మెక్సికో లో విషాదం.. హాట్ ఎయిర్ బెలూన్ లో ఎగిసిపడిన మంటలు.. ఇద్దరు మృతి.. (వీడియో)
మెక్సికోలో విషాదం జరిగింది. హాట్ ఎయిర్ బెలూన్ లో మంటలు అంటుకోవడంతో ఇద్దరు మరణించారు. మరో చిన్నారికి గాయాలు అయ్యాయి. ఈ ప్రమాదానికి సంబంధించిన వీడియో సోషల్ మీడియాలో వైరల్ గా మారింది.
మెక్సికో సిటీలోని టియోటిహువాకాన్ లో విషాదం చోటు చేసుకుంది. హాట్ ఎయిర్ బెలూన్ లో మంటలు చెలరేగి ఇద్దరు మృతి చెందారు. మరో ముగ్గురికి గాయాలు అయ్యాయి. ఈ విషయాన్ని మెక్సికో రాష్ట్ర ప్రభుత్వం శనివారం వెల్లడించింది. ఉదయం 8:40 గంటలకు అందులో చెలరేగిన మంటల వల్ల బెలూన్ కూలిపోయిందని, ఈ క్రమంలో ప్రయాణికులు కిందకి దూకారని, ఓ చిన్నారికి కాలిన గాయాలయ్యాయని ప్రభుత్వం ప్రకటనలో పేర్కొంది.
వివరాలు ఇలా ఉన్నాయి. మెక్సికో సిటీ సమీపంలోని టియోటిహుకాన్ పురావస్తు ప్రదేశం ఉంది. ఇది పర్యాటకంగా ప్రసిద్ధి చెందింది. దీంతో ఇక్కడ హాట్ ఎయిర్ బెలూన్ లో పర్యాటకులు ప్రయాణిస్తుంటారు. ఈ క్రమంలో శనివారం కూడా ముగ్గురు పర్యాటకులతో ఓ హాట్ ఎయిర్ బెలూన్ గాలిలోకి ఎగిరింది. దీనిని కింద ఉన్న వ్యక్తులు వీడియో తీస్తున్నారు. అయితే ఒక్క సారిగా ఎయిర్ బెలూన్ కింద ఉన్న బకెట్ లో ఒక్క సారిగా మంటలు చెలరేగాయి.
దీంతో అందులో ఉన్న ప్రయాణికులు కిందకు దూకారు. ఈ ప్రమాదంలో 39 ఏళ్ల మహిళ, 50 ఏళ్ల వ్యక్తి మృతి చెందారు. ఓ మైనర్ కు కూడా తీవ్ర గాయాలు అయ్యాయి. ఆమె కుడి తొడ ఎముక విరిగింది. ఈ ప్రమాదంలో మరణించిన వారి పేర్లు స్థానిక ప్రభుత్వం వెల్లడించలేదు. వీరితో పాటు ఇంకా ఎవరైనా ఈ ప్రమాదంలో ఉన్నారా అనే వివరాలు తెలియరాలేదు.
ప్రతిపక్షాల ఐక్యత కోసం కాంగ్రెస్ ముందు తన ఇంటిని చక్కదిద్దుకోవాలి - మాజీ ప్రధాని దేవేగౌడ
కాగా.. ఈ విషాదం మొత్తం కెమెరాకు చిక్కింది. ఈ వీడియోను పలువురు సోషల్ మీడియాలో షేర్ చేయడంతో వైరల్ అవుతోంది. అందులో హాట్ ఎయిర్ బెలూన్ కు మంటలు అంటుకోవడం, పేలిపోవడం స్పష్టంగా కనిపిస్తోంది. అయితే ఈ ప్రమాదం చోటు చేసుకున్న టియోటిహువాకాన్ ఒక ప్రసిద్ధ పర్యాటక కేంద్రంగా ఉంది. ప్రపంచం నలుమూలల నుంచి ఇక్కడికి ప్రతీ సంవత్సరం మిలియన్ల మంది పర్యాటకులు ఈ ప్రదేశాన్ని సందర్శిస్తారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
