Asianet News TeluguAsianet News Telugu

ఐఫోన్ ఎక్స్ ఫీచర్లతో వివో కొత్త స్మార్ట్ ఫోన్

  • అదిరిపోయే ఫీచర్లతో విడుదలైన వివో వీ9
Vivo V9 Priced at Rs 22990 Launched in India With 24Megapixel Selfie Camera

ప్రముఖ ఎలెక్ట్రానిక్ వస్తువుల తయారీ సంస్థ వివో.. తాజాగా మరో స్మార్ట్ ఫోన్ ని విడుదల చేసింది. వివో వీ9 పేరుతో విడుదలైన ఈ స్మార్ట్ ఫోన్ లో  యాపిల్ కంపెనీకి చెందిన ఐఫోన్ ఎక్స్ ఫీచర్లను కొన్నింటిని పొందుపరచడం విశేషం. దీనికి పై భాగంలో ఐఫోన్ X తరహాలో నాచ్‌ను ఏర్పాటు చేశారు. ఫోన్ వెనుక భాగంలో 16, 5 మెగాపిక్సల్ సామర్థ్యం ఉన్న రెండు కెమెరాలు, ముందు భాగంలో 24 మెగాపిక్సల్ కెపాసిటీ ఉన్న సెల్ఫీ కెమెరాను అమర్చారు.

Vivo V9 Priced at Rs 22990 Launched in India With 24Megapixel Selfie Camera

సెల్ఫీ కెమెరా ఆర్టిఫిషియల్ ఇంటెలిజెన్స్ ఆధారంగా పనిచేస్తుంది. దీని వల్ల ఈ కెమెరాతో డివైస్‌ను అన్‌లాక్ చేసుకోవచ్చు. ఈ ఫీచర్ యూజర్ ముఖాన్ని స్కాన్ చేసుకుని ఫోన్‌ను అన్‌లాక్ చేస్తుంది. ఈ ఫోన్‌లో ఏఆర్ స్టిక్కర్స్ అనే ఫీచర్‌ను అందిస్తున్నారు. దీని సహాయంతో యూజర్లు సెల్ఫీ కెమెరాతో తీసుకునే తమ ఫోటోలను స్టిక్కర్లుగా మార్చుకోవచ్చు. ఇక ఈ ఫోన్‌లో మెమొరీ కార్డ్, డ్యుయల్ సిమ్ కార్డుల కోసం వేర్వేరుగా స్లాట్లు ఇచ్చారు. రూ.22,990 ధరకు ఈ ఫోన్ ఏప్రిల్ 2వ తేదీ నుంచి లభ్యం కానుంది. అమెజాన్, ఫ్లిప్‌కార్ట్ సైట్‌లలో ఈ ఫోన్‌ను ముందుగానే ప్రీ ఆర్డర్ చేసుకునే సదుపాయం కూడా ఉంది. 

వివో వి9 ఫీచర్లు... 
6.30 ఇంచ్ ఫుల్ హెచ్‌డీ ప్లస్ డిస్‌ప్లే, 2280 x 1080 పిక్సల్స్ స్క్రీన్ రిజల్యూషన్, 2.2 గిగాహెడ్జ్ ఆక్టాకోర్ స్నాప్‌డ్రాగన్ 626 ప్రాసెసర్, 4 జీబీ ర్యామ్, 64 జీబీ స్టోరేజ్, 256 జీబీ ఎక్స్‌పాండబుల్ స్టోరేజ్, డ్యుయల్ సిమ్, ఆండ్రాయిడ్ 8.1 ఓరియో, 16, 5 మెగాపిక్సల్ డ్యుయల్ బ్యాక్ కెమెరాలు (ఫ్లాష్), 24 మెగాపిక్సల్ సెల్ఫీ కెమెరా (ఫ్లాష్), ఫింగర్‌ప్రింట్ సెన్సార్, 3260 ఎంఏహెచ్ బ్యాటరీ.

Follow Us:
Download App:
  • android
  • ios