పదో తరగతి విద్యార్థికి.. లేడీ టీచర్ శృంగార పాఠాలు

First Published 26, May 2018, 9:54 AM IST
Chandigarh: 34-year-old woman teacher ‘sexually abuses’ minor boy, tries to 'commit suicide' when confronted
Highlights

గదిలో బంధించి మరీ.. లైంగిక దాడి

పుస్తకాల్లోని పాఠాలు చెప్పాల్సిన టీచర్... ఆ విద్యార్థికి శృంగార పాఠాలు బోధించింది.  మూడు నెలల పాటు లైంగిక దాడి చేసింది. ట్యూషన్ మాన్పిస్తామని ఆ విద్యార్థి తల్లిదండ్రులు చెబితే..
వారి ఎదుటే.. ఆ పిల్లాడిని గదిలో బంధించింది. ఈ సంఘటన చండీగఢ్ లో చోటుచేసుకుంది. పూర్తి వివరాల్లోకి వెళితే...

 ఓ టీచర్.. రోజూ తన వద్దకు ట్యూషన్‌కి వచ్చే పిల్లాడ్ని ఆమె గదిలో పెట్టి తాళం వేసేసింది... అదీ అతని తల్లిదండ్రుల ఎదుటే! వాణ్ణి ట్యూషన్‌కి పంపడం మాన్పిస్తే ఊరుకోనని... ఆత్మహత్య చేసుకుంటానని హెచ్చరించింది! ఇది తెలిసి చుట్టుపక్కల వాళ్లు వచ్చి ఆ కుర్రాణ్ణి విడిపించి తల్లిదండ్రులకు అప్పగించినా... ఆ లేడీ టీచర్‌ మాత్రం పంతం వీడలేదు.

ఆ కుటుంబం ఇంటికెళ్లి ఆత్మహత్యా యత్నం చేసింది. ఆ తర్వాతే... అసలు విషయం బయటపడింది. రెండు నెలలుగా ఆ విద్యార్థిపై ఆమె లైంగిక దాడికి పాల్పడుతోందని! ఆమె ప్రభుత్వ పాఠశాలలో సైన్స్‌ ఉపాధ్యాయురాలు. వయసు 35 ఏళ్లు. ఇద్దరు పిల్లల తల్లి. భర్త లెక్చరర్‌. చండీగఢ్‌ రామ్‌ దర్బార్‌ కాలనీలో నివాసం ఉంటున్నారు. ఆమె వద్దకు ట్యూషన్‌కి వస్తున్న పదో తరగతి విద్యార్థిదీ అదే ప్రాంతం. అతని చెల్లెలు కూడా కలిసే ట్యూషన్‌కి వచ్చేది.
 
     అయితే, అబ్బాయిపై దృష్టి పెట్టాలంటే ఇద్దర్నీ వేర్వేరుగా పంపాలని వారి తల్లిదండ్రులకు చెప్పిందా టీచర్‌. మూడు నెలలుగా ట్యూషన్‌కు పంపిస్తున్నా తెలివైన ఆ విద్యార్థికి మార్కులు పెరగకపోగా తగ్గిపోతూ వచ్చాయి. చదువుపై ధ్యాస తగ్గిపోవడాన్నీ తల్లిదండ్రులు గమనించారు. ఇక లాభం లేదని... ట్యూషన్‌ మాన్పించేస్తామని చెప్పడానికి వెళ్లారు.

వారితో గొడవకు దిగిన ఆ టీచర్‌... వెంటనే కుర్రాణ్ణి గదిలో పెట్టి బంధించింది. ఇది తెలిసి ఇరుగు పొరుగు వారు వచ్చి విడిపించి... ఇంటికి పంపారు. అయితే, ఆ టీచర్‌ వాళ్ల వెనకే వారింటికి వెళ్లింది. బాత్‌రూమ్‌లోకి వెళ్లి గడియ పెట్టుకుని విషం తాగి ఆత్మహత్య చేసుకుంటున్నానంటూ ఓ సీసాలోని మందు తాగేసింది. రంగంలోకి దిగిన పోలీసులు ఆమెను వెంటనే ఆస్పత్రిలో చేర్పించారు.
 
     గొడవేంటో తెలిశాక... ‘చైల్డ్‌లైన్‌’కు కూడా ఫిర్యాదు చేయాలని ఆ విదార్థి తల్లిదండ్రులకు సూచించారు. చైల్డ్‌లైన్‌ కౌన్సిలర్లు ఆరా తీయగా ఆ విద్యార్థి తన టీచర్‌ లైంగిక దాడి గురించి తెలిపాడు. పాఠాలు బోధించాల్సిన ఆ టీచర్‌... ఆ విద్యార్థికి శృంగార కథలు చెప్పింది. అందాలు ప్రదర్శించి అతని మనసు చెడగొట్టింది.

రోజూ అతన్ని వాడుకునేది... వాంఛ తీర్చుకునేది. ఒక సిమ్‌ కార్డు కూడా అతనికి ఇచ్చింది. రోజూ రాత్రి పూట మాట్లాడుతూ ఉండాలని ఒత్తిడి చేసేది. కాగా, ఆ టీచర్‌ తాగింది దగ్గు మందేనని వైద్యులు నిర్ధారించారు. పోక్సో చట్టం కింద ఆమెను పోలీసులు అరెస్టు చేశారు.

loader