హోలీ ఆడుతున్నారా.. అయితే మీ స్మార్ట్‌ఫోన్లను కలర్స్, వాటర్ నుండి ఈ చిట్కాలతో కాపాడుకోండి..
హోలీ పండుగకి మరికొద్ది రోజులు మాత్రమే ఉంది. అయితే హోలీ పండుగ బసంత్ పంచమి నుండి ప్రారంభమవుతుంది. హోలీ పండుగ సమయంలో ఎవరు మీపై లేదా మరొకరిపై రంగును చల్లుతారో తెలీదు, అలాంటప్పుడు మీ ఫోన్ పై ఒకోసారి రంగులు పడటం లేదా వాటర్ పడటం వల్ల చెడిపోయే అవకాశం ఉంది.
ఇలాంటి పరిస్థితిలో హోలీ ఆడే ముందు మీరు మీ స్మార్ట్ ఫోన్ విషయంలో జాగ్రత్త వహించడం చాలా ముఖ్యం. దీని కోసం కొన్ని చిట్కాలను మీకోసం...
సాధారణంగా చాలా మంది హోలీ పండుగ సమయంలో వారి స్మార్ట్ ఫోన్ కి రక్షణ కోసం బెస్ట్ ఆప్షన్ గా ఫోన్ ని లామినేట్ చేస్తుంటారు. దీనివల్ల్ మీ ఫోన్ స్క్రీన్ కొంచెం చెడిపోయినప్పటికీ ఖరీదైన ఫోన్‌లను పడవకుండా చూసుకోవచ్చు. ఇలా మీరు కొన్ని రోజుల పాటు లామినేషన్‌లో ఉంచితే అప్పుడు ఎటువంటి హాని ఉండదు. లామినేషన్ ఖర్చు కూడా చాలా తక్కువ.
మార్కెట్లోకి కొన్ని లిక్విడ్ ప్రొటెక్షన్ కు అందుబాటులోకి వచ్చాయి. మీరు లిక్విడ్ ప్రొటెక్షన్ తో మీ ఫోన్‌ను సురక్షితంగా ఉపయోగించవచ్చు. మీరు ఎక్కువ ఖర్చు చేయకూడదనుకుంటే, మీరు మీ జేబులో ఈ చిన్న ప్లాస్టిక్ పౌచ్ ని ఉంచుకోవచ్చు. హోలీ సమయంలో లేదా హోలీకి ముందు మీ ఫోన్‌ను ప్లాస్టిక్ పౌచ్ లో ఉంచడం ద్వారా మీరు రంగులు, వాటర్ నుండి చాలా వరకు కాపాడుకొవచ్చు. ఇలాంటి ప్లాస్టిక్ పౌచులు మీకు ఆన్‌లైన్‌లో రూ .99 కు లభిస్తుంది.
మీరు హోలీ సమయంలో ఇంటికి సమీపంలో ఉంటే, మీరు బ్లూటూత్ డివైజెస్ ఉపయోగించవచ్చు. ఈ రోజుల్లో చాలా వరకు బ్లూటూత్ డివైజెస్ వాటర్‌ప్రూఫ్ తో వస్తున్నాయి. దీని వల్ల ఫోన్ వాడకాన్ని సేవ్ చేయబడుతుంది. లేకపోతే మీరు చౌకైన ఇయర్‌ఫోన్‌లతో ఫోన్ కాల్స్ మాట్లాడవచ్చు. ఒకవేళ ఇది పాడైనప్పటికీ మీకు పెద్దగా నష్టం ఉండదు.
మీ ఫోన్‌లోని అన్ని ఓపెన్ భాగాలను టేప్‌తో కవర్ చేయండి. అంటే మైక్, ఛార్జింగ్ పోర్ట్, హెడ్‌ఫోన్ జాక్, స్పీకర్ మొదలైన వాటిని కవర్‌తో టేప్ చేయండి.
ఒకవేళ మీ ఫోన్‌లో నీరు పోతే బియ్యాన్ని ఒక డబ్బాలో తీసుకొని మొబైల్ ని ఒక రాత్రి మొత్తం అందులో వదిలివేసి మూత పెట్టండి. ఇలా చేయడానికి ముందు సిమ్ కార్డు, మెమొరీ కార్డ్ బ్యాటరీ అన్నిటినీ తొలగించండి. ఇంకా మధ్యమధ్యలో ఫోన్ తీసి డబ్బాలో మరొక ప్లేస్ లో ఉంచండి. ఇలా చేయడం వల్ల మీ ఫోన్‌లోని నీరు లేదా తేమ అంతా వెళ్ళి పోతుంది. ఎందుకంటే బియ్యం నీటిని గ్రహిస్తుంది. ఫోన్‌లో నీరు పడినప్పుడల్లా ఎండబెట్టడం పొరపాటు ఇలా చేయడం వల్ల షార్ట్ సర్క్యూట్ కావొచ్చు. అలాగే హెయిర్ డ్రైయర్‌తో ఎండబెట్టడం వంటి పొరపాట్లు కూడా చేయవద్దు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
