దావూద్ గర్ల్ ఫ్రెండ్.. ఆ రాజకీయ నాయకుడిపై కన్నేసింది..!

దావూద్ కి పాకిస్తాన్ కి చెందిన సినీ నటి మోహ్విష్ హయత్ తో సంబంధం ఉందని గత కొంతకాలం క్రితం వార్తలు వచ్చాయి. సదరు సినీ నటి.. దావూద్ కి గర్ల్ ఫ్రెండ్ అంటూ ప్రచారం జరిగింది. కాగా.. ఇప్పుడు ఆ బ్యూటీ పెళ్లి పై మనసు పారేసుకున్నట్లు తెలుస్తోంది.

ఇటీవల ఓ టీవీ ఇంటర్వ్యూలో మాట్లాడిన మోహ్విష్ హయత్.. తన పెళ్లి గురించి.. తనకు కాబోయే భర్తలో ఉండాల్సిన లక్షణాల గురించి వివరించింది.

ఈ క్రమంలో ఇంటర్వ్యూయర్ హయత్ ని.. మీకు ఎలాంటి భర్త రావాలని కోరుకుంటున్నారు అని ప్రశ్నించగా.. చాలా పొడవు ఉండాలని.. తెల్లగా ఉండాల్సిన అవసరం లేదని.. తాను రంగుని పట్టించుకోనని చెప్పింది.

వెంటనే.. సదరు ఇంటర్వ్యూయర్ పాక్ రాజకీయనాయకుడు బిలావాల్ గురించి మాట్లాడుతున్నారా అని ప్రశ్నించగా.. ఆమె దానికి సమాధానం చెప్పకుండా తప్పించుకున్నారు. అయితే.. బిలావాల్ చాలా అందంగా ఉంటాడని.. అలాంటి యువ నాయకులు రాజకీయాల్లో ఉండటం చాలా అవసరమని ఆమె పేర్కొనడం గమనార్హం.
 

అంతే.. ఆ మాటతో ఆ పాక్ యువ రాజకీయ నాయకుడిపై హయత్ మనసు పారేసుకుందని.. అతనిని పెళ్లి చేసుకోనుందంటూ ప్రచారం మొదలైంది.  ఇదిలా ఉండగా.. దావూద్ తో ఆమె ప్రేమాయణం నడిపినట్లు గతంలో వార్తలు వచ్చాయి. ఆమె దావూద్ కన్నా దాదాపు 27 సంవత్సరాలు చిన్న కావడం గమనార్హం.

గతంలో ముంబై నగరంలో దావూద్ నివాసమున్నపుడు కూడా బాలీవుడ్ సినీనటులతో సన్నిహిత సంబంధాలుండేవి.అప్పట్లో దావూద్ పలు బాలీవుడ్ సినిమాల్లోనూ పెట్టుబడులు పెట్టాడు. పలువురు బాలీవుడ్ నటులు దావూద్ ఇంట్లో జరిగిన విందులకు సైతం హాజరయ్యారు. ముంబై నుంచి కరాచీకి పారిపోయాక డాన్ దావూద్ కు చిత్ర పరిశ్రమపై ఆసక్తి తగ్గలేదని తెలిసింది. 

దావూద్‌తో సంబంధం వల్లనే పాక్ నటి మెహ్విష్‌కు 2019లో పాక్ పౌర పురస్కారమైన ‘తమ్గా  ఇంతియాజ్’ లభించిందని సమాచారం.కొన్నేళ్ల క్రితం వరకు అంతగా తెలియని సినీనటి మెహ్విష్ హయత్‌కు పాక్ పురస్కారం లభించడంతో పాక్ చిత్ర పరిశ్రమ షాక్‌కు గురైంది.

కరాచీకి చెందిన దావూద్‌తో ఉన్న సంబంధం కారణంగానే పాక్ నటి మెహ్విష్ కు పురస్కారం లభించిందని పలు వెబ్ సైట్లలో వార్తలు వెలువడ్డాయి. ఐటం గర్ల్ గా తన సినీ కెరీర్ ప్రారంభించిన మెహ్విష్ దావూద్ ఇబ్రహీం దృష్టిని ఆకర్షించిందని, దావూద్ తో సంబంధాల వల్లనే ఆమెకు పలు పెద్ద సినిమాల్లో అవకాశాలు లభించాయని సమాచారం.