బెల్లం కొండ సంపత్ కుమార్ కవిత: నమ్మకం
తెలుగు సాహిత్యంలో తెలుగు కవిత్వం విశిష్టమైంది. బెల్లండకొండ సంపత్ కుమార్ రాసిన నమ్మకం అనే కవితను మీ కోసం అందిస్తున్నాం.
 )
Followపుట్టిన గూడు
పెరిగిన దిక్కు
విడిచి
వలస పక్షి
తిరి గొస్తానని
రెక్కలిచ్చింది
కాలం వేరు చేస్తున్నా
రాలు ఆకు
రెమ్మకు చిగురిస్తానని
పచ్చిగ మాటిచ్చింది
చినుకు కెంత విశ్వాసమో
కాలుతున్న పెనం మీద
బొట్టు ఓడుతున్నదైనా
ఆకాశం చేరుతున్నది
మట్టి తో జత కడుతున్నది
పరిమళిస్తున్నది
యుగాలుగా
గూన ధార సంగీతమై
గండ్ర శిలను ద్రవింప జేస్తున్న ది
జడమైనాకానివ్వు
జీవమైనాకానివ్వు
లోన తడువాలె
ముద్దకావాలె
మనుగడకు
అస్తిత్వం ఎంతనో
వమ్ముకానినమ్మకం
అంతఅవసరం
నమ్మకమేలేన్నాడు
శ్వాసకు
ఊపిరందదు.
మరింత సాహిత్యం కోసం: https://telugu.asianetnews.com/literature
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
