.. ధర, రేంజ్ ఎంతో తెలుసా?

Arun Kumar P — Mon, 22 Jun 2026 17:29:47 +0530

ప్రపంచంలోనే అత్యంత పురాతన మోటార్ సైకిల్ బ్రాండ్ రాయల్ ఎన్‌ఫీల్డ్ తన తొలి ఈవీని లాంచ్ చేసింది. ధర నుంచి రేంజ్ వరకు ఎన్నో ప్రత్యేకతలున్న ఈ కొత్త మోడల్ విశేషాలు మీకోసం…

సంప్రదాయ మోటార్‌సైకిళ్లకు పెట్టింది పేరైన రాయల్ ఎన్‌ఫీల్డ్ ఇప్పుడు ఎలక్ట్రిక్ టూవీలర్ మార్కెట్లోకి అడుగుపెట్టింది. 'ఫ్లయింగ్ ఫ్లీ C6' పేరుతో కొత్త మోడల్‌ను తీసుకొచ్చింది. జూన్ 19 నుంచి బెంగళూరులో దీని డెలివరీలు మొదలయ్యాయి. పాతకాలపు డిజైన్‌, ఆధునిక టెక్నాలజీ కలయికతో వస్తున్న ఈ బైక్ అందరి దృష్టిని ఆకర్షిస్తోంది.

ఫ్లయింగ్ ఫ్లీ C6 రెండు వేరియంట్లలో అందుబాటులో ఉంది. దీని షోరూమ్ ధర రూ.2.79 లక్షలు. అయితే 'బ్యాటరీ యాజ్ ఏ సర్వీస్' ప్లాన్ ఎంచుకుంటే ప్రారంభ ధర రూ.1.99 లక్షలకే వస్తుంది. దీంతో బైక్ కొనేటప్పుడు కట్టాల్సిన డబ్బు భారీగా తగ్గుతుంది. ఈ బైక్ స్టార్మ్ బ్లాక్, ఫ్లీ గ్రీన్ అనే రెండు రంగుల్లో లభిస్తుంది.

ఈ ఎలక్ట్రిక్ బైక్‌లో 3.91 kWh బ్యాటరీ ప్యాక్ అమర్చారు. ఒక్కసారి ఛార్జ్ చేస్తే 154 కిలోమీటర్ల వరకు వెళ్తుంది. కేవలం 2 గంటల 15 నిమిషాల్లోనే ఫుల్ ఛార్జింగ్ అవుతుంది. దీని 15.4 kW ఎలక్ట్రిక్ మోటార్ 60 Nm టార్క్‌ను ఉత్పత్తి చేస్తుంది. గంటకు 0 నుంచి 60 కి.మీ వేగాన్ని 3.7 సెకన్లలోనే అందుకుంటుంది. గరిష్ట వేగం గంటకు 115 కి.మీ. దీని బరువు కేవలం 124 కిలోలు మాత్రమే.ఈ బైక్‌లో డ్యూయల్-ఛానల్ ఏబీఎస్, ట్రాక్షన్ కంట్రోల్, 3.5-అంగుళాల కలర్ ఇన్ఫర్మేషన్ స్క్రీన్, ఐదు రకాల రైడింగ్ మోడ్‌లు, రీజనరేటివ్ బ్రేకింగ్ వంటి ఫీచర్లు ఉన్నాయి. ప్రస్తుతం బెంగళూరులో మాత్రమే డెలివరీలు ప్రారంభమయ్యాయి. త్వరలో దేశంలోని ఇతర నగరాలకు విస్తరించాలని రాయల్ ఎన్‌ఫీల్డ్ ప్లాన్ చేస్తోంది. కస్టమర్లందరికీ 24 గంటల రోడ్‌సైడ్ అసిస్టెన్స్ సేవను ఉచితంగా అందిస్తున్నారు.

Small Cars in India : చిరు ఉద్యోగులు, వ్యాపారుల కోసం.. రూ.5 లక్షలలోపు బడ్జెట్లో వచ్చే టాప్ 5 కార్లు ఇవే

Arun Kumar P — Tue, 23 Jun 2026 15:40:11 +0530

మీ నగరంలో కారు డ్రైవింగ్, పార్కింగ్ పెద్ద తలనొప్పిగా మారిందా? అయితే చింతించకండి. తక్కువ ధర, ఎక్కువ మైలేజ్ ఇచ్చి, సిటీ ప్రయాణాలను సులభం చేసే టాప్ 5 చిన్న కార్ల వివరాలు ఇక్కడ తెలుసుకోండి.

భారతీయ నగరాల్లో ట్రాఫిక్ రోజురోజుకీ పెరిగిపోతోంది... హైదరాబాద్ ఓల్డ్ సిటీ వంటి ప్రాంతాల్లో పెద్ద కార్లలో ప్రయాణం చాలా కష్టం. ఇక బాగా డెవలప్ అయిన హైటెక్ సిటీ, మాధాపూర్ వంటి ప్రాంతాల్లో కూడా ట్రాఫిక్ సమస్యలు పెరిగిపోయాయి.. ఇరుకైన రోడ్లు, రద్దీగా ఉండే మార్కెట్లు, పార్కింగ్ ఇబ్బందులు తప్పడంలేదు. ఇది ఏ ఒక్కరోజో, రెండ్రోజుల సమస్యో కాదు… నిత్యం వేదించేది. అందుకే ఇలాంటి కష్టాలను తట్టుకోవాలంటే పెద్దపెద్ద లగ్జరీ కార్లు కాదు చిన్న కార్లే బెస్ట్ ఆప్షన్. సిటీ ప్రయాణాలకు సరిగ్గా సరిపోయే 5 చిన్న కార్లు ప్రస్తుతం మార్కెట్లో అందుబాటులో ఉన్నాయి… వాటి గురించి ఇప్పుడు వివరంగా చూద్దాం.

ప్రస్తుతం ఇండియాలో అమ్ముడవుతున్న కార్లలో MG Comet EV (ఎంజి కామెట్ ఈవి) అత్యంత చిన్నది. దీని పొడవు కేవలం 2,974 మిమీ మాత్రమే… అంటే 3 మీటర్ల కంటే తక్కువ. ఈ ఎలక్ట్రిక్ కారును ప్రత్యేకంగా సిటీ ట్రాఫిక్ కోసమే డిజైన్ చేసినట్లు అనిపిస్తుంది. చాలా ఇరుకైన ప్రదేశాల్లో కూడా దీన్ని నడపవచ్చు, సులభంగా పార్క్ చేయవచ్చు.

ఎంజీ కామెట్ ఈవి ముఖ్యమైన ఫీచర్లు

పొడవు : 2,974 మిల్లి మీటర్లు

ఎలక్ట్రిక్ రేంజ్ : సుమారు 230 కిలోమీటర్లు

ప్రారంభ ధర : రూ. 4.92 లక్షల నుంచి

సిటీస్ లో రోజూ ఆఫీసుకు, వ్యాపార పనులకు బయటకు వెళ్లేవారికి ఎంజీ కామెట్ ఈవి ఒక మంచి ఎంపిక.

మారుతి సుజుకి ఆల్టో K10 ఇండియాలో అత్యంత ప్రజాదరణ పొందిన చిన్న కారు. తక్కువ ధర, అద్భుతమైన మైలేజ్, తక్కువ మెయింటెనెన్స్ ఖర్చు దీని బలాలు.

మారుతి సుజుకి ఆల్టొ K10 ముఖ్య ఫీచర్లు

పొడవు : 3,530 మిమీ

మైలేజ్: 24.3 – 33.8 కిమీ/లీటర్ (CNG)

ప్రారంభ ధర: రూ. 3.70 లక్షలు

మొదటిసారి కారు కొనేవారికి మారుతి సుజుకి ఆల్టో సరైన ఎంపిక. తక్కువ బడ్జెట్‌లో ఎక్కువ మైలేజ్ కోరుకునేవారికి ఆల్టో K10 ఇప్పటికీ బెస్ట్ ఛాయిస్.

మారుతి సుజుకి ఎస్-ప్రెస్సో చిన్న కారే అయినా SUV లాంటి ఎత్తైన సీటింగ్ పొజిషన్‌ కలిగివుంది.. అందుకే ఇందులో ప్రయాణం సౌకర్యవంతంగా ఉంటుంది. ఇదే దీని ప్రత్యేకత.

మారుతి ఎస్-ప్రెస్సో ముఖ్య ఫీచర్లు

పొడవు: 3,565 మిమీ

మైలేజ్: 24.4-32.7 కిమీ/లీటర్

ప్రారంభ ధర: రూ. 3.50 లక్షలు

ఎక్కువ గ్రౌండ్ క్లియరెన్స్ ఉంటుంది… కాబట్టి గ్రామీణ, పట్టణ ప్రాంతాల్లో వాడాలనుకునే కస్టమర్లకు ఎస్-ప్రెస్సో పర్ఫెక్ట్ ఛాయిస్.

ప్రస్తుతం ఇండియాలో అత్యధిక మైలేజ్ ఇచ్చే పెట్రోల్ కార్ల జాబితాలో మారుతి సుజుకి సెలెరియో ముందు వరుసలో ఉంది.

మారుతి సుజుకి సెలెరియో ముఖ్య ఫీచర్లు

పొడవు: 3,695 మిమీ

మైలేజ్: 25.1 – 34.4 కిమీ/లీటర్

ప్రారంభ ధర: రూ. 4.70 లక్షలు

AMT ఆటోమేటిక్ సౌకర్యం ఈ కారులో 6 ఎయిర్‌బ్యాగ్‌లు, టచ్ స్క్రీన్ ఇన్ఫోటైన్‌మెంట్ వంటి ఫీచర్లు కూడా అందుబాటులో ఉన్నాయి.

ఏళ్లుగా భారతీయ కుటుంబాల నమ్మకాన్ని చూరగొన్న కారు మారుతి సుజుకి వ్యాగన్ ఆర్. ఇది చిన్న సైజులో ఉన్నప్పటికీ, లోపల ఎక్కువ స్పేస్‌ను అందిస్తుంది. అందుకే ఓ ఫ్యాామిలీ సౌకర్యవంతంగా ప్రయాణించవచ్చు.

మారుతి సుజుకి వ్యాగనార్ ముఖ్య ఫీచర్లు

పొడవు: 3,655 మిమీ

మైలేజ్: 23.5 – 34 కిమీ/లీటర్

ప్రారంభ ధర: రూ. 4.99 లక్షలు

కుటుంబానికి సరిపోయే క్యాబిన్ స్పేస్ 'టాల్-బాయ్' డిజైన్, లోపల ఎక్కువ హెడ్‌రూమ్ ఉండటం ఈ వ్యాగనార్ ప్రధాన బలం.

ఏది బెస్ట్ ఛాయిస్?

చిన్న సైజు EV కావాలా? – MG కామెట్ EV

తక్కువ బడ్జెటా? – ఆల్టో K10

SUV లాంటి లుక్ కావాలా? – S-Presso

ఎక్కువ మైలేజా? – సెలెరియో

ఫ్యామిలీ వాడకమా? – వ్యాగన్ ఆర్

సిటీ ట్రాఫిక్‌లో సులభంగా నడపడానికి, పార్కింగ్ చేయడానికి, తక్కువ ఖర్చుతో ప్రయాణించడానికి 2026లో ఈ 5 కార్లు ఉత్తమ ఎంపికలు.

మాటలతో కంట్రోల్ చేసే ఎలక్ట్రిక్ స్కూటర్.. రోడ్డుపై గుంతలు ఉంటే ముందే హెచ్చరిస్తుంది

Narender Vaitla — Wed, 17 Jun 2026 10:04:48 +0530

Ather: ఎలక్ట్రిక్ టూ వీలర్ తయారీ సంస్థ అథ‌ర్ ఎన‌ర్జీ త‌న ప్రముఖ స్కూటర్ మోడళ్లైన Ather Rizta, Ather 450 Series కోసం కొత్త AtherStack 7 సాఫ్ట్‌వేర్ అప్‌డేట్‌ను విడుదల చేసింది. ఈ అప్‌డేట్‌తో వాయిస్ కమాండ్ త పాటు మరెన్నో కొత్త ఫీచర్లు వచ్చాయి.

కొత్త వాయిస్ కమాండ్ ఫీచర్ ద్వారా రైడర్ తన మాట‌ల‌తో స్కూటర్‌కు ఆదేశాలు ఇవ్వవచ్చు. నావిగేషన్ ప్రారంభించడం, ఫోన్ కాల్స్ చేయడం, మ్యూజిక్ ప్లే చేయడం వంటి పనుల కోసం స్క్రీన్‌ను పదే పదే తాకాల్సిన అవసరం ఉండదు. సాధారణ సంభాషణ భాషను అర్థం చేసుకునేలా ఈ వ్యవస్థను రూపొందించారు. దీంతో ప్రయాణం చేస్తున్నప్పుడు రోడ్డు మీదే దృష్టి నిలుపుకోవచ్చు. ముఖ్యంగా నగరాల్లో రోజూ ప్రయాణించే వారికి ఇది చాలా ఉపయోగపడుతుంది.

ఈ అప్‌డేట్‌ను OTA (Over-The-Air) విధానంలో అందిస్తున్నారు. అంటే స్కూటర్ యజమానులు సర్వీస్ సెంటర్‌కు వెళ్లాల్సిన అవసరం లేదు. ఇంటర్నెట్ ద్వారా స్కూటర్ సాఫ్ట్‌వేర్ దానంత‌ట‌దే అప్‌డేట్ అవుతుంది. దీంతో ఇప్పటికే ఈ మోడళ్లను ఉపయోగిస్తున్న కస్టమర్లు కూడా కొత్త ఫీచర్లను సులభంగా పొందవచ్చు.

AtherStack 7లో అత్యంత ఆసక్తికరమైన ఫీచర్ Pothole Alerts. స్కూటర్‌లో అమర్చిన సెన్సర్లు రోడ్డుపై ఉన్న గుంతలను గుర్తించి ముందుగానే రైడర్‌కు సమాచారం ఇస్తాయి. హెచ్చరిక కేవలం డిస్‌ప్లేలో మాత్రమే కాకుండా వాయిస్ అలర్ట్ రూపంలో కూడా వస్తుంది. దీంతో ఆకస్మికంగా గుంతలు ఎదురై ప్రమాదాలు జరిగే అవకాశాలు తగ్గుతాయి.

కొత్తగా తీసుకొచ్చిన క్రాష్ అల‌ర్ట్స్‌ ఫీచర్ కూడా ప్రత్యేక ఆకర్షణగా నిలుస్తోంది. స్కూటర్‌కు తీవ్రమైన ప్రమాదం జరిగితే రైడర్ లైవ్ లొకేషన్‌ను అత్యవసర కాంటాక్ట్‌ నంబర్లకు పంపే సామర్థ్యం దీనికి ఉంది. అంతేకాదు, చిన్న షాక్‌లకు, తీవ్రమైన ప్రమాదాలకు మధ్య తేడాను కూడా ఈ వ్యవస్థ గుర్తించగలదని కంపెనీ తెలిపింది. అవసరమైతే స్కూటర్ స్క్రీన్‌పై ఎమర్జెన్సీ కాంటాక్ట్ వివరాలు కూడా చూపిస్తుంది.

స్కూటర్ భద్రత కోసం పార్క్‌సేఫ్‌, లాక్ సేఫ్ ఫీచ‌ర్ల‌ను కూడా యాడ్ చేశారు. స్కూటర్‌ను టోయింగ్ చేసే అవకాశం ఉన్న ప్రదేశంలో పార్క్ చేస్తే పార్క్‌సేఫ్‌ హెచ్చరిస్తుంది. ఎవరైనా స్కూటర్‌ను అనుమానాస్పదంగా తాకినా లేదా దొంగతనం చేయడానికి ప్రయత్నించినా లాక్‌సేఫ్‌ వెంటనే యజమాని మొబైల్‌కు అలర్ట్ పంపుతుంది. అథ‌ర్ యాప్ ద్వారా స్కూటర్‌ను రిమోట్‌గా లాక్ చేయడం లేదా పనిచేయకుండా నిలిపివేయడం కూడా సాధ్యమవుతుంది. అలాగే జరుగుతున్న ఛార్జింగ్ ప్రక్రియను కూడా దూరం నుంచే ఆపేయవచ్చు. ఈ కొత్త ఫీచర్లతో Ather స్కూటర్లు మరింత స్మార్ట్‌గా, భద్రంగా మారనున్నాయని కంపెనీ చెబుతోంది

Car Buying Guide : సెకండ్ హ్యాండ్ కారు కొంటున్నారా? అయితే జాగ్రత్త.. ఈ ఒక్కటి చెక్ చేయకపోతే బొక్కబోర్లా పడతారు

Arun Kumar P — Wed, 24 Jun 2026 16:57:29 +0530

తక్కువ బడ్జెట్‌లో కారు కొనాలనుకునేవారికి సెకండ్ హ్యాండ్ బెస్ట్ ఆప్షన్. కానీ చిన్నచిన్న అజాగ్రత్త వల్ల సెకండ్ హ్యాండ్ కారు పెద్ద నష్టాన్ని కలిగించవచ్చు. అందుకే కారు కొనేముందు డాక్యుమెంట్లు సరిగ్గా చెక్ చేసుకోవాలని నిపుణులు హెచ్చరిస్తున్నారు.

సామాన్య మధ్యతరగతి ప్రజలు కొత్త కారు కొనేకంటే తక్కువ ధరలో వచ్చే సెకండ్ హ్యాండ్ కారును కొనేందుకే ఇష్టపడతారు. తక్కువ బడ్జెట్ లోనే మంచిమంచి కార్లు మార్కెట్లో లభిస్తుంటాయి. ఇంజిన్ పనితీరు, కారు కండీషన్ ను టెస్ట్ డ్రైవ్ చేసి తెలుసుకోవచ్చు లేదంటే తెలిసిన మెకానిక్ తో చెక్ చేయించవచ్చు. ఇంకా పర్పెక్ట్ గా చెక్ చేసుకోవాలంటే కార్ 24, స్పిన్ని వంటి సంస్థలు ఇన్పెక్షన్ చేసిపెడతాయి. కానీ కారు డాక్యుమెంట్ సరిగ్గా ఉన్నాయో లేదో తెలుసుకునే బాధ్యత కొనేవారిపైనే ఉంటుంది.

సెకండ్ హ్యాండ్ కారు కొనేటప్పుడు డాక్యుమెంట్స్ సరిగ్గా చెక్ చేసుకోకుంటే చిక్కులు తప్పవు. అందుకే ఆ కారు లోన్ ఇంకా కట్టాల్సి ఉన్నా లేదా డాక్యుమెంట్స్ సరిగ్గా లేకున్నా అస్సలు కొనొద్దు. ఇలాంటి కారు కొంటే బ్యాంకు లేదా చట్టపరమైన సంస్థలు ఆ వాహనాన్ని స్వాధీనం చేసుకోవచ్చు. ఇలాంటి సందర్భాల్లో మొత్తం డబ్బులు చెల్లించి కూడా కొనుగోలు చేసినవారు తీవ్రంగా నష్టపోయే ఆస్కారం ఉంది.

వాహనం లోన్ మొత్తం తిరిగి చెల్లించేశానని అమ్మకందారుడు చెబితే కేవలం ఆ నోటిమాటలు నమ్మొద్దు. బ్యాంకు లేదా ఫైనాన్స్ సంస్థ జారీ చేసిన ఒరిజనల్ NOC, ఫామ్ 35 కాపీని కచ్చితంగా అడగాలి. ఈ పత్రాలు ఉంటేనే లోన్ చెల్లింపు పూర్తయినట్లు… బ్యాంక్ లేదా ఫైనాన్స్ సంస్థకు ఈ వాహనంపై ఎలాంటి హక్కులు లేవని అర్థం. ఇవి లేకుండా RC నుంచి బ్యాంకు పేరును తొలగించడం కుదరదు… అంటే ఈ వాహనంపై సర్వహక్కులు సదరు బ్యాంకు లేదా ఫైనాన్స్ సంస్థ కలిగివున్నట్లు.

సెకండ్ హ్యాండ్ వాహనం కొనేముందు తప్పకుండా RC (రిజిస్ట్రేషన్ సర్టిఫికేట్), ఓనర్‌షిప్ డాక్యుమెంట్లు సరిచూడండి.
కారు సర్వీస్ హిస్టరీ, ఇన్సూరెన్స్ క్లెయిమ్‌లు గమనించండి.
కారు ఓడో మీటర్‌ను పరిశీలించండి. ఇది ట్యాంపర్ చేశారేమో చెక్ చేయండి.
కనీసం 5-10 కిలోమీటర్ల దూరం కారుని టెస్ట్ డ్రైవ్ చేయండి.
మీకు తెలిసిన మెకానిక్‌తో వాహనాన్ని ఒకసారి చూపించండి.

వాహనాన్ని మీ పేరు మీదకు మార్చేటప్పుడు బ్యాంకు NOC, సంబంధిత పత్రాలను RTOకి సమర్పించారో లేదో నిర్ధారించుకోండి. ఇలా చేస్తేనే వాహన రికార్డుల నుంచి హైపోథికేషన్ పూర్తిగా తొలగిపోతుంది... అంటే లోన్ ఇచ్చిన సంస్థలకు ఆ వాహనంపై ఎలాంటి హక్కులు ఉండవు. దీంతో భవిష్యత్తులో ఎలాంటి చట్టపరమైన సమస్యలు రాకుండా ఉంటాయి.

Car: ఈవీ లేదా సీఎన్‌జీ.. ఈ రెండింటిలో ఏ కారు కొనుగోలు చేస్తే లాభమో తెలుసా.?

Narender Vaitla — Fri, 26 Jun 2026 20:33:04 +0530

Car: పెట్రోల్, డీజిల్ ధరలు పెరుగుతున్న నేపథ్యంలో కొత్త కారు కొనాలనుకునే చాలా మంది ఇప్పుడు ఎలక్ట్రిక్ వెహికల్ (EV) లేదా సీఎన్‌జీ (CNG) కార్ల వైపు మొగ్గు చూపుతున్నారు. అయితే దీర్ఘకాలంలో ఏది ఎక్కువ లాభం ఇస్తుంది? నిర్వహణ ఖర్చు ఏదిలో తక్కువ?

కొత్త కారు కొనుగోలు చేసే సమయంలో సీఎన్‌జీ కారుతో పోలిస్తే ఎలక్ట్రిక్ కారు ధర సాధారణంగా రూ.2 లక్షల నుంచి రూ.3 లక్షల వరకు ఎక్కువగా ఉంటుంది. కానీ దీర్ఘకాల వినియోగంలో పరిస్థితి మారుతుంది. ఒక వ్యక్తి ఏడాదికి సుమారు 15,000 కిలోమీటర్లు ప్రయాణిస్తే, 15 ఏళ్లలో మొత్తం 2,25,000 కిలోమీటర్లు ప్రయాణించినట్లవుతుంది.

ఇంట్లోనే ఈవీని ఛార్జ్ చేస్తే సగటున కిలోమీటరుకు రూ.1.5 వరకు ఖర్చవుతుంది. ఈ లెక్కన 15 ఏళ్లలో మొత్తం విద్యుత్ ఖర్చు సుమారు రూ.3.37 లక్షలు మాత్రమే అవుతుంది. అదే సీఎన్‌జీ కారుకు కిలోమీటరుకు సుమారు రూ.4 ఖర్చు వస్తే, 15 ఏళ్లలో దాదాపు రూ.9 లక్షలు ఇంధనానికే వెచ్చించాల్సి ఉంటుంది. అంటే ఇంధన వ్యయంలో మాత్రమే ఈవీ ద్వారా సుమారు రూ.5.5 లక్షల వరకు ఆదా చేసే అవకాశం ఉంది.

ఇంధన ఖర్చుతో పాటు వాహన నిర్వహణ కూడా ముఖ్యమైన అంశమే. సీఎన్‌జీ కారులో ఇంజిన్, గేర్‌బాక్స్, క్లచ్ వంటి అనేక యాంత్రిక భాగాలు ఉంటాయి. అందువల్ల ఇంజిన్ ఆయిల్ మార్చడం, ఫిల్టర్లు మార్చడం, సీఎన్‌జీ కిట్ తనిఖీలు చేయించడం వంటి పనులకు తరచూ ఖర్చు చేయాల్సి ఉంటుంది. ఎలక్ట్రిక్ కారులో మాత్రం సంప్రదాయ ఇంజిన్ ఉండదు. ప్రధానంగా బ్యాటరీ, ఎలక్ట్రిక్ మోటార్ మాత్రమే ఉంటాయి. దీంతో ఇంజిన్ ఆయిల్ మార్చాల్సిన అవసరం ఉండదు. నిర్వహణ ఖర్చు కూడా సీఎన్‌జీ కారుతో పోలిస్తే తక్కువగా ఉంటుంది.

అన్ని అంశాల్లో ఈవీకి ప్రయోజనాలు ఉన్నప్పటికీ, బ్యాటరీ ఖర్చు మాత్రం ప్రధానమైన అంశంగా పరిగణించాలి. చాలా కంపెనీలు ఎలక్ట్రిక్ కార్ల బ్యాటరీలకు 8 సంవత్సరాలు లేదా 1.6 లక్షల కిలోమీటర్ల వరకు వారంటీ ఇస్తున్నాయి. ఒకవేళ వాహనాన్ని 15 సంవత్సరాలు ఉపయోగించాలని భావిస్తే, జీవితకాలంలో కనీసం ఒకసారి బ్యాటరీ మార్చాల్సిన అవసరం రావచ్చు. ప్రస్తుతం బ్యాటరీ మార్పిడి ఖర్చు సుమారు రూ.2 లక్షల నుంచి రూ.4 లక్షల వరకు ఉండే అవకాశం ఉంది. కాబట్టి దీర్ఘకాల ప్రణాళికలో ఈ ఖర్చును కూడా పరిగణనలోకి తీసుకోవాలి.

వాహనాన్ని కొన్నేళ్ల తర్వాత విక్రయించాలనుకునే వారికి రీ-సేల్ విలువ కూడా కీలకం. ప్రస్తుతం పాత సీఎన్‌జీ కార్లకు మార్కెట్లో మంచి డిమాండ్ ఉంది. మంచి ధరకు విక్రయించే అవకాశం ఉంటుంది. అయితే పాత ఎలక్ట్రిక్ కారు విలువ ఎక్కువగా బ్యాటరీ పరిస్థితిపైనే ఆధారపడి ఉంటుంది. బ్యాటరీ పనితీరు బాగుంటే మంచి ధర రావచ్చు. లేకపోతే రీ-సేల్ విలువ తగ్గే అవకాశం ఉంటుంది.

రోజూ ఎక్కువ దూరం ప్రయాణించే వారు, ఇంధనంతో పాటు నిర్వహణ ఖర్చులను తగ్గించుకోవాలనుకునే వారికి ఎలక్ట్రిక్ కారు మంచి ఎంపికగా మారవచ్చు. అయితే ప్రారంభ పెట్టుబడి ఎక్కువగా ఉండటంతో పాటు భవిష్యత్తులో బ్యాటరీ మార్పిడి ఖర్చును కూడా దృష్టిలో పెట్టుకోవాలి. మరోవైపు తక్కువ పెట్టుబడితో కారు కొనాలనుకునే వారు, రీ-సేల్ విలువకు ప్రాధాన్యం ఇచ్చేవారు సీఎన్‌జీ కారును ఎంచుకోవచ్చు. కాబట్టి మీ ప్రయాణ అవసరాలు, బడ్జెట్, వినియోగ కాలాన్ని పరిశీలించిన తర్వాతే సరైన నిర్ణయం తీసుకోవడం మంచిది.