ఇరుగు పొరుగు: రూపి కౌర్ కవితలు
ఇరుగు పొరుగు శీర్షికలో భాగంగా ప్రముఖ కవి వారాల ఆనంద్ రూపీ కౌర్ ఆంగ్ల కవితలను తెలుగులో అందించారు ఆ కవితలను చదవండి
 )
Follow
అతన్ని ఎట్లా ప్రేమించాలో
నేర్చుకుంటున్నాను
నన్ను నేను ప్రేమించుకుంటూ
-----------------------
*
నాలో నాకిష్టమయింది నీ వాసనే
నువ్వు భూమిలాగా మూలికలాగా తోటలాగా
మిగతా మా అందరికంటే
మరింత ఎక్కువ మానవీయంగా
----------------------------
*
ఎవరు నీకేమీ
తిరిగి ఇవ్వలేరో
వారికే
నువ్వు ఇవ్వు
-------------------
*
నీకు సరిపడినంతగా
నువ్వు లేక పోతే
మరెవరికీ సరిపడినంతగా
వుండలేవు
-----------------------
*
ఏదో ఒకచోట
నీ వెతుకులాటను ఆపాల్సిందే
ఎందుకంటే నువ్వు దాన్ని
ఒంటరిగా వదిలేయాల్సిందే కదా
------------------------------
*
కొంతమంది మనుషులు
ఎంత చేదుగా వుంటారంటే
వారితో నువ్వు
మరింత దయగా వుండాలి
-----------------------
*
నువ్వే
నీ ఆత్మ సహచరుడివి
---------------------------
*
ఈ ప్రపంచం
నీకెంత దుఖాన్ని ఇస్తుందంటే
నువ్వు దాంట్లోంచి
బంగారాన్ని తయారు చేస్తావు
-- అంతకంటే స్వచ్చమయిందేదీ లేదు
ఇంగ్లీష్: రూపి కౌర్
తెలుగు: వారాల ఆనంద్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
