నోయిడా అథారిటీ కార్యాలయం ముందు ఆందోళన:746 మంది రైతులపై కేసులు
నోయిడా అథారిటీ కార్యాలయం ముందు ఆందోళనకు దిగిన రైతులపై పోలీసులు కేసు నమోదు చేశారు.
 )
Followన్యూఢిల్లీ: తమ డిమాండ్ల సాధన కోసం నోయిడా అథారిటీ కార్యాలయం ముందు ఈ ఏడాది జనవరి 18న ఆందోళన నిర్వహించిన వారిపై పోలీసులు కేసు నమోదు చేశారు. నోయిడా అథారిటీ కార్యాలయానికి తాళం వేసిన 746 మంది రైతులపై పలు సెక్షన్ల కింద కేసు నమోదు చేశారు.
ఈ విషయమై సంబంధిత కార్యాలయంలో పనిచేసే జేఈ ఫిర్యాదు మేరకు పోలీసులు జనవరి 23న కేసు నమోదు చేశారు. అయితే ఈ విషయాన్ని పోలీసులు గోప్యంగా ఉంచారు. దాదాపు నెల రోజుల తర్వాత ఈ ఎఫ్ఐఆర్ వెలుగులోకి వచ్చింది. ఈ బూటకపు కేసును ఉపసంహరించుకోవాలని సీఎంతో నిర్వహించిన సమావేశంలో రైతులు డిమాండ్ చేశారు.
భారతీయ కిసాన్ పరిషత్ జాతీయ అధ్యక్షుడు సుఖ్ వీర్ ఖలీఫాతో పాటు 746 మంది రైతులపై కేసు నమోదు చేశారు. ఈ ఏడాది జనవరి 18న నోయిడా అధారిటీ కార్యాలయాన్ని లాక్ డౌన్ చేయడానికి రైతులు వచ్చారని పేర్కొన్నారు. ఈ సందర్భంగా నిర్వహించిన ఆందోళన నేపథ్యంలో రైతులపై పోలీసులు కేసు నమోదు చేశారు.నోయిడా అథారిటీ ముందు ఆందోళనకు దిగిన 746 మంది రైతులపై పోలీసులు కేసు నమోదు చేశారు. నెల రోజుల తర్వాత ఈ విషయం వెలుగు చూసింది.
నోయిడా అథారిటీ కార్యాలయం ముందు నిరసనతో పాటు కార్యాలయానికి తాళం వేసిన ఆరోపణలతో 746 మంది రైతులపై ఎఫ్ఐఆర్ నమోదైంది. ఈ కేసుల అంశం వెలుగు చూడడంతో కేసులను వెనక్కి తీసుకోవాలని రైతులు డిమాండ్ చేస్తున్నారు.తమపై తప్పుడు కేసులు బనాయించారని రైతులు ఆందోళన వ్యక్తం చేస్తున్నారు..
ఈ ఏడాది జనవరి 18న నోయిడా అధారిటీ అధికారులకు వ్యతిరేకంగా రైతులు నినాదాలు చేశారు. కార్యాలయాన్ని స్వాధీనం చేసుకొనే ప్రయత్నం చేశారు. అయితే పోలీసులు ఆందోళనకారులను వారించారు. అయినా కూడ పోలీసుల ఆంక్షలను ఉల్లంఘించారు. ఈ సమయంలో పోలీసులకు ఆందోళనకారుల మధ్య తోపులాట చోటు చేసుకుంది. గందరగోళ పరిస్థితులు నెలకొన్నాయి. ఈ సమయంలో ప్రవేశ ద్వారం వద్ద జాతీయ జెండాను అపవిత్రం చేశారనే ఆరోపణలు కూడ వచ్చాయి. లా ఎన్ ఫోర్స్ మెంట్ అధికారులపై దాడి చేశారనే ఆరోపణలు కూడ వెలుగు చూశాయి. ఈ క్రమంలో ఎస్ఐ ప్రదీప్ ద్వివేది, హెడ్ కానిస్టేబుల్ ప్రభాత్ సింగ్ లకు కూడ తీవ్ర గాయాలయ్యాయి. కొందరు అధికారుల గొంతు నొక్కడానికి కూడ ప్రయత్నించారనే ఆరోపణలు కూడ వెలుగు చూశాయి. అంతేకాదు తొక్కిసలాట జరిగింది.
అంతేకాదు ఈ సందర్భంగా చోటు చేసుకొన్నహింసాత్మక ఘటనలతో నోయిడా డెవలప్ మెంట్ అథారిటీ ప్రాంతంలో నివసించే వారు భయాందోళనలు వ్యక్తం చేశారు. కొందరు తమ వ్యాపార సంస్థలను మూసివేశారు. ఈ గందరగోళం కారణంగా ప్రభుత్వ కార్యకలాపాల నిర్వహణకు కూడ ఇబ్బందులు నెలకొన్నాయి. ఈ కేసు విషయం వెలుగు చూడడంతో భారతీయ కిసాన్ పరిషత్ జాతీయ అధ్యక్షుడు సుఖ్ వీర్ ఖలీఫా స్పందించారు. ఎఫ్ఐఆర్ నమోదు చేసి రహస్యంగా ఉంచడాన్ని ఆయన తప్పుబట్టారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
