అంతం లేదా: చిన్నారిపై రేప్, ఆ తర్వాత హత్య
అంతం లేదా: చిన్నారిపై రేప్, ఆ తర్వాత హత్య
ఇండోర్: దేశంలో చిన్నారులపై దాష్టీకాలు ఆగడం లేదు. తల్లిదండ్రుల పక్కన పడుకున్న అభం శుభం తెలియని ఆరేళ్ల చిన్నారిని నిర్మానుష్యమైన ప్రదేశానికి తీసుకుని వెళ్లి కామాంధుడు ఆమెపై అత్యాచారం చేశాడు.
ఇండోర్ లోని రాజ్వాడా ఫోర్టు వద్ద పడుకున్న చిన్నారిని శుక్రవారం తెల్లవారు జామున ఎత్తుకుని వెళ్లి అత్యాచారానికి పాల్పడ్డాడు. ఆ తర్వాత ఆమెను చంపేశాడు. అతన్ని 21 ఏళ్ల సునీల్ భీల్ గా సిసిటీవి కెమెరాల ఆధారంగా పోలీసులు గుర్తించారు.
దుకాణం తెరవడానికి వచ్చిన షాప్ కీపర్ వాణిజ్య భవనం బెస్ మెంట్ లో రక్తం మడుగులో పడి ఉన్న పాప శవాన్ని పోలీసులు స్వాధీనం చేసుకున్నారు. మృతురాలి తల్లిదండ్రులు బెలూన్లు అమ్ముతూ పొట్ట పోసుకుంటున్నారు.
ఇండోర్ లోని రాజ్వాడ ఫోర్ట్ వెలుపల పాపతో పాటు తల్లిదండ్రులు పడుకున్నారు. వారికి కొద్ది దూరంలోనే అతను పడుకుని ఉన్నాడు. వారు నిద్రపోయిన తర్వాత అతను పాపను ఎత్తుకుని వెళ్లాడు. సునీల్ భీల్ కు పాప తల్లిదండ్రులతో పరిచయం ఉంది.
పాప ప్రైవేట్ భాగాలపై గాయాలు కనిపించాయి. తలపై కూడా గాయం ఉంది. పాపను నిందితుడు విసిరికొట్టడం వల్ల తలకు గాయమై ఉంటుందని భావిస్తున్నారు. నిందితుడిని త్వరలో అరెస్టు చేస్తామని చెప్పారు.
దేశంలో చిన్నారులపై అత్యాచారాలు, హత్యాకాండలు ఆందోళకరమైన పరిస్థితిని కల్పిస్తున్నాయి. జమ్మూ కాశ్మీరులోని కథువాలో ఎనిమిదేళ్ల బాలికను ఎత్తుకెళ్లి, ఆమెపై అత్యాచారం చేసి, అమైను హత్య చేసిన సంఘటన తీవ్ర సంచలనం సృష్టించింది.
ఉత్తరప్రదేశ్ రాష్ట్రంలోని ఈటాలో వివాహ వేడుకకు హాజరైన తొమ్మిదేళ్ల బాలికపై అత్యాచారం చేసి, ఆ తర్వాత అమెను హత్య చేసిన సంఘటన గురువారం రాత్రి చోటు చేసుకుంది.
చత్తీస్ గఢ్ లో బుధవారంనాడు అదే రీతిలో పదేళ్ల బాలికపై అత్యాచారం, హత్య చోటు చేసుకున్నాయి. సూరత్ లో 11 ఏళ్ల బాలికను రేప్ చేసి, చంపేశారు. అమె ఒంటిపై 86 గాయాలు అయ్యాయి. ఈ సంఘటనలపై సోషల్ మీడియాలో తీవ్ర ఆందోళన వ్యక్తం చేస్తూ వ్యాఖ్యలు దర్శనమిస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
