Asianet News Telugu

పవన్ పాటతో Chandrababu,Pawan Kalyan Ramp Walk | Palle Panduga 3.0 | Asianet Telugu

Galam Venkata Rao — Tue, 29 Sep 2026 16:00:01 +0530

Weather Update: రాబోయే రెండు రోజులు మోస్తరు నుంచి భారీ వర్షాలు.. ఈ ప్రాంతాలకు ఐఎండీ అలర్ట్

Mahesh Rajamoni — Wed, 30 Sep 2026 09:00:57 +0530

Weather Update: ఉపరితల ఆవర్తనం, ద్రోణి ప్రభావంతో ఏపీ, తెలంగాణల్లో భారీ వర్షాలు కురిసే అవకాశముందని వాతావరణ శాఖ తెలిపింది. పలు జిల్లాలకు ఎల్లో అలర్ట్ జారీ చేశారు. పూర్తి వివరాలు ఇలా ఉన్నాయి..

తెలుగు రాష్ట్రాల్లో వాతావరణం ఒక్కసారిగా మారిపోయింది. బంగాళాఖాతంలో ఏర్పడిన ఆవర్తనం, ఉత్తర-దక్షిణ ద్రోణి ప్రభావంతో రాబోయే రెండు రోజులు తెలంగాణ, ఆంధ్రప్రదేశ్ రాష్ట్రాల్లో విస్తారంగా వర్షాలు కురిసే అవకాశముందని హైదరాబాద్, అమరావతి వాతావరణ కేంద్రాలు వెల్లడించాయి.

నైరుతి రుతుపవనాల ప్రభావం కూడా కొనసాగుతుండటంతో కొన్ని చోట్ల తేలికపాటి నుంచి మోస్తరు వర్షాలు, మరికొన్ని చోట్ల ఉరుములు, మెరుపులతో కూడిన భారీ వర్షాలు పడే సూచనలు ఉన్నాయని భారత వాతావరణ శాఖ అధికారులు స్పష్టం చేశారు. గంటకు 30 నుంచి 40 కిలోమీటర్ల వేగంతో, కొన్ని ప్రాంతాల్లో గరిష్ఠంగా 50 కిలోమీటర్ల వేగంతో బలమైన ఈదురుగాలులు వీచే అవకాశం ఉంది.

ఆంధ్రప్రదేశ్ వ్యాప్తంగా ఉపరితల ఆవర్తన ప్రభావం స్పష్టంగా కనిపిస్తోంది. శ్రీకాకుళం, విజయనగరం, విశాఖపట్నం, అనకాపల్లి, ఉభయ గోదావరి జిల్లాలు, కృష్ణా, గుంటూరు జిల్లాలతో పాటు కోస్తాంధ్ర, యానాం పరిసర ప్రాంతాల్లో ఉరుములు, పిడుగులతో కూడిన మోస్తరు నుంచి భారీ వర్షాలు కురుస్తాయని అమరావతి వాతావరణ కేంద్రం స్పష్టం చేసింది.

సీమ జిల్లాలైన కర్నూలు, నంద్యాల, అనంతపురం, శ్రీ సత్యసాయి, వైఎస్సార్ కడప, తిరుపతి ప్రాంతాల్లో వాతావరణం మేఘావృతమై ఉండి తేలికపాటి నుంచి మోస్తరు జల్లులు కురుస్తాయి. తీరం వెంబడి గంటకు 45 నుంచి 55 కిలోమీటర్ల వేగంతో ఈదురుగాలులు వీచే అవకాశం ఉన్నందున మత్స్యకారులు వేటకు వెళ్లవద్దని హెచ్చరించారు.

ఉత్తర, తూర్పు, దక్షిణ తెలంగాణ ప్రాంతాలపై ఈ వర్ష ప్రభావం ఎక్కువగా ఉండనుంది. వాతావరణ శాఖ అందించిన తాజా వివరాల ప్రకారం ఆదిలాబాద్, కొమరంభీం ఆసిఫాబాద్, మంచిర్యాల, నిర్మల్, నిజామాబాద్, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ, రంగారెడ్డి, హైదరాబాద్, మేడ్చల్ మల్కాజిగిరి, వికారాబాద్, సంగారెడ్డి జిల్లాల్లో ఉరుములు, మెరుపులు, ఈదురుగాలులతో కూడిన వర్షాలు పడే వీలుంది.

ఈ క్రమంలోనే పలు జిల్లాలకు అధికారులు ఎల్లో అలర్ట్ జారీ చేశారు. ఉమ్మడి కరీంనగర్ పరిసర ప్రాంతాల్లో కూడా అక్కడక్కడా చిరుజల్లులు కురిసే అవకాశముంది.

రాజధాని హైదరాబాద్‌ మహానగరంలో రోజంతా ఆకాశం మేఘావృతమై ఉంటుంది. ఉదయం వేళల్లో పొగమంచు లేదా చిరుజల్లులు కురిసే అవకాశం ఉండగా, మధ్యాహ్నం లేదా సాయంత్రం వేళల్లో నగరంలోని పలు ప్రాంతాల్లో ఈదురుగాలులతో కూడిన మోస్తరు నుంచి భారీ వర్షం కురిసే అవకాశముంది.

ముఖ్యంగా మాదాపూర్, గచ్చిబౌలి, కూకట్‌పల్లి, బంజారాహిల్స్, జూబ్లీహిల్స్, సికింద్రాబాద్, ఎల్బీనగర్, ఉప్పల్ ప్రాంతాల్లో వర్షం పడే సూచనలున్నాయి. వర్షాల వల్ల లోతట్టు ప్రాంతాలు జలమయం అయ్యే ప్రమాదం ఉండటంతో పాటు, రోడ్లపై నీరు నిలిచిపోయి ట్రాఫిక్ స్తంభించే అవకాశం ఉందని అధికారులు తెలిపారు. ఈ నేపథ్యంలో జిహెచ్‌ఎంసీ డీఆర్‌ఎఫ్ బృందాలు, ట్రాఫిక్ పోలీసులు సిద్ధంగా ఉన్నారు.

వర్షాలు, ఉరుములు పడే సమయంలో ప్రజలు అత్యవసరమైతే తప్ప బయటకు రావద్దని, బహిరంగ ప్రదేశాల్లో ఉండకూడదని విపత్తు నిర్వహణ సంస్థ సూచించింది. ముఖ్యంగా చెట్ల కింద, పాత భవనాల వద్ద, విద్యుత్ స్తంభాలు, ట్రాన్స్‌ఫార్మర్ల సమీపంలో నిలబడవద్దని హెచ్చరించారు.

వాహనదారులు జారే రోడ్లపై వేగాన్ని తగ్గించి ప్రయాణించాలి. ఇక పొలాల్లో పనులు చేసుకునే రైతులు ఉరుములు, మెరుపుల సమయంలో సురక్షిత ప్రాంతాలకు వెళ్లాలని, ఇప్పటికే కోసిన పంటలను నీరు చేరకుండా సురక్షిత ప్రదేశాలకు తరలించాలని అధికారులు విజ్ఞప్తి చేశారు.

స్థానిక సంస్థ‌ల ఎన్నిక‌ల్లో బీసీ రిజ‌ర్వేష‌న్లు ర‌ద్దు.. కూట‌మి ప్ర‌భుత్వం నెక్ట్స్ స్టెప్ ఏంటంటే.?

Narender Vaitla — Thu, 01 Oct 2026 17:19:12 +0530

Andhra pradesh:ఆంధ్రప్రదేశ్‌లో స్థానిక సంస్థల ఎన్నికల నిర్వహణకు సంబంధించి నెలకొన్న అనిశ్చితికి హైకోర్టు తీర్పుతో కీలక మలుపు వచ్చింది. స్థానిక సంస్థల్లో బీసీలకు 34 శాతం రిజర్వేషన్లు కల్పిస్తూ జారీ చేసిన జీవో నంబర్లు 105, 1065ను హైకోర్టు రద్దు చేసింది

స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తూ ప్రభుత్వం తీసుకున్న నిర్ణయాన్ని సవాల్ చేస్తూ హైకోర్టులో పిటిషన్లు దాఖలయ్యాయి. ఈ రిజర్వేషన్లతో ఎస్సీ, ఎస్టీ, బీసీలకు కలిపి కేటాయించే కోటా 50 శాతాన్ని మించే అవకాశం ఉందని పిటిషనర్లు వాదించారు. గతంలో సుప్రీంకోర్టు, హైకోర్టులు స్థానిక సంస్థల రిజర్వేషన్లకు సంబంధించి నిర్దేశించిన న్యాయ ప్రమాణాలను కూడా వారు ప్రస్తావించారు. విచారణ అనంతరం ధర్మాసనం ప్రభుత్వం జారీ చేసిన సంబంధిత జీవోలను రద్దు చేసింది.

బీసీ రిజర్వేషన్లపై జీవోలు రద్దు చేసినప్పటికీ స్థానిక సంస్థల ఎన్నికల మొత్తం ప్రక్రియను నిలిపివేయాలని హైకోర్టు ఆదేశించలేదు. ప్రభుత్వం, రాష్ట్ర ఎన్నికల సంఘం కలిసి ఆరు వారాల్లో ఎన్నికల ప్రక్రియను ప్రారంభించాలని స్పష్టం చేసింది. దీంతో గ్రామ పంచాయతీలు, మండల పరిషత్‌లు, జిల్లా పరిషత్‌లు, పట్టణ స్థానిక సంస్థలకు సంబంధించిన ఎన్నికలపై తదుపరి చర్యలకు అవకాశం ఏర్పడింది. ఎన్నికల నిర్వహణకు ముందు అవసరమైన ప్రక్రియలను అధికారులు పూర్తి చేయాల్సి ఉంటుంది.

స్థానిక సంస్థల ఎన్నికలతో ముడిపడి ఉన్న వార్డుల పునర్విభజన, సర్వే ప్రక్రియ, బీసీ జనాభా వివరాలు తదితర అంశాలపై కూడా కోర్టులో పిటిషన్లు దాఖలయ్యాయి. సర్వే ప్రక్రియ పూర్తయిన తర్వాతే ఎన్నికలు నిర్వహించాలని కోరిన వాదనలకు హైకోర్టు ఆమోదం తెలపలేదు. బీసీ జనాభా గణన పూర్తయ్యే వరకు ఎన్నికలను వాయిదా వేయాలన్న అభ్యర్థనను కూడా కోర్టు అంగీకరించలేదు. వార్డుల పునర్విభజన ప్రక్రియలో ఈ దశలో జోక్యం చేసుకోవడానికి కూడా ధర్మాసనం నిరాకరించినట్లు స‌మాచారం.

హైకోర్టు తీర్పు వెలువడిన వెంటనే రాష్ట్ర ప్రభుత్వం తదుపరి న్యాయపరమైన చర్యలపై దృష్టి పెట్టింది. బీసీ రిజర్వేషన్ల అంశంలో హైకోర్టు తీర్పును సుప్రీంకోర్టులో సవాల్ చేయాలని ముఖ్యమంత్రి చంద్రబాబు నాయుడు అధికారులను ఆదేశించినట్లు ప్రభుత్వం వర్గాలు తెలిపాయి. అడ్వకేట్ జనరల్ దమ్మాలపాటి శ్రీనివాస్‌తో పాటు సీనియర్ న్యాయ నిపుణులతో సీఎం చర్చించినట్లు సమాచారం. వచ్చే సోమవారంలోపు అత్యున్నత న్యాయస్థానంలో పిటిషన్ దాఖలు చేసేలా చర్యలు చేపట్టాలని అధికారులకు సూచించినట్లు తెలుస్తోంది.

ఇప్పుడు ప్రధానంగా ప్రభుత్వం ముందున్న అంశం బీసీ రిజర్వేషన్లను ఎలా అమలు చేయాలన్నదే. ఒకవైపు హైకోర్టు ఆదేశాల మేరకు స్థానిక సంస్థల ఎన్నికల ప్రక్రియను ఆరు వారాల్లో ముందుకు తీసుకెళ్లాల్సి ఉంది. మరోవైపు 34 శాతం బీసీ కోటాపై సుప్రీంకోర్టును ఆశ్రయించేందుకు ప్రభుత్వం సిద్ధమవుతోంది. దీంతో తదుపరి న్యాయ పరిణామాలపై ఆసక్తి నెలకొంది. సుప్రీంకోర్టులో ప్రభుత్వం చేసే వాదనలు, అక్కడ వెలువడే ఆదేశాలను బట్టి స్థానిక సంస్థల్లో బీసీ రిజర్వేషన్ల అమలు తీరుపై స్పష్టత వచ్చే అవకాశం ఉంది. ప్రస్తుతం మాత్రం హైకోర్టు తీర్పు ప్రకారం ఎన్నికల ప్రక్రియను ముందుకు తీసుకెళ్లే బాధ్యత ప్రభుత్వం, రాష్ట్ర ఎన్నికల సంఘంపై ఉంది.

నిండు సభలో జగన్ ని ఓ ఆటాడుకున్న బాబు | Chandrababu Repalle Speech | Asianet Telugu

Galam Venkata Rao — Thu, 01 Oct 2026 15:00:01 +0530

సంచలన విషయాలు బయటపెట్టిన Vijaysai Reddy | YS Jagan | YS Sharmila | Asianet News Telugu

Galam Venkata Rao — Wed, 30 Sep 2026 13:35:46 +0530

స్పీచ్ తో రఫ్ఫాడించిన బాబు | CM Chandrababu Full Speech At Repalle Meeting | Asianet Telugu

Galam Venkata Rao — Thu, 01 Oct 2026 16:00:01 +0530

Holidays : ఉద్యోగులు ఎగిరిగంతేసే న్యూస్.. ఈ దసరాకి రెండ్రోజులు కాదు నాల్రోజుల హాలిడేస్

Arun Kumar P — Wed, 30 Sep 2026 14:17:27 +0530

Dasara Holidays : ఈ దసరాకి తెలుగు విద్యార్థులకు 13 రోజుల సెలవులున్నాయి. మరి ఉద్యోగుల సంగతేంటి? అధికారికంగా రెండు రోజులు కాదు నాలుగు రోజులు సెలవులు వస్తున్నాయి. ఏరోజు ఎందుకు సెలవు?

Dasara Holidays 2026 : తెలుగు రాష్ట్రాల్లో దసరా, సంక్రాంతి పెద్ద పండగలు... ప్రజలు చాలా ఘనంగా జరుపుకుంటారు. అయితే దసరాను తెలంగాణలో, సంక్రాంతిని ఆంధ్ర ప్రదేశ్ లో బాగా సెలబ్రేట్ చేసుకుంటారు... ఇందుకు తగ్గట్లుగానే ఇరు రాష్ట్రాల్లో సెలవులుంటాయి. దసరాకి తెలంగాణలో, సంక్రాంతికి ఏపీలో ఎక్కువ సెలవులుంటాయి. ఇలా ఈ దసరాకి తెలంగాణలో స్కూళ్లు, కాలేజీలకు వరుసగా 13 రోజులు (అక్టోబర్ 10 నుండి 22 వరకు) సెలవులున్నాయి. అయితే కేవలం విద్యార్థులకే కాదు ఉద్యోగులకు కూడా ఈసారి వరుస సెలవులు కలిసివస్తున్నాయి.

విద్యార్థులకే కాదు ఉద్యోగులకు కూడా ఈ దసరాకి వరుస సెలవులున్నాయి. అక్టోబర్ 18 నుండి 21 వరకు నాల్రోజులు పండగ సెలవులే.... అంటే సద్దుల బతుకమ్మ నుండి విజయదశమి తర్వాతిరోజు వరకు హాలిడేస్ కలిసివస్తున్నాయి... మరి ఏరోజు, ఎందుకు సెలవులున్నాయో తెలుసుకుందాం.

అక్టోబర్ 18 సద్దుల బతుకమ్మ సెలవు

ప్రతి ఏడాది మాదిరిగానే ఈసారి కూడా బతుకమ్మ వేడుకలను తెలంగాణ ప్రభుత్వం గ్రాండ్ గా ప్లాన్ చేసింది. ముఖ్యంగా సద్దుల బతుకమ్మను ఆడపడుచులు ఘనంగా జరుపుకుంటారు... రంగురంగుల పూలను పేర్చి ఆటాపాటలతో సందడి చేస్తారు. అందుకే ఈరోజు ప్రభుత్వ ఉద్యోగులకు కూడా అధికారికంగా సెలవు ఇచ్చింది.

అయితే ఈసారి సద్దుల బతుకమ్మ అక్టోబర్ 18న ఆదివారం ఉంది. అంటే ఈరోజు ప్రత్యేకంగా పండగ సెలవు లేకున్నా వీకెండ్ సెలవు ఉండేది. ఇలా ఉద్యోగులు ఓ పండగ సెలవులు మిస్ అవుతున్నారన్నమాట.

బతుకమ్మ పండక్కి తర్వాతిరోజు, దసరాకి ముందురోజు కూడా ఉద్యోగులకు సెలవు ఉంది. అక్టోబర్ 19 (సోమవారం) మహర్నవమి ఉంది... దేవీ నవరాత్రుల్లో ఈరోజు చాలా ప్రత్యేకమైనది. అమ్మవారు మహిషాసురమర్ధిని అవతారంలో దర్శనమిస్తారు... ఈ ఒక్కరోజు పూజిస్తే చాలు నవరాత్రుల్లో తొమ్మిదిరోజులు పూజ చేసినంత ఫలితం దక్కుతుందని భక్తుల నమ్మకం. కొన్ని ప్రాంతాల్లో ఈరోజు ఆయుధ పూజ చేస్తారు.

ఇలా మహర్నవమి దేవీ నవరాత్రుల్లో చాలా పవిత్రమైన రోజు... అందుకే ఈరోజు ప్రభుత్వ ఉద్యోగులు పూజలు జరుపుకునేందుకు వీలుగా ఐచ్చిక సెలవు ఇస్తోంది ప్రభుత్వం. అంటే ఇది సాధారణ సెలవు కాదు... కొందరు ఉద్యోగులకు మాత్రమే సెలవు ఉంటుంది, మిగతావారికి వర్కింగ్ డేనే. మహర్నవమికి అవసరం అనుకుంటే ముందస్తు అనుమతి తీసుకుని వేతనంతో కూడిన సెలవు పొందవచ్చు.

అక్టోబర్ 20న (మంగళవారం) దసరా పండగ ఉంది. ఇది తెలంగాణ ప్రజలకు అతిపెద్ద పండగ. అందుకే ఈరోజు ప్రభుత్వ, ప్రైవేట్ ఉద్యోగులందరికీ అధికారిక సెలవు ఉంది. కుటుంబంతో కలిసి ప్రతిఒక్కరు సొంతూళ్లకు వెళ్లి పండగ జరుపుకుంటారు... అందుకే పండగ ఒక్కరోజే కాదు తర్వాతరోజు కూడా సెలవు ఇస్తోంది తెలంగాణ ప్రభుత్వం.

అక్టోబర్ 21న (బుధవారం) కూడా సెలవు ఉంది. దసరా వేడుకలకు తెలంగాణ ప్రజలు ఘనంగా జరుపుకుంటారు... అంతేకాదు తర్వాతిరోజు దుర్గామాత నిమజ్జన వేడుకలు ఉంటాయి. అందుకే అక్టోబర్ 21న కూడా ప్రభుత్వం అధికారిక సెలవు ప్రకటించింది.

మొత్తంగా చూసుకుంటే అక్టోబర్ 18 నుండి 21 వరకు వరుసగా నాల్రోజులు ప్రభుత్వ ఉద్యోగులకు సెలవులున్నాయి. ఇక ప్రైవేట్ ఉద్యోగులకు కూడా వీకెండ్, దసరా పండగ కలుపుకుని మూడ్రోజుల సెలవులు వస్తున్నాయి... సోమవారం ఒక్కరోజు ఎలాగోలా మేనేజ్ చేసుకుని లీవ్ తీసుకుంటే వీరికి కూడా నాల్రోజులు (అక్టోబర్ 17,18,19,20) వరుస సెలవులే.

ఆంధ్ర ప్రదేశ్ లో జియో హవా.. ఏకంగా 3.29 కోట్లమంది ఈ నెట్ వర్క్ వాడుతున్నారా..!

Arun Kumar P — Tue, 29 Sep 2026 11:32:35 +0530

Reliance Jio : ఆంధ్రప్రదేశ్ టెలికాం విభాగంలో రిలయన్స్ జియో దూకుడు కొనసాగిస్తోంది. ఈ సంస్థ కనెక్టివిటీ విస్తరణను మరింత వేగవంతం చేసింది. 2026 ఆగస్టు నెలకు సంబంధించి TRAI వినియోగదారుల గణాంకాల ప్రకారం.. మొబైల్, వైర్‌లైన్ బ్రాడ్‌బ్యాండ్, ఫిక్స్‌డ్ వైర్‌లెస్ యాక్సెస్ (FWA) విభాగాల్లో జియోకు గణనీయంగా కొత్త కనెక్షన్లు వచ్చాయి. మొబైల్ సేవల్లో ఒక్క ఆగస్టులోనే 2.12 లక్షల మంది కొత్త కస్టమర్స్ జియో నెట్‌వర్క్‌లో చేరారు. దీంతో ఏపీ సర్కిల్‌లో సంస్థ మొత్తం మొబైల్ కస్టమర్స్ సంఖ్య సుమారు 3.29 కోట్లకు చేరింది. అలాగే గరిష్ఠ VLR (Visitor Location Register) నమోదైన రోజున 96.95 శాతం యాక్టివ్ సబ్‌స్క్రైబర్ నిష్పత్తి నమోదైంది.

బ్రాడ్‌బ్యాండ్‌లోనూ విస్తరణ

వైర్‌లైన్ బ్రాడ్‌బ్యాండ్ విభాగంలో కూడా జియో వృద్ధిని కొనసాగించింది. ఆగస్టులో 25,211 కొత్త వైర్‌లైన్ కనెక్షన్లు చేరడంతో ఏపీ సర్కిల్‌లో మొత్తం కనెక్షన్లు సుమారు 21.55 లక్షలకు పెరిగాయి. సంప్రదాయ కేబుల్ మౌలిక సదుపాయాలు ఏర్పాటు చేయడం కష్టమైన ప్రాంతాల్లో ఎయిర్‌ఫైబర్ వంటి వైర్‌లెస్ బ్రాడ్‌బ్యాండ్ సేవలు కూడా విస్తరణకు దోహదపడుతున్నాయి. 5G FWA (ఫిక్స్‌డ్ వైర్‌లెస్ యాక్సెస్) విభాగంలో 11,058, UBR FWA విభాగంలో 26,513 కొత్త కనెక్షన్లు నమోదయ్యాయి. దీంతో ఈ రెండు విభాగాల్లో కలిపి జియోకు ఏపీ సర్కిల్‌లో 12.64 లక్షలకు పైగా వైర్‌లెస్ బ్రాడ్‌బ్యాండ్ కనెక్షన్లు ఉన్నాయి.

జాతీయ స్థాయిలోనూ జియో వృద్ధి

దేశవ్యాప్తంగా కూడా ఆగస్టులో జియో బ్రాడ్‌బ్యాండ్, FWA విభాగాల్లో గణనీయమైన వృద్ధిని నమోదు చేసింది. హోమ్ బ్రాడ్‌బ్యాండ్ చందాదారుల చేరికలో సమీప పోటీదారుతో పోలిస్తే సుమారు 2.5 రెట్లు అధిక వృద్ధిని నమోదు చేసినట్లు గణాంకాలు సూచిస్తున్నాయి. ఆగస్టులో జియో సుమారు 4 లక్షల FWA కనెక్షన్లు జోడించగా, జాతీయ FWA మార్కెట్‌లో సంస్థ వాటా సుమారు 78.6 శాతంగా ఉంది. మొబైల్, ఫిక్స్‌డ్ బ్రాడ్‌బ్యాండ్, వైర్‌లెస్ బ్రాడ్‌బ్యాండ్ విభాగాల్లో ఏకకాలంలో కస్టమర్స్ ని పెంచుకోవడం ద్వారా ఏపీతో పాటు దేశవ్యాప్తంగా జియో తన కనెక్టివిటీ విస్తరణను కొనసాగిస్తోంది.

Palle Panduga: గ్రామాల అభివృద్ధికి భారీ ప్రణాళిక.. రూ.11,085 కోట్ల పనులకు శ్రీకారం

Narender Vaitla — Tue, 29 Sep 2026 21:28:47 +0530

రోడ్లు, డ్రైనేజీలు, బస్ షెల్టర్లకు ప్రాధాన్యం

పల్లె పండుగ 3.0లో గ్రామాల అవసరాలకు అనుగుణంగా పలు రకాల పనులను చేపట్టనున్నారు. కొత్త పంచాయతీ భవనాలు, బస్ షెల్టర్లు నిర్మించడంతోపాటు సీసీ, బీటీ రోడ్లు, డ్రైనేజీ వ్యవస్థలు, వీధిలైట్లు, తాగునీటి సదుపాయాలను మెరుగుపరచనున్నారు. పాడి రైతులకు ఉపయోగపడేలా మినీ గోకులాలు, పశువుల కోసం నీటి తొట్టెలు ఏర్పాటు చేయనున్నారు. వ్యవసాయ భూముల్లో పంట కుంటలు, మ్యాజిక్ డ్రెయిన్ల నిర్మాణం చేపట్టడంతోపాటు ఉద్యానవన పంటల సాగును విస్తరించేందుకు చర్యలు తీసుకోనున్నారు. ముఖ్యంగా వర్షాభావ పరిస్థితులు ఎక్కువగా ఉండే ఉదయగిరి ప్రాంతాన్ని పండ్లతోటల సాగుకు అనుకూలమైన ప్రాంతంగా అభివృద్ధి చేస్తామని చంద్రబాబు తెలిపారు.

గత రెండు దశల్లో చేపట్టిన పనులు

పల్లె పండుగ కార్యక్రమం ఇప్పటికే రెండు దశల్లో గ్రామీణ ప్రాంతాల్లో పలు అభివృద్ధి పనులకు దోహదపడిందని ప్రభుత్వం వెల్లడించింది. మొదటి దశలో 4,000 కిలోమీటర్ల సీసీ రోడ్ల నిర్మాణంతోపాటు 22,514 పశువుల షెడ్లు, 21,000 వ్యవసాయ చెరువులు ఏర్పాటు చేశారు. 64,000 ఎకరాల్లో ఉద్యానవన మొక్కలను నాటినట్లు పేర్కొన్నారు. రెండో దశలో 2,500 కిలోమీటర్ల సీసీ రోడ్లు, 8,300 కిలోమీటర్ల బీటీ రోడ్ల పనులు చేపట్టారు. 15,750 పశువుల షెడ్లు, 15,500 పశువుల నీటి తొట్టెలు, 86,000 వ్యవసాయ చెరువులు, 82,000 వ్యక్తిగత ఇంకుడు గుంతలు నిర్మించడంతోపాటు 32 కిలోమీటర్ల మేర మ్యాజిక్ డ్రెయిన్ల పనులు చేపట్టినట్లు ప్రభుత్వం తెలిపింది.

గ్రామ స్వరాజ్యమే లక్ష్యమన్న నేతలు

పల్లె పండుగ 3.0తో గ్రామాల రూపురేఖల్లో గణనీయమైన మార్పు వస్తుందని ఉప ముఖ్యమంత్రి పవన్ క‌ళ్యాణ్‌ అన్నారు. కూటమి ప్రభుత్వం ఏర్పడిన తర్వాత రోడ్లు, మినీ గోకులాలు, ఫామ్‌పాండ్లు వంటి పనులకు ప్రాధాన్యం ఇచ్చామని చెప్పారు. మారుమూల తండాలకు సైతం రహదారి సౌకర్యం కల్పిస్తున్నామని, 161 గ్రామీణ నియోజకవర్గాల్లో డొంక రోడ్ల నిర్మాణం చేపడుతున్నామని వెల్లడించారు. అమరజీవి జలధార ద్వారా పలు ప్రాంతాలకు తాగునీరు అందిస్తున్నట్లు తెలిపారు. ప్రధాని నరేంద్ర మోదీ సహకారంతో గ్రామీణాభివృద్ధి కార్యక్రమాలను ముందుకు తీసుకెళ్తున్నామని పవన్ క‌ళ్యాణ్ పేర్కొన్నారు. ఇదే కార్యక్రమంలో బీజేపీ రాష్ట్ర అధ్యక్షుడు పీవీఎన్ మాధవ్ మాట్లాడుతూ గ్రామ స్వరాజ్యం దేశ ప్రగతికి కీలకమని అన్నారు. గ్రామాల్లో ఉపాధి, మౌలిక వసతులు పెరిగితే వలసలు తగ్గే అవకాశం ఉంటుందని చెప్పారు. గ్రామాల అభివృద్ధి ద్వారా మహాత్మా గాంధీ కలలు కన్న గ్రామ స్వరాజ్య దిశగా అడుగులు పడుతున్నాయని పేర్కొన్నారు.

APPSC: ఏపీపీఎస్సీ అభ్యర్థులకు అలర్ట్.. ఓటీపీఆర్ అప్‌డేట్ స్టార్ట్.. ఎలా చేసుకోవాలంటే?

Mahesh Rajamoni — Wed, 30 Sep 2026 09:42:21 +0530

APPSC OTPR Update 2026: ఏపీపీఎస్సీ ఉద్యోగార్థులకు బిగ్ అలర్ట్. కొత్త లోకల్ కేడర్ నిబంధనల ప్రకారం నేటి నుంచి ఓటీపీఆర్ అప్‌డేట్ ప్రాసెస్ మొదలైంది. ఎలా దీనిని పూర్తి చేయా ఇక్కడ పూర్తి వివరాలు తెలుసుకుందాం.

ఆంధ్రప్రదేశ్‌లో ప్రభుత్వ ఉద్యోగాల కోసం చూస్తున్న అభ్యర్థులకు ఏపీపీఎస్సీ (APPSC) అత్యంత ముఖ్యమైన సూచన చేసింది. సెప్టెంబర్ 30 నుంచి వన్ టైమ్ ప్రొఫైల్ రిజిస్ట్రేషన్ (OTPR) వివరాలను అప్‌డేట్ చేసుకునే విండో అధికారికంగా అందుబాటులోకి వచ్చింది.

రాబోయే గ్రూప్-1తో పాటు ఇతర నోటిఫికేషన్లకు అప్లై చేయాలనుకునే ప్రతి అభ్యర్థి తమ ఓటీపీఆర్ ప్రొఫైల్‌ను రీ-వెరిఫై చేసుకుని, సరికొత్త సమాచారంతో అప్‌డేట్ చేయడం తప్పనిసరి. చివరి నిమిషంలో సర్వర్ రష్, సాంకేతిక సమస్యల వల్ల ఇబ్బంది పడకుండా ఉండాలంటే ఈ పనిని ముందే పూర్తి చేసుకోవాలని కమిషన్ స్పష్టం చేసింది.

రాష్ట్రంలో జిల్లాల పునర్వ్యవస్థీకరణ, నూతన స్థానికత విధానాల నేపథ్యంలో ప్రభుత్వం ఏపీ ప్రెసిడెన్షియల్ ఆర్డర్-2025, జనరల్ అడ్మినిస్ట్రేషన్ శాఖ జారీ చేసిన జీఓ నంబర్ 45 (G.O.Ms.No.45, ఏప్రిల్ 20, 2026) నిబంధనలను అమల్లోకి తెచ్చింది.

దీని ప్రకారం అభ్యర్థుల 4వ తరగతి నుంచి 10వ తరగతి వరకు చదివిన విద్యాభ్యాసం, నివాస వివరాల ప్రాతిపదికన వారి జిల్లా, జోన్, మల్టీ-జోన్ కేటగిరీలను సరికొత్తగా నిర్ణయిస్తున్నారు. మీ లోకల్ కేడర్ క్రెడిట్ సరిగ్గా రావాలన్నా, రిజర్వేషన్ ఫలాలు అందాలన్నా ఈ నూతన నిబంధనలకు అనుగుణంగా డేటాను సవరించడం అత్యవసరం.

అభ్యర్థులు ఎటువంటి మీసేవ లేదా ఇంటర్నెట్ కేఫ్‌లకు వెళ్లకుండానే సులభంగా తమ ప్రొఫైల్ అప్‌డేట్ చేసుకోవచ్చు..

1. వెబ్‌సైట్ విజిట్: ముందుగా ఏపీపీఎస్సీ పోర్టల్ psc.ap.gov.in లేదా portal-psc.ap.gov.in ఓపెన్ చేయండి.

2. లాగిన్: హోమ్‌పేజీలో ఉన్న 'OTPR / Candidate Login' ఆప్షన్‌పై క్లిక్ చేసి, మీ User ID (OTPR ID), పాస్‌వర్డ్‌తో సైన్ ఇన్ అవ్వండి.

3. మోడిఫై ఆప్షన్: డ్యాష్‌బోర్డ్‌‌లోని 'Modify OTPR Details' లేదా 'Update Profile' లింక్‌ను సెలెక్ట్ చేయండి.

4. వివరాల నవీకరణ: నూతన జిల్లాల ప్రాతిపదికన మీ స్థానిక జిల్లా, జోన్, మల్టీ-జోన్, 4th-10th చదువుకున్న వివరాలు, విద్యార్హతలు (డిగ్రీ/పీజీ), అడ్రస్, మొబైల్ నంబర్ సరిచూసుకోండి.

5. సబ్‌మిట్, సేవ్: అప్‌లోడ్ చేసిన ఫోటో, సంతకం, సర్టిఫికెట్లతో పాటు అన్ని వివరాలు ఒకటికి రెండుసార్లు చెక్ చేసుకుని 'Submit' నొక్కండి. అకనాలెడ్జ్‌మెంట్ కాపీని PDF రూపంలో సేవ్ చేసుకోండి.

ఓటీపీఆర్ నమోదులో అభ్యర్థులు ఇచ్చే సమాచారంపై కమిషన్ కఠినంగా వ్యవహరిస్తోంది. ప్రొఫైల్‌లో మీ పేరు, తండ్రి పేరు, పుట్టిన తేదీ, లోకల్ స్టేటస్ వంటి వివరాల్లో చిన్న తప్పు ఉన్నా భవిష్యత్తులో తీవ్ర పరిణామాలు ఉంటాయి.

రాబోయే ఉద్యోగ నియమకాల సర్టిఫికెట్ వెరిఫికేషన్ సమయంలో ఓటీపీఆర్ డేటాను అసలు పత్రాలతో నిశితంగా పోలుస్తారు. ఏ మాత్రం తేడాలున్నా లేదా తప్పుడు ప్రకటనలు చేసినట్లు తేలినా సదరు అభ్యర్థిత్వాన్ని తక్షణమే రద్దు చేస్తామని ఏపీపీఎస్సీ తీవ్రంగా హెచ్చరించింది.

సవరణల ప్రక్రియను ప్రారంభించే ముందు అభ్యర్థులు తమ వద్ద కొన్ని ముఖ్యమైన ధ్రువీకరణ పత్రాలను సిద్ధంగా ఉంచుకోవాలి..

• స్టడీ సర్టిఫికెట్లు: 4వ తరగతి నుండి 10వ తరగతి వరకు ఉన్న పక్కా స్టడీ/బోనాఫైడ్ సర్టిఫికెట్లు.

• ఐడెంటిటీ, క్యాస్ట్: ఆధార్ కార్డ్, కుల ధ్రువీకరణ పత్రం, ఆదాయ దాఖలాలు.

• ఫోటో, సంతకం: ఇటీవల స్కాన్ చేసిన పాస్‌పోర్ట్ సైజు ఫోటోగ్రాఫ్, సంతకం డిజిటల్ కాపీలు.

• యాక్టివ్ కాంటాక్ట్ వివరాలు: ఓటీపీ వెరిఫికేషన్ కోసం మీ వద్ద పని చేస్తున్న మొబైల్ నంబర్, ఈ-మెయిల్ ఐడీ.

ఇప్పటికే ఓటీపీఆర్ ప్రొఫైల్ ఉన్న పాత అభ్యర్థులు కూడా ఈ నూతన జోనల్ విధానం ప్రకారం లాగిన్ అయ్యి రీ-వెరిఫై చేసుకోవడం తప్పనిసరని అధికారులు తెలిపారు.

జగన్ దెబ్బకు నా మతిపోయింది | Chandrababu Palle Panduga 3.0 Speech | Asianet Telugu

Galam Venkata Rao — Tue, 29 Sep 2026 16:23:07 +0530

మహిళ స్పీచ్ కి దండంపెట్టేసిన బాబు | Chandrababu Giving House Pattas To Beneficiaries

Galam Venkata Rao — Wed, 30 Sep 2026 15:34:33 +0530

పవన్ ని ఆకాశానికెత్తిన బాబు | Chandrababu Speech At Palle Panduga 3.0 | Asianet Telugu

Galam Venkata Rao — Tue, 29 Sep 2026 16:23:45 +0530

లైవ్ లో అధికారిని సస్పెండ్ చేసిన బాబు | Chandrababu Meeting Repalle | Asianet Telugu

Galam Venkata Rao — Thu, 01 Oct 2026 14:30:07 +0530

పల్లె పండుగ 3.0లో BJP చీఫ్ PVN మాధవ్ స్పీచ్ | Chandrababu | Pawan Kalyan | Asianet News Telugu

Galam Venkata Rao — Tue, 29 Sep 2026 19:30:27 +0530

రేపల్లెపై గర్జించిన యెల్లో సింగం | CM Chandrababu Aggressive Speech At Repalle | Asianet Telugu

Galam Venkata Rao — Thu, 01 Oct 2026 13:31:55 +0530

సిగ్గుండాలి జగన్ ...Vijaysai Reddy Fires On YS Jagan | Asianet News Telugu

Galam Venkata Rao — Wed, 30 Sep 2026 13:35:29 +0530

ఉదయగిరిలో చంద్రబాబు పవర్ ఫుల్ స్పీచ్ | Palle Panduga 3.0 | Pawan Kalyan | Asianet News Telugu

Galam Venkata Rao — Tue, 29 Sep 2026 19:32:31 +0530

చేతుల మీద కర్పూరం వెలిగించి హారతి ఇచ్చిన మహిళ | CBN Full Speech At House Pattas Distribution

Galam Venkata Rao — Wed, 30 Sep 2026 18:00:00 +0530

Pawan Kalyan Speech On AP Local Body Elections 2026 | Palle Panduga 2026 | Asianet Telugu

Galam Venkata Rao — Tue, 29 Sep 2026 17:00:02 +0530