ఇరుగు పొరుగు శీర్షిక కింద నారాయణ్ శ్యామ్ సింధీ కవితను ప్రముఖ కవి వారాల ఆనంద్ తెలుగులో అందిస్తున్నారు. ఆ కవిత చదవండి.
Add Asianetnews Telugu as a Preferred Source
నా ఆలోచనల్లోనే కొంత అనుమానం కానీ
నేస్తమా నువ్వు నిర్దయుడివి కాదు
కొన్నిసార్లు నీ గురించిన తలంపే లేదు
జీవితం నిండా ఒత్తిల్లున్నాయి
నాతో నేను యుధ్ధం చేస్తూనే వున్నాను
ప్రపంచంతో నిరంతర యుద్ధం సరే సరి
నన్ను నేను దహించుకుంటూ
నాలో ఎంత వెలుగుందో చూడాలనుకున్నాను
నా జీవనయానంలో చీకటి ముసురుకున్నప్పుడు
నీ జ్ఞాపకమే నాకు స్థిరమయిన తోడు
వీడ్కోలు సమయంలో చిరునవ్వు
వియోగంలో ఏదో 'ఆనందం' వున్నట్టు
పట్టపగలు ఎవరో అడిగారు 'ఓ శ్యామ్'
వెలుతురున్నదా ? వెలుతురున్నదా? అని
సింధీ మూలం: నారాయణ్ శ్యామ్
ఇంగ్లీష్: ది.కె.మన్శరమని
తెలుగు: వారాల ఆనంద్
