వేణు నక్షత్రం కవిత ' పాడు కాలం'
కరోనా వైరస్ ప్రజలను కలవరపెడుతోంది. కోవిడ్ ప్రజలను భయకంపితులను చేస్తోంది. ఈ నేపథ్యంలో వేణు నక్షత్రం పాడు కాలం అనే వేదనాత్మకమైన కవితను రాశారు. చదవండి.
 )
Followపాడు కాలం !
ఇది గతాన్ని నెమరు వేసుకునే కాలం!
ఉన్న రోజులు, బతికున్న రోజులను తలచుకుని
లేని వారి గురించి ఒక దీర్ఘ నిట్టూర్పు
రెండు కన్నీళ్లు కార్చే కాలం!
"ఇంకా ఎన్ని విషాద వార్తలు వినాలో "
అని క్షణ క్షణం భయపడుతూ బతకాల్సిన కాలం!
ప్రాణవాయువు దొరకక ఉక్కిరి బిక్కిరై
ఉసూరుమని ఊపిరులొదిలేస్తున్న
మృత్యు క్రీడల్ని సుదీర్ఘ టీవీ సీరియళ్ళుగా
చూడాల్సి వస్తున్న కాలం.
"కరాల నృత్యం చేస్తున్న కరోనా "
ఏదేదో రాయాలని పెన్ను పట్టుకున్నా
ఎంతకీ ముందుకు కదలని కలం
నిమిషానికొక విషాద వార్తతో
కలాల్ని , కలలని వెనుకకు లాగుతున్న కాలం!
ఇది పాడు కరోనా కాలం!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
