కొండపల్లి నీహారిణి తెలుగు కవిత: ప్రశ్నల బిందువులు
తెలుగు సాహిత్యంలో కవిత్వం విశిష్టమైంది. కొండపల్లి నీహారిణి ప్రశ్నల బిందువులు అనే కవిత రాశారు. ఆ కవితను మీ కోసం అందిస్తున్నాం.
 )
Follow
మేఘాల లాలాజలం కన్నీటిరాతలు
సందేహాల వెల్లువకెదురీద కుదరదంది
మనస్సులెట్లాగూ తళుక్కుమనడంలేదు
మట్టి తన రత్నానికి నీతిరంగునద్దింది. కథల్లో మలచిన వెతల మందు
బిడ్డలంత సమానమేనన్నా ,కొందరినే ఇష్టంగా ఎంచుకున్నది ,
ఎర్రదనాన్ని పంచమన్నది .
కాలిబాటలనిండా మెరుపుల అక్షరాల్ని
విత్తినచేతులు ఒంటరిగా చువ్వల
వెనుక చేరిన విపత్తైన సందర్భమిది.
నిశ్శబ్దఅంతస్సారంఇంత నిస్సారమా!
దేశవాకిట ఎలుగెత్తిన కవితారవళులు
కరతాళధ్వనుల్ని విన్నది శుభ్రజ్యోత్స్నగా
నింగివెలిగినప్పుడు !
ఇప్పుడు ....ఇప్పుడు...ముసుగు గోదాముల్లో... మూలుగుల్లో...
న్యాయన్యాయాల కారణవికారాల్లో! లోకమంతా నివ్వెర గేయాలు పాడుతుంటే
చెదబట్టని అగ్నిశిల మౌనముద్రదాల్చింది !!
కులదళాల ,కలందళాల వెనుక ఎవరికి
వారు భవనసముదాయాలయ్యారట ఈ భద్రమైదానాలపై !
భావదారిద్ర్య ప్రేలాపనలు సముద్రహోరులో వినిపించలేదప్పుడు !!
పెనుకారణాల ఆవిరులన్నీ అంబుదాలై,
వర్షించడానికి సన్నద్ధమై , ప్రశ్నల బిందువులు గుండె గోడల్ని తడిచేస్తున్నవి !
కన్నీటికావ్యాలలో ఆత్మసాక్షి పాదసూచికల ప్రథమ వాక్యమైంది!!
మరింత సాహిత్యం కోసం క్లిక్ చేయండి: https://telugu.asianetnews.com/literature
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
