Asianet News Telugu

Pearl Bracelet: మీకు క్లాసీ లుక్ ఇచ్చే ముత్యాల బ్రేస్‌లెట్లు

Haritha Chappa — Thu, 09 Apr 2026 14:32:06 +0530

Pearl Bracelet: ముత్యాల బ్రేస్‌లెట్లు లుక్‌కు రాయల్, క్లాసీ టచ్ ఇస్తాయి. ఆఫీస్‌కు వెళ్లినా, పార్టీకి వెళ్లినా ఇవి స్టైలిష్ లుక్ ఇస్తాయి. అన్ని రకాల దుస్తులకు చక్కగా నప్పుతాయి. ఇవి ఎంతో అందాన్ని పెంచుతాయి.

Anesthesia: నొప్పి లేని ఆపరేషన్.. మత్తునిచ్చే అనస్థీషియా పుట్టుక వెనుక ఉన్న అసలు కథ

Haritha Chappa — Thu, 09 Apr 2026 14:14:15 +0530

Anesthesia: ఒకప్పుడు ఆపరేషన్ అంటే నరకం. మత్తు మందు ఇచ్చేవారు కాదు. కానీ అనస్థీషియా పుట్టిన తరువాత మాత్రం ఎలాంటి నొప్పి తెలియకుండా ఆపరేషన్ పూర్తి అయిపోతుంది. ఈ అనస్థీషియా ఎలా పుట్టింది? ఎలా తయారుచేశారు?

ఒకప్పుడు ఆపరేషన్ అంటే నరకమే. శరీరంలో ఒక భాగాన్ని కోస్తుంటే ఎంత నొప్పి వస్తుందో చెప్పాల్సిన అవసరం లేదు. దెబ్బతిన్న అవయవాన్ని తొలగించాలంటే రోగిని నలుగురు వ్యక్తులు గట్టిగా పట్టుకునేవారు. ఆ బాధకు రోగి పెట్టే కేకలు ఆసుపత్రి అంతా మారుమోగిపోయేవి. చాలా మంది రోగులు ఆపరేషన్ సమయంలో కలిగే విపరీతమైన నొప్పిని భరించలేక ఆ బాధతో చనిపోయేవారు. మత్తు మందు లేని రోజుల్లో ఆపరేషన్ చేయాలంటే వైద్యుడికి కూడా పెద్ద సవాలే. ఇంతటి భయంకరమైన పరిస్థితిని మార్చింది అనస్థీషియా. ఆధునిక వైద్య శాస్త్రంలో ఇది ఒక గొప్ప ఆవిష్కరణ అనే చెప్పుకోవాలి. ఇంతకీ ఈ మత్తు మందు ఎలా పుట్టింది? ఎవరు తయారుచేశారు?

19వ శతాబ్దంలో అమెరికాలో 'ఈథర్' (Ether) అనే రసాయన ద్రవం ఉండేది. దానిని అప్పట్లో దాన్ని వినోదం కోసం వాడేవారు. యువతీ యువకులు పార్టీలు చేసుకునేటప్పుడు ఈథర్ ద్రవాన్ని ఒక రుమాలుపై వేసుకుని పీల్చేవారు. దానివల్ల వారికి ఒక రకమైన మైకం కమ్మేది. ఇలాంటి వేడుకలను 'ఈథర్ ఫ్రాలిక్స్' అని పిలిచేవారు. సరిగ్గా ఇలాంటి ఒక పార్టీకి అమెరికాలోని జార్జియాకు చెందిన డాక్టర్ క్రాఫోర్డ్ లాంగ్ కూడా వెళ్ళారు. అక్కడ ఈథర్ తీసుకుని మత్తులో పడిఉన్న వ్యక్తులను ఆయన గమనించారు. వారు కింద పడి తల పగిలినా, చేతులకు గాయాలైనా ఏమాత్రం నొప్పిని అనుభవించకపోవడం ఆయన గుర్తించారు. ఇది చూసిన డాక్టర్ లాంగ్ కు ఈ రసాయనాన్ని పీల్చినప్పుడు నొప్పి తెలియడం లేదంటే, దీనిని ఆపరేషన్ల సమయంలో ఎందుకు వాడకూడదు అనే ఆలోచన వచ్చింది.

1842, మార్చి 30వ తేదీన జేమ్స్ వెనబుల్ అనే వ్యక్తి తన మెడ వెనుక ఉన్న గడ్డను తొలగించుకోవడానికి డాక్టర్ వద్దకు వచ్చారు. అప్పట్లో ఇలాంటి గడ్డలను కోసి తీయడం అంటే రోగిని కదలకుండా కట్టి పడేసేవారు. కానీ డాక్టర్ లాంగ్ ఈథర్ తో ప్రయోగం చేశారు. ఒక కర్చీఫ్‌పై ఈథర్ పోసి రోగికి వాసన చూపించారు. కొద్ది నిమిషాల్లోనే రోగి గాఢమైన నిద్రలోకి జారిపోయాడు. అప్పుడు డాక్టర్ లాంగ్ ఆ గడ్డను కోసి బయటకు తీశారు. ఆపరేషన్ పూర్తయ్యాక రోగి మత్తు నుంచి కోలుకుని అయిపోయిందా? నొప్పి తెలియలేదు అని చెప్పాడు. అలా అనస్థీషియా పుట్టింది.

డాక్టర్ లాంగ్ ఈథర్ గురించి బయట ప్రపంచానికి చెప్పలేదు. కానీ కొన్నేళ్ల తర్వాత విలియం టి.జి. మోర్టన్ అనే దంతవైద్యుడు ఈ ఈథర్ మత్తును వాడి దంతాల ఆపరేషన్లను చేయడం ప్రారంభించాడు. ఇది ప్రపంచవ్యాప్తంగా సంచలనం సృష్టించింది. ఒకప్పుడు ఆపరేషన్ థియేటర్లలో వినిపించే రోగుల ఏడుపులు అనస్థీషియా రాకతో నిశ్శబ్దంగా మారిపోయాయి. గుండె ఆపరేషన్లు, మెదడు శస్త్రచికిత్సలు, అవయవ మార్పిడి వంటి కఠినమైన ఆపరేషన్లన్నీ ఈ మత్తు మందు వల్లే సాధ్యమవుతున్నాయి. ప్రస్తుతం అనస్థీషియా రంగం ఎంతో అభివృద్ధి చెందింది. శరీరంలోని ఒక భాగానికి మాత్రమే మత్తు ఇవ్వడం (Local Anesthesia), వెన్నెముకకు మత్తు ఇవ్వడం వంటి ఎన్నో పద్ధతులు వచ్చాయి.

Viral Video: స్మృతి మంధాన ప్రేమ క‌థ తిరిగి మొద‌లైందా.? వైర‌ల్ అవుతోన్న వీడియో

Narender Vaitla — Thu, 09 Apr 2026 14:06:18 +0530

Viral Video: భారత మహిళా క్రికెట్ జట్టు స్టార్ బ్యాటర్ స్మృతి మంధాన వ్యక్తిగత జీవితంపై మరోసారి చర్చ మొదలైంది. సంగీత దర్శకుడు పలాష్ ముచ్చల్తో ఆమె పెళ్లి ఆగిపోయిందనే వార్తలు వైర‌ల్ అయ్యాయి. అయితే తాజాగా ఈ జంట మ‌ళ్లీ క‌లిసిన‌ట్లు వార్త‌లు వ‌స్తున్నాయి.

ఇటీవల ఇంటర్నెట్‌లో ఒక వీడియో తెగ‌ వైరల్ అవుతోంది. ఆ వీడియోలో పలాష్ ముచ్చల్ సోదరి, గాయని పాలక్ ముచ్చల్ స్మృతి మంధాన తండ్రి శ్రీనివాస్ మంధానతో కలిసి కనిపిస్తున్నారు. పాలక్ ముచ్చల్ గౌరవంగా మంధాన తండ్రి కాళ్లకు నమస్కరించి ఆశీర్వాదం తీసుకుంటున్న దృశ్యాలు అందులో కనిపించాయి. ఈ దృశ్యాలను చూసిన నెటిజన్లు రెండు కుటుంబాల మధ్య సంబంధాలు మళ్లీ మెరుగయ్యాయని ఊహిస్తున్నారు. దీంతో మంధాన–పలాష్ పెళ్లి విషయం మళ్లీ సోషల్ మీడియాలో చర్చకు వచ్చింది.

స్మృతి మంధాన, పలాష్ ముచ్చల్ ఇద్దరూ చాలా కాలంగా ఒకరినొకరు ప్రేమించుకుంటున్నారని వార్తలు వచ్చాయి. ఇద్దరి పెళ్లి 2025 నవంబర్‌లో ఘనంగా జరగాల్సిందిగా ప్లాన్ చేసినట్లు అప్పట్లో ప్రచారం జరిగింది. వివాహానికి సంబంధించిన కొన్ని కార్యక్రమాలు కూడా నిర్వహించినట్లు సమాచారం. అయితే అనూహ్యంగా ఆ పెళ్లి ఆగిపోవడంతో అభిమానులు ఆశ్చర్యపోయారు.

పెళ్లి రద్దు కావడానికి అసలు కారణం ఏమిటనే విషయంపై అప్పట్లో ఎన్నో కథనాలు వెలువడ్డాయి. కొన్ని క‌థ‌నాల ప్రకారం పలాష్ మరో యువతితో చాటింగ్ చేసినట్టు స్క్రీన్‌షాట్లు బయటకు వచ్చాయని వార్తలు వినిపించాయి. దీంతో మంధాన ఈ పెళ్లిని రద్దు చేసుకుందనే ప్రచారం కూడా జరిగింది. అయితే ఈ విషయంపై రెండు కుటుంబాల నుంచి ఎలాంటి అధికారిక ప్రకటన వెలువడలేదు.

ప్రస్తుతం వైరల్ అవుతున్న వీడియో నిజంగా ఇటీవల తీసిందేనా లేక పాతదా అనే అంశంపై స్పష్టత లేదు. కొంతమంది ఇది గతంలో జరిగిన కార్యక్రమానికి సంబంధించిన వీడియో కావచ్చని అంటున్నారు. మరికొందరు మాత్రం ఇటీవలే రెండు కుటుంబాలు కలుసుకున్నాయని, విభేదాలు తొలగిపోయాయని భావిస్తున్నారు. అయితే ఈ విషయంపై స్మృతి మంధాన లేదా పలాష్ ముచ్చల్ కుటుంబం నుంచి ఇప్పటివరకు అధికారిక స్పందన రాలేదు.

View this post on Instagram

A post shared by Bollywood pap king (@bollywoodpapking)

స్మృతి మంధాన భారత మహిళా క్రికెట్‌లో ప్రముఖ ఆటగాళ్లలో ఒకరు. మైదానంలో ఆమె ఆటతీరు ఎంత ప్రజాదరణ పొందుతుందో, ఆమె వ్యక్తిగత జీవితం కూడా అభిమానుల్లో అంతే ఆసక్తి కలిగిస్తుంది. ఇప్పుడు వైరల్ అవుతున్న వీడియోతో మంధాన–పలాష్ సంబంధంపై మళ్లీ ఊహాగానాలు మొదలయ్యాయి. నిజంగా ఈ జంట మళ్లీ కలిసిపోతుందా లేదా అన్నది వేచి చూడాలి.

Nayanthara and Husband Vignesh Shivan Visit Tirumala Temple | Fans Selfies | Asianet News Telugu

Galam Venkata Rao — Thu, 09 Apr 2026 14:00:00 +0530

ప్రముఖ సినీ నటి నయనతార మరియు ఆమె భర్త, దర్శకుడు విఘ్నేష్ శివన్ తిరుమల తిరుపతి దేవస్థానాన్ని సందర్శించి శ్రీ వెంకటేశ్వర స్వామివారిని దర్శించుకున్నారు. ఈ సందర్భంగా ఆలయ అధికారులు వారికి స్వాగతం పలికారు.

Venus Transit: మృగశిర నక్షత్రంలో శుక్రుడి సంచారం.. ఈ 4 రాశులవారికి గుడ్ టైం స్టార్ట్ అయినట్లే!

Kavitha G — Thu, 09 Apr 2026 13:53:44 +0530

జ్యోతిష్య శాస్త్రం ప్రకారం త్వరలో శుక్రుడు మృగశిర నక్షత్రంలోకి ప్రవేశించనున్నాడు. ఈ నక్షత్ర సంచారం వల్ల కొన్ని రాశుల వారికి అద్భుతమైన లాభాలు కలగనున్నాయి. ఇప్పటివరకు ఉన్న కష్టాలు తీరి మంచి టైం స్టార్ట్ కాబోతోంది. మరి ఆ అదృష్ట రాశులేవో తెలుసుకోండి.

జ్యోతిష్య శాస్త్రంలో శుక్రుడిని ప్రేమ, అందం, సంపద, ఆస్తులకు కారకుడిగా భావిస్తారు. ఈ గ్రహం మే 8వ తేదీన మృగశిర నక్షత్రంలోకి ప్రవేశిస్తుంది. ఈ సంచారం వల్ల కొన్ని రాశుల వారికి విపరీతమైన లాభాలు కలుగుతాయి. వ్యక్తిగత జీవితం నుంచి వ్యాపారాల వరకు పట్టిందల్లా బంగారం కానుంది. మరి ఆ రాశులేవో, వారికి ఏ విషయాలు అద్బుతంగా కలిసి వస్తాయో ఇక్కడ వివరంగా తెలుసుకుందాం.

శుక్రుడి నక్షత్ర మార్పు వృషభ రాశి వారికి మంచి ఫలితాలనిస్తుంది. ఈ సమయంలో మీ ఆర్థిక పరిస్థితి పూర్తిగా మారుతుంది. డబ్బు సమస్యలు తీరిపోతాయి. అప్పుల నుంచి విముక్తి లభించే అవకాశం ఉంది. పాత పెట్టుబడుల నుంచి భారీ లాభాలు వస్తాయి. మానసిక ఆందోళనలు తొలగిపోతాయి. వాహనం కొనాలనే మీ కోరిక నెరవేరవచ్చు. అయితే డబ్బు వెచ్చించే విషయంలో కాస్త జాగ్రత్తగా ఉండాలి.

మిథున రాశి వారికి ఇది చాలా మంచి సమయం. ప్రేమ సంబంధాల్లో అపార్థాలు తొలగిపోయి, అనుబంధం బలపడుతుంది. పెళ్లి కోసం భాగస్వామిని వెతికే వారికి మంచి సంబంధం దొరుకుతుంది. కెరీర్‌లోనూ పురోగతి ఉంటుంది. ఉద్యోగాలలో ప్రమోషన్ వచ్చే అవకాశాలు ఉన్నాయి. వ్యాపారంలో లాభాలు, కొత్త భాగస్వామ్యాలు, కొత్త ప్రాజెక్టులు దక్కే అవకాశం ఉంది. దీంతో ఆర్థిక సమస్యలు తీరిపోయి, సంతోషంగా, ప్రశాంతంగా జీవిస్తారు.

తుల రాశి వారికి కూడా ఈ సమయం కలిసివస్తుంది. మీ ఆర్థిక సమస్యలు తీరిపోతాయి. చేతికి మంచిగా డబ్బు అందుతుంది. పాత పెట్టుబడులు ఇప్పుడు బంపర్ లాభాలను ఇవ్వొచ్చు. అంతేకాదు శుక్రుడి సంచారం మీ వైవాహిక జీవితంలో సంతోషాన్ని నింపుతుంది. గొడవలు, అశాంతి తొలగిపోతాయి. ప్రేమ సంబంధాలు కొత్తగా మారతాయి. ఇంటా బయటా అనుకూల వాతావరణం ఉంటుంది. మనసు ప్రశాంతంగా ఉంటుంది.

శుక్రుడి సంచారం కర్కాటక రాశి వారికి మంచి రోజులు తెస్తుంది. సమాజంలో మీ పేరు, ప్రతిష్ఠలు పెరుగుతాయి. చాలామంది మీ సలహా కోసం వస్తారు. ఈ సమయంలో మీకు ఎన్నో కొత్త అవకాశాలు దక్కుతాయి. కొత్త వ్యక్తులతో పరిచయాలు ఏర్పడతాయి, అవి లాభదాయకంగా ఉంటాయి. చాలాకాలంగా డబ్బు సమస్యలతో బాధపడేవారికి ఇది మంచి సమయం. వారి ఆదాయం పెరిగి, చేతికి కావాల్సినంత డబ్బు అందుతుంది.

Washing Machine: వాషింగ్ మెషిన్ వాడేటప్పుడు ఈ తప్పులు చేయకూడదు

ramya Sridhar — Thu, 09 Apr 2026 13:47:36 +0530

ఈ రోజుల్లో వాషింగ్ మెషిన్ అందరు ఇళ్లల్లో ఉంటుంది. అయితే.. దానిని వాడేటప్పుడు కొన్ని పొరపాట్లు అస్సలు చేయకూడదు. ఆ పొరపాట్లు ఏంటో ఓసారి చూద్దాం…

శోభన్ బాబు సలహా వల్ల 200 కోట్లకు పైగా ఆస్తులు సంపాదించిన స్టార్ నటుడు ఎవరో తెలుసా?

Mahesh Jujjuri — Thu, 09 Apr 2026 13:44:21 +0530

టాలీవుడ్ లో హ్యాండ్సమ్ హీరోగా శోభన్ బాబు రికార్డు ఎవరు బ్రేక్ చేయలేరు. ఆయన ఎంత అందగాడో.. అంత క్రమశిక్షణ కూడా కలిగి ఉండేవారు. శోభన్ బాబు ఆర్ధిక క్రమశిక్షణ ఫాలో అవుతూ.. 200 కోట్లకు పైగా ఆస్తులు సంపాదించుకున్న స్టార్ నటుడు ఎవరో తెలుసా?

ఒకప్పుడు టాలీవుడ్‌లో రొమాంటిక్ హీరో అంటే.. శోభన్ బాబు పేరు మాత్రమే వినిపించేది. ఆంధ్రా అందగాడు, సోగ్గాడు, అందాల నటుడు, నటభూషణ్... ఇలా శోభన్ బాబు ను ముద్దు పేర్లతో పిలిచే వారు అభిమానులు. కోట్లాది అభిమానుల మనసుల్లో చెరగని ముద్ర వేసిన శోభన్ బాబు... కెరీర్ బిగినింగ్ లో ఎన్నో ఆర్ధిక కష్టాలు అనుభవించారు.

కనీసం ఇంట్లో ఫాన్ కూడా లేని రోజుల్లో తన కుటుంబంతో కలిసి సింగిల్ రూమ్ లో నివసించారు శోభన్ బాబు. అన్ని కష్టాలు అనుభవించారు కాబట్టే.. ఆయన డబ్బు విషయంలో చాలా స్ట్రిక్ట్ గా ఉండేవారు. సినిమాల నుంచి వచ్చిన డబ్బుతో ఎక్కువగా స్థిరాస్తులు కొనుగోలు చేశారు శోభన్ బాబు. ఎక్కువగా స్థలాల మీద ఇన్వెస్ట్ చేసేవారు శోభన్ బాబు.

తన కో ఆర్టిస్ట్ లు.. తన తరువాత వచ్చిన జూనియర్ ఆర్టిస్ట్ లకు కూడా శోభన్ బాబు ఇదే సలహా ఇచ్చేవారు. ఉన్న డబ్బును స్థలాల మీద ఇన్వెస్ట్ చేయండని చాలామంది నటీనటులకు ఆయన సలహా ఇచ్చారు. శోభన్ బాబు సలహా పాటించకపోవడం వల్ల కోట్ల ఆస్తులు పోగోట్టుకున్నామని జయసుధ లాంటి స్టార్స్ ఒప్పుకున్న సందర్భాలు ఉన్నాయి. ఇక ఆయన మాటలు విని వందల కోట్లు సంపాధించిన వారు కూడా ఉన్నారు. శోభన్ బాబు, రాజేంద్ర ప్రసాద్, శరత్ బాబు, ఇలా ఎంతో మంది స్టార్స్ శోభన్ బాబు మాట విని.. కోట్లకు పడగలెత్తారు. ఈక్రమంలో సోగ్గాడు మాటలు విని 200 కోట్లకు పైగా ఆస్తులు పోగేసిన నటుడు ఎవరో తెలుసా?

..ఆ నటుడు ఎవరో కాదు శరత్ బాబు... అవును శరత్ బాబు హీరోగా, క్యారెక్టర్ ఆర్టిస్ట్ గా వందల సినిమాల్లో నటించారు. సినిమాల ద్వారా వచ్చిన రెమ్యునరేషన్ తో ముఖ్యమైన నగరాల్లో శరత్ బాబు ప్రాపర్టీస్ కొనడం స్టార్ట్ చేశాడు. చెన్నైలో భారీ బంగ్లా, షాపింగ్ కాంప్లక్స్, బెంగళూర్ లో ఇల్లు, కాంప్లెక్స్, హైదరాబాద్ లో ఇల్లు, ఆముదాల వలసలో ఇల్లు.. కొన్ని భూములు కూడా కొన్నాడట శరత్ బాబు. మొత్తంగా ఆయన దాదాపు 200 కోట్ల ఆస్తులను సంపాదించినట్టు.. ఆకాలంనాటి జర్నలిస్ట్, అసిస్టెంట్ డైరెక్టర్ యూట్యూబ్ కు ఇచ్చిన ఇంటర్వ్యూలో వెల్లడించారు.

ఇండస్ట్రీలో అందరు తనను పీనాసి అనడంపై శోభన్ బాబు ఓసందర్భంలో క్లారిటీ ఇచ్చారు. ఓ ఇంటర్వ్వూలో మాట్లాడుతూ.. '' అందరు నన్ను పిసినారి అంటున్నారు. మహానుభావుడు ఎన్టీఆర్ ఓ మాట అంటుండేవారు.

నా అభిమానులందరికి తలా ఒక్క రూపాయి ఇచ్చుకుంటూ వెళ్తే.. ఆతరువాత ఆ రూపాయి నేను అందరిని అడుక్కోవలసి వస్తుంది.. అని అనేవారు. అందుకే నేను అపాత్రదానం చేయను. అర్ధం లేని చోట ఎక్కువ ఖర్చు పెట్టడం అనవసం. అవసరం ఉన్న చోట మాత్రమే నేను ఖర్చు చేస్తాను. అది నా కుటుంబాన్ని దృష్టిలో పెట్టుకుని మాత్రమే కాదు. నన్ను నమ్ముకున్న 60 కుటుంబాలను దృష్టిలో పెట్టుకునినేను జాగ్రత్తగా ఉంటాను.

ఆ 60 కుటుంబాలకు నేను ఎంత చేశాను, ఏం చేశాను, ఎంత మంది నావల్ల చదవుకుంటున్నారు, మంచి పోజిషన్ లో ఉన్నారు అనేది నేను ఎప్పుడు ఎక్కడా చెప్పలేదు. దానం చేసి చెప్పుకోవలసిన అవసరం కూడా లేదు. ఎవరు ఎన్ని అన్నా.. నేను ఏం చేశాను అన్నది నాకు తెలుసు'' అని శోభన్ బాబు అన్నారు.

శోభన్ బాబు డబ్బును వృధా చేసేవారు కాదు. ఆయన సంపాధించిన సొమ్మ అంతా బిజినెస్ లో పెట్టారు. ప్రతీ పైసా ఆయన భూమిపై పెట్టారు. చెన్నైలో సగం భూములు ఆయనవే. దాదాపు 10 వేల కోట్ల విలువైన ఆస్తులను సంపాదించారట శోభన్ బాబు. ఆయన హీరోగా ఎంత స్టార్ డమ్ చూసినా.. తన ఫ్యామిలీని మాత్రం ఇండస్ట్రీలోకి రానివ్వలేదు అందాల నటుడు.

తన దగ్గర పనిచేసేవారిని చాలా బాగా చూసుకునేవారు శోభన్ బాబు. పనివారి కుటుంబాలక కావల్సిన ఆర్ధిక అవసరాలు శోభన్ బాబు దగ్గరుండి చూసుకునేవారు. వారి పిల్లలను కూడా ఆయన చదివించేవారు. శోభన్ బాబు గుప్తదానాల గురించి మరో హీరో కృష్ణం రాజు ఓ సందర్భంలో గొప్పగా చెప్పారు.

GPS Tracker: భార్య చెప్పుల్లోనే జిపిఎస్ ట్రాకర్ పెట్టాడు, అసలు నిజం కనిపెట్టేసాడు

Haritha Chappa — Thu, 09 Apr 2026 13:43:26 +0530

GPS Tracker: భార్యపై అనుమానంతో ఆ వ్యక్తి ఎవరికి రాని తెలివైన ఆలోచన చేశాడు. ఏకంగా భార్య చెప్పుల్లోనే జిపిఎస్ ట్రాకర్ పెట్టాడు. ఆమె ఎక్కడికి వెళుతుందో తెలుసుకున్నాడు. చివరికి ఆమె సీక్రెట్ ను కనిపెట్టేసాడు.

సినిమాల్లో, క్రైమ్ థ్రిల్లర్ నవలల్లోను ఎక్కువగా ఇలాంటి పనులు చేసేవారు కనిపిస్తారు. కానీ నిజ జీవితంలో కూడా టెక్నాలజీ పెరిగిపోవడం వల్ల ఓ వ్యక్తి జిపిఎస్ ట్రాకర్‌ని ఏకంగా తీసుకెళ్లి చెప్పుల్లోనే అమర్చాడు. బీహార్ రాజధాని పాట్నాలో జరిగిన ఈ ఘటన ఇప్పుడు సోషల్ మీడియాలో చాలా వైరల్ అవుతుంది. తన భార్యపై అనుమానంతో భర్త చేసిన పని టెక్నాలజీ దుర్వినియోగాన్ని సూచిస్తున్నా... కొన్ని సమయాల్లో మాత్రం అది నిజాయితీగల వ్యక్తులను కాపాడుతుందని, తప్పు చేసిన వారిని పట్టిస్తుందని మాత్రం ఎంతో మంది వాదిస్తున్నారు.

పాట్నాలోని ఫుల్వారి షరీఫ్ ప్రాంతానికి చెందిన ఒక వ్యక్తికి తన భార్యపై ఎంతో అనుమానం వచ్చింది. ఆమె తరచూ బయటకు వెళ్లడం, ఎక్కడికి వెళ్లావు? అని అడిగితే పొంతన లేని సమాధానాలు చెప్పడం.. ఆ అనుమానాన్ని పెంచేశాయి. ఆమె నేరుగా ఏది చెప్పదని అర్థం చేసుకున్న భర్త.. ఆమె గుట్టు రట్టు చేయాలని ప్లాన్ చేశాడు. ఇందుకోసం మార్కెట్లో దొరికే అతి చిన్న సైజు జిపిఎస్ ట్రాకర్ ను కొన్నాడు. దానిని ఎవరికీ అనుమానం రాకుండా ఆమె రోజు వేసుకునే చెప్పుల్లోని సోల్ కింద అమర్చాడు.

భార్యకు జిపిఎస్ ట్రాకర్ ఉన్న సంగతి తెలియక ఎప్పటిలాగే పని ఉందని అబద్ధం చెప్పి బయటకు వెళ్ళింది. ఇక భర్త మొబైల్ ఫోన్ ద్వారా ఆమె ఎక్కడికి వెళ్లిందో గమనించడం మొదలుపెట్టాడు. ఆమె ఒక హోటల్లో లేదా ఏదో ఇంట్లో ఉన్నట్లు ఆ మ్యాప్ లో కనిపించింది. ట్రాకర్ ద్వారా లొకేషన్ కచ్చితంగా తెలిసింది. భర్త తన స్నేహితులతో కలిసి వెంటనే ఆ ఇంటికి వెళ్ళాడు. అక్కడ తన భార్య మరొక వ్యక్తితో కలిసి ఉండటం చూసి భర్త షాక్ అయిపోయాడు. ఇద్దరినీ రెడ్ హ్యాండెడ్ గా పట్టుకున్నారు.

భార్యాభర్తల గొడవ రోడ్డుపైకి చేరింది. భర్త తన భార్యను ఆమెతో ఉన్న వ్యక్తిని కూడా ఇంట్లోంచి బయటికి లాక్కొచ్చాడు. స్థానికులంతా అక్కడ చేరారు. విషయం తెలుసుకున్న జనం భార్య ఎంతగా మోసం చేసిందో అర్థం చేసుకున్నారు. స్థానికులు పోలీసులకు సమాచారం అందించడంతో వారందరినీ పోలీసులు వచ్చి స్టేషన్ కు తీసుకెళ్లారు. పోలీస్ స్టేషన్లో భర్తను అసలు ఏం జరిగిందో కనుక్కున్నారు. ఆ సమయంలోనే జిపిఎస్ ట్రాకర్ ఆమె చెప్పుల్లో అమర్చిన విషయం బయటపడింది. ఒక్కసారిగా పోలీసులు సైతం షాక్ అయ్యారు. కాకపోతే దీనిపై ఎవరూ కూడా ఒకరిపై ఒకరు ఫిర్యాదు చేసుకోలేదు. దీంతో పోలీసులు అందరినీ వదిలేశారు. కానీ భార్య చెప్పుల్లో జిపిఎస్ ట్రాకర్ అనే వార్త మాత్రం సోషల్ మీడియాలో తెగ వైరల్ గా మారిపోయింది.

Love song: ఈ పాటకు ఏ అమ్మాయైనా కరిగిపోవాల్సిందే.. ‘సొమ్మసిల్లి పోతున్నవే’ పాట పూర్తి లిరిక్స్ ఇవిగో

Mahesh Rajamoni — Thu, 09 Apr 2026 09:05:46 +0530

Love Song : తెలుగు ఫోక్ సాంగ్స్ ఇప్పుడు సినిమా పాటలను మించిన పాపులారిటీతో దుమ్మురేపుతున్నాయి. సోషల్ మీడియాను షేక్ చేసిన 'సొమ్మసిల్లి పోతున్నవే ఓ సిన్నా రాములమ్మ' పాట పూర్తి లిరిక్స్ మీకోసం. ఈ సాంగ్ ను రాము రాథోడ్ పాడారు.

ప్రస్తుతం తెలుగు ఫోక్ సాంగ్స్ హవా నడుస్తోంది. మట్టి వాసనతో, స్వచ్ఛమైన గ్రామీణ యాసతో సాగే ఈ పాటలు అందరి మనసులను గెలుచుకుంటున్నాయి. ఈ క్రమంలో 'సొమ్మసిల్లి పోతున్నవే ఓ సిన్నా రాములమ్మ' అనే పాట యూట్యూబ్‌లో సంచలనం రేపింది. సోషల్ మీడియాను షేక్ చేసింది. ఈ పాటలోని మాధుర్యం, భావోద్వేగం ఏ అమ్మాయినైనా కరిగించేలా ఉంటుంది.

ఈ సాంగ్ ను 'M S ADDA' అనే యూట్యూబ్ ఛానల్ విడుదల చేసింది. ఈ పాటను ప్రముఖ ఫోక్ సింగర్ రాము రాథోడ్ పాడారు. పాటకు తన గాత్రంతో ప్రాణం పోశాడు. కేవలం పాడటమే కాకుండా, ఈ పాటలో రాము రాథోడ్ నటించారు. జోడీగా దివ్య భగత్ నటించగా, వీరిద్దరి మధ్య ఉన్న కెమిస్ట్రీ ఈ సాంగ్‌ను విజువల్‌గా కూడా క్లాసిక్‌గా మార్చేసింది. యూట్యూబ్ లో ఇప్పటివరకు 31 కోట్లకు పైగా (318184426) వ్యూస్, 1.6M లైకులు వచ్చాయి. ఈ సూపర్ హిట్ ఫోక్ సాంగ్ పూర్తి లిరిక్స్ ఇలా ఉన్నాయి..

కంటికి కునుకే కరువాయనే..

గుండెల బరువే మొదలాయనే..

సొమ్మసిల్లి పోతున్నవే ఓ సిన్నా రాములమ్మ

చెమ్మగిల్లి ముద్దియ్యవే చూపించవే నాపై ప్రేమ

నల్ల నల్లని కళ్ళతో నాజూకు నడుముతో

నన్నాగమే జేస్తివే

గుండె గాలిలో తేలుతూ ఆరాటాలాడుతు

నీ వొళ్ళోనే వాలెనే

సుట్టు దిప్పుకున్నావే ఓ సిన్నా రాములమ్మ

సెమట సుక్కోలే తీసెయ్యకే

నీ సీర కొంగుకే ముడివెయ్యవే

సాయంకాలం వేళ సందె పొద్దులాగ సెంతలోనే ఉండవే

సీకటేల మెరిసే సుక్కలాగ గుండెలోన దాగవే

నీటిలోన నీడ చూస్తుంటే ఈ వేళ నీ బొమ్మలా ఉన్నదే

నీ చేతినద్దేసి కలలన్ని చెరిపేసి కాలాన్ని మార్చకే

ఎక్కడున్నా ఎదురయ్యే నీ సన్నజాజి నవ్వులే

సక్కనైన సొగసులే నాకిచ్చి స్వర్గంలో బంధించవే

ఏటి గట్టు మీద ఎదురుసూపుల్లోన కళ్ళల్లో నిండినవే

గాలివానల్లోన గొడుగల్లే రమ్మన్న వెచ్చగా కౌగిలికే

నీ ఊహలే కన్న నీ ధ్యాసలో ఉన్న నా దరికి రమ్మంటినే

నిను వెతికే దారుల్లో అడ్డంకులెన్నున్నా నా అడుగు నీ జాడకే

ముద్దుగున్నా నా చెలివే ఓ సిన్నా రాములమ్మ

సెంత సేరే రోజెన్నడే ప్రాణం అల్లాడే నీకోసమే

పారేటి సెలయేరు పలకరించకున్నా పరువాలేదనుకుంటినే

ప్రాణం కన్నా నువ్వు ఎక్కువ అంటున్నా పట్టించుకోవెందుకే

పువ్వుల్లో దాగున్న పరిమళాలన్నీ నీ చెంత చేరిస్తినే

పంచభూతాలన్నీ సాక్షులుగా ఉంచేసి మనువాడుకుంటానులే

జన్మ జన్మాల బంధానివే ఓ సిన్నా రాములమ్మ

నా సీకటి బ్రతుకుల ఎలుగియ్యవే నా ఇంటి దీపాన్ని ఎలిగించవే

Dosa: దోశకు పప్పు, బియ్యం ఇలా రుబ్బుతున్నారా? మీరు చేసే అతి పెద్ద తప్పు ఇదే

ramya Sridhar — Thu, 09 Apr 2026 13:01:57 +0530

Dosa: ఇంట్లోనే దోశలు వేస్తున్నారా? తెలిసీ తెలియక మీరు చేసే కొన్ని తప్పుల కారణంగా మీరు ఎంతో హెల్దీ అనుకునే దోశ మీ ఆరోగ్యాన్ని దెబ్బతీస్తుందని మీకు తెలుసా?

చాలా మంది ఫేవరెట్ బ్రేక్ ఫాస్ట్ లో దోశ ముందు ఉంటుంది. అంతేకాదు.. దోశలు వేయడం చాలా సింపుల్ కదా అని ఇంట్లోనే చేసేసుకుంటూ ఉంటారు. కానీ, ఈ దోశ విషయంలో ఎక్కువ మంది చాలా తప్పులు చేస్తుంటారు. ఆ తప్పులు చేస్తున్నాం అని తెలికుండానే చేస్తుంటారు. కానీ.. వాటి కారణంగా.. మీరు తినే దోశ మీ ఆరోగ్యాన్ని చాలా దెబ్బతీస్తుందని మీకు తెలుసా? మరి, ఎలాంటి తప్పులు చేయకూడదో ఇప్పుడు తెలుసుకుందాం..

దోశ వేయడానికి ముందు పప్పులు, బియ్యాన్ని రుబ్బి పులియబెట్టాలి. చాలా మంది ఈ ప్రక్రియలోనే ఎక్కువగా తప్పులు చేస్తారు. పిండి రుబ్బుకున్న తర్వాత ఎక్కువ సేపు వెచ్చని ప్రదేశంలో లేదా బయట ఉంచడం వల్ల ఆరోగ్యకరమైన బ్యాక్టీరియా కూడా పెరిగి, దుర్వాసన రావడానికి కారణం అవుతుంది. ఎండాకాలంలో పిండి తొందరగా పులిసిపోతుంది. అదే.. శీతాకాలంలో అయితే.. దీనికి ఎక్కువ సమయం పట్టొచ్చు. కాబట్టి.. సీజన్ ని పట్టి.. పిండిని ఎంత సేపు పులియబెడుతున్నాం అనే విషయంలో జాగ్రత్త తీసుకోవాలి. ఎండాకాలంలో దోశ పిండిని 6 నుంచి 8 గంటలకు మించి బయట ఉంచకూడదు. చలికాలంలో 12 ఉంచినా పర్వాలేదు. ఈ చిన్న విషయం తెలియకపోతే దోశలు రుచిగా రావు.

మసాలా దోశలో బంగాళదుంపలను కూరను పెడతారు. కానీ చాలా మందికి తాము ఏ రకమైన బంగాళదుంపలను వాడుతున్నారనే దానిపై శ్రద్ధ పెట్టరు. మొలకెత్తిన లేదా అక్కడక్కడ పచ్చగా కనిపించే బంగాళదుంపలను కూర కోసం వాడకూడదు. అలాంటి బంగాళదుంపలు ఆరోగ్యానికి హాని చేస్తాయి. అదేవిధంగా ఈ కూరను కూడా ఎక్కువ సేపు గది ఉష్ణోగ్రతలో ఉంచకూడదు. ఎందుకంటే, ఉడికించిన బంగాళదుంపలు త్వరగా పాడైపోతాయి. ఫుడ్ పాయిజనింగ్ కి కూడా కారణం అవుతాయి.

దోశ కోసం బియ్యం, పప్పులను కొనుగోలు చేసేటప్పుడు అవి మరీ పాతవి కాకుండా చూసుకోండి. ఎందుకంటే.. మరీ పాతవి ఎంచుకోవడం వల్ల వాటిపై బ్యాక్టీరియా పేరుకుపోయే ప్రమాదం ఉంది. అంతేకాకుండా.. చాలా మంది బయట రెడీగా తయారు చేసి ఉన్న దోశ పిండి కొని తెచ్చుకొని ఇంట్లో దోశలు చేసుకుంటూ ఉంటారు. వాటిలో వాళ్లు నాణ్యమైన పప్పు, బియ్యం కలపకపోవచ్చు. కాబట్టి.. ఇంట్లో మీరే స్వయంగా పిండి తయారు చేసుకోవడం మంచిది. ఇక.. మీరు రుబ్బుకున్న పిండి పులుపు వాసన వస్తే అలాంటి పిండిని పారేయడమే మంచిది.

నాన్-స్టిక్ కోటింగ్‌ను తనిఖీ చేయండి

మీరు దోశలు వేయడానికి నాన్‌స్టిక్ పాన్ ఉపయోగిస్తుంటే, దాని కోటింగ్‌ను తప్పకుండా తనిఖీ చేయండి. టెఫ్లాన్ కోటింగ్ ఊడిపోతుంటే, వేడి చేసినప్పుడు అది మీరు వేసే దోశలోకి రసాయనాలను విడుదల చేసే అవకాశం ఉంది, ఇది ఆరోగ్యానికి హానికరం. అందువల్ల, నాన్ స్టిక్ ప్యాన్ కాకుండా ఐరన్ పాన్ లేదా పూర్తిగా చెక్కుచెదరని కోటింగ్ ఉన్న నాన్‌స్టిక్ పాన్‌ను ఉపయోగించడానికి ప్రయత్నించండి.

నూనె, నీటి స్వచ్ఛత

దోసె పిండిలో కలిపే నీరు, దోశ వేయడానికి ఉపయోగించే నూనె స్వచ్ఛమైన వాటిని మాత్రమే ఉపయోగించాలి. దోసె పిండిని ఎల్లప్పుడూ శుభ్రమైన నీటితోనే కలపండి. వాడే నూనె కూడా మంచిదై ఉండాలి. లేకపోతే.. ఆరోగ్య సమస్యలు వచ్చే ప్రమాదం చాలా ఎక్కువగా ఉంది.