నోటి దుర్వాసన పోవాలని మౌత్ వాష్ వాడుతున్నారా?

మన మందరం మన ఆరోగ్యం పట్ల చాలా శ్రద్ధగా ఉంటాం.  అయితే.. నోటి ఆరోగ్యం విషయంలోనూ అంతే శ్రద్ధ అవసరం. దానికోసమే మనం రెగ్యులర్ గా బ్రష్ చేస్తూ ఉంటాం. అయితే.. బ్రష్ చేసినా కూడా కొందరిలో నోటి దుర్వాసన వస్తూ ఉంటుంది. దాని కోసం.. దానిని పోగొట్టుకోవడం కోసం మౌత్ వాష్ వాడుతూ ఉంటారు. కానీ.. ఇలా మౌత్ వాష్ వాడటం ఆరోగ్యానికి మంచిదేనా? నిపుణులు ఏమంటున్నారో తెలుసుకుందాం..

ః

ఇటీవలి అధ్యయనం ప్రకారం, మౌత్ వాష్ ని నిరంతరం వాడటం వల్ల కొన్ని ఆరోగ్య సమస్యలు వస్తాయని చెబుతున్నారు. మౌత్ వాష్ వల్ల కలిగే లాభాల గురించి మనం వింటూనే ఉంటాం. కానీ దాని వల్ల కలిగే నష్టాల గురించి మనకు తెలియదు. మౌత్ వాష్ ని నిరంతరం వాడటం వల్ల కలిగే దుష్ప్రభావాల గురించి ఈ పోస్ట్ లో తెలుసుకుందాం.

నోరు పొడిబారడం:

మౌత్ వాష్ నోటి దుర్వాసనను, దంతాలు, చిగుళ్ళలో ఉండే బాక్టీరియాను తొలగిస్తుంది. కానీ దాన్ని ఎక్కువగా వాడితే దుష్ప్రభావం ఉంటుంది. చాలా మౌత్ వాష్ లలో ఆల్కహాల్ ఉంటుంది. ఇది నోరు పొడిబారడానికి కారణం అవుతుంది.

నోట్లో మంట, నొప్పి:

ఆల్కహాల్ ఉన్న మౌత్ వాష్ ని నిరంతరం వాడితే నోట్లో మంట, నొప్పి వస్తుంది. ఈ సమస్యను వెంటనే పరిష్కరించుకోకపోతే ఇబ్బంది పడాల్సి వస్తుంది.

దంతాలపై మరకలు:

మౌత్ వాష్ ని నిరంతరం వాడితే దంతాలపై మరకలు పడతాయి. మౌత్ వాష్ లో ఉండే కొన్ని పదార్థాలు దంతాలపై ప్రభావం చూపుతాయి. అందుకే దంతాలపై మరకలు కనిపిస్తాయి.

క్యాన్సర్ వచ్చే అవకాశం:

2016 లో జరిగిన ఒక అధ్యయనం ప్రకారం, మౌత్ వాష్ ని నిరంతరం వాడేవాళ్ళకి నోరు, గొంతు, తల భాగంలో క్యాన్సర్ వచ్చే అవకాశం ఉందని తేలింది. కాబట్టి మౌత్ వాష్ వాడాలనుకుంటే, దాన్ని ఎక్కువగా వాడకండి.

షుగర్ వ్యాధి:

చాలా అధ్యయనాల ప్రకారం, రోజుకి 1-2 సార్లు కంటే ఎక్కువగా మౌత్ వాష్ వాడేవాళ్ళకి షుగర్ వ్యాధి వచ్చే అవకాశం ఉందని తేలింది. మౌత్ వాష్ లో ఉండే కొన్ని రసాయనాలు ఇన్సులిన్ పనితీరును ప్రభావితం చేస్తాయి. ఇన్సులిన్ అనేది రక్తంలో చక్కెర స్థాయిని నియంత్రించే హార్మోన్. ఇన్సులిన్ పనితీరు దెబ్బతిన్నప్పుడు షుగర్ వ్యాధి వస్తుంది.

గుర్తుంచుకోండి:

మీరు మౌత్ వాష్ వాడుతుంటే, దాన్ని పూర్తిగా మానేయనవసరం లేదు. కానీ దాన్ని ఎక్కువగా వాడకండి. రోజుకి ఒకటి లేదా రెండు సార్లు మాత్రమే వాడండి. డాక్టర్ ని సంప్రదించిన తర్వాత మౌత్ వాష్ వాడటం మంచిది.