Asianet News TeluguAsianet News Telugu

తెలుగు కవిత: కోలిమికి భరోసా కావాలి

కొలిమికి భరోసా కావాలి అంటూ దాసోజు కృష్ణమాచారి కవిత రాశారు ఆయన కవితలో కులవృత్తికి సంబంధించిన అంశం ఉంది. తెలుగు సాహిత్యంలో అదో పాయగా కొనసాగుతోంది.

Literary Corner: Dasoju Krishnamachari kavith in Telugu Literature
Author
Hyderabad, First Published Oct 25, 2019, 4:01 PM IST

రాష్ట్రమంతా బతుకమ్మ ను 
ఎత్తుకోని తిరుగుతుంది 
ఉత్పత్తి వృత్తి శవాన్ని 
మెసుకు తీర్గుతుంది 

గంజి నీళ్ళుయినా తాగి బతుకుదామంటే 
బంగారం సిగ్గు దీసై 
ద్రావకం ధూప తీరిసింది..

పెయ్యికేసిన జంజం పోగుల గూడును 
యే చెట్టుకు ఎలాడదియ్యను 
నిలువ నీడ లేక 
భూమిల రాసుకున్న!!

వృత్తి అంటరానిదైందని 
మీ రాతి బండల మీద 
శిలాఫలకాన్ని చేసి చేక్కమంటారా..?

రండి హస్తిపంజరాన్ని పంచనామా చేసి 
ఇది బంగారు తెలంగాణ అని 
ఇది బంగారు బతుకమ్మ అని 
ఎర్ర తివాచీ పరిచి మ్యూజియం లో పెట్టుకోండి 

అయినా ఉత్పత్తి ఎముకనయి అడుగుతున్నా ?
 కోలిమికి భరోసా కావాలి!!
కలల గూడుకు అసరా కావాలి. 

- దాసోజు కృష్ణమాచారి

Follow Us:
Download App:
  • android
  • ios