Asianet News Telugu

Yamaha R2 : R15 కి బాప్ లాంటి బైక్ వచ్చేసింది.. KTM కి గట్టి కాంపిటీషన్.. యామహా R2 గ్రాండ్ ఎంట్రీ !

Mahesh Rajamoni — Thu, 27 Aug 2026 18:37:41 +0530

Yamaha YZF R2 : భారత టూ-వీలర్ మార్కెట్‌లో యామహా మోటార్ సంస్థ యంగ్ రైడర్స్ ఎంతగానో ఎదురుచూస్తున్న యామహా R2 (Yamaha YZF-R2) భారతదేశంలో లాంచ్ చేసింది. రూ. 2.30 లక్షల ప్రారంభ ధరతో విడుదలై, KTM RC 200, కరిజ్మా XMR 210 వంటి బైక్‌లకు గట్టి పోటీ ఇస్తోంది.

ఇండియన్ టూవీలర్ మార్కెట్‌లో యంగ్ రైడర్స్, కాలేజ్ స్టూడెంట్స్‌కు మోస్ట్ ఫేవరెట్ బ్రాండ్ యామహా. ముఖ్యంగా YZF-R15 బైక్‌కు ఉన్న క్రేజ్ గురించి ప్రత్యేకంగా చెప్పక్కర్లేదు. ఇప్పుడు ఆ క్రేజ్‌ను నెక్స్ట్ లెవెల్‌కి తీసుకెళ్తూ, యామహా మోటార్ ఇండియా భారతదేశంలో సరికొత్త YZF-R2 సూపర్ స్పోర్ట్ మోటార్ సైకిల్‌ను గ్లోబల్‌గా లాంచ్ చేసింది. ఆగస్టు 12న రూ. 10,000 టోకెన్ అమౌంట్‌తో ప్రి-బుకింగ్స్ ప్రారంభం కాగా, ఈ బైక్ R15 కంటే పవర్ ఫుల్ వర్షన్‌గా మార్కెట్లోకి వచ్చింది.

యామహా R2 బైక్‌లో పూర్తి కొత్త వేరియంట్ 204cc సింగిల్ సిలిండర్, లిక్విడ్ కూల్డ్, DOHC ఇంజిన్‌ను అమర్చారు. ఇది 10,000 rpm వద్ద 26.5 PS (26.1 bhp) పవర్, అలాగే 8,000 rpm వద్ద 19.1 Nm టాక్ ప్రొడ్యూస్ చేస్తుంది. R15 లో ఉండే SOHC ఇంజిన్ కాకుండా, ఇందులో డ్యూయల్ ఓవర్‌హెడ్ క్యామ్‌షాఫ్ట్ సెటప్ ఉపయోగించారు.

ఫ్లాగ్‌షిప్ YZF-R1 బైక్ మోడల్‌లో వాడే Diamond-Like Carbon కోటింగ్‌ను ఈ R2 ఇంజిన్ వాల్వ్స్‌కు కూడా అందించడం విశేషం. దీనివల్ల ఫ్రిక్షన్ తగ్గి, బైక్ చాలా స్మూత్‌గా, స్పీడ్‌గా వెళ్తుంది.

ఈ బైక్ కోసం యామహా స్పెషల్‌గా రూపొందించిన ఆల్-న్యూ డైమండ్ స్టీల్ ఫ్రేమ్‌ను వాడింది. ఈ ఫ్రేమ్ బరువు కేవలం 14 కేజీలు మాత్రమే. కేటీఎం ఆర్‌సి 200 , హీరో కరిజ్మా XMR వంటి రేసింగ్ బైక్స్‌తో పోలిస్తే, కేవలం 149 కేజీల కర్బ్ వెయిట్‌తో సెగ్మెంట్‌లోనే అత్యంత తక్కువ బరువున్న బైక్‌గా యామహా R2 రికార్డ్ క్రియేట్ చేసింది.

యామహా ఈ కొత్త బైక్‌ను యంగ్ జనరేషన్‌కు తగ్గట్టుగా అడ్వాన్స్‌డ్ ఫీచర్లతో నింపేసింది.

• యామహా రైడ్ కంట్రోల్ (YRC): స్ట్రీట్, స్పోర్ట్, రైన్ అని 3 రైడింగ్ మోడ్స్ ఉన్నాయి.

• డిస్‌ప్లే అండ్ రైడింగ్ అసిస్ట్: 5-ఇంచ్ ఫుల్ కలర్ TFT డిస్‌ప్లే, ట్రాక్షన్ కంట్రోల్, అసిస్ట్ అండ్ స్లిప్పర్ క్లచ్, డ్యూయల్ ఛానల్ ఏబీఎస్.

• మిడ్ అండ్ టాప్ మోడల్స్: సెగ్మెంట్ ఫస్ట్ బై-డైరెక్షనల్ క్విక్ షిఫ్టర్, బాడీ కలర్ అల్లాయ్ వీల్స్.

• R2 M ప్యాక్: ప్రిలోడ్ అడ్జస్టబుల్ సస్పెన్షన్, అడ్జస్టబుల్ లీవర్లు, నకిలీ సుయేడ్ సీట్, సిల్వర్ స్వింగ్‌ఆర్మ్, స్మార్ట్ కీ సిస్టమ్.

యామహా R2 మోడల్ 3 వేరియంట్లు, 5 అట్రాక్టివ్ కలర్స్ అయిన మెటాలిక్ బ్లాక్, డార్క్ బ్లూయిష్ గ్రే, మ్యాట్ వైట్ పెర్ల్, రేసింగ్ బ్లూ, మెటాలిక్ గ్రే లలో అందుబాటులో ఉంటుంది.

• Base Variant: రూ. 2.30 లక్షలు (ఎక్స్ షోరూం ధరలు)

• Quick Shifter Variant: రూ. 2.39 లక్షలు

• YZF-R2 M (Top Variant): రూ. 2.53 లక్షలు

ఈ సరికొత్త యమహా R2 బైక్స్ కేవలం యమహా బ్లూ స్క్వేర్ డీలర్‌షిప్‌ల ద్వారా మాత్రమే సేల్ కానున్నాయి. బైక్ డెలివరీలు సెప్టెంబర్ 2026 మిడ్ నుంచి స్టార్ట్ అవుతాయి. R15, MT-15, XSR 155 లైనప్‌తో పాటు ఈ ఆర్‌2 కూడా ఇండియన్ మార్కెట్‌లో అందుబాటులో ఉండనుంది.

Royal Enfield GT 650 : కొత్త లుక్‌లో రాయల్ ఎన్‌ఫీల్డ్ జిటి 650 వచ్చేసింది... ధర ఎంతో తెలుసా?

Arun Kumar P — Mon, 17 Aug 2026 19:59:24 +0530

రాయల్ ఎన్‌ఫీల్డ్ తన కాంటినెంటల్ జీటీ 650 బైక్‌ను కొత్త ఫీచర్లతో అప్‌డేట్ చేసింది. ఎల్ఈడీ టర్న్ ఇండికేటర్లు, యూఎస్‌బీ టైప్-సి చార్జింగ్ వంటి మార్పులు చేసింది. రాకర్ రెడ్ వేరియంట్‌కు బ్లాక్-అవుట్ ఇంజిన్, అలాయ్ వీల్స్ ఇచ్చి కొత్త లుక్ తీసుకొచ్చింది.

రాయల్ ఎన్‌ఫీల్డ్ ఫేమస్ కేఫ్ రేసర్ బైక్ కాంటినెంటల్ జీటీ 650 ఇప్పుడు కొన్ని మార్పులతో మార్కెట్లోకి వచ్చింది. బైక్ లుక్‌తో పాటు, వాడుకలోనూ కొన్ని కొత్త ఫీచర్లను జోడించారు. ఈ కొత్త కాంటినెంటల్ జీటీ 650 లో ఎల్ఈడీ టర్న్ ఇండికేటర్లు, యూఎస్‌బీ టైప్-సి చార్జింగ్ పోర్ట్ వంటివి కొత్తగా చేర్చిన ముఖ్యమైన ఫీచర్లు. అలాగే ఇన్‌స్ట్రుమెంట్ కన్సోల్ చుట్టూ బ్లాక్ ఫినిషింగ్ ఇవ్వడంతో బైక్ లుక్ మునుపటి కంటే మరింత స్టైలిష్‌గా మారింది.

రాకర్ రెడ్ కలర్ మోడల్‌లో కొన్ని కీలకమైన మార్పులు చేశారు. దీని ఇంజిన్, ఎగ్జాస్ట్ పైపులకు పూర్తిగా బ్లాక్ కలర్ కోటింగ్ ఇచ్చారు. దీనికి తోడు అలాయ్ వీల్స్ కూడా నలుపు రంగులోనే ఉన్నాయి. దీంతో ఈ మోడల్ మొత్తం బ్లాక్-అవుట్ లుక్‌తో చాలా స్పోర్టీగా కనిపిస్తోంది. అపెక్స్ గ్రే మోడల్‌లో కూడా దాదాపు ఇలాంటి బ్లాక్-అవుట్ లుక్ ఇప్పటికే అందుబాటులో ఉంది. మరోవైపు బ్రిటిష్ రేసింగ్ గ్రీన్, మిస్టర్ క్లీన్ కలర్ మోడళ్లలో మాత్రం పాత పాలిష్డ్ ఇంజిన్ లుక్, స్పోక్ వీల్స్‌నే కొనసాగిస్తున్నారు.

కొత్త కాంటినెంటల్ జీటీ 650 ఇంజిన్‌లో ఎలాంటి పెద్ద మార్పులు చేయలేదు. పాత మోడల్‌లో ఉన్న 648 సిసి, ట్విన్-సిలిండర్, ఎయిర్ అండ్ ఆయిల్-కూల్డ్ ఇంజిన్‌నే ఇందులోనూ ఉపయోగించారు. ఈ ఇంజిన్ 7,150 rpm వద్ద 47 హార్స్‌పవర్, 5,250 rpm వద్ద 52.3 Nm టార్క్‌ను ఉత్పత్తి చేస్తుంది. దీనికి 6-స్పీడ్ గేర్‌బాక్స్ జత చేశారు. రాయల్ ఎన్‌ఫీల్డ్, హారిస్ పెర్ఫార్మెన్స్ కలిసి డెవలప్ చేసిన స్టీల్ ఫ్రేమ్‌నే కొనసాగించారు. కాబట్టి కొత్త మోడల్‌లో ప్రధానంగా లుక్, ఫీచర్లలోనే మార్పులు జరిగాయి.

సస్పెన్షన్ విషయానికొస్తే ముందువైపు టెలిస్కోపిక్ ఫోర్కులు, వెనుకవైపు గ్యాస్-ఛార్జ్డ్ ట్విన్ షాక్ అబ్జార్బర్లు ఉన్నాయి. కాంటినెంటల్ జీటీ 650 ప్రత్యేకమైన ఫ్యూయల్ ట్యాంక్, లో-స్లంగ్ రైడింగ్ పొజిషన్, స్పోర్టీ కేఫ్ రేసర్ డిజైన్ వంటివి యథాతథంగా కొనసాగుతున్నాయి. 1950, 1960ల నాటి కేఫ్ రేసర్ బైక్‌ల నుంచి స్ఫూర్తి పొందిన ఈ డిజైన్‌ను కొత్త మోడల్‌లో కూడా మార్చలేదు. కొత్తగా వచ్చిన యూఎస్‌బీ టైప్-సి చార్జింగ్ ఫీచర్ లాంగ్ రైడ్స్‌లో ఫోన్ ఛార్జ్ చేసుకోవడానికి బాగా ఉపయోగపడుతుంది.

రాకర్ రెడ్, బ్రిటిష్ రేసింగ్ గ్రీన్ మోడళ్ల ఎక్స్-షోరూమ్ ధర రూ.3,58,427గా ఉంది. అపెక్స్ గ్రే మోడల్ ధర రూ.3,80,921 కాగా, మిస్టర్ క్లీన్ మోడల్ ధర రూ.3,87,667గా నిర్ణయించారు.

కొత్త మోడల్‌లో ఎల్ఈడీ టర్న్ ఇండికేటర్లు, యూఎస్‌బీ టైప్-సి చార్జింగ్, కొన్ని కాస్మెటిక్ మార్పులు వచ్చాయి. కానీ ఇంజిన్, గేర్‌బాక్స్, ఇతర మెకానికల్ భాగాల్లో పెద్దగా మార్పుల్లేవు. కాబట్టి, కాంటినెంటల్ జీటీ 650 పాతకాలపు కేఫ్ రేసర్ లుక్‌ను ఇష్టపడేవారికి, ఈ కొత్త ఫీచర్లు అదనపు ఆకర్షణగా నిలుస్తాయి.

BMW Full Form : లగ్జరీ కార్ల కంపెనీ బిఎండబ్ల్యూ ఫుల్ ఫామ్ ఏంటో తెలుసా?

Arun Kumar P — Tue, 18 Aug 2026 12:04:37 +0530

ఆటోమొబైల్ ప్రపంచంలో BMWకి ప్రత్యేక స్థానం ఉంది. చాలామందికి ఈ బ్రాండ్ లోగో, కార్లు తెలుసు. కానీ BMW అనే మూడు అక్షరాల అసలు అర్థం ఏంటో చాలా తక్కువ మందికే తెలుసు. ఇంతకూ బిఎండబ్ల్యు ఫుల్ ఫామ్ ఏంటో తెలుసా?

ఈ రోజు చాలామంది అనుకుంటున్నట్లు BMW ప్రయాణం కార్ల తయారీ సంస్థగా ప్రారంభం కాలేదు. 20వ శతాబ్దం ప్రారంభంలో యూరప్‌లో ఇంజనీరింగ్, సాంకేతిక ఆవిష్కరణలు వేగంగా అభివృద్ధి చెందుతున్నప్పుడు ఈ కంపెనీ మొదలైంది. BMW పేరు దాని మూలం, భాష, పని విధానాన్ని సూచిస్తుంది.

BMW కంపెనీని 1916లో జర్మనీలో స్థాపించారు. ప్రారంభంలో ఈ కంపెనీ కార్లకు బదులుగా విమానాల ఇంజిన్ల తయారీపై దృష్టి పెట్టింది. ఆ సమయంలో విమానయాన సాంకేతికత అభివృద్ధి చెందుతుండగా, నమ్మకమైన ఇంజిన్లను తయారు చేస్తూ BMW తన వంతు పాత్ర పోషించింది.

మొదటి ప్రపంచ యుద్ధం తర్వాత, మారిన నిబంధనల కారణంగా BMW విమాన ఇంజిన్ల తయారీ నుంచి నెమ్మదిగా వైదొలిగింది. ఆ తర్వాత మోటార్‌సైకిళ్లు, కార్ల తయారీపై దృష్టి సారించింది. ఈ మార్పు జరిగినప్పటికీ, దాని అసలు పేరు మాత్రం మారలేదు. ఇది దాని ఇంజనీరింగ్ వారసత్వాన్ని తెలియజేస్తుంది.

BMW పూర్తి రూపం 'Bayerische Motoren Werke' (బయెరిషే మోటోరెన్ వెర్కే). ఇంగ్లీషులో దీని అర్థం 'Bavarian Motor Works' (బవేరియన్ మోటార్ వర్క్స్). 'Bayerische' అనే పదం దక్షిణ జర్మనీలోని 'Bavaria' (బవేరియా) అనే ప్రాంతాన్ని సూచిస్తుంది. 'Motoren' అంటే ఇంజిన్లు, 'Werke' అంటే ఫ్యాక్టరీ లేదా వర్క్స్. మొత్తం మీద ఈ పేరు జర్మనీలోని బవేరియా ప్రాంతంలో ఇంజిన్లు తయారు చేసే కంపెనీని సూచిస్తుంది.

ప్రస్తుతం BMW కార్లు, మోటార్‌సైకిళ్లు, ఎలక్ట్రిక్ వాహనాలను తయారు చేస్తున్నప్పటికీ, 'Bayerische Motoren Werke' అనే పేరు ఇంజిన్ల తయారీ, మెకానికల్ డిజైన్‌లో కంపెనీకున్న బలమైన పునాదిని ఇప్పటికీ సూచిస్తుంది.

EV Car: 10 నిమిషాల్లో ఫుల్ ఛార్జ్‌.. ఏకంగా 1100కిలో మీట‌ర్ల మైలేజ్ ఇచ్చే ఎల‌క్ట్రిక్ కారు

Narender Vaitla — Thu, 27 Aug 2026 18:02:58 +0530

EV Car: ఎలక్ట్రిక్ కార్లలో రేంజ్, ఛార్జింగ్ స్పీడ్‌ లో కొత్త రికార్డులు సృష్టించేలా చైనా ఎలక్ట్రిక్ వాహన తయారీ సంస్థ BYD కొత్త కారును తీసుకొచ్చింది. డెంజా జెడ్‌9ఎస్ పేరుతో లాంచ్ చేసిన కారుకు సంబంధించిన పూర్తి వివ‌రాలు.

డెంజా Z9S ఒక ఎలక్ట్రిక్ సెడాన్‌. చైనాలో దీని ప్రారంభ ధర సుమారు 47,100 డాలర్లు. భారత కరెన్సీలో చెప్పాలంటే దీని ధ‌ర‌ దాదాపు రూ.40 లక్షలు ఉంటుంది. ఈ ధరలోనే భారీ రేంజ్‌ను అందిస్తుండటం కారుకు ప్రధాన ఆకర్షణగా మారింది. కేవలం ఎక్కువ దూరం ప్రయాణించడమే కాకుండా వేగంగా బ్యాటరీని నింపుకునే సదుపాయాన్ని కూడా BYD ఇందులో అందించింది. దీంతో తరచూ లాంగ్ డ్రైవ్‌లు చేసే వారికి ఈ కారు బాగా ఉప‌యోగ‌ప‌డ‌నుంది.

Denza Z9Sలో BYDకు చెందిన బ్లేడ్ బ్యాట‌రీ టెక్నాలజీని ఉపయోగించారు. కంపెనీ వివరాల ప్రకారం.. కేవలం 5 నిమిషాల్లో బ్యాటరీని 10 శాతం నుంచి 70 శాతం వరకు ఛార్జ్ చేయవచ్చు. ఇక 10 శాతం నుంచి 97 శాతం వరకు ఛార్జ్ చేసేందుకు సుమారు 9 నిమిషాలు పడుతుందని BYD చెబుతోంది. అంటే కొన్ని నిమిషాలు ఛార్జింగ్ చేసిన తర్వాతే వందల కిలోమీటర్ల ప్రయాణానికి అవసరమైన బ్యాటరీని పొందే అవకాశం ఉంటుంది. ఎలక్ట్రిక్ వాహనాల్లో ఎక్కువగా కనిపించే ఛార్జింగ్ సమయం సమస్యకు ఇలాంటి టెక్నాలజీ పరిష్కారంగా మారవచ్చు.

డెంజా Z9Sను మూడు వేర్వేరు రేంజ్ ఆప్షన్లలో అందించనున్నట్లు సమాచారం. బేస్ వేరియంట్ సుమారు 780 కిలోమీటర్ల రేంజ్ ఇవ్వొచ్చు. తదుపరి వేరియంట్ రేంజ్ సుమారు 920 కిలోమీటర్లుగా ఉంటుంది. టాప్ వేరియంట్ ఏకంగా 1,100 కిలోమీటర్ల వరకు ప్రయాణిస్తుందని కంపెనీ ప్రకటించింది. అయితే ఈ రేంజ్ గణాంకాలను చూసేటప్పుడు ఒక ముఖ్యమైన విషయం గుర్తుంచుకోవాలి. ఇవి చైనాలో ఉపయోగించే CLTC టెస్టింగ్ విధానంపై ఆధారపడిన గణాంకాలు. ఈ పరీక్షల్లో సాధారణ రోడ్లపై వాస్తవ డ్రైవింగ్‌తో పోలిస్తే రేంజ్ మారే అవ‌కాశం ఉంది.

CLTC రేంజ్‌ను నేరుగా ఇతర దేశాల టెస్టింగ్ ఫలితాలతో పోల్చడం సరైనది కాదు. ముఖ్యంగా అమెరికాలో ఉపయోగించే EPA ప్రమాణాలు మరింత కఠినంగా ఉంటాయి. అదే ప్రమాణాల ప్రకారం Denza Z9S రేంజ్ తక్కువగా నమోదయ్యే అవకాశం ఉంది. ప్రస్తుతం అమెరికా మార్కెట్లో ఎక్కువ రేంజ్ అందించే ఎలక్ట్రిక్ కార్లలో లుసిడ్ ఎయిర్ గ్రాండ్ టూరింగ్ ఒకటి. దీని EPA రేంజ్ సుమారు 824 కిలోమీటర్లు. Denza Z9Sకు ప్రకటించిన 1,100 కిలోమీటర్ల రేంజ్ దీనికంటే ఎక్కువే అయినప్పటికీ, రెండు కార్ల గణాంకాలు వేర్వేరు టెస్టింగ్ విధానాల ఆధారంగా ఉండటంతో నేరుగా పోల్చడం సరికాదు.

Denza Z9Sలో అధిక రేంజ్‌తో పాటు అత్యంత వేగవంతమైన ఛార్జింగ్ టెక్నాలజీని అందించడంపై BYD ప్రధానంగా దృష్టి పెట్టింది. ఒకవైపు ఛార్జింగ్ సమయం తగ్గించడం, మరోవైపు ఎక్కువ దూరం ప్రయాణించేలా చేయడం ద్వారా ఎలక్ట్రిక్ కార్లపై వినియోగదారులలో ఉన్న ప్రధాన ఆందోళనలను తగ్గించే ప్రయత్నం చేసింది. అయితే 1,100 కిలోమీటర్ల రేంజ్ అనేది కంపెనీ పేర్కొన్న CLTC గణాంకం మాత్రమే. వాస్తవ రహదారులపై రేంజ్ డ్రైవింగ్ వేగం, వాతావరణం, రోడ్డు పరిస్థితులు, ఏసీ వినియోగం వంటి అంశాలపై ఆధారపడి మారుతుంది. అయినప్పటికీ వేగవంతమైన ఛార్జింగ్, భారీ రేంజ్‌తో Denza Z9S ఎలక్ట్రిక్ కార్ల మార్కెట్లో కొత్త పోటీకి దారితీసే మోడల్‌గా నిలిచే అవకాశం ఉంది.

Mahindra Scorpio Pickup Truck: అదరగొట్టే లుక్స్, కేక అనిపించే ఫీచర్లతో మహీంద్రా స్కార్పియో లైఫ్‌స్టైలర్ పిక్అప్ గ్రాండ్ ఎంట్రీ

Mahesh Rajamoni — Sun, 16 Aug 2026 09:06:34 +0530

Mahindra Scorpio Lifestyler Pickup: మహీంద్రా తన కొత్త స్కార్పియో లైఫ్‌స్టైలర్ పిక్అప్‌ను భారత్‌లో అధికారికంగా ఆవిష్కరించింది. 2027 ఏప్రిల్ నాటికి ఇది మార్కెట్లోకి రానుంది. అదరగొట్టే లుక్స్, కేక అనిపించే ఫీచర్లతో వస్తోంది. ఆ వివరాలు మీకోసం.

మహీంద్రా కంపెనీ లైఫ్‌స్టైలర్ పిక్అప్ సెగ్మెంట్‌లోకి సాలిడ్ రీఎంట్రీ ఇచ్చింది. స్కార్పియో ఎన్ మోడల్ ఆధారంగా రూపొందించిన ప్రొడక్షన్ వెర్షన్ పిక్అప్‌ను ‘స్కార్పియో లైఫ్‌స్టైలర్’ (గ్లోబల్ మార్కెట్లలో 'లైఫ్‌స్టైలర్') పేరుతో భారత్‌లో అధికారికంగా ప్రదర్శించింది. ఇది కేవలం స్కార్పియో ఎన్ వెనుక కార్గో బెడ్ తగిలించిన బండి మాత్రమే కాదు, అడ్వెంచర్ ఇష్టపడే నేటితరం వారికి, మోడ్రన్ బయ్యర్స్ కోసం ప్రత్యేకంగా డిజైన్ చేసిన మాస్ వెహికల్.

స్కార్పియో లైఫ్‌స్టైలర్ డిజైన్ పరంగా చాలా పవర్‌ఫుల్‌గా కనిపిస్తుంది.

ముందు భాగంలో భారీ క్రోమ్ స్టడెడ్ రెక్టాంగ్యులర్ గ్రిల్, దానికి ఇరువైపులా స్క్వేర్డ్-ఆఫ్ ఎల్ఈడీ హెడ్‌లాంప్స్ ఉంటాయి. గ్రిల్ పైన 'SCORPIO' అక్షరాలు మెరుస్తుంటాయి.
అగ్రెసివ్ బంపర్, చంకీ స్కిడ్ ప్లేట్, ఆరంజ్ టోవింగ్ పాయింట్స్, బ్లాక్ సర్రౌండ్స్‌తో కూడిన ఎల్ఈడీ ఫాగ్‌లాంప్స్ ఉన్నాయి.
ప్రొఫైల్‌లో బాక్సీ సిల్హౌట్, డ్యూయల్ క్యాబ్ లేఅవుట్, స్ట్రెయిట్ విండ్‌షీల్డ్, రూఫ్ రైల్స్, గ్లోసీ బ్లాక్ ఓఆర్వీఎంలు, డోర్ హ్యాండిల్స్‌పై క్రోమ్ ఇన్సర్ట్‌లు ఉంటాయి.
ఆఫ్‌రోడింగ్ కోసం ఫెండర్-మౌంటెడ్ స్నోర్కెల్, 18-ఇంచ్ డైమండ్-కట్ అల్లాయ్ వీల్స్ అంటే 255/65 గుడ్‌ఇయర్ రాంగ్లర్ టైర్లు అందించారు.
వెనుక వైపు 'MAHINDRA' ఎంబోస్డ్ టెయిల్‌గేట్, ఎల్ఈడీ టెయిల్‌లాంప్స్, స్టీల్ రిమ్ స్పేర్ వీల్, లీఫ్ స్ప్రింగ్ సస్పెన్షన్ ఉన్నాయి.
ఈ పిక్అప్ వ్యాలీ ఎడిషన్, రీఫ్ ఎడిషన్, ట్రయిల్ ఎడిషన్ అనే 3 స్పెషల్ థీమ్‌లలో లభిస్తుంది.
కలర్ ఆప్షన్లు: ఆక్వారీఫ్ (బ్లూ), సహారా బెజ్, ఆర్టెమిస్ గ్రే.

ఇంటీరియర్ వివరాలను పూర్తిగా వెల్లడించకపోయినా, టీజర్ల ప్రకారం ఇది గ్లోబల్ పిక్అప్ స్థాయి ఫీచర్లతో రానుంది. రిపోర్టుల ప్రకారం..

క్యాబిన్‌లో పెద్ద పోర్ట్రెయిట్-ఓరియెంటెడ్ టచ్‌స్క్రీన్ ఇన్ఫోటైన్‌మెంట్ సిస్టమ్, అల్యూమినియం ఇన్సర్ట్‌తో కూడిన కొత్త ఫోర్-స్పోక్ స్టీరింగ్ వీల్ ప్రధాన ఆకర్షణగా ఉంటాయి.
సెంటర్ కన్సోల్‌లో సిల్వర్ ఇన్సర్ట్‌లు, 4x4 సిస్టమ్ కోసం రోటరీ డయల్, పెద్ద సెంటర్ ఆర్మ్‌రెస్ట్ ఉంటాయి.
ఫీచర్ల జాబితాలో సింగిల్-పేన్ సన్‌రూఫ్, వైర్‌లెస్ ఆపిల్ కార్‌ప్లే అండ్ ఆండ్రాయిడ్ ఆటో, డిజిటల్ డ్రైవర్ డిస్‌ప్లే, డ్యూయల్-జోన్ క్లైమేట్ కంట్రోల్, పవర్డ్ అండ్ వెంటిలేటెడ్ ఫ్రంట్ సీట్లు, వైర్‌లెస్ ఛార్జర్, ప్రీమియం ఆడియో సిస్టమ్ ఉండే అవకాశం ఉంది.

భద్రత పరంగా ఈ వాహనంలో లెవెల్ 2 అడ్వాన్స్డ్ డ్రైవర్ అసిస్టెన్స్ సిస్టమ్స్ టెక్నాలజీ ఉండే అవకాశం ఉంది.
6 ఎయిర్‌బ్యాగ్‌లు, ఏబీఎస్ విత్ ఈబీడీ, ఈఎఎస్సీ, ఫ్రంట్ అండ్ రియర్ పార్కింగ్ సెన్సార్లు, హిల్ హోల్డ్ కంట్రోల్ ఉంటాయి.
540-డిగ్రీ కెమెరా సిస్టమ్ ద్వారా వాహనం చుట్టూ ఉన్న పరిసరాలను స్పష్టంగా చూడవచ్చు.
ఇంజిన్ ఆప్షన్లు:
2.0-లీటర్ mStallion టర్బో-పెట్రోల్: 203 PS పవర్, 380 Nm టార్క్ (6-స్పీడ్ MT / 6-స్పీడ్ AT, RWD).
2.2-లీటర్ mHawk డీజిల్: 175 PS పవర్, 400 Nm టార్క్ (6-స్పీడ్ MT / 6-స్పీడ్ AT, RWD / 4WD).

స్కార్పియో లైఫ్‌స్టైలర్‌ను ముంబైలోని మహీంద్రా ఇండియా డిజైన్ స్టూడియో లో డిజైన్ చేసి, చెన్నైలోని మహీంద్రా రీసెర్చ్ వ్యాలీ లో డెవలప్ చేశారు. మహీంద్రా లైఫ్‌స్టైలర్ పిక్అప్‌ ధరలను 2027 ఏప్రిల్‌లో ప్రకటిస్తుంది. దీని ప్రారంభ ధర రూ. 19.79 లక్షలు (ఎక్స్-షోరూమ్) లోపు ఉండే అవకాశం ఉంది. ఇది మార్కెట్లో ఇసుజు వీ-క్రాస్, టయోటా హిలక్స్‌లకు గట్టి పోటీనిస్తుంది.

ఆస్ట్రేలియా, న్యూజిలాండ్, సౌతాఫ్రికా, మిడిల్ ఈస్ట్, లాటిన్ అమెరికా వంటి గ్లోబల్ మార్కెట్లను మహీంద్రా టార్గెట్ చేస్తోంది. "అథెంటిక్ కెపాసిటీతో పాటు రోజువారీ వాడకానికి అనువైన టెక్నాలజీ, సేఫ్టీ కోరుకునే కస్టమర్ల కోసం ఈ మోడల్ తీసుకొస్తున్నాం" అని మహీంద్రా వర్గాలు పేర్కొన్నాయి. ఇదే సమయంలో మహీంద్రా తమ బీఈ 6-SPORTEQ ఎలక్ట్రిక్ SUV సిరీస్‌ను కూడా పరిచయం చేసింది. దీని డెలివరీలు 2026 ఆగస్టు 26 నుండి ప్రారంభం కానున్నాయి. లాంచ్ ఎడిషన్, ఫార్ములా ఈ ఫ్రీడమ్ ఎడిషన్ మోడళ్లను కూడా కంపెనీ ఆవిష్కరించింది.

ఇండియాలో అత్యంత చవకైన ఎలక్ట్రిక్ కారు ఇదే.. ధర, ఫీచర్లు అదుర్స్!

Arun Kumar P — Mon, 17 Aug 2026 21:42:10 +0530

భారత మార్కెట్లో ఎలక్ట్రిక్ కార్లలో కొత్త ఆప్షన్లు అందుబాటులోకి వచ్చాయి. తక్కువ బడ్జెట్‌లో ఆకర్షణీయమైన కారు MG కామెట్ ఈవీ. ఇది నగరాల్లో రోజువారీ ప్రయాణానికి ఉత్తమమైనది.

Hatchback Cars Sales: రూ. 4.99 లక్షల కారు దాటికి స్విఫ్ట్, బలేనో క్లీన్ స్వీప్.. నంబర్ 1 కార్ ఇదే

Mahesh Rajamoni — Thu, 20 Aug 2026 13:02:56 +0530

Hatchback Cars Sales India: జులై 2026లో 23,338 యూనిట్ల విక్రయాలతో మారుతి వాగన్ఆర్ భారతదేశంలో నంబర్-1 హ్యాచ్‌బ్యాక్‌గా నిలిచింది. ఈ విభాగంలో మొత్తం అమ్మకాలు 1,07,602 యూనిట్లకు చేరాయి.

భారతీయ కార్ల మార్కెట్‌లో హ్యాచ్‌బ్యాక్ కార్లకు ఉన్న డిమాండ్ అంత ఇంత కాదు.. రికార్డు సేల్స్ తో మరోసారి ఇద నిరూపితమైంది. జులై 2026లో ఈ సెగ్మెంట్ చాలా స్ట్రాంగ్ సేల్స్ నమోదు చేసింది. చాలా కాలం తర్వాత హ్యాచ్‌బ్యాక్ కార్ల మొత్తం మంత్లీ సేల్స్ 1 లక్ష యూనిట్ల మార్కును దాటేశాయి. జులై 2026లో దేశంలో ఏకంగా 1,07,602 హ్యాచ్‌బ్యాక్ కార్లు అమ్ముడయ్యాయి. గత ఏడాది అంటే జులై 2025లో ఈ సంఖ్య 74,475 యూనిట్లుగా మాత్రమే ఉండేది. అంటే ఏడాది కాలంలో అమ్మకాలు 33,127 యూనిట్లు పెరిగి, వార్షికంగా 44.48 శాతం గ్రోత్ నమోదు చేశాయి.

స్టార్టింగ్ ప్రైస్ రూ. 4.99 లక్షలు ఉన్న మారుతి సుజుకి వాగన్ ఆర్ (WagonR) అమ్మకాల్లో మొదటి స్థానాన్ని కైవసం చేసుకుంది. జులై 2026లో కంపెనీ 23,338 వాగన్ ఆర్ కార్లను విక్రయించింది. జులై 2025లో సేల్ అయిన 14,710 యూనిట్లతో పోలిస్తే ఇది 58.65 శాతం పెరుగుదల. మొత్తం హ్యాచ్‌బ్యాక్ అమ్మకాల్లో వాగన్ ఆర్ షేర్ 21.69 శాతంగా ఉంది. తక్కువ ధర, మంచి మైలేజ్, సేఫ్టీ కోసం 6 ఎయిర్‌బ్యాగ్స్ ఉండటంతో యూజర్లు ఈ కారును తెగ ఇష్టపడుతున్నారు.

రెండో స్థానంలో మారుతి సుజుకి స్విఫ్ట్ నిలిచింది. జులై 2026లో స్విఫ్ట్ 21,538 యూనిట్లు అమ్ముడయ్యాయి. గత ఏడాది జులైలో అమ్మిన 14,190 యూనిట్లతో పోలిస్తే ఇది 51.78 శాతం గ్రోత్. స్పోర్టీ డిజైన్, ఫీచర్ల కారణంగా ఈ కారు 20 శాతం మార్కెట్ షేర్ సాధించింది. ఇక మూడో స్థానంలో మారుతి బలేనో నిలిచింది. జులై 2026లో బలేనో 18,241 యూనిట్ల సేల్స్ సాధించి 45.89 శాతం వార్షిక వృద్ధిని నమోదు చేసింది. బలేనో మార్కెట్ షేర్ 16.95 శాతంగా ఉంది.

ఈ సేల్స్ రిపోర్ట్‌లో అందరినీ ఆశ్చర్యపరిచింది మారుతి ఆల్టో. జులై 2026లో ఆల్టో 12,534 యూనిట్లు అమ్ముడయ్యాయి. జులై 2025లో నమోదైన 5,910 యూనిట్లతో పోలిస్తే ఇది ఏకంగా 112.08 శాతం పెరుగుదల. అంటే ఏడాది వ్యవధిలో అమ్మకాలు రెట్టింపు కంటే ఎక్కువయ్యాయి. నాల్గో స్థానంలో ఆల్టో నిలవగా, టాప్-5లో టాటా టియాగో/EV 7,429 యూనిట్ల అమ్మకాలతో (33.26% గ్రోత్) ఐదో స్థానాన్ని సొంతం చేసుకుంది.

సేల్స్ ఛార్ట్‌లో హ్యుందాయ్ i20 6,738 యూనిట్లతో (98.41% గ్రోత్) ఆరో స్థానంలో నిలిచింది. టయోటా గ్లాంజా 4,461 యూనిట్లు అమ్ముడై 11.12 శాతం తగ్గుదల నమోదు చేసింది. హ్యుందాయ్ గ్రాండ్ i10 నియోస్ 4,055 యూనిట్లు, మారుతి సెలెరియో 3,914 యూనిట్లు, టాటా ఆల్ట్రోజ్ 2,862 యూనిట్లు అమ్ముడయ్యాయి.

ఎంజీ కామెట్ ఈవీ 1,116 యూనిట్లు, సిట్రోయెన్ C3 680 యూనిట్లు, రెనో క్విడ్ 516 యూనిట్లు విక్రయమయ్యాయి. చివరి స్థానాల్లో మారుతి S-ప్రెస్సో (100 యూనిట్లు), సిట్రోయెన్ eC3 EV (80 యూనిట్లు) నిలిచాయి. మారుతి ఇగ్నిస్ మాత్రం సున్నా సేల్స్ నమోదు చేసింది. SUVల ట్రెండ్ నడుస్తున్నా, నగరాల్లో తేలిగ్గా నడపడానికి, మెయింటెనెన్స్ తక్కువగా ఉండే హ్యాచ్‌బ్యాక్‌ల క్రేజ్ తగ్గలేదని ఈ డేటా చెబుతోంది.

EV Car : ఎలక్ట్రిక్ కారు కొంటున్నారా? అయితే మీరు ఈ విషయాలు తెలుసుకోవాల్సిందే

Arun Kumar P — Fri, 28 Aug 2026 10:30:45 +0530

ప్రస్తుతం పెట్రోల్, డీజిల్ కార్లకు బదులుగా ఎలక్ట్రిక్ వెహికల్స్ (EV) వైపు చాలామంది చూస్తున్నారు. అయితే ఈవీ కారు కొనేముందు లాభనష్టాలు కాదు కొన్ని ముఖ్యమైన ప్రాక్టికల్ విషయాలు కూడా తెలుసుకోవడం చాలా అవసరం.

పెట్రోల్, డీజిల్ కార్లతో పోలిస్తే ఎలక్ట్రిక్ (EV) కార్ల ధరలు ఎక్కువగా ఉంటాయి. కానీ ఇంధన ఖర్చు చాలా తగ్గుతుంది… అంటే ప్రతి ప్రయాణంలోనూ డబ్బులు ఆదా అవుతాయి. కాబట్టి ఈ వాహనాల కోసం ప్రారంభంలో ఎక్కువ డబ్బులు పెట్టినా పోనుపోను డబ్బులు ఆదా చేయవచ్చు.

ఇక పెట్రోల్, డీజిల్ ధరలు రోజురోజుకు పెరుగుతున్న నేపథ్యంలో బడ్జెట్ ప్రెండ్లీ మెయింటెనెన్స్ ఈవీ వాహనాలు బెస్ట్ ఆప్షన్ గా మారాయి. ఇంట్లో ఛార్జ్ చేస్తే చాలు… మార్గమధ్యలో పెట్రోల్ బంక్ వద్ద ఆగాల్సిన పని ఉండదు… అంటే ఖర్చు ఉండదు. ఒక కిలోమీటర్ ప్రయాణానికి అయ్యే కరెంట్ ఖర్చు, పెట్రోల్ ఖర్చు కంటే చాలా తక్కువగా ఉంటుంది.

ప్రతిరోజూ ప్రయాణాలు చేసేవారికి ఈవీ కార్లు చాలా ఉపయోగపడతాయి. పెట్రోల్, డీజిల్ కార్లలో ఉండే ఇంజిన్, స్పార్క్ ప్లగ్, ఇంజిన్ ఆయిల్ వంటి చాలా భాగాలు ఎలక్ట్రిక్ కార్లలో ఉండవు. కాబట్టి రెగ్యులర్ మెయింటెనెన్స్ అవసరం లేదు. ఇలా విడిభాగాలు తక్కువగా ఉండటం వల్ల నిర్వహణ ఖర్చు తగ్గుతుంది… మెయింటెనెన్స్ ఖర్చులు తగ్గి డబ్బులు ఆదా అవుతాయి.

ఎలక్ట్రిక్ కార్లు వెంటనే టార్క్ అందిస్తాయి, కాబట్టి కారు వేగంగా దూసుకెళ్తుంది. కానీ పెట్రోల్, డీజిల్ కార్లు ఇంజిన్‌తో నడుస్తాయి కాబట్టి ఈవీల కంటే శబ్దం, వైబ్రేషన్ ఎక్కువగా ఉంటాయి. ఈవీ కార్ల నుంచి పొగ రాదు కాబట్టి వాయు కాలుష్యం తగ్గుతుంది.

అయితే ఈవీ కారు కొనేముందు మీ ఇంట్లో పార్కింగ్, కరెంట్ కనెక్షన్, హోమ్ ఛార్జర్ ఏర్పాటు చేసుకునే సౌకర్యం ఉందో లేదో చూసుకోండి. ఇవి ఉంటేనే ఎలక్ట్రిక్ కారు కొనడం మంచిది… లేదంటే ఇబ్బందిపడాల్సి ఉంటుంది.

ఎలక్ట్రిక్ వాహనాల్లో ఏసీని నిరంతరం ఉపయోగించడం, కొండ ప్రాంతాల్లో ప్రయాణించడం, ప్రయాణికుల బరువు, అధిక వేగంతో నడపడం వంటి అంశాలు బ్యాటరీ ఛార్జ్ ను వేగంగా తగ్గించే అవకాశం ఉంటుంది. అదే సమయంలో స్థిరమైన వేగంతో నడపడం, రీజెనరేటివ్ బ్రేకింగ్‌ను సరిగ్గా ఉపయోగించడం వల్ల రేంజ్‌ను పెంచుకోవచ్చు.

ఈవీ కార్ల బ్యాటరీ కాలం గడిచేకొద్దీ సామర్థ్యాన్ని కోల్పోతుంది. అందుకే కారు కొనేముందు బ్యాటరీ వారంటీ, కిలోమీటర్ల పరిమితి, వారంటీ నిబంధనలు తప్పకుండా చూడాలి. చాలా ఈవీ కార్లకు 5 నుంచి 8 ఏళ్ల వరకు బ్యాటరీ వారంటీ లభిస్తుంది.

ఈవీ కార్లను స్లో/మోడరేట్ ఛార్జర్‌తో పూర్తిగా ఛార్జ్ చేయడానికి ఎక్కువ సమయం పట్టొచ్చు. ఫాస్ట్ ఛార్జర్ వాడితే సమయం తగ్గుతుంది. కానీ ఎంత వేగంగా ఛార్జ్ అవుతుందనేది కారు బ్యాటరీ, ఛార్జర్ సామర్థ్యంపై ఆధారపడి ఉంటుంది.

భారత్‌లో ఈవీ ఛార్జింగ్ ఇన్‌ఫ్రాస్ట్రక్చర్ వేగంగా విస్తరిస్తోంది. 2026 ఆగస్టు నాటికి దేశంలోని వివిధ రాష్ట్రాల్లో 67,657 ఈవీ ఛార్జర్లు ఏర్పాటు చేసినట్లు కేంద్ర ప్రభుత్వం తెలిపింది.

క్లుప్తంగా చెప్పాలంటే..

పెట్రోల్ కారు = ఎక్కువ ఇంధనం + ఎక్కువ రొటీన్ మెయింటెనెన్స్

ఈవీ కారు = తక్కువ ఛార్జింగ్ ఖర్చు + తక్కువ రొటీన్ మెయింటెనెన్స్

మీ రోజువారీ ప్రయాణ దూరం, ఇంట్లో ఛార్జింగ్ సౌకర్యం, సుదూర ప్రయాణ అవసరాలు, బ్యాటరీ వారంటీ, మొత్తం ఖర్చు వంటివి లెక్కించుకుని కారు కొనడం ఉత్తమ నిర్ణయం అవుతుంది. వీటి ఆధారంగా పెట్రోల్ కారు బెటరా లేక ఈవి బెటరా మీరే నిర్ణయించుకోవచ్చు.

Bike Mileage : బైక్ మైలేజ్ పెరిగి పెట్రోల్ ఖర్చు తగ్గాలా? అయితే ఈ 7 టిప్స్ ఫాలో అవ్వండి

Arun Kumar P — Fri, 28 Aug 2026 14:08:13 +0530

పెట్రోల్ ధరలు పెరగకుండా మనం అడ్డుకోలేం. కానీ కొన్ని సింపుల్ డ్రైవింగ్ అలవాట్లు, మెయింటెనెన్స్ పద్ధతులు మార్చుకుంటే అనవసరంగా అయ్యే పెట్రోల్ ఖర్చును తగ్గించుకోవచ్చు. అవేంటో తెలుసుకుందాం.

రోజూ బైక్ పై ఆఫీసుకు వెళ్లే ఉద్యోగులకు, కాలేజీకి వెళ్లే విద్యార్థులకు, బిజినెస్ పనులకు బయటతిరిగే వ్యాపారులకు నెల బడ్జెట్‌లో పెట్రోల్ ఖర్చే పెద్ద మొత్తంలోనే ఉంటుంది. పెరుగుతున్న పెట్రోల్ ధరలు చాలా కుటుంబాల నెలవారీ ఖర్చులపై తీవ్ర ప్రభావం చూపుతున్నాయి. పెట్రోల్ ధరను మనం నేరుగా నియంత్రించలేం… ఎందుకంటే అది గ్లోబల్ మార్కెట్‌పై ఆధారపడి ఉంటుంది. కానీ అనవసరంగా పెట్రోల్ వాడకాన్ని తగ్గించడానికి మనం కొన్ని సింపుల్, స్మార్ట్ పనులు చేయొచ్చు. మీ బైక్ మైలేజ్‌ను మెరుగుపరచి, అనవసర ఖర్చును తగ్గించడంలో సాయపడే 7 ముఖ్యమైన విషయాలు ఇక్కడ చూద్దాం.

బైక్ టైర్లలో గాలి తక్కువగా ఉంటే రోడ్డుకు, టైర్‌కు మధ్య ఘర్షణ పెరుగుతుంది. దీనివల్ల ఇంజిన్‌పై ఎక్కువ భారం పడి, ఎక్కువ పెట్రోల్ ఖర్చవుతుంది. అందుకే మీ బైక్ తయారీ సంస్థ సూచించిన ప్రకారం టైర్ ప్రెజర్‌ను ఎప్పటికప్పుడు చెక్ చేసుకుని, సరైన స్థాయిలో మెయింటెయిన్ చేయడం చాలా ముఖ్యం. 'ఎక్కువ గాలి కొడితే ఎక్కువ మైలేజ్ వస్తుంది' అని అనుకుని, కంపెనీ చెప్పిన దానికంటే ఎక్కువ గాలి నింపొద్దు… అలాగని తక్కువ నింపవద్దు.

పదేపదే సడన్‌గా యాక్సిలరేటర్ పెంచడం, ఆ తర్వాత వెంటనే బ్రేకులు వేయడం వంటివి చేస్తే అనవసరంగా పెట్రోల్ ఎక్కువ కాలుతుంది. ఇలాంటి పనుల వల్ల ఇంజిన్‌పై ఒత్తిడి పెరిగి, ఎక్కువ పెట్రోల్ తాగుతుంది. వీలైనంత వరకు రోడ్డు పరిస్థితులకు అనుగుణంగా, స్మూత్‌గా యాక్సిలరేషన్, బ్రేకింగ్ చేయడం మంచిది. ట్రాఫిక్‌లో ముందున్న వాహనాలను గమనిస్తూ, ముందుగానే వేగాన్ని కంట్రోల్ చేసుకుంటే అనవసరమైన బ్రేకులు, యాక్సిలరేషన్‌ను తగ్గించవచ్చు. పెట్రోల్ కంటే మన భద్రతే ముఖ్యం… కాబట్టి ప్రమాదకరంగా నెమ్మదిగా నడపవద్దు.

బైక్ ఆగి ఉన్నప్పుడు అనవసరంగా ఇంజిన్‌ను ఎక్కువసేపు ఆన్‌లో ఉంచడం వల్ల ప్రయాణం ముందుకు సాగకపోయినా పెట్రోల్ వృథా అవుతుంది. ట్రాఫిక్ సిగ్నల్స్ వంటి చోట్ల ఎక్కువసేపు ఆగాల్సి వస్తే, ఇంజిన్‌ను ఆఫ్ చేయడం వల్ల పెట్రోల్ ఆదా అవుతుంది. అనవసరమైన ఐడ్లింగ్‌ను నివారించడం పెట్రోల్ ఆదాలో ఒక ముఖ్యమైన స్టెప్. కానీ ప్రతి చిన్న స్టాప్‌లో ఇంజిన్‌ను ఆన్/ఆఫ్ చేయడం తప్పనిసరి కాదు. ట్రాఫిక్ పరిస్థితులు, మీ బైక్ తయారీదారు సూచనలను కూడా పరిగణనలోకి తీసుకోవాలి.

బైక్ ఎయిర్ ఫిల్టర్, ఇంజిన్‌లోకి వెళ్లే గాలిని శుభ్రపరచడంలో కీలక పాత్ర పోషిస్తుంది. ఈ ఎయిర్ ఫిల్టర్ దుమ్ము, ధూళితో మూసుకుపోతే ఇంజిన్ పనితీరు దెబ్బతింటుంది. మురికి గాలి ఇంజిన్‌లోకి వెళ్లడం వల్ల ఇంధనం పూర్తిగా మండక వృథా అయ్యే అవకాశం ఉంది. దీనివల్ల పెట్రోల్ వాడకం కూడా పెరుగుతుంది. కాబట్టి మీ బైక్ కంపెనీ సూచనల ప్రకారం ఎయిర్ ఫిల్టర్‌ను తనిఖీ చేసి, అవసరమైనప్పుడు దాన్ని శుభ్రం చేయడం లేదా మార్చడం చేయాలి. ఇది ఇంజిన్ ఆరోగ్యానికి, పెట్రోల్ ఆదాకు చాలా అవసరం.

సరైన సమయానికి బైక్‌ను సర్వీసింగ్ చేయించడం వల్ల ఇంజిన్, ఇతర ముఖ్యమైన భాగాలు సరిగ్గా పనిచేస్తాయి. ఇంజిన్ ఆయిల్, ఎయిర్ ఫిల్టర్, స్పార్క్ ప్లగ్ వంటివి మీ మోటార్‌సైకిల్ తయారీదారు సర్వీస్ షెడ్యూల్ ప్రకారం తనిఖీ చేసి, అవసరమైతే మార్చాలి. 'సర్వీస్ ఖర్చు ఆదా చేసుకోవచ్చు' అని భావించి సర్వీసింగ్‌ను వాయిదా వేయడం వల్ల, దీర్ఘకాలంలో బైక్ పనితీరు దెబ్బతిని, నిర్వహణ ఖర్చులు పెరుగుతాయి. సరైన సమయంలో సర్వీసింగ్ చేయించడం బైక్ లైఫ్‌కు, పెట్రోల్ ఆదాకు మంచిది.

బైక్‌పై అనవసరమైన బరువు మోయకండి

బైక్‌పై అనవసరంగా బరువైన వస్తువులను మోసుకెళ్లడం కూడా పెట్రోల్ వాడకాన్ని పెంచుతుంది. బైక్ ఎక్కువ బరువును మోస్తున్నప్పుడు, ఇంజిన్ ఎక్కువ కష్టపడాల్సి వస్తుంది. దీనివల్ల ఎక్కువ పెట్రోల్ ఖర్చవుతుంది. రోజువారీ ప్రయాణానికి అవసరం లేని వస్తువులను బైక్‌లో శాశ్వతంగా ఉంచవద్దు. అలాగే తయారీదారు పేర్కొన్న అనుమతించిన బరువు పరిమితిని మించి వస్తువులను లేదా ప్రయాణికులను ఎక్కించకూడదు.

పెట్రోల్ ధరను మనం రోజూ మార్చలేం, కానీ పైన పేర్కొన్న అలవాట్లు అనవసరమైన ఇంధన వినియోగాన్ని నియంత్రించడంలో సహాయపడతాయి. మైలేజ్ పెరగడానికి మ్యాజిక్ టిప్స్ ఏవీ ఉండవు… బైక్‌ను సరిగ్గా మెయింటెయిన్ చేసి, తెలివిగా నడపడమే ముఖ్యం.

Car Loan : సెలబ్రిటీలు భార్య పేరుపైనే కారు కొంటుంటారు.. ఎందుకో తెలుసా?

Arun Kumar P — Mon, 31 Aug 2026 19:53:59 +0530

పండగ సీజన్ వచ్చేసింది… ఈ టైమ్ లో మంచిమంచి ఆఫర్లు ఉంటాయి కాబట్టి చాలామంది కొత్త కారు కొంటుంటారు. మీరు కూడా దసరాకో లేదా దీపావళికో కారు కొనాలని ప్లాన్ చేస్తున్నారా? అయితే మీ పేరు మీద కాకుండా మీ భార్య పేరు మీద కొనండి. దీనివల్ల కలిగే లాభాలేంటో తెలుసా?

బాగా డబ్బులుండే సెలబ్రిటీలు, వ్యాపారవేత్తలు సైతం తమ పేరుతో కాకుండా ఇంట్లోని ఆడవాళ్ల పేరుతో కొత్తకార్లు కొంటుంటారు. ఇలా భార్య, సోదరి లేదా తల్లి పేరు మీద కారు కొనడం వల్ల కొన్ని సందర్భాల్లో డబ్బు ఆదా చేసుకోవచ్చు. అయితే ఈ ప్రయోజనాలు అందరికీ ఒకేలా ఉండవు. బ్యాంకు ఆఫర్లు, లోన్ ప్లాన్, ఆయా రాష్ట్రాల నిబంధనలను బట్టి లాభాలు మారవచ్చు.

కొన్ని బ్యాంకులు మహిళా కస్టమర్ల కోసం ప్రత్యేక కార్ లోన్ ఆఫర్లు ఇస్తుంటాయి. వడ్డీ రేటులో తేడా కొంచెమే ఉన్నా ఎక్కువ సంవత్సరాల లోన్‌పై మొత్తం వడ్డీ భారం తగ్గుతుంది. కొన్ని బ్యాంకుల్లో 0.5% వరకు వడ్డీ తక్కువగా ఉంటుంది. ఉదాహరణకు వడ్డీ 8.5% ఉంటే, మహిళ పేరు మీద కారు కొన్నప్పుడు అది 8% అవుతుంది. అయితే, లోన్ తీసుకునే ముందు బ్యాంకు ప్రస్తుత వడ్డీ రేట్లు, అర్హత నియమాలను చెక్ చేసుకోవడం ముఖ్యం.

కొన్ని ప్రత్యేక లోన్ స్కీమ్‌లలో తక్కువ డౌన్ పేమెంట్ లేదా ఎక్కువ లోన్ అమౌంట్ పొందే అవకాశం ఉంటుంది. కొన్ని కంపెనీలు మహిళల పేరుతో కారు కొంటే జీరో డౌన్ పేమెంట్ సౌకర్యం కూడా కల్పిస్తాయి… అంటే రూపాయి కట్టకుండానే కారు ఇంటికి తీసుకెళ్లవచ్చు.అయితే మహిళల పేరు మీద కారు కొంటే అన్ని బ్యాంకులు జీరో డౌన్ పేమెంట్ ఇస్తాయని చెప్పలేం. బ్యాంకు నిబంధనలను బట్టి ఇది ఆధారపడి ఉంటుంది. ఉదాహరణకు ఐదు లక్షల డౌన్ పేమెంట్ కట్టే చోట 2.5 లక్షలు కడితే సరిపోయే అవకాశం ఉంటుంది.

కొన్ని బ్యాంకులు లేదా ఆటోమొబైల్ కంపెనీలు మహిళా కస్టమర్ల కోసం ప్రత్యేక ఆఫర్లు ప్రకటిస్తాయి. వీటిలో తక్కువ ప్రాసెసింగ్ ఫీజు, ప్రత్యేక వడ్డీ రేటు లేదా వేగంగా లోన్ ప్రాసెస్ చేయడం వంటివి ఉంటాయి. అయితే ఇవి శాశ్వతమైన నియమాలు కావు. ఆ సమయానికి ఉన్న ఆఫర్లు, బ్యాంకు షరతులను చూసుకుని లోన్ తీసుకోవాలి.

మహిళ పేరు మీద కారు రిజిస్టర్ చేస్తే రోడ్ ట్యాక్స్ కూడా తగ్గుతుంది… ఇది రాష్ట్రాన్ని బట్టి మారుతుంది. దాదాపు 2% నుంచి 10% వరకు రోడ్ ట్యాక్స్ తగ్గే అవకాశం ఉంది. అయితే కేవలం పన్ను ఆదా అవుతుందని మాత్రమే నిర్ణయం తీసుకోకండి. బ్యాంకు వడ్డీ రేటు, ప్రాసెసింగ్ ఫీజు, డౌన్ పేమెంట్, ఇన్సూరెన్స్, మీ రాష్ట్రంలో ఉన్న ప్రస్తుత రోడ్ ట్యాక్స్ నియమాలను పోల్చి చూసుకున్నాకే మహిళల పేరుతో కారు కొనాలో వద్దో తుది నిర్ణయం తీసుకోవాలి.

Cheapest Bike in India : కేవలం రూ.59999కే కొత్త బైక్.. మైలేజ్ ఎంతిస్తుందో తెలిస్తే షాకే..!

Arun Kumar P — Tue, 11 Aug 2026 15:59:36 +0530

అతి తక్కువ ధరలో మంచి మైలైజ్, తక్కువ మెయింటెనెన్స్ కలిగిన బైక్ కావాలా? అయితే హీరో హెచ్‌ఎఫ్ డీలక్స్ పర్పెక్ట్ ఛాయిస్. దీని ధర ఎంత? మైలేజ్ ఎంత ఇస్తుంది? తదితర వివరాలను ఇక్కడ తెలుసుకుందాం.

భారత్‌లో తక్కువ ధరలో లభించే కమ్యూటర్ బైకుల మార్కెట్‌లో హీరో హెచ్‌ఎఫ్ డీలక్స్‌కు మంచి పేరుంది. రోజూ ఆఫీసుకు, ఇతర పనులకు తక్కువ ఖర్చుతో ప్రయాణాలు చేయాలనుకునే సామాన్య, మధ్యతరగతి కస్టమర్స్ కోసమే హీరో ఈ బైక్ తీసుకువచ్చింది. ప్రస్తుతం ఈ బైక్ ధర మరింత తగ్గింది… కొన్ని చోట్ల కేవలం రూ.59,999 ప్రత్యేక ధరకు అమ్ముతున్నట్లు సమాచారం. దీని ప్రారంభ ధర రూ.66,782గా ఉండేది… వివిధ ఆఫర్ల కింద ధర తగ్గించి అమ్ముతున్నారు.

హీరో హెచ్‌ఎఫ్ డీలక్స్‌ ధరల తగ్గింపు బడ్జెట్ బైక్ కొనాలనుకునేవారి దృష్టిని ఆకర్షిస్తోంది. అయితే ఈ రూ.59,999 ధర దేశవ్యాప్తంగా అన్నిచోట్లా ఉండకపోవచ్చు. ఇది కేవలం పరిమిత కాల ఆఫర్ లేదా స్టాక్ ఉన్నంతవరకే కావచ్చు. కాబట్టి కొనేముందు మీ దగ్గర్లోని హీరో డీలర్‌ను సంప్రదించి అసలు ధర, ఆఫర్ వివరాలు, ఇన్సూరెన్స్, రిజిస్ట్రేషన్ వంటి అదనపు ఖర్చుల గురించి స్పష్టంగా అడిగి తెలుసుకోవాలి. ఎందుకంటే ఎక్స్-షోరూమ్ ధర వేరు, ఆన్-రోడ్ ధర వేరుగా ఉంటుంది.

హీరో హెచ్‌ఎఫ్ డీలక్స్ బైక్‌లో 97.2cc, సింగిల్-సిలిండర్, ఎయిర్-కూల్డ్ ఇంజిన్‌ను అమర్చారు. ఈ ఇంజిన్ 8.02 PS గరిష్ట శక్తిని, 8.05 Nm గరిష్ట టార్క్‌ను ఉత్పత్తి చేస్తుంది. దీనికి 4-స్పీడ్ గేర్‌బాక్స్ జతచేశారు. సిటీ ట్రాఫిక్, రోజువారీ ప్రయాణాలకు ఈ బైక్ చక్కగా సరిపోతుంది. కొన్ని వేరియంట్లలో హీరో i3S టెక్నాలజీ కూడా ఉంది. ట్రాఫిక్‌లో ఆగినప్పుడు ఇంజిన్ ఆటోమేటిక్‌గా ఆఫ్ అయి, పెట్రోల్ ఆదా చేస్తుంది.

సస్పెన్షన్ విషయానికొస్తే ఈ హీరో హెచ్‌ఎఫ్ డీలక్స్ ముందువైపు టెలిస్కోపిక్ ఫోర్కులు, వెనుకవైపు హైడ్రాలిక్ షాక్ అబ్జార్బర్లు ఉన్నాయి. బ్రేకింగ్ కోసం ముందు, వెనుక డ్రమ్ బ్రేకులు ఇచ్చారు. మెరుగైన భద్రత కోసం ఇంటిగ్రేటెడ్ బ్రేకింగ్ సిస్టమ్‌ను కూడా అందించారు. ఇలా అన్నిరకాలుగా ఇది బెస్ట్ ఫీచర్లను కలిగివుంది.

మొత్తం మీద తక్కువ బడ్జెట్‌లో రోజువారీ ప్రయాణానికి ఒక మంచి బైక్ కొనాలనుకునే వారికి హీరో హెచ్‌ఎఫ్ డీలక్స్ మంచి ఆప్షన్. రూ.59,999 ఆఫర్ ధర నిజంగా ఆకర్షణీయంగా ఉంది.

అయితే ఈ బైక్ మైలేజ్ అనేది రోడ్ల పరిస్థితి, ట్రాఫిక్, నడిపే విధానం, బండి మెయింటెనెన్స్ వంటి విషయాలపై ఆధారపడి ఉంటుంది. సాధారణంగా అయితే 70-72 KMPL మైలేజ్ ఇస్తుందని హీరో కంపెనీ చెబుతోంది.

హీరో హెచ్‌ఎఫ్ డీలక్స్ ధర తగ్గింపు ఆఫర్ అన్ని డీలర్ల దగ్గర ఉండకపోవచ్చు. కాబట్టి కొనుగోలు చేసే ముందు అధికారిక ధర, డీలర్ ఇస్తున్న ఆఫర్లు, మొత్తం ఆన్-రోడ్ ధర ఎంత అవుతుందో పోల్చి చూసుకుని నిర్ణయం తీసుకోవడం ఉత్తమం.

TVS: 145 కిలోమీట‌ర్ల మైలేజ్‌, టైప్‌సీ ఛార్జ‌ర్‌.. టీవీఎస్ నుంచి అదిరిపోయే ఎల‌క్ట్రిక్ స్కూట‌ర్

Narender Vaitla — Tue, 25 Aug 2026 22:00:22 +0530

TVS: ప్ర‌ముఖ ఎల‌క్ట్రిక్ స్కూటర్ సంస్థ టీవీఎస్ ఐక్యూబ్‌లో కొత్త మిలియ‌న్ఆర్ స్పెష‌ల్ ఎడిష‌న్‌ను మార్కెట్లోకి తీసుకొచ్చింది. ఐక్యూబ్ 10 లక్షల మంది కస్టమర్లను దాటిన సందర్భంగా కంపెనీ ఈ ప్రత్యేక ఎడిషన్‌ను విడుదల చేసింది.

టీవీఎస్ ఐక్యూబ్ దేశంలో మంచి ఆదరణ పొందిన ఎలక్ట్రిక్ స్కూటర్లలో ఒకటిగా నిలిచింది. ఇప్పటివరకు ఈ స్కూటర్‌ను 10 లక్షల మందికి పైగా కొనుగోలు చేశారు. ఈ మైలురాయిని పురస్కరించుకుని టీవీఎస్ మిలియ‌న్ఆర్ స్పెష‌ల్ ఎడిష‌న్‌ను తీసుకొచ్చింది. సాధారణ iQubeతో పోలిస్తే ఈ స్పెషల్ ఎడిషన్‌లో డిజైన్, కలర్, కొన్ని సౌకర్యాల్లో మార్పులు చేశారు.

మిలియ‌న్ఆర్ స్పెష‌ల్ ఎడిష‌న్‌లో ప్రధాన ఆకర్షణ దాని కొత్త లుక్. ఈ స్కూటర్‌కు అక్వారా గ్రీన్ డ్యూయల్ టోన్ కలర్ ఇచ్చారు. దీనికి ప్రత్యేక గ్రాఫిక్స్ జోడించారు. అలాగే MillionR పేరుతో ప్రత్యేక బ్యాడ్జింగ్ అందించారు. దీంతో సాధారణ iQubeతో పోలిస్తే ఈ స్పెషల్ ఎడిషన్ ప్రత్యేకంగా కనిపిస్తుంది. ప్రీమియం సీట్ కవర్ కూడా ఇందులో ఉంది.

కొత్త iQube MillionR Editionలో రోజువారీ అవసరాలను దృష్టిలో పెట్టుకుని యూఎస్‌బీ టైప్‌సీ ఛార్జింగ్ పోర్ట్ ఇచ్చారు. గతంలో ఐక్యూబ్‌లో USB-A పోర్ట్ సీటు కింద ఉండేది. ఫోన్ ఛార్జ్ చేయాలంటే సీటు తెరవాల్సి వచ్చేది. ఇప్పుడు టైప్‌-సీ పోర్ట్‌ను సులభంగా ఉపయోగించుకునేలా ఏర్పాటు చేశారు. దీంతో ప్రయాణ సమయంలో ఫోన్ ఛార్జింగ్ మరింత సులభంగా మారుతుంది.

కొత్త ఎడిషన్‌లో మరో ఉపయోగకరమైన మార్పు ఫ్రంట్ స్టోరేజ్ బాక్స్. ఇందులో మొబైల్ ఫోన్‌తో పాటు చిన్నచిన్న రోజువారీ వస్తువులను పెట్టుకోవచ్చు. ఛార్జింగ్ సమయంలో ఫోన్‌ను కూడా ఈ స్థలంలో ఉంచుకోవచ్చు. నగరాల్లో రోజూ స్కూటర్‌పై ప్రయాణించే వారికి ఈ ఫీచర్ ఉపయోగకరంగా ఉంటుంది.

TVS iQube MillionR Special Editionలో 145 కిలోమీటర్ల వరకు IDC రేంజ్ వస్తుందని కంపెనీ పేర్కొంది. అంటే అధికారిక పరీక్షా ప్రమాణాల ప్రకారం ఒక్కసారి పూర్తిగా ఛార్జ్ చేస్తే 145 కిమీ వరకు ప్రయాణించే అవకాశం ఉంటుంది. అయితే వాస్తవ పరిస్థితుల్లో వచ్చే రేంజ్ దీనికంటే తక్కువగా లేదా ఎక్కువగా ఉండొచ్చు. ట్రాఫిక్, ప్రయాణ వేగం, రైడర్ బరువు, రోడ్డు పరిస్థితులు, స్కూటర్‌లో ఉపయోగించే ఫీచర్లు వంటి అంశాలపై రేంజ్ ఆధారపడి ఉంటుంది. మొత్తంగా చూస్తే కొత్త కలర్, ప్రత్యేక బ్యాడ్జింగ్, ప్రీమియం సీట్‌తో పాటు యూఎస్‌బీ టైప్‌-సీ పోర్ట్, ఫ్రంట్ స్టోరేజ్ వంటి సౌకర్యాలను జోడించడం ద్వారా TVS iQube MillionR Special Editionను మరింత ఆకర్షణీయంగా తీర్చిదిద్దింది.

Electric Scooter : లక్ష కిలోమీటర్ల బ్యాటరీ వారంటీతో ఈవి స్కూటీ... ధర కేవలం లక్ష రూపాయలే..!

Arun Kumar P — Mon, 31 Aug 2026 18:57:45 +0530

ఎలక్ట్రిక్ స్కూటర్ కొనాలనుకునేవారికి బ్యాటరీ లైఫ్ గురించే పెద్ద టెన్షన్… అయితే ఈ భయాలకు చెక్ పెడుతూ ప్రముఖ ఎలక్ట్రిక్ వాహనాల తయారీ సంస్థ ఏథర్ కొత్త స్కూటర్‌ను మార్కెట్లోకి తెచ్చింది. దీని ప్రత్యేకతలేంటో ఇక్కడ తెలుసుకుందాం.

ఎలక్ట్రిక్ స్కూటర్ కొనాలనుకునే వాళ్లు ముఖ్యంగా చూసేది బ్యాటరీ ఎన్ని రోజులు వస్తుంది? రిపేర్ వస్తే లక్షలు ఖర్చవుతుందా? అనేదే. ఈ సందేహాలకు సమాధానంగా ఏథర్ కోనార్క్ (Ather Konarc) భారత మార్కెట్లోకి వచ్చింది. దీని స్పెషాలిటీ ఏంటంటే ఏకంగా 10 ఏళ్లు లేదా 1,00,000 కిలోమీటర్ల వరకు బ్యాటరీ వారంటీతో వస్తోంది.

అయితే ఇక్కడో విషయం గమనించాలి… ఈ 10 ఏళ్ల వారంటీ అన్ని వేరియంట్లకు ఫ్రీగా రాదు. ఇది అదనపు ఛార్జీతో 'AtherStack Pro', 'Extended Battery Warranty' ప్లాన్ల కింద లభించే ఒక ఆప్షన్ మాత్రమే. ఏథర్ ఎనర్జీ కొత్త EL ప్లాట్‌ఫామ్‌పై దీన్ని తయారు చేసింది. దీని ప్రారంభ ధర రూ.99,999 (ఎక్స్-షోరూమ్).

ఏథర్ కోనార్క్ స్కూటర్‌ కొనుగోలుపై సాధారణంగా 3 ఏళ్లు లేదా 30,000 కి.మీ. వారంటీ వస్తుంది. కానీ AtherStack Pro ద్వారా దీన్ని పొడిగించుకోవచ్చు.

3 ఏళ్లు లేదా 30,000 కి.మీ – బేసిక్ వారంటీ

5 ఏళ్లు లేదా 60,000 కి.మీ – AtherStack Proతో వస్తుంది

8 ఏళ్లు లేదా 80,000 కి.మీ – అదనపు ఎక్స్‌టెండెడ్ వారంటీతో వస్తుంది

10 ఏళ్లు లేదా 1,00,000 కి.మీ – ప్రీమియం ఎక్స్‌టెండెడ్ వారంటీ ఆప్షన్‌తో వస్తుంది. 10 ఏళ్ల ప్లాన్ కోసం అదనంగా రూ.8,999 చెల్లించాలి. వారంటీ ముగిసేనాటికి బ్యాటరీ హెల్త్ (State of Health) కనీసం 70% ఉంటుందని కంపెనీ హామీ ఇస్తోంది.

ఇక రేంజ్ విషయానికొస్తే ఏథర్ కోనార్క్ S సిరీస్‌లో 100, 125, 161, 200 కి.మీ IDC రేంజ్ ఆప్షన్లు ఉన్నాయి. ప్రస్తుతం కొన్ని నగరాల్లో 125, 161 కి.మీ వేరియంట్లు కూడా కస్టమర్లకు అందుబాటులో ఉన్నాయి.

ఏథర్ కోనార్క్‌లో 450W ఆన్‌బోర్డ్ ఛార్జర్ ఉంటుంది. దీనికి అదనంగా బయటి నుంచి మరో 450W ఆఫ్‌బోర్డ్ ఛార్జర్‌ను ఉపయోగించి 'కంబైన్డ్ ఛార్జింగ్' చేయొచ్చు. దీంతో ఇంట్లో ఛార్జింగ్ సమయం బాగా తగ్గుతుంది. కొన్ని వేరియంట్లలో 0 నుంచి 80% ఛార్జింగ్‌కు సుమారు 2 గంటల నుంచి 3 గంటల 10 నిమిషాల సమయం పడుతుంది.

ఈ ఏథర్ కోనార్క్ లో బలమైన మెటల్ బాడీ, స్టీల్ యూనిబాడీ ఛాసిస్, 14-అంగుళాల అలాయ్ వీల్స్, 31-లీటర్ల అండర్-సీట్ స్టోరేజ్, AeBS (అడ్వాన్స్‌డ్ ఎలక్ట్రానిక్ బ్రేకింగ్ సిస్టమ్), రివర్స్, ఎయిర్‌వాక్ వంటి ఫీచర్లు ఉన్నాయి. సర్వీస్ కూడా 10,000 కి.మీ. లేదా ఏడాదికి ఒకసారి చేయిస్తే చాలు.

ఎలక్ట్రిక్ స్కూటర్ కొనడానికి చాలామంది వెనకడుగు వేయడానికి కారణం.. బ్యాటరీ మార్చాల్సి వస్తే అయ్యే ఖర్చే. ఆ భయాన్ని తగ్గించడానికే ఏథర్ ఈ లాంగ్-టర్మ్ వారంటీ ప్లాన్‌ను తీసుకొచ్చింది. రోజూ ఎక్కువ దూరం ప్రయాణించేవాళ్లు, ఒకే స్కూటర్‌ను చాలా ఏళ్లు వాడాలనుకునే వాళ్లకు ఈ ఎక్స్‌టెండెడ్ వారంటీ ప్లాన్ బాగా ఉపయోగపడుతుంది.

మొత్తానికి రూ.1 లక్ష లోపు ప్రారంభ ధర, 200 కి.మీ వరకు రేంజ్ ఆప్షన్లు, బలమైన బాడీ, 10 ఏళ్ల వరకు వారంటీని పొడిగించుకునే సౌలభ్యం.. ఇవన్నీ ఏథర్ కోనార్క్‌ను మార్కెట్లో ఓ మంచి ఆప్షన్‌గా నిలుపుతున్నాయి. కానీ కొనేముందు ఒక్క విషయం గుర్తుంచుకోవాలి: 10 ఏళ్ల వారంటీ అనేది అదనపు ప్లాన్ మాత్రమే, బేసిక్ వారంటీ కాదు.

Best Diesel Cars : రూ.10 లక్షల బడ్జెట్‌లో బెస్ట్ డీజిల్ కార్లు ఇవే

Arun Kumar P — Mon, 31 Aug 2026 21:44:16 +0530

ఇప్పుడు పెట్రోల్, ఈవీ కార్ల హవా నడుస్తున్నా.. లాంగ్ జర్నీలు చేసేవాళ్లకు డీజిల్ కార్లే బెస్ట్ ఆప్షన్. అందుకే రూ.10 లక్షల బడ్జెట్‌లో అందుబాటులో ఉన్న బెస్ట్ డీజిల్ కార్ల లిస్ట్ మీకోసమే.

మార్కెట్ లో పెట్రోల్, ఎలక్ట్రిక్ వాహనాల సంఖ్య పెరుగుతుంటే డీజిల్ కార్ల సంఖ్య తగ్గుతోంది. అయితే రోజూ ఎక్కువ దూరం ప్రయాణించేవాళ్లు, హైవేలపై ఎక్కువగా డ్రైవ్ చేసేవాళ్లు, ఎక్కువ టార్క్ కోరుకునేవాళ్లకు డీజిల్ కార్లపై ఆసక్తి తగ్గలేదు. ఈ నేపథ్యంలో రూ.10 లక్షల లోపు డీజిల్ కారు కొనాలనుకునే వాళ్లకు కొన్ని మంచి ఆప్షన్లు ఉన్నాయి. వాటిలో టాటా ఆల్ట్రోజ్, మహీంద్రా బొలెరో, టాటా నెక్సాన్, కియా సోనెట్, మహీంద్రా ఎక్స్‌యూవీ 3ఎక్స్ఓ ముఖ్యమైనవి.

తక్కువ బడ్జెట్‌లో డీజిల్ కారు కావాలంటే టాటా ఆల్ట్రోజ్ బెస్ట్ ఆప్షన్. ఇది చిన్న కారు కాబట్టి సిటీ ట్రాఫిక్‌లో నడపడం సులభం. అదే సమయంలో ఫ్యామిలీతో లాంగ్ ట్రిప్స్‌కు కూడా బాగుంటుంది. ఐదుగురు కూర్చునే వీలున్న ఈ కారు, రూ.10 లక్షల లోపు డీజిల్ కారు కోసం చూసేవాళ్లను బాగా ఆకర్షిస్తుంది.

ఎక్కువ స్పేస్, దృఢమైన నిర్మాణం కావాలనుకుంటే మహీంద్రా బొలెరోను చూడొచ్చు. కొత్త బొలెరో ధర రూ.7.99 లక్షల నుంచి రూ.9.69 లక్షల మధ్యలో ఉంది. ఇందులో ఏడుగురు కూర్చోవచ్చు.

చిన్న సైజులో మంచి SUV కావాలనుకునే వారికి టాటా నెక్సాన్ మరో ముఖ్యమైన ఆప్షన్. ఫ్యామిలీ వాడకానికి, సిటీ ప్రయాణాలకు, లాంగ్ జర్నీలకు.. ఇలా అన్ని రకాల అవసరాలకు ఇది సరిగ్గా సరిపోతుంది.

ఇక మంచి ఫీచర్లతో పాటు డీజిల్ ఇంజిన్ కావాలనుకునే వారికి కియా సోనెట్ సరైనది. దీని 1.5 లీటర్ డీజిల్ ఇంజిన్ 250 న్యూటన్ మీటర్ల టార్క్‌ను అందిస్తుంది. ఇందులో డీజిల్ ఆటోమేటిక్ వేరియంట్ కూడా అందుబాటులో ఉంది.

మహీంద్రా ఎక్స్‌యూవీ 3ఎక్స్ఓ, పవర్‌ఫుల్ డీజిల్ ఇంజిన్ కోరుకునే వారిని ఆకర్షించే మరో మోడల్. ముఖ్యంగా హైవేలపై ఎక్కువ దూరం ప్రయాణించే వారికి దీని అధిక టార్క్ ఇంజిన్ బాగా ఉపయోగపడుతుంది.

అయితే రూ.10 లక్షలు అనేది కేవలం ఎక్స్-షోరూమ్ ధర మాత్రమేనని కస్టమర్లు గుర్తుంచుకోవాలి. రిజిస్ట్రేషన్, ఇన్సూరెన్స్, ఇతర ఛార్జీలు రాష్ట్రాలను బట్టి మారతాయి. కాబట్టి, కొనే ముందు షోరూమ్‌లో కరెక్ట్ ధరను నిర్ధారించుకోవడం ముఖ్యం.

మొత్తంగా చూస్తే తక్కువ ధరలో చిన్న డీజిల్ కారు కోసం చూసేవాళ్లు ఆల్ట్రోజ్‌ను పరిశీలించవచ్చు. ఏడుగురు ప్రయాణించటానికి, రఫ్ వాడకానికి బొలెరో సరైనది. మంచి ఫీచర్లతో కూడిన కాంపాక్ట్ SUV కావాలంటే నెక్సాన్ లేదా ఎక్స్‌యూవీ 3ఎక్స్ఓలను పోల్చి చూడొచ్చు. డీజిల్ ఆటోమేటిక్ కారు కావాలంటే సోనెట్ బెస్ట్ ఆప్షన్. అయితే, డీజిల్ కారును ఎంచుకునే ముందు మీ నెలవారీ ప్రయాణ దూరం, సిటీ, హైవే వాడకాన్ని లెక్కలోకి తీసుకోవడం మంచిది.

Car Offers : మీ చేతిలో చిల్లిగవ్వ లేకున్నా సరే... రూ.12 లక్షల కారు ఇంటికి పట్టుకెళ్ళండి

Arun Kumar P — Thu, 13 Aug 2026 15:16:15 +0530

ఎంజీ హెక్టర్ తన 7వ వార్షికోత్సవాన్ని జరుపుకుంటోంది… ఈ సందర్భంగా ఆగస్టు నెలలో కస్టమర్ల కోసం ప్రత్యేక ఆఫర్లను ప్రకటించింది. ఇందులో రూ.60,000 వరకు ప్రయోజనాలతో పాటు 100% ఆన్-రోడ్ ఫైనాన్స్ సౌకర్యం ఉన్నాయి.

MG Hector Offer : ఇండియాలో పాపులర్ అయిన ఎస్‌యూవీలలో ఎంజీ హెక్టర్ ఒకటి. ఇది భారత మార్కెట్లోకి వచ్చి 7 ఏళ్లు పూర్తి చేసుకుంది. ఈ సందర్భంగా జేఎస్‌డబ్ల్యూ ఎంజీ మోటార్ ఇండియా కంపెనీ ఆగస్టు నెలలో అదిరిపోయే ఆఫర్లను ప్రకటించింది. హెక్టర్ కారు కొనే కస్టమర్లకు ఈ ఆఫర్లు వర్తిస్తాయి. ఇందులో పాత కారు ఎక్స్ఛేంజ్ ఆఫర్, ఇప్పటికే ఎంజీ కారు వాడుతున్న వారికి లాయల్టీ బెనిఫిట్, కార్పొరేట్ ఉద్యోగులకు ప్రత్యేక ప్రయోజనాలు ఉన్నాయి. వీటన్నింటినీ కలిపి గరిష్ఠంగా రూ.60,000 వరకు ప్రయోజనాలు పొందవచ్చని కంపెనీ చెబుతోంది. అయితే ఈ ఆఫర్ మొత్తం అనేది మీరు ఎంచుకునే వేరియంట్, కస్టమర్ అర్హత, డీలర్‌షిప్ నిబంధనలను బట్టి మారొచ్చు.

హెక్టర్ కొనాలనుకునే వారి కోసం కంపెనీ లోన్ విషయంలోనూ ఓ గుడ్ న్యూస్ చెప్పింది. కారు ఆన్-రోడ్ ధరలో 100 శాతం వరకు లోన్ పొందే అవకాశం కల్పిస్తున్నట్లు తెలిపింది. ఈ లోన్‌ను గరిష్ఠంగా 84 నెలలు, అంటే 7 ఏళ్ల వరకు తిరిగి చెల్లించే వెసులుబాటు కూడా ఉంది. కారుతో పాటు కొనే యాక్సెసరీస్‌కు కూడా పూర్తి ఫైనాన్స్ లభించవచ్చని కంపెనీ అంటోంది. అయితే 100 శాతం లోన్ అందరికీ ఆటోమేటిక్‌గా వస్తుందని కాదు. కస్టమర్ ఆదాయం, క్రెడిట్ హిస్టరీ, లోన్ తిరిగి చెల్లించే సామర్థ్యం, ఫైనాన్స్ సంస్థ నిబంధనల ఆధారంగానే ఫైనల్ అప్రూవల్ ఉంటుంది.

ఎంజీ హెక్టర్ మొదటిసారిగా 2019లో ఇండియాలో లాంచ్ అయింది. ఇంటర్నెట్ కనెక్టివిటీ ఫీచర్లతో వచ్చిన 'కనెక్టెడ్ ఎస్‌యూవీ'గా ఇది మార్కెట్లో అడుగుపెట్టింది. అప్పట్లోనే ఎన్నో టెక్నాలజీ ఫీచర్లతో అందరి దృష్టిని ఆకర్షించింది. ఇప్పుడు ఏడేళ్లు పూర్తయిన సందర్భంగా కొత్త హెక్టర్‌లో లుక్, టెక్నాలజీ పరంగా చాలా మార్పులు చేశారు. ముందువైపు కొత్త డిజైన్‌తో ఫ్రంట్ గ్రిల్, కొత్త బంపర్, కొత్త అల్లాయ్ వీల్స్ ఇచ్చారు. సెలడాన్ బ్లూ, పెర్ల్ వైట్ వంటి కొత్త కలర్ ఆప్షన్స్ కూడా ఈ కారుకు ప్రీమియం లుక్‌ను ఇస్తున్నాయి.

హెక్టర్ కారు లోపల కూడా చాలా ఫీచర్లు ఉన్నాయి. లెదర్ లాంటి ఫినిషింగ్‌తో డాష్‌బోర్డ్, వెంటిలేటెడ్ ఫ్రంట్ సీట్లు, టిల్ట్ అండ్ టెలిస్కోపిక్ స్టీరింగ్ వీల్, ఆరు విధాలుగా ఎలక్ట్రికల్‌గా అడ్జస్ట్ చేసుకునే డ్రైవర్ సీటు వంటివి ఉన్నాయి. ఇక టెక్నాలజీ విషయానికొస్తే 14 అంగుళాల భారీ HD వర్టికల్ టచ్‌స్క్రీన్ దీనికి ప్రధాన ఆకర్షణ. దీని ద్వారా ఏసీ, మ్యూజిక్, నావిగేషన్ వంటి వాటిని సులభంగా కంట్రోల్ చేయొచ్చు. డిజిటల్ కీ, రిమోట్‌గా ఏసీ ఆన్ చేయడం, వెహికల్ నోటిఫికేషన్స్ వంటి కనెక్టెడ్ ఫీచర్లు కూడా ఇచ్చారు.

సేఫ్టీ, కనెక్టివిటీ ఫీచర్లపైనా హెక్టర్ బాగా ఫోకస్ చేసింది. డ్రైవర్ కోసం 17.78 సెం.మీ సైజులో డిజిటల్ ఇన్‌స్ట్రుమెంట్ క్లస్టర్ ఇచ్చారు. అంతేకాదు 70కి పైగా కనెక్టెడ్ కార్ ఫీచర్లు ఉన్నాయని కంపెనీ చెబుతోంది. కొత్త ఎంజీ హెక్టర్ ప్రారంభ ధర రూ.11.99 లక్షలుగా ఉంది. దీనికి తోడు రూ.60,000 వరకు లభించే ఆఫర్లు, 100 శాతం ఆన్-రోడ్ ఫైనాన్స్ అవకాశం కూడా ఉండటంతో, కొత్త ఎస్‌యూవీ కొనాలని ప్లాన్ చేసేవారికి ఇది మంచి ఆప్షన్‌గా కనిపిస్తోంది. ఏదేమైనా బుక్ చేసే ముందు మీ దగ్గర్లోని ఎంజీ డీలర్‌షిప్‌కు వెళ్లి క్యాష్ ఆఫర్లు, పాత కారు ఎక్స్ఛేంజ్ బెనిఫిట్స్, లోన్ నిబంధనలు, ఫైనల్ ఆన్-రోడ్ ధర వంటి పూర్తి వివరాలతో కూడిన కొటేషన్ తీసుకోవడం మంచిది.

Cars : కేవలం రూ.10 లక్షల బడ్జెట్ లో 360-డిగ్రీ కెమెరా కార్లు.. టాప్ 3 మోడల్స్ ఇవే

Arun Kumar P — Tue, 18 Aug 2026 08:00:53 +0530

రూ.10 లక్షల లోపు బడ్జెట్‌లో 360-డిగ్రీ కెమెరా ఫీచర్‌తో మంచి టాటా కారు కొనాలనుకుంటున్నారా? అయితే మీకోసమే టాటా టియాగో, పంచ్, ఆల్ట్రోజ్ మోడల్స్ అందుబాటులో ఉన్నాయి. మీ బడ్జెట్‌కు సరిపోయే ఈ కార్ల వేరియంట్లు, వాటి ఆన్-రోడ్ ధరల వివరాలు ఇక్కడ అందిస్తున్నాం.

కొన్నేళ్ల క్రితం 360-డిగ్రీ కెమెరా అంటే ఆడి, మెర్సిడెస్ బెంజ్, BMW వంటి లగ్జరీ కార్లలో మాత్రమే ఉండేది. కానీ ఇప్పుడు ట్రెండ్ మారింది. సామాన్యుల బడ్జెట్ కార్లలోనూ ఈ ఫీచర్ వస్తోంది. రూ.10 లక్షల లోపు 360-డిగ్రీ కెమెరా ఉన్న టాటా కారు కోసం చూస్తుంటే టియాగో, పంచ్, ఆల్ట్రోజ్ బెస్ట్ ఆప్షన్లు.

360-డిగ్రీ కెమెరా టాటా కార్ల జాబితాలో టాటా టియాగో (2026 మోడల్) అత్యంత చవకైన కారు. దీని క్రియేటివ్ వేరియంట్‌లో ఈ ఫీచర్ లభిస్తుంది. పెట్రోల్ మాన్యువల్ వేరియంట్ ధర రూ.8.24 లక్షలు, పెట్రోల్ ఆటోమేటిక్ (AMT) ధర రూ.8.87 లక్షలు, CNG మాన్యువల్ ధర రూ.9.14 లక్షలు, CNG ఆటోమేటిక్ (AMT) ధర రూ.9.79 లక్షలు (ఆన్-రోడ్). తక్కువ బడ్జెట్‌లో ఈ ఫీచర్ కోరుకునేవారికి టియాగో మంచి ఎంపిక.

టాటా పాపులర్ కాంపాక్ట్ SUV అయిన పంచ్‌లో కూడా 360-డిగ్రీ కెమెరా సదుపాయం ఉంది. దీని అడ్వెంచర్ వేరియంట్ నుంచి ఈ ఫీచర్ మొదలవుతుంది. పెట్రోల్ మాన్యువల్ వేరియంట్ ధర రూ.9.04 లక్షలు, పెట్రోల్ ఆటోమేటిక్ (AMT) ధర రూ.9.72 లక్షలు, CNG మాన్యువల్ ధర రూ.9.97 లక్షలు, టర్బో పెట్రోల్ 6-స్పీడ్ మాన్యువల్ ధర రూ.9.88 లక్షలు (ఆన్-రోడ్). అయితే CNG ఆటోమేటిక్ (AMT) వేరియంట్ ధర రూ.10.59 లక్షలు కావడంతో, అది రూ.10 లక్షల బడ్జెట్‌ను దాటుతుంది.

360-డిగ్రీ కెమెరా ఫీచర్‌తో వచ్చే మరో టాటా మోడల్ ఆల్ట్రోజ్. దీని క్రియేటివ్ వేరియంట్‌లో ఈ ఫీచర్ అందుబాటులో ఉంది. పెట్రోల్ మాన్యువల్ వేరియంట్ ఆన్-రోడ్ ధర రూ.9.48 లక్షలు. కాబట్టి ఇది రూ.10 లక్షల బడ్జెట్‌లో ఉంది. కానీ పెట్రోల్ ఆటోమేటిక్ (AMT) ధర రూ.10.11 లక్షలు, CNG మాన్యువల్ ధర రూ.10.35 లక్షలు, CNG ఆటోమేటిక్ (AMT) ధర రూ.10.96 లక్షలు. ఇవన్నీ బడ్జెట్‌ను మించిపోతాయి. ఒకవేళ మీకు డీజిల్ ఇంజిన్‌తో 360-డిగ్రీ కెమెరా కావాలంటే, క్రియేటివ్ ఎస్ డీజిల్ మాన్యువల్ వేరియంట్‌ను ఎంచుకోవాలి. దాని ఆన్-రోడ్ ధర సుమారు రూ.11.34 లక్షలు ఉంటుంది. ఇక్కడ పేర్కొన్న ధరలన్నీ ముంబై ఆన్-రోడ్ ధరలు.

టాటా మోటార్స్ త్వరలోనే సఫారీ EVని విడుదల చేయనుంది. ఇందులో మరింత అడ్వాన్స్‌డ్ కెమెరా సిస్టమ్స్ ఉండొచ్చని అంచనా వేస్తున్నారు. దీపావళికి ఈ ఎలక్ట్రిక్ SUV మార్కెట్లోకి వచ్చే అవకాశం ఉంది. కంపెనీకి చెందిన Acti.ev ప్లస్ ప్లాట్‌ఫామ్‌పై దీనిని నిర్మిస్తున్నారు.

దీంతో పాటు టాటా కొత్త టైడల్ (Tidal) ఎలక్ట్రికల్, ఎలక్ట్రానిక్ ఆర్కిటెక్చర్‌ కూడా ఇందులో ఉండనుంది. ఈ సిస్టమ్ 540-డిగ్రీ కెమెరా, ఓవర్-ది-ఎయిర్ (OTA) అప్‌డేట్స్, అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS), అనేక కనెక్టెడ్ కార్ ఫీచర్లకు సపోర్ట్ చేస్తుంది. హారియర్ EVలో ఉన్నటువంటి పవర్‌ట్రైన్‌నే సఫారీ EVలోనూ ఉండవచ్చు. హారియర్ EVలో 65 kWh, 75 kWh బ్యాటరీ ఆప్షన్లు ఉన్నాయి. కాబట్టి సఫారీ EVలో కూడా పెద్ద బ్యాటరీ ప్యాక్, మెరుగైన డ్రైవింగ్ రేంజ్ లభించే అవకాశం ఉంది.

రివోల్ట్ నుంచి కొత్త‌ ఎల‌క్ట్రిక్ బైక్.. రివ‌ర్స్ మోడ్‌, బ్లూటుత్ క‌నెక్టివిటీతో పాటు మ‌రెన్నో ఫీచ‌ర్లు

Narender Vaitla — Wed, 12 Aug 2026 14:01:41 +0530

Revolt: భారత మార్కెట్లో ఎలక్ట్రిక్‌ వాహనాలకు డిమాండ్‌ పెరుగుతున్న నేపథ్యంలో రివోల్ట్ మోట‌ర్స్ కొత్త ఎలక్ట్రిక్‌ మోటార్‌సైకిల్‌ను తీసుకొచ్చింది. రివోల్ట్ రిఎవ్ఎక్స్ పేరుతో లాంచ్‌ చేసిన ఈ బైక్‌కు సంబంధించిన ఫీచ‌ర్ల గురించి ఇప్పుడు తెలుసుకుందాం.

రివోల్ట్ ఆర్‌వీఎక్స్‌లో 4kW మిడ్‌-డ్రైవ్‌ PMSM ఎలక్ట్రిక్‌ మోటార్‌ను ఉపయోగించారు. దీని గరిష్ఠ పవర్‌ 5.3kW వరకు ఉంటుంది. వెనుక చక్రానికి గరిష్ఠంగా 230Nm టార్క్‌ అందుతుందని కంపెనీ చెబుతోంది. ఈ బైక్‌ కేవలం 3.9 సెకన్లలో 0 నుంచి 40 కి.మీ వేగాన్నిఅందుకోగలదు. బూస్ట్‌ మోడ్‌లో గరిష్ఠంగా 90 కి.మీ వేగంతో ప్రయాణించవచ్చు. పనితీరుకు ప్రాధాన్యం ఇచ్చే యువతను దృష్టిలో పెట్టుకుని RVXను రూపొందించినట్లు రివోల్ట్ మోట‌ర్స్ తెలిపింది.

ఆర్‌వీఎక్స్‌లో 3.24kWh NMC బ్యాటరీ ప్యాక్‌ ఉంటుంది. ఈ బ్యాటరీని అవసరమైనప్పుడు బైక్‌ నుంచి తొలగించుకోవచ్చు. ఒక్కసారి పూర్తిగా ఛార్జ్‌ చేస్తే 160 కి.మీ వరకు IDC రేంజ్‌ అందిస్తుందని కంపెనీ పేర్కొంది. ఫాస్ట్‌ ఛార్జర్‌ ఉపయోగిస్తే బ్యాటరీని 0 నుంచి 80 శాతం వరకు సుమారు 80 నిమిషాల్లో ఛార్జ్‌ చేయవచ్చు. రోజువారీ ప్రయాణాలకు ఈ రేంజ్‌ ఉపయోగకరంగా ఉంటుందని చెప్పొచ్చు.

Revolt RVXలో రైడర్‌ అవసరానికి అనుగుణంగా ఎకో, నార్మ‌ల్‌, స్పోర్ట్ అనే మూడు ప్రధాన రైడింగ్‌ మోడ్‌లు ఉన్నాయి. వీటితో పాటు బూస్ట్ మోడ్‌ కూడా అందించారు. Boost మోడ్‌ను ఉపయోగించినప్పుడు బైక్‌ గరిష్ఠ పనితీరును అందిస్తుంది. వేగంగా యాక్సిలరేషన్‌ కావాల్సిన సమయంలో ఇది ఉపయోగపడుతుంది. బూస్ట్‌ అవసరం లేని పరిస్థితి వచ్చిన తర్వాత సిస్టమ్‌ ఆటోమేటిక్‌గా తిరిగి స్పోర్ట్‌ మోడ్‌కు మారుతుంది.

RVXలో ముందు భాగంలో USD ఫ్రంట్‌ ఫోర్క్‌, వెనుక మోనోషాక్‌ ఉన్నాయి. ముందు, వెనుక రెండు చక్రాలకు డిస్క్‌ బ్రేకులు అందించారు. బైక్‌లో 3.5 అంగుళాల IP67 రేటెడ్‌ డిస్‌ప్లే ఉంటుంది. ఇందులో బ్లూటూత్‌ కనెక్టివిటీ, టెలిమాటిక్స్‌, OTA అప్‌డేట్స్‌ వంటి ఫీచర్లు ఉన్నాయి. ఇవే కాకుండా జియో-ఫెన్సింగ్‌, కాల్‌, మెసేజ్‌ అలర్ట్స్‌, హిల్‌-హోల్డ్‌ అసిస్ట్‌, రివర్స్‌ మోడ్‌, వాక్‌ అసిస్ట్‌, ఇమ్మొబిలైజర్‌, వెహికల్‌ లొకేటర్‌ వంటి ఫీచర్లు కూడా ఉన్నాయి. దీంతో రోజువారీ వినియోగంతో పాటు స్మార్ట్‌ ఫీచర్లకు ప్రాధాన్యం ఇచ్చే వారికి ఆర్‌వీఎక్స్‌ ఉపయోగకరంగా ఉండేలా కనిపిస్తోంది.

రివ‌ర్స్ మోడ్‌, ఈజీ పార్క్‌.. అత్యాధునిక ఫీచ‌ర్ల‌తో ఓలా నుంచి కొత్త‌ ఎల‌క్ట్రిక్ స్కూటీ

Narender Vaitla — Fri, 28 Aug 2026 19:05:34 +0530

Ola S1Z: ఓలా కొత్త ఎలక్ట్రిక్ స్కూటర్ సిరీస్ S1Zను విడుదల చేసింది. ఈ స్కూటర్‌లో కంపెనీ స్వదేశీంగా అభివృద్ధి చేసిన భార‌త్ సెల్ ఎల్ఈపీ బ్యాట‌రీ టెక్నాల‌జీని ఉప‌యోగించారు. ఈ స్కూటీ ధ‌ర ఎంత‌.? ఎలాంటి ఫీచ‌ర్లు ఉన్నాయి.? లాంటి పూర్తి వివ‌రాలు..

ఓలా ఎస్‌1జెడ్‌ను 3.1 kWh, 5.1 kWh అనే రెండు బ్యాటరీ వేరియంట్లలో అందుబాటులోకి తీసుకొచ్చారు. వీటి ప్రారంభ ఎక్స్-షోరూమ్ ధరలు వరుసగా రూ.79,999, రూ.99,999గా ఉన్నాయి. 3.1 kWh బ్యాటరీతో కూడిన వేరియంట్ IDC ప్రకారం గరిష్ఠంగా 179 కి.మీ వరకు రేంజ్ అందిస్తుంది. ఇక 5.1 kWh బ్యాటరీ వేరియంట్ గరిష్ఠంగా 301 కి.మీల‌ వరకు రేంజ్ ఇస్తుందని కంపెనీ పేర్కొంది.

S1Zలో ఉపయోగించిన ప్రత్యేకతల్లో భార‌త్ సెల్ ఎల్ఈపీ టెక్నాల‌జీ ప్ర‌ధాన‌మైంది. ఈ 46-సిరీస్ LFP సెల్ ప్లాట్‌ఫామ్‌ను ఓలా ఎల‌క్ట్రిక్ స్వ‌యంగా అభివృద్ధి చేసింది. కంపెనీ బ్యాటరీ ఇన్నోవేషన్ సెంటర్‌లో ఈ టెక్నాలజీని అభివృద్ధి చేసి, ఓలా గిగాఫ్యాక్ట‌రీలో తయారు చేస్తున్నట్లు తెలిపింది. బ్యాటరీ ఎలక్ట్రిక్ వాహనంలో అత్యంత ఖరీదైన భాగాల్లో ఒకటి. సెల్స్‌ను సొంతంగా తయారు చేయడం ద్వారా బ్యాటరీ ఖర్చును తగ్గించగలిగామని కంపెనీ వెల్లడించింది. LFP బ్యాటరీ కెమిస్ట్రీతో భద్రత, ఎక్కువ కాలం ఉపయోగించే సామర్థ్యం వంటి ప్రయోజనాలు ఉంటాయని ఓలా ఎల‌క్ట్రిక్‌ తెలిపింది. తక్కువ ధరలో అధునాతన బ్యాటరీ టెక్నాలజీని అందించడమే S1Z లక్ష్యమని పేర్కొంది.

S1Zలో MoveOS 5 సాఫ్ట్‌వేర్‌ను అందించారు. ఇందులో క్రూయిజ్ కంట్రోల్, అడ్వాన్స్‌డ్ రీజెనరేటివ్ బ్రేకింగ్, రివర్స్ మోడ్, GPS వంటి ఫీచర్లు ఉన్నాయి. అలాగే OTA సాఫ్ట్‌వేర్ అప్‌డేట్స్, జియో-ఫెన్సింగ్, టైమ్-ఫెన్సింగ్, మోడ్-ఫెన్సింగ్ వంటి సదుపాయాలు కూడా ఉన్నాయి. రైడ్ స్టాటిస్టిక్స్, ఎనర్జీ వినియోగ వివరాలను ఓలా ఎల‌క్ట్రిక్‌ యాప్ ద్వారా తెలుసుకోవచ్చు. ఈజీ పార్క్ అనే ఫీచర్ కూడా S1Zలో ఉంది. ఇరుకైన ప్రదేశాల్లో స్కూటర్‌ను పార్క్ చేయడం, బయటకు తీసుకురావడం సులభంగా ఉండేలా ఈ ఫీచర్‌ను రూపొందించారు.

Ola S1Zను వైట్, ఆంత్రాసైట్, స్కై స్ప్లాష్ బ్లూ, మాచా గ్రీన్ వంటి 4 రంగుల్లో తీసుకొచ్చారు. అన్ని వేరియంట్లలో 12-అంగుళాల వీల్స్ ఉంటాయి. ధరను అందుబాటులో ఉంచడంతో దేశంలోని పెద్ద ఎలక్ట్రిక్ వాహన వినియోగదారుల విభాగాన్ని S1Z ద్వారా టార్గెట్ చేస్తున్నట్లు కంపెనీ తెలిపింది. టెక్నాలజీ, భద్రత, పనితీరు విషయంలో రాజీ పడకుండా తక్కువ ధరలో స్కూటర్‌ను అందించడమే తమ ఉద్దేశమని పేర్కొంది.

ఓలా ఎస్‌1జెడ్‌లోని 3.1 kWh వేరియంట్ డెలివరీలు డిసెంబర్ 2026లో ప్రారంభం కానున్నాయి. ఇక 5.1 kWh వేరియంట్ డెలివరీలు మార్చి 2027లో మొదలవుతాయని కంపెనీ వెల్లడించింది. దేశవ్యాప్తంగా ఓలా ఉత్పత్తులను మరింత ఎక్కువ మంది వినియోగదారులకు అందుబాటులోకి తీసుకెళ్లేందుకు కంపెనీ తన రిటైల్ నెట్‌వర్క్‌ను విస్తరిస్తోంది. ఇందులో కంపెనీ సొంత స్టోర్లతో పాటు తొలిసారిగా డీలర్ ఆధారిత స్టోర్లను కూడా ఏర్పాటు చేయనున్నట్లు తెలిపింది.

Bajaj Pulsar: కొత్త లుక్.. క్రేజీ ఫీచర్లు.. మార్కెట్లోకి సరికొత్త బజాజ్ పల్సర్ 150, 125 గ్రాండ్ ఎంట్రీ

Mahesh Rajamoni — Tue, 25 Aug 2026 07:24:16 +0530

New Bajaj Pulsar: బజాజ్ ఆటో తమ ఐకానిక్ మోడళ్లైన పల్సర్ 150, పల్సర్ 125 బైక్‌లను అత్యంత ఆధునిక ఫీచర్లు, సరికొత్త లుక్‌తో భారత మార్కెట్లోకి అధికారికంగా లాంచ్ చేసింది. వీటిలో అందించిన కొత్త ఫీచర్ల, ధరలు సహా ఇతర వివరాలు ఇక్కడ తెలుసుకుందాం.

బజాజ్ ఆటో తన పాపులర్ బైక్ సిరీస్ పల్సర్‌లో సరికొత్త 25th యానివర్సరీ పల్సర్ 150, పల్సర్ 125 మోడళ్లను ఇండియన్ మార్కెట్లోకి గ్రాండ్‌గా తీసుకొచ్చింది. పల్సర్ లైనప్‌లో ఎన్నడూ లేని విధంగా ఈ కొత్త మోడళ్లలో బజాజ్ అనేక అడ్వాన్స్డ్ ఫీచర్లను అందించింది. పల్సర్ డిజైన్ సిల్హౌట్‌ను అలానే ఉంచుతూనే, బైక్‌లోని ప్రధాన భాగాలన్నింటినీ అప్‌గ్రేడ్ చేసింది. మార్కెట్‌లో పల్సర్ 125 ప్రారంభ ధర రూ. 92,990 (ఎక్స్-షోరూమ్) కాగా, కొత్త పల్సర్ 150 ప్రారంభ ధర రూ. 1,15,233 (ఎక్స్-షోరూమ్)గా కంపెనీ నిర్ణయించింది.

కొత్త బజాజ్ పల్సర్ 150 బైక్ మొత్తం మూడు వేరియంట్లలో అందుబాటులోకి వచ్చింది.

• SD సింగిల్ సీట్ (Single Disc): రూ. 1,15,233

• TD సింగిల్ సీట్ (Twin Disc): రూ. 1,22,184

• TD స్ప్లిట్ సీట్ (Twin Disc Split Seat): రూ. 1,23,187

అలాగే, బజాజ్ పల్సర్ 125 మోడల్‌ను నాలుగు వేరియంట్లలో తీసుకొచ్చారు.

• బేస్ వేరియంట్: రూ. 92,990

• STD సింగిల్ సీట్: రూ. 99,291

• STD స్ప్లిట్ సీట్: రూ. 1,00,288

• ప్రీమియం స్ప్లిట్ సీట్: రూ. 1,04,318

పల్సర్ 150 ఎస్‌డీ సింగిల్ డిస్క్ నుంచి టీడీ సింగిల్ సీట్ మోడల్‌కు అప్‌గ్రేడ్ అవ్వడానికి రూ. 6,951 అదనం. ఇందులోనే గూగుల్ మ్యాప్స్‌తో కూడిన టీఎఫ్టీ స్క్రీన్, వెనుక డిస్క్ బ్రేక్, ఎల్ఈడీ ఇండికేటర్లు, ఐఎస్జీ లభిస్తాయి. అలాగే స్ప్లిట్ సీట్ కోసం కేవలం రూ. 1,003 మాత్రమే తేడా ఉంటుంది. ఇక పల్సర్ 125లో బేస్ వేరియంట్ నుంచి ఎస్టీడీ సింగిల్ సీట్‌కు రూ. 6,301 తేడా ఉంటుంది. ఇందులో ప్రధాన ఫీచర్లన్నీ యాడ్ అవుతాయి. ఎస్టీడీ సింగిల్ సీట్ నుంచి ఎస్టీడీ స్ప్లిట్ సీట్‌కు రూ. 997 మాత్రమే వ్యత్యాసం ఉంది.

కొత్త పల్సర్ 150 మోడల్‌లో 149.5cc సింగిల్ సిలిండర్ ఎయిర్/ఆయిల్ కూల్డ్ ఇంజన్‌ను అందించారు. ఇది 13.6bhp (14hp) పవర్‌ను, 14.1Nm పీక్ టార్క్‌ను జనరేట్ చేస్తుంది. మునుపటి మోడల్ కంటే టార్క్ 0.9Nm పెరిగింది. అలాగే పీక్ పవర్ ఇప్పుడు 8,000rpm వద్దే అందుతుంది.

ఇక పల్సర్ 125 మోడల్ 11.7bhp పవర్‌ను జనరేట్ చేస్తుంది. ఈ రెండు బైకుల్లో అందుబాటులో ఉండే టార్క్‌లో 85 శాతం టార్క్‌ను కేవలం 3,000rpm నుంచే యాక్సెస్ చేయవచ్చని బజాజ్ తెలిపింది. సిటీ ట్రాఫిక్‌లో తక్కువ వేగంతో సులభంగా ప్రయాణించేలా కొత్త గేర్‌బాక్స్‌ను ప్రత్యేకంగా డిజైన్ చేశారు.

రైడింగ్ అనుభవాన్ని మెరుగుపరచడానికి ఛాసిస్, సస్పెన్షన్‌లో పెద్ద మార్పులే చేశారు.

• ఛాసిస్: పాత డ్యూయల్-క్రాడిల్ ఫ్రేమ్‌ స్థానంలో కొత్త సింగిల్-క్రాడిల్ ఫ్రేమ్‌ను ఉపయోగించారు. ఇందులో ఇంజన్ స్ట్రెస్డ్ మెంబర్‌గా పనిచేసి బైక్ స్టెబిలిటీని పెంచుతుంది.

• సస్పెన్షన్: రెండూ మోడళ్లలో వెనుక వైపు కన్వెన్షనల్ ట్విన్-షాక్ స్థానంలో కొత్తగా మోనోషాక్ సస్పెన్షన్ అందించారు. ముందు వైపు 33mm టెలిస్కోపిక్ ఫోర్క్ (125mm ట్రావెల్) అందించారు.

• బ్రేకింగ్: పల్సర్ 150 ముందు వైపు 260mm డిస్క్, వెనుక వైపు 230mm డిస్క్ (బేస్ వేరియంట్‌లో 130mm డ్రమ్) ఇచ్చారు. మూడు వేరియంట్లలో సింగిల్-ఛానల్ ఏబీఎస్ స్టాండర్డ్‌గా వస్తుంది.

• టైర్లు: ముందు 80/100-17, వెనుక 100/90-17 సైజ్ ట్యూబ్‌లెస్ టైర్లను ఇచ్చారు.

ఈ సెగ్మెంట్‌లో ఊహించని రేంజ్ టెక్నాలజీని బజాజ్ అందించింది.

• డిస్ప్లే: పల్సర్ 150 బేస్ మోడల్‌లో 5-ఇంచ్ ఎల్సీడీ క్లస్టర్ ఉండగా, టాప్ రెండు వేరియంట్లలో 5-ఇంచ్ టీఎఫ్టీ ఇన్‌స్ట్రుమెంట్ క్లస్టర్ ఇచ్చారు. పల్సర్ 125 బేస్ మోడల్‌లో కలర్ ఎల్సీడీ ఉండగా, మిడ్ అండ్ టాప్ వేరియంట్లలో 5-ఇంచ్ టీఎఫ్టీ డిస్ప్లే ఇచ్చారు.

• గూగుల్ మ్యాప్స్: పల్సర్ 150 టాప్ వేరియంట్‌లో వైఫై సపోర్ట్ ద్వారా గూగుల్ మ్యాప్స్ మిర్రరింగ్ సౌకర్యం ఉంది.

• స్మార్ట్ ఫీచర్లు: కాల్/ఎస్ఎంఎస్ అలర్ట్లు, డిజిటల్ డాక్యుమెంట్ స్టోరేజ్, టైప్-సీ ఛార్జింగ్ పోర్ట్ ఇచ్చారు.

11.7bhp, 13.6bhp పవర్ ఇచ్చే బైక్స్‌లో రైడింగ్ మోడ్స్ ఇవ్వడం విశేషం.

• రైడ్ మోడ్స్: పల్సర్ 150 అన్ని వేరియంట్లలో, పల్సర్ 125 మిడ్/టాప్ వేరియంట్లలో రోడ్, రెయిన్, స్పోర్ట్ అనే మూడు రైడ్ మోడ్స్ ఇచ్చారు.

• క్రాల్ టెక్ : ట్రాఫిక్‌లో యాక్సిలేటర్ ఇవ్వకుండానే బైక్ నెమ్మదిగా కదలడానికి ఈ ఫీచర్ ఉపయోగపడుతుంది. ఇది పల్సర్ 125, 150 అన్ని వేరియంట్లలో స్టాండర్డ్‌గా వస్తుంది.

• ఐఎస్జీ: టాప్ వేరియంట్లలో నిశ్శబ్దంగా బైక్ స్టార్ట్ అవ్వడానికి, ట్రాఫిక్‌లో ఆటోమేటిక్ స్టాప్-స్టార్ట్ అవ్వడానికి ఐఎస్జీ సిస్టమ్ ఇచ్చారు.

లైటింగ్ విషయానికి వస్తే, పల్సర్ 150 క్లాస్-బీ ఎల్ఈడీ హెడ్‌లైట్‌ను కొనసాగిస్తూనే, ఫెయిరింగ్‌ను మరింత అగ్రెసివ్‌గా రీడిజైన్ చేశారు. టాప్ వేరియంట్లకు ఆల్-ఎల్ఈడీ లైటింగ్ ఇచ్చారు.

Ola Scooter Offers : కేవలం రూ.59,999 కే ఓలా స్కూటర్, నెలనెలా అతి తక్కువ EMI.. ఈ ఆఫర్ మిస్ అవ్వొద్దు

Arun Kumar P — Mon, 24 Aug 2026 18:05:42 +0530

ఎలక్ట్రిక్ స్కూటర్ కొనాలని ఉన్నా అధిక ధర, ఎక్కువ EMI చూసి చాలామంది వెనకడుగు వేస్తుంటారు. అలాంటి వారి కోసం ఓలా ఇప్పుడు తక్కువ ధరకే స్కూటర్‌ను అందిస్తోంది. ఆ వివరాలేంటో ఇక్కడ చూద్దాం.

తక్కువ ధరలో ఎలక్ట్రిక్ స్కూటర్ కొనాలనుకునే వారికి ఓలా ఎస్1 ఎక్స్ మంచి ఆప్షన్. ముఖ్యంగా దీని 2 kWh బ్యాటరీ మోడల్‌పై ఓలా వెబ్‌సైట్‌లో రూ.25,000 డిస్కౌంట్ ఇస్తున్నారు. దీంతో దీని ధర రూ.59,999గా చూపిస్తోంది. అందుకే తక్కువ బడ్జెట్‌లో ఈవి స్కూటర్ చూసేవాళ్లను ఇది ఆకర్షిస్తోంది. కానీ ఇది కేవలం ఎక్స్‌-షోరూమ్ ధర మాత్రమే. రిజిస్ట్రేషన్, ఇన్సూరెన్స్, ఇతర ఛార్జీలు కలిపితే ఆన్-రోడ్ ధర మారుతుంది.

ఓలా ఎస్1 ఎక్స్ 2 kWh మోడల్ అసలు ఎక్స్-షోరూమ్ ధర రూ.84,999. దీనిపై ప్రస్తుతం రూ.25,000 డిస్కౌంట్ ఇస్తుండటంతో ఆఫర్ ధర రూ.59,999గా ఉంది. ఇదే సిరీస్‌లో 3 kWh మోడల్ ధర రూ.81,499, 4 kWh మోడల్ ధర రూ.97,499గా కంపెనీ లిస్ట్ చేసింది.

మీ బడ్జెట్, ప్రయాణ అవసరాలకు తగ్గట్టుగా వేర్వేరు బ్యాటరీ మోడళ్లను ఎంచుకోవచ్చు. అయితే ఈ ఆఫర్ ధరలు ఎప్పుడైనా మారొచ్చు. కాబట్టి బుక్ చేసే ముందు ప్రస్తుత ధరను చెక్ చేసుకోవడం మంచిది.

నగరాన్ని బట్టి స్కూటర్ ఆన్-రోడ్ ధరలో తేడా ఉంటుంది. ఉదాహరణకు హైదరాబాద్‌లో S1 X 2 kWh మోడల్ ధర కొన్ని వెబ్‌సైట్లలో రూ.89,789గా చూపిస్తుంటే, మరికొన్నింటిలో రూ.1.03 లక్షలకు పైగా చూపిస్తోంది. ఇన్సూరెన్స్, రిజిస్ట్రేషన్ ఛార్జీలలో తేడాల వల్లే ఈ గ్యాప్ వస్తుంది. కాబట్టి వెబ్‌సైట్ ధరను చూసి ఫైనల్ అనుకోవద్దు. మీ నగరంలోని షోరూమ్‌లో ఆన్-రోడ్ ధర ఎంత ఉందో కనుక్కోవడం ఉత్తమం.

లోన్‌పై స్కూటర్ కొనాలనుకునే వారికి ఓలా కొన్ని ఫైనాన్స్ ఆప్షన్లు ఇస్తోంది. కంపెనీ వెబ్‌సైట్‌లో 6.99% నుంచి వడ్డీ, జీరో ప్రాసెసింగ్ ఫీజు ఆఫర్ చూపిస్తున్నారు. కానీ ఈ వడ్డీ రేటు అందరికీ ఒకేలా ఉండదు. మీ క్రెడిట్ స్కోర్, లోన్ మొత్తం, కాలపరిమితిని బట్టి అసలు EMI మారుతుంది. అందుకే యాడ్‌లో చూపించే తక్కువ EMIని మాత్రమే కాకుండా, డౌన్‌పేమెంట్, మొత్తం వడ్డీ ఎంత కట్టాలో కూడా లెక్కించుకోవడం చాలా ముఖ్యం.

మొత్తం మీద తక్కువ బడ్జెట్‌లో ఎలక్ట్రిక్ స్కూటర్ కొనాలనుకునే వారికి ఓలా S1 X ఒక మంచి ఛాయిస్. ముఖ్యంగా 2 kWh మోడల్‌కు ప్రస్తుతం రూ.59,999 డిస్కౌంట్ ధర ఉండటంతో బడ్జెట్ కస్టమర్లను బాగా ఆకట్టుకుంటోంది. అయితే ఆన్-రోడ్ ధర, ఇన్సూరెన్స్, రిజిస్ట్రేషన్, లోన్ ఛార్జీలు అన్నీ కలిపితేనే అసలు ఖర్చు తెలుస్తుంది. మీ పిన్ కోడ్ ఆధారంగా ధర మారవచ్చని ఓలా సేల్స్ పేజీలో ఉంది. కాబట్టి, డబ్బులు కట్టే ముందు మీ అడ్రస్‌కు ఫైనల్ కొటేషన్ తీసుకుని, అన్నీ చెక్ చేసుకోవడం చాలా అవసరం.