Asianet News Telugu

బుమ్రా భార్య సంజన ఒక్క షోకి ఎంత తీసుకుంటుందో తెలుసా? నెట్ వర్త్ ఎంత?

Arun Kumar P — Tue, 29 Sep 2026 17:53:42 +0530

ఒకప్పుడు సాఫ్ట్‌వేర్ ఇంజనీర్‌గా పనిచేసిన సంజనా గణేశన్.. ఇప్పుడు క్రికెట్ ప్రపంచంలో స్టార్ స్పోర్ట్స్ ప్రెజెంటర్‌గా దూసుకుపోతున్నారు. ఒక్కో షోకి లక్షల్లో రెమ్యునరేషన్ తీసుకుంటున్న ఈమె మొత్తం ఆస్తి విలువ ఎంతో తెలుసా?

French Fries: నూనె లేకుండా ఫ్రెంచ్ ఫ్రైస్‌.. ఇలా చేస్తే క్రిస్పీతో పాటు టేస్ట్ ఖాయం

Narender Vaitla — Tue, 29 Sep 2026 17:47:49 +0530

French Fries: ఫ్రెంచ్ ఫ్రైస్‌ని సాధారణంగా ఎక్కువ నూనెలో డీప్ ఫ్రై చేస్తారు. అయితే ఆయిల్ ఫుడ్ ఆరోగ్యానికి మంచిది కాద‌ని తెలిసిందే. నూనె లేకుండానే ఇంట్లో క్రిస్పీగా ఫ్రెంచ్ ఫ్రైస్ తయారు చేసుకోవచ్చు. అదెలాగో ఇప్పుడు తెలుసుకుందాం.

ముందుగా మంచి నాణ్యత ఉన్న బంగాళాదుంపలను తీసుకుని తొక్క తీసేయాలి. వాటిని పొడవుగా, ఒకే పరిమాణంలో ఉండేలా ఫ్రెంచ్ ఫ్రైస్ ఆకారంలో కట్ చేసుకోవాలి. అన్ని ముక్కలు దాదాపు ఒకే మందంతో ఉంటే ఒకేసారి సమానంగా ఉడుకుతాయి. చాలా పలుచగా లేదా చాలా మందంగా కట్ చేస్తే కొన్ని ముక్కలు ఎక్కువగా, మరికొన్ని తక్కువగా ఉడికే అవకాశం ఉంటుంది.

కట్ చేసిన బంగాళాదుంప ముక్కలను ఒక గిన్నెలో నీటిలో కొంతసేపు నానబెట్టాలి. ఇలా చేయడం వల్ల వాటిపై ఉండే అదనపు స్టార్చ్ (పిండి పదార్థం) కొంత వరకు తొలగిపోతుంది. దీంతో ఫ్రెంచ్ ఫ్రైస్ బేక్ చేసినప్పుడు మరింత క్రిస్పీగా మారేందుకు సహాయపడుతుంది. నానబెట్టిన తర్వాత ముక్కలను నీటి నుంచి తీసి శుభ్రమైన కిచెన్ టవల్ లేదా కాటన్ క్లాత్‌తో పూర్తిగా తుడవాలి. ముక్కలపై నీరు లేదా తేమ ఎక్కువగా ఉంటే అవి క్రిస్పీగా కాకుండా మెత్తగా మారవచ్చు.

ఇప్పుడు బేకింగ్ ట్రే తీసుకుని దానిపై బంగాళాదుంప ముక్కలను ఒక్కొక్కటి విడిగా పరచాలి. ముక్కలు ఒకదానిపై ఒకటి పడకుండా తగినంత గ్యాప్ ఉండేలా చూసుకోవాలి. ఓవెన్‌ను ముందుగానే వేడి చేసి, అధిక ఉష్ణోగ్రత వద్ద ఫ్రైస్‌ను బేక్ చేయాలి. ఇలా చేయడం వల్ల బయట ఉన్న తేమ త్వరగా తగ్గి, పై పొర క్రిస్పీగా మారుతుంది. బేక్ చేస్తున్న సమయంలో మధ్యలో ఒకసారి ట్రేను బయటకు తీసి ఫ్రైస్‌ను తిప్పాలి. దీంతో రెండు వైపులా సమానంగా క్రిస్పీగా తయారవుతాయి.

ఫ్రెంచ్ ఫ్రైస్ తయారీలో కొన్ని చిన్న విషయాలు చాలా ముఖ్యం. బంగాళాదుంప ముక్కలను ఒకే పరిమాణంలో కట్ చేయాలి. నీటిలో నానబెట్టిన తర్వాత వాటిని పూర్తిగా పొడిగా చేయాలి. బేకింగ్ ట్రేలో ముక్కలను ఎక్కువగా కుప్పగా వేయకూడదు. వాటి మధ్య గాలి తిరిగేంత స్థలం ఉండాలి. ఈ జాగ్రత్తలు పాటిస్తే డీప్ ఫ్రై చేయకుండానే బయట క్రిస్పీగా, లోపల మెత్తగా ఉండే ఫ్రెంచ్ ఫ్రైస్‌ను ఇంట్లోనే తయారు చేసుకోవచ్చు.

ఓవెన్‌లో బేక్ చేసే సమయం, ఉష్ణోగ్రత ఓవెన్ మోడల్, ఫ్రెంచ్ ఫ్రైస్ ముక్కల పరిమాణాన్ని బట్టి మారవచ్చు. కాబట్టి బేక్ చేస్తున్నప్పుడు మధ్యలో ఒకసారి పరిశీలించడం మంచిది. నూనె లేకుండా చేసే ఈ విధానంలో కూడా బంగాళాదుంపలు క్రిస్పీగా మారేందుకు సరైన తేమ తొలగించడం, ముక్కల మధ్య గ్యాప్ ఉంచడం చాలా కీలకం. ఫ్రెంచ్ ఫ్రైస్‌పై ఉప్పు, మసాలా వంటి వాటిని మీ రుచికి తగినంత మాత్రమే వేసుకోవాలి.

Lemon Tree: బాల్కనీని కుండీల్లో నిమ్మ మొక్క పెంచండిలా.. గుత్తుగుత్తులా కాయలు కాస్తాయి

Haritha Chappa — Tue, 29 Sep 2026 17:47:26 +0530

lemon Tree: బాల్కనీలో కొద్దిగా స్థలం ఉన్నా సరే కుండీల్లో నిమ్మ చెట్టును సులువుగా పెంచుకోవచ్చు. కొన్ని జాగ్రత్తలు తీసుకుంటే చాలు మీ ఇంట్లోనే నిమ్మకాయలు గుత్తులు గుత్తులుగా కాస్తాయి.

బాల్కనీలోనే కుండీలో నిమ్మ చెట్టును చాలా సులువుగా పెంచవచ్చు. చిన్న ప్రదేశాల్లోనూ కుండీల్లో నిమ్మ చెట్లను పెంచొచ్చు. 'కంటైనర్ కల్చర్' పద్ధతికి సరిపోయే పొట్టి రకం నిమ్మ మొక్కలు ఇప్పుడు నర్సరీలో చాలానే ఉన్నాయి. చెట్టు సైజు, కాసే కాయల సంఖ్య కుండీల్లో పరిమితంగానే ఉంటాయి. కానీ సరైన వాతావరణం, సరైన జాగ్రత్తలు తీసుకుంటే కుండీల్లోనూ నిమ్మకాయలు గుత్తుగుత్తులుగా కాస్తాయి.

నిమ్మకాయ పెంపకంలో సరైన రకాన్ని ఎంపిక చేసుకోవాలి. విత్తనాల ద్వారా పెంచే మొక్కలు కాయలు కాయడానికి ఎక్కువ సమయం తీసుకుంటాయి. పైగా అవి తల్లి చెట్టు లక్షణాలను లేదా పండ్ల నాణ్యతను పొందుతాయో లేదో కచ్చితంగా చెప్పలేం. నర్సరీల్లో దొరికే అంటుకట్టిన (grafted) లేదా పొట్టి రకం (dwarf) మొక్కలు కుండీల్లో పెంచడానికి బాగా సరిపోతాయి. ఇంటి కుండీకి సరిపోయే మంచి రకాన్ని ఎంచుకుంటే, చెట్టు బాగా పెరిగి మంచి దిగుబడి వస్తుంది.

మొక్క ఎదుగుదలకు తగిన కుండీని ఎంచుకోవడం చాలా ముఖ్యం. మొదట్లో మొక్క సైజుకు తగ్గట్టుగా చిన్న కుండీలో పెంచొచ్చు. మొక్క పెరిగే కొద్దీ క్రమంగా పెద్ద కుండీలోకి మార్చుకోవాలి. చిన్న మొక్కను ఒకేసారి అతి పెద్ద కుండీలో నాటడం మంచిది కాదు. మట్టి ఎక్కువసేపు తడిగా ఉండటం వల్ల వేర్లు కుళ్ళిపోయే ప్రమాదం ఉంది. ఎదిగిన నిమ్మ చెట్టుకు దాని సైజుకు తగ్గట్టుగా, నీళ్లు బయటకు వెళ్లేందుకు తగినన్ని రంధ్రాలు ఉన్న పెద్ద కుండీ అవసరం.నిమ్మ చెట్టుకు సూర్యరశ్మి చాలా ముఖ్యం. ఇది బాగా కాయలు కాయాలంటే రోజుకు కనీసం ఆరు గంటల పాటు నేరుగా ఎండ తగలాలి. కేవలం వెలుతురు ఉంటే సరిపోదు; సూర్యుడి వేడి మొక్కకు అత్యవసరం. ఎప్పుడూ నీడలో ఉండే చోట పెడితే కాయలు కాయడం కష్టం. గాలి బాగా ఆడే బాల్కనీలో, ఎక్కువ ఎండ తగిలే చోట మొక్కను పెట్టడం మంచిది. అసలు ఎండ రాని బాల్కనీలో ఈ మొక్కను పెంచడం వల్ల ఎలాంటి ప్రయోజనం ఉండదు.

నిమ్మకాయలు ఎప్పుడు కాస్తాయి అనేది మొక్క వయసు, రకం, వెలుతురు, పోషకాలు, మనం తీసుకునే జాగ్రత్తలపై ఆధారపడి ఉంటుంది. చిన్న పొట్టి రకం మొక్కలు కొన్ని ఏళ్లు పెరిగాకే కాయలు కాయడం మొదలుపెడతాయి. కొన్ని నిమ్మ రకాల్లో పూత వచ్చాక, కాయ పూర్తిగా పండటానికి ఆరు నుంచి తొమ్మిది నెలల సమయం కూడా పట్టొచ్చు. కుండీ సైజు చెట్టు ఎదుగుదలను, కాయల ఉత్పత్తిని నియంత్రిస్తుంది. సరైన రకం, కనీసం 6 గంటల పాటు నేరుగా ఎండ, మంచి డ్రైనేజీ, సరైన నీరు, పోషకాలు ఉంటేనే ఇంట్లో నిమ్మకాయల దిగుబడిని ఆశించగలం.

నీళ్లు పోసే విషయంలో చాలామంది చేసే పెద్ద తప్పు.. "ఎక్కువ నీళ్లు పోస్తే ఎక్కువ పెరుగుతుంది" అని అనుకోవడం. ఇది పూర్తిగా తప్పు. నిమ్మ చెట్టుకు రోజూ నీళ్లు పోయాలనే రూల్ ఏమీ లేదు. ఎండ, గాలి, కుండీ సైజు, మట్టి మిశ్రమాన్ని బట్టి అవసరమైన నీటి పరిమాణం మారుతుంది. మట్టి ఎప్పుడూ బురదగా లేదా మరీ తడిగా ఉండకూడదు. నీళ్లు పోసినప్పుడు, అడుగున ఉన్న రంధ్రాల ద్వారా అదనపు నీరు బయటకు వెళ్లిపోవాలి. కుండీ కింద పెట్టే ప్లేట్‌లో నీళ్లు నిలిచిపోకుండా చూసుకోవడం చాలా అవసరం.

Gold Rings: అమ్మాయిల మనసు దోచే గోల్డ్ రింగ్స్.. డిజైన్స్ అదుర్స్!

Kavitha G — Tue, 29 Sep 2026 17:40:53 +0530

Gold Rings: స్టోన్స్ పొదిగిన గోల్డ్ రింగ్స్ చేతులకు ప్రత్యేకమైన లుక్ ని ఇస్తాయి. ఇక్కడ సింపుల్ లుక్ నుంచి ట్రెండీ డిజైన్స్ వరకు ఉన్నాయి. ఓ లుక్కేయండి.

Suitcase: విమాన ప్రయాణికులు... సూట్ కేస్ వీల్స్ కి టేపు ఎందుకు చుడతారు..?

ramya Sridhar — Tue, 29 Sep 2026 17:28:56 +0530

Suitcase: విమాన ప్రయాణికులు.. చాలా మంది తాము లగేజ్ తీసుకొని వెళ్లే సూట్ కేసులకు కింద ఉండే చక్రాలకు టేపు చుడుతూ ఉంటారు. అసలు.. ఇలా ఎందుకు చేయాలి? దీని వెనక కారణం ఏంటి?

విమాన ప్రయాణం అనగానే మనకు ముందుకు గుర్తుకు వచ్చేది పాస్ పోర్టు, ఆ తర్వాత లగేజ్. ముఖ్యంగా విదేశాలకు వెళ్లేవారు అయితే.. తమ లగేజ్ ని ఒకటికి రెండుసార్లు చెక్ చేసుకుంటారు. ఎక్కువ లగేజ్ ఉంటే ఎక్కడ అనుమతించరో అని.. పలుమార్లు చెక్ చేసుకుంటారు. అయితే, ఈ మధ్యకాలంలో సోషల్ మీడియాలో ఈ విమాన ప్రయాణానికి సంబంధించి కొన్ని వీడియోలు వైరల్ అవుతున్నాయి. వాటిలో.. చాలా మంది లగేజ్ వీల్స్ కి టేప్ చుట్టి తీసుకొని వెళ్తున్నారు. అసలు.. సూట్ కేస్ వీల్స్ కి.. టేప్ ఎందుకు చుట్టాలి? దీని వల్ల లాభం ఏంటి?

ప్రయాణ సమయాల్లో ఎయిర్ పోర్టులు, రైల్వే స్టేషన్స్ లో మనం లగేజ్ ని.. మోయకుండా.. దానిని పట్టుకొని లాక్కొని వెళ్తూ ఉంటాం. దీని వల్ల.. దుమ్మూ, ధూళీ మొత్తం చక్రాలకు అంటుకుంటూ ఉంటుంది. అదే మనం లగేజ్ చక్రాలకు టేపు వేయడం వల్ల... ఆ మురికి చక్రాలకు అంటుకోదు.

ప్రయాణ బీమా సంస్థ ఇన్సూరెన్స్ అండ్ గో సంస్థ నిర్వహించిన అధ్యయనంలో షాకింగ్ విషయాలు వెల్లడయ్యాయి. పబ్లిక్ టాయిలెట్ సీట్లతో పోలిస్తే లగేజీ చక్రాలపై దాదాపు 58 శాతం రెట్లు ఎక్కువ బ్యాక్టీరియా ఉంటుందని ఈ అధ్యయనంలో తేలింది.

ఈ టేప్ వేయడం వల్ల ఉపయోగం ఏంటి..?

ఎయిర్‌పోర్టు టెర్మినల్స్, రైల్వే స్టేషన్లు, రోడ్లపై దొర్లే లగేజీ చక్రాలు విపరీతమైన ధూళి, దుమ్ము, జుట్టు, చెత్తను పీల్చుకుంటాయి. వీటికి టేప్ చుట్టడం వల్ల చక్రాల ఉపరితలంపై మురికి నేరుగా చేరకుండా తాత్కాలిక అడ్డుకట్ట వేయవచ్చు. ప్రయాణం ముగిశాక ఆ టేప్‌ను తొలగిస్తే, దానితో పాటు కొంత మురికి కూడా బయటికి వచ్చేస్తుంది. దీని వల్ల ఆ దుమ్ము, ధూళి వాటికి చేరుకోదు. బ్యాక్టీరియా కూడా చేరదు.

అయితే, ఈ రూల్ ఫాలో అవ్వడం వల్ల కొన్ని ఇబ్బందులు కూడా ఎదురయ్యే అవకాశం ఉంది. టేప్‌ను సరిగ్గా చుట్టకపోతే లేదా మందంగా, వదులుగా చుడితే చక్రాలు సరిగ్గా తిరగకపోవచ్చు. అంతేకాకుండా, టేప్ తొలగించిన తర్వాత మిగిలిపోయే జిగురు మరింత ధూళిని ఆకర్షించే అవకాశం ఉంది. ఇది కేవలం తాత్కాలిక చర్య మాత్రమే. ప్రతిసారీ టేప్ చుట్టడానికి బదులుగా, ప్రయాణం అయిపోయిన తర్వాత లగేజీ చక్రాలను శుభ్రం చేసుకోవాలి. వీల్స్ వద్ద ఉన్న జుట్టు, చెత్తను వెంటనే తొలగించాలి.

Asian Games 2026 : మ్యాచ్ ఆడకుండానే భారత్‌కు గోల్డ్ మెడల్... ఎలా సాధ్యమో తెలుసా?

Arun Kumar P — Tue, 29 Sep 2026 17:12:29 +0530

ఏషియన్ గేమ్స్ 2026 లో పురుషుల క్రికెట్ నాకౌట్ మ్యాచ్‌లకు వర్షం అడ్డంకిగా మారింది. అయితే ఐసీసీ ర్యాంకింగ్స్ ఆధారంగా టీమిండియా సెమీఫైనల్‌కు చేరుకుంది. శ్రీలంకతో జరగాల్సిన సెమీస్ కూడా వర్షం వల్ల రద్దయితే, భారత్ నేరుగా ఫైనల్‌కు వెళ్తుంది.

ఏం జరిగినా మనమంచికే అంటుంటారు.. ఏషియన్ గేమ్స్ 2026 లో ఇదే జరుగుతోంది. పురుషుల క్రికెట్‌ విభాగంలో పలు మ్యాచ్ లకు వర్షం పెద్ద అడ్డంకిగా మారింది… అయినా టీమిండియా సెమీఫైనల్‌కు చేరుకుంది. వర్షం కారణంగా మ్యాచ్ లు రద్దు కావడంతో ఐసిసి ర్యాంకింగ్స్ లో మెరుగైన స్థానంలో ఉన్న టీమిండియా సెమీస్ కు చేరింది.

అయితే సెమీస్ లో టీమిండియా, శ్రీలంక తలపడనున్నాయి… ఈ మ్యాచ్ కూడా వర్షం వల్ల రద్దయితే ఐసీసీ ర్యాంకింగ్స్ ప్రకారం భారత్ ఫైనల్‌కు వెళ్తుంది. మ్యాచ్ పలితంతో సంబంధం లేకుండానే శ్రీలంక ఇంటికి వెళ్లాల్సిందే. ఒకవేళ ఫైనల్ మ్యాచ్ కూడా రద్దయితే, కొత్త నిబంధనల ప్రకారం రెండు జట్లకు గోల్డ్ మెడల్ ఇస్తారు.

ఏషియన్ గేమ్స్ 2026 నాకౌట్ దశలో వర్షం పెద్ద సమస్యగా మారింది. క్వార్టర్ ఫైనల్ మ్యాచ్‌లు వర్షం వల్ల రద్దయ్యే పరిస్థితి ఉండటంతో, ఐసీసీ ర్యాంకింగ్స్ ఆధారంగా జట్లు తదుపరి దశకు అర్హత సాధిస్తున్నాయి. ఇదే నిబంధనతో టీమిండియా సెమీఫైనల్‌కు చేరుకుంది.

అయితే అక్టోబర్ 1న శ్రీలంకతో జరగాల్సిన సెమీఫైనల్‌కు కూడా వర్షం ముప్పు ఉంది. ఈ మ్యాచ్ రద్దయితే నంబర్ 1 ర్యాంక్‌లో ఉన్న భారత్ నేరుగా ఫైనల్‌కు వెళ్తుంది. ఇక్కడ మ్యాచ్ ఫలితం కంటే ర్యాంకింగ్ నిబంధనలే కీలకం కానున్నాయి.

ఏషియన్ గేమ్స్ నిబంధనల ప్రకారం… నాకౌట్ మ్యాచ్ వర్షం వల్ల రద్దయితే మెరుగైన ఐసీసీ ర్యాంకింగ్ ఉన్న జట్టు తదుపరి దశకు వెళ్తుంది. పురుషుల టీమిండియా ప్రస్తుతం నంబర్ వన్ స్థానంలో ఉంది. కాబట్టి ఏ దశలోనైనా వర్షం పడి మ్యాచ్ ఫలితం తేలకపోతే అది కచ్చితంగా భారత్‌కే లాభం చేకూరుస్తుంది.

క్వార్టర్ ఫైనల్‌లో కూడా ఇదే నిబంధనతో భారత్‌కు లాభం జరిగింది. మ్యాచ్ జరగకపోయినా ర్యాంకింగ్ ఆధారంగా టీమిండియా ముందంజ వేసింది. శ్రీలంకతో మ్యాచ్ రద్దయితే భారత్ నేరుగా ఫైనల్ చేరుతుంది. అయితే ఫైనల్ మ్యాచ్‌కు నిబంధనలు వేరుగా ఉంటాయి.

అక్టోబర్ 3న జరిగే ఫైనల్ రద్దయితే రెండు జట్లకు గోల్డ్ మెడల్ ఇస్తారు. గత ఏషియన్ గేమ్స్‌లో ఫైనల్ రద్దయినప్పుడు ర్యాంకింగ్ ఆధారంగా పసిడి ఇవ్వడంపై విమర్శలు వచ్చాయి. అందుకే ఈసారి కొత్త నిబంధనలు తెచ్చారు.

ఈ లెక్కన చూసుకుంటే మిగిలిన రెండు మ్యాచ్‌లకు వర్షం అడ్డుపడినా.. ఒక్క బంతి పడకపోయినా టీమిండియాకు గోల్డ్ మెడల్ దక్కుతుంది. ప్రస్తుతం శ్రీలంకతో జరిగే సెమీఫైనల్ మ్యాచ్ భారత్‌కు చాలా ముఖ్యం. ఆ తర్వాత ఫైనల్ మ్యాచ్‌లో వర్షమే ఫలితాన్ని డిసైడ్ చేసే ఛాన్స్ ఉంది.

Banana Business: వృథాగా పడేసే అరటి బోదెలతో వ్యాపారం.. ఏడాదికి రెండున్నర కోట్ల రూపాయల ఆదాయం

Haritha Chappa — Tue, 29 Sep 2026 17:12:21 +0530

Banana Business: అరటి గెలలు కోశాక అరటి బోదెలను పారేస్తారు. కానీ అలా పారేసిన అరటి బోదెలతోనే వ్యాపారం చేసి కోట్లు గడిస్తున్నారు బీహార్‌కు చెందిన ముగ్గురు స్నేహితులు. ఆ అరటి బోదెలతో రకరకాల వస్తువులు తయారు చేసి అమ్ముతున్నారు.

అరటితోటలు ఉన్న వారు చూసే ఉంటారు.. గెలలు కోశాక పొలాల్లోనే అరటి బోదెలను పడేస్తారు. వాటిని వ్యర్థ పదార్థాలుగా చూస్తారు. కానీ బీహార్‌కు చెందిన జగత్ కల్యాణ్, సత్యం కుమార్, నితీష్ కుమార్ వర్మ అనే ముగ్గురు స్నేహితులు మాత్రం వాటితో బిజినెస్ చేస్తూ కోట్లు గడిస్తున్నారు. వీరు 2021లో 'తరువర్ ఆగ్రో' (Taruwar Agro) అనే కంపెనీని స్టార్ట్ చేశారు. వ్యవసాయ వ్యర్థాలతో కూడా లాభదాయకమైన వ్యాపారం చేయొచ్చని వీరు నిరూపించారు.

ఈ ముగ్గురు స్నేహితులు బిజినెస్ మేనేజ్‌మెంట్ చదువుతున్నప్పుడు కలిశారు. రకరకాల వ్యాపారాలు చేసేందుకు అవకాశాలను పరిశీలించారు. ముఖ్యంగా బీహార్‌లో అరటి సాగు తర్వాత మిగిలిపోయే బోదెల సమస్య వీరికి కనిపించింది. దాన్నే బిజినెస్ ఛాన్స్‌గా చూశారు. 2021లో తరువర్ ఆగ్రోను స్థాపించి, అరటి నార తీసే టెక్నాలజీ కోసం ఇతరుల మద్దతు తీసుకున్నారు. రైతులకు భారంగా మారిన వ్యర్థాలను తమ ముడి సరుకుగా మార్చి వ్యాపారం మొదలుపెట్టారు.

వీరు రైతులతో ఒప్పందం చేసుకున్నారు. అరటి గెలలు కోశాక, తోటల నుంచి బోదెలను రైతులు వీరికి అందిస్తారు. ఆ తర్వాత ప్రత్యేక యంత్రాలు లేదా పద్ధతులను ఉపయోగించి ఈ బోదెల పైపొరల నుంచి సహజమైన నారను తీస్తారు. ఇండియన్ కౌన్సిల్ ఆఫ్ అగ్రికల్చరల్ రీసెర్చ్ ప్రకారం, ఈ అరటి నార ఎన్నో విలువైన వస్తువుల తయారీకి బెస్ట్ ముడిసరుకుగా పనిచేస్తుంది. ఎలాంటి రసాయనాలు వాడకుండా నార తీసే ఈ పద్ధతి పర్యావరణానికి కూడా చాలా మంచిది.

అలా తీసిన అరటి నారతో ఎన్నో రకాల వస్తువులను తయారు చేస్తున్నారు. యోగా మ్యాట్లు, ఫైల్ కవర్లు, బుట్టలు, పూజ మ్యాట్లు, రకరకాల టెక్స్‌టైల్ వస్తువులు ఇందులో ఉన్నాయి. అంతేకాదు, అరటి బోదెల నుంచి వర్మీకంపోస్ట్ (వానపాముల ఎరువు), అరటి బోదె రసం లాంటివి కూడా తయారు చేస్తున్నారు. వాటిని మార్కెట్లో అమ్ముతూ డబ్బులు సంపాదిస్తున్నారు.

జగత్ కల్యాణ్, సత్యం కుమార్, నితీష్ కుమార్ వర్మ కలిసి ఈ వ్యాపారానికి సుమారు రూ.15 లక్షల పెట్టుబడి, రూ.5 లక్షల వర్కింగ్ క్యాపిటల్‌తో వ్యాపారాన్ని ప్రారంభించారు. సొంత పొదుపు, కుటుంబ సభ్యుల సాయంతో ఈ డబ్బు సమకూర్చారు. సెప్టెంబర్ 2026 యువర్ స్టోరీ (YourStory) రిపోర్ట్ ప్రకారం, FY26 ఆర్థిక సంవత్సరంలో కంపెనీ ఆదాయం సుమారు రూ.2.5 కోట్లకు చేరుకుంది. రైతుల నుంచి అరటి బోదెలు కొనడం వల్ల వారికి అదనపు ఆదాయం దొరుకుతోంది. వ్యవసాయ వ్యర్థాలకు కొత్త బిజినెస్ వాల్యూ తీసుకొచ్చిన ఈ ప్రయత్నం.. స్థానికులకు, ముఖ్యంగా మహిళలకు (60% వరకు) ఉపాధి కల్పిస్తోంది.

Urvashi Rautela: వాల్తేరు వీరయ్య బ్యూటీ ఏఐ ఫోటోల దుమారం.. లాస్ ఏంజెల్స్ కంపెనీకి 7000 కోట్ల షాక్

Tirumala Dornala — Tue, 29 Sep 2026 17:08:31 +0530

Urvashi Rautela: ఊర్వశి రౌతేలా పేరు, ఫొటోలు, వీడియోలను అనుమతి లేకుండా వాణిజ్యపరంగా ఉపయోగించారని ఆమె బృందం ఆరోపించింది. రూ.7000 కోట్ల నష్టపరిహారం కోరుతోంది.

బాలీవుడ్ నటి ఊర్వశి రౌతేలా పేరు, ఫొటోలు, వీడియోలను అనుమతి లేకుండా వాణిజ్యపరంగా ఉపయోగించారని ఆరోపిస్తూ ఆమె బృందం లాస్ ఏంజెల్స్ కేంద్రంగా పనిచేస్తున్న ఓ కంపెనీపై న్యాయపరమైన చర్యలకు సిద్ధమవుతోంది. ఈ విషయాన్ని ఊర్వశి రౌతేలా బృందం సోషల్ మీడియాలో విడుదల చేసిన ప్రకటనలో వెల్లడించింది. అనుమతి లేకుండా ఆమె గుర్తింపు, కంటెంట్‌ను ఉపయోగించడం ద్వారా ఆ సంస్థ భారీ వాణిజ్య విలువను సృష్టించిందని బృందం ఆరోపించింది.

ఈ వ్యవహారంలో ప్రస్తుతం రూ.7000 కోట్ల నష్టపరిహారాన్ని అంచనా వేస్తున్నట్లు ఊర్వశి రౌతేలా బృందం తెలిపింది. అయితే ఈ రూ.7000 కోట్ల మొత్తం బృందం చేసిన ఆరోపణ లేదా క్లెయిమ్ మాత్రమేనని స్పష్టం చేసింది. లాస్ ఏంజెల్స్‌కు చెందిన ఆ సంస్థ ఊర్వశి పేరు, ఫొటోలు, వీడియోలను అనుమతి లేకుండా ఉపయోగించడం ద్వారా బిలియన్ల డాలర్ల విలువైన వాణిజ్య ప్రయోజనం పొందిందని ఆమె బృందం ఆరోపించింది. ఈ అంశంపై తగిన న్యాయపరమైన మార్గాలను అనుసరిస్తున్నట్లు తెలిపింది.

ఏఐ కంపెనీలను ఉద్దేశించి కూడా ఊర్వశి రౌతేలా బృందం గట్టి హెచ్చరిక చేసింది. మీ ఏఐ కంపెనీని నిర్మించుకోండి, మీ బ్రాండ్‌ను అభివృద్ధి చేసుకోండి, కానీ ఊర్వశి అనుమతి లేకుండా ఆమె పేరును మీ వ్యాపారంలో ఉపయోగించవద్దని పేర్కొంది. సెలబ్రిటీల పేరు, రూపం, ఫొటోలు, వీడియోలు వంటి వ్యక్తిగత గుర్తింపును అనుమతి లేకుండా వాణిజ్య ప్రయోజనాల కోసం ఉపయోగించడంపై ప్రస్తుతం చట్టపరమైన వివాదాలు పెరుగుతున్న నేపథ్యంలో ఈ వ్యవహారం తెరపైకి వచ్చింది.

View this post on Instagram

A post shared by Team UrvashiRautelaGlobal (@teamurvashirautelaofficial)

భారత్‌ లో ఏఐ రూపొందించిన చిత్రాలు, డీప్‌ఫేక్‌లు, సెలబ్రిటీల వ్యక్తిత్వ హక్కుల అనధికార వినియోగానికి సంబంధించి పలు న్యాయపరమైన వివాదాలు జరుగుతున్నాయి. ఇటీవల బిగ్‌బాస్ 20లో వీకెండ్ కా వార్ సందర్భంగా సల్మాన్ ఖాన్ కూడా ఏఐ దుర్వినియోగంపై మాట్లాడారు. ఎవరో ఏఐ వీడియో తయారు చేయడం లేదా ఏఐ వాయిస్ డబ్బింగ్ చేయడం తప్పని, ఏఐ అభివృద్ధి చాలా భయపెట్టే స్థాయికి చేరుకుందని ఆయన అన్నారు. తాను కూడా ఏఐ వీడియోలో ఉన్నానని సల్మాన్ తెలిపారు.

2026 జూలైలో బాంబే హైకోర్టు ప్రీతి జింటాకు సంబంధించిన కేసులో ఏఐ రూపొందించిన డీప్‌ఫేక్ వీడియోలు, మార్ఫ్ చేసిన చిత్రాలు, ఇతర డిజిటల్ కంటెంట్‌ను తొలగించాలని కొన్ని సంస్థలను ఆదేశించింది. ఊర్వశి రౌతేలా కూడా గతంలో తనకు సంబంధించిన ఏఐ రూపొందించిన ఓ చిత్రంపై స్పందించారు. అందులో ఆమె ఐశ్వర్య రాయ్ బచ్చన్, ప్రియాంక చోప్రా, మాధురీ దీక్షిత్, దీపికా పదుకొణె ముందు మోకరిల్లినట్లు చూపించారు. 2026 మేలో ఆ చిత్రాన్ని ఆమె విమర్శిస్తూ మహిళలను ఒకరితో ఒకరిని పోల్చడం, పోటీ పెట్టడం ఆపాలని కోరారు. ఇదిలా ఉండగా ఊర్వశి రౌటేలా తెలుగులో పలు చిత్రాల్లో స్పెషల్ సాంగ్స్ చేసింది. ఆమె స్పెషల్ సాంగ్స్ చేసిన వాల్తేరు వీరయ్య, డాకు మహారాజ్ లాంటి చిత్రాలు సూపర్ హిట్స్ అయ్యాయి.

TATA Aeris: కారుపై 20 ట‌న్నుల రాళ్లు ప‌డితే ఏమ‌వుతుంది.? వీడియో చూస్తే షాక్ అవుతారు

Narender Vaitla — Tue, 29 Sep 2026 17:04:12 +0530

TATA Aeris: టాటా మోటార్స్‌ సెడాన్‌ ఏరిస్ భద్రతను చూపించేందుకు వినూత్న డెమో చేసింది. ఏకంగా 20 టన్నుల గ్రావెల్‌, రాళ్లను లోడ్ చేసిన డంపర్‌ను కారు పైన నిలిపి.. ఆ రాళ్లన్నింటినీ కారుపై పడేలా చేసింది. ఈ డెమీకి సంబంధించిన వీడియో వైరల్ అవుతోంది.

టాటా మోటార్స్‌ కాంపాక్ట్ సెడాన్‌ విభాగంలో ఏరిస్‌తో మరోసారి తన ఉనికిని చాటుకుంది. ఈ కారు ప్రారంభ ధర రూ.5.29 లక్షలు (ఎక్స్‌-షోరూమ్‌)గా ఉంది. టాప్‌ వేరియంట్‌ ధర రూ.9.74 లక్షలు (ఎక్స్‌-షోరూమ్‌)గా ఉంది. దేశీయ మార్కెట్లో ఇది మారుతి సుజుకి డిజైర్‌, హోండా అమేజ్‌, హ్యుందాయ్‌ ఆరా వంటి కార్లకు పోటీగా నిలుస్తోంది.

తన కార్ల భద్రతను వినూత్నంగా చూపించేందుకు టాటా మోటార్స్‌ గతంలోనూ ప్రత్యేక డెమోలను చేసింది. సియెర్రా విషయంలో రెండు వాహనాలను క్రాష్‌ చేసి భద్రతను చూపించింది. ఏరిస్‌ విషయంలో మరో విధానాన్ని ఎంచుకుంది. 20 టన్నుల గ్రావెల్‌, రాళ్లతో నింపిన భారీ డంపర్‌ కింద కారును ఉంచింది. అనంతరం డంపర్‌లోని రాళ్లను మొత్తం కారుపైకి పడేలా చేసింది.

View this post on Instagram

A post shared by NamasteCar (@namastecar)

డెమో పూర్తయ్యాక టాటా ఏరిస్‌ నిర్మాణం పెద్దగా దెబ్బతినలేదని వీడియోలో చూపించారు. కారు నిర్మాణం స్థిరంగా ఉండటంతో పాటు.. ఆ తర్వాత కారు నడుస్తూ వెళ్లినట్లు చూపించారు. కారును మరింత బలంగా తయారు చేసేందుకు చాసిస్‌లో అదనపు రీఇన్‌ఫోర్స్‌మెంట్స్‌ ఉపయోగించినట్లు కంపెనీ ఈ డెమో ద్వారా వివరించింది. అయితే ఇది అధికారిక సేఫ్టీ రేటింగ్‌ కాదు. బీఎన్‌సీఏపీ లేదా జీఎన్‌సీఏపీ వంటి భద్రతా పరీక్ష సంస్థల నుంచి ఏరిస్‌కు అధికారిక రేటింగ్‌ ఇంకా ప్రకటించలేదు.

టాటా ఏరిస్‌లో ప్రయాణికుల రక్షణ కోసం పలు యాక్టివ్‌, పాసివ్‌ సేఫ్టీ ఫీచర్లు ఉన్నాయి. ఇందులో ఆరు ఎయిర్‌బ్యాగులు, హై-బీమ్‌ అలర్ట్‌, ఈఎస్‌పీ, టైర్‌ ప్రెజర్‌ మానిటరింగ్‌ సిస్టమ్‌ (TPMS), హిల్‌ హోల్డ్‌ కంట్రోల్‌, బ్లైండ్‌ స్పాట్‌ మానిటరింగ్‌, రోల్‌ఓవర్‌ మిటిగేషన్‌, కార్నర్‌ స్టెబిలిటీ కంట్రోల్‌ ఉన్నాయి. 360 డిగ్రీ కెమెరా, బిల్ట్‌-ఇన్‌ డాష్‌క్యామ్‌, ISOFIX చైల్డ్‌ సీట్‌ మౌంట్స్‌ కూడా అందిస్తున్నారు.

టాటా ఏరిస్‌లో 1.2 లీటర్‌, 3-సిలిండర్‌ న్యాచురల్లీ ఆస్పిరేటెడ్‌ పెట్రోల్‌ ఇంజిన్‌ ఉంది. ఇది 86 హెచ్‌పీ పవర్‌, 113 ఎన్ఎం టార్క్‌ ఉత్పత్తి చేస్తుంది. 5-స్పీడ్‌ మాన్యువల్‌, 5-స్పీడ్‌ ఏఎంటీ గేర్‌బాక్స్‌ ఆప్షన్లు ఉన్నాయి. సీఎన్‌జీ వేరియంట్‌ 76 హెచ్‌పీ పవర్‌, 97 ఎన్ఎం టార్క్‌ అందిస్తుంది. భద్రతా ఫీచర్లు, నిర్మాణ బలం, పెట్రోల్‌-సీఎన్‌జీ ఆప్షన్లతో ఏరిస్‌ కాంపాక్ట్‌ సెడాన్‌ మార్కెట్లో ప్రత్యేకంగా నిలిచే ప్రయత్నం చేస్తోంది.

Pawan Kalyan Speech On AP Local Body Elections 2026 | Palle Panduga 2026 | Asianet Telugu

Galam Venkata Rao — Tue, 29 Sep 2026 17:00:02 +0530

Money Vastu: ఎవరికైనా డబ్బులు ఇస్తున్నారా? ఈ వారాల్లో పొరపాటున కూడా ఇవ్వకూడదు!

Kavitha G — Tue, 29 Sep 2026 16:50:02 +0530

Money Vastu: వారంలోని కొన్ని నిర్దిష్ట రోజుల్లో డబ్బులు ఇవ్వడం లేదా అప్పు తీసుకోవడం చేయకూడదని వాస్తు, జ్యోతిష్య శాస్త్రాలు చెబుతున్నాయి. అసలు ఏ వారం నాడు డబ్బులు ఇవ్వకూడదు? ఇస్తే ఏమవుతుంది? దీని వెనుక ఉన్న ఆసక్తికరమైన విషయాలేంటో ఇక్కడ తెలుసుకుందాం.

వాస్తు శాస్త్రంలో డబ్బుకు సంబంధించి చాలా నియమాలు, నమ్మకాలు ఉన్నాయి. ముఖ్యంగా డబ్బులు ఎప్పుడు ఇవ్వాలి, ఎప్పుడు తీసుకోవాలి? అనే దానిపై చాలా నమ్మకాలు ఉన్నాయి. మంగళవారం, శనివారం అప్పు తీసుకోవడం లేదా ఇవ్వడం చేయకూడదని వాస్తు, జ్యోతిష్య శాస్త్రాలు చెబుతున్నాయి. అసలు ఎందుకు ఆ వారాల్లో డబ్బులు ఇవ్వకూడదు? ఒకవేళ ఇస్తే ఏమవుతుంది వంటి విషయాలు ఇక్కడ తెలుసుకుందాం.

జ్యోతిష్య శాస్త్రం ప్రకారం మంగళవారం అంగారకుడికి (కుజుడు) సంబంధించిన రోజు. కుజుడు వేగం, తీవ్రత, పోరాటానికి ప్రతీక. అందుకే ఈ రోజున కొత్తగా అప్పు తీసుకోవడం లేదా ఇతరులకు అప్పుగా డబ్బులు ఇవ్వడం చేయకూడదని అంటారు. ముఖ్యంగా మంగళవారం తీసుకున్న అప్పు తీర్చడంలో చాలా ఆలస్యం జరుగుతుందని వాస్తు నిపుణులు చెబుతున్నారు. అయితే పాత అప్పులు తీర్చడానికి మంగళవారం చాలా మంచి రోజు అని కూడా జ్యోతిష్య శాస్త్రం చెబుతోంది. అంటే మంగళవారం నాడు కొత్తగా డబ్బులు తీసుకోవడం కంటే, తీసుకున్న అప్పును తిరిగి ఇచ్చేయడం మంచిదట.

శనివారం శని భగవానుడికి సంబంధించిన రోజు. అందుకే ఈ రోజున పెద్ద మొత్తంలో ఆర్థిక లావాదేవీలు చేయడం, అప్పు తీసుకోవడం లేదా ఇవ్వడం లాంటివి చేయకపోవడమే మంచిదని వాస్తు నిపుణులు చెబుతున్నారు. కొన్ని నమ్మకాల ప్రకారం, శనివారం అప్పు తీసుకుంటే దాన్ని తిరిగి చెల్లించడం కష్టమవుతుందట. అలాగే డబ్బుల విషయంలో ఊహించని అడ్డంకులు వస్తాయట.

జ్యోతిష్య శాస్త్రంలో డబ్బులు తీసుకోవడానికి, అప్పు ఇవ్వడానికి, అప్పు తీర్చడానికి, పెట్టుబడులు పెట్టడానికి వేర్వేరు ముహూర్తాలు ఉంటాయి. కేవలం వారాలనే కాదు, కొన్ని తిథుల్లో కూడా ఆర్థిక లావాదేవీలు చేయకూడదని వాస్తు శాస్త్రం చెబుతోంది. ముఖ్యంగా అమావాస్య రోజున డబ్బులు ఇవ్వడం, తీసుకోవడం చేయకూడదట. డబ్బును తొందరపడి ఖర్చు చేయకుండా, ఒక ప్లాన్ ప్రకారం వాడుకోవాలనేదే ఇలాంటి నమ్మకాల వెనుక ఉన్న అసలు ఉద్దేశమని వాస్తు నిపుణులు చెబుతున్నారు. మీ ఆర్థిక పరిస్థితి, అవసరాన్ని బట్టి నిర్ణయం తీసుకోవాలని సూచిస్తున్నారు.

పవన్ ని ఆకాశానికెత్తిన బాబు | Chandrababu Speech At Palle Panduga 3.0 | Asianet Telugu

Galam Venkata Rao — Tue, 29 Sep 2026 16:23:45 +0530

జగన్ దెబ్బకు నా మతిపోయింది | Chandrababu Palle Panduga 3.0 Speech | Asianet Telugu

Galam Venkata Rao — Tue, 29 Sep 2026 16:23:07 +0530

Poori oil: వేడి నూనెలో ఆ పదార్థాలు వేస్తే పూరీలు, పకోడీలు నూనె పీల్చవా?

Haritha Chappa — Tue, 29 Sep 2026 16:07:12 +0530

Poori oil: పూరీలు, పకోడీలు నూనెలో వేయించే ముందు ఆ నూనెలో చిన్న అల్లం ముక్క వేయాలని కొందరు అంటారు. అలా చేయడం వల్ల పూరీలు నూనె పీల్చవని సోషల్ మీడియాలో తెగ వైరల్ అవుతోంది. అసలు ఇందులో నిజమెంత?

సోషల్ మీడియాలో ఒక కిచెన్ హ్యాక్ బాగా వైరల్ అవుతోంది. పూరీ, పకోడీలు వేయించే ముందు వేడి నూనెలో చిన్న అల్లం ముక్క వేస్తే అవి తక్కువ నూనె పీలుస్తాయని అంటారు. కానీ ఇది నిజంగానే పనిచేసే ట్రిక్? అవునా కాదా అని ఎక్కువ మంది సందేహం ఉంది. నూనె వేడెక్కాక అందులో కొద్దిగా అల్లం, వెల్లుల్లి లేదా కరివేపాకు వేయాలి. ఆ తర్వాత అదే నూనెలో పూరీ, పకోడీలు వేయించాలి. ఇలా చేస్తే స్నాక్స్ తక్కువ నూనె పీల్చుకుంటాయని, జిడ్డుగా ఉండవని చెబుతున్నారు. వేడి నూనె నుంచి వచ్చే వాసన, పొగను కూడా అల్లం తగ్గిస్తుందని కొందరు అంటున్నారు.

వేడి నూనెలో అల్లం ముక్క లేదా అల్లం తురిమి వేసినప్పుడు అందులోని సహజ నూనెలు (ఎసెన్షియల్ ఆయిల్స్) వంట నూనెలో కలిసిపోయి మంచి సువాసన ఇస్తాయి. ఆ తర్వాత అదే నూనెలో పకోడీ లేదా పూరీ వేయించినప్పుడు, ఆ సువాసన వాటికి కూడా పడుతుంది. కాబట్టి అల్లం వేయడం వల్ల స్నాక్స్‌కు కాస్త భిన్నమైన రుచి, వాసన వచ్చే అవకాశం ఉంది. కానీ ఆరోగ్యకరమనే చెప్పాలి.

అయితే అల్లం వేస్తే పూరీలు, పకోడీలు తక్కువ పీల్చుకుంటాయా అంటే… కొన్ని విషయాలు పరిగణనలోకిన తీసుకోవాలి. నూనె ఉష్ణోగ్రత, పిండి కన్సిస్టెన్సీ వంటివి కూడా ఆధారపడతాయి. నూనెలో అల్లం ముక్క వేయడం వల్ల నూనె పీల్చడం తగ్గుతుందని చెప్పడానికి ఎలాంటి శాస్త్రీయ ఆధారాలు లేవు. నూనె సరైన వేడిలో ఉంటే స్నాక్స్ సాధారణంగానే తక్కువ నూనె పీల్చుకుంటాయి. నూనె వేడి తగ్గితే మాత్రం ఆహారం ఎక్కువ నూనె పీల్చుకుంటుంది.

అల్లంలో నీటి శాతం అధికంగా ఉంటుంది. కాబట్టి దాన్ని బాగా వేడిగా ఉన్న నూనెలో వేసినప్పుడు చాలా జాగ్రత్తగా ఉండాలి. పైకి చిమ్మే ప్రమాదం ఉంది. అలాగే బాగా వేడిగా ఉన్న నూనెలో కరివేపాకులు, వెల్లుల్లి వేసినా కూడా పైగి ఎగజిమ్మవచ్చు. అందుకే నూనె వేడిగా ఉన్నప్పుడు ఇవి వేసేటప్పుడు చాలా జాగ్రత్తగా ఉండాలి. నూనె నుంచి పొగ లేదా మాడిన వాసన రాకుండా చూసుకోవడానికి సరైన ఉష్ణోగ్రతను మెయింటైన్ చేయడం చాలా ముఖ్యం.

పవన్ పాటతో Chandrababu,Pawan Kalyan Ramp Walk | Palle Panduga 3.0 | Asianet Telugu

Galam Venkata Rao — Tue, 29 Sep 2026 16:00:01 +0530

కాంగ్రెస్, బిఆర్ఎస్ కలిసే భూమాఫియా నడిపిస్తున్నారు..: కల్వకుంట్ల కవిత

Arun Kumar P — Tue, 29 Sep 2026 15:44:32 +0530

తెలంగాణ రాజకీయాల్లో మరోసారి భూముల వ్యవహారం హాట్ టాపిక్‌గా మారింది. ఇప్పటికే మాజీ ముఖ్యమంత్రి కేసీఆర్ కుటుంబం వందల ఎకరాల భూములను కబ్జా చేసిందని కాంగ్రెస్ ఆరోపిస్తోంది... ప్రభుత్వం కూడా ఈ భూములపై విచారణ చేపట్టింది. ఇలాంటి సమయంలో రంగారెడ్డి జిల్లా కొంగరకుర్దు-ఏ గ్రామంలోని భూములపై తెలంగాణ రక్షణ సేన చీఫ్ కల్వకుంట్ల కవిత సంచలన ఆరోపణలు చేశారు.

కొంగరకుర్దు-ఏ గ్రామానికి చెందిన బాధిత రైతులతో కలిసి మీడియా సమావేశం నిర్వహించిన కవిత… కాంగ్రెస్, బీఆర్‌ఎస్‌కు చెందిన ముఖ్య నాయకులు కలిసి భూ మాఫియాకు సహకరిస్తున్నారని ఆరోపించారు. కొంగరకుర్దులోని వక్ఫ్ భూముల విషయంలో రైతులకు న్యాయం జరగాలని… అక్రమంగా జరిగిన రిజిస్ట్రేషన్లను రద్దు చేయాలని ఆమె డిమాండ్ చేశారు.

ఇదే సమయంలో తన తండ్రి కేసీఆర్‌కు చెందిన బీఆర్‌ఎస్ పార్టీపై కూడా కవిత తీవ్ర విమర్శలు చేశారు. భూ మాఫియాపై మొదట వార్తలు రాసిన ‘నమస్తే తెలంగాణ’, ‘సాక్షి’ వంటి పత్రికలు ఆ తర్వాత వెనక్కి తగ్గాయని ఆమె ఆరోపించారు. ముఖ్యంగా బీఆర్‌ఎస్‌లోని కీలక నేతల ఒత్తిడి కారణంగానే కొంగరకుర్దు భూ వ్యవహారం మరుగున పడిందని కవిత వ్యాఖ్యానించారు.

580 ఎకరాల భూమిపై కవిత ఆరోపణలు

కొంగరకుర్దు-ఏ గ్రామ పరిధిలో సర్వే నంబర్లు 2 నుంచి 400 వరకు ఉన్న సుమారు 580 ఎకరాల భూమిని 2007లో వక్ఫ్ భూమిగా గెజిట్‌లో చేర్చారని కవిత తెలిపారు. ఈ భూములు 22ఏ నిషేధిత జాబితాలో ఉన్నాయని ఆమె పేర్కొన్నారు. అయితే ప్రస్తుతం ఆ భూముల్లో పెద్ద ఎత్తున రియల్ ఎస్టేట్ కార్యకలాపాలు జరుగుతున్నాయని, ఇప్పటికే సుమారు 150 ఎకరాలు భూ మాఫియా చేతుల్లోకి వెళ్లిపోయాయని ఆమె ఆరోపించారు.

2022లో కొంగరకుర్దు భూములపై భూ మాఫియా కన్ను పడిందని కవిత ఆరోపించారు. ఒక రైతు సుమారు 58 ఎకరాల్లో పంటలు సాగు చేస్తే.. మూడు జేసీబీలతో ఆ పంటను ధ్వంసం చేసి అక్కడ లేఅవుట్ వేసే ప్రయత్నం చేశారని ఆమె పేర్కొన్నారు. భూములను సాగు చేసుకుంటున్న రైతులు రెవెన్యూ, పోలీస్ అధికారులకు ఫిర్యాదు చేసినప్పటికీ కేసులు కూడా నమోదు చేయడం లేదని కవిత ఆరోపించారు. గ్రామంతో సంబంధం లేని వ్యక్తుల పేర్లతో ఓఆర్‌సీలు సృష్టించి, వాటి ఆధారంగా కోర్టుల్లో కేసులు వేసి అనుకూల తీర్పులు తెచ్చుకున్న తర్వాత రిజిస్ట్రేషన్లు చేయిస్తున్నారని ఆమె అన్నారు.

బీఆర్‌ఎస్‌పై కవిత కీలక వ్యాఖ్యలు

ఈ ప్రెస్‌మీట్‌లో కవిత చేసిన వ్యాఖ్యల్లో బీఆర్‌ఎస్‌పై విమర్శలు ప్రత్యేకంగా చర్చకు వచ్చాయి. తన తండ్రి కేసీఆర్ నేతృత్వంలోని బీఆర్‌ఎస్ పార్టీపై గతంలోనూ విమర్శలు చేసిన కవిత.. కొంగరకుర్దు వ్యవహారంలోనూ ఆ పార్టీ ముఖ్య నాయకుల పాత్రపై ఆరోపణలు చేశారు. ‘నమస్తే తెలంగాణ’లో భూ మాఫియాపై ఒక్కరోజు కథనం రాసింది… ఆ వెంటనే కథనాలు ఆగిపోయాయని కవిత ఆరోపించారు. అలాగే ‘సాక్షి’లో కూడా మొదట భూ మాఫియాకు వ్యతిరేకంగా కథనం వచ్చింది… మరుసటి రోజు రైతులకు వ్యతిరేకంగా కథనం వచ్చిందని ఆమె వ్యాఖ్యానించారు. బీఆర్‌ఎస్‌లోని ఒక ముఖ్య నేత ఒత్తిడితోనే ఈ వ్యవహారం పక్కన పెట్టారని ఆమె ఆరోపించారు.. దీనిపై బీఆర్‌ఎస్ సమాధానం చెప్పాలని డిమాండ్ చేశారు.

“కాంగ్రెస్, బీఆర్‌ఎస్ నాయకులు కలిసి రూ.5 వేల కోట్ల విలువైన 580 ఎకరాల భూమిని కొట్టేస్తున్నారు” అంటూ కవిత తీవ్ర ఆరోపణ చేశారు. తెలంగాణ రాష్ట్రం ఏర్పడిన తర్వాత వ్యవస్థీకృతంగా భూ మాఫియా పెరిగిపోయిందని ఆమె అన్నారు.

ఈ వెంచర్లపై కవిత ఆరోపణలు

కొంగరకుర్దులో అర్బన్ క్రెస్ట్, సిటీ గ్రాండ్ ఎన్ క్యూ వెంచర్స్ పేరుతో భారీ లేఅవుట్లు వేశారని కవిత ఆరోపించారు. 2022 తర్వాత ఈ ప్రాంతంలో జరిగిన అన్ని రిజిస్ట్రేషన్లను పరిశీలించి, అవకతవకలు ఉన్నట్టు తేలితే వాటిని రద్దు చేయాలని ప్రభుత్వాన్ని డిమాండ్ చేశారు. 22ఏ నిషేధిత జాబితాలో ఉన్న భూములకు లేఅవుట్ పర్మిషన్లు ఎలా ఇచ్చారంటూ హెచ్‌ఎండీఏపై కూడా ఆమె ప్రశ్నలు సంధించారు. ప్రస్తుతం కూడా ప్రభుత్వ రికార్డుల్లో ఈ భూములు నిషేధిత జాబితాలో ఉన్నాయని కవిత పేర్కొన్నారు.

కోర్టు వివాదం కొనసాగుతోందన్న కవిత

కొంగరకుర్దులో భూములు సాగు చేసుకుంటున్న రైతులకు, వక్ఫ్ బోర్డుకు మధ్య న్యాయ వివాదం కొనసాగుతోందని కవిత తెలిపారు. కోర్టు తుది తీర్పు వచ్చిన తర్వాత ఆ భూములపై హక్కు ఎవరికి ఉంటుందనే విషయం స్పష్టమవుతుందని ఆమె అన్నారు. అందువల్ల కోర్టు తీర్పు వెలువడకముందే భూములపై లావాదేవీలు, లేఅవుట్లు, విస్తరణలు జరపడం సరికాదని కవిత పేర్కొన్నారు. అర్బన్ క్రెస్ట్, సిటీ గ్రాండ్ ఎన్ క్యూ సంస్థలు ఇకపై ఒక్క గజం భూమిలోనైనా వెంచర్‌ను విస్తరించినా రంగారెడ్డి కలెక్టర్‌తో పాటు రాష్ట్ర ప్రభుత్వాన్ని కోర్టుకు లాగుతానని హెచ్చరించారు.

నకిలీ ఓఆర్‌సీలపై ఆరోపణలు

కొంగరకుర్దులో గ్రామంతో సంబంధం లేని వ్యక్తుల పేర్లతో ఓఆర్‌సీలు సృష్టించారని కవిత ఆరోపించారు. నర్సమ్మ అనే రైతుకు చెందిన భూమికి లక్ష్మి పేరుతో ఓఆర్‌సీ తెచ్చుకున్నారని ఆమె ఉదాహరణగా ప్రస్తావించారు. ఇలాంటి అక్రమాలు మరెన్నో ఉన్నాయని, వాటన్నింటినీ ప్రభుత్వం వెంటనే పరిశీలించాలని డిమాండ్ చేశారు.

“బీఆర్‌ఎస్ పాలనలో కొన్ని ఇండ్లే బంగారం అయ్యాయి”

బీఆర్‌ఎస్ పాలనలో “కొన్ని ఇండ్లే బంగారం అయ్యాయి” అని తాను ఇప్పటికే చెప్పానని... కొంగరకుర్దు భూముల వ్యవహారం కూడా ఇందుకు సాక్ష్యంగా నిలుస్తోందని కవిత వ్యాఖ్యానించారు. కాంగ్రెస్, బీఆర్‌ఎస్ నాయకులు కలిసి భూముల వ్యవహారాల్లో అక్రమాలకు పాల్పడుతున్నారనే తన ఆరోపణలను మరోసారి పునరుద్ఘాటించారు.

ఇలా కొంగరకుర్దు భూముల విషయంలో కవిత చేసిన ఆరోపణలపై ప్రభుత్వం, బీఆర్‌ఎస్ నాయకులు, సంబంధిత నిర్మాణ సంస్థలు, అధికారులు ఎలా స్పందిస్తారనేది ఇప్పుడు ఆసక్తికరంగా మారింది. ముఖ్యంగా వక్ఫ్ భూముల హోదా, 22ఏ నిషేధిత జాబితా, ఓఆర్‌సీల చెల్లుబాటు, లేఅవుట్ అనుమతులు, జరిగిన రిజిస్ట్రేషన్లపై అధికారిక రికార్డులు, న్యాయస్థానాల తుది తీర్పుల ఆధారంగానే అసలు వాస్తవాలు స్పష్టమయ్యే అవకాశం ఉంది.

బీఆర్ఎస్ ప్రభుత్వ హయాంలో భూదోపిడి జరిగిందని చెప్పిన కాంగ్రెస్ పార్టీ అదే దోపిడీని కొనసాగిస్తున్నది రంగారెడ్డి జిల్లా కొంగరకుర్దు ఏ గ్రామంలోని సర్వే నంబర్లు 2 నుంచి 400 వరకు ఉన్న 580 ఎకరాలపై భూ మాఫియా కన్ను పడింది .. అందులో ఇప్పటికే దాదాపు 150 ఎకరాలు కబ్జా చేశారు.వక్ఫ్ బోర్డు… pic.twitter.com/vrnGdNgSRe

— Kavitha Kalvakuntla (@RaoKavitha) September 29, 2026

Metro: మెట్రోలో టాయిలెట్ వాడితే డ‌బ్బులు ఇస్తున్నారా.? అస‌లు రూల్స్ ఏం చెప్తున్నాయంటే

Narender Vaitla — Tue, 29 Sep 2026 15:44:09 +0530

Metro: స‌హ‌జంగా రైల్వే స్టేష‌న్ల‌లో టాయిలెట్లు ఉచితంగా వాడుకోవ‌చ్చు. కానీ మెట్రో స్టేష‌న్‌లో మాత్రం డ‌బ్బులు చెల్లిస్తుంటాం. ఇంత‌కీ మెట్రోలో టాయిలెట్స్‌కి డ‌బ్బులు ఎందుకు చెల్లించాలి.? అస‌లు నిబంధ‌న‌లు ఏం చెబుతున్నాయో ఇప్పుడు తెలుసుకుందాం.

మెట్రో స్టేషన్‌లో టాయిలెట్ల నిర్వహణకు ఖర్చు ఉంటుంది. టాయిలెట్లను శుభ్రంగా ఉంచడం, నీటి సరఫరా, సిబ్బంది నిర్వహణ వంటి వాటికి ఖర్చు అవుతుంది. అందుకే కొన్ని మెట్రో స్టేషన్లలో టాయిలెట్‌ వినియోగానికి స్వల్ప రుసుము వసూలు చేస్తున్నారు. సాధారణంగా రూ.5 లేదా రూ.10 వంటి మొత్తాన్ని తీసుకుంటారు. అయితే ఈ రుసుము అన్ని మెట్రో స్టేషన్లలో ఒకే విధంగా ఉంటుందని చెప్పలేం.

మెట్రో టికెట్‌ కోసం ప్రయాణికులు ఇప్పటికే డబ్బులు చెల్లిస్తున్నప్పుడు.. టాయిలెట్‌ ఉపయోగించేందుకు అదనంగా ఎందుకు చెల్లించాలనే ప్రశ్న 2023లో పార్లమెంట్‌లోనూ ప్రస్తావనకు వచ్చింది. మెట్రో ప్రయాణానికి టికెట్‌ తీసుకున్న వారికి స్టేషన్‌లోని టాయిలెట్‌ సదుపాయం ఉచితంగా ఉండాలా అనే అంశంపై ప్రభుత్వం నుంచి వివరణ కోరారు. దీనిపై ఇచ్చిన సమాధానంలో టాయిలెట్‌ నిర్వహణ, అందుబాటులోకి తీసుకురావడం వంటి అంశాలపై స్పష్టత ఇచ్చారు.

మెట్రో స్టేషన్లలో టాయిలెట్‌ సదుపాయాలను మెట్రో సంస్థ నేరుగా నిర్వహించే సందర్భాలు మాత్రమే కాకుండా.. ప్రైవేట్‌ ఏజెన్సీల ద్వారా నిర్వహించే విధానం కూడా ఉంది. ఢిల్లీ మెట్రో రైల్‌ కార్పొరేషన్‌ (DMRC) ఢిల్లీ హైకోర్టుకు సమర్పించిన అఫిడవిట్‌లో ఇదే విషయాన్ని వెల్లడించింది. సులభ్‌ ఇంటర్నేషనల్‌ వంటి సంస్థలు సహా ప్రైవేట్‌ ఏజెన్సీల ద్వారా కొన్ని టాయిలెట్లు నిర్వహిస్తున్నట్లు తెలిపింది.

మెట్రో స్టేషన్‌లో టాయిలెట్‌ ఉపయోగించినందుకు స్వల్ప రుసుము వసూలు చేయడం నిబంధనలకు విరుద్ధం కాదని ఈ వివరణల ద్వారా తెలుస్తోంది. టాయిలెట్‌ సదుపాయం నిర్వహణ కోసం ప్రయాణికుల నుంచి రుసుము తీసుకునే అవకాశం ఉంది. ముఖ్యంగా ప్రైవేట్‌ ఏజెన్సీలు ఈ సదుపాయాన్ని నిర్వహిస్తున్నప్పుడు.. శుభ్రత, నిర్వహణ ఖర్చుల కోసం వినియోగదారుల నుంచి కొంత మొత్తాన్ని వసూలు చేయవచ్చు.

మెట్రో టికెట్‌ కొనుగోలు చేసినంత మాత్రాన స్టేషన్‌లోని టాయిలెట్‌ను ఉచితంగా ఉపయోగించే హక్కు ఉంటుందని చెప్పే నిబంధన లేదు. ఢిల్లీ మెట్రో రైల్‌ కార్పొరేషన్‌ హైకోర్టుకు ఇచ్చిన వివరాల ప్రకారం.. ప్రయాణికులకు టాయిలెట్‌ సదుపాయం ఉచితంగా అందించాల్సిందే అనే నిబంధన లేదు. అందువల్ల స్టేషన్‌లో నిర్ణయించిన రుసుము చెల్లించి టాయిలెట్‌ ఉపయోగించాల్సి ఉంటుంది. అయితే ఏ స్టేషన్‌లో ఎంత రుసుము వసూలు చేస్తారనేది అక్కడి నిర్వహణ విధానం, సంబంధిత ఏజెన్సీ నిబంధనలపై ఆధారపడి ఉంటుంది.

Parenting: మీ పిల్లలు ఎప్పుడూ గొడవ పడుతున్నారా? ఈ 5 చేస్తే వారి మధ్య ప్రేమ పెరగడం పక్కా!

Kavitha G — Tue, 29 Sep 2026 15:41:52 +0530

Parenting: ఇంట్లో ఇద్దరు పిల్లలుంటే చాలు… రోజులో కనీసం ఒకటి, రెండు సార్లైనా వారి మధ్య గొడవలు రావడం సహజం. చిన్న చిన్న విషయాలకే పోట్లాడుకునే పిల్లలను చూసి తల్లిదండ్రులు ఆందోళన చెందుతుంటారు. మరి ఈ పిల్లల మధ్య ప్రేమ పెరగాలంటే పేరెంట్స్ ఏం చేయాలో చూద్దాం.

ఇంట్లో ఇద్దరు లేదా అంతకంటే ఎక్కువ మంది పిల్లలు ఉంటే వారి మధ్య చిన్నచిన్న గొడవలు జరగడం చాలా సహజం. బొమ్మ ఎవరిది, టీవీ రిమోట్ ఎవరి చేతిలో ఉండాలి, అమ్మ పక్కన ఎవరు కూర్చోవాలి, ఎవరి మాట వినాలి వంటి విషయాలపై పిల్లలు తరచూ వాదించుకోవచ్చు. కొన్నిసార్లు ఈ గొడవలు తల్లిదండ్రులకు చాలా ఇబ్బందిగా అనిపిస్తాయి. అయితే పిల్లలు తమ భావాలను ఎలా వ్యక్తపరచాలో నేర్చుకుంటున్న దశలో ఇలాంటివి జరగడం సహజమే. తల్లిదండ్రులు సరైన విధంగా స్పందిస్తే పిల్లల మధ్య అనుబంధం క్రమంగా బలపడుతుంది. అందుకోసం ఏం చేయాలో ఇక్కడ తెలుసుకుందాం.

“అన్నయ్యను చూడు ఎంత బాగా చదువుతున్నాడో లేదా చెల్లెను చూడు చెప్పిన మాట ఎంత బాగా వింటోందో” అంటూ పోల్చడం తల్లిదండ్రులకు సాధారణంగా అనిపించినా, పిల్లల మనసులో మాత్రం అసూయ లేదా అసంతృప్తిని పెంచవచ్చు. ప్రతి పిల్లవాడికి తనదైన స్వభావం, ఆసక్తులు, సామర్థ్యాలు ఉంటాయి. కాబట్టి ఒకరిని మరొకరితో పోల్చకుండా, ప్రతి పిల్లవాడి ప్రత్యేకతను గుర్తించి ప్రశంసించడం మంచిది. ముఖ్యంగా ఒక పిల్లవాడిని పొగడటానికి మరో పిల్లవాడిని తక్కువ చేసి అస్సలు మాట్లాడకూడదు.

పిల్లలు ఎప్పుడూ పోటీ పడే పరిస్థితుల్లో ఉంటే ఒకరిని ఒకరు ప్రత్యర్థులుగా భావించే అవకాశం ఉంటుంది. అందుకే గెలుపు, ఓటమి లేని పనులను చేయించాలి. కలిసి పజిల్ పూర్తి చేయడం, మొక్కలకు నీళ్లు పోయడం, గదిని సర్దడం, కథల పుస్తకం చదవడం, కలిసి వంటలో హెల్ప్ చేయడం వంటి పనులు చేయించవచ్చు. ఒకే లక్ష్యాన్ని సాధించడానికి ఇద్దరూ కలిసి పనిచేసినప్పుడు “నేను–నువ్వు” అనే భావన కంటే “మనిద్దరం” అనే భావన బలపడుతుంది.

గొడవ జరిగిన ప్రతిసారీ వెంటనే తీర్పు చెప్పకుండా, సమస్యను వాళ్లే పరిష్కరించుకునేలా చేయాలి. ఒక బొమ్మ కోసం ఇద్దరూ గొడవపడితే వెంటనే ఒకరిని మందలించడం లేదా మరొకరి వైపు నిలబడటం కంటే, దాన్ని ఎలా పంచుకోవచ్చో సూచించాలి. కొంతసేపు ఒకరు ఆడటం, తర్వాత మరొకరు ఆడటం లేదా కలిసి ఆడటం వంటివి చెప్పవచ్చు. ఇలా చేయడం ద్వారా పిల్లలు తమ సమస్యలను మాటల ద్వారా పరిష్కరించుకోవడం నేర్చుకుంటారు.

తల్లిదండ్రుల దృష్టి ఆకర్షించడం కోసం కూడా పిల్లలు ఒకరితో ఒకరు పోటీ పడవచ్చు. అందుకే రోజులో ఎక్కువ సమయం కాకపోయినా, ప్రతి పిల్లవాడితో వ్యక్తిగతంగా మాట్లాడటం, వారికి ఇష్టమైన ఆట ఆడటం, పుస్తకం చదవడం వంటి చిన్న చిన్నపనులు పెద్ద ప్రభావాన్ని చూపుతాయి. ముఖ్యంగా తల్లిదండ్రుల ప్రేమను పొందడానికి తోబుట్టువుతో పోటీ పడాల్సిన అవసరం లేదనే భావన పిల్లల్లో కలుగుతుంది.

అన్నయ్య పుట్టినరోజున చెల్లెలితో చిన్న గ్రీటింగ్ కార్డు తయారు చేయించడం, చెల్లెలు అనారోగ్యంగా ఉంటే అన్నయ్యతో ఆమెకు నీళ్లు ఇప్పించడం, ఒకరి విజయాన్ని మరొకరితో అప్రిషియేట్ చేయించడం వంటివి చేయవచ్చు. “నీ చెల్లెలు నిన్ను చూసి చాలా సంతోషపడింది” లేదా “నీ అన్నయ్యకు నువ్వు హెల్ప్ చేసినందుకు అతను హ్యాపీగా ఫీల్ అయ్యాడు వంటివి చెప్పడం ద్వారా పిల్లలు తమ ప్రవర్తన వల్ల తోబుట్టువుకు కలిగే ఆనందాన్ని గుర్తించగలుగుతారు. పేరెంట్స్ ఓపికగా ఇలాంటి పనులు చేయడం ద్వారా పిల్లల మధ్య బంధం మరింత బలపడుతుంది.

Venu Madhav: ఇంకెవరైనా అయితే చెప్పుతో కొట్టేవాళ్ళు, కానీ ఆ కమెడియన్ కి 70 వేలు రెమ్యునరేషన్ ఇచ్చిన డైరెక్టర్

Tirumala Dornala — Tue, 29 Sep 2026 15:39:25 +0530

టాలీవుడ్ లో ఓ క్రేజీ కమెడియన్ సినిమాల్లోకి రాకముందు రోజుకు 150 రూపాయలు సంపాదించేవారట. తొలి సినిమా అవకాశం వచ్చినప్పుడు డైరెక్టర్ కి కనీసం గౌరవం ఇవ్వకుండా తాను ఎలా బిహేవ్ చేశాను అనేది రివీల్ చేశారు.

దివంగత కమెడియన్ వేణు మాధవ్ గురించి పరిచయం అవసరం లేదు. తెలుగులో ఎన్నో సినిమాల్లో తన హాస్యంతో వేణు మాధవ్ కడుపుబ్బా నవ్వించారు. కొన్ని కామెడీ సినిమాల్లో హీరోగా కూడా చేశారు. కమెడియన్ కాకముందు వేణు మాధవ్ మిమిక్రి ఆర్టిస్ట్ గా గుర్తింపు పొందారు. తెలుగు దేశం పార్టీ ఆఫీస్ లో ఎన్టీఆర్ వద్ద ఉద్యోగం కూడా చేశారు.

1996లో సూపర్ స్టార్ కృష్ణ నటించిన సంప్రదాయం మూవీతో వేణు మాధవ్ నటుడిగా ఎంట్రీ ఇచ్చారు. వేణు మాధవ్ కమెడియన్ కావడం వెనుక ఆసక్తికర స్టోరీ ఉంది. ఓ ఇంటర్వ్యూలో వేణు మాధవ్ ఆ విషయాలని బయటపెట్టారు. ఎన్టీఆర్ గారి ఆఫీస్ లో ఉద్యోగం అంటే కట్టలు కట్టలు డబ్బు వస్తుంది అని అనుకున్నా. నెలరోజులు జీతం కోసం ఎదురు చూస్తుంటే 600 వందలు ఇచ్చారు. అక్కడ నేను టెలిఫోన్ ఆపరేటర్ గా పనిచేశాను.

ఒక ప్రోగ్రాంలో మిమిక్రీ చేస్తుంటే ఎస్వీ కృష్ణారెడ్డి గారు నన్ను చూశారు. ఈ సంఘటన 1995లో జరిగింది. ప్రోగ్రాం అయ్యాక నువ్వు సినిమాల్లో నటిస్తే బావుంటుంది అయ్యా అని అన్నారు. నాకు ఇంట్రస్ట్ లేదు. ఒకసారి నన్ను ఆఫీస్ కి వచ్చి కలువు అని చెప్పారు. అబ్బా వీళ్ళు నన్ను వదిలేలా లేరు కదా అని ఆయన ఆఫీస్ కి వెళ్ళాను.

ఎలాగైనా వాళ్ళ నుంచి తప్పించుకుని వెళ్ళిపోవాలి అనుకున్నా. కృష్ణారెడ్డి గారు రాగానే అన్నా ఇదంతా షూటింగ్స్, యాక్టింగ్ మనకు తెలియదు. స్టేజీ షోలు అయితే చేస్తా కానీ యాక్టింగ్ మనవల్ల కాదు అని చెప్పా. లేదు దాని గురించి నువ్వు ఆలోచించకు మేము చెబుతాము. షూటింగ్ కి నీ డేట్లు 35 రోజులు కావాలి అని అడిగారు. వీళ్ళు వదిలేలా లేరు అని చివరి అస్త్రం ప్రయోగించా.

అప్పుడు నాకు మిమిక్రి ప్రోగ్రాంకి రోజుకు 150 రూపాయలు ఇచ్చేవాళ్ళు. నేను ఎస్వీ కృష్ణ రెడ్డి గారిని ఏకంగా 2000 ఇస్తా వస్తా లేకుంటే రాను అని చెప్పా. అది కూడా ఎలా చెప్పాను అంటే కుర్చీలో వెనక్కు వాలుకుని కూర్చుని కాలుమీద కాలు వేసుకుని చెప్పా. ఇంకొకరు అయి ఉంటే చెప్పు తీసుకుని కొట్టేవాళ్ళు. కానీ ఎస్వీ కృష్ణారెడ్డి గారికి కోపం రాదు. కోపం అంటే ఆయనకు తెలియదు. రోజు 2000, 35 రోజులు కాబట్టి 70000 ఇవ్వాలి అని అడిగితే అలాగే అండీ ఇస్తాం అని అన్నారు. ఆ విధంగా సంప్రదాయం చిత్రంతో నటుడిగా తొలి అవకాశం లభించింది. అది నాకు మరో జన్మ అని వేణు మాధవ్ గుర్తు చేసుకున్నారు.

Diwali Gold Buying: దీపావళికి బంగారం కొనాలని ప్లాన్ చేస్తున్నారా? ఈ తప్పు చేస్తే వేలల్లో నష్టపోతారు

Nandini Arava — Tue, 29 Sep 2026 15:38:53 +0530

Diwali Gold Buying: దీపావళి లాంటి పండుగలకు బంగారం కొనడం సహజమే. మనదేశంలో ఎప్పటినుంచో ఉన్న సంప్రదాయం. అయితే ఇప్పుడు పసిడి రేట్లు పెరగడంతో కొద్దిగా కొనాలన్నా ఖర్చే. మరి బంగారం కొనాలా? వద్దా? అని ఆలోచిస్తున్నారా? అయితే ఇది చూడండి.

దీపావళి లాంటి పండుగలకు బంగారం కొనడం సహజమే. మనదేశంలో ఎప్పటినుంచో ఉన్న సంప్రదాయం. అయితే ఇప్పుడు పసిడి రేట్లు పెరగడంతో కొద్దిగా కొనాలన్నా ఖర్చే. చాలామంది నగలు కొనడాన్ని ఒక పొదుపుగా, ఇంటి అవసరంగా చూస్తారు. కానీ ఇప్పుడు బంగారం ధరలు మండిపోతున్నాయి. పాత రోజుల్లాగా భారీగా ఖర్చు చేయడం అందరికీ సాధ్యం కావడం లేదు. అందుకే ఒకేరోజు పెద్ద మొత్తంలో బంగారం కొనే బదులు, మీ బడ్జెట్‌కు తగ్గట్టు ప్లాన్ చేసుకోవడం చాలా ముఖ్యం. ముఖ్యంగా పండుగ హడావిడిలో కొనేటప్పుడు, కేవలం బంగారం ధర మాత్రమే కాకుండా అదనపు ఛార్జీలను కూడా మీరు తప్పక లెక్కేసుకోవాలి. ఆఫర్లు చూసి మోసపోకండి. చెక్ చేసుకుని వెళ్లండి.

మీరు బంగారు నగలు కొనేటప్పుడు కేవలం బంగారం ధర మాత్రమే చెల్లించరు. తరుగు, మజూరీతో పాటు జీఎస్టీ కూడా పడుతుంది. దీనివల్ల అసలు ధర కంటే మీరు కట్టే మొత్తం చాలా ఎక్కువగా ఉంటుంది. నగల డిజైన్, పనితనం, షాపును బట్టి ఈ ఛార్జీలు మారుతుంటాయి. అందుకే జేబులో డబ్బులు పెట్టుకుని షాపుకు వెళ్లే ముందే.. బంగారం ధర, తరుగు, మజూరీ, పన్నుల వివరాలను విడివిడిగా అడిగి తెలుసుకోండి. అప్పుడే మీ జేబులోంచి ఎంత డబ్బు పోతుందో మీకు క్లారిటీ వస్తుంది.

బంగారం కొనాలంటే ఒకేరోజు పెద్ద మొత్తంలో కొనాల్సిన అవసరం లేదు. కొద్దికొద్దిగా చిన్న మొత్తాల్లో కొనుక్కుంటే ధరల హెచ్చుతగ్గుల టెన్షన్ ఉండదు. చేతిలో బంగారం ఉండాలనుకునే వాళ్లు నగలకు బదులుగా హాల్‌మార్క్ ఉన్న బంగారు నాణేలు లేదా బిస్కెట్లు కొనడం గురించి ఆలోచించవచ్చు. వీటిపై నగల లాగా తరుగు, మజూరీ ఛార్జీలు పడవు. అయితే కొనేముందు షాపు వాళ్లు వేసే ఛార్జీలు, స్వచ్ఛత, హాల్‌మార్క్, తిరిగి అమ్మితే ఎంత వస్తుందనే విషయాలను మీరు కచ్చితంగా చెక్ చేసుకోవాలి.

బంగారాన్ని ఒక పెట్టుబడిగా చూసేవాళ్లు కేవలం నగలే కొనాల్సిన పనిలేదు. గోల్డ్ ఈటీఎఫ్‌ల (Gold ETFs) ద్వారా కూడా మీరు పెట్టుబడి పెట్టొచ్చు. కొన్ని స్కీమ్స్‌లో నెలకు రూ.500 లేదా రూ.1,000 లాంటి చిన్న మొత్తాలతో సిప్ (SIP) చేసే సదుపాయం ఉంటుంది. దీనివల్ల ఇంట్లో బంగారాన్ని దాచుకునే రిస్క్ తప్పుతుంది. అయితే ఇలాంటి పెట్టుబడులకు మార్కెట్ రిస్క్, ఛార్జీలు, నిబంధనలు ఉంటాయి. కాబట్టి డబ్బులు పెట్టేముందు వాటి గురించి మీరు పూర్తిగా తెలుసుకోవాలి. అందరికీ ఒకే పద్ధతి సెట్ అవ్వదు, మీ అవసరానికి తగ్గట్టు సరైన దాన్ని ఎంచుకోండి.

ఈ దీపావళికి మీరు బంగారం కొనాలని ప్లాన్ చేసుకుంటే, ముందుగా మీ బడ్జెట్ ఎంత ఉందో లెక్కేసుకోండి. నగల డిజైన్ చూసి మురిసిపోయే బదులు, దానికి మొత్తం ఎంత ఖర్చవుతుందో తెలుసుకోవడం చాలా ముఖ్యం. ఒకేసారి ఎక్కువ డబ్బులు పెట్టే బదులు, అవసరాన్ని బట్టి కొద్దిగా కొనడం లేదా ఇతర గోల్డ్ స్కీమ్స్‌లో పెట్టుబడి పెట్టడం గురించి ఆలోచించండి. ముఖ్యంగా బంగారం ధరలు మండిపోతున్న ఈ టైమ్‌లో తొందరపడి నిర్ణయాలు తీసుకోకండి. ప్రతి ఛార్జీని బేరీజు వేసుకున్నాకే కొంటే మీ జేబుకు చిల్లు పడకుండా ఉంటుంది.

Ear Cuff Jhumka:చీరలు,లెహంగా మీదకు గ్రాండ్ లుక్ ఇచ్చే ఇయర్ కఫ్ జుంకాలు

ramya Sridhar — Tue, 29 Sep 2026 15:38:32 +0530

Jhumka: చీరలు, లెహంగాలు ధరించినప్పుడు కాస్త హెవీ జుంకాలు పెట్టుకుంటే మీ లుక్ అదిరిపోతుంది. అయితే, నార్మల్ జుంకాలు కాకుండా, మీ లుక్ ని మరింత స్పెషల్ గా మార్చే ఈ ఇయర్ కఫ్ జుంకాలు ట్రై చేయండి. మరింత అందంగా కనిపిస్తారు.

Sivakarthikeyan Salary: మాట్లాడుకున్న దానికంటే డబుల్ డిమాండ్‌ చేసిన శివకార్తికేయన్‌.. దెబ్బకి నిర్మాత షాక్‌

Aithagoni Raju — Tue, 29 Sep 2026 15:32:32 +0530

Sivakarthikeyan Salary: కోలీవుడ్ స్టార్ హీరో శివకార్తికేయన్ తన కొత్త సినిమా 'SK 27' కోసం రెమ్యునరేషన్ అమాంతం పెంచేశాడనే వార్త ఇప్పుడు ఇండస్ట్రీలో హాట్ టాపిక్ గా మారింది. నిర్మాత షాక్‌లో ఉన్నాడట.

విజయ్ టీవీలో యాంకర్ గా కెరీర్ మొదలుపెట్టిన శివకార్తికేయన్, ఆ తర్వాత సినిమాల్లో చిన్న చిన్న రోల్స్ చేశాడు. 'మెరీనా' సినిమాతో హీరోగా మారాడు. 'మనం కొత్తి పరావై', 'వరుత్తపడాత వాలిబర్ సంగం' లాంటి హిట్స్ తో తమిళ్ ఇండస్ట్రీలో తనకంటూ ఒక క్రేజ్ తెచ్చుకున్నాడు. ఆ తర్వాత వచ్చిన 'రజినీ మురుగన్' కూడా సూపర్ హిట్ అవ్వడంతో శివకార్తికేయన్ మార్కెట్ అమాంతం పెరిగిపోయింది. టాప్ హీరోల లిస్ట్ లోకి చేరిన ఈ స్టార్, చాలా తక్కువ టైమ్ లోనే తన పారితోషికం కూడా భారీగా పెంచేశాడని ఇండస్ట్రీలో టాక్.

శివకార్తికేయన్ సినిమాలు, రెమ్యూనరేషన్‌ విషయంలో అప్పుడప్పుడు కొన్ని విమర్శలు కూడా వినిపిస్తుంటాయి. ఒక సినిమా ఓకే చేశాక షూటింగ్ లేట్ చేయడం, ఒక ప్రొడ్యూసర్ కి డేట్స్ ఇచ్చి వేరే సినిమాలపై ఫోకస్ చేయడం లాంటి ఆరోపణలు ఆయనపై ఉన్నాయి. ప్రస్తుతం శివకుమార్ మురుగేశన్ డైరెక్షన్ లో సేయోన్ అనే సినిమా చేస్తున్నాడు శివకార్తికేయన్. దీని తర్వాత సత్యజ్యోతి ఫిల్మ్స్ బ్యానర్ లో 'పార్కింగ్' ఫేమ్ రామ్ కుమార్ బాలకృష్ణన్ డైరెక్షన్ లో ఒక సినిమా చేయబోతున్నాడు.

రీసెంట్ గా ఈ కొత్త సినిమా పూజా కార్యక్రమాలు జరిగాయి. సత్యజ్యోతి ఫిల్మ్స్ అధినేత త్యాగరాజన్ కూడా దీనికి వచ్చారు. కానీ, ఆయన మొహంలో పెద్దగా ఉత్సాహం కనిపించలేదు. దీని వెనుక శివకార్తికేయన్ రెమ్యూనరేషన్‌ కి సంబంధించి గతంలో జరిగిన కొన్ని విషయాలే కారణమని కోలీవుడ్ లో గుసగుసలు వినిపిస్తున్నాయి.

నిజానికి సత్యజ్యోతి ఫిల్మ్స్ బ్యానర్ లో వెంకట్ ప్రభు డైరెక్షన్ లో శివకార్తికేయన్ ఒక సినిమా చేయాల్సింది. ఆ సినిమా కోసం మొదట రూ.35 కోట్లు రెమ్యునరేషన్ మాట్లాడుకున్నారట. కానీ, తన ప్రస్తుత మార్కెట్ ని బట్టి రూ.60 కోట్లు కావాలని శివకార్తికేయన్ టీమ్ డిమాండ్ చేసిందట. దీంతో ప్రొడక్షన్ హౌస్ కి అదనంగా రూ.25 కోట్ల భారం పడిందని సమాచారం.

అంతేకాదు, ఆ ప్రాజెక్ట్ ఒక సైన్స్ ఫిక్షన్ మూవీగా ప్లాన్ చేశారు. దానికి సంబంధించిన వీఎఫ్ఎక్స్, టెక్నికల్ వర్క్స్ కోసం అమెరికా లాంటి దేశాల్లో పనులు కూడా మొదలయ్యాయి. దీనికోసం ప్రొడ్యూసర్ అప్పటికే భారీగా ఖర్చు చేశారని తెలుస్తోంది.

అయితే, వెంకట్ ప్రభుతో చేయాల్సిన ఆ ప్రాజెక్ట్ ఆగిపోయిందని టాక్. ఇప్పుడు రామ్ కుమార్ బాలకృష్ణన్ డైరెక్షన్ లో కొత్త సినిమా అనౌన్స్ చేశారు. డైరెక్టర్ మారడం, అప్పటికే పెట్టిన ఖర్చు వృధా అవ్వడంతో ప్రొడ్యూసర్ అసంతృప్తిగా ఉన్నారని 'వలై పేచ్చు' యూట్యూబ్ ఛానెల్ లో చెప్పారు.

సినిమా మొదట్లో మాట్లాడుకున్న దానికంటే మధ్యలో రెమ్యూనరేషన్‌ పెంచడం శివకార్తికేయన్ కి కొత్తేమీ కాదని ఇండస్ట్రీ వర్గాలు అంటున్నాయి. 'రజినీ మురుగన్' సినిమాకి మొదట రూ.1 కోటి మాట్లాడుకుని, షూటింగ్ టైమ్ కి దాన్ని రూ.5 కోట్లకు పెంచేశాడట. అలాగే 'మిస్టర్ లోకల్' సినిమాకి కూడా ఫస్ట్ రూ.1 కోటి ఫిక్స్ చేసుకుని, తన మార్కెట్ పెరిగిందని చెప్పి ఏకంగా రూ.10 కోట్లు తీసుకున్నాడని టాక్.

Divorce Survey: విడాకుల తర్వాత మెమోరీస్ దాచుకుంటున్నారట.. మాజీ భాగస్వాములతో హద్దులపై కొత్త సర్వే

Nandini Arava — Tue, 29 Sep 2026 15:16:49 +0530

Divorce Survey: విడాకుల తర్వాత పెళ్లి ఫొటోలు ఏం చేస్తారు? మాజీ భాగస్వామితో అన్ని సంబంధాలు తెంచుకోవాల్సిందేనా? డివోర్స్ తర్వాత కొత్త జీవితాన్ని ప్రారంభించే సమయంలో మాజీతో ఎలా ఉండాలనే అంశంపై ఓ కొత్త సర్వేలో ఆసక్తికర విషయాలు బయటపడ్డాయి.

విడాకులు తీసుకున్న తర్వాత పాత జ్ఞాపకాలను పూర్తిగా చెరిపేయాల్సిందేనా? మాజీ భాగస్వామితో సంబంధాలు తెంచుకోవాల్సిందేనా? దీనిపై తాజాగా నిర్వహించిన ఓ సర్వేలో ఆసక్తికర విషయాలు వెలుగులోకి వచ్చాయి. విడాకులు తీసుకున్న 10 మందిలో 7 మంది ఇప్పటికీ తమ పెళ్లి ఫొటోలను దాచుకుంటున్నట్లు సర్వే వెల్లడించింది.

భారత్‌కు చెందిన మ్యాచ్మేకింగ్ యాప్ Rebounce ఈ సర్వే నిర్వహించింది. 30 నుంచి 40 ఏళ్ల మధ్య వయసున్న, కనీసం రెండేళ్ల క్రితం విడాకులు తీసుకున్న 9,283 మంది ఇందులో పాల్గొన్నారు. మాజీ భాగస్వామితో హద్దులు, పాత జ్ఞాపకాలు, కొత్త సంబంధాల్లో ఎదురయ్యే సమస్యలపై వారి అభిప్రాయాలను సేకరించారు.

సర్వే ప్రకారం.. మాజీ భాగస్వామితో పూర్తిగా సంబంధాలు తెంచుకోవడమనే అభిప్రాయం సరైంది కాదని 35 ఏళ్లు పైబడిన విడాకులు తీసుకున్న వారిలో 47 శాతం మంది చెప్పారు. ముఖ్యంగా పిల్లలు ఉన్నప్పుడు మాజీ భాగస్వామితో పూర్తిగా సంబంధాలు తెంచుకోవడం సాధ్యం కాకపోవచ్చు. దాదాపు 31 శాతం మంది మాజీ భాగస్వామితో అప్పుడప్పుడు మాట్లాడుతున్నట్లు తెలిపారు. పిల్లల స్కూల్ కార్యక్రమాలు, ఆస్తి లేదా చట్టపరమైన విషయాలు, కుటుంబ సంబంధాలే ఇందుకు ప్రధాన కారణాలుగా ఉన్నాయని సర్వే పేర్కొంది.

ఇక పెళ్లి ఫొటోల విషయానికి వస్తే.. 70 శాతం మంది వాటిని ఇప్పటికీ తమ వద్ద ఉంచుకున్నట్లు తెలిపారు. అయితే ఫొటోలు దాచుకోవడం అంటే పాత వివాహ బంధాన్ని కొనసాగించాలనే ఉద్దేశం కాదని సర్వే అభిప్రాయపడింది. ముఖ్యంగా పిల్లలు, కుటుంబ జ్ఞాపకాలు, కలిసి గడిపిన సంవత్సరాలకు సంబంధించిన రికార్డుగా వాటిని ఉంచుకునే అవకాశం ఉందని పేర్కొంది.

అలాగే 30 నుంచి 40 ఏళ్ల మధ్య ఉన్న విడాకులు తీసుకున్నవారిలో 36 శాతం మంది గతంలోని కొన్ని ప్రదేశాలు, వేడుకలు, జ్ఞాపకాలపై ఇప్పటికీ సానుకూల భావన ఉందని చెప్పారు. అయితే అవి తమ ప్రస్తుత సంబంధంపై ప్రభావం చూపడం లేదని తెలిపారు.

విడాకుల తర్వాత మాజీ భాగస్వామితో ఎలా ఉండాలనే విషయంలో అందరికీ ఒకే నియమం వర్తించదు. పిల్లలు, కుటుంబం, ఆస్తులు, గత బంధం వంటి పరిస్థితులను బట్టి హద్దులు మారుతుంటాయి. ముఖ్యంగా కొత్త సంబంధంపై పాత బంధం ప్రభావం చూపకుండా ఉండటమే ప్రధాన అంశంగా సర్వే పేర్కొంది.

Post Office: ప్ర‌ధాని మోదీ కూడా ఈ ప‌థ‌కంలో పెట్టుబ‌డి పెడుతున్నారు.. మీరు కూడా ట్రై చేస్తారా.?

Narender Vaitla — Tue, 29 Sep 2026 14:54:43 +0530

Post Office: డబ్బును భద్రంగా దాచుకోవాలని భావించే వారికి పోస్టాఫీస్ పొదుపు పథకాలు ఒక ఎంపికగా నిలుస్తాయి. ఇందులో నేషనల్ సేవింగ్స్ సర్టిఫికేట్ (NSC) ఒకటి. ఈ పథకంలో ప్రధానమంత్రి నరేంద్ర మోదీ కూడా పెట్టుబడి పెట్టినట్లు ఎన్నికల అఫిడవిట్‌లో వెల్లడించారు.

నేషనల్ సేవింగ్స్ సర్టిఫికేట్ అనేది పోస్టాఫీస్ ద్వారా అందించే చిన్న పొదుపు పథకం. మార్కెట్‌ ఆధారిత పెట్టుబడులతో పోలిస్తే ఇందులో రాబడిపై మార్కెట్ హెచ్చుతగ్గుల ప్రభావం ఉండదు. మధ్యకాలానికి కొంత మొత్తాన్ని భద్రంగా దాచుకోవాలనుకునే వారికి ఇది ఒక ఎంపికగా ఉంటుంది. ఈ పథకంలో కనీసం రూ.1,000తో పెట్టుబడి ప్రారంభించవచ్చు. ఆ తర్వాత రూ.100 చొప్పున పెట్టుబడి పెంచుకునే అవకాశం ఉంటుంది. గరిష్ఠ పెట్టుబడి పరిమితి లేదు. అయితే NSCలో పెట్టిన మొత్తాన్ని సాధారణంగా 5 సంవత్సరాల మెచ్యూరిటీ వరకు కొనసాగించాల్సి ఉంటుంది.

ప్రస్తుతం NSCపై ఏడాదికి 7.7 శాతం వడ్డీ లభిస్తోంది. ఇందులో వడ్డీకి చక్రవడ్డీ ప్రయోజనం ఉంటుంది. అయితే వడ్డీ మొత్తాన్ని మధ్యలో చేతికి ఇవ్వకుండా మెచ్యూరిటీ సమయంలో అసలు మొత్తంతో కలిపి చెల్లిస్తారు. ఉదాహరణకు రూ.5 లక్షలను NSCలో ఐదేళ్ల కాలానికి పెట్టుబడి పెడితే.. మెచ్యూరిటీ సమయంలో సుమారు రూ.7,24,517 అందుతుంది. అంటే పెట్టిన రూ.5 లక్షలపై సుమారు రూ.2,24,517 వడ్డీ రూపంలో లభిస్తుంది. వడ్డీ రేట్లు ప్రభుత్వం నిర్ణయిస్తుండటంతో భవిష్యత్తులో మారే అవకాశం ఉంటుందని గుర్తుంచుకోవాలి.

NSCలో పెట్టుబడి పెట్టేవారికి పన్ను ప్రయోజనం కూడా ఉంటుంది. పాత పన్ను విధానాన్ని ఎంచుకున్న వారికి ఆదాయపు పన్ను చట్టంలోని సెక్షన్ 80C కింద అర్హత ఉన్న పెట్టుబడులపై మొత్తం రూ.1.5 లక్షల వరకు మినహాయింపు పొందే అవకాశం ఉంటుంది. NSCలో ప్రతి సంవత్సరం వచ్చే వడ్డీని తిరిగి పెట్టుబడిగా పరిగణిస్తారు. అందువల్ల మొదటి నాలుగు సంవత్సరాల వడ్డీని కొన్ని నిబంధనల ప్రకారం 80C కింద పన్ను ప్రయోజనం కోసం పరిగణించే అవకాశం ఉంటుంది. అయితే NSC వడ్డీపై ప్రత్యేక పన్ను మినహాయింపు లేదని గుర్తుంచుకోవాలి. పన్ను ప్రయోజనం పొందాలంటే పాత పన్ను విధానంలోని అర్హతలు వర్తిస్తాయి.

ప్రధాని నరేంద్ర మోదీ ఎన్నికల అఫిడవిట్‌లో వెల్లడించిన ఆస్తులు, పెట్టుబడుల వివరాల్లో NSC కూడా ఉంది. 2019 ఎన్నికల సమయంలో ఈ ప‌థ‌కంలో రూ. 7.61 ల‌క్ష‌లున్న‌ట్లు మోదీ ప్ర‌క‌టించారు. ఈ లెక్క‌న ప్ర‌స్తుతం ఆ మొత్తం సుమారు రూ. 9 ల‌క్ష‌లకు చేరి ఉంటుంది. ఎలాంటి రిస్క్ లేకుండా రిట‌ర్న్స్ పొందాల‌నుకునే వారికి ఈ ప‌థ‌కం మంచి ఆప్ష‌న్‌గా చెప్పొచ్చు. ఈ ప‌థ‌కంలో పెట్టుబ‌డి పెట్టే ముందు స్థానికంగా మీకు స‌మీపంలో ఉన్న పోస్టాఫీస్ సంప్ర‌దించండి.

Mutton: చలికాలంలోనే మటన్ ఎందుకు ఎక్కువ రుచిగా ఉంటుంది..? అసలు కారణం ఇదే..!

ramya Sridhar — Tue, 29 Sep 2026 14:12:02 +0530

Mutton: మీరు ఎప్పుడైనా గమనించారా? ఎండాకాలంతో పోలిస్తే.. చలికాలంలో మటన్ కర్రీ రుచి కాస్త ఎక్కువగా ఉంటుంది. దీని వెనక ఉన్న కారణం ఏంటో తెలుసా? వాతావరణాన్ని బట్టి.. కూరు రుచి మారుతుందా?

నాన్ వెజ్ ప్రియులకు మటన్ అంటే ఎంత ఇష్టం ఉంటుందో స్పెషల్ గా చెప్పక్కర్లేదు. అయితే.. మీరు ఎప్పుడైనా గమనించారా? వేరే సీజన్ లో కంటే చలికాలంలో మటన్ కర్రీ రుచి చాలా ఎక్కువగా ఉంటుంది. మనం ఎప్పుడూ వండేలా వండినా కూడా.. చలికాలంలోనే కూర రుచి ఎలా పెరుగుతుంది? కేవలం రుచి మాత్రమే కాదు.. చలికాలంలో మటన్ తినడం వల్ల ఎక్కువ ప్రయోజనాలు కలుగుతాయా? దీని వెనక కారణాలు ఏంటో ఇప్పుడు చూద్దాం...

చలికాలంలో శరీరం సహజంగానే వేడిని కోరుకుంటుంది. మటన్ లో ఉండే ప్రోటీన్లు, కొవ్వు పదార్థాలు శరీరాన్ని లోపల నుంచి వెచ్చగా ఉంచడానికి సహాయపడతాయి. అందువల్ల, వేడి వేడి మటన్ కర్రీ తిన్నప్పుడు చాలా సంతృప్తి కలిగిస్తుంది.

మసాలా దినుసుల మ్యాజిక్: మటన్ వంటకాల్లో సాధారణంగా మిరియాలు, లవంగాలు, దాల్చినచెక్క, ఇలాంటి వేడి చేసే మసాలాలు వాడతారు. ఇవి శరీరంలో రక్తప్రసరణను మెరుగుపరిచి ఉష్ణోగ్రతను పెంచుతాయి. చలికాలంలో ఈ మసాలాల సువాసనలు మటన్‌కు మరింత అద్భుతమైన రుచిని ఇస్తాయి. అంతేకాదు.. మటన్ ని ఎప్పుడూ నెమ్మదిగా ఉడికించాలి. దాని వల్ల కూడా రుచి రుచి పెరుగుతుంది. మటన్ మెత్తగా ఉడికి, పూర్తి రుచులు పట్టడానికి ఎక్కువ సమయం పడుతుంది. చలికాలంలో వంటగది లో వేడి ఎక్కువగా ఉండదు. కాబట్టి, వంట పూర్తవ్వడానికి ఎక్కువ సమయం పడుతుంది. ఫలితంగా కూర రుచి కూడా పెరుగుతుంది.

అంతేకాకుండా, కోడిమాంసంతో పోలిస్తే మటన్‌లో కొవ్వు కొంచెం ఎక్కువగా ఉంటుంది. చల్లటి వాతావరణం వల్ల ఆ కొవ్వు గడ్డకట్టకుండా గ్రేవీకి చక్కటి సిల్కీ టెక్చర్‌ను ఇస్తుంది. అందుకే చలికాలంలో మటన్ గ్రేవీ జిడ్డుగా అనిపించకుండా ఎంతో కమ్మగా నోట్లో కరిగిపోతుంది.

శరీరానికి శక్తి , వెచ్చదనం: చలికాలంలో శరీరం సహజంగానే వేడిని కోరుకుంటుంది, మటన్‌లో ఉండే అధిక ప్రొటీన్లు , కొవ్వులు శరీరాన్ని లోపల నుంచి వెచ్చగా ఉంచడానికి, శక్తిని అందించడానికి సహాయపడతాయి.

రోగనిరోధక శక్తి పెరుగుదల: మటన్‌లో విటమిన్ బి12, జింక్ , ఐరన్ వంటి పోషకాలు పుష్కలంగా ఉంటాయి, ఇవి రోగనిరోధక శక్తిని బలోపేతం చేసి చలికాలంలో వచ్చే అనారోగ్యాల నుండి రక్షిస్తాయి.

కండరాల బలం: మటన్‌లోని హై-క్వాలిటీ ప్రొటీన్లు కండరాల నిర్మాణానికి, శరీర దారుఢ్యానికి , కణజాలాల మరమ్మతుకు ఎంతగానో సహాయపడతాయి.

రక్తహీనత నివారణ: ఇందులో ఉండే ఐరన్ , విటమిన్స్ రక్తంలో హిమోగ్లోబిన్ శాతాన్ని పెంచి, రక్తహీనత సమస్యను నివారించడంలో తోడ్పడతాయి.

నాడీ వ్యవస్థ పనితీరు: మటన్‌లో ఉండే విటమిన్ బి కాంప్లెక్స్ నరాల వ్యవస్థను ఆరోగ్యంగా ఉంచడానికి, మెదడు చురుగ్గా పనిచేయడానికి సహాయపడుతుంది.

Jowar Roti: జొన్న రొట్టె రోజూ తింటున్నారా? అయితే ఈ తప్పులు అస్సలు చేయకండి!

Kavitha G — Tue, 29 Sep 2026 14:07:30 +0530

Jowar Roti: ప్రస్తుతం చాలామంది అన్నం, చపాతీలకు బదులు జొన్న రొట్టె తింటున్నారు. అయితే జొన్న రొట్టె తినడం ఆరోగ్యానికే మంచిదే అయినప్పటికీ.. కొన్ని విషయాల్లో జాగ్రత్త అవసరం అంటున్నారు నిపుణులు. మరి రోజూ జొన్న రొట్టె తినేవారు చేయకూడని తప్పులేంటో చూద్దాం.

ప్రస్తుతం ఆరోగ్యంపై అవగాహన పెరగడంతో చాలామంది చిరు ధాన్యాల వైపు మొగ్గు చూపుతున్నారు. ముఖ్యంగా జొన్న రొట్టెను రోజువారీ ఆహారంలో భాగం చేసుకుంటున్నారు. అయితే జొన్న రొట్టె ఆరోగ్యకరమైనదే కాబట్టి, ఎలా తిన్నా మంచిదేనని భావించడం కరెక్ట్ కాదు. జొన్న రొట్టె తయారీ విధానం, తినే పరిమాణం, దాంతో కలిపి తీసుకునే పదార్థాల విషయంలో జాగ్రత్త అవసరం. మరి జొన్న రొట్టె తినేటప్పుడు చేయకూడని తప్పులేంటో ఇక్కడ తెలుసుకుందాం.

జొన్నలో కార్బోహైడ్రేట్లు, కొంత ప్రోటీన్, ఫైబర్ వంటి పోషకాలు ఉంటాయి. అయినప్పటికీ ఇది కూడా ధాన్యంతో తయారైన ఆహారమే కాబట్టి ఎంత ఎక్కువ తింటే అంత ఆరోగ్యం అనే భావన సరైంది కాదు. రోజంతా తీసుకునే మొత్తం ఆహారం, శారీరక శ్రమ, వయసు, వ్యక్తిగత పోషక అవసరాలను బట్టి పరిమాణాన్ని నిర్ణయించుకోవడం మంచిది. ముఖ్యంగా బరువు లేదా రక్తంలో చక్కెర స్థాయిలను నియంత్రించుకోవాలని ప్రయత్నిస్తున్న వారు మోతాదుకు మించి తినకూడదు.

రొట్టెను మృదువుగా లేదా రుచిగా చేయడానికి కొద్దిగా నూనె లేదా నెయ్యి వేసుకోవచ్చు. కానీ రొట్టెపై ఎక్కువగా నెయ్యి, వెన్న రాసుకుని తినడం మంచిదికాదు. ఇలా చేస్తే భోజనంలో మొత్తం కేలరీలు గణనీయంగా పెరిగే అవకాశం ఉంటుంది. అందుకే రుచితో పాటు పరిమాణాన్ని కూడా దృష్టిలో పెట్టుకోవాలి. జొన్న రొట్టెను కూర, పప్పు, పెరుగు వంటి సమతుల్యమైన ఆహార పదార్థాలతో కలిపి తీసుకోవడం ఉత్తమం.

జొన్న రొట్టె తింటున్నప్పుడు కూరగాయలను పూర్తిగా పక్కన పెట్టడం కూడా మంచిది కాదు. కొందరు రొట్టెలను మాత్రమే ఎక్కువగా తీసుకుని, కూరలు లేదా ఇతర పోషక పదార్థాలను చాలా తక్కువగా తీసుకుంటారు. ఒకే రకమైన ఆహారంపై ఆధారపడకుండా భోజనంలో వివిధ రకాల కూరగాయలు, పప్పులు లేదా ఇతర ప్రోటీన్ వనరులు ఉండేలా చూసుకోవాలి.

జొన్న పిండిని సరిగ్గా నిల్వ చేయకపోతే దాని నాణ్యత, రుచి ప్రభావితమయ్యే అవకాశం ఉంటుంది. ముఖ్యంగా వేడి, తేమ ఎక్కువగా ఉండే ప్రదేశాల్లో పిండిని జాగ్రత్తగా ఉంచాలి. అవసరానికి సరిపడా పిండిని మాత్రమే తయారు చేసుకుని, గాలి చొరబడని డబ్బాలో నిల్వ చేయడం మంచిది. పిండి వాసన, రంగు లేదా రుచిలో అసాధారణ మార్పులు కనిపిస్తే వాడకపోవడం మంచిది.

జొన్న పిండిలో గోరువెచ్చని నీటిని సరైన విధంగా కలపడం ద్వారా రొట్టెను మెత్తగా, ఈజీగా తయారు చేయవచ్చు. చాలా గట్టిగా లేదా పొడిగా ఉండే రొట్టెలు తినడం కొందరికి కష్టంగా అనిపించవచ్చు. రొట్టెను సరిగ్గా కాల్చుకోవడం కూడా ముఖ్యం. అలాగే జొన్న రొట్టెను ప్రతిరోజూ తింటున్నామంటే ఇతర ధాన్యాలను పూర్తిగా మానేయాల్సిన అవసరం లేదు. ఒకే ఆహారాన్ని ప్రతిరోజూ తప్పనిసరిగా తీసుకోవడం కంటే, ఆహారంలో వైవిధ్యం ఉండేలా చూసుకోవడం మంచిది.

జీవితాంతం ఒక్కచుక్క కూడా నీరు తాగని ప్రాణి ఏదో తెలుసా? ఇది ఎలా బ్రతుకుతుంది?

Arun Kumar P — Tue, 29 Sep 2026 13:47:54 +0530

మనకు దాహం వేయగానే నీళ్లు దొరకకుంటే ఉక్కిరిబిక్కిరి అయిపోతాం. ఎండాాకాలంలో అయితే లీటర్ల కొద్ది నీళ్లు తాగుతుంటాం. అయితే ఎడారిలో ఎండల్లో కనిపించే ఓ జీవి బ్రతికున్నంతకాలం ఒక్కచుక్క మంచినీరు తాగదట. ఇంతకీ ఆ జీవి ఏదో తెలుసా?

నీరు లేకుండా మనిషి కొన్ని రోజులు కూడా జీవించడం కష్టం. ఎండలు మండిపోయే ఎడారిలో అయితే నీరు లేకుండా జీవించడం దాదాపు అసాధ్యమే అనిపిస్తుంది. కానీ ప్రకృతిలో కొన్ని జీవులు మన ఊహకు అందని విధంగా తమ శరీరాలను మార్చుకుని కఠినమైన పరిస్థితుల్లోనూ బతుకుతున్నాయి. అలాంటి అద్భుతమైన జీవుల్లో కంగారు ఎలుక ఒకటి. పేరులో ఎలుక ఉన్నప్పటికీ ఇది మన ఇళ్లలో కనిపించే సాధారణ ఎలుకలాంటిది కాదు. వెనుక కాళ్లపై కంగారూలా గెంతుతూ తిరిగే ఈ చిన్న జీవి.. నీటి కొరత తీవ్రంగా ఉండే ఎడారుల్లో జీవిస్తుంది.

అన్నింటికంటే ఆశ్చర్యకరమైన విషయం ఏమిటంటే… కొన్ని కంగారు ఎలుక జాతులకు తాగునీరు అవసరమే ఉండదు. ఎడారిలో ఎక్కడ నీరు దొరుకుతుందా అని వెతుక్కోవడం బదులు.. తినే విత్తనాల నుంచే అవసరమైన నీటిని పొందుతూ జీవిస్తాయి. అంతేకాదు, శరీరంలోకి వచ్చిన కొద్దిపాటి నీరు కూడా బయటకు పోకుండా అనేక ప్రత్యేకమైన శారీరక లక్షణాలు వీటికి ఉన్నాయి.

కంగారు ఎలుకలు ప్రధానంగా ఉత్తర అమెరికాలోని పొడి, ఎడారి, అర్ధ ఎడారి ప్రాంతాల్లో కనిపిస్తాయి. అమెరికా పశ్చిమ ప్రాంతాలు, మెక్సికోలోని కొన్ని ప్రాంతాలు వీటి నివాస ప్రాంతాలు. కొన్ని జాతులు కెనడాలోని పొడి గడ్డి భూముల వరకు కూడా విస్తరించాయి. సాధారణంగా ఇసుక ఎక్కువగా ఉండే ఎడారి ప్రాంతాలు, ఇసుక దిబ్బల పరిసరాలు, తక్కువ వృక్షసంపద ఉన్న పొడి ప్రాంతాల్లో ఇవి కనిపిస్తాయి. ఇసుకలో వేగంగా పరుగెత్తడం సాధ్యంకాదు కాబట్టి కంగారులా మాదిరిగా గెంతుతుంటాయి... ఇందుకు అనుకూలంగా ఈ వీటి వెనక కాల్లు, తోక బలంగా ఉంటాయి.

ముఖ్యంగా మెరియం కంగారు ఎలుక (Merriam's kangaroo rat), ఆర్డ్స్ కంగారు ఎలుక (Ord's kangaroo rat) వంటి జాతులు ఎడారి వాతావరణానికి బాగా అలవాటుపడ్డాయి. ఇవి పగటి సమయంలో భూమి లోపల తవ్వుకున్న బొరియల్లో ఉంటాయి. రాత్రి ఉష్ణోగ్రతలు తగ్గిన తర్వాత బయటకు వచ్చి ఆహారం కోసం తిరుగుతాయి. ఇలా పగటి వేడి నుంచి తప్పించుకోవడం ద్వారా శరీరం నుంచి నీరు ఆవిరైపోయే ప్రమాదాన్ని తగ్గించుకుంటాయి.

ఇక్కడే కంగారు ఎలుకల అసలు ప్రత్యేకత ఉంది. వీటి ప్రధాన ఆహారం పొడి విత్తనాలు. బయటకు చూస్తే వాటిలో నీటి శాతం చాలా తక్కువగా ఉంటుంది. అయినప్పటికీ శరీరం ఆహారంలోని పోషకాలను విచ్ఛిన్నం చేసే సమయంలో మెటబాలిక్ వాటర్ (Metabolic Water) అనే నీరు ఉత్పత్తి అవుతుంది.

ముఖ్యంగా విత్తనాల్లోని కార్బోహైడ్రేట్లను శరీరం ఆక్సీకరణం చేసినప్పుడు నీరు ఏర్పడుతుంది. అందువల్ల బయట నుంచి నీరు తాగకపోయినా, ఆహారం జీర్ణం కావడం ద్వారా శరీరానికి అవసరమైన నీటిలో గణనీయమైన భాగం లభిస్తుంది. కొన్ని అధ్యయనాలు కంగారు ఎలుకలు పొడి విత్తనాల ఆధారంగానే నీటి అవసరాలను తీర్చుకోగలవని చూపించాయి.

శరీరంలోని నీటిని వృథా చేయకుండా జాగ్రత్త

కేవలం ఆహారం ద్వారా నీటిని పొందడం మాత్రమే కంగారు ఎలుకల ప్రత్యేకత కాదు. శరీరంలోకి వచ్చిన నీటిని వీలైనంత ఎక్కువగా నిలుపుకోవడం కూడా వీటి జీవన విధానంలో కీలకమైన భాగం. వీటి మూత్రపిండాలు నీటిని చాలా సమర్థంగా సంరక్షిస్తాయి. చాలా తక్కువ నీటితోనే వ్యర్థాలను బయటకు పంపేలా అత్యంత సాంద్రమైన మూత్రాన్ని ఉత్పత్తి చేయగలవు. అలాగే మలంలోనూ నీటి నష్టం తక్కువగా ఉంటుంది. ఈ విధంగా శరీరంలోకి వచ్చిన ప్రతి చుక్కను సాధ్యమైనంత సమర్థంగా ఉపయోగించుకుంటాయి.

ముక్కుతో కూడా నీటిని కాపాడుకుంటాయి

కంగారు ఎలుకల్లో మరో అద్భుతం వాటి ముక్కులోని ప్రత్యేక నిర్మాణం. శ్వాస సమయంలో శరీరం నుంచి తేమ బయటకు వెళ్లే అవకాశం ఉంటుంది. అయితే వీటి ముక్కులోని సన్నని, వంకరగా ఉండే మార్గాలు బయటకు వెళ్లే గాలిని చల్లబరచడంలో సహాయపడతాయి. దీంతో శ్వాస ద్వారా కోల్పోయే నీటి పరిమాణం తగ్గుతుంది. అంటే ఒకవైపు ఆహారాన్ని జీర్ణం చేయడం ద్వారా నీటిని తయారు చేసుకుంటూ.. మరోవైపు మూత్రం, మలం, శ్వాస ద్వారా నీరు బయటకు పోకుండా శరీరం జాగ్రత్త పడుతుంది. ఈ రెండు లక్షణాల కలయికే ఎడారిలో వాటి మనుగడకు ఎంతో కీలకం.

ఎడారిలో పగటి సమయంలో ఉష్ణోగ్రతలు చాలా ఎక్కువగా ఉంటాయి. ఆ సమయంలో బయట తిరిగితే శరీరం వేడెక్కడంతో పాటు నీటి నష్టం కూడా పెరుగుతుంది. అందుకే కంగారు ఎలుకలు ఎక్కువగా రాత్రిపూట చురుగ్గా ఉంటాయి. పగటిపూట చల్లగా ఉండే భూగర్భ బొరియల్లో దాక్కుంటాయి. రాత్రి బయటకు వచ్చి విత్తనాలను సేకరిస్తాయి.

ఇవి సేకరించిన విత్తనాలను తమ బొరియల్లో నిల్వ చేసుకోవడం కూడా కనిపిస్తుంది. కొన్ని సందర్భాల్లో బొరియలోని తేమ కారణంగా నిల్వ చేసిన విత్తనాలు కొంత తేమను గ్రహిస్తాయి. అంటే కంగారు ఎలుకలకు బొరియ అనేది కేవలం నివాస స్థలం మాత్రమే కాదు.. ఆహార నిల్వ కేంద్రంగానూ పనిచేస్తుంది.

కంగారు ఎలుకలకు ఈ పేరు రావడానికి కారణం వాటి వెనుక కాళ్లు. ముందు కాళ్లతో పోలిస్తే వెనుక కాళ్లు పొడవుగా, బలంగా ఉంటాయి. ఇవి రెండు వెనుక కాళ్లపై వేగంగా గెంతుతూ కదులుతాయి. పొడవైన తోక శరీరానికి సమతుల్యతను అందిస్తుంది.

ఈ గెంతే నడక ఎడారి ఇసుక ప్రాంతాల్లో వేగంగా కదలడానికి ఉపయోగపడటమే కాకుండా.. వేటాడే జంతువుల నుంచి తప్పించుకోవడంలో కూడా సహాయపడుతుంది. గుడ్లగూబలు, పాములు, నక్కలు వంటి వేటాడే జంతువులు వీటికి ప్రమాదకరమైన శత్రువులు.

నీరు తాగకపోవడం వెనుక ప్రకృతి అద్భుతం

కంగారు ఎలుక కథ మనకు ఒక ముఖ్యమైన విషయాన్ని చెబుతుంది. ఎడారిలో నీరు దొరకడం కష్టం కాబట్టి ఈ జీవి నీటి కోసం తన స్థావరాన్ని మార్చుకోలేదు.. తన శరీరాన్నే ఆ వాతావరణానికి అనుగుణంగా మార్చుకుంది. పొడి విత్తనాల నుంచి నీటిని పొందడం, నీటి నష్టాన్ని తగ్గించడం, రాత్రిపూట మాత్రమే చురుగ్గా ఉండడం, భూగర్భ బొరియల్లో ఆశ్రయం పొందడం వంటి అనేక అనుసరణలు కలిసి దీనిని ఎడారి జీవనానికి అద్భుతంగా సరిపోయేలా చేశాయి.

Udaya Bhanu: 150 ఎకరాలు దానం చేసిన జమీందారు, యాంకర్ ఉదయభాను తండ్రి గురించి మీకు తెలుసా?

Mahesh Jujjuri — Tue, 29 Sep 2026 13:45:32 +0530

Udaya Bhanu: దాదాపు రెండు దశాబ్దాలుగా తెలుగువారి మనసు గెలుచుకున్న యాంకర్ ఉదయభాను. రీసెంట్ గా నిర్మాతగా మారింది స్టార్ యాంకర్. ఉదయభాను గురించి అందరికి తెలుసు.. కానీ ఆమె తల్లిదండ్రుల గురించి ఎంత మందికి తెలుసు.

తెలుగు బుల్లితెరపై తనకంటూ ప్రత్యేక గుర్తింపు తెచ్చుకున్న ప్రముఖ యాంకర్, నటి ఉదయభాను. తెలుగులో పదుల సంఖ్యలో టీవీ కార్యక్రమాలు చేసి.. తెలుగు ప్రేక్షకుల మనసుల్లో ప్రత్యేక స్థానం సంపాదించుకుంది ఉదయభాను. కొంత కాలం ఆమె తెరపై అస్సలు కనిపించలేదు. ఆతర్వాత కొన్ని సినిమాల్లో నటించినా.. పెద్దగా యాక్టీవ్ అవ్వలేదు. రీసెంట్ గా ప్రొడ్యూసర్ అవతారం ఎత్తాడు భాను. అంతే కాదు తన కెరీర్ గురించి, తనపై కుట్రలు చేసిన వారి గురించి సంచలన విషయాలు బయటపెట్టారు. ఉదయభాను గురించి చాలావరకు అందరికి తెలిసిందే. కానీ ఆమె ఫ్యామిలీ గురించి చాలామందికి తెలియదు.

రీసెంట్ గా ఒక ఇంటర్వ్యూలో తన తండ్రి గురించి చాలా విషయాలు పంచుకున్నారు ఉదయభాను. స్టార్ యాంకర్ చెప్పిన విషయాలు అందరినీ ఆకట్టుకోవడమే కాకుండా.. ఎమోషనల్ అయ్యేలా చేస్తున్నాయి. జమీందారీ కుటుంబంలో జన్మించిన తన తండ్రి, తనకున్న కోట్ల విలువైన 150 ఎకరాల భూమిని ఊరి ప్రజల కోసం దానం చేశారన్న విషయాన్ని చెప్పి.. ఉదయభాను ఎంతో గర్వపడ్డారు.

ఉదయభాను తండ్రి ఎస్.కే. పటేల్ ఒక కవి, రచయిత, ఆదర్శ భావాలు ఉన్న వ్యక్తి. ఆయన కవిత్వంలో 'ఉదయభాను' అనే కలం పేరుతో కవితలు రాసేవారు. విప్లవాత్మక భావజాలం కలిగిన ఆయన, నాటి సమాజంలో దొరల పెత్తనాన్ని, సామాజిక అసమానతలను నిరసిస్తూ కవితలు, కథలు రాసేవారు. తన కలం పేరునే ముచ్చటపడి తన కుమార్తెకు పేరుగా పెట్టారు.

ఉదయభాను ఐదేళ్ల వయసులోనే తండ్రిని కోల్పోయినప్పటికీ, ఊరి ప్రజలు ఆయన గురించి చెప్పిన విషయాల ద్వారానే తన తండ్రి గొప్పతనాన్ని ఆమె తెలుసుకున్నారు. తండ్రి మరణం తర్వాత తనను తన తల్లి ఎంతో కష్టపడి పెంచిందని.. ఆమె కూడా విప్లవ పాటలు రాసేవారని ఉదయభాను అన్నారు. అదే అలవాటు తనకు కూడా వచ్చిందని ఓ విప్లవ కవిత్వంతో తన టాలెంట్ చూపించారు భాను.

ఉదయభాను తండ్రి పెద్ద జమీందారీ కుటుంబానికి చెందినవారు. ఆయన వద్ద దాదాపు 150 ఎకరాలకు పైగా సొంత భూమి ఉండేది. అయితే స్వార్థం, ఆస్తి వ్యామోహం లేని ఆయన, తన విప్లవాత్మక నిర్ణయం తీసుకున్నారు. ప్రజలు బాగుండాలని ఆ భూమి మొత్తాన్ని ఊరి ప్రజల సంక్షేమం, గ్రామాభివృద్ధి కోసం ఉచితంగా దానం చేశారు. కోహెడ పరిసర ప్రాంతాల్లో ఆయన చేసిన ఈ త్యాగాన్ని ఊరి ప్రజలు ఇప్పటికీ మరువలేదు. అక్కడ ఆయన జ్ఞాపకార్థం ఒక విగ్రహాన్ని కూడా ఏర్పాటు చేసినట్టు తెలుస్తోంది.

తన తండ్రి అంత పెద్ద జమీందార్ అయినప్పటికీ, ఆయన దానం చేసిన ఆస్తి నుంచి తమ కుటుంబం ఒక్క రూపాయి లేదా ఒక్క సెంటు భూమిని కూడా ఆశించలేదని ఉదయభాను స్పష్టం చేశారు. "మా నాన్నగారు మిగిల్చిన ఆస్తి కంటే, ఆయన సంపాదించిన మంచితనం, ప్రజల్లో సంపాదించుకున్న ఆదరాభిమానాలే మాకు నిజమైన ఆస్తి" అని ఆమె ఎంతో గర్వంగా చెప్పుకొచ్చారు.

సమాజంలో ప్రతి చిన్న ఆస్తి కోసం తగాదాలు పడే ఈ రోజుల్లో, కోట్ల విలువైన 150 ఎకరాల భూమిని ఊరికి రాసిచ్చిన ఉదయభాను తండ్రి త్యాగం నేటి తరానికి ఎంతో ఆదర్శం.

Most Centuries: సచిన్ నుంచి కోహ్లీ వరకు.. క్రికెట్‌లో అత్యధిక సెంచరీలు బాదిన టాప్ 5 బ్యాటర్లు వీరే

Mahesh Rajamoni — Tue, 29 Sep 2026 13:43:34 +0530

Most International Centuries: అంతర్జాతీయ క్రికెట్ చరిత్రలో సెంచరీ సాధించడం ఒక ఎత్తైతే, ఏళ్లకు ఏళ్లు అదే స్థిరత్వంతో వందల కొద్దీ మ్యాచ్‌లలో పరుగులు సాధించి అత్యధిక సెంచరీలు సాధించడం మరెంతో అరుదైన విషయం. టెండూల్కర్ అత్యధిక సెంచరీలతో టాప్ లో ఉన్నారు.

క్రికెట్‌లో సెంచరీ చేయడం అనేది ప్రతీ బ్యాటర్‌కు ఒక కల. అంతర్జాతీయ స్థాయిలో 100 పరుగులు సాధించడం బ్యాటర్ ప్రతిభకు, ఫోకస్‌కు, పట్టుదలకు పెద్ద నిదర్శనం. మైదానంలో వంద పరుగులు దాటడం ఆటగాడి కెరీర్‌లో ఒక మైలురాయిలా నిలిచిపోతుంది. క్రికెట్ చరిత్రలోనే అంతర్జాతీయ స్థాయిలో ఏకంగా 100 సెంచరీలు సాధించిన ఏకైక బ్యాటర్‌గా భారత క్రికెట్ దిగ్గజం సచిన్ టెండూల్కర్ రికార్డు సృష్టించారు.

మూడు ఫార్మాట్లలోనూ (టెస్టులు, వన్డేలు, టీ20లు) కన్సిస్టెంట్‌గా ఆడుతూ సెంచరీలు బాదే బ్యాటర్లు చాలా అరుదుగా ఉంటారు. మ్యాచులను గెలిపించిన ఇన్నింగ్స్‌ల నుంచి కష్టసమయాల్లో జట్టును ఆదుకున్న ఇన్నింగ్స్‌ల వరకు ఈ సెంచరీలు వారి ప్రతిభను చూపిస్తాయి.

ఐసీసీ ఛాంపియన్స్ ట్రోఫీ 2025లో భాగంగా జరిగిన పాకిస్తాన్ వర్సెస్ ఇండియా మ్యాచ్‌లో విరాట్ కోహ్లీ 14,085 పరుగులు పూర్తి చేసుకుని అంతర్జాతీయ స్థాయిలో ఈ మార్కును దాటిన మూడో వ్యక్తిగా సరికొత్త మైలురాయిని చేరుకున్నారు. ఇక వెస్టిండీస్ తో తిరువనంతపురంలో జరిగిన మ్యాచ్ లో సెంచరీ బాది 15 వేల పరుగులు సాధించిన రెండో ప్లేయర్ గా నిలిచాడు. ఇప్పుడు అంతర్జాతీయ క్రికెట్ చరిత్రలోనే అత్యధిక సెంచరీలు సాధించిన టాప్ 5 బ్యాటర్ల వివరాలు గమనిస్తే..

క్రికెట్ దేవుడిగా అభిమానులు పిలుచుకునే సచిన్ టెండూల్కర్ 1989 నుండి 2013 వరకు తన అంతర్జాతీయ కెరీర్‌ను కొనసాగించారు. కెరీర్‌లో మొత్తం 664 మ్యాచ్‌లు ఆడి 782 ఇన్నింగ్స్‌ల్లో 34,357 పరుగులు సాధించారు. సచిన్ సగటు 48.52 కాగా, అత్యధిక వ్యక్తిగత స్కోరు 248 నాటౌట్. సచిన్ ఖాతాలో 100 సెంచరీలు, 164 హాఫ్ సెంచరీలు ఉన్నాయి. ఇందులో 74 సార్లు నాటౌట్‌గా నిలవగా, 34 సార్లు డకౌట్ అయ్యారు.

ప్రస్తుత కాలంలో రికార్డుల వేట కొనసాగిస్తున్న విరాట్ కోహ్లీ 2008 నుండి 2026 వరకు 563 మ్యాచ్‌లు ఆడారు. 630 ఇన్నింగ్స్‌ల్లో 52.97 సగటుతో 28,498 పరుగులు చేశారు. ఇందులో కోహ్లీ అత్యధిక స్కోరు 254 నాటౌట్. విరాట్ ఇప్పటివరకు 86 సెంచరీలు, 148 అర్ధ సెంచరీలు పూర్తి చేశారు. కోహ్లీ 92 సార్లు నాటౌట్‌గా నిలవగా, 40 సార్లు సున్నా పరుగులకే అవుట్ అయ్యారు.

ఆస్ట్రేలియా మాజీ కెప్టెన్ రికీ పాంటింగ్ 1995 నుండి 2012 వరకు అంతర్జాతీయ క్రికెట్‌లో కొనసాగారు. తన సుదీర్ఘ కెరీర్‌లో 560 మ్యాచ్‌లు ఆడి 668 ఇన్నింగ్స్‌ల్లో 27,483 పరుగులు సాధించారు. ఆయన సగటు 45.95 కాగా, అత్యధిక స్కోరు 257. పాంటింగ్ మొత్తం 71 సెంచరీలు, 146 హాఫ్ సెంచరీలు బాదారు. ఇందులో 70 సార్లు నాటౌట్‌గా నిలవగా, 39 సార్లు డకౌట్‌గా వెనుతిరిగారు.

శ్రీలంక మాజీ వికెట్ కీపర్ బ్యాటర్ కుమార సంగక్కర 2000 నుండి 2015 వరకు అంతర్జాతీయ మ్యాచ్‌లు ఆడారు. మొత్తం 594 మ్యాచ్‌ల్లో 666 ఇన్నింగ్స్ ఆడి 28,016 పరుగులు చేశారు. ఆయన బ్యాటింగ్ సగటు 46.77 కాగా, అత్యధిక వ్యక్తిగత స్కోరు 319 పరుగులు. సంగక్కర తన కెరీర్‌లో 63 సెంచరీలు, 153 హాఫ్ సెంచరీలు చేశారు. సంగక్కర 67 సార్లు నాటౌట్‌గా నిలవగా, 28 సార్లు డకౌట్ అయ్యారు.

శ్రీలంక క్లాసిక్ బ్యాటర్ మహేళ జయవర్ధనే 1997 నుండి 2015 మధ్య 652 మ్యాచ్‌లు ఆడారు. 725 ఇన్నింగ్స్‌ల్లో 39.15 సగటుతో 25,957 పరుగులు బాదారు. మహేళ అత్యధిక వ్యక్తిగత స్కోరు 374 పరుగులు. తన కెరీర్‌లో 54 సెంచరీలు, 136 హాఫ్ సెంచరీలు సాధించిన ఆయన 62 సార్లు నాటౌట్‌గా నిలిచారు. జయవర్ధనే 47 సార్లు డకౌట్‌ అయ్యారు.

Kiwi: కివీని ఎలా తింటున్నారు? ఇలా మాత్రం తినకండి, నిపుణులు ఏం చెప్తున్నారంటే?

Nandini Arava — Tue, 29 Sep 2026 13:18:27 +0530

Kiwi: కివీ తింటున్నారా? అయితే ఈ విషయం తప్పక తెలుసుకోవాలి. ఒక చిన్న మిస్టేక్ తో అందులోని పోషకాలను మిస్ అవుతున్నారని తెలుసా? చాలా మంది తొక్క తీసేసి తింటారు. కానీ కివీ పండును తినే విధానం తెలిస్తేనే పోషకాలు దొరుకుతాయి.

కివీ పండు తినేటప్పుడు చాలామంది లోపల ఉన్నది మాత్రమే తింటారు. తొక్కను తీసేసి పారేస్తారు. కానీ న్యూట్రిషనిస్టుల ప్రకారం.. కివీని ఎలా తింటున్నామన్నది కూడా దాని నుంచి లభించే పోషకాలపై ప్రభావం చూపుతుంది. ముఖ్యంగా తొక్కతో తినడం వల్ల ఫైబర్, యాంటీఆక్సిడెంట్లు మరింత ఎక్కువగా లభించే అవకాశం ఉంది.

కివీని తొక్క తీసేసి తినడం వల్ల పండులో ఉండే ఫైబర్, యాంటీఆక్సిడెంట్లు కోల్పోతాం. ముఖ్యంగా గ్రీన్ కివీ తొక్కలో కూడా ఫైబర్, పాలీఫినాల్స్ వంటి పోషకాలు ఉంటాయి. గ్రీన్ కివీని తొక్కతో తింటే.. రెండింతలు ఫైబర్, ఐదు రెట్లు ఎక్కువ పాలీఫినాల్స్ లభిస్తాయని నిపుణులు చెబుతున్నారు. ఇవి జీర్ణవ్యవస్థ ఆరోగ్యానికి ఉపయోగపడటంతో పాటు, పేగుల పనితీరుకు కూడా తోడ్పడవచ్చు.

అయితే గ్రీన్ కివీ తొక్కపై ఉండే చిన్న చిన్న వెంట్రుకల్లాంటి పొర చాలామందికి ఇబ్బందిగా అనిపిస్తుంది. అలాంటప్పుడు ముందుగా కివీని నీటితో బాగా కడగాలి. ఆ తర్వాత శుభ్రమైన కిచెన్ టవల్‌తో మెల్లగా రుద్దితే అవి పోతాయి. అప్పుడు పలుచని ముక్కలుగా కోసుకుని తొక్కతో సహా తినొచ్చు.

గోల్డెన్ కివీ తొక్క గ్రీన్ కివీతో పోలిస్తే పలుచగా, మృదువుగా ఉంటుంది. అంతేకాదు.. దానిపై వెంట్రుకల్లాంటివి తక్కువగా ఉంటాయి. అందుకే దీన్ని తొక్క తీయకుండా నేరుగా తినడం ఈజీ. గోల్డెన్ కివీని తొక్కతో తింటే.. 50 శాతం ఎక్కువ ఫైబర్, 32 శాతం ఎక్కువ విటమిన్-ఈ, 34 శాతం ఎక్కువ ఫోలేట్ దొరుకుతుంది.

కివీని ఎంత తినాలనే విషయంలో ఒక విధానం ఉంటుంది. రోజుకు రెండు కివీలు చొప్పున నాలుగు వారాల పాటు తీసుకోవడం వల్ల కొంతమందిలో పేగులు క్లీన్ అవుతాయి. జీర్ణవ్యవస్థకు ప్రయోజనం కలుగుతుంది.

184 మందిపై నిర్వహించిన ఒక అధ్యయనంలో.. కొందరికి ప్రతిరోజూ రెండు కివీలు ఇవ్వగా, మరికొందరికి సైలియం హస్క్ ఇచ్చారు. నాలుగు వారాల తర్వాత కివీలు తీసుకున్నవారిలో మల విసర్జన సాఫీగా, మలం సులభంగా బయటకు వెళ్లడం, జీర్ణక్రియ మెరుగుపడటం కనిపించింది. కివీలో కేవలం ఫైబర్ మాత్రమే కాకుండా కరిగే ఫైబర్, ప్రీబయోటిక్ ఫైబర్ కూడా ఉంటాయి. ఇవి పేగుల్లోని మంచి బ్యాక్టీరియాకు ఉపయోగపడతాయి.

Top 10 Fastest Trains: రాకెట్ కంటే స్పీడ్.. ప్రపంచంలో అత్యంత వేగవంతమైన టాప్ 10 రైళ్లు ఇవే

Mahesh Rajamoni — Tue, 29 Sep 2026 13:09:05 +0530

Top 10 Fastest Trains: రైల్వే సాంకేతికతలో విప్లవాత్మక మార్పుల వల్ల నేడు ప్రపంచంలో అత్యంత వేగవంతమైన రైళ్లు ఆకాశంలో ఎగిరే విమానాలతో పోటీపడుతున్నాయి. ఐరోపా, ఆసియా దేశాలలో గంటకు 300 కిలోమీటర్ల కంటే ఎక్కువ వేగంతో దూసుకెళ్లే రైళ్లు అందుబాటులో ఉన్నాయి.

ప్రపంచవ్యాప్తంగా రవాణా రంగం వేగంగా మారుతోంది. ప్రయాణికులను తక్కువ సమయంలో, ఎంతో సౌకర్యవంతంగా గమ్యస్థానాలకు చేర్చడానికి పలు దేశాలు ఆధునిక హైస్పీడ్ రైళ్లను తీసుకొస్తున్నాయి. మాగ్నెటిక్ లెవిటేషన్ సాంకేతికత నుండి సాంప్రదాయ వీల్డ్ రైళ్ల వరకు రైల్వే ఇంజినీరింగ్ అద్భుతాలు సృష్టిస్తోంది. ప్రపంచంలో అత్యంత వేగవంతమైన టాప్ 10 రైళ్ల వివరాలను, అలాగే ఆయా దేశాల రవాణా విప్లవంలో వచ్చిన వివరాలు ఇక్కడ చూద్దాం.

ప్రపంచంలోనే అత్యంత వేగవంతమైన రైలుగా చైనాకు చెందిన షాంఘై మ్యాగ్లెవ్ మొదటి స్థానంలో నిలిచింది. ఇది గంటకు 460 కిలోమీటర్ల గరిష్ఠ వేగంతో ప్రయాణిస్తుంది. ఇది చక్రాలపై కాకుండా మాగ్నెటిక్ లెవిటేషన్ సాంకేతికతతో పట్టాల పైభాగాన గాలిలో తేలుతూ వెళ్తుంది. ఇది షాంఘై పుడాంగ్ అంతర్జాతీయ విమానాశ్రయం నుండి లాంగ్‌యాంగ్ రోడ్ స్టేషన్ వరకు నడుస్తుంది.

దీని తర్వాత రెండవ స్థానంలో చైనాకే చెందిన CR450 ఫుక్సింగ్ ఉంది. ఇది గంటకు 400 కిలోమీటర్ల వేగంతో నడుస్తుంది. ఇది శక్తి వినియోగాన్ని 10 శాతం తగ్గిస్తూ రూపొందించారు. మూడో స్థానంలో CR400 ఫుక్సింగ్ హావ్ గంటకు 350 కిలోమీటర్ల వేగంతో బీజింగ్-షాంఘై, బీజింగ్-గ్వాంగ్‌జౌ మార్గాల్లో నడుస్తోంది. అలాగే నాలుగో స్థానంలో ఉన్న CRH380A హెక్సీ కూడా గంటకు 350 కిలోమీటర్ల వేగంతో ప్రయాణిస్తుంది. ఇది ట్రయల్స్‌లో ఏకంగా 486.1 కి.మీ వేగాన్ని నమోదు చేసింది.

ఐరోపా ఖండంలో కూడా హైస్పీడ్ రైళ్లు ప్రయాణ రూపురేఖలను మార్చేస్తున్నాయి. స్పెయిన్‌కు చెందిన తాల్గో 350 / అవ్రిల్ గంటకు 350 కిలోమీటర్ల వేగంతో నడుస్తూ ఐదవ స్థానంలో ఉంది. దీని ప్రత్యేకమైన బాతు ఆకారపు నోస్ డిజైన్ వల్ల దీనికి పాటో అని పేరు వచ్చింది. ఇది మలుపుల్లో కూడా స్థిరంగా వెళ్లేలా డిజైన్ చేశారు.

జర్మనీకి చెందిన ICE 3 / సీమెన్స్ మల్టీపుల్ యూనిట్ గంటకు 330 కిలోమీటర్ల వేగంతో ఆరో స్థానంలో ఉంది. ఇక ఫ్రాన్స్ ఐకానిక్ రైలు TGV M / POS గంటకు 320 కిలోమీటర్ల వేగంతో ఎనిమిదో స్థానంలో నిలిచింది. టెస్టింగ్ సమయంలో ఈ టీజీవీ ఏకంగా 574.8 కి.మీ వేగాన్ని సాధించి రికార్డు సృష్టించింది. తొమ్మిదో స్థానంలో ఉన్న యూరోస్టార్ e320 లండన్ నుండి పారిస్, బ్రస్సెల్స్ మధ్య 50 కిలోమీటర్ల ఛానల్ టన్నెల్ ద్వారా గంటకు 320 కి.మీ వేగంతో ప్రయాణిస్తుంది.

ఆసియాలో చైనా మాత్రమే కాకుండా జపాన్, దక్షిణ కొరియా దేశాలు కూడా రవాణా రంగంలో రికార్డులు సృష్టిస్తున్నాయి. జపాన్‌కు చెందిన జేఆర్ ఈస్ట్ E5 / H5 సిరీస్ షింకన్సేన్ గంటకు 320 కిలోమీటర్ల వేగంతో ఏడో స్థానంలో ఉంది. టోక్యో నుండి షిన్-అయోమోరి మధ్య నడిచే ఈ రైలు, టన్నెల్స్ దాటేటప్పుడు శబ్దం రాకుండా 15 మీటర్ల పొడవైన ఏరోడైనమిక్ నోస్ కలిగి ఉంటుంది.

దక్షిణ కొరియాకు చెందిన KTX-చియోంగ్యాంగ్ గంటకు 320 కిలోమీటర్ల వేగంతో తొమ్మిదో స్థానంలో ఉంది. ఇది అతి తక్కువ సమయంలో వేగాన్ని అందుకునే అల్యూమినియం బాడీతో రూపుదిద్దుకుంది. దక్షిణ కొరియాలో KTX సిరీస్, ఇటలీలో ఫ్రెచియారోస్సా 1000, ఆఫ్రికాలో అల్ బొరాక్ రైళ్లు కూడా ఆయా ప్రాంతాల్లో హైస్పీడ్ నెట్‌వర్క్‌ను విస్తరిస్తున్నాయి.

ప్రపంచస్థాయి హైస్పీడ్ రైళ్ల సరసన భారత్ కూడా వేగంగా అడుగులు వేస్తోంది. భారతీయ రైల్వేలో ఆధునికతకు ప్రతీకగా నిలిచింది వందే భారత్ ఎక్స్‌ప్రెస్. ఇది గంటకు 180 కిలోమీటర్ల గరిష్ఠ వేగంతో ప్రయాణించే సామర్థ్యాన్ని కలిగి ఉంది. ఆధునిక సౌకర్యాలు, మెరుగైన సేఫ్టీ ఫీచర్లు, వేగవంతమైన ఆక్సిలరేషన్‌తో ప్రయాణికులకు ఇది సరికొత్త అనుభూతిని అందిస్తోంది. రాబోయే రోజుల్లో భారత్ కూడా బుల్లెట్ రైల్ నెట్‌వర్క్‌ను మరింత విస్తరించే దిశగా పనులు వేగవంతం చేస్తోంది.

Wedding Ritual: ఇక్కడ పెళ్లికి ముందు ఏకంగా పెళ్లి కూతురినే కిడ్నాప్ చేస్తారు..!

ramya Sridhar — Tue, 29 Sep 2026 13:08:56 +0530

Wedding Ritual: పెళ్లి విషయంలో ఒక్కొక్కరికి ఒక్కో సంప్రదాయం ఉంటుంది. అయితే, కొన్ని సంప్రదాయాలు వెంటే మాత్రం ఎవరైనా ఆశ్చర్యపోవాల్సిందే. ప్రపంచ వ్యాప్తంగా ఉన్న కొన్ని వింత పెళ్లి సంప్రదాయాలు ఇప్పుడు చూద్దాం..

ప్రపంచవ్యాప్తంగా పెళ్లిళ్లు అంటే కేవలం వేడుకలు మాత్రమే కావు.. ఎన్నో విభిన్నమైన సంప్రదాయాలకు, ఆచారాలకు అవి నిలయం. ఒక్కో దేశంలో, ఒక్కో ప్రాంతంలో వివాహ వేడుకలను జరుపుకునే విధానం ఎంతో ఆశ్చర్యకరంగా, విచిత్రంగా ఉంటుంది. ఈ ప్రపంచంలోని అత్యంత ఆసక్తికరమైన, విభిన్నమైన 7 అద్భుతమైన పెళ్లి సంప్రదాయాలు ఇక్కడ ఉన్నాయి.

జర్మనీలో పెళ్లికి ముందు రోజు జరిగే వేడుకలో బంధువులు, స్నేహితులు పాత పింగాణీ ప్లేట్లు, గిన్నెలు తెచ్చి కొత్త జంట ఇంట ముందు పగలగొడతారు. "పగిలిన పెంకులు అదృష్టాన్ని తెస్తాయి" అనేది వారి నమ్మకం. ఈ చెత్త అంతా తర్వాత ఆ కొత్త జంటే స్వయంగా ఊడ్చి శుభ్రం చేయాలి.

2. చెప్పుల కోసం బేరసారాలు

ఉత్తర భారతదేశ వివాహ వేడుకల్లో ‘జూతా చుపాయ్’ ఆచారం చాలా సరదాగా సాగుతుంది. పెళ్లి మండపంలోకి అడుగుపెట్టే ముందు వరుడు తన చెప్పులను విప్పుతాడు. వెంటనే వధువు చెల్లెళ్లు, కజిన్స్ ఆ చెప్పులను దొంగిలించి దాచేస్తారు. ఆ తర్వాత వాటిని తిరిగి ఇవ్వడానికి వరుడితో భారీగా బేరసారాలు ఆడుతూ నవ్విస్తారు.

3. ఏడుస్తూ పాటలు పాడతారు..

చైనాలోని తుజియా కమ్యూనిటీలో పెళ్లికి ముందు వధువు ఏడుపుతో కూడిన పాటలు పాడుతుంది. వివాహానికి కొన్ని వారాల ముందే ఈ ఆచారం ప్రారంభమవుతుంది. ఇళ్లొదిలి వెళ్తున్నందుకు బాధను, తల్లిదండ్రుల ప్రేమను వ్యక్తూ చేస్తూ వధువు ఏడుస్తూ పాటలు పాడుతుంటే.. క్రమంగా కుటుంబంలోని ఇతర మహిళలు కూడా తోడవుతారు. అందరూ కలిసి ఏడుస్తారు.

రొమేనియా పెళ్లి రిసెప్షన్‌లో స్నేహితులు సరదాగా వధువును కిడ్నాప్ చేస్తారు. ఆ తర్వాత వరుడు తన భార్యను విడిపించుకోవడానికి షాంపైన్ ఇవ్వడం, డ్యాన్స్ చేయడం లేదా కొన్ని సరదా టాస్క్‌లు పూర్తి చేయడం చేయాల్సి ఉంటుంది. పెళ్లి వేడుకలో అతిథులకు ఇది మంచి వినోదాన్ని పంచుతుంది.

5. వివాహ బంధానికి ప్రతీకగా ఐరిష్ 'రింగ్-వార్మింగ్'

ఐర్లాండ్‌లో జరిగే పెళ్లిళ్లలో 'రింగ్-వార్మింగ్' అనే అందమైన ఆచారం ఉంది. పెళ్లికి ముందు ఉంగరాలను అతిథులందరి చేతుల మీదుగా పాస్ చేస్తారు. ప్రతి ఒక్కరూ ఆ ఉంగరాలను కాసేపు చేతిలో పట్టుకొని ఆ జంట కోసం మనసారా శుభాకాంక్షలు తెలుపుకుంటారు. ఆ విధంగా అతిథులందరి ఆశీస్సులు పొందిన తర్వాతే ఆ ఉంగరాలను వధూవరులు ధరిస్తారు.

6. కన్నీటి వీడ్కోలు

టర్కీలో జరిగే 'కినా గెసెసి' ఎంతో భావోద్వేగంగా సాగుతుంది. వధువు అరచేతిలో గోరింటాకు పెట్టే సమయంలో అందరూ కలిసి చిన్ననాటి జ్ఞాపకాలను, పుట్టింటిని వీడుతున్న బాధను గుర్తుచేసే పాటలు పాడుతారు. ఆ సమయంలో వధువుతో పాటు ఆమె తల్లి కూడా కన్నీరు పెట్టుకోవడం ఇక్కడ ఆనవాయితీ.

7. అదృష్టం కోసం గ్రీకు బాదం పప్పులు

గ్రీకు వివాహ వేడుకల్లో అతిథులకు 'కూఫెటా' అనే షుగర్ కోటింగ్ చేసిన బాదం పప్పులను బహుమతిగా ఇస్తారు. ఇవి ఎప్పుడూ బేసి సంఖ్యలోనే ప్యాక్ చేస్తారు. ఎందుకంటే బేసి సంఖ్యను ఎప్పటికీ సమానంగా విభజించలేము. అలాగే బాదం చేదుగా, షుగర్ తియ్యగా ఉంటుంది.. ఇది జీవితంలో కష్టసుఖాలకు ప్రతీక.

Raviteja: బాలయ్య, రవితేజ కాంబినేషన్‌లో మిస్‌ అయిన మూవీ ఇదే.. పరుచూరి బ్రదర్స్ చేసిన మోసం

Aithagoni Raju — Tue, 29 Sep 2026 13:00:24 +0530

రవితేజ, బాలకృష్ణ కలిసి ఒక్క సినిమా కూడా చేయలేదు. కానీ ఒక సినిమా చేయాల్సి వచ్చింది. పరుచూరి బ్రదర్స్ కారణంగా తనకు అవకాశం మిస్‌ అయ్యిందని రవితేజ తెలిపారు. ఆ మూవీ ఏంటి? అసలు ఏం జరిగిందంటే?

మాస్‌ మహారాజా రవితేజ ఇటీవలే `ఇరుముడి` మూవీతో బాక్సాఫీసు వద్ద దుమ్మురేపింది. ఈ చిత్రం ఏకంగా రూ.250కోట్లకుపైగా కలెక్షన్లని రాబట్టింది. అదే సమయంలో చాలా రోజుల తర్వాత రవితేజకి మంచి విజయాన్ని అందించింది. ఆయన బౌన్స్ బ్యాక్‌ అయ్యేలా చేసింది. వరుసగా ఐదు ఆరు సినిమాలు పరాజయం చెందిన నేపథ్యంలో అనూహ్యంగా `ఇరుముడి` మూవీ సంచలన విజయం సాధించి రవితేజ రేంజ్‌ ఏంటో చూపించింది. అయితే రవితేజ.. చిరంజీవి మాదిరిగానే ఎలాంటి బ్యాక్‌ గ్రౌండ్‌ లేకుండా వచ్చారు. ప్రొడక్షన్‌లో అసిస్టెంట్‌ నుంచి, అసిస్టెంట్‌ డైరెక్టర్‌గా పనిచేశారు. దర్శకుడు కావాలనుకున్నారు. కానీ నటుడిగా టర్న్ తీసుకున్నారు.

చిన్న చిన్న పాత్రలు చేస్తూ తనకంటూ ఒక గుర్తింపుని సంపాదించుకున్నారు. పాజిటివ్‌, నెగటివ్‌ క్యారెక్టర్స్ చేసి మెప్పించారు. ఆ తర్వాత `నీ కోసం` సినిమాతో హీరోగా టర్న్ తీసుకున్నారు. ఆ తర్వాత హీరోగా నటిస్తూనే, మెయిన్‌ క్యారెక్టర్స్ చేస్తూ ఆకట్టుకున్నారు. `ఇట్లు శ్రావణి సుబ్రమణ్యం` మూవీతో రవితేజ కెరీర్‌ మారిపోయింది. ఈ మూవీ పెద్ద హిట్‌ కావడంతో ఇక హీరోగా నిలబడిపోయారు. `ఇడియట్‌` తో బిగ్ బ్రేక్‌ అందుకున్నారు. ఒక్కసారిగా స్టార్‌ అయిపోయాడు. ఆ తర్వాత రవితేజ లెక్క వేరే లెవల్‌ అని చెప్పొచ్చు. తన కెరీర్‌లో ఎన్నో ఆటుపోట్లు ఉన్నాయి. హిట్లు పరాజయాలు ఉన్నాయి. పడిన ప్రతిసారి లేచాడు. తనని తాను ప్రూవ్‌ చేసుకుంటూనే ఉన్నాడు.

రవితేజ కెరీర్‌ ప్రారంభంలో చాలా మంది హీరోలతో కలిసి నటించాడు. నాగార్జున, చిరంజీవి, సుమన్‌, జగపతిబాబు, జేడీ చక్రవర్తి, రాజశేఖర్‌ ఇలా చాలా మంది హీరోల సినిమాల్లో క్యారెక్టర్స్ చేశారు. అలాగే చిరంజీవితో ఇటీవల మల్టీస్టారర్‌ కూడా చేశారు. కానీ బాలయ్యతో మాత్రం సినిమా చేయలేదు రవితేజ. అయితే ఒక సినిమా చేయాల్సింది. కానీ జస్ట్ లో మిస్‌ అయ్యింది. పరుచూరి బ్రదర్స్ కారణంగా రవితేజ ఆ ఆఫర్‌ని కోల్పోయాడు. ఆ వివరాల్లోకి వెళితే.. బాలయ్య హీరోగా విజయశాంతి హీరోయిన్‌గా `నిప్పురవ్వ` చిత్రం రూపొందింది. ఇందులో రాజా రవీంద్ర పాత్ర చాలా కీలకంగా ఉంటుంది. హీరో చెల్లిని పెళ్లి చేసుకునే పాత్ర. నెగటివ్‌గా ఉంటుంది.

సినిమా ప్రారంభం సమయంలో జరిగిన ఆడిషన్‌ లో రవితేజ అటెండ్‌ అయ్యాడు. రాజా రవీంద్ర చేసిన పాత్రకి ఎంపికయ్యాడు. అప్పటికి రాజా రవీంద్ర లేడు. కానీ పరుచూరి బ్రదర్స్ రికమండేషన్‌తో దూరిపోయాడట. దీంతో రవితేజకి ఆఫర్‌ మిస్‌ అయ్యిందట. ఈ విషయాన్ని బాలయ్య నిర్వహించిన అన్‌ స్టాపబుల్‌ విత్‌ ఎన్బీకే షోలో రవితేజ వెల్లడించారు. ఈ వీడియో క్లిప్‌ ఇప్పుడు వైరల్‌ అవుతుంది.

నిప్పురవ్వ చిత్రానికి ఏ కోదండరామిరెడ్డి దర్శకత్వం వహించారు. బాలకృష్ణ, విజయశాంతి జంటగా నటించగా, అమ్రీష్‌ పూరి, రావు గోపాలరావు నెగటివ్‌ రోల్స్ చేశారు. 1993లో విడుదలైన ఈ చిత్రం పరాజయం చెందింది. అయితే ఈ మూవీ పోతుందని తనకు ముందే తెలుసు అని బాలయ్య చెప్పడం విశేషం. మొత్తంగా బాలకృష్ణ, రవితేజ కలిసి నటించాల్సిన మూవీ పరుచూరి బ్రదర్స్, రాజారవీంద్ర ల కారణంగా మిస్‌ అయ్యిందని చెప్పొచ్చు.

Coconut : కొబ్బరికాయను ఎలా కొట్టాలి..? ఈజీగా పగలాలంటే ఈ ట్రిక్ ఫాలో అవ్వండి

Arun Kumar P — Tue, 29 Sep 2026 12:32:08 +0530

కొందరు కొబ్బరికాయ కొట్టాలంటే నానా తంటాలు పడుతుంటారు? అయితే ఇకపై ఆ కష్టం అవసరం లేదు. సోషల్ మీడియాలో వైరల్ అవుతున్న ఓ సింపుల్ ట్రిక్ ఫాలో అయితే ఈజీగా కొబ్బరికాయను పగలగొట్టొచ్చు, పర్ఫెక్ట్‌గా రెండు ముక్కలు చేయొచ్చు.

కొబ్బరికాయ... మన రోజువారీ జీవితంలో ఎంతో సాధారణంగా కనిపించే పదార్థం. పూజా కార్యక్రమాల్లో దేవుడికి కొబ్బరికాయ కొట్టడం ఒక సంప్రదాయంగా కొనసాగుతుంటే.. వంటల్లోనూ కొబ్బరి తురుము, కొబ్బరి పాలు, ఇతర రూపాల్లో విస్తృతంగా ఉపయోగిస్తుంటాం. అయితే కొబ్బరికాయను ఉపయోగించే ముందు ఎదురయ్యే అసలు సమస్య దాని గట్టి పెంకును పగలగొట్టడమే. కొబ్బరికాయను సులభంగా పగలకపోవడంతో చాలామంది ఇబ్బంది పడుతుంటారు... మరీముఖ్యంగా మహిళలు నానా తంటాలు పడుతుంటారు.

అయితే కొబ్బరికాయను పగలగొట్టడానికి ప్రతిసారీ పెద్ద రాయి లేదా సుత్తి వంటి వస్తువులు అవసరం లేదు. కాయ సహజ ఆకృతిని, దానిపై ఉండే గీతలను సరిగ్గా గుర్తించి.. సరైన స్థానంలో ఒత్తిడి పెడితే చాలా సులభంగా రెండు భాగాలుగా విడగొట్టవచ్చు. అదెలాగో ఇప్పుడు తెలుసుకుందాం.

కొబ్బరికాయను ఒకసారి జాగ్రత్తగా పరిశీలిస్తే దాని పెంకుపై మూడు సహజమైన గీతలు కనిపిస్తాయి. ఈ గీతలు కాయను మూడు భాగాలుగా విభజించినట్లుగా కనిపిస్తాయి. వాటిలో ఒక భాగం కొద్దిగా వెడల్పుగా ఉండగా.. మిగిలిన రెండు భాగాలు పోల్చితే చిన్నగా ఉంటాయి. కొబ్బరికాయను సులభంగా పగలగొట్టాలంటే ముందుగా ఈ సహజ నిర్మాణాన్ని గుర్తించడం ముఖ్యం.

కాయను చేతిలో పట్టుకునేటప్పుడు నిలువుగా ఉంచకుండా అడ్డంగా పట్టుకోవాలి. చిన్నగా కనిపించే రెండు భాగాలు కిందివైపు, కొద్దిగా పెద్దగా ఉన్న భాగం పైవైపు ఉండేలా అమర్చుకుంటే కొట్టాల్సిన ప్రాంతాన్ని గుర్తించడం సులభమవుతుంది.

కొబ్బరికాయను పగలగొట్టేందుకు కాస్త బరువున్న, గట్టిగా పట్టుకోగల వస్తువును ఉపయోగించడం సులభంగా ఉంటుంది. అయితే కొబ్బరికాయ కొట్టేటప్పుడు చేతులకు గాయం కాకుండా జాగ్రత్తగా వ్యవహరించాలి. కాయను ఒక చేతిలో అడ్డంగా పట్టుకుని, మరో చేతిలో బరువైన వస్తువును తీసుకోవాలి.

ఇప్పుడు కొబ్బరికాయ మధ్యలో కనిపించే సహజ గీతను గుర్తించి.. అదే ప్రాంతంలో నియంత్రితంగా రెండు సార్లు బలంగా కొట్టాలి. గీతపై సరిగ్గా దెబ్బ పడితే పెంకుపై పగులు ఏర్పడుతుంది. ఈ సమయంలో లోపల ఉన్న కొబ్బరి నీరు బయటకు వచ్చే అవకాశం ఉంటుంది. అందువల్ల ముందుగానే ఒక గిన్నెను సిద్ధంగా ఉంచుకుని నీటిని అందులోకి తీసుకోవచ్చు.

కొబ్బరికాయకు పగులు వచ్చిన వెంటనే బలంగా కొట్టడం కొనసాగించకూడదు. ముందుగా కొబ్బరి నీటిని పూర్తిగా తీసేసి, ఆ తర్వాత ఏర్పడిన పగులు ఉన్న ప్రాంతంలో నెమ్మదిగా మరోసారి కొడితే కాయ రెండు భాగాలుగా విడిపోయే అవకాశం ఉంటుంది.

ఇలా కొబ్బరికాయ సహజ ఆకృతిని గమనించి, దాని మధ్య గీతను లక్ష్యంగా చేసుకుని కొట్టడం ద్వారా పెద్దగా శ్రమించకుండానే కాయను పగలగొట్టవచ్చు. అయితే చేతిలో పట్టుకుని కొట్టే పద్ధతుల్లో జారిపోవడం లేదా గాయం అయ్యే ప్రమాదం ఉంటుంది.. అందుకే వీలైనంత జాగ్రత్తగా, స్థిరమైన ప్రదేశంలో ఈ పని చేయడం మంచిది. పిల్లలు స్వయంగా ప్రయత్నించకుండా పెద్దల పర్యవేక్షణలోనే చేయడం సురక్షితం.

కొబ్బరికాయను పగలగొట్టడం కష్టమైన పని అనుకునేవారికి.. దాని సహజ నిర్మాణాన్ని అర్థం చేసుకుని సరైన ప్రాంతంలో దెబ్బ కొట్టడం ఒక సులభమైన పద్ధతిగా ఉపయోగపడుతుంది. ఇళ్ళలో ఇలా ఈజీగా కొబ్బరికాయ కొట్టవచ్చు. దేవాలయాల్లో కొబ్బరికాయ కొట్టేందుకు ప్రత్యేక ఏర్పాట్లు ఉంటాయి కాబట్టి ఇలాంటి ట్రిక్స్ అవసరం ఉండదు.

LPG New Rules October 1: ఎల్పీజీ గ్యాస్ కస్టమర్లకు అలర్ట్.. అక్టోబర్ 1 నుండి కొత్త రూల్స్

Mahesh Rajamoni — Tue, 29 Sep 2026 12:02:54 +0530

Gas Cylinder Rules October 1: అక్టోబర్ 1 నుండి ఎల్పీజీ గ్యాస్ సిలిండర్ రూల్స్ మారనున్నాయి. బయోమెట్రిక్ ఈ-కేవైసీ పూర్తి చేయకపోతే డొమెస్టిక్ సిలిండర్‌కు కమర్షియల్ రేట్లు వర్తిస్తాయి. కొత్తగా మారే టాప్ 10 ఎల్పీజీ రూల్స్ వివరాలు ఇక్కడ తెలుసుకుందాం.

ప్రతి నెలా లాగే అక్టోబర్ లో కూడా ఎల్పీజీ గ్యాస్ సిలిండర్లు, పీఎన్‌జీ వినియోగదారులకు సంబంధించిన అనేక కీలక నిబంధనల్లో మార్పులు రాబోతున్నాయి. గ్యాస్ ధరల సమీక్ష నుండి బుకింగ్, రీఫిల్ రూల్స్ వరకు అన్నీ మారనున్నాయి. ఇండియన్ గ్యాస్, హెచ్‌పీ గ్యాస్, భారత్ గ్యాస్ వాడే ప్రతి ఒక్కరిపై ఈ ప్రభావం పడనుంది. ముఖ్యంగా బయోమెట్రిక్ ఆధార్ అథెంటికేషన్ ప్రక్రియను అక్టోబర్ 1 నుండి కేంద్ర ప్రభుత్వం అత్యంత కీలకమైన అంశంగా మార్చింది. ఇది ప్రధాన్ మంత్రి ఉజ్వల యోజన లబ్ధిదారులతో పాటు సాధారణ వినియోగదారులకూ వర్తిస్తుంది.

పీఎమ్‌యువై లబ్ధిదారులు, సాధారణ వినియోగదారులు ఇద్దరూ తమ ఎల్పీజీ కనెక్షన్‌కు ఆధార్ బయోమెట్రిక్ అథెంటికేషన్‌ను పూర్తి చేయాలి. దీనికి పొడిగించిన కొత్త డెడ్‌లైన్ సెప్టెంబర్ 30, 2026తో ముగిసింది. ఎవరైనా ఈ డెడ్‌లైన్ మిస్ అయితే, వారి గృహ వినియోగ ఎల్పీజీ సిలిండర్లను కమర్షియల్ రేట్ల ప్రకారం అమ్మకానికి ఉంచుతారు.

ఇప్పటికే ఈ-కేవైసీ పూర్తి చేసినవారు ఎలాంటి ఆందోళన చెందాల్సిన అవసరం లేదు. ముందుగా జూన్ 30, 2026 నాటికి ఈ ప్రక్రియ పూర్తి చేయాలని కోరారు. ఆ తర్వాత జూలై 31, ఆగస్టు 7, ఆగస్టు 15, ఆగస్టు 23, ఆగస్టు 31, సెప్టెంబర్ 7, సెప్టెంబర్ 14 వరకు పలుమార్లు గడువు పొడిగిస్తూ వచ్చారు. చివరికి సెప్టెంబర్ 30 వరకు సమయం ఇచ్చారు. పెట్రోలియం, సహజ వాయువు మంత్రిత్వ శాఖ తెలిపిన వివరాల ప్రకారం, సెప్టెంబర్ 19 నాటికి దేశంలోని 274.3 మిలియన్ల (89.9%) మంది యాక్టివ్ వినియోగదారులు బయోమెట్రిక్ పూర్తి చేశారు.

సెప్టెంబర్ 30 నాటికి ఈ-కేవైసీ పూర్తి చేయకపోతే డొమెస్టిక్ సిలిండర్‌కు కూడా కమర్షియల్ ధర చెల్లించాల్సి వస్తుంది. దీనివల్ల మీ బడ్జెట్‌పై ఎంత భారం పడుతుందో ఈ క్రింది లెక్కల ద్వారా చూడవచ్చు..

• డొమెస్టిక్ ఎల్పీజీ ధరలు (14.2 కేజీలు): ప్రస్తుతం ఢిల్లీలో రూ. 942, ముంబైలో రూ. 941.50, కోల్‌కతాలో రూ. 968, చెన్నైలో రూ. 957.50 గా, హైదరాబాద్ లో రూ. 994.00 గా ఉన్నాయి.

• కమర్షియల్ ఎల్పీజీ ధరలు (19 కేజీలు): ఢిల్లీలో రూ. 2,747.50, ముంబైలో రూ. 2,701, కోల్‌కతాలో రూ. 2,884, చెన్నైలో రూ. 2,916.50 గా ఉన్నాయి.

ఒకవేళ మీరు ఈ-కేవైసీ పూర్తి చేయడంలో విఫలమైతే, ఢిల్లీలో డొమెస్టిక్ సిలిండర్‌పై దాదాపు రూ. 1,805.50 అదనంగా చెల్లించాల్సి ఉంటుంది (కమర్షియల్ రేటు రూ. 2,747.50 లో నుండి డొమెస్టిక్ రేటు రూ. 942 తీసివేస్తే). అన్ని ప్రధాన నగరాల్లోనూ వినియోగదారులపై ఇదే తరహా భారం పడనుంది.

ప్రతి నెలా మొదటి తారీఖున ఆయిల్ మార్కెటింగ్ కంపెనీలు ఎల్పీజీ ధరలను సవరిస్తాయి. కొత్త ధరలు అక్టోబర్ 1 నుండి అమలులోకి వస్తాయి. సెప్టెంబర్ 2026లో 19 కేజీల కమర్షియల్ సిలిండర్లపై రూ. 9.50 నుండి రూ. 11.50 వరకు ధరలను పెంచాయి. అంతకుముందు జూలై, ఆగస్టులలో ధరలను తగ్గించారు. అయితే, జూన్ 7 నుండి డొమెస్టిక్ గ్యాస్ ధరల్లో ఎలాంటి మార్పులు చేయలేదు.

అక్టోబర్ 1 నుండి బయోమెట్రిక్ ఈ-కేవైసీ పూర్తి కాని వినియోగదారులకు సబ్సిడీ ప్రయోజనాలను నిలిపివేయాలని ఆయిల్ మంత్రిత్వ శాఖ ఐఓసీఎల్, బీపీసీఎల్, హెచ్‌పీసీఎల్ కంపెనీలను ఆదేశించింది. సబ్సిడీ నిజమైన అర్హులకు మాత్రమే అందాలని, గృహ వినియోగ సిలిండర్లు కమర్షియల్ అవసరాలకు దుర్వినియోగం కాకుండా ఉండాలనే ఈ నిర్ణయం తీసుకున్నారు. వినియోగదారులు అథెంటికేషన్ పూర్తి చేసిన వెంటనే సబ్సిడీతో కూడిన రీఫిల్ బుకింగ్ మళ్లీ ప్రారంభమవుతుంది. గ్యాస్ సరఫరా పూర్తిగా నిలిచిపోదు కానీ సబ్సిడీ లేని మార్కెట్ ధరకే లభిస్తుంది.

ప్రస్తుతం 14.2 కేజీల సిలిండర్‌పై సెప్టెంబర్ 2026 నాటికి రూ. 210 సబ్సిడీ ప్రయోజనం ఉంది. జూన్‌లో ఇది రూ. 721 గా ఉండేది. వినియోగదారులకు సరసమైన ధరల్లో గ్యాస్ అందించేందుకు కేంద్ర ప్రభుత్వం ఆయిల్ కంపెనీలకు 2022-23లో రూ. 22,000 కోట్లు, 2025-26, 2026-27 సంవత్సరాలకు రూ. 30,000 కోట్ల పరిహారం ఇస్తోంది. అయినా కూడా ఆగస్టు 31 నాటికి కంపెనీల భారం రూ. 62,000 కోట్లు దాటింది.

ఈ-కేవైసీ ని తిరస్కరించే లేదా చేయలేని వినియోగదారులు కంపెనీల డిజిటల్ పోర్టల్స్, ఆప్, వాట్సాప్ చాట్‌బాట్ లేదా ఐవీఆర్‌ఎస్ ద్వారా తమ ఆప్షన్‌ను నమోదు చేసుకుని, లభ్యతను బట్టి 5 కేజీలు లేదా 10 కేజీల సిలిండర్లను మార్కెట్ ధరకు పొందవచ్చు.

గ్రామీణ ప్రాంత వినియోగదారులకు కేంద్రం ఊరటనిచ్చింది. రీఫిల్ బుకింగ్ మధ్య ఉండాల్సిన కనీస సమయాన్ని 45 రోజుల నుండి 25 రోజులకు తగ్గించింది. పట్టణ ప్రాంత వినియోగదారులకు మాత్రం బుకింగ్ వ్యవధిని 25 రోజులుగానే ఉంచారు. మరోవైపు, పీఎన్‌జీకి మారే ప్రక్రియను వేగవంతం చేసేందుకు సెప్టెంబర్ 1న ప్రారంభించిన ప్రోత్సాహక పథకం అక్టోబర్‌లోనూ కొనసాగుతుంది. పీఎన్‌జీ కనెక్షన్ తీసుకున్న గృహ వినియోగదారులు తమ ఎల్పీజీ కనెక్షన్‌ను రద్దు చేసుకోవడానికి 30 రోజుల సమయం ఇస్తారు. భవిష్యత్తులో ఒకవేళ పీఎన్‌జీ లేని ప్రాంతానికి మారితే మళ్లీ ఎల్పీజీ కనెక్షన్ పొందేలా ట్రాన్స్‌ఫర్ వోచర్ సదుపాయం కూడా ఇచ్చారు.

మిడిల్ ఈస్ట్ ఆంక్షల వల్ల గ్యాస్ కొరతను నివారించేందుకు మార్చి 2026 నుండి కొత్త ఎల్పీజీ కనెక్షన్లపై విధించిన నిషేధం ఇంకా కొనసాగుతోంది. ఇండియన్ ఆయిల్, హెచ్‌పీసీఎల్, బీపీసీఎల్ కంపెనీలు 14.2 కేజీల కొత్త కనెక్షన్లను ఇవ్వడం లేదు.

మార్చి 2026 నుండి అమల్లో ఉన్న "వన్ హౌస్‌హోల్డ్, వన్ కుకింగ్ గ్యాస్" నిబంధన అక్టోబర్‌లోనూ అమల్లో ఉంటుంది. అలాగే, గ్యాస్ డెలివరీ సమయంలో నమోదిత మొబైల్ నంబర్‌కు వచ్చే ఓటీపీ చెప్తేనే డెలివరీ పూర్తవుతుంది.

ఈ-కేవైసీ పూర్తి చేయడానికి 3 మార్గాలు ఉన్నాయి..

1. డెలివరీ సమయంలో: గ్యాస్ డెలివరీ బాయ్ వద్ద ఉన్న ఆయిల్ కంపెనీ యాప్ ద్వారా అథెంటికేషన్ పూర్తి చేయవచ్చు.

2. డిస్ట్రిబ్యూటర్ వద్ద: నేరుగా మీ ఎల్పీజీ డిస్ట్రిబ్యూటర్ షోరూమ్‌కు వెళ్లి ప్రక్రియ పూర్తి చేయవచ్చు.

3. మొబైల్ యాప్ ద్వారా: ఇండియన్ గ్యాస్ వినియోగదారులు 'IndianOil ONE', భారత్ గ్యాస్ వినియోగదారులు 'HelloBPCL', హెచ్‌పీ గ్యాస్ వినియోగదారులు 'HP PAY' యాప్‌ల ద్వారా స్వయంగా చేసుకోవచ్చు.

వినియోగదారులు అధికారిక యాప్‌లు, ఛానెళ్లను మాత్రమే ఉపయోగించాలి. తెలియని వ్యక్తులు లేదా ఏజెంట్లతో ఆధార్ ఓటీపీలను ఎట్టి పరిస్థితుల్లోనూ పంచుకోకూడదని ప్రభుత్వం హెచ్చరించింది.

Gold Price Today : బంగారం ధరలకు వరుసగా మూడో రోజు బ్రేక్.. 10 గ్రాములపై భారీగా తగ్గిన రేట్లు

Galam Venkata Rao — Tue, 29 Sep 2026 11:47:30 +0530

ఆంధ్ర ప్రదేశ్ లో జియో హవా.. ఏకంగా 3.29 కోట్లమంది ఈ నెట్ వర్క్ వాడుతున్నారా..!

Arun Kumar P — Tue, 29 Sep 2026 11:32:35 +0530

Reliance Jio : ఆంధ్రప్రదేశ్ టెలికాం విభాగంలో రిలయన్స్ జియో దూకుడు కొనసాగిస్తోంది. ఈ సంస్థ కనెక్టివిటీ విస్తరణను మరింత వేగవంతం చేసింది. 2026 ఆగస్టు నెలకు సంబంధించి TRAI వినియోగదారుల గణాంకాల ప్రకారం.. మొబైల్, వైర్‌లైన్ బ్రాడ్‌బ్యాండ్, ఫిక్స్‌డ్ వైర్‌లెస్ యాక్సెస్ (FWA) విభాగాల్లో జియోకు గణనీయంగా కొత్త కనెక్షన్లు వచ్చాయి. మొబైల్ సేవల్లో ఒక్క ఆగస్టులోనే 2.12 లక్షల మంది కొత్త కస్టమర్స్ జియో నెట్‌వర్క్‌లో చేరారు. దీంతో ఏపీ సర్కిల్‌లో సంస్థ మొత్తం మొబైల్ కస్టమర్స్ సంఖ్య సుమారు 3.29 కోట్లకు చేరింది. అలాగే గరిష్ఠ VLR (Visitor Location Register) నమోదైన రోజున 96.95 శాతం యాక్టివ్ సబ్‌స్క్రైబర్ నిష్పత్తి నమోదైంది.

బ్రాడ్‌బ్యాండ్‌లోనూ విస్తరణ

వైర్‌లైన్ బ్రాడ్‌బ్యాండ్ విభాగంలో కూడా జియో వృద్ధిని కొనసాగించింది. ఆగస్టులో 25,211 కొత్త వైర్‌లైన్ కనెక్షన్లు చేరడంతో ఏపీ సర్కిల్‌లో మొత్తం కనెక్షన్లు సుమారు 21.55 లక్షలకు పెరిగాయి. సంప్రదాయ కేబుల్ మౌలిక సదుపాయాలు ఏర్పాటు చేయడం కష్టమైన ప్రాంతాల్లో ఎయిర్‌ఫైబర్ వంటి వైర్‌లెస్ బ్రాడ్‌బ్యాండ్ సేవలు కూడా విస్తరణకు దోహదపడుతున్నాయి. 5G FWA (ఫిక్స్‌డ్ వైర్‌లెస్ యాక్సెస్) విభాగంలో 11,058, UBR FWA విభాగంలో 26,513 కొత్త కనెక్షన్లు నమోదయ్యాయి. దీంతో ఈ రెండు విభాగాల్లో కలిపి జియోకు ఏపీ సర్కిల్‌లో 12.64 లక్షలకు పైగా వైర్‌లెస్ బ్రాడ్‌బ్యాండ్ కనెక్షన్లు ఉన్నాయి.

జాతీయ స్థాయిలోనూ జియో వృద్ధి

దేశవ్యాప్తంగా కూడా ఆగస్టులో జియో బ్రాడ్‌బ్యాండ్, FWA విభాగాల్లో గణనీయమైన వృద్ధిని నమోదు చేసింది. హోమ్ బ్రాడ్‌బ్యాండ్ చందాదారుల చేరికలో సమీప పోటీదారుతో పోలిస్తే సుమారు 2.5 రెట్లు అధిక వృద్ధిని నమోదు చేసినట్లు గణాంకాలు సూచిస్తున్నాయి. ఆగస్టులో జియో సుమారు 4 లక్షల FWA కనెక్షన్లు జోడించగా, జాతీయ FWA మార్కెట్‌లో సంస్థ వాటా సుమారు 78.6 శాతంగా ఉంది. మొబైల్, ఫిక్స్‌డ్ బ్రాడ్‌బ్యాండ్, వైర్‌లెస్ బ్రాడ్‌బ్యాండ్ విభాగాల్లో ఏకకాలంలో కస్టమర్స్ ని పెంచుకోవడం ద్వారా ఏపీతో పాటు దేశవ్యాప్తంగా జియో తన కనెక్టివిటీ విస్తరణను కొనసాగిస్తోంది.

Bedroom Deep Cleaning: ఎంత క్లీన్ చేసినా బెడ్ రూంలో దుమ్ము ఉంటుందా? అయితే ఈ సింపుల్ టిప్స్ ట్రై చేయండి

Nandini Arava — Tue, 29 Sep 2026 11:04:40 +0530

Bedroom Deep Cleaning: బెడ్ రూం ఎంత నీట్ గా కనిపించినా కనిపించని దుమ్ము, క్రిములు అక్కడే పేరుకుపోతుంటాయి. దానివల్ల బ్యాడ్ స్మెల్ వస్తుంది. బెడ్ షీట్లు వారానికోసారి ఉతకడం, బెడ్ ను ఎండలో ఆరేయడం సహా 5 సింపుల్ టిప్స్ తో పడకగదిని క్లీన్ గా ఉంచుకోవచ్చు.

రోజూ ఉదయం లేవగానే బెడ్‌షీట్ దులిపి, దిండ్లు సర్దుతాం. మంచం నీట్‌గా ఉంటే గది మొత్తం శుభ్రంగా ఉన్నట్లే ఫీల్ అవుతాం. కానీ నిజానికి బెడ్‌పైనే దుమ్ము, చెమట, డెడ్ సెల్స్ ఎక్కువగా ఉంటాయి. కేవలం బెడ్‌షీట్ మార్చినంత మాత్రాన ఈ మురికి పోదు. దానివల్ల బ్యాడ్ స్మెల్ వస్తుంది. బెడ్ షీట్లు వారానికోసారి ఉతకడం, బెడ్ ను ఎండలో ఆరేయడం సహా 5 సింపుల్ టిప్స్ తో పడకగదిని క్లీన్ గా ఉంచుకోవచ్చు.

దీనివల్ల అలర్జీలు, ముక్కు దిబ్బడ, దురద, నిద్రలేమి లాంటి సమస్యలు వస్తాయి. అందుకే రోజూ ఇల్లు ఊడవడంతో పాటు వారానికోసారైనా బెడ్‌రూమ్‌ను 'డీప్ క్లీనింగ్' చేయాలని నిపుణులు చెబుతున్నారు. దీనికి పెద్దగా టైమ్ పట్టదు, కేవలం 30-40 నిమిషాల్లో ఈ 5 పనులు ఈజీగా చేసేయొచ్చు.

వారానికోసారి బెడ్‌షీట్, దిండు కవర్లను వేడి నీళ్లలో ఉతకాలి. పరుపును వాక్యూమ్ క్లీనర్‌తో బాగా శుభ్రం చేయండి. వాక్యూమ్ క్లీనర్ లేకపోతే, పరుపును ఓ రెండు గంటల పాటు ఎండలో పెట్టండి. దిండ్లను కూడా ఎండలో వేయాలి. ఇలా చేస్తే అందులో ఉండే డస్ట్ మైట్స్ చనిపోతాయి.

2. కర్టెన్లు, కిటికీలు

బెడ్‌రూమ్‌లోని కర్టెన్లకు చాలా దుమ్ము పట్టుకుంటుంది. వారానికోసారి వాటిని దులపండి లేదా వాక్యూమ్ చేయండి. కిటికీ గ్రిల్స్, స్లైడింగ్ డోర్ల సందులను తడి బ్రష్‌తో క్లీన్ చేయండి. అద్దం లేదా డ్రెస్సింగ్ టేబుల్‌ను తుడిస్తే గది వెంటనే మెరిసిపోతుంది.

ఏసీ, ఫ్యాన్ రెక్కలు, ట్యూబ్ లైట్లపై పేరుకుపోయే దుమ్ము గదిలోనే తిరుగుతూ ఉంటుంది. వారానికోసారి పొడి క్లాత్ తో ఫ్యాన్ రెక్కలను తుడవండి. సైడ్ టేబుల్, బీరువా పైభాగం, స్విచ్ బోర్డు లాంటి చోట్ల డిస్‌ఇన్‌ఫెక్టెంట్ స్ప్రే కొట్టి శుభ్రం చేయండి.

మంచం కింద, బీరువా వెనుక, కిటికీ మూలల్లోనే దుమ్ము ఎక్కువగా చేరుతుంది. ఈ ప్లేస్‌లను మనం రోజూ ఊడ్చం. అందుకే వారానికోసారి తడి క్లాత్ తో లేదా మాప్‌తో ఈ మూలలను తుడవండి. మంచం కింద అవసరం లేని వస్తువులను పెట్టకండి. అప్పుడే గాలి బాగా ఆడుతుంది. లేకపోతే చాలా దుర్వాసన వస్తుంది. అక్కడే దోమలు కూడా చేరుకుంటాయి. అందుకే మంచాలు, సోఫాల మూలలు వీలైనంత వరకూ క్లీన్ చేసుకోవాలి.

School Holidays : ఇంకా రెండ్రోజులే స్కూళ్లు, కాలేజీలు నడిచేది.. తర్వాత వరుసగా మూడ్రోజులు సెలవులే

Arun Kumar P — Tue, 29 Sep 2026 10:33:33 +0530

అక్టోబర్ నెల వస్తూనే సెలవులను మోసుకొస్తోంది. ఈ నెలలో ఇలా అడుగుపెట్టగానే అలా ఓ సెలవు వస్తోంది… ఇది కొందరు విద్యార్థులు, ఉద్యోగులకు లాంగ్ వీకెండ్ ను అందించనుంది. ఇంతకూ ఏరోజు, ఎందుకు సెలవుందో తెలుసుకుందాం.

School Holidays : సెలవులు... ఈ మాట వినిపిస్తే చాలు విద్యార్థులు ఎగిరిగంతేస్తారు. సాధారణంగా ఓ నెలలో ఒకటి రెండు ప్రత్యేక సెలవులు వస్తేనే పొంగిపోతారు, అలాంటి నెలలో సగానికి పైగా సెలవులుంటే... వారిని ఆనందాన్ని మాటల్లో చెప్పలేం. అలాంటిదే ఈ అక్టోబర్.. ఈ నెలలో దసరా పండక్కి 13 రోజుల సెలవులున్నాయి... వీటికి అదనంగా గాంధీ జయంతి సెలవు వస్తోంది, ఇక ఆదివారాలు ఎలాగూ ఉన్నాయి. ఇలా అక్టోబర్ నెలంతా హాలిడేస్ తో నిండిపోయి స్కూల్, కాలేజీ విద్యార్థులను అసలుసిసలైన పండగ చేసుకోమంటుంది.

ఇంకా సెప్టెంబర్ నెలే ముగియలేదు, అప్పుడే అక్టోబర్ సెలవుల గురించి మాట్లాడున్నాడేంటని అనుకుంటున్నారా? ఎందుకంటే అక్టోబర్ నెల ఆరంభంలోనే సెలవు వస్తోంది. సరిగ్గా పిల్లల పరీక్షల వేళ, దసరా హాలిడేస్ కు ముందు వస్తున్న ఈ హాలిడే చాలా ప్రత్యేకమైనది. అందుకే ఈ సెలవు గురించి ముందుగానే మాట్లాడాల్సి వస్తోంది.

తెలుగు రాష్ట్రాల్లో ఇంకా రెండ్రోజులే (సెప్టెంబర్ 30, అక్టోబర్ 1) స్కూళ్లు, కాలేజీలు నడిచేది... తర్వాత వరుసగా మూడ్రోజుల సెలవులు వస్తున్నాయి. ఇలా అక్టోబర్ నెల ప్రారంభమవుతుందో లేదో అలా సెలవు వస్తోంది. అక్టోబర్ 2న భారత జాతిపిత మహాత్మా గాంధీ జయంతి... ఈ సందర్భంగా దేశవ్యాప్తంగా అన్ని రాష్ట్రాల్లోని విద్యాసంస్థలు, ఆఫీసులకు సెలవు ఉంది. ఇది జాతీయ సెలవుదినం కాబట్టి తెలంగాణ, ఆంధ్ర ప్రదేశ్ లో కూడా విద్యార్థులు, ఉద్యోగులకు ఈ శుక్రవారం స్పెషల్ హాలిడే ఉంటుంది.

హైదరాబాద్, విశాఖపట్నం వంటి నగరాల్లో ఐటీ, కార్పోరేట్ కంపెనీలు ఎక్కువగా ఉంటాయి... ఈ ఉద్యోగులకు ప్రతి వీకెండ్ రెండ్రోజులు (శని, ఆదివారం) సెలవులుంటాయి. అయితే ఇలాంటి ఉద్యోగుల పిల్లలు ఎక్కువగా చదివే విద్యాసంస్థలు కూడా ప్రతి వీకెండ్ రెండ్రోజుల సెలవు విధానాన్ని పాటిస్తాయి. ఇలా వీకెండ్ రెండ్రోజుల సెలవులుండే విద్యార్థులకు గాంధీ జయంతి సెలవు కలిసిరానుంది... వీరికి వరుసగా అక్టోబర్ 2,3,4 (శుక్ర, శని, ఆదివారాలు) మూడ్రోజులు సెలవులే.

అయితే అక్టోబర్ 3 (శనివారం) సెలవు చాలా తక్కువమందికి వర్తిస్తుంది. తెలుగు రాష్ట్రాల్లోని అన్ని ప్రభుత్వ విద్యాసంస్థలకు శనివారం వర్కింగ్ డేనే... చాలా ప్రైవేట్ స్కూల్స్ యదావిధిగా నడుస్తాయి, కొన్నింటికి హాఫ్ డే ఉండవచ్చు. పరీక్షల సమయం కాబట్టి శనివారం డుమ్మా కొడితే మూడ్రోజుల సెలవులు కలిసివస్తాయని విద్యార్థులు భావించకూడదు... స్కూల్ ఉంటే తప్పనిసరిగా హాజరవ్వండి.

అక్టోబర్ 4 ఆదివారం... ప్రతి వారంలో మాదిరిగానే ఈరోజు స్కూళ్లు, కాలేజీలు, ఆఫీసులకు సెలవు ఉంటుంది. పరీక్షల సమయం కాబట్టి ఈ సండే కూడా విద్యార్థులకు ఎంతగానో ఉపయోగపడుతుంది... బాగా చదువుకుని ఎగ్జామ్ కు మరింత బాగా సన్నద్దం కావచ్చు. అప్పటికే ఎగ్జామ్స్ కోసం కష్టపడి చదివినవారు కాస్త రిలాక్స్ కావచ్చు. మొత్తంగా పరీక్షల మధ్యలో వచ్చే ఆదివారం విద్యార్థులకు చాలా ప్రత్యేకమైనది.

ఇలా గాంధీ జయంతి సెలవుతో కొందరికి లాంగ్ వీకెండ్ కలిసివస్తోంది. దసరా సెలవులకు ముందు ఇలా వరుసగా సెలవులు రావడం విద్యార్థులకు ఆనందాన్ని ఇస్తుంది. కానీ పరీక్షల సమయం కాబట్టి ఈ సెలవులను చదువు కోసమే కేటాయించాలి… తర్వాత ఎలాగూ దసరా సెలవులుంటాయి కాబట్టి అప్పుడు ఎంజాయ్ చేయవచ్చు.

జాతిపిత మహాత్మా గాంధీజీ ఆల్కహాల్ ను తీవ్రంగా వ్యతిరేకించేవారు. ఇది ఒక అలవాటు కాదు సమాజానికి పట్టిన అతిపెద్ద శాపంగా పేర్కొనేవారు. స్వాతంత్య్రం తర్వాత భారతదేశంలో మందు మహమ్మారిపై నిషేధం అమలు కావాలని ఆయన ఆకాంక్షించారు... కానీ అది జరగలేదు. అయితే మహాత్మా గాంధీపై గౌరవంతో ఆయన జన్మదినం రోజు అంటే అక్టోబర్ 2న దేశవ్యాప్తంగా ఆల్కహాల్ విక్రయాలను నిలిపివేస్తారు. ఇలా అక్టోబర్ 2న కూడా వైన్స్ లు, బార్లు బంద్ అవుతాయి... ఈరోజు మందు అమ్మడం చట్టరిత్యా నేరం.

Gold price Fall: పసిడి ప్రియులకు గుడ్ న్యూస్...మూడో రోజు బంగారం ధరలకు బ్రేక్..దిగొచ్చిన గోల్డ్

Nandini Arava — Tue, 29 Sep 2026 10:49:05 +0530

Gold price Fall: బంగారం ధరల్లో గత కొన్ని రోజులుగా కనిపించిన హెచ్చుతగ్గులకు బ్రేక్ పడింది. ఒక రోజు తగ్గుతూ, మరో రోజు పెరుగుతూ వచ్చిన పసిడి ధరలు వరుసగా మూడో రోజు భారీగా పడిపోయాయి. దీంతో బంగారం కొనుగోలు చేయాలనుకునే వారికి కొంత ఊరట లభించింది.

ప్రపంచ మార్కెట్లలో కొనసాగుతున్న అనిశ్చిత పరిస్థితుల ప్రభావం బంగారం ధరలపై కనిపిస్తోంది. అంతర్జాతీయంగా క్రూడ్ ఆయిల్ ధరలు పెరగడంతో ద్రవ్యోల్బణంపై ఆందోళనలు పెరుగుతున్నాయి. అదే సమయంలో అమెరికా డాలర్ విలువ బలపడటం కూడా బంగారం ధరలపై ఒత్తిడిని పెంచుతోంది.

చమురు ధరలు పెరిగితే రాబోయే రోజుల్లో ద్రవ్యోల్బణం మరింత పెరిగే అవకాశం ఉంటుందనే అంచనాలు ఉన్నాయి. ద్రవ్యోల్బణం అదుపులోకి రాకపోతే అమెరికా ఫెడరల్ రిజర్వ్ వడ్డీ రేట్లపై కఠిన వైఖరి అవలంబించే అవకాశం ఉందన్న అంచనాలు మార్కెట్లలో వినిపిస్తున్నాయి. ఈ పరిణామాల నేపథ్యంలో కొంతమంది ఇన్వెస్టర్లు ఇప్పటికే పెరిగిన బంగారం ధరలను సద్వినియోగం చేసుకుంటూ లాభాల స్వీకరణకు దిగుతున్నారు.

ఇన్వెస్టర్లు తమ వద్ద ఉన్న బంగారాన్ని విక్రయించడంతో మార్కెట్లో పసిడికి డిమాండ్ తగ్గుతోంది. దీంతో ధరలపై అమ్మకాల ఒత్తిడి పెరిగి వరుసగా మూడో రోజు బంగారం రేట్లు భారీగా తగ్గాయి.

మరోవైపు దేశీయ స్టాక్ మార్కెట్లు కూడా నష్టాల్లో కొనసాగుతున్నాయి. సెన్సెక్స్ సుమారు 670 పాయింట్లు నష్టపోయి 72,100 పాయింట్ల వద్ద ట్రేడ్ అవుతుండగా.. నిఫ్టీ 200 పాయింట్లు కోల్పోయి 22,580 పాయింట్ల వద్ద కొనసాగుతోంది.

ఇక తెలుగు రాష్ట్రాల్లో బంగారం ధరలను పరిశీలిస్తే.. 22 క్యారెట్ల పసిడి ధర 10 గ్రాములకు రూ.1,250 తగ్గింది. దీంతో 10 గ్రాముల ధర రూ.1,36,400కు చేరింది. అదే సమయంలో 24 క్యారెట్ల బంగారం ధర 10 గ్రాములకు రూ.1,370 తగ్గి రూ.1,48,800కు చేరుకుంది.

మూడో రోజు బంగారం ధరలు భారీగా తగ్గడం పసిడి కొనుగోలుదారులకు ఊరటనిచ్చే అంశంగా మారింది. అయితే అంతర్జాతీయ మార్కెట్లలో క్రూడ్ ఆయిల్, డాలర్ కదలికలు, ద్రవ్యోల్బణ అంచనాలు, అమెరికా ఫెడ్ నిర్ణయాలు రాబోయే రోజుల్లో బంగారం ధరలను ప్రభావితం చేసే అవకాశం ఉంది.

Sarees: పండగలు, ఫంక్షన్లకు ఈ చీరలు సూపర్ గా ఉంటాయి.. ట్రై చేయండి!

Kavitha G — Tue, 29 Sep 2026 10:47:22 +0530

Sarees: పండగలు, ఫంక్షన్లు, ప్రత్యేక సందర్భాల్లో అందంగా, ట్రెడిషనల్‌గా కనిపించాలంటే చీరకు మించిన మంచి ఎంపిక ఉండదు. మీ లుక్‌ను మరింత ఆకర్షణీయంగా మార్చే కొన్ని అందమైన చీరల డిజైన్స్‌ను ఇక్కడ చూద్దాం.

Eggs: రోజుకి ఎన్ని కోడిగుడ్లు తినాలి? మరీ ఎక్కువగా తింటే ఏమౌతుంది?

ramya Sridhar — Tue, 29 Sep 2026 10:45:43 +0530

Eggs: కోడి గుడ్డు ప్రోటీన్ కి మంచి సోర్స్. ప్రతిరోజూ కోడిగుడ్లు తీసుకోవాలని నిపుణులు కూడా చెబుతుంటారు. కానీ, రోజుకి ఎన్ని గుడ్లు తినాలి? మరీ ఎక్కువగా తింటే.. ఎలాంటి ఆరోగ్య సమస్యలు వస్తాయి..?

ఉడకబెట్టిన గుడ్డు లేదా ఆమ్లెట్ ప్లేట్‌లోకి రాగానే గటగటా తినేయడం చాలా మందికి అలవాటు. కండరాలు పెరగాలన్నా, బరువు తగ్గాలన్నా, కడుపు నిండిన అనుభూతి కలగాలన్నా గుడ్లు ఎంతగానో సహాయపడతాయి కాబట్టి వీటిని అందరూ ఇష్టంగా తింటుంటారు. అయితే, ఎన్ని ఎక్కువ గుడ్లు తింటే అంత ఎక్కువ ఆరోగ్యం అని చాలా మంది పొరపడుతుంటారు. కానీ నిపుణులు చెబుతున్నదాని ప్రకారం, రోజువారీ పరిమితికి మించి గుడ్లను ఎక్కువగా తీసుకోవడం వల్ల శరీరంపై తీవ్ర ప్రభావం పడుతుంది. ఎక్కువగా తింటే ఏం జరుగుతుందో ఇప్పుడు చూద్దాం…

జీర్ణవ్యవస్థపై భారం: గుడ్లలో ప్రోటీన్లు , కొవ్వులు అధికంగా ఉంటాయి. వీటిని ఒకేసారి మోతాదుకు మించి తింటే, శరీరం వాటిని పూర్తిగా జీర్ణం చేసుకోవడానికి చాలా సమయం పడుతుంది. దీనివల్ల కడుపులో గ్యాస్, ఉబ్బరం, అజీర్ణం, అసౌకర్యంగా అనిపించడం వంటి సమస్యలు తలెత్తుతాయి.

శరీరంలో వేడి చేయడం: ఆయుర్వేద , సాంప్రదాయ ఆరోగ్య సూత్రాల ప్రకారం, గుడ్లు శరీరంలో వేడిని పుట్టిస్తాయి. వీటిని ఎక్కువగా తినడం వల్ల కొందరిలో మొటిమలు రావడం, చర్మంపై దద్దుర్లు లేదా అలర్జీలు వచ్చే అవకాశం ఉంటుంది.

పోషక విలువల అసమతుల్యత: కేవలం గుడ్ల మీదే పూర్తిగా ఆధారపడితే శరీరానికి కావాల్సిన కార్బోహైడ్రేట్లు, ఆరోగ్యకరమైన పీచు పదార్థం (fiber), విటమిన్ సి వంటి ఇతర కీలక పోషకాలు అందవు. ఇది దీర్ఘకాలంలో పోషకాహారలోపానికి లేదా అసమతుల్యతకు దారితీస్తుంది.

గుండె ఆరోగ్యంపై ప్రభావం: గుడ్డులోని తెల్లసొన ఆరోగ్యానికి ఎంతో మంచిదే అయినప్పటికీ, పచ్చసొనలో కొలెస్ట్రాల్ శాతం ఎక్కువగా ఉంటుంది. గుండె సంబంధిత సమస్యలు లేదా హై కొలెస్ట్రాల్ ఉన్నవారు వీటిని ఎక్కువగా తీసుకుంటే రక్తనాళాలపై ఒత్తిడి పెరిగి గుండెపోటు ముప్పు పెరుగుతుంది.

బరువు పెరిగే అవకాశం: గుడ్లను మితంగా తింటే బరువు తగ్గేందుకు సహాయపడతాయి. కానీ వాటిని నూనెలు, వెన్న, చీజ్ వంటి అధిక క్యాలరీలు ఉండే పదార్థాలతో కలిపి అధికంగా తింటే బరువు తగ్గడానికి బదులుగా వేగంగా బరువు పెరిగే ప్రమాదం ఉంది.

గుడ్లు నిజంగానే ఆరోగ్యానికి ఎంతో మేలు చేస్తాయి. కాకపోతే, మీ శరీర తత్వానికి తగినట్లుగా మితంగా తిన్నప్పుడే వాటి ద్వారా పూర్తి పోషకాలు అందుతాయి. అతి సర్వత్ర వర్జయేత్ అన్నట్లుగా, ఏది ఎక్కువైనా అనర్థమే కాబట్టి గుడ్లను కూడా పరిమితంగా తింటూ ఆరోగ్యాన్ని కాపాడుకోండి. రోజుకి 2 లేదా 3 కి మించి తినకపోవడమే మంచిది.

Rakul Preet Singh IT Raid: రకుల్ ప్రీత్ సింగ్, వాసు భగ్నానీ ఇళ్లపై ఐటీ దాడులు.. దృశ్యం 3 నిర్మాణ సంస్థపై కూడా

Aithagoni Raju — Tue, 29 Sep 2026 10:22:31 +0530

తెలుగు, బాలీవుడ్, సౌత్ సినిమాల్లో తనకంటూ ఓ గుర్తింపు తెచ్చుకున్న హీరోయిన్ రకుల్ ప్రీత్ సింగ్ ఇప్పుడు మరో వార్తతో తెరపైకి వచ్చింది. రకుల్ భర్త జాకీ భగ్నానీ తండ్రి, ప్రముఖ నిర్మాత వాసు భగ్నానీతో పాటు పనోరమా స్టూడియోస్‌కు సంబంధించిన పలు ప్రాంతాల్లో ఐటీ అధికారులు సోదాలు చేయడం ఇండస్ట్రీలో చర్చనీయాంశమైంది.

`దృశ్యం 3` నిర్మాణ సంస్థపై కూడా ఐటీ దాడులు

ముంబై ఐటీ అధికారులు సెప్టెంబర్ 28న రకుల్ ప్రీత్ సింగ్, వాసు భగ్నానీ, అలాగే అజయ్ దేవగన్ 'దృశ్యం-3' సినిమా నిర్మాణ సంస్థ 'పనోరమా స్టూడియోస్'కు చెందిన దాదాపు 12 చోట్ల ఒకేసారి దాడులు చేశారు. సినిమా నిర్మాణానికి సంబంధించిన ఆర్థిక లావాదేవీల్లో ఏమైనా తేడాలు ఉన్నాయా అని అధికారులు ఆరా తీస్తున్నారు. ముఖ్యంగా సినిమాలకు సంబంధించిన డబ్బులు విదేశాలకు మళ్లించారనే అనుమానంతో ఈ దాడులు జరుగుతున్నట్లు సమాచారం.

ఈ సోదాల్లో ముంబై ఐటీ శాఖకు చెందిన పలు బృందాలు పాల్గొన్నాయి. ఆఫీసులు, ఇతర ముఖ్యమైన ప్రదేశాల్లో ఫైనాన్షియల్ రికార్డులు, లావాదేవీల వివరాలు, విదేశీ నగదు బదిలీలకు సంబంధించిన డాక్యుమెంట్లను అధికారులు క్షుణ్ణంగా పరిశీలిస్తున్నారు. అయితే, ఇప్పటివరకు పన్ను ఎగవేత జరిగినట్లు అధికారులు అధికారికంగా ఎలాంటి ప్రకటన చేయలేదు.

కుమార్ మంగత్ పాఠక్ నేతృత్వంలోని పనోరమా స్టూడియోస్ పేరు కూడా ఈ దాడుల్లో ప్రముఖంగా వినిపిస్తోంది. ఈ సంస్థ 'దృశ్యం' సిరీస్‌తో పాటు పలు హిట్ సినిమాలను నిర్మించింది. అజయ్ దేవగన్ నటించనున్న 'దృశ్యం 3' సినిమా కూడా ఈ బ్యానర్‌లోనే రాబోతోంది.

నిర్మాత జాకీ భగ్నానీని ప్రేమించి పెళ్లి చేసుకున్న రకుల్‌

ఇక రకుల్ ప్రీత్ సింగ్ పర్సనల్ లైఫ్ విషయానికొస్తే.. ఆమె నిర్మాత, నటుడు జాకీ భగ్నానీని పెళ్లి చేసుకున్న సంగతి తెలిసిందే. జాకీ భగ్నానీ, వాసు భగ్నానీ కొడుకు. భగ్నానీ ఫ్యామిలీకి చెందిన పూజా ఎంటర్‌టైన్‌మెంట్స్ ఎన్నో ఏళ్లుగా సినిమా నిర్మాణంలో ఉంది. దీంతో రకుల్ కుటుంబానికి సంబంధించిన వారిపై కూడా ఐటీ ఫోకస్ పడింది.

మొత్తానికి రకుల్ ప్రీత్ సింగ్, వాసు భగ్నానీ, పనోరమా స్టూడియోస్‌కు చెందిన 12 ప్రాంతాల్లో జరిగిన ఐటీ దాడులు బాలీవుడ్‌లో కలకలం రేపుతున్నాయి. ప్రస్తుతం విచారణ కొనసాగుతోంది. అధికారుల తనిఖీలు పూర్తయ్యాకే ఈ ఆర్థిక లావాదేవీలపై ఓ క్లారిటీ రానుంది. కాబట్టి, ఇప్పుడు వినిపిస్తున్న ఆరోపణలను నిజాలని నమ్మేయకుండా, విచారణ పూర్తయ్యే వరకు వేచి చూడాల్సిందే.

ఇది కేవలం ఐటీ సోదాలు మాత్రమే. 'ఆర్థిక లావాదేవీల్లో ఏమైనా అనుమానాస్పద అంశాలు ఉన్నాయా' అని మాత్రమే అధికారులు చెక్ చేస్తున్నారు. కాబట్టి రకుల్ ప్రీత్ సింగ్, వాసు భగ్నానీ, పనోరమా స్టూడియోస్‌ను ఇప్పుడే దోషులుగా చూడకూడదు, విచారణ ఎదుర్కొంటున్న వ్యక్తులుగా మాత్రమే చూడాలి.

రామాయణ్‌లో రకుల్‌ బిజీ

సినిమాల విషయానికొస్తే.. నితీష్ తివారీ దర్శకత్వంలో తెరకెక్కుతున్న 'రామాయణం' సినిమాలో రకుల్ ప్రీత్ సింగ్ 'శూర్పణఖ' పాత్రలో నటిస్తోంది. రణబీర్ కపూర్, సాయి పల్లవి, యశ్ లాంటి భారీ తారాగణంతో వస్తున్న ఈ సినిమాపై ఇప్పటికే భారీ అంచనాలు ఉన్నాయి.

Bigg Boss Telugu 10: కట్టలు తెంచుకున్న ముఖేష్‌, వర్షిణి రొమాన్స్.. పాపం దేబ్జానీ బకరా అయిపోయిందిగా

Aithagoni Raju — Tue, 29 Sep 2026 09:54:47 +0530

Bigg Boss Telugu 10: బిగ్‌ బాస్‌ తెలుగు 10లో లవ్‌ ట్రాక్‌ ఇప్పుడు హాట్‌ టాపిక్‌గా మారింది. ముఖేష్‌, వర్షిని సౌందరాజన్‌ మధ్య లేటేస్ట్ రొమాంటిక్‌ వీడియో వైరల్‌ అవుతుంది. రచ్చ రచ్చ చేస్తోంది.

బిగ్‌ బాస్‌ తెలుగు 10 రోజు రోజుకి ఆసక్తికరంగా మారుతుంది. మూడు వారాల్లో అనేక ట్విస్ట్ లు, టర్న్ లు చోటు చేసుకున్నాయి. మొదటివారమే ఇద్దరు ఎలిమినేట్‌ అయ్యారు. రెండో వారం మళ్లీ ఒకరు వచ్చారు. మూడో వారం అనూహ్యంగా వైల్డ్ కార్డ్ ఎంట్రీ ఇచ్చిన మిథిలేష్‌ రూ. 15 లక్షల సూట్‌కేసు తీసుకొని ఎలిమినేట్‌ అయ్యారు. ఇది మరింత క్రేజీ అని చెప్పొచ్చు. ఇక హౌజ్‌లో టాస్క్ లు హాట్ హాట్‌గా సాగుతున్నాయి. అయితే ఇందులో కంటెస్టెంట్ల రొమాన్స్ ఇప్పుడు చర్చనీయాంశంగా మారింది.

బిగ్‌ బాస్‌ హౌజ్‌లో లవ్‌ పెయిర్స్ కావడం సర్వసాధారణమే. గత సీజన్‌లో డీమాన్‌ పవన్‌, రీతూ చౌదరీ జోడీ కట్టారు. అలాగే కళ్యాణ్‌ పడాల, తనూజ మధ్య కూడా కొంత ట్రాక్‌ నడిచింది. అంతకు ముందు చాలా సీజన్లలో ఇలాంటి ట్రాక్‌లు నడిచాయి. ఆకట్టుకున్నాయి. ఇప్పుడు నడుస్తున్న ట్రాక్‌ షాకిచ్చేలా ఉంది. రొమాన్స్ పీక్‌ అనేలా ఉంది. పదులు సంఖ్యలో కెమెరాలు ఉన్నా కూడా కంటెస్టెంట్లు రెచ్చిపోతున్నారు. తాజాగా ముఖేష్‌, వర్షిణి మధ్య ట్రాక్‌ అలానే అనిపిస్తుంది. వీరిద్దరు ఒక టాస్క్ లో భాగంగా బిగ్‌ బాస్‌ ఇచ్చిన ఆయుధాలను దొంగిలించి దాచుకోవాల్సి ఉంటుంది. అందుకోసం రెండు టీములుగా విడిపోయారు.

అందులో భాగంగా వర్షిణి ఆయుధాలు దాచుకుందని చెప్పి ఆమెని పట్టుకున్నాడు ముఖేష్‌. అయితే వీరిద్దరు మధ్య లవ్ ట్రాక్‌ స్టార్ట్ అయి చాలా రోజులే అవుతుంది. ఇప్పుడు ఈ ఆయుధాలను దొంగిలించే టాస్క్ లో మాత్రం తమ మధ్య బాండింగ్‌ ఏ రేంజ్‌కి వెళ్లిందో చూపించారు. వర్షిణిని వెనకాల నుంచి హగ్‌ చేసుకొని ఆమెని గట్టిగా పట్టుకున్నాడు ముఖేష్‌. అయితే ముఖేష్‌ని హగ్‌ని ఆమె కూడా పాజిటివ్‌గానే తీసుకుంది, ఆయనకు రియాక్ట్ అయిన తీరు చూస్తుంటే వీరిద్దరి మధ్య రొమాన్స్ చాలా దూరం వెళ్తుందనిపిస్తుంది. చివర్లో ముఖేష్‌ గట్టిగా హగ్‌ చేసుకొని వదిలేశాడు. ఇద్దరు గుసగుసలు పెట్టుకున్నారు.

అంతేకాదు పలు సందర్భాల్లోనూ ఈ ఇద్దరు క్లోజ్‌గా మూవ్‌ అయ్యారు. గార్డెన్‌లో కలిసి పడుకున్నారు. వర్షం పడుతుంటే గొడుగు పట్టుకొని డ్యూయెట్లు పాడుకున్నారు. వర్షిణి ఒళ్లో ముఖేష్‌ పడుకున్నాడు. ఇలాంటివి చాలానే ఉన్నాయి. రియల్ లవ్‌ ట్రాక్‌ని తలపించేలా ఈ ఇద్దరి మధ్య రొమాన్స్ ఉండటం విశేషం. ఈ వీడియో క్లిప్‌లను కట్‌ చేసి సోషల్‌ మీడియాలో పోస్ట్‌ చేసి బిగ్‌బాస్‌ లవర్స్ రచ్చ చేస్తున్నారు. మిగిలిన వాళ్లేమో టాస్క్ కోసం కొట్టాడుకుంటుంటే, వీరిద్దరేమో రొమాన్స్ చేసుకుంటున్నారని పోస్ట్ లు పెడుతున్నారు. మరికొందరేమో.. ఇలా తెగించారేంటి? అని, వామ్మో ఇది పీక్‌ అంటూ కామెంట్లు చేస్తున్నారు. మొత్తంగా రొమాన్స్ తో ముఖేష్‌, వర్షిణి ఇప్పుడు వార్తల్లో నిలిచారు. వీరి కంటెంట్‌ వైరల్‌గా మారింది.

ఇదిలా ఉంటే ఈ విషయంలో దేబ్జానీ బకరా అయ్యింది. ఆమె మొదట్నుంచి ముఖేష్‌తో ట్రాక్ నడిపిద్దామని ప్లాన్‌ చేసింది. తనకు ముఖేష్‌ అంటే ఇష్టమని చెప్పింది. ఆ ఇష్టాన్ని చెబుదామనుకుంటే, వాడు రావడం లేదని, అటు వైపు పులిహోర కలుపుతున్నాడు, ఇటు వైపు పులిహోర కలుపుతున్నాడని, నా వద్దకు మాత్రం రావడం లేదని నాగార్జున ముందే చెప్పాడు. అంతేకాదు ముఖేష్‌.. వర్షిణితో కలిసి స్విమ్మింగ్‌ ఫూల్‌లో స్విమ్‌ చేసినప్పుడు కూడా తన ఆవేదన వ్యక్తం చేసింది. ముఖేష్‌ తనకు అన్యాయం చేస్తున్నాడని వెల్లడించింది. అయినా ఆమెని పట్టించుకోలేదు ముఖేష్‌. వర్షిణితోనే పులిహోర కలుపుతున్నాడు. ఇప్పుడు అది వేరే స్థాయికి వెళ్లినట్టు తాజా కంటెంట్‌ చూస్తుంటే తెలుస్తోంది. మరి ఈ ట్రాక్ ఎటు వెళ్తుందో చూడాలి.

Bangles Set:పట్టుచీరల మీదకు మ్యాచింగ్ గాజుల సెట్స్.. చూపు తిప్పుకోలేరు

ramya Sridhar — Tue, 29 Sep 2026 09:50:36 +0530

Bangles Set: చీర కట్టుకున్నప్పుడు చేతుల నిండుగా గాజులు వేసుకుంటే వచ్చే లుక్కే వేరు. ముఖ్యంగా.. చీరలకు మ్యాచింగ్ గా ఉన్న మట్టి గాజులకు, సైడ్ కి గోల్డ్ బ్యాంగిల్స్ తో మ్యాచ్ చేసి వేస్తే.. లుక్ అదిరిపోతుంది. అలాంటి గాజుల డిజైన్లు ఓసారి చూద్దాం…

US High Paying Jobs: అమెరికాలో ఏ ఉద్యోగాలకు అత్యధిక జీతం వస్తుంది? భారతీయులకు టాప్ 7 ఆప్షన్స్ ఇవే

Mahesh Rajamoni — Tue, 29 Sep 2026 09:09:48 +0530

US High Paying Jobs: అమెరికాలో ఉన్నత చదువులు పూర్తి చేసిన లేదా నైపుణ్యం కలిగిన భారతీయ ఐటీ, మెడికల్ ప్రొఫెషనల్స్ అత్యధిక జీతాలు అందించే ఉద్యోగాల వైపే మొగ్గు చూపుతారు. మరి అమెరికాలో ఏ ఉద్యోగాలకు ఎక్కువ జీతం వస్తుంది? ఇండియన్స్‌కు బెస్ట్ ఆప్షన్స్ ఏంటి?

అమెరికాలో ఉద్యోగం చేయాలి, భారీగా సంపాదించాలి అనేది చాలా మంది భారతీయుల కల. అయితే యూఎస్‌లో అన్ని రకాల ఉద్యోగాలకు ఒకేలాంటి వేతనాలు ఉండవు. కొన్ని రంగాల్లో మాత్రం మైండ్ బ్లాక్ అయ్యే రేంజ్‌లో శాలరీలు ఇస్తుంటారు. ముఖ్యంగా మెడిసిన్, టెక్నాలజీ, మేనేజ్‌మెంట్, ఫైనాన్స్, లా రంగాల్లో ఉన్నవారికి అమెరికాలో భారీగా డిమాండ్‌తో పాటు అత్యధిక జీతాలు అందుతున్నాయి.

వాస్తవానికి భారతీయులకు ఇది మాత్రమే బెస్ట్ అని అమెరికా ప్రభుత్వం అధికారికంగా ఏ ర్యాంకింగ్స్ ఇవ్వదు. కానీ, హెచ్-1బి వీసా, స్టెమ్ కోర్సులు, ఐటీ, హెల్త్‌కేర్ డేటాను పరిశీలిస్తే.. మనవాళ్లు ఏ రంగాల్లో ఎక్కువగా రాణిస్తున్నారో స్పష్టంగా తెలుస్తోంది. యూఎస్‌సీఐఎస్ గణాంకాల ప్రకారం, అమెరికాలో ఆమోదం పొందుతున్న హెచ్-1బి వీసాలలో ఏకంగా 71 శాతం భారతీయులకే దక్కుతున్నాయి. వీటిలో కంప్యూటర్, టెక్నాలజీ ఆధారిత ఉద్యోగాలదే హవా.

అమెరికాలో అత్యంత ఎక్కువ జీతం లభించే రంగం మెడిసిన్. యూఎస్ బ్యూరో ఆఫ్ లేబర్ స్టాటిస్టిక్స్ (BLS) డేటా ప్రకారం, ఫిజిషియన్లు, సర్జన్ల సగటు వార్షిక వేతనం సుమారు రూ. 2.3 కోట్లు కంటే ఎక్కువే ఉంటుంది.

• పిడియాట్రిక్ సర్జన్స్: సుమారు ₹4.66 కోట్లు

• కార్డియాలజిస్ట్స్: సుమారు ₹4.14 కోట్లు

• రేడియాలజిస్ట్స్: సుమారు ₹3.51 కోట్లు

• సర్జన్లు: సుమారు ₹3.45 కోట్లు

• అనస్థీషియాలజిస్ట్స్: సుమారు ₹3.26 కోట్లు

అయితే భారతదేశంలో ఎంబీబీఎస్ లేదా పీజీ పూర్తి చేసినంత మాత్రాన అక్కడ నేరుగా ప్రాక్టీస్ చేయలేరు. యూఎస్ మెడికల్ లైసెన్సింగ్ ఎగ్జామ్స్, క్లినికల్ ట్రైనింగ్, రెసిడెన్సీ వంటి దశలను దాటాల్సి ఉంటుంది.

భారతీయులకు అత్యంత సులువైన, ప్రాచుర్యం పొందిన మార్గం సాఫ్ట్‌వేర్ రంగం. 2025 BLS లెక్కల ప్రకారం సాఫ్ట్‌వేర్ డెవలపర్ల సగటు జీతం సుమారు ₹1.13 కోట్లు కాగా, పెద్ద సాఫ్ట్‌వేర్ పబ్లిషింగ్ కంపెనీల్లో ఇది సుమారు ₹1.37 కోట్ల వరకు ఉంది.

ఆర్టిఫిషియల్ ఇంటెలిజెన్స్ (AI), మిషన్ లెర్నింగ్, క్లౌడ్ కంప్యూటింగ్, సైబర్ సెక్యూరిటీ వంటి నైపుణ్యాలు ఉన్న సీనియర్ నిపుణులకు దాదాపు రూ. 1.3 కోట్ల నుండి రూ. 2.9 కోట్లకు పైగా వార్షిక ప్యాకేజీలు లభిస్తున్నాయి.

టెక్ రంగానికి అనుభవం తోడైతే మేనేజ్‌మెంట్ వైపు అడుగులు వేయవచ్చు. ఇక్కడ జీతాలు ఇంకా భారీగా ఉంటాయి.

• కంప్యూటర్ & ఇన్ఫర్మేషన్ సిస్టమ్స్ మేనేజర్లు: సగటు జీతం సుమారు ₹1.60 కోట్ల వరకు ఉంటుంది.

• ఇంజనీరింగ్ విభాగాలు: మెకానికల్, ఎలక్ట్రికల్, సెమికండక్టర్, ఏరోస్పేస్ రంగాలు H-1B వీసా ఆమోదాల్లో దాదాపు 10 శాతం వాటా కలిగి ఉన్నాయి. ఇక్కడ అనుభవాన్ని బట్టి సుమారు ₹70.9 లక్షల నుండి ₹1.00 కోట్లకు పైగా అందుకోవచ్చు.

కార్పొరేట్ ఫైనాన్స్, ఇన్వెస్ట్‌మెంట్ బ్యాంకింగ్, రిస్క్ మేనేజ్‌మెంట్ రంగాల్లో కూడా వేతనాలు అద్భుతంగా ఉంటాయి. సగటు వార్షిక వేతనం సుమారు ₹1.56 కోట్లుగా నమోదు కాగా, ఇన్వెస్ట్‌మెంట్ బ్యాంకింగ్‌లో పనిచేసే వారికి ప్రాథమిక జీతంతో పాటు భారీ బోనస్‌లు లభిస్తాయి. ఇది మొత్తం ప్యాకేజీని సుమారు ₹1.25 కోట్ల నుండి ₹3.34 కోట్ల కంటే పైగా ఉంటుంది.

కేవలం జీతం మాత్రమే చూసి అమెరికా వెళ్లడం కుదరదు. అక్కడ ఉద్యోగం చేయడానికి వీసా ప్రాసెస్, ట్యాక్స్ సిస్టమ్ అర్థం చేసుకోవడం ముఖ్యం.

• H-1B వీసా: నిపుణులైన ఉద్యోగుల కోసం దీనిని ఉపయోగిస్తారు. FY2024లో ఆమోదం పొందిన H-1B పిటిషన్లలో భారత్‌లో జన్మించిన లబ్ధిదారులు 2,83,397 (71%) మంది ఉన్నారు.

• L-1, O-1 వీసాలు: ఇంటర్నెట్ లేదా ఎంఎన్‌సీ కంపెనీల అంతర్గత బదిలీలకు L-1 వీసా, అసాధారణ నైపుణ్యం ఉన్న పరిశోధకులకు O-1 వీసాలు ఉపయోగిస్తారు.

• STEM OPT: యూఎస్‌లో STEM కోర్సులు చేసిన భారతీయ విద్యార్థులకు హెచ్-1బి రాకపోయినా, మూడేళ్ల పాటు పనిచేసే అవకాశం దక్కుతుంది.

అమెరికాలో అత్యధిక జీతం పొందాలంటే డాక్టర్, సర్జన్ వంటి వృత్తులు మొదటి స్థానంలో ఉంటాయి. కానీ భారతీయులకు వేగంగా, సులువుగా అవకాశాలు దక్కేది మాత్రం ఏఐ, సాఫ్ట్‌వేర్ ఇంజనీరింగ్, డేటా సైన్స్, క్లౌడ్ కంప్యూటింగ్, ఫైనాన్స్ రంగాల్లోనే.

30 కోట్ల రెమ్యునరేషన్, 300 కోట్లకుపైగా ఆస్తులు, 4000 కోట్ల బడ్జెట్ సినిమా చేస్తున్నహీరో?

Mahesh Jujjuri — Tue, 29 Sep 2026 08:47:55 +0530

సినిమాలు, బ్రాండ్ ఎండార్స్‌మెంట్లు, వ్యాపారాల ద్వారా వందల కోట్ల ఆస్తులు సంపాదించిన ఓ హీరో.. 4000 కోట్ల బడ్జెట్ మూవీ చేస్తున్నాడు. ఆయన గ్యారేజీలో బెంట్లీ, రేంజ్ రోవర్, మెర్సిడెస్, ఆడి లాంటి ఎన్నో లగ్జరీ కార్లు ఉన్నాయి.

బాలీవుడ్ టాప్ హీరోల్లో రణబీర్ కపూర్ ఒకడు. సినిమాలు, బ్రాండ్ ఎండార్స్‌మెంట్లు, పెట్టుబడుల ద్వారా ఆయన భారీగా ఆస్తులు కూడబెట్టాడు. మీడియా రిపోర్ట్స్ ప్రకారం రణబీర్ ఆస్తుల విలువ సుమారు రూ.345 కోట్లు ఉంటుంది. అయితే ఇది కేవలం అంచనా మాత్రమే.

రణబీర్ ఏడాదికి రూ.30 కోట్లకు పైగా సంపాదిస్తున్నాడని సమాచారం. ఒక్కో సినిమాకు ఆయన భారీగా రెమ్యునరేషన్ తీసుకుంటాడు. వరుస సినిమాలు, బ్రాండ్స్ ఆయన ఆదాయాన్ని అమాంతం పెంచుతున్నాయి.

లగ్జరీ కార్ల గ్యారేజ్

రణబీర్ సినిమాలతో పాటే ఆయన కార్ల కలెక్షన్ గురించి కూడా జనాలు ఎక్కువగా మాట్లాడుకుంటారు. ఆయన దగ్గర ఎన్నో ప్రీమియం, లగ్జరీ ఎస్‌యూవీ కార్లు ఉన్నాయి.

రణబీర్ గ్యారేజీలో బెంట్లీ కాంటినెంటల్ జీటీ వీ8, ల్యాండ్ రోవర్ రేంజ్ రోవర్ ఆటోబయోగ్రఫీ, మెర్సిడెస్-ఏఎంజీ జీ63, ఆడి ఆర్8 లాంటి ఖరీదైన కార్లు ఉన్నాయి. ఆడి ఏ8 ఎల్ తో పాటు మరికొన్ని లగ్జరీ కార్లలో కూడా ఆయన చాలాసార్లు కనిపించాడు.

2024లో రణబీర్ గ్యారేజీలోకి బెంట్లీ కాంటినెంటల్ జీటీ వీ8 కారు వచ్చి చేరింది. దీని ధర సుమారు రూ.6 కోట్ల నుంచి రూ.8 కోట్ల వరకు ఉంటుందని అంచనా.

ముంబై వీధుల్లో రణబీర్ ఈ డార్క్ కలర్ బెంట్లీ కారును నడుపుతూ చాలాసార్లు కనిపించాడు. దీంతో ఈ కారు ఆయన ఫేవరెట్ అని ఫ్యాన్స్ ఫిక్స్ అయ్యారు.

మెర్సిడెస్-ఏఎంజీ, రేంజ్ రోవర్

పవర్‌ఫుల్ లగ్జరీ ఎస్‌యూవీలంటే రణబీర్‌కు చాలా ఇష్టం. ఆయన దగ్గర ఉన్న మెర్సిడెస్-ఏఎంజీ జీ63, రేంజ్ రోవర్ ఆటోబయోగ్రఫీ కార్ల ధరలు వరుసగా రూ.2 కోట్లు, రూ.3 కోట్లకు పైనే ఉంటాయి.

వీటితో పాటు పెర్ఫార్మెన్స్ స్పోర్ట్స్ కారు ఆడి ఆర్8 కూడా రణబీర్ కార్ల కలెక్షన్‌లో ప్రత్యేక ఆకర్షణగా నిలుస్తుంది.

మరిన్ని లగ్జరీ కార్లు

ఇటీవలి రిపోర్ట్స్ ప్రకారం రణబీర్ దగ్గర మెర్సిడెస్-ఏఎంజీ ఎస్ఎల్ 55 4మ్యాటిక్, లెక్సస్ ఎల్ఎమ్ 350హెచ్, బీఎమ్‌డబ్ల్యూ 7 సిరీస్, ఆడి ఏ8 ఎల్, టయోటా వెల్‌ఫైర్ లాంటి ఖరీదైన కార్లు కూడా ఉన్నాయి. మోడల్, షోరూమ్ ధరలను బట్టి వీటి రేట్లు మారుతూ ఉంటాయి.

బ్లాక్‌బస్టర్ సినిమాలు, లగ్జరీ ఆస్తులు, ఖరీదైన కార్లు.. ఇవన్నీ బాలీవుడ్‌లో రణబీర్ కపూర్ సాధించిన సక్సెస్‌కు నిదర్శనం. చేతిలో భారీ ప్రాజెక్టులు ఉండటంతో, ఆయన సంపాదన, ఆస్తుల వివరాలు తెలుసుకోవడానికి ఫ్యాన్స్ ఎప్పుడూ ఆసక్తి చూపిస్తుంటారు. ప్రస్తుతం రణ్ బీర్ కపూర్ రామాయణ సినిమాలో నటిస్తున్నాడు. రెండు భాగాలుగా తెరకెక్కుతోన్న ఈసినిమా దాదాపు 4000 కోట్ల బడ్జెట్ తో తెరకెక్కుతున్నట్టు తెలుస్తోంది. రణ్ బీర్ కపూర్ రాముడిగా, సాయి పల్లవి సీతగా నటిస్తునండగా.. కన్నడ రాకింగ్ స్టార్ యష్ రావణుడిగా నటిస్తున్నారు.

Weather Update: బంగాళాఖాతంలో ఉపరితల ఆవర్తనం.. ఏపీ, తెలంగాణలో మళ్లీ వానలు.. ఈ ప్రాంతాలకు అలర్ట్

Mahesh Rajamoni — Tue, 29 Sep 2026 08:19:54 +0530

Weather Update: బంగాళాఖాతంలో ఏర్పడిన ఆవర్తనంతో తెలుగు రాష్ట్రాల్లో వర్షాలు పడే అవకాశం ఉందని భారత వాతావరణ శాఖ తెలిపింది. ఈ క్రమంలోనే పలు ప్రాంతాలకు హెచ్చరికలు పంపింది. తెలంగాణ, ఆంధ్రప్రదేశ్ వాతావరణ అప్‌డేట్స్‌ మీకోసం.

తెలుగు రాష్ట్రాల్లో వాతావరణం మళ్లీ మారుతోంది. గత కొన్ని రోజులుగా దంచికొట్టిన వర్షాలు కాస్త తగ్గుముఖం పట్టాయని ఊపిరి పీల్చుకునే లోపే, బంగాళాఖాతంలో పరిణామాలు మళ్లీ మారాయి. ప్రస్తుతం బంగాళాఖాతంలో ఉపరితల ఆవర్తనం కొనసాగుతోంది. దీనికితోడు కర్ణాటక నుంచి తమిళనాడు మీదుగా ఒక ద్రోణి విస్తరించి ఉంది. ఈ రెండింటి ప్రభావంతో పాటు నైరుతి రుతుపవనాల ఉపసంహరణ ప్రక్రియ ఊపందుకోవడంతో ఆంధ్రప్రదేశ్, తెలంగాణ రాష్ట్రాల్లో రానున్న రోజుల్లో వర్షాలు కురిసే అవకాశాలు ఉన్నాయని భారత వాతావరణ శాఖ అధికారులు వెల్లడించారు.

తెలంగాణ విషయానికి వస్తే, ప్రస్తుతం భారీ వర్షాలకు సంబంధించి ఎలాంటి అత్యవసర హెచ్చరికలు లేదా ప్రత్యేక అలర్ట్‌లు జారీ చేయలేదు. కానీ, రాష్ట్రంలోని పలు ప్రాంతాల్లో తేలికపాటి నుంచి మోస్తరు వర్షాలు పడే ఛాన్స్ ఉంది. ముఖ్యంగా కొన్ని జిల్లాల్లో ఉరుములు, మెరుపులతో కూడిన వర్షాలతో పాటు గంటకు 30 నుంచి 40 కిలోమీటర్ల వేగంతో బలమైన ఈదురుగాలులు వీచే అవకాశం ఉందని వాతావరణ కేంద్రం తెలిపింది. వాతావరణం క్షణాల్లో మారే అవకాశం ఉన్నందున బయటకు వెళ్లేవారు, వాహనదారులు కాస్త అప్రమత్తంగా ఉండటం మంచిదని ఐఎండీ పేర్కొంది.

ఆంధ్రప్రదేశ్ రాష్ట్రంలో దిగువ ట్రోపో ఆవరణంలో వాయువ్య దిశ నుంచి గాలులు వీస్తున్నాయి. రాష్ట్రా వ్యాప్తంగా అక్కడక్కడ తేలికపాటి నుంచి ఒక మోస్తరు వర్షాలు పడొచ్చని ఆంధ్రప్రదేశ్ రాష్ట్ర విపత్తుల నిర్వహణ సంస్థ (APSDMA) తెలిపింది. ముఖ్యంగా పార్వతీపురం మన్యం, అనకాపల్లి, డాక్టర్ బి.ఆర్. అంబేడ్కర్ కోనసీమతో పాటు రాయలసీమలోని అనంతపురం, శ్రీ సత్యసాయి, వైఎస్ఆర్ కడప జిల్లాల్లో కొన్ని చోట్ల మోస్తరు వర్ష సూచన ఉంది. ఉత్తరాంధ్ర, రాయలసీమలోని మిగతా జిల్లాల్లోనూ అక్కడక్కడ చెదురుమదురుగా జల్లులు కురిసే అవకాశం ఉందని అధికారులు వెల్లడించారు.

ఇక ఎగువన వర్షాలు తగ్గుముఖం పట్టడంతో గోదావరి నదిలో వరద ఉధృతి కాస్త తగ్గుతోంది. భద్రాచలం వద్ద నీటిమట్టం 36.4 అడుగులకు చేరుకోగా, కూనవరం వద్ద 17.8 మీటర్లు, పోలవరం వద్ద 11.7 మీటర్లుగా నమోదైంది. డాక్టర్ బి.ఆర్. అంబేడ్కర్ ధవళేశ్వరం బ్యారేజీ వద్దకు ప్రస్తుతం 9.71 లక్షల క్యూసెక్కుల నీరు చేరుతుండటంతో, వచ్చిన నీటిని వచ్చినట్లే దిగువకు విడుదల చేస్తున్నారు. వరద కాస్త తగ్గుతున్నప్పటికీ లోతట్టు ప్రాంతాల ప్రజలు అప్రమత్తంగా ఉండాలని అధికారులు సూచించారు.

వరద నీరు ప్రవహిస్తున్న వాగులు, వంకలు, పొంగిపొర్లుతున్న కాజ్‌వేలు, కల్వర్టులను దాటేందుకు ప్రయత్నించవద్దని విపత్తుల నిర్వహణ సంస్థ హెచ్చరించింది. పిడుగులు పడే అవకాశం ఉన్నందున, ఉరుములు-మెరుపుల సమయంలో ప్రజలు చెట్ల కింద గానీ, విద్యుత్ స్తంభాలు లేదా పాత హోర్డింగ్‌ల వద్ద నిలబడకూడదని స్పష్టం చేశారు. రైతులు, గొర్రెల కాపరులు వర్షం కురిసే సమయంలో సురక్షితమైన కాంక్రీట్ నిర్మాణాలలో ఆశ్రయం పొందడం మంచిదని పేర్కొన్నారు.

Paradise 5 Days Collections: సడెన్‌గా పడిపోయిన ప్యారడైజ్‌ కలెక్షన్లు.. నాని మూవీ హిట్‌ కావాలంటే ఎంత రావాలంటే?

Aithagoni Raju — Tue, 29 Sep 2026 07:30:09 +0530

Paradise 5 Days Collections: నాని హీరోగా నటించిన `ది ప్యారడైజ్‌` మూవీ మొదటి వారాంతంలో అదిరిపోయే వసూళ్లని రాబట్టింది. కానీ సోమవారం మాత్రం సడెన్‌గా పడిపోయింది. మరి ఐదు రోజుల్లో ఇది ఎంత కలెక్ట్ చేసిందంటే?

నాని, కయాదు లోహర్ జంటగా, దర్శకుడు శ్రీకాంత్‌ ఓడెల రూపొందించిన `ది ప్యారడైజ్‌` మూవీ మాస్‌, యాక్షన్‌ కమర్షియల్‌ మూవీగా వచ్చి ఆకట్టుకుంటోంది. అనేక నెగటివ్‌ కామెంట్స్ వచ్చినా,ఈ చిత్రం బాక్సాఫీసు వద్ద సత్తా చాటింది. నాని నటన, యాక్షన్‌, దర్శకుడు శ్రీకాంత్‌ ఓడెల టేకింగ్‌, విలక్షణ నటుడు మోహన్‌బాబు విలనిజం, తల్లి సెంటిమెంట్‌, కయాదు లోహర్‌ గ్లామర్‌ సినిమాలో హైలైట్‌గా నిలిచాయి. ప్రియదర్శి పాత్ర మరో హైలైట్‌గా చెప్పొచ్చు. దీనికితో అనిరుథ్‌ రవిచందర్‌ సంగీతం ప్లస్‌ అయ్యింది. అయితే సెంటిమెంట్‌, ఎమోషన్స్ పండలేదనే విమర్శలు వచ్చాయి. దర్శకుడు క్లారిటీ మిస్‌ అయ్యడని అంటున్నారు. ఓవరాల్‌గా ఈ చిత్రంపై యావరేజ్‌ టాక్‌ వచ్చింది.

కానీ భారీ అంచనాల మధ్య విడుదలైన `ది ప్యారడైజ్‌` మూవీకి మొదటిరోజు దుమ్మలేపే కలెక్షన్లు వచ్చాయి. నాని కెరీర్‌లోనే అత్యధికం కావడం విశేషం. పాన్‌ ఇండియా హీరో రేంజ్‌లో ఈ చిత్రం రాబట్టింది. ఈ దెబ్బతో నాని లెక్క మారిపోయింది. అయితే ఇందులో టికెట్‌ రేట్ల పెంపు కూడా ఓ కారణమని చెప్పొచ్చు. ఏదేమైనా `ప్యారడైజ్‌` మూవీ బాక్సాఫీసుని షేక్‌ చేసింది. వీకెండ్‌ వరకు అదిరిపోయే వసూళ్లని రాబట్టిన ఈ చిత్రం సోమవారం మాత్రం భారీగా పడిపోయింది. అది ఒక స్థాయిని మించి పడిపోవడం ఆశ్చర్యపరుస్తుంది.

సోమవారం ఈ చిత్రం ఇండియాలో రూ.5.85కోట్ల గ్రాస్‌ని చేసింది. ఓవర్సీస్‌లో కేవలం రూ.75లక్షలు మాత్రమే చేసింది. అక్కడ కూడా భారీగా పడిపోయింది. ఆదివారంతో పోల్చితే ఈ మూవీ సోమవారం ఏకంగా 60-70శాతం పడిపోవడం ఆశ్చర్యపరుస్తోంది. టికెట్‌ రేట్లు ఎక్కువగానే ఉన్నా, ఈ స్థాయిలో డ్రాప్‌ కావడం ఆశ్చర్యపరుస్తోంది. ఇది టీమ్‌ని కూడా కలవరానికి గురి చేస్తోంది. మొత్తంగా సోమవారం ప్రపంచ వ్యాప్తంగా రూ.6.60కోట్ల గ్రాస్‌ రాబట్టింది. అయితే ఈ చిత్రానికి మేజర్‌గా కలెక్షన్లు నైజాం నుంచే వచ్చాయి. ఇక్కడ ఇది ఏకంగా రూ.50కోట్లు చేసింది. ఓవర్సీస్‌లో ముప్పై కోట్లు రాబట్టింది. కర్నాటకలో పది కోట్లు దాటింది. ఏపీలో తక్కువగా వచ్చాయి. హిందీలో కూడా డీసెంట్‌ నెంబర్స్ వచ్చాయి. తమిళనాడు, కేరళాలోనూ నాని కెరీర్‌లోనే బెటర్‌ కలెక్షన్లు రావడం విశేషం. మొత్తంగా ఈ మూవీ ఐదు రోజుల్లో ప్రపంచ వ్యాప్తంగా రూ.144.85కోట్లు రాబట్టినట్టు సాక్నిల్క్ సైట్‌ వెల్లడించింది. టీమ్‌ చెప్పిన లెక్కల ప్రకారం ఇది ఆదివారంతోనే రూ.155కోట్లు చేసింది. సోమవారంతో రూ.160కోట్లు దాటుతుందని చెప్పొచ్చు.

ది ప్యారడైజ్‌ మూవీ సుమారు రూ.150కోట్లతో రూపొందింది. నాన్‌ థియేట్రికల్‌ రైట్స్ రూపంలో దాదాపు రూ.80 నుంచి వంద కోట్లు వచ్చినట్టు సమాచారం. అందులో నెట్‌ ఫ్లిక్స్ సుమారు రూ.50 కోట్లకి తీసుకుందట. ఆడియోరైట్స్ రూపంలో మరో రూ.15కోట్లు వచ్చిందని సమాచారం. శాటిలైట్‌ రూపంలో బాగానే వచ్చిందట. ఇక థియేట్రికల్‌ రైట్స్ సుమారు వంద కోట్లుగా లెక్క కట్టారు. దీంతో రెండు వందల కోట్ల గ్రాస్ కలెక్షన్ల టార్గెట్‌తో థియేటర్లోకి వచ్చిన ఈ చిత్రం ఇప్పటి వరకు రూ.70కోట్ల షేర్‌ని సాధించింది. ఇంకా ముప్పై కోట్ల షేర్‌ రావాలి. అంటే ఇంకా దాదాపు అరవై కోట్ల గ్రాస్‌ కలెక్ట్ చేయాలి. మరి సోమవారం డ్రాప్‌ని చూస్తుంటే ఆ టార్గెట్‌ని రీచ్‌ అవుతుందా అనేది సస్పెన్స్ గా మారింది. కష్టమనే ట్రేడ్‌ వర్గాలు చెబుతున్నాయి. టికెట్ రేట్లు తగ్గితే ఏమైనా పుంజుకుంటుందా అనేది చూడాలి.

Top Selling Cars: ఇండియాలో ఎక్కువగా నడిచే కార్లు ఏవి? ఎందుకు ఈ కార్లను ఎక్కువగా కొంటున్నారు?

Mahesh Rajamoni — Tue, 29 Sep 2026 07:08:40 +0530

Top Selling Cars: భారతీయ ఆటోమొబైల్ మార్కెట్లో ప్రతి నెలా లక్షలాది కార్లు అమ్ముడవుతుంటాయి. ముఖ్యంగా మధ్యతరగతి, సగటు కొనుగోలుదారులు కార్లను ఎంచుకునేటప్పుడు మైలేజ్, తక్కువ నిర్వహణ ఖర్చు, సరసమైన ధర, భద్రత వంటి అంశాలకు అత్యధిక ప్రాధాన్యం ఇస్తారు.

భారత కార్ల మార్కెట్‌లో ప్రస్తుతం సరికొత్త ట్రెండ్ నడుస్తోంది. కార్లు కొనాలనుకునే వారు కేవలం ఒకే విషయం చూసి నిర్ణయం తీసుకోవడం లేదు. ధర అందుబాటులో ఉందా? మైలేజ్ ఎంత ఇస్తుంది? ఫ్యామిలీ అంతా కూర్చోవడానికి స్పేస్ ఉందా? అలాగే లేటెస్ట్ లైఫ్‌స్టైల్ అవసరాలకు సరిపోతుందా? ఇలా ప్రతీ ఒక్కటి లెక్కలేస్తున్నారు. మన దేశంలో అర్బన్, రూరల్ అనే తేడా లేకుండా హ్యాచ్‌బ్యాక్స్, కాంపాక్ట్ ఎస్యూవీల హవా విపరీతంగా కొనసాగుతోంది.

2026 ఆగస్టు నాటి విక్రయాల గణాంకాలను పరిశీలిస్తే టాటా పంచ్ ఏకంగా 21,320 యూనిట్ల అమ్మకాలతో నంబర్ 1 స్థానంలో నిలవగా, మారుతి సుజుకి వ్యాగన్‌ఆర్ 20,180 యూనిట్లతో గట్టి పోటీనిస్తూ రెండో స్థానంలో నిలిచింది. మారుతి స్విఫ్ట్, డిజైర్, టాటా నెక్సాన్, హ్యుందాయ్ క్రెటా వంటి మోడళ్లు కూడా అమ్ముడవుతున్న జాబితాలో టాప్‌లో ఉన్నాయి.

దేశీయ మార్కెట్‌లో జనాలు ఎక్కువగా మొగ్గు చూపుతున్న కార్లలో టాటా పంచ్ అగ్రస్థానంలో ఉంది. ఇది మైక్రో ఎస్యూవీ లుక్‌తో పాటు, అధిక గ్రౌండ్ క్లియరెన్స్, పెట్రోల్, సీఎన్జీ, ఈవీ వంటి రకరకాల ఆప్షన్లు కలిగి ఉంది. అంతేకాకుండా అందుబాటు ధరలోనే 5-స్టార్ సేఫ్టీ రేటింగ్‌ను అందిస్తోంది.

ఇక రెండో స్థానంలో టాల్‌బాయ్ డిజైన్‌కు కేరాఫ్ అడ్రస్‌గా ఉండే మారుతి సుజుకి వ్యాగన్‌ఆర్ ఉంది. విశాలమైన క్యాబిన్ స్పేస్, స్పష్టమైన రోడ్ విజన్, కంపెనీ ఫిట్టెడ్ సీఎన్జీ ఆప్షన్ వల్ల ఇది నిరంతరం భారీగా విక్రయమవుతోంది. యువతతో పాటు చిన్న కుటుంబాలకు ఫేవరెట్ ఛాయిస్‌గా మారుతి స్విఫ్ట్ నిలిచింది. స్పోర్టీ డిజైన్, మైలేజ్ ఇచ్చే జెడ్-సిరీస్ ఇంజిన్, తక్కువ మెయింటెనెన్స్ దీనికి ప్లస్ పాయింట్లు.

ఇక మిడ్-సైజ్ ఎస్యూవీ సెగ్మెంట్‌లో హ్యుందాయ్ క్రెటా దే తిరుగులేని రికార్డు. ఫీచర్లతో నిండిన ఇంటీరియర్, విభిన్న ఇంజిన్ ఆప్షన్లు, మెరుగైన రీసేల్ విలువ దీని సొంతం. వీటితో పాటు మారుతి బ్రెజా, మారుతి ఫ్రాంక్స్ కాంపాక్ట్ క్రాస్‌ఓవర్ విభాగంలో సులభమైన డ్రైవింగ్, మెరుగైన ఇంధన సామర్థ్యంతో మార్కెట్‌ను శాసిస్తున్నాయి.

టాటా పంచ్ - SUV స్టైలింగ్, కాంపాక్ట్ పరిమాణం, 5-స్టార్ సేఫ్టీ, సీఎన్జీ, ఈవీ ఆప్షన్లు
మారుతి వ్యాగన్‌ఆర్ - తక్కువ నిర్వహణ ఖర్చు, బెస్ట్ మైలేజ్, విశాలమైన క్యాబిన్
మారుతి స్విఫ్ట్ - స్పోర్టీ డిజైన్, పవర్‌ఫుల్ జెడ్-సిరీస్ ఇంజిన్, రీసేల్ వాల్యూ
మారుతి డిజైర్ - కంఫర్టబుల్ ఫ్యామిలీ రైడ్, మంచి మైలేజ్, బిగ్ బూట్ స్పేస్
టాటా నెక్సాన్ - దృఢమైన నిర్మాణం, పెట్రోల్, డీజిల్, సీఎన్జీ, ఈవీ పవర్ ట్రెయిన్స్
హ్యుందాయ్ క్రెటా - ప్రీమియం ఇంటీరియర్, అడ్వాన్స్‌డ్ ఫీచర్లు, పవర్‌ఫుల్ ఇంజిన్
మారుతి ఎర్టిగా - 7-సీటర్ కెపాసిటీ, లాంగ్ డ్రైవ్‌లకు పర్ఫెక్ట్ ఫ్యామిలీ వెహికల్
మారుతి ఫ్రాంక్స్ - క్రాస్‌ఓవర్ డిజైన్, క్రేజీ మైలేజ్, నయా ఫీచర్లు
మారుతి బ్రెజా - హై గ్రౌండ్ క్లియరెన్స్, సిటీ, హైవే వినియోగానికి అనుకూలం
మహీంద్రా స్కార్పియో - రగ్గడ్ డిజైన్, పవర్‌ఫుల్ రోడ్ ప్రెజెన్స్

భారతీయ కార్ల కొనుగోలుదారుల ఆలోచన సరళి పూర్తిగా భిన్నంగా ఉంటుంది. కారు కొనేటప్పుడు కేవలం షోరూమ్ ధర మాత్రమే కాకుండా, రోజూ అయ్యే పెట్రోల్, డీజిల్ ఖర్చులను బాగా లెక్కిస్తారు. అందుకే మైలేజ్ ఇచ్చే కార్లకు ఇక్కడ ఎప్పుడూ భారీ డిమాండ్ ఉంటుంది. సబ్‌-4 మీటర్ పరిధిలో ఉండే కార్లపై పన్ను రేట్లు తక్కువగా ఉండటం వల్ల కంపెనీలు తక్కువ ధరలకే కార్లను ఆఫర్ చేయగలుగుతున్నాయి.

టూ వీలర్స్ నుంచి ఫోర్ వీలర్లకు మారే మధ్యతరగతి ప్రజలకు ఈ ధరలు బాగా కలిసి వస్తున్నాయి. ముఖ్యంగా వ్యాగన్‌ఆర్, స్విఫ్ట్, డిజైర్ వంటి మోడళ్లు లీటరుకు ఎక్కువ కిలోమీటర్ల మైలేజ్ ఇస్తూ వినియోగదారుల రోజువారీ ప్రయాణ ఖర్చులను గణనీయంగా తగ్గిస్తున్నాయి.

గత కొన్నేళ్లుగా హ్యాచ్‌బ్యాక్ కార్ల కంటే ఎస్యూవీ బాడీ స్టైల్ ఉన్న కార్ల వైపు ఎక్కువమంది మొగ్గు చూపుతున్నారు. ఎత్తైన సీటింగ్ పొజిషన్ వల్ల రోడ్డుపై క్లియర్ విజన్ దక్కుతుంది. ఇండియాలోని గుంతల రోడ్లు, వర్షాకాలంలో ట్రాఫిక్ ఇబ్బందులను తట్టుకోవడానికి ఎక్కువ గ్రౌండ్ క్లియరెన్స్ ఉన్న కార్లు బాగా ఉపయోగపడుతున్నాయి.

పెద్ద పెద్ద ఎస్యూవీలు కొనలేని వారు సైతం టాటా పంచ్, నెక్సాన్, మారుతి బ్రెజా, ఫ్రాంక్స్, హ్యుందాయ్ క్రెటా లాంటి కాంపాక్ట్ మోడళ్లను ఎంచుకుంటున్నారు. ఇవి ఎస్యూవీ లుక్ ఇవ్వడమే కాకుండా సిటీ ట్రాఫిక్‌లో సులభంగా నడపడానికి అనుకూలంగా ఉంటాయి.

ఇప్పుడున్న యువత, యంగ్ ఫ్యామిలీలు కారు కొనేటప్పుడు సేఫ్టీకి అత్యంత ప్రాధాన్యం ఇస్తున్నారు. భారత్ ఎన్సీఏపీ లేదా గ్లోబల్ ఎన్సీఏపీ క్రాష్ టెస్టుల్లో 5-స్టార్ రేటింగ్ సాధించిన కార్ల పట్ల కొనుగోలుదారులు ఎక్కువ ఆసక్తి చూపుతున్నారు. ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్, రియర్ కెమెరాలతో పాటు కనెక్టెడ్ కార్ టెక్నాలజీ, సన్‌రూఫ్, టచ్‌స్క్రీన్ వంటి ఫీచర్లను కోరుకుంటున్నారు.

దీనికి తోడు మారుతి సుజుకి, టాటా, హ్యుందాయ్ కంపెనీలకు దేశవ్యాప్తంగా విస్తరించిన సర్వీస్ నెట్‌వర్క్ ఉండటం పెద్ద ప్లస్ పాయింట్. ప్రతి చిన్న పట్టణంలోనూ సర్వీసింగ్ సౌకర్యం దొరకడం, విడిభాగాలు తక్కువ ధరకు లభించడం వల్ల ఓనర్‌షిప్ ఇబ్బందులు ఉండవు. అంతేకాకుండా, కొన్నేళ్ల తర్వాత కారు అమ్మినా మంచి రీసేల్ వ్యాల్యూ వస్తుండటంతో ఈ కార్లు నిరంతరం రికార్డు స్థాయి విక్రయాలను సాధిస్తున్నాయి.

Today Rasi Phalalu: నేడు ఓ రాశివారికి చాలాకాలంగా ఎదురుచూస్తున్న అవకాశాలు లభిస్తాయి!

Kavitha G — Tue, 29 Sep 2026 05:00:02 +0530

Today Rasi Phalalu: ఈ రాశి ఫలాలు 29.09.2026 మంగళవారానికి సంబంధించినవి. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి.

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. నేడు ఏ రాశి వారికి ఎలా ఉందో ఇక్కడ వివరంగా తెలుసుకుందాం.

వృత్తి, వ్యాపారాలలో కీలక నిర్ణయాలు అమలు చేస్తారు. నూతన వ్యక్తుల పరిచయాలు ఉత్సాహాన్నిస్తాయి. స్థిరాస్తి కొనుగోలు ప్రయత్నాలు ఫలిస్తాయి. ఉద్యోగాలు మరింత అనుకూలంగా సాగుతాయి. రాజకీయ వర్గాల వారి నుంచి ఊహించని ఆహ్వానాలు అందుతాయి.

స్థిరాస్తి ఒప్పందాలు వాయిదా పడతాయి. బంధుమిత్రులతో చిన్నపాటి వివాదాలు తప్పవు. చేపట్టిన పనుల్లో అవాంతరాలు ఉంటాయి. వ్యాపార, ఉద్యోగాలు మందకొడిగా సాగుతాయి. ఆర్థిక ఇబ్బందులు వల్ల అప్పులు చేస్తారు. ఆరోగ్యం విషయంలో వైద్య సంప్రదింపులు చేయాల్సి వస్తుంది.

దైవ సేవా కార్యక్రమాలలో పాల్గొంటారు. చేపట్టిన పనులు ముందుకు సాగక చికాకులు పెరుగుతాయి. వ్యాపారాలు, ఉద్యోగాలలో ఒత్తిడులు పెరుగుతాయి. బంధుమిత్రులతో స్వల్ప వివాదాలు ఉంటాయి. ఆస్తి వ్యవహారంలో పెద్దల సలహాలు తీసుకుని ముందుకు సాగడం మంచిది.

భూ సంబంధిత క్రయ విక్రయాలలో లాభాలు అందుకుంటారు. కుటుంబ సభ్యులతో శుభకార్యాలలో పాల్గొంటారు. వృత్తి, ఉద్యోగాల్లో పదోన్నతులు పెరుగుతాయి. అధికంగా ఇబ్బందులు ఉన్నప్పటికీ అవసరానికి డబ్బు సహాయం అందుతుంది. చేపట్టిన వ్యవహారాలు సానుకూలమవుతాయి.

ఆధ్యాత్మిక చింతన పెరుగుతుంది. ముఖ్యమైన పనులు వాయిదా వేస్తారు. ఇతరులపై మీ అభిప్రాయాన్ని మార్చుకోవడం మంచిది. వ్యాపారాలు, ఉద్యోగాలు నత్తనడకన సాగుతాయి. ముఖ్యమైన వ్యవహారాలలో ఆలోచనలు నిలకడగా ఉండవు. కుటుంబ వాతావరణం గందరగోళంగా ఉంటుంది.

చిన్ననాటి విషయాలు గుర్తుకువస్తాయి. వ్యాపార, ఉద్యోగాలలో మరింత పురోగతి సాధిస్తారు. ఇంట్లో శుభకార్యాలు నిర్వహిస్తారు. బంధువుల రాక ఆనందం కలిగిస్తుంది. ఆకస్మిక ధన లాభ సూచనలు ఉన్నాయి. చేపట్టిన పనులు సకాలంలో పూర్తి చేస్తారు. నిరుద్యోగులకు శుభవార్తలు అందుతాయి.

ఆధ్యాత్మక సేవా కార్యక్రమాల్లో పాల్గొంటారు. వ్యాపార, ఉద్యోగాలు సామాన్యంగా సాగుతాయి. చిన్ననాటి మిత్రులతో అకారణంగా విభేదాలు కలుగుతాయి. చేపట్టిన వ్యవహారాలు ముందుకు సాగక నిరాశ పెరుగుతుంది. ఆర్థిక లావాదేవీలు నిరుత్సాహపరుస్తాయి. శ్రమతో కానీ కొన్ని పనులు పూర్తి కావు.

వ్యాపారాలు లాభసాటిగా సాగుతాయి. ఉద్యోగాలలో ఒత్తిడులు తొలగుతాయి. కొత్త విషయాలపై ఆసక్తి పెరుగుతుంది. ఆకస్మిక ధన, వస్తు లాభాలు పొందుతారు. దాయాదులతో భూ వివాదాలు పరిష్కారమవుతాయి. చిన్ననాటి మిత్రులతో శుభకార్యాలలో పాల్గొంటారు.

చిన్ననాటి మిత్రుల కలయిక సంతోషాన్నిస్తుంది. వ్యాపార, ఉద్యోగాలు మరింత మెరుగ్గా ఉంటాయి. అనుకున్న పనులు అనుకున్న టైంకి పూర్తి చేస్తారు. ప్రయాణాల్లో కొత్త పరిచయాలు భవిష్యత్తుకు ఉపయోగపడతాయి. నిరుద్యోగులకు చాలాకాలంగా ఎదురు చూస్తున్న అవకాశాలు లభిస్తాయి.

ముఖ్యమైన పనులు మందగిస్తాయి. ఆకస్మిక ప్రయాణ సూచనలు ఉన్నాయి. కుటుంబ వ్యవహారాలలో ఆలోచనలు స్థిరంగా ఉండవు. బంధువులతో మాటపట్టింపులు ఉంటాయి. ఆరోగ్యం విషయంలో మరింత అప్రమత్తంగా వ్యవహరించాలి. వ్యాపార, ఉద్యోగాలు అంతంత మాత్రంగా సాగుతాయి.

ప్రయాణాలు వాయిదా వేయడం మంచిది. వ్యాపార పెట్టుబడుల విషయంలో పునరాలోచన చేయడం మంచిది. చేపట్టిన పనులలో అవాంతరాలు కలుగుతాయి. ఆలయాలు సందర్శిస్తారు. ఉద్యోగాలు సామాన్యంగా ఉంటాయి. ఇంటా బయటా కొందరి మాటలు మానసికంగా బాధిస్తాయి. ఆరోగ్యం విషయంలో శ్రద్ధ వహించాలి.

ఉద్యోగాలలో మీ ప్రతిభ వెలుగులోకి వస్తుంది. అధికారుల నుంచి ప్రశంసలు అందుకుంటారు. సన్నిహితులతో వివాదాలు పరిష్కారం దిశగా సాగుతాయి. వ్యాపారాలు లాభసాటిగా సాగుతాయి. ఆధ్యాత్మిక చింతన పెరుగుతుంది. చేపట్టిన వ్యవహారాలలో విజయం సాధిస్తారు. శుభకార్యాల కోసం ఖర్చులు చేస్తారు.

Netflix: ఓటీటీలో చిరంజీవి సంచలన పాడ్ కాస్ట్, ఇది కూతురి ప్లాన్.. సినిమాలు, రాజకీయాల్లో తెరవెనుక ఏం జరిగింది

Tirumala Dornala — Mon, 28 Sep 2026 23:46:09 +0530

నెట్‌ఫ్లిక్స్‌తో కలిసి చిరంజీవి ప్రత్యేక పాడ్‌కాస్ట్ షో చేయనున్నట్లు సమాచారం. కూతురు సుస్మిత కొణిదెల నిర్మాణంలో ఈ ప్రాజెక్ట్ రూపొందనున్నట్లు తెలుస్తోంది.

మెగాస్టార్ చిరంజీవి త్వరలో ఓటీటీ ప్రేక్షకులను పలకరించనున్నట్లు తెలుస్తోంది. నెట్‌ఫ్లిక్స్‌తో కలిసి ఆయన ఓ ప్రత్యేకమైన పాడ్‌కాస్ట్ కార్యక్రమం చేయనున్నట్లు సమాచారం. ఇప్పటివరకు సినిమాల ద్వారా ప్రేక్షకులకు దగ్గరైన చిరంజీవి.. ఈసారి తన వ్యక్తిగత, సినీ జీవితంలోని ఆసక్తికరమైన విషయాలను నేరుగా మాట్లాడే అవకాశం ఉంది.

చిరంజీవి జీవితంపై డాక్యుమెంటరీ రూపొందించాలనే ఆలోచన మొదట ఉన్నట్లు తెలుస్తోంది. అయితే తన ప్రయాణాన్ని కేవలం దృశ్యాల రూపంలో చూపించడం కంటే, తానే స్వయంగా ప్రేక్షకులతో మాట్లాడితే మరింత ఆసక్తికరంగా ఉంటుందని భావించినట్లు సమాచారం. దీంతో పాడ్‌కాస్ట్ రూపంలో ఈ కార్యక్రమాన్ని రూపొందించే దిశగా అడుగులు పడినట్లు తెలుస్తోంది.

ఈ ప్రత్యేక కార్యక్రమాన్ని చిరంజీవి కుమార్తె సుస్మిత కొణిదెలకు చెందిన గోల్డ్ బాక్స్ ఎంటర్‌టైన్‌మెంట్స్ నిర్మించనున్నట్లు సమాచారం. తన తండ్రి డిజిటల్ అరంగేట్రం కావడంతో ఈ ప్రాజెక్ట్‌ను భారీ స్థాయిలో రూపొందించేందుకు సన్నాహాలు చేస్తున్నట్లు తెలుస్తోంది. నెట్‌ఫ్లిక్స్ భాగస్వామ్యంతో ప్రపంచవ్యాప్తంగా ప్రేక్షకులను చేరుకునేలా కార్యక్రమాన్ని ప్లాన్ చేస్తున్నట్లు సమాచారం.

చిరంజీవి సుదీర్ఘ సినీ ప్రయాణంలో ఎన్నో మలుపులు ఉన్నాయి. ఆయన 150 పైగా సినిమాల్లో నటించారు. చిన్న పాత్రల నుంచి హీరోగా ఎదగడం, స్టార్‌గా మారడం, మెగాస్టార్‌గా తనకంటూ ప్రత్యేక స్థానాన్ని సంపాదించుకోవడం వరకు సాగిన ప్రయాణంలోని అనుభవాలను ఈ పాడ్‌కాస్ట్‌లో పంచుకునే అవకాశం ఉంది. సినీ పరిశ్రమలో ఎదురైన సవాళ్లు, విజయాలు, సహ నటులతో అనుబంధాలు వంటి అంశాలు కూడా చర్చకు వచ్చే అవకాశం ఉన్నట్లు తెలుస్తోంది. అదే విధంగా రాజకీయాల్లో వైఫల్యం గురించి కూడా ఈ పాడ్ కాస్ట్ లో చిరంజీవి నిర్మొహమాటంగా మాట్లాడబోతున్నట్లు వార్తలు వస్తున్నాయి.

సినిమాలు, రాజకీయాల్లో ఇప్పటివరకు పెద్దగా బయటకు రాని వ్యక్తిగత అనుభవాలను కూడా చిరంజీవి పంచుకోనున్నారనే ప్రచారం జరుగుతోంది. ఇదే కనుక జరిగితే నెట్ ఫ్లిక్స్ లో ప్రసారమయ్యే ఈ పాడ్ కాస్ట్ సంచలనం కావడం ఖాయం. చిరంజీవి, నెట్‌ఫ్లిక్స్ కాంబినేషన్‌లో వస్తున్న ఈ పాడ్‌కాస్ట్‌పై ఇప్పటికే ఆసక్తి నెలకొంది. అయితే కార్యక్రమం ఎప్పుడు స్ట్రీమింగ్‌కు వస్తుంది, ఎన్ని ఎపిసోడ్లు ఉంటాయి, ఇందులో ఎవరెవరు పాల్గొంటారు అనే వివరాలు ఇంకా అధికారికంగా వెల్లడికావాల్సి ఉంది. ప్రస్తుతం చిరంజీవి విశ్వంభర, కాకా సినిమాల్లో నటిస్తున్నారు. కాకా చిత్రం సంక్రాంతి రిలీజ్ కి రెడీ అవుతోంది.

Bigg Boss Telugu 10: ఆడపిల్ల ఉంటే ఆడంగి వేషాలు వేసేది నువ్వే.. రోహిత్ పై రెచ్చిపోయిన త్రిగుణ్

Tirumala Dornala — Mon, 28 Sep 2026 23:17:33 +0530

బిగ్ బాస్ తెలుగు 10లో భాగంగా సోమవారం హౌస్ రణరంగాన్ని తలపించింది. ఇంటి సభ్యులు రెండు జట్లుగా విడిపోయి బిగ్ బాస్ ఇచ్చిన టాస్క్ ఆడారు. ఈ క్రమంలో రెండు జట్ల మధ్య మాటల యుద్ధం జరిగింది.

బిగ్ బాస్ తెలుగు సీజన్ 10 లో 22వ రోజు హౌస్ లో సంచలన పరిణామాలు చోటు చేసుకున్నాయి. ఇంటి సభ్యుల మధ్య మాటల హద్దులు దాటాయి. ఒకరిపై ఒకరు దాడి చేసుకోవడానికి కూడా వెనుకాడలేదు. ముందుగా కెప్టెన్ అపూర్వ ఇంటి మీటింగ్ పెట్టింది. తన రూల్స్ ఫాలో కావాలి అని ఆదేశించింది. దానికి ముఖేష్, త్రిగున్ అంగీకరించలేదు.

ఆమె పెట్టిన కొన్ని నియమాలకు ముఖేష్ ఒప్పుకోలేదు. నువ్వు కెప్టెన్ కాబట్టి నీ ఇష్టం వచ్చింది చెబితే ఎవరూ చేయరు. మాకు చేయాలనిపించిందే చేస్తాం అంటూ ముఖేష్ గొడవ పడ్డాడు. ఆ తర్వాత బిగ్ బాస్ ఇంటి సభ్యులని రెండు జట్లుగా విభజించారు. ఒక టీంలో వర్షిణి, ఝాన్సీ, రోహిత్, అపూర్వ, రామ్ ప్రసాద్,వంశి , అమన్, సుధీర్ ఉన్నారు. ఆ టీంకి టీం భైరవ అని పేరు పెట్టారు. మరో టీంలో షాలిని, సృష్టి, చరణ్, నరేష్, త్రిగుణ, ముఖేష్, దేబ్జానీ ఉన్నారు. ఈ టీంకి సప్త శక్తి అని పేరు పెట్టారు. బిగ్ బాస్ ఈ గేమ్ లో కొన్ని ఆయుధాలు ఇచ్చారు.

కానీ ఒక టీమ్ సభ్యులు మరో టీమ్ కి చెందిన ఆయుధాల్ని దొంగిలించి దాచిపెట్టాలని ప్రయత్నించారు. ముందుగా నరేష్ ఆయుధాన్ని బలవంతంగా లాక్కున్నారు. టీమ్ భైరవలో ఉన్న రామ్ ప్రసాద. నరేష్ ఆయుధాన్ని తిరిగి ఇచ్చేస్తాం అని చెప్పారు. తనకు అవసరం లేదని.. తన గేమ్ పై తనకు నమ్మకం ఉంది అని నరేష్ అన్నారు. అసలు అలా ఆయుధం బలవంతంగా తీసుకోవడం మగతనం కాదు అంటూ త్రిగుణ్.. టీం భైరవకి కౌంటర్ ఇచ్చాడు.

ఆ తర్వాత బిగ్ బాస్ రథాన్ని నిర్మించే టాస్క్ ఇచ్చారు. ఇందులో రౌండ్ 1లో ముందుగా బ్రిక్స్ సంపాదించాలి. ఈ టాస్క్ లో మాటల యుద్ధం హద్దులు దాటింది. షాలిని సీక్రెట్ గా బ్రిక్ దాస్తోంది అని అపూర్వ చెప్పడంతో రోహిత్, మరికొందరు వెంటనే వెళ్లి.. షాలినిపై అటాక్ చేశారు. అక్కడ రెండు టీమ్స్ ఫిజికల్ అయ్యారు. తనని అటాక్ చేసిన రోహిత్ పై కూడా షాలిని రెచ్చిపోయింది. ఆమెకి సపోర్ట్ గా త్రిగుణ్ రోహిత్ తో గొడవ పడ్డాడు. ఆడపిల్ల ఉంటే ఆడంగి వేషాలు వేసేది నువ్వు అంటూ రెచ్చిపోయాడు. అమ్మాయి విషయంలో జరిగిన సంఘటనని అడ్వాంటేజ్ తీసుకునే చీప్ క్యారెక్టర్ అంటూ రోహిత్ త్రిగుణ్ కి కౌంటర్ ఇచ్చారు.

Taapsee Marriage: 13 ఏళ్ల సీక్రెట్ రిలేషన్‌షిప్‌పై నోరువిప్పిన తాప్సీ..నా పార్ట్నర్ ని నేనే ఎంచుకున్నా

Tirumala Dornala — Mon, 28 Sep 2026 21:18:34 +0530

డెన్మార్క్ మాజీ బ్యాడ్మింటన్ ప్లేయర్, కోచ్ మథియాస్ బోతో తనకున్న 13 ఏళ్ల రిలేషన్‌షిప్‌పై బాలీవుడ్ బ్యూటీ తాప్సీ పన్ను తొలిసారిగా ఎన్నో ఆసక్తికరమైన విషయాలను పంచుకుంది.

సినిమా తారల పర్సనల్ లైఫ్ గురించి తెలుసుకోవాలని అభిమానులు ఎప్పుడూ ఆసక్తి చూపిస్తుంటారు. కానీ కొందరు సెలబ్రిటీలు కెమెరా ముందు ఎంత యాక్టివ్‌గా ఉన్నా, తమ వ్యక్తిగత జీవితాన్ని మాత్రం చాలా సీక్రెట్‌గా ఉంచుతారు. బాలీవుడ్ నటి తాప్సీ పన్ను కూడా ఈ కోవకే చెందుతుంది.

తన సినిమాలు, కెరీర్ గురించి అభిమానులతో ఎప్పుడూ టచ్‌లో ఉండే తాప్సీ, పర్సనల్ విషయాలకు వచ్చేసరికి పెద్దగా మాట్లాడదు. కానీ రీసెంట్‌గా ఒక యూట్యూబ్ ఇంటర్వ్యూలో పాల్గొన్న ఈ బ్యూటీ, తన రిలేషన్‌షిప్, మ్యారేజ్ లైఫ్ గురించి కొన్ని ఇంట్రెస్టింగ్ విషయాలను బయటపెట్టింది.

డెన్మార్క్ మాజీ ప్రొఫెషనల్ బ్యాడ్మింటన్ ప్లేయర్, కోచ్ మథియాస్ బోతో తాప్సీ చాలా ఏళ్లుగా రిలేషన్‌షిప్‌లో ఉన్న విషయం తెలిసిందే. వీరిద్దరి బంధం ఏకంగా 13 ఏళ్ల పాటు కొనసాగింది. ఫైనల్‌గా 2024లో వీరు పెళ్లి చేసుకున్నారు. అయితే పెళ్లితో సహా తన పర్సనల్ విషయాలను తాప్సీ ఎప్పుడూ పబ్లిక్‌గా చెప్పలేదు. సోషల్ మీడియాలో కూడా చాలా లిమిటెడ్‌గా పోస్ట్‌లు పెడుతుంది.

తన మ్యారేజ్ లైఫ్ గురించి తాప్సీ మాట్లాడుతూ.. ఒకరిపై ఒకరికి ఉన్న గౌరవమే తమ బంధానికి ప్రధాన కారణం అని చెప్పింది. తాను బాలీవుడ్‌లోకి ఎంట్రీ ఇచ్చిన టైమ్‌లోనే మథియాస్‌తో రిలేషన్ మొదలైందని ఆమె తెలిపింది. ఇన్నేళ్లుగా కలిసి ప్రయాణించడం వల్ల తమ బంధంపై పూర్తి నమ్మకం ఏర్పడిందన్న తాప్సీ.. లైఫ్‌లో తాను తీసుకున్న నిర్ణయాల్లో మథియాస్‌ను భర్తగా ఎంచుకోవడం అత్యంత సంతృప్తినిచ్చిందని స్పష్టం చేసింది.

దేవుడిచ్చిన వరం తన కుటుంబం అని చెప్పిన తాప్సీ, తన కెరీర్ మాత్రం అనుకోకుండా వచ్చిన అవకాశం అని పేర్కొంది. కానీ తన లైఫ్ పార్ట్‌నర్‌ను మాత్రం తానే స్వయంగా ఎంచుకున్నానని, ఆ నిర్ణయం పట్ల తనకు చాలా గర్వంగా ఉందని ఆమె చెప్పుకొచ్చింది. ఇన్నేళ్లలో తమ మధ్య భద్రత, నమ్మకం, ఒకరినొకరు అర్థం చేసుకునే గుణం పెరిగాయని, అన్నిటికంటే ముఖ్యంగా ఒకరిపై ఒకరికి ఉన్న గౌరవమే తమ బంధాన్ని ఇంత స్ట్రాంగ్‌గా ఉంచిందని తాప్సీ వివరించింది.

సినిమా ఇండస్ట్రీలో పనిచేస్తున్న చాలామంది తమ జీవితంలో ప్రేమ కోసం వెతుకుతున్నారని తాప్సీ అభిప్రాయపడింది. అయితే ఈ రోజుల్లో రిలేషన్‌షిప్‌ను ఎక్కువ కాలం కొనసాగించడం చాలా కష్టంగా మారిందని ఆమె చెప్పింది. మనం టెంపరరీ హ్యాపీనెస్‌కు ఎక్కువ ఇంపార్టెన్స్ ఇస్తున్నామా అనే ప్రశ్నను కూడా ఆమె లేవనెత్తింది. కానీ తన పర్సనల్ ఎక్స్‌పీరియన్స్ మాత్రం ఇందుకు భిన్నంగా ఉందని, పరస్పర గౌరవం, నమ్మకం వల్లే తమ 13 ఏళ్ల బంధం నేటికీ బలంగా ఉందని తాప్సీ పన్ను స్పష్టం చేసింది.

ఐటీ ఉద్యోగాలను వదిలేసి సినిమాల్లోకి వచ్చిన స్టార్స్ వీళ్లే..!

Arun Kumar P — Mon, 28 Sep 2026 21:06:15 +0530

సౌత్ ఫిల్మ్ ఇండస్ట్రీలో ఇప్పుడు స్టార్స్‌గా వెలుగొందుతున్న చాలా మంది నటీనటులు ఒకప్పుడు సాఫ్ట్‌వేర్ ఉద్యోగులే. ఇంజనీరింగ్ పూర్తి చేసి, ఐటీ కంపెనీల్లో కొన్నేళ్ల పాటు పనిచేసిన తర్వాతే వీళ్లు సినిమాల్లోకి ఎంట్రీ ఇచ్చారు. ఆ స్టార్స్ ఎవరో ఇక్కడ చూద్దాం.

Virat Kohli: రిటైర్మెంట్ పై అభిమానుల గుండె పగిలే వార్త చెప్పిన కోహ్లీ

Mahesh Rajamoni — Mon, 28 Sep 2026 20:59:53 +0530

Virat Kohli: 2027 వన్డే ప్రపంచకప్ తనకు చివరి వరల్డ్ కప్ కానుందని రన్ మిషన్ విరాట్ కోహ్లీ వెల్లడించారు. రోహిత్ శర్మ కూడా ఆడటానికి సిద్ధంగా ఉన్నట్లు తెలిపారు. తన రిటైర్మెంట్ పై చేసిన కామెంట్స్ వైరల్ గా మారాయి.

భారత క్రికెట్ అభిమానులకు విరాట్ కోహ్లీ బిగ్ షాక్ ఇచ్చాడు. రాబోయే 2027 ఐసీసీ మెన్స్ వన్డే వరల్డ్ కప్ భారతదేశం తరఫున తనకు ఆఖరిది కానుందని స్పష్టం చేశాడు. సౌతాఫ్రికా, జింబాబ్వే, నమీబియా దేశాల్లోని 12 మైదానాల్లో వచ్చే ఏడాది అక్టోబర్-నవంబర్ నెలల్లో ఈ మెగా టోర్నీ జరగనుంది. 2011లో భారత్ లో జరిగిన ప్రపంచకప్‌తో వన్డే వరల్డ్ కప్ కెరీర్ ప్రారంభించిన కోహ్లీ, ఆ ఏడాది ధోనీ సారథ్యంలో శ్రీలంకను ఓడించి ట్రోఫీ గెలిచిన చరిత్రాత్మక జట్టులో భాగమయ్యాడు. ఇప్పటివరకు 2011, 2015, 2019, 2023 లలో నాలుగు వన్డే వరల్డ్ కప్‌లు ఆడిన కింగ్ కోహ్లీ, తన చివరి ప్రపంచకప్‌ను కప్ గెలుపుతో ముగించాలని పట్టుదలతో ఉన్నాడు.

వెస్ట్రండీస్‌తో జరగబోయే మూడు మ్యాచ్‌ల వన్డే సిరీస్‌కు ముందు జియో-హాట్‌స్టార్‌తో మాట్లాడిన కోహ్లీ తన ప్లాన్స్ బయటపెట్టాడు. వచ్చే ఏడాది జరిగే వన్డే వరల్డ్ కప్ కోసం తన శక్తినంతా ధారపోసి సిద్ధమవుతున్నట్లు చెప్పాడు. 2027 టోర్నీ భారతదేశం తరఫున తనకు చివరి ప్రపంచకప్ అని, ఎలాగైనా ట్రోఫీ గెలవడమే తన ఏకైక లక్ష్యమని స్పష్టం చేశాడు. ఈ డ్రీమ్ రీచ్ అవ్వడానికి ఎలాంటి కష్టానికైనా తాను రెడీ అని వెల్లడించాడు.

ఈ సందర్బంగా వన్డే వరల్డ్ కప్ ప్రాముఖ్యతను కోహ్లీ వివరించాడు. "50 ఓవర్ల వరల్డ్ కప్‌లో ఉండే ఇంటెన్సిటీ వేరే లెవల్‌లో ఉంటుంది. టీ20 వరల్డ్ కప్‌లో దాదాపు 10 మ్యాచ్‌లు ఆడాల్సి వస్తుంది. కానీ 50 ఓవర్ల ఫార్మాట్‌లో ఒకే రోజులో 2.5 టీ20 మ్యాచ్‌లకు సమానంగా కష్టపడాలి. అంత పెద్ద టోర్నీలో అంత ఇంటెన్సిటీ కంటిన్యూ చేయడం చాలా పెద్ద విషయం" అని పేర్కొన్నాడు. అంతేకాకుండా ఈసారి విదేశీ పిచ్‌లపై మ్యాచ్‌లు జరగడం వల్ల శక్తి మరింత ఖర్చవుతుందని తెలిపాడు.

"నాకు ఇది భారత్ తరఫున ఆఖరి వరల్డ్ కప్, అదే నన్ను ముందుకు నడిపించే మోటివేషన్. మైదానంలో నా బెస్ట్ ఇవ్వడమే కాకుండా కప్ గెలవడమే మెయిన్ టార్గెట్" అని స్పష్టం చేశాడు. ఇప్పటివరకు భారత్ తరఫున 315 వన్డేలు ఆడిన విరాట్ 15080 పరుగులు సాధించాడు. 55 సెంచరీలు, 79 హాఫ్ సెంచరీలు బాదాడు.

వన్డే వరల్డ్ కప్ చరిత్రలోనే అత్యధిక పరుగులు చేసిన బ్యాటర్ల లిస్ట్‌లో విరాట్ కోహ్లీ రెండో స్థానంలో ఉన్నాడు. ఒకే వరల్డ్ కప్ ఎడిషన్‌లో అత్యధిక పరుగులు చేసిన రికార్డు కూడా కోహ్లీ పేరిటే ఉంది. 2023 వన్డే వరల్డ్ కప్‌లో ఏకంగా 765 పరుగులు చేసి రికార్డుల వేట సాగించాడు. ఆ టోర్నీలో అద్భుత బ్యాటింగ్‌తో ఎన్నో రికార్డులను తన పేరిట లిఖించుకున్నాడు.

విరాట్ కోహ్లీతో పాటు భారత మాజీ కెప్టెన్ రోహిత్ శర్మ కూడా 2027 వన్డే వరల్డ్ కప్‌లో ఆడాలనే కోరికను ఇప్పటికే వ్యక్తం చేశాడు. రాబోయే సవాళ్లకు సిద్ధమవుతున్నట్లు రోహిత్ కూడా వెల్లడించాడు. "నా పని పూర్తయిందని నేను ఎప్పుడూ అనుకోను. ఎంతకాలం ఆడినా ఏదో ఒకటి సాధించాలనే తపన ఉంటుంది. వరల్డ్ కప్ ఆడటం కోసం ఈగర్‌గా వెయిట్ చేస్తున్నా" అని రోహిత్ అన్నాడు.

ఐసీసీ టోర్నీల్లో విభిన్నమైన టీమ్‌లతో, వేర్వేరు పిచ్‌లపై ఆడాల్సి రావడం పెద్ద ఛాలెంజ్ అని తెలిపాడు. ఈ ఇద్దరు దిగ్గజాలు 2027 ప్రపంచకప్‌లో ఆడితే అది వారి వన్డే కెరీర్‌లోనే ఒక ఐకానిక్ మూమెంట్ కానుంది. టీ20లకు వీడ్కోలు పలికినట్టు ఈ మెగా టోర్నీ తర్వాత వీరిద్దరూ వన్డేలకు కూడా రిటైర్మెంట్ ప్రకటించే అవకాశాలు ఎక్కువగా ఉన్నాయి.

Mayookha Trailer: వెన్నులో వణుకు పుట్టిస్తున్న మయూఖ ట్రైలర్..బిగ్ బాస్ అమన్ కీలక పాత్రలో..

Tirumala Dornala — Mon, 28 Sep 2026 20:42:33 +0530

పాయల్ చెంగప్ప ప్రధాన పాత్రలో నటిస్తున్న తాజా చిత్రం ‘మయూఖ’. ప్రశ్విత ఎంటర్‌టైన్‌మెంట్ బ్యానర్‌పై శశిధర్ నల్ల నిర్మిస్తున్న ఈ సినిమాకు శ్రీ తేజ్ ఎస్.కె. దర్శకత్వం వహిస్తున్నారు. అన్ని కార్యక్రమాలు పూర్తి చేసుకున్న ఈ సినిమా అక్టోబర్ 9న ప్రపంచవ్యాప్తంగా థియేటర్లలో విడుదల కానుంది.

ఘనంగా ట్రైలర్ లాంచ్

తాజాగా హైదరాబాద్‌లో ‘మయూఖ’ ట్రైలర్ లాంచ్ ఈవెంట్‌ను ఘనంగా నిర్వహించారు. విడుదలైన ట్రైలర్‌లో హారర్, క్రైమ్ అంశాలను ప్రధానంగా చూపించారు. చీకటి వాతావరణం, ఉత్కంఠభరిత సన్నివేశాలు, భయపెట్టే విజువల్స్‌తో ట్రైలర్ ఆద్యంతం ఆసక్తిని పెంచేలా ఉంది.

వెన్నులో వణుకు పుట్టించే సన్నివేశాలు

ట్రైలర్‌ను బట్టి చూస్తే ‘మయూఖ’లో భయంతో పాటు క్రైమ్ అంశాలకు కూడా ప్రాధాన్యం ఉన్నట్లు తెలుస్తోంది. కొన్ని సన్నివేశాలు వెన్నులో వణుకు పుట్టించేలా ఉండగా, కథలో అసలు ఏం జరుగుతుందనే ఆసక్తిని కలిగించేలా ట్రైలర్‌ను కట్ చేశారు. దీంతో ఈ సినిమా మంచి హారర్ క్రైమ్ థ్రిల్లర్‌గా మారే అవకాశాలు కనిపిస్తున్నాయి.

పాయల్‌తో పాటు అమన్ మసూద్

ఈ సినిమాలో పాయల్ చెంగప్ప కీలక పాత్రలో నటించగా, బిగ్‌బాస్ తెలుగు 10 ఫేమ్ అమన్ మసూద్ కూడా ఓ ముఖ్యమైన పాత్రలో కనిపించనున్నారు. దేవ్ డి, మురళీధర్ గౌడ్, లావణ్య రాణి తదితరులు ఇతర పాత్రల్లో నటించారు.

అక్టోబర్ 9న విడుదల

దర్శకుడు శ్రీ తేజ్ ఎస్.కె. మాట్లాడుతూ ప్రేక్షకులకు సరికొత్త అనుభూతిని అందించాలనే ఉద్దేశంతో సినిమాను తెరకెక్కించినట్లు తెలిపారు. హారర్, క్రైమ్, థ్రిల్ అంశాలతో రూపొందిన ‘మయూఖ’ అక్టోబర్ 9న దసరా సెలవుల సందర్భంగా ప్రేక్షకుల ముందుకు రానుంది.

Gold Loan : గోల్డ్ లోన్ మొత్తం కట్టేశారా? అయినా బ్యాంక్ మీ నగలు ఇవ్వకపోతే ఏం చేయాాలో తెలుసా?

Arun Kumar P — Mon, 28 Sep 2026 20:35:35 +0530

మీరు బంగారం తాకట్టుపెట్టి గోల్డ్ లోన్ తీసుకున్నారా? వడ్డీతో సహా తీసుకున్న డబ్బు తిరిగి చెల్లించినా బ్యాంక్ నగలు తిరిగి ఇవ్వలేదా? అయితే బ్యాంక్ అధికారులను ఏం అడగాలి, సమస్య పరిష్కారం కాకపోతే ఎక్కడ ఫిర్యాదు చేయాలో ఇక్కడ తెలుసుకోండి.

గోల్డ్ లోన్ అంటే మన దగ్గర ఉన్న బంగారు నగలు తాకట్టుపెట్టి డబ్బులు తీసుకోవడం. అత్యవసర సమయాల్లో త్వరగా డబ్బులు రావడం, పెద్దగా డాక్యుమెంట్లు అవసరం లేకపోవడంతో చాలామంది దీన్ని వాడుతున్నారు. అందుకే పెద్దపెద్ద బ్యాంకుల నుండి చిన్నచిన్న ఆర్థిక సంస్థలు సైతం గోల్డ్ లోన్ బిజినెస్ లో దిగిపోయాయి.

అయితే గోల్డ్ లోన్ తీసుకునేటప్పుడు కస్టమర్లే తమ దేవుళ్ళు అని చెప్పే ఫైనాన్స్ సంస్థలు… లోన్ చెల్లించి బంగారం తిరిగి తీసుకునేటప్పుడు మాత్రం ఇబ్బంది పెడతాయి. కొన్నిసార్లు పూర్తి లోన్ క్లియర్ చేసిన బంగారం తిరిగి పొందేందుకు నానా ఇబ్బందులు పడాల్సి ఉంటుంది. అందుకే గోల్డ్ లోన్ తీసుకునేటప్పుడు వడ్డీ మాత్రమే కాదు అగ్రిమెంట్ కండిషన్లు, నగలు తిరిగి ఇచ్చే ప్రాసెస్, బ్యాలెన్స్, ఛార్జీలు, అకౌంట్ క్లోజింగ్ గురించి కూడా మీరు స్పష్టంగా తెలుసుకోవాలి.

సాధారణంగా మీరు కట్టాల్సిన డబ్బు మొత్తం కట్టేసి, లోన్ అకౌంట్ క్లోజ్ చేశాక బ్యాంక్ మీ నగలను తిరిగి ఇచ్చేస్తుంది. "లోన్ కట్టేసినా బ్యాంక్ ఎప్పటికీ నగలను తన దగ్గరే ఉంచుకోవచ్చు" అనే రూల్ ఎక్కడా లేదు. ఒకవేళ నగలు ఇవ్వడంలో లేట్ అయితే, ముందుగా మీ లోన్ అకౌంట్ నిజంగానే క్లోజ్ అయిందో లేదో మీరు చెక్ చేసుకోవాలి.

కొన్నిసార్లు మీకు సంబంధించిన వేరే లోన్ బ్యాలెన్స్ ఉందని, లేదా అగ్రిమెంట్ కండిషన్స్, ఇతర చట్టపరమైన కారణాలు ఉన్నాయని బ్యాంక్ చెప్పొచ్చు. అలాంటప్పుడు వాళ్లు నోటితో చెబితే ఒప్పుకోకండి, ఆ కారణాన్ని రాతపూర్వకంగా అడిగి తీసుకోండి. మీరు డబ్బులు కట్టిన రసీదు, అకౌంట్ క్లోజర్ లెటర్, కుదవపెట్టిన రసీదు లాంటి డాక్యుమెంట్లను జాగ్రత్తగా దాచుకోండి. రేపు ఏదైనా సమస్య వస్తే ఇవే మీకు ఆధారాలు.

లోన్ మొత్తం కట్టేసిన తర్వాత కూడా బ్యాంక్ నగలు ఇవ్వకపోతే ముందుగా కంగారు పడకుండా కారణం ఏంటని బ్యాంక్‌ను అడగండి. "ఇంకా ఎంత బ్యాలెన్స్ ఉంది?", "నా లోన్ అకౌంట్ క్లోజ్ అయిందా?", "నగలు ఎందుకు ఇవ్వట్లేదు?" అని మీరు స్పష్టంగా అడగొచ్చు. వీలైతే ఈ సమాచారాన్ని రాతపూర్వకంగా లేదా బ్యాంక్ అఫీషియల్ కంప్లైంట్ సెల్ ద్వారా తీసుకోవడం మంచిది. మీరు కట్టిన డబ్బులు అకౌంట్‌లో సరిగ్గా జమయ్యాయో లేదో కూడా చెక్ చేసుకోండి.

కొన్నిసార్లు మీరు లాస్ట్ ఈఎంఐ కట్టేసినా, అకౌంట్ క్లోజింగ్ ప్రాసెస్ ఇంకా పూర్తి కాకపోవచ్చు. అందుకే కేవలం రసీదు చూసుకుని లోన్ తీరిపోయిందని అనుకోకుండా బ్యాంక్ దగ్గర అకౌంట్ స్టేటస్ కన్ఫర్మ్ చేసుకోవడం సేఫ్. అలాగే మీరు సంతకం చేసిన లోన్ అగ్రిమెంట్‌లో నగలు తిరిగి ఇచ్చే కండిషన్లు ఏమైనా ఉన్నాయేమో చూడండి. వేరే లోన్ కోసం ఈ నగలను ఆపుతున్నామని బ్యాంక్ చెబితే, దానికి సంబంధించిన డాక్యుమెంట్లు కూడా అడిగి తెలుసుకోండి.

బ్యాంక్ చెప్పే కారణం సరైనది కాదని మీకు అనిపిస్తే, తర్వాతి స్టెప్‌గా ఆ బ్యాంక్ గ్రీవెన్స్ ఆఫీసర్‌ను కలవండి. కంప్లైంట్ ఇచ్చినప్పుడు ఆ ఫిర్యాదు నంబర్ లేదా రసీదు కచ్చితంగా తీసుకోండి. దీనివల్ల తర్వాత ఈ కంప్లైంట్‌ను ముందుకు తీసుకెళ్లడానికి వీలవుతుంది. బ్యాంక్‌కు కంప్లైంట్ ఇచ్చినా సమస్య తీరకపోతే, రిజర్వ్ బ్యాంక్ ఆఫ్ ఇండియా (RBI) ఇంటిగ్రేటెడ్ అంబుడ్స్‌మన్‌కు ఫిర్యాదు చేసే అవకాశం మీకు ఉంటుంది.

ఆర్బీఐ నిబంధనల ప్రకారం… ముందుగా సంబంధిత బ్యాంక్ లేదా ఫైనాన్స్ కంపెనీకే మీరు కంప్లైంట్ ఇవ్వాలి. ఆ కంప్లైంట్‌ను 30 రోజుల్లోగా వాళ్లు పరిష్కరించకపోయినా లేదా వాళ్లు ఇచ్చిన సమాధానం మీకు నచ్చకపోయినా, అప్పుడు మీరు ఆర్బీఐ అంబుడ్స్‌మన్‌కు ఫిర్యాదు చేయొచ్చు. బ్యాంకులు, ఫైనాన్స్ సంస్థల సేవలలో లోపాలు ఉంటే పరిష్కరించడానికి ఆర్బీఐ ఈ ప్రత్యామ్నాయ వ్యవస్థను ఏర్పాటు చేసింది.

కంప్లైంట్ ఇచ్చే ముందు లోన్ డాక్యుమెంట్, డబ్బులు కట్టిన రసీదులు, బ్యాంక్ స్టేట్‌మెంట్, కుదవపెట్టిన రసీదు, బ్యాంక్‌కు ఇచ్చిన కంప్లైంట్ కాపీ, వాళ్లు ఇచ్చిన రిప్లై అన్నీ మీ దగ్గర రెడీగా ఉంచుకోండి. "ఆర్బీఐకి కంప్లైంట్ చేయగానే వెంటనే నగలు వచ్చేస్తాయి" అని అనుకోవద్దు. మీరు ఇచ్చే డాక్యుమెంట్లు, వాళ్ల సర్వీస్‌లో ఉన్న లోపం ఆధారంగానే యాక్షన్ ఉంటుంది. అందుకే లోన్ తీసుకునే ముందే అగ్రిమెంట్ పూర్తిగా చదవడం, లోన్ తీరిపోగానే అకౌంట్ క్లోజర్ రికార్డులు తీసుకోవడం చాలా ముఖ్యం.

Katrina Kaif Mother: కూతురికి రూ.250 కోట్ల ఆస్తి.. కానీ తమిళనాడు పల్లెటూరిలో హీరోయిన్ తల్లి!

Tirumala Dornala — Mon, 28 Sep 2026 20:20:58 +0530

బాలీవుడ్ స్టార్ హీరోయిన్ కత్రినా కైఫ్ ఆస్తి దాదాపు రూ.250 కోట్లు. కానీ ఆమె తల్లి సుజానే మాత్రం లండన్ లాంటి విలాసవంతమైన జీవితాన్ని వదిలేసి 15 ఏళ్లుగా తమిళనాడులోని ఓ చిన్న పల్లెటూరిలో ఉంటున్నారు. ఆమె ఎందుకు అలా ఉంటున్నారో తెలిస్తే నిజంగా ఆశ్చర్యపోతారు.

కత్రినా కైఫ్ అనగానే బాలీవుడ్ స్టార్‌డమ్, లగ్జరీ లైఫ్, సక్సెస్‌ఫుల్ బిజినెస్ గుర్తొస్తాయి. 2003లో సినిమాల్లోకి వచ్చిన ఆమె.. 'నమస్తే లండన్', 'పార్ట్‌నర్', 'వెల్‌కమ్', 'సింగ్ ఈజ్ కింగ్' లాంటి హిట్స్ కొట్టారు. కానీ ఆమె తల్లి సుజానే ప్రపంచం వేరు. కూతురు స్టార్ అయ్యాక ఆమె గ్లామర్ ప్రపంచానికి దూరంగా తమిళనాడులోని ఓ పల్లెటూరికి వచ్చేశారు. పేద పిల్లల చదువు కోసం తన జీవితాన్ని అంకితం చేశారు. కనీస సౌకర్యాలు, కరెంటు కూడా సరిగా లేని చోట ఆమె చాలా సింపుల్‌గా బతుకుతున్నారు.

సుజానే 2008లో లండన్ వదిలేసి తమిళనాడుకు వచ్చేశారు. పల్లెటూరి పిల్లల భవిష్యత్తు మార్చాలనే ఉద్దేశంతో 'రిలీఫ్ ప్రాజెక్ట్స్ ఇండియా' అనే ఎన్జీవోను మొదలుపెట్టారు. మధురై దగ్గర్లోని ఓ పల్లెటూరిలో దాదాపు రెండు దశాబ్దాలుగా ఆమె సైలెంట్‌గా సేవ చేస్తున్నారు. ఇక్కడే ఆమె 'రిలీఫ్ ప్రాజెక్ట్స్ ఇండియా'తో పాటు 'మౌంటైన్ వ్యూ స్కూల్'ను కూడా నడుపుతున్నారు.

ముంబైలో కత్రినా తన కెరీర్‌ను సక్సెస్‌ఫుల్‌గా కొనసాగిస్తున్నారు. అదే సమయంలో తన తల్లి చేస్తున్న గొప్ప పనిని చూసి ఆమె ఎంతో గర్వపడుతున్నారు. వందలాది మంది పేద పిల్లలకు చదువు చెబుతున్న ఈ సంస్థకు కత్రినా రెగ్యులర్‌గా ఆర్థిక సాయం చేస్తున్నారు. ప్రభుత్వ స్కూల్ పిల్లలకు సాయంత్రం పూట ఉచిత ట్యూషన్లు చెప్పడంతో మొదలైన ఈ ప్రాజెక్ట్.. ఇప్పుడు ఒక పెద్ద కమ్యూనిటీ డెవలప్‌మెంట్ ప్రోగ్రామ్‌గా మారిపోయింది.

సుజానే 2015లో 'మౌంటైన్ వ్యూ స్కూల్'ను ప్రారంభించారు. 3 నుంచి 5 ఏళ్ల వయసున్న 30 మంది పిల్లలతో ఒక చిన్న నర్సరీగా ఇది మొదలైంది. ఇప్పుడు 300 మందికి పైగా స్టూడెంట్స్ చదువుకునే పెద్ద ప్రైమరీ స్కూల్‌గా ఎదిగింది. తన తల్లి మధురైలో ఉంటూ పిల్లల కోసం స్కూల్ నడుపుతున్నారని, అక్కడే టీచర్‌గా పాఠాలు చెబుతూ ఎంతో సంతోషంగా ఉన్నారని కత్రినా గతంలో చెప్పారు. తన తల్లి ఆశీస్సులు, ఆమె చేస్తున్న మంచి పనుల వల్లే తాను ఈ స్థాయికి వచ్చానని కత్రినా గర్వంగా చెబుతారు.

తన తల్లి ఉంటున్న ఊరి పరిస్థితుల గురించి కత్రినా ఒకసారి మాట్లాడారు. "అక్కడ ఉండటం అంత సులభం కాదు. రోజుకు 12 గంటలు మాత్రమే కరెంటు ఉంటుంది. కొన్నిసార్లు మా అమ్మతో ఫేస్‌టైమ్‌లో మాట్లాడాలనిపించినా కుదరదు. ఎందుకంటే అక్కడ కరెంటు, ఇంటర్నెట్ సరిగా ఉండవు. అందుకే మేం నార్మల్ కాల్స్ మాట్లాడుకుంటాం" అని కత్రినా చెప్పారు. తన తల్లి చేస్తున్న ఈ గొప్ప సేవ పట్ల ఆమె ఎంతో గౌరవం చూపిస్తున్నారు.

Trivikram: త్రివిక్రమ్ ఫస్ట్ డైలాగ్ వెంకికే..కానీ టైటిల్స్ లో మాత్రం ఆయన పేరు లేదు..మరి క్రెడిట్స్ ఎవరికిచ్చారు?

Nandini Arava — Mon, 28 Sep 2026 20:03:49 +0530

Trivikram: వెంకటేష్‌, త్రివిక్రమ్‌ కాంబోలో వస్తున్న ఫస్ట్ సినిమా ఆదర్శ కుటుంబం. ఆ సినిమాలోని నారాయణమ్మ సాంగ్ లాంచ్ చేశారు. అయితే ఈ ఇవెంట్ లో త్రివిక్రమ్ కొన్ని ఇంట్రెస్టింగ్ కామెంట్స్ చేశారు. సోషల్ మీడియాలో ఆ వ్యాఖ్యలు ఇప్పుడు చర్చనీయాంశంగా మారాయి.

మాటల మాంత్రికుడు త్రివిక్రమ్, వెంకటేష్ కాంబినేషన్ లో వస్తున్న తొలి చిత్రం ఆదర్శ కుటుంబం. ఈ సినిమా మీద భారీ అంచనాలే ఉన్నాయి. అయితే ఈ సినిమాకు సంబంధించి నారాయణమ్మ సాంగ్ ను లాంచ్ చేశారు. లాంచింగ్ ఈవెంట్ లో త్రివిక్రమ్ కొన్ని ఇంట్రెస్టింగ్ కామెంట్స్ చేశారు.

త్రివిక్రమ్‌ రచయితగా ఎంట్రీ ఇచ్చిన సినిమా ‘స్వయంవరం’ అనే విషయం అందరికీ తెలిసిందే. కానీ కాదట.తాను రాసిన తొలి డైలాగ్ వెంకటేశ్ నటించిన ‘పవిత్ర బంధం’ సినిమా కోసం అని చెప్పారు.

ఇండస్ట్రీలోకి వచ్చిన కొత్తలో తనకు ఎంతో ఇష్టమైన హీరో వెంకటేశ్ అని చెప్పిన త్రివిక్రమ్.. ఆయన కోసం ‘పవిత్ర బంధం’ చిత్రంలో తన తొలి డైలాగ్ రాశానని గుర్తు చేసుకున్నారు. ముత్యాల సుబ్బయ్య దర్శకత్వంలో తెరకెక్కిన ఈ సినిమా 1996లో విడుదలైంది. ఆ సమయంలో వెంకటేశ్‌కు త్రివిక్రమ్ ఎవరో తెలియకపోయినా.. ఆయన రాసిన డైలాగ్స్ నచ్చి దర్శకుడు ముత్యాల సుబ్బయ్య దగ్గర త్రివిక్రమ్ గురించి ఆరా తీశారని ఆయన చెప్పారు.

ఆ తర్వాత వెంకటేశ్‌తోనే ‘పెళ్లి చేసుకుందాం’ సినిమాకు కూడా త్రివిక్రమ్ పనిచేశారు. ఈ సినిమా కూడా ముత్యాల సుబ్బయ్య దర్శకత్వంలోనే 1997లో విడుదలైంది. ఈ సందర్భంగా తన సినీ ప్రయాణం వెంకటేశ్‌తోనే మొదలైందని త్రివిక్రమ్ చెప్పుకొచ్చారు.

ఇక్కడే అసలు ఆసక్తికరమైన విషయం. త్రివిక్రమ్ స్వయంగా ఈ రెండు సినిమాలకు తాను డైలాగ్స్ రాసినట్లు చెప్పినప్పటికీ.. అందుబాటులో ఉన్న సినిమా క్రెడిట్స్‌లో ‘పవిత్ర బంధం’, ‘పెళ్లి చేసుకుందాం’ రెండు సినిమాల డైలాగ్ రైటర్‌గా పోసాని కృష్ణమురళి పేరు కనిపిస్తోంది. ‘పవిత్ర బంధం’ క్రెడిట్స్‌లో డైలాగ్స్‌ను పోసాని కృష్ణమురళి రాసినట్లు ఉంది.

అలాగే 1997లో వచ్చిన ‘పెళ్లి చేసుకుందాం’ చిత్రానికి కూడా డైలాగ్ రైటర్‌గా పోసాని కృష్ణమురళి పేరే IMDb, ఇతర సినిమా డేటాబేస్‌లలో ఉంది. కథ భూపతి రాజా, స్క్రీన్‌ప్లే ముత్యాల సుబ్బయ్య, డైలాగ్స్ పోసాని కృష్ణమురళిగా క్రెడిట్స్ నమోదయ్యాయి. అయితే తాజాగా త్రివిక్రమ్ చెప్పిన వివరాలు ఆయన తొలి డైలాగ్ రైటింగ్ అనుభవం గురించి. అధికారిక టైటిల్ క్రెడిట్ ఎవరికి దక్కిందనే విషయం మాత్రం అందుబాటులో ఉన్న క్రెడిట్స్‌లో వేరుగా కనిపిస్తోంది. అందుకే ‘పవిత్ర బంధం’, ‘పెళ్లి చేసుకుందాం’ సినిమాల విషయంలో త్రివిక్రమ్ చేసిన వ్యాఖ్యలు ఇప్పుడు మరోసారి చర్చనీయాంశంగా మారాయి.

త్రివిక్రమ్ రచయితగా తెరంగేట్రం చేసిన సినిమాగా ‘స్వయంవరం’నే పేర్కొంటారు. 1999లో వచ్చిన ఈ సినిమా ఆయనకు అధికారికంగా స్క్రీన్‌రైటర్‌గా గుర్తింపు తెచ్చిన తొలి చిత్రంగా చెబుతారు.

Khairatabad Byelection : రెండేళ్ల కిందే ఖైరతాబాద్ సీటు ఖాళీ..: తెలంగాణ ప్రభుత్వ గెజిట్

Arun Kumar P — Mon, 28 Sep 2026 19:58:27 +0530

Khairatabad Byelection : తెలంగాణ రాజకీయాల్లో ప్రస్తుతం ఖైరతాబాద్ అసెంబ్లీ వ్యవహారం హాట్ టాపిక్ గా మారింది. ఎమ్మెల్యే దానం నాగేందర్ పై అనర్హత వేటు పడటంతో ఉపఎన్నికలు ఖాయమయ్యాయి... అయితే వీటిని ఎప్పుడు నిర్వహిస్తారన్న సస్పెన్స్ కొనసాగుతోంది. ఈ క్రమంలోనే తెలంగాణ ప్రభుత్వం ఖైరతాబాద్ అసెంబ్లీ స్థానం ఖాళీ అయినట్లు గెజిట్ విడుదలచేసింది. ఈ పరిణామాల నేపథ్యంలో తెలంగాణ సర్కార్ కూడా ఖైరతాబాద్ అసెంబ్లీకి వీలైనంత తొందరగా ఎన్నికలు నిర్వహించాలని చూస్తున్నట్లు స్పష్టమవుతోంది.

2024 లోనే ఖైరతాబాద్ సీటు ఖాళీ..

తెలంగాణ అసెంబ్లీ కార్యదర్శి విడుదలచేసిన రాజపత్రం (గెజిట్) లో ఆసక్తికర అంశాన్ని గమనించవచ్చు. గత అసెంబ్లీ ఎన్నికల్లో భారత రాష్ట్ర సమితి (BRS) పార్టీ గుర్తుపై ఎమ్మెల్యేగా గెలిచిన దానం నాగేందర్ కాంగ్రెస్ లో చేరినట్లు తెలంగాణ హైకోర్టు, దేశ సుప్రీంకోర్టు తేల్చాయి... దీంతో అతడు పార్టీ పిరాయించినట్లు కన్ఫర్మ్ చేశాయి. ఈ క్రమంలో అతడిపై అనర్హత 2024 ఏప్రిల్ 23 నుండి అమల్లోకి వచ్చింది... ఇదే విషయాన్ని గెజిట్ లో కూడా పేర్కొన్నారు.

దానం నాగేందర్ కాంగ్రెస్ లో చేరిన వెంటనే ఖైరతాబాద్ సీటు ఖాళీ అయ్యిందన్నమాట... అంటే దాదాపు రెండేళ్లకు పైగా అయ్యింది. కాబట్టి త్వరలోనే ఖైరతాబాద్ ఉపఎన్నిక జరపాలని ప్రభుత్వం కూడా భావిస్తున్నట్లు స్పష్టమవుతోంది. మరి ఎన్నికల సంఘం ఎప్పుడు ఉపఎన్నిక షెడ్యూల్ విడుదల చేస్తుందో చూడాలి.

అసలేంటి దానం నాగేందర్ వివాదం?

తెలంగాణ ఏర్పాటు తర్వాత పదేళ్లపాటు రాష్ట్రాన్ని పాలించిన బిఆర్ఎస్ గత అసెంబ్లీ ఎన్నికల్లో ఓటమిపాలై అధికారాన్ని కోల్పోయింది... మొదటిసారి కాంగ్రెస్ అధికారంలోకి వచ్చింది. అయితే అధికారాన్ని కోల్పోవడంతోనే బిఆర్ఎస్ పార్టీ తరపున గెలిచిన పలువురు ఎమ్మెల్యేలు కాంగ్రెస్ లో చేరారు… వీరిలో హైదరాబాద్ లోని ఖైరతాబాద్ నియోజకవర్గం నుండి గెలిచిన దానం నాగేందర్ ఒకరు.

ఇలా తమ పార్టీ తరపున గెలిచి కాంగ్రెస్ లో చేరిన ఎమ్మెల్యేలను అనర్హులుగా ప్రకటించాలంటూ బిఆర్ఎస్ అసెంబ్లీ స్పీకర్ కు ఫిర్యాదు చేసింది. దీనిపై విచారణ జరిపిన స్పీకర్ ఫిరాయింపు ఎమ్మెల్యేలపై ఎలాంటి చర్యలు తీసుకోలేదు. దీంతో దానం నాగేందర్ పై ఫిర్యాదుచేసిన బిఆర్ఎస్ ఎమ్మెల్యే పాడి కౌశిక్ రెడ్డి. బిజెపి ఎమ్మెల్యే ఏలేటి మహేశ్వర్ రెడ్డి హైకోర్టును ఆశ్రయించారు.

హైకోర్టు ఈ వ్యవహారంపై పలుమార్లు విచారణ జరిపింది... పూర్తి సమాచారాన్ని సేకరించి, ఇరుపక్షాల వాదనలు వింది. సికింద్రాబాద్ నుండి కాంగ్రెస్ ఎంపీగా పోటీచేసిన దానం పార్టీ పిరాయించినట్లు నిర్దారించింది… ఈ మేరకు సెప్టెంబర్ 18న దానం నాగేందర్ అనర్హత పిటిషన్ పై తుదితీర్పు ఇచ్చింది. అసెంబ్లీ స్పీకర్ నిర్ణయాన్ని తప్పుబట్టిన న్యాయస్థానం దానం నాగేందర్ ను అనర్హుడిగా ప్రకటించింది. ఖైరతాబాద్ ఎమ్మెల్యే స్థానం ఖాళీ అయినట్లు ప్రకటించింది... దీంతో తెలంగాణ రాజకీయాల్లో ఒక్కసారిగా అలజడి రేగింది.

అయితే హైకోర్టు తీర్పును సవాల్ చేస్తూ దానం సుప్రీంకోర్టుకు వెళ్లారు... అక్కడ కూడా ఆయనకు చుక్కెదురయ్యింది. మొత్తంగా ఎమ్మెల్యేగా దానం నాగేందర్ ను అనర్హుడిగా ప్రకటించడంతో ఖైరతాబాద్ అసెంబ్లీ ఖాళీ అయ్యింది… ఇందుకు సంబంధించి తాజాగా ప్రభుత్వం నుండి అధికారిక ప్రకటన కూడా వెలువడింది.

Horse Gram: కిడ్నీ స్టోన్స్, కొవ్వు కరిగించే అద్భుతమైన గింజలు

Haritha Chappa — Mon, 28 Sep 2026 19:54:45 +0530

Horse Gram: సద్గురు తన ఫిట్‌నెస్ టిప్స్‌లో ఉలవలను అత్యంత శక్తివంతమైన ధాన్యంగా చెప్పారు. కిడ్నీ స్టోన్స్ కరిగించడంతో పాటు బరువు తగ్గించడంలో ఇవి ఎలా పనిచేస్తాయో ఇక్కడ తెలుసుకోండి.

పలుచగా టేస్టీ బొబ్బట్లు చేసే సింపుల్ ట్రిక్

Haritha Chappa — Mon, 28 Sep 2026 19:48:07 +0530

బొబ్బట్లు లేదా భక్ష్యాలు చేయాలంటే చాలామందికి కష్టంగా ఫీలవుతారు. ముఖ్యంగా వాటిని పల్చగా రుద్దడం రాక ఇబ్బంది పడతారు. కానీ, అప్పడాల కర్రతో పనిలేకుండా చాలా వేగంగా, పల్చగా బొబ్బట్లు చేసే ఓ సింపుల్ ట్రిక్ ఇక్కడ చూద్దాం.

Dandruff: చుండ్రును వదిలించేందుకు అద్భుత చిట్కాలు ఇవిగో

Haritha Chappa — Mon, 28 Sep 2026 19:44:29 +0530

Dandruff: చుండ్రు సమస్యతో బాధపడుతున్నారా? దానికి మందులు వాడాల్సిన అవసరం లేదు. ఇంట్లోనే సులభంగా దొరికే వస్తువులతో చుండ్రును వదిలించుకోవడానికి ఇక్కడ ఆరు అద్భుతమైన చిట్కాలు ఉన్నాయి.

Bangle Designs: చీరలో మీ లుక్ ని హైలెట్ చేసే గాజుల కలెక్షన్లు

ramya Sridhar — Mon, 28 Sep 2026 19:16:13 +0530

bangle Designs: చీరలో అందంగా, అందరి కంటే స్పెషల్ గా కనిపించాలి అంటే.. చేతులకు గాజులు ఉండాల్సిందే. ముఖ్యంగా, పట్టుచీరల మీదకు స్టోన్ బ్యాంగిల్స్, కుందన్ గాజులు వేసుకుంటే.. మీ లుక్ అదిరిపోతుంది. అలాంటి గాజుల డిజైన్లు ఓసారి చూద్దాం…

House Construction Tips : గోడలకు పగుళ్లు రాకూడదా? అయితే ఇళ్లు కట్టేటప్పుడే ఈ 5 విషయాలు గుర్తుపెట్టుకోండి

Arun Kumar P — Mon, 28 Sep 2026 18:54:39 +0530

House Construction: కొత్తగా కట్టినప్పటికీ కొన్ని ఇళ్ల గోడలకు అప్పుడే పగుళ్లు రావడం, చెమ్మ చేరడం లేదా ప్లాస్టరింగ్ ఊడిపోవడం లాంటివి చూస్తుంటాం. ఇల్లు కట్టేటప్పుడే కొన్ని జాగ్రత్తలు తీసుకుంటే ఈ సమస్యలకు చెక్ పెట్టొచ్చు. అవేంటో చూద్దాం.

ఇల్లు కట్టేటప్పుడు గోడల బలం కేవలం ఇటుకలు, సిమెంట్ మీద మాత్రమే ఆధారపడి ఉండదు... వాడే మెటీరియల్ క్వాలిటీ, కట్టే విధానం, క్యూరింగ్ అన్నీ ముఖ్యమే. ముందుగా ఇటుకలు, సిమెంట్, ఇసుక, నీళ్ల క్వాలిటీని చెక్ చేసుకోవాలి… నాణ్యమైన వాటినే ఇంటి నిర్మాణానికి ఉపయోగించాలి.

ఇటుకలను వాడే ముందు వాటిని బాగా తడపాలి... లేదంటే అవి సిమెంట్ లోని నీటిని పీల్చేసుకుని గోడ బలాన్ని తగ్గిస్తాయి.అలాగే ఇంటి నిర్మాణానికి వాడే ఇసుకలో మట్టి, రాళ్లు, ప్లాస్టిక్ వంటి వ్యర్థాలు లేకుండా చూసుకోవాలి. ఇక సిమెంట్ కొనేటప్పుడు తయారీ తేదీని కచ్చితంగా గమనించాలి… గడ్డకట్టిన సిమెంట్ వాడకపోవడమే మంచిది.

ఇంటి నిర్మాణానికి ఉప్పు నీటిని అస్సలు వాడకూడదు. ఉప్పు శాతం ఎక్కువగా ఉన్న నీటిని వాడితే గోడలపై తెల్లటి మచ్చలు రావడం, చెమ్మ చేరడం, ప్లాస్టరింగ్ ఊడిపోవడం లాంటివి జరుగుతాయి.

ఇల్లు కట్టడం మొదలుపెట్టే ముందే ఫ్లోర్ ప్లాన్, డ్రాయింగ్స్ అన్నీ రెడీగా ఉంచుకోవాలి. తలుపులు, కిటికీలు, ప్లంబింగ్, ఎలక్ట్రికల్ పాయింట్లు ఎక్కడ వస్తాయో ముందే డిసైడ్ చేసుకుంటే.. తర్వాత గోడలు పగలగొట్టే పని తప్పుతుంది.

ఇంటి గోడలు కట్టేటప్పుడు సిమెంట్, ఇసుక కలిపే రేషియో చాలా ముఖ్యం. అన్ని గోడలకూ ఒకే రేషియోలో వీటిని వాడటం కరెక్ట్ కాదు. గోడ రకం, దానిపై పడే బరువును బట్టి ఇంజనీర్ ఈ రేషియోను డిసైడ్ చేస్తారు. ఇండియన్ కన్‌స్ట్రక్షన్ స్పెసిఫికేషన్స్ ప్రకారం కొన్ని ఇటుక పనులకు 1:4 రేషియో వాడతారు.

సిమెంట్, ఇసుక మిశ్రమం మరీ నీళ్లలా ఉండకూడదు… అలాగని మరీ పొడిగానూ ఉండకూడదు. గోడ కట్టడం మొదలుపెట్టే చోట శుభ్రం చేసి, తగినంత తడి ఉండేలా చూసుకోవాలి. తగిన మోతాదులో సిమెంట్, ఇసుక కలిపితే గోడకు పగుళ్లు రాకుండా ఉంటాయి.

పిల్లర్, గోడ కలిసే చోట కచ్చితంగా సరైన జాయింట్ ఉండేలా చూసుకోవాలి. పగుళ్లు వచ్చే అవకాశం ఉన్న చోట ప్లాన్ ప్రకారం మెష్ (వల) వాడాలి. ఇక్కడ గుర్తుపెట్టుకోవాల్సిన ఇంకో విషయం ఏంటంటే.. ఒకేరోజు గోడను మరీ ఎత్తుగా కట్టేయకూడదు. గోడ ఎత్తు, ఇటుక రకం, వాడే సిమెంట్ మిశ్రమాన్ని బట్టి ఇంజనీర్ చెప్పినట్లుగా కట్టాలి. మేస్త్రీకి అనుభవం ఉన్నప్పటికీ, ప్లాన్ ప్రకారమే పనులు జరుగుతున్నాయో లేదో ఎప్పటికప్పుడు గమనిస్తూ ఉండాలి.

గోడ కట్టడం పూర్తయ్యాక క్యూరింగ్ చేయడాన్ని చాలామంది లైట్ తీసుకుంటారు. సిమెంట్ మిశ్రమానికి బలం రావాలంటే కచ్చితంగా కొన్ని రోజుల పాటు నీళ్లు పట్టాలి. సెంట్రల్ పబ్లిక్ వర్క్స్ డిపార్ట్‌మెంట్ (CPWD) రూల్స్ ప్రకారం.. ఇటుకతో కట్టిన గోడలను కనీసం 7 రోజుల పాటు తడిగా ఉంచాలి. పని అయిపోయింది కదా ఇక నీళ్లు అవసరం లేదు అనుకోవడం పొరపాటు. వాతావరణం, వాడిన మెటీరియల్‌ను బట్టి ఇంజనీర్ సలహా మేరకు క్యూరింగ్ చేయాలి.

గోడల పగుళ్లకు మరిన్ని కారణాలు..

పునాది, మట్టి స్వభావం, స్ట్రక్చరల్ డిజైన్, భూకంపాలు, వాతావరణ మార్పులు, చెమ్మ, ఇంటి వయసు లాంటి ఎన్నో కారణాల వల్ల గోడలకు పగుళ్లు వస్తుంటాయి. ఇండియన్ స్టాండర్డ్స్ ప్రకారం ఇటుక పనులకు కొన్ని ప్రత్యేక నియమాలు ఉన్నాయి. అందుకే కేవలం మెటీరియల్ కొనిచ్చేసి ఊరుకోకుండా, ఒక క్వాలిఫైడ్ సివిల్ ఇంజనీర్ పర్యవేక్షణలో ఇల్లు కట్టుకోవడం ఉత్తమం. సరైన ప్లానింగ్, క్వాలిటీ మెటీరియల్, కరెక్ట్ క్యూరింగ్ ఉంటే భవిష్యత్తులో వచ్చే చాలా సమస్యలను ముందే ఆపొచ్చు.

Nepal Floods: కొండచరియలు ఎందుకు విరిగిపడతాయి? అసలు కారణమిదే..నేపాల్ లో మరోసారి బీభత్సం

Nandini Arava — Mon, 28 Sep 2026 19:05:10 +0530

Nepal Floods: ప్రకృతి ప్రకోపానికి ఉత్తర భారతం అల్లకల్లోలమవుతోంది. ఎప్పుడు ఏ కొండచరియలు విరిగిపడతాయో అని అక్కడి ప్రజలు ఆందోళన చెందుతున్నారు. నెల క్రితం నేపాల్ లో జరిగిన ప్రమాదం మరవకముందే మరో ఘోరం జరిగింది. అసలు కొండ చరియలు ఎందుకు విరిగిపడుతున్నాయి?

నేపాల్‌లో మరోసారి ప్రకృతి బీభత్సం సృష్టించింది. వారం రోజులుగా వర్షాలు కురుస్తుండటంతో రోడ్లు, వంతెనలు దెబ్బతిన్నాయి. ఇళ్లు నేలమట్టమయ్యాయి. వర్షాల వల్ల కాళి, గండకి, సున్ కోషి, మహాకాళి నదులు పొంగిపొర్లుతున్నాయి. ఓ చోట కొండచరియ విరిగిపడి అక్కడి గ్రామాలపైకి దూసుకొచ్చింది. సోషల్ మీడియాలో వైరలవుతున్న వీడియోలు చూస్తే ఒళ్లు గగుర్పొడుస్తుంది. గత నెల జరిగిన ప్రమాదం మరువకముందే మరో ప్రకృతి విపత్తు ఎదురవడటంతో నేపాల్ ప్రజలు ఉక్కిరిబిక్కిరి అవుతున్నారు. గత నెలలో వచ్చిన ఆకస్మిక వరదలతో ఇప్పటివరకూ దాదాపు 1500 వందలకుపైగా చనిపోయారు. 5 వేలకు పైగా గల్లంతయ్యారు.

హిమాలయ ప్రాంతాల్లో తరచూ కొండచరియలు విరిగిపడటం చూస్తుంటాం. భారీ వర్షాలు కురిసినప్పుడు ఒక్కసారిగా మట్టి, రాళ్లు కొండపై నుంచి కిందకు జారిపడుతుంటాయి. దీంతో రోడ్లు మూసుకుపోవడం, ఇళ్లు దెబ్బతినడం, రాకపోకలకు అంతరాయం కలగడం వంటి ఘటనలు జరుగుతాయి.

హిమాలయాలు భౌగోళికంగా పర్వత ప్రాంతం. భారత భూఫలకం ఉత్తర దిశగా కదులుతూ యూరేషియన్ భూఫలకంతో ఢీకొంటోంది. ఈ నిరంతర భౌగోళిక కదలికల కారణంగా హిమాలయ ప్రాంతంలోని అనేక కొండలు సహజంగానే బలహీనంగా, అస్థిరంగా ఉంటాయి. అందుకే ఇక్కడ నేల కదలికలు, రాళ్లు విరిగిపడే అవకాశాలు ఎక్కువగా ఉంటాయి.

వర్షాకాలంలో కురిసే భారీ వర్షాలు కొండచరియలకు ప్రధాన ట్రిగ్గర్‌గా పనిచేస్తాయి. వర్షపు నీరు మట్టిలోకి వెళ్లి నేల బరువు పెరుగుతుంది. అదే సమయంలో మట్టి పొరల మధ్య ఉండే పట్టుదల తగ్గి కొండ వాలుపై ఉన్న మట్టి, రాళ్లు గురుత్వాకర్షణకు లోనై కిందకు జారిపడవచ్చు.

కొండ ప్రాంతాల్లో రోడ్లు, రైల్వే మార్గాలు, సొరంగాలు, భవనాల నిర్మాణం కోసం కొండలను తవ్వడం జరుగుతుంది. ఇలా కొండ వాలును కోయడం వల్ల సహజమైన స్థిరత్వం దెబ్బతినవచ్చు. సరైన డ్రైనేజీ వ్యవస్థ, రక్షణ చర్యలు లేకపోతే వర్షాల సమయంలో ఈ ప్రాంతాలు ల్యాండ్‌స్లైడ్స్‌కు గురయ్యే అవకాశం ఉంటుంది. కొండ ప్రాంతాల్లో చెట్లు, వృక్షాల వేర్లు మట్టిని పట్టి ఉంచడంలో కీలక పాత్ర పోషిస్తాయి. అడవులు తగ్గడం లేదా వృక్ష సంపద దెబ్బతినడం వల్ల మట్టి కోతకు గురయ్యే అవకాశం పెరుగుతుంది. భారీ వర్షాలు పడినప్పుడు ఈ వదులైన మట్టి సులభంగా కొండపై నుంచి జారిపోవచ్చు.

హిమాలయ ప్రాంతం భూకంపాలకు కూడా సున్నితమైన ప్రాంతం. భూకంపం సంభవించినప్పుడు కొండల్లోని రాళ్లు, మట్టి పొరలు కదిలిపోతాయి. ఇప్పటికే బలహీనంగా ఉన్న కొండ ప్రాంతాల్లో భూకంపం తర్వాత కొండచరియలు విరిగిపడే అవకాశం మరింత పెరుగుతుంది.

హిమాలయాల్లోని నదులు వేగంగా ప్రవహిస్తుంటాయి. ఇవి కొండల అడుగు భాగాన్ని నిరంతరం కోస్తూ ఉంటాయి. అడుగు భాగం బలహీనపడితే పైభాగంలోని మట్టి, రాళ్లకు ఆధారం తగ్గుతుంది. దీంతో కొండచరియలు విరిగిపడే ప్రమాదం ఏర్పడుతుంది.

అందుకే ఉత్తర భారతదేశంలోని హిమాలయ ప్రాంతాల్లో కొండచరియలు విరిగిపడటానికి ఒకే ఒక్క కారణం ఉండదు. పర్వతాల భౌగోళిక స్వభావం, భారీ వర్షాలు, భూకంపాలు, మంచు కరగడం, నదుల కోత, అడవుల తగ్గుదల, నిర్మాణ కార్యకలాపాలు వంటి అనేక అంశాలు కలిసి ల్యాండ్‌స్లైడ్ ప్రమాదాన్ని పెంచుతాయి.

రాష్ట్రం అల్లకల్లోలం అయిపోతోంది ముఖ్యమంత్రి ఎక్కడ: లక్ష్మీ పార్వతి | Lakshmi Parvathi Comments

Galam Venkata Rao — Mon, 28 Sep 2026 19:01:49 +0530

Puri Jagannadh: 60 ఏళ్ళ వయసు, 6 బెస్ట్ మూవీస్.. బద్రితో మొదలు, స్లో అయ్యాక జూలు విదిల్చిన పూరి జగన్నాధ్

Tirumala Dornala — Mon, 28 Sep 2026 18:59:38 +0530

60వ పుట్టినరోజు జరుపుకుంటున్న పూరి జగన్నాథ్‌కి ప్రత్యేక గుర్తింపు తెచ్చిన ఆరు సినిమాలు, ఆయన మార్క్ దర్శకుడిగా నిలిచిన తీరు ఇదే. పూరి జగన్నాధ్ బద్రితో కెరీర్ ప్రారంభించి పోకిరితో పీక్ స్టార్ డమ్ అందుకున్నారు.

టాలీవుడ్‌లో హీరోలను కొత్తగా చూపించడంలో, మాస్ ప్రేక్షకులకు కనెక్ట్ అయ్యే కథలు, క్యారెక్టర్లను తీర్చిదిద్దడంలో పూరి జగన్నాథ్‌ది ప్రత్యేకమైన శైలి. 2000లో ‘బద్రి’తో దర్శకుడిగా పరిచయమైన పూరి.. రెండు దశాబ్దాలకు పైగా తనదైన మార్క్‌తో సినిమాలు తెరకెక్కించారు. కేవలం హీరో క్యారెక్టరైజేషన్ మీదే కథలు రాసి బ్లాక్ బస్టర్లు కొట్టే అరుదైన దర్శకుల్లో పూరి ఒకరు. సెప్టెంబర్ 28న 60వ పుట్టినరోజు జరుపుకుంటున్న సందర్భంగా ఆయన కెరీర్‌లో ప్రత్యేకంగా నిలిచిన ఈ ఆరు సినిమాలను గుర్తు చేసుకుందాం.

పవన్ కళ్యాణ్ హీరోగా వచ్చిన ‘బద్రి’ పూరి జగన్నాథ్ దర్శకుడిగా తొలి అడుగు. ప్రేమకథకు తనదైన ట్రీట్‌మెంట్, హీరో క్యారెక్టరైజేషన్, పంచ్ డైలాగ్స్‌తో పూరి మొదటి సినిమాతోనే తన శైలిని పరిచయం చేశారు. ఈ సినిమా కమర్షియల్ సక్సెస్ సాధించి పూరికి మంచి గుర్తింపు తీసుకొచ్చింది. ఈ సినిమా అవకాశం దక్కించుకోవడం కోసం పూరి జగన్నాధ్ ముందుగా పవన్ కి వేరే మూవీ కథ చెప్పి మాయ చేసి బుట్టలో వేసుకున్నారు. కానీ చివరికి బద్రి తెరకెక్కించారు. ముందు చెప్పిన స్టోరీ ఇట్లు శ్రావణి సుబ్రహ్మణ్యం. ఈ సినిమాని పూరి రవితేజ తో తెరకెక్కించారు.

రవితేజ హీరోగా తెరకెక్కిన ‘ఇడియట్’ పూరి జగన్నాథ్ కెరీర్‌లో మరో కీలకమైన సినిమా. హీరో పాత్రను చాలా ఎనర్జిటిక్‌గా, మాస్‌కు దగ్గరగా చూపిస్తూ పూరి తన టేకింగ్‌తో ప్రేక్షకులను ఆకట్టుకున్నారు. ఈ సినిమాతో రవితేజకు మాస్ హీరోగా మరింత గుర్తింపు రావడంతో పాటు పూరి స్టైల్ మరింత బలపడింది.

రవితేజ, అసిన్ ప్రధాన పాత్రల్లో వచ్చిన ‘అమ్మ నాన్న ఓ తమిళ అమ్మాయి’లో యాక్షన్‌తో పాటు కుటుంబ భావోద్వేగాలను పూరి చక్కగా మేళవించారు. ముఖ్యంగా హీరో పాత్రను స్పోర్ట్స్ బ్యాక్‌డ్రాప్‌లో తీర్చిదిద్దిన విధానం ప్రత్యేకంగా నిలిచింది. ఈ సినిమాకు పూరి రాసిన సంభాషణలకు నంది అవార్డు కూడా దక్కింది.

నాగార్జున హీరోగా తెరకెక్కిన ‘శివమణి’లో పోలీస్ ఆఫీసర్ పాత్రను పూరి తనదైన మాస్ స్టైల్‌లో చూపించారు. యాక్షన్, లవ్ స్టోరీతో పాటు హీరో క్యారెక్టరైజేషన్ ఈ సినిమాకు ప్రత్యేక ఆకర్షణగా నిలిచింది. నాగార్జునను పూరి చూపించిన విధానం, సినిమాలోని డైలాగ్స్ ప్రేక్షకుల్లో మంచి గుర్తింపు తెచ్చుకున్నాయి.

ఆంధ్రావాలా ఫ్లాప్ తర్వాత పూరి జగన్నాధ్ కాస్త స్లో అయ్యారు. ఒకటి రెండు చిన్న సినిమాలు చేశారు. కానీ పూరి మార్క్ కనిపించలేదు. అదే టైంలో మహేష్ బాబుతో ప్రాజెక్ట్ ఓకె అయింది. మహేష్ బాబు హీరోగా వచ్చిన ‘పోకిరి’ పూరి జగన్నాథ్ కెరీర్‌లోనే అత్యంత కీలకమైన సినిమాల్లో ఒకటి. తెలుగు సినిమా కమర్షియల్ లెక్కలనే మార్చేస్తూ ఈ సినిమా ఇండస్ట్రీ హిట్ గా నిలిచింది. కాస్త స్లో అయ్యాక పూరి తిరిగి జూలు విదిల్చిన మూవీ ఇదే. హీరో క్యారెక్టరైజేషన్, యాక్షన్, ట్విస్టులు, డైలాగ్స్‌ను పూరి తనదైన వేగంతో తెరకెక్కించారు. ఈ సినిమా పూరికి దేశవ్యాప్తంగా గుర్తింపు తీసుకురావడంతో పాటు పలు భాషల్లో రీమేక్ అయింది.

జూనియర్ ఎన్టీఆర్ హీరోగా వచ్చిన ‘టెంపర్’లో పూరి మరోసారి హీరో క్యారెక్టరైజేషన్‌తో ఆకట్టుకున్నారు. మొదట నెగెటివ్ షేడ్స్ ఉన్న పోలీస్ పాత్రను చూపించి, ఆ తర్వాత అతడిలో వచ్చే మార్పును కథలో కీలకంగా మలిచారు. ఎన్టీఆర్‌ను కొత్త కోణంలో చూపించిన ఈ సినిమా పూరి కెరీర్‌లో మరో ముఖ్యమైన కమర్షియల్ సక్సెస్‌గా నిలిచింది.

Rice Water: అన్నం వండిన గంజి పారబోస్తున్నారా? ఆ గంజిని రోజూ తాగితే ఏం జరుగుతుందో తెలుసా?

ramya Sridhar — Mon, 28 Sep 2026 18:18:40 +0530

Beauty Tips: అందాన్ని పెంచుకోవడానికి చాలా మంది ఖరీదైన క్రీములు, సీరమ్స్ రాసేస్తూ ఉంటారు. కానీ, అన్నం వండిన గంజితోనే రూపాయి ఖర్చు లేకుండా అందాన్ని పెంచుకోవచ్చు. అదెలాగో తెలుసా?

ఈ రోజుల్లో ఎవరూ గంజి వార్చి అన్నం వండట్లేదు అనే చెప్పాలి. ఒకవేళ ఒకరిద్దరు వండినా.. ఆ గంజిని తాగకుండా పారబోస్తూ ఉంటారు. ఇప్పటి వరకు ఆ గంజి ఆరోగ్యానికి మంచిది అనుకుంటారు. కానీ, కేవలం ఆరోగ్యానికి మాత్రమే కాదు.. అందాన్ని పెంచుకోవడానికి కూడా హెల్ప్ చేస్తుంది. ముఖ్యంగా, మార్కెట్లో దొరికే ఖరీదైన ఖరీదైన క్రీములతో పని లేకుండా.. ఈ గంజితో అందాన్ని ఎలా పెంచుకోవచ్చో.. ఇప్పుడు తెలుసుకుందాం...

గంజిలో పోషకాలు...

అన్నం ఉడికించిన తర్వాత వచ్చే పాల వంటి తెల్లటి గంజిలో విటమిన్లు, యాంటీ ఆక్సిడెంట్లు, అమినో యాసిడ్లు పుష్కలంగా ఉంటాయి. దీనిని కేవలం ముఖానికి రాసుకోవడమే కాదు.. తాగితే.. చర్మం లోపలి నుంచి నిగారింపు పెంచుతుంది.

సహజమైన మోశ్చరైజర్: గంజిలో ఉండే నేచురల్ స్టార్చ్ , సెరామైడ్లు చర్మంలోని తేమను బయటకు పోకుండా కాపాడతాయి. పొడిబారడం, కాలుష్యం బారి నుంచి చర్మాన్ని రక్షించి సాఫ్ట్‌గా ఉంచుతాయి.

వృద్ధాప్య ఛాయలకు చెక్: ఇందులో ఉండే ఫెరులిక్ యాసిడ్ లాంటి పవర్‌ఫుల్ యాంటీఆక్సిడెంట్లు ఫ్రీ రాడికల్స్‌ను తరిమికొట్టి, ముఖంపై ముడతలు త్వరగా రాకుండా యవ్వనంగా కనిపించేలా చేస్తాయి.

కాంతివంతమైన చర్మం: చాలా మంది స్కిన్ ఒకే రంగులో ఉండదు. ఈ సమస్యను గంజి తగ్గిస్తుంది. గంజి తాగడం వల్ల మెలనిన్ ఉత్పత్తిని నియంత్రించడంలో ఇది సూపర్‌గా పనిచేస్తుంది. క్రమం తప్పకుండా తీసుకుంటే ముఖం గ్లో అవుతుంది.

మంట, మొటిమలకు స్వస్తి: మొటిమలు, ఎరుపుదనం వల్ల చర్మంలో వచ్చే మంటను తగ్గించే అల్లాంటోయిన్, యాంటీ-ఇన్‌ఫ్లమేటరీ గుణాలు ఇందులో మెండుగా ఉన్నాయి.

కొల్లాజెన్ బూస్టర్: చర్మం టైట్‌గా, యంగ్‌గా ఉండేందుకు అవసరమైన 'కొల్లాజెన్' ఉత్పత్తిని పెంచి, దెబ్బతిన్న చర్మ కణాలను రిపేర్ చేయడంలో ఇది కీలక పాత్ర పోషిస్తుంది.

అన్నం వండేటప్పుడు, గంజి ఎక్కువగా ఉండేలా కొద్దిగా ఎక్కువ నీళ్లు పోసి ఉడికించాలి. అన్నం పూర్తిగా ఉడికిన తర్వాత, ఆ తెల్లటి పాల వంటి గంజిని ఒక గిన్నెలోకి వడకట్టుకోవాలి. వడకట్టుకున్న ఆ గంజిని గోరువెచ్చగా ఉన్నప్పుడు లేదా చల్లారిన తర్వాత తాగొచ్చు. రుచి కోసం కొద్దిగా ఉప్పు లేదా నిమ్మరసం కలుపుకోవచ్చు. దీన్ని రోజుకు ఒక చిన్న గ్లాసు అంటే సుమారు 50-100 ml మాత్రమే తీసుకోవాలి, అతిగా తాగడం మంచిది కాదు.

JioShield : నెలకు కేవలం రూ.83 చాలు.. మీ పిల్లలు ఫోన్ కు బానిస కాకుండా కాపాడే సూపర్ యాప్ మీసొంతం

Arun Kumar P — Mon, 28 Sep 2026 17:59:50 +0530

మీ పిల్లలు ఫోన్ కు బానిస అవుతున్నారని బాధ పడుతున్నారా? అయితే వారు ఫోన్ లో ఏం చేస్తున్నారో పర్యవేక్షించడంతో పాటు ఎంతసేపు చూడాలి అనేది కూడా మీరే నిర్ణయించే సరికొత్త యాప్ వచ్చేసింది.

పిల్లలు బయటకు వెళ్లినప్పుడు వారు ఎక్కడ ఉన్నారో తెలుసుకోవాలన్న ఆందోళన తల్లిదండ్రులకు ఉంటుంది. అలాగే వృద్ధులు ఒంటరిగా బయటకు వెళ్లిన సందర్భంలో వారి పరిస్థితిని ఎప్పటికప్పుడు తెలుసుకోవడం కుటుంబ సభ్యులకు ముఖ్యమే. ఇలాంటి అవసరాలను దృష్టిలో పెట్టుకుని రిలయన్స్ జియో కొత్త భద్రతా సేవను అందుబాటులోకి తీసుకొచ్చింది. JioShield (జియో షీల్డ్) పేరుతో తీసుకొచ్చిన ఈ సేవలో లొకేషన్ ట్రాకింగ్‌తో పాటు SOS అలర్ట్‌లు, లో-బ్యాటరీ నోటిఫికేషన్లు, స్క్రీన్ టైమ్ మేనేజ్‌మెంట్, యాప్‌లు, కాంటాక్ట్‌లపై నియంత్రణ వంటి ఫీచర్లు ఉన్నాయి.

ఈ జియో షీల్డ్ ద్వారా పిల్లలు లేదా కుటుంబ సభ్యులు ఉపయోగిస్తున్న ఫోన్ ప్రస్తుత లొకేషన్‌ను పెద్దవాళ్లు తమ ఫోన్ నుంచే తెలుసుకునే అవకాశం ఉంటుంది. పిల్లలు ఇంటి నుంచి బయటకు వెళ్లినప్పుడు తల్లిదండ్రులు వారి కదలికలను గమనించేందుకు ఇది ఉపయోగపడుతుంది. అత్యవసర పరిస్థితుల్లో SOS అలర్ట్‌లను పొందే సదుపాయం కూడా ఇందులో ఉంది.

ఫోన్ బ్యాటరీ పూర్తిగా అయిపోయే ముందు లో బ్యాటరీకి సంబంధించిన అలర్ట్ కూడా అందుతుంది. దీంతో పిల్లలు లేదా వృద్ధులు ఉపయోగిస్తున్న ఫోన్ స్విచ్ ఆఫ్ అయ్యే పరిస్థితిని ముందుగానే గుర్తించి, అవసరమైతే వారిని సంప్రదించేందుకు కుటుంబ సభ్యులకు అవకాశం ఉంటుంది.

జియో షీల్డ్ తో పిల్లల ఫోన్‌పై తల్లిదండ్రుల నియంత్రణ...

జియో షీల్డ్ కేవలం లొకేషన్ తెలుసుకోవడానికి మాత్రమే పరిమితం కాదు. పిల్లల డిజిటల్ కార్యకలాపాలను నిర్వహించేందుకు కూడా ఇందులో కొన్ని నియంత్రణ సదుపాయాలు ఉన్నాయి. పిల్లలు ఏ యాప్‌లను ఉపయోగించాలి, ఫోన్‌లో ఎంత సమయం గడపాలి వంటి అంశాలను తల్లిదండ్రులు నియంత్రించవచ్చు. అలాగే ఫోన్‌లో ఎవరితో మాట్లాడవచ్చనే విషయంపై కూడా నియంత్రణ కల్పించే సదుపాయాలు ఉన్నాయి. దీంతో పిల్లల ఆన్‌లైన్ వినియోగాన్ని తల్లిదండ్రులు మరింత సులభంగా పర్యవేక్షించవచ్చు. స్క్రీన్ టైమ్‌ను పరిమితం చేయాలనుకునే వారికి కూడా ఈ ఫీచర్లు ఉపయోగపడతాయి.

వృద్ధుల విషయంలోనూ ఉపయోగకరం

పిల్లల భద్రతతో పాటు వృద్ధ కుటుంబ సభ్యులతో అనుసంధానంగా ఉండేందుకు కూడా JioShield సేవను ఉపయోగించుకోవచ్చు. వృద్ధులు ఒంటరిగా బయటకు వెళ్లినప్పుడు వారి లొకేషన్‌ను తెలుసుకోవడం, అవసరమైన సమయంలో SOS అలర్ట్‌లను పొందడం ద్వారా కుటుంబ సభ్యులు వారితో త్వరగా సంప్రదింపులు జరపడానికి అవకాశం ఉంటుంది. ముఖ్యంగా వృద్ధులు బయటకు వెళ్లిన సమయంలో ఫోన్ బ్యాటరీ పరిస్థితి తెలుసుకోవడం కూడా ఉపయోగకరంగా ఉంటుంది. అత్యవసర సమయంలో ఫోన్ అందుబాటులో ఉండేలా ముందుగానే జాగ్రత్తలు తీసుకోవచ్చు.

జియో షీల్డ్ సేవను ఉపయోగించుకోవడానికి సంబంధిత ఫోన్లలో యాప్‌లను ఇన్‌స్టాల్ చేసి అనుసంధానం చేయాల్సి ఉంటుంది. తల్లిదండ్రులు ఉపయోగించే ఫోన్‌లో JioThings (జియో థింగ్స్) యాప్‌ను, పిల్లలు లేదా వృద్ధులు ఉపయోగించే ఫోన్‌లో JioShield (జియో షీల్డ్) యాప్‌ను డౌన్లోడ్ చేసుకోవాలి.

ఈ రెండు యాప్‌లను లింక్ చేసిన తర్వాత తల్లిదండ్రుల ఫోన్ నుంచే పిల్లల ఫోన్ లొకేషన్, స్క్రీన్ టైమ్, యాప్ వినియోగం, కాంటాక్ట్‌లకు సంబంధించిన అందుబాటులో ఉన్న నియంత్రణలను నిర్వహించవచ్చు. దీంతో ప్రతి అంశం కోసం వేరువేరు సేవలను ఉపయోగించాల్సిన అవసరం లేకుండా ఒకే వ్యవస్థ ద్వారా కుటుంబ సభ్యుల భద్రతను పర్యవేక్షించే అవకాశం లభిస్తుంది.

జియో షీల్డ్ వార్షిక సబ్‌స్క్రిప్షన్ ధర రూ.1,000గా నిర్ణయించారు. అంటే ఏడాది మొత్తాన్ని ఒకేసారి చెల్లించాల్సి ఉంటుంది. నెలవారీగా లెక్కిస్తే ఈ మొత్తం సగటున సుమారు రూ.83 అవుతుంది.

అయితే జియో 10వ వార్షికోత్సవ ఆఫర్‌లో భాగంగా జియో షీల్డ్ కోసం చెల్లించిన రూ.1,000 విలువకు సమానమైన రీఛార్జ్ వోచర్లను అందిస్తోంది. దీంతో కంపెనీ ఈ సేవను వినియోగదారులకు వాస్తవంగా ఉచితంగా లభించే ప్రయోజనంగా పేర్కొంటోంది.

రూ.1,000 రీఛార్జ్ వోచర్లు ఎలా వస్తాయి?

వార్షికోత్సవ ఆఫర్‌లో భాగంగా జియో షీల్డ్ సేవలు పొందినవారికి రూ.1,000 విలువైన రీఛార్జ్ వోచర్లు అందుతాయి... ఇవి రూ.100 చొప్పున 10 వోచర్లుగా ఉంటాయి. రూ.399 లేదా అంతకంటే ఎక్కువ ధర కలిగిన అర్హత ఉన్న Unlimited 5G ప్లాన్‌లను రీఛార్జ్ చేసేటప్పుడు ఈ వోచర్లను ఉపయోగించుకోవచ్చు. ఈ ఆఫర్ సెప్టెంబర్ 26 నుంచి అందుబాటులోకి వచ్చింది. అంటే JioShield కోసం చెల్లించిన మొత్తాన్ని రీఛార్జ్ ప్రయోజనాల రూపంలో తిరిగి పొందే అవకాశం వినియోగదారులకు ఉంటుంది.

Canva Pro, 5G అప్‌గ్రేడ్ కూడా

జియో షీల్డ్ తో పాటు వార్షికోత్సవ ఆఫర్‌లో మరికొన్ని ప్రయోజనాలను కూడా జియో అందిస్తోంది. ఇందులో రూ.4,000 విలువైన 12 నెలల Canva Pro సబ్‌స్క్రిప్షన్తో పాటు 28 రోజుల అన్ లిమిటెడ్ 5G అప్‌గ్రేడ్ కూడా ఉన్నాయి. దీంతో జియో షీల్డ్ తీసుకునే వినియోగదారులకు భద్రతా ఫీచర్లతో పాటు డిజిటల్ సేవలకు సంబంధించిన అదనపు ప్రయోజనాలు కూడా లభిస్తాయి.

జియో షీల్డ్ సేవను ఉపయోగించుకునే పిల్లలు లేదా వృద్ధుల ఫోన్‌లో ఆండ్రాయిడ్ 10 లేదా ఆపై వెర్షన్ ఉండాలి. అలాగే ఆ ఫోన్‌లో యాక్టివ్ జియో మొబైల్ నంబర్ ఉండటం తప్పనిసరి. తల్లిదండ్రులు ఉపయోగించే జియో థింగ్స్ యాప్ ప్రస్తుతం ఆండ్రాయిడ్ ప్లాట్‌ఫామ్‌లో అందుబాటులో ఉంది. iOS వెర్షన్ అక్టోబర్ 1 నుంచి అందుబాటులోకి రానుంది. సంబంధిత యాప్‌లను ఇన్‌స్టాల్ చేసి అవసరమైన అనుమతులు, కనెక్షన్ సెటప్ పూర్తి చేసిన తర్వాత సేవలను ఉపయోగించుకోవచ్చు.

కుటుంబ భద్రతకు ఒకే ప్లాట్ ఫామ్

ఇప్పటివరకు లొకేషన్ షేరింగ్, పిల్లల స్క్రీన్ టైమ్ నియంత్రణ, అత్యవసర అలర్ట్‌లు వంటి అవసరాల కోసం వేర్వేరు యాప్‌లను ఉపయోగించే పరిస్థితి ఉండేది. JioShieldలో వీటిలోని పలు సదుపాయాలను ఒకే సేవలో అందించేందుకు ప్రయత్నించారు.

పిల్లలు ఎక్కడ ఉన్నారు, ఫోన్ బ్యాటరీ పరిస్థితి ఎలా ఉంది, అత్యవసర సమయంలో అలర్ట్ అవసరమా, పిల్లలు ఫోన్‌ను ఎంతసేపు ఉపయోగిస్తున్నారు వంటి అంశాలను కుటుంబ సభ్యులు ఒకే వ్యవస్థ ద్వారా నిర్వహించుకునే అవకాశం ఉంటుంది. ఈ నేపథ్యంలో కుటుంబ సభ్యుల భౌతిక భద్రతతో పాటు పిల్లల డిజిటల్ వినియోగాన్ని పర్యవేక్షించాలనుకునే వారికి జియో షీల్డ్ ఒక కొత్త ఎంపికగా అందుబాటులోకి వచ్చింది.

Egg Puff Recipe: ఓవెన్ లేకుండా ఇంట్లోనే బేకరీ స్టైల్ ఎగ్ పఫ్.. నిమిషాల్లో రెడీ!

Kavitha G — Mon, 28 Sep 2026 17:55:39 +0530

Egg Puff Recipe: బేకరీలో దొరికే వేడి వేడి ఎగ్ పఫ్ ని చాలామంది ఇష్టంగా తింటారు. అయితే ఓవెన్ లేకపోయినా ఇంట్లోనే క్రిస్పీగా, లేయర్లతో బేకరీ స్టైల్ ఎగ్ పఫ్ చేసుకోవచ్చు. పెద్దగా కష్టపడాల్సిన అవసరం లేకుండా సింపుల్‌గా చేసే ఈ రెసిపీని ఒక్కసారి ట్రై చేయండి.

టీ టైమ్ స్నాక్‌గా, ఈవెనింగ్ స్నాక్‌గా ఎగ్ పఫ్‌కు మంచి క్రేజ్ ఉంటుంది. సాధారణంగా బేకరీలో కొనుక్కునే ఈ ఎగ్ పఫ్‌ను ఓవెన్ లేకుండా కుక్కర్ సహాయంతో ఇంట్లోనే సులభంగా తయారు చేసుకోవచ్చు. మరి బేకరీ స్టైల్‌లో క్రిస్పీగా, రుచిగా ఎగ్ పఫ్ ఎలా తయారు చేయాలో ఇప్పుడు తెలుసుకుందాం.

రెడీమేడ్ పఫ్ పేస్ట్రీ షీట్స్ - 4
ఉడికించిన గుడ్లు - 2
పెద్ద ఉల్లిపాయలు - 2
పచ్చిమిర్చి - 1
అల్లం - చిన్న ముక్క
కరివేపాకు - కొద్దిగా
కారం - ½ టీస్పూన్
పసుపు - ¼ టీస్పూన్
మిరియాల పొడి - ¼ టీస్పూన్
గరం మసాలా - ¼ టీస్పూన్
ఉప్పు - తగినంత
నూనె - 1 టేబుల్ స్పూన్

షీట్స్ పైన రాయడానికి కొద్దిగా గుడ్డు సొన లేదా పాలు

ఎగ్ పఫ్ చేయడానికి రెడీమేడ్ పఫ్ షీట్ వాడితే ఇంట్లో పిండి కలిపి పొరలు పొరలుగా చేసే పని తప్పుతుంది.

ఎగ్ పఫ్ స్టఫింగ్ కోసం ముందుగా మసాలా తయారు చేసుకోవాలి. ఒక కడాయి తీసుకొని కొద్దిగా నూనె వేసి వేడయ్యాక.. కట్ చేసిన ఉల్లిపాయలు, పచ్చిమిర్చి, అల్లం, కరివేపాకు వేసి వేయించాలి. ఉల్లిపాయలు వేగాక పసుపు, కారం, మిరియాల పొడి, గరం మసాలా, తగినంత ఉప్పు కలపాలి.

మసాలా పచ్చివాసన పోయాక స్టవ్ ఆఫ్ చేయాలి. ఉడికించిన గుడ్లను సగానికి కట్ చేసుకోవాలి. ఇప్పుడు పఫ్ షీట్‌ను చదరంగా కట్ చేసి, మధ్యలో కొద్దిగా ఉల్లిపాయ మసాలా, సగం గుడ్డు పెట్టి నాలుగు వైపులా మడిచి మూసేయాలి. పైన కొద్దిగా గిలకొట్టిన గుడ్డు లేదా పాలు రాస్తే పఫ్స్‌ మంచి రంగు వస్తాయి.

5 లీటర్లు లేదా అంతకంటే పెద్ద కుక్కర్ అడుగున ఒక కప్పు ఉప్పు పోయాలి. దానిపై వేడిని తట్టుకునే స్టాండ్ పెట్టాలి. విజిల్, రబ్బర్ గ్యాస్కెట్ తీసేసి కుక్కర్ మూతపెట్టి తక్కువ మంటపై 5-10 నిమిషాలు వేడి చేయాలి. తర్వాత పఫ్స్ పెట్టిన ప్లేట్‌ను స్టాండ్‌పై ఉంచాలి. మూతపెట్టి లో ఫ్లేమ్ పై 25-30 నిమిషాలు బేక్ చేయాలి. పైన గోల్డెన్ కలర్ వచ్చి, పఫ్ పొరలు బాగా విచ్చుకున్నాక బయటకు తీయాలి. కుక్కర్‌లో బేక్ చేసేటప్పుడు అడుగున ఉప్పు లేదా ఇసుక వేసి, స్టాండ్‌పై ప్లేట్ పెట్టడం సాధారణ పద్ధతి. ముఖ్యంగా కుక్కర్‌లో ప్రెజర్ క్రియేట్ అయ్యేలా అస్సలు చేయకూడదు.

పఫ్ షీట్‌ను ఎక్కువగా రుద్దకూడదు. గట్టిగా రుద్దితే పొరలు అతుక్కుపోయి పఫ్స్ సరిగా పొంగవు. స్టఫింగ్‌లో నీళ్లు ఉండకూడదు. ఉల్లిపాయ మసాలా తడిగా ఉంటే పఫ్ పేస్ట్రీ లోపల నానిపోయి క్రిస్పీనెస్ తగ్గుతుంది. కుక్కర్‌ను ముందే వేడి చేయాలి. వేడిగా ఉన్న కుక్కర్‌లో పఫ్ పేస్ట్రీ పెడితేనే పొరలు బాగా విచ్చుకుంటాయి. మూత పదే పదే తీయకూడదు. ప్రతిసారీ మూత తీస్తే లోపల ఉన్న వేడి బయటకు పోతుంది. లో ఫ్లేమ్ పైనే బేక్ చేయాలి. మంట ఎక్కువైతే అడుగు భాగం త్వరగా మాడిపోయి, పైభాగం సరిగా ఉడకదు. కుక్కర్ తెరిచాక ఎగ్ పఫ్స్‌ను బయటకు తీసి కాసేపు చల్లారనిచ్చి, టీ లేదా కాఫీతో వేడివేడిగా తింటే టేస్ట్ అదిరిపోతుంది.

Sathya sai : సత్యసాయి గ్రామానికి 50 ఏళ్లు.. ఐదు దశాబ్దాల సేవా ప్రయాణం

Narender Vaitla — Sun, 27 Sep 2026 20:13:18 +0530

Sathya sai: కర్ణాటకలోని ముద్దేనహళ్లి పేరు వినగానే భారతరత్న సర్‌ ఎం. విశ్వేశ్వరయ్య, భగవాన్‌ శ్రీ సత్యసాయి బాబా గుర్తుకొస్తారు. విశ్వేశ్వరయ్య జన్మస్థలం అయిన ముద్దేనహళ్లిలో ఏర్పడిన విద్యా ప్రాంగణం కాలక్రమంలో విశాలమైన సేవా కేంద్రంగా ఎదిగింది.

నందిగిరి పర్వతపాద ప్రాంతంలో ఉన్న ముద్దేనహళ్లిని ‘సిద్ధసంకల్ప క్షేత్రం’గా పిలుస్తారు. ఈ ప్రాంతంలో సత్యసాయి గ్రామం ఆవిర్భావానికి శ్రీ మడియాల నారాయణ భట్‌ కీలక పాత్ర పోషించారు. 1927లో దక్షిణ కన్నడ జిల్లాలోని అలికె గ్రామంలో జన్మించిన నారాయణ భట్‌ విద్య ద్వారా సమాజ సంస్కరణ సాధ్యమని బలంగా విశ్వసించారు. దేశ పునరుజ్జీవనానికి లక్షలాది మంది త్యాగజీవులు అవసరమనే భావనతో ఆయన అనేక మందిని సేవా మార్గంలో నడిపించారు.

ఉపాధ్యాయుడిగా పనిచేయాలన్నది ఆయన చిన్ననాటి కల. 1960లో అలికెలో ‘లోకసేవా వృంద’ను ప్రారంభించారు. 1961లో ‘శ్రీ సత్యసాయి లోకసేవా ప్రౌఢశాల’ను స్థాపించారు. ఈ పాఠశాలకు కర్ణాటకవ్యాప్తంగా మంచి ఆదరణ లభించింది. మరిన్ని ప్రాంతాల్లో విద్యాసంస్థలు ఏర్పాటు చేయాలన్న సూచనలు వచ్చిన సమయంలో చిక్కబళ్లాపుర తాలూకాలోని ముద్దేనహళ్లి నారాయణ భట్‌కు ప్రత్యేకంగా నచ్చింది. తన గురువు, దైవంగా భావించే భగవాన్‌ శ్రీ సత్యసాయి బాబాను కలుసుకోవడానికి అనుకూలమైన ప్రాంతం కావడం కూడా దీనికి ఒక కారణంగా నిలిచింది.

1971లో బాబా సూచనతో ముద్దేనహళ్లిలో విద్యాసంస్థ ఏర్పాటు ప్రక్రియ వేగం పుంజుకుంది. 1973లో బాబా మణిపాల్‌ పర్యటన సందర్భంగా ముద్దేనహళ్లి క్యాంపస్‌కు స్వయంగా ‘సత్యసాయి గ్రామం’ అని పేరు పెట్టారు. నారాయణ భట్‌ ఆదేశాలతో బి.ఎన్. నరసింహమూర్తి ముద్దేనహళ్లికి చేరుకుని విద్యాసంస్థల అభివృద్ధికి అంకితమయ్యారు.

ముద్దేనహళ్లిలో తొలి వసతి సదుపాయాలతో కూడిన ఉన్నత పాఠశాల 1973 జూన్‌ 11న ప్రారంభమైంది. తొలి దశలో 27 మంది విద్యార్థులతో సాగిన ఈ విద్యాసంస్థ 1976 నాటికి 100 మంది విద్యార్థులకు చేరుకుంది. అదే ఏడాది తొలి బ్యాచ్‌ ఎస్‌ఎస్‌ఎల్‌సీ ఫలితాలు వెలువడ్డాయి. అప్పటి అవిభాజ్య కోలార్‌ జిల్లాలో ఇప్పటివరకు నమోదు కాని 100 శాతం ఫలితాలను సాధించడం ద్వారా ‘లోకసేవా వృంద గురుకుల పాఠశాల’ ప్రత్యేక రికార్డు సృష్టించింది.

విద్యతో పాటు సంస్కారానికి ప్రాధాన్యం ఇవ్వడం సంస్థకు ప్రత్యేక గుర్తింపును తెచ్చింది. 1977లో 5వ తరగతి ప్రారంభించగా, 1982లో ప్రీ-యూనివర్సిటీ విద్యను అందుబాటులోకి తీసుకువచ్చారు. ఆ సమయంలో సుమారు 70 శాతం మంది విద్యార్థులు హాస్టల్‌లోనే ఉండేవారు. మరో 20 శాతం మంది సమీప గ్రామాల నుంచి వచ్చి వెళ్లేవారు. విద్యార్థుల నుంచి పాఠశాల ఫీజు వసూలు చేయకుండా, హాస్టల్‌లో ఉండేవారి నుంచి వసతి ఖర్చులను మాత్రమే తీసుకునే విధానం ఉండేది. మొత్తం ఖర్చును విద్యార్థుల సంఖ్యకు అనుగుణంగా విభజించి వసూలు చేసేవారు.

1976లో 100గా ఉన్న విద్యార్థుల సంఖ్య 1982 నాటికి 400కు చేరింది. తొలుత కన్నడ మాధ్యమంలో మాత్రమే బోధన సాగగా, తర్వాత కన్నడ, ఇంగ్లిష్‌ రెండు మాధ్యమాల్లో విద్య అందించే విధానం ప్రారంభమైంది. 1977 జనవరి 8న నారాయణ భట్‌ ప్రమాదంలో మరణించారు. ఆయన కోరిక మేరకు సంస్థలను 1976 జనవరి 6న భగవాన్‌ శ్రీ సత్యసాయి బాబాకు సమర్పించారు. అనంతరం బాబా సంస్థల బాధ్యతను స్వీకరించి, వాటి నిర్వహణకు అవసరమైన వ్యవస్థను ఏర్పాటు చేశారు.

భగవాన్‌ శ్రీ సత్యసాయి బాబా తొలిసారిగా 1978 ఆగస్టు 14న ముద్దేనహళ్లికి వచ్చారు. ఆయన సూచనతో ‘లోకసేవా వృంద’ పేరు ‘శ్రీ సత్యసాయి లోకసేవా ట్రస్ట్‌’గా మారింది. బాబా ఆధ్వర్యంలో అనేక భవనాలు నిర్మించబడ్డాయి. సత్యసాయి గ్రామాన్ని ఆయన మొత్తం 30 సార్లు సందర్శించగా, 2009 ఫిబ్రవరి 14న చివరిసారిగా ఇక్కడికి వచ్చారు.

2011లో భగవాన్‌ శ్రీ సత్యసాయి బాబా భౌతిక దేహాన్ని విడిచిన తర్వాత కూడా ఆయన సూక్ష్మరూపంలో మార్గదర్శకత్వం అందించారనే విశ్వాసం అనుచరుల్లో ఉంది. బాబా అనుచరుడు, విద్యార్థి అయిన మధుసూదన్‌ నాయుడు అనంతరం నిరంతర సాధనతో సద్గురు శ్రీ మధుసూదన సాయిగా ప్రజాదరణ పొందారు. ప్రస్తుతం ముద్దేనహళ్లినే తన కర్మభూమిగా చేసుకుని బాబా ఆశయాలను కొనసాగిస్తూ ప్రపంచవ్యాప్తంగా సేవా కార్యక్రమాలను విస్తరిస్తున్నారు.

సద్గురు నాయకత్వంలో సత్యసాయి గ్రామం విద్యతో పాటు వైద్యం, పౌష్టికాహారం, ఆధ్యాత్మిక సేవలకు కేంద్రంగా మారింది. ‘వన్ వరల్డ్ వన్ ఫ్యామిలీ మిషన్‌’కు ఇది ప్రపంచ కేంద్రంగా నిలిచింది. సుమారు 100 దేశాల్లో సేవా కార్యక్రమాలు కొనసాగుతున్నాయని సంస్థ ప్రతినిధులు చెబుతున్నారు. గత ఏడాది సత్యసాయి బాబా 100వ జయంతి సందర్భంగా నిర్వహించిన విశ్వ సాంస్కృతిక మహోత్సవం సుదీర్ఘ సాంస్కృతిక ఉత్సవంగా రికార్డు సృష్టించింది. ముగింపు కార్యక్రమంలో జరిగిన సాయి సింఫనీ ఆర్కెస్ట్రాలో 65 దేశాలకు చెందిన కళాకారులు పాల్గొనడం మరో రికార్డుగా నిలిచింది.

నేడు ముద్దేనహళ్లిలోని సత్యసాయి గ్రామాన్ని సందర్శిస్తే ఒకే ప్రాంగణంలో అనేక సేవా కార్యక్రమాలు కనిపిస్తాయి. ఉత్తర ప్రాంతం నుంచి వచ్చే వారికి ముందుగా ‘సాయి ష్యూర్‌’ కర్మాగారం కనిపిస్తుంది. దేశవ్యాప్తంగా కోటి మందికి పైగా పిల్లలకు ఉచిత పౌష్టిక అల్పాహారం అందించే కార్యక్రమానికి ఇది కేంద్రంగా పనిచేస్తోంది. అక్కడి నుంచి ముందుకు వెళ్తే ఆధ్యాత్మికత, జీవన విలువలపై మార్గదర్శకత్వం అందించే పుస్తకాల విక్రయ కేంద్రం కనిపిస్తుంది.

అమెరికా క్యాపిటల్‌ భవన నిర్మాణశైలిని పోలిన ఆసుపత్రి భవనం కూడా ప్రత్యేక ఆకర్షణగా నిలుస్తోంది. శ్రీ మధుసూదన సాయి ఆసుపత్రి ప్రతిరోజూ వేలాది మంది రోగులకు వైద్య సేవలు అందిస్తోంది. శ్రీ సత్యసాయి మానవ అభ్యుదయ విశ్వవిద్యాలయం పీజీ కేంద్రంతో పాటు 6వ తరగతి నుంచి 12వ తరగతి వరకు విద్యార్థుల కోసం తరగతి గదులు, వసతి గృహాలు ఉన్నాయి.

ఒకప్పుడు కొద్దిమంది విద్యార్థులతో ప్రారంభమైన చిన్న విద్యాసంస్థ నేడు వేలాది మంది విద్యార్థులు, రోగులు, ఆధ్యాత్మిక సాధకులకు సేవలు అందించే విస్తారమైన సముదాయంగా మారింది. మడియాల నారాయణ భట్‌ ప్రారంభించిన సేవా సంకల్పం ఐదు దశాబ్దాల తర్వాత ‘వన్ వరల్డ్ వన్ ఫ్యామిలీ మిషన్‌’ రూపంలో ప్రపంచవ్యాప్త మానవతా ఉద్యమంగా విస్తరించింది.

సత్యసాయి గ్రామం 50 ఏళ్లు పూర్తి చేసుకున్న సందర్భంగా వివిధ నగరాల్లో ‘కంపాషన్ ఇన్ యాక్షన్‌’ కార్యక్రమాలు నిర్వహిస్తున్నారు. సెప్టెంబరు 25న హైదరాబాద్‌లో జరిగిన కార్యక్రమంలో ‘వన్ వరల్డ్ వన్ ఫ్యామిలీ మిషన్‌’ వ్యవస్థాపకులు సద్గురు శ్రీ మధుసూదన సాయి పాల్గొన్నారు. టాలీవుడ్‌ నిర్మాత, రామానాయుడు స్టూడియోస్‌ చైర్మన్‌, సురేశ్‌ ప్రొడక్షన్స్‌ మేనేజింగ్ డైరెక్టర్‌ దగ్గుబాటి సురేశ్‌బాబు అడిగిన ప్రశ్నలకు ఆయన సమాధానమిచ్చారు.

పారిశ్రామిక రంగ అవసరాలకు, ప్రస్తుత విద్యా విధానానికి మధ్య ఉన్న అంతరాన్ని తగ్గించాల్సిన అవసరం ఉందని సద్గురు తెలిపారు. నైపుణ్యాధారిత స్వల్పకాలిక కోర్సులు ప్రస్తుత తక్షణ అవసరం అని త్వరలో తమ విద్యాసంస్థల్లో ఇలాంటి కోర్సులను రూపొందించనున్నట్లు చెప్పారు. అమెరికాతో పాటు పలు అభివృద్ధి చెందిన దేశాల్లో విద్యార్థులు దీర్ఘకాలిక కోర్సుల పట్ల ఆసక్తి చూపడం లేదని, భారత్‌లో కళాశాలల్లో నేర్చుకునే అంశాలకు పారిశ్రామిక అవసరాలకు మధ్య వ్యత్యాసం ఉందని వివరించారు.

విద్యాసంస్థలు వ్యాపార కేంద్రాలుగా మారకూడదని, విలువలు, నైతిక విద్యకు ప్రాధాన్యం ఇవ్వాలని సద్గురు సూచించారు. నైతిక విద్య తరగతులను కొందరు తల్లిదండ్రులు సమయం వృథాగా భావిస్తున్నారని, యువతపై దీనివల్ల ప్రభావం పడుతోందని ఆయన పేర్కొన్నారు. జెన్‌-జీపై ఉన్న అభ్యంతరాల గురించి అడిగినప్పుడు ఈ తరం యువత పెద్దల కంటే వేగంగా నేర్చుకుంటారని, చురుకుగా ఉంటారని చెప్పారు. అదే సమయంలో యువత నిదానంగా జీవించడాన్ని కూడా అలవాటు చేసుకోవాలని సూచించారు.

ముద్దేనహళ్లిలోని మధుసూదన సాయి వైద్య విజ్ఞాన, పరిశోధనా సంస్థలో పలు వైద్య పరిశోధనలు జరుగుతున్నాయని సద్గురు తెలిపారు. వెల్‌నెస్‌, లాంజివిటీ కోసం నాలుగు విధానాలను సమన్వయం చేసిన చికిత్సా పద్ధతిని రూపొందించామని, దానికి పేటెంట్‌ పొందేందుకు ప్రయత్నిస్తున్నామని చెప్పారు. ప్రెసిషన్‌ మెడిసిన్‌, టార్గెటెడ్‌ మెడిసిన్‌, జీనోమిక్స్‌ వంటి అంశాలపై కూడా పరిశోధనలు కొనసాగుతున్నాయని వివరించారు.

ఈ కార్యక్రమంలో సిద్దిపేట జిల్లా కొండపాకలోని శ్రీ సత్యసాయి ప్రశాంతి నికేతనం క్యాంపస్‌లో 10వ తరగతి చదువుతున్న భావన తన జీవిత అనుభవాన్ని పంచుకున్నారు. కుటుంబ పరిస్థితుల కారణంగా చిన్నతనంలో ఎదుర్కొన్న కష్టాలను గుర్తుచేసుకున్న ఆమె, సద్గురు తనకు అండగా నిలిచి భవిష్యత్తుపై ఆశలు కల్పించారని భావోద్వేగానికి గురయ్యారు.

కార్పొరేట్‌ కంపెనీల అధిపతులు గ్రామీణ ప్రాంతాలకు వెళ్లి అక్కడి వాస్తవ సమస్యలను గమనించి పరిష్కారాలను రూపొందించాలని లాయిడ్స్‌ టెక్నాలజీ సెంటర్‌ ఆపరేషన్స్‌ విభాగం అధిపతి రాజేష్‌ కె.ఎస్. సూచించారు. సత్యసాయి సంజీవని ఆసుపత్రుల సమూహానికి చెందిన ట్రస్ట్‌ ఆఫీసర్‌ సౌమ్య కార్యక్రమానికి వ్యాఖ్యాతగా వ్యవహరించారు. హైదరాబాద్‌లోని అమెరికా కాన్సులేట్‌ కాన్సల్‌ జనరల్‌ లోరా విలియమ్స్‌ సహా పలువురు ప్రముఖులు కార్యక్రమంలో పాల్గొన్నారు.

ఇలా ముద్దేనహళ్లిలో చిన్న విద్యాసంస్థగా ప్రారంభమైన సత్యసాయి గ్రామం ఐదు దశాబ్దాల్లో విద్య, వైద్యం, పౌష్టికాహారం, విలువల విద్య, ఆధ్యాత్మిక సేవలకు కేంద్రంగా ఎదిగింది. మడియాల నారాయణ భట్‌ ప్రారంభించిన సేవా సంకల్పం కాలానుగుణంగా విస్తరిస్తూ నేడు ప్రపంచవ్యాప్తంగా మానవతా సేవలకు వారధిగా మారింది.

OG Singer: ఓజీ ఫైర్‌ స్ట్రోమ్‌ సింగర్‌ కొత్త పాట చూశారా?.. ఊపేస్తున్న `ఓఎంజీ` సాంగ్‌

Aithagoni Raju — Mon, 28 Sep 2026 16:43:20 +0530

OG Singer: పవన్‌ కళ్యాణ్‌ ఓజీ మూవీలో ఫైర్‌ స్ట్రోమ్‌ పాట ఎంత పాపులర్‌ అయ్యిందో తెలిసిందే. ఆ పాటని పాడిన రాజకుమారి ఇప్పుడు మ్యూజిక్‌ డైరెక్టర్‌గా మారారు. ఆమె పాడిన పాట ట్రెండ్‌ అవుతోంది.

పవన్‌ కళ్యాణ్‌ హీరోగా వచ్చిన బ్లాక్‌ బస్టర్‌ మూవీ `ఓజీ`లో `ఫైర్‌ స్ట్రోమ్‌` పాట విశేష ఆదరణ పొందింది. మూవీని ఆడియెన్స్ లోకి తీసుకెళ్లడంలో ముఖ్య పాత్ర పోషించింది. ఈ పాటతోనే మూవీకి భారీ హైజ్‌ కూడా వచ్చింది. ఇందులో పవన్‌ కళ్యాణ్‌ రేంజ్‌ని ఆవిష్కరించిందని చెప్పొచ్చు. ఈ పాటతో పాపులర్‌ అయ్యింది. అమెరికన్‌ ర్యాపర్‌, సింగర్‌ రాజకుమారి. ఆమె తెలుగు మూలాలు ఉన్న అమెరికన్‌ ర్యాపర్‌ కావడం విశేషం. ఇప్పుడు మరో పాట పడింది. `ఇంప్యూర్‌` సినిమాలో ఆమె పాడిన పాట ఇప్పుడు ఊపేస్తోంది. ఆ వివరాలు చూస్తే,

ఇంప్యూర్‌ మూవీతో నటిగా, నిర్మాతగా తెలుగమ్మాయి

అమెరికాలో స్థిరపడిన తెలుగు అమ్మాయి వారాహి మల్లిపాముల విదేశాలు వెళ్ళినా సరే మనసంతా ఇండియాపై, సినిమాపై ఉంది. సినిమాలపై ఇష్టంతో రచయితగా, నటిగా, నిర్మాతగా తెలుగు చిత్ర పరిశ్రమలోకి అడుగు పెడుతున్నారు. తల్లి శ్రీదేవి మల్లిపాములతో కలిసి వారాహి నిర్మించిన ఇండియన్ ఇంటర్నేషనల్ సినిమా 'ఇంప్యూర్'. ఈ చిత్రానికి ఆమె కథ అందించడంతో పాటు ఓ ప్రధాన పాత్రలో నటించారు. నిశాంతి ఇవని దర్శకత్వం వహించిన ఈ సినిమాలో యష్న, వారాహి, సాయి కృష్ణ ప్రధాన తారాగణం. ఇటీవల జరిగిన 'ఇంప్యూర్' ప్రీ రిలీజ్ ఈవెంట్‌కు సక్సెస్‌ఫుల్ డైరెక్టర్ నందినీ రెడ్డి అటెండ్ అయ్యారు. అక్టోబర్ 2న థియేటర్లలో సినిమా విడుదల అవుతోంది.

ఇటీవల విడుదలైన 'ఇంప్యూర్' ట్రైలర్, 'ఓఎంజీ' (ఓ మై గాడ్) పాటకు ప్రేక్షకుల నుంచి మంచి స్పందన లభిస్తోంది. 'ఓఎంజీ' సాంగ్ ప్రత్యేకత ఏమిటంటే... తెలుగు మూలాలు ఉన్న అమెరికన్ ర్యాపర్, సింగర్ రాజ కుమారి పాడటం. బాలీవుడ్ బాద్ షా షారుఖ్ ఖాన్ 'జవాన్' టైటిల్ ట్రాక్ పాడినది ఆవిడే. మెగా పవర్ స్టార్ రామ్ చరణ్ 'గేమ్ ఛేంజర్' సినిమాలోని 'ధోప్ ' కూడా పాడారు. ఇక పవర్ స్టార్ పవన్ కళ్యాణ్ 'ఓజీ'లో 'ఫైర్ స్ట్రోమ్' అయితే ఛార్ట్ బస్టర్ అయ్యింది. 'ఓజీ' సాంగ్ తర్వాత తెలుగులో రాజ కుమారి పాడిన పాట 'ఇంప్యూర్'లో 'ఓఎంజీ' కావడం విశేషం. ఈ పాటకు తెలుగు లిరిక్స్ కడలి సత్యనారాయణ అందించారు. ఈ సినిమాతో రాజ కుమారి సంగీత దర్శకురాలిగా పరిచయం అవుతున్నారు. ఈ పాటతో పాటు మరొక పాటను పాడటమే కాదు, సినిమాలో ప్రత్యేక అతిథి పాత్రలో ఆమె నటించారని నిర్మాత శ్రీదేవి మల్లిపాముల తెలిపారు.

మోడ్రన్‌ రిలేషన్స్ పై `ఇంప్యూర్‌`

'ఇంప్యూర్' సినిమా గురించి నిర్మాత శ్రీదేవి మల్లిపాముల మాట్లాడుతూ, `కాలంతో పాటు సమాజంలో మార్పులు వస్తున్నాయి. ఆ మార్పులను చూపిస్తూ మోడ్రన్ రిలేషన్షిప్స్ మీద తీసిన చిత్రమిది. మహిళలను సమాజం చూసే కోణాన్ని సున్నితంగా ప్రశ్నిస్తుంది. మానవ సంబంధాల నేపథ్యంలో, మోడ్రన్ జనరేషన్, అంతకు ముందు తరం మధ్య ఎటువంటి అనుబంధం ఉండాలనేది చెబుతూ తీసిన చిత్రమిది. జెన్ జి మాత్రమే కాదు... అన్ని వయసుల వాళ్ళను, అన్ని వర్గాల వారిని ఆకట్టుకునే చిత్రమిది` అని చెప్పారు.

యష్న, వారాహి, సాయి కృష్ణ ప్రధాన పాత్రల్లో నటించిన 'ఇంప్యూర్' సినిమాలో రాజకుమారి ప్రత్యేక పాత్రలో నటించారు. అభిజీత్, కిరీటి దామరాజు, ఆర్జే కాజల్, శ్రీవాణి ఇతర ప్రధాన తారాగణం. ఈ చిత్రానికి స్టోరీ: వారాహి మల్లిపాముల, ఎడిటర్స్: అశుతోష్ మతేల, రామకృష్ణ ఆరమ్, ఒరిజినల్ స్కోర్: కరణ్ పాండవ్ & నిర్వాణ్ ఆత్రేయ, సినిమాటోగ్రాఫర్: జ్ఞానశేఖర్ వీఎస్, మ్యూజిక్ డైరెక్టర్: రాజ కుమారి & కరణ్ పాండవ్, ప్రొడ్యూసర్స్: వారాహి మల్లిపాముల & శ్రీదేవి మల్లిపాముల, డైరెక్టర్: నిశాంతి ఇవని.

Coconut Milk: కొబ్బరి పాలతో మ్యాజిక్.. జుట్టు వద్దన్నా పెరుగుతుంది!

Kavitha G — Mon, 28 Sep 2026 16:40:29 +0530

Coconut Milk: కొబ్బరి పాలను జుట్టు సంరక్షణకు చాలామంది ఉపయోగిస్తుంటారు. ఇందులోని పోషకాలు జుట్టుకు తేమను అందించడంలో, పొడిబారడాన్ని తగ్గించడంలో సహాయపడతాయి. వీటిని ఎలా వాడాలో ఇక్కడ చూద్దాం.

October Travel: అక్టోబర్‌లో ట్రిప్ ప్లాన్ చేస్తున్నారా? ఫ్యామిలీతో ఫుల్ ఎంజాయ్ చేసే బెస్ట్ డెస్టినేషన్స్

Nandini Arava — Mon, 28 Sep 2026 16:33:52 +0530

October Travel: అక్టోబర్ లో వర్షాలు తగ్గి ఆహ్లాదకరమైన వాతావరణం మొదలవుతుంది. దసరా సెలవులు కూడా తోడవడంతో ఫ్యామిలీ ట్రిప్ కు ఇదే సరైన సమయం. ఈ నెలలో ప్రకృతి అందాలు, చారిత్రక ప్రదేశాలు, హిల్ స్టేషన్లను ఎక్కడెక్కడ చూడొచ్చో తెలుసుకుందాం.

అక్టోబర్ లో వర్షాలు తగ్గి ఆహ్లాదకరమైన వాతావరణం మొదలవుతుంది. దసరా సెలవులు కూడా తోడవడంతో ఫ్యామిలీ ట్రిప్ కు ఇదే సరైన సమయం. ఈ నెలలో ప్రకృతి అందాలు, చారిత్రక ప్రదేశాలు, హిల్ స్టేషన్లను ఎక్కడెక్కడ చూడొచ్చో తెలుసుకుందాం.

అక్టోబర్ నెలలో కోల్‌కతా చాలా స్పెషల్‌గా ఉంటుంది. ఈ సమయంలో కోల్‌కతా ప్రజలు దుర్గా పూజల సంబరాల్లో మునిగిపోతారు. రాత్రి పూట నగరం మొత్తం రంగురంగుల దీపాలతో మెరిసిపోతుంది. వెరైటీ థీమ్స్‌తో వేసిన పండల్స్, సాంస్కృతిక కార్యక్రమాలు, కోల్‌కతా స్ట్రీట్ ఫుడ్, మార్కెట్లను ఎక్స్‌ప్లోర్ చేయడానికి ఇదే సరైన సమయం.

అక్టోబర్ నెలలో రాజస్థాన్ ట్రిప్ వేయడం బెస్ట్ ఆప్షన్. ఈ టైమ్‌లో అక్కడ ఎండల తీవ్రత తగ్గి వాతావరణం చాలా ప్రశాంతంగా ఉంటుంది. మీరు ఉదయ్‌పూర్‌లోని సరస్సులు, అందమైన ప్యాలెస్‌లను చూడొచ్చు. పిచోలా సరస్సులో బోటింగ్ చేస్తూ, సిటీ ప్యాలెస్‌ను సందర్శించడం మంచి అనుభూతిని ఇస్తుంది. అలాగే జోధ్‌పూర్‌లోని మెహ్రాన్‌గఢ్ కోటతో పాటు అక్కడి జానపద సంగీతం, సంస్కృతిని మీరు ఎంజాయ్ చేయొచ్చు.

వర్షాకాలం తర్వాత అక్టోబర్‌లో కేరళ పచ్చదనం మరింత పెరుగుతుంది. అలెప్పీ బ్యాక్ వాటర్స్, మున్నార్ టీ ఎస్టేట్స్, పచ్చని కొండలు పర్యాటకులను ఎంతగానో ఆకర్షిస్తాయి. మీరు హౌస్‌బోట్‌లో ఉంటూ బ్యాక్ వాటర్స్ అందాలను ఆస్వాదించొచ్చు. అలాగే టీ ప్లాంటేషన్స్ కూడా చూడొచ్చు. ప్రశాంతమైన వాతావరణంలో సమయం గడపాలనుకునే వారికి కేరళ బెస్ట్ టూరిస్ట్ స్పాట్.

అక్టోబర్‌లో బీచ్ ట్రిప్ వెళ్లాలనుకునే వారు గోవాను ఎంచుకోవచ్చు. వర్షాకాలం తర్వాత ఇక్కడి వాతావరణం, పచ్చదనం చాలా ఆకర్షణీయంగా ఉంటాయి. చలికాలంతో పోలిస్తే ఈ టైమ్‌లో పర్యాటకుల రద్దీ కాస్త తక్కువే ఉంటుంది. మీరు ప్రశాంతమైన బీచ్‌లలో సమయం గడపొచ్చు. స్కూటర్‌పై తిరుగుతూ గోవాను ఎక్స్‌ప్లోర్ చేయొచ్చు. సాయంత్రం పూట సూర్యాస్తమయ అందాలను కూడా ఎంజాయ్ చేయొచ్చు.

అక్టోబర్ నెలలో కాశ్మీర్ అందాలు మరింత ప్రత్యేకంగా కనిపిస్తాయి. ఈ సమయంలో చినార్ చెట్ల ఆకులు పసుపు, బంగారు రంగులోకి మారడం మొదలవుతుంది. చల్లని గాలి, స్వచ్ಛమైన ఆకాశం మధ్య కొండల అందాలు మనసు దోచుకుంటాయి. మీరు దాల్ సరస్సులో షికారా రైడ్ చేయొచ్చు. చుట్టుపక్కల ఉన్న లోయలను సందర్శించి, రంగులు మారుతున్న ప్రకృతిని కళ్లారా చూడొచ్చు.

అక్టోబర్‌లో ఆగ్రా ట్రిప్ వేయడం కూడా మంచి ఐడియా. వేసవికాలంతో పోలిస్తే వాతావరణం చాలా అనుకూలంగా ఉంటుంది కాబట్టి తాజ్ మహల్‌తో పాటు ఇతర పర్యాటక ప్రాంతాలను సులభంగా చుట్టిరావచ్చు. మీరు తాజ్ మహల్‌తో పాటు ఆగ్రా కోట, ఫతేపూర్ సిక్రీలను కూడా సందర్శించొచ్చు. చారిత్రక ప్రదేశాలను చూడటానికి ఇష్టపడే వారు అక్టోబర్‌లో ఆగ్రా ట్రిప్ ప్లాన్ చేసుకోవచ్చు.

వర్షాకాలం ముగిశాక అక్టోబర్‌లో చాలా నేషనల్ పార్క్‌లు పర్యాటకుల కోసం మళ్లీ తెరుచుకుంటాయి. మధ్యప్రదేశ్‌లోని బాంధవ్‌గఢ్, కన్హా నేషనల్ పార్క్‌లు ఈ సమయంలో పచ్చదనంతో కళకళలాడుతుంటాయి. రాజస్థాన్‌లోని రణథంబోర్ కూడా వన్యప్రాణి ప్రియులను ఎంతగానో ఆకర్షిస్తుంది. మీరు జంగిల్ సఫారీ చేస్తూ పులులు, జింకలతో పాటు వివిధ రకాల జంతువులు, పక్షులను చూసే అవకాశం పొందొచ్చు.

Thudakkam: సైకోని ఒక ఆట ఆడుకున్న మోహన్ లాల్ కూతురు, ప్లాన్ చేసి మరీ కొట్టింది.. ఓటీటీలో దుమ్ములేపుతున్న మూవీ

Tirumala Dornala — Mon, 28 Sep 2026 16:26:08 +0530

సూపర్ స్టార్ మోహన్ లాల్ కుమార్తె విస్మయ మోహన్ లాల్ నటించిన తొలి చిత్రం ఓటీటీలో దుమ్ములేపుతోంది. యాక్షన్ థ్రిల్లర్ గా రూపొందిన తుడక్కం సినిమాని ఓటీటీలో ఎక్కడ చూడాలి, సినిమా విశేషాలు లాంటి వివరాలు ఈ కథనంలో తెలుసుకోండి.

మలయాళీ సినిమాలకు ఓటీటీలో ఉన్న డిమాండ్ అంతా ఇంతా కాదు. మలయాళీ ఇండస్ట్రీ నుంచి థ్రిల్లర్ మూవీ రిలీజ్ అయితే చాలు.. ఆడియన్స్ మొత్తం ఎగబడి చూస్తున్నారు. దీనితో మలయాళీ సినిమాలు ఓటీటీలో ఎక్కువగా డబ్బింగ్ అవుతున్నాయి. ప్రస్తుతం ఓటీటీలో ఒక క్రేజీ మూవీ దుమ్ము దులుపుతోంది. ఆ సినిమా పేరు 'తుడక్కం'. ఇది సూపర్ స్టార్ మోహన్ లాల్ కుమార్తె విస్మయ మోహన్ లాల్ నటించిన తొలి చిత్రం. జుడే అంథోని జోసెఫ్ ఈ చిత్రానికి దర్శకుడు. మలయాళీ నటుడు సాయి కుమార్, బాబీ కురియన్, మనోజ్ జయన్ కీలక పాత్రల్లో నటించారు.

ఈ మూవీలో సైకోగా, కాంట్రాక్ట్ కిల్లర్ గా యువ నటుడు ఆశిష్ జో ఆంటోని నటించారు. సైకో పాత్రలో చక్కగా ఒదిగిపోయాడు. థియేటర్స్ లో ఈ చిత్రం మంచి విజయం సాధించింది. తొలి చిత్రం అయినప్పటికీ ప్రధాన పాత్రలో మోహన్ లాల్ కూతురు విస్మయ అద్భుతంగా నటించింది. తొలి సినిమా అయినప్పటికీ ఎక్కడా తడబాటు కనిపించలేదు. ఓటీటీలో ఈ మూవీకి జనాలు నీరాజనాలు పడుతున్నారు.

కథ విషయానికి వస్తే.. మీనూ( విస్మయ మోహన్ లాల్) అందరికీ సాయం చేయాలనుకునే మహిళ. సాటివారు ఆపదలో ఉంటే వెంటనే చేతనైన సాయం చేస్తుంది. వాళ్లకు అండగా నిలబడడం కోసం రిస్క్ కూడా చేస్తుంది. ఆమె తండ్రి బాల చంద్రన్( సాయి కుమార్) విఆర్వోగా పనిచేస్తుంటారు. మీనూ తల్లి చిన్నతనంలోనే చనిపోయినా అన్నీ తానై బాల చంద్రన్ కూతుర్ని పెంచుతాడు. తండ్రీ కూతుళ్ళ మధ్య ఎంతో ప్రేమ ఉంటుంది. అతడు విఆర్వో కావడంతో ఓ స్థలానికి సంబంధించిన అనుమతులు ఇవ్వలేదని అతడికి శత్రువులు ఏర్పడతారు.

ఇంతలో మీనూ ఒక ఎగ్జాన్ రాసి టౌన్ నుంచి ఇంటికి బయలుదేరుతుంది. మధ్యలో చిన్న సమస్య వచ్చిందని ఇంటికి ఆలస్యంగా వస్తానని తండ్రికి చెబుతుంది. కానీ ఎంత సమయం అయినా మీనూ ఇంటికి రాదు. ఆమె ఫోన్ కి కూడా అందుబాటులో ఉండదు. దీనితో బాల చంద్రన్ పోలీసులకు ఫిర్యాదు చేస్తారు. పోలీసులు ఎంక్వైరీ ప్రారంభించి ఆమె మిస్ అయింది అని నిర్ధారణకు వస్తారు. మీనూ ఆచూకీ కోసం పోలీసులు లోతుగా ఇన్వెస్టిగేషన్ ప్రారంభిస్తారు. కొన్ని విషయాలు వెలుగులోకి వస్తాయి. ఆ తర్వాత ఏం జరిగింది ? మీనూ ఆచూకీ దొరికిందా ? సైకో కిల్లర్ కి మీనూకి మధ్య ఏం జరిగింది ? అనే విషయాలు సినిమా చూసే తెలుసుకోవాలి.

అమ్మాయిలు ఎలాంటి సమస్యనైనా ఎదుర్కోగలగాలి అనే సందేశంతో ఈ చిత్రం రూపొందించబడింది. దర్శకుడు ఈ అంశానికి థ్రిల్లింగ్ ఎలిమెంట్స్, సైకో విలన్ పాత్ర జోడించి ఆసక్తి పెంచేశారు. మీనూ మార్షల్ ఆర్ట్స్ ఫైటర్ గా అదరగొట్టింది. ఆమెకి, సైకో విలన్ కి మధ్య శత్రుత్వం ఏర్పడి సన్నివేశాలు చాలా బావుంటాయి. సైకోని రెచ్చగొట్టి ప్లాన్ చేసి మరీ దెబ్బ కొట్టడం సినిమాకే హైలైట్. మోహన్ లాల్ కామియో రోల్ ఆకట్టుకునే విధంగా ఉంది. జియో హాట్ స్టార్ లో ఈ మూవీ తెలుగులో అందుబాటులో ఉంది. ఫ్యామిలీ మొత్తం ఎలాంటి ఇబ్బంది లేకుండా చూడొచ్చు.

Bathukamma Celebrations : గిన్నిస్ వరల్డ్ రికార్డే లక్ష్యంగా బతుకమ్మ వేడుకలు.. ప్లాన్ ఇదే..: కల్వకుంట్ల కవిత

Arun Kumar P — Mon, 28 Sep 2026 16:07:40 +0530

ఇప్పటికే తెలంగాణ ప్రజల పూలపండగ బతుకమ్మ పలు గిన్నిస్ వరల్డ్ రికార్డులు సాధించిన విషయం తెలిసిందే. అయితే కల్వకుంట్ల కవితకు చెందిన తెలంగాణ జాగృతి సంస్థ మరో గిన్నిస్ రికార్డు సాధించేందుకు సిద్దమవుతోంది.

Bathukamma Festival : తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకలను మరింత ఘనంగా నిర్వహించేందుకు ప్రణాళికలు సిద్ధమవుతున్నాయి. వచ్చే ఏడాది ఏకంగా రెండున్నర లక్షల మందితో బతుకమ్మ సంబరాలు నిర్వహించి గిన్నిస్ వరల్డ్ రికార్డు సాధించేందుకు ప్లాన్ చేస్తున్నట్లు తెలంగాణ రక్షణ సేన పార్టీ, తెలంగాణ జాగృతి అధ్యక్షురాలు కల్వకుంట్ల కవిత తెలిపారు. ఈ భారీ కార్యక్రమానికి అవసరమైన ఏర్పాట్లను ఈ ఏడాది నుంచే ప్రారంభించనున్నట్లు ఆమె వెల్లడించారు.

వచ్చే ఏడాది (2027లో) రెండున్నర లక్షల మంది పాల్గొనేలా బతుకమ్మ వేడుకలను నిర్వహించనున్నట్లు కవిత తెలిపారు. ఇందుకోసం తెలంగాణలోని గ్రామాలు, పట్టణాల్లో బతుకమ్మ, కోలాటం కమిటీలను ఏర్పాటు చేసి ప్రజలను భాగస్వాములను చేయాలని నిర్ణయించినట్లు చెప్పారు. ఇంత భారీ స్థాయిలో కార్యక్రమాన్ని నిర్వహించాలంటే ముందస్తు ప్రణాళిక, సమన్వయం అవసరం... అందుకే ఈ ఏడాది నుంచే క్షేత్రస్థాయిలో ఏర్పాట్లు మొదలు పెట్టనున్నట్లు ఆమె వివరించారు. గిన్నిస్ వరల్డ్ రికార్డు లక్ష్యంగా నిర్వహించబోయే కార్యక్రమం ద్వారా బతుకమ్మ వైభవాన్ని ప్రపంచానికి చాటాలనేది తమ ఉద్దేశమని పేర్కొన్నారు.

తెలంగాణ రాష్ట్రం ఏర్పడిన తర్వాత బతుకమ్మ వేడుకలను భారీ స్థాయిలో నిర్వహిస్తున్నారు... ఈ క్రమంలోనే గతేడాది రెండు గిన్నిస్ రికార్డులు నమోదయ్యాయి. 2025 సెప్టెంబర్ 29న హైదరాబాద్‌ సరూర్ నగర్ స్టేడియంలో తెలంగాణ ప్రభుత్వానికి చెందిన సాంస్కృతిక, పర్యాటక సంస్థలు 63 అడుగుల భారీ బతుకమ్మను ఏర్పాటుచేశారు... ఇది అతిపెద్ద బతుకమ్మగా గిన్నిస్ రికార్డు సాధించింది. అదే సందర్భంలో 1,314 మందితో తెలంగాణ జానపద నృత్యానికి సంబంధించిన మరో గిన్నిస్ రికార్డు నమోదైంది. ఇలా రెండు గిన్నిస్ వరల్డ్ రికార్డులు నమోదయ్యాయి.

ఈ ఏడాది 33 జిల్లాల్లో బతుకమ్మ సంబరాలు

ఈ ఏడాది కూడా తెలంగాణ జాగృతి ఆధ్వర్యంలో ఘనంగా బతుకమ్మ వేడుకలు నిర్వహించనున్నట్లు కవిత తెలిపారు. రాష్ట్రంలోని మొత్తం 33 జిల్లాలతో పాటు విదేశాల్లోనూ కార్యక్రమాలు చేపట్టనున్నట్లు చెప్పారు. తెలంగాణలోని మహిళలంతా ఈ వేడుకల్లో పాల్గొనాలని ఆమె పిలుపునిచ్చారు.

బతుకమ్మ కేవలం పండుగ మాత్రమే కాకుండా తెలంగాణ సంస్కృతి, మహిళల భాగస్వామ్యం, జానపద సంప్రదాయాలకు ప్రతీకగా నిలుస్తుందని పేర్కొన్నారు. బతుకమ్మను ప్రపంచవ్యాప్తంగా పరిచయం చేయడంలో గతంలోనూ తెలంగాణ జాగృతి కార్యక్రమాలు నిర్వహించినట్లు కవిత తెలిపారు.

హైదరాబాద్‌లోని తెలంగాణ రక్షణ సేన కార్యాలయంలో బతుకమ్మ వేడుకలకు సంబంధించిన పోస్టర్‌తో పాటు తెలంగాణ జాగృతి రూపొందించిన బతుకమ్మ పాటల సీడీని కల్వకుంట్ల కవిత ఆవిష్కరించారు. సాంప్రదాయ బతుకమ్మ పాటలను భావితరాలకు అందించాలనే ఉద్దేశంతో చప్పట్ల పాటలతో ఈ సీడీని రూపొందించినట్లు ఆమె తెలిపారు. పాత జానపద గీతాలు, బతుకమ్మ పాటలు క్రమంగా మరుగున పడకుండా వాటిని భద్రపరచి కొత్త తరానికి పరిచయం చేయాల్సిన అవసరం ఉందని వివరించారు.

తెలంగాణ సంస్కృతికి అంతర్జాతీయ గుర్తింపు లక్ష్యం

బతుకమ్మ పండుగకు తెలంగాణలో ప్రత్యేకమైన సాంస్కృతిక ప్రాధాన్యం ఉంది. మహిళలు పూలతో బతుకమ్మలను పేర్చి వాటి చుట్టూ పాటలు పాడుతూ, చప్పట్లు కొడుతూ సంప్రదాయబద్ధంగా వేడుకలు నిర్వహిస్తారు. రాష్ట్ర పండుగగా గుర్తింపు పొందిన బతుకమ్మ తెలంగాణ సంస్కృతికి ప్రత్యేక గుర్తింపుగా నిలుస్తోంది.

ఇప్పటికే బతుకమ్మకు సంబంధించిన గిన్నిస్ రికార్డులు నమోదైన నేపథ్యంలో, వచ్చే ఏడాది రెండున్నర లక్షల మందితో నిర్వహించనున్న కార్యక్రమం ద్వారా మరో ప్రపంచ రికార్డును లక్ష్యంగా చేసుకోవాలని తెలంగాణ జాగృతి భావిస్తోంది. దీనికి సంబంధించిన ఏర్పాట్లను ఈ ఏడాది నుంచే ప్రారంభిస్తామని కల్వకుంట్ల కవిత ప్రకటించారు.

Venkatesh Remuneration: ఆదర్శ కుటుంబం మూవీకి వెంకటేష్‌ ఊహించని రెమ్యూనరేషన్‌.. ఏకంగా 3 రెట్లు ఎక్కువ

Aithagoni Raju — Mon, 28 Sep 2026 15:59:14 +0530

వెంకటేష్‌ ప్రస్తుతం `ఆదర్శ కుటుంబం` మూవీలో నటిస్తున్నారు. ఈ చిత్రానికి ఆయన తీసుకుంటున్న పారితోషికం ఎంతో తెలిస్తే షాక్‌ అవ్వాల్సిందే. ఒకేసారి మూడు రెట్లు జంప్‌.

విక్టరీ వెంకటేష్‌ ప్రస్తుతం వరుస సినిమాలతో బిజీగా ఉన్నారు. కుటుంబ కథా చిత్రాలతో పాటు కొత్త తరహా కథలను ఎంచుకుంటూ ప్రేక్షకులను అలరిస్తున్న ఆయన.. తన తదుపరి ప్రాజెక్టుల విషయంలోనూ ఆసక్తిని పెంచుతున్నారు. ప్రస్తుతం ఆయన ‘ఆదర్శ కుటుంబం’(హౌజ్‌ నెం 47)- `ఏకే 47` సినిమాలో నటిస్తున్నారు. ఈ చిత్రానికి త్రివిక్రమ్‌ దర్శకత్వం వహిస్తున్నారు. శ్రీనిధి శెట్టి హీరోయిన్‌గా నటిస్తోంది. నారా రోహిత్, నివేదా పేతురాజ్‌ కీలక పాత్రలో కనిపించబోతున్నారు. ఎస్‌ రాధాకృష్ణ(చినబాబు) నిర్మిస్తున్న చిత్రమిది. అక్టోబర్‌ 9న ఈ చిత్రం విడుదల కానుంది.

ఈ సినిమాకి సంబంధించిన ప్రమోషన్స్ షురూ చేసింది టీమ్‌. తాజాగా `నారాయణమ్మ` అనే పాటని విడుదల చేశారు. ఇందులో వెంకటేష్‌, డింపుల్‌ హయతి, నివేతా పేతురాజు స్టెప్పులేశారు. మాస్‌ ఆడియెన్స్ ని ఊపేసేలా ఈ పాట ఉంది. ఆకట్టుకుంటోంది. ఫ్యామిలీ యాక్షన్‌ ఎంటర్‌టైనర్‌గా రూపొందుతున్న ఈ చిత్రంపై అంచనాలు బాగున్నాయి. వరుసగా వెంకటేష్‌ ఫ్యామిలీ చిత్రాలతో విజయాలు అందుకుంటున్నారు. దీనికితోడు త్రివిక్రమ్‌ దర్శకత్వంలో వెంకీ నటిస్తోన్న మొదటి సినిమా కావడంతో ఆ అంచనాలు మరింతగా పెరిగాయి.

ఈ క్రమంలో ఈ సినిమాకి వెంకటేష్‌ ఎంత పారితోషికం తీసుకుంటున్నాడనేది ఆసక్తికరంగా మారింది. ఆయన గత చిత్రాలతో పోల్చితే త్రిబుల్‌ చేశారట. `సంక్రాంతికి వస్తున్నాం` మూవీ వరకు ఆయన పది పదిహేను కోట్ల వరకే తీసుకున్నారు. ఇప్పుడు `ఆదర్శ కుటుంబం హౌజ్‌ నెంబర్‌ 47`(ఏకే47) చిత్రానికి త్రిబుల్‌ చేశారట. సుమారు రూ.35-40కోట్ల వరకు పారితోషికంగా తీసుకుంటున్నట్టు సమాచారం. వెంకీకి ఉన్న మార్కెట్‌, మహిళా ఆడియెన్స్ లో ఉన్న ఫాలోయింగ్‌, ఓటీటీ డిమాండ్‌ని దృష్టిలో పెట్టుకొని ఆయన ఈ స్థాయిలో పారితోషికం తీసుకుంటున్నట్టు సమాచారం.

సీనియర్‌ హీరోల్లో చిరంజీవి అత్యధిక పారితోషికం తీసుకుంటున్న హీరోగా నిలిచారు. ఆయన నలభై నుంచి యాభై కోట్ల వరకు తీసుకుంటున్నారని సమాచారం. ఇప్పుడు వెంకటేష్‌ కూడా ఆ తర్వాత స్థానంలోకి చేరడం విశేషం. మరోవైపు బాలయ్య కూడా ముప్పై కోట్లకుపైగా రెమ్యూనరేషన్‌ తీసుకుంటున్నారని టాక్‌. కాకపోతే నాగార్జున మాత్రం చాలా తక్కువగా తీసుకుంటున్నారని తెలుస్తోంది. ఏదేమైనా వరుస విజయాలతో ఉన్న వెంకటేష్‌ `ఆదర్శ కుటుంబం` మూవీకి తీసుకుంటున్న పారితోషికం ఆసక్తికరంగా, హాట్‌ టాపిక్‌గా మారింది.

Hotel: హోటల్ లో స్టే చేస్తున్నారా? రూమ్ లోకి అడుగుపెట్టగానే ఫస్ట్ చేయాల్సింది ఇదే..!

ramya Sridhar — Mon, 28 Sep 2026 15:54:16 +0530

Hotel: ట్రిప్ కి వెళ్లినప్పుడు వేరే ప్రాంతాల్లో హోటల్స్ లో స్టే చేస్తున్నారా? అయితే, హోటల్ లో మీరు సేఫ్ గా ఉండాలంటే.. రూమ్ లోకి అడుగుపెట్టగానే కొన్ని పనులు చేయాలి.

ప్రయాణాలు చేయడం ఎవరికైనా ఇష్టమే. కొత్త ప్రదేశాలు చూస్తూ, హోటల్ రూమ్‌లో ప్రశాంతంగా విశ్రాంతి తీసుకోవాలని అందరూ కోరుకుంటారు. కానీ, మనం బస చేసే ఆ హోటల్ గది నిజంగానే సురక్షితమైనదేనా? ప్రస్తుతం టెక్నాలజీ పెరుగుతున్న కొద్దీ హోటల్ రూమ్‌లలో హిడెన్ కెమెరాలు పెట్టడం, అన్‌సేఫ్ వై-ఫై ద్వారా డేటా దోచేయడం వంటి మోసాలు ఎక్కువైపోయాయి. కాబట్టి ట్రిప్‌ను ఎంజాయ్ చేసే ముందు మీ రూమ్ సేఫ్టీని మీరే ఎలా చెక్ చేసుకోవాలో ఈ సింపుల్ చిట్కాల ద్వారా తెలుసుకుందాం..

రూమ్‌లోకి వెళ్లగానే ప్రైవసీకి భంగం కలిగించేలా హిడెన్ కెమెరాలు ఉన్నాయో లేదో చెక్ చేయడం చాలా ముఖ్యం. ముఖ్యంగా బెడ్‌కు ఎదురుగా ఉండే టీవీ, స్మోక్ డిటెక్టర్లు, వాల్ క్లాక్స్, మిర్రర్స్ , బాత్రూమ్‌లోని షవర్ హెడ్స్ దగ్గర చిన్న లెన్స్ లాంటివి ఏమైనా ఉన్నాయేమో పరిశీలించండి.

. లైట్లు ఆఫ్ చేసి ఫ్లాష్‌లైట్ ట్రిక్ ఉపయోగించండి

గదిలోని లైట్లన్నీ ఆపేసి, మీ ఫోన్ ఫ్లాష్‌లైట్‌ని ఆన్ చేసి ప్రతి మూలలోనూ వెతకండి. ఎక్కడైనా కెమెరా లెన్స్ ఉంటే ఆ లైట్ రిఫ్లెక్ట్ అయ్యి మెరుస్తుంది. అలాగే మార్కెట్లో దొరికే యాంటీ-స్పై డిటెక్టర్ యాప్స్ లేదా కెమెరా డిటెక్టర్లను ఉపయోగించి కూడా హిడెన్ కెమెరాల సిగ్నల్స్‌ను కనిపెట్టవచ్చు.

3. 'టూ-వే మిర్రర్' టెస్ట్ చేయండి

గదిలోని అద్దం నిజమైనదా లేక అవతలి వైపు నుంచి ఎవరైనా మిమ్మల్ని చూసే అవకాశం ఉందేమో తెలుసుకోవడానికి ఒక చిన్న టెస్ట్ చేయవచ్చు. మీ చేతి గోరును అద్దంపై ఉంచండి. మీ వేలికి, అద్దంలో కనిపించే దాని ప్రతిబింబానికి మధ్య చిన్న గ్యాప్ కనిపిస్తే అది సాధారణ అద్దం. ఒకవేళ గ్యాప్ లేకుండా వేలిగోరు నేరుగా అద్దానికి తాకినట్లు అనిపిస్తే అది టూ-వే మిర్రర్ అయ్యే అవకాశం ఉంది, అప్రమత్తంగా ఉండండి.

హోటల్స్ ఇచ్చే పబ్లిక్ వై-ఫై నెట్‌వర్క్‌లు చాలా వరకు సురక్షితంగా ఉండవు. వీటిని హ్యాకర్లు సులభంగా టార్గెట్ చేసే అవకాశం ఉంది. కాబట్టి హోటల్ వై-ఫై కనెక్ట్ చేసిన వెంటనే ఆన్‌లైన్ బ్యాంకింగ్ లావాదేవీలు లేదా వ్యక్తిగత పాస్‌వర్డ్‌లను టైప్ చేయడం మానుకోండి. వీలైతే మీ మొబైల్ డేటాను వాడుకోవాలి.

5. డోర్ లాక్ , సెక్యూరిటీ చైన్ చెక్ చేయండి

మీరు పడుకునే ముందు లేదా గదిలో ఉన్నప్పుడు డోర్ లాక్ సరిగ్గా పనిచేస్తోందో లేదో సరిచూసుకోండి. డోర్ మానిటర్ లేదా ఐ-హోల్ కి ఏవైనా కవర్లు లేదా డామేజ్ ఉందేమో చూడండి.

ఎమర్జెన్సీ సేఫ్ డోర్స్ గుర్తించండి

హోటల్‌లోకి అడుగుపెట్టిన వెంటనే అగ్నిప్రమాదాలు లేదా అత్యవసర పరిస్థితులు ఎదురైతే బయటపడే మార్గాలు ఎక్కడ ఉన్నాయో ఒకసారి పరిశీలించండి. దీని వల్ల కొన్ని ప్రమాదాల నుంచి బయటపడొచ్చు.

Birth Date: ఈ 4 తేదీల్లో పుట్టినవారు ఏ పని చేసినా త్వరగా సక్సెస్ అవుతారు!

Kavitha G — Mon, 28 Sep 2026 15:36:09 +0530

Birth Date: న్యూమరాలజీ ప్రకారం కొన్ని తేదీల్లో పుట్టినవారిలో ప్రత్యేకమైన లక్షణాలు ఉంటాయి. వారు ఏ పని చేసినా త్వరగా సక్సెస్ అవుతారు. ముఖ్యంగా కొన్ని పుట్టిన తేదీలను విజయానికి అనుకూలమైన తేదీలుగా పరిగణిస్తారు. ఆ అదృష్ట తేదీలు ఏవో ఇప్పుడు తెలుసుకుందాం.

మనలో చాలామందికి పుట్టిన తేదీకి, వ్యక్తిత్వానికి, జీవితంలో ఎదురయ్యే పరిణామాలకు ఏదైనా సంబంధం ఉందా అనే ఆసక్తి ఉంటుంది. ముఖ్యంగా సంఖ్యా శాస్త్రం, జ్యోతిష్య శాస్రాల ప్రకారం పుట్టిన తేదీ ఆధారంగా వ్యక్తుల స్వభావం, ఆలోచనా విధానం, నిర్ణయాలు తీసుకునే తీరు గురించి అంచనా వేయవచ్చు. కొన్ని తేదీల్లో పుట్టినవారు పట్టుదల, ఆత్మవిశ్వాసం, నాయకత్వం, వేగంగా నిర్ణయాలు తీసుకునే సామర్థ్యం వంటి లక్షణాలను కలిగి ఉంటారని న్యూమరాలజీ చెబుతోంది. దానివల్ల వారు జీవితంలో త్వరగా సక్సెస్ అవుతారట. ఆ తేదీలేంటో చూద్దాం.

సంఖ్యా శాస్త్రం ప్రకారం.. ఏ నెలలో అయినా 1వ తేదీన పుట్టినవారిపై సూర్యుడి ప్రభావం ఉంటుంది. వీరికి నాయకత్వ లక్షణాలు ఎక్కువ. ఇతరులు చెప్పిన దారిలో నడవడం కంటే తమకంటూ ఒక ప్రత్యేకమైన మార్గాన్ని ఎంచుకోవడాన్ని వీరు ఇష్టపడతారు. ఒక పని చేయాలని నిర్ణయించుకున్న తర్వాత దాన్ని పూర్తి చేయాలనే పట్టుదల ఎక్కువ. ఉద్యోగం, వ్యాపారం, సృజనాత్మక రంగం లేదా వృత్తి ఏదైనా సరే.. త్వరగా అవకాశాలను అందిపుచ్చుకునే స్వభావం వీరిలో ఉంటుంది.

ఏ నెలలో అయినా 5వ తేదీన పుట్టినవారు చాలా చురుకుగా, తెలివిగా వ్యవహరిస్తారని న్యూమరాలజీ చెబుతోంది. కొత్త విషయాలను త్వరగా నేర్చుకోవడం, పరిస్థితులకు అనుగుణంగా మారడం వీరి ప్రత్యేకత. ఎక్కడ అవకాశం కనిపించినా దాన్ని ఉపయోగించుకోవడానికి వీరు ప్రయత్నిస్తారు. కమ్యూనికేషన్, వ్యాపారం, మార్కెటింగ్, మీడియా వంటి రంగాల్లో వీరి చురుకుదనం వల్ల త్వరగా గుర్తింపు పొందుతారు.

సంఖ్యా శాస్త్రం ప్రకారం ఏ నెలలో అయినా 8వ తేదీన జన్మించినవారు కష్టపడి పనిచేసే స్వభావం కలిగి ఉంటారు. జీవితంలో ఎదురయ్యే సమస్యలకు భయపడకుండా ఓర్పుతో ముందుకు సాగడం వీరి బలం. వీరికి విజయం కొన్నిసార్లు ఆలస్యమైనప్పటికీ, స్థిరంగా కొనసాగుతుంది. వీరు బాధ్యత, క్రమశిక్షణ, పట్టుదలతో పనిచేయడం వల్ల కెరీర్‌లో మంచి స్థాయికి చేరుకునే అవకాశం చాలా ఎక్కువగా ఉంటుందట.

న్యూమరాలజీ ప్రకారం.. 9వ తేదీన పుట్టినవారు ధైర్యం, ఆత్మవిశ్వాసం, ఉత్సాహం కలిగి ఉంటారు. వీరు ఏదో ఒకటి సాధించాలనే బలమైన కోరికతో ముందుకు సాగుతారు. కష్టమైన పరిస్థితుల్లో కూడా వెనక్కి తగ్గరు. ఇతరులకు సహాయం చేయాలనే మనస్తత్వం కూడా వీరిలో ఎక్కువగా ఉంటుంది. తమ ప్రతిభను పూర్తిగా ఉపయోగించుకుని పనిచేస్తే జీవితంలో వేగంగా గుర్తింపు, విజయాన్ని పొందుతారు.

Notional Increment: ‘నోషనల్ ఇంక్రిమెంట్’ అంటే ఏంటి? జీతం పెరగకపోయినా ఇంక్రిమెంట్ వచ్చినట్టేనా?

Nandini Arava — Mon, 28 Sep 2026 15:31:04 +0530

Notional Increment: జీతం పెరగకపోయినా ఇంక్రిమెంట్ వచ్చినట్టేనా? ప్రభుత్వ ఉద్యోగుల్లో తరచూ వినిపించే ‘నోషనల్ ఇంక్రిమెంట్’ అసలు ఏంటి? ఇది ఎప్పుడు వర్తిస్తుంది? ఉద్యోగి జీతం, పెన్షన్‌పై ఎలాంటి ప్రభావం చూపుతుంది? తెలుసుకుందాం.

ఉద్యోగం చేస్తున్న ప్రతి ఒక్కరికీ ఇంక్రిమెంట్ అంటే జీతం పెరగడం. కానీ ప్రభుత్వ ఉద్యోగాల విషయంలో ‘నోషనల్ ఇంక్రిమెంట్’ అనే పదం తరచూ వినిపిస్తుంది. పేరు చూస్తే ఏదో కొత్త ఇంక్రిమెంట్‌లా అనిపిస్తుంది. కానీ దీని అసలు అర్థం ఏంటి? జీతం పెరగకపోయినా ఇంక్రిమెంట్ ఎలా వచ్చినట్టు? అనే సందేహం చాలామందికి ఉంటుంది.

సాధారణంగా ఉద్యోగికి ప్రతి సంవత్సరం ఒక తేదీన వార్షిక ఇంక్రిమెంట్ రావాల్సి ఉంటుంది. అయితే కొన్ని ప్రత్యేక పరిస్థితుల్లో ఆ ఇంక్రిమెంట్‌ను చెల్లించకుండా, లెక్కల్లో మాత్రం ఇచ్చినట్టుగా చెప్తారు. దీనినే నోషనల్ ఇంక్రిమెంట్ అంటారు.

ఒక ఉద్యోగి బేసిక్ పే రూ.30,000 అనుకుందాం. వార్షిక ఇంక్రిమెంట్ రూ.1,000. జూలై 1న ఇంక్రిమెంట్ రావాల్సి ఉంది. కానీ ఉద్యోగి జూన్ 30న రిటైర్ అయ్యారు అనుకుందాం. ఇలాంటి సందర్భంలో వర్తించే నిబంధనల ప్రకారం, జూలై 1న రావాల్సిన ఇంక్రిమెంట్‌ను నోషనల్‌గా పరిగణించవచ్చు.

అంటే ఉద్యోగి జూలై నెల జీతంలో అదనంగా రూ.1,000 తీసుకున్నారని కాదు. పే ఫిక్సేషన్, పెన్షన్ లేదా ఇతర రిటైర్మెంట్ ప్రయోజనాల లెక్కల్లో ఆ ఇంక్రిమెంట్‌ను పరిగణించే అవకాశం ఉంటుంది. అయితే ఇది ప్రతి ఉద్యోగికీ ఆటోమేటిక్‌గా వర్తిస్తుందని అనుకోవద్దు. సంబంధిత ప్రభుత్వ ఉత్తర్వులు, సర్వీస్ రూల్స్, కోర్టు తీర్పులు వంటి వాటిపై ఆధారపడి ఉంటుంది.

Notional అంటే సింపుల్‌గా చెప్పాలంటే లెక్కల్లో లేదా ఊహాత్మకంగా పరిగణించడం అని అర్థం. అందుకే Notional Increment అంటే చేతికి వచ్చే ఇంక్రిమెంట్ కాకుండా, నిర్దిష్ట ప్రయోజనం కోసం లెక్కల్లో పరిగణించే ఇంక్రిమెంట్.

అందుకే “నోషనల్ ఇంక్రిమెంట్ వచ్చింది” అంటే జీతం మొత్తం పెరిగిందని అర్థం కాదు. ఏ ప్రయోజనం కోసం, ఏ తేదీ నుంచి, ఎంత మొత్తాన్ని పరిగణించాలి అనేది వర్తించే నిబంధనలపై ఆధారపడి ఉంటుంది.

Blouse Front Designs: పట్టుచీరల మీదకు బ్లౌజు ఫ్రంట్ డిజైన్లు..చూసేయండి

ramya Sridhar — Mon, 28 Sep 2026 15:05:30 +0530

Blouse Front Designs: చీరలో అందంగా కనిపించాలి అంటే పర్ఫెక్ట్ బ్లౌజు చాలా అవసరం. చాలా మంది బ్లౌజు బ్యాక్ నెక్ మీద పెట్టిన శ్రద్ధ.. ఫ్రంట్ నెక్ మీద పెట్టరు. కానీ, ఫ్రంట్ లుక్ బాగుంటే చీరలో అందంగా కనిపిస్తారు. అలాంటి కొన్ని డిజైన్లు ఇప్పుడు చూద్దాం..

Share Market: ఈ వారం షేర్ మార్కెట్‌లో భారీ నష్టాలు? హెచ్చరిస్తున్న 7 కీలక గ్లోబల్ అంశాలు ఇవే

Mahesh Rajamoni — Mon, 28 Sep 2026 14:52:48 +0530

Indian Stock Market: ఈ వారం భారత షేర్ మార్కెట్ పడిపోయే ఛాన్స్ ఉందని ఆర్థిక నిపుణులు హెచ్చరిస్తున్నారు. యూఎస్-ఇరాన్ ఉద్రిక్తతలు, క్రూడ్ ఆయిల్, యూఎస్ బాండ్ ఈల్డ్ సహా 7 గ్లోబల్ ఫ్యాక్టర్లు మార్కెట్‌ను శాసించనున్నాయి.

ఈ వారం అంటే సెప్టెంబర్ 28 నుంచి ప్రారంభమయ్యే ట్రేడింగ్ వారంలో భారత షేర్ మార్కెట్ తీవ్ర ఒత్తిడికి గురై, నష్టాల్లోకి జారుకునే సూచనలు స్పష్టంగా కనిపిస్తున్నాయి. ప్రపంచవ్యాప్తంగా జరుగుతున్న పరిణామాలు, అంతర్జాతీయ సంకేతాలు భారత మార్కెట్ దిశను నిర్దేశించబోతున్నాయి. ముఖ్యంగా అమెరికా-ఇరాన్ మధ్య పెరుగుతున్న రాజకీయ ఉద్రిక్తతలు, దాని వల్ల రికార్డు స్థాయిలో పెరుగుతున్న క్రూడ్ ఆయిల్ ధరలు, యూఎస్ బాండ్ ఈల్డ్స్ పెరుగుదల వంటి ప్రధాన అంశాలు ఈ వారం మన మార్కెట్‌ను శాసించే అవకాశం ఉందని నిపుణులు చెబుతున్నారు.

ఎన్‌ఎస్‌ఈ (NSE) విడుదల చేసిన ట్రేడింగ్ క్యాలెండర్ ప్రకారం, మహాత్మా గాంధీ జయంతి సందర్భంగా అక్టోబర్ 2, శుక్రవారం నాడు భారత షేర్ మార్కెట్‌కు సెలవు ప్రకటించారు. గడిచిన వారంలో భారత స్టాక్ మార్కెట్ గత ఆరేళ్లలోనే అత్యంత సుదీర్ఘమైన వారపు నష్టాలను నమోదు చేసింది. క్రూడ్ ఆయిల్ ధరలు ఆకాశాన్ని తాకుతుండటంతో బాండ్ ఈల్డ్స్, ద్రవ్యోల్బణం భయాలు మళ్లీ మొదలయ్యాయి. ఈ వారం భారత షేర్ మార్కెట్ గమనాన్ని పూర్తి స్థాయిలో ప్రభావితం చేయబోతున్న ఆ 7 ముఖ్యమైన కారణాలు గమనిస్తే..

ఇరాన్, అమెరికా మధ్య ఉద్రిక్తతలు రోజురోజుకూ తీవ్రమవుతుండటం భారత మార్కెట్ కు పెద్ద దెబ్బగా మారింది. ప్రపంచంలోనే అత్యంత ముఖ్యమైన చమురు సరఫరా మార్గమైన హోర్ముజ్ జలసంధి చుట్టూ వివాదం ముదరడంతో బ్రెంట్ క్రూడ్ ఆయిల్ ధర బారెల్‌కు 105 నుంచి 106 డాలర్ల వద్ద కొనసాగుతోంది.

ఒకవేళ రెండు దేశాల మధ్య చర్చలు సఫలమై శాంతి లభిస్తే, చమురు ధరలు తగ్గి భారత దిగుమతి బిల్లు భారం తగ్గుతుంది. ఇది రూపాయికి, షేర్ మార్కెట్‌కు ఊరటనిస్తుంది. కానీ ఈ ఉద్రిక్తతలు ఇలాగే కొనసాగితే చమురు మంటల వల్ల దేశంలో ద్రవ్యోల్బణం పెరిగి మార్కెట్‌లో ఒడిదుడుకులు తారాస్థాయికి చేరుకుంటాయి.

విదేశీ పోర్ట్‌ఫోలియో ఇన్వెస్టర్లు భారత క్యాష్ మార్కెట్ నుంచి భారీగా నిధులను వెనక్కి తీసుకుంటున్నారు. ఆగస్టు 25 నాటికి ఉన్న గణాంకాల ప్రకారం, ఎఫ్‌ఐఐలు క్యాష్ మార్కెట్‌లో ఏకంగా రూ. 26,000 కోట్ల విలువైన షేర్లను విక్రయించారు. అయితే ప్రాథమిక మార్కెట్ (IPO) పై వారికి నమ్మకం అలాగే ఉంది. అందుకే వారు ప్రైమరీ మార్కెట్‌లో రూ. 8,551 కోట్ల మేర పెట్టుబడులు పెట్టడం గమనార్హం.

మరొకవైపు స్వదేశీ ఇన్వెస్టర్లు మార్కెట్‌కు కొండంత అండగా నిలుస్తున్నారు. తాజాగా సమాచారం ప్రకారం..

• డీఐఐ కొనుగోళ్లు: లేటెస్ట్ సెషన్‌లో రూ. 2,838 కోట్లు కాగా, గత 7 రోజుల్లో రూ. 13,601 కోట్లు, గత 30 రోజుల్లో మొత్తం రూ. 57,206 కోట్ల విలువైన షేర్లను కొనుగోలు చేశారు.

• ఎఫ్‌ఐఐ అమ్మకాలు: లేటెస్ట్ సెషన్‌లో రూ. -3,694 కోట్లు నెగెటివ్‌గా ఉండగా, గత 7 రోజుల్లో రూ. -10,914 కోట్లు, గత 30 రోజుల్లో ఏకంగా రూ. -26,517 కోట్ల నిధులను విక్రయించారు.

దేశ ఆర్థిక ఆరోగ్య పరిస్థితిని తెలిపే కీలక గణాంకాలు ఈ వారం వెలువడనున్నాయి. ఆగస్టు నెల పరిశ్రమల ఉత్పత్తి రంగానికి సంబంధించిన ఐఐపీ డేటా, ప్రభుత్వ ఫిస్కల్ డెఫిసిట్ వివరాలను వెల్లడించనున్నారు. దీంతో పాటు 'హెచ్‌ఎస్‌బిసి ఇండియా మాన్యుఫాక్చరింగ్ పీఎంఐ' డేటా కూడా బయటకు రానుంది.

ఐఐపీ గణాంకాల ద్వారా దేశంలోని తయారీ, మైనింగ్ రంగాల అసలు వేగం ఎంతో తెలుస్తుంది. దీని ఆధారంగానే ఇండస్ట్రియల్, క్యాపిటల్ గూడ్స్ షేర్ల కదలికలు ఆధారపడి ఉంటాయి. ప్రభుత్వం ఫిస్కల్ డెఫిసిట్ లోటును నియంత్రణలో ఉంచగలిగితే విదేశీ ఇన్వెస్టర్లకు నమ్మకం పెరిగి, భారత మార్కెట్లోకి తిరిగి పెట్టుబడులు వచ్చే అవకాశాలు ఉంటాయి.

యూఎస్ బాండ్ మార్కెట్ వేగం భారత మార్కెట్‌కు పెద్ద ముప్పుగా పరిణమించింది. అమెరికాలో 10 ఏళ్ల ట్రెజరీ బాండ్ ఈల్డ్ ఏకంగా 5.2 శాతం సమీపానికి చేరుకుంది. అమెరికాలో బాండ్ ఈల్డ్స్, డాలర్ రెండు బలపడటం అంటే విదేశీ ఇన్వెస్టర్లకు ఏ విధమైన రిస్క్ లేకుండా అమెరికాలోనే ఎక్కువ రాబడి లభిస్తుంది.

దీనివల్ల వారు భారత్ వంటి అభివృద్ధి చెందుతున్న మార్కెట్ల నుంచి తమ పెట్టుబడులను ఉపసంహరించుకుని స్వదేశానికి తరలిస్తారు. ఎఫ్‌ఐఐల ఈ విక్రయాల ఒత్తిడి కారణంగానే భారత స్టాక్ మార్కెట్ పై తీవ్రమైన నెగెటివ్ ప్రభావం పడవచ్చు.

డాలర్‌తో పోలిస్తే రూపాయి 24 పైసలు బలపడి 95.75 వద్ద ముగిసింది. అయితే చమురు కంపెనీల నుంచి డాలర్లకు ఉన్న విపరీతమైన డిమాండ్, ఎఫ్‌ఐఐల అమ్మకాల వల్ల రూపాయిపై మళ్లీ ఒత్తిడి పెరిగే ప్రమాదం ఉందని నిపుణులు హెచ్చరిస్తున్నారు. కాకపోతే ఆర్‌బీఐ (RBI) సకాలంలో జోక్యం చేసుకోవడం వల్ల కొంతవరకు మార్కెట్‌లో తీవ్రమైన హెచ్చుతగ్గులు అదుపులోకి వచ్చాయి.

దీంతో పాటు అంతర్జాతీయ ఆర్థిక వాతావరణాన్ని అర్థం చేసుకోవడానికి అమెరికా నుంచి వచ్చే కన్స్యూమర్ కాన్ఫిడెన్స్ JOLTS జాబ్ ఓపెనింగ్స్ గణాంకాలు, యూరోజోన్ సెప్టెంబర్ ద్రవ్యోల్బణ డేటా ఈ వారం విడుదల కానున్నాయి. ఇవి ప్రపంచవ్యాప్తంగా వడ్డీ రేట్ల దిశను స్పష్టం చేయడానికి సాయపడతాయి.

ప్రైమరీ మార్కెట్ ఈ వారం చాలా సందడిగా ఉండబోతోంది. మొత్తం 20 కంపెనీలు ఐపీఓ ద్వారా మార్కెట్లోకి అడుగుపెట్టి రూ. 1,292 కోట్లను సమీకరించేందుకు సిద్ధమయ్యాయి. మెయిన్‌బోర్డ్ విభాగంలో ఎస్‌ఆర్‌ఐటి ఇండియా, విశాల్ నిర్మితి, నిత్యాస్ జెమ్స్ అండ్ జ్యువెలరీ, షా ఇన్వెస్టర్స్ హోమ్ కంపెనీలు కలిసి రూ. 595 కోట్లు సేకరించనున్నాయి. ఇక ఎస్‌ఎమ్‌ఈ విభాగంలో 16 చిన్న తరహా కంపెనీలు మార్కెట్ నుంచి దాదాపు రూ. 697 కోట్లను సమీకరించడానికి ప్లాన్ చేస్తున్నాయి.

శుక్రవారం ముగింపు ఎలా ఉందంటే?

గత వారంలోని చివరి ట్రేడింగ్ రోజైన సెప్టెంబర్ 25, శుక్రవారం నాడు స్టాక్ మార్కెట్ లాభాలతో ముగిసింది. బొంబాయి స్టాక్ ఎక్స్ఛేంజ్ సూచీ సెన్సెక్స్ 315 పాయింట్లు లాభపడి 73,896 వద్ద క్లోజ్ అయింది. అలాగే నేషనల్ స్టాక్ ఎక్స్ఛేంజ్ సూచీ నిఫ్టీ కూడా 77 పాయింట్లు పుంజుకుని 23,141 వద్ద ముగిసింది. గత వారం ముగింపు సానుకూలంగా ఉన్నప్పటికీ, ఈ కొత్త వారంలో పైన చెప్పుకున్న 7 అంతర్జాతీయ అంశాల వల్ల మార్కెట్‌లో హెచ్చుతగ్గులు తప్పవని విశ్లేషకులు స్పష్టం చేస్తున్నారు.

మనం ఏడ్చేటప్పుడు కళ్లలోంచే కాదు ముక్కులోంచి కూడా నీళ్లు కారతాయి.. ఎందుకో తెలుసా?

Arun Kumar P — Mon, 28 Sep 2026 14:42:54 +0530

మనం ఏడ్చేటప్పుడు కన్నీరు రావడం సాధారణ విషయమే.. అయితే ఎక్కువగా ఏడుస్తుంటే ముక్కులోంచి కూడా నీళ్లు వస్తాయి. ఇలా కళ్లు, ముక్కులోంచి వచ్చేది ఒకే నీరా? ఇవి కళ్లలోంచి ముక్కులోకి ఎలా చేరతాయి?

మనం ఏడ్చేటప్పుడు కళ్ల నుంచి కన్నీళ్లు రావడం సహజమే. అయితే కళ్లలోంచి నీళ్లు వస్తున్నాయంటే ఆటోమెటిగ్గా ముక్కు నుంచి కూడా నీళ్లు కారుతుంటాయి. ముఖ్యంగా చిన్నపిల్లలు ఏడ్చినప్పుడు కళ్లతో పాటు ముక్కు నుంచి కూడా నీరు కారడం గమనిస్తాం. పెద్దవాళ్లు ఏడ్చేటప్పుడు కూడా తరచూ ముక్కు చీదడం లేదా తుడుచుకోవడం చూస్తుంటాం. అసలు కంటికి, ముక్కుకు సంబంధమేంటి? కన్నీళ్లు వచ్చే సమయంలోనే ముక్కులోంచి నీళ్ళు ఎందుకు వస్తాయి? అనేది ఇక్కడ తెలుసుకుందాం.

మన కళ్ల నుంచి ముక్కు వైపు కన్నీళ్లు వెళ్లేందుకు సహాయపడే వ్యవస్థను ''లాక్రిమల్ డ్రైనేజ్ సిస్టమ్'' అంటారు. ఇందులో ముఖ్యమైన భాగం నెసోలాక్రైమల్ డక్ట్ (Nasolacrimal duct). ఇది కళ్లలో ఉత్పత్తయ్యే అదనపు కన్నీళ్లను ముక్కులోకి తీసుకెళ్లే మార్గంగా పనిచేస్తుంది.

ఏడ్చేటప్పుడే కాదు సాధారణ పరిస్థితుల్లో కూడా మన కళ్లలో నిరంతరం కొద్దిపాటి కన్నీళ్లు ఉత్పత్తి అవుతుంటాయి. ఇవి కళ్లను తేమగా ఉంచడంతో పాటు దుమ్ము, చిన్నపాటి మలినాల నుంచి కళ్లను రక్షించడంలో సహాయపడతాయి. ఉపయోగం పూర్తయిన కన్నీళ్లు కళ్ల మూలల్లో ఉండే చిన్న రంధ్రాల ద్వారా డ్రైనేజ్ వ్యవస్థలోకి వెళ్లి చివరకు ముక్కులోకి చేరుతాయి. అందుకే తరచూ ముక్కులోంచి నీళ్లు వస్తుంటాయి.

ఏడ్చేటప్పుడు ముక్కులోంచి నీళ్లు ఎందుకు వస్తాయి?

మనకు భావోద్వేగం కలిగినప్పుడు లేదా ఎక్కువగా ఏడ్చినప్పుడు సాధారణం కంటే ఎక్కువ మొత్తంలో కన్నీళ్లు ఉత్పత్తి అవుతాయి. కళ్ల నుంచి వచ్చే ఈ కన్నీళ్లన్నీ డ్రైనేజ్ వ్యవస్థ ద్వారా వెంటనే ముక్కులోకి వెళ్లలేవు… కొంత భాగం చెంపలపైకి ప్రవహిస్తే, మరికొంత భాగం నెసోలాక్రైమల్ డక్ట్ ద్వారా ముక్కులోకి చేరతాయి.

అందుకే ఏడ్చేటప్పుడు కళ్ల నుంచి కన్నీళ్లు రావడంతో పాటు ముక్కులో నీరు పెరిగినట్లు అనిపిస్తుంది. ముక్కులోకి చేరిన కన్నీళ్లు అక్కడ ఉన్న సహజమైన ద్రవాలతో కలవడంతో ముక్కు నుంచి పలుచని నీటిలా బయటకు వస్తాయి.

సాధారణంగా చిన్నపిల్లలు పెద్ద శబ్దంతో, ఎక్కువసేపు ఏడుస్తుంటారు. అలా ఏడ్చే సమయంలో ఎక్కువ మొత్తంలో కన్నీళ్లు ఉత్పత్తి అవుతాయి. కన్నీటి ప్రవాహం పెరిగినప్పుడు ముక్కులోకి చేరే ద్రవం కూడా ఎక్కువవుతుంది. అందుకే పిల్లలు ఏడ్చేటప్పుడు కళ్లతో పాటు ముక్కు నుంచి కూడా నీళ్లు కారడం స్పష్టంగా కనిపిస్తుంది. పెద్దవాళ్లలో కూడా ఇదే ప్రక్రియ జరుగుతుంది. అయితే వారు వెంటనే ముక్కు తుడుచుకోవడం లేదా చీదడం వల్ల అది మనకు ప్రత్యేకంగా కనిపించకపోవచ్చు.

కళ్లలో మందు వేస్తే నోట్లో రుచి ఎందుకు తెలుస్తుంది?

చాలామందికి కళ్లలో ఏవైనా డ్రాప్స్ వేసుకున్న తర్వాత కొద్దిసేపటికి ముక్కులో లేదా గొంతులో మందు రుచి, వాసన అనిపిస్తుంటుంది. దీనికి కూడా కళ్ల నుంచి ముక్కు వైపు ఉండే కన్నీటి ప్రవాహ మార్గమే కారణం.

కంటిలో వేసిన డ్రాప్‌లో కొంత భాగం కన్నీటి ప్రవాహంతో పాటు నెసోలాక్రైమల్ డక్ట్ ద్వారా ముక్కులోకి చేరవచ్చు. అక్కడి నుంచి అది ముక్కు వెనుక భాగం, గొంతు వైపు వెళ్లడంతో మందు రుచి నోట్లో లేదా గొంతులో అనిపించవచ్చు. అంటే కంటికి వేసిన ద్రవం కంటిలోనే పూర్తిగా ఉండిపోదు… అది ముక్కు, నోటిలోకి చేరుతుంది.

కన్నీళ్లు అంటే మనం బాధపడినప్పుడు లేదా సంతోషించినప్పుడు మాత్రమే వచ్చే ద్రవం కాదు. కళ్ల ఆరోగ్యానికి అవి చాలా అవసరం. కళ్ల ఉపరితలాన్ని తేమగా ఉంచడం, కంటి ఉపరితలాన్ని రక్షించడం, దుమ్ము వంటి చిన్న కణాలను తొలగించడంలో కన్నీళ్లు కీలక పాత్ర పోషిస్తాయి.

కన్నీళ్లను సాధారణంగా బేసల్ టియర్స్, రిఫ్లెక్స్ టియర్స్, ఎమోషనల్ టియర్స్‌గా వివరిస్తారు. కళ్లను తేమగా ఉంచే కన్నీళ్లు ఎప్పటికప్పుడు ఉత్పత్తి అవుతుంటాయి. పొగ, దుమ్ము, ఉల్లిపాయ వంటివి కంటికి ఇబ్బంది కలిగించినప్పుడు రిఫ్లెక్స్‌గా కన్నీళ్లు రావచ్చు. ఇక భావోద్వేగాలకు స్పందనగా వచ్చే కన్నీళ్లను ఎమోషనల్ టియర్స్ అంటారు.

ఏడ్చినప్పుడు ముక్కు నుంచి నీళ్లు రావడం కనిపిస్తే తప్పనిసరిగా జలుబు వచ్చిందని అర్థం కాదు. ఏడుపు కారణంగా ఎక్కువైన కన్నీళ్లు కన్నీటి డ్రైనేజ్ మార్గం ద్వారా ముక్కులోకి చేరడం వల్ల కూడా ముక్కు కారవచ్చు. అయితే ఏడుపు లేకుండానే తరచూ ముక్కు కారడం, ముక్కు మూసుకుపోవడం, కళ్ల నుంచి నిరంతరం నీరు కారడం వంటి సమస్యలు ఉంటే వాటికి అలర్జీ, ఇన్ఫెక్షన్ లేదా కన్నీటి నాళాల్లో ఇతర సమస్యలు కారణం కావచ్చు. అలాంటి లక్షణాలు కొనసాగితే వైద్య నిపుణుల సలహా తీసుకోవడం మంచిది.

Sreeleela: దళపతి విజయ్, సల్మాన్ ఖాన్‌లను సైడ్ చేసిన శ్రీలీల, ఇన్స్టాగ్రామ్ లో న్యూ రికార్డ్

Mahesh Jujjuri — Mon, 28 Sep 2026 14:41:21 +0530

Sreeleela: టాలీవుడ్, బాలీవుడ్‌లో వరుస సినిమాలతో దూసుకుపోతున్న శ్రీలీల.. ఇప్పుడు సోషల్ మీడియాలోనూ సెన్సేషన్ క్రియేట్ చేసింది. స్టార్ హీరోలను సైతం వెనక్కి నెట్టి ఆమె సృష్టించిన ఆ కొత్త రికార్డ్ ఏంటో చూద్దాం.

శ్రీలీల క్రేజ్ సినిమాలకే పరిమితం కాలేదు. టాలీవుడ్‌లో స్టార్ హీరోయిన్‌గా ఎదిగిన ఈ బ్యూటీ, బాలీవుడ్‌లోనూ వరుస సినిమాలతో బిజీగా ఉంది. సినిమాలతో పాటు సోషల్ మీడియాలోనూ శ్రీలీల ఓ రేంజ్‌లో రచ్చ చేస్తోంది. తాజాగా ఇన్‌స్టాగ్రామ్‌లో ఆమె ఓ సాలిడ్ రికార్డ్ క్రియేట్ చేసింది. ఆమె పోస్ట్‌కు వచ్చిన లైక్స్, వ్యూస్ చూస్తే ఈ భామ డిజిటల్ పవర్ ఏంటో అర్థమవుతుంది.

ఇటీవల శ్రీలీల తన ఇన్‌స్టాగ్రామ్‌లో షేర్ చేసిన ఓ వీడియో నెట్టింట విపరీతంగా వైరల్ అయింది. ఈ వీడియోకు ఏకంగా 1.11 కోట్లు (11.1 మిలియన్లు) లైక్స్ వచ్చాయి. అంతేకాదు, 25.8 కోట్లకు పైగా వ్యూస్ రావడం విశేషం. సాధారణంగా స్టార్ హీరోల పోస్టులకు లక్షల్లో లైక్స్ వస్తుంటాయి. కానీ, శ్రీలీల పోస్ట్‌కు ఏకంగా కోట్లల్లో లైక్స్ రావడం ఫ్యాన్స్‌ను ఆశ్చర్యపరుస్తోంది.

ఈ దెబ్బతో సోషల్ మీడియాలో అత్యధిక లైక్స్ సాధించిన ఇండియన్ స్టార్స్ లిస్ట్‌లో శ్రీలీల పేరు మార్మోగిపోతోంది. తమిళ స్టార్ దళపతి విజయ్ పేరిట ఉన్న 97 లక్షల లైక్స్ రికార్డును శ్రీలీల ఈ పోస్ట్‌తో బ్రేక్ చేసింది. అదే సమయంలో టాలీవుడ్ హీరో రామ్ పోతినేని, బాలీవుడ్ స్టార్ సల్మాన్ ఖాన్ పోస్టులకు వచ్చిన లైక్స్‌ను కూడా ఆమె దాటేసిందని నెట్టింట గట్టి చర్చ నడుస్తోంది.

శ్రీలీల సోషల్ మీడియా క్రేజ్‌కు ఆమె డ్యాన్స్ స్కిల్స్ ప్రధాన కారణం. ఇన్‌స్టాగ్రామ్‌లో ఆమె షేర్ చేసే డ్యాన్స్ వీడియోలు, ఫోటోషూట్లు, పర్సనల్ మూమెంట్స్‌కు ఫ్యాన్స్ నుంచి అదిరిపోయే రెస్పాన్స్ వస్తుంది. చిన్ననాటి భరతనాట్యం వీడియోల నుంచి లేటెస్ట్ గ్లామరస్ ఫోటోషూట్ల వరకు.. ఆమె అకౌంట్‌లో ఎప్పుడూ వెరైటీ కంటెంట్ కనిపిస్తుంది.

ఇన్‌స్టాగ్రామ్‌లో శ్రీలీలను ఏకంగా 1.65 కోట్లకు పైగా ఫాలోవర్స్ ఫాలో అవుతున్నారు. దీన్ని బట్టే ఆన్‌లైన్‌లో ఆమె పాపులారిటీ ఏంటో తెలుసుకోవచ్చు. ముఖ్యంగా ఆమె డ్యాన్స్ వీడియోలు సోషల్ మీడియాలో క్షణాల్లో వైరల్ అవుతుంటాయి. సినిమాల్లో ఆమె డ్యాన్స్ స్టెప్పులు ఎలా ట్రెండ్ అవుతాయో, సోషల్ మీడియా పోస్టులు కూడా ఫ్యాన్స్ మధ్య అంతే ట్రెండ్ అవుతాయి.

వెండితెరపై తన డ్యాన్స్, యాక్టింగ్‌తో యూత్‌ను విపరీతంగా ఆకట్టుకుంది శ్రీలీల. ప్రస్తుతం టాలీవుడ్, బాలీవుడ్‌లో పలు ప్రాజెక్టులతో బిజీగా ఉన్న ఆమె.. బ్యాక్ టు బ్యాక్ సినిమాలు చేస్తోంది. ఇలాంటి టైమ్‌లో ఇన్‌స్టాగ్రామ్‌లో ఆమె క్రియేట్ చేసిన ఈ కొత్త రికార్డ్.. ఆమె స్టార్‌డమ్‌ను మరో లెవల్‌కు తీసుకెళ్లింది.

మొత్తానికి వెండితెరపైనే కాదు, డిజిటల్ ప్లాట్‌ఫామ్‌పై కూడా శ్రీలీల హవా గట్టిగానే నడుస్తోంది. ఒకే ఒక్క వీడియోకు కోట్లల్లో లైక్స్, వ్యూస్ రావడం ద్వారా తన సోషల్ మీడియా పవర్‌ను ఆమె మరోసారి ప్రూవ్ చేసుకుంది. రాబోయే రోజుల్లో ఆమె సినిమాలు రిలీజ్ అయ్యే టైమ్‌లో ఈ డిజిటల్ క్రేజ్ ఇంకెంత రచ్చ చేస్తుందో చూడాలి.

StarHero Childhood Photo: 3 బ్లాక్‌బస్టర్లు, 6 సూపర్ హిట్లు, 4వేల కోట్ల సినిమా చేస్తోన్న ఈ బుడ్డోడు ఎవరో తెలుసా?

Aithagoni Raju — Mon, 28 Sep 2026 14:40:34 +0530

StarHero Childhood Photo: స్టార్ హీరో చిన్నప్పటి ఫోటో ఇప్పుడు సోషల్ మీడియాలో తెగ వైరల్ అవుతోంది. పెద్ద స్టార్ ఫ్యామిలీ నుంచి వచ్చిన ఈ హీరో, తన 19 ఏళ్ల కెరీర్‌లో ఎన్నో బ్లాక్‌బస్టర్ సినిమాలు ఇచ్చాడు. మరి ఆయన ఎవరో తెలుసా?

బాలీవుడ్ సూపర్ స్టార్ చిన్నప్పటి ఫోటో ఒకటి సోషల్ మీడియాలో చక్కర్లు కొడుతోంది. 44 ఏళ్ల ఈ హీరో తన 19 ఏళ్ల సినీ కెరీర్‌లో 3 బ్లాక్‌బస్టర్లు, 6 సూపర్ హిట్లు, 3 హిట్ సినిమాలు ఇచ్చాడు. ఇప్పుడు 4000కోట్ల సినిమా చేస్తున్నాడు.

బాలీవుడ్‌లో తనకంటూ ఓ స్పెషల్ ఇమేజ్ తెచ్చుకున్న ఈ హీరో తల్లిదండ్రులు, భార్య కూడా స్టార్లే. ప్రస్తుతం ఈ హీరో దేశవ్యాప్తంగా ఎదురుచూస్తున్న ఓ భారీ చారిత్రక సినిమాలో నటిస్తున్నాడు. ఇంతకీ ఆ హీరో ఎవరో గుర్తుపట్టారా?

ఈ రోజు సోమవారం రణ్‌బీర్ కపూర్ పుట్టినరోజు. ఈ సందర్భంగా అభిమానులు ఆయన చిన్నప్పటి ఫోటోను వైరల్ చేస్తున్నారు. యానిమల్, బర్ఫీ, సంజు, యే జవానీ హై దీవానీ, బ్రహ్మాస్త్ర లాంటి సూపర్ హిట్ సినిమాలు ఆయన ఖాతాలో ఉన్నాయి. ప్రస్తుతం బాలీవుడ్ టాప్ హీరోల్లో రణ్‌బీర్ ఒకరు. ఇప్పుడు ఆయన నటిస్తోన్న `రామాయణ్‌` మూవీ ఏకంగా నాలుగు వేల కోట్లతో రూపొందుతున్న విషయం తెలిసిందే,

రణ్‌బీర్ కపూర్ 1982 సెప్టెంబర్ 28న రిషి కపూర్, నీతూ కపూర్ దంపతులకు జన్మించాడు. బాలీవుడ్ లెజెండరీ నటుడు, దర్శకుడు రాజ్ కపూర్‌కు ఇతను మనవడు. రణ్‌బీర్ 'స్కూల్ ఆఫ్ విజువల్ ఆర్ట్స్', 'లీ స్ట్రాస్‌బర్గ్ థియేటర్ అండ్ ఫిల్మ్ ఇన్‌స్టిట్యూట్'లో మెథడ్ యాక్టింగ్, ఫిల్మ్ మేకింగ్ చదివాడు.

కెరీర్ మొదట్లో రణ్‌బీర్ కపూర్ చాలా మంది హీరోయిన్లతో డేటింగ్ రూమర్స్ ఎదుర్కొన్నాడు. దీపికా పదుకొణె, కత్రినా కైఫ్ లాంటి స్టార్లతో ఆయన పేరు వినిపించింది. చివరకు ఈ గాసిప్స్‌కు చెక్ పెడుతూ తన గర్ల్‌ఫ్రెండ్ అలియా భట్‌ను పెళ్లి చేసుకున్నాడు. ఇప్పుడు ఈ జంటకు ఓ ముద్దుల కూతురు ఉంది.

Blouse Designs: చీరలపైకి అదిరిపోయే ట్రెండీ బ్లౌజ్ డిజైన్లు

Haritha Chappa — Mon, 28 Sep 2026 14:35:57 +0530

Blouse Designs: అమ్మాయిలే చీరలపై, లెహంగాలపైకి కూడా పర్ఫెక్ట్‌గా సెట్ అయ్యే బ్లౌజ్ డిజైన్స్ ఇక్కడ ఇచ్చాము. ఇవి చాలా అందంగా ఉంటాయి. వేసుకుంటే చాలా కంఫర్ట్ గా ఉంటుంది.

Gold Bracelets: 5 గ్రాముల్లోనే అదిరిపోయే గోల్డ్ బ్రేస్‌లెట్ డిజైన్లు

Haritha Chappa — Mon, 28 Sep 2026 14:21:57 +0530

Gold Bracelets: కేవలం 5 గ్రాముల బరువులోనే వచ్చే గోల్డ్ బ్రేస్లెట్ డిజైన్లు ఇక్కడ ఇచ్చాము. మహిళలు ఎంతగానో ఇష్టపడే అందమైన బ్రేస్లెట్స్ ఇక్కడ ఉన్నాయి. వర్కింగ్ ఉమెన్స్ కు ఇవి బాగా సెట్ అవుతాయి.

Butterfly Pea Flower: ముసలితనం రాకుండా చేసే పువ్వు.. ఈ మొక్కకు అంత పవర్ ఉందా? అసలు నిజం ఇదే

Mahesh Rajamoni — Mon, 28 Sep 2026 14:13:31 +0530

Butterfly Pea Flower: సోషల్ మీడియాలో ఇటీవల శంఖు పువ్వు టీ తాగితే లేదా దాని రసాన్ని రాసుకుంటే చర్మం ఎప్పటికీ తన రంగును కోల్పోదనీ, వృద్ధాప్యం రాదని అనేక క్లెయిమ్స్ వైరల్ అవుతున్నాయి. అయితే దీని వెనుక ఉన్న శాస్త్రీయ నిజాలు ఏంటో ఇక్కడ తెలుసుకుందాం.

ఇన్‌స్టాగ్రామ్, రీల్స్, ఫేస్‌బుక్‌లలో ఎక్కడ చూసినా ఒకటే హడావుడి.. "ఈ నీలి రంగు పువ్వు వాడితే చావును ఆపేయవచ్చు", "ఇది వృద్ధాప్యానికి చెక్ పెడుతుంది" అంటూ రకరకాల ప్రచారాలు కనిపిస్తున్నాయి. అయితే ఈ శంఖు పువ్వు (బటర్‌ఫ్లై పీ) వెనుక ఉన్న అసలు శాస్త్రీయ నిజాలు గమనిస్తే..

శంఖు పువ్వుల నుంచి తీసే ఈ నాచురల్ ఎక్స్‌ట్రాక్ట్‌లో యాంథోసైనిన్లు, ఫ్లేవనాయిడ్లు, ఫినోలిక్ సమ్మేళనాలు అనే శక్తివంతమైన వృక్ష రసాయనాలు ఉంటాయి. ఇవి మొక్కకు సహజమైన గాఢమైన నీలి రంగును ఇవ్వడమే కాకుండా, మన శరీరానికి అవసరమైన యాంటీఆక్సిడెంట్ గుణాలను కూడా అందిస్తాయి.

ఈ ఎక్స్‌ట్రాక్ట్‌ను బ్యూటీ ప్రొడక్ట్స్, సీరమ్‌లు, మోయిశ్చరైజర్లలో విస్తృతంగా ఉపయోగిస్తున్నారు. చర్మానికి ఇది అందించే ముఖ్యమైన ప్రయోజనాలు ఇవే..

• ఫ్రీ రాడికల్స్ నుండి రక్షణ: వాతావరణ కాలుష్యం, ఎండలోని యూవీ కిరణాల వల్ల చర్మ కణాలు దెబ్బతింటాయి. ఇందులోని యాంటీఆక్సిడెంట్లు ఆ ఆక్సిడేటివ్ స్ట్రెస్‌ను తగ్గించడంలో సహాయపడతాయి.

• చర్మం కూల్ గా మారడం: ముఖంపై ఎరుపుదనం, చిన్నచిన్న మంట లేదా దురద ఉన్నప్పుడు ఈ రసం చర్మాన్ని కూల్ చేస్తుంది.

• హైడ్రేషన్, గ్లో: చర్మానికి తగినంత తేమను ఇచ్చి, డల్ నెస్ తగ్గించి సహజమైన కాంతిని ఇస్తుంది.

• యాంటీ- పొల్యూషన్ కేర్: కాలుష్య కణాల వల్ల చర్మంపై పడే ప్రతికూల ప్రభావాన్ని తగ్గించడానికి కొన్ని యాంటీ-పొల్యూషన్ క్రీమ్స్ లో దీనిని వాడుతున్నారు.

• సహజ నీలి రంగు: కృత్రిమ కెమికల్ రంగులు వాడకుండా, కాస్మోటిక్స్ కు సహజ సిద్ధమైన నీలి లేదా ఊదా రంగు ఇవ్వడానికి ఈ పువ్వు వర్ణద్రవ్యం బాగా ఉపయోగపడుతుంది.

సోషల్ మీడియాలో వచ్చే హెడ్‌లైన్స్ చూసి ఇది ఏదో అమృతం అనుకోకండి. ఈ పువ్వుల్లో ఉండే యాంటీఆక్సిడెంట్ గుణాలు చర్మ కణాల క్షీణతను కొంతవరకు ఆలస్యం చేస్తాయనేది వాస్తవం. కానీ మనుషుల మరణాన్ని ఆపడం లేదా వృద్ధాప్యాన్ని శాశ్వతంగా నిరోధించడం వంటివి శాస్త్రీయంగా నిరూపితం కాలేదు. చావును ఆపుతుంది అనేది కేవలం ప్రచారానికి ఉపయోగించే ఒక పదం మాత్రమే. దీనిని ఒక మంచి నాచురల్ బొటానికల్ ఇన్గ్రీడియంట్ గా మాత్రమే చూడాలని నిపుణులు చెబుతున్నారు.

అలాగే ఈ సారం చర్మాన్ని తెల్లగా చేస్తుందనే దానికి కూడా బలమైన మెడికల్ ఆధారాలు లేవు. ఇది చర్మం డల్ నెస్ తగ్గించి హెల్తీగా కనిపించేలా చేస్తుంది.

కేవలం చర్మానికే కాకుండా ఇతర రంగాల్లో కూడా దీని వాడకం ఎక్కువే..

బ్లూ టీ: ఎండబెట్టిన శంఖు పువ్వులను నీటిలో మరిగించి బ్లూ టీ తయారు చేస్తారు. ఇది ఒత్తిడిని తగ్గించడానికి, మైండ్ రిలాక్స్ అవ్వడానికి, జ్ఞాపకశక్తికి మంచిదని భావిస్తారు. ఈ టీలో కొన్ని చుక్కల నిమ్మరసం పిండితే రంగు నీలం నుండి ఊదా రంగులోకి మారడం విశేషం.

జుట్టు సంరక్షణ: కొన్ని షాంపూలు, స్కాల్ప్ సీరమ్స్ లో దీనిని ఉపయోగిస్తారు. ఇది తలమాడును ప్రశాంతంగా ఉంచడానికి, డాండ్రఫ్ నివారణకు సహాయపడుతుంది. అయితే జుట్టు రాలడం పూర్తిగా ఆపుతుందని చెప్పడానికి ఆధారాలు తక్కువ.

ఏదైనా సహజ సిద్ధమైన పదార్థమే అయినా అందరి చర్మానికి ఒకేలా పడాలని లేదు.

దుష్ప్రభావాలు: కొందరిలో చర్మం ఎర్రబడటం, దద్దుర్లు, కళ్ళ చుట్టూ మంట లేదా అలర్జీ రావచ్చు.

ప్యాచ్ టెస్ట్: ఈ ఎక్స్‌ట్రాక్ట్ ఉన్న కొత్త ప్రొడక్ట్ వాడే ముందు చేతిపైన లేదా చెవి వెనుక చిన్న ప్యాచ్ టెస్ట్ చేసి 24 గంటలు గమనించడం మంచిది.

ఇంట్లో తయారుచేసే పద్ధతులు: ఇంట్లోనే పువ్వులను నీటిలో నానబెట్టి ముఖానికి రాసుకోవడం అంత సురక్షితం కాదు. ఇందులో బాక్టీరియా చేరే అవకాశం ఉంటుంది, అలాగే సరైన మోతాదు ఉండదు. అందుకే ల్యాబ్ టెస్ట్ చేసిన ప్రొడక్ట్స్ ఎంచుకోవడమే శ్రేయస్కరం.

Cotton Candy History: కాటన్ క్యాండీ ఎవరు కనిపెట్టారో తెలుసా? దానికి ఆ పేరు ఎలా వచ్చింది?

Nandini Arava — Mon, 28 Sep 2026 14:04:48 +0530

Cotton Candy History: చిన్నప్పుడు జాతరల్లో, సర్కస్ ల దగ్గర కనిపించే రంగురంగుల కాటన్ క్యాండీ అంటే అందరికీ ఇష్టమే. నోట్లో పెట్టగానే కరిగిపోతుంది. ఇది తింటే క్యాన్సర్ వస్తుందని చాలా చోట్ల బ్యాన్ చేశారు కూడా. అయితే ఈ కాటన్ క్యాండీ ఎలా పుట్టిందో తెలుసా?

చిన్నప్పుడు జాతరల్లో, సర్కస్ ల దగ్గర కనిపించే రంగురంగుల కాటన్ క్యాండీ అంటే అందరికీ ఇష్టమే. నోట్లో పెట్టగానే కరిగిపోతుంది. ఇది తింటే క్యాన్సర్ వస్తుందని చాలా చోట్ల బ్యాన్ చేశారు కూడా.

పుల్లకు చుట్టి ఉండే కాటన్ క్యాండీని మనమంతా కచ్చితంగా తినే ఉంటాం. దీన్నే మనం 'తాత గడ్డం' లేదా 'బొంబాయి మిఠాయి' అని పిలుస్తుంటాం. నోట్లో వేసుకోగానే కరిగిపోయే ఈ మిఠాయి ఇప్పటికీ వీధుల్లో, మార్కెట్లలో దొరుకుతుంది. పిల్లలకు ఇది ఎంతో ఇష్టం. అయితే, పట్టులా కనిపించే ఈ తీయని కాటన్ క్యాండీని ఎవరు కనిపెట్టారో మీకు తెలుసా? ఈ కాటన్ క్యాండీ ఎలా పుట్టిందో తెలుసా?

కాటన్ క్యాండీని తొలిసారిగా అమెరికాలో తయారు చేశారు. విలియమ్స్ జేమ్స్ మారిసన్ అనే అమెరికన్ డెంటిస్ట్ దీన్ని కనిపెట్టారు. కొత్త వస్తువులను తయారు చేయడంపై ఆయనకు చాలా ఆసక్తి ఉండేది. 1897లో జేమ్స్ మారిసన్…. జాన్ సి. వార్టన్ అనే స్వీట్స్ తయారు చేసే వ్యక్తితో కలిసి ఒక యంత్రాన్ని కనిపెట్టారు. ఈ ప్రత్యేకమైన యంత్రంలో వేడి చక్కెరను గిరగిరా తిప్పడం ద్వారా క్యాండీని తయారు చేసేవారు.

డెంటిస్ట్ జేమ్స్ ఈ యంత్రానికి 'ఫెయిరీ ఫ్లాస్' అనే పేరుతో పేటెంట్ పొందారు. యంత్రాన్ని తయారు చేసిన 7 ఏళ్ల తర్వాత, వారు దాన్ని ఒక ప్రదర్శనలో ఉంచి, ఒక్కో బాక్స్‌ను 25 పైసల ధరకు అమ్మడం ప్రారంభించారు. చరిత్రలో నమోదైన వివరాల ప్రకారం, 7 నెలల పాటు జరిగిన ఈ ప్రదర్శనలో జేమ్స్ 68,000కు పైగా బాక్సులను విక్రయించారు. దీని ద్వారా ఆయన 17,000 డాలర్లు, అంటే సుమారు 5 లక్షల డాలర్లు సంపాదించారు.

డెంటిస్ట్ జేమ్స్ తొలిసారిగా ఈ క్యాండీని 'ఫెయిరీ ఫ్లాస్' పేరుతో అమ్మారు. ఆ తర్వాత 1920లో డాక్టర్ జోసెఫ్ లాస్కో అనే మరో డెంటిస్ట్ ఇలాంటి యంత్రాన్నే తయారు చేసి, ఈ మిఠాయికి 'కాటన్ క్యాండీ' అని సింపుల్‌గా పేరు పెట్టారు. డాక్టర్ జోసెఫ్ యంత్రంలో తయారైన క్యాండీ చూడటానికి అచ్చం పత్తిలాగే ఉండేది. అందుకే ప్రజలు కూడా ఈ పేరును సులభంగా యాక్సెప్ట్ చేశారు.

ప్రారంభంలో ఈ క్యాండీని తెలుపు రంగులో అమ్మేవారు. కొన్ని ఏళ్ల తర్వాత ఇది లేత గులాబీ, నీలం రంగులతో తనకంటూ ఒక గుర్తింపు తెచ్చుకుంది. కాటన్ క్యాండీ చరిత్ర మొదలై నేటికి 120 ఏళ్లు గడిచినా, చిన్నపిల్లల్లో దీన్ని తినాలనే క్రేజ్ మాత్రం ఇప్పటికీ అంతే ఉత్సాహంగా, కొత్తగా ఉంది.

Shaking Legs While Sitting: కుర్చీలో కూర్చొని కాళ్లు ఊపడం వల్ల ఇన్ని లాభాలు ఉన్నాయా?

Kavitha G — Mon, 28 Sep 2026 13:55:50 +0530

Shaking Legs While Sitting: సాధారణంగా చాలామంది కుర్చీలో కూర్చొన్నప్పుడు తెలియకుండానే కాళ్లు ఊపుతూ ఉంటారు. కొందరు పెద్దలు అలా ఊపడం మంచిది కాదంటారు. కానీ కుర్చీలో కూర్చొని కాళ్లు ఊపడం వల్ల చాలా లాభాలున్నాయని చెబుతున్నారు నిపుణులు. అవేంటో తెలుసుకుందాం.

కుర్చీలో కూర్చున్నప్పుడు చాలామందికి తెలియకుండానే కాళ్లు ఊపే అలవాటు ఉంటుంది. ముఖ్యంగా ఎక్కువసేపు కూర్చొని పని చేసేవారు, చదువుకునేవారు ఇలా కాళ్లు కదుపుతూ ఉంటారు. అయితే ఇది ఒక అలవాటు మాత్రమే కాదు.. కాళ్లను కదిలించడం వల్ల శరీరంలో కొన్ని చిన్నపాటి కదలికలు జరుగుతాయి. ఎక్కువసేపు ఒకే పొజిషన్‌లో కూర్చోవడం కంటే అప్పుడప్పుడు కాళ్లు కదపడం వల్ల శరీరానికి కొంత చలనం లభిస్తుంది. కుర్చీలో కూర్చొని కాళ్లు ఊపడం వల్ల కలిగే ప్రయోజనాలేంటో చూద్దాం.

ఎక్కువసేపు కదలకుండా కూర్చోవడం వల్ల కాళ్ల కండరాలు పెద్దగా పనిచేయవు. ఇలాంటి సమయంలో పాదాలను కదపడం, కాళ్లను చిన్నగా ఊపడం వంటి చిన్న కదలికలు కండరాలను యాక్టివ్‌గా ఉంచడంలో సహాయపడవచ్చు. ముఖ్యంగా గంటల తరబడి కంప్యూటర్ ముందు లేదా డెస్క్ దగ్గర కూర్చునే వారికి చిన్న చిన్న కదలికలు ఉపయోగకరంగా ఉంటుంది. కుర్చీలో కూర్చున్నప్పుడు పాదాలను ముందుకు వెనక్కి కదపడం, మోకాళ్లను స్వల్పంగా కదపడం లేదా కొద్దిసేపు లేచి నడవడం ద్వారా ఎక్కువసేపు పూర్తిగా నిశ్చలంగా ఉండే సమయాన్ని తగ్గించవచ్చు.

కాళ్లు కదిలించడం వల్ల రక్త ప్రసరణకు కూడా కొంత మేలు కలుగుతుంది. మనం కాళ్లను కదిపినప్పుడు కాళ్ల కండరాలు పనిచేస్తాయి. ఈ కండరాల కదలికలు రక్తం శరీరంలోని వివిధ భాగాల్లో తిరగడానికి సహకరిస్తాయి. అందుకే ఎక్కువసేపు కూర్చున్నప్పుడు కాళ్లు బరువుగా లేదా అసౌకర్యంగా అనిపిస్తే, కొద్దిసేపు కాళ్లు కదపడం లేదా లేచి నడవడం కొంత ఉపశమనాన్ని ఇస్తుంది.

కాళ్లు ఊపడం వల్ల శరీరంలో కొంత శక్తి ఖర్చవుతుంది. పూర్తిగా కదలకుండా కూర్చొనే బదులు ఇది కాస్త బెటర్. అయితే దీన్ని వ్యాయామానికి ప్రత్యామ్నాయంగా చూడటం కరెక్ట్ కాదు. నడక, యోగా, కండరాలకు బలం ఇచ్చే వ్యాయామాలను కూడా రోజువారీ జీవితంలో భాగం చేసుకోవాలి.

కొంతమంది ఒత్తిడిగా ఉన్నప్పుడు లేదా ఆలోచనలో ఉన్నప్పుడు తెలియకుండానే కాళ్లు ఊపుతుంటారు. ఇది వారికి ఒక రకమైన అలవాటుగా మారిపోతుంది. శరీరాన్ని స్వల్పంగా కదిలించడం వల్ల ఎక్కువసేపు ఒకే స్థితిలో ఉండటం కంటే చురుకుగా అనిపించవచ్చు. అయితే కాళ్లు ఊపడం వల్ల ఒత్తిడి ఖచ్చితంగా తగ్గుతుంది లేదా ఏకాగ్రత పెరుగుతుంది అని చెప్పలేము.

నిపుణుల ప్రకారం.. ఎక్కువసేపు ఒకే చోట కూర్చోకుండా మధ్య మధ్యలో లేచి కొన్ని నిమిషాలు నడవడం, నీళ్లు తీసుకోవడానికి లేవడం, మెట్లు ఉపయోగించడం, కాళ్లను స్ట్రెచ్ చేయడం వంటి చిన్న చిన్న చర్యలు రోజంతా శారీరక చలనాన్ని పెంచుతాయి. ముఖ్యంగా డెస్క్ జాబ్ చేసేవారు ఒకే పొజిషన్‌లో గంటల తరబడి కూర్చోకుండా తరచుగా పొజిషన్ మార్చుకోవడం మంచిది.

Zodiac Signs: ఈ రాశులవారికి 40 ఏళ్లు దాటాక రాజయోగం పడుతుంది, పట్టిందల్లా బంగారమే..!

ramya Sridhar — Mon, 28 Sep 2026 13:24:13 +0530

Zodiac Signs:జీవితంలో సక్సెస్ అందరికీ ఒకే టైమ్ కి రాదు. కొందరికి తొందరగా విజయం వరిస్తే, మరి కొందరికి ఆలస్యం కావచ్చు. అయితే, కొన్ని రాశుల వారికి 40 ఏళ్లు దాటిన తర్వాతే మాత్రం రాజయోగం పడుతుంది. ఆ రాశులు ఇవే..

ఈ రాశికి చెందిన వారికి కష్టపడే తత్వం చాలా ఎక్కువగా ఉంటుంది. వీరికి ఓపిక, బాధ్యత చాలా ఎక్కువ. అయితే, వీరు లైఫ్ లో సక్సెస్ అవ్వడానికి చాలా ఎక్కువ సమయమే పడుతుంది. ఎంత కష్టపడినా, వీరికి తగిన ప్రతిఫలం లభించదు. కానీ, వయసు, అనుభవం పెరిగే కొద్దీ.. వీరు కెరీర్ లో తిరుగులేని గొప్ప స్థాయికి వెళతారు. ముఖ్యంగా వీరి వయసు 40 దాటిన తర్వాత వీరి కెరీర్ లో మంచి స్థాయికి వెళతారు. ఆర్థికంగా గొప్ప స్థాయికి వెళతారు. వారు కోరుకున్నవన్నీ జరుగుతాయి. సమాజంలో మంచి పేరు, ప్రతిష్ఠలు సంపాదిస్తారు.

కన్య రాశివారు ప్రతి పనిలోనూ పరిపూర్ణత కోరుకుంటారు. వీరు ఏ నిర్ణయం తీసుకున్నా ఆచితూచి తీసుకుంటారు. చిన్న వయసులో ఉన్నప్పుడు ప్రతి విషయాన్ని అతిగా ఆలోచించి.. సువర్ణ అవకాశాలను చేజార్చుకుంటారు. వయసు పెరిగే సరికి వీరి ఆలోచనా తీరు మారుతుంది. ముఖ్యంగా 40 దాటిన తర్వాత.. వీరికి జీవితంలో ఒక క్లారిటీ వస్తుంది. అప్పటి నుంచి తిరుగులేని విజయాలను అందుకుంటారు.

కర్మ ప్రదాత అయిన శని దేవుడు ఈ రాశికి అధిపతి. దీంతో క్రమశిక్షణ, కష్టపడే తత్వానికి ఈ రాశివారు మారుపేరు. చిన్న వయసు నుంచే వీరు చాలా కష్టపడుతూ ఉంటారు. చాలా కష్టమైన పరిస్థితులను ఎదుర్కుంటారు. పరిస్థితులు ఎంత కఠినంగా ఉన్నా ఎప్పటికీ వెనకడుగు వేయని తత్వం వీరిది. నెమ్మదిగా అయినప్పటికీ స్థిరంగా ముందడుగు వేసే వీరికి, 40 ఏళ్ల వయసు తర్వాత అసలైన అదృష్టం తలుపు తడుస్తుంది. ఈ వయసులో తమ ఆత్మవిశ్వాసం, అనుభవంతో పెద్ద బాధ్యతలను చేపట్టి.. వృత్తి, వ్యాపారాలు, సామాజిక జీవితంలో ఊహించని స్థాయిలో పేరు ప్రఖ్యాతలను, కీర్తి ప్రతిష్ఠలను సంపాదించుకుంటారు.

Paradise Collection: పెరిగిన ప్యారడైజ్ కలెక్షన్స్, నాని సినిమా 4వ రోజు ఎంత వసూలు చేసిందంటే?

Mahesh Jujjuri — Mon, 28 Sep 2026 13:03:29 +0530

Paradise Collection: నాని హీరోగా నటించిన 'ది ప్యారడైజ్' బాక్సాఫీస్ దగ్గర తన జోరు కొనసాగిస్తోంది. ఆదివారం (4వ రోజు) ఈ సినిమా ఇండియాలో రూ.15.70 కోట్ల నెట్ వసూలు చేసింది. దీంతో ఈ యాక్షన్ డ్రామా ప్రపంచవ్యాప్తంగా ఎంత కలెక్ట్ చేసిందంటే?

నాని, కాయదు లోహర్ జంటగా నటించిన 'ది ప్యారడైజ్' మొదటి ఆదివారం కూడా బాక్సాఫీస్ దగ్గర నిలకడగా రాణించింది. సాక్‌నిల్క్ డేటా ప్రకారం, 4వ రోజు ఈ సినిమా ఇండియాలో రూ.15.70 కోట్ల నెట్ వసూలు చేసింది.

ఆదివారం నాడు 6,764 షోలు ప్రదర్శించగా, 35.7% ఆక్యుపెన్సీ నమోదైంది. శనివారం వచ్చిన రూ.15.25 కోట్లతో పోలిస్తే ఇది కొంచెం మెరుగైన వసూళ్లు.

శనివారం రూ.15.25 కోట్లు రాగా, ఆదివారం అది రూ.15.70 కోట్లకు చేరింది. అంటే ఇండియా నెట్ కలెక్షన్లలో 3% పెరుగుదల కనిపించింది. ఆక్యుపెన్సీ కూడా శనివారం 33.4% నుంచి ఆదివారం 35.7%కి పెరిగింది.

ఈ పెరుగుదల మరీ భారీగా లేకపోయినా, ప్రేక్షకుల్లో మిశ్రమ స్పందన వచ్చినా కూడా ఓపెనింగ్ వీకెండ్‌లో 'ది ప్యారడైజ్' నిలకడగా వసూళ్లు రాబట్టింది.

4వ రోజు వసూళ్లతో కలుపుకుంటే, 'ది ప్యారడైజ్' ఇండియాలో రూ.109 కోట్ల గ్రాస్ కలెక్షన్స్ సాధించింది. ప్రపంచవ్యాప్తంగా చూసుకుంటే ఈ నాని యాక్షన్ డ్రామా రూ.138.25 కోట్లు రాబట్టి బాక్సాఫీస్ దగ్గర స్ట్రాంగ్‌గా నిలబడింది.

ఓపెనింగ్ వీకెండ్ తర్వాత వచ్చే వర్కింగ్ డేస్‌లో ఈ సినిమా ఏ మేరకు వసూళ్లు రాబడుతుందనే దానిపైనే దీని అసలు సక్సెస్ ఆధారపడి ఉంటుంది.

Uday Kiran: చిరంజీవి అడ్డుపడుతున్నాడంటూ ఉదయ్‌ కిరణ్‌ ఆవేదన.. లవర్‌ బాయ్‌ నిజస్వరూపం బయటపెట్టిన నిర్మాత

Aithagoni Raju — Mon, 28 Sep 2026 12:56:40 +0530

ఉదయ్‌ కిరణ్‌ కెరీర్‌ చివర్లో వరుస పరాజయాలు ఫేస్‌ చేశారు. అదే సమయంలో కొన్ని సినిమాలు ఆగిపోయాయి. దీనికి కారణం చిరంజీవినే అని అంతా అనుకుంటున్నారు. కానీ అసలు నిజాలు తమ్మారెడ్డి భరద్వాజ తెలిపారు.

ఉదయ్‌ కిరణ్‌ వరుసగా ప్రేమ కథా చిత్రాలు చేసి ఆకట్టుకున్నాడు. వరుస విజయాలు అందుకొని స్టార్‌గా ఎదిగారు. లవ్‌ స్టోరీస్‌తో మెప్పించి లవర్‌ బాయ్‌గా పేరుతెచ్చుకున్న విషయం తెలిసిందే. ఓవర్‌ నైట్‌లో స్టార్‌ అయిపోయిన ఉదయ్‌ కిరణ్‌ ఓ దశ తర్వాత ఆ స్థాయిలో మెప్పించలేకపోయారు. ఆయన నటించిన సినిమాలు ఆశించిన స్థాయిలో ఆకట్టుకోలేకపోయాయి. వరుస పరాజయం చెందాయి. దీంతో ఉదయ్‌ కిరణ్‌ కెరీర్‌ డౌన్‌ అయ్యింది. అవకాశాలు కూడా తగ్గాయి. ఆ తర్వాత మానసికంగా కుంగిపోయి ఆత్మహత్యకు పాల్పడిన విషయం తెలిసిందే.

అయితే అప్పట్లో చిరంజీవి వల్లే ఉదయ్‌ కిరణ్‌కి అవకాశాలు తగ్గాయని, ఆయన కూతురు సుస్మితతో ఎంగేజ్‌మెంట్‌ని క్యాన్సిల్‌ చేయడం వల్ల చిరంజీవి కక్ష్య కట్టి ఉదయ్‌ కిరణ్‌కి అవకాశాలు రాకుండా చేశాడనే పుకారు ఉంది. అయితే ఇదే విషయాన్ని ఉదయ్‌ కిరణ్‌.. దర్శక, నిర్మాత తమ్మారెడ్డి భరద్వాజ వద్ద వెల్లడించాడట. ఇలా చిరంజీవిగారు అడ్డుపడుతున్నాడంటూ ఆవేదన వ్యక్తం చేశాడట. అవకాశాలు రాకుండా చేస్తున్నాడని చెప్పాడట. ఆ సమయంలో తమ మధ్య జరిగిన కన్వర్జేషన్‌కి సంబంధించిన ఆసక్తికర విషయాన్ని తమ్మారెడ్డి తాజాగా వెల్లడించారు. ఐడ్రీమ్‌కిచ్చిన ఇంటర్వ్యూలో షాకింగ్‌ విషయాలు చెప్పారు.

ఇలా చిరంజీవి అడ్డుపడుతున్నాడని చెప్పి ఉదయ్‌ కిరణ్‌ ఆవేదన వ్యక్తం చేయడంతో తమ్మారెడ్డి భరద్వాజ ఆ సమయంలో ఓ సినిమా చేస్తున్నాడట. ``పోతే పోనీ` అనే సినిమా చేస్తున్నాను, అందులో నిన్ను పెట్టుకుంటాను. చిరంజీవి అడ్డుపడుతున్నాడంటున్నావ్‌ కదా, నా సినిమా చేస్తే, ఎలా ఆపుతాడో చూస్తాను` అని భరోసా ఇచ్చాడట తమ్మారెడ్డి. అయితే దానికి ఉదయ్‌ కిరణ్‌ స్పందిస్తూ, కథ మార్చాలని చెప్పాడట. ఈ కథ కాదు వేరే కథ చేద్దామన్నాడట. ఏదో పోనీలే అని ఛాన్స్ ఇద్దామనుకుంటే తనకే కండీషన్స్ పెట్టాడని తెలిపారు తమ్మారెడ్డి భరద్వాజ. `నేను ఒక సినిమా చేస్తున్నాను, ఆ సమయంలో నీకు కష్టం వచ్చిందని వచ్చావ్‌, నేను ఆఫర్‌ చేశాను, నేను తీసే సినిమాలో వేరే అబ్బాయిని తీసేసి నిన్ను పెడుతున్నాను. ఛాన్స్ ఇవ్వడమే అక్కడ ఎక్కువ. నీ కోసం కథ ఎందుకు మారుస్తాను` అని చెప్పాడు తమ్మారెడ్డి.

తన వద్దనే కాదు మిగిలిన వారి వద్ద కూడా ఇలానే చెప్పాడట. అందుకే అవకాశాలు తగ్గి ఉంటాయని చెప్పారు తమ్మారెడ్డి. అతనికి మార్కెట్‌ ఉంటే అందరు అతని ఇంటి చుట్టూ తిరిగే వారు. లేకనే పెద్దగా రావడం లేదు. అలాంటి సమయంలో వచ్చిన ఆఫర్‌ చేసుకుంటూ వెళ్లాలి. వాటిలో ఏదో ఒకటి హిట్‌ అవుతుంది. మళ్లీ ఫామ్‌లోకి రావచ్చు. అలా చేసుకుంటూ వెళ్లాలిగానీ, అలాంటి సమయంలోనూ సెలక్టీవ్‌గా ఉంటే ఎవరు వస్తారని ప్రశ్నించారు తమ్మారెడ్డి భరద్వాజ. ఆ తర్వాత ఏదో ఒక సినిమా చేయమని చెప్పానని, అలాంటి సమయంలో రాజమౌళి లాంటి దర్శకుడు కావాలని, కేఎల్‌ నారాయణ వంటి నిర్మాతతో చేస్తానని చెప్పాడట. వాళ్లు నీతో చేయరని మొహం మీదనే చెప్పినట్టు తెలిపారు తమ్మారెడ్డి.

ఆ తర్వాత ల్యాంకో శ్రీధర్‌ ప్రొడక్షన్‌ లో `వియ్యాలవారి కయ్యాలు` మూవీ చేశాడు. కానీ సమయంలో చిరంజీవి ఏం అడ్డుకోలేదే. నిజంగానే చిరంజీవి చెబితే ల్యాంకో శ్రీధర్‌ ఆ సినిమా చేసేవాడు కాదు, కానీ చేశాడంటే, అలాంటిది లేదనే కదా అర్థం. కాకపోతే ఆ మూవీ పెద్దగా ఆడలేదు. ఇలా వచ్చిన ఆఫర్లు చేసుకుంటూ వెళితే రవితేజకి `ఇరుముడి` పడ్డట్టు మంచి సినిమా పడేది. మళ్లీ ఫామ్‌లోకి వచ్చేవాడు, కానీ అలా చేయలేదని ఉదయ్‌ కిరణ్‌ నిజ స్వరూపం బయటపెట్టాడు తమ్మారెడ్డి. అదే సమయంలో చిరంజీవినే ఆఫర్లు రాకుండా చేశారనేదాంట్లో నిజం లేదని, అవి కేవలం పుకారు మాత్రమే అని వెల్లడించారు. చిరంజీవి పేరు వాడితో ప్రమోషన్‌ వస్తుందని, పాపులర్‌ కావచ్చు అనే ఉద్దేశ్యంతోనే అలా చేశారని తెలిపారు. కారణాలు ఏదైనా మంచి నటుడిని తెలుగు ఆడియెన్స్ మిస్‌ అయ్యారని చెప్పొచ్చు.

Soil Smell: వర్షం తర్వాత వచ్చే మట్టివాసనకు ప్రత్యేకమైన పేరు ఉందని తెలుసా?

Nandini Arava — Mon, 28 Sep 2026 12:48:11 +0530

Soil Smell: వర్షం పడేటప్పుడు వచ్చే మట్టి వాసన అంటే చాలా మందికి ఇష్టం. కొందరైతే ఆ మట్టి కూడా తింటూ ఆస్వాదిస్తారు. వర్షం పడే ముందు ముందు మనల్ని పలకరించేది ఆ మట్టి వాసనే. అయితే ఈ వాసనకు కూడా ఒక ప్రత్యేకమైన పేరు కూడా ఉంది. అదెంటో తెలుసా?

వర్షానికి ముందు ఎండ ఎక్కువగా ఉన్నప్పుడు నేలలోని కొన్ని మొక్కల నూనెలు, ఇతర సేంద్రియ పదార్థాలు మట్టి, రాళ్ల ఉపరితలంపై పేరుకుపోతాయి. అదే సమయంలో మట్టిలో ఉండే కొన్ని సూక్ష్మజీవులు జియోస్మిన్ (Geosmin) అనే ప్రత్యేకమైన వాసన వెదజల్లుతాయి. తడిసిన నేల నుంచి వచ్చే ఆ ‘ఎర్తీ’ వాసనలో జియోస్మిన్ ముఖ్యమైన పాత్ర పోషిస్తుంది.

వాన చినుకు పొడి నేలపై పడినప్పుడు చిన్న చిన్న గాలి బుడగలు ఏర్పడి పగిలిపోతాయి. ఈ ప్రక్రియలో మట్టిలో ఉన్న సేంద్రియ పదార్థాలు, సూక్ష్మజీవుల నుంచి వచ్చే పదార్థాలు, జియోస్మిన్ వంటి వాసన కలిగించే సమ్మేళనాలు సూక్ష్మ కణాలతో కలిసి గాల్లోకి చేరవచ్చు. అందుకే వర్షం మొదలైన కొద్దిసేపటికే మన ముక్కుకు ఆ మట్టి వాసన తగులుతుంది.

చాలా రోజుల పాటు వర్షం పడకుండా నేల పొడిగా ఉన్నప్పుడు కొన్ని వాసన కలిగించే పదార్థాలు ఉపరితలంపై పేరుకుపోతాయి. ఆ తర్వాత వర్షం పడితే అవి ఒక్కసారిగా గాల్లోకి రావడంతో వాసన వస్తుంది. అందుకే ఎండాకాలం తర్వాత వచ్చే తొలకరి జల్లులు పడి మట్టి వాసన వస్తుంది. మట్టి వాసన అంటే చాలా మందికి ఇష్టం. కొంతమందైతే ఆ మట్టి కూడా తింటారు. ఆ మట్టి వాసనను ‘పెట్రికోర్ (Petrichor)’ అంటారు. ఈ పదాన్ని 1964లో శాస్త్రవేత్తలు I.J. Bear, R.G. Thomas పరిశోధనలో ఉపయోగించారు.

కాదు. రెండూ ఒకటే అని అనుకోవడం పొరపాటు. పెట్రికోర్ అనేది వర్షం తర్వాత నేల నుంచి వచ్చే మొత్తం ప్రత్యేకమైన వాసనకు ఉపయోగించే పదం. జియోస్మిన్ మాత్రం ఆ వాసనకు ముఖ్యంగా కారణమయ్యే సమ్మేళనాల్లో ఒకటి. అందుకే వర్షం తర్వాత వచ్చే మట్టి వాసనను కేవలం జియోస్మిన్ అని చెప్పలేం.

మట్టి వాసన అంటే కేవలం మట్టి వాసన మాత్రమే కాదు.. కెమికల్స్, సూక్ష్మజీవులు, మొక్కల అవశేషాలు, వాన చినుకులు కలిసి పనిచేసే ఆసక్తికరమైన ప్రకృతి ప్రక్రియ ఉంది. అందుకే వర్షం పడిన ప్రతిసారి మనకు ఆ మట్టి వాసన అంత ప్రత్యేకంగా అనిపిస్తుంది.

Gold Price Today : బంగారం ధరలకు భారీ బ్రేక్.. ఒక్కరోజే రూ.2,500 తగ్గుదల..

Galam Venkata Rao — Mon, 28 Sep 2026 12:30:06 +0530

MLC Elections: ఎమ్మెల్సీ ఎన్నికలు.. ఓటర్ల నమోదు ఎలా చేసుకోవాలి? అర్హతలు ఏంటి?

Mahesh Rajamoni — Mon, 28 Sep 2026 12:20:11 +0530

Telangana Graduate MLC Elections: తెలంగాణలోని గ్రాడ్యుయేట్ ఎమ్మెల్సీ స్థానాలకు కొత్త ఓటర్ల నమోదు సెప్టెంబర్ 28 నుండి ప్రారంభమైంది. గతంలో ఓటరుగా నమోదైన వారైనా లేదా కొత్తగా దరఖాస్తు చేసుకోవాలనుకునే వారైనా తప్పనిసరిగా ఫారమ్-18 ద్వారా అప్లై చేయాలి.

డిగ్రీ పూర్తి చేసి ఉద్యోగం కోసం చూస్తున్నారా లేదా జాబ్ లో సెటిల్ అయ్యారా? అయితే మీకు ఒక ముఖ్యమైన అప్‌డేట్. తెలంగాణలోని రెండు ప్రధాన పట్టభద్రుల ఎమ్మెల్సీ స్థానాలకు సంబంధించి కొత్త ఓటర్ల జాబితా సేకరణను ఎన్నికల కమిషన్ అధికారికంగా స్టార్ట్ చేసింది. మహబూబ్‌నగర్–రంగారెడ్డి–హైదరాబాద్ తో పాటు వరంగల్–ఖమ్మం–నల్గొండ నియోజకవర్గాల పరిధిలోకి వచ్చే గ్రాడ్యుయేట్లు వెంటనే తమ ఓటు హక్కును నమోదు చేసుకోవాల్సి ఉంటుంది.

ఈ నమోదు ప్రక్రియకు సంబంధించి ముఖ్యమైన రూల్స్, అర్హతలు, ఆన్‌లైన్ అప్లికేషన్ ప్రాసెస్ ఏంటో ఇక్కడ తెలుసుకుందాం.

పట్టభద్రుల ఎమ్మెల్సీ ఓటర్‌గా మారాలంటే క్రింది కనీస నిబంధనలు పాటించాలి..

• డిగ్రీ విద్యార్హత: భారత ప్రభుత్వంచే గుర్తింపు పొందిన ఏదేనీ యూనివర్సిటీ నుంచి బ్యాచిలర్స్ డిగ్రీ లేదా దానికి సమానమైన కోర్సు పూర్తి చేసి ఉండాలి.

• 3 ఏళ్ల గడువు: 2026 నవంబర్ 1ని కట్ ఆఫ్ డేట్‌గా నిర్ణయించారు. అంటే, 2023 నవంబర్ 1 లేదా అంతకంటే ముందే డిగ్రీ పాస్ అయి ఉండాలి.

• స్థానిక నివాసం: దరఖాస్తు చేసే నియోజకవర్గ పరిధిలో సాధారణ నివాసిగా నివసిస్తూ ఉండాలి. అంటే ప్రస్తుతం జరుగుతున్న ఎన్నికలకు సంబంధించి మీరు ఉదాహరణకు హైదరాబాద్ లేదా ఖమ్మం పరిధిలో నివాసం ఉండాలి.

• పౌరసత్వం: భారతీయ పౌరుడై ఉండాలి.

అవును, కచ్చితంగా మళ్లీ అప్లై చేయాల్సిందే. గతంలో గ్రాడ్యుయేట్ ఎమ్మెల్సీ ఎన్నికల్లో ఓటు వేసినప్పటికీ, ప్రతిసారీ కొత్తగా ఫ్రెష్ ఎలక్టోరల్ రోల్ తయారు చేస్తారు. కాబట్టి పాత ఓటర్లు సైతం మళ్లీ Form-18 ద్వారా కొత్తగా దరఖాస్తు చేసుకోవడం తప్పనిసరి. అలాగే, సాధారణ అసెంబ్లీ లేదా లోక్‌సభ ఎన్నికల ఓటరు కార్డు వేరు, ఎమ్మెల్సీ ఓటరు కార్డ్ వేరు. అసెంబ్లీ ఓటు ఉన్నంత మాత్రాన ఎమ్మెల్సీ ఓటు ఆటోమేటిక్‌గా రాదు.

గ్రాడ్యుయేట్ ఎమ్మెల్సీ ఎన్నికలు.. ఓటు నమోదుకు కావాల్సిన కీలక పత్రాలు ఇవే

దరఖాస్తు ఫారంతో పాటు క్రింది సర్టిఫికేట్లను జత చేయాల్సి ఉంటుంది..

• డిగ్రీ సర్టిఫికేట్: ఒరిజినల్ ప్రొవిజనల్, కాన్వొకేషన్ లేదా మార్కుల మేమో. దీనిపై గెజిటెడ్ అధికారి లేదా నోటరీ అటెస్టేషన్ తప్పనిసరి.

• అడ్రస్ ప్రూఫ్: ఆధార్ కార్డు, ఓటరు ఐడీ, డ్రైవింగ్ లైసెన్స్ లేదా పాస్‌పోర్ట్.

• ఫోటో: ఇటీవల తీసుకున్న పాస్‌పోర్ట్ సైజ్ ఫోటో.

మీరు చాలా సులభంగా ఆన్‌లైన్ లేదా ఆఫ్‌లైన్ విధానంలో ఓటు కోసం అప్లై చేసుకోవచ్చు.

ఆన్‌లైన్ ద్వారా అప్లై చేసే విధానం:

1. తెలంగాణ ఎన్నికల కమిషన్ అధికారిక వెబ్‌సైట్ ceotelangana.nic.in ఓపెన్ చేయండి.

2. అక్కడ కనిపించే "Council Constituency" / "Form-18" ఆప్షన్‌పై క్లిక్ చేయండి.

3. మీ పేరు, అడ్రస్, గ్రాడ్యుయేషన్ వివరాలు సరిగ్గా ఫిల్ చేయండి.

4. గెజిటెడ్ సైన్ చేసిన మీ డిగ్రీ కాపీ, ఆధార్, ఫోటోలను స్క్యాన్ చేసి అప్‌లోడ్ చేయండి.

5. సబ్మిట్ కొట్టిన తర్వాత వచ్చే Acknowledgement ID ని సేవ్ చేసుకోండి.

ఆఫ్‌లైన్ ద్వారా అప్లై చేసే విధానం:

తహసీల్దార్ (MRO), ఆర్డీవో (RDO) లేదా ERO/AERO ఆఫీసుల నుంచి ఫారమ్-18 తీసుకుని వివరాలు నింపి, జిరాక్స్ కాపీలు జతచేసి నేరుగా సబ్మిట్ చేయవచ్చు.

ఎన్నికల సంఘం ప్రకటించిన అధికారిక టైమ్‌లైన్ ప్రకారం పనులు పూర్తి చేసుకోవాలి. ఆ వివరాలు ఇలా ఉన్నాయి..

నోటిఫికేషన్ విడుదల - సెప్టెంబర్ 28, 2026
దరఖాస్తుల స్వీకరణకు చివరి తేదీ - నవంబర్ 6, 2026
అర్హత గణన తేదీ - నవంబర్ 1, 2026
ముసాయిదా ఓటర్ల జాబితా ప్రచురణ - నవంబర్ 25, 2026
అభ్యంతరాల స్వీకరణ - నవంబర్ 25 – డిసెంబర్ 10, 2026
తుది ఓటర్ల జాబితా విడుదల - డిసెంబర్ 30, 2026

చివరి తేదీ నవంబర్ 6 వరకు ఆగకుండా వీలైనంత త్వరగా గ్రాడ్యుయేట్లందరూ అప్లై చేసుకుని తమ ఓటు హక్కును భద్రపరుచుకోవాలని అధికారులు సూచిస్తున్నారు.

Mahesh Babu: మహేష్ బాబుతో సినిమా.. ఎగిరి గంతేసిన హీరోయిన్ ఎవరో తెలుసా? సూపర్ స్టార్ లక్కీ బ్యూటీ

Mahesh Jujjuri — Mon, 28 Sep 2026 12:12:26 +0530

Mahesh Babu: సూపర్ స్టార్ మహేష్ బాబుకి జంటగా అవకాశం వస్తే ఏ హీరోయిన్ కాదంటుంది. సూపర్ స్టార్ తో జోడీ కట్టడానికి బాలీవుడ్ హీరోయిన్లు కూడా ఎదురు చూస్తుంటారు? అటువంటి అవకాశమే వచ్చింది ఓ నటికి.. విషయం తెలియగానే ఎగిరి గంతేసిందట కూడా. ఎవరా హీరోయిన్?

సూపర్ స్టార్ మహేష్ బాబు హీరోగా రూపొందిన పొలిటికల్ యాక్షన్ డ్రామా 'భరత్ అనే నేను. ఈ సినిమా బ్లాక్‌బస్టర్ విజయాన్ని సాధించిన సంగతి తెలిసిందే. ముఖ్యమంత్రి పాత్రలో మహేష్ బాబు నటన అభిమానులను, ఆడియన్స్ ను ఎంతగానో ఆకట్టుకుంటుంది. భరత్ అనే నేను సినిమా ముందు వరకూ వరుసగా ప్లాప్ సినిమాలు చూసిన సూపర్ స్టార్ ఈ మూవీ తరువాత నుంచి వరుసగా హిట్లు కొడుతూనే ఉన్నాడు . భరత్ అనే నేను సినిమాలో మహేష్ బాబు సరసన హీరోయిన్‌గా నటించిన కియారా అద్వానీ అమాయకత్వం, అందం ప్రేక్షకులను ఎంతగానో ఆకట్టుకున్నాయి. అయితే ఈ సినిమాలో కియారాను తీసుకోడానికి వెనుక ఓ కారణం ఉందన్నారు దర్శకుడు కొరటాల.

ఈ సినిమాకు మహేష్ బాబు జోడీగా కియారా అద్వానీని ఎలా ఎంపిక చేశారనే విషయాలపై దర్శకుడు కొరటాల శివ ఒక ఇంటర్వ్యూలో ఆసక్తికర విషయాలను పంచుకున్నారు. సినిమాలో హీరో ముఖ్యమంత్రి (సీఎం) హోదాలో ఉంటాడని, అలాంటి శక్తివంతమైన పాత్ర పక్కన ఇప్పటికే గుర్తింపు పొందిన స్టార్ హీరోయిన్‌ను పెడితే ఆ సీన్ అంతగా అతకదని కొరటాల శివ భావించారు. "ఒక ముఖ్యమంత్రి అత్యంత సాధారణమైన, మధ్యతరగతికి చెందిన అమ్మాయిని ప్రేమిస్తున్నాడు అనే ఫీలింగ్ ప్రేక్షకులకు రావాలి. దానికి స్టార్‌డమ్ లేని, అంతగా పరిచయం లేని కొత్త ముఖం అయితేనే పర్ఫెక్ట్‌గా ఉంటుందని మేము ముందుగానే నిర్ణయించుకున్నాం" అని కొరటాల అన్నారు.

మహేష్ బాబు సరసన ఫ్రెష్ ఫేస్ కోసం వెతుకుతున్న సమయంలో దర్శకుడికి హిందీ చిత్రం 'ఎం.ఎస్. ధోనీ: ది అన్‌టోల్డ్ స్టోరీ' గుర్తొచ్చింది. ఈ సినిమాలో ధోనీ భార్య సాక్షి పాత్రలో కనిపించిన కియారా అద్వానీ గుర్తుకు రాగానే.. ఆడిషన్స్ కోసం అప్రోచ్ అయ్యారు. కియారా రూపం ఎంతో హోమ్‌లీగా, గ్లామరస్‌గా ఉండటమే కాకుండా ఆమె అద్భుతమైన నటి కూడా కావడంతో వెంటనే సంప్రదించారు.

ఈ సినిమా కథ చెప్పడానికి టీమ్ ఆమె దగ్గరకు వెళ్లినప్పుడు, కేవలం అర్ధగంటలోనే కథ విన్న కియారా అద్వానీ ఎంతో ఉత్సాహపడిపోయారట. సూపర్ స్టార్ మహేష్ బాబు పక్కన నటించే అవకాశం, అందులోనూ అంతటి బలమైన కథ దక్కడంతో ఎలాంటి ఆలోచన లేకుండా వెంటనే ఓకే చెప్పేశారని కొరటాల శివ తెలిపారు. ఆ వెంటనే ఫోటోషూట్ నిర్వహించగా, మహేష్ పక్కన కియారా అద్వానీ జోడీ పర్ఫెక్ట్‌గా సరిపోయిందని నిర్ణయించుకున్నారు.

భరత్ అనే నేను సినిమాలో హీరో మాట్లాడే ఫోన్ కాల్స్, వారి రిలేషన్‌షిప్ గురించి ప్రెస్ మీట్‌లో మహేష్ బాబు చెప్పే పవర్ ఫుల్ డైలాగ్స్ ఐదేళ్లయినా గుర్తుండిపోయేలా ఉంటాయని దర్శకుడు కొరటాల అన్నారు. ఏది ఏమైనా, సరైన పాత్రకు సరైన నటిని ఎంచుకోవడం వల్లే 'భరత్ అనే నేను' సినిమా ప్రేక్షకులకు ఒక ప్రత్యేకమైన ఫీలింగ్‌ను అందించి బ్లాక్ బస్టర్ హిట్ అయ్యిందని కొరటాల అన్నారు.

Pearl Jewellery: అదిరిపోయే డిజైన్ లో ముత్యాల జ్యువెలరీ.. చూస్తే ఫిదా!

Kavitha G — Mon, 28 Sep 2026 11:46:08 +0530

Pearl Jewellery: సింపుల్‌ జ్యువెలరీతో ఎలిగెంట్‌గా కనిపించాలి అనుకుంటున్నారా? అయితే ఈ ముత్యాల జ్యువెలరీ మీకోసమే. ఇక్కడ కమ్మల నుంచి పాపిడి బిళ్ల వరకు అన్నీ ఉన్నాయి. ఓసారి చూసేయండి.

Srinidhi Shetty: తన వయసు కంటే పెద్ద పాత్రలో కేజీఎఫ్ హీరోయిన్.. ఆదర్శ కుటుంబం లో శ్రీనిధి శెట్టి పాత్ర ఏంటో తెలుసా?

Mahesh Jujjuri — Mon, 28 Sep 2026 11:30:02 +0530

Srinidhi Shetty: కన్నడ బ్యూటీ శ్రీనిధి శెట్టి ఇప్పుడు తెలుగు సినిమా 'ఆదర్శ కుటుంబం' పైనే ఆశలు పెట్టుకుంది. వెంకటేష్ సరసన నటిస్తున్న ఈ సినిమాలో శ్రీనిధి తన నిజమైన వయసు కంటే పెద్ద వయసున్న మహిళ పాత్రలో కనిపించబోతోంది.

కన్నడతో పాటు తెలుగులోనూ తనకంటూ ఓ గుర్తింపు తెచ్చుకుంది శ్రీనిధి శెట్టి. 'కేజీఎఫ్' సినిమాతో ఇండస్ట్రీకి ఎంట్రీ ఇచ్చిన ఈ భామ.. మొదటి సినిమాతోనే భారీ సక్సెస్ అందుకుంది. కానీ, ఆ తర్వాత ఆమె టాలెంట్‌కు తగ్గ అవకాశాలు మాత్రం రాలేదనే టాక్ వినిపిస్తోంది.

శ్రీనిధి శెట్టి మొదటి సినిమా 'కేజీఎఫ్' బాక్సాఫీస్ దగ్గర భారీ సెన్సేషన్ క్రియేట్ చేసింది. యష్ సరసన హీరోయిన్‌గా మెరిసిన శ్రీనిధి దేశవ్యాప్తంగా అందరి దృష్టిని ఆకర్షించింది. దీంతో 'కేజీఎఫ్' తర్వాత ఆమె కెరీర్ జెట్ స్పీడ్‌తో దూసుకుపోతుందని అంతా అనుకున్నారు. కానీ, ఆ తర్వాత వచ్చిన కొన్ని సినిమాలు ఆమెకు ఆశించిన స్థాయిలో సక్సెస్ ఇవ్వలేదు.

ప్రస్తుతం శ్రీనిధి శెట్టి చేతిలో ఉన్న క్రేజీ ప్రాజెక్ట్ తెలుగు సినిమా 'ఆదర్శ కుటుంబం'. ఈ సినిమాతో మరోసారి భారీ స్థాయిలో ప్రేక్షకులను ఆకట్టుకోవాలని ఆమె చూస్తోంది. ఇందులో విశేషం ఏంటంటే.. ఈ సినిమాలో ఆమె సీనియర్ హీరో వెంకటేష్‌తో స్క్రీన్ షేర్ చేసుకుంటోంది.

'ఆదర్శ కుటుంబం' అనేది ఒక ఫ్యామిలీ ఎంటర్‌టైనర్. ఇందులో శ్రీనిధి శెట్టి తన నిజమైన వయసు కంటే పెద్ద వయసున్న మహిళ పాత్రలో నటిస్తుండటం విశేషం. ఈ డిఫరెంట్ షేడ్ ఉన్న క్యారెక్టర్‌లో ఆమె ఎలా కనిపించబోతోందనే ఆసక్తి అందరిలోనూ మొదలైంది.

'ఆదర్శ కుటుంబం' సినిమాకు స్టార్ డైరెక్టర్ త్రివిక్రమ్ శ్రీనివాస్ దర్శకత్వం వహిస్తున్నాడు. వెంకటేష్ లీడ్ రోల్ చేస్తున్న ఈ ఫ్యామిలీ మూవీ అక్టోబర్ 9న ప్రేక్షకుల ముందుకు వచ్చేందుకు రెడీ అవుతోంది. 'కేజీఎఫ్' తర్వాత ఓ పెద్ద హిట్ కోసం ఎదురుచూస్తున్న శ్రీనిధి శెట్టికి.. ఈ 'ఆదర్శ కుటుంబం' ఎలాంటి టర్నింగ్ పాయింట్ ఇస్తుందో చూడాలి.

Mystery Temple: ఈ శివాలయం దగ్గర రాళ్ల నుంచి ఢమరుక శబ్ధాలు.. ఇంకెన్నో వింతలు

Haritha Chappa — Mon, 28 Sep 2026 11:27:19 +0530

Mystery Temple: మనదేశంలో శివాలయాలకు ఎంతో ప్రాధాన్యం ఉంది. ఆసియాలోనే అత్యంత ఎత్తైన దేవాలయం.. ఈ జటోలి శివాలయం. ఈ దేవాలయం చూసేందుకు వెళితే ఎన్నో రకాల వింతలు చూడొచ్చు.

జటోలీ శివాలయం.. ఆసియాలోనే అత్యంత ఎత్తైన దేవాలయం. హిమాచల్ ప్రదేశ్‌లోని సోలన్ నగరానికి సమీపంలో వెలసిన అత్యంత ప్రసిద్ధమైన దివ్యక్షేత్రం. ఆసియాలోనే అత్యంత ఎత్తైన శివాలయాలలో ఒకటిగా గుర్తింపు పొందిన ఈ మహాక్షేత్ర చరిత్ర ఎంతో విశిష్టమైనది. గతంలో ఈ ప్రాంతం శివయ్య విశ్రాంతి స్థలంగా భావించబడుతుండేది. ఇక్కడికి విచ్చేసిన సిద్ధ సన్యాసి స్వామి కృష్ణానంద పరహంస మార్గదర్శకత్వంలో ఆలయ నిర్మాణం మొదలైంది. దాదాపు ముప్పై తొమ్మిది సంవత్సరాల శ్రమ తర్వాత రెండు వేల పదమూడు నాటికి ఈ కట్టడం పూర్తయింది.

ఈ శివుడి ఆలయ శిల్పకళా వైభవం భక్తులను ఎంతగానో ఆకట్టుకుంటుంది. సుమారు నూట పన్నెండు అడుగుల ఎత్తున మూడు పిరమిడ్ రూపంలో నిర్మితమైన శిఖరం చూపరులను మంత్రముగ్ధులను చేస్తుంది. ఈ కట్టడంలో వాడిన విశేషమైన రాళ్లను తట్టగానే దేవుడి డమరు మోగినట్లు వినసొంపైన శబ్దం రావటం ఒక అద్భుతమైన రహస్యం. గర్భగుడిలో సూర్యకిరణాలను ఆకర్షించే స్వచ్ఛమైన స్ఫటిక లింగం ప్రత్యేక ఆకర్షణగా నిలుస్తుంది. ఇది ఆలయ ప్రాంగణం నిండా సానుకూల శక్తిని, దివ్యమైన ప్రశాంతతను వ్యాపింపజేస్తుంది.

ఈ ఆలయ ఉత్తర భాగంలో ఉన్న పవిత్ర కొలను చారిత్రక ప్రాధాన్యత ఉంది. పూర్వం నీటి సమస్య తీవ్రంగా ఉన్నప్పుడు స్వామి వారి తపస్శక్తితో త్రిశూల ప్రయోగం ద్వారా ఈ నీటిధార పుట్టిందని స్థానికుల విశ్వాసం. గంగాజలంతో సమానంగా భావించే ఈ పవిత్ర జలాలను సేవించడం వల్ల అనేక చర్మ వ్యాధులు నయమవుతాయని భక్తులు నమ్ముతారు. ప్రతిఏటా వేలాది మంది యాత్రికులు ఈ అద్భుత ఆధ్యాత్మిక కేంద్రాన్ని దర్శించుకుని దైవ కృపకు పాత్రులవుతుంటారు.

Gold Price Crash: పసిడి ప్రియులకు బిగ్ రిలీఫ్.. రూ.2,500కు పైగా తగ్గిన బంగారం

Nandini Arava — Mon, 28 Sep 2026 11:04:01 +0530

Gold Price Crash: బంగారం ధరలు వరుసగా పెరుగుతున్నాయని ఆందోళన పడుతున్న సమయంలో.. ఒక్కసారిగా మార్కెట్‌లో సీన్ మారిపోయింది. పసిడి, వెండి భారీగా తగ్గాయి. ముఖ్యంగా హైదరాబాద్ బులియన్ మార్కెట్లో 24 క్యారెట్ల బంగారం 10 గ్రాముల ధరపై ఏకంగా రూ.2,510 తగ్గింది.

బంగారం కొనాలనుకునేవారికి ఒక్కసారిగా బిగ్ రిలీఫ్.. గత కొన్ని రోజులుగా పెరుగుతున్న పసిడి ధరలకు భారీ బ్రేక్ పడింది. ఒక్కరోజులోనే 10 గ్రాముల బంగారంపై వేల రూపాయలు తగ్గాయి.. వెండి కూడా భారీగా పడిపోయింది! అసలు ఈ స్థాయిలో ధరలు ఎందుకు తగ్గాయి? ఇది తాత్కాలిక తగ్గుదలేనా.. ఇంకా ధరలు పడిపోయే ఛాన్స్ ఉందా? హైదరాబాద్‌లో ప్రస్తుతం బంగారం, వెండి ధరలు ఎంత ఉన్నాయో చూద్దాం.

24 క్యారెట్ల స్వచ్ఛమైన బంగారం 10 గ్రాముల ధర రూ.2,510 తగ్గి రూ.1,50,170కి చేరింది. ఇక ఆభరణాల తయారీలో ఎక్కువగా ఉపయోగించే 22 క్యారెట్ల బంగారం 10 గ్రాములపై రూ.2,300 తగ్గింది. దీంతో 22 క్యారెట్ల బంగారం ధర రూ.1,37,650 వద్ద కొనసాగుతోంది.

వెండి కూడా పసిడి బాటలోనే భారీగా పడిపోయింది. కిలో వెండిపై రూ.5,000 తగ్గడంతో ప్రస్తుతం రూ.2,45,000 వద్ద ఉంది.

అయితే బులియన్ మార్కెట్‌లోని ధరలు నగరం, స్థానిక మార్కెట్, జ్యువెలరీ షాపును బట్టి స్వల్పంగా మారే అవకాశం ఉంటుంది. అలాగే ఆభరణాలు కొనుగోలు చేసేటప్పుడు మేకింగ్ ఛార్జీలు, జీఎస్టీ వంటివి అదనంగా ఉండొచ్చు.

అంతర్జాతీయ మార్కెట్లలో బంగారం ధరలపై ప్రస్తుతం పలు అంశాలు ప్రభావం చూపుతున్నాయి. ముఖ్యంగా అమెరికా వడ్డీ రేట్లపై అంచనాలు, డాలర్ కదలికలు, బాండ్ ఈల్డ్స్, అంతర్జాతీయ ఉద్రిక్తతలు వంటి అంశాలు పసిడి ధరల్లో హెచ్చుతగ్గులకు కారణమవుతున్నాయి. ఇటీవల అంతర్జాతీయంగా బంగారం ధరలు ఆగస్టు పెరుగుదల తర్వాత సెప్టెంబర్‌లో వెనక్కి వచ్చినట్లు వరల్డ్ గోల్డ్ కౌన్సిల్ కూడా పేర్కొంది.

సాధారణంగా ప్రపంచ మార్కెట్లలో అనిశ్చితి పెరిగినప్పుడు పెట్టుబడిదారులు బంగారాన్ని సేఫ్-హేవెన్ ఆస్తిగా చూస్తారు. అయితే డాలర్ బలపడటం, అమెరికా వడ్డీ రేట్లు ఎక్కువకాలం కొనసాగుతాయనే అంచనాలు పెరగడం వంటి పరిస్థితుల్లో బంగారంపై ఒత్తిడి ఏర్పడొచ్చు. ఇటీవల కూడా బలమైన డాలర్, అధిక వడ్డీ రేట్ల అంచనాలు బంగారం ధరలపై ప్రభావం చూపినట్లు మార్కెట్లు చెబుతున్నాయి.

ఇక దేశీయ కమోడిటీ మార్కెట్లలో అమ్మకాల ఒత్తిడి కూడా ధరల కదలికల్లో కీలకంగా మారింది. గత కొంతకాలంగా భారీగా పెరిగిన ధరల తర్వాత ఇన్వెస్టర్లు లాభాల స్వీకరణకు దిగితే.. ధరలు ఒక్కసారిగా కరెక్షన్‌కు గురయ్యే అవకాశం ఉంటుంది.

ఇప్పుడు అసలు ప్రశ్న ఇదే. బంగారం ధరలు ఇంత భారీగా తగ్గడంతో.. ఇదే ట్రెండ్ కొనసాగుతుందా? లేక మళ్లీ పసిడి ధరలు పుంజుకుంటాయా? దీనిపై కచ్చితంగా చెప్పడం కష్టం. ఎందుకంటే అంతర్జాతీయ మార్కెట్లో డాలర్, అమెరికా ఫెడ్ పాలసీ, బాండ్ ఈల్డ్స్, భౌగోళిక పరిస్థితులు వంటి అంశాలు వేగంగా మారుతున్నాయి. సెప్టెంబర్‌లో దేశీయ బంగారం ధరలు ఇప్పటికే గణనీయమైన కరెక్షన్‌ను చూశాయని వరల్డ్ గోల్డ్ కౌన్సిల్ తెలిపింది. అయితే పండుగలు, పెళ్లిళ్ల సీజన్ ముందుకు సాగుతున్న కొద్దీ భౌతిక బంగారం డిమాండ్ మెరుగుపడే అవకాశం ఉందని కూడా పేర్కొంది.

Toothpaste: మీ టూత్‌పేస్టు వెజ్ లేదా నాన్-వెజ్? ఇలా తెలుసుకోండి

Haritha Chappa — Mon, 28 Sep 2026 10:42:16 +0530

Toothpaste: మీరు రోజూ వాడే టూత్ పేస్టు వెజిటేరియనా? లేక నాన్ వెజిటేరియనా? ఆ టూత్ పేస్టుపై ఉండే ఆకుపచ్చ, ఎరుపు, నీలం, నలుపు రంగుల ద్వారా అసలు విషయాన్ని తెలుసుకోవాలి. దీని వెనుక ఉన్న అసలు నిజాలు తెలుసుకోండి.

ఉదయం లేచిన వెంటనే బ్రష్ చేస్తారు అందరూ. వారు వాడే టూత్ బ్రష్ వెజిటేరియనా లేక నాన్ వెజిటేరియనా అన్నది చాలా మందికి తెలియదు. పేస్ట్ ట్యూబ్ అడుగున ఉండే ఆకుపచ్చ, ఎరుపు, నీలం, నలుపు రంగుల గీతలు ఎందుకు ఉన్నాయో కూడా వారికి తెలియదు. ఆ రంగులకు అర్థాలేంటో.. టూత్ పేస్టు వెజ్ లేదా నాన్ వెజ్ అన్నది ఎలా తెలుసుకోవాలి?

పేస్ట్ ట్యూబ్ అడుగున చూడండి.. ఆకుపచ్చ, ఎరుపు, నీలం, నలుపు రంగుల గీతలు ఉంటాయి. వీటిని 'Eye Mark' (ఐ మార్క్) అని పిలుస్తారు. పేస్ట్ ట్యూబ్ తయారు చేసేటప్పుడు, దాన్ని ఎక్కడ కట్ చేయాలి, ఎక్కడ మడతపెట్టాలి, ఎక్కడ సీల్ చేయాలి అనేది మెషిన్ సెన్సార్లు గుర్తించడానికి ఈ మార్క్ ఉపయోగిస్తారు. అంతకన్నా ఎక్కువ అర్థం వీటిలో లేదు.

పేస్ట్ ట్యూబ్ అడుగున ఉండే రంగులను బట్టి అది వెజ్ లేదా నాన్-వెజ్ అని తెలుసుకోలేం. దానికి బదులుగా, ప్యాకెట్ మీద ఉండే వెజిటేరియన్ లేదా నాన్-వెజిటేరియన్ (Vegetarian / Non-Vegetarian) మార్క్, తయారీ వివరాలను చూడాలి.

2026 సెప్టెంబర్ 21న విడుదల చేసిన Legal Metrology (Packaged Commodities) Fourth Amendment Rules ప్రకారం.. సబ్బులు, షాంపూలు, టూత్‌పేస్ట్ లాంటి కాస్మెటిక్స్, టాయిలెట్రీస్ ప్యాకెట్ల మీద అవి వెజ్ (vegetarian origin) లేదా నాన్-వెజ్ (non-vegetarian origin) అని కచ్చితంగా ముద్రించాలి.

ఈ టూత్ పేస్టు మీద ఆకుపచ్చ రంగు చుక్క ఉంటే అది వెజిటేరియన్ (vegetarian origin) పదార్థాలతో తయారు చేశారని అర్థం చేసుకోవాలి. అదే ఎరుపు లేదా గోధుమ రంగు చుక్క ఉంటే అందులో నాన్-వెజిటేరియన్ (Non-Vegetarian Origin) పదార్థాలు వాడారని అర్థం చేసుకోవాలి. కొత్త రూల్స్ ప్రకారం ఈ మార్క్ ప్యాకెట్ ముందు భాగంలోనే స్పష్టంగా కనిపించాలి.

టూత్ పేస్ట్ తయారీలో గ్లిజరిన్ లేదా గ్లిజరాల్ (glycerin/glycerol) లాంటి పదార్థాలను వాడతారు. పేస్ట్ ఎండిపోకుండా, సరైన టెక్చర్‌తో ఉండటానికి వీటిని కలుపుతారు. ఈ గ్లిజరిన్‌ను మొక్కల నూనెల నుంచి, కృత్రిమ పద్ధతుల్లో, కొన్నిసార్లు జంతువుల కొవ్వు నుంచి కూడా తయారు చేస్తారు. కాబట్టి, కేవలం అందులో వాడిన పదార్థాల పేర్లను బట్టి పేస్ట్ వెజ్ లేదా నాన్-వెజ్ అని మనం డిసైడ్ చేయలేం. ఆ పదార్థం ఎక్కడి నుంచి వచ్చింది, కంపెనీ వాళ్లు ఇచ్చిన వివరాలు ఏంటి అనేది మాత్రమే చూడాలి.

Naga Chaitanya: నాగచైతన్య సీక్రెట్ డైట్ ప్లాన్.. రోజూ బ్రేక్ ఫాస్ట్, లంచ్ లో ఏం తింటాడో తెలుసా?

Mahesh Jujjuri — Mon, 28 Sep 2026 10:21:04 +0530

Naga Chaitanya: సినిమాల విషయంలోనే కాదు.. ఫిట్ నెస్ డైట్ విషయంలో కూడా నాగచైతన్య చాలా జాగ్రత్తగా ఉంటాడు. ఆయన టోన్డ్ బాడీ సీక్రెట్ ఏంటో తెలుసా? ముఖ్యంగా డైట్ విషయంలో చైతూ తీసుకునే జాగ్రత్తలు ఏంటి?

నాగేశ్వరరావు, నాగార్జున వారసుడిగా ఇండస్ట్రీలోకి అడుగుపెట్టిన నాగచైతన్య.. స్టార్ హీరోల లిస్ట్ లో చేరడానికి చాలా ప్రయత్నాలు చేస్తున్నాడు. మంచి మంచి కథలను సెలెక్ట్ చేసుకుని.. అద్భుతమైన సినిమాలు చేస్తున్నాడు నాగచైతన్య. నటనతోనే కాకుండా, ఫిట్‌నెస్, సిక్స్ ప్యాక్ బాడీ, స్టైలిష్ లుక్స్‌తో ఎంతోమంది అభిమానులను సంపాదించుకున్నాడు చైతు. ఆయన తన ఫిట్‌నెస్‌ను కాపాడుకోవడానికి క్రమం తప్పకుండా వర్కౌట్స్ చేయడమే కాకుండా, ఎంతో క్రమశిక్షణతో కూడిన ఆహార నియమాలను (డైట్ ప్లాన్) పాటిస్తారు.

గతంలో జరిగిన ఓ ఇంటర్వ్యూలో.. నాగచైతన్య తన రోజువారీ డైట్ ప్లాన్ గురించి వివరించాడు. ఆయన ఆహార అలవాట్ల గురించి ఆసక్తికరమైన విషయాలను వెల్లడించారు. రోజు ఎం తింటారు, ఎంత తింటే ప్రోటీన్, ఫైబర్, వస్తుంది అనేది వివరంగా చెప్పారు. నాగచైతన్య చెప్పిన దాని ప్రకారం.. ఉదయం టిఫిన్ గా ప్రోటీన్ రిచ్ బ్రేక్‌ఫాస్ట్ ఉండేలా చూసుకుంటారు. ఉదయం పూట శరీరానికి అవసరమైన పోషకాలను అందించేందుకు నాగచైతన్య వెజిటేరియన్ బ్రేక్‌ఫాస్ట్‌ను తీసుకుంటాడు. చైతు బ్రేక్ ఫాస్ట్ లో ఓట్స్ (Oats) ఉంటాయి. రోజంతా పనిచేయడానికి, యాక్టీవ్ గా ఉండటానికి అవసరమైన కార్బోహైడ్రేట్లు , పీచు పదార్థాలను ఓట్స్ ద్వారా పొందుతారు.

కొన్ని సార్లు టిఫిన్ లో తాజా పండ్లు (Fruits) ను కూడా చేర్చుకుంటాడు చైతు.. ఇవి శరీరానికి విటమిన్లను , యాంటీఆక్సిడెంట్లు అందించడానికి ఉపయోగపడతాయి. వీటితో పాటు ప్రోటీన్ షేక్స్ (Protein Shakes) కూడా తీసుకుంటాడు. కండరాల బలానికి, బాడీ సెట్ అవ్వడానికి పొద్దున్నే ప్రోటీన్ షేక్ తాగుతారు. ఇది ఉదయం ప్లాన్... పరిస్థితులను బట్టి.. పదార్ధాలు మారతాయి కానీ.. తన లెక్కల ప్రకారం ఎంత ప్రోటీన్ తీసుకోవాలో అంతే తీసుకుంటాడు.

ఇక మధ్యాహ్న భోజనం విషయానికి వస్తే.. నాగ చైతన్య మ్యాక్రో న్యూట్రీషియన్ డైట్ ను ఫాలో అవుతాడు. మధ్యాహ్న భోజనంలో నాగచైతన్య Balanced Diet ను తీసుకుంటాడు. ఆయన తీసుకునే ఆహార పరిమాణం చూసుకుంటే.. 120 గ్రాముల ప్రోటీన్ (Protein) ఉంటుంది. కండరాల పుష్టికి చికెన్ బ్రెస్ట్ (Chicken Breast) లేదా చేపలు (Fish) వంటి మాంసాహారాన్ని 120 గ్రాములు మాత్రమే తీసుకుంటాడు. దీనితో పాటు శరీరానికి కావలసిన ఎనర్జీ అందించడానికి బ్రౌన్ రైస్, క్వినోవా (Quinoa) లేదా చిరుధాన్యాలు (Millets) వంటి హెల్దీ కార్బోహైడ్రేట్లను 80 గ్రాములు మాత్రమే తింటాడు. ఇక 100 గ్రాముల ఫైబర్ (Fiber)ను జీర్ణక్రియ సరిగ్గా సాగడానికి, ఆరోగ్యకరమైన జీవక్రియ కోసం కూరగాయలు, పీచు పదార్థాలను (ఫైబర్) ఈ మీల్ లో ఆడ్ చేసుకుంటాడు నాగచైతన్య.

అనారోగ్యకరమైన జంక్ ఫుడ్‌కు దూరంగా ఉంటూ, శరీరానికి అవసరమైన ప్రోటీన్, కార్బోహైడ్రేట్లు ..ఫైబర్ సరైన పరిమాణంలో ఉండేలా నాగచైతన్య తన డైట్ ప్లాన్ చేసుకుంటాడు. సరైన వ్యాయామంతో పాటు క్రమశిక్షణ కలిగిన డైట్‌ను పాటించడం వల్లే ఆయన ఎప్పుడూ.. ఫిట్‌గా, ఆరోగ్యంగా కనిపిస్తున్నాడు. యూత్ కు ఆదర్శంగా నిలుస్తున్నాడు. ఇక నాగచైతన్య సినిమాల విషయానికి వస్తే.. పోయిన ఏడాది తండేల్ సినిమాతో హిట్ కొట్టిన చైతూ.. ప్రస్తుతం కార్తీక్ దండు డైరెక్షన్ లో వృష కర్మ సినిమాలో నటిస్తున్నాడు. ఈమూవీ సైలెంట్ గా షూటింగ్ జరుపుకుంటుంది. ఈ ఏడాది చివర్లో రిలీజ్ చేస్తామంటున్నారు. అఫీషియల్ గా మాత్రం టీమ్ ఫైనల్ చేయలేదు.

Price Hike: పండుగ సీజన్‌లో షాకింగ్ న్యూస్.. అక్టోబర్ 1 నుంచి ఏసీలు, టీవీల ధరలకు రెక్కలు.. అసలు కారణం ఇదే

Mahesh Rajamoni — Mon, 28 Sep 2026 10:00:49 +0530

Price Hike: దసరా, దీపావళి పండుగల షాపింగ్ సీజన్‌లో వినియోగదారులకు షాకింగ్ న్యూస్. అక్టోబర్ 1 నుంచి ఏసీలు, స్మార్ట్ టీవీలు, వాషింగ్ మెషీన్లు, రిఫ్రిజిరేటర్ల ధరలను 5% నుండి 8% వరకు పెంచేందుకు వివిధ కంపెనీలు నిర్ణయించాయి. అసలు ఎందుకు ధరలు పెరుగుతున్నాయి?

దసరా, దీపావళి పండుగలు వచ్చేశాయంటే ప్రతీ ఒక్కరూ తమ ఇళ్లకు కొత్త ఎలక్ట్రానిక్స్ వస్తువులు, గృహోపకరణాలు కొనడానికి రెడీ అవుతుంటారు. కంపెనీలు ఇచ్చే డిస్కౌంట్లు, బంపర్ ఆఫర్ల కోసం ఆసక్తిగా ఎదురుచూస్తుంటారు. కానీ ఈసారి కస్టమర్లకు గట్టి షాక్ తగలనుంది. అక్టోబర్ 1వ తేదీ నుంచి ఏసీలు, ఎల్‌ఈడీ టీవీలు, వాషింగ్ మెషిన్లు, రిఫ్రిజిరేటర్ల ధరలను 5% నుంచి 8% వరకు పెంచుతున్నట్లు ప్రముఖ తయారీ సంస్థలు స్పష్టం చేశాయి.

కన్స్యూమర్ ఎలక్ట్రానిక్స్ రంగానికి 2026 సంవత్సరంలో ఇది వరుసగా మూడో విడత ధరల పెంపు కావడం గమనార్హం. గత కొన్ని నెలలుగా ఉత్పత్తుల వ్యయం పెరుగుతున్నప్పటికీ కంపెనీలే ఆ భారాన్ని భరిస్తూ వచ్చాయనీ, కానీ ఇప్పుడు లాభాల శాతాలు తగ్గిపోతుండటంతో తప్పనిసరి పరిస్థితుల్లో ఈ భారాన్ని వినియోగదారులపైకి నెట్టేస్తున్నాయని మార్కెట్ వర్గాలు పేర్కొంటున్నాయి.

ప్రధానంగా కాపర్, స్టీల్, అల్యూమినియం, ముడి చమురు ఆధారిత ప్లాస్టిక్ పదార్థాల ధరలు అంతర్జాతీయ మార్కెట్‌లో ఆకాశాన్నంటాయి. దీనికి తోడు పశ్చిమాసియాలో కొనసాగుతున్న భౌగోళిక-రాజకీయ సంక్షోభం, అంతర్జాతీయ రవాణా ఖర్చులు పెరగడం, రూపాయి విలువలో హెచ్చుతగ్గులు వంటి అంశాలు కంపెనీల నిర్వహణ వ్యయాన్ని విపరీతంగా పెంచేశాయని రిపోర్టులు పేర్కొంటున్నాయి.

ఏసీల తయారీకి కాపర్ అత్యంత కీలకం. గతంలో మెట్రిక్ టన్ను రాగి ధర 8,000 నుంచి 9,000 డాలర్లు ఉంటే, ఇప్పుడు అది ఏకంగా 14,500 డాలర్లకు చేరింది. దీంతో ఏసీల ధరలు అత్యధికంగా 5% నుంచి 8% వరకు పెరగనున్నాయి. ఇక వాషింగ్ మెషిన్లు, ఫ్రిజ్‌లు, ఎల్‌ఈడీ టీవీల ధరలు 2% నుంచి 4% వరకు పెరుగుతాయని పరిశ్రమ వర్గాలు వెల్లడించాయి.

బ్లూస్టార్, గోద్రెజ్, హైయర్, డైకిన్, సూపర్ ప్లాస్ట్రానిక్స్, వోల్టాస్ వంటి దిగ్గజ బ్రాండ్లు ధరల పెంపును ధృవీకరించాయి. ఎల్‌జీ, బాష్, పానాసోనిక్ వంటి సంస్థలు కూడా ఏసీల ధరలను 5% వరకు పెంచే ఆలోచనలో ఉన్నాయి.

ఈ ధరల బాదుడు మధ్య కొనుగోలుదారులకు ఒక మంచి వార్త కూడా ఉంది. కంపెనీలు కొత్త ధరలను ప్రకటించినప్పటికీ, డీలర్లు, డిస్ట్రిబ్యూటర్ల వద్ద ఇప్పటికే ఆగస్టు, సెప్టెంబర్ నెలల్లో కొనుగోలు చేసిన పాత సరుకు నిల్వలు ఎక్కువగానే ఉన్నాయి.

సుమారు నెల నుంచి నెలన్నర రోజులకు సరిపడే పాత స్టాక్ అందుబాటులో ఉన్నందున, దీపావళి పండుగ ముగిసే వరకు వినియోగదారులు పాత ధరలకే ఉత్పత్తులను కొనుగోలు చేసే అవకాశం ఉంది. దీపావళి పూర్తయిన తర్వాతే కొత్త ధరలు మార్కెట్‌లో పూర్తిస్థాయిలో అమల్లోకి వస్తాయని మార్కెట్ వర్గాలు పేర్కొంటున్నాయి.

ఒకవైపు ధరలు పెరుగుతున్నప్పటికీ, భారతీయ కన్స్యూమర్ డ్యూరబుల్స్ మార్కెట్ భవిష్యత్తు చాలా ఆశాజనకంగా ఉందని బోస్టన్ కన్సల్టింగ్ గ్రూప్ (BCG), సీఐఐ (CII) రిపోర్టులు పేర్కొన్నాయి. 2030 నాటికి ఈ మార్కెట్ రూ.3 నుంచి 3.25 లక్షల కోట్లకు చేరుకుంటుందని అంచనా వేశారు. వచ్చే ఐదేళ్లలో ప్రపంచంలోనే అత్యంత వేగంగా వృద్ధి చెందే ఎలక్ట్రానిక్స్ మార్కెట్లలో భారత్ ఒకటిగా నిలవనుంది.

మొత్తానికి, మీ ఇంట్లోకి ఏసీ, టీవీ లేదా వాషింగ్ మెషిన్ లాంటివి కొనాలని ప్లాన్ చేస్తుంటే, డీలర్ల వద్ద పాత స్టాక్ ఉన్నప్పుడే కొనుగోలు చేయడం మంచిపని.

కేవలం గృహోపకరణాలే కాకుండా ఆటోమొబైల్ రంగంలోనూ ధరల సెగ తగులుతోంది. లోహాల ధరలు పెరిగిన నేపథ్యంలో తమ స్పోర్ట్స్ యుటిలిటీ వాహనాల ధరలను కూడా పెంచాలని యోచిస్తున్నట్లు మహీంద్రా అండ్ మహీంద్రా వర్గాలు పేర్కొన్నాయి. అలాగే, టాటా కార్ల ధరలు కూడా పెంచనున్నట్టు కంపెనీ తెలిపింది. అయితే, ఇది విడతల వారీగా ఉంటుందని టీఎంపీవీ పేర్కొంది. ఇక మారుతి సుజుకి కార్ల ధరలు కూడా పెరగనున్నాయి. ముడిచమురు ధరలు పెరుగుదలతోనే ఈ నిర్ణయం తీసుకుంటున్నట్టు సంబంధిత వర్గాలు పేర్కొంటున్నాయి. అయితే, రెండు వారాల్లో దీనిపై మరింత క్లారిటీ రానుంది.

Island:కేవలం ఆరుగురు మాత్రమే నివసించే మాయా ద్వీపం... ఫుడ్ కూడా హెలికాప్టర్ లోనే..!

ramya Sridhar — Mon, 28 Sep 2026 09:36:47 +0530

Island: అందమైన మాయా ద్వీపంలో కేవలం ఆరుగురు మాత్రమే ఉంటారు. వాళ్లకు ఫుడ్ కావాలన్నా కూడా హెలికాప్టర్ నుంచి ఎవరో వచ్చి ఇవ్వాల్సిందే. ఆ ద్వీపంలో వాళ్లు ఎవరు ఉంటున్నారు..? ఆ ద్వీపం ప్రత్యేకత ఏంటి?

ఎటు చూసినా పచ్చని కొండలు, సముద్రపు అలల హోరు, మనుషుల జాడ లేని ప్రశాంతత వాతావరణం, ప్రపంచానికి దూరంగా ఒక అద్భుతమైన లోకం చూడాలని ఉందా? అయితే ఫారో ఐలాండ్స్ లోని మైకినెస్ ద్వీపం గురించి కచ్చితంగా తెలుసుకోవాల్సిందే. ఈ ద్వీపంలో మీకు ఎటు చూసినా కనీసం రోడ్లు ఉండవు. ఏదైనా కొనుక్కోవడానికి ఎలాంటి దుకాణాలు కూడా ఉండవు. ఇలాంటి అరుదైన ఈ ద్వీపంలో కేవలం ఆరుగురు మాత్రమే నివసిస్తున్నారు. ఇక ఇక్కడి ప్రజలకు కావాల్సిన నిత్యవసర సరుకులు కూడా రోడ్డు మార్గం ద్వారా కాకుండా, ఏకంగా హెలికాప్టర్ ద్వారానే డెలివరీ అవుతూ ఉంటాయి. వినడానికి కాస్త ఆశ్చర్యంగా ఉన్నా ఇదే నిజం.

ఈ విచిత్ర ద్వీపం కేవలం ఒంటరితనానికే కాదు, అద్భుతమైన ప్రకృతి సౌందర్యానికి కూడా నిలయం. ముఖ్యంగా వేసవికాలంలో ఇక్కడకు లక్షలాదిగా వచ్చే 'పఫిన్' అనే పక్షులను చూసేందుకు ప్రపంచ నలుమూలల నుంచి టూరిస్టులు క్యూ కడుతుంటారు. ఈ ద్వీపానికి మీరు వెళ్లాలి అంటే.. కొన్ని రూల్స్ ఫాలో అవ్వాల్సిందే. అంటే.. సంవత్సరంలో ఎప్పుడైనా మీరు ఇక్కడికి వెళితే.. మీరు పెద్దగా ఎంజాయ్ చేయలేకపోవచ్చు. కానీ, మే నుండి ఆగస్టు మధ్య కాలంలో వెళితే మాత్రం.. చూడటానికి చాలా అందంగా ఉంటుంది. ముఖ్యంగా పఫిన్ పక్షులను చూడటానికి కరెక్ట్ టైమ్ ఇది. ఈ నెలల్లోనే టూరిస్టులు ఎక్కువగా ఇక్కడికి వస్తూ ఉంటారు. అయితే, ఈ ప్రదేశాలను మీరు చూడాలంటే లోకల్ గైడ్ సహాయం తీసుకోవాలి. ఇక్కడ దాదాపు 6 నుంచి 7 కిలో మీటర్ల దూరం హైకింగ్ చేయాల్సి ఉంటుంది. అయితే.. ఇక్కడికి వెళ్లడం కూడా అంత ఈజీ కాదు. ప్రకృతిని, పర్యావరణాన్ని పరిరక్షించడంలో భాగంగా ఈ ద్వీపానికి రోజుకు కేవలం 100 నుంచి 150 మందిని మాత్రమే అనుమతిస్తారు.

టూరిస్టులను పక్కన పెడితే.. ఇక్కడ కేవలం ఆరుగురు మాత్రమే నివసిస్తూ ఉంటారు. ఆ నివసించే ఆరుగురు కూడా.. అక్కడికి వచ్చే టూరిస్టుల అవసరాలు తీర్చడానికి, గైడ్ గా ఉంటూ టూరిస్టుల హెల్ప్ చేయడానికి ఉండేవారే కావడం విశేషం. వాళ్లు తప్ప.. అక్కడ ఇంకెవరూ ఉండరు. ఇక, ఈ ప్రదేశానికి ఎక్కువ మందిని అనుమతించకపోవడానికి కూడా కారణాలు ఉన్నాయి. ఎక్కువ మందిని అనుమతి ఇస్తే.. ఆ అందమైన ప్రదేశం పాడైపోతుంది. అంతేకాకుండా.. పక్షులకు కూడా అసౌకర్యంగా ఉంటుంది. పక్షులు గూడ్లు పెట్టే సున్నితమైన ప్రాంతాలను రక్షించడానికి టూరిస్టులు కేవలం నిర్దేశిత మార్గాల్లో మాత్రమే నడవాలని ట్రావెల్ నిపుణులు సూచిస్తున్నారు. వారు చెప్పిన రూల్స్ కచ్చితంగా ఫాలో అవ్వాలి.

View this post on Instagram

A post shared by Payal l World Travel • Photography (@stampsandsuitcase)

ఈ ద్వీపానికి సంబంధించిన ఓ వీడియోని ఒక నెటిజన్ సోషల్ మీడియాలో షేర్ చేశాడు. అది కాస్త వైరల్ గా మారింది. ఈ విభిన్నమైన, సాహసోపేతమైన ద్వీపం గురించి తెలుసుకున్న నెటిజన్లు సోషల్ మీడియాలో తెగ ఆశ్చర్యపోతున్నారు. "భూమిపై స్వర్గం అంటే ఇదే కాబోలు", "హెలికాప్టర్‌లో మాత్రమే ప్రయాణించడం, క్యూట్ పఫిన్ పక్షులను నేరుగా చూడటం భలే థ్రిల్లింగ్‌గా ఉంది" అంటూ తమ మనసులోని అభిప్రాయాలను పంచుకుంటున్నారు.

Weather Update: ఉపరితల ఆవర్తనం ఎఫెక్ట్‌.. తెలుగు రాష్ట్రాలకు మళ్లీ భారీ వర్షాలు

Mahesh Rajamoni — Mon, 28 Sep 2026 09:08:56 +0530

Weather Update: బంగాళాఖాతంలో ఉపరితల ఆవర్తనం, ద్రోణి ప్రభావం కొనసాగుతోంది. దీంతో ఆంధ్రప్రదేశ్, తెలంగాణల్లో రెండు రోజులు వర్షాలు వుంటాయని భారత వాతవరణ కేంద్రం తెలిపింది. తెలంగాణలో పలు ప్రాంతాలకు ఎల్లో అలర్ట్ జారీ అయింది.

ఇటీవల వాయుగుండం ప్రభావంతో తెలుగు రాష్ట్రాల్లో కురిసిన భారీ వర్షాలు తీవ్ర బీభత్సాన్నే సృష్టించాయి. జనజీవనం స్తంభించిపోవడంతో పాటు అనేక ప్రాంతాలు జలమయమయ్యాయి. అయితే, గత కొన్ని రోజులుగా వర్షాలు తగ్గి ముఖం పట్టడంతో ప్రజలు కాస్త ఊపిరి పీల్చుకున్నారు. సరిగ్గా ఈ సమయంలో వాతావరణ శాఖ మరో కీలకమైన అప్‌డేట్ ఇచ్చింది. ఉపరితల ఆవర్తనం, ద్రోణి ప్రభావంతో రాబోయే రెండు రోజుల పాటు తెలుగు రాష్ట్రాల్లో మళ్లీ వర్షాలు కురిసే అవకాశం ఉందని వెల్లడించింది.

బంగాళాఖాతంలో ఏర్పడిన ఉపరితల ఆవర్తనం వల్ల తెలంగాణలోని పలు ప్రాంతాల్లో మోస్తరు నుంచి భారీ వర్షాలు కురిసే ఛాన్స్ ఉంది. ముఖ్యంగా ఉత్తర, తూర్పు తెలంగాణ జిల్లాలపై ఈ ప్రభావం కాస్త ఎక్కువగా ఉంటుందని హైదరాబాద్ వాతావరణ కేంద్రం తెలిపింది. ఉమ్మడి ఆదిలాబాద్, నిజామాబాద్, కరీంనగర్, వరంగల్, ఖమ్మం, మెదక్, నల్గొండ జిల్లాలకు వాతావరణ శాఖ రాబోయే 48 గంటల పాటు ‘ఎల్లో అలర్ట్’ ప్రకటించింది. వర్షంతో పాటు గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశముందని ఐఎండీ తెలిపింది.

ఆంధ్రప్రదేశ్‌లోనూ వాతావరణం మారిపోయింది. కోస్తాంధ్రా ప్రాంతాలపై సముద్ర గాలుల ప్రభావం స్పష్టంగా కనిపిస్తోంది. విజయవాడ, వైజాగ్ సహా విజయనగరం, మన్యం, అల్లూరి, అనకాపల్లి, కర్నూలు, చిత్తూరు జిల్లాల్లో అక్కడక్కడా తేలికపాటి నుంచి మోస్తరు వర్షాలు పడతాయని రాష్ట్ర విపత్తుల నిర్వహణ సంస్థ ఎపీఎస్డీఎంఏ (APSDMA) తెలిపింది. గోదావరి, కృష్ణా జిల్లాల్లో పగలు ఉక్కపోత ఉన్నప్పటికీ సాయంత్రానికి వాతావరణం చల్లబడి జల్లులు కురుస్తాయి. తీర ప్రాంతాల్లో గంటకు 30-40 కిమీ వేగంతో గాలులు వీచే ఛాన్స్ ఉన్నందున మత్స్యకారులు జాగ్రత్తగా ఉండాలని అధికారులు హెచ్చరించారు.

హైదరాబాద్ నగరం (GHMC) పరిధిలో వాతావరణం భిన్నంగా ఉండబోతోంది. ఉదయం పూట ఆకాశం మేఘావృతమై ఉండి ప్రశాంతంగా అనిపించినా, మధ్యాహ్నానికి ఉష్ణోగ్రతలు 31 నుండి 33 డిగ్రీల వరకు నమోదవుతాయి. అయితే సాయంత్రం లేదా రాత్రి వేళల్లో వాతావరణం మారనుంది. నగరంలోని చాలా ప్రాంతాల్లో.. ముఖ్యంగా కూకట్‌పల్లి, మాదాపూర్, గచ్చిబౌలి, మియాపూర్, సికింద్రాబాద్, అల్వాల్ ప్రాంతాల్లో తేలికపాటి నుంచి మోస్తరు వర్షాలు పడే అవకాశం ఉందని హైదరాబాద్ వాతావరణ కేంద్రం తెలిపింది.

రుతుపవనాల తిరోగమనం, ద్రోణి ఎఫెక్ట్ వల్ల వర్షాలతో పాటు ఉరుములు, మెరుపులు, పిడుగులు పడే ప్రమాదం ఎక్కువగా ఉంటుంది. అందుకే ప్రజలు, ముఖ్యంగా పొలాల్లో పనిచేసే రైతులు, కూలీలు అప్రమత్తంగా ఉండాలని అధికారులు హెచ్చరిస్తున్నారు.

• వర్షం కురుస్తున్న సమయంలో ఎట్టిపరిస్థితుల్లోనూ చెట్ల కింద, విద్యుత్ స్తంభాలు లేదా ట్రాన్స్‌ఫార్మర్ల దగ్గర నిలబడకూడదు.

• బహిరంగ ప్రదేశాల్లో ఉండకుండా భవనాల్లో సురక్షితంగా తలదాచుకోవాలి.

• నగరాల్లోని లోతట్టు ప్రాంతాల ప్రజలు, వాహనదారులు ఎప్పటికప్పుడు స్థానిక వెదర్ అప్‌డేట్స్ గమనిస్తూ అప్రమత్తంగా ఉండాలి.

మరోవైపు ఉత్తర భారతంలోనూ వాతావరణం దారుణంగా మారింది. ఉత్తరప్రదేశ్‌లో గత మూడు రోజులుగా కురుస్తున్న కుండపోత వర్షాలు, పిడుగుల దాడికి దాదాపు 56 మంది ప్రాణాలు కోల్పోగా, వందలాది ఇళ్లు దెబ్బతిన్నాయి. ఈ పరిస్థితులను దృష్టిలో ఉంచుకుని తెలుగు రాష్ట్రాల ప్రజలు కూడా ముందస్తు జాగ్రత్తలు తీసుకోవడం ఎంతైనా అవసరం అని అధికారులు సూచించారు.

Virat Kohli: విరాట్ కోహ్లీ విధ్వంసం.. ఒకే సెంచరీతో 10 సంచలన రికార్డులు బద్దలు

Mahesh Rajamoni — Mon, 28 Sep 2026 08:42:11 +0530

Virat Kohli Breaks 10 Records: తిరువనంతపురంలో వెస్టిండీస్‌పై విరాట్ కోహ్లీ అజేయ సెంచరీతో అదరగొట్టాడు. ఈ క్రమంలోనే వన్డేల్లో వేగంగా 15 వేల పరుగులు పూర్తి చేశాడు. ఈ సెంచరీ ఇన్నింగ్స్ తో కోహ్లీ 10 అరుదైన రికార్డులను బద్దలు కొట్టాడు.

తిరువనంతపురంలో వెస్టిండీస్‌తో జరిగిన తొలి వన్డే మ్యాచ్‌లో భారత జట్టు తిరుగులేని విజయాన్ని అందుకుంది. విండీస్ నిర్దేశించిన 296 పరుగుల భారీ లక్ష్యాన్ని టీమిండియా కేవలం 41.4 ఓవర్లలోనే అత్యంత సులువుగా అందుకుంది. 8 వికెట్ల తేడాతో ప్రత్యర్థిని మట్టికరిపించింది. ఈ మ్యాచ్‌లో కెప్టెన్ శుభ్‌మన్ గిల్, మాజీ కెప్టెన్ విరాట్ కోహ్లీ ఇద్దరూ దిమ్మతిరిగే సెంచరీలతో చెలరేగిపోయారు. గిల్ 108 బంతుల్లో 13 ఫోర్లు, ఒక సిక్సర్‌తో 110 పరుగులు చేసి పక్కా సపోర్ట్ అందించగా, విరాట్ కోహ్లీ మాత్రం విండీస్ బౌలర్లకు నరకం చూపించాడు.

కోహ్లీ కేవలం 88 బంతుల్లోనే 10 ఫోర్లు, 9 సిక్సర్లతో అజేయంగా 139 పరుగులు చేసి క్రీజ్‌లో శివతాండవం చేశాడు. వీరిద్దరూ రెండో వికెట్‌కు ఏకంగా 151 పరుగుల భాగస్వామ్యాన్ని నెలకొల్పి మ్యాచ్‌ను మన వైపు తిప్పేశారు. గిల్‌కు ఇది వన్డేల్లో 10వ సెంచరీ కాగా, కోహ్లీకి ఇది 55వ వన్డే సెంచరీ. అంతర్జాతీయ క్రికెట్‌లో కోహ్లీకి ఇది 86వ సెంచరీ కావడం విశేషం.

ఈ మాస్టర్‌క్లాస్ ఇన్నింగ్స్‌తో విరాట్ కోహ్లీ అంతర్జాతీయ వన్డేల్లో వేగంగా 15,000 పరుగులు పూర్తి చేసిన బ్యాటర్‌గా సరికొత్త ప్రపంచ రికార్డు సృష్టించాడు. ఈ క్రమంలో క్రికెట్ దేవుడు సచిన్ టెండూల్కర్ రికార్డును కోహ్లీ అధిగమించాడు. విరాట్ కేవలం 303 ఇన్నింగ్స్‌ల్లోనే (15,950 బంతుల్లో) ఈ మైలురాయిని చేరుకోగా, సచిన్ దీని కోసం 377 ఇన్నింగ్స్‌లు (17,528 బంతులు) తీసుకున్నాడు.

ప్రపంచ వన్డే చరిత్రలోనే 15 వేల పరుగులు దాటిన రెండో బ్యాటర్‌గా కోహ్లీ సరికొత్త అధ్యాయం లిఖించాడు. సచిన్ (463 మ్యాచుల్లో 18,426 పరుగులు) తర్వాత ఈ ఘనత సాధించిన ఏకైక ఆటగాడు విరాట్ కోహ్లీనే (315 మ్యాచుల్లో 15,080 పరుగులు).

• ఇన్నింగ్స్‌లు: సచిన్ (377) | కోహ్లీ (303)

• ఎదుర్కొన్న బంతులు: సచిన్ (17,528) | కోహ్లీ (15,950)

• వయసు: సచిన్ (34 ఏళ్ల 66 రోజులు) | కోహ్లీ (37 ఏళ్ల 326 రోజులు)

స్వదేశంలో జరిగిన వన్డే మ్యాచుల్లో 7,000 పరుగులు పూర్తి చేసుకున్న ప్రపంచంలోనే మొదటి బ్యాటర్‌గా కింగ్ కోహ్లీ హిస్టరీ క్రియేట్ చేశాడు. ప్రస్తుతం హోమ్ వన్డేల్లో కోహ్లీ ఖాతాలో 7,006 పరుగులు ఉన్నాయి. సచిన్ టెండూల్కర్ తన సుదీర్ఘ కెరీర్‌లో భారత్‌లో 6,976 వన్డే పరుగులు చేశారు. అలాగే భారత గడ్డపై అంతర్జాతీయ క్రికెట్‌లో కోహ్లీకి ఇది 42వ సెంచరీ (260 ఇన్నింగ్స్‌ల్లో). దీంతో స్వదేశంలో అత్యధిక సెంచరీలు చేసిన సచిన్ (313 ఇన్నింగ్స్‌ల్లో 42 సెంచరీలు) రికార్డును కోహ్లీ సమం చేశాడు.

వెస్టిండీస్‌పై కోహ్లీకి ఇది 10వ వన్డే సెంచరీ. గతంలో శ్రీలంకపై కూడా విరాట్ 10 సెంచరీలు కొట్టాడు. వన్డేల్లో ఒకే జట్టుపై అత్యధికంగా 10 సెంచరీలు చేసిన రికార్డు ఒక్క విరాట్ కోహ్లీ పేరిటే ఉంది. దీనితో పాటు వన్డేల్లో లక్ష్య ఛేదనలో జట్టును అత్యధిక సార్లు విజేతగా నిలిపిన ఆటగాళ్ల జాబితాలో కోహ్లీ (112 విజయాలు) ఆస్ట్రేలియా దిగ్గజం రిక్కీ పాంటింగ్ (111)ను వెనక్కి నెట్టేశాడు. ఈ జాబితాలో సచిన్ (127), ఎంఎస్ ధోనీ (116) తర్వాత కోహ్లీ మూడో స్థానంలో ఉన్నాడు.

ఈ మ్యాచ్‌లో కోహ్లీ బ్యాటింగ్ విధ్వంసానికి విండీస్ ఫాస్ట్ బౌలర్ అల్జారీ జోసెఫ్ పూర్తిగా బలైపోయాడు. జోసెఫ్ బౌలింగ్‌లోనే కోహ్లీ ఏకంగా 53 పరుగులు రాబట్టాడు. ఒకే వన్డే మ్యాచ్‌లో ఒక బౌలర్‌పై కోహ్లీ సాధించిన రెండో అత్యధిక పరుగులు ఇవే. తన సుదీర్ఘ వన్డే కెరీర్‌లో ఒకే మ్యాచ్‌లో 9 సిక్సర్లు బాదడం కోహ్లీకి ఇదే తొలిసారి.

బంతుల పరంగా ఇది విరాట్‌కు మూడో వేగవంతమైన వన్డే సెంచరీ (74 బంతుల్లో). అంతేకాకుండా, లిస్ట్-ఎ క్రికెట్‌లో అత్యధిక సెంచరీలు చేసిన రికార్డులో సచిన్ (60 సెంచరీలు - 538 ఇన్నింగ్స్‌లు) సరసన కోహ్లీ (60 సెంచరీలు - 338 ఇన్నింగ్స్‌లు) చేరాడు. టెస్టులు, టీ20లకు వీడ్కోలు పలికిన కింగ్ కోహ్లీ, 2027 వన్డే వరల్డ్ కప్ సాధించడమే తన ప్రధాన లక్ష్యమని స్పష్టం చేశాడు.

9th క్లాస్ ఫెయిల్ అయిన హీరోయిన్ కు ఇంగ్లీష్ నేర్పించి వెంకటేష్, నాగార్జున, ఎవరా హీరోయిన్?

Mahesh Jujjuri — Mon, 28 Sep 2026 08:41:06 +0530

Venkatesh, Nagarjuna: సౌత్ ఫిల్మ్ ఇండస్ట్రీని ఒక ఊపు ఊపిన హీరోయిన్.. కానీ చదువుకున్నది మాత్రం 9th క్లాస్ మాత్రమే. కానీ ఇంగ్లీష్ మాత్రం అద్భుతంగా మాట్లాడుతుంది. టాలీవుడ్ హీరోలు వెంకటేష్, నాగార్జున దగ్గర ఇంగ్లీష్ నేర్చుకున్న టాప్ హీరోయిన్ ఎవరో తెలుసా?

సాధారణంగా హీరోయిన్లు అంటేనే ఇంగ్లీష్‌లో అదరగొడుతుంటారు. మాతృభాష వచ్చినా కూడా ఇంగ్లీష్‌లోనే మాట్లాడటం కొంతమందికి అలవాటు. ఉన్నత చదువులు చదువుకుంటూనే హీరోయిన్లుగా మారినవారు చాలామంది ఉన్నారు. కానీ ఓ నటి మాత్రం 9th క్లాస్‌ను మధ్యలోనే వదిలేసి హీరోయిన్ అయ్యింది. తెలుగు, తమిళ, కన్నడ భాషల్లో స్టార్ హీరోయిన్‌గా వెలుగు వెలిగిన ఈ తార.. స్టార్ హీరోల సరసన మెరిసింది. తక్కువ చదువుకున్నా ఇంగ్లీష్ మాత్రం అనర్గళంగా మాట్లాడుతుంది. దానికి కారణం వెంకటేష్, నాగార్జున అని చెబుతోంది. ఇంతకీ ఎవరా హీరోయిన్?

సినిమా ఇండస్ట్రీలో ఒక వెలుగు వెలిగిన నటీమణుల్లో ఖుష్బూ ఒకరు. బహుభాషా నటిగా, స్పష్టమైన ఉచ్చారణతో ధారాళంగా ఇంగ్లీష్ మాట్లాడే ఆమె ప్రతిభను చూసి చాలామంది ఫారెన్ లో చదువుకుని వచ్చిందేమో అని అనుకుంటారు. ఒక ఇంటర్వ్యూలో హోస్ట్ అడిగిన ప్రశ్నకు సమాధానమిస్తూ, తాను 9వ తరగతిలోనే చదువును నిలిపివేశానని (discontinue) ఖుష్బూ వెల్లడించారు. పాఠశాల చదువు పూర్తికాకపోయినా అంతటి చక్కని ఇంగ్లీష్ ఎలా మాట్లాడగలుగుతున్నారనే ప్రశ్నకు ఖుష్బూ స్పందిస్తూ, తన భాషా నైపుణ్యానికి ప్రధాన కారణం టాలీవుడ్ స్టార్ హీరోలు దగ్గుబాటి వెంకటేష్, అక్కినేని నాగార్జున అని తెలిపారు.

తమిళంలో హీరోయిన్‌గా పరిచయమైన ఖుష్బూ.. తెలుగులో చేసిన మొదటి సినిమా వెంకటేష్‌తో, రెండవ సినిమా నాగార్జునతో జరిగింది. ఆ సమయంలో వెంకటేష్, నాగార్జున ఇద్దరూ అమెరికాలో చదువు ముగించుకుని భారతదేశానికి తిరిగివచ్చారు. అప్పట్లో ఖుష్బూ ఇంగ్లీష్ అంతగా బాగుండేది కాదట, కానీ వారిద్దరూ ఖుష్బూను నిరంతరం ఇంగ్లీష్‌లోనే మాట్లాడమని ప్రోత్సహించేవారట. షూటింగ్ గ్యాప్‌లో ఇంగ్లీష్‌లో మాట్లాడటం, తప్పులను సరిదిద్దడం లాంటివి చేసేవారట.

ఇంగ్లీష్ భాషపై పట్టు సాధించడంలో పుస్తకాలు చదవడం చాలా ముఖ్యమైన పాత్ర పోషిస్తుంది. ఈ విషయాన్ని నాగార్జున ఖుష్బూకు వివరించారు. ఆయన తనకు మొదటి ఇంగ్లీష్ నవలను బహుమతిగా ఇచ్చి, ఇంగ్లీష్ నవలలు చదవడం ప్రారంభించాలని సూచించారు. నాగార్జున ఇచ్చిన ఆ బహుమతే తనలో ఇంగ్లీష్‌పై ఇష్టాన్ని, నేర్చుకోవాలన్న తపనను పెంచిందని ఖుష్బూ గుర్తుచేసుకున్నారు. వెంకటేష్ మాటల్లో ఎక్కువగా ఇంగ్లీష్ పదాలు వస్తుంటాయి.. వాటిని అనుసరించి తాను కూడా మాట్లాడటానికి ప్రయత్నించానని ఖుష్బూ అన్నారు.

Roja: 11 ఏళ్ళు తెలుగు నటిని ప్రేమించిన డైరెక్టర్ కి జయలలిత, వాణిశ్రీ వార్నింగ్.. ఏంటి ఈ బెదిరింపులు అంటూ

Tirumala Dornala — Mon, 28 Sep 2026 08:35:59 +0530

11 ఏళ్ళ పాటు తెలుగు హీరోయిన్ ఓ దర్శకుడిని ప్రేమించింది. అప్పటి తమిళనాడు ముఖ్యమంత్రి జయలలిత ఆ దర్శకుడికి వార్నింగ్ ఇచ్చారట. అసలేం జరిగిందో ఈ కథనంలో తెలుసుకోండి.

90వ దశకంలో టాలీవుడ్ లో చాలా మంది హీరోయిన్లు తమ హవా ప్రదర్శించారు.వారిలో రోజా సెల్వమణి ఒకరు. తెలుగు, తమిళంలో అనేక చిత్రాల్లో స్టార్స్ తో ఆమె నటించారు. భైరవద్వీపం, బొబ్బిలి సింహం, శుభలగ్నం లాంటి బ్లాక్ బస్టర్ సినిమాల్లో రోజా నటించారు. తెలుగులో ఆమె బాలకృష్ణ, చిరంజీవి, నాగార్జున లాంటి అగ్ర హీరోలతో నటించారు.

కెరీర్ పీక్ లో ఉన్న సమయంలో రోజా తమిళ దర్శకుడు ఆర్కే సెల్వమణితో ప్రేమలో పడ్డారు. 11 ఏళ్ళ పాటు వీరి మధ్య ఘాడమైన ప్రేమ కొసనసాగింది. ఆ తర్వాత వీరిద్దరూ 2002లో వివాహం చేసుకున్నారు. వీరి వివాహానికి ముందు ఆసక్తికర సంఘటన జరిగింది.

పెళ్ళికి ఇన్వైట్ చేయడానికి రోజా, సెల్వమణి ఇద్దరూ చాలా మంది ప్రముఖుల వద్దకు వెళ్లారు. అప్పటి తమిళనాడు ముఖ్యమంత్రి జయలలితని కూడా ఇన్వైట్ చేశారు. ఆ సమయంలో జయలలిత ఆసక్తికర వ్యాఖ్యలు చేశారు. సెల్వమణికి స్వీట్ వార్నింగ్ ఇచ్చారట. ఈ విషయాన్ని రోజా ఓ ఇంటర్వ్యూలో గుర్తు చేసుకున్నారు. 11 ఏళ్ళు రోజా నిన్ను ప్రేమించి పెళ్లి చేసుకుంటోంది.

సెల్వమణి మొదట రోజాకి ప్రపోజ్ చేయలేదట. రోజా పేరెంట్స్ కి తన ప్రేమ కథ చెప్పి వాళ్ళు అంగీకరించాక, రోజాకు నేను నిన్ను ప్రేమిస్తున్నాను, మీ ఇంట్లో మన పెళ్ళికి ఒప్పుకున్నారు, అని విభిన్నంగా చెప్పారట. సీతారత్నం గారి అబ్బాయి సినిమా సెట్స్ లో సెల్వమణి తన ప్రేమను రోజాకు చెప్పారని ఆమె చెప్పుకొచ్చారు.

"/>

కాబట్టి ఎట్టి పరిస్థితుల్లో ఆ అమ్మాయి కంట్లో నీళ్లు రాకుండా బాగా చూసుకోవాలి. ఒక అమ్మాయి 11 ఏళ్ళు ప్రేమించి ఎదురుచూసి పెళ్లి చేసుకుంటోంది అంటే అది చిన్న విషయం కాదు అని జయలలిత అన్నారు. వాణిశ్రీ గారు కూడా అదే వార్నింగ్ ఇచ్చారు. బయటకు వచ్చాక ఆయన నాతో.. నేను కూడా నిన్ను 11 ఏళ్ళు ప్రేమించాను కదా. కానీ అందరూ నన్నే బెదిరిస్తున్నారు ఏంటి.. నీకు ఎవ్వరూ జాగ్రత్తలు చెప్పడం లేదు ఏంటి అంటూ సరదాగా చిరాకు పడ్డారు.

రాజకీయాల్లో తనకు జయలలిత ఫేవరేట్ పొలిటీషియన్ అని రోజా అన్నారు. ఆమె పడ్డ కష్టాలు నేను పడలేదు. నాకు పాలిటిక్స్ లో ఏదైనా కష్టం వస్తే.. ఆమెని ఆదర్శంగా తీసుకుంటా. జయలలితగారు పడ్డ కష్టాలతో పోల్చుకుంటే ఇది చిన్నది. దీనిని మనం అధికమించాలి అని నాకు నేను ధైర్యం నింపుకుంటా అని రోజా పేర్కొన్నారు.

Toe Rings: ఆఫీస్ కి వెళ్లే అమ్మాయిలు మెచ్చే అదిరిపోయే మెట్టెల డిజైన్లు

ramya Sridhar — Mon, 28 Sep 2026 08:30:09 +0530

మెట్టెలు మహిళల సంప్రదాయ ఆభరణాల్లో ప్రత్యేకమైనవి. వెండి మెట్టెలకు ముత్యాల డిజైన్లు జోడిస్తే సంప్రదాయంతో పాటు అందమైన, ఎలిగెంట్ లుక్ కూడా వస్తుంది. ఈ కాలం అమ్మాయిలు మెచ్చే డిజైన్లు ఇవి..

Bank Strike: కస్టమర్లకు బిగ్ రిలీఫ్.. బ్యాంకుల సమ్మె వాయిదా.. అక్టోబర్ 2న కొత్త తలనొప్పి

Mahesh Rajamoni — Mon, 28 Sep 2026 08:20:45 +0530

Bank Strike Called Off : దేశంలో 3 రోజుల బ్యాంకుల సమ్మె తాత్కాలికంగా వాయిదా పడింది. ఐదు రోజుల పని దినాలపై ఐబీఏ హామీ ఇవ్వడంతో యూనియన్లు ఈ నిర్ణయం తీసుకున్నాయి. ఆ వివరాలు ఇక్కడ తెలుసుకుందాం.

దేశవ్యాప్తంగా బ్యాంకింగ్ సేవలు నిలిచిపోతాయేమోనని కంగారుపడ్డ సామాన్య ప్రజలకు, వ్యాపారులకు అదిరిపోయే తీపి కబురు అందింది. ఈ నెల 28 నుంచి 30 వరకు మూడ్రోజుల పాటు తలపెట్టిన దేశవ్యాప్త బ్యాంకుల సమ్మెను చివరి నిమిషంలో యూనియన్లు వాయిదా వేశాయి. మరోవైపు, అక్టోబర్ 2న రిటైలర్లు 'నో యూపీఐ డే'కి పిలుపునివ్వడం ఇప్పుడు కొత్త చర్చకు దారితీసింది.

సోమవారం నుంచి బ్యాంకులు బంద్ అవుతాయన్న వార్తలతో ఆదివారం అంతా ఒకటే ఉత్కంఠ నెలకొంది. అయితే ఆదివారం రాత్రి 9:30 గంటల సమయంలో ఇండియన్ బ్యాంక్స్ అసోసియేషన్ (IBA), యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) ప్రతినిధుల మధ్య జరిగిన అత్యవసర చర్చలు సఫలమయ్యాయి. ఐబీఏ నుంచి సానుకూల హామీ లభించడంతో సమ్మెను తాత్కాలికంగా విరమిస్తున్నట్లు యూఎఫ్బీయూ అధికారికంగా ప్రకటించింది. దీంతో సోమవారం నుంచి అన్ని ప్రభుత్వ, ప్రైవేటు బ్యాంకులు యథావిధిగా పనిచేయనున్నాయి.

బ్యాంకు ఉద్యోగులు చాలా కాలంగా డిమాండ్ చేస్తున్న వారానికి ఐదు రోజుల పనిదినాల అంశంపై ఐబీఏ ముందడుగు వేసింది. ప్రస్తుతం నెలలో రెండు, నాలుగో శనివారాల్లో మాత్రమే బ్యాంకులకు సెలవులు ఉన్నాయి. అయితే మిగిలిన శనివారాలను కూడా సెలవులుగా ప్రకటించాలని యూనియన్లు పట్టుబడుతున్నాయి. దీనిపై క్షేత్రస్థాయిలో ఉన్న సాధ్యాసాధ్యాలను, ఖాతాదారులకు కలిగే వెసులుబాటును పరిశీలించేందుకు ఐబీఏ, యూఎఫ్‌బీయూ ప్రతినిధులతో ఒక ఉన్నత స్థాయి కమిటీని ఏర్పాటు చేసేందుకు అంగీకారం కుదిరింది.

కేవలం పనిదినాల సంఖ్యే కాకుండా, స్కేల్-4, ఆపై స్థాయి అధికారులకు ఇచ్చే పెర్ఫార్మెన్స్ లింక్డ్ ఇన్సెంటివ్ (PLI) పథకంలో కొన్ని కీలక మార్పులు చేయడానికి ఐబీఏ ఒప్పుకుంది. ఉద్యోగులపై పెరుగుతున్న పనిభారం, 2024 మార్చి ఒప్పందంలోని పెండింగ్ అంశాల పరిష్కారానికి ప్రభుత్వం వద్దకు ఉమ్మడి ప్రతిపాదనలు తీసుకెళ్లేందుకు ఇరువర్గాలు ఒకే బాటలో నడవాలని నిర్ణయించాయి.

ఇదిలా ఉంటే, డిజిటల్ లావాదేవీలకు సంబంధించి మరో కొత్త నిరసన తెరపైకి వచ్చింది. రూ.2,000కు మించిన మర్చంట్ యూపీఐ చెల్లింపులపై 0.4 శాతం ఎం‌డి‌ఆర్ (MDR) ఛార్జీలు విధించడాన్ని వ్యతిరేకిస్తూ 'ఆల్ ఇండియా మొబైల్ రిటైలర్స్ అసోసియేషన్' (AIMRA) అక్టోబర్ 2న 'నో యూపీఐ డే' నిర్వహించనుంది. ఆ రోజున మొబైల్ దుకాణాల్లోని క్యూఆర్ కోడ్‌లపై నల్లటి వస్త్రం కప్పి తమ నిరసన వ్యక్తం చేయనున్నారు. ఈ ఛార్జీల వల్ల చిన్న వ్యాపారులపై నెలకు రూ.2,000 నుంచి రూ.12,000 వరకు భారం పడుతుందని వారు ఆందోళన చెందుతున్నారు.

అక్టోబర్ 2 నాటి యూపీఐ నిరసన కార్యక్రమానికి తమకు ఎలాంటి సంబంధం లేదని అఖిల భారత వర్తక సమాఖ్య (CAIT) స్పష్టం చేసింది. అయితే, బ్యాంకుల సమ్మె వాయిదా పడటం వల్ల ఈ నెల ఆఖరులో జరిగే అర్థసంవత్సర ముగింపు (హ్యాఫ్ ఇయర్లీ క్లోజింగ్) ఆర్థిక కార్యకలాపాలకు ఎలాంటి ఆటంకం కలగకపోవడం డిపాజిటర్లకు, వ్యాపారులకు పెద్ద ఉపశమనంగా మారింది.

Rashmi Gautam: ట్రోలర్స్‌కు ఇచ్చిపడేసిన యాంకర్ రష్మీ గౌతమ్, నన్ను ఏమైనా అనండి కానీ...

Mahesh Jujjuri — Mon, 28 Sep 2026 07:19:31 +0530

Rashmi Gautam: టాలీవుడ్ యాంకర్ రష్మీ గౌతమ్ ట్రోలర్స్‌కు గట్టి వార్నింగ్ ఇచ్చింది. మూగజీవాల కష్టాలు, జంతు సంరక్షణ, అధికారుల బాధ్యతలపై ఆమె అడిగిన ప్రశ్నలు ఇప్పుడు సోషల్ మీడియాలో హాట్ టాపిక్‌గా మారాయి.

టాలీవుడ్ యాంకర్ రష్మీ గౌతమ్ గురించి ప్రత్యేకంగా చెప్పాల్సిన పనిలేదు. బుల్లితెరపై యాంకర్‌గా అదరగొడుతున్న రష్మీ, కొన్ని సినిమాల్లోనూ నటించింది. అయితే ఆమె కేవలం ఎంటర్‌టైన్‌మెంట్‌కే పరిమితం కాలేదు. సామాజిక సమస్యలపైనా తనదైన స్టైల్‌లో గళం విప్పుతుంటుంది. ముఖ్యంగా మూగజీవాల కోసం రష్మీ చాలాసార్లు ముందుకొచ్చి మాట్లాడింది.

మంచి పనులు చేసేవాళ్లను విమర్శించేవాళ్లు ఎప్పుడూ ఉంటారు కదా. అలాగే రష్మీ కూడా సోషల్ మీడియాలో తరచూ ట్రోలింగ్‌కు గురవుతుంటుంది. కానీ అలాంటి ట్రోల్స్‌కు ఆమె తనదైన స్టైల్‌లో కౌంటర్ ఇస్తుంటుంది. తాజాగా రష్మీ పెట్టిన ఒక పోస్ట్ ఇప్పుడు సోషల్ మీడియాలో అందరి దృష్టినీ ఆకర్షిస్తోంది.

'నన్ను ఏమైనా అనండి, కానీ మూగజీవాల విషయంలో అధికారులను నిలదీయకపోతే పరిస్థితి మరింత దిగజారుతుంది' అనే ఉద్దేశంతో రష్మీ చేసిన ట్వీట్ ఇప్పుడు వైరల్ అవుతోంది.

రష్మీ తన పోస్ట్‌లో.. 'నన్ను అవమానించండి.. నన్ను తక్కువ చేసి చూడండి.. నన్ను తిట్టండి.. నేను దేన్నీ పట్టించుకోను' అని చెప్పింది. కానీ అదే సమయంలో ప్రజలు అధికారులను ప్రశ్నించాలని ఆమె డిమాండ్ చేసింది.

'మీరు అధికారులను ప్రశ్నించడం మొదలుపెట్టకపోతే ఆ ఫండ్స్ ఎక్కడికి పోతున్నాయి? జంతు సంరక్షణ కేంద్రాలు ఎందుకంత దారుణమైన స్థితిలో ఉన్నాయి? ప్రభుత్వ పశువైద్యశాలల్లో సరైన సదుపాయాలు ఎందుకు లేవు?' అని ఆమె నిలదీసింది.

అంతేకాదు, వీధి కుక్కలు, పిల్లులకు బర్త్ కంట్రోల్ ఆపరేషన్లు, వ్యాక్సిన్లు ఎందుకు వేయడం లేదని కూడా రష్మీ ప్రశ్నించింది. ఆవులు, గేదెలను పెంచే యజమానులకు సరైన గైడెన్స్ ఎందుకు ఇవ్వడం లేదనే విషయాన్ని కూడా ఆమె ప్రస్తావించింది.

అడవి జంతువులు పదే పదే జనావాసాల్లోకి ఎందుకు వస్తున్నాయి? రాబోయే తరాలు చూసేందుకు కనీసం కొంచెమైనా పచ్చదనం మిగులుతుందా? లాంటి ఎన్నో ప్రశ్నలను రష్మీ తన పోస్ట్‌లో లేవనెత్తింది. చివరగా ట్రోలర్స్‌కు కూడా గట్టి కౌంటర్ ఇచ్చింది. 'నన్ను విమర్శించడం వల్ల మీకు ఎలాంటి లాభం లేదు. కాబట్టి మీ సమయాన్ని, ఎనర్జీని తెలివిగా వాడుకోండి' అని మెసేజ్ ఇచ్చింది.

మూగజీవాల సమస్యలపై ప్రజలు, అధికారులు దృష్టి పెట్టాలనే ఉద్దేశంతో రష్మీ చేసిన ఈ పోస్ట్ ఇప్పుడు సోషల్ మీడియాలో పెద్ద చర్చకే దారితీసింది. కొందరు ఆమె మాటలకు సపోర్ట్ చేస్తుంటే, మరికొందరు నెటిజన్లు ఆమె కామెంట్స్‌పై తమ సొంత అభిప్రాయాలను పంచుకుంటున్నారు.

Today Rasi Phalalu: నేడు ఓ రాశివారు డబ్బు వ్యవహారాల్లో జాగ్రత్తగా ఉండాలి!

Kavitha G — Mon, 28 Sep 2026 05:00:39 +0530

Today Rasi Phalalu: ఈ రాశి ఫలాలు 28.09.2026 సోమవారానికి సంబంధించినవి. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి.

నూతన వాహనం కొనుగోలు చేస్తారు. సన్నిహితులతో వివాదాలు తొలగుతాయి. ఆర్థిక పరిస్థితి మెరుగ్గా ఉంటుంది. వ్యాపార, ఉద్యోగాలు ఉత్సాహంగా సాగుతాయి. ఆప్తుల నుంచి ఆసక్తికర సమాచారం అందుతుంది. కుటుంబ సభ్యులతో శుభకార్యాలకు హాజరవుతారు.

చేపట్టిన పనుల్లో తొందరపాటు మంచిది కాదు. వ్యాపార, ఉద్యోగాలలో సమస్యలు తప్పవు. దైవ దర్శనాలు చేసుకుంటారు. డబ్బు వ్యవహారాలలో జాగ్రత్త అవసరం. కుటుంబ సభ్యులతో స్వల్ప వివాదాలు ఉంటాయి. సంతాన ఆరోగ్యం విషయంలో జాగ్రత్త అవసరం.

బంధువులతో మాటపట్టింపులు ఉంటాయి. వ్యాపార, ఉద్యోగాలలో ఒత్తిడులు పెరుగుతాయి. ఆర్థిక పరిస్థితి నిరుత్సాహపరుస్తుంది. ఆలయాలు సందర్శిస్తారు. చేపట్టిన పనులలో శ్రమ తప్పదు. కుటుంబ సభ్యులతో వివాదాలు కలుగుతాయి.

వ్యాపారాలలో కీలక నిర్ణయాలు అమలుచేస్తారు. స్థిరాస్తి కొనుగోలు ప్రయత్నాలు ఫలిస్తాయి. నూతన కార్యక్రమాలు ప్రారంభిస్తారు. నూతన వాహన యోగం ఉంది. వ్యాపార, ఉద్యోగాలు సంతృప్తినిస్తాయి. కీలక సమయంలో సొంత ఆలోచనలు కలసివస్తాయి. సంఘంలో గౌరవమర్యాదలకు లోటు ఉండదు.

వ్యాపార, ఉద్యోగాలలో చిన్నపాటి సమస్యలు తప్పవు. ఆరోగ్యపరంగా వైద్య సంప్రదింపులు అవసరమవుతాయి. ఆర్థిక పరిస్థితి నిరుత్సాహపరుస్తుంది. ఆకస్మిక ప్రయాణ సూచనలు ఉన్నాయి. బంధువులతో స్వల్ప వివాదాలు ఉంటాయి. వృథా ఖర్చులు అదుపు చేయడం మంచిది.

కుటుంబంలో ఆశ్చర్యకరమైన సంఘటనలు చోటుచేసుకుంటాయి. ప్రముఖులతో పరిచయాలు సంతోషాన్నిస్తాయి. ముఖ్యమైన పనుల్లో విజయం సాధిస్తారు. ఉద్యోగ వాతావరణం ప్రశాంతంగా ఉంటుంది. జీవిత భాగస్వామితో శుభకార్యాలలో పాల్గొంటారు. రావాల్సిన సొమ్ము సకాలంలో చేతికి అందుతుంది.

వ్యాపారాలలో ఒత్తిడులు తొలగుతాయి. చేపట్టిన పనుల్లో స్వల్ప ఆటంకాలు ఉంటాయి. దైవ సేవా కార్యక్రమాలలో పాల్గొంటారు. ఆర్థిక ఇబ్బందుల వల్ల నూతన రుణ ప్రయత్నాలు చేస్తారు. ఉద్యోగాలలో సమస్యలు తప్పవు. శ్రమతో కానీ పనులు పూర్తి కావు.

ఉద్యోగాలలో పురోగతి సాధిస్తారు. చేపట్టిన పనులు సకాలంలో పూర్తవుతాయి. నిరుద్యోగుల ప్రయత్నాలు అనుకూలంగా సాగుతాయి. వ్యాపారులకు ఆశించిన లాభాలు అందుతాయి. ఆధ్యాత్మిక కార్యక్రమాలకు డబ్బు సహాయం చేస్తారు. చిన్ననాటి మిత్రులతో ఆనందంగా గడుపుతారు.

సంఘంలో గౌరవ మర్యాదలు పెరుగుతాయి. ఆర్థిక వ్యవహారాలు ఆశాజనకంగా ఉంటాయి. నూతన వాహనం కొనుగోలు చేస్తారు. ఉద్యోగాలలో పదోన్నతులు పెరుగుతాయి. ఆర్థిక వ్యవహారాలలో కీలక నిర్ణయాలు అమలు చేస్తారు. చేపట్టిన వ్యవహారాలలో విజయం సాధిస్తారు.

వృత్తి, వ్యాపారాలలో శ్రమ పెరుగుతుంది. ఉద్యోగాలు కొంత నిరాశ కలిగిస్తాయి. చిన్ననాటి మిత్రులతో అకారణంగా వివాదాలు కలుగుతాయి. ఆరోగ్యం విషయంలో శ్రద్ధ వహించాలి. ఆదాయ మార్గాలు అంతంత మాత్రంగా ఉంటాయి. చేపట్టిన పనులలో ఆటంకాలు తప్పవు.

వ్యాపార, ఉద్యోగాలు సామాన్యంగా సాగుతాయి. దైవ సేవా కార్యక్రమాలపై దృష్టి సారిస్తారు. ఆర్థిక పరిస్థితి అంతంత మాత్రంగా ఉంటుంది. బంధువులతో స్వల్ప వివాదాలు ఉంటాయి. ముఖ్యమైన పనుల్లో శ్రమ తప్పదు.

దూరపు బంధువుల రాక ఆనందం కలిగిస్తుంది. చేపట్టిన పనుల్లో విజయం సాధిస్తారు. ప్రముఖులతో పరిచయాలు ఉత్సాహాన్నిస్తాయి. వ్యాపార, ఉద్యోగాలలో ఒత్తిడులు తొలగుతాయి. కీలక సమయంలో ఆప్తుల సలహాలు స్వీకరిస్తారు. సంతానానికి నూతన విద్యా ఉద్యోగ అవకాశాలు దక్కుతాయి.

Bigg Boss Telugu 10: వీకెండ్ ఎలిమినేషన్ లో బిగ్ ట్విస్ట్.. ముఖేష్ త్యాగంతో మారిపోయిన సీన్...

Mahesh Jujjuri — Sun, 27 Sep 2026 23:42:49 +0530

Bigg Boss Telugu 10: వీకెండ్ ఎలిమినేషన్‌లో బిగ్ ట్విస్ట్.. ముఖేష్ త్యాగంతో మారిపోయిన సీన్!బిగ్ బాస్ తెలుగు సీజన్ 10 రసవత్తరంగా కొనసాగుతోంది. ఈ సీజన్‌లో ఊహించని పరిణామాలు ఎన్నో జరుగుతున్నాయి.

బిగ్ బాస్ హౌస్‌లో ట్విస్ట్‌ల మీద ట్విస్ట్‌లు షాక్ ఇస్తున్నాయి. తాజా ఎపిసోడ్‌లో ముఖేష్ చేసిన త్యాగం కారణంగా ఎలిమినేషన్ నిలిచిపోయింది. కానీ ముఖేష్ మాత్రం నష్టపోవాల్సి వచ్చింది. ఎప్పుడు ఏ ట్విస్ట్ వినాల్సి వస్తుందో అని ఆడియన్స్‌తో పాటు హౌస్‌లో ఉన్నవారు కూడా ఎంతో ఆసక్తిగా ఎదురుచూస్తున్నారు. గత సీజన్ల కంటే ఈ సీజన్ చాలా భిన్నంగా ఉందనే చెప్పవచ్చు. ఈ వారమంతా ఎన్నో ట్విస్ట్‌లు చూశారు. ఇక వీకెండ్‌లో కూడా డబుల్ ట్విస్ట్‌లు ఆడియన్స్‌ను, హౌస్‌లో ఉన్నవారిని ఉక్కిరిబిక్కిరి చేశాయి.

విన్నర్ ప్రైజ్ మనీ నుంచి మిథిలేష్ 15 లక్షల రూపాయలు తీసుకెళ్లాడు. కేవలం రెండు రోజులు హౌస్‌లో ఉండి, అంత మొత్తంలో డబ్బు తీసుకుని బయటకు వెళ్లడంతో.. అతనికి సపోర్ట్ చేసిన వారికి, ఇతరులకు మధ్య గొడవలు మొదలయ్యాయి. ఈ విషయాన్ని త్రిగుణ్ చాలా సీరియస్‌గా తీసుకున్నాడు. హౌస్‌లో ఉన్నవారిపై ఫైర్ అయ్యాడు. అమన్‌తో అయితే ఏకంగా కొట్టుకునే పరిస్థితి వచ్చింది. మధ్యలో గొడవ ఆపడానికి వెళ్లిన వెంకట్‌తో కూడా అమన్‌కు గొడవయ్యింది. మొత్తానికి మిథిలేష్ 15 లక్షలు తీసుకుని ఇంటి నుంచి హ్యాపీగా వెళ్లిపోగా.. బిగ్ బాస్ హౌస్‌లో ఉన్నవారు మాత్రం కొట్టుకుచస్తున్నారు. మిథిలేష్ వెళ్లిపోవడానికి కారణమైన వారిని టార్గెట్ చేస్తూ త్రిగుణ్ విమర్శలు గుప్పించాడు.

ఇక నాగార్జున సండే ఎపిసోడ్‌లో ఎప్పటిలాగానే ఫన్ గేమ్‌లతో సందడి చేయించారు. కంటెస్టెంట్స్ మధ్య 'అభిప్రాయాల గేమ్' కూడా ఆడించాడు నాగ్. జంతువులతో (Animals) పోల్చే ఆటలో.. త్రిగుణ్‌కు 'విషం ఎక్కువగా ఉన్న పాము' అని, ముఖేష్‌ను 'సింహం' అని ఇద్దరు, 'నక్క' అని అమన్ టాగ్ ఇచ్చారు. షాలినీకి 'నెమలి', 'కోతి' టాగ్స్ రాగా, దేబ్జానికి 'లేజీ' అనే టాగ్ ఇచ్చాడు నరేష్. ఇక ఈ క్రమంలో రోహిత్ చెల్లెలికి బాబు పుట్టాడని నాగార్జున అనౌన్స్ చేయడంతో, ఆ సంతోషాన్ని తట్టుకోలేక రోహిత్ ఏడ్చేశాడు.

అసలు ట్విస్ట్ చూసుకుంటే.. నామినేషన్‌లో ఉన్న అందరూ సేవ్ అయ్యారు. ఫైనల్‌గా వర్షిణి, వంశీ ఇద్దరు మాత్రమే మిగిలారు. వీరిద్దరిలో ఎవరో ఒకరు ఎలిమినేట్ అవ్వాల్సి ఉంది. కానీ బిగ్ బాస్ తరఫున నాగార్జున ఒక ఆఫర్ ఇచ్చాడు. ముఖేష్ హౌస్‌కు కెప్టెన్‌గా ఉండటంతో.. అతను తన పవర్‌ను పోగొట్టుకుని, కెప్టెన్సీని వదిలేసుకుంటే నామినేషన్స్ రద్దు అవుతాయని నాగార్జున ప్రకటించాడు.

దాంతో ఏమాత్రం ఆలోచించకుండా, వారిద్దరినీ కాపాడటానికి తన కెప్టెన్సీని, పవర్‌ను వదిలేసుకున్నాడు ముఖేష్. తను అలా చేయకుండా ఉండి ఉంటే హౌస్ నుంచి వంశీ బయటకు వచ్చేవాడనే టాక్ నడిచింది. మొత్తానికి విజయవంతంగా రెండో వారం ముగిసింది. నెక్స్ట్ వీక్ నుంచి గేమ్ మరో మలుపు తీసుకోబోతున్నట్లు తెలుస్తోంది. వచ్చే వారంలో ఎలాంటి టాస్క్‌లు ఉంటాయో చూడాలి.

వరల్డ్‌స్కిల్స్ పోటీల్లో తెలంగాణ యువత సత్తా.. షాంఘై వేదికగా మెరిసిన ప్రతిభ

Narender Vaitla — Sun, 27 Sep 2026 22:40:55 +0530

లాజిస్టిక్స్ విభాగంలో మెహ్రున్నిసాకు సిల్వర్ మెడల్

షాంఘైలో జరిగిన పోటీల్లో లాజిస్టిక్స్ అండ్ ఫ్రైట్ ఫార్వార్డింగ్ విభాగంలో మెహ్రున్నిసా అద్భుత ప్రతిభ ప్రదర్శించారు. వివిధ దేశాల నుంచి వచ్చిన నైపుణ్య శిక్షణ పొందిన పోటీదారులతో పోటీపడి సిల్వర్ మెడల్ సాధించారు. అంతర్జాతీయ స్థాయిలో తెలంగాణ యువతి ఈ ఘనత సాధించడం రాష్ట్రానికి గర్వకారణంగా నిలిచింది. మరోవైపు క్యాబినెట్ మేకింగ్ విభాగంలో కె. యశ్వంత్ చారి మెడ‌ల్ ఆఫ్ ఎక్స‌లెన్సీ అవార్డు అందుకున్నారు. తెలంగాణ నుంచి పోటీలో పాల్గొన్న ముగ్గురిలో ఇద్దరు గుర్తింపు పొందడం విశేషంగా నిలిచింది.

తెలంగాణ యువత విజయంపై మంత్రి వివేక్ అభినందనలు

రాష్ట్ర యువత సాధించిన విజయంపై శక్తి, గనుల శాఖ మంత్రి డా. జి. వివేక్ వెంకటస్వామి హర్షం వ్యక్తం చేశారు. మెహ్రున్నిసా, కె. యశ్వంత్ చారిని అభినందించారు. ప్రపంచస్థాయి వేదికపై తెలంగాణ ప్రతిభను చాటడం రాష్ట్రానికి గర్వకారణమని కొనియాడారు. యువతలో ఉన్న నైపుణ్యాన్ని సరైన శిక్షణ, అవకాశాలతో మరింతగా తీర్చిదిద్దితే అంతర్జాతీయ స్థాయిలో తెలంగాణ నుంచి మరిన్ని విజయాలు సాధించవచ్చని మంత్రి తెలిపారు.

వరల్డ్‌స్కిల్స్‌లో భారత్‌కు మెరుగైన స్థానం

షాంఘైలో జరిగిన వరల్డ్‌స్కిల్స్–2026లో భారత్ కూడా మెరుగైన ప్రదర్శన కనబరిచింది. భారత్ 10వ స్థానంలో నిలిచి ఆరు సిల్వర్ మెడల్స్, 20 మెడ‌ల్ ఫ‌ర్ ఎక్స‌లెన్స్ అవార్డులు సాధించింది. 2024లో ఫ్రాన్స్‌లో జరిగిన వరల్డ్‌స్కిల్స్ పోటీల్లో భారత్ 13వ స్థానంలో నిలవగా.. ఈసారి 10వ స్థానానికి చేరుకుంది. దేశ యువతలో నైపుణ్య సామర్థ్యం పెరుగుతోందనడానికి ఈ ఫలితాలు నిదర్శనమని మంత్రి వివేక్ వెంకటస్వామి పేర్కొన్నారు.

63 విభాగాల్లో 70 మంది భారతీయుల పోటీ

వరల్డ్‌స్కిల్స్ పోటీల్లో భారత్ తరఫున 70 మంది పోటీదారులు పాల్గొన్నారు. మొత్తం 63 నైపుణ్య విభాగాల్లో భారత యువత తమ ప్రతిభను ప్రదర్శించింది. ఆధునిక సాంకేతికత, అడ్వాన్స్‌డ్ మ్యాన్యుఫ్యాక్చరింగ్, ఇంజినీరింగ్, డిజిటల్, క్రియేటివ్, సర్వీస్ రంగాలకు సంబంధించిన విభాగాల్లో పోటీలు జరిగాయి. ఆయా రంగాల్లో అంతర్జాతీయ ప్రమాణాలకు అనుగుణంగా భారత యువత తమ నైపుణ్యాలను ప్రదర్శించింది.

శిక్షణతో మరిన్ని అంతర్జాతీయ విజయాలకు అవకాశం

తెలంగాణ నుంచి ముగ్గురు పోటీలో పాల్గొంటే ఇద్దరు పతకం, ప్రత్యేక గుర్తింపు సాధించడం రాష్ట్ర యువతలో ఉన్న ప్రతిభను చాటుతుందని మంత్రి వివేక్ వెంకటస్వామి అన్నారు. గత వరల్డ్‌స్కిల్స్ పోటీల్లో తెలంగాణకు కాంస్య పతకం లభించగా.. ఈసారి సిల్వర్ మెడల్‌తో పాటు మెడ‌ల్ ఆఫ్ ఎక్స‌లెన్స్ సాధించడం ప్రత్యేక విజయమని పేర్కొన్నారు. యువతకు అత్యుత్తమ శిక్షణ, ఆధునిక సాంకేతిక పరిజ్ఞానం, పరిశ్రమలతో అనుసంధానం, అంతర్జాతీయ ప్రమాణాలకు సరిపోయే అవకాశాలు అందిస్తే మరిన్ని విజయాలు సాధించవచ్చని తెలిపారు. రాష్ట్ర ప్రభుత్వం నైపుణ్యాభివృద్ధికి ఇస్తున్న ప్రాధాన్యతకు ఈ ఫలితాలు మరింత ప్రోత్సాహాన్ని అందిస్తాయని మంత్రి పేర్కొన్నారు.

IND vs WI 1st ODI: కోహ్లీ, గిల్ విశ్వ‌రూపం.. వెస్టిండీస్‌పై భార‌త్ ఘ‌న విజ‌యం

Narender Vaitla — Sun, 27 Sep 2026 21:53:20 +0530

వెస్టిండీస్ భారీ స్కోర్

టాస్ అనంతరం తొలుత బ్యాటింగ్ చేసిన వెస్టిండీస్‌కు భారత బౌలర్లు గట్టి పోటీ ఇచ్చారు. అయినప్పటికీ ఆ జట్టు నిర్ణీత 50 ఓవర్లలో 7 వికెట్ల నష్టానికి 295 పరుగుల భారీ ల‌క్ష్యాన్ని ఉంచిది. కీలక భాగస్వామ్యాలు నమోదు చేయడంతో వెస్టిండీస్ స్కోరు 300 పరుగులకు చేరువైంది. దీంతో టీమిండియా ముందు 296 పరుగుల లక్ష్యం నిలిచింది. భారత బౌలర్లు ఏడు వికెట్లు పడగొట్టినా, చివరి వరకు ప్రత్యర్థి బ్యాటర్లను పూర్తిగా కట్టడి చేయలేకపోయారు.

ఆరంభంలోనే లక్ష్య ఛేదనకు పునాది

296 పరుగుల లక్ష్యంతో బరిలోకి దిగిన భారత జట్టు ఆరంభం నుంచే దూకుడుగా ఆడింది. అన‌వ‌స‌ర‌ షాట్లకు వెళ్లకుండా వికెట్లను కాపాడుకుంటూ స్కోరు బోర్డును ముందుకు నడిపించింది. తొలి వికెట్ తర్వాత కూడా భారత బ్యాటింగ్ వేగం తగ్గలేదు. క్రీజులోకి వచ్చిన బ్యాటర్లు పరిస్థితికి అనుగుణంగా బ్యాటింగ్ చేస్తూ వెస్టిండీస్ బౌలర్లపై ఒత్తిడి పెంచారు.

శతకాలతో చెలరేగిన కోహ్లీ, గిల్

భారత్ విజయానికి ప్రధాన కారణంగా విరాట్ కోహ్లీ, శుభ్‌మన్ గిల్ బ్యాటింగ్ నిలిచింది. ఇద్దరూ అద్భుతమైన సమన్వయంతో పరుగులు రాబడుతూ సెంచరీలు పూర్తి చేశారు. బౌండరీలు, వేగవంతమైన సింగిల్స్, డబుల్స్‌తో స్కోరును వేగంగా పెంచారు. ఒకవైపు గిల్ దూకుడును ప్రదర్శిస్తే, మరోవైపు కోహ్లీ అనుభవంతో ఇన్నింగ్స్‌ను ముందుకు తీసుకెళ్లాడు. ఈ ఇద్దరి బ్యాటింగ్‌తో వెస్టిండీస్ బౌలర్లకు మ్యాచ్‌పై తిరిగి పట్టు సాధించే అవకాశం లేకుండా పోయింది.

41.4 ఓవర్లకే మ్యాచ్ ముగింపు

వెస్టిండీస్ 50 ఓవర్లలో 295 పరుగులు చేసినప్పటికీ, భారత్ లక్ష్యాన్ని చేరుకోవడానికి పూర్తి 50 ఓవర్లు అవసరం కాలేదు. టీమిండియా 41.4 ఓవర్లలోనే 2 వికెట్లు కోల్పోయి 300 పరుగులు సాధించింది. అంటే ప్రత్యర్థి నిర్దేశించిన లక్ష్యాన్ని భారత్ మరో 50 బంతులు మిగిలి ఉండగానే అధిగమించింది. ఛేదనలో కేవలం రెండు వికెట్లు మాత్రమే కోల్పోవడం భారత బ్యాటింగ్ ఆధిపత్యాన్ని తెలియజేసింది.

8 వికెట్ల విజయంతో సిరీస్‌కు శుభారంభం

తొలి వన్డేలో 8 వికెట్ల తేడాతో గెలిచిన టీమిండియా సిరీస్‌ను విజయంతో ప్రారంభించింది. వెస్టిండీస్ 295 పరుగులతో పోరాడే లక్ష్యాన్ని నిర్దేశించినా, భారత బ్యాటర్లు దానిని ఎలాంటి ఇబ్బంది లేకుండా అధిగమించారు. కోహ్లీ, గిల్ శతకాలతో రాణించడం ఈ మ్యాచ్‌లో ప్రత్యేక ఆకర్షణగా నిలిచింది. 41.4 ఓవర్లలోనే 300 పరుగులు సాధించడం ద్వారా భారత్ తన బ్యాటింగ్ బలాన్ని మరోసారి చాటుకుంది.

TV Prices: పండ‌క్కి టీవీ, ఫ్రిజ్ కొనే ప్లాన్‌లో ఉన్నారా.? మీకో బ్యాడ్ న్యూస్

Narender Vaitla — Sun, 27 Sep 2026 21:42:36 +0530

TV Prices: ఈసారి పండ‌క్కి కొత్త టీవీ, ఫ్రిజ్ కొనుగోలు చేసే ఆలోచ‌న చేస్తున్న వారికి ఓ బ్యాడ్ న్యూస్‌. ప‌లు కార‌ణాల‌తో టీవీ, ఏసీ, ఫ్రిజ్ వంటి వ‌స్తువుల ధ‌ర‌లు భారీగా పెరిగే అవ‌కాశం ఉందని రిపోర్టులు చెబుతున్నాయి.

పండగల సీజన్‌ ప్రారంభానికి ముందే గృహోపకరణాల కొనుగోలు చేయాలనుకునే వారికి ధరల పెంపు రూపంలో ఊహించని భారం ఎదురవుతోంది. కన్జూమర్‌ ఎలక్ట్రానిక్స్‌ రంగంలోని పలు ప్రముఖ సంస్థలు ఏసీలు, టీవీలు, రిఫ్రిజిరేటర్లు, వాషింగ్‌ మెషిన్లు సహా వివిధ ఉత్పత్తుల ధరలను సవరించాయి. అక్టోబర్‌ 1 నుంచి కొత్త ధరలు అమల్లోకి రానున్నాయి. ఉత్పత్తిని బట్టి సుమారు 3 నుంచి 10 శాతం వరకు పెరిగే అవ‌కాశం ఉన్న‌ట్లు తెలుస్తోంది.

ఎలక్ట్రానిక్‌ ఉత్పత్తుల తయారీలో ఉపయోగించే కాపర్‌, స్టీల్‌, ప్లాస్టిక్‌ వంటి ముడిపదార్థాల ధరలు పెరగడంతో ఉత్పత్తి వ్యయం కూడా పెరిగిందని కంపెనీలు చెబుతున్నాయి. దీనికి తోడు అంతర్జాతీయ మార్కెట్లలో క్రూడాయిల్‌ ధరల మార్పులు, పశ్చిమాసియా ప్రాంతంలో నెలకొన్న ఉద్రిక్త పరిస్థితులు కూడా సరఫరా వ్యయంపై ప్రభావం చూపుతున్నాయని పరిశ్రమ వర్గాలు పేర్కొంటున్నాయి. మరోవైపు రూపాయి మారకం విలువలో చోటుచేసుకుంటున్న హెచ్చుతగ్గులు దిగుమతి ఆధారిత భాగాల ధరలను ప్రభావితం చేస్తున్నాయి.

ధరల పెంపు ప్రభావం ప్రధానంగా ఎయిర్‌ కండిషనర్లపై కనిపిస్తోంది. కొన్ని కంపెనీలు ఏసీ ధరలను 5 నుంచి 8 శాతం వరకు పెంచాయి. బ్లూ స్టార్‌ మేనేజింగ్‌ డైరెక్టర్‌ బి.త్యాగరాజన్‌ ప్రకారం కాపర్‌, ప్లాస్టిక్‌, స్టీల్‌ ధరలు గణనీయంగా పెరగడం వల్ల ఏసీ, రిఫ్రిజిరేటర్ల ధరలను సవరించాల్సి వచ్చింది. గత ఏడాది పండగ సీజన్‌తో పోలిస్తే తమ ఉత్పత్తుల ధరలు దాదాపు 15 శాతం మేర పెరిగినట్లు ఆయన తెలిపారు. ఈ ఏడాది ఆ సంస్థ ధరలు పెంచడం ఇది మూడోసారి కావడం గమనార్హం.

ఏసీలతో పాటు ఎల్‌ఈడీ టీవీలు, వాషింగ్‌ మెషిన్లు, ఫ్రిజ్‌ల ధరల్లోనూ మార్పు వచ్చింది. వీటి ధరలు సాధారణంగా 2 నుంచి 4 శాతం వరకు పెరిగాయి. గోద్రెజ్‌ ఎంటర్‌ప్రైజెస్‌ గ్రూప్‌ బిజినెస్‌ విభాగానికి చెందిన కమల్‌ నంది మాట్లాడుతూ ముడిసరకుల వ్యయం 8 నుంచి 10 శాతం వరకు పెరిగిందని తెలిపారు. దీంతో వివిధ ఉత్పత్తుల ధరలను దాదాపు 5 నుంచి 7 శాతం వరకు దశలవారీగా పెంచుతున్నట్లు వెల్లడించారు. హైయర్‌ ఇండియా కూడా టీవీలు, వాషింగ్‌ మెషిన్లు సహా పలు ఉత్పత్తుల ధరలను 2 నుంచి 3 శాతం మేర పెంచినట్లు తెలిపింది.

ధరలు పెంచుతున్నట్లు కంపెనీలు ప్రకటించినప్పటికీ వెంటనే అన్ని ఉత్పత్తులపై కొత్త రేట్లు కనిపించకపోవచ్చు. ఇప్పటికే డీలర్లు, డిస్ట్రిబ్యూటర్ల వద్ద పాత ధరలకు కొనుగోలు చేసిన స్టాక్‌ అందుబాటులో ఉంది. అందువల్ల ఆ సరకు పూర్తయ్యే వరకు కొన్ని ఏసీలు, టీవీలు, ఇతర గృహోపకరణాలు పాత ధరలకే లభించే అవకాశం ఉంది. ముఖ్యంగా దీపావళి వరకు ఈ పరిస్థితి కొనసాగవచ్చని పరిశ్రమ వర్గాలు చెబుతున్నాయి. ఆ తర్వాత కొత్త ధరలు పూర్తిస్థాయిలో అమల్లోకి వచ్చే అవకాశం ఉంది. ముడిసరకుల ధరలు ఇదే స్థాయిలో కొనసాగితే వచ్చే ఏడాది కూడా మరిన్ని ధరల పెంపులు తప్పకపోవచ్చని హైయర్‌ ఇండియా ప్రెసిడెంట్‌ ఎన్‌.ఎస్‌.సతీష్‌ తెలిపారు. వచ్చే ఏడాది జనవరి వరకు దశలవారీగా ధరలు మరింత పెరిగే అవకాశం ఉందని ఆయన పేర్కొన్నారు.

Ramayana Movie: ముల్లోకాలకు అధిపతి రావణుడు.. రామాయణ నుంచి యశ్ పోస్టర్ వైరల్

Mahesh Jujjuri — Sun, 27 Sep 2026 20:45:25 +0530

రామాయణ నుంచి కొత్త పోస్టర్

ఇండియన్ సినీ లవర్స్ అంతా ఎంతో ఆసక్తిగా ఎదురుచూస్తున్న 'రామాయణ' సినిమా నుంచి కొత్త క్యారెక్టర్ పోస్టర్ వచ్చేసింది. ఇందులో యశ్ రావణుడి గెటప్‌లో అదరగొడుతున్నాడు. 'ముల్లోకాలకు (స్వర్గం, భూమి, పాతాళం) అధిపతి అయిన రావణుడు' అనే క్యాప్షన్‌తో ఈ పోస్టర్‌ను రిలీజ్ చేశారు. యశ్ కెరీర్‌లోనే ఇది బెస్ట్ పెర్ఫార్మెన్స్ అవుతుందని రీసెంట్‌గా వచ్చిన ట్రైలర్ చూస్తేనే అర్థమవుతోంది. రణ్‌బీర్ కపూర్, సాయి పల్లవి మెయిన్ లీడ్స్‌గా నటిస్తున్న ఈ సినిమా దీపావళి కానుకగా థియేటర్లలోకి రాబోతోంది.

రావణుడి పాత్రలో యశ్

నితీష్ తివారీ ఈ 'రామాయణ' చిత్రాన్ని ఎంతో ప్రతిష్టాత్మకంగా తెరకెక్కిస్తున్నారు. ఇందులో రాముడిగా రణ్‌బీర్ కపూర్, సీతగా సాయి పల్లవి నటిస్తున్నారు. సౌత్ ఇండియన్ సూపర్ స్టార్ యశ్ రావణుడి పాత్రలో కనిపించనున్నాడు. ఇక సన్నీ డియోల్ హనుమంతుడిగా, మలయాళ సీనియర్ నటి శోభన కైకేయిగా నటిస్తున్నారు. ఒకప్పుడు దూరదర్శన్‌లో వచ్చిన రామాయణంలో శ్రీరాముడిగా మెప్పించిన అరుణ్ గోవిల్.. ఈ సినిమాలో దశరథ మహారాజుగా కనిపించనున్నారు. రవి దూబే లక్ష్మణుడిగా, రకుల్ ప్రీత్ సింగ్ శూర్పణఖగా, అజింక్య డియో విశ్వామిత్ర మహర్షిగా, కునాల్ కపూర్ ఇంద్రుడిగా నటిస్తున్నారు. ఈ భారీ బడ్జెట్ చిత్రం దీపావళికి ప్రేక్షకుల ముందుకు రానుంది.

అతిపెద్ద మ్యూజిక్ రైట్స్ డీల్

ఆస్కార్ విన్నర్స్ హన్స్ జిమ్మర్, ఏఆర్ రెహమాన్ కలిసి ఈ సినిమాకు మ్యూజిక్ అందిస్తుండటం మరో విశేషం. ఇదిలా ఉంటే, రామాయణ మ్యూజిక్ రైట్స్ రికార్డ్ ధరకు అమ్ముడుపోయాయి. ప్రముఖ ఆడియో కంపెనీ టీ-సిరీస్ ఈ హక్కులను దక్కించుకుంది. ఏకంగా రూ.75 కోట్ల అడ్వాన్స్ డీల్ కుదిరిందని, ఇండియన్ సినిమాలో ఇదే అతిపెద్ద మ్యూజిక్ రైట్స్ డీల్ అని ట్రేడ్ అనలిస్ట్ రమేష్ బాలా వెల్లడించారు.

Mangalasutram: కేవలం 2 గ్రాముల బంగారంతో షార్ట్ నల్లపూసల చైన్

Haritha Chappa — Sun, 27 Sep 2026 19:51:21 +0530

Mangalasutram: కేవలం రెండు గ్రాముల బంగారంతో వచ్చే నల్లపూసల డిజైన్లు ఇక్కడ ఇచ్చాము. సింపుల్ చైన్, స్టోన్స్, బ్లాక్ బీడ్స్ కాంబినేషన్లో వచ్చే ఈ మోడల్స్ మీకు పర్ఫెక్ట్ గా సెట్ అవుతాయి. ఈ డిజైన్లపై లుక్కేయండి.

Thriller Movies: ఒళ్లు గగుర్పొడిచే 5 థ్రిల్లర్ సినిమాలు.. క్లైమాక్స్ వరకు సస్పెన్స్ గ్యారెంటీ, ఎక్కడ చూడాలంటే?

Mahesh Jujjuri — Sun, 27 Sep 2026 19:34:27 +0530

Thriller Movies: పెద్దగా పాపులర్ కాని 5 అద్భుతమైన థ్రిల్లర్ సినిమాలు ఇవి. మర్డర్ మిస్టరీ, కిడ్నాప్, సైకలాజికల్ థ్రిల్లర్, సీరియల్ కిల్లర్, హారర్.. ఇలా ప్రతి సినిమా మీకు సరికొత్త అనుభూతిని ఇస్తుంది. క్లైమాక్స్ వరకు సస్పెన్స్ గ్యారెంటీ, ఎక్కడ చూడాలంటే?

థ్రిల్లర్ సినిమాలు అనగానే రాక్షసన్, దృశ్యం, అంధాధున్ లాంటి పాపులర్ సినిమాలే మనకు గుర్తొస్తాయి. కానీ, ఆ లిస్ట్ దాటితే చివరి వరకు సస్పెన్స్ మెయింటైన్ చేసే అద్భుతమైన థ్రిల్లర్ సినిమాలు చాలానే ఉన్నాయి.

ఈ 5 సినిమాలు ఒకేలా ఉండవు. ఒక దాంట్లో మర్డర్ మిస్టరీ ఉంటే, ఇంకో దాంట్లో కిడ్నాప్ డ్రామా ఉంటుంది. మరొకటి సైకలాజికల్ పజిల్ అయితే, ఇంకోటి రియల్ లైఫ్ సీరియల్ కిల్లర్ స్టోరీ. ఇంకో సినిమా ఇంట్లో జరిగే హారర్ మిస్టరీ.

అందుకే రొటీన్ థ్రిల్లర్ సినిమాలకు భిన్నంగా, కాస్త వెరైటీగా ఏదైనా చూడాలనుకుంటే ఈ 5 సినిమాలను మీరు కచ్చితంగా ట్రై చేయొచ్చు.

సంవత్సరం: 2007 | భాష: హిందీ

రాజస్థాన్‌లోని ఓ చిన్న ఊర్లో ఉండే ప్రభుత్వ ఇంజనీర్ సత్యవీర్, తనను తాను ఓ డిటెక్టివ్ నవలల రచయితగా ఊహించుకుంటాడు. ఒకరోజు ఓ మహిళ అతని దగ్గరికి వచ్చి, తన భర్త సీక్రెట్ పనుల గురించి ఆరా తీయమని అడుగుతుంది.

మొదట్లో ఇది చాలా సాధారణ ఎంక్వైరీలాగే అనిపిస్తుంది. కానీ విచారణ ముందుకు వెళ్లేకొద్దీ.. హత్య, మోసం, డబ్బు, రాజకీయం లాంటి ఎన్నో విషయాలు బయటపడతాయి. ఎంక్వైరీ చేస్తున్న సత్యవీర్ ప్రాణాలకే ముప్పు వస్తుంది.

ఈ సినిమా స్పెషాలిటీ ఏంటంటే.. ప్రతి ఆధారం దొరికిన తర్వాత "ఇక నిజం తెలిసిపోయింది" అనుకునేలోపే కథ మరో మలుపు తిరుగుతుంది. క్రైమ్, నియో-నోయిర్, మిస్టరీ ఇష్టపడే వాళ్లకు ఇది బెస్ట్ ఛాయిస్.

సంవత్సరం: 2016 | భాష: మలయాళం

ఓ మహిళా పోలీస్ ఆఫీసర్, తన తోటి అధికారితో కలిసి ఓ కేసును దర్యాప్తు చేస్తుంది. ఆ క్రైమ్‌తో సంబంధం ఉన్న ఓ వ్యక్తి వాళ్లకు దొరుకుతాడు. కానీ విచారణ జరిగేకొద్దీ.. అసలు నేరం ఎలా జరిగిందనే దానికంటే, వాళ్లు చెబుతున్నది నిజమా కాదా అనేదే పెద్ద ప్రశ్నగా మారుతుంది.

వేట్టా (Vettah) ఒక సైకలాజికల్ క్రైమ్ మిస్టరీ థ్రిల్లర్. కుంచాకో బోబన్, ఇంద్రజిత్ సుకుమారన్, మంజు వారియర్ నటించిన ఈ సినిమా 2016లో రిలీజ్ అయింది. ఇందులో "కిల్లర్ ఎవరు?" అనేది మాత్రమే సస్పెన్స్ కాదు.

"మనం చూస్తున్నది నిజమేనా? అసలు కథ మనకు అర్థమైందా?" అనే ప్రశ్న సినిమా చూస్తున్నంత సేపు మనల్ని వెంటాడుతూనే ఉంటుంది.

సంవత్సరం: 2003 | భాష: తెలుగు

ఈ సినిమా బేసిక్ స్టోరీ చాలా ఇంట్రెస్టింగ్‌గా ఉంటుంది. ముంబైకి చెందిన ఓ పవర్‌ఫుల్ గ్యాంగ్‌స్టర్ ఇండియా నుంచి పారిపోవాలని ప్లాన్ చేస్తాడు. అందుకోసం ఎలాంటి క్రైమ్ రికార్డ్ లేని నలుగురు కుర్రాళ్లను వాడుకుని విమానాన్ని హైజాక్ చేయాలనుకుంటాడు. కానీ ఇక్కడే కథ ఊహించని మలుపు తిరుగుతుంది.

మనం మొదట్లో ఒకటి అనుకుంటే, అక్కడ జరిగేది మరొకటి. ఎవరు ఎవరిని మోసం చేస్తున్నారు? ఎవరి ప్లాన్ వర్కవుట్ అవుతుంది? అనే ప్రశ్నలకు సినిమా మెల్లమెల్లగా సమాధానాలు చెబుతుంది.

2003లో వచ్చిన 'ఐతే' కేవలం హిట్ సినిమా మాత్రమే కాదు, ఆ ఏడాదికి గానూ ఉత్తమ తెలుగు చిత్రంగా జాతీయ అవార్డును కూడా గెలుచుకుంది. ఎప్పుడో వచ్చిన సినిమా అయినా.. కిడ్నాప్, మోసం, ఊహించని ట్విస్టులతో సాగే ఈ స్క్రీన్‌ప్లే ఇప్పటికీ చాలా ఫ్రెష్‌గా అనిపిస్తుంది.

సంవత్సరం: 2009 | భాష: హిందీ

1980ల నాటి ముంబై. రోడ్డు పక్కన పడుకునే అనాథలు వరుసగా హత్యకు గురవుతుంటారు. వాళ్ల తలల మీద బరువైన రాయితో కొట్టి చంపినట్లు పోలీసుల విచారణలో తెలుస్తుంది.

ఈ మిస్టరీ కిల్లర్‌కు మీడియా "స్టోన్‌మ్యాన్" అని పేరు పెడుతుంది. సస్పెండ్ అయిన పోలీస్ ఆఫీసర్ సంజయ్ షెలార్, ఈ కేసును తనంతట తానే ఇన్వెస్టిగేట్ చేయడం మొదలుపెడతాడు. కానీ విచారణ సీరియస్ అయ్యేకొద్దీ, కిల్లర్‌ను వెతుకుతున్న అతని మీదే అందరికీ అనుమానం వస్తుంది.

1980ల్లో ముంబై, కోల్‌కతాలో నిజంగా జరిగిన స్టోన్‌మ్యాన్ హత్యల ఆధారంగా ఈ సినిమాను తెరకెక్కించారు. రియల్ లైఫ్‌లో ఆ కిల్లర్ ఎవరనేది ఇప్పటికీ ఓ మిస్టరీనే. అందుకే సినిమా చూస్తున్నప్పుడు "అసలు ఆ స్టోన్‌మ్యాన్ ఎవరు?" అనే ప్రశ్న మనల్ని వెంటాడుతుంది. చివరి వరకు ఆ సస్పెన్స్‌ను మెయింటైన్ చేయడమే ఈ సినిమా బలం.

సంవత్సరం: 2009 | భాష: హిందీ / తమిళం

ఓ కుటుంబం కొత్తగా ఓ అపార్ట్‌మెంట్‌లోకి మారుతుంది. అక్కడ వాళ్లకు ఓ వింత అనుభవం ఎదురవుతుంది. ఆ ఫ్యామిలీ టీవీలో ఓ సీరియల్ చూడటం మొదలుపెడుతుంది. అందులో కనిపించే కుటుంబం అచ్చం వీళ్ల ఫ్యామిలీ లాగే ఉంటుంది.

మొదట్లో అదంతా కాకతాళీయం అనుకుంటారు. కానీ టీవీ సీరియల్‌లో జరిగే సంఘటనలు, వాళ్ల నిజ జీవితంలోనూ అలాగే జరగడం మొదలవుతుంది. మంచి సంఘటనలు కాస్తా భయంకరంగా మారడంతో, ఆ సీరియల్ వెనక ఉన్న మిస్టరీని హీరో ఛేదించడం మొదలుపెడతాడు.

ఇందులో థ్రిల్లర్ మాత్రమే కాదు.. హారర్, సైకలాజికల్ మిస్టరీ కూడా మిక్స్ అయి ఉంటాయి. ముఖ్యంగా "రేపు జరగబోయేది ఈరోజే మీ టీవీలో కనిపిస్తే?" అనే బేసిక్ పాయింట్ సినిమాను ఆసక్తికరంగా మారుస్తుంది.

ఈ 5 సినిమాల్లో…

మనోరమ సిక్స్ ఫీట్ అండర్ — నియో-నోయిర్ మిస్టరీ

వేట్టా — సైకలాజికల్ క్రైమ్

ఐతే — కిడ్నాప్, మోసం

ది స్టోన్‌మ్యాన్ మర్డర్స్ — సీరియల్ కిల్లర్ మిస్టరీ

13B — హారర్ సైకలాజికల్ థ్రిల్లర్

ఇప్పటికే చాలాసార్లు చూసిన పాపులర్ థ్రిల్లర్ సినిమాలను పక్కనపెట్టి, కొత్తగా ఏదైనా చూడాలనుకుంటే ఈ లిస్ట్ నుంచి స్టార్ట్ చేయండి.

Snakes: మీ ఇంటి దగ్గర ఈ చెట్లు ఉన్నాయా.? పాములు క్యూ క‌ట్ట‌డం ఖాయం

Narender Vaitla — Sun, 27 Sep 2026 19:24:12 +0530

Snakes: వర్షాకాలంలో ఇంటి చుట్టుపక్కల పాములు క‌నిపిస్తుంటాయి. అయితే పాములు కొన్ని ర‌కాల మొక్క‌లు ఉండే ప్ర‌దేశానికి ఎక్కువ‌గా అట్రాక్ట్ అవుతుంటాయని నిపుణులు చెబుతుంటారు. ఇంత‌కీ పాములు ఆక‌ర్షించే ఆ చెట్లు ఏంటో ఇప్పుడు చూద్దాం.

మల్లె మొక్కలు ఇంటి ఆవరణలో సాధారణంగా కనిపిస్తాయి. వీటి కొమ్మలు, ఆకులు దట్టంగా పెరిగితే కింద భాగంలో సూర్యరశ్మి తక్కువగా పడుతుంది. వర్షాకాలంలో అక్కడ తేమ కూడా ఎక్కువసేపు ఉండొచ్చు. దీంతో చిన్న కీటకాలు, బల్లులు వంటి జీవులు జీవించే అవకాశం పెరుగుతుంది. మల్లె వాసనకు పాములు ప్రత్యేకంగా ఆకర్షితమవుతాయనే దానికి బలమైన ఆధారాలు లేవు. అయితే మొక్కను ఎక్కువగా పెరగనిస్తే దాని కింద ఏర్పడే చీకటి, తేమ వాతావరణం పాములకు దాక్కునే ప్రదేశంగా మారే అవకాశం ఉంటుంది. అందుకే మల్లె మొక్కను ఎప్పటికప్పుడు కత్తిరిస్తూ నేలకు దగ్గరగా చెత్త పేరుకుపోకుండా చూసుకోవాలి.

మనీ ప్లాంట్, ఇంగ్లీష్ ఐవీ (english ivy) వంటి తీగ మొక్కలను గోడలు, కంచెలు, బాల్కనీలు, తోటలలో పెంచుతుంటారు. ఇవి వేగంగా విస్తరించి దట్టమైన ఆకులతో ప్రాంతాన్ని కప్పేస్తాయి. ఆ ఆకుల కింద తేమ నిలిచే అవకాశం ఉండటంతో చిన్న జీవులకు కూడా అనుకూల వాతావరణం ఏర్పడుతుంది. ముఖ్యంగా ఈ తీగలు గోడలు, చెత్త కుప్పలు లేదా కట్టెల దగ్గర దట్టంగా పెరిగితే పరిస్థితి మరింత అనుకూలంగా మారొచ్చు. అందువల్ల తీగలు ఎక్కడ పడితే అక్కడ విస్తరించకుండా క్రమం తప్పకుండా కత్తిరించాలి. ఇంటి గోడలకు ఆనుకుని ఉన్న ప్రాంతాలను కూడా ఖాళీగా, శుభ్రంగా ఉంచడం మంచిది.

నిమ్మగడ్డి ఆకులు పొడవుగా, గుబురుగా పెరుగుతాయి. వర్షాల సమయంలో వీటి అడుగు భాగంలో తేమ ఎక్కువసేపు ఉండొచ్చు. మొక్క చుట్టూ ఎండిపోయిన ఆకులు, గడ్డి, చెత్త పేరుకుపోతే పాములకు దాక్కునే అవకాశం మరింత పెరుగుతుంది. అదే విధంగా చంపా (సంపంగి) చెట్టు కింద పడిపోయిన ఆకులు, పువ్వులు తొలగించకుండా వదిలేస్తే నేలపై తేమ నిలిచే అవకాశం ఉంటుంది. చెట్టు పెద్దగా పెరిగి కింద భాగం పూర్తిగా నీడలో ఉంటే అక్కడ చిన్న జీవులు చేరే అవకాశమూ ఉంటుంది. కాబట్టి ఈ మొక్కలను తొలగించడం కంటే వాటి చుట్టూ పరిశుభ్రత, గాలి ప్రసరణ ఉండేలా చూసుకోవడం ముఖ్యం.

లాంటానా వేగంగా విస్తరించే పొదలలో ఒకటి. నియంత్రణ లేకుండా పెరిగితే నేల దగ్గర దట్టమైన ఆకుల పొర ఏర్పడుతుంది. ఇలాంటి ప్రాంతాల్లో పాములు కనిపించే అవకాశం ఉండొచ్చు. ముఖ్యంగా మొక్క చుట్టూ ఎండిన ఆకులు, చెత్త, రాళ్లు లేదా కట్టెలు ఉంటే దాక్కోవడానికి అదనపు ప్రదేశాలు ఏర్పడతాయి.

అపరాజిత (శంఖుపుష్పం) కూడా తీగలా విస్తరించే మొక్క. దీనివల్ల పాములు నేరుగా ఆకర్షితమవుతాయని చెప్పడానికి ఆధారం లేదు. కానీ మొక్క చుట్టూ తేమ ఎక్కువగా ఉండి, దట్టమైన పెరుగుదలతో పాటు చిన్న జీవులు సంచరిస్తే పాములు ఆ ప్రాంతానికి రావడానికి అవకాశం ఉంటుంది. కాబట్టి పూజా మొక్క అయినా, అలంకరణ కోసం పెంచే మొక్క అయినా పరిసరాలను శుభ్రంగా ఉంచడం అవసరం.

ఇంటి దగ్గర పాములు రాకుండా ఉండేందుకు మొక్కలను మాత్రమే తొలగించడం పరిష్కారం కాదు. ముందుగా పాములకు దాక్కునే ప్రదేశాలు లేకుండా చేయాలి. దట్టంగా పెరిగిన పొదలు, గడ్డి, ఎండిన ఆకులు, కట్టెలు, రాళ్ల కుప్పలను ఇంటికి దూరంగా ఉంచాలి. మొక్కలను ఎప్పటికప్పుడు కత్తిరించి నేలకు దగ్గరగా ఎక్కువగా పెరగకుండా చూడాలి.

ఇంటి గోడలు, తలుపుల కింద, పైపుల చుట్టూ లేదా నేలలో కనిపించే రంధ్రాలు, పగుళ్లను మూసివేయాలి. ఎలుకలు, కప్పలు వంటి పాముల ఆహారం ఇంటి పరిసరాల్లో ఎక్కువగా ఉండకుండా జాగ్రత్త పడాలి. రాత్రివేళ తోటలోకి వెళ్లాల్సి వస్తే టార్చ్ లేదా సరైన వెలుతురు ఉపయోగించడం మంచిది.

పాము కనిపిస్తే దానిని పట్టుకోవడానికి, తరిమేందుకు ప్రయత్నించకూడదు. దూరంగా ఉండి, స్థానికంగా అందుబాటులో ఉన్న శిక్షణ పొందిన స్నేక్ రెస్క్యూ సిబ్బంది లేదా సంబంధిత అధికారులను సంప్రదించడం సురక్షితమైన మార్గం. పాములు పర్యావరణ వ్యవస్థలో కీలక పాత్ర పోషించే జీవులు కాబట్టి, వాటిని చంపకుండా మనుషులు, పాములు రెండింటికీ సురక్షితమైన పరిష్కారాన్ని ఎంచుకోవడం మంచిది.

Banana: రోజుకో అరటిపండు తింటే శరీరంలో జరిగేది ఇదే

Haritha Chappa — Sun, 27 Sep 2026 18:54:12 +0530

Banana: ప్రతి రోజూ ఒక అరటిపండు తినడం వల్ల మన శరీరంలో ఏం జరుగుతుందో తెలుసా? రోజుకో అరటి పండు వల్ల ఆరోగ్యానికి ఎలాంటి ప్రయోజనాలు కలుగుతాయో తెలుసుకోండి.

AI in Cancer Treatment: క్యాన్సర్ చికిత్సలో అధునాతన టెక్నాలజీ.. ఏఐతో మరింత కచ్చితత్వం

Narender Vaitla — Sun, 27 Sep 2026 18:45:07 +0530

ఏఐతో రేడియేషన్ చికిత్సలో మరింత కచ్చితత్వం

సెప్టెంబర్ 26, 27 తేదీల్లో అసోసియేషన్ ఆఫ్ మెడికల్ ఫిజిసిస్ట్స్ ఆఫ్ ఇండియా (AMPI) తెలంగాణ, ఆంధ్రప్రదేశ్ చాప్టర్ వార్షిక సదస్సు జరుగుతోంది. కిమ్స్ హాస్పిట‌ల్స్ సికింద్రాబాద్ రేడియేషన్ ఆంకాలజీ విభాగం అధిపతి డాక్టర్ టీ. ప్రతాప్ రెడ్డి నాయకత్వంలో ఈ కార్యక్రమం నిర్వ‌హించారు. తెలంగాణ, ఆంధ్రప్రదేశ్‌కు చెందిన మెడికల్ ఫిజిసిస్టులు, రేడియేషన్ ఆంకాలజిస్టులు, రేడియాలజిస్టులు, సాంకేతిక నిపుణులు, హెల్త్‌కేర్ టెక్నాలజీ నిపుణులు సదస్సుకు హాజరయ్యారు.

రేడియేషన్ డోసు కచ్చితంగా అందించడం, రోగుల భద్రత, రేడియేషన్ డోసిమెట్రీ, న్యూక్లియర్ మెడిసిన్, రేడియేషన్ సేఫ్టీ వంటి అంశాలపై నిపుణులు చర్చించారు. క్యాన్సర్ చికిత్సలో కొత్త సాంకేతికతలను ఎలా సమర్థంగా ఉపయోగించాలనే దానిపైనా అభిప్రాయాలను పంచుకున్నారు. ముఖ్యంగా డయాగ్నస్టిక్ ఇమేజింగ్, రేడియేషన్ ఆంకాలజీలో జనరేటివ్ ఏఐతో పాటు ఇతర ఆధునిక టెక్నాలజీల వినియోగంపై చ‌ర్చించారు.

డిజిటల్ హెల్త్‌కేర్‌పై ప్రొఫెసర్ ఎం. కుమార్

ఉస్మానియా యూనివర్సిటీ వైస్ ఛాన్సలర్ ప్రొఫెసర్ ఎం. కుమార్ మొలుగారం ఈ సదస్సుకు ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ అధునాతన ఫిజిక్స్, ఆర్టిఫిషియల్ ఇంటెలిజెన్స్, ప్రజారోగ్య మౌలిక వసతులను సమన్వయం చేయడం ద్వారా ప్రజలకు మరింత అందుబాటులో ఉండే, కచ్చితమైన వైద్య సేవలను అందించవచ్చని తెలిపారు.

భవిష్యత్తులో క్యాన్సర్ చికిత్సతో పాటు అధునాతన వైద్య నిర్ధారణల్లో డిజిటల్ టెక్నాలజీ పాత్ర మరింత పెరుగుతుందని ప్రొఫెసర్ కుమార్ అన్నారు. డిజిటల్ హెల్త్‌కేర్ మౌలిక వసతులను బలోపేతం చేయడం ద్వారా ఆధునిక వైద్య సేవలను ఎక్కువ మంది ప్రజలకు అందుబాటులోకి తీసుకురావచ్చని చెప్పారు.

కిమ్స్ హాస్పిట‌ల్‌ సికింద్రాబాద్‌లోని రేడియేషన్ ఆంకాలజీ విభాగం ఉస్మానియా యూనివర్సిటీ గుర్తింపు పొందిన పరిశోధనా కేంద్రంగా ఉందని ఆయన తెలిపారు. మెడికల్ ఫిజిక్స్‌లో పోస్ట్-ఎంఎస్సీ డిప్లొమా కోర్సు నిర్వహణ కోసం ఉస్మానియా యూనివర్సిటీ, కిమ్స్‌ మధ్య అవగాహన ఒప్పందం (MoU) ఉందని వివరించారు. భవిష్యత్తులో మెడికల్ ఫిజిసిస్టుల నైపుణ్యాలను పెంచే శిక్షణ, పరిశోధన కార్యక్రమాలకు యూనివర్సిటీ సహకరిస్తుందని చెప్పారు.

సాంకేతికతతో పాటు నిపుణుల నైపుణ్యాలు అవసరం

కిమ్స్‌ గ్రూప్ ఆఫ్ హాస్పిటల్స్ సీఎండీ డాక్టర్ బి. భాస్కర్ రావు మాట్లాడుతూ క్యాన్సర్‌కు సంబంధించిన వివిధ రకాల వ్యాధులకు సమగ్ర చికిత్స అందించేందుకు కిమ్స్‌లో అధునాతన సాంకేతిక మౌలిక వసతులతో పాటు నిపుణుల బృందం ఉందన్నారు. భారత్‌లో అధునాతనమైన, అందుబాటు ధరల్లో వైద్య సేవలకు ప్రమాణాలు ఏర్పరచే లక్ష్యంతో కిమ్స్‌ తన సామర్థ్యాలను మరింత విస్తరిస్తోందని తెలిపారు.

మెడికల్ ఫిజిసిస్టులు ఎప్పటికప్పుడు తమ పరిజ్ఞానాన్ని పెంచుకోవాలని ఆయన సూచించారు. డయాగ్నస్టిక్ ఇమేజింగ్, రేడియేషన్ ఆంకాలజీలో జనరేటివ్ ఏఐ వంటి కొత్త సాంకేతికతలపై అవగాహన పెంచుకోవాలని చెప్పారు. సాంకేతిక పరిజ్ఞానాన్ని వైద్య నిపుణుల అనుభవంతో సమన్వయం చేయడం ద్వారా క్యాన్సర్ చికిత్సలో కచ్చితత్వం, సామర్థ్యం మరింత పెంచవచ్చని పేర్కొన్నారు.

వైద్య రంగ నిపుణుల హాజరు

ఈ సదస్సులో వైద్య భౌతిక శాస్త్రానికి సంబంధించిన తాజా పరిణామాలపై నిపుణులు తమ అభిప్రాయాలను వెల్లడించారు. రేడియేషన్ డోసు సరైన మోతాదులో అందించడం, రోగుల భద్రతను కాపాడటం, ఆధునిక చికిత్సా విధానాల్లో కొత్త టెక్నాలజీలను సమర్థంగా ఉపయోగించడం వంటి అంశాలకు ప్రాధాన్యం ఇచ్చారు. ఈ కార్యక్రమంలో కిమ్స్ హాస్పిట‌ల్స్ మెడికల్ డైరెక్టర్ డాక్టర్ సాంబిత్ సాహు, చీఫ్ మెడికల్ ఫిజిసిస్ట్, RSO డాక్టర్ కే. కృష్ణమూర్తి, సీనియర్ మెడికల్ ఫిజిసిస్ట్ డాక్టర్ PBLD ప్రసాద్‌తో పాటు పలువురు మెడికల్ ఫిజిసిస్టులు, రేడియేషన్ ఆంకాలజిస్టులు, ఇతర వైద్య, ఆరోగ్య రంగ నిపుణులు పాల్గొన్నారు.

Airplane Food: విమానం ఎత్తుకు వెళ్లాక.. ఫుడ్ టేస్ట్ ఎలా మారుతుంది? అసలు రుచి తెలుస్తుందా?

Haritha Chappa — Sun, 27 Sep 2026 18:39:30 +0530

Airplane Food: మనం ఉన్న వాతావరణాన్ని బట్టి ఆహారం రుచి మారుతుంది. ఇంట్లో వండిన భోజనమే విమానం ఎత్తుకు ఎగిరాక తింటే రుచి మరోలా ఉంటుంది. గాల్లో ప్రయాణిస్తున్నప్పుడు రుచి ఎందుకు మారుతుందో తెలుసా?

విమానంలో ప్రయాణించే వారికి ఈ విషయం త్వరగానే అర్థమవుతుంది. విమానం ఎక్కాక ఫ్లైట్ దాదాపు 35,000 అడుగుల ఎత్తులో ఎగురుతున్నప్పుడు ఎక్కువగా లంచ్ లేదా బ్రేక్ ఫాస్ట్ ఇస్తూ ఉంటారు. కానీ ఆ ఫుడ్ టేస్ట్ మనం ఇంట్లో లేదా హోటల్‌లో తినే దానికంటే భిన్నంగా ఉంటుంది. అదే ఫుడ్ భూమ్మీద ఉన్నప్పుడు తింటే మాత్రం చాలా రుచిగా ఉంటుంది. రుచిలో ఎందుకంత తేడా వస్తుందంటే.. ఫ్లైట్ అంత ఎత్తులో ఉన్నప్పుడు మన నాలుక, ముక్కు ఆహారం రుచిని, వాసనను పసిగట్టే విధానంలో మార్పులు వస్తాయి.

ఫ్లైట్ ఎత్తు, అక్కడి పొడి గాలి, క్యాబిన్ ప్రెజర్ మన ఫుడ్ టేస్ట్‌పై చాలా ప్రభావాన్ని చూపిస్తాయి. క్లినికల్ న్యూట్రిషనిస్ట్, యూకే సర్టిఫైడ్ అడ్వాన్స్‌డ్ ఫ్యాట్ లాస్ అండ్ మెటబాలిక్ హెల్త్ కోచ్ నిషిక చెబుతున్న ప్రకారం ఫ్లైట్ 35,000 అడుగుల ఎత్తులో ఎగురుతున్నప్పుడు ఆహారం ఆస్వాదించే విధానంలో మార్పు వస్తుంది.

ఫ్లైట్‌లో ఉన్నప్పుడు తక్కువ తేమ, క్యాబిన్ ప్రెజర్, విమానం ఇంజిన్ సౌండ్ మన రుచి, వాసన చూసే సామర్థ్యంపై ప్రభావం చూపుతాయి. మనం ఏదైనా రుచి చూస్తున్నామంటే అందులో వాసన పాత్ర కూడా చాలా ఉంటుంది. ఫ్లైట్ క్యాబిన్‌లో తేమ తక్కువగా ఉండటం వల్ల నోరు, ముక్కు లోపలి భాగం పొడిబారుతుంది. దీనివల్ల వాసన, రుచిని పసిగట్టే సామర్థ్యం తగ్గుతుంది. అలాగే విమానం సౌండ్ వల్ల తీపి రుచి తక్కువగా అనిపిస్తుంది. కానీ టొమాటో, మష్రూమ్, చీజ్ లాంటి వాటిలో ఉండే వాటి రుచి మాత్రం బాగా తెలుస్తుంది. అందుకే ఫ్లైట్‌లో టొమాటో జ్యూస్ ఎక్కువగా తాగుతారు.

Mangalsutra: ముత్యాల మంగళసూత్రాలు చూశారా.. చూపుతిప్పుకోలేరు

Haritha Chappa — Sun, 27 Sep 2026 18:12:08 +0530

Mangalsutra: నల్లపూసల మంగళసూత్రాలు సరికొత్తగా ముత్యాల కాంబినేషన్ ట్రై చేయండి. ఇవి స్టైలిష్‌గా, క్లాసీ లుక్ ను ఇస్తాయి. మెడకు ఎంతో అందాన్ని ఇస్తాయి. వీటిలో సింపుల్ డిజైన్లు ఎన్నో ఉన్నాయి.