అహోబిలం ప్రభాకర్ తెలుగు కవిత: ఒక నిశ్శబ్దం
ప్రపంచాన్ని కరోనా వైరస్ మహమ్మారి వణికిస్తోంది. ప్రపంచాన్ని గజగజలాడిస్తున్న కరోనా వైరస్ మీద తెలుగు కవులు స్పందిస్తున్నారు. అహోబిలం ప్రభాకర్ రాసిన ఈ కవిత చదవండి.
 )
Followబార్డర్ లో తూటాలు లేవు
తాటాకు చప్పుల్లు లేవు
ఇప్పుడంతా నిశ్శబ్దం
గుపిట్లో ప్రపంచంల
పక్కోని గూడు
కోవిడ్ తో కాళి అవుతుందో
దేశ పటాల సంఖ్య
చావు రేటు ముందు
చిన్నదౌతూందో
గుస గుస లకు తావు లేదు
ఇపుడంతా తండ్లాటే
నిన్నటి వరకు
రణ గొణ రహదారులన్నీ
కాలుష్యం దిగమింగి
నిద్దుర పోతున్నట్టు
అనుమానం తోటి తాకిన
కరచాలనం లో చావు భయం
కండ్ల నిండా చేతిరాతలు
కడుగుతుంటది
మాస్క్ చాటున
శ్వాస దిగమింగు కుంట
నీ ప్రాణంతో ఇన్సూరెన్స్
పంట పండిచుకున్నవాల్లు
ఇప్పుడు దిక్సూచిలు మాత్రమే
నీ పక్కింట్లో కరోన దాగుందో
ఏ మిసైల్స్ కనిపెట్టలేవు
ఏ అణుబాంబులు మట్టు బెట్ట లేవు
విత్తలేని వాడు
రియలెస్టేట్ తో
ఎకరాలుగా విస్తరించి
జనతా కర్ఫ్యూల
ఇపుడు ప్రాణాలన్ని
తాబేలు చిప్ప కింద దాచుకున్నడు
పొద్దుతిరుగుడు పువ్వులా
తిరగాడిన వాడికి
గూట్లో కుక్కివుండటం కష్టకాలమే
ప్రకృతికి మనిషి వికృతి ఐతే
కరోన మనిషికే శత్రువు
ఇపుడు నీ లక్షం
మనిషికి మనిషి నిర్బంధం
నీవు స్తబ్ధుగా వుండటమే వ్యూహం
నీ సహనమే పెద్ద ఆయుధం
నీ ఇల్లే రక్షక కవచం
నీ గడపలో నీవుండటమే యుద్ధం
మరింత సాహిత్యం కోసం ఇక్కడ క్లిక్ చేయండి;https://telugu.asianetnews.com/literature
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
