ప్రపంచంలోనే మోస్ట్ ఎడ్యుకేటెడ్ టాప్ 10 కంట్రీస్ ... ఇండియా ఎక్కడ?

కేవలం పుస్తకాలు, తరగతి గదులకే పరిమితం కాదు చదువు. ఇది ఒక దేశం పురోగతి, ప్రాధాన్యాలకు ప్రతిబింబం. కొన్ని దేశాలు చదువుకు ఎక్కువ ప్రాధాన్యత ఇస్తాయి. ఏ సవాలునైనా ఎదుర్కొనేలా ప్రజల్ని తీర్చిదిద్దుతాయి. ఈ ఆర్టికల్‌లో ప్రపంచంలో అత్యంత చదువుకున్న టాప్ 10 దేశాల గురించి చూద్దాం. ఈ జాబితాలో ఇండియా ఎక్కడుందో కూడా చూద్దాం.

1. జపాన్

అన్ని స్థాయిల్లో చదువుకు అధిక ప్రాధాన్యత ఇవ్వడంతో ప్రాధాన్యత ఇచ్చే దేశం జపాన్. అందువల్లే ప్రపంచంలోనే  అత్యంత చదువుకున్న దేశంగా నిలిచింది. దాదాపు 100% అక్షరాస్యతతో జపాన్ ఉంది. 6 నుంచి 15 ఏళ్ల వయసు వారికి ప్రాథమిక, ఉన్నత పాఠశాల చదువు తప్పనిసరి. STEM (సైన్స్, టెక్నాలజీ, ఇంజినీరింగ్, మ్యాథమెటిక్స్) చదువులపై జపాన్ దృష్టి పెడుతుంది. దీని వల్ల సాంకేతిక ఆవిష్కరణల్లో జపాన్ ముందంజలో ఉంది. 

2. స్వీడన్

స్వీడన్ ప్రగతిశీల విద్యా విధానం కలిగి ఉంది. ఈ జాబితాలో 2వ స్థానంలో ఉన్న ఆ దేశం సమానత్వం, అందుబాటులో ఉండే విద్యపై దృష్టి పెడుతుంది. 6 నుండి 16 ఏళ్లలోపు పిల్లలకు చదువు తప్పనిసరి. ఉన్నత విద్యలో దాదాపు 99% నమోదు ఉంది. EEA నుంచి వచ్చే వారికి స్వీడన్ ప్రభుత్వం ఉచిత విద్యను అందిస్తుంది. దీంతో ఉన్నత విద్య అందరికీ అందుబాటులోకి వస్తుంది. స్వీడన్ విద్యా విధానం విమర్శనాత్మక ఆలోచన, సృజనాత్మకతను ప్రోత్సహిస్తుంది.

3. స్విట్జర్లాండ్

ప్రపంచంలో అత్యంత చదువుకున్న దేశాల్లో స్విట్జర్లాండ్ 3వ స్థానంలో ఉంది. 6 నుంచి 15 ఏళ్ల వరకు చదువు తప్పనిసరి. ఆ తర్వాత విద్యార్థులు విద్యా మార్గాలు లేదా వృత్తి శిక్షణా కార్యక్రమాల మధ్య ఎంచుకోవచ్చు. ఉన్నత విద్యలో దాదాపు 74.15% మంది చేరుతున్నారు. స్విస్ విశ్వవిద్యాలయాలు ప్రపంచవ్యాప్తంగా విద్యార్థులను ఆకర్షిస్తాయి.

4. జర్మనీ

జర్మనీ విద్యా విధానం ద్వంద్వ విధానం కోసం గుర్తింపు పొందింది. ఇది వృత్తి విద్యతో కలిపి చదువును అందిస్తుంది. 6 నుంచి 18 ఏళ్ల వరకు చదువు తప్పనిసరి. ఉన్నత విద్యను అందుబాటులో ఉంచేందుకు దేశీయ, ఈయూ విద్యార్థులకు ప్రభుత్వ విశ్వవిద్యాలయాల్లో ఎలాంటి ఫీజులు లేవు. STEM విభాగాలపై దృష్టి కేంద్రీకరించడంతో జర్మనీ ఇంజినీరింగ్, సాంకేతిక రంగాల్లో ముందంజలో ఉంది.

5. డెన్మార్క్

విద్యను ప్రోత్సహించే విద్యా విధానంతో డెన్మార్క్ 5వ స్థానంలో ఉంది. 6 నుంచి 16 ఏళ్ల వరకు చదువు తప్పనిసరి. సృజనాత్మకత, విమర్శనాత్మక ఆలోచనలకు ప్రాధాన్యత ఉంది. ఉన్నత పాఠశాలల్లో దాదాపు 99% నమోదు ఉంది. ప్రభుత్వ విశ్వవిద్యాలయాల్లో అందరికీ ఉచిత విద్య ఉంది.

6. కెనడా

కెనడాలో 6 నుంచి 16 లేదా 18 ఏళ్ల వరకు చదువు తప్పనిసరి. అన్ని సంస్కృతులకూ అనుగుణంగా ఉన్నత ప్రమాణాలతో కూడిన ప్రభుత్వ విద్యను అందిస్తోంది. కెనడియన్ విశ్వవిద్యాలయాలు ప్రపంచవ్యాప్తంగా గుర్తింపు పొందాయి. విదేశీ విద్యార్థులకు స్కాలర్‌షిప్‌లు, పని అనుమతులు అందిస్తుంది.

7. నార్వే

నార్వే విద్యా విధానం సమానత్వం, అందుబాటులో ఉండే విద్యపై దృష్టి పెడుతుంది. 6 నుంచి 16 ఏళ్ల వరకు చదువు తప్పనిసరి. దాదాపు 100% అక్షరాస్యతతో ప్రపంచంలోనే అత్యున్నత దేశాల్లో ఒకటి. ఉన్నత విద్యలో దాదాపు 73% మంది చేరుతున్నారు. ప్రభుత్వ విశ్వవిద్యాలయాల్లో దేశీయ, విదేశీ విద్యార్థులకు ఫీజులు లేవు.

8. నెదర్లాండ్స్

నూతన విద్యా విధానాలతో నెదర్లాండ్స్ 8వ స్థానంలో ఉంది. 5 నుంచి 16 ఏళ్ల వరకు చదువు తప్పనిసరి. ఉన్నత విద్యలో దాదాపు 79% మంది చేరుతున్నారు. ఉన్నత ప్రమాణాలతో పాటు అందుబాటులో ఉండేలా డచ్ ప్రభుత్వం ఉన్నత విద్యకు మద్దతు ఇస్తుంది.

9. ఫిన్లాండ్

విద్యార్థుల సంక్షేమానికి ప్రాధాన్యత ఇవ్వడంతో ఫిన్లాండ్ అగ్రశ్రేణి విద్యా విధానాలలో ఒకటిగా ఉంది. 7 నుంచి 16 ఏళ్ల వరకు చదువు తప్పనిసరి. అయితే, విద్యార్థుల అవసరాలకు అనుగుణంగా పాఠ్యాంశాలను ఎంచుకోవచ్చు. ఉన్నత విద్యలో దాదాపు 75% మంది చేరుతున్నారు.

10. ఆస్ట్రేలియా

ఆస్ట్రేలియా చట్టాల ప్రకారం 6 నుంచి 16 ఏళ్ల వరకు లేదా 10వ తరగతి వరకు చదువు తప్పనిసరి. ఉన్నత విద్యలో దాదాపు 60% మంది చేరుతున్నారు. ఆ దేశ విశ్వవిద్యాలయాలు ప్రపంచవ్యాప్తంగా అత్యుత్తమ ర్యాంకుల్లో ఉన్నాయి. దీంతో ఉన్నత విద్య కోసం చాలా మంది విదేశీ విద్యార్థులు ఆస్ట్రేలియాకు వస్తున్నారు.

ఇండియా ఎక్కడ?

ప్రపంచంలో అత్యధిక అక్షరాస్యత ఉన్న దేశాల్లో ఇండియా 53వ స్థానంలో ఉంది. 58,000కు పైగా ఉన్నత విద్యా సంస్థలతో ప్రపంచంలోనే రెండో అతిపెద్ద ఉన్నత విద్యా వ్యవస్థను కలిగి ఉంది. 2022 నాటికి దాదాపు 43.3 మిలియన్ల మంది విద్యార్థులు ఉన్నత విద్యలో చేరారు.