Asianet News Telugu

Smart TV: రూ. 8 వేల‌కే 32 ఇంచుల QLED స్మార్ట్ టీవీ.. ఇలాంటి ఆఫ‌ర్ మ‌ళ్లీ రాదు బాసూ

Narender Vaitla — Sun, 08 Nov 2026 16:39:12 +0530

Smart TV: తక్కువ ధరలో స్మార్ట్ టీవీ కొనాలనుకునే వారికి Visio World 32 ఇంచుల QLED టీవీ ఒక ఆప్ష‌న్‌గా చెప్పొచ్చు. ఇందులో QLED డిస్‌ప్లే, ఆండ్రాయిడ్ స్మార్ట్ ఫీచర్లు, ప్రముఖ OTT యాప్స్, మంచి సౌండ్ అవుట్‌పుట్ వంటి ఫీచర్లు ఉన్నాయి.

Visio World VW32AQ3 స్మార్ట్ టీవీలో 32 ఇంచుల (80 సెం.మీ.) QLED డిస్‌ప్లే ఇచ్చారు. ఇది 1366 x 768 పిక్సెల్స్ రిజల్యూషన్‌తో HD క్వాలిటీని అందిస్తుంది. ఇందులో 60Hz రిఫ్రెష్ రేట్ ఉంటుంది. QLED టెక్నాలజీ కారణంగా 1.67 కోట్ల రంగులను సపోర్ట్ చేస్తుంది. అలాగే 350 నిట్స్ గరిష్ఠ బ్రైట్‌నెస్, HDR10 సపోర్ట్, 1,00,000:1 కాంట్రాస్ట్ రేషియో ఉన్నాయి. 178 డిగ్రీల వ్యూయింగ్ యాంగిల్ ఉండటంతో పక్క నుంచి చూసినా స్క్రీన్ స్పష్టంగా కనిపిస్తుంది. ఈ స్మార్ట్ టీవీ అస‌లు ధ‌ర రూ. 13000 కాగా అమెజాన్‌లో 35 శాతం డిస్కౌంట్‌తో రూ. 8399కే ల‌భిస్తోంది.

ఈ టీవీలో ఆండ్రాయిడ్ ఆధారిత స్మార్ట్ ఫీచర్లు అందించారు. ఇందులో అమెజాన్ ప్రైమ్ వీడియో, నెట్‌ఫ్లిక్స్, జియో హాట్‌స్టార్, జీ5 వంటి ప్రముఖ OTT యాప్స్‌ను ఉపయోగించుకోవచ్చు. క్వాడ్ కోర్ ప్రాసెసర్‌తో పనిచేస్తుంది. స్క్రీన్ మిర్రరింగ్ ఫీచర్ ద్వారా మొబైల్‌లోని వీడియోలు, ఫొటోలను టీవీ స్క్రీన్‌పై చూడవచ్చు. అలాగే PC కనెక్టివిటీ, Playwall, IPE టెక్నాలజీ వంటి ఫీచర్లు కూడా ఉన్నాయి.

చిన్న సైజు టీవీ అయినప్పటికీ ఇందులో 24 వాట్స్ సౌండ్ అవుట్‌పుట్ ఇచ్చారు. బాక్స్ స్పీకర్లతో కూడిన స్టీరియో సరౌండ్ సౌండ్ సదుపాయం ఉంది. వినియోగదారుల అవసరాలకు అనుగుణంగా ఐదు రకాల సౌండ్ మోడ్‌లను ఎంచుకోవచ్చు. సినిమాలు, టీవీ కార్యక్రమాలు, సంగీతం వినేటప్పుడు ఆడియో అనుభూతిని మెరుగుపరచడానికి ఈ ఫీచర్లు ఉపయోగపడతాయి.

ఈ టీవీలో వివిధ పరికరాలను కనెక్ట్ చేసుకునేందుకు అవసరమైన పోర్టులు ఉన్నాయి. ఇందులో రెండు HDMI 2.0 పోర్టులు, ఒక HDMI 2.1 పోర్టు అందించారు. వీటి ద్వారా సెట్‌టాప్ బాక్స్, బ్లూ-రే ప్లేయర్, గేమింగ్ కన్సోల్ వంటి పరికరాలను కనెక్ట్ చేసుకోవచ్చు. అలాగే రెండు USB 2.0 పోర్టులు ఉన్నాయి. వైఫై, ఈథర్‌నెట్ సదుపాయాలతో ఇంటర్నెట్‌కు కనెక్ట్ చేయవచ్చు. దీని కొలతలు 78 x 44 x 9 సెంటీమీటర్లు. టీవీతో పాటు రిమోట్, పవర్ కేబుల్, యూజర్ మాన్యువల్, రెండు స్టాండ్లు, నాలుగు స్క్రూలు అందిస్తారు.

Visio World VW32AQ3 టీవీ చిన్న గదులు, బెడ్‌రూమ్‌లు, పిల్లల గదుల్లో ఉపయోగించడానికి అనువైన మోడల్‌గా చెప్పవచ్చు. OTT యాప్స్ ద్వారా సినిమాలు, వెబ్‌సిరీస్‌లు చూడాలనుకునే వారికి ఉపయోగపడుతుంది. అయితే ఇందులో ఫుల్ హెచ్‌డీ రిజల్యూషన్ కాకుండా HD (1366 x 768) రిజల్యూషన్ మాత్రమే ఉంది. కాబట్టి పూర్తి HD క్వాలిటీ కోరుకునేవారు ఈ విషయాన్ని గమనించాలి. 32 ఇంచుల QLED డిస్‌ప్లే, స్మార్ట్ ఫీచర్లు, 24 వాట్స్ సౌండ్ వంటి సదుపాయాలతో చిన్న సైజు స్మార్ట్ టీవీ కోసం చూస్తున్నవారు ఈ మోడల్‌ను పరిశీలించవచ్చు.

గ‌మ‌నిక‌: ఈ వివ‌రాలు కేవ‌లం ప్రాథ‌మిక స‌మాచారంగానే భావించాలి. ప్రొడ‌క్ట్ కొనుగోలు చేసే ముందు. రివ్యూల‌ను, క‌స్ట‌మ‌ర్స్ రేటింగ్స్‌ను ప‌రిగ‌ణ‌లోకి తీసుకోవ‌డం మంచిది.

ANR: విగ్గు లేకుండా నటించమన్న డైరెక్టర్, అట్టర్ ఫ్లాప్ అవుతుందన్న స్టార్ హీరో.. కట్ చేస్తే 200 రోజులు

Tirumala Dornala — Sun, 08 Nov 2026 16:20:28 +0530

లెజెండ్రీ నటుడు అక్కినేని నాగేశ్వర రావుని ఓ దర్శకుడు విగ్గు లేకుండా నటించమని అడిగారట. దీనికి ఏఎన్నార్ ఇచ్చిన రియాక్షన్ ఏంటి ? అసలు ఆ సినిమా ఏంటి అనే వివరాలు ఈ కథనంలో తెలుసుకుందాం.

టాలీవుడ్ లెజెండ్రీ నటుడు అక్కినేని నాగేశ్వర రావు తన కెరీర్ లో చేయని పాత్ర లేదు. ఎన్నో వైవిధ్యమైన పాత్రల్లో ఏఎన్నార్ నటించి మెప్పించారు. ఏఎన్నార్ కి అప్పట్లో మహిళా ప్రేక్షకుల ఆదరణ విపరీతంగా ఉండేది. ఏఎన్నార్ రిటైర్మెంట్ దశకు చేరుకున్న తర్వాత కూడా సంచలనం సృష్టించారు. ఏఎన్నార్ ప్రధాన పాత్రలో మీనా మనవరాలిగా నటించిన చిత్రం సీతా రామయ్య గారి మనవరాలు.

1991లో విడుదలైన ఈ చిత్రం సంచలన విజయం సాధించింది. అయితే ఈ మూవీ హిట్ అవుతుందని ఏఎన్నార్ కి ఏమాత్రం నమ్మకం లేదట. డైరెక్టర్ క్రాంతి కుమార్ ఏఎన్నార్ కి ఈ చిత్ర కథ చెప్పగానే.. ఈ మూవీ ఆడదు అని తేల్చేశారు. లేదు నాకు నమ్మకం ఉంది అని క్రాంతి కుమార్ అన్నారట. మీరు ఒకే అంటే నేను ఈ మూవీ చేస్తాను నాకు ఎలాంటి అభ్యంతరం లేదు.. కానీ సినిమా మాత్రం వర్కౌట్ కాదు అని ఏఎన్నార్ తెలిపారు.

ఎందుకంటే ఇది క్లాస్ ఆడియన్స్ కి మాత్రమే నచ్చే కథ, సెంటిమెంట్ డోస్ ఎక్కువగా ఉంటుంది. అందుకే ఏఎన్నార్ అలా అన్నారు. ఇక సినిమా ప్రారంభానికి ముందు మీరు విగ్గు లేకుండా నటించాలి అని క్రాంతి కుమార్ ఏఎన్నార్ తో చెప్పారు. అందుకు ఏఎన్నార్ ఒప్పుకోలేదు. ఈ విషయాలన్నీ ప్రముఖ రచయిత చిల్లగట్టు శ్రీకాంత్ ఓ ఇంటర్వ్యూలో తెలిపారు. విగ్గు లేకుండా నేను నటించను అని ఏఎన్నార్ అన్నారట.

విగ్గు లేకుంటేనే సీతారామయ్య అనే పాత్రకు హుందా తనం వస్తుంది అని క్రాంతి కుమార్ తెలిపారు. విగ్గుతో కొన్ని లుక్ టెస్ట్ లు.. విగ్గు లేకుండా కొన్ని లుక్ టెస్ట్ లు చేశారట. విగ్గు లేకుంటేనే బావుంది అని చాలా మంది చెప్పడంతో ఏఎన్నార్ కూడా ఓకె అన్నారు. మొత్తానికి సినిమా పూర్తయింది. రిలీజ్ కూడా చేశారు. సీడెడ్, నైజాం ఏరియాల నుంచి టాక్ చాలా దారుణంగా ఉంది.

ఓ ప్రాంతం నుంచి థియేటర్ ఓనర్ సినిమా విడుదలైన వారం తర్వాత ఫోన్ చేసి ఈ చిత్రానికి కలెక్షన్స్ రావడం లేదు ఇక తీసేస్తాం అని సీతారామయ్య గారి మనవరాలు చిత్ర నిర్మాత దొరస్వామి రాజు గారికి చెప్పారట. ఆయన బదులిస్తూ ఇంకొక్క వారం ఉంచండి. అప్పటికీ కలెక్షన్స్ రాకుంటే మీ థియేటర్ కి 175 రోజులకు ఎంత రెంట్ అవుతుందో అంతా నేనే భరిస్తా అని చెప్పారట. ఆయన కాన్ఫిడెన్స్ కి వాళ్ళు ఆశ్చర్యపోయారు. రెండు వారాల తర్వాత ఫ్యామిలీ ఆడియన్స్ ప్రవాహంలా థియేటర్స్ కి వెళ్లడం ప్రారంభించారు. దీనితో 175 రోజులు కాదు చాలా థియేటర్స్ లో 200 రోజులు ఈ చిత్రం ప్రదర్శించబడింది. ఏకంగా ఈ చిత్రం 3 నంది అవార్డులు సొంతం చేసుకుంది. మీనాకి టాలీవుడ్ లో తిరుగులేని గుర్తింపు దక్కింది ఈ చిత్రంతోనే.

ప్రపంచంలోనే అత్యంత ఇరుకైన నది ఇదే.. ఒక్క గెంతుతోనే దాటేయొచ్చు

Narender Vaitla — Sun, 08 Nov 2026 15:19:40 +0530

Narrowest River: సాధారణంగా నదులు అంటే విశాలమైన నీటి ప్రవాహాలు గుర్తుకొస్తాయి. కానీ ప్రపంచంలో ఒక నది మాత్రం ఇందుకు పూర్తి భిన్నం. దీని వెడల్పు కేవలం కొన్ని సెంటీమీటర్లు మాత్రమే. ఒక మనిషి చిన్న గెంతుతోనే ఈ నదిని దాటేయవచ్చు. ఈ నది ఎక్కడ ఉందంటే?

ప్రపంచంలోనే అత్యంత ఇరుకైన నదిగా హువాలై నది (Hualai River) గుర్తింపు పొందింది. ఈ నది ఉత్తర చైనాలో ప్రవహిస్తుంది. సుమారు 17 కిలోమీటర్ల పొడవు ఉన్న ఈ నది దాదాపు 10 వేల సంవత్సరాల చరిత్ర కలిగి ఉందని పలు రిపోర్టులు పేర్కొంటున్నాయి. ఇంత సుదీర్ఘ కాలంగా తన సహజ ప్రవాహాన్ని కొనసాగిస్తుండటం దీని మరో ప్రత్యేకత. సాధారణ నదులతో పోలిస్తే దీని రూపం చాలా భిన్నంగా ఉంటుంది.

హువాలై నది ప్రత్యేకత దాని వెడల్పులోనే ఉంది. ఈ నది సగటు వెడల్పు కేవలం 15 సెంటీమీటర్లు మాత్రమే. కొన్ని ప్రాంతాల్లో అయితే ఇది మరింత తగ్గి కేవలం 4 సెంటీమీటర్లకు పరిమితమవుతుంది. అంటే ఒక వ్యక్తి చాలా సులభంగా ఒక ఒడ్డు నుంచి మరో ఒడ్డుకు గెంతగలడు. అందుకే ఈ నదిని ప్రపంచంలోనే అత్యంత ఇరుకైన నదిగా పిలుస్తారు. ఇంత తక్కువ వెడల్పుతో ఒక నది నిరంతరం ప్రవహించడం నిజంగా ఆశ్చర్యం కలిగిస్తుంది.

ఈ నది వెడల్పుతో పాటు లోతు కూడా చాలా తక్కువగా ఉంటుంది. ఆడిటీ సెంట్రల్ రిపోర్ట్ ప్రకారం, దీని గరిష్ఠ లోతు సుమారు 50 సెంటీమీటర్లు మాత్రమే. అంటే సాధారణ నదుల్లో కనిపించేంత లోతు ఇందులో ఉండదు. ఈ నదిలోని నీరు భూగర్భ జల ఊటల నుంచి వస్తుంది. చుట్టుపక్కల ఉన్న రాళ్లు, మట్టి పొరల నుంచి నీరు నెమ్మదిగా పైకి చేరి చిన్న ప్రవాహంగా మారుతుంది. ఇలా ఏర్పడిన నీటి ప్రవాహమే హువాలై నదిగా కొనసాగుతోంది.

హువాలై నది తన ప్రయాణాన్ని చిన్న ప్రవాహంగా ప్రారంభించి నెమ్మదిగా ముందుకు సాగుతుంది. చివరకు దలై నూర్ సరస్సు (Dalai Nur Lake)లో కలుస్తుంది. ఈ నది ఏర్పడటానికి కారణమైన భౌగోళిక పరిస్థితులు, భూగర్భ జలాల కదలికలు ప్రకృతిలోని ఎన్నో ప్రత్యేకతలను తెలియజేస్తాయని నిపుణులు భావిస్తున్నారు. వేల సంవత్సరాలుగా కొనసాగుతున్న ఈ సహజ నీటి ప్రవాహం భూమిపై జరిగే భౌగోళిక మార్పులకు ఒక ఉదాహరణగా నిలుస్తోంది.

చాలా చిన్న పరిమాణంలో ఉన్నప్పటికీ హువాలై నది తనకంటూ ప్రత్యేక గుర్తింపు సంపాదించుకుంది. దీనిని ఒక సహజ భౌగోళిక అద్భుతంగా అభివర్ణిస్తారు. నది చిన్నదే అయినా దాని చుట్టూ ప్రత్యేకమైన పర్యావరణ వ్యవస్థ కొనసాగుతోంది. ఈ వింత నదిని చూడటానికి చైనాలోని వివిధ ప్రాంతాల నుంచి పర్యాటకులు వస్తుంటారు. ముఖ్యంగా దీని వెడల్పును ప్రత్యక్షంగా చూసి ఆశ్చర్యపోతుంటారు. ఒక్క గెంతుతో దాటేయగలిగే నది కూడా ఉంటుందా? అని సందేహపడే వారికి హువాలై నది ప్రకృతి సృష్టించిన ఓ అద్భుతమైన సమాధానంగా నిలుస్తోంది.

Mahasakthi: 24 గంటల్లో 70 వేల బుకింగ్స్.. నయనతార మహాశక్తి' స్పెషల్ పోస్టర్ రిలీజ్

Mahesh Jujjuri — Sun, 08 Nov 2026 14:33:48 +0530

దీపావళి స్పెషల్ పోస్టర్‌

నయనతార హీరోయిన్‌గా సుందర్ సి డైరెక్ట్ చేసిన 'మూకుత్తి అమ్మన్ 2 – మహాశక్తి' థియేటర్లలో బ్లాక్‌బస్టర్ దిశగా దూసుకుపోతోంది. ఇప్పుడు ఈ సినిమాలో ఖుష్బూ సుందర్, స్నేహ కూడా ఉన్నారని రివీల్ చేస్తూ, మేకర్స్ దీపావళి స్పెషల్ పోస్టర్‌ను రిలీజ్ చేశారు. వీళ్లిద్దరూ సినిమాలో మూకుత్తి అమ్మవారి సోదరీమణులుగా మెరుస్తున్నారు.

24 గంటల్లో 71.75K టికెట్లు

రిలీజ్ అయిన రెండో రోజే, అంటే శనివారం అన్ని సెంటర్లలోనూ హౌస్‌ఫుల్ బోర్డులు పడ్డాయి. ఫాస్ట్ ఫిల్లింగ్ షోలతో పాటు ఎక్స్‌ట్రా షోలు కూడా పడ్డాయి. గడిచిన 24 గంటల్లో బుక్ మై షో ద్వారానే 71.75K టికెట్లు అమ్ముడయ్యాయి. బుకింగ్స్ మొదలైనప్పటి నుంచి ప్రతీ గంటకూ 'మూకుత్తి అమ్మన్ 2 – మహాశక్తి' టికెట్ బుకింగ్స్ ట్రెండింగ్‌లో ఉంటున్నాయి. వేల్స్ ఇంటర్నేషనల్ బ్యానర్‌పై డాక్టర్ ఇషారి కె. గణేష్ ప్రొడ్యూస్ చేసిన ఈ సినిమాకు సుందర్ సి కథ అందించి, డైరెక్ట్ చేశారు. హిప్ హాప్ తమిళ మ్యూజిక్ ఇచ్చారు. ఖుష్బూ సుందర్, కుష్మిత గణేష్, ఇషాన్ సక్సేనా, విఘ్నేష్ శివన్ కో-ప్రొడ్యూసర్లుగా వ్యవహరించారు.

This Diwali, let the divine glory of our beloved Mookuthi Amman illuminate every home. ❤️✨

#MookuthiAmman2

️ https://t.co/muQR2YzuYJ

#Mahasakthi

️ https://t.co/oiLLwcsBAy

A @sundarcoffl Spectacle

#MookuthiAmman2FromToday

#MahasakthiFromToday

@IshariKGanesh @VelsFilmIntl #Nayanthara #VigneshShivan @khushsundar @AvniCinemax_ @Rowdy_Pictures @kushmithaganesh #AnanditaSundar @hiphoptamizha @gopiamar @FennyOliver @ReginaCassandra @iYogiBabu @suneeltollywood @Officialsalaga @mgabhinaya @Venkatt_Ragavan @vichuviswanath @Inban_U @teamaimpr @redgiantmovies_ @Ayngaran_offl @BigfilmsLtd @BhavanaRelease @AAFilmsIndia @asianet @velsmusicintl @vijaytelevision @JioHotstar @kav_pandian @thetabsofficial

— Vels Film International (@VelsFilmIntl) November 8, 2026

నయనతారతో పాటు దునియా విజయ్, రెజీనా కసాండ్రా, ఊర్వశి, యోగి బాబు, మైనా నందిని, గరుడ రామ్, అభినయ, శృతి ఎస్., సింగంపులి అణ్ణావి, వి.ఆర్. స్వామినాథన్, శివకుమార్ ఎస్., సునీల్ వర్మ ఇందుకూరి, వర్షిణి వెంకట్, పాలా కరుప్పయ్య, ఆనంద అధిష్ట లక్ష్మి, నితిన్ సత్య, దేబ్లీనా చక్రవర్తి ఈ 'మహాశక్తి'లో కీలక పాత్రలు పోషించారు. భావన రిలీజ్ సంస్థ ఈ చిత్రాన్ని కేరళ థియేటర్లలో డిస్ట్రిబ్యూట్ చేస్తోంది. మార్కెటింగ్: సినీ కనెక్ట్ కమ్యూనికేషన్స్, పీఆర్ఓ: ప్రతీష్ శేఖర్.

ప్ర‌ధాని మోదీ ఈసారి దీపావ‌ళి వేడుక‌లు ఎక్క‌డ జ‌రుపుకున్నారో తెలుసా.? ఒక‌ప్పుడు న‌క్స‌లైట్ల‌కు అడ్డా

Narender Vaitla — Sun, 08 Nov 2026 14:32:15 +0530

జవాన్ల మధ్య దీపావళి.. బస్తర్‌లో ప్రధాని మోదీ సందడి

ఛత్తీస్‌గఢ్‌లోని బస్తర్ ప్రాంతంలో ప్రధాని నరేంద్ర మోదీ భద్రతా బలగాలతో కలిసి దీపావళి వేడుకలు నిర్వహించారు. గతంలో నక్సలైట్ల దాడులు, హింసాత్మక ఘటనలతో వార్తల్లో నిలిచిన ఈ ప్రాంతం ప్రస్తుతం అభివృద్ధి దిశగా అడుగులు వేస్తోందని ఆయన పేర్కొన్నారు. దేశ రక్షణ కోసం కుటుంబాలకు దూరంగా ఉంటూ విధులు నిర్వర్తిస్తున్న సైనికులతో పండుగ జరుపుకోవడం తనకు ఎంతో ప్రత్యేకమని చెప్పారు. జవాన్లకు స్వయంగా స్వీట్లు తినిపించి వారితో ఆత్మీయంగా మాట్లాడారు. ఈ సందర్భంగా సైనికుల ధైర్యసాహసాలను ప్రశంసించిన మోదీ.. వారి నిరంతర కృషి వల్లే దేశంలో శాంతి, భద్రతకు బలమైన పునాది ఏర్పడిందని అన్నారు. నక్సలిజం ప్రభావం తగ్గడంతో బస్తర్‌లో అభివృద్ధికి కొత్త అవకాశాలు అందుబాటులోకి వచ్చాయని వివరించారు.

నక్సలిజం నిర్మూలనలో భద్రతా బలగాల పాత్ర కీలకం

దేశంలో నక్సలిజం సమస్య ఒకప్పుడు తీవ్ర స్థాయిలో ఉండేదని ప్రధాని గుర్తుచేశారు. దాదాపు 20 రాష్ట్రాల్లోని 230కి పైగా జిల్లాలు మావోయిస్టు ప్రభావానికి గురయ్యాయని తెలిపారు. అనేక ప్రాంతాల్లో ప్రజలు స్వేచ్ఛగా బయటకు వెళ్లలేని పరిస్థితులు ఉండేవని, ఎన్నికల్లో ఓటు వేయడానికి కూడా భయపడేవారని వివరించారు. అలాంటి పరిస్థితులను మార్చడంలో భద్రతా బలగాలు అసాధారణమైన పోరాటం చేశాయని కొనియాడారు. సీఆర్పీఎఫ్, బీఎస్ఎఫ్, ఐటీబీపీ, ఎస్ఎస్బీ, ఐఆర్బీతో పాటు రాష్ట్ర పోలీసు విభాగాలు అందించిన సేవలను ప్రత్యేకంగా ప్రస్తావించారు. బస్తర్ ఫైటర్స్ వంటి ప్రత్యేక బలగాల కమాండోలు, మహిళా సిబ్బంది కూడా నక్సలిజం వ్యతిరేక పోరాటంలో కీలక పాత్ర పోషించారని ప్రశంసించారు. దేశ అంతర్గత భద్రత కోసం ప్రాణాలను సైతం లెక్కచేయకుండా పనిచేసిన అమరవీరుల త్యాగాలను భారతదేశం ఎప్పటికీ మరిచిపోదని స్పష్టం చేశారు.

తుపాకీ నక్సలిజం ముగిసింది.. మానసిక నక్సలిజంపై పోరాటం అవసరం

నక్సలిజం వ్యతిరేక పోరాటంలో భద్రతా బలగాలు సాధించిన విజయాన్ని ప్రధాని అభినందించారు. అయితే సాయుధ నక్సలిజం తగ్గిపోయినంత మాత్రాన సమాజానికి ఎదురయ్యే అన్ని ప్రమాదాలు తొలగిపోయినట్లు కాదని వ్యాఖ్యానించారు. తుపాకులు పట్టుకుని హింసకు పాల్పడే నక్సలైట్లతో పాటు, ప్రజల మధ్య విభేదాలు సృష్టిస్తూ విద్వేష భావాలను వ్యాప్తి చేసే మానసిక నక్సలైట్లను కూడా ఎదుర్కోవాల్సిన అవసరం ఉందన్నారు. అమాయక ప్రజలను తప్పుదోవ పట్టించడం, సమాజంలో అనుమానాలు, ఘర్షణలు పెంచే ప్రయత్నాలను అడ్డుకోవాలని పిలుపునిచ్చారు. దేశ ఐక్యతకు విఘాతం కలిగించే ఇలాంటి ఆలోచనా ధోరణులను సమష్టిగా తిప్పికొట్టాలని సూచించారు. భద్రతా బలగాలు క్షేత్రస్థాయిలో సాధించిన విజయాన్ని సమాజంలోనూ కొనసాగించాల్సిన బాధ్యత ప్రతి ఒక్కరిపై ఉందని ఆయన వ్యాఖ్యల సారాంశం.

Diwali is sweeter with those who protect us! #Bastar #NaxalFreeIndia https://t.co/7Ywie7uTt4

— Narendra Modi (@narendramodi) November 8, 2026

దేశ సైనికులే నా కుటుంబం.. మోదీ భావోద్వేగ వ్యాఖ్యలు

దీపావళి సందర్భంగా ప్రధాని మోదీ సైనికులతో తనకున్న అనుబంధాన్ని ప్రత్యేకంగా ప్రస్తావించారు. సాధారణంగా పండుగల సమయంలో ప్రతి ఒక్కరూ తమ కుటుంబ సభ్యులతో కలిసి ఆనందంగా గడపాలని కోరుకుంటారని చెప్పారు. అయితే తనకు మాత్రం దేశ రక్షణ కోసం సరిహద్దుల్లో, అంతర్గత ప్రాంతాల్లో విధులు నిర్వహిస్తున్న సైనికులే కుటుంబ సభ్యులని భావోద్వేగంగా పేర్కొన్నారు. మాతృభూమి రక్షణ కోసం నిరంతరం శ్రమిస్తున్న వీర సైనికులు, మహిళా సిబ్బంది తన కుటుంబంలో భాగమని అన్నారు. అందుకే వారితో కలిసి దీపావళి జరుపుకునేందుకు బస్తర్‌కు వచ్చినట్లు వివరించారు. దేశ ప్రజలు ప్రశాంతంగా పండుగలు జరుపుకోవడానికి సైనికులు తమ వ్యక్తిగత జీవితాలను త్యాగం చేస్తున్నారని, వారి సేవలను ప్రతి ఒక్కరూ గౌరవించాలని సూచించారు.

A very special Diwali with our brave security forces in Bastar, Chhattisgarh. https://t.co/7I5aOQdMSk

— Narendra Modi (@narendramodi) November 8, 2026

12 ఏళ్లలో 50 కోట్ల మందికి పేదరికం నుంచి విముక్తి

దేశంలో శాంతిభద్రతలు మెరుగుపడటంతో పాటు ఆర్థిక, సామాజిక రంగాల్లోనూ గణనీయమైన మార్పులు చోటుచేసుకున్నాయని ప్రధాని మోదీ తెలిపారు. గత 12 ఏళ్లలో నక్సలిజం, వేర్పాటువాదం వంటి సవాళ్లను ఎదుర్కోవడంతో పాటు పేదరిక నిర్మూలనలోనూ దేశం గొప్ప పురోగతి సాధించిందన్నారు. ప్రపంచ బ్యాంకు నివేదికను ప్రస్తావిస్తూ.. ఈ కాలంలో భారత్‌లో సుమారు 50 కోట్ల మంది తీవ్ర పేదరికం నుంచి బయటపడ్డారని వెల్లడించారు. దశాబ్దాలుగా పేదరిక నిర్మూలన గురించి నినాదాలు వినిపించినప్పటికీ, గత 12 ఏళ్లలో సాధించిన పురోగతి ఎంతో ప్రత్యేకమైనదని పేర్కొన్నారు. దేశంలో భద్రత, శాంతియుత వాతావరణం నెలకొన్నప్పుడే అభివృద్ధి కార్యక్రమాలు ప్రజలకు సమర్థంగా చేరుతాయని వివరించారు. సైనికుల నిరంతర పహారా, త్యాగాల వల్లే దేశంలోని మారుమూల ప్రాంతాల్లోనూ అభివృద్ధి కార్యక్రమాలు ముందుకు సాగుతున్నాయని మోదీ స్పష్టం చేశారు.

IND vs PAK: పాకిస్తాన్‌పై మెరుపు సెంచరీ.. ఎవరీ అర్జున్ రాజ్‌పుత్?

Mahesh Rajamoni — Sun, 08 Nov 2026 14:28:51 +0530

Who is Arjun Rajput: అండర్ 19 ఆసియా కప్‌లో పాకిస్తాన్‌ తో జరిగిన మ్యాచ్ లో భారత్ వరుస వికెట్లు కోల్పోయి కష్టాల్లో పడ్డ సమయంలో కేవలం 80 బంతుల్లోనే సెంచరీ బాదాడు అర్జున్ రాజ్‌పుత్. ఈ 19 ఏళ్ల పంజాబ్ ఆల్‌రౌండర్ గురించిన వివరాలు మీకోసం.

ఏసీసీ పురుషుల అండర్ 19 ఆసియా కప్ 2026 గ్రూప్-ఏ పోరులో పాకిస్తాన్‌పై భారత జట్టు కష్టాల్లో పడిన వేళ పంజాబ్‌కు చెందిన 19 ఏళ్ల ఆల్‌రౌండర్ అర్జున్ రాజ్‌పుత్ కళ్లు చెదిరే కౌంటర్ అటాకింగ్ సెంచరీతో మెరిసాడు. అల్ అమేరత్ క్రికెట్ గ్రౌండ్‌లో జరిగిన ఈ హై-వోల్టేజ్ మ్యాచ్‌లో టాప్ ఆర్డర్ దారుణంగా విఫలమైన చోట, తీవ్ర ఒత్తిడిలో బరిలోకి దిగిన అర్జున్ ఎంతో ధైర్యంతో ఆడి పాకిస్తాన్ బౌలింగ్ ఎటాక్‌ను తిప్పికొట్టాడు.

టాస్ ఓడి బ్యాటింగ్‌కు దిగిన లక్ష్య రాజ్‌చందానీ నేతృత్వంలోని భారత జట్టు ఆరంభంలోనే తీవ్ర కష్టాల్లో పడింది. పాకిస్తాన్ కొత్త బంతి బౌలర్ల ధాటికి భారత్ కేవలం 42 పరుగులకే 4 వికెట్లు కోల్పోయింది. పాక్ పేసర్లు వికెట్లు తీస్తూ ఆధిపత్యం చెలాయిస్తున్న సమయంలో ఐదో వికెట్‌కు క్రీజులోకి వచ్చిన అర్జున్ రాజ్‌పుత్ ఎంతమాత్రం తగ్గలేదు. కౌంటర్ అటాకింగ్ షాట్లతో ప్రత్యర్థి బౌలర్లపై తిరుగుబాటు చేశాడు. కేవలం 80 బంతుల్లోనే తన సెంచరీని పూర్తి చేసుకున్నాడు.

అర్జున్ రాజ్‌పుత్ ఒంటరి పోరాటం చేస్తూ 85 బంతుల్లో 107 పరుగులు సాధించి జట్టుకు భారీ రక్షణగా నిలిచాడు. మైదానం నలుమూలలా ఫోర్లు, సిక్సర్లతో పాక్ బౌలర్లను పరుగులు పెట్టించాడు. రిజ్వానుల్లా బౌలింగ్‌లో ఫర్హాన్‌కు క్యాచ్ ఇచ్చి అర్జున్ 7వ వికెట్‌గా వెనుతిరిగే సరికి టీమిండియా సురక్షిత స్థితికి చేరుకుంది. మనాల్ చౌహాన్‌తో కలిసి విలువైన భాగస్వామ్యం నెలకొల్పిన అర్జున్, ఒక్కసారిగా భారత ఇన్నింగ్స్ మోమెంటమ్‌ను మార్చేశాడు.

ఈ మ్యాచ్‌లో అర్జున్ హిట్టింగ్ చూసిన వ్యాఖ్యాతలు అతడిని టీమిండియా దిగ్గజం యువరాజ్ సింగ్‌తో పోల్చారు. లెఫ్ట్ హ్యాండ్ బ్యాటింగ్ చేయడం, మిడిల్ ఓవర్లలో వేగంగా పరుగులు రాబట్టడంతో పాటు కీలక సమయంలో ఆఫ్ స్పిన్‌తో వికెట్లు తీయడం అర్జున్ శైలి. సరిగ్గా యువరాజ్ సింగ్ తరహాలోనే మైదానంలో షాట్ల ఎంపిక, బౌండరీ బాదే సత్తా అర్జున్ సొంతం.

పంజాబ్‌లోని జలంధర్‌కు చెందిన అర్జున్ రాజ్‌పుత్ డొమెస్టిక్ క్రికెట్‌లో వరుస ప్రదర్శనలతో పైకి వచ్చాడు. కూచ్ బిహార్, వీనూ మాన్కడ్ ట్రోఫీలలో పంజాబ్ ఏజ్-గ్రూప్ జట్ తరఫున ఆడి సెలక్టర్ల దృష్టిని ఆకర్షించాడు. అనంతరం షేర్-ఎ-పంజాబ్ టీ20 కప్‌లో లుధియానా లయన్స్ మిడిల్ ఆర్డర్‌లో ఆడుతూ మోహాలీపై 46 బంతుల్లోనే 78 పరుగులు బాది తన పవర్ హిట్టింగ్ సామర్థ్యాన్ని చాటుకున్నాడు.

ఈ డొమెస్టిక్ ఫామ్‌తో భారత అండర్ 19 జట్టులో చోటు దక్కించుకున్నాడు. శ్రీలంక, ఆస్ట్రేలియా జట్లతో జరిగిన యూత్ వన్డే సిరీస్‌లలో స్పిన్‌ను సులువుగా ఎదుర్కొంటూ సింగిల్స్ తీయడం, ఇన్నింగ్స్ ఆఖర్లో గేర్ మార్చడంలో తన ప్రతిభను నిరూపించుకున్నాడు. బ్యాటింగ్‌తోనే కాకుండా బౌలింగ్‌తోనూ మెరుస్తున్నాడు. ఈ టోర్నీ తొలి మ్యాచ్‌లో నేపాల్‌పై 5.3 ఓవర్లలో కేవలం 8 పరుగులిచ్చి 3 వికెట్లు తీసి కట్టుదిట్టమైన బౌలింగ్‌ను ప్రదర్శించాడు.

భారత సీనియర్ క్రికెట్ జట్టులో ప్రస్తుతం లెఫ్ట్ హ్యాండ్ మిడిల్ ఆర్డర్ బ్యాటర్ ప్లస్ పార్ట్ టైమ్ ఆఫ్ స్పిన్ బౌలింగ్ చేసే ఆల్‌రౌండర్ లోటు ఉంది. అర్జున్ రాజ్‌పుత్ సరిగ్గా ఈ ప్రొఫైల్‌కే సరిపోతాడు. మిడిల్ ఓవర్లలో క్రీజులో నిలదొక్కుకోవడమే కాకుండా భారీ షాట్లతో మ్యాచ్ ఫలితాన్ని మార్చగల సత్తా అతడికి ఉంది.

మరో నెల రోజుల్లో ఐపీఎల్ వేలం జరగనున్న నేపథ్యంలో, పాకిస్తాన్‌పై ఒత్తిడిలో బాదిన ఈ సంచలన సెంచరీ అర్జున్ రాజ్‌పుత్‌ను వార్తల్లో నిలిపింది. ఈ తరహా ఇన్నింగ్స్ వల్ల రాబోయే ఐపీఎల్ ఆక్షన్‌లో అర్జున్‌పై ఫ్రాంచైజీలు కన్నేసే అవకాశం ఉందనడంలో సందేహం లేదు.

Chicken vs Fish vs Eggs: రోజూ నాన్‌వెజ్ తింటున్నారా? చేపలు, చికెన్, గుడ్లు..ఈ మూడింటిలో ఏది బెటర్?

Nandini Arava — Sun, 08 Nov 2026 13:52:55 +0530

Chicken vs Fish vs Eggs: నాన్‌వెజ్ తినేవారిలో చాలామందికి చికెన్, చేపలు, గుడ్లలో ఏది ఆరోగ్యానికి మంచిదనే డౌట్ ఉంటుంది. వీటిలో గుండె ఆరోగ్యానికి మేలు చేసేది ఏది? కొలెస్ట్రాల్ పెంచే రెడ్ మీట్‌ను ఎందుకు తగ్గించాలి? నిపుణులు ఏం చెబుతున్నారంటే..

నాన్-వెజ్ ఇష్టపడని వారు చాలా తక్కువ. ముఖ్యంగా మన తెలుగు రాష్ట్రాల్లో చికెన్, మటన్, చేపలు, గుడ్లు వంటివి రోజువారీ ఆహారంలో భాగమైపోయాయి. అయితే అన్ని నాన్-వెజ్ ఆహారాలు శరీరానికి ఒకే విధమైన ప్రయోజనాలను ఇవ్వవు. కొన్ని ఆహారాలు శరీరానికి అవసరమైన ప్రోటీన్లను అందించడంతో పాటు గుండె ఆరోగ్యానికి తోడ్పడతాయి. మరికొన్ని ఆహారాలను తరచుగా తింటే అనారోగ్య సమస్యలు వచ్చే అవకాశం ఉంది.

అలాంటప్పుడు ఆరోగ్యాన్ని కోరుకునే వారు ఏ నాన్-వెజ్ ఎంచుకోవాలి? చికెన్, చేపలు, గుడ్లలో ఏది ఉత్తమం? రెడ్ మీట్ ఎందుకు తగ్గించాలి? వివరంగా చూద్దాం.

చికెన్ అంటే చాలా మందికి ఇష్టం. ముఖ్యంగా స్కిన్ లెస్ చికెన్‌లో హై క్వాలిటీ ప్రోటీన్ ఉంటుంది. కండరాల పెరుగుదల, కణాల మరమ్మత్తు, రోగనిరోధక శక్తికి ప్రోటీన్ అవసరం.

అలాగే రెడ్ మీట్ తో పోలిస్తే స్కిన్ లెస్ చికెన్‌లో శాచురేటెడ్ ఫ్యాట్ తక్కువగా ఉంటుంది. బరువు తగ్గాలనుకునే వారికి ఇది మంచి ఆప్షన్.

అయితే చికెన్ ఎలా వండుతున్నామనేది ముఖ్యం. చికెన్ 65, చికెన్ ఫ్రై వంటివి తరచుగా తినడం ఆరోగ్యానికి మంచిది కాదు. తక్కువ నూనెతో చేసిన చికెన్ కర్రీ, ఉడికించిన చికెన్ లేదా గ్రిల్డ్ చికెన్ ఎంచుకోవచ్చు.

నాన్-వెజ్ లో గుండె ఆరోగ్యానికి చేపలు చాలా మంచివి. సముద్రపు చేపల్లో ఒమేగా-3 ఫ్యాటీ యాసిడ్స్ ఉంటాయి. ఇవి వాపును తగ్గించి, రక్తంలో ట్రైగ్లిజరైడ్స్ ను తగ్గిస్తాయి. చాలా రకాల చేపల్లో ఒమేగా-3 ఫ్యాటీ యాసిడ్స్ లభిస్తాయి. చిన్న చేపలు ఇంకా మంచివి. చేపల్లో ప్రోటీన్ తో పాటు విటమిన్ డి, విటమిన్ బి12, అయోడిన్, సెలీనియం వంటి పోషకాలు ఉంటాయి. వారానికి రెండు సార్లు చేపలు తినడం గుండెకు మంచిది. కానీ చేపలను డీప్ ఫ్రై చేయకుండా కర్రీ, ఉడికించినవి లేదా గ్రిల్ చేసినవి తినడం మంచిది.

పేద, మధ్యతరగతి కుటుంబాల నుండి జిమ్ చేసేవారి వరకు అందరికీ గుడ్డు మంచి ఆహారం. తక్కువ ధరకు దొరికే గుడ్డులో ప్రోటీన్, విటమిన్ బి12, విటమిన్ డి, కోలిన్ వంటి పోషకాలు ఉంటాయి. గుడ్డు తెల్లసొనలో ప్రోటీన్ ఎక్కువగా ఉంటుంది. పచ్చసొనలో విటమిన్లు, మినరల్స్, కోలిన్ ఉంటాయి. మెదడు, నాడీ వ్యవస్థ పనితీరుకు కోలిన్ అవసరం. గుడ్డును ఉడికించి తినడం బెస్ట్. ఎక్కువ నూనె, వెన్న వేసి ఆమ్లెట్ వేసుకోవడం తగ్గించాలి. ఆరోగ్యంగా ఉన్నవారు రోజూ గుడ్డు తినవచ్చు. కొలెస్ట్రాల్, గుండె జబ్బులు ఉన్నవారు డాక్టర్ సలహా తీసుకోవడం మంచిది.

రెడ్ మీట్ (మటన్, బీఫ్, పోర్క్) తరచుగా ఎక్కువగా తినడం ఆరోగ్యానికి హానికరం. వీటిలో శాచురేటెడ్ ఫ్యాట్ ఎక్కువగా ఉంటుంది. ఇది రక్తంలో చెడు కొలెస్ట్రాల్ (LDL) ను పెంచుతుంది. దీనివల్ల గుండె జబ్బుల ప్రమాదం పెరుగుతుంది. సాసేజ్, బేకన్, సలామీ వంటి ప్రాసెస్ చేసిన మాంసాలు తరచుగా తింటే పెద్దప్రేగు క్యాన్సర్ వచ్చే ప్రమాదం ఉందని ప్రపంచ ఆరోగ్య సంస్థ హెచ్చరించింది. రెడ్ మీట్ పూర్తిగా మానేయాలని కాదు, కానీ దాని పరిమాణాన్ని తగ్గించడం, రోజూ తినకపోవడం అవసరం.

ఏం తింటున్నాం అన్నదానికంటే ఎలా వండుతున్నాం అన్నది ముఖ్యం.

ప్రోటీన్ ఉన్న చికెన్‌ను నూనెలో డీప్ ఫ్రై చేస్తే అదనపు కేలరీలు, కొవ్వు శరీరంలోకి వెళ్తాయి. చేపలను డీప్ ఫ్రై చేయడానికి బదులు పులుసులా వండుకోవచ్చు.

నాన్-వెజ్ వండేటప్పుడు పాటించవలసినవి:

చికెన్ స్కిన్ తీసేసి వండాలి. చేపలు, గుడ్లు తరచుగా ఆహారంలో చేర్చుకోవాలి. - ఎక్కువ నూనె, వెన్న వాడకూడదు. ప్రాసెస్ చేసిన మాంసాలను తగ్గించాలి. నాన్-వెజ్ తో పాటు కూరగాయలు, ఆకుకూరలు, తృణధాన్యాలు తీసుకోవాలి. ఆహారాన్ని బాగా ఉడికించి తినాలి.

చేపలు, స్కిన్ లెస్ చికెన్, గుడ్లు బెస్ట్ నాన్-వెజ్ ఆప్షన్స్. ముఖ్యంగా ఒమేగా-3 ఫ్యాటీ యాసిడ్స్ ఉన్న చేపలు గుండెకు చాలా మంచివి. అదే సమయంలో మటన్, బీఫ్, పోర్క్ వంటి రెడ్ మీట్ తరచుగా ఎక్కువగా తినకపోవడం మంచిది. ఆహారంలో ఉప్పు, నూనె, కొవ్వు తగ్గించాలి. నాన్-వెజ్ పూర్తిగా మానేయడమే ఆరోగ్యం కాదు. సరైన ఆహారాన్ని ఎంచుకుని, సరైన మోతాదులో, సరైన పద్ధతిలో వండుకుని తినడమే ఆరోగ్యానికి అసలైన రహస్యం!

Diwali 2026: దీపావళి రోజున అనుకోకుండా మీకు గుడ్లగూబ కనిపిస్తే ఎంత అదృష్టమో తెలుసా?

Haritha Chappa — Sun, 08 Nov 2026 13:31:22 +0530

Diwali 2026: హిందూ మతంలో దీపావళి పండుగకు ఎంతో ప్రాధాన్యం ఉంది. దీపావళి రోజు గుడ్లగూబ కనిపించడం చాలా పవిత్రమైనదిగా పరిగణిస్తారు. ఇది ధనలాభం, వ్యాపారంలో వృద్ధి, లక్ష్మీదేవి ఆశీర్వాదాలు దక్కుతాయని నమ్మకం.

హిందూ మతంలో దీపావళి పండుగకు ప్రాముఖ్యత ఉంది. ఈ రోజున లక్ష్మీదేవి, గణేశుడిని పూజించే ఆచారం ఉంది. మత విశ్వాసాల ప్రకారం, పూజలు చేయడం వల్ల ధనలాభ యోగం కలుగుతుంది. సనాతన ధర్మంలో సంపద, ఐశ్వర్యానికి ప్రతీకగా భావించే లక్ష్మీదేవి వాహనంగా గుడ్లగూబను పరిగణిస్తారు. అందుకే దీపావళి రాత్రి గుడ్లగూబ కనిపించడం శుభప్రదంగా భావిస్తారు. ఎందుకంటే ఈ రాత్రి సంపద దేవత లక్ష్మీదేవి భూమిపై సంచరిస్తుందని నమ్ముతారు. మరి దీపావళి రోజు గుడ్లగూబ కనిపిస్తే చాలా లాభదాయకం. మీకు రావాల్సిన లేదా పెండింగ్‌లో ఉన్న డబ్బు తిరిగి పొందవచ్చని. అదనంగా, ఆదాయానికి కొత్త మార్గాలు కూడా తెరచుకోవచ్చని నమ్ముతారు.

వ్యాపారం చేసేవారికి దీపావళి రాత్రి గుడ్లగూబ కనిపిస్తే, అది వ్యాపారంలో లాభానికి సంకేతంగా పరిగణిస్తారు. అంతేకాకుండా, ఇది మీరు కోరుకున్న విజయాన్ని సాధిస్తారనడానికి కూడా ఒక సూచన.

శకున శాస్త్రం ప్రకారం, దీపావళి రాత్రి గుడ్లగూబ కనిపిస్తే, జీవితంలో ఎదురయ్యే ఆర్థిక, మానసిక ఒత్తిళ్లు తొలగిపోతాయని నమ్ముతారు. అదనంగా, జీవితంలో శుభ ఫలితాలు లభిస్తాయి మరియు సానుకూల శక్తి ప్రవహిస్తుంది.

దీపావళి రాత్రి మీ ఇంటికి గుడ్లగూబ పదేపదే వచ్చి కూర్చుంటే, అది లక్ష్మీదేవి ఆశీర్వాదం కురుస్తుందనడానికి సంకేతంగా పరిగణిస్తారు. దీనివల్ల మీ ఇంట్లో ఏడాది పొడవునా సుఖసంతోషాలు నెలకొంటాయని, అన్నపానాలకు ఎప్పుడూ లోటు ఉండదని నమ్ముతారు.

దీపావళి రాత్రి గుడ్లగూబ కనిపిస్తే వ్యక్తి జీవితంలోని కష్టాలన్నీ తొలగిపోయి శుభ ఫలితాలు కలుగుతాయని నమ్ముతారు.

Muhurat Trading Stocks: దీపావళి ముహూర్త్ ట్రేడింగ్.. ఐటీసీ, ఐసీఐసీఐ బ్యాంక్ సహా ఈ 5 స్టాక్స్ పై లుక్కేయండి

Mahesh Rajamoni — Sun, 08 Nov 2026 13:23:14 +0530

Diwali Muhurat Trading Stocks: దీపావళి ముహూర్త్ ట్రేడింగ్ కోసం ఐటీసీ, ఐసీఐసీఐ బ్యాంక్, ఎస్‌బీఐ, ఎమ్‌అండ్ఎమ్‌, ఫోర్స్ మోటార్స్ స్టాక్స్‌ను నిపుణులు సిఫార్సు చేశారు. మార్కెట్ ట్రెండ్ పూర్తి వివరాలు మీకోసం.

భారత ఈక్విటీ మార్కెట్లు సరికొత్త ఉత్సాహంతో ఊపందుకున్నాయి. గడిచిన వారంలో వరుసగా ఏడు సెషన్ల పాటు లాభాలను నమోదు చేస్తూ, నిఫ్టీ మళ్లీ కీలకమైన 25,000 మార్కును విజయవంతంగా దాటేసింది. రెండో త్రైమాసికం ఫలితాలు బలంగా ఉండడం, అక్టోబర్ నెలకు సంబంధించిన ఆటో అమ్మకాలు మెరుగ్గా నమోదు కావడం, జీఎస్టీ కలెక్షన్లు ఆశాజనకంగా ఉండడం మార్కెట్‌కు గట్టి పునాది వేశాయి.

దీనికి తోడు అంతర్జాతీయంగానూ సానుకూల గాలులు వీచాయి. అమెరికా మిడ్‌టర్మ్ ఎన్నికల ఫలితాల నేపథ్యంలో వాషింగ్టన్ నుంచి వచ్చిన సంకేతాలు మార్కెట్‌లో మరింత ఉత్సాహాన్ని నింపాయి. ఇరాన్ వివాదం సర్దుమణుగుతుందనే ఆశలు చిగురించడం, టారిఫ్‌ల విషయంలో కొంత మృదువైన వైఖరి ఉండవచ్చన్న వార్తలు మార్కెట్ సెంటిమెంట్‌ను ఒక్కసారిగా పెంచేశాయి.

ముహూర్త్ ట్రేడింగ్ సెషన్ కోసం ఏంజెల్ వన్ డెరివేటివ్ రీసెర్చ్ చీఫ్ మేనేజర్ ఓషో కృష్ణన్ కొన్ని కీలక స్టాక్స్‌ను రికమండ్ చేశారు.

ఫోర్స్ మోటార్స్:

కొనుగోలు శ్రేణి: రూ. 18,600 - 18,880

స్టాప్‌లాస్: రూ. 17,200

టార్గెట్ ప్రైస్: రూ. 21,000 - 21,200

సపోర్ట్ జోన్ అయిన రూ. 16,500 - 17,000 స్థాయిల నుంచి ఫోర్స్ మోటార్స్ బలంగా కోలుకుంది. అన్ని కీలకమైన ఇఎమ్‌ఏ లను అధిగమించి, ఆర్‌ఎస్‌ఐ బ్రేక్‌అవుట్‌తో మార్కెట్‌లో బలమైన బుల్లిష్ ట్రెండ్‌ను కనిపిస్తోంది.

కొనుగోలు శ్రేణి: రూ. 280

స్టాప్‌లాస్: రూ. 260

టార్గెట్ ప్రైస్: రూ. 300 - 315

గత వారంలో ఐటీసీ తన డౌన్‌వర్డ్ ఛానెల్ నుంచి బయటపడి బ్రేక్‌అవుట్ నమోదు చేసింది. ఓవర్‌సోల్డ్ లెవల్స్ నుంచి తేరుకుంటూ 20, 50-DEMAలను రీ-క్లెయిమ్ చేసుకుంది. 14 రోజుల ఆర్‌ఎస్‌ఐ బాటమ్ లెవల్స్ నుంచి కోలుకోవడం ట్రెండ్ రివర్సల్‌ను స్పష్టంగా సూచిస్తోంది.

బ్యాంకింగ్ రంగం నుంచి ప్రభుత్వ దిగ్గజం ఎస్‌బీఐ, ఆటో రంగం నుంచి ఎమ్‌అండ్ఎమ్‌ కంపెనీలు మంచి టెక్నికల్ సెటప్‌తో ఉన్నట్లు నిపుణులు తెలిపారు.

స్టేట్ బ్యాంక్ ఆఫ్ ఇండియా (SBI)

కొనుగోలు శ్రేణి: రూ. 1,000 - 1,010

స్టాప్‌లాస్: రూ. 940

టార్గెట్ ప్రైస్: రూ. 1,080 - 1,100

రూ. 940 వద్ద కీలకమైన సపోర్ట్ జోన్ నుంచి ఎస్‌బీఐ బౌన్స్ బ్యాక్ అయింది. అక్కడ డబుల్-బాటమ్ ప్యాటర్న్ ఏర్పడటం ట్రెండ్ రివర్సల్‌కు సంకేతంగా మారింది. ఎంఎసిడి (MACD), ఆర్‌ఎస్‌ఐ సూచీలు పాజిటివ్ క్రాస్‌ఓవర్ చూపిస్తూ మరింత ర్యాలీకి సిద్ధంగా ఉన్నాయి.

కొనుగోలు శ్రేణి: రూ. 3,125 - 3,130

స్టాప్‌లాస్: రూ. 3,000

టార్గెట్ ప్రైస్: రూ. 3,375

బొనాంజా పోర్ట్‌ఫోలియో సీనియర్ అనలిస్ట్ విరాట్ జగద్ ప్రకారం, ఎమ్‌అండ్ఎమ్‌ రూ. 2,750 - 2,790 వద్ద లోయర్ లెవల్స్ తాకిన తర్వాత రూ. 3,127.50 వద్ద (5.59% లాభంతో) ముగిసింది. బుల్లిష్ క్యాండిల్స్ ఏర్పడటంతో పాటు షార్ట్ టర్మ్ మూవింగ్ యావరేజ్ పైన స్థిరపడడం ద్వారా కొత్త కొనుగోళ్ల జోరు స్పష్టమవుతోంది.

బ్యాంకింగ్ విభాగంలో మరో ప్రైవేట్ దిగ్గజం ఐసీఐసీఐ బ్యాంక్ చార్టులలో అత్యంత బలంగా కనిపిస్తోంది.

ఐసీఐసీఐ బ్యాంక్ (ICICI Bank)

కొనుగోలు శ్రేణి: రూ. 1,500 - 1,505

స్టాప్‌లాస్: రూ. 1,440

టార్గెట్ ప్రైస్: రూ. 1,620

వీక్లీ చార్ట్‌లో ఐసీఐసీఐ బ్యాంక్ 7.30% భారీ లాభంతో రూ. 1,500 స్థాయి వద్ద ముగిసి బుల్లిష్ బ్రేక్‌అవుట్ ఇచ్చింది. పాత రెసిస్టెన్స్ జోన్ అయిన రూ. 1,480 - 1,500 స్థాయిలను సునాయాసంగా దాటేయడం వల్ల ఈ షేరులో కొనుగోలుదారుల ఆసక్తి పెరిగిందని విరాట్ జగద్ వెల్లడించారు.

ముహూర్త్ ట్రేడింగ్ అనేది శతాబ్దాల సంప్రదాయంలో భాగం. కొత్త సంవత్ సంవత్సరంలో పెట్టుబడులు ప్రారంభించడానికి ఇన్వెస్టర్లు దీనిని శుభసమయంగా భావిస్తారు. అయితే చార్ట్ ప్యాటర్న్లు, టెక్నికల్ బ్రేక్‌అవుట్‌లు పాజిటివ్‌గా ఉన్నప్పటికీ, ఇన్వెస్టర్లు తమ స్వంత విశ్లేషణ, రిస్క్ సామర్థ్యాన్ని బట్టి నిర్ణయాలు తీసుకోవాల్సి ఉంటుంది.

గమనిక: ఈ రిపోర్టులోని సిఫార్సులు, అభిప్రాయాలు కేవలం ఆయా బ్రోకరేజ్ సంస్థలకు చెందిన టెక్నికల్ రీసెర్చ్ అనలిస్టులవి మాత్రమే. ఇన్వెస్టర్లు ఏవైనా పెట్టుబడి నిర్ణయాలు తీసుకునే ముందు సొంతంగా పరిశోధన చేయడం లేదా మీ ఆర్థిక నిపుణుల సలహా తీసుకోవడం మంచింది.

నీళ్లు వాడకుండానే సోఫా మురికిని వదిలించేయవచ్చు.. ఈ సింపుల్ చిట్కాలు పాటించండి చాలు

Haritha Chappa — Sun, 08 Nov 2026 12:57:51 +0530

సోఫాకు మురికి పట్టేయడం సహజం. అయితే ఆ మురికిని ఎలా వదిలించాలో ఎంతో మందికి తెలియదు. నీళ్లు పెట్టి కడగితే సోఫా పాడవుతుందని భావిస్తారు. నిజానికి నీరు వాడకుండా కూడా సోఫాను క్లీన్ చేయవచ్చు.

ఇంట్లో సోఫాపై కొద్ది రోజుల్లోనే దుమ్ము, మరకలు చేరుతుంటాయి. పిల్లలు తినే ఆహార పదార్థాలు, టీ, కాఫీ మరకలు, చెమట కారణంగా సోఫా త్వరగా మురికిగా మారుతుంది. ముఖ్యంగా ఫ్యాబ్రిక్ సోఫాలపై పడిన మరకలను తొలగించడం కొంచెం కష్టమే. వాటిని శుభ్రం చేయడానికి ఎక్కువ నీళ్లు వాడితే లోపల ఉండే ఫోమ్ తడిసిపోయి దుర్వాసన వచ్చే ప్రమాదం ఉంది. అయితే నీళ్లు ఎక్కువగా వాడకుండానే సోఫాను శుభ్రం చేసుకోవచ్చు. ఇందుకోసం ముందుగా సోఫా కింద లేదా వెనుక ఉండే కేర్ లేబుల్‌ను పరిశీలించాలి. ఏ రకమైన క్లీనింగ్ పద్ధతి ఉపయోగించాలో అందులో ఉంటుంది. ఆ తర్వాత సోఫా కుషన్లను తొలగించి వాక్యూమ్ క్లీనర్‌తో దుమ్ము, వెంట్రుకలు, ఆహార పదార్థాల చిన్న ముక్కలను తొలగించాలి. మూలల్లో పేరుకున్న దుమ్మును తొలగించడానికి వాక్యూమ్ క్లీనర్‌కు ఉండే సన్నని నాజిల్ ఉపయోగపడుతుంది.

సోఫాపై నీళ్లు వాడకుండా శుభ్రం చేయాలంటే బేకింగ్ సోడా చక్కగా ఉపయోగపడుతుంది. ముందుగా సోఫాపై బేకింగ్ సోడాను పలుచగా చల్లి సుమారు 20 నిమిషాల పాటు అలాగే ఉంచాలి. ఆ తర్వాత మెత్తటి బ్రష్‌తో నెమ్మదిగా శుభ్రం చేసి వాక్యూమ్ క్లీనర్‌తో పొడిని పూర్తిగా తొలగించాలి. దీంతో దుమ్ము, స్వల్ప దుర్వాసన తగ్గుతుంది. మార్కెట్లో లభించే ఫ్యాబ్రిక్ డ్రై క్లీనింగ్ పౌడర్‌ను కూడా ఉపయోగించవచ్చు. అయితే సోఫా రంగు మారకుండా ఉండేందుకు ముందుగా కనిపించని చిన్న భాగంలో పరీక్షించాలి. టీ, కాఫీ మరకలు పడితే వెంటనే పొడి వస్త్రంతో అద్దినట్లు ఒత్తి మరకను తొలగించాలి. గట్టిగా రుద్దకూడదు. నూనె మరకలపై కొద్దిగా బేకింగ్ సోడా చల్లి కొంతసేపటి తర్వాత వాక్యూమ్ చేయవచ్చు.

సోఫాను శుభ్రం చేసేటప్పుడు కొన్ని జాగ్రత్తలు తప్పనిసరిగా పాటించాలి. బ్లీచ్, బలమైన డిటర్జెంట్లు, గరుకైన బ్రష్‌లు ఉపయోగించకూడదు. వీటివల్ల సోఫా రంగు వెలిసిపోయే అవకాశం ఉంది. వెల్వెట్, స్వేడ్ వంటి సున్నితమైన ఫ్యాబ్రిక్‌లను చాలా జాగ్రత్తగా శుభ్రం చేయాలి. సోఫాపై ఎక్కువ నీళ్లు పోయడం, మరకలను బలంగా రుద్దడం మంచిది కాదు. అవసరమైతే కొద్దిగా తేమ ఉన్న మైక్రోఫైబర్ వస్త్రంతో చిన్న భాగాలుగా తుడవాలి. తర్వాత పొడి టవల్‌తో తేమను తొలగించి ఫ్యాన్ గాలి తగిలేలా చూడాలి. ప్రతివారం ఒకసారి వాక్యూమ్ చేయడం, మరకలు పడిన వెంటనే శుభ్రం చేయడం అలవాటు చేసుకుంటే సోఫా ఎక్కువ కాలం కొత్తదానిలా కనిపిస్తుంది. ప్రతి ఆరు నెలలకు ఒకసారి లోతైన శుభ్రంగా చేయించుకోవడం మంచిది.

Gollapudi Maruti Rao: ఇంట్లో నైటీలు, చుడీదార్ బ్యాన్ చేసిన నటుడు.. కానీ గొల్లపూడి కొడుకులు ఏంచేశారంటే?

Mahesh Jujjuri — Sun, 08 Nov 2026 12:33:31 +0530

Gollapudi Maruti Rao: ప్రస్తుతం కాలంలో ఆడవారి డ్రెస్సింగ్ స్టైల్ లో చాలా మార్పులు వచ్చాయి. గతంలో ఆడాళ్లు చీరలు మాత్రమే కట్టేవారు. ఇప్పుడు మాత్రం నైటీలు, చుడిదార్ లు ఫ్యాషన్ అయిపోయాయి. కానీ ఒక నటుడు మాత్రం తన ఇంట్లో వాటిని బ్యాన్ చేశాడని మీకుతెలుసా?

తెలుగు ఫిల్మ్ ఇండస్ట్రీలో మల్టీ టాలెంట్ కలిగినవారు ఎందరో ఉన్నారు. టాలీవుడ్ కు తమ ప్రతిభ ద్వారా వన్నెతెచ్చిన వారిలో ప్రముఖ నటులు, రచయిత , బహుముఖ ప్రజ్ఞాశీలి అయిన గొల్లపూడి మారుతీరావు కూడా ఒకరు. ఆయన నటుడిగా ఎన్నో సినిమాల్లో అద్భుతమైన పాత్రలు పోషించారు. రచయితగా ఎన్నో సినిమాలకు పనిచేశారు. కవిగా, దర్శకుడిగా, వక్తగా..హోస్ట్ గా ఎన్నో అద్భుతాలు చేశారు గొల్లపూడి. ఇక ఆయన ఏదైనా ముక్కుసూటిగా ఉండేవారు, మాట్లాడేవారు.

తన జీవిత కాలంలో వ్యక్తపరిచిన అభిప్రాయాలు, వ్యక్తిగత అనుభవాలు ఎప్పుడూ ఆసక్తికరంగా ఉండేవి. కొన్ని కాంట్రవర్సీ కామెంట్స్ కూడా చేసేవారు. కాలం మారుతున్న కొద్దీ సమాజంలో, కుటుంబ వ్యవస్థలో వచ్చే మార్పుల పట్ల ఆయనకు కొన్ని నిర్దిష్టమైన ఆలోచనలు, సిద్ధాంతాలు ఉండేవి. తన ఇంట జరిగిన కొన్ని సంఘటనల ఆధారంగా ఆయన కుటుంబ సాంప్రదాయాలు, ఆధునికత గురించి పలు ఆసక్తికరమైన విషయాలను గతంలో జరిగిన ఓఇంటర్వ్యూలో ఆయన వెల్లడించారు.

గొల్లపూడి మారుతీరావు తన ఇంట జరిగిన ఒక ఉదాహరణను ప్రస్తావిస్తూ, తన కోడళ్ళ కాపురానికి సంబంధించి కొన్ని నియమ నిబంధనలు ఉండేవని తెలిపారు. తన కోడళ్ళు తమ కాపురానికి వచ్చిన ఇన్నేళ్లలో ఎప్పుడూ చుడీదార్లు, పైజామాలు లేదా నైటీలు ధరించకూడదనే రెండు కఠినమైన షరతులు పెట్టానని ఆయన స్వయంగా పేర్కొన్నారు. ఆయన పెద్ద కోడలు బీఎస్సీ ఫస్ట్ క్లాస్, మరో కోడలు ఎంఎస్సీ ఫస్ట్ క్లాస్ పూర్తి చేసిన ఉన్నత విద్యావంతులే అయినప్పటికీ, ఇంటి పరిధిలో మాత్రం ఆయన ఈ సాంప్రదాయ నిబంధనలను కచ్చితంగా పాటించేలా చూశారు.

తన పెద్ద కొడుక్కి పెళ్లై 55 ఏళ్ళు, మనవరాలి వయసు 27 ఏళ్ళు అయినప్పటికీ, తమ ఇంట్లో కోడళ్ళు ఎప్పుడూ ఆ వస్త్రధారణలో తన కంటికి కనిపించలేదని ఆయన గర్వంగా చెప్పుకున్నారు. తాను ఏదో చాలా గొప్ప పని చేస్తున్నానని చెప్పడం లేదని, అప్పట్లో తన ఆలోచనా విధానం అలా ఉండేదని ఆయన స్పష్టం చేశారు.

గొల్లపూడి మనవరాళ్ళ ఏం చేస్తున్నారంటే?

తాను సంప్రదాయ బద్ధమైన బ్రాహ్మిణ్ నేపథ్యం నుండి వచ్చినందువల్లనే ఆ రకమైన భావజాలంతో పెరిగానని గొల్లపూడి మారుతీరావు వివరించారు. అయితే, కాలం మారుతున్న కొద్దీ కొత్త తరంలో వస్తున్న మార్పులను కూడా ఆయన గమనించారు. తన పెద్దబ్బాయి ఆధునిక కాలానికి తగినట్లుగా తన పిల్లల (మనమరాళ్లు) వస్త్రధారణ విషయంలో వేరే విధంగా ఆలోచించేవారని తెలిపారు.

తన మనమరాళ్లు జీన్స్ ప్యాంట్లు, ఇతర ఆధునిక దుస్తులు ధరిస్తుంటారని, వాటి పేర్లు కూడా తనకు సరిగ్గా తెలియవని ఆయన అన్నారు. "కాలం మారుతోంది, నీకు వీలైతే వాళ్లను ఆపి చూడు" అని తన కొడుకు తనతో అన్నట్లుగా మారుతీరావు గుర్తుచేసుకున్నారు.

కాలం మారుతున్నప్పుడు ప్రతి ఒక్కరూ దానిని అంగీకరించక తప్పదని గొల్లపూడి అభిప్రాయపడ్డారు. తాను గతం నుండి వస్తున్న సాంప్రదాయ కట్టుబాట్లను ఇష్టపడినప్పటికీ, మారుతున్న కాలానికి తగినట్లుగా భావాలను పూర్తిగా మార్చుకోలేకపోయినా, కొత్త తరపు ఆలోచనలను క్రమంగా అర్థం చేసుకునే ప్రయత్నం చేశారు. ఒక కాలపు విలువలకు, నేటి ఆధునిక జీవన శైలికి మధ్య ఉండే అంతరాన్ని ఆయన తనదైన శైలిలో విశ్లేషించారు.

గొల్లపూడి మారుతీరావు పాత తరపు సాంప్రదాయాలు గల వ్యక్తిగా తన కుటుంబంలో కొన్ని కట్టుబాట్లు పాటించినప్పటికీ, మారుతున్న కాలం ముందు పాత నిబంధనలు ఎక్కువ కాలం నిలవవని, కాలంతో పాటు వచ్చే మార్పులను సమాజం ఎలా స్వీకరిస్తుందో ఆయన తన జీవిత అనుభవాల ద్వారా స్పష్టం చేశారు.

Nagavva Top 5 Folk Songs: పల్లె పాటలతో ట్రెండ్ సృష్టిస్తున్న సింగర్ నాగవ్వ టాప్ 5 ఫోక్ సాంగ్స్ ఇవే!

Mahesh Rajamoni — Sun, 08 Nov 2026 12:22:45 +0530

Nagavva Top 5 Folk Songs: గ్రామీణ సంస్కృతిని ప్రతిబింబించే పాటలతో అదరగొడుతున్న చుంచు నాగవ్వ వాయిస్‌కు ఎవరైనా ఫిదా అవ్వాల్సిందే. సోషల్ మీడియాను ఊపేస్తున్న నాగవ్వ టాప్ ఫోక్ సాంగ్స్ వివరాలు మీకోసం.

తెలంగాణ జానపద పాటలకు ఒక ప్రత్యేకమైన గమ్మత్తు, మట్టి వాసన ఉంటాయి. మన పల్లెటూరి జీవనశైలి, స్వచ్ఛమైన ప్రేమలు, బలమైన కుటుంబ బంధాలు, గ్రామీణ సంస్కృతిని ప్రతిబింబిస్తూ స్థానిక యాసలో సాగే ఈ పాటలు ప్రతి ఒక్కరినీ విపరీతంగా ఆకట్టుకుంటాయి. ముఖ్యంగా డిజిటల్ యుగంలో యూట్యూబ్, ఇన్‌స్టాగ్రామ్ వంటి సోషల్ మీడియాలలో అందుబాటులోకి వచ్చాక మన తెలంగాణ జానపదానికి ఆదరణ ఆకాశాన్ని తాకింది.

ఈ జానపదాల ప్రపంచంలో తనదైన నాటు గాత్రంతో, సహజమైన తెలంగాణ యాసతో శ్రోతల హృదయాలను కొల్లగొట్టిన గాయని చుంచు నాగవ్వ. యూట్యూబ్‌తో పాటు సోషల్ మీడియా రీల్స్, డిజే ప్లేలిస్టుల్లో వైబ్రేషన్స్ తెస్తున్న నాగవ్వ టాప్ 5 జానపద పాటల వివరాలు గమనిస్తే..

నాగవ్వ అనగానే ప్రతి ఒక్కరికీ వెంటనే గుర్తొచ్చే ఐకానిక్ సాంగ్ ‘బాయిలోనే బల్లి పలికే’. ఈ పాటలో పక్కా తెలంగాణ గ్రామీణ వాతావరణం, పక్కా జానపద బాణీ కళ్లముందు కడతాయి. ప్రముఖ గాయని మంగ్లీతో కలిసి నాగవ్వ పాడిన ఈ పాట యూట్యూబ్‌లో సంచలనం సృష్టించింది.

మంగ్లీ ఊపు తెచ్చే డ్యాన్స్ మూవ్స్, నాగవ్వ పల్లెటూరి నాటు గాత్రం కలసి ఈ పాటకు ప్రధాన ఆకర్షణగా నిలిచాయి. యూట్యూబ్‌లో సుమారు 11.6 మిలియన్లకు పైగా వ్యూస్ సాధించి నాగవ్వకు ఓ రేంజ్ గుర్తింపును తెచ్చిపెట్టింది.

నాగవ్వ సంగీత ప్రయాణంలో ఆమెకు తొలిసారిగా విస్తృత ప్రజాదరణ తెచ్చిపెట్టిన పాటల్లో ‘నా తిరుపతి రెడ్డి’ ఒకటి. తెలంగాణ పల్లెటూరి యాసను, సహజమైన గొంతును కలగలిపి నాగవ్వ ఈ పాటను ఆలపించిన తీరు శ్రోతలను ఎంతగానో అలరించింది. దాదాపు 1.39 మిలియన్ల వ్యూస్ సాధించిన ఈ గీతం, గ్రామీణ జానపదాలను అమితంగా ప్రేమించే సంగీత ప్రియులకు నాగవ్వ స్వరాన్ని బాగా దగ్గర చేసింది.

సంగీత ప్రియులను, ముఖ్యంగా యువతను విపరీతంగా ఆకట్టుకున్న నాగవ్వ మరో వైరల్ హిట్ ‘బిందె మీద బిందె పెట్టి సాంగ్. తెలంగాణ జానపద నృత్యాలు, ఊరి వేడుకలలో ఈ డిజే వర్షన్ పాట విపరీతంగా మారుమోగుతోంది. అమెజాన్ మ్యూజిక్ టాప్ ట్రాక్స్‌లోనూ, యూట్యూబ్ షార్ట్స్, ఇన్‌స్టాగ్రామ్ రీల్స్‌లోనూ ఈ ఎనర్జెటిక్ ఫోక్ సాంగ్ ట్రెండింగ్‌లో నిలిచి నాగవ్వ క్రేజ్‌ను రెట్టింపు చేసింది.

జానపద సంగీతంలో ప్రకృతి అందాలను, గ్రామీణ భావాలను ఎంత అద్భుతంగా చెప్పవచ్చో నిరూపించే పాట ‘మామిడీ కోనాల మీద మబ్బులేమో నిలిచినాయి’. మధుప్రియ, నాగదుర్గతో కలిసి నాగవ్వ ఆలపించిన ఈ పాట గ్రామీణ వాతావరణాన్ని ప్రతిబింబిస్తుంది. లిరికల్ అండ్ డిజే వర్షన్స్‌లో విడుదలైన ఈ పాట యూట్యూబ్‌లో మిలియన్ల కొద్దీ వ్యూస్‌తో ఇప్పటికీ అలరిస్తూనే ఉంది.

నాగవ్వ గాత్రంలో వచ్చిన మరో అద్భుతమైన పాట ‘యెద్దులచే ముద్దువెట్టే పాట. సింగర్ ప్రభతో కలిసి పాడిన ఈ పాటలో తెలంగాణ పల్లె సంస్కృతి, జీవనశైలి స్పష్టంగా కనిపిస్తాయి. అలాగే ఆమె పాడిన ‘మోహన లాలి’ పాట జానపదంలో మెలోడీకి ఉన్న ప్రాధాన్యంను చాటిచెప్పడమే కాకుండా నాగవ్వలోని సహజమైన గాయనిని పరిచయం చేసింది.

చుంచు నాగవ్వ పాటల్లోని ప్రధాన బలం ఆమె గొంతులో ఉండే స్వచ్ఛమైన సహజత్వం, మన పల్లెటూరి ప్రాంతీయ యాస. కేవలం పాటలు పాడటమే కాకుండా, మన గ్రామీణ జీవన విధానాన్ని ఒక కళారూపంగా ప్రతిబింబించడం ఆమె ప్రత్యేకం.

ఈ సంగీత ప్రయాణం వెనుక ఆమె చిన్ననాటి జ్ఞాపకాలు దాగున్నాయి. నాగవ్వ తండ్రి యక్షగానం ప్రదర్శనలు ఇచ్చేవారు. చిన్నతనం నుంచే ఆ యక్షగానం పాటలను వింటూ, నేర్చుకుంటూ పెరిగిన నాగవ్వ, ఆనాటి నుంచే పాటలపై విపరీతమైన ఆసక్తిని పెంచుకున్నారు. ఇప్పుడు యూట్యూబ్, ఇన్‌స్టాగ్రామ్ వంటి డిజిటల్ ప్లాట్‌ఫారమ్‌ల ద్వారా ఆమె తన జానపద గాత్రంతో ప్రాచీన సంప్రదాయ కళను నేటి తరం డిజిటల్ శ్రోతలకు ఎంతో సులువుగా చేరువ చేస్తున్నారు.

Canva: టెక్ ప్రపంచంలో కలకలం.. వేల మంది ఉద్యోగులను తీసేసినా కాన్వాను ఎందుకు అభినందిస్తున్నారు?

Mahesh Rajamoni — Sun, 08 Nov 2026 11:39:23 +0530

Canva Layoffs: డిజైనింగ్ దిగ్గజం కాన్వా భారీ పునర్వ్యవస్థీకరణలో భాగంగా 22 శాతం మంది ఉద్యోగులను తొలగిస్తోంది. అయితే కంపెనీ ప్రకటించిన భారీ సెవెరెన్స్ ప్యాకేజీ సోషల్ మీడియాలో ప్రశంసలు అందుకుంటోంది.

ప్రపంచ ప్రఖ్యాత డిజైనింగ్ ప్లాట్‌ఫారమ్ కాన్వా (Canva)లో తీవ్ర పరిణామాలు చోటుచేసుకున్నాయి. కంపెనీ చరిత్రలోనే అత్యంత కష్టకాలంలో భాగంగా భారీ లేఆఫ్స్‌కు తెరతీసింది. సహ వ్యవస్థాపకురాలు, సీఈఓ మెలానీ పెర్కిన్స్ ఈ విషయాన్ని అధికారికంగా ప్రకటించారు. సంస్థను పునర్వ్యవస్థీకరించే క్రమంలో ఏకంగా 22 శాతం మంది ఉద్యోగులను, అంటే సుమారు 1,271 మందిని తొలగిస్తున్నట్లు ఆమె తెలిపారు. ఒకప్పుడు కష్టపడి పైకి వచ్చిన ఈ కంపెనీ ఇప్పుడు ఈ నిర్ణయం తీసుకోవడం టెక్ వర్గాల్లో చర్చనీయాంశమైంది.

గత దశాబ్ద కాలంగా ఎంతో వేగంగా వృద్ధి చెందిన కాన్వా ఆదాయం, గత రెండేళ్లుగా మందగించింది. 2024లో 45 శాతం ఉన్న వృద్ధి రేటు, 2025 నాటికి 38 శాతానికి పడిపోయింది. ఈ ఏడాది ఆగస్టులో రెవెన్యూ అంచనాలను ఏకంగా 20 శాతానికి కుదించుకోవాల్సి వచ్చింది. 20 మిలియన్లకు పైగా ఉచిత వినియోగదారులకు సేవలు అందించే క్రమంలో పెరుగుతున్న ఖర్చులు లాభాలను దెబ్బతీశాయి. దీనికి తోడు, ఆర్టిఫిషియల్ ఇంటెలిజెన్స్ రంగంలో కొత్తగా వస్తున్న పోటీ కూడా కాన్వాపై తీవ్ర ప్రభావం చూపింది.

సాధారణంగా ఉద్యోగులను తొలగిస్తే కంపెనీలపై తీవ్ర విమర్శలు వస్తుంటాయి. కానీ, కాన్వా మాత్రం ఇందుకు భిన్నంగా తన ఉద్యోగులకు ఇచ్చిన వీడ్కోలు ప్యాకేజీతో అందరి ప్రశంసలు అందుకుంటోంది. ఉద్యోగం కోల్పోయిన వారికి చట్టబద్ధమైన నిబంధనలకు మించి కనీసం ఆరు నెలల జీతం, ఏడాది పాటు హెల్త్ ఇన్సూరెన్స్, లింక్డ్ఇన్ ప్రీమియం సబ్‌స్క్రిప్షన్ ఇస్తున్నారు. అంతేకాకుండా ఉద్యోగులు తాము వాడిన మ్యాక్ బుక్ ల్యాప్‌టాప్‌లను తమతోటే ఉంచుకోవచ్చని ప్రకటించారు.

ఉద్యోగం కోల్పోయిన వారు సొంతంగా ఏదైనా వ్యాపారం ప్రారంభించాలన్నా లేదా కొత్త ప్రాజెక్ట్ చేపట్టాలన్నా సాయం చేసేందుకు కాన్వా ముందుకు వచ్చింది. ఇందులో భాగంగా కాన్వా కలెక్టివ్ ఫండ్ ద్వారా అర్హులైన వారికి ఒక్కో ప్రైవేట్ ప్రాజెక్ట్‌కు 10,000 డాలర్ల గ్రాంట్ అందించనున్నట్లు వెల్లడించింది. ఇందులో ఎలాంటి ఈక్విటీని కంపెనీ తీసుకోదు. అలాగే ఉద్యోగులు కొత్త ఉద్యోగాలు వెతుక్కోవడానికి వీలుగా ప్రత్యేక కెరీర్ సపోర్ట్, రెస్యూమ్ బిల్డింగ్ సాయం కూడా అందిస్తున్నారు.

కంపెనీ నిర్మాణం చాలా సంక్లిష్టంగా మారడంతోనే ఈ మార్పులు చేయాల్సి వచ్చిందని సీఈఓ తెలిపారు. ప్రొడక్ట్, గ్రోత్, ప్లాట్‌ఫాం టీమ్‌లను ఒక్కటి చేసి సిడ్నీ కేంద్రంగా కార్యకలాపాలను బలోపేతం చేయనున్నారు. ఏఐ సాంకేతికతను అందిపుచ్చుకుంటూ భవిష్యత్తులో మరింత వేగంగా మెరుగైన ప్రొడక్ట్స్‌ను మార్కెట్లోకి తీసుకురావడమే తమ లక్ష్యమని కాన్వా యాజమాన్యం స్పష్టం చేసింది. ప్రస్తుత సవాళ్లను ఎదుర్కొంటూనే కంపెనీని సరైన దారిలో నడిపించేందుకు ఈ కఠిన నిర్ణయం తీసుకున్నట్లు వెల్లడించారు.

Long Hair: జుట్టు వేగంగా పొడవు పెరగాలా? అయితే ఈ చిన్న పనులు చేయండి

Haritha Chappa — Sun, 08 Nov 2026 11:36:37 +0530

Long Hair: జుట్టు వేగంగా పొడవు పెరగాలని కోరుకుంటున్నారా? అయితే ఇంట్లోనే చిన్న చిన్న చిట్కాలు పాటిస్తే సరిపోతుంది. ఇందుకోసం పెద్దగా ఖర్చుపెట్టక్కర్లేదు కూడా. ఆహారపు అలవాట్లు మార్చుకుంటే సరి.

చాలామంది పొడవైన, ఒత్తైన జుట్టు కావాలని కోరుకుంటారు. కానీ జుట్టు పెరుగుదల నెమ్మదిగా ఉండటం, మధ్యలోనే తెగిపోవడం, చివర్లు చిట్లిపోవడం వల్ల ఇబ్బంది పడుతుంటారు. జుట్టు ఒక్క రాత్రిలో పొడవుగా మారదు. అయితే కొన్ని మంచి అలవాట్లు పాటిస్తే జుట్టు ఆరోగ్యంగా పెరిగేందుకు వీలవుతుంది. సాధారణంగా నెలకు సుమారు 1.25 సెంటీమీటర్ల మేర జుట్టు పెరుగుతుంది. మన ఆహారం, వయసు, హార్మోన్లు, జన్యుపరమైన అంశాలు ఈ పెరుగుదలపై ప్రభావం చూపుతాయి. అందుకే జుట్టు సంరక్షణపై ప్రత్యేక శ్రద్ధ పెట్టాలి.

జుట్టు ఆరోగ్యంగా, వేగంగా పెరగాలంటే ముందుగా ఆహారంలో తగినంత ప్రొటీన్ ఉండాలి. గుడ్లు, పప్పులు, శనగలు, చేపలు, పాలు, నట్స్ తీసుకోవాలి. ఐరన్, జింక్, విటమిన్ డి కూడా జుట్టు ఆరోగ్యానికి అవసరం. పాలకూర, ఆకుకూరలు, పండ్లు, గింజలు ఆహారంలో చేర్చుకోవాలి. రెండోది తలకు మసాజ్ చేయడం. వారానికి రెండు మూడు సార్లు వేళ్లతో మృదువుగా ఐదు నుంచి పది నిమిషాల పాటు మసాజ్ చేయాలి. కొబ్బరి నూనె, బాదం నూనె వాడొచ్చు. ఇలా చేయడం వల్ల తలకు విశ్రాంతి లభిస్తుంది. మూడోది హెయిర్ డ్రయ్యర్, స్ట్రెయిటెనర్, కర్లింగ్ పరికరాలను తరచూ వాడకూడదు. వీటి నుంచి వచ్చే వేడి జుట్టును పొడిబారేలా చేసి, మధ్యలో తెగిపోయేలా చేస్తుంది. వీలైనంత వరకు సహజంగా ఆరనివ్వాలి.

నాలుగోది జుట్టు చివర్లు చిట్లిపోతే ఎప్పటికప్పుడు కొద్దిగా కత్తిరించాలి. ఇలా చేయడం వల్ల చిట్లిన భాగం పైకి వ్యాపించకుండా ఉంటుంది. అయితే జుట్టు చివర్లు కత్తిరించడం వల్ల వేగంగా పెరుగుతుందని అనుకోవద్దు. ఐదోది జుట్టును మరీ గట్టిగా కట్టుకోవడం మానేయాలి. బిగుతైన పోనీటెయిల్స్, జడలు వేయడం వల్ల జుట్టు కుదుళ్లపై ఒత్తిడి పెరిగి రాలిపోయే ప్రమాదం ఉంది. అలాగే తరచూ హెయిర్ కలరింగ్, బ్లీచింగ్, రసాయన చికిత్సలు చేయించుకోవడం తగ్గించాలి. ఈ ఐదు అలవాట్లు పాటిస్తే జుట్టు విరిగిపోవడం తగ్గి ఆరోగ్యంగా ఉండేందుకు సాయం అవుతుంది. జుట్టు అకస్మాత్తుగా ఎక్కువగా రాలిపోతుంటే చర్మవ్యాధుల నిపుణుడిని సంప్రదించాలి.

Leech: నొప్పి తెలియకుండా జలగ రక్తాన్ని ఎలా పీలుస్తుంది? ఆ టెక్నిక్ తెలిస్తే మతిపోతుంది

Mahesh Jujjuri — Sun, 08 Nov 2026 11:33:44 +0530

Leech: మన చర్మానికి జలగ (Leech) అంటుకున్నప్పుడు పెద్దగా నొప్పి తెలియకముందే అది రక్తాన్ని తాగడం మొదలుపెడుతుంది. జలగ శరీరం పైన అంటుకుని రక్తాన్ని పీల్చే విధానం వెనుక అత్యంత ఆశ్చర్యకరమైన జీవశాస్త్ర సూత్రాలు ఉన్నాయి.

జలగ అనగానే కాస్త నెగెటీవ్ పదంలా అనిపిస్తుంది. రక్తం పీల్చే జీవులుగా వీటికి కాస్త చెడ్డ పేరు ఉంది. మనుషులను కూడా జలగలా పట్టి పీడిస్తున్నావుకదా అని తిడుతుంటారు. ఇంతకీ ఈ జలగ సంగతేంటి. అవి రక్తాన్ని నొప్పి తెలియకుండా ఎలా పీల్చుతాయి. జలగకు శరీరంలో రెండు రకాల సక్కర్స్ (Suckers) ఉంటాయి. వెనుక వైపు ఉండే సక్కర్ శరీరాన్ని చర్మానికి గట్టిగా పట్టుకోవడానికి, అటాచ్ చేయడానికి ఉపయోగపడుతుంది.

ముందు వైపు ఉండే ఓరల్ సక్కర్ (Oral Sucker) ఆహారాన్ని పీల్చుకోవడానికి పనిచేస్తుంది. వైద్యపరంగా ఉపయోగపడే మెడిసినల్ లీచెస్ నోటి లోపల మూడు చిన్న రంపపు ఆకారపు దవడలు (Saw-like Jaws) ఉంటాయి. ప్రతి దవడ పైన చిన్న చిన్న పళ్ళు అమర్చబడి ఉంటాయి. జలగ చర్మానికి అతుక్కున్న తర్వాత ఈ మూడు దవడలు ఒకేసారి కట్ చేస్తాయి. అందుకే జలగ కుట్టినప్పుడు ఆ గాయం ఇంగ్లీష్ అక్షరం 'Y' ఆకారంలో కనిపిస్తుంది.

జలగ మన చర్మాన్ని కరిచే సమయంలో దాని లాలాజలం ద్వారా ఒక రకమైన అనస్థీషియాను గాయంలోకి ఇంజెక్ట్ చేస్తుంది. ఇది ఆ ప్రాంతంలోని నరాలను తాత్కాలికంగా మొద్దుబారేలా చేస్తుంది. అందువల్ల అది కొరికినట్లు మనకు అస్సలు నొప్పి తెలియదు. చర్మాన్ని కట్ చేయడం చాలా తేలికైన పని, కానీ అసలైన సవాలు రక్తాన్ని గడ్డకట్టకుండా చూసుకోవడమే. మానవ శరీరానికి గాయమైన వెంటనే రక్తం గడ్డకట్టడానికి (Blood Clotting) ప్రయత్నిస్తుంది.

అలా గడ్డకడితే జలగకు ఆహార సరఫరా ఆగిపోతుంది. దీనిని నివారించడానికి జలగ తన లాలాజలం (Saliva) ద్వారా ఒక శక్తివంతమైన రసాయన ఆయుధాన్ని విడుదల చేస్తుంది. జలగ లాలాజలంలో 'హిరుడిన్' (Hirudin) అనే శక్తివంతమైన యాంటీ కోయాగులెంట్ ఉంటుంది. ఇది రక్తం గడ్డకట్టడానికి కీలకమైన 'త్రాంబిన్' (Thrombin) అనే ప్రోటీన్ ని బ్లాక్ చేస్తుంది. దీనివల్ల గాయం నుండి రక్తం వెంటనే గడ్డకట్టకుండా నిరంతరంగా ప్రవహిస్తూనే ఉంటుంది.

జలగ లాలాజలంలో కేవలం హిరుడిన్ మాత్రమే కాకుండా మరికొన్ని రసాయన సమ్మేళనాలు కూడా ఉంటాయి. ఇవి రక్తం లోని ప్లేట్‌లెట్స్ ఒకదానికొకటి అతుక్కుపోకుండా అడ్డుకోవడమే కాకుండా రక్తనాళాలు (Blood Vessels) వెడల్పు అవ్వడానికి (Widen) సహాయపడతాయి. ఇవన్నీ కలిసి గాయం దగ్గర రక్త ప్రవాహం ఆగిపోకుండా చూస్తాయి. ఆ తర్వాత జలగ ముందు సక్కర్ తో ఒత్తిడి (Suction) సృష్టించి రక్తాన్ని లోపలికి పీల్చుకుంటుంది. ఈ క్రమంలో దాని జీర్ణ వ్యవస్థ (Digestive tract) బాగా సాగుతుంది. కొన్ని జలగలు ఒక్కసారి ఫీడింగ్ లో తమ శరీర బరువు కంటే అనేక రెట్లు ఎక్కువ రక్తాన్ని తీసుకోగలవు.

జలగ విడిపోయిన తర్వాత కూడా

జలగ మన శరీరం నుండి విడిపోయిన తర్వాత కూడా గాయం నుండి కొంతసేపు రక్తం కారుతూనే ఉంటుంది. ఎందుకంటే జలగ లాలాజలంలోని యాంటీ కోయాగులెంట్ రసాయనాలు జలగ వెళ్లిపోయిన తర్వాత కూడా పని చేస్తూనే ఉంటాయి. జలగ కేవలం రక్తాన్ని పీల్చడమే కాకుండా, కట్ చేయడం, రక్తాన్ని గడ్డకట్టకుండా ఆపడం - రక్తాన్ని లాక్కోవడం వంటి క్లిష్టమైన ప్రక్రియలను చాలా సులువుగా చేస్తుంది. ఈ చిన్న జీవిలో ఉన్న ఈ ఫీడింగ్ మెకానిజం ఒక అద్భుతమైన బయోలాజికల్ సిస్టమ్ అని చెప్పవచ్చు.

Army village: మనదేశానికి వేలాది మంది సైనికులను అందిస్తున్న ‘ఆర్మీ గ్రామం’.. ప్రతి ఇంట్లో ఓ జవాన్

Haritha Chappa — Sun, 08 Nov 2026 10:23:46 +0530

Army village: మనదేశం అతి పెద్దది. దీన్ని కాపాడాలంటే లక్షల్లో సైనికులు అవసరం. ఒక చిన్నగ్రామం ఏటా ఎంతో మంది సైనికులను భారత్ కు అందిస్తోంది. ఆ గ్రామం నుంచి ఇప్పటికీ వేలాదిమంది ఇండియన్ ఆర్మీలో చేరారు. అందుకే ఈ ఊరిని ఆర్మీ విలేజ్ అంటారు.

భారత్‌లో సైన్యంలో చేరి దేశానికి సేవ చేయాలని కలలు కనే యువత ఎంతోమంది ఉన్నారు. అయితే ఓ గ్రామంలో మాత్రం సైన్యంలో చేరడం తరతరాలుగా కొనసాగుతున్న సంప్రదాయంలా మారింది. ఆ గ్రామంలో దాదాపు ప్రతి ఇంటి నుంచి ఒకరైనా సైన్యంలో పనిచేసినవారు లేదా పనిచేస్తున్నవారు ఉంటారు. దేశ సరిహద్దుల్లో శత్రువులతో పోరాడేందుకు తమ బిడ్డలను పంపుతూ ఆ గ్రామ ప్రజలు గర్వపడుతుంటారు. ఉత్తరప్రదేశ్‌లోని ఘాజీపూర్ జిల్లాలో గహ్మర్ (Gahmar) అనే గ్రామం ఉంది. దీన్ని ఆర్మీ విలేజ్ అని కూడా పిలుస్తారు. ఆసియాలోనే అతిపెద్ద గ్రామాల్లో ఒకటిగా గుర్తింపు పొందిన గహ్మర్‌లో సుమారు 1.5 లక్షల మంది నివసిస్తున్నారు. 1530లో రాజా ధామ్‌దేవ్ రావు ఈ గ్రామాన్ని స్థాపించినట్లు చరిత్ర చెబుతోంది.

మొదటి ప్రపంచ యుద్ధం సమయంలోనే ఈ గ్రామం నుంచి 228 మంది సైనికులు యుద్ధంలో పాల్గొన్నారు. వారిలో 21 మంది ప్రాణాలు కోల్పోయారు. అప్పటి నుంచి సైన్యంలో చేరే వారి సంఖ్య తరతరాలుగా పెరుగుతూ వచ్చింది. ఈ గ్రామం నుంచి ఇప్పటివరకు వేలాది మంది భారత సైన్యంలో పనిచేశారు. కొన్ని నివేదికల ప్రకారం ప్రస్తుతం దాదాపు 10 వేల మంది సైనికులు వివిధ హోదాల్లో దేశానికి సేవలు అందిస్తున్నారు. మరో 5 వేల మందికి పైగా మాజీ సైనికులు గ్రామంలో ఉన్నారు. లెఫ్టినెంట్ నుంచి బ్రిగేడియర్ స్థాయి వరకు ఎదిగిన వారు కూడా ఈ గ్రామంలో ఉన్నారు. యువతకు సైన్యంలో చేరేందుకు శిక్షణ ఇచ్చే మైదానాలు, మాజీ సైనికులు నిర్వహించే శిక్షణ కేంద్రాలు ఇక్కడ ఉన్నాయి. చిన్నప్పటి నుంచే పిల్లలకు దేశభక్తి భావనను అలవాటు చేస్తారు. తాత సైన్యంలో పనిచేస్తే, కొడుకు లేదా మనవడు కూడా అదే బాటలో నడవాలని ఆశపడతారు.

గహ్మర్ గ్రామంలో సైనికుల సేవలను గుర్తు చేసేందుకు ప్రత్యేక స్మారక స్థూపం కూడా ఉంది. దేశం కోసం ప్రాణాలు అర్పించిన వీరుల పేర్లు ఇందులో కనిపస్తాయి. గ్రామంలో 22 చిన్న ప్రాంతాలు ఉండగా, వాటిలో కొన్ని సైనికుల పేర్లతో గుర్తింపు పొందాయి. ఇక్కడి యువత శారీరక వ్యాయామం చేస్తూ సైనిక నియామకాల కోసం సిద్ధమవుతుంటారు. సైన్యంలో పనిచేయడం ఉద్యోగం మాత్రమే కాదు, దేశానికి సేవ చేసే గొప్ప అవకాశమని గ్రామ ప్రజలు భావిస్తారు. అందుకే తరతరాలుగా ఈ గ్రామం భారత సైన్యానికి వీర జవాన్లను అందిస్తూ ప్రత్యేక గుర్తింపు తెచ్చుకుంది.

Telangana's Ladakh: ఇది తెలంగాణ లడఖ్.. ఈ సరికొత్త టూరిస్ట్ స్పాట్ అందాలు చూశారా?

Mahesh Rajamoni — Sun, 08 Nov 2026 09:53:49 +0530

Telangana's Ladakh: హైదరాబాద్‌కు కూతవేటు దూరంలో ఉన్న వైజాగ్ కాలనీ నాగార్జునసాగర్ బ్యాక్‌వాటర్స్ అందాలతో పర్యాటకులను ఆకట్టుకుంటోంది. దీన్ని తెలంగాణ లడఖ్ లేదా మినీ గోవా అంటారు. ఈ అద్భుతమైన టూరిస్ట్ స్పాట్ వివరాలు మీకోసం.

వీకెండ్‌లో ప్రశాంతంగా గడపడానికి తెలంగాణలో ఎన్నో ప్రదేశాలు ఉన్నాయి. అయితే నల్గొండ జిల్లాలోని నాగార్జునసాగర్ బ్యాక్‌వాటర్స్ పక్కన ఉన్న వైజాగ్ కాలనీ ఇప్పుడు కొత్త టూరిస్ట్ డెస్టినేషన్‌గా మారుతోంది. చుట్టూ కొండలు, మధ్యలో నీరు, పచ్చటి ప్రకృతితో ఈ ప్రాంతం పర్యాటకులను ఎంతగానో ఆకర్షిస్తోంది. హైదరాబాద్ నుంచి సుమారు 120 నుండి 180 కిలోమీటర్ల దూరంలో ఈ ప్రదేశం ఉంది. కారులో వెళితే సుమారు మూడున్నర నుంచి నాలుగు గంటల సమయం పడుతుంది.

ఈ ప్రాంతాన్ని సోషల్ మీడియాలో చాలామంది 'తెలంగాణ లడఖ్' లేదా 'గ్రీన్ లడఖ్' అని పిలుస్తున్నారు. విశాలమైన భూభాగం, పచ్చటి తీరం, నీలి రంగు నీరు ఇక్కడ ప్రత్యేక ఆకర్షణగా నిలుస్తాయి. అలాగే బోటింగ్, రిలాక్స్డ్ వైబ్ కారణంగా కొందరు దీన్ని తెలంగాణ మినీ గోవా అని కూడా అంటుంటారు. అయితే ఇవన్నీ పర్యాటక నిపుణులు పెట్టిన పేర్లే కానీ అధికారిక పేర్లు కావు. ఇక్కడికి వెళ్లేవారు అక్టోబర్ నుంచి ఫిబ్రవరి మధ్య కాలం ఎంచుకోవడం చాలా మంచిది.

ఈ ప్రాంతం ప్రధానంగా నాగార్జునసాగర్ రిజర్వాయర్ బ్యాక్‌వాటర్స్ చుట్టూ విస్తరించి ఉంది. విశాలమైన నీటి విస్తీర్ణం, చుట్టూ ఉండే కొండలు ఫోటోగ్రఫీ ప్రేమికులను ఆకట్టుకుంటాయి. ఇక్కడ లోకల్ బోట్ రైడ్స్ అందుబాటులో ఉంటాయి. ఎల్లెశ్వరగట్టు ఐలాండ్‌కు వెళ్లడానికి స్థానిక బోట్లను ఆశ్రయించవచ్చు. సాయంత్రం వేళల్లో ఇక్కడ సూర్యాస్తమయం చూసేందుకు పర్యాటకులు ఎక్కువ ఆసక్తి చూపుతారు. అలాగే స్థానికంగా లభించే ఫ్రెష్ ఫిష్ కర్రీ, ఫిష్ ఫ్రై చాలా ఫేమస్.

శనివారం ఉదయం హైదరాబాద్ నుంచి బయలుదేరి ఉదయం 10-11 గంటలకల్లా వైజాగ్ కాలనీకి చేరుకోవచ్చు. ఆ తర్వాత స్థానిక ల్యాండ్‌స్కేప్ చూసి, బోట్ ద్వారా ఐలాండ్ పర్యటన చేయవచ్చు. మధ్యాహ్నం లంచ్ తర్వాత సాయంత్రం వరకు చుట్టుపక్కల ప్రాంతాలను చుట్టిరావచ్చు. సూర్యాస్తమయం సమయంలో బ్యాక్‌వాటర్స్ అందాలను కెమెరాలో బంధించవచ్చు. రాత్రికి అక్కడే క్యాంపింగ్ లేదా ముందస్తుగా బుక్ చేసుకున్న వసతి గృహాలలో బస చేయవచ్చు. ఆదివారం నాడు నాగార్జునసాగర్ డ్యామ్ వ్యూ పాయింట్లు, బుద్ధవనం సందర్శించి తిరిగి పయనం కావచ్చు.

View this post on Instagram

A post shared by Just Create Vibes (@just_create_vibes)

వైజాగ్ కాలనీ ట్రిప్‌కు వెళ్లేటప్పుడు కొన్ని ముఖ్యమైన విషయాలు గుర్తుంచుకోవాలి. బోటింగ్ చేసేటప్పుడు లైఫ్ జాకెట్ ధరించడం తప్పనిసరి. రిజర్వాయర్‌లో ఈత కొట్టడం లేదా ఒంటరిగా నీటిలోకి వెళ్లడం ప్రమాదకరం. తాగునీరు, స్నాక్స్, సన్ స్క్రీన్, పవర్ బ్యాంక్ వంటివి వెంట ఉంచుకోవాలి. ప్లాస్టిక్ వాడకాన్ని తగ్గించి ప్రాంతాన్ని పరిశుభ్రంగా ఉంచాలి. ప్రయాణానికి ముందు రోడ్డు పరిస్థితులు, బోటింగ్ లభ్యతను సరిచూసుకోవడం మంచిది.

View this post on Instagram

A post shared by Just Create Vibes (@just_create_vibes)

గోడల నుంచి రక్తం.. రాత్రివేళ వింత అరుపులు, భారత్‌లోని ఈ కోట వెనుక భయంకర రహస్యం

Haritha Chappa — Sun, 08 Nov 2026 09:23:36 +0530

మనదేశంలో ఎన్నో చారిత్రక కట్టడాలు,కోటలు ఉన్నాయి. వాటిలో కొన్నింటి వెనుక మాత్రం చీకటి రహస్యాలు దాగి ఉన్నాయి. భారత్లోని ఒక కోట గోడల నుంచి ఎర్రని స్రావాలు వస్తున్నట్టు స్థానికులు చెబుతారు. ఆ కోట దగ్గరికి వెళ్లడానికే భయపడతారు.

భారత్‌లో ఎన్నో పురాతన కోటలు ఉన్నాయి. వాటిలో కొన్ని చారిత్రక కట్టడాలుగా గుర్తింపు పొందితే, మరికొన్ని వింత కథలతో వార్తల్లో నిలుస్తుంటాయి. అలాంటి ఓ రహస్య కోట గురించి ఇప్పుడు తెలుసుకుందాం. ఈ కోట గోడల నుంచి రక్తం కారుతుందని, రాత్రి వేళల్లో వింత అరుపులు వినిపిస్తాయని స్థానికంగా ప్రచారం ఉంది. ఈ మాటలు విన్నవారికి అక్కడికి వెళ్లాలంటేనే భయం కలుగుతుంది. చీకటి పడిన తర్వాత కోట పరిసరాల్లో వింత శబ్దాలు వినిపిస్తాయని కొందరు చెబుతుంటారు. ఆ కోట పేరు నహర్ గఢ్ కోట. ఇది రాజస్థాన్లో ఉంది.

రాజస్థాన్ రాజధాని జైపూర్‌లో ఉన్న నహర్‌గఢ్ కోటకు దాదాపు 300 ఏళ్ల చరిత్ర ఉంది. 1734లో మహారాజా సవాయ్ జైసింగ్ II ఈ కోటను నిర్మించారు. మొదట దీనికి సుదర్శన్‌గఢ్ అని పేరు పెట్టారు. కోట నిర్మాణ సమయంలో గోడలు కూలిపోవడం, పనివారికి ప్రమాదాలు జరగడం లాంటి సమస్యలు ఎదురయ్యాయని కథలు ఉన్నాయి. నహర్ అనే ఆత్మ వల్లే ఇలా జరుగుతోందని అప్పట్లో ప్రజలు నమ్మేవారట. ఆ ఆత్మను శాంతింపజేయడానికి ప్రత్యేక పూజలు చేసిన తర్వాత కోటకు నహర్‌గఢ్ అని పేరు పెట్టినట్లు స్థానిక కథనం చెబుతోంది.

ఈ కోట గురించి మరో ఆసక్తికరమైన విషయం రాత్రివేళ వినిపించే వింత శబ్దాలు. కోట గోడల దగ్గర నుంచి అరుపులు, ఏడుపులు వినిపిస్తాయని కొందరు చెబుతుంటారు. మరికొందరు అక్కడ నీడలు కదులుతున్నట్లు కనిపించాయని అంటుంటారు. గోడల నుంచి రక్తం కారుతుందనే ప్రచారం కూడా ఈ కోటకు భయంకరమైన పేరును తెచ్చింది. అయితే ఈ వాదనలకు ఇప్పటివరకు సరైన ఆధారాలు లేవు. గాలి శబ్దాలు, కోట నిర్మాణం వల్ల కలిగే ప్రతిధ్వనులు కూడా రాత్రివేళ వింత శబ్దాలుగా అనిపించవచ్చని కొందరు భావిస్తున్నారు. నహర్‌గఢ్ కోట చుట్టూ ఇలాంటి భయపెట్టే కథలు ఉన్నప్పటికీ, చరిత్ర, నిర్మాణ శైలి, ప్రకృతి అందాల కోసం పర్యాటకులు ఇక్కడికి వస్తుంటారు. అరవళ్లి కొండలపై ఉన్న ఈ కోట నుంచి జైపూర్ నగరం అందంగా కనిపిస్తుంది.

Mystery Of Kedarnarth: 400 ఏళ్లు మంచులో కూరుకుపోయినా చెక్కుచెదరని ఆలయం..మూపురాన్నే ఎందుకు పూజిస్తారు?

Nandini Arava — Sun, 08 Nov 2026 09:00:34 +0530

Mystery Of Kedarnarth: సముద్ర మట్టానికి వేల అడుగుల ఎత్తులో ఉన్న ఓ ఆలయం ఎన్నో ప్రకృతి విపత్తులను తట్టుకుని నిలిచింది. దాదాపు 400 ఏళ్ల పాటు మంచు కింద కూరుకుపోయినా చెక్కుచెదరలేదని చెబుతున్న ఈ ధార్మిక స్థానం ఎక్కడుంది? ఈ ఆర్టికల్ లో తెలుసుకుందాం.

చుట్టూ మంచుతో కప్పుకున్న ఎత్తైన హిమాలయ పర్వతాలు.. గడ్డకట్టించే చలి.. భారీ హిమపాతాలు.. ఇలాంటి ప్రకృతి సవాళ్ల మధ్య వందల ఏళ్లుగా చెక్కుచెదరకుండా నిలిచిన ఆలయం కేదార్‌నాథ్. దాదాపు 400 ఏళ్ల పాటు మంచు కింద ఉన్నట్లు భూగర్భ శాస్త్రవేత్తల పరిశోధనలు చెబుతున్నాయి. 2013లో వచ్చిన భయంకరమైన వరదలను కూడా తట్టుకుని నిలబడింది. అసలు ఈ గుడి నిర్మాణంలో ఉన్న ప్రత్యేకత ఏంటి? ప్రకృతి వైపరీత్యాలను సైతం ఎలా తట్టుకుంది?

ఉత్తరాఖండ్‌లోని రుద్రప్రయాగ్ జిల్లాలో గర్హ్వాల్ హిమాలయాల మధ్య కేదార్‌నాథ్ ఆలయం ఉంది. సముద్ర మట్టానికి సుమారు 3,584 మీటర్ల ఎత్తులో, మందాకిని నది జన్మస్థానానికి సమీపంలో ఈ క్షేత్రం కొలువై ఉంది. దేశంలోని 12 జ్యోతిర్లింగాల్లో ఒకటిగా, చార్‌ధామ్ యాత్రలో ముఖ్యమైన పుణ్యక్షేత్రంగా దీనికి ప్రత్యేక గుర్తింపు ఉంది.

ఈ ఆలయం చుట్టూ కేదార్‌నాథ్ శిఖరం, కేదార్ డోమ్ వంటి మంచుకొండలు కనిపిస్తాయి. ఏడాదిలో దాదాపు 6 నెలలు మంచు కప్పేసి ఉంటుంది. ఎవరూ ఉండరు. ఆలయాన్ని కూడా మూసేస్తారు. శీతాకాలంలో భారీగా మంచు కురుస్తుండటంతో ఆలయాన్ని మూసివేసి, స్వామివారి ఉత్సవ విగ్రహాన్ని ఉఖీమఠ్‌కు తరలించి పూజలు నిర్వహిస్తారు.

కేదార్ నాథ్ ఆలయం గురించి మొట్టమొదట 7 వ శతాబ్దంలో స్కంద పురాణంలో రాయబడింది. అంతేకాదు ఈ ఆలయం ముందు ఒక నంది విగ్రహం ఉంటుంది. దానికెదురుగా ఉన్న దీర్ఘచతురస్రాకార పునాదిపై ఆలయాన్ని నిర్మించారు. గర్భగుడి, భక్తులు సమావేశమయ్యే మండపం ఇందులో ఉన్నాయి. లోపల శివుడిని ప్రత్యేకమైన శంఖాకార రాతి రూపంలో పూజిస్తారు. ఇంత ఎత్తైన పర్వత ప్రాంతంలో, ఆధునిక యంత్రాలు అందుబాటులో లేని కాలంలో ఇలాంటి భారీ రాతి నిర్మాణాన్ని చేపట్టడం అప్పటి నిర్మాణ నైపుణ్యానికి నిదర్శనం.

కేదార్‌నాథ్ ఆలయానికి సంబంధించి మహాభారత కాలం నాటి ఆసక్తికరమైన పురాణగాథ ప్రచారంలో ఉంది. కురుక్షేత్ర యుద్ధంలో తమ బంధువులను చంపడంతో...ఆ పాప భారం మోయలేకపోయారు పాండవులు. అప్పుడు తమ ఆవేదన గురించి వేదవ్యాసుడితో చెప్పడంతో ఆయన శివుడిని దర్శిస్తే పాపాలు పోతాయని సెలవిచ్చారు. దాంతో పాండవులు శివుడి కోసం కాశీకి వెళ్లారు. అయితే కాశీలో శివుడు లేడు. ఉత్తరాఖండ్ లోని గుప్తకాశీలో శివుడు ఉన్నాడని తెలిసి అక్కడ వెతకడం మొదలుపెట్టారు. పాండవుల నుంచి తప్పించుకోవడానికి శివుడు నంది రూపంలోకి మారిపోయాడు. నంది రూపంలో ఉన్న శివుడిని భీముడు గుర్తించాడు. అప్పుడు వెంటనే శివుడు భూలోకంలో వెళ్లిపోతుండగా వెంటనే భీముడు పట్టుకోవడానికి వెళ్లగా నంది మోపురం మాత్రమే పట్టుకోగలుగుతారు. ఆ మోపురం భాగమే ఇప్పుడు కేదార్ నాథ్ లో ఉన్న శివుడి విగ్రహంగా చెబుతారు. ఇప్పుడు పాండవులే ఆ మందిరం నిర్మించారని ప్రతీతి. శివుడు నంది రూపంలో భూలోకంలోని వెళ్లినప్పుడు ముఖభాగం రుద్రనాథ్ లో, తలభాగం కల్పేశ్వర్ లో, భుజభాగం తుంగనాథ్ లో, నాభి మధ్యమహేశ్వర్ లో కొలువైంది. అందుకే ఈ నాలుగు క్షేత్రాలను పంచకేధార్ అంటారు.

కేదార్‌నాథ్ ఆలయం నిర్మాణం ఎప్పుడు జరిగిందనే విషయంలో భిన్నమైన అభిప్రాయాలు ఉన్నాయి. ప్రస్తుత ఆలయ నిర్మాణం వెయ్యేళ్లకు పైగా పురాతనమైనదని బదరీనాథ్-కేదార్‌నాథ్ ఆలయ కమిటీ పేర్కొంటోంది. ఆదిశంకరాచార్యులు 8వ శతాబ్దంలో ఈ ఆలయాన్ని స్థాపించారని సంప్రదాయ విశ్వాసం ఉంది. మరికొన్ని కథనాలు పాండవుల కాలంతో ముడిపెడతాయి. అయితే శివుడి యొక్క రుద్రరూపమైన కాలభైరవుడు...ఈ ఆలయాన్ని కాపాడుతున్నారని చెబుతారు. కేదార్ నాథ్ ఆలయానికి ఉత్తరం వైపు 500 మీటర్ల దూరంలో బాబా భైరవనాథ్ ఆలయం ఉంటుంది.

కేదార్‌నాథ్ ఆలయం గురించి చెప్పుకునే అత్యంత ఆసక్తికరమైన విషయాల్లో ఇది ఒకటి. భూగర్భ శాస్త్రవేత్తల పరిశీలనల ప్రకారం, సుమారు క్రీ.శ. 1300 నుంచి 1900 మధ్య కాలంలో ఈ ప్రాంతం తీవ్రమైన హిమనదుల ప్రభావానికి గురైంది. దీనిని 'లిటిల్ ఐస్ ఏజ్' (Little Ice Age) అని పిలుస్తారు. ఈ సమయంలో ఆలయం దాదాపు 400 ఏళ్ల పాటు మంచు కింద కూరుకుపోయి ఉన్నట్లు పరిశోధకులు అంచనా వేశారు. ఈ ఆలయ గోడలపై కనిపించే కొన్ని పసుపు రంగు గీతలు, రాళ్లపై ఉన్న మెరుగుదలలు గతంలో ఇక్కడ హిమనదులు కదిలిన ఆనవాళ్లుగా పరిశోధకులు భావిస్తున్నారు. అంతేకాదు, మంచు, హిమనదుల ఒత్తిడిని తట్టుకునేలా ఆలయ నిర్మాణం ఉండటం కూడా ఆసక్తికరమైన అంశం. వరదల తర్వాత ఆర్కియాలజీ డిపార్ట్ మెంట్ వాళ్లు సర్వే చేయగా..ఈ ఆలయాన్ని డిజాస్టర్ ప్రూఫ్ జోన్ లో నిర్మించినట్లు గుర్తించారు. ఈ మందిరంలో ఉన్న రాళ్లను కనెక్ట్ చేయడానికి ఇంటర్ లాకింగ్ టెక్నాలజీని యూజ్ చేశారు.

కేదార్‌నాథ్ ఆలయం ఎదుర్కొన్న అతిపెద్ద ప్రకృతి విపత్తుల్లో 2013 జూన్‌లో వచ్చిన వరదలు ముఖ్యమైనవి. ఉత్తరాఖండ్‌లో కురిసిన భారీ వర్షాలు, హిమనదుల నుంచి వచ్చిన నీరు, కొండచరియలు విరిగిపడటంతో కేదార్‌నాథ్ ప్రాంతం తీవ్రంగా దెబ్బతింది. ఆలయం చుట్టుపక్కల ఉన్న భవనాలు, దుకాణాలు, రహదారులు వరదల్లో కొట్టుకుపోయాయి.

అయితే ప్రధాన ఆలయం మాత్రం నిలబడింది. దీనికి వెనుక ఉన్న భారీ బండరాయి ఒక కారణమని చెబుతారు. వరద ప్రవాహంతో కొండపై నుంచి దూసుకొచ్చిన ఈ బండరాయి ఆలయం వెనుక కొంత దూరంలో ఆగిపోయి, నీరు, శిథిలాల ప్రవాహాన్ని ఆపేశాయట. దీనినే 'భీమ్ శిల'గా పిలుస్తారు.

ఈ విపత్తు తర్వాత భారత పురావస్తు శాఖ (ASI) ఆలయ పరిరక్షణ పనులు చేపట్టింది. దెబ్బతిన్న ప్రాంతాల్లో రాళ్లను తిరిగి అమర్చడం, పునాదుల స్థితిని పరిశీలించడం, ఆలయ నిర్మాణాన్ని కాపాడేందుకు అవసరమైన మరమ్మతులు చేయడం వంటి పనులు చేపట్టారు.

Post Office Scheme: రోజుకు కేవలం 2 రూపాయలకే రూ.15 లక్షల ఇన్సూరెన్స్.. పోస్టాఫీస్ సూపర్ స్కీమ్ !

Mahesh Rajamoni — Sun, 08 Nov 2026 08:56:46 +0530

Post Office Scheme: ఇండియా పోస్ట్ పేమెంట్స్ బ్యాంక్ (IPPB) అందిస్తున్న గ్రూప్ యాక్సిడెంటల్ గార్డ్ పాలసీ ద్వారా రోజుకు కేవలం రూ.2 చెల్లించి రూ.15 లక్షల వరకు ప్రమాద బీమా పొందవచ్చు. పోస్టాఫీస్ అందిస్తున్న ఈ సూపర్ స్కీమ్ పూర్తి వివరాలు ఇలా ఉన్నాయి..

సామాన్యులకు సైతం ఆర్థిక భద్రత కల్పించేలా ఇండియా పోస్ట్ పేమెంట్స్ బ్యాంక్ (IPPB) పలు రకాల బీమా పథకాలను అందుబాటులోకి తెచ్చింది. ఇందులో భాగంగా ప్రవేశపెట్టిన 'గ్రూప్ యాక్సిడెంటల్ గార్డ్ పాలసీ' ప్రస్తుతం ప్రజలను విపరీతంగా ఆకర్షిస్తోంది. రోజువారీ కూలీలు, రైతులు, ఆటో డ్రైవర్లు, వివిధ రంగాల కార్మికులు అందరూ ఈ పథకం ద్వారా లబ్ధి పొందవచ్చు. అత్యంత తక్కువ ప్రీమియంతో భారీ మొత్తంలో ఆర్థిక భరోసా కల్పించడమే ఈ స్కీమ్ ప్రధాన ఉద్దేశం.

ఈ పథకంలో భాగంగా సంవత్సరానికి రూ.750 ప్రీమియం చెల్లించడం ద్వారా రూ.15 లక్షల వరకు ప్రమాద బీమా లభిస్తుంది. అంటే రోజువారీ లెక్కన చూస్తే కేవలం రూ.2 మాత్రమే ఖర్చు అవుతుంది. అలాగే రూ.5 లక్షల కవరేజ్ కోసం సంవత్సరానికి రూ.350, రూ.10 లక్షల కవరేజ్ కోసం సంవత్సరానికి రూ.550 చొప్పున వేర్వేరు ప్లాన్లు అందుబాటులో ఉన్నాయి. 18 సంవత్సరాల నుండి 65 సంవత్సరాల వయస్సు గల ఎవరైనా ఈ పాలసీని తీసుకోవడానికి అర్హులు.

ఈ గ్రూప్ యాక్సిడెంటల్ గార్డ్ పాలసీ కింద కేవలం రోడ్డు ప్రమాదాలే కాకుండా అనేక రకాల ఊహించని ప్రమాదాలు కవర్ అవుతాయి. పాము కాటుకు గురికావడం, కరెంట్ షాక్ తగలడం, నిర్మాణంలో ఉన్న భవనాలపై నుంచి కింద పడిపోవడం వంటి అనేక ఆకస్మిక ప్రమాదాలకు ఈ బీమా వర్తిస్తుంది. అంతేకాకుండా యాక్సిడెంటల్ డెత్, శాశ్వత పూర్తి వైకల్యం, శాశ్వత పాక్షిక వైకల్యం వంటి వాటికి పూర్తి బీమా మొత్తం చెల్లిస్తారు.

ఈ పాలసీ కేవలం మరణం లేదా వైకల్యానికే పరిమితం కాకుండా అనేక వైద్య, కుటుంబ ప్రయోజనాలను అందిస్తుంది. ప్రమాదవశాత్తు ఓపీ వైద్య ఖర్చుల కోసం రూ.30,000 వరకు (ప్రతి టెన్సెస్ కు రూ.1500 చొప్పున), యాక్సిడెంటల్ ఇన్-పేషెంట్ కోసం రూ.60,000 వరకు కవరేజ్ లభిస్తుంది. అలాగే కోమాటోస్ బెనిఫిట్ కింద రూ.1,00,000 వరకు, విరిగిన ఎముకల కొరకు రూ.1,00,000 వరకు, కుటుంబ రవాణా ప్రయోజనాల నిమిత్తం రూ.25,000 వరకు అందుతాయి.

ఈ పాలసీలో కుటుంబానికి మరింత భద్రత కల్పించే ప్రత్యేక నిబంధనలు ఉన్నాయి. గరిష్ఠంగా ఇద్దరు పిల్లల విద్య కోసం రూ.1,00,000 వరకు విద్యా ప్రయోజనం అందిస్తారు. అంత్యక్రియల ఖర్చుల కోసం రూ.5,000, న్యూట్రిషనల్ లేదా మానసిక ఆరోగ్యం కోసం 4 కన్సల్టేషన్లు ఉచితం, అన్‍లిమిటెడ్ టెలి కన్సల్టేషన్స్ (ఓపీ) సౌకర్యం కూడా లభిస్తుంది. సులభమైన నమోదు విధానం, క్విక్ క్లైమ్ సెటిల్మెంట్ ద్వారా ఇండియా పోస్ట్ పేమెంట్స్ బ్యాంక్ ఈ సేవలను అందిస్తోంది.

Bobbili Puli Movie Review: ఎన్టీఆర్ సినిమా కోసం రోడ్లెక్కి నిరాహార దీక్షలు చేసిన జనం, బొబ్బిలి పులి రివ్యూ..

Mahesh Jujjuri — Sun, 08 Nov 2026 08:42:55 +0530

Bobbili Puli Movie Review: తెలుగు సినిమా చరిత్రలో కొన్ని సినిమాలు కేవలం వినోదంకోసం కాకుండా సమాజానికి ఒక మంచి సందేశాన్ని కూడా ఇస్తాయి. అలాంటి వాటిలో నందమూరి తారక రామారావు (ఎన్టీఆర్), శ్రీదేవి జంటగా నటించిన 'బొబ్బిలి పులి' ఒకటి.

1982 జూలై 9న ప్రేక్షకుల ముందుకు వచ్చిన బొబ్బిలి పులి సినిమా అప్పట్లో సంచలన విజయాన్ని అందుకుంది. ముఖ్యంగా ఎన్టీఆర్ చెప్పిన పవర్‌ఫుల్ డైలాగులు, ఆయన తెరపై ప్రదర్శించిన గంభీరమైన నటన, దాసరి నారాయణరావు అద్భుతమైన స్క్రీన్ ప్లే.. ఈ సినిమాను ప్రత్యేకంగా నిలబెట్టాయి. దశాబ్దాలు గడిచినా ఈ సినిమా గురించి చర్చించుకుంటున్నారంటే అందులోని బలమైన ఎమోషన్స్ త పాటు .. సామాజిక సందేశం ఎంత ప్రభావం చూపాయో అర్థం చేసుకోవచ్చు. ఈ చిత్రం బాక్సాఫీస్ రికార్డులను తిరగరాయడమే కాకుండా, ఎన్టీఆర్ రాజకీయ రంగ ప్రవేశానికి ఒక బలమైన పునాదిగా మారింది.

దేశ సరిహద్దుల్లో శత్రువులతో పోరాడుతూ, తన ప్రాణాలను సైతం లెక్కచేయకుండా దేశ రక్షణ కోసం పనిచేసే సైనికుడే మేజర్ చక్రధర్(ఎన్టీఆర్). దేశం కోసం తన జీవితాన్ని అంకితం చేసిన ఈ సైనికుడు తన వ్యక్తిగత జీవితాన్ని, కుటుంబ అనుబంధాలను సైతం పక్కనపెట్టి దేశం కోసం, సైనికుడిగా తన ఉద్యోగానికే ఇంపార్టెన్స్ ఇస్తాడు.

అయితే దేశం కోసం పోరాడుతున్న ఒక సైనికుడికి తన సొంత దేశంలోనే మరో రకమైన శత్రువులు ఉన్నారని తెలిసినప్పుడు పరిస్థితులు పూర్తిగా మారిపోతాయి. సైనిక బాధ్యతలు ముగించుకుని తన ఊరికి తిరిగి వచ్చిన చక్రధర్‌కు అక్కడి పరిస్థితులు తీవ్ర నిరాశను కలిగిస్తాయి. సొంత ఊరికి తిరిగొచ్చిన చక్రధర్ కు సమాజంలో వేళ్లూనుకున్న అవినీతి, అక్రమాలు, కల్తీ వ్యాపారాలు, స్వార్థ రాజకీయాలు స్వాగతం పలుకుతాయి.

ఆ దారుణమైన వాతావరణంలో చక్రధర్ చెల్లెలు, ఆమె భర్త దారుణ హత్యకు గురవుతారు. చివరకు తన కన్నతల్లి (పుష్పలత) కూడా ఈ కల్తీ కోరలకే బలైపోతుంది. న్యాయస్థానాలు, పోలీసులు కూడా సమాజంలోని ధనవంతుల, రాజకీయనాయకుల అండతో ఉన్న అక్రమార్కులను ఏమీ చేయలేకపోవడం చూసి చక్రధర్ ఆవేశంతో రగిలిపోతాడు.

సమాజంలో అవినీతి, అక్రమాలు, దోపిడీలు, అన్యాయాలు పెరిగిపోవడం అతడిని కలచివేస్తాయి. ప్రజలను కాపాడాల్సిన కొందరు వ్యక్తులే తమ అధికారాన్ని అడ్డుపెట్టుకుని సామాన్యులను ఇబ్బందులకు గురిచేస్తుంటారు. చట్టాన్ని గౌరవించాల్సిన వ్యక్తులే చట్టాన్ని తమకు అనుకూలంగా మార్చుకుంటుంటారు.

ఇలాంటి పరిస్థితుల్లో మేజర్ చక్రధర్ మౌనంగా ఉండలేకపోతాడు. దేశం కోసం సరిహద్దుల్లో పోరాడిన తాను, దేశంలో జరుగుతున్న అన్యాయాలను కూడా ఎదిరించాల్సిన బాధ్యత ఉందని భావిస్తాడు. అక్కడి నుంచే అతడి పోరాటం మొదలవుతుంది. అన్యాయాన్ని ప్రశ్నిస్తూ, అవినీతిపరులను ఎదుర్కొంటూ ప్రజల పక్షాన నిలబడతాడు.

ఈ క్రమంలో అతడికి ఎదురయ్యే సమస్యలు, వ్యక్తిగత జీవితంలో చోటుచేసుకునే పరిణామాలు, అధికార వ్యవస్థతో జరిగే సంఘర్షణ కథను ఆసక్తికరంగా ముందుకు తీసుకెళ్తాయి. ఒక సైనికుడి పోరాటం చివరకు ఎలాంటి మలుపు తిరిగింది? సమాజంలోని దుర్మార్గులను ఎదిరించిన చక్రధర్‌కు ఎలాంటి పరిణామాలు ఎదురయ్యాయి? న్యాయం కోసం అతడు చేసిన పోరాటం ఎక్కడ ముగిసింది? అనేదే సినిమా ప్రధాన కథ.

ఎన్టీఆర్ కెరీర్‌లోనే 'బొబ్బిలి పులి' ఒక మైలురాయి లాంటి పాత్ర. ఆర్మీ ఆఫీసర్‌గా మిలిటరీ డ్రెస్ లో ఆయన చూపించిన గంభీర్యం, కోర్టు బోనులో నిలబడి సమాజంలో జరుగుతున్న అన్యాయాలు ఎండగడుతూ చెప్పే డైలాగ్స్ ప్రేక్షకులను ఇప్పటికీ ఉర్రూతలూగిస్తాయి. ఇక హీరోయిన్ గా శ్రీదేవి నటన గురించి ప్రత్యేకంగా చెప్పనక్కర్లేదు. పబ్లిక్ ప్రాసిక్యూటర్ విజయ పాత్రలో చక్రధర్ ప్రేయసిగా, నిబద్ధత కలిగిన న్యాయవాదిగా శ్రీదేవి తన పాత్రలో ఒదిగిపోయారు.

ఎన్టీఆర్‌తో ఆమె కెమిస్ట్రీ స్క్రీన్‌పై చాలా బాగుంటుంది. కోర్టు సీన్లలో ఆమె వేసే ప్రశ్నలు, చక్రధర్ ఇచ్చే సమాధానాలు ఉత్కంఠను పెంచుతాయి. ఈ సినిమాకు విలన్లు గా రావు గోపాలరావు, కైకాల సత్యనారాయణ.. ఇతర పాత్రల్లో కొంగర జగ్గయ్య, మురళీమోహన్, అల్లు రామలింగయ్య వంటి దిగ్గజ నటులు తమ తమ పాత్రలకు పూర్తి న్యాయం చేశారు.

సాంకేతిక వర్గం (Technical Aspects)

బొబ్బిలి పులి సినిమాకు ప్రాణం పోశారు దాసరి నారాయణరావు. ఆయన కథ మాత్రమే కాదు రాసిన డైలాగ్స్ కూడా ఈ సినిమాకు ఊపిరి పోశాయి. దేశభక్తిని, సమాజంలో ఉన్న కుళ్లును ఎండగడుతూ ఆయన రాసిన డైలాగులు ఎన్టీఆర్ నోటి వెంట వస్తుంటే థియేటర్లలో ఈలలు, కేకలు వినబడేవి. దాసరి స్క్రీన్‌ప్లే సినిమాను ఎక్కడా బోర్ కొట్టకుండా వేగంగా నడిపిస్తుంది.

ఇక దాసరి కథకు తగ్గట్టుగా.. ఎన్టీఆర్ ఇమేజ్ ను డబుల్ చేస్తూ.. జె.వి. రాఘవులు అందించిన పాటలు ఎవర్ గ్రీన్ హిట్స్ గా నిలిచాయి. “జననీ జన్మభూమిశ్చ స్వర్గాదపి గరీయసీ” – ఈ పాట తెలుగు వారి గుండెల్లో చిరస్థాయిగా నిలిచిపోయిన మహత్తర దేశభక్తి గీతం. “తెల్లా తెల్లని చీరలోన” , “అది ఒకటో నంబర్ బస్సు” – మాస్ ప్రేక్షకులను అమితంగా ఆకట్టుకున్నాయి.

బొబ్బిలి పులి' సినిమా వెనుక చాలా విషయాలు జరిగాయి. 1982 మార్చిలో ఎన్టీఆర్ "తెలుగుదేశం పార్టీ" ని స్థాపించిన కొద్ది నెలలకే (జూలై 1982) ఈ సినిమా విడుదలైంది. చిత్రంలోని రాజకీయ, సామాజిక విమర్శలు ప్రజల్లో పెద్ద ఎత్తున చైతన్యాన్ని తెచ్చి, ఎన్టీఆర్ అధికారంలోకి రావడానికి ఒక శక్తివంతమైన సాధనంగా ఉపయోగపడ్డాయి. ఈ సినిమాలో ప్రభుత్వంపై, వ్యవస్థపై ఉన్న ఘాటైన విమర్శల కారణంగా అప్పటి అధికార కాంగ్రెస్ ప్రభుత్వం సినిమా విడుదలను అడ్డుకోవాలని చూసింది.

దాంతో సినిమాను వెంటనే విడుదల చేయాలని అభిమానులు ఏకంగా నిరాహార దీక్షలు చేశారు. వివాదం పెద్దది అవ్వడంతో.. సెన్సార్ బోర్డు వివాదాల నడుమ కొన్ని కట్స్ ఇచ్చి 'A' సర్టిఫికేట్ జారీ చేసింది. అప్పట్లో 'A' సర్టిఫికేట్ వచ్చిన సినిమాలు ఆడవనే సెంటిమెంట్‌ ఉండేది. కానీ దాన్ని పటాపంచలు చేస్తూ, బొబ్బిలి పులి రూ. 3.5 కోట్లకు పైగా వసూలు చేసి ఆ కాలంలో అత్యధిక వసూళ్లు సాధించిన చిత్రాల్లో ఒకటిగా నిలిచింది. ఈ చిత్రం 39 కేంద్రాలలో 100 రోజులు, హైదరాబాద్ లో స్వర్ణోత్సవం (50 వారాలు) పూర్తి చేసుకుంది.

ఫైనల్ గా చెప్పాలంటే..

‘బొబ్బిలి పులి’ కేవలం ఒక ఎంటర్టైన్మెంట్ ను అందించే సినిమా మాత్రమే కాదు... అన్యాయాన్ని ఎదిరించే ఒక పవర్ ఫుల్ సామాజిక ఆయుధం. ఎన్టీఆర్ నటన, దాసరి పవర్‌ఫుల్ డైరెక్షన్ , జె.వి. రాఘవులు సంగీతం ఈ చిత్రాన్ని తెలుగు సినిమా చరిత్రలో ఒక క్లాసిక్‌గా నిలబెట్టాయి. ఈమూవీ చూడాలి అనుకునేవారికి యూట్యూబ్ లో అందుబాటులో ఉంది.

Ramayana Collection Day 3: రామాయణ బాక్సాఫీస్ వద్ద భారీ కంబ్యాక్.. మూడో రోజు ఈ సినిమా కలెక్షన్స్ ఎంతంటే?

Mahesh Jujjuri — Sun, 08 Nov 2026 08:22:32 +0530

Ramayana Collection Day 3: రణబీర్ కపూర్, సాయి పల్లవి, యశ్ నటించిన 'రామాయణ: పార్ట్ వన్' బాక్సాఫీస్ దగ్గర సూపర్ కంబ్యాక్ ఇచ్చింది. శుక్రవారం తగ్గిన కలెక్షన్స్ శనివారం భారీగా పెరిగాయి. ఈ మూడో రోజు కలెక్షన్లతో సినిమాకు కొత్త ఊపు వచ్చింది.

రణబీర్ కపూర్ (Ranbir Kapoor), సాయి పల్లవి (Sai Pallavi), రవి దూబే (Ravie Dubey), యశ్ (Yash) నటించిన మోస్ట్ అవేటెడ్ మూవీ 'రామాయణ: పార్ట్ వన్' (Ramayana: Part One) బాక్సాఫీస్ వద్ద సాలిడ్ కంబ్యాక్ ఇచ్చింది. రిలీజ్ రోజున మంచి ఓపెనింగ్స్ వచ్చినా, శుక్రవారం కలెక్షన్స్ తగ్గడంతో ట్రేడ్ వర్గాల్లో కాస్త టెన్షన్ మొదలైంది. అయితే శనివారం థియేటర్లకు జనాలు భారీగా రావడంతో కలెక్షన్స్ అమాంతం పెరిగాయి.

నితీష్ తివారీ (Nitesh Tiwari) డైరెక్ట్ చేసిన ఈ సినిమా నవంబర్ 5 గురువారం రిలీజ్ అయింది. బంపర్ ఓపెనింగ్స్ వస్తాయని అందరూ అనుకున్నారు. కానీ దీపావళికి ముందు రిలీజ్ కావడం కలెక్షన్స్ పరంగా కాస్త ఛాలెంజింగ్ అని చెబుతారు. అందులోనూ శుక్రవారం వర్కింగ్ డే కావడంతో కలెక్షన్స్ తగ్గాయి. దీంతో ట్రేడ్ విశ్లేషకులు కొంచెం ఆందోళన చెందారు. అయితే శనివారం వసూళ్లలో భారీ జంప్ సినిమాకు కొత్త స్పీడ్ ఇచ్చింది. సినిమా గురించి నెగిటివ్ గా మాట్లాడేవాళ్లకు ఈ కలెక్షన్లే గట్టి సమాధానం చెప్పాయని రిపోర్ట్స్ చెబుతున్నాయి.

Sacnilk రిపోర్ట్ ప్రకారం, శనివారంవరకు 'రామాయణ' ఇండియాలో ఒకే రోజు రూ.69.80 కోట్ల నెట్ కలెక్ట్ చేసింది. వివిధ భాషల్లో సినిమా కలెక్షన్స్ ఇలా ఉన్నాయి:

హిందీ: 18,848 షోల ద్వారా రూ.53 కోట్లు

కన్నడ: 907 షోల ద్వారా రూ.6.31 కోట్లు

తెలుగు: 1,556 షోల ద్వారా రూ.6 కోట్లు

తమిళం: 654 షోల ద్వారా రూ.2.50 కోట్లు

ఈ లెక్కల ప్రకారం, శనివారం నాటికి సినిమా టోటల్ ఇండియా నెట్ కలెక్షన్ రూ.182.70 కోట్లకు చేరింది. ఇండియాలో టోటల్ గ్రాస్ రూ.218.25 కోట్లు అని రిపోర్ట్ తెలిపింది.

శనివారం కలెక్షన్స్ పెరిగినట్లే ఆదివారం కూడా మంచి వసూళ్లు వస్తాయని భావిస్తున్నారు. ఆదివారం ఇండియాలో రూ.50 కోట్లకు పైగా కలెక్ట్ చేస్తుందని అంచనా. కానీ దీపావళి పూజల వల్ల సాయంత్రం, రాత్రి షోలకు ఆడియెన్స్ కాస్త తగ్గే ఛాన్స్ ఉంది. కాబట్టి ఆదివారం ఫైనల్ కలెక్షన్స్‌పై పండుగ ప్రభావం కచ్చితంగా ఉంటుంది.

ఇక సోమవారం నుంచి బాక్సాఫీస్ కలెక్షన్స్‌లో మరింత భారీ జంప్ ఉంటుందని ఆశిస్తున్నారు. వీక్ స్టార్టింగ్ లో వచ్చే రెస్పాన్స్ పైనే 'రామాయణ' తదుపరి బాక్సాఫీస్ రన్ ఆధారపడి ఉంటుంది.

Printed Blouse: అన్ని రకాల చీరలకు మ్యాచ్ అయ్యే ప్రింటెడ్ బ్లౌజులు

ramya Sridhar — Sun, 08 Nov 2026 08:04:32 +0530

ప్రింటెడ్ కాటన్ బ్లౌజ్: చీర కట్టుకోవడం ప్రతి మహిళకూ ఇష్టమే. ఈ సీజన్‌లో మీ చీరలకు మరింత అందాన్ని తెచ్చే 5 ట్రెండీ కాటన్ బ్లౌజ్ డిజైన్స్ గురించి ఇక్కడ తెలుసుకుందాం.

Chanakya Niti: ఉదయం లేచిన వెంటనే ఏం చూడాలి? ఏం చూడకూడదు..?

ramya Sridhar — Sun, 08 Nov 2026 07:56:58 +0530

Chanakya Niti: ఉదయం నిద్ర లేచిన వెంటనే మనం ఏం చేస్తున్నాం...ఏం చూస్తున్నాం అనే విషయంపై మన రోజంతా ఆధారపడి ఉంటుంది. అసలు లేవగానే... ఎలాంటి దృశ్యాలు చూడాలి అని చాణక్యుడు చెబుతున్నాడు.

మనం ఉదయాన్నే నిద్రలేచే సమయం, లేచిన వెంటనే చూసే దృశ్యాలు, కలిసే వ్యక్తులు ఆ రోజంతా మన మానసిక స్థితిని , ఆలోచనలను తీవ్రంగా ప్రభావితం చేస్తాయి. రోజును ప్రశాంతంగా, సానుకూల దృక్పథంతో ప్రారంభించడం అనేది రోజంతా విజయాన్ని, సంతోషాన్ని ఇస్తుంది.

భారతీయ గొప్ప దౌత్యవేత్త, వ్యూహకర్త అయిన చాణక్యుని నీతి ప్రకారం.. ఉదయాన్నే మన కంటికి ఎలాంటి దృశ్యాలు పడకూడదు? మనస్సును ప్రశాంతంగా ఉంచుకోవడానికి ఎలాంటి అలవాట్లు పాటించాలో ఇప్పుడు వివరంగా తెలుసుకుందాం..

ఉదయాన్నే నిద్రలేచిన వెంటనే నిరంతరం కోపంగా మాట్లాడేవారు, ప్రతి విషయానికీ విమర్శలు చేసేవారు, ఇతరులపై నెగెటివిటీని వ్యాప్తి చేసే వ్యక్తులను చూడటం లేదా వారితో మాట్లాడటం మంచిది కాదు. మనసు ప్రశాంతంగా ఉన్న సమయంలో ఇటువంటి వారిని కలవడం వల్ల చికాకు, తీవ్రమైన మానసిక ఒత్తిడి ఏర్పడతాయి. దీనికి బదులుగా, ఉదయాన్నే ప్రశాంతంగా, నవ్వుతూ , సానుకూల ఆలోచనలతో ఉండే వ్యక్తులతో రోజును ప్రారంభించడం వల్ల మన మూడ్ రోజంతా బాగుంటుంది.

2. గొడవలు, వాదనలు

ఉదయాన్నే లేవగానే ఇంట్లో లేదా బయట ఇతరులు పడే గొడవలు, వాదనలు చూడకూడదు. ఉదయాన్నే మనస్సు సమస్యాత్మక దృశ్యాలను చూస్తే.. తెలియకుండానే భయం, కోపం, ఒత్తిడి పెరుగుతాయి. చాలామందికి లేవగానే ఫోన్ చూసే అలవాటు ఉంటుంది. అయితే ఉదయాన్నే సోషల్ మీడియాలో గొడవలు, ప్రమాదాలు, హింసాత్మక వీడియోలు చూడటం మానుకోవాలి. దానికి బదులుగా మంచి ప్రశాంతమైన సమాచారం లేదా ఆధ్యాత్మిక విషయాలు చదవడం మేలు.

నిద్రలేవగానే చిందరవందరగా ఉన్న గదిని లేదా వస్తువులు చెల్లాచెదురుగా పడి ఉన్న ఇంటిని చూస్తే మనస్సులో తెలియని గందరగోళం, అలసట మొదలవుతాయి. రాత్రి పడుకునే ముందే గదిని సర్దుకోవడం వల్ల ఉదయాన్నే కంటికి ప్రశాంతత లభిస్తుంది. ఉదయాన్నే ఏ పని చేయకుండా సమయాన్ని వృథా చేసేవారిని, బద్ధకంగా పడుకునే వారిని చూడకూడదు. నిద్రలేచిన వెంటనే బెడ్ సర్దుకోవడం, ముఖం కడుక్కోవడం, కాసేపు నడవడం వంటి పనులతో రోజంతా చురుగ్గా ఉండేలా చూసుకోవాలి.

4. అద్దం, జంతువుల పోరాటాలు..

చాణక్య నీతి వివరణల ప్రకారం.. ఉదయం నిద్రలేచిన వెంటనే అద్దంలో ముఖం చూసుకోవడం అంత శ్రేయస్కరం కాదు. అలాగే ఉదయాన్నే కుక్కలు, పిల్లులు లేదా ఇతర జంతువులు పోట్లాడుకునే దృశ్యాలను చూడకూడదు. ఇలాంటి దృశ్యాలు మనస్సుకు అశాంతిని, ప్రతికూల ఆలోచనలను కలిగిస్తాయి కాబట్టి ప్రశాంతమైన వాతావరణంలో రోజును ప్రారంభించాలి.

ఉదయం లేవగానే చేయాల్సిన పనులు...

ఫోన్ వాడకం వాయిదా వేయండి: నిద్రలేచిన వెంటనే కనీసం 30 నిమిషాల పాటు మొబైల్ ఫోన్‌కు దూరంగా ఉండండి.

ఆ రోజు ప్రణాళిక : ఆ రోజంతా చేయాల్సిన ముఖ్యమైన పనుల గురించి ఒక ప్రశాంతమైన ప్రణాళిక వేసుకోండి.

సున్నితమైన వ్యాయామం / నడక: లేచిన వెంటనే కాసేపు వ్యాయామం చేయడం లేదా పచ్చని ప్రకృతిలో నడవడం వల్ల శరీరం, మనస్సు ఉత్తేజితమవుతాయి.

ప్రశాంతమైన సంగీతం: ఉదయాన్నే ఇంట్లో తేలికపాటి, ప్రశాంతమైన సంగీతం లేదా శ్లోకాలు వినడం వల్ల సానుకూల తరంగాలు ఏర్పడతాయి.

పరిశుభ్రత: లేచిన వెంటనే మీ పడకను సర్దుకోవడం ఒక చిన్న విజయం లాంటిది, ఇది రోజంతా మిమ్మల్ని క్రమశిక్షణతో ఉంచుతుంది.

శాస్త్రీయంగా ఉదయం చూసే దృశ్యాలే రోజంతటిని నిర్ణయిస్తాయని చెప్పలేకపోయినా, మంచి, ప్రశాంతమైన వాతావరణంలో రోజును ప్రారంభించడం అనేది మన శారీరక, మానసిక ఆరోగ్యానికి ఎంతో మేలు చేస్తుంది.

Weather Update: ఈశాన్య గాలుల ఎఫెక్ట్.. ఏపీ, తెలంగాణలలో దంచికొట్టనున్న వానలు.. ఈ ప్రాంతాలకు అలర్ట్

Mahesh Rajamoni — Sun, 08 Nov 2026 07:52:52 +0530

Weather Update: ఈశాన్య గాలుల ప్రభావంతో కోస్తా, రాయలసీమల్లో రెండు రోజుల పాటు మోస్తారు నుంచి భారీ వర్షాలు కురుస్తాయనిన భారత వాతావరణ శాఖ హెచ్చరించింది. తెలంగాణలో కూడా పలు ప్రాంతాలలో వానలు పడతాయని ఐఎండీ తెలిపింది.

ప్రస్తుత వాతావరణ పరిస్థితులతో తెలుగు రాష్ట్రాల్లో వర్షాలు పలకరించనున్నాయి. ఈశాన్య గాలుల ప్రభావం బలంగా వీస్తున్న కారణంగా ఆంధ్రప్రదేశ్, తెలంగాణ రాష్ట్రాల్లో రానున్న రెండు రోజుల పాటు వాతావరణం ఒక్కసారిగా మారిపోనుంది. అమరావతిలోని విపత్తుల నిర్వహణ సంస్థ, వాతావరణ శాఖ అందించిన వివరాల ప్రకారం, కోస్తాంధ్ర, రాయలసీమ అలాగే తెలంగాణ వ్యాప్తంగా పలు ప్రాంతాల్లో వర్షాలు కురిసే అవకాశం ఉంది. రాబోయే వాతావరణ మార్పుల పట్ల ప్రజలు అప్రమత్తంగా ఉండాలని అధికారులు సూచిస్తున్నారు.

ఆంధ్రప్రదేశ్ లోని కోస్తా, రాయలసీమ జిల్లాల్లో ఆది, సోమవారాల్లో అక్కడక్కడా తేలికపాటి నుంచి మోస్తరు వర్షాలు కురిసే ఛాన్స్ ఉంది. అమరావతి, విశాఖపట్నం వాతావరణ కేంద్రాల అంచనా ప్రకారం రానున్న 24 నుంచి 48 గంటల్లో పలు ప్రాంతాల్లో వాతావరణం మేఘావృతం అయి చిరుజల్లులు లేదా మోస్తరు వర్షాలు పడనున్నాయి. కొన్ని చోట్ల ఉరుములు, మెరుపులతో పాటు గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని వాతావరణ శాఖ హెచ్చరిక జారీ చేసింది.

తెలంగాణ రాష్ట్రంలో కూడా వాతావరణం మారిపోయింది. భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, జనగాం, రంగారెడ్డి, నాగర్ కర్నూల్, యాదాద్రి భువనగిరి జిల్లాలలో అక్కడక్కడ ఉరుములు, మెరుపులతో పాటు గంటకు 30-40 కి.మీ వేగంతో బలమైన ఈదురుగాలులతో కూడిన వర్షాలు సంభవించే అవకాశం ఉందని బులెటిన్ పేర్కొంది.

వాతావరణ శాఖ హెచ్చరికల నేపథ్యంలో లోతట్టు ప్రాంతాల ప్రజలు, ప్రయాణికులు అప్రమత్తంగా ఉండాలి. రోడ్లపై నీరు నిలిచే అవకాశం ఉన్నందున ట్రాఫిక్ రద్దీ ఏర్పడవచ్చు. ఎక్కడికైనా బయటికి వెళ్లేటప్పుడు తగిన జాగ్రత్తలు తీసుకోవడం మంచిదని అధికారులు సూచిస్తున్నారు.

అలాగే బలహీనమైన నిర్మాణాలు, హోర్డింగ్‌లు, చెట్ల కింద ఎవరూ తలదాచుకోవద్దని అధికారులు హెచ్చరిస్తున్నారు. వ్యవసాయదారులు ఈ వాతావరణ పరిస్థితులను దృష్టిలో ఉంచుకుని తమ వ్యవసాయ పనులను తగిన జాగ్రత్తలతో కొనసాగించాలి. ఒంటరిగా ఉన్న చెట్ల కింద ఆశ్రయం పొందవద్దు, ఎందుకంటే అవి పిడుగుపాటుకు గురయ్యే ప్రమాదం ఉంది.

Weekly Horoscope: 12 రాశుల వారఫలాలు.. ఈ వారం ఎవరికి ధనయోగం? ఎవరికి కష్టకాలం?

Kavitha G — Sun, 08 Nov 2026 07:00:24 +0530

Weekly Horoscope: ఈ వార ఫలాలు 8.11.2026 నుంచి 14.11.2026 వరకు సంబంధించినవి. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల వార ఫలాలు ఇక్కడ తెలుసుకోండి.

ఈ వార ఫలాలు పంచాంగకర్త ఫణికుమార్ అందిస్తున్నారు. ఈ వారం ఏ రాశి వారికి ఎలా ఉందో ఇక్కడ వివరంగా తెలుసుకుందాం.

మేష రాశి వారికి ఈ వారం మిశ్రమ ఫలితాలు ఉన్నాయి. ఉద్యోగాలలో కొత్త బాధ్యతలు వచ్చే అవకాశం ఉంది. గతంలో నిలిచిపోయిన పనులను పూర్తి చేయడానికి ప్రయత్నిస్తారు. వ్యాపారులు తొందరపడి పెట్టుబడులు పెట్టకుండా పరిస్థితులను అంచనా వేయాలి. ఆర్థికంగా ఆదాయం బాగానే ఉన్నప్పటికీ అనవసర ఖర్చులు పెరగవచ్చు. కుటుంబ సభ్యులతో చిన్నపాటి అభిప్రాయ భేదాలు వచ్చే అవకాశం ఉంది. జీవిత భాగస్వామితో మాట్లాడేటప్పుడు సంయమనం పాటించాలి. విద్యార్థులు చదువుపై ఏకాగ్రత పెంచుకోవాలి. ఆరోగ్యం విషయంలో నిర్లక్ష్యం వద్దు.

వృషభ రాశి వారికి ఈ వారం అనుకూలమైన ఫలితాలు లభించే సూచనలు ఉన్నాయి. ఉద్యోగంలో మీ ప్రతిభకు గుర్తింపు లభించవచ్చు. కొత్త అవకాశాలు వెతుక్కుంటూ వస్తాయి. వ్యాపారులకు లాభదాయకమైన ఒప్పందాలు కుదిరే సూచనలు ఉన్నాయి. అయితే భాగస్వామ్య వ్యాపారాల్లో అన్ని విషయాలను స్పష్టంగా మాట్లాడుకోవాలి. ఆర్థిక పరిస్థితి మెరుగుపడుతుంది. కుటుంబంలో సంతోషకరమైన వాతావరణం ఉంటుంది. చాలాకాలంగా ఎదురుచూస్తున్న శుభవార్త వినవచ్చు. ప్రేమికులకు అనుకూల సమయం. ఆరోగ్యం సాధారణంగా ఉంటుంది.

మిథున రాశి వారికి ఈ వారం పనుల్లో కొంత ఒత్తిడి ఉన్నప్పటికీ క్రమంగా పరిస్థితులు మెరుగుపడతాయి. ఉద్యోగులు తమ మాటతీరుతో పై అధికారులను ఆకట్టుకుంటారు. ముఖ్యమైన పత్రాలు, ఒప్పందాలను జాగ్రత్తగా పరిశీలించాలి. వ్యాపారంలో కొత్త ఆలోచనలు ప్రయోజనకరంగా మారవచ్చు. ఆర్థిక విషయాల్లో గతంలో చేసిన పొరపాట్లను సరిదిద్దుకునే అవకాశం ఉంటుంది. కుటుంబ సభ్యులతో సమయం గడపడం వల్ల మానసిక ప్రశాంతత లభిస్తుంది. విద్యార్థులు పోటీ పరీక్షలపై ప్రత్యేక దృష్టి పెట్టాలి. ప్రయాణాల్లో జాగ్రత్త అవసరం.

కర్కాటక రాశి వారికి ఈ వారం ఆత్మవిశ్వాసం పెరుగుతుంది. ఉద్యోగంలో కొత్త బాధ్యతలు చేపట్టే అవకాశం ఉంది. గతంలో చేసిన కష్టానికి తగిన గుర్తింపు లభించవచ్చు. వ్యాపారులు కొత్త పెట్టుబడుల విషయంలో ఆచితూచి వ్యవహరించాలి. ఆర్థికంగా కొంత ఊరట లభించినా కుటుంబ అవసరాల కోసం ఖర్చులు పెరిగే సూచనలు ఉన్నాయి. బంధుమిత్రులతో సంబంధాలు మెరుగుపడతాయి. జీవిత భాగస్వామి సహకారం లభిస్తుంది. ప్రేమ వ్యవహారాల్లో అపార్థాలకు తావివ్వకూడదు. విద్యార్థులు చదువులో పట్టుదలతో ముందుకు సాగాలి. ఆరోగ్యంపై శ్రద్ధ అవసరం.

సింహ రాశి వారికి ఈ వారం ఆత్మవిశ్వాసం, పట్టుదల పెరిగే అవకాశం ఉంది. ఉద్యోగంలో కీలకమైన బాధ్యతలు చేపడతారు. వ్యాపారులు కొత్త ప్రణాళికలు రూపొందిస్తారు. అయితే ఆవేశంతో నిర్ణయాలు తీసుకోవడం మంచిది కాదు. ఆర్థిక లావాదేవీల్లో జాగ్రత్త అవసరం. కుటుంబ సభ్యులతో సమన్వయం పాటించాలి. ప్రేమ వ్యవహారాల్లో తొందరపాటు వద్దు. ఆరోగ్యం విషయంలో తగిన జాగ్రత్తలు తీసుకోవాలి.

కన్య రాశి వారు ఈ వారం ఆర్థిక, కుటుంబ విషయాల్లో ఆచితూచి వ్యవహరించాల్సి ఉంటుంది. వ్యక్తిగత సంబంధాలు, సౌకర్యాలకు సంబంధించిన విషయాల్లో స్పష్టత పెరిగే అవకాశం ఉంది. ఉద్యోగులు పెండింగ్ పనులను పూర్తి చేయడంపై దృష్టి పెట్టాలి. వ్యాపారంలో కొత్త నిర్ణయాలు తీసుకునే ముందు పెద్దల సలహా తీసుకోవడం మంచిది. ఖర్చులు పెరగకుండా చూసుకోవాలి. కుటుంబంలో చిన్నపాటి సమస్యలు వచ్చినా చర్చల ద్వారా పరిష్కరించుకోవచ్చు. విద్యార్థులకు చదువుపై ఆసక్తి పెరుగుతుంది.

తుల రాశి వారికి ఈ వారం కొత్త పరిచయాలు, అవకాశాలు ఏర్పడే సూచనలు ఉన్నాయి. కమ్యూనికేషన్, ఉద్యోగ సంబంధిత వ్యవహారాల్లో క్రమంగా స్పష్టత రావచ్చు. ఉద్యోగులకు సహోద్యోగుల సహకారం లభిస్తుంది. వ్యాపారులు పాత బకాయిల వసూళ్లపై దృష్టి పెట్టవచ్చు. ఆర్థికంగా పరిస్థితి మెరుగుపడే అవకాశం ఉంది. కుటుంబంలో శుభకార్యాల ప్రస్తావన రావచ్చు. దాంపత్య జీవితంలో పరస్పర అవగాహన అవసరం. ప్రేమికులకు అనుకూల సమయం.

వృశ్చిక రాశి వారికి ఈ వారం కొన్ని విషయాల్లో పురోగతి కనిపిస్తుంది. ఉద్యోగంలో మీ సామర్థ్యాన్ని నిరూపించుకునే అవకాశాలు రావచ్చు. పై అధికారులతో మాట్లాడేటప్పుడు ఆలోచించి మాట్లాడాలి. వ్యాపారులకు కొత్త కస్టమర్లు పరిచయం కావచ్చు. అయితే అప్పులు ఇవ్వడం, తీసుకోవడం విషయంలో జాగ్రత్త అవసరం. ఆర్థికంగా ఆదాయం, ఖర్చుల మధ్య సమతుల్యత పాటించాలి. కుటుంబ సభ్యుల నుంచి సహకారం లభిస్తుంది. దూరప్రాంతాల నుంచి శుభవార్తలు అందుతాయి. .

ధనుస్సు రాశి వారికి ఈ వారం ఆశాజనకంగా ఉండే సూచనలు ఉన్నాయి. ఉద్యోగులకు కొత్త అవకాశాలు రావచ్చు. ప్రమోషన్ లేదా ఉద్యోగ మార్పు కోసం ప్రయత్నిస్తున్నవారు ప్రయత్నాలను కొనసాగించాలి. వ్యాపారులకు కొత్త పరిచయాలు ఉపయోగపడతాయి. ఆర్థిక పరిస్థితి మెరుగుపడే అవకాశం ఉన్నప్పటికీ విలాసవంతమైన ఖర్చులను తగ్గించుకోవాలి. కుటుంబంలో సంతోషకరమైన వాతావరణం ఉంటుంది. స్నేహితులతో కలిసి ముఖ్యమైన కార్యక్రమాల్లో పాల్గొంటారు.

మకర రాశి వారికి ఈ వారం బాధ్యతలు పెరిగే సూచనలు ఉన్నాయి. ఉద్యోగులు పనులను ప్రణాళికాబద్ధంగా పూర్తి చేయాలి. పై అధికారుల నుంచి ఒత్తిడి ఎదురైనా సహనంతో వ్యవహరించడం మంచిది. వ్యాపారులు గతంలో ప్రారంభించిన పనులపై దృష్టి పెట్టాలి. ఆర్థికంగా మిశ్రమ ఫలితాలు ఉంటాయి. అనవసర ఖర్చులను తగ్గించుకోవాలి. కుటుంబ సభ్యుల ఆరోగ్యం విషయంలో శ్రద్ధ చూపించాల్సి ఉంటుంది. జీవిత భాగస్వామితో చిన్నపాటి విభేదాలు వచ్చినా వాటిని పెద్దవి చేయకూడదు.

కుంభ రాశి వారు ఈ వారం కొత్త ఆలోచనలు, ప్రణాళికలతో ముందుకు సాగే అవకాశం ఉంది. ఉద్యోగంలో మీ పనితీరుకు ప్రశంసలు లభించవచ్చు. కొత్త ప్రాజెక్టులు చేపట్టే అవకాశం ఉంటుంది. వ్యాపారులు భాగస్వామ్య వ్యవహారాల్లో అప్రమత్తంగా ఉండాలి. ఆర్థికంగా ఆదాయం పెరిగే సూచనలు ఉన్నప్పటికీ పెట్టుబడుల విషయంలో తొందరపడకూడదు. కుటుంబంలో ఆనందకరమైన వాతావరణం ఉంటుంది. స్నేహితుల సహకారంతో కొన్ని సమస్యలు పరిష్కారమవుతాయి. ప్రేమికుల మధ్య అనుబంధం బలపడుతుంది.

మీన రాశి వారికి ఈ వారం సహనం, పట్టుదల చాలా అవసరం. పనుల్లో కొంత ఆలస్యం, బాధ్యతల భారం కనిపించవచ్చు. ఉద్యోగులు తమ పనులను వాయిదా వేయకుండా పూర్తి చేయాలి. వ్యాపారులు కొత్త ఒప్పందాలు కుదుర్చుకునే ముందు అన్ని అంశాలను పరిశీలించాలి. ఆర్థికంగా పొదుపుపై దృష్టి పెట్టాలి. కుటుంబ సభ్యులతో అనవసర వాదనలకు దూరంగా ఉండాలి. జీవిత భాగస్వామి సలహాలను గౌరవించడం మంచిది. విద్యార్థులు ఏకాగ్రతతో చదవాలి. ఆరోగ్యపరంగా విశ్రాంతి అవసరం.

Today Rasi Phalalu: నేడు ఓ రాశివారికి ధన లాభం, పనుల్లో విజయం, శుభవార్తలు!

Kavitha G — Sun, 08 Nov 2026 05:00:45 +0530

Today Rasi Phalalu: ఈ రాశి ఫలాలు 08.11.2026 ఆదివారానికి సంబంధించినవి. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి.

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. నేడు ఏ రాశి వారికి ఎలా ఉందో ఇక్కడ వివరంగా తెలుసుకుందాం.

ఉద్యోగాలలో అధికారులతో జాగ్రత్త అవసరం. దూర ప్రయాణాలు వాయిదా పడతాయి. చేపట్టిన పనులలో జాప్యం కలుగుతుంది. వ్యాపారాలు మందకొడిగా సాగుతాయి. సోదరులతో స్థిరాస్తి వివాదాలు కలుగుతాయి. ఆర్థిక విషయాలు నిరాశ కలిగిస్తాయి.

సమాజంలో ప్రముఖులతో పరిచయాలు పెరుగుతాయి. సన్నిహితుల నుంచి ధన లాభ సూచనలు ఉన్నాయి. చేపట్టిన పనుల్లో విజయం సాధిస్తారు. వ్యాపారాలు, ఉద్యోగాలు సజావుగా సాగుతాయి. ఆప్తుల నుంచి శుభవార్తలు అందుతాయి. వాహన కొనుగోలు ప్రయత్నాలు ఫలిస్తాయి.

బంధువుల నుంచి ఒక వ్యవహారంలో ఒత్తిడి తప్పదు. మిత్రులతో చిన్నపాటి విభేదాలు ఉంటాయి. ఆర్థిక విషయాలు నిరాశ పరుస్తాయి. ఉద్యోగాలలో నిరుత్సాహం తప్పదు. ఆకస్మిక ప్రయాణ సూచనలు ఉన్నాయి. వ్యాపారాలు అంతంత మాత్రంగా సాగుతాయి.

ఇంట్లో శుభకార్యాలు నిర్వహిస్తారు. ఇంటా బయటా అనుకూల పరిస్థితులు ఉంటాయి. నిరుద్యోగుల శ్రమ ఫలిస్తుంది. కొత్త వ్యక్తుల పరిచయాలు ఆనందాన్నిస్తాయి. వ్యాపార, ఉద్యోగాలలో మరింత ఉత్సాహకర వాతావరణం ఉంటుంది. చేపట్టిన పనులు సకాలంలో పూర్తి చేస్తారు.

ఇంట్లో ఆశ్చర్యకరమైన సంఘటనలు చోటుచేసుకుంటాయి. చేపట్టిన పనులు విజయవంతమవుతాయి. వ్యాపారాలు అభివృద్ధి చెందుతాయి. వృత్తి, ఉద్యోగాలలో పైచేయి సాధిస్తారు. గృహ నిర్మాణ ఆలోచనలు కార్యరూపం దాలుస్తాయి. ఉద్యోగాలలో మీ ప్రతిభ వెలుగులోకి వస్తుంది.

వ్యాపార, ఉద్యోగాలలో మరింత అనుకూల వాతావరణం ఉంటుంది. చేపట్టిన పనులు నిదానంగా సాగుతాయి. ఆప్తుల సలహాలు కలసివస్తాయి. నిరుద్యోగులకు శుభవార్తలు అందుతాయి. ఆర్థిక పరిస్థితి అంతంత మాత్రంగా ఉంటుంది. సన్నిహితులతో వివాదాలు పరిష్కారమవుతాయి.

సోదరులతో మాటపట్టింపులుంటాయి. ముఖ్యమైన పనులు వాయిదా పడతాయి. స్వల్ప ఆరోగ్య సమస్యలు భాధిస్తాయి. వ్యాపారాలు నిదానంగా సాగుతాయి. ఉద్యోగాలలో కాస్త నిరుత్సాహం తప్పదు. కుటుంబ విషయంలో ఆలోచనలు స్థిరంగా ఉండవు.

కొన్ని సంఘటనలు ఆశ్చర్యం కలిగిస్తాయి. నూతన వ్యక్తుల పరిచయాలు ఉత్సాహాన్నిస్తాయి. వ్యాపారాలు ఉత్సాహంగా సాగుతాయి. ఉద్యోగాలలో అధికారుల ఆదరణ పెరుగుతుంది. ఇంట్లో శుభకార్యాలు నిర్వహిస్తారు. పాత బాకీలు వసూలవుతాయి.

నూతన వాహన యోగం ఉంది. సన్నిహితులతో విందు వినోదాది కార్యక్రమాల్లో పాల్గొంటారు. చిన్ననాటి మిత్రులతో సఖ్యతగా వ్యవహరిస్తారు. వ్యాపార, ఉద్యోగాలు సాఫీగా సాగుతాయి. చేపట్టిన వ్యవహారాల్లో విజయం సాధిస్తారు. ఆప్తుల నుంచి ఆహ్వానాలు అందుతాయి.

వ్యాపార విస్తరణకు అవరోధాలు కలుగుతాయి. మీ ఆలోచనలు ఇతరులకు నచ్చవు. ముఖ్యమైన వ్యవహారాలలో ఆటంకాలు ఉంటాయి. ఉద్యోగాలలో సహోద్యోగులతో సమస్యలు తప్పవు. ఆకస్మిక ప్రయాణ సూచనలు ఉన్నాయి. బంధువులతో మాటపట్టింపులుంటాయి.

వ్యాపారాలు మందకొడిగా సాగుతాయి. ఉద్యోగాలలో రావాల్సిన పదవులు చేజారుతాయి. చేపట్టిన పనులు మధ్యలో వాయిదా వేస్తారు. ఆలోచనలు నిలకడగా ఉండవు. దైవ కార్యక్రమాలలో పాల్గొంటారు. కుటుంబ సభ్యులతో ఆలోచించి మాట్లాడాలి.

స్థిరాస్తి కొనుగోలు ప్రయత్నాలు ఫలిస్తాయి. సమాజంలో ప్రముఖులతో పరిచయాలు పెరుగుతాయి. వ్యాపారాలలో ముఖ్యమైన నిర్ణయాలు అమలు చేస్తారు. ఉద్యోగాలలో సమస్యలు పరిష్కారమవుతాయి. ఆత్మీయుల నుంచి శుభవార్తలు అందుతాయి.

Varshini: వర్షిణి కూడా షాలినిలా మారుతోంది, నరేష్ చేసింది తప్పే.. కానీ అతడి ఛాలెంజ్ కి నాగ్ ఫిదా

Tirumala Dornala — Sat, 07 Nov 2026 23:11:38 +0530

బిగ్ బాస్ షోలో శనివారం రోజు నాగార్జున వర్షిణి, దేబ్జానీ లకు క్లాస్ పీకారు. వర్షిణి క్రమంగా షాలినీలా మారుతోంది అని సెటైర్లు వేశారు. ఆ వివరాలు ఈ కథనంలో తెలుసుకుందాం.

బిగ్ బాస్ తెలుగు సీజన్ 10లో 62వ రోజు వీకెండ్ ఎపిసోడ్ హాట్ హాట్ గా సాగింది. నాగార్జున ఈ వారం ఒక్కొక్కరి ఆటని రివ్యూ చేస్తూ సరిగా ఆడని వాళ్ళకి గట్టిగా కౌంటర్ ఇచ్చారు. ముందుగా కెప్టెన్ అయిన వంశీని నాగ్ అభినందించారు. ఆ తర్వాత వంశీ, వర్షిణి వివాదం గురించి ప్రశ్నించారు. వర్షిణి ఒక మూలాన కూర్చుని కులుకుతూ ఉంటుంది అని అర్థం వచ్చేలా వంశీ కామెంట్స్ చేశారు. దానికి వర్షిణి సీరియస్ అయింది.

కులకడం అంటే తాను తప్పుడు మీనింగ్ తో అనలేదు అని వంశీ నాగార్జునకు చెప్పారు. తాను తప్పుడు మీనింగ్ తోనే అన్నాడు అని వర్షిణి నాగార్జునకు చెప్పింది. నాగార్జున స్పందిస్తూ.. వర్షిణి నువ్వు అన్న పి అండ్ బి మాటలతో పోల్చితే అదేం పెద్ద తప్పు కాదులే అంటూ ఆమెకే కౌంటర్ ఇచ్చారు. వంశీ అన్నమాట కాస్త అభ్యంతరకరమే.. కానీ వర్షిణి ఆ మాటని తప్పు అనడమే వింతగా ఉంది అంటూ నాగార్జున సెటైర్లు వేశారు. ఫుడ్ విషయంలో వర్షిణి నిర్లక్ష్యంగా ఉందనే విషయాన్ని కూడా నాగార్జున ప్రస్తావించారు. హౌస్ లో వర్షిణి క్రమంగా షాలినిలా మారుతోంది అంటూ సెటైర్లు వేశారు.

ఆ తర్వాత నాగార్జున దేబ్జానీ కి క్లాస్ పీకారు. దేబ్జానీ గేమ్ ఆడుతున్నప్పుడు ముకేశ్ తో ప్రవర్తించిన విధానం ఏమాత్రం బాగాలేదని నాగార్జున అన్నారు. ముకేశ్ మగాడు కాదు అంటూ జెండర్ ని గేమ్ లో తీసుకురావడం చాలా పెద్ద తప్పు అని నాగ్ తెలిపారు. గేమ్ లో అమ్మాయిలు అబ్బాయిలు ఇద్దరూ సమానమే అని నాగార్జున అన్నారు.

రివేంజ్ కి గురైన వాళ్ళు ఆడిన బ్యాలెన్స్ చేసే టాస్క్ కి నరేష్ సంచాలకుడిగా వ్యవహరించిన సంగతి తెలిసిందే. నరేష్ తప్పిదం వల్ల ముకేశ్, వర్షిణి గెలవకపోయినా గెలిచినట్లు ప్రకటించాడు. దీనితో అమన్, ఆర్కే నష్టపోయారు. నరేష్ సంచాలకుడిగా తప్పు చేశాడు. కానీ ఆ తప్పుని తాను స్వీకరించి.. తాను తప్పు చేసి ఉంటే తన ఫ్యామిలీని ఈ వీక్ వదులుకుంటాను అని ఛాలెంజ్ చేయడం బావుంది అని నాగార్జున అన్నారు. నరేష్ చేసింది తప్పే కాబట్టి ఈ వారం అతడు తన ఫ్యామిలీని కలుసుకోలేడు అని నాగార్జున తెలిపారు.

Salman Khan: సల్మాన్ ఖాన్ 'మాతృభూమి' మూవీకి శ్రీరాముడికి లింక్ ఏంటి ?.. ఇంట్రెస్టింగ్ కామెంట్స్

Tirumala Dornala — Sat, 07 Nov 2026 20:51:54 +0530

సల్మాన్ ఖాన్ తన తదుపరి వార్ మూవీ మాతృభూమి: మే వార్ రెస్ట్ ఇన్ పీస్ చిత్రానికి, శ్రీరాముడికి మధ్య ఓ ఆసక్తికరమైన సంబంధాన్ని చెప్పారు. ఈ సినిమా ట్రైలర్ లాంచ్ ఈవెంట్‌లో, రణ్‌బీర్ కపూర్ 'రామాయణ' సినిమాపై ఉన్న బజ్.. మాతృభూమి పై ఏమైనా ప్రభావం చూపుతుందా అని ఆయన్ని అడిగారు. దానికి ఆయన తన పాత్రలోని లక్షణాలను, శ్రీరాముడి సుగుణాలను పోలుస్తూ మంచి సమాధానం చెప్పారు.

'మాతృభూమి'ని శ్రీరాముడితో పోల్చిన సల్మాన్ ఖాన్

రెండు సినిమాల మధ్య పోటీ, పోలికల గురించి మాట్లాడే కంటే.. సల్మాన్ శ్రీరాముడి గొప్పదనం గురించి చెప్పారు. శ్రీరాముడు ఒక ఆదర్శ భర్త, కుమారుడు, తండ్రి, సోదరుడు, అలాగే గొప్ప యోధుడు అని అన్నారు. తాను ఈ సినిమాలో చేస్తున్న ఆర్మీ ఆఫీసర్ పాత్ర కూడా దాదాపు అలాంటి విలువలనే పాటిస్తుందని ఆయన వివరించారు.

అలాగే రామాయణంలోని పాత్రలు, మన పురాణాలపైనే మన దృష్టి ఉండాలని ఆయన అభిప్రాయపడ్డారు.

'మాతృభూమి' సినిమాలో కల్నల్ బిక్కుమల్ల సంతోష్ బాబు పాత్రలో సల్మాన్ నటిస్తున్నారు. జూన్ 2020లో జరిగిన గాల్వాన్ వ్యాలీ ఘర్షణలో ఆయన 16వ బీహార్ రెజిమెంట్‌కు నాయకత్వం వహించారు. ఆయన ధైర్యసాహసాలకు గాను మరణానంతరం మహావీర్ చక్ర పురస్కారం వరించింది.

'మాతృభూమి' కొత్త రిలీజ్ డేట్ ఎప్పుడంటే!

ఈ సినిమా రిలీజ్ ఎందుకు ఆలస్యమైందో కూడా సల్మాన్ వివరించారు. విజువల్ ఎఫెక్ట్స్ చాలా హై-క్వాలిటీతో ఉండాలని తాము భావించినట్లు చెప్పారు. ముందుగా 45-50 రోజుల్లో షూటింగ్ పూర్తి చేయాలనుకున్నా, అనుకున్నదానికంటే ఎక్కువ సమయం పట్టిందన్నారు. కో-స్టార్ చిత్రాంగద సింగ్‌కి గాయం కావడం కూడా ఈ ఆలస్యానికి ఒక కారణమని తెలిపారు.

ఎన్నో వాయిదాల తర్వాత, 'మాతృభూమి: మే వార్ రెస్ట్ ఇన్ పీస్' సినిమా 2026 డిసెంబర్ 4న థియేటర్లలోకి రానుంది. అపూర్వ లాఖియా దర్శకత్వం వహిస్తున్న ఈ సినిమా.. ఆర్మీ ధైర్యసాహసాలు, వారి త్యాగాల నేపథ్యంలో తెరకెక్కుతోంది.

స్థానిక సంస్థల ఎన్నికల్లో కూటమి అభ్యర్థుల ప్రభంజనం.. వేల ఓట్ల మెజారిటీతో రికార్డు విజయాలు

Narender Vaitla — Sat, 07 Nov 2026 20:40:26 +0530

పల్నాడు జిల్లాలో భారీ మెజారిటీల హవా

స్థానిక సంస్థల ఎన్నికల్లో పల్నాడు జిల్లా అభ్యర్థులు అత్యధిక మెజారిటీలతో ప్రత్యేక గుర్తింపు పొందారు. నకరికల్లు మండలంలో టీడీపీ జడ్పీటీసీ అభ్యర్థి డాక్టర్ నాగోతు వెంకట లక్ష్మి సరోజ తన సమీప సీపీఎం ప్రత్యర్థిపై ఏకంగా 32,919 ఓట్ల ఆధిక్యంతో విజయం సాధించారు. ఇప్పటివరకు నమోదైన ఫలితాల్లో ఇదే అత్యధిక మెజారిటీగా నిలిచింది.

పెదకూరపాడు నియోజకవర్గం క్రోసూరు మండలంలో జనసేన తరఫున బరిలోకి దిగిన పామిడిపాటి శ్రీనివాసరావు 30,273 ఓట్ల మెజారిటీ సాధించారు. ఈ మండలంలో మొత్తం 38 వేల ఓట్లు పోలవగా.. ఆయనకు భారీ మద్దతు లభించింది.

నుజెండ్ల మండలంలో జనసేన అభ్యర్థి సింగంశెట్టి వెంకట బాల ప్రసాద్ 28,863 ఓట్ల తేడాతో గెలుపొందారు. మాచవరం మండలంలో టీడీపీ అభ్యర్థి కత్తి సరోజిని వైసీపీ అభ్యర్థి దొండెటి వెంకయ్యమ్మపై 22,882 ఓట్ల ఆధిక్యాన్ని సాధించారు. పిడుగురాళ్లలో కూటమి అభ్యర్థి ఉన్నం దీపిక 20,167 ఓట్ల మెజారిటీతో విజయం సాధించారు. గురజాలలో టీడీపీ అభ్యర్థి మద్దినేని లక్ష్మి 17 వేలకుపైగా ఓట్ల ఆధిక్యంతో గెలిచారు.

ఎన్టీఆర్, కడప, ప్రకాశం, నంద్యాల జిల్లాల్లోనూ భారీ విజయాలు

పల్నాడు జిల్లాతో పాటు ఇతర ప్రాంతాల్లోనూ పలువురు అభ్యర్థులు గణనీయమైన మెజారిటీలను నమోదు చేశారు. ఎన్టీఆర్ జిల్లా మైలవరం జడ్పీటీసీ స్థానంలో టీడీపీ అభ్యర్థి పుట్టా బ్రహ్మం 21,407 ఓట్ల ఆధిక్యంతో గెలుపొందారు.

కడప జిల్లా వేంపల్లిలో వైసీపీ అభ్యర్థి బట్టల వెంకట శివమ్మ 19,203 ఓట్ల మెజారిటీ సాధించారు. బ్రహ్మంగారిమఠం మండలంలో టీడీపీ అభ్యర్థి నాగిపోగు పుల్లయ్య 17,295 ఓట్ల ఆధిక్యంతో విజయం అందుకున్నారు.

ప్రకాశం జిల్లాలో టీడీపీ అభ్యర్థులు మంచి ఫలితాలు సాధించారు. ముండ్లమూరు జడ్పీటీసీ స్థానంలో మండలాపు సౌమ్య 18,728 ఓట్ల తేడాతో గెలుపొందారు. దొనకొండలో మోడి ఈశ్వరమ్మ 15,785 ఓట్ల ఆధిక్యాన్ని నమోదు చేయగా.. గిద్దలూరులో చెరెడ్డి శ్రీలక్ష్మి 12,616 ఓట్ల మెజారిటీతో విజయం సాధించారు. నంద్యాల జిల్లా దోనె మండలంలో టీడీపీ అభ్యర్థి రేగటి లక్ష్మీవేదవతి తన సమీప సీపీఐ ప్రత్యర్థి రాజేశ్వరిపై 23,160 ఓట్ల తేడాతో గెలిచారు.

జగన్ మేనత్త గ్రామంలో రెండు దశాబ్దాల తర్వాత టీడీపీ గెలుపు

ఎన్నికల ఫలితాల్లో రాజకీయంగా ఆసక్తి రేపిన పరిణామాలు కూడా కనిపించాయి. ఎన్టీఆర్ జిల్లా గణపవరంలో టీడీపీ ఎంపీటీసీ అభ్యర్థి విజయం సాధించారు. ఈ గ్రామంలో దాదాపు 20 ఏళ్ల తర్వాత తెలుగుదేశం పార్టీకి చెందిన అభ్యర్థి గెలుపొందడం విశేషం. గణపవరం వైఎస్ జగన్ మేనత్త, దివంగత మాజీ ముఖ్యమంత్రి వైఎస్ రాజశేఖర్ రెడ్డి సోదరి విమలమ్మ స్వగ్రామం కావడంతో ఈ ఫలితం రాజకీయంగా చర్చనీయాంశమైంది. మరోవైపు అనకాపల్లి జిల్లా నక్కపల్లిలో ఏపీ హోంమంత్రి అనితకు ఎదురుదెబ్బ తగిలింది. నక్కపల్లి-1, నక్కపల్లి-2 ఎంపీటీసీ స్థానాల్లో వైసీపీ అభ్యర్థులు తుమ్మ కల్పన, గొడుగుల బంగార్రాజు విజయం సాధించారు. ముఖ్యంగా నక్కపల్లి-2 ఎంపీటీసీ పరిధిలోనే హోంమంత్రి అనిత నివాసం ఉండటం ఈ ఫలితానికి ప్రాధాన్యం తెచ్చింది.

ఒక్క ఓటు నుంచి మూడు ఓట్ల వరకు.. ఉత్కంఠ పోరు

కొన్ని ఎంపీటీసీ స్థానాల్లో అభ్యర్థుల గెలుపోటములు అతి స్వల్ప ఓట్ల తేడాతో నిర్ణయమయ్యాయి. నెల్లూరు జిల్లా చిల్లకూరు మండలం తమ్మినపట్నంలో టీడీపీ అభ్యర్థి అరుణ కేవలం ఒక్క ఓటు ఆధిక్యంతో గెలిచారు. తొలుత ఆరు ఓట్ల తేడా కనిపించడంతో అధికారులు రీకౌంటింగ్ నిర్వహించారు. తిరిగి లెక్కించిన తర్వాత కూడా అరుణ ఒక్క ఓటుతో విజయం సాధించినట్లు ధ్రువీకరించారు. ఈ ఫలితంపై వైసీపీ అభ్యర్థి అభ్యంతరం వ్యక్తం చేస్తూ కౌంటింగ్ కేంద్రం వద్ద ఆందోళనకు దిగారు.

పశ్చిమగోదావరి జిల్లా పెనుమంట్ర మండలం మల్లిపూడిలో టీడీపీ అభ్యర్థి కొల్లి అరుణకుమారి కూడా ఒక్క ఓటు తేడాతో గెలుపొందారు. ప్రత్యర్థి రీకౌంటింగ్ కోరడంతో మరోసారి ఓట్లు లెక్కించిన అధికారులు ఆమె విజయాన్ని ఖరారు చేశారు.

తూర్పుగోదావరి జిల్లా చాగల్లు మండలం చంద్రవరం ఎంపీటీసీ స్థానంలో టీడీపీ అభ్యర్థి కాట్రూ శ్రీనివాసరావు మూడు ఓట్ల ఆధిక్యంతో విజయం సాధించారు. అతి తక్కువ ఓట్ల తేడాతో వెలువడిన ఈ ఫలితాలు కౌంటింగ్ ప్రక్రియపై ఉత్కంఠను పెంచాయి.

తండ్రి, కుమార్తె వేర్వేరు పార్టీల నుంచి పోటీ.. ఇద్దరికీ విజయం

కోనసీమ జిల్లా కొత్తపేట మండలంలో రాజకీయంగా ఆసక్తికరమైన ఫలితం నమోదైంది. ఒకే కుటుంబానికి చెందిన తండ్రి, కుమార్తె వేర్వేరు పార్టీల నుంచి ఎంపీటీసీ అభ్యర్థులుగా పోటీ చేసి విజయం సాధించారు.

కొత్తపేట-2 స్థానం నుంచి టీడీపీ అభ్యర్థిగా బరిలోకి దిగిన చాందిని గెలుపొందగా.. పలివెల-2 స్థానం నుంచి వైసీపీ తరఫున పోటీ చేసిన ఆమె తండ్రి పొనుగుపాటి సత్యనారాయణ కూడా విజయం సాధించారు. ఒకే కుటుంబంలో రెండు వేర్వేరు రాజకీయ పార్టీలకు చెందిన అభ్యర్థులు గెలవడం స్థానికంగా చర్చనీయాంశమైంది.

మరోవైపు పార్వతీపురం మన్యం జిల్లాలో తండ్రి, కుమార్తె ఒకే పార్టీ తరఫున పోటీ చేసి విజయం సాధించారు. పాచిపెంట మండలంలోని మాతుమూరు, పాంచాలి ఎంపీటీసీ స్థానాల నుంచి టీడీపీ అభ్యర్థులుగా పోటీ చేసిన జి.యుగంధర్, ఆయన కుమార్తె కావ్య గెలుపొందారు.

తోడికోడళ్ల పోరులో జనసేన అభ్యర్థి విజయం

పశ్చిమగోదావరి జిల్లా ఆచంట మండలం పెదమల్లం గ్రామంలో జరిగిన ఎంపీటీసీ ఎన్నిక మరో ప్రత్యేకతను సంతరించుకుంది. ఒకే కుటుంబానికి చెందిన తోడికోడళ్లు ప్రత్యర్థులుగా ఎన్నికల బరిలో నిలిచారు. ఈ పోరులో కూటమి తరఫున జనసేన అభ్యర్థిగా పోటీ చేసిన బోడపాటి మంగదేవి తన తోడికోడలిపై 18 ఓట్ల ఆధిక్యంతో గెలుపొందారు.

ఇలా రాష్ట్రవ్యాప్తంగా పరిషత్ ఎన్నికల ఫలితాలు పలు ఆసక్తికర పరిణామాలకు వేదికయ్యాయి. ఒకవైపు వేల ఓట్ల మెజారిటీలతో అభ్యర్థులు రికార్డులు సృష్టిస్తే.. మరోవైపు ఒక్క ఓటు తేడాతోనూ విజయాలు నమోదయ్యాయి. కుటుంబ సభ్యులు వేర్వేరు పార్టీల నుంచి పోటీ చేయడం, రెండు దశాబ్దాల తర్వాత కొన్ని ప్రాంతాల్లో రాజకీయ సమీకరణాలు మారడం ఈ ఎన్నికల ప్రత్యేకతగా నిలిచాయి.

Surekha Vani: మీ అంతట మీరే ఆ వీడియోలు డిలీట్ చేస్తే మంచిది..ప్రైవేట్ వీడియోపై సురేఖ వాణి ఫస్ట్ రియాక్షన్

Tirumala Dornala — Sat, 07 Nov 2026 18:47:34 +0530

తన ఇన్‌స్టాగ్రామ్ ఖాతా హ్యాక్ అయిందని, వ్యక్తిగత ఫొటోలు, వీడియోలు అనుమతి లేకుండా ప్రచారం చేస్తున్నారని సురేఖా వాణి వెల్లడించారు. వాటిని షేర్ చేసే వారిపై చట్టపరమైన చర్యలు తీసుకుంటానని హెచ్చరించారు.

నటి సురేఖా వాణికి సంబంధించినదిగా చెబుతున్న ఓ ప్రైవేట్ వీడియో సోషల్ మీడియాలో వైరల్ అవుతోంది. ఈ పరిణామంపై ఆమె తీవ్రంగా స్పందించారు. తన ఇన్‌స్టాగ్రామ్ ఖాతా హ్యాక్ అయిందని, తన వ్యక్తిగత ఫొటోలు, వీడియోలను అనుమతి లేకుండా కొందరు సోషల్ మీడియాలో ప్రచారం చేస్తున్నారని వెల్లడించారు. తన వ్యక్తిగత సమాచారాన్ని ఇతరులు ఇలా పంచుకోవడంపై అభ్యంతరం వ్యక్తం చేస్తూ తాజాగా ఇన్‌స్టాగ్రామ్‌లో ఓ ఘాటు ప్రకటన విడుదల చేశారు. అదే విధంగా వీడియో ద్వారా కూడా తన ప్రైవేట్ కంటెంట్ సర్కులేట్ చేస్తున్న వారికీ ఘాటు వార్నింగ్ ఇచ్చారు.

తన ప్రకటనలో సురేఖా వాణి సోషల్ మీడియా వినియోగదారులతో పాటు మీడియా సంస్థలు, మీమ్ పేజీలు, యూట్యూబ్ ఛానళ్లను ఉద్దేశించి మాట్లాడారు. తన వ్యక్తిగత కంటెంట్‌ను ఎలాంటి రూపంలోనూ షేర్ చేయడం, మళ్లీ పోస్టు చేయడం, అప్‌లోడ్ చేయడం, ఇతరులకు పంపించడం వెంటనే ఆపాలని కోరారు. తన అనుమతి లేకుండా వ్యక్తిగత ఫొటోలు, వీడియోలు ప్రచారంలోకి వచ్చాయని స్పష్టం చేశారు.

సురేఖ వాణి దీనిపై సైబర్ కంప్లైంట్ ఇచ్చారు. అనంతరం వీడియో పోస్ట్ చేసి వార్నింగ్ ఇచ్చారు. నిన్న రాత్రి నుంచి నాకు సంబంధించిన వీడియోలు వైరల్ అవుతున్నాయి. దీనివల్ల నేను తీవ్రంగా బాధపడుతున్నాను, ఎఫెక్ట్ అయ్యాను. సోషల్ మీడియా ఫ్లాట్ ఫామ్స్ వాళ్ళు, మీమ్ పేజెస్, ఇతర సోషల్ లలో తనకి తనకి సంబంధించిన కంటెంట్ షేర్ చేసిన వాళ్ళు.. వాళ్ళంతట వాళ్లే ఆ వీడియోలు డిలీట్ చేస్తే మంచిది. లేదంటే క్రిమినల్ అండ్ లీగల్ యాక్షన్ తీసుకోవాల్సి వస్తుంది అని సురేఖ వాణి హెచ్చరించారు.

సురేఖా వాణి 2005లో సినీ పరిశ్రమలోకి అడుగుపెట్టారు. ఆ తర్వాత తెలుగు సినిమాల్లో క్యారెక్టర్ ఆర్టిస్టుగా గుర్తింపు తెచ్చుకున్నారు. పలు విజయవంతమైన చిత్రాల్లో నటించి ప్రేక్షకులకు సుపరిచితమయ్యారు. భద్ర, బొమ్మరిల్లు, శ్రీమంతుడు, నాయక్, దుబాయ్ శీను లాంటి హిట్ చిత్రాల్లో నటించారు.

తెలంగాణలో డేటా సెంటర్ల ఏర్పాటుకు అమెరికా ఆసక్తి.. ఆ జిల్లాపై ప్ర‌త్యే దృష్టి

Narender Vaitla — Sat, 07 Nov 2026 18:45:28 +0530

Telangana: ఆర్టిఫిషియల్ ఇంటెలిజెన్స్ (AI) సాంకేతికత వేగంగా విస్తరిస్తుండటంతో ప్రపంచవ్యాప్తంగా డేటా సెంటర్లకు డిమాండ్ పెరుగుతోంది. ఈ నేపథ్యంలో తెలంగాణలోనూ డేటా సెంటర్ల ఏర్పాటుకు అవకాశాలను పరిశీలిస్తున్నట్లు అమెరికా కాన్సులేట్ ప్రతినిధులు వెల్లడించారు.

హైదరాబాద్‌లోని సింగరేణి భవన్‌లో శుక్రవారం అమెరికా కాన్సులేట్‌కు చెందిన ఉన్నత స్థాయి ప్రతినిధుల బృందం సింగరేణి సంస్థ సీఎండీ బుద్ధప్రకాశ్ జ్యోతితో సమావేశమైంది. హైదరాబాద్ అమెరికన్ కాన్సులేట్ పొలిటికల్ అండ్ ఎకనమిక్ చీఫ్ మెరెడిత్ మెజ్లర్ ఈ బృందానికి నాయకత్వం వహించారు. పొలిటికల్ అండ్ ఎకనమిక్ స్పెషలిస్టులు శ్రీమలి కరి, శిబా త్రిపాఠితో పాటు కమర్షియల్ స్పెషలిస్ట్ సునేల్ కుమ్మర్ సమావేశంలో పాల్గొన్నారు. సింగరేణి తరఫున సీఎండీతో పాటు పలువురు ఉన్నతాధికారులు హాజరయ్యారు. తెలంగాణలో పెట్టుబడులకు ఉన్న అవకాశాలు, ఇంధన రంగంలో సాంకేతిక పరిజ్ఞానం వినియోగం, కీలక ఖనిజాల అన్వేషణ వంటి అంశాలు చర్చకు వచ్చాయి.

ప్రపంచవ్యాప్తంగా ఏఐ వినియోగం పెరుగుతుండటంతో భారీ స్థాయిలో డేటాను నిల్వ చేయడం, ప్రాసెస్ చేయడం కోసం డేటా సెంటర్ల అవసరం పెరుగుతోంది. వీటి నిర్వహణకు నిరంతరాయంగా భారీ మొత్తంలో విద్యుత్ అవసరం. ఈ నేపథ్యంలో డేటా సెంటర్ల ఏర్పాటుకు అనువైన ప్రాంతాలను అమెరికా ప్రతినిధులు అన్వేషిస్తున్నారు. తెలంగాణలోని సింగరేణి ప్రాంతాలు కూడా ఇందుకు అనుకూలంగా ఉంటాయని భావిస్తున్నట్లు తెలిపారు. అవసరమైన మౌలిక సదుపాయాలు, విద్యుత్ లభ్యత, భవిష్యత్తులో పెట్టుబడుల అవకాశాలను పరిశీలించి ఈ దిశగా ముందుకు వెళ్లాలని ఆసక్తి వ్యక్తం చేశారు.

సింగరేణి పరిధిలో వినియోగం ముగిసిన ఓపెన్ కాస్ట్ గనులను ఇతర అవసరాలకు ఉపయోగించుకోవాలని సంస్థ ప్రణాళికలు రూపొందిస్తోంది. ఇందులో భాగంగా పలు ప్రాంతాల్లో పంప్డ్ స్టోరేజ్ పవర్ ప్లాంట్లను ఏర్పాటు చేయాలని నిర్ణయించినట్లు సీఎండీ బుద్ధప్రకాశ్ జ్యోతి వివరించారు. ఈ ప్లాంట్ల ద్వారా అవసరమైన సమయాల్లో విద్యుత్‌ను అందుబాటులోకి తీసుకురావచ్చని తెలిపారు. ముఖ్యంగా విద్యుత్ వినియోగం అధికంగా ఉండే పీక్ అవర్స్‌లో డేటా సెంటర్లకు నిరంతర విద్యుత్ సరఫరా చేసేందుకు ఈ ప్రాజెక్టులు దోహదపడతాయని పేర్కొన్నారు. ఇప్పటికే ఉన్న గనుల ప్రాంతాలను సమర్థంగా వినియోగించుకోవడంతో పాటు ఇంధన రంగంలో కొత్త అవకాశాలను అందిపుచ్చుకోవడం ఈ ప్రణాళికల ప్రధాన ఉద్దేశమని వివరించారు.

బొగ్గు తవ్వకాల్లో సుదీర్ఘ అనుభవం కలిగిన సింగరేణి సంస్థ ఇప్పుడు కీలక ఖనిజాల రంగంలోనూ విస్తరించేందుకు ప్రయత్నిస్తోంది. ఈ క్రమంలో వివిధ దేశాలకు చెందిన సంస్థలతో సాంకేతిక సహకారం, ఉమ్మడి పెట్టుబడుల అవకాశాలపై చర్చలు జరుపుతోంది. అమెరికాలోని కీలక ఖనిజ రంగ సంస్థలతో కలిసి పనిచేసేందుకు అవకాశాలు ఉన్నాయని అమెరికా ప్రతినిధులు తెలిపారు. కొత్తగూడెంలో సింగరేణి ఏర్పాటు చేసిన జియో సైన్స్ లేబొరేటరీలోని పరిశోధన సదుపాయాల గురించి వివరాలు తెలుసుకున్నారు. అలాగే ఓపెన్ కాస్ట్ గనుల్లో తవ్వకాల సమయంలో వెలికితీసే ఓవర్‌బర్డెన్‌లో రేర్ ఎర్త్ ఎలిమెంట్స్ (అరుదైన భూ మూలకాలు) ఉండే అవకాశాలపై ఆసక్తి కనబరిచారు.

కీలక ఖనిజాల రంగంలో పరిశోధనలు, ఆధునిక సాంకేతిక పరిజ్ఞానం, అంతర్జాతీయ సహకారాన్ని మరింత విస్తరించేందుకు ఇరు పక్షాలు ఆసక్తి చూపించాయి. ఇందులో భాగంగా వచ్చే ఏడాది ఏప్రిల్‌లో అమెరికాలో నిర్వహించనున్న కీలక ఖనిజాల సదస్సుకు సింగరేణి సంస్థను అమెరికా ప్రతినిధులు ఆహ్వానించారు. ఈ సదస్సు ద్వారా అంతర్జాతీయ సంస్థలతో పరిచయాలు పెంచుకోవడంతో పాటు సాంకేతిక పరిజ్ఞాన మార్పిడి, పెట్టుబడులు, ఉమ్మడి ప్రాజెక్టులకు సంబంధించిన అవకాశాలను పరిశీలించవచ్చు. ఈ పరిణామాలు కార్యరూపం దాలిస్తే తెలంగాణలో డేటా సెంటర్ల ఏర్పాటు, పునరుత్పాదక ఇంధన ప్రాజెక్టులు, కీలక ఖనిజాల అన్వేషణకు కొత్త అవకాశాలు ఏర్పడే అవకాశం ఉంది.

Yash Ravana Look: రావణాసురుడి పాత్రకు 'యశ్' ధరించిన ఆభరణాల బరువెంతో తెలుసా? దాని డిటెయిలింగ్ ఇంత ఉందా?

Nandini Arava — Sat, 07 Nov 2026 18:39:35 +0530

Yash Ravana Look: ‘రామాయణం’ సినిమాలో రావణుడిగా కనిపించిన యశ్ లుక్ కోసం ఏకంగా 130 రకాల ఆభరణాలను తయారు చేశారు. ఒక్కో లుక్‌లో సుమారు 6-7 కేజీల నగలు ధరించిన యశ్ కోసం వీటిని ఎలా రూపొందించారు? వాటి డిజైన్ల వెనుక ఉన్న ప్రత్యేకతలేంటో తెలుసుకుందాం.

బాలీవుడ్ డైరెక్టర్ నితీష్ తివారీ ఎంతో ప్రతిష్టాత్మకంగా, భారీ బడ్జెట్‌తో తెరకెక్కిన 'రామాయణం' (Ramayana) సినిమా ప్రస్తుతం ప్రపంచవ్యాప్తంగా ట్రెండ్ అవుతోంది. ప్రేక్షకులు సినిమా సెట్స్, విఎఫ్‌ఎక్స్ (VFX), అద్భుతమైన విజువల్స్‌ను మెచ్చుకుంటుంటే.. మరోవైపు 'రాకింగ్ స్టార్' యశ్ (Yash) నటించిన 'లంకేశ్వరుడు' రావణుడి పాత్ర, ఆయన లుక్ సోషల్ మీడియాలో హాట్ టాపిక్‌గా మారాయి.

తెరపై రావణుడి పాత్రను చాలా పవర్‌ఫుల్‌గా, రాజసంగా చూపించేందుకు దర్శకుడు కేవలం కాస్ట్యూమ్స్‌పైనే కాకుండా.. పక్కాగా డిజైన్ చేసిన ఆభరణాలకు కూడా ఎంతో ప్రాధాన్యత ఇచ్చారు. ప్రముఖ జ్యువెలరీ బ్రాండ్ 'హౌస్ ఆఫ్ ఆమ్రపాలి' (House of Amrapali) యశ్ రావణుడి పాత్ర కోసం ఏకంగా 130 ఆభరణాలను సిద్ధం చేసింది. ఈ ఆభరణాల వెనుక ఉన్న ఆసక్తికరమైన కథ ఏంటంటే..

ఈ సినిమాలో రావణుడి పాత్ర కోసం మొత్తం 13 రకాల లుక్స్‌ను రెడీ చేశారు. ప్రతి లుక్‌కి తగ్గట్టుగా సుమారు 130 ఆభరణాలను ఉపయోగించారు. వీటన్నింటి బరువు ఏకంగా 6 నుంచి 7 కిలోల వరకు ఉంటుంది.

'హౌస్ ఆఫ్ ఆమ్రపాలి' క్రియేటివ్ హెడ్ తరంగ్ అరోరా చెప్పిన దాని ప్రకారం..రావణుడి అహంకారం, శివ భక్తి, గాంభీర్యం, లంకా వైభవాన్ని చూపించేలా ఈ ఆభరణాలను ఎంతో సూక్ష్మంగా డిజైన్ చేశారు. మొత్తం సినిమా కోసం ఈ సంస్థ సుమారు 18 నెలల పాటు కష్టపడి 4,500కి పైగా ఆభరణాలను డిజైన్ చేసింది.

రావణుడు కేవలం క్రూరమైన రాజు మాత్రమే కాదు.. గొప్ప శివభక్తుడు, అసాధారణ యోధుడు కూడా. ఈ వైవిధ్యాన్ని ఆయన ఆభరణాల్లో స్పష్టంగా చూపించారు.

డార్క్ మెటాలిక్ టోన్: ఆభరణాల్లో నీలం, నలుపు, ఆకుపచ్చ రంగులతో పాటు ఇత్తడి, బంగారు పూత (Plating) ఉపయోగించారు.

ప్రత్యేక ఆకృతులు: పెద్ద చెస్ట్ ప్లేట్ (ఛాతీ కవచం), కడియాలపై శివుని త్రిశూలం, సింహం, పాము, రాక్షసుల ముఖాల డిజైన్లను చాలా ఆకర్షణీయంగా చెక్కారు.

షూటింగ్ సమయంలో యశ్ 6-7 కిలోల బరువున్న ఈ ఆభరణాలను ధరించి గంటల కొద్దీ నటించడం నిజంగా పెద్ద సవాల్. దీన్ని దృష్టిలో ఉంచుకుని.. ఆభరణాల లోపలి భాగంలో ప్రత్యేకమైన మృదువైన లైనింగ్ (Soft Lining) ఇచ్చారు. దీనివల్ల గుచ్చుకోవడం గానీ, అసౌకర్యం గానీ కలగలేదు. విశేషమేమిటంటే.. షూటింగ్ టైమ్‌లో యశ్‌కు ఎలాంటి ఇబ్బంది కలగకూడదని.. ముందుగా వర్కర్లు ఆ ఆభరణాలను ధరించి టెస్ట్ చేసిన తర్వాతే సెట్‌కు పంపించారు.

మొత్తానికి.. లంకా స్వర్ణ వైభవం, రావణుడి పాత్ర బరువును పెంచడంలో ఈ ప్రత్యేకమైన ఆభరణాలు కీలక పాత్ర పోషించాయి. యశ్ రావణుడి లుక్ భారతీయ సినిమాలో ఒక కొత్త మైలురాయిని సృష్టించింది అనడంలో సందేహం లేదు.

హైద‌రాబాద్‌లో ఈ మార్గంలో శాశ్వ‌తంగా వ‌న్‌వే రూట్‌..? ట్రాఫిక్ స‌మ‌స్య‌ల‌కు చెక్ పెట్టేలా

Narender Vaitla — Sat, 07 Nov 2026 18:03:09 +0530

Hyderabad: హైదరాబాద్‌లో పెరుగుతున్న వాహనాల రద్దీని నియంత్రించేందుకు ట్రాఫిక్ పోలీసులు మరో కీలక చర్యకు సిద్ధమవుతున్నారు. నగరంలోని అత్యంత రద్దీ ప్రాంతాల్లో ఒకటైన లక్డీకాపూల్ పరిసరాల్లో వన్‌వే ట్రాఫిక్ విధానాన్ని ప్రవేశపెట్టాలని యోచిస్తున్నారు.

లక్డీకాపూల్ పరిసరాల్లో ట్రాఫిక్ సమస్యకు పరిష్కారం కనుగొనేందుకు హైదరాబాద్ నగర పోలీస్ కమిషనర్ వీసీ సజ్జనర్ శుక్రవారం క్షేత్రస్థాయిలో పర్యటించారు. ద్విచక్రవాహనంపై వివిధ జంక్షన్లను పరిశీలించి, అక్కడి రహదారుల పరిస్థితి, వాహనాల రాకపోకలను గమనించారు. విధుల్లో ఉన్న ట్రాఫిక్ సిబ్బందితో మాట్లాడి ప్రస్తుతం ఎదురవుతున్న సమస్యలను తెలుసుకున్నారు. ట్రాఫిక్ జాయింట్ కమిషనర్ జోయెల్ డేవిస్, డీసీపీ అవినాశ్‌లతో కలిసి ప్రతిపాదిత మార్గాల్లో వన్‌వే విధానం అమలుకు ఉన్న అవకాశాలను సమీక్షించారు. ప్రయాణికులకు ఇబ్బందులు కలగకుండా ఎలాంటి ప్రత్యామ్నాయ మార్గాలు ఏర్పాటు చేయాలనే అంశంపైనా చర్చించారు. ఇటీవ‌ల కేబీఆర్ పార్క్ ద‌గ్గ‌ర వ‌న్‌వే విజ‌య‌వంత‌మైన నేప‌థ్యంలో అధికారులు ఈ దిశ‌గా అడుగులు వేస్తున్నారు.

కొత్త ప్రతిపాదన ప్రకారం ఓల్డ్ కంట్రోల్ రూమ్ నుంచి రవీంద్రభారతి మీదుగా ఇక్బాల్ మినార్ వైపు వెళ్లే వాహనాలకు నేరుగా అనుమతి ఉండదు. సికింద్రాబాద్ వైపు వెళ్లేవారు హెచ్‌డీఎఫ్‌సీ జంక్షన్, పాత సైఫాబాద్ పోలీస్ స్టేషన్, ఇక్బాల్ మినార్, సచివాలయం జంక్షన్ మీదుగా ప్రయాణించాల్సి ఉంటుంది. మరోవైపు నిరంకారి జంక్షన్ నుంచి ఓల్డ్ కంట్రోల్ రూమ్ వైపు వచ్చే వాహనాలను పాత సైఫాబాద్ పోలీస్ స్టేషన్ వద్ద మళ్లిస్తారు. అక్కడి నుంచి ఇక్బాల్ మినార్ మీదుగా కుడివైపు తిరిగి రవీంద్రభారతి మార్గంలో ఓల్డ్ కంట్రోల్ రూమ్ చేరుకునేలా ఏర్పాట్లు చేయనున్నారు.

సచివాలయం జంక్షన్, తెలంగాణ తల్లి ఫ్లైఓవర్ వైపు నుంచి పాత సైఫాబాద్ పోలీస్ స్టేషన్‌కు వెళ్లే వాహనాలకు కూడా మార్గాన్ని మార్చాలని భావిస్తున్నారు. ఈ వాహనాలు ఇక్బాల్ మినార్ నుంచి రవీంద్రభారతి వైపు వెళ్లాలి. అక్కడి నుంచి ఓల్డ్ కంట్రోల్ రూమ్ వద్ద యూటర్న్ తీసుకుని అసెంబ్లీ గేట్ నంబర్ 3, రవీంద్రభారతి, హెచ్‌డీఎఫ్‌సీ జంక్షన్ మీదుగా పాత సైఫాబాద్ పోలీస్ స్టేషన్‌కు చేరుకునేలా రూట్‌ను రూపొందించారు. మసాబ్ ట్యాంక్ వైపు వెళ్లే వాహనాలకు ద్వారకా హోటల్, కామత్ హోటల్ రోడ్డు మీదుగా ప్రత్యామ్నాయ మార్గం కల్పించే ప్రతిపాదన కూడా ఉంది. చాలాకాలంగా మూసివేసి ఉన్న గన్ పార్క్ రోటరీ యూటర్న్‌ను తిరిగి అందుబాటులోకి తీసుకురావాలని అధికారులు పరిశీలిస్తున్నారు.

వన్‌వే విధానాన్ని వెంటనే అమలు చేయకుండా ముందుగా రవాణా నిపుణుల అభిప్రాయాలు తీసుకోవాలని ట్రాఫిక్ విభాగం నిర్ణయించింది. ఇందుకోసం జీహెచ్‌ఎంసీ, హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డు, విద్యుత్ పంపిణీ సంస్థల అధికారులతో సమన్వయ సమావేశం నిర్వహించనున్నారు. రహదారుల పరిస్థితి, అవసరమైన మౌలిక సదుపాయాలు, ఇతర శాఖల పరిధిలో ఉన్న పనులను పరిశీలిస్తారు. ప్రభుత్వ తుది అనుమతి వచ్చిన తర్వాత ఎంపిక చేసిన మార్గాల్లో ప్రయోగాత్మకంగా వన్‌వే విధానాన్ని అమలు చేయాలని భావిస్తున్నారు. ఈ సమయంలో వాహనదారుల నుంచి అభిప్రాయాలు సేకరించి, అవసరమైన మార్పులు చేస్తారు.

లక్డీకాపూల్ పరిసరాల్లో ప్రతిపాదిస్తున్న మార్పులు విజయవంతమైతే నగరంలోని మరికొన్ని రద్దీ కూడళ్లలోనూ ఇలాంటి ట్రాఫిక్ విధానాన్ని ప్రవేశపెట్టే అవకాశాలను పోలీసులు పరిశీలిస్తున్నారు. ఇప్పటికే కేబీఆర్ పార్క్ పరిసరాల్లో అమలవుతున్న వన్‌వే విధానం ద్వారా ట్రాఫిక్ నిర్వహణకు లభించిన అనుభవాన్ని కూడా పరిగణనలోకి తీసుకుంటున్నారు. కొత్త మార్గాల వల్ల వాహనాల మధ్య ఎదురెదురు రాకపోకలు తగ్గడంతో పాటు జంక్షన్ల వద్ద వేచి ఉండే సమయం తగ్గుతుందని అధికారులు భావిస్తున్నారు. అయితే ప్రయోగాత్మక అమలులో ఎదురయ్యే సమస్యలు, ప్రజల నుంచి వచ్చే సూచనలను బట్టి తుది మార్గదర్శకాలను రూపొందించనున్నారు. వాహనదారులు కొత్త ట్రాఫిక్ నిబంధనలను గమనించి సహకరించాలని పోలీసులు కోరుతున్నారు.

Alias Rukmini: నితిన్ షాకింగ్ మేకోవర్ చూశారా, హీరోయిన్ కి మైండ్ బ్లాక్.. వైరల్ అవుతున్న వీడియో

Tirumala Dornala — Sat, 07 Nov 2026 17:54:47 +0530

నితిన్ హీరోగా నటిస్తున్న ‘అలియాస్ రుక్మిణి’ నుంచి కొత్త ప్రమోషనల్ వీడియో విడుదలైంది. ఇందులో కృష్ణ పాత్రలో నితిన్ యంగ్ లుక్ ఆకట్టుకుంటోంది. డిసెంబర్ 4న సినిమా థియేటర్లలోకి రానుంది.

‘కోర్ట్’ సినిమా బ్లాక్‌బస్టర్ విజయం తర్వాత నేచురల్ స్టార్ నాని యూనానిమస్ ప్రొడక్షన్స్ బ్యానర్‌పై మరో చిత్రాన్ని నిర్మిస్తోంది. అదే నితిన్ హీరోగా నటిస్తున్న ‘అలియాస్ రుక్మిణి’. ‘దండోరా’ సినిమాతో గుర్తింపు పొందిన మురళీకాంత్ దేవసోత్ ఈ చిత్రానికి దర్శకత్వం వహిస్తున్నారు. దీప్తి గంటా నిర్మాణ బాధ్యతలు చేపట్టారు. ఆఫియా సయ్యద్ కథానాయికగా నటిస్తోంది. తాజాగా ఈ సినిమా నుంచి చిత్ర బృందం ఓ కొత్త ప్రమోషనల్ వీడియోను విడుదల చేసింది. ఇందులో కృష్ణ పాత్రలో నితిన్ సరికొత్త అవతారంలో కనిపించారు. రుక్మిణి తన జీవితంలోకి రాకముందు కృష్ణ ఎలా ఉండేవాడనే కోణాన్ని ఈ వీడియో ద్వారా పరిచయం చేశారు.

వీడియోలో దర్శకుడు మురళీకాంత్ దేవసోత్, రుక్మిణి పాత్రలో నటిస్తున్న ఆఫియా సయ్యద్‌తో యువకుడైన కృష్ణ గురించి మాట్లాడతారు. ఆ సంభాషణ తర్వాత నితిన్ పూర్తిగా భిన్నమైన లుక్‌లో కనిపిస్తారు. ఈ పాత్ర కోసం ఆయన దాదాపు పదేళ్లు చిన్నవాడిగా కనిపించేలా మేకోవర్ అయ్యారు. నితిన్ లుక్‌లో వచ్చిన మార్పును చూసి ఆఫియా కూడా ఆశ్చర్యపోయినట్లు వీడియోలో చూపించారు. చక్కగా సర్దిన జుట్టు, పలుచని మీసంతో పాటు ఆవాలు పసుపు రంగు టీ షర్ట్‌లో నితిన్ కనిపిస్తున్నారు. చేతిలో పెన్ను పట్టుకుని డెస్క్ దగ్గర కూర్చుని ఏదో ఆలోచిస్తున్నట్లుగా ఆయన కనిపించారు. అమాయకత్వం, స్వేచ్ఛగా కలలు కనే యువకుడి స్వభావం ఆయన హావభావాల్లో కనిపించేలా ఈ పాత్రను పరిచయం చేశారు.

నితిన్, ఆఫియా సయ్యద్ జంట ఈ చిత్రంలోని ప్రధాన ఆకర్షణల్లో ఒకటిగా నిలవనుంది. వీరిద్దరి పాత్రలు కథకు ప్రత్యేకమైన రొమాంటిక్ ఫ్లేవర్‌ను అందించనున్నాయి. రుక్మిణి పాత్రలో ఆఫియా, కృష్ణ పాత్రలో నితిన్ కనిపించనున్నారు. కొత్త వీడియోలో వీరిద్దరి మధ్య సంభాషణతోనే కృష్ణ పాత్ర పరిచయం మొదలవుతుంది. నితిన్ యంగ్ లుక్‌ను చూసి ఆఫియా ఆశ్చర్యపోవడం కూడా ఈ వీడియోలో చూపించారు. ఈ జంట తెరపై ఎలా కనిపించనుందనే ఆసక్తి ప్రేక్షకుల్లో నెలకొంది.

ఇప్పటికే ఈ సినిమా సంగీత ప్రచారాన్ని తొలి పాట ‘రుకు రుకు రుక్మిణి’తో ప్రారంభించారు. విజయ్ బుల్గానిన్ స్వరపరిచిన ఈ మెలోడీ పాటలో రుక్మిణి పట్ల కృష్ణకు ఉన్న ప్రేమాభిమానాలను అందంగా ఆవిష్కరించారు. తాజాగా విడుదలైన ప్రమోషనల్ వీడియో కృష్ణ పాత్రలో నితిన్ యంగ్ మేకోవర్‌ను మరింత స్పష్టంగా చూపించింది. ‘కోర్ట్’ సినిమా తర్వాత నాని యూనానిమస్ ప్రొడక్షన్స్ నిర్మిస్తున్న ఈ చిత్రానికి మురళీకాంత్ దేవసోత్ దర్శకత్వం వహిస్తున్నారు. ‘అలియాస్ రుక్మిణి’ డిసెంబర్ 4న థియేటర్లలో విడుదల కానుంది.

Hanuman Ansh OTT: ఫైనల్ గా ఓటీటీకి హనుమాన్‌ అంశ్‌.. ఎప్పుడు, ఎక్కడ చూడొచ్చంటే?

Aithagoni Raju — Sat, 07 Nov 2026 17:49:22 +0530

బాక్సాఫీసు వద్ద దుమ్ములేపిన `హనుమాన్‌ అంశ్‌`

నీమ్ కరోలీ బాబా పాత్రలో శోభినవ్ సత్య నటించిన 'హనుమాన్ అంశ్‌' సినిమా బాక్సాఫీస్ దగ్గర బ్లాక్ బస్టర్ హిట్ అయిన తర్వాత ఇప్పుడు ఓటీటీలోకి వచ్చేస్తోంది. నవంబర్ 27న సోనీ లివ్ లో ఈ సినిమా రిలీజ్ కానుంది. ఈ మూవీ కథ, క్యాస్టింగ్ వివరాలు ఇక్కడ చూద్దాం.

2026లో బాక్సాఫీస్ ని షేక్ చేసిన సినిమాల్లో ఒకటైన హనుమాన్ అన్ష్ ఇప్పుడు డిజిటల్ ప్లాట్‌ఫామ్‌ లోకి ఎంట్రీ ఇవ్వడానికి రెడీ అయింది. కేవలం రూ. 2 కోట్ల బడ్జెట్ తో తెరకెక్కిన ఈ భక్తిరస చిత్రం ప్రపంచవ్యాప్తంగా రూ. 450 కోట్లకు పైగా వసూళ్లు సాధించింది. ఇప్పుడు ఈ సినిమా ఓటీటీకి రాబోతోంది. థియేటర్లో ఈ అద్భుతమైన సినిమాను మిస్ అయిన వాళ్లు ఇంట్లోనే చూసి ఎంజాయ్ చేయొచ్చు.

హనుమాన్ అంశ్‌ ఓటీటీ రిలీజ్ డేట్, ప్లాట్‌ఫామ్

సోనీ లివ్ (SonyLIV) లో 2026 నవంబర్ 27న హనుమాన్ అంశ్‌ సినిమా ప్రీమియర్ కానుంది. సోనీ పిక్చర్స్ నెట్‌వర్క్స్ ఇండియా ఈ సినిమా డిజిటల్, టీవీ రైట్స్ ని దక్కించుకుంది. థియేటర్లలో భారీ స్పందన తెచ్చుకున్న తర్వాత ఈ మూవీ ఓటీటీకి వస్తోంది. ఇది సోనీ మ్యాక్స్ (Sony MAX) లో కూడా ప్రసారం కానుంది.

హనుమాన్ అంశ్‌ కథ ఏంటి?

విశాల్ చతుర్వేది రాసి, డైరెక్ట్ చేసిన ఈ హనుమాన్ అంశ్‌ మూవీ, లక్ష్మీనారాయణ శర్మ అనే వ్యక్తి చుట్టూ తిరుగుతుంది. తల్లి చనిపోయిన తర్వాత అతను ఆధ్యాత్మిక ప్రయాణం మొదలుపెడతాడు. భక్తి, నమ్మకాన్ని కనుక్కుని ఆ తర్వాత నీమ్ కరోలీ బాబాగా ఎలా మారాడన్నదే ఈ కథ. జాలి, ఇతరులకు సేవ చేయడం, భక్తి గొప్పతనాన్ని ఈ మూవీ చూపిస్తుంది.

నటీనటులు, టెక్నీషియన్లు

నీమ్ కరోలీ బాబా పాత్రలో శోభినవ్ సత్య నటించగా, ఆయన చిన్నప్పటి క్యారెక్టర్ లో విహాన్ షెడ్గే కనిపించాడు. ఇతర పాత్రల్లో చందన్ ఆనంద్, పూర్ణిమ తివారీ, అనిల్ రస్తోగి, గుల్షన్ పాండే నటించారు. ఈ సినిమాను విశాల్ చతుర్వేది రాయడంతో పాటు డైరెక్ట్ చేశాడు. 2026 ఆగస్టు 7న ఈ సినిమా థియేటర్లలో రిలీజ్ అయింది.

హనుమాన్ అంశ్‌ బాక్సాఫీస్ కలెక్షన్

తక్కువ బడ్జెట్ తో తెరకెక్కినా ఈ మూవీ బాక్సాఫీస్ దగ్గర మ్యాజిక్ చేసింది. ప్రపంచవ్యాప్తంగా సుమారు రూ. 452.86 కోట్లు వసూలు చేసింది. ఇప్పుడు ఈ స్టోరీని మరింత మందికి చేరవేయాలనే ఉద్దేశ్యంతో డిజిటల్ ప్లాట్‌ఫామ్‌ పైకి తీసుకొస్తున్నారు.

Chain Necklace: తక్కువ వెయిట్ లో మెడ నిండుగా కనిపించే చైన్ నక్లెస్

ramya Sridhar — Sat, 07 Nov 2026 17:21:49 +0530

Chain Necklace: చీరలు, లెహంగాలు ధరించినప్పుడు.. మెడలో చిన్న నక్లెస్ పెట్టుకుంటే చాలా అందంగా కనిపిస్తాం. అయితే.. హెవీ నక్లెస్ లేకుండా.. సింపుల్ గా చైన్ నక్లెస్ ట్రై చేయండి. ఇవి తక్కువ బరువులో వచ్చినా కూడా మెడలో నిండుగా కనిపిస్తాయి. ఆ డిజైన్లు ఇవే

Heroines: మహేష్ నుంచి ప్రభాస్ వరకు..షూటింగ్ స్టార్ట్ అయ్యాక హీరోయిన్లని మార్చేసి అట్టర్ ఫ్లాప్ అయిన సినిమాలు

Tirumala Dornala — Sat, 07 Nov 2026 16:50:09 +0530

Heroine Replacements: షూటింగ్ మొదలయ్యాక హీరోయిన్లని మార్చేసిన సందర్భాలు కొన్ని ఉన్నాయి. ఆ సినిమాలు ఏంటి, ఆ హీరోయిన్లు ఎవరు అనే వివరాలు ఈ కథనంలో తెలుసుకుందాం.

ఒక సినిమాకు కొందరు హీరోయిన్లని అనుకుని ఫైనల్ గా ఒకరిని ఎంపిక చేస్తుంటారు. కానీ హీరోయిన్ ని ఎంపిక చేసి షూటింగ్ మొదలయ్యాక కూడా మార్చేసిన సందర్భాలు ఉన్నాయి. మహేష్ బాబు, ప్రభాస్, విజయ్ దేవరకొండ లాంటి హీరోల సినిమాల్లో షూటింగ్ స్టార్ట్ చేశాక హీరోయిన్లని మార్చేశారు. ఆ హీరోయిన్లు ఎవరు.. ఆ సినిమాల రిజల్ట్ ఏంటి అనేది ఇప్పుడు చూద్దాం.

ఈ మూవీలో ప్రభాస్ కి జోడీగా కాజల్, తాప్సి నటించారు. ముందుగా రకుల్ ప్రీత్ ని హీరోయిన్ గా ఎంపిక చేశారు. కొన్ని రోజులు షూటింగ్ కూడా జరిగింది. కానీ ఆమె సన్నివేశాలు అనుకున్నట్లు రావట్లేదు అని రకుల్ ప్లేస్ లో కాజల్ ని తీసుకున్నారు. మిస్టర్ పర్ఫెక్ట్ మూవీ బాక్సాఫీస్ వద్ద మంచి విజయం సాధించింది.

అజయ్ భూపతి దర్శకత్వంలో తెరకెక్కిన ఈ చిత్రంలో సమంతని హీరోయిన్ గా అనుకున్నారు. ఆల్మోస్ట్ షూటింగ్ ప్రారంభమయ్యే దశలో సమంతని పక్కన పెట్టి అదితి రావు హైదరిని తీసుకున్నారు. కారణాలు ఏవైనా సినిమా మాత్రం డిజాస్టర్ అయింది.

సూపర్ స్టార్ మహేష్ బాబు, త్రివిక్రమ్ కాంబినేషన్ లో తెరకెక్కిన ఈ మూవీలో పూజా హెగ్డేని హీరోయిన్ గా ఎంపిక చేశారు. సెకండ్ హీరోయిన్ గా శ్రీలీలని అనుకున్నారు. షూటింగ్ కూడా కొంత భాగం జరిగింది. కానీ అనుకోకుండా పూజా హెగ్డేని తప్పించి మీనాక్షి చౌదరిని తీసుకున్నారు. దీనితో శ్రీలీల మెయిన్ హీరోయిన్ అయింది. మీనాక్షి సెకండ్ హీరోయిన్ గా మారింది. ఈ చిత్రం బాక్సాఫీస్ వద్ద పర్వాలేదనిపించింది.

విజయ్ దేవరకొండ, గౌతమ్ తిన్ననూరి కాంబోలో తెరకెక్కిన ఈ చిత్రంలో ముందుగా శ్రీలీలని హీరోయిన్ గా అనుకున్నారు. షూటింగ్ కూడా మొదలైంది. కానీ కొన్ని విభేదాల కారణంగా శ్రీలీలని పక్కన పెట్టి భాగ్యశ్రీని తీసుకున్నారు. ఈ చిత్రం ఆశించిన విజయం సాధించలేదు.

భీష్మ చిత్రంతో సూపర్ హిట్ కొట్టిన నితిన్.. అదే దర్శకుడు వెంకీ కుడుములతో రాబిన్ హుడ్ అనే మూవీ చేశారు. భీష్మలో నటించిన రష్మికనే హీరోయిన్ గా ఎంచుకున్నారు. అనౌన్సమెంట్ గా ప్రమోషనల్ వీడియో కూడా చేశారు. కానీ కొన్ని విభేదాల కారణంగా రష్మిక ఈ చిత్రం నుంచి తప్పుకుంది. దీనితో శ్రీలీలని తీసుకున్నారు. బాక్సాఫీస్ వద్ద ఈ చిత్రం దారుణంగా నిరాశపరిచింది.

అఖిల్ అక్కినేని లెనిన్ చిత్రంతో తొలి సూపర్ హిట్ అందుకున్నాడు. ఈ మూవీలో శ్రీలీల హీరోయిన్ గా నటించాల్సింది. ఒక షెడ్యూల్ షూటింగ్ కూడా జరిగింది. కానీ అనుకోకుండా ఆమెని తప్పించి భాగ్యశ్రీని తీసుకున్నారు.

Beauty Tip: దీపావళి పండగ వేళ మీ ముఖం మెరిసిపోవాలంటే ఈ ఫార్ములా ట్రై చేయండి

Nandini Arava — Sat, 07 Nov 2026 16:48:50 +0530

Beauty Tip: దీపావళి పండగ రోజు ఇంటితో పాటు ముఖం కూడా మెరిసిపోవాలని రకరకాలు ట్రై చేస్తారు. అయితే కాస్త ఆగండి. హడావుడిలో సమస్యలు తెచ్చుకోకండి. ఈ ఫార్ములా ట్రై చేయండి. నేచురల్ గానే మీ ముఖం దీపాల కాంతుల్లా చమక్కుమంటుంది.

దీపావళి వేళ అందంగా, మెరిసిపోయే చర్మంతో కనిపించాలని చాలామంది ఫేషియల్, బొటాక్స్, ఫిల్లర్స్ వంటి బ్యూటీ ట్రీట్‌మెంట్స్ అంటూ పరుగులు పెడతారు. అయితే పండుగకు ఒకటి రెండు రోజుల ముందు వీటిని చేయించుకోవడం వల్ల ఫలితం రాదు సరికదా... వాపు, మచ్చలు వంటి సమస్యలు ఎదురుకావచ్చు. అందుకే చివరి నిమిషంలో బ్యూటీ ట్రీట్‌మెంట్స్ చేయించుకునే ముందు కొన్ని విషయాలు తప్పక తెలుసుకోవాలి.

చాలా వరకు బ్యూటీ ట్రీట్‌మెంట్స్ రిజల్స్ కనిపించడానికి 3 నుంచి 7 రోజుల సమయం పడుతుంది. పూర్తి రిజల్ట్ రావడానికి దాదాపు రెండు వారాలు పట్టవచ్చు. ముఖ్యంగా బొటాక్స్, ఫిల్లర్స్ వంటి ట్రీట్‌మెంట్స్ విషయంలో జాగ్రత్త అవసరం.

ముఖంపై ముడతలను తగ్గించేందుకు బొటాక్స్ ట్రీట్‌మెంట్‌ను చాలామంది చేయించుకుంటారు. అయితే ఇది చేయించుకున్న వెంటనే ముఖంలో మార్పులు కనిపించవు. ముఖం కండరాలు పూర్తిగా సర్దుకోవడానికి సుమారు 2 వారాల సమయం పడుతుంది. అందుకే వైద్యులు కూడా ట్రీట్‌మెంట్ తర్వాత రెండు వారాల రిజల్ట్ చెక్ చేస్తారు.

ఇక హైలురోనిక్ యాసిడ్ ఫిల్లర్స్ విషయానికి వస్తే.. వీటితో ముఖంలో మార్పులు త్వరగానే కనిపించినప్పటికీ, తొలుత వాపు, సున్నితత్వం వంటి సమస్యలు ఎదురుకావచ్చు. కొందరిలో వాపు కొన్ని రోజుల పాటు ఉండొచ్చు. గాయాల వల్ల నల్లటి మచ్చలు తగ్గడానికి 2 వారాల వరకు పట్టొచ్చు. స్కిన్ బూస్టర్స్ వంటి ఇంజెక్షన్ ట్రీట్‌మెంట్స్‌తోనూ వెంటనే ఫలితాలు ఆశించకూడదు. సాధారణంగా రెండు సెషన్లుగా ఇచ్చే ఈ చికిత్సల ఫలితాలు కనిపించడానికి 6 నుంచి 8 వారాల సమయం పట్టవచ్చు. అంతేకాదు.. ఇలాంటి ట్రీట్‌మెంట్స్ చేయించుకున్న తర్వాత సుమారు రెండు వారాల పాటు ఫేషియల్స్, మసాజ్‌లు, థ్రెడింగ్ వంటివి చేయించుకోవద్దని నిపుణులు చెబుతుంటారు.

దీపావళికి షాపింగ్, ప్రయాణాలు, ఇంట్లో ఏర్పాట్లతో బిజీగా ఉంటారు. ఇలాంటి సమయంలో కొత్తగా బ్యూటీ ట్రీట్‌మెంట్ చేయించుకుంటే దాని వల్ల వచ్చే వాపు, అసౌకర్యం మరింత ఇబ్బంది పెట్టవచ్చు. ముఖ్యంగా ముఖ్యమైన వేడుకలు, ఫంక్షన్లకు ముందు తొలిసారిగా ఫిల్లర్స్ చేయించుకోవద్దని నిపుణులు సూచిస్తున్నారు.

అందరికీ ఒకే రకమైన ట్రీట్‌మెంట్ పనిచేయదు. ఏదైనా ప్రక్రియను ఎంచుకునే ముందు చర్మ పరిస్థితిని చెక్ చేయించుకోవాలి. గతంలో ఉన్న ఆరోగ్య సమస్యలు, చికిత్స వల్ల ఎదురయ్యే సమస్యల గురించి పూర్తిగా తెలుసుకోవాలి.

పండుగకు ముందు చర్మం నిర్జీవంగా కనిపించడం, అకస్మాత్తుగా మొటిమలు రావడం, జుట్టు పలుచబడటం వంటి సమస్యలు ఎదురైతే వెంటనే కాస్మెటిక్ ట్రీట్‌మెంట్స్ వైపు వెళ్లాల్సిన పని లేదు. నిద్రలేమి, ఒత్తిడి, పోషకాహార లోపాలు, థైరాయిడ్ సమస్యలు కూడా చర్మంపై ప్రభావం చూపవచ్చు. ముఖంపై ముడతలు, చర్మం సాగిపోవడం వంటి మార్పులకు ఇవి కారణం కావచ్చు. అలాగే శారీరక, మానసిక ఒత్తిడి వల్ల జుట్టు రాలే సమస్య కూడా పెరగవచ్చు.

దీపావళికి ముందు చర్మాన్ని ఆరోగ్యంగా, తాజాగా ఉంచుకోవాలంటే కొన్ని సాధారణ జాగ్రత్తలు పాటిస్తే సరిపోతుంది. ప్రతిరోజూ ఉదయం సన్‌స్క్రీన్ రాసుకోవాలి. బయటకు వెళ్లిన ప్రతిసారీ అవసరమైన మేరకు మళ్లీ అప్లై చేయాలి. మీ చర్మతత్వానికి సరిపోయే మైల్డ్ మాయిశ్చరైజర్ ఉపయోగించాలి. స్కిన్‌కేర్ రొటీన్‌లో కొత్తగా చాలా ఉత్పత్తులు చేర్చకుండా, అవసరమైతే ఒక యాక్టివ్ ఇంగ్రిడియెంట్‌ను మాత్రమే చేర్చాలి. తగినంత నిద్రపోవాలి. ఒత్తిడిని తగ్గించుకోవాలి. చర్మ సమస్యలు తీవ్రంగా ఉంటే సొంతంగా ప్రయోగాలు చేయకుండా డెర్మటాలజిస్ట్‌ను సంప్రదించాలి.

IND vs NZ 2nd ODI: కివీస్‌పై భారత్ ఉత్కంఠ విజయం.. రోహిత్ శర్మ ఖాతాలో అరుదైన రికార్డు

Narender Vaitla — Sat, 07 Nov 2026 16:45:08 +0530

IND vs NZ 2nd ODI: న్యూజిలాండ్‌తో జ‌రిగిన‌ వన్డే సిరీస్‌లో టీమిండియా మరో విజయాన్ని అందుకుంది. వెల్లింగ్టన్ వేదికగా జరిగిన రెండో వన్డేలో వర్షం కార‌ణంగా డక్‌వర్త్ లూయిస్ (DLS) పద్ధతిలో నాలుగు పరుగుల తేడాతో గెలుపొందింది.

వెల్లింగ్టన్‌లో వర్షం అంతరాయం కలిగించడంతో రెండో వన్డే ప్రారంభం కావడానికి ఆలస్యమైంది. దాదాపు గంట సమయం వృథా కావడంతో ఇరు జట్ల మధ్య మ్యాచ్‌ను 50 ఓవర్లకు బదులుగా 47 ఓవర్లకు కుదించారు. టాస్ గెలిచిన న్యూజిలాండ్ తొలుత బ్యాటింగ్ ఎంచుకుంది. అయితే భారత బౌలర్లు కట్టుదిట్టంగా బౌలింగ్ చేయడంతో కివీస్ బ్యాటర్లు పరుగులు సాధించడానికి తీవ్రంగా ఇబ్బందిపడ్డారు. నిర్ణీత ఓవర్లు పూర్తికాకముందే 41 ఓవర్లలో 134 పరుగులకు న్యూజిలాండ్ ఆలౌటైంది. దీంతో భారత్ ముందు 135 పరుగుల స్వల్ప లక్ష్యం నిలిచింది.

న్యూజిలాండ్ ఇన్నింగ్స్‌లో డారిల్ మిచెల్ ఒక్కడే భారత బౌలర్లను కొంతసేపు ప్రతిఘటించాడు. 104 బంతులు ఎదుర్కొన్న అతడు ఐదు ఫోర్లు, రెండు సిక్సర్లతో 55 పరుగులు చేసి హాఫ్ సెంచ‌రీ సాధించాడు. కెప్టెన్ మిచెల్ శాంట్నర్ 38 బంతుల్లో 31 పరుగులు చేయగా, హెన్రీ నికోల్స్ 11 పరుగులు చేశాడు. మిగిలిన బ్యాటర్లు ఎవరూ రెండంకెల స్కోరును కూడా అందుకోలేకపోయారు. భారత బౌలర్లలో గుర్నూర్ బ్రార్ అద్భుత ప్రదర్శన చేశాడు. 30 పరుగులు మాత్రమే ఇచ్చి నాలుగు వికెట్లు పడగొట్టాడు. ఆకిబ్ నబీ, అన్షుల్ కాంబోజ్, అక్షర్ పటేల్ రెండేసి వికెట్లతో ప్రత్యర్థి పతనాన్ని వేగవంతం చేశారు. సమష్టి బౌలింగ్ ప్రదర్శనతో న్యూజిలాండ్‌ను తక్కువ స్కోరుకే పరిమితం చేశారు.

Rain has the final say as #TeamIndia clinch a 4️⃣-run win via DLS to go 2-0 up in the series

Scorecard ▶️ https://t.co/pxZRYf6dYV

#NZvIND https://t.co/9QywzpNCKh

— BCCI (@BCCI) November 7, 2026

135 పరుగుల లక్ష్యంతో బరిలోకి దిగిన టీమిండియాకు న్యూజిలాండ్ బౌలర్లు గట్టి షాక్ ఇచ్చారు. పిచ్ బౌలింగ్‌కు అనుకూలించ‌డంతో భారత బ్యాటర్లు వరుసగా వికెట్లు కోల్పోయారు. కెప్టెన్ శుభ్‌మన్ గిల్ తాను ఎదుర్కొన్న తొలి బంతికే వెనుదిరగడం జట్టుకు ఎదురుదెబ్బగా మారింది. విరాట్ కోహ్లీ 7 పరుగులు చేసి నిరాశపరిచాడు. నమన్ ధిర్ 12, అక్షర్ పటేల్ 7 పరుగులకే ఔటయ్యారు.

మరోవైపు రోహిత్ శర్మ 28 బంతుల్లో రెండు ఫోర్లు, రెండు సిక్సర్లతో 23 పరుగులు చేసి జట్టుకు అవసరమైన వేగాన్ని అందించాడు. శ్రేయస్ అయ్యర్ 46 బంతుల్లో 30 పరుగులు చేయగా, కేఎల్ రాహుల్ 26 పరుగులతో నాటౌట్‌గా నిలిచాడు. అయితే భారత ఇన్నింగ్స్ 26 ఓవర్ల వద్ద 7 వికెట్ల నష్టానికి 113 పరుగుల వద్ద ఉండగా వర్షం అంతరాయం కలిగించింది. అప్పటికి డీఎల్‌ఎస్ లెక్కల ప్రకారం భారత్ విజయానికి అవసరమైన స్కోరును అధిగమించింది. దీంతో నాలుగు పరుగుల తేడాతో టీమిండియా విజయం సాధించినట్లు ప్రకటించారు.

ఈ మ్యాచ్‌లో రోహిత్ శర్మ ఆడిన ఇన్నింగ్స్ చిన్నదే అయినా రికార్డుల పరంగా ప్రత్యేకంగా నిలిచింది. రెండు సిక్సర్లు బాదడంతో న్యూజిలాండ్‌పై వన్డేల్లో అతడి సిక్సర్ల సంఖ్య 51కి చేరింది. ఇప్పటివరకు ఈ జాబితాలో 50 సిక్సర్లతో అగ్రస్థానంలో ఉన్న పాకిస్థాన్ మాజీ క్రికెటర్ షాహిద్ అఫ్రిదిని రోహిత్ అధిగమించాడు. దీంతో కివీస్‌పై వన్డేల్లో అత్యధిక సిక్సర్లు కొట్టిన బ్యాటర్‌గా హిట్‌మ్యాన్ కొత్త రికార్డు నెలకొల్పాడు. ఈ మ్యాచ్‌కు ముందు రోహిత్ ఖాతాలో న్యూజిలాండ్‌పై 49 సిక్సర్లు ఉన్నాయి. రెండో వన్డేలో కొట్టిన రెండు సిక్సర్లతో ఈ సంఖ్య 51కి చేరింది. కేవలం 23 పరుగుల ఇన్నింగ్స్‌తోనే ఈ ఘనత సాధించడం విశేషం.

అఫ్రిది సరసన రోహిత్

వన్డే క్రికెట్‌లో మూడు వేర్వేరు ప్రత్యర్థి జట్లపై కనీసం 50 సిక్సర్లు బాదిన ఆటగాళ్ల జాబితాలో రోహిత్ శర్మ కూడా చోటు సంపాదించాడు. ఇప్పటివరకు ఈ ఘనత పాకిస్థాన్ మాజీ కెప్టెన్ షాహిద్ అఫ్రిది మాత్రమే సాధించాడు. ఇప్పుడు రోహిత్ అతడి సరసన నిలిచాడు. ప్రత్యర్థి జట్ల వారీగా చూస్తే ఆస్ట్రేలియాపై రోహిత్ 93 సిక్సర్లు, శ్రీలంకపై 58 సిక్సర్లు, న్యూజిలాండ్‌పై 51 సిక్సర్లు బాదాడు. ఇక ఒకే ప్రత్యర్థిపై అత్యధిక సిక్సర్లు కొట్టిన ఆటగాళ్ల జాబితాలోనూ రోహిత్ తనదైన ముద్ర వేశాడు. ఆస్ట్రేలియాపై అతడి పేరిట 93 సిక్సర్లు ఉన్నాయి. ఇంగ్లండ్‌పై క్రిస్ గేల్ 85 సిక్సర్లతో, శ్రీలంకపై షాహిద్ అఫ్రిది 63 సిక్సర్లతో తర్వాతి స్థానాల్లో ఉన్నారు. మొత్తంగా రెండో వన్డేలో భారత్ విజయం సాధించడంతో పాటు రోహిత్ శర్మ వ్యక్తిగత రికార్డులు కూడా అభిమానులకు ప్రత్యేక ఆకర్షణగా నిలిచాయి. సిరీస్‌లో మూడో వన్డే మంగళవారం జరగనుంది.

Cooking Oil: వంటకు ఏ నూనె వాడాలి? సన్ ఫ్లవర్ , రైస్ బ్రాన్ ఏది వాడటం మంచిది?

ramya Sridhar — Sat, 07 Nov 2026 16:43:48 +0530

Cooking Oil: వంట చేయాలి అంటే కచ్చితంగా నూనె కావాలి. అయితే.. మనం ఆరోగ్యంగా ఉండాలి అంటే ఏ నూనె వాడాలి? ఏ నూనె వాడితే ఆరోగ్యంగా ఉంటారు? మరీ ముఖ్యంగా సన్ ఫ్లవర్ నూనె, రైస్ బ్రాన్ ఆయిల్ ఈ రెండింటిలో ఏది బెస్ట్.?

భారతీయ వంటగదిలో నూనె లేని వంటను ఊహించలేం. బిర్యానీలు, పూరీలు, బజ్జీల నుంచి నిత్యం చేసుకునే కూరల వరకు ప్రతిదానికీ నూనె అవసరమే. అయితే దుకాణాల్లో రకరకాల నూనెలు అందుబాటులో ఉన్న వేళ ముఖ్యంగా సన్ ఫ్లవర్ నూనె,, రైస్ బ్రాన్ ఆయిల్ లలో ఏది ఆరోగ్యానికి మంచిదనే సందేహం చాలా మందిలో ఉంటుంది. ఈ రెండు నూనెల్లో పోషకాలు ఏంటి? గుండె ఆరోగ్యానికి ఏది మేలు చేస్తుంది? వంటలో ఎలాంటి జాగ్రత్తలు తీసుకోవాలో ఇప్పుడు చూద్దాం...

పొద్దుతిరుగుడు నూనె (Sunflower Oil): ఇందులో విటమిన్ E, ఒమేగా-6 కొవ్వు ఆమ్లాలు సమృద్ధిగా ఉంటాయి. ఈ నూనెలో మన శరీరానికి అవసరమైన ముఖ్యమైన అసంతృప్త కొవ్వులు పుష్కలంగా ఉంటాయి.

రైస్ బ్రాన్ ఆయిల్ (Rice Bran Oil): ఇందులో అసంతృప్త కొవ్వులతో పాటు విటమిన్ E సమ్మేళనాలు ఉంటాయి. దీని ప్రత్యేకత ఏమిటంటే.. ఇందులో ఉండే సహజ సిద్ధమైన 'ఒరిజనాల్' (Oryzanol) అనే సమ్మేళనం ఆరోగ్యానికి ఎంతో మేలు చేస్తుంది.

గుండె ఆరోగ్యం, కొలెస్ట్రాన్ నియంత్రణలో ఏది బెస్ట్..?

రైస్ బ్రాన్ ఆయిల్: కొన్ని అధ్యయనాల ప్రకారం, రైస్ బ్రాన్ ఆయిల్ వాడటం వల్ల శరీరంలో చెడు కొలెస్ట్రాల్ (LDL,)మొత్తం కొలెస్ట్రాల్, ట్రైగ్లిజరైడ్ స్థాయిలు తగ్గే అవకాశాలు ఉన్నాయని తేలింది.

పొద్దుతిరుగుడు నూనె: ఇది కూడా అసంతృప్త కొవ్వులను అందిస్తుంది. సాధారణంగా ఒమేగా-6 కొవ్వు ఆమ్లాలు ఎక్కువగా తింటే వాపు (Inflammation) వస్తుందనే భావన ఉన్నప్పటికీ, పరిమిత మోతాదులో ఒమేగా-6 శరీరానికి అత్యంత అవసరం.

అమెరికన్ హార్ట్ అసోసియేషన్ (AHA) సూచన ప్రకారం.. సంతృప్త కొవ్వుల (Saturated Fats) కంటే అసంతృప్త కొవ్వులు ఉన్న కూరగాయల నూనెలను ఎంచుకోవడమే శ్రేయస్కరం. కేవలం ప్రకటనలు చూసి కాకుండా, న్యూట్రిషన్ లేబుల్ చూసి నూనెను ఎంచుకోవాలి.

నూనెను పదే పదే వేడి చేయకూడదు: ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) హెచ్చరిక ప్రకారం, ఒక్కసారి వాడిన నూనెను మళ్లీ వేడి చేయడం వల్ల అందులో హానికరమైన టాక్సిక్ సమ్మేళనాలు ఏర్పడతాయి.

ఈ గుర్తులు ఉంటే ఆ నూనె వాడకండి: నూనె నల్లబడినా, దుర్వాసన వచ్చినా, నురుగు వస్తున్నా లేదా విపరీతంగా పొగ వస్తున్నా దానిని పారబోయడమే మంచిది.

కొత్త-పాత నూనెలు కలపవద్దు: వాడేసిన నూనెలో కొత్త నూనెను కలిపి మళ్లీ వంట చేయడం ఆరోగ్యానికి తీవ్ర హానికరం.

వంట నూనె ఎంచుకొనేటప్పుడు చేయకూడని తప్పులు..

ధర, అడ్వర్టైజ్‌మెంట్లు చూసి కొనడం: గుండెకు మంచిదని ప్రచారం చేసే నూనె అయినా సరే.. పరిమితికి మించి వాడితే ఆరోగ్యానికి కీడు జరుగుతుంది.

ఒకే నూనెకు పరిమితం కావడం: ప్రతి నెలా నూనె మార్చాలని నిబంధన ఏమీ లేదు కానీ, వేర్వేరు రకాల ఆరోగ్యకరమైన నూనెలను మార్చి మార్చి వాడటం వల్ల శరీరానికి అన్ని రకాల కొవ్వు ఆమ్లాలు సమతుల్యంగా అందుతాయి. నూనెను సూర్యరశ్మి పడకుండా, మూతపెట్టి చల్లని ప్రదేశంలో ఉంచాలి.

చివరగా ఏ నూనె ఎంచుకోవాలి..? పొద్దుతిరుగుడు నూనె, రైస్ బ్రాన్ ఆయిల్—రెండూ కూడా పరిమిత మోతాదులో వాడినంత కాలం ఆరోగ్యానికి మేలు చేస్తాయి. కొలెస్ట్రాల్ నియంత్రణపై శ్రద్ధ పెట్టేవారు రైస్ బ్రాన్ ఆయిల్‌ను, మంచి అసంతృప్త కొవ్వులు కావాలనుకునేవారు పొద్దుతిరుగుడు నూనెను ఎంచుకోవచ్చు. అయితే, ఏ నూనె వాడినా పరిమాణమే అత్యంత ముఖ్యం. దాంతో పాటు మన ఆహారపు అలవాట్లు, రోజువారీ వ్యాయామం, జీవనశైలే మన గుండె ఆరోగ్యాన్ని నిర్ణయిస్తాయి. మీకు ఇప్పటికే తీవ్రమైన గుండె జబ్బులు లేదా కొలెస్ట్రాల్ సమస్యలు ఉంటే మీ వైద్యుడిని లేదా డైటీషియన్‌ను సంప్రదించి సరైన నూనెను ఎంచుకోవడం శ్రేయస్కరం.

Mutton Curry: మటన్ కర్రీ ఇలా చేశారంటే.. టేస్ట్ అదిరిపోతుంది! ఈజీ రెసిపీ

Kavitha G — Sat, 07 Nov 2026 16:41:05 +0530

Mutton Curry: మటన్ ని ఇష్టంగా తినేవాళ్లు చాలామంది ఉంటారు. సండే వచ్చిందంటే చాలు మటన్ ఉండాల్సిందే. మరి ఘుమఘుమలాడే మసాలాలతో చిక్కటి గ్రేవీ, మెత్తగా ఉడికిన మటన్ ముక్కలు కలిస్తే ఆ రుచే వేరు. ఇంట్లోనే హోటల్ స్టైల్‌లో మటన్ కర్రీని ఎలా చేయాలో తెలుసుకుందాం.

సండే, పండగలు, ఇతర ప్రత్యేక సందర్భాల్లో చాలా ఇళ్లలో ఉదయాన్నే మటన్ లేదా నాటుకోడి కూర వాసన ఘుమఘుమలాడుతుంది. ఈ ఆదివారం మీ ఇంట్లో మటన్ వండాలనుకుంటే, రొటీన్ రుచికి భిన్నంగా ఇలా కాస్త స్పైసీగా ట్రై చేయండి. వేడి వేడి అన్నంతో కలుపుకుని తింటే అద్భుతంగా ఉంటుంది. మరి ఈ మటన్ కూరను కుక్కర్‌లోనే చాలా ఈజీగా ఎలా వండాలో ఇక్కడ తెలుసుకుందాం.

మటన్ (మేక మాంసం) - ½ కిలో

పెద్ద ఉల్లిపాయలు - 2

టమాటాలు - 2

కారం - ½ టీస్పూన్

పసుపు - ½ టీస్పూన్

మిరియాల పొడి - 1 టీస్పూన్ + ¼ టీస్పూన్

ధనియాల పొడి - 2 టీస్పూన్లు

మటన్ మసాలా పొడి - 1 టీస్పూన్

పల్లి నూనె - 2 టీస్పూన్లు

కరివేపాకు - 3 రెమ్మలు

కొత్తిమీర - గుప్పెడు

ఉప్పు - తగినంత

పల్లి నూనె - 2 టీస్పూన్లు

దాల్చిన చెక్క - 2

లవంగాలు - 6

జీలకర్ర - 1 టీస్పూన్

సోంపు - 1 టీస్పూన్

వెల్లుల్లి - 5- 6 రెబ్బలు

అల్లం - 2 ముక్కలు

చిన్న ఉల్లిపాయలు - సరిపడా

కొబ్బరి - ¼ చిప్ప

కరివేపాకు - 1 రెమ్మ

ముందుగా మటన్‌ను గిన్నెలో తీసుకుని 2 సార్లు కడగాలి. ఆ తర్వాత కొద్దిగా పసుపు, కల్లుప్పు వేసి శుభ్రంగా కడిగి పక్కన పెట్టుకోవాలి. పెద్ద ఉల్లిపాయలు, చిన్న ఉల్లిపాయలు, వెల్లుల్లి పొట్టు తీసి సన్నగా తరగాలి. మంచిగా పండిన టమాటాలు తీసుకొని చిన్న ముక్కలుగా కట్ చేయాలి. అల్లాన్ని మట్టి లేకుండా కడిగి, పొట్టు తీసి సన్నగా తరగాలి. కొత్తిమీర, కరివేపాకును కడిగి పెట్టుకోవాలి. కొబ్బరిని తురుముకుని రెడీ చేసుకోవాలి.

ఇప్పుడు స్టౌ మీద కడాయి పెట్టి నూనె పోయాలి. నూనె వేడెక్కాక దాల్చినచెక్క, లవంగాలు, జీలకర్ర, సోంపు, పొట్టు తీసిన చిన్న ఉల్లిపాయలు, వెల్లుల్లి, తరిగిన అల్లం, కరివేపాకు వేసి బాగా వేయించాలి. తర్వాత తురిమిన కొబ్బరి వేసి ఒక్క నిమిషం వేయించి, స్టౌ ఆపేసి చల్లారనివ్వాలి. ఈ మిశ్రమం చల్లారాక మిక్సీ జార్‌లో వేసి, తగినన్ని నీళ్లు పోసి మెత్తని పేస్ట్‌లా రుబ్బి పక్కన పెట్టుకోవాలి.

స్టౌ మీద కుక్కర్ పెట్టి నూనె వేడి చేయాలి. తరిగిన పెద్ద ఉల్లిపాయలు, కరివేపాకు వేసి దోరగా వేయించాలి. తర్వాత తరిగిన టమాటాలు వేసి మగ్గనివ్వాలి. టమాటాలు మగ్గాక కారం, పసుపు, 1 టీస్పూన్ మిరియాల పొడి, ధనియాల పొడి, మటన్ మసాలా వేసి పచ్చి వాసన పోయేలా వేయించాలి. ఆ తర్వాత ముందుగా రుబ్బి పెట్టుకున్న మసాలా పేస్ట్, శుభ్రం చేసిన మటన్ ముక్కలు వేసి కాసేపు ఉడికించాలి. ఇప్పుడు తగినంత ఉప్పు, నీళ్లు పోసి కుక్కర్ మూతపెట్టి, మీడియం మంట మీద కరెక్ట్‌గా 20 నిమిషాలు ఉడికించాలి.

20 నిమిషాల తర్వాత ప్రెషర్ పోయాక మూత తీసి మటన్ ఉడికిందో లేదో చెక్ చేసుకోవాలి. ఉడకకపోతే ఇంకాసేపు ఉడికించవచ్చు. తర్వాత మళ్లీ కుక్కర్‌ను స్టౌ మీద పెట్టి కరివేపాకు, ¼ టీస్పూన్ మిరియాల పొడి వేసి బాగా కలపాలి. చివరగా కొత్తిమీర చల్లి దించితే చాలు.. స్పైసీ మటన్ కర్రీ రేడీ అవుతుంది. వేడి వేడి అన్నంతో కలిపి తింటే అద్భుతంగా ఉంటుంది.

ప్ర‌జా ర‌వాణ వ్య‌వ‌స్థ‌లో మ‌రో అద్భుతం.. 60 కిలోమీటర్లు డ్రైవర్ లేకుండానే దూసుకెళ్లే మెట్రో రైలు

Narender Vaitla — Sat, 07 Nov 2026 15:59:53 +0530

Metro Train: చైనాలో ప్రజా రవాణా వ్యవస్థలో మరో అద్భుతం ఆవిష్కృతమైంది. డ్రైవర్ లేకుండానే ప్రయాణించే మెట్రో రైలు అందుబాటులోకి వ‌చ్చింది. చైనాలోని హుబే ప్రావిన్స్‌లో ఉన్న వుహాన్ నగరంలో ఈ సేవ‌లు ప్రారంభ‌మ‌య్యాయి.

చైనాలోని హుబే ప్రావిన్స్‌ వుహాన్ నగరంలో మెట్రో లైన్-12 పూర్తిస్థాయిలో ప్రారంభమైంది. సుమారు 59.9 కిలోమీటర్ల పొడవున్న ఈ మార్గాన్ని చైనాలోనే అత్యంత పొడవైన మెట్రో లూప్ లైన్‌గా గుర్తిస్తున్నారు. ఇందులో మొత్తం 37 భూగర్భ స్టేషన్లు ఉన్నాయి. ఈ మార్గంలో రైలు ఒక పూర్తి చుట్టు తిరిగి రావడానికి దాదాపు 96 నిమిషాలు పడుతుంది. ఈ మెట్రో అందుబాటులోకి రావడంతో నగరంలోని వివిధ ప్రాంతాల మధ్య ప్రయాణం మరింత సులభం కానుంది. ముఖ్యంగా రోజూ ఉద్యోగాలు, వ్యాపారాల కోసం ప్రయాణించే వారికి ఎంతో ఉపయోగకరంగా ఉండనుంది.

వుహాన్ మెట్రో లైన్-12 నగరంలోని ఏడు ప్రధాన జిల్లాల మీదుగా వెళ్తుంది. ఇందులో కియావోకౌ, జియాంగ్‌హాన్, జియాంగ్‌ఆన్ వంటి ప్రాంతాలు ఉన్నాయి. అంతేకాకుండా నగరంలోని రెండు ప్రధాన రైల్వే స్టేషన్లైన హాన్‌కౌ, వుచాంగ్‌లను ఈ మెట్రో అనుసంధానిస్తుంది. దీంతో ఇతర ప్రాంతాల నుంచి రైళ్లలో వచ్చే ప్రయాణికులు నగరంలోని వివిధ ప్రాంతాలకు సులభంగా చేరుకోవచ్చు. ఈ మెట్రో మార్గం ఇప్పటికే ఉన్న ఇతర మెట్రో లైన్లతో కూడా అనుసంధానమై ఉంది. అవసరాన్ని బట్టి ప్రయాణికులు మరో మెట్రోలోకి మారి తమ గమ్యస్థానాలకు చేరుకోవచ్చు. వ్యాపార ప్రాంతాలు, నివాస ప్రాంతాలకు వెళ్లేవారికి ఈ మార్గం ఎంతో సౌకర్యంగా ఉండనుంది.

వుహాన్ మెట్రో లైన్-12 నిర్మాణాన్ని రెండు దశల్లో పూర్తి చేశారు. మొదటి దశను మే 1న ప్రయాణికులకు అందుబాటులోకి తీసుకొచ్చారు. ఈ దశలో సుమారు 35.3 కిలోమీటర్ల మార్గాన్ని నిర్మించారు. రెండో దశలో మరో 24.6 కిలోమీటర్ల మార్గాన్ని అందుబాటులోకి తీసుకొచ్చారు. దీంతో మొత్తం 59.9 కిలోమీటర్ల మెట్రో లూప్ పూర్తయింది. రెండో దశ ప్రారంభంతో పూర్తి మార్గంలో రైళ్ల రాకపోకలు మొదలయ్యాయి. నగరంలోని అన్ని ప్రధాన ప్రాంతాలను ఒకే మెట్రో మార్గంతో అనుసంధానించాలనే లక్ష్యంతో ఈ ప్రాజెక్టును చేపట్టారు.

ఈ మెట్రో మార్గం నిర్మాణం ఇంజినీర్లకు పెద్ద సవాలుగా మారింది. వుహాన్ నగరం యాంగ్జీ, హాన్ నదుల కారణంగా వేర్వేరు ప్రాంతాలుగా డివైడ్ అయి ఉంటుంది. దీంతో మెట్రో మార్గాన్ని యాంగ్జీ నది కింద నుంచి రెండుసార్లు, హాన్ నది కింద నుంచి ఒకసారి నిర్మించాల్సి వచ్చింది. నదుల కింద సొరంగాలు తవ్వే సమయంలో భూమిలోని వివిధ పొరలు, నీటి తీవ్ర ఒత్తిడి, సొరంగాల్లోకి నీరు చేరే ప్రమాదం వంటి సమస్యలు ఎదురయ్యాయి. వీటిని అధిగమించేందుకు ఆధునిక యంత్రాలు, అత్యాధునిక నిర్మాణ సాంకేతికతను ఉపయోగించారు. ఫలితంగా నదుల కిందుగా వెళ్లే భూగర్భ మార్గాలతో ఈ భారీ ప్రాజెక్టును పూర్తి చేయగలిగారు.

ఈ మెట్రో లైన్‌లో అందరినీ ఆశ్చర్యపరిచే అంశం డ్రైవర్ లేకుండానే రైళ్లు నడవడం. వుహాన్ మెట్రో లైన్-12 గ్రేడ్-4 ఆటోమేషన్ (GoA4) టెక్నాలజీతో పనిచేస్తుంది. రైలు రవాణాలో ఇదే అత్యున్నత స్థాయి ఆటోమేషన్. ఈ విధానంలో రైళ్లను నడిపేందుకు డ్రైవర్ అవసరం ఉండదు.

ఉదయం రైళ్లు ఆటోమేటిక్‌గా ప్రారంభమవుతాయి. ప్రయాణం మొదలుపెట్టే ముందు తమ సాంకేతిక పరిస్థితిని తామే తనిఖీ చేసుకుంటాయి. అనంతరం డిపో నుంచి బయటకు వచ్చి నిర్ణయించిన స్టేషన్లలో ఆగుతూ ప్రయాణికులను చేరవేస్తాయి. రోజువారీ సేవలు పూర్తయిన తర్వాత తిరిగి డిపోకు చేరుకుంటాయి.

అంతేకాదు, రద్దీ సమయాల్లో ప్రయాణికుల సంఖ్యను బట్టి రైళ్ల మధ్య సమయాన్ని కూడా ఈ వ్యవస్థ సర్దుబాటు చేయగలదు. ఏదైనా అత్యవసర పరిస్థితి ఎదురైతే ప్రత్యామ్నాయ మార్గాలను కూడా ఎంచుకునే సామర్థ్యం ఉంది. అవసరమైనప్పుడు కంట్రోల్ రూమ్‌లోని సిబ్బంది దూరం నుంచే రైళ్ల నియంత్రణను చేపట్టగలరు. సిగ్నలింగ్, సమాచార వ్యవస్థలు, ప్లాట్‌ఫామ్ పరికరాలను ఒకే కేంద్రం నుంచి పర్యవేక్షిస్తారు.

Snake Wine: 2 వేల ఏళ్ల నాటి ఈ ట్రెడిషనల్ స్నేక్ వైన్ గురించి తెలుసా? ఇది తాగితే ఏమౌతుంది?

Nandini Arava — Sat, 07 Nov 2026 15:52:27 +0530

Snake wine: బాటిల్‌లో ఆల్కహాల్ తో పాటు ఏకంగా పామునే వేసి ఊరబెడతారు. స్నేక్ వైన్‌గా పిలిచే ఈ వింత పానీయానికి సుమారు 2,000 ఏళ్ల చరిత్ర ఉంది. అసలు దీన్ని ఎందుకు తయారు చేస్తారు? పాము విషం ఏమవుతుంది? ఇందులో ఉన్న ఆరోగ్య ప్రయోజనాలు నిజమేనా?

ప్రపంచవ్యాప్తంగా రకరకాల ఆల్కహాల్ బ్రాండ్లు అందుబాటులో ఉన్నాయి. వాటిలో కొన్ని మనం ఊహించలేనంత వింతగా, అత్యంత ఖరీదైనవిగా ఉంటాయి. ముఖ్యంగా ఆగ్నేయాసియా దేశాల్లోని నైట్ మార్కెట్లలో అమ్మే ఆల్కహాల్‌ పానీయాల్లో 'స్నేక్ వైన్' చాలా పాపులర్.

గాజు సీసాల్లో ఆల్కహాల్‌లో ఊరబెట్టిన పాములను చూడటమే వింతగా అనిపిస్తుంది. ఇదే ఈ వైన్ ప్రత్యేకత. సుమారు 2,000 ఏళ్లకు పైగా చరిత్ర ఉన్న ఈ విచిత్రమైన పానీయం గురించిన ఆసక్తికరమైన వివరాలు చూద్దాం.

'స్నేక్ వైన్' అనేది చూడటానికి వింతగా ఉండే ఒక ట్రెడిషనల్ ఆల్కహాల్. ఆల్కహాల్ నింపిన సీసాలో ఒక పెద్ద పామును చుట్టి ఉంచుతారు. దీని చరిత్ర 2,000 ఏళ్ల క్రితం చైనాలోని 'వెస్ట్రన్ చౌ' (Western Zhou) రాజవంశ కాలం నాటిది. పురాతన చైనాలో రాజకుటుంబీకులు ఔషధంగా దీన్ని వాడటం మొదలుపెట్టారు. ఇప్పుడు అది నాటు వైద్యం, ఆతిథ్యానికి ప్రతీకగా మారిపోయింది. మన దేశంలో ఇది దొరకకపోయినా, వియత్నాం, లావోస్, థాయ్‌లాండ్, దక్షిణ చైనా అంతటా విరివిగా దొరుకుతుంది.

చాలా స్ట్రాంగ్‌గా ఉండే రైస్ వైన్ లేదా గ్రెయిన్ ఆల్కహాల్ నింపిన జాడీలో పామును వేసి దీన్ని తయారు చేస్తారు. వీటితో పాటు తేళ్లు, జిన్సెంగ్ లేదా స్థానిక మూలికలను కూడా కలుపుతారు. పామును ఈ ఆల్కహాల్ సీసాలో చాలా నెలల పాటు ఊరబెడతారు. ఆల్కహాల్‌లో ఉండే ఇథనాల్, పాములోని విష ప్రోటీన్లను పూర్తిగా విచ్ఛిన్నం చేసి దాని విష ప్రభావాన్ని నిర్వీర్యం చేస్తుంది. అందుకే పాము విషం విరిగిపోయి, ఈ వైన్ తాగడానికి సురక్షితంగా మారుతుంది.

ఈ వైన్ ఇప్పటికీ ప్రాచుర్యంలో ఉండటానికి సంప్రదాయ చైనీస్ వైద్యమే ప్రధాన కారణం. చైనీస్ హెర్బల్ వైద్యులు పామును శరీరానికి వేడినిచ్చే, శరీరంలోని అనవసరమైన తేమను బయటకు పంపే శక్తివంతమైన మూలికగా భావిస్తారు. కీళ్ల నొప్పులు తగ్గించడానికి, రక్త ప్రసరణను మెరుగుపరచడానికి, శరీర అలసటను పోగొట్టడానికి ప్రజలు ఈ వైన్‌ను తాగుతారు.

పాములను సహజమైన శారీరక శక్తి, స్టామినాకు ప్రతీకగా భావిస్తారు. కాబట్టి ఈ వైన్ తాగిన వారికి ఆ శక్తి వస్తుందని, ముఖ్యంగా పురుషులలో లైంగిక సామర్థ్యాన్ని పెంచే టానిక్‌లా పనిచేస్తుందని స్థానికులు నమ్ముతారు.

వైద్య ప్రయోజనాలే కాకుండా, ఆగ్నేయాసియా ప్రాంతాలలో ఇది ఆతిథ్యానికి గౌరవ చిహ్నంగా కూడా నిలుస్తుంది. పల్లెటూళ్లలో తమ ఇళ్లకు వచ్చే అతిథులకు స్వాగతం పలికేటప్పుడు, తమ ఆతిథ్యాన్ని ప్రదర్శించడానికి ఒక గ్లాసు స్నేక్ వైన్‌ను అందించడం ఆనవాయితీ.

అదే సమయంలో, ఆయా ప్రాంతాలకు వచ్చే పర్యాటకులు తాము వెళ్లిన ప్రదేశానికి గుర్తుగా (Souvenir) తీసుకెళ్లడానికి వీలుగా, నైట్ మార్కెట్‌లలో చిన్న, చవకైన బాటిళ్లలో కూడా ఈ స్నేక్ వైన్‌ను అమ్ముతారు.

Japan Houses: హెటెక్ కంట్రీ జపాన్ లో ఇళ్లు చిన్నగా ఎందుకుంటాయో తెలుసా?

Nandini Arava — Sat, 07 Nov 2026 15:35:36 +0530

Japan Houses: మనదేశంలో 1BHK అంటే రూ.10 వేల నుంచి రూ.15 వేల అద్దె ఉంటుంది. కానీ జపాన్ లో చిన్న గది కూడా రూ.45వేలు ఉంటుంది. ఇళ్లు కూడా చిన్నవిగా ఉంటాయి. రెండు ఇళ్ల మధ్య నడవడానికి కూడా సందు ఉండదు. ఇంత డెవలప్ అయిన జపాన్ లో ఇళ్లు ఎందుకు చిన్నగా ఉంటాయి?

జపాన్‌ని చూస్తే అక్కడి ఇళ్లు చాలా వరకు ఇరుకుగా, చిన్న చిన్న స్థలాల్లో ఉంటాయి. కొన్ని ఇళ్ల మధ్య నడవడానికి కూడా పెద్దగా ఖాళీ ఉండదు. ఒక చిన్న స్థలంలోనే రెండు, మూడు అంతస్తుల ఇళ్లు కనిపిస్తాయి. మరి మన దగ్గర విశాలమైన ఇల్లు కట్టుకోవాలని చాలామంది కోరుకుంటే.. జపాన్‌లో మాత్రం ఇంత చిన్నగా ఎందుకు ఉంటాయి? దానికి ముఖ్యంగా 6 రీజన్స్ ఏంటో చూద్దాం.

జపాన్ లో ల్యాండ్ లిమిటెడ్ గా ఉంటుంది. ఇండియాలో భూమి ఎక్కువగా ఉంటుంది. అందుకే విశాలంగా కట్టుకుంటాం. జపాన్ వాళ్లు ఉన్న దాంట్లో చిన్న చిన్నగా కట్టుకుంటారు. చిన్న కంట్రీ కాబట్టి ప్లేస్ ఉండదు. తక్కువ స్థలంలోనే యూనిక్ గా కట్టుకుంటారు.

జపాన్ లో భూకంపాలు ఎక్కువగా వస్తుంటాయి. ఇక్కడ తరచూ భూకంపాలు సంభవిస్తుంటాయి. అందుకే ఇల్లు కట్టుకొనేటప్పుడే భద్రతకు చాలా ప్రాధాన్యత ఇస్తారు. భూకంపాలను తట్టుకునేలా ప్రత్యేక నిర్మాణ ప్రమాణాలను పాటిస్తారు. ఇల్లు కట్టేటప్పుడే కింద ఎర్క్ క్వాక్ షాక్ అబ్జార్వర్లు పెడతారు. దానిని సెసమిక్ డ్యాంపర్లు అంటారు. ఖర్చు ఎక్కువ. భూకంపాలు వచ్చినప్పుడు ఇళ్లు జస్ట్ ఊగి ఆగిపోతాయి కాబట్టి. నష్టం తక్కువ జరుగుతుంది.

మూడో విషయం...ఇంటిని రెంట్ కు తీసుకునేటప్పుడు మధ్యలో కమిషన్లకే ఎక్కువగా పోతాయి. ఏజేన్సీ, రెన్యువల్ అంటూ రూ.లక్ష తీసుకుంటారు. జపాన్ లో ఇంగ్లీష్ మాట్లాడరు. విదేశీయులకు జపాన్ లో ఇళ్లు ఇవ్వరు. అందుకే మధ్యవర్తులే డీలింగ్ చేసి రెంట్ ఇప్పిస్తారు. దాని వల్ల రెంట్ పెరుగుతుంది.

బాత్ రూం, టాయిలెట్ వేర్వేరుగా ఉంటాయి. కచ్చితంగా బాత్ టబ్ ఉంటుంది. పైన వెంటిలేషన్ ఇస్తారు. ఇంకో విషయం ఏంటంటే జపాన్ లో చలిని తట్టుకోలేం. బట్టలు ఆరేసిన ఆరవు. కాబట్టి లోపలే డ్రయ్యర్స్ ఉంటాయి. వెంటిలేషనే డ్రయ్యర్, కూలింగ్...ఇలా అన్ని రకాలుగా వాడుకునేలా డిజైన్ చేశారు.

జపాన్ లో ఇళ్ల గోడలు చాలా పల్చగా ఉంటాయి. పక్కింట్లో మాట్లాడుకునేవి మన ఇంట్లోకి వినిపిస్తాయి. భూకంపాలు వచ్చినప్పుడు బరువు అపార్ట్ మెంట్ తట్టుకునేలా, ఊగడానికి ఈజీగా ఉండేలా డిజైన్ చేస్తారట.

అయితే జపాన్‌లో ప్రతి ఇల్లు చిన్నదే అనుకోవడం పొరపాటే. టోక్యో వంటి జనసాంద్రత ఎక్కువగా ఉన్న నగరాల్లో చిన్న ఇళ్లు, అపార్ట్‌మెంట్లు ఎక్కువగా కనిపిస్తాయి. అదే గ్రామీణ ప్రాంతాల్లో పెద్ద ఇళ్లు, విశాలమైన ప్రాంగణాలు ఉన్న సంప్రదాయ నివాసాలు కూడా కనిపిస్తాయి.

మొత్తానికి జపాన్‌లో చిన్న ఇళ్ల నిర్మాణం అనేది కేవలం స్థలం ఆదా చేసుకోవడానికి మాత్రమే కాదు. అందుబాటులో ఉన్న వనరులతో సౌకర్యవంతమైన జీవితాన్ని ఎలా గడపాలనే ఆలోచనకు కూడా నిదర్శనం. తక్కువ స్థలంలోనూ అవసరమైన అన్ని సౌకర్యాలను ఏర్పాటు చేసుకోవచ్చని జపాన్ గృహ నిర్మాణ విధానం చెబుతోంది.

SEC Anil Chandra Punetha: 23 మున్సిపాలిటీలు, 13వేల గ్రామపంచాయతీల ఎన్నికలపై త్వరలో నిర్ణయం

Galam Venkata Rao — Sat, 07 Nov 2026 15:31:32 +0530

SEC Anil Chandra Punetha: ఏపీలో దాదాపు 13వేల పంచాయతీలు, పెండింగ్‌లో ఉన్న 23 మున్సిపాలిటీల ఎన్నికలపై త్వరలో నిర్ణయం ఉంటుందని రాష్ట్ర ఎన్నికల కమిషనర్ అనిల్ చంద్ర పునేఠ తెలిపారు. హైకోర్టు ఆదేశాల మేరకు తదుపరి చర్యలు చేపడతామన్నారు.

SEC Anil Chandra Punetha: ఆంధ్రప్రదేశ్‌లో గ్రామ పంచాయతీ ఎన్నికల నిర్వహణకు రంగం సిద్ధమవుతోంది. ఇప్పటికే పెండింగ్‌లో ఉన్న 23 మున్సిపాలిటీల ఎన్నికలతో పాటు దాదాపు 13వేల గ్రామ పంచాయతీలకు ఎన్నికలు నిర్వహించే అంశంపై త్వరలో నిర్ణయం తీసుకుంటామని రాష్ట్ర ఎన్నికల కమిషనర్ అనిల్ చంద్ర పునేఠ వెల్లడించారు. హైకోర్టు ఉత్తర్వుల మేరకు తదుపరి చర్యలు చేపడతామని స్పష్టం చేశారు. దీంతో రాష్ట్రంలో త్వరలో మరోసారి స్థానిక సంస్థల ఎన్నికల సందడి నెలకొనే అవకాశాలు కనిపిస్తున్నాయి.

మరోవైపు, రాష్ట్రవ్యాప్తంగా నిర్వహించిన ఎంపీటీసీ, జడ్పీటీసీ ఎన్నికల ఓట్ల లెక్కింపు శనివారం చేపట్టారు. గుంటూరు జిల్లాలోని ఆచార్య నాగార్జున విశ్వవిద్యాలయంలో ఏర్పాటు చేసిన కౌంటింగ్ కేంద్రాలను రాష్ట్ర ఎన్నికల కమిషనర్ అనిల్ చంద్ర పునేఠ సందర్శించి ఏర్పాట్లను పరిశీలించారు. పెదకాకాని, ఫిరంగిపురం మండలాలకు సంబంధించిన కౌంటింగ్ కేంద్రాలను సందర్శించి ఓట్ల లెక్కింపు ప్రక్రియను పరిశీలించారు. కౌంటింగ్ కేంద్రాల్లో భద్రతా ఏర్పాట్లు, స్ట్రాంగ్ రూమ్‌లలో భద్రపరిచిన బ్యాలెట్ బాక్సులను తనిఖీ చేశారు. కౌంటింగ్ ఏజెంట్లతో మాట్లాడి లెక్కింపు ప్రక్రియకు సంబంధించిన వివరాలను అడిగి తెలుసుకున్నారు. ఎలాంటి అవాంఛనీయ ఘటనలకు తావులేకుండా అధికారులు పకడ్బందీ ఏర్పాట్లు చేసినట్లు తెలిపారు.

ఈ సందర్భంగా మీడియాతో మాట్లాడిన రాష్ట్ర ఎన్నికల కమిషనర్ అనిల్ చంద్ర పునేఠ.. రాష్ట్రవ్యాప్తంగా ఎంపీటీసీ, జడ్పీటీసీ ఎన్నికలు ప్రశాంత వాతావరణంలో జరిగాయని వెల్లడించారు. గుంటూరు జిల్లాలోని 13 మండలాలకు సంబంధించి ఓట్ల లెక్కింపు కొనసాగుతోందని చెప్పారు. ఎన్నికల నిబంధనల ప్రకారం తొలుత పోస్టల్ బ్యాలెట్లను లెక్కించినట్లు వివరించారు. కౌంటింగ్ ప్రక్రియకు సంబంధించిన సీసీ కెమెరాల ఫుటేజీలు, వీడియో రికార్డులను 60 రోజుల పాటు భద్రపరుస్తామని తెలిపారు. స్థానికంగా తలెత్తిన సమస్యలపై పల్నాడు జిల్లా కంకణాలపల్లి గ్రామస్థులు అందించిన వినతులపై స్పందించారు. ఆయా సమస్యల పరిష్కారానికి సంబంధిత జిల్లా కలెక్టర్లు తగిన చర్యలు తీసుకోవాలని సూచించారు.

ఎంపీటీసీ, జడ్పీటీసీ ఎన్నికల ఓట్ల లెక్కింపు ప్రక్రియను మధ్యాహ్నం 4 గంటలలోగా పూర్తి చేసేందుకు అధికారులు ప్రయత్నిస్తున్నారని, మొత్తం ప్రక్రియ సాయంత్రంలోగా పూర్తవుతుందని ఆశిస్తున్నట్లు కమిషనర్ అనిల్ చంద్ర పునేఠ తెలిపారు. కాగా, గ్రామపంచాయతీ ఎన్నికలతో పాటు పెండింగ్‌లో ఉన్న మున్సిపాలిటీల ఎన్నికల నిర్వహణపై త్వరలో నిర్ణయం తీసుకోనున్నట్లు కమిషనర్ చేసిన ప్రకటన రాష్ట్ర రాజకీయ వర్గాల్లో ఆసక్తిని పెంచుతోంది. హైకోర్టు ఆదేశాల నేపథ్యంలో ఎన్నికల సంఘం తీసుకోబోయే తదుపరి నిర్ణయాలపై ఉత్కంఠ నెలకొంది.

Salwar Suits: పండగలు, ప్రత్యేక సందర్భాల కోసం బెస్ట్ సల్వార్ సూట్స్!

Kavitha G — Sat, 07 Nov 2026 15:15:12 +0530

Salwar Suits: పండగలు, పెళ్లిళ్లు, ప్రత్యేక వేడుకల్లో అందంగా, ట్రెడిషనల్ గా కనిపించాలనుకుంటున్నారా? మీ అందాన్ని మరింత పెంచే ట్రెండీ, ఎలిగెంట్ సల్వార్ సూట్స్ ఇక్కడ ఉన్నాయి. చూసేయండి..

తెలంగాణ‌లో ఉచిత చీర‌ల పంపిణీకి డేట్ ఫిక్స్‌.. ఈసారి చీర‌లు ఎంత బాగున్నాయో చూశారా?

Narender Vaitla — Sat, 07 Nov 2026 14:43:25 +0530

Telangana: తెలంగాణలో మహిళలకు రాష్ట్ర ప్రభుత్వం మరో శుభవార్త అందించింది. ఇందిరా మహిళాశక్తి పథకం కింద ఉచితంగా చీరలు పంపిణీ చేసేందుకు ముహూర్తం ఖరారు చేసింది. నవంబర్ 19 నుంచి ఈ కార్యక్రమాన్ని ప్రారంభించాలని నిర్ణయించింది.

మాజీ ప్రధాని ఇందిరాగాంధీ జయంతిని పురస్కరించుకుని నవంబర్ 19న ఉచిత చీరల పంపిణీ కార్యక్రమాన్ని ప్రారంభించాలని ప్రభుత్వం నిర్ణయించింది. హైదరాబాద్ నెక్లెస్ రోడ్డులోని ఇందిరాగాంధీ విగ్రహం వద్ద సీఎం రేవంత్ రెడ్డి లాంఛనంగా ఈ కార్యక్రమాన్ని ప్రారంభించ‌నున్నారు. ఈ ప్రారంభోత్సవానికి మంత్రులు, ఎమ్మెల్యేలు, ఎమ్మెల్సీలు, ఎంపీలతో పాటు పలువురు ప్రజాప్రతినిధులు హాజరుకానున్నారు.

ఇందిరా మహిళాశక్తి పథకం ద్వారా రాష్ట్రంలోని సుమారు 95 లక్షల మంది మహిళలకు చీరలు అందించాలని ప్రభుత్వం లక్ష్యంగా నిర్దేశించుకుంది. ఇందుకోసం 2026 ఆర్థిక సంవత్సరంలో రూ.334 కోట్లను కేటాయించింది. అర్హులైన మహిళలందరికీ నిర్ణీత సమయంలో చీరలు అందించేందుకు జిల్లాల వారీగా పంపిణీ ప్రణాళిక రూపొందిస్తున్నారు. తెల్ల రేషన్ కార్డులు కలిగిన కుటుంబాల్లోని మహిళలకు ఈ పథకం ద్వారా ప్రయోజనం కల్పించనున్నారు. పంపిణీ ప్రక్రియ ప్రారంభమైన తర్వాత వారం రోజుల పాటు చీరలు అందించేలా ఏర్పాట్లు చేస్తున్నారు.

ఈ ఏడాది మహిళలకు అందించే చీరల విషయంలో ప్రభుత్వం ప్రత్యేకంగా రంగుల ఎంపిక చేసింది. గతంలో పాలపిట్ట రంగు చీరలను పంపిణీ చేయగా.. ఈసారి చిలకపచ్చ రంగుకు ఎరుపు రంగు జరీ అంచును జోడించారు. మహిళలకు నాణ్యమైన చీరలు అందించడంతో పాటు రాష్ట్రంలోని చేనేత, వస్త్ర పరిశ్రమలకు ఉపాధి కల్పించాలనే లక్ష్యంతో ప్రభుత్వం ఉత్పత్తికి ప్రాధాన్యం ఇచ్చింది. ఏప్రిల్ నెల నుంచే చీరల తయారీ ప్రక్రియ ప్రారంభమైంది. సిరిసిల్లతో పాటు రాష్ట్రంలోని పలు ప్రాంతాల్లో ఏర్పాటు చేసిన కేంద్రాల్లో ఉత్పత్తి చేపట్టారు.

రాష్ట్రవ్యాప్తంగా పంపిణీ చేయాల్సిన 95 లక్షల చీరల్లో ఇప్పటివరకు సుమారు 65 లక్షల చీరల తయారీ పూర్తయింది. వీటిని ఇప్పటికే వివిధ జిల్లాలకు తరలించారు. మిగిలిన చీరల తయారీ ప్రక్రియ కూడా కొనసాగుతోంది. ఉత్పత్తి పూర్తయిన వెంటనే వాటిని సంబంధిత జిల్లా కేంద్రాలకు చేరవేసేలా అధికారులు చర్యలు తీసుకుంటున్నారు. ఇందిరాగాంధీ జయంతి రోజునే పంపిణీ ప్రారంభించాలనే ఉద్దేశంతో ప్రభుత్వం ముందుగానే ఈ కార్యక్రమానికి తేదీని ఖరారు చేసింది. లక్షల సంఖ్యలో చీరలు పంపిణీ చేయాల్సి ఉండటంతో రవాణా, నిల్వ, పంపిణీ ఏర్పాట్లపై ప్రత్యేక దృష్టి సారించారు.

చీరల పంపిణీలో ఎలాంటి అవకతవకలకు అవకాశం లేకుండా ప్రభుత్వం డిజిటల్ విధానాన్ని అమలు చేయనుంది. ఇందుకోసం ప్రత్యేక మొబైల్ యాప్‌ను అందుబాటులోకి తీసుకొచ్చింది. అర్హులైన మహిళలు పంపిణీ కేంద్రాలకు వెళ్లేటప్పుడు తప్పనిసరిగా ఆధార్ కార్డు తీసుకెళ్లాలి. అక్కడ సంబంధిత పంచాయతీ అధికారులు ఆధార్ వివరాలను పరిశీలించి, యాప్ ద్వారా లబ్ధిదారుల ఫొటోలను నమోదు చేస్తారు. వివరాల ధ్రువీకరణ పూర్తయిన తర్వాత చీరను అందజేస్తారు. ఇప్పటికే చీర అందుకున్న మహిళకు మరోసారి పంపిణీ కాకుండా ఈ విధానం ఉపయోగపడుతుంది. పంచాయతీరాజ్, గ్రామీణాభివృద్ధి శాఖల సిబ్బందితో పాటు సెర్ప్ ఉద్యోగులకు పంపిణీ బాధ్యతలు అప్పగించారు. తద్వారా అర్హులైన ప్రతి మహిళకు ఈ పథకం ప్రయోజనం చేరేలా ప్రభుత్వం చర్యలు చేపట్టింది.

Scene Box Office Collection: సూర్య `సీన్` ఫస్ట్ డే కలెక్షన్స్.. కరుప్పు, విశ్వనాథ్ అండ్ సన్స్ రికార్డ్ బ్రేక్

Aithagoni Raju — Sat, 07 Nov 2026 14:33:19 +0530

Scene Box Office Collection: దీపావళి కానుకగా విడుదలైన సూర్య 'సీన్' సినిమా బాక్సాఫీస్ వద్ద బలమైన ఓపెనింగ్ నమోదు చేసింది. సూర్య గత రెండు సినిమాల తొలిరోజు కలెక్షన్లను సీన్ దాటేసింది.

సూర్య నటించిన 'సీన్' సినిమా నవంబర్ 6న దీపావళి కానుకగా విడుదలై తొలిరోజే భారీ కలెక్షన్లు రాబట్టింది. మలయాళ డైరెక్టర్ జిత్తు మాధవన్ తెరకెక్కించిన ఈ సినిమాలో నజ్రియా నజీమ్, నస్లెన్ కీలక పాత్రల్లో నటించారు. యాక్షన్, కామెడీతో తెరకెక్కిన ఈ చిత్రానికి ప్రేక్షకుల నుంచి మంచి స్పందన వస్తోంది. ట్రేడ్ ట్రాకింగ్ వెబ్‌సైట్ సాక్నిల్క్ (Sacnilk) ప్రకారం, తొలిరోజు ఇండియాలో రూ.19.15 కోట్ల నెట్, ప్రపంచవ్యాప్తంగా రూ.34.25 కోట్ల గ్రాస్ వసూలు చేసింది.

ఇండియన్ కలెక్షన్లలో తమిళ వెర్షన్ ముఖ్య పాత్ర పోషించింది. తొలిరోజు తమిళ వెర్షన్ నుంచి రూ.16.15 కోట్ల నెట్ రాగా, తెలుగు వెర్షన్ రూ.3 కోట్లు వసూలు చేసింది. దీంతో ఇండియాలో మొత్తం నెట్ కలెక్షన్లు రూ.19.15 కోట్లు కాగా, పన్నులతో కలిపి గ్రాస్ కలెక్షన్లు రూ.22.25 కోట్లుగా నమోదయ్యాయి. ఓవర్సీస్ లో రూ.12 కోట్లు వసూలు చేసింది. తొలిరోజే సుమారు 14.31 లక్షల టికెట్లు అమ్ముడైనట్లు సమాచారం.

ఈ ఏడాది సూర్య నటించిన ‘కరుప్పు’, 'విశ్వనాథ్ అండ్ సన్స్' సినిమాలు థియేటర్లలో ప్రేక్షకులను ఆకట్టుకున్నాయి. 'కరుప్పు' తొలిరోజు రూ.15.50 కోట్లు, 'విశ్వనాథ్ అండ్ సన్స్' రూ.15.35 కోట్లు ఇండియాలో నెట్ కలెక్షన్లు సాధించినట్లు ట్రేడ్ వర్గాలు తెలిపాయి. ఇప్పుడు 'సీన్' రూ.19.15 కోట్లతో ఆ రెండు సినిమాల రికార్డులను బ్రేక్ చేసింది. దీంతో ఈ ఏడాది సూర్య సినిమాల్లో బెస్ట్ ఓపెనింగ్ సాధించిన చిత్రంగా 'సీన్' నిలిచింది.

దీపావళి పండుగ సందర్భంగా వరుస సెలవులు రావడం ఈ సినిమా కలెక్షన్లకు కలిసొచ్చే అవకాశం ఉంది. ముఖ్యంగా ఫ్యామిలీ ఆడియన్స్ థియేటర్లకు రావడం పెరిగితే రాబోయే రోజుల్లో కలెక్షన్లు పెరిగే ఛాన్స్ ఉంది. తొలిరోజు వచ్చిన రెస్పాన్స్ చూస్తుంటే వరల్డ్ వైడ్ కలెక్షన్లు రూ.100 కోట్లు చేరుకుంటాయా అనే అంచనాలు అభిమానుల్లో నెలకొన్నాయి. అయితే రాబోయే రోజుల కలెక్షన్లను బట్టి సినిమా విజయం ఆధారపడి ఉంటుంది.

ఐపీఎల్‌లో ఇప్పటివరకు కోహ్లీ తీసుకున్న రెమ్యూనరేషన్ ఎంత?

Arun Kumar P — Sat, 07 Nov 2026 14:21:11 +0530

ఐపీఎల్ చరిత్రలో అత్యధిక పారితోషికం తీసుకున్న ఆటగాళ్ల జాబితాలో విరాట్ కోహ్లీ టాప్ లో ఉన్నాడు. ఇప్పటివరకు అతడు రూ.230.2 కోట్లతో అగ్రస్థానంలో ఉండగా, రోహిత్ శర్మ, ఎంఎస్ ధోనీ తర్వాతి స్థానాల్లో ఉన్నారు.

Bangle Designs: చీరల మీదకు గ్రాండ్ లుక్ ఇచ్చే గాజుల డిజైన్లు చూసేయండి

ramya Sridhar — Sat, 07 Nov 2026 14:04:55 +0530

Bangle Designs: చేతులకు నిండుగా గాజులు వేసుకుంటే వచ్చే అందం మరేదీ ఇవ్వలేదు. మరీ ముఖ్యంగా పట్టుచీరలు కట్టుకున్నప్పుడు గ్రాండ్ లుక్ కావాలి అంటే… ఈ గాజులు కచ్చితంగా ట్రై చేయాల్సిందే. అలాంటి గాజుల డిజైన్లు ఓసారి చూద్దాం…

Gold Silver Price: ట్రంప్ ఓటమి.. పశ్చిమాసియాలో ఉద్రిక్తతలు.. బంగారం ధరలు మళ్లీ జంప్

Nandini Arava — Sat, 07 Nov 2026 14:02:36 +0530

Gold Silver Price: నిన్న స్థిరంగా ఉన్న బంగారం ధరలు.. నేడు మళ్లీ పుంజుకున్నాయి. పశ్చిమాసియాలో పెరుగుతున్న ఉద్రిక్తతలు, అమెరికా రాజకీయ పరిణామాల నేపథ్యంలో పసిడి మార్కెట్‌లో మళ్లీ కదలిక మొదలైంది. హైదరాబాద్‌లో నేటి బంగారం, వెండి ధరలు ఎలా ఉన్నాయంటే..

పసిడి ధరలు మళ్లీ ఊగిసలాట మొదలుపెట్టాయి. ఒకరోజు భారీగా పడిపోతున్న ధరలు.. మరుసటి రోజే తిరిగి పెరుగుతున్నాయి. దీంతో బంగారం కొనాలనుకునేవారు ఎప్పుడు కొనాలా? ఇంకా తగ్గుతుందా? అని ఎదురుచూస్తున్నారు. పశ్చిమాసియాలో మరోసారి ఉద్రిక్తతలు పెరగడం అంతర్జాతీయ మార్కెట్లపై ప్రభావం చూపుతోంది. మరోవైపు అమెరికా రాజకీయ పరిణామాలు, ట్రంప్‌కు ఎదురైన ఎన్నికల పరాజయం కూడా మార్కెట్లలో అనిశ్చితిని పెంచాయి. ఈ పరిణామాల మధ్య నిన్న భారీగా పడిపోయిన బంగారం ధరలు.. నేడు స్వల్పంగా పుంజుకున్నాయి.

హైదరాబాద్ బులియన్ మార్కెట్‌లో నేడు బంగారం ధరలు స్వల్పంగా పెరిగాయి. 10 గ్రాముల 24 క్యారెట్ల బంగారం ధర రూ.110 పెరిగి రూ.1,43,570కు చేరింది. అలాగే 22 క్యారెట్ల బంగారం ధర 10 గ్రాములపై రూ.100 పెరిగి రూ.1,31,600 వద్ద కొనసాగుతోంది. ఇక 18 క్యారెట్ల బంగారం ధర రూ.90 పెరిగి రూ.1,07,680కు చేరింది.

వెండి ధర ఎంతంటే?

బంగారం బాటలోనే వెండి మార్కెట్ కూడా ఒడిదొడుకులకు లోనవుతోంది. ప్రస్తుతం హైదరాబాద్ మార్కెట్‌లో కిలో వెండి ధర రూ.2,05,000 వద్ద కొనసాగుతోంది. పారిశ్రామిక డిమాండ్, అంతర్జాతీయ మార్కెట్ పరిణామాలు వెండి ధరలపై ప్రభావం చూపుతున్నాయి.

పశ్చిమాసియాలో మరోసారి ఉద్రిక్తతలు పెరగడం మార్కెట్లలో ఆందోళనకు కారణమవుతోంది. సాధారణంగా భౌగోళిక రాజకీయ అనిశ్చితి పెరిగినప్పుడు పెట్టుబడిదారులు సురక్షిత పెట్టుబడిగా భావించే బంగారం వైపు మొగ్గుచూపుతుంటారు. దీంతో పసిడికి డిమాండ్ పెరిగే అవకాశం ఉంటుంది.

మరోవైపు అమెరికా మధ్యంతర ఎన్నికల ఫలితాల్లో ట్రంప్‌కు ఎదురైన పరాజయం మార్కెట్లలో రాజకీయ అనిశ్చితిని పెంచింది. అమెరికా స్టాక్ మార్కెట్లతో పాటు ఆసియా మార్కెట్లలోనూ ఒడిదొడుకులు కనిపించాయి. ఈ పరిణామాల ప్రభావం బులియన్ మార్కెట్‌పైనా పడుతోంది.

అయితే నిన్నటి పతనం తర్వాత నేడు బంగారం ధరలు పెరిగినప్పటికీ.. ఈ పెరుగుదల ఎంతకాలం కొనసాగుతుందనేది చెప్పలేని పరిస్థితి. అంతర్జాతీయ మార్కెట్‌లో పరిణామాలు, డాలర్ విలువ, అమెరికా ఆర్థిక విధానాలు, పశ్చిమాసియా పరిస్థితులను బట్టి రాబోయే రోజుల్లో ధరల్లో మార్పులు ఉండొచ్చు.

Free Tirupati Laddu : ఫ్రీగా తిరుమల శ్రీవారి లడ్డూ, వడ.. ఎలా పొందాలో తెలుసా?

Arun Kumar P — Sat, 07 Nov 2026 13:38:43 +0530

Free Prasadam : తిరుపతి లడ్డూ, వడ ఫ్రీగా దొరుకుతుందా? అవును. ఇకపై శ్రీవారి లడ్డూ, వడ ప్రసాదాన్ని ఉచితంగా ఇవ్వనున్నారు. ఇది ఎవరికి, ఎంత ఇస్తారో తెలుసుకుందాం.

తిరుమల శ్రీవారి సన్నిధిలో ఎన్నో ఏళ్లు పనిచేసి రిటైర్ అయిన ఉద్యోగులు, వారి కుటుంబసభ్యులకు తిరుమల తిరుపతి దేవస్థానం (TTD) గుడ్ న్యూస్ చెప్పింది. ప్రతి ఏడాది మాదిరిగానే ఈ సంవత్సరం కూడా వారికి శ్రీవారి ప్రసాదాలను ఉచితంగా అందించేందుకు సిద్దమయ్యింది. నవంబర్ 7 అంటే ఇవాళ్టి నుంచి నవంబర్ 20 వరకు అర్హులైన పెన్షనర్లకు లడ్డూ, వడ ప్రసాదం ఇవ్వనున్నట్లు టిటిడి ఓ ప్రకటనలో తెలిపింది.

టిటిడి రిటైర్డ్ ఉద్యోగులు ఒక్కొక్కరికి ఒక పెద్ద లడ్డూతో పాటు వడ ప్రసాదం ఇచ్చేందుకు టిటిడి ఏర్పాట్లు చేసింది. దీనికోసం తిరుపతిలోని టీటీడీ అడ్మినిస్ట్రేటివ్ బిల్డింగ్ దగ్గర ప్రత్యేక ఏర్పాట్లు చేసినట్లు అధికారులు తెలిపారు. వృద్ధులు ఎక్కువ సేపు లైన్లో నిల్చోకుండా పెన్షన్ ఆర్డర్ నంబర్ ఆధారంగా ప్రసాదం ఇచ్చేలా రోజులను విభజించారు.

తిరుపతి కేటీ రోడ్‌లోని టీటీడీ అడ్మినిస్ట్రేటివ్ కాంప్లెక్స్‌లో ఈ ప్రసాద పంపిణీ జరుగుతుంది. ఎంప్లాయీస్ క్యాంటీన్ దగ్గరున్న కొత్త జాబాలి బిల్డింగ్‌లో కౌంటర్లు ఉంటాయి. నిర్ణయించిన రోజుల్లో ఉదయం 10:30 నుంచి సాయంత్రం 5 గంటల వరకు ప్రసాదం ఇస్తారు.

కేవలం తిరుపతే కాకుండా ఇతర ప్రాంతాల నుంచి వచ్చే రిటైర్డ్ ఉద్యోగులు కూడా ఎలాంటి ఇబ్బంది లేకుండా ప్రసాదం తీసుకునేలా ఏర్పాట్లు చేసింది టిటిడి. వృద్ధులు, అనారోగ్య సమస్యలు ఉన్నవారు ఇబ్బంది పడకుండా తాగునీరు, వెయిటింగ్ హాల్స్ లాంటి సౌకర్యాలు కూడా కల్పించింది.

ఒకేరోజు రిటైర్డ్ ఉద్యోగులు ఎక్కువగా రాకుండా ఉండేందుకు పెన్షన్ ఆర్డర్ నంబర్ల ఆధారంగా తేదీలను కేటాయించారు.

నవంబర్ 7న 164 నుంచి 3,250 వరకు నంబర్లు ఉన్నవారు ప్రసాదం తీసుకోవచ్చు.

నవంబర్ 9 నుంచి 13 వరకు 3,251 నుంచి 9,050 నంబర్లు ఉన్నవారికి ప్రసాదం ఇస్తారు.

నవంబర్ 16 నుంచి 19 వరకు 9,051 నుంచి 12,550 వరకు నంబర్లు ఉన్నవారు ప్రసాదం పొందవచ్చు.

నవంబర్ 20న 12,551 ఆ పైన నంబర్లు ఉన్న మిగిలిన వారందరికీ ప్రసాదం ఇస్తారు.

కాబట్టి పెన్షనర్లు తమ నంబర్ చెక్ చేసుకుని కేటాయించిన రోజు మాత్రమే రావాలని టీటీడీ కోరుతోంది.

ప్రసాదం తీసుకోవాలనుకునే రిటైర్డ్ ఉద్యోగులు, ఫ్యామిలీ పెన్షనర్లు కచ్చితంగా తమ ఒరిజినల్ స్మార్ట్ కార్డును తీసుకురావాలని టిటిడి సూచించింది.. గుర్తింపు కోసం కౌంటర్ దగ్గర ఈ కార్డును చెక్ చేస్తారట. ఒరిజినల్ కార్డు లేకపోతే ప్రసాదం తీసుకోవడంలో ఇబ్బంది ఉండొచ్చు… కాబట్టి ముందుగానే సిద్ధంగా ఉంచుకోవాలంటోంది. అలాగే ప్రసాదం ఏ తేదీన ఇస్తారో అదేరోజు రావాలని… పంపిణీ కేంద్రం దగ్గర క్రమశిక్షణ పాటించాలని టీటీడీ కోరుతోంది. ఈ ఉచిత ప్రసాద పంపిణీ నవంబర్ 20 వరకు జరగనుంది.

Surekha Vani: తనకంటే చిన్నోడితో సురేఖ వాణి ప్రేమ.. త్వరలో పెళ్లి చేసుకోబోతోందా? నిజమెంత?

Mahesh Jujjuri — Sat, 07 Nov 2026 13:21:26 +0530

Surekha Vani: సోషల్ మీడియాలో ఎప్పడూ వార్తల్లో నిలుస్తుంటుంది నటి సురేఖవాణి. ఈమధ్య కాలంలో ఆమెపై చాలా వార్తలు బయటకు వస్తున్నాయి. రీసెంట్ ఓ యువకుడితో సురేఖవాణి ఫోటోలు సోషల్ మీడియాలో కనిపించడం పెద్ద చర్చకు దారితీసింది. ఈ విషయంలో సురేఖ ఏమని స్పందించారంటే?

అయితే ఈ కామెంట్స్‌పై ఓ ఇంటర్వ్యూలో స్పందించింది సురేఖ వాణి. ఇలాంటి ఆకతాయిలు చేసే కామెంట్స్ తీవ్ర మనోవేదన కలిగిస్తాయని తన బాధను వ్యక్తం చేసింది. భర్త చనిపోయిన వెంటనే షూటింగ్‌లకు హాజరయ్యానని నా మీద ఆరోపణలు చేశారు. కానీ నా సమస్యలు వారికి అర్ధం కావు.

"/>

తెలుగు ఫిల్మ్ ఇండస్ట్రీలో 'బొమ్మరిల్లు', 'రెడీ', 'దుబాయ్ శీను' వంటి అనేక సూపర్ హిట్ చిత్రాల్లో క్యారెక్టర్ ఆర్టిస్ట్‌గా నటించి మెప్పించిన ప్రముఖ నటి సురేఖా వాణి. తెరపై సాంప్రదాయమైన వదిన, అక్క లేదా అమ్మ పాత్రల్లో అలరించిన ఆమె, నిజ జీవితంలో మాత్రం ఎంతో ట్రెండీగా, మోడ్రన్‌గా ఉంటూ సోషల్ మీడియాలో నిత్యం వార్తల్లో నిలుస్తుంటారు. ఇటీవల సోషల్ మీడియా ప్లాట్‌ఫారమ్‌లలో ఆమెకు సంబంధించి వైరల్ అవుతున్న పోస్టులు, వార్తలపై అనేక చర్చలు నడుస్తున్నాయి.

Surekhavani ki malii pelli aindhi anatlu social media lo videos and photos viral avthunnai. Indhulo yentha nijam undho chudali. Social media lo ame paina Rumours ravadam idhemi kotha kadhu. Yeppudu yedhoka rumour nadusthunte untundhi. Chudali ippudu dhini paina kuda ame ela respond avvatho

— Swaasthi (@swaasthii) November 7, 2026

తనకంటే చిన్నవాడితో సురేఖ ప్రేమ..?

రీసెంట్ గా సోషల్ మీడియాలో కొన్ని వీడియోలు, ఫోటోలు వైరల్ అవుతున్నాయి. ఈ వీడియోలలో సురేఖ తనకంటే చిన్నవాడిలా కనిపిస్తున్న యువకుడితో క్లోజ్ గా మూవ్ అవుతూ కనిపించింది. అయితే ఈ పోస్ట్ ను సురేఖ వాణి సోషల్ మీడియాలో పోస్ట్ చేసి.. ఆతర్వాత డిలెట్ చేసినట్టు తెలుస్తోంది.

అయితే ఆమె అతనితో డేటింగ్ చేస్తుందన్న రూమర్స్ వైరల్ అయ్యాయి. త్వరలో పెళ్లి కూడా చేసుకుంటుందని అంటున్నారు. ఈ విషయంపై సురేఖ వాణి స్పందించింది. పోస్ట్ గురించి ఎటువంటి సమాచారం ఇవ్వలేదు కానీ... సోషల్ మీడియా జనాలకు మాత్రం ఓ వార్నింగ్ ఇచ్చింది.

Actress Surekha Vani, reportedly 49, is making headlines over her alleged relationship with a young guy.

Despite having a 25-year-old daughter, she has reportedly shared romantic moments with him on Instagram before deleting the video.

Age-gap relationships and personal choices are once again sparking debate on social media.

— KR!SH (@Krish_RC_) November 6, 2026

అయితే సురేఖ వాణి ఫోటోలకు సంబంధించిన చక్కర్లు కొడుతున్న ఆ పర్సనల్ వీడియో డీప్ ఫేక్ అనే అనుమానాలు కూడా పలువరు వ్యక్త పరిచారు. ఈ విషయంపై సోషల్ మీడియాలో గట్టిగా డిస్కర్షన్ జరిగింది. అయితే, తాజాగా ఈ పర్సనల్ వీడియోపై నటి సురేఖ వాణి క్లారిటీ ఇచ్చారు. తన ఇన్‌స్టాగ్రామ్ అకౌంట్ హ్యాక్ అయిందంటూ సుధీర్ఘమైన పోస్ట్ పెట్టారు సురేఖ వాణి.

"నా ఇన్‌స్టాగ్రామ్ అకౌంట్ హ్యాక్ అయింది. నా ప్రేవేట్, పర్సనల్ విషయాలు నా కన్సెంట్ లేకుండా బయటకు వచ్చాయి. ఆ వీడియోలను షేర్ చేయొద్దని, పోస్ట్ చేయొద్దని మీమ్ పేజెస్, మీడియా, ప్రెస్, యూట్యూబ్ ఛానెల్స్ అందరిని కోరుతున్నాను. నా ప్రైవేట్ కంటెంట్‌ను ఎవరైనా షేర్ చేసినట్లు తెలిస్తే మాత్రం లీగల్ యాక్షన్ తీసుకుంటా" అని సురేఖ వాణి వార్నింగ్ ఇచ్చారు.

View this post on Instagram

A post shared by Surekhavani (@artist_surekhavani)

గత కొంతకాలంగా సురేఖా వాణి వ్యక్తిగత జీవితానికి సంబంధించి అనేక రకాల రూమర్స్ సోషల్ మీడియాలో గుప్పుమంటున్నాయి. భర్త మరణం తర్వాత ఆమె ఒంటరిగానే తన కుమార్తె సుప్రీతను పెంచి పెద్ద చేశారు. అయితే, ఆమె రెండో పెళ్లి చేసుకోబోతున్నారనే వార్తలు ఎప్పటికప్పుడు నెట్టింట హల్‌చల్ చేస్తూనే ఉన్నాయి.ఇటీవల వీటిపై సురేఖా వాణి స్పందిస్తూ స్పష్టతనిచ్చారు. "నాకు రెండో పెళ్లి చేసుకునే ఆలోచన అస్సలు లేదు. ఒకవేళ ఆ ఆలోచనే ఉంటే ఇన్ని సంవత్సరాలు ఆగాల్సిన అవసరం ఉండేది కాదు. నా కుమార్తెకు పెళ్లి చేయాల్సిన వయసొచ్చింది. మీడియాలోనే నాకు ఎన్నోసార్లు పెళ్లి చేసేశారు" అని నవ్వుతూ రూమర్స్‌కు పుల్‌స్టాప్ పెట్టారు.

నా భర్త ఉన్నన్ని రోజులు నాకు సమస్యలు లేవు, కాని ఇప్పుడు నా కూతుర్ని నేనే పోషించాలి. అందుకోసం నటించాలి. నాకు బాధ్యతల గురించి వారికి తెలియదు కానీ కామెంట్లు మాత్రం చేస్తారు ఆవేదన వ్యక్తం చేసింది. అంతేకాదు బయట ఏ మగాడితో కలిసి కనిపించినా లింక్‌ పెట్టేస్తారనీ, అతడితో నా బంధుత్వం ఏంటో కూడా పట్టించుకోకుండా సురేఖ పెళ్లి చేసుకుందా అని వార్తలు రాస్తారు. అంటూ కామెంట్ చేసింది.

"/>

సోషల్ మీడియాలో సురేఖా వాణి తన కుమార్తె సుప్రీతతో కలిసి విహారయాత్రలు చేస్తున్న ఫోటోలు, గ్లామరస్ రీల్స్ షేర్ చేస్తుంటారు. అయితే, కొన్నిసార్లు ఈ ఫోటోలు నెటిజన్ల మధ్య తీవ్రమైన ట్రోలింగ్‌కు కారణమవుతుంటాయి. ఈ ట్రోల్స్ పై ఎప్పటికప్పుడు సురేఖ, ఆమె కూతురు స్పందిస్తూనే ఉన్నారు. "ప్రారంభంలో ఇలాంటి అసత్య ప్రచారాలు, నెగెటివ్ కామెంట్స్ చూసి చాలా బాధపడేదాన్ని. కానీ ఇప్పుడు వాటిని పూర్తిగా పట్టించుకోవడం మానేశాను. నేను ఎలా ఉండాలి, ఎలాంటి ఫోటోలు పోస్ట్ చేయాలి అనేది నా వ్యక్తిగత ఇష్టం. ఇతరులు ఏమనుకుంటారో అని ఆలోచిస్తూ బతికితే జీవితం కష్టమవుతుంది" అని తేల్చి చెప్పారు.

IND vs NZ 2nd ODI : కివీస్ బ్యాటర్లను క్యార్ క్యార్ మని ఏడిపించిన గుర్నూర్ బ్రార్.. 30 ఏళ్ల రికార్డ్ బ్రేక్ బౌలింగ్

Arun Kumar P — Sat, 07 Nov 2026 13:01:07 +0530

న్యూడిలాండ్ గడ్డపై జరుగుతున్న వన్డే సీరిస్ లో భారత బౌలర్లు అద్భుతాలు చేస్తున్నారు. తాజాగా రెండో వన్డేలో యువ బౌలర్ గుర్నూర్ బ్రార్ కివీస్ బ్యాటర్లతో ఓ ఆటాడుకున్నాడు.. వాళ్లను చిన్నపిల్లలు చేసి క్యార్ క్యార్ అంటూ ఏడిపించినంత పని చేశాడు.

IND vs NZ : టీ20 సీరిస్ లో న్యూజిలాండ్ ను చిత్తుచేసిన టీమిండియా వన్డే సీరిస్ లోనూ అదే ఊపు కొనసాగిస్తోంది. ఇప్పటికే మొదటి వన్డేలో విజయం సాధించిన గిల్ సేన ఇవాళ (నవంబర్ 7, మంగళవారం) జరుగుతున్న రెండో వన్డేలో అద్భుతాలు చేస్తోంది. భారత బౌలర్ల దాటికి ఆతిథ్య కివీస్ కేవలం 134 పరుగులకే కుప్పకూలింది.

వెల్లింగ్టన్ మైదానంలో జరుగుతున్న రెండో వన్డేలో టీమిండియా కెప్టెన్ గిల్ టాస్ గెలిచి బౌలింగ్ ఎంచుకున్నాడు. అయితే వర్షం కారణంగా మ్యాచ్ కారణంగా 47 ఓవర్లకు కుదించారు. కానీ ఇన్ని ఓవర్లు కూడా కివీస్ బ్యాటర్లను ఆడనివ్వలేదు... టీమిండియా బౌలర్లు వరుసగా వికెట్లు పడగొడుతూ కేవలం 41 ఓవర్లలోనే ఆలౌట్ చేశారు. ఇలా స్వదేశంలో కివీస్ ను అతితక్కువ పరుగులకే ఆలౌట్ చేసిన జట్టుగా భారత్ రికార్డు నెలకొల్పింది.

ఇప్పటివరకు స్వదేశంలో ఇండియాతో ఆడిన మ్యాచుల్లో న్యూజిలాండ్ అతితక్కువ స్కోరు 142. ఇది ఎప్పుడో 1994 లో నమోదైన చెత్త రికార్డు. ఈ రికార్డు తాజా వెల్లింగ్టన్ మ్యాచ్ తో చెరిగిపోయింది... ఇప్పుడు ఇండియాపై న్యూజిలాండ్ అతితక్కువ స్కోరు 134. ఇలా ఓ చెత్త రికార్డును తన ఖాతాలో వేసుకుంది కివీస్.

స్వదేశంలో, సొంత ప్రేక్షకుల మధ్య బరిలోకి దిగిన న్యూజిలాండ్ బ్యాటర్లను టీమిండియా బౌలర్లు ఓ ఆట ఆడుకున్నారు. ముఖ్యంగా యువ బౌలర్ గుర్నూర్ బ్రార్ ఆకాశమే హద్దుగా చెలరేగాడు... వరుసగా వికెట్లు పడగొడుతూ కివీస్ బ్యాటర్లను బెంబేలెత్తించాడు. ఇలా అతడు 10 ఓవర్లు వేసి కేవలం 30 పరుగులే ఇచ్చి 4 వికెట్లు పడగొట్టాడు. ఇతడు వేసిన 10 ఓవర్లలో 2 మెయిడెన్ ఓవర్లు. కీలకమైన డారిల్ మిచెల్, టాప్ లాథమ్, గ్లెన్ ఫిలిప్స్, కెప్టెన్ మిచెల్ సాట్నర్ వికెట్లు తీశాడు.

ఇక భారత బౌలర్లలో నబి 7 ఓవర్లు వేసి 2 వికెట్లు పడగొట్టాడు. అన్షుల్ కాంబోజ్, అక్షర్ పటేల్ లు కూడా తలో రెండు వికెట్లు తీశారు. అయితే అర్షదీప్ సింగ్ వికెట్లేమీ తీయకున్నా చాలా పొదుపుగా బౌలింగ్ చేశాడు... 7 ఓవర్లలో కేవలం 16 పరుగులు మాత్రమే ఇచ్చాడు. భారత బౌలర్లందరూా రాణించడంతో కివీస్ అతితక్కువ స్కోరుకే పరిమితమయ్యింది.

కివీస్ పై చెలరేగి బౌలింగ్ చేసిన యువ బౌలర్ గుర్నూర్ బ్రార్ అద్భుత రికార్డు సాధించాడు. టీమిండియా లెజెండరీ బౌలర్ జవగళ్ శ్రీనాథ్ రికార్డును బద్దలుగొట్టాడు. 1995 లొ శ్రీనాథ్ ఇదే కివీస్ గడ్డపై 52 పరుగులు ఇచ్చి 4 వికెట్లు పడగొట్టాడు... ఈ రికార్డును 30 పరుగులిచ్చి 4 వికెట్లు పడగొట్టడం ద్వారా బ్రార్ బద్దలుగొట్టాడు. అయితే ఇది న్యూజిలాండ్ పై రెండో అత్యుత్తమ బౌలింగ్ గణాంకాలు. 2003 లో ఆక్లాండ్ లో శ్రీనాథ్ 23 పరుగులకే 4 వికెట్లు పడగొట్టాడు... ఈ రికార్డును బ్రార్ సాధించలేకపోయాడు.

జవగళ్ శ్రీనాథ్ రెండుసార్లు న్యూజిలాండ్ పై 4 వికెట్ల రికార్డు సాధించాడు. ఇప్పుడు బ్రార్ ఈ ఘనత సాధించాడు. అయితే మహ్మద్ షమీ 2014 లో, అర్షదీప్ సింగ్ 2026 లో 4 వికెట్లు రికార్డు సాధించారు... కానీ వీళ్లు అధిక పరుగులు సమర్పించుకున్నారు.

Smartphone Capital: మన దేశపు స్మార్ట్‌ఫోన్ రాజధాని ఏదో తెలుసా? ఇక్కడ తక్కువ ధరకే ఫోన్లు!

Kavitha G — Sat, 07 Nov 2026 12:52:23 +0530

Smartphone Capital: చిన్నపిల్లల నుంచి పెద్దవాళ్ల వరకు ఇప్పుడు అందరి చేతిలో మొబైల్ ఫోన్ ఉంటోంది. దానికి తగ్గట్టుగానే తక్కువ ధరలో అదిరిపోయే ఫీచర్లతో స్మార్ట్‌ఫోన్లు అందుబాటులోకి వస్తున్నాయి. మరి మన దేశంలో ఫోన్ల తయారీకి అడ్డాగా మారిన ఆ నగరం ఏదో తెలుసా?

స్మార్ట్‌ఫోన్ ఇప్పుడు ప్రతి ఒక్కరి జీవితంలో భాగమైపోయింది. చిన్న పిల్లల నుంచి పెద్దవాళ్ల వరకు దాదాపు ప్రతి ఒక్కరి చేతిలో మొబైల్ ఫోన్ కనిపిస్తోంది. మరి మనం ఉపయోగించే స్మార్ట్‌ఫోన్లలో చాలా వరకు ఎక్కడ తయారవుతున్నాయో ఎప్పుడైనా ఆలోచించారా?

మన దేశంలోనే ఒక ప్రాంతం ప్రపంచ స్థాయి స్మార్ట్‌ఫోన్ తయారీ కేంద్రంగా ఎదిగింది. అదే ఉత్తరప్రదేశ్‌లోని నోయిడా, గ్రేటర్ నోయిడా ప్రాంతం. దీన్ని మన దేశపు స్మార్ట్ ఫోన్ రాజధానిగా పిలుస్తారు. ఇక్కడ అనేక అంతర్జాతీయ మొబైల్ కంపెనీలు భారీ పరిశ్రమలను ఏర్పాటు చేసి లక్షలాది ఫోన్లను తయారు చేస్తున్నాయి.

ఒకప్పుడు మన దేశంలో విక్రయించే మొబైల్ ఫోన్లలో ఎక్కువ భాగం విదేశాల నుంచి దిగుమతి అయ్యేవి. ముఖ్యంగా చైనా, ఇతర దేశాలపై మొబైల్ తయారీ కోసం భారత్ ఆధారపడేది. కానీ గత పదేళ్లలో పరిస్థితి పూర్తిగా మారిపోయింది. కేంద్ర ప్రభుత్వం తీసుకొచ్చిన మేక్ ఇన్ ఇండియా, ప్రొడక్షన్ లింక్డ్ ఇన్సెంటివ్ (PLI) వంటి కార్యక్రమాలతో దేశంలో మొబైల్ తయారీ పరిశ్రమ వేగంగా అభివృద్ధి చెందింది. ప్రస్తుతం భారత్ ప్రపంచంలోనే రెండో అతిపెద్ద మొబైల్ ఫోన్ తయారీ దేశంగా ఎదిగింది.

నోయిడా, గ్రేటర్ నోయిడా ప్రాంతాల్లో ప్రపంచ ప్రఖ్యాత మొబైల్ బ్రాండ్లు తమ తయారీ కేంద్రాలను ఏర్పాటు చేశాయి. ముఖ్యంగా శాంసంగ్, వివో, ఒప్పో వంటి కంపెనీలకు ఇక్కడ భారీ పరిశ్రమలు ఉన్నాయి. వీటితోపాటు డిక్సన్ టెక్నాలజీస్, లావా, ఆప్టిమస్ వంటి సంస్థలు కూడా మొబైల్ తయారీ, అసెంబ్లింగ్ రంగాల్లో కీలకంగా పనిచేస్తున్నాయి. ఇక్కడ పెద్ద ఎత్తున స్మార్ట్‌ఫోన్లను తయారు చేసి దేశీయ మార్కెట్‌తోపాటు అంతర్జాతీయ మార్కెట్లకు కూడా సరఫరా చేస్తున్నారు.

ఇక్కడ మొబైల్ ఫోన్లను అసెంబ్లింగ్ చేయడం మాత్రమే కాదు. వాటికి అవసరమైన అనేక విడిభాగాల తయారీ కూడా క్రమంగా పెరుగుతోంది. డిస్‌ప్లేలు, మొబైల్ గ్లాస్, బ్యాటరీలకు సంబంధించిన భాగాలు, ఎలక్ట్రానిక్ సర్క్యూట్ బోర్డులు, ఇతర చిన్న చిన్న విడిభాగాలను తయారు చేసే పరిశ్రమలు కూడా ఈ ప్రాంతంలో అభివృద్ధి చెందుతున్నాయి.

ఇక్కడ ఫోన్ల ధరలు తక్కువగా ఉండడానికి ప్రధాన కారణం భారీ స్థాయిలో ఉత్పత్తి జరగడం, తయారీ వ్యవస్థ అభివృద్ధి చెందడం, సరఫరా వ్యవస్థ మెరుగుపడటమే. ఒకే ప్రాంతంలో అనేక కంపెనీలు ఉండటంతో విడిభాగాలను ఒకచోటు నుంచి మరోచోటుకు త్వరగా తరలించవచ్చు. పెద్ద సంఖ్యలో ఫోన్లను తయారు చేయడం వల్ల ఒక్కో ఫోన్‌పై పడే తయారీ ఖర్చును తగ్గించుకునే అవకాశం ఉంటుంది. అయితే నోయిడాలో తయారైన ప్రతి ఫోన్ తక్కువ ధరకే లభిస్తుందని కాదు. ఫోన్ ధర బ్రాండ్, ఫీచర్లు, విడిభాగాల ధర, పన్నులు, రవాణా, కంపెనీ లాభం వంటి అనేక అంశాలపై ఆధారపడి ఉంటుంది.

ఈ పరిశ్రమల వల్ల స్థానిక ప్రజలకు కూడా భారీగా ఉపాధి అవకాశాలు లభిస్తున్నాయి. ఫ్యాక్టరీల్లో పనిచేసే కార్మికులు, ఇంజినీర్లు, నాణ్యత తనిఖీ సిబ్బంది, ప్యాకేజింగ్ ఉద్యోగులు, రవాణా సిబ్బంది ఇలా అనేక రంగాల్లో వేలాది మందికి ఉద్యోగాలు దొరుకుతున్నాయి.

Beer Capital: ప్రపంచపు బీర్ రాజధాని ఇది.. ఇక్కడ బీర్ అంటే ఒక ఎమోషన్..!

ramya Sridhar — Sat, 07 Nov 2026 12:50:00 +0530

Beer Capital: ఎక్కువ మంది ఇష్టపడే పానీయాల్లో బీర్ కూడా ఒకటి. ఇలాంటి బీర్ కి ప్రత్యేకంగా ఒక రాజధాని కూడా ఉంది. అక్కడ మంచినీటి కంటే కూడా బీర్ కే ఎక్కువ ప్రాముఖ్యత ఇస్తారు.

ప్రపంచంలో అత్యంత పురాతనమైన, ఎక్కువ మంది ఇష్టపడే పానీయాల్లో బీర్ కూడా ఒకటి. ప్రపంచ వ్యాప్తంగా అనేక నరగాల్లో రకరకాల క్రాఫ్ట్ బీర్లు అందుబాటులో ఉన్నప్పటికీ.. ఒకే ఒక్క నగరంలో మాత్రం బీర్ అనేది కేవలం ఒక పానీయం కాదు, అది వారికి ఒక ట్రెడిషన్, వారి జీవన విధానంలో ఒక భాగం. వందల ఏళ్ల చరిత్ర ఉన్న బ్రూవరీలు, నిత్యం హడావిడిగా ఉండే భారీ హాల్స్, ప్రపంచంలోనే అతి పెద్ద బీర్ ఫెస్టివల్ నిర్వహించే ప్రదేశంగా నిలిచి, ‘ ది బీర్ క్యాపిటల్ ఆఫ్ ది వరల్డ్’ అని పేరు తెచ్చుకున్న నగరం మరేదో కాదు.. జర్మనీలోని మ్యూనిచ్.

మ్యూనిచ్ ని ప్రపంచపు బీర్ రాజధానిగా పిలవడానికి చాలా కారణాలు ఉన్నాయి. దీని వెనక వందల ఏళ్ల నాటి చరిత్ర ఉంది, ఇక్కబ బీర్ తయారీ కేంద్రాలు... వందల ఏళ్లుగా అక్కడ ఉన్నాయి. అది కూడా చాలా ట్రెడిషనల్ పద్దతిలో ది బెస్ట్ బీర్స్ అక్కడ తయారు చేస్తారు. అంతేకాదు, ఇక్కడ జర్మనీకి చెందిన ప్రసిద్ధ బీర్ పరిశుద్ధత చట్టాన్ని ఇక్కడ పాటిస్తారు. దీని ప్రకారం, కేవలం కొన్ని పరిమిత, సహజసిద్ధమైన పదార్థాలతో మాత్రమే నాణ్యమైన బీర్ ని తయారు చేస్తారు.

ఈ నగరంలో బీర్ వారి సంస్కృతిలో భాగం అయిపోయింది. ఇక్కడ ప్రజలు కేవలం బీర్ తాగి వదిలేయరు. అందరూ ఒకే చోట చేరి బీర్ గార్డెన్లు, హాల్స్ లో ఒక పండగలా జరుపుకుంటారు. ప్రపంచంలోనే అతి పెద్ద బీర్ పండగ ఇక్కడ జరుపుకుంటారు. మ్యూనిచ్ నగరానికి ప్రపంచవ్యాప్తగా ఈ స్థాయిలో గుర్తింపు రావడానికి ప్రధాన కారణం ప్రతి ఏటా అక్కడ జరిగే అక్టోబర్ ఫెస్ట్ కారణం. ఇది ప్రపంచంలోనే అత్యంత పెద్ద బీర్ ఉత్సవం ఇక్కడ జరుపుకుంటారు. ఈ బీర్ పండగకు ప్రపంచవ్యాప్తంగా లక్షలాది మంది పర్యాటకులు తరలివస్తారు. ఈ ఫెస్టివల్ కోసం ప్రత్యేకంగా బీర్ తయారు చేస్తారు. పెద్ద పెద్ద గాజు లీటర్ గ్లాసులలో బీర్ ఇస్తారు. అంతేకాకుండా, సంప్రదాయ వంటకాలు చేసి వడ్డిస్తారు. వాటిని వచ్చిన ప్రజలు బాగా ఎంజాయ్ చేస్తారు.

ఇక్కడ లభించే బీర్ రకాలు...

లాగర్స్.. చాలా తేలికగా, రిఫ్రెషింగ్ గా ఉంటాయి. వీట్ బీర్స్.. గోధుమలతో చేసే లేత పండ్ల సువాసన ఉండే బీర్ ఇది. డార్క్ బీర్స్.. కాస్త చిక్కగా, ముదురు రంగులో మాల్ట్ రుచితో ఉంటాయి. మ్యూనిచ్ వీధుల్లో పెద్ద పెద్ద బెంచీలపై కూర్చొని, అందరితో కలిసి పంచుకునే ఆ అనుభవమే ఈ నగరాన్ని ప్రత్యేకంగా నిలబెట్టింది.

Silent Diwali : ఇక్కడ నిశ్శబ్ద దీపావళి.. ఒక్క టపాకాయ కూడా కాల్చకుండా పండగ జరుపుకునే వింత గ్రామం

Arun Kumar P — Sat, 07 Nov 2026 11:14:08 +0530

దీపావళి అంటే వెలుగుల పండగే కాదు శబ్దాల పండగ. ఈ పండక్కి దీపాలు వెలిగించడమే కాదు భారీగా టపాసులు కాలుస్తూ వేడుకలు జరుపుకుంటారు. కానీ ఓ గ్రామంలో టపాసుల శబ్దం లేకుండా నిశ్శబ్దంగా పండగ జరుపుకుంటారట.

Silent Diwali : దీపావళి పండగ అనగానే ముందుగా గుర్తొచ్చేది టపాసులే. ఈ వెలుగుల పండగపూట కుటుంబంలోని చిన్నాపెద్ద అంతాకలిసి ఇంటి ప్రాంగణంలో టపాసులు కాలుస్తారు. ముఖ్యంగా పెద్దపెద్ద శబ్దాలు చేసే లక్ష్మీ బాంబులు, ఆటం బాంబులు, థౌజండ్ వాలాలు, రాకెట్లు పేలుస్తుంటారు... ఎంత ఎక్కువ శబ్దం వస్తే ఆ టపాసులు అంత నాణ్యమైనవిగా భావిస్తారు. ఇంటిని దీపాలతో అలంకరించి పూజలు చేయడమే కాదు టపాసులు కాల్చడం దీపావళి పండగలో ప్రధానమైన భాగం... ఇవి లేకుండా ఈ పండగను ఊహించలేం.

అయితే ఇండియాలోని ఓ గ్రామంలో దీపావళి పండగను టపాసులు కాల్చకుండానే జరుపుకుంటారు. ఇంతకీ ఆ గ్రామం ఏది? అక్కడి ప్రజలు టపాసులు ఎందుకు కాల్చరు? ఈ నిశ్శబ్ద దీపావళి వెనకున్న స్టోరీ ఏమిటి? ఈ ఆసక్తికర విషయాలను ఇక్కడ తెలుసుకుందాం.

తమిళనాడు రాష్ట్రంలోని ధర్మపురి జిల్లా బల్లెనా హళ్ళి గ్రామంలో దీపావళి పండగను చాలా విచిత్రంగా జరుపుకుంటారు. ఈ గ్రామస్థులు కూడా దేశ ప్రజలందరి మాదిరిగానే దీపావళి పండక్కి ఇళ్లను పువ్వులు, దీపాలతో అలంకరిస్తారు. కానీ ఒక్క టపాకాయ కూడా కాల్చరు… చాలా నిశ్శబ్దంగా పండగ జరుపుకుంటారు. గత 50 ఏళ్లుగా ఇలాగే టపాసుల శబ్దం లేకుండా నిశ్శబ్ద దీపావళి జరుపుకుంటున్నారు.

అయితే ఇలా గ్రామస్తులంతా సైలెంట్ గా దీపావళి పండగను జరుపుకోవడం వెనక పర్యావరణాన్ని కాపాడే ప్రయత్నం దాగుంది. ప్రజలంతా ఏకతాటిపై నిలబడి టపాసులు కాల్చకుండా పండగను జరుపుకుంటూ జంతుప్రేమను చాటుకుంటున్నారు.

బల్లెనా హళ్లి గ్రామంలో మనుషులతో పాటే వందల ఏళ్లుగా భారీగా గబ్బిలాలు నివాసం ఉంటున్నాయి. ఈ గ్రామంలోని చెట్లపై ఎక్కడచూసినా గబ్బిలాలే కనిపిస్తాయి... వీటితో గ్రామస్థులకు తరతరాల అనుబంధం ఉంది. ఆ గబ్బిలాలను గ్రామాన్ని కాపాడే దైవస్వరూపాలుగా ప్రజలు భావిస్తారు. అందుకే వీటి సంరక్షణ కోసం తమ ఆనందాన్ని కూడా వదులుకుని టపాసులు లేకుండానే దీపావళి పండగ జరుపుకుంటారు.

గతంలో దీపావళి పండగపూట అందరిలాగే ఈ గ్రామస్థులు కూడా టపాసులు కాల్చేవారు. కానీ ఓసారి పండక్కి టపాసులు కాల్చడంతో గబ్బిలాలు చెల్లాచెదురైపోయాయట... ఆ తర్వాత ఊరిలో అనేక అనర్థాలు జరిగాయని అక్కడి ప్రజలు చెబుతుంటారు. ఇలా ప్రజలంతా ఇబ్బందుల్లో ఉండగా కొంతకాలం తర్వాత గబ్బిలాలు తిరిగి గ్రామంలోకి వచ్చాయని... ఆ తర్వాత ప్రజలు సమస్యలన్నీ తొలగిపోయాయని చెబుతారు. దీంతో ఈ గబ్బిలాలు తమ గ్రామానికి రక్షగా భావించసాగారు.. అందుకే ఇక ఎప్పటికీ ఈ గబ్బిలాలను హాని కలగకుండా చూసుకోవాలని గ్రామస్థులు తీర్మానించారు. అందుకే టపాసుల శబ్దం లేకుండానే దీపావళి జరుపుకుంటున్నారట.

ఆసక్తికర విషయం ఏమిటంటే కేవలం దీపావళి పండక్కే కాదు న్యూఇయర్ వేడుకలు, పెళ్లిల్లు, ఇతర శుభకార్యాలకు కూడా టపాసులు కాల్చడం ఈ బల్లెనా హళ్ళి గ్రామంలో నిషేధం. గబ్బిలాలను హాని కలిగించే ఏ చర్యలనైనా గ్రామస్థులు తీవ్రంగా వ్యతిరేకిస్తారు... వీటి సంరక్షణకు కఠిన ఆంక్షలు అమలుచేస్తున్నారు. ఇలా సాధారణ పక్షుల కోసం తమ సాంప్రదాయాలను సైతం మార్చుకున్నారు బల్లెనా హళ్లి గ్రామస్థులు... జంతుప్రేమను చాటుకుంటున్నారు.

Ram Charan : రామ్ చరణ్ ను నాన్న అనకుండా..క్లీంకార ఏమని పిలుస్తుందో తెలుసా? మెగా పవర్ స్టార్ చెప్పిన సీక్రెట్

Mahesh Jujjuri — Sat, 07 Nov 2026 11:13:02 +0530

Ram Charan ‌Daughter Klin Kaara: మెగా పవర్ స్టార్ రామ్ చరణ్ ముగ్గురు బిడ్డలకు తండ్రి అయిన సంగతి తెలిసిందే. ఆయన గారాల పట్టి క్లింకారా గురించి ఎప్పుడూ ఏదో ఒక విషయం చెపుతూనే ఉంటారు. ఇంతకీ క్లింకారా చరణ్ ను నాన్న అని కాకుండా ఏమని పిలుస్తుందో తెలుసా?

టాలీవుడ్ మెగా పవర్ స్టార్ రామ్ చరణ్ గురించి ప్రత్యేకంగా పరిచయం అక్కర్లేదు. స్క్రీన్ పై తన మాస్ యాక్షన్, అద్భుతమైన నటనతో కోట్లాది మంది అభిమానులను సంపాదించుకున్న చరణ్, నిజ జీవితంలో మాత్రం ఎంతో సరదాగా ఉంటూ.. ఫ్యామిలీ లైఫ్ కు చాలా ఇంపార్టెన్స్ ఇస్తారు. ఎంత బిజీగా ఉన్నా.. తన ఫ్యామిలీకి మాత్రం అనుకున్న టైమ్ ను కేటాయిస్తారు చరణ్. తన పిల్లలతో హ్యాపీగా ఆడుకుంటూ.. వారి అల్లరిని చూసి చాలా సంతోషపడుతుంటారు. ముఖ్యంగా తన ముద్దుల కూతురు క్లింకారా మాటల వినడమంటే చరణ్ కు చాలా ఇష్టం.

గారాల కూతురు క్లింకారా మాటలంటే ఎంతో ఇష్టం.

గ్లోబల్ స్టార్‌గా ఎదిగిన రామ్ చరణ్, ఉపాసన దంపతులకు ముచ్చటగా ముగ్గురు బిడ్డలు ఉండగా.. మొదటి సంతానం.. ముద్దుల కూతురు క్లిన్ కారా కొణిదెల (Klin Kaara Konidela) రాకతో మెగా ఇంటిలో సందడి మొదలయ్యింది. ఆర్వాత కొంత కాలానికి కవల పిల్లలు పుట్టడంతో.. ఆ ఆనందం రెట్టింపయింది.

అయితే ముగ్గురు పిల్లలలో క్లింకారా పెద్దది కావడంతో ముద్దు ముద్దు మాటలతో.. అందరిని సంతోషపెడుతుంటుంది. ఆమె మాటలకు మెగా ఫ్యామిలీ అంతా మురిసిపోతుంటారట. ఆమధ్య కాలంలో ఓ ఈవెంట్ లో తన గారాల పట్టి కూతురు క్లింకారా గురించి రామ్ చరణ్ చాలా విషయాలు పంచుకున్నారు. తనను క్లింకారా ముద్దుగా ఏమని పిలుస్తుందో వెల్లడించారు.

ఇంట్లో తన కూతురు తనను ఎలా పిలుస్తుందో చెబుతూ రామ్ చరణ్ ఒక నవ్వు తెప్పించే ఆసక్తికర విషయాన్నివెల్లడించారు. పెద్ది సినిమా సక్సెస్ మీట్ లో మాట్లాడిన రామ్ చరణ్.. పెద్ది సినిమా వల్ల తనకు ఎంత పేరు వచ్చిందో చెపుతూ.. "నా ఇంట్లో నేను స్వయంగా అనుభవించాను. నా బుడ్డది క్లిన్ కారా.. 'పెద్ది' సినిమా రిలీజ్ అయ్యే వరకు నన్ను 'నాన్న.. నాన్న' అని పిలిచేది. కానీ, సినిమా విడుదలైన తర్వాత ఆ పిలుపే మారిపోయింది. ఇప్పుడు నన్ను 'ఏయ్ పెద్ది' అంటుంది. ఆ పిల్లకి నాన్న అంటే ఏంటో తెలియదు, ఇప్పుడు 'పెద్ది నాన్న' అంటోంది. నా పేరు, నాన్న అనే పదం మర్చిపోయి అందరికీ ఇప్పుడు 'పెద్ది' ఒక్కటే గుర్తుండిపోయింది" అంటూ చరణ్ అన్నారు.

రామ్ చరణ్, ఉపాసన చిన్ననాటి స్నేహితులు. పెళ్లి తర్వాత టాలీవుడ్‌లో మోస్ట్ లవబుల్ కపుల్‌గా ప్రత్యేక గుర్తింపు తెచ్చుకున్నారు. వీరి వివాహం అయిన పదేళ్ళ తర్వాత క్లింకారా పుట్టింది. ఉపాసన ఒకవైపు తన వ్యాపార బాధ్యతలు నిర్వర్తిస్తూనే, మరోవైపు సమాజ సేవా కార్యక్రమాల్లోనూ చురుగ్గా పాల్గొంటారు. అలాగే కూతురు క్లిన్ కారా తో పాటు తమ కవల పిల్లల పెంపకం విషయంలోనూ ఆమె ప్రత్యేక శ్రద్ధ తీసుకుంటారు.

ప్రకృతికి దగ్గరగా, సంస్కృతి సాంప్రదాయాలతో కూడిన వాతావరణంలో పాపను పెంచుతున్నట్లు ఉపాసన ఎన్నో సందర్భాల్లో తెలిపారు. రామ్ చరణ్ ఎంత బిజీ షెడ్యూల్‌లో ఉన్నప్పటికీ, సమయం దొరికినప్పుడల్లా తన కుటుంబంతో, ముఖ్యంగా ముగ్గరు పిల్లలతో సరదాగా గడపడానికి ఎక్కువ ఇంపార్టెన్స్ ఇస్తారు.

Snake: పాముపై పర్ఫ్యూమ్ స్ప్రే చేస్తే వెంటనే పారిపోతుందా? ఇందులో నిజమెంత?

Kavitha G — Sat, 07 Nov 2026 11:10:34 +0530

Snake: పాము కనిపించగానే చాలామంది భయంతో పరుగులు తీస్తారు. కొందరైతే దాన్ని ఎలాగైనా అక్కడి నుంచి తరిమేయాలని చూస్తారు. అందుకోసం రకరకాల చిట్కాలు పాటిస్తుంటారు. అలాంటి వాటిలో ఒకటి పాముపై పర్ఫ్యూమ్ స్ప్రే చేయడం. అలా చేస్తే నిజంగానే పాము పారిపోతుందా?

ఇంట్లోకి పాము వచ్చిందంటే చాలు.. ఒక్కసారిగా అందరూ భయపడిపోతారు. దాన్ని ఎలా బయటకు పంపించాలా అని ఆలోచిస్తుంటారు. ఈ క్రమంలో చాలామంది రకరకాల చిట్కాలు చెబుతుంటారు. అలాంటి వాటిలో ఒకటి పాముపై పర్ఫ్యూమ్ స్ప్రే చేస్తే అది వెంటనే పారిపోతుందనేది. పర్ఫ్యూమ్ వాసనను పాము తట్టుకోలేక అక్కడి నుంచి వెళ్లిపోతుందని కొందరు చెబుతుంటారు. సోషల్ మీడియాలో కూడా ఇలాంటి వీడియోలు, పోస్టులు కనిపిస్తుంటాయి. మరి నిజంగానే పాముపై పర్ఫ్యూమ్ కొడితే అది పారిపోతుందా? ఇందులో నిజం ఎంతో తెలుసుకుందాం.

సాధారణంగా మనుషులకు ఏదైనా ఘాటైన వాసన వస్తే వెంటనే గుర్తిస్తారు. కానీ పాములు వాసనను గుర్తించే విధానం కొంచెం భిన్నంగా ఉంటుంది. పాములు తమ నాలుకను పదేపదే బయటకు చాచి లోపలికి తీసుకుంటూ ఉంటాయి. పరిసరాల్లో ఉన్న వాసనలను, వాటికి సంబంధించిన సమాచారాన్ని తెలుసుకోవడానికి పాములు ఇలా చేస్తాయి. గాలిలో, నేలపై ఉన్న చిన్న చిన్న వాసన కణాలను నాలుకతో సేకరించి నోటిలో ఉండే ప్రత్యేకమైన అవయవం ద్వారా గుర్తిస్తాయి. దీని సాయంతో ఆహారం ఎక్కడ ఉంది? చుట్టుపక్కల మరో జీవి ఉందా? అనే విషయాలను తెలుసుకుంటాయి.

పాములకు వాసనను గుర్తించే శక్తి ఉందని, పర్ఫ్యూమ్ వాసన వస్తే అవి భయపడి పారిపోతాయని అనుకోవడం అన్నిసార్లు కరెక్ట్ కాదు. మనకు పర్ఫ్యూమ్ వాసన చాలా ఘాటుగా అనిపించవచ్చు. కానీ అదే వాసన పాముపై ఎలాంటి ప్రభావం చూపుతుందో చెప్పలేం. నిపుణుల ప్రకారం.. పాముపై పర్ఫ్యూమ్ స్ప్రే చేస్తే కొన్నిసార్లు అది తీవ్రమైన అసౌకర్యానికి గురికావచ్చు. కానీ మరికొన్నిసార్లు ఆ ఘాటైన వాసనకు కోపంతో లేదా ఆత్మరక్షణ కోసం ఎదురుదాడి చేయవచ్చు.

కొన్నిసార్లు పాముపై ఏదైనా స్ప్రే చేసినప్పుడు అది వెంటనే అక్కడి నుంచి వెళ్లిపోతున్నట్లు కూడా మనం చూసుంటాం. అయితే దీనికి కారణం ఆ స్ప్రే వాసనే అని చెప్పలేం. పాము దగ్గర మనుషులు కదలడం, శబ్దాలు చేయడం, దాని శరీరంపై ఏదైనా ద్రవం పడటం వంటి కారణాలతో కూడా అది కదలవచ్చు. పాము జాతిని బట్టి, అక్కడి పరిస్థితులను బట్టి వాటి ప్రవర్తన మారుతుందనే విషయం మర్చిపోవద్దు.

పాము కనిపించినప్పుడు దానిపై పర్ఫ్యూమ్, పురుగుల మందు లేదా ఇతర రసాయనాలను స్ప్రే చేయకూడదు. పాము తనకు ప్రమాదం ఉందని భావిస్తే కాటు కూడా వేయవచ్చు. పాము కనిపించిన వెంటనే దాని దగ్గరకు వెళ్లకుండా దూరంగా ఉండాలి. పిల్లలు, పెంపుడు జంతువులను కూడా దాని దగ్గరకు వెళ్లనివ్వకూడదు. పామును మీరే పట్టుకోవడానికి లేదా తరిమేయడానికి ప్రయత్నించకుండా అటవీశాఖ అధికారులకు లేదా శిక్షణ పొందిన పాము రక్షకులకు సమాచారం ఇవ్వాలి.

ఇంటి పరిసరాల్లోకి పాములు రాకుండా ఉండాలంటే కొన్ని జాగ్రత్తలు తప్పకుండా తీసుకోవాలి. ఇంటి చుట్టూ చెత్తాచెదారం పేరుకుపోకుండా చూసుకోవాలి. పిచ్చి మొక్కలు, పొదలు ఎక్కువగా పెరగకుండా శుభ్రం చేయాలి. కట్టెలు, రాళ్లు, ఇతర వస్తువులను ఇంటికి దగ్గరగా కుప్పలుగా వేయకూడదు. ముఖ్యంగా ఎలుకలు ఎక్కువగా ఉంటే వాటిని తినడానికి పాములు వచ్చే అవకాశం ఉంటుంది. కాబట్టి ఇంట్లో ఎలుకలు లేకుండా చూసుకోవాలి. తలుపుల కింద, గోడల మధ్య ఉన్న ఖాళీలను మూసివేయడం మంచిది.

ప్రపంచాన్ని పరుగులు పెట్టించిన మహనీయుడు, భార్య కోపం వల్ల జరిగిన అద్భుతం..ఆయన కటిక దారిద్య్రం గురించి తెలుసా

Tirumala Dornala — Sat, 07 Nov 2026 11:03:37 +0530

చార్లెస్ గుడ్‌ఇయర్ అనే ఆవిష్కర్త తీవ్రమైన దారిద్య్రం, అప్పుల జైలు శిక్షలు, పిల్లల మరణాల వంటి కష్టాలను ఎదుర్కొంటూ రబ్బరుపై ప్రయోగాలు చేశారు. అయన కష్టం వల్లే నేడు ప్రపంచం పరుగులు పెడుతోంది.

ప్రస్తుతం ప్రపంచం చక్రంపై పరుగులు పెడుతోంది. వాహనాల టైర్ల తయారీ వెనుక అద్భుతమైన ఆవిష్కారణ ఉంది. ఆధునిక రబ్బరు పొందిన శాస్త్రవేత్త చార్లెస్ గుడ్ఇయర్ కనిపెట్టిన వల్కనైజషన్ ప్రాసెస్ వల్లే టైర్లు తయారీ సాధ్యం అయింది. దీని వెనుక ఆయన పడ్డ కష్టాలు, కటిక దారిద్య్రం, తన పిల్లల మరణం, భార్య కోపం ఇలాంటి విషయాలన్నీ తెలుసుకుందాం.

1830ల కాలంలో లభించే సహజ రబ్బరు ఎండకు కరిగిపోయి, చలికి విరిగిపోయేది. ఈ సమస్యను ఎలాగైనా పరిష్కరించి రబ్బరును స్థితిస్థాపకంగా (Elastic), గట్టిగా మార్చాలనే ఆశయం చార్లెస్ గుడ్‌ఇయర్ మెదడును పిచ్చిగా ఆవహించింది. ఈ ప్రయోగాల కోసం ఆయన తన వద్ద ఉన్న రూపాయి రూపాయి ఖర్చు చేయడమే కాకుండా, స్నేహితులు, బంధువుల వద్ద విపరీతంగా అప్పులు చేశారు. అప్పులు తీర్చలేక ఆయన జీవితంలో అనేకసార్లు 'అప్పుల జైలు' (Debtors' Prison) అనుభవించారు. చివరికి జైలు గదిలో ఉన్నప్పుడు కూడా ఆయన రబ్బరు ముక్కలు, రసాయనాలతో ప్రయోగాలు చేయడం ఆపలేదు.

గుడ్‌ఇయర్ కుటుంబ పరిస్థితి చాలా దయనీయంగా మారింది. ఆయన భార్య క్లారిస్సా బీచర్, పిల్లలు తినడానికి తిండి లేక తీవ్రంగా అల్లాడిపోయేవారు. ప్రయోగాల కోసం గుడ్‌ఇయర్ ఇంట్లోని వంట పాత్రలు, ఫర్నిచర్, చివరికి పిల్లల స్కూల్ పుస్తకాలను కూడా అమ్మి రసాయనాలు కొనేవారు. ఆకలి, దారిద్య్రం కారణంగా వారి ఆరుగురు సంతానం చిన్నతనంలోనే చనిపోయారు. తన ప్రయోగాల వల్లే కుటుంబం నాశనమవుతోందని భార్య ఆయనను గట్టిగా హెచ్చరించే వారు. ఆమెకు తెలియకుండా మిడ్ నైట్ వేళల్లో కిచెన్ వంట పొయ్యి వద్ద రహస్యంగా ప్రయోగాలు చేసేవారు.

1839వ సంవత్సరంలో ఒకరోజు గుడ్‌ఇయర్ రబ్బరు, గంధకం (Sulfur) కలిపిన మిశ్రమంతో ప్రయోగాలు చేస్తున్నారు. ఆ సమయంలో అనుకోకుండా ఆ మిశ్రమం తీవ్రమైన వేడితో మండుతున్న కిచెన్ పొయ్యి (Hot Stove) పైన పడింది. రబ్బరు కరిగిపోయి నల్లటి ద్రవంగా మారుతుందని గుడ్‌ఇయర్ భావించారు. కానీ ఆశ్చర్యకరంగా, పొయ్యిలోని అధిక వేడి, గంధకం కలవడం వల్ల ఆ రబ్బరు కరగకపోగా... కాలిన తోలులా మారి, అత్యంత గట్టిగా, స్థితిస్థాపకంగా (Elastic) మారింది. సల్ఫర్, వేడి కలిస్తే రబ్బరు శాశ్వతంగా గట్టిపడుతుందని ఆయన గ్రహించారు. ఈ విప్లవాత్మక పద్ధతికే "వల్కనైజేషన్" అని పేరు పెట్టారు. ఆయన ప్రయోగాలు చేస్తున్నప్పుడు పొరపాటున రబ్బరు, సల్ఫర్ పొయ్యిలో పడిన మాట వాస్తవమే. అప్పుడే ఆయన వల్కనైజషన్ కనుగొన్నారు. కానీ అది భార్య చూస్తుందనే భయం వల్ల పొయ్యిలో వేయలేదు. పొరపాటున పడ్డాయి అనే కథనాలు కూడా ఉన్నాయి. ఏది ఏమైనా చార్లెస్ కష్టం వల్లే అద్భుతమైన ఆవిష్కరణ సాధ్యం అయింది.

వల్కనైజేషన్‌ను కనిపెట్టినప్పటికీ గుడ్‌ఇయర్ దురదృష్టం ఆయనను వదల్లేదు. పేటెంట్ హక్కుల కోసం సరైన సమయంలో డబ్బులు వెచ్చించలేకపోవడం వల్ల యూరప్‌కు చెందిన ఇతర వ్యాపారులు ఆయన పద్ధతిని చూసి తమ సొంత పేరుతో పేటెంట్లు పొందేందుకు ప్రయత్నించారు. ఆ పేటెంట్ కేసుల కోసం కోర్టుల చుట్టూ తిరిగి ఆయన మరింత అప్పులపాలయ్యారు. అధికారికంగా "వల్కనైజ్డ్ రబ్బరు" ఆవిష్కర్తగా గుడ్‌ఇయర్ పేరే నమోదైనప్పటికీ, ఆ ఆవిష్కరణ ద్వారా ఆయన ఎలాంటి ఆర్థిక లాభం పొందలేకపోయారు. చివరికి 1860లో సుమారు 2 లక్షల డాలర్ల అప్పులతో ఆయన నిరుపేదగా కన్నుమూశారు.

గుడ్‌ఇయర్ చనిపోయిన చాలా సంవత్సరాల తర్వాత ప్రపంచం ఆయన త్యాగాన్ని గుర్తించింది. ఆయన కనిపెట్టిన వల్కనైజ్డ్ రబ్బరు ఆధారంగానే తర్వాతి కాలంలో సైకిళ్లు, కార్లు,బస్సులు, విమానాలకు అవసరమైన ఆధునిక టైర్ల తయారీ సాధ్యమైంది. 1898లో స్థాపించబడిన ప్రసిద్ధ "గుడ్‌ఇయర్ టైర్ & రబ్బర్ కంపెనీ" ఆయన గౌరవార్థమే ఆ పేరును పెట్టుకుంది. "జీవితాన్ని సంపాదించిన డబ్బుతో కాకుండా, సమాజానికి చేసిన మేలుతోనే కొలవాలి" అని నమ్మిన చార్లెస్ గుడ్‌ఇయర్, ప్రపంచ రవాణా రంగాన్ని పూర్తిగా మార్చేసి సైన్స్ చరిత్రలో అమరుడయ్యారు.

Crochet Lace: అమెరికా, లండన్ షాపుల్లో విపరీతంగా అమ్ముడుపోతున్న నర్సాపురం లేసులు.. కోట్లలో వ్యాపారం

ramya Sridhar — Sat, 07 Nov 2026 10:43:01 +0530

Crochet Lace: మన తెలుగు రాష్ట్రాల్లో మాత్రమే సొంతమైన ఒక కళకు విదేశాల్లో విపరీతమైన క్రేజ్ ఉందని మీకు తెలుసా? ఇక్కడ తయారయ్యే క్రేషే లేస్ తో.. విదేశాల్లో కోట్ల వ్యాపారం జరుగుతోంది

ఒక చిన్న హుక్ ఉన్న సూది, కొన్ని దారపు పోగులు..వాటికి మహిళల వేళ్ల నైపుణ్యం తోడైతే రూపుదిద్దుకునే దృశ్యకావ్యమే నరసాపురం ‘ క్రోషే లేస్’. ఆంధ్రా గోదావరి తీరాన పుట్టిన ఈ అద్భుతమైన చేతి కళ కేవలం ఒక కుటీర పరిశ్రమ మాత్రమే కాదు.. తరతరాల సంస్కృతికీ, వేలాది మంది మహిళలకు ఆర్థికంగా నిలపెట్టింది. అసలు.. ఈ కళ ఎలా పుట్టింది? విదేశాలకు ఎలా పాకింది? ఈ కళ ప్రత్యేకత ఏంటి?

150 ఏళ్ల చరిత్ర...

ఈ కళ వెనక 150 ఏళ్ల చరిత్ర ఉంది. 19వ శతాబ్దంలో పశ్చిమ గోదావరి ప్రాంతానికి వచ్చిన క్రైస్తవ మిషనరీలు స్థానిక మహిళలకు జోవనోపాధి కల్పించేందుకు ఈ క్రోషే లేస్ అల్లికలను నేర్పించారు. ఐరోపా పద్దతిలో మొదలైన ఈ విద్యను మన తెలుగు మహిళలు తమ సొంత క్రియేటివిటీని జోడించి ఒక అద్భుతమైన భారతీయ హస్తకళగా తీర్చిదిద్దారు. 150 ఏళ్ల క్రితం మొదలైన ఈ కళ.. తర్వాతర్వాత తమ తల్లుల నుంచి కుమార్తెలకు వారసత్వంగా మారిపోయింది.

ఈ క్రోషే లేస్ అల్లాలంటే..ఎంతో ఓపిక,ఏకాగ్రత చాలా అవసరం. చేతి వేళ్లతో సూదిని తిప్పుతూ వేసే ఒక్కో ముడి ఒక చక్కని డిజైనర్ గా మారుతుంది. వీటితో ఇంటి అలంకరణ వస్తువులు.. టేబుల్ క్లాత్స్, బెడ్ షీట్స్, కుషన్ కవర్లు, ఖరీదైన కర్టెన్స్, గోడలకు వేలాడే వాల్ హ్యాంగింగ్స్, ట్రెండీ హ్యాండ్ బ్యాగులు, టోపీలు, మొబైల్ కవర్లు తయారు చేస్తారు. అంతేకాదు.. చాలా రకాల చీరలు, డ్రెస్సులకు లగ్జరీ లుక్ తీసుకురావడంలో కూడా ఈ లేసు బాగా సహాయపడుతుంది. ఈ చిన్న లేస్ చీరకు డిజైనర్ లుక్ తీసుకువస్తుంది.

నరసాపురం నుంచి న్యూయార్క్ వరకు..

నరసాపురం క్రోషే లేస్ ఉత్పత్తులకు కేవలం మన దేశంలోనే కాదు సముద్రాలు దాటి విదేశాల్లోనూ విపరీతమైన డిమాండ్ ఉంది. అమెరికా, బ్రిటన్, ఫ్రాన్స్, జపాన్ వంటి అభివృద్ధి చెందిన దేశాలకు ఇక్కడి ఉత్పత్తులు ఎగుమతి అవుతాయి. పాశ్చాత్య దేశాల ఇళ్లలో, ఫ్యాషన్ ప్రపంచంలో నరసాపురం మహిళలు అల్లిన డోలీలు, దుస్తులు ప్రత్యేక ఆకర్షణగా నిలుస్తుంటాయి.

క్రోషే లేస్ కి దక్కిన జీఐ..

ఈ క్రోషే లేస్ కి జీఐ ట్యాగ్ గుర్తింపు కూడా లభించింది. నరసాపురం లేస్ ప్రత్యేకతకు, అక్కడి చేతివృత్తిదారుల కష్టానికి గుర్తింపుగా 2024 మార్చి 1న కేంద్ర ప్రభుత్వం దీనికి 'భౌగోళిక గుర్తింపు' (GI Tag) మంజూరు చేసింది. మహిళా సహకార సంఘాల సమాఖ్య, నరసాపురం క్రోషే లేస్ ఎగుమతిదారుల సంఘం సంయుక్త కృషి వల్ల ఈ GI ట్యాగ్ సాధ్యమైంది.దీనివల్ల నరసాపురం పేరుతో నకిలీ ఉత్పత్తులు రాకుండా అడ్డుకోవడమే కాకుండా, అంతర్జాతీయ మార్కెట్లో ఇక్కడి ఉత్పత్తులకు మరింత మంచి ధర, ప్రత్యేకమైన బ్రాండ్ ఇమేజ్ లభిస్తాయి.

ఈ కళకు నరసాపురం లేస్ అని పేరున్నప్పటికీ, ఇది ఒక పట్టణానికే పరిమితం కాలేదు. పశ్చిమ గోదావరితో పాటు డాక్టర్ బీఆర్ అంబేద్కర్ కోనసీమ జిల్లాల్లోని సుమారు 19 మండలాల పరిధిలో వందలాది గ్రామాల్లో వేలాది మంది మహిళలు తమ ఇళ్లలోనే ఉంటూ ఈ లేస్ అల్లికలు చేస్తున్నారు.

Ghost Flights: విమానాశ్రయంలో కొన్ని విమానాలను ప్రయాణికులు లేకుండా ఖాళీగా నడుపుతారు.. ఎందుకు?

Haritha Chappa — Sat, 07 Nov 2026 10:19:56 +0530

Ghost Flights: ప్రతి విమానాశ్రయంలో కొన్ని విమానాలను ఖాళీగా నడుపుతారు. వాటిని ఘోస్ట్ ఫ్లైట్స్ అ్ంటారు. ఇలా కొన్ని విమానాలను ఖాళీగా ఎందుకు తిప్పుతారు? దానికి కారణం ఏమిటి?

విమానాశ్రయానికి వెళ్లినప్పుడు ప్రయాణికులతో నిండిన విమానాలను చూస్తుంటాం. కానీ కొన్నిసార్లు ఒక్క ప్రయాణికుడు కూడా లేకుండా విమానాలు గాల్లో ప్రయాణిస్తుంటాయి. ఇలాంటి విమానాలనే ఘోస్ట్ ఫ్లైట్స్ (Ghost Flights) అంటారు. అంటే పూర్తిగా ఖాళీగా లేదా చాలా తక్కువ మంది ప్రయాణికులతో నడిచే విమానాలు. సాధారణంగా విమానయాన సంస్థలు ప్రయాణికుల రద్దీని బట్టి విమానాలను నడుపుతాయి. కానీ కొన్ని సందర్భాల్లో ప్రయాణికులు లేకపోయినా విమానాలను నడపాల్సి వస్తుంది. వినడానికి ఆశ్చర్యంగా ఉన్నా దీని వెనుక కొన్ని వ్యాపార కారణాలు ఉన్నాయి. ముఖ్యంగా విమానాశ్రయాల్లో విమానాలు రాకపోకలు సాగించేందుకు కేటాయించే సమయాలను స్లాట్స్ (Slots) అంటారు. రద్దీ ఎక్కువగా ఉండే విమానాశ్రయాల్లో ఈ స్లాట్స్‌కు ఎంతో డిమాండ్ ఉంటుంది.

ఘోస్ట్ ఫ్లైట్స్ నడపడానికి ప్రధాన కారణాల్లో ఒకటి ఈ స్లాట్స్‌ను కోల్పోకుండా చూసుకోవడం. కొన్ని దేశాల్లోని రద్దీ విమానాశ్రయాల్లో విమానయాన సంస్థలకు కేటాయించిన స్లాట్స్‌ను కొనసాగించాలంటే నిర్ణీత శాతం విమాన సర్వీసులను నడపాల్సి ఉంటుంది. ఉదాహరణకు యూరప్‌లో సాధారణ నిబంధనల ప్రకారం కేటాయించిన స్లాట్స్‌లో కనీసం 80 శాతం వినియోగించాలి. అలా చేయకపోతే భవిష్యత్తులో ఆ స్లాట్స్‌ను కోల్పోయే అవకాశం ఉంటుంది. అందుకే ప్రయాణికులు తక్కువగా ఉన్నా విమానాలను నడుపుతుంటాయి. అయితే ఈ నిబంధనలు విమానాశ్రయం, దేశం, అమల్లో ఉన్న మినహాయింపులను బట్టి మారుతుంటాయి. కొత్తగా స్లాట్స్ పొందడం కష్టమైన విమానాశ్రయాల్లో ఈ సమస్య ఎక్కువగా కనిపిస్తుంది.

విమానాలను ఖాళీగా నడపడానికి మరో కారణం విమానాల నిర్వహణ. ఒక నగరం నుంచి మరో నగరానికి విమానాన్ని తరలించాల్సి వచ్చినప్పుడు ప్రయాణికులు లేకుండానే నడుపుతారు. విమానాన్ని మరో ప్రాంతంలో అందుబాటులో ఉంచడం, పైలట్లు, సిబ్బందిని సరైన చోటుకు చేర్చడం, తదుపరి ప్రయాణానికి విమానాన్ని సిద్ధం చేయడం కోసం కూడా ఇలాంటి సర్వీసులు నడుస్తాయి. కొన్నిసార్లు ప్రయాణికుల సంఖ్య చాలా తక్కువగా ఉన్నా నిర్ణీత షెడ్యూల్‌ను కొనసాగించాల్సి వస్తుంది. అయితే ఘోస్ట్ ఫ్లైట్స్ వల్ల ఇంధనం వృథా అవుతుంది. కార్బన్ ఉద్గారాలు పెరుగుతాయి. పర్యావరణానికి నష్టం కలుగుతుంది. అందుకే ప్రయాణికుల రద్దీని బట్టి విమాన సర్వీసులను సర్దుబాటు చేయాలని పర్యావరణ నిపుణులు సూచిస్తున్నారు.

Railway Jobs : ఇంటర్, డిగ్రీ, పీజీ అర్హతలతో రైల్వే ఉద్యోగాలు.. నెలకు రూ.44,900 జీతం, అలవెన్సులు

Arun Kumar P — Sat, 07 Nov 2026 10:01:56 +0530

ప్రభుత్వ ఉద్యోగాల కోసం ఎదురుచూస్తున్న యువతీయువకులకు గుడ్ న్యూస్. ఇండియన్ రైల్వే లో ఉద్యోగాల భర్తీకి నోటిఫికేషన్ విడుదలైంది. విద్యార్హతలు, వయోపరిమితి, ఎంపిక విధానం వివరాలు ఇక్కడ చూడండి.

ప్రభుత్వ ఉద్యోగాల కోసం సన్నద్దం అవుతున్న యువత తమ కలను నెరవేర్చుకునేందుకు మంచి అవకాశం వచ్చింది. ఇండియన్ రైల్వేలో ఉద్యోగాల భర్తీకి నోటిఫికేషన్ వెలువడింది… రైల్వే రిక్రూట్‌మెంట్ బోర్డ్ (RRB) సెంట్రలైజ్డ్ ఎంప్లాయ్‌మెంట్ నోటీస్ 09/2026 కింద మొత్తం 191 ఖాళీలను భర్తీ చేయనుంది.

లీగల్ అసిస్టెంట్, పబ్లిక్ ప్రాసిక్యూటర్, సీనియర్ పబ్లిసిటీ ఇన్‌స్పెక్టర్, హిందీ జూనియర్ ట్రాన్స్‌లేటర్ సహా ఏడు రకాల పోస్టుల భర్తీకి రైల్వే శాఖ సిద్దమయ్యింది…. ఇందుకోసం దరఖాస్తులను ఆహ్వానిస్తోంది. అర్హులైన అభ్యర్థులు ఆన్‌లైన్‌లో అప్లై చేసుకోవచ్చు. ఎంపికైన వారికి పోస్టును బట్టి నెలకు రూ.19,900 నుంచి రూ.44,900 వరకు జీతం ఉంటుంది… ఇతర అలవెన్సులు కూడా వర్తిస్తాయి.

పోస్టుల వారిగా ఖాళీలు..

చీఫ్ లా అసిస్టెంట్ - 17 పోస్టులు

పబ్లిక్ ప్రాసిక్యూటర్ - 21 పోస్టులు

సీనియర్ పబ్లిసిటీ ఇన్‌స్పెక్టర్ - 8 పోస్టులు

హిందీ జూనియర్ ట్రాన్స్‌లేటర్ - 79 పోస్టులు

స్టాఫ్ అండ్ వెల్ఫేర్ ఇన్‌స్పెక్టర్ - 27 పోస్టులు

సైంటిఫిక్ అసిస్టెంట్ ట్రైనీ - 3 పోస్టులు

గ్రేడ్ III ల్యాబ్ అసిస్టెంట్ పోస్టులు - 36 పోస్టులు

ఇలా ఇండియన్ రైల్వేలో మొత్తం 191 ఖాళీలను భర్లీ చేయనున్నట్ు ప్రకటించారు. ఒక్కో పోస్టుకు వేర్వేరు విద్యార్హతలు, వయోపరిమితి ఉంటాయి. కాబట్టి అభ్యర్థులు తమ అర్హతకు తగిన పోస్టును ఎంచుకోవాలి.

రైల్వేలో భర్తీ చేయనున్న పోస్టులకు 12వ తరగతి లేదా దానికి సమానమైన విద్యార్హతలతో పాటు డిగ్రీ, డిప్లొమా, లా డిగ్రీ, పీజీ, పీజీ డిప్లొమా పూర్తి చేసిన వారు దరఖాస్తు చేసుకోవచ్చు. గుర్తింపు పొందిన విద్యాసంస్థ లేదా యూనివర్సిటీ నుంచి ఈ అర్హతలు పొంది ఉండాలి. అయితే ఒక్కో పోస్టుకి ఒక్కో విద్యార్హత అవసరం… కాబట్టి దరఖాస్తు చేసుకునేముందు మీరు ఏ పోస్టుకు అర్హులో నోటిఫికేషన్ పరిశీలించండి. ఫైనల్ ఎగ్జామ్ రిజల్ట్స్ కోసం ఎదురుచూస్తున్న వారు అప్లై చేయడానికి అనర్హులు.

వయోపరిమితి

ఇక పోస్టును బట్టి వయోపరిమితి 22 నుంచి 40 ఏళ్ల మధ్య ఉండాలి. రిజర్వేషన్ కేటగిరీ అభ్యర్థులకు ప్రభుత్వ నిబంధనల ప్రకారం వయోపరిమితిలో సడలింపు ఉంటుంది… ఈ వివరాల కోసం నోటిఫికేషన్ పరిశీలించండి.

రైల్వే ఉద్యోగాల కోసం దరఖాస్తు చేసుకునే ఎస్సీ, ఎస్టీ, మాజీ సైనికోద్యోగులు, దివ్యాంగులు, మహిళలు, ట్రాన్స్‌జెండర్లు, మైనారిటీలు, ఈడబ్ల్యూఎస్ అభ్యర్థులకు అప్లికేషన్ ఫీజు రూ.250 ఉంటుంది. మిగతా కేటగిరీల అభ్యర్థులకు రూ.500 ఫీజు నిర్ణయించారు.

ఎంపిక ప్రక్రియ

కంప్యూటర్ బేస్డ్ టెస్ట్ (CBT), సర్టిఫికెట్ వెరిఫికేషన్, మెడికల్ ఎగ్జామినేషన్ ఆధారంగా అభ్యర్థులను ఎంపిక చేస్తారు. హిందీ జూనియర్ ట్రాన్స్‌లేటర్ పోస్టుకు అదనంగా ట్రాన్స్‌లేషన్ టెస్ట్ ఉంటుంది. సీబీటీలో మొత్తం 100 ప్రశ్నలు ఉంటాయి. ప్రొఫెషనల్ నాలెడ్జ్ 50, జీకే 15, రీజనింగ్ 15, మ్యాథ్స్ 10, జనరల్ సైన్స్ 10 మార్కులకు పరీక్ష జరుగుతుంది.

రైల్వే ఉద్యోగాలకు దరఖాస్తు చేసుకోవడానికి డిసెంబర్ 6, 2026 చివరి తేదీ. అలాగే డిసెంబర్ 7 నుంచి 16 వరకు అప్లికేషన్ కరెక్షన్ విండో అందుబాటులో ఉంటుంది. అయితే ఈ తేదీలను అధికారిక నోటిఫికేషన్‌లో ఒకసారి సరిచూసుకోవాలి.

అభ్యర్థులు ఆర్ఆర్బీ అధికారిక వెబ్‌సైట్‌లోకి వెళ్లి నోటిఫికేషన్ చదివి, పోస్టుల వారీగా అర్హతలు, అవసరమైన సర్టిఫికెట్లను చెక్ చేసుకున్న తర్వాతే అప్లై చేయాలి. ఎలాంటి తప్పులు లేకుండా అప్లికేషన్ సబ్మిట్ చేయడం ముఖ్యం. చివరి నిమిషంలో కాకుండా ముందుగానే దరఖాస్తు చేసుకుని టెన్షన్ లేకుండా ప్రిపేర్ కావడం ఉత్తమం.

Silver City of India: వెండి వస్తువులకు ప్రంపచవ్యాప్తంగా ఫేమస్, మన దేశంలో వెండి రాజధాని నగరం ఏదో తెలుసా?

Mahesh Jujjuri — Sat, 07 Nov 2026 10:06:37 +0530

Silver City of India: మన దేశంలో వెండికి బాగా డిమాండ్ ఉంది. వెండితో ఎన్నో రకాల వస్తువులు తయారు చేస్తుంటారు. పెళ్లిళ్లకు బంగారంకంటే వెండే ఎక్కువగా వాడుతుంటారు. మరి ఇండియాలో వెండి ఎక్కువగా దొరికే నగరం ఏది? ఇక్కడ వెండికి ఎందుకు అంత డిమాండ్?

భారతదేశంలో ఎన్నో నగరాలకు గొప్ప చరిత్ర, సంస్కృతి ఉందిజ ప్రత్యేక ఉత్పత్తుల ఆధారంగా విభిన్నమైన పేర్లు ఉన్నాయి. కొన్ని నగరాలు ఆహారానికి ప్రసిద్ధి చెందితే, మరికొన్ని చారిత్రక కట్టడాలకు పేరుగాంచాయి. కొన్ని నగరాలు పంటలకు, కొన్ని నగరాలు బంగారానికి బ్రాండ్ గా ఉన్నాయి. అయితే మన దేశంలో వెండికి ప్రసిద్ది చెందిన నగరం ఏదో తెలుసా? ఇక్కడ వెండి వస్తువులు ప్రపంచ వ్యాప్తంగా ఫేమస్.

ఈ నగరాన్ని సిల్వర్ సిటీ ఆఫ్ ఇండియా అని కూడా అంటారు. ఆ వూరు ఏదో కాదు కటక్ (Cuttack). ఒడిశా రాష్ట్రంలోని చారిత్రక నగరం కటక్ (Cuttack) అత్యంత సూక్ష్మమైన, అద్భుతమైన వెండి హస్తకళల ద్వారా ప్రపంచవ్యాప్తంగా ప్రత్యేక గుర్తింపు సంపాదించుకుంది. ఈ నగరానికి ‘సిల్వర్ సిటీ ఆఫ్ ఇండియా’ (భారతదేశ వెండి నగరం) అనే పేరు ఎలా వచ్చింది, దాని వెనుక ఉన్న విశేషాలు ఏమిటి?

కటక్‌కు వెండితో ఉన్న అనుబంధం కొత్తదేం కాదు. వందలాది సంవత్సరాలుగా ఇక్కడ వెండితో చేసే అద్భుతమైన కళాఖండాలు ప్రాచుర్యం పొందాయి. స్థానికంగా దీనిని ‘తారకసి’ (Tarakasi) లేదా వెండి ఫిలిగ్రీ (Silver Filigree) అని పిలుస్తారు. ఈ కళలో అత్యంత సన్నని వెండి తీగలను మెలితిప్పుతూ, ఎలాంటి జాయింట్స్ లేకుండా ఎంతో అందమైన డిజైన్లు, ఆభరణాలు, అలంకార వస్తువులు , షోపీస్‌లను తయారు చేస్తారు.

ఈ డిజైన్లలో ఎక్కువగా ప్రకృతి సౌందర్యం, పౌరాణిక గాథలు , సాంప్రదాయ రూపాలు కనిపిస్తాయి. ఈ కళలో ప్రతి ఒక్క వస్తువును చేతితోనే అత్యంత ఓపికగా, సూక్ష్మ నైపుణ్యంతో రూపొందిస్తారు. కేవలం ఒడిశాలోనే కాకుండా, దేశవ్యాప్తంగా, అంతర్జాతీయ మార్కెట్లలో కూడా కటక్ వెండి వస్తువులకు విపరీతమైన డిమాండ్ ఉంది. ఈ అద్భుతమైన హస్తకళే కటక్‌కు 'సిల్వర్ సిటీ' అనే పేరు తెచ్చిపెట్టింది.

కేవలం పేరు మాత్రమే కాదు, జీవన విధానం

"సిల్వర్ సిటీ" అనే బిరుదు కేవలం ఒక ప్రతీక మాత్రమే కాదు, అది ఆ నగర ప్రజల సాంస్కృతిక, ఆర్థిక అనుబంధాన్ని ప్రతిబింబిస్తుంది. కటక్‌లోని అనేక కుటుంబాలకు ఈ ఫిలిగ్రీ పనే ప్రధాన వృత్తి. తరతరాలుగా ఈ కళను తల్లిదండ్రుల నుండి పిల్లలు నేర్చుకుంటూ తమ సంప్రదాయాన్ని కాపాడుకుంటూ వస్తున్నారు.

ఇక్కడ అతి పెద్ద వెండి మార్కెట్ నయాసడక్ (Nayasadak) లో ఉంది. ఇక్కడ వెండితో తయారు చేసిన రకరకాల వస్తువులు విరివిగా లభిస్తాయి. దేశ విదేశాల నుంచి వచ్చే పర్యాటకులు ఈ అద్భుతమైన వెండి కళాఖండాలను కొనుగోలు చేయడానికి ఎక్కువగా ఆసక్తి చూపుతుంటారు.

కటక్ కేవలం వెండి కళలకే కాకుండా, గొప్ప చారిత్రక నేపథ్యానికి కూడా నిలయం. వెయ్యి సంవత్సరాలకు పైగా చరిత్ర ఉన్న ఈ నగరాన్ని ‘మిల్లెనియం సిటీ’ (Millennium City) అని కూడా పిలుస్తారు. మహానది, కఠజోడి అనే రెండు ప్రధాన నదుల మధ్య ఈ నగరం విస్తరించి ఉండటం దీని ప్రత్యేకత. ఈ భౌగోళిక పరిస్థితుల వల్ల గతంలో ఇది ఒక ప్రముఖ వాణిజ్య కేంద్రంగా ఎదిగింది. అంతేకాకుండా, 1956 వరకు ఇది ఒడిశా రాష్ట్ర రాజధానిగా కూడా కొనసాగింది.

సంప్రదాయం - ఆధునికతల సంగమం

నేడు కటక్ నగరం ఆధునిక అభివృద్ధి బాటలో పయనిస్తున్నప్పటికీ, తన ప్రాచీన సంస్కృతిని కోల్పోలేదు. ఆధునిక వ్యాపారాలు పెరుగుతున్నా, వెండి ఫిలిగ్రీ పరిశ్రమ ఇక్కడి ప్రధాన గుర్తింపుగా నిలిచింది. చరిత్ర, హస్తకళలు - ఆధునిక జీవనశైలి కలగలిసిన కటక్ నగరం ఎంతో ప్రత్యేకమైనది. ఇక్కడ సిల్వర్ సిటీ అనగానే కేవలం ఒక లోహం గుర్తుకురాదు; తరతరాల కళాకారుల ఓపిక, సృజనాత్మకత , వారి కష్టానికి ప్రతిఫలం కళ్ళముందు కదలాడతాయి.

Illu Illalu Pillalu Today Episode: ధీరజ్‌ను మోసం చేయబోయిన భద్రావతి.. చివరి నిమిషంలో అడ్డుకున్న రామరాజు

Haritha Chappa — Sat, 07 Nov 2026 09:55:54 +0530

Illu Illalu Pillalu Today Episode: ఇల్లు ఇల్లాలు పిల్లలు నేటి ఎపిసోడ్లో ధీరజ్ ను భద్రావతి బారిన పడకుండా కాపాడుతాడు రామరాజు. అలాగే ధీరజ్ కు కార్ ఏజెన్సీని కూడా అందిస్తాడు రామరాజు.

స్టార్ మా సీరియల్ ఇల్లు ఇల్లాలు పిల్లలు నేటి ఎపిసోడ్ ఆసక్తికరంగా సాగింది. చందు విడాకుల విషయంలో రామరాజు, వేదవతి మధ్య చర్చ జరుగుతుంది. చందు వల్ల విడాకులకు తాను ఒప్పుకోనని రామరాజు తెగేసి చెబుతాడు. భార్యాభర్తల మధ్య గొడవలు రావడం సహజమని, అంతమాత్రానికే విడాకులు తీసుకోవాల్సిన అవసరం లేదని అంటాడు. వల్లి బుద్ధి మారిందని చందు నమ్మే వరకు ఓపిక పట్టాలని వేదవతి సూచిస్తుంది. చందు ఇంటికి వచ్చాక విడాకులు వెనక్కి తీసుకునేలా మాట్లాడదామని చెబుతుంది. అయితే వల్లిని వెంటనే ఇంటికి తీసుకొస్తే మాత్రం తాను ఒప్పుకోనని వేదవతి స్పష్టం చేస్తుంది. చందు కోపాన్ని తగ్గించి విడాకులు వెనక్కి తీసుకునేలా చేసే బాధ్యతను ధీరజ్‌కు అప్పగించాలని ఇద్దరూ అనుకుంటారు.

ఇంతలో విశ్వక్ గాబరాగా అక్కడికి వచ్చి ఓ షాకింగ్ విషయం చెబుతాడు. ఫైనాన్స్ కోసం ధీరజ్ డబ్బులు తీసుకోవడానికి వెళ్లిన చింతామణి ఎవరో కాదని, ఆమె భద్రావతి మనిషి అని బయటపెడతాడు. దీంతో ధీరజ్‌ను భద్రావతి చింతామణి సాయంతో ట్రాప్ చేస్తోందని అందరూ ఆందోళన చెందుతారు. మరోవైపు భద్రావతి తన పాత పగ తీర్చుకోవడానికి ఇదే సరైన సమయమని చింతామణితో చెబుతుంది. ధీరజ్‌ను తన ఇంట్లో పాలేరుగా చేసుకోవాలనే కుట్ర పన్నుతుంది. చింతామణి బ్యాంకు వాళ్లకు 30 లక్షలు చెల్లించి, ధీరజ్‌తో ఓ అగ్రిమెంట్‌పై సంతకం చేయించేందుకు ప్రయత్నిస్తుంది. ట్రావెల్ ఏజెన్సీ కూడా తన పేరు మీదకు వచ్చేలా పేపర్లు సిద్ధం చేయడంతో ధీరజ్ షాక్ అవుతాడు. అయితే చింతామణి మాటలు నమ్మి సంతకం చేయబోతాడు.

సరిగ్గా అదే సమయంలో రామరాజు, ప్రేమ అక్కడికి వస్తారు. అగ్రిమెంట్‌పై సంతకం పెట్టవద్దని రామరాజు ధీరజ్‌ను అడ్డుకుంటాడు. ప్రేమ అతడి చేతిలోని పేపర్లు లాక్కొని చింపేస్తుంది. చింతామణి భద్రావతితో చేతులు కలిపి ధీరజ్‌ను మోసం చేయాలని చూస్తోందని రామరాజు అసలు విషయం బయటపెడతాడు. దీంతో ధీరజ్ చింతామణిపై మండిపడతాడు. భద్రావతి కూడా అక్కడికి వచ్చి అగ్రిమెంట్‌పై సంతకం పెట్టకపోతే ఐదు లక్షల జరిమానా కట్టాలని బెదిరిస్తుంది. దీంతో రామరాజు 30 లక్షలు తీసుకొచ్చి బ్యాంకు వాళ్లకు చెల్లిస్తాడు. మరోవైపు వేదవతి ఈ విషయం తెలుసుకుని తీవ్ర ఆందోళన చెందుతుంది. నర్మదకు భద్రావతి, చింతామణి చేసిన మోసం గురించి మొత్తం వివరిస్తుంది. దీంతో నేటి ఎపిసోడ్ ముగుస్తుంది.

Chiru-Balakrishna: పనిగట్టుకొని చిరంజీవి రికార్డుని లేపేసిన బాలయ్య.. థియేటర్లో దంచుడే దంచుడు

Aithagoni Raju — Sat, 07 Nov 2026 09:37:59 +0530

చిరంజీవి, బాలయ్య మధ్య బాక్సాఫీసు పోరు ఇప్పటికీ నడుస్తూనే ఉంది. అయితే నలభై ఏళ్ల క్రితమే చిరంజీవి రికార్డుని పనిగట్టుకొని బాలయ్య టీమ్‌ లేపేసిందట. మరి ఆ సినిమాలేంటి? ఆ కథేంటి అనేది చూద్దాం.

మెగాస్టార్‌ చిరంజీవి, నందమూరి బాలకృష్ణ మధ్య ఒకప్పుడు బాక్సాఫీసు వద్ద తీవ్రమైన పోటీ ఉండేది. ఎవరిది పెద్ద హిట్‌ అనేది, అలాగే ఎక్కువ రోజులు ఆడించే విషయంలో, మాస్‌ ఎలిమెంట్లు, బాక్సాఫీసు రన్‌, స్టార్‌ ఇమేజ్‌, మార్కెట్‌, కలెక్షన్లు ఇలా ప్రతి విషయంలో పోటీ ఉండేది. అయితే ఈ పోటీ సినిమాలకు, అభిమానులకే పరిమితం. వాళ్లిద్దరి మధ్య మాత్రం మంచి స్నేహమే ఉండేది.

తనకు ఏదైనా డౌట్‌ వచ్చినా, ఏదైనా మాట్లాడాలి అనుకున్నా ఇండస్ట్రీలో తాను చిరంజీవిగారితోనే మాట్లాడతాను, ఆయన్నే కలుస్తాను అని అప్పట్లో ఓ ఇంటర్వ్యూలో బాలయ్య తెలిపారు. తనకు ఇష్టమైన వ్యక్తుల్లో చిరంజీవి ఒకరు అని చెప్పారు. ఆ రకంగా వీరిద్దరి మధ్య బయటకు తెలియని మంచి బాండింగ్‌ ఉందని చెప్పొచ్చు.

కానీ సినిమాల మధ్య పోటీ మాత్రం గత మూడు నాలుగు, దశాబ్దాలుగా కంటిన్యూ అవుతూనే ఉంది. ఆ మధ్య `ఖైదీ నెంబర్‌ 150`, `గౌతమీపుత్ర శాతకర్ణి`, మొన్న `వాల్తేర్‌ వీరయ్య`,` వీరసింహారెడ్డి` చిత్రాలతోనూ పోటీ పడ్డారు. వీరిద్దరి సినిమాలు బాగానే ఆడాయి. నువ్వా నేనా అనేట్టుగానే ఆ సమయంలోనూ హీట్‌ వాతావరణం నెలకొంది.

అయితే ఈ పోటీ ప్రారంభమైంది ఇప్పుడు కాదు 42 ఏళ్ల క్రితం నుంచే. చిరంజీవి `ఇంట్లో రామయ్య వీధిలో కృష్ణయ్య`, `మంగమ్మగారి మనవడు` చిత్రం నుంచే ఈ పోటీ ఉందట. ఈ విషయాన్ని సీనియర్‌ రైటర్, జర్నలిస్ట్ శ్రీకాంత్‌ వెల్లడించారు. ఆ సమయంలో పనిగట్టుకొని చిరంజీవి సినిమా రికార్డులను బాలయ్య సినిమా టీమ్‌ లేపేసిందట.

దర్శకుడు కోడి రామకృష్ణ దర్శకుడిగా మారి `ఇంట్లో రామయ్య వీధిలో కృష్ణయ్య` మూవీని రూపొందించారు. చిరంజీవి, మాధవి జంటగా నటించారు. ఇదొక ఫ్యామిలీ డ్రామా. 1982, ఏప్రిల్‌ 22న విడుదలైన ఈ చిత్రం పెద్ద హిట్‌ అయ్యింది. నారాయణగూడలోని శాంతి థియేటర్లో 525 రోజులు ఆడిందట. అప్పట్లో అదొక రికార్డు. కెరీర్‌ బిగినింగ్‌లోనే చిరంజీవికి ఈ రేంజ్‌ హిట్‌ పడటం విశేషం. ఆయనకు కమర్షియల్‌గా బిగ్‌ బ్రేక్‌ ఇచ్చిన `ఖైదీ` కంటే ముందే ఈ చిత్రం వచ్చింది. సరికొత్త రికార్డుని క్రియేట్‌ చేసింది.

ఆ తర్వాత కోడిరామకృష్ణ చాలా సినిమాలు చేశారు. రెండేళ్ల తర్వాత బాలయ్య హీరోగా `మంగమ్మగారి మనవడు` మూవీని రూపొందించారు. ఇందులో బాలకృష్ణ, సుహాసిని జంటగా నటించారు. భానుమతి కీలక పాత్ర పోషించింది.

ఇది కూడా విలేజ్‌ ఫ్యామిలీ యాక్షన్‌ డ్రామా. ఇందులోని `దంచవే మేనత్త కూతురా` పాట ఎంత పెద్ద హిట్టో అందరికి తెలిసిందే. ఇప్పటికీ ఈ సాంగ్‌ అలరిస్తుంది. ఎవర్‌ గ్రీన్‌ అని చెప్పొచ్చు. ఈ సినిమా 1984 సెప్టెంబర్ 7న విడుదలై సంచలన విజయం సాధించింది. అప్పటి వరకు `ఇంట్లో రామయ్య వీధిలో కృష్ణయ్య` పేరుతో ఉన్న రికార్డుని బ్రేక్‌ చేసింది.

ఈ చిత్రాన్ని నారాయణగూడలోని శాంతి థియేటర్లో ఏకంగా 532రోజులు ఆడించారట. చిరంజీవి పేరుతో ఉన్న రికార్డుని బ్రేక్‌ చేసేందుకే ఎక్కువ రోజులు ఆడించారట. అందులోనే కాదు ఓవరాల్‌గా ఈ మూవీ 565 రోజులు ఆడిందట.

అప్పట్లో అత్యధిక రోజులు థియేటర్లో ఆడిన సినిమాగా `మంగమ్మగారి మనవడు` రికార్డ్ క్రియేట్‌ చేసింది. కలెక్షన్ల పరంగానూ రికార్డులు క్రియేట్‌ చేసిందని సమాచారం. ఇలా అప్పట్లోనే చిరంజీవి, బాలయ్య మధ్య బాక్సాఫీసు పోటీ ఉండేది. అందుకు దర్శకుడు కోడిరామకృష్ణ కారణం కావడం గమనార్హం.

Mohammed Shami : టీమిండియా స్టార్ బౌలర్ సడన్ రిటైర్మెంట్.. సోషల్ మీడియాలో ఎమోషనల్ పోస్ట్

Arun Kumar P — Sat, 07 Nov 2026 09:17:17 +0530

టీమిండియా స్టార్ బౌలర్ మహ్మద్ షమీ టెస్ట్ క్రికెట్ కు రిటైర్మెంట్ ప్రకటించాడు. గత మూడేళ్లుగా అతడు ఒక్క టెస్ట్ మ్యాచ్ కూడా ఆడలేదు… దీంతో ఇక అవకాశం రాదని భావించిన అతడు రిటైర్మెంట్ నిర్ణయం తీసుకున్నాడు.

Shami Retirement : ఇండియన్ క్రికెటర్ మహ్మద్ షమీ టెస్ట్ క్రికెట్ కు గుడ్ బై చెప్పాడు. ఇంటర్నేషనల్ టెస్ట్ క్రికెట్ ఫార్మాట్ నుండి తప్పుకుంటున్నట్లు ఈ స్టార్ బౌలర్ ప్రకటించాడు... ఈ మేరకు సోషల్ మీడియాలో ఓ ఎమోషనల్ రిటైర్మెంట్ వీడియో విడుదల చేశాడు. సరిగ్గా టెస్ట్ క్రికెట్లో ఆరంగేట్రం చేసిన రోజునే రిటైర్మెంట్ ప్రకటించాడు షమీ.

''ఆ దేవుడికి (అల్లాకు) థ్యాంక్స్ చెబుతున్నాను... ఆయన నాకు ఊహించినదానికంటే ఎక్కువే ఇచ్చాడు. అమ్మానాన్న, కుటుంబసభ్యులు, స్నేహితులకు కూడా ధన్యవాదాలు చెబుతున్నాను. ఈ క్రికెట్ జర్నీలో దేశానికి తనవంతుగా ఎంతోకొంత కాంట్రిబ్యూట్ చేశాను. 13 ఏళ్లపాటు టెస్ట్ క్రికెట్లో నా సుదీర్ఘ ప్రయాణం సాగింది.

చిన్నగ్రామం నుండి మొదలైన నా క్రికెట్ ప్రయాణం ఈ స్థాయికి చేరుకోవడం గొప్పవిషయం. నేను చాలా కష్టపడ్డాను, ఎన్నో ఎత్తపల్లాలు చూశాను.. చివరికి ఇదేరోజు (6 నవంబర్) నాకు టెస్ట్ క్యాప్, బాల్ చేతికివచ్చాయి (టెస్ట్ క్రికెట్లో అడుగుపెట్టాను). చాలా కష్టపడ్డాక టెస్ట్ నంబర్ 279 దక్కింది. ఈ క్యాప్, ఈ బాల్ మహ్మద్ షమీకి పేరు తెచ్చాయి. ఈ ప్రయాణంలో కిందపడ్డాను, దెబ్బలుతాకాయి... కానీ మళ్లీ లేచి నిలబడ్డాను.

నా 13 ఏళ్ల టెస్ట్ క్రికెట్ ప్రయాణం అద్భుతంగా సాగింది. నా కోచ్ లు, ట్రైనర్లు, సహాయ సిబ్బంది ఇలా అందరూ తనను మరింత మెరుగ్గా తీర్చిదిద్దారు. అందరికీ థ్యాంక్స్. ముఖ్యంగా తనను ఇంతలా అభిమానించిన క్రికెట్ అభిమానులకు ధన్యవాదాలు. వారి ప్రేమను ఎప్పటికీ గుర్తుంచుకుంటారు. ఇక ఈ బంతి, క్యాప్ ను వదిలిపెడుతున్నాను... కానీ ఇతర ఫార్మాట్స్ లో కొనసాగుతాను.'' అంటూ ఓ వీడియో సందేశాన్ని షమీ విడుదలచేశాడు.

Safed jersey se vida le raha hoon, lekin usse judi yaadon se kabhi nahi… ❤️

Jab pehli baar Bharat ki Test jersey pehni thi, tab sirf ek sapna tha — apne desh ke liye kuch kar dikhane ka..

Uske baad har wicket, har sangharsh, har chot aur har comeback ne mujhe kuch na kuch sikhaya.

Test cricket mere liye sirf ek format nahi, meri zindagi ka ek behad khaas hissa raha hai.

Aaj bhaari dil aur anginat khoobsurat yaadon ke saath main Test cricket se retirement lene ka faisla kar raha hoon.

Is safar mein mera saath dene wale har teammate, coach, family aur un karodon Bharatiyon ka dil se shukriya, jinhone achhe aur mushkil dono waqt mein mujh par bharosa banaye rakha..

BCCI aur Cricket Association of Bengal (CAB) ka bhi dil se shukriya, jinhone mere talent par bharosa kiya, mujhe aage badhne ke mauke diye aur mere cricket ke safar mein ek aham bhoomika nibhayi. Aapka saath aur vishwas mere liye hamesha khaas rahega.

Maidan par meri aakhri Test ball bhale hi fenki ja chuki ho, lekin Bharat ke liye khelne ka garv hamesha mere dil mein zinda rahega.

Shukriya, Test Cricket. ❤️

Aapka Shami

#Mdshami11 #Mdshami #TestCricket #Retirement

— (@MdShami11) November 6, 2026

2013 లో టీమిండియా తరపున మొదటి టెస్ట్ మ్యాచ్ ఆడాడు మహ్మద్ షమీ... వెస్టిండిస్ తో జరిగిన టెస్ట్ ద్వారా ఆరంగేట్రం చేశాడు. ఇక చివరి టెస్ట్ 2023 లో ఆస్ట్రేలియాతో ఆడాడు. అంటే అతడు టీమిండియా టెస్ట్ టీమ్ లో చోటు కోల్పోయి దాదాపు మూడేళ్లు అవుతోంది... ఇక తనకు ఛాన్స్ రాదని నిర్దారించుకున్న షమీ కీలక నిర్ణయం తీసుకున్నారు.. రిటైర్మెంట్ ప్రకటించారు.

మహ్మద్ షమీ టెస్ట్ కెరీర్ లో 64 మ్యాచులు ఆడాడు... 229 వికెట్లు పడగొట్టాడు. ఏకంగా 6 సార్టు 5 వికెట్ హాల్ సాధించాడు.ఇలా టెస్ట్ క్రికెట్లో తన బౌలింగ్ తో టిమిండియాకు విజయాలు అందించాడు... ఎన్నో రికార్డులు సాధించాడు. ఇలా సుదీర్ఘకాలం టెస్ట్ క్రికెటర్ గా టీమిండియాకు సేవలందించిన షమీ ఈ ఫార్మాట్ కు శాశ్వతంగా దూరమయ్యాడు.

Ramayana Day 2 Collections: రామాయణం మూవీ 2 రోజుల కలెక్షన్ల.. ఇలా అయితే కష్టమే

Aithagoni Raju — Sat, 07 Nov 2026 08:23:55 +0530

Ramayana Day 2 Collections: రామాయణం అనే ఇతిహాసం ఆధారంగా తెరకెక్కిన మూవీ `రామాయణం`. రణ్‌ బీర్‌ కపూర్‌, సాయిపల్లవి, యష్‌ ప్రధాన పాత్రలు పోషించిన ఈ చిత్రం బాక్సాఫీసు వద్ద సందడి చేస్తోంది. రెండు రోజుల్లో కలెక్షన్లు ఎంత? పెరిగాయా? తగ్గాయా?

రామాయణం ఆధారంగా చేసుకొని అడపాదడపా సినిమాలు వస్తూనే ఉన్నాయి. తాజాగా బాలీవుడ్‌ దర్శకుడు నితేష్‌ తివారి `రామాయణం` మూవీని తెరకెక్కించారు. ఇందులో రణబీర్ కపూర్ శ్రీరాముడిగా, సాయి పల్లవి సీతాదేవిగా, కన్నడ స్టార్ యష్ రావణుడిగా నటించారు. దాదాపు 4వేల కోట్ల బడ్జెట్‌తో ఈ చిత్రం రెండు భాగాలుగా రూపొందింది. అందులో భాగంగా మొదటిభాగం దీపావళి స్పెషల్‌గా నవంబర్‌ 5న విడుదలైంది. ఈ చిత్రానికి మిశ్రమ స్పందన లభించింది. చాలా వరకు పాజిటివ్‌గానే వినిపించింది. విజువల్‌గా గ్రాండియర్‌గా ఉంది. అదే సమయంలో రామాయణంలోని కొత్త కోణాలను ఆవిష్కరించారు. ఇప్పటి వరకు వచ్చిన సినిమాలు రాముడి కోణంలోనే చూపించారు. కానీ ఇప్పుడు రావణుడి కోణంలో సినిమా ప్రారంభం కావడం విశేషం. రావణుడి అంశాలకు ఎక్కువగా ప్రయారిటీ ఇచ్చారు. దీంతో రామాయణంలోని మరో యాంగిల్‌ని చూసిన ఫీలింగ్‌ కలుగుతుంది. ఇదే ఈ సినిమాకి హైలైట్‌గా చెప్పొచ్చు.

సినిమా విడుదలై రెండు రోజులవుతుంది. మరి ఈ చిత్రానికి కలెక్షన్లు ఎలా ఉన్నాయి? పెరిగాయా తగ్గాయా? 4000 కోట్ల సినిమా రేంజ్‌లో వసూళ్లు ఉన్నాయా? అనేది చూస్తే, ఈ చిత్రానికి భారీగానే వసూళ్లు వస్తున్నాయి. కానీ బడ్జెట్‌తో పోల్చితే ఆ స్థాయిలో వసూళ్లు రావడం లేదు. మొదటి రోజు ఇండియాలో రూ.77.50కోట్ల గ్రాస్‌ వస్తే, రెండో రోజు రూ.57.30కోట్లు వచ్చాయి. అంటే ఇరవై కోట్లు తగ్గాయి. ఇక ఓవర్సీస్‌లో రూ.35కోట్లు వచ్చాయి. రెండు రోజుల్లో ఓవర్సీస్‌లో రూ.86.25కోట్లు, ఇండియా గ్రాస్‌ రూ.134.80కోట్ల గ్రాస్‌, రూ.112.90కోట్ల నెట్‌ వచ్చాయి. ఓవరాల్‌గా రెండు రోజుల్లో ప్రపంచ వ్యాప్తంగా ఈ చిత్రం రూ.221కోట్లు రాబట్టింది. ఇక తెలుగు కలెక్షన్లు చూస్తే, రెండు రోజుల్లో ఇది రూ.10.75కోట్లు రాబట్టింది.

ఈ శనివారం, ఆదివారం సినిమా కలెక్షన్లు పెరిగే అవకాశం ఉంది. ఈ మూడు రోజులు వసూళ్లు బాగానే ఉంటాయి. కానీ ఆ తర్వాత పరిస్థితి ఏంటనేది ప్రశ్న. ఈ సినిమా బ్రేక్ ఈవెన్ టార్గెట్‌ రూ.2000-2500కోట్ల గ్రాస్‌ కలెక్షన్లుగా ఉంది. అంటే బాహుబలి 2, పుష్ప 2, ధురంధర్‌ 2 సినిమాల వసూళ్లని దాటేయాలి. మరి అది సాధ్యమా? ఆ స్థాయిలో రాబడుతుందా అనేది ప్రశ్నగా మారింది. ఈ రెండు మూడు రోజుల్లో వచ్చే వసూళ్లని బట్టి అది ఆధారపడి ఉంటుంది. కానీ కష్టమే అనే అభిప్రాయం ట్రేడ్‌ వర్గాల నుంచి వస్తోంది. తెలుగులో ఈ మూవీకి దాదాపు వంద కోట్లు రావాలి. అప్పుడే సేఫ్‌ అవుతారు నిర్మాత దిల్‌ రాజు. ఆయన తెలుగు రైట్స్ రూ.54కోట్లకి తీసుకున్నట్టు సమాచారం. మరి ఏం చేస్తుందో చూడాలి.

Dark Night OTT: అక్రమ సంబంధం చుట్టూ తిరిగే క్రైమ్ థ్రిల్లర్.. ఐఎండీబీలో 8.3 రేటింగ్!

Mahesh Jujjuri — Sat, 07 Nov 2026 08:10:04 +0530

Dark Night OTT: క్రైమ్ థ్రిల్లర్ మూవీ 'డార్క్ నైట్' ఇప్పుడు ఆహా ఓటీటీలో ట్రెండ్ అవుతోంది. థియేటర్లలో పెద్దగా ఆకట్టుకోలేకపోయిన ఈ సినిమాకు ఐఎండీబీలో ఏకంగా 8.3 రేటింగ్ రావడం విశేషం.

థియేటర్లలో రిలీజ్ అయినప్పుడు పెద్దగా సక్సెస్ కాని కొన్ని సినిమాలు ఓటీటీలోకి వచ్చాక మాత్రం అదరగొడుతుంటాయి. ఇప్పుడు అలాంటి ఒక తెలుగు క్రైమ్ థ్రిల్లర్ సినిమానే ఓటీటీలో తెగ సందడి చేస్తోంది. ఆ సినిమా పేరే 'డార్క్ నైట్'.

వివాహేతర సంబంధం, భార్యాభర్తల మధ్య గొడవలు, మోసం, ఊహించని మలుపుల చుట్టూ తిరిగే ఈ సినిమా ప్రస్తుతం ఆహా ఓటీటీలో ట్రెండింగ్‌లో ఉంది. అంతేకాదు, ఐఎండీబీలో ఈ మూవీకి 8.3 రేటింగ్ కూడా వచ్చింది. ఇంతకీ ఈ సినిమా కథేంటి? ప్రేక్షకులను అంతగా ఆకట్టుకుంటున్న విషయం ఏంటి? ఇక్కడ తెలుసుకుందాం.

థియేటర్లలో సైలెంట్.. ఓటీటీలో వైలెంట్!

బాక్సాఫీస్ దగ్గర పెద్దగా అంచనాలు లేకుండా, ప్రమోషన్స్ లేకుండా రిలీజ్ అయ్యే కొన్ని సినిమాలు ఓటీటీలో మాత్రం సూపర్ హిట్ అవుతాయి. కథ, స్క్రీన్ ప్లే బాగుంటే ప్రేక్షకులు కచ్చితంగా ఆదరిస్తారని చెప్పడానికి 'డార్క్ నైట్' సినిమానే బెస్ట్ ఎగ్జాంపుల్. ఇదొక ఎమోషనల్ డార్క్ క్రైమ్ థ్రిల్లర్. మార్చి 13న థియేటర్లలో రిలీజ్ అయిన ఈ సినిమా.. పెద్ద స్టార్ కాస్ట్ లేకపోవడం, ప్రమోషన్స్ చేయకపోవడంతో జనాలకు పెద్దగా రీచ్ కాలేదు.

కానీ రిలీజ్ అయిన నెల రోజులకే ఓటీటీలోకి వచ్చిన ఈ సినిమా ఇప్పుడు వ్యూవర్స్ దృష్టిని ఆకర్షిస్తోంది. ప్రస్తుతం ఆహా ఓటీటీలో స్ట్రీమింగ్ అవుతున్న 'డార్క్ నైట్' ఐఎండీబీలో 8.3 రేటింగ్ తెచ్చుకుంది. క్రైమ్, సస్పెన్స్, డార్క్ థ్రిల్లర్ కథలను ఇష్టపడే వాళ్లలో ఈ సినిమా మంచి క్యూరియాసిటీ పెంచుతోంది.

అలెక్స్ అనే లాయర్ పెద్దలు కుదిర్చిన పెళ్లిలో హేమను పెళ్లి చేసుకుంటాడు. కొత్త జీవితం మీద ఎన్నో కలలతో అత్తింటికి వచ్చిన హేమకు అలెక్స్ ప్రవర్తన షాక్ ఇస్తుంది. ఎందుకంటే అలెక్స్ తన ఆఫీసులో పనిచేసే సోఫియాతో ఎఫైర్ పెట్టుకుంటాడు.

ఈ విషయం తెలుసుకున్న హేమ తీవ్రంగా బాధపడుతుంది. భర్తకు దూరంగా ఒంటరిగా బతకాలని డిసైడ్ అవుతుంది. కానీ, అటు సోఫియా మరో వ్యక్తితో చనువుగా ఉండటం చూసిన అలెక్స్‌కు తను మోసపోయానని అర్థమవుతుంది. తన తప్పు తెలుసుకుని బాధపడిన అతను, మళ్లీ భార్య హేమ దగ్గరికి వెళ్లి క్షమాపణ అడగాలనుకుంటాడు.

హేమ జీవితంలో మరో మలుపు!

సరిగ్గా ఇదే టైమ్‌లో హేమ జీవితంలోకి ఆమె పాత స్నేహితుడు రోషన్ ఎంట్రీ ఇస్తాడు. హేమ అతన్ని కేవలం మంచి స్నేహితుడిలా చూస్తే, రోషన్ మనసులో మాత్రం వేరే ఆలోచనలు ఉంటాయి. ఇటు భర్తను అర్థం చేసుకుని మళ్లీ అలెక్స్‌తో కలిసి బతకాలని హేమ అనుకుంటున్న టైమ్‌లోనే ఆమె జీవితంలో ఊహించని ఒక సీరియస్ సంఘటన జరుగుతుంది.

అసలు ఆ సంఘటన ఏంటి? అలెక్స్, హేమ, రోషన్, సోఫియా జీవితాల్లో ముందుకు ఎలాంటి మార్పులు వస్తాయి? ఈ సంఘటనల వెనుక ఉన్న రహస్యం ఏంటి? అనేదే ఈ సినిమాలోని ఆసక్తికరమైన పాయింట్. సంబంధాల మధ్య ఉండే చిక్కులు, నమ్మకం, ద్రోహం, ఊహించని మలుపులతో ప్రేక్షకులను చివరి వరకు కూర్చోబెట్టే ప్రయత్నం చేసింది చిత్రబృందం.

ఈ సినిమాలో హేమ పాత్రలో పూర్ణ (శమ్నా కాసిమ్) నటించింది. తన యాక్టింగ్‌తో ఆమె అందరి దృష్టిని ఆకర్షించింది. త్రిగుణ్, విదార్థ్, శుభశ్రీ రాయగురు తదితరులు ముఖ్య పాత్రల్లో కనిపించారు. డార్క్ థ్రిల్లర్, క్రైమ్, సస్పెన్స్ కథలను ఇష్టపడే వాళ్లు ఈ వీకెండ్‌లో 'డార్క్ నైట్' సినిమాను కచ్చితంగా చూడొచ్చు. థియేటర్లలో పెద్దగా సౌండ్ చేయకపోయినా, ఓటీటీలో ప్రేక్షకులను ఆకట్టుకుంటున్న ఈ సినిమాను మీ వాచ్ లిస్ట్‌లో యాడ్ చేసుకోండి.

Weather Update : ఉపరితల ఆవర్తనం ఎఫెక్ట్.. ఈ తెలుగు జిల్లాల్లో వర్షాలు కంటిన్యూ

Arun Kumar P — Sat, 07 Nov 2026 07:53:49 +0530

ఇప్పటికే అర్నబ్, మురసు తుపానులు బీభత్సం సృష్టించాయి… ఆంధ్ర ప్రదేశ్ లో అయితే భారీ నుండి అతిభారీ వర్షాలు కురిశాయి, తెలంగాణలోనూ వర్షాలు పడ్డాయి. అయితే మరో మూన్నాలుగు రోజులు వర్షాలు కొనసాగుతాయని వాతావరణ శాఖ ప్రకటించింది.

బంగాళాఖాతంలో మరో ఉపరితల ఆవర్తనం ఏర్పడటంతో తెలుగు రాష్ట్రాల్లో వాతావరణం మారుతోంది. ఇప్పటికే తుపానులు, అల్పపీడనాల ప్రభావంతో ఆంధ్ర ప్రదేశ్ లో భారీ నుండి అతిభారీ వర్షాలు కురిశాయి. అయితే రాబోయే మూడు రోజుల పాటు కోస్తాంధ్ర, రాయలసీమ ప్రాంతాల్లో అక్కడక్కడ వర్షాలు కురిసే అవకాశం ఉందని వాతావరణ శాఖ అంచనా వేస్తోంది. మరోవైపు తెలంగాణలోనూ పలు జిల్లాలకు వర్ష సూచన జారీ చేసింది. హైదరాబాద్‌లో ఆకాశం మేఘావృతమై చిరుజల్లులు కురిసే అవకాశం ఉందని తెలిపింది. ఉష్ణోగ్రతలు క్రమంగా తగ్గుతుండటంతో నగరంలో చలి తీవ్రత పెరిగే సూచనలు కనిపిస్తున్నాయంటున్నారు వాతావరణ నిపుణులు.

ఆంధ్రప్రదేశ్‌లో రాబోయే మూడు రోజుల పాటు కోస్తాంధ్ర, రాయలసీమ ప్రాంతాల్లో వర్షాలు కురిసే అవకాశం ఉందని వాతావరణ శాఖ తెలిపింది. ముఖ్యంగా కొన్ని జిల్లాల్లో తేలికపాటి నుంచి మోస్తరు వర్షాలు పడే సూచనలు ఉన్నాయని ఏపీఎస్డీఎంఏ ఎండీ, ఆర్టీజీఎస్ సీఈఓ ప్రఖర్ జైన్ వెల్లడించారు. అల్లూరి సీతారామరాజు, పోలవరం, ఎన్టీఆర్, నంద్యాల, చిత్తూరు, తిరుపతి జిల్లాల్లో అక్కడక్కడ వర్షాలు కురిసే అవకాశం ఉందని తెలిపారు. ఈ జిల్లాల్లో కొన్ని ప్రాంతాల్లో తేలికపాటి నుంచి మోస్తరు వర్షాలు పడవచ్చని, రాష్ట్రంలోని మిగతా జిల్లాల్లో తేలికపాటి వర్షాలు కురిసే అవకాశం ఉందని పేర్కొన్నారు.

నవంబర్ 12 తర్వాత మరో అల్పపీడనం?

బంగాళాఖాతంలో వరుసగా వాతావరణ మార్పులు చోటుచేసుకుంటుండటం ఆందోళన కలిగిస్తోంది. నవంబర్ 12 తర్వాత దక్షిణ బంగాళాఖాతంలో మరో అల్పపీడనం ఏర్పడే అవకాశం ఉందని అంచనాలు వెలువడుతున్నాయి. అంతేకాకుండా నవంబర్ 15 తర్వాత ఇది తీవ్ర తుపానుగా మారే అవకాశం ఉందన్న అంచనాలు కూడా ఉన్నాయి.

అయితే తుపాను ఏర్పడటం, దాని తీవ్రత, దిశ, తీరం దాటే ప్రాంతం వంటి అంశాలపై ఇప్పుడే స్పష్టత లేదు. రాబోయే రోజుల్లో వాతావరణ పరిస్థితులను బట్టి మరింత సమాచారం వెల్లడయ్యే అవకాశం ఉంది. బంగాళాఖాతంలో ఏర్పడే ఈ వ్యవస్థల ప్రభావం తెలుగు రాష్ట్రాలపై ఎలా ఉంటుందన్నది ఆసక్తికరంగా మారింది.

తెలంగాణలోనూ కొన్ని జిల్లాల్లో వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. భద్రాద్రి కొత్తగూడెం, ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో అక్కడక్కడ ఉరుములు, మెరుపులతో కూడిన వర్షాలు పడవచ్చని అంచనా వేసింది.

వర్షాలు కురిసే సమయంలో గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని తెలిపింది. ఈ నేపథ్యంలో ఆయా జిల్లాలకు ఎల్లో అలర్ట్ జారీ చేసింది. ఉరుములు, మెరుపులతో కూడిన వర్షాలు పడే సమయంలో ప్రజలు చెట్ల కింద, విద్యుత్ స్తంభాల సమీపంలో ఉండకూడదని, అవసరమైన జాగ్రత్తలు తీసుకోవాలని సూచించింది.

హైదరాబాద్‌లో చలి పెరిగే అవకాశం

రాజధాని హైదరాబాద్‌లో ఆకాశం పాక్షికంగా మేఘావృతమై ఉంటుందని వాతావరణ శాఖ అంచనా వేస్తోంది. నగరంలోని కొన్ని ప్రాంతాల్లో చిరుజల్లులు కురిసే అవకాశం ఉంది. మరోవైపు రాత్రి ఉష్ణోగ్రతలు క్రమంగా తగ్గుతుండటంతో చలి తీవ్రత పెరిగే సూచనలు కనిపిస్తున్నాయి.

ముఖ్యంగా ఉదయం, రాత్రి వేళల్లో చల్లని వాతావరణం ఉండే అవకాశం ఉంది. దీంతో నగరవాసులు చలికి తగిన జాగ్రత్తలు తీసుకోవాల్సి ఉంటుంది. మొత్తంగా బంగాళాఖాతంలో ఏర్పడుతున్న ఉపరితల ఆవర్తనాలు, అల్పపీడనాల ప్రభావంతో తెలుగు రాష్ట్రాల్లో రాబోయే రోజుల్లో వాతావరణం మరింత మారే అవకాశం ఉంది. వాతావరణ శాఖ ఎప్పటికప్పుడు జారీ చేసే తాజా హెచ్చరికలను గమనిస్తూ ప్రజలు అప్రమత్తంగా ఉండాలి.

Today Rasi Phalalu: నేడు ఓ రాశివారికి ముఖ్యమైన విషయాల్లో బంధుమిత్రులతో విభేదాలు తప్పవు!

Kavitha G — Sat, 07 Nov 2026 05:00:23 +0530

Today Rasi Phalalu: ఈ రాశి ఫలాలు 07.11.2026 శనివారానికి సంబంధించినవి. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి.

ముఖ్యమైన వ్యవహారాలలో అవరోధాలు కలుగుతాయి. వృత్తి, వ్యాపారాలలో శ్రమ తప్ప ఫలితం కనిపించదు. ఉద్యోగాలు అంతంతమాత్రంగా సాగుతాయి. వృథా ప్రయాణాలు చేయాల్సి వస్తుంది. అనారోగ్య సమస్యలు బాధిస్తాయి. ఊహించని వివాదాలు కలుగుతాయి.

కుటుంబ సభ్యులతో శుభకార్యాలలో పాల్గొంటారు. సంఘంలో ప్రముఖుల ఆదరణ పెరుగుతుంది. సమాజంలో పలుకుబడి పెరుగుతుంది. చేపట్టిన పనుల్లో విజయం సాధిస్తారు. నూతన వాహనం కొనుగోలు చేస్తారు. ఉద్యోగాలలో పురోగతి సాధిస్తారు. చిన్ననాటి మిత్రుల కలయిక ఆనందం కలిగిస్తుంది.

వ్యాపార విస్తరణ ప్రయత్నాలు వాయిదా పడతాయి. ఉద్యోగాలలో అధికారుల నుంచి ఒత్తిడి పెరుగుతుంది. ఆకస్మిక ప్రయాణ సూచనలు ఉన్నాయి. ఆరోగ్య సమస్యలు కొంత చికాకు పరుస్తాయి. నూతన రుణ ప్రయత్నాలు చేస్తారు. బంధుమిత్రులతో ముఖ్యమైన వ్యవహారాల్లో విభేదాలు కలుగుతాయి.

ఆప్తుల నుంచి అరుదైన ఆహ్వానాలు అందుకుంటారు. ఆర్థికంగా కొంత మెరుగైన పరిస్థితులు ఉంటాయి. ప్రయాణాలలో నూతన వ్యక్తుల పరిచయాలు కలుగుతాయి. చేపట్టిన పనులలో అనుకూల వాతావరణం ఉంటుంది. వృత్తి, ఉద్యోగాలలో నూతన ప్రోత్సాహకాలు అందుతాయి. దైవ సేవా కార్యక్రమాలలో పాల్గొంటారు.

సంఘంలో గౌరవ మర్యాదలకు లోటుండదు. విలువైన వస్తువులు కొనుగోలు చేస్తారు. ఇంటా బయటా అనుకూల వాతావరణం ఉంటుంది. నూతన పరిచయాలు లాభసాటిగా సాగుతాయి. చిన్ననాటి మిత్రులతో విందు వినోదాది కార్యక్రమాల్లో పాల్గొంటారు. వ్యాపార, ఉద్యోగాలు సంతృప్తికరంగా సాగుతాయి.

ఆకస్మిక ప్రయాణ సూచనలు ఉన్నాయి. ఆప్తులతో కొన్ని వ్యవహారాలలో మాటపట్టింపులు కలుగుతాయి. చేపట్టిన పనుల్లో జాప్యం కలుగుతుంది. గృహ నిర్మాణ ఆలోచనలు చేస్తారు. స్వల్ప అనారోగ్య సమస్యలు బాధిస్తాయి. ఉద్యోగాలు సామాన్యంగా సాగుతాయి. ఆర్థిక ఇబ్బందులు తప్పవు.

బంధుమిత్రులతో పుణ్యక్షేత్రాలు సందర్శిస్తారు. కుటుంబ సమస్యలు కొంత చికాకు పరుస్తాయి. ముఖ్యమైన వ్యవహారాలు మందకొడిగా సాగుతాయి. ఆరోగ్యం విషయంలో అశ్రద్ధ చేయడం మంచిది కాదు. వ్యాపారాలు కొంత నిదానంగా సాగుతాయి. ఉద్యోగాలలో పని ఒత్తిడి అధికమవుతుంది.

ఆర్థిక వ్యవహారాలు ఆశాజనకంగా ఉంటాయి. చేపట్టిన పనులు సజావుగా పూర్తి చేస్తారు. నిరుద్యోగులకు శుభవార్తలు అందుతాయి. ఉద్యోగాలలో హోదాలు పెరుగుతాయి. నూతన గృహ నిర్మాణ ప్రయత్నాలు వేగవంతం చేస్తారు. ఆప్తుల రాక ఆనందం కలిగిస్తుంది. వృత్తి, వ్యాపారాలు లాభసాటిగా సాగుతాయి.

చేపట్టిన పనులలో కార్యసిద్ధి కలుగుతుంది. నూతన వాహన కొనుగోలు ప్రయత్నాలు ఫలిస్తాయి. దూరపు బంధువుల కలయిక ఆనందం కలిగిస్తుంది. ఉద్యోగాలలో అధికారులతో చర్చలు సఫలం అవుతాయి. నిరుద్యోగులకు శుభవార్తలు అందుతాయి. నూతన వ్యాపారాలకు పెట్టుబడులు అందుతాయి.

కుటుంబ పెద్దల ఆరోగ్యం విషయంలో మరింత అప్రమత్తంగా వ్యవహరించాలి. ముఖ్యమైన పనులు వాయిదా పడతాయి. వృత్తి, వ్యాపారాలు కొంత మందగిస్తాయి. ఉద్యోగాలలో ఊహించని ఇబ్బందులు కలుగుతాయి. ఆధ్యాత్మిక చింతన పెరుగుతుంది. ఇంటా బయట బాధ్యతలు పెరుగుతాయి.

వృత్తి, వ్యాపారాల్లో నిరాశ తప్పదు. ఆర్థిక వ్యవహారాలు నిరుత్సాహపరుస్తాయి. ఆరోగ్యం విషయంలో మరింత అప్రమత్తంగా వ్యవహారించాలి. ఉద్యోగులకు అదనపు బాధ్యతల వల్ల తగిన విశ్రాంతి ఉండదు. ముఖ్యమైన పనులు శ్రమతో కానీ పూర్తి కావు.

సోదరులతో భూవివాదాలు పరిష్కారమవుతాయి. సంఘంలో ప్రముఖుల ఆదరణ పెరుగుతుంది. చేపట్టిన పనుల్లో కార్యసిద్ధి కలుగుతుంది. దైవ సేవా కార్యక్రమాలలో పాల్గొంటారు. వ్యాపార, ఉద్యోగాలలో అంచనాలు అందుకుంటారు. చిన్ననాటి మిత్రుల రాక ఆనందం కలిగిస్తుంది.

Bigg Boss Telugu 10: ముకేశ్ కోసం వర్షిణి త్యాగం, లెక్కలు మార్చేసిన నరేష్.. కొత్త కెప్టెన్ గా వంశీ

Tirumala Dornala — Fri, 06 Nov 2026 23:00:56 +0530

బిగ్ బాస్ హౌస్ లో 61వ రోజు కొత్త కెప్టెన్ గా వంశీ ఎంపికయ్యారు. కెప్టెన్సీ కోసం త్రిగుణ్, స్వేతా, దేబ్జానీ, వంశీ పోటీ పడగా వంశీ విజయం సాధించాడు. ఆ వివరాలు ఈ కథనంలో తెలుసుకుందాం.

బిగ్ బాస్ హౌస్ కొత్త కెప్టెన్ గా వంశీ అవతరించాడు. అంతకు ముందు త్రిగుణ్.. వర్షిణి, ముకేశ్ మధ్య ఫుడ్ విషయంలో వివాదం జరిగింది. వర్షిణి ఫుడ్ వేస్ట్ చేస్తోంది అని భావించిన త్రిగుణ్ ఆమెకి టీ లేకుండా శిక్ష విధించాడు. దీనితో ఇద్దరి మధ్య వాగ్వాదం జరిగింది. వర్షిణి తరుపున ముకేశ్.. త్రిగుణ్ తో గొడవ పెట్టుకున్నాడు.

రివేంజ్ అండ్ రివార్డ్ లో భాగంగా విజయం సాధించిన వాళ్ళు వచ్చే వారం వాళ్ళ ఫ్యామిలీలని కలుసుకుంటారు. రివేంజ్ కి గురికాబడిన వాళ్ళకు మాత్రం ఫ్యామిలీలని కలుసుకునే అవకాశం లేదని బిగ్ బాస్ తెలిపారు. కానీ వాళ్లకు కూడా చివరి అవకాశం ఇచ్చారు. ఆర్కే, అమన్, వర్షిణి, ముకేశ్ రివేంజ్ కి గురైన సంగతి తెలిసిందే. ఆర్కే, అమన్ ఒక పెయిర్ గా.. ముకేశ్, వర్షిణి ఒక పెయిర్ గా ఏర్పడ్డారు. ఈ గేమ్ లో విజయం సాధించిన పెయిర్ లో ఒక్కరికి మాత్రమే వాళ్ళ ఫ్యామిలీని కలుసుకునే అవకాశం ఉంటుంది అని బిగ్ బాస్ తెలిపారు.

పెయిర్ లోని ఒక సభ్యులు స్టాండ్ ని బ్యాలెన్స్ చేస్తుంటే దానిపై మరో సభ్యుడు బ్రిక్స్ తో ఇంటిని ఫామ్ చేయాలి. అలా ఎవరైతే ముందుగా కంప్లీట్ చేస్తారో వాళ్లే విజేతలు. ముందుగా ముకేశ్, వర్షిణి టాస్క్ కంప్లీట్ చేశారు. కానీ వాళ్ళు ఎక్కువ సేపు బ్యాలెన్స్ చేయలేదు అని, ఇల్లు త్వరగా కూలిపోయింది అని వివాదం మొదలైంది. కానీ సంచాలక్ గా ఉన్న నరేష్ ముకేశ్, వర్షిణి విజయం సాధించారు ఐ భావించారు. వాళ్లనే విజేతలుగా ప్రకటించారు. వర్షిణి, ముకేశ్ లలో ఒకరికి మాత్రమే వాళ్ళ ఫ్యామిలీని కలుసుకునే ఛాన్స్ ఉంటుంది. దీనితో ముకేశ్ కోసం వర్షిణి త్యాగం చేసి అతడికే అవకాశం ఇచ్చింది. ఈ టాస్క్ లో తమకు అన్యాయం జరిగింది అని అమన్, ఆర్కే భావించగా నరేష్ వారిపై కోపంతో ఊగిపోయాడు. నా తప్పు ఉంటే శనివారం రోజు నేనే శిక్ష అనుభవిస్తా అని కేకలు పెట్టాడు.

ఆ తర్వాత కెప్టెన్సీ కంటెండర్స్ గా త్రిగుణ్, దేబ్జానీ, స్వేతా, వంశీ పాల్గొన్నారు. వీరిలో వంశీకే ఎక్కువ మంది సపోర్ట్ చేయడంతో అతడు విజయం సాధించి బిగ్ బాస్ హౌస్ కొత్త కెప్టెన్ అయ్యారు.

ఎంపీటీసీ, జడ్పీటీసీ ఎన్నికల ఓట్ల లెక్కింపు ప్రారంభం

Narender Vaitla — Fri, 06 Nov 2026 21:50:57 +0530

MPTC, ZPTC Results: ఎంపీటీసీ, జడ్పీటీసీ ఎన్నికల ఫలితాల కోసం ఎదురుచూస్తున్న అభ్యర్థులు, రాజకీయ పార్టీల నేతల్లో ఉత్కంఠ నెలకొంది. ఎన్నికల ప్రచారం నుంచి పోలింగ్ వరకు సాగిన హడావుడికి తెరపడగా.. ఇప్పుడు అందరి దృష్టి ఓట్ల లెక్కింపుపై పడింది.

రాష్ట్రవ్యాప్తంగా 28 జిల్లాల్లో మొత్తం 365 కేంద్రాలను కౌంటింగ్ కోసం సిద్ధం చేశారు. ఉదయం 8 గంటలకు ఓట్ల లెక్కింపు ప్రారంభం అయ్యింది. మొదట పోస్టల్ బ్యాలెట్లను లెక్కించిన తర్వాత ఇతర బ్యాలెట్ల లెక్కింపు చేపట్టనున్నారు. ఓట్ల లెక్కింపు పూర్తయి తొలి ఫలితం ప్రకటించడానికి కనీసం నాలుగు గంటల సమయం పట్టవచ్చని అధికారులు అంచనా వేస్తున్నారు. దీంతో మధ్యాహ్నం సమయానికి ఫలితాలపై స్పష్టత వచ్చే అవకాశం ఉంది.

ఎంపీటీసీ, జడ్పీటీసీ ఎన్నికల్లో ఓటర్లు ఉత్సాహంగా పాల్గొన్నారు. రాష్ట్రవ్యాప్తంగా 70.72 శాతం పోలింగ్ నమోదైంది. ఈ నెల 5న జరిగిన పోలింగ్‌లో భారీ సంఖ్యలో ప్రజలు తమ ఓటు హక్కును వినియోగించుకున్నారు. భారీ వర్షాలు, వరదల కారణంగా గతంలో వాయిదా పడిన ఐదు మండలాల్లోనూ తాజాగా పోలింగ్ ప్రశాంతంగా ముగిసింది. మరో మూడు జిల్లాల్లో వివిధ కారణాలతో ఎన్నికల సంఘం రీపోలింగ్ నిర్వహించింది. ఈ ప్రాంతాల్లోనూ పోలింగ్ ప్రక్రియ సాయంత్రం 5 గంటలకు పూర్తయింది. ఈ నేపథ్యంలో ఓటర్లు ఎవరికి పట్టం కట్టారన్నది ఆసక్తికరంగా మారింది.

ఓట్ల లెక్కింపును పారదర్శకంగా, వేగంగా నిర్వహించేందుకు ఎన్నికల సంఘం భారీ స్థాయిలో సిబ్బందిని నియమించింది. 11 వేల మందికి పైగా కౌంటింగ్ సూపర్‌వైజర్లు పర్యవేక్షణ బాధ్యతలు చేపట్టనున్నారు. వీరితో పాటు సుమారు 28,500 మంది కౌంటింగ్ సిబ్బంది, సహాయకులు విధుల్లో పాల్గొంటారు. మొత్తం మీద 30 వేల మందికి పైగా సిబ్బంది ఎన్నికల ఫలితాల ప్రక్రియలో భాగస్వాములు కానున్నారు. ప్రతి కేంద్రంలోనూ నిబంధనల ప్రకారం లెక్కింపు జరిగేలా అధికారులు పర్యవేక్షించనున్నారు.

కౌంటింగ్ కేంద్రాల వద్ద భారీ పోలీసు బందోబస్తు

ఫలితాల సమయంలో ఎలాంటి అవాంఛనీయ ఘటనలు చోటుచేసుకోకుండా పోలీసులు ప్రత్యేక భద్రతా చర్యలు చేపట్టారు. కౌంటింగ్ కేంద్రాల పరిసరాల్లో భారీగా పోలీసు బలగాలను మోహరించనున్నారు. కేంద్రాల్లోకి అనుమతి ఉన్న వ్యక్తులను మాత్రమే అనుమతించేలా చర్యలు తీసుకున్నారు. లెక్కింపు సమయంలో అభ్యర్థులు, వారి ఏజెంట్లు ఎన్నికల నిబంధనలు పాటించాలని అధికారులు సూచిస్తున్నారు. శాంతిభద్రతలకు విఘాతం కలగకుండా పరిస్థితిని ఎప్పటికప్పుడు పర్యవేక్షించనున్నారు.

ఏ పార్టీకి ఎన్ని స్థానాలు? అభ్యర్థుల్లో ఉత్కంఠ

ఎంపీటీసీ, జడ్పీటీసీ ఎన్నికలను రాజకీయ పార్టీలు ప్రతిష్ఠాత్మకంగా తీసుకున్నాయి. గ్రామీణ ప్రాంతాల్లో తమ పట్టును నిరూపించుకునేందుకు అన్ని పార్టీలు తీవ్రంగా ప్రయత్నించాయి. ప్రచార సమయంలో ఇచ్చిన హామీలు, స్థానిక సమస్యలపై చేసిన పోరాటాలు ఓటర్లను ఎంతవరకు ప్రభావితం చేశాయో ఫలితాలు వెల్లడించనున్నాయి. ముఖ్యంగా ఏ పార్టీకి ఎక్కువ స్థానాలు దక్కుతాయి? ఎక్కడైనా అనూహ్య ఫలితాలు వస్తాయా? హోరాహోరీ పోటీ నెలకొన్న స్థానాల్లో విజయం ఎవరిని వరిస్తుంది? అన్న ప్రశ్నలు రాజకీయ వర్గాల్లో చర్చనీయాంశంగా మారాయి. అభ్యర్థులు తమ గెలుపుపై ధీమా వ్యక్తం చేస్తున్నప్పటికీ.. ఓట్ల లెక్కింపు పూర్తయ్యే వరకు ఉత్కంఠ తప్పేలా లేదు.

Vijay Sethupathi: ఇంటర్నేషనల్ ఎమ్మీ అవార్డ్స్‌లో ప్రెజెంటర్ గా విజయ్ సేతుపతి.. విలక్షణ నటుడికి అరుదైన గౌరవం

Tirumala Dornala — Fri, 06 Nov 2026 21:23:31 +0530

నటుడు విజయ్ సేతుపతికి అంతర్జాతీయ స్థాయిలో అరుదైన గుర్తింపు దక్కింది. నవంబర్ 23న న్యూయార్క్‌లో జరిగే 54వ ఇంటర్నేషనల్ ఎమ్మీ అవార్డ్స్ వేడుకలో ఆయన ప్రజెంటర్‌గా వ్యవహరించనున్నారు.

తమిళ నటుడు విజయ్ సేతుపతికి మరో అరుదైన అవకాశం దక్కింది. 54వ ఇంటర్నేషనల్ ఎమ్మీ అవార్డ్స్ వేడుకలో ఆయన ప్రజెంటర్‌గా వ్యవహరించనున్నారు. నవంబర్ 23, 2026న న్యూయార్క్‌లో ఈ అవార్డుల కార్యక్రమం జరగనుంది. అంతర్జాతీయ స్టేజీపై భారతీయ ప్రతిభకు మరోసారి గుర్తింపు లభించనుండటంతో ఇది భారతీయ చిత్ర, టెలివిజన్ రంగానికి గర్వకారణమైన విషయంగా నిలుస్తోంది. గతంలోనూ పలువురు భారతీయులు ఈ అవార్డుల వేడుకల్లో ప్రజెంటర్లుగా వ్యవహరించారు. 2009లో నటి ఆశ్కా గోరాడియా, 2010లో భారతీయ సినిమా, టెలివిజన్ నటి సిమోన్ సింగ్ ఈ బాధ్యతలు నిర్వర్తించారు. 2012లో నటి ప్రేరణ వన్వారి ఆర్ట్స్ ప్రోగ్రామింగ్ విభాగంలో అవార్డు ప్రజెంటర్‌గా పాల్గొన్నారు.

2016లో జరిగిన 68వ ప్రైమ్‌టైమ్ ఎమ్మీ అవార్డుల వేడుకలో ప్రియాంక చోప్రా కూడా అవార్డును అందించే బాధ్యతను చేపట్టారు. లాస్ ఏంజెలెస్‌లో జరిగిన ఆ కార్యక్రమంలో ఆమె నటుడు టామ్ హిడిల్‌స్టన్‌తో కలిసి అవార్డును ప్రజెంట్ చేశారు. ఇంటర్నేషనల్ ఎమ్మీ అవార్డులను అందించే ఇంటర్నేషనల్ అకాడమీ ఆఫ్ టెలివిజన్ ఆర్ట్స్ అండ్ సైన్సెస్ బోర్డు సభ్యురాలు, నిర్మాత కవితా గుప్తా కూడా భారతీయ ప్రతిభకు అంతర్జాతీయ స్టేజీపై అవకాశాలు కల్పించడంలో కీలక పాత్ర పోషిస్తున్నారు. 2024లో జరిగిన ఇంటర్నేషనల్ ఎమ్మీ అవార్డుల వేడుకకు వీర్ దాస్‌ను హోస్ట్‌గా తీసుకురావడం వెనుక కవితా గుప్తా ఉన్నారు. 2023లో తన కామెడీ స్పెషల్ ‘వీర్ దాస్ ల్యాండింగ్’కు ఆయన ఇంటర్నేషనల్ ఎమ్మీ అవార్డు గెలుచుకున్న తర్వాత ఈ అవకాశం దక్కింది.

ఇక సినిమాల విషయానికి వస్తే విజయ్ సేతుపతి చివరిగా ‘బత్తా’ చిత్రంలో కనిపించారు. 1986 నాటి మద్రాస్ నేపథ్యంలో ఈ కథ సాగుతుంది. ఇందులో బత్తా అనే భయంకరమైన గ్యాంగ్‌స్టర్ పాత్రను విజయ్ సేతుపతి పోషించారు. ఒకరోజు అనుకోకుండా ఎనిమిదేళ్ల బాలుడు అతడిని ఖాళీగా ఉన్న పాఠశాల మరుగుదొడ్డిలో బంధిస్తాడు. ఆ ఇద్దరూ అక్కడ కలిసి గడిపే సమయంలో వారి మధ్య అనుబంధం ఏర్పడుతుంది. ఆ బాలుడి వల్ల గ్యాంగ్‌స్టర్ జీవితాన్ని చూసే దృక్పథం మారుతుంది. అతడిలోని సున్నితమైన కోణం బయటపడుతుంది. ఈ చిత్రంలో గ్యాంగ్‌స్టర్, చిన్నారి మధ్య ఏర్పడే అనుబంధం కథలో ప్రధాన అంశంగా ఉంటుంది.

విజయ్ సేతుపతి తదుపరి ప్రముఖ దర్శకుడు మణిరత్నం తెరకెక్కిస్తున్న రొమాంటిక్ డ్రామా ‘ఇంజి వెల్లం’లో కనిపించనున్నారు. ఈ చిత్రంలో సాయి పల్లవి కథానాయికగా నటిస్తున్నారు. మరోవైపు విజయ్ సేతుపతి నటించిన 2024 తమిళ థ్రిల్లర్ ‘మహారాజా’ హాలీవుడ్‌లో రీమేక్ కానుంది. చైనాలో ఈ సినిమా మంచి విజయాన్ని అందుకున్న తర్వాత హాలీవుడ్‌కు చెందిన ఓ ఏజెన్సీ రీమేక్ హక్కులపై ఆసక్తి చూపించింది. ఈ ప్రాజెక్టును ముందుకు తీసుకెళ్లేందుకు ఆ సంస్థ ప్రయత్నిస్తోంది. ఇందులో నటించేందుకు ప్రముఖ హాలీవుడ్ నటుడిని ఎంపిక చేయాలని చూస్తున్నట్లు సమాచారం. ఈ విషయాన్ని నిర్మాత సుధన్ సుందరం ‘ది టైమ్స్ ఆఫ్ ఇండియా’కు ఇచ్చిన ఇంటర్వ్యూలో వెల్లడించారు.

చైనాలో ‘మహారాజా’ సినిమా బాక్సాఫీస్ వద్ద రూ.91.65 కోట్లు వసూలు చేసిందని సాక్‌నిల్క్ గణాంకాలు చెబుతున్నాయని నిర్మాత సుధన్ సుందరం తెలిపారు. అక్కడ థియేటర్లతో పాటు ఓటీటీలోనూ సినిమాకు మంచి ఆదరణ లభించడంతో హాలీవుడ్ ఏజెన్సీ రీమేక్ హక్కుల కోసం తమను సంప్రదించిందని చెప్పారు. ప్రస్తుతం ఆ సంస్థ ప్రముఖ నటుడితో ఈ ప్రాజెక్టును రూపొందించేందుకు ప్రయత్నిస్తోందని, వచ్చే ఏడాది చిత్రీకరణ ప్రారంభమయ్యే అవకాశం ఉందని వివరించారు. హాలీవుడ్ రీమేక్‌లో మాథ్యూ మెక్‌కోనహే నటించవచ్చంటూ సోషల్ మీడియాలో ప్రచారం జరుగుతోంది. దీనిపై స్పందించిన సుధన్.. ఆయన సంప్రదింపుల్లో ఉన్న నటుల్లో ఒకరు కావచ్చని, అయితే తారాగణం, నిర్మాణ సంస్థ వివరాలను సంబంధిత ఏజెన్సీ మాత్రమే అధికారికంగా వెల్లడించగలదని తెలిపారు. ప్రస్తుతం ఈ ప్రాజెక్టు రూపుదిద్దుకుంటుండగా, నటీనటులు, స్టూడియో వివరాలను నిర్మాతలు ఇంకా ప్రకటించలేదు.

Kaaka: ఫేక్ న్యూస్ కి రెస్ట్ ఇన్ పీస్.. కాకా రిలీజ్ డేట్ పై కోన వెంకట్ కామెంట్స్, చిరు లేటెస్ట్ లుక్ చూశారా

Tirumala Dornala — Fri, 06 Nov 2026 20:52:34 +0530

మెగాస్టార్ చిరంజీవి నటిస్తున్న ‘కాకా’ సినిమా సంక్రాంతి బరిలోకి వస్తుందని స్క్రీన్‌ప్లే రచయిత కోన వెంకట్ మరోసారి స్పష్టం చేశారు. జనవరి 13న విడుదల చేయనున్నట్లు తెలిపారు.

మెగాస్టార్ చిరంజీవి నటిస్తున్న సినిమాల్లో సంక్రాంతి 2027కి ఏది విడుదలవుతుందనే సందిగ్ధత కొనసాగుతోంది. ‘విశ్వంభర’, ‘కాకా’ చిత్రాల్లో ఏ సినిమా పండుగ బరిలోకి వస్తుందనే విషయంపై గత కొంతకాలంగా చర్చ జరుగుతోంది. ఈ రెండు సినిమాల విడుదల తేదీలపై రకరకాల ఊహాగానాలు వినిపిస్తున్నాయి. ‘కాకా’ చిత్ర బృందం ఇప్పటికే పలుమార్లు ఈ ప్రచారాలను ఖండించినప్పటికీ, సోషల్ మీడియాలో మాత్రం సందేహాలు కొనసాగుతూనే ఉన్నాయి. కనీసం డిసెంబర్ 2026 వరకు ఈ గందరగోళం కొనసాగే అవకాశం ఉందనే పరిస్థితి కనిపిస్తోంది.

తాజాగా ‘కాకా’ స్క్రీన్‌ప్లే రచయిత కోన వెంకట్ మరోసారి సినిమా విడుదల తేదీపై స్పష్టత ఇచ్చారు. ఈ సినిమా సంక్రాంతికి వస్తుందని ఆయన వెల్లడించారు. ఈ మేరకు ఎక్స్ లో స్పందిస్తూ.. ‘కాకా’ గురించి వస్తున్న పుకార్లు, తప్పుడు వార్తలు, ఆధారాలు లేని కథనాలకు మరోసారి ముగింపు పలుకుతున్నట్లు పేర్కొన్నారు. జనవరి 13న ప్రేక్షకుల ముందుకు వస్తున్నామని స్పష్టం చేశారు. ‘సంక్రాంతికి కాకా వస్తున్నాడు. అసలైన పండగ తెస్తున్నాడు’ అంటూ తెలుగులోనూ తన సందేశాన్ని పంచుకున్నారు.

Once again - Rest in Peace all the rumours, all fake news, all the baseless articles about “KAAKA” -

Sorry to disappoint you but we are landing on Jan 13th

సంక్రాతికి “కాకా” వస్తున్నాడు

అసలైన పండగ తెస్తున్నాడు

@dirbobby @KvnProductions https://t.co/M1q3I9QH4g

— KONA VENKAT (@konavenkat99) November 6, 2026

విడుదల తేదీని మరోసారి ధ్రువీకరించడంతో పాటు మెగాస్టార్ చిరంజీవికి సంబంధించిన కొత్త స్టిల్‌ను కూడా కోన వెంకట్ షేర్ చేశారు. షూటింగ్ లొకేషన్ నుంచి విడుదల చేసిన ఈ ఫొటోలో చిరంజీవి స్టైలిష్‌గా, స్మార్ట్‌గా కనిపిస్తున్నారు. దీంతో సినిమాకు సంబంధించిన ఈ కొత్త స్టిల్ కూడా అభిమానుల దృష్టిని ఆకర్షించింది. అయితే ఈ ఫొటోతో పాటు కోన వెంకట్ చేసిన ప్రకటనలో జనవరి 13 విడుదల తేదీని స్పష్టంగా వెల్లడించారు.

‘కాకా’ చిత్రానికి బాబీ దర్శకత్వం వహిస్తున్నారు. కేవీఎన్ ప్రొడక్షన్స్ బ్యానర్‌పై వెంకట్ కె. నారాయణ ఈ సినిమాను నిర్మిస్తున్నారు. అనస్వర రాజన్ ఈ చిత్రంలో కీలక పాత్ర పోషిస్తున్నారు. చిరంజీవి సినిమా సంక్రాంతి విడుదలపై నెలకొన్న సందేహాల మధ్య కోన వెంకట్ చేసిన తాజా ప్రకటనతో చిత్ర బృందం విడుదల తేదీని మరోసారి స్పష్టం చేసినట్లయింది.

Jio Recharge Plan: ఒక్కసారి రీఛార్జ్ చేస్తే 3 ఏళ్లు బిందాస్.. జియో నుంచి కొత్త ప్లాన్

Narender Vaitla — Fri, 06 Nov 2026 20:33:11 +0530

Jio Recharge Plan: రిలయన్స్ జియో వినియోగదారుల కోసం సరికొత్త రీఛార్జ్ ప్లాన్‌ను తీసుకొచ్చింది. ఒకసారి రీఛార్జ్ చేసుకుంటే ఏకంగా మూడేళ్ల పాటు మొబైల్ సేవలను పొందే అవకాశం కల్పిస్తోంది. ఈ ప్లాన్ పూర్తి వివరాలు తెలుసుకుందాం.

రిలయన్స్ జియో తీసుకొచ్చిన ఈ కొత్త 3 ఇయర్స్ అన్‌లిమిటెడ్ కనెక్టివిటీ ప్లాన్ ధర రూ.10,000. ఇందులో 36 నెలల వ్యాలిడిటీ లభిస్తుంది. అంటే ఒకసారి రూ.10 వేలు చెల్లిస్తే మూడేళ్ల పాటు రీఛార్జ్ చేసుకోవాల్సిన అవసరం ఉండదు. దీర్ఘకాలం ఒకే ప్లాన్‌తో మొబైల్ సేవలు పొందాలనుకునే వినియోగదారులకు ఇది ఉపయోగపడనుంది.

ఈ ప్లాన్‌లో వినియోగదారులకు రోజుకు 2.5GB హైస్పీడ్ డేటా లభిస్తుంది. దీనితో పాటు అన్‌లిమిటెడ్ 5G డేటా సదుపాయం కూడా ఉంది. ఏ నెట్‌వర్క్‌కి అయినా అపరిమితంగా వాయిస్ కాల్స్ చేసుకోవచ్చు. రోజుకు 100 ఎస్ఎంఎస్‌లు పంపుకోవచ్చు. ఇంటర్నెట్ ఎక్కువగా ఉపయోగించే వారికి, తరచూ ఫోన్ కాల్స్ చేసేవారికి ఈ ప్రయోజనాలు ఉపయోగపడతాయి.

ఈ రీఛార్జ్ ప్లాన్‌లో కేవలం డేటా, కాలింగ్ మాత్రమే కాకుండా ఓటీటీ ప్రయోజనాలు కూడా ఉన్నాయి. జియోహాట్‌స్టార్ మొబైల్ + హాలీవుడ్ యాక్సెస్ లభిస్తుంది. దీని ద్వారా లైవ్ స్పోర్ట్స్, ప్రీమియం ఎంటర్‌టైన్‌మెంట్, హాట్‌స్టార్ ఒరిజినల్స్‌తో పాటు హాలీవుడ్ కంటెంట్‌ను వీక్షించవచ్చు.

ఈ ప్లాన్‌లో డిజిటల్ సేవలకు కూడా జియో ప్రాధాన్యత ఇచ్చింది. ఇందులో 12 నెలల పాటు Canva Pro Lite సబ్‌స్క్రిప్షన్ ఉచితంగా లభిస్తుంది. దీని ద్వారా ప్రీమియం డిజైన్ టెంప్లేట్లు, ప్రత్యేక డిజైన్ టూల్స్ ఉపయోగించుకోవచ్చు. అదనంగా JioAICloudలో 50GB ఉచిత క్లౌడ్ స్టోరేజ్ అందిస్తోంది. ఫొటోలు, వీడియోలు, డాక్యుమెంట్లు, ఇతర ఫైళ్లను ఇందులో స్టోర్ చేసుకోవ‌చ్చు.

జియో కొత్త మూడేళ్ల రీఛార్జ్ ప్లాన్ 2026 నవంబర్ 7 నుంచి అందుబాటులోకి రానుంది. ఆసక్తి ఉన్న వినియోగదారులు MyJio యాప్, Jio అధికారిక వెబ్‌సైట్ ద్వారా రీఛార్జ్ చేసుకోవచ్చు. అలాగే జియో స్టోర్లు, అధీకృత రిటైల్ దుకాణాలు, ఇతర జియో రీఛార్జ్ కేంద్రాల్లోనూ ఈ ప్లాన్ అందుబాటులో ఉంటుంది.

మీరు తాగుతోన్న పాలు గేదె ఇచ్చినవేనా.? హైదరాబాద్‌లో వెలుగులోకి విస్తుపోయే నిజం

Narender Vaitla — Fri, 06 Nov 2026 19:40:45 +0530

Hyderabad: హైదరాబాద్‌లో కల్తీ పాల వ్యవహారం వెలుగులోకి వచ్చింది. ప్రజలకు విక్రయించే పాలలో రసాయనాలు కలిపి కృత్రిమంగా తయారు చేస్తున్న ఓ కేంద్రాన్ని పోలీసులు గుర్తించారు. అసలు గేదె పాలు ఇవ్వకుండానే పాలను తయారు చేశారు కేటుగాళ్లు.

రంగారెడ్డి జిల్లా ఇబ్రహీంపట్నం మండలం పోచారం గ్రామంలో కల్తీ పాలు తయారు చేస్తున్నారనే సమాచారంతో మహేశ్వరం జోన్ ఎస్‌వోటీ పోలీసులు రంగంలోకి దిగారు. శుక్రవారం ఓ పాల తయారీ కేంద్రంపై ఆకస్మికంగా తనిఖీలు చేపట్టారు. అక్కడి పరిస్థితులను పరిశీలించిన అధికారులు పాల తయారీలో అనుమానాస్పద పదార్థాలు ఉపయోగిస్తున్నట్లు గుర్తించారు. సాధారణ పాలకు బదులుగా పాలపొడి, రసాయనాలను కలిపి విక్రయానికి సిద్ధం చేస్తున్నట్లు ప్రాథమికంగా నిర్ధారించారు.

పోచారం గ్రామానికి చెందిన అందె శ్రీశైలం (43) పాల వ్యాపారం నిర్వహిస్తున్నాడు. అయితే అతడు ధోల్‌పూర్ బ్రాండ్ పాలపొడితో పాటు హైడ్రోజన్ పెరాక్సైడ్‌ను ఉపయోగించి కల్తీ పాలు తయారు చేస్తున్నట్లు పోలీసులు గుర్తించారు. ఈ విధంగా సిద్ధం చేసిన పాలను వినియోగదారులకు విక్రయిస్తున్నట్లు విచారణలో వెల్లడైంది. సాధారణంగా క్రిమిసంహారక, శుభ్రపరిచే అవసరాలకు ఉపయోగించే హైడ్రోజన్ పెరాక్సైడ్‌ను ఆహార పదార్థాల్లో అనుమతి లేని విధంగా కలపడం ప్రమాదకరం అని నిపుణులు హెచ్చరిస్తున్నారు.

పోలీసులు నిర్వహించిన తనిఖీల్లో కల్తీ పాల తయారీకి ఉపయోగిస్తున్న పదార్థాలను స్వాధీనం చేసుకున్నారు. మొత్తం 100 లీటర్ల అనుమానిత కల్తీ పాలను సీజ్ చేశారు. వీటితో పాటు ఒక లీటరు హైడ్రోజన్ పెరాక్సైడ్, ఒక్కోటి కిలో బరువున్న 35 ధోల్‌పూర్ పాలపొడి ప్యాకెట్లను స్వాధీనం చేసుకున్నారు. ఈ వ్యవహారంలో నిందితుడు అందె శ్రీశైలంను పోలీసులు అదుపులోకి తీసుకున్నారు. అనంతరం నిందితుడితో పాటు స్వాధీనం చేసుకున్న వస్తువులను ఇబ్రహీంపట్నం పోలీస్ స్టేషన్‌కు అప్పగించారు.

Milk meant for Hyderabad customers allegedly adulterated with hydrogen peroxide

Would you think twice before pouring that glass of milk for your family? A milk adulteration racket has been busted in Pocharam village of Ibrahimpatnam, where a businessman was allegedly mixing hydrogen peroxide and milk powder with milk before supplying it to customers in Hyderabad.

The Special Operations Team (SOT) of Maheshwaram Zone, Future City Police, raided the unit following credible information on Friday, November 6, and apprehended the alleged operator, identified as Ande Srishailam (43), a resident of Pocharam village.

According to police, Srishailam allegedly mixed hydrogen peroxide and Dholpur milk powder with milk to prepare adulterated supplies for customers in Hyderabad. The practice could pose a potential risk to public health.

What did police seize?

During the raid, police seized 100 litres of suspected adulterated milk, one litre of hydrogen peroxide and 35 packets of Dholpur milk powder, each weighing one kg.

The SOT team handed over Srishailam and the seized material to Ibrahimpatnam Police Station for further legal action.

A concern beyond one raid

Milk is a daily essential in most households, particularly for children and elderly people. The alleged use of chemicals and milk powder to adulterate supplies raises concerns about what consumers may unknowingly be bringing home.

Future City Police have urged people to remain cautious while purchasing milk and dairy products and report suspected adulteration to the authorities.

#Milkadulteration #Telangana #FutureCity #Hyderabad

— Sudhakar Udumula (@sudhakarudumula) November 6, 2026

పాలలో రసాయనాలు కలపడం వల్ల వాటిని వినియోగించే వారికి అనారోగ్య సమస్యలు తలెత్తే అవకాశం ఉంది. ముఖ్యంగా హైడ్రోజన్ పెరాక్సైడ్‌ను ఆహారంలో అనుమతి లేకుండా ఉపయోగించడం ఆరోగ్యానికి హానికరం. రసాయనం గాఢత, శరీరంలోకి చేరిన పరిమాణాన్ని బట్టి కడుపులో మంట, కడుపునొప్పి, వాంతులు, విరేచనాలు వంటి సమస్యలు రావచ్చు. అధిక మోతాదులో తీసుకుంటే జీర్ణవ్యవస్థపై తీవ్రమైన ప్రభావం పడే ప్రమాదం కూడా ఉంది. చిన్నపిల్లలు, వృద్ధుల విషయంలో మరింత జాగ్రత్త అవసరం. అందుకే పాల నాణ్యతపై అనుమానం కలిగితే వాటిని తాగకుండా ఉండటం మంచిదని నిపుణులు సూచిస్తున్నారు.

ఈ ఘటనపై ఇబ్రహీంపట్నం పోలీసులు కేసు నమోదు చేసి దర్యాప్తు ప్రారంభించారు. నిందితుడు ఎంతకాలంగా ఈ విధంగా కల్తీ పాలను తయారు చేస్తున్నాడు? హైదరాబాద్‌లోని ఏయే ప్రాంతాలకు వాటిని సరఫరా చేశాడు? ఈ అక్రమ వ్యాపారం వెనుక మరికొందరి ప్రమేయం ఉందా? అనే అంశాలపై ఆరా తీస్తున్నారు. ఇప్పటికే మార్కెట్లోకి చేరిన కల్తీ పాల వివరాలను సేకరించే ప్రయత్నం చేస్తున్నారు. ప్రజల ఆరోగ్యానికి ముప్పు కలిగించే ఇలాంటి అక్రమాలకు పాల్పడితే కఠిన చర్యలు తీసుకుంటామని పోలీసులు హెచ్చరిస్తున్నారు. రోజువారీ ఆహారంలో కీలకమైన పాలలోనే రసాయనాల వినియోగం బయటపడటంతో నగర ప్రజల్లో ఆందోళన నెలకొంది.

పాలలో కల్తీని కేవలం రంగు, రుచి, వాసన చూసి కచ్చితంగా గుర్తించడం సాధ్యం కాదు. పాలు అసహజంగా తెల్లగా కనిపించడం, వింత వాసన రావడం, రుచి తేడాగా ఉండటం వంటి లక్షణాలు అనుమానానికి తావిస్తాయి. అయితే హైడ్రోజన్ పెరాక్సైడ్ వంటి రసాయనాలను ఇంట్లో చేసే సాధారణ పరీక్షలతో గుర్తించలేం. అనుమానం ఉంటే ఆ పాలను తాగకుండా, నమూనాను ఆహార భద్రత అధికారులకు ఇచ్చి పరీక్ష చేయించాలి.

Saree Designs: దీపావళి పండగ వేళ మీ అందాన్ని పెంచే చీరల కలెక్షన్

ramya Sridhar — Fri, 06 Nov 2026 19:28:53 +0530

దీపావళి పండగ రోజున మీరు అందంగా మెరిసిపోవాలని అనుకుంటున్నారా? అయితే.. కచ్చితంగా ఈ చీరల డిజైన్లు చూడాల్సిందే. ఈ చీరలు పండగ వేళ మీ అందాన్ని రెట్టింపు చేస్తాయి. అలాంటి కొన్ని కలెక్షన్లు చూద్దాం…

Salt Capital: మన దేశపు ఉప్పు రాజధాని.. దేశంలో మొత్తం ఉప్పు ఇక్కడే తయారౌతుంది..!

ramya Sridhar — Fri, 06 Nov 2026 19:19:14 +0530

Salt Capital: ప్రతి కిచెన్ లో ఉండే కామన్ వస్తువు ఉప్పు. మరి, మన ఇంట్లోకి ఉప్పు ఎలా వచ్చింది? మన దేశంలో ఉప్పు రాజధాని ఏదో తెలుసా? ఆసియాలోనే అతి పెద్ద ఉప్పు సామ్రాజ్యం మన దేశంలోనే ఉందా?

రుచి చూడటానికి చిటికెడే... కానీ, ఆ చిటికెడు ఉప్పు లేకపోతే.. ఎంతటి గొప్ప వంటకానికైనా రుచి రాదు. పప్పులు, కూరల నుంచి మన ఇంట్లో ప్రతిరోజూ వాడే ఈ ఉప్పు అసలు ఎక్కడి నుంచి వస్తుంది? ఒక కోటి ఎకరాల తెల్లటి ఎడారి, సుదీర్ఘమైన సముద్ర తీరం కలిసి భారతదేశానికే ఉప్పు అందిస్తున్న తెల్లటి సామ్రాజ్యం మన దేశంలో ఎక్కడ ఉందో తెలుసా? మన దేశపు సాల్ట్ క్యాపిటల్ గా మారిన ఆ ప్రత్యేక రాష్ట్రం ఏదో ఇప్పుడు చూద్దాం...

మన దేశపు ఉప్పు రాజధాని గుజరాత్. భారతదేశపు మొత్తం ఉప్పు ఉత్పత్తిలో గుజరాత్ ఒక్కటే ఏకంగా 87.4 శాతం వాటా కలిగి ఉంది. గుజరాత్, తమిళనాడు, రాజస్థాన్ మూడు రాష్ట్రాలు కలిసి దేశంలో 98.8శాతం ఉప్పు ఉత్పత్తి చేస్తే.. అందులో గుజరాత్ అగ్రస్థానంలో ఉంది.

ముఖ్యంగా గుజరాత్ లోని కచ్ అనే ప్రాంతం దీనికి అత్యంత కీలకంగా నిలిచింది. ఇక్కడికి వెళ్లి చూస్తే.. తెల్లటి మంచులాగా ఉప్పు పరిచి ఉన్నట్లు కనిపిస్తుంది. ఇక్కడి విశాలమైన ఉప్పు నేలలు నీరు ఇంకిపోయిన తర్వాత.. తెల్లగా మంచులా కనిపిస్తాయి. దూరం నుంచి చూడటానికి చాలా అందంగా కనపడుతుంది.

గుజరాత్ లోని దాహేజ్, భావ్ నగర్, జామ్ నగర్, మీతాపూర్, రాజులా, గాంధీధామ్, కాండ్లా, మలియా, కచ్ పరిసర ప్రాంతాలు ఉప్పు ఉత్పత్తికి ప్రధాన కేంద్రాలుగా ఉన్నాయి. ఇక్కడ సముద్రపు నీటితో పాటు భూగర్భంలో ఉండే ఉప్ు నీటి నుంచి కూడా ఉప్పును ఇక్కడ తయారు చేస్తారు.

దూరం నుంచి చూస్తే ఉప్పు తయారీ చాలా తేలికగా అనిపించినప్పటికీ, దీని వెనక ఎంతో శ్రమ దాగి ఉంటుంది. సముద్రపు నీటిని తీర ప్రాంతాల్లో తక్కువ లోతు ఉన్న మడల్లోకి మళ్లిస్తారు. తీవ్రమైన ఎండల వల్ల ఆ నీరు ఆవిరైపోయి.. కింద ఉప్పు స్పటికాలు మాత్రమే మిగులుతాయి. ఆ తర్వాత, ఉప్పు స్పటికలను శుద్ది చేసి ప్రాసెస్ చేసిన తర్వాత.. అది మన ఇంటికి చేరుతుంది. ఈ విధానం పూర్తిగా ఎండలు, తక్కువ వర్షపాతం, అనుకూలమైన నేల స్వభావంపైనే ఆధారపడి ఉంటుంది. ఇక్కడ లభించే ఉప్పు.. కేవలం మన దేశ అవసరాలు తీరడమే కాకుండా మిగులు ఉప్పును ఇతర దేశాలకు ఎగుమతి చేస్తున్నాం.

ఇక.. కచ్ లోనే ఎక్కువ ఉప్పు తయారౌతుంది. ఇక్కడి నేలలు పూర్తిగా ఉప్పు నేలలే. ఈ ప్రదేశం.. ఉప్పు పరిశ్రమకు మాత్రమే కాకుండా, ఇక్కడి ఆహార సంస్కృతికి కూడా చాలా ఫేమస్. ప్రసిద్ధ రన్ ఉత్సవ్ సమయంలో ఇక్కడికి వచ్చే పర్యాటకులు ఆ ఉప్పు మైదానాలను చూసి మైమరిచిపోతారు. అంతేకాదు.. ఇక్కడి ట్రెడిషనల్ వంటలు కూడా పర్యాటకులను విపరీతంగా ఆకట్టుకుంటాయి.

SIR: ఓటర్ల జాబితాలో మీ పేరు లేదా? గుడ్ న్యూస్ చెప్పిన కేంద్ర ఎన్నిక‌ల సంఘం

Narender Vaitla — Fri, 06 Nov 2026 18:56:59 +0530

ఏడు రాష్ట్రాల్లోని ఓటర్లకు మరో అవకాశం

SIR ప్రక్రియలో గైర్హాజరు, వలస, మరణం, డూప్లికేట్ ఓటర్లుగా (ASDD) గుర్తించిన కారణాలతో ముసాయిదా ఓటర్ల జాబితాలో కొందరి పేర్లు కనిపించలేదు. ఎన్యుమరేషన్ ఫారాలు అందకపోవడంతో అర్హులైన ఓటర్లు కూడా జాబితాలో చోటు కోల్పోయారు. ఈ నేపథ్యంలో అలాంటి వారికి మరోసారి నమోదు చేసుకునే అవకాశం ఇవ్వాలని ఈసీ నిర్ణయించింది. ఢిల్లీ, మహారాష్ట్ర, హర్యానా, ఆంధ్రప్రదేశ్, జార్ఖండ్, తెలంగాణ, నాగాలాండ్ రాష్ట్రాల్లో ఈ వెసులుబాటు అమలు చేయనున్నారు. అర్హత ఉన్నవారు మళ్లీ ఎన్యుమరేషన్ ఫారం సమర్పించి తమ ఓటు హక్కును పొందవచ్చు.

ASDD జాబితాలను మళ్లీ ప్రదర్శించాలని ఆదేశం

ముసాయిదా ఓటర్ల జాబితాలో పేర్లు లేని వారి వివరాలను ప్రజలకు అందుబాటులో ఉంచాలని ఎన్నికల సంఘం సూచించింది. ఇందుకోసం సంబంధిత పోలింగ్ కేంద్రాలు, పంచాయతీ భవనాలు, పట్టణ స్థానిక సంస్థల కార్యాలయాల్లో ASDD జాబితాలను మరోసారి ప్రదర్శించాలి. ఓటర్ల పేర్లు తొలగించడానికి లేదా చేర్చకపోవడానికి గల కారణాలను కూడా స్పష్టంగా తెలియజేయాలి. అంతేకాకుండా ఆయా రాష్ట్రాల ప్రధాన ఎన్నికల అధికారుల (CEO) అధికారిక వెబ్‌సైట్లలో ఈ జాబితాలను PDF రూపంలో అందుబాటులో ఉంచాలని ఆదేశించింది. సంబంధిత ఓటర్లకు పాక్షికంగా వివరాలు నింపిన ఎన్యుమరేషన్ ఫారాలను ECINET ద్వారా మరోసారి రూపొందించనున్నట్లు వెల్లడించింది.

BLO ద్వారా ఫారాలు.. ఆన్‌లైన్‌లోనూ డౌన్‌లోడ్ చేసుకోవచ్చు

అర్హులైన ఓటర్లను గుర్తించి ఎన్యుమరేషన్ ఫారాలు అందజేసే బాధ్యతను బూత్ స్థాయి అధికారులు (BLO) చేపట్టాలని ఈసీ సూచించింది. వారు ఇంటింటికీ వెళ్లి సంబంధిత వ్యక్తులను సంప్రదించాలి. అవసరమైతే వాట్సాప్, ఈ-మెయిల్, SMS ద్వారా కూడా ఫారాలు పంపించవచ్చు. ఓటర్లు తమ పాత EPIC నంబర్‌ను ఉపయోగించి ఎన్నికల సంఘం వెబ్‌సైట్ లేదా ECINET యాప్ నుంచి ఫారాలను డౌన్‌లోడ్ చేసుకోవచ్చు. గతంలో అదే నివాసంలో కొనసాగుతున్నవారు ఎన్యుమరేషన్ ఫారంతో పాటు ఆలస్యానికి గల కారణాలను వివరిస్తూ అనుబంధం-B ప్రకటనను సమర్పించాలి.

నివాసం మార్చుకున్నవారు, ఇల్లు లేనివారికి ప్రత్యేక వెసులుబాటు

రాష్ట్రంలోని మరో ప్రాంతానికి నివాసం మార్చుకున్నవారు పాత ప్రాంతంలో ఫారం-8 సమర్పించాల్సిన అవసరం లేదని ఈసీ స్పష్టం చేసింది. కొత్త చిరునామా, అసెంబ్లీ నియోజకవర్గ వివరాలతో ఎన్యుమరేషన్ ఫారం సమర్పించాలి. దీనికి అనుబంధం-C ప్రకటనతో పాటు కొత్త చిరునామాకు సంబంధించిన ధ్రువీకరణ పత్రాన్ని జతచేయాలి. కొత్త ప్రాంతంలోని BLOను సంప్రదించి అవసరమైన సహాయం పొందవచ్చు. ఇక ఇల్లు లేని వారికి చిరునామా ధ్రువీకరణ పత్రాలు అందుబాటులో లేకపోయినా ఇబ్బంది లేదని ఎన్నికల సంఘం తెలిపింది. అలాంటి సందర్భాల్లో BLO క్షేత్రస్థాయిలో నిర్వహించిన పరిశీలన నివేదిక ఆధారంగా వివరాలను ధ్రువీకరించవచ్చు. ECINET యాప్‌లో BLOతో మాట్లాడేందుకు 'mBook a Call with BLO' సదుపాయాన్ని కూడా వినియోగించుకోవచ్చు.

దరఖాస్తుల పరిశీలన తర్వాత తుది జాబితాలో పేరు

ఓటర్లు సమర్పించిన ఫారాలను ఎలక్టోరల్ రిజిస్ట్రేషన్ అధికారులు (ERO) పరిశీలిస్తారు. దరఖాస్తుదారుల అర్హత, సాధారణ నివాసం తదితర వివరాలను ధ్రువీకరించిన తర్వాత తుది నిర్ణయం తీసుకుంటారు. ఆమోదం పొందిన దరఖాస్తులను తుది ఓటర్ల జాబితాలో చేర్చేందుకు ప్రత్యేకంగా పరిగణనలోకి తీసుకోవాలని ఈసీ ఆదేశించింది. గతంలో కేటాయించిన EPIC నంబర్‌నే తిరిగి ఇవ్వాలని సూచించింది. మరోవైపు, SIR ప్రక్రియలో కొత్త ఓటు నమోదు కోసం ఇప్పటికే ఫారం-6 సమర్పించిన వారు తిరిగి ఎన్యుమరేషన్ ఫారం ఇవ్వాల్సిన అవసరం లేదు. ఈ కొత్త అవకాశంపై ప్రజల్లో విస్తృతంగా అవగాహన కల్పించాలని ఎన్నికల అధికారులకు సూచించింది. ఈ మేరకు ఎన్నికల సంఘం కార్యదర్శి పవన్ దివాన్ సంబంధిత రాష్ట్రాల ప్రధాన ఎన్నికల అధికారులకు లేఖ రాశారు. ముసాయిదా జాబితాలో పేరు లేకపోయినంత మాత్రాన ఓటు హక్కు కోల్పోయినట్లు కాదని, నిర్దేశించిన విధానంలో దరఖాస్తు చేసుకుని అర్హత నిరూపించుకుంటే తుది జాబితాలో పేరు పొందవచ్చని స్పష్టం చేసింది.

Jaggery: ఎర్ర బెల్లం, నల్ల బెల్లం.. రెండింటికీ తేడా ఏంటి? ఏది బెస్ట్..?

ramya Sridhar — Fri, 06 Nov 2026 18:28:07 +0530

Jaggery: ఇంట్లో ఏ స్వీట్ చేయాలన్నా... బెల్లం ఉండాల్సిందే. అయితే.. బెల్లంలో ఏ రంగు బెల్లం మంచిది? ఎరుపు రంగులో ఉండే బెల్లం మంచిదా? లేక నల్ల బెల్లం మంచిదా? ఏది తినాలి..?

మన భారతీయ వంటకాల్లో, ముఖ్యంగా సాంప్రదాయ పిండి వంటల్లో బెల్లం పడితే వచ్చే రుచే వేరు. పందార కంటే బెల్లం ఆరోగ్యానికి ఎంతో మేలు చేస్తుందని మన అందరికీ తెలిసిందే. అయితే, మార్కెట్ కి వెళ్లినప్పుడు మనకు ప్రధానంగా రెండు రకాల రంగుల్లో బెల్లం కనిపిస్తూ ఉంటుంది. ఒకటి కాస్త ఎర్రగా లేదా బంగారు వర్ణంలో మెరిసే ఎర్ర బెల్లం ఉంటే, మరొకటి ముదురు రంగులో ఉండే నల్ల బెల్లం. అసలు ఈ రెండింటికీ తేడా ఏంటి? ఏ బెల్లంలో ఎక్కువ పోషకాలు ఉంటాయి? మన ఆరోగ్యానికి ఏది మంచిది?

ఎర్ర బెల్లం..

ఎరుపు, బంగారు వర్ణంలో మెరిసే బెల్లాన్ని సాధారణంగా చెరకు రసాన్ని మరిగించి తయారు చేస్తారు. చెరకు రసాన్ని తక్కువ సమయంపాటు లేదా ప్రామాణిక ఉష్ణోగ్రత వద్ద మరిగించినప్పుడు దీనికి ఈ రంగు వస్తుంది. సాధారణంగా ఇది ఎరుపు లేదా లేత గోధుమ రంగు వర్ణంలో చూడటానికి ఆకర్షణీయంగా ఉంటుంది. తీపిదనంతో పాటు తేలికపాటి సువాసన ఉంటుంది. కొన్ని రకాల ఎర్ర బెల్లంలో ఆకర్షణీయమైన రంగు, మెరుపు కోసం స్వల్పంగా రసాయాలు లేదా ఆర్టీఫిషియల్ కలర్స్ కూడా కలుపుతారు.

నల్ల బెల్లం (తాటి బెల్లం): ఇది తాటి చెట్టు లేదా ఈత చెట్టు నుంచి వచ్చే 'నీరా' (సహజ రసం)తో తయారవుతుంది. ఇందులో ఎలాంటి రసాయనాలు కలపకుండా, పూర్తిగా సాంప్రదాయ పద్ధతిలో తయారవుతుంది. రసం పులిసిపోకుండా ఉండటానికి కేవలం సహజసిద్ధమైన సున్నం మాత్రమే వాడతారు. అందుకే ఇది ముదురు గోధుమ లేదా నలుపు రంగులో గట్టిగా ఉంటుంది.

ఎర్ర బెల్లం: ఇందులో ఐరన్, మెగ్నీషియం, పొటాషియం వంటి ఖనిజాలు ఉంటాయి. అయితే తయారీలో వాడే రసాయనాల వల్ల కొన్నిసార్లు పోషకాలు కోల్పోయే అవకాశం ఉంటుంది.

నల్ల బెల్లం: ఇది పోషకాల ఖజానా. ఇందులో ఐరన్, క్యాల్షియం, యాంటీ ఆక్సిడెంట్లు, విటమిన్ బి-కాంప్లెక్స్ మెండుగా ఉంటాయి. రసాయనాల కాలుష్యం అసలు ఉండదు కాబట్టి, నేచర్ ఇచ్చిన పోషకాలు శరీరానికి పూర్తిగా అందుతాయి.

రెండింటిలో ఏది మంచిది..?

డయాబెటిస్ ఉన్నవారు / బరువు తగ్గాలనుకునేవారు: ఎర్ర బెల్లంతో పోలిస్తే తాటి బెల్లంలో గ్లైసెమిక్ ఇండెక్స్ తక్కువగా ఉండటం వల్ల ఇది చాలా సురక్షితమైన ఎంపిక.

పిల్లలు, మహిళలకు: పీరియడ్స్ నొప్పులు, ఐరన్ లోపం (అనీమియా) ఉన్నవారికి తాటి బెల్లంలో ఉండే సహజ ఖనిజాలు అద్భుతంగా పనిచేస్తాయి.

చివరి మాట: ఎర్ర బెల్లం రుచిగా, చూడటానికి బాగున్నా.. తయారీలో రసాయనాల వాడకం ఉండే అవకాశం ఉంది. అదే తాటి బెల్లం ఎలాంటి రసాయనాలు లేని స్వచ్ఛమైన ప్రకృతి ప్రసాదం. వీలైతే మీ రోజువారీ డైట్‌లో నల్ల బెల్లాన్ని (తాటి బెల్లం) భాగం చేసుకోవడం ఆరోగ్యానికి చాలా శ్రేయస్కరం.

నల్ల బెల్లం (తాటి బెల్లం) , ఎర్ర బెల్లం (చెరకు బెల్లం) రెండింటిలోనూ విభిన్న పోషకాలు ఉన్నప్పటికీ, పోషకాల పరంగా నల్ల బెల్లమే అత్యంత శ్రేష్టమైనదిగా నిలుస్తుంది. తాటి చెట్టు రసం ద్వారా ఎలాంటి రసాయనాల ప్రమేయం లేకుండా తయారయ్యే నల్ల బెల్లంలో శరీరానికి కావాల్సిన ఐరన్ , కాల్షియం, పొటాషియం, మెగ్నీషియం , విటమిన్ బి-కాంప్లెక్స్ పుష్కలంగా లభిస్తాయి. ఇందులో ఉండే సహజసిద్ధమైన మినరల్స్ రక్తహీలతను తగ్గించి, ఎముకలను బలోపేతం చేయడంలో అద్భుతంగా పనిచేస్తాయి. అలాగే, దీనిలో గ్లైసెమిక్ ఇండెక్స్ (GI) చాలా తక్కువగా ఉండటం వల్ల ఇది రక్తంలో చక్కెర స్థాయిలను వేగంగా పెంచకుండా నెమ్మదిగా శక్తిని అందిస్తుంది. ఇక ఎర్ర బెల్లంలోనూ ఐరన్, పొటాషియం వంటి ఖనిజాలు ఉన్నప్పటికీ, వాణిజ్యపరమైన తయారీలో రసాయనాల వాడకం వల్ల కొన్నిసార్లు సహజ పోషకాలు తగ్గే అవకాశం ఉంటుంది. ఏదేమైనా, జీర్ణక్రియను మెరుగుపరచడం, రోగనిరోధక శక్తిని పెంపొందించడం, శ్వాసకోస సమస్యలను తగ్గించడంలో పోషకాల ఖజానా అయిన తాటి బెల్లం మన ఆరోగ్యానికి తిరుగులేని ప్రయోజనాలను చేకూరుస్తుంది.

Diwali 2026: దీపావళి పండగ రోజు లక్ష్మీదేవి పూజ ఎందుకు చేస్తారు? దీని వెనుక ఉన్న కథేంటి?

Kavitha G — Fri, 06 Nov 2026 18:04:44 +0530

Diwali 2026: దీపావళి అంటే కేవలం దీపాలు వెలిగించడం, బాణసంచా కాల్చడం మాత్రమే కాదు. చీకటిపై వెలుగు, చెడుపై మంచి, అజ్ఞానంపై జ్ఞానం సాధించిన విజయానికి ప్రతీక ఈ పండుగ. మరి దీపావళి రోజున లక్ష్మీదేవిని ఎందుకు పూజిస్తారు? దీని వెనుక ఉన్న కథేంటో తెలుసుకుందాం.

మన దేశంలో అత్యంత వైభవంగా జరుపుకునే పండగల్లో దీపావళి ఒకటి. చిన్నా పెద్దా అనే తేడా లేకుండా ప్రతి ఒక్కరూ ఎంతో ఆనందంగా జరుపుకునే ఈ పండగకు ఆధ్యాత్మికంగా, సాంస్కృతికంగా ప్రత్యేక స్థానం ఉంది. దీపావళి అంటే దీపాల వరుస అని అర్థం. ఈ ఏడాది దీపావళి పండగ నవంబర్ 8, ఆదివారం నాడు వస్తోంది. ఈ సందర్భంగా ఇళ్లను శుభ్రం చేసి, ముగ్గులు వేసి, దీపాలతో అలంకరించి లక్ష్మీదేవిని పూజిస్తారు. అసలు ఈ పండగ రోజు లక్ష్మీదేవిని ఎందుకు పూజిస్తారో తెలుసుకుందాం.

దీపావళి రోజున లక్ష్మీదేవిని పూజించడం వెనుక ప్రధానమైన విశ్వాసం సంపద, సౌభాగ్యం, శ్రేయస్సు. హిందూ సంప్రదాయం ప్రకారం లక్ష్మీదేవి సంపదకు, ఐశ్వర్యానికి, సౌభాగ్యానికి అధిదేవత. కుటుంబంలో ఆర్థిక స్థిరత్వం, సంతోషం, సుఖశాంతులు ఉండాలని భక్తులు అమ్మవారిని ప్రార్థిస్తారు. దీపావళి అమావాస్య రోజున లక్ష్మీదేవి పూజ చేస్తే ఇంట్లో ధనధాన్యాలు, సుఖసంతోషాలు వెల్లివిరుస్తాయని భక్తుల నమ్మకం. అందుకే ఆ రోజున లక్ష్మీదేవికి ప్రత్యేక పూజలు నిర్వహిస్తారు.

దీపావళి గురించి చెప్పగానే చాలామందికి గుర్తొచ్చే కథ శ్రీరాముడు అయోధ్యకు తిరిగి వచ్చే కథ. పురాణాల ప్రకారం శ్రీరాముడు తండ్రి దశరథుడి మాటను గౌరవించి 14 సంవత్సరాలు అరణ్యవాసానికి వెళ్లి అది పూర్తయిన తర్వాత సీత, లక్ష్మణ సమేతంగా అయోధ్యకు తిరిగి వస్తాడు. రాముడికి స్వాగతం పలికేందుకు అయోధ్య ప్రజలు నగరమంతా దీపాలు వెలిగించి సంబరాలు చేసుకుంటారు. అప్పటి నుంచి చెడుపై మంచి సాధించిన విజయానికి గుర్తుగా దీపావళిని జరుపుకుంటున్నారనే విశ్వాసం ఉంది.

దీపావళికి సంబంధించిన మరో ఆసక్తికరమైన పురాణ కథ నరకాసురుడి వధ. పురాణాల ప్రకారం నరకాసురుడు అనే రాక్షసుడు తన అధికార బలంతో దేవతలను, ప్రజలను తీవ్రంగా ఇబ్బందులకు గురిచేశాడు. అతడి ఆగడాలు భరించలేక దేవతలు శ్రీకృష్ణుడిని ఆశ్రయించారు. దీంతో శ్రీకృష్ణుడు సత్యభామ సమేతంగా నరకాసురుడిపై యుద్ధానికి వెళ్తాడు. అక్కడ జరిగిన భీకర యుద్ధంలో సత్యభామ నరకాసురుడిని సంహరిస్తుంది. నరకాసురుడి మరణం చెడుపై మంచి సాధించిన విజయంగా భావిస్తారు. అందుకే నరక చతుర్దశికి ప్రత్యేక ప్రాధాన్యం ఉంది.

సాధారణంగా దీపావళి పండగకి ఇళ్లను శుభ్రం చేసి అలంకరిస్తారు. పరిశుభ్రత, కొత్త ప్రారంభానికి ఇది ప్రతీకగా భావిస్తారు. ఇంటి గుమ్మం ముందు అందమైన ముగ్గులు వేస్తారు. పూలు, రంగులతో వాటిని చక్కగా తీర్చిదిద్దుతారు. మట్టి ప్రమిదల్లో నూనె లేదా నెయ్యి పోసి దీపాలు వెలిగిస్తారు. చీకటిని తొలగించి వెలుగును ఆహ్వానించడమే దీని ప్రధాన భావన. సాయంత్రం కుటుంబ సభ్యులంతా కలిసి లక్ష్మీదేవి, వినాయకుడికి ప్రత్యేక పూజలు నిర్వహిస్తారు. తర్వాత టపాసులు కాల్చుతూ దీపావళి సంబరాలు జరుపుకుంటారు.

దీపావళి ఇచ్చే ప్రధాన సందేశం ఒక్కటే. జీవితంలో ఎన్ని కష్టాలు ఎదురైనా ధైర్యంగా ముందుకు సాగాలి. చెడును విడిచిపెట్టి మంచి మార్గంలో నడవాలి. అజ్ఞానాన్ని తొలగించుకుని జ్ఞానాన్ని పెంపొందించుకోవాలి. ఒక చిన్న దీపం చీకటిని తొలగించినట్లే, మన జీవితాల్లో మంచి ఆలోచనలు, మంచి పనులు వెలుగులు నింపుతాయి. కుటుంబ సభ్యులతో కలిసి ఆనందాన్ని పంచుకుంటూ, పర్యావరణాన్ని కాపాడుతూ దీపావళి జరుపుకోవడమే ఈ పండుగకు నిజమైన అర్థం.

చలికాలంలో చేతులకు వెచ్చదనం.. ఈ చిన్న పరికరంతో ఎన్నో ఉపయోగాలు

Narender Vaitla — Fri, 06 Nov 2026 17:47:51 +0530

Rechargeable Hand Warmer: చలికాలంలో చల్లటి వాతావరణం వల్ల చేతులు గడ్డకట్టినట్లు అనిపిస్తుంటుంది. ఇలాంటి వారికి ఉపయోగపడేలా రీచార్జబుల్ ఎలక్ట్రిక్ హ్యాండ్ వార్మర్ అందుబాటులో ఉంది. ఇంత‌కీ ఏంటీ గ్యాడ్జెట్‌, ఎలా ప‌నిచేస్తుంది.? లాంటి పూర్తి వివ‌రాలు.

ఈ హ్యాండ్ వార్మర్‌లో ప్రత్యేకమైన 2 ఇన్ 1 1 డిజైన్ ఉంది. ఇందులో రెండు భాగాలు అయస్కాంతాల (Magnetic) సాయంతో కలిపి ఉంటాయి. అవసరాన్ని బట్టి వీటిని విడదీసి రెండు చేతులకు ఒక్కొక్కటి చొప్పున ఉపయోగించుకోవచ్చు. లేదంటే రెండు భాగాలను కలిపి ఒకే హ్యాండ్ వార్మర్‌లా వాడుకోవచ్చు. చలిలో రెండు చేతులకూ ఒకేసారి వెచ్చదనం కావాలనుకునేవారికి ఈ డిజైన్ బాగా ఉపయోగపడుతుంది. ధ‌ర విష‌యానికొస్తే అమెజాన్‌లో ఈ గ్యాడ్జెట్ అస‌లు ధ‌ర రూ. 1499 కాగా, ప్ర‌స్తుతం 33 శాతం డిస్కౌంట్‌తో రూ. 999కి ల‌భిస్తోంది.

ఈ పరికరంలో వేగంగా వేడెక్కే టెక్నాలజీని ఉపయోగించారు. ఆన్ చేసిన తర్వాత సుమారు 3 సెకన్లలోనే వేడిని అందించడం దీని ప్రత్యేకత. ఇందులో మూడు రకాల హీట్ సెట్టింగ్స్ ఉన్నాయి. తక్కువ వేడి 113–122 డిగ్రీల ఫారెన్‌హీట్, మధ్యస్థ వేడి 123–131 డిగ్రీల ఫారెన్‌హీట్, అధిక వేడి: 131–140 డిగ్రీల ఫారెన్‌హీట్. వాతావరణం, అవసరాన్ని బట్టి మనకు నచ్చిన హీట్ లెవల్‌ను ఎంచుకోవచ్చు. పరికరానికి రెండు వైపులా వేడి వచ్చేలా రూపొందించారు. దీంతో చేతులకు సమానంగా వెచ్చదనం అందుతుంది.

ఈ హ్యాండ్ వార్మర్‌లో రెండు 5,000mAh బ్యాటరీలు ఉంటాయి. అంటే మొత్తం బ్యాటరీ సామర్థ్యం 10,000mAh. ఒక్కసారి పూర్తిగా ఛార్జ్ చేస్తే ఉపయోగించే హీట్ సెట్టింగ్‌ను బట్టి సుమారు 4 నుంచి 10 గంటల వరకు వేడిని అందిస్తుందని కంపెనీ పేర్కొంటోంది. తక్కువ వేడి సెట్టింగ్‌లో ఎక్కువసేపు, అధిక వేడి సెట్టింగ్‌లో తక్కువసేపు పనిచేసే అవకాశం ఉంటుంది. కాబట్టి బయటకు వెళ్లేటప్పుడు ఛార్జింగ్ గురించి ఎక్కువగా ఆందోళన చెందాల్సిన అవసరం ఉండదు.

ఈ పరికరానికి USB-C ఛార్జింగ్ సదుపాయం ఇచ్చారు. రెండు భాగాలకూ ఛార్జింగ్ సపోర్ట్ ఉండటంతో ఛార్జ్ చేసుకోవడం సులభం. పూర్తిగా ఛార్జ్ కావడానికి సుమారు 3.5 గంటల సమయం పడుతుంది. అయితే మొదటిసారి ఉపయోగించే ముందు పరికరాన్ని పూర్తిగా ఛార్జ్ చేసుకోవాలని తయారీదారు సూచిస్తున్నారు. ప్రయాణాలు, ఆఫీసు అవసరాలకు తీసుకెళ్లేందుకు ఇది అనువుగా ఉంటుంది.

ఈ హ్యాండ్ వార్మర్ తక్కువ బరువుతో, జేబులో సులభంగా పట్టేలా రూపొందించారు. చలికాలంలో బైక్‌పై ప్రయాణించేవారు, ఉదయం వాకింగ్‌కు వెళ్లేవారు, ఆఫీసుల్లో పనిచేసేవారు, పర్యటనలకు వెళ్లేవారు దీన్ని ఉపయోగించుకోవచ్చు. పురుషులు, మహిళలు ఇద్దరికీ ఉపయోగపడుతుంది. చలికాలంలో కుటుంబ సభ్యులకు, స్నేహితులకు బహుమతిగా ఇవ్వడానికి కూడా మంచి ఎంపికగా చెప్పొచ్చు. మొత్తంగా చేతులకు వెచ్చదనం అందించడంతో పాటు ఎక్కడికైనా సులభంగా తీసుకెళ్లగలిగే చిన్న ఎలక్ట్రిక్ డివైజ్ ఇది.

గ‌మ‌నిక‌: పైన తెలిపిన విష‌యాలు కేవ‌లం ప్రాథ‌మిక స‌మాచారంగానే భావించాలి. ఈ గ్యాడ్జెట్‌ను కొనుగోలు చేయాల‌నే ఆలోచ‌న ఉంటే. ముందుగా రివ్యూల‌ను, రేటింగ్స్‌ను ప‌రిశీలించ‌డం మంచిది.

Hairstyles: పండగ లుక్ అదిరిపోయేలా చేసే హెయిర్ స్టైల్స్

ramya Sridhar — Fri, 06 Nov 2026 17:41:48 +0530

Hair styles: పండగ రోజు అందంగా కనిపించాలంటే… చీర కట్టుకుంటే సరిపోదు. దానికి తగిన హెయిర్ స్టైల్స్ కూడా చాలా ముఖ్యం. మరి, మీ పండగ లుక్ ని రెట్టింపు చేసే కొన్ని హెయిర్ స్టైల్స్ ఇప్పుడు చూద్దాం….

Coconut Halwa: కొబ్బరి బొండాంలోని లేత కొబ్బరితో అదిరిపోయే హల్వా.. రెసిపీ ఇదిగో

Haritha Chappa — Fri, 06 Nov 2026 17:30:04 +0530

Coconut Halwa: కొబ్బరి బొండాం నీళ్లు తాగాక లోపల లేత కొబ్బరి మీగడ ఉంటుంది. దాన్ని తినేయడమో, పడేయడమో చేస్తారు. దాంతో ఇంట్లోనే చాలా ఈజీగా, నోట్లో వేసుకుంటే కరిగిపోయేంత సాఫ్ట్ హల్వా చేసుకోవచ్చు. ఇక్కడ రెసిపీ ఇచ్చాము.

దాహం తీర్చుకోవడానికి ఎంతో మంది కొబ్బరి బొండాం నీళ్లు తాగుతారు. అందులో చివర్లో ఉండే లేత కొబ్బరి మీగడను వదిలేస్తారు. నిజానికి అది చాలా రుచిగా ఉంటుంది. ఆ సాఫ్ట్ మీగడతో భలే రుచికరమైన హల్వా చేయొచ్చని మీకు తెలుసా? సాధారణంగా గోధుమలు, మొక్కజొన్నతో హల్వా చేస్తుంటాం. కానీ, కొబ్బరి బొండాం నీళ్లు, మీగడను వాడి వెరైటీ టేస్ట్‌తో హల్వా తయారు చేయొచ్చు. దీన్ని ఇంట్లోనే ఎలా చేయాలో ఇప్పుడు చూద్దాం.

కొబ్బరి బొండాం మీగడ – 2 బొండాల్లో దొరికేంత (సుమారు 1 కప్పు)

కొబ్బరి నీళ్లు – 1½ కప్పు

కార్న్ ఫ్లోర్ (మొక్కజొన్న పిండి) – ¾ కప్పు

చక్కెర – 1½ కప్పు

నెయ్యి – 4 టేబుల్ స్పూన్లు

యాలకుల పొడి – ¼ టీస్పూన్

జీడిపప్పు – 10

ఉప్పు – చిటికెడు (ఇష్టమైతే)

ముందుగా కొబ్బరి బొండాల్లోని లేత మీగడను లేదా కొబ్బరిని విడిగా తీసుకోండి. చిన్న ముక్కలుగా కోసుకోండి. ఇందులో సగం ముక్కలను మిక్సీలో వేసి, కొద్దిగా కొబ్బరి నీళ్లు పోసి మెత్తని పేస్ట్‌లా రుబ్బుకోండి. మిగిలిన మీగడను చిన్న ముక్కలుగా కోసి పక్కన పెట్టుకోండి. ఇలా చేయడం వల్ల హల్వాలో మీగడ సాఫ్ట్‌నెస్‌తో పాటు చిన్న ముక్కలు కూడా తగులుతూ భలే రుచిగా ఉంటుంది.

4. ఒక గిన్నెలో కార్న్ ఫ్లోర్ తీసుకోండి. అందులో కొబ్బరి నీళ్లు పోసి ఉండలు లేకుండా బాగా కలుపుకోండి.

5. స్టవ్ మీద మందపాటి గిన్నె పెట్టి, చక్కెరతో పాటు కొద్దిగా నీళ్లు పోసి వేడి చేయండి. చక్కెర కరిగాక, రెడీ చేసి పెట్టుకున్న కార్న్ ఫ్లోర్ మిశ్రమాన్ని నెమ్మదిగా పోయండి.

6. ఈ దశలో కంటిన్యూగా కలుపుతూనే ఉండాలి. లేదంటే ఉండలు కట్టేస్తుంది. మిశ్రమం చిక్కబడటం మొదలవ్వగానే, రుబ్బి పెట్టుకున్న కొబ్బరి మీగడ పేస్ట్‌ను వేసి బాగా కలపండి.

7. ఇప్పుడు స్టవ్‌ను మీడియం మంట మీద పెట్టి మిశ్రమాన్ని కంటిన్యూగా కలపండి. నెయ్యిని కొద్దికొద్దిగా వేస్తూ కలుపుతూనే ఉండాలి.

8. తర్వాత యాలకుల పొడి, చిటికెడు ఉప్పు వేయండి. మిగిలిన కొబ్బరి మీగడ ముక్కలను కూడా వేసి నెమ్మదిగా కలపండి.

9. మిశ్రమం గిన్నె అంచులకు అంటుకోకుండా దగ్గరపడుతున్నప్పుడు హల్వా పదం వచ్చిందని అర్థం చేసుకోవచ్చు. ఎక్కువసేపు స్టవ్ మీద ఉంచితే హల్వా బాగా గట్టిపడిపోతుంది. కాబట్టి, సాఫ్ట్ పదం రాగానే స్టవ్ ఆపేయండి.

10. ఒక చిన్న కడాయిలో కొద్దిగా నెయ్యి వేసి జీడిపప్పును దోరగా వేయించుకోండి. రెడీ చేసిన హల్వాలో దీన్ని వేసి కలపండి. తర్వాత నెయ్యి రాసిన ప్లేట్‌లో హల్వాను పోసి సమానంగా పరచండి.

11. కాస్త చల్లారాక ముక్కలుగా కోసి సర్వ్ చేయొచ్చు. సాఫ్ట్ కొబ్బరి మీగడ రుచి, నెయ్యి, యాలకుల సువాసన కలిసి ఈ హల్వాకు వెరైటీ టేస్ట్‌ను ఇస్తాయి.

మురసు తుఫాన్ వల్ల నష్టపోయిన రైతులకు ప్రభుత్వం నష్టపరిహారం | CM Chandrababu Reviews Flood Situation

Galam Venkata Rao — Fri, 06 Nov 2026 17:29:24 +0530